මාධවගේ බ්ලොග් සටහන් | Madhawa's Weblog

ඔබගේ වර්ඩ්ප්‍රෙස් අඩවිය රැක ගැනීමට පියවර 8ක්

noreply@blogger.com (Madhawa Habarakada) — Fri, 19 Apr 2013 00:30:00 +0000

ඉතින් ඉතින්? හුඟ කාලෙකින් ලිපියක් ලියන්න හිතුන. වෙලාව මඳකම කියල බොරු කියන්න ඕනෙ නෑ, ඇත්තටම කම්මැලිකම තමා.

මම ඉතින් මේ බ්ලොග් එක බ්ලොගර් වල කළාට මම වර්ඩ්ප්‍රෙස් මත කරන බ්ලොග් අඩවි කිහිපයකුත්, වෙබ් අඩවි කිහිපයකුත් තිබෙනවා. පහුගිය දවසක මගෙ හොස්ටිං කොම්පැනියෙන් මට ඊ මේල් එකක් ආව වර්ඩ්ප්‍රෙස් අඩවි වලට බොට්නෙට් එකකින් හැකර් ඇටෑක් එකක් තියෙනව, ඉතින් අඩවි බැකප් කරගන්න හා CloudFlare හරහා ආරක්ෂා කරගන්න කියල.

ඒ බොට්නෙට් ඇටෑක් එක නම් වෙන්නෙ admin කියන ගිණුමට බොට්නෙට් එක හරහා Bruteforce ඇටෑක් එකක් කරන එක. ඒ කියන්නෙ පාස්වර්ඩ් දහස් ගාණක් දදා බලනව. (මෙන්න තියෙනව නිවුස් එක.)

ඉතින් ඒකෙන් නම් මට කිසිම කරදරයක් වෙන්නෙ නෑ කියල ශුවර්. මොකද ආරක්ෂාව තකා මම එදා ඉඳලම වර්ඩ්ප්‍රෙස් ඉන්ස්ටෝල් කළ ගමන් වෙනත් නමකින් තවත් ඇඩ්මිනිස්ට්‍රේටර් ගිණුමක් හදල admin ගිණුම ඩිලීට් කරල දානව.

ඉතින් මම ටිකක් හොයල බලල සහ අත්දැකීමෙන්, ලිපියක් ලියන්න හිතුව වර්ඩ්ප්‍රෙස් අඩවියක් එවන් කරදර වලින් බේරා ගැනීමට කරන්න පුළුවන් සරළ දේවල් ටිකක් ගැන කියන්න.

1. අලුත් ඇඩ්මින් ගිණුමක් හදන්න.

හුඟක්ම වර්ඩ්ප්‍රෙස් වලට එන්නෙ අර කිව්ව වගේ default "Admin" ගිණුමට එන Brute Force attacks. ඉතින් හැකර්ට මුරපදය විතරක් නෙමෙයි, යූසර් නේම් එකත් හොයන්න උනොත් වැඩේ අමාරු වෙනව නේද? ඉතින් ඔබ මුලින්ම වර්ඩ්ප්‍රෙස් දැම්මම කරන්න ඕනෙ වෙනත් නමක් සහිතව ඇඩ්මින් ගිණුමක් හදල ඉබේ සෑදෙන ඇඩ්මින් ගිණුම ඩිලීට් කරල දාන එකයි. මතක තබාගන්න ඔබ ලිපි එහෙම දාල තිබ්බොත් ඇඩ්මින් ගිණුම ඉවත්කරන්න ඉස්සෙල්ල ඒ ලිපි ඔක්කෝම අලුත් ඇඩ්මින් ගිණුමට ට්‍රාස්න්ෆර් කරන්න. අනිත් එක, අලුත් ඇඩ්මින් ගිණුමට සම්පූර්ණයෙන්ම වෙනස් යූසර් නේම් එකක් ලබාදෙන්න. (admin, administrator, සයිට් එකේ නම එහෙම යොදන්නෙඑපා.)

2. ශක්තිමත් මුරපදයක් යොදන්න.

හුඟක් අය කරන තවත් වැරැද්දක් තමා මේක. මතක තියාගන්න ලේසියට පහසු මුරපද යොදනවා.

මම දවසක් වර්ඩ්ප්‍රෙස් වලින් හැදුව සිංහල වෙබ් අඩවියකට ගිහිල්ල නිකමට ලොගින් එකට admin හා abc@123 ගැහුව. මෙන්න ලොග් උනා. :D මම ඉතින් මොකුත් කළේ නම් නෑ, වෙබ් අඩවියෙ උන්ට මේල් එකක් දැම්ම ඒක වෙනස් කරන්න කියල.

ඉතින් ඔබත් අනිවාර්යයෙන්ම ශක්තිමත් මුරපදයක් යොදන්න. අක්ෂර 8ක්වත් අවම වශයෙන් යොදන්න, සිම්පල්, කැපිටල් අකුරු, ඉලක්කම්, සංකේත සමඟ. මේ සියල්ල තිබෙනවා නම් ඉතින් මොකෙක්ටවත් ලේසි වෙන්නෙ නෑ ඔයාගෙ පාස්වර්ඩ් එක හොයන්න. :) (මගෙ සාමාන්‍ය පාස්වර්ඩ් වල අකුරු, ඉලක්කම් හා සංකේත 8-15 අතර තිබෙනවා. මම දන්නව සමහරුන්ගෙ නම් 25ක් විතරත් තියෙනව කියල. :D )

3. නික් නේම් එක වෙනස් කරන්න.

ඔයාගෙ අලුත් ඇඩ්මින් යුසර් නේම් එක පෝස්ට් එකක් ගානෙ තියෙන්න ඕනෙ නෑනෙ. එතකොට ඉතින් අර යුසර් නේම් එක වෙනස් කරල කරගන්න හදපු දේ අසාර්ථක වෙනව. වර්ඩ්ප්‍රෙස් වල තිබෙනව "Nickname" කියල එකක්. අන්න ඒකට වෙනත් නමක් දාන්න. එතකොට ඔබගේ අලුත් ඇඩ්මින් යූසර්නේම් එක පිටතට ප්‍රසිද්ධ වෙන එක වැළකෙනවා.

4. සමහරක් IP Addresses වලින් ලොග් වීම අවහිර කරන්න.

Login Lockdown නමින් ප්ලගිනයක් තිබෙනවා. මෙමගින් අඩවියට ලොග් වන්නන්ගේ IP ලිපින හා ලොග් වන්නට උත්සාහ දරන වේලාවන් මතක තබාගන්නා අතර, එකම IP ලිපිනයකින් අසාර්ථක ලොගින් උත්සාහයන් හඳුනාගෙන යම් උත්සාහයන් ගණනකට පසු එම IP ලිපින තාවකාලිකව බ්ලොක් කිරීමක් සිදු කරනු ලබනවා.

5. ඔබගේ IP ලිපිනය හැර වෙනත් IP ලිපින වලින් ලොග් වීම අවහිර කිරීම.

මේක නම් හරියන්නෙ Static IP එකක් හරහා බ්ලොග් අඩවියට ලොග් වෙන අයට පමණක් සහ ඔබ වෙනත් අයට අඩවියේ ලියාපදිංචියට අවස්ථාවක් දී නොමැති නම් පමණකි. මින් කරන්නේ wp-admin තුළට වෙනත් IP ලිපින හරහා ඇතුළු වීම අවහිර කිරීමයි.

මෙය කරන්නේ, ඔබගේ අඩවියේ wp-admin ෆෝල්ඩරය තුළට ගොස් .htaccess ගොනුව විවෘත කරගන්න.

එය තුළ කොතැනකට හෝ මෙම කෝඩ් එක ඇතුළු කරන්න. YOURIPNUMBER කියන තැනට ඔබට ඕනෑ තරම් IP ලිපින ඇතුළු කරගත හැකියි. ඔබට තිබෙන්නේ # whitelist home IP address හා allow from YOURIPNUMBER පේළි දෙක යළි යළි යොදමින් අදාල IP ලිපින එකතු කරගැනීමයි.

[sourcecode]

order deny,allow
deny from all
# whitelist home IP address
allow from YOURIPNUMBER
# whitelist work IP address
allow from YOURIPNUMBER
# whitelist holiday IP address
allow from YOURIPNUMBER

[/sourcecode]

ඉතින් වෙනත් කෙනෙක් ඔබගේ අඩවියට ලොග් වීමට හැදුවොත් ඔහුට ලැබෙන්නේ පහතාකාරයේ පණිවුඩයක්.

Forbidden. You don’t have permission to access /wp-admin on this server.

6. New User Registrations නවත්වන්න.

ඔබගේ අඩවිය සාමාජිකයින් සහිත අඩවියක් නොවේ නම් ඔබගේ අඩවියේ නව සාමාජිකයින් ලියාපදිංචිය අවශ්‍ය දෙයක් නෙමෙයිනෙ. ඉතින් අඩවිය තුළ ලියාපදිංචි වීම අවහිර කරන්න. එය කරන්න, වර්ඩ්ප්‍රෙස් Dash Board > Settings වෙත යන්න. එහි Anyone can register යන හරි සළකුණ ඉවත් කර සුරකින්න.

7. සැමවිටම යාවත්කාලීන කරන්න.

වර්ඩ්ප්‍රෙස් හා ප්ලගින් සැමවිටම යාවත්කාලීන කරන්න. මුල් සංස්කරණයේ තිබෙන යම් යම් දුර්වලතා සැමවිටම නව සංස්කරණයකදී මඟහරවා වැඩිදියුණු කිරීම් සිදු කරනු ලබනවා. ඉතින් ඔබ සැමවිට යාවත්කාලීන කිරීමෙන් ඔබටත් ආරක්ෂාව සැපයෙනවා. ලොකු වැඩක් නෙමෙයි, ඩෑෂ් බෝර්ඩ් එකේම තියෙනවා අප්ඩේට් කරන්න ඔප්ෂන් එකක්. ක්ලික් කරන්න විතරයි තිබෙන්නේ. වර්ඩ්ප්‍රෙස් විසින් ඉතිරි සියල්ල ස්වයංක්‍රීයවම කරගන්නවා.

8. නිතිපතා Backup කරන්න.

බ්ලොග්/වෙබ් අඩවියේ හා ඩේටාබේස් යන දෙකම නිතිපතා backup කරගන්න එක හැමවිටම හොඳයි. කොච්චර කලත් කරදරේක වැටෙන්න බැරිම නෑනෙ. ඉතින් බැකප් එකක් තිබ්බොත් කිසිම දේකට බයවෙන්න දෙයක් නෑනෙ. Wordpress Database Backup කියන්නේ මේ වැඩේට හොඳ ප්ලගින් එකක්. සතියකට සැරයක් වගේ කරගන්නව නම් ඇති වෙයි. ගොඩක් අප්ඩේට් නොවෙන එකක් නම් මාසෙකට/ මාස කිහිපයකට සැරයක් උනත් ඇති වෙයි.

ඉතින් මේ සරළ දේවල් ටික කළොත් නම් ඔබගේ වර්ඩ්ප්‍රෙස් වෙබ්/බ්ලොග් අඩවිය හැක් කරන්න කිසිම කෙනෙක්ට ලේසි නෑ. ඇත්තෙන්ම බෑම තමයි. :) ආපහු ඒ ගැන බයක් වෙන්න දෙයක් නෑ.

මීට අමතරව තවත් හොඳ, Wordpress ආරක්ෂාව සඳහා මම භාවිතා කරන වර්ඩ්ප්‍රෙස් ප්ලගින 3ක් මම කියන්නම්.

Better WP Security

WP-DBManager

Secure Wordpress

මේ තුනෙන් Better WP Security කියන එක මම ඉහළින්ම රෙකමෙන්ඩ් කරනවා. අනිත් දෙකේම තියෙන වැඩ ඒකෙන් කරන්න පුළුවන් සහ අංක 6 යටතේ කිව්ව එකත්.

ඉතින් එහෙනම් සුභ පතනවා සුරැකි වර්ඩ්ප්‍රෙස් අනාගතයකට!!!

සුභ නව වසරක් වේවා!!!

noreply@blogger.com (Madhawa Habarakada) — Sat, 13 Apr 2013 20:30:00 +0000

ඔබ සියළු දෙනාට සාමය සතුට පිරි සුභ නව වසරක් වේවා!!!

මේකත් පොඩ්ඩක් බලමුකො.

noreply@blogger.com (Madhawa Habarakada) — Sat, 23 Feb 2013 09:46:00 +0000

මම මේ නිකමට හිතිල Windows Live Writer ඉන්ස්ටෝල් කළා. දැන් මේ ඒකෙන් බ්ලොග් පෝස්ට් එකක් ලියල බලන්න බැලුවෙ. හ්ම්ම්. නරක නෑ වගේ. කරදරයකුත් නෑනෙ. ඔප්ශන්ස් එහෙමත් ගොඩක් තියෙනව. ලින්ක්, විඩියෝ, රූප, වගු, ෆොටෝ ඇල්බම්, පිකාසා/ෆ්ලිකර් ෆොටෝ, සිතියම්, එහෙම එකතු කරන්න පුළුවන් පහසුවෙන්ම.

මම ප්ලගින් කිහිපයකුත් දැම්ම. ඒව නිසා, කෝඩ් ලියන්න, ස්කයි ඩ්‍රයිව් එකෙන් ෆයිල් දාන්න, ඇටෑච්මන්ට් දාන්න, ක්ලිප් බෝඩ් එකෙන් කෙලින්ම කොපි කරන්න, පිකාසා ඇල්බම් දාන්න එහෙමත් පුළුවන්.

ටිකක් ට්‍රයි කරල බලමුකෝ.

…..

"SL Scientist" වෙබ් අඩවිය දියත් කෙරිණි

noreply@blogger.com (Madhawa Habarakada) — Sun, 27 Jan 2013 14:50:00 +0000

හුඟ කාලෙකට ඉස්සෙල්ල තිබ්බ හීනයක් තමයි මගෙ, සඟරාවක් කරන එක. නමුත් සැබෑ කරගන්න බැරි උනා.

මමයි මගෙ යාළුවො සෙට් එකයි 11 වසරෙදි සඟරාවක් කළා. සඟරාවක් කිව්වට ඒක ප්‍රින්ට් කළ එකක් නම් නෙමෙයි. අපේ යාලූවො සෙට් එක අතින් ලියල, පත්තර වලින් රූප කපල අලවල එහෙම කළ එකක්. ආසාවට කළා මිසක් ලොකු උවමනාවකින් කළ එකක් නෙමෙයි. ඒක අපි මාසයකට එක ගාණෙ මාස කිහිපයක් කළා. ඒකෙ නම උනේ "ලොව වටා". A5 සයිස් එකේ පිටු 20ක් විතර ඒකෙ තිබ්බ. කට්ටිය ලිපි හදනව, එකෙක් හිටිය අපේ ලස්සනට අකුරු ලියන්න පුළුවන්, ඌ කොපිරයිට් කරල ඔක්කොම ලස්සනට ලියනව. ඒ කාලෙ ඉතින් පරිගණක භාවිතය තිබුණත් අපිට එහෙමට දෙයක් හරි හැටි තිබ්බෙ නෑ.

ඒ කෙසේ වෙතත් ඉතින් ඒක අපේ පංතිභාර මිසුත් හුඟක් හොඳයි කිව්ව, හැමෝම කියෙව්වත් එක්ක. ඒත් ඉතින් මාස කිහිපයකින් ඒක යට ගියා.

ඊට පස්සෙ ඉතින් කැම්පස් යන්න පටන් ගත්තට පස්සෙ තමා අන්තර්ජාලයේ කරක් ගහන්න ගත්තෙ. එතකොටනෙ මේ බ්ලොග් කියන එක සෙට් උනේ. මුලදි ඉංග්‍රීසි බ්ලොග් එකක් ලිව්ව, එතරම් ලොකුවට නෙමෙයි, පස්සෙ 2009දි තමා සිංහල බ්ලොග් ලියන්න ගත්තෙ.

බ්ලොග් කියන එකත් එක්තරා ආකාරයක සඟරාවක් කියන්න බැරි කමක් නෑ. ඒත් එහෙමම නෙමෙයිනෙ. ඉතින් ඔහොම ඉන්න අතරෙ, මේ මාසෙකට දෙකකට උඩදි යාලුවෙක් එක්ක කතා කර කර ඉන්නැද්දි ආපහු මේ සඟරා කතාව එලියට ආව. ඉතින් ඌත් හෙල්ප් එක දෙන්නම් කියල වැඩක් පටන් ගත්ත. ඒත් ඉතින් උගෙන් නම් හෙල්ප් එකක් ලැබුණෙ නෑ. නමකුත් තෝරගෙන, ග්‍රැෆික් වැඩ වලට හැමදාම මට හෙල්ප් කරන මනුෂාන් මල්ලිට කියල ලෝගෝ එකක් එහෙම් හදාගෙන වැඩේ පටන් ගත්ත.

මගෙ අදහස තිබ්බෙ, මුලින් ඊ මැගසින් එකක් කරල පස්සෙ ටිකක් සල්ලි එකතු කරගෙන ප්‍රින්ටඩ් එකක් කරන්න.

ඉතින් LinkedIn එකේ එහෙම පෝස්ට් කරල කට්ටියක්ව සෙට් කරගත්ත ලිපි ලියන්න. හුඟක් අය කැමති උනා. මමත් ලිපි කිහිපයක් ලිව්ව. තව ටික දෙනෙක්ට කිව්ව, එක ලිපියක් හරි ලියල දෙන්නම් කියල කිව්ව.

ඒත් දුකයි කියන්න, අර LinkedIn එකේ මේ වැඩේට සහයක් දෙන්නම් කිව්ව අය එක්කෙනෙක්වත් මට ලිපියක් ලියල දුන්නෙ නෑ. :'(.

මම, අපේ කැම්පස් එකේ නංගි කෙනෙක්, මල් කැකුළු බ්ලොග් එක කරන කෙනා, දුන්නු ලිපි ටික විතරයි. තවත් බ්ලොග් ලියන්නන් 2,3න් දෙනෙක් ලිපි ලියල දෙන්නම් කිව්ව. එච්චරම තමා.

මේ වැඩේ පටන් ගත්තෙ නොවැම්බර් මාසෙ. මගෙ ඉලක්කෙ තිබ්බෙ ජනවාරි මැද ඊ මැග් එකක් පබ්ලිෂ් කරන්න. ඒත් මේ ජනවාරි අග වෙනකොටත් ලිපි කිහිපයයි එකතු උනේ.

ඉතින් මේක මට අතෑරලම දාන්න හිතුන. මොකද තව වැඩ ටිකක් නිසා, මේකට වෙලාව මදි වෙයිද කියලත් හිතුන. ඒත් ඔන්න ඔහේ සයිට් එකවත් පබ්ලිෂ් කරනව කියල හිතල අද සයිට් එක පබ්ලිෂ් කළා.

ඉතින් මොකද්ද මේ "SL Scientist"???

මේ අඩවිය තනිකරම විද්‍යාව සම්බන්ධ ලිපි ලියවෙන වෙබ් අඩවියක්. ඔන්ලයින් සඟරාවක්. වයස අවු:16-22 අතර අය තමා ඉලක්ක කරන්නෙ. පාසලේ උගනින පාඩම් ගැන අපි කියන්නෙ නෑ. නමුත් ඒ තියරි සම්බන්ධ වෙන වෙනත් දේවල් අපි කතා කරනව. ඉතින් මේ ලිපි හරහා ලැබෙන දැනුම A/L විද්‍යාව කරන නංගිල මල්ලිලට තමන්ගෙ අමතර දැනුම දියුණු කරගන්නත්, ඒ තියරි වල භාවිත ඉගෙන ගන්නත් ප්‍රයෝජනවත් වේවි.

A/L කරන අයට විතරක් නෙමෙයි, විශ්ව විද්‍යාල වලට යන්න පටන් ගත්තු නංගිල මල්ලිලටත් මේකෙ දැනුම ලබා ගන්න පිලි තියේවි. එයාලටත් විෂය කරුණු පහසුවෙන් තේරුම් ගන්න මේ ලිපි සහය වේවි.

