Manauwar Sultan Nadwi

مولانا نذرالحفیظ ندوی ازہری کی شخصیت متنوع خصوصیات کی حامل تھی

2021-05-31T02:45:00.002-07:00

مولانانذرالحفیظ ندوی ازہری کی وفات پرشفیع اردولائبریری یکہتہ میں تعزیتی نشست۔

مئ بروز اتوار بعدنمازمغرب شفیع اردو لائبریری یکہتہ میں ایک تعزیتی نشست کاانعقادکیاگیا،جس میں علاقہ کے سرکردہ علما، ائمہ اور اہم شخصیات نے بڑی تعداد میں شرکت کی۔ تعزیتی نشست کی صدارت مولانامنظورشمسی قاسمی اور نظامت اشتیاق احمد ندوی نےکی

علاقہ کے معروف عالم دین، مصنف ومحقق اور دار العلوم

ندوۃالعلماءکے نوجوان استاذ مفتی منورسلطان ندوی صاحب پروگرام سے خطاب کرتے ہوئے کہاکہ مولانا کی زندگی کے مختلف پہلو ہیں، وہ عالم ربانی تھے، صاحب قلم تھے، ممتاز صحافی تھے، فکر اسلامی اور ادب اسلامی کے ترجمان تھے، ندوہ اور مولانا علی میاں ندوی رحمہ اللہ کے افکار کے امین تھے، ندوہ العلماء میں مختلف ذمہ داریاں ان سے متعلق رہیں موصوف نام ونمودسے بے پروا ہوکرللہیت کے ساتھ دینی خدمات کی انجام دہی میں منہمک رہتے۔آپ کا کاچلے جاناہم تمام کے لیۓ خسارہ ہے آپ کے یوں اچانک چلے جانے سے یتیمی کا احساس ہو رہا ہے، انہوں نے اپنے تعلقات کا ذکر کرتے ہوئے مولانا مرحوم کی زندگی مخفی پہلوؤں کا ذکر کیا

اس موقع پر ڈاکٹر ڈاکٹرطارق انورندوی نے کہاکہ مولاناکی علمی شخصیت کااعتراف ان کی ایک کتاب مغربی میڈیا والی سے ہوتاہے جس میں انھوں نے یہودی کی سازش اور صحافت کی پول کھول دی ہے دینی علوم کے ساتھ عربی ادب میں بھی بڑی مہارت رکھتے تھے، جو لوگ ادبی تنقید سے واقف ہیں وہی جان سکتے ہیں کہ تنقید میں مہارت حاصل کرنا کتنا مشکل کام ہے۔مفتی اکرام ندوی نے کہاکہ مولانامرحوم اختلافی باتیں اوردوسروں کی ادنی سی بھی برائی سنناپسند نہیں کرتے تھے،آج ہماراحال یہ ہے کہ ہم اپنی کمی نہیں دیکھتے ،چھوٹی چھوٹی باتوں پرعلما کولعن طعن کرنے لگتے ہیں۔ مولاناشہاب الدین ندوی ازہری نے کہاکہ دھیرے دھیرے ہمارے درمیان سے صالح علما اٹھتے جارہے ہیں ،ایسے وقت میں ہمیں اپنے صالح معاشرہ کے وجود کے لیے یہ دعاء کرنی چاہیے کہ اللہ ہمیں ایک صالح عالم عطافرمادے، انہوں نے مولانا سے اپنے تعلقات کا ذکر کیا ۔

مولاناعبدالغفارندوی صاحب نے کہا کہ ہماری پہلی ملاقات جالنہ میں ہوئ آپ کوآپریشن کراناتھا تقوی کایہ عالم تھا کہ بیماری کی حالت میں بھی جماعت سے ہی نمازپڑھتے تھے، اس حال میں بھی ان کی تہجد کبھی قضا نہیں ہویی۔ مولاناامتیاز ندوی نے کہاکہ کوروناوائرس کی زدمیں جب سے ہماراملک آیاہے تب سے مسلسل ہمارے اکابرعلما ہمارے درمیان سے گزرتے جارہے ہیں۔ایسے دورمیں جوتھوڑے بہت علما رہ گئے ہیں ان کی سلامتی کے لیے دعا کریں اوراپنے ہرمعاملے کے حل کے لیے ان سے رجوع کریں ۔ مولانا کہاکہ عوام کی گمراہی کاسبب عوام کاعلما سے رابطہ کامنقطع ہوناہے۔اس لیے علما سے اپنارشتہ استوارکیجیے اوران کی باتوں پرعمل کرنے کامزاج بنائیے۔ آخیرمیں مولانامنظورشمسی قاسمی نے کہاکہ حضرت کے اندرانکساری اس طورپرموجود تھی کہ جب یکہتہ آۓ تھے توناچیزنے اپنے یہاں دعوت دی آپ نے خوشی خوشی قبول کیا،نظامت کرتے ہوۓ اشتیاق احمدندوی ازہری نے کہاکہ مولاناندوہ میں اپنے علاقہ سے منسلک طلبہ کی رہنمائی کرتے تھے خصوصایکہتہ واطراف منسلک طلبہ کرام کا۔آخیرمیں صدرمحترم کی دعاپر پروگرام کا اختتام ہوا۔اس موقع پرقاضی رضوان مظاہری،شہبازاحمد،صباعارف،ضیاءالرحمان، رضوان احمد(گلو)و دیگر اہل علم موجود تھے۔

حیات اللہ انصٓاری اوران کاافسانوی ادب سیمنیار ۔ایک تاثر

2018-09-19T07:45:00.002-07:00

میں بھی حاضرتھاوہاں۔۔۔
گذشتہ دنوں ایک ادبی مجلس میں شرکت کاموقع ملا،سیمینارکاعنوان تھا’حیات اللہ انصاری اوران کاافسانوی ادب‘اورمجلس کے منتظم تھے جناب اویس سنبھلی صاحب، ان دونوں میں اتنی کشش تھی کہ میں اپنی خودساختہ بلکہ مزعومہ مصروفیات کے باوجود وقت پرپروگرام ہال پہونچ گیا،ادیبوں کوپڑھنے کاموقع ضرورملاتھا،مگرادیبوں کودیکھنے اورسننے کایہ پہلاموقع تھا، شہ نشین پرقدرآورادیبوں کی موجودگی جہاں سیمینارکووقارواعتبارعطاکررہی تھی وہیں شرکاء کی کثرت سیمینارکی کامیابی کی گواہی تھی۔
سیمینارمیں جناب حیات اللہ انصاری صاحب کے فکروفن کے مختلف گوشوں پرنہ صرف روشنی ڈالی گئی بلکہ ان کے افسانوی ادب کی گویاقدروقیمت متعین کی گئی، میرے نزدیک حیات وخدمات کے گھسے پٹے اندازسے یہ اندازبدرجہابہترتھا،مہمانان خصوصی کے طورپرشریک متعددبلندپایہ ادیبوں اورنقادوں نے جہاں انصاری صاحب کے بے مثال کام اوران کی ادبی تحریروں کاتجزیہ کرکے قارئین کے علم میں اضافہ کیاوہیں مختلف یونیورسیٹیوں کے ریسرچ اسکالرس نے انصاری صاحب کے ایک ایک افسانہ کو موضوع بناکران کی کہانی کے پس منظروپیش منظرکاجس طرح تجزیہ کیاوہ اپنی نظرآپ تھا، خا ص طورپرانصاری صاحب کے ضخیم ناول’ لہوکے پھول‘اوران کے یادگاربلکہ لازوال افسانے’آخری کوشش‘،’ڈھائی سیرآٹا‘،’موزوں کاکارخانہ ‘ ، ’شکستہ کنگورے‘اوردیگر افسانوں کی فنی خوبیاں اس طرح سامنے آئیں کہ ان تحریروں کونہ پڑھنے کااحساس ندامت کی شکل اختیارکرنے لگا،ایک ادیب وافسانہ نگارکے ایک ایک افسانہ کاتجزیہ مجھے یہ سوچنے پرمجبورکرتارہاکہ کیاکسی بڑے سے بڑے مذہبی قلمکارکوکبھی یہ مقام حاصل ہوا کہ ان کے ایک ایک مضمون کوموضوع بناکراظہارکیاگیاہو،اوران کے دروبست پر گفتگوکی گئی ہو۔
اسی طرح یہ تصورذہن میں ایک سوالیہ نشان بناگیاکہ جس طرح کسی ادیب کے جملوں پر ادباء سردھنتے ہیں اسی طرح کاادب اگرمذہبی تحریروں میں جلوہ گرہوتواس تحریر کو ادب کیوں نہیں سمجھاجاتا،کیامندرمیں کھلنے والاگلاب اورہوتاہے اورمسجدمیں کھلنے والا گلاب اور!!

ووٹ کی طاقت

2018-09-19T07:41:00.003-07:00

ووٹ کی طاقت
منورسلطان ندوی
ایڈیٹر ماہنامہ صدائے مروہ،لکھنؤ
ہماراملک ایک جمہوری ملک ہے،جمہوری نظام حکومت میں رائے عامہ کوغیرمعمولی اہمیت حاصل ہوتی ہے،رائے عامہ کے ذریعہ پرامن انقلاب لایا جاسکتا ہے، اسی رائے عامہ سے حکومتیں بنتی بھی ہیں اورگرتی بھی ہیں،ملک کی پالیسی بنانے اورمنصوبہ سازی میں بھی رائے عامہ موثرہوتی ہے۔جمہورنظام حکومت کاایک اہم اوربنیادی عمل الیکشن ہے،الیکشن کے ذریعہ عوام کی رائے معلوم ہوتی ہے،اوررائے کی اکثریت کی بنیادپرہی حکومتوںکی تشکیل ہوتی ہے، اس طرح الیکشن کے ذریعہ ملک کے تمام باشندوں کوووٹ کاحق ملتاہے،ملک کے دستورمیں عوام کودیاگیایہ حق اپنے آپ میں بہت اہم ہے،اگرجمہوریت کے صحیح تصورات کی روشنی میں دیکھا جائے تواس کی معنویت بہت زیادہ ہے،ووٹ کے ذریعہ ہی عوام کی حکومت سازی میں شرکت ہوتی ہے،عوام جسے چاہتی ہے پانچ سالوں کے لئے ملک کی باگ ڈوراسے سونپ دیتی ہے،اس طرح ووٹ کاحق دستوری لحاظ سے اورقومی وملی مفادات کے تحفظ کے لحاظ سے بھی بڑی اہمیت کاحامل ہے۔
مسلمانوں کاعام مزاج یہ ہے کہ حکومتوں کے رویہ پرخوب تبصرے کرتے ہیں،اپنے حقوق کی پامالی پرآنسوبہاتے ہیں، لیکن جمہوری نظام میں اپنی بات منوانے،اپنے حقوق حاصل کرنے،اورحکومت کے غلط رویہ پراپنی ناپسندیدگی کے اظہار کے جوطریقے ہیں ان کونہیں اختیارکرتے،اس بارے میں مسلمانوں کی غفلت اپنی انتہاکوپہونچی ہوئی ہے،سیاسی شعورکی کمی کایہ حال ہے کہ آج بھی بہت سے مسلمان ووٹ کوکوئی خاص اہمیت نہیں دیتے،وہ سمجھتے ہیں کہ ان کاکام انتخاب کے دن ایک ووٹ ڈالناہے اوربس،حالانکہ ووٹ کے تئیں صحیح بیداری نہ ہونے اورووٹ کوضائع ہونے سے بچانے کی منصوبہ بندی کی کمی کی وجہ سے مسلمانوں کاووٹ عمومابے حیثیت بن جاتاہے،اورلاکھ چاہت کے باوجودان کی پسندکا امیدوار ہار جاتا ہے۔
اس غفلت کاایک مظہر یہ بھی ہے کہ الیکشن کمیشن کی طرف سے ووٹرلسٹ میں نئے ناموں کےاندراج کاعمل وقفہ وقفہ سے ہوتارہتاہے،ایسے مواقع پرمسلمانوں میں جوسنجیدگی نظرآنی چاہیے وہ نظرنہیں آتی،دوسری قوم کے افرادایسے مواقع سے پورافائدہ اٹھاتے ہیں،وہ ہمیشہ بیداررہتے ہیں،جس کافائدہ انہیں ہرموقع پرملتاہے،لیکن مسلمان اکثربے توجہی برتتے ہیں اوراس ذراسی غفلت سے بڑے نقصانات کودعوت دیتے ہیں۔
ابھی یکم ستمبرسے الیکشن کمیشن کی طرف سے نئے ناموں کے اندراج کاعمل شروع ہواہے،اس موقع سے بھرپورفائدہ اٹھانے کی ضرورت ہے،اٹھارہ سال کی عمرکے وہ تمام افراد جن کا نام شامل نہیں ہے ان کانام ووٹرلسٹ میں شامل کرنا،اسی طرح جن کا نام غلط درج ہے اس کی تصحیح کراناضروری ہے،اس کے لئے محلہ کی سطح پرنوجوانوں اورسماجی کارکنوں کومتحرک ہونا چاہیے، اوربلاتفریق ملت اس بارے میں عوامی بیداری پیداکرناچاہیے۔
کیاہی بہترہوتاکہ مساجدکے ائمہ بھی اس بیداری مہم میں شامل ہوں اورجمعہ کے خطبات کے ذریعہ مسلمانوں کوووٹرلسٹ میں اپنانام درج کرانے اورنام درج نہ ہونے کے نقصانات سے آگاہ کریں،ووٹرلسٹ میں ناموں کااندراج اب صرف ووٹ کاہی مسئلہ نہیں بلکہ نام درج نہ ہونے پرشہریت مشکوک ہونے کابھی مسئلہ ہے،آسام کی مثال ہمارے سامنے ہے ، اس لئے اس معاملہ میں ذراسی بے توجہی ’لمحوںنے خطاکی تھی صدیوں نے سزاپائی ‘کے مصداق بن سکتی ہے۔
مسلم تنظیموں اورسماجی اداروں کوبھی اس موقعہ پرمہم چلاناچاہیے،اورلوگوں کوترغیب دینا چاہیے،نیزاندارج کے عمل میں ان کاتعاون کرناچاہیے،ناموں کے اندراج کے لئے سرکاری عملہ متعین ہے،ان سے مل کراپناکام کراناہماری ذمہ داری ہے،اورنام اندراج ہوایا نہیں،اس کی معلومات کرتے رہناضروری ہے،یہ ایک قومی وملی ذمہ داری بھی ہے،اوردین کا تقاضہ بھی ، امارت شرعیہ بہارنے اس موقعہ پرجنگی پیمانہ پرپورے صوبہ میں کام شروع کیا ہے، دوسرے صوبوں کی مسلم تنظیموں کو ان سے سبق لیناچاہئے،اوران کے نقش قدم پرآگے بڑھناچاہئے،کیاہماری ملی تنظیمیں اس نوشتہ دیوارکوپڑھنے کے لئے تیارہیں!!��

اسوہ ابراہیمی کاپیغام : دورحاضرکے مسلمانوں کے نام

2018-08-21T00:47:00.004-07:00

اسوہ ابراہیمی کاپیغام
دورحاضرکے مسلمانوں کے نام

منورسلطان ندوی
(ایڈیٹر ماہنامہ صدائے مروہ ،لکھنؤ)
حضرت ابراہیم علیہ السلام ایک جلیل القدررسو ل تھے،انبیاء اوررسولوں کی فہرست میں انہیں بڑاامتیازی مقام حاصل ہے،وہ خلیل اللہ یعنی اللہ کے دوست کے لقب سے ملقب ہیں،اس سے بڑاشرف اورمقام اور کیاہوسکتاہے،قربانی انہی کاایک یادگارعمل ہے،جسے اللہ تعالی نے اس طرح قبول فرمایاکہ ہمیشہ کے لئے اسے شعاراسلام بنادیا، انہیں یہ مرتبہ بھی حاصل ہے کہ حضرت محمد ﷺ کی زندگی کی طرح ان کی زندگی بھی اسوہ اورنمونہ قراردیاگیا ہے : قدکانت لکم اسوۃ حسنۃ فی ابراہیم (سورہ ممتحنہ:۴)اوریہ شرف بھی انہیں کوحاصل ہے کہ آخری پیغمبرحضرت محمد ﷺ کوان کی اتباع کاحکم فرمایاگیا:ثم اوحیناالیک ان اتبع ملۃ ابراہیم حنیفا (سورہ نحل :۱۲۳)
عیدالاضحی کے موقعہ پرحضرت ابراہیم کی ایک سنت کواداکرتے وقت ان کے دیگر اوصاف و اعمال کوبھی ذہن نشیں کرناچاہیے جن کے نتیجہ میں حضرت ابراہیم علیہ السلام اس مرتبہ بلندسے سرفرازہوئے، آپ کے کمالات کی بنیادیں یہی اوصاف ہیں اوریہی اسوہ ابراہیمی کاسبق ہے آج کے مسلمانوںکے لئے۔
اللہ تعالی نے قرآن کریم میں باربارحضرت ابراہیم کاذکر کیاہے اوربڑی تفصیل سے کیاہے،ان کے اوصاف میں سب سے نمایاں صفت توحیدپرمضبوطی سے جمنااورشرک سے بیزاری ہے،خداکی وحدانیت پرآخری درجہ کایقین ،اوراس کی ذات وحدہ لاشریک پراعتماد کامل اسوہ ابراہیمی کاپہلاسبق ہے،سورہ نحل میں ہے:ان ابراہیم کان امۃ قانتا للہ حنیفا ولم یکن من المشرکین شاکرالانعمہ اجتباہ وہداہ الی صراط مستقیم وآتیناہ فی الدنیاحسنۃ وانہ فی الآخرۃ لمن الصالحین۔(سورہ نحل:۱۲۰۔۱۲۲)
ترجمہ:بے شک ابراہیم بڑے پیشوا،اللہ کے فرمانبرداراوراس کی کی طرف یکسو تھے،اوروہ مشرکین میں سے نہیں تھے،وہ اللہ کی نعمتوں کاشکراداکرنے والے تھے،اللہ نے ان کوچن لیا تھا ،اورانہیں سیدھے راستہ پرڈال دیاتھا،ہم نے اس کودنیامیں بھی بہتری عطاکی اوروہ آخرت میں بھی نیک لوگوں میں شمارہوں گے۔
اس آیت کریمہ میں نوصفات بیان ہوئی ہیں،جن میں یہی دونوںصفات نمایاں ہیں: توحیداورشرک سے دوری،’قانتاللہ‘ اور’حنیفا‘کے بعد’لم یکن من المشرکین‘ کا اضافہ اسی تاکید کا اظہارہے،سورہ آل عمران میں یہ صفت ان اندازمیں ذکرکی گئی ہے:وماکان ابراہیم یہودیا ولا نصرانیاولکن کان حنیفامسلماوماکان من المشرکین۔(سورہ آل عمران:۶۷)
حضرت ابراہیم کی دوسری نمایاں صفت احکام خداوندی کی مکمل اطاعت ہے، ’قانتاللہ‘ کامطلب ہے اللہ تعالی کے فرمانبردار،ہمیشہ اللہ کی اطاعت کرنے والے اوراس کے ہرحکم کے سامنے اپناسرجھکادینے والے،حضرت ابراہیم کی زندگی میں پیش آنے والے تمام واقعات پرغورکریں تویہ صفت بہت نمایاں نظرآتی ہے،سخت ترین آزمائش کے موقعہ پربھی لمحہ بھرکے لئے انہوں نے توقف نہیں کیا،مصلحت اورحکمت کاخیال تک نہیں آیا،اورنہ کسی توجیہ کی طرف ان کاذہن گیا،بلکہ حکم ملتے ہی سرتسلیم خم کردیا،گویاحکم آنے کی دیرتھی،جیسے ہی حکم ملا ، اطاعت میں سرجھکادیا،فوراحکم کی تعمیل کی،کبھی دل میں یہ خیال نہیں آیاکہ آگے کیاہوگا،دراصل اللہ تعالی کواپنی ذات کے بارے میں ایساہی یقین واعتماداورجذبہ اطاعت مطلوب ہے،اسی لئے اللہ تعالی نے حضرت ابراہیم علیہ السلام کی اس صفت کی باربارتعریف فرمائی ہے، سورہ بقرہ میں ہے:واذ ابتلی ابراہیم ربہ بکلمات فأتمہن(سورہ بقرہ:۱۲۴)جب ابراہیم کااس کے رب نے چندباتوں میں امتحان لیاتووہ اسے بجالائے،اورسورہ نجم میں ہے:وابراہیم الذی وفی(سورہ نجم:۳۷)اورابراہیم جوپوری طرح اللہ کے احکام بجالائے۔
حضرت ابراہیم کی ایک صفت حلیم بیان کی گئی ہے،سورہ توبہ میں ہے:ان ابراہیم لاواہ حلیم(توبہ:۴۱۱)اورسوہ ہودمیں ہے:ان ابراہیم لحلیم اواہ منیب(سور ہ ہود: ۵۷) ’اواہ‘کے معنی دعامیں تضرع اختیارکرنا،خداکے حضوررونااورگڑگڑانا،’حلیم‘کامطلب غصہ دلانے والی باتوں کوضبط کرنا،غصہ میں نہ آنا،مشتعل نہ ہونا، اور’منیب‘کے معنی ہیں اللہ کی جانب تیزی سے لپکنا،اس کی طرف رجوع اورغیراللہ سے اعراض ،اللہ تعالی نے اولوالعزم رسولوں کی طرح صبرکرنے کاحکم فرمایاہے:فاصبرکماصبراولوالعزم من الرسل(سورہ احقاف: ۳۵)اوربلاشبہ حضرت ابراہیم اللہ اولوالعزم رسولوں میں سے تھے،اس اسوہ ابراہیمی سے حلم وبردباری، صبروضبط اوراشتعال انگیزی سے حتی الامکان بچنے کاسبق ملتاہے۔
اسوہ ابراہیمی کی ایک نمایاں صفت شرک اورمشرکین سے براء ت کااعلان ہے، ہر طرح کے شرک سے دوری،اوربارباراس کااعلان حضرت ابراہیم کی نمایاں صفت ہے، شرک سے دوری کے بغیرتوحیدخالص نہیں ہوسکتی ،کہ شرک توحیدکی ضدہے،لہذااللہ پرآخری درجہ کا یقین اسی وقت ہوگاجب غیراللہ سے مکمل اعراض ہو۔
سورہ ممتحنہ میں ہے:قدکانت لکم اسوۃ حسنۃ فی ابراہیم والذین معہ اذ قالوا لقومہم انا براء منکم ومماتعبدون من دون اللہ کفرنابکم وبدابینناوبینکم العداوۃ والبغضاء ابداحتی تومنواباللہ وحدہ۔(سورہ ممتحنہ :۴)
ترجمہ:تمہارے لئے ابراہیم اوران کے رفقاء کی زندگی میں بہترین نمونہ ہے،جب انہوںنے اپنی قوم سے کہاہم تم سے اوراللہ کے سواتم جن کی پوجاکرتے ہو،ان سب سے بیزار ہیں،ہم تمہارے معبودوں کاانکارکرتے ہیں اورہمارے اورتمہارے درمیان ہمیشہ کے لئے دشمنی اورنفرت ہوگئی ہے یہاں تک کہ تم ایک اللہ پرایمان لے لائو۔
اس آیت کریمہ سے توحیدوشرک کے معاملہ میں کسی طرح کی رواداری نہ برتنے کا سبق ملتاہے،حضرت ابراہیم نے شرک کے معاملہ میںادنی درجہ لچک کوبھی گوارہ نہیں کیا ،بلکہ علی الاعلان اس سے بری ہونے کااعلان فرمادیا۔
حضرت ابراہیم کی ایک صفت شکرگزاری ہے،شاکرالانعمہ(سورہ نحل:۱۲۰ ۔۱۲۲) اللہ تعالی نے جن نعمتوں سے نوازاہے ان کاشکراداکرناواجب ہے،شکرتوحیدکے ثمرات میں سے ہے،جب ایک ذات واحدکایقین ہوگاتواس کی دی ہوئی نعمتوں اوراحسانات کاذکرزبان پرآئے گا،شکرمیں نعمتوں کااستحضاربھی ہوتاہے،لہذاجس طرح اللہ کی ظاہری نعمتوں کااستحضار ضروری ہے اسی طرح معنوی نعمتوں کی تلاش بھی ضروری ہے،معنوی نعمتوں میں ملک میں امن وامان کاقیام،اوردعوت کیلئے ماحول کاسازگارہونابھی شامل ہے،ایسی نعمتوں کی شکرگزاری کا بہتر طریقہ اس پرعمل کرناہے۔
حضرت ابراہیم کی ایک صفت جودوسخااورمہمان نوازی بھی ہے،سورہ ذاریات میں ہے:ہل اتاک حدیث ضیف ابراہیم المکرمین ۔(سورہ الذاریات:۲۴)اسی سورہ میں آگے مذکورہے :فراغ الی اہلہ فجاء بعجل سمین (سورہ ذاریات:۲۶)
پھروہ اپنے گھروالوں کی طرف گئے اورایک موٹاتازہ بھناہوابچھڑالے آئے۔
اورسوہ ہودمیںہے:ولقدجاء ت رسلنا ابراہیم بالبشری قالوا سلاما قال سلام فما لبث ان جاء بعجل حنیذ(سورہ ہود:۶۹)
اورابراہیم کے پا س ہمارے بھیجے ہوئے فرشتے خوشخبری لے کرآئے، فرشتوں نے سلام کیا اورابراہیم نے سلام کاجواب دیا،پھرکچھ دیرنہ لگی کہ ابراہیم ایک تلاہوابچھڑالے کر آگئے۔
اسوہ ابراہیمی کاایک سبق سچ اورراست بازی کواختیارکرناہے،سورہ مریم میں ہے: واذکرفی الکتاب ابراہیم انہ کان صدیقانبیا۔(سورہ مریم :۴۱)اورکتاب میں ابراہیم کابھی ذکرکیجئے وہ ایک سچے انسان اورنبی تھے۔صدیق سب سے زیادہ سچ بولنے والے اور ہمیشہ سچ بولنے والے کوکہتے ہیں، راست بازی اسلامی اخلاق کابنیادی حصہ ہے۔
یہ صفات اکثر نبییوں میں پائی جاتی ہیں،لیکن حضرت ابراہیم علیہ السلام کی زندگی میںیہ صفات زیادہ نمایاں ہیں،اسوہ ابراہیمی کایہی پیغام ہے کہ ان صفات کوہرمومن اپنی زندگی کالازمی جزء بنائے،اوران صفات کی روشنی میں اپنے افکاراوراعمال کاجائزہ لے،محاسبہ کرے،کہ یہ اعمال ان کی زندگی میں کس قدرموجودہیں،آج کے اس پرآشوب دور میں اسوہ ابراہیمی کی معنویت زیادہ بڑھ گئی ہے،یہ اوصاف واعمال مسلمانوں کی عملی زندگی میں شامل ہوجائیں توحضرت ابراہیم علیہ السلام کی طرح آج کے مسلمان بھی سرفرازی کے مستحق ہوں گے،آج ضرورت ہے اس براہیمی نظرکوپیداکرنے اوراسے عام کرنے کی،جومشکل سے پیدا ہوتی ہے،مگرجب کسی کے اندرپیداہوجاتی ہے تووہ امامت کامستحق قرارپاتاہے۔��
(بشکریہ ماہنامہ صدائے مروہ ،اگست 2018)

شریعت پرعمل: مسلمانوں کے تمام مسائل کاواحدحل

2018-02-06T22:29:00.000-08:00

شریعت پرعمل: مسلمانوں کے تمام مسائل کاواحدحل

منورسلطان ندوی

ایڈیٹرماہنامہ صدائے مروہ ،لکھنؤ

اس وقت ننانوے فیصدمسلمان(خواہ وہ ایک مجلس کی تین طلاق کوتین مانتے ہوں یاایک مانتے ہوں)تین طلاق کے تئیں حکومت کے رویے سے بے حد فکرمندہیں،اورتین طلاق سے متعلق بل کوشریعت میں مداخلت سمجھتے ہیں،طلاق بل کی دفعات سے صاف ظاہرہے کہ تین طلاق صرف عنوان ہے،ورنہ اصل مقصدطلاق کوختم کرناہے،اس بارے میںحکومت کی نیت پوری طرح آشکارہ ہوچکی ہے،اس تناظرمیںمسلمانوں کی فکرمندی دین سے تعلق کی غماز اور ایمان کی علامت ہے۔

