குட்டி க‌லாட்டா.. Kuttikalatta...

ஊழ் வெல்லும்!

2015-09-03T15:58:00.001-05:00

ஊழ் வெல்லும்!
=============================
கால இயந்திரத்தில் ஏறி அமர்ந்து, "அந்த" காலத்தை உள்ளீடு செய்து அக்காலத்திற்குச் சென்றான். அவள் அப்பழத்தை கடிக்கும் வேளையில் பாய்ந்து அதை தட்டி விட்டான். அருகிலிருந்த புதரிலிருந்து சீறி மேல் வந்து விழுந்த பாம்பை வெட்டி வீழ்த்தினான். "அவர்கள்" நடப்பது புரியாமல் விழித்தனர். எல்லாம் முடிந்த மகிழ்ச்சியுடன் அவன் திரும்பிப் பார்த்தான், அங்கு அவன் கால இயந்திரம் இல்லை!

வர்ஷினி

2015-08-22T00:24:00.000-05:00

வர்ஷினி

முத்தான சிரிப்புக்காரி

முன்கோபக் குறும்புக்காரி

முழி சுருட்டி ஆள மயக்கும்

மகிழம்பூ மனசுக்காரி!

அப்பன பாத்து ஆர்ப்பரிப்பா

சிரிச்சு சிதறி வான் குதிப்பா..

தோள் மேல ஏறி தேர் விடுவா

தேவதையா அவளும் வளம் வருவா!

ஆத்தாவ பாத்தா பயந்திடுவா

பயந்திடும் படி தான் அவ நடிப்பா..

நேரம் பாத்து காத்திருப்பா

அறையில போட்டு அவளடைப்பா!

அவள பாத்து வந்த கோவம்

அழுகையா கரைஞ்சு மாறி போகும்..

அதையும் மீறி கோவம் வந்தா

அசலூரு தேடி தான் அது போகும்.!!

தந்தை!

2015-08-21T23:38:00.000-05:00

தந்தை!
===============================================

இலக்கியம் பயின்ற அவரை
இயந்திர வேலைக்கு அனுப்பியது
இல்லாமையும் இயலாமையும்!

எதற்க்கும் சளைக்காமல் எதிர்நீச்சலிட்டு
ஏட்டுச் சுரக்காய் கறிக்கு உதவாமல் போனாலும்
தறித் தொழில் பழகி அதிலும் ஓர் பட்டம் பெற்றார்!

தன் பெயரின் முன் பகுதி போலவே
வாழ்வின் ஒரு பகுதியும் பாலையாகத்தான்
விதித்தது வாழ்க்கை. அது சரி..
பாலை இல்லாமல் முல்லையென்றும்
முழுதாய் தெரிவதில்லை!

கனவு தொலைந்ததை தவறிகூட
தன் விழி காட்டியதில்லை..
வழி முன் கனவு விரிந்து வளர
விழி மூடிவரும் கனவிற்கு விலக்களித்தார்!

இயன்ற வரை மட்டுமில்லாமல்
ஈட்டியதற்கு மேலும் இன்னல்
தெரியாமல் எங்களுக்கு இன்வாழ்வு
காட்டிய இரவுலாவி!

பாரதியும் பித்தாகோருசும் பயிற்றுவித்து
அறிவியல் அலசும் அறிவதனை அளித்து
அவ்வறிவு பிழைக்க அறம் கூற்றாக வேண்டுமென
அரிச்சுவடியும் கற்றுத்தந்தார்!

என் மகன் எழுத்துருக்கம் பேசுகிறான் - இவர்
தன் தாகம் தீராமல் வானசாஸ்திரம் பயில
பரீட்சைக்கு படித்துக் கொண்டிருக்கிறார்.
கல்விக்கு எது கரை, கற்ப்பவர்க்கு ஏது நரை!

என் களிப்பான காலங்களிலும்
கடினமான சூழல்களிலும், பாதை தவறாமல்
பத்திரமாக பார்த்துக் கொண்டது - அவரின்
பரந்தாம வரிகள், பதறாத நெறிகள்!

ஆதிச்ச நல்லூராய் இருந்தாலும்
அணுமின் நிலையாக இருந்தாலும்,
எனக்கு என்றும் அவர் தான் அகரம்!!

-- உங்கள் அன்பு மகன்!

மனத்திற்கு

2013-03-02T01:46:00.001-06:00

மனத்திற்கு

சென்றதினி மீளாது, மூடரே நீர்
எப்போதும் சென்றதையே சிந்தைசெய்து
கொன்றழிக்கும் கவலையெனும் குழியில்வீழ்ந்து
குமையாதீர்! சென்றதனைக் குறித்தல் வேண்டாம்
இன்றுபுதி தாய்ப்பிறந்தோம் என்று நீவிர்
எண்ணமதைத் திண்ணமுற இசைத்துக் கொண்டு
தின்றுவிளை யாடியின்புற் றிருந்து வாழ்வீர்:
தீமையெலாம் அழிந்துபோம், திரும்பி வாரா.
--பாட்டன்

2012 இல் நான் படித்த தமிழ் புத்தகங்கள்

2012-12-23T13:42:00.002-06:00

2012 இல் நான் படித்த தமிழ் புத்தகங்கள்

மூன்றாம் உலகம் -- கவிஞர் வைரமுத்து
தேசாந்திரி -- S. ராமகிருஷ்ணன்
உலோகம் -- ஜெயமோகன்
பாரதியும் ஷெல்லியும் -- ரகுநாதன்
சிவகாமியின் சபதம் -- கல்கி
பொய்மான் கரடு -- கல்கி
மோகினி தீவு -- கல்கி
கம்யூனிசத்தின் கோட்ப்பாடுகள் -- பிரடெரிக் ஏங்கெல்ஸ் (மொழிபெயர்ப்பு)
இனஒடுக்கலும் விடுதலை போராட்டமும் -- இமயவரம்பன்
வாஷிங்டன்இல் திருமணம் -- சாவி
கி.மூ - கி.பி -- மதன்

வருடத்தின் இறுதி வாரத்தில் நான் படித்து என்னை பாதித்து சிந்திக்க வைத்த நூல்

குருதிப்புனல் --இந்திரா பார்த்தசாரதி

பாரதியின் பார்வை...

2012-12-17T17:36:00.001-06:00

பாரதியின் பார்வையில் கல்வி!

இன்று தன் ஆசிரியரை திட்டாத, சபிக்காத மாணவர்கள் மிகவும் சொற்பம்.

பாரதியும் இதற்க்கு விதிவிலக்காக தெரியவில்லை, அவரும் தன கல்வி பருவத்தை வெறுத்துள்ளார்! அனால் அவர் வெறுப்பின் காரணம் மிக தெளிவாக இருந்தது. அவர் ஆசிரியர்களையும் கல்வி முறையையும் மிகவும் வெளிப்படையாகவே சாடினார். இன்னும் சொல்லபோனால் சற்று கோபமாகவே திட்டினார்!

அவர் அன்று தன் ஆசிரியர் மீதும், கல்வியின் மீதும் வைத்திருந்த கூறிய பார்வை யாவும், இன்றிருக்கும் நம் பள்ளிகளுக்கும், கல்லூரிகளுக்கும், பாடதிட்டதிற்க்கும் பொருந்தும்!

ஏதிலர் தரும் கல்வி படுகுழி
ஏறி உய்தற் கரிய கொடும்பிலம்
தீதியன்ற மயக்கமும் ஐயமும்
செய்கை யாவினும் அசிரத்தையும்
வாதும் பொய்மையும் என்ற விலங்கினம்
வாழும் வெங்குகைக்கு என்னை வழங்கினேன்!!!

