Kerala style recipe

നന്ദി

2012-03-11T06:26:00.001-07:00

ഞാന്‍ ഈ ബ്ലോഗ്‌ തല്‍കാലം നിര്‍ത്തുകയാണ്. ഇനിയുള്ള പാചക കുറിപ്പുകള്‍ എന്‍റെ തന്നെ മറ്റൊരു ബ്ലോഗില്‍ നിങ്ങള്‍ക്ക് കാണാം. ദയവായി എന്‍റെ ഇംഗ്ലീഷ് ബ്ലോഗ്‌ സന്ദര്‍ശിക്കുക. ഇതുവരെയുള്ള നിങ്ങളുടെ പിന്തുണയ്ക്കും പ്രോത്സാഹനത്തിനും നന്ദി. വീണ്ടും കാണാമെന്ന ശുഭ പ്രതീക്ഷയോടെ നിങ്ങളുടെ സ്വന്തം മിനു.

ബ്ലോഗ്‌ ലിങ്ക് താഴെ കൊടുക്കുന്നു.

http://minutaste.blogspot.com/

സ്പഗറ്റി

2011-07-24T11:17:00.000-07:00

സ്പഗറ്റി

സ്പഗറ്റി - 1 പാക്ക്
വെള്ളം - തിളപ്പിക്കാന്‍ പാകത്തിന്
കാരറ്റ് - 2 വലുത്
ഉള്ളി - 2 വലുത് ചെറിയ കഷണങ്ങള്‍ ആക്കിയത്
കാപ്സിക്കം (ബെല്‍ പെപ്പെര്‍ ) - 1
പച്ച മുളക് - 4
വെളുത്തുള്ളി - 4 എണ്ണം
ഇഞ്ചി - 1 കഷണം
കറിവേപ്പില
എണ്ണ

സ്പഗറ്റി ചെറിയ കഷണങ്ങള്‍ ആക്കുക. വെള്ളം തിളപ്പിച്ചതിനു ശേഷം സ്പഗറ്റി അതില്‍ ഇടുക.സ്പഗറ്റി വെന്തതിനു ശേഷം വെള്ളം അരിച്ചു മാറ്റുക.
ഒരു പാനില്‍ എണ്ണ ചൂടക്കിയതിനു ശേഷം അതില്‍ ഇഞ്ചിയും വെളുത്തുള്ളിയും ഇട്ടു വഴറ്റുക. പച്ച മണം മാറിയതിനു ശേഷം സവാള ഇട്ടു വഴറ്റുക. സവാളയുടെ നിറം മാറാന്‍ തുടങ്ങുമ്പോള്‍ കാരറ്റും, കാപ്സികവും പച്ച മുളകും ചേര്‍ത്ത് വഴറ്റുക. ഇവ എല്ലാം ഒന്ന് വെന്തതിനു ശേഷം അതിലേക്കു തയ്യാറാക്കി വെച്ച സ്പഗറ്റി ചേര്‍ത്ത് നന്നായി യോജിപ്പിക്കുക. കറി വേപ്പില കൊണ്ട് അലങ്കരിക്കാം.

മീന്‍ കറി

2010-11-11T09:49:00.001-08:00

1. മീന്‍ - അരക്കിലോ
2. തേങ്ങ ചുരണ്ടിയത് - ഒരു കപ്പ്‌
മല്ലിപ്പൊടി - ഒരു ചെറിയ സ്പൂണ്‍
മുളകുപൊടി - അര ചെറിയ സ്പൂണ്‍
മഞ്ഞള്‍ പോടീ - കാല്‍ ചെറിയ സ്പൂണ്‍
3. എണ്ണ - രണ്ടു വലിയ സ്പൂണ്‍
4. ചുവന്നുള്ളി അരിഞ്ഞത്‌ - 200 ഗ്രാം
5.കറിവേപ്പില - ഒരു തണ്ട്

മീന്‍ കഴുകി വൃത്തിയാക്കി ഇടത്തരം കഷണങ്ങള്‍ ആക്കി വെയ്ക്കുക.
രണ്ടാമത്തെ ചേരുവ ഒരു കപ്പു വെള്ളം ചേര്‍ത്ത് മയത്തില്‍ അരയക്കണം.
എണ്ണ ചൂടാക്കി, ചുവന്നുള്ളിയും കറിവേപ്പിലയും മൂപ്പിച്ചശേഷം അരപ്പും അരക്കപ്പ് വെള്ളവും ചേര്‍ത്ത് നന്നായി തിളപ്പിക്കുക. ഇടയ്ക്കിടെ ഇളക്കി കൊടുക്കണം.
അരപ്പ് വെന്ത മണം വരുമ്പോള്‍ മീന്‍ ചേര്‍ക്കുക. ഇളക്കി വേവിക്കുക.
ചൂടോടെ വിളമ്പണം

ചെറുപയര്‍ കറി

2010-10-29T07:56:00.000-07:00

ചെറുപയര്‍ - 1 കപ്പ്‌

മഞ്ഞള്‍പ്പൊടി -കുറച്ച്

ചിരവിയ തേങ്ങ- 1/4കപ്പ്‌

പച്ചമുളക് - 4-5

കടുക് - 1 ടീസ്പൂണ്.

