LUDOVICKMEDIA

WIMBO WA NOELI

2020-01-04T13:10:00.001+03:00

UNGANENI NASI

MAKOMBOLA YA KUTOSHA (official Gospel Video-HD)

2018-04-03T07:14:00.001+03:00

NITAKUPENDA MILELE(official Gospel Video-HD)

2018-02-11T03:23:00.001+03:00

Maaskofu watoa ujumbe wa Kwaresima 201

2018-02-11T03:22:00.001+03:00

MAASKOFU 35 wanaounda Baraza la Maaskofu Katoliki Tanzania wametoa ujumbe wa Kwaresima kwa 2018, huku wakiwataka waamini wakatoliki wote kuuitikia ujumbe huo kwa moyo wa toba, mageuzi na kushiriki kwa kujitoa zaidi katika uinjilishaji wa nchi kama mwanga na chumvi ya ulimwengu wa Tanzania.

Katika ujumbe huo unaoongozwa na kaulimbiu “Basi enendeni, mkawafanye mataifa yote kuwa wanafunzi wangu: Mt.28:19” wamesema kuwa Kwaresima huwaalika wakristo kutumia muda huo kufunga, kufanya toba na kufanya matendo ya huruma kwa wote wenye mahitaji huku wakijitafakari kuhusu uhalisia wa hali yao ya kuwa ni wenye dhambi mbele ya Mungu, ili waweze kufanya toba ya kweli na yenye mageuzi na wongofu katika maisha.

“Hivyo basi, ili kuhakisha kuwa tuna pata majibu ya kweli na yenye kuleta mabadiliko katika nafsi zetu na mahusiano na mashirikiano katika jamii yetu, ujumbe huu wa Kwaresima una lengo la kuwahimiza, kuwahamasisha na hata kuwadai waumini Wakatoliki wote kuuitikia kwa moyo wa toba, mageuzi na kushiriki kwa kujitoa zaidi katika uinjilishaji wa nchi yetu kama mwanga na chumvi ya ulimwengu wa Tanzania” wameeleza.

Upekee wa kwaresima ya 2018

Aidha maaskofu wamesema kuwa kwaresima ya mwaka huu ni kipindi chenye upekee wa aina yake kwa sababu kuu tatu ikiwa nii katika mwaka huu Kanisa Katoliki Tanzania linaadhimisha na kusherehekea miaka 150 ya Ukatoliki Tanzania Bara, na kilele chake kitakuwa Oktoba 7 Mwaka huu, pia utakuwa ni mwaka wa 50 tangu Baraza la Maaskofu Katoliki Tanzania watoe tamko rasmi kuhusu mwelekeo na hatima ya nchi. Pia mwaka huu ni mwaka wa maandalizi ya utekelezaji wa haki ya msingi ya kidemokrasia ya raia wote ya kuchagua viongozi wa serikali za mitaa, vijiji na vitongoji hapo mwakani 2019

Uminyaji wa demokrasia na uhuru wa vyombo vya habari

Hata hivyo, maaskofu wamesema kuwa shughuli za siasa bado zinaendelea kuzuiwa kwa kutumia vyombo vya dola. Wamesema kuwa shughuli za kiuenezi za vyama vya siasa, kama vile mikutano ya hadhara, maandamano, makongamano, mijadala na hata mikutano ya ndani, ambayo ni haki ya kila raia, zimekoma mpaka uchaguzi mwingine. Kisheria, huu ni uvunjifu wa Katiba na Sheria za nchi.

“Vile vile baadhi ya vyombo vya habari vimefungiwa au kusimamishwa kwa muda, na hivyo kupunguza uwigo wa uhuru wa wananchi wa kupata habari, maoni na wa kujieleza. Kufungiwa huku kwa vyombo vya habari kumeenda sambaba na kuminya uhuru wa mahakama na bunge kwa njia ya kuminya haki wabunge na kutowapa nafasi ya mikutano ya hadhara kama haki yao ya msingi ya Kikatiba” wameongeza.

MATUMIZI YA ULIMI (Official Gospel Video -HD)

2018-02-11T03:18:00.001+03:00

MAPADRI HESHIMUNI SADAKA ZA WAAMINI

2018-01-12T10:12:00.001+03:00

PAROKO wa Parokia ya Bikira Maria wa Mlima Kalmeli jimboni Morogoro Padri Vivian Menezes, amewaasa mapadri nchini kushika njia ya utakatifu na kuthamini masakramenti ya Kanisa ikiwa ni pamoja na kuadhimisha misa takatifu ili kuokoa waamini wenye kiu ya kukutana na Mwenyezi Mungu.

Padri Menezes amesema kuwa kazi kubwa ambayo amepewa padri na Mwenyezi Mungu ni kuokoa roho za watu kupitia kiti cha maungamo, hivyo mapadri wana jukumu la kuwasaidia na kuwahudumia waamini kiroho, kwa furaha hata kama wapo katika hali ya uchovu, ili waweze kupata tuzo mbinguni mara baada ya kutekeleza vyema wajibu wao ndani ya Kanisa kupitia waamini wao.

Padri Menezes amesema hayo katika mahojiano maalum na gazeti hili, kufuatia kumbukumbu yake ya kutimiza miaka 15 ya upadri, akielezea furaha yake katika safari hiyo ndefu ya utume.

Amesema kuwa maisha ya padri bila kuzingatia muda wa sala hawezi kufurahia wito wake, kiasi kwamba inakuwa rahisi kupotea katika vishawishi vya dunia, mojawapo ikiwa ni kukata tamaa mapema kwa changamoto zinazoweza kujitokeza, daima mapadri humaliza changamoto zao kwa sala pekee.

Padri Menezes ameeleza kuwa mapadri wanaalikwa kuishi maisha ya ufukara na usafi kamili hasa kuepuka kutumia pesa za waamini nje ya matarajio kwa kufanya maendeleo binafsi ambayo yanaleta kasoro katika utumishi na viapo vyao.

Kazi mojawapo ya padri katika parokia ni kuhakikisha anaweka mikakati ya kuwashirikisha waamini kuchangia maendeleo ya Kanisa kwa kujenga makanisa ili kusogeza karibu huduma za kiroho kwao badala ya kujiwekea miradi yao binafsi na kutumia vibaya pesa za waamini.

“Padri haoni uchovu katika kazi yake. Kazi ya upadri inahitaji zaidi uaminifu. Usiweke mkono wako katika sadaka za waamini na kuiba michango yao kwa maendeleo binafsi. Ukiwa padri jisikie fahari kuona maendeleo ya mahali unakofanyika kazi,” amesema padri Menezes.

Mbali na hayo ametaja baadhi ya mambo ambayo muda mwingine yamekuwa kikwazo kwa mapadri kutoka kwa waamini, mojawapo akieleza kuwa ni masengenyo dhidi ya mapadri zinapojitokeza kasoro ndogondogo, ambapo kazi ya waamini si kuwakosoa mapadri ila kuwaombea.

“Wapendwa waamini tushirikiane na mapadri, tusiwakwaze kwa makusudi, kama padre mmoja ana kasoro fulani tumuombee kwanza, mwendee kwa upole na kumueleza. Padri amepakwa mafuta ya krisma katika vitanga vya mikono yake. Mikono hiyo ni Yesu mwenyewe, usiangalie tabia zake, wala sura yake angalia Kristo aliyejaa moyoni mwake, kwa sababu amewekwa kando padri huyu hata kama ana tabia mbaya kiasi gani,” amesema padri Menezes.

Hata hivyo kiongozi huyo wa kiroho amewashauri mapadri na jumuiya zao, kupendana katika jumuiya zao na kama kuna kasoro za mmojawapo katika shirika warekebishane kwa upendo hasa kuonyana kwa upole.

Padri Menezes alipata daraja takatifu la upadri Desemba 28 mwaka 2002 ambapo wakati wote wa utume ndani ya Kanisa amefanikiwa kuzikabili changamoto mbalimbali ambazo zimeimarisha wito wake ikiwa ni pamoja na kusimamia ahadi zake na kushirikiana na waamini kiroho kuboresha maendeleo ya Kanisa

WAZAZI WAWE MAKINI NA VIPINDI VYA LUNINGA KWA WATOTO

2018-01-12T10:09:00.002+03:00

Na Angela Kibwana, Morogoro

ASKOFU wa Jimbo Katoliki Morogoro Mhashamu Telesphor Mkude amewaonya baadhi ya wazazi wenye tabia ya kuwaacha watoto kutazama luninga kwa muda mrefu wakiwa peke yao hasa picha zisizofaa kwani zimekuwa chanzo cha uvunjifu wa maadili.

Askofu Mkude amesema kuwa wazazi wanapaswa kuweka ratiba maalum kwa watoto wao hasa kupanga muda maalum wa kuweka vipindi vyenye tija ndani ya familia zao, hususani kuelimisha kuliko kuwaacha watoto kutazama picha zinazopotosha maadili na kuathiri ukuaji wao.

Askofu Mkude amesema hayo katika mazungumzo maalumu mara baada ya misa takatifu iliyofanyika katika Kanisa Kuu la Mtakatifu Patris jimboni humo, akiwaonya wazazi kuwa makini na athari zitokanazo na utandawazi na matumizi mabaya ya luninga.

Amebainisha kuwa wazazi wanapaswa kuwasadikisha na kuwafundisha watoto kwamba si kila kitu kinachoonekana katika luninga kinafaa, hivyo ni wajibu wao kutowapa uhuru watoto kwa mambo yasiyofaa.

Askofu Mkude ameeleza kuwa ili kuwasaidia watoto na matumizi ya muda mrefu katika luninga, ni vyema kila familia ikaweka ratiba maalumu ya kutazama luninga kwani kwa kufanya hivyo itakuwa rahisi kufuatilia maendeleo ya mtoto shuleni pamoja na kupata muda wa kuwafundisha kusali.

“Mkiwaruhusu muda wote kutazama luninga peke yao wakati ninyi mnaenda kulala mnategemea nini? Mbona mnaweka muda wa chakula mnashindwaje kusimamia hili, wasadikisheni watoto kwamba si kila kitu katika luninga kinafaa, lazima wawe na uchaguzi, lazima kuwafundisha nidhamu ya kuchagua wangali wadogo,” amesema Askofu Mkude.

Wakati huo huo, kiongozi huyo wa kiroho jimboni Morogoro amewaasa wazazi kuunda dhamira ya kila mtoto aweze kujitambua nafasi yake katika familia kuwa yeye ni nani, ambapo watoto wanapaswa kuelimishwa faida za ukweli na uwazi kadiri wanavyoendelea kukua kiroho na kimwili.

“Kuwaacha watoto kujisimamia wenyewe ni makosa katika sheria za Kanisa, nawashauri wazazi undeni dhamira ya ndani kwa watoto wenu wajijue tangu wadogo, wapeni mwongozo wa maadili, mtoto umleavyo ndivyo akuavyo, lakini pia anaweza kujikuza vibaya asiposimamiwa ipasavyo, lazima asimamiwe kimaadili na kufundishwa kusema ukweli, mema wayaendeleze mabaya waelekezwe,” amesema Askofu Mkude.

