මාධවගේ බ්ලොග් සටහන් | Madhawa's Weblog

ඔබේ Public Speaking සහ Leadership Skills වැඩි දියුණු කරගන්න - Toastmaster සමඟ සම්බන්ධ වන්න

noreply@blogger.com (Unknown) — Tue, 10 Aug 2021 10:44:00 +0000

සෑම කෙනෙකුම කතා පවත්වනවා කියන, ජාත්‍යන්තර සමාජයක් වන “Toastmasters” යන වචනය ඔබ අසා ඇති.

Toastmasters එකේ මොකද්ද වෙන්නෙ?

ඔබේ ප්‍රසිද්ධ කථන කුසලතා සහ නායකත්ව කුසලතා වැඩි දියුණු කර ගැනීමට අත හිත දෙන, අදහස් හුවමාරු කරගන්නා සමාජයක් නැතිනම් club එකක් තමයි මේක.

ඒක එහෙමමද / එච්චරමද ???

තවදුරටත් කියවගෙන යන්න, ඔයාලට හැම දෙයක්ම දැනගන්න පුළුවන්.

Toastmasters නිල වෙබ් අඩවිය කියන්නෙ මෙන්න මෙහෙම දෙයක්.

Do you want to practice public speaking, improve your communication and build leadership skills? With Toastmasters, you can break barriers, not your budget.

Toastmasters International (Club) කියන්නෙ මොකද්ද?

එය ජාත්‍යන්තරව පැතිරුණු සමාජ ජාල ජාලයක් කිව්වොත් නිවැරදියි. Toastmasters International කියන්නෙ, ප්‍රසිද්ධ කථා කිරීමේ හා නායකත්ව කුසලතා (Public Speaking and Leadership Development) උගන්වන අධ්‍යාපනික සංවිධානයක්.

මේ මොහොතේ එයාල කියන විදිහට, රටවල් 145 ක, ක්ලබ්ස් 16,200 ක, සාමාජිකයින් 364,000 කට අධික සංඛ්‍යාවක් Toastmasters International එක්ක ඉන්නව.

Toastmasters International ආරම්භ කරල තියෙන්නෙ 1924 දී ය.

Toastmasters සමාජයකට සම්බන්ධ වීමෙන් ඔබට කුමක් කළ හැකිද/ලබා ගත හැක්කේ මොනවාද?

ඔබට පහත හැකියාවන්/කුසලතා වර්ධනය කර ගන්නා අතරෙම ඔබේ ආත්ම ශක්තිය වැඩි කර ගැනීමටත් ඔබට හැකියාව ලැබෙනවා.

ඔබේ ප්‍රසිද්ධ කථන කුසලතා වැඩි දියුණු කරන්න.
නායකත්ව කුසලතා ගොඩ නගන්න.
ඔබේ හැකියාවන් උපරිම කර ගන්න.
පෞද්ගලික වර්ධනයක් භුක්ති විඳින්න.
හිත මිතුරු, සහය වන කණ්ඩායමක් එක්ක ඔබගේ හැකියාවන් වර්ධනය කරගන්න.
කණ්ඩායමක් තුළ ඉඳන්, කථා ලිවීමට සහ ඉදිරිපත් කිරීමට පුරුදු වන්න.
රැකියා ස්ථානයේ තරඟකාරී වාසියක් ලබා ගන්න.
ආත්ම විශ්වාසය සහ ස්වයං දැනුවත්භාවය ගොඩ නගන්න.

ප්‍රසිද්ධියේ කථා කිරීමට/නායකත්වය දීමට ඔබ භයද?

බොහෝ දෙනෙකුට තිබෙන ගැටළුවක් තමයි මේක.

කතා කිරීමට කැමති නමුත් එයම නොකරන 99% ක් දෙනාට තියෙන ප්‍රධානතම ගැටළු තමයි, භය, සැකය සහ අන් අය සිතන දේ හෝ කියන දේ ගැන සිතමින් පසු බැසීම.

ඔබත් එහෙම නම් ඔබට සතුටු වෙන්න පුළුවන් ආරංචියක් මේක.

Toastmasters රැස්වීමකදී, ඔබ ඒ සියලු මෝඩ අදහස් ගැන තව දුරටත් සිතිය යුතු නෑ.

ඇයි ඒ?

Toastmasters කියන්නෙ, ඔයා වගෙම සිතිවිලි තිබුණු ඔයාගෙ බෝට්ටුවේම ඉන්න පිරිසකගෙ සුහද මිතුරු හමුවක්. ධනාත්මක සිතිවිලි, ධනාත්මක කතා විතරයි මෙතන තියෙන්නෙ, කවුරුවත් ඔයා කරන වැරදි ගැන සොයන්නේ නෑ. එයාල කරන්නෙ ඔයා කරන සෑම දෙයක්ම අගය කිරීම හා වැඩි දියුණු කිරීමේ යෝජනා ඉදිරිපත් කරන එකයි.

ඔබගේ නොසංසුන්තාවය, කාංසාව, බිය වැනි හැඟීම් ඔබට මුළුමනින්ම ඉවත් කළ හැකිය.

ඔබ උනන්දුද? පිළිතුර ඔව් නම්, කියවන්න ...

Club එකකට සම්බන්ධ වන්නේ කෙසේද/සොයා ගන්නේ කෙසේද?

Toastmasters International වෙබ් අඩවිය තුළ එහි ඇති සියලුම clubs වල සම්පූර්ණ දත්ත ගබඩාවක් තියෙනව. මෙන්න ලින්ක් එක.

ඔබට මේ වෙබ් පිටුවට ගිහිල්ල, ඔබ උනන්දුවක් දක්වන ප්‍රදේශය (උදා. මහරගම, ශ්‍රී ලංකාව) Search කරල ඔබට ගැලපෙන ළඟම ඇති Toastmasters Club එක සොයා ගන්න පුළුවන්. එම පිටුවෙම තියෙන දුරකථන අංකය භාවිතා කරල එම ක්ලබ් එකේ පුද්ගලයෙක්ට ඔබට කතා කරන්න පුළුවන්.

සාමාන්‍යයෙන් හැම ක්ලබ් එකකටම ස්ථිර රැස්වීම් ස්ථානයක් තිබෙනවා (කෙසේ වෙතත් මේ දිනවල නම් හැම දෙයක්ම වෙන්නෙ Zoom/Teams වගේ ඒව හරහා). සාමාන්‍යයෙන් රැස්වීම් සති 2 කට වරක් තමා පැවැත්වෙන්නෙ.

මේකට කොපමණ මුදලක් වැය වෙනවද?

නව සාමාජික ගාස්තුව ඩොලර් 20 ක් වෙනව. සාමාජිකයෙකු වශයෙන් මාස හයකට වරක් ඩොලර් 45 ක් ගෙවිය යුතු වෙනවා.

ඔබට ඔබගේ හැකියාවන් දියුණු කරගත හැකි මාර්ග මොනවාද?

Toastmasters වලදි, ප්‍රසිද්ධියේ කථා කිරීම හැර වෙනත් බොහෝ හැකියාවන් වැඩි දියුණු කරගන්න ඔබට හැකියාව තිබෙනව.

Toastmaster වල pathways 11 ක් තියෙනව. මේවායින් ඔබට මුලින් එක් මාවතක් තෝරා ගන්න පුළුවන් (මේවා පුහුණු වැඩසටහන් / පාඨමාලා කියල හිතා ගන්නකො).එකක් ඉවර කරල ඕනෙ න ම්තවත් එකක් ආරම්භ කරන්න උනත් පුළුවන්.

එක pathway එකක් තෝරා ගත්තත්, ඒක ඇතුළෙ අනෙකුත් pathways වල තිබෙන අන්තර්ගතයත් ටික ටික තියෙනව. .උදා: ඔයාට ඕනෙ Dynamic Leadership ඉගෙනගන්න. නමුත් ඔයාට Presentations Mastery එකත් ටිකක් ඕනෙ. බයවෙන්න දෙයක් නෑ. Dynamic Leadership එක ඇතුළෙ අනිකෙත් ටිකක් තියෙනව.

හුරේ! මටත් එකකට සම්බන්ධ වෙලා මගෙ හැකියාවන් දියුණු කරගන්න ඕනෙ!

එහෙනම් ඇයි තවත් බලා ඉන්නෙ? යන්න, ක්ලබ් එකක් සොයාගෙන ඒකෙ සම්බන්ධීකාරක වෙත ඇමතුමක් ලබා දෙන්න.

තව නිවුස් එකක්.

ඔබ කොට්ටාව, හෝමාගම, පාදුක්ක, හංවැල්ල, මොරගහහේන, අතුරුගිරිය ප්‍රදේශ ආශ්‍රිතව සිටින කෙනෙක් නම් හා ඒ අවට ක්ලබ් එකකට සම්බන්ධ වීමට කැමති නම්, අපි එම ප්‍රදේශයේ අලුත් ක්ලබ් එකක් පිහිටුවන්නයි යන්නෙන්. ("Silverline Toastmasters Club කියලයි නම් කරල තියෙන්නෙ.) මේ දිනවල Zoom ඔස්සේ රැස්වීම් තියෙන නිසා වෙන පැත්තක හිටියත් ඔබටත් සම්බන්ධ වෙන්න පුළුවන්. (පහළම තියෙනව අද සෙෂන් එකේ meeting details. අපේ රැස්වීම් තිබෙන්නේ අඟහරුවාදා දින වල)

වැඩි විස්තර සඳහා කරුණාකර ආසිරි මහතා (076 770 9227), චමිල මහතා (077 757 3084) හෝ ඉෂානි මෙනෙවිය (077 647 4122) අමතන්න.

මේ වන විටත් අපි demo meetings 3 ක් පවත්වා තියෙනව. අද 4වෙනි demo meeting එක. ඒ හැම එකකටම මම සම්බන්ධ උනා. ඒ මුළු අත්දැකීමම හරිම රසවත් හා ප්‍රයෝජනවත්. මම හිතන්නේ ඔබටත් එසේම වේවි. ඔබ හැකි ඉක්මනින් මේකට සම්බන්ධ විය යුතුයි.

ප්‍රසිද්ධියේ කථා කිරීම හැර සාමාජිකයින්ගේ දැනුම වැඩි දියුණු කිරීම සඳහා අධ්‍යාපන සැසි රාශියකුත් මේවායෙ පැවැත්වෙනවා.

මෙතෙක් පැවති Silverline Toastmasters Club Demo Meetings වල සිදු කළ සැසි මේවායි.

මේ අද කරන සෙෂන් එක.

මේ තියෙන්නෙ අපේ පළවෙනි රැස්වීමේ screenshot එකක්.

අවසාන සටහනක් වශයෙන්,

මොකද තවම මෙතන කරන්නේ ?????

මෙම සබැඳිය ක්ලික් කරල ලඟම ක්ලබ් එක සොයාගෙන ඔබේ ජීවිතයේ එක් වටිනා දුරකථන ඇමතුමක් ලබා ගන්න.

මේකත් අමතක කරන්න එපා,

ඔබ කොට්ටාව, හෝමාගම, පාදුක්ක, හංවැල්ල, මොරගහහේන, අතුරුගිරිය ප්‍රදේශවල ඉන්න කෙනෙක් නම් අපේ TM Club එකට එකතු වෙන්න. ආසිරි (076 770 9227), චමිල (077 757 3084) හෝ ඉෂානි (077 647 4122) කියන කෙනෙක්ට කතා කරල විස්තර දැනගන්න.

මේ දවස් වල හැම දෙයක්ම ඔන්ලයින් වෙන නිසා ඔයා ලෝකෙ කොහෙ හිටියත් මේකට සම්බන්ධ වෙන්න හැකියාව තියෙනව.

Improve your Public speaking and Leadership capabilities – Join Toastmasters

noreply@blogger.com (Unknown) — Fri, 06 Aug 2021 08:46:00 +0000

You may have heard the word “Toastmasters”, an international club where everyone are giving speeches….

What is done in Toastmasters?

It is simply a club where you can improve your public speaking skills and leadership skills.

But is it???

Read further and you would know everything.

This is what the Toastmasters official web site says.

Do you want to practice public speaking, improve your communication and build leadership skills? With Toastmasters, you can break barriers, not your budget.

What is Toastmasters International (Club)?

It is an international worldwide network of clubs, where Toastmasters International is an educational organization that teaches public speaking and leadership skills.
At the moment, they say that they have over 364,000 members in 16,200 clubs in 145 countries.
Toastmasters International was started in 1924.

Speak, Listen, Learn, join clubs at ClubHouse

noreply@blogger.com (Unknown) — Sun, 11 Jul 2021 19:39:00 +0000

This is the latest social media thing going around in the globe.

"ClubHouse" is the latest social media platform which has come to the playground, which the slogan says as "Drop In Audio Chat".

However, it has come to the notice of many people and is performing very well in the short time period since it was launched.

What is ClubHouse in simple?

It is simply another social platform where people can create clubs, get like minded people together and have a group chat together. Yes, a group chat.

However, this has a fascinating method for that. There are rooms where people can create inside/outside those clubs. A room is a place where people can get together.

In this room, there are 2 types of people. People who are talking and people who are listening. Any listener can raise their hand and if the room moderators are willing, the listener can come to the speaking group, where it is called as the "stage".

The one and only pro and con in ClubHouse is, the one and only method of communicating inside clubhouse is by talking. If you want to show/tell/elaborate something, anything, you have to talk.

Due to this reason it self, there are huge number of clubs have been created mainly for sharing knowledge, having discussions, teaching people, specially improving language skills. This has become a huge leaning platform for many.

Currently the platform is only for members only and you would need an invitation to join clubhouse. You cannot simply download the app and register. (Every new person gets registered receive 5 invitation allowance and time to time new allowances as his/her invitees join. (At the moment, I have totally received like 20 invitation allowances and 6 remains with me. a.k.a. I have invited 14 people.)

I my self installed and got in to clubhouse from a friend invitation during last june, and this feels like having a great future.

I also connected to few foreign and local clubs on the platform and also had few talks/discussions too. It was a superb experience.

Meanwhile, I also was able to create few clubs my self.

So, inviting to join with clubhouse (if you could find an invitation) and join with my clubs too.

My profile on ClubHouse

https://www.clubhouse.com/@madhawah

My Clubs on ClubHouse

Practice English Sri Lanka =

https://www.clubhouse.com/club/practice-english-srilanka

Learn Photography =

https://www.clubhouse.com/club/photography-%E0%B6%89%E0%B6%9C%E0%B6%B1%E0%B6%9C%E0%B6%B1%E0%B6%B8

There is a FB group for local clubhouse fans and you can go to that using thet link below.

https://www.facebook.com/groups/clubhousesrilanka

I was able to list down most clubhouse local (sri lankan) groups and you can go to that list using the link below.

https://clubhousesl.blogspot.com/

If you don't have an invitation, and if you want to join without being in the waiting list, use the link below to enter in to clubhouse and be a club member of one of my clubs.

https://www.clubhouse.com/join/practice-english-srilanka/6tCk5jhW

So, am inviting anyone interested to join clubhouse and don't forget to follow me also.

Good Luck.

නව වසරට නව ඉලක්කයක්

noreply@blogger.com (Unknown) — Mon, 04 Jan 2021 03:00:00 +0000

2021!

අලුත් අවුරුද්දක්, ජීවිතේට තවත් දින 365ක්.
මොකද මේ ලැබුණු අලුත් දින 365 කරන්න බලාපොරොත්තු වෙන්නෙ? මොනවද සැලසුම්?

2020!

පසුගිය අවුරුද්ද.
අලුත් අවුරුද්දෙ සැලසුම් වලට ඉස්සෙල්ල, පරණ අවුරුද්දෙ මොකද උනේ, මොනවද කළේ කියල පොඩ්ඩක් හැරිල බලමුද?

වසරෙන් භාගයක්ම වගේ ගෙවුනෙ COVID19 එක්ක. ගෙදරට වෙලා. එහෙම නේද?

මොකද කළේ?
online tuition class/lectures වලට සහභාගි නොවී ඉන්න බැරි නිසා සහභාගි උනා, TV බැලුව, films බැලුව, novels කියෙව්ව, phone එකෙන් games ගැහුව, නිදාගත්ත, …. ද?
හැරිල බැලුවම හිතෙන්නෙ “මොනවද මම මේ කරල තියෙන පිස්සු වැඩ? අපොයි මගෙ වටිනා කාලය!” කියලද? අන්න එහෙම හිතෙනව නම් තව ඉදිරියට කියවගෙන යන්න.

නැතිනම් හිතෙනවද, “සුපිරි ආතල් එකකින් ජීවිතේ ගෙවුන” කියල? එහෙම හිතෙනව නම් මේක කියවන්නෙ නැතිව browser එක close කරල දාන්න. හා හා, පොඩ්ඩක් ඉන්න, හිතෙන්නෙ නැද්ද “මොනාද දන්නෙ නෑ මේ අනිත් අයට කියන්න ලෑස්ති වෙන්නෙ මට නොකිය” කියල? එහෙනම් තව පොඩ්ඩක් ඉස්සරහට කියවල බලන්න.

නැත්නම් කළේ, online tuition class/lectures වලට සහභාගි උනා, අලුත් දේවල් ඉගෙනගත්ත, අලුත් දේවල් හොයල බැලුව, අලුත් දේවල් කරල බැලුව, ජීවිතේට වටිනා යමක් එකතු කරගත්ත කියලද? එහෙම හිතුන නම්, තවත් වටිනා දේවල් ඉස්සරහට තියෙනව, කියවගෙන යන්න.

ආපහු පරණ ප්‍රශ්නෙ.
මොකද මේ ලැබුණු අලුත් දින 365 කරන්න බලාපොරොත්තු වෙන්නෙ? මොනවද සැලසුම්?

ඉතින් ඔන්න ඔය ප්‍රශ්නෙට ඔයාට දැනට සාර්ථක පිළිතුරත් තියෙනව නම් හෝ, පිළිතුරක් නැතිනම් හෝ, ඒ පිළිතුර තවත් ශක්තිමත් කරගන්න හෝ, පිළිතුරක් හදාගන්න සහයක් වෙන්න තමයි මේ බලාපොරොත්තු වෙන්නෙ.

මුළු ලිපියම කියවන්න, මගෙ පුද්ගලික වෙබ් අඩවියට පිවිසෙන්න.

ඔබගේ ඉංග්‍රීසි හැකියාව දියුණු කරගන්න ක්‍රම 100ක් - තෙවන 25

noreply@blogger.com (Unknown) — Fri, 18 Dec 2020 18:35:00 +0000

ඔබට මතකයිනෙ මම මේ මාතෘකාව යටතේම "පළමු 25" හා "දෙවන 25" කියල ලිපි දෙකක් ලිව්ව.

ඒක බලන්න මේ පහත සබැඳීයෙන් යන්න.
1. https://madhawaweblog.blogspot.com/2019/09/100-tips-to-improve-english-part-1.html

2. https://madhawaweblog.blogspot.com/2019/10/improve-your-english-100-tips-part2.html

මම මුලින්ම ඉංග්‍රීසි භාෂා හැකියාව දියුණු කරගන්න ටිප්ස් කිහිපයක් එක්ක ලිව්ව ලිපිය බලන්න මේ සබැඳිය භාවිතා කරන්න.

https://madhawaweblog.blogspot.com/2019/01/learn-to-speak-english.html

හරි එහෙනම් මේ ක්‍රම 100යේ ලිපි මාලාවේ දෙවන කොටස. 51 - 75 දක්වා ටිප්ස්.

