Poetry World

بس اپنے ساتھ رہنا چاہتی ہوں

noreply@blogger.com (Muzafar Hasan) — Fri, 25 Dec 2009 11:22:00 +0000

بس اپنے ساتھ رہنا چاہتی ہوں
میں اب تجھ سے مُکرنا چاہتی ہوں
میں اپنی عُمر کے سارے اثاثے
نئے ٹھب سے برتنا چاہتی ہوں
یہ دل پھر تیری خواہش کر رہا ہے
مگر میں دُکھ سے بچنا چاہتی ہوں
کوئی حرفِ وفا ناں حرفِ سادہ
میں خاموشی کو سُننا چاہتی ہوں
میں بچپن کے کسِی لمحے میں رُک کر
کوئی جُگنو پکڑنا چاہتی ہوں

یہ درد کیوں ہے؟ کہاں ہے؟ میں کہ نہیں سکتا

noreply@blogger.com (Muzafar Hasan) — Fri, 25 Dec 2009 11:16:00 +0000

یہ درد کیوں ہے؟ کہاں ہے؟ میں کہ نہیں سکتا
ہاں، تمہارے بغیر، اور رہ نہیں سکتا !

یہ، لہلہا کے ہوا کیا چلی، جھکوروں میں ؛
میں بھی بہنے کو ہوا ساتھ؛ بہ نہیں سکتا !

درد، انگڑائیاں لیتا رہا ہے سینے میں ؛
ہوک، جو آج اُٹھ رہی ہے، سہ نہیں سکتا !

ڈوب آیا ہوں بہُت گہرے، سانس لوں کیسے ؟
گھُٹا - گھُٹا - سا ہے دم، پا سطح نہیں سکتا !

خاک میں دفن ہوں، تنہائیوں کا مارا میں ؛
قبا ے گرد کا امبار، ڈھہ نہیں سکتا !

ُمجھ کو معلوم ہے فرھاد کی فطح کا سلہ،
یہ وہ مقام ہے، جو ہو فطح نہیں سکتا !

یوں تو، منجھدھارکی موجوں سے بچے ہیں ھم بھی؛
یہ وہ بھنور ہے، ِجسے دے طرح نہیں سکتا !

میں نے جیتے ہیں مورچوں پے مورچے ِکتنے!
یہ سرانجام فطح کر سلح نہیں سکتا!!

بن کے ھرجائی انتظار، ابد، میں نہ کروں ؟
میں وفادار ہوں، ہو مُجھ سے یہ نہیں سکتا !!

Tum na Jaan pao gy

noreply@blogger.com (Muzafar Hasan) — Fri, 25 Dec 2009 11:06:00 +0000

shehar key dukan daro kaaroobar e ulfat mein
souud kia zayan kia hy tum na jan pao gy

koi kaisey milta hy ..phool kaisey khilta hy
aankh kaisey jhukti hy ..saans kaisey rukti hy

kaisey rah nikalti hy..kaisy bat chalti hy
shoq ki zuban kia hy tum na jan pao gy

wasl ka sakoon kia hy..hijr ka junoon kia hy
husn ka fasoon kia hy ...ishq ky daron kia hy

tum mareez e danai..maslihat ky shaidai
rah e gumrahan kia hy tum na jaan pao gy

zakhm kaisey phalty hein..daagh kaisey jalty hein
derd kaisy hota hy koi kaisey rota hy

aks kia hy naly kia..dasht kia hy chaly kia
aah kia fughan kia hy tum na jan pao gy

janta hun mein tum ko zooq e shairy bhi hy
shaksiyat sajany mein ik ye mahiri bhi hy

phir bhi herf chunty ho ...sirf lafz sunty ho
inn key durmian kia hy tum na jaan pao gy

کبھی جو مسکراتا ہو ، تو خود سے دور جاتا ہو

noreply@blogger.com (Muzafar Hasan) — Fri, 25 Dec 2009 10:57:00 +0000

کبھی جو مسکراتا ہو ، تو خود سے دور جاتا ہو
دکھوں کی چاندنی لی کر ، میں خود کو بھول جاتا ہو

کبھی جو گزر ہوتا ہے مقدرکےتصور سے
وصل کے خواب کا شیشہ میں اکثر توڑ جاتا ہر

مجھے معلوم ہوتا ہے کنارا کس طرف کو ہے
بھنور میں ڈال کے کشتی میں خود کو آزماتا ہو

اسے شک تھا کے رستے میں کہی تو لڑکھڑاو گا
ہمیشہ خود سھنبلتا ہو امیدیں چھوڑ جاتا ہو

جب دل میں سنسناتی ہیں کسی کی ےیاد کی بارش
اسد میں چاند کو اکثر تنہا چھوڑ جاتا ہو

Meri Muhabbat bus aesi hai

noreply@blogger.com (Muzafar Hasan) — Fri, 25 Dec 2009 10:49:00 +0000

Meri muhabbat bahut ajeeb hai
Koi hijer nahi
Koi wasl nahi
Koi Deed ka arman nahi
Kisi kahi unkahi ka guman nahi
Na chandni raaton ko jagna
Na din ko jalwatoun main khoye khoye rehna
Na bekran samandar hai ankhoun main
Na izhar kay
Na iqrar kay jhameloun main
Meri muhabbat aysi hai kay bus
Tou jab nazer aa jaye tou
Teri ik nazer
Mujh pe uthay yan na uthay
Teri iss nazer main bundh jana
Teri khamoshi pe khatak jana
Teri hansi main huns dena
Teri tarap pe tarap jana
Meri Muhabbat bus aesi hai

