Lage Peyim

Ministè Kilti, fòmalize dans konpa ayisyen an!

noreply@blogger.com (Anonymous) — Mon, 17 Dec 2012 18:42:00 +0000

Kòm Prezidan komite aktivite ak Direktè aktivite kiltirèl mwen te genyen privilèy onore depa yon koup etranje ki te kwafe yon enstitisyon mwen fè pati. Nan lèt agreman an yo te sèl e inikman mande pou òganize yon bal pou wè kouman ayisyen yo danse. Youn nan bagay ki te atire atansyon mwen sè ke yo pran ase tan pou obsève epi leve danse apre 1 è. Yo gade chak sa moun fè epi aji menm jan an. Mwen te enpe enkyè nan mòd apwòch ak obsèvasyon yo sitou nan fason moun yo te danse. Toujou nan sousi pou wè yon ayiti meyè mwen te ape veye yon okazyon pou atire atansyon dirijan yo sou mòd kalite dans nou an. Petèt li deja pase nan tèt anpil enstitisyonis an ayiti lide sa poutan sa poko janmen konkretize tankou nan lòt sosyete kote dans yo fòmèl sa vle di genyen metòd ak taktik pou aprann nan yon tan swivan atitid ou. An ayiti tout bagay devan dèyè ki fè menm apre prèske 6 deseni depi mizik nou an kreye li rete prèske yon mistè pou ayisyen pou leve danse. Mwen, pèsonèlman, mwen konstate nan plizyè bal salon medam ayisyen yo pè leve danse si se pa nan foul ou byen fè nwa. Ou oze mande ki sa ki koze sa? Repons lan senp; Yo pa konnen danse, pandan nan anpil lòt ti kote ti moun tou piti san ezitasyon menm pare pou montre ou kòm etranje kouman dans lakay yo ye. Se pa nan lespri pou kritike di bagay yo pa bon lakay nou mwen ekri atik sa sinon pou atire atansyon nou menm dirijan sou valè sa genyen nan aprann fòmalize kilti nou. Nou kapab pa anvizaje sa kòm yon zouti pou chanyman nan sosyete nou an men mwen menm kòm moun ki enterese a wè ayiti bouje mwen estime e menm konsidere sa kòm youn nan gwo zam devlopman peyi a. Bay mwen enimere 3 pwen sou sa mwen chita pou di sa.
1, Sou pwen touristik: Nou panse relanse ekonomi peyi a nan envitye touris vini vizite nou, pa vre? Sonje mwen toujou di nou touris se sa ki ra, bagay ki kapte enterè li li ape chache. Youn nan pwemye fason ou kapab akeyi yon touris se ak dans ou. Imajine yon twoup ki ape monte yon koregrafi san menm yon fason fòmèl panse ki veritab konfizyon sa kapab kreye.
2, kote ekonomi: Avèk yon dans ki byen òganize kote tout pa yo egziste epi defini se okazyon pou ogmante ekonomi peyi a nan kreye anpil ti anplwa dirèk ak endirèk. Nou pa kwè? Ak yon bon fòmil anpil lekòl dans ape pran nesans. Imajine 500 nan tout peyi a ki ape montre ayisyen kou etranje danse konpa se deja prèske 2500 dyòb konpri pwofesè dans, sekretè, ajan sekirite, lokal ki ape lwe elatriye. Se pa deja yon bon avans pou nou? Bon...
3, kote sosyal: Pyès sosyete pa kapab kenbe yon rit sosyal si li pa òganize tèt li. Menn nan ti kote pi piti sa nou poko prè an nou mande tèt nou ki sa nou pare pou ofri, sitou lè nou ape pale de touris. Ki sa nou ape envite touris la vini chache lakay nou? Ankò mwen ape poze menm kesyon an: Nou ta renmen ayiti chanje, pa vre? Men kouman?
Genyen anpil mesye dam ayisyen ki trè eksele nan dans, sa nou panse si nou anboche kèk nan yo pou kreye (envante), estriktire kèk pa nou deja genyen? Se pa twò difisil. O mwen nou ta genyen dans konpa a tankou salsa, merrengue, samba elatriye. Se pa yon gwo pwojè ki pwale mande anpil fon ak dekesman. Sa pape menm pran 2 trimès pou li reyalize. Fè kreye yon pwogram ak yon lojisèl byen fasil kote moun kapab menm otoaprann si yo vle konsa nou va fasilite aksè ak tout moun ki enterese ak valè kiltirèl nou yo sou plan dans ak mizik.
Bagay yo la deja se sèlman mete yo an egzekisyon. Si nou tout bon enterese a fè peyi a mache nou kapab fè ti pwojè sa an atandan gwo envestiman yo vini pou lajan koumanse rantre nan peyi a.

Eske ayiti se yon peyi ki dwe genyen eleksyon?

noreply@blogger.com (Anonymous) — Thu, 14 Jun 2012 21:12:00 +0000

Fonkyonè leta nan yon sosyete responsab pou asire bon administrasyon nasyon an. Chak pòs ke li elektif ou nominal se angayman dirijan an pou fè si ke bagay yo ale nan sans yo dwe ye. An ayiti tout sanble diferan nan mòd fonksyonman yo. Poutan chak tan desizif genyen eleksyon. Kandida mande ki kote yo soti moun pa konnen ape fè lanavèt, fo pwomès, distribiye koze pou fòse moun ale vote pou yo. Ankò an 2012 a deja 2 zan 5 mwa depi peyi an touche ak yon dezas natirèl moun toujou pa genyen kote pou yo dòmi, bezwen natirèl yo fèt nan lari, pa mande si yo va jwenn manje pou yo manje. Epi pwale genyen eleksyon. Eleksyon pou ki? Pou ki yon moun dwe vote? a ki sa sa ape sèvi sitou nan yon peyi tankou ayiti? Nan tout ka se pèp la ki deside sou ki moun ki dwe pase nan eleksyon swivan bezwen nasyon an. Si yo monte jan mwen konnen li an sè ke pèp la vote yo, piske ayiti se sèl mwayen apre magouy ki monte moun dirijan. Pou mwen se 2 bagay swa youn ou byen lòt. Pèp la pa konnen sa li vle ou byen li pa santi soufrans lan. Pou di nou verite, eleksyon se plis ke yon senp aksyon. Se yon devwa sivik pou kore peyi a nan vote moun ki pwale defann lwa ki kapab kore sosyete a, ak posiblite pou eli moun ou estime ki pare pou reponn ak demann ou yo. Si nou pa konnen kouman pou nou chwazi yon moun mwen ape montre nou sa nan yon lòt atik. Voye je nou kay vwazen an yo fenk ratifye yon lwa migratwa ki pwale enpeche plis ke 180.000 ti ayisyen ki san papye enkli sa ki fèt sou tè a ale lekòl sa vle di yon jenerasyon ki ape grandi san ensktriksyon akademik, pwofesyonèl ak inivèsitè. Mwen ape avèti nou nan 10 pwochen ane yo ayiti si nou pa leve pye nou ayisyen pape kapab pile tè panyòl. Mande eli ki anplas la yo ki sa yo ape fè pou sa ou byen boude yo nan pwochen eleksyon yo.
Mwen pa kapab oze mwen dwa pou di yon moun pa vote ni ki yès ki miyò, sa se travay nou kòm nasyon pou pran desten vi nou an men, men mwen menm sa fè lontan mwen pa pran chemen skriten tou senpleman paske moun mwen wè yo yo pa kalifye pou dirije mwen. Pou evite mwen benyen nan salte, ak repwoche konsyans mwen pou yon move chwa mwen te fè mwen kenbe pozisyon mwen pou pa patisipe nan eleksyon, dayè si mwen te ape fè sa mwen te ape bay vòt blan men kòm nou pa wè bagay la menm jan ak mwen mwen ape tou senpleman envite nou panse sou ki moun ki pare pou reprezante nou nan kèlke swa nivo a.