ඉංග්‍රීසි ඉගෙනීම විනෝදයක් කරගන්න. අපි සතුටු හිතෙන දේ කරනකොට අපිට ඉගෙන ගන්න පහසු වෙනවා.
ඉංග්‍රීසි කතා කරනකොට කලබලකාරී හැඟීමක් එනව නම් දෙයක් කියන්න ඉස්සෙල්ල හොඳ හුස්මක් ගන්න. දෙපාරක්. එතකොට ඔයාගෙ හිත ටිකක් ලිහිල් වෙනව. ලිහිල් සිතක් කතා කිරීම පහසු කරනව.
ඔයා මුලින් කියවපු ඉංග්‍රීසි පොත, බලපු සීඩී තැටි, චිත්‍රපට දිහා බලල ඔයාවම උනන්දු කරගන්න. ඉස්සර බලපුව ආපහු බලනකොට ඒව තේරුම් ගන්න ලේසි වෙලා කියල හිතෙනව නේද? සුභ පැතුම් ඔබට. ඔබ ටික ටික ඉහළ මට්ටමකට යමිනුයි සිටින්නෙ.
ඉංග්‍රීසි ඉගෙන ගන්න ඔබට වයස මදි හෝ වයස ඕනෑවට වඩා වැඩියි කියලා දෙයක් නැහැ. ඒක ඔයා ඉංග්‍රීසි ඉගෙන ගැනීම නැවැත්වීම සඳහා සමාවට කාරණාවක් කරගන්න එපා. ඇයි බලාගෙන ඉන්නේ.
අද කරන්න බෑ හෙට කරන්නං කියල කල් අරින්න එපා. හැමදෙයක්ම ප්‍රමාද කරනවා කියලා කියන්නේ ඔයා සාර්ථකත්වයට පත්වෙන්න තව තවත් පරක්කු වෙනවා කියන එක. ඉංග්‍රීසි ඉගෙනීම මඟ හැරීමට නම් ඔබ හැම වෙලේම ප්‍රමාද වෙන්න උත්සාහ කරන්නේ ඒ පුරුද්ද වහාම නවත්වා ගන්න.
ඔබගේ ඉංග්‍රීසි දැනුම ගැන ඔබ බලාපොරොත්තු වෙන ප්‍රතිඵල තාම ඔබට ලැබී නැත්තං ඒක ඔබගේ ඉගෙනගැනීමේ නොහැකියාවක් නොවේ. ඊට හේතුව, ඔබට ඉගෙන ගැනීමට හොඳම ක්‍රමය තාම ඔබ සොයා ගෙන නොතිබීම වෙන්න පුළුවන්, ඉතින් වෙනත් ක්‍රම සොයා බලන්න, අත හදා බලන්න.
ඔබගේ ඉංග්‍රීසි දැනුමට ගැළපෙන ආකාරයේ පහසුකම් හා ක්‍රම භාවිතා කරන්න. ඔබට ඉතාම පහසු හෝ ඔබට ඉතාම අපහසු අභ්‍යාස සිදු කරන්න උත්සාහ කරා කරන්න එපා. ඔබට අභියෝගයක් වෙන ක්‍රම භාවිත කරන්න නමුත් ඔබට එපා වෙන ක්‍රම භාවිතා කරන්න එපා.
ඔබගේ උච්චාරණය පරිපූර්ණ කර ගැනීමට උත්සාහ කරන්න එපා. ඔබගේ උච්චාරණ විලාසය ඔබගේ සංස්කෘතියට අදාළ දෙයක්.
විවිධ රටවල ඉංග්‍රීසි භාෂාවේ විවිධ වෙනස්කම් තිබෙනවා. british english, american english, south african english සහ විවිධාකාරයේ ඉංග්‍රීසි ආකාර. මේ හැම එකකම එකිනෙකට වෙනස් ආකාරයේ දේවල් තිබෙනවා. ඒවා හිතන්න යන්න එපා. ඉංග්‍රීසි කියන්නේ ඉංග්‍රීසි.
නමුත් එම ඉංග්‍රීසි භාෂා විලාසයන්ගේ තිබෙන වෙනස්කම් හඳුනාගෙන ඒවාට අනුව වචන පාවිච්චි කරන්න. උදා: සෝපානය = american english elevator british english lift.
අලුත් වචන මතක තබා ගැනීමට cue cards ක්‍රමය භාවිතා කරන්න. Cue Cards කියන්නේ අපි අලුත් වචනයක් දැන්ගත්තහම ඒක ලියා තබන කුඩා කාඩ්පත්. ඒවා ඔබට විවේකී වෙලාවට එළියට අරගෙන ඒ අලුත් වචන ඉගෙන ගන්න.
ඔබ අවට තිබෙන දේවල් ලේබල් කිරීම සඳහා sticky notes භාවිතා කරන්න. එවිට එම වචන ඔබට නිතිපතා දකින නිසා මතක තබා ගන්නට පහසුවෙන්ම පුළුවන්.
Phrasal verbs ඉගෙන ගන්න. Phrasal verbs කියන්නේ වචන දෙකක් තියෙන ක්‍රියා පද. ඉංග්‍රීසි භාෂාවේ phrasal verbs සිය ගණනක් තිබෙනවා. ඔබ වැඩි වැඩියෙන් phrasal verbs ඉගෙනගන්නකොට අලුත් ඒවයෙ තේරුම පහසුවෙන් තේරුම් ගන්නට පුලුවන් වෙනවා.
තමන් ගැන විශ්වාසයෙන් ඉන්න කියල මීට පෙරත් කියවුනානෙ. හිතට එන දේ එක්ක ඉදිරියට යන්න. Gut Feeling කියල කියන්නෙ. ඔයාගෙ පළවෙනි අනුමානය කෙතරම් නිවැරදිද කියල ඔයාටම පුදුම හිතෙයි.
ඔයාගෙ සිතිවිලි එකතු කරගන්න. ඔබ මොනවද කියන්න ලෑස්ති වෙන්නෙ කියල හිතන්න තත්පරයක් ගත කරන්න. ඔබ ව්‍යාකරණ රීති හොඳින් දන්නව. නමුත් කතා කරනකොට ඒව නිවැරදිව යොදා නොගන්නව වෙන්න පුළුවන්. නමුත් ඒක එච්චර හිතන්නෙපා, ඉස්සෙල්ල කතා කරල ඉන්න, පස්සෙ ව්‍යාකරණ නිවැරදි කරගන්න.
අලුත් මිනිස්සු හමු වෙන්න. ඔබේ ප්‍රදේශයේ සිටින ඉංග්‍රීසි කතා කරන සමාජය එක්ක මුසු වෙන්න උත්සාහ කරන්න. Club එකක්, Bar එකක් වෙන්නත් පුළුවන්.
ඉංග්‍රීසියෙන් කතා බහක් ආරම්භ කරන පුද්ගලයා වෙන්න උත්සාහ කරන්න. කතා බහ දිගටම ඉදිරියට යන්න, "really...", "go on..", "what happened then?.." වැනි වචන භාවිතා කරමින් තල්ලුවක් දෙන්න. අනිකාට ඔබට කතා කරන්න දෙනකම් බලා ඉන්නෙපා, කතාවට සහභාගි වෙන්න.
විවාද කරන්න. කණ්ඩායමක් එක්ක විවිධ මාතෘකා ඔස්සේ සාකච්ඡා කරන්න. එකිනෙකා එකිනෙකට වෙනස් මතයන් දරන්නන් වෙන්න. විවිධ දෘෂ්ටිකෝණ ඔස්සේ එකිනෙකා හා වාද කරන්න. ක්‍රියාකාරී ලෙස සවන්දෙන්න පුරුදු වෙන්න. එසේ කිරීමෙන්, හැමෝටම ඒක සහයක් වෙනවා සේම වඩා වැඩි දායකත්වයක් සාකච්ඡාවට ලබා දීමටත් ඔබට හැකි වෙනවා. කතා කරන පුද්ගලයා කියන දේට හොඳින් අවධානය යොමු කර අසා සිටින්න. වෙනත් දේ වලින් ඔබේ අවධානය බිඳෙන්න දෙන්න එපා. එසේ කිරීමෙන් ඔබට තේරුම් ගන්න පහසු වෙනවාට අමතරව ඔබට දෙයක් අනිත් අයටත් තේරුම් කරල දීම පහසු වෙනවා.
ඉංග්‍රීසි වචන ඉගෙන ගැනීම ඉංග්‍රීසි ඉගෙනගැනීමක් නෙමෙයි. ඔබට ගිරවෙකුට උනත් ඉංග්‍රීසි වචන පුරුදු කරන්න පුළුවන්, නමුත් ඒකෙන් කියවෙන්නෙ නෑ ගිරවට ඉංග්‍රීසි පුළුවන් කියල. වාක්‍ය තේරුම් ගන්න, ව්‍යාකරණ තේරුම් ගන්න.
ඉංග්‍රීසි කතා කරන කෙනෙක්, සිදුවීම් ගැන කතා කරද්දී අතීත කාල, වර්තමාන කාල, අනාගත කාල ව්‍යාකරණ භාවිතා කරනව. ඔබත් ඒව දැනගෙන ඉන්න අවශ්‍ය වෙනව. ඒව භාවිතා කරන්නත් පුරුදු වෙන්න.
ඉංග්‍රීසි භාෂාවේ regular verbs (borrow, borrowed; carry, carried, වගේ සියළුම කාල වලට අදාල ක්‍රියා පදය එක සමානයි, අගට ed ආකාරයට යෙදෙන) හා irregular verbs (do, did, done; go, went; steal, stole, stolen; rise, rose, risen වගේ එක එක කාල වලට අදාල ක්‍රියා පදයේ ස්වරූපය වෙනස් වන) කියන වර්ග දෙකෙන් irregu`lar verbs තේරුම් ගන්න, ඉගෙන ගන්න අවශ්‍යයි.
දිගටම ඉගෙනගන්න, පුරුදු වෙන්න. ඔබ ඉංග්‍රීසි ඉගෙනගන්න එක හා/හෝ පුහුණු වෙන එක හා/හෝ භාවිතා කරන එක නැවැත්වුවහොත් ඔබටම තේරෙයි කාලයක් යනකොට ඔබගේ ඉංග්‍රීසි දැනුම මට්ටම/හැකියාව ටික ටික මොට වෙනව කියල. ඉතින් ඉංග්‍රීසි දිගටම ඉගෙනගන්න, පුරුදු වෙන්න.
ඔබගේ ඉංග්‍රීසි විභාගයේ ලකුණු අඩු උනාද? නමුත් ඒක ගැන එතරම් හිතන්නෙපා. සමහර අය ඉන්නව විභාගෙ ඉහළින්ම පාස්, නමුත් ඉංග්‍රීසි භාෂාවෙන් සන්නිවේදනය කරන්න බෑ, අනිත් පැත්තෙන් සමහරු ඉන්නව ඉංග්‍රීසි අකුරක්වත් බෑ, නමුත් ඉංග්‍රීසි කථිකයින් එක්ක ඉංග්‍රීසියෙන් කතා කරනව. ඔබට ඉංග්‍රීසියෙන් යන්තම් හරි කතා කරන්න පුළුවන් නම්, කියවා තේරුම් ගන්න පුළුවන් නම්, ඒක විභාගෙක ලකුණු වලට වඩා ඉහළින්ම වටිනවා.
මිතුරෙකු සමඟ ඉංග්‍රීසි පුහුණු වෙන්න. ඔබට පුහුණු වෙන්න තවත් කෙනෙක් සිටිනව නම් ඒක ඉතාම සාර්ථක ක්‍රමයක් වගේම දෙන්නට පුළුවන් එකිනෙකාව පොළඹවන්න තවත් ඉදිරියට යන්න.
මතක තබා ගත යුතු දෙයක් තමයි, ඔබ මහන්සි වෙන්න මහන්සි වෙන්න ඔබ සාර්ථක වෙනවා කියන එක.

අවසන් 25ත් පුළුවන් ඉක්මනට ලියල දාන්නම්.

සුභ පතනවා සියළු දෙයින් සාර්ථක වෙන්න.

Memento Database භාවිත කර පුද්ගලික පුස්තකාලයේ පොත් සූචිගත කරගනිමු

noreply@blogger.com (Unknown) — Mon, 02 Nov 2020 11:24:00 +0000

මම මීට පෙර ලිපියක කතා කළා මගෙ පුද්ගලික පුස්තකාලය නිර්මාණය උනේ කොහොමද කියල හා එහි පොත් සූචිගත කරන්න ගත්තු උත්සාහයන්. මෙතනින් ඒ ලිපිය බලන්න ඔයාලට පුළුවන්.

ඒ ලිපිය ඉංග්‍රීසියෙන් ලිව්ව එකක් නිසා පොඩ්ඩක් ආපහු ඒ ගැන මම කියන්නම්. මම පොත් සූචිගත කරන්න ගත්තු උත්සාහයන් මොනවද කියල.

මුල්ම කාලෙ, ඒ කියන්නෙ මම 9 වසරෙ වගේ ඉන්නකොට තමා පුස්තකාලයක් කියන අදහස එක්ක මම දෙයක් කරන්න ආරම්භ කළේ. එතකොට මම කලේ CR පොතක් අරගෙන පිළිවෙලට අංක යොදමින් පොත් වලට විස්තර වගුවකට එකතු කළ එක. පොතේ නම, කතුවරයා, ප්‍රකාශකයා, මුද්‍රණ වර්ෂය, මුද්‍රණ වාරය, මිල, මිලට ගත් දිනය, පිටු ගණන වගේ දේවල් තමා ඒ වගුවේ ඇතුළත් උනේ. මේවාට අමතරව මම තව එක් දෙයක් එකතු කළා, Category number එකක්.

මම ඒ වර්ගීකරණය කළේ, History, Literature, Science, General Knowledge, Religion කියන ප්‍රවර්ග වලට. ඒකට වෙනමම අංකයක් දාගෙන ගියා. උදා: බෞද්ධ පොතක් නම් 123 කියල ප්‍රධාන සූචිගත අංකයට අමතරව RL005 කියල වගේ Category Index Number එකක් දැම්ම.

අවුරුදු කිහිපයකට ඉස්සෙල්ල මට ඕනෙ උනා මේක Digitalize කරන්න. ඉතින් මම කළේ, Google Sheet එකක මගෙ ඩේට බේස් එක හදාගත්තු එක. ඒත් ඒකෙ විවිධ ප්‍රශ්න තිබ්බ. ඒකත් අසාර්ථක උනු තැන මම MS Excel වලට මාරු උනා OneDrive එකෙන් Cloud Sync කරල. ඕක මම ගිය සැප්තැම්බර් වෙනකම්ම කරගෙන ගියා.

ඕව කරන අතරතුරේ මම PC Software, Android Mobile Software, Cloud based platforms විවිධ ඒව ට්‍රයි නොකර හිටියෙ නෑ. ඒත් එකක්වත් මට හරි ගියෙ නෑ. මොකාක් හරි මට අවශ්‍ය දෙයක් නෑ.

එහෙම ට්‍රයි කරපු android apps වලින් මට හොඳම කියන්න පුළුවන් 3 තමයි මේ.

My Library
Handy Library
Liblib

ගිය සැප්තැම්බර් වල ආපහු අවශ්‍යතාව පැනනැඟුන. ඉතින් ආපහු මුල ඉඳල හොයාගෙන යනකොට "Memento Database" කියන ඇප් එක හම්බුනා. ඒක මට ඕනෙ විදිහට customize කරගෙන මම දැන් දිගටම භාවිතා කරනව. මේක තෝරාගන්න මට හේතු උනු ප්‍රධානම කරුණ තමයි, දැනටමත් මම පොත් ලැයිස්තුවක් excel sheet එකකට එකතු කර තිබීම හා එය කෙලින්ම මෙම ඇප් එකට import කිරීමේ හැකියාව.

ඒ ගැන දැන් කතා කරන්නම්.

Add caption

මෙන්න ලින්ක් එක. https://mementodatabase.com/

මේකෙන් ගොඩක් දේවල් කරන්න පුළුවන්. මේකෙ paid version එකක් තියෙනව. Free version එකෙන් වැඩේ ගොඩ දාගන්නෙ කොහොමද කියල මම කියන්නම්.

Google Play Store/Apple App Store එකට ගිහිල්ල මොබයිල් ඇප් එක දාගන්න ෆෝන් එකට, උඩ වෙබ් අඩවියට ගිහිල්ල PC app එක ඩවුන්ලෝඩ් කරල දාගන්න පරිගණකයට. (දෙකෙන් එකක් ඇති, අවශ්‍යතාව අනුව තමා ඉතින්.)

Add New Library කියන එකට ගිහිල්ල Collections කියන එක තෝරන්න. ඒකෙන් Books කියන එක තෝරන්න.

ඊට පස්සෙ Books Database එකක් හදන්න form එකක් එනව. ඒකට ඕනෙ කරන විස්තර හා ඔයාගෙ අවශ්‍යතා ඇතුළු කරල උඩ වම් පැත්තෙ තියෙන Tick Mark එක ක්ලික් කළාම ඔයාගෙ library එක create වෙනව. ඔයාට ඇතුළත් කළ යුතු data fields වෙනස් කර ගැනීමේ හැකියාවකුතු තියෙනව, Fields Tab එක හරහා. මම Index Number, Category Number කියල දෙකක් එකතු කරගත්ත.

ඊට පස්සෙ ඉතින් තියෙන්නෙ පොත් එකතු කරන්න.

ඔයාලට මම උඩදි කිව්වනෙ මම මේ ඇප් එක තෝරාගන්න ප්‍රධානම උනු හේතුව. මගෙ ලභ දැනටමත් මගෙ පොත් එකතුවේ තොරතුරු excel sheet එකක තියෙන එක.

මේ ඇප් එක අපේ Google Drive එකට sync කරන්න පුළුවන්. ඉතින් මම කළේ මගෙ Google account එක මේ ඇප් එකට link කරල, එක පොතක විස්තර මේ ඇප් එක හරහාම ඇතුළත් කරල ඒ තොරතුරු Google drive එකත් එක්ක sync කළ එක. එතකොට මගෙ G drive එකේ Google Sheet එකක් create වෙලා අදාල තොරතුරු ඔක්කොම එකතු වෙනව.

ඊට පස්සෙ මම කළේ, මගෙ ගාව තියෙන excel sheet එකේ data ටික ඔක්කොම අලුත් ෆෝමැට් එකට ගැළපෙන විදිහට සකසල ගෙඩිය පිටින්ම copy and paste කළ එක Google sheet එකට.

ඊට පස්සෙ ඇප් එක ඕපන් කරල sync කළ ගමන්, ඔක්කොම ෆෝන් එකේ. විනාඩි කිහිපයකින් ඔක්කොම අලුත් සිස්ටම් එකට move කරගන්න මට පුළුවන් උනා, මෙන්න මේ වගේ.

ඉතින් මගෙ පොත් වලට එක library එකකුයි, මගෙ පුතාගෙ පොත් වලට තව library එකකුයි මම මේ ඇප් එකේ create කළා. (free version එකේ database 3යි හදන්න දෙන්නෙ උපරිම). පුතාගෙ එකට නම් පොත් විස්තර තවම එකතු කළේ නෑ මොකද ඒකෙ දැනට database එකක් නැති නිසා.

හරි. දැන් තියෙන්නෙ අඩු පාඩු හදන්න.

ප්‍රධානම දේ පොතේ කවරය.

මේ ඇප් එකේ free version එකේ මුළු Cloud Storage capacity එක දෙන්නෙ 50MB. ඒකෙ තමයි මුලින්ම book covers සහ database data සේව් වෙන්නෙ. ඒ ප්‍රමාණයම තමා Google drive එකෙනුත් ගන්නෙ.

පොත් වල කවර ෆොටෝ අරගෙන මේකට නිකම්ම අප්ලෝඩ් කළොත් පොත් 50කවත් කවර දාන්න බැරි වෙනවනෙ.

ඉතින් මම කළේ, මුලින්ම පොත් වල කවර වල ෆොටෝ ෆෝන් එකේ කැමරාවෙන් අරගෙන default photo editing tool එකෙන් ගානට crop කරගත්තු එක. ඊට පස්සෙ මම ෆෝන් එකට දාගත්ත "Lit Photo" කියල android app එකක්. වෙනත් සුදුසු එකක් උනත් ඔයාලට භාවිතා කරන්න පුළුවන්. මේ ඇප් එකෙන් ගත්තු ඔක්කොම ෆොටෝ වල එක පාරම size/quality reduce කරන්න පුළුවන්.

Compress Photos option එකට ගිහිල්ල, ඔක්කොම ෆොටෝ ටික සිලෙක්ට් කරල, Size 30KB වගේ දීල photos ඔක්කොම කම්ප්‍රෙස් කළා.

ඊට පස්සෙ අන්න ඒ ෆොටෝ ටික ඇප් එකට අප්ලෝඩ් කළා.

නිකං ගණන් හදල බලන්නකො. 50MB/30KB = පොත් 1700ක වගේ ෆොටෝ දාන්න පුළුවන්. ඊටත් වඩා පොත් තියෙන, පොත් එකතුවක් හදාගන්න බලාපොරොත්තු වෙන කෙනෙක් නම්, තවත් ෆයිල් සයිස් එක අඩු කරන්න.

ඒව අප්ලෝඩ් කළාට පස්සෙ ඇප් එකේ පෙනුම මේ වගේ.

මේ ඇප් එකේ තව ගොඩක් පහසුකම් තියෙනව. හොයල බලන්න, කරල බලන්න.

මේකෙ මම තවත් කැමති ඔප්ෂන් එකක් තමයි, පොතක සියළු විස්තර ඕනෙ කෙනෙක් එක්ක පහසුවෙන්ම ශෙයා කරන්න පුළුවන් පහසුකම. (email, viber, whatsapp, sms, etc හරහා)

ඔයාගෙ පුස්තකාලය තුළ පොතක් තියෙනවද කියල හොයාගන්න ඕනෙ නම් පොතේ නම, කතුවරයා, වෙනත් තොරතුරු හරහා search කරන්න පුළුවන්. නැතිනම් අතේ තියෙන පොතක නම් ඇප් එකෙන් bar code එක ස්කෑන් කරල බලන්නත් පුළුවන්.

පොතක් කවුරුහරි ඉල්ලගත්තොත්, ඒක මේකෙ ඇතුළත් කරන්න පුළුවන් වගේම, reminder එකක් set කිරීමේ හැකියාවත් තියෙනව.

මේ ඇප් එකේ තියෙන දුර්වලකමක් දැන් කියන්නම්. මේ ඇප් එකට තොරතුරු එකතු කරන්න පුළුවන් උනාට Bar Code එක ස්කෑන් කරල, 95%ක්ම වගේ සිංහල පොතුත්, 5%ක් වගේ ඉංග්‍රීසි පොතුත්, ඒ search කරන Books database වල නෑ. සිංහල පොත් නම් හුඟක් ඒවයෙ නෑ. ඒත් මම ඒක අමතක කළේ අනිකුත් ගොඩක් පහසුකම් මට ලැබුණු නිසා.

දැන් මගෙ පුස්තකාලෙ පොත් වල විස්තර මට ඕනෙ වෙලාවක ඕනෙ තැනක ඉඳන් බලන්න පුළුවන්. (ගෙදර ලැප්ටොප් එකේදි PC App එකෙන්, On the Go Mobile App එකෙන්, මොකක් හරි පරිගණයකකින් Google Drive එකේ තියෙන Google Sheet එකෙන්.)

එහෙනම්, ඔයාලත් ඔයාලගෙ පොත් එකතුව ලැයිස්තුගත කරන්න හොඳ ක්‍රමයක් තාමත් හොය හොය ඉන්න කෙනෙක් නම්, මේක ගැනත් සළකල බලන්න ආරාධනා කරනව.

