KVARTHA: MALAYALAM NEWS | NEWS PAPER LIVE | KERALA | ENTERTAINMENT

പാര്‍ട്ടിയെ തകര്‍ക്കാന്‍ തന്നെ ലക്‌ഷ്യം വയ്ക്കുന്നു: പി ജയരാജന്‍

2012-05-18T15:51:00.000+05:30

കണ്ണൂര്‍: ടിപി വധത്തിന്റെ പേരില്‍ പാര്‍ട്ടിയെ തകര്‍ക്കാന്‍ തന്നെ ലക്‌ഷ്യം വയ്ക്കുകയാണെന്ന്‌ സിപിഎം കണ്ണൂര്‍ ജില്ലാ സെക്രട്ടറി പി ജയരാജന്‍. തനിക്കെതിരെയുള്ള ആരോപണം വ്യക്തിപരമാണെന്ന് കരുതുന്നില്ല. കണ്ണൂരിലെ പാര്‍ട്ടിയുടെ സംഘടനാ ശക്തി തകര്‍ക്കുകയാണ് ആരോപണമുന്നയിക്കുന്ന മാധ്യമങ്ങളുടെയും യുഡിഎഫിന്റെയും ലക്‌ഷ്യം- ജയരാജന്‍ ആരോപിച്ചു. പാര്‍ട്ടി നേതാക്കളെ പ്രതികളാക്കാന്‍ കേന്ദ്രമന്ത്രി മുല്ലപ്പള്ളി രാമചന്ദ്രന്‍ പരസ്യമായ ആഹ്വാനം നല്‍കുകയാണ്‌. മുല്ലപ്പള്ളി രാമചന്ദ്രന്‍ ഒറ്റുകാരനെപ്പോലെ പ്രവര്‍ത്തിക്കുയാണ്. ഒഞ്ചിയത്തെ വിപ്ളവകാരികളെ ഒറ്റുകൊടുത്തവരെപ്പോലെയാണ് മുല്ലപ്പള്ളിയും. പൊലീസിനെ മുല്ലപ്പള്ളി പേടിപ്പിക്കുകയാണെന്നും ജയരാജന്‍ കണ്ണൂരില്‍ ആരോപിച്ചു.

English Summery

Medias and UDF aims me to destroy party in relation with TP murder, says P Jayarajan.

ഏഴുമാസം പ്രായമുള്ള പെണ്‍കുഞ്ഞിന്റെ തൊണ്ടയില്‍ കുടുങ്ങിയ വാച്ച് പുറത്തെടുത്തു

2012-05-18T15:30:00.000+05:30

Aswathi

കാഞ്ഞങ്ങാട്: ഏഴുമാസം പ്രായമുള്ള പെണ്‍കുഞ്ഞിന്റെ തൊണ്ടയില്‍ കുടുങ്ങിയ ഇലക്ട്രോണിക് വാച്ച് ഒരു മണിക്കൂര്‍ നേരത്തെ പരിശ്രമത്തിന് ശേഷം ഡോക്ടര്‍മാര്‍ പുറത്തെടുത്തു.

മടിക്കൈ എരിക്കുളത്തെ നന്തന്‍കുഴി കോളനിയില്‍ താമസിക്കുന്ന കര്‍ഷകനായ സുരേഷ്-യവനിക ദമ്പതികളുടെ രണ്ടാമത്തെ മകള്‍ അശ്വതിയുടെ തൊണ്ടയില്‍ കുടുങ്ങിയ വാച്ചാണ് കാഞ്ഞങ്ങാട് മന്‍സൂര്‍ ആശുപത്രിയില്‍ വെച്ച് ഡോ. കുഞ്ഞാമദ്, ഡോ. താരാനാഥ് എന്നിവര്‍ ചേര്‍ന്ന് പുറത്തെടുത്തത്.

സഹോദരന്‍ അഞ്ചുവയസുകാരനായ അര്‍ജുന്റെ കൈയ്യിലുണ്ടായിരുന്ന വാച്ച് അശ്വതി സ്വയം വായിലിട്ടപ്പോള്‍ തൊണ്ടയില്‍ കുടുങ്ങുകയായിരുന്നു, ശ്വസതടസ്സം നേരിട്ട കുഞ്ഞിനെ ഉടന്‍ തന്നെ നീലേശ്വരം സഹകരണ ആശുപത്രിയിലും പിന്നീട് കാഞ്ഞങ്ങാട്ട സ്വകാര്യാശുപത്രിയിലും പിന്നീട് മറ്റൊരു സ്വകാര്യാശുപത്രിയിലുമെത്തിച്ചെങ്കിലും ഈ ആശുപത്രികളെല്ലാം ഓരോ കാരണങ്ങള്‍ പറഞ്ഞ് കുട്ടിയെ കൈയൊഴിയുകയായിരുന്നു.

ഡോക്ടര്‍മാര്‍ പുറത്തെടുത്ത വാച്ച്

രണ്ട് മണിക്കൂറിലധികം കഴിഞ്ഞ് അവശനിലയിലായപ്പോഴാണ് മന്‍സൂര്‍ ആശുപത്രിയിലെത്തിച്ചത്. ശ്വാസനാളത്തില്‍ തടസ്സംനിന്ന വാച്ച് കഠിനമായ പരിശ്രമത്തിലൂടെയാണ് ഡോക്ടര്‍മാര്‍ക്ക് പുറത്തെടുക്കാന്‍ കഴിഞ്ഞത്. ലറിംഗോ സ്‌കോപ്പ് എന്ന ഉപകരണത്തിന്റെ സഹായത്തോടെയാണ് വാച്ച് പുറത്തെടുത്തത്.

Keywords: Kasaragod, Kerala, kanhangad, Hospital

ഫേസ്ബുക്കില്‍ ഭര്‍ത്താവും രണ്ടാം ഭാര്യയും ഒന്നിച്ചുള്ള ഫോട്ടോ കണ്ട് യുവതി ഞെട്ടി

2012-05-18T15:20:00.002+05:30

കാഞ്ഞങ്ങാട്: ഭര്‍ത്താവും രണ്ടാംഭാര്യയും ഒന്നിച്ചുള്ള ഫോട്ടോ ഫേസ്ബുക്കില്‍ കണ്ട് ആദ്യ ഭാര്യ ഞെട്ടി. ഭര്‍ത്താവിന്റെ ഈ കൊലച്ചതിക്കെതിരെ ബി.എസ്.സി മൈക്രോ ബയോളജി ബിരുദധാരിയായ ഭാര്യ പരാതിയുമായി കോടതിയെ സമീപിച്ചു.

