Mabuhay Online

Rest in peace.

2014-08-21T07:48:00.005-07:00

REST IN PEACE. Mary Magdaline Navarro of Hagonoy, Michelle Ann Rose Bonzo of Malolos City, Helena Marie Marcelo of Malolos City, Jeannette Rivera of Calumpit, Maiko Eleva Bartolome of the cities of Malolos and Valenzuela, Mikhail Alcantara of Calumpit, and Sean Rodney Alejo of Obando. PLEASE SHARE.

Libo-libong trabaho lilikhain ng P10-B puhunang ibubuhos ng mga Koreano sa Bulacan

2014-08-07T09:45:00.000-07:00

PANDI, Bulacan—Inaasahang lilikha ng libo-libong trabaho ang P10-Bilyong investment na ibubuhos ng mga Koreanong negosyante sa Bulacan sa mga susunod na buwan.

Ito ay kaugnay ng pakikipag-ugnayan ni Mayor Enrico Roque ng bayang ito sa mga negosyanteng Koreano kamakailan.

Ang nasabing investment ay bukod pa sa naunang halos P20-B o mahigit sa $440-Milyong puhunang ginamit ng Korea Water Resources Corporation (K-Water) upang mapagwagian ang bidding para sa pagsasapribado ng Angat River Hydro Electric Power Plant (Arhepp) sa Norzagaray, Bulacan noong nakaraang taon.

Bilang pangulo ng Liga ng mga Alkalde sa Bulacan, sinabi ni Roque hindi bababa sa P10-B ang halagang mga puhunang ibubuhos ng mga Koreano sa mga itatayong negosyo sa ibat-ibang bayan ng lalawigan.

Ayon kay Roque nakatakdang simulan sa lalong madaling panahon ang pagtatayo ng mga naglalakihang negosyo sa Bulacan partikular na sa mga bayang walang kapasidad o kulang sa pondong pinansyal upang makapagpatayo ng sentro ng komersyo gaya ng mga pamilihang bayan.

Kabilang sa mga negosyong nakatakdang ipatayo ng mga negosyantent Koreano ay mga commercial complex at supermarkets kagaya ng Savemore, Puregold, drugstores tulad ng Mercury Drug, mga bigtime na foodchains gaya ng Jollibee at McDonalds, mga ang mga pribadong pamilihan para sa mga bayang wala pang pamilihang bayan.

Bukod dito ay plano rin magtayo sa may 15 ektaryang lupain sa Bulacan ng mga Koreano ng kauna unahang Outlet Store sa bansa kung saan makikita rito ang aabot sa 400 na kilalang imported brands mula sa ibat ibang bansa gaya ng Prada, Coach, Ferragamo, at Tods.

Roque, LMP-Bulacan president

“Tiyak na mag-ge-generate ito ng libo-libong job opportunities sa ating mga kalalawigan,” ani Roque.

Binigyang diin niya na isa sa nakitang bentahe ng mga Koreano sa Bulacan ay ang istratehikong lokasyon nito sa pagitan ng dalawang international airport—ang Ninoy Aquino International Airport NAIA) sa kalakhang Maynila at ang Clark International Airport (CIA) sa Lungsod ng Angeles sa Pampanga.

Ayon pa kay Roque, bukod samga dagdag na negosyong itatayo ng iba pang negosyangte, tiyak din dadayuhin ng mga turista ang Bulacan dahil sa patuloy na pag-unlad nito.

“Nagiging magnet na ng investments at dumadagsa na sa Bulacan ang mga foreign at local investors dahil sa patuloy na pagyabong nito na bunga ng magandang pamamahala ng ating mga leaders sa pangunguna ni Gov. Willy Alvarado,” sabi ni Roque.

Kaugnay nito, ipinahayag ni Gob. Alvarado ang pagpapahayag ng interes ng mga kasapi ng Filipino American Chamber of Commerce sa Bulacan.

Ito ay matapos na bumisita sa lalawigan ang mga negosyanteng Fil-Am ilang araw matapos pasinayaan ang Ciudad de Victoria ng Iglesia ni Cristo sa bayan ng Bocaue kung saan ay matatagpuan din ang Philippine Arena, ang pinakamalaking mixed-used indoor arena sa buong mundo.

Ayon kay Alvarado, ang mga pagbisita at pagkakaroon ng interes ng mga negosyante na magnegosyo sa Bulacan ay isang palatandaan ang pag-imbulog ng ekonomiya ng lalawigan.

Una rito, kinatigan ng Korte Suprema ang pagwawagi ng K-Water sa bidding ng pagsasapribado ng Arhepp noong nakaraang taon.

Ang K-Water ay nagwagi dahil sa bid na mahigit $440-M para sa Arhepp, ang power generating facility ng Angat Dam na kasalukuyang nasa pamamahala ng National Power Corporation (Napocor).

Batay sa tala, mahigit tatlo taon na ang nakalipas matapos manalo sa bidding ang K-Water ngunit ito ay naantala matapos harangin ng mga petisyon sa Korte Suprema.

Noong nakaraang taon, kinatigan ng Korte Suprema ang K-Water matapos itong maki-pagsosyo sa grupo ni Ramon Ang ng San Migue Corporation.

Sa kasalukuyan ay hininihintay na lamang ang pormal na pagsasalin ng pamamahala sa Arhepp mula sa Napocor patungo sa K-Water. (Dino Balabo)

Bayanihan susi sa pagbangon sa kalamidad

2014-07-29T08:07:00.000-07:00

HAGONOY, Bulacan—Hindi pa naiaayos ang mga kagamitang nasalanta sa loob ng kanilang tahanan ay tumulong na sa paglilis sa Pugad Elementary School sina Kagawad Ariel Dela Cruz, Renato Gregorio at Gilbert Tamayo.

Bukod dito, nasira din ang bahagi ng kanilang tahanan, partikular na si Gregorio na tuluyang nawasak ang bahay.

Agad namang namahagi ng relief good ang pamahalaang bayan ng Hagonoy sa mga Barangay ng Pugad at Tibaguin noong Biyernes, Hulyo 18 o dalawang araw matapos manalasa ang bagyong Glenda.

Ito ay ilan lamang sa mga larawan ng pagbabayanihan ng mga residente ng bayang ito upang mapabilis ang pagbangon ng mga mamamayang naapektuhan at nasalanta ng bagyo.

Bukod naman sa mga kagawad ng barangay Pugad, nakiisa rin ang mga guro,magulang, at mga mag-aaral ng nasabing paaralan sa paglilinis ng mga silid aralan na napinsala ng storm surge na hatid ng bagyo ng ito ay tumawid sa Manila Bay noong Miyerkoles.

Katunayan, suspendido pa ang klase ay nagsibalik na ang mga guro ng Pugad Elementary School noong Huwebes, Hulyo 17 sa pangunguna ng kanilang head teacher na si Jocelyn Perez.

Ito ay upang simulan ang pagsusuri sa pinsala sa paaralan at ang paglilinis.

Kinabukasan, unang araw ng klase matapos ang pananalasa ng bagyo, si Perez at pito pang guro ng paaralan ay sinamahan at tinulungan sa paglilinis ng mgamagulan, mag-aaral at opisyal ng barangay.

“Katatapos lang naming ng Brigada Eskwela, balik na naman kami sa paglilinis,” ani Perez sa panayam ng Mabuhay.

Ang tinutukoy niya ay ang isinawang Brigada Eskwelanoong Mayo o dalawang buwan pa lamang ang nakalilipas.

Sa pagsasagawa ng Brigada Eskwela noong Mayo, ikinuwento ni Perez ang naging sakripisyo ng bawat isa sa paglilinis, pagpipintura at pagkukumpuni ng mga silid arala, maging ng mga mesa at silya ng mga mag-aaral.

Ngunit anuman ang kanilang nagawan noong Mayo, ang mga itoay naglaho sa loob ng isang iglap noong Miyerkoles ng salpukin ng malalaking alon ang mga gusali ng paaralan at nawasak ang pader nito.

Bukod dito, nasira din ang mga bintana, maging ang mga kagamitan ng mga guro tulad ng mga mesa, silya, libro.

Maging ang computer, telebisyon, DVD player,printer sa tanggapan ni Perez ay napinsalan, kasama ang lahat ng bentilador sa siyamna silid aralan ng paaralan.

Sa kabila nito, tiniyak ng punong guro na magiging regular ang kanilang klase sa Lunes, Hulyo 21.

“Pipilitin po naming para madaling makabangon ang mga bata,” aniya.

Hinggil sa kakulangan ng mga gamit sa pagtuturo ng mga guro, sinabi niya na “kakayanin yan ng mga teacher natin.”

Bukod dito, ipinagmalaki rin niya ang suporta ng mga residente ng barangay Pugad.

Inayunan din ito nui Mary Anne Agulto, ang pangulo ng Parents Teachers Community Association (PTCA) ng nasahing paaralan.

Si Agulto ay isa sa maraming magulang na tumulong noong Biyernes sa paglilins sa paaralan.

“Nakita kokasi yungmga nanay na nagpupuntahan dito kaya sumama na rin ako,” ani Agulto na ang tahanan ay bahagya ring napinsala.

Para naman kina Dela Cruz, Gregorio at Tamayao, hindi nila maaaring pabayaan ng paaralan.

Ito ay hindi lamang sa sila mga Kagawad ng Barangay, sa halip ay bilang mga dating estudyante bukod sa ang kanilang mga anak ay doon din nag-aaral.

“Kailangang makabalik agad sa klase ang mga estudyante para magbalik sanormalang buhay,” ani Tamayo.

Inayunan din ito ni Kagawad Alfredo Lunes na ang may-bahay ay isa samga guro sa nasabing paaralan.

“Hindi naming maaring pabayaan itong school, dito kami lahat nag-aral, pati mga magulang naming ay dito rin nag-aral,”ani Lunes.

Kaugany nito, naghatid ng ngiti sa mga residente ng Pugad at Tibaguin ang ipinamahaging relief goods nina Mayor RaulitoManlapaz at Vice Mayor Pedro Santos.

Sa panayam, binigyang diin ni Manlapaz na mas binigyang prayoridad nila ang ang dalawang barangay dahil mas malaki ang naging pinsala sa mga ito.

“Maliit na tulong lang iyan para makabangon agad sila,” ani Manlapaz. (Dino Balabo)

Presyo ng bangus bumagsak

2014-07-29T08:00:00.000-07:00

HAGONOY, Bulacan—Bumagsak ang presyo ng bangus sa bayang ito matapos ang pananalasa ng bagyong Glenda noong Hulyo 16.

Ito ay dahil sa pagkasira ng mahigit sa 50 porsyento ng may 13,000 ektaryang palaisdaan at mga fish cages sa baybayin ng bayaing ito na nakaharap sa Manila Bay kung saan dumaan ang mata ng bagyo.

Ayon Pedro Santos, bise-alkalde ng bayang ito, bumaba sa P30 hanggang P40 bawat kilo ang presyo ng bangus matapos ang pananalasa ng bagyo.

“Hanggang nitong Biyernes (Hulyo 18), bumaba sa P40 ang kilo,” ani ng Bise-Alkalde patungkol sa presyo ng bangus na ang dating presyo bago bumagyo ay umaabot ng P110 bawat kilo.

Isa sa itinuturong dahilan ay ang pagkasira ng mga pilapil ng palaisdaan at mga bakod ng fish cages na nasa baybayin ng Hagonoy.

Dahil dito, tumapon onakawala sakailugan ay baybayin ng Manila Bay ang inaalagaang bangus.

Ayon kay Santos, nagdulot ng pagkalugi sa mga namamalaisdaan ang pagkasira ng kanilang palaisdaan, ngunit nakinabang naman ang maliliit na mangingisda.

Kinatigan din ni Mayor Raulito Manlapaz ang pahayag ni Santos hinggil sa pakinabang ng maliliit na mangingisda na naglarawan sa karanasan bilang pamamaraan ng kalikasan upang ipamahagi ang biyaya.

Sa panayam ng Mabuhay kay Manlapaz, sinabi niya na halos 50 porsyento ng may 13,000 ektrayang palaisdaan sa bayang ito ang nasalanta.

Ito ay nangangahulugan na halos 5,000 ektarya ng mgha palaisdaan at fish cages ang napinsala ng storm surge na hatid ng bagyong Glenda.

“Malaki ang pinsala sa ating aquaculture, pero nakinabang ang maliliit nating kababayan. Sana ay makatulong iyon sa kanilang mabilis na pagbangon,” ani Manlapaz.

Sa pagbisita naman ng Mabuhay sa mga Barangay Pugad at Tibaguin noong Biyernes, Hulyo 18 ay nasaksihan ang masaganang huli sa bayabaying dagat.

Ito ay masasalamin sa mga bangus na dinaing at ibinilad sa araw upang matuyo na nakunan ng larawan sa Barangay Tibaguin.

