தமிழ்மது

கவிதை: பசுமை அழி சாலை

2026-08-25T08:03:21.928+05:30

சோலைகளை அழித்து பசுமை வழிச் சாலைகள் முன்பெல்லாம் ஊர்களை இணைக்கும் சாலைகள் இன்று கூறு போட்டது ஊரை வடக்கும் தெற்கும் கிழக்கும் மேற்குமாய் உயிரை துறந்து சாலையை கடக்க பயந்து உறவுகள் தொலைந்தன சுங்கச் சாவடியில் உரசிக் கொள்ளும் வேளையில் உதட்டோர புன்னகையில் உணர்வுகள் பரிமாற்றம் ஆங்கே அரசாங்க பேருந்து தனியாருக்கு கப்பம் கட்டியது விடுதலை இந்தியா மழைக்கு ஒதுங்க ஓட்டமெடுத்து மரங்களை தேடினேன் அதன் சமாதியில் தான் நிற்பதை மறந்து பிணவாடை நாசியை நெருடியது கார் ஏற்றி கொன்றவனை முறையிட மனுநீதி சோழனை தேடியது அம்மா நாய் ஊளை இட்டு இவனா அவனா என ஓடும் வண்டிகளை துரத்தியது அப்பா நாய் அப்பனாய் எட்டு வழிச் சாலையில் அரை மணி நேரம் மீதம் மார்தட்டிக் கொண்டேன் நானும் ரீல்சில் மாயம் ஆயூளில் பாதி

இஞ்சியின் பயன்கள்- படித்ததை பகிர்ந்தது

2025-07-14T19:55:00.004+05:30

நூறு டாக்டர்கள் இருக்காங்க கால் கிலோ இஞ்சியிலே!!

இஞ்சியை கறிக்கு டீக்கு மட்டுமே பயன்படுத்துகிறோம்.

ஆனால் பாருங்க இஞ்சி இருந்தால் உங்களுக்கு எவ்வளவு வெட்டி செலவு மிச்சம் என்று!

நோய்களை நீக்குவதில்

இஞ்சி ஒரு சமையலறை மருத்துவர்!

1. இஞ்சி சாறை பாலில் கலந்து சாப்பிட வயிறு நோய்கள் தீரும். உடம்பு இளைக்கும்.

2. இஞ்சி துவையல், பச்சடி வைத்து சாப்பிட மலச்சிக்கல், களைப்பு, மார்பு வலி தீரும்.

3. இஞ்சியை சுட்டு சிறிது உப்பில் தோய்த்து சாப்பிட பித்த, கப நோய்கள் தீரும்.

4. இஞ்சி சாறில், வெல்லம் கலந்து சாப்பிட வாதக் கோளாறு நீங்கி பலம் ஏற்படும்.

5. இஞ்சியை புதினாவோடு சேர்த்து துவையலாக்கி சாப்பிட பித்தம், அஜீர ணம், வாய் நாற்றம் தீரும். சுறு சுறுப்பு ஏற்படும்.

6. இஞ்சியை, துவையலாக்கி சாப்பிட வயிற்று உப்புசம் இரைச்சல் தீரும்.

7. காலையில் இஞ்சி சாறில், உப்பு கலந்து மூன்று நாட்கள் சாப்பிட பித்த தலைச்சுற்று, மலச்சிக்கல் தீரும். உடம்பு இளமை பெறும்.

8. இஞ்சி சாறோடு, தேன் கலந்து சூடாக்கி காலையில் வெறும் வயிற்றில் ஒரு கரண்டி வீதம் சாப்பிட்டு வெந்நீர் குடித்துவர தொந்தி கரைந்து விடும்.

9. இஞ்சி சாறில், எலுமிச்சை சாறு கலந்து சாப்பிட நல்ல பசி ஏற்படும்.

10. இஞ்சி, மிளகு, இரண்டையும் அரைத்து சாப்பிட ஜீரணம் ஏற்படும்.

11. இஞ்சியை வதக்கி, தேன் விட்டு கிளறி, நீர் விட்டு, கொதிக்க வைத்து நீரை காலை, மாலை குடித்துவர வயிற்றுப் போக்கு தீரும்.

