Kookkuns

Garnaal slaai / Shrimp Salad

2026-10-29T06:00:00.000+02:00

BESTANDDELE
1 eetlepel fyngekapte stingeluie
sout, na smaak
2 teelepels suurlemoensap of witwynasyn
8 gaar en afgedopte garnale, in happiegrootte gesny
½ selderystingel, in stukkies gekap
¼ koppie Griekse jogurt
1 eetlepel mayonnaise
1 eetlepel vars kruie, gekap (soos byvoorbeeld pietersielie, vinkel of dragon)
varsgemaalde swartpeper, na smaak

STAPPE
Meng die stingeluie, sout en suurlemoensap (of asyn) in 'n klein bakkie.
Laat staan vir 10 minute.

Meng die garnale, seldery, jogurt, mayonnaise, kruie en swartpeper.
Voeg die gedreineerde uie by.
Proe of daar genoeg sout en suur is en pas aan indien nodig.
Heerlik op blaarslaai of in 'n geroosterde, gesmeerde worsbroodjie of ander sagte broodjie.

Oester omelet / Oyster omelette

2026-10-28T06:00:00.000+02:00

BESTANDDELE
3 eiers, geklop
sout
3 eetlepels Tabasco
4 gebraaide oesters
Ghee
STAPPE
Verhit die oond tot 200°C.

Verwarm die oesters vir 1 minuut in die oond.

Verhit 'n klein pan oor matige hitte. Voeg 'n bietjie ghee by.
Wanneer dit ophou skuim, verlaag die hitte effens en voeg die eiers by. Laat dit versprei en gee dit ongeveer 3 sekondes om te stol. Stoot dan die gestolde deel na die middel van die pan sodat die ongestolde eier in die oop spasie kan invloei. Verlaag die hitte indien nodig en gaan voort om die eier te verskuif en die oop spasies te vul.
Wanneer die onderkant net gestol het, voeg die oesters by. Kantel die pan na jou toe, vou die helfte wat die verste van jou af is oor, skep dit op 'n bord, en geniet dit saam met Tabasco.

Vis-en-Kruie happies in blaarslaai / Fish and Herb Bites in Lettuce

2026-10-22T06:00:00.000+02:00

BESTANDDELE
1 knoffelhuisie, gerasper
sout
120 g gaar vis, gevlok
1 eetlepel crème fraîche
3 eetlepels fyngekapte kruie (pietersielie, dille of dragon)
½ teelepel Dijon-mosterd
'n skeut suurlemoensap
1 eetlepel gekapte stingeluie

STAPPE
Meng die knoffel, vis, bcrème fraîche, kruie, mosterd en suurlemoensap in 'n bak en druk dit fyn totdat die mengsel redelik glad is.
Roer die stingeluie by.
Proe of daar genoeg sout in is en pas aan indien nodig.
Heerlik op beskuitjies of in blaarslaaibakkies.

Portugese eiers

2026-10-21T06:00:00.000+02:00

BESTANDDELE
2 eetlepels goeie olyfolie
1 eetlepel dun gesnyde of gekapte ui
½ teelepel sout
1 knoffelhuisie
2 eiers, geklop saam met 2 eetlepels olyfolie
½ koppie gaar vis, gevlok
gekapte pietersielie en/of gesnyde olywe (opsioneel).

STAPPE
Verhit 'n pan. Voeg ongeveer 1½ eetlepel olyfolie by. Voeg die ui en 'n bietjie van die sout by en soteer oor matige hitte totdat dit net sag is, ongeveer 3 minute lank.
Klop dan die oorblywende sout en die knoffel by die eiermengsel.
Voeg die vis by die ui en meng liggies deur.
Voeg nog 'n bietjie olyfolie by, gevolg deur die eiermengsel en roerbraai oor lae hitte.

Verwyder van die hitte en garneer met gekapte pietersielie en/of 'n paar gesnyde olywe.

Geurige middag sop / Lunch Soup

2026-10-17T12:11:29.168+02:00

Hierdie tipe sop kan jy gereeld in Japan, Korea of selfs China raakloop. Dis basies miso en oorskiet, so gerbuik jou verbeelding as jy joune aanmekaarslaan.

