Laban Healthworkers

noreply@blogger.com (Lahing Kayumanggi: Pinoy Ako, Pinoy Tayo) — Sat, 28 Aug 2021 14:59:00 +0000

I-like at i-share and page ng Laban Healthworker.

6% Alkohol: Kwentong Barbero

noreply@blogger.com (Lahing Kayumanggi: Pinoy Ako, Pinoy Tayo) — Sat, 28 Aug 2021 14:39:00 +0000

Ang wikang Filipino sa modernong panahon

noreply@blogger.com (Lahing Kayumanggi: Pinoy Ako, Pinoy Tayo) — Sun, 01 Aug 2021 13:53:00 +0000

Editorial Cartoon

noreply@blogger.com (Lahing Kayumanggi: Pinoy Ako, Pinoy Tayo) — Sun, 01 Aug 2021 13:39:00 +0000

Editorial Cartoon by: Claire Aguilar

Tula ni Lahing Kayumanggi

noreply@blogger.com (Lahing Kayumanggi: Pinoy Ako, Pinoy Tayo) — Sun, 01 Aug 2021 12:44:00 +0000

Bayang Pilipinas, Bayang Iniirog

:Ralph Ian M. Dela Cruz

Ang hangin ay bumubulong sa akin

Kinakamusta ang wika sa atin ay binilin

Naalala mo pa ba ang tatlongdaang taon na ating pinalangin

Nawa’y bigyang lakas ng loob bawiin ang lahat ng inangking atin

Akala ko ay tapos na ang laban

Ngunit ano ito, may panibagong isyu nanaman

Tila nanginginig sa galit ang kanilang mga laman

Sariling wika ay para bang kinakalimutan?

Ikaw ay parang isip batang hataw ng hataw

Mga bagay bagay ay wala pa kamuwang muwang,

Bakit, tanong ko sa iyo, sa kultura ni kano ay nasilaw

Anong napala sa pagbigkas ng ingles sa harapan ko na parang naliligaw

Masaya ka bang ipalandakan ito sa iyong mumunting mundo,

Buti nalang hindi ako kasing babaw mo

Nagpapasalamat ako sa mga tao, na tinuruan ako magbasa

Mahalin ang sariling wika, dahil tayo ang kinabukasan ng ating bansa.

Lahing Kayumanggi: Pinoy Ako, Pinoy Tayo

noreply@blogger.com (Lahing Kayumanggi: Pinoy Ako, Pinoy Tayo) — Sun, 01 Aug 2021 11:32:00 +0000

ANG KALAGAYAN NG WIKANG FILIPINO SA KASALUKUYANG PANAHON

Ang wikang Filipino, ang ating sariling wikang pambansa na ating pinaka-mamahal at iniingatan. Ngunit ano na nga ba ang nangyari o mangyayari sa ating wikang pambansa sa kasalukuyang panahon? Makakasabay kaya ito sa mabilis at pabago-bagong panahon ng teknolohiya? Ito nga ba ay unti-unti ng nakalimutan at pinagpalit sa kultura at wika ng ibang bansa?

Masasabi ko na ang wikang Filipino sa kasalukuyang panahon ay patuloy na umuunlad at lalong mas pinapaunlad ng ating mga kababayan. Katulad na lamang ng paaralan, pamahalaan, business sektor, midya, at iba pa. Ngayon ay mas tinatangkilik ang wikang Filipino dahil sa mga isyu at akusa na ibinato sa atin ng mas nakakatandang henerasyon na kinalimutan at binalewala na daw ng mga batang henerasyon ang ating sariling wika, dahil mas lubos ang pagtangkilik ng ibang Pilipino sa kultura o wika ng ibang bansa. Kaya’t gumawa ng paraan ang mga Pilipino, upang mas tangkilikin ang ating sariling wika. Gumamit sila ng social media, mga programa o event at marami pang katulad nito.

Base sa aking opinyon, hindi naman mahirap mahalin ang sariling wika. Marami lamang humahadlang upang tangkilikin o nakakalimot na mas tangkilikin ang wikang Filipino. Hindi naman masama na tumangkilik ka ng ibang wika, ang masama lamang para sa akin ay ang kalimutan na ang sariling wika at malulong sa kultura ng iba. Dumadating sa punto na nagsisimula na magkaroon ng problema dahil kinalimutan mo na ang kultura ng bayang sinilangan mo, at para bang tinatakwil mo ang bansang minahal at pinaglaban ng maraming Pilipino. Sabi nga nila “umakto ka ng nawawasto sa iyong kinalulugaran”.

Buwan ng Agosto, ito ay espesyal na buwan para sa mga Pilipino. Dahil ating pinagdiriwang ang Wikang Filipino taon-taon, upang gunitain ang ating pagiging Pilipino. Ang pagkakaroon ng sariling wika na Wikang Filipino na walang takot na pinaglaban ng ating ama ng wika, ang dating pangulong si Manuel L. Quezon.Ang layunin ng pagdiriwang ng Buwan ng wika ay upang pagbabalik tanaw sa kasaysayan ng wika, kultura, tradisyon at pamanang paniniwala ng bawat mamayang Pilipino. Ito ang pinalawig na pagdiriwang ng Linggo ng Wika na pinalawig noong Enero 15, 1997 sa pamamagitan ng Proklamasyong Bilang 1041 ni dating Pangulong Fidel V. Ramos. Ang Buwan ng Wika ay kadalasang ipinagdiriwang sa mga paaralan. Kaugnay nito, maraming mga kaganapan ang ginagawa upang ipagdiwang ito, gaya ng sabayang pagbigkas, balagtasan, paggawa ng slogan, paggawa ng mga sanaysay pagbigkas ng mga tula, pagsasayaw ng mga katutubong sayaw at pag-awit ng mga katutubong awit.