ہدیئہ تبرک جناب قائد اعظم محمد علی جناح

noreply@blogger.com (Muzafar Hasan) — Thu, 24 Dec 2009 19:01:00 +0000

آج تیری یادوں کا دن ہے

تیری یاد سے مشرق مغرب

جاگ رہے ہیں شہر ہمارے

تیرے نام سے گونج رہے ہیں

علم اور حکمت کے گہوارے

کہیں لیک تیرے ہاتھوں کی

کہیں تیری باتوں کی خوشبو

کہیں چمک تیری آنکھوں کی

کہیں تیری آواز کا جادُو

عزم تیرا کہسار کی عظمت

تیری فکر سمندر گہرا

دو دھاری تلوار کی ضربت

لمبا قد اور جسم اکہرا

تُونے کھوئی ہوئی باتوں کو

مایُوسی میں یاد دلایا

تُو نے سوئی ہُوئی راتوں کو

بیداری کا خواب دکھایا

تیری یاد سے مہک رہے ہیں

گلشن بن، بستی، ویرانے

ہونٹ ہونٹ پر نام ہے تیرا

گلی گلی تیرے افسانے

قائد اعظم میرے دِل میں

تیری محبت زندہ رہے گی

نام تیرا تابندہ رہے گا

یاد تیری پائندہ رہے گی

محبت کم نہیں ہوتی

noreply@blogger.com (Muzafar Hasan) — Thu, 24 Dec 2009 18:52:00 +0000

اُسے کہنا

بظاہر تو ہوائیں

بدلی بدلی ہیں

چمن بھی بدلا بدلا ہے

مگر

دل میں

تمھاری یاد کا موسم نہیں بدلا

میری چاہت کے پھولوں کی

ابھی خُوشبو نہیں بکھری

میرے اندر تمھاری ذات کا

احساس باقی ہے

تمھارے دم سے میری زندگی کی

سانس باقی ہے

اُسے کہنا

کہ موسم تو بدلتے ہیں

یونہی کبھی

موسم بدلنے سے

یہ آنکھ نم نہیں ہوتی

محبت کم نہیں ہوتی

اُسے کہنا

محبت کم نہیں ہوتی

کہا اُس نے

کہ شاخوں سے

جُدا پھولوں کو کرنے کی

ہواؤں کی جو سازش ہے

اُسے اچھی نہیں لگتی

فقط اِک پل کو جی چاہا

اُسے اِتنا تو کہہ دوں‌ آج

محبت

پھول کی ان پتّیوں سے

بڑھ کے نازک تھی

جِسے قدموں تلے اُس نے

کبھی کا روند ڈالا ہے

تمہیں ہم یاد کرتے ہیں

noreply@blogger.com (Muzafar Hasan) — Thu, 24 Dec 2009 18:31:00 +0000

اگر ترکِ تعلق ہی وفاؤں کا تقاضا ہے

خوشی سے بھول جانا تم

وہ شب ڈھلے کی خاموشی میں میرے نام لکھے خط

طویل ای میلز، وہ شعروں سے، پھولوں سے لدے سب کارڈ

میرے موبائل پر وہ جگمگاتے پیار کے قصے

وہ خوشبویات کی یادیں، وہ مہکی رات کی باتیں

ادھورے سب فسانے وہ، ادھوری سب ملاقاتیں

تمہیں میری اجازت ہے

بھلا دو سارے وعدوں کو، مٹا دو ساری یادوں کو

جلا دو میری سب نظمیں

لوٹا دو پیار کے تحفے ۔۔۔۔

قلم ۔۔۔ جس پر تمہارا نام چاندی سے لکھایا تھا

وہ ٹائی ۔۔۔ جو گلے کا ہار بن کے رہتی تھی اکثر

کتابیں ۔۔ جو تمہاری خوابگاہ کی اب بھی زینت ہیں

وہ سی ڈی ۔۔ جو تمہاری گاڑی میں اب بھی امانت ہیں

رومالوں پر تمہارا نام ہم نے خود ہی کاڑھا تھا

اگر ترکِ تعلق ہی وفاؤں کا تقاضا ہے

سنو پھر آج ہی ،اس بے مہر ساعت کے سائے میں

ہر اک شرطِ وفا سے ہم تمہیں آزاد کرتے ہیں

کہ خود ہی قتل ہوتے ہیں، کہ خود بے داد کرتے ہیں

چلو دل پہ چٹاں رکھ کے گلستانِ محبت کو

خود برباد کرتے ہیں

تمہارا نام تک لیتے نہیں تنہائیوں میں ہم

مگر اس دل کی دھڑکن کوبنا کر راز دار اپنا

تمہیں ہم یاد کرتے ہیں

مصنوعی لبادے

noreply@blogger.com (Muzafar Hasan) — Wed, 02 Dec 2009 11:27:00 +0000

کرتے ہیں زیبائش کبھی نمائش اور کبھی ستائش کے لئے ہم

اکثر آرزؤں کی یہ گرمائش بن جاتی ہے ہمارے لئے آزمائش نہ کہ آسائش

یہی ہے ہماری زندگی کی مصنوعی رہائش جہاں ہو پاتی نہیں ہماری افزائش

ہماری ہر فرمائش کسی نہ کسی آرزو کی اِک آرائش

کرتے ہیں جنکے لیئے بےشمار پیمائش، آخر پیدا کر لیتے ہیں اُنکے لیئے اِک گنجائش

آلائش کیلیئے پھر بھی ہمیں درپیش ہے ہر حال اِک فہمائش

مصنوعی پن کی بات معمولی سی نہیں ہے اور نہ ہی مختصر۔ زندگی کے بہت سے پہلو مصنوعیت سے بھرپور ہوتے چلےجا رہے ہیں۔ ہماری آزادیاں، تربیت، رہنما، عقائد، احترام، اصول، رشتے، قدریں، نام پہچان، گھر، معاملات نہ جانے کیا کیا مصنوعیت کی وجہ سے اپنی اصل بنیادیں کھو رہے ہیں۔

مہمان کی بات صرف یہاں تک نہیں کہ اُسکو ایک اچھے برتن میں پانی پیش کیا جائے۔ مہمان کےمعنٰی رحمت ہے۔ تو پھر رحمت کو رحمت ہی سمجھنا چاہیے۔ جب ہمارے ہاں کوئی مہمان آتا تھا تو ہماری روایات تھیں کہ اسکو اپنے سے بہترکھانا مہیا کیا جاتا تھا۔ شاندار بسترا اور اپنا بہترین لباس پیش کیا جاتا۔ مہمان نوازی یہ نہیں کہ کسی کو Servent Quater میں رہنے دیا جائےاور کسی کو شاندار کمرہ میں رہائش دی جائے۔ جب کوئی مہمان ہے تو پھر اُسکے تمام درجات ایک مہمان والے ہی ہوتے ہیں۔ مہمان دراصل خاص ہوتا ہے۔ ایک مہمان ایسا بھی ہوتا ہے۔ جو خاص الخاص ہوتا ہے۔ اُس خاص مہمان کی آمد کے باعث دیگر مہمان تشریف لاتے ہیں۔ تو وہ خاص مہمان پہلے مہمان اور پھر میزبان بھی ہے۔ یہاں درجہ کا احترام ضروری ہے۔ یہ ایک اور بات ہے مگرخاص مہمان، میزبان کے نزدیک تمام مہمان مرتبہ کےاعتبار سےمہمان ہی ہے اور ہر ایک اپنی جگہ خاص۔

ولی اللہ، مرشد کی تعلیم ہمیں قدرتی پن سے آشنا کرواتی ہے۔ مگر آج مریدین تعلیم پرعمل پیرا ہونے پر کم توجہ دیتے ہیں اور زیادہ توجہ اُنکے نام کو promote کرکے خود القابات حاصل کرنے پر رکھتے ہیں، توجہ خانقاہی اور راہبانیت کی رکھتےہیں، یہ مصنوعی پن ہے کہ دُنیا سےکٹ جائے۔ اصل بات تو یہ ہے کہ اُنکی تعلیمات کا خود عملی نمونہ بنے۔

ہمارے رشتے بھی مصنوعی ہوکر رہ گئے ہیں۔ بچے تایا، تائی، چچا، چچی، ماموں، ممانی، خالہ، خالو، پھوپھو، پھوپھا، دادا، دادی، نانا، نانی جیسےقریبی اور قابل احترام رشتوں کی شناخت نہیں جانتے تو اُن کا احترام اور مقام کیا جان پائیں گے۔ وُہ کیا جان پائیں گے کہ بہنوئی کا کیا مقام ہے، اُس سے بات کرنے کا کیاسلیقہ ہے۔ احترام مصنوعی پن نہیں بلکہ رشتے، ذات اور تعلق کے مقام کا درست تعین کرتا ہے۔ اہمیت اور قدر کا احساس دلاتا ہے۔ بچوں کو اِس بات (رشتوں) کا علم نہ ہونا۔ والدین کی نااہلی ہے جواز یہ نہیں کہ اُنکے ہاں اِنکا وجود نہیں یا تعلقات کی نوعیت کے باعث ایسا ہوا۔ بلکہ یہ تربیت کا لازمی جزو ہے۔ اگر اختلاف والدین کا ہے تو بچوں کو یہ تربیت دلائی جائے کہ وُہ رشتوں کی پہچان سیکھے۔ باپ کے چچا کا احترام دادا کی حیثیت سے ہی کرے۔ عید کارڈ آپس میں بانٹنا ایک اچھا ذریعہ تھا۔ جس سےرشتوں کی پہچان تو کم از کم چھوٹے بچوں کو ہو جایا کرتی تھی۔