اس میں کوئی شک نہیں ہے کہ اس قانون میں ترمیم کرانے کی ہرممکن کوشش کرناہرباشعورمسلمان پرفرض ہے،اوراس وقت ملت اسلامیہ ہندیہ کاسب سے معتبراورباوقارادارہ آل انڈیامسلم پرسنل لابورڈاس فرض کی ادائیگی کے لئے پوری طرح کوشاں ہے،اورہرممکن جدوجہدجاری ہے،ملک کے تمام باشعور مسلمانوں کی ذمہ داری ہے کہ مسلم پرسنل لابورڈکی ہرآوازپرلبیک کہیں،ان کی ہدایات پرعمل کویقینی بنائیں،اوراخلاقی ومادی ہرطرح سے بورڈکاتعاون کریں ،بورڈکاایک تعاون یہ بھی ہے کہ ہم بورڈپراعتبارکریں،اوراپنے بزرگوں کی ملی بصیرت اوران کی دوراندیشی کوقدرکی نگاہ سے دیکھیں، اورغیروں کی جانب سے پھیلائی جانے والی چھوٹی چھوٹی باتوں سے دلوں میں بدگمانی کوجگہ نہ دیں۔

ملک کی تاریخ بتاتی ہے کہ شریعت میںمداخلت کی کوشش کایہ کوئی پہلاواقعہ نہیں ہے،اس سے پہلے بھی اس طرح کی کوششیں ہوتی رہی ہیں،ذراغورکریں کہ شریعت میں مداخلت کاموقع کون دیتاہے،اگرمسلمان شریعت پرپوری طرح عمل کریں،اوراپنی زندگی شریعت کے مطابق گزاریں توکسی کوشریعت پرانگلی اٹھانے کاموقع تک نہیں ملے گا،لیکن مسلمانوں کی عملی کوتاہی جہاں حکومت کومداخلت کاموقع دیتی ہے وہیں شریعت کی بدنامی کاذریعہ بھی ثابت ہوتی ہے، حضرت عبداللہ بن عباس ؒ کامقولہ ہے کہ جب بھی مسلمان کسی بدعت کواپناتے ہیں توان سے کوئی نہ کوئی سنت چھوٹ جاتی ہے۔

اس لئے مداخلت کوروکنے کی قانونی اوردیگرکوششوں کے ساتھ یہ سمجھنابھی ضروری ہے کہ ان مسائل کی جڑکیاہے،بنیادکیاہے،اورجب تک جڑاوربنیادپرتوجہ نہیں دیجائے گی،توشاخوں پرپانی ڈالنابے سودہوگا،مسلم معاشرہ میں طلاق کی کثرت اورطلاق دینے کے سلسلہ میںواضح قرآنی ہدایات کی مسلسل نافرمانی نے یہ دن دکھائے ہیں،اس لئے باشعورطبقہ کی ذمہ داری ہے کہ ایسی تدبیریں اختیارکریں کہ معاشرہ میں طلاق کی نوبت نہ آئے یاکم سے کم آئے،اورجب کہیںطلاق کی ضرورت ہے توشرعی ہدایات کے مطابق طلاق کااستعمال کیاجائے،اس سلسلہ میں مسلم معاشرہ میں بڑی بیداری لانے کی ضرورت ہے۔

اگرشرعی طریقہ پرشوہربیوی کے درمیان علاحدگی ہواکرے توطلاق کے بعدعورت بے یارومددگار نہیں ہوگی، شریعت نے نکاح کے وقت مہرکولازم قراردیاہے،جوعورت کاذاتی ملکیت ہوتی ہے،اورمہرباقی رہنے کی صورت میں طلاق کے بعداس کی ادائیگی لازم ہے،مزیدبرآں علاحدگی کی صورت میںمتعہ کابھی حکم ہے،مہرکی مقدارتومتعین ہوتی ہے،مگرمتعہ کی مقدارحسب حیثیت ہوسکتی ہے۔

اگرخدانخواستہ کسی عورت کوطلاق ہوتی ہے،توطلاق کے بعدخاندان میں اس کی کوئی حیثیت نہیں ہوتی،حالانکہ اب بھی وہ کسی کی لڑکی ہوگی،کسی کی بہن ہوگی،اوربحیثیت لڑکی یابحیثیت بہن اس کے شرعی حقوق ہیں،اس تناظرمیں اگر طلاق کے بعدخاندان میں بیٹی کووہی حیثیت دی جائے تونکاح سے پہلے تھی،اوروالدین اوران کی عدم موجودگی میں بھائی اورچچاوغیرہ اس لڑکی کی کفالت کویقینی بنائیں تومعاشرہ کی صورت بہت کچھ بہترہو سکتی ہے۔

ضرورت اس بات کی ہے کہ معاشرہ کواندرونی طورپرمضبوط کیاجائے،جب معاشرہ اسلامی بنیادوں پرقائم ہوگاتوبیرونی حملے اس پراثراندازنہیں ہوں گے،لیکن اگرمعاشرہ اندرسے ہی کمزورہوتوبیرونی کیا،خودداخلی مسائل کوبھی سنبھالنامشکل ہوجائے گا۔

مسلم معاشرہ کاایک بہت مختصرطبقہ روشن خیال اورآزادخیال افرادکاہے،یہ افرادگرچہ گنتی کے چندہیں،مگران کے ہاتھوں میں قلم کی طاقت اورزبان واسلوب کی سحرآفرینی ہے،اس لئے معاشرہ کے دیگر مسائل پرتوجہ کے ساتھ ایسے نام نہادروشن خیال دانشوروں کوعلمی طورپرمطمئن کرنابھی ضروری ہے،اس سمت میں بھی سنجیدہ علمی اورفکری کوشش ہونی چاہیے۔

DNAٹسٹ کی بنیاد پر ولد الزنا کے نسب کا ثبوت

2017-12-15T23:43:00.002-08:00

DNAٹسٹ کی بنیاد پر ولد الزنا کے نسب کا ثبوت

زنا نہایت قبیح عمل ہے ‘ جسے اللہ تعالیٰ نے حرام قرار دیا ہے۔ او راس تک پہونچانے والے تمام راستوں کو بند کیا ہے ‘ اس کے بعد بھی اگر کوئی اس جرم کا ارتکاب کرتا ہے تواس کے لئے شریعت نے سزا متعین کی ہے جو شادی شدہ مرد و عورت کے لئے رجم(پتھر مار کر ہلاک کرنا) اور غیر شادی شدہ لوگوںکیلئے سو کوڑا ہے‘ زنا سے متعلق یہ مسئلہ مشہور ہے کہ ا س عمل کے نتیجہ میں ہونے والا بچہ ناجائژ او رغیر ثابت النسب کہلاتا ہے‘ یعنی اس کا نسب زانی سے نہیں جوڑے جاتا‘ بلکہ اس کو ماں کی طرف منسوب کیا جاتا ہے ‘ وہ ماں کی میراث کا حقدار ہوتا ہے ‘ اسی طرح ماں او ردیگر قریبی رشتہ دار اس بچہ کے میراث سے حصہ پاتے ہیں ۔گزشتہ دنوں مصر میں زنا کا ایک واقعہ پیش آیا‘ جسے میڈیا نے خوب اچھالا تھا‘ اس موقعہ پر بعض علماء کی طرف سے یہ رائے سامنے آئی کہ جدید تحقیق D.N.A ٹسٹ کے ذریعہ یہ معلوم کیا جاسکتا ہے کہ زنا سے پیدا ہونے والا بچہ کس کے نطفہ سے ہے یعنی اس کا اصل باپ کی تعین ہوگئی تو پھر اس بچہ کو باپ کی طرف منسوب کیا جانا چاہیے‘ اس طرح مصر کے چودہ ہزار غیر ثابت النسب بچوں کا مسئلہ حل ہوجائے گا… ذیل کی سطروں میں یہ جائزہ لیا گیا ہے کہ سائنسی تحقیق سے فائدہ اٹھاتے ہوئے کیا D.N.A ٹسٹ کی بنیاد پر ناجائز بچہ کا نسب باپ سے جوڑنا درست ہوگا‘ نیز اس سلسلہ میں جمہور علماء کی رائے کیا ہے او رمعاشرہ و سماج پر اس کے کیا اثرات مرتب ہوں گے؟

D.N.A ٹسٹ کی بنیاد پر ولدالزنا کا نسب باپ سے جوڑا جائے گا یا نہیں؟ اس سلسلہ میں علماء کی دو رائیں ہیں‘ متقدمین و متأخرین ‘ جمہور علماء کی رائے یہ ہے کہ ولد الزنا کا نسب کسی بھی صورت میں باپ سے نہیں جوڑا جائے گا ‘ جب کہ بعض معاصر فقہا کی رائے یہ ہے کہ جوڑا جائے گا‘ ان حضرات کی دلیل یہ ہے کہ علامہ ابن تیمیہ ‘ حافظ ابن قیم اور سلف کے بعض علماء کی رائے یہی ہے ‘ پھر اس میں بچہ کو زندگی بھر کے عذاب سے بچانا ہے ‘ گویا ان حضرات نے بچہ اور معاشرہ کی مصلحت کے پیش نظر جمہور علماء کے خلاف اس رائے کو اختیار کیا ہے۔

فقہاء کے درمیان اختلاف کی بنیاد :فقہاء کے درمیان اس مسئلہ میں اختلاف کی بنیاد یہ ہے کہ مذکورہ مسئلہ کی علت کیا ہے؟ کیا ولد الزنا کو اس کے باپ کی طرف منسوب نہ کرنے کی علت صرف یہ ہے کہ زنا میں یقینی طور پر معلوم نہیں ہوتا کہ یہ بچہ کس کے نطفہ ِے پیدا ہوا ہے ‘ کیونکہ یہ ممکن ہے کہ اس عورت سے اور بھی کسی نے یا کئی افراد نے یہ عمل کیا ہو‘ ایسی شکل میں کسی ایک کی طرف بچہ کومنسوب کرنے میں یہ امکان باقی رہے گا کہ وہ بچہ دوسرے مرد کا ہو‘ اس طرح بچہ کو باپ کے علاوہ دوسرے کی طرف منسوب کرنا لازم آئے گا‘ جب کہ ایسا کرنا حرام ہے (المبسوط ‘ ۱۷/۱۵۵)

اب جدید سائنسی تحقیق D.N.A ٹسٹ کے ذریعہ یقینی طور پر معلوم کیا جاسکتاہے کہ یہ بچہ کس کے نطفہ سے ہے‘ لہذا جب قطعی طور پر علم ہوگیا کہ بچہ کس کا ہے تو پھر اس بچہ کو اس کے باپ کی طرف منسوب کیا جانا چاہیے۔

فقہاء کی تحریروں سے معلوم ہوتا ہے کہ اوپر جو علت بیان کی گئی وہ اس مسئلہ کی اصل علت نہیں ہے‘ بلکہ ولد الزنا کو باپ کی طرف منسوب نہ کرنے کی اصل علت زنا کی قباحت او رشناعت ظاہر کرنا ہے ‘ تاکہ جائز اور ناجائز نطفہ کے درمیان فرق باقی رہے ‘ امام جصاص رازی لکھتے ہیں:

زنا کے قبیح ہونے کی عقلی دلیل یہ ہے کہ اس کے بچہ کا نسب باپ سے نہیں جوڑا جائے گا۔ کیونکہ زانیوں میں نسب جوڑنے کی حیثیت سے ایک دوسرے سے بڑا نہیں ہوتا‘ اسی طرح نسب جوڑنے کی صورت میں اصل رشتوں کو ختم کرنا اور رشتہ کی بنیاد پر میراث ‘ نکاح او رصلہ رحمی کے تعلق سے جو حقوق و احکام متعلق ہوتے ہیں ان کو روکنا ہے اور بیٹے پر باپ کے جوحقوق ہیں ان کو پامال کرنا ہے ‘ اسی طرح بہت سے حقوق زنا کے نتیجہ پامال ہوتے ہیں ‘ یہ چیزیں عقلی طور پر قبیح اورعرف و عادت کے لحاظ سے عجیب ہیں‘ اسیلئے رسول اللہ ﷺ کا ارشاد ہے : ’’الولد للفراش وللعاھر الحجر‘‘

بچہ شوہر کا ہوگا اور زانی کو پتھر ملے گا‘ کیونکہ اگر نسب کو رشتہ ازدواج او رجواس کے حکم میں ہے اسی تک محدود نہ کیا جائے تو زانی کے مقابلہ میں شوہر نسب کے زیادہ حقدا رکیسا ہوگا‘ اور یہ چیز نسب کو باطل کرنے اور اس سے متعلق حقوق و حرمات کو ساقط کرنے کا سبب بنے گی (احکام القرآن ‘ ۳/۲۹۵)

اور امام سرخسی اپنی کتاب المبسوط میں لکھتے ہیں کہ نسب ایک نعمت ہے جب کہ زنا جرم ہے‘ او رمجرم نعمت کا مستحق نہیں ہوتا بلکہ وہ سزا کا حقدار ہوگا تاکہ آئندہ وہ اس فعل سے رکے (المبسوط ‘ ۱۷/۱۵۵)

ابن قیم اور ابن تیمیہ کی رائے پر غلط تطبیق :معاصر فقہاء نے اس مسئلہ میں ابن قیم ‘ ابن تیمیہ‘ اسحاق بن راہویہ ‘ عروہ ‘ سلمان بن یسار‘ حسن اور ابن سیرین جیسے فقہاء کی رائے پراعتماد کیا ہے‘ حالانکہ یہ سب حضرات جمہور علماء کی طرح یہی رائے رکھتے ہیں کہ ولد الزنا کو باپ کی طرف منسوب نہیں کیا جائے گا‘ بلکہ اس کانسب ماں سے جوڑا جائے گا ‘ وہ اپنے باپ کا وارث نہیں ہوگا بلکہ ماں کے میراث سے حصہ پائے گا۔ امام نوویؒ نے اس مسئلہ میں فقہا کا اجماع نقل کیا ہے ‘ وہ لکھتے ہیں: جب کسی نے عورت کے ساتھ زنا کیا اور اس عمل کے نتیجہ میں بچہ پیدا ہوا جوممکن ہے اسی کا ہو… اس مسئلہ میں علماء کا کوئی اختلاف نہیں ہے کہ اس کا نسب زانی سے ثابت نہیں ہوگا اور وہ دونوں ایک دوسرے کے وارث نہیں ہوں گے ‘ حضور ﷺ کے ارشاد وللعاھر الحجر کا مطلب یہ ہے کہ زانی کوناکامی و نامرادی اور رسوائی کے سوا کچھ نہیں ملے گا۔(المجموع شرح المہذب‘ ۱۸/۳۷۲)ً

علامہ ابن رشد نے بھی اس سلسلہ میں علماء کا اتفاق نقل کیا ہے ‘ (ہدایۃ المجتہد‘ ۲/۳۵۸) علامہ ابن عبدالبر نے اس مسئلہ میں جمہور کے خلاف دوسری رائے کو جہالت اور غفلت پر مبنی بتاتے ہوئے لکھا ہے کہ زانی سے متعلق اہل علم کے درمیان کوئی اختلاف نہیں ہے کہ بچہ میں اس کا کوئی حصہ نہیں ہوگا‘ خواہ وہ اس کا دعویٰ کرے یا نہ کرے ‘ بلکہ بچہ