കാസര്‍കോട് പള്ളം റോഡിലെ സി. എം മുഹമ്മദിന്റെ മകള്‍ ഫാത്തിമ്മത്ത് ദില്‍ഷാന(23)യാണ് ഭര്‍ത്താവിനും ബന്ധുക്കള്‍ക്കുമെതിരെ ഹൊസ്ദുര്‍ഗ് ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ്(രണ്ട്) കോടതിയില്‍ ഹരജി നല്‍കിയത്. ബേക്കല്‍ അരിയടുക്കത്തെ കുഞ്ഞാമദിന്റെ മകന്‍ അന്‍വര്‍ സാദിഖ്(30) മാതാവ് കെ. എം ഫാത്തിമ ബീവി(62), സഹോദരന്‍ മുഹമ്മദ് കുഞ്ഞി(40), മുഹമ്മദ് കുഞ്ഞിയുടെ ഭാര്യ ആയിഷ(35), ഫര്‍സാന(23) മൊയ്തീന്‍ അഹമ്മദ്(53) എന്നിവര്‍ക്കെതിരെയാണ് കോടതിയില്‍ ഹരജി നല്‍കിയത്.

ഇതുമായി ബന്ധപ്പെട്ട് ജൂണ്‍ ഒന്നിന് കോടതിയിലെത്തി മൊഴി നല്‍കാന്‍ ദില്‍ഷാനയോട് മജിസ്‌ട്രേറ്റ് നിര്‍ദ്ദേശിച്ചു. 2010 ഡിസംബര്‍ 13നാണ് സാദിഖും ദില്‍ഷാനയും വിവാഹിതരായത്. വിവാഹസമയത്ത് ഏഴരലക്ഷം രൂപയും 150 പവന്‍ സ്വര്‍ണവും നല്‍കിയിരുന്നതായി യുവതിയുടെ പരാതിയില്‍ പറയുന്നു. 45 പവന്‍ സ്വര്‍ണം ദില്‍ഷാനയ്ക്ക് മഹറായും ലഭിച്ചിരുന്നു. ഗള്‍ഫുകാരനായ സാദിഖ് വിവാഹത്തിനുശേഷം രണ്ടുമാസം മാത്രമാണ് ഒരുമിച്ച് താമസിച്ചത്.

ഇതിനിടയില്‍ ഗള്‍ഫില്‍ നിന്നും തിരിച്ചെത്തിയ സാദിഖ് സ്വര്‍ണവും പണവും ധൂര്‍ത്തടിച്ച് കളയുകയും കൂടുതല്‍ സ്ത്രീധനമാവശ്യപ്പെട്ട് ദില്‍ഷാനയെ പീഡിപ്പിക്കുകയും വീട്ടില്‍ നിനന്ും ഇറക്കി വിടുകയും ചെയ്തിരുന്നു. ഇതിനിടയില്‍ ഭര്‍ത്താവിന്റെയും കാമുകിയായ ഫര്‍സാനയുടെയും വിവാഹം കഴിഞ്ഞുള്ള ഒന്നിച്ചുള്ള ഫോട്ടോ ഫേസ്ബുക്കിലൂടെ കണ്ട് ദില്‍ഷാന ഷെട്ടുകയും ബോധം കെട്ട് വീഴുകയും ചെയ്തു. ഏതാനും ദിവസം ദില്‍ഷാന ആശുപത്രിയില്‍ ചികിത്സയില്‍ കഴിഞ്ഞിരുന്നു. തിരിച്ച് വീട്ടിലെത്തിയപ്പോള്‍ ഭര്‍ത്താവും കാമുകിയും ഒന്നിച്ച് താമസിക്കുന്നതാണ് കണ്ടത്. ഇതിനെ കുറിച്ച് ചോദിച്ചപ്പോള്‍ ദില്‍ഷാനയെ വീട്ടില്‍ നിന്നും അടിച്ചിറക്കുകയായിരുന്നു.

Keywords: Kanhangad, Kasaragod, Facebook, Woman, Photo

പോപ് ഗായിക ഡോണ സമ്മര്‍ അന്തരിച്ചു

2012-05-18T15:17:00.003+05:30

ഫ്ലോറിഡ: അഞ്ച് ഗ്രാമി പുരസ്ക്കാരങ്ങള്‍ സ്വന്തമാക്കിയ പ്രശസ്ത പോപ്പ് ഗായിക ഡോണ സമ്മര്‍ അന്തരിച്ചു. 63 കാരിയായ ഡോണയ്ക്ക് അര്‍ബുദരോഗമായിരുന്നു. 1974ല്‍ പുറത്തിറങ്ങിയ ആദ്യ ആല്‍ബത്തിലൂടെ തന്നെ പ്രശസ്തിയിലേയ്ക്കുയര്‍ന്ന ഡോണ സമ്മര്‍ ഡിസ്കോ റാണി എന്ന പേരിലാണറിയപ്പെട്ടിരുന്നത്. 2010-ല്‍ പുറത്തിറങ്ങിയ ടു പാരിസ് വിത്ത് ലൗവ് ആണ്‌ അവസാന ആല്‍ബം.

പോപ് ഗായിക ഡോണ സമ്മര്‍ അന്തരിച്ചു
ഫ്ലോറിഡ: അഞ്ച് ഗ്രാമി പുരസ്ക്കാരങ്ങള്‍ സ്വന്തമാക്കിയ പ്രശസ്ത പോപ്പ് ഗായിക ഡോണ സമ്മര്‍ അന്തരിച്ചു. 63 കാരിയായ ഡോണയ്ക്ക് അര്‍ബുദരോഗമായിരുന്നു. 1974ല്‍ പുറത്തിറങ്ങിയ ആദ്യ ആല്‍ബത്തിലൂടെ തന്നെ പ്രശസ്തിയിലേയ്ക്കുയര്‍ന്ന ഡോണ സമ്മര്‍ ഡിസ്കോ റാണി എന്ന പേരിലാണറിയപ്പെട്ടിരുന്നത്. 2010-ല്‍ പുറത്തിറങ്ങിയ ടു പാരിസ് വിത്ത് ലൗവ് ആണ്‌ അവസാന ആല്‍ബം.