آج ہم عالیشان گھر بناتے ہیں اور چاہتے ہیں کہ ہماری مرضی کےخلاف کوئی مہمان کی حیثیت سےگھر نہ آئے۔ گھروں کو ہم ایک چھوٹی سی دُنیا نہیں دیکھنا چاہتےجہاں خوشی اور غم ہوں۔ ہم سکون کےمعنٰی صرف اور صرف سناٹا کے ہی لیتے ہیں۔ گھر کا سکون ہے کیا؟ گھر یہ نہیں کہ ایک مکان جہاں میاں، بیوی اور بچےرہائش پذیر ہوں۔ وُہ تنہائیاں ہیں۔ جہاں خاندان آباد ہو جہاں غم اپنوں میں گم ہو جائےاور خوشیاں آپس میں بانٹ کر مزید بڑھ جائے۔ اپنی ذات کےوجود کے لئےنہیں جیئے، بلکہ دوسروں کے لئے جیئے۔ یہ ہماری بنیادی کوتاہی ہے ایک قوم کےطور پر بھی۔ تبھی آج ہم دنیا میں تنہا ہوتے چلےجا رہے ہیں۔ ہم یہ تنہائیاں چاہتے کیوں ہیں یہ بھی ایک سوا ل ہے ”دراصل ہم اپنی چوری ،کرپشن کو دنیا سےچھپانا چاہتے ہیں جو ہم اپنوں کی پیٹھ میں چُھرا گھونپ کر حاصل کرتےہیں۔ دُنیا کےسامنے ہم پاکباز اپنے آپکو پیش کرتےہیں جبکہ خود کو اندر ہی اندر سےدوسروں کا مجرم مجھتےہیں“۔

ہم مسلسل تعلیمی نظام و نصاب کو ہدف ِتنقید کا نشانہ بناتے ہیں۔ ٹھنڈے دودھ کو پھونکےمارتے ہوئےدراصل حقیقت سےنظر چراتے ہیں۔ مصنوعی پن جاہل طبقہ کی پیداوار ہے۔ ایک غربت سے امارت حاصل کرنےوالا طبقہ اور دوسرا تعلیم یافتہ مگر بددماغ طبقہ اِن دونوں زرفشانی طبقوں میں ایک منفی قدر مشترک ہے بیجا غرور اور اَنا کی۔ جسکا مقصد دوسروں پر اپنا ایک تاثر قائم کر چھوڑنا۔ یہی تعلیم یافتہ طبقہ پڑھا لکھا اَن پڑھ جسکی توجہ صرف اور صرف اپنی نمائش تک ہی۔دُرفشانی نہیں۔

ہر قوم کےکچھ نظریات و عقائد ہوتے ہیں۔ اِسی طرح ہمارا بھی ایک بہت ہی جاندار دو قومی نظریہ ہے۔ جس کو آج بھرپور بےمنطق اور جاہلانہ مباحثہ سےمتنازعہ کر کے ایک بے بنیاد نظریہ پیدا کرنےکی کوشش کی جا رہی ہے۔ یہ تو حد ہو چکی ہے مصنوعی لبادے اُوڑھنے کی کہ پہلے وطن عزیز کےنظریہ کا لباس اُتار دیا جائےاور پھر کونسا لبادہ اُوڑھا جائے، اُسکی تلاش کی جائے۔

غریب شخص ہر طرح کی زیادتی برداشت کرتا ہے۔ مگر پھر بھی وہ اللہ پر بھروسہ کرتا ہے۔ صرف ایک کلمہ طیبّہ کےسہارے۔ مگر ظالموں نےوہاں بھی نہیں بخشا۔ تلفظ کی بحثوں میں پڑھ چکے ہیں۔ تلفظ کی درستگی ضرور ہونی چاہیئے۔ مگر اہل ایمان کو ایمان کےحوالے سےمایوس نہیں کرنا چاہیے۔ مگر آج ہم ایک دوسرے کو اُمید دِلانےکی بجائےصرف اور صرف مایوس کرنےکی درس و تدریس پر عمل پیرا ہیں۔

اُستاد قوم کا معمار ہوتا ہے۔ مگر چند اُساتذہ آج کےاُستاد کےمقام کو بھول چکےہیں۔ بس آج وہ بچوں میں مقبول رول ماڈل نہیں بننا چاہتے، بلکہ رنگ باز بن کر اپنے آپکو مقبول ثابت کر رہے ہیں۔ وُہ اُستاد کے افضل مقام کو بھول رہے ہیں۔ ساتھ ہی چند شاگرد اُستاد کی عزت کو بھی بھول رہے ہیں۔ تعلیم دینے والےکی بات کو توجہ سےسننا بھی ایک عبادت ہے۔ اللہ فیض احترام والےکوعطاء کرتا ہے۔

آج ہم جس آزادی کی بات کر رہے ہیں۔ دراصل وہ آزادی نہیں ایک اَندھا کنواں ہے۔ ہم کرپشن کی آزادی چاہتےہیں جبکہ آزادی کرپشن کی روک تھام ہے۔ بچےکی آزادی تربیت ہے، بےراہ روی نہیں۔

ہمارے سیات دانوں کےنعرے بھی مصنوعی ہیں۔ عوامی فلاح و بہبود کےاقدام کی بڑی بات کرتے ہیں۔ درحقیقت عوام کی خدمت کے نام پر اپنی جیبیں بھرتے ہیں۔ اپنی ہی عوام پر روز بروز ٹیکسوں کے بوجھ ڈالتے جاتے ہیں اور خود آرائشوں میں رہتے ہیں۔ اس کو انسانی خدمت کے جذبے سے سرشاری کہتے ہیں؟ ایک ضرب المثل ہے۔ ”شلیتےمیں میخ نہ رکھیئے، لشکر میں شیخ نہ رکھیئے“ مراد تھالی میں میخ سوراخ کردیتی ہے جبکہ دوران جنگ شیخ بزدلی دکھا دیتا ہے۔ بس یہی کہاوت ہمارے سیاست دان کی ہے۔ اُنکی تھالیوں میں بھی مصنوعی نعرے ہی ہیں جو بس اُنکی ذات میں خول کرتے ہی چلے جاتے ہیں اور لشکر میں لوٹے ہی لوٹے چلے آتے ہیں۔

والدین کو آج کل اپنے بچوں کی جسمانی صحت کی فکر لاحق رہتی ہے۔ کئی بیماریوں کا وجود پذیر ہونا کیوں ہے؟ مصنوعی خوراک، مصنوعی آب و ہوا، پولٹری فارم کی وُہ مرغی جسکی طبعی عمر کی حد ہی صرف تین ماہ سےزائد نہیں، ہماری خوراک بنتی ہیں۔ سبزیاں کیمیکل کا نتیجہ ہی۔ پیداوار کی زیادتی بھی ایک سنگین مسئلہ ہے۔ مگر آج کی بھینس کا خالص دودھ بھی خالص نہیں لگتا۔ کیونکہ اُسکی خوراک جو مصنوعی ہو کہ رہ گئی ہے تو ملاوٹ والےدودھ کا کیا بنےگا؟ چند ڈبہ کےدودھ میں یوریا، بال الصّفا جیسی مضر اشیاءکا استعمال ہمارا کیا بنائےگا؟

ہمارے مزاج اور تعلقات بھی مصنوعی ہیں۔ کسی کے ہاں چلےجانا تو بس وہی مصنوعی باتیں ہی موضوعِ گفتگو رہ جاتی ہیں۔ مصنوعی انداز، ناز و نخرہ، برتنوں کی سجاوٹ۔ جبکہ تعلق دِل کی کشش سے ہوتا ہے۔ مگر دوسری جانب ملاقاتی بھی اکثر مصنوعی ہوتا ہے۔

ہم گھر میں پودے اپنی ذات کے لیئے نہیں رکھتے دوسروں کو دِکھانےکے لئے رکھتے ہیں۔ ہم پودے سےمحبت نہیں کرتی۔ بس ایک ضرورت سمجھ لیتےہیں، status کی۔ پودا بھی ایک جاندار ہے اور اسکی خدمت بھی کرنی چاہیے، دیکھ بھال بھی کرنی چاہیے، جیسے ہم گھر میں پالتو جانور پا لتے ہیں۔ اسی طرح خریدنےوالے پودے کی پرورش کرنا بھی ہمارا ذمہ ہے۔

مصنوعی تصویر بنوا لینا بھی ایک خود فریبی ہے۔ تصاویر کاٹ کاٹ کر ایک بنا لینا ایک خود فریبی۔ بڑی شخصیت کےساتھ تعلق کی بے بنیاد بانگ لگا لینے کی جھاگ اندر ہی اندر سے بیٹھ جاتی ہے۔ یہ بات اسی طرح ہےکہ اپنا حسب نسب نوابوں، بادشاہوں سےمنسلک کرنا اور حقیقتاً ایسا نہ ہونا راصل اپنی اصل بنیاد پر ندامت کرنا۔ دانشمندی ہے کیا؟ دراصل یہ ایک احساس کمتری کا خوف ہوتا ہے۔یہ مصنوعی لبادے آخر کیوں ہم اپناتے ہیں یہ تو حقیقت سےنظر چُرانےوالی بات ہوئی۔