මම මේක රෙකමෙන්ඩ් කරන්නෙ මගෙ අවශ්‍යතා ගොඩක් මේක සපුරපු නිසා. (ප්‍රධානම දේ excel sheet එක importing හැකියාව හා cross platform compatibility)

Happy Reading..... Good Luck.

ඇත්තටම සද්දෙට විද්දෙ අන්දරේද???

noreply@blogger.com (Unknown) — Fri, 23 Oct 2020 06:47:00 +0000

මම කාලෙකට ඉස්සර තොටගමුවේ රාහුල හිමියන්ගේ ජනප්‍රවාද ටිකක් කිව්වා ඔයාලට මතක ඇති.

ඒව කියෙව්වෙ නැත්නම් මෙතනින් ගිහිල්ලා ඒවා බලන්න.

අද කතා කථා කරන්නට බලාපොරොත්තු වෙන්නේ එක් ප්‍රසිද්ද ජන කතාවක් ගැන .

සමහවිට ඕගොල්ලෝ අහලා ඇති ශබ්දය අහලා ගෙම්බෙක්ට ඊතලයක් විදල මරල දමපු කතාවක් ගැන

https://www.123rf.com/photo_45703903_stock-vector-princess-frog-with-a-golden-arrow.html

මේ සම්බන්ධයෙන් ජනප්‍රවාද දෙකක් තියෙනවා.

අංක 1 - අන්දරේ

ඔයාලා කවුරුත් හඳුනන අන්දරේ ගැන තමයි පළවෙනි කතාව. අන්දරේ හිටියෙ රාජාධි රාජසිංහ රජතුමාගෙ කාලෙ. ඔන්න එක කාලයකදි රජතුමාට හරිම කරදරයක් සිද්ධ උනාලු. රෑට රෑට රජතුමා නිදාගෙන ඉන්නකොට ගෙම්බෙක් ශබ්ද කරල රජතුමාට කරදර කරනවාලු. එතුමාට මේ ශබ්දය නිසා රෑට නින්ද යන්නෙම නෑ.

ඉතින් රජතුමා රාජපුරුෂයන්ට අණ කලාලු කළාලු මේ ගෙම්බව අල්ලල මරා දමන්න. රාජ පුරුෂයෙක් ගෙම්බව අල්ලන්න හුඟාක් උත්සාහ කළත් කිසිම අවස්ථාවක බැරි උනාලු. මොකද ගෙම්බ දවල්ට හොයාගන්න නෑ. රෑ කරුවලේ පේන්නෙ නෑ.

ඉතින් අන්තිමට කරන්න දෙයක් නැති නිසා රජතුමා අණ බෙරයක් යැව්වා මේ රජතුමාට කරදර කරන ගෙම්බව අල්ලල මරා දමන කෙනෙක්ට ඇතෙක් බරට වස්තුව දෙනවා කියලා.

හුඟක් අය ඇවිල්ලා උත්සාහ කළත් සාර්ථක වුණේ නැහැ වුණේ නැහැ. මොකද දවල්ට මේ ගෙම්බා හැංගිලා තමයි ඉන්නේ. රෑට කවුරුහරි එළියක් කරල හොයන්න හැදුවොත් ගෙම්බ හැංගෙනව.

ඉතින් කාටවත්ම බැරි වුණා මේ ගේම්බව අල්ලන්න.

මේක හරිම කරදරයක් උනු නිසා රජතුමා රාජ සභාවට ඇවිල්ලත් නිදි කිරනවා.

ඉතින් අන්දරේට තේරුණා මේ රජතුමාගේ අපහසුතාවය. අන්දරේ රජතුමා ගෙන් ඇහුවා මොකද මේ කියලා. රජතුමා කතාව කිවුවහම අන්දරේ කිව්වා අන්දරේට පුළුවන් කියලා මේ ගෙම්බව මරා දමන්න.

ඔන්න අන්දරේ වැඩේ බාරගත්තා.

ඊළඟ දවසේ දුනු ඊතල එහෙම ලෑස්ති කරගෙන අන්දරේ කරුවලේම උයනට වෙලා ඔන්න පොකුණට පේන හරියක හැංගිලා හිටියා.

ඔන්න රෑ වෙනකොට ගෙම්බ කෑගහන්න පටන් ගත්තා. ඒත් ඉතින් මේ කරුවලේ අන්තරේට උනත් ගෙම්බව පේන එකක්ය, නෑනෙ.

අන්දරේ මොකද කළේ, ඕනෙ එකක් කියල, ගෙම්බ ඉන්න දිහාවට ඊතලේ මානල විද්ද. ගෙම්බගෙ සද්දෙ නැවතුනා. ඉතින් අන්දරේ ගෙදර ගිහිල්ලා හොඳට නිදාගත්තා.

ඊළඟ දවසේ උදේ පාන්දරින් ඇහැරිලා අන්දරේ උයනට ඇවිල්ලා බැලුවා මොකද වෙලා තියෙන්නෙ කියල/ එතකොට දැක්කා ගෙම්බා ඊතලේ කෙලවරේ ඇමිණිලා පොකුණ ගාව වැටිලා ඉන්නවා.

ඉතින් ඒ ඊතලය ඇනිච්චි ගෙම්බවත් අරගෙන ගිහිල්ලා අන්තරේ රජතුමාට පෙන්නුවා. මේක දැකල සතුටු උනු රජතුමා, අන්තරේට වස්තුව ගොඩකුත් දීල "සද්ද විද්ද" කියන නම්බු නාමයකුත් අන්දරේට දුන්න.

ඔන්න එදා ඉඳල තමයිලු අන්දරේගෙ නමට "සද්ද විද්ද" කියල කොටස පට බැඳුනෙ.

සද්ද විද්ද පළඟ පතිරණ රංපටබැඳී අන්දරේ .

අංක 02 - දස්කොන් අදිකාරම්

මේක ප්‍රසිද්ධ දස්කොන් ප්‍රමිලා කතාවේ කොටසක්.

ඔයාල දන්නව ඇතිනෙ ප්‍රමිලා බිසව, දස්කොන් අදිකාරම්ට ආදරය කරපු කතාව. මෙි ආදර පලහිලව්ව දැනගත්තු රජතුමා දස්කොන් අදිකාරම්ව මරා දමන්න නියම කරනව. නමුත් ඔහුව මරන්න රැගෙන යනකොට කිව්ව කවියක් නිසා ඔහුට වාසනාවක් ලැබෙනව. වැඩේ ගොඩක් දුරදිග ගිහිල්ල කියල ඒ කවිව ඇහුණු රජතුමාට තේරුනු නිසා ජරතුමා ප්‍රමිලා සහ දස්කොන් දෙදෙනාවම පිටුවහල් කරනවා. මේ දෙන්න ඈත ගමකට ගිහිල්ලා අප්‍රසිද්ධියේ ජීවත් වෙනවා.

ඉතින් ඔන්න මෙතනදිත් අර වගේම ගෙම්බෙක් ඇවිත් රජතුමාට කරදර කරනවා.

රාජ පුරුෂයෝ උත්සාහ කලත් මේ ගෙම්බා මරා දමන්න ඔවුන්ට හැකි වෙන්නේ නැහැ. ඉතින් රජතුමා අණ බෙරයක් යවනවා ගෙම්බව මරා දැමිය හැකි කෙනෙක්ට තෑගි ලබා දෙනවා කියලා.

ඉතින් මෙතනදි අර දස්කොන් අදිකාරම් වෙස් වලාගෙන ඇවිත් මේක කරන්න බාර ගන්නවා. රාජපුරුෂයන් රාජපුරුෂයන් රජුගේ භාණ්ඩාගාරයෙන් දුණු ඊතල මොහුට ලබා දෙනවා. ඉතින් දුනුදිය ඇද්දහම මේ දුනු කඩලා යනවා. මෙහෙම රාජ භාණ්ඩාගාරයේ තිබිච්ච සියළුම දුනු කැඩිලා යනවා, අන්තිමට ඉතුරු වෙන්නේ දස්කොන් අදිකාරම් ඒ කාලයේ පාවිච්චි කරපු දුන්න පමණයි.

ඉතින් ඒ දුන්න භාවිතා කරලා රාත්‍රියේ දී ගෙම්බා කෑගසන විට ගෙම්බාගේ ශබ්දය ඇහෙන දිශාවට විදල දස්කොන්ට හැකි වෙනවා මේ ගෙම්බව මරා දමන්න. මේ දක්ෂතාවය නිසා දස්කොන්ට තෑගි බෝගත් ගම්වරයක් ලැබෙනවා හැබැයි ඒ කෙසේ වෙතත් රජතුමා දන්නේ නැහැ මේ දස්කොන් අදිකාරම් කියලා.

ඔන්න ඔහොම ජනප්‍රවාද දෙකක් ලංකාවේ සාහිත්‍යයේ තිබෙනවා ශබ්දය දෙසට මානා ගෙම්බෙකු මරා දැමීම සම්බන්ධයෙන්.

මේ දෙකෙන් කොයික හරියක ද කියා අපි දන්නේ නැහැ.

Own a personal Library? Maintaining an Index? This is my story

noreply@blogger.com (Unknown) — Fri, 02 Oct 2020 19:12:00 +0000

When I was small, my parents had bought me some story books. So, there were some books I owned when I moved to the Collage from the Junior school. Seeing the large library at the collage fascinated me and I started reading like a madness. My father was also an employee of the same school in the administration and therefore, I got a chance of borrowing more than 2 books from the library at a single time. (Actually I borrowed like 10-12 books at once) And its only 2 weeks and those books were finished.

I wanted to have my own library those days. I told you before, I had some books, like 50 story books at home. So, what I did was gave numbers to those books, like 001, 002, 003, 004….. and paste a paper on the back side of the cover, like in libraries, to write the lender name, date, etc. Ah, I also made that card system to keep record of the people who borrow the book. But the thing was the only borrowers of the books from my little library was my self and my sister.

The story goes on. Read the full article on my new personal web site. Click here or the link below.

https://www.madhawa.lk/guides/own-a-personal-library-maintaining-an-index-this-is-my-story/

Hosted wordpress අඩවියකට wordpress.com වල ඇති පහසුකම් හා තවත් බොහෝ දේ ලබා ගන්න Wordpress JetPack

noreply@blogger.com (Unknown) — Sun, 19 Apr 2020 10:53:00 +0000

මේක මේ කාලෙ වැඩිපුරම භාවිත වෙන ප්ලගින් එක වෙන්නත් පුළුවන්.
මේකෙත් ෆ්‍රී හා ප්‍රිමියම් දෙකක් තියෙනව. ෆ්‍රී එකෙත් ගොඩක් පහසුකම් තියෙනව.
මේකෙ තියෙන පහසුකම් රාශිය අතරින් මම කැමතිම හා වඩාත්ම වැදගත් පහසුකම් මෙන්න මේව.

1. සයිට් එකට බරක් නැතිව Site #statistics ගන්න හා බලන්න.
මොකද මේකෙදි සයිට් ස්ටැට්ස් දෙන්නෙ wordpress.com එකත් එක්ක. ඉතින් සයිට් එකට කිසිම බරක් නෑ ඒකෙන්.

2. #Brute force attacks වැළැක්වීම.
සයිට් එකක පාස්වර්ඩ් එක හොරාගන්න භාවිත කරන මූලිකම ක්‍රමයක් තමයි bruteforce කියල කියන්නෙ. ඇඩ්මින් username එක හොයාගෙන ඒකට විවිධ පාස්වර්ඩ් ලක්ෂ ගණන් දාගෙන දාගෙන ගිහිල්ල බලන එක. ඒව මේකෙන් බ්ලොක් කරන්න පුළුවන්.

3. #Downtime monitoring
සයිට් එක ඩවුන් උනාද, ආපහු අප් උනාද කියල ඩිටෙක්ට් කරල අපිට ඊ මේල් එවනව. හොස්ට් එක reliable නම්
හා ප්ලගින්, තීම් වල ප්‍රශ්න නැතිනම් ඉතින් කේස් එකක් නෑ.

4. Performance & speed improvements.
image loading time, static pages loading time, lazy image loading හරහා සයිට් එකේ වේගය වැඩි කරනවා.

5. Publicize connections
Social network connectivity එක improve කරන එක හා පහසු කරන එක මේකෙන් කරනව.

5. Let visitors use a WordPress.com, Twitter, Facebook, or Google account to comment
කෙනෙක් මගෙන් ඇහුව #Disqus comment system එක ගැන. මේකෙන් කරන්නෙත් ඒකමයි. ඉතින් මොකටද fb, twitter, google account එකෙන් කමෙන්ට් කරන්න හදන්න වෙනමම ප්ලගින් එකක්?

pro එකට අප්ග්‍රේඩ් කරගත්තොත්, තව පහසුකම් මහ ගොඩයි.
Generate income with high-quality ads., Boost your search engine ranking with the powerful SEO tools in Jetpack, Connect your site to Google Analytics in seconds with Jetpack,

Image එකේ පෙන්වන්නෙ, මගෙ එක් වෙබ් අඩවියක, Jetpack plugin එකෙන් වසර 3ක් තුළ වළක්වපු bruteforce attacks ප්‍රමාණය.

GoGreenLK - Eco Friendly Products and Services Web Directory හඳුන්වාදීම

noreply@blogger.com (Unknown) — Mon, 27 Jan 2020 10:34:00 +0000

ආයුබෝවන්!.

GoGreenLK - Eco Friendly Products and Services Web Directory

වෙබ් අඩවිය හඳුන්වා දෙන්නයි හදන්නෙ.

මෙම අඩවියේ පළ කෙරෙනු ලබන්නේ
1. “පරිසර හිතකාමී” ලෙස වර්ග කරනු ලබන, පරිසරයට හානිදායක භාණ්ඩයකට ආදේශකයක් ලෙස භාවිතා කළ හැකි “පරිසර හිතකාමී නිෂ්පාදන".
2. "පරිසර හිතකාමී" සේවාවන් (ප්‍රතිචක්‍රීකරණ ආයතන, පරිසරයට හානිකර දේ එකතු කරන ආයතන)

නිෂ්පාදකයින්ට/සේවා ලබා දෙන්නන්ට
ඉතින් ඔබත් පරිසර හිතකාමී නිෂ්පාදනයක් කරනවා නම් හෝ පරිසර හිතකාමී සේවාවක් ලබා දෙනවා නම් මෙම වෙබ් අඩවිය තුළ ඔබගේ භාණ්ඩ(ය) හා සේවාවන් නොමිලේ ලැයිස්තුගත කරන්නට පුළුවන්.

පාරිභෝගියින්ට
මෙම වෙබ් අඩවිය හරහා ඔබට පුළුවන් පරිසර හිතකාමී නිෂ්පාදන හා සේවා පිළිබඳ සොයා බලන්නට, එම නිෂ්පාදකයින් හා සේවා ලබා දෙන්නන් සෘජුවම සම්බන්ධ වීමට හා එම නිෂ්පාදන හා සේවා ඔබ වෙත ලබා ගැනීමට. (වෙබ් අඩවියට කිසිදු ගෙවීමක් සිදු කිරීමට අවශ්‍ය වෙන්නේ නෑ.)

සියළුම දෙනාට
හරිත පුරුදු, පරිසර දූෂණය, පරිසර හිතකාමී වෙන හැටි සම්බන්ධ අධ්‍යාපනික ලිපි, අඩවියේ බ්ලොග් පිටුව හරහා හා ඊ මේල් හරහා බෙදා හැරෙනවා. ඒ නිසා වෙබ් අඩවියේ Newsletter එකටත් Subscribe වෙන්න ආරාධනා කරනවා.

වෙබ් අඩවිය : www.GoGreenLK.com

ඔබගේ නිෂ්පාදන Web Directory එකට ඇතුළු කරගන්නා ආකාරය:
https://gogreenlk.com/how-to-add-your-business-on-gogreenlk/

Web Directory එක බලන්න.
https://gogreenlk.com/listings/

"Go Green with GOGREENLK."

ඔබගේ ඉංග්‍රීසි වාග් මාලාව (Vocabulary) වැඩි දියුණු කරගන්න මේවා කරන්න

noreply@blogger.com (Unknown) — Sun, 15 Dec 2019 10:50:00 +0000

මේක සමහර අයට තිබෙන ප්‍රශ්නයක්.

කොහොමද මගෙ English Vocabulary එක වැඩි දියුණු කරගන්නෙ?

මොකද වැඩිපුර ඉංග්‍රීසි වචන දන්නකොට අනිත් අය කියන දේවල් පහසුවෙන් තේරෙනව වගේම හොඳ වචන භාවිතයක් කරන්නත් පුළුවන් වෙනව.

ඉතින් මේක කරගන්නෙ කොහොමද කියල මම සරළව අයිතම කිහිපහකින් කියන්නම්.

1. ඔබට හමුවන අලුත් වචන වල තේරුම් සොයන්න.

එවෙලෙම හරි, එවෙලෙ බැරි නම් පසුව බලන්න පොඩි පොතක, ෆෝන් එකේ නෝට් එකක් දාගෙන තියාගෙන බලන්න.

2. ඔබගේ මිතුරන්ගෙන් අහන්න.

නොදන්න වචනයක තේරුම් ඒක දන්න මිතුරෙක්ගෙන්, නෑදෑයෙක්ගෙන්, ගුරුවරයෙක්ගෙන් අහල දැනගන්න.

3. දිනපතා කියවන්න.

දිනපතා ඉංග්‍රීසි පොත්, පුවත්පත්, බ්ලොග්, කියවන්න මිනිත්තු 15 - 20ක කාලයක්වත් ගත කරන්න. ඒ කියවන්න ලැබෙන ඉංග්‍රීසි වචන වල තේරුම් ඉහත 1, 2 අනුව සොයාගන්න.

4. ඉවසිලිවන්ත වෙන්න.

හදිසි වෙන්න එපා. ඔබගේ වාග්මාලාව සෙමෙන් දියුණු කරගන්න, දියුණු වෙන්න ඉඩ දෙන්න.

5. Podcasts, Audiobooks වලට සවන් දෙන්න.

පොතක්, පුවත්පතක් කියවන්න වෙලාව හා අවස්ථාව නැති නම් යන එන ගමන් podcast එකකට , Audiobook එකකට සවන් දෙන්න.

6. Mnemonic Devices (Memory devices) ක්‍රමය භාවිතා කරන්න.

දෙයක් මතක තියාගන්න අපි කලාත්මක ක්‍රම භාවිත කරන්න. අන්න ඒවට තමයි Mnemonic Devices කියල කියන්නෙ. උදා: ඉස්කෝලෙ යන කාලෙ ආවර්තිතා වගුව මතක තියාගත්තෙ, දිශා 8 මතක තියාගත්තෙ (උපාලි ඊළඟ නැවෙන් ගිහින්....), මාස වලට දින කීයද කියල knuckles භාවිතා කරන්නෙ. අන්න ඒවගෙ ඒව තමයි Mnemonic Devices.

7. ලියල තියාගන්න.

පස්සෙ බලන්න, තේරුම් හොයන්න, මතක් කරගන්න අලුත් වචන ලියල තියාගන්න.

8. හැම කියවීමක්ම ලිවීමක්.

අපි මතකයේ ලියවිලා තියෙන දෙයක් ආපහු මතක් කරනව කියන්නෙ මතකය කියවනව කියන එක. ඒ කියන්නෙ ආපහු ඒක මතකයේ ලියවනවත් කියන එක. ඉතින් මතකයේ තියෙන අලුත් වචන, නැවත නැවත මතක් කරන්න.

9. සරළ වෙන්න, සංකීර්ණ නොවෙන්න.

සරළ කෙටි දෙයක් නිවැරදිව භාවිතය, සංකීර්ණ දිග දෙයක් වැරදිව භාවිතා කිරීමට වඩා හොඳයි. ඉතින් අමාරු වචනයක් මතක තියාගන්නවට වඩා වටිනව, ඒ තේරුමම දෙන්න පුළුවන් සරළ වචන කිහිපයක් මතක තබා ගන්න එක.

මීට අමතරව ඔයාලගෙ ක්‍රම තියෙනව නම් මම ආරාධනා කරනව කමෙන්ට් එකකින් ඒක අනිත් අයත් එක්කත් බෙදා හදා ගන්න කියල.

============================================================

English Learning සම්බන්ධව මම ලිව්ව සියළුම ලිපි කියවන්න මෙතනින් යන්න.

https://madhawaweblog.blogspot.com/search/label/learn-english

============================================================

මගෙ බ්ලොග් එකට සබ්ස්ක්‍රයිබ් වෙලා නැතිනම් දැන්මම සබ්ස්ක්‍රයිබ් වෙන්න. එතකොට අලුත් ලිපි ඔයාලගෙ ඊ මේල් ඉන්බොක්ස් එකට එවෙලෙම එනව. ඒකට පහත බොක්ස් එක භාවිතා කරන්න.

============================================================

ඔබගේ ඉංග්‍රීසි හැකියාව දියුණු කරගන්න ක්‍රම 100ක් - දෙවන 25

noreply@blogger.com (Unknown) — Mon, 28 Oct 2019 20:02:00 +0000

ඔබට මතකයිනෙ මම මේ මාතෘකාව යටතේම "පළමු 25" කියල ලිපියක් ලිව්ව.
ඒක බලන්න මේ පහත සබැඳීයෙන් යන්න.
https://madhawaweblog.blogspot.com/2019/09/100-tips-to-improve-english-part-1.html

මම මුලින්ම ඉංග්‍රීසි භාෂා හැකියාව දියුණු කරගන්න ටිප්ස් කිහිපයක් එක්ක ලිව්ව ලිපිය බලන්න මේ සබැඳිය භාවිතා කරන්න.

https://madhawaweblog.blogspot.com/2019/01/learn-to-speak-english.html

හරි එහෙනම් මේ ක්‍රම 100යේ ලිපි මාලාවේ දෙවන කොටස. 26 - 50 දක්වා ටිප්ස්.