12. இஞ்சியை அரைத்து நீரில் கலந்து தெளிந்தபின், நீரை எடுத்து, துளசி இலை சாறை சேர்த்து ஒரு கரண்டி வீதம் ஒரு வாரம் சாப்பிட வாய்வுத் தொல்லை நீங்கும்.

13. இஞ்சி சாறில், தேன் கலந்து தினசரி காலை ஒரு கரண்டி சாப்பிட்டு வர நோய் தடுப்பு திறன் கூடும். உற்சாகம் ஏற்படும். இளமை பெருகும்.

15. இஞ்சி சாறுடன், வெங்காய சாறு கலந்து ஒரு வாரம், காலையில் ஒரு கரண்டி வீதம் குடித்துவர நீரிழிவு குறையும்.

15. இஞ்சி சாறு, எலுமிச்சை சாறு, வெங்காய சாறு மூன்றையும் கலந்து ஒருவேளை அரை அவுன்ஸ் வீதம் சாப்பிட்டுவர ஆரம்ப கால ஆஸ்துமா, இரைப்பு, இருமல் குணமாகும்.

நல்லது நான்கு பேருக்கு சென்று சேரும் என்கிற நல்ல எண்ணத்தில்...🌹

மனோஜ் மறைவு- ஆழ்ந்த இரங்கல்

2025-03-25T22:13:00.003+05:30

1976-2025

இறைவா,,, உனக்கு இரக்கம் என்பதும் இல்லையா?மனசாட்சி என்பது மரத்து விட்டதா? ஊரை ஏய்த்து பிழைப்பவன், அவனுடைய வாரிசுகள், மலையை வெட்டுபவன், மக்களுக்கு சாராயத்தை ஊட்டி சந்ததியை வளர்ப்பவன், தாய் மொழியாம் தமிழுக்கு எதிராக இந்தியை திணிப்பவன், அன்னைத் தமிழில் அர்ச்சனை என்று சொல்லி கூடமுழுக்கில் முற்றிலும் தமிழை புறக்கணித்து வடமொழியை தினிப்பவன், அதை திணிப்பவர்களை ஆதரிப்பவன், கோடி கோடியாக கொள்ளையடிப்பவர்கள், அப்பாவி மக்களை சுரண்டி பிழைப்பவர்கள், மதத்தின் பெயரால் கலவரம் செய்பவர்கள், வளங்களை திருடுபவன், ஆற்று மணலை திருடுபவன், கல்வி கொள்ளை அடிப்பவன், சாதிய படுகொலை செய்பவர்கள், அதற்கு துணையாக நிற்பவர்கள், பக்கத்து மாநிலத்தில் கழிவுகளை கொட்டுபவர்கள், பக்கத்து மாநிலத்தின் வளங்களை சுரண்டுபவர்கள், அவர்களுடைய வாரிசுகள் என எல்லோரும் சுகமாக இருக்கின்ற பொழுது தொடர்ந்து தமிழுக்காக போராடுபவர்களையும். தமிழனாக தன்னை உணர்பவர்களை, இந்த தமிழ் மக்களுக்கு ஏதாவது செய்ய வேண்டும் என்கின்ற ஆசை கொண்டுள்ளவர்களையும் உன்னிடம் அழைத்துக் கொள்கின்றாயே. இதையெல்லாம் பார்க்கின்ற பொழுது இறைவன் இருக்கின்றானா என்கின்ற கோபம் வருகிறது

மனோஜ்.. உனது ஆன்மா சாந்தி அடையட்டும் இயக்குனர் இமயம் அதை தாங்குவதற்குரிய வலிமையை பெறட்டும்.