எதுவும் இல்லாதவன் தரும் கல்வி படுகுழி, அப்படி பாடம் நடத்தும் கல்வித்திட்டம் விலங்குகள் வாழும் வெங்குகை என்கிறார் பாரதி!

ஆசிரியர்களுக்கு தெளிவான பார்வை வேண்டும்.

தான் கற்பிக்கும் பாடம் ஏன், எதற்கு என்பதையும் சேர்த்து கற்பித்தல் மிகவும் அவசியபடுகிறது.

உதரனத்திற்க்கு "Travelling Sales man problem" என்ற ஒரு மிக முக்கியாமான பகுதி எங்கள் பாடத்தில் இருந்ததுண்டு, அனால் அது ஏன், எங்கு பயன்படுகிறது, எதற்காக நாம் அதை படிக்கிறோம் என்பது தெரியாமலேயே அதை கடந்து வந்திருக்கிறோம். இன்று நடை முறையில் அதன் பயன்பாட்டை பார்க்கும் பொழுது மிகவும் ஆச்சிரியமாக உள்ளது. மீண்டும் அந்த புத்தகத்தை தேடி படித்தால் மிக தெளிவாக புரிகிறது. இதை கல்லூரியில் ஒழுங்காக படிக்காத வருத்தமும்நேர்கிறது, அதை ஒழுங்காக படித்திருக்க வேண்டிய அவசியமும் புரிகிறது.

நம் கல்வித்துறையின் தரத்தை உயர்த்தினால் தான், நமக்கு உலகில் கிடைக்கும் மிச்சசொச்ச மரியாதைகளும் மிஞ்சும்!!

--ஓம்

படித்ததில் பிடித்தது...

2012-12-16T16:35:00.000-06:00

குமுறி எழடா!
காசி ஆனந்தன்

உன்னை எடுத்தெறி தமிழா!
ஒதிய மரம்போல் நின்றனை பேடி!

அன்னை துடித்திடல் அழகா?
அவள் படுந்துயர் எத்தனை கோடி!
தன்னை மறந்தொரு வாழ்வா?
தமிழ்மண் அன்றோ நம்முயிர் நாடி?
முன்னைக் கதைகள் அளப்பாய்....
முண்டம்! எங்கடா மூவேந்தர் பாடி?
மேடையில் தமிழ்விழா வைப்பாய்!
மேனிசிலிர்க்க வெறும்வாய் பிளப்பாய்!
ஓடைத் தவளைபோல் கத்தி
உலகில் என்னதான் பண்ணிக் கிழிப்பாய்?
பாடை உடன்கொண்டு வாடா!
பகைவன் களத்தே விழப்பாய்! அழிப்பாய்!
பீடை தொலைவதெந்நாளோ?
பிள்ளாய் விழிப்பாய்! பிள்ளாய் விழிப்பாய்!
எட்டி உலகினை நீ பார்!
எங்கும் விடுதலை வாழ்வே இருக்கும்!
கட்டி உனைமட்டும் போட்டார்!
கைவிலங்கென்று நொறுங்கிப் பறக்கும்?
தட்டி எழுக உன் தோளை!
தாவுக போரில்! இத்தாய்மண் சிரிக்கும்
கொட்டி நிறைத்திடு குருதி!
குமுறி எழடா.... விடுதலை பிறக்கும்.

http://www.keetru.com/literature/poems/kasi_anandan_23.php

12/12 Vs 11/12

2012-12-10T19:03:00.002-06:00

12/12 Vs 11/12

"டிசம்பர்12" இந்த தேதி அணைத்து தமிழர்களின் புருவத்தை உயர்த்தி விசிலடிக்க வைக்கும் மந்திர தேதி. ஒவ்வொரு வருடமும் இந்த தேதிக்கு தன வீட்டில் அடுப்பு எரியா விட்டாலும் அன்னதானம் செய்ய காத்துகிடக்கும் தமிழர் பலர் உண்டு.

இது
நம் நாட்டுக்கு விடுதலை கிடைத்த சுதந்திர தனம் அல்ல,
நம் நாட்டு குடியரசு தினமும் அல்ல,
நம் நாட்டுக்காக பணியிலும் வெயிலிலும் வேர்வை சிந்தும் வீரர்களை போற்றும் கொடி நாளும் அல்ல,
நம் நாட்டையும் குழந்தைகளையும் செதுக்கும் ஆசிரியர்களின் தினம் அல்ல.

இது ரஜினி எனும் ஒரு தனி நபரின் பிறந்த நாள்!

ஊடகங்களும், சமூக வலை தளங்களும் இந்த காந்த ஈர்ப்பை பண் மடங்கு பெருக்குகின்றன. மக்களிடம் ஒரு அதிர்வலையை விட்டு செல்கின்றன.

பிறந்த நாள் சிறப்பு பாடல் ஒன்று தனியாக ஒலிக்க, ஊடகங்கள் ஒரு வாரமாக இதை பற்றி பேச, விகடன் தன் வலைத்தளத்தில் இதற்கென தனி பக்கம் ஒன்று ஒதுக்க, இப்படி அந்த்ராக்ஸ் போல் பரவுகிறது இந்த நாளுக்கான முனேர்பாடுகள்.

பிடித்த ஒரு நபரின் பிறந்தநாளை கொண்டாடுவது தவறொன்றும் இல்லை.
அனால் அதே சமயத்தில், அவருக்கு கொடுக்கும் முக்கியத்துவத்தில் 10 சதவீதம் கூட அவரை விட பத்தாயிரம் மடங்கு சிறந்த ஒரு மனிதருக்கு நாம் கொடுக்க மறந்து விட்டோம் என்பது தான் என் வருத்தம்.

சிவாஜி படத்திற்கு முதல் நாள் தியேட்டரில் விசில் அடித்தவன் தான் நான். அனால், அதே சமயம் பாரதியை ஒரு நிமிடம் கூட நினைவு கூற வில்லை எனும் நிலை என்னை வெட்க பட வைக்கிறது.

12/12 க்கு கொடுக்கும் அதே முக்கியத்துவத்தை நாம் 11/12 க்கும் கொடுக்க வேண்டும் என்பதே எனது வேண்டுகோளும் விருப்பமும்.

இந்த எண்ணம் உங்களுக்கும் இருந்தால், பாரதியை பற்றி சிறிதேனும் தெரிந்து கொள்ளுவோம் அல்லது தெரிந்து கொள்ள முயற்சி செய்வோம்.

http://en.wikipedia.org/wiki/Subramanya_Bharathi

http://www.tamilvu.org/library/l9100/html/l9100ba1.htm

அவர் எழுத்துக்களில் என்னை கவர்ந்தவற்றுள் சில உங்கள் பார்வைக்கு:

மாடனைக் காடனை வேடனைப் போற்றி
மயங்கும் மதியிலிகாள் --
எதனூடும் நின் றோங்கு மறிவொன்றே தெய்வமென்
றோதி யறியீரோ?

மடமை, சிறுமை, துன்பம் பொய்
வருத்தம், நோவு, மற்றிவை போல்;
கடமை நினைவுந் தொலைத் திங்கு
களியுற் றென்றும் வாழ்குவமே.

பறைய ருக்கும் இங்கு தீயர்
புலைய ருக்கும் விடுதலை!
பரவரோடு குறவ ருக்கும்
மறவ ருக்கும் விடுதலை!
திறமை கொண்ட தீமையற்ற
தொழில் புரிந்து யாவரும்
தேர்ந்த கல்வி ஞானம் எய்தி
வாழ்வம் இந்த நாட்டிலே.