කියවන්න විතරක් නෙමෙයි නංගිල මල්ලිලට ලියන්නත් පුළුවන් "SL Scientist" එකට. ඔයාලගෙ දැනුම දියුණු කරගන්නවත් එක්කම, දන්න දේවල් අනිත් අයට කියල දුන්නම තවත් දැනුම දියුණු වෙනව කියල ඔයාල දන්නවනෙ නේද.

ඉතින් ඔයාලටත් ආරාධනා කරනව වෙබ් අඩවියට ගිහිල්ල ලිපි කියවන්න, තාම නම් දාල තියෙන්නෙ ලිපි කිහිපයයි.

ඔයාලත් කැමති නම් ලිපි ලියන්න එකතු වෙන්න, සයිට් එකේ තියෙන Contact Form එකෙන් කතා කරන්න.

ඒත් එක්කම ෆෑන් පේජ් එකටත් ලයික් එකක් දාන්න. ලිපියක් එකතු උනු වහාම මේල් එකටම ගෙන්නගන්න Subscribe වෙන්නත් පුළුවන්. සයිට් එකට ඔයාලගෙ මුහුණුපොතේ ගිණුමෙන් ලොග් වෙන්න පුළුවන්, එහකොට ලිපි වලට කමෙන්ට් කරන්න, ෆෝරම් එකේ පෝස්ට් කරන්න, ලිපි ලියන්න ඔයාලටත් පුළුවන්.

http://www.slscientist.com

https://www.facebook.com/SlScientist

ආ ඒත් එක්කම, අමතක උනානෙ. අද මගෙ උපන්දිනේ. හැබැයි විශේෂයක් නම් නෑ. ගෙදරටම වෙලා ඔහේ ඉන්නව. :)

සුභ නව වසරක් වේවා!!!

noreply@blogger.com (Madhawa Habarakada) — Tue, 01 Jan 2013 03:41:00 +0000

ඔබ සැමට ලැබුවා වූ නව වසර, සියළුම ලෝක වාසී ජනතාවට, සියළු වැඩ කටයුතු සාර්ථක වන, සියළුම පැතුම් ඉටු වන සුභ නව වසරක් වේවා!!!

2013 ඔබගේ හොඳම වසර කරගන්න

noreply@blogger.com (Madhawa Habarakada) — Tue, 25 Dec 2012 15:32:00 +0000

මේක ඇවිල්ල වැදි බණක්. ඒ උනාට මටයි ඔයාලටයි ඔක්කොටම වටිනව.

2013 අවුරුද්දෙ ඔයාගෙ බ්ලොග්කරණය දියුණු කරගන්න ඕනෙද? 2012 අවුරුද්දෙ ඔයාගෙ බ්ලොග්කරණය ගැන පැහැදීමක් නැද්ද? ඉතින් 2013 අවුරුද්ද හොඳ එකක් කරගන්න උපදෙස් ටිකක් මෙන්න. (අන්න ඒ ටික තමා වැදි බණ)

විවෘත මනසකින් යුක්තව වැඩ කරන්න.

එකම දේ නැවත නැවත කරමින්, නමුත් වෙනස් ප්‍රතිඵලයක් බලාපොරොත්තු වෙන එක සාර්ථක වෙන දෙයක් නෙමෙයි. අයින්ස්ටයිනුත් මෙහෙම කියල තියෙනවලු. මේක ඉතින් බ්ලොග් ලියන එකටත් පොදුයි. බ්ලොගිං වලින් දියුණු වෙන්න, ඒකට තියෙන කැමැත්ත වැඩි කරගන්න ඕනෙ. (මේ දවස් වල නැත්තෙ ඒකනෙ) ඉතින් ඔයාලගෙ මනස විවෘත කරල අලුත් විදිහට හිතන්න, අලුත් දේ ලියන්න පටන් ගන්න.

හොඳ මානසික ස්ථාවරත්වයක් ඇති කරගන්න.

ඔයාගෙ බ්ලොග් ලිවීම සම්බන්ධයෙන් ඔයාට ලොකු ඉලක්ක තියෙනව නම් ඔයා බ්ලොග් ලිවීම සම්බන්ධයෙන් බරපතලව හිතන්න ඕනෙ. ෆ්‍රී ඩොමේන් එකක් වෙනුවට ඩොමේන් එකක් සල්ලි දීල අරගන්න. ලස්සන, ඇසට ප්‍රිය මනාප තීම් එකක් දාගන්න බ්ලොග් එකට. දිගු කාලීනව, ඔයාගෙ බ්ලොග් එකට කාලය හා ශ්‍රමය වැය කරන්න. (අන්න ඒක තමයි මමත් කරන්නෙ නැත්තෙ. :( )

ඔයා සාමාන්‍ය ලියන දේවල ලියන්න.

බ්ලොග් එකට ලිපියක් ලියන එක කාලසටහනකට කරන්න. උදා: සතියකට ලිපි දෙකක්. අලුතින් ලිපි එකතු වෙන එක තමයි බ්ලොග් එකක driving force එක වෙන්නෙ. ඉතින් ඒක හරහා ඔයාගෙ බ්ලොග් එකට එන සෙනඟත් වැඩි වේවි. ඔයත් එක්ක සාමාන්‍යයෙන් ඉන්න රසිකයන් ටික හැමදාම ඔයත් එක්ක තියාගන්නත් ඒක හේතු වේවි.

ඔබගේ ලිපි අන්තර්ගතය ඉලක්කගත කරන්න.

ඔබගේ බ්ලොග් අඩවිය වටා එකතු වන කණ්ඩායම සළකා, ඔවුන්ට ගැළපෙන ආකාරයට, ඔවුන්ට ලිපි ලියන්න. ඒ හරහා ඒ කණ්ඩායම ඔබ වටා සැමවිටම තබා ගැනීමට ඔබට හැකිවනු ඇති අතර ඒ හරහාම තවත් එවැනිම කියවන්නන් ප්‍රමාණයක් එකතු කර ගැනීමට හැකි වනු ඇත.

මුල් පිටුව තුළ ඇති අන්තර්ගතය හා අඩවිය තුළ සැරිසැරීමට හැකි ආකාර ගැන සැළකිළිමත් වෙන්න.

ඔබගේ බ්ලොග් අඩවියට මුලින්ම පැමිණෙන්නන්ට ඔබගේ අඩවියේ තිබෙන අන්තර්ගතයට ඉතා පහසුවෙන් ලංවීමට හා අඩවිය තුළ ඇති ලිපි පහසුවෙන් සොයා ගැනීමට හැකි විය යුතුයි. අනෙකුත් ලිපි වලට සබැඳියන්, landing pages, මෙනුවන්, ඉතා පිළිවෙළට සකසන්න. මේ හරහා ඔබගේ අඩවියට මුල්ම අවස්ථාවේ එන්නන්, සැමදා එන්නන්, RSS හරහා එකතු වන්නන් බවට ඔබට ඉතා පහසුවෙන් හරවා ගත හැකි වනු ඇත.

ඔබද, බ්ලොග් අඩවිය තුළ සිටින්න.

බ්ලොග් අඩවියේ පැත්තකින්, ඔබගේ ඡායාරුවක් යොදන්න. ඔබ ගැන අඩවිය තුළ විස්තර කියන්න. ඔබ ඔබගේ බ්ලොග් කියවන්නන්ට කතා කරන විඩියෝ දර්ශන එකතු කරන්න. ඔබගේ පුද්ගලත්වය බ්ලොග් අඩවිය තුළ ප්‍රදර්ශනය කරන්න.

ඔබගේ දර්ශනය/විවේචන ඉදිරිපත් කරන්න.

හුඟක් බ්ලොග් ලියන්නන් කරන දෙයක් තමයි තියෙන දෙයක්ම ආපහු ආපහු කියන එක. "සමහරු නම් දන්නව ඇති, ඒත් මේ නොදන්න අයට" කියල ලියනකොට, ඔයාගෙ බ්ලොග් එකට හැමදා එන කෙනෙක්ට එපා වෙන්න ඉඩ තියෙනව. එකම දේ හැමතැනම එකම විදිහට දකින්න කවුරුවත් කැමති නෑ. එහෙම තියෙන දෙයක් ගැන කිව්වත් ඔබගේ හැඟීම්, ඔබගේ විවේචන, දර්ශනය සහිතව ඒ විස්තර කියන්න. වෙන අය වගේ තියෙන දේම කියන්න යන්නෙ නැතිව ඒ දේ ගැඹුරට යන්න, සවිස්තරාත්මකව විමසල විස්තර කරන්න. ඒ හරහා ඔබට ඔබගේ කියවන්නන්ට ලං වෙන්න ඔවුන්ට අලුත් දෙයක් දෙන්න ඔබට හැකි වේවි.

පෙළඹෙන්න.

ඔබ කැමති විෂයන් ගැන කතා කරන බ්ලොග්, වෙබ් අඩවි නිරික්සන්න, කියවන්න. ඒ අඩවි වල තිබෙන අලුත් දේ ඉගෙනගන්න. ඔවුන් කරන, ඔබව පොළඹවන ක්‍රියාකාරකම් ඔබගේ බ්ලොග් අඩවියට සම්බන්ධ කර ගත හැකි ආකාර ගැන සිතන්න.

ප්‍රසිද්ධ කරන්න.

මොනව උනත් නිකම්ම ඉඳල හරියන්නෙ නෑ. ඔබ ඔබගේ බ්ලොග් අඩවිය ප්‍රසිද්ධ කළ යුතුයි. විවිධ ආකාරයෙන් ඔබගේ බ්ලොග් අඩවිය මිනිසුන් වෙත ගෙන යන්න උත්සාහ කරන්න. ඔබ බ්ලොග් අඩවිය සමඟ ගත කරන කාලයෙන් 50%ක් ලිපි ලියමිනුත්, 50%ක් ඒ ලිපි මිනිසුන් වෙත ගෙන යමිනුත් සිටිය යුතුයි.

සංඛ්‍යාංක විශ්ළේෂණය කරන්න

ඔබගේ බ්ලොග් අඩවියට එන අය එන්නෙ කොහොමද, මොන පාරවල් වලින්ද කියල හොයල බලන්න (Blogger Stats, Google Analytics වගේ දේවල් මේකට භාවිතා කරන්න පුළුවන්.) ඉතින් ඒ එන මාර්ග තවත් විවෘත කරගන්නත්, එන්නෙ නැති මාර්ග හදා ගන්නත් මේ දේවල් ගොඩක් ප්‍රයෝජනවත් වෙයි.

ව්‍යාපාරික මනසක් ඇති කරගන්න.

මේක නම් අපේ බ්ලොග් කරුවන්ට එතරම්ම ප්‍රයෝජනවත් වෙන එකක් නෑ. නමුත්, බ්ලොග් එක කරගෙන යන අතරෙ ඔයාලගෙ බ්ලොග් එකට එන අය හරහා ආදායමක් ලබා ගත හැකි ක්‍රමයක් සිතන්න. Affiliate Links, ඔයාලගෙම භාණ්ඩ, වෙලඳ දැන්වීම් ප්‍රදර්ශනය වගේ දේවල උදාහරණ වශයෙන් ගන්න පුළුවන්. එහෙම කිව්වම affiliate links වලින් හා දැන්වීම් වලින් බ්ලොග් එක පුරවන්න එපා. එහෙම කළොත් නම් ඉන්න ටිකත් ඔයාව දාල යාවි.

කිසිදාක අතාරින්න එපා.

ආසාවෙන් බ්ලොග් එකක් පටන් ගත්තට කීයෙන් කී දෙනාද ඒක දිගටම කරගෙන යන්නෙ???

ඉතින් කවදාවත් අතාරින්න එපා. ටික ටික කරල හෙමීට ඉදිරියට යන්න.

ඔබට සුභ පැතුම්!!!

ඒත් එක්කම,

සුභ නත්තලකටත් මගෙන් ආසිරි!!!

මේ සම්බන්ධ මෙන්න මේ ලිපි හරහාත් ඔයාලට දැනුමක් ගන්න පුළුවන් වෙයි.

වෙබ් අඩවි සෑදීමේදී ඔබ නොකළ යුතු දේවල්

"ඔබගේ වෙබ් අඩවියේ ට්‍රැෆික් වැඩි කරගන්නේ කෙසේද?" පළමු සංස්කරණය

ඔබගේ බ්ලොග් එකේ ට්‍රැෆික් වැඩි කරගන්න වසර අවසානය යොදාගන්නේ කොහොමද?
බ්ලොග් එකට එන අයව ඇදල බැඳල තියාගන්නෙ කොහොමද?

Cylon Linux ස්ථාපනය කරමු

noreply@blogger.com (Madhawa Habarakada) — Thu, 13 Dec 2012 14:22:00 +0000

මගෙ මුල් ලිපියෙන් මම කිව්වනෙ Cylon Linux ගැන පොඩි විස්තරයක්. ඒකෙ හැඩහුරුකම් ඒව මේව ගැන. ඉතින් අද කියන්න හදන්නෙ Cylon Linux මෙහෙයුම් පද්ධතිය පරිගණකයේ ස්ථාපනය කරගන්නා ආකාරයයි. ඉතාම පහසුවෙන් මෙය ස්ථාපනය කර ගත හැකියි.

මෙම මෙහෙයුම් පද්ධතිය සමඟ වැඩ කිරීමට, එහි නිර්මාපකයින් 1.7GHz ප්‍රොසෙසරයක් හා 1GB රැම් මතකයක් නිර්දේශ කරනවා. හාඩ් ඩිස්ක් එකෙහි 8.6GB ඉඩකුත් ඕනෙ.
වෙනමම Primary Partition එකක් හදන්න. ගැළපෙන Swap මතකයක් සඳහා තවත් පොඩි කොටසක් වෙන් කරන්න. ඒක වින්ඩෝස් වල Virtual Memory වගේ එකක්.

හරි දැන් වැඩේට බහිමු.

මුලින්ම භාගත කරගත්තු ISO ෆයිල් එක DVD එකකට ගහගන්න. ඊට පස්සෙ ඒකෙන් OS එක ලෝඩ් කරගන්න. (DVD එක Live රන් කරන්න) එතකොට ඔයාලට මෙන්න මේ වගේ ඩෙස්ක්ටොප් එක එයි. (මම වෝල් පේපර් එක වෙනස් කළා.) පේනව නේද අයිකන් 4ක්? ඒවායින් අන්තිම එක Install Cylon 12.04 කියන එක උඩ ඩබල් ක්ලික් කරන්න.

අන්න එතකොට ඔයාලට මෙන්න මේ ඩයලොග් බොක්‍ස් එක එනවා. භාෂාව තෝරා ඉදිරියට යන්න.

ඊට පස්සෙ මෙහෙයුම් පද්ධතිය ස්ථාපනයට අවශ්‍ය මූලික දේවල් තියෙනවද බලනව මෙන්න මෙහෙම. ඉදිරියට යන්න.

හාඩ් ඩිස්කයට කුමක් කළයුතුද යන්න මෙතනින් අහනවා. පාටිෂන් එක තේරීම සඳහා දෙවන එක තෝරල ඉදිරියට යන්න.

මෙහෙයුම් පද්ධතිය ස්ථාපනය විය යුතු පාටිෂන් එක තෝරා ගත්තම මෙහෙම එකක් එනව. දැන් තියෙන්නෙ ඒ පාටිෂන් එකට ස්ථාපනය කිරීම ඇරඹීමයි. Install Now ක්ලික් කරන්න.

ඔන්න ඉතින් ස්ථාපනය ඇරඹුනා. ටික වෙලාවක් යාවි.

ඔය අතරෙ Keyboard Layout එක අහනව. ඒකටත් අදාල එක තෝරල දීල ඉදිරියට යන්න.

ඔබගේ නම, පරිගණකයට දෙන නම, username හා මුරපදය දෙන්න.

ඊට පස්සෙ ඉතින් ඉතිරිටික වෙන්න දීල ටිකක් වෙලා බලාඉන්න.

හරි, ස්ථාපනය අවසන් උනාම මෙහම පණිවුඩයක් එනවා. Restart Now තෝරන්න.

ඔන්න ඉතින් දැන් පරිගණකය Cylon Linux වලින් Boot වෙනවා.

මෙන්න Cylon Linux.

මේ තියෙන්නෙ ස්ථාපනය කරන ලද Cylon Linux වල ඩෙස්ක්ටොප් එක.

දැනිතින් තියෙන්නෙ සෙල්ලම් කරන්න. ඔය උඩ තිබෙන Applications කියන මෙනුව දිග හැරියොත් ඔබට පෙනේවි අති විශාල මෘදුකාංග ප්‍රමාණයක් තිබෙනවා. පරික්ෂා කරල බලන්න.

එහෙනම් සෙල්ලමට ඉඩ දීල මම ඉවත් උනා. සුභ පැතුම්!!!

Cylon Linux සමඟ වරුවක්

noreply@blogger.com (Madhawa Habarakada) — Fri, 07 Dec 2012 17:52:00 +0000

හුඟක් අය දන්නව ඇති මේ දවස් වල ලංකාවෙ අපේ දක්ෂයො ටිකක් එකතු වෙලා ලිනක්ස් OS එකක් රිලීස් කරල තිබෙනව. ඒක තමයි Cylon Linux. උබුන්ටු පාදක කරගෙන තමා මේක නිර්මාණය කරල තිබෙන්නෙ.

ඉතින් මමත් ඉතින් මේක භාගත කරගෙන දාල බැලුව. ටොරන්ට් එකක් හරහා තමයි භාගත කරගන්න තිබෙන්නෙ. 2.5GB වෙනම ISO Image එක. පැය 6ක් වගේ කාලයකින් මට නම් භාගත කරගන්න පුළුවන් උනා.

මේ තියෙනෙ ඒ ඕඑස් එකට අදාල තාක්ෂණික දත්ත.

Package Management : Debian Packager with APT
Desktop Environment : Gnome Classic (also contains Unity & Gnome Shell)
Kernel Version : 3.2.0.30.32
OS Family : Unix-like
Source Model : Partially Open Source (Contains non-free applications)
Current Version : 12.04.1
Parent Distribution : Ubuntu Linux 12.04 LTS
License : Mainly the GNU GPL and various other free software
Architecture : Intel x86 (32bit)
Installation Medium : 2.5 GB ISO image
MD-5 Checksum : ba092dad03317677887565a4aa0a59f1

ඉතින් මේ ඕඑස් එක හදල තියෙන්නෙ දැනට භාවිත වෙන පරණ පරිගණකයකත් වැඩ කරන්න පුළුවන් වෙන්නයි. මේ තියෙන්නෙ තියෙන්න ඕනෙ System Requirements.

Processor : 1.7 GHz

R. A. Memory : 1GB

V.G.A. Memory : Doesn't matter how much you got, but will be awesome if it supports 3D acceleration.

ඉතා හොඳ මෘදුකාංග එකතුවකුත් එක්කම නිපදවා ඇති නිසා භාවිතය ඉතාම පහසු වෙයි. මොකද මෘදුකාංග හොයන්න ඕනෙ නෑනෙ.

මේ තියෙන්නෙ තිබෙන ප්‍රධාන මෘදුකාංග ලැයිස්තුව.

