KWA MWANANGU MPENDWA

MUNGU KATI YETU

noreply@blogger.com (kwa mwanangu mpendwa) — Fri, 02 Aug 2019 20:12:00 +0000

MUNGU KATI YETU

Hekima ipo katika kutambua tofauti iliyopo miongoni mwetu wanadamu.

“Ikawa alipokuwa ameketi nao chakulani, alitwaa mkate, akaubariki, akaumega, akawapa.Yakafumbuliwa macho yao,wakamtambua,Kisha akatoweka mbele yao.

Wakaambiana,Je mioyo yetu haikuwaka ndani yetu hapo alipokuwa akisema nasi njiani, na kutufunulia maandiko?Luka 24:30-32

Nahitaji mwalimu!!

Nahitaji msaidizi!!!

Nahitaji mwombezi!!

"Kama nikipata mwalimu ama yeyote atakayeniongoza,Maisha yangu yatakuwa mazuri!!

Inawezekana haya ni baadhi ya maoni yako ambayo unahisi yanaweza kubadili maisha yako,pasipo kutambua kwamba mwalimu,msaidizi , yupo kati yetu.

Wakati Fulani unaweza kutoka Singida, kukitafuta kitu Dar es salaam, kumbe umekiacha Singida kikipatikana kwa wingi na bure.

Natoa mfano huu kuonesha kwamba zipo nyakati unaweza ukatafuta kitu Fulani na kukifuata mbali,kumbe kinapatikana katika mazingira unayoishi.

Utashangaa nitakaposema kwamba,kuna watu ambao wanakuzunguka na unaishi nao, ambao Mungu amewaweka makusudi katika kuifanya safari yako ya maisha kuwa rahisi,lakini upofu ulio ndani yako,unakufanya usitambue kabisa.

Nyakati zote unawatazama kama ni wa kawaida tu, hawana umuhimu kwako,na hivyo badala ya safari yako ya mafanikio kuwa ni siku 40, inakuwa ni miaka 40.

Wapo watu ambao wakati mwingi nawafuatilia.Na huwa najiuliza ni kwa nini sikupata kuwatambua mapema.Matendo yao,mienendo yao, maneno yao, mitazamo yao huweza kuamsha nguvu ndani yangu.

Tabia yangu hii ya kudadisi imenifanya nianze kuwatazama kila nnayekutana nae kwa jicho la kipekee,kwa sababu naamini,kila ninayekutana nae katika kazi,sala,mijadala,daladala,hawajatokea kwa bahati mbaya, bali Mungu ana makusudi.

Mara nyingi nafanya hivi pasipo hata wao kutambua kwamba nathamini kukutana nao.

Mungu yupo miongoni mwetu,na wakati mwingi hatutambui hilo.

Mara nyingi tunadhani Mungu yupo kanisani ama msikitini.

Tukiwaona wachungaji,mapadre na viongozi wa kiimani,tunadhani ndipo tunapoweza kumwona Mungu.

Mungu yupo miongoni mwetu.Kwa wadogo,wadhaifu, warefu,wafupi,weusi,wembamba. Mungu yupo miongoni mwetu.

Binadamu wengi hawapendi kutazama zaidi ya mwonekano wa mtu.Ukijifunza kutazama zaidi ya mwonekano wa nje,unaweza kuona kilicho ndani na thamani ya kisichoonekana kwa macho ya nyama.

Kwa wale wanaoishi na wenzi wenu,Mungu anaweza kuwa ndni ya mwenzi wakounayelala nae kwenye kitanda kimoja.Moyo wa kudhani/kutazama kwa kuhukumu unaweza kukufanya usitambue hilo.

Anaweza kukupa suluhisho juu ya jambo,lakini kwa sababu unamtazama kwa nje, na kwa mazoea basi huwezi ona kilicho ndani yake.

Lakini akisimama kiongozi wa kiimani, akiongea kwa sauti ya kukuvuta, akikupa ushaurinhata usiofaa, utapiga kelele na mwitikio mkubwa moyoni mwako.Ndio baba!!!

Hekima ipo katika uwezo wa kutambua kisichoonekana.

Mungu yupo kati yetu, picha uliyonayo kichwani mwako kuhusu Mungu inakufanya usimtambue.

Kitu unachokifuata maili nyingi,kipo kinakuzunguka katika mazingira yako

Naitwa Pongu Joseph

x

SAFARI YA KUTAMBUA KWA NINI UPO DUNIANI.

noreply@blogger.com (kwa mwanangu mpendwa) — Wed, 04 Apr 2018 12:01:00 +0000

Mwalimu wa kweli wa kiroho hana maneno ya kukufundisha jambo jipya usilolifahamu, habari mpya taarifa mpya,sheria mpya ama imani mpya.

Kazi pekee ya mwalimu wa kiroho ni kukusaidia na kukuongoza kuondoa giza linalokutenganisha wewe kutoka kwenye ukweli wa kwa nini Mungu alikuumba na undani wa sababu ya kwa nini upo hapa duniani.

Kazi yake ni kukufunulia ujue ukweli unaokuunganisha kwa kina wewe na Muumba wako.

Tumemaliza mfululizo wa siku 40 katika kuweka tafakari ya kina juu ya sababu ya sisi kuwepo hapa duniani kwa njia ya mfungo wa siku 40.

Kwa nini upo duniani? Nimevutiwa kutumia ujuzi nilioupata kushirikiana nawe kwa mfululizo wa siku 40 kutafakari upya kwa pamoja. Ni katika mfululizo wa makala kujikumbusha kwa nini tupo hapa katika dunia hii.

Bila shaka mfululizo huu utakuwa ni njia ya kukufumbua kuhusu swali hili ambalo wengi hujiuliza ‘’Kwa nini nipo duniani? Nina jukumu gani katika dunia hii’’?

Ni imani yangu kwamba mwisho wa mfululizo hu utakuwa na picha kubwa ya namna ulivyokuwa ukijitazama,na upya baada ya mfululizo huu.

SIKU 40 ZIJAZO

Takwimu mbalimbali zinaonesha kuwa umri wa mwanadamu kuishi unafikia wastani wa miaka 70.Unaonaje kama utafanya maamuzi ya kutumia siku 40 tu kutafakari ni kwa nini Mungu alituleta hapa duniani?

Kwa wale wakristu mtakumbuka jinsi biblia inavyoeleza umuhimu wa siku 40. Mungu alipotaka kumwandaa mtu kwa makusudi Fulani,alitumia siku 40.

· Maisha ya Nuhu yalibadilishwa kwa siku 40 zaa kunyesha mvua

· Musa alibadilishwa kwa siku 40 katika mlima wa Sinai

· Daudi akipambana na Goliath katika siku 40 alishinda na kubadilishwa katika imani.

· Eliya alibadilishwa pale Mungu alipompa nguvu ya kuishi kwa siku 40 kwa mlo mmoja tu

· Mji wote wa Ninawi ulibadilika baada ya Mungu kuwapa siku 40 za mabadiliko

· Yesu aliinuliwa baada ya kufunga na kuomba kwa siku 40 nyikani

· Mitume wa Yesu walibadilishwa kwa siku 40 baada ya ufufuko.

Bila shaka siku 40 zijazo zitabadili maisha yako

Tutakuwa na mada zilizogawanywa kwa siku 40. Ruhusu mabadiliko katika maisha yako kwa kubadili mtazamo wako katika tafakari ya siku 40. Ni muhimu kushiriki kwa kina katika kusoma makala hizi kwa siku 40 zijazo, ukitafakari na kujadiliana kwa kina.Usikimbilie kusoma tu,tafakari, hata katika mafunzo ya mwalimu mbovu, lipo la kujifunza.

Muombe Mungu akujalie tafakari ya kina, kudadisi na kupata faida inayokusudiwa katika mfululizo huu. Washirikishe na wengine,na shirikiana nao katika kujadili mada kwa kila siku .Ushirikiano wa wawili ni bora kuliko mmoja.Mmoja atashika hili na mwingine lile,kushirikiana kunajenga zaidi.

Nakutakia ushiriki mwema

MAISHA YAKO YANA THAMANI GANI KWA WENGINE?>

noreply@blogger.com (kwa mwanangu mpendwa) — Sat, 17 Feb 2018 22:39:00 +0000

Maisha yako yamechangia nini katika dunia hii?Maisha yako yameleta faida gani kwa wengine?Umekuwa zawadi kiasi gani kwa wengine?
Kipawa ulichopewa, uwezo wa ubunifu uliopewa,ujuzi uliopewa,umeutumia namna gani kwa ajili ya wengine,kama utukufu kwa aliyekuumba?
Wakati mwingi tumekuwa tukitazama tunapata nini,tunaongeza nini kwa ajili yetu pasipo kutazama ni kwa namna gani umekuwa mwenye manufaa kwa dunia na viumbe wote.

Hii ndiyo sababu inayonisukuma kuendelea kuandika,ili niwe sababu ya faraja,mabadiliko ,changamoto na hata chemchem ya wengine kujitambua.

KITABU KITAKACHOKUWEZESHA KUWEKA KUMBUKUMBU YA MAPATO NA NMATUMIZI YAKO

noreply@blogger.com (kwa mwanangu mpendwa) — Tue, 20 Dec 2016 08:21:00 +0000

JE WAJUA?: Watanzania wengi hatuweki rekodi ya Mapato na matumizi tunayoyafanya kwa siku,juma ,mwezi na hata mwaka?Je unajua kwamba wengi wetu tunatamani kuwa na kumbukumbu na mwisho wa mwaka kujua tulipata kiasi gani na tulikitumia vipi?Sasa umerahisishiwa.Unaweza kuweka kumbukumbu ya mapato yako kila siku na matumizi.
Nimeandaa kitabu kitakachokurahisishia kuweka kumbukumbu juu ya ulichozalisha(wapi,lini,namna gani,kiasi gani) na hivyo kujua unakitumiaje.
Ni kitabu kidogo chenye kurasa 32 (karatasi 8) kiitwacho BAJETI YAKO MIKONONI MWAKO /YOUR BUDGET ON YOUR HAND.Kipo kwa lugha ya Kiswahili na kiingereza,Ni wewe utachagua unapenda cha lugha gani.

Hauhitaji kuwa na elimu ya uhasibu ama biashara ili kuweza kukitumia,kila kitu kimerahisishwa. Unachohitaji ni kuweka kumbukumbu kwa usahihi kama utakavyokuta kwenye maelezo.Kwa nini unapaswa kuwa na kitabu hiki kabla ya kuanza mwaka
1.Utaweza kujua mapato yako yanatokana vema na nini na namna gani uweke bidi
2.Kitakurahisishia kujua matumizi yasiyokuwa na tija na kuyaepuka.
3.Kitakuwezesha kujua vyanzo vyako vya mapato halisi na vyanzo vya matumizi makubwa
4.Ni rahisi kukitumia,kidogo na rahisi kukibeba.
5.Kitakurahisishia kuweka mikakati ya kimaendeleo na kuweka vipaumbele
6.Kitakurahisishia kujua ulipata kiasi gani kwa wiki,juma,mwezi na hata mwaka na hivyo kujua napopaswa kuongeza bidi na kupunguza /kudhibiti matumizi yasiyo ya lazima
7.Kitakurahisishia kupanga mipango ijayo kwani utajua mapato yako na matumizi halisi nay ale yanayojitokeza.
8.Ni kizuri kwa watu wote wenye nia ya kupanga mipango ya kiuchumi na kuitekeleza.
9.Unajenga tabia ya kuthamini kidogo ulichonacho
UNAKIPATAJE?
Kitabu kinapatikana kwa bei ya tshs 5,000/= .Wasiliana nami kwa namba 0765046644 ama 0717903089 utaletewa popote ulipo.