BESTANDDELE
2 koppies misosop
½ koppie gaar groente soos bok choi, broccoli of boerekool
½ koppie gaar noedels
¼ koppie gaar vis, gevlok
Opsionele garnering: swart asyn of brosgebraaide sjalotte.

STAPPE
Verhit die misosop, groente en noedsels saam totdat dit warm is.

Haal van die hitte af en voeg die vis by.
Garneer na smaak.

Romerige vinaigrette / Creamy Vinaigrette

2026-10-14T06:00:00.000+02:00

BESTANDDELE
1 knoffelhuisie, gerasper
¼ teelepel sout
1 teelepel rooiwynasyn, ½ koppie crème fraîche of Griekse jogurt
1 teelepel dik room
'n skeut suurlemoensap
1 eetlepel olyfolie

STAPPE
Meng die knoffel en sout met die asyn en laat dit vir 5 minute staan.

Voeg die crème fraîche of jogurt, room en suurlemoensap by.
Proe vir sout en suur en pas aan indien nodig.
Voeg 'n bietjie water by as die mengsel verdun moet word.

GArneer met 'n paar druppels olyfolie.

Sardyn pasta / Sardine Pasta

2026-10-08T11:51:53.111+02:00

BESTANDDELE
2 eetlepels olyfolie
½ ui, in skywe gesny
1 knoffelhuisie, in skyfies gesny
1 blikkie sardientjies
rissievlokkies (opsioneel)
500 g spaghetti
'n hand vol pietersielie / vinkel, gekap
1 koppie geroosterde broodkrummels

STAPPE
Verhit 'n pan wat groot genoeg is vir die pasta. Voeg die olyfolie, uie, knoffel en 'n klein knippie sout by en soteer tot net sag, ongeveer 5 minute.

Voeg die sardientjies met hul olie by en laat dit in die pan braai terwyl jy dit liggies met 'n lepel breek.
Voeg 'n bietjie rissievlokkies by. Sodra die sardientjies gebraai is en deel van die sous lyk, haal dit van die hitte af.

Kook die pasta in 'n groot pot kookwater wat gesout is om effens soos seewater te smaak. Hou ½ koppie van die pastawater eenkant en plaas die pasta dan met 'n tang direk in die pan met die sardientjies.
Plaas die pan terug op die hitte.
Voeg ¼ koppie van die pastawater by en meng die sardientjies en ui deur die pasta. Voeg nog water by (bietjie vir bietjie) as dit te droog lyk.

Wanneer die pasta en sous goed gemeng is, roer die helfte van die pietersielie en ½ koppie van die broodkrummels by. Strooi die res van die bestanddele bo-oor net voor opdiening.

Vis-smeer / Fish spread

2026-10-07T13:12:45.072+02:00

Ideaal vir broodjies of peuselhappies.

BESTANDDELE
1 koppie gaar vis, gevlok
2 eetlepels roomkaas
2 eetlepels gekapte grasuie
½ teelepel sout
⅛ teelepel gemaalde koljander
⅛ teelepel gemaalde komyn
'n bietjie varsgemaalde swartpeper.

STAPPE
Meng alles in 'n bak en druk dit goed fyn.

Edamame pesto

2026-10-01T09:39:46.092+02:00

BESTANDDELE
Sout
1 knoffelhuisie, fyngekap
1 koppie gaar edamame
'n bietjie suurlemoensap of die gerasperde skil van 1 suurlemoen
'n paar dennepitte
2 eetlepels olyfolie
'n klein handjievol koljander- of basiliekruidblare.

STAPPE
Plaas die edamame en knoffel in 'n voedselverwerker, voeg die suurlemoensap of -skil by en verwerk tot gemeng.

Voeg die olyfolie, kruie en 'n klein bietjie water by, en verwerk tot 'n gladde mengsel.
Proe en voeg nog sout by indien nodig.

Heerlik saam met pasta of as 'n doopsous.