اس عورت کے شو ہرکا ہوگا‘ او راس پر بھی تمام علماء کا اتفاق ہے کہ اس بچہ کو زانی کی طرف نہیں‘ منسوب کیا جائے گا ‘ خواہ وہ اس کا دعویٰ کرے یا اس سے انکار کرے ‘ فقہاء کہتے ہیں کہ حضور کا ارشاد للعاھر الحجر کا معنی ایسا ہی ہے جیسے کوئی کہے کہ تمہارے منہ میں خاک ! یعنی تمہارے لئے کچھ نہیں‘ یہاں پتھر سے مراد رجم نہیں ہے بلکہ اس کے ذریعہ زانی سے لڑکے کی نفی کرنا مقصود ہے‘ اور اس لفظ میں اس کی وسعت موجود ہے‘ (التمہید لابن عبدالبر‘ ۸/۱۸۵)

صرف ابن قیم اور ابن تیمیہ نے اس اتفاقی مسئلہ سے ایک صورت مستثنیٰ کیا ہے کہ اگر زانی بچہ کو اپنی طرف منسوب کرنا چاہے او رزانیہ کسی کی زوجیت میں نہ ہو خواہ اس نے ابھی شادی نہ کی ہو ‘ یا مطلقہ یا بیوہ ہو ‘ تو ایسی شکل میں اس بچہ کو باپ کی طرف منسوب کیا جائے گا‘ جب کہ حسن اور ابن سیرین کی رائے یہ ہے کہ زانی پر حد جاری کرنے کے بعد بچہ کو اس کی طرف منسوب کیاجاسکتا ہے۔ (المغنی لابن قدامہ‘ ۶/۲۲۷)

اس مسئلہ سے متعلق ابن تیمیہ کے مجموعہ فتاویٰ ’’الفتاویٰ الکبریٰ‘‘ میں خود ان کے متعدد فتاویٰ موجود ہیں‘ جن کے مطالعہ سے اندازہ ہوتا ہے کہ انہوں نے مذکورہ صورت میں بچہ کو باپ کی طرف منسوب کرنے پر زور دیا ہے ‘ اس سلسلہ میں ابن تیمیہ کی رائے دلیل کے اعتبار سے کمزور ہے اور متعارض بھی ‘ پھر بھی اگر ان کی دلیل مان لی جائے تب بھی مذکورہ مسئلہ میں D.N.A ٹسٹ کی بنیاد پر ولد الزنا کو باپ کی طرف منسوب کرنا درست نہیں ہوگا‘ کیونکہ ان کی رائے دلیل کے ضعف کے ساتھ قیاس کے بھی خلاف ہے اور مصلحت عامہ سے بھی میل نہیں کھاتی۔

ابن قیم کا قیاس:ابن قیم نے اپنی اس رائے پر قیاس کے ذریعہ استدلال کیا ہے‘ وہ کہتے ہیں کہ صحیح قیاس کا تقاضہ یہی ہے ‘ کیونکہ اس بچہ کا باپ زانیوں میں ایک ہے ‘ جب بچہ کو ماں کی طرف منسوب کیا جاتا ہے‘ ماں بچہ کا وارث بنتی ہے‘ اور بچہ ماں کا ‘ اسی طرح اس بچہ کا رشتہ ماں کے رشتہ داروں سے بھی جوڑے جاتاہے‘ حالانکہ اس عورت نے مرد سے مل کر زنا کا ارتکاب کیا ہے‘ اور بچہ دونوں کے نطفہ سے پیدا ہوا ہے ‘ دونوں اس عمل میں شریک ہیں او ریہ متفق علیہ بات ہے کہ بچہ دونوں کا ہے ‘ اب ایسی صورت میں اگر اس بچہ کا دعویدار کوئی دوسرا نہیں ہے تو پھر اس کو باپ کی طرف منسوب کرنے میں کیا حرج ہے‘ لہذا قیاس کا تقاضہ تو یہی ہے (زاد المعاد‘ ۵/۴۲۵)

حقیقت یہ ہے کہ یہ قیاس درست نہیںہے ‘ بلکہ یہ قیاس مع الفارق ہے‘ کیونکہ ماں سے بچہ کا نسب ولادت کی بنیاد پر ثابت ہوتا ہے‘ اور اس میں کوئی شک نہیں ہے کہ بچہ اسی ماں سے پیدا ہوا ہے‘ جب کہ باپ کا مسئلہ اس کے برعکس ہے ‘ پھر شریعت نے زنا کے نطفہ کا اعتبار نہیںکیا ہے‘ اور اگر اس قیاس کو مان بھی لیا جائے تو یہ نص کے خلاف قیاس کرنا ہوگا‘ جوکہ درست نہیں ہے۔

نتائج کا خیال:مجتہد اور مفتی کے لئے ضروری ہے کہ وہ اپنے اجتہاد اور فتویٰ میں نتائج کو بھی سامنے رکھیں‘ کیونکہ ان کی ذمہ داری صرف مسئلہ بتانے کی نہیں ہے ‘ بلکہ وہ جو حکم بیان کررہا ہے اس کے انجام او رنتائج و اثرات پرنظر رکھنا بھی ضروری ہے ‘ مذکورہ مسئلہ میں اگر ولد الزنا کے نسب کو اس کے باپ سے جوڑنا درست قرار دیا جائے تو اس سے بہت سی پیچیدگیاں پیدا ہوں گی مثلاً ۱۔ ولد الزنا کو باپ کی طرف منسوب کرنے میں برائی کو فروغ حاصل ہوگا‘ اور اس سے شرعی نکاح او رزنا کے درمیان برابری کرنا لازم آئے گا‘ اس وقت صرف مصر میں زنا سے پیدا شدہ چودہ ہزار بچے ہیں‘ اگر اس رائے پر فتویٰ دیا جائے تو یہ تعداد چالیس ہزار سے بھی بڑھ سکتی ہے ‘ مصر کا یہ نتیجہ زنا سے متعلق معاشرہ کی ناراضگی اور حمل کے خوف کے بعد ہے‘ اگرمعاشرہ بھی اس کی ہمنوائی کرنے لگے تو یہ تعداد کہاں تک پہونچ سکتی ہے!

۲۔جو عورت کسی مالدار شخص میں دلچسپی رکھتی ہو‘ اس کو بس اتنا کرنا پڑے گا کہ وہ کسی طرح اسے اپنے جال میں پھنسا لے او راس سے حاملہ ہوجائے ‘ پھر بچہ کا نسب اس سے جڑ جائے گا اور وہ مذکورہ شخص کے بہت سے رشتہ داروں کواس کے ترکہ سے حصہ پانے میںمانع ہوگا۔ ۳۔ اس رائے کو اختیا رکرنے کی صورت میں بہت سے شرعی نصوص کو باطل کرنا لازم آئے گا۔ ۴۔ولد الزنا کو باپ سے منسوب کرنا صرف رجسٹر میں خانہ پری کے لئے نہیں ہوگا‘ بلکہ اس نسب کی بنیاد پر بہت سے شرعی مسائل اور حقوق متاثرہوں گے۔ مثلاً:

(الف) وہ باپ کے میراث میں حصہ پائے گا‘ اس کی وجہ سے دوسرے وارثین اس ترکہ سے محروم ہوجائیں گے۔ مثلاً اگر وہ لڑکا ہے تومیت کے بھائی اور دیگر قریبی رشتہ دار میراث میں حصہ پانے سے محروم رہ جائیں گے ‘ جبکہ رسول اللہ ﷺ کا ارشاد ہے کہ ولد الزنا کسی کا وارث نہیں ہوگا‘ اور نہ کوئی ولد الزنا کا وارث ہوگا‘ (مصنف ابن ابی شیبہ‘ ۷/۳۸۱)

(ب)محرم سے متعلق جومسائل ہیں مثلا محرم کے لئے عورت کے ساتھ تنہائی کی اجازت ‘ اس کے سامنے زیب و زینت کا اظہار‘ اور اس کے ساتھ سفر کی اجازت وغیرہ‘ یہ ساری چیزیں اس بچہ کے ساتھ ثابت ہوجائیں گی۔

(ج)اس کی وجہ سے مختلف رشتے اور سسرالی رشتے حرام ہوجائیں گے۔ (د)اس کے اخراجات باپ پر لازم ہوں گے۔ اسی طرح باپ کا نفقہ اس پر لازم ہوگا۔ (ہ) اس کی پرورش باپ کے ذمہ ہوگی۔ (و) قتل خطاء میں اس کی دیت باپ پرواجب ہوگی‘ اور باپ کی دیت میں وہ شامل ہوگا۔ (ذ) اس کے نکاح میں ولایت‘ اسی طرح کے مال میں ولایت باپ سے متعلق ہوگی۔ (ح) رشتہ داروں سے متعلق صلہ رحمی کے احکام اس سے متعلق ہوں گے۔

ان کے علاوہ اور بھی بہت سے مسائل ہیں جو اس نسب کی وجہ سے متاثر ہوں گے۔

حقیقی مصلحت کا فقدان:D.N.A ٹسٹ کی بنیاد پر جو لوگ ولد الزنا کو باپ کی طرف منسوب کرنے کی رائے پیش کرتے ہیں وہ اس سلسلہ میں مصلحت کو اپنی دلیل بناتے ہیں اور اس سے مراد بچہ کی مصلحت ہوتی ہے کہ اس واقعہ میں وہ بالکل بے قصور ہے‘ زنا سے پیدا شدہ کتنے ہی بچے نیک وصالح بنے‘ اورمختلف میدانوں میں آگے بڑھے ہیں‘ لہذااسکو باپ کی طرف نسبت کرنے سے منع کرکے ہم ان پر ظلم کیوں کریں‘ حالانکہ ہمیں D.N.A ٹسٹ کے ذریعہ یقینی طور پر اس کا علم ہوچکا ہے۔

جو لوگ اس مسئلہ میں مصلحت کا رونا روتے ہیں ان سے پوچھنا چاہیے کہ ایسے بچوں کے لئے یہ بہتر ہے کہ وہ باپ کے بارے میں کچھ جانے بغیر پرورش پائیں اور سمجھیں کہ وہ مرگئے یا کہیں چلے گئے یا وہ بغیر باپ کے ہیں‘ یا پھر یہ بہتر ہے کہ اسے معلوم ہوکہ وہ فلاں سے زنا کی اولاد ہے‘ جو اس سے اپنا نسب جوڑنا نہیں چاہتا‘ بلکہ شرعی عدالت کے دبائو میں اس کو قبول کررہا ہے ‘ اور دنیا والے بھی اس کو اسی حیثیت سے جانے؟ کیا یہ چیز اس بچہ کو باپ کے قتل کرنے پر آمادہ نہیں کرے گی ‘ کہ اس کی وجہ سے وہ دنیا میں ذلیل و خوار ہورہا ہے۔ مزید یہ بھی تصورمیں لائیں کہ اگر یہ بچہ کسی لڑکی کوپیغام دیتا ہے یا کسی مناسب عہدہ کے لئے درخواست دے اور لڑکی والے اسی طرح اس عہدہ سے متعلق ذمہ داران کو اس بچہ سے متعلق حقیقت کا علم ہوجائے توا س بچہ کے حق میں باپ کا جاننا بہتر ہوگا یا نہ جاننا؟

ان احکام سے متعلق شریعت نے جن مصالح کی رعایت کی ہے وہ اصلاً تمام انسانوں کیلئے نفع بخش ہیں‘ جب ہم ولد الزنا اور اسکے نسب کے سلسلہ میں غور کریں تو شریعت ایک صاف و شفاف معاشرہ وجود میں لانا چاہتی ہے ‘ جس میں برائیاں نہ ہونے کے برابر ہوں‘ اس کیلئے شریعت نے جملہ اسباب کو اختیا رکیا ہے‘ ان اسباب میں پہلے حفاظتی روک‘ پھر قانونی گرفت اور پھر اخیر میں سزا ہے او رسزا ہی میں سے ایک زانی باپ کا بچہ کو اپنی طرف منسوب کرنے سے روکنا ہے‘ خواہ وہ اسے اپنی طرف منسوب کرنا ہی کیوں نہ چاہے‘ اس طرح شریعت نے زنا تک پہونچنے کے سارے اسباب کو ممنوع قرار دیاہے ‘ پھر اس برائی میں پڑنے کا جواصل محرک ہے اس کا حل نکاح کی شکل میں بتایا ہے‘ اب اگر کوئی اپنی غربت کی وجہ سے نکاح پر قادر نہیں ہے تو سماج کے ذی حیثیت افراد کو اس کے تعاون پر آمادہ کیا ہے اور خود ان نوجوانوں کیلئے بھی غنا کا وعدہ کیا ہے ‘ اب اگر اسکے بعد بھی زنا کا عمل ہوتا ہے تو پھر اسے ایسی سخت سزا دی جائیگی جو دوسروں کیلئے سامان عبرت ہو‘ اور وہ سزا رجم او رکوڑے مارنا ہے‘ یہ سزا معاشرہ کو ان آلودگیوں سے پاک رکھنے کیلئے ہے‘ البتہ اس عمل سے پیدا شدہ بچہ تو بے گناہ ہے ‘ اس گناہ میں اس کا کوئی دخل نہیں ہے ‘ اسلئے شریعت نے ان بچوں کی زندگی کی ضمانت دی ہے‘ اسی طرح گرے پڑے بچوں کیلئے بھی ایسا انتظامات کئے ہیں جن سے انکی زندگی محفوظ رہ سکتی ہے

خلاصہ یہ کہ ولد الزنا کے نسب سے متعلق بعض معاصر فقہاء نے جو رائے پیش کی ہے وہ کسی بھی لحاظ سے درست نہیں ہے ‘ اگر اس رائے کے مطابق فتویٰ دیا گیا تو شرعی نصوص کو باطل کرنے کے علاوہ سماجی اور معاشرتی اعتبار سے بھی اس کے اثرات بڑے بھیانک ثابت ہوں گے ‘ اس مسئلہ میں مضبوط اور قابل اعتماد رائے جمہور علماء کی ہے کہ ولد الزنا کو صرف ماں کی طرف منسوب کیا جائے گا باپ کی طرف نہیں ‘ خواہ زانی اس کا دعویٰ کیوں نہ کرے۔ D.N.A ٹسٹ سے اس مسئلہ میں کوئی فرق نہیں پڑے گا‘ بعض دیگر مسائل میں D.N.A ٹسٹ سے فائدہ اٹھایا گیا ہے ‘ مثلاً اسپتال میں مختلف خواتین کے بچے ہوں ‘ اور متعدد بچوںکے مل جانے سے حقیقت مشتبہ ہوجائے کہ کون بچہ کس کا ہے اور شرعی اصول کے مطابق گواہی فراہم نہ ہوں تو D.N.A ٹسٹ کی بنیاد پر فیصلہ کیا جائے گا‘ اسی طرح حدود قصاص کے علاوہ دیگر مسائل کی تحقیق میں قاضی اس ٹسٹ سے فائدہ اٹھا سکے گا‘ اور اس ٹسٹ کی حیثیت قرینہ قاطعہ کی ہوگی (ملخص از الرسالہ مصر شمارہ :۲۲‘ ذی الحجہ ۲۷ھ)

