Það er óhætt að segja að þessi umferð í meistaradeildinni hafi skilað nokkrum mörkum, Það voru skoruð 5 mörk eða fleiri í 6 leikjum af 9 þetta miðvikudagskvöldið þar sem okkar menn sköpuðu loksins helling af opnum færum og kláruðu meira að segja 6 þeirra. Barcola með þrennu og okkar menn fullt hús stiga. Erfitt að kvarta (mikið) en fyrir utan varnarvinnuna í síðari hálfleik þá var þetta bara virkilega jákvætt kvöld.

Leikurinn byrjaði fjörlega og það var í raun bara spurning um hvenær fyrsta markið kæmi. Það kom úr frekar óvæntri átt þegar Araujo skallaði boltann í markið eftir hornspyrnu, hans fyrsta mark fyrir Liverpool! Eftir þetta tók Liverpool í raun öll völd á vellinum og Barcola skoraði einnig sitt fyrsta mark fyrir Liverpool þegar Koumas lagði boltann út í teiginn og frakkinn skaut viðstöðulaust í fjærhornið, 0-2. Stuttu síðar var það Wirtz sem sendi á Barcola í teignum, sá síðarnefndi tók hann með sér í fyrsta og skoraði örugglega í fjærhornið og staðan orðin 0-3.

Síðari hálfleikur var opnari en sá fyrri, en hluti af því skýrist kannski af kærleysi okkar megin með dash af þreytu leikmanna sem hafa ekki spilað mikið undanfarið. Frimpong með alla sína 124 cm skoraði með skalla og kom okkur í 0-4. Þá gerði Iraola breytingar á liðinu og skipti þeim Gomez og VVD inn í stað JJ or Araujo á 62 min og einni mínútu síðar fékk Ljubicic svona þrjá virka daga til að koma sér í stöðu, stilla miðið af og skora framhjá Alisson á nærstöng. Barcola fullkomnaði svo þrennu sína þegar hann mætti á fjærstöng og skoraði í autt markið áður en Koumas skoraði loksins löglegt mark stuttu síðar (tvö mörk dæmd af honum fyrr í leiknum) og kom okkar mönnum í 1-6.

Eftir þetta slökuðu okkar menn aðeins of mikið á - enginn meira en Frimpong þó sem nánast gaf tvö mörk þegar hann var í engu synci við restina af varnarlínunni og var að reyna að búa til sína eigin línu sirka 2-3 metrum aftar en aðrir varnarmenn Liverpool. Þar við sat, 3-6 sigur og kærkominn sigur í leik þar sem við gátum meira að segja leyft okkur að hvíla lykilleikmenn og skipta nokkrum út eftir rúmar 60 mínútur.

Liðið klárt, sterkt lið en ekki fullsterkt:

Bekkur: Mamardashvili, Goodman, Gomez, Virgil, Kerkez, Chambers, Lucky, MacAllister, McConnell, Munoz, Danns, Sonnie-Lambie

Það er "The Greek Scouser" sem ber fyrirliðabandið í dag, jafnvel þó svo Alisson sé ótvírætt "hærra settur". Ýmislegt sem veldur því að útileikmenn verða effektívt að bera bandið.

Vonum bara að það þurfi hvorki að kalla á Virgil né Macca, og svo væri frábært að geta gefið ungu strákunum einhverjar mínútur.

Númer 1 2 og 3 samt eru 3 stig og að allir komi heilir heim.

KOMA SVO!!!!!

Eftir heldur betur súran hrútspung á sunnudaginn heldur óvissuferðin áfram á fullri ferð. Næsta stopp er í Austurríki, nánar tiltekið í borginni Linz í norðurhluta landsins. Heldur betur ítarleg yfirferð Einars Matthíasar yfir félagið og sögubrot um borgina þar sem m.a. er minnst á Hitler nokkurn og Albert Eichmann er að finna hér.