Nasyonalize sousòl ayisyen an anvan li twò ta

noreply@blogger.com (Anonymous) — Fri, 01 Jun 2012 23:03:00 +0000

Nan dènye atik mwen te pale sou boujwazi ayisyen an mwen te pwomèt nou pou montre nou kouman pou abòde kesyon etranje yo ki koze yon veritab tèt chaje depi kreyasyon nasyon ayisyen an a koz konstitisyon an ki sanse limite yo nan chwa sa, pa vre? Pou plizyè rezon mwen te gade silans anvan menm yo pale de dekouvèt lò nann zòn nò peyi a, mwen di dekouvèt men tout moun konnen peyi ayiti ranpli ak richès natirèl ki poko fini eksplwate. Jodi a mwen pwale montre nou yon bagay. Ayiti se yon peyi ki frajil e kwè mwen si nou vle anvan lontan nou ape fè fas ak yon seri rezolisyon, mwen pa di sa pou fè kè nou kase ni pou mete mache prese nan kò nou sinon pou nou aprann ouvri je nou, gade reyalite a epi afwonte kondisyon yo ak matirite. Se pa pou yon senp rezon an 1917 sou gouvenman Phillipes Sudré Dartiguenave la Franklin Delano Roosevelt te tante refòmile lwa yo paske li te toujou entèdi depi sou Dessalines pou etranje posede byen fòmèlman isit an ayiti. Poutan sikonstans, ak moman yo varye. Envestisman se sa ki pwodwi devlopman, lakay nou nou pa genyen yon mache ki elaji e ki sifi pou reponn ak beswen popilasyon an. Fòk donk nou jwenn yon mwayen pou asire ke peyi a mache. Pyès etranje pape vini envesti nan yon sosyete kote dwa pwopriyete li pa garanti. Pyès moun ke nou dakò ou pa pa kapab konvenk mwen ke genyen yon sèl moun ki ape pran risk sa. Nou pa kapab rete ape gade bagay yo jan yo pwale a. Eske nou ape bat ba nan amande pati konstitisyonèl la ou di mwens nou ape kontinye kenbe? Ayiti twò pyeje kòm nasyon pou nou deside jwe jwèt sa menm lè nou ape pale envestisman. Bagay yo genyen pensip. Youn nan sa yo pa solisyon an e kwè mwen si nou vle amande li san sa mwen pwale di la anvan menm mwen mouri mwen ape wè rezilta a; Si maten an Ayiti elimine pati sa nan konstitisyon an li pèdi valè istorik, grandè, matirite pou kenbe tèt a tèt ak envisib la epi kesyon ayiti rele ayiti a bliye sa nan almanak nou. Tout sa ki fè nou sa nou ye jodi a se akoz ti koze sa. Tounen nan pase nou pou nou wè si nou ta genyen lide pou demanti mwen. Kèlke swa presyon ki kapab peze sou tèt nou sèl sovè nou se NASYONALIZE SOUSOL AYISYEN AN anvan li twò ta. Leta, mwen repte li, leta dwe genyen kontwòl, jesyon 27.000 km2 a depi sou sifas li jouk nan pwofondè li. Genyen yon diferans ant bisnis ak biznis. Yon moun kapab genyen otan bagay ki ape rantre li kòb nan yon sosyete san li pa oblije soti anba prensip yo. Ki sa? Yo pa dakò? Sa yo vle menm? Nan peyi òganize se leta ki mèt tè. Padone mwen gran don yo, men mwen pa genyen lòt chwa, mwen oblije di bagay la jan li ye a, ayiti pa kapab rete ankò. Mwen konnen sa ape afekte anpil sektè, men se sa li ye. Si nou vle evite yon veritab konfli e menm sa ki kapab afekte souverennte peyi a pran yon ti tan pou nou panse ak sa. Mwen konnen nou pwale di ki kote yo pwale jwenn kòb pou fè sa. Pa mande mwen paske se yon peyi nou ape dirije donk a nou menm pou demele nou jwenn kote lajan an kache.
Mesye Dam depite ak senatè ki okipe palman an di etranje a byen vini lakay nou isit an ayiti. se nan lwa yo pou nou pran yo. Anyen pakab pase si nou jwe jwèt sou tab. Kote ministè afè sosyal? Pou ki li pa aprann fikse salè pou ouvriye ayisyen yo? Di ONG yo kay la pou yo pandan nou ape mete prensip pou yo mache. Mwen rann mwen kont nou ape goumen ak tèt nou pou fè peyi a mache. Okenn moun pakab rantre lakay ou pou dirije ou si ou pa ouvri pòt pou li rantre. Defini ki sosyete nou vle ak plan estratejik nou ape rive mete ayiti sou yon lòt ray. Di blan an ki sa nou vle. Li pa genyen lòt chwa ke koube devan demann nou yo, amwen ke nou pa fè okenn pwopozisyon. Nou pa genyen yon mach a swiv? Pou sa nou ape bezwen konnen bezwen ak nesesite pèp ayisyen an. Desann nan geto yo ale gade ki jan moun yo ape viv na va konnen soufrans yo, monte ale chita ak moun ki nan sektè komès ayisyen an pou konnen ki pèspektiv yo paske nou rive nan bout nou. Sonje, NASYONALIZE SOUSOL PEYI A ou byen nou ape wè zetwal klere sou tèt nou lannwit kou lajounen.

Lame a pa sèlman kraze, li pote ale ak li kilti peyi a.

noreply@blogger.com (Anonymous) — Mon, 21 May 2012 22:10:00 +0000

Lontan lè mwen te piti mwen te toujou wè chak peryòd defile kòdonè ti moun tout lay abiye ak inifòm sitou 18 me ak novanm pou make komemorasyon drapo ak batay vètyè. Yon lòt kò ankò se eskout d'ayiti yon antite ki nan jounal monitè yo kalifye itilite piblik sa vle di nan nenpòt sitiyasyon sosyal yo kapab e dwe fè apèl ak li pou bay bourad. Depi efondreman lame a 2 mouvman sa yo ti kras pa ti kras ape depafini jouk yo rive nan tèm yo. Si pou fete anivèsè nenpòt nan evenman ki make valè peyi a yo kapab fè li nan fason yo vle men san SCOUT ak CORP D'HONNEUR.
Nou souvan fè mansyon nou vle ayiti vanse. Kilti se sa yon moun pote bay yon sosyete etranje nan kesyon relasyon diplimatik. Se sa ki atire touris. Sa ki natirèl lakay nou yo ki fè nou inik se sa yon lòt peyi ape chache. Si nou panse reyose kilti ayisyen an skout ayiti ak kò donè dwe rantre nan kalandriye travay nou. Men kouman? Yo se reflè ansyen lame peyi a sitou sila ki te bay nesans a nasyon ayisyen an. San prezans lame ak marye istwa ayiti a bagay sa yo san fòs ak valè.
KILTI = DEVLOPMAN. Pa genyen gran pwogrè ekonomik san yon aktivite touristik ki danble, poutan touris pa deplase si pa genyen aktivite kiltirèl ki pou atire li, sisite li pou li deplase ou di mwens vini vizite nou. Nou ape kite kilti nou yo ale ou byen? Yon lòt fwa san lame pwodiksyon sa yo pa a lamòd. Donk, nou wè tout rezon pou nou refòme lame a?

18 me ayiti ape fete anba pwoteksyon ak sekirite yon fòs etanje

noreply@blogger.com (Anonymous) — Fri, 18 May 2012 19:30:00 +0000

Mwen panse se ipokrizi si jodi a mwen ta kanpe pou fete fèt drapo anba yon dominasyon fòs etranje sou sòl ayisyen an.
      18 me make anivèsè yon konba Ewo nou yo te genyen ki te pwale bay endepandans nasyon an. Se yon wonte pou nou pou di nou se yon pèp ki lib pandan menm pouvwa nou pa genyen pou nou deside sou sekirite nou. Sepandan li rete yon eksplwa, yon viktwa, yon fyète menm lè se sèlman nan istwa nou li rete make.

      Respè pou sa yo ki te bay vi yo pou koz sa. Kouray a sila yo ki toujou genyen nan lespri yo li ankò posib pou nou libere tèt nou de esklavay modèn sa. Nou genyen anpil pou nou fè toujou. 18 me yon jou ki ekri nan istwa monn lan ke militan afriken yo chase nan zòn vètyè twoup fransè a kòm lame ki te pi pisan nan epòk la poutan jodi a ankò nou anvayi pa yon fòs miltinasyonal ak menm peyi nou te ede goumen pou soti tèt yo nan esklavay ke yo menm pou kò yo pa te kapab fè. Se petèt pa nesesè pou nou oblije goumen kò a kò pou mete yo deyò men nou genyen pou nou lite si nou vle tout bon di ayiti libere.
      Se fèt ou ayiti, kouman mwen ta kapab fè inyore sa? Mwen pa ta pe janmen lage ou pou kò ou men mwen dwe di mwen santi mwen jennen pou rejwi nan jan yo ape mal mennen ou lan. Mwen pa konnen ki sa mwen dwe fè men mwen santi nesesite pou aji jouk ou rale yon souf. Mwen espere yon jou yon jenerasyon va leve kote moun ki genyen san ayisyen ki koule nan venn yo va pran relèv zansèt nou yo pou goumen pou ou anfen repoze.
      Wi, pou mwen se ipokrizi pou di mwen se yon moun ki lib lè mantalman mwen santi mwen pa nan nivo yon ti kote mwen voye sòlda ayisyen goumen pou bay yo libète jodi a se li menm ki ape vini mete lòd nan sa frè ak sè mwen yo ape fè ou pase. Yon 18 me tankou jodi a va rive kote lè mwen gade tou patou sou ti bout tè sa se sèlman drapo ou la ke Jan Jank Desalin de fè katrin Flon koud la nan dechire pati blan an san espri rasis pou di nou fini ak esklavay lè sa si mwen ankò vivan mwen va leve tèt mwen pou di: "POUR LE DRAPO POUR LA PATRIE" e menm "MOURIR EST BEAU".

