Lucky Limat

Fringe [2008-2013]

2013-01-30T04:10:00.002+05:30

பல நாள் Draftல் அரைகுறையாக தூங்கி கொண்டிருந்த இந்த பதிவுக்கு போன வாரம் முடிந்த இந்த சீரீஸின் முடிவால் விடிவு வந்திருக்கிறது. Time Travel கதையை கொண்ட படம் என்றால் அது எப்படிப்பட்ட பிளாப் ஆன படமானாலும் தேடி பிடித்து பார்க்கிற ஆள் நான். இதற்கு காரணம் Back To The Future படம். பிளஸ்2 படிக்கும் போது எப்படிடா இப்படி எல்லாம் யோசிச்சு படம் எடுக்குறாங்கனு நினைக்க வச்ச படம். படத்தை பார்த்து விட்டு படத்தை பார்க்காதவர்களிடம் கதையை சொல்லுவதிலேயே ஒரு ஆனந்தம்,கெத்து இருந்தது அப்போது.இதற்கு பிறகு பல Time Travel படங்கள் பார்த்திருந்தாலும் இதனை போல் என்னை எதுவும் கவரவில்லை.

வேற எந்த Time Travel படமும் இனிமேல் இது போல் பிடிக்காது என நினைத்திருக்கும் போது நம்ம பாலா அறிமுகபடுத்திய ஆங்கில சீரீஸ் Lost எனது வாயை பிளக்க வைத்தது. ஒவ்வொரு episode முடியும் போதும் அடுத்த எபிசோடை பார்த்தே தீர வேண்டும் என்ற வெறியை உண்டாக்கியது. Time travel மட்டுமில்லாமல் அதனை ஒட்டிய பல Sci-Fi சமாச்சாரங்களை வைத்து அதகளம் பண்ணியிருப்பார்கள்.இதை பற்றி பாலா எழுதிய பதிவை இங்கே காணலாம்.Sci-Fi ரசிகர்கள் தவற விட கூடாத நாடகம் இது. அடுத்து என்ன வரும்னு பொறுமை இல்லாமல் அவசர கதியில் பார்த்ததால் பல விஷயங்கள் புரியவில்லை .மீண்டும் முதலில் இருந்து பார்க்க எண்ணியுள்ளேன்.

சரி...Fringe சீரீஸ்க்கு வருவோம். Time travel சம்பந்தப்பட்ட அனைத்து Sci-Fi விஷயங்களை கொண்ட இன்னொரு நாடகம். Time Travel , Parallel Universe , Time Line,Time leak என சொல்லிக்கொண்டே போகலாம். Time இதில் முக்கியமானதாக இருந்தாலும் அது போக பல Sci-Fi விஷயங்களையும்,Scienceக்கு அப்பாற்பட்ட விஷயங்களையும்(அதாவது Fringe Science என இதில் சொல்வார்கள்) கலந்தடிப்பார்கள். உதாரணமாக Shape Shifting,Mutation,Pattern இப்படி என்னென்னமோ சொல்வார்கள். அதற்காக ராவாக போகும் என நினைக்க வேண்டாம். விறுவிறுப்புக்கும்,திரிலிங்க்கும் பஞ்சமிருக்காது.

இந்த சீரீசை உருவாக்கியவர் Lost சீரீஸ் உருவாக்கியவர்களில் ஒருவரான , மேலும் MI-3 , Star Trek , Super 8 போன்ற படங்களின் டைரக்டர் J.J Abrams. Lost சீரீஸ் ஒன்றே போதும் இவரது திறமைக்கு. மேலும் வரப்போகும் Star Trek இரண்டாம் பாகம் மற்றும் Star Warsஇன் அடுத்த பாக டைரக்டரும் இவரே.

Walter ஒரு அறிவியல் ஆய்வாளர் விஞ்ஞானி. அவரின் ஏழு வயது மகன் Peter ஒரு அரிய நோயால் பாதிக்கபடுகிறான். பல வருடங்களுக்கு முன்னர் இருந்த இந்த நோயை அப்போது குணப்படுத்திய டாக்டர் 1936ல் இறந்து விடுகிறார். இதனால் டைம் டிராவல் செய்து 1936 க்கு முன்னர் சென்று அந்த டாக்டரை நிகழ்காலத்திற்கு அழைத்து வந்து தன் மகன் Peterஐ காப்பாற்ற நினைக்கிறார் Walter. ஆனால் அதற்காக கண்டுபிடிக்கும் கருவி அவர் நினைத்ததை போல் செயல்படாமல் வேறுவிதமாக செயல்படுகிறது. இதனால் தன் மகன் Peterஐ காப்பாற்றமுடியாமல் போகவே Peter இறந்துவிடுகிறான். இதனால் மிகவும் நொந்து போன Walter அடுத்து செய்யும் ஒரு காரியம் இரு உலகங்களை புரட்டி போட போகிறது என தெரியாமல் செய்து விடுகிறார். .இந்த நிகழ்வுகள் நடப்பது 1980களின் மத்தியில்.

பல வருடங்களுக்கு பின் தற்போதைய காலத்தில் 2008ல் , Scienceக்கும் அப்பாற்பட்ட அல்லது தற்போதைய Scienceஆல் விளக்கம் அளிக்க முடியாத பல விஷயங்களையும், நிகழ்வுகளையும் (இதனை Fringe Science என்கின்றனர்) கண்டறிய, ஆராய FBI ஆல் Fringe Division என்னும் பிரிவு உருவாக்கபடுகிறது. இதில் பணியாற்றுபவள் கதாநாயகி Olivia. தானாக Auto Pilot மூலமாக பாஸ்டன் நகரில் தரை இறங்குகிறது ஒரு விமானம். உள்ளே இருந்த 147 பயணிகள் அனைவரும் அடையாளம் தெரியாத அளவிற்கு சிதைந்து எலும்புகள் மட்டும் எஞ்சிய நிலையில் இறந்திருக்கிறார்கள். இதை போல் பல விளக்கமுடியாத நிகழ்வுகள் நடக்க ஆரம்பிக்கின்றன. இதனை ஆராய ஆரம்பிக்கிறாள் Olivia.

இதற்கு உதவ மற்றும் ஆராய விஞ்ஞானி Walter ஐ அணுகுகிறாள். ஆனால் Walter இருப்பதோ மனநல மருத்துவமனையில், மேலும் பழைய நினைவுகள் பலவற்றை மறந்த நிலையிலும், நிலையான மனநிலை இல்லாதவராக இருக்கிறார். எனவே அவரை கட்டுக்குள் வைக்கவும், செயல் பட வைக்கவும் அவரது மகன் Peter ஐயும் உடன் சேர்த்து கொள்கிறாள். இந்த மூவர் குழு Fringe நிகழ்வுகளை ஆராய ஆரம்பிக்கிறது. Peter தான் சிறுவயதிலேயே இறந்து விட்டானே எப்படி வந்தான் என கேட்பவர்களுக்கு விடை , இரண்டாவது சீசனில் .

இப்படி Fringe நிகழ்வுகளை ஆராய்ந்து , நடக்க போகும் விபரீதங்களை தடுத்து கேஸை முடிப்பதாக The X Files சீரீஸ் போலவே செல்லும் முதல் சீசன் ஏழு ,எட்டு எபிசொடுகளுக்கு பிறகு புது தடத்தில் பயணிக்க ஆரம்பிக்கிறது. மதில்களை வழியே ஊடுருவி சென்று பல பேங்க் safe deposit boxகளை கொள்ளையடிக்கிறது ஒரு கும்பல். அந்த safe deposit boxகளிருந்து எடுக்கப்பட்ட பாகங்களை இணைத்து உருவாக்கப்படும் teleportation device மூலமாக யாரும் தப்பவே முடியாத ஜெர்மன் சிறையில் இருந்து teleportation மூலமாக தப்புகிறான் Jones என்பவன்.

இதிலிருந்து விறுவிறுவென சூடு பிடித்து ஓடும இந்த சீரீஸ் முதல் சீசன் முடிவிலிருந்து ஜெட் வேகத்தில் பயணிக்கிறது. காரில் சென்று கொண்டிருக்கும் Olivia திடீரென காணாமல் போக... Peter 1978-1985 என பொறிக்க பட்டிருக்கும் தன் மகன் Peter கல்லறைக்கு Walter சென்று அஞ்சலி செலுத்த... காணாமல் போன Olivia 9/11/2001 இல் தீவிரவாதிகளால் இடிக்கப்பட்ட World Trade Center இல் இருக்க...ஆனால் வருடம் 2008 ... என பல திருப்பங்களோடு முடியும் முதல் சீசன் இரண்டாவது சீசனை உடனே பார்க்க வைத்து விடும். முதல் சீசனின் ட்ரைலர் கீழே

முதல் சீசனின் முடிவு தான் இப்படி என்றால் இரண்டாவது சீசனின் ஆரம்பம் அடுத்து வரும் 20 வினாடிகள் டைட்டிலை கூட பார்க்க பொறுக்காமல் ஓட்ட வைத்தது. திடீரென காரிலிருந்து காணாமல் போன Oliviaவை தேடி Walter மற்றும் Peter கார் இருக்கும் இடத்திருக்கு வர, Walter காரின் உள்ளே சென்று ஆராய அடுத்து நடப்பதை கீழே பாருங்கள்...

முதல் சீசன் முடிவு போலவே இரண்டாவது மற்றும் மூன்றாவது சீசன் முடிவுகளும் உங்களை அடுத்த சீசனுக்காக காத்திருக்க முடியாமல் இருக்க வைக்கும். அதிலும் மூன்றாவது சீசனின் முடிவு இந்த சீரீஸின் பெஸ்ட் Finale. நாலாவது சீசன் பாதி வரை நன்றாக செல்லும் சீரீஸ் அதற்கடுத்து எல்லா சீரீஸ் போல கழுதை தேய்ந்து கட்டெறும்பான கதை தான். நாலாவது சீசனோடு முடித்திருக்கலாம். ஐந்தாவதாக 13 எபிசோடு கொண்ட சீசன் என இழுத்து போன வாரம் தான் முடித்திருக்கிறார்கள். என்னை பொறுத்தவரை Sci-Fi ரசிகர்களுக்கான சரியான தீனி இந்த சீரீஸ் . அனைத்து சீசன்களும் முடிந்து விட்டதால் மொத்தமாக டவுன்லோட் செய்து பார்த்து விடலாம்.

- லக்கி லிமட்

The Expatriate [2012]

2013-01-19T01:29:00.000+05:30

The Dark Knight இல் நடித்த Aaron Eckhart நினைவிருக்கிறதா...?. முதலில் Harvey Dent ஆக Batmanனுடன் சேர்ந்து குற்றவாளிகளை பிடிக்கும் நேர்மையான வக்கீலாகவும், பின்னர் ஜோக்கரால் மனம் மாற்றப்பட்டு பாதி வெந்த முகத்துடன் Two Face ஆக பயங்கர வில்லனாக நடித்தவர். இவர் தான் இப்படத்தின் ஹீரோ. இப்படத்தின் கதை ஒன்றும் புதியது இல்லை. ஒரே வரியில் சொல்லி விடலாம். போலீஸ் மற்றும் வில்லன்களால் துரத்தப்படும் ஹீரோ.

ஹீரோ Logan ஒரு Ex-CIA அதிகாரி. தாயை இழந்த தன் மகளுடன் பெல்ஜியமில் ஒரு Security சாதனங்கள் தயாரிக்கும் கம்பெனியில் என்ஜினியராக வேலை பார்க்கிறான். அவனது வேலை தயாரிக்கப்படும் Security கருவிகளில் உள்ள குறைபாடு மற்றும் அதை எப்படி ஹேக் செய்து தகர்க்கலாம் என்பதை கண்டு பிடிக்கும் வேலை. மேலும் பல படங்களில் பார்த்தது போல் தன் டீன்ஏஜ் மகளுடன் அந்த வயதுக்கே உரித்தான பிரச்சனைகளோடு , மகளுக்கு தான் Ex-CIA என்பது தெரியாமல் வாழ்ந்து வருகிறான்.

ஒருநாள் தனக்கு வேலையாக கொடுக்கப்பட்ட Security லாக்கர் இரண்டை எப்படி ஹேக் செய்து திறக்கலாம் என கண்டுபிடித்து தனது மேல்அதிகாரியிடம் கூற , அவர் இன்று இரவுக்குள் ரிப்போர்ட் ரெடி செய்து கொடுத்து விட்டு போக சொல்ல, தனது மகளுக்கு செய்து கொடுத்த வாக்குறுதியை மறந்து விட்டு ரிப்போர்ட்கொடுத்து விட்டு வெளியேறுகிறான். பின் தன் மகளை ஸ்கூலில் இருந்து அழைத்து கொண்டு வரும் வழியில் மகளுக்கு உணவு அலர்ஜி ஏற்பட அப்படியே மருத்துவமனைக்கு சென்று அங்கேயே இரவு இருந்து விட்டு காலையில் கிளம்புகிறார்கள்.

போகும் வழியில் ஒரு வெளியாக தன் ஆபிஸ்க்கு வர அங்கே ஒரு குண்டூசி கூட இல்லாத அளவிற்கு துடைத்து எடுக்கப்பட்டு இருக்கிறது. அங்கே ஒரு அலுவலகம் இருந்ததிற்க்கான அறிகுறியே இல்லாத அளவிற்கு இருக்கிறது. தன் சகபணியாளர்களுக்கும், அலுவலக நம்பர்களுக்கும் போன் செய்ய, எல்லாம் செயலிழந்து இருக்கின்றன. உடனே தனது Head ஆபிஸ்க்கு சென்று விசாரிக்கிறான். அப்படி அலுவலகமே எங்களுக்கு இல்லை என்கிறார்கள்.

என்னவென்று மெல்ல மெல்ல ஆராய தான் ஏமாற்றப்பட்டு இருப்பதையும்,அவன் பணிபுரிந்த கம்பெனி உருவாக்கப்பட்டதே அந்த Security லாக்கர் திறக்கும் வழியை கண்டுபுடிக்க என்றும், உண்மையில் அந்த லாக்கர்கள் CIAவிற்கு பயன்படும் லாக்கர்கள் என்றும், அவனுடன் பணிபுரிந்த அனைவரும் கொல்லப்பட்டதையும் அறிகிறான். அதேவேளையில் அவனையும், மகளையும் கொல்லவும் துரத்த ஆரம்பிக்கிறார்கள். இதோடு CIAவும் இவனை தேட ஆரம்பிக்கிறது. இருவற்க்குமிடையே மாட்டிக்கொண்டு எப்படி தன் மகளையும் காப்பற்றி, தானும் தப்புகிறான் என்பதே படம்.

இதே கதையை கொண்டு பல படங்கள் வந்திருக்கின்றன. இனிமேலும் இதே கதையை ஆக்சன் காட்சிகளையும் , திருப்பங்களையும் மாற்றி இன்னும் எத்தனையோ படங்கள் எடுக்கலாம். ஆனால் இவை இரண்டும் ரசிக்கும் படி இருந்தால் எத்தனை படங்கள் என்றாலும் பார்க்கலாம். துரத்தல் படங்களில் இருக்கும் விறுவிறுப்பு இப்படத்திலும் கடைசிவரை இருப்பதால் நம்மால் போரடிக்காமல் ரசிக்க முடியும். மேலும் இறுதியில் வில்லன்களை பெரிதும் ஆர்ப்பாட்டம் இல்லாமல் போட்டு தள்ளும் தந்திரம் அருமை. இந்த CIA ரக ஆக்சன் பட பிரியர்களுக்கு கண்டிப்பாக பிடிக்கும். படத்தின் ப்ளுரே பிரிண்ட் டவுன்லோட் செய்ய கிடைகிறது. ட்ரைலர் மேலே.

- லக்கி லிமட்

செல்லினம் - ஆன்ராய்டு மொபைல் தமிழ் எழுதி

2013-01-03T03:44:00.000+05:30

நண்பர்களே,

கணிணியில் தமிழில் எழுத பல மென்பொருள்கள் உள்ளன. உதாரணமாக Google Indic , NHM Writter என்ற சிறந்த மென்பொருள்கள் பலரால் தமிழில் எழுத பயன்படுகிறது. ஆனால் மொபைல்களுக்கு தமிழில் எழுத பல மென்பொருள்கள் இணையத்தில் கிடைத்தாலும் எந்த மென்பொருளும் சிறப்பாக இல்லை எனலாம். முக்கியமாக ஆன்ராய்டு மொபைல் தற்போது பலரால் பயன்படுத்தபட்டு வருகிறது. ஆன்ராய்டு மொபைல்களுக்கென சிறப்பான தமிழ் எழுதி இதுவரை இல்லை எனலாம். இந்த குறையை தீர்க்க வந்துள்ளது செல்லினம் என்ற இந்த மென்பொருள்.

ஏற்கனவே ஐபோன்களுக்கு மட்டுமே செயலாற்றிய இந்த மென்பொருள் தற்போது ஆன்ராய்டு மொபைல்களுக்கும் வந்துள்ளது. இதுவரை உள்ள தமிழ் எழுதிகளை விட சிறப்பாகவும் , எளிதாகவும் உள்ளது. மேலும் முக்கிய வசதியாக தமிழ் வார்த்தை பரிந்துரைகளும் காட்டுகிறது.

இந்த மென்பொருள் தமிழில் எழுத இருவகையான விசைபலகை முறைகளை தருகிறது.

தமிழ் 99
முரசு அஞ்சல்

முதலில் தமிழ் 99 மூலமாக எவ்வாறு எழுதுவது என பார்ப்போம். இதில் தமிழ் என எழுத த , ம+இ=மி , ழ+புள்ளி=ழ் என எழுத வேண்டும். மேலும் செல்லினம் என்பதை ச+எ=செ,ல+புள்ளி=ல்,ல+இ=லி,ன,ம+புள்ளி என எழுதவேண்டும். மேலும் விபரங்களுக்கு Tamil99 keyboard எனகூகுளில் தேடவும்.

இரண்டாவது முறையான முரசு அஞ்சல் மிகவும் எளிது. தங்கலிஷ் முறையில் டைப் செய்தால் போதும். உதாரணம் amma = அம்மா. சில எழுத்துகளை மட்டும் உதாரணமாக ன,ந எழுதும் போது மட்டும் எதுவென தேர்வு செய்ய வேண்டும்.

எனது ஆன்ராய்டு HTC மொபைலில் சிறப்பாக இயங்குகிறது இந்த மென்பொருள். எனது மொபைல் ஆன்ராய்டு வெர்சன் 2.3.எனது மொபைலில் சிறப்பாக இயங்குவதை கீழே வீடியோவில் காணலாம். இதன் மூலம் பேஸ்புக் பயன்படுத்துவது மிக எளிதாக உள்ளது.

இந்த மென்பொருள் பற்றி மேலும் அறிய இதன் அதிகாரபூர்வ இணையதளமான http://sellinam.com/ செல்லுங்கள். இதனை Google Play Store ன் மூலமாக டவுன்லோட் செய்து கொள்ளலாம்.Download Sellinam

The Dark Knight Rises [2012] - Fever Continues...

2012-07-26T02:08:00.001+05:30

சினிமா உலகமே ஆவலோடு எதிர்பார்த்த இந்த வருடத்தின் மிக முக்கியமான் படம் The Dark Knight Rises. இந்தப்படத்தை ஏன் உலகமே எதிர்பார்த்தது என்பதை எல்லாம் நான் சொல்ல தேவையில்லை. படம் இப்போது ரீலிஸ் ஆகிவிட்ட நிலையில் , இந்த படத்திற்கு விமர்சனம் எழுதாத சினிமா வலைதளங்களோ ,செய்திதாள்களோ இல்லை எனலாம். இதுவரை வந்த விமர்சனங்கள் பாசிடிவ் மற்றும் நெகடிவ் கலந்தே உள்ளன.

