MALAYATTOOR NEWS ONLINE - All about Malayattoor, live kurisumudy news, Photos and more..

കാണികളിൽ ആവേശമുണർത്തിയ മലയാറ്റൂർ വള്ളംകളി കേരളത്തിൻ്റെ ടൂറിസം ഭൂപടത്തിൽ ഇടം പിടിക്കതക്കതായി വളർന്നു

2026-10-03T13:50:37.821+05:30

കാലടി: മനോഹരമായ മലയാറ്റൂർ മണപ്പാട്ട് ചിറയുടെ ഓളപരപ്പിൽ വള്ളം കളിയുടെ ആവേശമുണർത്തി മലയാറ്റൂർ വള്ളംകളി നടന്നു.

ടൂറിസം പദ്ധതിയുടെ ഭാഗമായ മലയാറ്റൂർ വള്ളംകളിക്ക് 10 ലക്ഷം രൂപ അനുവദിച്ചതായി സാംസ്ക്കാരിക ടൂറിസം വകുപ്പ് മന്ത്രി പി സി വിഷ്‌ണുനാഥ് പറഞ്ഞു. ഉന്നത വിദ്യാഭ്യാസ വകുപ്പ് മന്ത്രി റോജി എം ജോണിന്റെ നേതൃത്വത്തിൽ മലയാറ്റൂർ നീലിശ്വരം പഞ്ചായത്ത് ഭരണസമിതിയുടെ ആഭിമുഖ്യത്തിൽ നടന്ന വള്ളംകളി ഉദ്ഘാടനം ചെയ്ത‌് സംസാരിക്കുകയായിരുന്നു അദ്ദേഹം. മന്ത്രി റോജി എം ജോൺ അധ്യക്ഷത വഹിച്ചു.

ഇരുട്ടുകുത്തി വിഭാഗത്തിൽ പുളിക്കടവ് നാട്ടുകൂട്ടം ബോട്ട് ക്ലബ്ബ് ഒന്നാം സ്‌ഥാനം നേടി. വെപ്പ് വിഭാഗത്തിൽ വിബിസി പുത്തൻ കണ്ടത്തിൽ ജേതാക്കളായി. ചെറുചുണ്ടൻ വിഭാഗത്തിൽ നെടുപറമ്പിൽ ജേതാക്കളായി.

ചുണ്ടൻ, വെപ്പ്, ഇരുട്ടു കുത്തി വിഭാഗ ങ്ങളിൽപ്പെടുന്ന 20-ൽ പരം വള്ളങ്ങളും 300-ൽപരം തുഴക്കാരും മത്സരത്തിൽ പങ്കെടുത്തു. ജലഘോഷയാത്രയോടെയാണ് ആരംഭിച്ചത്.

ബെന്നി ബഹനാൻ എം പി മുഖ്യാതിഥിയായി. മനോജ് മുത്തേടൻ എം എൽ എ, ജില്ലാ പഞ്ചായത്ത് പ്രസിഡൻറ് കെ.ജി രാധാകൃഷ്‌ണൻ, ബ്ലോക്ക് പഞ്ചായത്ത് പ്രസിഡൻ്റ് കൊച്ചുത്രേസ്യ തങ്കച്ചൻ, പഞ്ചായത്ത് പ്രസിഡന്റ് സലോമി ടോമി, വൈസ് പ്രസിഡന്റ് പോൾസൺ പറപ്പിള്ളി എന്നിവർ പ്രസംഗിച്ചു.

മലയാറ്റൂരിൽ വള്ളംകളിയുടെ ആവേശമുണർത്താനായി വള്ളങ്ങളെല്ലാം എത്തിക്കഴിഞ്ഞു; ചിത്രങ്ങൾ | Malayattoor Vallamkali 2026 news and images

2026-10-02T08:43:40.827+05:30

മലയാറ്റൂരിൽ വള്ളംകളിയുടെ ആവേശമുണർത്തുന്ന ആർപ്പുവിളികളുയരുന്ന അസുലഭ മുഹൂർത്തങ്ങൾക്ക് സാക്ഷികളാകാൻ നിങ്ങൾക്ക് ഇന്ന് വൈകീട്ട് 3 മണിക്ക് മലയാറ്റൂർ അടിവാരത്തേയ്ക്ക് എത്താം.

വള്ളങ്ങളെല്ലാം എത്തിക്കഴിഞ്ഞു. ആഘോഷങ്ങൾക്കായി മലയാറ്റൂർ തടാകവും ഒരുങ്ങി.

വള്ളങ്ങളുടെയും മലയാറ്റൂർ തടാകത്തിന്റെയും ചിത്രങ്ങൾ

Malayattoor Vallamkali 2026 on today (October 2) 3 pm.

Malayattoor Vallam kali images. Malayattoor vallamkali location

മലയാറ്റൂർ വള്ളംകളി 2026 നാളെ (ഒക്ടോബർ 2) മലയാറ്റൂർ അടിവാരത്ത് | Malayattoor Vallamkali 2026 on October 2

2026-10-01T19:39:58.695+05:30

മലയാറ്റൂർ: ഗാന്ധിജയന്തി ദിനത്തിൽ വള്ളംകളി 2026 നാളെ (ഒക്ടോബർ 2) മലയാറ്റൂർ അടിവാരത്ത് തടാകത്തിൽ നടക്കുകയാണ്.

മലയാറ്റൂർ പഞ്ചായത്തിന്റെ ആഭിമുഖ്യത്തിലൊരുക്കുന്ന ഈ വർഷത്തെ ജലോത്സവം ഗാന്ധിജയന്തി ദിനത്തിൽ ഉച്ചകഴിഞ്ഞ് 3ന് മണപ്പാട്ടുചിറയിൽ നടക്കുമെന്ന് സംഘാടകസമിതി ഭാരവാഹികൾ വാർത്താസമ്മേളനത്തിൽ അറിയിച്ചു. ടൂറിസം വകുപ്പുമന്ത്രി പി.സി വിഷ്ണുനാഥ് ഉദ്ഘാടനം നിർവ്വഹിക്കും.

മന്ത്രി റോജി എം. ജോൺ അധ്യക്ഷത വഹിക്കും. ബെന്നി ബെഹനാൻ എം.പി മുഖ്യാതിഥിയാകും. മനോജ് മൂത്തേടൻ എംഎൽഎ, ജില്ലാ പഞ്ചായത്ത് പ്രസിഡന്റ് കെ.ജി രാധാകൃഷ്ണ‌ ൻ, ജില്ലാകളക്ടർ ജി.പ്രിയങ്ക, ബ്ലോക്ക് പഞ്ചായത്ത് പ്രസിഡന്റ് കൊച്ചുത്രേസ്യ തങ്കച്ചൻ, ത്രിതല പഞ്ചായത്ത് ജനപ്രതിനിധികൾ പങ്കെടുക്കുന്ന പരിപാടിയിൽ ചുണ്ടൻ, വെപ്പ്, ഇരുട്ടുകുത്തി വിഭാഗങ്ങളിൽപ്പെടുന്ന ഇരുപതോളം വള്ളങ്ങളും, മുന്നൂറിലേറെ തുഴക്കാരും പങ്കെടുക്കുന്ന മത്സരം ജലഘോഷയാത്രയോടെ ആരംഭിക്കുമെന്നും സംഘാടക സമിതിയധ്യക്ഷ പഞ്ചായത്ത് പ്രസിഡന്റ് സലോമി ടോമി, ജനറൽ കൺവീനർ വൈസ് പ്രസിഡൻ്റ് പോൾസൺ പറപ്പിള്ളി എ ന്നിവർ വാർത്താസമ്മേളനത്തിൽ വിശദമാക്കി.