Ki asirans sante ayisyen yo genyen Prezidan?

noreply@blogger.com (Anonymous) — Sat, 05 May 2012 14:33:00 +0000

A mwen ke li ta pou yon rezon sekirite vi sanitè yon prezidan baze sou evolisyon medsin lakay li nan ka kontrè deplasman yon chèf leta pou ale chache swen nan yon peyi etranje se yon siyn konvenkan ke genyen defayans nan fason sosyete a ape avanse. Prezidan mwen pape akize ou piske se depi lontan bagay la te kon sa lakay nou men pou mwen sa parèt jennan pou ou ou byen nenpòt gwo otorite an ayiti dwe deplase pou ale chache swen medikal yon lòt kote. Si ou se kon sa sa pase pa mande mwen pou sila yo ki pa genyen resous kouman vi yo fini. Sa kapab pa parèt osi bèt nan je tout moun men mwen sa enkyete mwen. Mwen pa la pou sèlman di sa ki pape mache men sa tout bon ta dwe preyokipasyon tout moun nan sosyete ayisyen an. Mwen espere ou menm ak ministè santi piblik ape panche sou konstriksyon plis lopital ak chache mwayen pou nivo medsin nou an rive pi wo. Genyen kote yo bay bous etid wi Monsieur le gouverneur, se pa anyen non si ou mande sa pou ti edidyan finisan ki ta renmen pèfòme nan domèn sante nan peyi a. Menm genyen kote ki finanse yo. Gade pou wè ki kondisyon yo mande pou patwone yon bagay kon sa epi bay ti moun yo bourad. Nou pa ka kontinye konsa Prezidan. Li pa bon mon ami, li pa bon...

Sa ou antann pa inifye Haiti ak Republique Dominicaine Marthelly?

noreply@blogger.com (Anonymous) — Fri, 20 Apr 2012 19:32:00 +0000

An 1869 Etazini sou gouvènman Ulysses S. Grant Pwopoze ayiti pou inifye ak Sendomeng, yon pwopozisyon ki bwè lwil swivan reyaksyon 2 sosyete yo ki te nan gwo konfli politiko ekonomik. Mwen dwe mansyone pou sila yo ki ape swiv monte ayiti sitou pou moun ki konnen byen istwa peyi sa ke Ewo ki te fòje endepandans nasyon sa depi sou Tousen, Desalin, Cristòf, Bwaye ak menm dirijan nou pase nan dènye syèk sa rèv yo se rive wè ayiti ak Repiblik Dominiken fè yon sèl. Mwen leve men mwen pou di swè mwen kòm moun ki ape grandi se wè sa konkretize piske sa rantre nan kad istorik, mach a swiv lidè mwen yo ak pou anpil lòt motif valab, sepandan jan mwen souvan di li, politik pa fèt ak pasyon. Pou administre yon peyi sitou pou konkretize yon tèl objektif genyen anpil bagay pou nou mete an evidans. Ane pase Lionel Antonio Fernandez aktchywèl Prezidan Repiblik Dominiken an avwe ke Etazini kanada ak lafrans pandan plizyè deseni ape eseye pou konvenk yo pran desizyon pou ralye yo ak nou menm ki donk ayiti. Si nou entelijan nou ta dwe poze tèt nou kesyon sa yo: Si Ayityi ak Sen Domeng se 2 peyi ki a pa antye gran moun tèt yo, lib pou dirije yo menm ki motif ki fè se 3 nasyon sa yo ki vle inifye yo? Si yo genyen sa nan plan yo a ki fen sa ape abouti? Pou mwen genyen yon pakèt diferans ant kominote antènasyonal la ak yon antite patikilye ki genyen enterè li nan nasyon ayisyen an. Si sa rive fèt ki sa ki ape benefis 3 potagonis sa yo mwen vle di
1, ayiti,
2 Sen Domeng
3, moun ki dèyè inifikasyon sa?
Pi devan nou va jwenn repons la, kounye a nou ape avanse.
An 1801 Dominique Toussaint Sauveur Alyas Louverture anvayi Repiblik Dominiken pou mete deyo lame fransè a ki te pran tout lil lan kèk mwa anvan sa. Desalin apre li fini monte anperè fè menm bagay la an 1805 nan lide pou chase rès lame fransè a ti te anko sou teritwa aktchywèl peyi sendomeng. Bwaye nan akò li ak Nuñez de Caceres an 1822 jwenn favè pèp Dominiken an dirije tout lil lan pandan 22 an yon eksplwa ki jouk jodi a mete 2 nasyon sa yo dozado nan tout sans.
      Reyisi a fè sa mache ta dwe rezilta anpil estrateji ki chita sou plan edikatif, sosyal, kiltirèl ak politik. Pou di ou vrè fòme yon sosyete, ou di mwens chanje mantalite li pa yon bagay ki pi difisil ke sa ou te ka panse a pi devan mwen ape montre ou ki sa vle di nan sa. Pa genyen balans ki jis ki pape fè diferans ant 2 pwa diferan. Ayiti sou anpil pwen an reta devan nasyon vwazen an, nou dwe konsyan epi onèt nan sans sa. Fè li fè yon sèl ak lòt bò a pwale anboche anpil tèt chaje pami yo nou ka site:
1, pwoblèm fwontyè. Pou di genyen inyon nan mitan 2 sosyete fòk pa genyen limit fwontalye. Sa vle di an gran jan olye mwen bezwen yon viza ak paspò mwen ka sèlman pran machin swivan milye jeografik mwen ape soti a epi mwen deplase, tan pou mwen ta di 27.000 ak 48,442 km2 mwen te ape jwenn yon il antye ak yon sèl pèp, yon sèl mantalite ak tandans. Poutan lè mwen analize antrevi ou ap ak jounalis la mwen pa rive byen kopye atitid ou vizavi sa yo rele inifye nasyon an. Mwen ape eksplike mwen.
1, Ou di ou ta renmen wè pitit ou travèse epi retounen lakay li san baryè, Prezidan sa pa vle di inifikasyon 2 sosyete sinon 2 pèp ki trete pou viv san diskòd. Inifye yon peyi vle di yon sèl gouvènman, kilti, lang ofisyèl, lajan, sèl sistèm edikasyon elatriye.
2, Ou mansyone yo devan nou ekonomikman pou sa ou ape mande yo konkou pou retire peyi a kote li ye jodi a, sa vle di nan bon sans li anko Marthelly yon asistans ou byen okipasyon ideyo/politiko ekonomik. Eklèsi sa pou mwen jis pou mwen genyen yon ide de ki sa nan 3 bagay sa yo ki vizyon ou. Nan ka yo ta elimine bòn fwontalye yo sa pwale pwovoke plizyè lòt bagay ki kapab byen debouche sou diferan kriz tankou: ayisyen ape lib pou navige nan espas ki jodi a aktchywèl Repiblik Dominiken an vise vèsa ki pwale avanse posiblite pou genyen melany nan tout sans. Dominiken ki pwale san limit akouple ak Ayisyen 2 gwoup moun ki lè yo pa jwenn limit galope tankou cheval nan savann, ou an mezi pou korije sa yo nan ka yo ta envesti yon lòt konfli? Kouman jenerasyon ki la jodi a ape konsevwa sa? Mwen ape raple ou mantalite 2 pèp sa yo trè diferan nan kouman youn wè lòt. Ou pran nòt de sa? An nou avanse.
2, Nan mòd administratif ta dwe genyen yon sèl gouvènman ki vle di olye genyen 2 prezidan kounya a ape genyen yon sèl ak fizyon moun nan tou 2 kan yo kòm administratè. Se sa ou genyen ou byen moun ki anvi wè sa yo nan plan nou? Moun ki ape genyen pou pran tèt leta a pwale dirije nan enterè yon sèl pèp, sèl nasyon ou byen ape aji ak desizyon inilateral? Depi genyen malany ant plizyè ko li bay yon noulèl antite, nasyon ki pwale fome apati de 2 konsèp sa yo ape lib pou tèt li ou byen? Si wi kote 3 pisans ki kache dèyè mantalite sa? Mwen pa di non men mwen byen doute ke sa kapab jan li trase selon prensip yo. Antouka mwen pa konnen. Pi devan toujou.
3, Kounye a mwen ape tounen je mwen vè kominote entènasyonal la. Mwen pape pran nou pou inosan nan ka ou sa ta pwovoke yon evantchyèl tèt chaje nan ane ki genyen pou vini yo. Pou ki? Nou konnen byen ki sa nou ape fè lè yon nasyon tankou ayiti rete san yon lame depi 1995 jouk jodi a ki se yon kaskèt chinwa pou refòmasyon li ak yon peyi vwazen ki byen ame ak yon fòs militè kou polis ki genyen plis ke 40.000 moun fanm kou gason epi yon minista ak cha, zam lou ki antoure ayiti. 2 rejim ki pa genyen menm mod fonksyonman, dezekilib nan mitan moun yo santiman prejije ape toujou prime. Nou kapab pa wè sa ou byen nou fèmen je nou paske nou genyen yon kalandre an egzekisyon sepandan tout sa pèp ayisyen an sibi li pa reyaji se lè li deyo, nan ka li sou 27.000 km2 li a li pape janmen koube li anba pyès moun. Nan ka ta va genyen yon chirepit nou asime responsablite nou?  Nou pale de mete moun sa yo chita èske se nan dezekilib sa nou vle rantre ou byen genyen yon plan ki sekrè ayisyen pa okouran? Fè mwen konnen li souple. Mwen prevni nou nan 20 ane ki ape swiv aksyon sa yo yon veritab gè ant 2 pèp sa yo. Kwè mwen si nou vle nou pape janmen kapab lave rad nou devan limanite.
      Pou mwen tounen avè ou Marthelly, on ti kras istwa ta kapab mete ou an gad de pase nou. Si jeneral Jean Jacques Dessalines nan redije konstitisyon 1804 la de entèdi etranje genyen byen nan peyi a pou fransè yo pa te tounen sou pretèks pwopriyete yo pou mwen sa se te yon pwofesi, yon mizangad, vizyon yon klè vwayan ki te ape imajine kouman pou pwoteje, sekirize nasyon ayisyen an. Si ou pa te konnen mwen ape fè yon ti avanse pou ou nan sa ki pase nan peyi a. Motif ki akouche a okipasyon 1915 lan se te 3 bagay fondamantal:
1, prezans kominote alman an nan enfliyans li nan sen klas boujwa ayisyen an ak ekonomi peyi a
2, kako yo pou chèf Rosalvo Bobo ki te koumanse atake byen ameriken yo nan peyi a tankou Haitian American Sugar Company (ASCHO) ak
3, lajan CITYBANK lan yo te prete leta ayisyen pou remonte ekonomi an ki te an fayit nan epòk sa.
Si ou genyen nan rèv ide pou mache an akò ak plan yo ou dwe konsidere anpil fasèt swa nan istwa nou ou nan konstitisyon an. Sonje nan katriyèm pati konstitisyon an depi nan atik 53 jouk 57 konstitisyon ayiti a li di ki limit yon etranje genyen an ayiti. Anplis raple ou ou an afè ak yon sektè ki sa li di jodi se pa li li fè demen, si ou wè li souri avè ou atann nan fon kè li li genyen yon sipriz pou ou.
      Inifye ayiti wi, men nan enterè ki moun? Ki benefis yon ti ayisyen ape genyen? Mwen byen okouran se pa ou menm sèlman ki sibi presyon sa, dayè depi deblozay fefriye 2004 la nou sou wout pou pèdi tout souverènte nou men sa mwen ape mande ou nan moman sa pou di ou konprann byen sa ou panse fè a ou di mwens sa yo konvenk ou pou deside fè a? Deja desizyon sa revyen a nasyon an e non ak gouvènman an pou pran. Dayè pyès gouvènman pa dirije nan fason li estime sinon jan pèp la vle pou li administre peyi a. Ou konsilte ayisyen yo deja? Mwen pa kont ide a men fè yon ti voye je ou gade edikasyon sivik ayisyen yo ak panse remonte ekonomi nasyon an apre sa ou va deside konnen sou ki wout pou ou mache paske nan fè byen menm kadav ou istwa kapab yon jou jije.