தியேட்டரில் ரஜினிக்கு இணையான கைதட்டல்களையும் , விசில்களையும் பெறுகிறார் பேட்மேன். எந்தவொரு ஆங்கில பட கதாநாயகனும் நம்மூரில் இவ்வளவு கைதட்டல்களையும் , விசில்களையும் பெற்றதில்லை எனலாம். Bruce Wayne சாதாரணமாக கைத்தடியை ஊன்றி வரும் முதல் காட்சியிலேயே ரசிகர்களின் விசில் காதை பிளந்துவிட்டது. அடுத்து பேட்மேனாக வரும் முதல் காட்சிக்கு சொல்லவே வேணாம். என்ன தான் இரண்டரை மணி நேரம் படம் போரடிக்காமல் பரபரப்போடு சென்றாலும் , படம் பெரும் ஏமாற்றத்தையே எதிர்பார்த்த ரசிகர்களுக்கு தந்தது எனலாம். அதிலும் கிளைமாக்ஸ் பெரும் ஏமாற்றமே. ஓகே..ஓகே... ஒவ்வொருத்தருக்கும் ஒவ்வொரு பீலிங்...கீழே உள்ள நெகடிவ் மற்றும் பாசிடிவ் விமர்சனங்களை பாருங்கள்.

The Dark Knight Rises (2012) - English
Why is The Dark Knight Rises Nolan's worst yet?
The Dark Knight Rises (2012)- Mind Blowing

இணையத்தில் எங்கு சென்றாலும் The Dark Knight Rises விமர்சனமே எங்கும் நிறைந்திருக்கிறது. அதனால் நாம் இங்கே பார்க்க போவது பட விமர்சனம் அல்ல. ஏற்கனவே முந்தைய இந்த The Dark Knight Rises Fever பதிவில் பட ரிலிஸ்க்கு முன்னர் பரவிய The Dark Knight Rises ஜுரத்தை பார்த்தோம். படம் ரிலிஸ்க்கு பின்னர் இந்த ஜுரம் தணியும் என்றால் இல்லை. மேலும் பரவியே வருகிறது. இந்த ஜுரத்துக்கு இரண்டு காரணங்கள் ஒன்று பட விமர்சனங்கள் மற்றொன்று படத்தின் கிளைமாக்ஸ்.இதில் ஒரு காரணத்தை ஏற்கனவே பார்த்த நிலையில் இரண்டாவதை பார்ப்போம். படத்தின் கிளைமாக்ஸ் பற்றி பார்க்க போவதால் படம் பார்க்காதவர்கள் இதற்கு மேல் படிக்க வேண்டாம் என கேட்டு கொள்ளப்படுகிறார்கள்.

கிளைமாக்ஸில் பேட்மேன் தனது BatPlaneல் பாமை தூக்கிக்கொண்டு கடலின் மேல் வெடிக்க செய்து அதனுடன் இறந்து விடுவதாக காட்டப்படும். அனைவரும் பேட்மேன் இறந்து விடுவதாக நினைக்கிறார்கள். ஆனால் அதற்கு அடுத்து வரும் காட்சியில் Bruce ஆறுமாதத்திற்கு முன்னரே BatPlaneல் AutoPilot வசதியை நிறுவியுள்ளதை Fox அறிகிறார்.இதனால் பேட்மேன் பாம் வெடிக்கும் முன் அதிலிருந்து வெளியேறி விட்டு AutoPilot மூலம் பாமை கொண்டு சென்று வெடிக்க விட்டதாக கூறலாம்.மேலும் அதற்கு அடுத்த காட்சியில் Blake பேட்மேனின் குகையை தான் வைத்திருக்கும் coordinates மூலம் கண்டுபிடிக்கிறான். இதை கொடுத்தது பேட்மேன் என கொள்வதன் மூலம் பேட்மேன் சாகவில்லை என்பது மேலும் உறுதியாகிறது.

உச்சகட்ட காட்சியாக Alfred இத்தாலியில் காபி ஷாப்பில் Bruceஐ CatWomanனுடன் பார்க்கிறார். இந்த காட்சியிலும் ரசிகர்கள் விசிலடித்து காதை கிழித்து விட்டார்கள். இந்த காட்சி பேட்மேன் சாகவில்லை என்பதை அடித்து சொல்கிறது. ஆனால் மற்றொரு தரப்பு இதை அடியோடு மறுக்கிறது. பேட்மேன் இறந்து விட்டார் எனவும், இங்கே தான் நோலன் ட்விஸ்ட் வைத்திருக்கிறார் என இவர்களும் அடித்து கூறுகின்றனர்.சரி இவர்கள் முடிவை பற்றி என்ன கூறுகிறார்கள் என பார்ப்போம்.

பேட்மேன் தனது BatPlaneல் பாமை தூக்கிக்கொண்டு செல்லும் போது பாம் வெடிக்க 5 செகண்ட்ஸ் என காட்டுகிறது. என்னதான் பேட்மேன் AutoPilot வசதி செய்திருந்தாலும் இந்த குறுகிய நேரத்தில் யார் கண்ணிலும் படாமல் வெளியேற முடியாது எனவும், கடைசியில் க்ளோஸப்பில் பேட்மேன் முகத்தில் காட்டும் உணர்ச்சிகள் சாவை நோக்கி செல்வது போலவே இருக்குமே அன்றி தப்பிப்பதை காட்டுவதாக இல்லை என்கிறார்கள். மேலும் இறப்பதற்கு முன்னரே Blakeக்கு குகையின் coordinatesஐ விட்டுவிட்டு போயிருக்கிறார் என்கின்றனர். அடுத்தது Alfred காபி ஷாப்பில் Bruceஐ காணும் காட்சி...

காபி ஷாப்பில் Bruceஐ காணும் Alfred முகத்தில் பேட்மேன் உயிரோடிருப்பதை கண்டு வியக்கும் மாற்றங்கள் எதுவும் இல்லை என்றும்,அந்த காட்சி படத்தின் தொடக்கத்தில் அவர் கூறுவது போல் அவரது கற்பனையில் வரும் காட்சியே என கூறுகின்றனர். இப்போது உங்களுக்கு ஒரு கேள்வி வரலாம் , அப்படியென்றால் ஏன் அங்கே CatWoman இருக்கிறார்? CatWomanக்கும், பேட்மேனுக்கும் உள்ள நெருக்கம் Alfredக்கு தெரியவாய்ப்பில்லையே என்று.இதற்கு இவர்கள் கூறும் பதில் Alfred கற்பனையில் இருப்பது ஏதோ ஒரு பெண்.அதை நோலன் CatWomanஆக காட்டியுள்ளார் என்கின்றனர்.

Catwoman மற்றும் AutoPilot என இரண்டை விஷயங்களை வைத்து நோலன் நம்மை குழப்பி விட்டுள்ளார் என்கின்றனர் இவர்கள். ஆக இவர்கள் கூறுவது பேட்மேன் இறந்துவிட்டார் என்பதே.மேலும் சிலர் நோலன் முடிவை நம் கையிலேயே விட்டுவிட்டார் என்கின்றனர். யாருக்கு எது வேண்டுமோ அதை எடுத்து கொள்ளலாம் என்கின்றனர். இந்த முடிவு பற்றிய கருத்துக்களும், விவாதங்களும் The Dark Knight Rises உண்டாக்கிய ஜுரத்தை குறையவிடாமல் அப்படியே வைத்திருக்கிறது.படம் பார்த்த நண்பர்களே படத்தின் முடிவை பற்றி நீங்கள் என்ன நினைக்கிறீர்கள்? அப்படியே On the wayல இருக்கும் இன்னொரு சூப்பர்ஹீரோவை கீழே பார்த்து விடுங்கள்.இதன் கதையில் நோலனுக்கும் பங்குண்டு.

The Dark Knight Rises Fever

2012-07-19T02:23:00.000+05:30

ஹாலிவுட்டிலும் , அனைத்து சினிமா வலைதளங்களிலும், வலைப்பூக்களிலும் தற்போது பரபரப்பாக பேசப்பட்டு வரும் ஒரே விஷயம் The Dark Knight Rises படம் தான். பரபரப்பாக பேசப்பட்டு வருகிறது என்பதை விட Dark Knight Rises ஜுரம் பரவிக்கொண்டு வருகிறது என சொல்லலாம். மெல்ல பரவி வந்த இந்த ஜுரம் 16ஆம் தேதி திரையிடப்பட்ட படத்தின் Premier ஷோவுக்கு பின் படுவேகமாக பரவி வருகிறது.

இதற்கு காரணம் இதன் முந்தைய பாகங்களான Batman Begins படத்தின் வெற்றியும், The Dark Knight படத்தின் பிரமாண்டமான வெற்றியும் தான் . The Dark Knight படம் ரிலீஸ் ஆகும் போதே பலத்த எதிர்பார்ப்பு இருந்தது. இப்படத்திற்கு பல மடங்காக அதிகரித்து விட்டது. The Dark Knight படம் இந்தியாவில் ரிலீஸ் ஆகும் போது இந்தியாவில் இவ்வளவு எதிர்பார்ப்பு இல்லை. காரணம் பலர் முதல் பாகமான Batman Begins பார்க்காததே. எனக்கு The Dark Knight படம் பார்த்த பிறகே இதற்கு முதல் பாகம் இருப்பது தெரியும். ஆனால் தற்போது அப்படியில்லை முதல் இரு பாகங்களை பார்த்த நிலையில் ஹாலிவுட்டில் இருக்கும் அதே ஜுரம் இங்கேயும் இருக்கிறது.

இந்த ஜுரம் மேலும் அதிகரிக்க காரணம் 16ஆம் தேதி திரையிடப்பட்ட படத்தின் Premier ஷோவுவுக்கு பின் வந்த விமர்சனங்களே. வந்த விமர்சனங்களும் படத்தின் வெற்றியை உறுதிபடுத்த, முதன்முதலாக வந்த ஒரு நெகடிவ் விமர்சனம் இப்படங்களின் ரசிகர்களின் பட வெறியை துல்லியமாக காட்டிவிட்டது. Marshall Fine என்பவர் படத்தை பற்றி நெகடிவ்வாக விமர்சனம் எழுத , அவர் பட ரசிகர்களின் கோபத்துக்கு ஆளாகிவிட்டார். இவரது விமர்சன சுட்டியை பிரபல சினிமா ரேட்டிங் தளமான Rotten Tomatos வில் போட வந்தது பிரச்சனை. Rotten Tomatos வில் சுட்டியை போட்ட பின் இவரை திட்டி இவரது தளத்துக்கு வரும் கொலைவெறி கமெண்ட்டுகள் அதிகரித்து விட்டன. எந்தளவுக்கு என்றால் அவரது வலைதளத்தின் சர்வரையே முடக்கிக்போடும் அளவுக்கு டிராபிக் சென்று விட்டன.இதன் பின் அவர் கேட்டு கொண்டதுக்கு இணங்க Rotten Tomatos தளம் அவரது சுட்டியை நீக்கி விட்டது.

இவருக்கு அடுத்து Eric D Snider என்ற Rotten Tomatos வின் பிரபல விமர்சகர் Rotten Tomatos வில் இதுவரை வந்த படங்களில் மோசமான படம் என்று குட்டி கமெண்ட் போட்டு விட்டு அதில் முழு பதிவை படிக்க தனது தளத்திற்கு வருமாறு சுட்டியை போட்டு விட்டார். அந்த சுட்டியை கிளிக் செய்து அவரது தளத்திற்கு சென்றால் நான் இன்னும் படமே பார்க்கவில்லை,நெகடிவ்வாக விமர்சனம் எழுதுபவர்களை படம் பாக்காமலே திட்டும் ரசிகர்களை ஏமாற்றவே இப்படி செய்தேன் என பதிவு இருக்க ரசிகர்கள் கொலைவெறி அதிகமாகி விட்டது. இவர் ஏற்கனவே இது போல் The Dark Knight படம் ரிலீஸ் ஆகும் போதும் இப்படி செய்தாராம்.

இவரின் இச்செயலால் Rotten Tomatos தளம் இவரை தள விமர்சகர் அக்கவுண்டை தூக்கிவிட்டது.இதோடு பிரச்சனை முடியவில்லை யார் யார் நெகடிவ்வாக விமர்சனம் போடுகிறார்களோ அவர்கள் எல்லாம் ரசிகர்களின் கொலைவெறி கமெண்டுக்கு ஆளானார்கள். ஏன் பிரச்சனை என்று Rotten Tomatos தளம் படம் ரிலீஸ் ஆகும் வரை கமெண்ட்டோ , விமர்சனமோ போடுவதை தடை செய்து விட்டது. Rotten Tomatos இதற்கென தனி பதிவே இட்டு ஏன் தடை செய்யப்பட்டது என கூறியுள்ளார்.இதிலிருந்து ஜுரம் மேலும் அதிகமாகி விட்டது.

ஏற்கனவே முந்தைய பாகங்களை பார்த்தவர்களுக்கு தான் இந்த ஜுரம் பரவியிருக்கிறது என்றால் பார்க்காதவர்களையும்,சூப்பர்ஹீரோ படங்களை வெறுக்கும் ரசிகர்களையும் வலைத்தளங்களும்,வலைப்பூக்களும் படத்தை பற்றி எழுதி அவர்களுக்கும் பரவி விட்டது. எப்படியோ படம் வந்த பின் பல விமர்சனங்களை எதிர்பார்க்கலாம். இதோ ஜுரத்தில் நானும் ஒரு பதிவை போட்டு விட்டேன். படத்திற்கு இன்னுமொரு எதிர்பார்ப்பு இந்த வருடம் ஏற்கனவே வெளியாகி வசூலை வாரி குவித்த Avengers படத்தின் வசூலை முறியடிக்குமா என்பது தான். இன்னும் The Dark Knight Rises ஜுரம் வராதவர்கள் கீழே உள்ள பதிவுகளின் மூலம் ஜுரத்தை வரவழைத்து கொள்ளலாம்.

கருந்தேளார் பதிவுகள்

The Dark Knight - Epilogue

The Dark Knight - Bane

The Dark Knight - மீண்டும் Bane - The Trailers

The Dark Knight - Begins

The Dark Knight - Rises

கொழந்த பதிவு

The Psychology of the Dark Knight

ஹாலிவுட் ராஜ் பதிவுகள்

The Dark Knight Rises- பில்ட் அப்- பாகம் -1

The Dark Knight Rises- ஜோக்கர் -பாகம்-2

படத்தின் ட்ரைலர்

Abraham Lincoln: Vampire Hunter [2012]

2012-07-15T02:30:00.000+05:30

ஆபிரகாம் லிங்கன் - அமெரிக்காவின் தலைசிறந்த ஜனாதிபதிகளில் ஒருவர். நிறவெறியையும்,அடிமை முறையையும் ஒழித்து மக்களின் மனதில் நீங்கா இடம் பெற்றவர். இவரையே கதாநாயகனாக கொண்டு எழுதப்பட்ட வாம்பயர் நாவல் Abraham Lincoln, Vampire Hunter. இந்த நாவலை தழுவி அதே பெயரில் எடுக்கப்பட்ட படம் இது. இப்படத்தில் அடிமை முறைகளோடு எதிர்த்து போராடுவதோடு இரவில் ரத்தகாட்டேரிகளான வாம்பயர்களை வேட்டையாடும் பணியிலும் ஈடுபடுகிறார் ஆபிரகாம் லிங்கன்.

ஆபிரகாம் லிங்கனின் சிறுவயதில் அவனது தந்தையின் முதலாளியும், வாம்பயருமான Bart என்பவன் அவனது தாயை கடித்து கொன்று விடுகிறான். கொஞ்சம் தான் வளர்ந்தவுடன் அவன் வாம்பயர் என தெரியாமல் தன் தாயை விஷம் வைத்து கொன்று விட்டான் என நினைத்து அவனை கொல்ல செல்கிறான். வாம்பயரான Bart லிங்கன் சுட்டும் சாகாமல் லிங்கனை கொல்ல வருகிறான். Henry என்பவன் லிங்கனை காப்பாற்றுகிறான். Bart ஒரு வாம்பயர் அவனை போல் பல வாம்பயர்கள் அமெரிக்காவில் இருப்பதாக Henry மூலம் லிங்கன் அறிந்து கொள்கிறான். Henry வாம்பயர்களை அழிக்க லிங்கனுக்கு பயிற்சி தருகிறான். பயிற்சியை பெற்ற லிங்கன் அன்றிலிருந்து இரவில் வம்பயர்களை வேட்டையாடுபவனாக மாறுகிறான்.

தன் தாயை கொன்ற Bart ஐயும் கொல்கிறான். Bart இறக்கும் போது Henryயும் ஒரு வாம்பயர் என்பதை சொல்கிறான். இதனால் லிங்கன் Henryயையும் கொல்ல செல்கிறான். ஆனால் Henry தன் மனைவியை Adam என்ற வாம்பயர்களின் தலைவன் கொன்று விட்டு தன்னையும் கடித்து வம்பயராக மாற்றி விட்டதை கூறுகிறான். மேலும் தான் வம்பயர்களை போல் அல்ல தான் வம்பயர்களுக்கு எதிரானவன் என கூறுகிறான். ஆனால் சமாதானமடையாத லிங்கன் வாம்பயர்களை வேட்டையாடுவதை நிறுத்தி விடுகிறான். Mary என்பவளை காதலித்து மணந்து கொள்கிறான்.மேலும் தனது பேச்சு திறமையால் அடிமை முறைகளை எதிர்த்து போராடி அரசியலில் நுழைகிறான்.

Bartஐ கொன்றதால் கோபமான Adam என்ற வாம்பயர்கள் தலைவன் லிங்கனின் நண்பனை கடத்தி லிங்கனை தன்னோடு இணைத்து கொல்ல முயலுகிறான். ஆனால் லிங்கன் அவனிடமிருந்து நண்பனை காப்பாற்றி கொண்டு வந்து விடுகிறான். பின் தனது திறமையால் அமெரிக்காவின் ஜனாதிபதியாகி அடிமை முறைகளை கலைய பாடுபடுகிறான். ஆனால் Henry அடிமைகள் இருப்பதாலேயே வம்பயர்கள் அடிமைகளை மட்டும் கொல்கின்றன. இல்லாவிடில் அனைவருக்கும் ஆபத்து என்கிறான். லிங்கன் இதை கேட்க மறுக்கிறான். அடிமைமுறைகளை ஆதரிப்பவர்களை எதிர்த்து போர்களை நடத்தி வெற்றி பெறுகிறான். இதனால் கோபமடைந்த வம்பயர் தலைவன் Adam லிங்கனை அழிக்க முதலில் லிங்கன் மகனை கொள்கிறான். பின் எதிர்படைகளோடு வம்பயர்களை களம் இருக்கிறான்.தற்போது எதிர்படைகளோடு வாம்பயர்கள் சேர்ந்து கொள்வதால் மீண்டும் வாம்பயர்களுக்கு போராட்டத்தை ஆரம்பிக்கிறான். எப்படி வாம்பயர்களை அழித்தான் என்பதே மீதி படம்.