.Bukod dito, nakunan din ng larawan ngMabuhay ang mga batang naglalaro sa gilid ng dagat habang hawak ang maliit na lambat na may huli o nakatingang isda.

Para namn sa mga Kagawad ng Barangay Pugad na sina Ariel Dela Cruz at Renato Gregorio, karaniwang nakakaranas ng masaganang huli sa baybayin ng Bulacan matapos ang bagyo.

Ngunit sa paglisan ng bagyong Glenda, sinabi nila na mas marami ang nahuhuling bangus sa karagatan.

“Parang ipinamahagi lang ang biyaya sa maraming tao,” sabi ni Dela Cruz.

Kaugnay nito, iniulat ng Provincial Disaster Risk Reduction Management Office (PDRRMO) na umabot sa P29,349,965 ang halaga ng inisyal na pinsala sa pangisdaan sa lalawigan.

Bahagi ng nasabing inisyal na ulat na umabot sa 1,087.10 ektarya ng palaisdaan sa lalawigan ang nasalanta at naapektuhan ang 322 namamalaisdaan. Dino Balabo

Obando isinailalaim sa state of calamity

2014-07-29T07:56:00.002-07:00

OBANDO, Bulacan—Isinailalim sa State of Calamity ang bayan ng Obando noong Biyernes, Hulyo 18 o dalawang araw matapos manalasa ang bagyong Glenda.

Sa panayam kay Mayor Edwin Santos, ipinaliwanag niya na ang pagdedeklara ng State of Calamity ay isa ring paghahanda sa posibilidad ng pananalasa ng iba pang bagyo tulad ng bagyong Henry.

Ayon kay Santos, umabot sa mahigit 300 pamilya ang naapektuhan ng pananalasa ng bagyong Glenda, bukod pa sa 30 pamilya sa Barangay Salambao na ang mga tahanan ay nawasak.

Batay pa sa laiwanag ng alaklde, mahalaga ang pagsasailalim sa kanilang bayan sa state of calamity upang makapaglabas ng pondo sa relief operations.

Bukod dito, isa ring paraan ang state of calamity of mapigilan nila ang posibilidad ng pagtaas ng presyo ng mga pangunahing bilihin.

Kaugnay nito, iniulat ng Provincial Disaster Risk Reduction Management Office na umabot sa anim katao ang nasugatan sa pananalasa ng bagyo sa lalawigan, bukod sa isang nasawi.

Sa hanay ng pinsala sa pagsasaka, inulat ng PDRRMO na umabot sa P29,501,510 ang inisyalna halaga ng pinsala.

Kabilang dito ang P151,545 na halaga ng pinsala sa palayan, at P29,349,965.00 na halaga ng pinsala sa pangisdaan.

Hindi pa kasama sa ulat ang pinsala sa gulayan, maisan, manggahan, at maging sa mga ari-arian at imprastraktura. Rommel Ramos, Dino Balabo

40 toneladang bigas ang donasyon ng Taiwan sa Bulacan

2014-07-29T07:53:00.000-07:00

MALOLOS—Maagang donasyon.

Ito ang mga katagang ginamit ni Gob. Wilhelmino Alvarado sa pagbibigay sa Bulacan ng donasyon ng pamahalaan at mga negosyante ng Taiwan.

Ang donasyon na ipinamahagi rin agad samga Bulakenyo ay pormal na ipinagkaloobnoong Linggo, Hulyo 13, o tatlong araw bago manalasa ang bagyong Glenda sa lalawigan.

Ang pagbibigay ng donasyon ay nasa ilalim ng programang “Love from Taiwan” na isinagawa sa ikatlong sunod na taon.

Ayon kay Jonhson Lu, isa sa mga opisyal ng Taiwan Association in the Philippines, umabot sa 180 tonelada ng bigas ang kanilang ipinagkaloob sa Pilipinas sa taong ito.

Kabilang dito ang 20 tonelada na ipinagkaloob sa pamahalaang panglalawigan, tig-10 tonelada sa bayan ng San Ildefonso at Calumpit; at 140 tonelada sa mga nasalanta ng bagyong Yolanda sa Leyta at Samar.

Ayon kay Lu, ang mga bigas na ipinamahagi ay sobra sa inilaang bigas ng Taiwan sa kanilang mamamayan.

Ipinagpasalamat naman ni Gob. Alvarado ang donasyon na inilafrawan niya bilag “Love gift.”

“Kapag po sila ay nagdadala ng tulong sa ating bansa, hindi po nila nalilimutan ang kanilang pangalawang tahanan, ito po ang lalawigan ng Bulacan. For this, you deserve our gratitude. These 2,000 sacks of rice are not just donation from the Taiwan government but considered as a love gift,” sabi ng gobernador sa pagtanggap ng donasyon noong Hulhyo 13.

Sinabi rin ng gobernador na ang bawat isang donasyon na tinatanggap ng lalawigan ay nagdudulot ng kaluwagan sa mga Bulakenyo.

“Despite of our differences we were able to show them that we are one brotherhood under God,” dagdag pa ni Alvarado.

Kaugnay nito, ikinagalak ng mga tumanggap ng donasyon ang maikling talumpati ni Jack Fang ng Taipei Economic Cultural Office in the Philippines.

Ito ay dahil sa ang kanyang talumpati ay binigkas niya sa wikang Pilipino.

“Ang bigas na ito ay galing pa sa Taiwan, sana ay maging simbolo ito ng love from Taiwan o ang pagmamahal ng Taiwan para sa kalapit bansa nito, ang Pilipinas. Naniniwala kami na marapat lamang nating tulungan ang mga nangangailangan upang mapanatili ang kabutihan sa mundo. Sana maalala ninyo ang Taiwan ‘di lamang bilang kalapit na bansa kundi isa ding totoo at malapit na kaibigan,” wika ni Fang.

Tumanggap ng tig-isang sako ng bigas na may timbang na 10 kilo bawat supot mula sa Taiwan at isang grocery bag naman mula sa Pamahalaang Panlalawigan ng Bulacan ang 150 na mga kasapi ng Bulacan Federation of Jeepney Operators and Drivers Association (BFJODA), 250 para sa Integrated Federation of Tricycle Operators and Drivers Association of Bulacan (TODA), at 500 na may mga kapansanang Bulakenyo, 100 na mga beterano, 250 na solo parents, 700 na Senior Citizens at 50 na mga Dumagat

Dumalo din sa gawain sina Taiwan Association in the Philippines Active President Andy Cheng, dating pangulo at CEO ng Green Era Biotech Juhn Lu, dating pangulo Wayne Chi, Vice President Johnson Lu, Vice President Tom Lin, Vice President David Kung, Vice President Tsung Fu Lee, Secretary General Robert Huang, Vice Secretary General Donfo Liu, Consul ng asosasyon at Rosita Cabalonga, HR Manager ng Teh Hsin Phils., kinatawan ni Ku Chien Chang, Vice President ng asosasyon. Dino Balabo

NFA RICE DIVERSION: 22 arestado sa Bulacan

2014-07-03T07:32:00.000-07:00

MALOLOS CITY—Dalawampu at dalawa katao kabilang ang caretaker ng isang rice mill sa Marilao, Bulacan ang inaresto kahapon dahil sa hinalang rice hoarding at diversion ng bigas mula sa National Food Authority (NFA) upang maibenta bilang commercial rice.

Ang operasyon ay isinagawa ng Bulacan Criminal Investigation and Detection Team (CIDT) kasama ang Marilao police halos isang linggo matapos atasan ni Pangulong Aquino ang Department of Justice (DOJ) na tugisin ang mga hinihinalang rice hoarders.

Kaugnay nito, ibinulgar ng source ng MabuhaY Online na patuloy ang talamak na rice diversion sa Gitnang Luzon samantalang ibinababa sa Subic Freeport ang bahagi ng 800,000 metriko toneladang bigas na inangkat mula sa ibang bansa.

Ang rice diversion ay isang ilegal na gawain kung saan ang bigas mula sa NFA ay inilipat lamang ng sako at ibinebenta sa halagang komersyal. Ayon kay Supt. Marcos Rivero, hepe ng pulisya ng Marilao, ang isang sako ng NFA rice ay naibebenta lamang sa halagang P700 hanggang P800, at kapag nailipat sa sako ng commercial rice, ito ay ibinibenta sa halagang P2,000 hanggang P2,200 bawat sako.

Ayon naman kay Chief Inspector Reynaldo Magdaluyo, ng CIDT-Bulacan, hindi bababa sa 1,000 sako ng bigas ang kanilang narekober matapos ang operasyon sa Jomarro Star Rice Mill sa Barangay Abangan Norte sa bayan ng Marilao alas 4 ng madaling araw kahapon.

Ito ay nagbunga ng pagkakaaresto kay Juancho San Luis, caretaker ng Jomarro Star Rice Mill na pagaari ng kanyang kapatid na si Regina at asawa nitong si Roberto Pualengco. Bukod kay San Luis, naaresto rin ang 21 pang tauhana ng rice mill.

Ayon kay Magdaluyo, nakatanggap sila ng impormasyon sa isang informant at isinagawa ang operasyon. Dalawang 10-wheeler truck na may lamang di bababa sa tig-500 sako ng NFA rice ang nasabat di kalayuan sa Jomaro Star Rice Mill.

Nang pasukin ng pulisya ang rice mill, naaktuhan ang pagsasalin ng may 100 kabang NFA rice sa sako ng commercial rice. Batay sa imbestigasyon ng pulisya,ang mga NFA rice ay nagmula sa Pampanga at ito ay ibinibiyahe tuwing hatinggabi.

Una rito, hiniling ng mga magsasaka sa Bulacan sa pangunguna ni Melencio Domingo, tagapangulo ng Malolos City Agriculture and Fisheries Council, na dapat tugisin ng NFA at iba pang ahensiya ng gobyerno ang mga malalaking bodega ng bigas, mahigit dalawang linggo na ang nakakaraan.

Ito ay kaugnay ng pagtaas ng presyo ng palay at bigas sa pamilihan na ayon sa mga magsasaka ay hindi mangyayari kung walang nag-iipit o nagho-hoard ng bigas.

ANGAT REHAB UPDATE: Naantala ang rehab dahil di pa natuloy ang take-over ng K-Water sa ARHEPP

2014-07-02T18:23:00.000-07:00

NORZAGARAY, Bulacan—Posibleng bigyan pa ng dagdag na panahon ng gobyerno ang Korean Wate Resources Corporation (K-Water) upang maisalin dito ang pamamahala sa Angat River Hydro Electric PowerPlant (Arhepp).

Ito ay dahil muling nabigo nitong Mayo 25 ang K-Water na pormal na kunin ang pamamahala mula sa National Power Corporation (Napocor).

Dahil dito, apektado ang planong rehabilitasyon sa Angat Dam na ayon sa mga opisyal ay hindi masisimulan hanggang hindi natatapos ang pagsapribado sa Arhepp.

Kaugnay nito, matatapos sa buwan ng Hulyo ang 270 araw na palugit na itinakda ng Power Sector Assets and Liabilities Management (Psalm) Corporation upang maisagawa ang pagsasapribado ng Arhepp na matatagpuan sa bayang ito.

Ayon kay Inhinyero Rodolfo German, general manager ng Arhepp, nabigo ang pagsasapribado ng Arhepp noong Abril at Mayo dahil hindi pa nakumpleto ang papeles ng K-Water.

Kabilang dito ang pagkuha ng business permit mula sa pamahalaang bayan ng Norzagaray na noong unang bahagi ng taon ay tumangging magbigay hanggat hindi pa nababayaran ng K-Water ang milyong-milyon pisong buwis na dapat sana ay binayaran ng Napocor sa panahon ng pamamahala nito sa Arhepp.

Ayon kay German, naging mabagal ang proseso dahil ang bawat hakbang ng K-Water ay isinasangguni pa sa punong tanggapan nito sa Seoul, South Korea.

Ito ay kinatigan ni Gob. Wilhelmino Alvarado at Vice Mayor Arthur Legazpi ng bayang ito.

Ayon dalawa, pansamantala munang hindi sisingilin ng buwis ang K-Water, at hahayaan muna na makapagsimula ng operasyon.

“Humingi pa raw ng approval sa main office nila sa Seoul,” ani Alvarado.

Kaugnay nito, dalawa ang posibleng mangyari kapag natapos ang 270 araw na palugit na ipinagkaloob ng Psalm sa K-Water upang makuha ang pamamahala.

Una ay posibleng mawalang bisa ang kontrata nito, at ikalawa ay posibleng palawigin ng gobyerno ang itinakdang palugit.

Ngunit ayon sa ilang source, kapag pinawalang bisa ang kontrata ng K-Water ay lalong maaantala ang planogn rehabilitasyon sa dam dahil muling ipapasubasta ang pagsasapribado sa Arhepp.

Para sa mga opisyal ng Napocor, mas malaki ang posiblidad na palawigin ang palugit na ipinagkaloob sa K-Water.

“Most likely ay bigyan ng extension,” ani Gladys Cruz-Sta. Rita, ag pangulo ng Napocor.