Ayiti you lòt fwa

noreply@blogger.com (Anonymous) — Mon, 16 Apr 2012 15:41:00 +0000

Li te pran mwen kèk jou pou mwen prezan aktivman nan diskisyon yo akoz kèk pwoblèm teknik ki te enpeche mwen. Yo pa tou afè rezoud men pou ki pou mwen oblije kite mwen afekte nan pwen pou sispannn pale. Mwen espere pandan peròd ki ape vini yo pi zou mwen disponib ayiti ape kapab tande mwen. Ekskize mwen a moun ki te afakte pa sistiyasyon sa e mwen ape fè tout efò pou evite li pa repete.
Ayiti se peye nou li ye. kèlke swa fason an se nou ki pou fè yon fason pou fè li mache. Li kapab sa nou vle a nan pwen nou konnen egzakteman ki sa nou vle epi detèmine pou atenn objektif nou. Yon lòt ayiti posib gras ak konkou chak grenn sitwayen ki motive pou fè li mache.
Viv yon ayiti ki lib e ki gran moun tèt li

Refòmasyon lame a yon gwo pa pou avansman Ayiti.

noreply@blogger.com (Anonymous) — Mon, 02 Apr 2012 15:24:00 +0000

Depi monte nouvo prezidans lan yon inisyativ pou refòme lame peyi a demare. Anpil diskisyon sou si li dwe ou pa, finansman, ak fòmasyon nouvo kad lame a rete yon veritab diskisyon nan mitan sosyete ayisyen an. Enmi an kanpe an kwa kòm si sa pou li reprezante yon menas nan plan li genyen pou ti nasyon tèt bòchèt sa. Menm lòt bò rivyè kay vwazen an mobilize pou konnen ki sa ki pwale pase sou koze refè lame ayiti a. Yo swa dizan afakte e kwè mwen si ou vle sikolojikman afekte ak nouvo tandans sa. Mwen ann dan vant yo mwen kapab di ou ki sa ki ape pase nan mitan yo depi lansman ide sa. Jodi a fè prèske yon ane depi ayiti genyen yon prezidan nan tèt li. desten li depann de vizyon ideyolojik dirijan li yo. Sou ki chemen yo vle mete li pou jou ki ape vini yo depann kategorikman de kapasite pou dirije nasyon an. lame a ape fèt e anyen pa kapab kanpe inisyativ sa.
Si nou vle tout bon mete ayiti kanpe sou pye li nou dwe asime nou responsablite nou kèlke swa faz nou genyen pou nou pran an. Mwen ape repete li. Li pa depann de sipèfisi geyografik yon nasyon pou li pisan sinon nan fakilte pou aprann negosye ak pozisyone sou sa ki ape bon pou tout moun nan sosyete a. Aprann fè ekilib. Ayiti se yon mache ki donk tout moun ki santi yo genyen enterè nan li lib pou avantire yo nan vini pwofite de sa nou genyen pou nou ofri. Relasyon diplomatik yon nasyon pa baze sou fè politik ak kiltirèl sèlman. Nou genyen resous natirèl yo, ke nou ekspwalte yo pou nou jwenn ase pou finanse tout aktivite ki vize pwogresyon sosyete ayisyen an. Gaz natirèl yo si se yo pou nou echanje, fè li. IRAN, VENEZYWELA, CHIN SOSYALIS ou nenpòt lòt kote ki santi nesesite pou envesti nan nou dwe santi yo byen vini lakay nou. 20 a 30.000 jenn fanm ak gason ki chak mwa espere yon salè piti kou li ye se deja yon diminisyon nan chomay ak yon garanti nan bese to ensekirite a an ayiti.
Lame ayiti a ape fèt e fòk li fèt. Ayiti se yon peyi ki gran moun tèt li. Li e li sèl dwe deside sou avni li nan faz li estime ki bon pou li. Viv libète, viv yon nasyon san separasyon nan nivo sosyal yo.