தொன்மைக்கு அஞ்சேல்
தோல்வியிற் கலங்கேல்

கூண்டுக் கிளியினைப்போல் -- தனிமை
கொண்டு மிகவும் நொந்தேன்;
வேண்டும் பொருளையெல்லாம் -- மனது
வெறுத்து விட்டதடீ.

தின்னப் பழங்கொண்டு தருவான்; -- பாதி
தின்கின்ற போதிலே தட்டிப் பறிப்பான்;
என்னப்பன் என்னையன் என்றால் -- அதனை
எச்சிற் படுத்திக் கடித்துக் கொடுப்பான்.

விளையாட வாவென் றழைப்பான்; -- வீட்டில்
வேலையென் றாலதைக் கேளா திழுப்பான்;
இளையாரொ டாடிக் குதிப்பான்: -- எம்மை
இடையிற் பிரிந்துபோய் வீட்டிலே சொல்வான்.

வீரத்தில் குஞ்சென்றும் மூப்பென்றும் உண்டோ?

அரும்பும்வேர்வை உதிர்த்துப் புவிமேல்
ஆயிரந் தொழில் செய்திடு வீரே!

மாட்டை யடித்து வசக்கித் தொழுவினில்
மாட்டும் வழக்கத்தைக் கொண்டுவந்தே
வீட்டினில் எம்மிடங் காட்ட வந்தார் அதை
வெட்டி விட்டோமென்று கும்மியடி.

வீமாதி வீரர் விளித்தெங்கு போயினரோ!ஏமாறி நிற்கு மிழிஞர்களிங் குள்ளாரே!

செந்தேனும் பாலும் தெவிட்டி நின்ற நாட்டினிலேவந்தே தீப்பஞ்ச மரமாகி விட்டதுவே!

பொன்னு மணியுமிகப் பொங்கிநின்ற விந்நாட்டில்அன்னமின்றி நாளு மழிவார்க ளெத்தனைபேர்?

FDI

2012-12-08T20:18:00.000-06:00

FDI

மன்னருக்கு மகுடி ஊதி
மந்திரிய மசிய வச்சு
வால சுருட்டிகிட்டு, வெள்ளந்தியா நடிச்சிக்கிட்டு
வெள்ளைக்கார வல்லுரும், வீதிக்கு வந்தாச்சு...

வீனா பேசிபுட்டு, நீயா நானா பாத்து தூங்கி
திங்க கெளமா வேலைக்கும், திட்டிகிட்டே சனம் போயாச்சு.
தீர்மானம் நேரவேற எதிர் கட்சி பச்சோந்திங்க
பேசாம இருக்க பேரமும் முடிஞ்சாச்சு!

உள்ளூரு அண்ணாச்சியும்,
கமிசன் மண்டி கந்தசாமியும்
உல கொதிக்க வழி இல்லாம
உசுர விடும் நேரம் பாத்து

கெக்கலிச்சு சிறுச்சு நிக்க
கேதம் வந்து கேட்டு போக
தயாரா நிக்கிறான் தடி பய FDI!!!

புதிய ஆத்திச்சூடி

2012-09-17T16:31:00.002-05:00

புதிய ஆத்திச்சூடி

அச்சம் தவிர்

ஆண்மை தவறேல்

இளைத்தல் இகழ்ச்சி

ஈகை திறன்

உடலினை உறுதி செய்

ஊன் மிக விரும்பு

என்னுவதுயர்வு

ஏறு போல் நட

ஐம்பொறி ஆட்சி கொள்

ஒற்றுமை வலிமையாம்

ஓய்தலொழி ஔடதம் குறை

--பாரதி

தமிழின் திசை

2012-08-22T15:37:00.001-05:00

தமிழின் திசை

நம் குழந்தைகளுக்கு நாம சொல்லி கொடுக்கும் தமிழ் எடுத்துள்ள பரிணாமம் கொஞ்சம் விமர்சிக்க பட/ ஆராய படவேண்டும் என நினைக்கிறேன்..

"அறம் செய்ய விரும்பு
ஆறுவது சினம்
இயல்வது கரவேல்
ஈவது விலக்கேல் "

என்று நம் ஔவை பாட்டி சொல்லி கொடுத்த தமிழை

பாரதி சற்றே மாற்றி

"அச்சம் தவிர்

ஆண்மை தவறேல்

இளைத்தல் இகழ்ச்சி

ஈகை திறன் "

என்று மாற்றினார்

அனால் இப்போது நம் குழந்தைகளுக்கு நாம் கற்று கொடுப்பது அறமும் இல்லை, ஆண்மையும் இல்லை.

"அம்மா இங்கே வா வா
ஆசை முத்தம் தா தா
இலையில் சோறு போட்டு
ஈயை தூர ஓட்டு.."

நாம் போய்கொண்டிருக்கும் திசை சரிதானா?

நாம் ஏன் மீண்டும் ஔவையையும் பாரதியையும் நம் பிள்ளைகளுக்கு கற்று கொடுக்க கூடாது ?

சிந்திப்போம்...
ஓம்

அட ஆமால....!!!!

2012-08-19T10:33:00.004-05:00

நேற்று ஐயா நெல்லை கண்ணன் அவர்களின் ஒரு காணொளியை பார்த்து கொண்டிருந்தேன். காணொளி பாரதியை பற்றியது என்றாலும், அவர் வள்ளுவரை பற்றி கூறிய சில குறிப்புகள் என்னை சிந்திக்க வைத்தன, அவற்றை உங்கள் சிந்தனைக்கு கொடுக்கிறேன்

தனக்குவமை இல்லாதான் தாள்சேர்ந்தார்க் கல்லால்
மனக்கவலை மாற்றல் அரிது.

இந்த குறளில் வள்ளுவன் கடவுளுக்கு உவமை கிடையாது என்றும் அவனை யாருடனும், எதனுடனும் ஒப்பிட முடியாது என்றும் கூறுகிறார்.

ஆனால் அதே வள்ளுவ பெருமான் கடவுளுக்கு உவமையாக தமிழை மட்டுமே வைக்கிறார்

அகர முதல எழுத்தெல்லாம் ஆதி
பகவன் முதற்றே உலகு.

அட ஆமால....!!!!

கேட்டதில் ரசித்தது...

2012-07-30T11:55:00.003-05:00

கேட்டதில் ரசித்தது

இன்று சர சர சார காத்து பாட்டு கேட்டுகிட்டு இருந்தேன்.

எப்படி இந்த மனுசனால மட்டும் இப்படி எழுத முடியுது ?

எங்க ஊரு பிடிக்குதா.. எங்க தண்ணி இனிக்குதா...
சுத்தி வரும் காத்துல சுட்ட ஈரல் மணக்குதா?

முக்கண்ணு நொங்கு நான் விக்குறேன்
மண்டு நீ கங்கைய கேக்குற!!!!

கட்டவண்டி ஓட்டுற கையளவு மனசுல
கையெழுத்து போடுற கண்ணிபொண்ணு மார்புல
மூணு நாளா பாக்கல ஊரில் எந்த பூவும் பூக்கல.

ஆட்டு கல்லு குழியில உறங்கி போகும் பூனையா
வந்து வந்து பாத்துதான் கிறங்கி போறயா

மீனுக்கு எங்குற கொக்கு நீ
கொத்தவே தெரியல மக்கு நீ.....!!!!!!!!

காட்டு மல்லிக பூத்திருக்குது காதலா காதலா
வந்து வந்து ஓடிபோகும் வண்டுக்கென்ன காய்ச்சலா !!!!

மீண்டும் ரசிப்போம்..

-ஓம்

குட்டி க‌லாட்டா.. Kuttikalatta...: பொய்மான் கரடு

2012-07-18T21:29:00.001-05:00

குட்டி க‌லாட்டா.. Kuttikalatta...: பொய்மான் கரடு

மெரீனா -- வசனங்கள்!!!