Það er því óþarfi að fjalla um félagið og borgina, en kannski brýnna að velta fyrir sér þeim andstæðingum sem mæta okkur. Þeir koma inn í leikinn eftir 0-2 tap gegn Rapid Vín á heimavelli og 2-2 jafntefli við liðið í níunda sæti, Austria Lustenau. Þeir sitja í þriðja sæti austurrísku deildarinnar, á eftir nefndum Rapid Vín og Red Bull Salzburg.

Í Meistaradeildinni mættu þeir Celtic í umspili og töpuðu fyrri leiknum í Glasgow 3-0. Þeir náðu að snúa því við með glæsibrag, unnu 5-1 á heimavelli eftir framlengingu. Í riðlakeppninni mættu þeir AEK Aþenu og töpuðu 1-0 á útivelli. Það er því ljóst að heimavöllurinn skiptir þá miklu máli og það er útilokað að ætlast til að leikurinn verði léttur sigur fyrir okkar menn, sérstaklega kannski þegar við skoðum ástandið á hópnum okkar. Það kemur eftir smá.

Leikmenn LASK Linz eru nánast allir sem einn fullkomlega óþekktir. Ég staldraði við eitt nafn, Bogarde en hann á bróður sem er leikmaður Aston Villa og þeir eru frændur hins húðlata Winston Bogarde sem Chelsea fékk til liðs við sig snemma á öldinni en hann var svo ánægður með samninginn sem hann fékk að hann mætti bara á æfingar til að halda á lofti og hirða launin. Önnur nöfn hringja ekki háværum bjöllum, þó er þarna einn Christoph Lang, austurrískur landsliðsmaður sem mig minnir að hafi verið sæmilega sprækur á HM í sumar.

Gegn Rapid Vín stilltu þeir upp í 5-3-2 sem virkaði ekki en það má alveg búast við einhverju 3-4-3/5-4-1 systemi hjá þeim, liggja eflaust frekar neðarlega og spila inn á skyndisóknir, nýta öll tækifæri sem hægt er að nýta til að pressa hátt en falla svo hratt niður.

Liverpool

Ég vil svosem ekkert endilega móðga þá sem fíla súra hrútspunga en sunnudagurinn var mér persónulega mjög erfiður. Ég var mjög stressaður fyrir leik - er annars verulegur rólegheitamaður - og svo var ég nánast búinn að grýta símanum í sjónvarpið þegar Gravenberch fékk rauða spjaldið. Mér fannst einhvern veginn allt stefna í eitthvað óþolandi bögg í kjölfarið á þessu öllu saman og það kom svo sannarlega.

En nú er kominn nýr dagur og við hoppum upp í óvissulestina til að sjá hvað gerist í Linz. Liðið er orðið ansi þunnskipað víða á vellinum og margir leikmenn ferðast ekki með liðinu til Austurríkis. Helst hefði ég viljað sjá enn færri ferðast. Ég hefði viljað sjá MacAllister, Araujo og Van Dijk taka sér frí ásamt Alisson sem hefði átt að bjóða í brasilískt grill og rautt heima hjá sér fyrir alla þá sem eru fjarverandi. Það eru Isak, Ekitike, Gakpo, Szoboszlai, Bradley og Leoni. Svo eru Endo og Chiesa ekki í Meistaradeildarhópnum. Hljómar eins og frekar skemmtileg grillveisla. En já, ég veit, það eru kannski ekkert margir fleiri með leikheimild í Meistaradeildinni og þess vegna fara allir hinir með líka. En ég vil sjá verulega róterað lið, MacAllister þarf hvíld, Van Dijk þarf hvíld (sem hann fær ekki) en svo þurfa aðrir líka spilatíma. Mín villta ágiskun um byrjunarlið er svona:

Á bekknum eru Frimpong, Gomez, Tsimikas, Barcola, Danns, Macca (sem byrjar samt eflaust), McConnell, markmennirnir Mama og Woodman, Chambers, Lucky og Sonni-Lambie.