Ayiti koperasyon/PNID

noreply@blogger.com (Anonymous) — Tue, 27 Mar 2012 21:49:00 +0000

Michel J. Marthelly Prezidan ayisyen an akonpaye ak Minis enteryè a Thierry Mayard-Paul chita pale ak Direktris Pwogram nasyon zini pou devlopman yo M. Jessica Faieta jounen 27 mas la nan lide pou ranfòse sistèm pwoteksyon kont dezas natirèl yo. M. Mayard di li ta bon pou ayiti kontinye kopere ak PNID pou amelyore kondisyon vi ayisyen yo. Epi tou yo pale sou nouvo pwogram KATYE PAM POZE a yon inisyativ ki vize pou desantralize kominote ayisyen yo ak pou diminye presyon sosyal nan viv chak jou pèp ayisyen an. Klike sou link lan pou genyen plis detay

3 konsèp ki kreye mache enfòmèl la an ayiti.

noreply@blogger.com (Anonymous) — Wed, 21 Mar 2012 13:48:00 +0000

Tout sosyete pou li devlope dwe marye prensip fondamantal ki reji pou yon peyi di li egsiste. Boujwazi genyen yon pa aktif nan devlopman dirèk ak endirèk yon nasyon. Pou evite twòp detay mwen vle rezime pou di rezon fondamantal ki bay sektè enfòmèl la an ayiti se
1, Absans yon boujwazi nasyonalis. Okenn kote sou tè a pa janmen pwogrese si moun ki nan milye a pa mete ansanm pou fè li mache. Tout sitwayen konsekan ki estime peyi yo pa sou pant li ta dwe ye a ke se pou pwòp avantay ak ekonomi pa yo envesti nan rejyon an sinon nou pape jwenn lòt rezilta ke sa nou genyen jodi a. Pou di nou verite li pa fòseman bezwen natif sa vle di fèt sou tè a ou dimwens pote idantite peyi a pou li se yon nasyonalis. Depi yon moun rezide nan yon sektè si li pa angaje lwa peyi a nan yon fason dirèk ou endirèk kapab pote mak nasyonalis ou envestisè entegral ke pi devan nan yon lòt pòs mwen ape fè sa parèt pi klè pou nou.
2, Iresponsablite ou manke ekilib kay dirijan leta ayisyen yo. Wòl ak angayman leta se asire li genyen yon balans nan fason bagay yo ape administre an ayiti. Li fasilite aksè ak sila yo ki vle envesti nan founi yo avantay fiskal, asirans dwanye ak sekirite pou yo fonksyone. Si nou byen gade kouman konstitisyon 87 la reji pou yo mennen bak nasyon ayisyen an menm lè li genyen fay si yo te ape aplike prensip yo te ape bay pi zou mwen yon meyè rezilta. Kòm jodi a pa genyen lame depi apre 95 sèl antite ki asire pwoteksyon sivil ak byen se polis nasyonal la. Devwa li se garanti bon jan pwoteksyon ak tout moun ki vize mete lajan yo deyò sou tè a. Ministè afè sosyal regle koze fikse pri pwodwi yo, tribinal zafè travay pou mete ola nan sa ki ape mal mache nan koze regleman elatriye. Gouvennman an vize pou chache ak fasilite plis envestisè pou de manwè ke genyen mwens chomay ou pou ki pa elimine li nan sen nou. Poutan lè nou ape gade nou rann nou kont ke youn nan sa nou site la yo pa ale nan sans li mande pou fèt. Pou ki pa genyen bon travay nan peyi a? Yon kesyon anpil moun ape mande ki rezon ki fè sa rive. Mwen pape di fot konpetans ak manke volonte men li pa te kapab pa youn nan sa yo.

3, Sa bay plis aksè ak kontrebann. Tant leta pa genyen kontwòl vant lan se tant li pi fasil pou moun kontrebande. Yo kapab achete ak vann nan nivo yo pi pito. Sitou sa ki entèdi pou yo likide sou mache lokal la ak nivo pèman anpwlaye ak ouvriye yo.
Pou kontrekare fenomenn sa pa mande si leta ta dwe redouble efò pou fè fas ak evennman sa yo sinon aji an konsekans. Bay mwen koumanse pa dènye pwen an.
a) Kontrebann depi tè a te koumanse peple mwen ape mande tèt mwen si li pa rantre nan vi kotidyen abitan li yo pou panse dewoute aktivite yo nan bi pou pwofite youn de lòt. Kontrekare li se kòm si nou te kapab espere yon moun an raje kapab retounen nòmal. Wi li posib men swa sa rive pa chans oubyen nou fè fas ak reyalite a ki se sa ki mete nou kote nou ye a jodi a. Moun ki ape dirije yo si se pa yo ki ape mal fonksyone se yon pakèt tèt anba ki pa genyen sans responsablete pou fè peyi a bouje. Nou dwe envesti nan lwa yo mezanmi. Sèl fason nou kapab konbat koripsyon se lè moun yo rann yo kont tout bon vre tout kote yo pase yo pape kapab kache anba pinisyon yo sinon se reve nou a reve wè ayiti chanje.
b) Pran tan nou pou nou swa eli ou nome moun ki genyen vizyon pou ride ti nasyon tèt bòchèt sa rive pi devan.
c) Malerezman sèl bagay leta pa genyen pouvwa sou li se fè moun yo envesti kòb yo si yo pa jije sa enpòtan pou yo fè sou kèlke swa fason li kapab tante sa. Pou di nou verite lajan moun yo pou yo nou pa kapab egzije sou nenpòt jan nou vle eseye moun yo pou yo mete kòb yo deyò vwa bay yo presyon. Pou tan genyen anpil mwanyen ak estrateji dirijan yo si yo entelijan yo kapab itilize pou konvenk boujwa yo pou patisipe nan devlopman ayiti a. Kwè mwen si nou vle si se ayisyen ki ape bay travay ann dan peyi a ayiti ape rive pi lwen epi li ape kenbe idantite li men si yo pa vle gouvennman yo dwe pase a yon lòt faz ki nan yon lòt atik mwen pwale montre nou ki sa li dwe fè pou kontrekare fleyo pa genyen travay sa an ayiti.

Joel Jerfran mouri. Tanpri fè mesay sa pase rive pi lwen.

noreply@blogger.com (Anonymous) — Mon, 12 Mar 2012 21:19:00 +0000

Yon jenn ti nonm sou non Joel Jerfran mouri talè a 03:00 ann dan inivèsite leta dominiken an UASD Universidad Autonoma de Santo Domingo Ak yon bal nan tèt ak nan epòl. Bandi an chape poul li jouk kounye a yo poko konnen ki moun ki fè krim lan. Tanpri fè mesay la pase rive nan zòrèy otorite leta ayisyen yo pou mwen.

Marthelly m'ap di'w 3 bagay

noreply@blogger.com (Anonymous) — Thu, 01 Mar 2012 13:33:00 +0000

1, Rele dèyè Frizt Cinéas swa dizan Anbasadè Ayisyen nan Sen Domeng lan pou konnen ki jan li ape trete dosye sa paske mwen bouke ak moun k'ap plede ekri mwen sou pwen sa. Selon sa yo di mwen yon pakèt etidyan y'ap fè vèse 25 a 30.000 peso pou koze rezidans depi 10 mwa ki pa janmen siyen. Ti moun yo se etidyan yo ye, paran yo pa gen mwayen, anpil ladan yo se anba tant paran yo ape kwoupi pou wè kouman yo ka fè edikasyion yo nan peyi sa mwen pa wè kouman yo ka deside konfiske kòb ti moun yo nan men yo. Ak la verite peyi yo pou yo pyès moun pa ka enpeche yo pran desizyon yo vle men se pa yon rezon pou kite lese ale sa, dayè si yo pape bay ayisyen rezidans ke yo afiche yo klèman epi yo pa ka kontinye ap kenbe kòb ti malere yo anba men yo. Ki sa Cinéas ape regle nan peyi sa?
2, Dosye Eleman taba sa se pa yon ti kriz li kapab pote nan peyi a. Arete li sou kèlke swa motif valab la ap anboche yon veritab kriz ki pape fasil ni pwofitab pou nasyon ayisyen an. Mwen pa jij ni travay nan kou jistis ayisyen donk mwen pap rantre twò fon nan bagay sa men sa sèlman mwen anvi di ou, fè anpil atansyon ak pran prekosyon pou tan kap vini yo pou ayiti pa retwouve li a bò yon dilèm san presedan. Penitansye se pa pozisyon ki ka resevwa nonm sa, sa vle di nou ta dwe chita sou konnen kouman dabò nap trete koz sa anplis ou estime jij nou yo ase konpetan pou trete zafè sa nan moman sa? Tout moun ki genyen dosye kont misye nou estime yo ap genyen ase asirans pou vini depoze plent kont li? Polis nasyonal la ase kore pou fè fas ak dilèm sa si patizan ak senpatizan ansyen rejim li an ta leve kanpe pou fè dezòd? Minista ape rantre nan koz sa si bagay la ta dejenere? Konbyen ennmi an pwale pwofite de sitiyasyon sa pou fè kapital politik yo nan sosyete a? Mwen pape pran menm bagay nou te fè pou kesyon eleman Sen Mak la nan tèt mòn lasiri a non. Nou ape demele nou nou fè jistis blayi sou tout krim ke nonm sa genyen non li site. An touka nou a deside nou.
3, Pyès moun pa ka egzije yon moun pou li genyen tout savwa pou li fè yon peyi mache. Li pa menm obligatwa pou yon tip rive prezidan yon nasyon, dayè Jeneral Jean Jacques Dessalines akeri tout nivo li yo nan milye konba sa vle li posib pou yon moun fòme tèt li nan nenpòt sitiyasyon ak moman sepandan, peyi a pa yon jwèt, yon espas moun vini fè sa yo vle. Apre 6 mwa ou rive monte yon kabinè ak favè ou dimwens lòd moun ki te fè pwopozisyon an jwenn yon Premye Minis. Si ou pa te renmen fòm tèt li se nòmal pou ou te pran tan ou pou fè pwopozisyon yon moun ou estime ki pare pou mache ak pwogram ou an. Se pa ou ki te di se pa moun ki te fòse ou pran Gary Conille kòm Premye Minis? Ki presyon ou te genyen dèyè do ou? Nan espas pèp ayisyen an ap viv la, nan mizè atwòs sa se pa moman pou nou kontinye ap jwe ak li. Yo pa rele paske esperans yo se yon jou jwenn yon moun ki ka tande, konprann epi solisyone pwoblèm yo, mwen pa kwè fason nou ap mennen bak nasyon an ap yon bon rezilta pou amelyore vwa chanje kriz kap bwase bil li a. Mwen espere ou ape pran sa an konsiderasyon e pou ki pa repanse kouman ou ap manniganse pouvwa ou la. Sinon, pèp sa pa tout tan jwe ak moun non ti frè.