خبر نہیں کیا نام ہے اِس کا، خدا فریبی کہ خود فریبی

عمل سےفارغ ہوا مسلماں بنائے تقدیر کا بہانہ (١)

رشتے بھی مصنوعی انداز میں کرنےلگ گئے ہیں۔ جب رشتہ کےسلسلہ میں ہم بچی پہ نگاہ ڈالتے ہیں تو اعتراض کر بیٹھتے ہیں، دوپٹہ کیوں لیا، دوپٹہ کیوں نہیں لیا؟ ہم اُس میں عیب نکالتے ہیں؟ بھول جاتے ہیں کہ کل اللہ ہمیں اس کیفیت سےگزارے تو کیا ہوگا؟ دوسری جانب وہ بچی نفسیاتی مسائل کا شکار ہو کر اُلجھ سی جاتی ہے کہ وُہ دوپٹہ لےکر جائے یا دوپٹہ کے بغیر مزید میزیں سجا سجا کر تھک جاتے ہیں اور لوگوں کی باتیں سن سن کراُکتا جاتےہیں ۔ آخرخامی کہاں ہی؟ دونوں جوانب۔ رشتہ لینے والوں کو رشتہ کی قدر کا پتہ نہیں۔ بچی والوں کو فیصلہ کا علم نہیں۔ جو جس حال میں ہی۔ وُہ اُس حال میں ہی رہے۔ مصنوعی انداز نہ اپنائے جس کو منظور ہے اُسکو قبول بھی ہو ورنہ بعد میں مسائل ہی ہیں۔ اِنکے پیچھےاصل معیار ہمارا دولت کاہے، جو ناقص پیمانہ ہے۔

محبت کو ضد کی صورت میں حاصل کرلینا بھی ایک مصنوعی بات ہے۔ محبت دوسروں کی خوشی کی خاطر جینا اور مرتبہ و مقام کےاعتبار سےاحترام کرنا۔

ہم آپس میں تعلق بہن، بھائی کر رکھتے ہیں۔ مگر کوئی ہمیں بھائی یا sister کہہ یا لکھ دے تو ہم سر پٹا جاتے ہیں اور دل میں کہتے ہیں کہ ایسا کیوں کہا اُس نے۔ دراصل ہماری نگاہیں اور نیتیں مصنوعی پردوں کے باعث خراب ہو جاتی ہیں۔ مگر بےشمار افراد ایسے بھی ہیں جو اِس پر خوشی کا اظہار بھی کرتے ہیں۔

آج کے نئے بیشتر نامور نام، نامور ہو ہی نہیں سکتے۔ وُہ ناموریت ایسے ہی ہیں جیسے shooting کے دوران کیمرہ کےسامنے اپنا چہرہ کر لینا۔ تبھی آج کئی قابل لوگ خاموشی اختیار کرکےگمنامی کی منزلیں طےکر رہے ہیں۔

آج تو نوجوان اور دوشیزہ کا اظہار محبت بھی مصنوعی ہوگیا ہے۔ اُنکی توجہ ذات سےنہیں بلکہ ذات سےمنسلک دیگر کئی پہلوئوں پر ہیں۔

ہمارے لباس کا فیشن کیا آج ہماری ثقافت، مذہب اور موسمی حالات سےمطابقت کرتا ہے۔ ہمارا مصنوعی پن یہ ہے کہ ہم دوسروں کے پیچھےچلنے کی کوشش کر رہے ہیں۔ یہی حال ہمارے طرز تعمیر کا ہے۔

زندگی کے دِنوں کا قدرت کے دِنوں کےمقابلے پر تعین کر دیا ہے۔

شادی کےموقع پر خواتین اپنے چہروں کو سفید نقاب میں اُوڑھ دیتی ہیں۔ حسن سفید رنگت میں نہیں۔ خوبصورت نقش و نگار میں ہے۔ اگر محفل میں گہرے رنگ والا زیادہ نمایاں ہو تو شفاف رنگت کہاں گئی۔ خوبصورتی چہرہ کی کشش سے ہوتی ہے رنگت سے نہیں۔

ہم دوسروں کی مدد کرتے ہیں۔ اِس خیال سےکہ کل وُہ ہمارے کام آئےگا۔ مگر یہ بھول جاتے ہیں ”نیکی کر دریا میں ڈال“ ہماری نیکی بھی دکھاوا ہے۔ دراصل مقصد اپنی تعریف کروانا ہے۔

دوستی جیسےخوبصورت رشتہ کو ہم نےمفاد کی نظر میں اُوجھل کر دیا ہے۔ جبکہ دوستی ایک ایسا تعلق ہے جو ہماری شخصیت کو متوازن بنانے میں اہم کردار ادا کرتی ہے۔

مصنوعی پن اور قدرتی پن کا فرق یوں ہی بیان ہوسکتا ہے:

شمالی علاقہ جات کےکسی پہاڑ کو دیکھیئے، کیمرہ کی آنکھ کا focus اور انسانی آنکھ کا دیکھنا ایک واضح فرق ہے۔ کیمرہ کی بات ادھوری اور نگاہ کی بات مکمل صورت ہوتی ہے۔ کیمرہ تصویر کو ہی لیتا ہے، ماحول کو نہیں جبکہ ماحول کی کیفیات محسوس کی جاتی ہیں۔ close کر لینا ناممکن ہے۔ یہی تو تاثیر کی بات ہے۔ آنکھ کی وسعت نظری بہترین اور زیادہ ہے۔ کیمرہ سےصرف وقت کو محفوظ کرلینا مصنوعیت ہیں۔ آنکھ سےدیکھنا، محسوس کرنا قدرتیت ہے۔آنکھ سے ہم پہاڑ کی باریکیوں کو بخوبی دیکھ سکتے ہیں۔ مگر کیمرہ سےایک تو پورا منظر فوکس نہیں کرسکتےاور نہ ہی ہر feature کو اُس میں سمو سکتے ہیں۔

افسوس ہا افسوس! آج ہم اتنا مصنوعی پن اختیار کر چکے ہیں کہ قابل بیان نہیں۔ زندگی کا ہر پہلو اِس سےمنفی سمت میں متاثر ہوا ہے۔ ان تمام الجھنوں کا حل عملی طریقہ کار ہے۔

اتنی گفتگو سے یہ ہرگز مراد نہیں کہ دُنیا یا ہمارے ہاں قدرتی پن کی قلت یا ناپیدگی ہے۔ دراصل ہمارے قدرتی عمل کو حوصلہ شکن کیا گیا جبکہ مصنوعی معاملات کو حوصلہ افزائی بخشی گئی۔ اکتوبر ٢٠٠٥ء کا زلزلہ، ستمبر١٩٦٥ء کی جنگ، اگست ١٩٤٧ء (٢) یہ تمام عوام کےقدرتی جذبات کے واضح عکاس ہیں۔ اکتوبر ٢٠٠٥ء میں جسطرح ہم نےاِنسانی جذبہء کا مظاہرہ کیا ۔ وُہ ہمیں مستقبل کی ایک مہذب، قابل اور احساس کرنےوالی قوم کا potential talent بتاتی ہے۔ بس ہمیں ایک مناسب تربیت کی ضرورت ہے۔ جو ہمیں دُنیا کی سب سےبہترین مہذب قوم بنا سکتی ہے۔ واقعہ زلزلہ اِس تربیت کا ایک مناسب موقع تھا۔ مگر سرکار نےعوام کےجذبات کو مجروح کر کے دبا ہی دیا۔ خدمت، انسانیت کی بھلائی، محبت، رواداری، احساس، مسلمان بھائی جیسےالفاظ کی تاثیر کو حاصل کرنے ہی نہ دیا۔ Practically یہ تعلیم کا موقع تھا جو صرف سیاسی جماعتوں اور سرکار کی projectionمیں ماند پڑگیا۔ یہ کیوں ضروری تھا کہ جب تک سرکاری سیاسی قائدین، کیمرہ میں موجود نہ ہوں تب تک متاثرین میں سیاسی جماعتوں کی امداد بانٹی نہ جائے۔ اتنے کڑے وقت میں بھی ڈیڑھ اینٹ کی مسجد برقرار رکھی گئی۔ یہاں ہر وُہ شخص قابل تعریف اور سلام کا مستحق ہے۔ جس نے اپنے محدود ترین وسائل میں بھی انسانیت کے جذبے سے سرشار ہو کر بےلوث مدد کی۔ دُنیا کو دکھانے کے لئے آٹے کے تھیلے تقسیم نہ کئے بلکہ دل میں اللہ کا خوف تھا۔