തുഴച്ചിലിന്റെ ആവേശവും വഞ്ചിപ്പാട്ടിന്റെ ഈണവും അലയടിക്കുന്ന മലയാറ്റൂരിന്റെ ജലോത്സവത്തിലേക്ക് ഏവർക്കും ഹൃദ്യമായ സ്വാഗതം… 

മലയാറ്റൂരിൽ കാർണിവൽ മാർക്കറ്റിൽ പുതിയ ടർഫ് ഉദ്‌ഘാടനം ചെയ്തു.

2026-09-27T17:38:56.448+05:30

മലയാറ്റൂരിൽ കാർണിവൽ മാർക്കറ്റിൽ ടർഫ് ഉദ്ഘാടനത്തോടനുബന്ധിച്ച് 26, 27 തീയതികളിൽ ആറുമണി മുതൽ 'മലയാറ്റൂർ കാർണിവൽ ലീഗ് ' എന്ന പേരിൽ ക്രിക്കറ്റ് മാച്ചും ഒരുക്കിയിട്ടുണ്ട്.

മലയാറ്റൂരിൽ വലിയ മാറ്റങ്ങളാണ് മിഥുൻ സുരേഷ് തുടങ്ങിയ 'കാർണിവൽ മാർക്കറ്റ് ' എന്ന സംരംഭം വഴി നടപ്പിലായിക്കൊണ്ടിരിക്കുന്നത്. മലയാറ്റൂർ അടിവാരത്ത് തടാകത്തിന് അഭിമുഖമായി വിവിധങ്ങളായ ഷോപ്പുകൾ, ഏസി ഓഡിറ്റോറിയവും, ഓപ്പൺ ഓഡിറ്റോറിയവും, കാർ വാഷ്, ജിംനേഷ്യം, കുതിര സവാരി, ടർഫ് എന്നിങ്ങനെ വിവിധങ്ങളായ കാര്യങ്ങൾ ഒരേയിടത്തിൽ ഒരുക്കിയിരിക്കുന്നു. വൈകുന്നേരങ്ങളിൽ ഇവിടെ ധാരാളം ആളുകളെത്തുന്നുണ്ട് .

മോർണിംഗ് സ്റ്റാർ കോളേജിൽ സോഫ്റ്റ് സ്കിൽ എൻഹാൻസ്‌മെന്റ് പ്രോഗ്രാം സംഘടിപ്പിച്ചു.

2026-09-09T18:20:49.802+05:30

അങ്കമാലി: മോർണിംഗ് സ്റ്റാർ കോളേജിൽ വിദ്യാർത്ഥികളുടെ വ്യക്തിപരവും തൊഴിൽപരവുമായ മികവ് വർധിപ്പിക്കുന്നതിനായി ഏകദിന സോഫ്‌റ്റ് സ്‌കിൽ എൻഹാൻസ്മെറൻ്റ് പ്രോഗ്രാം സംഘടിപ്പിച്ചു.

കോളേജ് പ്രിൻസിപ്പൽ റവ. ഡോ. ഷെമി ജോർജ് പരിശീലന പരിപാടി ഉദ്ഘാടനം ചെയ്തു.

പ്രശസ്ത പരിശീലകരായ അഡ്വ ചാർളി പോൾ, അഡ്വ. സ്റ്റെർവിൻ സേവ്യർ എന്നിവർ വിവിധ സെഷനുകൾക്ക് നേതൃത്വം നല്കി.

വ്യക്തിത്വ വികസനം, ആശയവിനിമയ ശേഷി,ആത്മവിശ്വാസം, നേതൃപാടവം, മൾട്ടിപ്പിൾ ഇൻ്റലിജെൻസ് , ഹാപ്പി ഹോർമോൺസ് എന്നിവ ഉൾപ്പടെയുള്ള വിഷയങ്ങളിൽ പ്രായോഗികവും പ്രവർത്തനാധിഷ്‌ഠിതവുമായ ക്ലാസകളാണ് നടന്നത്.

കോളേജിലെ ഇൻ്റേണൽ ക്വാളിറ്റി അഷ്വറൻസ് സെൽ (ഐ ക്യു എ സി )-ന്റെ ആഭിമുഖ്യത്തിലായിരുന്നു പരിപാടി.

ഐക്യുഎസി കോർഡിനേറ്റർ കെ.ലീന ജോസഫ് , പ്രോഗ്രാം ജോയിന്റ് കോർഡിനേറ്റർമാരായ റിനു കെ ലൂയിസ് , ടി.ആർ.രജനി ദേവി എന്നിവർ പ്രസംഗിച്ചു.

വിദ്യാർത്ഥികളെ അവരുടെ വ്യക്തിഗത കഴിവുകൾ തിരിച്ചറിയാനും വികസിപ്പിക്കാനും തൊഴിൽരംഗത്തെ വെല്ലുവിളികളെ ആത്മവിശ്വാസത്തോടെ നേരിടാനും പ്രാപ്തരാക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്.

കാൽമുട്ടിനേറ്റ പരിക്കിന്റെ ആശങ്കകൾ മാറ്റിവെച്ച് മലയാറ്റൂർ മല കയറിയതിന്റെ സന്തോഷത്തിൽ മഞ്ജു വാര്യർ

2026-09-08T13:13:32.296+05:30

കാൽമുട്ടിനേറ്റ പരിക്കിന്റെ ആശങ്കകൾ മാറ്റിവെച്ച് മലയാറ്റൂർ മല കയറിയതിന്റെ സന്തോഷത്തിൽ മഞ്ജു വാര്യർ

മലയാറ്റൂർ മല കയറിയതിൻ്റെ സന്തോഷം പങ്കുവെച്ച് നടി മഞ്ജു വാര്യർ. യാത്രയുടെ ചിത്രങ്ങളും മഞ്ജു സോഷ്യൽ മീഡിയയിൽ പങ്കുവെച്ചിട്ടുണ്ട്.

‘ആരോഗ്യത്തോടെയിരിക്കുക എന്നത് നമ്മൾ പലപ്പോഴും ആഘോഷിക്കാൻ മറന്നുപോകുന്ന ഒരു വിജയമാണ്. ഒരു ചെറിയ ബൈക്ക് അപകടത്തെ തുടർന്ന് പരിക്കേറ്റ് ഭേദമായി വരുന്ന സമയത്താണ് മനോഹരമായ മലയാറ്റൂർ മല കയറാൻ തുടങ്ങിയത്. അതിനാൽ ചെറിയൊരു ആശങ്കയുണ്ടായിരുന്നു. എന്നാൽ എക്കാലത്തെയും ഏറ്റവും സുരക്ഷിതവും ഓർമ്മയിൽ നിൽക്കുന്നതുമായ മലകയറ്റങ്ങളിൽ ഒന്നായി അത് മാറി.

ആരോഗ്യപരിപാലനം രസകരവും ആസ്വാദ്യകരവുമാക്കാമെന്ന് തെളിയിച്ച ഹാൽവിങ് ടീമിന് അഭിനന്ദനങ്ങൾ. എന്റെ പരിമിതികളെ മറികടക്കാൻ ഓരോ തവണയും എന്നെ പ്രചോദിപ്പിച്ചതിന് ബിനീഷ് ചന്ദ്രയ്ക്കും നന്ദി ' മഞ്ജു വാര്യർ കുറിച്ചു.

അങ്കമാലി തുറവൂർ കുടുംബാരോഗ്യ കേന്ദ്രം ദേശീയ ഗുണനിലവാര അംഗീകാരം നേടി | Angamaly Thuravoor Family Health Center receives national quality accreditation

2026-09-08T10:44:16.402+05:30

എറണാകുളം ജില്ലയിലെ പൊതുജനാരോഗ്യ മേഖലയ്ക്ക് വീണ്ടുമൊരു അഭിമാന നേട്ടം. അങ്കമാലി തുറവൂർ കുടുംബാരോഗ്യ കേന്ദ്രം ദേശീയ ഗുണനിലവാര അംഗീകാരമായ National Quality Assurance Standards (NQAS) സ്വന്തമാക്കിയിരിക്കുന്നു.