Gayunpaman, sinabi ni Cruz-Sta. Rita na umaasa sila matutupad sa Hulyo ang pagsasapribado na ang proseso ay nasimulan bago pa siya manungkulan bilang pangulo ng Napocor.

Kinatigan din ni German ang pananaw ito, at iginiit na hanggat hindi natatapos ang pagsasapribado sa Arhepp, patuloy na maaantala ang panukalang rehabilitasyon sa Angat Dam.

“Siyempre, tiyak na made-delay din yung planong rehab sa dam,” ani German.

Binigyang diin ni German na bahagi ng responsibilidad sa pagugol para sa rehabilitasyon ng dam ay maaatang sa K-Water.

Nilinaw din niya na hindi tuluyang iniurong ng gobyerno ang pondong P5.7-Bilyon para sa rehabilitasyon ng dam.

“Nandiyan pa rin yung pondo, pero hindi ginagalaw hanggat hindi natatapos ang usapin sa privatization ng Arhepp,” aniya.

Batay sa naunang pahayag ng ilang matataas na opisyal ng Napocor, pansamantalang iniurong ng Metropolitan Waterworks and Sewerage System (MWSS) noong nakaraang taon matapos katigan ng Korte Suprema ang K-Water bilang winning bidder sa pagsasapribado ng Arhepp.

Ayon sasource, kung nasimulan ang rehabilitasyon sa dam at nagastos ang pera tiyak na makakasuhan ang mga opisyal ng MWSS dahil lalabas na dalawang ahensiya ng nagpondo sa rehabilitasyon ng dam.

“Kaya medyo inurong muna nila yung P5.7-B, pero nandiyan pa rin naman at hindi ginagastos,” ayon pa sa source.

Ayon naman sa isa pang source, ang halos P2-B lamang ang nakahandang gastusin ng K-Water para sa rehabilitasyon ng dam kaya magagamit pa rina ng malaking bahagi ng pondong P5.7-B na naunang inihanda ng MWSS.

Samantala, patuloy pa ring umaasa ang mga Bulakenyo na sa madaling panahon ay masisimulan ang rehabilitasyon sa dam upang mapawi ang kanilang pangamba.

Una rito, nagbabala ang Philippine Institute of Volcanology and Seismology (Phivolcs) na posibleng masira ang Angat Dam kung gagalaw ang West Valley Fault Line (WVF) na posibleng lumikha ng lindol na may lakas na 8 magnitude. Dino Balabo

Bagong kurso para sa mga lokal na opisyal binuksan ng BulSU

2014-07-02T18:05:00.000-07:00

MALOLOS—Isang bagong kurso ang binuksan at iniaalokng Bulacan State University sa mga lokal na opisyal sa lalawigan sa layuning makahubog ng mga mapanagutan at tumutugong lingkod bayan.

Ito ay ang Local Governance Specialist Certificate Course na sisimulan ngayong Hulyo.

Ayon kay Dr. Ray naguit, direktor ng Institute of Local Government Administration (ILGA) sa nasabing pamantasan,ang nasabing kurso ay may apat na bahagi at ito ay bukas sa lahat ng opisyal sa lalalwigan ng Bulacan.

Kabilang sa mga pag-aaralan sa intensibong kurso ay ang pagbuo ng mga ordinansa, partikular na sa pagtatakda ng buwis, at mga resolusyon; parliamentary procedures, pagsasagawa ng pampublikong pagdinig,pagsasagawa ng quasi judicial function, pagbuo ng batas sa fiscalmanagement , oversight functions, pamamahala sa mga Sanggunian,backstopping at tracking analysis of ordinances hanggang sa pagsasakodigo ng mga ordinansa.

Ayon kay Naguit,ang nasaqbing kurso ay isasagawa sa loob ng pitong sunod-sunod na Sabado para sa pagsasanay sa excellence in local legislation para sa mga bago at muling halal na kasapi ng mga Sangguniang Bayan at Panglungsod. Bukas din ito para sa mga kalihim ng Sanggunian, at maging sa kanilang mga kawani.

Batay sa pahayag ni Naguit, ang bagong kurso ay nabuo sa pamamamagitan ng kolaborasyon sa pagitan ng BulSU ILGA at ng Department of Interior and Local Government-Bulacan (DILG-Bulacan).

Ipinaliwanag ng direktor na ang kurso ay naglalayon na higit na mapataas ng kakayahan ng mga halal na opisyal at maging nakahulugan ang kanilang paglilingkod sa pagnanais namapaunlad ang bawat pamayanan sa lalawigan.

Dahil naman sa sa pagbubukasng bagong kurso, sinabi ni Naguit na handa na ang BulSU-ILGA na pangunahan ang Gitnang Luzon sa pagpapataas ng kakayahan ng mga pamahalaang lokal.

Inayunan din ito ni Darwin David,ang direktor ng DILG-Bulacan.

Sa maikling pahayag, sinabi ni David na ang bagong kurso ay hindi nakadisensyo lamang sa pagpapataas ng kakayahan, sa halip ay nakatutok din ito sa paglinang ng mga positibo at akmang pag-uugali para sa epektibo at tumutugong pamamahala.

Ipinagmalaki rin ni David ang ilan samga magiging guro ng bago kurso tulad nina Dr. Oliva Feliciano, Vice Mayor. Zacarias Candelaria ng Calumpit, Vice Mayor Gilbert Gatchalianng Malolos, Bokal Enrique dela Cruz, Dr. Arsenio Pascua, Dr. Mariano de Jesus na siya ring Pangulo ng BulSU, Ricardo Capule, Lydia Baltazar. at Abogado Bobby Villote. Dino Balabo

PLARIDEL: Hindi lang propagandista, siya ang utak ng Katipunan

2014-07-02T17:49:00.000-07:00

MALOLOS—Hindi lamang isang progandista si Gat Marcelo H. Del Pilar, siya ang utak ng Katipunan.

Ito ang bunga ng masusing pananaliksik ni King Cortez sa mga nalathala at hindi nalathalang salaysay ng mga kasapi ng Kataas-taasang Kagalang-galangang Katipunan ng mga Anak ng Bayan (KKK) patungkol kay Del Pilar na kilala rin sa kanyang pangalan sa panulat na Plaridel.

Bukod dito, ipinaliwanag ni Cortez na ang kilusang Propaganda na pinangunahan nina Plaridel, Mariano Ponce, Dr. Jose Rizal at Graciano Lopez-Jaena sa Espanya ay hindi hiwalay sa Kilusang Katipunan sa Pilipinas na iniuugnay ng mga aklat pangkasaysayan kay Gat Andres Bonifacio.

Sa halip, ang Kilusang Propaganda ay bahagi ng Samahang Katipunan na kumilos sa Pilipinas, Espanya at Hongkong na ang pangulo ay si Plaridel na siya ring may inisyatiba ng pagtatayo nito.

Bilang isang kilusan, ang Samahang Katipunan ay may sariling Saligang Batas, istraktura ng gobyerno, at mga sistema dahil ang pangunahing layunin nito ay mapabagsak ang noo’y naghaharing pamahalaang Kastila sa bansa, at mapalitan ng pamahalaan ng mga Pilipino.

Ngunit ang layuning ito ng Samahang Katipunan ay lihim at nasa dulo na ng agenda, at ang nasa una at ang pangharap na layunin ay isinulong ng kilusang Propaganda sa pamamagitan ng kampanya sa Espanya upang magkaroon ng reporma sa Pilipinas.

“Buong-buo ang plano ni Marcelo H. Del Pilar para sa pagpagpapalaya sa bayan at pagkakaroon ng mga Pilipino ng sariling pamahalaan. Lahat ng kilos nila ay nakaplano at may malinaw na layunin,” sabi ni Cortez sa isang esklusibong panayam.

Bahagi ng mga plano ni Plaridel ay ang pagsusulong ng reporma bago magsagawa ng rebolusyon.

Ipinaliwanag ni Cortez na sa kabila na si Plaridel ay nakilala bilang isang dakilang propagandista, hindi nakahiwalay ang kilusang ito sa kilusang Kaitpunan sa bansa at maging isa ibayong dagat.

Iginiit niya na batay sa mga nalathalang libro,ang kilusang propaganda na bahagi lamang ng mas malawak na kilusang Katipunan na ang pagtatayo ay nagmula sa inisyatiba ni Plaridel.

Bilang patunay, ipinakita niya ang nilalaman ng nalathalang salaysay ni Aguedo del Rosario, isa sa mga unang kasapi ng KKK.

Batay sa salaysay ni Del Rosario, ang Katipunan ay itinatag noong Hulyo 7,1892 sa pangunguna nina Deodato Arellano, Teodoro Plata, Ladislao Diwa, Valentin Diaz at Andres Bonifacio sa pamamagitan ng inisyatiba ng abogadong si Plaridel na noo’y nasa Barcelona kasama ng iba pang Pilipinong nagsasagawa ng kampanya para sa reporma sa Pilipinas.

Sa nasabi ring salaysay, inihayag ni Del Rosario ang layunin ng Katipunan na magkamit ang Pilipinas ng lehitimong reporma na magpapaunlad sa mga kondisyon sa bansa noon; at sa huli ay mapalaya ang Pilipinas sa pamamahala ng Espanya.

“Malinaw sa pahayag ni Aguedo Del Rosario na si Del Pilar ang utak o mastermind ng pagbubuo at pagtatayo ng Katipunan, pero ang dahil nasa Espanya siya noon, ang nanguna dito sa Pilipinas ay ang bayaw niyang si Deodato Arellano at sina Bonifacio,” ani Cortez.

Bukod dito, binanggit din ni Cortez ang bahagi ng librong inilathala ni Father John Schumacher patungkol sa Katipunan kung saan ay sinabi nito na ang propaganda ay “the first step rather than the ultimate goal.”

Binigyang diin pa niya na batay sa mga nalathalang tala ng kasaysayan, sumali na lamang si Bonifacio sa Samahang Katipunan na nagpapatunay na hindi siya ang nagbuo at nagtatag nito.

Ayon pa kay Cortez, ang pahayag na ito ni Del Rosario na inilathala ng National Historical Commission of the Philippines (NHCP) ay nagpapatunay na hindi lamang isang inspirasyon sa Katipunan ang panulat ni Plaridel, sa halip ay may direktang partisipasyon ang panglalawigang bayani ng Bulacan.

Batay sa iba pang tala, hindi naputol sa inisyatiba ang partisipasyon ni Plaridel sa Katipunan, sa halip ay siya ang umakda ng by-laws o mga batas nito, maging ng Kodigo penal ng Katipunan na ang mga kopya ay nakuha ng mga Kastilang sumalakay sa pinagtataguan ng mga dokumento ni Bonifacio matapos mabunyag ang Kilusang Katipunan.

Ayon kay Cortez, ang pag-akda ng mga patakaran at Saligang Batas ng Katipunan ay isa sa mga kontribusyon ni Plaridel bilang isang matagumpay na abogado.

Dahil ang mga impormasyong ito ay hindi na bago, iginiit ni Cortez na maging sina Epifanio Delos Santos, Renato Constantino at ang manunulat ng kasaysayan na si Zaide ay alam ang mga ito.

Ngunit isa man sa kanila ay walang tumindig at nagpakilala kay Plaridel bilang utak ng Katipunan.

Ang mananaliksik na si King Cortez.

Batay sa kanyang pananaliksik, ang mga paninindigan ni Plaridel ay nagsimula sa Bulacan kaya’t sinabi niya na ang konsepto ng pagkabansa ng Pilipinas ay nagmula sa Bulacan.

Binigyang diin niya na batay sa mga ulat ng mga Kastila sa Bulacan, si Plaridel at ang kanyang kaanak na si Luis Del Pilar ay ang mga “di na nasusulat na batas sa Bulacan.”

Ito ay nangangahulugan na kahit walang opisyal na posisyong hinahawakan sina Plaridel sa Bulacan ay sila ang nasusunod.

“Isang edukadong lider at mula sa pamilyang ilustrado si Del Pilar, pero ang kanyang husay at galing ay napag-ugnay niya ang pagiging edukado at ilustrado sa masang Pilipino. Nakatuntong ang kanyang mga paa sa lupa at hindi nanatili sa pedestal ng mga ilustrado. Kaya ilustrado man o mayaman at mahirap, maging mga Kastila ay pinakikinggan siya. Ganyan kalaki ang impluwensiya ni Plaridel, siya ang kingpin sa Bulacan noong panahon niya,” ani Cortez.

Bilang patunay na si Plaridel ang di nasusulat na batas sa Bulacan, binanggit ni Cortez ang bahagi ng nilalaman ng aklat na inilathala ng Bulakenyong si Antonio Valeriano.

Sa libro din ni Valeriano natala ang plano ni Plaridel para sa Katipunan kung saan ay binigyang diin niya ang dalawang kilusan nakikilos sa liwanag at sa dilim—ito ay ang kilusang Propaganda na kumilos sa liwanag at Kilusang Katipunan na kumilos ng palihim hanggang sa nabunyag.

