Madurai Magilchi

ஈடில்லா இயற்கை உணவு!

2012-11-23T23:15:00.000-08:00

NATURE FOOD IS UNEQUAL : ஈடில்லா இயற்கை உணவு!

விடிந்தும், விடியாத அந்த அதிகாலை வேளையிலே ஒரு சின்னஞ்சிறிய கடைமுன் கூட்டம் நிரம்பி வழிகிறது. கூட்டத்திற்கு காரணம் அங்கு வழங்கப்படும் இயற்கை உணவுகள்தான்.

சிவகாசி தபால்நிலையம் பக்கத்தில் உள்ள தாய்வழி இயற்கை உணவகத்தில் நிலவேம்பு கஷாயம், ஆடாதொடை ரசம், கத்தாழை சூப், அடுப்பில் வைக்காமல் உருவாக்கப்பட்ட பேரீச்சை அவல், பலவித பயறு வகைகள், நெல்லிக்காய் சாலட், வெந்தயக்களி, சின்ன வெங்காயம் போட்ட கம்மங்கூழ் என்று எப்போதோ, எங்கோயோ கேட்ட பழமையான பராம்பரியமான உணவு வகைகளை வழங்கிக் கொண்டு இருக்கிறார் கடையின் உரிமையாளரும் இயற்கை ஆர்வலருமான சிவகாசி மாறன்ஜி.

நமது பழமையான உணவு என்பதை மறந்ததால்தான் இன்றைக்கு இவ்வளவு நோய் நொடிகள், எப்போதும் இயற்கையோடு இணைந்து வாழ்ந்தால் எந்நாளும் தொல்லை இல்லை என்று சொல்லும் மாறன்ஜி கடையில் வழங்கப்படும் பொருட்களின் விலையோ இரண்டு ரூபாயில் இருந்து ஏழு ரூபாய்க்குள்அடங்கிவிடும். ஒரு வரியில் சொல்வதானால் விலை குறைவு ஆரோக்கியம் அதிகம்.

நிலவேம்பு கஷாயம் குடித்தால் போதும் டெங்கு காய்ச்சல் பக்கத்திலேயே வராது. வந்தாலும் பயந்து ஒடிவிடும். இப்படி இங்குள்ள ஒவ்வொரு உணவு பொருளுக்கும் பின்னணியில் நிறைய ஆரோக்கியமும், மருத்துவ குணங்களும் நிறைந்து உள்ளன.

அடுப்பில் வைக்காமல் நூற்றுக்கணக்கான அறுசுவை உணவுகளை தயார் செய்யமுடியும். அதற்கு பெண்கள் முன்வர வேண்டும். வாரத்தில் ஒரு நாள் அடுப்பு பற்ற வைக்காமல் சமைத்தாலே நாட்டிற்கும் வீட்டிற்கும் எவ்வளவோ பலன்கள் உண்டு என்று சொல்லும் மாறன் இயற்கை உணவை எல்லாரிடமும் கொண்டு சேர்ப்பதற்காக நிறையவே உழைத்து வருகிறார்.

இதை இளைஞர்கள் கையில் சேர்த்துவிட்டால் அது அற்புதமான ஆரோக்கியமான இந்தியாவிற்கு வழிவகுத்துவிடும் என்பதில் உறுதியாக இருக்கும் இவர் இது தொடர்பாக பள்ளி, கல்லூரியில் பொருட்காட்சி நடத்துவது, கருத்தரங்குகள் நடத்துவது என்று எப்போதும் பிசியாக இருக்கிறார்.

இயற்கை உணவு பற்றி இன்னும் கொஞ்சம் விரிவாக தெரிந்து கொள்ள விரும்புபவர்களுக்காக அவரது போன் எண் : 9367421787

நன்றி : தினமலர் நாளிதழ்.

மினி ரெசிபி! - வாழைக்காய் குணுக்கு!

2012-11-22T02:29:00.000-08:00

தேவையானப் பொருட்கள்:

வேக வைத்து மசித்த வாழைக்காய் - 2 கப்

துவரம் பருப்பு, கடலைப் பருப்பு, உளுத்தம் பருப்பு, அரிசி மாவு - தலா 2 தேக்கரண்டி.

காய்ந்த மிளகாய், பெருங்காயத்தூள் - கால் தேக்கரண்டி

தேங்காய் துருவல்- 2 தேக்கரண்டி

கொத்தமல்லி, கறிவேப்பிலை - சிறிதளவு

எண்ணெய், உப்பு - தேவையான அளவு

செய்முறை: மூன்று வகை பருப்புடன், காய்ந்த மிளகாய் சேர்த்து அரை மணி நேரம் ஊற வைக்கவும். பின், தண்ணீரை வடித்து மிக்சியில் போட்டு, கெட்டியாக அரைக்கவும். அதனுடன், மசித்த வாழைக்காய், அரிசி மாவு, தேங்காய் துருவல், பெருங்காயத்தூள், நறுக்கிய கறிவேப்பிலை, கொத்தமல்லி, உப்பு சேர்த்துப் பிசைந்து கொள்ளவும். கடாயில் எண்ணெய் விட்டு, மாவை சிறு சிறு உருண்டைகளாக உருட்டிப் போட்டு, பொன்னிறமாக வெந்ததும் எடுத்துப் பரிமாறவும்.

***

ஷாம்பூவில் தண்ணீர் கலந்து பயன்படுத்துவது நல்லது

2012-11-22T02:27:00.002-08:00

வெளியில் போகிறவர்களுக்கு கோடை காலத்தில், கூந்தல், வைக்கோலைப் போல் உலர்ந்து விடும். எவ்வளவுதான் எண்ணெய் தடவினாலும் போதாது. இப்படி இருந்தால், வாரத்திற்கு ஒரு தடவை காய்ச்சிய எண்ணெயை, தலையில் நன்றாகத் தேய்த்து, ஒரு மணி நேரம் ஊறிய பின், தலைக்கு குளிக்கவும்.

ஒரு லிட்டர் நல்லெண்ணெய் அல்லது தேங்காய் எண்ணெயில் நெல்லிக்காய் பொடி, தான்றிக்காய் பொடி, மருதாணி பொடி, கறிவேப்பிலை பொடி, கரிசலாங்கண்ணி பொடி, வெட்டி வேர், ரோஜா இதழ்கள், சந்தனப் பொடி ஆகியவை தலா, 10 கிராம் சேர்த்து, எண்ணெயில் போட்டு கொதிக்க வைக்கவும்.

இந்த கலவையை நாலு நாள் வெயிலில் வைத்தால், சூரிய கதிர்கள் பட்டு, எண்ணெயில் எசன்ஸ் இறங்கும். பின் வெள்ளைத் துணியில், அதை வடி கட்டவும். குளிக்கும் முன் இதை தலையில் தேய்த்து வந்தால், முடி உதிர்தல், நரைமுடி குறையும். செம்பட்டை முடி கருமையாகும்; பொடுகு நீங்கும்.

தினமும் தலைக்குக் கொஞ்சம் எண்ணெய் தடவி வர வேண்டும். அது, தேங்காய் எண்ணெயாக இருந்தால் நல்லது. எண்ணெய் தடவும் போது, விரல்களின் நுனியால் தலையில் அழுத்திப் பிடித்து விட்டுத் தேய்க்க வேண்டும். அப்படிச் செய்தால், கூந்தல், எண்ணெய் பசையுடன் பார்ப்பதற்கு அழகாக இருக்கும்.

வெந்தயத்தை விழுதாக அரைத்து, தலையில் தடவி ஊறவிட்டு, பின்னர் எலுமிச்சை சாறு கலந்த நீரில் குளிக்கவும். இது, குளிர்ச்சியை ஏற்படுத்தும். செம்பருத்தி பூக்களை பசை போல அரைத்துக் கொள்ளவும். இந்தக் கலவையை தலையில் தடவி பின்னர் அலசவும்.

சாதம் வடித்த நீருடன் சீகைக்காய் கலந்து. அதைக் கொண்டு முடியை தேய்த்து விட்டால், முடி பளபளக்கும்.

பலசரக்குக் கடையில் காய்ந்த வேப்பம்பூ கிடைக்கும். உப்பு கலக்காத வேப்பம்பூ, 50 கிராம் வாங்கி, அதை, 100 கிராம் தேங்காய் எண்ணெயில் போட்டு நன்கு காய்ச்ச வேண்டும்.

இளம் சூடு பதத்திற்கு ஆறியதும், வேப்பம் பூவுடன் சேர்த்து எண்ணெயை தலையில் நன்றாக தேய்த்து, அரை மணி நேரம் ஊறிக் குளித்தால், பொடுகு பிரச்னை தீரும். அதிகம் பொடுகு உள்ளவர்கள் வாரத்திற்கு ஒரு முறையோ, இரண்டு முறையோ மூன்று வாரங்கள் குளித்தால், பொடுகு சுத்தமாக நீங்கி விடும்.

