Kilimanjaro Rangers Football Club - KRFC

JEZI ZA MAZOEZI

2012-09-10T10:39:00.001+03:00

Hizi ndio jezi zetu za mazoezi mwaka huu 2012.

KRFC kucheza fainali MKOMBOZI CUP leo

2012-08-11T12:23:00.000+03:00

Timu ya Kilimanjaro Rangers FC leo itaingia uwanjani kucheza na Kitayosa
FC katika fainali ya MKOMBOZI CUP. Timu hiyo inayopewa nafasi ya kuchukua
kombe hilo ilizitoa timu za Machava katika robo fainali na kuitoa timu ya
TPC kwenye nusu fainali za mashindano hayo yanayofanyika katika viwanja
vya Memorial mjini Moshi.

African Lyon yapata kocha mpya kutoka Argentina

2012-08-10T18:17:00.001+03:00

Timu ya African Lyon imepata kocha mpya kutoka Argentina,Pablo Ignacio Velez na ameshawasili nchini tayari kuanza kuinoa timu hiyo na kuomba apewe muda wa kukisuka upya kikosi hicho huku akiahidi mabadiliko zaidi ya soka kwenye timu hiyo.

SIMBA YATWAA KOMBE LA URAFIKI UWANJA WA TAIFA

2012-07-13T09:23:00.001+03:00

Waziri asiye na Wizara maalum Zanzibar Mh. Machano Othman Said akimkabidhi kombe la ubingwa wa michuano ya Urafiki nahodha wa timu ya Simba Juma K. Juma mara baada ya timu ya Simba kuifunga timu ya Azam FC magoli 5-3 kwa penati, baada ya kutoka suluhu magoli 2-2 katika kipindi cha dakika tisini, kwenye mchezo mzuri na wa kuvutia kwa timu zote uliofanyika kwenye uwanja wa Taifa leo hivyo kuifanya Simba kuibuka mabingwa wa kombe hilo.

Wachezaji wa timu ya Simba pamoja na kocha wao wakipiga picha pamoja na kombe lao walilolikabidhiwa leo kwenye uwanja wa Taifa baada ya kuifunga timu ya Azam FC katika michuano ya Urafiki inayoandaliwa visiwani Zanzibar.

Wachezaji wa timu ya Simba wakisalimiana na viongozi mbalimbali mara baada ya kuchukua ubingwa wa kombe la Urafiki.

Wachezaji wa timu ya Azam FC nao wakisalimiana na viongozi mpira wa miguu kutoka Zanzibar pamoja na mgeni rasmi.

Wachezaji wa timu ya Simba wakishangilia mara baada ya kuifunga timu ya Azam FC kwenye uwanja wa Taifa.

Wachezaji wa timu ya Simba wakimnyanyua juu juu golikipa wao Juma K. Juma baada ya kupangua penati mbili katika mchezo huo uliokuwa wa fainali katika michuano ya Urafiki.

Ubao wa matangazo ukionyesha Simba 5 Azam FC 3 kwenye uwanja wa Taifa.

Mchezaji wa kimataifa wa timu ya Simba kutoka nchini Zambia Felix Sunzu akichuana vikali na beki wa timu ya Azam FC katika mchezo huo.

Mashabiki wa timu ya Azam FC wakishangilia timu yao.

Mashabiki wa timu ya Simba wakishangilia timu yao.

Ni AZAM ama SIMBA Leo Taifa?

2012-07-12T16:40:00.001+03:00

Leo SIMBA na AZAM zinajitupa uwanjani kuwania kombe la ujirani mwema. Je ni AZAM au SIMBA leo?

KRFC Vs Railway

2012-04-10T09:46:00.000+03:00

KRFC Vs Railway

2012-04-10T09:19:00.000+03:00

KRFC yashinda mechi ya kirafiki siku ya Pasaka

2012-04-09T23:11:00.001+03:00

Timu ya Kilimanjaro Rangers fc imeshinda mechi yake maalum siku ya Pasaka (tar 8 April 2012) kwa kuifunga timu ya Railway bao moja kwa bila. Mechi hiyo maalum iliyoandaliwa mahsusi kwa kuenzi misaada ya wafadhili wake Bwana Mussa Ally na Rafiki yake Roch Tchuinkam ilikuwa kivutio kikubwa kwa wakazi wa Njoro, Mjimpya na Railway waliojitokeza kwa wingi kushangilia timu zao.

Railway 0 - 1 KRFC

MUNGU IBARIKI TANZANIA MUNGU IBARIKI STARS

2011-11-14T15:18:00.001+03:00

Kesho macho na masikio yatakuwa uwanja wa Taifa wakati timu ya taifa Taifa Stars itakapomenyana vikali dhidi ya timu ya taifa ya Chad katika mchezo wa marudiano baadaya ya Taifa Stars kushinda 2 – 1 ugenini ijumaa iliyopita. Akizungumza na waandishi wa habari kocha wa Taifa Stars (Jan Paulsen) amekiri kuwa utakuwa mchezo mgumu hivyo anataka Watanzania wote wawe nyuma ya Taifa Stars ilituweze kufuzu hatua ya makundi kwenye mbio za kuelekea Brazili 2014.