Waraka kwa vijana wote

noreply@blogger.com (kwa mwanangu mpendwa) — Sun, 27 Apr 2014 07:21:00 +0000

Barua Ya Wazi Kwa
Kijana Wa Kitanzania
-na Makirita Amani

Hakuna kipindi kigumu kwenye
maisha ya mwanadamu kama
muongo wa tatu wa maisha
yaani kati ya miaka 20 mpaka
30. Huu ni wakati ambao una
changamoto nyingi sana za
maisha na ni wakati ambao
unaweza kujenga au kubomoa
maisha yako moja kwa moja.
Kama wewe upo katika kipindi
hiki endelea kusoma hapa ili
uweze kupata mwanga pale
mambo yanapokwenda
usivyotarajia. Kama umri wako
umezidi hapo unaweza kusoma
pia na ukawashauri wadogo
zako au watoto wako. Na hata
kama umri wako uko chini ya
hapa sio vibaya ukajifunza na
kujua ni nini unakwenda
kukutana nacho mbele.
Huu ni wakati mgumu sana
kwako.
Kwa maisha yetu ya kitanzania,
kijana wa miaka kati ya 20-30
anakuwa anaingia elimu ya
chuo, yuko chuoni, amemaliza
chuo, anatafuta kazi au ndio
ameanza kazi. Pia ni wakati
ambao kijana huyu anakuwa
kwenye mahusiano ya mapenzi,
uchumba na hata kuingia
kwenye ndoa. Pia ni wakati
ambao wengi wanaondoka
kwenye mikono ya wazazi au
walezi na kwenda kujitegemea
wenyewe. Mambo yote haya
yameleta changamoto kubwa
sana kwa kijana na kwa
changamoto hizi kijana
anaweza kujijenga au
kujibomoa.
Changamoto kubwa
anazokutana nazo kijana katika
wakati huu ni;
1. Kumaliza elimu ya sekondari
na kwenda kuanza maisha ya
tofauti kabisa vyuoni. Kuna
tofauti kubwa sana ya elimu ya
sekondari na elimu ya chuo,
wakati sekondari unasimamiwa
sana, chuoni unakuwa na
uhuru zaidi. Kwa uhuru huu
vijana wengi wamejikuta
wanafanya mambo ambayo
yanasababisha washindwe
kufatilia masomo yao vizuri.
2. Kuingia kwenye mahusiano
ya kimapenzi na kuvunjika kwa
baadhi ya mahusiano.
Mahusiano sio rahisi katika
umri huu, kijana anakutana na
mwenzake ambaye anafikiri
wanapendana sana na siku
moja watakuwa mume na mke
baada ya muda anagundua
mtu aliyeingia nae kwenye
mapenzi hakumjua vizuri. Hii
inapelekea mapenzi kuvunjika
na kuumizwa sana.
3. Kukabiliana na maisha ya
masomo vyuoni na maisha
mengine ya kijamii. Licha ya
masomo kuna shughuli nyingi
za kijamii na binafsi pia. Kuna
vijana wanajikuta wakiendekeza
starehe sana na kusahau
masomo, wengine wanajikuta
wakikazana na masomo sana
na kusahau nini kinaendelea
kwenye jamii.
4. Kupata ajira baada ya
kumaliza chuo. Hii ndio
changamoto kubwa sana hasa
nyakati hizi. Vijana wanatoka
vyuoni wakiwa na habari nzuri
walizodanganywa kwamba
ukisoma na kufaulu vizuri
utapata kazi nzuri na kuwa na
maisha mazuri. Ni pale
wanapojikuta mtaani mwaka
mzima wakizunguka na
bahasha bila ya kupata kazi
ndio wanagundua maisha sio
rahisi kama walivyodanganywa.
5. Kuanza kazi na kukabiliana
na changamoto za kazi. Kupata
kazi ni kitu kimoja, kufanya kazi
na kuridhishwa nayo au
kuifurahia ni kitu kingine. Kuna
changamoto nyingi sana
kwenye kazi hasa kwa
wafanyakazi wageni, pia jinsi ya
kuchangamana na watu wenye
haiba tofauti ni kazi kubwa
sana kwa kijana.
5. Kuanza maisha ya
kujitegemea mwenyewe na
kuweza kufanya maamuzi
sahihi. Katika wakati huu kijana
anaweza kuona ana uhuru
mkubwa sana wa kufanya yale
aliyokuwa anashindwa kufanya
wakati yuko kwenye mikono ya
wazazi au walezi. Ni katika
wakati huu wengi wanafanya
starehe kupitiliza na kujikuta
wanapotelea katika ulevi.
6. Kuingia kwenye ndoa na
kuanza maisha ya kifamilia.
Katika wakati huu kijana
anaingia kwenye ndoa na
kuanza maisha ya familia.
Maisha ya ndoa ni tofauti sana
na maisha ya mapenzi na
uchumba, hapa ndipo kijana
anamfahamu vizuri mwenzake
na kwa kushindwa kupambana
na changamoto za ndoa, ndoa
nyingi zinaishia kuvunjika
mapema sana.
Kutokana na ukosefu wa elimu
ya kupambana na changamoto
hizi za maisha vijana wengi
sana maisha yao yamepotelea
kwenye kipindi hiki na kuja
kushtuka baadae wakati umri
umekwenda na kujiuliza ni
wapi mambo yalikwenda
hovyo.
Kijana ufanye nini
kukabiliana na changamoto
hizi?
Hapa nitazungumzia mambo
matano muhimu ambayo kijana
anatakiwa kufanya au kujua ili
kuweza kuvuka salama kipindi
hiki kigumu.
1. Kuna wakati hutajua
unafanya nini.
Katika kipindi hiki cha maisha
kuna wakati hutajua ni nini
unafanya kwenye maisha yako
au ni wapi maisha yako
yanaelekea. Usikatishwe tamaa
na hali hii bali weka mipango
na malengo ya maisha yako na
ujitahidi kutekeleza.
2. Maisha hayatakuwa vile
unavyopanga au kufikiri
yatakuwa.
Mambo yanabadilika tena kwa
kasi sana, pamoja na kuwa na
mipango mizuri bado hutoweza
kuitimiza yote hasa ndani ya
kipindi hiki. Utajitahidi sana
lakini kuna ambavyo
vitakushinda. Usife moyo,
endelea na maisha yako
mwisho wa siku maisha lazima
yataenda. Kingine cha muhimu
zaidi jua unahitaji muda ili
kufikia mafanikio yoyote
unayofikiria, hakuna kitu
kinachokuja haraka na kwa
urahisi.
3. Sio kila mtu anayekuja
kwenye maisha yako atakaa.
Hili nalisema hasa kwenye
mahusiano ya kimapenzi.
Usifikiri mpenzi uliyempata ni
lazima uje uishi naye, kuna
uwezekano mkashindwa
kuendana na kila mtu
akachukua hamsini zake.
Badala ya kulaumu na kuharibu
maisha yako furahia kwamba
huyo ni mmoja wa watu ambao
walikuwa wakupita tu kwenye
maisha yako. Umekuwa na
marafiki wengi kwanzia utoto
mpaka sasa, wengi kwa sasa
hujui hata wako wapi, ndivyo
maisha yalivyo. Kuna
watakaokuja na kukaa, kuna
wengine watapita tu.
4. Uhuru una mipaka yake.
Kwa kuwa umefika wakati wa
wewe kujitegemea na kuwa
huru na maisha yako,
haimaanishi unaweza kufanya
chochote unachotaka na
maisha yako. Ni lazima uwe na
busara ya kujua ni kipi kizuri
kwenye maisha yako na kipi
kibaya. Kama unaenda disko na
kulewa kila mwisho wa wiki kwa
sababu ulikosa haya ulipokuwa
nyumbani, fikiria maisha yako
ya mbele unataka yaweje kisha
punguza mambo ambayo
yatakuzuia kufika kule.
5. Jaribu mambo mengi sana
katika wakati huu.
Jaribu kufanya vitu vingi sana
kwenye kipindi hiki, usiridhike
na kazi moja unayotafuta au
uliyopata. Huenda mpaka sasa
hujajua ni nini unafurahia
kufanya au hujajua vipaji
vyako. Katika wakati huu
ambao bado hujawa na
majukumu makubwa unaweza
kujaribu kufanya vitu vya
tofauti kwenye maisha yako ili
kujua ni nini unafurahia
kufanya. Muhimu zaidi
tengeneza vyanzo mbadala vya
kipato katika wakati huu.
6. Jifunze, jifunze, jifunze
Vijana wengi wanaomaliza
elimu zao huona kujifunza ndio
kumefika mwisho. Au
watajifunza tena wakienda
kuongeza masomo. Hili ni kosa
kubwa sana, jifunze kila siku
kutoka kwa watu na kwa
kujisomea vitabu vya
kukuendeleza. Kama unakosa
kabisa cha kujifunza tembelea
AMKA MTANZANIA na
utajifunze mengi sana. Kama
hujifunzi unarudi nyuma na
kama unarudi nyuma hutoweza
kupambana na changamoto za
maisha hivyo maisha yako
yatakuwa magumu sana.
7. Dunia haiko sawa.
Kuna wakati kijana unafikiri
dunia ingetakiwa kuwa sawa na
kuona kama unaonewa. Ukweli
ni kwamba dunia haijawahi
kuwa sawa na haitokuja kuwa
sawa. Unaweza kufanya kazi
kwa bidii na maarifa halafu
mwenzako akaja kuchukua
pongezi zako, unaweza kufanya
haki na bado ukaingizwa
kwenye uhalifu, unaweza kuwa
na elimu kubwa na ufaulu
mzuri ila ambaye hana elimu
ndio akawa bosi wako kazini,
unaweza kuwa na roho nzuri
na ukazulumiwa, haya yote ni
maisha.
8. Chocote kitakachotokea
jua huo sio mwisho wa dunia.
Hata litokee jambo baya kiasi
gani kwenye maisha yako kama
bado upo hai basi jua unaweza
kuyafanya maisha yako kuwa
bora zaidi. Usikubali
changamoto yoyote iharibu
maisha yako, jua itapita na
maisha yataendelea. Kila kitu
kinapita, hata hayo magumu
unayopitia yatapita, hakikisha
maisha yako yanakuwa imara
baada ya mapito hayo.
9. Safiri.
Jitahidi sana katika kipindi hiki
jitahidi sana usafiri sehemu
mbalimbali ndani na nje ya
nchi. Kusafiri na kwenda
sehemu ngeni kunakufanya
ufikiri tofauti na uwe na
mtizamo mpana sana kwenye
maisha yako. Kama umezaliwa
moshi ukasoma na kukulia
moshi, ukafanya kazi na kuishi
moshi utakuwa na mawazo
mgando sana kwa sababu
unaona mambo na
changamoto zile zile kila siku.
Ila unaposafiri na kuishi na
watu wenye maisha na
mitizamo tofauti na ya kwako
hapo ndipo unapoweza
kujifunza zaidi.
10. Furahia kila hatua ya
maisha yako.
Kama unatamani nyakati
ngumu zifutike kwenye maisha
yako hujajua umuhimu wake.
Kila changamoto unayokutana
nayo inakujenga uwe mtu bora
zaidi. Furahia kila hatua
unayopitia kwenye maisha
yako, iwe ni ya kufurahisha au
ya kuumiza. Kuna somo
muhimu la kujifunza kwenye
kila jambo na kila mtu
unayekutana naye.
Kijana haya maisha ni ya
kwako, yapangilie maisha yako
na uyaishi. Usiogope
changamoto unazokutana nazo
hizi ndizo zinazokusaidia ukue
zaidi. Usilalamike wala
usilaumu yeyote, chukua hatua
juu ya maisha yako.
Nakutakia kila la kheri katika
wakati huu mgumu sana
kwenye maisha yako, nina
imani utavuka wakati huu
ukiwa salama na ukiwa na
malengo makubwa.
Kumbuka , TUKO PAMOJA.
Mshirikishe kijana mwenzako
mafunzo haya ili naye ajifunze,
bonyeza kitufe cha facebook

SIFA ZA BINADAMU ANAYEJITAMBUA

noreply@blogger.com (kwa mwanangu mpendwa) — Mon, 30 Sep 2013 23:06:00 +0000

Katika makala hii tunajifunza juu ya binadamu anayejitambua.Makala hii inaweza kukukumbusha mambo mengi kwa kifupi na hivyo kukufanya uchunguze juu ya maisha yako na kuyatumia vyema kwa wakati huu ulipo hapa duniani.

Kutambua ndani yako hakuhitaji uende shule na kusoma sana,na hakutokani na maamuzi ya mtu mwingine bali ni maamuzi yatokayo ndani mwako

Ni mguso unaotaka ndani mwako, ufahamu unaokua toka ndani mwako. Ni uchimbuzi wa chemchem zitokazo ndani mwako, Ni kumtambua Mungu kupitia mguso ndani ya moyo wako, kisha kuanza kutumia kipawa ulichonacho kwa ajili ya utukufu wa Mungu . Ni hisia za ndani zitakazofanya umfahamu Mungu na si kufikiria tu.Upya ndani ya binadamu hutokea wakati wote kwa kuunganisha moyo wako na ulimwengu wa hisia na kuendelea kujifunza kila wakati na kukuza nafasi ya moyo wako kuwa mpya.

Je ni kwa namna gani unamtambua binadamu anayejitambua?

Mtu anayejitambua hubadili mtazamo wake kutoka kwenye mtazamo wa jamii unaofuata mila na desturi/kawaida kuelekea kwenye fikra za kuijenga dunia mpya na yenye fursa mpya.Hujenga dunia ambayo wanaomzunguka ni wanadamu wanaotambua utu na nafasi ya kila nafsi.Akiwa na misingi ya ujamaa na usawa, hufanya majukumu yake kutoka kujitazama yeye binafsi na kuanza kuwatazama wengine.Uchaguzi wake na matendo yake husukumwa na maono na mtazamo wa mbali kwa ajili ya binadamu wote na viumbe vyote.Hutazama sio kila kiumbe kwa ajili yake,bali kila kiumbe kwa ajili ya wote.

Anayejitambua habagui jinsia bali hutambua jinsia kuwa ni matokeo ya fikra za Mungu yaliyokusuduia kutoa fursa.Huheshimu, hutambua wengine na kuthamini nafsi zao na uchaguzi wao.Hutengeneza dunia dunia ambayo jinsia zote huwa na uhuru wa kutumia vipawa vyao, kutambua sauti zo,nuru ndani mwao na kutumia kwa ajili ya viumbe wote.

Mtu anayejitambua hasukumwi kutenda na maamuzi ama fikra za wengine. Anatazama ndani yake.Hajifananishi na nafsi zingine na hivyo hatumii nafasi yeyote kuwakandamiza wengine.Husimama kwa miguu yake mwenyewe. Anawasikiliza wengine isipokuwa hatoi nafasi kwa wengine kumuamulia maisha atakayoishi. Anayaona mambo yajayo na hivyo huanza kuijenga kesho yake katika wakati tunaouita sasa. Ni alama ya uwezo wa Mungu uliopo ndani ya binadamu. Na alama ya maisha yake huishi enzi na enzi.

Mtu anayejitambua huchukua hatua juu ya hisia zitokazo ndani mwake na hivyo kutambua matokeo ya matendo yake.Hutenda kwa msukumo wa moyo. Hutambua mambo ambayo hayamletei faida na kutoyafanya na pia hutambua yale yanayomletea faida ..akitambua kuwa anapotenda kwa wengine anajitendea mwenyewe. Husikiliza hisia za ndani mwake na kujifunza lugha ya moyo wake.