സവാള -1 എണ്ണം ചെറുതായി അരിഞ്ഞത്

കറിവേപ്പില -1 തണ്ട്

എണ്ണ

ഉപ്പ് -ആവശ്യത്തിന്.

ചെറുപയര്‍ സവാളയും മഞ്ഞളും ഉപ്പും വെള്ളവും ചേര്‍ത്ത് നന്നായി വേവിക്കുക.ഇതിലേക്ക് തേങ്ങയും പച്ചമുളകും കൂടെ അരച്ചത്‌ ചേര്‍ത്ത് കുറച്ചുനേരം ചൂടാക്കുക.എണ്ണയില്‍ കടുകും കറിവേപ്പിലയും താളിച്ച്‌ ഇതില്‍ ചേര്‍ക്കുക.പുട്ടിന്‍റെ കുടെയും അരി ദോശയുടെ കുടേം കഴിക്കാം.

പാല്‍ പായസം

2010-10-22T01:34:00.000-07:00

പൊടിയരി - 1/2 കപ്പ്‌
പഞ്ചസാര - 1കപ്പ്‌
പാല്‍ -1 ലിറ്റര്‍
അണ്ടിപരിപ്പ് -1/2കപ്പ്‌
മുന്തിരി -1/2കപ്പ്‌
നെയ്യ് -ആവശ്യത്തിന്‍
ഏലക്ക -10 എണ്ണം പൊടിച്ചത്

അരി 1 മണിക്കൂര്‍ വെള്ളത്തില്‍ ഇട്ടുവയ്ക്കുക.അതിനു ശേഷം ഒരു കുക്കറില്‍ അരിയും പഞ്ചസാരയും ഇടുക.അതിലേക്ക് പാല്‍ ഒഴിക്കുക.നന്നായി ഇളക്കി കുക്കര്‍ അടച്ചു വയ്ക്കുക .തീ കൂട്ടിവയ്ക്കുക.ആവി വരുമ്പോള്‍ വെയിറ്റ് ഇടുക.തീ കുറച്ചു വയ്ക്കുക..1/2 മണിക്കൂര്‍ കഴിയുമ്പോള്‍ കുക്കര്‍ തുറക്കുക.പായസം തയ്യാര്‍.വേണമെങ്കില്‍ ഏലക്ക പൊടി ചേര്‍ക്കുക.അതുപോലെ അണ്ടിപരിപ്പ് , മുന്തിരി ഇവ നെയ്യില്‍ താളിച്ച്‌ ചേര്‍ക്കാം .വളരെ എളുപ്പത്തില്‍ പായസം തയ്യാര്‍.

2010-10-21T03:41:00.000-07:00

ഇന്ന്‍ ഒക്ടോബര്‍21.വരദ് ഞങ്ങളുടെ ജീവിതത്തിലേക്ക് വന്നിട്ട് ഒരു വര്‍ഷം ആയി. പൊന്നു വാവക്ക് ഒരായിരം പിറന്നാള്‍ ആശംസകള്‍

ബ്രഡ്‌ ഉപ്പുമാവ്

2010-10-19T06:45:00.000-07:00

ബ്രഡ് - 8 കഷണം ചെറുതായി മുറിച്ചത്
സവാള- 1
പച്ചമുളക് -2
തക്കാളി - 1
ചുവന്ന മുളക് - 3
കറിവേപ്പില
കടുക്
പാചക എണ്ണ

ഒരു പാത്രത്തില്‍ കുറച്ചു എണ്ണ ഒഴിച്ച് കടുകും
മുളകും കറിവേപ്പിലയും താളിക്കുക. അതിനുശേഷം
സവാളയും പച്ചമുളകും ഇടുക .സവാള വാടിയ ശേഷം
തക്കാളി ചേര്‍ത്ത് വഴറ്റുക . പാകം ആയാല്‍ ബ്രഡ് ചേര്‍ത്തിളക്കുക.
ചൂടോടെ ഉപയോഗിക്കാം.

കാരറ്റ് ഹല്‍വ

2009-03-16T04:02:00.001-07:00

കാരറ്റ് -1കിലൊ
നെയ്യ് -1/4കപ്പ്
പഞ്ചസാര -400ഗ്രാം
പാല്‍ -2കപ്പ്
ഏലയ്ക്ക -5എണ്ണം
അണ്ടിപരിപ്പ് -10 എണ്ണം നുറുക്കിയത്
കിസ്മിസ് -10-12 എണ്ണം.