Iginiit pa niya na batay sa mga tala, may pagkakataon sa Malolos na halos ay dalawang buwan na walang nagpapabinyag dahil sa utos ni Plaridel na nagpapatunay ng kanyang impluwensiya maging sa mga masa.

Batay naman sa salaysay ni Mariano Ponce, sinabi ni Cortez na si Plaridel ang nagturo sa kanila (Ponce) ng pagmamahala sa tinubuang lupa.

Ang pagtuturong ito ay naganap sa Distrito Trozo ng Tondo malapit sa bakuran ng University of Santo Tomas (UST) sa Maynila kung saan ay natira si Plaridel sa bahay ni Padre Maraino Sevilla noong 1880.

Ang nasabing distrito, ayon kay Cortez ay pugad ng mga Pilipinong may makabayang kaisipan katulad nina Pedro Serrano-Laktaw, Emilio Jacinto, Jose Dizon, Macario Sakay, Jose Ramos, Jose Rizal at marami pang iba.

Sa nasabi ring lugar unang nabuo ang plano sa pagtatayo ng masonriya sa Pilipinas noong 1891 na pinangunahan nina Serrano-Laktaw at Ramos; at ang La Liga Filipina.

Batay sa pananaliksik ni Cortez, ang diwa ng masonriya ay isa sa mga pundasyon ng Katipunan, na pinayabong ng edukasyon dahil ang Distrito Trozo ay malapit lamang sa UST. Dino Balabo

2 gusali ng ICSM naabo, higit sa P20-M ang pinsala

2014-06-14T06:52:00.001-07:00

MALOLOS— Tinupok ng apoy sa loob lamang ng halos tatlong oras noong Biyernes ang dalawang gusali ng Immaculate Conception School of Malolos (ICSM) na sa loob ng mahigit 70 taon ay nagsilbing bantayog sa paghubog sa mga kabataan sa lungsod na ito.

Tinatayang aabot naman sa mahigit P20-M ang halaga ng pinsala ng sunog na umabot ng anim na oras bago tuluyang naapula, samantlang isang rumespondeng bumbero ang nasugatan sa sunog na umabot ng ikatlong alarma.

Kaugnay nito, tiniyak ng pamunuan ng ICSM na magbabalik sa klase ang may 1,600 mag-aaral nito sa loob ng dalawang linggo makaraang magpalabas ng pahayag ilang oras matapos ang sunog.

Nag-alok naman ng mga pasilidad ang pamahalaang lungsod ng Malolos para pansamantalang magamit ng ng mga mag-aaral, ngunit mas pinili ng pamunuan ng paaralan ang pasilidad ng Simbahan ng Barasoain na kanilang isasaayos sa susunod na isang linggo.

Himala namang nakaligtas sa sunog ang katabing Basilica Minore na noong 1899 ay ipinasunog ni dating Heneral Antonio Luna habang tumatakas ang mga rebolusyunaryo mula sa paparating na puwersa ng mga Amerikano.

Ang Basilica Minore na dating kilala bilang Katedral ng Malolos,ang sentro ng pamunuan ng Diyosesis ng Malolos sa Bulacan at Lungsod ng Valenzuela.

Ang sunog sa ICSM ay nagsimula bandang alas-3 ng madaling araw noong Biyernes,Hunyo 13. Ang apoy nito ay nakontrol sa ganap na alas-5:09 ng umaga at tuluyang naapula sa ganap na alas-9:14 ng umaga.

Ayon sa security guard ng City of Malolos Water District (CMWD) na nakilalang si Abdul Hassan, nagsimula ang sunog ng magliyab ang kawad ng kuryente sa poste sa labas ng bakod ng paaralan.

Ito ay agad na gumapang sa dalawang gusali at sa loob lamang ng ilang oras ay natupok ito.

Kinatigan ni Monsignor Pablo Legazpi, rector ng ICSM ang pahayag ni Hassan ng kanyang sabihing mabilis ang pagkalat ng apoy dahil sa malakas ang hangi at yari sa kahoy ang dalawang gusali.

Ikinuwento niya na ang dalawang gusali ay itinayo noong 1937.

Hinggil sapinamulan ng sunog, sinabi ni Legazpi na tuwing gabi ay ibinababa nila ang breaker ng kuryente sa mga gusali upang walang dumaloy na kuryente.

Ito raw ay bahagi ng kanilangpag-iingat sa dalawang matandang gusali na yari sa kahoy na nasunog.

Nilinaw pa ni Legazpi na kapapalit lamang nila ng mga kawad ng kuryenteng nakainstalasyon sa gusali, bukod pa sa magkakahiwaly ang linya para sa ilaw, bentilador at mga airconditioners upang matiyak na hindi iyon mag-o-overload.

Sa kanyang pagtaya, aabot sa mahigit P20-M ang halaga ng ari-ariang nasunog kasama ang limang sasakyang ginagamit para sa pagsundo at paghahatid sa mga mag-aaral.

Batay naman sa pahayag ng Bureau or Fire Protection (BFP) walang tao sa loob ng paaralan ng maganap ang sunog, ngunit isang rumespondeng bumbero ang nasugatan sa pag-apula sa apoy.

Siya ay nakilalang si FO1 Edward Sullivan ng BFP-Malolos.

Kinatigan din ng BFP-Malolos ang mabilis na pagkalat ng apoy, kaya’t sa umpisa pa lang ng sunog ay itinaas na nila sa ikatlong alarma ang pagtawag ng saklolo sa mga kapwa bumbero.

Sa kasalukuyan patuloy pa ang imbestigasyon ng BFP upang matukoy ang pinagmulan ng sunog. Dino Balabo

Di tapos na kalsada’t tulay sumalubong sa mga mag-aaral sa pagbubukas ng klase

2014-06-09T09:03:00.000-07:00

Calumpit bridge

CALUMPIT, Bulacan—Handang-handa ang mga paaralang pampubliko sa lalawigan sa pagbubukas ng klase noong Lunes, Hunyo 2, ngunit ang sumalubong sa kanila ay mga di pa natatapos na kinukumpuning tulay at mga lansangan.

Kaugnay nito, pinalalahanan Department of Public Works and Highways (DPWH) ang mga kontraktor ng mga pagawaing bayan sa lalawigan na madaliin ang mga proyekto upang hindi makaabala at di abutan ng tag-ulan.

Ikinagalak naman ni Gob. Wilhelmino Alvarado ang maayos at payapang pagbubukas ng klase sa buong lalawigan kung saan ay daan libong mag-aaral ang nagbalik eskwela.

Ipinagmalaki ng punong lalawigan ang paghahanda sa 457 paaralang elementarya at 87 paaralang sekundarya sa lalawigan na noong nakaaarang linggo ay nilinis at kinumpuni kaugnay ng pagsasagawa ng taunang Brigada Eskwela.

Bukod dito, ipinagmalaki rin ng punong lalawigan na sapat ang mga silid aralan salalawigan dahil sa halos 2,000 silid aralan na naitayo sa nagdaaang dalawang taon.

Ang konstruksyon sa mga nasabing silid aralan ay pinondohan ng kapitolyo at ng Department of Education (DepEd).

Hinggil sa kapayapaan at kaayuna, naging maagap dinang kapitolyo sapag-uutos sakapulisan upang magtalaga ng mga pulis sa mga istratehikong lugar upang matiyak ang kaayusan at kapayapaan.

Ngunit ang sa kabila ng mga paghahandang ito, ang naiwasan ng maraming mag-aaral partikular na sa sekundarya ay ang trapiko sa mga piling lansangan sa lalawigan sanhi ng mga di pa natatapos konstruksyon at rehabilitasyon ng mga lansangan at mga tulay.

Kabilang dito ang tulay sa bayang ito na noong huling linggo ng Mayo ay bumagsak; at ang tulay sa bayan ng Balagtas na sa kahabaan din ng MacArthur Highway.

Ang tuilay sa Balagtas ay nadadaanan ng mga sasakyan tulad ng mga bus at public utility jeepney.

Ngunit ang tulay sa bayang ito ay hindi dahil kasalukuyan pa itong kinukumpuni, bukod pa sa pagbagsak ng gitnang bahagi nito noong Mayo 25.

Dahil sa sarado pa ang tulay sa bayang ito,ang mga tao ay nagsisitawid sa pinatatag na hanging bridge na katabi nito.

Ang mga motorsiklo naman ay isinasakay sa mga bangka at itinatawid sa ibayo ng Ilog Angat.

Malis Elementary School sa Guiguinto. Larawang kuha ni Anjeline Domingo

Ito ay dahil sa hindi pa natatapos ang idinadagdag na tig-isang metro espasyo sa magkabilang gilid ng hanging bridge.

Ayon sa DPWH, kapag natapos ang nasabing dagdag na espasyo, makakatawid na rin ang mga mottorsiklo sa nasabing hanging bridge.

Hinggil naman sa konstruksyon at mga rehabilitasyon ng mga lansangan, hindi pa rin natatapos ang lansangan sa bahagi ng bayang ito, maging sa Hagonoy, Paombong at Lungsod ng Malolos.

Mahaba pa rin ang kalsadang kinukumpuni sa kahabaan ng MacArthur Highway sa bahagi ng mga bayan ng Bocaue, Marilao, at Lungsod ng Meycauayan.

Ayon sa ilang magulang,kailngang gumising ang kanilang mga anak ng maaga upang makatiyakna makakarating sa oras sa paaralan.

Ito ay upang makaiwas din sa mabagal na daloy ng trapiko sa mga nasabing lugar.

Bukod rito, iginiit ng ilan na dapat ng ipakumpuni ang hanging bridgena nag-uugnay sa Barangay Iba, Hagonoy at Barangay Iba Este sa bayang ito.

Maging ang hanging bridge sa Sitio Parong-parong sa Barangay San Agustin sa bayan ng Hagonoy ay ipinanawagang maipakumpuni agad.

Nagpasalamat naman ang mga guro at mag-aaral sa Barangay Abulalas sa Hagonoy dahil nakumpuni na ang hanging bridge sa kanilang lugar. (Dino Balabo)

Diwa at konsepto ng kalayaan ng bansa, nagmula kay Plaridel

2014-06-09T08:25:00.000-07:00

MALOLOS—Kailan at kanino nagsimula ang mga katagang “malaya” at “kalayaan” sa Pilipinas?

Ito ang pangunahing katanungan inilahad ni King Cortez, isang mananaliksik kaugnay ng nalalapit na pagdiriwang ng ika-116 guning taon ng pagdiriwang ng kalayaan ng bansa sa Hunyo 12.

Kaugnay nito, inaasahang pangungunahan ni Pangulong Benigno Aquino III ang pagdiriwang sa ng Araw ng Kalayaan sa Bicol, samantalang si Metropolitan Development Authority (MMDA) Chairman Francis Tolentino ang inaasahang magsisilbing panauhing pandangal sa makasaysayang simbahan ng Barasoain.

Makakasama ni Tolentino si Technical Education Skills and Development Authority (TESDA) Director General Joel Villanueva na napabilang sa listahang may 100 kongresistang nasasangkot sa pork barrel scam.

Batay sa pananaliksik ni Cortez, ang mga Tagalog na katagang “malaya” at “kalayaan” ay nagmula sa dakilang Bulakenyong bayani na si Gat Marcelo H. Del Pilar na siya ring panglalawigang bayani ng Bulacan.

Ang 35-anyos na si Cortez ay nagtapos ng kursong BA Communication sa Universidad De Manila at kasalukuyang nagtuturo din sa nasabing pamantasan.

Siya ay nagtrabaho bilang isang security guard sa Macau, naging bahagi ng mga samahang nagboboluntaryo saibat-ibang bansa at napasama sa komite sa pagdiriwang ng ika-150 kaarawan ni Andres Bonifacio noong nakaraang taon.

Sa kanyang pagtuturo sa UdM, naging kontrobersyal si Cortez dahil sa ang kanyang karaniwang bihis ay uniporme ng isang security guard.

“Pag nagtuturo po akoay nagugulat ang mga estudyante at kapwa guro dahil nakasuot security guard ako,” aniya.

Kabilang sa kaniyang itinuturo ay ang kasaysayan kung saan at tampok ang mga bunga ng kanyang pananaliksik.

Kabilang dito ay ang pinagmulan ng mga salitang “malaya” at “kalayaan.”

Sa esklusibong panayam ng Mabuhay kay Cortez, nilinaw niya na unang nalathala sa pahayagang Diaryong Tagalog ang mga nasabing kataga.

Ang Diaryong Tagalog ay inilathala ni Del Pilar sa Maynila noong 1882.

Ayon pa kay Cortez, ang paglalathala ng mga salitang “malaya” at “kalayaan” ay nakapaloob sa artikulong “Amor Patrio” na isinalin ni Del Pilar sa Tagalog—Pag-ibig sa Tinubuang Lupa.