Kwa msaada wa Roho Mtakatifu, Liturujia iwe ni shule ya sala!

2018-01-12T10:05:00.001+03:00

Naye Neno alifanyika mwili, akakaa kwetu; nasi tukauona utukufu wake, utukufu kama wa Mwana pekee atokaye kwa Baba; amejaa neema na kweli. Huu ni utangulizi wa Neno la Mungu kwenye Katekesi iliyotolewa na Baba Mtakatofu Francisko, Jumatano, tarehe 10 Januari 2018. Huu ni mwendelezo wa Katekesi kuu maadhimisho ya Fumbo la Ekaristi Takatifu. Tendo la toba linawawezesha waamini kujiweka wazi mbele ya Mwenyezi Mungu na kujiona jinsi walivyo; kwa kujitambua kwamba, ni wadhambi, lakini wenye matumaini ya kuweza kusamehewa dhambi zao!

Baba Mtakatifu anasema, huruma ya Mungu inamwilishwa kwa namna ya pekee katika Wimbo wa Utukufu kwa Mungu Juu, wimbo wa zamani sana ambamo Mama Kanisa anayekusanywa chini ya Roho Mtakatifu, anamtukuza na kumwomba Mwenyezi Mungu na Mwana Kondoo! Huu ni wimbo unaopata chimbuko lake kutoka kwa Malaika wakati wa kuzaliwa kwa Kristo Yesu mjini Bethlehemu. Hii ni mbiu ya furaha juu mbinguni na duniani, inayowaunganisha waamini wanaosali “Utukufu kwa Mungu juu na amani duniani kwa watu wenye mapenzi mema”. Baada ya Wimbo wa Utukufu na kama haupo, mara tu baada ya “Tendo la Toba”, kunafuatia “Sala fupi” inayofafanua maana ya adhimisho la siku hiyo, mintarafu siku na kipindi cha Mwaka. Na kwa mwaliko wa “Tuombe”, Padre mhudumu, anawaalika waamini kukaa kimya kwa kitambo, ili kutambua kwamba, wako mbele ya Mwenyezi Mungu, changamoto na mwaliko kwa kila mwamini kuzama katika undani wa moyo wake, kuunganisha nia ambazo amekuja nazo kushirikisha wakati wa Ibada ya Misa Takatifu.
Hapa Baba Mtakatifu anapenda kukazia umuhimu wa ukimya, ili kuweza kusikiliza sauti ya ndani kabisa inayotoka kwa Roho Mtakatifu. Katika maadhimisho ya Ibada ya Misa Takatifu inategemea kwa kiasi kikubwa kipindi kinachofuatia kwani, waamini wanahamasishwa kusali baada ya Mahubiri kama ilivyo pia mara baada ya Kupokea Ekaristi Takatifu. Lengo ni kuwasaidia waamini kusali kutoka katika undani wa maisha yao. Kumbe, ukimya katika Ibada ya Misa Takatifu ni muhimu sana, ili kumwezesha mwamini kutambua kwamba, yeye ni nani, ili kusikiliza nyoyo na kuifungua kwa ajili ya Mwenyezi Mungu.
Pengine, waamini wanaodhuhuria Ibada hii ya Misa Takatifu ni wale wanaopambana na magumu katika maisha; ni watu wanaobubujika furaha, au wana majonzi; yote haya waamini wanataka kumshirikisha Mwenyezi Mungu na kumwomba aweze kuwa karibu na waja wake. Huu ni muda wa sala kwa ajili ya ndugu, jamaa na marafiki wagonjwa au wanaoteseka kutoka na majaribu makubwa ya maisha. Kumbe, waamini wanataka kumtolea Mwenyezi Mungu matumaini ya Kanisa na Ulimwengu katika ujumla wake.
Baba Mtakatifu anawataka mapadre kutokuwa na haraka wakati wa "Sala ya Tuombe", watoe muda wa ukimya muhimu sana kwa waamini kuweza kujikusanya tena kutoka katika undani wao. Katika mazingira kama haya, Mapadre wanaadhimisha Fumbo la Ekaristi Takatifu wakiwa wamefungua mikono yao, kielelezo cha mwamini anayesali. Ni ushuhuda unaoneshwa pia katika ”Mapango ya Kale” kama yanavyojulikana kama ”Macatacombe ya Kiroma”, ili kumuiga Kristo Yesu aliyefungua mikono yake pale Msalabani. Ni Kristo anayesali, Kwa njia ya Kristo Mteswa, waamini wanamtambua Padre anayetoa sadaka kwa Mwenyezi Mungu kama kielelezo cha shukrani na utii wa kimwana.
Katika Liturujia ya Kiroma Sala ya Maombi ina utajiri mkubwa, changamoto na mwaliko kwa waamini kufanya tafakari ya kina kwenye sehemu hizi za sala, ili kujifunza namna ya kumwomba Mwenyezi Mungu sanjari na kuchagua maneno ya kutumia. Ni matumaini ya Baba Mtakatifu kwamba, kwa msaada wa Roho Mtakatifu Liturujia itaweza kuwa kweli ni shule ya sala. Hii inatokana na ukweli kwamba, Ibada ya Misa Takatifu ina utajiri mkubwa wa sala za kijumuiya pamoja na nafasi kwa sala binafsi. Hapa waamini wanaweza kujifunza namna ya kusali vyema. Mwishoni, Baba Mtakatifu Francisko anawatakia wote neema na baraka, ili kweli kipindi cha Mwaka Mpya wa 2018 kiwe ni kipindi cha neema, amani na matumaini. Bikira Maria awe ni shuhuda wa imani na matumaini kati ya ndugu, jirani na marafiki zao!
Na Padre Richard A. Mjigwa, C.PP.S.
Vatican News!

Kardinali Pengo: Jitahidini kutekeleza mapenzi ya Mungu katika maisha

2018-01-12T10:02:00.001+03:00

Yamekuwa ni mapokeo kwa Kardinali Polycarp Pengo, Askofu mkuu wa Jimbo kuu la Dar es Salaam kutoa Daraja Takatifu ya Ushemasi kwa Majandokasisi wa Jimbo lake wakati wa maadhimisho ya Sherehe ya Tokeo la Bwana inayoadhimishwa na Mama Kanisa kila mwaka ifikapo tarehe 6 Januari! Huyu ndiye Kristo Yesu, Mwana wa Mungu, Mfalme na Masiha anayewafunulia watu wa Mataifa uso wa huruma na upendo wa Mungu katika maisha yao.
Kardinali Pengo katika Ibada ya kutoa Daraja ya Ushemasi, amewataka Mashemasi wapya kusikiliza kwa makini sauti ya Mungu katika maisha na utume wao, tayari kutekeleza mapenzi ya Mungu, vinginevyo wataishia pabaya kama ilivyokuwa kwa Mfalme Herode ambaye hofu na wasi wasi wake wa kudhani kwamba angeporwa Ufalme huo, aliishia katika mauaji ya watoto wasiokuwa na hatia! Kristo Yesu, alizaliwa kwenye Pango la kulishia wanyama kule mjini Bethlehemu. Mamajusi katika mawazo yao ya kibinadamu, wakaenda
kumtafuta Mfalme wa Wayahudi kwenye Jumba la Kifalme mjini Yerusalemu! Hapa walighafilika kama binadamu, lakini walipoiangalia nyota, ikawaelekeza hadi pale alipokuwepo Mtoto, wakafurahi sana na kumpatia Mtoto hazina zao yaani: dhahabu, uvumba na manemane. Kardinali Pengo anawaalika waamini lakini zaidi Mashemasi wapya kuongozwa na nyota ili hatimaye, waweze kukutana na Mtoto Yesu, Ufunuo wa upendo na huruma ya Mungu kwa binadamu.
Kardinali Pengo, ametumia maadhimisho haya kutangaza Parokia Mpya ya Mtakatifu Benedikto, ambayo kwa sasa inakuwa ni Parokia ya 109 zinazounda Jimbo kuu la Dar es Salaam, hadi kufikia Januari 2018. Amewapangia Majandokasisi 5 vituo vya mwaka wa kichungaji pamoja na kuwabadilishia Mapadre vituo vya kazi na utume. Katika mabadiliko haya, Kardinali Pengo amemteua Padre Frank Mtabangu kuwa Katibu wa Jimbo Kuu la Dar es Salaam na Padre Aidan Mubezi aliyekuwa anashikilia nafasi hii amepangiwa kusimamia ujenzi wa nyumba ya Mapadre Jimbo Kuu la Dar es Salaam.
Na Padre Richard A. Mjigwa, C.PP.S kwa ushirikiano na Padre Joseph Peter Mosha kutoka Jimbo kuu la Dar es Salaam.

ALELUYA- MUCE IRINGA (official Gospel Video)

2017-11-27T00:52:00.001+03:00

2017-11-20T19:14:00.004+03:00

Tabia ya Baba Mtakatifu katika mawasiliano daima ni nyepesi, mtazamo na ishara zake ndiyo mtindo wake. Ni maneno ya Monsinyo Dario Vigano’ Mwenyekiti wa Sekretarieti ya Mawasiliano Vatican wakati wa kuwasilisha Toleo Jipya la Kitabu kinacho eleza historia mawasiliano ya Papa Francisko, chenye kichwa cha habari ” Mawasiliano ya Papa katika nyakati za kuunganishwa na mawasiliano duniani (toleo jipya 2017) katika Makao ya Kituo cha Habari Italina (RAI) Mjini
Roma.
Katika maelezo ya Monsinyo Vigano' juu ya kitabu hicho anasema, kinajikita zaidi kufafanua mchakato mzima wa mawasiliano ya Baba Mtakatifu, kwa njia hiyo kitabu kinaunda hata uhusiano wa watu wanaotazama moja kwa moja au wanaotazama kwa njia ya mitandao.
Mawasiliano ya Baba Mtakatifu ni ya moja kwa moja, pamoja na kuwa tofauti au mbali na uteknolojia. Yeye anao uwezo wa kuwasilisha ujumbe wa haraka na kawaida! Kwa njia hiyo anasema wakati mwingine ni changamoto iliyopo kwa kazi ya mitandao ya Vatican ya kwa na ule ya utayari kutambua kwa haraka kile ambacho kimesahulika katika protokali.
Hata hivyo akisifia waandishi wa kitabu anasema kuwa,wameonesha ni jinsi gani, Baba Mtakatifu pia anajibu kwa vyombo vya habari vinapotoa habari zisizo za kweli kuhusu yeye, na kwamba ni fursa ya kuchangamotisha na kutoa hoja . Na mwisho waandishi wa habari wameuliza swali kuhusu simu ambazo Baba Mtakatifu amegusia wakati wa maadhimisho ya ibada Takatifu. Monsinyo Vigano' anaunga mkono juu ya kuwa makini na simu kwa maana ni lazima kutambua jambo Takatifu la Ekaristi wakati huo, kuliko kutawaliwa na jambo la kusumbua " ndani ya mfuko" na "nje ya mfuko".Kwa maana hiyo ni kupokea na kujikita jambo la muhimu wakati wa maadhimisho ya misa Takatifu!.
Sr Angela Rwezaula
Idhaa ya Kiswahili ya Radio Vatican

Tusikunje mikono yetu,tuwajibike na kuwafungulia maskini!