Ayon sa Komisyon sa Wikang Filipino (KWF), ang tema ng Buwan ng Wika (Agosto) ay pagsasadambana sa dignidad ng mga katutubong wika at sa kultura ng mga komunidad na nagmamay-ari nito.

Ayon din Kay Pearl Gumapos, Ang tema ng pagdiriwang ng Buwan ng Wika ay pakikiisa ng KWF sa 2021 Quincentennial Commemorations in the Philippines (2021 QCP) na nakatuon sa mahahalagang pangyayari sa bansa sa nakalipas na 500 taon, partikular na sa Kautusang Tagapagpaganap Blg. 103 na mahigpit na nagtatagubiling ang mga pagdiriwang ay nararapat na maging “Filipino-centric.”

Dahil sa patuloy na pag usbong ng teknolohiya, marami ang nababahala na ang wikang Filipino ay hindi kayang makipagsabayan dito. Ngunit ito ay nagawan na ng paraan ng ating mga kababayang Pilipino, sila ay may mga ginawa na hakbanh upang mapatunayan na an ating wika ay mas maging kaaki-pakinabang sa ating banda. Halimbawa nito ay ginagamit na sa pagtuturo ng mga iskolaryong teksto o artikulo, mga publikasyon at libro ng medisina o batas, mga ipinasang batas sa kongreso o pagsulat ng mga desisyon sa korte. Kaya masasabi kong marami pa rin na hindi binalewala ang ating wika, bagkus patuloy itong tinatangkilik at pinapahalagan ang ating wikang pambansa.

Kasalanan nga ba ng midya at teknolohiya kung bakit mas nagyabong ang kultura ng ibang bansa? Bakit kaya merong mga Pilipino na parang naligaw na sa sariling bansa?

Ang wikang pambansa ay hindi na purong-puro dahil nahaluan na ito ng wikang banyaga. Ngunit patuloy pa rin itong ginagamit sa malawakang aplikasyon o aspeto. Dahil sa impluwensiya ng teknolohiya at pag-aaral ng internasyonal na wika. Ang ating wika ay nahaluan na ng kung ano-anong mga salita, tulad na lamang ng jejemon, gaylinggo o Korean language at marami pang iba.

Binibigyan ng buhay, o patuloy na pinapaunlad ang wikang katutubo dahil kakaunti na lamang ang may kasanayan o karunungan upang maintindihan ang wikang katutubo, kasama ito sa wikang diyalekto ng ating banda. Kung kaya’t mahalaga na mabuhay at makipagsabayann ito sa ating panahon. Mabilis mapag-iiwanan ito lalo na kung ang mga tao ay ignorante at hindi naiintindihan ang kahalagahan ng kultura. Patuloy lamang dapat itong gamitin at Isa buhay lalo na ng mga lokal na may ari ng wikang katutubo.

Ayon sa KWF: “Ang dekolonisasyon ay pagwawaksi ng pagtatangi o deskriminasyong pangwika at pangkultura sa bansa. Isinisigaw nito ang katotohanang ang mga karunungang-bayan at porma ng sining sa bawat sulok ng kapuluan ay karapat-dapat sa respeto, pagkilála, at tangkilik na ibinibigay ng madla sa kulturang popular.”

Upang paikliin ang aking mga sinabi, ang Buwan ng wika ay pinagdiriwang upang ipaalala sa atin ang kahalagahan ng ating wika. Ang Tema ng Buwan ng wika ngayong 2021 ay naka pokus sa wikang katutubo at pagbabalik loob sa ating kulturang Pinoy. Ang ating wika na kasalukuyang ginagamit ay naimpluwensyahan ng midya at teknolohiya. Malaki ang naging kontribusyon nito dahil nagawa nilang ipakilala ang kultura ng ibang bansa na kinagiliwan naman ng ating kababayan at parang binalewala ang sariling kultura. Hindi lamang dito nagtatapos ang lahat, dahil marami nang ginawang paraan upang bigyan ng solusyon ang problemang ito na maraming nabahala. May pag-asa pa upang paunlarin at payabungin ang ating wika, kung kaya’t patuloy lamang natin itong gamitin at mahalin, kahit anong mangyari ay hindi mababaliwala an pinaglabang bansa na kung saan tayo ay sama-sama at masayang namumuhay. Mabuhay po tayong lahat!

Lahing Kayumanggi: Pinoy ako, Pinoy tayo

Laban Healthworkers

6% Alkohol: Kwentong Barbero

Ang wikang Filipino sa modernong panahon

Editorial Cartoon

Tula ni Lahing Kayumanggi

Lahing Kayumanggi: Pinoy Ako, Pinoy Tayo