میڈیا کامثبت استعمال ضروری

2017-11-22T23:09:00.000-08:00

اسلام اورمسلمانوںکے خلاف غلط پروپیگنڈوں کے مقابلہ کے لئے سوشل میڈیاکامنظم اوربھرپوراستعمال وقت کی اہم ضرورت

منورسلطان ندوی

گذشتہ دودہائیوں میں سوشل میڈیانے عالمی انقلابات میںجوزبردست کردار اداکیاہے،وہ اہل فکرونظرسے مخفی نہیں نہیں،تیونس کے انقلاب سے لے کرمصروشام کے انقلاب تک سوشل میڈیاکی کارفرمائی ظاہرہے ،گذشتہ چندماہ قبل ترکی میں صدرجب اردگان کے خلاف ہونے والے زبردست انقلاب کی ناکامی بھی اسی سوشل میڈیاکی مرہون منت ہے،خودہمارے ملک میں متعددایسے واقعات ہیں جنہیں ملکی میڈیانے نظرانداز کیا، مگر سوشل میڈیامیں خبروائرل ہونے کی وجہ سے اصل میڈیاکواس کی طرف توجہ دینی پڑی۔

سوشل میڈیاکی حیرت انگیزقوت اورناقابل تصوراثر کی وجہ سے دنیاکی ہرقوم ، اورمختلف نظریات کے علمبرداراپنے افکارومعتقدات(ideology) کوموثرطریقہ پرلوگوں تک پہونچانے کے لئے ان ذرائع کااستعمال پوری منصوبہ بندی کے ساتھ کررہے ہیں،خودسیاسی جماعتیں اپنی پارٹیوں کے اثرونفوذکوبڑھانے اوراپنی پارٹی کو کامیابی سے ہمکنارکرنے کے لئے ان ذرائع کااستعمال بڑی چابکدستی سے کررہی ہیں، اوراس مقصدکے لئے اپنے بجٹ کابڑاحصہ خرچ کرہی ہیں، گذشتہ الیکشن میں زعفرانی پارٹی کی کامیابی کے اسباب میں سے ایک اہم سبب اس سوشل میڈیاکی کیمیااثری کوبھی سمجھا گیاہے۔

اس تناظرمیں غورکیاجائے تواندازہ ہوگاکہ اس بارے میں مسلمانوں کاکیا حال ہے،پرنٹ میڈیااورالیکٹرانک میڈیاکی طرح یہاں بھی مسلمانوں کا وجود صفر کے برابرہے ،ایسانہیں کہ مسلمان سوشل میڈیاکی اہمیت سے واقف نہیں ہیں،اورنہ ایسا ہے کہ مسلمانوں کابڑاطبقہ اس سے جڑانہیں ہے،لیکن بحیثیت مجموعی سوشل میڈیاپراس کی سرگرمیوں کامرکزتفریحی پروگراموں اورکسی قدرخبروں کےعلاوہ اورکیاہے،اصل میں یہ مسئلہ عوام کانہیں بلکہ خواص امت کاہے،انہیں یہ طے کرناچاہیے کہ سوشل میڈیاجیسے اہم، موثراورطاقتورذرائع کے بارے میں مسلمانوں کاموقف کیاہو،سوشل میڈیاکی شکل میںایک طاقت ورمیڈیادنیاکوملا،دنیاکے اہل دانش اس سے بھرپورفائدہ اٹھارہے ہیں، لیکن مسلمان جنہیں امت دعوت ہونے پرنازوفخرہے،وہ دین کے پیغام کوپہونچانے کے لئے اس سے کیافائدہ اٹھارہے ہیں،یہ موجودہ وقت کاسب سے بڑاالمیہ ہے،یہ ذرائع اگرصرف برائی کے لئے مخصوص ہوتے توبھی اس کے بارے میں سوچناچاہیے ، اور اس کے تدارک کی حکمت عملی اپناناچاہیے،چہ جائیکہ یہ ذرائع خیراورشردونوں کامنبع ہیں ، اس کادروازہ جس طرح شرکی تشہیروترسیل کے لئے کھلاہواہے اسی طرح خیرکی نشرو اشاعت کے لئے بھی کھلا ہواہے، مسلمانوں کی حرماں نصیبی اس سے زیادہ اورکیاہوگی کہ چندہزارافرادتک اپنی بات پہونچانے کے لئے لاکھوں روپئے خرچ کرتے ہیں،لیکن اربوں کھربوں افرادتک اپنی بات پہونچانے کی جوسہولت چندسوروپئے میں مل رہی ہے، اس کی طرف کوئی توجہ نہیں ہوپارہی ہے۔

سوشل میڈیاموجودہ وقت میں دنیاکاسب سے بڑاپلیٹ فارم ہے،جنہیں مسلمان دین کی دعوت کے لئے استعمال کرسکتے ہیں،جن کے ذریعہ لاکھوں افراد تک نہ صرف اسلام کی تعلیمات پہونچاسکتے ہیں بلکہ ان کے ذہنوں میں موجودشکوک وشبہات کے کانٹوں کوبھی نکال سکتے ہیں،سکون کی تلاش میں لاکھوں انسان بھٹک رہے ہیں، انہیں ساحل مراد تک پہونچانامسلمانوں کی ذمہ داری ہے،اورسوشل میڈیااس کے لئے بہترین ذریعہ ہوسکتاہے،اس لئے سطحی مقاصداورمحض معلومات کے حصول یامعلومات کے تبادلہ کے بجائے دعوتی سرگرمیوں کے لئے ان ذرائع کے استعمال کی منصوبہ بندی کی ضرورت ہے،اورمنظم طریقہ پراس سمت اقدام کرناوقت کااہم ترین تقاضہ ہے۔

اسلام دشمن طاقتوں نے اسلام اورمسلمانوں کے خلاف ہرزہ سرائی اور زہر افشانی کے لئے سوشل میڈیاکوایک منظم محاذبنارکھاہے،اسلام اورمسلمانوں کے خلاف سب سے زیادہ یلغار آج اسی سوشل میڈیاپرہے،مذہب کے تعلق سے جوباتیں پہلے اشارہ کنایہ میں بھی نہیں کہی جاتی تھیں آج کھلم کھلاکہی جارہی ہیں،حقائق کومسخ کرکے دنیا کے سامنے پیش کی جارہی ہیں،اسلام اورمسلمانوں کی شبیہ کوداغدارکرنے میں پور توانائی صرف کی جارہی ہے،ایسی صورت حال میں کیایہ ضروری نہیں ہے کہ باطل کی فریب کاریوں کاپردہ اسی سوشل میڈیاپرچاک کیاجائے،اسلام اورمسلمانوںسے متعلق جو غلط پروپیگنڈہ کیا جارہاہے اس کاجواب اسی اندازسے دلائل اورحقائق کی روشنی میں دیا جائے ، انسانیت کے پیغام کوعام کرنے کے لئے اس پلیٹ فارم کاخوب خوب استعمال کیا جائے ۔

آج وقت کی پکاریہی ہے کہ اس اہم ترین ذریعہ کودینی تعلیمات کی اشاعت کے لئے،بے دینی کے خاتمہ کے لئے،سماجی برائیوں کے ازالہ کے لئے ،منصوبہ بندطریقہ سے استعمال کیاجائے،سوشل میڈیاکے بے تکے استعمال سے نوجوانوں کو روکا جائے،انہیں ان ذرائع کامفیداستعمال بتایاجائے،یہ ذہن بنایا جائے کہ ان ذرائع کو اپنی ذات کے لئے ،اپنے ادارہ کے لئے،اپنی قوم کے لئے اوراپنے وطن کے لئے مفید طریقہ سے کیسے استعمال کرسکتے ہیں۔

اسی کے ساتھ دینی اداروں ،جماعتوں اورتنظیموں کے لئے بھی ضروری ہے کہ اس سلسلہ میں سنجیدگی سے سوچیں،دعوت اوراصلاح کے ان وسائل کونظراندازکرنایابے توجہی برتناکسی طرح عقلمندی نہیں ہے،دعوتی مقاصدکے تحت ان ذرائع کابھرپوراستعمال ہوسکتاہے،ہمارے علمی ورثہ میں ہراعتراض کامدلل اوراطمینان بخش جواب موجود ہے، ہمیں صرف آج کی زبان میں انہیں پیش کرناہے،میڈیاسے متعلق چندپروفیشنل کی خدمات حاصل کی جائیں تواس میدان میں بڑاکام ہوسکتا ہے،آج مسلم نوجوانوں میں دینی کتابوں سے بے رغبتی عام ہے،آنے والی نسلیں کتابوں سے مزیددورہوں گی، مگر ان کی انگلیاں کی بورڈ(keyboard)پرزیادہ متحرک ہوں گی،موجودہ نسل اورآئندہ کی نسلوں کودین سے واقف کرانے کے لئے ان ذرائع کواستعمال کئے بغیرکوئی چارہ نہیں ہے۔

سوشل میڈیاکی ایک بڑی خوبی یہ ہے کہ یہ موجودہ وقت کاسب سے سستا میڈیا ہے، کم پیسوں میں اسے استعمال کیاجاسکتاہے،اورکم وقت میںاس سے بڑاکام لیاجاسکتا ہے،اور اس سے بھی بڑی خوبی یہ ہے کہ جوغلط بات جہاں کہی گئی وہیں اس کاجواب دیاجاسکتا ہے ،اس کافائدہ یہ ہے کہ جب بھی کوئی شخص اس موادکوپڑھے گاتومذکورہ اعتراض کے ساتھ ہماراجواب بھی اس کے سامنے ہوگا،اسی طرح ایک اہم فائدہ یہ بھی ہے کہ سوشل میڈیا پر ڈالا گیاکوئی موادختم نہیں کیاجاسکتاہے،اگرڈالنے والااسے ختم بھی کردے توچندسکنڈوں میں وہ بات کہیں سے کہیں پہونچ چکی ہوگی،پھرہرایک کے پاس سے اسے ختم کرناممکن نہیں ہے۔

اس وقت سوشل میڈیاپرکئی طرح سے کام کرنے کی ضرورت ہے :

الف:اسلامی تعلیمات پرمشتمل موادکی ترسیل

۱۔اسلامی تعلیمات اورخصوصاان حصوں کوجن میں دبے کچلے اورمظلوم افراد کے لئے بڑی کشش ہے،موثراندازمیں پیش کیاجائے۔

۱۔امن وسلامتی،انسانیت دوستی،اورمذہبی رواداری سے متعلق اسلامی تعلیمات اور اسلامی تاریخ وہندوستانی تاریخ کے سچے واقعات کواچھے اسلوب میں پیش کیاجائے۔

اس طرح کے موادکوچھوٹے مضامین کی شکل میں سوشل نیٹورکنگ کی مختلف سائٹوںمثلافیس بک،بلاگ،انسٹاگرام،وغیرہ پرپیش کیاجائے،اسی طرح ان موضوعات پرچھوٹے چھوٹے ویڈیوبناکریوٹیوپ پراپلوڈکیاجائے۔

ب:اسلام اورمسلمانوں سے متعلق پھیلائی جانے والی غلط فہمیوں کاجواب تحریراورویڈیو دونوں شکلوں میںتیارکرکے سوشل میڈیاکی مختلف سائٹوںپرانہیںداخل کیاجائے۔

ج:مختلف سائٹوں پرجہاں جہاں اسلام مخالف موادموجودہے وہاں تبصرہ کے خانہ میں اس کامختصرجواب لکھاجائے،اورایسے موادکوناپسند (Unlike) کیاجائے، اسی طرح ایسی سائٹوں کے خلاف متعلقہ سائٹ کی کمیونیٹی سے شکایت کی جائے۔

د:الیکٹرانک میڈیاکے ذریعہ اسلام اورمسلمانوں کے خلاف پیش کی جانے والی شرانگیزیوں کا تعاقب کیاجائے،اوراس کاجواب سوشل میڈیاکے ذریعہ دیاجائے۔

ہ:مسلمانوں سے متعلق بہت سے مسائل کو اخبارات اورالیکٹرانک میڈیا نظر اندازکرتے ہیں،ان مسائل اورایشوزکوسوشل میڈیاکے ذریعہ عوام تک لانے کی کوشش کی جائے کہ اپنے مسائل کواگرمسلمان خودنہیں پیش کریں گے تودوسراکون کرے گا۔

اورسب سے اہم یہ کہ سوشل میڈیاکے تعلق سے تعلیم یافتہ نوجوانوں کی ذہن سازی کی جائے،اورانہیں سوشل میڈیاکے ذریعہ دعوتی سرگرمیوں کے وسیع امکانات سے واقف کرایاجائے،انہیںبتایاجائے کہ اپنی مصروفیات کے ساتھ وہ کس طرح دین کی بہترین خدمت انجام دے سکتے ہیں۔

سوشل میڈیاپر جتنی طاقت سے اپنی بات کہنے کی سہولت ہے اتنی ہی طاقت سے اس کے نقصان کابھی امکان ہے،اس لئے اس کام میں منصوبہ بندی بہت ضروری ہے، باصلاحیت اورذہین نوجوان کواس کام کی تربیت دینااو ٹیکنیکل ماہرین کے تعاون کے اس محاذپرمنظم اوربھرپورطریقہ سے سرگرم ہونا اور میڈیائی جنگ سے مقابلہ کے لئے میدان میں آنابیحد ضروری ہے،اگراس وقت اس جانب خاطرخواہ توجہ نہیں دی گئی تواس سے جوناقابل تلافی نقصان ہوگااس کااندازہ مشکل ہے۔