வெந்தயம், வால் மிளகு, சீரகம் மூன்றையும் சம அளவு எடுத்து பொடி செய்து, தேங்காய் எண்ணெயில் கலந்து தடவி வர, இளநரை மறையும். கூந்தலுக்கு எப்போதும் எண்ணெய் பசையும், நீர்ச் சத்தும் அதிகமாகத் தேவைப்படுகிறது. ஹென்னா பயன்படுத்தி, நரை முடி தெரியாமல் பார்த்துக் கொள்ளலாம். ஹென்னா பயன்படுத்தும் போது, முறையான பயிற்சி வேண்டும். ஷாம்பூ அடிக்கடி பயன்படுத்தக் கூடாது. அப்படி பயன்படுத்தும் போது, ஒரு கோப்பை தண்ணீரில் ஷாம்பூவைக் கலந்து, பின்பு பயன்படுத்த வேண்டும்.

அழகுக் கலையில் செய்யக் கூடாதவை

2012-11-22T02:26:00.000-08:00

தினமும் தலைக்கு ஷாம்பூ போட்டுக் குளிக்காதீர்கள். தலையின் இயற்கையான எண்ணெய் பசையை போக்கி விடும். வேலை காரணமாக தினமும் தலைக்குக் குளிக்க நேர்ந்தால், குழந்தைகளுக்கான ஷாம்பூ அல்லது மிதமான ஷாம்பூ பயன்படுத்தவும். எலுமிச்சம் பழத்தை பிழிந்து, ஜூஸ் எடுத்து, முகத்தில் தேய்த்துக் கொள்ளுங்கள் என்று சில அழகுக் குறிப்புகளில் சொல்லப்படுகிறது. ஆனால், எலுமிச்சம் பழத்தோல் அல்லது ஜூசை முகத்தில் அப்படியே தடவக் கூடாது; தோல் அலர்ஜியாகி விடும். பால் அல்லது பேஸ் பேக்குடன் கலந்து தான் உபயோகிக்க வேண்டும். பரு இருப்பவர்கள் முகத்தை மசாஜ் செய்யக் கூடாது; பரு காய்ந்து விட்டதா என்று கிள்ளிப் பார்க்கவும் கூடாது. எண்ணெய் பசை தோலுள்ளவர்கள், முகத்தை சுத்தப்படுத்த சோப்புக்கு பதில் தயிர் உபயோகிக்க கூடாது. மோர் அல்லது பால், எலுமிச்சை சாறு அல்லது பேஸ் வாஷ் கொண்டே முகத்தை சுத்தப்படுத்த வேண்டும்.

இவர்கள் முகத்துக்கு உபயோகிக்கும் பவுண்டேஷனை நீண்ட நேரம் பூசிக் கொண்டிருக்கக் கூடாது. பருக்கள் மற்றும் கரும்புள்ளி வந்து விடும். தினமும் தலைக்கு ஷாம்பூ போட்டுக் குளிக்காதீர்கள். தலையின் இயற்கையான எண்ணெய் பசையை போக்கி விடும். வேலை காரணமாக தினமும் தலைக்கு குளிக்க நேர்ந்தால், குழந்தைகளுக்கான ஷாம்பூ அல்லது மிதமான ஷாம்பூ பயன்படுத்தவும். முகத்தின் மீது நேரடியாக ஐஸ் கட்டி வைக்கவே கூடாது. அப்படி செய்தால், மிக மெல்லிய மேல்புறம் பாதிக்கப்படும். ஐஸ் கட்டியை பஞ்சு அல்லது துணிக்குள் வைத்து, முகத்தில் ஒற்றி எடுக்கலாம். அதேபோல், அதிக சூடான வெந்நீரிலும் முகம் கழுவக் கூடாது.

புருவத்துக்கு மையிடும் ஐ-புரோ பென்சிலை வைத்து கண்ணுக்குள் மையிடக் கூடாது. வறண்ட தோல் கொண்டவர்கள், வெள்ளரி துருவல் அல்லது ஜூசை அப்படியே முகத்தில் பூசக் கூடாது; பேஸ் பேக் எதனுடனாவது கலந்துதான் பூச வேண்டும். இவர்கள், அப்படியே உபயோகிக்காமல் புதினா விழுது, முல்தானி மட்டியுடன் கலந்து உபயோகிக்கலாம். டூவீலரில் செல்லும் போது முடியை அப்படியே பறக்க விடக் கூடாது. அழுக்கு சேர்ந்து முடி கொட்ட ஆரம்பித்து விடும். காட்டன் துணியால் தலையை சுற்றி கட்டிக் கொள்ளலாம்.

தலைமுடி ஈரமாக இருக்கும் போது வாராதீர்கள்; முடி உடைந்து விடும். முகம் கழுவியபின், டவலால் முகத்தை இழுத்துத் துடைக்காதீர்கள்; ஒற்றி எடுப்பதே உத்தமம். இரவில் உபயோகிக்கும் நைட் கிரீமும், மாய்ச்சுரைசரும் கூட கண்ணைச் சுற்றி பூசக் கூடாது. இந்தப் பகுதியில் எண்ணெய் சுரப்பிகளுக்கான துளைகள் கிடையாது. அதனால், கண்ணைச் சுற்றிலும் உப்பிப் போகும் வாய்ப்பு இருக்கிறது. கொதிக்க, கொதிக்க வெந்நீரில் குளிக்கக் கூடாது. உடலில் அத்தனை வியர்வை துளைகளும் திறந்து கொண்டு விடும். நாள் முழுக்க வியர்வை கொட்டும் அழுக்குகள் சுலபமாக அந்த துவாரங்களில் தங்கி அடைத்துக் கொண்டு விடும். முகத்தில் கரும்புள்ளிகளும் வரும், வெந்நீரில் குளித்தால், கடைசியாக உடல் முழுக்க படும்படி இரண்டு குவளை பச்சைத் தண்ணீர் ஊற்றிக் கொள்ள வேண்டும். அக்குளில் பவுடர் போடக் கூடாது. முக்கியமான வியர்வை சுரப்பிகள் அங்கே இருக்கின்றன. பவுடர் இந்த வியர்வைத் துளைகளை மூடி விடுவதால், வியர்வை வெளிவர முடியாமல், துர்நாற்றம் வீசும். எண்ணெய் பசை தோலுள்ளவர்கள் ஐஸ்கிரீம், எண்ணெய், நெய் போன்றவற்றை அதிகம் சேர்த்துக் கொள்ளக் கூடாது. அழகுக்கு முக்கிய எதிரி மலச்சிக்கல்; இது, தோலின் பொலிவை பாதிக்கும். வாய் நாற்றம் ஏற்படும். தினசரி ஏதாவது ஒரு கீரை, பச்சை காய்கறி, பழங்கள் சாப்பிட வேண்டும்.

- ஐடியா அம்புஜம்

நரைமுடி மறைய என்ன செய்யலாம்?

2012-11-22T02:24:00.002-08:00

கறிவேப்பிலையை அரைத்து, சாறு எடுத்து, அந்தச் சாறு அளவிற்கு, தேங்காய் எண்ணெயை ஒன்றாகக் கலந்து, காய்ச்சி, வெண்ணெய் உருகுவது போல் வந்ததும், வடிகட்டி வைத்துக் கொள்ள வேண்டும். இதை தலைக்கு தேய்த்து வந்தால், நரைமுடி மறையும்.

- அலமு பாட்டி.

நன்றி : தினமலர்

தலைமுடி பட்டுப் போல இருக்க.

2012-11-22T02:23:00.002-08:00

பசும் தயிரை புளிக்க வைத்து, காலையில் தலை முழுவதும் தேய்த்து, குளிர்ந்த நீரில் குளித்தால், தலைமுடி பட்டுப்போல மென்மையாக இருக்கும்.

* தலை முடிக்கு, சுத்தமான தேங்காய் எண்ணெயே சிறந்தது.

* சீயக்காய்த்தூளுடன், காயவைத்த எலுமிச்சைப் பழ மூடிகளையும் சேர்த்து அரைத்து உபயோகப்படுத்தினால், கூந்தல் பட்டுப் போல இருக்கும். சருமமும் மிருதுவாக இருக்கும்.

பொடுகு தொல்லை நீங்க...

2012-11-22T02:22:00.001-08:00

சிகைக்காயை அரைக்கும் போது, அத்துடன் வேப்பிலை, வெள்ளை மிளகு, வசம்பு போன்றவற்றை சேர்த்து அரைத்து, பூசி குளித்தால், பொடுகு தொல்லையிலிருந்து தப்பிக்கலாம். முடியும் கருகருன்னு, அடர்த்தியாக வளரும்.

கூந்தல் வளர..