தமிழ்நாட்டிற்கான தனித்துவமான கல்விக்கொள்கை நோக்கி - லெ ஜவஹர் நேசன்

2025-03-23T12:28:00.005+05:30

புதிய கல்விக் கொள்கை (New Education Policy) என்பதை இன்றைக்கு தேசிய கல்விக் கொள்கையாக (National Education Policy) திட்டமிட்டு சங்பரிவார் வழிகாட்டலுடன் அமல்படுத்த ஒன்றிய அரசால் முடியும்போது ஏன் தமிழ்நாடு தனக்கென தனித் தன்மை உள்ள கல்விக் கொள்கையை உருவாக்க முடியாது என்கின்ற ஒற்றைக் கேள்வியுடன் தமிழ்நாடு எங்கும் சுற்றுப்பயணம் செய்து மக்களிடையே குழு விவாதம் நடத்தி அதன் மூலமாக அரசுக்கு ஓர் அழுத்தம் கொடுத்து இந்த கல்விக் கொள்கையை உருவாக்க வேண்டும் என்கின்ற மிகப்பெரிய முயற்சியை மேற்கொண்டுள்ளார் கல்வியாளர் பேராசிரியர் திரு லெ ஜவஹர்நேசன் அவர்கள். அதன் அடிப்படையில் தமிழ்நாடு அறிவியல் கழகம், அறிவொளி இயக்கம், த. மு. எ. க. ச கூட்டு சேர்ந்து நாகப்பட்டினத்தில் 22. 3.2025 நடத்திய கருத்தரங்கில் பங்கேற்று அவர் கூறிய கருத்துக்கள் என்பது அனைத்து கல்வியாளர்களும் பொதுமக்களும் மாணவர்களும் பல்கலைக்கழக பேராசிரியர்களும் பாடத்திட்ட வகுப்பாளர்களும் கேட்டு விழிப்பு பெற வேண்டிய, இந்த சமூகத்தின் பேசு பொருளாக மாற வேண்டிய கருத்தியல்.

நீட் மனிதகுல பகைவன்: நீட்டை விலக்குவோம; நீட் மருத்துவ கல்விக்கும், சேவைக்கும் எதிராக உள்ளது என்பதற்காக அமைக்கப்பட்ட ஏ கே ராஜன் குழுவில் பங்கேற்று ஆணித்தரமான வாதங்களை புள்ளிவிவரங்களோடு அவர் சமர்ப்பித்த அறிக்கை, 12 மாநிலங்களுக்கு மொழி பெயர்த்து அனுப்பப்பட்டு மகாராஷ்டிரா, கேரளா போன்ற மாநிலங்களால் பெரிதும் வரவேற்கப்பட்டதோடு, மருத்துவ மேற்படிப்பில் தமிழ்நாட்டு மாணவர்களுக்கான 50 % இடத்தினை உறுதி செய்ய அந்த அறிக்கை எவ்விதம் காரணியாக இருந்தது என்பதை விளக்கினார். அந்த அறிக்கையை 30 நாளில் தயாரிக்க தன்னை எவ்வளவு வருத்திக் கொண்டார் என்பதையும், கல்விக் கொள்கை உருவாக்கிட இனி கிராமம் தோறும் செல்வேன் என்று அவர் சொல்வதை கேட்கும்போது, வெளிநாட்டு பல்கலைக் கழகங்கள் வருந்தி அழைத்தும் அந்த வேலைகளை உதறித்தள்ளி தான் பிறந்த மண்ணுக்கு சேவை செய்ய வேண்டும் என்கிற அவரது உயரிய கொள்கை ஒரு மு. வ.. திருவிக, வ. ஊ. சி., பாரதிதாசன் எல்லாம் ஏன் இப்போது பிறப்பது இல்லை என்கிற எனது ஆதங்கம் தவறு..இதோ ஜவஹர்நேசன், மன்னர்மன்னன் போன்றவர்கள் உருவில் இன்றும் இருக்கிறார்கள்.. ஆனால் அவர்கள் மறைக்கப்படுகிறார்கள், அவர்கள் வாழும்போது மக்கள் அவர்களை புரிந்துகொண்டு கொண்டாடுவது இல்லை, மாறாக பாலகிருஷ்ணன், லியோனி, நாகசாமி போன்றவர்களை உயர் பதவியில் வைத்து மொழியை சிதைத்து தமிழினத்தை அழித்து அடிமை இனமாகவே வைதிருப்போம் என்கிற மிகப்பெரிய சதிதிட்டத்தில் திராவிட அரசாங்கங்கள் இருக்கின்றன என்பது விளங்கியது.