Keywords: World, Obituary, Pop singer, Dona Summer

രൂപയുടെ മൂല്യത്തിന്‌ റെക്കോര്‍ഡ് തകര്‍ച്ച

2012-05-18T14:55:00.002+05:30

മുംബൈ. രൂപയുടെ മൂല്യത്തിന്‌ റെക്കോര്‍ഡ് തകര്‍ച്ച. ഡോളറുമായുള്ള വിനിമയനിരക്കില്‍ രൂപയുടെ മൂല്യം ഏക്കാലത്തെയും താഴ്ന്ന നിലയില്‍. 54.74 രൂപ. ഇന്ന് 54.82 വരെ രൂപയുടെ മൂല്യം ഇടിഞ്ഞ് പുതിയ റെക്കോര്‍ഡ് ഇട്ടു. ഇന്നലെ രൂപയുടെ മൂല്യം 54.60 ആയിരുന്നുവെങ്കിലും ഒാഹരി വിപണിയില്‍ ഡോളറിന് ആവശ്യം കൂടിയതിനാല്‍ രൂപയുടെ മൂല്യം വീണ്ടും ഇടിയുകയായിരുന്നു.

Keywords: Mumbai, National, Rupees, Sensex

അന്ത്യേരി സുരയുടെ വീട്ടില്‍ കല്യാണത്തില്‍ പങ്കെടുക്കാന്‍ പോയിരുന്നെന്ന്‌ കോടിയേരി

2012-05-18T14:47:00.001+05:30

തിരുവനന്തപുരം: അന്ത്യേരി സുരയുടെ വീട്ടില്‍ മകളുടെ കല്യാണത്തില്‍ പങ്കെടുക്കാന്‍ പോയിരുന്നെന്ന്‌ കോടിയേരി ബാലകൃഷ്ണന്‍. കല്യാണത്തിന്‌ ശേഷമാണ്‌ സുരയുടെ വീട്ടില്‍ എത്തിയത്. അവിടെവച്ച് ടിപിയെ വധിക്കാനുള്ള ഗൂഡാലോചന എങ്ങനെ നടക്കും?- കോടിയേരി ചോദിച്ചു. കൊലപാതകക്കേസില്‍ ജയില്‍ ശിക്ഷ അനുഭവിക്കുന്നയാളാണ്‌ അന്ത്യേരി സുര. ഇയാളുടെ വീട്ടില്‍ വച്ച് കോടിയേരി ടിപിയെ വധിക്കാനുള്ള ഗൂഡാലോചന നടത്തിയെന്ന ആരോപണത്തിന്‌ മറുപടി നല്‍കുകയായിരുന്നു കോടിയേരി ബാലകൃഷ്ണന്‍.

Keywords: Kodiyeri Balakrishnan, Thiruvananthapuram, Murder case, Kerala

ടിപിയുടെ വീട്ടില്‍ വിഎസ് പോയതിനോട് പാര്‍ട്ടിക്ക് വിയോജിപ്പില്ലെന്ന്‌ കോടിയേരി

2012-05-18T14:07:00.002+05:30

തിരുവനന്തപുരം: വധിക്കപ്പെട്ട ആര്‍.എം.പി നേതാവ് ടിപി ചന്ദ്രശേഖരന്റെ വീട്ടില്‍ വിഎസ് പോയതിനോട് പാര്‍ട്ടിക്ക് വിയോജിപ്പില്ലെന്ന്‌ കോടിയേരി ബാലകൃഷ്ണന്‍. ടിപിയുടെ വീട്ടില്‍ വിഎസ് പോയത് നന്നായെന്നാണ്‌ പാര്‍ട്ടി കരുതുന്നത്. ആര്‍.എം.പി നേതാക്കള്‍ വിലക്കേര്‍പ്പെടുത്തിയതുകൊണ്ടാണ്‌ പിണറായിയും താനും ഉള്‍പ്പെടെയുള്ളവര്‍ ടിപിയുടെ വീട് സന്ദര്‍ശിക്കാതിരുന്നത്- കോടിയേരി പറഞ്ഞു.

Keywords: Thiruvananthapuram, Kodiyeri Balakrishnan, V.S Achuthanandan, Kerala

ടിപി വധത്തില്‍ പോലീസ് നിരപരാധികളെ കള്ളക്കേസില്‍ കുടുക്കുന്നു: എം.വി ജയരാജന്‍

2012-05-18T13:32:00.000+05:30

കോഴിക്കോട്: ടിപി ചന്ദ്രശേഖരന്‍ വധത്തില്‍ പോലീസ് നിരപരാധികളെ കള്ളക്കേസില്‍ കുടുക്കുകയാണെന്ന്‌ എം.വി ജയരാജന്‍. കേസില്‍ അറസ്റ്റ് ചെയ്ത സി ബാബുവിനെ വിട്ടുകിട്ടാനാണ്‌ ഡിവൈഎസ്പിയെ കണ്ടത്. കേസില്‍ സിപിഐഎം നേതാക്കളുടെ പേര് വെളിപ്പെടുത്താന്‍ ബാബുവിനെ പോലീസ് മര്‍ദ്ദിക്കുകയും ചെയ്തുവെന്ന്‌ ജയരാജന്‍ വ്യക്തമാക്കി. അന്വേഷണ സംഘവുമായി നടത്തിയ കൂടിക്കാഴ്ചയ്ക്ക് ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു ജയരാജന്‍. ഇതിനിടെ ബാബുവിനെ വിട്ടുകിട്ടണമെന്നാവശ്യപ്പെട്ട് സിപിഐഎം പ്രവര്‍ത്തകര്‍ കൂത്തുപ്പറമ്പ് പോലീസ് സ്റ്റേഷന്‍ ഉപരോധിക്കുകയാണ്‌.

English Summery

Police trapped innocence in TP murder case, says MV Jayarajan.

കറന്‍സിയിലെ ഗാന്ധിജിയുടെ ചിത്രം വികൃതമാക്കിയ ഫോട്ടോ ഫേസ് ബുക്കില്‍

2012-05-18T13:30:00.000+05:30

കൊച്ചി: ഇന്ത്യന്‍ കറന്‍സിയിലെ ഗാന്ധിജിയുടെ ചിത്രം വികൃതമാക്കിയ ഫോട്ടോ ഫേസ് ബുക്കില്‍ പ്രചരിക്കുന്നു. 10 രൂപ, 50 രൂപ നോട്ടുകളിലെ ഗാന്ധിചിത്രമാണ് അടിപൊളി യുവാക്കളുടെ ഹെയര്‍സ്റ്റൈലും മറ്റുമാക്കി വികൃതമാക്കി പ്രചരിപ്പിക്കുന്നത്.