2012-11-22T02:20:00.003-08:00

* அரைமுடி தேங்காயுடன், இரண்டு சிறிய வெங்காயம் சேர்த்து அரைத்து, சாற்றை மட்டும் எடுத்து தலையில் தேய்த்து, ஒரு மணி நேரம் ஊற விடுங்கள். பின், வழக்கமான ஷாம்பூ அல்லது சீயக்காய் தேய்த்து தலைக்கு குளியுங்கள். பதினைந்து நாட்களுக்கு ஒரு முறை இவ்வாறு குளிக்கலாம். வெறும் தேங்காய்ப் பாலை தலைக்கு தேய்த்து ஊற வைத்தும் குளிக்கலாம்.
* கற்றாழையின் நடுவில், கத்தியால் நீளமாக ஒரு கீறல் போடுங்கள். உள்ளே உள்ள கொழ கொழப்பான சோற்று பகுதியில், கையளவு வெந்தயத்தைப் போட்டு, கற்றாழையை பழையபடி மூடி, நூலால் கட்டி விடவும். உள்ளே இருக்கும் சோற்றில் ஊறும் வெந்தயம், இரண்டு நாட்களில் முளை கட்டியிருக்கும். அதனுடன் கற்றாழையின் சோற்றையும் எடுத்து, நன்றாக அரைத்து வடையாக தட்டி வெயிலில் உலர்த்தி, தேங்காய் எண்ணெயில் போட்டு, ஊறவிட்டு தலைக்கு தினமும் பூசி வர, முடி நன்றாக வளரும். மேலும் தலைக்கு ஆயில் மசாஜ் செய்யவும் பயன்படுத்தலாம்.
* புதினா இலைகளை சுத்தமான தண்ணீரில் போட்டு கொதிக்க வைத்து, அதில் கிடைக்கும் டிகாஷனை தலைக்கு பூசி, ஊறவைத்தும் குளிக்கலாம். இதேபோல, செம்பருத்தி இலைகளை கொதி நீரில் போட்டு, டிகாஷனை எடுத்தும் குளிக்கலாம். செம்பருத்தி பூவை, தேங்காய் எண்ணெயில் ஊற போட்டு தொடர்ந்து பயன்படுத்தி வரலாம்.

இளம் நரையா? உங்களுக்கு இள நரைத் தொல்லை இருக்கிறதா?

2012-11-22T02:20:00.000-08:00

வைட்டமின், "ஏ.டி.,' சத்து நிறைந்த உணவுகளை, அதிகம் சாப்பிடுங்கள். மாமிச உணவுகளான, ஈரல், மீன் எண்ணெய், பால், வெண்ணெய் போன்றவற்றில், அவை அதிகம் உள்ளன. அதிகமான மன நெருக்கடி, டென்ஷன் அடைந் தாலும், முடி நரைக்கும். டென்ஷனை குறைப்பது நல்லது. முடிந்த அளவு, "ஹேர்டை' உபயோகிப்பதை தவிர்த்து விடுங்கள்.

வெந்தயத்தை இரவே ஊறவைத்து, மறுநாள் அரைத்து தலையில் தடவி, ஊறிய பின் குளித்தால், கூந்தல் பளபளப்பாக இருக்கும்.

நனைந்த முடியை, சின்ன சீப்புக்களால் சீவாதீர்கள். பெரிய பற்கள் உள்ள சீப்பை பயன்படுத்துங்கள். இருபது நாட்களுக்கு ஒரு முறை, முடியின் கீழ் பகுதியை அளவாக கத்தரித்து விட்டால், நுனிப்பகுதி முடி முறிந்து போவதை தடுக்கலாம்.

தலைக்கு, "ஷாம்பு' போடுவதற்கு முன், முடியை நன்றாக பிரஷ் செய்யவும். அப்படிச் செய்தால், தலையில் ரத்த ஓட்டம், அதிகரிக்கும். தலையில் இருக்கும் துகள்களும் போய்விடும்.

நன்றி : தினமலர்

பொடுகே போ! போ !

2012-11-22T02:13:00.000-08:00

தலைமுடியின் வேர்களில் பொடுகு அதிகமாக சேர்ந்தால் அரிப்பை உண்டாக்கும். இது கூந்தலின் அழகைக் கெடுப்பதால் “”கேசத்தின் எதிரி” என அழைக்கப்படுகிறது. பொடுகைக் குணப்படுத்த பல்வேறு இயற்கை சிகிச்சைகளும் உணவுக் கட்டுப்பாடுகளும் உள்ளன.

* வெண்மிளகை பால் விட்டு அரைத்து, தலைக்குத் தேய்த்து ஊற வைத்துக் குளிக்க பொடுகு போகும்.

* பசலைக் கீøயை, மூன்று நாட்கள் அரைத்து, தலையில் தேய்த்துக் குளிக்க பொடுகு விலகும்.

* வசம்பைத் தட்டி, தேங்காய் எண்ணெயில் ஊறப் போட்டு அந்த எண்ணையைத் தடவி வரலாம். பொடுகு அகலும்.

* நல்லெண்ணையில் சிறிது வேப்பம்பூ, வெல்லம் சேர்த்துக் காய்ச்சி, தலைக்குப் பூசி ஊறிய பின் குளித்தால் பொடுகு உதிரும்.

* கொஞ்சம் யூகலிப்டஸ் ஆயிலை சூடுபடுத்தி தலையில் தேய்க்கவும். ஒரு டவலை வெந்நீரில் நனைத்துப் பிழிந்து தலையைச் சுற்றிக் கட்டி விடவும். இவ்வாறு சில நாள் தொடர்ந்து செய்ய பொடுகு மறையும்.

* இரண்டு டீஸ்பூன் மருதாணிப் பவுடர், ஒரு டீஸ்பூன் காப்பி பவுடர், ஒரு முட்டை, அரை கப் தயிர் இவற்றை ஒன்றாகக் கலந்து ஒரு மணிநேரம் ஊற வைத்துக் குளிக்க,பொடுகு நீங்கும்.

* அரை கப் தேங்காய்ப் பாலுடன் நான்கு டீஸ்பூன் எலுமிச்சைச் சாறு கலந்து தேய்த்துக் குளித்து வந்தால் பலன் கிடைக்கும்.

* வில்வக்காயைப் பொடியாக்கி அதில் சம அளவு சிகைக்காய் தூள் கலந்து தினமும் தலைக்குக் குளித்து,பொடுகு தொல்லையிலிருந்து விடுபடலாம். தீரும்.

* பொடுதலை மூலிகையை இடித்து, சாறெடுத்து சம அளவு நல்லெண்ணெய் கலந்து காய்ச்சவும். சாறு வற்றியதும் வடிகட்டி தலையில் பூசிவர பொடுகு மறையும்.

* இருநூற்றைம்பது மில்லி தேங்காய் எண்ணையில் ஐம்பது மில்லி அருகம்புல் சாறையும், ஐம்பது மில்லி கரிசலாங்கண்ணி சாறையும் கலந்து காய்ச்ச வேண்டும். பாதி சாறு வற்றியதும் அதனுடன் நூறு மில்லி தேங்காய்ப் பாலை கலந்து காய்ச்ச வேண்டும். நீர்வற்றி எண்ணெய் பிரியும் சமயம் பதினைந்து கிராம் அதிமதுரத்தை, தூள் செய்து போடவும். தூள் சிவந்ததும் இறக்கி வடிகட்டி, தலைக்குப் பூசி வர பொடுகு போகும்.

* பழங்கள், கறிகாய்கள், முழு தானியங்கள், தேங்காய் கலந்த எள் சட்னியை உணவில் சேர்க்கவும். பொடுகுள்ளவர்கள் சர்க்கரையையும், மாவுப்பொருள்களையும் கண்டிப்பாக குறைக்க வேண்டும்.

நன்றி மங்கையர்மலர்!

சமையலறையில் ஆகலாம் அழகுராணி

2012-11-22T02:07:00.000-08:00

பெண்கள் தங்கள் அழகை பேணிப் பாதுகாக்க அதிக சிரத்தை எடுத்துக் கொள்கின்றனர். சந்தையில் புதிய அழகு சாதனப் பொருள்கள் அறிமுகப்படுத்தப்பட்ட உடனேயே அதனை வாங்கி உபயோகிப்பதில் பெண்களுக்கு நிகர் பெண்களே.

தான் உபயோகிப்பது மட்டுமன்றி மற்றவர்களுக்கு பரிந்துரைக்கவும் அவர்கள் தவறுவதில்லை. ஆனால், அந்த அழகு சாதனப் பொருள்களை உபயோகிப்பதால் ஏற்படும் தீமைகள் குறித்து அவர்கள் ஒருபோதும் யோசித்துப் பார்ப்பது இல்லை. பல்வேறு அழகு சாதனப் பொருள்களில் ரசாயனம் கலந்திருப்பது யாரும் மறுக்க முடியாத உண்மை.