யப்பா…முக்கால்வாசி படத்தை பற்றி சொன்னால் தான் கதையே சொல்ல முடிகிறது. இது தான் கதை என சொல்ல முடியாமல் அப்படியும் இப்படியுமாக செல்கிறது.இல்லாவிடில் ஒரே வரியில் வாம்பியர்களை எதிர்த்து போராடுகிறார் என சொல்ல வேண்டும்.ஆபிரகாம் லிங்கன் என்ற கதாபாத்திரத்துக்காக படம் எடுத்திருப்பார்கள் போல. பரபரப்பான ரத்த காடேரிகளை கொல்லும் சண்டை காட்சிகளை எதிர் பார்த்து சென்றீர்கள் என்றால் ஏமாந்து போவீர்கள். அங்கங்கே அவ்வபோது சில ஆக்சன் காட்சிகளை பார்க்கலாம் அவ்வளவே.

இந்த படத்தில் வரும் வாம்பயர்கள் சூரிய ஒளிக்கு பயப்படுபவை கிடையாது.முகத்தில் கிரீம் தடவி கொண்டு சூரியஒளியில் தைரியமாக அலைகின்றன. மேலும் வாம்பயர்களே வாம்பயர்களை கொல்ல முடியாது , லிங்கன் வைத்திருக்கும் கோடாலியில் துப்பாக்கியும் உண்டு போன்ற பல வித்தியாசமான விஷயங்கள் இருந்தாலும் ரசிக்க முடியவில்லை. இதை imdbயில் பலர் ஏன் fantastic action என கமெண்ட் போட்டிருக்கிறார்கள் என தெரியவில்லை. ஒருவேளை இந்த படத்தின் மூலமான நாவலை படித்திருந்தால் நன்றாக இருந்திருக்குமோ என்னவோ. படம் ஆரம்பிக்கும் முன் போட்ட The Dark Knight Rises, Ice Age 4 ட்ரைலரை பார்த்தது மட்டுமே திருப்தியை தந்தது.

The Amazing Spider-Man aka Spider-Man Reboot

2012-06-27T05:07:00.001+05:30

இதற்கு முந்தைய பதிவை படிக்காதவர்கள் இங்கே The Amazing Spider-Man சென்று படித்து விட்டு வரவும்.

இந்த வருடத்தில் ஹாலிவுட் ரசிகர்களால் அதிகம் எதிர்பார்க்கப்படும் படம் எது என கேட்டால் அனைவரும் கூறும் பதில் கண்டிப்பாக The Amazing Spider-Man என இருக்காது,The Dark Knight Rises என்று தான் இருக்கும். இதே போல் பல சூப்பர் ஹீரோக்கள் ஒன்று சேர்ந்து கலக்கிய, வசூல் வேட்டை நடத்திய Avengers படத்தை The Amazing Spider-Man மிஞ்சுமா என்று கேட்டால் பதில் கண்டிப்பாக முடியாது என்று தான் இருக்கும். ஆனால் காமிக்ஸிலும்,டிவியில் கார்டூனாகவும் ஸ்பைடர்மேனை ரசித்தவர்கள் ஆவலோடு எதிர்பார்க்கும் படம் The Amazing Spider-Man. பேட்மேனுக்கு Batman Begins போல இந்தபடம் ஸ்பைடர்மேனுக்கு சிறந்த Reboot படமாக அமையுமா என பலரால் எதிர்பார்க்கப்படுகிறது.

இதற்கு முன் வந்த ஸ்பைடர்மேன் மூன்று பாகங்களை இயக்கியவர் Sam Raimi . இவர் இயக்கிய ஸ்பைடர்மேன் படங்கள் வெற்றி பெற்றாலும், வசூலிலும் கலக்கினாலும் காமிக்ஸில் ரசித்த ஸ்பைடர்மேனின் கதாபாத்திரம் மற்றும் முக்கியமான கதாபாத்திரங்கள் சரியாக காட்டப்படவில்லை என்று பலரின் கருத்தாக இருந்தது. அதிலும் முக்கியமாக வில்லன்கள். The Dark Knight வெற்றியில் Joker கதாபாத்திரம் முக்கிய பங்கு வகித்ததை யாராலும் மறுக்க முடியாது. கடைசியாக வந்த ஸ்பைடர்மேன் மூன்றாம் பாகம் வில்லன்கள் விஷயத்திலும் , கதாபாத்திரங்களின் பங்களிப்பிலும் சொதப்பலான படமாக வந்தது.

ஸ்பைடர்மேனின் முக்கிய சிறந்த மூன்று எதிரிகள் என ரசிகர்களால் கூறப்படுபவர்கள் Green Goblin (Sam Raimi இயக்கிய முதல் பாக வில்லன்) , Doc Ock -(இரண்டாம் பாக வில்லன்) மற்றும் Venom - மூன்றாம் பாகத்தில் ஸ்பைடர்மேனை முதலில் பிடித்து கொண்டு பின் Eddie என்பவனை பிடித்து கொள்ளும் வேற்று கிரகத்தில் இருந்து வந்த உயிரினம்.முதலில் ஸ்பைடர்மேனை பிடித்து கொண்டதால் அவனின் சக்திகளையும் கொண்டது. ஸ்பைடர்மேனின் Spider-Sense உணர்வால் Venomஐ கண்டறியமுடியாது. Green Goblin ஸ்பைடர்மேனின் முதல் காதலியான Gwen Stacy மரணத்திற்கு காரணமானவன். Doc Ock நியூயார்க் போலீஸ் ஆபீசர் மற்றும் Gwen Stacyயின் அப்பா Captain Stacy மரணத்திற்கு காரணமானவன்.

இந்த மூன்று முக்கியமான வில்லன்களில் Doc Ock மட்டுமே Sam Raimi இயக்கிய படங்களில் ரசிகர்களை திருப்தி படுத்துமாறு இருந்தது. Green Goblin மற்றும் Venomஐ சரியான வில்லன்களாக காட்டப்படவில்லை. அதிலும் மூன்றாம் பாகம் ஏனோ தானோ என எடுக்கப்பட்டு இருந்தது. முக்கியமான மூன்று வில்லன்களையும் பயன்படுத்தி விட்டதால் நான்காம் பாகத்தில் ஸ்பைடர்மேனுக்கு நிகரான வில்லனாக யாரை போடலாம் என Sonyக்கும் , Sam Raimiக்கும் நடந்த பிரச்சனையாலேயே Spidermen 4 கைவிடப்பட்டு Spiderman Reboot அதாவது The Amazing Spiderman ஆரம்பிக்கப்பட்டதாக கூறப்படுகிறது.

படங்களை விட ஸ்பைடர் மேனை எனக்கு பிடித்தது 1994 இல் ஆரம்பித்து 1998 வரை Marvel Films Animation தயாரித்து ஒளிபரப்பான அனிமேஷன் சீரீஸில்(Series) தான். இதுவரை வந்த ஸ்பைடர்மேன் அனிமேஷன் சீரீஸ் அனைத்திலுமே இதுதான் பெஸ்ட் எனலாம். நான் Disney சேனலில் பார்த்து பின் முழுவதையும் டவுன்லோட் செய்து பார்த்து விட்டேன். இந்த சீரீஸின் வெற்றிக்கு காரணம் ஸ்பைடர்மேனிலிருந்து அவனது காதலி மற்றும் வில்லன்கள் வரை அனைத்து கதாபாத்திரங்களையும் மிக துல்லியமாக காட்டியது தான். மேலும் இந்த சீரீஸில் Captain America , Ironman , Blade , Punisher, DareDevil,Fantastic 4 ,X-Men மற்றும் S.H.E.I.L.D தலைவர் Nick Fury என பல ஹீரோக்கள் அவ்வபோது தலைகாட்டுவார்கள். இந்த சீரீஸின் Opening Theme மற்றும் முதல் எபிசோட் கீழே காணலாம்.

மேலே பார்த்த இந்த அனிமேஷன் சீரீஸின் முதல் எபிசோடின் வில்லன் தான் வரப்போகும் The Amazing Spidermen படத்தின் வில்லன் The Lizard. Dr. Connors என்பவர் சிறந்த சயன்டிஸ்ட்,ஸ்பைடர்மேனின் புரபசர் மற்றும் டாக்டர். போர்காலங்களில் பணியாற்றும் போது தனது ஒரு கையை இழந்தவர். இழந்த கையை திரும்ப வளர வைக்க பல்லிகளை வைத்து ஆராய்ச்சி செய்கிறார். ஒரு கட்டத்தில் தன்னை ஆராய்ச்சிக்கு உட்படுத்தி கொள்ள Dr. Connors இன் கை மீண்டும் வளருகிறது. ஆனால் பக்க விளைவாக Lizard என்னும் பயங்கர பல்லியாக மாறிவிடுகிறார். இவரை தடுத்து மீண்டும் Dr. Connors ஆக மாற ஸ்பைடர்மேன் உதவுகிறான்.இதனால் பின்னாளில் ஸ்பைடர்மேனுக்கு மிகவும் உதவுகிறார். Dr. Connors கதாபாத்திரத்தை Sam Raimi இயக்கிய Spidermen 2 மற்றும் 3 ஆம் பாகங்களில் பார்க்கலாம். ஆனால் ஸ்பைடர்மேனின் புரபசராக மட்டும் வருவார். இந்த Spidermen Rebootல் முக்கிய வில்லன்களாக மேலே சொல்லப்பட்டவர்கள் ஒருவர் கூட இல்லாததை காணலாம். இந்த படத்தில் Peter Parker எப்படி ஒரு சூப்பர் ஹீரோவாக உருவெடுத்தான் என்பதும், Peter Parker - Gwen Stacy காதலுமே முக்கியமான பங்கு வகிக்க போகிறது என்பதால் சிறந்த வில்லன்கள் இதன் இரண்டாம் பாகத்திலே வருவார்கள் என கூறலாம். மேலும் இந்த படத்தை Untold Strory என விளம்பரபடுத்துகிறார்கள். அது என்ன Untold Story என்பதை பற்றியும் இந்த படத்தின் விமர்சனத்தையும் கீழேயுள்ள கருந்தேளார் பதிவில் காணலாம். The Amazing Spider-Man (2012) - English படத்தின் மற்றொரு ட்ரைலர் கீழே

The Amazing Spider-Man

2012-06-24T03:00:00.000+05:30

பல சூப்பர் ஹீரோக்களில் முக்கியமானவர்கள் என மூவரை கூறலாம். அவர்கள் சூப்பர்மேன் , ஸ்பைடர்மேன் மற்றும் பேட்மேன். இவர்களில் பேட்மேன் ஒரு சூப்பர் ஹீரோ இல்லை எனலாம். அவரிடம் சிறப்பான அபரித சக்தி கிடையாது. பெரிய செல்வந்தரான பேட்மேன் தனது போராடும் திறனை கொண்டும் ,பணத்தின் துணை கொண்டும் எதிரிகளோடு போராடி மக்களை காப்பாற்றுகிறான். சூப்பர்மேனோ மனிதனே அல்ல. பலவித சக்திகளை இயற்கையாகவே கொண்ட வேற்று கிரகத்தில் இருந்து வந்தவன்.

சூப்பர்மேன் மற்றும் பேட்மேன் இருவரும் DC காமிக்ஸ் ஹீரோக்கள். சூப்பர்மேன் கார்டூனிலும் , காமிக்ஸிலும் வெற்றி பெற்றது போல் இன்னும் படங்களில் வெற்றி பெறவில்லை. இனி வரவிருக்கும் சூப்பர்மேன் படமான Man Of Steel படமாவது வெற்றிபெறுமா என பார்ப்போம்.அடுத்து பேட்மேன் , கிரிஸ்டோபர் நோலன் பேட்மேன் படம் எடுக்கும் வரை பேட்மேனும் படங்களில் வெற்றியை ருசிக்கவில்லை. ஆனால் தற்போது திரையில் வெற்றிகரமாக வலம் வரும் ஹீரோ பேட்மேனே. இவர்களுக்கு இணையான மற்றொரு சூப்பர் ஹீரோ நம்ம ஸ்பைடர்மேன். எனது பேவரிட் ஹீரோ. காமிக்ஸில் வெற்றிகரமாக வலம்வந்த ஸ்பைடர்மேன் திரைக்கு வந்த முதல் படமே வெற்றி தான்.

ஸ்பைடர் மேன் மற்ற ஹீரோக்களை விட சற்று வித்தியாசமானவன். சூப்பர்மேன் போல அதிக பலம் கொண்ட ஏலியனும் அல்ல. பேட்மேன் போல் எதிரிகளை எதிர்த்து போராட பயிற்சி பெற்றவனும் ,பணபலமும் உள்ளவன் அல்ல. பக்கத்துக்கு வீட்டு பையன் போல் இருப்பான். பணமில்லாமல் அன்றாட செலவுகளுக்கு கஷ்டப்படுபவன்.இதயம் முரளியை விட தாழ்வு மனப்பான்மை கொண்டவன். மேலும் தனக்கு தானே மதிப்பீடு செய்து கொண்டு , பேசி கொண்டு முடிவு எடுத்து கொள்பவன். தனது தாய்,தந்தையரை இழந்து தனது பெரியப்பா Ben மற்றும் மனைவி Aunt May ஆல் வளர்க்கப்படுபவன்.

சூப்பர் ஹீரோவாக இருப்பது மற்ற சூப்பர் ஹீரோக்களை விட ஸ்பைடர்மேன் இயல்பு வாழ்க்கையை பெரிதும் பாதிக்கிறது. காதல்,பள்ளி,நட்பு எல்லாமே ஸ்பைடர்மேனாக இருப்பதால் பாதிக்கப்படுகிறது. இவனது ஒரே நண்பன் Harry Osborn அவனும் அடுத்து அவனுக்கு எதிரியாகி விடுவது வேறு கதை. பல நேரங்களில் நல்லது செய்து விட்டு கேட்ட பெயரே வாங்குபவன். சொல்லபோனால் சூப்பர் ஹீரோ மற்றும் ஜீரோ. ஸ்பைடர்மேன் Avengers புகழ் Marvel காமிக்ஸின் படைப்பு. ஸ்பைடர் மேனை கதாபாத்திரத்தை உருவாக்கியவர் Avengers உருவாக்கிய அதே Stan Lee தான். ஸ்பைடர்மேன் காமிக்ஸில் அறிமுகமானது 1962 ஆம் வருடம். அறிமுகமான முதல் காமிக்ஸ் அட்டைபடத்தை மேலே காணலாம்.

Peter Parker என்ற ஸ்பைடர் மேனுக்கு இயற்கையாகவே சக்தி கிடையாது. நியோ ஜெனிக் என்ற ஆராய்ச்சிக்கு உட்படுத்தப்பட்ட சிலந்தி ஒன்று கடிப்பதால் அவன் உடல் மாற்றமடைந்து சிலந்தி போல் சில சக்திகளை பெறுகிறான். அவை சூப்பர் Speed– படு வேகமாக செயலாற்றுவது, சூப்பர் Strength – சற்று அபரித உடல் வலிமை , சிலந்தி போல் மதில்களில் ஏறுவது கடைசி மற்றும் முக்கியமான ஒன்று வரும் ஆபத்தை முதலிலேயே உணர்ந்து கொள்ளும் உணர்வு Spider Sense.

என்னடா கைகளில் இருந்து வலை விடுவதை விட்டு விட்டதாக எண்ணலாம். இந்த சக்தி ஸ்பைடர்மேனுக்கு கிடையாது. இது அவனாக உருவாக்கிய web shooter என்ற கருவியே. அதை கையில் மாட்டிக்கொண்டு அது வெளியிடும் வலையை கட்டிடங்களில் மேல் பிடித்து கொண்டு செல்வான். மேலும் எதிரியை தாக்க மற்றும் கட்டிப்போட பயன்படுத்துவான். ஆனால் இதுவரை வந்த ஸ்பைடர் மேன் மூன்று படங்களில் அவன் பெற்ற ஒரு சக்தியாக அவனது கைகளில் இருந்தே வருவது போல் காட்டப்பட்டிருக்கும். ஆனால் காமிக்ஸில் அப்படி கிடையாது. தற்போது வரப்போகும் The Amazing Spiderman படத்தில் காமிக்ஸில் உள்ளது போல் அவன் உருவாக்கிய Web Shooter என்ற கருவி மூலமே வலை வெளிவரும். ட்ரைலரில் கூட இக்கருவியை Peter Parker உருவாக்குவதை காணலாம்.

The Amazing Spiderman படம் Spiderman Reboot என அழைக்கப்படுகிறது. அதாவது முதல் மூன்று பாகங்களை தொடராமல் ஆரம்பத்தில் இருந்து எடுக்கப்படுகிறது.மேலும் இதற்கு முன் வெளிவந்த மூன்று படங்களுக்கும் , காமிக்ஸ்க்கும் பல வேறுபாடுகள் இருக்கும். ஒன்று கையில் இருந்து வரும் வலை. மற்றொன்று ஸ்பைடர் மேன் காதலி. இதுவரை வந்த மூன்று படங்களில் Marry Jane காதலியாக காட்டப்பட்டிருக்கும். ஆனால் காமிக்ஸில் ஸ்பைடர் மேனின் முதல் காதலி Gwen Stacy. இவள் Green Goblin (முதல் பாக வில்லன்) என்ற வில்லனால் கொல்லபடுகிறாள். அதன் பிறகே Marry Jane வருகிறாள். வரப்போகும் The Amazing Spiderman படத்தில் காமிக்ஸில் உள்ளது போல் Gwen Stacy கதாபாத்திரம் வருகிறது. Marry Jane கிடையாது. Amazing Spiderman முழுக்க காமிக்சை ஒட்டியே எடுக்கப்பட்டுள்ளது.

Marvel Avengers படத்தின் அடுத்த பாகத்தில் Spiderman இடம் பெறலாம் என பலரின் கணிப்பாக இருக்கிறது. கருந்தேளார் கூட இதை பற்றி குறிப்பிட்டு இருந்தார். ஆனால் அது Marvel நிறுவனத்தின் கையில் மட்டும் இல்லை. Sony நிறுவனத்தின் கையிலும் உள்ளது. Spiderman படங்களை எடுக்கும் உரிமை Sony நிறுவனத்திடமே உள்ளது. Marvel மூடும் தருவாயில் இருந்த ஒரு காலத்தில் Spiderman படங்களை எடுக்கும் உரிமையை சோனியிடம் விற்று விட்டது. இதே போல் Xmen 20th Century Fox நிறுவனத்திடம் போனது ஒரு கதை. ஆக Spiderman Avengers 2 இல் வருவது Sony நிறுவனத்திடமே உள்ளது.

வரப்போகும் The Amazing Spider Man பற்றி அடுத்த பதிவான The Amazing Spider-Man aka Spider-Man Reboot இல் பார்ப்போம்…..

The Avengers அட்டகாசம்

2012-04-28T17:32:00.000+05:30

ஏற்கனவே கருந்தேளார் Avengers பற்றி ஆதி முதல் இறுதி வரை ஆராய்ச்சி கட்டுரையே வெளியிட்டுவிட்டார். அவரின் Avengers பதிவுகள் ஏற்கனவே இருந்த எதிர்பார்ப்பை ஏகத்துக்கும் ஏற்றி விட்டன. முதல் நாள் பார்க்க முடியாததால் இன்று காலை பகல் காட்சியே பார்த்து விட்டேன். பல நாள் கழித்து அருமையான சூப்பர் ஹீரோ படம் பார்த்த நிறைவு கிடைத்தது.சூப்பர் ஹீரோக்களில் எனக்கு பிடித்த ஆசாமி Spiderman தான். அடுத்தபடியாக Batman அதுவும் Batman Begins படத்துக்கு பிறகு தான்.