Mungu ibariki Tanzania, Mungu ibariki Stars

Samata aweka recodi afunga 6 dhidi ya FC Police

2011-11-04T08:29:00.001+03:00

TP Mazembe imetoa kichapo kitakatifu kwa timu ya FC Police cha magoli 13-1 katika michuano ya ligi kwa jimbo la Katanga.
Mshambuliaji wa kimataifa wa Tanzania anayeichezea klabu ya TP Mazembe leo amefanya maajabu makubwa katika historia ya soka la nchini Congo baada ya kufunga magoli 6 kati ya 13 yaliyowekwa kimiani na TP dhidi ya FC Police katika michuano ya ligi ya jimbo la Katanga. Katika Mchezo huo ulishuhudia Mtanzania Mbwana Samata akiweka rikodi ya kuwa mchezaji wa kwanza wa kigeni kufunga magoli 6 katika mchezo mmoja, huku magoli mengine yakifungwa na Lusadisu aliyefunga matatu, Kanteng aliyefunga mawili na Mabele.Samatta anamiezi 6 tangu ajiunge na TP Mazembe akitokea Simba ambako alicheza mzunguko mmoja (miezi 4) na kueleke Congo kwa TP Mazembe.

MWAKA MMOJA WA MAFANIKIO

2011-10-31T09:15:00.001+03:00

Siku ya chakula cha jioni pamoja baada ya kutimiza mwaka mmoja tangu kuanzishwa kwa KILIMANJARO RANGERS FOOTBALL CLUB.

JKT Oljoro yazidi Kutakata Ligi Kuu

2011-10-02T13:33:00.001+03:00

Timu ya JKT Oljoro imeendelea kuonyesha uwezo wake katika ligi kuu ya Tanzania baada ya kushinda michezo mitatu mfululizo. Ilianza kushinda Kaitaba(Kagera 1- 2 JKT Oljoro), kisha Mwanza(Toto 0 – 2 JKTOljoro) na kumaliza na Coastal Union ya Tanga (JKT Oljoro 1 – 0 Coastal Union)

YANGA YAINYUKA COASTAL 5 - 0

2011-09-28T20:16:00.001+03:00

Timu ya YANGA ya Dar es Salaam leo imeinyuka Coastal Union ya Tanga mabao 5 kwa bila katika mchezo wake wa 8 wa ligi kuu. Yanga imefikisha point 12, pointi 6 nyuma ya mahasimu wao SIMBA.

Timu	Chz	Pts
Simba SC	8	18
Azam FC	8	15
JKT Oljoro	8	13
Young Africans	8	12
JKT Ruvu	8	12
Mtibwa Sugar	8	12
Ruvu Shooting	8	11
Toto African	8	9
African Lyon	8	9
Moro United	8	9
Kagera Sugar	8	8
Police Dodoma	8	7
Villa Squad	8	5
Coastal Union	8	4

MACHAVA, COASTAL ZAAGA MASHINDANO

2011-09-19T19:57:00.002+03:00

Timu za Machava FC na Coastal Union zimeaga mashindano ya vijana ya Kilimanjaro Rangers leo. Timu nne zimefuzu nusu fainali ambazo ni SIMBA, AFC, KRFC pamoja na AMANI(New Generation). Nusu fainali ya kwanza itaanza kesho kati ya AFC na AMANI na nusu fainali ya pili itakuwa kati ya SIMBA na KRFC itakayochezwa jumatano.

AZAM wapeleka kilio jangwani (AZAM 1 - 0 YANGA) Mafisango awainua Msimbazi (KAGERA SUGAR 1 - 1 SIMBA)

2011-09-18T18:00:00.001+03:00

AZAM wapeleka kilio jangwani (AZAM 1 - 0 YANGA) Mafisango awainua Msimbazi (KAGERA SUGAR 1 - 1 SIMBA)

MATOKEO YA LEO LIGI KUU TANZANIA

2011-09-17T21:39:00.001+03:00

Villa Squad v Mtibwa Sugar 0-2
Toto African v JKT Ruvu 0-0
Ruvu Shooting v Coastal Union 2-1

AMANI CENTRE YAWAFUNDISHA SOKA COASTAL UNION

2011-09-17T19:30:00.000+03:00

Timu ya Soka ya vijana AMANI CENTRE ya mjini Moshi leo imewafundisha soka timu ya vijana wenzao wa COASTAL UNION ya mjini Tanga baada ya kuwanyuka 2 – 1 katika mchezo uliofanyika katika uwanja wa Ushirika Moshi. Huu ni mchezo wa pili katika mashindano ya vijana yaliyoandaliwa na timu ya KILIMANJARO RANGERS baada ya ule wa jana kati ya ARUSHA FC na KILIMANJARO RANGERS uliomalizika kwa wenyeji kupigwa 4 – 1. Kesho michuanao hiyo itaendelea kwa michezo miwili kati ya KILIMANJARO RANGERS dhidi ya MACHAVA utakaopigwa saa nane za mchana utakaofuatiwa na SIMBA SC dhidi ya COASTAL UNION.