2012-07-16T15:09:00.001-05:00

மெரீனா படத்தில் என்னை ஈர்த்த வசனங்கள்!!!

திரு பாண்டியராஜ் அவர்களுக்கு நன்றி மற்றும் வாழ்த்துக்கள்!!

இந்தியா என்னைக்கும் தோக்கதுடா..!
கிரிக்கெட் தான் தோக்கும் ஜெய்க்கும்..!!

நாம நேசிக்கிறத என்னைக்காவது ஒரு நாள் இழந்திருவோம் என்றத ஞாபகப் படுத்துறதுதான் காதல்!

காதல் ஒரு நல்ல குரு, அனால் அது தன சீடர்களை சுலபமாக ஏற்பதில்லை!

கழுதைக்கு தெரியுமா கற்பூர வாசன..கழுதைன்னு தெரிஞ்சதுக்கபுரம் எதுக்குனே கற்ப்பூரம் காட்டுறீங்க..?

அட நீ என்னம்மா..பேண்டவன பிடிச்சு வெட்டாம பீய பிடிச்சு வெட்டிகிட்டு இருக்க...

(கொஞ்சம் மூக்க சுளிக்கிற வசனம் தான், இருந்தாலும் நான் விழுந்து விழுந்து சிரிச்ச வசனம்..! )

வெற்றி மேல அப்படி ஒரு வெறிடா..!!!

"எல்லோரோட மனசும் ஒரு பாராட்டுக்கு தான் ஏங்கி கெடக்கும்!"
(இது பசங்க பட வசனம்..)

பாராட்டுக்கள் பாண்டியராஜ்!

-ஓம்

பொய்மான் கரடு

2012-07-09T10:35:00.004-05:00

பொய்மான் கரடு

இந்த கதையை சில நாட்களுக்கு முன்பு தான் படித்து .முடித்தேன். கல்கி அவர்களின் அற்புதமான திரில்லர்..விறுவிறுப்பான கதை. என்னை ஆச்சிரிய படுத்துவது, கதையின் கதை களம். கதை களம் வெவ்வேறு தளத்தை தொட்டு சென்றாலும்.. அதனை இறுதியில் ஒருமுகப்படுத்தும் நேர்த்தி ஐய்யா கல்கி அவர்களின் தனித்துவம். சேலத்துகார நண்பரிடம் இது குறித்து கேட்டேன்.. அப்படி ஒரு இடம் உண்மையில் இருக்கிறதா??
அந்த இடத்தில, பொய்மான் இன்றும் கட்சி அளிக்கிறதா என்று..

"நானும் அத பத்தி கேள்வி பற்றிக்கேன் ஓம், ஆனா நான் சரியா கவனிச்சதில்லை" என்றார்.

ஆம், பஸ்சில் போடும் சினிமா பாட்டுகளிலும், திரைப்படங்களிலும் தொலைந்த நமக்கு இந்த பொய்மான்கள் புலப்படுவதில்லை.!

--ஓம்

படித்ததில் ரசித்தது..

2012-07-07T15:47:00.001-05:00

படித்ததில் ரசித்தது...

ஒரு இரவை திறந்தேன்
ஏகப்பட்ட மூடிய விரல்கள்
அதிலொரு விரலை திறந்தேன்
ஏகப்பட்ட மூடிய இரவுகள்

அலைகளை சொல்லி பிரயோஜனமில்லை
கடல் இருக்கும் வரை..

எல்லா கவிதைகளும் உன்னை பற்றிதான்
எனினும் ஒரு கவிதை கூட உன்னைப்போல் இல்லையே??

பழம் விழுங்கிய பறவை பறக்கிறது
ஒரு மரத்தை சுமந்துகொண்டு.

ஒரு தாய் தன் குழந்தைக்கு நிலவை காட்டி சோறு ஊட்டுவது போல
எனக்கு உன்னை காட்டியது காதல்!

பாட்டன்..

2012-07-07T15:26:00.001-05:00

பாட்டன்...

இன்று கள்ளிகாட்டு இதிகாசத்தை மனதில் அசை போட்டு கொண்டிருந்தேன்.. அப்படியே என் எண்ணங்கள் அலை பாய்ந்தன. பெயதேவர் கண் முன் வந்து .சென்றார்.

கள்ளிகாட்டு இதிகாசம் படிக்கும் போது, பேயத்தேவர் இடத்தில என் தாத்தாவை வைத்து உருவகப்படுத்தியதுண்டு.
ஆனால உண்மையில் என் தாத்தாவின் விவசாயம் குறித்தோ, அவரின் மற்ற அறிவுகள் குறித்தோ நான் எந்த ஒரு அறிவும் இல்லாமல் தான் வந்திருக்கிறேன்.

இன்று எங்கள் ஒட்டுமொத்த குடும்பத்திற்கும் ஒரு காணி நிலம் கூட இல்லை. திருத்தம்...!
ஒரு காணி விவசாய நிலம் கூட இல்லை.

என் தாத்தா நின்ற குடிசை மேட்டில் இன்று மின்காத்தாடிகள் நின்று மிரட்டுகின்றன. எங்கள் நிலம் மட்டும் இல்லை, எங்கள் காட்டை சுற்றிலும் உள்ள மற்ற காடுகளிலும் விவசாயத்தை விட இதுதான் பிரதானம்.

என் தாத்தா மரத்தில் இருக்கும் காய் இளநியா, தேங்காயா? அதுல பருப்பு நிறைய இருக்குமா இல்ல தண்ணி நிறைய இருக்கமா என்று துல்லியமாய் சொல்லுவார். என் தந்தை தேங்காயை தட்டிப்பார்த்து அது காய் எப்படி என்று கூறுவார்.

எனக்கு...? ஒவ்வொருமுறை shoprite இல் தேங்காய் வாங்கும் போதும் அது அலுகியதாகவே இருக்கிறது.. எதுக்கு வம்புனு frozen coconut வாங்கி பழகி விட்டேன்.

என் மகன்..? தேங்காய் எப்பவும் freezer இல்தான் கிடைக்கும் போலும் என்று எண்ணுவான்..!!!

ஒவ்வொரு தலைமுறையிலும் ஒரு புதிய கண்டுபிடிப்பு வருவது போல், ஒவ்வொரு தலைமுறையிலும், முந்தய தலைமுறையின் அறிவு மலுக்கடிக்கப் படுகிறது.

உலகத்திற்கு வீரத்தையும் அரசியலையும் கற்று கொடுத்தது தமிழ் தான் என்று நாம் மார் தட்டுவதுபோல்,

"உலகத்திற்கு விவசாயம் கற்று கொடுத்தது தமிழர் தான்.." என்று நமக்கு பின்வரும் சந்ததியினர் சொல்லி விட கூடாது..

சிந்திப்போம்,
ஓம்

மதன் கார்கி

2012-06-22T15:45:00.000-05:00

மதன் கார்கி

இவர் எந்திரன் படத்தில் 2 பாடல்கள் எழுதினர். நன்றாக இருந்தது. ஒரு மாற்றம் இருந்தது அவர் வார்த்தைகளில்.

ஆனால் அதை தாண்டி நான் அவர் வரிகளை ரசித்ததில்லை. நேற்று விஜய் TV இன் நிகழ்ச்சி ஒன்றில் நா.முத்துக்குமார் அவர்கள், இவரை புகழும் பொது தான், அப்படி என்னதான் பா எழுதி இருக்காருன்னு பாத்தேன்.

இவரின் வரிகள் அத்தனையும் மிகவும் கவர்வதாக இருந்தது.