Iron Man , Hulk , Thor , Captain America என அனைவருக்கும் தனி ரசிகர் கூட்டமே இருக்க( இவர்களை பற்றி அறியாதவர்கள் உடனே கருந்தேளாரின் பதிவுகளை பார்க்க ) அனைவரும் ஒன்றாக நடிக்கும் படம் என்றால் ரசிகர்களின் எதிர்பார்ப்பு எப்படி இருக்கும். அதை ஏமாற்றாமல் அசத்தியிருக்கிறார்கள். படத்தின் கதை எப்போதுமே சூப்பர் ஹீரோ படங்களில் ஒன்று தான் உலகத்தை காப்பாற்றுவது. அது தான் இங்கேயும். கதையை மேலும் சற்று விரிவாக கருந்தேளாரின் இந்த பதிவில் பார்க்க. இங்கே படத்தில் கலக்குபவர்களை பற்றி பார்ப்போம்

தியேட்டரில் அறிமுக காட்சிகளிலும் சரி, அதிரடி காட்சிகளிலும் சரி பலத்த ஆதரவையும் , கைதட்டலையும் பெறுவது Hulk தான். Hulk படங்கள் ஏற்கனவே இரண்டு வந்திருந்தாலும் இந்த படம் ஒன்றே அந்த இருபடங்களை தூக்கி சாப்பிட்டு விடுகிறது. வில்லன் லோகியை புரட்டி எடுப்பது , வில்லன்களின் விமானத்தை தோருடன் சேர்ந்து வீழ்த்திய பிறகு தோரை குத்து விடுவது , இறுதியில் Iron manஐ எழுப்புவது போன்ற காட்சிகளில் தியேட்டர் அதிர்கிறது. எல்லாருக்கும் சமமாக காட்சிகளை கொடுத்திருந்தாலும் Hulkகே வெல்கிறது.

அடுத்து நம்ம அயன் மேன் இவர் மற்ற ஹீரோக்களை கிண்டல் அடிப்பதில் ரசிகர்களை கவருகிறார். முக்கியமாக அயன் மேனும் , தோரும் முதலில் மோதும் காட்சிகள். ஆக்சன் காட்சிகளில் hulkகுக்கு அடுத்து அயன் மேன் தான். மாடியிலிருந்து கீழே விழும் போதே பறந்து வரும் அவரது அயன் மேன் உடையை மாற்றிக்கொண்டு பார்க்கும் காட்சியில் பயங்கர கரவோஷம். hulk மற்றும் ironman இருவரே அதிகமாக ரசிகர்களை கவருகிறார்கள். ஒரு கட்டத்தில் வில்லன் லோகி என்னிடம் ஒரு படையே இருக்கு என அயன்மேனிடம் சொல்ல அதுக்கு அயன்மேன் என்கிட்டே ஹல்க் இருக்குடா என கூறும் பதிலடி அருமை.

படத்தில் அடுத்த கவரும் அம்சம் சூப்பர் ஹீரோக்கள் அவர்களுக்கிடையே போடும் சண்டைகள். வில்லன்களிடையே மோதுவதை காட்டிலும் இரு ஹீரோக்கள் மோதுவது படு சுவராசியமாக இருக்கிறது. நான்கு சூப்பர் ஹீரோக்களில் கேப்டன் அமெரிக்கா பழமையானவர் என்பதாலோ என்னவோ ரசிக்கும் விடயங்கள் இவரிடம் குறைவு. சாதாரண ஹீரோ பீலிங்கே ஏற்படுத்துகிறார். தோர் ஆங்காங்கே அசத்துகிறார். தோரின் சுத்தியலை hulk தூக்க முடியாமல் இருக்க தோர் அதை தூக்கி ஹல்க்கை அடிக்கும் காட்சி என ரசிக்கும் காட்சிகள் படத்தில் ஏராளம்.

கிளைமாக்ஸ் சொல்லவே தேவையில்லை…ஆறு பேரும் ஒன்று சேர்ந்து சுற்றி நிற்கும் காட்சியில் விசில் பறக்கிறது. கடைசி அரைமணி நேரம் அட்டகாசம்,அதகளம் தான். படத்தில் ஏமாற்றும் விஷயம் 3D தான். 3Dயில் ஒன்றும் சொல்லிகொள்ளும் படியாக இல்லை. கண்ணாடி இல்லாமல் 2Dயிலேயே படத்தை பாத்திருக்கலாம். படம் 3D முறையில் எடுக்க பட வில்லை என நினைக்கிறன். இதை சொல்லவே தேவையில்லை இருந்தாலும் சொல்லுகிறேன்… இந்த வருடத்தின் தவற விட கூடாத படம்.

Man on a Ledge [2012] – மேன் ஆன் லெட்ஜ்

2012-04-22T02:05:00.000+05:30

திருடுதல் , கொள்ளையடிக்கும் படங்களை பார்க்க பலருக்கும் விருப்பமுண்டு. பலருக்கு இப்படி பரபர கொள்ளையடிக்கும் படங்கள் பல உண்டு. உதாரணமாக Ocean’s 11 ,12,13 பட வரிசைகளை எடுத்து கொள்ளலாம். விதவிதமாக யோசிச்சு பணத்தையோ ,அல்லது வைரத்தையோ அபேஸ் செய்யும் படங்களில் முக்கியமான ஒரு பட வரிசை Ocean’s 11 ,12,13 . இப்படமும் இந்த வகையை சேர்ந்தது தான். ஆனால் தன் மேல் சுமத்தப்பட்ட பழியை துடைக்க கதாநாயகன் திருடுகிறான்.
Nick Cassidy ஒரு போலீஸ் அதிகாரி. Englander என்பவனின் 40 மில்லியன் பெறுமான ஒரு வைரத்தை காவல் காக்க சென்று அந்த வைரத்தை திருடியதாக பழி சுமத்தப்பட்டு ஜெயிலில் இருக்கிறான். ஆனால் அந்த வைரம் உண்மையில் திருட பட வில்லை. Englander தன் வைரத்தை மறைத்து வைத்து விட்டு அதை Nick Cassidy திருடியதாக பழி போடுகிறான். இதன் மூலம் தன் நஷ்டப்பட்டு மூடப்பட்டு இருந்த ஜிவல்லரி பிஸினெசை காப்பாற்றுகிறான்.

தன்னை நிரபராதி என நிருபிக்க Nick Cassidy ஜெயிலில் இருந்து தப்பிக்கிறான். தப்பித்து Englander நகைக்கடைக்கு பக்கத்தில் இருக்கும் ஒரு பெரிய ஹோட்டலில் ரூம் எடுத்து பின் அங்கிருந்து குதித்து தற்கொலை செய்து கொள்வதாக கூறவே அங்கே ஹோட்டலுக்கு கீழே கூட்டம் கூடுகிறது. போலீஸ்,மீடியா என பலரும் குவிகின்றனர். இது போல் தற்கொலை செய்ய முடிவெடுப்பவர்களை மனம் மாற்றி காப்பாற்றும் குழுவும் வருகிறது. அப்படி இவரது மனதை மாற்ற வருபவள் Lydia. அவளிடம் தான் ஒரு நிரபராதி தான் வைரத்தை திருட வில்லை அதை நிருபிக்கவே தற்கொலை செய்ய போவதாக கூறுகிறான்.

மேலும் Nick Cassidy தன் மேல் பழி சுமத்த சில போலீஸ் அதிகாரிகளும் உதவியுள்ளதாக கூறுகிறான்.Lydia அவனது மனதை மாற்ற முயற்சி செய்கிறாள். ஆனால் நமது Nick Cassidy திட்டமோ வேறு இவன் இங்கே தற்கொலை செய்வதாக அனைவரையும் திசை மாற்றி கொண்டு இருக்க , அங்கே Englanderஇன் ஜிவல்லரியில் Nick Cassidy தம்பியும் அவனது காதலியும் , எந்த வைரத்தை திருடியதாக குற்றம் சாட்டப்பட்டானோ அந்த வைரத்தை திருடுகின்றனர். அவர்களுக்கு இங்கிருந்தே போன் மூலம் பேசி உதவுகிறான். இதன் மூலம் தான் நிரபராதி என நிருபிக்க முயல்கிறான்.

வைரம் திருடப்பட்டதா… Nick Cassidy தன்னை நிரபராதி என நிருபித்தானா என்பதே மீதி படம். தற்கொலை செய்வேன் என மிரட்டி கொண்டே அங்கிருந்து அவர்கள் வெடி வைத்து தகர்க்க உதவுவது, Nick Cassidy தம்பியும் , அவனது காதலியும் முதல் பிளான் சொதப்பி விட , இரண்டாவது பிளானை பயன்படுத்தி வைரத்தை எடுப்பது,பின் மீண்டும் அவர்கள் கடைசியில் வைரத்தை பறிகொடுத்துவிடுவது என ஆரம்பம் முதல் இறுதி வரை விறுவிறுப்பாக செல்கிறது.

உங்களுக்கு ஒன்றரை மணி நேரம் விறுவிறுப்பான போரடிக்காத பரபர படம் பார்க்கனுமா…? மேலும் நீங்கள் திருடுதல் , கொள்ளையடிக்கும் பட ரசிகரா…இது உங்களுக்கான படம். நமக்கு உலகசினிமாலாம் இந்த மாதிரி பர பர படங்கள் தான்.

My Neighbor Totoro [1988]

2012-04-09T01:08:00.001+05:30

Studio Ghibli அனிமேஷன் நிறுவனத்தை பற்றி அனிமேஷன் படங்களை விரும்பி பார்ப்பவர்கள் அறிந்திருப்பார்கள். ஜப்பானை சேர்ந்த அனிமேஷன் நிறுவனம். டிஸ்னிக்கு இணையாக 2D அனிமேஷனில் கலக்குவார்கள். உலகெங்கும் தற்போது ரசிகர்கள் இதற்கு உண்டு. ஜப்பான் அனிமேஷன் படங்கள் சிலருக்கு பிடிக்காது. அவர்கள் Studio Ghibli வின் படங்களை பார்த்தால் தங்கள் கருத்துகளை மாற்றி கொள்வார்கள். இவர்களுடைய சிறப்பு என்னவென்றால் இயற்கை அழகை அருமையாக அனிமேஷனில் கொண்டு வருவது தான். இந்த விஷயத்தில் டிஸ்னியே இவர்களிடம் தோற்று விடும்.

இந்த நிறுவனம் இருவரால் நிறுவப்பட்டது. அதில் ஒருவர் சிறந்த அனிமேஷன் பட இயக்குனர் என பெயர் வாங்கிய Hayao Miyazaki. இவரும் Studio Ghibliயும் சேர்ந்து எடுத்த எந்த அனிமேஷன் படமும் சோடை போனதில்லை. Hayao Miyazaki இவரால் உருவாக்கப்படும் அனிமேஷன் கதாபாத்திரங்களை நம்மால் எளிதில் மறக்க இயலாது. இவர்களது படங்களின் கதாநாயகர்கள் பெரும்பாலும் குழந்தைகள் தான். அதுவும் முக்கியமாக பெண் குழந்தைகள். குழந்தைகளே கதாநாயகர்கள் என்பதால் குழந்தைகளுக்கு மட்டுமே இந்த படங்கள் என நினைத்து விடாதீர்கள். குழந்தைகளை விட நமக்கே அதிக தாக்கத்தை இவர்களது படங்கள் ஏற்படுத்தும்.

Hayao Miyazaki ஆல் உருவாக்கப்பட்ட ஒரு அனிமேஷன் பாத்திரம் totoro. பூனை போன்றும் முயல் போன்றும் தோற்றமளிக்க கூடிய காடுகளில் வசிக்கும் ஒரு நல்ல சக்தி. தேவதை போல என கூட சொல்லலாம். இந்த கதாபாத்திரம் Hayao Miyazaki பல படங்களில் வரும். இக்கதையில் இது ஒரு முக்கிய பாத்திரம். இதற்கும் இரு குழந்தைகளுக்கும் ஏற்படும் நட்பே இந்த படம்.

Satsuki and Mei என்ற இரு பெண் குழந்தைகள் தங்கள் அப்பாவோடு மூட்டை முடிச்சுகளோடு புது வீட்டுக்கு வருவதில் இருந்த படம் ஆரம்பிக்கிறது. இரு குழந்தைகளின் அம்மா நோய்வாய்ப்பட்டு மருத்துவமனையில் இருப்பதால் மருத்துவமனைக்கு பக்கத்தில் இருக்கும் ஊருக்கு இவர்கள் இடம் பெயர்கிறார்கள். இதில் மூத்த பெண் அம்மா வீட்டில் இல்லாத்தால் வீட்டு வேலைகளோடு தனது தங்கையையும் பார்த்து கொள்கிறாள் , அதோடு பள்ளிக்கும் செல்கிறாள். அப்பா வாத்தியாராக வேலை செய்கிறார். இருவரும் அம்மா விரைவில் குணமாகி வரவேண்டும் என எதிர்பார்த்து கொண்டு இருக்கின்றனர். புது வீட்டுக்கு வரும் இருவரும் புது வீட்டை நினைத்து மகிழ்ச்சி கொள்கின்றனர்.

இவர்கள் வீட்டுக்கு அருகே வசிக்கும் சிறிய மற்றும் பெரிய totoroகளோடு நண்பர்கள் ஆகின்றனர். இவர்களுக்கு இடையே இருக்கும் நட்பு தான் படத்தின் கதை. கதை இவ்வளவு தான் என்றாலும் மேலே படத்தில் இருக்கும் ஆரம்ப காட்சியான வண்டியில் மூட்டை முடிச்சுகளோடு வரும் காட்சியில் இருந்து கடைசி காட்சி வரை நம் கண்ணை வெளியே எடுக்க முடியாது.

இரு பெண்குழந்தைகளின் குறும்புகள் முக்கியமாக குட்டி பெண்ணான Meiயின் குறும்புகளை நம்மால் ரசிக்காமல் இருக்க முடியாது. சந்தோசம் ,பயம், அழுகை , சிரிப்பு , சிறு குழந்தைகள் அவ்வப்போது பேசும் மேதாவிதனமான பேச்சு என அனைத்து உணர்வுகளையும் அனிமேஷனில் அட்டகாசமாக கொடுத்திருக்கிறார்கள். மேலும் சிறிய மற்றும் பெரிய totoro மற்றும் பூனை பஸ் என அனைத்து கதாபாத்திரங்களுமே நம்மை ரசிக்க வைக்கும்.

அனிமேஷன் முக்கியமாக மழை பெய்யும் காட்சிகள் நம்மை லயிக்க வைக்கும். Satsuki தனது தங்கையை தூக்கி கொண்டு, குடையையும் பிடித்து கொண்டு மழையில் இரவில் தந்தைக்காக காத்திருத்தல், கூடவே நிற்கும் totoro , அதன் பின் வரும் பூனை பஸ் என வரும் காட்சியை ரசிக்காமல் இருக்க முடியாது.

இப்படம் 1988இல் ஜப்பானில் வெளிவந்தது. முதலில் ஜப்பான் மொழியில் வந்தாலும் டிஸ்னியால் 2006 ஆம் வருடம் ஆங்கிலத்தில் ரிலீஸ் செய்யப்பட்டது. டோரன்ட்டில் ஆங்கிலத்தில் கிடைக்கிறது. அனிமேஷன் பட ரசிகர்கள் தவற விட கூடாத படம் என நிச்சயம் கூற முடியும். உங்களின் சிறுவயது நினைவுகளை இப்படம் தட்டி எழுப்ப தவறாது. படத்தின் ட்ரைலர் கீழே

தி கிரே - The Grey [2012]

2012-03-06T17:30:00.001+05:30

ஆக்சன் பட பிரியர்கள் அனைவரும் Taken படத்தை அறிவார்கள். படத்தை பார்த்தவர்கள் படத்தின் கதாநாயகர் Liam Neeson ரசிகர்களாக மாறியிருப்பார்கள். மேலே படத்தில் உள்ளாரே அவரே தான். Takenல் அப்பாவி தந்தை போல் அறிமுகமாகி அடுத்து தன் மகளை கடத்தியவர்களிடமிருந்து மகளை அட்டகாச தந்தையாக காப்பாற்றுவார். ஆமை போல ஆரம்பிக்கும் கதை அடுத்து ஜெட் வேகத்தில் பயணிக்கும். இதில் Liam Neeson தன்னை விட்டு பிரிந்த மனைவி, மகள் எண்ணி கலங்குமிடதிலும், அடுத்து அதிரடியில் கலக்குவதிலும் அருமையாக நடித்திருப்பார். இதன் பின் இவர் நடித்து பல எதிபார்ப்புகளோடு Unknown படம் வெளியானது. Taken படத்தை போல் படம் ரசிகர்களை கவர வில்லை. Taken படத்தை விருதகிரியில் விஜயகாந்த் காப்பி அடித்து எடுத்திருப்பார். தற்போது இவர் நடித்து வந்திருக்கும் படம் The Grey.

அலாஸ்காவில் எண்ணெய் கம்பெனியில் வேலை பார்ப்பவர்களை அங்கே பனிப்பகுதியில் வாழும் ஓநாய்களிடம் காப்பாற்ற ஓநாய்களை வேட்டையாடும் வேலையில் இருப்பவர் நமது கதாநாயகர். ஒரு நாள் வேலை முடிந்து பணியில் இருப்பவர்கள் அனைவரும் விமானத்தில் திரும்பி கொண்டிருக்கும் போது விமானம் பழுதடைந்து விபத்துகுள்ளாகிறது. நிறைய பேர் இறந்து விட Liam Neeson மற்றும் ஆறு ஏழு பேர் மட்டும் உயிர் தப்பிக்கிறார்கள். ஆனால் கடும்பனி கொட்டும் பகுதியில் விபத்துக்குள்ளாவதால் பனியால் உறைந்து சாகாமல் இருக்க அங்கே இருப்பவற்றை எரித்து கிடைப்பவற்றை சாப்பிடுகிறார்கள். ஆனால் அவர்களை வேறொரு பிரச்சனை எதிர்கொள்கிறது. அங்கே வாழும் ஓநாய் கூட்டம் அவர்களை தாக்க ஆரம்பிக்கின்றன.
ஏழு பேரில் ஒருவனை இரவில் காவல் காக்கும் போது கொன்றுவிடுகின்றன. இதனால் Liam இங்கே திறந்த பகுதியில் இருந்தால் எளிதில் நாம் வேட்டையாட படுவோம் அதனால் அருகே இருக்கும் மரங்கள் இருக்கும் பகுதிக்கு சென்று விட்டால் நம்மை பாதுகாத்துகொள்ளலாம் என்கிறார். அங்கே செல்லும் வழியில் பனிபுயலில் நடக்க முடியாமல் ஒருவன் கீழே விழ இவர்களை தொடர்ந்து வந்து கொண்டிருக்கும் ஓநாய்கள் கொன்று தின்று விடுகின்றன. இவர்களை ஒரு ஓநாய் படையே விரட்டுகிறது. மீதிபேர் எப்படியோ மரங்கள் இருக்கும் பகுதியை அடைந்து விடுகிறார்கள். அவர்களை அங்கேயும் ஓநாய் கூட்டம் சுற்றி வளைக்கிறது.