കറുത്ത കട്ടി കണ്ണടയും സിക്ക് തലപ്പാവും അണിയിച്ച് രാജ്യദ്രോഹപരമായാണ് നോട്ടുകള്‍ വികൃതമാക്കിയിട്ടുള്ളത്. പലരും ഇത്തരം ഫോട്ടോകള്‍ ഷെയര്‍ ചെയ്ത് കുറ്റം ആവര്‍ത്തിക്കുകയാണ്. ചിത്രം നന്നായെന്ന തരത്തിലുള്ള കമന്റുകള്‍ പോസ്റ്റ് ചെയ്യുകും ചെയ്യുന്നുണ്ട്. ഇത്തരത്തില്‍ രാഷ്ട്ര പിതാവായ മാഹാത്മ ഗാന്ധിജിയെ അപമാനിക്കുന്നവര്‍ക്കെതിരെ രാജ്യദ്രോഹകുറ്റം ചുമത്തി കേസെടുക്കാനുള്ള അധികാരവുമുണ്ട്. ഫേസ്ബുക്കില്‍ ചിത്രം പ്രചരിപ്പിക്കുന്നവര്‍ അധികൃതരുടെ സൂക്ഷ്മ നിരീക്ഷണത്തിലാണ്.

Keywords: Kochi, Cash, Mahatma Gandhi, Facebook, Kerala

ഭീകരരുമായുള്ള കോടിയേരിയുടെ ബന്ധം വ്യക്തമാക്കണം: ചെന്നിത്തല

2012-05-18T13:22:00.000+05:30

കൊല്ലം: ഭീകരരുമായുള്ള കോടിയേരി ബാലകൃഷ്ണന്റെ ബന്ധം വ്യക്തമാക്കണമെന്ന് രമേശ് ചെന്നിത്തല. ടിപി ചന്ദ്രശേഖരന്‍ വധക്കേസിലെ കുറ്റവാളികളെ രക്ഷിക്കാന്‍ സിപിഐ(എം) ശ്രമിക്കുകയാണ്. ടിപി വധക്കേസില്‍ പാര്‍ട്ടി പങ്ക് തെളിഞ്ഞാല്‍ പിബി നടപടിയെടുക്കുമോയെന്നും ചെന്നിത്തല ചോദിച്ചു.

Keywords: Kollam, Ramesh Chennithala, Kodiyeri Balakrishnan, Kerala

ടിപി വധക്കേസില്‍ സിബിഐ അന്വേഷണം ആവശ്യമില്ല: തിരുവഞ്ചൂര്‍

2012-05-18T13:16:00.002+05:30

കോട്ടയം: ടിപി ചന്ദ്രശേഖരന്‍ വധക്കേസില്‍ സിബിഐ അന്വേഷണം ആവശ്യമില്ലെന്നും അന്വേഷണം ശരിയായ ദിശയിലാണ്‌ നീങ്ങുന്നതെന്നും ആഭ്യന്തരമന്ത്രി തിരുവഞ്ചൂര്‍ രാധാകൃഷ്ണന്‍. കേന്ദ്ര ആഭ്യന്തര സഹമന്ത്രി മുല്ലപ്പിള്ളി രാമചന്ദ്രന്റെ പ്രസ്താവന അദ്ദേഹത്തിന്റെ അഭിപ്രായം മാത്രമാണ്‌. തനിക്ക് ആ അഭിപ്രായമില്ല- തിരുവഞ്ചൂര്‍ പറഞ്ഞു. ടി പി വധക്കേസില്‍ വമ്പന്‍ സ്രാവുകള്‍ വലയിലാവാനുണ്ടെന്നും അറസ്റ്റിലായത് പരല്‍മീനുകള്‍ മാത്രമാണെന്നും മുല്ലപ്പള്ളി രാമചന്ദ്രന്‍ കഴിഞ്ഞ ദിവസം പറഞ്ഞിരുന്നു. ചരിത്രം കുറ്റക്കാരായി വിളിക്കാതിരിക്കാന്‍ ഗൂഢാലോചന നടത്തിയ നേതാക്കളെയും മുഴുവന്‍ പ്രതികളെയും പുറത്തുകൊണ്ടുവരണമെന്നും അദ്ദേഹം ആവശ്യമുന്നയിച്ചിരുന്നു.

Keywords: CBI, Thiruvanchoor Radhakrishnan, Murder case, Kottayam, Kerala

ഷാരൂഖ് ഖാന്റെ വിലക്ക് അഞ്ച് വര്‍ഷമാക്കി കുറച്ചു

2012-05-18T13:11:00.001+05:30

മുംബൈ: കൊല്‍ക്കത്ത നൈറ്റ് റൈഡേഴ്സ് ഉടമ ഷാരൂഖ് ഖാന്‌ വാങ്കഡെ സ്റ്റേഡിയത്തില്‍ പ്രവേശിക്കുന്നതിന്‌ ഏര്‍പ്പെടുത്തിയ ആജീവനാന്ത വിലക്ക് അഞ്ച് വര്‍ഷമാക്കി കുറച്ചു. മുംബൈ ക്രിക്കറ്റ് അസോസിയേഷന്റേതാണ്‌ തീരുമാനം.

Keywords: Mumbai, Sports, Sharukh Khan, National

യുവതിയെ ശല്യം ചെയ്ത റോയല്‍ ചലഞ്ചേഴ്സ് താരം അറസ്റ്റില്‍

2012-05-18T12:16:00.000+05:30

ന്യൂഡല്‍ഹി: യുവതിയെ ശല്യം ചെയ്തതിന്‌ റോയല്‍ ചലഞ്ചേഴ്സ് താരത്തെ അറസ്റ്റ് ചെയ്തു. ഓസ്ട്രേലിയന്‍ സ്വദേശിയായ ലൂക് പൊമര്‍ബഷ് ആണ്‌ അറസ്റ്റിലായത്. കഴിഞ്ഞ ദിവസം നടന്ന ഡല്‍ഹി ബംഗ്ലൂര്‍ മത്സരത്തിനു ശേഷം നടന്ന ഐപിഎല്‍ പാര്‍ട്ടിക്കിടെ ഒരു യുവതിയോട് അപമര്യാദയായി പെരുമാറുകയും യുവതിയുടെ ഭര്‍ത്താവിനെ മര്‍ദ്ദിക്കുകയും ചെയ്തതിനാണ്‌ താരത്തെ അറസ്റ്റ്‌ ചെയ്തത്.