2017-11-20T19:12:00.002+03:00

Tunayo furaha kubwa ya kuumega mkate wa Neno na baadaye utamegwa na kuupokea mkate wa Ekaristi, kirutubisho cha safari ya maisha. Na ni furaha kwa wote kwani hakuna asiye hitaji maana wote ni waombaji wa jambo muhimu la upendo wa Mungu anayetoa maana ya maisha, yaani maisha yasiyo na mwisho,na kwa njia hata sisi leo hii tunaamsha mikono yetu kupokea zawadi kutoka kwake.

Ni sehemu ya mahubiri ya Baba Mtakatifu Francisko aliyo anza nayo siku ya Jumapili 19 Novemba, asubuhi wakati wa Kuadhimisha Siku ya Masikini Duniani 2017 katika Kanisa Kuu la Mtakatifu Petro Mjini vatican. Baba Mtakatifu akiendelea kufafanua juu Injili ya siku ya Jumapili anasema, Injili inaelezea zawadi hizo, kwa maana sisi tumepewa talanta za Mungu kwa mujibu wa uwezo wa kila mmoja alio nao (Mt 25,15). Ni lazima kuwa na utambuzi wa talanta hizo tulizo nazo machoni pa Mungu. Hakuna mtu yoyote ambaye anaweza kufikiria kuwa hana faida au kuwa maskini kiasi cha kutoweza kutoa chochote kwa wengine. Sisi tumechaguliwa na kubarikiwa na Mungu ambaye anashahuku ya kututuliza kwa zawadi zake, kama vile baba na mama wanavyo tamani kuwapa watoto wao. Mbele ya Mcho ya Mungu asiye bagua yoyote anamkabidhi kila kila mmoja utume wake.
Hayo inajidhihirisha kwamba, ni baba wa pendo lakini ambaye anatuwajibisha, kwa maana ya kutazama Injili ikieleza juu ya watumwa waliopewa talanta ziweze kuzaa mara dufu. Lakini inaonekana wakati wale wawili wa kwanza, waliweza kutimiliza utume waliopewa, mtumishi wa tatu hakuweza kuzalisha talanta mara dufu badala yake akamrudishia jinsi ilivyo Bwana wake, na kusema, aliogopa akaenda kuifukia chini ya ardhi hiyo talanta na hivyo aipokee iliyo yake jinsi ilivyo (Mt 25).
Baba Mtakatifu Francisko anaongeza kusema, lakini mtumwa huyo alipokea maneno makali mno yasemayo kwamba,“wewe mtumwa mbaya na mlegevu”. Je ni kitu gani hakupenda huyo Bwana kwake? Akifafanua anasema, ni neno moja ambalo kwa sasa tunaliita “kutotimiza wajibu”. Akifafanua, zaidi anasema, ubaya wake ulikuwa ule wa kutofanya mema. Lakini hata hivyo hata sisi mara nyingi tunayo mawazo ya kwamba hatujafanya ubaya na hivyo tunajifurahisha na kuendelea kuishi jinsi tulivyo kana kwamba sisi ni wema na wenye haki.
Lakini kwa kufikiria hivyo, Baba Mtakatifu anathibitisha kuwa, ipo hatari ya kufananishwa na mtumwa mbaya: kwa maana hata yeye hakufanya jambo baya, kutokana na kwamba hakuharibu hiyo talanta, badala yake alikwenda akahifadhi chini ya ardhi. Yeye hakufanya chochote cha ubaya basi. Mungu siyo mkaguzi wa kwenda kutafuta tiketi ambazo bado hazijatiwa muhuri, ni Baba wa kutafuta watoto wake ambao aliwapatia zawadi na mipango yake .
Ni huzuni anaongeza, iwapo Baba wa upendo hapokei jibu la upendo wa ukarimu kutoka kwa watoto wake, ambao wana vizingiti katika kuheshimu sheria, kutimiza amri, lakini baadaye wana kukumbuka kuwa kuna wafanyakazi wengi wanaopata mshahara kwa baba na wanakula na kusaza (Lk 15,17).
Mtumwa mbaya pamoja na kupokea talanta ya Bwana anayependa ishirikishwe na kuzaa matunda mara mbili alikwenda kaitunza kwa wivu wake, kwa maana alifurahia kufanya hivyo. Hiyo ni kuthibitisha kuwa mtu wa kufanya hivyo siyo mwaminifu kwa Mungu maana anangaikia kuhifadhi, kuhifadhi tunu za kale. Injili inaeleza kuwa yule mwenye talanta mpya ni mwaminifu kweli kwa maana anayo mantiki sawa na Mungu, siyo tu kukaa bila kuwajibika. Ni mtu ambaye anajikitia kwa dhati kwa ajili ya upendo wa maisha ya wengin na haiwezekani kuicha jinsi ilivyo kwa ajili yake na ndiyo jambo muhimu la kutimiza hasa wajibu.
Kutotimiza wajibu ni dhambi kubwa mbele ya maskini Baba Mtakatifu amesema. Hiyo inatoa jina kamili la utofauti kwa maana wapo wengine wanaosema inanihusu nini;siyo shauri langu bali ni kosa la jamii. Wanageuka pembeni wakati ndugu wanayo mahitaji, ni kubadilisha mkondo inapoonekana suala fulani ni nyeti, linakera, au kuwa na hasira mbele ya mabaya japokuwa si ya kweli.
Lakini Mungu hataomba kama tulikuwa na haki au hasira, yeye atauliza iwapo umetenda mema. Katika mahubiri Baba Mtakatifu anaendelea kufafanua jinsi gani ya kumfurahisha Mungu, akitoa mfano rahisi ya kwamba unapotaka kumzawadia rafiki yako mpendwa, kwanza lazima ujue kitu gani anapendelea ili kuhepuka zawadi siyo stahili kwa rafiki yako na ndivyo hivyo unapotaka kutoa zawadi kwa Bwana ni lazima kuzipata kwa njia ya Injili yake. Na katika Injili ya Matayo (Mt 25,40), inasema “kile ambacho mlitoa kwa yule mdogo, mmefanya kwa ajili yangu” .
Ndugu wapendwa wa Mungu ni wale wenye njaa, wagonjwa,wageni,wafungwa, walioachwa pweke wanaoteseka bila kuwa na paa la nyumba na wote walio baguliwa. Katika sura yao tunaweza kufikiria kuwa ni sura ya Mungu, katika midomo yao, hata kama imefungwa na uchungu wao, katika maneno yake anasema ni mwili wake.(Mt 26,26). Kwa maskini Yesu anabisha mlango wa moyo wake kwa maana anayo kiu na anataka upendo. Tukishinda utofauti kwa jina la Yesu na kuwatumikia walio wadogo, basi sisi ni marafiki wema na waamini kwa maana ndiyo wajibu huo. Baba Mtakatifu akielezea juu ya somo la kwanza kuhusu mwanamke: Mungu anafurahia kuona tabia ya mfano wa mwanamke katika somo la kwanza ambaye ni mwenye nguvu, anafungua mikono yake kwa ajili ya masikini na wahitaji (Meth 31,10.20).
Leo hii tunaweza kujiuliza ni kitu gani kinahitajika katika maisha yangu? Katika utajiri unaopita ambapo dunia haishibishwi nao , au katika utajiri wa Mungu anayetoa maisha ya milele? Uchaguzi huo uko mbele yetu kuchagua kuishi ili upate ardhi hii au kutazama juu mbinguni. Kwani ili uweza kuingia katika ufalme mbingu hauitaji kile ulicho nacho,bali kile unachotoa kwa wengine!
Sr Angela Rwezaula
Idhaa ya Kiswahili ya Radio Vatican

Papa amekutana na kuzungumza na Bw.Kofi Annan

2017-11-08T00:00:00.003+03:00

Tarehe 6 Novemba 2017 Mchana katika nyumba ya Mtakatifu Marta mjini Vatican , Baba Mtakatifu amekutana na Bwana Kofi Annan aliyekuwa Katibu Mkuu wa Umoja wa Mataifa tangu mwaka 1997 hadi 2006 akiongozana na wajumbe wengine wa Mashirika ya Kimataifa yasiyo ya selikali “The Elders” Kati yao hata Bi Mary Robinson, aliyekuwa Rais wa Jamhuri ya nchi ya Ireland mwaka1990-1997.

Hili ni Shirika lililoanzishwa na Nelson Mandela miaka 10 iliyopita , kikundi kinacho jihusisha na kuhamasisha amani na haki za binadamu, ambacho kinaundwa na viongozi wa dunia na viongozi wa nchi walio angatuka madarakani, ndiyo maana jina lake ni “The Elders” maana yake wazee.....
Naamini sisi kwetu imekuwa muhimu kuja hapa kwasababu tuna mambo muhimu yanayotuunganisha pamoja na Baba Mtakatifu na tumetaka kukutana naye ili kufikiria jinsi gani tunaweza kufanya kazi kwa pamoja na kutia juhudi zetu zote katika mambo muhimu. Ni maneno Bwana Kofi Annan katika Mahojiano na mwandishi wa habari wa Radio Vatican mara baada ya mkutano na Baba Mtakatifu Francisko.

Bwana Kofi Annan anasema, katika mkutano wao na Baba Mtakatifu wamegusia mada ya wahamiaji na wakimbizi, silaha za kinyuklia, mada ambayo Vatican imeandaa pia Mkutano wake utakaoanza hivi Ijumaa ijayo. Wamezungumzia juu ya mani na kutafakari kwa kina juu ya michakato inayoweza kufanywa ili kuisha kwa migogoro mingi duniani na hata hivyo akataja kuwa Bi “Mary Robinson anaweza kueleza mazungumzo juu ya wanawake na umuhimu wa kuwapa sauti wanawake, heshima na nafasi waliyo nayo katika jamii. Na mwisho amesema, Bwana Annan kuwa, ni matumaini yake ikawa ndiyo mojawapo ya mwanzo wa mikutano mingi ambayo wataweza kuifanya na Baba Mtakatifu.

Kwa maana hiyo hata Bi Mary Robinson katika maelezo ya mkutano na Baba Mtakatifu ametoa sifa nyingi kwa ajili ya nafasi ya Baba Mtakatifu, kwa kazi anazozifanya hasa kwa juhudi ambazo anatoa sauti kwa ajili ya wale wasio kuwa na sauti, walio baguliwa au kukabiliana na mambo nyeti na magumu kama yanayo husu suala la nchi ya Venezuela, kwa mantiki ya Bara la Amerika ya Kusini, Congo na mabadiliko ya hali ya hewa ambayo kwa namna ya pekee ni hali halisi anayojikita nayo.
Bi Robinson pia ameelezea juu ya kupokelewa vema na Baba Mtakatifu,ambapo yeye binafsi amebaki na mshangao kwa ukarimu wake, kwa maana wameweza kucheka na kutaniana kama vile ni mmojawapo wa kikundi chao, anasema kweli amejisikia kuwa mmoja kati yao na wametambua walivyo na mambo mengi ya pamoja yanayofanana na yenye thamani,mapendekezo ya maadili na matatizo.