Huishi maisha yenye sababu. Husikia muito alioitiwa na kuuuishi. Haridhishwi tu na maisha ya tokanayo na matukio kama kuamka,kutembea,kulala,kula bali hutambua kuwa yupo hapa duniani kwa sababu maalum,hivyo huchimba ndani mwake kuijua sababu na kuiiishi. Kila wakati anasukumwa na sababu hiyo ya yeye kuishi ,kuendelea kuishi kwa dhati akitengeneza na kuifuata njia inayomfikisha huko.

Hakimbii majukumu yake . Hajitoi katika kutafuta suluhu ya changamoto na wala halaumu wengine. Hutambua makosa yake na kujifunza kupitia hayo. Husanifu maisha yake na kuyafanya mapya kila wakati.

Hujifunza toka ndani mwake na kutoka kwa wengine. Hutilia mkazo katika mafanikio ya ukuaji ndani mwake kuliko mafanikio ya nje., hutengeneza ndani mwake. Hutafiti na kuvumbua chemchem zinazojenga na kubomoa nafsi na kutumia chemchem hiyo kuifanya dunia kuwa sehemu bora ya kuishi.Hivyo aliyejitambua ni picha tosha ya uwezo na uwepo wa Mungu ndani ya binadamu. Hutengeneza msawazo kati ya chemchem ndani mwake na matokeo yaonekanayo halisia.;

Binadamu anayejitambua hutazama kila jambo kama fursa

Anayejitambua hatafuti usahihi katika utendaji bali hutenda kwa kujitolea katika nguvu na uwezo wote.Hufanya kwa uwezo wake wote.

Anayejitambua hujikita katika kutenda kuliko kusema tu.Huweka bidii katika kazi . Huanzisha na kutenda mambo ambayo hufaidisha viumbe wote . Husema pale inapohitajika,huheshimu mawazo yake na huwa tayari kuchukua malipo ya maneno yake mwenyewe.Hakimbii kivuli chake. Hayupo tayari kuona wengine wakikosa uhuru kupitia yeye. Anatambua kuwa wakati wote huvuna alichopanda..

Anayejitambua huweka mkazo katika uhusiano mwema na nafsi zingine. Huthamini mahusiano yenye thamani. Mahusiano kwake hutokea ndani, hujengwa ndani na hivyo hudumu. Upendo kwake ni lugha ya moyoni, huleta furaha, mshikamano na amani.Zitokeapo changamoto katika mahusiano,huwa tayari kuyatatua kwa ajili ya kuyakuza zaidi.

Anayejitambua hutambua kuwa hapa duniani hatupo katika kushindana,ushindani kwake haupo,hushirikiana na ushindi kwake ni furaha katika kutimiza wajibu wake. Huandaa silaha zake ndani na kuteketeza kila kisicho na manufaa kwa binadamu. Baada ya milima na mabonde katika maisha yake ushindi huzaliwa ndani mwake. Hutumia uwezo wake kwa ajili ya Wengine na si dhidi ya wengine..

Huishi katika hali ya kujitolea na bidii. Huwa ni zawadi ya aina yake hapa duniani. Haogopi kutenda. Huendeleza mambo yaliyojenga utu,ubinadamu na misingi bora ya kuishi yaliyojengwa na binadamu waliomtangulia. Maisha yake hufundisha wengine. Hutambua juhudi za wengine na wote wanaompa msukumo wa kutenda zaidi hasa pale anapokutana na changamoto. Hutambua kuwa hayuko peke yake,bali dunia imejengwa kwa muungano wa nafsi zinazotimiza majukumu kwa dhati.

Haogopi ukweli hata pale unapoumiza. Hutoa nafasi ya kusamehe kila wakati anapokosewa. Hujisamehe yeye pia anapofanya makosa. Hushiriki katika ujenzi wa maisha yake.

Hutambua kuwa kila jambo hutoa fursa,kila kiumbe ana fursa. Hakusanyi ama kujilimbikizia kwa ajili ya sifa. Hutazama wengine kama anavyofanya kwa nafsi yake. Inapostahili hujitolea alichonacho,hutoa kwa wale walioshiriki kwa yeye kupata. Hutengeneza maisha yake yawe ya kutoa fursa kwa wengine badala ya kuwanyang’anya wengine .

Anayejitambua haichukuliai dunia kama chanzo cha maumivu bali hugundua kuwa dunia humpa kila mmoja kadiri anavyohitaji.Dunia husikiliza kutoka kwenye uwezo ulio ndani mwetu tuliopewa na Mungu.Hata mara moja hajichukulii kuwa ni bora kuliko binadamu wengine na wala si dfhaifu kuliko wengine. Hutambua kushabihiana na kutegemeana kati ya kiumbe kimoja na kingine.Hivyo anatambua kuwa kama ikiharibu mazingira ,ni sawia na kuharibu nafsi yake.

Binadamu anayejitambua huyajenga na kuyatunza mazingira yanayomzunguka

Anayejitambua hamlaumu Mungu hata mara moja. Uhusiana wake na Mungu ni wa heshima,urafiki na huwa na umoja naye . Mienendo yake yote humwelekea Mungu .Anawaheshimu wanaoamini sawia naye na wasio amini sawia naye. Hashiriki kutumia imani ama dini kama njia ya utengano kati ya binadamu,ama binadamu na mazingira yake.

Ni mfano wa sifa njema ya binadamu. Huchukua majukumu yake. Ana faida kwa viumbe wote.Hulinda, hujenga, huheshimu, Huishi vyema duniani. Ni mfano wa aliyeletwa kuifanya nuru ya Mungu ing’ae. Ni halisi,haishi maisha bandia. Ni wa kutumainiwa, si mbinafsi. Wakati wake kuwepo duniani ukifikia tamati,huondoka kwa furaha ya kutimiza alichotumwa,na kuacha dunia ikimlilia.Ni wewe na mimi.

JINSI YA KUPIGIA KURA BLOG YAKO KATIKA SHINDANO LA TANZANIA BLOG AWARDS

noreply@blogger.com (kwa mwanangu mpendwa) — Sun, 08 Sep 2013 12:57:00 +0000

Napenda kuchukua fursa hii kutoa shukrani zangu kwenu kwa kupendekeza blog hii kushiriki katika shindano la Tanzania blog awards. Blog hii imependekezwa katika vipengele viwili ambavyo ni

1. Best Inspirational Blog
2. Best Creative Writing Blog

Nakuomba kwa nafasi yako uchukue muda kuipigia kura blogu yako katika vipengele tajwa hapo juu kabla ya tarehe 15/09/2013 kwa njia zifuatazo
(a)Bonyeza hapa kisha chagua pongujoseph.blogspot.com
(b)-(i) Kwa kupigia kura Best Inspirational Blog bonyeza hapa
(ii) Kwa kupigia kura Best Creative writing Blog Bonyeza hapa
Hakikisha unachagua pongujoseph.blogspot.com

Ahsante sana kwa ushirikiano

Kwa maoni,maswali ama ushauri usisite kuniandikia +255765046644, Whatsapp namba +255765046644

UJUMBE WA LEO JUMAPILI

noreply@blogger.com (kwa mwanangu mpendwa) — Sun, 08 Sep 2013 09:57:00 +0000

Kwa kila hatua unayopiga katika kujitambua na kutumia nuru uliyonayo,inazidi kukufanya uvumbue uwezo wako katika kupenda wengine ,sababu ya kuwapenda na kutenda hivyo.Inakufanya ujue faida na sababu ya kujitolea ili nawe upokee na kuiishi,kujifunza na kufundisha wengine kupitia maisha yako. Safari ya kuvumbua uwezo ulio ndani mwako ndiyo safari muhimu katika maisha yako ya kila siku.Inaanza pale tu unapoamua kutafiti wewe ni nani na kwa nini upo hapa duniani.Na haiishi sawia na maisha yalivyo endelevu. Katika safari hii utajifunza kujisamehe na kuwasamehe wengine.Utajifunza pia kukubali kuishi kwa dhati katika dunia hii na kukubali maisha yako halisi.Utaacha kuwahukumu wengine na kukubali mawazo yao na maamuzi wanayoyachukua juu ya maisha yao Mwishoni utagundua nyumba ilipo furaha na amani,ndani mwako na kujenga maisha yako kadiri ya uchaguzi wako na kuiiunda dunia mpya ndani mwako.

NINI THAMANI YAKO KWA WENGINE

noreply@blogger.com (kwa mwanangu mpendwa) — Wed, 04 Sep 2013 01:00:00 +0000

Ipo siku ambayo hutahesabu tena ni nini unamiliki ama umepoteza.......
chuki,hasira na majaribu yote hayatakuwepo
Haitajalisha kuwa ulikuwa na sura nzuri ya mvuto ama ulionekana wa sura mbaya
wala ngozi,wala jina halitahesabika
Ni NINI KITAHESABIKA....
KiTAHESAbika ulichotoa kwa wengine na si ulichopokea
Kitahesabika ulichojenga ukiwa duniani,kilichowainua wengine,,,na si kile cha kifahari ulichonunua
Ni kila upole,usawa,utu, na kuwanyanyua wote walio wahitaji,
nI vile ulivyo,wewe halisi,ulivyoyaishi maisha yako kwa ajili ya wengine
Si watu wangapi wanakufhamu,ama umaarufu wako bali ni kiasi gani wengine wataumia pale wanapokukosa
Ni ule umuhimu wako kwa wengine
Si kumbukumbu tu kwamba ulikwepo,bali ni kumbukumbu ya maisha ya wengine uliowabadilisha na kuwasaidia kufikia furaha.
Kitakachohesabika si ni muda gani utakmbukwa,bali ni nani na kwa nini unakumbukwa,ni kwa wema uliotenda
Katika maisha tuishio,ni muhimu kuishi maisha yenye faida kwa wengine....
jiulize ni nini kimekuleta duniani...ishi kilichokuleta - See more at: http://pongujoseph.blogspot.com/2012/09/ujumbe-2.html#sthash.nspMdMHf.dpuf

Nimepata kuandika makala kadhaa ambazo lengo lake ni kutufanya tujitambue sisi ni nani na kwa nini tupo hapa duniani.Wasomaji wapya wanaweza kusoma makala hizo kupitia blogu hii.

Nashukuru kupata ujumbe kutoka kwa wasomaji mbalimbali wakieleza jinsi walivyoguswa na kwa jinsi gani makala hizo zimekuwa zikiwasaidia.Nashukuru kuona nikiwa nuru kwa wengine,jambo ambalo nimekuwa nikilifikiria kwa muda mrefu na ndiyo sababu inayonifanya niandike.Siandiki kwa ajili ya kupata umaarufu ama fedha,bali nafanya hivi nikijua kuwa nina sababu kuwepo katika dunia hii.

Leo hii naandika tena kusisitiza kuyaishi maisha yetu kwa dhati na kuifanya dunia kuwa sehemu bora.

Kila kukicha upendo unapungua baina ya binadamu.Matokeo ya vita,visasi,dhuluma, majivuno,matabaka,umasikini yanazidi kuongezeka.Mambo haya hayatokei kwa bahati mbaya.Ni matokeo ya jamii ambayo imejengwa na sisi wenyewe (binadamu) kwa mlolongo wa miaka kwa ujumuisho wa uchaguzi wa kila mmoja kwa nafsi yake na msukumo wa jamii.

Tumechagua eitha kwa kujua ama kutokujua kuifanya dunia ilivyo sasa.Mfano mzuri ni jinsi tunavyochagua kutumia nguvu kumaliza vita ama mfarakano.Hutashangaa kusikia nchi inaivamia nchi nyingine kwa madai ya kusuluhisha wakati tukijua wazi kuwa amani hailetwi kwa vita bali kwa upendo.

Tumechagua kuwatoa elimu iletayo utegemezi na matabaka na kudai kuwa ni elimu bora.Yapo mambo mengi ambayo tunayafanya kinyume lakini tukitegemea matokeo chanya,yenye kuinua watu wote.

Baada ya matokeo ya uchaguzi wetu kuanza kuonekana,si jambo la kushangaza utakaposikia baadhi wakimsingizia shetani ama Mungu.Lakini wanamlaumu na kumsingizia shetani ama Mungu kwa matokeo ya maamuzi yao binafsi.Wanasahau kuwa yote hayo ni matokeo ya maamuzi yao.

binadamu wa kweli huishi kwa ajili ya wengine

Leo hii lengo langu ni kuwaalika wale wanaotambua kuwa wana sababu ya msingi kuishi hapa duniani,kuiishi sababu hiyo.Nawaalika kufungua milango,japo kidogo na kuanza kuchimbua ,kuvumbua na kuuishi wito ulioitiwa hapa duniani.Kuchukua hatua na kuanza kuishi maisha yako halisi ni mwanzo tosha wa kuwamulika wengine.Huitaji utajiri wa mali ama nafasi,ulipo na hali uliyonayo inatosha kuanza kuishi ubinadamu.

Binadamu si tu mjumuiko wa nyama,mifupa na muonekano,.bali ni mjumuisho wa upendo,usawa,uhuru,hurun
ma,kujitolea na kuishi kwa ajili ya wengine.Ni pale unapoamua kuishi na kujitolea kwa ajili ya wengine ukitambua kuwa kila unachowatendea,unajitendea mwenyewe.

Nuru ya Mungu ipo ndani mwetu,nasi ni mawakala wake Mungu.Nuru ya Mungu huanza kung'aa pale unapoishi maisha yako kwa ajili ya wengine.Hakuna aliyekuja kushindana na mwenzake.Tupo kujenga pamoja.