அவருடைய சொற்பொழிவின் மைய புள்ளி என்பது இந்த நடுவண் அரசு புதிய கல்விக் கொள்கை என்ற பெயரில் சனாதனம், பஞ்சகோஷம் என்கிற வேத விசங்களை உள்ளடக்கி ஒரு தத்துவத்தை எடுத்து வருகின்றார்கள்; அது யாருடைய பிறந்தநாளை நாம் ஆசிரியர் நாளாக கொண்டாடுகிறோமோ அந்த ராதாகிருஷணன் போட்ட விடத்தின் நீட்சி என்று கூறியது யாருக்கும் அஞ்சாமல் தொடர்ந்து இந்த சமூகத்தின் மீடு கட்டமைக்கப்பட்ட மூட நம்பிக்கைகளை தகர்த்து எறியும் அவரது துணிவு பாராட்டுக்குரியது.

அந்த புதிய கல்விக் கொள்கையை இந்த மக்கள், இந்த தமிழ்நாடு அரசு எப்படி எதிர்க்க வேண்டும் என்றால் அதைவிட சிறந்த கொள்கை நம்மிடம் இருக்கிறது என்று நிரூபித்தால் மட்டுமே அது சாத்தியப்படும். அப்படிப்பட்ட கொள்கையை நாம் இங்கு முன்வைக்கின்றோமா என்றால் அதற்கு பதில் இல்லை: நாம் நம்மை முன்னேறிய சீனர்களோடு ஒப்பிட்டு முன்னேற வேண்டும்; ஆனால் இந்த தமிழக அரசு பின்தங்கிய பீகாரோடு தமிழ்நாட்டை ஒப்பிட்டு புளகாங்கிதம் அடைகிறது" என்ற கூற்று நிதர்சன உண்மை. அந்த புதிய தனித்துவமான கல்விக் கொள்கையை சாத்தியப்படுத்த வேண்டும் என்றால் இனி அரசாங்கத்தை நம்பி பயனில்லை என்பது அவருடைய பேச்சில் தொனித்தது. இது ஒரு ஜல்லிக்கட்டு புரட்சி போல ஸ்டெர்லைட் ஆலை புரட்சி போல மக்கள் கட்சி, சாதி இவைகளை கடந்து ஒன்று திரண்டு மக்கள் குரலாக எதிரொலிக்க வேண்டும்:அதற்காக தான் ஊர் ஊராக பயணம் செய்து இது ஏன் தேவை என்பதை பற்றி கூறுவேன் என்று அவர் பேசியது எப்படிப்பட்ட ஒரு மனிதரை இந்த தமிழ்நாடு மக்கள் முழுமையாக அறிந்து கொள்ளவில்லையே என்கின்ற ஒரு வேதனை தோன்றியது.

அவர் உரை முடிந்த பிறகு குழு விவாதம் நடத்தப்பட்டது. மூன்று குழுக்களின் கேள்விகள் தொகுக்கப்பட்டு அவருக்கு வாசிக்கப்பட்டது. அதில் "நீட் தேர்வு தேவை; பாடத்திட்டதில் மட்டும் மாற்றம் தேவை, தாழ்த்தப்பட்டவர்களுக்கு கல்வி உதவித் தொகை தேவையா" என்ற வலதுசாரி சிந்தனைக்கு அவர் அளித்த பதிலில் நீட் பயிற்சி வகுப்புகளின் கட்டணக் கொள்ளை, மருத்துவ கல்லூரி சேர்ந்தவர்களின் 77 விழுக்காடு பேர் நீட் தேர்வை 2,3 முறை எழுதியவர்கள், Lindon B Johnson அமெரிக்காவில் பின்தங்கிய கருப்பினர்களுக்காக கொண்டு வந்த சீர்திருத்தங்கள் பற்றி விளக்கி கூறி கேள்வி கேட்டவரை தவறை உணரவைத்த பாங்கு அவர் வாதத் திறமையை பறை சாற்றியது.

நிகழ்ச்சி முடிவில் நண்பர் ஒருவர் "இவர் சொல்கிறபடி மக்கள் கிளர்ந்து எழுந்து மாற்றத்தை உருவாக்குவார்களா, சாத்தியப்படுமா" என்று என்னிடம் ஒரு கேள்வி கேட்டார். 15 ஆம் தேதி ஆனால் தங்களுக்கு உரிமைத் தொகை போடப்பட்டு விட்டதா என்று வங்கிக்கு முட்டி மோதும் இலவசங்களை நம்பி வாழும் மக்களிடம் மாற்றம் உருவாவது கடினம் தான், ஆனால் புரட்சி என்பது ஒரு விழுக்காட்டு மக்களால் உண்டாவது. நம்பிக்கையோடு பயணிப்போம் என்று பதில் சொன்னேன்