Bone wat brand / Very Spicy Beans

2026-09-30T06:00:00.000+02:00

BESTANDDELE
Olyfolie
1 ui, gekap
baie knoffel, in skyfies gesny
'n groot hoeveelheid ingelegde rissies
'n hand vol koljander, fyngekap
sout
gaar boontjies

STAPPE
Verhit 'n pot wat groot genoeg is vir al die bestanddele. Voeg 'n ruim hoeveelheid olyfolie by. Soteer die ui, knoffel, ingelegde brandrissies, koljanderstingels en 'n knippie sout oor matige hitte totdat die ui sag is - ongeveer 10 minute.

Voeg die boontjies by. Roer en druk die boontjies effens fyn. Laat dit vir 10 minute prut en proe dan. Dit moet sterk, ryk (vetterig) en sout wees.

Heerlik saam met tortillas of naan.

Ingelegde mossels / Pickled Mussels

2026-09-24T06:00:00.000+02:00

As dit in 'n skulp is en in die see is kan jy dit gebruik vir hierdie resep.

BESTANDDELE
1 knoffelhuisie, in skyfies gesny
½ ui, in dun skyfies gesny
¼ teelepel koljandersade
¼ teelepel vinkelsade
brandrissievlokkies na smaak
½ teelepel sout, of meer na smaak
1 eetlepel vars suurlemoensap
1½ eetlepel witwynasyn
½ suurlemoen, in dun skyfies gesny
2 koppies gaar mossels
½ eetlepel gekapte gemengde kruie
3 eetlepels olyfolie
½ koppie heel koljanderblare
varsgemaalde swartpeper

STAPPE
Meng die knoffel, ui, koljander, vinkel, brandrissievlokkies, sout, suurlemoensap, asyn en suurlemoenskyfies in 'n groot bak. Laat dit vir 10 minute staan.

Voeg die mossels, kruie en genoeg olyfolie by om die mengsel lekker sappig te maak. Proe vir sout en pas aan indien nodig. Laat dit staan vir ten minste nog 10 minute, of selfs oornag.

Voeg die koljander en swartpeper by net voor opdiening.

Heerlik op soutbeskuitjies.

Bone, blare en eier / Beans, Greens and Eggs

2026-09-23T06:00:00.000+02:00

BESTANDDELE
'n blikkie bone (baked beans)
2 koppies blaargroente (soos krulkool of spinasie)
2 eiers
sout
olyfolie
ingelegde brandrissies

STAPPE
Verhit die bone en blaargroente saam in 'n klein pan met 'n klein bietjie water.

Sodra dit begin prut, breek die eiers in die pan, strooi sout oor elke eier, plaas 'n deksel op die pan en kook oor lae hitte totdat die eierwit gestol is en die geel na jou smaak is.

Drup mildelik olyfolie oor en sit voor met ingelegde brandrissies.

Bone en eier op roosterbrood / Beans and Egg on Toast

2026-09-17T12:57:31.962+02:00

BESTANDDELE
'n hand vol koljander, fyngekap
2 knoffelhuisies, fyngekap
'n eetlepel olyfolie
sout na smaak
'n blikkie bone
'n sny brood, gerooster
1 of 2 eiers, gebak
botter
'n rissie, fyngekap
'n stingelui vir garnering

STAPPE
Verhit die olie in 'n pan en braai die koljander, knoffel, rissie en sout oor matige hitte totdat dit net begin sag word - sowat 2 minute.

Voeg die bone by en verhit tot alles warm is.

Wanneer die bone warm en die eiers gaar is, smeer die roosterbrood met botter en skep die bone oor.
Plaas die eier bo-op.
Garneer met stingeluie.

Kekerertjie puree / Chickpea Puree

2026-09-16T06:00:00.000+02:00

As jy nou al keelvol is vir daai soveelste bakkie humus wat jy by die supermark gekoop het, is dit tyd vir 'hierdie resep.

BESTANDDELE
¼ koppie olyfolie
1 ui, gekap
sout
¼ teelepel garam masala
½ bondel beetblare, of ander groen blare, gewas en gekap
2 knoffelhuisies, in stukke gesny
3 koppies gaar kekerertjies

STAPPE
Voeg die olyfolie, die ui en 'n knippie sout in kastrol. Kook oor matige tot lae hitte.
Voeg die speserye en knoffel by sodra die ui sag geword het - ongeveer 8 minute.

Voeg die beetblare by en kook terwyl jy roer totdat die blare verlep het - ongeveer 2 minute.