Ég á von á svona 7 réttum út úr þessu, sóknarlínan öll gæti verið öðruvísi, Tsimikas gæti komið inn, MacAllister verður sennilega inni, Frimpong gæti líka komið inn, fer allt eftir ástandi á mönnum. Þessi leikur er mjög snemma í þessu bilaða prógrammi sem er framundan og því er kannski ekki þörf á allt of mikilli róteringu, en leikurinn gegn Brentford um helgina á að vera í 100% forgangi.

Ég býst við litlu. Koumas er frábærlega duglegur en hann er á allt öðru slúttleveli en Isak og Ekitike. Rio getur alveg gert eitthvað, Munoz og jafnvel Wirtz líka gegn slakari mótherjum en vanalega. Ég vonast eftir 1-2 sigri en þessi leikur er bara ekki það mikilvægur að það eigi að gefa alveg allt í hann án tillits til prógrammsins framundan.

YNWA!!!

Það hefur oft verið léttara að skrifa eitthvað eftir leik, eða eins og núna - uppgjör helgarinnar. Ansi hype-aður leikur í dag þegar Svindlararnir mættu á Anfield eftir að klárt var að þeir brutu reglur til að búa til sitt lið. Mikið sem gekk á við Anfield í dag fyrir leik, minnti á lokaleik í meistaraeltingarleik í PL eða mikilvægan undanúrslitaleik í CL. Blys, söngvar og læti! Ég ætla að skipta leiknum í tvennt.

Fyrstu 60 mínútúrnar.

Við komum grimmir út úr startblokkunum með Anfield í góðu stuði. Hápressuðum og töluverður hasar í gangi. Það voru svosem engin færi en Svindlararnir fengu alveg að finna fyrir því hvernig andrúmsloftið í þeirra átt verður. Við vorum auðvitað mjög þunnskipaðir í sóknarleiknum og þegar á fyrri hálfleikinn leið datt aðeins tempóið niður og City lauk fyrri hálfleik aðeins ofaná, án þess þó að skapa sér færi.

Við komum mjög ferskir út í seinni hálfleik og náðum flottum skotum úr og rétt utan teigs eftir fínt uppspil sem Donnaruma varði öll. Þá kom svo leikbreytirinn. Grav var búinn að vera mjög ferskur og skapandi en hafði fengið soft gult spjald í fyrri hálfleik. Hann hljóp utan í Doku á leið í hraðaupphlaup og fékk annað soft gult og rautt. Að mínu viti ekki rangt, en vissulega soft. Held að Grav verði mjög svekktur með sig þegar hann horfir á endursýningu í kvöld. En fram að þessu var bara margt gott í gangi þó marga lykilmenn vantaði.

Síðustu 30 mínúturnar

Við einfaldlega bara bara gáfumst upp. Auðvitað verkefnið erfitt en það er ekki í boði á Anfield að bara standa til baka og bregðast ekki við. Iraola tók ansi áhugaverða ákvörðun þegar Wirtz var fyrstur tekinn af velli, ekki það að hann var ekkert endilega verstur, en sannarlega hefðum við þurft að sjá meira af honum. Svindlararnir gengu á lagið og skoruðu þrjú býsna snotur mörk án þess að við sýndum nokkurn tíma lífsmark. Það var hroðalegt að horfa uppá þetta með allt hype-ið sem á undan var gengið. Ógeðslegt, hvað þá eftir leik þegar allt hrósið dundi á leikmönnum, stjóra og áhorfendum Svindlaranna.

Spjall

Við verðum að átta okkur á því að liðið okkar er sannarlega "work in progress" og Iraola þarf að fá allt backup mögulegt. Ég held að við getum viðurkennt það að varamannabekkur okkar í dag var sannarlega ekki sæmandi fyrir topp tíu lið í PL, hvað þá ef við gáfum okkar einhverjar vonir um titilbaráttu. Við erum að fara í CL leik í Austurríki og miðað við öll meiðslin í hópnum hlýtur sá leikur að verða með sérstöku byrjunarliði. Gætum séð Endo og Chiesa byrja. Það segir svolítið allt.