நான் ரசித்தவற்றில் சில

நிழலைத் திருடும் மழலை நானோ?

(இந்த வரி தான் நா முத்துக்குமார் அவர்கள் கூறி எனை ஈர்த்த்தது)

நுண்சிலை செய்திடும் பொன் சிலையே
பென்சிலை சீவிடும் பெண் சிலையே

ப்ளுடோவில் உன்னை நான் கூடேற்றுவேன்
விண்மீன்கள் பொறுக்கி சூடேற்றுவேன்

நீ கோரினால் வானம் மாறாதா
தினம் தீராமலே மேகம் தூராதா

நெற்றிப் பொட்டில் பற்றிய எண்ணம்

எட்டுத் திக்கும் பரவ விரும்பும்
புற்றைக்கட்டும் எறும்புகள் நாங்கள்
சத்தம் போட்டால் உலகம் திரும்பும்!

கண்டும் தீண்டிடா
நான் போதை ஜாதியா

எண்ணம் திரளுது கனவில்..

வண்ணம் பிறழுது நினைவில்..

மாற்றம் தேடியே - தினமொரு

நேற்றைத் தோற்கிறோம்

குவியமில்லா ஒரு காட்சிப் பேழை..

அண்டி அகலுது வழியில்..
சிந்திச் சிதறுது விழியில்!!

சுத்தி சுத்தி உன்னைத் தேடி..
விழிகள் அலையும் அவசரம் ஏனோ?
சத்த சத்த நெரிசலில் உன் சொல்..
செவிகள் அறியும் அதிசயம் ஏனோ?

http://www.madhankarky.com

நன்றி,

ஓம்

MGR நாகராஜன்

2012-02-23T16:52:00.002-06:00

விகடனில் MGR நாகராஜன் என்பவரை பற்றி படித்தேன். MGR இன் தீவிர பக்தராக இருக்கிறார். பக்தர் என்றால் சும்மா இல்ல, கோயில் கட்டி கும்பிடும் அளவுக்கு உண்மையான பக்தர். அவரது தீவிரமான, வெள்ளந்தியான பல செயல்களை குறிப்பிட்டு இருந்தார்கள். அவருக்கு அவர் தலைவர் மீது எவ்வளவு பக்தியும் சிரத்தையும் இருந்திருந்தால் இப்படி எல்லாம் செய்திருப்பார்.

இன்று அப்படி பட்ட தலைவர்களுக்கு கோயில் கட்டுவது போய், நடிகைகளுக்கு கோயில் கட்டும் நிலைமை நம்மிடத்தில் நிலவுவதுதான் நிஜத்தின் நிதர்சனம். எந்த ஒரு இளைஞனும் அரசியலை கவணிக்காமல் இல்லை. அனால் அதை எட்ட நின்று பார்க்கும் பார்வையாளனாகவே இருக்க, இருந்துவிட நினைக்கிறான். அரசியல் என்பது சேவை என்பது மாறி, வியாபாரம் ஆகவே உருவெடுத்து நிற்கிறது. ஒரு கட்சி தலைவனின் பேச்சு, ஐந்து நிமிடத்துக்கு மேல் சலிப்படைகிறது. காரணம் அதே வாக்குறுதிகள், அதே பொய்யும் புரட்டும். அவன் பேசுவது அப்பட்டமான பொய் என்பது தெரிந்து தான் அந்த ஐந்து நிமிடம் அங்கே நின்றோம். அதற்க்கு மேல் அதை கேட்க்க புத்தி இடம் அளிப்பதில்லை.

MGR நாகராஜனை போல் இன்று தொண்டர்கள் அமையாததிர்க்கு காரணம், தொண்டர்களா அதற்குரிய தகுதிகள் இல்லாத தலைவர்களா. இன்று தமிழகத்தில், குறை இல்லாத, குற்றம் சுமத்தபடாத ஒரு உத்தமமான அரசியல் வாதியையை காட்டுங்கள் பார்க்கலாம். ஒரு பூத கண்ணாடி தேவைபடுகிறது. இன்னும் நாம், கக்கனையும், காமராஜரையும் தான் உதாரணம் காட்டிகொண்டிருகிறோம். காமராஜரை தோற்கடித்த திராவிட கட்சிகள், நம்மை மாறி மாறி ஆண்டு வருகின்றனவே, அவைகளில் ஒரு தலைவன் கூட காமராஜருக்கு நிகராக நம்மால் உதாரணம் காட்ட முடியவில்லை.

சட்டசபை

2012-02-05T01:10:00.001-06:00

இன்று தான் சட்டசபை நடவடிக்கையை தொலைகாட்சியில் கண்டேன். விஜயகாந்தை வெளியேற்றிய பிறகு நடந்த கூட்டம். நிச்சயமாக ஒவ்வொரு குடிமகனும் இதை பார்க்க வேண்டும். அதில் எதிர் கட்சியாக நின்று பேச பிராதான எதிர்க்கட்சி இல்லாததால் தீ மு க உறுப்பினர் ஒருவர் பேசுகிறார். அவர் முன் வைக்கும் முக்கியமான பிரச்னை கலைஞர் கூடம் என்று இருந்ததை இன்று கலை கூடமாக பெயர் மாற்றியது ஏன் என்பதுதான்.நாட்டிற்கு இதை விட வேறு பிரச்சனைகள் இல்லையா?

இதில் பேசியவர்கள் அனைவரும், அம்மாவின் துதிபாடுவதிலேயே குறியாய் இருகிறார்கள். அவர்களுக்கு மக்கள் மீதோ, மக்களின் பிரச்சனிகள் மீதோ அக்கறை இல்லை. கூட்டத்தொடர் ஆரம்பிக்கும் மூன்றாவது நாள் அது. மூன்றாவது நாளாகியும் கூட ஒரு உருப்படியான பேச்சோ, செயலோ இல்லை.

மேலும், சபாநாயகர் நடந்து கொள்ளும் விதம், இதை சர்வாதிகார ஆட்சியாகவே இருக்க செயல் பட்டது. ஒரு தீர்மானம் கொண்டு வருகிறார்கள். இதை ஆதரிப்பவர்கள் ஆம் என்க, எதிர்பவர்கள் இல்லை என்க என்கிறார். அதில், இரெண்டாம் பகுதியை வேகமாக சொல்கிறார், அங்கே சலசலப்பு வருகிறது. அனால் அதை யாரும் செவி கொடுத்து கேட்கவில்லை. ஒரு சட்டமன்ற உறுப்பினரின் பேச்சுக்கே மரியாதை இல்லாத இந்த நாட்டில், ஒரு சாதாரண குடிமகனின் பேச்சு எப்படி எடுபடும். நாங்கள் எதை தான், யாரை தான் நம்புவது.

ஒரு தந்தை பிறந்தான்..!!

2011-11-23T12:00:00.001-06:00

ஒரு தந்தை பிறந்தான்..!!

"ஆய காலையிள், ஆயிரம் அம்பிக்கு
நாயகன் போர்க்குகன் எனும்நா மத்தான்;
தூய கங்கைத் துறைவிடும் தொன்மையான்
காயும் வில்லினன், கல்திரள் தோளினான்"
என்று கம்பனால் புகழப்பட்ட அந்த குகன் இப்போது என் மகன் வடிவில்...

முன்புஉளெம் ஒருநால்வேம் முடிவுளது எனஉன்னா
அன்புஉள இனிநாம்ஓர் ஐவர்கள் உளர்ஆனோம்

என ராமன் தன்னுடன் பிறந்தவர்கள் ஐவராகி விட்டதாக கொண்டாடிய குகன் என் மகன்!