Sr Angela Rwezaula
Idhaa ya Kiswahili ya Radio Vatica

Papa:Tumsifu Mungu anayetoa zawadi ya wito bila kuuondoa kamwe!

2017-11-07T23:59:00.002+03:00

Kila mmoja amechaguliwa na Bwana Mungu. Na kila mmoja anachukua ahadi ya Bwana alivyo toa ahadi ya kwamba tembea katika uwepo wangu na kutii na mimi nitakufanyia hivyo. Kila mmoja wetu anafanya agano na Bwana, lakini unaweza kuamua kufanya au kuacha maana unao uhuru wa kuchagua.
Ni maneno ya Baba Mtakatifu Francisko Jumatatu tarehe 6 Novemba 2017 wakati wa mahubiri yake katika Kikanisa cha Mtakatifu Martha mjini Vatican. Baba Mtakatifu akitafakari masomo ya Siku na hasa katika somo la kwanza anaendelea kufafanua zaidi kuwa, Bwana anapotoa zawadi haiondoi tena kwa maana ya kuitoa leo na kesho kuchukua tena. Mungu anapoita, ule wito unabaki maisha yote.
Akiendelea na uchambuzi wa barua ya Mtakatifu Paulo kwa Waroma anasisitiza, kuna zawadi tatu katika historia ya ukombozi yaani zawadi na wito wa watu wa Mungu. Lakini zawadi hizo hazirudishwi mara zitolewapo na Bwana Mungu kwa maana Mungu ni mwaminifu anasema Baba Mtakatifu!
Akizitaja zawadi hizo, anasema ya kwanza ni zawadi ya kuchaguliwa, zawadi ya ahadi na zawadi ya agano. Zawadi hizo zilitendeka kwa Ibrahimu Baba wa Imani na ndivyo hata sisi tunajaliwa na Mwenyezi Mungu. Baba Mtakatifu anaongeza, kila mmoja wetu amechaguliwa na Mungu. Kila mmoja wetu anachukua ahadi ambayo Bwana alihaidi kwa watu wake akisema,”tembea katika uwepo wangu na kunitii na mimi nitakufanyia hivyo.
Kila mmoja anafanya agano na Bwana, lakini kila mmoja yuko huru kufanya hivyo au kutokufanya, Baba Mtakatifu anathibitisha. Na hiyo anaongeza, linaweza likawa hata swali la kujiuliza ndani ya nafsi zetu je namna gani ya kufanya uchaguzi huo? je mimi ninahisi kuchanguliwa au ninahisi kuwa mkristo kwa bahati mbaya? je ninaishije ahadi yaani ahadi za ukombozi wa safari yangu? je mimi ni mwaminifu wa agano hilo kama Yeye alivyo mwaminifu?
Kwa upande wa uaminifu ambao Mungu anaonesha kwetu sisi, ni lazima kutafakari kwa kina juu ya hisia za ukarimu wa Bwana, anayetutunza , anayetutafuta tunapokwenda mbali naye anasema Baba Mtakatifu!
Akielezea zaidi juu ya barua ya Mtakatifu Paulo katika kuchaguliwa na Mungu , anasema mtume anarudia mara nne katika maneno mawili ya kutotii na huruma. Lakini kumbuka kuwa, mahali palipo na mojawapo, lazima iendane na nyingine kwa maana ndiyo safari ya ukombozi wetu.
Hiyo ina maana, katika aina tatu za safari , yaani safari ya kuchaguliwa, kuelekea katika ahadi na agano daima vitafuatana na dhambi na kutokutii, lakini dhidi ya kutokutii ipo daima huruma ya Mungu. Ni sawa na hatua ya safari yetu kuelekea katika ukomavu. Daima kuna huruma kwa sababu Bwana ni mwaminifu na kamwe haondoi zawadi ambazo amekwisha itoa.
Je ni kwasababu gani zawadi hizi haziondolewi? Baba Mtakatifu anasema, mbele ya udhaifu wetu na dhambu zetu, daima ipo huruma. Hata Mtume Paulo anapofika katika tafakari hilo, anapiga hatua mbele kwa maana hatoi maelezeo bali anaabudu. Ina maana ya kuabudu , kusifu kwa kimya mbele ya fumbo la kutokutii na huruma inayotufanya tuwe huru, na mbele ya uzuri wa zawadi ambazo hazitolewi kama ile ya kuchaguliwa, ahadi na agano.
Na mwisho Baba Mtakatifu anatoa wito ya kwamba, itakuwa vema na wajibu wa kutafakari kwa siku ya leo juu ya kuchaguliwa kwetu, ahadi ya Bwana anayo kwetu sisi, pia jinsi gani ninaishi agano na Bwana.
Je Neno la Bwana linajikitaje ndani ya maisha yangu ambalo ni huruma ya Bwana mbele ya dhambi na kutotiii kwangu? Ninao uwezo wa kusifu Mungu kwa mema mengi aliyoitendea? ....Na zaidi kila mmoja leo hii asifu na kuabudu bila kusahau daima zawadi na wito wambao Mungu ametoa bila kuuondoa.

Sr Angela Rwezaula
Idhaa ya kiswahili ya radio Vatican

Baba Mt.amemteua Padre Jean-Patick Iba-Ba kuwa Askofu mpya wa Francaville

2017-11-07T23:57:00.003+03:00

Baba Mtakatifu amemteua Askofu mpya wa Jimbo la Franceville nchini Gabon, Padre Jean-Patick Iba-Ba, ambaye hadi uteuzi huo alikuwa ni Gombera wa Seminari Kuu ya Kitaifa ya Mtakatifu Augustin” huko Libreville Gabon. Padre Jean-Patick Iba-Ba, alizaliwa tarehe 18 Aprili 1966 huko Libreville, na kuanza shule ya msingi mnamo mwaka 1973 - 1979 huko Port-Gentil Gabon.
Aliendelea na masomo ya Sekondari kuanzia 1979 -1989, huko Libreville. Majiundo ya upadre, alitumwa na Askofu Mkuu wake huko Seminari kuu ya Kardinali Emile Biayenda huko Brazzaville, mji Mkuu wa Congo. Mwaka 1993-1998 aliendeleza na masomo ya Taalimungu katika
Chuo Kikuu cha Kipapa Urbaniano Roma.
Alipata daraja Takatifu la upadre tarehe 19 Julai 1999 katika Jimbo Kuu la Libreville. Na baada ya upadrisho alifanya utume mbambali kama ifuatavyo: kama msaidizi wa Gombera katika Seminari kuu ya Mtakatifu Augustin huko Libreville kuanzia 1998-1999 ; Gombera wa Siminari ndogo ya Mtakatifu Jean wa Libreville mwaka 1999-2001 na Paroko wa Parokia ya Mtakatifu Michel wa Ndjole mwaka 2001-2004.
Mwaka 2004-2009 alirudi Roma kuendelea na masomo na kupata digrii ya Sheria katika Chuo Kikuu cha Kipapa Urbaniano. Mwaka 2009-2012 kuwa makamu wa Gombera ya Seminari Kuu ya Augustin wa Libreville; mwaka 2010-2012 Mkurugenzi wa Shule Katoliki nchini Gabon na Msimamizi Mkuu wa Taasisi za Elimu Katoliki. Na tangu 2012 hadi uteuzi wake amekuwa Gombera wa Seminari Kuu ya Mtakatifu Augustin nchini Gabon.

Sr Angela Rwezaula
Idhaa ya Kiswahili ya Radio Vatican

WALIOTANGULIA MBELE YA HAKI WAOMBEWA NA PAPA FRANSISKO

2017-11-07T23:55:00.005+03:00

Hapo jana (Ijumaa tarehe 3 Novemba), Baba Mtakatifu Fransisko ameadhimisha misa Takatifu kwa ajili ya kuwaombea marehemu wote makardinali na Maaskofu waliokufa kwa kipindi cha mwaka huu. Katika mahubiri yake anasema, kwa mara nyingine tena Liturujia ya siku inatuweka katika hali halisi ya kifo na kukumbusha watu tulioshi nao karibu pia wale walio tutendea mema. Lakini vile vile Liturujia inaongeza matumaini yetu kwa ajili yao na hata sisi wenyewe.

Somo la kwanza linaeleza juu ya matumaini ya kufufuka kwa wale wenye haki.Tena, wengi wa hao walalao katika mavumbi ya nchi wataamka, wengine wapate uzima wa milele, wengine aibu na kudharauliwa milele. (Dn 12,2). Baba Mtakatifu anaongeza, kifo ndiyo upeo wa mwisho kuondokana na makona kona ambayo yako mbele yetu katika ulimwengu huu: Njia ya maisha inayotupeleka katika mungano na Mungu au njia ya kifo inayotupeleka mbali na Yeye. Wangi ambao watafufuka katika maisha ya milele, wako wanasubiri kama wale ambao Kristo amemwaga damu yake kwa ajili yao. Hawa ni undi kubwa kwa neema ya huruma ya Mungu ambayo inajieleza katika hali halisi ya maisha ambayo yana ushindi juu ya kifo kwakuwa kuna ufufuko.

Injili inaimarisha matumaini yetu: “ Mimi ni mkate wa uzima ushukao mbinguni, kila aulaye mkate huo ataishi milele (Yh 6,51). Hayo ni maneno yanayoeleza sadaka ya Kristo Msalabani. Yeye alikubali kifo kwa ajili ya kuwakomboa watu ambao Baba yake alimkabidhi, ni watu ambao walikuwa wamekufa katika utumwa wa dhambi. Yesu amekuwa kaka yetu na kushiriki maisha yetu hadi kifo. Ni kwa njia ya upendo wake , alivunja minyororo ya kifo na kutufungulia mlango wa maisha. Kwa kulishwa mwili wake na damu yake sisi sote tunaungana na upendo wake mwaminifu, ambao unatupatia matumaini ya ushindi hadi mwisho dhidi ya ubaya, mateso na kifo.

Kwa nguvu za agano la Mungu kwa upendo wa Kristo sisi sote tunatambua kuwa umoja kwa walio kufa syo wa kufikirika, bali ni utashi, ni jambo halisi. Imani tunayokiri katika ufufuko inatupelekea kuwa watu wa matumaini, Baba Matakatifu anasisitiza, na wala siyo kuhangaika, sisi ni watu wa maisha na siyo wa kifo , kwasababu Yeye anatufariji na kutoa ahadi za maisha ya milele yanayotokana na umoja na Kristo Mfufuka.
Imani hii inayowaka ndani mwetu kwa njia ya Neno la Mungu inatusiadia kuwa na tabia ya matumaini mbele ya kifo. Hiyo ni kutokana na kwamba Yesu mwenyewe alituonesha kuwa kifo hakina neno la mwisho bali ni upendo wa huruma ya Baba yake ambaye anajionesha kwetu na kutufanya tuishi katika muungano naye daima.