Sisi ni wawakilishi wa Mungu hapa duniani
Wale ambao wapo tayari kujitolea kwa ajili ya wengine katika nyakati za shida na maumivu pasipo kujali malipo,ni mfano bora wa binadamu wa kweli .Hutokea kwa hali mbalimbali...wanyama,binadamu,ndege,wadudu...Malaika hapa duniani ni wale ambao hutenda na kufanya kazi na kuanzisha mambo kwa ajili ya wengine.Hawako tayari kudhuru,kudharau,kuumiza,kuchutenga,kunyang'anya na hata kubagua binadamuwengine kwa hali yeyote .Hawako tayari kutoa uhai wa yeyote,hata anayeonekana ni adui,kwani wanatambua thamani ya kila uhai wa nafsi iliyopo hapa duniani.Hivyo huwa tayari kutumia nuru na iliyo ndani mwao kuwamulika wengine na kuwakumbusha sababu ya wao kuwepo katika dunia hii na hatimae waiishi sababu hiyo.Ni mfano bora wa binadamu wa kwelu

Nakualika uchimbue ndani ya moyo wako na kufungua chemchem ya Mungu ndani mwako na kuiishi pasipo kuchoka

Ushiriki wako katika ujenzi wa dunia mpya(KATIKA FIKRA MPYA) unatokana na maamuzi na matendo yako ya kila sekunde.Ujenzi unaanza ndani mwako kwanza.Ubinadamu umetokana na maamuzi ya Muumba.Na matumizi yake yanaanza na uamuzi ndani mwako.Kila fikra yako kuhusu wewe,dunia unayoijenga na maisha ndani ya dunia mpya.Kila mmoja akifanya maamuzi sahihi,tunajenga dunia mpya yenye uhuru wa kweli,upendo na amani

Napenda kunukuu maneno niliyopata kuyaandika wakati fulani.

ishi kwa ajili ya wengine,tenda kwa ajili ya kila binadamu

" Ipo siku ambayo hutahesabu tena ni nini unamiliki ama umepoteza.......
chuki,hasira na majaribu yote hayatakuwepo
Haitajalisha kuwa ulikuwa na sura nzuri ya mvuto ama ulionekana wa sura mbaya
wala ngozi,wala jina halitahesabika
Ni NINI KITAHESABIKA....
KiTAHESAbika ulichotoa kwa wengine na si ulichopokea
Kitahesabika ulichojenga ukiwa duniani,kilichowainua wengine,,,na si kile cha kifahari ulichonunua
Ni kila upole,usawa,utu, na kuwanyanyua wote walio wahitaji,
nI vile ulivyo,wewe halisi,ulivyoyaishi maisha yako kwa ajili ya wengine
Si watu wangapi wanakufahamu,ama umaarufu wako bali ni kiasi gani wengine wataumia pale wanapokukosa
Ni ule umuhimu wako kwa wengine
Si kumbukumbu tu kwamba ulikwepo,bali ni kumbukumbu ya maisha ya wengine uliowabadilisha na kuwasaidia kufikia furaha.
Kitakachohesabika si ni muda gani utakumbukwa,bali ni nani na kwa nini unakumbukwa,ni kwa wema uliotenda
Katika maisha tuishio,ni muhimu kuishi maisha yenye faida kwa wengine....
jiulize ni nini kimekuleta duniani...ishi kilichokuleta -Pongu Joseph

KWA SABABU HATUVIONI HIVI NDANI MWETU,HATUWEZI KUWAPA WENGINE

noreply@blogger.com (kwa mwanangu mpendwa) — Fri, 30 Aug 2013 15:02:00 +0000

Tuanze kwa kutafakari nyakati hizi ambazo hutokea katika maisha yetu mara kadhaa.

kuna nyakati za magumu na upweke ambazo hutufunza

Ni zile nyakati ambazo unajihisi ukiwa mpweke na kutengwa.Ukihisi ya kuwa hakuna hata mmoja anayekusikilizane. Unapata hisia kuwa upo peke yakojapokuwa wapo watu wengine unaoishi nao na licha ya kuwa unatambua kuwa dunia imejaa watu wengi na viumbe wengi wanaokuzunguka.

Ni kweli kuwa licha ya kuwa dunia imezunguka,ni wewe ndiye uijazayo na unayeisanifu.Wewe kama nafsi watosha.Na unabaki wakati ambao aliyebaki kwako ni Mungu.

Nyakati hizi hutokea pale unapokuwa unajihisi kuwa umekosa kitu(vitu) ulivyovihitaji maishani,na hata wakati kunapohisi kuwa una kila kitu ulichokihitaji maishani mwako.Pia huja katika nyakati ambazo karibu kila kitu ulichokuwa nacho umekipoteza ama umepewa kila kitu ambacho ulikipoteza.

Nyakati hizi zinapofika , ni nyakati za kupona na kuachia majeraha mengi ambayo yalikuwa yakikurudisha nyuma kwa muda mrefu maishani mwako.Na ni nyakati za uvumbuzi wa chemchem ndani mwako.Ni kipindi cha giza kiletacho mwanga.
Na katika nyakati hizi bado kuna kitu muhimu ambacho moyo wako unakihitaji sana na ambacho wengi hukitafuta kwa muda mrefu maishani-Ni kupendwa kwa dhati na kuthaminiwa..
Je kuna yeyote anayenipenda na kunidhamini kwa dhati jinsi nilivyo?.Ni maswali ambayo utajiuliza sana katika nyakati hizi za ugunduzi.

Tumekuwa tukidhani kwamba tunaweza kupata upendo wa dhati na thamani ya kweli toka kwa wengine.Tumetafuta kwa muda sana upendo toka kwa ndugu,marafiki na majirani.Tumetafuta kwa wale tuliowaamini kwa dhati na mara nyingi kuishia kwenye kuumia.

Tukaingia kuutafuta upendo na thamani ndani yetu lakini mara nyingi tumeshindwa kuupata.Hivyo kushindwa kuutambua ndani mwetu kumetupelekea kushindwa kutoa kwa wengine. Na kwa vile tumeshindwa kuupata kwetu tumeitafuta tunapodhani upo ,tunaokosa na kuishia kuogopa kuweka matumaini yetu huko tulipodhani upo.

Na hivyo ndivyo itokeavyo,
Tunatafuta pale ambapo hatukuhifadhi.Na kama hatukuuweka upendo popote vivyo hivyo hatuwezi kuupata.Kile ambacho hatukitoa maishani hatuwezi kukipata kwa sababu hapa duniani sisi ndie wasanifu na wabomoaji.

Kama tunakosa kusamehewa ,ni kwa sababu hatukupata kusamehe.Kama hatuthaminiwi ni kwa sababu hatukupata kuijenga thamani sisi wenyewe.Kama hatuvumiliwi, ni kwa sababu hatukujenga uvumilivu sisi wenyewe.Kama hatupati haki na usawa ni kwa sababu hatukuanza kuijenga ndani mwetu.Kama hatuupati upendo ,basi ni kwa sababu hatukupata kuujenga upendo ndani mwetu. Na kama hakuna ambaye anapata thamani toka kwa wengine,ni kwa sababu hatukuanza sisi kuijenga ndani mwetu.

Mambo yote haya ni lazima yaanze ndani kwetu sisi kisha yaende kwenye maisha ya wengine.
Kwa wengi wetu, tumekosa kujipa thamani yetu sisi na kujipenda , ni havyo ni vigume kutoa kwa wengine.Wengine wengi wanahisi hawana stahili ya mambo yote hayo .Tunajitazama sisi kama dhaifu kuliko wengine ama bora kuliko wengine.

Hatuuoni uzuri uliopo ndani mwetu uliojazwa na uzuri wa Muumba.Hatuoni uaminifu ndani mwetu.Hatuoni usafi ndani mwetu.
Kwa sababu hatuvioni hivi vyote ndani mwetu,hatuwezi kuwapa wengine.
Lakini PIA kwa sababu si kwamba sisi ni vipofu mioyoni mwetu,tunaviona kwa wengine na kuvihitaji tusitambue kuwa tunavyo.Ni mara nyingi tunaona upendo kwa wengine,tunaona huruma kwa wengine,tunauona usafi wa moyo kwa wengine,tunayaona matumaini kwa wengine. Hivyo kwa kuviona kwa wengine, tunajaribu kutenda kwa baadhi yao lakini si ndani mwetu

mara nyingi tunaona upendo,huruma kwa wengine

Je tunaweza kujitendea nafsii zetu?

Mara nyingi tunashindwa kwa sababu ya vidonda tulivyonavyo.
Kwa sababu ya vidonda tulivyonavyo,tunashindwa pia kutibu majeraha ya wengine.Hivyo hatuthamini jinsi dunia inavyotuhitaji kila mmoja kwa nafsi yetu.
Tunashindwa kutambua kuwa dunia inahitaji kile kitokacho ndani mwetu ikiwemo upendo,usawa,haki,thamani kwa wengine,uvumilivu na kujitolea.Tunaishia kuilamu dunia tusijue kuwa ni sisi ndio tulioanza kuisanifu.Na hivyo tunaweka picha ndani mwetu kuwa dunia ni mbaya na onevu tena sehemu ya kupita kwa machungu.

Hatuwezi kupata kutoka katika dunia vile ambavyo hatukuvipanda. Na sasa tunapaswa kukumbuka hapa kuwa : Chochote ambacho hatukukipanda duniani,hatuwezi kukipata katika dunia hiyohiyo.Tunavuna tulichopanda
Hapa ndipo unapokuja wakati tunapogundua kuwa sisi ndio wasanifu wa dunia na kila kilichomo.Ni wasanifu wa maisha ya leo na ya kizazi kijacho.Hakuna atakaye tupatia chochote kile ambacho hatukuanza sisi kukipanda na kukitoa kwa dunia hii tuishimo.Na mara nyingi tunamuomba Mungu na wakati mwingine kumlaumu kwa kutotupatia kileambacho hatukuanza sisi kukitengeneza na hata kukitoa kwa wengine pale tulipostahili kufanya hivyo
Nadhani ni wakati kwa viongozi wetu wa dini kuanza kufundisha hili.

Tunaweza kuanza kuona mifano katika kati mahusiano yetu.Kama huwezi kumsamehe unayeishi nae,unashindwa kumpenda,kuishi nae kwa amani na uhuru na hata kumvumilia,ni vigumu kutarajia kupata kutoka kwa huyohuyo unayeishi nae na kulala upendo,thamani,uvumilivu,uhuru,amani na thamani ya kweli.Tutapata kadiri tulivyotoa

Huwa tunafikiri kuwa ndani ya mahusiano,mwenzi atakupatia vitu ambavyo unajihisi huna.Tunadhani tutapata upendo ambao sisis hatuutoi,msamaha ambao sisi wenyewe hatuutoi.Ni huu ni moja ya uongo mkubwa tunaoajidanganya ndani ya nafsi zetu.

Tunapotamani kupatiwa pasipo kutoa,mwisho wake kila kitu hufifia,kasha chuki huingia na kasha mahusiano hufa.Kisha tunagundua kuwa ni sisi wenyewe tulijidanganya.Sasa tiunatambua kuwa hakuna pa kukimbilia zaidi ya Mungu. Tunarudi kwa Mungu na kumwambia…"Tafadhali Mungu wangu naomba unisamehe.Naomba unijalie amani na upendo,nijalie uvumilivu na moyo wa kujitolea.Nakuomba baba unijalie hivi nami niwagawie wenzangu."

Kwa sasa dunia ipo kwenye machafuko na chuki. Majivuno,visasi na dharau vimetawala.Tumejenga wenyewe tena toka ndani mwetu.Na muda si mrefu baada ya mambo haya kukithiri,Binadamu watatambua kuwa sasa tutavipata kwa Mungu,naye ni Muweza na chemchem ya kila kitu.

Na wakati huo binadamu watatambua kuwa hakuna utengano kati ya Muumba,chemchem ya kila jambo na Nafsi ya kila binadamu.Binadamu watatambua kuwa miili yetu imebeba nafsi ndani,ambapo ndiko hekalu la chemchem ya kila jambo huishi. Kila mmoja atatambua umuhimu wa nafsi yake na jinsi anavyohusika katika ujenzi wa dunia.Kila mmoja ataanza kuchukua hatua katika kutambua matokeo ya kila jambo analotenda.