Justice AK Rajan Commitee NEET Report

போய் வராதே சாந்தா

2024-02-28T22:02:00.002+05:30

முந்திக் கொண்டது

இயற்கை

ஆரியமும் திராவிடமும்

ஏக்கப் பெருமூச்சு

முப்பத்து மூன்று ஆண்டுகள்

கழித்து நாளை

விடுவிப்பதற்குள்

அந்தாளை முந்திக் கொன்றது

இயற்கை

சாந்தனின் தாயே

கையாலாகாத தமிழனின் மீது

சாபம் விட்டுவிடாதே

பிடி -சிறு வயது பாலகனாக

உன்னை விட்டுச் சென்றவன்

உனக்காக விட்டுச் சென்ற

ஒரு பிடி சாம்பலை

ஏழு இளைஞர்களை விடுவிக்கச்

சொல்லி போராடினோம்.

இரக்கமுள்ள இந்தியா

ஏழு முதியவர்களை விடுவித்தது

விட்டேனா பார். என இரக்கத்தை

என திராவிடம் அதில் நாலை

பறித்து

தமிழன் ஒருவனை நரபலி

இட்டது இத்தாலிய காளிக்கு

இன்னும்

திராவிட பஜனையில்

தமிழன்

-தமிழ்மது

#சாந்தன்

#கணணீர் வணக்கம்

தம்பியருள் சிறந்தவர் கும்பகர்ணனே - தமிழ்மது

2023-01-03T08:16:00.000+05:30

#தம்பியருள் சிறந்தவர் பரதனா, இலக்குவனா அல்லது #கும்பகர்ணனா என்கிற பட்டிமன்றத்தில் கும்பகர்ணனே சிறந்தவன் என்பதற்கு எடுத்து வைத்த வாதத்தின்

தொகுப்பு

Why I'm Unvaccinated?

2022-12-10T19:23:00.000+05:30

மாண்டஸ் புயல் பாதிப்பு. அரசு நடவடிக்கை என்ன ?

2022-12-10T18:09:00.003+05:30

எல்லாருக்கும் நல்லவரா நீங்கள்?

2022-12-04T13:16:00.002+05:30

எல்லாருக்கும் நல்லவர்களாக இருக்க நினைப்பவர்களால் ஒருவருக்கும் உண்மையானவராக இருக்க முடியாது

முள்ளில் ரோஜா

2022-11-12T12:44:00.000+05:30

மென்மையாகத் தானே

இருக்கிறேன்

எனை ஏன்

தவிர்க்கிறாய் என்றது

முள்ளில் ரோஜா

காங்கிரசு நாய்

2022-11-12T11:10:00.002+05:30

வீடு - அன்றும் இன்றும்

2022-11-06T11:05:00.003+05:30

முன்பெல்லாம் வீடு பெரிதாக இருக்கும். ஆனால் அதில் வசிக்கும் மனிதர்கள் நெருக்கமாக இருந்தார்கள்

இன்றோ நகர்ப்புறங்களில் எதிரில் நின்றால் இடித்துக்கொள்ளும் வகையில் குறுகிய வீடுகள். ஆனால் மனிதர்கள் ஒருவரோடு ஒருவர் விலகி வாழ்கிறார்கள்

குளிர்தரு

2022-10-28T20:10:00.001+05:30

கோடையிலே இளைப்பாற்றிக் கொள்ளும்வகை கிடைத்த குளிர்தருவே

நன்றி கொரானா

2022-10-18T04:36:00.001+05:30

உண்மையில் நாம் இந்த கொரனாவிற்கும், அதன் மூலம் திணிக்கப்பட்ட கட்டாயத் தடுப்பூசிக்கும் நாம் நன்றிக் கடன்பட்டவர்கள் ஆவோம். சாவை இவ்வளவு சடுதியில் தரும் கரணியத்தினால். நேற்று இருப்பார் இன்று இல்லை என்கிற நிலையில் சாவை உடனடியாக தருகிறது. நோய்வாய்பட்டு, மருத்துவமனையில் உழன்று மருத்துவ கொள்ளைக்காரர்கள் கையில் சிக்கி கப்பம் கட்டி கடனாளி ஆகி என்று இருந்த இறப்பை இவ்வளவு எளிமைப் படுத்திய தடுப்பூசிக்கு நன்றி தானே சொல்லவேண்டும் ?!