குகன் (Guhan) பிறந்து சரியாக ஒரு மாதம் முடிவடைந்தது.

11/15/2011 அன்று சரியாக காலை 7:17 க்கு பிறந்தான். அவனை நான் பார்த்த கணம் இன்னும் கண்ணுக்குள் இருக்கிறது.

அறுவை சிகிச்சை பிரசவம் என்பதால் ஒரு திரை இட்டிருந்தார்கள். திரைக்கு பின்னால் ஒரு கண்ணாடி வைக்க பட்டிருந்தது. அதில் அறுவை சிகிச்சையை நான் நேரில் பார்த்து கொண்டிருந்தேன். எல்லாம் பரபரப்பாக இயங்கி கொண்டிருக்கையில் ஒரு நொடி பொழுதில் அவனை வெளியே எடுத்தார்கள். அவனை அந்த கண்ணாடியில் பார்க்கும் போது ஒரு துளி கண்ணீர் என்னை அறியாமல் என் கண்களை தழுவியது. வார்த்தையில் விவரிக்க முடியாத வர்ணஜாலம் அது. எனது மனைவியை கவனித்தேன், அவள் கண்களிலும் நீர். அவள் கையை பிடித்து அழுத்தினேன். அவள் என்னை பார்த்து சிரித்தால் வார்த்தைகள் இல்லாத மௌன சம்பாஷனை நடந்தது எங்களுக்குள்.

"Dad, you can come and see the baby..." என்று அங்கு இருந்தவர்கள் அழைக்க, நான் என் மகனை அருகில் பார்க்க சென்றேன்.
விதைத்த விவசாயி விளைநிலத்தை பார்த்து சந்தோஷ படுவான். நான் விதையாகவே இருந்திருக்கிறேன். என் வித்து தளிர்த்து துளிர் விடுவதை நேரில் பார்க்கும் எனக்கு எல்லையற்ற சந்தோசம்! அவனை விதவிதமாக புகைப்படம் எடுத்தேன். இன்னும் கழிவுகள் நீங்காத தூய்மையான மேனி. அவன் வயற்றில் தொங்கும் தொப்புள் கொடியை அறுக்க விருப்பமா என என்னை கேட்டார்கள்.

உணர்ச்சி பூர்வமாக பார்த்தால் ஒரு தாய்க்கும் மகனுக்கும் இருந்த ஐயிரண்டு மாத உறவை அறுக்கிறேன்!
அறிவியல் பூர்வமாக பார்த்தால் ஒரு உயிர் தனித்து வாழும் பரிணாம வளர்ச்சிக்கு வழி செய்கிறேன்!

ஒன்றை துண்டிதால் மற்றொன்று வளருமா..? ஓ.. அதனால் தான் திறப்பு விழாக்களில் ரிப்பன் வெட்டுகிறார்களோ?

தயக்கத்துடன் அந்த கத்திரியை வாங்கி அதை துண்டித்தேன். கருவாச்சி காவியத்தில் ஒற்றை ஆளாக பிள்ளை பெற்று, கீழே கிடக்கும் ஒரு சிறு ப்ளேடை வைத்து தொப்புள் கொடியை அறுத்த கருவாச்சி கண்முன் வந்து சென்றால்.

மீண்டும் சில படங்கள் எடுத்து முடித்த பின், என்னை தாயிடம் போக சொன்னார்கள். அங்கு சென்றதும் குழந்தையை என் கையில் கொடுத்தார்கள். அவனை முதல் முறையாக தூக்கினேன். என்ன ஒரு உணர்வு..! பிறந்த குழந்தைகளை தூக்குவதற்கு நான் எப்போதும் தயங்குவேன். ஆசை இருந்தும் பயத்தின் காரணமாக மறுத்திருக்கிறேன்.
அனால், இவனை தூக்கும் பொழுது, பயம் இல்லை அனால் ஜாக்கிரதையாக இருந்தேன். இவன் என் மகன் என்பதால் அந்த தைரியம் வந்ததோ? அவனை தூக்கி அவன் தாயிடம் காண்பித்தேன். அவள் சிரித்தால் அனால் கண்களில் நீர் துளிர்த்து கொண்டு தான் இருந்தது. அப்போது வைரமுத்துவின் வார்த்தைகள் எனக்கு ஒலித்தது..

"கண்ணு காது மூக்கோட, ஒரு பிண்டம்
இடப்பக்கம் கெடக்கைல என்னென்ன நெனச்சிருப்ப..
கத்தி எடுபவனோ.. களவாட பிறந்தவனோ..
தரணியாள வந்திருக்கும் தாசில்தார் இவன்தானோ?"

எந்த தரணியை இவன் ஆழ்வான் என எனக்கு தெரியாது.. அனால் என் தரணி இவன் தான் இனி என முடிவானது..

பிறகு தொலைபேசியில் என் அப்பாவிற்கு தெரியபடுத்தினேன். மகிழ்ச்சி என்றார்.. உண்டனே, அவன் மிதுன ராசிக்காரன் என்றார்.
ராசிகளுக்கு அப்பாற்பட்டவனாகவே எனக்கு பட்டான்.
இவன் வந்த நேரம் இவனுக்கும் எல்லோருக்கும் நல்ல ராசியாக தான் இருக்கும். :)

அவனையும் எங்களையும் வாழ்த்திய அனைவர்க்கும் நன்றி...!!!

-ஓம்

சமீபத்தைய ரசித்ததில் ருசித்தது

2011-10-18T22:09:00.001-05:00

சமீபத்தைய ரசித்ததில் ருசித்தது

எல்லா கவிதைகளுமே உன்னை பற்றியதுதான்
ஆனால் ஒரு கவிதை கூட உன்னை போல் இல்லையே..!!

துடிப்பதை விட உன்னை நினைப்பதற்கே நேரம் சரியாக இருக்கிறது
ஏன் இதயத்திற்கு..

உன்னை கேலி பேசுபவரைஎல்லாம் முறைத்து பார்க்கிறாய்
உன்னை நேசிக்கும் என்னை மட்டும் சாதரணமாக கூட பார்க்க மறுக்கிறாயே!

கூடங்குளம் அணுமின்...

2011-10-07T17:42:00.001-05:00

கூடங்குளம் அணுமின்...

அப்படின்னா என்ன?

கூடங்குளம் அணு உலை
கட்டுமான பணிகள்

இது ஒரு அணு உலை நிருமனத் திட்டம். திருநெல்வேலி மாவட்டம் கூடங்குளத்தில் 1,000 மெகாவாட் திறன் கொண்ட இரண்டு அணு மின் நிலையங்கள் அமைப்பதற்கு 1988 ஆம் ஆண்டு அன்றைய பிரதமர் ராஜீவ் காந்தி மற்றும் சோவியத் ரஷ்யா இடையே ஒரு ஒப்பந்தம் கையெழுத்தானது.

ரஷ்யாவில் நடந்த பல்வேறு அரசியல் மற்றும் பொருளாதார காரங்களுக்காக இது தள்ளி போடப்பட்டது என்று காங்கிரஸ் அரசு கூறி வருகிறது.

1968 இல் விபத்திற்கு உண்டான
உக்ரைன் அணு உலை

அனால் 1986 இல் உக்ரைனில் நடந்த அணுஉலை பேரழிவிற்கு பிறகு அந்த மாதிரியான அணுஉலைகளை மூட ரஷ்யா ஆணை இட்டது. அப்போது வடிவமைக்கப்பட்ட இந்த உலைகளையும், அதன் தொழில்நுட்பத்தையும் இந்தியாவிடம் தள்ளி விடுவதற்காக ரஷ்யா செய்த சதி இது, அது மட்டும் அல்ல, பல கோடி ருபாய் கடனில் இருந்த ரஷ்யா இதை இந்தியாவிற்கு விற்று தன் கடனை நேர் செய்துகொண்டது என்று சமூக ஆய்வாளர்கள் கூறுகிறார்கள்.