ദേശീയതലത്തിൽ നടന്ന കർശനമായ മൂല്യനിർണ്ണയ പരിശോധനയിൽ 93.67% പോയിന്റുകൾ കരസ്ഥമാക്കിയാണ് ആശുപത്രി ഈ അപൂർവ്വ നേട്ടം കൈവരിച്ചത്. ഇതോടെ ജില്ലയിൽ NQAS അംഗീകാരം നേടുന്ന ആരോഗ്യ സ്ഥാപനങ്ങളുടെ എണ്ണം 25 ആയി ഉയർന്നു.

രോഗികൾക്കുള്ള വിപുലമായ സേവനങ്ങൾ, മരുന്നുകളുടെ സുഗമമായ ലഭ്യതയും വിതരണവും, മികച്ച ക്ലിനിക്കൽ സേവനങ്ങൾ, പകര്ച്ചവ്യാധി പ്രതിരോധ പ്രവർത്തനങ്ങൾ തുടങ്ങിയ വിവിധ മാനദണ്ഡങ്ങൾ മുൻനിർത്തിയാണ് കേന്ദ്ര സംഘം ഈ അംഗീകാരം നൽകിയിട്ടുള്ളത്. മൂന്ന് വർഷ കാലാവധിയുള്ള ഈ അംഗീകാരത്തിന്റെ ഭാഗമായി വാർഷിക സംസ്ഥാനതല പരിശോധനകളും മൂന്ന് വർഷത്തിന് ശേഷം ദേശീയ സംഘത്തിന്റെ പുനഃപരിശോധനയും ഉണ്ടാകും.

ജില്ലയിലെ കൂടുതൽ ആരോഗ്യ കേന്ദ്രങ്ങളെ ഇത്തരം ഉയർന്ന നിലവാരത്തിലേക്ക് ഉയർത്തുന്നതിനായി മികച്ച പശ്ചാത്തല സൗകര്യങ്ങളും നൂതന ചികിത്സാ സംവിധാനങ്ങളും ഒരുക്കുന്ന വിപുലമായ പ്രവർത്തനങ്ങളാണ് നടന്നു വരുന്നത്.

കൊച്ചി മെട്രോ റെയിൽ അങ്കമാലിയിലേക്ക് വിശദ പദ്ധതിരേഖ സർക്കാരിന് സമർപ്പിച്ചു | Kochi Metro Rail to Angamaly

2026-09-01T16:11:01.644+05:30

കൊച്ചി: കെ.എം.ആർ.എൽ കൊച്ചി മെട്രോ മൂന്നാംഘട്ടത്തിനുള്ള പദ്ധതിരേഖ സർക്കാരിന് സമർപ്പിച്ചു. കൊച്ചി മെട്രോ റെയിൽ അങ്കമാലിയിലേക്ക് നീട്ടാനുള്ള വിശദ പദ്ധതിരേഖയാണ് സർക്കാരിന് സമർപ്പിച്ചുത് .

നെടുമ്പാശ്ശേരി വിമാനത്താവളം വഴിയാണ് ഈ പുതിയ പാത കടന്നുപോകുന്നത്. ഇതിൽ ഏകദേശം മൂന്ന് കിലോമീറ്റർ ഭൂഗർഭപാതയായിരിക്കും. കൊച്ചി മെട്രോയുടെ ഈ പുതിയ പാതയിൽ എത്ര സ്റ്റോപ്പുകൾ ഉണ്ടാകുമെന്ന് ഇപ്പോൾ വ്യക്തമാക്കിയിട്ടില്ല.

പദ്ധതിക്ക് കേന്ദ്രാനുമതി നേടിയെടുക്കുന്നതിനായി സംസ്ഥാന സർക്കാർ ഈ പദ്ധതിരേഖ കേന്ദ്രത്തിന് സമർപ്പിക്കും. ഈ പദ്ധതിക്ക് സാമ്പത്തിക അനുമതി നൽകേണ്ടത് കേന്ദ്ര നഗരവികസന മന്ത്രാലയമാണ്.

അറ്റകുറ്റപ്പണികൾക്കായി കാലടി ശ്രീശങ്കരാ പാലം മൂന്നുദിവസം രാത്രി അടച്ചിടും | Kalady Sree Shankara Bridge to be closed for three nights for maintenance

2026-07-23T08:39:13.901+05:30

അടിയന്തര അറ്റകുറ്റപ്പണികൾക്കായി കാലടി ശ്രീശങ്കരാ പാലം മൂന്നുദിവസം രാത്രി അടച്ചിടും.

എം.സി റോഡിലെ കാലടി ശ്രീശങ്കരപാലത്തിൽ അടിയന്തര അറ്റകുറ്റപ്പണികൾ നടത്തേണ്ടതുളളതിനാൽ, ഇന്ന് (ജൂലൈ 23) മുതൽ 25 വരെ രാത്രി 10 മുതൽ രാവിലെ ആറു മണി വരെ ഈ പാലത്തിലൂടെയുള്ള രാത്രികാല ഗതാഗതത്തിന് പൂർണ്ണ നിരോധനം ഏർപ്പെടുത്തിയതായി അസിസ്റ്റന്റ് എക്സിക്യൂട്ടിവ് എഞ്ചിനിയർ (നിരത്ത് ) അറിയിച്ചു. 

അങ്കമാലിയിൽ നിന്നും എം.സി റോഡ് വഴി പോകേണ്ട കെഎസ്ആർടിസി ബസ്സുകൾ ഉൾപ്പെടെയുള്ള എല്ലാ വാഹനങ്ങളും ആലുവ വഴി പെരുമ്പാവൂർ എത്തി യാത്ര തുടരേണ്ടതാണ്. പെരുമ്പാവൂരിൽ നിന്നും അങ്കമാലി ഭാഗത്തേക്ക് പോകേണ്ട വാഹനങ്ങളും ഇതേ റൂട്ട് (തിരിച്ച്) ഉപയോഗിക്കണം. അങ്കമാലി ഭാഗത്തു നിന്നും കോതമംഗലം ഭാഗത്തേക്ക് പോകുന്ന വാഹനങ്ങൾ മലയാറ്റൂർ കോടനാട് പാലം വഴി കുറുപ്പംപടി വഴി പോകാവുന്നതാണ്.

മൂവാറ്റുപുഴ / പെരുമ്പാവൂർ ഭാഗത്തുനിന്ന് അന്താരാഷ്ട്ര വിമാനത്താവളത്തിലേക്ക് പോകുന്ന ചെറുവാഹനങ്ങൾ വല്ലം ജംഗ്ഷനിൽ നിന്നും ഇടത്തോട്ട് തിരിഞ്ഞ് വല്ലം പാറക്കടവ് - ശ്രീമൂലനഗരം - കാഞ്ഞൂർ വഴി എയർപോർട്ടിലേക്ക് പ്രവേശിക്കേണ്ടതാണെന്നും അസി. എക്സി. എഞ്ചിനിയർ അറിയിച്ചു.

നീലീശ്വരം ജംഗ്ഷനിൽ പ്രതിഷേധ പ്രകടനം നടത്തി | Protest held at Neeleeshwaram junction

2026-07-23T08:36:01.038+05:30

നീറ്റ് പരീക്ഷ ക്രമക്കേട് ; പ്രതിഷേധിച്ച വിദ്യാർത്ഥികളെയും രാഹുൽഗാന്ധി ഉൾപ്പടെയുള്ള കോൺഗ്രസ് നേതാക്കളെയും പോലീസ് ആക്രമിച്ചതിൽ പ്രതിഷേധിച്ച് നീലീശ്വരം ജംഗ്ഷനിൽ പ്രതിഷേധ പ്രകടനം നടത്തി.