அதிக விலையும் கொடுத்து, தீமையையும் ஏன் விலைக்கு வாங்க வேண்டும்? வீட்டு சமயலறையில் உள்ள உணவுப் பொருள்களைக் கொண்டே, அழகை கூட்டக்கூடிய பல்வேறு வழிமுறைகள் உள்ளன. அதற்கு, சிறிது நேரத்தை மட்டும் செலவழித்தால் போதும்.

உணவுத் தானியங்கள் மூலம் முக அழகை மெருகேற்றுவது குறித்த எளிய வழிமுறைகள் இங்கே தொகுக்கப்பட்டுள்ளன.

அரிசி: அரிசி மாவுடன் தேங்காய் எண்ணெயைக் குழைத்து முகத்தில் பூச வேண்டும். சில நிமிடங்கள் கழித்து சிறிது நீரைக் கையில் தொட்டு முகத்தில் வட்டமாகத் தேய்க்க வேண்டும். இது “ஸ்கரப்’ செய்யும் முறையாகும். முகத்தில் படிந்து இருக்கும் அழுக்குகளும், இறந்த செல்களும் வெளியேறி விடும்.

கடலைப் பருப்பு: கடலைப் பருப்பிலிருந்து தயாரிக்கப்படும் கடலை மாவுதான் இயற்கையான “ஃபேஸ் பேக்’. இதை உபயோகிப்பதன் மூலம் இறந்த செல்களை அகற்ற முடியும். தொடர்ந்து உபயோகிப்பதன் மூலம் பளிச் நிறத்தைப் பெறலாம்.

பாசிப்பயிர்: புரதச்சத்து அதிகமாக உள்ள பாசிப் பயிரை முகத்தில் தேய்க்கும்போது முகம் மென்மையாகும். ரசாயனங்கள் கலந்த ஷாம்பூவை உபயோகிப்பதற்குப் பதில் பாசிப் பயரை அரைத்து பொடியாக்கி உபயோகிக்கலாம்.

கொண்டைக் கடலை: வெள்ளைக் கொண்டைக் கடலை மாவுடன் பால் அல்லது தேன் கலந்து பூசலாம். இது முகத்தில் உள்ள கரும்புள்ளிகளைப் போக்கும்.

உளுத்தம் பருப்பு: சருமத்தில் மேல் பூச பயன்படவில்லை என்றாலும், உடல் ஆரோக்கியத்துக்கு உதவும். உளுந்தம் மாவு களி கருப்பைக்கு வலுவூட்டும். மாதவிலக்கின்போது ஏற்படும் வலி தீரும்.

கொள்ளு: கொள்ளை அவித்து அந்த நீரைப் பருகி வர வேண்டும். அல்லது அவித்து சுண்டல் செய்து உண்ணலாம். வறுத்து துவையலாகவும் சாப்பிடலாம். இவை அனைத்தும் உடலை மெலிய வைக்கும். பார்லி அவித்து குடித்தாலும் உடல் மெலியும்.

நன்றி: தினமணி!

கோஸ் மேக்-அப்

2012-11-22T02:01:00.003-08:00

குழந்தைகள் முதல் பெரியவர்கள் வரை பாடாய் படுத்துவது மேக்-அப். குழந்தை கிளம்புமுன் ஒரு படி பவுடரை மூஞ்சியில் அப்பி, அம்மா அனுப்பும் போது தொடங்கும் மேக்-அப் ஆயுள் வரை தொடர்கிறது. தவிர்க்க முடியலேன்னா லேசா போடலாம். அழகாய் இருப்பது கலரில், மேக்-அப்பில், டிரெஸ்ஸில் எல்லாம் இல்லவே இல்லை. நம்மோட மனசில்தான் இருக்கிறது. நான் அழகு, நான் பேரழகு என்றெல்லாம் எண்ண வேண்டாம். ஆண்டவன் என்னை நல்லாவே செய்து அனுப்பி இருக்கிறார் என்ற எண்ணம் மட்டும் போதும்.

நிறைய நிறைய எங்கும் எப்போதும் தண்ணீரை குடித்துக் கொண்டு இருங்கள்.

எப்பெல்லாம் முடிகிறதோ அப்போதெல்லாம் முகத்தை, கண்களை வெறும் பச்சை தண்ணீரால் கழுவுங்கள்.

தோய்த்த துணிகளை அணியுங்கள்.

வானிலைக்கு ஏற்ப 1-3 முறை குளியுங்கள்

இயற்கையாய் வீட்டில் பாட்டி தயாரிக்கும் சீயக்காய் பொடியை உடல், தலைக்கு பயன்படுத்தலாம்.

சோப்பு கூட தவிர்த்துவிடலாம். பெண்கள் தினமும் முகத்திற்கு மஞ்சள் பூசியும், வாரம் ஒருமுறை உடல் முழுதும் மஞ்சள் பூசியும் குளிக்கலாம். சரும நோய்கள் வரவே வராது.

அப்புறம், நாளை என்று எதையும் தள்ளக்கூடாது. நமது கடமையை அன்றே அப்போதே செய்திட வேண்டும்.

மனது ஒரு அற்புத இடம். அதில் நீங்கள் பட்ட துன்பம் பிறரை பற்றிய விஷயங்கள் என எந்த குப்பையும் உள்ளே இருக்கக்கூடாது.

பயனுள்ள விஷயம், பயனில்லாத விஷயம் என பிரித்து தேவையில்லாததை போகி பண்ணி விட வேண்டும்.

எப்போதும் சிரித்த முகமும், மகிழ்ச்சி மனமாய் இருக்க வேண்டும்.

இதெல்லாம் கடைபிடிச்சா எப்போதும் அழகாய் இருப்பீர்கள்; ஆரோக்கியமாய் இருப்பீர்கள்; வெற்றியாய் இருப்பீர்கள்!

அதிகாலை சீக்கிரம் எழணும், இரவு 10க்குள் படுத்துவிட வேண்டும். சரி, சரி இதோ ஒரு டிப்… முட்டைக்கோஸை வேக வைத்த நீரை வடிகட்டி முகம் கழுவிப் பாருங்கள். ஒரு இஞ்ச் மேக்-அப் போட்டதுபோல முகம் பிரகாசிக்கும்.

நன்றி தினமலர்!

பரு வராமல் தடுக்க

2012-11-22T02:00:00.000-08:00

பருவுக்கு வீட்டிலேயே ஒரு முதலுதவி. வசம்பு, கொத்தமல்லிவிதை, பாச்சோடி (இது எல்லா நாட்டு மருந்து கடைகளிலும் கிடைக்கும்) இவை மூன்றிலும் தலா 25 கிராம் எடுத்து கொண்டு, கழுவி சுத்தம் செய்யுங்கள். மூன்றையும் தண்ணீர் விட்டு அரைத்து முகத்தில் அப்ளை செய்யுங்கள். ஒரு மணி நேரம் காய வைத்து பிறகு குளிர்ச்சியான தண்ணீரில் கழுவி விடுங்கள். தொடர்ந்து இப்படி செய்துவந்தால் முகப்பரு காணாமல் போகும். முகப்பருவை தொடாதீங்க, கிள்ளாதீங்க முக்கியமான விஷயம் இது.

பன்னீர் பேஸ் வாஷ்!

15 மிலி தரமான பன்னீரை எடுத்து கொண்டு, முகத்தில் தடவி ஒரு மணி நேரம் கழித்து குளிர்ந்த தண்ணீரில் கழுவி விடுங்கள். தொடர்ந்து சில நாட்கள் இப்படி செய்து வந்தாலும் பரு போய்விடும்.

மல்டிபொடி பேஸ்பேக்!

வேப்பிலை பொடி, புதினா பொடி, துளசிப் பொடி இவைகளை தலா ஒரு டீஸ்பூன் எடுத்து கொண்டு, முல்தான்மட்டி கால் டீஸ்பூன் சேர்த்து, மிதமான சுடுத் தண்ணீர் சேர்த்து மேற்கொண்ட பொடிகளை சந்தனம் போல் குழைத்து முகத்தில் தடவவும். கண்களுக்கு அடியில் கண்டிப்பாக தடவக்கூடாது. 15 நிமிடங்கள் கழித்து முகத்தை கழுவிவிடவும். தொடர்ந்து சில நாட்கள் இப்படி செய்துவந்தால் பரு பறந்துவிடும்.

பருவிற்கு மருந்துப்பொடி!

அருகம்புல் பொடி, குப்பைமேனி இலைப்பொடி இரண்டையும் சம அளவு கலந்து, பருவின் மேல் மருந்து போல போட்டு இரவில் தூங்கி, காலையில் அலம்புங்கள். தொடர்ந்து செய்தால் பரு மறையும்.