Can you impress a large public when speaking?

noreply@blogger.com (Anonymous) — Fri, 17 Feb 2012 21:25:00 +0000

Would you like to become a public speaker? Even a best one that everybody could pay closer attention to every single word you say? How many time did you dream to be able to impress a large public? Can you see thousand of people round or face to you very silent with attention to what you are saying without the will of moving even if they need to just because they do not want to lose a comma in what you are telling?
      Now, what your level is in talking? Do you feel shame, shy even bothered? Tell me. Do you ever feel stuck when you have to expose your thought, even dazzled that can not get out any words? Finished is your stress.
Your problem is the cause of a misconception of your own capacity and also the lack of practices fortunately that can be solved.
      In the coming day I will give a free E- Course, totally free presented in many different modules based on communication, "The art of better expressing yourself in public". If you are interested feel comfortable to fill the form below while I am working on to making it real.
      Stay attached to the blog for there is no fixed day for this event.
      Do not forget to invite your friends or anyone you surely know would like to take advantage of it.

Make the world better than the day you were born

noreply@blogger.com (Anonymous) — Mon, 13 Feb 2012 14:33:00 +0000

Not so far from today I read an article that talked about the world. I take a couple of second to because it is not so long. It is like that edited: "Make the world better than the day you were born". Very often we are noticed there will be convention, found raising and so on just to maintenaing a perfect harmony between or to protect the environment. Questioning myself this moming I say 2 things: "How did I contribute in destroying the hearth" and "what can I do to actively participate in the changes toward its goal and mission" that is to bring not only somewhere for everyone to live but peace and joy?
I feel a bit concerned even very if you could believe me looking at the way things are doing by now. Maybe I should compromise to my own self to better be positive, but is this enough? What about you? What do you think that could be the best way to get a better future for our childreen? Appologyze if I introduce you to this however can we stay so silent letting life goes its way without taking the most advantages of it?
I think it would be a great idea to read it and while doing so I invite you to profoundly think of each word described in it. Just get a look. http://bit.ly/x7MNwI

Ki lè leta ap revize sistèm edikatif ayisyen an?

noreply@blogger.com (Anonymous) — Tue, 31 Jan 2012 20:56:00 +0000

Lontan lè mwen te rantre lekòl pa te genyen kindergateen. Mwen te fè klas matènèl ki se anfantin 1 ak 2. Klas yo te double sa vle di mwen fè 3 klas nan 6 ane. Ki koz? Leta nan kripya li pou pa anboche pwofesè mete yon sèl pou fè yon ane akademik. 12 ou 13 matyè pou yon ti moun wè yon sèl moun pa fouti boukle pwogram lan pandan 9 mwa. Olye pou yo ta ajoute eleman fondamantal ki pou enstywi ti moun yo yo oblije ape triye kèk grenn bagay pou wè si yo te kapab genyen tan kouvri pandan ti tan yo genyen devan yo a. Jodi a nou an 2012. An ayiti genyen 4 egzamen ofisyèl, pou 20 an ou fè chita lekòl, pandan leta ayisyen te kapab byen revize e pou ki pa redywi sou kantite ane yon ti ayisyen fè li chita lekòl? Kote ki ape panse depi apre 17 an yon ti moun deja koumanse yon karyè inivèsitè. Nou nan è tennyolojik, ki batize "Rèy enfòmatik". Eske gouvennman sa genyen nan pwojè li pou modènize, restriktire, byen balanse pwogram edikatif aysyen an? Nan tan ki soti pase yo anpil espwa te bay sou pretèsk refòm yo te ape asire poutan yo ale anyen pa chanje. Sou ki baz nou kapab chita pou rete tann nouvo kabinè sa ki pwale kreye ekilib nan sa ti moun ayisyen yo ape aprann? Angiz yo ape kontinye kreye ti bank bòlèt pou ki yo pa konsantre yo pou yo konstywi yon espas ki apwopriye a yon nivo enstriktif byen balanse kote ti moun yo kapab jwenn plis espas pou yo layite kò ak sèvo yo, milye pou ro fè twalèt yo apre yon moman detant? Konbyen laboratwa yo anvizame mete sou pye pou nou sispann konsève sa nou aprann sinon pou nou devlope yo? Pa genyen kòb se pa vre? Men nou jwenn pou nou fè popagann. Tant nou panse piti nou menm ayisyen.
Mwen toujou raple mwen an 2001 pou efondreman 2 tou yo o zetazini, majistra vil new York la nan yon deklarasyon di: " Nenpòt ti moun ki fè 6èm sa nou kapab konpare ak nivo sètifika nan peyi nou genyen kapasite pou pwodywi sa ki pase a". Konpare ak yon etidyan fininan an ayiti èske sa pa pouse ògèy nou ou menm fè nou wont pou mande ki klas filozòf nou pwodywi nan peyi nou? Enstriksyon sivik yon pèp se sa ki fè li leve tèt gade moun nan je. Ki yès ki kapab garanti mwen nouvo gouvennman sa genyen nan kalandriye li yon pwogram ki pwale ede ti ayisyen yo renmen tè a, pare pou defann li, pou aspire lidè nou yo nan tout kouch sosyal yo kapab soti pou santi yo fyè yo te fèt ayisyen?
Se pawòl moun ki say: L'éducation éleve une nation". Tout tan nou pa refòme sistèm edikatif ayisyen an, otan nou ape genyen yon nasyon medyòk, plis medyokrite lakay nou, plis posiblite pou nou kontinye mache tèt bese.

Tout prezidan ayisyen echwe paske yo pa genyen yon ideyoloji politik.

noreply@blogger.com (Anonymous) — Mon, 23 Jan 2012 16:10:00 +0000

Nan youn nan atik mwen fenk soti pibliye yo mwen te di nou motif ki fè genyen tout koripsyon sa yo nan leta, jodi a mwen ape montre nou kouman lidè nou yo echwe malgre bon volonte yo genyen pou defann nou.
5 an se 5 jou. Pou ou reyisi mete peyi a sou yon ray ou bezwen derasinen sitèm ki an plas la paske tout moun ki ladan ape benyen nan menm labou a donk pa genyen espwa pou ou amelyore vwa chanje li ak yo menm ankò. Nan fason sa se ta monte ak yon ekip tou nèf. Prezidan yo jis monte panse yo kapab devlepe peyi a ak fòs kouray yo. Chanje yon sosyete tankou ayiti mande estrateji ki baze sou konnen plan advèsè a. Sonje mwen te di nou deja peyi a divize an 11 kategori. klike la si ou pa te ko konnen sa. Yo genyen kote pozitif ak negatif yo swivan klan ki monte nan tèt leta a. Pou ou asire yon devlopman ou bezwen genyen kontwòl tout 11 antite sa yo. Men kote lidè nou yo peche a. An nou pran yon egzanp. Pouvwa lejislatif la, mezanmi padone mwen mwen menm pèsonèlman mwen ape mande ki motif kò sa an ayiti, se youn nan gwo andikap ki enpeche nasyon an mache. Ki sa anpil prezidan fè? Yo eseye itilize fòs pou konbat li. Se byen men sonje fòs envizib la se enfiltre kote ki genyen dezòd pou kreye plis panik. Lè konsa ki sa li fè? Li patwone advèsè a pou kanpe dan sere pou bòykote ou. Solisyon an se monte ak yon gwoup palmentè ki pare pou mache nan ideyoloji ou ape pwone a. Men kesyon an se: Ki prezidan ayisyen ki genyen yon ideyoloji politik? Ou mèt fache. Montre mwen li si ou kapab. Dayè depi plis ke 4 deseni ayiti pa janmen bay yon prezidan ki se yon fran politisyen an nou di ki konnen vrèman soufrans pèp la ak kouman pou soulaje doulè ayisyen yo. Ou kapab di sa ou vle men mwen rete konvenki ke tout moun sa yo se moun nati a mete sou chemen nou men ki pa te kalifye pou dirije nou. Sinon yo ta fè pepinyè. Pou di verite yo fè wi men se pa sa ayiti bezwen an ni ki kapab solisyone konfli nou yo. Yo tout vize prezidan kòm si lè yo monte yo pwale fè moun mache ès ès san yo pa raple yo ayiti renonse ak sistèm sa depi egzistans li. Genyen lòt ki itilize titès pou anfen wè si yo ta fè tan yo men se pa sifi paske moun sa yo pa kwè nan devlopman sinon kenbe pèp la nan inyorans pou li pa konnen kouman pou li revandike dwa li. Yon sistèm pa derasinen ke pa yon lòt sistèm. Solisyon an se vle kou ou pa vle mete an karantèn tout pouriti sa yo a kote epi ranplase yo pa sila ki vize bon kondisyon vi sosyal nasyon an.
Kite mwen di ou malgre sa je pèp la kale.