നീറ്റ് പരീക്ഷാ ക്രമക്കേടിൽ പ്രതിഷേധിച്ച വിദ്യാർത്ഥികളെയും രാഹുൽഗാന്ധി ഉൾപ്പടെയുള്ള കോൺഗ്രസ് നേതാക്കളെയും പോലീസ് ആക്രമിച്ചതിൽ പ്രതിഷേധിച്ച് കോൺഗ്രസ് മലയാറ്റൂർ നീലീശ്വരം മണ്ഡലം കമ്മറ്റിയുടെ നേതൃത്വത്തിൽ നീലീശ്വരം ജംഗ്ഷനിൽ പ്രതിഷേധ പ്രകടനവും സമ്മേളനവും നടത്തി.

മണ്ഡലം പ്രസിഡന്റ് ബിജു കണിയാംകുടിയുടെ അദ്ധ്യക്ഷതയിൽ കോൺഗ്രസ് കാലടി ബ്ലോക്ക് പ്രസിഡന്റ് സെബി കിടങ്ങേൻ ഉദ്ഘാടനം ചെയ്തു. മണ്ഡലം സെക്രട്ടറി ബിജു പാലിശ്ശേരി, അങ്കമാലി ബ്ലോക്ക് പഞ്ചായത്ത് പ്രസിഡന്റ് കൊച്ചുത്രേസ്യ തങ്കച്ചൻ, ഗ്രാമപഞ്ചായത്ത് പ്രസിഡന്റ് സലോമി ടോമി, കോൺഗ്രസ് ബ്ലോക്ക് മണ്ഡലം ഭാരവാഹികൾ, ത്രിതല പഞ്ചായത്ത് ജനപ്രതിനിധികൾ, ബൂത്ത്‌ വാർഡ് പ്രസിഡന്റുമാർ പങ്കെടുത്തു

വ്യാജ ആപ്പ് വഴി പണം തട്ടിയെടുത്ത യുവാവ് അറസ്റ്റിലായി | A young man was arrested for defrauding money through a fake app.

2026-07-23T08:15:44.181+05:30

വ്യാജ ആപ്പ് വഴി പണം തട്ടിയെടുത്ത കേസിൽ യുവാവ് അറസ്റ്റിലായി.

പെരുമ്പാവൂർ: കാഞ്ഞിരക്കാട് റെയോൺപുരം കൊന്നംകുടി വീട്ടിൽ അസിഫ് (28) നെയാണ് എടത്തല പോലീസ് അറസ്റ്റ് ചെയ്തത്.

തിങ്കളാഴ്ച വൈകിട്ട് ചുണങ്ങംവേലി ഭാഗത്തുള്ള എ റ്റി എം ക്യാബിനകത്ത് വച്ച് എടത്തല പെങ്ങാട്ടുശ്ശേരി സ്വദേശിയെ പേടിയെമ്മിന്റെ എന്ന് തോന്നിപ്പിക്കുന്ന വ്യാജ ആപ്പ് ഉപയോഗിച്ചാണ് തട്ടിപ്പിനിരയാക്കിയത്. അസിഫിന്റെ ഫോണിലെ വ്യാജ ആപ്പ് ഉപയോഗിച്ച് പെങ്ങാട്ടുശ്ശേരി സ്വദേശിയുടെ ഗൂഗിൾ പേ ക്യൂർ ആർ കോഡ് സ്കാൻ ചെയ്ത് 6000 രൂപ പരാതിക്കാരന്റെ അക്കൗണ്ടിലേക്ക് അയച്ചു നൽകിയതായി വിശ്വസിപ്പിച്ച് പണം അയച്ചു നൽകാതെ 6000 രൂപ കൈപ്പറ്റുകയായിരുന്നു.

ആസിഫിനെതിരെ പെരുമ്പാവൂർ, കളമശ്ശേരി പോലീസ് സ്റ്റേഷനുകളിൽ കേസുകൾ നിലവിലുണ്ട്. അന്വേഷണസംഘത്തിൽ ഇൻസ്പെക്ടർ കെ. സിനോദ്, എസ് ഐ സി.കെ. സക്കരിയ, എസ് സിപിഒ മാരായ പി.കെ.സുമേഷ്, കെ.എം.മുഹമ്മദ് റഫീഖ്, സിപിഒ മാരായ വി.ഐ.രഞ്ജിത്ത്, ഇ.ബി.ഭവജേഷ്, അജിൽ രാജ്, കെ.കെ.സജ്നാസ് എന്നിവരാണ് ഉണ്ടായിരുന്നത്

പ്രശസ്ത ഗായിക എസ് ജാനകി അന്തരിച്ചു

2026-07-11T21:37:59.436+05:30

പ്രശസ്‌ത ഗായിക എസ്. ജാനകി(88) അന്തരിച്ചു. മൈസൂരു അപ്പോളോ ആശുപത്രിയിലായിരുന്നു അന്ത്യം.

ശ്വസന സംബന്ധമായ പ്രശ്നങ്ങളെത്തുടർന്നാണ് ആശുപത്രിയിൽ പ്രവേശിപ്പിച്ചത്.

1938-ൽ ഏപ്രിൽ 23-ന് ആന്ധ്രപ്രദേശിലെ ഗുണ്ടൂർ ജില്ലയിലായിരുന്നു ജാനകിയുടെ ജനനം. മൂന്നാം വയസിൽതന്നെ അവർ സംഗീതത്തോട് ആഭിമുഖ്യ പ്രകടിപ്പിച്ചുതുടങ്ങി. ആകാശവാണി ദേശീയ തലത്തിൽ സംഘടിപ്പിച്ച ഗാന മത്സരത്തിൽ രണ്ടാം സ്ഥാനം നേടിയതോടെയാണ് ജാനകി ശ്രദ്ധേയയായത്.

എല്ലാ ദക്ഷിണേന്ത്യൻ ഭാഷാ ചിത്രങ്ങളിലും പാടിയിട്ടുള്ള ജാനകി ഹിന്ദി, സിംഹള, ബംഗാളി, ഒറിയ, ഇംഗ്ലീഷ്, സംസ്കൃതം, കൊങ്ങിണി, തുളു, സൗരാഷ്ട്ര ബഡുഗ, ജർമ്മൻ ഭാഷകളിലും ഇവയ്ക്കുപുറമേ ജാപ്പനീസ്, അറബിക്, ജർമൻ, എന്നീ ഭാഷകളിലും പാടിയിട്ടുണ്ട്. .

1200 പരം മലയാള സിനിമാ ഗാനങ്ങൾക്ക് ജാനകി ശബ്ദ‌ം പകർന്നിട്ടുണ്ട്.

തെലുങ്ക്, കന്നട, മലയാളം, തമിഴ്, ഹിന്ദി, ഒഡിയ, ബംഗാളി, മറാഠി, തുളു, ഉർദു, ഗുജറാത്തി, പഞ്ചാബി, കൊങ്കണി, അസാമീസ്, സിന്ധി തുടങ്ങി പതിനേഴു ഭാഷകളിൽ സോളോ, യുഗ്മഗാനം ഡ്യുയറ്റ്, കോറസ് മുതലായ പലതരത്തിലുള്ള 48,000 ഓളം ഗാനങ്ങൾ ആലപിച്ചിട്ടുണ്ട്.

എന്നാൽ ഏറ്റവും കൂടുതൽ ഗാനങ്ങൾ കന്നഡയിലും, രണ്ടാം സ്ഥാനം മലയാളത്തിലുമാണ് .