பரு வராமல் இருக்க…

பத்து பன்னீர் ரோஜா மொட்டுக்களை எடுத்து அது நனையும் அளவு சூடான தண்ணீர்விட்டு ஒரு மணி நேரம் ஊற வைக்கவும். பின்னர் அந்த நீரை வடிகட்டி முகத்தில் தடவி அரை மணி நேரம் ஊறவிட்டு, பின்னர் முகம் கழுவவும். இப்படி தொடர்ந்து செய்துவர பரு போகும்.

மேற்சொன்னவைகள் சாதாரணமாக சின்ன சின்ன காரணங்களால் தோன்றும் முகப்பருவிற்கான ட்ரீட்மென்ட்தான். பக்க விளைவுகள் இல்லாதது. இதிலும் சரியாக வில்லையென்றால் மருத்துவரை நாடுவதுதான் சிறந்தது.

நன்றி : தினமலர்

குங்குமத்தை தயாரிக்கலாம்

2012-11-22T01:57:00.002-08:00

குங்குமம் என்றாலே மங்களம் என்று பொருள்.

அதை கலப்படமில்லாமல் நாமே குங்குமத்தை தயாரிக்கலாம்

தேவையானவை

நல்ல எலுமிச்சை பழங்கள், கொடி எலுமிச்சை மிகவும் நல்லது.
மஞ்சள் துண்டுகள்
வெண்காரம்
படிகாரம்

எலுமிச்சையை நறுக்கி சாறு எடுத்து மஞ்சள் துண்டுகள் மூழ்குமாறு செய்ய வேண்டும். இதற்கு மண் கலங்களை உபயோகிப்பது நல்லது.

வெண்காரம், படிகாரம் இரண்டையும் சம அளவு எடுத்து நன்றாக பொடி செய்து, மஞ்சள் பொடி மற்றும் எலுமிச்சைச் சாற்றில் கலக்க வேண்டும்.
வெண்காரம், படிகாரத்தை சிறிது அதிகமாகசேர்த்தால் சிவப்பு நிறம் கூடுதலாக இருக்கும். ஆனால் அது தோலுக்கு அவ்வளவு நல்லதல்ல.

இக்கலவையினை நிழலில் நீர் வற்றுமளவிற்கு காயவைத்து எடுத்துக்கொளள்ளவும்

(இச்செய்முறையை ஹயக்ரீவப் பெருமாள் அகத்தியருக்கு உபதேசித்ததாக வரலாறு கூறிகிறது.)

நன்றி : தமிழ் நண்பர்கள்

மஞ்சள் கிழங்கை உடைத்து எலுமிச்சம் பழசாற்றில் ஊறவைத்து,பின் உலர வைத்து பொடிசெய்தால் குங்கமம் தயாராகும். புள்ளிகள் மற்றும் பூச்சிகள்தாக்குதல் இல்லாத எலுமிச்சை பழங்களைத் தேர்ந்தெடுக்கவேண்டும். கொடி எலுமிச்சை மிகவும் நன்று. எலுமிச்சையை கீழிருந்து மேலாக நறுக்க வேண்டும்.நறுக்கிய எலுமிச்சையிலிருந்து சாறு எடுத்து மஞ்சள் துண்டுகள் மூழ்குமாறு செய்ய வேண்டும். இதற்கு எவர்சில்வர் பாத்திரங்கள் உபயோகிக்கக்கூடாது. பித்தளை அல்லது மண் சட்டியை உபயோகிப்பது நல்லது.வெண்காரம் மற்றும் படிகாரம் இரண்டையும் சம அளவு எடுத்து நன்றாக பொடி செய்து, மஞ்சள் பொடி மற்றும் எலுமிச்சைச் சாற்றில் சேர்க்கவேண்டும். நல்ல சிவப்பு நிறம் வேண்டுமானால் சிறிது அதிகமாகசேர்க்க வேண்டும்.

இக்கலவையினை நிழலில் காய வைக்கவேண்டும். இதுவே குங்குமப்பொடி.

குங்குமம் என்றாலே மங்களம் என்று பொருள். இவ்வாறு தயாரிக்கப்படும் குங்குமம் நெற்றியில் அணியப்படுகிறது.தலை வகிட்டு முனையிலும் பெண்கள் அணிகிறார்கள்.நெற்றியில் புரவ மத்தியில் பொட்டு வைப்பதால் குறிப்பாக குங்குமம் இடுவதால் மங்கள பண்பு நிறைகிறது என்பது நம்பிக்கை.இது ஆன்மீக அடிப்படையும் இதுவாகும்.நெற்றியில் குங்குமம் இடுவதால் மங்களம் நிறைகிறது.இதையே இனி அறிவியல் ரீதியில் பார்ப்போம்.

நெற்றியின் புரவ மத்திக்க நேர் பின்னால் மூளையின் ஒரு பகுதியாக Pineal gland எனும் நெற்றிக்கண் சுரப்பி அமைந்துள்ளது.இது மூளையின் ஒரு முக்கிய பகுதியென அறிவியலார் உணர்ந்து வருகிறார்கள் கண்போன்ற அமைப்பு எனக் கண்டறிந்துள்ளார்கள்.இதனை நெற்றிக்கண் எனலாம்.இந்த நெற்றிக்கண்ணுடன் தொடர்புள்ள புருவமத்தி ஒரு சக்தி குவியும் இடமாகும்.யோகப் பயிற்சியில் சுழுமுனை எனப்படுவுதும் இப்பகுதியாகும்.தெய்வத்துடன் தொடர்பு கொள்ள உதவும் பகுதி இதுவாகும்.யோகாசனப் பயிற்சியின் போது மூச்சுப் பயிற்ச்சி (பிராணாயாமம்) செய்யும் போது நெற்றிக்கண் மீது கவனம் குவியும்.ஞானக் கண் என்றம் அழைக்கப்படும்.அதாவது மனிதனின் ஆறு அறிவுக்கு அப்பாற்பட்ட இன்னொரு நுண்ணறிவை எட்ட இப்பகுதி உதவுகிறது.

அன்றைய ஞானியர் யோகிகள் ஆகியோர் இதை உணர்ந்திருந்தார்கள்.அதனாலையே நெற்றியில் பொட்டு வைத்தக்கொண்டனர்.இன்று உள்ளது போன்ற அலங்கார ஒட்டுப்பொட்டுகளை அவர்கள் வைக்கவில்லை.சந்தனம் குங்குமம் போன்ற குறிப்பிட்ட மூலிகை பொருட்களையே வைத்துக்கொண்டார்கள்.

குங்கமத்தை நான் ஏற்கனவே கூறியபடி தயாரிக்கும் போது அதில் மின்கடத்தும் தன்மை அதிகரிக்கிறது.இதை நெற்றியில் இடும்போது அதன் நேர் பின்னே மூளையில் உள்ள சுரப்பியோடு தொடர்பு ஏற்படுகிறது.இதனால் தெய்வங்களுடன் தொடர்பு கொள்ளும் வழி எளிதில் கிடைக்கிறது.

நெற்றியில் பொட்டு வைப்பதால் கண்படுதல் அல்லது திருஸ்டி எனப்படும் எதிர்மறை எண்ண அலைத் தாக்குதல்களையும் தவிர்க்க முடியும்.ஹிப்னட்டிசம் முதலிய மனோவசியங்கள் புரவ மத்தியில் பொட்டு வைத்தவரை பாதிக்காது.

மின்கடத்தும் தன்மைநமது வழிபாட்டு முறைகளில் நன்றாக மின்சக்தியை ஏற்கக்கூடிய பொருட்களையே நாம் அதிகம் பயன்படுத்துகிறோம்.வேப்பிலை மாவிலை துளசி எலுமிச்சை போன்றவைக்கு இந்த சக்தி அதிகம்.குங்குமத்தை இந்துக்கள் காரணத்தோடுதான் உபயோகிக்கிறார்கள்.அதுமட்டுமில்லாது பல அறிவியல் நுணுக்கங்கள் ஒருங்கே இணைந்த பழக்கங்கள் நம் பண்பாட்டில் இருக்கின்றன

முகத்தின் அழகை கெடுக்கும் பிளாக் ஹெட்ஸ்

2012-11-22T01:52:00.001-08:00

மூக்கில் ஏற்படும் முக்கிய பிரச்சனை பிளாக் ஹெட்ஸ்தான். சிலருக்கு ஒயிட் ஹெட்ஸும் காணப்படும். இது இரண்டுக்குமே முறையான கவனிப்பு அவசியம். பிளாக் ஹெட்ஸுடன் இருக்கும் மூக்கு, அருகில் வந்து பார்ப்பவருக்கு நிச்சயம் ஒரு வித அசூசையை ஏற்படுத்தும். கடைகளில் விறகும் பிளாக் ஹெட்ஸ் ரீமூவல் ஸ்ட்ரிப்ஸ் அதிக நாட்களாக இருக்கும் பிளாக் ஹெட்ஸை முழுதுமாக நீக்காது.