Tabia msingi ya maisha ya kikristo ni matarajio ya mwisho ya kukutana na Mungu, kama zaburi ( 42,3) isemavyo : Nafsi yangu inamwonea kiu Mungu, Mungu aliye hai, lini nitakapokuja nionekane mbele za Mungu? Baba Mtakatifu anaongeza kusema, hayo ni maneno yanaojieleza kwa namna ya kutoa mshangao wa matarajio, kwa maana ya kuona kiu ya upendo, ya uzuri na hata ya furaha na matumaini kwa Mungu.

Maneno ya mzaburi yaliyojiweka kama muhuri katika mioyo ya makardinali na maaskofu ambao leo hii wanakumbukwa: wao wameondoka baada ya kuhudumia Kanisa na watu wa Mungu walio kabidhiwa , na katika mtazamo wa umilele. Baba Mtakatifu anasema, tukiwa tunashukuru Mungu kwa huduma yao na ukaribu walioonesha katika Injili na Kanisa, ni vema kurudia na mtume Paulo kuwa matumaini hayakatishi tamaa, na kwa maombezi ya Maria maa Yetu Mtakatifu atusaidie ili tuweze kushiriki katika meza ya Bwana , ambayo kwa imani na upendo tumeonja kipindi chote cha hija ya hapa duniani.

Sr Angela Rwezaula
Idhaa ya Kiswahili ya Radio Vatican

‘KUTOSALI ROZARI NI KUKOSA DIRA’

2017-11-07T23:54:00.001+03:00

PAROKO wa Parokia ya Bikira Maria Msaada wa Wakristo, Kizota Jimbo Kuu Katoliki Dodoma Padri Joby Tharayil amewataka waamini nchini kusali Rozari Takatifu kwa Imani kuu, jambo ambalo litawasaidia kuishi maisha ya amani huku shetani akikosa nafasi kwenye familia zao.

Ameyasema hayo katika adhimisho la Misa ya kuadhimisha mwezi wa Rozari Takatifu yaliyoanza kwa maandamano na mafundisho ya jumuiya hadi jumuiya iliyoenda sambamba na uzinduzi wa ofisi mpya ya Parokia.

Padri Joby amesema kuwa ni jambo la kumshukuru Mungu kuadhimisha mwezi wa Rozari katika Parokia yake kwani tangu mafundisho yaanze kutolewa kuhusu umuhimu wa kusali Rozari waamini wamekuwa na mwitikio mkubwa huku kwa kiasi kikubwa wakitambua umuhimu wake tofauti na hapo awali.

“Katika Parokia yetu tuliweka mikakati ya kuwafundisha waamini wetu juu ya umuhimu wa kusali Rozari kwa Imani japo ilikuwa kazi ngumu kwani wengi wanasali kwa mazoea na wengine hawajui kabisa, ila tuliendelea kuwafundisha kuanzia watoto mpaka wazee na kweli tumefanikiwa wanajua kusali na wametambua umuhimu wake, nawaomba tusiwe wavivu, “ amesema Paroko Joby.

“Wapo waamini ambao wamekuwa wakisali Rozari Takatifu kwa mazoea huku wakiwaza mambo yao mengine ya kifamilia na changamoto za maisha kwa sababu ya kutojua umuhimu wake jambo ambalo linasababisha kuendelea kuangamizwa na Shetani.

Pale waamini wanaposali Rozari Takatifu kwa Imani wanajifunika na ulinzi wa Mungu kwenye maisha yao, shetani hapati nafasi magonjwa na mikosi havitawafika bali watafanikiwa kwenye shughuli zao,wenye shida zitatatuliwa na kuendelea kutafakari maisha ya baadaye.”

Vile vile Ameongeza kuwa kwa sasa Dunia inakabiliwa na changamoto mbalimbali, watu wanapenda mambo ya kidunia zaidi kuliko Mungu na matokeo yake Imani yao kuwa haba na kuanza kutangatanga kwenye madhehebu mengine hata kwenda kwa waganga wa kienyeji na hatimaye kuangamia.

Amewataka waamini kutambua kuwa pale wanapojikita kumuomba Mungu wanatengeneza maisha mazuri ya mbinguni, hivyo wajiepushe na mambo ya kidunia kwa kutaka kupata vitu ambavyo havitawafikisha popote.

Katika hatua nyingine amewashukuru waamini wa parokia hiyo kwa ushirikiano waliouonesha kukamilisha Ofisi ya Parokia yenye vyumba vitano iliyogharimu kiasi cha shilingi milioni 35 ndani ya miezi mitatu.

“Parokia hii ina miaka miwili tangu kuanzishwa kwake lakini tumekuwa na mafanikio makubwa kupitia umoja wa waamini kuanzia watoto hadi wazee ambao wamekuwa wakijitoa kwa moyo wote ukilinganisha kwamba ni familia 586 wanafanya kazi, kama familia moja nawaomba waendelee na jitihada hizo,” amesema Paroko Joby.

Hata hivyo amesema wana mpango wa kujenga Kanisa kubwa la kihistoria pamoja na kuanzisha Miradi mbalimbali ikiwemo ya maduka kwani Kanisa lililopo kwa sasa ni dogo kadri parokia inavyozidi kukua.

Chanzo cha habari TEC
Na Doreen Aloyce, Dodoma

Papa:Sisi sote ni ndugu hatuna haja ya kujiona bora zaidi ya wengine!

2017-11-07T23:52:00.004+03:00

Madaraka yoyote yakitumika vibaya yanaunda ukosefu wa uaminifu na kuleta vizingiti, lakini mitume wa Yesu wanaalikwa kuwa makini na wasijiweke juu ya wengine kwa hali yoyote badala yake watoe huduma. Haya ni maonyo yanayojitokeza katika mahubiri ya Baba Mtakatifu Francisko wakati wa Sala ya Malaika wa Bwana kwenye uwanja wa Mtakatifu Petro Jumapili tarehe 5 Novemba 2017 akitafakari Injili ya Siku. Katika Injili hiyo kwa ujumla anawaalika wote kutokuwa na tabia za kiburi, bali kuwa watu wa kawaida na kujikita kwanza kumtafuta na kufuata Yesu.

Injili ya siku ya Jumapili kutoka Matayo (23,1-12), mahali ambapo Yesu anawaonya vikali waandishi na mafarisayo, kuwataka watu wafuate kile ambacho wanasema wao lakini si kutenda wanavofanya, kwa maana wao wanasema lakini hawatendi na kwa njia hiyo Baba Mtakatifu anasema, hiyo ni tabia ya wengi hasa wanaoshikilia madaraka, na hayo ni madaraka ya raia na hata ya Kanisa, ambayo mra nyingi wanaagiza wengine kutekeleza hata kama ni ya kweli na haki lakini wao hawadiriki kamwe kuyaweka katika matendo binafsi. Hawa ni ndumila kuwili! Baba Mtakatifu anathibitisha.

Ni tabia mbaya huduma ya madaraka ya namna hii! badala ya kuwa mstari wa mbele na kutoa mfano ulio bora anasema Baba Mtakatifu. Akifafanua zaidi, madaraka yanatokana na kutoa mfano mwema, ili kuwasaidia wengine waweze kutenda jambo la haki na wajibu hata kukabiliana na majaribu ambayo yanajitokeza katika yao ya maisha. Baba Mtakatifu anatoa wito wa kuishi madaraka kama njia kiongozi ya kusaidia kwa maana yakitumiwa vibaya hugeuka kukandamiza, pia hayatoi nafasi ya mtu kukua , badala yake ni kujenga hali ya ukosefu wa uaminifu na vizingiti, hatimaye pia kupelekea ufisadi. Injili ya Yesu inathibitisha baadhi ya tabia hasi za waandishi na wafarisayo kama vile tabia za kufurahia nafasi za kwanza katika masinagogi, na salam katika masoko.
Hivi ni vishawishi vya kiburi ambavyo siyo rahisi kuvishinda, kwa maana ni tabia ya kuishi kifitina tu.
Yesu anawaeleza mitume wake na kuwaalika wasijiite walimu au viongozi kwa maana yupo mwalimu mmoja, ambaye ni mkubwa na ambaye atakuwa mtumishi wao Baba Mtakatifu anasisitiza. “Sisi kama mitume wa Yesu hatupaswi kutafuta cheo, utukufu, madaraka au ukuu wa aina yoyote”, Baba Mtakatifu anasema na kuongeza kutoa mfano binafsi ya kwamba, anashikwa na uchungu kuona mtu ambaye kisaikolojia anaishi au kukimbizana nyuma ya ubatili wa kutafuta utukufu. Badala yake, anasisitiza kuwa, “kama mitume wa Yesu hatuna badi kuacha tabia hizo kwani kati yetu, ni lazima kuwa na tabia rahisi ya kuishi kindugu”.

“Sisi sote ni ndugu, hatuna haja ya kushindana na wengine, hivyo iwapo tumepokea tunu fulani kutoka kwa Mungu Baba wa mbinguni, tunapaswa kuziweka katika huduma ya ndugu zetu, lakini sio kwa ajili ya kujinufaisha binafsi”. Kwa njia hiyo Baba Mtakatifu anatoa wito wa kutofikiria kuwa wewe ni zaidi ya wengine kwasababu anasema, “unyenyekevu ni msingi kwa ajili maelekezo ya pamoja katika mafundisho ya Yesu, aliyekuja kwa ajili ya kuhudumia na siyo kuhudumiwa”. Anamalizia kuomba kwa Bikira Maria mnyenyekevu atusaidie kupambana na kiburi na ubatili wa maisha haya.

Sr Angela Rwezaula
Idhaa ya Kiswahili ya Radio Vatican

‘Nimesamehe’ Ni baada ya Askofu Mkude kuzushiwa kifo

2017-11-07T23:50:00.002+03:00

ASKOFU wa Jimbo Katoliki Morogoro Mhashamu Telesphor Mkude amesema amewasamehe wale wote waliomzushia kifo wakati akiwa nchini India akiendelea kupatiwa matibabu kutokana na maradhi yaliyokuwa yakimsumbua kwa muda mrefu.

Askofu Mkude ameyasema hayo hivi karibuni katika Kanisa Kuu la Mtakatifu Patrick jimboni Morogoro wakati akitoa shukrani kwa waamini wa Kanisa hilo mara baada ya misa ya tegemeza Jimbo iliyofanyika kanisani hapo ikiongozwa na Makamu wa Askofu padri Patrick Kung’alo ambapo amesema kuwa kwa kawaida mtu yoyote anayesikia taarifa za kifo cha ndugu, rafiki au jirani huanza kwa kusinyaa na kuwa na simanzi na majonzi.