Artha Dictionary
BleachBit
Docky
Xpad
CryptKeeper
CuttleFish
CCSM
Compiz (Patch)
GnomeSplit
RedShift
Qreator
Gloobus Preview
Ultra Copier
KGeography
KMPlot
KAlarm
Firestarter
Qucs
Step
PCSX (with spu,gpu plugins)
PlayStation Helper
Play on Linux
Inkscape
Blender (with Cycles)
Scribus
Hardware Lister
RawTherepy
Gimp 2.8 (with Plugin Registry)
MyPaint
Krita
Facebook
Pinta Image Editor
LibreCad
Scan2PDF
Dia
Rekonq Web Browser
Tor Web Browser
Rekonq Web Browser
Nightly Web Browser
Chrome Web Browser
Prozilla Download Accellerator
Deluge Bittorrent Client
V Mobile Broadband
FileZilla
gFTP
GnomePredict
Ticker
WiFi Radar
XHydra
Fogger
KeepInternet
Calibre Book Library
View Your Mind
Korganizer
GNUCash
KmyMoney
OCRFeeder
BlueFish Web Editor
Komposer Web Editor
Eclips IDE
Eric Python IDE
Dr.Python
Gambas 2.0
Quickly
Avogadro
Kalzium
Stellarium
Synaps
Screenlets
KdenLive
OpenShot
K3B
Acetone ISO
ConvertMe
Arista Trascoder
WinFF
Amarok
Smplayer
VLC Media Player
Audicious
Play it Slowly
Miro
Auducty
Lmms (No launcher)
Mix
Asunder CD Ripper
EasyTag
DeVeDe
DVD Styler
OGMRip
Imagination
Cheese Web Cam Booth
Guvc Webcam view
Kazaam Screencaster
RecordMyDesktop
Dvdisaster
Xfce Taskmanager
Web Content Control
Replay Video Cache Viewer
Synaptic Package Manager
Wine
Wicid
Xine
YPPA

ඔය ඉහත තොරතුරු ටික නම් ඔවුන්ගේ වෙඩ් අඩවියෙන්ම තමයි උපුටා ගත්තෙ.

ඔවුන්ගේ වෙබ් අඩවියෙන් හා ඔවුන්ගේ මුහුණු පොත රසික පිටුවෙන් ඔබට තවත් විස්තර දැනගත හැකියි.

Graphic Designersලගෙ ජනප්‍රියම FOSS එක වෙන Gimp, Animatorsලගෙ ජනප්‍රියම FOSS එක වෙන Blender, ජනප්‍රියම FOSS Media Player එකක් වෙන VLC Player, ජනප්‍රියම වෙබ් බ්‍රවුසර් වන Firefox හා Chrome වෙබ් බ්‍රවුසරත්, ජනප්‍රියම චැට් මෘදුකාංගය වන Skype, Wine යොදාගනිමින්, ඔෆිස්, ෆ්ලෑෂ්, ඩ්‍රීම්වීවර් සහ ගොඩක් මෘදුකාංග මේක තියෙනවා.

මම හැම දෙයක්ම කළේ නම් VirtualBox හරහා. සියළුම අත්දැකීම් ලැබීමට එය වඩා හොඳයි, කෙලින්ම ස්ථාපනයට පෙර.

මට පෙනෙනා ආකාරයට නම් අත්‍යවශ්‍ය සියළුම මෘදුකාංගත් එක්කම නිපදවල තිබෙන මෙම ලිනක්ස් මෙහෙයුම් පද්ධතිය ඉතා හොඳ එකක් විදිහටයි.

ඊලඟ ලිපියෙන් තවත් විස්තර ටිකකුත් ස්ථාපනය කරගන්නා ආකාරය සරළව රූප සමඟ ඉදිරිපත් කරන්නම්.

ඉතින් ඔබත් භාගත කරගෙන DVD එකක් write කරගෙන Live රන් කරල හරි බලන්න.

ඒත් එක්කම කැම්ති අනිත් අයටත් භාගත කරගන්න සහය වෙන්න ටොරන්ට් එක සීඩ් කිරීම මගින්.

ඩිරෙක්ට් ඩවුන්ලෝඩ් ලින්ක් එකක් මෙන්න.

http://gturbobit.net/94gbaupgyzre.html

Page Views ලක්ෂයක්

noreply@blogger.com (Madhawa Habarakada) — Sun, 28 Oct 2012 11:14:00 +0000

සමහරුන්ට නම් මේක පොඩි දෙයක්. මම නම් ඉතින් වැඩිපුර බ්ලොග් එක අප්ඩේට් කරන්නෙ නැති නිසා සහ ගොඩක් කට්ටිය කතා කරන මාතෘකා ගැන ගොඩක් පෝස්ට් දාන්නෙ නැති නිසා, මේ ඉලක්කම මට නම් ලොකු දෙයක්.

එක පාරක් මතකයි, බ්ලොගර් ස්ටැට්ස් ගැන මම මල්ලි කෙනෙක් එක්ක විවාදෙකුත් ගියා, මේ දෙන ඉලක්කම් වැරදියි කියල. ඇත්ත ගාණ මීට අඩුයි කියල. නමුත් ඉතින් මමත් දැන් පහසුව තකා පාවිච්චි කරන්නෙම මේක තමයි.

බ්ලොග් එක පටන් ගත්තෙ නම් 2009.06.28. නමුත් බ්ලොගර් වල Statistics පෙන්නන්නෙ 2010 ජනවාරි ඉඳල. එහෙම බැලුවොත් නම් මගෙ බ්ලොග් එකේ page views ගණන 100,000 වෙන්න ඇත්තෙ මීට කාලෙකට කලින්.

දැනට එතකොට බ්ලොග් එක පටන් අරගෙන අවුරුදු 3යි මාස 4ක් හරියටම. ලොකු කාලයක්. හැමදාම කියන්න වගේ අදත් කියන්න ඕනෙ, ඒ දවස් වල අපි බ්ලොග් පටන් ගන්නකොට ඔක්කෝම සිංහල බ්ලොග් තිබ්බෙ 200කටත් අඩු ගාණක්. දැන් නම් වැහි වැහැල. ලොකු ලොකු දේවල් කරන අය, ගොඩක් ප්‍රයෝජනවත් දේවල් ලියන අය දැන් ගොඩක් ඉන්නව. ඒත් එක්කම බ්ලොග් එකක් පටන් ගන්න ආසාවට නැත්තම් රැල්ලට පටන් අරගෙන ලිපි 2,3ක් ලියල නවත්තල දාන අය සිය ගණනින් ඉන්නව. දැන් නම් සිංහල බ්ලොග් දෙතුන්දාහක් ඇති සමහරවිට. නමුත් ඒවායින් අප්ඩේට් වෙන ඒව ඇත්තෙ 500කට අඩුවෙන් වෙන්න ඇති.

ඉතින් බ්ලොගර් Stats වලින් ගත්තු දේවල් අනුව,

ඔන්න ඔහොමයි පේජ් වීව්ස් වෙනස් වෙලා තියෙන්නෙ. පේනවනෙ? එච්චර කට්ටිය එන බ්ලොග් එකක් නම් නෙමෙයි කියල.:)

ඔය කට්ටිය වැඩිපුරම ඇවිල්ල තියෙන්නෙ මෙන්න මේ තැන් හරහා.

වැඩිපුරම කට්ට්ටිය බලල තිබෙන ලිපි ගැන කිව්වොත්,

"ඔබගේ වෙබ් අඩවියේ ට්‍රැෆික් වැඩි කරගන්නේ කෙසේද?" පළමු සංස්කරණය නිකුත් කෙරේ

වෙබ් අඩවි සෑදීමේදී ඔබ නොකළ යුතු දේවල්

ඔබත් තරබාරුකමින් දුක් විඳිනවාද?

[Update 2] මම ගන්න ඒවමත් නෙමෙයි, නමුත් ඔයාලට පොත් ගන්න උදව්වක්

PhotographyLK අඩවිය අති සාර්ථක ලෙස දියත් කෙරුණු වගයි

මේ ලිපි 5 තමයි, All time highest hits දිනාගෙන තියෙන්නෙ.

වෙබ් අඩවියක ට්‍රැෆික් වැඩි කරගන්න හැටි කියල දෙන්න ලියපු ලිපි මාලාවත්, වෙබ් අඩවියක් නිර්මාණයේදී නොකළ යුතු දේවල් කියල දුන්නු ලිපි මාලාවටත් අමතරව, කොටස් වෙළඳපළ ගැන ලිව්ව ලිපි මාලාව හා තොටගමුවේ ශ්‍රී රාහුල හාමුදුරුවන්ගෙ කතා ටිකත් ගොඩක් ජනප්‍රිය උනා.

තවත් ඉදිරියට ඉතින් ලියන්න තමා බලාපොරොත්තුව. දැන් ඉතින් වෙලාවත් ටිකක් මදි සහ එක එක වැඩ නිසා කම්මැලිකමත් ටිකක් තියෙනව. ප්‍රයෝජනවත් ලිපියක් ලියන්න ඉතින් ටිකක් මහන්සි වෙන්න එපැයි.

මේ අවිරුදු 3 මාත් එක්ක හිටි හැමදෙනාටම බොහොම ස්තුතියි සහ ඉදිරියටත් එකතු වෙලා ඉන්න ආරාධනා කරනවා.

තවත් අමුතු, ලස්සන ෆොන්ට් ටිකක්

noreply@blogger.com (Madhawa Habarakada) — Fri, 26 Oct 2012 17:03:00 +0000

ඉස්සෙල්ල ෆොන්ට් ටික ගන්න ගියාම කට්ටියට ටිකක් කරදර උනානෙ. ඉතින් මේ සැරේ ඊට ටිකක් ලේසියෙන් බාගන්න පුළුවන් ෆොන්ට් ටිකක් දෙනව මෙන්න. මේව නම් ටිකක් අමුතු ෆොන්ට්ස් ටිකක්. බලාගෙන ගිහිල්ල පහලින්ම තියෙන ලින්ක් එකෙන් භාගත කරගන්න. මේ සමහර ඒව නම් ෆොන්ට් නෙමෙයිත් වගේ. :)

Upon The Overgrowth

Wine Basement

Dirty Feature

Kaiju Monster G

Soviet Style

Lost in the Sound

Alien Dot

Mad Style

FurrySack

AquaColor

DK Mama Bear

Elmo

Kristen always not so normal

Esperanza

Clover Things

Crosses n Hearts

Square Things 2

Square Things

Tile Things

Grubo

Triangular HD

Janda Celebration Script

You Are Precious

The Line-Up

Petrra fam

ExtraFine Script

Kurba

Circuit board

Sai19 Serif

AlphaShapes grids

AlphaShapes grids 2

AlphaShapes stars 3

AlphaShapes stars 4

AlphaShapes flowers

Gel Stripped

Bella K. Brackets

My First Font

OPM

Handy Handy

Stormys Narrow

Just Breathe

Vtks Fresh

Slaughterhouse

CM Garaflora

Janda Flower Doodles

A Day In Autumn

Guest Service

Briasco Rustic

Afro

Profilsdco

බලන්න මේ ටික ඔයාලට ප්‍රයෝජනවත් වෙයිද කියල.

මෙන්න මෙතනින් භාගත කරගන්න.

http://www.mediafire.com/?5s8npaxea95gtkt

නොමිලේ ලබාදෙන ලස්සන ෆොන්ට්ස් ටිකක්

noreply@blogger.com (Madhawa Habarakada) — Thu, 25 Oct 2012 13:22:00 +0000

මටම මගෙ බ්ලොග් එක අමතක වෙලා කියල අද හදිසියෙ මතක් උනා. ඉතින් ලිපියක් ලියන්න හිතුන. ලිපි ටිකක් සඳහා අදහස් ගොන්නක් තිබ්බත් ටිකක් වෙලා අරන් ඒව ලියන්න ඕනෙ නිසා, ඉක්මනින් ලියන්න පුළුවන් මාතෘකාවක් අරගෙන ලිපියක් හැදුව.

ෆොන්ට් කියන්නෙ විවිධ නිර්මාණ කරනකොට අත්‍යවශ්‍ය වෙන දෙයක්. සඟරාවක්ද, පෝස්ටර් එකක්ද, අත් පත්‍රිකාවකද, මේ හැම එකක්ම ලස්සනට හදාගන්න, හොඳ නිර්මාණකරුවෙක් ලඟ ලස්සන ෆොන්ට් එකතුවක් තියෙන්න ඕනෙ. ඉතින් මම මේ දෙන්න යන්නෙ, එහෙම තෝරාගත් ලස්සන ෆොන්ට්ස් 30ක එකතුවක්.

Calluna Sans

Square Comic

Alt Alternative

ලෝගෝ වලට එහෙම නියම ෆොන්ට් එකක්.

Dimitrina

1470 Sorbone

Jesterday

හෙඩ් ලයින් වලට හොඳ ෆොන්ට් එකක්. නමුත් බොඩි එකට උනත් කමක් නෑ.

Classic Blur

ලස්සන රවුම් අකුරු. බැනර් වලට එහෙම ලස්සනයි.

Waterfall

ගලාගෙන යන, වැල් අකුරු විදිහට තියෙන ලස්සන ෆොන්ට් එකක්.

Springsteel Serif

Seconda

Skyhook Mono

මේක ටිකක් කැතයි වගේ පෙනුනට මේක ප්‍රින්ට් කරන්නම හදපු ෆොන්ට් එකක්. ඉතාම කුඩා ප්‍රමාණෙකට ප්‍රින්ට් කළත් පැහැදිලිව පෙනෙන ෆොන්ට් එකක්.

FR Hopper

ඇහැටත් හරි පහසු, මම නම් ඉතාම ආස ලස්සන සිම්පල් ෆොන්ට් එකක්.

Lintel

ION C

LCD වල පෙන්නන අකුරු වගේ එකක්.

Florin Sans

Oval

ඕනෑම ආකාරයක ග්‍රැෆික් ඩිසයින් එකකට හරියන රවුම් පිම්බුනු අකුරු තිබෙන ෆොන්ට් එකක්.

Giro

මේකත් ලෝගෝ වලට නම් ගොඩක් හොඳයි.

දැන්වීම් වලට නම් කියාපු ෆොන්ට් එකක්.

Circula

මේකෙ සිම්පල් අකුරු නම් නෑ. වෘත්ත පාදක කරගෙන නිර්මිත ෆොන්ට් එකක්.

Danger

Sketchetik

InSign

හෙඩ්ලයින් වලට, ලොගෝ වලට හොඳ ජ්‍යාමිතික ෆොන්ට් එකක්.

Otari

මේකත් මට නම් හරිම ලස්සන ෆොන්ට් එකක්.

Cartwheel

විනෝදාත්මක ගතියක් තිබෙන, දැන්වීම් වගේ දේ වලට ගැළපෙන ෆොන්ට් එකක්.

Museo Slab

පරණ ලතින් ඇමරිකන් ගතියක් තියෙන ෆොන්ට් එකක්.

Scriber

ටිකක් ජ්‍යාමිතික ගතියකුත් රවුම් ගතියකුත් තිබෙන ෆොන්ට් එකක්.

Hemingway

අර්නස්ට් හෙමිංවේ නමින් හදපු ෆොන්ට් එකක්. ඒකත් ලස්සනයි.

ඔන්න ඉතින් පොඩි ලියක් දැම්ම. ටිකක් හොයන්නත් උනා. නමුත් ඉක්මනින් දාන්න ඕනෙ නිසා ලොකු මහන්සියක් උනෙත් නෑ.

බ්ලොග් එක අතෑරල දාල කියල කවුරුවත් හිතුව නම් එහෙම නම් හිතන්නෙපා. බ්ලොග් එක නම් මැරෙනකම් අතාරින්නෙ නෑ. :)

පොත් ප්‍රදර්ශනයට ගියෙමි - පොත් ගතිමි - මිතුරන් හමුවුනෙමි

noreply@blogger.com (Madhawa Habarakada) — Mon, 24 Sep 2012 18:44:00 +0000

ඔව් ගියානෙ, එක පාරක් නෙමෙයි දෙපාරක්ම.

පළවෙනි පාර බලා කියාගෙන එන්න කියල ගිහිල්ල පොතුත් 10ක් වගේ අරගෙන ආව. දෙවෙනි පාර ගන්න ගිහිල්ල තව පොත් 14ක් අරගෙන ආව. අපේ නගා ගියා දවස් 2,3කට ඉස්සෙල්ල එයත් පොත් 9ක් අරගෙන ඇවිල්ල තිබුණ.

ඇත්තෙන්ම අපේ මේ වාර්ෂිකව පොත් ගන්න යෑම පොත් ගන්නම විතරක් යන එකක් නෙමෙයි, අපේ අතිජාත මිතුරන් සෙට් එක එකතු වෙන්නත් යොදාගන්න අවස්ථාවක්.

ඡායාරූපය නිසුපානිස්ගේ අනුග්‍රහයෙනි

ඡායාරූපයත් එක්කම විස්තර කළොත්, වමේ සිට, මගේ සුපැරණි මිතුරු උදිත, ඊලඟට මම, ඊට පස්සෙ දිමුතු, මැද්දෙ රිට වගේ ඉන්න සහන් මල්ලි, ඊලඟට මගෙ ඉපැරණි මිතුරිය නිසුපා හෙවත් නිපුසා, සාලිකා, මනෝරි අක්කා හෙවත් මනෝ අක්කා සහ අවසාන වශයෙන් පබා හෙවත් පබාවතී.

ඉතින් මේ අපේ සෙට් එක ඔක්කෝම සෙට් උනේ ගොඩ කාලෙකට පස්සෙයි. මොකද ඉතින් එක එක්කෙනා එක එක වැඩනෙ, ඉතින් එකට එකතු කරගන්න හරිම අමාරුයි. සමහරු රට ඉඳල එනව, සමහරු රට යන්න ලෑස්ති වෙනව.

ඉතින් හරිම සතුටුයි ඔක්කොමල්ල එකතු උනු එක ගැන නම්. ඔය අස්සෙ ඉතින් අපි පොතුත් ගත්ත. මගෙ කුමාරිකාවට එන්න උනේ නෑ එයාට උදේ විභාග නිරීක්ෂණ කටයුත්තක් යෙදිල තිබුණු නිසා. අපේ නංගි ආවෙ නෑ ඉස්සෙල්ල ගිය නිසා, ගිය පාර ආපු උදිතගෙ මල්ලි මේ වෙනකොට ඉන්දියාවෙ. නිසුපගෙ නගාට නැගිටගන්න බැරිව සෙමලු. දිමුතුවව ගෙන්න ගත්තෙ තර්ජනයක් කරල.

ඉතින් මේ යාලුවො සෙට් එකත් එක්කම බ්ලොගෝලයේ මිතුරු මිතුරියන් කිහිප දෙනෙකුත් මුණගැහෙන්න කතා උනාට උන්ගෙන් කී දෙනයිද හම්බුනේ. මම සෙනසුරාදා තනියම ආ වෙලාවේ ශානි මුණගැහුන. කඩ හොයාගන්න බැරිව කැරකි කැරකි ඉන්නකොට.

ඉරිද උදේ පාන්දරම නෙරන්ජිව මුණගැහුන, කොල්ල නැතිව තනියම කැරකි කැරකි ඉන්නව. නෙරන්ජි හරිම හොඳයි, ඕනෙ උනොත් කියල ෆෝන් නම්බර් එකත් දුන්න ඉස්සෙල්ල දවසෙ, හැබැයි ෆෝන් එකේ බැටරි බස්සල ඕෆ් කරගෙනම තමා ඇවිල්ල තිබුණෙ.

ඊට පස්සෙ ගෝල්ඩ් ෆිෂ් මුණගැහුන. ඌට තිබ්බ හදිස්සියක්. ඌ එක්ක හිටිය ගෑණු ළමය කවුද කියන එක කාටත් අභිරහසක් :D

අපි ඉතින් පට්ට බඩගින්නෙ කාල තේ බොනකොට මෙන්න නෙරන්ජි කොල්ලවත් හොයාගෙන ආව. :)

ඊට ටිකකට පස්සෙ අර කොමෙන්ට් 20,000 පෝස්ට් එකේ අයිතිකාරිත් කොහෙන්ද මන්ද මතු වෙලා නිසුපගෙ තේකට වග කිව්ව. අනේ අන්තිමට නිසුප කියනව, "අනේ මේකෙ ගොඩක් තිබ්බනෙ" කියල. පවු ඉතින්. ;)

මම ගිය පාර නම් එකතු කරන්න හිතාගෙන චින්ගීස්ගෙ හා පවුලෝගෙ පොත් සෙට් එකක්ම ගත්තනෙ. ඇත්තම කිව්වොත් ඒව කියවල ඉවර කළේ නෑ. මේ පාර හිතල බලල කියවන්න පුළුවන් ඒව ටිකකුත් ගත්ත. නමුත් අරම එකතු කරන්න කියල හිතාගෙන ගත්තු පොත් ටිකකුත් තිබෙනව.