ஏனென்றால் நாள்பட்ட பிளாக் ஹெட்ஸ் மிகவும் அழுத்தமாக இருக்கும். எளிதாக ஸ்ட்ரைப்ஸ் மூலம் நீக்க முடியாது. எனவே ஸ்ட்ரைப்ஸை (ஒரு முறை பிளாக் ஹெட்ஸை முழுதும் நீக்கிவிட்டு) ரெகுலர் பராமரிப்புக்கு மாதம் ஒரு முறை என்று உபயோகிக்கலாம். நாள்பட்ட பிளாக் ஹெட்ஸுக்கு மிகவும் சரியான ட்ரீட்மெண்ட், ஆவி பிடித்தல்தான்.

வீட்டிலேயே பேஷியலுக்கு செய்வதுபோல் எண்ணெய்ப்பசை உள்ள நல்ல பேஸ் மசாஜ் க்ரீமை மூக்கிற்கு நன்றாக தடவி, மசாஜ் செய்ய வேண்டும். மூக்கின் பிளாக் ஹெட்ஸ் உள்ளவர்கள், விரல்களால் மூக்கின் பக்க வாட்டிலும், நுனியிலும் அதிக நேரம் மசாஜ் செய்ய வேண்டும். பிறகு ஒரு பாத்திரத்தில் கொதித்த நீரை ஊற்றி, நன்றாக வேர்க்கும்வரை ஆவி பிடிக்க வேண்டும்.

இப்போது வெளிச்சமான இடத்தில் அமர்ந்து, கண்ணாடியைப் பார்த்து பிளாக் ஹெட்ஸ் இருக்கும் இடங்களில் பிளாக் ஹெட் ரிமூவரால் (பேஷியல் கிட்டில் இருக்கும். கிடைக்காவிட்டால் ஸ்டெரிலைஸ் செய்த டீஸ்பூனின் முனை கொண்டு நீக்கலாம்) மெதுவாக அழுத்த வேண்டும். வெளியே வேரோடு வரும் பிளாக் ஹெட்ஸை டிஷ்யூவால் துடைத்து எடுத்துவிடுங்கள்.

இப்படியே மூக்கில் உள்ள பிளாக், ஒயிட் ஹெட்ஸ் முழுதுமாக நீக்கி விடலாம். இப்போது குளிர்ந்த நீரில் மூக்கினை நன்றாக கழுவினால் போதும். இந்த ட்ரீட்மெண்ட் செய்யும் முன்பு முகத்திற்கு ஸ்க்ரப் போடுவதென்றாலும் போடலாம். ஆனால் ட்ரீட்மெண்ட் செய்த பிறகு ஸ்க்ரப்பிங் கூடாது. ரெகுலராக வாரம் ஒரு முறை முகத்தினை ஸ்க்ரப் செய்யும்போது மூக்கு பகுதியில், பக்கவாட்டில் மசாஜ் செய்தாலே ஒயிட் ஹெட்ஸ் வராது.

நன்றி : மாலைமலர்

கரும்புள்ளிகள், மச்சங்கள், கரும்படலங்கள் – வித்தியாசம் தெரியுமா?

2012-11-22T01:50:00.001-08:00

பெரும்பாலான, “பியூட்டி பார்லர்’களுக்குச் சென்றால், “உங்கள் முகத்தில், “பிளாக் ஹெட்’ அதிகமாக உள்ளது. நீக்கித் தரட்டுமா? “பேஷியல்’ செய்து கொள்ளுங்களேன்…’ என, தொல்லை செய்வர்.உங்கள் முகத்தில் இருப்பது, நிஜமாகவே கரும்புள்ளி தானா என்பது தெரியுமா உங்களுக்கு? மச்சத்தைக் கரும்புள்ளி என்று கூறி விட முடியுமா?

கரும்புள்ளி என்றால், முகத்தின் மேல் தோலில், நிறத்தைக் கொடுக்கும் நிறமி செல்கள் ஒரு இடத்தில் குவிந்து காணப்படும். வெயிலின் தாக்கத்தை தோல் தாங்கிக் கொள்ளும் வகையில், இந்த செல்கள் சில இடங்களில் குவிந்து விடும். வெயிலில் அதிகம் சுற்றும்போது, இது போன்று கரும்புள்ளிகள் ஏற்படும்.

ஆனால், மச்சங்கள் அப்படி அல்ல. உடலில் எந்தப் பகுதியில் வேண்டுமானாலும், மச்சங்கள் தோன்றலாம். இதற்கு வெயிலைக் காரணம் கூற முடியாது. சில நிறமி செல்கள் ஒரே இடத்தில் தானாகவே குவிவதால், இது போன்று மச்சங்கள் ஏற்படுகின்றன. மச்சத்தில் பல வகைகள் உள்ளன. பெரும்பாலும் கருமை நிறத்தில் மச்சங்கள் தோன்றும். சிலருக்கு அடர் பிரவுன் நிறத்திலும், சிவப்பு நிறத்திலும் மச்சங்கள் தோன்றலாம். கரும்படலங்கள் அல்லது பிரவுன் நிற புள்ளிகள், வெயிலால் மட்டுமே ஏற்படுபவை. பரம்பரை காரணமும் இதற்கு உண்டு. முகத்திலும், கைகளிலும் இது தோன்றும்.

வெளிர் நிறத் தோலுடையவர்களிடம் இது அதிகம் காணப்படும். எனவே, “பார்லரில்’ உங்களிடம், அது, இது எனக் கூறி ஏமாற்றினால், ஏமாந்து விடாதீர்கள். உங்களுக்கு என்ன பிரச்னை என்பதை நீங்களே ஆராய்ந்து, சந்தேகம் இருந்தால், தோல் நோய் நிபுணரிடம் கேட்டுத் தெரிந்து, அவர் ஆலோசனை பேரிலேயே, சிகிச்சை மேற்கொள்ள வேண்டும்.

நன்றி : தினமலர்

வாரண முகத்தானுக்குத் தோப்புக்கரணம்

2012-11-20T01:51:00.002-08:00

இந்திய பண்பாட்டில் இருந்து

வாரண முகத்தானுக்குத் தோப்புக்கரணம்

தோர்பிஹ்=கைகளால்

கர்ணம்=காது

விநாயகரை வணங்கும் பொழுது தோப்புக்கரணம்போடனும்னு எங்க பாட்டி சொல்லிகொடுத்தாங்க. எங்கபாட்டி
சொன்னதையே தான் Dr. Paul Nogierரும் திரு.Choa Kok Suiம் சொல்றாங்க. Choa Kok Sui தோப்புக்கரணம் பற்றி SUPER BRAIN YOGA என்று ஒரு நூலையே எழுதியுள்ளார் (விலை1250 ரூபாய்). அவர்கள் பயிற்சி வகுப்பிற்கு நாம் செலுத்த வேண்டிய கட்டணம் 5000 ரூபாய். அவர்கள்சொல்வது,

இந்த எளிய யோகா மூலம் மூளையின்செல்களும், நியூரான்களும் புத்துணர்ச்சி அடைகின்றன
தோப்புக்கரணம் போடும்போது காதுகளைப் பிடித்துக் கொள்வதால், முக்கிய அக்குபஞ்சர் புள்ளிகள் தூண்டப்படுகின்றன. இதனால்பிட்யூட்டரி சுரக்கின்றது .
படிக்கும் குழந்தைகளுக்கு நினைவாற்றல் திறன்அதிகமாகின்றது.
மூளையில் நியூரான்களின் செயல்பாடுகள் அதிகரிக்கிறது.
மூளைக்கு தகவல் அனுப்பும் காரணிகளும் வலுப்பெறுகின்றன.
மன இறுக்கம் சம்பந்தப்பட்ட நோய்களுக்குக்கூட தோப்புக்கரணத்தை டாக்டர்கள்பரிந்துரைக்கிறார்கள்.

. அப்படியா! அப்ப பிள்ளையாருக்கு முன்னாடி எப்படிதோப்புக் கரணம் போடறதுங்கிறீங்களா

சொல்றேன்,

1. இரு கால்களுக்கும் நடுவே உங்கள் தோள்பட்டைநீளம் இடைவெளி விட்டு நில்லுங்க

2. இடது கையால் வலது காதுமடலை பிடிக்கவும்.கட்டைவிரல் வெளியேயும் ஆள்காட்டி விரல்உட்பக்கம்
இருக்குமாறு இருவிரலால் பிடிக்கவும்

3. அதே போல் வலது கையால் இடது காதைபிடிக்கவும். வலது கை கண்டிப்பாக இடது கையின்மேல் இருக்க வேண்டும்.

4. தலை நேராய் பார்த்த படியே முச்சு காற்றை விட்டபடியே உட்காருங்கள். சிரமம் இல்லாமல்எவ்வளவு முடியுமோ அவ்வளவு தூரம்உட்காரவும்.