توادھرادھرکی نہ بات کر،یہ بتاکہ قافلہ کیوں لٹا

مجھے رہزنوں سے گلہ ،نہیں تری رہبری کاسوال ہے

دعوتی مقاصد کے لئے سوشل میڈیا کااستعمال

2017-11-15T23:24:00.003-08:00

https://archive.org/download/MarwahFinal

سیلاب ریلیف کمیٹی لکھنؤ کی جانب سے امدادی رقم بھیجنے کا سلسلہ جاری

2017-09-13T22:55:00.002-07:00

سیلاب ریلیف کمیٹی لکھنؤ کی جانب سے امدادی رقم بھیجنے کا سلسلہ جاری

لکھنؤ: قدرتی آفات ومصائب سے دو چار انسان کی مدد کرنا اور بلاتفریق مذہب وملت انہیں راحت پہنچانا بڑے ثواب کی بات ہے، احادیث میں صحیح مسلمان کی پہچان یہی ہے کہ وہ دوسروں کے کام آتاہو، ایسے موقع پر مصیبت سے دوچار افراد کو سہارا دینا انسانی واسلامی ذمہ داری کے ساتھ زندہ ضمیری کی بھی علامت ہے۔ ان خیالات کا اظہار مولانا جہانگیر عالم قاسمی کنوینر سیلاب ریلیف کمیٹی لکھنؤ نے کمیٹی کی سرگرمیوں کا جائزہ لیتے ہوئے کیا۔ مولانا نے بتایا کہ شہر کے اکابرین،مؤقر علماء اور ملی درد رکھنے والے ملی وسماجی کارکنان کی اپیل پر شہر کے افراد نے سیلاب سے پریشان حال بھائیوں کے لیے گرانقدر رتعاون دیا، اور اس امدا دی مہم میں بڑھ چڑھ کر حصہ لیا۔ اللہ کا شکر ہے کہ اب تک تقریباً دس لاکھ روپئے امداد کی شکل میں جمع ہوچکے ہیں، جن میں سات لاکھ ترپن ہزار روپے ڈرافٹ اور چیک کے ذریعہ امارت شرعیہ پٹنہ کے توسط سے بہار وسیمانچل کے متاثر افراد تک پہنچایا جارہا ہے، جبکہ مشرقی یوپی کے سیلاب متاثرین کی امداد کے لئے القرآن انسٹی ٹیوٹ کے جنرل سکریٹری ضیاء الحسن عثمانی کے توسط سے اورمولانا سید بلال عبدالحی حسنی ندوی کے مشورہ سے آل انڈیا پیام انسانیت فورم کے توسط سے ایک ایک لاکھ روپے بھیجے گئے ہیں۔

مولانا نے مزیدبتایا کہ متاثرافراد کو ابتدائی امداد پہنچانے کے بعد اب اصل مسئلہ ان کی باز آبادکاری کا ہے، معاشی نقصان کے ساتھ جن کے گھر بہہ گئے ہیں ان کو دوبارہ آباد کرنا بہت اہم کام ہے، اس کے لئے بڑے تعاون کی ضرورت ہے۔ القرآن انسٹی ٹیوٹ کے جنرل سکریٹری ضیاء الحسن عثمانی نے شہر کے اہل ثروت سے اپیل کرتے ہوئے کہا کہ وہ اس کام کے لئے آگے آئیں اور سیلاب میں بے گھر ہوئے افراد کے لئے سر چھپانے کاانتظام کریں، یہ اس وقت کی اہم ترین ضرورت ہے۔ واضح رہے کہ جو حضرات اس مقصد کے لئے تعاون کرنا چاہیں وہ براہ راست امارت شرعیہ پٹنہ سے رابطہ کرسکتے ہیں ، نیز یہاں جو حضرات اس مہم کو انجام دے رہے ہیں ان کے ذریعہ بھی اپنا تعاون متاثر افراد تک پہنچا سکتے ہیں۔ جن میں قمر عالم ندوی (القرآن انسٹی ٹیوٹ ، برلنگٹن چوراہا)، نجیب الرحمن ململی (النور سوشل کیئر فاؤنڈیشن کھدرا)، محمد فیضان نگرامی ندوی (لائبریرین کتب خانہ شبلی نعمانی ندوۃ العلماء)، منور سلطان ندوی (دارالافتاء ندوۃ العلماء)،ڈاکٹر سلمان خالد (فہمینہ ہاسپٹل نزد سنی انٹرکالج،ٹوریہ گنج)،طارق حسین (ممبئی بیٹری ، لالباغ) مولانا محمد وسیم ندوی (امام مسجد فاطمی خرم نگر) کے نام خاص طور پر قابل ذکرہیں۔

سوشل میڈیا کی اخلاقیات

2017-09-13T22:51:00.003-07:00

سوشل میڈیا کی اخلاقیات

(سدید ازہر فلاحی، الجامعۃ الاسلامیۃ، شانتاپرم۔ کیرلا)

انسان کوحیوان سے ممتاز کرنے والی چیز اخلاق ہی ہے۔ دین کا مقصد بااخلاق شخصیت کی تعمیر ہے۔انسانی زندگی میں اخلاق کا ظہور تعلقات میں ہوتا ہے۔ جدید ٹکنالوجی کی ترقی نے انسانی تعلقات کی نت نئی شکلیں پیدا کردی ہیں، اور ان کے دائرے کو وسیع تر کردیا ہے۔ ان ہی ترقیاتی شکلوں میں آن لائن سوشل نیٹ ورکنگ بھی ہے۔ انٹرنیٹ کی دنیا سے تعلق رکھنے والا ہر شخص Facebook، Twitter Linkedin، Tumblr، Youtube،Myspace، Flickrوغیرہ سے نہ صرف واقف ہوتا ہے بلکہ ان ویب سائٹس کی صورت میں پائی جانے والی ایک دوسری ورچول(Virtual) دنیا کا باشندہ بھی ہوتا ہے۔ اس کے شب و روز کا بیشتر حصہ اسی دنیا میں گزرتاہے۔یہ ورچول دنیا ہرآن ارتقاء پذیر ہے اور یہاں نئے نئے اخلاقی چیلنجزپیدا ہوتے رہتے ہیں۔ سوشل میڈیا کی اخلاقیات کا تعلق سوشل نیٹ ورکنگ سائٹس استعمال کرنے والے افراد سے بھی ہے اور انہیں بنانے اور چلانے والے افراد اور کمپنیوں سے بھی ہے۔ یہاں گناہ کے دائرے میں آنے والے افعال بھی سرزد ہوتے ہیں اور جرم کے دائرے میں آنے والے افعال بھی۔کچھ اخلاقی عیوب ہیں جو انسانی زندگی میں پہلے سے موجود ہیں اور ورچول دنیا میں ایک نئے انداز سے ان کا ظہور ہورہا ہے، اور کچھ اخلاقی مسائل ہیں جنہیں خود سوشل میڈیا نے جنم دیا ہے۔

سوشلنیٹ ورکنگ سائٹس کو جہاں خیر کے فروغ کے لیے استعمال کیا جارہا ہے وہیں کبھی لاپروائی میں اور کبھی قصداً ان کااستعمال شر کے فروغ کے لیے بھی کیا جارہا ہے۔ یوٹیوب جیسے میڈیا شیئرنگ سائٹس کے ذریعے علمی ،فکری، دینی ، تعلیمی اور سماجی موضوعات پر ویڈیوزبھی نشر کیے جارہے ہیں، اور فحاشی وبے حیائی، لا دینیت، نفرت ، تعصب، فرقہ وارانہ عناد اورمسلکی جدل کوبھی خوب خوب فروغ حاصل ہورہا ہے۔ روایتی میڈیا کے برعکس سوشل میڈیا زیادہ قابل رسائی و قابل استعمال (accessible) ہے۔ یہاں ہر شخص اپنی بات آسانی کے ساتھ دوسروں تک پہنچاسکتا ہے۔ اس صورتحال نے جہاں ایک طرف عام آدمی کوایمپاور کیا ہے وہیں اس کے لیے اخلاقی چیلنجز بھی پیدا کردئیے ہیں۔ اس میدان کا شکست خوردہ فرد دس منٹ کی سستی شہرت کے لیے فیس بک میں اسٹیٹس اَپ ڈیٹ کرتاہے، بغیر علم و تحقیق کے ہر رطب و یابس کو پھیلاتا ہے،عدل و قسط کے اصول پر قائم رہنے کے بجائے likesاورshares کی politics کا حصہ بنتا ہے، اپنی علمی و فکری برتری جتانے کی غرض سے commentsلکھتا ہے، حیا سوز تصویریں اور گندے جوکس shareکرتا ہے، پبلک فورمس میں اجتماعی غیبت کا مزہ لیتا ہے، استہزاء و تمسخر کے دلائل سے مسلح ہوکرعلمی و فکری مباحث میں خم ٹھونک کر کود پڑتا ہے۔ غرض یہ کہ حقیقی دنیا میں اخلاقی دیوالیہ پن کا شکار فرد ورچول دنیا میں اپنے اسی اخلاقی بحران کا اظہار ایک نئے انداز سے کرتا ہے۔ اس کے برعکس حقیقی دنیا میں بلند اخلاق کا حامل فرد اچھے اور اونچے مقاصد کے لیے سوشل میڈیا کا استعمال کرتا ہے۔

سوشل میڈیا نے جو مسائل پیدا کیے ہیں ان میں سوشل میڈیا کا جنون (Obsession)ایک بڑا مسئلہ ہے۔فیس بک کے ورچول چوپال میں آدمی روزانہ اپنے قیمتی اوقات کے کئی گھنٹے ضائع کردیتا ہے۔ یہ جنون تعلیم اور کام میں ارتکاز(concentration) اور پیداواریت (productivity)کو بہت کم کردیتاہے۔اس مرض کا شکار فرد اپنے شب و روز کی ہر چھوٹی یا بڑی بات کو فیس بک کے دوستوں کی likes اور commentsکے لیے پیش کردیتا ہے۔ گویا اس کی پوری زندگی نمائش (display)میں ہوتی ہے۔ اس کی زندگی خدا رخی (God Oriented) ہونے کے بجائے اپنی ذات کے محور پر گھومنے والی (Self centred)اور دوسروں کی توجہ چاہنے والی (People Oriented) ہوجاتی ہے۔ وہ شعوری یا غیر شعوری طور پر لوگوں کے سامنے سوشل میڈیا کے ذریعے اپنی شخصیت کو نمایاں کرنے لگتاہے۔

سوشل میڈیا کے ذریعے آدمی بسا اوقات شناخت کے بحران (identity crisis) میں مبتلا ہوجاتا ہے۔ وہ دوہری شخصیت میں جینے لگتا ہے۔ ایک اس کی حقیقی دنیا کی شخصیت ہوتی ہے اور دوسری ورچول دنیا کی مہذب(refined)شخصیت جس کا وہ خود خالق ہوتاہے ۔کچھ افراد اس سے آگے بڑھ کر\”role play\” کرنے لگتے ہیں۔ ورچول ورلڈ میں لڑکے لڑکیوں کے نام اورخوب صور ت تصویروں کے ساتھ اکاؤنٹ کھول کر ان کا رول پلے کرتے ہیں اور اس کے برعکس لڑکیاں لڑکوں کا رول پلے کرتی ہیں۔ بد صورت لڑکی یہاں خوب صورت لڑکی کا رول پلے کرتی ہے اور بوڑھا جوان کا رول پلے کرتا ہے۔ اپنی حقیقی شخصیت کی تعمیر سے غافل ہوکر یہاں لوگ خیالی شخصیت کی تخلیق میں مگن رہتے ہیں۔

سوشل میڈیا کی وجہ سے دوریاں سمٹ آئی ہیں لیکن اس نے قریبی لوگوں کو دورکرنے کا کام بھی کیا ہے۔سوشل میڈیا کے ذریعے جہاں بہت سارے لوگ سماج کی تعمیر نو کا کام کررہے ہیں وہیں اس نے بہت سارے لوگوں کے احساس مروت کو کچل دیا ہے ۔سوشل نیٹ ورکنگ سائٹس کے ذریعے فحاشی وعریانی کا فروغ (pornography)، بلاک میلنگ، cyber bullying جیسے سائبر کرائمس بھی انجام دئیے جارہے ہیں۔

سوشل میڈیانے خلوت اور جلوت کے فرق کو مٹادیا ہے اور پرائیویٹ اور پبلک کے حدود کوختم کردیا ہے۔ کہا جاتا ہے کہ آن لائن پرائیویسی نام کی کوئی چیز ہی نہیں ہے۔سوشل نیٹ ورکنگ سائٹس پر موجود ذاتی معلومات، پیغامات، تصاویر وغیرہ کا تجارتی استعمال کیا جاتا ہے۔کمپنیاں گاہکوں (consumers) کی پسند و ناپسند کا اندازہ ان کے فیس بک اکاؤنٹس سے لگالیتی ہیں۔نوکری کے لیے درخواست دینے والے افرادکی آن لائن مانیٹرنگ کی جاتی ہے اور ان کے تمام مشاغل کے بارے میں معلومات حاصل کرلی جاتی ہیں ۔ایڈورٹائزنگ اور مارکیٹنگ کے لیے سوشل میڈیا کا استعمال کیا جاتا ہے۔ ان سب میں اخلاقی حدود کو پامال کیا جاتا ہے۔

اپنے اخلاقی وجود کے تئیں حساس افرادکے لیے ضروری ہے کہ وہ Be ethical, Click right کو اپنا شعار بناتے ہوئے سوشل میڈیا کاتعمیری مقاصدکے لیے استعمال کریں۔

سوشل میڈیا اور ہمارے کرنے کے کام

2017-09-13T22:49:00.001-07:00

سوشل میڈیا اور ہمارے کرنے کے کام

۱کیسویں صدی کے ٹکنالوجی انقلاب نے دنیا پر کئی اثرات مرتب کئے۔ ان مثبت اور منفی اثرات سے دنیا کی آبادی کا ایک بڑا حصہ متأثر ہوا ہے۔ سیاسی ، سماجی اور معاشی سطح پر یہ اثرات اس قدر ہمہ گیر ہیں کہ اس سے کوئی مستثنیٰ نہیں ہے۔ ٹکنالوجی اور انٹرنیٹ کے اس عظیم انقلاب کا ایک بڑا پہلو سوشل میڈیا ہے۔ سوشل میڈیا ، اس کے بڑھتے چلن اور نوجوان نسل پر اس کے وسیع تر اثرات آج کل ریسرچ کا ایک اہم موضوع بن گئے ہیں۔ اس مضمون میں انہیں اثرات کو سامنے لانے نیز سوشل میڈیا کے مختلف پہلو ؤں کو اجاگر کرنے کی کوشش کی گئی ہے۔ سوشل میڈیا میں ہمارے رول اور اس میں کام کرنے کی حکمت عملی پر کسی اور مضمون میں بات کی جائے گی۔