2001 ஆம் ஆண்டு இந்திய அணு மின் கழகத்தால் பணிகள் துவக்கப்பட்டு, முதல் அணு மின் நிலையத்தின் பணிகள் இந்த ஆண்டு டிசம்பர் மாதம் முடிவடையும் நிலையில் இருந்தன.

சரி.. இப்போ என்ன பிரச்னை..

தங்களின் பாதுகாப்பு மற்றும் வாழ்வாதாரம் பாதிக்கப்படும் என்ற அச்சத்தில் கூடங்குளம் அணு மின் நிலையத்திற்கு எதிர்ப்பு தெரிவித்து அப்பகுதி மக்கள் கடந்த மாதம் உண்ணாவிரதப் போராட்டத்தில் ஈடுபட்டனர்.

அச்சம்:
இது ஒரு சமுக மற்றும் சுற்றுபுறச்சுழல் பிரியனின் ஞாயமான ஒரு பயம். இந்த அணு மின் நிலையத்தில் இருந்து வரும் கழிவுகள் பேராபத்தை விளைவிக்கும். அந்த பகுதிகளில் புல் பூண்டு முளைக்க முடியாத அளவிற்கு இதன் தாக்கம் இருக்கும். இது கடலோர பகுதி என்பதாலும், இந்த உலையின் கழிவுகளை வங்காள விரிகுடாவில் கலக்கும் திட்டம் இருப்பதாலும் அங்குள்ள மீன் மற்றும் கடல் வாழ உயிரினங்கள் பாதிப்பு அடையும் . இன்னும் ஒருபடி அதிகரித்து சொன்னால் அவை மடிந்து விடும்.
இந்த கடலை நம்பி வாழும் பல்லாயிர கணக்கான மீனவ குடும்பத்திற்கு இது வாழ்வியல் சவாலாக முடியும்.

அனால் இதெல்லாம் அன்றே நமக்கு தெரிந்தவை தான். 1986 இல் உக்ரைனில் நடந்த அணு உலை பேரழிவு நாம் எல்லாம் அறிந்ததே. அனால் அதெல்லாம் தெரிந்திருந்தும் இதை நிவர்த்தி செய்ய தேவையான முன் எச்சரிக்கைகள் எடுக்க படும் என்ற உறுதியோடு, பல்வேறு ஆராய்ச்சிக்கு பின்னர் எந்த விளைவும் ஏற்படாது என்ற ஆய்வறிக்கைக்கு பிறகு தான் அன்றைய அரசு இந்த திட்டத்தில் கையொப்பம் இட்டது. ஆனால் பல்வேறு சர்வதேச அணுபாதுகாப்பு அமைப்புகள் இதை அங்கீகரிக்கவில்லை. ஆகவே பத்தாண்டுக் காலம் கிடப்பில் கிடந்த இந்தத் திட்டம் 2001ல் மீண்டும் சூடு பிடித்தது.

ஆதாயம்:
இது சர்வ சாதரணமாக இந்திய குடிமகனுக்கு அரசு ஒதுக்கும் ஒவ்வொரு காசுக்கும் பங்கு கேட்டு கிஸ்தி எதிர்பார்க்கும் அரசியல் ஜாக்சன் துறைகளின் ஆட்டம்.

இந்த திட்டத்தில் லாபம் அடைந்தது யார் என்று பார்த்தால் முதலில் நிச்சயமாக ரஷ்யா! அதற்கு அடுத்தபடியாக அன்றைக்கு இதை கையொப்பம் இட்ட ராஜீவ் காந்தியில் இருந்து இன்று அதை செயல்படுத்த துடிக்கும் இத்தாலி காந்தி வரை அனைவரும் இதில் பயன் அடைந்தவர்கள்.
அது போக, இந்த போராட்டத்தை ஆதரிப்பதாக சொல்லி அரசியல் ஆதாயம் தேடும், அம்மா கட்சி முதல் அடிமட்ட அய்யா கட்சி வரை...

இவர்களுக்கு கிஸ்தி; பணம், ஓட்டு என ஏதோ ஒரு ஆதாயமாக மாற வேண்டும். மக்கள் மேல் அக்கறை இந்த கரை படிந்த கரை வெட்டிகளுக்கு ஒரு பொருட்டில்லை. அவர்கள் குறிக்கோள் "ஆதாயம்"

இத்தன வருசதுக்கபுரம் இப்போ என்ன பிரச்னை...?

இந்த அணுஉலைக்கு எதிரான மக்கள் கிளர்ச்சி 1988 முதலே நிகழ்ந்து வருகிறது. இப்போது சில தனிப்பட்ட செயல்பாட்டாளர்களின் முயற்சியால் மக்கள் திரட்டப்பட்டு போராட்டம் மீண்டும் சூடுபிடித்துள்ளது.

சமீபத்தில், ஜப்பானில் நடந்த இயற்கை சீற்றத்தின் போது, அவர்கள் பெரும்பாதுகாப்பில் வைத்திருந்த அணு உலைகளின் கசிவை அவர்களால் சரியாக கட்டுபடுத்த முடியவில்லை. இது நம் மக்களிடையே பீதியை கிளப்பியது. அவர்களின் அச்சம் மேலும் வலுவுற்றது. இயற்கையின் சீற்றத்திற்கு முன்னால் நம்மால் தாக்கு பிடிக்க முடியாது என்பதை மக்கள் உணர தொடங்குகிறார்கள்.

2004 இல் ஏற்பட்ட சுனாமியின் போது கூட இந்த கட்டிடங்கள் சேதமாயின. அதை மறுபடியும் சரி செய்தார்கள்.

அனால் இதையெல்லாம் மறைத்து, மறுத்து மத்திய அரசு, இங்கு எந்த வித இயற்கை சீற்றமும் வராது என அறிக்கை சமர்ப்பித்துள்ளது. (எப்படி செஞ்சாங்கன்னு கேக்காதீங்க.. அது அவங்களுக்குதான் தெரியும்....!!!)

அப்போ இது நெஜமாவே பயங்கரமான ஒரு விஷயமா..?

இது விபதிற்குளாகும் பட்சத்தில் இதன் விளைவு விபரீதமாகவே இருக்கும். அனால் இதனால் மக்களுக்கு கிடைக்கும் பயன்கள் ஏராளம். மின்சாரம் ஆபத்தானது என்று முடிவு கட்டி இருந்தால் நாம் இன்னும் ஆதிவாசியாய் திரிய வேண்டியதுதான். உயர பறப்பது பறவைக்கு மட்டுமே உண்டான உரிமை என்று உட்கார்திருந்தால் விமானம் ஏது நமக்கு? ஒவ்வொரு கட்டிடம் எழுப்பும் போதும் நாம் பல உயிரினகளின் வாழ்வாதாரத்தை பறித்தே நாம் நம் வாழ்வை தொடங்குகிறோம் இது சரியாய்? சரி என்றால் எதுவும் சரியே!!