Keywords: Arrest, Woman, IPL, New Delhi, Royal Challengers, Entertainment, Sports, National

യെദ്യൂരപ്പ ബിജെപി വിട്ട് കര്‍ണാടക ജനതാ പാര്‍ട്ടി രൂപീകരിക്കുന്നു

2012-05-18T11:51:00.000+05:30

ബാംഗളൂരു: ദക്ഷിണേന്ത്യയില്‍ താമര വിരിയിച്ച മുന്‍ കര്‍ണാടക മുഖ്യമന്ത്രി വി. എസ് യെദ്യൂരപ്പ ഭാരതീയ ജനതാ പാര്‍ട്ടി വിട്ട് കര്‍ണാടക ജനതാ പാര്‍ട്ടി എന്ന പേരില്‍ പുതിയ പ്രദേശിക പാര്‍ട്ടി സ്ഥാപിക്കാന്‍ അണിയറയില്‍ തീവ്രശ്രമം തുടങ്ങി. അഴിമിതിയുടെ പേരില്‍ സിബിഐ തനിക്കെതിരെ രജിസ്റ്റര്‍ ചെയ്ത കേസിന്റെ പുകപടലങ്ങള്‍ കര്‍ണാടക രാഷ്ട്രീയത്തില്‍ വീശിയടിക്കുന്നതിനിടിയിലാണ് യെദ്യൂരപ്പ പുതിയ പാര്‍ട്ടിയുടെ കൊടിക്കൂറ സംസ്ഥാനത്താകെ ഉയര്‍ത്താന്‍ നീക്കങ്ങള്‍ തുടങ്ങിയത്.

ബാംഗളൂരു നഗരത്തിനുള്ളില്‍ തന്നെ കര്‍ണാടക ജനതാ പാര്‍ട്ടിയുടെ(കെ.ജെ.പി)ആസ്ഥാനമന്ദിരത്തിന് ഇതിനകം സ്ഥലം കണ്ടുകഴിഞ്ഞു. പ്രതിപക്ഷ നേതാവായും ഡെപ്യൂട്ടി മുഖ്യമന്ത്രിയായും തുടര്‍ന്ന് കര്‍ണാടക മുഖ്യമന്ത്രി പദം വരെ തന്നെ എത്തിച്ച സൗഭാഗ്യം തുളുമ്പുന്ന മല്ലേശ്വരത്തെ ഒരു കെട്ടിടത്തിലായിരിക്കും ബിജെപിക്ക് വെല്ലുവിളി ഉയര്‍ത്തികൊണ്ട് കെ.ജെ.പിയുടെ ആസ്ഥാന മന്ദിരം തുറക്കുന്നത്.

വ്യാഴാഴ്ച യെദ്യൂരപ്പ പുതിയ ഓഫീസ് കെട്ടിടം സന്ദര്‍ശിച്ച് അതിനുള്ളില്‍ വേണ്ട ക്രമീകരണങ്ങള്‍ ഏര്‍പ്പെടുത്താന്‍ നിര്‍ദ്ദേശം നല്‍കി. അതിനിടെ വ്യാഴാഴ്ച രാവിലെ പുതിയ ഓഫീസ് പരിസരത്ത് സോണിയ ഗാന്ധിയുടെ ഛായാചിത്രം പ്രത്യക്ഷപ്പെട്ടതും ബാംഗഌര്‍ രാഷ്ട്രീയത്തില്‍ ചര്‍ച്ചയായിട്ടുണ്ട്. വൈകിട്ടോടെ സോണിയയുടെ ചിത്രം എടുത്തുമാറ്റുകയും ചെയ്തു. അതേസമയം കെ.ജെ.പിക്ക് ഒരു മതേതര പ്രതിഛായ സൃഷ്ടിക്കാനും യെദ്യൂരപ്പ ആലോചിക്കുന്നുണ്ട്. മതന്യൂനപക്ഷ വിഭാഗത്തില്‍പ്പെട്ട പ്രമുഖ നേതാക്കളുടെ ഛായാചിത്രവും കെ.ജെ.പി ആസ്ഥാനത്ത് ഉയര്‍ന്നാല്‍ അത്ഭുതപ്പെടാനില്ല.

പുതിയ ഓഫീസ് ഉദ്ഘാടനത്തിന് ബിജെപി നേതാക്കളെ ക്ഷണിക്കുന്നുണ്ടെങ്കിലും ക്ഷണം സ്വീകരിച്ച് എത്തുന്നവര്‍ക്കെതിരെ പാര്‍ട്ടിതല നടപടി ഉണ്ടാകാതിരിക്കാന്‍ ശ്രദ്ധിക്കണമെന്നും യെദ്യൂരപ്പ നിര്‍ദ്ദേശിച്ചിട്ടുണ്ട്. തന്നെ ഉടന്‍ പാര്‍ട്ടിയില്‍ നിന്നും പുറന്തള്ളുമെന്നുമാണ് യെദ്യൂരപ്പയും പ്രതീക്ഷിക്കുന്നത്.

അതിനിടെ മുന്‍ മുഖ്യമന്ത്രിയുടെ പുതിയ നീക്കങ്ങളെ കുറിച്ച് പ്രതികരിക്കാന്‍ ബിജെപി സംസ്ഥാന പ്രസിഡന്റ് കെ. എസ് ഈശ്വരപ്പയും മുഖ്യമന്ത്രി ഡി.വി സദാനന്ദ ഗൗഡയും വിസമ്മതിച്ചു. കര്‍ണാടക പാര്‍ട്ടിയില്‍ ഉരുണ്ടുകൂടിയ പ്രശ്‌നങ്ങള്‍ ഉടന്‍ പരിഹരിക്കപ്പെടുമെന്നും ഇരുവരും പറഞ്ഞു.

Keywords: B.S.Yeddyurappa, BJP, Bangalore, Karnataka, KJP

പ്രസവാനന്തര ചികിത്സയ്‌ക്കെത്തിയ യുവതിയെ മാനഭംഗപ്പെടുത്താന്‍ ശ്രമം

2012-05-18T11:41:00.001+05:30

കാസര്‍കോട്: പ്രസവാനന്തര ചികിത്സയ്‌ക്കെത്തിയ യുവതിയെ മാനഭംഗപ്പെടുത്താന്‍ ശ്രമിച്ചതായി പരാതി. മാനഭംഗശ്രമം ചെറുത്ത യുവതിയെ ക്രൂരമായി മര്‍ദ്ദിച്ചതിനെ തുടര്‍ന്ന് പരിക്കുകളോടെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു.