سوشل میڈیا کیا ہے؟

سوشل میڈیا انٹرنیٹ سے جڑا ایک ایسا نیٹ ورک ہے جو افراد اور ساتھ ہی اداروں کو ایک دوسرے سے مربوط ہونے، خیالات کا تبادلہ کرنے ، اپنے پیغام کی ترسیل کرنے اور ساتھ ہی انٹرنیٹ پر موجود دیگر کئی چیزوں (جیسے گرافکس، ویڈیوز، آڈیوز، پوسٹرس وغیرہ) کو ایک دوسرے کے ساتھ شیئر کرنے کا موقع فراہم کرتا ہے۔ پچھلی ایک دہائی میں اس میں تیز رفتار ترقی ہوئی ہے اور اب انٹرنیٹ نوجوانوں کی بڑی تعداد کی دلچسپی کا محور و مرکز بن چکا ہے۔ گوگل اس میدان میں موجد کی حیثیت رکھتا ہے جس نے اپنے دو مقبول سائٹس یو ٹیوب اور آرکٹ(Orkut)کا آغاز کیا تھا۔ فیس بک کے آغاز کے بعد اس کی بڑھتی مقبولیت کی بناء پر Orkutمیں نوجوانوں نے دلچسپی کھودی اور فیس بک دھیرے دھیرے اس میدان کا لیڈر بن گیا ۔ لیکن اب گوگل کی نئی سروس گوگل پلس اس میدان میں نئی جست لگانے کی تیاری کررہی ہے۔ فیس بک کے علاوہ اسی دوران کئی اور سائٹس اس میدان میں داخل ہوئیں جیسے Twitter، My Space، LinkedIn، وغیرہ۔ آج دنیا بھر میں سب سے زیادہ استعمال ہونے والی سائٹس میں facebook، یوٹیوب اورTwitterکا شمار ہوتا ہے۔

مقبولیت کی وجوہات

یہ ایک لازمی سوال ہے کہ سوشل میڈیا کی اس مقبولیت کی وجوہات کیا ہیں؟ جس رفتار سے اس نے ترقی کی اور نوجوان نسل سے آگے بڑھتے ہوئے ہر عمر کے لوگوں کو اپنی جانب راغب کیا ، اس قسم کے اثرات کسی اور ٹکنالوجی یا ایجاد کے ذریعہ کبھی مرتب نہیں ہوئے۔

مفت استعمال:تقریباً تمام سوشل میڈیا سائٹس مفت ہیں۔ ان سائٹس کے استعمال کنندگان کو کسی قسم کی کوئی قیمت ادا نہیں کرنی پڑتی ہے۔ کچھ سائٹس جیسے LinkedInمعمولی قیمت پر Premium خدمات بھی فراہم کرتی ہیں لیکن اس قسم کی سائٹس کو استعمال کرنے والے لوگ محدود ہیں اور ان کے استعمال کرنے والے بھی مخصوص قسم کے لوگ ہوتے ہیں، جیسے LinkedIn پروفیشنل نیٹ ورکنگ سائٹ مانی جاتی ہے۔بقیہ تمام بڑی سائٹس جیسے فیس بک، Twitter وغیرہ مفت خدمات پر یقین رکھتی ہیں۔

ہر قسم کی ٹکنالوجی پر نیٹ ورکنگ سہولیات:ٹکنالوجی کے اس تیز رفتار دور میں جبکہ انٹرنیٹ تک رسائی کافی آسان ہوگئی ہے اور 3Gنیٹ ورکس کی بدولت موبائل آلات پر بھی تیزرفتار انٹرنیٹ میسر ہے، سوشل نیٹ ورکنگ سائٹس نے بھی اپنے آپ کو اس رفتار سے ہم آہنگ کیا۔ پرسنل کمپیوٹر اور لیپ ٹاپ سے لے کر ٹیبلیٹ اور چھوٹے موبائل فونس تک ہر جگہ یہ سائٹس موجود ہیں اور ہر جگہ ایک ہی طرح ظاہر ہوتے ہیں (Look and feel)۔موبائلس پر ان سائٹس کی موجودگی نے ان سائٹس کو مقبول بنانے او ران کے تیزرفتار پھیلاؤ میں بڑی مدد کی ہے۔

آسان استعمال:ان تمام سائٹس کی مقبولیت کی ایک اہم وجہ ان کا آسان استعمال ہے۔ فیس بک، Twitter،یو ٹیوب، گوگل وغیرہ نے اس بات کو کافی اہمیت دی ہے کہ ان کے استعمال کرنے والے کسی بھی عمر، نسل اور علاقے کے ہوسکتے ہیں، اس لئے انٹرنیٹ سے ان کی واقفیت یکساں نہیں ہوگی۔ انٹرنیٹ پر ترسیل کے دیگر ذرائع جیسے ای میلس، بلاگس، ڈسکشن بورڈس وغیرہ استعمال کرنے کے لئے کچھ معلومات درکار ہوتی ہے۔ اس کے برخلاف سوشل نیٹ ورکنگ سائٹس نے اپنے آپ کو کچھ اس طرح ڈیزائن کیا ہے کہ انٹرنیٹ کے ان بنیادی تصورات سے ناواقف یا کم واقفیت رکھنے والا شخص بھی ان سائٹس کا کچھ نہ کچھ استعمال ضرور کرسکتا ہے۔ Twitterنے اپنے مختصر میسیج کی سہولت کے بناء پر سیاست دانوں، فلمی اداکاروں، سماجی کارکنوں وغیرہ میں بڑی تیزی سے مقبولیت حاصل کرلی ہے۔

نئے لوگوں سے ملنے کا موقع: یہ سائٹس نئے لوگوں سے ملنے، ان سے دوستی کرنے ، ان کے پیغامات دیکھنے اور ان پر تبصرہ کرنے جیسی کئی سہولیا ت فراہم کرتی ہیں۔ فیس بک اس معاملے میں کافی حساس واقع ہوا ہے اور وہ لوگوں کو اپنی دلچسپی، مصروفیات وغیرہ کی مناسبت سے ہم مذاق لوگوں سے خود بخود جوڑ دیتا ہے۔ نوجوان نسل میں اس چیزنے کافی مقبولیت حاصل کی اور انھیں اصل دنیا (Real world)کے بالمقابل یہ دنیا کافی پرکشش محسوس ہوئی جہاں آپ بوریت کا شکار ہوئے بناء اپنے ہی طرح کے لوگوں کے درمیان اپنا وقت گزار سکتے ہیں۔

خیالات شیئر کرنے کے وسیع تر مواقع: ٹکنالوجی کے اس دور میں ان تمام سائٹس نے کوشش کی کہ ہر اس ٹکنالوجی تک لوگوں کو پہنچایا جائے اور اس کو ان سائٹس پر استعمال کرنے دیا جائے جو انٹرنیٹ پر عام لوگوں کے لئے موجود ہیں۔ چنانچہ صرف Textual Postsہی نہیں بلکہ تصاویر، گرافکس، کارٹونس، ویڈیوز وغیرہ ہر چیز آپ پیش کرسکتے ہیں۔ آپ جن چیزوں کو پسند کرتے ہیں وہ دوسروں تک پہنچاسکتے ہیں جیسے کوئی سائٹ، کوئی نیوز، کسی یونیورسٹی کا اڈمیشن بروچر، کسی مضمون پر تبصرہ، کسی معاملے پر اپنے ساتھیوں سے رائے لینا یا اس کو ووٹ کی شکل میں حاصل کرنا، ہم آہنگ لوگوں کے ساتھ انٹرنیٹ پر آن لائن گیمس میں حصہ لینا، کسی اور کی کسی بات کو پسند یا ناپسند کرنا یعنی اپنی رائے کا اظہار کرنا، غرض ہر وہ چیز جس کے ذریعے انسان اپنے سماجی رویہ کا اظہار کرتا ہے وہ سوشل نیٹ ورکنگ سائٹس نے جمع کرنے کی کوشش کی ہے۔

بڑے نیٹ ورک کی موجودگی: یہ بھی ایک حقیقت ہے کہ گزشتہ چند سالوں میں ان سائٹس کی مقبولیت اور ان سے جڑے لاکھوں لوگوں کی موجودگی نے زبانی تشہیر اور تجسس کی بناء پر کئی اور لوگوں کو ان کی جانب متوجہ کیا ہے، جس کی بناء پر ان کے پھیلاؤ کی رفتار کئی گنا بڑھ گئی۔

سوشل میڈیا کے اثرات

سوشل میڈیا کے اثرات پر آج کل ہر جگہ بات کی جاتی ہے۔ یہ اثرات اس قدر وسیع او ر واضح ہیں کہ ہر کوئی ان کا مشاہدہ بآسانی عام زندگی میں بھی کرسکتا ہے، ان اثرات کی وضاحت کے لئے ایک طویل مضمون درکار ہے۔ کچھ اہم اور بنیادی قسم کے اثرات ذیل میں درج کئے جارہے ہیں:

خبروں کا پھیلاؤ: سوشل نیٹ ورکنگ آج کل کسی بھی قسم کی خبر یا اطلاع کی اشاعت کا بہت بڑا ذریعہ بن چکی ہے۔ یقیناًان خبروں کی صداقت یقینی نہیں ہوتی لیکن اس کے باوجود دنیا کے کسی بھی گوشے میں ہونے والا کوئی بھی واقعہ سوشل میڈیا کے ذریعے سیکنڈوں میں دوسری جگہ پہنچ جاتا ہے۔ مصر کے انقلاب کے دوران جبکہ ہر قسم کی اطلاعات کی ترسیل پر مبارک حکومت نے سخت پابندی عائد کررکھی تھی، سوشل میڈیا نے انقلاب کے واقعات دنیا تک پہنچانے میں کافی اہم رول ادا کیا۔ سوشل میڈیا کی غیر موجودگی میں شائد دنیا مصری انقلاب سے کما حقہ واقف نہیں ہوسکتی تھی۔ پچھلے دنوں مظفر نگر میں ہوئے فساد سے قبل سوشل میڈیا پر چند فرقہ پرست عناصر کے ذریعے پھیلائی گئی افواہوں اور ویڈیوز نے نفرت پھیلانے اور فساد کی آگ بھڑکانے میں اہم کردار ادا کیا تھا۔

آپس میں تبادلہ خیال:ایک دوسرے سے تبادلہ خیال کرنے اور جڑنے کا موقع فراہم کرنا سوشل میڈیا کا ایک اہم مقصد ہے۔ اس میدان میں سوشل میڈیا کی کامیابی قابل دید ہے۔ ایک دوسرے سے مستقل ربط برقرار رکھنے کی سبیل جو سوشل میڈیا نے فراہم کی ہے، دنیا میں لاکھوں لوگ اس کا فائدہ اٹھارہے ہیں۔ کئی پرانے دوستوں کو جوڑنے کا کام اس نے انجام دیا ہے اور اس سے متعلق کئی کہانیاں ہمیں انٹرنیٹ پر نظر آتی ہیں۔

ایک نئی زبان اور ایک نئے روئیے کا جنم:سوشل میڈیا نے ایک نئی زبان کو جنم دیا ہے۔ لمبی تقریروں یا لمبے مضامین کے بجائے آسان اور سہل انداز اور کم از کم الفاظ میں اپنی بات کو ادا کرنے کا ہنر سوشل میڈیا نے بہتوں کو سکھایا ہے۔ بالخصوص Twitterا س معاملے میں اپنی جداگانہ پہچان رکھتا ہے۔ چبھتے تبصرے، تیکھے جواب اور ذومعنیٰ بیانات یہ ٹویٹرکے پیغام)ٹویٹس)کا خاصہ ہیں۔ جو لوگ ٹویٹر پر متحرک ہیں اوراس کا استعمال جانتے ہیں وہ اس بات سے بخوبی واقف ہیں کہ سوشل میڈیا پر الفاظ سے کیسے کھیلا جاتا ہے اور لوگ اپنے پیغام کو کس ذہانت سے پیش کرتے ہیں۔ اور معاملہ یہیں تک محدود نہیں ہے۔ نوجوان نسل نے اس زبان کو اپنی پوری زندگی تک وسعت دے دی ہے۔ چنانچہ کم و بیش اسی زبان کا استعمال اب آپ کالج کے کینٹینس سے لے کر دوستوں کی گپ شپ کی محفلوں تک پائیں گے۔ انگریزی الفاظ جیسے LOL، BUZZ، اب صرف سوشل میڈیا تک محدود نہیں ہیں بلکہ ہر جگہ یہ اب اپنی جگہ بناچکے ہیں۔

پروپیگنڈہ کا وسیع اور آسان تر ذریعہ: سوشل میڈیا آج کل کسی بھی بڑی تنظیم (سیاسی، سماجی وغیرہ)کے لئے اپنے پیغام کی وسیع تر اشاعت کا ایک بڑا ذریعہ بن چکا ہے۔ یہ پیغام صحیح بھی ہوسکتا ہے اور غلط بھی۔ سوشل میڈیا کی پروپیگنڈہ ٹول کی حیثیت سے پہچان مسلمہ بن چکی ہے۔ خود ہندوستان میں کئی سیاسی جماعتوں نے اس کا مؤثر استعمال کیاہے۔ زعفرانی جماعت کے وزارت عظمیٰ کے دعویدار کے بارے میں کئی رپورٹس آچکی ہیں کہ کس طرح انھوں نے سوشل میڈیا کے ذریعے اپنی مصنوعی لہر کو پیدا کیا اور کچھ اس طرح پیدا کیا کہ ہر کسی کو وہ حقیقت نظر آنے لگی۔ حکمراں جماعت کانگریس بھی اس معاملے میں گرچہ کہ قدرے پیچھے ہے لیکن ان کی ٹیم بھی زور شور سے جٹی ہوئی ہے۔ ہندوستان کی ایک ریاست میں ترقی کے دعوؤں کو تقویت دینے اور اس کو نوجوان نسل تک پھیلانے میں سوشل میڈیا نے کافی اہم کردار ادا کیا ہے۔کسی غیر جانبدا ر شخص کی رائے پر اثرانداز ہونے، اس کے مزاج کی تشکیل اور اس کے ذریعے سیاسی وسماجی معاملات پر رائے قائم کرنے میں اس کی مدد یہ سب کچھ آج سوشل میڈیا کے بدولت ممکن ہوپایا ہے۔