“Before na ma-publish sa Dirayong Tagalog ni Del Pilang ang mga salitang “malaya” at “kalayaan”, di alam ng mga Pilipino, maging ng mga personalidad tulad ni Rizal ang salitang iyon. Si Del Pilar ang nagpa-uso ng “malaya” at “kalayaan” at sa kanya nagsimulaang konsepto nito.”ani Cortez.

Bilang patunay na hindi alam ni Rizal ang mga nasabing salita, ipinakita ni Cortez ang sipi ng liham ng bayani sa kanyang kapatid na si Paciano na kanyang sinulat sa Leipzig, Alemanya noong Oktubre 12, 1886.

Narito ang nailalaman ng liham ni Rizal kay Paciano, “Kuya, ipinadadala ko sa iyo ang aking salin ng William Tell ni Friedrich Schiller sa Tagalog. Kayo na ng ating mga bayaw ang magwasto nito. Marami akong salitang di na alam dahil wala akong makausap ng Tagalog dito. Kulang ang aking mga salita, halimbawa para sa salitang "freiheit" o "liberty" (sa Ingles). Hindi ko magamit ang salitang "kaligtasan" dahil nangangahulugan ito na napiit siya, o naging esclavo kaya. Natuklasan ko sa salin ng "Amor Patrio" (nalathala sa Diariong Tagalog noong 1882) ang salitang "malaya, kalayaan" na ginamit ni Marcelo del Pilar. Sa kaisa-isang aklat na dala-dala ko-- ang Florante -- wala akong nakitang katulad na salita.”

Bilang patunay na lingid sa mga Pilipino angmga salitang “malaya” at “kalayaan,” binanggit din ni Cortez ang mga naunang sipi ng mga diksyunaryong Pilipino-Espanyol.

Kabilang dito ang diksyunaryong nilimbag ni Tomas Pinpin noong 1610, at nina Buenaventura noong 1613, at Noceda noong 1860.

“Walang salitang kalayaan sa mga diksyunaryong unang nilimbag nina Pinpin, Buenaventura at Noceda,” ani Cortez.

Iginiit niya nab ago ilathalat ni Del Pilar ang Dirayong Tagalog, ang salitang “freedom” sa Ingles ay hindi nangangahulugan ng “kalayaan” sa tagalog.

Ang katumbas ng salitang Ingles na “freedom” sa salitang Kastila “libertad”, at ang salitang Ingles na “free” ay “libre” sa salitang Kastila.

Muli, bago ilathala ni Del Pilar ang Diaryong Tagalog, ang salitang Kastilang “Libertad” ay isinalin sa tagalog ng Vocabulario de Lengua Tagala ni Buenaventura bilang “Camaharlicaan,” “Libre,” “Timaua,” at “Maharlica.”

Ang salitang Kastilang “Libertar” at isinalin sa Tagalog ng Vocabulario de Lengua Tagala ni Noceda bilang “Timaua,” at “mahadlica” o timawa at maharlika. (Dino Balabo)

2014-05-23T08:34:00.000-07:00

Ang pagbagsak ng kinukumpuning Calumpit bridge na naging sanhi ng pagkasugat ng dalawang construction workers ay nagpapaalala na dapat ding apurahin ang pagpapakumpuni samga hanging bridge sa Bulacan.

Ang mga hanging bridge na ito ay matatagapuan sa mga barangay ng Iba, at San Pablo sa Hagonoy.

Kung pagmamasdan ang mga mga huling larawang kuha sa mga nasabing hanging bridge, masasabing hindi imposibleng makadisgrasya ang mga ito.

Narito ang ilan sa mga larawang ng mga nabanggit na hanging bridge:

Iba hanging bridge

Tilapiang aanihin nalipol sa init ng panahon

2014-05-23T08:12:00.000-07:00

Larawang kuha ni Annejoelica Esguerra.

PULILAN, Bulacan—Libo-libong tilapia na aanihin na lamang ang unang naging mga biktima ng patuloy na pag-init ng panahon sa Bulacan.

Kaugnay nito, muling ipinaalala ng Bureau of Fisheries and Aquatic Resources (BFAR) sa mga namamalaisdaan na tutukan ang pagpapatubig sa kanilang palaisdaan; samantalang nananatiling ligtas sa red tide ang Bulacan.

Ayon kay Dr. Remedios Ongtangco, direktor ng BFAR sa Gitnang Luzon, ang insidente ng fish kill ay naganap sa Barangay Taal, Pulilan Bulacan.

Ito ay ang swimming pool na ginawang palaisdaan ni Consuelo Cabrera, isang 34 anyos na balikabayan

“She called me and said that here tilapia are dying, and I sent a team to inspect,” ani Ongtanco patungkol sa BFAR-3 Fish Health team na binubuo nina Carmen Agustin, Gonzi Coloma, Liezl Monido at Haider Ramos.

Batay sa ulat ng Fish Health Team ng BFAR, ang pagkamatay ng mga alagang tilapia ni Cabrera ay sanhi ng biglaang pagbabago sa temperatura at pagtaas ng unionized ammonia na tinatawag ding toxic ammonia.

Ayon pa sa ulat ng Fish Health Team, ang ideal na unionized ammonia sa tubig ay dapat 0.300 miligram bawat litro.

Ngunit sa kanilang pagsusuri umabot sa 2.66 hanggang 3.15 miligram bawat litro ng tubig ang unionized ammonia sa palaisdaan ni Cabrera.

Larawang kuha ni Annejoelica Esguerra.

Sa panayam, sinabi ni Cabrera na bago maganap ang fiskill ay mainit ang panahon ngunit noong Linggo ng gabi ay biglang umambon.

Kinabukasan ng umaga,ilang mga isda niya ang nagsimulang lumutang at tuluyang nalipol angmga ito noong Martes.

“This is the first time it happened to us,” sabi Cabrera na nagsimulang maghulog ng 8,000 binhi ng tilapi a noong 2012 at nasunda pa ng 5,000 nitong nakaraang taon.

“Ihaharvest na lang namin, nagkamatay pa,” aniya.

Batay sa ulat ng Fish Health Team, ang paglaki ng mga tilapia sa palaisdaan ay isa rin sa dahilan ng pagkamatay ng mga ito.

Ito ay dahil sa ang mga isda ay halos isang kilo na ang bigat ng bawat isa.

Batay sa naunang pahayag ng BFAR,ipinayo nilana bawasan ang mga isda sa palaisdaan kapag malalaki na ito upang lumuwag ang palaisdaan.

Ito ay sa pamamagitan ng selective harvesting.

Batay sa rekomendasyon ng BFAR, ang selective harvesting ay isang hakbang upang matiyak ang kaligtasan ng mga alagang isda.

Ito ay upang hindi nag-aagawan ang mga isda sa nalalabing oksiheno sa tubig.

Samantala,ipinalala ni Ongtango sa mga namamalaisdaan na maging mapagbantay sa kanilang palaisdaan dahil sa biglaang pagbabago ng temperatura na nagdudulot ng fish kill.

Sa karagatan naman,ipinagmalaki ni Ongtangco na nananatiling ligtas sa red tide ng Bulacan.

Ngunit ang mga isda at ibang lamang dagat na huli baybayinng Bataan ay mataas pa rinang naitalang red tide toxins.Dino Balabo at Annejoelica Esguerra

Kinukumpuning Calumpit Bridge bumagsak, 2 sugatan

2014-05-23T07:56:00.001-07:00

CALUMPIT, Bulacan—Dalawang obrero ang iniulat na nasaktan sa pagbagsak ng kinukumpuning tulay sa Calumpit, Bulacan noong Biyernes ng umaga, Mayo 23.

Ang mga biktima ay nakilalang sina Robert Vidal, isang crane operator at Jerry David, isang mason.

Sila ay agad na isinugod sa di kalayuang Sta. Cruz Hospital ng mga kasapi ng Calumpit 1024 volunteer rescue group na nakatalaga sa tulay upang tumugon sa katulad na insidente.

Ayon kay Inhinyero Ruel Angeles, hepe ng Department of Public Works and Highway (DPWH) First Engineering District, ang pagbagsak ng tulay ay isang aksidente.

Ikinuwento niya na bago maganap ang aksidente ay inilipat ng kontrator na Wing-An Construction Development Corporation ang kanilang mga kagamitan sa gitna ng tulay upang bigyang daan ang demolisyon ng south span ng tulay.

Ang south span ng tulay ay nasa bahagi ng Poblacion, Calumpit at ng north span nito ay nasa bahagi ng Barangay Gatbuka.

“Ang ide-demolish ay yung span sa side ng Poblacion kaya yung mga equipment ay inilipat sa mid-span pero bumigay din yung mid-span,” ani Angeles.

Iginiit pa ni Angeles na ang pagbagsak ng middle span ng tulay ay nagpapakita lamang na mahina na iyon at dapat na talagang palitan.

Sa pagbagsak ng middle span ng tulay ay bumagsak din ang mga steel truss sa ibabaw nito na tumama samga kagamitan tulad ng crane at lifter.

Una rito, inirereklamo na ng mga residente ang mabagal na rehabilitasyon ng tulay na nagsimula noong Hunyo 2013 at dapat sana ay natapos nitong Abril.

Ngunit humiling ng dagdag na panahon ang kontraktor dahil sa mga tatanggaling steel, concrete at wooden piles sa ilalim ng tulay.

Ayon kay Angeles, tinatayang matatapos ang tulay sa darating na Setyembre.

Matatandaan na ng rehabilitasyon sa tulay ay isinulong matapos ang pagbagsak ng Colgante Bridge sa bayan ng Macabebe, Pampanga noong 2011. Dino Balabo at Rommel Ramos

Mapaminsalang bagyo posibleng manalasa sa El Niño

2014-05-13T07:08:00.001-07:00

ni Dino Balabo

HAGONOY, Bulacan— Posibleng manalasa ang malalakas at mapaminsalang bagyo sa panahon ng El Niño na karaniwang tinatampukan ng kakulangan ng ulan at mainit na panahon.

Ito ang babalang ipinabatid ng Philippine Atmospheric Geophysical Astronomical Services Administration (PAGASA) sa tanggapan ng Department of Agriculture (DA) sa Gitnang Luzon. Ang babalang ito ay nagpapaalala ng paghahanda hindi lamang sa mga magsasakang maaapektuhan ang pananim, kungdi maging sa bawat mamayan, partikular sa mga lugar na karaniwang binabaha tulad ng bayang ito.

“Kung iniisip natin na ang El Niño ay puro init ng panahon at kulang sa ulan, nagkakamali tayo,” sabi ni Felicito Espiritu, information officer ng DA sa rehiyon. Sinabi niya na batay sa paliwanag ng mga dalubhasa sa PAGASA, ang El Niño ay maaaring magdulot ng mapaminsalang bagyo sa panahon ng tag-ulan.

“Hindi imposible na magkaroon tayo ng malakas na bagyo sa nalalapit na tag-ulan dahil sabi ng PAGASA, nagiging erratic ang ating weather system pag may El Niño,” ani Espiritu. Dahil dito, binigyang diin niya ang patuloy nilang pakikipag-ugnayan sa mga municipal agriculture officer at mga magsasaka sa rehiyon para sa akmang paghahanda.

Kabilang dito ang pagpili ng pananim na magiging akma sa panahon. Kaugnay nito, ipinahayag ng PAGASA na posibleng magsimula ang pananalasa ng El Niño sa susunod na buwan. Binigyang diin pa ng ilang dalubhasa na ang nararanasang mainit na panahon ngayon ay bahagi na ng epekto ng pagsisimula ng El Niño.

Ito ay dahil sa nagsimulang uminit ang temperatura sa ibabaw ng karagatan ng dagat Pasipiko mula pa sa unang bahagi ng taon. Ilan sa mga katangian ng El Niño ay ang regular na pananalasa nito tuwing ikalawa hanggang ika-siyam na taon mula sa dagat Pasipiko.

Ito ay karaniwang nagsisimula sa sa pagitan ng Disyembre hangang Pebrero ng susunod na taon. Ito ay kadalasang nasusundan ng La Nina phenomenon na tinatampukan naman ng malalakas na pag-ulan. Batay sa tala ng Pagasa, ang pinakagrabeng El Niño sa bansa ay naitala noong 1997 hanggang 1998.

Gayunpaman, nilinaw ng ilang dalubhasa na sa panahon ng pananalasa ng bagyong Milenyo noong 2006, bagyong Ondoy noong 2009 at mga bagyong Pedring at Quiel noong 2011, ang bansa ay sumasailalim sa mahinang El Niño.

Tubig sa Angat Dam, sumayad na sa kritikal na lebel, oratio imperata ikinakasa

2014-05-11T08:21:00.001-07:00

MALOLOS—Sumayad na sa kritikal ang lebel ng tubig sa Angat Dam noong Linggo, Mayo 11, samantalang ikinakasa ng mga pari sa Bulacan ngayon ang pagsasagawa ang panalanging oratio imperata upang umulan.