ചെര്‍ക്കള മഹാത്മ വാടക ക്വാട്ടേഴ്‌സില്‍ താമസിക്കുന്ന പരേതനായ മുഹമ്മദ് ഷാഫിയുടെ ഭാര്യ അലീമയെയാണ്(30) മര്‍ദ്ദനമേറ്റ പരിക്കുകളോടെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചത്. അലീമ ചെങ്കള ഇന്ദിര നഗറിലെ ഒരു യുവതിയുടെ വീട്ടില്‍ പ്രസവാനന്തര പരിചരണത്തിന് താമസിച്ചുവരികയായിരുന്നു.

വ്യാഴാഴ്ച രാവിലെ 11 മണിയോടെ പ്രസവിച്ചുകിടക്കുന്ന യുവതിയേയും കുഞ്ഞിനേയും കാണാനെത്തിയ യുവതിയുടെ ഭര്‍ത്താവിന്റെ ജ്യേഷ്ഠന്‍ യുവതിയെ കിടപ്പറയിലേക്ക് ക്ഷണിക്കുകയും ഇതിന് തയ്യാറാകാതെ വന്നപ്പോള്‍ കൈയ്യില്‍ കടന്നുപിടിച്ച് വലിച്ചിഴച്ച് കൊണ്ടുപോകാന്‍ ശ്രമിക്കുകയുമായിരുന്നു.

അലീമ ബഹളം വെച്ചപ്പോള്‍ ബന്ധുക്കളും മറ്റും ഓടികൂടിയതോടെ യുവതിയെ ക്രൂരമായി മര്‍ദ്ദിക്കുകയായിരുന്നു. മൂന്നു ദിവസം പ്രസവാനന്തര പരിചരണം നടത്തിയതിന് നല്‍കിയ 3,000 രൂപ പിടിച്ചുവാങ്ങി അലീമയെ വീട്ടില്‍ നിന്നും പറഞ്ഞുവിട്ടു. അടിയേറ്റ് യുവതിയുടെ മുഖം വീര്‍ത്ത് കരിവാളിച്ചിട്ടുണ്ട്. അലീമ കാസര്‍കോട് ടൗണ്‍ പോലീസ് സ്‌റ്റേഷനിലെത്തുകയും നടന്ന കാര്യങ്ങള്‍ പോലീസിനെ അറിയിക്കുകയും ചെയ്തു. യുവതിയുടെ കൈയ്യില്‍ രൂപയൊന്നുമില്ലെന്നു പറഞ്ഞതിനാല്‍ ഒരു പോലീസുകാരന്‍ നല്‍കിയ 50 രൂപ കൊണ്ട് ഓട്ടോപിടിച്ചാണ് അലീമ കാസര്‍കോട് ജനറല്‍ ആശുപത്രിയിലെത്തിയത്. സംഭവത്തെ കുറിച്ച് പോലീസ് അന്വേഷണം ആരംഭിച്ചിട്ടുണ്ട്.

Keywords: Rape attempt, Kasaragod, Woman, Kerala

ടിപി വധം: മാധ്യമവിചാരണ അതിരുകടക്കുന്നുവെന്ന്‌ സിപിഐഎം

2012-05-17T23:45:00.000+05:30

കോഴിക്കോട്: ടിപി ചന്ദ്രശേഖരന്‍ വധക്കേസില്‍ മാധ്യമവിചാരണ അതിരുകടക്കുന്നുവെന്ന്‌ സിപിഐഎം. മാധ്യമങ്ങളുടേയും പോലീസിന്റേയും തിരക്കഥയാണ്‌ നടക്കുന്നത്. വധത്തില്‍ ഏരിയ കമ്മിറ്റികള്‍ക്ക് പങ്കുണ്ടെന്ന വാദം അസംബന്ധമാണ്‌. ഇപ്പോഴത്തെ അവസ്ഥ തുടര്‍ന്നാല്‍ പ്രതിരോധത്തിന്‌ പാര്‍ട്ടി തയ്യാറാകും. തുടര്‍ന്നുണ്ടാകുന്ന പ്രത്യാഘാതത്തിന്‌ പോലീസായിരിക്കും ഉത്തരവാദി- കോഴിക്കോട് ജില്ലാ സെക്രട്ടറി നല്‍കിയ പത്രക്കുറിപ്പിലാണ്‌ സിപിഐ(എം) മാധ്യമങ്ങള്‍ക്കും പോലീസിനുമെതിരെ രൂക്ഷവിമര്‍ശനം നടത്തിയത്.

English Summery

Medias crossing the limits, alleges CPIM.

ബംഗ്ലാദേശിയെ അഞ്ച് കഷണമാക്കി അഴുക്കുചാലില്‍ തള്ളിയ 4 പേര്‍ അറസ്റ്റില്‍

2012-05-17T23:01:00.000+05:30

മസ്ക്കറ്റ്: ബംഗ്ലാദേശ് സ്വദേശിയെ കൊലപ്പെടുത്തി അഞ്ച് കഷണമാക്കി അഴുക്കുചാലില്‍ തള്ളിയ സംഭവവുമായി ബന്ധപ്പെട്ട് ഒമാന്‍ പോലീസ് 4 പേരെ അറസ്റ്റ് ചെയ്തു. സൂറിലെ അഴുക്കുചാലില്‍ നിന്നും അഞ്ച് പ്ലാസ്റ്റിക് ബാഗുകളിലാക്കിയ നിലയില്‍ ചൊവ്വാഴ്ചയാണ്‌ മൃതദേഹം കണ്ടെത്തിയത്. ചിറ്റഗോംഗിലെ സത്കനിയയില്‍ നിന്നുമാണ്‌ ഇയാള്‍ ഒമാനിലെത്തിയത്. എന്നാല്‍ ഇയാളെക്കുറിച്ചുള്ള പൂര്‍ണമായ വിവരങ്ങള്‍ ഇനിയും പോലീസ് പുറത്തുവിട്ടിട്ടില്ല. അറസ്റ്റിലായ 4 പേരും ബംഗ്ലാദേശ് സ്വദേശികളാണ്‌.

English Summery

Muscat: The Royal Oman Police (ROP) on Wednesday arrested four people on charges of a gruesome murder of a Bangladeshi national, whose body, cut into five pieces, was found in a drain in Sur on Tuesday.