5. முச்சை இழுத்துக்கொண்டே எழவும். வேகமாய்செய்யக் கூடாது பொறுமையாக செய்யவும்.முதுகுதண்டு நேராக இருக்க வேண்டும்.

6. இதை 3 நிமடம் அல்லது 14 முதல் 21 முறைசெய்யவும்.

7. இதை கிழக்கு திசை நோக்கி செய்ய வேண்டும் என்றுபாட்டி சொல்லுவாங்க.( இதற்கு மட்டும் அறிவியல்அடிப்படை எனக்கு தெரியவில்லை)

8. நாக்கை மடித்து ,நுனி நாக்கு மேல் அண்ணத்தைதொட்டுக்கொண்டு ( 'ழ்' உச்சரிக்கும் நிலை) இருக்குமாறு தோப்புக்கரணம் செய்ய வேண்டும்.இப்படி செய்தால் பீனியல் சுரப்பி நன்றாக சுரக்கும்

டமிலன் என்னைக்கு தமிழனை நம்பியிருக்கான், எதாவது வெளிநாட்டு காரங்க சொன்னாதான் உடனே நம்புவான், அந்த டமிழனுக்காக,

http://www.youtube.com/watch?v=KSwhpF9iJSs

வெளிநாட்டு காரங்க எப்படி தப்புதப்பா , முதுகைவளைச்சுகிட்டு , மெதுவா செய்யாம வேக வேகமாகசெய்றாங்கனு இங்க பாருங்க
,http://www.disclose.tv/action/viewvideo/60711/Superbrain_Yoga/

என்ன, இனிமேல் குளிச்சிட்டு வந்து சாமி கும்பிடும் போது இப்படி கரணம் போடுவோமா?

http://www.youtube.com/watch?v=5sbk9SQvvyg&feature=player_embedded

நன்றி : http://scienceinindianculture.blogspot.in

கோலத்தில் உள்ள புதையல்கள்

2012-11-20T01:46:00.001-08:00

இந்திய பண்பாட்டில் இருந்து

கோலத்தில் உள்ள புதையல்கள்

கோலம் ஒரு அர்த்தமற்ற அழகு அல்ல அது நமது பண்பாட்டுச் செறிவின் வெளிப்பாடு. அரிசி மாவால் இடும் கோலம் எறும்புக்கும்,பறவைக்கும் உணவாகிறது. சிறு உயிர்களிடம் கூட நாம் எப்படி நடந்துகொள்ள வேண்டும் என்று அது சிறுவயதிலேயே நமக்கு கற்று தருகிறது.

கோலத்தின் மீது சாணி உருண்டையில் பறங்கிப் பூவைச் செருகி வைத்து அழகு பார்க்கும் மரபு மெள்ள மெள்ளமெலிந்துவிட்டது. மறுநாள் அதைச் சுத்தம் செய்து குப்பைக்குச் செல்லும்போது மாக்கோல மாவும், பூவும்,சாணியும் அருமையான இயற்கை உரமாக கம்போஸ்ட் ஆகி, விளைச்சலை பெருக்குகிறது.

இது மட்டுமா, கோலம் இடுவது சிரண உறுப்புக்கும் பிறப்புறுப்புக்கும் நன்மை பயக்கும்.

அதிக நேரம் கையை தரையிலிருந்து எடுக்காமலும் குனிந்த நிலை மாறாமல் கோலம் இடுவது கிராமத்து பெண்களுக்கு கௌரவ பிரச்சனையாம்! இது வரலாற்றுச் செய்தி ஆகிவிட்டது. ஆனால் இன்னும் கூட கோலம் போடும் தமிழ் பெண்கள் இருக்கவே செய்கிறார்கள், இவர்கள் கை எழுத்தைப் பார்த்தாலே அது நமக்குச் புலப்படும். கோலம் இடும் பெண்ணின் கையெழுத்து மிகவும் அழகாய் இருக்கும். கற்பனைதிறனும், இயற்றல் திறனும் (creativity) கைவந்த கலையாகிவிடுகிறது கோலம் இடும் பெண்ணுக்கு.

சித்திரை 1 தமிழ் புத்தாண்டா ?

2012-11-20T01:44:00.001-08:00

இந்திய பண்பாட்டில் இருந்து

சித்திரை 1 தமிழ் புத்தாண்டா ?

நல்ல வேலை தமிழ் புத்தாண்டை தை 1னு மாற்றி ஒரு புரளிய‌ கிளப்புனாங்க , இல்லாவிட்டால் நமது தமிழ் புத்தாண்டை பற்றிய வானியல் உண்மை பலருக்கு தெரியாமலே போயிருக்கும்.
ஏனோ தானோனு நாம புத்தாண்ட நாம‌கொண்டாடல‌. இதுக்கு ஒரு வரலாறே இருக்கு.

ஆதி தமிழன் சூரியன், சந்திரன் நகர்வை புரிந்து கொண்டான். இவை ஒரு விதியின் கீழ் செயல்படுவதை உணர்ந்தான். விவசாயம் செய்ய தொடங்கியவனுக்கு பருவ நிலை மாற்றத்தைப் புரிந்துக்கொள்ள வேண்டிய கட்டாயம் ஏற்பட்டது , இதன் விளைவாக தான் ஆண்டு கணக்கீடு முறை உருவானது ( கார், கூதிர், முன்பனி, பின்பனி, இளவேனில், முதுவேனில்). சந்திரனை அடிப்படையாகக் கொண்டு மாதங்களை உருவாக்க்கினான். சூரியனின் கிழக்கு மேற்கு நகர்வை நாட்கள் என்றான். சூரியனின் வடக்கு தெற்க்கு நகர்வை அயனநகர்வு என்றான். ( படத்தில் காணவும் )

அயன நகர்வின் போது சூரியன் வான் உச்சிக்கு வரும் நாளே ஆண்டின் தொட‌க்கமாகக் கொள்வது தமிழரின் மரபு.அப்போது இருந்தக் குமரி நிலப்பரப்பில் சூரியன் நிலநடுக் கோட்டில் வான் உச்சிக்கு வரும் நாளே ஆண்டின் தொடக்கம். அன்று இரவும் பகலும் சம நீளம் கொண்டதாக இருக்கும். அது இன்றைய பங்குனி 8 ( மார்ச்சு 21).

(திருவள்ளுவருக்கு முன்பு) தி.மு 10,000 முன் இருந்த குமரி நிலப்பரப்பை படத்தில் காணலாம்.....

கடற்கோளுக்குப் பின் கபாடபுரத்திற்கு நகர்ந்த மக்கள் ஆண்டின் தொடக்கத்தை அந்நிலத்தில் சூரியன் வான் உச்சிக்கு வரும் நாளான இன்றைய சித்திரை 1 ( ஏப்ரல் 14 ) க்கு மாற்றினர்.கபாடபுரம் கடற்கோளில் அழிந்த பின் தமிழர்கள் இன்றைய தமிழ் மண்ணுக்கு வந்து சேர்ந்தனர்.

அப்பொழுதுதான் ஆண்டின் தொடக்கம் குழ்ப்பதிற்கு உள்ளானது. இன்றைய தமிழ் நிலத்தில் சூரியன் வான் உச்சிக்கு வரும் நாள் சித்திரை 10 ஆகும்.

இதற்கு 2 சான்றுகள் உள்ளன‌

1. அந்த நாள் இன்று பொன்னெர் பூட்டல் (கிராமத்து மக்களுக்குநன்றாக தெரியும் )

2. கும்பகோணம் நாகேஸ்வரன் கோவிலில் உள்ள லிங்கத்தின் மீது சித்திரை 10 அன்று சூரியன் ஒளி படும்.

அதனால், சூரியன் வான் உச்சிக்கு வரும் நாளே நமக்கு ஆண்டின் தொடக்க நாள்.

மார்ச்சு 21ஐ ஆண்டின் தொடக்கமாக கொண்ட குமரிகண்டத் தமிழர்களின் நாள்காட்டியே . 1952 முதல் நமது இந்திய அரசு தனது அலுவல் நாட்காட்டியாகப் பயன்படுத்தி வருகிறது !

நித்திரையில் இருந்தாலும் தமிழாசித்திரை
தானடா உனக்கு தமிழ் புத்தாண்டு !

கிரகணம் - பாம்பு சந்திரனை மூழிங்கிடுச்சு

2012-11-20T01:39:00.000-08:00

இந்திய பண்பாட்டில் இருந்து

பாம்பு சந்திரனை மூழிங்கிடுச்சு

இராகு , கேதுவை பற்றி ஆராந்தபின்புதான் நான் ஜோதிடத்தையே நம்ப ஆரம்பித்தேன்.