Kila nafsi itajifunza kupanda na kutaraji mavuno.Kila nafsi itathamini nafsi nyingine na kila nafsi itatambua kuwa inahusika kujenga dunia mpya na haitakuwa tayari kulaumu dunia na kudai dunia kile ambacho haikukipanda wala kukitoa.Kisha dunia itakuwa sehemu bora ya kuishi

Ndani mwako kuna pumziko la kweli,furaha,amani,nuru ya kweli na chemchem ya uumbaji wa Mungu ambayo Mungu amekupa na kukuleta hapa duniani.Ukisikiliza moyo wako unaweza kutambua mengi yaliyo ndani mwako....Kazi yako ukiwa hapa duniani ni kutoa ulichonacho,kilicho ndani mwako kwa ajili ya wengine

Mpaka sasa wachache wanalitambua hili.Na wasiotambua huilamu dunia kila kukicha.Na hivyo wasio tayari kutambua hili watasubiri mpaka ule wakati watakapolia na kugundua hakuna zaidi ya Mungu na kasha kugundua hekalu la chemchem yake ndani mwao . Hii itakuja bada ya kubomoa mengi…ndoa,familia,amani,upendo na kIsha nafsi NA baadae kufanya juhudi kujijenga upya

Kila mmoja akiwa kama nafsi huru anapaswa kuchukua hatua,hasa kutambua kuwa hakuna mwingine zaidi ya Mungu, na kasha kuchimba ndani kutambua kuwa sisi ni hekalu iishipo nuru na chemchem ya kila tunachokihitaji

Unapoanza kumuona Mungu katika kila kiumbe kinachokuzunguka unatambua kuwa sasa umezaliwa upya.Sauti yake inakuwa ikiongea nawe ndani mwako toka ndani yako.Unatambua kuwa Mungu hayupo mbali nawe bali yupo ndani mwako wakati wote.Unaruhusu nguvu na chemchem ya kila ushindi kufanya kazi ndani yako na kukupa nafasi ya kugundua nguvu hii iliyo ndani mwako na kuitumia kuifanya dunia kuwa sehemu bora kwa viumbe wote
.Mungu ametupatia uwezo mkubwa wa kuyafanya maisha yetu kuwa yenye faida kwa wengine,na husubiri maamuzi yetu ili kutuonesha njia.Tunapokuwa tayari anatufundisha maana ya kuwa hapa na thamani ya maisha yetu . Ndipo unapomjua tena si kama kiumbe cha kutisha ama kisichoonekana lakini kama sehemu muhimu ndani mwako.Kisichoonekana ndani mwetu kinazaliwa upya na kuonekana kwa kila anayekuzunguka.Kisha hutupatia kila uwezo na kuingia ndani ya kila kilicho mwilini mwetu kwa maelfu,tayari kwa kumtumikia kwa njia mbalimbali. Tunajenga dunia mpya yenye matumaini na furaha

Maisha yako yanaongea

noreply@blogger.com (kwa mwanangu mpendwa) — Fri, 30 Aug 2013 13:47:00 +0000

matendo yako kwa wengine huonesha jinsi ulivyo

Ukitambua kuwa maisha yako ni ya thamani kwako na kwa wengine,unafungua ndani ya moyo wako kuishi kwa dhati.Sauti ndani mwako inaanza kusikika kwa viumbe wengine.Unapata thamani zaidi kupita vito vya thamani na zaidi ya fedha.
Maisha yako yanakuwa mwanga kwa viumbe wote.Unaanza kutumia kila kipawa na nafasi unayopewa na Muumba kwa ajili ya wote kwa utukufu wake yeye.Maisha yako yanaongea

PENDEKEZA BLOGU HII KWENYE SHINDANO LA BLOG 2013

noreply@blogger.com (kwa mwanangu mpendwa) — Wed, 28 Aug 2013 23:46:00 +0000

Kwa wasomaji wa makala mbalimbali kupitia blog hii hasa wale ambao kwa njia moja ama nyingine,makala mbalimbali zimewagusa na hata kuwasaidia katika nyanja mbalimbali ,nawaomba kuipendekeze blog hii iitwayo KWA MWANANGU MPENDWA kwenye shindalo la blog Bora Tanzania kwa mwaka 2013.

Shindano hili lenye lengo la kuwatangaza bloggers mbalimbali wa Tanzania linaanza na hatua ya pendekezo la blog kuanzia tarehe 02/08/2013 hadi 30/08/2013.

Kuingia kwa blog hii kwenye shindano hili si kwa lengo la manufaa binafsi bali ni njia ya kuwafikishia ujumbe na kuwaamsha wengine wajitambue.Tukumbuke kuwa sisi sote tunategemeana.

Na ili blog hii iweze kuingia kwenye shindano na kushinda, ni muhimu kwa wewe kuipendekeza na baadae kuipigia kura.

Tafadhali saidia wengine wapate ujumbe kwa kuipendekeza blog hii katika vipengele vifuatavyo;

BEST CREATIVE WRITING BLOG

BEST EDUCATIONAL BLOG

BEST INSPIRATION BLOG

JINSI YA KUPENDEKEZA

Andika email kwenda tanzanianblogawards@gmail.com

subject weka http://pongujoseph.blogspot.com/

Body andika pendekezo kati ya haya ama yote kadiri utakavyovutwa nafsini mwako;

Best Creative Writting Blog,

Best Educational Blog,

Best Inspiration Blog

Asante kwa ushirikiano wako na endelea kuwashirikisha wenzako makala za blog hii.

KWA MAELEZO ZAIDI;

Vipengele vya Kushiriki na Sheria za Shindano la Mwaka Huu 2013

Hii post ni kwa kiswahili....lakini maelekezo yake ni sawa na hivyo iliyopita
Tafadhali soma vizuri. Mwaka huu tumebadilisha,vipengele vya shindano letu na sheria ya shindano letu. Kwa blog yako au blog unayotaka ipendekezwe tafadhali wataarifu bloggers hao, hatutaki kushirikisha bloggers ambao hawataki kuhusishwa katika shindano hili. Sasa ili tujue kuwa blogger huyo unayempendekeza amekubali au anajua kushirikishwa kwake katika shindano hili mwambie alink blog yake katika shindano letu.
Jinsi ya kulink
1. Aandike post kuhusu shindano hili na kuwataarifu wasomaje wake katika post hiyo alinki kwetu...Tanzanian blog awards link.
2. Kama blog unayoipendekaza hatafanya hivyo blog yake haitashirikishwa
3. Unaweza kupendekeza blog katika vipengele vingi upedavyo lakini katika kila email unayotuma ni blog moja tu utaruhusiwa kuipendekeza kwa wakati mmoja
mfano: Kwenye subject unaandika jina la blog unayotaka kuipendekeza
tanzanianblogawards.blogspot.com
Kwenye body ya email unaandika vipengele unayotaka blog hiyo ishirikishwe
Best Agriculture
Best Beauty/Fashion Blog
etc etc
4. Email iwe ni ya ukweli kama tukiwa tunataka kuwasiliana na wewe kuhusu link ya blog uliyopendekeza tuweze kufanya hivyo na tuma mapendekezo yako kwa hii hapa Email

nomination@bloggersassociationoftanzania.com au tanzanianblogawards@gmail.com
5. Mwanzo wa kupokea mapendekezo hayo ni
Tarehe 17/8/ 2013 saa 12:01am mpaka tarehe 30/8/2013 saa 11:59pm saa za Africa mashariki
Vipengele
Best Agriculture
Best Beauty/Fashion Blog
Best Business Blog
Best Creative Writing Blog
Best Design/Graphic Design Blog
Best Educational Blog
Best Entertainments
Best Food Blog
Best General Blog
Best Inspiration Blog
Best Newcomer Blog
Best News Blog
Best Photography Blog
Best Political Blog
Best Religion Blog
Best Sports Blog
Best Technology Blog
Best Tots Blog (17 yr old and below)
Best Travel Blogs

Posted by Makirita Amani at 6:21 PM Labels: BUSINESS

Kama wewe ni msomaji wa makala mbalimbali kwenye blog hii na kwa namna moja zimekusaidia ama kukuhamasisha naomba uipendekeze blog hii iingie kwenye shindano la blog Tanzania.
Kama blog hii itafanikiwa kuingia kwenye shindano hilo na kushinda ni dhahiri yaliyomo humu yatawafikia wengi zaidi na tukaendelea kusaidiana ili kufikia malengo yetu kwa pamoja.
Na ili blog hii iweze kuingia kwenye shindano na kushinda, ni muhimu kwa wewe kuipendekeza na baadae kuipigia kura.
Tafadhali sana chukua muda wako kidogo kwa kuipendekeza blog hii katika vipengele vifuatavyo;
BEST EDUCATIONAL BLOG
BEST INSPIRATION BLOG
JINSI YA KUPENDEKEZA
Andika email kwenda tanzanianblogawards@gmail.com
subject weka http://amkamtanzania.blogspot.com/
body andika; Best Educational Blog, Best Inspiration Blog
Asante kwa ushirikiano wako na endelea kuwashirikisha wenzako makala za blog hii.
KWA MAELEZO ZAIDI;

Vipengele vya Kushiriki na Sheria za Shindano la Mwaka Huu 2013

- See more at: http://amkamtanzania.blogspot.com/2013/08/pendekeza-blog-hii-kuingia-kwenye.html#sthash.W51wxo7D.dpuf

Posted by Makirita Amani at 6:21 PM Labels: BUSINESS

Vipengele vya Kushiriki na Sheria za Shindano la Mwaka Huu 2013

- See more at: http://amkamtanzania.blogspot.com/2013/08/pendekeza-blog-hii-kuingia-kwenye.html#sthash.W51wxo7D.dpuf

Vipengele vya Kushiriki na Sheria za Shindano la Mwaka Huu 2013

UJUMBE WA JUMAPILI

noreply@blogger.com (kwa mwanangu mpendwa) — Sun, 25 Aug 2013 12:26:00 +0000

Unapoanza kumuona Mungu katika kila kiumbe kinachokuzunguka unatambua kuwa sasa umezaliwa upya.Sauti yake inakuwa ikiongea nawe ndani mwako toka ndani yako.Unatambua kuwa Mungu hayupo mbali nawe bali yupo ndani mwako wakati wote.
Unaruhusu nguvu na chemchem ya kila ushindi kufanya kazi ndani yako na kukupa nafasi ya kugundua nguvu hii iliyo ndani mwako na kuitumia kuifanya dunia kuwa sehemu bora kwa viumbe wote.

Mungu ametupatia uwezo mkubwa wa kuyafanya maisha yetu kuwa yenye faida kwa wengine,na husubiri maamuzi yetu ili kutuonesha njia.

Tunapokuwa tayari anatufundisha maana ya kuwa hapa na thamani ya maisha yetu . Ndipo unapomjua tena si kama kiumbe cha kutisha ama kisichoonekana lakini kama sehemu muhimu ndani mwako.Kisichoonekana ndani mwetu kinazaliwa upya na kuonekana kwa kila anayekuzunguka.

Kisha hutupatia kila uwezo na kuingia ndani ya kila kilicho mwilini mwetu kwa maelfu,tayari kwa kumtumikia kwa njia mbalimbali.Unitambua kuwa maisha yako ni ya thamani kwako na kwa wengine,unafungua ndani ya moyo wako kuishi kwa dhati.Sauti ndani mwako inaanza kusikika kwa viumbe wengine.Unapata thamani zaidi kupita vito vya thamani na zaidi ya fedha.

Maisha yako yanakuwa mwanga kwa viumbe wote.Unaanza kutumia kila kipawa na nafasi unayopewa na Muumba kwa ajili ya wote kwa utukufu wake yeye.Maisha yako yanaongea — Tunajenga dunia mpya yenye matumaini na furaha-Jumapili njema

TAZAMA UPYA SABABU YA WEWE KUWEPO DUNIANI

noreply@blogger.com (kwa mwanangu mpendwa) — Sat, 24 Aug 2013 08:49:00 +0000

Tangu tumboni kwa mama umepewa uwezo wa kuifanya dunia kuwa sehemu bora ya kuishi.Umepewa vipawa mbalimbali ili kusudi la Muumba litimie…Unatambua kuwa licha ya changamoto nyingi unapaswa kufurahia uwepo wako duniani na kutolaumu dunia, viumbe na nyakati zake bali kupitia hivyo unayafanya maisha yako kuwa ni ya faida kwa dunia hii na viumbe vilivyopo…Kumbuka umezaliwa na upo duniani kwa sababu muhimu ya kipekee.hivyo ishi maisha yenye makusudi na matazamio
Unapaswa kukumbuka sasa kuwa upo duniani si kwa bahati tu bali kwa sababu maalum,kisha amsha moyo wako na nuru iliyo ndani mwako.Kumbuka kuwa sisi tu wamoja, kila mmoja akiwa na thamani sawa na mwenzake.Thamini kilicho ndani mwako kisha utatambua thamani ya wengine
Tupo kuangaza viumbe wote kwa kuwapenda,kuwajali,kuwathamini na kushirikiana nao thamani ya ubinadamu.Walishe wenye njaa,wafariji yatima na wajane,visha wasio na mavazi..yote ni kuangaza nuru iliyo ndani mwetu hasa tunapofanya pasipo kutaka sifa wala malipo...Hupati kuwa na maisha ya thamani kama hutatenda kila jambo kwa msukumo wa moyo.

Nafsi huru

noreply@blogger.com (kwa mwanangu mpendwa) — Thu, 15 Aug 2013 05:55:00 +0000

Kuna nyakati maishani mwetu ambapo vitu na watu walio karibu nasi watatutoka na kuwa mbali nasi, hii inatokea ili kutukumbusha kuwa tumetumwa kila mmoja kama nafsi huru yenye kazi maalum .Kila nafsi ni rafiki wa kweli wa nafsi yake . Inatukumbusha kuwa tusiishi maisha ya wengine bali kila nafsi ijenge maisha yake iliyoitiwa.Maisha na matukio yatutokeayo yanatukumbusha kutazama ndani mwetu palipo na nuru na sauti ya Muumba.Tunakumbushwa kurudi ndani yetu kila wakati tunaposukumwa na vitu vinavyotusahaulisha sababu ya kuwepo duniani.Yapo mengi yanayotugawa, kutupoteza na kutusahaulisha kuwa ss ni malaika tuliobeba miili kuiangaza nuru duniani kote.
Kila nafsi ipo sehemu muafaka kwa wakati na nafasi muafaka.
3Pia kila nafsi hutoka sehemu kwa wakati muafaka ili kuipa nafasi nafsi nyingine nafasi muafaka.
Nafsi isiyotumia nafasi ni nafsi isiyotambua sababu ya kuwepo-Katika ulimwengu halisi hakuna kufa,bali kubadilika kwa nafasi na kazi mpya.Nafsi itendayo jukumu lake huishi milele .Zikutanapo nafsi zitendazo wajibu huunda umoja uundwao kutoka ndani ya kila nafsi.Ni muungano takatifu ambapo dunia mpya huundwa na kisha matokeo yake kuonekana katika ulimwengu unaoonekana.Je wewe ni mmoja wa umoja huo?.Ishi maisha yako halisi.