දේවල් කියවනකොට සම්පූර්ණ වාක්‍යම නැතිනම් වාක්‍යයක හැම කොටසක්ම තේරුම් ගන්න උත්සාහ කරන්න එපා. සරළව එහි අදහස තේරුම් ගන්න උත්සාහ කරන්න. පසුව නොතේරෙන වචන, වාක්‍ය කොටස් පිළිබඳ සොයා බලා තේරුම් ගන්න.
ඔබට නොතේරෙන වචන තිබෙන විට ඒ වාක්‍යයේ අනෙකුත් වචන සමඟ වාක්‍යයේ අදහස තේරුම් ගන්න උත්සාහ කරන අතරෙ අර නොදන්නා වචනයේ තේරුම තේරුම් ගන්න උත්සාහ කරන්න. වටේ තියෙන වචන හරහා ඔයාට ඉඟියක් ගන්න පුළුවන් වෙයි. ඒ තේරුම එක්ක යළි වාක්‍ය තේරුම් ගන්න. පසුව නිවැරදිම තේරුම සොයා බලන්න.
වචනයකට සමාන තේරුම් තිබෙන පද හඳුනා ගන්න උත්සාහ කරන්න. එතකොට ඔබට වචන තේරුම් ගැනීම වඩාත් පහසු වෙනවා. (උදා: Scribe = Write, Minimum = Small)
අලුත් වචනයක් ඉගෙනගත්තම ඒකෙ තියෙන අනෙකුත් අවස්ථා පිළිබඳත් සොයා බලන්න, ඉගෙනගන්න. උදා: Beautiful (Adjective-නාම විශේෂණ පදය), Beauty (Noun-නාම පදය), Beautifully (Adverb-ක්‍රියා විශේෂණය)
උපසර්ග පද ඉගෙනගන්න. (Prefixes and Suffixes). ඒවායින් වචන වල තේරුම් වෙනස් වන හැටි ඉගෙනගන්න. ඒ හරහා ඔබගේ Vocabulary එක දියුණු කර ගැනීම තවත් පහසු වේවි. (Prefixes = dis---, un---, re--- = DISlike, UNresponsive, REwork, Suffixes = ---ly, ---ment, ---ful = correctLY, achieveMENT, beautiFUL)
ඔබට හැකි සෑම විටම හැකි සෑම අවස්ථාවකදීම ඉංග්‍රීසි භාවිතා කරන්න.
ඔබ ඉංග්‍රීසි කියවනකොට, අහගෙන ඉන්නකොට කිසිම වෙලාවක ඒක ඔබගේ මව් භාෂාවට පරිවර්තනය කර කර තේරුම් ගන්න උත්සාහ කරන්න එපා. ඉංග්‍රීසියෙන් හිතන්න. ඉංග්‍රීසියෙන් ඔබ සමඟ සිතින් කතා කරන්න. එතකොට ඔබගේ ඉංග්‍රීසි භාෂා හැකියාව තව තවත් දියුණු වෙනවා.
ඉංග්‍රීසි භාෂාව පෙළ පොත් කියවලම ඉගෙනගන්න පුළුවන් දෙයක් නෙමෙයි. ඔබට එය භාවිතා කරන්නම සිද්ද වෙනවා.
ඉංග්‍රීසි ව්‍යාකරණ ඉගෙන ගන්න තිබෙන පහසුම ක්‍රමය තමයි ඉංග්‍රීසියෙන් කතා කරන එක එතකොට ටික ටික ඔයාට ඉබේම ව්‍යාකරණ රීති මතක හිටිනවා. ඔබ එන්න එක්ක නිවැරදිව කතා කරන්න ගන්නවා.
ඉංග්‍රීසියෙන් දින පොතක් ලියන්න. මුලදි වාක්‍ය කිහිපයකින් ආරම්භ කරන්න. පස්සෙ ටික ටික වැඩි කරන්න. එතකොට ඉංග්‍රීසියෙන් ලියන පුරුද්ද ඔබට ඉබේම එනව. ඒ හරහාම ඔබ දියුණු වෙනවා.
ඉංග්‍රීසියෙන් ලියන බ්ලොග් එකක් ආරම්භ කරන්න. ඔබගේ දැනුම, අදහස් ඉංග්‍රීසියෙන් ලියල ලෝකය එක්කම බෙදා හදා ගන්න
ඔබට හොඳ ඉංග්‍රීසි කතුවරයෙන් වෙන්න ඕනෙ නම් මුලින් ව්‍යාකරණ, අක්ෂර වින්‍යාසය ගැන හිතන්නෙ නැතිව කොලේක හිතෙන හිතෙන දේවල් ලියන්න. ඔබට අවශ්‍ය ආකෘතිය ගැන පමණක් හිතන්න. Brain Storm කරන්න. එහෙම සකස් කරගත්තට පස්සෙ, ව්‍යාකරණ, අක්ෂර වින්‍යාස ගළපමින් ඔබේ නිර්මාණය සිදු කරන්න. අන්තිමට ඒක වඩා දැනුමැත්තෙක්ගෙ අතට දීල සෝදුපත් කියවාගන්න.
විරාම ලකුණු ගැන අවදානය යොමු කරන්න. මොකද වැරදි තැනක යොදන කොමාවකින් මුළු වාක්‍යකම තේරුම කනපිට හරවන්න පුළුවන්. ඒ නිසා විරාම ලකුණු නම් වරද්දගන්න එපා. උදා: බලන්න මේ වාක්‍ය දෙක. 1. A woman without her man is nothing”. 2. “A woman: without her, man is nothing”. පේනවනෙ? එකම වචන සෙට් එකට විරාම ලකුණු දෙකකින් කරපු වෙනස?
ඔබ ගායනයට දක්ෂද? ඉතින් ඇයි ඔබගේ ඉංග්‍රීසි දැනුම ඉංග්‍රීසි ගීත හරහා දියුණු කර නොගන්නෙ? ඉංග්‍රීසි ගීත ඉගෙනගන්න. ඒව ශබ්ද නගා ගායනා කරන්න. ඒකෙන් ඔබගේ ඉංග්‍රීසි දැනුම විතරක් නෙමෙයි, ඔබගේ ගායන හැකියාවත් දියුණු වෙනවා.
ඔබට ඉංග්‍රීසි කතා කරන්න බයද, කෙනෙක් නැද්ද? Chat rooms, Forums, Community Sites කියන්නෙත් හොඳ විසඳුමක්. ඒවා හරහා වෙනත් අයත් එක්ක ඉංග්‍රීසියෙන් චැට් කරන්න ඔබට පුළුවන්, ඉංග්‍රීසියෙන් ඔබගේ අදහස් ලියන්න පුළුවන්.
ඉංග්‍රීසි කියන්නෙ භාෂා කථනයේදී සමහර තැන් වල වචනය බර කරල කතා කරන භාෂාවක්. ඒක අපි ඉගෙනගන්න ඕනෙ. නැත්තම් වචන වන හරි උච්ඡාරණය ගන්න බෑ. ඒක හරිම ලේසි දෙයක්. එසේ බර කරල ශබ්ද කරන්නෙ අනිවාර්යයෙන්ම ස්වරයක්. (a,e,i,o,u). ස්වර එකක් තියෙන වචනයකදී ඒ ස්වරයත්, ස්වර දෙකක් හෝ කිහිපයක් තිබෙන වචනයකදී දෙවන ස්වරයත් මත තමයි බර යෙදෙන්නෙ. උදා: beGIN, TEAcher, HAPpy.... වශයෙන්.
ඉංග්‍රීසි භාෂාව භාවිතා වන දෙබස් තිබෙන වැඩසටහන්, කතා බලන ගමන් ඒ දෙබස් අනුකරණය කරන්න. වාක්‍ය කිහිපයක් අහගෙන ඉඳල, ඒක pause කරල ඒ වාක්‍ය ඒ විදිහටම කියන්න. ඒ කතා වල තිබෙන රටාව, කතා විලාසය ඉගෙන ගන්න.
නිවසේ, වාහනයෙදී, ගමන් බිමන් වලදී ගුවන්විදුලිය අසනවාද? එසේ නම් ඉංග්‍රීසි වැඩසටහන් වලට සවන් දෙන්න. නිවසේදී හෝ වාහනයෙදී ඔබ උවමනාවෙන් ඒ දෙබස් ඇසුවෙ නැතත්, ඔබ ඔබගේ කණ ඉංග්‍රීසි වලට හුරු කිරීමක් ඔබට නොදැනීම සිදු කරනවා.
පොඩි කාලෙ ඉංග්‍රීසි කාලච්ඡේදයේදී කරපු Dictation මතකද? ඇයි දැනුත් ඔබට ඒක කරන්න පුළුවන්. ඔබ සවන් දෙන ඉංග්‍රීසි ලියන්න පුරුදු වෙන්න. ඔබගේ Listening and writing skills දෙකම ඒකෙන් වැඩි දියුණු වෙනවා.
හුඟක් අය තමන්ගේම කටහඬ අහන්න කැමති නෑ. නමුත් මෙතනදි නම් එහෙම වෙලා බෑ. ඔබ ඉංග්‍රීසියෙන් කතා කරන දේවල් පටිගත කරන්න. ඒවා යළිත් අසන්න, ඔබගේ වචන උච්ඡාරණය, භාෂා විලාසය ඔබම පරික්ෂාවට ලක් කරන්න. එවිට ඔබටම හැකියාව ලැබෙනවා ඔබගේ දුර්වලතා හඳූනා ගන්න.
ඔබගේ ඉංග්‍රීසි ගුරුවරයා කියනා දේවල් ඔබ පටිගත කර ගැනීමට අවසර ගන්න. ඒ පටිගත කරගත් කටහඬ යළිත් අසමින්, ඔහුගේ / ඇයගේ භාෂා විලාසය, වචන උච්ඡාරණය හරහා ඉගෙනගන්න උත්සාහ කරන්න. (ඔබගේ ගුරුවරයා හොඳින් ඉංග්‍රීසි හසුරවන්නෙක් යයි උපකල්පනය මත.)
ඉංග්‍රීසි - ඉංග්‍රීසි ශබ්ද කෝෂයක් භාවිතා කරන්න. එවිට ඔබට හැකියාව ලැබෙනවා ඉංග්‍රීසි සිංහලට පරිවර්තනය කරමින් තේරුම් ගන්න උත්සාහ කරන්නෙ නැතුව, ඉංග්‍රීසියෙන්ම හිතන්න, දේවල් තේරුම් ගන්න උත්සාහ කරන්න, ඉගෙන ගන්න. ඉංග්‍රීසි - සිංහල ශබ්ද කෝෂ නම් භාවිතයට ගන්න උත්සාහ කරන්නම එපා.
ඉංග්‍රීසි - ඉංග්‍රීසි ශබ්ද කෝෂයක් භාවිතා කරන්න අපහසු නම් ඔබට තවත් විසඳූමක් තිබෙනවා. ඒ තමයි English Learners' Dictionaries. මේවා සකසා ඇත්තේ විවිධ මට්ටම් වල ඉංග්‍රීසි ඉගෙනගන්න සිසුන් සඳහාමයි.
ශබ්ද කෝෂයක් කියන්නෙ, පහසුකමක් / අත්වැලක් පමණයි. ඒක ඔබගේ ගුරුවරයා කරගන්න උත්සාහ කරන්න එපා. නොදන්නා වචන වල තේරුම් හිතලම තේරුම් ගන්න උත්සාහ කරන්න.
අතාරින්න එපා. ධනාත්මකව හිතන්න. ඔබට සමහර අවස්ථා වලදී හිතෙන්නට පුළුවන් ඔබට අවශ්‍ය තරම් ඉක්මනින් ඔබ ඉගෙනගන්නේ නෑ කියල. හුඟක් අයට මෙහෙම හිතෙනව. එහෙම හිතුන කියල අත අරින්න එපා. ටික ටික හරි ඔබට ඔබගේ ඉලක්කයට යන්න ශක්තිය ලැබෙනව.

හරි අදට ඇති. මේ මාතෘකාව යටතේ එතකොට තව ලිපි 2ක් එනව. මම 100ක ලිව්වට පස්සෙ ඒ 100 එකතු කරල තව දේවලුත් එකතු කරල PDF එකක් වශයෙන් ඒක ඔයාලට ලබා දෙන්න බලාපොරොත්තු වෙනව ඔයාලට අත් පොතක් වශයෙන් භාවිතා කරන්න පුළුවන් වෙන්න. ඉතින් මාත් එක්ක එකතු වෙලා ඉන්න.

ඔබගේ ඉංග්‍රීසි හැකියාව දියුණු කරගන්න ක්‍රම 100ක් - පළමු 25

noreply@blogger.com (Unknown) — Tue, 17 Sep 2019 16:19:00 +0000

ඉතින් ආයුබෝවන්!.
මේ මාතෘකාව එක්ක මම ඉතා දිග ලිපියක් ලියාගෙන යනව.
නමුත් පෙනුනු කාරණය, කාලය එක්ක ලිපිය ඉවර කරන්න යන කාලය ඉතා වැඩියි. ඉතින් මේ tips 100, 25 කොටස් වලට කඩල දෙන්න හිතුව. එතකොට ඔයාලට බලන්නත් ලේසී, මට ලියන්නත් ලේසී.

මීට පෙර මම ලියපු, "සාර්ථකව ඉංග්‍රීසි කතා කරමුද" ලිපිය කියවන්න මෙම සබැදියෙන් යන්න.

https://madhawaweblog.blogspot.com/2019/01/learn-to-speak-english.html

ඉංග්‍රීසි කියන්නෙ මේ කාලෙ අත්‍යවශ්‍යම දෙයක් වෙලා.

රැකියාවේ වැඩකටයුතු, අන්තර්ජාලය සම්බන්ධව වැඩ කටයුතු වලට පමණක් නෙමෙයි, බොහොමයක් එදිනෙදා ජීවිතයේ වැඩ කටයුතු වලටත් ඉංග්‍රීසි අත්‍යවශ්‍ය දෙයක් වෙලා.

ඉතින් ඔබ ඉංග්‍රීසි දැනුම ලබා ගැනීමට උත්සාහ කරන, යම් අපහසුතා තිබෙන කෙනෙක් නම්, මේ තොරතුරු ටික ඔබට ඉතාමත්ම ප්‍රයෝජනවත් වේවි.

ඔබගේ ඉංග්‍රීසි, ලිවීමෙ, කියවීමේ, තේරුම් ගැනීමේ හා කතා කිරීමේ හැකියාව දියුණු කර ගැනීමට මම ඔබට කෙටි උපදෙස් 100ක ලැයිස්තුවක් ලබා දෙනවා.

වැරදීම් සිදු කරමින් කතා කිරීමට බිය වන්නට එපා. ඔබ ගැන විශ්වාසය ඇති කරගන්න. අනෙකුත් අයට ඔබව නිවැරදි කළ හැක්කේ ඔබ වැරදීම් සිදු කරමින් කතා කරනවානම් පමණයි.
ඔබව ඉංග්‍රීසි වලින් වට කරගන්න. ඉංග්‍රීසි කථා කරන වටපිටාවක ජීවත් වීමට උත්සාහ කරන්න. එවිට ඔබට සක්‍රිය හා අක්‍රිය ව ඉංග්‍රීසි ඉගෙන ගැනීම සිදු කළ හැකි සිදුකළ හැකි වනවා. ඉංග්‍රීසි ඉගෙනීමට හොඳම ක්‍රමය ඉංග්‍රීසි කතා කිරීමයි.
දෛනිකව ඉංග්‍රීසි පුහුණු වන්න. ඉංග්‍රීසි අධ්‍යයන සැලැස්මක් සකසා ගන්න. ඔබට සතියකට ඉංග්‍රීසි ඉගෙනීම වෙනුවෙන් වෙන්කළ හැකි කාලය තීරණය කර එයට අනුගත වන්න. කාල සටහනකට අනුව වැඩ කරන්න.
ඔබගේ ඉංග්‍රීසි අධ්‍යයන සැලැස්ම සම්බන්ධයෙන් ඔබගේ පවුලේ අයට සහ මිතුරන්ට පවසන්න. එම සැලැස්මට අනුගත වීමට ඔබට බල කරන්නැයි ඔවුන්ට පවසන්න. ඊට අවහිර කිරීමට ඔවුන්ට ඉඩ නොදෙන්න.
භාෂාවේ මූලිකාංග 4 පුහුණු කරන්න. කියවීම, ලිවීම, කතා කිරීම හා සවන් දීම. ඔබට ඉංග්‍රීසි වැඩි දියුණු කරගැනීමට මෙම 4ම අත්‍යවශ්‍ය වෙනවා.
ඔබ සමඟ සැම විටම කුඩා සටහන් පොතක් තබාගන්න. ඔබ ඉගෙන ගන්නා නව වචන එහි ලියන්න. ඒවා වාක්‍ය වල භාවිතා කරන්න. ඒවා භාවිතා කරමින් කතා කරන්න.
දිනකට එක් වරක්වත් ඔබගේ ඉංග්‍රීසි භාෂා ඉගෙනුම් පාඩම් කටයුත්තක් සිදු කරන්න.
කට පාඩම් කිරීම කියන්නෙ විභාගයක් ලිවීමට වගේ දේකට මතක තබා ගන්නා ආකාරයක්. නමුත් මෙහිදී එය අසාර්ථකයි. මොකද කට පාඩම් කළ දේ විභාගයෙන් පසුව මතකයෙන් ගිලිහෙනවා. ඉතින් ඉංග්‍රීසි කඩ පාඩම් කරන්න යන්න එපා. කළ යුතු වන්නේ භාවිතයයි.
ඔබගේ ශරීරයේ ඔරලෝසුවට අනුව වැඩ කරන්න. ඔබට උදේ වරුවේ ඉගෙනීම් කරන්නට බැරි නම් හවස් වරුවේ හෝ රාත්‍රියේ ඉගෙනීම් කටයුතු සිදු කරන්න.
ඔබ නව වචන ඉගෙනීමට උත්සාහ දරන විට එය වාක්‍යයක් තුළ යොදා මතක තබා ගැනීමට උත්සාහ කරන්න. එවිට වචන මතක තබා ගැනීම ඉතා පහසු වනු ඇති.
විභාගයක් වෙනුවෙන් පමණක් ඉංග්‍රීසි ඉගෙනීම සිදු නොකරන්න. ඔබට හොඳ ඉංග්‍රීසි හැකියාවක් තිබෙන විට එය ඔබට, ඔබගේ ජීවිතයට ධනාත්මකව බලපානා ආකාරය සිතට ගන්න.
ඔබ, ඔබට දිගු කාලීන ඉලක්කයක් ලබා දෙන්න (ඉංග්‍රීසි භාෂා ප්‍රවීණත්වය වෙනුවෙන්). ඒ වෙනුවෙන් වැඩ කරන්න.
ඔබ, ඔබගේ ඉංග්‍රීසි භාෂා ප්‍රවීණත්වය වෙනුවෙන් කෙටි කාලීන ඉලක්ක ඔබගේ සිතට ලබා දෙන්න. ඒවා ජය ගන්න. ඒ ජයග්‍රහණ වෙනුවෙන් ඔබටම තෑගි, ප්‍රශංසා ලබා දෙන්න.
ඔබ "ඉංග්‍රීසි ඉගෙන ගත යුතු නිසා ඉගෙන ගනිමි" යන සංකල්පයෙන් බැහැරව, ඔබට ඉංග්‍රීසි ඉගෙන ගැනීම අවශ්‍යයි යන සිතිවිල්ලේ සිට ඉංග්‍රීසි ඉගෙන ගන්න. ඔබ කැමැත්තෙන් ඉගෙන ගන්නවා නම් ඔබ වඩා හොඳින් ඉගෙනගන්නවා.
ඔබට ගැළපෙන ක්‍රම තේරුම් ගන්න. මීට පෙර ඔබට සාර්ථක වූ ක්‍රම මේ වෙනුවෙනුත් භාවිතා කරන්න.
ඔබට ඉංග්‍රීසි ඉගෙනීමට පහසුම ක්‍රමය තේරුම් ගන්න. එය, කියවීමෙන්, ලිවීමෙන්, කතා කිරීමෙන් හෝ සවන් දීමෙන් සිදු වන්නට පුළුවන්. ඔබට සාර්ථක ක්‍රමය හඳුනා ගෙන ඒ ඔස්සේ ගොස් ඉගෙනගන්න. සමහර අවස්ථා වලදී ඒ ක්‍රම වල සම්මිශ්‍රණයක් වන්නටත් පුළුවන්.
ඔබට නොතේරෙන යමක් ඇති නම් ඔබගේ නෑදෑයෙකුගෙන්, ගුරුවරයාගෙන්, මිතුරන්ගෙන් හෝ වෙනස් අයගෙන් ඒවා අසා තේරුම් ගන්න.
පුණරීක්ෂණය කරන්න, පුණරීක්ෂණය කරන්න, පුණරීක්ෂණය කරන්න. ඔබ උගත් දේ යළි යළිත් අධ්‍යයනය කරමින් අභ්‍යාස කරන්න.
තනිවම අධ්‍යයනය කරන විට මිනිත්තු 30කට වඩා අධ්‍යනයන් කරන්න එපා. නිති පරිදි කුඩා විවේක ලබා ගන්න. පොඩ්ඩක් නැගිටල එලියට ගිහිල්ල හුළං ටිකක් වැදිල, අත පය දික් කරල හිරි ටිකක් ඇරල මිනිත්තු කිහිපයකට පස්සෙ ආපහු ආරම්භ කරන්න.
ඉක්මනට ඉක්මනට Level Up වෙන්න උත්සාහ කරන්න එපා. ඉන්න level එකට හිත යොමු කරල එම මට්ටමේ හැකි තරම් දියුණු වෙන්න උත්සාහ කරන්න. ඒ මට්ටම ගැන ඔබ ඇත්තටම සෑහීමකට පත් වනතුරු ඒ මට්ටමේම ඉඳන් වැඩ කරන්න.
TV එකේ ෆිල්ම් බලනවට වඩා DVD එකක් ගෙනත්, නැතිනම් පරිගණකයේ ෆිල්ම් එකක් බලන එක තමා වඩා හොඳ. මොකද ඔයාලට මොනව හරි තැනක් මිස් උනොත්, ආපහු අහල තේරුම් ගන්න ඕනෙ උනොත්, ඒක ඉතාම පහසුවෙන් කරන්න හැකියාව තිබෙන නිසා.
රූපවාහිනියෙන් දේවල් බලනකොට ඒක යලිත් අහන්න බැරි වෙන නිසා, දෙයක් මුල් වතාවෙම තේරුම් ගන්න උත්සාහ කරන්න ඔයාලට ඒකෙන් අවස්ථාවක් ලැබෙනව. මේක ගොඩක් හොඳයි යම් ඉංග්‍රීසි දැනුමක් තියෙන අයට. අනිත් එක, මේක හුඟක් ප්‍රයෝජනවත් වෙනව ඉංග්‍රීසි තමන්ගෙ මව් භාෂාව උනු කෙනෙක් එක්ක කතා කරනකොට. මොකද එයාලට එයාල කියපු දෙයක් ආපහු කියන්න කියල ඔයාලට කියන්න ඕනෙ වෙන්නෙ නෑ.
විවිධ වයස් මට්ටම් වලට / විවිධ ඉංග්‍රීසි දැනුම මට්ටම් වලට වෙන් කරලම සකස් කරපු කතා පොත් තිබෙනවා. ඒවායෙන් ඔබගේ ඉංග්‍රීසි දැනුමට ගැළපෙන ආකාරය් පොත් තෝරාගෙන කියවන්න. එය කියවීම ඔබට පහසුවෙන් කළ හැකි වනවා පමණක් නොවෙයි, ඔබට මුළු පොතම කියවා අවසන් වූ පසු ලොකු සතුටකුත් දැනේවි.
ඉහත කිව්ව වගේ විවිධ දැනුම මට්ටම් වලට සකස් කරපු පොත් නොමැති උනත් ළමා පොත් කියවීම සිදු කිරීම ඉතාම පහසුයි. මොකද ඒවා ඉතාම සරළ බසින් ලියා ඇති නිසා. ඒවායින් ආරම්භ කරන්න, ටික ටික ඉහළට එන්න,
පුවත්පත් කියන්නෙ හොඳම මාධ්‍යයක් වාක්‍ය රටා, කර්මකාරක වාක්‍ය, වාර්තානුකූල ආකාරයේ වාක්‍ය ඉගෙනගන්න. ඇයි අලුත් වචන. ඉතින් පුවත්පත් කියවල ඒ දේවල් ඉගෙනගන්න උත්සාහ කරන්න.