മികച്ച ഗായികയ്ക്കുള്ള ദേശീയ അവാർഡ് നാലു തവണയാണ് എസ്.ജാനകിയെ തേടിയെത്തിയത്. 1976-ൽ `പതിനാറു വയതിനിലേ എന്ന തമിഴ് ചിത്രത്തിലെ സിന്ദൂര പൂവേ... എന്നു തുടങ്ങുന്ന ഗാനത്തിനാണ് ആദ്യമായി ദേശീയപുരസ്‌കാരം ലഭിച്ചത്.

മികച്ച ഗായികയ്ക്കുള്ള ദേശീയ അവാർഡ് നാലു തവണയാണ് എസ്.ജാനകിയെ തേടിയെത്തിയത്

ജാനകിയമ്മ എന്ന സ്നേഹത്തോടെ വിളിക്കുന്ന പ്രിയ ഗായികയ്ക്ക് ആദരാഞ്ജലികൾ

🙏🙏🙏💐💐💐

#sjanakiamma #Obituary #sjanaki

#malayattoornews

മലയാറ്റൂർ തടാകത്തിലേക്ക് കാർ തെന്നിയിറങ്ങി | Car skidded into Malayattoor lake

2026-07-10T13:04:45.628+05:30

മലയാറ്റൂർ തടാകത്തിനരികിലേക്ക് കാർ തെന്നിയിറങ്ങി

മലയാറ്റൂർ : മലയാറ്റൂർ അടിവാരത്ത് മഴപെയ്തു കൊണ്ടിരിക്കുന്നതിനാൽ തടാകം നിറഞ്ഞ് നിൽക്കുകയാണ്. മഞ്ഞപ്ര ഭാഗത്ത് നിന്നും മലയാറ്റൂർ ഭാഗത്തേയ്ക്ക് വന്ന കാർ പുല്ലിൽ തെന്നി തടാകത്തിനരികിലേക്കിറങ്ങി.

ക്രെയിനും നാട്ടുകാരും ചേർന്ന് കാർ വലിച്ചുയർത്തി.

മഴക്കാലമായതിനാൽ വാഹനയാത്രക്കാരും സന്ദർശിക്കാനായി ഇവിടെ എത്തുന്നവരും ജാഗ്രത പാലിക്കേണ്ടതാണ്. തടാകത്തിനു ചുറ്റുമുള്ള കൈവരികൾ പലതും ദ്രവിച്ചിരിക്കുകയാണ്.

കാർ യാത്രക്കാരന് ഹൃദയാഘാതം: ബസിൽ യാത്ര ചെയ്ത നഴ്‌സുമാർ തുണയായി; ഒപ്പം നാട്ടുകാരും

2026-07-02T14:57:31.642+05:30

ഹൃദയാഘാതത്തിൻ്റെ സമയത്ത് മാലാഖാമാർ തുണയായി

പെരുമ്പാവൂർ: എംസി റോഡിൽ കാലടി പാലത്തിലെ ഗതാഗതക്കുരുക്കിൽ ഹൃദയാഘാതമുണ്ടായ കാർ യാത്രക്കാരനെ സമീപത്തുണ്ടായിരുന്ന ‘എയ്ഞ്ചൽ’ ബസിലുണ്ടായിരുന്ന നഴ്സുമാർ ഓടിയെത്തി സിപിആർ നൽകി രക്ഷിച്ചു.

ട്രാഫിക് ബ്ലോക്കിലൂടെ ഓടിനടന്ന് ആരോഗ്യപ്രവർത്തകരാരെങ്കിലുമുണ്ടോയെന്നു വിളിച്ചു ചോദിച്ച നാട്ടുകാരൻ രഞ്ജിത്തിന്റെ ഇടപെടലാണു നിർണായകമായത്. നാട്ടുകാരുടെ സഹായത്തോടെ അതിവേഗത്തിൽ ആശുപത്രിയിൽ എത്തിക്കാനായതും തുണയായി.

കൊരട്ടി അപ്പോളോ അഡ്‌ലക്സ് ആശുപത്രിയിലെ നഴ്സ് അഞ്ജലി ബൈജു (24), കാലടി സ്വദേശിനിയും കോതമംഗലം മാർ ബസേലിയോസ് നഴ്സിങ് കോളജിലെ അവസാന വർഷം ബിഎസ്‌സി നഴ്സിങ് വിദ്യാർഥിനിയുമായ ആർദ്ര രാജ് (22) എന്നിവരാണു രക്ഷകരായത്.

അങ്കമാലി എൽഎഫ് ആശുപത്രിയിൽ പ്രവേശിപ്പിച്ച പെരുമ്പാവൂർ പള്ളിക്കവല ഹൈദരാലി ജംക്‌ഷനിൽ ചിരക്കക്കുടി സി.ഇ. സിനാജ് (43) അപകടനില തരണം ചെയ്തു.

രാവിലെ 9.15ന് ഒക്കൽ താന്നിപ്പുഴയിൽ ലൈറ്റിട്ടു ട്രാക്ക് തെറ്റിച്ചു വേഗത്തിൽ കാറോടിച്ചു പോയ സിനാജിനോട്, ഒക്കൽ തുരുത്തി സ്വദേശി എം.എസ്. രഞ്ജിത് വിവരം തിരക്കി. നെഞ്ചുവേദന കാരണം ആശുപത്രിയിലേക്കു പോവുകയാണെന്നു പറഞ്ഞ സിനാജിനോട് വാഹനക്കുരുക്കായതിനാൽ പെരുമ്പാവൂരിലെ ആശുപത്രിയിലേക്കു പോകുന്നതാണു നല്ലതെന്നു നിർദേശിച്ച രഞ്ജിത് മകനെ സ്കൂളിലാക്കാൻ പോയി. പോകുന്ന വഴിയിൽ സുഹൃത്ത് ഓണമ്പിളളി മുണ്ടേത്ത് എം.എച്ച്. മുഹമ്മദാലിയോടു വിവരം പറഞ്ഞു. അപ്പോഴേക്കും സിനാജിന്റെ കാർ വാഹനക്കുരുക്കിൽപെട്ടു മുന്നോട്ടു നീങ്ങാനാകാത്ത അവസ്ഥയിലായി.

ആംബുലൻസ് വിളിക്കാമെന്നും കാർ റോഡരികിൽ നിർത്താനും വഴിയിൽ കാത്തുനിന്ന മുഹമ്മദാലി പറഞ്ഞു. സിനാജിന് ഒപ്പമുണ്ടായിരുന്ന സുഹൃത്ത് പി.ജെ. പ്രസീജിനു ഡ്രൈവിങ്ങിൽ പരിചയക്കുറവുണ്ടായിരുന്നു.

സമീപത്തെ ഹോളോബ്രിക്സ് നിർമാണ യൂണിറ്റിലേക്കു വാഹനം കയറ്റിയിട്ടു. അപ്പോഴേക്കും സിനാജ് കുഴഞ്ഞു വീണു. കുട്ടിയെ സ്കൂളിലാക്കിയ ശേഷം രഞ്ജിത്തും എത്തി.