அரசு

2022-10-12T08:21:00.002+05:30

கோடிக்கணக்கான மக்களிடம் நூற்றுக்கணக்கில் சுரண்டி முதலாளிகள் கோடிக்கணக்கில் சம்பாதிக்க சட்ட ரீதியான அமைப்பை ஏற்படுத்திக் கொடுத்து அதில் தரகு கூலி பெரும் ஒரு கருவி

யார் பெரியோர்

2022-10-07T22:29:00.001+05:30

காசு வாங்கிகொண்டு அப்பாவி மக்களை காவு கொடுக்கும் மார்க்சிஸ்ட்

2022-09-01T22:35:00.005+05:30

கல்விக்கும் அறிவிற்கும் என்ன தொடர்பு?

2022-08-28T12:29:00.009+05:30

படித்ததினால் அறிவு பெற்றோர் ஆயிரம் உண்டு என்று சொல்கின்ற கண்ணதாசன் , பாடம் படிக்காத மேதைகளும் பாரினில் உண்டு என்றும் தன்நிலையை மாற்றுகிறார்.

64ஆவது நாயன்மாராக விளங்கக் கூடிய வாரியார் சாமிகள் அடித்து சொல்கிறார். அறிவு வேறு படிப்பு வேறு என்று. அப்படி என்றால் நாம் பாடசாலையில் படித்து உணர்வது அறிவு இல்லையா என்றால், .....இல்லை. நான் உமர்கய்யாம் பற்றி படிக்கிறேன். அவரை பற்றி படித்ததால் தான் அறிய முடிகிறது.. அவர் காலம் 1048-1131 என்று அறிகிறேன். இது அறிவு ஆகாதா என்றால் ஆகாது. இன்றைக்கு அவருடைய காலத்தை கணித்தவர்கள் நாளை அவர் 12ஆம் நூற்றாண்டை சேர்ந்தவர் என்று சொன்னால், நாம் கற்றதனால் பெற்ற அறிவு தவறாகி போகிறது.

அதே போல நமது பாடத்திட்டத்தில் இந்திய விடுதலைப் போராட்டத்தின் தொடக்கம் 1857 என்று படிக்கிறோம். ஆனால் அது பொய். திரிக்கப்பட்ட வரலாறு. ஆக படித்து அறிவது அறிவாகாது. அறிவு என்பது உள்ளொளி. அதை அறியாமை என்கிற புற இருள் மூடி உள்ளது. கல்வி என்பது அந்த புற இருளை நீக்கும் ஒரு சாதனம்

யார் தியாகி; யார் துரோகி?

2022-08-18T08:47:00.002+05:30

அடிமையாக 75ஆண்டு. வா கொண்டாடலாம் தமிழா

2022-08-14T13:05:00.002+05:30

ஒதுக்குப்புறமான பகுதியில் வசிக்கிறோம். ஒரு நாள் மழை பொழிந்தால் பத்து நாள்கள் வீட்டுச் சிறை தான். வடிகால் வசதி இல்லாததால் பகுதி முழுவதும் நீர் சூழ்ந்துவிடும்; சாலை வசதியும் இல்லை. இதற்கு முன்பு பஞ்சாயத்திடம் முறையிட்ட போது தேர்தல் நடக்காததால் தலைவர் இல்லையே என்று காரணம் சொன்னார்கள். தேர்தல் முடிந்து இன்றும் தீர்வு காணப்படவில்லை. இத்தனைக்கும் மாவட்ட ஆட்சியர் அலுவலகம் இருநூறு மீட்டர் தொலைவு தான். நிலைமை இப்படி இருக்க, வீட்டுக்கு வீடு மூவர்ணக் கொடியை கொடுத்து விட்டு சென்றுள்ளான். கோவணம் கட்டுவதற்கா என்று தெரியவில்லை

ஆங்கிலேயனிடம் அடிமையாக இருந்தோம். அதற்கு பிறகு இந்திக்காரனிடம். ஆண்டைகள் தான் மாறி உள்ளது. இன்னும் நம் கைவிலங்கு அப்படியே தான் உள்ளது. இந்த இலட்சணத்தில் விடுதலை நாள் கொண்டாட்டம் ஒரு கேடு

தேய் நிலா

2022-08-05T07:41:00.009+05:30

உடல் மெலிந்தது

ஏனோ

நாள்தோறும்

நடைபயிற்சியா

நீலவானில்?