හරි අදට ඇති. මේ මාතෘකාව යටතේ එතකොට තව ලිපි 3ක් එනව. මම 100ක ලිව්වට පස්සෙ ඒ 100 එකතු කරල තව දේවලුත් එකතු කරල PDF එකක් වශයෙන් ඒක ඔයාලට ලබා දෙන්න බලාපොරොත්තු වෙනව ඔයාලට අත් පොතක් වශයෙන් භාවිතා කරන්න ලබා දෙන්න. ඉතින් මාත් එක්ක එකතු වෙලා ඉන්න.

තව දෙයක් කියන්න තියෙනව. මම අලුත් ප්‍රොජෙක්ට් එකකටත් සම්බන්ධ වෙලා ඉන්නව. සමහර විට ඔයාල දන්නවත් ඇති. #The කඩ්ඩ.
ඒ වෙබ් අඩවියටත් ගිහිල්ල බලන්න. ඔයාලට ඉගෙනගන්න ගොඩක් දේවල් තියේවි. Avanthi Niroshani එයාගෙම ආරකට ඉංග්‍රීසි උගන්වනව. ඔයාලටත් ආස හිතේවි.

www.TheKadda.com

Arduino වලින් Remote Controlled Car එකක් - ඊළඟ ප්‍රොජෙක්ට් එක

noreply@blogger.com (Unknown) — Tue, 11 Jun 2019 10:51:00 +0000

මේ මගෙ තුන්වන ආර්ඩුයිනෝ ප්‍රොජෙක්ට් එක.

1. Arduino Smart Home with NodeMCU, IFTTT, Blynk, Google Home (සමාවෙන්න. ඒ ගැන ලියන්න බැරි උනා)
2. Arduino වලින් වෙසක් සැරසිලි with Pixel LED
3. මේක. Arduino RC car with Radio Control (433MHz)

ඉතින් දැනට අවශ්‍ය දේවල් හැම දෙයක්ම ඕඩර් කරල තියෙන්නෙ. (AliExpress සහ එහෙන් මෙහෙන් හොයාගත්තුව)
උපකරණ දෙක එනකම් ඉවසන් බලන් ඉන්න තියෙන්නෙ.

අවශ්‍ය උපකරණ
පරණ කැඩුනු සෙල්ලම් කාර් එකක්. (චැසිය හා රෝද හොඳින් තිබිය යුතුයි)

Arduino Uno Boards 2ක්

TT Gear Motors 4ක් (ප්ලාස්ටික් Gear wheel තියෙන ඒව ඉක්මනින් කැඩෙනව කිව්ව නිසා Metal gear wheel තියෙන මෝටර් 4ක් ඕඩර් කළේ.)

L298N Motor Driver Controller Board Module 2ක්

2.4G wireless modules 1100-Meters Long-Distance NRF24L01+PA+LNA wireless modules (with antenna) 2ක්

Joystick Shield for Arduino Expansion Board

5-6V බැටරි පැක් 2ක් (කාර් එකට එකයි, රිමෝට් එකට එකයි) Power Bank එකක් උනත් හරියාවි.
(මම භාවිතා කරන්න බලාපොරොත්තු වෙන්නෙ 9V battery එකක් හා Power Bank එකක්.)

Mini USB Cable 1ක් (රිමෝට් එකට Power දෙන්න. Power Bank එකකින් දුන්නොත්)

Jumper Wires අවශ්‍ය තරමට (Male-Male, Male-Female)

Mini Bread Board එකක්

ලයිට් එකක්, හෝන් එකක් එහෙම දාගන්න ඕනෙ නම් ඒවට ඕනෙ කරන LED, Buzzer, Resisters (220 ohms).

පරණ සෙල්ලම් කාර් එක රැනුනම අනිත් උපකරණ ඔක්කොම aliexpress එකෙන් ඕඩර් කළේ.

මුළු වියදම ගියේ රු. 3500ක් වගේ. (සෙල්ලම් කාර් එකේ මූලික වියදම නැතිව)

දැනට මගෙ ගාව තියෙන්නෙ, mini bread board, Uno 1, Jumber wires, mini usb cable, battery holder, හා කැඩුනු සෙල්ලම් කාර් එකක් විතරයි.

වයි ෆයි කැමරාවක් සවි කරන්නත් අදහස තිබෙනවා.

ඒ අතරෙම පුළුවන් උනොත් ට්‍රයි එකක් දෙනව, මේකටම Obstacle Avoiding පහසුකමත් ලබාදෙන්න පුළුවන්ද කියල.

එහෙනම් උපකරණ ටික එනකම් වැඩේ පටන් ගන්න බලාපොරොත්තුවෙන් දැන් නවතිනවා.

UPDATE (01/07/2019):
ඔන්න අද වෙනකොට ඔක්කොම උපකරණ ටික ලැබිල තියෙනව.
මේ දවස් වල පොඩ්ඩක් වෙන දෙයකට හිර වෙලා ඉන්න නිසා තව ටික දවසක් මේක පටන් ගන්න ඉවසන්න වෙනව. ඉක්මනටම හදන්න ආරම්භ කරල ලියන්නම්.

පොසොන් එකට NeoPixel LED වලින් අපේම මෝස්තර වලින් ගෙදර සරසමු

noreply@blogger.com (Unknown) — Mon, 20 May 2019 19:02:00 +0000

මේ වෙසක් එකට ඉතින් මම අපේ ගෙදර ලයිට් වලින් සැරසුවෙ NeoPixel LED වැලකින්. වෙනත් තැන් වල තියෙන වර්ණ කිහිපයක් පමණක් තියෙන LED Lights වැල් වෙනුවට විව්ධාකාරයේ patterns හා දේදුන්නේ වර්ණ වලින් අපේ ගෙදර සැරසුනා.

ඒ ආර්ඩුයිනෝ වලින් කරපු තවත් වැඩක්. (ආර්ඩුයිනෝ වලින් කරපු වැඩ ගැන කියන්නම් කියල කිව්වට කියන්න බැරි උනු එකට සමාවෙන්න. i.e. Smart Home, remote controlling, etc)

පොඩි වීඩියෝ ක්ලිප් එකක් ගත්ත. මෙන්න පහලින් ඒක.

ඔක්කොටම වඩා ලොකුම කතාව තමයි මෙන්න මේක.

ඉතින් මම හිතුව මේ කරපු එක ගැනවත් කියන්න.

මේක කළේ කොහොමද?

ආර්ඩුයිනෝ හා Addressable LED වැලක් උපයෝගී කරගෙන තමා මේක නිර්මාණය කළේ.

අවශ්‍ය දේවල් මොනවද?

Arduino Development Board එකක්
DC 5V ස්ථාවර විදුලි සැපයුමක්
WS2811 NeoPixel LED වැලක් (හෝ කිහිපයක්)
Arduino Development Board එක ප්‍රෝග්‍රෑම් කරගන්න පරිගණකයක් හෝ ඇන්ඩ්‍රොයිඩ් දුරකථනයක් (Arduino IDE Install කර තිබිය යුතුයි.)
ප්‍රමාණවත් තරමේ ක්‍රමලේඛනය පිළීබඳ දැනුමක්.
Jumper Cables කිහිපයක්.

මේ දේවල් ගැන තවත් විස්තර කළොත්.

මේ සඳහා Uno, Nano ආදී ඕනෑම බෝඩ් එකක් භාවිතා කරන්න පුළුවන්. ඉතා කුඩා මෙමරි ප්‍රමාණයක් තමයි යන්නෙ.
මේ සඳහා ripples එන්නෙ නැති 5V සැපයුමක් අවශ්‍ය වෙනව. සාමාන්‍යයෙන් එක් බල්බ් වැලක් දැම්මොත් ඒකට උපරිමම 3A ඕනෙ වෙනව. නමුත් අපි බල්බ් 50ම සුදු පැහැයෙන් දැල්වීමක් වෙන්නෙ නැති නිසා එච්චර ඕනෙ නෑ. ඒ නිසා 2A ෆෝන් චාජර් එකක් උනත් ඇති. හරියට ගන්නව නම් 5V 5A Power Supply / 5V 5A Buk converter එකක් ඕනෙ. එක් බල්බ් වැලක RGB LED 50ක් තිබෙනවා. බල්බ් එකක් සුදු පැහැයෙන් දැල්වුනොත් ඒක 60mA වගේ ගන්නව. ඒකයි 3A ඕනෙ කිව්වෙ.
මේ NeoPixel Addressable LED බල්බ් වැල් වල තියෙන විශේෂය තමයි මුලු බල්බ් වැලේම තියෙන එක එක බල්බයකට වෙන් වෙන්ව අණ දීමේ හැකියාව. ලොකුම විශේෂය තමයි බල්බ් 1000ක් තිබ්බත් ඒවට කමාන්ඩ්ස් දෙන්නෙ එකම එක ඩිජිටල් පින් එකකින් වීම. (එතකොට බල්බ් වැලේ තියෙන්නෙ වයර් 3යි. විදුලිය + හා - සමඟ සිග්නල් ලබා දෙන වයරය.)
ප්‍රොග්‍රෑම් එක අප්ලෝඩ් කරන්න Arduino IDE එක හෝ වෙනත් Development Platform එකක් භාවිතා කරන්න පුළුවන්. ෆෝන් එකෙන් කරනව නම් ෆෝන් එක OTG Support කරන්නත් ඕනෙ.
Sample Codes වලින් ගොඩක් දේවල් කරන්න පුළුවන්. නමුත් ඒව වෙනස් කරගන්න ඕනෙ උනොත්, ඔයාලගෙන patterns හදන්න හිතුනොත් Arduino Programming ගැන නම් පොඩි හරි දැනුමක් ඕනෙ වෙනව. ගොඩක් දේවල් ඕනෙ නෑ For loop වගේ දේවල් ගැන දැනන් හිටිය නම් හොඳටම ඇති.

මිල ගණන් ගැන කිව්වොත්.

නැනෝ බෝඩ් එකක් ලංකාවෙ රු. 700ක් වගේ වෙනව. නමුත් අලි එකෙන් වගේ ගන්නව නම් ඊට ගොඩක් අඩු මිලකට ගන්න පුළුවන්.
ඉස්සෙල්ල කිව්ව වගේ චාජර් එකක් භාවිතා කළොත් වියදම බිංදුවයි. නමුත් 230V-5V Power supply එකක් ගත්තොත් නම් රු. 500-1000 අතර මිලක් යයි. නැත්තම් මම කළා වගේ 12-5V Buk converter එකක් භාවිතා කළොත් රු. 350/=යි.
එක් බල්බ් වැලක් මම මිලට ගත්තෙ රු. 1350/=කට නමුත් හුඟක් තැන් වල රු. 1100-1200 වගේ මිලට තිබුණ කියල හුඟක් අය කිව්ව. කොටුවෙ රු. 600-800ට වගේ තියෙන ඒව නම් තත්ත්වයෙන් බාලයි කියල සමහරු කියල තිබ්බ.

ඉතින් වියදම බැලුවොත් රු. 2300/-කින් වගේ බල්බ් 50ක් එක්ක හදාගන්න පුළුවන්.

බඩු ටික ගත්තෙ කොහෙන්ද?

හොඳ ප්‍රශ්නයක්. බොහොමයක් දෙනාට තියෙන ප්‍රධානම ප්‍රශ්නෙ.

Robo.lk නුගේගොඩ
Arduino.lk පිටිපන
Tronic.lk කොහුවල
AlphaTronic හෝමාගම
Scion Electronics මාලබේ

තමයි මම දන්න හොඳ තැන්. මේව නම් ඉතින් කොළඹ දිස්ත්‍රික්කය තුළ. නමුත් මේ හැමෝම වගේ ලංකාව පුරා එයාලගෙ භාණ්ඩ බෙදා හරිනව.

හදාගන්න කොහොමද?

වැල්වටාරම් කියෙව්ව ඇති. හදාගන්න විදිහ ගැන කතා කරමු.

ඉතින් අර කිව්ව බඩු ටික එකතු කරගන්න.

ඊට පස්සෙ ඒව මේ විදිහට අමුණගන්න.

මම භාවිතා කළේ නැනෝ බෝඩ් එකේ D2 Pin එක සිග්නල් යවන්න. ඔයාල කැමති පින් එකක් භාවිතා කරන්න පුළුවන්.

පරිගණකයේ Arduino IDE එක open කරන්න.

ඒකෙ Library Manager ඕපන් කරගන්න.

ඒකට FastLED Library එක ස්ථාපනය කරගන්න.

දැන් ඉතින් ප්‍රෝග්‍රෑම් එක ලියන්න පටන් ගන්න.

#include <FastLED.h> //FastLED LIbrary එක ඉම්පෝර්ට් කළා.

#define DATA_PIN 2 //Data send කරන pin එක 2 කියල කිව්ව.

#define NUM_LEDS 50 //අපි සවි කරල තියෙන්නෙ බල්බ් 50යි කිව්ව.

CRGB leds[NUM_LEDS]; //අපි වර්ණ දෙන්නෙ RGB Color Codes වලින් කිව්ව.

void setup() {

FastLED.addLeds<WS2811, DATA_PIN, RGB>(leds, NUM_LEDS);

}

void loop() {

//මෙතන දැන් අපේ ඕනෙ කෝඩ් එකක් ලියන්නයි තියෙන්නෙ.

}

කෝඩ් එක ලියල ඉවර උනාට පස්සෙ ඒක ඩේටා කේබල් එක මාර්ගයෙන් බෝඩ් එකට අප්ලෝඩ් කරන්න. අප්ලෝඩ් උනු ගමත් ඉතින් ලස්සනට ලයිට් ටික පත්තු වෙන්න ඕනෙ.

FastLED Library එකත් එක්ක සාම්පල් කෝඩ් සෙට් එකකුත් ලැබෙනව. ඔයාලට ඒව ට්‍රයි කරල බලන්න පුළුවන්.

අපේ නිසල් මිත්‍රයා තවත් කෝඩ් ටිකක් හදල එයාගෙ GitHub එකටත් දාල තිබුණ. ඒවත් ට්‍රයි කරන්න.

GitHub Link : https://github.com/nisalhe/Pixel-LED-Decorations

මම උඩ මගෙ විඩියෝ එකේ දාල තියෙන Patterns Mix එකට අදාල කෝඩ් එක ඕනෙ නම් මේ පහල OneDrive ලින්ක් එකෙන් ගන්න.

https://1drv.ms/u/s!Aq69HTBNZAkMliYngWWZVeyA17In

එහෙනම් එන පොසොන් එකට Arduino and NeoPixel වලින් ගෙවල් සරසගන්න ආරාධනා කරනව.

තාක්ෂණික ගැටළුවක් ආවොත් අහන්න. පුළුවන් විදිහට කියල දෙන්නම්. දන්නෙ නැති නම් දන්න තැනකට යොමු කරන්නම්.

ඊලඟට කරන්න ඉන්නෙ ප්‍රොජෙක්ට් එක. රිමෝට් කන්ට්‍රෝල් කාර්.

https://madhawaweblog.blogspot.com/2019/06/arduino-remote-controlled-car.html

සාර්ථකව ඉංග්‍රීසි කතා කරමුද?

noreply@blogger.com (Unknown) — Thu, 03 Jan 2019 15:28:00 +0000

ඉංග්‍රීසි

හුඟක් අයට තියෙන ප්‍රශ්නයක්

ඉංග්‍රීසි කතා කිරීම

හුඟක් අයට තියෙන බයක්.

ඉතින් මගෙ අදහස් ටිකකුත් කියන්න හිතුව.

මුලින්ම මගෙ කියවන්නන් සියළුම දෙනාට සුභම සුභ නව වසරක් ප්‍රාර්ථනා කරනවා. ඔබ සියළු දෙනාගේම සියළුම අනාගත සැලසුම් සර්වප්‍රකාරයෙන්ම සාර්ථක වේවා!!!

ආපහු සබ්ජෙක්ට් එකට.

මම පාසලේදී පමණක් නෙමෙයි, අමතර පංතියක් හරහාත් ඉංග්‍රීසි හොඳින් ඉගෙනගත්ත. ඔව්. මට සා. පෙළ වෙනකොට ඉතා හොඳින් ඉංග්‍රීසි ලියන්න හා කියවන්න පුළුවන්. නමුත්, මට කතා කරන්න ඉතාම අපහසුතාවයක් තිබ්බ.

මම සිංහල සාහිත්‍ය සංගමයේදී, පාසල් රැස්වීම් වලදී සිංහලෙන් කතා පවත්වා පවා තිබුණත් ඉංග්‍රීසියෙන් කතා කිරීම මට හරිම අපහසුවක් තිබුණ. මම හරිම බය උනා.

ඉතින් මම මොකද කළේ? ටික ටික කතා කරන්න ආරම්භ කළා. උසස් පෙළදී මම පාසලේ පංතියේ ඉංග්‍රීසි කාල පරිච්ඡේදයේදී ඉංග්‍රීසියෙන් කතාවක් කළා. ඒකත් එක්ක මටම තේරුනා මට කතා කරන්න පුළුවන් කියල. ටික ටික ප්‍රසිද්ධි‍යේ කතා කරන්න හුරු උනා.

විශ්ව විද්‍යාලයේදී කථිකාචාර්ය වරු එක්ක කතා කරනකොට, ප්‍රශ්න අනහකොට, ප්‍රශ්න වලට උත්තර දෙනකොට තව තවත් හුරු උනා.

මම රැකියාවට එනකොටත් හොඳින් මට ඉංග්‍රීසි කතා කළ හැකියි. රැකියාවේදී ඉංග්‍රීසි භාවිතය ඉතාම ඉහළයි. ඉතින් තව තවත් හැකියාව ඉහළ නංවා ගත්ත. අපි පිටරට අය එක්කත් සම්බන්ධතා පවත්වනවා. ඔවුන් එක්ක උනත් ඉතා පහසුවෙන් ඉංග්‍රීසියෙන් කතා කිරීමට පවා හැකියාව දැන් දියුණුයි.

ඉතින් මේ පහත දේවල් ටික කළොත් ඔයාලටත් හොඳින් බය නැතිව ඉංග්‍රීසි කතා කිරීමේ හැකියාව ලබා ගන්න පුළුවන්.

අංක 1.

"අනිත් අය මට හිනා වෙයිද!"

"අනේ මට වරදීද!"

"වෙන අය මගෙ ගැන මොනව හිතයිද!"

ඔබත් මෙහෙම හිතන කෙනෙක්ද?