കാരറ‍റ് വളെരെ ചെറുതായി കൊതിയരിഞെടുക്കുക. അതിന് ശേഷം പാല് ഒഴിച് വേവിക്കുക. കുക്കറില്‍ വേവിച്ചാലും മതി.
വെന്തുകഴിഞാല്‍ പാല്‍ വറ്റുന്നതുവെര ഇളക്കികൊണ്ടിരിക്കുക. പഞ്ചസാര ചെര്‍ത്ത് ഇളക്കി അലിയിപ്പിക്കുക്ക. അണ്ടിപരിപ്പ്,
കിസ്മിസ്,ഏലയ്ക്ക എന്നിവയും നെയ്യും ചെര്‍ത്ത് ഇളക്കി കൊണ്ടിരിക്കുക. എല്ലാം യോജിപിച്ച് കഴിഞ്ഞാല്‍ അടുപ്പില്‍ നിന്നിറക്കുക.
ഇത് മുറിച്ചെടുക്കുന്ന പാകത്തില്‍ ഉള്ളതല്ല.

വറുത്തരച്ച മീന്‍ കറി

2009-03-09T10:55:00.001-07:00

മീന്‍ - 1/2 കിലൊ
തേങ - 1/2 മുറി ചിരകിയത്
മുളകു പൊദി - 3 ടി സ്പൂന്
മഞ്ഞള്‍ - 1/2 ടി സ്പൂന്
മല്ലിപ്പൊദി - 3 ടി സ്പൂണ്‍
ചുവന്നുള്ളി - 4 എണ്ണം
ഉലുവ വറുത്ത്‌ പൊടിച്ചത്‌
പുളി
കറിവേപ്പില

തയ്യറാക്കുന്ന വിധം:

മീനില്‍ മഞ്ഞളും ഉപ്പും ചെര്‍ത്ത്‌ വെക്കുക്ക. മുളകു പൊടിയും മല്ലി പ്പൊടിയും വറുത്ത്‌ എടുക്കുക. വറുത്ത മുളകും, മല്ലിയും തെങ്ങയും അരച്ച് എടുക്കുക. മീനില്‍ പുളിവെള്ളം ഒഴിച്ച്‌ ചെറിയുള്ളി മുറിച്ചിടുക. അരച്ചെടുത്ത കൂട്ടും ആവശ്യത്തിനു വെള്ളവും മീനില്‍ ചേര്‍ത്ത്‌ ചെറു തീയില്‍ തിളപ്പിക്കുക. ഉലുവപൊടിയും, കറിവേപ്പിലയും കറിയില്‍ ചേര്‍ക്കുക, ആവശ്യത്തിനു വെള്ളം വറ്റി കഴിഞ്ഞാല്‍ വാങ്ങി വെക്കുക.

ചേന വന്‍പയര്‍ ഉലര്‍ത്ത്

2009-03-09T08:20:00.001-07:00

ചേന -1 കപ്പ്
വന്‍പയര്‍ -1/2 കപ്പ്
വറ്റല്‍ മുളക് -4 എണ്ണം
ചുവന്നുള്ളി -10 എണ്ണം
വെളുത്തുള്ളി -4 അല്ലി
കറിവേപ്പില
ചേന ചെറിയ കഷ്ണങ്ങളാക്കിയതും വന്‍പയറും വേവിച്ച് വെള്ളം വറ്റിക്കുക. ചീനച്ചട്ടിയില്‍ വെളിച്ചെണ്ണ ചൂടാക്കി കടുകിട്ട് പൊട്ടിക്കുക. ഇതിലെക്ക് വറ്റല്‍ മുളക്, ചുവന്നുള്ളി, വെളുത്തുള്ളി, കറിവേപ്പില എന്നിവ ചതച്ച് ചേര്‍ത്ത് വഴറ്റുക. പാകത്തിന്‌ ഉപ്പും വേവിച്ച് വച്ചിരിക്കുന്ന ചേന വന്‍പയര്‍ കൂട്ടും കറിവേപ്പിലയും ചെര്‍ത്ത് യോജിപ്പിച്ച് വാങ്ങുക.

ഇഡ്ഡല്ലി

2009-03-08T07:22:00.001-07:00

പച്ചരി   - 1 കപ്പ്
ഉഴുന്ന്   - 1 കപ്പ്
ചോര്‍    -1 പിടി

തയ്യാറാക്കുന്ന വിധം:

അരിയും ഉഴുന്നും 6 മണിക്കൂര്‍ കുതിര്‍ത്ത്‌ കഴുകി അരിച്ച്‌
വെവ്വേറെ ആട്ടി (ഉഴുന്ന് നല്ലവണ്ണം പതയുന്നതു വരെ അരക്കണം, ചൊറും അരിയും ഒരുമിച്ച്‌ അരക്കുക) പാകത്തിനു ഉപ്പും ചെര്‍ത്ത്‌ ഒന്നിച്ച്‌ ഇളക്കി 12 മണിക്കൂര്‍ വരെ വെക്കുക. 12 മണിക്കൂര്‍ കഴിഞ്ഞാല്‍ ഒന്നിളക്കി ഇഡ്ഡല്ലി തട്ടില്‍ എണ്ണ പുരട്ടി മാവു കോരി ഒഴിച്ച്‌ ആവി കയറ്റി വേവിക്കുക. രുചികരമായ ഇഡ്ഡലി തയ്യാര്‍...