Voeg die kekerertjies en 'n bietjie water by. Roer en prut oor lae hitte totdat die kekerertjies effens sag geword het - ongeveer 10 minute.

Proe en voeg nog sout by indien nodig.
Voeg nog water en / of olyfolie by indien jy 'n dit meer vloeibaar verkies.

'n Vinnige smaaklike aftreksel / Savory Stock

2026-09-10T06:00:00.000+02:00

As jy nie 'n aftreksel (stock) beskikbaar het nie kan hierdie hierdie smaakvolle weergawe probeer wat na 1 uur gereed kan wees.

BESTANDDELE
Sny 'n harde stul skil van jou parmesaan af
5 knoffelhuisies, skil en al
sny 'n ui op, skil en al
kruie, soos roosmaryn, tiemie, salie en pietersielie
'n lourierblaar
'n glas wyn
water

STAPPE
Gooi alles in 'n pot en bedek met water - ten minste 1,5 liter water. Bring tot kookpunt en laat dit dan prut vir 1 uur.

Proe of dit smaakvol genoeg is vir jou. Indien nie, kook verder.

Gooi dit deur 'n sif en gebruik, of vries vir 'n volgende keer.

Eenvoudige boontjieslaai / Basic Bean Salad

2026-09-09T06:00:00.000+02:00

BESTANDDELE
Mosterd vinaigrette
2 koppies gaar bone
2 eetlepels gekapte origanum
2 eetlepels gedreineerde kappertjies
groot knippie gekapte grasuie
½ koppie grof gekapte amandels.

STAPPE
Meng al die bestanddele saam en bedien. Dit is lekker by kamertemperatuur.

50 000+ Aanhangers op Facebook

2026-09-07T15:44:50.376+02:00

Boererate.com het die 50 000 merk verbygesteek op Facebook.
Volg hulle vandag.

Mosterd Vinaigrette / Basic Vinaigrette

2026-09-03T12:30:10.916+02:00

BESTANDDELE
1 sallot, fyngekap
¼ teelepel sout, plus nog na smaak
1 teelepel Dijon-mosterd
sap van ½ suurlemoen
1 eetlepel rooiwynasyn
1 knoffelhuisie, gerasper
⅓ koppie olyfolie.

STAPPE
Meng die sallot, sout, mosterd, suurlemoensap, asyn en knoffel in 'n bak. Laat dit vir 5 minute staan.

Klop die olyfolie by.
Proe op jou blare vir sout en suur en pas aan.

Pappa al Pomodoro / Toskaanse broodsop

2026-09-02T13:19:49.747+02:00

Pappa al Pomodoro is 'n Italiaanse broodsop, maar voel vry om dit ook as 'n sous te gebruik. Dit is ook handige gebruik vir ou brood.

BESTANDDELE
½ koppie olyfolie
½ ui, fyn opgesny
3 knoffelhuisies, fyngedruk
½ teelepel sout plus na smaak
6 heel geskilde tamaties, vars of ingemaak; grof gekap
2 stukkies parmesaanskil
'n handvol vars basiliekruidblare, hou die stingels eenkant
4 koppies blokkies ou brood
vars gerasperde parmesaan

STAPPE
Verhit 'n ¼ koppie olyfolie, die ui, knoffel en sout in 'n kastrol. Kook tot sag, 10 minute.

Voeg die tamaties en hul sap by, nog 'n knippie sout, die parmesaanskille en die basiliestingels by. Kook oor lae hitte en roer gereeld - 30 minute.

Voeg die oorblywende ¼ koppie olyfolie en die brood by en bedek en kook vir nog 30 minute.

Verwyder van die hitte en voeg die basilie by en proe vir sout. Laat dit staan vir 30 minute voor jy dit gebruik.

Bedien met parmesaan.

Kamma Caesar slaai / Pseudo Caesar Salad

2026-08-27T10:46:31.588+02:00

BESTANDDELE
1 knoffelhuisie
⅛ teelepel sout of meer na smaak
2 ansjovisfilette
1 gaar eiergeel
sap van ½ suurlemoen
1 teelepel Dijon-mosterd
⅓ koppie gerasperde parmesaan
¼ koppie olyfolie

STAPPE
Stamp die knoffel in 'n vysel tot 'n pasta met die sout.