Sa'k te pase 90 la li k' pwal pwodwi an 2015 si nou pa veye zo'n

noreply@blogger.com (Anonymous) — Wed, 18 Jan 2012 15:46:00 +0000

Diplomasi fèt ak moun ki genyen tèt. Sonje nan pòs sa mwen te eksplike nou motif ki te bay eleksyon 16 desanm 90 lan. Fè yon gade li si ou pa te ko. Depi avan yo anonse retou eleman ki soti an egzil yo mwen di nou se pa yon senp bagay ke yo vini nan peyi a. Pyès moun pa pale kòm si se pa anyen. Menm sila yo ki te nan fè mouvman militans rete ak bouch yo be. Sèlman aksyon yo ape mache. Lafontan soti an egzil vini kandida pou jwe sou sikoloji pèp ayisyen an fòse li aksepte Mack Bazin Kòm prezidan sou presyon ke nasyon ayisyen an rechte makout yo definitivman.
Ayisyen fasil pou bliye. Menm moun ki pretann yo te fò sikolojikman pou konsève popilarite ak anrichi pòch ak vant fanmi yo kapab vann nanm yo. Bon, se sa li te toujou ye depi byen lontan. Depi dat ti mal te bat ba.
1, Koze doub nasyonalite sa ki vote a,
2, kanpay dezenterese ki ape fèt san pale, pati politk ki refòme anba banyè moun ki pa fran ayisyen ta dwe bay moun a panse. Men jodi a ki sa yo di? Anyen.
Mwen pou di verite sa pa nwi mwen paske kou kat mare 14 mwen annik pran fanmi mwen mwen monte lawisi. Nou a demele nou.

Ki prezidan ki kapab chanje ayiti san yon refòm sistematik?

noreply@blogger.com (Anonymous) — Thu, 29 Dec 2011 18:21:00 +0000

Prensipal motif ki koze tout dekadans sa nan sosyete ayisyen an se rezon dezoryantasyon nan bwat leta yo. Nan yon diskisyon mwen te genyen ak yon gwoup etidyan ki orijinè ayisyen nan yon inivèsite mwen mande yo ki sa selon yo ki mete peyi a kote li ye la jodi a? Yo reponn: "Manke moun ki kapab dirije li". Mwen di non paske nou genyen ase moun ki pase nan tèt leta men pito yon pwoblèm enstitisyonèl a baz sistematik. Youn nan yo konteste pou di men: enstitisyon yo ki moun ki kreye yo si se pa moun? Ak la verite li genyen rezon paske tout òganizasyon kanpe ak yon kad ki bay li jarèt. Men prensip yo rete etènèl. Se sa ki fè menm si yon kad ale youn ranplase li jesyon yo toujou asire, paske genyen nòm ki reji fonksyonman aparèy sa. Yo kapab varye swivan sitiyasyon ak peryòd yo men pwotokòl yo se sa ki fè fòs ak bay valè ak yon regwoupman. Ki sa ki fè pyès bwat leta pa mache? Rezon an senp. Pwoblèm edikasyon ki chita sou tradisyon. Koripsyon mache tankou yon gaz, lè li tonbe li anvayi epi afekte tout sifas kote li pase. Enfliyaans yon enstititè kapab kite mak li sou moun ki nan antouray li ki fè jodi a nou ape peye sa predesesè yo te fè nan pati kote yo te ape dirije. Men kounye a kouman nou kapab korije sa? Menm repetisyon yo.
1, Koumanse pa travay ak fanmi yo nan aprann paran yo pou kondwyi pitit yo nan chemen ki dwat pou pa pran sa ki pa pou yo.
2, Vote lwa ki kapab pini moun ki patisipe prè ou lwen nan blanchisman fon leta. Sa mande pou genyen bon jij nan aparèy jistis la. Ak yon twazyèm eleman ki se
3, santiman patriyotik ki dwe anvayi nanm tout moun ki plase pou mennen bak peyi a. San yon konsyans nasyonal li difisil e menm enposib pou nou soti nasyon an nan enpas sa li ye jodi a. Donk yon lòt fwa nou bezwen travay ak ti moun yo pou yo renmen nasyon an, pou yo santi yo fyè yo se ayisyen (refòm edikatif)
Nenpòt gouvennman ki manifeste volonte pou chanje sa ta dwe enperativman monte ak yon ekip sa vle di chanje tout moun sa yo paske yo deja kowonpi, nan nivo yo ye la li se te ape yon lit pou ou detounen yo, donk twòp tan pou pèdi nan 5 an li pape yon jwèt ki piti pou yon moun ki vle fè peyi a vanse. Prepare yon kad depi nan peryòd ou imajine vini jesyone peyi a ki vize menm objektif ak ou. La se yon lòt sijè. Nan yon pwochen edisyon mwen va montre nou pou ki lidè nou yo pa reyisi malgre bon volonte yo genyen pou devlope peyi a.
Monte nan tèt ayiti pou di mwen ou pwale chanje li san ou pa aplike prensip sa yo mwen kanpe mwen ape gade ou paske tout sa yo fabrike kreye ak yon lwa ki gouvène li. A ou pou di mwen kouman ou ape reyisi.

Ayisyen leve kanpe pou di aba vi chè a.

noreply@blogger.com (Anonymous) — Wed, 28 Dec 2011 16:19:00 +0000

Mwen poze tèt mwen kesyon pou mande nan ki nivo nou menm ayisyen ape rive pou nou anfen mete yon bout nan kriz ki ape brase bil nasyon an. Mwen ape mande si se santi nou pa santi li, se pasyans ak kouray nou genyen twòp ou si paske nou pèdi espwa ke bagay yo kapab chanje yon jou ki fè nou deside rete kon sa? Mwen ta renmen konnen ki jan yon ayisyen fè sipòte grangou? Nou kondane tèt nou pou nou viv nan nivo sa ou byen genyen yon lè ki ape rive pou nou leve vwa nou pou di non sa pa dwe kontinye kon sa? Kote dirijan ayisyen yo? Ki sa yo ape di nan ka sa? Mwen pape pran pozisyon pou pyès moun paske nasyon an ase gran epi enstywi pou li konnen ki sa ki ape bon pou li, si li pa reyaji sa vle di nan yon fason ou byen yon lòt kondisyon yo reyini pou li viv. Men kite mwen pale paske mwen soti nan klas pòv la e ankò ras mwen yo ape kwoupi nan mizè mwen vle konnen ki wòl lidè ayisyen yo nan tout sitiyasyon difisil sa yo.
Mwen ape raple mwen pawòl yon prèt katolik sa fè kèk ane te di jodi a plis ke 20 an ape jwenn akoplisman li nan peyi a. "" An lan 2000, ayisyen gen pou manje wòch"". Nou a sèlman 3 jou pou 2011 lan ale, ki lè pèp la ape jwenn manje pou li manje, dlo pou li bwè, travay, kay pou li rete ak bon kondisyon sosyal ki reji jan moun viv?

Ki wòl yon anbasadè ayisyen nan yon peyi etranje?

noreply@blogger.com (Anonymous) — Mon, 19 Dec 2011 14:44:00 +0000

Premye enstens ki reprezante yon moun an deyò peyi li se anbasad lakay li. Tout sa ki genyen pou wè ak koze diplomatik, imigrasyon dwe pase pa pèsonèl reprezantatif yo. Ayiti genyen yon anbasad nan peyi sen Domeng ki sipoze ta plase pou defann dwa sitayen ayisyen yo men sanble li parèt diferan nan sa moun sa yo responsab pou fè. Yo repòte mwen plizyè ka moun ki viktim deli minè ou majè lòt bò a ki solisite asistans anbasad la men angiz yo jwenn api dirijan ayisyen yo se desepsyon ou byen yo menm ankò tounen fwèt pou kale yo. Mwen kapab site ka Rooldine Lindor, jenn etidyan enfòmatik ki te mouri nan mwa ki soti pase yo, Etienne Moliere yon ti eleman nan yon makèt yon ajan sekirite bat li epi pran tout sa li genyen devan kamera yo ak plizyè lòt ki ape pran tan pou mwen ta site ki rete yon dout nan lespri moun ki ape viv nan peyi sa ki sa konsil onorè ak anbasadè yo ape fè.
Mezanmi an nou di byen, si nan yon sosyete menm anbasad lakay ou pa pou ou ki moun ki pare pou defann ou? Nan ka genyen yon trezaksyon ilegal ki fèt sou yon sitwayen kote kiyès li kapab kouri pou mande sekou? Li pa moman ankò pou nou ape denonse sa moun ki plase pou reprezante nou yo ape fè, li se tan pou nou kanpe pou di se ase nou pape pran sa nan menm yo ankò. Fòk ayiti chanje. Gouvennman sa ki monte la genyen pou obligasyon rale zòrèy moun ki nan enstitisyon sa ou byen chanje yo si yo pa genyen karaktè ak etikèt pwofesyonèl pou administre sa yo bay yo jere a. Nou ape swiv sitiyasyon sa trè pre. Si nan jou ki ape vini yo leta ayisyen pa regle koze sa nou ape oblije chanje taktik nou aplike pou fè revandikasyon pèp la pase a.