එහෙනම් මුලින්ම මේ සිතිවිල්ල ඉවත් කරගන්න. මොකද මේ සිතිවිල්ල එක්ක නම් සාර්ථකව ඉංග්‍රීසි කතා කිරීම සිහිනයක්ම පමණයි.

බය නැති කරගන්න. මේක තමා සාර්ථකව ඕනෑම භාෂාවක් කතා කිරීමට අවැසි වන මූලිකම හා ප්‍රධානතම අවශ්‍යතාවය.

තමන් ගැන විශ්වාසය ගොඩ නඟාගන්න. වැරදීමට බිය වෙන්න එපා.

ඔබ පොඩි කාලයේදී එක පාරම නැගිටල දිව්වෙ ඇවිද්දෙ නෑ නේද? භාෂාවකටත් ඒක පොදුයි.

වෙන අයට පුළුවන් නම් ඇයි ඔබට බැරි?

"ඔව්. මට පුළුවන්. මම බය නෑ"

එහෙම හිතන්න.

......................................................................
......................................................................

මේ ලිපියේ තව මේ වගේ වටිනා tips 9ක් තියෙනව. සම්පූර්ණ ලිපිය කියවන්න මගෙ අලුත් personal web site එකේ ලිපියට මේ පහත සබැඳියෙන් යන්න.

http://www.madhawa.lk/educational/speak-english-effectively/

-----------------------------------------------------------------------------------------
BONUS
-----------------------------------------------------------------------------------------

I will be talking about tips and tricks on improving your English speaking, reading, writing and listening skills on my podcast. You can listen to them also.

https://anchor.fm/madhawa-habarakada/episodes/How-to-improve-your-English-English-Version-e553b3

All these are the recordings I did for "OpenTalk" App.

You can view my OpenTalk profile by going through the below link.

https://opentalk.to/madhawah

OpenTalk is an android/iphone app which can be used to talk with people all around the world to improve your language speaking skills. It is not limited to English, but many other languages. You can create your account, follow me and add me as a buddy to listen to my podcasts on the app and also talk with me to improve your English language skills.

-----------------------------------------------------------------------------------------

මෙවන් ප්‍රයෝජනවත් ලිපි ඔබගේ ඊ මේල් ගිණුමටම ලබා ගන්න, මා සමඟ Subscribe වන්න පහත ඔබගේ ඊ මේල් ලිපිනය එකතු කරන්න.

ම්නිත්තුවෙන් බයවෙන්න - බය හිතෙන කතා - Creey Pasta

noreply@blogger.com (Unknown) — Wed, 28 Nov 2018 12:30:00 +0000

Creepy-pasta කියන්නෙ ඉතා කුඩා ත්‍රාසජනක කතා වලට. මේව වාක්‍යයක් හෝ කුඩා ඡේදයක් හෝ ඡේද කිහිපයක් විය හැකියි.

විකිපීඩියාවෙ මේව ගැන කියන්නෙ මෙහෙම.

Creepypastas are horror-related legends or images that have been copied and pasted around the Internet.^[1]^[2]^[3] These Internet entries are often brief, user-generated, paranormal stories intended to scare readers. They include gruesome tales of murder, suicide, and otherworldly occurrences. According to Time magazine, the genre had its peak audience in 2010 when it was covered by The New York Times.^[1]

https://en.wikipedia.org/wiki/Creepypasta

මමත් මේව ගැන දැනගෙන හිටියෙ නෑ. මට මේව මුලින්ම දකින්න ලැබුනෙ FB එකේ Genius Club ගෲප් එකේ තිබ්බ පෝස්ට් එකකින්.

(https://www.facebook.com/groups/804276106323782/permalink/1864422130309169/ )

ඉතින් මේ ගැන ටිකක් හොයල බලන්නත් ආස හිතුන. මොකද ඒ සමහර කතා කියෙව්වම ඇත්තටම ඒවායින් හිතට පොඩි බය හැඟීමක් ආපු නිසා.

මේ පහත තියෙන ඒව කෙලින්ම අර උඩ කිව්ව පෝස්ට් එකෙන් කොපි කරපුව. අයිතිය සියළුම කතෲන් සතුයි.

-----------------------------------------------------------

මම මහ රෑජාමේ ඇහැරුනේ කවුරුන් හෝ වීදුරුවකට තට්ටු කරන ශබිදයක් ඇහුනා. මම හිතුවා කවුරුහරි හදිසියකට කතාකරන්න මගේ ජනේලයට තට්ටු කරන්න ඇති කියල...
ටික වෙලාවකින් ඒ සද්දේ ආයෙත් ආවා.
මම ටිකක් විපරමි කරල බැලුව කලුවරේම. ඒ සද්දේ ආවේ කන්නාඩිය ඇතුලෙන්.

-----------------------------------------------------------

අම්ම මුළුතැන්ගෙයි වැඩ කරන අතරෙ වයස අවුරුදු 5 පොඩි දුව හිටියෙ ගෙදර උඩුමහලෙ සෙල්ලම් කර කර.
අම්ම කතා කරනව ඇහිල මේ පොඩි දුව පඩිපෙළ දිගේ පහළට දුවගෙන ගියා.
එක පාරටම පඩිපෙළ පහළ කෙළවරේ අයිනෙ තියෙන කාමරේ දොරෙන් අතක් ඇවිල්ල පොඩි ගෑණු ළමයව ඇදල ගත්ත.
එතන හිටියෙ අම්ම!.
"ෂ්. සද්ද කරන්නෙපා. ඒ සද්දෙ මටත් ඇහුන.".....

-----------------------------------------------------------

කෙනඩි අංකල් සවුත් ඇෆ්‍රිකා ඉදන් ආවා. පොර තද දඩයක්කාරයා. සල්ලි කියන්නේ නතිං. පුලුං පුරෝපු මුවෝ, ගෝන්නු, වලස්සු, කොටි විතරක් නෙමේ සිංහයෙකුත් හිටියා. මම නම් ආසමකලේ කිඹුලටයි. අඩි 16ක් විතර තඩි කිඹුලෙක් පුලුං පුරෝලා ලිවින්ග් රූම් එකේ තියලා තිබ්බා.

"පුතා... කොහෙද ඉන්නේ? බැංග්ලෝ එක පැත්තේ එනවද...?"

කොල්ලෝ සෙට් එකත් එක්ක ක්ලබ් එකේ සෙට් වෙලා ඉද්දී කෝල් එකක් ආවා. අංකල්ට කයියක් ගහන්න එහෙම ඕනේ උනාම මාව නැතුවම බෑ. වෙලාව 7.30ට වගේ. යන්තමට ඇස් රතුවෙලා තිබ්බත් 15 km ඩ්‍රයිව් කරන්න බැරිකමක් නෑ.

"රායිට් අංකල් ඔන් ද වේ..."
ජීප් එක සද්දෙට හරෝගෙන යාලුවෝ සෙට් එකත් හලලා මම එන්න පිටත් උනා. අංකල් ආවාම වෙනදා කරනවා වගේ එස්ටේට් එකේ ගේට් එක හායි ගාලා ඇරලා. මම ජීප් එක විලෝ ගහ යට පාක් කරලා පූල් එක පැත්තෙන් පඩිපෙල නැගගෙන ආවා.
අංකලයට යන්තම් මොලේ පෑදිලා. මම කට කැඩෙනකල් කියලා ඇති කිබුලාව පූල් එකේ සයිඩ් එකෙන් තියන්න කියලා. පට්ට ගති නේ... අංකල් කිව්වේ පූල් එක අයිනෙන් තියලා තිබ්බාම වතුරටයි හියුමිඩිටි එකටයි ඌව සවුත්තු වෙනවා කියලා. පට්ටම තාත්විකයි ඒ තිබ්බ විදිය නම්. තවත් ලොකුවට පෙන්නේ. මම පුලුන් පුරෝපු කිඹුලාගේ ඔලුවට තට්ටුවකුත් දාගෙන බංග්ලෝ එක ඇතුලට ආවා.

"අංකල් මොකෝ අර කිඹුලව..... හෑ....!"
මෙන්න බොලේ අංකලයාගේ කිඹුලා ලිවිං රූම් එකේ තිබුනු තැනම තියෙනවා!

"පුතාත් නිවුස් එක ඇහුවද? අර මිනීකන කිඹුලෙක් සූ එකෙන් පැනලා ගිහින් නේ. අන්න කට්ටියම හැම තැනම හොයනවා...”

-----------------------------------------------------------

“ශ්.... බබා.... ඔයාට ඇහෙනවද....."
වයිෆ් මාව හිමීට ඇහැරවන ගමන් කොදුරලා කිව්වා. වයිෆ් මොකක් හරි එකකට හොදටම බය වෙලා වගේ. මූනත් මල මිනියක් වගේ සුදු මැලි වෙලා. බයටම බාගෙට ඇරිච්ච කට දෙපැත්තෙන් මම කවදත් ආසා කල නල දත් දෙකත් හද එලියට බේරිලා පේනවා කරුවලේ උනත්.
"මොකක්ද බබා....?" මම නිදි ගැට කඩන ගමන් ඇහුවා.
"ශ්..... ඔය ඔය...."
අම්මෝ ඇත්ත නේන්නම්! පොඩි ලමයෙක් අඩන සද්දේ හොදට ඇහෙනවා! අපේ බබා ගෙදර නෑ. වයිෆ්ලාගේ අම්මාලාගේ ගෙදර ඊයේ ඉදන්. අක්කර දහයක පොල් ඉඩමක් මැද තියෙන්නේ අපේ ගේ. ආයෙත් ඔන්න ඇහෙනවා බෑගිරි දීලා පොඩි එකෙක් අඩන සද්දේ. කොදුනාරටිය දිගේ සීතලක් ගමන් කලත් අලුත බැදපු වයිෆ්ට වැඩ පෙන්නන්න නියම චාන්ස් එක.
"කෝ කෝ බබා පැත්තකට වෙන්න! බලමු මොකාද මේ සෙල්ලම් කරන්නේ කියලා!!" මම වයිෆ්වත් පැත්තකට තල්ලු කරන ගමන් ෆුල් ගට අරන් නැගිට්ටා.
"අනේ රයන් යන්න එපා...... මට බයයි....!!!"
මම නෑහුනා වගේ ඇද ලගම තිබුනු බේස් බෝල් බැට් එකත් අත් දෙකෙන්ම උලුක් කරගෙන පඩි පෙල බැස්සා. හොල්මනක් නෙමේ මහසෝනා උනත් ඉස්සරහට ආවොත් පැනි බේරෙන්න දෙන එක නම් දෙනවා! ඒත් මොන යකාද මේ පොඩි ලමයෙක් වගේ අඩන්නේ... අපේ බබයි වයිෆ්වයි මමම නේ වයිෆ්ලාගේ ගෙදර ගිහින් ඇරලලා ආවේ. අනිද්දා ගිහින් දෙන්නවම අරන් එන්න ඕනේ..... මොකක්! වයිෆ් බබත් එක්ක අම්මලාගේ ගෙදර නේ!!
හෑ......! එතකොට කව්ද මාව ඇහැරුවේ!!!
-----------------------------------------------------------

ඔන්න ඔය වගේ කතා තමයි. නෙට් එකේ ඉංග්‍රීසි කතා නම් ගොඩක් හොයාගන්න තියෙනව. සිංහල කතා නම් ගොඩාක් අඩුයි.

ඔයාලත් අහල / කියවල තියෙන Creepy Pasta කතා තියෙනව නම් ශෙයා කරගන්න අපේ කියවන්නො එක්ක.

මෙවර පොත් සල්පිල, මගේ අත්දැකීම් හා අදහස්

noreply@blogger.com (Unknown) — Thu, 04 Oct 2018 06:26:00 +0000

වෙනදා මෙන්ම මේ වසරේදීත් අන්තර්ජාතික පොත් ප්‍රදර්ශනය උත්කර්ෂවත් අන්දමින් පැවැත්වුනා. පසුගිය වසරවල දී වගේම මේ වසරේදීත් මම පොත් ප්‍රදර්ශනය බැලීමට සහ පොත් මිලදී ගැනීමට ගියා.

පෝය දිනයේ දවල් 12ට ගත්තු ඡායාරූප දෙකක්

මේ ලිපිය ලියන්න ආරම්භ කළේ ප්‍රදර්ශනේ පටන් ගත්තු දවසට පස්සෙ දවසෙ උනත් මට මේක ඉවර කරල දාන්න වෙලාවක් ලැබුණේ නෑ. :(

ගිය වසරේදී රාත්‍රි කාලයේ ගොස් ලබාගත් අත්දැකීම නිසා මේ වසරේදීත් පොත් ප්‍රදර්ශනේට ගියේ රාත්‍රී කාලයේ. පොත් ප්‍රදර්ශනය ආරම්භ කළ දිනයේ ම හවස 6 සිට 9 දක්වා මම පොත් ප්‍රදර්ශනය බැලීම සහ පොත් මිලට ගැනීම සිදු කළා

අන්තර්ජාලයේ ෆේස්බුක් හරහා පොත් සල්පිල සම්බන්ධ විවිධ ආකාරයේ tips share කිරීම නිසා මෙවර පොත් සල්පිල බැලීමට සහ පොත් මිලදී ගන්නා අයට ඒක ඉතා විශාල පහසුවක් වුණා. මමත් ඒ දේවල් වලින් යම් යම් අදහස් අරගත්ත. ඔය මුහුණුපොතේ කණ්ඩායම් අතරින් ඉදිරියෙන් හිටියෙ "පොත් කියවන අය | Srilankan Book Readers" ගෲප් එක.

මමත් පොත් ප්‍රදර්ශනේට පළමු දිනම සහභාගී වූ නිසා ලබාගත් අත්දැකීම් අනිත් අයට විවිධ ආකාරයෙන් ප්‍රයෝජනවත් විය හැකි දේවල් පිළිබඳව ෆේස්බුක් මත මගේ අදහස් පළ කළා. ඉන් ප්‍රයෝජන ලබා ගත් බොහෝ දෙනෙක් මට ස්තුති කරලා තිබුණා.

හැමෝම මේ පාර කියල තිබ්බෙ මුලින්ම බාගේන් හෝල් එකෙන් පටන් ගන්න කියල. ගිය වසරේ මගේ අත්දැකීම් මත මමත් මුලින්ම ගියේ ඉතින් බාගේන් හෝල් එකට තමයි.

බාගෙන් හෝල් එකේ තිබ්බ ස්ටෝල්ස් වක පොත් රාක්ක රාත්‍රී කාලයේ වනවිට ඉතාම අපිළිවෙල තත්ත්වයට පත් වී තිබුණත් යම් ආකාරයක හොඳ පොත් ලබා ගැනීමට හැකියාව තිබුණා.

බාගේන් එකට යනවා නම් උදේ පාන්දරින්ම යා යුතුයි. මක්නිසාදයත් උදේ පාන්දර පොත් පිළිවෙළට තිබීම හා නව පොත් උදයෙන්ම එකතු කිරීමයි. මම දෙවන දිනයකුත් ගියානෙ. ඒ ගියේ පෝය දවසෙ. එදත් බාගෙන් එකටම තමා මුලින්ම ගියේ. හැබැයි සෙනඟ නම් පිරිල.

මුල් දිනයේ මම හා මගේ බිරිඳ පොත් මිලට ගත්තෙ, වැඩිපුරම ඉලක්ක කළේ අපේ අවු:3 පොඩි පුතුට ඉදිරියට ගැළපෙන පොත් ගන්න එක. දෙවනුව මගෙ ලඟ අඩු පාඩු තිබෙන පරිවර්තන කිහිපයක් හා තෙවනුව මනෝ විද්‍යා, ධනාත්මක චින්තන පොත් ටිකක් මිලට ගන්න. ඔයත් එක්කම මට අලුත්ම ආසාවක් ඇවිල්ල තිබ්බ ජන කතා පොත් එකතුවක් හදාගන්න. ඉතින් ඒකට ගැළපෙනපොත් ලිස්ට් එකක්ම මම ලියාගෙන තිබ්බෙ, ඒවත් ගන්න අදහස් කරගෙන හිටිය.

ඉතින් දැන් මේ ඉවර වෙච්චි ප්‍රදර්ශනේ ගැන කියල වැඩක නෑනෙ. ඊලඟ අවුරුද්දෙ එකටත් ගන්න පුළුවන් අදහස් කිහිපයක් විතරක් කියන්නම්.

ආරම්භ කරන්න බාගේන් එකෙන්. ඒකෙන් ඇති තරම් පොත් ගන්න. ඒකෙ 40% ඩිස්කවුන්ට් එකකට තියෙන පොත් අනිත් තැන් වල 20%ට තියේවි. ඉතින් ඒක බාගේන් එකෙන් අරගන්නෙ නැතිව අතාරින එක අපරාදෙ.
ලිපි ද්‍රව්‍ය සම්බන්ධ කුටි ගොඩක් තිබුණත් අනිත් කොටස් වල, ඒවත් යම් ප්‍රමාණයක් බාගේන් එකෙන්ම ගන්න පුළුවන් වෙයි. ඒකත් සළකල බලන්න.
පොඩි අයගෙ පොත් උනත් සාමාන්‍යයෙන් වැඩියෙන්ම තියෙන්න පුළුවන් තැන තමයි බාගේන් එක. (මේ අවුරුද්දේ නම් උඩින්ම)
වාහනේක යනව නම් පාක් කරගන්න ටිකක් කට්ටක් කන්න වෙනව අනිවා. මොකද BMICH තුළ හා අවට පාකිං ස්පේසස් ගොඩක් නෑ. ගිය වසරෙ නම් ඇතුළෙම පාක් කරගන්න පුළුවන් උනාට මේ පාර නම් ඇතුළට යන්න හිතන්නවත් බැරි උනා. මුල්ම දිනයේ හවස 5ට යනකොටත් පාකිං ෆුල්. හෙවෙනිය ගිය දිනයේ උදේ 8.45ට යනකොටත් පාකිං ෆුල්. පොඩි කට්ටක් කාල එලියෙ හදල තිබ්බ පාක් එකේ දාගත්තෙ.
මැගී කාල බඩගින්න නිවා ගන්න හිතනව නම් ඒක අමතක කරන්න. යන්න මවුන්ට් ලැවීනියා එකෙන් දාල තියෙන ගමේ කඩේට. කඩල, මය්යොක්ක, බතල, රොටී, නූඩ්ල්ස්, කාල බඩ පුරවගන්න සමානම මිලට. සරුවත් එකක්, දොඩම් වීදුරුවක් බොන්න පිපාසයට. (මුදල් ගෙවා පළ කල ඇඩ් එකක් නොවේ)
යන්න ඉස්සෙල්ල මැප් එක හොයනව නම් Colombo International Book Fair Facebook Page එකේ චෙක් කරන්න මුලින්ම.
පොත් හා කතුවරු හොයන්න මම භාවිතා කළේ grantha.lk වෙබ් අඩවිය. ඒකෙ All Books ගිහිල්ල පිටුවෙන් පිටුව බල බල පොත් තේරුව. ඒව Google Keep එකේ ප්‍රකාශකගෙ නමත් එක්ක දාගත්ත. එතකොට අදාල ප්‍රකාශක කුටියට ගියාම බලාගෙන බලාගෙන අරගෙන අරගෙන ගියෑකි.
ක්‍රෙඩිට් කාඩ්, අර ගිය අවුරුද්දෙ දුන්නු MyBookClub කාඩ් එකට කියල නම් කිසිම අමතර වාසි නම් තිබුණෙ නෑ මේ පාර. නමුත් ඒව අරගෙන යන්න එන පාරත්. සමහරවිට තිබ්බොත් එහෙම.
ෆේස්බූක් පොත් සම්බන්ධ ගෲප් වල සාමාජිකයින්ට අමතර වට්ටම් දෙන වෙළඳ කුටි තිබ්බ. ඒ නිසා එවත් පොඩ්ඩක් මතක තියාගෙන ගිහිල්ල මුදල් ගෙවනකොට අහන්න. මට එකක්වත් කියන්න මතක් උනේ නෑනෙ.

ඔය ටික තමා කියන්න තියෙන්නෙ.

මේ ලිපිය මීට ඉස්සෙල්ල හාන්න තිබ්බ නම් තව ගොඩක් දේ ලියන්න තිබුණ. :( සමාවෙන්න ඒක බැරි උනාට.

මම හා මගෙ නෝන මිලට ගත්තු පොත් එකතුව මම මුහුණු පොතේ දැම්ම. මේ පහළ තියෙන්නෙත් ඒවමයි.

කවුරු හෝ මිතුරන් හමුවෙයි කියල හිතුව. හමු උනේ නම් එකම එක මිත්‍රයයි. මාව දැකල ඇවිල්ල කතා කළාට ඔහුට මගේ ස්තුතිය.

එහෙනම් ලබන වසරේ පොත් ප්‍රදර්ශනයේදී හමුවෙමු.

සිතන පතන දේ ලබා ගන්නා හැටි How to achieve what you wish for

noreply@blogger.com (Unknown) — Mon, 09 Oct 2017 12:01:00 +0000

"ඔබගේ ජීවිතය වෙනස් කළ හැක්කේ ශක්තිමත් සිතුවිලි වලින් මිස භක්තිමත් යාදිනිවලින් නොවේ"

දොස්තර වරු තම බිරිඳට ලැබෙන්න සිටින දරුවා නිරෝගීව ලබාදෙන ලෙස ඉල්ලා දෙවියන්ට භාර වෙති

සියට සීයක් ආරක්ෂාව සලකා බලා නිෂ්පාදනය කරන මෝටර් රථ වලට ලංකාවේදී දෙහි ගෙඩි දෙකක් සහ අමු මිරිස් කරල් තුනක් එල්ලා මෝටර් රථයේ ආරක්ෂාව එයට භාර දෙති.