جدید فلسفہ کیا ہے؟ برٹرینڈرڈ رسل کا اصل focus کیا تھا؟ الفاظ کی تاثیر کو حاصل کرنا۔ آج کا فلسفہ حقیقت کی تلاش ہے، یونانی فلسفہ تخیلات پر مشتمل تھا، اِسلامی فلسفہ روحانیت کےوجود سےلبریز ہے۔ اِسی بنا پر اِسلامی فلسفہ کی بنیادوں کو رد نہیں کیا جاسکا۔ یہ ایک کُھلا تضاد ہے کہ حقیقت کی تلاش بھی ہے اور جھوٹ کوبنیاد بناتے چلےجا رہے ہیں۔ مصنوعی ہونا بھی تو ایک جھوٹ ہے سچ قانون قدرت ہے۔

اسلام قانون قدرت کےمطابق ہے۔ اس کا احاطہ بڑا وسیع ہے۔ مگر آج ہمیں سب کچھ کمیونزم، مارکسزم، سوشلزم اور کمرشلزم میں نظر آتا ہی۔یہ مصنوعی نظام کبھی بھی ہماری زندگی کےمسائل کا، دُنیا کےمستقبل کا اَحاطہ نہیں کر پائےگا۔ اِنکی کامیابی کی مدتیں دہائیاں تو ہو سکتی ہے مگر صدی نہیں۔

یہ بات اسی طرح ہےکہ ١٠ سے ١٥ برس قبل ڈاکٹرز ماں کےدودھ سے بچاؤ کا عمل اختیار کیے ہوئےتھے۔ ٹیلی ویژن پر ماں کےدودھ کےنقائص بیان کرنے پر مباحثہ جاری کیئےگئے۔ جب وُہ نسل جوان ہو گئی تو آج ایک نئی بات کا آغاز ہوگیا ماں کےدودھ سے بہترین غذا کوئی نہیں۔ ڈبہ کےدودھ کو بند کیا جائے۔ اب یہاں تو سائنس بھی ناکام ہوئی۔ قصوروار کون؟ اسلام نےتو ماں کےدودھ کی تعلیم دی۔ مگر ہم نےایک نسل پر ناکام تجربہ کیا ذمہ دار کون؟ وُہ افراد جو موجودہ صدی کو سائنس کی صدی کہا کرتے تھے یا کمپنیز کی مارکیٹینگ کرنےوالے۔

مصنف بھی مصنوعی ہوتے چلے جارہے ہیں۔ جس کو بات کی سمجھ نہیں وُہ بھی کتاب تحریر کر دیتا ہے۔ کسی کی تحریر کو اپنےنام سےمصنوعی کر رہے ہیں۔ آخر یہ سب کرنےکا مقصد کیا ہے۔ علم کی تشہیر ہو تو ایک بات اگر علم کو موضوع بنا کر اپنی ذات کو projection دینا اصل مقصد بنا لےتو یہ اپنی ذات کی خوشامد پرستی کرنا ہے۔

آج کےنعت پڑھنے والےاور قوال کلام کو ایک عقیدت سے پڑھتے ہیں۔ مگر مختصر سے چند افراد اِسکو بھی کمرشل کر رہے ہیں۔ مگر دُکھ کی بات تو یہ ہےکہ چند سامعین بھی اِس معاملہ میں کمرشل ہو گئے ہیں۔ یہ بات ایسے ہی ہے جیسےکسی شاعر کو سمجھے بغیر واہ واہ کہہ دینا۔ چاہے وُہ بات حقیقتًا بڑی ہی اعلیٰ ہو۔ یہ بات اسی طرح ہے کسی کےصوفیانہ کلام کو سُن کر وجد طاری ہو جانا ایک حقیقت ہے مگر کچھ ناعاقبت اندیش لوگ وجد کی کیفیت کو ظاہر کرتے ہیں حقیقت میں طاری نہیں ہوتی۔ دھمال ڈالتے ہیں مگر جب دھمال پر کوئی توجہ نہیں دیتا تو کچھ دیر کےبعد فوراً ہی رُک جاتے ہیں۔ حقیقی دھمال کچھ اور ہی ہوتی ہے۔

دیدار کےدعوٰے ہم بڑے کرتے ہیں مگر اُسکی اہمیت سےواقف نہیں دیدار والا دیدار کی تشہیر نہیں کرتا، نمائش نہیں کرتا۔ اُسکی بات اور کلام میں ایک وصف کی بات ہوتی ہے۔ جو اوروں میں نہیں ہوتی۔ عالم کبھی بھی اپنا علم نہیں جھاڑتا۔ تازہ دم علم سیکھنےوالا ہی علم کو دوسروں پر تھونپتا ہے، جھاڑتا ہےاور لوگوں کو ڈراتا ہے۔ سمجھ دار کی بات ہمیشہ مثبت اور حوصلہ افزاء ہوتی ہے۔ منفی اور حوصلہ شکن نہیں۔ مصنوعی لوگ مایوسی کے اندھیروں میں ڈال دیتےہیں۔

نائیک بھی ایک مصنوعی لبادہ ہے میری یہ بات یقینا قابل اعتراض تصور ہو گی۔ مگر یہ مصنوعی پن وہی ہے۔ جو فلم ”خدا کے لئے“ تصور کیا جارہا ہے۔ عام افراد کے لئے اِسلام کا نچوڑ ہے۔ درحقیقت اسلامی نظریات کا کچومر کیا گیا ہے۔

شاتم رسول کے لئے عظیم الشّان ریلیاں اور تقریریں کیں جاتی ہیں۔ گستاخ رسول کے واصل جہنم کی بات کی جاتی ہے۔ مگر عملی قدم وہی اُٹھاتا ہے۔ جو عشق رسول سےلبریز ہو۔

مجھ سے یہ موضوع اختتام کی حد کو نہیں چھو رہا تھا۔ کیونکہ میں نےجہاں نگاہ دوڑائی، مجھ کو مصنوعی عمل ہی نظر آیا۔ شائد یہ کلامی گفتگو زیادہ مناسب ہو، موضوعات بےشمار اور احاطہ مشکل۔ بس ہمیں nature کو adopt کرنا ہے یہ کس طرح کرنا ہے یہ ایک سوال ہے۔