സൗദിയില്‍ ഇംഗ്ലീഷ് തീയതികള്‍ ഉപയോഗിക്കുന്നതിന്‌ വിലക്ക്

2012-05-17T22:08:00.000+05:30

റിയാദ്: സൗദി അറേബ്യയില്‍ സര്‍ക്കാര്‍- സ്വകാര്യ സ്വകാര്യ സ്ഥാപനങ്ങളില്‍ ഇംഗ്ലീഷ് തീയതികള്‍ ഉപയോഗിക്കുന്നതിന്‌ വിലക്ക്. ഹോട്ടലുകളിലേയ്ക്കും കമ്പനികളിലേയ്ക്കും ഫോണ്‍ വിളിച്ചാല്‍ ഇംഗ്ലീഷ് ഭാഷയില്‍ മറുപടി പറയുന്നതിനും സൗദി വിലക്കേര്‍പ്പെടുത്തി. രാജ്യത്തെ എല്ലാ മന്ത്രാലയങ്ങളും ഓഫീസുകളും ഹിജറ തീയതികളും അറബി ഭാഷയും മാത്രമേ ഉപയോഗിക്കാവൂ എന്ന്‌ ആഭ്യന്തരമന്ത്രാലയം ഉത്തരവിട്ടു. ഹിജറ കലണ്ടറും അറബി ഭാഷയും പരിപോഷിപ്പിക്കുക എന്ന ലക്ഷ്യത്തോടെയാണ്‌ പുതിയ ഉത്തരവ് പ്രാബല്യത്തില്‍ വരുത്തുന്നത്.

English Summery

Dubai: Saudi Arabia has banned all government and private agencies from using the Gregorian dates in official dealings.

പ്രതികള്‍ ഗൂഡാലോചന നടത്തിയതിന്റെ തെളിവുകള്‍ രേഖപ്പെടുത്താത്തതിന്‌ കോടതിയുടെ വിമര്‍ശനം

2012-05-17T20:30:00.000+05:30

കോഴിക്കോട്: ടിപി വധക്കേസില്‍ പ്രതികള്‍ ഗൂഡാലോചന നടത്തിയതിന്റെ തെളിവുകള്‍ എഫ്.ഐ.ആറില്‍ രേഖപ്പെടുത്താത്തതിന്‌ അന്വേഷണ സംഘത്തിന്‌ കോടതിയുടെ വിമര്‍ശനം. കോടതിയെ തെറ്റിദ്ധരിപ്പിക്കാനാണോ ഇത്തരത്തിലുള്ള നടപടിയിലൂടെ ശ്രമിക്കുന്നതെന്നും കോടതി ചോദിച്ചു. കുന്ദമംഗലം ജുഡീഷ്യല്‍ മജിസ്ട്രേറ്റ് കോടതിയാണ്‌ അന്വേഷണസംഘത്തിനെതിരെ വിമര്‍ശനമുന്നയിച്ചത്. 120(ബി) വകുപ്പ് എഫ് ഐ ആറില്‍ ചേര്‍ത്തിട്ടില്ല. ആദ്യ അഞ്ചു പ്രതികളും കൊലപാതകത്തില്‍ നേരിട്ട് പങ്കെടുത്തതായി എഫ് ഐ ആറില്‍ പറയുന്നില്ല. ഗൂഢാലോചനയാണ് ഇവരുടെ പേരിലുള്ള കുറ്റമെന്നിരിക്കെ 120(ബി) വകുപ്പ് ഉള്‍പ്പെടുത്തി എഫ് ഐ ആര്‍ തിരുത്തി നല്‍കണമെന്നും കോടതി ഉത്തരവിട്ടു.

English Summery

Court criticized police in TP murder case for not registering conspiracy evidence in FIR.

സുരക്ഷാ ഉദ്യോഗസ്ഥര്‍ അപമര്യാദയായി പെരുമാറിയതാണ്‌ പ്രശ്നങ്ങള്‍ക്ക് തുടക്കമെന്ന്‌ ഷാരൂഖ്

2012-05-17T18:54:00.000+05:30

മുംബൈ: തന്റെ മക്കള്‍ക്കെതിരെ സുരക്ഷാ ഉദ്യോഗസ്ഥര്‍ അപമര്യാദയായി പെരുമാറിയതാണ്‌ വാങ്കഡെ സ്റ്റേഡിയത്തിലുണ്ടായ പ്രശ്നങ്ങള്‍ക്ക് കാരണമെന്ന്‌ ഷാരൂഖ്. ക്രിക്കറ്റ് അസോസിയേഷന്‍ ഏര്‍പ്പെടുത്തിയ ആജീവനാന്ത വിലക്ക് തനിക്ക് പ്രശ്നമില്ലെന്നും താന്‍ മദ്യപിച്ചിരുന്നില്ലെന്നും ഷാരൂഖ് വ്യക്തമാക്കി. ഇന്നലെ വാങ്കഡേ സ്റ്റേഡിയത്തില്‍ നടന്ന കൊല്‍ക്കത്ത നൈറ്റ് റൈഡേഴ്‌സ് മുംബൈ ഇന്ത്യന്‍സ് മത്സരത്തിനിടെയാണ് സംഭവം. മത്സരത്തില്‍ കൊല്‍ക്കത്ത ജയിച്ചതോടെ കിംഗ് ഖാന്‍ ആവേശത്തിലായി. ആവേശഭരിതനായ ഖാന്‍ ഗ്രൗണ്ടിലേയ്ക്ക് ഇറങ്ങാന്‍ ശ്രമിച്ചതോടെ സുരക്ഷാഉദ്യോഗസ്ഥര്‍ തടഞ്ഞതാണ് രംഗം വഷളാകാന്‍ കാരണം.

English Summery

Mumbai: Giving an explanation as to why he lost his cool Wednesday night at the Wankhede stadium, Shah Rukh Khan spoke to the media for the first time after the actor got into scuffle with the MCA officials.

ടിപി വധം: കണ്ണൂര്‍ സ്വദേശികളായ രണ്ട് പേര്‍കൂടി കസ്റ്റഡിയില്‍

2012-05-17T18:20:00.000+05:30

കോഴിക്കോട്: ടിപി ചന്ദ്രശേഖര്‍ വധക്കേസില്‍ രണ്ട് പേര്‍ കൂടി പിടിയിലായി. കണ്ണൂര്‍ കതിരൂര്‍ സ്വദേശികളായ സന്ദീപ്, സനൂജ് എന്നിവരാണ്‌ പിടിയിലായത്. ഇവര്‍ സഞ്ചരിച്ചിരുന്ന കാറും പോലീസ് കസ്റ്റഡിയിലെടുത്തു.