Itendee haki nafsi yako

noreply@blogger.com (kwa mwanangu mpendwa) — Wed, 07 Aug 2013 12:04:00 +0000

Wewe upo hapa duniani ukiwa ni nafsi huru kabisa.Ni nafsi ya pekee ambayo hakuna mwingine anayoweza kuwa mbadala yake isipokuwa wewe tu.
Nafsi ya mtu inabeba ujumbe wa pekee ndani mwake,inabeba nuru ya Mungu ili kuwamulika wengine.Inatamisha thamani ya.maisha na umuhimu wa kuyaishi maisha ya kila nafsi kwa dhati.
Ni wachache wanaotambua kuwa wao si nyama tu zionekanazo,bali wanabeba nafsi yenye umuhimu mkubwa kwa kila kiumbe hapa duniani.Wasiotambua husaliti nafsi zao kwa kipindi chote wanapoishi hapa duniani.Huishi maisha yasiyo na sababu yeyote hapa duniani.Hawana mipango wala malengo maishani mwao.Wao huendeshwa na matukio yatikeayo pamoja na fikra na mawazo ya watu wanaowazunguka.
Ni wakati sasa kila nafsi kutambua thamani iliyo ndani yakw na kuiishi.Kila mtu aanze kujifunza yeye ni nani na kwa nini yupo duniani.Unaweza ukajikumbusha kama ufuatavyo.
chunguza thamani ya maisha yako.-vumbua uwezo uliopo ndani.mwako.
-jifunze na kugundua uwezo wa fikra zako.
-anza kuchukua hatua juu ya fijra zako,msukumo wa moyo wako na juu ya uchaguzi unaoufanta ukiambatana na matokeo ya uchaguzi wako.
-tafuta furaha ndani mwako na iishi.
- Anza kufanya mabadiliko katika maisha yako kwanza ndipo utakapo badili kila kitu kinachokuzunguka
-chagua marafiki watakaokujenga
- Epuka kuogopa kutenda kile unachokiamini.
-tazama kila jambo kama nafasi,zifurahie changamoto unazokutana nazo,shirikiana na wanaokuzunguka

Anza kuishi ukiwa nafsi huru yenye ushiriki na nafsi zingine.Fanya maamuzi.Pangilia majsha yako.Hutasubiri kikundi cha watu ama watu wengine kuchukua hatua ya kujenga maisha yako bali utaanza kuishi sbbu ya wewe kuwepo hapa duniani kama nafsi huru yenye thamani

Ugunduzi wa chemchem ndani yako

noreply@blogger.com (kwa mwanangu mpendwa) — Wed, 07 Aug 2013 04:25:00 +0000

Safari kubwa ya ugunduzi ni juu ya maisha yako,ni safari ambayo utaamua kutafakari juu ya maisha yako-unatoka wapi na unakwenda wapi.Ni safari ambayo licha ya kuwa njia yake ni vipande vingi vya changamoto,utakuwa tayari kuvipitia na kuugundua uwezo ulionao“ukitambua.kuwa wewe ndiwe msanifu wa maisha yako na kila utendalo linaleta miujiza mipya duniani Mwishowe mafanikio yatakuja yakiwa ni mkusanyiko wa maamuzi na matendo yako.Picha yako uliyoijenga kwa fikra zako itakuwa halisi.Amini juu ya uwezo uliopewa na Muumba.

HADITHI YA TAI NA KUKU,NA FUNZO JUU YA KUSIKILIZA SAUTI ILIYO NDANI MWETU

noreply@blogger.com (kwa mwanangu mpendwa) — Sun, 24 Feb 2013 22:42:00 +0000

Siku moja,pasipo kujua mkulima aliokota yai la tai.Kwa kuwa hakutambua kuwa ni la tai,alilichukua na kupeleka kwa kuku ambaye alikuwa ameanza kuatamia akalichanganya na mengine ambayo tayari yalishaanza kuatamiwa.Kuku naye hakuweza kutambua utofauti wa yai hilo na mengine,akaliatamia.

Bada ya kuatamiwa kwa muda wa kutosha ,yai la tai likatotolewa tai kati ya kuku .Tai huyo wakati akikua,alibeba tabia za kuku,ya kukwaruza,kucharura na kudonoadonoa Akawa akiruka umbali mfupi tu sawa na kuku , akila nafaka na wadudu,na hata akawa akiamini kabisa kuwa yeye ni kuku na sio tai.

Siku moja tai huyo akataza juu akaona kiumbe akiruka juu sana angani na kuzunguka juu sana.Akashangaa na kuuliza ni kiumbe gani anayeweza kuruka juu kiasi kile na kuzunguka kwa mwendo kasi namna ile.Akamuuliza kuku aliyekuwa jirani yake,yule ni kiumbe gani anayeweza kuruka juu kiasi kile?Kuku akamjibu."Ni tai.,ndege mwenye uwezo kuliko ndege wote.Tai akasema,Nataka kuwa kama ndege huyo.”

Kuku akacheka kwa mshangao,Huwezi kuwa tai",wewe ni kuku.Tai akaendelea kudonoa wadudu na kusema,"Ni kweli,mimi kuku sitaweza kuwa tai ,upo sahihi." na kuridhika na maelezo ya kuku ambaye aliamini kuwa hawezi kuwa bora kama tai.

Kwa miaka yote tai huyo akiendelea kuishi maisha sawia na ya kuku akiamini yeye ni kuku,asijue ya kuwa yeye ana uwezo mkubwa ndani mwake.Hakujaribu wala kuthubutu hata mara moja kula chakula cha aina tofauti na kile anachoona kuku wenzake wakila.Aliaminishwa kuwa jambo jingine lolote zaidi ya wafanyalo kuku,haliwezekani.Alipokufa alikufa akiwa ni kuku.

Kabla hujazaliwa walikwepo waliotutanguli,kwa maana ya babu zetu na wengine wengi waliopita.Hawa walitengeneza mfumo yao ya maisha ambayo tunaweza kuuita mfumo wa jamii,ambao ulijenga matarajio mengi ya watu mmojammoja na jamii nzima.Mfumo huu ni pamoja na kanuni,mila ,desturi,imani,dini,serikali,sherehe.Mfumo huu umejengwa na sheria na kanuni nyingi ambazo unapozaliwa tu,unakuwa umefungwa moja kwa moja na mfumo huo pasipo kupenda ukiamini ndio mfumo sahihi.Sheria na kanuni zilizopo katika mfumo huu ulioukuta zinapokuwa kawaida kwako,zinaufanya mfumo wako wa tafakari uwe na uelekeo na fikra zilizo ndani ya mfumo huo.

Fikra zenye mipaka huleta matokeo yasiyo huru (picha kwa hisani ya www.rfidgeneral.com)

Mfumo huu unakulazimu kujifunza na kufuata mengi kama ni nini unapaswa kufuata,kuamini,ni nini kinakubalika na nini hakikubaliki,kipi ni chema na kipi ni kibaya.MFUMO HUU WOTE UNAKUPELEKA KUFUATILIA KILA JAMBO KADIRI YA TARATIBU NA MAWAZO YA MFUMO. Unapokuwa unakuwa na fikra za kimfumo kuwa jambo fulani lipo hivi tu,na hivyo mara nyingi hujenga mpaka wa kufikiri na kuamua.Unakuwa huwezi kufanya jambo mpaka usikilize waanaokuzunguka wanasemaje.Tai aliamini kila jambo aliloambiwa na tai kwa sababu tu ni desturi.

Mwisho kabisa tunaanza kuitazama dunia kama sehemu ya ushindani.Tunajifunza uchoyo,ubinafsi,usiri na visasi kwa sababu ya mfumo licha ya kuwa yapo mengi mazuri.

Ushindani huo unatufanye tufikiri na kutenda kwa kuangalia mitazamo ya jamii.Unakuwa huna fikra za kutafakari jambo nje ya mipaka ya jamii.HIVYO unakuwa si huru katika maamuzi juu ya maisha yako mwenyewe.Kwa kifupi unakuwa mtumwa wa mfumo huu wa jamii.,ukifikiri na kutenda katika uwanja wa fikra za jamii.Ukweli ni kwamba usipotoka katika mpaka huu na kuuvuka,kuwa huru,hutaishi kamwe maisha yako halisi.

Maisha yetu ni matokeo ya fikrazetu (picha kwa hisani ya mtandao)

Ninachotaka kukisema hapa ni kuwa ukitaka kuishi maisha unayoyachagua wewe ,na kufikia mafanikio ni lazima uchukue uamuzi wa kufikiri nje ya mipaka ya mawazo ya jamii.Ni lazima uvunje mipaka ya mazoea na ile ya sheria na kanuni za imani ya jamii.Ni lazima ujifunze kuwa huru.Naomba nieleweke vizuri hapa si kwamba nahamasisha watu wavunje sheria za nchi ama mahalia,laaah,kuvunja mazoea ni kufikiri kwa mapana bila kufungwa na mawazo yanayoaminika tu na jamii.

Imani ya jamii ina nguvu sana,na hujenga upotofu ya kuwa tunapaswa kufikiri hivi na si vile,fulani yupo hivi na vile na inamsukuma mtu kutenda kadiri ya fikra za jamii husika.Tunalazimika kuishi maisha ya bandia ili tuonekane kwa wengine(Amini nakwambia utakuwa mtumwa katika mawazo mpaka pale utakapopanua wigo /uwanja wako wa fikra).

Unakuta jamii inaamini juu ya ushirikina na uchawi katika kutafuta mafanikio,hivyo kunakuwa na imani kuwa huwezi kufanikiwa mpaka uende kwa mganga.Watoto wakiugua magonjwa mabayo ni matokeo ya maisha anayoishi basdi inaaminika amechezewa(amelogwa).Tukumbuke kuwa mtu hawezi kukutendea ubaya kama wewe si kisababishi cha fikra za mtu huyo kukufanyia ubaya.Nakumbuka kuna rafiki yangu ambaye nilisoma pamoja nae,alikuwa namsukumo sana kwa wengine,akiwaaminisha kuwa ili uwe bora na rafiki yake ni lazima uwe unakunywa pombe ama kuzisifia.Hii yote ni matokeo ya imani na fikra za kimfumo.

Hivyo tukumbuke kuwa kama tunaishi tukifikiri na kutenda kwa mipaka ya imani za wengine,basi sisi ni watumwa wa imani hizo mpaka pale tutakapotoka nje ya mipaka hiyo katika kufikiri na kutenda.Tunatafuta kukubaliwa na mawazo na mitazamo ya vikundi fulani.Tukumbuke kuwa picha halisi juu ya kinyago huwa sahihi kwa mchongaji,ambaye anachonga akiwa na picha yake katika fikra kuwa nataka awe hivi.Ukiwauliza wateja wanaonunua kinyago,kila mmoja atatafsiri kadiri ya fikra zake pia.

Mabadiliko katika fikra na maendeleo yako yanaanza pale unapoanza kufikiri nje ya mipaka ya wengine(picha kwa hisani ya mtandao)

Kwa nini uishi kwa mawazo ya wengine?Kwa nini uumie unapoambiwa una sura mbaya wakati hayo ni maoni ya msemaji tu.Ukitaka kupata majibu juu ya maisha yako,chimba ndani yako..Tafuta ndani yako.Ninaamini kila jambo huanza na wewe(mimi),Utajiri na mafanikio yote yanatoka ndani mwa muhusika.Zawadi kubwa juu ya maisha yako ni kuithamini nafsi yako na kuisikiliza sauti kubwa itokayo moyoni mwako,ikuongozae juu ya kutenda,hii ni sauti ya Mungu iletayo mafanikio,furaha na kila lililo jema.Sauti hii inakupa nguvu ya kutenda miujiza kila wakati,ndiyo inayofanya nuru ya maisha yako ing'ae.

Jamii inakufanya ulazimike kuenenda kimawazo na fikra kadiri ya imani yake.Kwa nini usikuballi jinsi ulivyo na kuanza kuchimbandani yako palipo na siri kuu ya maisha yako?Mimi binafsi natambua jinsi ninavoonekana.Najikubali kwa kuwa mimi ni zaidi ya nilivyo.Ukiachilia mbali mazingira ninayoishi na sura yangu,mimi ni wa thamani,kama wengine.Wewe ni wa thamani jinsi ulivyo,na thamani yako ni sawa na binadamu wote.Unao uwezo wa kuwa na kuishi maisha ya furaha na mafanikio.Unastahili,wewe ni Matokeo ya kazi kubwa ya Mungu.

Sasa anza kujikubali na kuepuka misukumo ya wale wanaokuzunguka.Anza kutazama uwezo ulio nao,tazama chemchem ya mafanikio iliyopo ndani mwako.Sisi sote ni bora .Sisi wote ni wamoja.
Huu ni wakati wa kujifunza kuwa wewe,kujikubali,kukua na kubadilika.Anzakujitambua wewe kisha utatambulika kwa wengine.

Vumbua uwezo ulionao.Tumia uwezo ulionao kupaa juu ya mipaka unayofikiri ipo.Fanya yale unayoyakusudia maishani na uwe vile unavyotaraji kuwa.Umezaliwa kuwa kiongozi wa maisha yako na kuyatawala mazingira yako.Unaweza kupaa juu zaidi na zaidi pasipo kudondoka.Mipaka ulionayo ni ya kifikra tu.Usiruhusu fikra za wanaokuzunguka zikufanye uwe na mawazo mgando ama yenye mipaka.Huwezi kuruka juu kama utabaki na fikra kama za kuku na kuendelea kukwaruza na kudonoa tu.Amua sasa kuruka.