زندگی کی تیز رفتاری نے ہماری زندگیوں کو برباد کر دیا ہے۔ ذہنی الجھنوں، گھریلو مسائل، مزاجاً چڑچڑا، ضدی، غصیلا سا بنا دیا ہے۔ محبت کی بجائےنفرتیں پھیلنےلگی ہیں۔ ہم زندگی کی دوڑ میں اپنوں کو کھوتےجا رہے ہیں۔ دوسروں کی خاطر ہم کیوں جینا نہیں چاہتے۔ ہم خود غرض نہیں ہیں۔ حالات نے ہمیں مجبور کیا کہ ہم بےحس جائیں۔ ہم کسی غریب کی مدد کرنا چاہتے ہیں مگر چند ایسے بھی ہیں جو مدد کو مہینہ سمجھ لیتے ہیں۔ ہم زخمی کو ہسپتال لیجانا چاہتے ہیں۔ مگر خود تھانوں کےچکروں سےڈرتے ہیں۔ ہماری جینز میں قدرتی پن موجود ہے۔ ایک بچہ گاڑی کا شیشہ صاف کرتا ہے۔ اُس معصوم بچےکو چند سکّے ادا کر کے ہم بہت کچھ بانٹ دیتے ہیں۔ معاشرے میں حقیقی محبت، حلال رزق کی حوصلہ افزائی، محنتی اور جفاکش کےعزم کو بلند کرتے ہیں۔ غیرت مند بناتے ہیں۔ اور خودی کو بلند کرتے ہیں۔ دیکھئیے ایک معمولی سا قدم کتنا کچھ خوشگوار کر دیتا ہے۔ بھائی چارہ کی فضا قائم ہوتی ہے۔ملک کی معیشت اِسطرح مضبوط اور مستحکم ہوتی ہے۔

مضبوط معیشت یہ نہیں کہ دُنیا میں سب سے زیادہ مالٹا پیداکرنے والےملک میں ١٠٠ روپے درجن مالٹا بِکے۔ اعلیٰ نسل کا آم ٤٠ روپےکلو فروخت ہو۔ یہ معیشت کا مصنوعی لبادہ عوام پر ظلم ہے۔ اس پیدوار کا فائدہ تو یہ ہو کہ ہر غریب با آسانی انکو خرید سکے۔ ہمیں ایک دوسر ے کی بےلوث ہو کر مدد کرنا ہے۔ یہی ہمارا Law of nature کےمطابق چلنا ہوگا۔

آذر فشاں بنے پھرتے ہیں ہم، شرفشاں ہوکر بھی کرتے ہیں انکار

شعلہ فشاں ہے یا دست فشاں مزاج بنا رکھے ہیں آتش فشاں

یہی تو ہے زرفشاں کا درخشاں ہونا، کہ ہر جانب ہی شوں شاں

شہر خموشاں کا یہی تو ہے نقشاں کہ لعل بدخشاں ہوکہ بھی زرفشانی نہیں

افشاں کی گل فشانی یہی کہ ہر سو ضیافشاں کی تبسم افشاں

ہر نورافشاں اِک دُرفشاں جو ہر حال ضوفشاں

فلسفہ افلاس سے ہے، افلاس فلسفہ سےنہیں ۔یونہی فیچرز نیچر میں ہی، نیچر فیچر میں نہیں۔ بناوٹ فیچر میں ہے، فیچر بناوٹ میں نہیں۔ نیچر سےمصنوعیت تو ہوسکتی ہے مگر مصنوعیت سے نیچر نہیں۔ نیچر نیچر سے ہی ہوتی ہے۔

حوالہ جات:

(١)ارمغانِ حجاز (مُلازادہ ضیغم لولابی کشمیر کا بیاض۔٥١) از علامہ محمد اقبال

دیگر:

(٢) یہاں کچھ غور کرنےکی ضرورت ہےسالوں کی ترتیب پر

(فرخ نور)

فراموش

noreply@blogger.com (Muzafar Hasan) — Wed, 02 Dec 2009 11:15:00 +0000

کهانی کا مصنف روزانه صبح کی سیر کےلیے باهر جایا کرتا تھا۔ جس جگه اس کے محلے کی گلیاں ختم هوتی تھیں تقریباً وهیں سے آبادی بھی ختم هوجاتی، وهیں سے باهر کی طرف ایک لمبی سڑک نکلتی تھی۔ جس پر مصنف سیر کے لیے چل نکلتا۔ سڑک سے تھوڑی دور جاکر محصول چونگی کی چوکی تھی۔ جهاں پر خربوزوں اور ککڑیوں کے ٹوکرے پڑے هوتے یا دوسری طرف سبزیوں سے لدی هوئ گدھا گاڑیاں کھڑی نظر آتیں۔ آگے ایک رهٹ تھا اور اس سے آگے ٹیوب ویل اور اس کا سیمنٹ کا بنا هوا حوض۔ جس میں ٹیوب ویل کا پانی گزرتا تھا، ٹیوب ویل سے بیس تیس قدم کے فاصلے پر ایک چھوٹی سی کوٹھی تھی۔ جس پر چاروں طرف سے سفیدی هوئ هوئ تھی۔ کوٹھی کے باهر کسی انجینئیر کے نام کی تختی لگی تھی۔ لیکن بظاهر وه غیر آباد اور پراسرار سی لگتی تھی۔ کیونکه وهاں پر زندگی کے نشان بهت هی کم نظر آتے تھے۔ کوٹھی سے آگے بهت دور دونوں طرف کھلا میدان تھا۔ اسکے بعد سڑک ایک تیز موڑ کھاتی اور مشن اسکول کی عمارت سامنے آجاتی۔ اس سے خاصی دور اینٹوں کے بھٹے کی چمنیاں نظر آتیں۔ اس کے بعد سڑک کے آگے ریل کی پٹڑی آجاتی جهاں سے ریلوے کی طرف پھاٹک لگا هوا تھا۔

مصنف کا روز کا یه معمول تھا که وه سڑک پر سیر کے لیے نکلتے هی نیم کے کسی پیڑ سے ایک مسواک توڑ لیتا اور اسے چباتے هوۓ سڑک پر چل نکلتا، جس جگه پر ریل کی پٹڑی سڑک کو کاٹتی وهاں سے وه واپس لوٹ جاتا، یه اس کی آخری حد تھی۔ واپسی پر وه ٹیوب ویل کے حوض سے اپنا منه هاتھ دھوتا اور چپل اتار کر مٹی میں اٹے پاؤں پانی میں ڈال دیتا۔ تو اسے عجیب سی فرحت محسوس هوتی۔ کوٹھی کے سامنے سے گزرتے هوۓ کبھی کبھار ایسا هوتا که اندر سے ایک سفید رنگ کی گیند باهر سڑک پر آگرتی جسے اٹھانے کے لیے ایک نوجوان سے لڑکا جو حلیے سے ملازم لگتا سڑک پر آتا اوربغیر کسی طرف دھیان دیۓ گیند اٹھا کر کوٹھی میں داخل هوجاتا۔ کبھی کبھار هونے والے صرف اس واقعه سے اندازه هوتا که کوٹھی غیر آباد نهیں هے۔ ورنه عام طور پر کوٹھی میں زندگی کے آثار بهت کم نظر آتے۔

ایک دن ایک چھوٹا سا عجیب واقعه هوا۔ مصنف نے دیکھا که کوٹھی کے عین سامنے سے گزرنے والی سڑک پر سفید چاک سے لفظ فراموش لکھا هوا هے۔ مصنف وهاں پر یه لفظ لکھا هوا دیکھ کر ٹھٹھک سا گیا، کیونکه اس لفظ سے اسکی بھی بعض یادیں وابسته تھیں۔ دوسرے دن جب وه سڑک پر سے گزرا تو لفظ فراموش کے حروف کچھ مٹ سے گۓ تھے۔

چند دن اسی طرح گزر گۓ۔ ایک دن مصنف نے دیکھا که کوٹھی کی سفید اور صاف شفاف دیوار پر کالے کوئلے سےلفظ فراموش لکھا هوا تھا۔ اس نے یه سوچ کر اپنے دل کو تسلی دی که شایدیه کسی شریر بچے کی شرارت کا نتیجه هے۔ چنانچه سیر سے واپسی کے دوران اس نے دیکھا که ایک ادھیڑ عمر کا شخص جو چهرے سے افسر لگتا تھا اور شب خواهی کا لباس پهنے هوۓ تھا، اپنی نگرانی میں وه لفظ مٹوا رها تھا۔ دو تین دن بعد مصنف نے اسی مقام پر وه لفظ پھر لکھا هوا دیکھا۔ ایسا کئ مرتبه هوا که مصنف جب سیر کے لیے کوٹھی کے پاس سے گزرتا تو وه لفظ دیوار پر موجود هوتا لیکن واپسی پر وه یا تو مٹایا جاچکا هوتا یا پھر مٹایا جارها هوتا۔ اسی دوران میں مصنف کو اپنے کام کاج کے سلسلے میں شهر سے باهر جانا پڑا۔