Keywords: Murder case, Kozhikode, Kerala, Arrest, Custody, Accused

സണ്‍ഫിലിം മറികടക്കാന്‍ കര്‍ട്ടന്‍ തന്ത്രം

2012-05-17T16:12:00.001+05:30

കാഞ്ഞങ്ങാട്: വാഹനങ്ങളിലെ സണ്‍ഫിലീമിനെ മറികടക്കാന്‍ കര്‍ട്ടന്‍ തന്ത്രം പ്രയോഗത്തിലായി. സണ്‍ഫിലിമുകള്‍ നിരോധിച്ചുകൊണ്ടുള്ള സുപ്രീം കോടതിയുടെ വിധിയെ മറികടക്കാനാണിത്
വാഹനങ്ങളില്‍ നിശ്ചിത ശതമാനം സൂതാര്യതയുള്ള ടിന്റഡ് ഗ്ലാസ് ഉപോയോഗിക്കാന്‍ മാത്രമാണ് അനുമതിയുള്ളത്. സണ്‍ ഫിലിം നിരോധിച്ച സാഹചര്യത്തില്‍ വര്‍ദ്ധിച്ച ചൂടില്‍ നിന്ന് രക്ഷപ്പെടാന്‍ എന്തുകൊണ്ട് കര്‍ട്ടന്‍ ഉപോയോഗിച്ചുകൂടാ എന്ന ചോദ്യം ഉയര്‍ന്നു തുടങ്ങിയിട്ടുണ്ട്. കര്‍ട്ടന്‍ ഇടുന്ന വാഹനങ്ങള്‍ക്കെതിരെ എന്ത് നടപടി സ്വീകരിക്കുമെന്ന ആശയകുഴപ്പത്തിലാണ് പോലീസും മോട്ടോര്‍ വാഹനഅധികൃതരും.

പല വാഹനഉടമകളും ഇപ്പോള്‍ കര്‍ട്ടന്‍ പ്രേമികളായി മാറിയിട്ടുണ്ട്. കനത്ത ചൂടുള്ള സമയങ്ങളില്‍ വാഹനം റോഡരികില്‍ ഒതുക്കിയിടുമ്പോള്‍ കര്‍ട്ടനിട്ട് പോയാല്‍ ചൂടിന്റെ തോത് കുറക്കാമെന്നും വാഹനങ്ങളില്‍ സാധനങ്ങള്‍ സുരക്ഷിതമായി വെച്ചിട്ട് പൂട്ടിപോകാമെന്നും കര്‍ട്ടന്‍ പ്രേമികള്‍ പറയുന്നു. സ്ത്രീകളുടെ സ്വകാര്യതയ്ക്കും കര്‍ട്ടന്‍ സഹായകമാണെന്നാണ് ഇവരുടെ വാദം. വാഹനങ്ങളില്‍ അനാശാസ്യ പ്രവര്‍ത്തിയിലേര്‍പ്പെടുന്നവര്‍ക്കും കര്‍ട്ടന്‍ ഗുണം ചെയ്യുമെന്നതാണ് മറുവശം.

പ്രത്യേക രീതിയില്‍ കര്‍ട്ടനുകള്‍ തയ്യാറാക്കികൊടുക്കാന്‍ പല വാഹന ആക്‌സസ്സറീസ് ഷോപ്പുകളിലും ഇപ്പോള്‍ സജ്ജീകരണം ഏര്‍പ്പെടുത്തിയിട്ടുണ്ട്. നഗരങ്ങളില്‍ സാധാരണ കാറുകള്‍ക്ക് 1500-2000 രൂപയും ഇന്നോവ പോലുള്ള വാഹനങ്ങളില്‍ 5000-5500 രൂപയുമാണ് കര്‍ട്ടനിടാന്‍ നിരക്ക് ഈടാക്കുന്നത്.

Keywords: Sun film, kasaragod, Kanhangad, Vehicles

സിപിഐഎം വിട്ട ഗ്രാമപഞ്ചായത്ത് അംഗത്തിന്‌ വെട്ടേറ്റു

2012-05-17T15:01:00.000+05:30

തൃശൂര്‍: സിപിഐഎം വിട്ട ഗ്രാമപഞ്ചായത്ത് അംഗത്തിന്‌ വെട്ടേറ്റു. 20 വര്‍ഷത്തോളം സിപിഐഎമ്മിന്റെ ഏരിയ സെക്രട്ടറി അംഗമായിരുന്ന മുഹമ്മദ് കുട്ടിയുടെ മകന്‍ റഫീക്കിനാണ്‌ വെട്ടേറ്റത്. ഇയാളെ ഗുരുതരമായ പരിക്കുകളോടെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്‌. സിപിഐഎം വിട്ട് റഫീഖ് മുസ്ലീം ലീഗിലേയ്ക്ക് ചേക്കേറുകയായിരുന്നു. അക്രമത്തില്‍ പ്രതിഷേധിച്ച് ചേലക്കര പഞ്ചായത്തില്‍ ലീഗ് ഇന്ന് ഉച്ചയ്ക്ക് ശേഷം ഹര്‍ത്താലിന് ആഹ്വാനം ചെയ്തു.

Keywords: Thrissur, CPI, Stabbed, Kerala, Panchayath member

ടിപി വധം: ഒരു സിപിഎം പ്രവര്‍ത്തകന്‍ കൂടി പിടിയില്‍

2012-05-17T15:00:00.000+05:30

വടകര: ടിപി വധക്കേസില്‍ ഒരു സിപിഎം പ്രവര്‍ത്തകന്‍ കൂടി പിടിയിലായി. പാനൂര്‍ കൊളവല്ലൂര്‍ സ്വദേശി മനോജ് ആണ്‌ പിടിയിലായത്. ഇന്നും കൂടുതല്‍ അറസ്റ്റുകള്‍ ഉണ്ടാകുമെന്ന്‌ പോലീസ് അറിയിച്ചു. മനോജിനെ പോലീസ് ചോദ്യം ചെയ്ത് വരികയാണ്‌.

Keywords: Kozhikode, Vadakara, CPM, Arrest, Murder case, T.P Chandra shekharan

സ്വര്‍ണവില 200 രൂപ വര്‍ദ്ധിച്ചു

2012-05-17T14:44:00.000+05:30

കൊച്ചി: സ്വര്‍ണവില 200 രുപ വര്‍ദ്ധിച്ച് പവന്‌ 21,000 രൂപയിലെത്തി. ഗ്രാമിന്‌ 2,625 രൂപയാണ്‌ ഇന്നത്തെ വില. തങ്കം ,വെള്ളി എന്നിവയുടെ വിലയിലും വര്‍ധനവുണ്ടവയി. തങ്കം പവന് 28,550 രൂപയും വെള്ളി കിലോഗ്രാമിന് 52,220 രൂപയുമാണ്‌.

Keywords: Kochi, Gold, Gold Price, Increased, Kerala