ඉතින් ඔක්කෝම පොත් (මම සහ නංගි ගත්තුව) වල එකතුව 33ක් වෙනව. (එකක් නගාට ඕනෙලු කොල්ලට තෑගි දෙන්න) පොත් වල වටිනාකම රු.12,000ක් වගේ. වියදම රු.9,500ක් වගෙයි වෙලා තියෙන්නෙ.

මම ඉතින් ලිස්ට් එකක් දාන්නම්කො.

රට රට වල සුරංගනා කතා
අයේෂා ආපසු එයි (රයිඩර් හැගාඩ්)
ඈ සහ ඇලන් (රයිඩර් හැගාඩ්)
ලෝක විනාශය (ආතර් සී. ක්ලාක්)
පාරාදීසයේ උල්පත් (ආතර් සී. ක්ලාක්)
ජනකාන්ත මිත්‍යා මත
වානරයා
රාවණ මෙහෙයුම
සරදියෙල්
මනුසත් උයන (ඩෙස්මන් මොරිස්)
රුසියන් කෙටිකතා
ජේන් අයර්
මුතු කරාබුව පැළඳි යුවතිය
පර්ජා
කාවේරි
අපේ ගම (මාර්ටින් වික්‍රමසිංහ)
කරුවල ගෙදර (මාර්ටින් වික්‍රමසිංහ)
රන් පිළිමය හා වෙනත් කතා (මාර්ටින් වික්‍රමසිංහ)
මුවන් පැලැස්ස
මැක්සිම් ගෝර්කි - තෝරාගත් කෙටි කතා
වානේ පන්නරය ලැබූ හැටි
මහ රහතුන් වැඩි මඟ ඔස්සේ - 1 හා 2 කොටස්
හීන් සැරය
මඟුල් කෑම
ආනන්ද මෛත්‍රීය මහා නාහිමියන්ගේ අප්‍රකට ලිපි
ආනන්ද මෛත්‍රිය නාහිමියන්ගේ විචිත්‍ර දේශනා
පහසුවෙන් සිහිය වඩන මඟ
බෝධි පාක්ෂික ධර්ම විස්තරය
බුදු දහමේ මූලික ඉගැන්වීම්
මොසපොතේමියාගේ ඝාතනය
රොජර් ඇක්‍රොයිඩ් මරා දැමීම (අගතා ක්‍රිස්ටි)
මකුළු දැල (අගතා ක්‍රිස්ටි)
හර්කියුලිස්ගේ රහස් පරීක්ෂණ (අගතා ක්‍රිස්ටි)

මෙන්න මෙහෙම තමා ගත්තු පොත් විස්තරය. ෆොටෝ එකක් දාන්න ලේසි නැති නිසා නිකා හිටිය.

මේවට අමතරව අපේ සාලිකා මිතුරියට මම, මහරහතුන් වැඩි මඟ ඔස්සේ පොත් දෙක හා සාරභූමි පොත් තුන්කට්ටුව අරන් දුන්නා තෑග්ගක් වශයෙන්.

ප්‍රදර්ශනේ ගැන කියනවා නම් ප්‍රදර්ශනේ හොඳයි. ප්‍රකාශකයින්ට නම් පට්ටම ලාභයක් ඇති. කියවන ජනතාවටත් තමුන්ගෙ ලාභයෙන් කොටසක් වැය කරමින් පොත් දෙන එක නම් අගය කළ යුතුයි. ඒත් එක්කම ඔවුන් කතුවරුන්ට කරන අසාධාරණයත් ටිකක් අඩු කළොත් නම් හොඳයි. (කතෲ භාගය නොදී පොත් හොරෙන් මුද්‍රණය කර විකිණීම වගේ දේවල්). ඒ ගැන වැඩිපුර කතා කරන්න ඕනෙ නෑ කියල හිතනව.

කොහොමෙන් කොහොම හරි, මේ වාරෙ පොත් සල්පිලත් අති සාර්ථක ලෙස තවමත් පැවැත්වෙනවා. අපිත් පොත් ගත්ත. සතුටුයි...

[Update 2] මම ගන්න ඒවමත් නෙමෙයි, නමුත් ඔයාලට පොත් ගන්න උදව්වක්

noreply@blogger.com (Madhawa Habarakada) — Thu, 20 Sep 2012 15:30:00 +0000

ඉතින් අපි සෙට් එකක් යනවලුනෙ එන ඉරිද පොත් සල්පිලට. ඕකෙන් කට්ටිය පොත් ගොඩක් ගන්න අදහස ඇතිනෙ. සමහරු නම් එකක් දෙකක් වෙන්නත් පුළුවන්, සමහරු නම් පොත් කන්දක් වෙන්නත් පුලුවන්. ගිය පාරත් අපිත් එක්ක ගිය සමහරුන්ට ගත්තු පොත් ටික එල්ලගෙන ගිහිල්ල කොන්දෙ අමාරුත් හැදුනලුනෙ. :)

ගිය පාරත් මම කිව්ව පොත් ටිකක් ගැන, ඒවත් එක්ක මේ පාරත් පොත් ලැයිස්තුවක් දෙන්න හිතන්නෙ.

හැබැයි මෙහෙමයි. මගෙ රසාස්වාදය වෙනයි ඔයාලගෙ රසාස්වාදය වෙනයි. ඉතින් මම මේ කියන පොත් සමහරුන්ට හොඳ වෙන්නත් පුළුවන්, සමහරුන්ට සවුත්තු වෙන්නත් පුළුවන්. ඔයාලගෙ අදහසුත් දෙන්න. එතකොට පොත් ලැයිස්තුව අලුත් කරන්න පුළුවන්නෙ ටික ටික. මේ සමහරක් පොත් මගෙ ලඟ තියෙන ඒව. සමහරක්, මගෙ ලඟ නැතත් කියවල තියෙන ඒව. සමහරක් මගෙ ලඟත් නැති කියවලත් නැති ඒව. (අන්න ඒවයින් ටිකක් සහ කියවල තියෙන මගෙ ලඟ නැති ඒවයින් ටිකක් මම මේ පාර ගනීවි.)

ගුරු ගීතය

චිංගීස් අයිත්මාතව් | පරි: දැදිගම වී. රොද්‍රිගූ | ප්‍රකා: කීර්ති

සුප්‍රසිද්ධ දුයිෂෙන්ගේ කතාව. මේක ගැන නම් කියන්න ඕනෙ නැතිව ඇති.

ධිවර ගීතය

චිංගීස් අයිත්මාතව් | පරි: චූලානන්ද සමරනායක | ප්‍රකා: විදර්ශන

ධීවට පිරිසක් සමඟ මාළු අල්ලන්න යන කුඩා දරුවෙක්. අතරමං වෙලා පාර හොයාගන්න බැරිව, වැඩිමලුන් එකා එකා මිය යනවා. අවසානයේ මේ කුඩා දරුවා පමණයි. ඔහු කෙසේ හෝ ගොඩබිමට එනවා. සමහරවිට කියවන්න කම්මැලි හිතෙයි. මොකද මේකෙ දෙබස් අඩුයි, තිබෙන්නෙ හිතන දේවල් තමා වැඩිපුර.

ජමිලා

චිංගීස් අයිත්මාතව් | අනු: දැදිගම වී. රොද්‍රිගූ | ප්‍රකා: කීර්ති

මේකත් හුඟක් ප්‍රසිද්ධ පොතක්නෙ ඉතින්.

සමුගනිමි ගුල්සාරි

චිංගීස් අයිත්මාතව් | පරි: චූලානන්ද සමරනායක | ප්‍රකා: විදර්ශන

මහලු වියේ සිටින අශ්වයෙකු හා මහල්ලෙකුගේ කතාවක්.

සුදු නැව

චිංගීස් අයිත්මාතව් | පරි: චූලානන්ද සමරනායක | ප්‍රකා: විදර්ශන

2001, 2010, 2061, 3001 Space Odyssey Series එක

ආතර් සී. ක්ලාක් | ප්‍රකා: S & T Group

රාමා හමුව

ආතර් සී. ක්ලාක් | පරි: එස්. එම්. බන්දුසීල | ප්‍රකා: S & T Group

පිටසක්වලින් අපගේ සෞර ග්‍රහ මණ්ඩලය හරහා යන නන්නාඳුනන මිය ගොස්ද නැතිද අවිනිශ්චිත යානාවක්...

අවසන් සිද්ධාන්තය

ආතර් සී. ක්ලාක් | පරි: තත්සරණි බුලත්සිංහල | ප්‍රකා: S & T Group

ක්ලාක්ගේ අවසන් කෘතිය.

මනුසත් උයන

ඩෙස්මන් මොරිස් | | ප්‍රකා: S & T Group

හිතන පතන යන්ත්‍ර

විද්‍යා ප්‍රබන්ධ එකතුවක්. | පරි: එස්. එම්. බන්දුසීල | ප්‍රකා: S & T Group

මැංචෝසන් චාරිකා

ආර්. ඊ. රාස්ප් | අනු: ඩී. බී. කුරුප්පු | ප්‍රකා: කුරුලු පොත්

බඩ පැලෙනකම් හිනාවෙන්න පුළුවන් හුඟක් ලස්සන කතාවක්. සාමාන්‍ය විහිළු නෙමෙයි, හිතෙන්නෙවත් නැති ආකාරයේ out of the box විහිළු පිරුනු කතාවක්. මේක නම් හොයාගන්න තියෙයිද කියල ශුවර් නෑ. බලන්න ගොඩගේ පොත් මැදුර. පොඩි ගාණක් වෙන්නෙ, තිබ්බොත් හැබැයි අනිවා ගන්න.

මහල්ලා සහ මුහුද

අර්නස්ට් හෙමිංවේ | පරි: ප්‍රාම් තෙල්දෙණිය | ප්‍රකා: පොත් මිතුරෝ

ලව් ස්ටෝරි

එරිච් සේගල් | පරි: ප්‍රදීප් කුමාර බාලසූරිය

මේ පොත ලොව පුරා ඉතාම විශාල භාෂා ගණනකට පරිවර්තනය වෙලා තිබෙන, වාර්තා ගත අලෙවියක් වෙලා තියෙන ආදර කතාවක්.

සන්තියාගෝ නම් සැරිසරන්නා

පවුලෝ කොයියෝ | පරි: චූලානන්ද සමරනායක | ප්‍රකා: විදර්ශන

සුප්‍රකට "The Alchemist" පොතේ පරිවර්තනය

වෙරෝණිකා මැරෙන්නට තීරණය කරයි.

පවුලෝ කොයියෝ | පරි: ගාමිණි වියන්ගොඩ | ප්‍රකා: Fast Publishers

ජීවිතය එපා වී වස බී මැරෙන්නට ගොස් අවසානයේ රෝහලක ඇඳක් උඩදී සිහිය එන වෙරෝණිකාගේ දුක්බර කතාව..

මිනිත්තු එකොළහේ කතාව

පවුලෝ කොයියෝ | පරි: රුවිනි තල්පාවිල | ප්‍රකා: විදර්ශන

යක්ෂයා හා ප්‍රයිම් මෙනෙවිය

පවුලෝ කොයියෝ | පරි: චූලානන්ද සමරනායක | ප්‍රකා: විදර්ශන

පියදෙරා ගඟබඩ හිඳ වැළපුණෙමි
පවුලෝ කොයියෝ | | ප්‍රකා: විදර්ශන

වීදි දරුවා

බර්ලි ඩොරති | පරි: දෙව්දූ සෙනෙවිරත්න | ප්‍රකා: Baby Bee

ඈ හෙවත් අයේෂා, අයේෂා යළි පැමිණෙයි

රයිඩර් හැගාඩ් | පරි: කේ. පී. කරුණාතිලක | ප්‍රකා: දයාවංශ ජයකොඩි

මෙතුමාගේ පොත් හැම එකක්ම ඉතා ඉහළ ගණයේ කෘති.

වසර දහස් ගණනක් වයසැති රූප ශ්‍රීයෙන් අග තැන්පත් මායාකාරී රැජිණකගේ කතාව. ත්‍රාසය භීතිය පිරි කතා මාලාවක්.

මොන්ටිසුමාගේ දියණීය
රයිඩර් හැගාඩ් | පරි: ප්‍රේමසිරි මාහියංගොඩ | ප්‍රකා: දයාවංශ ජයකොඩි
පැරණි මෙක්සිකෝවේ ඇස්ටෙක් ශිෂ්ටාචාරයේ විනාශය, මවගේ ඝාතකයා සොයා යන මිනිසෙක් මුහුණදෙන ඛේදජනක සිදුවීම් මාලාවක්.

නිරුවත් වානරයා

ඩෙස්මන් මොරිස් | පරි: එස්. එම්. බන්දුසීල | ප්‍රකා: නව විද්‍යා

සුප්‍රසිද්ධ "Naked Ape" මනෝ විද්‍යා ග්‍රන්ථයේ සිංහල පරිවර්තනය. මිනිසාගේ ගතිගුණ හා හැසිරීම් මනෝ විද්‍යා ඇසකින්.

ෆ්‍රැන්කස්ටයින්

මේරි ෂෙලී | පරි: චන්ද්‍ර අනගිරත්න | ප්‍රකා: දයාවංශ ජයකොඩි

දන්නවනෙ අර ශරීර කොටස් එකතු කරල අලුත්ම කැතම කැත ජීවියෙක්ව හදපු කතාව? අන්න ඒක තමයි මේ.

ස්මිත්

ලියොන් ගාෆීල්ඩ් | පරි: චිත්‍රා අයි. පෙරේරා | ප්‍රකා: Baby Bee

වීදි දරුවෙක්. සොරකම් කරන ලද ලියවිල්ලක්. එම ලියවිල්ලත් සමඟ ඔහුගේ ජීවිතයට තර්ජනයක්. ඒත් අන්තිමේ ඔහුගේ ජීවිතයේ විශාල වෙනසක්.

කලු සිවුරුධර භික්ෂුව

ඇන්ටන් චෙකෝව් | පරි: රංජිත් ධර්මකීර්ති | ප්‍රකා: එස්. ගොඩගේ

ටිකක් අමුතු කතාවක්. මට නම් ටිකක් තේරුනත් හොරයි. :)

ඇට මැස්සා
පරි: සුගතපාල ද. සිල්වා

ගුප්ත ප්‍රතිවාදියා
අගතා ක්‍රිස්ටි | පරි: බර්ටි ද. සොයිසා
අගතා ක්‍රිස්ටි කියන්නෙ ලෝප්‍රකට රහස් පරීක්ෂක කතා ලිව්ව කතුවරියක්නෙ, මේ එයාගෙ එක් පොතක්.

රට රට වල සුරංගනා කතා
පරි: ටෙනිසන් පෙරේරා | ප්‍රකා: සරසවි
සුරංගනා කතා ඉතින් කියවන්න එපා වෙන්නෙ නෑනෙ.

මනස්තාපය
වික්ටර් හියුගෝ | පරි: විජයරත්න දොලවත්ත
ප්‍රකට Les Miserable කතාවේ සිංහල පරිවර්තනය. මේකද කොහෙද ලෝකෙ ප්‍රථම නව කතාව.

අදහස්
ෆෙඩ්‍රික් හරේන්
අලුත් අදහස් එකතුවක් හා අපේ අදහසුත් ලියන්නත් ඉඩක් තියල තියෙන පොතක්.

සොෆීගේ ලෝකය

පොලියානා

වානේ පන්නරය ලැබූ හැටි

වානරයා
වූ චෙං එන් | පරි: ඒ. පී. ගුණරත්න් | ප්‍රකා: සූරිය
ප්‍රසිද්ධ අමරණීය වානර මුණිවරයාගේ කතාව.

ස්පාටකස්
ග්‍රීසියේ වහලුන්ගේ නිදහස වෙනුවෙන් සටන් කළ වීරයෙකුගේ කතාව.

කීඩෑවෝ ඇවිල්ලා

මළගිය ඇත්තෝ
එදිරිවීර සරච්චන්ද්‍ර

මුවන් පැලැස්ස
මුදලිනායක සෝමරත්න | ප්‍රකා: සරසවි
මේක ගැනත් කියන්න ඕනෙ නෑනෙ. :) මේ ප්‍රසිද්ධ ගුවන්විදුලි වැඩසටහන ගැන කවුද නොදන්නෙ.

ජනකාන්ත මිත්‍යා මත
තිලක් සේනාසිංහ | ප්‍රකා: සරසවි

රාවණා මෙහෙයුම
සුසිත රුවන් | ප්‍රකා: සරසවි
රාවණා රජු ගැන පවතින සාක්ෂි සමඟ කතා කරන පොතක්. මේ දවස් වල ගොඩක් ප්‍රසිද්ධ වෙලා තියෙන පොතක්.

කවි කඳුර (2011 ස්වර්ණ පුස්තක සම්මානය හිමි)
සුනේත්‍රා රාජකරුණානායක | ප්‍රකා: සරසවි

චුම්බන කන්ද (2011 ස්වර්ණ පුස්තක සම්මානයට නිර්දේශිත)
ජයතිලක කම්මැල්ලවීර | විජේසූරිය ග්‍රන්ථ කේන්ද්‍රය
බුද්ධදාසී
සුනේත්‍රා රාජකරුණානායක

සඳුන්ගිර ගිනි ගනී
සුනේත්‍රා රාජකරුණානායක
දුප්පත් මිනිස්සු, කොළඹ වැඩකාරකමට යන පොඩි කෙල්ලක්, ආදරයෙන් සළකන පවුලක්...

හරි. දැනට ලිස්ට් එක මෙන්න මේකයි. මේ පොත් බොහොමයක්, ගොඩක් දෙනා අත තියෙන්න පුළුවන් ඒව. නමුත් නොදන්න අයටත් දැනගන්නයි දැම්මෙ. තව මතක් වෙන විදිහට හා විස්තර ලැබෙන විදිහට මේ ලිස්ට් එක අප්ඩේට් කරන්නම්.
ඔයාලත් පොත් ගැන කියන්න කමෙන්ට් හරහා. එතකොට අනිත් අයට ඒවත් පහසුවක් වෙනවානෙ.

එහෙනම් අපි 23 වන ඉරිදා හමුවෙමු පොත් සල්පිලේදී... දැකල හඳුනගත්තොත් තට්ටුවක් දාල කතා කරන්න.

----------- අලුතින් එකතු කිරීම 2012.09.20 --------------------

ආනන්ද මෛත්‍රිය මහා නාහිමියන්ගේ අප්‍රකට ලිපි
සමුද්‍ර වෙත්තසිංහ | ප්‍රකා: සමුද්‍ර වෙත්තසිංහ
ආනන්ද හාමුදුරුවො ලියලු ලිපි හා උන්වහන්සේගේ ජීවිතය සම්බන්ධ සිදුවීම් තමයි මේකෙ තියෙන්නෙ.

මුතු කරාබුව පැළඳි යුවතිය (Girl with a pearl earing)
ට්‍රේසි චෙවලියර් | පරි: ගංගා නිරෝෂණී සුදුවැලිකන්ද | ප්‍රකා: විජේසූරිය ග්‍රන්ථ කේන්ද්‍රය
ප්‍රසිද්ධ චිත්‍ර ශිල්පී යොහැන්නස් වර්මීර්ගේ චරිතය ඇසුරු කර ලියවුනු මනරම්, ගුප්ත, අනුවේදනීය ප්‍රබන්ධයක්.

පර්ජා (Parja)
ගෝපිනාත් මෝහන්ති | පරි: චිත්‍රා අයි. පෙරේරා | ප්‍රකා: විදර්ශන
කඳුකර ඕරිස්සා ප්‍රදේශයේ ජීවත් වන ගෝත්‍රික මිනිසුන්ගේ ජීවිත ගැන කියවෙන ඉන්දීය නූතන නව කතාවක්.

ජේන් අයර්
චාලට් බ්‍රොන්ටේ | පරි: එන්. ජී. විජේරත්න | ප්‍රකා: ආශිර්වාද
මේ ලෝකයේ ජනප්‍රියම ප්‍රේම වෘතාන්තය තමයි මේක. සම්භාව්‍ය ආදර කතාවක්.