ஏழு பேரில் ஒவ்வொருவராக அடுத்தடுத்து பலியாகிறார்கள்.இறுதியில் Liam மட்டுமே மிஞ்சுகிறார்.அடுத்து என்ன ஆனது என்பதை படத்தில் பாருங்கள். கொஞ்ச கொஞ்சமாக முதலில் விறுவிறுப்பாக செல்லும் கதை பின் மிக மெதுவாக நகருகிறது. சில இடங்களில் நமக்கு டிஸ்கவரி சேனலில் வரும் Suvivorman நிகழ்ச்சியை பார்ப்பது போல் இருக்கிறது.படம் எப்ப மீண்டும் சூடு பிடிக்க ஆரம்பிக்கும் என எதிர்பார்க்கும் போது படம் முடிவடைந்துவிடுகிறது. பரபரக்கும் திரில்லர் படமாக இருக்கும் என நினைத்தால் டிராமாவாக முடிவடைகிறது. ஆக்சன் பட பிரியர்கள் படத்தை டவுன்லோட் செய்து வேறு படம் எதுவும் பார்க்க இல்லையென்றால் ஒரு தடவை பார்க்கலாம். மற்றபடி டிராமா படங்களை ரசிப்பவர்களுக்கு படம் பிடிக்கும் என நினைக்கிறன்.படத்தின் ட்ரைலர் கீழே

அண்டர்வேர்ல்ட் - Underworld Movie Series - 3

2012-03-05T03:05:00.000+05:30

இரண்டாம் பாகத்தில் முழித்த மார்கஸ், விக்டரால் அடைக்கப்பட்ட அவனது சகோதரன் Werewolf வில்லியமை சிறையிலிருந்து விடுவிக்க செல்கிறான். சிறையிலிருந்து வில்லியமை விடுவிக்க அவனுக்கு இரண்டு சாவிகளும் தேவை. ஒன்று விக்டரின் நெஞ்சில் இருந்தது அதை விக்டர் இறந்த பின் அதை எடுக்கும் Kraven என்பவனிடமிருந்து அவனை கொன்று பெறுகிறான். மற்றொன்று விக்டரின் மகள் Sonja கழுத்தில் உள்ளது. Sonja விக்டரால் லுசியன் கண் முன் கொல்லப்பட்ட பின் லுசியன் அதனை எடுத்து கொள்கிறான். அதன் பின் லுசியன் இறந்த பின் அது செலின் மற்றும் மைக்கேல் எடுத்து கொள்கின்றனர். இதனால் மார்கஸ் செலினையும் , மைக்கேலையும் விரட்டுகிறான். அவனிடமிருந்து தப்பித்து அவனையும் ,வில்லியமையும் கொல்வதே இரண்டாம் பாகம்.

முதல் இரண்டு பாகங்களில் தான் நான் மேலே சொன்ன வாம்பயர்கள் ,Werewolf மற்றும் லைகன்கள் மூலக்கதை கொஞ்ச கொஞ்சமாக பிரித்து சொல்லபடுகிறது. முதல் இரு பாகங்களை முழுமையாக பார்த்த பின்னரே அனைத்து கதைகளும் நமக்கு விளங்கும். மேலும் செலின் பெற்றோர்களை ஏன் விக்டர் கொன்றான் என்பது இரண்டாம் பாகத்திலும், செத்து போனதாக சொல்லப்பட்ட லுசியன் எப்படி உயிரோடு வந்தான் என்பது முதல் பாகத்திலும் சொல்லபடுகிறது. முதல் இரு பாகங்களிலும் ஆக்சன் காட்சிகளுக்கு பஞ்சமிருக்காது. முதல் இரண்டு பாகங்கள் மற்றும் நான்காம் பாகத்தின் கதாநாயகி செலின்(Selene) என்ற கதாபாத்திரம். Vanhelsing மற்றும் Pearl Harbor படங்களில் கதாநாயகியாக நடித்த Kate Beckinsale. மூன்றாம் பாகத்தில் இவர் கிடையாது. இரண்டாம் பாகத்தின் ட்ரைலர் கீழே

இனி மூன்றாம் பாகத்தை பார்ப்போம். இதில் லைகன்கள்(Lycans) எங்கே எப்படி வந்தார்கள் என்பது விவரிக்கபடுகிறது. முதல் பாகத்தில் வில்லனாக முதலில் காட்டப்படும் லுசியன்(Lucian) என்ற லைகன்(Lycan) கதாபாத்திரம் தான் மூன்றாம் பாகத்தின் ஹீரோ. இதில் செலின் கிடையாது. மூன்றாம் பாகம் மேலே நான் விட்ட மூலக்கதையில் இருந்து அதாவது 13 ஆம் நூற்றாண்டில் இருந்து ஆரம்பிக்கிறது.werewolfகளை வேட்டையாடி கொண்டிருக்கும் விக்டர் , ஒரு பெண் Werewolfஐ பிடிக்கிறான். அவளுக்கு மனித வடிவில் ஒரு ஆண் குழந்தை பிறக்கிறது. அது தான் முதல் லைகன் அதாவது மனித உருவுக்கு வர முடிகின்ற Werewolf. அவன் தான் லுசியன். விக்டர் அந்த பெண் Werewolfஐ கொன்று விட்டு லுசியனை அடிமையாக வளர்கிறான். அவனை Werewolfஆக மாற விடாமல் பார்த்து கொள்கிறான்.இதற்கிடையே விக்டர் மகள் Sonja லுசியன் மேல் காதல் கொல்கிறாள். ஒருநாள் அவளை Werwolfகளிடமிருந்து காப்பாற்ற லுசியன் Werewolfஆக மாறுகிறான். இதனால் விக்டர் அவனை ஜெயிலில் அடைத்து விடுகிறான். அங்கிருந்து மற்ற லைகன்களையும் காப்பற்றி தப்பிக்கும் லுசியன் விக்டருக்கு எதிராக போராட ஆரம்பிக்கிறான். லுசியன் மற்றும் தன் மகள் Sonja காதல் பற்றி அறியும் விக்டர் , Sonja வை லுசியன் கண் எதிரே சூரியஒளியை பட விட்டு கொல்கிறான்.

இதனை காணும் லுசியன் sonja கழுத்தில் இருக்கும் சங்கிலியை(அதாவது இரண்டாவது சாவி) எடுத்து கொண்டு அங்கிருந்து தப்பிக்கிறான். இதிலிருந்து லைகன்கள் மற்றும் வாம்பயர்கள் இடையே போர் ஆரம்பிக்கிறது. மூன்றாம் பாகத்தின் ட்ரைலர் கீழே..

முதல் மூன்று பாகங்கள் ஆக்சன் ரசிகர்கள் மற்றும் பரபர சினிமா ரசிகர்கள் கண்டிப்பாக பார்க்க வேண்டியவை. பெரும்பாலான கதையை நானே சொல்லிவிட்டதால் படம் சுவராசியமாக இருக்காது என நினைக்காதீர்கள். நானே ஏதோ டிராகுலா படம் போல என பார்க்காமல் இருந்து பின் என் நண்பன் ஒருவன் நன்றாக இருக்கும் என்றதால் முழு மூன்று பாகங்களின் கதையை கேட்ட பின்னரே பார்க்க ஆரம்பித்தேன். என்னதான் கதையை கேட்டாலும் படங்களின் முடிச்சுகள் சுவராசியமாக அவிழ்கப்படுகின்றன. படத்தை பார்க்காத ஆக்சன் ரசிகர்கள் கண்டிப்பாக பார்க்கவும்.

நான்காம் பாகம் கதையை வேண்டுமென்றே இன்னும் இழுப்பதால் சுவராசியமாக இல்லை. ஆனால் ஆக்சன் காட்சிகள் நிறையவே உண்டு. தற்போது நான்காம் பாகம் டோரண்டில் நல்ல பிரிண்ட் டவுன்லோட் செய்ய கிடைப்பதால் அதனையும் பார்த்து விடுங்கள்
தமிழில் பின்னூட்டம்(Comment) எழுத இங்கே http://www.google.com/transliterate/tamil செல்லவும்

அண்டர்வேர்ல்ட் - Underworld Movie Series - 2

2012-03-05T03:00:00.000+05:30

முதல் பாகத்தில் கதை 21 ஆம் நூற்றாண்டில் இருந்து ஆரம்பிக்கிறது. லைகன்களின் தலைவன் லுசியன்(Lucian) 15ஆம் நூற்றாண்டில் லைகன்களுக்கும், வாம்பயர்களுக்கும் நடந்த போரில் கொல்லபட்டதாலும், போரில் வென்ற வாம்பயர்கள் எஞ்சியிருக்கும் லைகன்களையும் அழிக்க ஆரம்பிக்கின்றனர்.படத்தின் நாயகி செலின்(Selene) ஒரு வாம்பயர். லைகன்களை(Lycans) எதிராக அவர்களை அழிக்க உருவான Death Dealers குருப்பில் இருப்பவள். லைகன்களை தேடி பிடித்து அழிப்பவள்.தனது குடும்பத்தை லைகன்கள்(Lycans) கொன்றதால் அவர்கள் மேல் பழிவாங்கும் கோவத்தோடு இருக்கிறாள். கண்ணில் படும் லைகன்களை அழிக்கிறாள்.

லைகன்கள் சிலர் மைக்கேல் என்ற ஒருவனை பின் தொடர்ந்து செல்வதை பார்க்கிறாள். ஒரு சாதாரண மனிதனை ஏன் லைகன்கள் பின் தொடர்கின்றனர் என சந்தேகம் கொள்கிறாள். லைகன்கள் மைக்கேலிடமிருந்து சோதனைக்கு ரத்தத்தை எடுக்க முயல்வதை அறிந்து அவர்களை தடுத்து அவனை காப்பாற்றுகிறாள். ஆனால் 15ஆம் நூற்றாண்டில் இறந்ததாக சொல்லப்பட்ட லுசியன்(Lucian) உயிரோடு இருப்பதை அறிகிறாள். லுசியன்(Lucian) மைக்கேலை கடித்து விடுவதால் மைக்கேல் லைகனாக மாற ஆரம்பிக்கிறான். மைக்கேலும் , செலினும் காதல் கொள்கின்றனர்.

லைகன்கள் பலர் உயிரோடு இருப்பதை Death Dealersல் உள்ள வாம்பயர்கள் யாரும் நம்ப மறுப்பதால் செலின் தூக்கத்தில் இருக்கும் இரண்டாவது வாம்பயரான விக்டரை எழுப்புகிறாள். விக்டரே செலினை வளர்த்தவன் மற்றும் செலின் பெற்றோர் சாவிற்கு காரணம் லைகன்கள் என செலினுக்கு கூறியவனும் விக்டரே. லைகன்கள் மைக்கேலை பிடித்து கொண்டு சென்று விடுகின்றனர். லைகன்கள் கூட்டத்தில் இருக்கும் Singe என்னும் சயன்டிஸ்ட் செலின் பிடித்து வந்து விக்டரிடம் ஒப்படைக்கிறாள். அவனிடமிருந்து பல உண்மைகள் தெரிய வருகிறது. மைக்கேல் Alexander Corvinusனின் மூன்று மகன்களில் வில்லியம்,மார்கஸ் தவிர சாதாரண மனிதனாக இருந்த மற்றொரு மகனின் வம்சா வழியை சார்ந்தவன் எனவும் அவன் மூலம் எடுக்கப்படும் தூய ரத்தம் மூலம் லைகன்களை மேலும் சக்தி வாய்ந்த லைகன்களாக மாற்ற முயல்வதாக கூறுகிறான்.இதை கேட்கும் விக்டர் Singeஐ கொன்று விட்டு மைக்கேல் உட்பட அனைத்து லைகன்களையும் செலினிடம் அழிக்க சொல்கிறான்.

அங்கே லைகன்களிடம் மாட்டிக்கொண்டுள்ள மைக்கேல் லுசியன்(Lucian) மூலம் பல உண்மைகளை அறிகிறான். லைகன்கள் மற்றும் வாம்பயர்கள் இடையே போரை ஆரம்பித்தது வாம்பயர்களே என்றும் முக்கியமாக விக்டரே என்றும் , தன் மகள் sonja லைகன் லுசியனை விரும்பியதால் அவளை லுசியன் கண் முன்னால் கொல்கிறான். இதனாலே லைகன்கள் மற்றும் வாம்பயர்கள் இடையே போர் உருவாகிறது எனவும் அறிந்து கொல்கிறான்.இதற்கிடையே லைகன்களை அழிக்க வரும் செலினும் உண்மையை அறிந்து கொள்கிறாள். மேலும் தன் பெற்றோரை கொன்றது லைகன்கள் அல்ல விக்டரே எனவும் தெரிந்து கொள்கிறாள்.

வாம்பயர்களுக்கும் , லைகன்களுக்கும் இடையே நடக்கும் சண்டையில் லுசியன் கொல்லபடுகிறான். சாகும் முன் செலினை மைக்கேலை கடித்து அவனை வாம்பயர் மற்றும் லைகன் சக்தி கொண்டவனாக மாற்ற சொல்லி விட்டு சாகிறான். அதன் படி செலின் மைக்கேலை கடித்து அவனை சக்தி வாய்ந்த hybridஆக மாற்றுகிறாள். அங்கே வரும் விக்டர் மைக்கேலை கொல்ல பார்க்கிறான். இறுதியில் செலின் விக்டரை கொன்று விடுகிறாள். இதற்கிடையே விக்டரால் கொல்லப்பட்ட லைகன் Singe சயன்டிஸ்ட் ரத்தம் மூலம் தூங்கி கொண்டிருந்த மார்கஸ் முழிக்கிறான். லைகன் ரத்தத்தினால் அவன் சக்தி வாய்ந்த வாம்பயர் hybridஆக மாறி இருக்கிறான். இதோடு முதல் பாகம் முடிகிறது.முதல் பாகத்தின் ட்ரைலர் கீழே

தொடர்ந்து படிக்க பதிவின் அடுத்த பாகத்திற்கு செல்ல கீழே உள்ள சுட்டியை கிளிக் செய்க
அண்டர்வேர்ல்ட் - Underworld Movie Series - 3

அண்டர்வேர்ல்ட் - Underworld Movie Series - 1

2012-03-05T02:59:00.001+05:30

Priest என்ற மொக்கை வாம்பயர் படத்தை பார்த்து விட்டு அந்த வெறுப்பில் எனக்கு பிடித்த அண்டர்வேர்ல்ட் படத்தின் மூன்று பாகங்களை பற்றிய இந்த பதிவை எழுத ஆரம்பித்தேன். பின் ஆர்வம் இல்லாமல் Draft இல் போட்டு விட்டேன். தற்போது தான் அண்டர்வேர்ல்ட் படத்தின் நான்காம் பாகம் பார்க்க நேர்ந்தது. மேலும் தற்போது வரும் புதிய ஹாலிவுட் படங்களை பற்றி பல பதிவர்களும் எழுதி விடுவதால் இந்த பதிவை தூசு தட்டி விட்ட இடத்தில் இருந்து முதல் மூன்று பாகங்களை பற்றி மூன்று பதிவுகளாக ஒரே மூச்சில் எழுதி விட்டேன்.

மூன்று பாகங்களை பற்றி பார்க்க போகும் முன் படத்தின் முக்கியமான நான்கு கதாபாத்திரங்களை பற்றி பார்த்து விடுவோம். சாதாரண மனிதன்,வாம்பயர்(Vampire - இரத்தகாடேரிகள்),Werewolf(மனித ஓநாய்) மற்றும் லைகன்(Lycans – ஓநாய் மனிதன்).சாதாரண மனிதனை பற்றி சொல்ல தேவையில்லை.

இதில் வாம்பயர்கள் என்பவர்கள் இரத்தத்தை உறிஞ்சுபவை.பார்க்க மனித வடிவில் இருப்பவை. இரத்தத்தை உறிஞ்ச இரண்டு கொடூர பற்கள் இருக்கும். இயற்கை மரணம் கிடையாது. இரவில் மட்டுமே வெளியில் உலவுபவர்கள்.சூரியஒளி பட்டால் இறந்து விடுவார்கள். இந்த வாம்பயர்கள் சாதாரண மனிதனை கடித்தால் வைரஸ் பரவி அவர்களும் வாம்பயர்களாக மாறி விடுவார்கள்.

அடுத்து Werewolf(மனித ஓநாய்) , சாதாரண மனிதனிலிருந்து Werewolf ஆக மாறியவர்கள். பார்க்க ஓநாய் போல இருப்பவர்கள்.இவர்களால் மீண்டும் மனித உருவுக்கு வர முடியாது. இவர்களுக்கும் இயற்கை மரணம் கிடையாது. வெள்ளியால் செய்த குண்டு மற்றும் வாள் போன்றவற்றால் இவர்களை கொல்ல முடியும். இந்த Werewolf சாதாரண மனிதனை கடித்தால் வைரஸ் பரவி அவர்களும் Werewolf ஆக மாறி விடுவார்கள்.

அடுத்து லைகன்(Lycans – ஓநாய் மனிதர்கள்), இவர்கள் Werewolfலிருந்து உருவானவர்கள். Werewolf இன் அனைத்து குணங்களும் இவர்களுக்கும் பொருந்தும். ஆனால் இவர்களால் நினைத்த நேரம் மனித உருவும், ஓநாய் உருவும் எடுக்க முடியும்.

டிராகுலா மற்றும் ஆக்சன் பட பிரியர்களுக்கு விருந்தளிக்க கூடியவை Underworld பட வரிசைகள். Underworld Awakening இது Underworld பட வரிசையில் தற்போது வந்துள்ள நான்காம் பாகம். முதல் மூன்று பாகங்களும் ஆக்சன் பட ரசிகர்களுக்கு தீனி போட்டவை. நீங்கள் Vanhelsing போன்ற படங்களை ரசிப்பவர்களாக இருந்தால் இந்த பட வரிசைகள் நீங்கள் கண்டிப்பாக பார்க்க வேண்டியவை. முதல் மூன்று பாகங்களும் ஒன்றுகொன்று சார்ந்த கதையமைப்பை கொண்டவை. மேலும் மற்ற வாம்பயர், Werewolf புராதன கதைகளை போல் சிலுவையை வைத்து கொல்லுவது,மாந்திரீகம் இல்லாமல் zombie கதையை போல் வைரஸ் ,சயின்ஸ் மூலமே சொல்ல பட்டிருக்கும். நான்காம் பாகம் முதல் மூன்று பாகங்களின் வசூல் வெற்றிக்கு பின் மீண்டும் வசூலை பார்க்க எடுக்கப்பட்ட படம். முதல் மூன்று படங்கள் சுவராசியமாகவும் ஆக்சன் கலந்து எடுக்கப்பட்டிருக்கும். இதுவரை வந்துள்ள பாகங்கள்

Underworld
Underworld: Evolution
Underworld: Rise Of The Lycans
Underworld: Awakening

வாம்பயர்கள்(Vampires) அதாவது டிராகுலா மற்றும் லைகன்கள்(Lycans) அதாவது ஓநாய் மனிதர்கள் இவைகளுக்கிடையே நடக்கும் மோதல்கள் தான் இப்படங்களின் மையக்கதை. படத்தின் முதல் இரு பாகங்களும் தொடர்ச்சியானவை. அதாவது இரண்டாம் பாகம் முதல் பாகத்தின் தொடர்ச்சி. ஆனால் மூன்றாம் பாகம் முதல் இரண்டு பாகங்களின் Prequel. அதாவது முதல் இரண்டு பாகங்களுக்கு முன்னர் நடந்த கதையை விவரிக்கும். மூன்றாம் பாகம் தான் எப்படி வாம்பயர்களுக்கும், லைகன்களுக்கும் மோதல்கள் துவங்கின என காட்டுகிறது.
மூலக்கதை ஆரம்பிப்பது 5ஆம் நூற்றாண்டு. 5ஆம் நூற்றாண்டில் ஒரு கிராமத்தில் புது வைரஸ் மூலம் நோய் பரவி அனைவரும் இறக்கின்றாகள். அதில் Alexander Corvinus என்னும் போர்படைத்தலைவன் ஒருவன் மட்டும் தப்பிக்கிறான். வைரஸ் அவன் உடலில் வேறுமாதிரியான பாதிப்பை ஏற்படுத்துகிறது. இறப்பதற்கு பதிலாக வைரஸ் மூலம் அவனது உடல் சாதாரண மனிதனை போல் இல்லாமல் சாகாத தன்மையை பெறுகிறது.