சூரியன் தன்னைத்தானே சுற்றிக்கொள்ளும் போது , கனத்த அனுக்களெல்லாம் மையம் நோக்கி செல்லும்.இந்த அழுத்தம் காரணமாக அணுசிதைவு ஏற்பட்டு அவை மேலும் நெருக்கமுற்று சக்திவாய்ந்த காந்தக்களமாக மாறிக் கொண்டிருக்கிறது.

இதன் ஈர்ப்பு சக்தி பயங்கரமானது, ஒளியை கூட இழுத்துவிடும். ஒரு பொருளின் மீது ஒளி பட்டு திரும்பி வந்தால் தானே அது நம் கண்ணுக்கு தெரியும். அதனால் தான் இந்த கரும்புள்ளி (பிளாக் ஹோல்) கண்ணுக்குத் தெரியாது என்று விஞ்ஞானி ஸ்டிபன் ஹாகிங் கூறுகிறார்.

மேலும் அழுத்தம் அதிகரிக்கும் போது , இந்த கரும்புள்ளி சூரியனில் இருந்து இரண்டு காந்த அலை பாதைகளாக வெளியேரும் அது தான் ஒருபுறம் ராகு என்றும் மறுபுறம் கேது என்று சொல்கிறார்கள்.

எந்த ஜாதகத்திலும் போய் பாருங்கள் ராகு,கேது நேர் எதிராக தான் இருக்கும்.

இந்த ராகு , கேது காந்த அலைபாதைகளில் பூமியும், சந்திரனும் ஒரு நேரத்தில் வரும்போது கிரகணம் ஏற்படும்.அந்த காலத்தில் பாம்பு சந்திரனை மூழிங்கிடுச்சுனு சொன்னாங்க அது வேற ஒன்னும் இல்ல இந்த காந்த அலை பாதையை தான் சொன்னாங்க. அலைபாதைத்தான் பாம்பு என்று சொன்னார்கள். பாம்பு போலத்தானே இருக்கும்.

ஒவ்வொரு மாதமும் சூரியன்,பூமி , சந்திரன் நேர் கோட்டில் வரும் அப்போதெல்லாம் கிரகணம் வராது.சூரியனிடம் இருந்து வரும் காந்த அலை பாதையும் அதே நேர்கோட்டில் இருந்தால் தான் கிரகணம்.

உண்மையை சொல்லியிருந்தால் அந்த காலத்தில் யாரும் நம்பி இருக்க மாட்டார்கள்.இப்படி சொன்னதால் தான் பல தலை முறை தாண்டியும் அறிவியல் வந்து சேர்ந்திருக்கு. ஒவ்வொரு தலைமுறையிலும் சில மனிதர்கள் இந்த உண்மையை உணர்ந்திருப்பர்....

குங்குமம்

2012-11-20T01:35:00.000-08:00

இந்திய பண்பாட்டில் இருந்து

குங்குமம்

அந்த காலத்தில் ஆண்கள் தவம் செய்ய வாய்ப்புகள் அதிகம். ஆனால் பெண்களுக்கு வாய்ப்புக் குறைவு.

ஆண்கள் பல வருடம் தவம் செய்து தங்களது மனதை நெற்றிப் பொட்டில் (ஆகினை ) நிறுத்துவார்கள்.நெற்றிப் பொட்டில் நினைவு இருந்தால் பிரபஞ்சத்தில் இருக்கும் காஸ்மிக் அலை உடம்பில் புகும்.ஆற்றலை தரும், ஞானத்தை தரும்.

பெண்கள் பொட்டு வைப்பதால் சில நாளிகை அவர்கள் நினைவு நெற்றிப் பொட்டில் இருக்கும் அவர்களுக்கும் ஆற்றல் கிடைக்கும்.

செவ்வாய் தோஷம்

2012-11-20T01:30:00.001-08:00

இந்திய பண்பாட்டில் இருந்து

செவ்வாய் தோஷம்

செவ்வாய் தோஷம் என்பது தம்பதிகளுக்கு இரத்த பிரிவுகள் ( blood group ) பொருத்தத்தை குறிக்கிறது.

ஆண்,பெண் இருவருக்கும் (Rh) +ve அல்லது இருவருக்கும் -ve ஆக இருக்க வேண்டும். இல்லாவிட்டால் குழந்தைக்குப் பாதிப்பு ஏற்படும்.

உதாரணத்திற்கு, -வ் பிரிவை சேர்ந்த பெண்ணுக்கும் , +வ் ஆணுக்கும் , பிறக்கும் குழந்தை +வ் ஆக உள்ள போது , குழந்தையில் இரத்ததில் உள்ள +வ் body , குழந்தை பேறு காலத்தில் ரிட்டன் ஆகி தாய்க்குச் சென்றுவிடும். இதன் விளைவாக தாய்க்கு அடுத்த சேய் தோன்றாமல் கருச்சிதைவு ஏற்படும்.
இதற்காக தாய்க்கு anti body injection போட்டு விடுவார்கள்.........

செய்வாய் தோசம் + - பொருத்தத்தை பார்க்கிறது அவ்வளவு தான்......
ஜாதகம் பார்த்தால் இந்த +/- விபத்து தவிர்க்கப்படும்.......

கந்தனுக்கு அரோகரா!

2012-11-20T01:25:00.002-08:00

இந்திய பண்பாட்டில் இருந்து

கந்தனுக்கு அரோகரா!

பழனியில் முருக பெருமானின் சிலை நவபாஷானத்தால் போகர் செய்தார்.
பாஷானம் = விடம்,
நவபாஷானம் = 9 விஷங்கள்;
கட்ட முடியாத 9 விடத்தையும் கட்டி சிலையாக செய்து வைத்தார் போகர்.

இந்த நஞ்சு பொருட்களை நேரடியாக சாப்பிட்டால் உடனே சிவலோகம் செல்லலாம். ஆனால் மிகக் குறைவாக சாப்பிட்டால் தொழு நோய் உட்பட பல நோய்கள் தீரும்.
பஞ்சாமிருதம் அமில தன்மை உடையது, அமிலமோ அரிக்கும் தன்மை உடையது.
அபிஷேகம் செய்யும் போது பஞ்சாமிருதம் சிறிது அளவு நவபாஷானத்தை கரைத்துவிடும்.
அந்த பஞ்சாமிருதம் உண்ணும் போது சிறிதளவு நவபாஷானம் உள்ளே போகும்.

நோயும் ஒரே ஓட்டமாக ஓடி போகும்.

நன்றி : http://scienceinindianculture.blogspot.in

கார்திகை மாதம் விளக்கு ஏற்றுவது எதற்கு?

2012-11-20T01:19:00.002-08:00

இந்திய பண்பாட்டில் இருந்து

கார்திகை மாதம் விளக்கு ஏற்றுவது எதற்கு?

கார்திகை மாதம் முழுவதும் வீட்டு வாசலில் விளக்குவைப்பது வழக்கம்.

மழை காலத்தில் மாலை நேரத்தில் மழையால் அடித்துகொண்டு வரும் பாம்பு போன்றவை வீடுகளில் ஒதுங்கநினைக்கும். விளக்கு வெளிச்சம் இருந்தால் அவைவராது. வந்தாலும் வெளிச்சத்தில் தெரியும். தெருவிளக்கு இல்லாது காலத்தில் நம் முன்னோர்கள் செய்தஏற்பாடு இது.

பரமாத்மா என்ற கடவுள் பெரும் ஜோதி , அதில் இருந்துஏற்றப்பட்ட அகல் மாதிறி நாமெல்லாம் சின்ன சின்னஜோதிகள் என்ற உணர்வோடு நாம் விளக்கு ஏற்றவேண்டும்.

நன்றி : http://scienceinindianculture.blogspot.in

How to use Flip 3D and Alt-Tab in Windows 7

2012-11-06T22:54:00.001-08:00

Aero Flip 3D was first introduced in Vista. With Aero Flip 3D, you can quickly preview all of your open windows (for example, open files, folders, documents and programs) without accessing the taskbar. It displays your open windows in a visually pleasing stack.

To use Flip 3D, click and hold the Windows button together with the tab key. As you hold the windows button press the tab key to rotate the stack. This will move the windows in a queue so you can see all of your windows in sequence. Once you see the window that you want to view, release the windows button. The window when you release the windows button will be the active window.

Alt-Tab on the other hand will show the opened windows too, but in a different visual presentation. Instead of a 3D stack, it displays the each of the windows’ thumbnails. On Windows XP, Alt-Tab displays the icons of the programs instead of thumbnails. You can switch between windows by continually pressing Tab while holding Alt.

can also move around by using the arrow keys instead of the Tab key.

Note: Flip 3D is part of the Aero experience. If your computer does not support Aero, or if you are using a theme other than a Windows 7 Aero theme, you can view the open programs and windows on your computer by pressing Alt+Tab.

If you find the traditional Alt-Tab method to be boring, the Flip 3D method is a good alternative. The only downside is that you need to have a hardware that supports Aero.

Ben Carigtan shows you how it’s done.