ඔලිවර් ට්විස්ට්
චාර්ල්ස් ඩිකන්ස් | පරි: ඇම්. ඇම්. පියවර්ධන | ප්‍රකා: ආශිර්වාද
අනාථ නිවසෙන් පැන යන දරුවෙක් මුහුණදෙන විවිධ කම්කටොළු, ගැටළු... අවසානයේ සතුටුදායක අවසානයක්.

වෛරයේ මිදි ඵල (The Grapes of Wrath)
ජෝන් ස්ටෙයින්බෙක් | පරි: ශ්‍යාමන් හේමකොඩි | ප්‍රකා: විදර්ශන
ඇමරිකානු කම්කරු නීති පවා වෙනස් වීමට තරම් බලපෑමක් සිදු කරන ලද ඇමරිකානුවන් වැඩිම දෙනෙක් කියවන ලද මේ පොත වෙනුවෙන් කතුවරයාට සාහිත්‍ය පිළිබඳ නොබෙල් ත්‍යාගයද හිමි වෙනවා. මේක ඇමරිකාවේ සිදුවුනු දරුණුතම මානව ඛේදවාචකය පසුබිම් කරගත් හද සසල කරවන නිර්මාණයක්.

----------- අලුතින් එකතු කිරීම 2012.09.22 --------------------

ඈ සහ ඇලන්
රයිඩර් හැගාඩ් | පරි: චන්ද්‍ර අනගිරත්න | ප්‍රකා: දයාවංශ ජයකොඩි
අයේෂා කතාවේ අයේෂා සොයාගෙන ඇලන් ක්වාටර්මෙන් යන ගමනේ විස්තරය. මේක ඇලන් ක්වාටර්මෙන් කතා මාලාවේ එක් කතාවක්.

සරදියෙල්
විමලසේන ඉහළගම | ප්‍රකා: දයාවංශ ජයකොඩි

මහ රහතුන් වැඩි මඟ ඔස්සේ
ඉන්ද්‍රජිත් සුබසිංහ | ප්‍රකා: කරුණාරත්න සහ පුත්‍රයෝ
දිවයින පත්‍රයේ මේ නමින් පළ වන ලිපි මාලාව කවුරුත් දන්නවනෙ. අන්න ඒකයි මේ. මේකෙ පොත් 2ක් තිබෙනවා. දෙකම ගන්න.

මකුළු දැල
අගතා ක්‍රිස්ටි | පරි: තොම්සන් ඒ වැන්දබෝනා | ප්‍රකා: සරසවි

මෙසපොතේමියාවේ ඝාතනය
අගතා ක්‍රිස්ටි | පරි: තොම්සන් ඒ වැන්දබෝනා | ප්‍රකා: සරසවි

අගතා ක්‍රිස්ටිගෙ පොත් කිහිපයකම පරිවර්තන සරසවි ප්‍රකාශකයින් කරල තිබෙනව.

සක්කාරං (2011 ස්වර්ණ පුස්තක සම්මානයට නිර්දේශිත)
චමින්ද වෙලගෙදර | ප්‍රකා: ෆාස්ට් පබ්ලිෂින්

ලලිත සමය (2011 ස්වර්ණ පුස්තක සම්මානයට නිර්දේශිත)
එරික් ඉලයප් ආරච්චි | ප්‍රකා: සරසවි ප්‍රකාශකයෝ

කළුවරයි පුරහඳ (2011 ස්වර්ණ පුස්තක සම්මානයට නිර්දේශිත)
අනුරසිරි හෙට්ටිගේ | ප්‍රකා: සදීපා ප්‍රකාශකයෝ

සිටුවර පුවත (2012 ස්වර්ණ පුස්තක සම්මානය හිමි)
රූපා ශි‍්‍රයානි ඒකනායක

පියැසි කවුළුව (2012 ස්වර්ණ පුස්තක සම්මානයට නිර්දේශිත)  කපිල කුමාර කාලිංග

රතු ඉද්ද (2012 ස්වර්ණ පුස්තක සම්මානයට නිර්දේශිත)   කරුණාදාස සූරියආරච්චි

අභිරහස් ජීවිත තරණය (2012 ස්වර්ණ පුස්තක සම්මානයට නිර්දේශිත)   ටෙනිසන් පෙරේරා

පරඬැල් (2012 ස්වර්ණ පුස්තක සම්මානයට නිර්දේශිත)   ශාන්ති දිසානායක

තුන් තකතීරු මං

දිලීප ජයකොඩි

තවත් ඉදිරියේදී ලැයිස්තුව අප්ඩේට් කරන්නම්.

------- අමතර සහයක් --------

ඒ ඒ ප්‍රකාශයකයින්ගෙ ප්‍රදර්ශන කුටි තිබෙන තැන්

සිරිමාවෝ වම්පස ශාලාව
සරසවි පොත් හල - A62-69
විජිත යාපා - A 4a, 9b

සිරිමාවෝ දකුණූපස ශාලාව
දයාවංශ ජයකොඩි - B130-137
Fast Publishing - B102-104
රත්න ප්‍රකාශකයෝ - B111-112
සමයවර්ධන - B119-120
විදර්ශනා - B99-100
විජේසූරිය ග්‍රන්ථ කේන්ද්‍රය B93-97

සිරිමාවෝ පිටත වම්පස ශාලාව
එම්. ඩී. ගුණසේන - C139-140
මල්පියලි C141-146

සිරිමාවෝ බිමට ඇතුළු වන තැන වම්පස ශාලාව
රත්න - E
අකුර - E1

සිරිමාවෝ බිමට ඇතුළු වන තැන දකුණුපස ශාලාව (F)
Expographic

VIP වාහන නවතන තැන (K)
අකුර
සමයවර්ධන
සරසවි
විජිත යාපා

ආපනශාලාව පස විශාල ශාලාව
ආශිර්වාද - H392-393
සරසවි
වීරෝදාර ලිපිද්‍රව්‍ය - H364-367

තවත් අයට වැදගත් වල ප්‍රකාශකයින්ගේ කුටි සඳහන් නොවුවාට සමාව අවසර.

ආදර අන්දරයක කඩ ඉමක්

noreply@blogger.com (Madhawa Habarakada) — Sun, 09 Sep 2012 10:17:00 +0000

ඇත්තටම කඩ ඉමක්මත් නෙමෙයි. නමුත් ඒ වගේ එකක්.

අද 2012.09.09.

එදා 2009.09.09.

ගොඩක් විශේෂ දවසක්. මට හා තවත් කෙනෙකුට. :)

හරියටම කිව්වොත්, මම මගෙ ආදරවන්තියට ආදරෙයි කියල අදට හරියටම අවුරුදු 3යි. අපි දෙන්නගෙ ආදරේ පටන් අරගෙන අදට හරියටම අවුරුදු 3යි.

ලොකු කාලයක්. ගොඩක් දේවල් උනා. පොඩි පොඩි හැල හැප්පිම් සිදු උනේ නැත්තෙත් නෑ. නමුත් හැම වෙලේම අපේ ආදරේ තව තවත් ශක්තිමත් උනා. හැමදාම තව තවත් ආදරේ කළා.

යාළුවෙක් විදිහට මගෙ ලඟට ඇවිල්ල, හොඳම යාළුවෙක් වෙලා, අන්තිමට මගෙ ආදරවන්තිය, මගෙ අනාගතේ උනා ඒ කෙල්ල.

ලිපිය කෙටියි, නමුත් ආදරේ හුඟක් ලොකුයි...

තෙවසරක් ගෙවුනා..

තවත් අපි ලං උනා...

ඉඳිමු අපි ආලෙනා...
සැම දිනා, එකෙකු සේමා...

----------------

ලොව ඇති
සියළු සැපයෙන් සම්පතින් පිරි,
ලොව ඇති
ලස්සනම මාළිගාව තූළ සිටින,
මලක් සේ සසොබන,
මගේ කුමරිය.
ඔබය මගේ ජීවය.
ඔබය මගේ සිහිනය.
ඔබය මගේ ආලය.
සැමදා මා ඔබේය,
ඔබ මගේය,
අපි මියෙන තුරා...

-------------------

ඔබයි මගෙ කුමරිය,
ඔබයි මගෙ ආදරය,
සැමදාම රකිමි ඔබ,
ආදරෙන් ලං කරන්.
සතුටක්ම දෙමි ඔබට,
ජීවිතේ පුරාවට.
මහළුවී මියෙන තුරු....

------------------
Though we call and talk 3,4,5 times a day,
Though we send sms every day,
Though I have many photos to look at all the day,
Though I think of you every time,
Though I dream of you every night,
Though I hug my pillow pretending it is you,
It is not like having you by my side.
Missing you soo much...
Wanting you soo much...
Loving you soo much...
----------------

Book Fair එකත් අත ලඟ...

noreply@blogger.com (Madhawa Habarakada) — Sat, 08 Sep 2012 00:30:00 +0000

හ්ම්ම්. පොත් ප්‍රදර්ශනේකුත් එනවලු ඉතින්. ගිය පාර නම් අපි සෙට් එකක් එකතු වෙලා ගියානෙ. මේ පාර තාම කිසිම සද්දයක් නෑ වගෙයි. කෝ මේ අපේ කට්ටිය හැබෑට??? අර ලක්මිණි සොයුරිය මුහුණු පොතේ පටන් ගත්තු ත්‍රෙඩ් එක නම් තාම දුවනව, ඒත් බැරි බර ගාතෙ. කාගෙන්වත් හරි හෙල්ප් එකක් නෑ. :( මේ පෝස්ට් එක ලියනකොට කමෙන්ට්ස් 20000ට 29යි අඩු වෙලා තිබ්බෙ.

ගිය පාර නම් මම යන්න ඉස්සෙල්ල පෝස්ට් දෙකක් ලියල ගිහිල්ල ඇවිල්ලත් පෝස්ට් එකක් ලිව්ව. ඒවායින් ගොඩක් අය ප්‍රයෝජනත් අරගෙන තිබුන. ඒ ලිපි දෙකට දාල තිබුණු කමෙන්ට් හරහා තවත් පොත් ගැනත් දැනගත්ත.

ගිය පාර මතකයෙන්

ඉතින් මේ පාරත් හිතුන දැන්මම පෝස්ට් එකක් ලියන්න. ලියන්න කිව්වට එක පාරටම මොනවද ලියන්න යන්නෙ කියල අදහසක් එන්නෙ නෑ, කොහොමහරි, මේ පාර, අතේ සල්ලි ටිකක් වැඩිපුර තියෙනව. ඉතින් පොත් ටිකක් වැඩිපුර ගන්න පුළුවන් වෙයි කියල හිතනව. (ගිය පාර නම් අපේ සමහරු පොත් අරගෙන වැඩි වෙලා උස්සන් යන්න ගිහිල්ල කොන්දෙ අමාරුත් හදාගත්තද මන්ද.)

ගිය පාර හිතාගෙන හිටි පොත් කිහිපයක් හොයා ගන්න නම් බැරි උනා. (චින්ගීස්ගෙ පොත් කිහිපයක්). සමහරවිට මේ පාර හොයාගන්න පුළුවන් වේවි. බෞද්ධ පොත් ටිකකුත් ගන්න හිතන් ගියාට ඒක එතරම්ම සාර්ථක උනේ නෑ. අනිත් එක ඡායාරූපකරණය සම්බන්ධ පොත්. එහෙම ඒවත් එකක් දෙකක් හම්බුනා, ඒත් ඒව ගන්න ගියා නම් වෙන පොත් ගන්න වෙන්නෙ නෑ. ඉන්ද්‍රනාථ මහත්මයගෙ පොත් තියේවිද දන්නෙ නෑ. මම කොපියක් පරිස්සම් කරල අරන් තියන්න කිව්ව. එතුමට මතකද දන්නෙ නෑ. :)

ආ... ගිය පාර ගත්තනෙ, "ඈ හෙවත් අයේෂා" පොත. මේ පාර ඒකෙ ඉතිරි කොටස් ටික හොයල ගන්න ඕනෙ. තවත් ඒ වගේ හොඳ පරිවර්තන ටිකක් ගන්න අදහසක් තිබෙනවා. ගිය පාර ගත්තෙම චින්ගීස්, පව්ලෝ, වගේ අයගෙ පොත්නෙ. මේ පාර ටිකක් වෙනසක් කරන්නත් හිතෙනව. බලමුකො. ඉංගිරිසි පොතක් දෙකක් ගන්නත් ආසාව තියෙනව. කියවල තේරෙයිද මංද.

ආ. ආතර් සී. ක්ලාක් මහත්මයගෙ "අවසන් සිද්ධාන්තය" පොත ගිය පාර ගත්තනෙ. ඊට පස්සෙ වෙලාවක (ඔය කිව්වට ඊට මාස 5,6කටත් පස්සෙද කොහෙද) සරසවි පොත් හලට ගිය වෙලාවක, එතුමාගෙ තව පොතක් ගත්ත. "රාමා හමුව". එතුමගෙ තවත් පොතක් දෙකක් ගන්න ඕනෙ. S & T Group එකේ ස්ටෝල් එක කළේ මගෙ යාලුවෙක්ගෙ අක්ක කෙනෙක් නිසා වැඩි ඩිස්කවුන්ට් එකකුත් හම්බුනා (හ්ම්ම්, යාලුව මොකාද කියල දැන් මතක නෑනෙ. මේ පාර ඒ කියන්නෙ වැඩි ඩිස්කවුන්ට් නෑ. :( )

එරිච් සේගල් ගෙ The Love Story (පරි: ප්‍රදීප් කුමාර බාලසූරිය) පොත ලෝකෙම ප්‍රසිද්ධ උනු ආදර අන්දරයක් ගැන පරිවර්තනයක්. හැබැයි පොත නම් ගොඩක් පොඩී. අර්නස්ට් හෙමිංග්වේගෙ "මහල්ලා සහ මුහුද" (පරි: ප්‍රාම් දෙල්දෙණිය) ගොඩක් ප්‍රසිද්ධ පොතක්.

හොයා ගන්නව නම් හොයාගන්න මේන්න මේ පොත. ආර්. ඊ. රාස්ප්ගෙ "මැංචෝසන් චාරිකා" (අනු: ඩී. බී කුරුප්පු). බඩ පැලෙනකම් හිනා උනෑකි. මම මේ පොත හොයල හොයල හොයා ගත්තෙ මරදානෙ ගොඩගේ පොත් මැදුරෙන්. කෝල් කරල පොත බුක් කලා. :) තිබ්බ අන්තිමම කොපියද මන්ද.

ඉතින් ඔයාලගෙ අදහසුත් කියනවද. ඒ කිව්වෙ ගන්න ගොඳ පොත් පිළිබඳ අදහස්. සරසවි පොත් හලේ වෙබ් අඩවියත් ටිකක් බලල යන එක හොඳයි. සෙනඟ අස්සෙ පොත් තෝරන්න ඒක යම්ම හරි පහසුවක් වෙයි. ඇයි අපේ මිත්‍රයෙක් පවත්වාගෙන යන SinhalaBooks.lk වෙබ් අඩවිය. ඒකත් බලන්න ඕනෙ.

මම යන්න හිතන් ඉන්නෙ ඉරිදා (23). ඔයාල යන්නෙ කවදද?

හොරගොල්ල ජාතික වනෝද්‍යානයේ දිනයක්

noreply@blogger.com (Madhawa Habarakada) — Thu, 23 Aug 2012 18:14:00 +0000

දිනය පසුගිය 19 වන ඉරිදා. උදේ පාන්දරින් නොකා නොබී (ඔය කිව්වට කිරි එකක් බිව්ව) ගෙදරින් පිටත් උනේ කවදාවත් ලබල නැති අලුත්ම අත්දැකීමක් විඳගන්න. ගෙදර ඉඳල පැය 2ක දුරක් (බස් 4ක්) ගෙවාගෙන ගමනාන්තයට ලඟා උනා.

ගමනාන්තය : හොරගොල්ල ජාතික වනෝද්‍යානය

මේක තියෙන්නෙ මෙන්න මෙතන. (ක්ලික් කරල බැලුව නම් ලොකුවට පෙන්නාවි.)

වචනයෙනුත් කිව්වොත් මේ තැන තියෙන්නෙ හොරගොල්ලෙ. හොරගොල්ල වලව්ව එහෙම අහල ඇතිනෙ?ඒකත් මේ ලඟ තමා. නිට්ටඹුවේ ඉඳල වේයන්ගොඩ පැත්තට කිලෝමීටරයයි.

මේ තැන ගැන කෙටි විස්තරයක් කිව්වොත්, මේ තමයි ලංකාවේ තිබෙන කුඩාම ජාතික වනෝද්‍යානය. වර්ගප්‍රමාණය අක්කර 33යි. ගම්පහ දිස්ත්‍රික්කය තුළ තිබෙන්නෙ. නමුත් හොඳ ජෛව විවිධත්වයක් තිබෙන කුඩා වන ගැබක්. නමටම අනුව, මේක හොර ශාකයන් පිරුනු පහත රට තෙත් වනාන්තරයක්.

සංඛ්‍යා වලින් කිව්වොත් ක්ෂීරපායී වර්ග 10ක්, පක්ෂි විශේෂ 64ක්, මත්ස්‍ය විශේෂ 7ක් හා සමණල් විශේෂ 28ක් මේ කුඩා වනාන්තරය තුළ වෙසෙනවා.

ඇතුළ් වෙනකොටම දැකගන්න පුළුවන් විශාල පුවරුව තමයි මේ ඉහළ ඡායාරූපයේ තිබෙන්නේ. වනයේ සිතියමක් හා මම මේ කියපු විස්තර ටික එහි තිබෙනවා.

වනය තුළ ඉහළ සිතියමේ පරිදි සැම අත විහිදුනු, ගල් ඇතිරූ කුඩා අඩි පාරවල් තිබෙනවා. ඒ ඒ මංසන්ධි වලින් අංක කර තිබෙන දිශා වලට යනවා නම් මුළු වනය පුරාම කරදරයක් නැතිව යන්න පුළුවන්. ඔහේ වට පිට බල බල පමණක් ඔය අඩි පාරවල් දිගේ ඇවිදගෙන යනව නම් පැයකින් ඔබට පුළුවන් මුළු වනය පුරාම යන්න.

නමුත් අපේ කාර්යය උනේ ඒක නෙමෙයි, අපි එතනට ගියේ ඒකට නෙමෙයි. අපි මේ වනය තුළ පැය 8ක පමණ කාලයක් ගත කළා.

අපගේ අරමුණ : මේ වනය තුළ වෙසෙන සතුන් ඡායාරූපයට හසු කර ගැනීම.

ඉතින් ඔන්න ඔය අරමුණ පෙරදැදි කරගෙන තමා, මුහුණු පොත තුළ තුළ සංවිධානය කළ Event එකක් හරහා එකතු උනු 12 දෙනෙකුගෙන් පමණ යුත් කණ්ඩායම කටයුතු කළේ. (කණගාටුවට කරුණක් උනේ මේ අවස්ථාව සංවිධානය කරන්න ප්‍රධානව සම්බන්ධ වෙලා හිටිය පුබුදු ඉන්දික සහෝදරයාට හදිසි කරදරයක් නිසා මේ අවස්ථාවට සහභාගි වීමට නොහැකි වීමයි. ඔහුගේ සීයාට අපි නිවන් සුව ප්‍රාර්ථනා කරමු.)

ඡායාරූපය: ප්‍රමිත දිල්රුක්

ඉතින් මේ කණ්ඩායම එකතු වෙලා මෙන්ඩිස් වික්‍රමසිංහ මහතාගේ සහයත් ඇතුව හාපුරා කියල කැලේට ඇතුළු උනා. (එතුමා එනකම් අනිත් අයට ඉතින් චුට්ට වෙලාවක් බලා ඉන්නත් සිද්ද උනා. ඕව මොනවද ඉතින්. දඩ කැමරා බඩු ටිකකුත් උස්සන් ආවෙ පවුල් පිටින්. :) )

ඉතින් දවල්ට කන බොන ඒව එහෙමත් සැලසුම් කරල, අපි කැලේ ඇතුළට ඇතුළු උනා. (ටිකටුත් ගන්න ඕනෙ හරිය. ලොක්කෙක්ට රු.40යි, පොඩ්ඩෙක්ට රු.20යි. + 12% වැට් බද්ද)

හ්ම්ම් දැන් නිදිමතයි හොඳටම. තව අඩු වැඩිය එක්ක ඊලඟ ලිපියෙන් හමුවෙන්නම්.