அவனுக்கு மூன்று குழந்தைகள் பிறக்கின்றன. அதில் இரண்டு குழந்தைகள் அவனை போல் சாகாத தன்மையை பெற்று இருக்கின்றன. ஒரு குழந்தை சாதாரண மனிதனை போல் இருக்கிறது.சாகாத தன்மையை பெற்ற இருவரில் ஒருவனான மார்கஸ் என்பவனை வவ்வால் கடிக்கிறது. அதனால் முதல் வாம்பயர் ஆக உருவாகிறான்.

மற்றொருவன் வில்லியம், அவனை ஓநாய் கடிக்கிறது. அதனால் முதல் Werewolf என்னும் ஓநாய் மனிதனாக ஆக மாறுகிறான். கவனிக்க லைகன்(Lycan) அல்ல. லைகன்களுக்கும்(Lycans) ஓநாய் மனிதர்களுக்கும், Werewolf   ஓநாய் மனிதர்களுக்கும் வித்தியாசம் உள்ளது. Werewolf ஆக மாறிவிட்டால் மீண்டும் மனிதனாக மாற முடியாது. ஆனால் Lycans நினைத்த நேரம் ஓநாயாகவும் பின் மீண்டும் மனித வடிவம் எடுக்க முடியும். இதில் வில்லியம் மாறுவது Werewolfஆக.

வில்லியம் Werewolf ஆக மாறியதால் கட்டுப்படுத்த முடியாத ஓநாய் மனிதனாக மாறி அனைவரையும் கடிக்கிறான். இவனால் கட்டுப்படுத்த முடியாத பல Werewolf உருவாகின்றன. இவனை கட்டுப்படுத்த மார்கஸ் சாககிடக்கும் விக்டர் (இரண்டாவது வாம்பயர் ) என்னும் போர்படைத்தலைவனிடம் அவனை கடித்து வாம்பயர் ஆக மாற்றி ஒரு ஒப்பந்தம் செய்கிறான். அது அவனின் படையை வாம்பயர்களாக மாற்றி வில்லியமை பிடிப்பது. விக்டர் (இரண்டாவது வாம்பயர் ) அமிலியா என்பவளை கடித்து மூன்றாவது வாம்பயர் உருவாக்குகிறான். இந்த மூன்று வாம்பயர்கள் கடிப்பதன் மூலமே வாம்பயர்களாக கொண்ட Death Dealers என்ற படை உருவாக்கபடுகிறது. இப்படையின் வேலை வில்லியமை பிடிப்பது மற்றும் அவனால் Werewolf   ஆக மாறியவர்களை கொல்வது.பின்னர் மூவரும் சேர்ந்து வாம்பயர்கள் ஆட்சி அமைகிறார்கள். இந்த மூவரில் ஒருவர் ஆட்சி புரியும் போது மீதி இருவர் தூக்கத்தில் இருக்க வேண்டும். ஒருவர் தூக்கத்துக்கு போகும் போது மற்றொருவரை எழுப்பி ஆட்சியை ஒப்படைத்து விட்டு தூக்கத்துக்கு செல்ல வேண்டும். அவ்வபோது மூவரும் எழுவர்.

மார்கஸ் , விக்டர் மற்றும் அமிலியா என்ற முதல் மூன்று வாம்பயர்களும் , அவர்களின் Death Dealers வாம்பயர்கள் படையும் 13ஆம் நூற்றாண்டில் வில்லியம் இருக்கும் இடத்தை தெரிந்து கொள்கிறார்கள். மார்கஸ் வில்லியமை ஒன்று செய்ய கூடாது என விக்டரை கேட்டு கொள்கிறான். ஆனால் வில்லியமை பிடிக்கும் விக்டர் அவனை கட்டுப்படுத்த முடியாது அதனால் வாம்பயர் இனம் அழிந்து விடும் எனக் கூறி அவனை தப்பிக்க முடியாத சிறையில் அடைத்து அதன் இரண்டு சாவிகளில் ஒன்றை தன் நெஞ்சினிலும் மற்றொன்றை தன் மகள் Sonja கழுத்தில் சங்கிலியாக போடுகிறான். Death Dealers படை விக்டர் வசம் இருப்பதால் மார்கஸால் ஒன்றும் செய்ய முடியவில்லை.

மேலே சொல்லப்பட்டது வாம்பயர்கள் மற்றும் Werewolf   உருவாகும் படத்தின் மூலக்கதை நடப்பது 5 நூற்றாண்டிலிருந்து 13 ஆம் நூற்றாண்டு வரை. இக்கதை நடக்கும் காலம் வரை லைகன்கள்(Lycans) கிடையாது. இதன் பின்னரே 13 ஆம் நூற்றாண்டில் முதல் லைகன்(Lycan) லுசியன்(Lucian) உருவாகிறான். லைகன்கள்(Lycans) எப்படி உருவானார்கள் என்பதை மூன்றாம் பாகம் விவரிக்கிறது. இப்போது முதல் பாகத்திற்கு செல்வோம்.
தொடர்ந்து படிக்க பதிவின் அடுத்த பாகத்திற்கு செல்ல கீழே உள்ள சுட்டியை கிளிக் செய்க
அண்டர்வேர்ல்ட் - Underworld Movie Series - 2
தமிழில் பின்னூட்டம்(Comment) எழுத இங்கே http://www.google.com/transliterate/tamil செல்லவும்

புஸ் இன் பூட்ஸ் - Puss In Boots [2011]

2012-02-12T16:53:00.000+05:30

Shrek அனிமேஷன் பட வரிசைகளை பார்த்தவர்களுக்கு Shrek 2 இல் அறிமுகமான Puss in boots பூனையை ரசிக்காமல் இருந்திருக்க முடியாது. தொப்பியை கழட்டி கையில் வைத்து கொண்டு பாவமாய் பார்க்குமே ஒரு பார்வை அதற்காகவே பலரால் ரசிக்க பட்டது. Puss in boots பூனையை கதாநாயகனாக கொண்ட படம் தான் இது. இக்கதை Puss in boots பூனை Shrek குழுவினரை இரண்டாம் பாகத்தில் சந்திப்பதற்கு முன் நடப்பதாக காட்டபடுகிறது.

சட்டத்தால் தேடப்படும் திருடனாக சுற்றி திரியும் Puss , Jack மற்றும் Jill என்ற திருட்டு தம்பகளிடம் மேஜிக் பீன்ஸ் இருப்பதை கேள்விபட்டு அதை அவர்களிடமிருந்து திருட செல்கிறது. அங்கே அதை திருட மற்றொரு பூனையும் வருகிறது. இதனால் Puss திருடுவது தடை பட, காரணமான அந்த பூனையை விரட்டி செல்கிறது Puss. அப்போது நடக்கும் விரட்டலும், அதன் பின் puss மற்றும் அந்த பூனைக்கும் இடையே நடக்கும் Dance Fight நம்மை சிரித்து ரசிக்க வைக்கின்றன.

சண்டையின் முடிவில் அது பெண் பூனை எனவும் அதன் பெயர் Kitty Softpaw எனவும் தெரிந்து கொள்கிறது. மேலும் தான் திருடனாக தேட படுவதற்கு காரணமான Humpty Dumpty என்ற பழைய முட்டை நண்பனால் அனுப்பி வைக்க பட்ட பூனை என அறிந்து கோபப்படுகிறது. ஆனால் Humpty Dumpty , மேஜிக் பீன்ஸ்களை திருடி அதன் மூலம் தங்க வாத்து முட்டைகளை அடைய தனக்கு உதவினால் , Puss பெற்ற கெட்ட பெயரை நீக்கி திருடன் இல்லை என நிருபிக்க உதவுவதாக கூறுகிறது.

இதற்க்கு ஒத்து கொள்ளும் Puss தான் உதவுவதாக கூறுகிறது. பின் மூவரும் சேர்ந்து முதல் படியாக Jack மற்றும் Jill திருட்டு தம்பகளிடம் இருந்து மேஜிக் பீன்ஸ்களை திருட செல்கின்றனர். அவர்களிடமிருந்து திருடிய பின் அதனை விதைத்து வளரும் மரத்தின் மூலம் தங்க வாத்து முட்டைகளை திருட செல்கின்றனர். தங்க வாத்து முட்டைகளை திருடினார்களா? Puss தனது திருடன் என்ற கெட்ட பெயரை துடைத்ததா? என்பதே மீதி படம்.

Pussக்கு Puss in Boots என எப்படி பெயர் வந்தது என Puss மற்றும் Humpty Dumpty யின் பிளாஷ்பேக் காட்சியில் காட்டப்படுகிறது. ஒரு பெண்ணை ஒரு காளையிடம் இருந்து காப்பாற்றுவதால் Pussக்கு பூட்ஸ்கள் பரிசாக கிடைகிறது. அதிலிருந்து Puss in Boots என பெயர் வருகிறது. படத்தில் Pussஇன் தோரணைகளும் , காமெடிகளும் ரசிக்க வைக்கின்றன. Puss மற்றும் Kitty Softpaw மோதும் dance fight முக்கியமான ஒன்று. கீழே உள்ள வீடியோவில் துரத்தலும் அதன் பின் நடக்கும் dance fight.

என்னால் படத்தை 3Dயில் திரையில் பார்க்க முடியவில்லை, பார்த்திருந்தால் இன்னும் நன்றாக இருந்திருக்கும் என நினைக்கிறன். Dreamworks அனிமேஷன் நிறுவனத்திற்க்கு Shrek பட வரிசைகள் எப்போதுமே வெற்றியை தந்தவை. அதனுடன் இதுவும் சேர்ந்து கொண்டது.. kungfu panda மற்றும் Puss in boots படங்களின் தொடர்ச்சியான வெற்றிக்கு பின் pixar உடன் சரிநிகர் போட்டி போடும் நிறுவனமாக உள்ளது. படத்தின் நல்ல பிரிண்ட் டோரெண்டில் தற்போது கிடப்பதால் படத்தை தவறவிடாதீர்கள். படத்தின் ட்ரைலர் கீழே

விபரீத கோரிக்கை (Black Mirror - TV series -The National Anthem)

2012-01-31T09:22:00.000+05:30

Black Mirror என்ற மூன்று பாகங்களை கொண்ட மினி டிவி சீரீஸ் Channel 4 என்ற பிரிட்டிஷ் சேனலில் ஒளிபரப்பானது. மூன்று பாகங்களும் வெவ்வேறு கதைகளை கொண்ட இந்த மினி டிவி சீரீஸின் முதல் கதையைபற்றி தான் இந்த பதிவு.

The National Anthem என்ற முதல் கதை சற்றே மாறுபட்ட கடத்தல் கதை. நாட்டின் பிரதமருக்கு அதிகாலை ஒரு போன் கால் வருகிறது. நாட்டின் இளவரசி கடத்தப்பட்டதாகவும் , கடத்தியவன் அனுப்பிய கோரிக்கை வீடியோவை பார்க்க அழைப்பு வருகிறது. கடத்தியவன் அனுப்பிய கோரிக்கை வீடியோவை சக அதிகாரிகளுடன் பார்க்கிறார்.
அதில் இளவரசியை கடத்தியவன் இன்று மாலை 4 மணிக்கு பிரதமர் அவனது கோரிக்கையை நிறைவேற்ற வேண்டும் என்றும் தவறினால் இளவரசி கொல்லபடுவாள் என கூறுகிறான். அவனது கோரிக்கையை கேட்கும் அனைவரும் திடுகிடுகின்றனர் முக்கியமாக.பிரதமர்.

கோரிக்கை இது தான் மாலை 4 மணிக்கு பிரதமர் நாட்டின் தொலைகாட்சியில் நேரடி ஒளிபரப்பாக ஒரு பன்றியுடன் உறவு கொள்ள வேண்டும். இதை கேட்ட பிரதமர் கொதிப்படைகிறார். 4 மணிக்குள் கடத்தல்காரனை பிடிக்க உத்தரவிடுகிறார். மேலும் இந்த விஷயம் மீடியா மற்றும் மக்கள் யாருக்கும் தெரியக்கூடாது என கூறுகிறார்.

ஆனால் அந்த வீடியோ youtubeல் தான் ஏற்றப்பட்டது என்றும் , அதை 9 நிமிடங்களில் நீக்கி விட்டாலும் பலர் டவுன்லோட் செய்து பகிர்ந்து விட்டதாலும் பலருக்கு தெரிந்து விட்டது என அதிகாரிகள் கூறுகின்றனர். ஆனால் மீடியாவை மட்டும் இந்த செய்தியை ஒளிபரப்பாமல் தடுத்து விட்டதாக கூறுகின்றனர்.

ஆனால் விஷயம் வெளிநாட்டு மீடியாகளால் ஒளிபரப்பட்டு விடுவதால் உள்ளூர் மீடியா அனைத்தும் செய்தியை ஒளிபரப்பி விடுகின்றன. இதனால் நாட்டில் உள்ள அனைவருக்கும் தெரிந்து விடுகிறது. அனைவரும் பிரதமர் என்ன செய்ய போகிறார் என எதிர்பார்க்க ஆரம்பித்து விடுகின்றனர். அனைத்து மீடியா சேனல்களிலும் இந்த செய்தியே பேச படுகிறது.

இதற்கிடையே பிரதமரின் ஆணைப்படி கடத்தல்காரனை 4 மணிக்குள் பிடிக்க முயற்சி நடக்கிறது. அவன் youtubeல் ஏற்றிய வீடியோவை வைத்து பிடிக்க முயலுகின்றனர். ஆனால் தோல்வியில் முடிகின்றது.
மேலும் வேறொரு பலான பட நடிகனை வைத்து பன்றியோடு உறவு கொள்ள வைத்து அதை கிராபிக்ஸ் மூலம் பிரதமரின் முகமாக மாற்றி ஒளிபரப்ப ஏற்பாடு நடக்கிறது. இதை தெரிந்து கொண்ட கடத்தல்காரன் இளவரசியின் விரலை வெட்டி அனுப்பி அதனுடன் வெட்டிய வீடியோவையும் அனுப்பி என்னை ஏமாற்ற முடியாது , பிரதமர் நேரடியாக பன்றியோடு உறவு வைத்தே ஆக வேண்டும் என்கிறான்.

நேரம் செல்ல செல்ல பிரதமரின் டென்ஷன் அதிகரிக்கிறது. தான் தற்கொலை செய்து கொண்டாலும் , பன்றியோடு உறவு கொள்ள முடியாது என எதை செய்தாலும் இளவரசி கொல்லபடுவாள். மக்களும் இளவரசியை காப்பாற்ற பிரதமர் இதை செய்தே ஆக வேண்டும் என மீடியாக்களின் வாக்கெடுப்பில் கூறுகின்றனர். கடைசிவரை கடத்தல்காரனை பிடிக்கவும் முடியவில்லை. இதனால் பன்றியோடு உறவு கொள்ள பிரதமர் தயாராகிறார்.

இதை நேரடியாக ஒளிபரப்ப மீடியாவும் ரெடி ஆகின்றன. இந்த ஒளிபரப்பை யாரும் பதிவு(Record) செய்ய கூடாது மீறினால் அது அரச குற்றம் என்ற அறிவிப்புடன் ஒளிபரப்பு தொடங்குகிறது. ஆனால் அனைவரும் record செய்ய ஆரம்பிக்கின்றனர். பிரதமர் பன்றி முன் 4 மணிக்கு கொண்டு வந்து நிறுத்தப்படுகிறார். ஆனால் இளவரசி 3.30 மணிக்கே கடத்தல்காரனால் விடுவிக்கபடுகிறாள். நடுரோட்டில் விழுந்து கிடக்கிறாள்.ஆனால் அதை கவனிக்க ரோட்டில் யாருமில்லை. அனைவரும் இந்த ஒளிபரப்பையே பார்ப்பதால் யாரும் கவனிக்க வில்லை.

இதற்கு பின் நடந்தது? . பிரதமரின் நிலை என்ன? ஏன் கடத்தல்காரன் இளவரசியை கடத்தினான்? ஏன் 3.30 மணிக்கே விடுவித்தான் என்பதை சொன்னால் சுவாரசியம் போய்விடும். நீங்களே பார்த்து கொள்ளுங்கள். இந்த டிவி சீரீஸ் டோரன்டில் டவுன்லோட் செய்ய கிடைக்கிறது.
மேலும் விபரங்களுக்கு http://www.imdb.com/title/tt2085059/

Mission: Impossible - Ghost Protocol - பேய் வரைமுறை (2011)

2011-12-18T02:27:00.004+05:30

Mission Impossible ஸ்பை(Spy) பட வரிசையில் நாலாவது பாகம். Mission Impossible படங்களின் பிரதான நோக்கம் Action ஆக்ஸன். Action பட பிரியர்களுக்கு அனைத்துமே விருந்தளிக்க கூடியவை. நாலாவது பாகமும் இவ்வகையில் நம்மை ஏமாற்ற வில்லை. படத்தின் கதை என்னமோ ஏவுகணையை தடுப்பது தான். ஆனால் பரபரப்பான ஆச்ஸனில் இறுதிவரை படத்தை ஆர்வமாக பார்க்க வைத்து விடுகிறார்கள்.

ரஷ்ய சிறையில் இருக்கும் படத்தின் கதாநாயகனான Ethan Huntஐ (டாம் க்ரூஸ்) சிறையிலிருந்து Carter(மேலே படத்தில் இருக்கும் அழகி) மற்றும் Dunn(மூன்றாம் நபர்) இருவரும் மீட்பதில் இருந்து Mission ஆரம்பிக்கிறது. பின் மூவரும் சேர்ந்து Cobalt என்னும் அடையாள பெயருடைய வில்லனை யார் என கண்டுபிடிக்கும் முயற்சியில் இறங்குகிறார்கள். அதன் ஒரு கட்டமாக ரஷ்யாவில் உள்ள Kremlin என்னும் இடத்தில் உள்ள Cobalt பற்றிய கோப்புகளை திருட செல்கிறார்கள் . கோப்புகளை திருடும் போது அங்கே இடையே Cobalt புகுந்து அவர்களை ரஷ்யர்களுக்கு காட்டி கொடுத்து விடுகிறான். மேலும் அந்த இடத்தை குண்டு வைத்து தகர்த்து அதற்கு காரணம் டாம் க்ரூஸ் கூட்டணியே என நம்ப வைத்து விடுகிறான்.

இதனால் ரஷ்ய அமெரிக்கா இடையே அறிவிக்கப்படாத போர் ஆரம்பமாகிறது. வில்லனோ அமெரிக்காவிற்கு எதிராக ரஷ்ய ஏவுகணையை ஏவ முயற்சியில் இறங்குகிறான். டாம் க்ரூஸ் கூட்டணி வில்லனை பிடிக்க Ghost Protocol Missionக்கு தள்ளபடுகிறார்கள். அதாவது அமெரிக்கவிடமிருந்து எவ்வித உதவியும் கிடைக்காது. அவர்கள் எங்கே மாட்டினாலும் அமெரிக்கா உதவிக்கு வராது. அவர்களாவே வில்லனை தடுக்க வேண்டும். இதற்கிடையே ரஷ்ய போலீஸ் இவர்களை தேடுகிறது. இவர்களோடு Brandt என்னும்(படத்தில் நாலாவது) அதிகாரியும் சேர்ந்து கொள்கிறான். அனைத்தையும் சமாளித்து டாம் க்ரூஸ் நால்வர் கூட்டணி கடைசி வினாடியில் ஏவுகணையை தடுத்து வெற்றி பெறுவதே மீதி படம் ஆக்ஸனோடு…

படத்தில் 15 நிமிடங்கள் நமது அனில் கபூர் வருகிறார். ஆனால் காமெடியன் மாதிரி காட்டப்படுகிறார். இதற்கு ஏன் அவர் என்னை பட விளம்பரத்தில் காட்ட வில்லை என பில்டப் கொடுத்தார் என தெரியவில்லை. படத்தின் கிளைமாக்ஸ் மும்பையில் நடக்கிறது. மற்றொரு முக்கியமான விஷயம் வில்லன் ஏவுகணையை சன் நெட்வொர்க் அலுவலகம் மூலமாக ஏவுகிறான். படத்தில் நமது சன் மியூசிக் , K டிவி எல்லாம் வருகிறது. சன் நெட்வொர்க் தனது விளம்பரத்தை ஹாலிவுட் படம் வரை கொண்டு வந்து விட்டது.