പെരുമ്പാവൂർ ഭാഗത്തേക്കുളള കുരുക്കിൽപെട്ടു കിടന്ന ‘ഏയ്ഞ്ചൽ’ ബസിനു സമീപമെത്തി ആരോഗ്യ പ്രവർത്തകർ യാത്ര ചെയ്യുന്നുണ്ടെങ്കിൽ സഹായിക്കണമെന്നു രഞ്ജിത് അഭ്യർഥിച്ചു. ഉടൻ തന്നെ അഞ്ജലിയും ആർദ്രയും ബസിൽ നിന്നിറങ്ങി രക്ഷാപ്രവർത്തനം നടത്തി. അപ്പോഴേക്കും മുഹമ്മദാലി ഓണമ്പിളളി മുസ്‌ലിം ജമാഅത്തിന്റെ ആംബുലൻസ് വിളിച്ചു. ആംബുലൻസിൽ അഞ്ജലിയും കയറി. അങ്കമാലിയിലെ ആശുപത്രിയിൽ എത്തുന്നതു വരെ സിപിആർ തുടർന്നു. അവിടെ എത്തിയപ്പോഴേക്കും ആരോഗ്യനില മെച്ചപ്പെട്ടു. രക്തധമനിയിൽ ബ്ലോക്ക് കണ്ടെത്തിയ സിനാജിന് ആൻജിയോപ്ലാസ്റ്റി ചെയ്തു. ഇന്നോ നാളെയോ മുറിയിലേക്കു മാറ്റും.

തക്ക സമയത്ത് തുണയായ നാട്ടുകാർക്കും, 'മാലാഖാമാരെപ്പോലെ' പ്രവർത്തന നിരതരായ നഴ്‌സുമാരും എത്ര നന്ദി പറഞ്ഞാലും മതിയാകില്ല.❤️

മലയാറ്റൂർ കുരിശുമുടി തീർഥാടനം സമയം പുനഃക്രമീകരിച്ചു | Malayattoor Kurisumudi pilgrimage timings rescheduled

2026-06-03T18:16:26.404+05:30

മലയാറ്റൂർ കുരിശുമുടി തീർഥാടകരുടെ ശ്രദ്ധക്ക് തീർഥാടന സമയം പുനഃക്രമീകരിച്ചിരിക്കുന്നു.

രാവിലെ 6 മണിമുതൽ വൈകീട്ട് 5 മണി വരെ മാത്രം

മലയാറ്റൂർ സ്‌കൂളിൽ ബോട്ടണി വിഷയത്തിൽ ഗസ്റ്റ് അധ്യാപക ഒഴിവ്

2026-05-08T23:00:03.060+05:30

മലയാറ്റൂർ : സെൻ്റ് തോമസ് ഹയർ സെക്കൻ്ററി സ്‌കൂളിൽ പ്ലസ് ടു വിഭാഗത്തിൽ ബോട്ടണി വിഷയത്തിൽ ഗസ്റ്റ് അധ്യാപക ഒഴിവുണ്ട്.

26/05/2026 ചൊവ്വാഴ്ച്ച രാവിലെ 10 മണിക്ക് സ്‌കൂൾ ഓഫീസിൽവച്ച് ഇൻ്റർവ്യൂ നടത്തുന്നു.

നിശ്ചിത യോഗ്യതയുള്ള ഉദ്യോഗാർഥികൾ ആവശ്യമായ രേഖകൾ സഹിതം കൃത്യസമയത്ത് ഹാജരാകണം .

Topic: Teacher vaccancy at Malayattoor St Thomas HSS

നെടുമ്പാശ്ശേരിയിൽ പുതിയ റെയിൽവേ സ്റ്റേഷൻ വരുന്നു

2026-05-08T07:06:05.371+05:30

എറണാകുളം: നെടുമ്പാശ്ശേരി വിമാനത്താവളത്തോടു ചേർന്ന് പുതിയ റെയിൽവേ സ്റ്റേഷൻ നിർമ്മിക്കുന്നതിനുള്ള പ്രാഥമിക പ്രവർത്തനങ്ങൾ തുടങ്ങി.

ആവണം കോട് റോഡിൽ സൗരോർജ പ്ലാൻറിന് സമീപം റെയിൽവേയുടെ കൈവശമുള്ള ഭൂമിയിൽ സ്‌റ്റേഷൻ നിർമ്മാണത്തിനായി നിലമൊരുക്കൽ പ്രവർത്തനമാണ് ആരംഭിച്ചിട്ടുള്ളത്. അടുത്ത ഘട്ടമായി മണ്ണ് പരിശോധനപൂർത്തിയാക്കിയ ശേഷമായിരിക്കും സ്റ്റേഷൻ നിർമ്മാണമുൾപ്പെടെ നടപടികളിലേക്ക് കടക്കുക. വിമാനയാത്രക്കാരെ ഉദ്ദേശിച്ച് പ്രധാനമായും ഹാൾട്ട് സ്‌റ്റേഷനാണ് ലക്ഷ്യമിടുന്നത്.

ഇപ്പോൾ അങ്കമാലി റെയിൽവേ സ്‌റ്റേഷനിലും ആലുവ റെയിൽവേ സ്‌റ്റേഷനിലും വന്നിറങ്ങി റോഡ് മാർഗമാണ് വിമാന താവളത്തിലേക്ക് യാത്രക്കാർ എത്തുന്നത്. ഇവിടെ റെയിൽവേ സ്റ്റേഷൻ വരുന്നതോടെ വിമാനതാവളത്തിലെത്താൻ മൂന്ന് കിലോമീറ്റർ മതിയാകും. വിമാനതാവളത്തിൽ നിന്നും റെയിൽവേ സ്റ്റേഷനിലേക്ക് സിയാൽ പ്രത്യേക വാഹന സൗകര്യവും ഒരുക്കും

കൊച്ചി മെട്രോയും നെടുമ്പാശ്ശേരിയിലേക്ക് നീട്ടുന്നുണ്ട് മെട്രോയ്ക്കു വേണ്ടി ഭൂഗർഭ പാതയാണ് ഉദേശിക്കുന്നത്. ഇതു കൂടി യാഥാർത്ഥ്യമായാൽ റെയിൽവേ സ്‌റ്റേഷനിലേക്കും സിയാലിൽ നിന്നും പ്രത്യേക പാത ലക്ഷ്യമിടുന്നുണ്ട്

Topic : New Railway station near Nedumbassery airport.

വേങ്ങര സി.എച്ച്.സിയിലെ ഡോ. ഷംസിയ കുഴഞ്ഞുവീണ് മരിച്ചു.

2026-04-19T12:48:00.000+05:30

മലപ്പുറം: വേങ്ങര കമ്മ്യൂണിറ്റി ഹെൽത്ത് സെന്ററിലെ മെഡിക്കൽ ഓഫീസർ ഡോ. ഷംസിയ (43) അന്തരിച്ചു. ഇന്ന് രാവിലെ കുഴഞ്ഞു വീണതിനെത്തുടർന്ന് ഉടനടി കോട്ടക്കലിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. തിരൂരങ്ങാടി സ്വദേശിനിയാണ്.

പി.എസ്.എം.ഒ കോളേജ് മുൻ പ്രൊഫസർമാരായ എസ്.എം. അലി, നൂർജഹാൻ ടീച്ചർ എന്നിവരുടെ മകളാണ്. വി.എം.സി ഹോസ്പിറ്റലിന് സമീപം ക്ലിനിക്ക് നടത്തുന്ന ഡോ. ശറഫുദ്ധീനാണ് ഭർത്താവ്.

ദീർഘകാലമായി വേങ്ങര സി.എച്ച്.സിയിൽ സേവനമനുഷ്ഠിച്ചു വരികയായിരുന്നു ഡോ. ഷംസിയ. സൗമ്യമായ പെരുമാറ്റം കൊണ്ടും രോഗികളോടുള്ള കരുതൽ കൊണ്ടും നാട്ടുകാർക്കും സഹപ്രവർത്തകർക്കും പ്രിയങ്കരിയായിരുന്നു അവർ.