Það lækkar ekki öskurumræðan um Wirtz eftir leikinn í dag - og Barcola fær örugglega sinn skerf af neikvæðni. Þetta er ekkert endilega sanngjarnt en það er býsna sérstakt að skoða mun á Wirtz fyrir Þýskaland eða Wirtz fyrir Liverpool. Í dag var rosaleg pressa á að hann kæmi til bjargar en það gerði hann sannarlega ekki.

Við erum ekki nálægt því að byggja upp "virkið Anfield". Þrír deildarleikir og enginn sigur. 2 stig af 9 mögulegum. Það var alveg skiljanlegt að sjá völlinn tæmast, en það er líka ömurlegt.

Auðvitað er vont að lenda 10 á móti 11 en þá þurfa þeir sem eftir eru að leggja miklu meira á sig. Ég held að við höfum í dag séð hversu brothætt sjálfstraust liðsins er.

Helvítis landsleikjahlé. Auðvitað misstum við þá þrjá í okkar liði sem hafa verið lang atkvæðamestir í sóknarleik okkar í vetur og framundan törn leikja með þriggja daga millibili.

Annað um helgina

Erfitt að tala um eitthvað annað eftir svona dag. Hef ekki verið svona svekktur í háa herrans tíð. Arsenal unnu Leeds og náðu sér á strik eftir stórtap fyrir Brighton. Það var hörkuleikur þar sem Leeds áttu alveg meira skilið. Chelsea pakkaði svo Bournemouth saman í leik þar sem Hendo skoraði tvö mörk, setti stoðsendingu og lyfti Chelsea merkinu í gleði. Það var ömurlegt að sjá. Kvöldleikurinn var á Old Trafford og þar náðu Tottenham stigi eftir að hafa lent manni færri og tryggðu það að versti árangur United í efstu deild í 40 ár er staðreynd - og það er farið að hitna duglega undir Carrick.

Í dag pökkuðu Palace svo Forest saman í endurkomuleik Glasner og Everton (sem eru til sölu í hundraðasta sinn á þessari öld) náðu stigi í Hull. Mánudagsleikurinn er svo í Newcastle, ef að þeir ná stigi eða stigum gegn Coventry fara þeir uppfyrir okkar menn og við yrðum þá í 10.sæti í deildinni.

Gullstundin

Vá hvað mig langaði mikið í almennilega Gullstund í dag en þetta var eins og ég hef áður sagt hér ein af mínum stærri vonbrigðum bara í sögunni.

Það er ansi aumt að fagna stigi Tottenham á Old Trafford í leik sem ég hafði engan áhuga á en Solanke er toppgaur og með tengsl við Liverpool svo ég vel markið hans sem Gullstund helgarinnar.

Framundan

Við förum til Austurríkis í vikunni og spilum við LASK í Meistaradeildinni, ansi sérstök tímasetning þess leiks eða 16:45 á íslenskum tíma. Næsta laugardag sækjum við heim hörkusterkt lið Brentford sem situr í dag ósigrað í 4.sæti deildarinnar en þó bara með einu stigi meira en við.

Áfram veginn!

Þá er ljóst hvernig liðið sem hittir svindlaralið City í fyrsta leik eftir að hulunni var lyft af brotum þeirra.

Bekkurinn: Mamardashvili, Gomez, Endo, Chiesa, Tsimikas, Frimpong, Nyoni, McConnell, Ngumoha.

Hefðum svo sannarlega þegið að hafa alla heila og það verður sérstaklega spennandi að sjá Munoz, Barcola og Koumas í leik af þessari stærðargráðu.

Við komum svo með uppgjör helgarinnar í kvöld.

Koma svooooooooooooooooo!!!!