ARUSHA FC 4 - 1 KILIMANJARO RANGERS

2011-09-16T20:03:00.001+03:00

Timu ya AFC ya Arusha imeipiga Kilimanjaro Rangers FC goli 4 kwa 1 katika mashindano ya Youth Tournament yalionza leo mjini Moshi.

KILIMANJARO YOUTH TORNAMENT KUANZA LEO

2011-09-16T16:15:00.000+03:00

Mashindani ya soka ya vijana yaliyoandaliwa na timu ya KILIMANJARO RANGERS FC Mkoani Kilimanjaro yameanza kutimua vumbi katika uwanja wa Ushirika Moshi. Mashindano hayo yanashirikisha timu B za YANGA na SIMBA za Dar es Salaam, COASTAL UNION ya Tanga, AFC ya Arusha, TPC na KILIMANJARO RANGERS za Moshi . Mchezo wa Kufungua Dimba utakuwa kati ya AFC na Kilimanjaro Rangers FC.

YANGA YAONA MWEZI, YAICHAPA AFRICAN LYON

2011-09-15T20:38:00.001+03:00

Timu ya YANGA imeshinda mchezo wake wa kwanza dhidi ya African Lyon leo kwa kuichapa 2 - 1 katika uwanja wa Azam. Kwa msimamo tembelea http://www.ligikuu.com

SIMBA YAITUNGUA POLISI DODOMA, YAENDELEA KUONGOZA LIGI

2011-09-14T20:16:00.001+03:00

Simba wameishinda Pilisi Dodoma 1 kwa bila. Tanga kukipiga kesho na
African Lyon

JKT Ruvu Yashikilia usukani wa ligi

2011-09-05T21:46:00.001+03:00

Timu ya JKT Ruvu leo imeisambaratisha timu ya Costal nion ya Tanga 3 - 0
na kushikilia usukani wa ligi kuu Tanzania.

Washindi wa shindano la GUINNESS FOOTBALL CHALLENGE Hawa Hapa

2011-09-05T20:42:00.000+03:00

014 - SULTAN MOHAMED SULTAN
- MANSOUR SEIF MANSOUR

003- HAFIDH MTORO MKAMBALA
- RAJAB SELEMAN RAJAB

011 - JUMA NASSOR JUMA
- MASUDI AMLANI MASUDI

002 - AMIRI ALLY AMIR
- IMAN JOSEPH MANDU

006 - NELSON ALLEN KESSY
- RAMADHANI RAMADHAN MTIBIRO

021 - LUKUBA GEORGE JOEL
- FREDY JORDAN NGULWA

007 - ALAWI OMAR RASHID
- ABDUL OMARI MADOHORA

009 - ALLY BIN ALLY MATUMBI
- RICK JOHN SANGA

TWIGA STARS YAPOTEZA, YAPIGWA 1 - 2 NA GHANA

2011-09-05T20:38:00.000+03:00

Timu ya wanawake ya Taifa ya Tanzania (Twiga Stars) imepoteza mechi yake
ya kwanza ya michezo ya All Africa Games (AAG) baada ya leo kufungwa mabao
2-1 na Ghana katika mchezo uliochezwa Uwanja wa Machava, jijini Maputo.
Kwa mujibu wa Meneja wa Twiga Stars, Furaha Francis hadi mapumziko timu
hiyo ilikuwa nyuma kwa bao 1-0. Mwanahamisi Shuruwa aliisawazishia Twiga
Stars dakika ya 85, lakini Ghana ikapata bao la pili dakika tatu kabla ya
filimbi ya mwisho.
Twiga Stars itacheza mechi yake ya pili Septemba 8 mwaka huu dhidi Afrika
Kusini. Mechi ya mwisho katika hatua hiyo ya makundi itakuwa Septemba 11
mwaka huu dhidi ya Zimbabwe.

MTIBWA YAITWANGA TOTO, WENGINE WATOA SARE LIGI KUU

2011-09-04T20:03:00.000+03:00

Timu ya Mtibwa Suger leo imeibuka kidedea baada ya kuitwanga Toto African
2 - 1 katika uwanja wa Manungu Morogoro. Hata hivyo JKT Ruvu
wamelazimishwa sare ua 1 - 1 na JKT Oljoro. Pambano lingine lililochezwa
katika uwanja wa AZAM limeshuhudia Moro United wakitoa sare ya 2 - 2 na
Kagera Suger.
Kwa msimamo wa ligi kuu tembelea www.ligikuu.com
Moro United v Kagera Sugar 2-2
Mtibwa Sugar v Toto African 2-1
JKT Ruvu v JKT Oljoro 1-1