සිවිල් ඉංජිනේරුවන් නිවසක් තැනීමට පෙර නිදන් වස්තු වළලති.

සමහරු කේන්දර ඉතා තදින් විශ්වාස කරනවා, කේන්දර වලින් තොරව කිසිමදෙයක් හිතන්නෙවත් කරන්නෙවත් නෑ.

සමහරු තමන්ගේ තියෙන සියලුම ප්‍රශ්න දෙවි දේවතාවන්ට පවසල උදව් ඉල්ලනවා. තමාගේ සියලුම ප්‍රශ්නවලට දෙවියෝ පිලිතුරු දේවි කියලා හිතනවා.

මෙවැනි දේ සිදු කිරීමට හේතුව කුමක් ද???

බහුතරයක් ථෙරවාදී බෞද්ධයන් සිටින ශ්‍රී ලංකාවේ මෙවැනි ඇදහීම් සිදු කිරීමට හේතුව කුමක්ද?

සමහර විට මේවා ඇත්ත තිබෙනවා පේන්න පුළුවන්, දැනෙන්න පුළුවන්.

බොහොමයක් දෙනා මේවා හරහා බොරු කරමින් මුදල් වංචා කරනවා වෙන්නත් පුළුවන්.

එහෙත් ටිකක් දිග වැඩි දුර හිතා බැලුවොත් මටම හිතෙනවා මේ ඇත්තටම කෙරෙන්නේ හිතක් සමග සංග්‍රාමයක් කියලා.

මේවා හරහා අපිට ජීවිතය වෙනස් වෙනවා වෙන්නත් පුළුවන්, වෙනස් කර ගන්නත් පුළුවන්. නමුත් ඔබට හිතෙන්නේ නැද්ද ශක්තිමත් සිතිවිලි ධාරාවකට මීට වඩා දෙයක් කළ හැකියි කියලා?

ඔබට අවශ්‍ය දේ ඔබගේ යටි සිතට ම කාවැද්දිය හැකි නම් ඒ හරහාත් අර ඉහතින් කිව්ව දේවල් කරගන්න පුළුවන් කියල හිතෙන්නෙ නැද්ද?

දේව යාදිනිවලින් තොවිල් පවිල් වලින් සිදු කරන්නේත් අපි බලෙන් සිතට ඇතුළු කළයුතු දේ වෙනත් ක්‍රමෝපායන් හරහා යටි සිතට කා වැද්දීමම නේද?

අපි උදාහරණයක් සිතමු

කෙනෙක්ට කොච්චර පාඩම් කළත් මතක හිටින්නේ නෑ. ඔහු දෙවියන්ගෙන් ඉල්ලා සිටිනවා ඔහුට පාඩම් කරන දේ මතක හිටින්නට කියලා. ඉතින් ඉන් පසු දෙවියෝ මට උදව් කරාවි යන සිතිවිලි යටි සිතට කා වදිනවා. ඊට පස්සේ ඔහු පාඩම් කිරීම ආරම්භ කරනවා. ඔහුට පාඩම් කරන දේවල් හොදින් මතක හිටිනවා.

ඇත්තටම දෙවියන් ඔහුට උදව් කළා ද?

නැහැ.

ඔහු දෙවියන්ගෙන් කළ ඉල්ලීමට ඔහුගේ යටි සිතට කා වැදුණා. ඔහු හිතුවා දෙවියො මට උදව් කරයි කියල. ඉතින් යටි සිතෙන්නුඩු සිතට පණිවුඩය දෙනවා පාඩම් හොදීන් මතක හිටින්න කියල. ඒ පණිවිඩයත් සමඟ ඔහු පාඩම් කිරීම ආරම්භ කළා. ඉතින් ඔහුට හොඳින් පාඩම් මතක සිටියා.

ඉතින් මොකද ඔබ සිතන්නෙ?

ඔබගේ සිතිවිලි හරහාම ඔබගේ ජීවිතය වෙනස් කරගැනීම ඔබ අද සිටම ආරම්භ කරනවාද?

ඔබගේ අදහස් වලට විවෘතයි.

Are you a සබන්බෝල Man

noreply@blogger.com (Unknown) — Mon, 09 Oct 2017 12:00:00 +0000

මේක මම කාලෙකට ඉස්සර කියවපු දේකින් හදපු එකක්.

R U a සබන්බෝල Man,
Or a සම්බෝල Man,

Or a Footබෝල Man.

Be a අද Man.

Not a හෙට Man.

මොන විකාරයක්ද මේ කියන්නෙ???? නේද?

කවියෙ කියල තියෙන දේවල් ගැන පොඩ්ඩක් හිතුවොත්, කවියෙ තේරුම හිතට එනව.

සබන්බෝල, සම්බෝල, ෆුට් බෝල, අද, හෙට.

මොකද්ද මේ කියන්නෙ?

සබන් බෝල තියෙන්නෙ මොහොතයි. වෙන වෙන වැඩ කර කර හිටියොත් සබන්බෝල වල ලස්සන බලන්න බැරි වෙනව.

සම්බෝල කියන්නෙ දවසෙන් කාල ඉවර කරන්න ඕනෙ කෑමක්. ඊලඟ දවස වෙනකම් තියාගෙන හිටියොත් පිළුණු වෙලා විසි කරන්න වෙනව.

ෆූට් බෝලය කියන්නෙ කොච්චර පා පහරවල් කෑවත් ගෝල් එකටම යන්න දඟලන වස්තුවක්.

අද කරන්න තියෙන දේ අදම කරන්න ඕනෙ.

හෙට වෙනකම් ඉන්න හොඳ නෑ. එහෙම කල් දාන්න ගියොත් අන්තිමට පරක්කු වැඩි වෙන්න පුළුවන්.

මේ කවියෙන් ඔයාලගෙ ජීවිතයට ගන්න පුළුවන් දෙයක් ගන්න ආරාධනා කරනවා.

මේ වගේ ජීවිතයට වැදගත් වෙන සරළ දේවල් ඉදිරියෙදි මම තවත් ඔයාලට දෙනව.

එකතු වෙලා ඉන්න.

Life-Guide කියන ටැග් එකෙන් මම ඒ ලිපි දානව.
http://madhawaweblog.blogspot.com/search/label/life-guide

ජයග්‍රාහී ජීවිතයකට සුභ පැතුම්!!!

ඔව් මට පුළුවන් YES I can

noreply@blogger.com (Unknown) — Sun, 08 Oct 2017 15:40:00 +0000

නව අවස්ථා වලට "ඔව්" කියන්න.

මිනිසුන් හට "ඔව්" කියන්න.

දුෂ්කර අවස්ථා වලට "ඔව්" කියන්න.

අන්‍යන්ගෙන් "ඔව්" යන්න කියවා ගත හැකි පරිදි ධනාත්මක ප්‍රතිචාරයන් ලබා ගැනීමට උගනින්න.

"ඔව්. කැමතියි" යන්න මුළු හිතින්ම, හැඟීමකින්ම කියන්න.

"ඔව්" කියන්නෙ හරිම ප්‍රභල වචනයක්. හරිම ධනාත්මක වචනයක්.

ඒක අපේ ජීවිතයට ලං කරගන්න ලං කරගන්න අපේ වැඩ හුඟක් සාර්ථක වෙනව.

"නෑ", "බෑ", "ඕව හරියන්නෙ නෑ", "මට මේක බෑ", "මම දන්නෙ නෑ" වගේ දේවල් අපි හුඟක් දෙනෙක්ගෙ වාග් කෝෂ වල බහුලව තියෙන වචන, වාක්‍ය. මේව හරිම සෘණාත්මකයි කියන්නෙ අහන කෙනාටත් ඒ "බෑ සංකල්පය" ප්‍රේරණය වෙනව.

මේව ටික, "ඔව්", "පුළුවන්", "මේක හරියනව", "මට මේක පුළුවන්" වගේ ධනාත්මක දේවල් වලට හරවගෙන අපිට හිතන්නට, වැඩ කරන්නට පුළුවන් නම් කොහොමද?

අනිවාර්යයෙන්ම ඉහළ සාර්ථකත්වයටකට යන්නට අපි හැමෝටම පහසුවෙන්ම පුළුවන් වෙනව.

ඒක කරන්න තියෙන්නෙ හරිම සරළ දෙයක්. "නෑ", "බෑ" කියන වචන අපේ වාග් කෝෂයෙන් පමණක් නෙමෙයි, අපේ හිතෙන්ම ඉවත් කරන්න ඕනෙ.

"ඔව්, පුළුවන්" කියන එක අපි මුළු හිතින්ම, මුළු ගතින්ම වැළඳගෙන පවසන්න ඕනෙ.

ඔබටත් පුළුවන්. මටත් පුළුවන්.
ඉතින් ඇයි අපි නොකර ඉන්නෙ???

TRANSLATED.

Say "yes" to new opportunities.

Say "yes" to people.

Say "yes" to difficult situations.

Learn to get positive feedback so that others can read "yes".

Say "yes. I like" wholeheartedly, emotionally.

"Yes" is a very powerful word. A very positive word.

A lot of our work is successful in bringing it closer to our lives.

Things like "no", "no", "that's not right", "I can't do this", "I don't know" are words that are common in most of our vocabularies. These are so negative that the "no" concept is induced in the listener as well.

What if we could think and act by turning these into positive things like "yes", "can", "this is right", "I can do this"?

Of course, we can all easily go on to higher success.

It's a very simple thing to do. The words "no" and "no" need to be removed not only from our vocabulary but from our minds as well.

We have to embrace "yes, we can" wholeheartedly and wholeheartedly.

You can too. I can too.

So why aren’t we ???

මානසික අක්‍රමිකතා වලින් මිදෙන්නේ කෙසේද

noreply@blogger.com (Unknown) — Sun, 08 Oct 2017 15:38:00 +0000

මුලින්ම කියන්න ඕනෙ, මම මානසික වෛද්‍යවරයෙක් නෙමෙයි. ඉතින් ඔබට බරපතල මනසික අක්‍රමිකතාවයක් හෝ මානසික ගැටළුවක් තිබෙනවා නම් ඔබ වහාම සුදුසුකම් ලත් මානසික වෛද්‍යවරයෙක් හමුවන්න.

ඒ කෙසේ වෙතත් මිතුරෙක්ට හෝ නෑදෑයෙක්ට හෝ ඔබගේ මවට, පියාට, සහෝදරයෙකුට, සහෝදරියකට පවසා ඔබගේ ගැටළුවට යම් සහනයක් ලබාගන්නට උත්සාහ කළ හැකියි. (එහෙම සමහරක් මගේ මිතුරු මිතුරියන් මා සමඟත් කතා කර යම් විසඳුම් ලබාගෙන තිබෙනවා.)

මම මෙතන කතා කරන්න බලාපොරොත්තු වන්නේ යම් සරළ දේවල් ටිකක්. මීට අමතරව තවත් බොහෝ දේ තිබෙනවා.

1. බලාපොරොත්තු සහිත වන්න.

බලාපොරොත්තුව කියන්නෙ හරිම පුදුම දෙයක්. හුඟක් ප්‍රශ්න ඒකට විසඳන්න පුළුවන්. දෙවියො පැන්ඩෝරාට අර රහස් පෙට්ටිය දීල කිව්වලුනෙ පොළවට යනකම් ඒක ඇරල බලන්නෙපා කියල. ඒත් පැන්ඩෝරාට තිබ්බ නොඉවසිල්ල නිසා ඇය මඟදිම පෙට්ටිය ඇරියලු. එතකොට ඒකෙ තියෙන දේවල් එලියට හැලුනලු. කලබලේට පැන්ඩෝරා පෙට්ටිය වැහුවත්, අන්තිමට පෙට්ටිය ඉතුරු උනේ "බලාපොරොත්තුව" විතරයිලු.

ඉතින් මිනිස්සුට තියෙන ලොකුම වත්කමක් තමයි මේ බලාපොරොත්තුව. බලාපොරොත්තුව හිතේ තියාගෙන අපට තිබෙන මානසික පීඩනයෙන්, ගැටළු වලින් සහනයක් ලබන්නට අපට පුළුවන්.

2. ඔබගේ ගැටළු සමභ සටන් නොකරන්න.

ගැටළු තියෙන්නෙ විසඳන්න. නැතිනම් අතෑරල දාල ඉන්න. ඒවත් එක්ක අපි සටන් කරන්න සටන් කරන්න ගැටළුව ශක්තිමත් වෙලා අපිව තලා පෙලා දානව. ඉතින් ගැටළුවට නිදහසේ සාමකාමීව මුහුණ දෙන්න. සටන් කරල කරල අන්තිමට වෙන්නෙ අපිම වෙහෙසට පත් වෙන එක විතරයි.

3. බියට මුහුණ දෙන්න.

බිය කියන්නෙ අමුතුම දෙයක්. මිනිස්සු හැම දේටම බිය වෙනව. අඳුරට, අවතාර වලට, යක්කුන්ට විතරක් නෙමෙයි, ප්‍රශ්න වලටත්. ප්‍රශ්න වලට බය උනොත් අපිට හිත නිදහසේ ජීවත් වෙන්න බැරි වෙනව.

එහෙම බය උනු අය තමයි ඔය සියදිවි නසාගන්නෙ. ඒ ගැටළු වලට මුහුණ දෙන්න බය වෙලා.

ඉතින් කිසිම අවස්ථාවට ප්‍රශ්න වලට බයවෙන්නෙපා. ප්‍රශ්න වලට ඔයාව බය කරන්න දෙන්නත් එපා. ප්‍රශ්න වලට නිර්භීතව මුහුණ දෙන්න.

4. තමා සිටින තත්වය තමා පිළිගන්න.

සමහරු ඉන්නව තමන් ඉන්නෙ කොයි වගේ තැනකද කියල තේරුම් ගන්නෙ නැති අය. සමහර ප්‍රශ්න නැති අය ඒ ගැන හිතල මානසිකව වැටෙනව. සමහර ප්‍රශ්න තියෙන අය ඒව ගැන හිතල මානසිකව වැටෙනව. තමන් ඉන්නෙ මොන වගේ තත්වයකද කියල තේරුම් ගන්න ඕනෙ.

සමහර ප්‍රශ්න තියෙනව එතරම් හිතන්න අවශ්‍ය නැති ප්‍රශ්නයක් නොවන ප්‍රශ්න. සමහර ප්‍රශ්න තියෙනව හොඳින් සිතා බලා විසඳුම් හොයන්න ඕනෙ ප්‍රශ්න.

තමන්ගෙ තත්වය කිව්වම තවත් දෙයක් තියෙනව. ඔය කියන ප්‍රශ්න වලට මුහුණ දෙන්න අවශ්‍ය ආයුධ ආම්පන්න තමන් ලඟ තිබෙනවාද කියල තේරුම් අරගන්න ඕනෙ. ඒ ප්‍රශ්නයට මේ අවස්ථාවේ කෙලින්ම මුහුණ දෙන්න හෝ තාවකාලිකව පසුබහින්න හෝ වෙනත් දෙයක් සිදු කරන්න තමන් දැන් ඉන්න තත්වය යටතේ පුළුවන්ද කියල තමන් තේරුම් ගත යුතු වෙනවා.

5. අවදියෙන් සිටීමට ඉගෙන ගන්න.

වටපිටාව ගැන, පරිසරය ගැන විතරක් නෙමෙයි, තමන් ගැනම උනත් අවදියෙන් සිටින්නට ඕනෙ. මොකද අපි අපි ගැන, අපි වටේ සිදු වෙන දේවල් ගැන අවදියෙන් සිටියෙ නැති නම් තියෙන ගැටළු කොහෙද යන්නෙ, ගැටළු එක්ක පුළුවන් අවස්ථා, තැන් මොනවද කියල අපිටම තේරුම් යන්නෙ නෑ. අරම අවදියෙන්, අවදානයෙන් හිටියොත් අපිට පේන්න ගන්නව අපිට ගැටළු එන්නෙ කොතනින්ද, කොහොමද කියල. එතකොට අපිට ඒව වෙනුවෙන් ප්‍රතික්‍රියා කරන්න තවත් කාලය ලැබෙනව.

6. කරදර වලින් පාවෙලා ඉවතට යන්න.

සමහර ප්‍රශ්න තිබෙනව එතරම් හිතන්නෙ නැතිව අතෑරල දාන්න පුළුවන් ඒව. නැතිනම් අපිට කිසිම අතුරු ආන්තරාවක් නැති ඒව. ඉතින් ඒ වගේ ප්‍රශ්න වලින් හෙමීට පාවෙලා ඉවතට යන්න.

මේ කියන්නෙ අපිට බලපෑමක් කරන්න ඕනෙ ප්‍රශ්න වලින් එහෙම පැනල යන්න කියන එක නෙමෙයි හරිද.

7. හැම වෙලේම කිසියම් වැඩක යෙදෙන්න.

ප්‍රශ්න හිතින් ඉවත් කරන්න පුළුවන්, මානසික අක්‍රමිකතා වලින් මිදෙන්න පුළුවන් ලේසිම ක්‍රමයක් තමයි, මොකාක් හරි වැඩක යෙදෙන එක.

අපිට පුළුවන් සින්දුවක් අහන්න, පොතක් කියවන්න, කවියක් පබඳින්න, වත්තෙ පිටියෙ වැඩක් කරන්න, ජිම් එකට යන්න, චිත්‍රයක් අඳීන්න, ටී වී එක බලන්න, වගේ විවිධ දේවල්.

මේ දේවල් වලින් අපේ හිත නිදහස් වෙනව, එහෙ මෙහෙ දුවන එක නවතිනව.

ඊලඟට ඔයාලගෙ හිතට වද දෙන ප්‍රශ්නයක් ආපු වෙලාවට මේ දේවල් පොඩ්ඩක් උත්සාහ කරල බලන්න. අනිවාර්යයෙන්ම සාර්ථකත්වයක් තියේවි.

කිසිදා තෘප්තිමත් වන්නට එපා DO NOT be Content

noreply@blogger.com (Unknown) — Sun, 08 Oct 2017 15:35:00 +0000

"ලද දෙයින් සතුටු වන්න" කියල කියමනක් තිබෙනවා තමයි. නමුත් මේක හැම අවස්ථාවකටම තෘප්ත වන්නේ නෑ.

“The drive to close the gap between near-perfect and perfect is the difference between great and unstoppable.” — Tim Grover

ටිම් ගෲවර් කියන්නෙ ප්‍රසිද්ධ මලල ක්‍රීඩකයෙක්. ඔහු කියනව ආසන්න වශයෙන් පරිපූර්ණ තත්වයේ සිට පරිපූර්ණත්වයට යනව කියන්නෙ ඔබ බලවත් කෙනෙකුගෙන් නොනැවැත්විය හැකි පුද්ගලයෙකු බවට පත් වනවා කියන එකයි කියල.

ඔබ ඔබගේ ඉලක්කයක් සපුරා ගත්තත් ඔබ තෘප්තිමත් නොවිය යුතුයි.

එය ඔබට ඉලක්කයක් නොවිය යුතුයි. ඔබට කෙතරම් එහි ඉදිරියට යා හැකිද යන්න ඔබ බැලිය යුතුයි.

ඔබ ඉන් අකෘතඥ පුද්ගලයෙකු වනවාද???

අනිවාර්යයෙන්ම නෑ.

ඔබ නිහතමානී කෘතඥ පුද්ගලයෙක්, ඔබගේ ජීවිතයට, හා ලැබී ඇති සැම දේටම.

අන්න ඒ නිසාම තමයි ඔබ කිසි සේත්ම කම්මැලි හා තෘප්තිමත් නොවන්නේ.

ඔබට ජීවිතය සතුටින් ගෙවිය හැකි වන්නේ එක් ඉලක්කයක් සපුරාගෙන එහි නැවති සිටීමෙන් නොව, එම සාර්ථකත්වය පසෙකින් තබා නව ඉලක්කයක් වෙත ගමන් කිරීමෙන්.

සාර්ථකත්වය භුක්ති විඳිමින්, සාර්ථකත්වයේ මේසය මත වැඩි වේලා රැඳි නොසිටින්න.

තවත් කෑම වේලක් ලබා ගැනීමට නම් මුලින්ම බඩගින්න ඇති කර ගත යුතු වනවා.

ඉතින් බලා නොසිට යළිත් නව ඉලක්කයක් කරා යොමු වන්න.

මේ පාර බුක් ෆෙයා ගමන

noreply@blogger.com (Unknown) — Wed, 27 Sep 2017 15:44:00 +0000

කට්ටිය සෙට් උනෙත් නෑ.
මුලදි පෝස්ට් එකක් දෙන්නත් බැරි උනා ඉස්සර අවුරුදු වල වගේ.
මේක ලියන්නත් පරක්කු උනා.

ගත්තු පොත් වලින් කොටසක්

කොහොම හරි, මම මේ පාර පොත් සල්පිලට ගියේ මගෙ නෝනත් එක්ක ටිකක් රෑ වෙලා. මොකද පොඩ්ඩගෙ වැඩත් එක්ක නිවඩු දවසක දවාලක යන එක ඉම්පොසිබල්. :)

කොහොම හරි මේ පාර ගත්තු මගෙ පොත් ලැයිස්තුව තමයි මේ.