படம் முழுக்க பரபரப்பான காட்சிகளுக்கு குறைவில்லை. ரஷ்ய கட்டிடத்தில் கோப்புகளை திருடும் கட்டம் காமெடி கலந்த பரபரப்பாக உள்ளது. mission impossible 2 படத்தில் ஆரம்பித்த உயரமான இடத்தில் ஏறுவது போன்ற காட்சிகள் இப்படத்திலும் தொடர்கிறது . துபாயில் உலகிலே உயரமான பல மாடிகள் உள்ள கட்டிடத்தில் டாம் க்ரூஸ் ஏறுகிறார். இது போல் செய்ய முடியுமா என நினைக்க தோன்றினாலும் படமாக்கிய விதம் பரபரப்பான ஆக்சன் ரசிக்க வைக்கிறது. துபாயில் மணல் புயலோடு நடக்கும் கார் துரத்தலும் குறிப்பிடத்தக்க ஒன்று. மொத்தத்தில் ஆக்சன் பட பிரியர்களுக்கு அட்டகாசமான படம்.

துபாயில் உலகிலே உயரமான கட்டிடத்தில் படமாக்கிய விதம்

படத்தின் ட்ரைலர்

Cars 2 3D - கார்ஸ் இரண்டாம் பாகம்

2011-06-25T02:22:00.002+05:30

போன வருடம் ஜுன் மாதம் வெளியாகி ஆகி வசூலில் சக்கை போடு போட்ட Toy Story மூன்றாம் பாகத்திற்கு பிறகு இந்த வருடம் அதே ஜுன் மாதம் கார்ஸ் படத்தின் இரண்டாம் பாகத்தை பிக்ஸ்சர் வெளியிட்டுள்ளது. பிக்ஸ்சர் படம் என்றாலே கொண்டாட்டம் தான். Toy Story 3 யின் வெற்றி அடுத்த பிக்ஸ்சர் படம் எப்போது வரும் என அனைவரையும் நினைக்க வைத்தது. அடுத்த படம் Cars 2 என அறிந்த போது ஆவல் அதிகரித்தது. மேலும் இது toy stroy க்கு அடுத்து இரண்டாம் பாகம் வரும் படம்.

மனிதர்கள், மிருகங்கள் மற்றும் பொம்மைகள் அல்லாமல் முழுவதும் கார்களை வைத்து அவைகளுக்கு என கண்,வாய், தனித்தன்மை மற்றும் கார்கள் மட்டும் கொண்ட தனி உலகம் கொடுத்து 2006ல் வந்த முதல் பாகம் அனைவராலும் கவரப்பட்டு , பாராட்டப்பட்டு வெற்றி பெற்றது. Toy Story படங்களை போல் மிக பெரிய வெற்றி பெற விட்டாலும் இரண்டாம் பாகம் எடுக்குமளவிற்கு முதல் பாகத்தில் வந்த கார் கதாபாத்திரங்கள் புகழ் பெற்றன.

முதல் பாகத்தில் அதிவேக ரேஸ் காரான Lightning McQueen தனது கர்வத்தை அழித்து உண்மையான நண்பர்களை Radiator Springs என்னும் கார் கிராமத்தில் கண்டு கொள்கிறது. இந்த பாகத்தில் தனது நண்பனான truck Mater உடன் சேர்ந்து world grand prix அதி வேக கார் பட்டதை வெல்ல செல்கிறது. இப்படம் வெளியானதிலிருந்து பல எதிர்மறையான விமர்சனங்களையே பெற்றுள்ளது.

பிக்ஸ்சரின் முதல் மொக்கை படம், imdb, rotten tomatos போன்ற தளங்களில் இதுவரை எந்த பிக்ஸ்சர் படமும் பெறாத குறைந்த ரேங்க் என பல எதிர்மறையான விமர்சனங்கள். என்னடா பிக்ஸ்சரா இப்படி என படத்திற்கு சென்றால் , பிக்ஸ்சரின் முந்தைய படமான Toy Story 3 யின் மகத்தான வெற்றியும் , Toy Story யின் தொடர் பாகங்கள் அனைத்துக்கும் கிடைத்த வெற்றியும், அதனால் இந்த படத்திற்கு கிடைத்த எதிர்பார்ப்புமே மேற்சொன்ன எதிர்மறையான விமர்சனங்களுக்கு காரணம் மற்றபடி படம் மொக்கை என்பதில் உண்மையில்லை.

பிக்ஸ்சரின் முந்தைய படங்களை போலவே இப்படமும் கடைசிவரை ரசிக்கவே வைத்தது. இனி கதைக்கு வருவோம். முதல் பாகத்தில் Lightning McQueen காருக்கு நண்பனான truck Mater காரே இப்படத்தின் கதாநாயகன். ஆயில் கம்பெனி ஒன்று தனது புதிய ஆயிலை அறிமுகபடுத்தும் விதமாக world grand prix என்னும் ஜப்பான்,இத்தாலி,லண்டன் என மூன்று சுற்றுகள் கொண்ட போட்டியை நடத்துகிறது. இப்போட்டிக்கு Lightning McQueen தனது நண்பனான truck Mater உடன் சேர்ந்து செல்கிறது.

அங்கே Lightning McQueen போட்டியாக இத்தாலியை சேர்ந்த காரும் வருகிறது. இந்த இரண்டில் ஒன்றே வெற்றி பெறும் என எதிர்பார்க்க படுகிறது. ஆயில் கம்பெனியின் புதிய ஆயிலை ஆபத்தானது என காட்டி அதை தடுக்க ஒரு கூட்டம் முயல்கிறது. இதற்க்காக ரேசில் கலந்து கொள்ளும் கார்களை வெடிக்க செய்கின்றன. இந்த கூட்டத்தை தடுக்க ஜேம்ஸ்பாண்டு போல பிரிட்டிஷ் உளவாளி காரும் , அதன் துணை உளவாளி காரும் வருகின்றன . எதிர்பாராத விதமாக truck Materஐ அமெரிக்க உளவாளி என தப்பாக கருதி அதையும் சேர்த்து கொண்டு வில்லன் கும்பலை தடுக்க முயல்கின்றன.

Lightning McQueen ஜப்பான்,இத்தாலி,லண்டன் மூன்று சுற்றிலும் கலந்து world grand prix சாம்பியன் பட்டம் வென்றதா, truck Materரும் , மற்ற உளவாளிகளும் சேர்ந்து வில்லன் கும்பல் திட்டங்களை எப்படி முறியடித்தார்கள்… என்பது ரசிக்கும் விதத்தில் செல்கிறது. படத்தின் முதல் காட்சிலேயே பிரிட்டிஷ் உளவாளியாக வரும் கார் பட்டையை கிளப்புகிறது. ஜேம்ஸ்பாண்டு படங்களில் ஆரம்பத்தில் வருமே ஒரு சண்டை காட்சி அது போல் அதிரடியாக கலக்குகிறது.

அடுத்து படத்தில் காமெடியாக கலக்குவது truck Mater. ஆரம்பத்தில் இருந்து ரசிக்க வைக்கிறது. truck Mater பாத்ரும் செல்லும் காட்சி அனைவரையும் ரசிக்க வைக்கும்.ஜப்பான், இத்தாலி ரேஸ் காட்சிகள் அருமையாக உள்ளன. ஜப்பானில் கார் நடன காட்சி, கார்களின் சுமோ சண்டை ,பாரிசில் தெருவில் இருக்கும் புறாக்களுக்கு பதிலாக சிறிய விமானங்கள் போன்ற பல சிறிய ரசிக்க வைக்கும் காட்சிகள். குங்ஃபூ பாண்டா 2 படத்தை விட இப்படமே எனக்கு பிடித்தது. ஆனால் toy story 3 என்ற முந்தைய பிரமாண்டமான வெற்றியின் முன் இப்படம் நிற்க முடியாது.

இன்ட்லி,தமிழ்மணம் மற்றும் தமிழ்10ல் ஓட்டு போட மறவாதீர் நண்பர்களே....
படத்தின் ட்ரைலர்

Kung Fu Panda 2 (2011) – குங்ஃபூ பாண்டா

2011-06-01T02:45:00.002+05:30

சிறந்த அனிமேஷன் Sequel பட வரிசைகள் என பிக்ஸ்ரின்(Pixar) Toy Story படங்களை சொல்லலாம். அடுத்தடுத்து வரும் பாகங்கள் முன் பாகத்தை தூக்கி சாப்பிட்டு விடும். Toy Story படத்திற்கு அடுத்த பாகம் இல்லை என வந்த அறிவிப்பு பெரும் சோகம் எனலாம். பிக்ஸருக்கு அடுத்த அனிமேஷன் ஜாம்பவான் என ட்ரிம்வொர்க்ஸ்(Dreamworks) நிறுவனத்தை சொல்லாம். இவர்கள் வெளியிட்ட Shrek பட வரிசைகள் இவர்களுக்கு நல்ல பெயரை பெற்று தந்தவை.

ட்ரிம்வொர்க்ஸ் 2008 இல் வெளியிட்ட Kung Fu Panda முதல் பாகத்தில் குங்ஃபூ மாஸ்டர் ஆக ஆசைப்பட்டு குங்ஃபூ கற்றுக்கொள்ள விரும்பும் காமெடி பாண்டா எதிர்பாராத விதமாக டிராகன் வாரியர் என்னும் குங்பூ மாஸ்டர் பதவியை பெற்று எதிரியான பயங்கர சிறுத்தையிடமிருந்து ஊரை காப்பாற்றும். 2008ல் வெளியான இப்படம் ஜாக்கி சானின் பழைய படங்களை நமக்கு நினைவுக்கு கொண்டு வரும். படத்தில் ஜாக்கிசான் ஒரு குங்ஃபூ குரங்குக்கு குரல் கொடுத்தும் இருக்கிறார்.

மேலே வீடியோவில் பாண்டா vs சிறுத்தை உள்ள கிளைமாக்ஸ் காட்சியும் , Furious Five என்னும் குரங்கு,பெண்புலி,வெட்டுக்கிளி,பாம்பு,கொக்கு கூட்டணி ஒரு தொங்கு பாலத்தில் சிறுத்தையோடு மோதும் காட்சிகள் நம்மை மிகவும் ரசிக்க வைக்கும். இதோடு பாண்டாவின் காமெடி என முதல் பாகத்தில் அசத்துவார்கள்.

இப்படிப்பட்ட படத்தின் இரண்டாம் பாகம் அதுவும் 3Dயில். இரண்டாம் பாக எதிர்பார்ப்பை படத்தில் பூர்த்தி செய்தார்களா என பார்ப்போம். முதல் பாகத்தில் சிறுத்தையை வென்ற பாண்டா. இரண்டாம் பாகத்தில் பீரங்கி தயாரித்து ஊரை அழிக்க விழையும் மயிலையும் , அதன் கூட்டாளிகளான ஓநாய்களையும் எதிர்கொள்கிறது. முதல் பாகத்தை போலவே காமெடி காட்சிகளும், ஆக்சன் காட்சிகளும் உள்ளன. குறிப்பாக inner peace என்னும் கலையை பாண்டாவின் குரு பாண்டவுக்கு கூறும் காட்சிகளும் அதனை தொடர்ந்து வரும் காட்சிகளும் ரசிக்க வைக்கின்றன.

பாண்டாவின் சீரியஸான காமெடி காட்சிகள் பல நம்மை படத்தை நம்மை கடைசி வரை ரசித்து பார்க்க வைக்கிறது. ஆனால் முதல் பாகத்தில் உள்ள ஆக்சன் அனிமேஷன் விருந்துகள் இப்படத்தில் குறைவே. மேலும் இரண்டாம் பாக கிளைமாக்ஸ் முதல் பாக கிளைமாக்ஸ் போல் மிக ரசிப்பதாக இல்லை. முதல் பாக வில்லன் சிறுத்தையை பாண்டா எப்படி வெல்ல போகிறது என இருந்த எதிர்பார்ப்பு இப்படத்தில் இல்லை.

பிக்ஸர் படங்களில் கதாநாயகன் பாத்திரம் போல் கதையில் வரும் அனைத்து பாத்திரங்களும் மனதில் பச் என ஒட்டிக்கொள்ளும். பாண்டவில் பாண்டா மட்டுமே நம்மை பெரிதாக கவருகிறது.ரசிக்கும் படியான இரண்டாம் பாகத்தை கொடுத்திருந்தாலும் முதல் பாகத்தில் கிடைத்த நிறைவு இப்படத்தில் இல்லை

Priest (2011) பிரிஸ்ட்

2011-05-15T06:30:00.002+05:30

இரத்தக்காட்டேரிகள் அதாங்க Vampires படங்களுக்கு Zombies படங்கள் போலவே தனி ரசிகர் பட்டாளமே ஹாலிவுட்டில் உண்டு. இரத்தக்காட்டேரிகள் பட ரசிகர்களுக்கு சரியான தீனி கொடுத்த படமென்றால் Underworld பட மூன்று பாகங்களை சொல்லலாம். முதல் இரண்டு பாகங்கள் தொடர்ச்சியாக(sequel) வருபவை. ஆனால் மூன்றாம் பாகம் முதல் இரண்டு பாகங்களுக்கு(Prequel) முந்தைய கதையை தாங்கி வரும். முதல் பாகத்தில் நாம் நினைபவற்றை அப்படியே தலைகீழாக புரட்டி போடும். உதாரணமாக முதல் பாகத்தில் வில்லன்களாக இருப்பவர்கள் கதாநாயகர்களாக இருப்பர். மூன்று பாகங்களும் ரசிகர்களுக்கு சரியான ஆக்ஸ்ன் தீனி போட்டவை.

இப்போது Priest படத்திற்கு வரலாம். Underworld படத்தை போல இருக்குமென எண்ணி ட்ரைலரை பார்த்து விட்டு சென்றேன். Priests என்பவர்கள் இரத்தக்காட்டேரிகளுக்கும் , மனிதர்களுக்கும் நடக்கும் போரில் இரத்தக்காட்டேரிகளை அழிக்க சர்ச்சில் உள்ள பெரிய தலைகளால் உருவாக்கப்பட்டவர்கள். மேலும் சர்ச் எது சொன்னாலும் கட்டுபடுபவர்கள். நடந்த முடிந்த போரில் இரத்தக்காட்டேரிகள் Priests ஆல் அழிக்கபடுகின்றன.

நம்ம கதாநாயகர் Priestsகளில் ஒருவர். எஞ்சிஇருக்கும் மனித இனம் சர்ச் ஆளுகைக்கு கீழ்படிந்து வாழ்ந்து வருகிறார்கள். நம்ம கதாநாயகரின் சகோதரனின் மகளை சில இரத்தக்காட்டேரிகள் கடத்தி கொண்டு செல்ல , மேலும் சகோதரனையும், அவரது மனைவியும் கொன்று விடுகின்றன. இதனை சகோதரனின் மகளின் காதலன் மூலமாக அறியும் கதாநாயகர் சகோதரனின் மகளை காப்பாற்ற செல்ல சர்ச்சிடம் அனுமதி கேட்கிறார்.
அவர்கள் இரத்தக்காட்டேரிகளே இல்லை அவை முழுவதுமாக அழிந்து விட்டன என அனுமதி தர மறுக்கவே அவர்களை எதிர்த்து சகோதரனின் மகளை மீட்க பைக்கில் 250 மைல் வேகத்தில் செல்கிறார். அட என நிமிர்ந்து உட்கார்ந்தால் படம் 0 மைல் வேகத்தில் செல்ல ஆரம்பிக்கிறது.

கதாநாயகருக்கு பில்டப் மட்டும் கொடுக்கிறார்கள் அதற்கான ஆக்சன் காட்சிகள் ஒன்றை கூட காணோம். இதில் கதாநாயகர் துப்பாக்கி பயன்படுத்த மாட்டாராம். சரி கத்தியை கொண்டு கலக்குவார் என பார்த்தால் இரத்தக்காட்டேரி பறக்கிறது இவரும் பறக்கிறார், ஆனால் இரத்தக்காட்டேரி மட்டும் செத்து விழுகிறது என்ன என்று பார்த்தால் இவரது கத்தியில் ரத்தம் இருக்கிறது , கதாநாயகர் திருமலை விஜய் போல் உக்காந்து போஸ் கொடுக்கிறார்.

இதில் சகோதரனின் மனைவி அவரது முன்னாள் காதலி மற்றும் , சகோதரனின் மகள் அவரது மகள் என திருப்பங்கள் வேறு. தூக்கம் வருவதை தவிர்க்க முடியவில்லை. சரி கிளைமாக்சில் கலக்குவார்கள் என எதிர்பார்த்தால் இரத்தக்காட்டேரிகளை தாங்கி செல்லும் ரயிலை இவர் 250 மைல் வேகத்தில் சென்று ஏறி கேப்டன் பிரபாகரன் விஜயகாந்த் ஸ்டைலில் ரயில் மீது ஓடி ரயில் வெடிக்கும் நேரத்தில் மகளோடு ரயிலில் இருந்து தவ்வி படத்தை முடிக்கிறார். அப்படா என நாமும் பாய்ந்து தாவி ஓட வேண்டியதாக இருக்கிறது.

அப்பறம் தான் கடைசியில் கதாநாயகர் சொல்கிறார் இனி தான் ஆரம்பம் என.. இப்ப தான் படம் ஆரம்பிக்குதாம் இரண்டாம் பாகத்தில்(அப்படி ஒன்று வந்தால்) நல்லா இருக்குமோ?… 3D யில் பார்த்தால் படம் நல்லா இருக்குமோ?…..

Rio - பறக்காத பறவை

2011-04-13T23:02:00.006+05:30

அனிமேஷன் ஜாம்பவான் பிக்ஸ்சர்(Pixar)க்கு போட்டியாக இருக்கும் அனிமேஷன் ஸ்டுடியோகளில் ஒன்று 20th Century Fox இன் ப்ளூ ஸ்கை(Blue Sky) ஸ்டுடியோ. Ice Age மூன்று பாகங்களையும் உருவாக்கியவர்கள். Ice age படத்தின் மூன்றாம் பாகம் சமீபத்தில் வந்து வசூலை அள்ளியது. Ice Age தவிர Robots, Hoton Hears a Who என்ற இரு அனிமேஷன் படங்களை தந்துள்ளார்கள். ஆனால் Ice Age படங்களே இவர்களுக்கு நல்ல பெயரை தந்தது. Rio இவர்களின் ஆறாவது படம். Ice Age படங்களுக்கு அடுத்து மற்றொரு வெற்றி படத்தை தந்துள்ளார்கள்.