Voeg die ansjovis, eiergeel en mosterd by en stamp of klop.

Voeg die suurlemoensap by, dan die parmesaan en voeg dan die olyfolie geleidelik by terwyl jy dit klits.
Proe. Dit moet baie sterk wees! Sit voor met blare wat effe bitter is.

Waterblommetjie Fees 2026

2026-08-26T06:00:00.000+02:00

Die Boland se lente begin bloei met die waterblommetjie, 'n plaaslike lekkerny, terwyl drie naburige wynplase in Paarl hande vat vir 'n dag lange fees van kos, wyn en gesinsvermaak ter ere van hierdie beskeie maar heerlike blom. Skop die oggend af met 'n verkwikkende drafstap deur die wingerde of 'n heerlike ontbyt by die boeremark, voor jy 'n tradisionele waterblommetjiebredie geniet saam met ander innoverende kulinêre skeppings soos waterblommetjie-burgers, quiches en unieke cocktails. Met kos, wyn, plaaslike musiek, 'n strawwe potjiekos-kompetisie en speelparke vir die kinders, is dit een van die beste maniere om die lente in te lei.

Wanneer: 5 September | Waar: Windmeul Kelder, Paarl | Gratis toegang

Gebakte eier slaai / Fried Egg Salad

2026-08-20T10:10:08.466+02:00

BESTANDDELE
1 gebakte eier, in growwe stukkies gesny
2 teelepels mayonnaise
'n paar druppels suurlemoensap of rysasyn
2 druppels sriracha- of ander rissiesous
gekapte koljander of pietersielie
Opsionele byvoegings: 1–2 teelepels fyngekapte salotte of stingeluie, geweek in yswater of suurlemoensap vir 5 minute

STAPPE
Plaas die eier in 'n bak en maak fyn met 'n vurk.
Voeg mayonnaise, suurlemoensap en sriracha by en meng goed. Voeg meer mayonnaise by as dit droog lyk.
Voeg die kruie by en gaan voort met die fynmaak.
Voeg enige van die opsionele byvoegings by.
Proe vir sout; pas aan.

Bedien met sourbeskuitjies of roosterbrood.

Ramen sop vir middagete

2026-08-19T06:00:00.000+02:00

BESTANDDELE
Gekookte ramen- of ander sop (soos boontjie- of lensiesop)
1 gekookte eier, in die helfte gesny
Stingeluie, in stukkies gesny
vars grooente van jou keuse, dink gehalveerde baba-tamaties, kropslaai, ingelegde uie, avokado
Jy kan ook koue vleis gebruik.

STAPPE
Verhit die sop in 'n pot tot die temperatuur wat jy verkies.
Plaas dan die gehalveerde gekookte eiers in die pot en laat dit vir nog 30 verhit.

Voeg die groente by en eet.

Eierslaai vir broodjies of peuselhappies

2026-08-13T12:42:55.881+02:00

BESTANDDELE
Gekookte eiers
knoffel, fyngekap
sout
gerasperde suurlemoenskil
grasuie, gekap
varsgemaalde swartpeper
rissiesous
mayonnaise

STAPPE
Maak die eiers fyn in 'n bak met 'n vurk.

Voeg die sout, knoffel, suurlemoenskil en 'n groot handvol grasuie by die eier.
Voeg die swartpeper by en dan die rissiesous.
Voeg die mayonnaise oordeelkundig by, proe vir wanneer dit jou smaak en gebruik gaan pas.
Voeg enige ander kruie of piekels by wat jy dink goed sal pas.

Fromage Fortissimo

2026-08-12T12:33:21.766+02:00

Fromage Fortissimo is 'n Franse doopsous of smeer wat tradisioneel van ou kaas gemaak word.

BESTANDDELE
250 g kaas, of na smaak
2 knoffelhuisies, fyngedruk
sout
swartpeper
'n knypie rooipeper
⅓ koppie witwyn
2 eetlepels room
'n paar blaartjies vars tiemie

STAPPE
Sny die kaas fyn op en plaas dit in 'n voedselverwerker saam met die res van die bestanddele en verwerk tot glad.