Book Name	Author	Publisher	Price
පුනර්භව ගවේශන	පරි: කුමාර සිරිවර්ධන	දයාවංශ ජයකොඩි	400.00
අරලිය මල් ආරාමය	ජයසේන ජයකොඩි	දයාවංශ ජයකොඩි	350.00
පිච්ච මල	ජයසේන ජයකොඩි	දයාවංශ ජයකොඩි	350.00
සිල් සුවඳ	ජයසේන ජයකොඩි	දයාවංශ ජයකොඩි	400.00
සුදු නෙළුම	ජයසේන ජයකොඩි	දයාවංශ ජයකොඩි	350.00
සැඟවුණු මහද්වීපය	පරි: ප්‍රභාත් මිරිහාගල්ල	ප්‍රතිභා ප්‍රකාශකයෝ	350.00
තැනිතලාවේ පිහිටි කුඩා නිවස	පරි: ගංගා නිරෝෂිණි සුදුවැලිකන්ද	විජේසූරිය ග්‍රන්ථ කේන්ද්‍රය	360.00
රාමා උයන	පරි: එස්. එම්. බන්දුසීල	S & T Group	750.00
රාමා - 2	පරි: එස්. එම්. බන්දුසීල	S & T Group	700.00
අඟහරු මිනිසා	පරි: තත්සරණි බුලත්සිංහල	S & T Group	650.00
ඔබේ යටි සිත හඳුනා ගන්න	පරි: විශ්‍රාවන ගලප්පත්ති	අරටුව ප්‍රකාශන	400.00
Secret - The Power	Rhonda Byrne	Simon & Schuster, UK	2,050.00
Secret - The Magic	Rhonda Byrne	Simon & Schuster, UK	1,160.00
මහ රහතුන් වැඩි මඟ ඔස්සේ - අත්හැරීම 3	ඉන්ද්‍රජිත් සුබසිංහ	-	140.00
මහ රහතුන් වැඩි මඟ ඔස්සේ - අත්හැරීම 5	ඉන්ද්‍රජිත් සුබසිංහ	-	115.00
භාවනාවේ ප්‍රවීනයෙකු වන මඟ	නිලන්ත හෙට්ටිගේ	සුසර ප්‍රකාශකයෝ	200.00
තොටගමුවේ ශ්‍රී රාහුල මාහිමිපාණෝ	රියර් අද්මිරාල් සරත් වීරසේකර	ආකර්ෂා ප්‍රකාශකයෝ	400.00
ජේන් අයර්	පරි: එන්. පී. විජේරත්න	ආශිර්වාද ප්‍රකාශකයෝ	700.00
ග්‍රිම් සොහොයුරන්ගේ සුරංගනා අන්දර	පරි: චාමිකර වීරසිංහ	ෆාස්ට් පබ්ලිෂිං	250.00
මනරන්ජන මිත්‍යා කතා	තිලක් සේනාසිංහ	සරසවි ප්‍රකාශකයෝ	275.00
රාවණා මෙහෙයුම - 2	සුසිත රුවන්	ෆාස්ට් පබ්ලිෂිං	375.00
රාවණ යළි නැගිටියි	මිරැන්ඩෝ ඔබේසේකර	සමන්තී	350.00
ශ්‍රී ලංකාවේ රාවණ අධිරාජ්‍යයාගේ සංස්කෘතික උරුමය	මිරැන්ඩෝ ඔබේසේකර	සමන්තී	350.00
සිරිත් මල්දම	ඇම්. එල්. සිල්වා ගුරු මුහන්දිරම් තුමා	සුසර ප්‍රකාශකයෝ	70.00
නායකයෙක් වන්න	අනු: ලීලානන්ද ගමාච්චි	විජේසූරිය ග්‍රන්ථ කේන්ද්‍රය	200.00

ජයසේන ජයකොඩිගෙ පොත් ලිස්ට් එකෙන් කොටසක් දෙන්නම කියවල තිබ්බත් නෝනට ඒ පොත් ටික ඕනෙ කිව්ව නිසා ගත්ත. (ඒත් ගෙදර ඇවිල්ල බැලුවම දැක්කෙ අපි අරගෙන තියෙන්නෙ අතරින් පතර කියල. :( )

මේ සමහර පොත් ගත්තෙ තෑගි දෙන්න.

මෙතන සඳහන් නොවුන පොඩිම පොඩි ළමයින්ට පොත් කිහිපයක් හා Nursing පොතකුත් තිබෙනවා.

ඉහත සඳහන් කරල තිබෙන්නෙ ඩිස්කවුන්ට් නැති ඔරිජිනල් මිල.

20-30%අතර ඩිස්කවුන්ට් තිබ්බ.

ලොකු වැරැද්දක් උනා. මුලින්ම යන්න තිබ්බේ බාගේන් හෝල් එකට. ඒකට අන්තිමට ගියේ. වෙලාව මදි උනා. එතනට යනකොට 8.45යි. :( ඊලඟ පාර නම් ඒ වැරැද්ද කරන්නෙ නෑ කියල හිතාගත්ත.

යාළුවො නම් කවුරුවත් සෙට් උනේ නෑ.

අපේ මිතුරු සෙට් එකටත් මේ පාර සෙට් වෙන්න බැරි උනානෙ. :(

අලුතින් බ්ලොග් අඩවියක් අරඹමු

noreply@blogger.com (Unknown) — Thu, 21 Sep 2017 07:33:00 +0000

අපේ අදහස් ප්‍රකාශ කරන්න, අපේ නිර්මාණ එළිදක්වන්න බ්ලොග් එකක් පවත්වාගෙන යන එකදැන් හරි පහසුම මාධ්‍යයක් වෙලා. අන්තර්ජාලය හරහා තමන්ගේ අදහස් එළිදැක්වීම සඳහා තමන්ගේ හැකියාව එලිදැක්වීම සදහා හොඳම මාධ්‍ය විදිහට විදියට දැන් හුඟක් අය පාවිච්චි කරන්නේ කරන්නෙ blog.

බ්ලොග් එකක් කියන්නේ මොකද්ද

බ්ලොග් එකක් කියන්නේ සරලව කිව්වොත් online journal එකක්. ඉස්සර බ්ලොග් කියන එක online dairy කියලත් හැඳීින්වුණා. නමුත් දැන් බ්ලොග් හරහා දහස් ප්‍රකාශ කිරීම පමණක් නෙමෙයි වෙබ් අඩවි සෑදීමට පවා හුඟක් දෙනෙක් යොමු වෙලා ඉන්නවා. විවිධාකාරයේ themes යොදාගෙන බ්ලොග් එකක් හරහා වෙබ් වෙබ් අඩවියක් හදා ගැනීම ඉතාම පහසු දෙයක්.

බ්ලොග් එකක් හදන්න හොද ප්ලැට්ෆෝම් එක මොකක්ද

බ්ලොග් සෑදීම සඳහා විවිධාකාරයේ blog platform පාවිච්චි කරන්න පුළුවන්

ප්‍රධානම ඒව තමයි Wordpress සහ blogger කියන මාධ්‍යයන් දෙක.

ඊට අමතරව තවත් විවිධ ආකාරයේ online blog සාදාගත හැකි වෙබ් අඩවි තිබෙනවා. මේ කාලයේ ප්‍රසිද්ධ වෙමින් පවතින තවත් එකක් තමයි medium කියන වෙබ් අඩවිය

වර්ඩ්ප්‍රෙස් ගැන කතා කළොත්, එහි blogger ආකාරයේ version එකකුත්, අපේම හොස්ට් එකක ස්ථාපනය කරගෙන සාදාගත හැකි self hosted wordpress version එකකුත් තිබෙනවා.

ඉතින් සෑදිම පහසුම සහ වැඩිම අන්තර්ජාල ප්‍රසිද්ධියක් ලබා ගත හැකි බ්ලොගර් වෙබ් අඩවිය හරහා බ්ලොග් එකක් සාදාගන්නා ආකාරය අපි සාකච්ඡා කරමු.

www.blogger.com හරහා බ්ලොගර් අඩවියට ඔබට පිවිසිය හැකියි.

පහළින් තිබෙන්නේ blogger වෙබ් අඩවියේ ප්‍රධාන මුහුණතයි.

ඔබගේ gmail ගිණුම භාවිතා කර ඔබට මෙම අඩවියට පිවිසිය හැකියි. (මෙම අඩවිය භාවිතයට google ගිණුමක් අත්‍යවශ්‍යයි.)

ඔබ gmail account එකක් තිබෙන පුද්ගලයෙක් නම් දකුණු පස ඉහළ කෙළවරේ තිබෙන sign in සබැඳිය හරහා හරහා ගොස් username password ඇතුළු කිරීමෙන් බ්ලොගර් වෙබ් අඩවියට ඇතුළුවීමට පුළුවන්.

Blogger Home page

blogger වෙබ් අඩවියට ඇතුලු වූ පසු බ්ලොගර් ඩෑෂ්බෝර්ඩ් එක පහත ආකාරයට ඔබට දැකගත හැකියි. මින් පෙර බ්ලොග් අඩවියක් සාදා නොමැති නම් මෙය මේ පහත ආකාරයට හිස්ව පවතී.

අලුත් බ්ලොග් අඩවියක් නිර්මාණය ආරම්භය

වම් පස ඉහළ කෙළවරේ තිබෙන new blog සබැඳිය හරහා ඔබට නව බ්ලොග් අඩවියක් සෑදීම ආරම්භ කළ හැකියි.

Blogger Dashboard

එම සබැඳිය ක්ලික් කළ විට කල විට පහත ආකාරයේ වින්ඩෝවක් විවෘත වනු ඇති.

මෙතැනදී ඔබ ඔබගේ බ්ලොග් අඩවියට ගැලපෙන නමක් හා ඊට ගැළපෙන වෙබ් ලිපිනයක් නිර්මාණය කළ යුතු වනවා. ඊට අමතරව ඔබගේ නව බ්ලොග් අඩවියට ගැළපෙන තීම් එකක්ද තේරිය හැකියි.

Create new blog

බ්ලොග් අඩවියේ නම් කැමති ආකාරයකට සාදාගැනීමට පුළුවන් වුවත්, වෙබ් ලිපිනය (domain name), දැනට භාවිතා කර නොමැති එකක් තෝරාගත යුතු වෙනවා. ඔබට නොමිලේ ලැබෙන්නේ blogspot.com හි සබ් ඩොමේනයක්. ඒ කියන්නෙ http://yourname.blogspot.com ආකාරයේ වෙබ් ලිපිනයක්. ඔබට www.yourname.com වැනි Top level domain ලිපිනයක් මිලට ගෙන මෙම බ්ලොග් අඩවියට සම්බන්ධ කරගැනීමත් කළ හැකියි.

Create new blog - select a name

ඉන්පසු create blog යන බොත්තම මත ක්ලික් කිරීමෙන් ඔබට ඔබගේ නව බ්ලොග් අඩවියක් නිර්මාණය කරගත හැකියි.

බලන්න කෙතරම් පහසුද කියල.

මූලික අතුරු මුහුණත (Dashboard)

මේ පහතින් දිස් වන්නේ ඔබ අලුතෙන් නිර්මාණය කරගත් බ්ලොග් අඩවියේ dashboard එකයි. (බ්ලොග් අඩවි කිහිපයක් හැදුවොත් වම් පස ඉහළ කෙළවරට වන්නට තිබෙන බ්ලොග් අඩවි නම් ක්ලික් කිරීමෙන් ඔබගේ බ්ලොග් ලැයිස්තුව ලැබෙනවා.)

එහි වම් පස පේනුවේ විවිධාකාරයේ සබැඳිද දකුණු පස පේනුවේ ඔබගේ බ්ලොග් අඩවියට publish කර ඇති ලිපි ද පෙන්වනවා. (දැනට කිසිදු ලිපියක් නැති නිසා දකුණුපස කොටස හිස්ව තිබෙන්නෙ)

new blog dashboard

ලිපි ලිවීම

ඉහත වම්පසට වන්නට තැඹිලි පාටින් පෙන්වන new post බොත්තම ක්ලික් කිරීම හරහා ඔබට නව ලිපියක් ලිවීම ආරම්භ කළ හැකියි. එය ක්ලික් කළ විට පහත ආකාරයේ වෙබ් පිටුවක් open වනවා.

මෙහි work area එකෙහි ඔබට අවශ්‍ය ලිපිය සාමාන්‍ය word document එකක් නිර්මාණය කරගන්නා ආකාරයට ලිවිය හැකියි. ඉහතින් ඇති tool bar එකෙහි තිබෙන විවිධ පහසුකම් ඔබට භාවිතා කළ හැකියි . අමතක නොකර ඔබගේ බ්ලොග් ලිපියට ලිපියට ගැලපෙන මාතෘකාවක්ද යොදන්න.

Create new post

අකුරු bold, underline, italic, color, highlight, bullet-ed list, numbered list, ප්‍රමාණය වෙනස් කිරීම වැනි පහසුකම්, රූපයක් එක් කිරීම, hyperlink එකක් එක් කිරීම වැනි දේ මෙම පහසුකම් අතර වනවා.

බ්ලොග් ලිපියට රූපයක් ඇතුළු කිරීම
එම ටූල් භාරයේ ඇති image අයිකනය ක්ලික් කිරීම හරහා ඔබට ඔබගේ බ්ලොග් ලිපියට රූපයක් ඇතුළත් කළ හැකියි. එය ක්ලික් කළ කල විට පහත ආකාරයේ dialog box එකක් විවෘත වනවා. ඒ හරහා ඔබගේ පරිගණකය තුල ඇති හෝ ඔබගේ google drive ගිණුමේ ඇති හෝ අන්තර්ජාලය තුල ඇති images ඔබට ඔබගේ බ්ලොග් පිටුවට ඇතුලත් කර හැකියි.

රූපය තේරීමෙන් පසුව එය අප්ලෝඩ් කිරීම හරහා එය ඔබට බ්ලොග් ලිපියට ඇතුළු කළ හැකියි.

Add images to posts

ලිපියට ඉමේජය ඇතුළත් කළ පසු මෙසේ දිස් වනු ඇති.

Labels

මෙතනදි මම labels ගැනත් කියන්නම්. ඔබ ලියන ලිපි විවිධ ප්‍රවර්ග (categories) යටතේ පෙළගස්වන්න ඕනෙ නම් ඒකට labels භාවිතා කළ හැකියි. ලිපියක් ලියන විට දකුණුපස පේනුවේ තිබෙන labels මත ක්ලික් කිරීමෙන් එය ඕපන් කරගන්න. ඉන්පසු අවශ්‍ය ලේබල් යොදන්න. එකක් හෝ කිහිපයක් විය හැකියි. කිහිපයක් නම්, කොමා යොදා වෙන් කරන්න.

උදා: මෙවන් ලිපියකට යොදා ගැනීමට හැකි ලේබල් වෙන්නෙ blogger, guides වගේ කියන ඒව.

Writing a blog post and adding labels

ඉන්පසු ඔබේ ලිපිය ලිවීමට බලාපොරොත්තු වෙන අන්තර්ගතය work area එකෙහි ටයිප් කිරීමෙන් ඔබට බ්ලොග් ලිපිය complete කර ගත හැකියි. (සිංහලෙන් ලියනව නම් ඔබ භාවිත කළ යුතු වෙන්නේ සිංහල යුනිකෝඩ් ක්‍රමයයි.)

අවසානයේ Publish බොත්තම ක්ලික් කර ඔබට එම බ්ලොග් ලිපිය ඔබගේ ඔබගේ බ්ලොග් අඩවියේ publish කරගත හැකියි.

ඔබ ඔබගේ google+ ගිණුම ඔබගේ බ්ලොග් අඩවිය හා සම්බන්ධ කර ඇතිනම් ඔබ ලියූ බ්ලොග් ලිපිය Google+ හරහා ශෙයා කිරීමට ඔබට වින්ඩොවක් විවෘත වනු ඇති. මෙය හරහා ඔබට ඔබගේ අලුතෙන් publish කරන ලද ලිපිය ඔබගේ Google+ followers හට share කරන්න පුළුවන්.

Saving and Google+ sharing

ඔබගේ බ්ලොග් අඩවියේ ඔබ ලියූ සියලුම ලිපි මේ ආකාරයෙන් දිස් වෙනු ඇති.

Blog Posts list

Blog Statistics
වම් පස පේනුවේ ඔබට පෙනෙනවා ඇති statistics යනුවෙන් සඳහන්ව ඇති සබැඳියක්. ඒ හරහා ගොස් ඔබට ඔබගේ බ්ලොග් අඩවියට පැමිණි අයගේ විස්තර බැලිය හැකියි. මොන වෙබ් අඩවි හරහාද, මොන රටවල් වලින්ද, කෙතරම් පුද්ගලයන් ප්‍රමාණයක් පැමිණියාද වැනි විස්තර ඔබට එම පිටුව හරහා බලා ගත හැකියි.

Blog Statistics

ඔබගේ බ්ලොග් අඩවියට ගිය විට එය මේ ආකාරයට දැක ගත හැකියි.

Blog Site

Edit the blog site Layout
වම් පස පේනුවේ ඇති layout තුලට ගිය විට එහි ඔබගේ බ්ලොග් අඩවියේ බ්ලොග් පිටුවේ widget සකසා ගැනීම කර ගත හැකියි. මෙහි විජට් යනුවෙන් හඳුන්වන්නේ, බ්ලොග් අඩවියේ පෙනුමට එකතු කළ හැකි කොටස්.
උදා: ඔබගේ පුද්ගලික ප්‍රොෆයිලය (Profile), බ්ලොග් අඩවියේ ලේබල් ලැයිස්තුව (Labels), රූපයක් (Image), කුමක් හෝ ලියූ text area එකක් (HTML/JavaScript), සෙවුම් පහසුකම (Blog Search).

Blog page layout

Add widget මත ක්ලික් කළ විට මේ ආකාරයේ වින්ඩෝවක් පෙනෙනු ඇති. එම වින්ඩෝව හරහා ඔබට කැමති ආකාරයේ ගැජට්ටුවක් ඔබගේ බ්ලොග් අඩවියට එකතු කරගැනීමට පුළුවන්.

Adding gadgets to the blog page

Blog Settings

මෙහි පහතින් තිබෙන්නේ ඔබගේ බ්ලොග් අඩවියේ setting පිටුවයි ඒ හරහා ඔබගේ බ්ලොග් අඩවියේ ලිපිනය වෙනස් කිරීම, නම වෙනස් කිරීම, email subscription සම්බන්ධ වෙනස්කිරීම් හා තවත් විවිධ දේ වෙනස් කිරීම් සිදු කර ගත හැකියි.

Basic Blog settings

Blog Theme එක වෙනස් කිරීම
ඔබගේ බ්ලොග් අඩවියේ theme එක වෙනස් කිරීමට මෙම themes පිටුව භාවිතා කිරීමට පුළුවන් blogger හි තිබෙන themes භාවිතා කිරීම හෝ අලුත්ම theme එකක් වැක් කර ගැනීම මේ පිටු හරහා සිදුකරගත හැකියි.

Blog themes

නව බ්ලොග් ලිපිය වෙනත් social networks හරහා ශෙයා කිරීම

ඔබගේ බ්ලොග් ලිපිය open කල විට මේ පහත ආකාරයෙන් දිස් වෙයි. එහි දකුණු පස ඉහළ ඉහළ කෙළවරේ තිබෙන v හැඩති සලකුණ මත ක්ලික් කල විට සෝශල් ශෙයාරිං menu එක open වනු ඇති.

Share Posts via Social networks

මෙහි පහත පෙනෙන්නේ එම මෙනුවයි.

මෙම මෙනුව හරහා ඔබගේ බ්ලොග් ලිපිය Facebook විට ආදී සමාජ ජාල වෙබ් අඩවි තුළ ශෙයා කළ හැකියි.

Share Posts via Social networks

බ්ලොග් අඩවියක් මුල සිට සාදා ගන්නා ආකාරය, මූලික වෙනස් කිරීම් කරන ආකාරය, බ්ලොග් ලිපියක් ලියන ආකාරය, පළ කරන ආකාරය සහ එය සමාජ ජාල හරහා share කරන ආකාරය අපි කතා කළා.

මේ සරල මාර්ග උපදේශනය හරහා ඔබට අලුතෙන්ම බ්ලොග් අඩවියක් සාදා ගැනීම කළ හැකි යැයි මා සිතනවා.
ඔබගේ බ්ලොග් අඩවියේ වැඩිදියුණු කිරීම්, අලුතින් පහසුකම් එක් කිරීම් වැනි දේ සිදු කළ හැකි ආකාරයන් ගැන අන්තර්ජාලයේ විවිධ ලිපි අති විශාල ප්‍රමාණයක් තිබෙනවා. ඒවා පරික්ෂා කර ඔබගේ බ්ලොග් අඩවිය තවත් වැඩි දියුණු කර ගැනීමට ඔබට පුළුවන්.

වෙනත් තාක්ෂණික උපදෙස් අවශ්‍ය නම් ඊට හැකි අයුරින් සහය දෙන්නම්.

මම මේ පෝස්ට් එක පොඩි ebook එකකට කැටි කරල තියෙනව. ඔයාලට පහත සබැඳියෙන් ගිහිල්ල ඒක භාගත කරගෙන කියවන්න උනත් පුළුවන්.

කට්ටියත් එක්ක බෙදා හදා ගන්න ඔබට නිදහස තිබෙනවා.

https://goo.gl/9AR2GW
හෝ
https://www.mediafire.com/file/zc3je7sbyrc127d/Blogger+%E0%B7%80%E0%B6%BD%E0%B7%92%E0%B6%B1%E0%B7%8A+%E0%B6%B6%E0%B7%8A%E0%B6%BD%E0%B7%9C%E0%B6%9C%E0%B7%8A+%E0%B6%91%E0%B6%9A%E0%B6%9A%E0%B7%8A+%E0%B7%84%E0%B6%AF%E0%B6%B8%E0%B7%94+Madhawaweblog.pdf