நீல நிற கிளிவகையை சார்ந்த படத்தின் கதாநாயகனான Blu பறக்க தெரியாத சிறுவயதில் பிரேசிலில் உள்ள Rio நகருக்கு அருகில் உள்ள காட்டில் இருந்து பறவை கடத்துபவர்களால் பிடிக்கப்பட்டு அமெரிக்காவிற்கு கொண்டு செல்ல படுகிறது. அங்கே தவறுதலாக வண்டியில் இருந்து கீழே விழுந்து Linda என்னும் குட்டிப்பெண் எடுத்து வளர்கிறாள்.வருடங்கள் பல ஆகிறது. Lindaவுடன் சேர்ந்து Blu கிளியும் பறக்க தெரியாமலே வளர்கிறது.இருவரும் இணைபிரியா நண்பர்களாக உள்ளனர்.

Tulio என்ற பறவைகள் ஆராய்ச்சி செய்பவன் Lindaவை காண வருகிறான்.Blu கிளி வகைகள் அழிந்து விட்டதாகவும் , உலகிலேயே மீதி இரண்டு தான் உள்ளன எனவும்,ஒன்று ஆண் கிளியான Blu, மற்றொன்று பெண் கிளியான Jewel தன்னிடம் பிரேசிலில் உள்ள Rioவில் உள்ளதாக கூறுகிறான்.இவை இரண்டையும் குலவ விட்டு இதன் வகைகள் அழியாமல் காக்க முடியும் என கூறுகிறான்.அதற்கு தன்னுடன் Bluவும்,Lindaவையும் Rioவிற்கு அழைக்கிறான்.

Lindaவும் சம்மதித்து Bluவுடன் Rioவிற்கு செல்கிறாள்.அங்கே Bluவும்,Jewel பெண்கிளியும் பறவைகளை கடத்தி விற்கும் கும்பலால் கடத்தப்பட்டு விட அவைகளை தேட ஆரம்பிக்கின்றனர் Lindaவும், Tulioவும். பறவைகளை கடத்தி விற்கும் கும்பலில் இருந்து காலில் கட்டப்பட்ட சங்கலியோடு தப்பிக்கும் Bluவும்,Jewelலும்,Bluவுக்கு பறக்க தெரியாததால்,பறக்க முடியாமல் வேறு சில பறவைகளின் உதவி கொண்டு காலில் கட்டப்பட்ட சங்கலியை அவிழ்க்க படாதபாடு படுகின்றன.

Bluவும்,Jewelலும் சங்கலியை எப்படி அறுத்தன , பின் இரு கிளிகளும் எப்படி காதலில் விழுகின்றன , இவை இரண்டையும் தேடி கொண்டிருக்கும் கும்பலில் இருந்து எப்படி தப்பித்தன,Blu எப்படி பறக்க ஆரம்பிக்கிறது என்பது மீதி படத்தில் சுவராசியமாக நகைசுவையோடு செல்கிறது.

Bluவும்,Jewelலும் முதன் முதலில் சந்திக்கும் காட்சிகளும், திருட்டு குரங்கு கூட்டமும், Blu மற்றும் Jewel வுடன் கடைசிவரை வரும் மூன்று பறவைகளும் ரசிக்க வைக்கின்றன. பறவைகளை கடத்தி விற்கும் கும்பலில் இருக்கும் வில்லன் பறவையும் மறக்க முடியாத ஒன்று. அனிமேஷன் ரசிகர்கள் தவற விட கூடாத படம். படத்தின் முதலில் வரும் பறவைகள் அனைத்தும் சேர்ந்து போடும் ஆடலும் பாடலுமே போதும் கொடுத்த டிக்கெட் காசுக்கு.இந்த கோடையில் சிறுவர்களுக்கு அருமையான படம். படத்தின் முதல் இரு நிமிடங்களை கீழே பாருங்கள்

படத்தின் ட்ரைலர்

அன்புடன்,
லக்கி லிமட்

Chicken Run (2000)– கோழிகளின் எஸ்கேப்

2011-03-22T02:11:00.004+05:30

ஏற்கனவே Aardman Animations தயாரித்த Wallace & Gromit in The Curse of the Were-Rabbit என்ற Stop Motion Animation படத்தை பற்றி பதிவிட்டுள்ளேன். இதுவும் Aardman Animations தயாரித்த Stop Motion Animation படம் தான். ஒரு கோழிபண்ணையில் உள்ள கோழிகளையும், கொடுமைக்கார எஜமானியையும் மையமாக கொண்ட கதை.

Mr ,Mrs Tweedy என்ற கணவன்,மனைவி இருவர் கோழிபண்ணையை நடத்தி வருகிறார்கள். இதில் Mrs Tweedy மிகவும் கொடுமைகாரியாக இருக்கிறாள். முட்டை சரியாக இடாத அல்லது இடும் முட்டை எண்ணிக்கை குறையும் கோழியை கொடுமையான முறையில் கொல்கிறாள்.இதனால் பண்ணையில் உள்ள கோழிகள் மரணபயத்திலேயே இருக்கின்றன.Ginger என்ற புத்திசாலி கோழி மட்டும் அங்கிருந்து தப்பிக்க முயற்சி செய்து கொண்டே இருக்கிறது. ஆனால் Mr Tweedy மற்றும் நாய்களால் ஒவ்வொரு முறையும் பிடிக்கப்பட்டு தண்டனையாக சில நாட்கள் தனியாக அடைக்கப்படுகிறது.

ஆனால் முயற்சியை கைவிடாமல் தப்பிக்க திட்டம் போட்டு கொண்டே இருக்கிறது. Nick ,Fetcher என்ற இரு எலிகள் Ginger கேட்கும் தப்பிக்க உதவும் பொருள்களை தருகின்றன. கோழிபண்ணையை சுற்றி இருக்கும் வேலியை கடக்க பல திட்டங்கள் போடும் Ginger அவை எல்லாம் தோல்வி அடையவே வேலியை வேறு முறையில் அதாவது பறந்து தாண்டி சென்று கடக்கும் திட்டத்தை போடுகிறது. பறக்க இயலாத காரணத்தால் கவண் வில் போல் ஒன்றை தயாரித்து அதன் மூலம் தங்களை ஏறிய செய்து வேலியை தாண்டி தப்பிக்கலாம் என திட்டம் போடுகிறது. அதற்காக Nick ,Fetcher உதவியை கேட்கிறது. எலிகள் அதற்க்கு பதிலாக முட்டைகளை கேட்கின்றன.

இதற்கிடையே கோழி முட்டை வியாபாரத்தால் சரியாக லாபம் கிடைக்காததால் Mrs Tweedy கோழிகளின் இறைச்சியை வைத்து தயாரிக்கபடும் கேக் வியாபாரத்தில் ஈடுபட முடிவெடுக்கிறாள். அதற்காக கேக் செய்யும் எந்திரத்தை வரவழைக்கிறாள். கோழிகள் அதிக இறைச்சியை கொடுக்க அதிக தீனி கொடுக்கிறாள். ஏதோ விபரீதம் வரபோவதை உணர்ந்த Ginger என்ன செய்ய என தெரியாமல் கவலைபடுகிறது. அப்போது வானத்தில் இருந்து பறந்து வந்து பண்ணையில் விழும் Rocky சேவலுக்கு உதவி புரிகிறது. Rocky சேவலால் பறக்க முடியும் என நம்பும் Ginger அதனை மற்ற கோழிகளுக்கு பறக்க கற்று தர சொல்லுகிறது.

ஆனால் உண்மையில் சர்க்கஸில் பிரங்கி மூலம் சுடப்பட்டு அதனால் பறந்து வந்த சேவலே Rocky. Rocky சேவலும் பறக்க கற்று தருவது போல் நடிக்கிறது. கோழிகளின் இறைச்சியை வைத்து தயாரிக்கபடும் எந்திரத்தை சோதனை செய்ய நினைக்கும் Mr , Mrs Tweedy Gingerரை பிடித்து எந்திரத்தில் போடுகிறார்கள். ஆனால் Rocky சேவல் Gingerரை காப்பாற்றுகிறது. இதற்கிடையே Rocky பற்றிய உண்மை தெரியவர Rocky பண்ணையை விட்டு வெளியேறுகிறது.

விரைவில் தாங்கள் அனைவரும் கொல்லபடுவோம் என்பதை உணர்ந்த Ginger அங்கே கோழிபண்ணையில் இருக்கும் மற்றொரு வயதான சேவலை கொண்டு பறக்கும் எந்திரத்தை தயாரித்து தப்ப முடிவெடுத்து பறக்கும் எந்திரம் தயாரிக்கும் வேலையில் ஈடுபடுகின்றன. அனைத்தும் பண்ணையில் இருந்து தப்பித்தனவா என்பதே மீதி படம்.

Stop motion படமாக இருந்தாலும் மிகவும் ரசிக்க வைக்கிறது . படத்தின் ஆரம்ப காட்சிகளான Ginger தப்பிக்க போடும் திட்டங்களும் , தப்பிக்கும் போது ஒவ்வொரு முறையும் மாட்டி கொண்டு தனியாக அடைக்கப்படும் காட்சிகளும் நம்மை மிகவும் சிரித்து ரசிக்க வைக்கின்றன. முடிவு நாம் அறிந்ததே என்றாலும் அதுவரை நம்மை ரசித்து படத்தை பார்க்க வைக்கிறார்கள் . Animation பட ரசிகர்கள் தவற விட கூடாத படம். படம் டோர்ரெண்டில் டவுன்லோட் செய்ய கிடைக்கிறது . அவசியம் உங்கள் கருத்துகளை பகிர்ந்து கொள்ளுங்கள்.

படத்தின் ட்ரைலர்

அன்புடன், லக்கி லிமட்

Battle: Los Angeles - வேற்றுகிரகவாசிகளுடன் போர்

2011-03-13T05:05:00.006+05:30

வேற்றுகிரகவாசிகள் பூமிக்கு வருவது அவர்களை எதிர்த்து போராடுவது என பல ஆங்கில படங்கள் வந்துள்ளன. வசூலை அள்ளிய Independence Day படத்தை அனைவருக்கும் நினைவிருக்கும். வேற்றுகிரகவாசிகளின் ஒரு பெரிய பறக்கும் தட்டு நியூயார்க் சிட்டியின் மேல் சூரியனை மறைத்து நிற்கும்.இதே போல் பல உலகின் பல நாடுகளின் மேலும் நின்று உலகத்தை அழிக்கும். இதை ஒட்டிய கதை தான் இந்த படமும்.ஆனால் இதில் நியூயார்க் பதில் லாஸ் ஏஞ்சல்ஸ்.

உலகின் பல நாடுகளின் நகரங்களை வேற்றுகிரகவாசிகள் ஆக்கிரமிக்கிறார்கள். அவற்றில் ஒன்று லாஸ் ஏஞ்சல்ஸ்.Independence Day படத்தில் இறுதியில் வேற்றுகிரகவாசிகளின் பறக்கும் தட்டுகளை வெற்றிகொண்டு உலகை காப்பாற்றுவார்கள். இப்படம் வேற்றுகிரகவாசிகளை விரட்டி, உலகை காப்பாற்றி சுபம் போடும் படம் இல்லை. லாஸ் ஏஞ்சல்ஸில் ஒரு சிறு படைகுழு வேற்றுகிரகவாசிகளுடன் போரிடுவதை சொல்லியிருக்கிறார்கள்.

மற்ற ஏலியன் படங்கள் போல் இல்லாமல் இரு நாடுகளுக்கு இடையே நடக்கும் போர் போல் படம் எடுக்கப்பட்டுள்ளது. எதிரி நாட்டுக்கு வீரர்களுக்கு பதில் வேற்றுகிரகவாசிகள். கதை இது தான். லாஸ் ஏஞ்சல்ஸ் நகரை ஆக்கிரமிக்கிறார்கள். அவர்கள் அதிகம் ஆக்கிரமித்த ஒரு பகுதியை அணுகுண்டு போட்டு அழிக்க முடிவெடுக்கபடுகிறது. அதற்க்கு முன் அப்பகுதியில் போலீஸ் ஸ்டேஷனில் உள்ள தப்பித்த மக்களை காப்பாற்றி அழைத்து வர சிறு படைகுழு செல்கிறது.

அங்கே வேற்றுகிரகவாசிகள் அவர்களை சூழ்கின்றன. அவைகளிடம் போரிட்டு கொண்டே போலீஸ் ஸ்டேஷனில் தப்பித்து மறைந்திருக்கும் மூன்று குழந்தைகள் மற்றும் இருவருடன் திரும்புகிறார்கள்.இடையே அவைகளின் தகவல் பரிமாற உதவும் கலனை கண்டுபிடித்து அதை அழித்தால் அதனை சார்ந்த அனைத்து வேற்றுகிரகவாசிகளின் கலன்களும் அழிவதை கண்டுபிடிகிறார்கள்.இறுதியில் ஒரு படைத்தளத்தை அடைந்து மீண்டும் போருக்கு கிளம்புகிறார்கள்.

போர் பற்றிய படங்கள் விரும்பி பார்ப்பவர்கள் இப்படத்திற்கு செல்லலாம். Independence Day படம் போல் நினைத்து செல்ல வேண்டாம். படம் முழுக்க வேற்றுகிரகவாசிகளை நோக்கி சுட்டு கொண்டே இருக்கிறார்கள்,அவைகளும் சுடுகின்றன,கைக்குண்டு எறிகிறார்கள், குழுவில் சிலர் இறக்கிறார்கள்,ஒருவர் உயிர் தியாகம் செய்கிறார் என அனைத்து போர் படங்களிலும் உள்ள காட்சிகள் உள்ளன. கண்டிப்பாக இது ஒரு போர் அடிக்கும் படம் பார்த்த திருப்தியை கொடுக்கும்.போர் படம் பிடிக்காதவர்களுக்கு அங்கே அவர்கள் வேற்றுகிரகவாசிகளுடன் போராட நீங்கள் தியேட்டரில் தூக்கத்தோடு போராட வேண்டியதிருக்கும்.

படத்தின் ட்ரைலர்

லக்கி லிமட்

The Next Three Days - மனைவிக்காக....

2011-02-27T02:23:00.014+05:30

கிளாடியேட்டர் , ராபின் ஹூட் படங்களில் நடித்த ரஸ்ஸல் குரோவை ஹாலிவுட் படம் பார்ப்பவர்கள் அனைவரும் அறிவர்.ரஸ்ஸல் குரோவ் நடித்து 2010ல் வெளியான படம் The Next Three Days. ஒரு சாதாரண காலேஜ் புரபசரான கொலை குற்றம் சுமத்தப்பட்ட தனது மனைவியை காப்பாற்ற எவ்வளவு தூரம் துணிகர செயல்களில் இறங்குகிறார் என்பதே கதை.

தனது செல்ல குழந்தை , அன்பு மனைவி மற்றும் அமைதி என வாழ்ந்து வரும் ரஸ்ஸல் குரோ வாழ்க்கையில் புயல் வீசுகிறது. ரஸ்ஸல் குரோவின் மனைவி அவரது அலுவலக பாஸை கொலை செய்ததாக குற்றம் சுமத்தப்பட்டு ஜெயிலில் அடைக்கப்படுகிறார். கொலை நடந்த இடத்தில் கிடைத்த கைரேகைகளும், அவர் ஆடையில் உள்ள ரத்த கரைகளும் அவரை வஞ்சிகிறது. சில வருடங்கள் ரஸ்ஸல் குரோ தனது மனைவியை காப்பாற்ற வக்கீலுடன் போராடுகிறார். இறுதியில் அனைத்தும் கைவிடவே ஜெயிலிருந்து மனைவியை தப்பிக்க வைக்கும் துணிகர முயற்சியில் இறங்குகிறார்.

முதற்க்கட்டமாக ஏழு முறை ஜெயிலில் இருந்து தப்பித்த Damon Pennington(நம்ம Taken கதாநாயகர்) என்பவனை சந்திக்கிறார். அவன் ஜெயிலில் இருந்து தப்பிப்பது எளிது ஆனால் தப்பித்த பின் மீண்டும் பிடிபடாமல் வாழ்வது கடினம் என்கிறான். மேலும் அவனிடமிருந்து சில முக்கியமான தகவல்களை பெறுகிறார்.அவை

ஜெயிலில் இருந்து யாரவது தப்பினால் 15 நிமிடங்களில் சிட்டியில் அருகாமையில் உள்ள அனைத்து சாலைகளும் எச்சரிக்கப்பட்டு விடும்.

35 நிமிடங்களில் அனைத்து ரயில்,பஸ் மற்றும் விமான நிலையங்களும் போட்டோகளோடு எச்சரிக்கப்பட்டு விடும்.

மேலும் தப்பி செல்ல போலி பாஸ்போர்ட் மற்றும் நிறைய பணம்.

இவைகளை கேட்ட ரஸ்ஸல் குரோ மனைவிக்கே சொல்லாமல் செயலில் இறங்குகிறார். முதலில் படாதபாடு பட்டு மூவருக்கும் பாஸ்போர்ட் பெறுகிறார். பின் பணத்துக்காக வீட்டையும், பொருள்களையும் விற்கிறார்.போக போக பணம் கரையவே போதை பொருள் தயாரிக்கும் கும்பலிடமிருந்து பணத்தை கொள்ளையடிக்கிறார். அடுத்த விடயம் ஜெயிலில் இருந்து மனைவியை கடத்துவது.

பல கோணங்களில் ஆராயும் ரஸ்ஸல் குரோ இறுதியில் ஜெயிலில் இருந்து தப்பிக்க வழியை கண்டுபிடிக்கிறார்.பொறுமையாக செயல்படுத்த நினைக்கும் ரஸ்ஸல் குரோவுக்கு அவரது மனைவியை மூன்று நாட்களில் ஜெயிலில் இருந்து வேறு ஜெயிலுக்கு மாற்ற போகிறார்கள் என்னும் செய்தி இடியை இறக்குகிறது.

மூன்றே நாட்களில் திட்டத்தை செயல் படுத்த வேண்டிய நிலை.அவசரமாக செயலில் குதிக்கிறார். இறுதியில் மனைவியை ஜெயிலில் இருந்து வெளியேற்றும் நாள் வருகிறது, ஆனால் தப்பிக்கும் நேரத்தில் போலிஸ் அறிந்து கொள்கிறது.அப்போது போலீசிடமிருந்து தப்பிக்கிறார்கள். ஆனால் அடுத்து இருக்கும் சோதனை 15 நிமிடங்களில் அருகாமையில் உள்ள சாலைகளையும் , 35 நிமிடங்களில் விமான நிலையம் சென்று தப்பிக்க வேண்டும்.

முதல் 15 நிமிட சோதனையை வெற்றிகரமாக கடக்க , அடுத்த 35 நிமிடங்களில் அவர்களுக்கு சோதனை வருகிறது. இதற்கிடையே போலீஸ் முழு வீச்சாக இவர்களை தேடுகிறது . வெற்றிகரமாக தப்பித்து சென்றார்களா என்பதை படத்தில் பாருங்கள்.அமைதியாக ஆரம்பிக்கும் படம் பின் விறுவிறுப்பாக செல்கிறது. ரஸ்ஸல் குரோ போலி பாஸ்போர்ட் மற்றும் பணம் ஆகியற்றை பெற செய்யும் முயற்சிகள் ரசிக்கும் படி இருக்கிறது. கிளைமாக்ஸ் காட்சிகள் விறுவிறுப்பாக செல்கின்றன. கண்டிப்பாக ரசித்து பார்க்கலாம்.

டவுன்லோட் செய்ய
http://extratorrent.com/search/?search=the+next+three+days&new=1&x=0&y=0

அன்புடன்,
லக்கி லிமட்
இன்ட்லி மற்றும் தமிழ்10ல் ஓட்டு போட மறவாதீர் நண்பர்களே....