Askofu Mkude amesema kuwa taarifa walizozipata waamini kwa uzushi wa msiba wake hata yeye mwenyewe binafsi alizipata akiwa nchini India kwa matibabu ambapo amesema kuwa zilimtia simanzi na huzuni kubwa lakini hakuwa na namna ya kuweza kukanusha.

“Ni habari ya kusikitisha ukisikia mtu unaempenda ameondoka duniani, si habari ya kuchangamsha hata kidogo,” amesema Askofu Mkude.

Hata hivyo Askofu Mkude amewataka waamini kutambua kuwa duniani wapo wengi na kwamba yapo mengi yanayotokea yakiwemo hayo ya kuzushiana mambo mbalimbali ambapo amesema kuwa hataki kujibu lolote kwa watu wachache waliofanya hivyo hasa usambazaji wa taarifa za uzushi zilizokuwa zimeenea katika mitandao.

“Kupigana na mtu usiyemjua ni sawa na kupigana na mtu ukiwa gizani utarusha ngumi itaenda hewani, yalimpata kiongozi wetu Yesu Kristo, alipata kashfa na matusi aliyopata wakati wote tena hata alipokuwa msalabani lakini alisema baba wasamehe kwa kuwa hawajui watendalo, vivyo hivyo nami nimeona dozi yake ni hiyo hiyo,” amesema Askofu Mkude.

Hata hivyo amesema kuwa baada ya uvumi na uzushi wa taarifa zilizokuwa zimeenea juu ya kifo, alichoamua yeye ni kusamehe na kuacha ambapo amesema kuwa imani ya Kanisa Katoliki inawaagiza wanadamu kusamehe na kupendana.

Askofu Telesphor Mkude akizungumza kwa huzuni kubwa amewataka waamini hao waliohudhuria ibada kanisani hapo kuchunguza na kuchagua kila linalopita masikioni mwao, kuliko kuamini kila jambo wanalosikia masikioni mwao.

Aidha amesema kuwa hana budi kuwashukuru watu hao ambapo amesema kuwa inawezekana kuwa kulikuwa na watu waliokuwa wakimuombea katika kipindi chote tangu ugonjwa wake na wakazidisha maombi baada ya taarifa hizo lakini pia huenda baada ya uvumi wa kifo waombaji waliongezeka, hivyo amewashukuru kwa maombi yao.

Askofu Mkude aliondoka nchini Tanzania kwenda nchini India kwa ajili ya kupatiwa matibabu zaidi Agosti 25 mwaka huu ambapo alikuwa akisumbuliwa na maradhi, amerejea Oktoba 25 akiwa na afya njema na kuendelea na majukumu yake ya kichungaji jimboni humo.

Askofu Castory Msemwa wa Jimbo Katoliki Tunduru- Masasi afariki dunia

2017-11-07T23:48:00.000+03:00

Jimbo Katoliki Tunduru Masasi nchini Tanzania linasikitika kumpoteza mpendwa wao Baba Askofu Castory Msemwa aliyefariki tarehe 19 Oktoba 2017, saa 7 mchana nchini Oman. Kwa mujibu wa Makamu wa Askofu wa Jimbo Katoliki Tunduru Masasi, Padri Jordan Liviga, anasema, Askofu Msemwa amefariki dunia akiwa mjini Muscat (Oman), wakati wa safari ya kwenda nchini India kupata matibabu ya maradhi yaliyokuwa yakimsumbua.
Marehemu Msemwa amekuwa na tatizo la kiafya kwa kipindi cha miaka miwili, na amekuwa akipata tiba mbalimbali na kuendelea na utume
kama kawaida. Aliondoka nchini siku ya Jumatano 18 Oktoba kuelekea nchini India kwa matibabu kabla hajafariki dunia. Padri Liviga amebainisha kuwa utaratibu wa kuuleta nchini mwili wa marehemu Askofu Castory Msemwa siku ya Jumapili Dar es Salaam unafanyika. Na hivyo taarifa zaidi za utaratibu wa mazishi zitatolewa baadaye.
Askofu Castory Paul Msemwa amezaliwa mwaka 1955 katika kijiji cha Kitulira, Parokia ya Matola Jimbo Katoliki Njombe. Alipata elimu ya msingi katika shule ya Motola, baadaye Sekondari katika Seminari Kuu ya Peramiho ambapo pia alisomea Falsafa na Teolojia kati ya mwaka 1981 na 1987. Alipata daraja ya Upadri tarehe 7 Juni 1987. Amekuwa Paroko Msaidizi na kiongozi wa vijana jimboni Njombe. Alikuwa pia mwalimu na amesomea katika Chuo cha Kipapa cha kitasaufi cha Teresiaunum Roma na kuhitimu mwaka 1996. Alipata Daraja la Uaskofu tarehe 30 Januari 2005 na kusimikwa rasmi katika Jimbo Katoliki Tunduru Masasi tarehe 25 Agosti 2005.
Mwenyezi Mungu ampumzishe pema mbinguni, Amina.

Chanzo cha habari ni TEC
Na Bernard James, DSM.

Papa:Kuhudumia Ufalme wa Mbinguni, unahitaji ujasiri !

2017-10-31T17:54:00.006+03:00

Inahitaji ujasiri ili kufanya ufalme wa Mungu ukue, yaani wa kutupa mbegu ya aradali na kuchanganya chachu. Lakini mara nyingi wapo wachungaji wanaotaka kuhifadhi badala ya kupanda hiyo mbegu ili ikue. Ni maneno ya Baba Mtakatifu Francisko wakati akitafakri Injili ya Mtakatifu (Luka 13,18-21) Siku tarehe 31 Oktoba 2017 katika Kikanisa cha Mtakatifu Marta Mjini Vatican.
Katika Injili ya siku Bwana Yesu anafananisha Ufalme wa Mungu kama mbegu ndogo ya aradali na chachu, kwa njia hiyo Baba Mtakatifu
anabainisha kwamba, mambo haya mawili japokuwa ni madogo, lakini ndani yake yana nguvu zaidi ya kukuza, ndiyo ilivyo hata ufalme wa Mungu maana una nguvu ndani yake.
Hata barua ya kwanza ya Mtakatifu Paulo iliyosomwa inaweka bayana mivutano ya maisha ya mateso, lakini inaoesha kwamba mateso hayo hayawezi fananishwa na utukufu tunao usubiri. Yote hayo ni mivutano kati ya mateso na utukufu,lakini katika mivutano hiyo bado kuna matatajio ya makubwa ya ufalme wa Mungu anathibitisha Baba Mtakatifu. Matarajio hayo siyo tu ya binadamu peke yake barua hiyo inasema, kwani ni viumbe vyote pia vinaugua pamoja navyo vina utungu. Baba Mtatifu anaongeza, lakini nguvu za ndani zinazotoa matumaini katika ukamilifu wa Ufalme wa Mungu ni Roho Mtakatifu.
Ni matumaini yanayotupeleka katika ukamilifu na kutoka katika kifungo cha: vizingiti, utumwa, ufisadi na kufikia utukufu, lakini hiyo inahitaji hija ya matumanini. Hata hivyo Baba Mtakatifu anasema matumaini ni zawadi ya Roho kwa maana roho Mtakatifu akiwa ndani mwetu, anatoa mambo mengi na makubwa, anakuokoa , anatoa uhuru na utukufu mkubwa. Na ndiyo maana Yesu anasema mbegu ya aradali japokuwa ni ndogo lakini ndani yake kuna nguvu zaidi ya kukuza jambo lisilofikirika.
Ndani mwetu kuna kazi ya uumbaji, kwa maana ni roho Mtakatifu anayetoa matumaini. Akifafanua zaidi anasema kuishi kwa matumaini ni kuachia nafasi nguvu ya Roho ili aweze kusaidia kukua kuelekea ukamilifu unaotungojea.
Kama ilivyo chachu kuchanganywa na unga, hata mbegu ya aradali lazima ipandwa ardhini, la sivyo nguvu yake ya ndani itabaki bila kuongezeka … ndivyo ufalme wa Mungu unavyokua ndani, lakini siyo kwa wapinzani wake.
Daima Kanisa limekuwa na ujasir wa kuchukua na kupanda, japokuwa, kuchukua na kupanda daima kunaleta hofu anaeleza. Hiyo ni kwasababu mara nyingi huonekana wachungaji wanaopenda kuhifadhi badala ya kuacha ufalme wa Mungu ukue. Lakini bila kuchukua mbegu na kupanda huwezi kukua bali itakaa ilivyo, hivyo ndivyo ufalme wa Mungu , hauwezi kukua, kwa njia hiyo, inahitajika ujasiri kufanya ufalme wa Mungu ukue… lazima kujikita katika kutupa mbegu na kuchanganya chachu anathibitisha Baba Mtakatifu Francisko.
Ole wao wanaohubiri Ufalme wa Mungu kwa kuwadanyanya wengine wakati wao hawataki kuchafua mikono yao. Hawa ni kama wale wanaotunza sanaa, wanapendelea mambo mazuri, lakini siyo ile ishara ya kutupa mbegu ili kwa nguvu iweze kuchanua, au kuchanganya chachu ili ukue. Huo ndiyo ujumbe wa Yesu na Mtakatifu Paulo mivutono ambayo inaanzia katika utumwa wa dhambi, ili uweze kuwa rahisi , na kukamilishwa na utukufu wa Mungu , na matumaini ni yale yanayojikita mbele bila kudanyanya kwasababu matumaini ni madogo sana kama ua mbegu ya aradali na kama chachu.
Baba Mtakatifu anaongeza kusema, matumani ni fadhila ya kinyenyekevu, ni huduma, lakini mahali ambapo kuna matumaini kuna roho Mtakatifu anayepeleka mbele Ufalme wa Mungu.
Sr Angela Rwezaula
Idhaa ya Kiswahili ya Radio Vatican

PAROKIA MPYA YAZINDULIWA JIMBO KUU KATOLIKI DODOMA

2017-10-31T17:53:00.002+03:00

KATIKA safari ya kueneza Injili kwa watu wote hapa duniani, Jimbo Kuu Katoliki Dodoma limepata Parokia mpya ya Pwaga iliyozinduliwa hivi karibuni na Askofu Mkuu wa Jimbo hilo Mhashamu Beatus Kinyaiya OFM-Capp.

Akizindua parokia hiyo mpya hivi karibuni, Askofu Mkuu Kinyaiya OFM-Capp amesema kuwa safari ya injili ni ngumu na kuwa si vyema wanadamu kuipuuzia kwani ni safari ya toba huku Kanisa likiwa ni moyo wa muamini popote pale na kuwa pamoja na kuwa parokia hiyo mpya haina jengo kubwa lakini Kanisa ni watu na ni popote pale bila kujali ni wapi wanasalia, la msingi ni kuwa na imani kwa Mungu.