වෙබ් අඩවි සෑදීමේදී ඔබ නොකළ යුතු දේවල් - 4 කොටස (අවසාන කොටස)

noreply@blogger.com (Madhawa Habarakada) — Sat, 04 Aug 2012 07:32:00 +0000

මින් පෙර ලිපි තුනක් හරහා අපි සාකච්ඡා කළා වෙබ් අඩවි සාදනකොට බහුතරයක් දෙනා කරන පොඩි පොඩි වැරදි සම්බන්ධයෙන්. ඉතින් මේ ඒ ලිපි පෙළෙහි අවසාන ලිපිය. මුල් ලිපි 3 කියෙව්වෙ නැති අය පහත සබැඳියන්ගෙන් යන්න.

පළමු ලිපිය | දෙවන ලිපිය | තෙවන ලිපිය

ඔන්න අද කොටස.

31. සබැඳියන් පෙන්වන්න.

අඩවියට පැමිණෙන්නාට හැකියාව තිබෙන්න ඕනෙ, ක්ලික් කළ හැකි සබැඳියන් මොනවාද සබැඳියන් නොවන්නේ මොනවාද යන්න තේරුම් ගන්න. සාමාන්‍යයෙන් නම් සබැඳියක් යටින් ඉරකින් හා තද නිල් පැහැයෙන් තමයි දැක්වෙන්නෙ. ඔබගේ අඩවියේ වර්න තේමාවට අදාල ආකාරයට, ගැළපෙන වර්ණ යොදාගන්න.

32. සාමාන්‍ය වැකි වල වර්ණ වෙනස් කරන්නට හා යටින් ඉරි අඳින්නට එපා.

අත්‍යවශ්‍යම අවස්ථාවක හැරුනුවිට සාමාන්‍ය වාක්‍ය කොටස් වල අකුරු වර්ණය වෙනස් කරන්නටවත් යටින් ඉරි අඳින්නටවත් එපා. එමගින් කියවන්නා නොමඟ යා හැකියි. සබැඳියන් මොනවාද යන්න පැහැදිලිව පෙනෙන ආකාරයට වර්ණ හා ඉරි යොදාගන්න.

33. ක්ලික් කරන ලද සබැඳියන් වල වර්ණය වෙනස් කරන්න.

වෙබ් අඩවියක් භාවිතයේදී මේක ඉතා වැදගත්. කියවන්නාට හැකියාව තිබිය යුතුයි, තමුන් බලපු පිටු මොනවාද නොබලපු පිටු මොනවාද යන්න පැහැදිලිව බලාගන්නට. බලපු පිටු වලට යළි යළිත් නොගිහින් සිටීමට හා අඩවිය භාවිතයට මින් ලොකු සහයක් කරනවා.

34. Animated Gif යොදාගන්නට එපා.

දැන්වීම් සඳහා banners යොදාගැනීමට අවශ්‍ය අවස්ථාවක හැරුණුකොට වෙනත් ස්ථාන වල මේවා භාවිතා කරන්නට එපා. එමගින් එම අඩවියට unprofessional ගතියක් එකතු කරනවා සහ භාවිතා කරන්නාගේ අවධානය වෙනතකට යොමු කරනවා.

35. රූප සඳහා “ALT” හා “TITLE” attributes අනිවාර්යයෙන්ම යොදන්න.

එමගින් ඔබගේ අඩවියේ SEO වලට විශාල සහයක් ලබාදෙනවා පමණක් නොව, රූප රහිතව අන්තර්ජාලයේ සැරිසරන්නන්ට, අන්ධ පුද්ගලයින්ට, ඉහළ සහයක් ලබා දෙනවා.

36. ඇසට අපහසු වර්ණ යොදාගන්න එපා.

ඔබගේ වෙබ් අඩවියට ඇවිල්ල විනාඩි 10කින් ඒ පුද්ගලයාට හිසේ කැක්කුමක් ඇහේ අමාරුවක් හැදෙනව නම් ඔබ ආපහු හිතල බලන්න වෙනව ඔබගේ අඩවියේ වර්ණ සංකලනය සම්බන්ධයෙන්. අඩවියේ අරමුණට කියවන්නාව නාභිගත කරන ආකාරයේ හා ඇසට පහසු ආකාරයේ වර්ණ සංයෝජනයක් සිදු කරන්න.

37. Popups භාවිතයෙන් වළකින්න.

මේ කියන්නෙ සියළුම ආකාරයේ popups ගැන. පොප් අප් එකක් කියන්නෙ අඩවියට පැමිණෙන්නාව තරහ ගස්වන ආකාරයේ දෙයක්. මේක කොතරම් කරදරයක්ද කියල හිතාගන්න පුලුවන්නෙ දැනට තිබෙන Popup Blockers මෘදුකාංග ගණන දිහා බැලුවම.

38. Javascript සහිත සබැඳියන් යෙදීමෙන් වළකින්න.

මේවා මගින් සබැඳියන් සමඟ කුඩා javascript කේතයන් දුවවනවා. මේව භාවිතා කරන්න එපා. මොකද හුඟක් වෙලාවට මේවා, භාවිතා කරන්නාට ප්‍රශ්න ඇති කරනවනවා.

39. අඩවියේ Footerහි, අත්‍යවශ්‍ය දේ සඳහා සබැඳියන් යොදන්න.

හුඟක් අය, තමුන්ට අවශ්‍ය දේ සොයාගන්න අපහසු උනාම අඩවියේ ෆුටරය බලන්න පෙළඹෙනවා. ඉතින් අඩවි පරිශීලකයාට අත්‍යවශ්‍යම වෙයි කියල හිතෙන දේ වලට සබැඳියන් ෆුටරයේ යොදන්න. උදා: Contact Us

40. ඉතා දිගු පිටු සකසන්න එපා.

අඩවි පරිශීලකයාට සිද්ධ උනොත් පිටුවේ ඇති දේවල් කියවන්න, ඉවරයක් නැතිව පහලට ස්ක්‍රෝල් කරන්න, අනිවාර්යයෙන්ම ඔහු ඒ අඩවිය අත ඇරල යනව. ඉතින් කළ යුත්තේ කෙටි පිටු සකසමින්, පිටු අතර ගමන් කිරීමේ ක්‍රම පහසු හා වේගවත් කිරීමයි.

41. හරස් අතට ස්ක්‍රෝල් කරන්න පිටු සකසන්න එපා.

දිගු අතට ස්ක්‍රෝල් කිරීම අත්‍යවශ්‍ය වුවත් හරස් අතට ස්ක්‍රෝල් කරන්න නම් කවුරුවත් කැමති නෑ. ඉතින් දැනට බහුලව භාවිතා වන 1024 x 768 pixels resolution එකටවත් ගැළපෙන ආකාරයට අඩවිය සකසන්න.

42. අක්ෂර වින්‍යාස හා භාෂා වින්‍යාස වැරදි තබන්න එපා.

මේක ඇත්තෙන්ම web design වැරැද්දක් නෙමෙයි. නමුත්, වෙබ අඩවියක සමස්ථ තත්වය සඳහා බරපතලවම බලපාන දෙයක්. වෙබ් අඩවිය තුළ තිබෙන වචන හා වගන්ති වල වැරදි නැති බවට සහතික කරන්න.

43. CAPTCHA භාවිතා කරනවා නම් ඒවායේ අකුරු කියවිය හැකි මට්ටමට සකසන්න.

ස්පෑම් කරදර වලින් මිදීමට, බොහොමයක්ම දෙනා තම අඩවි සඳහා captcha භාවිතා කරනවා. නමුත් මේ සමහරක් ඒවා කියවන්න මුළු පවුලම ඇවිල්ල බැලුවත් හරියන්නෙ නැති වෙනවා. මමත් පෞද්ගලිකව සමහරක් අවස්ථා වල අපහසුතාවයට පත් වෙලා තිබෙනවා මේ captcha කියවගන්න අමාරු වෙලා.

ඔන්න ඉතින් ඒ ලිපි පෙළත් අදින් අවසානයි. මින් ඔබ යමක් ඉගෙනගන්නට ඇතැයි සිතනවා.

කොච්චර කිව්වත් මමත් මේ වැරදි කරනවා/කර තිබෙනවා. නමුත් අඩු කරගන්න/වළක්වාගන්න උත්සාහ කරනවා.

ඔබට ජය.

අවුරුදු තුනයි

noreply@blogger.com (Madhawa Habarakada) — Thu, 28 Jun 2012 15:02:00 +0000

දෙයි හාමුදුරුවනේ, දන්නෙම නැතිව මගෙ බ්ලොග් එකට අවුරුදු තුනකුත් වෙලා. 2009 ජුනි 28 වෙනිද පටන් ගත්තු බ්ලොග් එකට අද වෙනකොට අවුරුදු 3ක් පිරිල.

මුල් කාලෙ එතරම්ම තේරුමක් තිබ්බෙ නෑ ලියන එක ගැන, නමුත් පස්සෙ මම විවිධ මාතෘකා ඔස්සේ ලිපි ලිව්ව. කොටස් වෙළඳපළ ගැන, ඡායාරූපකරණය ගැන, වෙබ් අඩවි ගැන එහෙම.

පසුගිය අවුරුද්දෙ වැඩිපුරම ලිව්වෙ නම් වෙබ් අඩවි / බ්ලොග් අඩවි සැදීම සම්බන්ධ ඉඟි හා උපදෙස්. විශේෂයෙන්ම ට්‍රැෆික් ගෙන්න ගන්න එක ගැන එහෙම. ඇයි තොටගමුවේ හාමුදුරුවන්ගෙ ජනප්‍රවාද පෙළ.

ඒත් මේ අවුරුද්දෙ එතරම් ලිපි නම් ලියවුනේ නෑ.

පසුගිය වසරේ ලිව්ව ලිපි අතරින්, විශේෂ ලිපි ලෙස කියන්න පුළුවන්, ජනප්‍රිය උනු ලිපි ගැන කිව්වොත් මෙහෙමයි.

වෙබ් අඩවි සෑදීමේදී ඔබ නොකළ යුතු දේවල්

"ඔබගේ වෙබ් අඩවියේ ට්‍රැෆික් වැඩි කරගන්නේ කෙසේද?" පළමු සංස්කරණය නිකුත් කෙරේ

"Image Today" බලන්නට ගියෙමි සහ තවත් කතා පොත් ප්‍රදර්ශනේ බලන්න ගියෙමි සහ යන්න ඉන්න අයට උදව්වක්ඊයෙ ගොඩක් විශේෂ දවසක්එදා විහිළු හා අද විහිළු
ඔන්න ඔහොමයි සිද්ධිය.
වෙබ් අඩවි සෑදීමේදී ඔබ නොකළ යුතු දේවල් කියන මාතෘකාවෙනුත් ඉස්සෙල්ල මම දුන්නු පොත් පිංච වගේ පොත් පිංචක් ඉදිරිපත් කරන්න බලාපොරොත්තු වෙනවා. බලමු ඉදිරියට. :)

වෙබ් අඩවි සෑදීමේදී ඔබ නොකළ යුතු දේවල් - 3 කොටස

noreply@blogger.com (Madhawa Habarakada) — Sun, 03 Jun 2012 13:04:00 +0000

මතක ඇතිනෙ, පසුගිය ලිපි දෙකකින් මම කතා කළා වෙබ් අඩවි සෑදීමේදී ඔබ නොකළ යුතු දේවල් 20ක් ගැන.

පළමු ලිපිය | දෙවන ලිපිය

ඉතින් අද තවත් එහෙමම දේවල් 10ක් ගැනයි කියන්න යන්නෙ.

21. Text Navigation භාවිතා කරන්න.

වෙබ් පිටු හරහා යාමට තිබෙන හොඳම සහ වේගවත්ම ක්‍රමය තමයි මේක. සමහරක් වෙබ් අඩවි පරිශීලකයින් රූප disable කරලයි අන්තර්ජාලය තුළ සැරිසරන්නේ.

22. ඔබ යම් PDF ගොනුවකට සබැඳියක් යොදනවා නම් ඒක කියන්න.

ඔබටත් අත්දැකීම් ඇති, ඔබ සබැඳියක් මත ක්ලික් කළාම ඔබට අවශ්‍ය නැති PDF ගොනුවක් ඕපන් කරන්න Adobe Reader එක ඕපන් වෙනකම් ඔබගේ බ්‍රවුසර් එක හිර වෙලා තියෙනව. මේක හරිම නරකයි. ඔබ ලින්ක් කරන්නෙ PDF ගොනුවකට නම් ඒක ඉස්සෙල්ල කියල තියන්න. එතකොට එම ලින්ක් එක ක්ලික් කරන පුද්ගලයාට පුළුවන් ඒක තමුන්ට ඕනෙ විදිහට හසුරවාගන්න.

23. වෙබ් අඩවියේ versions ගොඩක් දීල අඩවියට එන පුද්ගලයාව අන්දමන්ද කරන්න එපා.

මම හිතන්නෙ දැන් නම් මේක එතාම් අවශ්‍ය නෑ, මොකද හැමෝම දැන් වේගවත් අන්තර්ජාල සබඳතා වලට හිමිකම් කියනව. ඉතින් ඔබට අවශ්‍ය කුමන bandwidth එකක්ද? 56Kbps? 128Kbps? Flash? HTML? වෙබ් අඩවියට එන මනුස්සය කියන්නෙ, මොකක් හරි කමක් නෑ මට අවශ්‍ය තොරතුරු ටික දෙන්න කියලයි.

24. තොරතුරු අතරතුර දැන්වීම් පළ කරන්න එපා.

ඔබගේ ලිපි අතරමැද දැන්වීම් පළ කරන එක ඔබගේ දැන්වීම් වලට ලැබෙන ක්ලික් ප්‍රමාණය අනිවාර්යයෙන්ම වැඩි කරනවා තමයි. නමුත් ඒක කෙටි කාලීනයි. දිගුකාලීනව බැලුවොත් ඒක ඔබගේ කියවන්නන් ගණන අඩු කරනවා. තරහ ගිය පරිශීලකයෙක් කියන්නෙ ඉදිරියටත් ඔබගේ පරිශීලකයෙක් නෙමෙයි.

25. සරළ Navigation Structure එකක් හදන්න.

සමහරක් වෙලාවට සරල බව තමයි හොඳම වෙන්නෙ. මේක හුඟක් මිනිස්සුන්ටත් තේරීම් කරද්දිත් වලංගුයි. ඔබගේ වෙබ් අඩවියට සරළ හා පිළිවෙලට ඇති Navigation Structure එකක් හදන්න. ඔබගේ අඩවිය තුළ සැරිසරන්නාට සංකීර්ණ දේවල් දීල එයාව අවුල් කරන්න ඕනෙ නෑනෙ.

26. හැඳින්වීම් දාන්න එපා.

මේ කියන්නෙ වෙබ් අඩවියට ඇතුළු වෙනකොට මුලින්ම එන්න දාන Intros ගැනයි. හුඟක් අය කැමතියි, තමුන්ගෙ වෙඑබ් අඩවියට කවුරුහරි එනකොට, මේ අඩවිය මොන වගේ එකක්ද කියල ලස්සන ෆ්ලෑෂ් ඇනිමේෂන් එකක් එහෙම දාල, කියන්න. අඩවියට පිවිස්සෙන්නාට අනවශ්‍ය දේවල් ඕනෙ නෑ, එයාට ඕනෙ කරන තොරතුරු ටිකයි එයාට ඕනෙ.

27. Front Page භාවිතා කරන්න එපා.

මේක සියළුම බාල ගණයේ HTML Editors වලට අදාල වෙනවා. එයාල පෙන්නනව එබ් ඩිසයින් ගොඩක් පහසු කරනව කියල, නමුත් අවසාන ප්‍රථිඵලය වෙන්නෙ ඉතාම නරක විදිහට හැදුනු කෝඩ්ස් ටිකක්. සමහර බ්‍රවුසර් සපෝට් කරන්නෙ නෑ, වැරදිත් තිබෙනව.

28. ඔබගේ අඩවිය හැම බ්‍රවුසරයකම හරි හැටි ක්‍රියාත්මක වන ලෙස සකසන්න.

හැම බ්‍රවුසරයක්ම හදල තියෙන්නෙ සමානවෙ නෙමෙයිනෙ. ඒ ඒ එව සමානව නෙමෙයි CSS හෝ වෙනත් භාෂා පරිවර්තනය කරගන්නෙ. ඔබ කැමති උනත් අකමැති උනත් ඉතින් ඔබට සිද්ධ වෙනවා, ඔබගේ අඩවිය විවිධ වෙබ් බ්‍රවුසර වල හරි හැටි ක්‍රියාත්මක වෙනවද කියල පරික්ෂා කරල බලල අවුල් තිබෙනව නම් සකසන්න. නැත්තම් වෙන්නෙ ඔබගේ අඩවියට මිනිස්සු එන එක අඩු වෙන එකයි.

29. සබැඳියන් තුළ Anchor Texts යොදාගන්න

පිටුවක් ඇතුළෙ ලින්ක් දානකොට ඒ ලින්ක් එකෙන් යන්නෙ කොයි වගේ තැනකටද කියල කියවෙන වචනයක දෙකක විස්තරය තමා මේ ඇන්කර් ටෙක්ස්ට් කියන්නෙ. තමුන් මේ ලින්ක් එක ක්ලික් කළාම යන්නෙ කොයි වගේ තැනකටද කියල කියවන්නා දැන සිටීම ඔහුට ලොකු පහසුවක් වෙනව, මොකද, නිකම්ම Click Here කියල දාන එක එතරම්ම සාර්ථක නෑ. ඒත් එක්කම ඒක SEO වලටත් ගොඩක් හොඳයි.

30. සබැඳියන් සඟවන්නට එපා

Anchor Text යොදනවාට අමතරව කියවන්නාට හැකියාව තිබිය යුතුයි මේ ලින්ක් එක ක්ලික් කිරීමෙන් පසුව තමන් යන්නෙ කොහෙටද කියල Browser එකේ Status bar එකේ පේන්න. ඒ කිව්වෙ ලින්ක් එකේ URL එක ඔබ නොසැඟවිය යුතුයි. ඒ සබැඳියන් Affiliate Link නිසා හෝ වෙනත් හේතුවක් නිසා හැංගුවොත්, කියවන්නාට ඔබ ගැන තිබෙන විශ්වාසය පලුදු වෙන්න ඒල හේතු වේවි/

තවත් දේවල් ටිකක් එක්ක ඊලඟ ලිපියෙන් හමු වෙමු.

PhotographyLK අඩවිය අති සාර්ථක ලෙස දියත් කෙරුණු වගයි

noreply@blogger.com (Madhawa Habarakada) — Mon, 14 May 2012 15:59:00 +0000

මාස කිහිපයක විශාල ප්‍රයත්නයකින් පසුව සාර්ථක ලෙස PhotographyLK අඩවිය ඊයේ සවස 6ට අන්තර්ජාලයට මුදා හරිනු ලැබුවා.

මුදාහරිනු ලැබූ පසුව විශාල පිරිසක් අඩවිය නැරඹීමටත් පැමිණියා. Google Analytics අනුව, ඊයේ පැය 6ට (විවෘත කළ සවස 6 සිට දිනය අවසන් වන තෙක්) පැමිණි පිරිස පහත පරිදි වෙනවා.

ඊයේ දින අවසන් වන විට statistics මෙහෙමයි. (2012.05.13)

ඉතින් අඩවිය ගැන සවිස්තරාත්මක ලිපියක් පළ කරන්නයි මේ සූදානම.

PhotographyLK කියන්නෙ මොකද්ද?

ඡායාරූපකරණය සම්බන්ධයෙන් ඒ වෙනුවෙන් විවෘත කෙරුනු වෙබ් අඩවියක්.