Kaugnay nito, inamin ng National Power Corporation (Napocor) na hindi pa nasisimulan ang planong cloud seeding operation dam dahil hindi pa sila nabibigyan ng clearance ng Civil Aviation Authority of the Philippines (CAAP).

Ayon kay Inhinyero Rodolfo German, general manager ng Angat River HydroelectricPower Plant (Arhepp), ang pagsayad sa 180 metrong lebel ng tubig sa dam ay naganap ala-1 ng tanghali noong Linggo, Mayo 11.

Ito ay nangangahulugan na pansamantala ng ititigil ang alokasyon para sa irigasyon ng mga magsasaka sa Bulacan at Pampanga.

Sa mas naunang panayam, sinabi ni German ang pagpapatigil ng alokasyon sa magsasaka ay isang hakbang upang matiyak na masusustinihan ang tubig inumin ng

kalakhang Maynila hanggang sa sumapit ang tag-ulan.

Umaabot sa 97 porsyento ng tubig inumin ng may 13 populasyon ng kalakhang Maynila at mga karatig na lugar ang nagmumula sa Angat Dam.

Samantala, bago pa tuluyahg sumayad sa kritikal na lebel ang tubig sa dam ay nagsagawa ng panalangin upang umulan ang mga pari sa Bulacan.

Kabilang sa kanila si Father Dario Cabral na nanguna sa isang misa sa isang parokya sa Barangay Malhacan sa Lungsod ng Meycauayan kahapon ng umaga.

Sa panayam, ipinaliwanag ng pari na walang imposible sa Diyos.

Binigyang diin din niya na nagkikipag-ugnayan na siya kay Obispo Jose Francisco Oliveros sa pagsasagawa ng malawakang panalangin para sa oratio imperata.

Para naman sa ilang source, sinabi nila na dapat isagawa ang oratio imperata sa Mayo 14 kaugnay ng pagdiriwang ng piyesta ni San Isidro Labrado, ang patron ng mga magsasaka.

Ang piyesta ng San Isidro Labrador ay karaniwang tinatampukan ng pagpapaluhod sa kalabaw sa bayan ng Pulilan, Bulacan.

Kaugnay nito, inamin ng Napocor na hindi pa natuloy ang planong cloud seeding operation sa Angat Dam.

Ito ay dahil sa hindi pa sila napagkakalooban ng clearance mula sa CAAP.

“Baka naghigpit daw after the Nueva Vizcaya incident,” sabi ni Cruz-Sta. Rita, ang pangulo ng Napocor patungkol sa insidente ng pagbagsak ng isang eroplano sa Bagabag, Nueva Vizavaya kung saan apat katao ang nasawi, kabilang ang tatlong kawani ng Bureau of Soils and Water Management (BSWM).

Nilinaw din ni Cruz-Sta. Rita na sa pagsasagawang cloud seeding sa Angat Dam ay hindi na pasasakayin sa eroplano angmga kinatawan ng BSWM.

“Wala ng sasakay sa kanila sa plane. Air Force na ang kasama ng pilot. Supervision na lang sila,” aniya patungkolsamga kawani ng BSWM. Dino Balabo

Pinakamataas na bilang ng lumagda sa recall petition naitala sa Malolos

2014-05-11T08:09:00.000-07:00

MALOLOS—Dismayado na nga ba ang mga Bulakenyo partikular na ang mga residente ng lungsod na ito sa ika-apat na taon ng panunungkulan ni Gob. Wilhelmino Albarado?

Ito ang katanungan ng marami matapos ilabas ng Commission on Elections ang tala ng bilang ng mga lumagda sa petisyon ng recall election na isinumite laban sa punong lalawigan kung saan naitala ang pinakamataas na bilang mga lumagda sa lungsod na ito.

Samantala, nailipat na sa Office of the Deputy Executive Director for Operations (ODEDO) sa punong tanggapan ng Comelec sa Maynila ang mga dokumentong isinumite kaugnay ng petisyon noong Lunes, Mayo 5 matapos ang inisyal na pagsusuri ng Comelec-Bulacan.

Tumanggi ng magbigay ng pahayag si Alvarado hinggil sa petisyon ng siya ay kapanayamin ng Mabuhay noong Lunes, matapos ang paglulunsad ng Sine Bulakenyo sa Capitol Gymnasium.

Ang Sine Bulakenyo ay isang libreng pa-sine na isasagawa ng kapitolyo sa mga barangay sa layuning mapataas ang kaalaman ng mga Bulakenyo sa hinggil sa mga naisagawa at iapatutupad na proyekto ng administrasyong Alvarado.

Ngunit para sa ilang Bulakenyo, ang nasabing pa-sine ay isang kontra propaganda matapos lumagda sa petisyong recall election ang 319,707 Bulakenyo dahil sa kawalan ng tiwala kay Alvarado bunga ng diumano’y kurapsyon at pag-abuso sa kapangyarihan,

Batay sa tala ng Comelec-Bulacan, nanguna ang lungsod na ito sa 21 bayan ay dala pang lungsod sa lalawigan sa dami ng lumagda sa nasabing petisyon.

Ayon kay Abogado Elmo Duque, umabot sa 25,835 botanteng Malolenyo ang lumagda sa petisyon; kasunod ang bayan ng Sta.Maria kung saan ay umabot sa 22,988 ang lumagda.

Ang iba pang bayan at lungsod sa lalawigan na nakapagtala ng mataas na bilang ng lumagda sa petisyon ay ang Marilao (22,676), Lungsod ng San Jose Del Monte (22,486), Bocaue (18,411), at Baliwag (15,593).

Naitala naman sa bayan ng Hagonoy ang pinakamababang bilang na 947.

Ang Hagonoy ay ang bayang pinagmulan ni Alvarado kung saan ay naglingkod siya bilang alkalde mula 1986 hanggang 1998; na sinundan ng paglilingkod mula 1998 hanggang 2007 bilang kongresista ng unang distrito ng lalawigan na sumasakop din sa nasabing bayan.

Kung distrito naman ang pag-uusapan, naitala ang pinamakataas na bilang ng lumagda sa petisyon mula sa ikatlong distrito.

Batay sa tala ng Comelec-Bulacan,umabot sa 87,489 botante ang lumagda sa petisyon mula sa ikatlong distrito,kasunod ang ikalawang distruito na may 83,783.

Ang ikaltlong distrito ng Bulacan ay kinakatawan sa Kongreso ni dating Gob. Joselito Mendoza na ang pamilya ay nagmula sa bayan ng Bocaue na matatagpuan sa ikalawang distrito.

Matatandaan na noong Abril 25, isinumite ni Perlita Mendoza ng bayan ng Bocaue sa Comelec Bulacan ang kopya ng mga dokumentong para sa petisyong election recall laban kay Alvarado.

Si Mendoza ay naglingkod bilang Provincial Administrator ng Bulacan sa panahon ng administrasyon ni dating Gob. Joselito Mendoza noong 2007 hanggang 2009.

Pansamantala rin siyang naglingkod bilang City Information Officer ng Malolos noong 2010, ngunit nagbitiw sa tungkulin matapos kuwestiyunin ang kanyang tirahan.

Una rito, isang kaso ng pandarambong ang ihinhain ni Antonio Manganti sa Ombudsman laban kay Alvarado at anim pang opisyal ng kapitolyo noong Pebrero 14.

Ayon kay Alvarado, pulitika ang motibo ng pagsasampa ng kasong pandarambong laban sa kanya at mga opisyal ng kapitolyo ngunit pinabulaanan ito ni Manganti.

Si Manganti ay isang dating rebel returnee na naglingkod din sa kapitolyo sa panahon ng panungkulan ni dating Gob. Josefina Dela Cruz, ang nakatatandang kapatid ni Kint. Mendoza ng ikatlong distrito.

Si Dela Cruz ay kasalukuyang nanunungkulang ngayon bilang Post Master General ng Philippine Postal Corporation. Dino Balabo

Hiling sa CMWD: Aksyunan ang problema sa tubig sa Paombong

2014-05-11T07:56:00.001-07:00

PAOMBONG, Bulacan – Walang na namang tubig!

Ito ang karaniwang sigaw ng mga residente ng Barangay bayang ito hinggil sa patuloy na lumalalang problema sa tubig.

Ang problemang ito ay napalulubha pa ng patuloy na pag-init ng panahon kaya walang magawa ang mga resident kungdi magtitiis sa kakarampot na tulo ng tubig sa kanilang mga gripo.

Ang problemang ito ay hindi ngayong lang nararamdaman, sa halip ay mahigit sampung taon, ayon sa isang residente.

“Maraming taon nang ganyang ang sitwasyon ng tubig dito. Mga mahigit sampung taon na nga,” ani Cristina Bullos, 35.

Ayon kay Bullos, na mahigit tatlong dekada nang residente sa Baranggay Sto. Niño, nagsimula ang problema sa tubig noong piñata ang deep well na dating pinanggagalingan ng tubig.

“Dati kasi may poso, may deep well, hindi nawawalan ng tubig dito. Nung piñata ang deep well sa NAWASA na tayo umasa,” aniya.

Labis na hirap ayon sa mga residente ang mabuhay ng kapos sa tubig kaya naman iba’t-ibang paraan ang kanilang ginagawa upang makaipon ng tubig.

Sa pamilya ni Bullos, marami silang malalaking drum na tinatiyaga nilang pag-ipunan ng tubig mula ala-una hanggang alas-kuwatro ng madaling araw.

“Madami kaming drum. Pinupuno (namin) kapag gabi. Puyat ang mga tao sa pag-iipon ng tubig,” kwento niya.

Tulad ni Bullos, pinagpupuyatan din ni Michelle dela Cruz, 35, ang pag-iipon ng tubig para may magamit ang kanyang pamilya sa araw. Maliban dito, sa madaling araw din naglalaba si dela Cruz dahil walang tulo kapag araw.

“Minsan one o’clock naglalaba na ko. Inuubos ko na yung labahin ko para kapag umaga na walang tulo nakalaba na ko,” aniya.

Maliban sa maagang pag-iipon ng tubig at paglalaba, labis na pagtitipid din sa tubig ang ginagawa nina Bullos at dela Cruz dahil sa kakulangan ng tubig sa kanilang baranggay.

“Kapag naliligo ako nakasahod ako sa batya para yung tubig na pinang-paligo ko magagamit pa pambuhos sa banyo,” ani dela Cruz.

“Kapag naligo isang timba lang,” biro naman ni Bullos.

Hindi maikakaila ang hirap ng walang tubig ayon kina dela Cruz at Bullos.

Anila, labis na puyat ang nararanasan nila makaipon lamang ng tubig dahil laging walang tubig tuwing araw.

Kadalasan ay nagsisimula ang pagtulo ng tubig ng ala-una at matatapos ng alas-singko ng umaga.

“Napakahirap. Minsan kapag naghugas ka ng kaldero may langis langis pa. Hindi mo mahugasan ng maayos kasi nga tipid tipid sa tubig,” ani Bullos.

“Yung gusto mong gawin sa araw hindi mo magawa kasi walang tubig. Saka imbis na makaligo ng maayos ang mga bata dahil mainit hindi magawa dahil kulang sa tubig,” ani dela Cruz.

Ayon kay Bullos, makailang beses na siyang nagreklamo sa City of Malolos Water District (CMWD), ang nagsusuplay ng tubig sa baranggay Sto. Niño. Ngunit kahit anong reklamo ang gawin ay walang pagbabagong nagaganap.

Dahil dito, plano aniya ng kanilang baranggay na gumawa ng sulat na pirmado ng mga residente ng kanilang baranggay na ipapadala sa CMWD.

Ang gagwin nilang hakbang na ito ay suportado ng Kapitan ng baranggay na si Edgardo Cabantog.

“Oo, suportado ko iyon. Dahil alam ko din ang hirap ng walang tubig,” ani Cabantog na labing-anim na taon nang nagsisilbing Kapitan ng baranggay.

Ayon as kanya, minsan ng nagpadala ng pirmadong petisyon, kung saan 300 residente ang pumirma, sa CMWD subalit wala ring naganap na aksyon.

“Nagreklamo na kami sa Water District. Nagbigay na kami ng pirmadong petisyon para aksyunan yung aming problema dito siguro one year ago. Pero wala hindi namin makausap yung manager,” ani Cabantog.

“Ang lagi nilang sinasabi ay gagawan ng paraan (pero) walang aksyon, walang solusyon,” dagdag pa niya.

Batid aniya ng mga opisyal ng baranggay ang lumalalang problema sa tubig at ang hirap na dinadanas ng mahigit apat na libong residente ng Baranggay Sto. Niño.

“Yung sitwasyon ng tubig naging worst. Puyat ang mga tao makaipon lang ng tubig,” ani Cabantog.

Aniya, lalong lumala ang sitwasyon ng tubig noong nasira pa ang water pump dalawang taon na ang nakakalipas. Hindi na aniya ito pinalitan o ginawa ng CMWD.