എട്ടുവയസ്സുകാരൻ പാമ്പുകടിയേറ്റു മരിച്ചു 😥

2026-04-19T12:34:00.000+05:30

തൃശ്ശൂർ: കോടാലിയിൽ എട്ടുവയസ്സുകാരൻ പാമ്പുകടിയേറ്റു മരിച്ചു. കോടാലിയിൽ കാവുങ്ങൽ സിൽജോ-ജോൺസി ദമ്പതികളുടെ മകൻ ആൾ ജോയാണ് മരിച്ചത്.

ആൾ ജോയുടെ സഹോദരൻ അനോജ് അപ്പോളോ ആശുപത്രിയിൽ ചികിത്സയിലാണ്. ഇന്നലെ പുലർച്ചെ രണ്ട് മണിയോടെ ദേഹാസ്വാസ്ഥ്യത്തെ തുടർന്ന് ഇരുവരെയും ആശുപത്രിയിൽ പ്രവേശിപ്പിച്ചിരുന്നു.

കുട്ടികൾ തലേദിവസം ഒരു അവകാഡോ ജ്യൂസ് കുടിച്ചതിന് ശേഷമാണ് കുട്ടികൾ കിടന്നത്. അതുകൊണ്ട് കുട്ടികൾക്ക് ഭക്ഷ്യവിഷബാധയേറ്റെന്നായിരുന്നു മാതാപിതാക്കൾ കരുതിയത്. കുട്ടികളെ ഉടൻ ചാലക്കുടിയിലെ സ്വകാര്യ ആശുപത്രിയിൽ എത്തിച്ചു. എന്നാൽ ആശുപത്രിയിലെ പരിശോധനയിലാണ് പാമ്പ് കടിയേറ്റതാണെന്ന് മനസിലായത്.

പിന്നാലെ നാട്ടുകാരും ബന്ധുക്കളും ചേർന്ന് വീടിനുള്ളിൽ വിശദമായി നടത്തിയ തിരച്ചിലിൽ കുട്ടികൾ കിടന്നിരുന്ന മുറിയിലെ തലയണയ്ക്ക് അടിയിൽ നിന്ന് പാമ്പിനെ കണ്ടെത്തുകയായിരന്നു.

ശങ്കുവരയൻ/വെള്ളിക്കെട്ടൻ ഇനത്തിൽപ്പെട്ട പാമ്പാണ് കടിച്ചത്.

കാർ നിയന്ത്രണംവിട്ട് മറിഞ്ഞ് അഞ്ച് ശബരിമല തീർഥാടകർക്ക് പരിക്ക്

2026-04-18T22:20:00.000+05:30

എരുമേലി: ശബരിമല ദർശനം കഴിഞ്ഞ് മടങ്ങുകയായിരുന്ന ചാലക്കുടി സ്വദേശികൾ സഞ്ചരിച്ച കാർ നിയന്ത്രണംവിട്ട് റോഡരികിലെ കരിങ്കൽക്കെട്ടിലിടിച്ച് മറിഞ്ഞു. എരുമേലി -പമ്പാ സംസ്ഥാന പാതയിലെ കരിങ്കല്ലുംമൂഴി ഇറക്കത്തിൽ ഇന്ന് ഉച്ചയ്ക്ക് 2.10-ഓടെയാണ് അപകടം നടന്നത്.

ചാലക്കുടി സ്വദേശികളായ ജയലക്ഷ്മി, രതീഷ്, വിസ്മയ, അവിനാശ്, അനിൽകുമാർ എന്നിവർക്കാണ് പരിക്കേറ്റത്. ഇതിൽ രതീഷിനും അവിനാശിനും കാലിന് ഒടിവ് സംഭവിക്കുകയും ജയലക്ഷ്മിയുടെ തലയ്ക്ക് പരിക്കേൽക്കുകയും ചെയ്തിട്ടുണ്ട്.

അപകടം നടന്നയുടൻതന്നെ അതുവഴിയെത്തിയ നാട്ടുകാരാണ് പരിക്കേറ്റവരെ ആശുപത്രിയിലെത്തിച്ചത്.

എരുമേലി സാമൂഹികാരോഗ്യ കേന്ദ്രത്തിൽ പ്രാഥമിക ചികിത്സ നൽകിയ ശേഷം ഇവരെ കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി.

ചാലക്കുടി പുഴയ്ക്ക് കുറുകെയുള്ള പഴയ പാലം അറ്റകുറ്റപ്പണികൾക്കായി അടയ്ക്കും

2026-04-17T23:40:00.000+05:30

നാളെ (ഏപ്രിൽ 18, ശനിയാഴ്ച) രാത്രി 9 മണി മുതൽ ആറു ദിവസത്തേക്കാണ് പാലം പൂർണ്ണമായും അടച്ചിടുക. പാലത്തിന്റെ അടിപ്പാതയുടെ നിർമ്മാണ പ്രവർത്തനങ്ങൾക്കും ഭാരപരിശോധനയ്ക്കുമായാണ് ഈ നടപടി.

ദേശീയപാത 544-ൽ പാലം അടയ്ക്കുന്നതോടെ ഉണ്ടായേക്കാവുന്ന ഗതാഗതക്കുരുക്ക് ഒഴിവാക്കാൻ തൃശൂർ റൂറൽ പോലീസ് വിപുലമായ ക്രമീകരണങ്ങൾ ഏർപ്പെടുത്തിയിട്ടുണ്ട്.

▶️ ഗതാഗത നിയന്ത്രണങ്ങൾ:

🔹 തൃശൂർ ഭാഗത്തുനിന്നും എറണാകുളം ഭാഗത്തേക്ക് പോകുന്ന വാഹനങ്ങൾ: കോട്ടമുറിയിൽ നിന്നും തിരിഞ്ഞ് സാഞ്ചോ നഗർ, പാറക്കൂട്ടം, കിൻഫ്ര, കോന്നൂർ, പെരുമ്പി വഴി ദേശീയപാതയിൽ പ്രവേശിക്കണം.

🔹 എറണാകുളം ഭാഗത്തുനിന്നും തൃശൂർ ഭാഗത്തേക്ക് വരുന്ന വാഹനങ്ങൾ: ചിറങ്ങര മേൽപ്പാലം വഴി തിരിഞ്ഞ് ദേവമാത, കൊരട്ടി പള്ളി, കാടുക്കുറ്റി, മുരിങ്ങൂർ വഴി ദേശീയപാതയിലേക്ക് പ്രവേശിക്കണം.

കൂടാതെ, കിഴക്കുഭാഗത്തുള്ള പാലത്തിലൂടെ ഇരുവശങ്ങളിലേക്കും ഓരോ വരി വീതം വാഹനങ്ങൾ കടത്തിവിടുന്നതുമായിരിക്കും.

ചാലക്കുടി ഡി.വൈ.എസ്.പി ഓഫീസിന്റെ നേതൃത്വത്തിൽ 24 മണിക്കൂറും പ്രവർത്തിക്കുന്ന കൺട്രോൾ റൂമും ഹൈവേ പോലീസിന്റെ പ്രത്യേക നിരീക്ഷണവും സ്ഥലത്ത് ഏർപ്പെടുത്തിയിട്ടുണ്ട്.

ജൂൺ മാസത്തിന് മുൻപ് നിർമ്മാണ പ്രവർത്തനങ്ങൾ പൂർത്തിയാക്കി ഗതാഗതം സുഗമമാക്കുക എന്നതാണ് ലക്ഷ്യം. യാത്രക്കാർ പോലീസിന്റെ നിർദ്ദേശങ്ങളോട് സഹകരിക്കണമെന്ന് അധികൃതർ അഭ്യർത്ഥിച്ചു.