Ayiti anfen ouvri pou envestisman.

noreply@blogger.com (Anonymous) — Fri, 16 Dec 2011 21:21:00 +0000

Se pawòl anbasadè ameriken an an ayiti fè semenn ki soti pase a nan yon aktivite li te òganize lakay li. Ouvri pou envestisman ta vle di antreprenè ameriken kou lòt nasyon ape pwale vini envesti nan peyi a. Li vle di tou ensekirite a pwale elimine ou diminye pou pi piti ka yo menm ankò souvan make ayiti kòm zòn nwa akoz nivo ensekirite a ki ape fè ray. Si mwen byen konprann sa vle di to chomay la pwale bese kote plis ayisyen pwale jwenn travay. Depi genyen envestisman ou pwale wè yon lòt koulè sou vizay nasyon ayisyen an. Men si nou entelijan nou ta dwe mande ki koz ki fè depi tan sa yo peyi a pa te janmen ouvri pou biznis? Mwen pape antre nan detay sa paske mwen kwè mwen fè li plizyè fwa deja men yon bagay li di ki atire atansyon mwen se: Prensip fondamantal ki enpeche etranje genyen tit pwopriyete an ayiti. Nan konstitisyon 87 la li klèman defini nan atik 54-1 ki nivo yon etranje touche nan kesyon genyen byen an ayiti. Jouk jodi a si mwen pa depase li rete yon mit paske atik sa poko remanye. Eske antreprenè ameriken yo aksepte mache selon prensip konstitisyon an nan envesti menm lè yo pa genyen okenn garanti sou pwoteksyon dwa pwopriyete yo ou byen genyen yon antant ki fèt menm lè pèp la pa okouran? Sa mwen poko kapab reponn li men sa sèlman mwen konnen zòn nò a derive nouvèl kapital ayisyen an, ankò yon lòt tèt chaje paske ann dan menm konstitisyon an li di pòtoprens se la kapital peyi a dwe ye atik 1-1.
"Plis pase 20 ane depi ayiti ape rate okazyon pou li bouje sou plan ekonomik" se sa chaje afè ameriken an di. Jodi a sa make lespri mwen paske vizyon pa mwen se wè o mwen chak ayisyen jwenn yon mwayen pou rezoud pwoblèm ekonomik yo nan nivo yo kapab. Genyen esperans ou byen se sèlman yon koze mete la?
A chak ayisyen pou pwofite de sa ki genyen pou vini yo nan fason yo estime ki ape bon pou yo.

Ki koze komisyon ankò pou refòme lame sa?

noreply@blogger.com (Anonymous) — Wed, 14 Dec 2011 19:47:00 +0000

Chak fwa li rive moman pou yo rekanpe lame a toujou genyen yon kesyon komisyon pou reflechi sou kreyasyon yon fòs pou pwoteje teritwa ayiti a. Gouvennman ki soti pase a fè yon charabya, galmatchya deja epi li vire do li li ale san li pa reenstitiye lame a.
      Ki sa yon lame bezwen? Moun, baz ak ekipman. Mwen di ekipman cha de gè, avyon blennde, soumaren, elikoptè, misil entèkontinantal. Ki sa ankò? Nou pè di sa yo?
      Kounye a nou ape mande mwen ki kote yo ape jwenn kòb pou fè sa? ke leta ayisyen demele li li relanse pwodiksyon nasyonal peyi a. Ale fè diri latibonit lan pouse, pase akayè plante bannann, desann jeremi fè pwa nwa a donnen kou dyondyon. Elimine kesyon leta pa kapab rantre an konpetisyon ak moun ki genyen nan men yo nan lanse faktori piblik, izin pou moun travay. Sa ki fè leyoga'n pa bay kann? Men laplèn tounen kapital tèlman moun ape konstrwyi tribò babò, monte an wo a ale rekonekte li ak SABONN pou nou jwenn lajan.
      Yon peyi pa kapab rete ape mache jan li pwale a. Viv lame peyi ayiti a nan fòme ti moun nou yo pou yo aprann defann tè a . Ayiti pou ayisyen nou pa dwe kite li kon sa. Zafè si ou fache!

Dyòb Depite ak senatè, yon bèl komès an ayiti!

noreply@blogger.com (Anonymous) — Tue, 13 Dec 2011 15:39:00 +0000

Konbyen lejislati ki pase depi ayiti kreye? An nou konte. Ki wòl yo, ki sa yo genyen ak vini fè pou nasyon ayisyen an? An nou gade kounye a ki kote ayiti ye. Responsablite yon palmantè se vote bon lwa ki rantre nan enterè nasyon an. Jodi a fè ayiti 23 mwa ak anpil jou depi yon seyis pase ki kite tè a devaste, an nou di ka sa moun sa yo regle pou rekanpe peyi a? Ki kote moun sa yo soti? koumnan yo fè kote yo ye jodi a? Genyen twòp tolerans mannigans ki ape fèt an ayiti ki koz li pape janmen chanje. Bèl oto, kay, fòtin yo ape fè sou tèt yon bann moun ki ape kwoupi nan mizè, kouman fè ayisyen jouk jodi a pa leve kanpe pou mete yon fren nan moun sa yo? Prèske 2 milyon ayisyen ape viv sen domeng san nasyonalite. Yo pa dominiken ni konstitisyon ayisyen an pa bay yo plen dwa paske yo fèt sou yon teritwa etranje, ki sa yo ape di nan ka sa? Chyen lage nan tout lari ape simen bav yo tout kote san nou pa rann nou kont ki maladi sa bay, ki palmantè ki panse panche sou ka anviwonman an? Poutan mi chato yo monte byen wo, apre ou fini vote yo ou pa menm kapab wè je yo vwa pou ou ta prezante yo yon petisyon. Ki anfen lè goud la ape nasyonalize kote mwen pape nan pwòp peyi mwen bezwen konvèti lajan mwen an an yon lòt pou mwen achte? Yon lòt kesyon pou mwen fini ki lè ayisyen ape deside sispann voye moun san karaktè ak kapasite, kouray ak pèsonalite pou reprezante yo?
Ayiti pa kapab kontinye nan fason sa. Nou pape voye monte pou kreye plis panik ke jan sa ye nan peyi a men nou dwe koumanse bare wout ak kolonn pa itil sa yo.

Tout ayisyen responsab sa ki ape pase an ayiti a la.

noreply@blogger.com (Anonymous) — Thu, 08 Dec 2011 21:38:00 +0000

Klas boujwa ayisyen an limite. Apre 208 an egzistans yon nasyon pou se anfen envestisè etranje ki ape vini konstwyi yon otèl 5 etwal nan peyi a. Di mwen ki prim nou merite?
      Entèlektychwèl ayisyen yo manipile. Yo pa janmen fè yon mouvman pou nan mitan ou byen nan fen yo pa mete yo deyò yo pran li nan men yo.
      Politisyen ayisyen yo se yon kolonn san ògèy. Nenpòt revòlt antisosyal ki ape fèt se yo ki devan. Pa mande mwen pou mwen site nou konnen we yo. Se yo ki pi cho devan bann lan. Apre yo monte sou lamontay (ou konprann ki bò mwen vle di) yo ale separe kòb yo fini vann peyi a.
     Yon pèp ki zonbifye malgre tout kote li pase yo mal akeyi li li kontinye ape epapiye san janmen panse ke sèl mwayen pou li libere se ini fòs li. Yon anpoul ki alimante yon espas fèmen pi briye ke si li te ape klere nan yon espas elaji.
      Polis nasyonal la fè travay ou. Woy! Sa mwen ape di la? Mwen bliye si ou pa depann de leta ayisyen. Kwè, ou, rayi mwen si ou vle nou tout responsab sa ki ape pase an ayiti jodi a. Mwen jire pou di verite zafè sa ki rive mwen.