Dahil sa kawalan ng aksyon ng CMWDt, mayroon ng nakalatag na plano ang baranggay upang masolusyunan ang suliranin sa tubig.

“Sa amin sa baranggay, kung ayaw kaming bigyan ng pansin ng Malolos Water District gumagawa kami ng paraan at humahanap kami ng alternatibo upang masolusyunan ang problemang ito,” ani Cabantog.

Isa sa alternatibong paraan aniya ang pagbabaon ng mga tubo ng Jet Matic na makakapagsuplay ng tubig na maari pang inumin.

Sa kasalukyan aniya ay may mga motor ng Jet Matic ang baranggay na ilalagay sa apat na purok sa baranggay.

Inaasahan aniya na sa buwan ng Agosto pa maikakabit na ang apat na water pumps dahil kulang pa ang kagamitang kailangan para dito dahil sa kakulangan na din sa pondo.

Ayon pa kay Cabantog, may balitang balak nang ibenta ng CMWD ang prangkisa nito sa pagsusuplay ng tubig sa Paombong sa Hiyas Water District.

Kung sakaling matuloy ito, ani Cabantog “Bagong management baka naman maging mas maayos ang serbisyo pagka maganda angs serbisyo ay paniguradong tataas ang singil sa tubig.”

Maliban sa paglalagay ng mga tubo at makina na maaaring panggalingan ng tubig, balak din aniyang magtayo ng isa Baranggay Water Cooperative kung saan magiging serbisyo ng baranggay ang patubig sa bawat esidente.

“Ang tubig ay serbisyo, hindi negosyo. Kaya ang gusto talaga natin ay magkaroon ng isang Water Cooperative. Kumita man ito ay kaunti lang at sa Sto. Niño din mapupunta,” ani Cabantog. Rosemarie Gonzales

Mga pahayagan sa Baguio humakot ng parangal, Cebu Daily News sumungkit ng 3

2014-05-08T15:03:00.002-07:00

Si dating Pangulong Fidel V. Ramos kasama ang mga nagsipagwagi sa 2013 Community Press Awards ng Philippine Press Institute. Larawan mula sa PPI.

LUNGSOD NG PASAY—Limang parangal ang hinakot ng tatlong pahayagang nakabase sa Lungsod ng Baguio sa taunang Community Press Awards ng Philippine Press Institute (PPI).

Ngunit ang nakasungkit ng pinakamaraming parangal ay ang Cebu Daily News na nag-uwi ng tatlong parangal.

Tig-dalawa ang parangal na tinanggap ng Baguio Midland Courier at Baguio Chronicle, samantalang isa ang nasungkit ng Sun.Star Baguio.

Tinanggap ng Baguio Midland Courier ang mga parangal na Best in Business and Economic Reporting, at ang Best in Photojournalism; samantalang ang iniuwi ng Baguio Chronicle ang Best Edited Community Newspaper at Best Editorial Page; kapwa sa hanay ngmga pahayagang inilalathala ng lingguhan.

Ang ikalimang parangal ng pahayagang nakabase sa Baguio ay ang Best in Culture, Arts and History Reporting na nasungkit ng Sun.Star Baguio.

Sly Quintos ng Baguio Chronicle at Tony Ajero ng Edge Davao.

Sa pangkalahatan, ang tumanggap ng pinakamaraming parangal ay ang Cebu Daily News na nag-uwi ng mga parangal na Best Editorial Page, Best in Photojournalism, at Special Award na Coke Bayanihan Award on Best Reporting on Disasters.

Ang iba pang nagwagi sa mga lingguhang pahayagan ay ang Business Week Mindanao (Best in Business and Economic Reporting),The Mindanao Cross (Best in Culture, Arts and History Reporting), at ang The Bohol Chronicle.

Sa hanay ng mga pahayagang inilalathala araw-araw, ang mga nagwagi ay ang Edge Davao (Best Edited Community Newspaper), Visayan Daily Star (Best in Business and Economic Reporting), at Sun.Star Davao (Best in Environmental Reporting)

Ang pagwawagi ng Baguio Chronicle ay ikinagulat at ikagalak ng mga lumahok sa ika-18 Community Press Awards ng PPI.

Ito ay dahil sa ang Baguio Chronicle ay isa sa pinakabagong kasaping pahayagan ng PPI na nagdiwang ng ika-50 anibersaryo nito.

Ang Baguio Midland Courier naman at ang The Mindanao Cross ay ilan sa pinakamatatandang pahayagan sa bansa na kasapi ng PPI.

Ang dalawang pahayagan ay kapwa itinatag noong dekada 40 o mahigit 10 taon bago maitatag ang PPI noong 1964.

Kapansin-pansin na walang nakuhang parangal ang Sun.Star Cebu at Mabuhay sa katatapos na parangal samantalang noong nakaraang taon ay tatlo ang naiuwi ng Sun.Star Cebu at dalawa naman sa Mabuhay.

Noong ding nakaraang taon ay walang naiuwing parangal ang Cebu Daily News ngunit sa katatapos parangal ay tatlo ang nasungkit.

Ang kalagayang ito, ayon sa mga dumalo sataunang parangal ay nagpapatunay lamang na patuloy ang pagsisikap ng ibang kasaping pahayagan na higit na pagbutihin ang kanilang pamamahayag bawat taon.

Sa pagwawagi naman ng Baguio Chronicle sa taon ng ito, nabuo na ang higit na paligsahan ng mga pahayagang nakabase sa parehong lungsod sa tatlong pangunahing islang bansa.

Sa Luzon, inaasahang higit na uunlad ang tunggalian sa pagitan ng Baguio Midland Courier at Baguio Chronicle na kapwa inilalathala ng lingguhan.

Ang katulad na tunggalian ay unang nasaksihan sa pagitan ng Cebu Daily News at Sun.Star Cebu na kapwa inilalatahala araw-araw sa lungsod ng Cebu.

Ang tungaling ito ay nasundan pang katulad na paligsahan sa pagitan ng Edge Davao at Sun.Star Davao na kapwa rin inilalathala ng araw-araw sa lungsod ng Davao. (Dino Balabo)

Cloud seeding sa Angat Dam,isasagawa anumang oras

2014-05-03T08:49:00.001-07:00

Engr. German habang nakamasid sa Angat Dam. DB

MALOLOS—Tuloy at anumang oras ay maaaring simulan ang cloud seeding operation sa Angat Dam dahil sa patuloy ang pagkaubos ng tubig doon.

Ito ang naging pahayag ni Gladys Cruz-Sta. Rita, pangulong National Power Corporation (Napocor) ilang araaw matapos masawi ang apat katao na nagsasagawa ng cloud seeding sa Magat Dam ng bumagsak sa isang maisan ang eroplanong kanilang kinasasakyan.

“Tuloy ang cloud seeding,” sabi ni Sta. Rita sa isang text message na ipinahatid sa mamamahayag na ito noong Miyerkoles, Abril 30.

Ang mensahe ay tugon ni Sta.Rita sa katanungan ng mamamahayag na ito hinggil sa balitang kumalat na sinuspinde ang cloud seeding sa Angat Dam dahil sa pagbagsak ng eroplano sa Nueva Vizcaya noong Sabado, Abril 26.

Sa kasunod na mensahe ni Sta. Rita, mas nilinaw niya ang operasyon ng cloud seeding.

“Only the Nueva Vizcaya (cloud seeding) was suspended,” aniya.

Mapapansin din sa kasunod na mensahe ng pangulo ng Napocor na lubhang kailangan na ang pagsasagawa ng cloud seeding sa Angat Dam.

Ayon kay Sta. Rita, “anytime ang sa Angat Dam.”

Ito ay dahilna din sa patuloy ang pagkaubos ng tubig sa Angat Damna pinagkukunan ng 97 porsyentong tubig inuming may 13 residente ng kalakhang Maynila, kasama ang ilang bayan at lungsod ng sa mga lalawigan ng Rizal at Cavite.

Batay sat ala, ang water elevation sa Angat Dam ay bumaba sa 183.62 meters above sea level (Masl) noong Miyerkoles.

Ito ay mahigit tatlong metro na lamang bago sumayad sa kritikal na 180masl.

Kapag sumayad sa 180 maslang water elevation sa Angat Dam, ang alookasyong sa irigasyon ng magsasaka ay puputulin upang bigyang prayoridad ang tubig inumin ng kalakhang Maynila.

Una rito, sinabi ni Inihineyro Rodolfo German noong Biyernes, Abril 25 na bago pumasok ang unang linggong Mayo ay sisimulan na ang cloud seeding operations sa Angat Dam.

Si German ang general manager ng Angat River Hydro Electric Power Plant (Arhepp) na nasa ilalim ng Napocor at siyang namamahala sa 53,000 ektaryang Angat Watershed.

Hot summer over Bulacan. DB

Igiiit pa ni German na nakikipag-ugnayan na ang Napocor sa Metropolitan Waterworks and Sewerage System (MWSS), National Disaster Risk Reduction Management Council (NDRRMC) at sa Bureau of Soils and Water Management (BSWM) ng Department of Agriculture (DA).

Nilinaw pa niya na ang cloud seeding operations ay tatagalng 60 flight houts at nagkakakhalaga ng P2.6-Milyon.

Ayon kay German, kailangan masimulan samadaling panahon ang operasyon dahil sa naghahabol sila sa seedable clouds.

Sa mga nagdaang taon, nagsagawa rin ng cloud seeding operation sa pagtatangka na makalikha ng ulan at madagdagan ang tubig sa dam at matiyak na may tubig na iinumin ang kalakhang Maynila.

Kaugnay nito, muling ipinaalala ng Napocor sa mga residenteng kalakhang Maynila ang [pagtitipid sa paggamit ng tubig.

Ayon kay German, makabubuting magresiklo ng tubig upang hindi kapusin.

Ilan sa mga payo niya ay isahod ang tubig ginamit sa paghuhugas ng pinggan o paglalaba at gamitin sa pagdidilig ng mga halaman o kaya ay pangluinis sa ibang gamit.

Samamtala, hindi lamang ang Angat Dam ang natutuyuan ng tubig dahil sa kakulangan ng ulan.

Maging ang ibang dam sa bansa tulad ng Pantabangan Dam sa Nueva Ecija at Magat Damsa pagitan ng mga lalawigan ng Nueva Vizcaya at Ifugao.

Noong Sabado, naiulat na isang eroplanong gamit sa pagsasagawa ng cloud seeding sa Magat Dam ang bumagsak na ikinasawi ng apat na sakay nito.

Kabilang sa mga nasawi ay ang pilotong si Philip Jubane, at mga kawani ng Bureau of Soils and Water Management (BSWM) ng Department of Agriculture (DA) na sina Leilani Naga, Christopher Evan Borja at Melvin Simangan

Sila ay pawang nakasakay sa eroplanong nirentahan ng SN Aboitiz Power upang magsagawa ng clud seeding sa Nueva Vizcaya at Ifugao sa hangaring makalikha ng ulan sa Magat Dam.

Ang SN Aboitiz ay isang Filipino-Norwegian Consortium na namamahala sa power plant ng Magat Dam. Dino Balabo

5 kinasuhan sa sa pagnanakaw at pagpatay sa inhinyerong Hapon

2014-05-03T08:41:00.001-07:00

MALOLOS—Limang suspek sa pagnanakaw at pagpatay sa isang Japanese engineer sa San Miguel, Bulacan noong Lunes ang kinasuhan noong Miyerkoles, Abril 30 sa Provincial Prosecutor’s Office sa Lungsod na ito.

Ang mga suspek ay nakilalang sina Bartolome Alvaro, Junior Cascano at Armand Lubong na bayaw ni Alvaro. Sila ay pawang naaresto na.

Ang dalawang suspek na kinasuhan ngunit nakalalaya pa ay nakilalang sina alyas Rosendo Cascano alyas “Kalbo” at Jaypee Gunayan alyas “Denden.”

Ang limang suspek ay sinampahan ng kasong robbery with homicide matapos pagnakawan at mapatay ang binatang Japanese engineer na si Katsushige Fujinaga, 60.

Ayon kay Superintendent Fitz Macariola, hepe ng pulisya ng bayan ng San Miguel, naganapang insidente sa kahabaan ng Daang Maharlika Highway sa bahagi ng Barangay Sacdalan sa bayan ng San Miguel noong Lunes, Abril 28 bandang ika-7:30 ng gabi.

Ang Barangay Sacdalan ay matatagpuan di kalayuan sa hangganan ng San Miguel, Bulacan at Lungsod ng Gapan sa Ecija.

Ito ay naganap matapos sunduin nina Alvaro at Ronald Yebes ang inhinyerong Hapon sa Ninoy Aquino International Airport (NAIA) noong Martes sa ganap na ika-2:30 ng hapon upang ihatid sa tahanan ng kasintahan nito sa Lungsod ng Cabanatuan sa Nueva Ecija.

Ang kanilang sinakyan ay isang itima na Toyota Vios na may plakang NQU 691.