രാജീവ്‌ ഗാന്ധി സെന്റർ ഫോർ ബയോടെക്‌നോളജി (RGCB ) ഡയറക്ടറായി ഡോക്ടർ ബീന പിള്ള ചുമതലയേറ്റു

2026-04-17T19:24:00.000+05:30

കാലടി: രാജീവ്‌ ഗാന്ധി സെന്റർ ഫോർ ബയോടെക്‌നോ ളജി (RGCB ) ഡയറക്ടറായി പ്രശസ്ത ശാസ്ത്രജ്ഞ ഡോക്ടർ ബീന പിള്ള ചുമതലയേറ്റു.

ആശ്രമം റോഡ്, പാലിശേരി കടവ് റോഡിൽ താമസിക്കുന്ന പഞ്ചവടി വീട്ടിൽ അയ്യപ്പൻ പിള്ളയുടെയും, സുമതിയുടെയും മകളാണ് ഡോക്ടർ ബീന പിള്ള.

അഞ്ച് വർഷമാണ് സേവന കാലാവധി. RNA ബയോളജി, ന്യൂറോണൽ വികസനവും അവയുടെ പ്രവർത്തനങ്ങളും തുടങ്ങിയ മേഖലകളിൽ ശ്രദ്ധേയമായ സംഭാവനകൾ നൽകിയ പ്രഗൽഭയാണ് ഡോക്ടർ ബീന. അനവധി ദേശീയ പുരസ്കാരങ്ങൾ നേടിയിട്ടുണ്ട്. 

CSIR ഐ ജി ഐ ബി ഡയരക്ടർ സൗവിത് നയിറ്റിയാണ് ഭർത്താവ്.

സിബിഎസ്ഇ പത്താം ക്ലാസ്സ്‌ പരീക്ഷയിൽ ഉന്നത വിജയം കരസ്ഥമാക്കി ഗ്രെയ്‌സ് മരിയ ജോണി

2026-04-17T19:17:00.004+05:30

ഈ വർഷത്തെ CBSE പത്താം ക്ലാസ്സ് പരീക്ഷയിൽ ഉന്നത വിജയത്തിളക്കവുമായി ഗ്രെയ്‌സ് മരിയ ജോണി

മലയാറ്റൂർ: ഈ വർഷത്തെ സിബിഎസ്ഇ പത്താം ക്ലാസ്സ്‌ പരീക്ഷയിൽ 94 % മാർക്ക്‌ വാങ്ങി വിജയം വരിച്ചു മലയാറ്റൂർ വിമലഗിരി സ്വദേശിയായ ഗ്രെയ്‌സ് മരിയ ജോണി.

മലയാറ്റൂർ വിമലഗിരി ന്യൂമാൻ അക്കാദമിയിലാണ് ഗ്രെയ്‌സ് മരിയ പഠിച്ചത്.

മലയാറ്റൂർ വിമലഗിരി കോലഞ്ചേരി ജോണി, ജിനിത എന്നിവരുടെ മകളാണ്.

സൗജന്യ നേത്ര പരിശോധന ക്യാമ്പ് - നീലീശ്വരം പാരിഷ് ഹാളിൽ വച്ച്

2026-04-17T19:09:00.000+05:30

സൗജന്യ നേത്ര പരിശോധന, തിമിര നിർണ്ണയ ക്യാമ്പ്

കാലടി: എറണാകുളം ജില്ലയിലെ സഞ്ചരിക്കുന്ന നേത്ര വിഭാഗം നയിക്കുന്ന സൗജന്യ നേത്ര പരിശോധന, തിമിര നിർണ്ണയ ക്യാമ്പ് മലയാറ്റൂർ നീലീശ്വരം ഗ്രാമപഞ്ചായത്തിന്റെയും മലയാറ്റൂർ കുടുംബാരോഗ്യ കേന്ദ്രത്തിന്റെയും ആഭിമുഖ്യത്തിൽ നടത്തുന്നു

ക്യാമ്പ് നടക്കുന്ന സ്ഥലവും രജിസ്‌ട്രേഷൻ കാര്യങ്ങളും

സ്ഥലം: നീലീശ്വരം പള്ളിയുടെ പാരിഷ് ഹാൾ
 തിയതി : 21/04/2026
 സമയം രാവിലെ 9. 30 am -1pm വരെ.
 രജിസ്ട്രേഷൻ രാവിലെ 9.00 - 12.30 വരെ

 ശ്രദ്ധിക്കേണ്ട കാര്യങ്ങൾ

തിമിര, പ്രമേഹ രോഗികൾക്കു കണ്ണിൽ മരുന്ന് ഒഴിച്ച് പരിശോധിക്കേണ്ടി വന്നാൽ കൂടെ ഒരു സഹായി ഉണ്ടായിരിക്കണം. 
പ്രമേഹ രോഗികൾ രക്ത പരിശോധന റിപ്പോർട്ട്‌ കയ്യിൽ കരുതണം.  

ക്യാമ്പിൽ നിന്ന് തിമിര ശസ്ത്രക്രിയ  നിർദേശിക്കുന്നവർക്കു എറണാകുളം ജനറൽ ആശുപത്രിയിൽ സൗജന്യമായി ചെയ്തു കൊടുക്കുന്നതാണ്.

നിരന്തര കുറ്റവാളിയായ മുടക്കുഴ സ്വദേശിയെ കാപ്പ ചുമത്തി ജയിലിലടച്ചു

2026-04-14T18:41:00.001+05:30

വേങ്ങൂർ: മുടക്കുഴ സ്വദേശിയായ ബിനു (39) വിനെയാണ് കാപ്പ ചുമത്തി വിയ്യൂർ സെൻട്രൽ ജയിലിൽ അടച്ചത്.

എറണാകുളം റൂറൽ ജില്ലാ പോലീസ് മേധാവിയുടെ റിപ്പോർട്ടിൻ്റെ അടിസ്ഥാനത്തിൽ ജില്ലാ കളക്ടർ ജി.പ്രിയങ്കയാണ്ഉത്തരവിട്ടത്.

കോടനാട് പോലീസ് സ്റ്റേഷൻ പരിധിയിൽ കൊലപാതകശ്രമം, കഠിന ദേഹോപദ്രവം, അതിക്രമിച്ച് കയറൽ, ഭീഷണിപ്പെടുത്തൽ, സ്ഫോടക വസ്തു നിയമ പ്രകാരമുള്ള കേസ് തുടങ്ങി നിരവധി കേസുകളിൽ ഉൾപ്പെട്ടിട്ടുണ്ട്.

കഴിഞ്ഞ ഫെബ്രുവരി 2 ന് രാത്രി 8 മണിയോടെ കോടനാട് മുടക്കുഴയിൽ വയോധികയുടെ വീട്ടിൽ അതിക്രമിച്ച് കയറി സ്ഫോടക വസ്തുവായ ഗുണ്ട് കത്തിച്ച് എറിഞ്ഞും, കമ്പിവടി എടുത്തു കൊണ്ട് ഭീഷണിപ്പെടുത്തിയതിനും കോടനാട് പോലീസ് രജിസ്റ്റർചെയ്ത കേസിൽ പ്രതിയായതിനെ തുടർന്നാണ് നടപടി.

കോടനാട് പോലീസ് ഇൻസ്പെക്ടർ എ.എസ് സരിൻ, അസിസ്റ്റൻ്റ് സബ്ബ് ഇൻസ്പെക്ടർ അനീഷ് കുര്യാക്കോസ്, സീനിയർ സിവിൽ പോലീസ് ഓഫീസർ പ്രവീൺ, സി പി ഒ മാരായ സി.കെ സജിൽ, സിനോജ് ഫ്രാൻസിസ് എന്നിവരാണ് അറസ്റ്റ് ചെയ്തത്.റൂറൽജില്ലയിൽ

ഈ വർഷം ഇതുവരെ ഒമ്പത് നിരന്തര കുറ്റവാളികളെ കാപ്പചുമത്തി ജയിലിലടച്ചു.