Karibu tujadiliane

Pongu Joseph F-0717903089,0765046644

WANAWAKE AMKENI

noreply@blogger.com (kwa mwanangu mpendwa) — Mon, 18 Feb 2013 16:22:00 +0000

MWANAMKE-FURAHA ITOKAYO MOYONI-CHIMBUKO LA UPENDO

Ni miaka mingi imepita toka palipoingia mfumo wa kundamizi kwa wanawake.Mfumo huu umemfanya mwanamke kudharaulika ,matokeo yake wanawake wenyewe wamekubaliana na mfumo huo bila kutambua.Nilipata kueleza jinsi mazingira tunayoyaishi yanavyoweza kupelekea kubadili fikra za mtu,hasa pale akiwa hatambui kuwa yeye ndiye anayepaswa kuyatawala mazingira.Wanawake wamekumbwa na mfumo huo.Mtu binafsi anapoukubali mfumo Fulani,huuona ni wa kawaida na hata kuuishi na kuusifia,asijue athari zake katika ujenzi wa maisha yake.

Mfumo huu kandamizi,umeonekana kuwa ni usahihi.Dini pia zimeingia katika kuuchagiza mfumo huu.Mara kadhaa zikifundisha ama kuwajengea waamini wake fikra kuwa kuwa mwanaume yupo juu ya mwanamke.Wanaume wanaamini kuwa kuwa na nguvu ni kumtawala mwingine badala ya kuyatawala mazingira na hivyo maisha ,wanafikiri kuwatawala wanawake.Wanaume wamekuwa wakijisifia kwa kuzaliwa jinsia ya kiume.Wamekuwa wakitoa maneno ya kejeli na dhalili dhidi ya jinsia ya pili(mwanamke).Mfumo huu ukakua na ndipo jinsia ya kike ilipoanza kutazamwa kuwa si bora.Ukweli ni kwamba hakuna jinsia iliyo bora kuliko nyingine.Kila jinsia ni bora jinsi ilivyo pasipo kusahau kuwa kila jambo huwa lina upekee wake.

Miaka ya hivi karibuni umeingia mfumo wa utandawazi.Mfumo ambao mifumo ya ,mawazo,uchumi,utamaduni inalengwa kufanywa kuwa sawia.Ni mfumo shindani ambao wanaoweza kuyatawala mazingira yao,wanafaidika kuliko wale wasiojitambua.Mfumo huu umewaathiri pia wanawake.Tumeshihudia wanawake wakivaa mavazi yanayoonesha sehemu zao nyeti,wakicheza picha za ngono na kudhalilishwa.Wanawake wanaonekana kuwa ni chombo cha starehe na dhalili.Kwenu ninyi wanawake,mnapaswa kuchukua hatua,kujitazama upya,mnawaza nini kila mmoja dhidi yenu wenyewe? Je mpo tayari kutumika kama msio na thamani kwenye matangazo,sinema na kwenye mawazo ya wanadamu wote? Je mpo tayari kujenga dunia duni yenye dhiki,chuki na isiyo na uelekeo?Mpo tayari kuendelea kutazamwa kuwa hamuwezi?

Leo ningependa wanawake waamke na kuvumbua siri kubwa ndani mwao.Hakuna wa kuchukua hatua ni ninyi wanawake,kila mmoja kwa nafsi yake. Ninyi ni wa thamani.Ni zaidi ya sura zenu,zaidi ya maumbile yenu.Ni zaidi ya mavazi mnayovaa.Uzuri wa mwanamke ni nuru iliyopo ndani mwake inayoangaza dunia kwa upendo.Ni nuru anayosubiria itumike kuimulika dunia,kuifanya kuwa sehemu bora ya kuishi.

Ni nuru hiyo iliyo ndani mwenu ambayo ikiruhusiwa kutolewa huzaa upendo,amani,usawa,haki na chemchem zote za upendo.Anayetambua ni yule aliye tayari kuchimba ndani mwake na kugundua kuwa kama mwanamke, anaijenga na kuibomoa dunia kadiri ya matumizi ya uwezo aliopewa.Uwezo wenu upo ndani yenu.uzuri wenu upo ndani mwenu na si kwenye mavazi na maumbile tu.Uzuri huo ulio ndani mwenu,unapotumika hutoa matokea yanayotoa picha ya uzuri wenu,yaani Upendo.Kichwani mwenu na moyoni mwenu mmebeba hazina kubwa.Ninyi ni bora,zaidi ya mwili unaoonekana,zaidi ya idadi ya namba,idadi ya nyota..

Wanawake ni viumbe muhimu katika dunia hii.Ndio wazazi wa kila jambo katika dunia hii. Ni chumbuko la wema na upendo hapa duniani.Kupitia mwanamke binadamu wanazaliwa.Wakombozi wa fikra,wapigania haki,wahimiza upendo,wapigania amani wote wametoka kwa mwanamke.

Mungu alimuumba mwanamke na kumuwekea uzuri wa kila namna ndani mwake,ali kila apitiaye tumboni mwa mwanamke aubebe uzuri huo na kuuishi hapa duniani.Katika kipindi chote aishipo akikua tumboni mwa mwanamke,kiumbe anayetarajiwa kuzaliwa hubewa chemchem ya kila kitokacho kwa mama.Hivyo mwanamke anahusika katika kuijenga dunia iliyo bora.Ule usemi wa kuwa ukimuelimisha mwanamke,umeielimisha jamii,ni sahihi..kinyume chake pia ni sahihi.

Dunia tuliyonayo sasa,mwonekano wake,matukio na kila tukipatacho,ni matokeo ya usanifu wetu wenyewe.Ni matokeo ya mwanamke na mwanamume,mwanamke akihusika kwa kiasi kikubwa.Chuki zilizopo,matabaka yaliyopo,visasi,mauaji ni matokeo ambayo yameanza katika dunia isiyoonekana iliyopo ndani mwetu,na kisha tumeijenga katika mwonekano uliopo.

Ukandamizaji wa wanawake ,na udhalilishaji unatoa matokeo ya jamii kandamizi na dhalili.

Wanawake mnayo nafasi ya kujenga dunia mpya.Inayoanza ndani mwenu.Ubikira wenu (ukamilifu ndani mwenu) utumike kuimulika dunia,kuwa sehemu bora.Mwanamke akiutambua ubikira ndani mwake,maajabu makubwa ya mabadiliko ya maisha yake huanza,Maisha mapya,bora hutokea.Wanawake amkeni.

Kila mmoja wenu akiamka,mtaamsha dunia mpya.Tuanze kuwafunza watoto wetu juu ya thamani yao.Waanze kuthamini hazina walio nayo ndani mwao.Washeni mishumaa iliyo ndani mwenu,iimulike dunia kwa upendo.Mulikeni muondoe mtazamo mbaya wa jamii juu ya mwanamke.Jukumu ni lenu.Nguvu mlionayo haijapotea,kinachohitajika ni kuiamsha.Licha ya magumu mtafika.

RAFIKI WA KWELI

noreply@blogger.com (kwa mwanangu mpendwa) — Mon, 04 Feb 2013 17:16:00 +0000

Rafiki wa kweli ni yule ambaye unaweza kumwamini,ni yule ambaye unaweza kumshirikisha furaha,huzuni na kila tamanio la moyo wako,ni yule ambaye hakuhukumu kwa kufikiri tu,ama kusikia toka kwa wengine,ni yule anayekubali na kuheshimu maamuzi yako,uchaguzi wako na uhuru wako,ni yule ambaye yupo tayari kutumia alichonacho kwa ajili yako,ni yule anayeweza kukukosoa na kukufanya utambue njia bora na kukua ukiendelea mbele daima,hutambua umuhimu wako na kukupa moyo,kukuamsha uwe bora zaidi na kufikia mafanikio,Hukusikiliza na kukushauri pale panapostahili na unapohitaji...daima huwa kwa ajili yako..rafiki wa kweli hawezi kuwa na ajenda za siri,hawezi kukuzunguka n A KUKUSALITI...rafiki wa kweli hufurahi pale unapofanikiwa na si kuweka kinyongo na kuumia pale unapofanikiwa,daima huwa pamoja nawe......na ni furaha kubwa pale unapogundua kuwa rafiki yako mkuu ni wewe mwenyewe....furaha pia ni kumpata rafiki wa kweli ..ni wachache....daima nafurahi kupata marafiki ambao wanathamini uwepo wangu,ambao hufurahi wakiona nasonga mbele.Ambao wako tayari kujitolea kwa ajili ya wengine,hasa kupitia blog hii .nitakuwa sina fadhila kama sitasema ahsante itokayo katika furaha ya moyo wangu

CHUKUA HATUA

noreply@blogger.com (kwa mwanangu mpendwa) — Sat, 02 Feb 2013 21:13:00 +0000

Mafanikio huanza pale unapoacha kuogopa na kuanza kuchukua hatua,yanaanza pale unapoacha kulaumu wengine juu ya matatizo yanayokukabili wewe, ambayo ukweli ni kwamba wewe ndiye msanifu mkuu.Yanaanza pale unapoacha kuogopa mazingira na kutafuta visingizio,na kuanza kuyatazama mazingira kama nafasi ya kwenda mbele na kuyatumia vema.Ni pale unapotafuta kuzigundua mbegu na nguvu zinazoendesha maisha yako na kugundua kuwa zipo ndani yako,na kuzitumia,ukichukua hatua juu ya kila mipango na malengo uliyoyaweka maishani mwako

BINADAMU NA USANIFU WA MAISHA YAKE

noreply@blogger.com (kwa mwanangu mpendwa) — Thu, 31 Jan 2013 13:03:00 +0000

fikra ni mbegu ya kile unachotarajinayo hutoa sawia na kilichopandwa

Nimeamua kuandika makala hii kujadili jambo muhimu sana,na endapo utachukua nafasi kujifunza na kusoma mara kwa mara utatambua mambo mengi

Mwisho wa makala hii utatambua mambo yafuatayo

I. (a) Wewe ni mjenzi na mbomoaji wa maisha yako

II. (b) Mazingira yanayokuzunguka ni matokeo ya fikra zitokazo ndani mwako

III. (c) Jinsi gani unaweza kubadili maisha yako.

IV. (d) Dunia mpya.

Mara nyingi tunapomuona mtu akifanikiwa katika biashara tunasema ana bahati’ama kismati’.Tunapomuona mwenzetu akifanya vizuri katika elimu tunasema Mungu amembariki na kumpa akili nyingi,TUKIONA WENGINE WAKIFANYA UGUNDUZI tunasema ‘ana akili nyingi’.Hatutakumbuki jambo moja,ya kuwa kuna magumu wanayoyapitia watu hawa mpaka kufikia mafanikio lakini kubwa zaidi ni kwamba kabla ya matokeo hayo,walianza kufikiri,kisha wakaweka nia ili kutimiza malengo hayo ambayo sasa yanaonekana wazi.

Ukiona simu,kumbuka kuwa aliyetengeneza alianza na fikra juu ya mawasilano,akafanya juhudi mpaka kufika hapo.Ukiitazama TELEVISHENI,Kumbuka kuwa haikugunduliwa kwa bahati mbaya bali ilianza na mtu kufikiri.Ukiona kuna uoto mzuri nyumbani kwa mtu,si kwamba ulitokea kwa bahati mbaya,ulianza na wazo ndani ya muhusika,kisha akafanya juhudi kutekeleza.

Kila unachokiona ,unachokitumia ni matokeo ya fikra za watu na wewe ukiwa mmoja wao.Marimba,Kinanda,kijiko,sahani,gari,baiskeli na vingine vingi vijavyo ni matokeo ya fikra za wanadamu.

Hakuna jambo hata moja ama ugunduzi wowote uliojitokeza katika mazingira rahisi,fikra ilianza kufanya kazi,ikasukuma hamu ya kufikia ndoto hizo,na mwisho wa siku..jambo lililokusudiwa linatimia

Kujenga maisha yako kunaanza na fikra zako.Unapata kadiri unavyofikiri.Unapoweka fikra juu ya jambo,unapata matokeo yake kadiri unavyofikiri.

Huwezi kutenganisha kile kilichopo ndani ya fikra za mtu na kile akitendacho ama ambacho kinaonekana.Kinachoonekana ,ni matokeo ya fikra za mtendaji.Vivyo hivyo huwezi kutenganisha kati ya ulimwengu wa kiroho na ulimwengu unaoonekana kwa macho..Uonekanao kwa macho ni matokeo ya ule wa kiroho (usioonekama kwa macho).Katika elimu ya Saikolojia unaweza kupima fikra na tabia kwa kutazama matokeo ya mambo yanayotendwa na mtu .

Mazingira bora ya kuishi hayatokei kwa bahati mbaya,yanajengwa na fikra (mtazamo).Mtazamo chanya huyajenga,nao mtazamo hasi huyabomoa.Hivyo ni wazi kuwa unapotaka kupata mafanikio katika jambo lolote,unaanza na fikra chanya juu ya jambo hilo,Jifunza kutazama kila jambo katika mtazamo chanya. Kila mmoja wetu ana ndoto ( matarajio ) ya kufnya jambo Fulani maishani,na kuwa mtu Fulani maishani…Unachokiwaza ndicho kitakachotokea katika uhalisia.Fikra ni mbegu ya kuelekea mafanikio.Ukipanda mbegu ya fikra chanya,utavuna kama ulivyopanda,vivyo hivyo ukipanda hasi,utavuna ulivyopanda.Ukiona vyaelea ,vimeundwa.