Ayon sa salaysay ni Alvaro sa pulis, binunggo ang kanilang sasakayanng isang tricyclesa kahabaanng Daang maharlika Highway sa Barangay Sacdalan at hinoldap sila ng apat na kalalakihang nakasakay sa tricycle.

Pilit na inagawa ng mga suspek ang pera at kagamitan ni Fujinaga ngunit tumutol at nanlaban ito.

Dahil dito, pinagsasaksak ng mga suspek ang inhinyero na naging sanhi ng biglang pagkamatay nito.

Ngunit hindi nakumbinse ang mga imbestigador sa salaysay ni Alvaro dahil maluwag at walang traffic sa kahabaan ng Daang Maharlika Highway noong Lunes ng gabi.

Bukod dito, sa imposibleng abutan ng isang tricycle ang sinasakyang Toyota Vios ng biktima.

Di nagtagal, umamin si Alvaro na sangkot siya sa insidente at itinuro ang pinagtataguan ng apat pang kasamahan na nagbunga ng pagkakaresto sa dalawa pa.

Naaresto sina Cascano at Lubong sa Barangay Tigpalas, San Miguel kung saan narekober ang tricycle na may plakang 3802-DO na ginamit na get-away vehicle,maging ang kutsilyong hinihinalang ginamit sa pagpatay sa Hapon.

Narekober din ng pulisya ang halagang 273,000 yen; cash na P18,000, $56 na cash, isang Sony Vaio laptop, gintong relo at iba pang mahahalagang gamit.

Batay sa imbestigasyon ng pulisya, sina Alvaro at Lubong ng nagplanong nakawan ang biktima, ngunit iginiit ng mga ito na di nila planong patayin ang Hapon.

Ayon kay Macariola, kinasuhan na nila ang mga suspek maliban kay Yebes.

Nahaharap ngayon sa kasong robbery with homicide ang mga suspek samantalang hinahanap pa sina Rosendo Cascano at Gunayan.

Nakipag-ugnayan na rinang pulisya sa Embahada ng Japan sa Maynila upang makapagsagawa ng awtopsiya sa katawan ng biktima. Dino Balabo

Petisyong recall election laban kay Gob Alvarado isinumite na sa Comelec

2014-05-03T08:36:00.001-07:00

MALOLOS—Naisumite na sa tanggapan ng Commission on Elections (Comelec) sa Bulacan ang petisyong recall election laban kay Gob. Wilhelmino Alvarado.

Ito ay matapos ang ilang buwan ng bulung-bulungan sa lalawigan na may mga taong nagsusulong ng recall election laban sa punong lalawigan na sa halalan noong Mayo 2013 ay kumandidato na walang katunggali o unopposed.

Batay sa sipi ng petisyon, ang nanguna sa pagsasampang recall election laban kay Alvarado ay si Perlita Mendoza ng 714 Mendoza Street, Barangay Lolomboy,Bocaue Bulacan.

Si Mendoza ay sinasabing dating Provincial Administrator ng kapitolyo sa panahon ng panunungkulan ni dating Gob. Joselito Mendoza na ngayon ay kongresista ng ikatlong distrito ng Bulacan.

Bilang pangunahing petitioner, si Mendoza ay kumakatawan sa 319,707 na Bulakenyong lumagda sa nasabing petisyon.

Sa kabuuan, sinabi ni Abogado Elmo Duque na umabot sa 80 kahon ang isumiteng dokumento sa kanilang tanggapan.

Ito ay dahil sa ang mga nagpetisyon ay nahati sa 12 grupo at ang bawat kopya ng petisyon ay may pitong sipi.

“I confirm na may petition para sa recall election laban kay Governor na isinumite sa aming tanggapan kahapon ng alas-11:30 ng umaga,” ani Duque sa panayam ng Mabuhay noong Martes, Abril 29.

Si Duque ang Provincial Election Supervisor ng Comelec sa Bulacan.

Front page ng petisyon.

Sa panayam,nilinaw ni Duque na sa proseso ng paghahain ng recall election,nangangailangan ito ng lagda ng 10 porsyento ng voting population ng isang local government unit (LGU).

Dahil ang punoing lalawigan ang pinetisyon, ito ay ngangailangan ng 10 porsyento ng voting population ng buong lalawigan.

Batay sa sertipikasyon na ipinagkaloob ng National Statistics Office (NSO) kay Abogado Jolette Fajardo na inilakip sa kopya ng petisyon,ang kabuuang voting population ng Bulacan ay umaabot sa 1,830,698 ayon sa isinagawang census noong 2010.

Ipinaliwanag pa ni Duque na ang voting population ay ang bilang ng mga mamamayan ng lalawigan na may edad 18 taong gulang pataas, rehistrado man o hindi.

Gayunpaman, iginiit niya na kahit nakabatay ang 10 porsyento sa voting population, ang mga lumagda sa petisyon ay dapat nakarehistro bilang botante at bumoto sa halalan noong Mayo 2013.

Pagsusuri sa form and substance ng petisyon.

Hinggil naman sa bilang na 319,707 na lumagda, sinabini Duque na, “based on initial assessment, umaabot sa halos 20 percent ng voting population ng Bulacan ang pumirma sa recall petition.”

Sa panayam, nilinaw pang Abogado an ang kanilang ginawa sa isinumiteng dokumento ay “ministerial lamang.”

Kabilang sa kanilang sinusuri ay kung ang bawat pahina ng nilagdaan ng mga nagpetisyon ay nakasulat ang pangalan at posisyon ng pinetisyon, maging ang dahilan kung bakit pinetisyon.

“Importante na nakasulat ang mga impormasyon ito sa bawat signature sheet para walang fraud o panloloko sa pagpapapirma,” ani Duque.

Batay sa isinumiteng dokumento nakita ng Mabuhay,ang dahilan ng pagpetisyon kay Alvarado ay ang “loss of confidence due to graft and corrupt practices and abuse of authority” o “kawalan ng tiwala dahil sa korupsyon at pag-abuso sa kapangyarihan.”

Kaugnay nito,nilina ni Duque na may tatlong araw lamang sila upang iproseso ang mga dokumentong isinumite sa kanilang tanggapan.

“Limitado muna kami sa form and substance ng petition dahil three days lang ang allow sa amin batay sa ruling ng Commission,” aniya.

Pagkatapos nito,ay isusumite nila sa Office of the Deputy Executive Director for Operations (ODEDO) angmga dokumento.

Mga kahon ng petisyong isinumite sa Comelec.

Ang ODEDO ay may tatlong araw di lamang upang suriin ang “form and substance” ng petisyon bago ito ilipat sa Comelec En Banc.

Ang En Banc naman ay 15 araw bago maglabas ng desisyon.

Ayon kay Duque, may dalawang posibilidad ang desisyon ng En Banc—tuloy o hindi.

“Pag may pondo, tuloy yan at saka namin sisimulan yung verification kung yungmga pumirma ay registered voters at bumoto sa magdaang halalan,” ani Duque.

Kung wala namang pondo, maaaring makatulad itong desisyon ng En Banc sa katulad na petisyon na isinumite ni dating Puerto Princesa City Mayor Edward Hagedorn laban kay incumbent Mayor Lucio Bayron.

Ang naging desisyon ng Comelec En Banc sa nasabing kaso ay “suspended” ang proceedings dahil saw ala pang pondo.

Ayon kay Duque, maaaring sa 2015 masimulan ang aktuwal na proseso sa recall petition kung ito ay mapondohan sa General Appropriation Act bago matapos ang taon. Dino Balabo

Malolos handa sa pagpapatupad ng Senior High School Program ng K+12

2014-04-29T07:59:00.000-07:00

MALOLOS—Handang-handa na ang mga paaralan at guro sa lungsod na ito sa patuloy na pagpapatupad programang K+12 sa kabila ng kakulangan sa mga kagamitan sa pagtuturo.

Ito ay dahil sa sunod-sunod na pagsasagawa ng mga pagsasanay at patuloy na pagtatayo ng mga dagdag na silid aralan.

“Ang division ay handa na sa usapin ng sapat na mga guro at mga silid-aralan para sa K+12 program,” sabi ni Dr. Amancio S. Villamejor Jr., superintendent ng City Schools Division sa lungsod na ito.

Isang patunay dito ay ang isinagawang Education Summit noong Oktubre ng nakaraang taon sa Bulacan State University Hostel na nilahukan ni Mayor Christian D. Natividad kasama ang mga Education Program Supervisors, Public and Private Secondary School Heads, Division Supreme Student Government Officers, Division Supreme Student Government Officers, Division PTCA President, Division Teachers Club President and MACIPRISA Officers.

Ang nasabing Education Forum ay kaugnay ng pilot implementation ng Senior High School program para sa School Year 2014-2015 o sa pagbubukas ng klase ngayong taon at upang mangalap ng suporta mula sa partners and stakeholders.

Batay sa tala, umabot sa 23,663 Elementary; 13, 813 sa high school; at 3,727 ang nag-enroll sa samga pampublikong paaralan sa lungsod noong nakaraang taon.

Sa hanay ngmga pribadong paaralan,umabot sa 7,163 mag-aaralang pumasoksa elementarya; 5,096 sa secundarya, at 2,083 sa kinder.

Ayon kay Villamejor, ang DepEd ay nakikipagtulungan sa Commission on Higher Education (CHED), Technical Education and Skills Development Authority (TESDA), at pribadong paaralan upang magamit ang kanilang mga pasilidad para sa nalalapit na transition years ng programang K+12.

Bukod dito, magtatayo din ang lungsod ng mga silid aralan para sa mga Senior High School.

Matatandaan na sinimulang ipatupad ang K+12 program taong 2012 sa layuning i-reporma ang pangunahing edukasyon ng bansa sa pamamagitan ng pagdagdag ng dalawang higit pang mga taon ng pag-aaral sa Basic Education upang mas mahusay na maghanda ng mga mag-aaral para sa mas mataas na edukasyon,o maging globally competitive.

Sa isang artikulo na lumabas sa website ng childup.com, tinukoy na ang Pilipinas ang tanging bansa sa Asya na 10 taon ang basic education, isang pangunahing dahilan kung bakit isinusulong ng Department of Education ang implementasyon ng K+12 upang ang kurikulum ng bansa ay magiging katumbas sa internasyonal na mga pamantayan, at magbibigay sa mga graduates ng mas mahusay na pagkakataon upang maging gainfully employed.

Ang dalawang taon ay idadagdag pagkatapos ng four-year high school program. Ito ay tatawaging “Senior High School.”

Ang mga mga mag-aaral ay maaring mamili ng kanilang espesyalisasyon batay sa kanilang kakayahan, interes, at kapasidad ng paaralan.

Unang ipapatupad ang Senior High School sa pasukan sa Marcelo H. Del Pilar National High School (MHPNHS) at Malolos Marine Fishery School and Laboratory.

Samantala, nababahala ang ilang Maloleño kung sapat naba ang ginagawang paghahanda ng lungsod para sa implementasyon ng nasabing programa.

“The Division is now ready for the K+12 implementation in terms of teachers and classrooms but instructional materials were delayed due to reproduction of them,” ani Cecilia F. Chang Education Program Supervisor DepEd Malolos.

Idinagdag pa niya na dagdag dalawang taon sa Basic Education ay malaking tulong para mahasa ang kakayahan ng mga estudyante.

Kaugnay nito, sinang ayunan naman ito ni Laila D.J Lopez guro ng Calero Elementry

School Grade II na kung saan isang taon na siyang nagtuturo sa ilalim ng bagong curriculum, “Despite of lacking of materials, ang bagong curriculum sa ilalim ng K+12 ay na-adopt naman naming mga teachers,” saad niya.

Aniya, bago sila naturo ng bagong curriculum, ay dumaan siya sa sapat na trainings at seminars nang sa gayon ay maging handa sila.

Ang implementasyon ng K+12 at pagseseminar ay sinimulan noong 2012 sa Grade I, sinundan ng Grade 2 (2013) at sunod sunod na taon sa iba’t ibang baitang hanggang ma-fully implement ang K+12.

Sa ilalim ng panunungkulan ni Mayor Natividad, walong bagong Elementary Schools at siyam na Secondary Schools ang naipatayo para sa DepEd Division City of Malolos.

Samantalang ang Regular/permanent, contractual, volunteer teachers sa Elementary ay 734 at sa High School naman ay 450 na may suma total na 1,184 teachers.

(Ang artikulong ito sinulat ni Dexter J. Edrosa para sa pahayagang Mabuhay. Si Edrosa ay ang School Officer-In-Charge/ Principal ng Calero Elementary School na matatagpuan sa Barangay Calero, isa sa mga coastal barangay ng Lungsod ng Malolos. Ang mga larawan sa artikulong ito ay kuha ni Dino Balabo sa Binakod Elementary School sa Paombong at Pugad Elementary School sa bayan ng Hagonoy na pawang matatagpuan din sa coastal area ng Bulacan.)