නමුත් මේක තවත් එක් වෙබ් අඩවියක් නම් නෙමෙයි. PhotographyLK අපේ ඉහළ දැක්මක් තිබෙනව. ඉතින් අඩවියේ දායකයින් හා ඇඩ්මින් වරුන් මේ දැක්ම වෙනුවෙන් හා අඩවියේ අරමුණු සඵල කරගැනීමට එක් සිතින් බැඳි සිටින කණ්ඩායමක්.

අපේ දැක්ම

ඡායාරූපකරණය සම්බන්ධයෙන් අන්තර්ජාලය තුළ ශ්‍රී ලාංකිකයින් සඳහා තිබෙන ප්‍රමුඛම පෙළේ වෙබ් අඩව්යක් බවට පත් වීම.

PhotographyLK අරමුණු

අපගේ අරමුණු වෙන්නෙ පහත දේවල්.

“ඡායාරූපකරණයට ඇල්මක් දක්වන, ඡායාරූපකරණයේ යෙදෙන, ඡායාරූපකරණය සඳහා ආධාර සේවාවන් ලබාදෙන ඔබ සැමටම, සේවයක්, සහයක් ලබාදීම හා එම සියළුම දෙනාව එකම තලයක් මතට ගෙන එමින්, ඔවුනොවුන්ගේ අන්තර් ක්‍රියාකාරකම් පහසු හා සරළ කිරීම මෙම අඩවියේ ප්‍රධාන අරමුණයි.”

“ඡායාරූපකරණය සම්බන්ධව සිංහලෙන් ලියැවුනු ලිපි පළ කරමින්, ආධුනික ඡායාරූප ශිල්පීන්ට අත්වැලක් සැපයීමද මෙම අඩවිය හරහා අපි බලාපොරොත්තු වෙමු.”

PhotographyLK ඔබ වෙත ලබාදෙන සේවාවන්

ඡායාරූපකරණය සම්බන්ධයෙන් අධ්‍යාපනික ලිපි (මේ ලිපි, ප්‍රධාන වශයෙන්ම ආධුනික ඡායාරූප ශිල්පීන් ඉලක්ක කරමින් ගොඩ නඟන ලද ලිපි එකතුවකි.)
ඡායාරූපකරණය සම්බන්ධ කැමරා හා උපාංග පිළිබඳව, පොත්පත් සඟරා පිළිබඳව, වෙබ් අඩවි පිළිබඳව, මෘදුකාංග පිළීබඳව විචාරයන්.
ඡායාරූපකරණය සම්බන්ධ පොත්පත් , විඩියෝ දර්ශන බැලීම/ භාගත කර ගැනීමට පහසුකම්
ඡායාරූපකරණය සම්බන්ධ පුවත්, ප්‍රදර්ශන, වැඩමුළු සම්බන්ධ විස්තර ප්‍රචාරය
ඡායාරූපකරණය හා සම්බන්ධ පුද්ගලයින්, ආයතන, වලට තම විස්තර ඇතුලත් කළ හැකි ව්‍යාපාර නාමාවලිය
ඕනෑම සාමාජිකයෙකුට නොමිලේ තම දැන්වීම් පළ කළ හැකි ලුහුඬු දැන්වීම් පිටුව
සාමාජිකයින් විසින් එකතු කරන ලද ඡායාරූප වලින් පිරි පිංතූර ගැලරිය
කාලයෙන් කාලයට විවිධ තොරතුරු හා පුවත් ගෙන එන ඊ ලිපිය

මේ සේවාවන් වලට අමතරව තවත් සේවාවන් ඉදිරියේදී බලාපොරොත්තු වන්න.

මූලික සාමාජිකයින්ට (Subscribers) ලැබෙන පහසුකම්

අඩවිය තුළ ලිපි කියවීම හා පහසුවෙන්ම අදහස් ප්‍රකාශ කිරීම
අඩවි පුවත් ලිපිය හා එක්වීම
Business Directory එකට Listings එකතු කිරීම
ලුහුඬු දැන්වීම් පිටුවට දැන්වීම් පළ කිරීමේ හැකියාව

තවත් පහසුකම් රැසක් ඉදිරියේදී බලාපොරොත්තු වන්න

PhotgraphyLK දායකයින්ට (Contributors) ලැබෙන පහසුකම්

අඩවි සාමාජිකයින්ට ලැබෙන පහසුකම් සියල්ල
අඩවියට ලිපි ලිවීමේ හැකියාව
Business Directory එකට Listings එකතු කිරීම හා ඒවා Dash Boardහි සිට පාලනය කිරීමේ හැකියාව
Business Directory තුළ නොමිලේ Listings දෙකක්

ඉතින් සරළවම කෙටියෙන්ම කියන්න තියෙන්නෙ ඔය ටික තමයි. මේ දේවල් වලින් PhotographyLK කියන්නෙ මොකද්ද, PhotographyLK මොකද්ද කරන්න හදන්නෙ කියල ඔබ සැමටම අදහසක් එන්න ඇතියි කියල හිතනව.

තව අදහස් ගොන්නක් අපිත් එක්ක තිබෙනව, තව ඉදිරියට කරන්න සැලසුම් කරගෙනත් ඉන්නව දේවල් කිහිපයක්. පුළුවන් ආකාරයට කාලයෙන් කාලයට ට්ක ටික ඒවා එකින් එක ක්‍රියාත්මක කරන්න අපි හිතාගෙන ඉන්නව.

PhotographyLK වෙනුවෙන් ඔබට කළ හැකි දේ

PhotographyLK පිළිබඳව තොරතුරු අන් අයට පැවසීම
PhotographyLK අඩවියට සබැඳියක් / අඩවියේ දැන්වීමක් ඔබගේ අඩවියේ / බ්ලොග් අඩවියේ පළ කිරීම
PhotographyLK තුළ ලිපි ලිවීමට එකතු වීම
PhotographyLK වෙත පුවත් සොයා දීමට සහය වීම
අඩවිය පවත්වාගෙන යාම හා අඩවිය හරහා සංවීධානය කරන අවස්ථා වලට මූල්‍යමය සහය හා ශ්‍රම සහය ලබාදීම

ඡායාරූපකරණයට ලැදි, ඡායාරූපකරණයේ යෙදෙන ඔබ, අපිත් එක්ක සැමදාම එකතු වෙලා හිඳිමින්, අපිට සහයක් වේවි, මේ අඩවියෙන් ප්‍රයෝජනයක් ගනීවි කියල PhotographyLK අපි බලාපොරොත්තු වෙනවා.

ප.ලි. : මෙම අඩවිය සාර්ථක කරගැනීමට උර දුන් මනුශාන් සොයුරාට මගේ හද පිරි ප්‍රණාමය.
ඉදිරියට අඩවිය පවත්වාගෙන යාම සඳහා දැනට අප හා එක්ව ඇති අයටත් මගේ ස්තුතිය.
තවත් එකතු වෙන්න කැමති අය ඉන්නව නම් කියන්න. ඔයට සහයක් විය හැක්කේ කෙසේද කියලත් කියන්න.

www.photographylk.com

තව දින 6යි

noreply@blogger.com (Madhawa Habarakada) — Sun, 06 May 2012 00:30:00 +0000

මොකටද????

ඔයාලට මතකද දන්නෙ නෑ කාලෙකට ඉස්සර මම "Photography සිංහලෙන්" කියල ඡායාරූපකරණය ගැන ලියවෙන බ්ලොග් එකක් කළා. මුලින්ම බ්ලොගර් වල පටන් අරගෙන ඊට පස්සෙ වර්ඩ්ප්‍රෙස් දාල Roosara.info යන ඩොමේනය යටතේ අඩවිය පවත්වාගෙන ගිහිල්ල, ඊටත් පස්සෙ Roosara.net යන ඩොමේන් එක යටතේ පවත්වාගෙන ගියා. පස්සෙ පස්සෙ මට හරියකට වෙලාවක් නැති වෙලා බ්ලොග් එක අප්ඩේට් උනේ නෑ එතරම්. ඉතින් ටිකක් අභාවයට ගියා.

අන්තිමට කෙල උනා. ටෙක්නිකල් ප්‍රොබ්ලම් එකක් නිසා ඩොමේන් එකට කෙල උනා. ඉතින් මම තීරණේ කළා උන දේ උනේ හොඳටයි කියල,
කට්ටියගෙන් අදහස් විමසල අලුත්ම ආරක වෙබ් අඩවියක් දෙන්න බලාපොරොත්තුවෙන් අලුතින්ම ඩොමේන් එකක් අරගෙන වැඩේට සෙට් උනා. ජනවාරි මාසෙ අඩවිය හදන්න පටන් අරගෙන, ඒකෙත් අවුල් ගොඩක් නිසා 75%ක් විතර හදල තිබ්බ අඩවිය අතෑරලම දැම්ම. ඊට පස්සෙ මේ අප්‍රේල් වල අවුරුද්දෙන් පස්සෙ ආපහු මේක ගොඩ දානවමයි කියල හිතාගෙන ආපහු මුල සිටම වැඩේට බැස්ස.

ඉස්සෙල්ල පාර මාස 2ක් විතර තිස්සෙ කළ දේවල් ටික, මේ පාර සති 3කින් ගොඩ දැම්ම. තනියම නෙමෙයි, මගෙ මිත්‍රයෙක් මට ලොකු සහයක් උනා. අඩවියේ කටයුතු 90%ක්ම ඉවරයි. හැබැයි ලිපි ගොඩක් තව ඕනෙ කරල තිබෙනව. අනෙකුත් වැඩ නම් බොහොමයක් ඉවරයි. ඉතින් එන 12 වන සෙනසුරාදා සවස 6.00ට, මේ කියන වෙබ් අඩවිය ඔබ වෙනුවෙන් විවෘත වෙනවා.

ඔක්කොම හරි, මොකද්ද ඉතින් මේ වෙබ් අඩවිය??? පහල විඩියෝ එක බැලුවොත් ඔයාලටම තේරෙයි.

තේරුනා නේද දැන් මේ කියන්නෙ මොකක් ගැනද කියල?"PhotographyLK" ඡායරූපකරණය සම්බන්ධ සියළුම පුද්ගලයින් එකම වේදිකාවක් මතට ගෙන එන්නට උත්සාහ දරන වෙබ් අඩවියක්. සේවාවන් බොහොමයක් එක්ක එන අඩවියක් කියල වීඩියෝව දැක්කම පේන්න ඇතිනෙ?
මේ අඩවිය මම තනියම හදපු එකක් නෙමෙයි. මනුෂාන් විමංස මල්ලි එක්ක එකට එකතු වෙලා හැදුවෙ. මනුෂාන් ලොකු වැඩ ප්‍රමාණයක් කළා. ඔහුට මම ඉතාමත්ම ස්තුතිවන්ත වෙනවා.
ඉතින් මේ එක්කම ඔබගෙනුත් ඉල්ලීමක් කරන්නට කැමතියි. ඔබට ඡායාරූපකරණය සම්බන්ධ ලිපි ලිවීමේ හැකියාවක් තිබෙනවා නම් හෝ වෙනත් ආකාරයකින් අඩවියට සහයක් වීමට කැමති නම් ඔබගේ ඊ මේල් ලිපිනය එක්ක කමෙන්ට් එකක් දාන්න. ඒ කමෙන්ට් එක පබ්ලිශ් කරන්නෙ නෑ මම. නමුත් ඔබ හා සම්බන්ධ වෙන්නම් මේල් එකක් හරහා.
තව කරන්න දේවල් ගොඩක් තිබෙනවා. ඒව ටික ටික සම්පූර්ණ කරගන්න පුළුවන්. වෙබ් අඩවියේ දුර්වලතා තිබුණොත් සමාවෙන්න ඕනෙ. (දැන්ම නම් දැනගන්න ලැබෙන්නෙ නෑ ඉතින් එන සෙනසුරාද වෙනකම්ම ඉන්න වෙනව. :) )
PhotographyLK කණ්ඩායමත් එක්ක එකතු වෙන්න ඔබටත් ආරාධනා...

වෙබ් අඩවි සෑදීමේදී ඔබ නොකළ යුතු දේවල් - 2 කොටස

noreply@blogger.com (Madhawa Habarakada) — Sat, 28 Apr 2012 10:49:00 +0000

මතක ඇතිනෙ ගිය සතියෙ ලිපියෙන් කතා කළා මේ සම්බන්ධ දේවල් 10ක් ගැන. කියෙව්වෙ නැති අය මෙතනින් ගිහිල්ල කියවන්න. ඉතින් අද තවත් එහෙමම දේවල් 10ක් ගැනයි කියන්න යන්නෙ.

11. ඔබට ශබ්ද ගොනුවක් වාදනය අත්‍යවශ්‍ය නම් එය වාදනය ඇරඹීම භාවිත කරන්නාට කරන්නට දෙන්න.

සමහරක් අවස්ථා වලදි ඔබට යම් දබ්ද පටයක් වාදනය කරවීම අත්‍යවශ්‍ය වන්නට ඉඩ තිබෙනවා. කවුරුන්හෝ පවත්වන කතාවක්, ගීතයක්, වගේ දෙයක්. ඒකට කමක් නෑ, නමුත් අනිවාර්යයෙන්ම ඒක වාදනය කරවීමේ අයිතිය වෙබ් අඩවියට පැමිණෙන්නාට ලබා දෙන්න. ඔහුටම Play බොත්තම ඔබන්නට ඉඩ දෙන්න.

12. වෙබ් අඩවිය විවිධ Badges වලින් පුරවන්න එපා.

මේ බැජ් කියල කිව්වෙ විවිධ Networks, Communities වල Logos වැනි දේවල්. මේව තමයි යම් වෙබ් අඩවියක් unprofessional කියල පෙන්වන ප්‍රධානම දේවල් වලින් ටිකක් වෙන්නෙ. ඒ වගේ දේවල් පොඩියට අයිනකින් පමණක් දාන්න. ඒව විතරක්ම නෙමෙයි, ඔබ ලැබූ Awards වගේ දේවල් සම්බන්ධ බැජ් උනත් එච්චරයි, ඒ වගේ දේවල් නම් About Us වැනි පිටුවේ පමණක් යොදන්න.

13. වෙබ් අඩවියට යන්නට පෙර තවත් නිවෙස් පිටුවක් භාවිත කරන්න එපා.

සමහර වෙබ් අඩවි වල ඔබ දැකල ඇති අඩවියට ගියාම පොඩි විස්තරයක් නැත්තම් ලොකු රූපයක්/ රූප කිහිපයක් ඇති පිටුවක් ලැබෙනව, ඒකෙ තියෙන ලින්ක් එකක්/බොත්තමක් ක්ලික් කළාම තමයි හරි අඩවියට යන්නෙ. හුඟක් අය හිතනව එහෙම කළාම වෙබ් අඩවියට ලස්සනක් එකතු වෙනවා කියල. වෙන්න පුළුවන්, නමුත් ඒ එක්කම ඔබ අඩවියට එන්නාගේ තරහ අවුස්සනව. ඔබගේ අඩවියේ අන්තර්ගතයට යන්න තිබෙන පියවර ගණන අඩු වෙන්න අඩු වෙන්න තමයි ඔබගේ අඩවියට මිනිස්සු කැමති වෙන්නෙ.

14. ඔබ සමඟ සම්බන්ධ විය හැකි මාර්ග දක්වන්න අමතක කරන්න එපා.

වෙබ් අඩවියේ තිබෙන දේ සම්බන්ධව කවුරුන්හෝ සමඟ සම්බන්ධ වෙලා විස්තර දැන ගැනීමට නොහැකි වෙබ් අඩවියක් තරම් නරක වෙබ් අඩවියක් නම් නෑ. ඒක අඩවියට එන අයට විතරක් නෙමෙයි, ඔබටත් ගොඩක් පාඩුයි. ඔබට වාසියක් සැළසෙන දෙයක් ඔබට වැදගත් වන තොරතුරක්, දැනගැනීමට තිබෙන අවස්ථාවක් ඔබ නැති කරගන්නවා පමණක් නෙමෙයි, ඔබගේ අඩවිය ගැන අනිත් අයට තිබෙන විශ්වාසයත් අඩු වන්නට මෙය හේතුවක් වනවා.

15. Back බොත්තමේ ක්‍රියාකාරිත්වය වළක්වන්න එපා.

මේක භාවිතයේ පහසුව පෙන්වන සරළම දෙයක්. කුමන හේතුවක් නිසාවත් බැක් බොත්තම ඔබන්නට තිබෙන අවස්ථාව අහුරන්නට එපා. නව වින්ඩෝවක් විවෘත කිරීම මගින් මෙය සිදු වෙනවා. සහ ජාවාස්ක්‍රිප්ට් මගිනුත් මෙය සිදු කළ හැකියි.

16. Blinking Texts භාවිතා කරන්න එපා.

නිවෙන පත්තුවෙන දේවල් වල කාලෙ ඉවරයි. ඔබ ඉන්නෙ 1996 නෙමෙයි. ඉතින් දැන් මේ ආකාරයේ දේවල් භාවිතා කරන්න එපා.

17. සංකීරණ URL Structures භාවිතා කරන්න එපා.

සරළ, keywords මූලික කරගත් URL structure එකක් භාවිතා කරන්න. මෙමගින් ඔබගේ අඩවියේ Search Engine Ranking එක වැඩි වෙනවා පමණක් නොවෙයි, අඩවියට පැමිණෙන්නාට ඒ ඒ පිටු වලට යන්නට පෙර ඒවායේ තිබෙන්නේ මොනවාද යන්න ගැන වටහා ගන්න ඉඩක් ලැබෙනවා.

18. HTML වෙනුවට CSS භාවිතා කරන්න.

ඉස්සට HTML භාවිතා කරල කරපු හුඟක් දේවල් දැන් ඊට වඩා පහසු හා දියුණු ලෙස CSS භාවිත කරල කිරීමේ හැකියාව තිබෙනව. HTML එක්ක CSS එකතු කරගෙන ඔබගේ වෙබ් අඩවිය වඩා වේගවත් හා ශක්තිමත් කරගන්න ඔබට හැකියාව ලැබෙනවා. සහ CSS මගින් වඩා වැඩි පහසුකම් ප්‍රමාණයකුත් ලබා දෙනවා.

19. ඔබගේ අඩවියට පැමිණෙන්නන්ට අඩවිය තුළ සෙවුමක් කරන්න හැකි විය යුතුයි.

මේ නිසා තමයි සෙවුම් යන්ත්‍ර අන්තර්ජාලය තුළ විප්ලවයක් ඇති කළේ. ඔබගේ අඩවිය තොරතුරු වලින් පිරී තිබෙන්නක් නම් අනිවාර්යයෙන් මෙය අත්‍යවශ්‍යයි. වෙබ් අඩවි පරිශීලකයාට පහසුවෙන්ම ඔහුට අවශ්‍ය දේ සොයා ගත හැකි විය යුතුයි.

20. Drop Down Menus අවම කරන්න.

සමහරක් වෙලාවට නම් මෙය අවශ්‍ය වෙනවා. නමුත් සමහරක් වෙලාවට නම් මෙය නරකයි. මොකද කිව්වොත් පරිශීලකයාට කෙලින්ම පහසුවෙන්ම වෙබ් අඩවියේ ඇති දේ දැක ගත හැකිවිය යුතුයි, වෙබ් අඩවිය තුළ පහසුවෙන් එහා මෙහා යා හැකි විය යුතුයි. Drop Down මෙනු වල කොටසක් සැඟවී තිබෙන නිසා සමහරක් අවස්ථා වල වෙබ් අඩවිය තුළ සැරිසරන්නා අන්දමන්ද විය හැකියි.

එහෙනම් මේ ලිපිය මෙතනින් අදටත් මතු සම්බන්ධයි...

ඔබගේ අදහස් දක්වන්න.