پندره دن بعد، اسکی واپسی هوئ۔ صبح کو وه سیر کے لیے نکلا تو وه لفظ وهاں لکھا هوا موجود تھا، لیکن کسی نے اسے مٹانے کی کوشش نهیں کی تھی۔ دو تین دن گزر گۓ، لیکن پھر بھی کسی نے اس لفظ کو نهیں مٹایا تھا۔ مصنف نے سوچا که ممکن هے انجینئیر صاحب کسی لمبے دورے پر نکل گے هوں۔ یا پھر ان کا تبادله هوگیا هو، اور یه بھی ممکن هے که وه بیمار هوں۔ بهر حال، یه مسئله حل نه هوسکا۔ اسی دوران میں بارشوں کا سیزن شروع هوگیا۔ لگاتار بارشیں هونے لگیں۔ سوکھے هوۓ تالاب بارش کے پانی سے بھر گۓ۔ فضا میں نمی کے باعث در و دیوار پر سبز کائ جمنا شروع هوگئ۔ انجینئیر صاحب کی کوٹھی پر لکھا هوا وه لفظ اسی طرح موجود تھا۔ لیکن اس کے حروف دھندلے پڑ گۓ تھے۔ مصنف کو خدشه هوا که کهیں یه لفظ بالکل هی نه مٹ جاۓ۔ دراصل اس لفظ سے اس کو ایک تعلق سا هوگیا تھا۔ برسات کا موسم ختم هونے لگا۔ بارش بھی کبھی کبھار هوتی تھی۔ تالابوں کا پانی کم هونا شروع هوگیا تھا۔ لوگوں نے برسات کے موسم میں اپنے مکانوں کی گری هوئ دیواروں اور چھتوں وغیره کا کام شروع کردیا تھا۔ ایک دن مصنف کو انجینئیر صاحب کی کوٹھی کے احاطے میں بھی چونے کی بوری رکھی هوئ نظر آئ۔ ظاھر هے که کوٹھی کے در و دیوار کی بھی سفیدی هونے والی تھی۔ مصنف کا دھیان فوراً لفظ فراموش کی طرف گیا۔ یه لفظ خاصا مدھم پڑ چکا تھا۔ لیکن سفیدی کے دوران تو اس نے بالکل هی مٹ جانے تھا۔ اس خیال سے مصنف کے دل میں اداسی کی ایک لهر دوڑ گئ۔ جس سے اسے بے پناه انس هوگیا تھا۔ دو تین دنوں میں پوری کی پوری کوٹھی پر سفیدی هوگئ۔ لیکن مصنف یه دیکھ کر دنگ ره گیا که جس دیوار پر لفظ فراموش لکھا تھا وهاں پر اس طریقے سے سفیدی هوئ تھی که اس پر ایک بوند بھی چونے کی نهیں پڑی تھی اور وه لفظ اپنی جگه پر جوں کا توں قائم تھا۔

اس کے بعد مصنف کچھ عرصے کے لیے دورے پر نکل گیا۔ واپس آیا اور اس کوٹھی کے پاس سے گزرا تو اس نے دیکھا که کوٹھی کے برآمدے میں تین چار بچے دھما چوکڑی مچا رهے هیں اور اندر سے خواتین انهیں شور و غل کرنے سے منع کرنے کے لیے آوازیں دے رهی تھیں۔ بچوں کو ڈانٹنے کے لیے ایک مردانه آواز بھی آئ۔ مصنف کو بے حد اچھنبا هوا که اس کوٹھی میں یه نئ زندگی اچانک کیسے اور کهاں سے پھوٹ پڑی۔ خاموش برآمدوں، شیشے والے بند دروازوں اور گونگے کمروں کی کایا کیسے پلٹ گئ۔ اس نے سوچا که ممکن هے که انجینئیر صاحب کے کهیں سے مهمان آگۓ هوں۔ دوسرے دن اس نے دیکھا که کوٹھی کے باهر والے پھاٹک کے پاس سفیدی کے ڈول ڈرم وغیره رکھے هوۓ هیں۔ اس نے نظر اٹھا کر دیکھا، واقعی سفیدی هوچکی تھی۔ اسکی نظریں فوراً اس دیوار کی طرف گئیں جهاں وه لفظ لکھا هوا تھا۔ مصنف کا دل دھک سے ره گیا۔ دیوار پر سفیدی هوچکی تھی اور وه لفظ مکمل طور پر مٹایا جاچکا تھا۔ اس سے ضبط نه هوسکا۔ مالی کوٹھی کی باهر والی دیوار کے ساتھ لگی هوئ بیلوں کو کاٹ رها تھا۔ اس نے اسکے قریب جا کر دریافت کیا که کیا آج انجینئیر صاحب کے مهمان آۓ هوۓ هیں؟ مالی نے بتایا که نهیں نۓ انجینئیر صاحب آۓ هیں۔ پهلے والے انجینئیر صاحب پینشن لے کر چلے گۓ هیں۔ مالی نے مصنف کو بتایا که پرانے انجینئیر صاحب کا اب پینشن پر چلے جانا هی بهتر تھا، کیونکه اب ان کا دماغ ٹھکانے نهیں رها تھا۔ دراصل انجینئیر صاحب کی کوئ اولاد نهیں تھی۔ انهوں نے ایک لڑکا لے کر پالا تھا، وه اس سے بهت لاڈ پیار کرتے تھے۔ وه لڑکا هی ان کی زندگی کا محور تھا، وه اسی کو دیکھ کر جیتے تھے۔ نه کسی سے ملتے ملاتے تھے اور نه کسی کے پاس آتے جاتے تھے۔ دفتر سے گھر اور گھر سے دفتر بس دو هی ان کے ٹھکانے تھے۔ اچانک وه لڑکا لو لگنے سے بیمار هوگیا اور مرگیا۔ انجینئیر صاحب کی دنیا اجڑ گئ۔ وه پھر سے اکیلے ره گۓ۔ وه بهت دکھی هوگۓ تھے۔ نوکری سے ان کا دل اچاٹ هوگیا تھا اور وه کھوۓ کھوۓ سے رهنے لگے تھے۔ ان کے دل میں هر وقت اسی لڑکے کا خیال سمایا رهتا تھا۔ انهوں نے اس لڑکے کی ایک ایک چیز کو سنبھال کر رکھا هوا تھا۔ یه کهه کر مالی نے مصنف کی طرف دیکھے بغیر اپنی قینچی اٹھائ اور بیل کاٹنے میں مصروف هوگیا۔

مصنف جو همیشه سیر کے دوران ریل کی پٹڑی کے پاس سے هو کر واپس آیا کرتا تھا آج اسے یه فاصله اتنا طویل لگا که وه بیزار هو کر ریل کی پٹڑی کو چھوۓ بغیر واپس آگیا۔