“Mama Kanisa anasisitiza watu kusali kwa moyo na nguvu kubwa bila kujali sala inafanyika wapi, mkristo anatakiwa kusalia mahali popote kwani sala ni Baraka na muamini anapata nafasi ya kuongea na Mungu na si Kanisa. Parokia ya Pwaga kwa uchanga wake wa majengo isiwe sababu ya kuibeza bali na itiwe nguvu na waamini wake kwa kusali kwa nguvu na kuwa suala la majengo makubwa na mazuri yatakuja baadaye.” Amesema Askofu Kinyaiya.

Amesema parokia mpya ya Pwaga imefunguliwa kutokana na mahitaji ya waamini kutaka huduma za kiroho kufanyika karibu nao na kuwa ombi hilo lilitolewa kwa marehemu Askofu wa pili wa Jimbo Kuu Dodoma Mhashamu Joseph Isuja Shungu miaka 30 iliyopita yaani mwaka 1987.

“Kristo hapatikani katika majengo mazuri bali anapatikana katika mioyo yenu, saline kwa nguvu msitafute pa kusalia bali pa kusalia pawe popote ili mradi mnasali kwa moyo na Kristo atapatikana hapo hapo mlipo, msifadhaike mioyoni mwenu. Majengo mazuri na makubwa yatakuja, ruhusuni Roho Mtakatifu aingie mioyoni mwenu atawaelekeza cha kufanya huku mkijitoa kama mlivyojitoa katika ujenzi wa nyumba hii ya mapadri.” Amesisitiza.

Amesema kwa sababu parokia hiyo ya Pwaga inaanza chini yake, ni vyema iwe kioo kwa ajili ya kufundisha watu kumuongokea Mungu huku akiwaonya wana kipaimara 26 aliowapa sakramenti siku hiyo kulisikia neno hilo na kulifuata.

Pamoja na kutangazwa kwa parokia hiyo mpya Askofu Mkuu Beatus Kinyaiya OFM-Capp amemtangaza Padri Nestory Ngunwa kuwa paroko wa parokia hiyo mpya na kuwa kwa sasa atakuwa akikaa parokiani Lumuma hadi hapo nyumba mpya ya mapadri hapo Pwaga itakapomalizika.

Paroko wa Parokia hiyo mpya, padri Ngunwa amesema kuwa anamshukuru Mungu kwa kumuona, na kwa kutumwa na Askofu katika parokia hiyo, ataifanya kazi ya Bwana kwa moyo wote.

Parokia hiyo mpya ya Pwaga ina vigango 12 ambavyo ni Godegode, Mgoma, Kisisi, Tambukareli, Wisuzaje, Idibulilo, Lufu, Kidenge, Gomhungile, Munguwi, Idaho na Maswala .

RATIBA YA BABA MTAKATIFU MWISHONI MWA MWAKA HUU 2017

2017-10-31T17:52:00.002+03:00

Ziara ya Kitume nchini Chile na Peru kuanzia tarehe 15 -22 Januari 2018, Misa ya tarehe 2 Novemba katika Makaburi ya waamerika Nettuno na Siku ya Masikini Duniani tarehe 19 Novemba katika Kanisa Kuu la Mtakatifu Petro.
Ni baadhi ya matukio katika ratiba ya Baba Mtakatifu Francisko iliyotolewa mapema karibuni kwa miezi kuanzia Novemba, Disemba 2017 na Januari 2018 iliyothibitisha katika Kalenda ya maadhimisho ya Baba Mtakatifu ktuoka katika Ofisi ya Maadhimisho ya Liturujia Vatican.

Baba Mtakatifu ataadhimisha misa ya kumbukumbu ya waamini marehemu huko Nettuno Italia tarehe 2 Novemba 2017, baadaye, tarehe 3 Novemba ataadhimisha misa nyingine katika Kanisa Kuu la Mtakatifu Petro kwa ajili ya kukumbuka makardinali na maaskofu marehemu waliofariki kwa kipindi cha mwaka huu.

Tarehe 19 Novemba anatarajiwa kuadhimisha misa Takatifu kwa ajili ya Siku ya Maskini Duniani, aliyoitangaza mwishoni wa mwaka wa Jubilei ya huruma, na wiki itakayofuata kuanzia tarehe 26 Novemba hadi 2 Desemba, ataanza ziara yake ya kitume nchini Myanmar na Bangladesh.

Tarehe 8 Desemba 2017 ni sSkukuu ya Bikira Maria Mkingiwa dhambi ya asili Baba Mtakatifu kama utamaduni, antarajiwa kwenda kuweka shahada la maua katika sanamu ya Mama Maria kwenye uwanja wa Hispania Roma, na tarehe 12 Desemba ataadhimisha Misa Takatifu ya Bikira Maria wa Guadalupe, msimamizi wa Bara la Marekani. Misa zote kipindi cha Krismasi kama utamaduni zitafanyika katika Kanisa Kuu la Mtakatifu Petro, Misa ya mkesha wa Krismasi tarehe 24 Desemba itaanza saa tatu na nusu za usiku masaa ya Ulaya, na sikukuu ya Epifania itafanyika tarehe 6 Januari 2018.

Jumapili tarehe 7 Januari, Baba Mtakatifu ataadhimisha Misa Takatifu ya sikukuu ya Ubatizo wa Bwana katika Kanisa la Sistina, mahali ambapo atawapa sakramenti ya ubatizo baadhi ya watoto. Na maadhimisho ya mwezi Januari yafungwa huko Cile na Peru mahali ambapo ataanza ziara ya kitume kuanzia tarehe 15 hadi 22 Janauri 2018.
Sr Angela Rwezaula
Idhaa ya Kiswahili ya Radio Vatican

Maaskofu Katoliki wataka hukumu ya kifo itazamwe upya

2017-10-31T17:50:00.002+03:00

MAASKOFU wa Kanisa Katoliki nchini wameiasa serikali kubadili sheria inayoruhusu adhabu ya kifo kwa wahalifu badala yake watoe hukumu ya kifungo cha maisha.

Makamu wa Rais wa Baraza la Maaskofu Katoliki Tanzania (TEC) Askofu Mkuu Beatus Kinyaiya ameeleza hayo kwa niaba ya Maaskofu Katoliki Tanzania hivi karibuni huko jimboni TUNDURU-Masasi kwenye ibada ya mazishi ya Askofu wa Jimbo hilo marehemu Castory Msemwa.

“Leo tunapomzika Askofu Msemwa tunakumbuka kuwa mwanadamu anazaliwa na anakufa kupitia vifo mbalimbali ukiwemo uzee na magonjwa. Huo ni mpango wa Mungu kwamba mwanadamu afe ili afike kwenye makao aliyomuandalia.

Lakini kuna vifo ambavyo ni kinyume na mpango wa Mungu ikiwemo sheria inayoruhusu mahakimu kutoa hukumu ya kifo. Aliye na mamlaka ya kuchukua uhai wa mwanadamu ni Mungu peke yake kwani uhai ni zawadi kutoka kwa Mungu.

Sababu ya vifo vinavyotokea duniani ni sisi wanadamu wenyewe. Maandiko matakatifu yanatuambia Mungu peke yake ndiye ana uwezo na mamlaka ya kuchukua uhai. Uhai ni kitu kitakatifu lakini baadhi yetu tunapuuza.

Tunafahamu kwamba sheria za nchi nyingi duniani zinaruhusu mahakimu kutoa adhabu ya kifo ikiwemo Tanzania. Tunaiomba serikali yetu ione namna ya kubadili sheria hiyo na badala ya kifo, wahalifu wapewe adhabu ya kifungo cha maisha. Kama taifa tusikubali kuridhia mikataba ambayo haiheshimu uhai,” amesisitiza Askofu Mkuu Kinyaiya.

Aidha maaskofu pia wameisisitiza jamii kuacha kutoa mimba kwani ni namna nyingine ya kutoa uhai wa mwanadamu suala ambalo wamesema ni kosa na ni dhambi kwa anayetoa na yeyote anayeshiriki. Hivyo jamii nzima ina wajibu wa kuheshimu na kutunza uhai ambao ni zawadi kutoka kwa Mungu.

Wamewaonya vijana ambao ni nguvu ya taifa la Tanzania kuacha kuhatarisha maisha yao kwa kukumbatia utamaduni wa kifo.

“Vijana wanakufa kabla ya wakati wao kwa kudhoofisha miili yao kwa kutumia sumu mbalimbali kama vile mahusiano ya hovyo hovyo, dawa za kulevya nk. Wakidhani ndiyo namna ya kupata starehe kumbe wanajiangamiza.

Tatizo la vijana kujiua wenyewe nalo linaongezeka Tanzania. Kufuatana na ripoti ya Shirika la Afya duniani Tanzania ni kati ya nchi 10 duniani, zinazoongoza kwa watu hasa vijana kujiua.

Wapendwa vijana sisi wazee wenu tunawaasa muachane na huo utamaduni wa kifo, ishini maadili, maadili mliyofundishwa na Askofu Castory MSEMWA, mnayofundishwa na viongozi wenu wa dini mkijua kuwa miili yenu ni hekalu la Roho Mtakatifu,” amesema.

Katika mazishi hayo Askofu Mkuu Beatus Kinyaiya amesema kuwa, Maaskofu Katoliki Tanzania pia wametaka jamii itafakari pia kifo cha mazingira katika dunia wanayoishi.

Katika barua yake ya pili inayojulikana kama ' Laudato Si' yaani ‘sifa iwe kwako’ Baba Mtakatifu Fransisko pamoja na mambo mengine anazungumzia jinsi wanadamu wanavyoiua dunia kwa vitendo mbalimbali. Wanatumia dunia kwa uroho bila mpango kiasi kwamba wanaiua dunia ambayo ni mama yao.

“Matokeo ya madhara yanaturudia kwa njia ya ukame, ongezeko la hewa ya ukaa ambalo ni mbaya kwa afya zetu nk. Tutakimbilia wapi tukiiharibu dunia?

Tunamuasa kila mmoja wenu asiiumize dunia kwa vitendo visivyofaa, kama vile kukata miti hovyohovyo, kuchoma uoto asilia, kuua wanyama nk.” amesisitiza Askofu Mkuu Beatus Kinyaiya ambaye pia ni Askofu wa Jimbo Kuu Katoliki Dodoma.

Ameiasa jamii kuacha kulilia kifo kwani jinsi wanavyomuona Marehemu Askofu Castory Msemwa ndivyo kila mmoja atakuwa hivyo kwani kuzaliwa ni bahati na matokeo yake ni kifo ili mwanadamu aende kuishi na Mungu kwenye makao aliyomuandalia.

“Kuna watu wengi hawajapata bahati ya kuzaliwa duniani kwa sababu hawakutungwa mimba kabisa na hawakuja duniani kabisa na kwakuwa hawakuja duniani kabisa hawatakufa kwa sababu hawapo.

Sisi tuliobahatika kuzaliwa duniani hatma yetu ni kufa ili turudi kwa Baba, hivyo tusilalamikie kifo kwani ni sehemu ya hiyo bahati ya kuishi hapa duniani.