UNAWEZA KUBADILI MAISHA YAKO

ni wewe ndio uliye msanifu wa maisha yako

Kwa maelezo hayo ,unaweza kubadili maisha yako kwa kubadili fikra zako.Unaweza ukawa katika mazingira magumu sana,lakn kamwe hutabaki hivyo kama utaanza kuwaza vyema,fikra za mafanikio,upendo,amani zinakupelekea kwenye matokeo chanya

Mawazo uwazayo juu yako ni kipimo unachojipimia katika mwenendo na matokeo ya maisha yako.Matokeo yake kamwe hayajifichi.Hatuchagui mojakwa moja juu ya mtiririko wa maisha yetu,lakini kupitia fikra,tunachagua matokeo ya maisha yetu na kuujenga mtiririko wa maisha yetu.

Fikra huonekana matokeo yake haraka kwenye tabia,na tabia huleta matokeo ya maumivu ama furaha (majuto ama furaha).Kwa kifupi tabia uliyonayo,iletayo matokeo yake ya majuto ama furaha ndiyo inayotoa picha ya fikra iliyotoa msukumo wa matokeo hayo..

Fikra yenye woga,wasiwasi,na kutowajibika huonesha tabia ya unyonge , kutojiamini na kutochukua hatua,matokeoa yake ni kukata tamaa, kushindwa na kuwa tegemezi kwa kila jambo.

Nazo fikra yenye uvivu hupelekea tabia za udhaifu/unyonge, udanganyifu(usanii sanii) na matokeo yake ni kuwa ombaomba,masikini na uzembe.(ukiona nchi ina kila rasilimali,na inakuwa masikini,basi ujue watu wake wote ni wavivu kufikiri na wasipobadili fikra hizo watabaki kuwa ombaomba hata kama matrilioni ya pesa yatatolewa kama msaada)

Fikra za chuki na kutojiamini huleta tabia za visasi na uonevu,matokeo yake ni vurugu,kutoweka kwa amani,mauaji ya kutumia nguvu.Unaweza kujifunza matokeo ya viongozi wasiojiamini na wenye chuki.

Fikra za ubinafsi (umimi) huleta tabia ya ushindani,unyang’anyi,(roho mbaya tunaita waswahili).Na matokeo yake kila mmoja anayajua.

Kwa upande mwingine fikra zote njema huleta matokeo mema kwa watu wote.

Fikra za kutia moyo,kujiamini na kuchukua hatua huonekana katika tabia za utu wema na kuwajibika,matokeo yake ni amani,mafanikio na uhuru wa kweli.

Huwezi kuwa huru mpaka utakapokuwa na fikra huru.Ukifahamu jinsi unavyoweza kubadili maisha yako kwa kubadili fikra zako…umeyafikia mafanikio

Mkononi mwako ni matokeo halisi ya kile ukiwazacho….maisha yako unayoyaishi sasa ni matokeo halisi ya fikra zako,kwa kutambua ama kutotambua.Unavuna ulichopanda.Hakizidishwi wala kupunguzwa.Ukiachilia mbali hali uliyonayo sasa,unao uwezo wa kubadili maisha yako…ama kubaki ulivyo.Hii ni kwa kupitia mawazo yako mwenyewe. Utarudi nyuma kama mawazo yako yanavyotaka,ama utasonga mbele kama mawazo yako yanavyotaka.Mawazo hutoa msukumo moyoni.Msukumo huo huleta matokeo sawia.

Kama utasubiri mazingira ya mafanikio yako yajengwe na mtu mwingine(wengine) basi utasubiri mpaka mwisho..Ni wewe na wala si mwingine wa kuchukua hatua.Juhudi huleta matokeo.Kiwango cha juhudi unayoiweka,kinatanabaisha juu ya matokeo yake. Fikra unazozijaza katika mawazo yako,msukumo unaouweka moyoni mwako ndio ujengao maisha yako,na ndivyo utakavyokuwa.

DUNIA MPYA

Dunia mpya ni matokeo ya fikra zako mpya.Dunia mpya ni ile inayojengwa na wale wanaoamini katika uwezo walionao.Dunia tunayoishi sasa,mazingira yake,hali yake ni matokeo ya fikra zetu wanadamu.Kuongezeka kwa joto,kutoweka kwa amani na upendo,uchoyo,wivu ni matokeo ya binadamu yaliyoanza muda mrefu.Dunia mpya yenye amani,furaha,upendo,usawa,hali bora inajengw na sisi ,kila mmoja akichukua hatua juu ya fikra zake na maamuzi yake.Mimi binafsi naiona dunia mpya,yenye amani na furaha,upendo na maelewano,dunia hii itajengwa na watu wenye fikra za usawa,upendo,umoja baada ya dunia inayojengwa na wenye chuki na matabaka kushindwa.Love never fail

KANUNI YA MAFANIKIO MAISHANI

noreply@blogger.com (kwa mwanangu mpendwa) — Sun, 20 Jan 2013 22:03:00 +0000

Kutekeleza majukumu yote kwa uaminifu na bila shuruti..kujiamini katika Kila ukifanyacho binafsi na ktk maamuzi ya jumuia..
Kuwa na moyo wa imani kuwa unao uwezo wa kufanya kitu kipya chochote unachokidhamiria hata kama wapo wameamini ya kuwa haiwezekani...
Kuwa na tumaini moyoni mwako na kuwa kioo kwa wote wanaokuzunguka..
Uwe na moyo wa kujitolea kila wakati...kupenda na kuwajali wote na kwa maana hiyo kuufundisha upendo kwa wengine...
Jiamini na kupigania imani yako.
Kuwa tayari kutenda kwa wema kwa wengine,na kujifunza na kutoa kwa wale wenye mahitaji..
Jitolea kwao pasipo fikira na malengo ya kujipatia ama sifa ama zawadi yeyote.
Jiamini na kutenda na kufikiri kwa mfano wako wa kipekee bila kupotoshwa ama kutegemea fikra na njia za watu,kwani hizo zitakupeleka ktk matokeo yao,bali sikiliza sauti iliyo moyoni mwako ili maisha yako yawe ya mfano kwa watu wote,na kwa kufanya hivi utawaafundisha wengine kujitambua na kuishi maisha yao yasiyo ya bandia.. Waunge mkono wote wenye kuhitaji,fundisha kila jambo unalofahamu kuwa ni la manufaa ...Amina

FIKRA ZAKO NA MATOKEO YAKE

noreply@blogger.com (kwa mwanangu mpendwa) — Thu, 17 Jan 2013 12:44:00 +0000

fikra za kila mtu hazijifichi,matokeo yake huleta tabia,tabia huleta matokeo hasi ama chanya(picha ya Hayati baba wa taifa Mwl Julius Kambarage Nyerere)

Fikra ni sawa na mbegu ndani ya maisha yetu..Unapopanda mbegu kwenye udongo,matokeo yake huota kile ulichokipanda,kama umepanda mahindi,utavuna mahindi.Vivyohivyo ,jinsi unavyofikiri(unavyowaza),unapanda mbegu katika mitazamo na mienendo ya maisha yako na matokeo yake huonekana sawia na fikra zako.

Ni wazi kuwa huwezi kupanda mahindi ukavuna machungwa,vivyo hivyo huwezi kupanda mbegu itokanayo na fikra za kushindwa,umasikini,huzuni,kisha ukapata matokeo ya maisha mazuri,furaha na amani.Hivyo ni wazi kuwa ukitaka jambo jema litokee,anza kupanda kwanza fikra za wema(jambo hilo).Ukitaka kupata matokeo mazuri katika mahusiano anza kwanza kupanda mbegu ya mtazamo chanya juu ya mahusiano,upendo na furaha.Kama matarajio yako ni kuona dunia yenye mazingira mazuri na bora kwa viumbe wote,anza kwanza kupanda fikra ya wema na kujali viumbe wengine.Ukitaraji kuona mwenzi wako ana mwenendo mwema,anza kupanda mbegu ya ushirikiano,upendo,kujali badala ya kufikiri kuwa kuna jambo nje yako wewe,ama nguvu nje yako itakayoleta mabadiliko maishani mwako.Fikiri vema juu yako ubadili maisha yako.

Muonekao wa mazingira yanayotuzunguka ni matokeo ya fikra zetu wenyewe

Mazingira huchangia sana binadamu kuwa na fikra Fulani juu(dhidi) yake.Mfano,mtu aishiye katika mazingira ambayo ni ya kipato cha juu,fikra zake huwa mara nyingi si za kushindwa jambo tofauti na aliye katika mazingira yenye vikwazo vingi.Anayepita kwenye magumu mengi,anapojitambua huweza kufanya mambo makubwa kuliko aliyeko kwenye mazingira yasiyo na vikwazo vingi kwa sababu huanza kuwa na fikra za ushindi.

Tunapofikiri hasi juu ya maisha yetu,tunapata matokeo hayohayo.Tunapofikiri chanya na kuchukulia kila jambo ama mazingira kama nafasi,matokeo yake ni kukua zaidi na kusonga mbele.Tunachokipata maishani ni matokeo yenye uasilia ndani mwetu na si nje yetu.Tabia za marafiki ulionao ni picha ya tabia ulionayo wewe.Matokeo ya mafanikio ama kutofanikiwa kwa wewe na unaowaongoza ni picha ya fikra ulizonazo pamoja na unaowaongoza.

Ukijitazama kwenye kioo,unaiona sura yako.Kama una makovu,si tatizo la kioo,ni uhalisia wa jinsi ulivyo.Tabia unazoonesha nje,ni picha halisi ya fikra zako ndani mwako.

Unaweza kujifunza fikra,tabia na mienendo ya jamii kwa kuangalia matokeo yake.Jamii yenye umasikini,maradhi na ujinga ni picha halisi ya fikra zao,elimu yao na mitazamo yao.Ukiona katika jamii wapo watu wanaopenda kutembea wakiwa nusu uchi,ni picha kamili kuwa wengi wa wana jamii hiyo wanapenda tabia hiyo.Mbuzi hawezi kuzaa kondoo,na kinyume chake ni sawia.

Wapo wanaodhani kuwa fikra alizonazo mtu huweza kuwa siri.Ukweli ni kwamba matokeo ya matendo yako,ni matokeo ya mawazo yako.Fikra zetu huonesha matokeo sawasawa na msukumo wake.Anayefikiri dunia ni sehemu mbaya,huishi akiishutumu dunia siku zote.,Anayefikiri watu wanaomzunguka ni kikwazo kwake,huishi daima ikawaona kuwa ndio sababu ya matatizo yake.Fikra huonekana matokeo yake haraka kwenye tabia,na tabia huleta matokeo ya maumivu ama furaha (majuto ama furaha).Kwa kifupi tabia uliyonayo,iletayo matokeo yake ya majuto ama furaha ndiyo inayotoa picha ya fikra iliyotoa msukumo wa matokeo hayo..

Fikra yenye woga,wasiwasi,na kutowajibika huonesha tabia ya unyonge , kutojiamini na kutochukua hatua,matokeoa yake ni kukata tamaa, kushindwa na kuwa tegemezi kwa kila jambo.

Fikra za chuki na kutojiamini huleta tabia za visasi na uonevu,matokeo yake ni vurugu,kutoweka kwa amani,mauaji ya kutumia nguvu.Unaweza kujifunza matokeo ya viongozi wasiojiamini na wenye chuki.

Fikra za ubinafsi (umimi) huleta tabia ya ushindani,unyang’anyi,(roho mbaya tunaita waswahili).Na matokeo yake kila mmoja anayajua.

Kwa upande mwingine fikra zote njema huleta matokeo mema kwa watu wote.

Fikra za kutia moyo,kujiamini na kuchukua hatua huonekana katika tabia za utu wema na kuwajibika,matokeo yake ni amani,mafanikio na uhuru wa kweli.

Huwezi kuwa huru mpaka utakapokuwa na fikra huru.Ukifahamu jinsi unavyoweza kubadili maisha yako kwa kubadili fikra zako…umeyafikia mafanikio…usikate tamaa.

WAKATI NI SASA

noreply@blogger.com (kwa mwanangu mpendwa) — Mon, 07 Jan 2013 09:21:00 +0000

Ulishawahi kujiuliza ni lini unasubiri ,ama ni lini umeamua kuanza kutimiza yale ambayo umepangilia kuyafanya maishani?Umewahi pia kujiuliza ni lini malengo yako yatatimia?

Kama unatambua kuna sababu ya wewe kuishi hapa duniani,unasubiri nini kutenda kadiri moyo wako unavyokutuma?Unasubiri kesho,kesho kutwa,mwisho wa mwezi ,ukihitimu masomo,ama unasubiri umri wako ufike miaka kadhaa?

Ipo siku hutakuwa na uwezo wa kutenda chochote,hutakuwa na nafasi ya kutenda kile ulichokuwa kutimiza,na wakati huo ndipo utakapokuwa na majuto ni kwa nini hukutenda pale ulipoweza.

Hakuna muda mwingine zaidi ya sasa.Matokeo ya mambo yote yajayo hufanywa na maamuzi ya wakati uliopo.AMUA sasa.Amua kuanza kuishi maisha uliyoyakusudia sasa.

Utatambua kila kitu juu ya maisha yako ukianza kuchimba ndani yako sasa.Anza kusikiliza sauti iliyopo ndani mwako sasa.Usisubiri mwisho,fanya kwa bidii sasa.Badili maisha yako na ndoto zako zote kuwa halisi sasa.Usisubiri hatari ya kusubiri kesho,baadae….Mavuno ya baadae ni matokeo ya kupanda sasa