கத்துக்குட்டி ஒப்பனையாளன்

2022-08-05T07:38:00.002+05:30

கோவம் என்ன

கிளியக்கா

உதட்டுச் சாயத்தை

மூக்கிற்கு

பூசிவிட்டானே என்றா?

தில்லை கோவிலை அரசுடைமை ஆக்கு- மின்னஞ்சல் அனுப்புங்கள்

2022-06-17T07:52:00.002+05:30

vocud.hrce@tn.gov.in

ஐயா வணக்கம்

தில்லை நடராசர் கோயில் தமிழ் மன்னர்களால் கட்டப்பட்டது. அதை தீட்சிதர்கள் இன்று ஆக்கிரமித்துக் கொண்டு அதை தங்கள் உடைமை போல எண்ணி மக்கள் காணிக்கைகளை கொள்ளை அடிப்பதோடு மட்டும் அல்லாமல், அங்கு வரும் பக்தர்களின் மீது சாதி வழி தீண்டாமை புகுத்துவதும், தமிழில் தேவாரம் பாடுபவர்களை அராஜகம் செய்து விரட்டுவதும், பாட விடாமல் தடுப்பதும் என்று போக்கிலித் தனம் செய்து வருகிறார்கள். காவல் துறை பாதுகாப்போடு தான் அங்கு கடவுளுக்கு தமிழில் பாடும் நிலை இருக்கிறது. வருண பேதம் இல்லாத தமிழ் நாட்டில், சமத்துவம் நிலவுவதாக சொல்லிக் கொள்ளும் தமிழ்நாட்டில் பெண்களை தீட்சிதர்கள் கேலி கிண்டல் செய்வதும், சாதி பெயரை சொல்லி சிறுமை படுத்தும் கொடுமைகளும் நடக்கிறது.

எனவே தில்லை கோயிலை உடனடியாக தமிழ்நாடு அரசு தனது கட்டுப்பாட்டுக்குள் கொண்டு வந்து தமிழ் வழிபாட்டிற்கும் சமூக நீதிக்கும் வழி செய்ய வேண்டும் என கேட்டுக்கொள்கிறேன்

இப்படிக்கு

#திராவிடமாடல்

2022-05-26T22:28:00.001+05:30

ஈழத் தமிழருக்கு போகாத கப்பல் சிங்களனுக்கு மட்டும் சென்றதெப்படி?

2022-05-19T19:23:00.001+05:30

2006இல் ஈழத் தமிழ் சொந்தங்கள் பட்டினியாலும் போராலும் இறந்துகொண்டு இருந்த போது நிவாரணம் அளிக்க மருந்து மற்றும் உணவுப் பொருள்களை மக்களிடம் நிதியாக பொருளாக திரட்டி கப்பல் மூலம் அனுப்ப திசம்பர் 2006லிருந்து 2007 செப்டெம்பர் வரை செஞ்சிலுவை சங்கங்கள், மக்கள் திரள் போராட்டம், பட்டினி போராட்டம், முன்னாள் அமைச்சர் வேண்டுகோள் என எந்த முயற்சிக்கும் பலன் தராமல் சேகரித்த பொருள்கள் எல்லாம் மண்ணாகிப் போனது. அதை காங்கிரசும், திமுகவும் தடுத்து நிறுத்தியது.

இன்றைக்கு சிங்களர்களுக்கு உணவுப் பற்றாக்குறை என்ற உடனே நடுவண் அரசு டீசலை கப்பலேற்றி அனுப்புகிறது ; உணவுப் பொருள்களை தமிழ்நாடு அரசு தடை இன்றி உடனே அனுப்புகிறது.

எங்கள் செலவில் உதவ எண்ணிய போது தடைவிதித்த நடுவண், மாநில அரசுகள் இன்று அரசு நிதியை, எங்களுடைய வரிப்பணத்தை எதிரிகளுக்கு வாரி வழங்குகிறது. வழக்கம் போல நாங்கள் வேடிக்கை பார்க்கிறோம்