වෙබ් අඩවි සෑදීමේදී ඔබ නොකළ යුතු දේවල්

noreply@blogger.com (Madhawa Habarakada) — Sun, 22 Apr 2012 04:02:00 +0000

වෙබ් අඩවි හදනකොට හුඟක් අය කරන විවිධාකාරයේ අත්වැරදීම් තිබෙනව. ඉතින් අපි කතා කරමු. මොනාකාරයේ වැරදිද අපි කරන්නෙ කියල. ඇත්තෙන්ම කිව්වොත් අපි බලමු හරි විදිහට කරන්නෙ කොහොමද කියල. මේ බොහොමයක් දේවල්, බොහොමයක් අඩවි වලට අදාලයි. සමහරක් ඒව නම් සාමාන්‍ය දැනීම, සමහරක් නම් එක පාර හිතෙන්නෙ නැති ඒව. අපි කතා කරන්නෙ වෙළඳ අඩවි, බ්ලොග් හැම එකක් ගැනමයි.

1. අඩවියට පැමිණෙන්නා අඩවිය කුමක් පිළිබඳවද යන්න ක්ෂණිකව දැන ගත යුතුයි.

අවධානය කියන්නෙ අන්තර්ජාලය තුළ තිබෙන වටිනාම වස්තුවක්. අඩවියට එන පුද්ගලයාට බැරි නම් ඒ අඩවිය තියෙන්නෙ මොකක් ගැනද කියල තේරෙන්නෙ නැති නම් ඒ ආපු පුද්ගලයා කෙලින්ම ආපහු හැරිල යනව. ඔබගේ වෙබ් අඩවිය තිබෙන්නෙ මොකක් සම්බන්ධයෙන්ද කියල එන පුද්ගලයාට ක්ෂණිකව පණිවිඩය දෙන්න ඔබගේ වෙබ් අඩවියට හැකි විය යුතුයි.

2. අන්තර්ගතය උඩින් යන්නට හැකි විය යුතුයි.

තේරෙන්න කිව්වොත් skim කරන්න පුලුවන් වෙන්න ඕනෙ. මේ පොතක් නෙමෙයිනෙ, අන්තර්ජාලය තුළ තිබෙන එක් වෙබ් අඩවියක්. ඉතින් ලොකු ලොකු පරිච්ඡේද අමතක කරන්න. මමත්, හුඟක් අයත් ලොකු ලොකු ඡේද තිබෙන වෙබ් අඩවි වලට අකමැතියි. උඩින් කියවන් ගිහිල්ල මොනවද තියෙන්නෙ කියල තේරුම් ගන්න පුලුවන් නම් කවුරුත් කැමතියි. කියවන්නාට, තමුන් කියවන දේ පහසුවෙන් වෙන් කරගන්න පුළුවන් ආකාර වලින් තොරතුරු ලබා දෙන්න. උදා: bulleted list, numbered lists, headers, sub headers.

3. කියවන්න අමාරු අමුතු අමුතු ෆොන්ට්ස් දාන්නෙපා.

මේකත් හුඟක් අය කරන වැඩක්. ලස්සන කරන්න කියල එක එක විදිහෙ fancy fonts භාවිත කරනව. ඇත්ත. සමහර ෆොන්ට් මගින් ඔබගේ අඩවියට ලස්සනක්, ගාම්භීර පෙනුමක් ලබාදෙන්න ඉඩ තිබෙනව. නමුත් ඒක කියවන්න අපහසු නම්??? ඔබගේ ප්‍රධාන අරමුණ යම් තොරතුරක්, පණිවුඩයක් ලබාදීම නේද? ඉතින් ඔබ කියන දේ එන කෙනාට කියවන්න අමාරු නම් වැඩක් තිබෙනවාද? එන අය කියවන්න කැමති, ඒ දේ කියවන්න පහසු ලෙස තිබෙනවා නම් පමණයි.

4. ඉතා කුඩා අකුරු ප්‍රමාණ භාවිතා කරන්න එපා.

අංක 3 සම්බන්ධයෙන් කිව්ව දේවල් ටිකම මෙතනටත් අදාල වෙනවා. කියවන්නාට පහසු ලෙස අපි අපේ අඩවියේ අන්තර්ගතය ලබා දිය යුතු වෙනවා. දැන් අප භාවිතා කරන වෙබ් බ්‍රවුසර් වල සූzම් පහසුකම් තිබෙනවා, නමුත් කියවන්නාට එය භාවිතා කරන්නට සිතු උනොත්, බොහෝවිට ඒ එම පුද්ගලයා ඔබගේ අඩවියට එන අවසන් අවස්ථාව වීමට ඉඩ තිබෙනවා.

5. නව බ්‍රවුසර් පැනල (windows) විවෘත කරන්න එපා.

මේකත් ගොඩක් අය කරනවා. අඩවියෙන් පිටත සබැඳියක් විවෘත කරන විට නව වින්ඩෝවක් විවෘතව ඒක තුළ එම සබැඳිය විවෘත වෙන්නට සකසනවා. ඔබ බලාපොරොත්තු වෙන්නෙ මොකද්ද? ඔබගේ අඩවියට පැමිණි පුද්ගලයා පිටට යන්නට නොදී නවත්වා ගැනීම. මේක හරිම නරක වැඩක්. මමත් මේක ඉස්සර කළා, නමුත් දැන් නෑ. ඔහුට ඉඩ දෙන්න මොකද්ද කරන්න ඕනෙ කියල. ඔබගේ අඩවිය ඔහුට/ඇයට අවශ්‍ය නම් එයාම ඒ සබැඳිය වෙනත් වින්ඩෝවක/ටැබ් එකක ඇර ගනීවි. අනික, නැත්තම් මොකටද බ්‍රවුසර් එකක ලොකු Back බොත්තමක් තිබෙන්නෙ?

6. බ්‍රවුසර් වින්ඩෝව Resize කරන්න එපා.

ඔබගේ අඩවියට එන පුද්ගලයාට ඕනෙ විදිහට වැඩ කරගන්න ඉඩ දෙන්න. ඔබ බ්‍රවුසර් වින්ඩෝවේ ප්‍රමාණය වෙනස් කළොත් ඒක වෙබ අඩවියට එන පුද්ගලයාට අපහසුතාවයක් වෙන්නට පුලුවන්. ඉතින් ඒක වෙන්න දෙන්න එපා. ඔබට පෙනි පෙනිම ඔබගේ අඩවියට එන කෙනෙක් නැති වේවි.

7. අඩවියේ ලියාපදිංචි වෙන්න බල කරන්න එපා.

කෙනෙක් අන්තර්ජාලය තුළ සැරිසරන්නෙ යමක් හොයාගන්න. ඉතින් අත්‍යවශ්‍යම නම් පමනක් හැර වෙබ් අඩවියන එන පුද්ගලයාගේ ඉමේල් ලිපිනය හා වෙනත් තොරතුරු ඉල්ලල කරදර කරන්න එපා. එහෙම කරන්න තරම් ඔබේ අඩවියේ තිබෙන තොරතුරු වටින්නෙ නැතිනම් ඔහු කවදවත් ආපහු එන එකක් නෑ. නමුත් තොරතුරු ටික වටිනව නම් ඔබේ අඩවියේ ලියාපදිව්චි වෙන්න කෙනෙක් පසුබට වෙන එකක් නෑ.

8. අඩවිය තුළ ලියාපදිංචි වන්නාගේ අවසරයක් රහිතව, ඔහුව කිසිම දේකට Subscribe කරවාගන්න එපා.

මේකත් අපේ හුඟක් අය කරනව මම අත්දැකල තිබෙනව. එහෙම කරල නම් කවදාවත් ඔබට යාළුවො හදාගන්න නම් බැරි වේවි. මොකද ඔවුන්ට ඒක කරදරයක්, හිසරදයක් වෙන නිසා. ඔවුන්ට ඕනෙ නම් පමණක් subscribe වෙන්න ඉඩ දෙන්න.

9. අනවශ්‍ය ලෙස ෆ්ලෑෂ් ඇනිමේෂන් භාවිතා කරන්න එපා.

ඔබගේ වෙබ් අඩවිය ලෝඩ් වෙන්නට ගත වන කාලය ඉතා විශාල වශයෙන් වැඩි කිරීමට අමතරව, එමගින් සමහරක් පැමිණෙන්නන් තරහ ගස්වන්නට එමගින් ඉඩ තිබෙනවා. සාමාන්‍ය HTML, PHP, JScript, DHTML, වැනි දේවල් ව්අලින් දෙන්නට බැරිම දේවල් පමණක් ෆ්ලෑෂ් මගින් දෙන්න. නමුත් දැන් නම් ෆ්ලෑෂ් කියන එක ටික ටික භාවිතයෙන් ඉවත්වේගෙන යනවා. දැන් JQuery වැනි දේවල් වලින් ඉතා පහසුවෙන් පෙරදී ෆ්ලෑෂ් භාවිත කර කරනු ලැබූ දේවල් කළ හැකියි.

10. සංගීත වාදනයන් යොදන්න එපා.

ඉස්සර හැම කෙනෙක්ම වගේ තමන්ගෙ වෙබ් අඩවියේ පසුබිම් සංගීතයන් වාදනය වෙන්නට සැළැස්වුවා. නමුත් ඔවුන්ට වැරදිලා. දැන් නම් කිසිදු සාර්ථක වෙබ් අඩවි නිර්මාණකරුවෙක් එහෙම කරන්නෙ නෑ. එමගිනුත් 90%ක්ම වෙබ් අඩවියට පැමිණෙන්නන් තරහ ගස්වනවා. ඔවුන් යළි එම අඩවියට පැමිණීම නවත්වනවා.

එහෙනම් තවත් "වෙබ් අඩවි සෑදීමේදී ඔබ නොකළ යුතු දේවල්" ටිකක් එක්ක ඊළඟ ලිපියෙන් හමුවෙමු...

ඉතින් කොහොමද?

noreply@blogger.com (Madhawa Habarakada) — Sun, 22 Apr 2012 03:57:00 +0000

ඉතින් කොහොමද කට්ටියගෙ සැප සනීප? අවුරුදු ඉවර වෙලා දැන් වැඩ පටන් අරගෙන ඇති. ඉස්කෝලෙ, කැම්පස්, රැකියා, හැම එකක්ම. (ඉස්කෝලෙ පටන් ගන්නෙ නම් හෙටද මන්ද.)

කොහොම හරි, පරක්කු වෙලා හරි, හැමෝටම සුභ අලුත් අවුරුද්දක් ප්‍රාර්ථනා කරනවා.

ඉතින් අවුරුදු සරුද? මට නම් ඉතින් විශේෂයක් නම් නෑ. පොඩි පොඩි අදහස් ටිකක් ඇවිල්ල ඒව ක්‍රියාත්මක කරන්න ප්ලෑන් කරනව. :) මේ දවස් වල ටිකක් නිදහස්. ෆැක්ටරි එකේ Shut Down. ඒ කීවෙ අවුරුද්දකට සැරයක් අප්‍රේල් මාසෙ අල්ලල ෆැක්ටරි එකේ වැඩ සම්පූර්ණයෙන්ම නවත්තල මාසයක් තිස්සෙ Preventive Maintenance කරනව. පැය 24ම වැඩ කරන ෆැක්ටරි එකක්නෙ. මැයි මාසෙ ඉඳල ආපහු වැඩ පටන් ගන්නව.

ඉතින් මේ දවස් ටිකේ ෆැක්ටරියෙ වැඩ ගැන බලන්න දෙයක් නෑ, ISO වැඩ ටිකක් හා, තවත් ඩොක්‍යුමන්ට් වැඩ ටිකක් තමා තියෙන්නෙ. ඒ අතරෙ අපේ ඩිපාර්ට්මන්ට් එකේ වැඩ කරන ළමයින්ගෙ හා අපේ වැඩ පහසු කිරීම සඳහා කඩදාසි වල පුරවන තොරතුරු පරිගණකගත කරන්න සොෆ්ට්වෙයා එකක් හදමින් පවතිනව. ඒක නම් කරන්නෙ මගෙ අනිත් මිත්‍රය. මමත් පොඩි පොඩි හෙල්ප් දෙනව. ඒකෙන් අපේ වැඩ උනත් හුඟාක් පහසු වෙනව.

දවසක් කිව්ව වගේ අලුත් ලිපියක් සකසමින් ඉන්නෙ. "වෙබ් අඩවි සෑදීමේදී ඔබ නොකළ යුතු දේවල්" කියල. ඒක තාම ඉවර නෑනෙ. කොටස් කිහිපයක් වශයෙන් දෙන්න තමා ඉන්නෙ. අද එක කොටසක් දෙන්නම්.

එහෙනම් ඇති. මම ගිහිල්ල එන්නම්.

[තොටගමුවේ හිමියන්ගේ ජනප්‍රවාද] පුල කච්චන්නා

noreply@blogger.com (Madhawa Habarakada) — Mon, 09 Apr 2012 18:43:00 +0000

ඔන්න ඉතින් කාලාන්තරේකට පස්සෙ බ්ලොග් එකේ මොනා හරි ලියන්න ආව. පහුගිය කාලෙ පෝස්ට් එකක් ලියන්න පට්ටම කම්මැලිකමක් තිබුනෙ. ඉතින් මෙන්න ආව කතන්දරයක් අරගෙන. මම කාලෙකට ඉස්සෙල්ල කියාගෙන ආපු කතන්දර සෙට් එකටම තවත් එකක්. තොටගමුවේ ශ්‍රී රාහුල හාමුදුරුවො සම්බන්ධ ජනප්‍රවාදයක්. මීට ඉස්සෙල්ල කියපු කතා බලල නැති කෙනෙක් ඉන්නව නම් මෙතනින් ගිහිල්ල කතා ටික හොයාගෙන කියවන්නකො.

හරි, අද කතාව "පුල කච්චන්නා".

අමුතු වචනයක්. දන්න වචනයක්ද? වෙන බාසාවක එකක්ද? කතාව කියවන් යනකොට තේරේවි. :)

අද කාලෙ නැති උනාට අතීතයේ, කුල වාදය තදින්ම තිබුන. ඉහල පැලැන්ති වල කුලත්, පහත්ම තලයේ කුලයනුත්. ඒ කාලෙ සමාජයේ උනු හැම කාර්යයක්ම එක්ක කුල වාදය පැවතුනා. ඒ කාලෙ, හැම ජන කොටසක්ම කොයිම හරි විදිහකට රජ මාළිගයට සේවාවක් කළ යුතු වෙනව. ඉතින් ඒ කරන කාර්යය අනුව ඒ මිනිස්සු උසස් පහත් කුල වලට බෙදෙනව.

හරි. ඉතින් ඔන්න එදා පසළොස්වක දවසක්. පළාතෙ දානපතියෙක්ගෙන් දනට වඩින්න ආරාධනාවක් ආව. ඉතින් ගුරු හාමුදුරුවොයි, රාහුල පොඩි හමුදුරුවොයි ඔන්න දානෙට වඩිනව. ඔය අතරමඟ ගොඩක් මඩ වගුරු සහිත ප්‍රදේශයක් පසු කරල යන්න මේ දෙනමට සිද්ද වෙනව. ඔන්න අමාරුවෙන් අමාරුවෙන් වඩින අතරෙ හදිසියෙම කොහෙන්ද මන්ද ආපු කොලු ගැටයෙක් "පුල කච්චන්නා පුල කච්චන්නා" කියල කෑ ගහගෙන උන්නාන්සෙල පහු කරල දුවගෙන ගියා.

ඉතින් මේ වචනෙ ඇහෙනකොටම ගුරු හමුදුරුවො, මේක මොන භාෂාවෙ වචනයක්ද, පාලිද සංස්කෘතද, වෙන බාසාවක එකක්ද කියල හිතන්න උනා. කොහෙද මතකෙට එන්නෙම නෑ, හැබැයි ඒකෙ තේරුම මේ දිව් අග තියෙනව වගේ, ඒත් මතක් වෙන්නෙම නෑ. ඉතින් ගුරු හාමුදුරුවො ඕක ගැනම හිත හිත මග වගුරු වලත් වැටි වැටි යනව. රාහුල හාමුදුරුවන්ට කිසිම තේරුමක් නෑ මොකද්ද මේ ලොකු හාමුදුරුවො පැටලිලා ඉන්න පඹ ගාල ගැන.

ඔන්න අර දානපතියගෙ ගේත් පහු කරගෙන ලොකු හාමුදුරුවො වඩිනව. රාහුල හාමුදුරුවො බලනව මේ මොකෝ කියල. දෙන් දානෙටත් වෙලාව ලඟයි. රාහුල හාමුදුරුවන්ට ඉන්ටම බැරි තැන ලොකු හමුදුරුවන්ගෙන් අහනව "ලොකු හාමුදුරුවනේ, දානෙටත් වෙලාව ලඟයි, දැන් අපි දානෙ ගෙදරත් පහු කරගෙන හුඟක් දුර වැඩිය" කියල. ඔන්න එතකොටයි ලොකු හාමුදුරුවන් පියවි සිහියට ආවෙ. ඉතින් දෙන්න ආපහු හැරිල ගියා.

දානෙ වැළඳුවට මොකද වෙන සිහියක. අර වචනෙ තේරුම ගැනමයි හිතන්නෙ. ගැටළුවක් ආවම ඒක විසඳන්නෙ නැතිව වෙන වැඩක් කරන්න බැරි පුරුද්දක් උන්නාන්සෙට තිබෙනව. ඉතින් හරියකට දානෙ වැළඳුවෙත් නෑ, උපාසක මහත්තය අහනව ලොකු හාමුදුරුවන්ගෙන් මොකක් හරි අසනීපයක්වත්ද කියල.

ඉතින් දානෙ අවසන් වෙලා පංසලට ආව විතායි ලොකු හාමුදුරුවො පොත් ගුලට ගිහිල්ල තියෙන තියෙන ශබ්දකෝෂ පෙරල පෙරල "පුල කච්චන්නා" කියන වචනෙ තේරුම හොයනව. නමුත් කිසිම පොතක ඒ වචනෙ නෑ. හොයාගන්න විදිහක්ම නෑ.

රාහුල හාමුදුරුවන්ටත් මේ වෙනකොට විවිධ භාෂා කිහිපයක් ගැනම හොඳ දැනුමක් තිබෙනවා. නමුත් ගුරු හිමියන්ට හිතෙන්නෙ නෑ ගෝල හිමියන්ගෙන් මේ ගැන විමසන්ට. ඒත් ගැටළුවට උත්තරයක් ඇත්තෙම නෑ, ඉතින් ගුරු හාමුදුරුවො තීරණේ කළා රාහුල හාමුදුරුවන්ගෙන් මේ ගැන විමසන්න.

"රාහුලට මතකද අපි අර දානෙට වඩිනකොට කොලු ගැටයෙක් පුල කච්චන්නා කියාගෙන දිව්ව? රාහුල දන්නවයි ඔය වචනෙ තේරුම?"

ඔන්න දැන් තමා රාහුල හාමුදුරුවන්ට ලොකු හාමුදුරුවො පැලලිලා උන්නු පඹගාල ගැන තේරුනේ.

"අනේ අපේ හාමුදුරුවනේ, ඔබ වහන්සේ මෙච්චර වෙලා හෙව්වෙ ඕක ගැනද? අපේ හාමුදුරුවනේ දන්නව ඇතිනෙ, ඒ හරියෙ පාරෙ එක පැත්තක ඉන්නෙ රදා කුලේ උදවිය, අනිත් පැත්තෙ කුඹල් කුලේ උදවිය. ඉතින් ඔය දෙපැත්තෙ කොල්ලො දෙන්නෙක් රණ්ඩුවක පැටලෙන්ට ඇති. ඔය දුවපු කොල්ල රදා කුළේ එකෙක් වෙන්න ඕනෙ. ඉතින් ඒ කොල්ල ගහයි කියන බයට වෙන්න ඕනෙ බැන බැන දිව්වෙ."

"ඉතින් රාහුල, මොකද්ද එතකොට ඒ කිය කියා ගිය වචනෙ තේරුම???" ලොකු හාමුදුරුවන්ට හරිම ප්‍රශ්නයක්.

"ඉතින් හාමුදුරුවනේ කොල්ල බයට වචනෙ නොපිට හරවලයි කිය කියා ගියේ, කල පුච්චන්නා කියන එක." කියල ඔන්නෙ රාහුල හාමුදුරුවො ප්‍රෙහෙළිකාව විසඳුව.