Fyrri upphitun dagsins var nú sett fram í hálfgerðum hálfkæringi (er það þá einn fjórði kæringur?) - en öllu gamni fylgir nokkur alvara. Það á alveg eftir að klára City málið, og það á eftir að útdeila refsingum fyrir. Eins og Maggi orðaði það í síðasta hlaðvarpi, þá verða þeir annaðhvort að fá harðar refsingar, en ef ekki þá er PL vörumerkið dautt.

Og hvað þýðir það? Jú, ef refsingarnar verða vægar - ef þeir fá væga skömm í hattinn í formi sektargreiðslna og félagaskiptabanns, hugsanlega einhver stigafrádráttur sem breytir litlu fyrir veru þeirra í deildinni - þá er ekki nema eitt í boði fyrir okkur aðdáendur og það er sniðganga. Annaðhvort að sniðganga alla leiki okkar liða gegn City, eða í versta falli að sniðganga deildina í heild sinni. Það gæti verið sniðugt fyrir aðdáendur enska boltans að undirbúa sig fyrir slíkt, og jafnvel að sýna að okkur sé alvara með því að taka eins og eina helgi í slíka sniðgöngu áður en endanlegur dómur fellur, þannig að það sé öllum ljóst hvað taki við ef dómurinn verður vægur. Og það myndi þýða annaðhvort upphitanir í takt við þá fyrri, eða bara alls engin umfjöllun, ekki horft á leikina, ekkert tjáð sig um þá á samfélagsmiðlum.

En á morgun á Anfield verður engin sniðganga. Þá mæta hinir seku til að spila við okkar menn. Ég segi "hinir seku" þó svo það hafi ekki verið Maresca sem svindlaði, og leikmennirnir sem slíkir tóku engar ákvarðanir um að svindla fyrir hönd klúbbsins. En þeir eru þarna fulltrúar liðs sem hefur gerst uppvíst að mesta fjármálasvindli í sögu knattspyrnunnar, og það er því fátt annað í boði fyrir okkur áhorfendur en að beina gremju okkar og reiði að þeim. Upp að vissu marki að sjálfsögðu, og ég vona að áhorfendur fyrir utan Anfield láti vera að kasta hlutum í liðsrútu City, eða gera nokkuð sem gæti valdið skemmdum eða meiðslum. Eitt ranglæti réttlætir ekki annað ranglæti.

Ég skal samt hundur heita ef þeir fá ekki annaðhvort ískaldar kveðjur eða sjóðheitar, eftir því hvernig við snúum hitamælinum.

Þetta verður alls ekki auðvelt fyrir okkar menn að meðhöndla. Munum að leikmenn City eru klárir í fótbolta, þeir eru í efsta sæti deildarinnar og hafa unnið alla sína leiki það sem af er leiktíð. Fréttir síðustu daga og vikna gætu vel hafa þjappað þeim enn frekar saman sem hóp. "Við gegn heiminum" gæti viðkvæðið vel verið í klefanum hjá þeim.

Og það er mikið til í því. Ég hef sjaldan séð jafn afgerandi stuðning við Liverpool fyrir nokkurn leik, hvort sem það er á Reddit, Twitter eða annars staðar. Bókstaflega allir sem ekki halda með City hafa talað um hvað þeir óski þess að Liverpool vinni þennan leik. Þetta er líka mjög hættulegt, því leikir vinnast ekki uppi í áhorfendastúkunni eða fyrir framan imbakassann, heldur á vellinum. Ef okkar menn leyfa réttlætistilfinningunni að smeygja sér aðeins of langt inn fyrir, þá er hætta á að þeim finnist að auðvitað eigi þeir að vinna leikinn, annað væri óréttlátt. Og að slíkt eigi meira og minna að gerast sjálfkrafa. En þannig virkar þetta ekki. Þeir 11 sem byrja leikinn fyrir okkur verða heldur betur að hafa fyrir hlutunum. Ég vona svo sannarlega að Andoni Iraola takist að blása mönnum þann anda í brjóst sem þarf til að taka þetta City lið, og vinna það. Í fullkomnum heimi yrði þetta stór sigur, en ég myndi fullkomlega sætta mig við 1-0 sigur ef það væri í boði.