Tumeambiwa kuwa Askofu MSEMWA amefariki kwa ugonjwa ambapo Mwenyezi Mungu ameamua kumchukua. Sisi kama wanadamu jukumu letu ni kupokea mapenzi ya Mungu ijapokuwa ni magumu kama wanadamu. Tuendelee kumuombea.

Ni wakati wetu wa kumshukuru Mungu kwa zawadi ya Askofu Msemwa hapa duniani kwani aliyoyafanya hakuna mtu mwingine ambaye anaweza kufanya kwani duniani hakuna watu wawili wanaweza kufanana na kufanya jambo lilelile. Kila mtu ana namna yake ya kutenda, naye alikuwa maalumu.

Tunamshukuru Askofu Msemwa kwa kutumia vipaji vyake kulitumikia Kanisa na jamii kwa ujumla bila kulalamika. Tunaamini kuwa kwakuwa alijitahidi kuishi wito wake kama Padri na Askofu Mwenyezi Mungu atampokea kwake mbinguni.

Suala la msingi ni kuishi ukristo wetu, tuishi maisha ya Sakramenti ili tujitakatifuze, tuwe watu wa toba tujiandae ili siku moja turudi kwa baba yetu Mbinguni,” ameeleza.

Amesema kuwa Maaskofu wanashukuru wote waliojitolea kumuuguza na kujaribu kuokoa maisha ya Askofu Msemwa kuanzia madaktari katika hospitali ya Taifa Muhimbili, India nk.

Pia anashukuru Ubalozi wa Tanzania nchini Oman pamoja na serikali nzima ya Tanzania kwa ushirikiano wa kusafirisha mwili wa marehemu kutoka Oman hadi Tunduru kwenye maziko.

Amesema Maaskofu wote wa Kanisa Katoliki wanaungana na wana Tunduru kufarijiana na kutiana moyo katika kipindi hicho kigumu.

Amewataka mapadri wa Jimbo Katoliki TUNDURU-Masasi kuwa na ushirikiano wakati huo ambapo wanasubiria wapewe msimamizi wa muda.

“Ni wazi kiti cha Askofu hapa Tunduru Masasi kipo wazi, sasa ni wajibu wetu kusali na kuomba ili Roho wa Mungu atuchagulie mchungaji mwingine wa Tunduru Masasi.

Tunawaomba mtunge sala maalumu mtakayoisali kila jumapili baada ya Misa kwa lengo hilo.

Na wakati tukisubiri Askofu mwingine, sisi Maaskofu tunawasihi sana mkae kwa amani, upendo na mshikamano,” amesisitiza Askofu Mkuu Kinyaiya.

Chanzo cha habari-TEC

http://tec1956.blogspot.com/2017/10/maaskofu-katoliki-wataka-hukumu-ya-kifo.html

Jubilei ya Miaka 50 ya Parokia ya Manyoni, Jimbo Katoliki Singida

2017-10-31T17:47:00.003+03:00

Askofu Edward Mapunda wa Jimbo Katoliki Singida, kuanzia tarehe 19 Oktoba hadi tarehe 21 Oktoba 2017, Kumbu kumbu ya Mtakatifu Gaspar del Bufalo mwanzilishi wa Shirika la Wamisionari wa Damu Azizi ya Yesu, atakuwa na ziara ya kichungaji Parokia ya Kupaa Bwana Mbinguni, Manyoni ili kuzindua maadhimisho ya Jubilei ya Miaka 50 tangu Parokia ya Kupaa Bwana Mbinguni ilipoanzishwa na Wamisionari wa Damu Azizi ya Yesu kunako mwaka 1967. Askofu Mapunda anatembelea ili kukagua maendeleo ya Parokia: kiroho na kimwili; ataweka jiwe la msingi wa ujenzi wa Kigango
cha Msemembo pamoja na kutoa Sakramenti ya Kipaimara kwa waamini wa Parokia ya Manyoni, kielelezo makini cha ukomavu wa imani unaowadai kuilinda na kuishuhudia katika matendo

Kauli mbiu ya maadhimisho haya ni “Jubilei Manyoni, Imani na Matendo” (Rej. Yak. 2: 16-18). Imani bila matendo hiyo imekufa ndani mwake! Maadhimisho ya Mwaka Mtakatifu wa Jubilei ya huruma ya Mungu, ilikuwa ni changamoto kwa familia ya Mungu kuhakikisha kwamba, inamwilisha huruma na upendo wa Mungu katika matendo ya huruma: kiroho na kimwili! Ndiyo maana familia ya Mungu Parokiani Manyoni inapenda kumwimbia Mungu utenzi wa sifa, shukrani, toba na wongofu wa ndani kwa kuhakikisha kwamba, imani hii inakuwa ni sehemu ya ushuhuda kwa Kristo Yesu na Kanisa lake.
Kilele cha Jubilei hii ni hapo tarehe 13 Mei 2018, Mama Kanisa atakapokuwa anaadhimisha Siku kuu ya Kupaa Bwana Mbinguni. Tukio hili ni sehemu pia ya maadhimisho ya Jubilei ya Miaka 150 ya Uinjilishaji Tanzania Bara, familia ya Mungu nchini Tanzania inapomwimbia Mwenyezi Mungu utenzi wa sifa na shukrani kwa sadaka na majitoleo ya Wamisionari waliosaidia kupandikiza imani na sasa matunda ya kazi hii yanaanza kuonekana Kanisa la Tanzania kuendelea kushamiri katika sekta mbali mbali za maisha ya kiroho na kimwili!
Jubilei ya Miaka 50 tangu kuanzishwa kwa Parokia ya Manyoni, Singida ni muda muafaka wa kumshukuru Mungu kwa zawadi ya uinjilishaji wa kina uliowawezesha watu wa Mungu Parokiani Manyoni kupata huduma makini: kiroho na kimwili na kwamba, uwepo wa wamisionari wa Damu Azizi ya Yesu, Manyoni, Singida na Tanzania katika ujumla wake, umesaidia sana katika kukoleza huduma makini katika mchakato wa ukombozi wa mtu mzima: kiroho na kimwili. Manyoni kimekuwa ni kitovu cha huduma ya maji safi na salama kwa watu waliokuwa wanaishi katika maeneo yenye ukame wa kutisha!
Manyoni ni chimbuko la ujenzi wa Hospitali ya Rufaa ya Mtakatifu Gaspar, Itigi, Manyoni, Singida na leo hii imekuwa chemchemi ya huruma ya huruma ya Mungu na kitovu cha huduma bora ya afya kwa maskini na wale wote wanaosukumizwa pembezoni mwa jamii kutokana na magonjwa yao. Manyoni, imekuwa ni chimbuko ya ukombozi kwa wasichana na wanawake, waliokuwa wanaelemewa kwa kiasi kikubwa na mfumo dume, leo hii kwa njia ya elimu makini na endelevu kutoka katika Chuo cha ufundi hadi kufikia sekondari, wasichana wanaohitimu katika taasisi za Kanisa wamejengewa uwezo mkubwa katika kupambana na changamoto za maisha yao ndani na nje ya Manyoni!
Elimu imewajengea vijana wengi fursa za ajira binafsi na wengi wao wamepata mafanikio makubwa kutokana na nidhamu, bidii, juhudi na maarifa waliyojengewa wakati wakiwa chuoni hapo! Huduma kwa wazee na watoto yatima imepewa msukumo wa pekee kabisa katika maisha na utume wa Wamisionari wa Damu Azizi ya Yesu! Kijiji cha Matumaini, Jimbo kuu la Dodoma kwa ajili ya watoto waliothirika kwa ugonjwa wa Ukimwi, ni ndoto iliyoanzia Manyoni, leo hii kuna watoto waliozaliwa, wakatunzwa na kulelewa na Kijiji cha Matumaini, leo ni watu wazima wanaojitegemea na kuwategemeza ndugu zao! Kwa hakika ndoto ya Mtakatifu Gaspar, bado inaendelea!
Padre Thomas Wambura, Paroko wa Parokia ya Kupaa Bwana Mbinguni, Manyoni, Jimbo Katoliki la Singida anasema, maadhimisho ya Jubilei ya Miaka 50 tangu kuanzishwa kwa Parokia hii ni muda pia wa kuomba toba, huruma na upendo wa Mungu katika maisha na utume wa Kanisa. Kwa wakati huu, mkazo zaidi ni kwa ajili ya kuendeleza mchakato wa kuhuisha na kupyaisha imani, ili iweze kumwilishwa katika ushuhuda wenye mvuto na mashiko!
Ni kipindi cha kuimarisha Jumuiya ndogo ndogo za Kikristo: Shule ya Neno la Mungu, Sakramenti za Kanisa na Matendo ya huruma: kiroho na kimwili. Jubilei hii inapania kuimarisha makuzi ya kiroho, kiutu na kimaadili, ili kuwajengea watu wa Mungu uwezo wa kupambana na changamoto za maisha mintarafu Neno la Mungu, Mafundisho Jamii ya Kanisa, kanuni maadili na utu wema. Ili kufanikisha matamanio yote haya, Parokia inapania kuimarisha mfumo wa uongozi na utekelezaji wa sera na mikakati mbali mbali ya shughuli za kichungaji, kwa ajili ya ustawi, maendeleo na mafao ya wengi! Pia inataka kukuza moyo na ari ya waamini kulitegemeza Kanisa kwa hali na mali ili kuondokana na tabia ya kutegemea wafadhili ambayo kwa sasa imepitwa na wakati! Miaka 50 ni muda muafaka wa kujijengea utamaduni wa kujitegemea! Ni wakati muafaka wa kujenga Makanisa bora zaidi vigangoni pamoja na kukarabati yale yaliyopo, ili kweli waamini waweze kuwa na mahali pazuri zaidi pa sala na ibada kwa kusoma alama za nyakati!
Kama sehemu ya kumbu kumbu hai ya Jubilei ya Miaka 50 tangu kuanzishwa kwa Parokia ya Manyoni, Singida, familia ya Mungu ndani na nje ya Jimbo Katoliki Singida inapania kuchangia ujenzi wa shule ya awali na msingi itakayoendeshwa na kusimamiwa na Parokia, kama sehemu ya mchango wa Kanisa katika malezi na makuzi ya watoto na vijana wa kizazi kipya. Hii ni kumbukumbu inayoanzishwa katika Mwaka wa Bwana kama ushuhuda wa imani katika matendo kwa kizazi cha sasa na kile kijacho! Makisio ya awali ya gharama za ujenzi wa miundo mbinu ni shilingi milioni 206, 700, 000. Halmashauri ya Wilaya ya Manyoni imetoa ardhi yenye ukubwa wa Ekari 18. Familia ya Mungu inaendelea kuchangia fedha na vifaa vya ujenzi. Ni matarajio ya viongozi wa Parokia kwamba, shule hii itaweza kuzinduliwa wakati wa kilele cha maadhimisho ya Jubilei ya Miaka 50 ya Parokia ya Kupaa Bwana Mbinguni, Manyoni, mwaka 2018.
Na Padre Richard A. Mjigwa, C.PP.S.
Idhaa ya Kiswahili ya Radio Vatican.