اتنی دیر کوئی کرتا ہے

noreply@blogger.com (Muzafar Hasan) — Wed, 02 Dec 2009 10:48:00 +0000

اتنی دیر کوئی کرتا ہے

جتنی تم نے کردی ہے

پھر بھی کہتے رہتے ہو

ایسی بھی کیا جلدی ہے

رستہ تکتے تکتے

اپنی عمر تمام تمام ہوئی

سحر گئی دن پھر شام آئی

جب شام دحلی تو رات آئی

کتنے موسم آئے

کتنے موسم آکر چلے گئے

لیکن دل آنگن میں آنے والے

موسم ٹھہر گئے

اس برکھا کی بدلی نے

پت جھڑ کی بارش کر دی ہے

اتنی دیر کوئی کرتا ہے

جتنی تم نے کردی ہے

پھر بھی کہتے رہتے ہو

ایسی بھی کیا جلدی ہے

میرے ہم سفر، میرے ہم نشین

noreply@blogger.com (Muzafar Hasan) — Wed, 02 Dec 2009 10:45:00 +0000

میرے ہم سفر، میرے ہم نشین۔۔۔۔۔۔ ۔۔۔۔۔۔

میں نے رب سے مانگا تو کچھ نہیں۔۔۔۔۔۔ ۔۔۔۔۔۔۔

پر جب بھی مانگی کوئی دعا۔۔۔۔۔۔۔ ۔۔۔۔۔۔۔۔۔۔ ۔

نہیں مانگا کچھ بھی تیرے سوا۔۔۔۔۔۔۔ ۔۔۔۔۔۔۔۔۔۔ ۔۔

یہ طلب کیا کے میرے خدا۔۔۔۔۔۔۔ ۔۔۔۔۔۔۔۔۔۔ ۔۔

نئے عہد کی۔۔۔۔۔۔۔۔ ۔۔۔۔۔۔۔۔۔۔ ۔۔۔

سبھی راحتیں، سبھی چاہتیں۔۔۔۔ ۔۔۔۔۔۔۔۔۔۔ ۔۔۔۔

وہ عطا کرے تجھے منزلیں۔۔۔۔ ۔۔۔۔۔۔۔۔۔۔ ۔۔

یہ طلب کیا کہ میرے خدا۔۔۔۔۔۔۔ ۔۔۔۔۔۔۔۔۔۔ ۔

تجھے بخت دے۔۔۔۔۔۔۔۔ ۔۔۔

تجھے تاج دے۔۔۔۔۔۔۔۔ ۔۔۔۔۔۔

تجھے تخت دے۔۔۔۔۔۔۔۔ ۔۔۔

میرے ہمسفر۔۔۔۔۔ ۔۔۔۔۔۔۔

میرے چارہ گر۔۔۔۔۔۔۔۔ ۔۔۔۔۔۔

یہ ہے محبت کا کٹھن سفر۔۔۔۔۔۔۔ ۔۔۔۔۔

میرے ساتھ چلنا ذرا سوچ کر۔۔۔۔۔۔۔۔ ۔۔۔

میرے پاس زر نہ کوئی ہنر۔۔۔۔۔۔۔ ۔۔۔۔۔۔۔۔۔

پھر بھی دیکھ تو میرا حوصلہ۔۔۔۔۔ ۔۔۔۔۔۔۔۔۔۔ ۔۔۔۔۔

میرے پاس جو کچھ سبھی تیرا۔۔۔۔۔۔ ۔۔۔۔۔۔۔۔۔۔ ۔۔۔

نہیں اور کچھ بھی تیرے سوا۔۔۔۔۔۔۔ ۔۔۔۔۔۔۔۔۔۔ ۔۔

میری دوستی۔۔۔۔۔ ۔۔۔۔۔۔

میری زندگی۔۔۔۔۔ ۔۔۔۔۔۔۔۔۔۔

میری خاموشی۔۔۔۔ ۔۔۔۔۔۔۔

میری بے بسی۔۔۔۔۔۔۔ ۔۔۔۔۔۔

میری صبح بھی۔۔۔۔۔۔۔ ۔۔۔۔۔۔۔

میری شام بھی۔۔۔۔۔۔۔ ۔۔۔۔۔۔

میرا علم بھی۔۔۔۔۔۔۔ ۔۔۔۔۔۔

میرا نام بھی۔۔۔۔۔۔۔ ۔۔۔۔

کہ جو مل سکیں میرے دام بھی۔۔۔۔۔۔۔ ۔۔۔۔۔

وہ سبھی کچھ تجھ کو عطا کرے۔۔۔۔۔۔۔ ۔۔۔۔

میرے چارہ گر تو یقین تو کر۔۔۔۔۔۔۔۔ ۔۔۔۔۔۔

مجھے مانگنا تو نہ آسکا۔۔۔۔۔۔ ۔۔۔۔۔۔۔۔

میں نے پھر بھی مانگی یہ ہی دعا۔۔۔۔۔۔۔ ۔۔۔۔

کہ گواہی دے گا میرا خدا۔۔۔۔۔۔۔ ۔۔۔

میں نے جب بھی اس سے طلب کیا۔۔۔۔۔۔۔ ۔۔۔

....نہیں مانگا کچھ بھی تیرے سوا۔

December Mujhay Raas Aata Nahi

noreply@blogger.com (Muzafar Hasan) — Tue, 01 Dec 2009 15:37:00 +0000

Safar Zindagi Hai

Safar Aagaahii Hai

Safar Aablaa Paaii Ke Dastaan Hai

Safar Umer Bhur Ke Sulgti Hoi Khawishon Ka Dhowan Hai !

Kaii Saal Guzray

Kaii Saal Beetay

Musalsul Safar K Khum-o-Paich Main

Saans Leti Hoi Zindagi Thak Gai Hai

Ke Jazboon Ke Geeli Zameenoo Main

Booey Howay Roz-o-Shab Ke Her Aik Fasul Ab "Puk" Gai Hai

Guzarta Howa Saal Bhe Aakhri Hichkiyaan Lay Raha Hai

Mere Paish-o-Pus

Khoof, Dehshat, Ajul , Aag , Baarod Ke Mauj

Aabaadiyan Noch Ker Apnay Jabroon Main jakri Hoi Zindgi Ko

Darindoon Ke Sorat

Nigalnay Ke Mashqoon Main Masroof Ter Hai

Her Ek Raasta , Maut Ke Raah-Guzr Hai

Guzrta Howa Saal Jaisay Bhe Guzra

Magar Saal K Aakhri Din

Nehaayat Kathan Hai

Her Ek Simt Laashon Ka Anbaar

Zakhmi Janaazon Ke Lambi Qitaarain

Kahan Tak Koi Daikh Paaye ?

Hawaaon Main Baarod Ke Baas

Khud Amun Ke Noha Khawan Hai

Koi Charah Ger , Asar-e-Haazir Ka Koi Maseeha Kahan Hai ?

Mere Milnay Waalo !

Naye Saal Ke Muskuraati Hoi Subah ___ Ger Haath Aaye

To Milna !!

Keh jatay Howay Saal Ke Saa'aton Main

Yeh Bujhta Howa Dil

Dharkata To Hai

Muskurata Nahi

December Mujhay Raas Aata Nahi

سنو اے چاند سی لڑکی

noreply@blogger.com (Muzafar Hasan) — Tue, 24 Nov 2009 13:57:00 +0000

سنو اے چاند سی لڑکی

ابھی تُم کہہ رہی تھی نا

تمہیں مجھ سے محبت ہو نہیں سکتی

چلو مانا کی یہ سچ ہے

مگر اے چاند سی لڑکی

مجھے اتنا بتاؤ تُم

کہ جب موسم بدلتے ہیں

گلوں میں رنگ بھرتے ہیں

تو پھر کیوں مُضطرِب ہو کر

اکیلے پن سے گھبرا کر

ہوا کو راز دیتی ہو

مجھے آواز دیتی ہو

سنو اے چاند سی لڑکی

تمہارے سامنے کوئی میرا جب نام لیتا ہے

تو پھر کیوں چونک جاتی ہو

چلو مانا تمہیں مجھ سے محبت ہو نہیں سکتی

مگر اتنا سمجھ لو تُم

جہاں چاہت نہیں ہوتی

وہاں نفرت کے ہونے کا کوئی امکان نہیں ہوتا

میرا دعوٰی ہے چاہت میں

جہاں نفرت نہیں ہوتی

وہاں اکثر یہ دیکھا ہے

اگر کچھ وقت کٹ جائے

سمے کی دُھول چَھٹ جائے

تو وحشت بھاگ جاتی ہے

محبت جاگ جاتی ہے

وہ صبح کبھی تو آےگی ...

noreply@blogger.com (Muzafar Hasan) — Sat, 21 Nov 2009 22:00:00 +0000

In kaali sadiyon ke sar sey jab raat ka aanchal dhalkega

Jab dukh ke badal pighalengey jab sukh ka saagar jhalkega

Jab ambar jhoom ke nachega jab dharati naghame gayegi