Leikmenn þurfa að nýta meðbyrinn sem ég ætla rétt að vona að berist úr áhorfendastúkunni. Ef ekki núna, þá hvenær? Nú er ekki í boði fyrir áhorfendur að mæta þarna sem túristar og láta aðra um að búa til andrúmsloftið. Allir verða að leggjast á eitt.

Það hjálpar ekki að okkar menn mæta laskaðir til leiks. Hvorki Cody Gakpo né Alexander Isak verða leikfærir, ef marka má blaðamannafundinn hjá Iraola í gær. Það er smá séns að þetta sé taktík hjá Spánverjanum, að hann tali svona en svo mæti annar þeirra eða báðir út á grasið á morgun. Því miður held ég að svo sé ekki, og að þeir séu raunverulega óleikfærir.

Blessuð landsleikjahléin.

Núna er því fullkomið tækifæri fyrir afganginn af hópnum að stíga upp og sýna hvað í þá er spunnið. Þá breytir engu hverjir byrja, hvaða verðmiði var á þeim þegar þeir komu til Liverpool, eða hvernig þeir hafa staðið sig hingað til á leiktíðinni. Okkar menn gætu þurft að eiga sambærilegan leik og á Anfield vorið 2019 gegn Barcelona. Jú, þá vantaði Bobby Firmino og Mohamed Salah, nú vantar Cody Gakpo og Alexander Isak.

Hvernig bregst Iraola við þessum meiðslum? Lang líklegast er að hann spili hreinlega með Wirtz og Szoboszlai saman í tveggja tíu leikkerfi, með Barcola og Ngumoha á köntunum, og með Macca og Grav þar fyrir aftan. Mögulega verður Wirtz í níunni og Szobo fyrir aftan hann. Annar möguleiki væri sá að halda sig við 4231, og leyfa Koumas að djöflast í varnarmönnum City þarna frammi. Það er ólíklegra, en ég yrði ekki hissa þó Koumas kæmi a.m.k. inná.

Semsagt, reiknum með liði eitthvað í þessa áttina:

Dagsformið gæti mögulega spilað inn í uppstillinguna. Kannski fær Munoz sénsinn á hægri kanti. Ólíklegra er að Nyoni byrji á miðjunni, en ekki útilokað og vel mögulegt að hann komi inná.

Oft hefur maður óskað þess heitt og innilega að okkar menn fari með sigur af hólmi. En sjaldan eins og nú.

Eftir lengsta landsleikjahlé í sögu knattspyrnunnar, þá hefst enska deildin loksins aftur.

Merkileg nokk, þá er Liverpool ekki að spila.

A.m.k. ekki við lið sem fylgir leikreglunum.

Þetta lengsta landsleikjahlé sögunnar fer nú að detta niður en það gefur manni líka færi til að skrifa um eitthvað annað en nákvæmlega daginn í dag.

Ég hef síðustu ár haft býsna gaman af því að horfa á neðri deildirnar í Englandi og það að fylgjast með St. Mirren í Skotlandi hefur þýtt það að maður hefur rekist á leikmenn sem hafa tengingu við Liverpool FC en leika annars staðar. Auðvitað þekkjum við stærstu nöfnin (Salah, Emre Can, Quansah, Trent o.fl.) og því ekkert endilega ástæða til að kíkja nánar á þá en hér að neðan set ég upp nokkur nöfn (bara doldið mörg) sem voru í akademíunni hjá okkur og fengu sumir hverjir leiki, leikmenn sem hafa myndað sér fótboltaferil utan Merseyside.

Fyrir 15 árum breytti Liverpool ímynd akademíunnar með það að aukamarkmið þar (umfram að ná ferli hjá félaginu) væri að undirbúa menn undir líf atvinnumannafótbolta almennt svo að fleir gætu eignast feril sem slíkir. Það urðu umtalsverðar breytingar á nákvæmlega því og í þessum pistli skoða ég fyrst og fremst þau nöfn.