இந்த விளைவுகளை எப்படி தடுப்பது, அதை தவிர்க்க என்ன செய்வது போன்ற வழிவகைகளை ஆராய்ந்து, மின்சாரம் இல்லாமல் மாண்டு வீழும் மானுடத்தை மீட்க முயற்சிக்க வேண்டும், அதே சமயத்தில் இதனால் பாதிக்கப்படும் சமூகத்திற்கு மாற்று தேட வேண்டும். அதை தவிர்த்து, அறிவியல் ஆபத்தானது ஆகையால் அதை கைவிட வேண்டுமென வாதிப்பது பொறுத்தமற்றது. கல்பாக்கம் அணுமின் நிலையம் தொடங்கும் போதும், இந்த சலனங்கள் எழுந்தன. அதை அன்றைக்கு இருந்த மதிய அரசும் சரி, மாநில அரசும் சரி ஒரு பொருட்டாக எண்ணாமல் மக்களுக்கு அதில் இருக்கும் சாதக பாதகங்களை மட்டுமே ஆராய்ந்து ஒரு திண்ணமான முடிவெடுத்தனர்.

கல்பாக்கம் அணுமின் நிலையம்

நமக்கு இன்றைய தேவை அப்படிப்பட்ட காமராஜரும், இந்திரா காந்தியும் போன்ற தலைவர்கள் தான்!

இந்த பிரச்சனையில், அவர்கள் கட்சிக்கு உள்ள அரசியல் சாதக பாதகங்களை ஆராயும் கொள்ளையர்கள் அல்ல!

இதை மேலும் அரசியல் ஆக்காமல் ஒரு முடிவுக்கு கொண்டு வர வேண்டும் என்பதே எல்லோருடைய விருப்பமும்!

பரிவுடன்,

ஓம்!

கை பேசி இணைய தளங்கள்

2011-09-12T14:38:00.001-05:00

இது கணினி காலம் என்பதை நாம் மறுக்க இயலவில்லை.

Facebook இல் சொந்தங்களை தேடியும், twitter மூலமாக நண்பனின் திருமணத்தை அறிந்தும், SKYPE இல் பெற்றோரிடம் உரையாடியும் பழகி விட்டோம்.

இறந்துபோன என் பாட்டியின் கடிதங்கள் ஈமெயில் இல் முழ்கி போன என்னை இன்லாந்து லெட்டருக்கு மீண்டும் அறிமுகபபடுத்துகிறது. காலத்தின் கட்டாயமான இது "மாற்றம்". மாறுவது ஒன்றும் தவறில்லை.

அன்று என் பாட்டன் பாரதி இட்ட கட்டளை நிறைவேறிக்கொண்டு இருக்கிறது

புத்தம் புதிய கலைகள் - பஞ்ச
பூதச் செயல்களின் நுட்பங்கள் கூறும,
மெத்த வளருது மேற்கே - அந்த
மேன்மைக் கலைகள் தமிழினில் இல்லை.

சொல்லவும் கூடுவ தில்லை - அவை
சொல்லுந் திறமை தமிழ்மொழிக் கில்லை
மெல்லத் தமிழினிச் சாகும் - அந்த
மேற்கு மொழிகள் புவிமிசை யோங்கும்

என்றந்தப் பேதை உரத்தான் - ஆ!
இந்த வசையெனக் கெய்திடலாமோ?
சென்றிடுவீர் எட்டுத் திக்கும் - கலைச்
செல்வங்கள் யாவுங் கொணர்ந்திங்கு சேர்ப்பீர்!

அவன் இட்ட கட்டளையில் எனது பங்கிற்கு இதோ..

கணினி வங்கி, நிதி துறை போன்ற அலுவலகங்களில் மட்டுமே இருக்க வேண்டும் என்ற நிலை மாறி, மாணவர்கள் கையில் மடி கணினியாய் தவழ்ந்ததும் மாறி, இப்பொழுது தொலை பேசியில் தகவல் அறியும் தொழில்நுட்பம் வந்து விட்டது. iphone, blackberry, android போன்ற தொலை பேசி சாதனங்களில் GPRS இன் உதவியுடன் நாம் இணையதளங்களை இறக்கம் செய்கிறோம், படங்கள், காணொளிகள் காண்கிறோம். இவற்றின் முகவரியை (URL) நீங்கள் உற்று பார்த்ததுண்டா?

பெரும்பாலும் அவை m. என தொடங்கும். உதாரணமாக நீங்கள் உங்கள் கை பேசியில் google.com என்று அடித்தாலும் அது m.google.com ஆக மாறிவிடும்.

இதன் பின்னணி என்ன? நீங்கள் எந்த வகையான சாதனத்தில் இருந்து அந்த இணையதளத்தை பார்க்றீர்கள் எனபது அந்த இனைய தளத்தின் webserver மூலம் அவர்கள் அறிந்து கொள்வார்கள். அப்புறம் அவர்களுக்கு தேவையான படி உங்களை திசை திருப்பிவிடுவார்கள்.

இதன் மூலம் நாம் உபயோகபடுத்தும் சாதனத்திற்கு ஏற்றவாறு அவர்களால் அவர்களது இணையதளத்தை வடிவமைத்து தரும் வாய்ப்பு உள்ளது. இவ்வாறு சாதனத்திற்கு ஏற்ற மாதிரி பக்கங்கள் மட்டும் அல்ல. ஆளுக்கேற்றமாதிரி பக்கங்களும் அவர்களால் வடிவமைக்க கூடும். உதாரனத்திற்க்கு நீங்கள் www.google.com என்பதை இந்தியாவில் இருந்து அடித்தீர்கள் அனால் அது google.co.in ஆக உருமாரி கொள்ளும். அதில் இருக்கும் வடிவமைப்பும் வேறு மாதிரி இருக்கும்.

அடுத்த இதழில் android பற்றி விரிவாக காண்போம்!

-ஒம்

குட்டி க‌லாட்டா.. Kuttikalatta...

ஊழ் வெல்லும்!

வர்ஷினி

தந்தை!

மனத்திற்கு

2012 இல் நான் படித்த தமிழ் புத்தகங்கள்

2012 இல் நான் படித்த தமிழ் புத்தகங்கள்

2012 இல் நான் படித்த தமிழ் புத்தகங்கள்

பாரதியின் பார்வை...

படித்ததில் பிடித்தது...

12/12 Vs 11/12

FDI

புதிய ஆத்திச்சூடி

அச்சம் தவிர்

ஆண்மை தவறேல்

இளைத்தல் இகழ்ச்சி

ஈகை திறன்

உடலினை உறுதி செய்

ஊன் மிக விரும்பு

என்னுவதுயர்வு

ஏறு போல் நட

ஐம்பொறி ஆட்சி கொள்

ஒற்றுமை வலிமையாம்

ஓய்தலொழி ஔடதம் குறை

தமிழின் திசை

தமிழின் திசை

"அறம் செய்ய விரும்புஆறுவது சினம்இயல்வது கரவேல்ஈவது விலக்கேல் "

"அச்சம் தவிர்

ஆண்மை தவறேல்

இளைத்தல் இகழ்ச்சி

ஈகை திறன் "

"அம்மா இங்கே வா வாஆசை முத்தம் தா தாஇலையில் சோறு போட்டுஈயை தூர ஓட்டு.."

அட ஆமால....!!!!

கேட்டதில் ரசித்தது...

குட்டி க‌லாட்டா.. Kuttikalatta...: பொய்மான் கரடு

மெரீனா -- வசனங்கள்!!!

பொய்மான் கரடு

படித்ததில் ரசித்தது..

பாட்டன்..

மதன் கார்கி

MGR நாகராஜன்

சட்டசபை

ஒரு தந்தை பிறந்தான்..!!

சமீபத்தைய ரசித்ததில் ருசித்தது

கூடங்குளம் அணுமின்...

கை பேசி இணைய தளங்கள்

"அறம் செய்ய விரும்பு
ஆறுவது சினம்
இயல்வது கரவேல்
ஈவது விலக்கேல் "

"அம்மா இங்கே வா வா
ஆசை முத்தம் தா தா
இலையில் சோறு போட்டு
ஈயை தூர ஓட்டு.."