بڑے گروپ تک رسائی: سوشل میڈیا کی مدد سے آج یہ بھی ممکن ہوپایا ہے کہ سیکنڈوں میں ایک بڑے گروپ تک بآسانی رسائی ہوجائے۔ فیس بک کے گروپس، یو ٹیوب کے ویڈیوز اور ٹوئٹر پر Followers کی بڑی تعداد یہ تمام چیزیں پیغام کی بڑے گروپ تک رسائی میں مدد دیتی ہیں۔ اس لئے سوشل میڈیا پر جو کچھ بھی لکھا جاتا ہے اس میں یہ بات پیش نظر ہوتی ہے کہ اس کی رسائی کن لوگوں تک اور کتنے لوگوں تک ہوپائے گی۔

عوامی رجحان کی تشکیل: Twitter اور فیس بک پر رجحانات (Trends) کی موجودگی کسی معاملے پر کسی مخصوص علاقے یا لوگوں کے عمومی رجحان کی عکاسی کرتا ہے۔ HashTagجو ٹویٹر کی ایجاد ہے ، نے رجحانات کو پہچاننے میں بڑی مدد فراہم کی ہے۔ کسی اشو پر جو Hashtag سب سے زیادہ استعمال میں ہو، اسے سوشل میڈیا سائٹس سب سے بڑا رجحان قرار دیتی ہیں، اور یہ رجحان سائٹ پر موجود افراد کی عمومی رائے کی عکاسی کرتا ہے۔

سیکھنا اور علم کی ترسیل: سوشل میڈیا کئی اشوز اور امور پر لوگوں کو سیکھنے اور نئی معلومات کے حصول کا اہم ذریعہ بن چکا ہے۔ کئی چیزیں جن پر انسان کی عموماً دلچسپی نہیں ہوتی یا جن کو وہ نہیں پڑھ پاتا، سوشل میڈیا کی بدولت ایسی چیزوں کو وہ پڑھ لیتا ہے اور پھر اس کی دلچسپی بڑھ جاتی ہے۔ یہ رویہ افراد کی علمی قابلیت اور معلومات میں اضافے کا بھی باعث بنتا ہے۔

کچھ اہم پہلو

سوشل میڈیا سے تعلق کے ضمن میں کچھ اہم پہلو پیش نظر رہنے چاہئیں:

کس سے تعلق رکھا جائے؟

سوشل میڈیا میں تعلقات کی نوعیت کئی اقسام کی ہوتی ہیں۔ جہاں ٹوئیٹر پر آپ کسی کو Followکرتے ہیں یا کوئی آپ کو Follow کرتا ہے وہیں فیس بک پر فرینڈشپ، پیج لائیک، گروپ ممبرشپ اور Followکرنے سے تعلق کا اظہار ہوتا ہے۔ اسی طرح یو ٹیوب جیسی سائٹس پر اگرچہ کہ اس طرح کا کوئی اظہار نہیں ہوتا لیکن آپ کن ویڈیوز کو دیکھتے ہیں اور کن چینلس کو Followکرتے ہیں وہ آپ کی دلچسپی کی عکاسی کرتا ہے۔ یہ بات اہم ہے کہ ہم کس کو Followکریں یا کس سے تعلقات بنائیں اس سے متعلق ہمارے تصورات واضح رہیں۔ فیس بک جیسی سائٹس پر نقلی فرینڈشپ درخواستوں کے ذریعے کسی فرد کی سرگرمیاں معلوم کرنے کی وارداتیں بھی ہوتی رہی ہیں۔ اسی طرح آپ کے فرینڈس اور آپ کے پیج لائیکس کی مناسبت سے فیس بک آپ کو اسی طرح کی چیزیں پیش کرتا ہے۔ ہمارا رویہ اس سلسلے میں محتاط رہنا چاہئے۔ جہاں بڑی فرینڈ لسٹ آپ کے پیغام کو کئی لوگوں تک پہنچانے کا ذریعہ بنتی ہے وہیں اس میں غیر محتاط رویہ مسائل کا باعث بھی بنتا ہے۔

کیا پوسٹ کیا جائے؟

یہ بات بھی کافی اہمیت کی حامل ہے کہ آپ کس قسم کے پوسٹ سوشل میڈیا پر ڈالیں یا آپ کا پیغام کس قسم کا ہو۔ جہاں مختصر اور بامعنیٰ پوسٹ منٹوں میں سینکڑوں لوگوں تک پھیل جاتا ہے وہیں آپ کا پیغام اگر بڑا ہو اور بامعنی نہ ہو تب اپنی افادیت کھودیتا ہے۔ ایک ساتھ کئی پوسٹ کرنا یا دوسرے الفاظ میں Spammingکرنا بھی آپ کے پوسٹ کو بے معنی بنادیتا ہے اور لوگ اس پر توجہ نہیں دیتے۔ آج کل سوشل میڈیا پر اپنی ہر سرگرمی کی اطلاع دینے کا رجحان بھی نظر آرہا ہے۔ اس قسم کے پوسٹس پر عموماً توجہ نہیں دی جاتی۔ بات مختصر اور بامعنی کی جائے ۔

پوسٹ کا Contentsکیسا ہو؟

سوشل میڈیا پر بالعموم صرف8%لوگ ہی ہوتے ہیں جو Contentsبناتے ہیں، بقیہ تعداد عموماً اس کو شیئر کرنے یا پھیلانے کا کام ہی انجام دیتی ہے۔ جیسا کہ عرض کیا گیا ، آپ کا پوسٹ بامعنی ہونا چاہئے، صرف Textپر بھروسہ نہ کیا جائے بلکہ تصاویر، گرافکس، آڈیوز اور ویڈیوز جیسا مواد پوسٹ کی Valueبڑھادیتا ہے۔ اور صرف پوسٹ یا Contentبنادینا ہی کافی نہیں ہوتا بلکہ اس پر بحث و مباحثہ یا ڈسکشن میں آپ کی شمولیت بھی اتنی ہی اہمیت کی حامل ہے۔ بالعموم یک طرفہ پیغام کی ترسیل کی بہ نسبت ڈسکشن میں شرکت آپ کے پیغام کی اہمیت کو بڑھادیتی ہے۔ twitter پر کئی اہم سیاست دانوں کی Tweetsکی مقبولیت کی اہم وجہ ان کا عام لوگوں کے ڈسکشنس میں شریک ہونا بھی رہی ہے۔

دوسروں کے ڈسکشنس میں کیسے شرکت کی جائے؟

سوشل میڈیا میں صرف آپ کا پوسٹ اہم نہیں بلکہ آپ دوسروں کے ڈسکشن میں کس طرح شرکت کرتے ہیں اس پر بھی کافی اہمیت دی جاتی ہے۔ آپ کے لائیکس، آپ کے شیئرز، آپ کے Retweets، آپ کے Commentsیہ تمام چیزیں آپ کے رویہ کو ظاہر کرتے ہیں۔ اس سلسلے میں بھی ہمیں اپنے رویے کا تعین کرنا چاہئے اور یہ بھی مدنظر رکھنا چاہئے کہ ہر کسی پوسٹ پر ہمارا تبصرہ یا لائیک ضروری نہیں۔ وہیں تبصرہ یا لائیک یا شیئر کیا جائے جو آپ کی شخصیت کی عکاسی کرتا ہو اور جب تبصرہ کیا جائے تو وہ بے معنی نہ ہو بلکہ آپ کے خیالات ظاہر کرنے والا ہو۔

ویڈیوز کی تخلیق

ویڈیوز عموماً وہی دیکھے جاتے ہیں جن میں لوگوں کی دلچسپی ہوتی ہے۔ لیکن آج کے ٹکنالوجیکل دور میں ویڈیوز کی تخلیق بھی کافی آسان عمل بن چکا ہے۔ اگر آپ تخلیقی صلاحیتوں کے حامل ہوں تو اس میدان میں بآسانی آپ اپنے پیغام کی ترسیل کرسکتے ہیں۔ اسمارٹ فونس کی ایجاد کے بعد اعلیٰ کوالٹی ویڈیوز بآسانی بنائے جاسکتے ہیں۔ اس کے لئے ضروری ہے کہ آپ اپنے پیغام کو طے کریں اور اس کو پہنچانے کا ذریعہ تلاش کریں۔ تخلیقیت اس میدا ن میں کامیابی کے لئے انتہائی اہم ہے ۔ آپ اپنا پیغام جس قدر اچھے اور اچھوتے انداز میں پیش کریں گے وہ اسی قدر مقبولیت حاصل کرے گا۔ ساتھ ہی وہ مختصر رہے کیونکہ پیغام جتنا مختصر ہوتا ہے اس کے دیکھے جانے کے امکانات اس قدر زیادہ ہوتے ہیں۔

پوسٹ کی تخلیق میں ذہانت کا استعمال

Twitterجیسے سوشل سائٹس پر ذہانت کا استعمال آپ کے پیغام کو پھیلانے کے لئے انتہائی ضروری ہے۔ Hashtags کی تخلیق، پیغام کو کم سے کم الفاظ میں سمونا، الفاظ کا بھرپور اور ذہانت سے استعمال، نیز Top Trendsکا استعمال وغیرہ امور آپ کے پوسٹ کی اہمیت کو بڑھادیتے ہیں۔

موبائیل سوشل نیٹ ورکنگ کا استعمال

whatsappجیسی اپلی کیشنس نے سوشل نیٹ ورکنگ کو موبائل میں کافی آسان بنادیا ہے۔ یہ روایتی ایس ایم ایس کی طرز پر کام کرتا ہے لیکن اس کے ذریعے تقریباً وہی کام لیا جاتا ہے جو ایک سوشل نیٹ ورکنگ سائٹ انجام دیتی ہے اگرچہ اس کے پیغامات یک طرفہ ترسیل(One way communication)ہوتے ہیں۔ اس اپلی کیشن کو فیس بک کے ذریعے خرید لئے جانے کے بعد توقع کی جارہی ہے کہ سوشل نیٹ ورکنگ کی بہت ساری سہولیا ت میں یہ دونوں اپلی کیشنس ایک دوسرے سے مدد حاصل کریں گی۔

سوشل میڈیا آج کے دور کی ایک اہم حقیقت ہے جس سے صرف نظر ممکن نہیں۔ اگر ہم اپنے پیغام کو مؤثر بنانا چاہتے ہیں تب یہ بھی ضروری ہے کہ ہم اس کے مختلف پہلوؤں اور زمانے کے ساتھ اس میں آنے والی تبدیلیوں اور اثرات پر ہمیشہ نظر رکھیں۔ ایک متوازن رویہ اور حکمت و تدبر سے بھر پور استعمال ہی ہمیں اس کے مطلوبہ فوائد سمیٹنے کا موقع فراہم کرسکتا ہے۔

2n2

سوشل میڈیا اور اس کے بڑھتے اثرات

سوشل میڈیا کی مقبولیت اس کی ٹکنالوجی اور اس کی اپلی کیشن کی مہارت میں نہیں چھپی ہوئی ہے، بلکہ انسانی فطرت اس کی کامیابی کی اصل وجہ ہے۔ دنیا میں زیادہ تر وہ ٹکنالوجی اور دریافتیں کامیاب ہوئی ہیں، جنہوں نے یا تو انسان کے کاموں کو آسان بنایا ہے، یا اس کی فطرت سے قریب تر رہی۔ انٹرنیٹ ہو، چاہے ای میل ہو، یا سوشل میڈیا ہو، یہ تمام چیزیں انسان کو آپس میں گفتگو کرنے، اپنے آئیڈیاز کو آپس میں شیئر کرنے اور مختلف پلیٹ فارمس پر اپنی باتیں رکھنے کا موقع پوری آزادی کے ساتھ دیتا ہے۔ سوشل میڈیا کی کامیابی کا بھی اصل راز یہی ہے۔ ایک سروے کے مطابق ہندوستان کی ۱۶۰؍لوک سبھا سیٹوں میں فیس بک اہم رول ادا کرسکتا ہے۔ اسی سے اندازہ لگایا جاسکتا ہے کہ فیس بک یا سوشل میڈیا کس طرح لوگوں کی رائے کو متأثر کررہا ہے۔

یہ بات تو اب بلا تنازع کہی جاسکتی ہے کہ دنیا میں اس وقت جتنے بھی سوشل یا پولیٹکل موومنٹ چل رہے ہیں، اس میں سوشل میڈیا نے لوگوں کو متحرک اور مجتمع کرنے میں اہم رول ادا کیا ہے۔ سوشل میڈیا کی اہمیت کا اندازہ اس سے بھی لگایا جاسکتا ہے کہ دنیا بھر کی خفیہ ایجنسیاں سوشل میڈیا کے لیے استعمال ہونے والی ویب سائٹس پر نہ صرف نگاہ رکھتی ہیں، بلکہ اس کے ڈیٹا کو حاصل کرنے کے لیے کسی بھی حد تک جانے کو تیار ہیں۔ سنوڈن کا کیس بھی اسی کی غمازی کرتا ہے۔ نہ صرف اس نے لوگوں کو اظہار رائے کے لیے پلیٹ فارم مہیا کیا ہے، بلکہ اس نے اسٹیٹ کی خودمختاری پر بھی سوالیہ نشان لگانے شروع کردیئے ہیں، پہلے حکومتیں مختلف چیزوں پر بہت ہی آسانی سے پابندیاں لگادیا کرتی تھیں، اور آئیڈیاز کو کنٹرول کرنے میں مصروف رہا کرتی تھیں۔ لیکن اب کسی بھی ملک کا کوئی بھی قانون ہو، چاہے وہ کسی کتاب یا فلم پر پابندی لگانا چاہتی ہو، لیکن سوشل میڈیا نے یہ ثابت کردیا ہے کہ ملکوں کے مختلف قانون اس کے لیے کچھ اہمیت نہیں رکھتے ہیں۔

سوشل میڈیا نے انسانی اخلاق پر بھی بہت گہرے اثرات ڈالے ہیں، اس لیے تمام طرح کے برے جرائم کا ارتکاب کرنے والے لوگ، چاہے وہ جسم فروشی کا دھندا کرنے والے ہوں، چاہے پورنوگرافی کا کاروبار کرتے ہوں، سب لوگ سوشل میڈیا کا بھرپور استعمال کررہے ہیں۔ جس کے اثرات آج کل بچوں اور نوجوانوں پر صاف دیکھے جاسکتے ہیں۔

سوشل میڈیا کا ایک پہلو یہ بھی ہے کہ اس کے ذریعے ایک عالمی معاشرہ وجود میں آرہا ہے، جو بہت ہی کم پابندیوں کے زیر اثر آتا ہے، اگر اس کا استعمال بہتر اور مثبت انداز سے کیا جائے تو سچ مچ میں اس کے ذریعہ ایک سرحدوں سے آزاد عالمی معاشرے کی بنیاد رکھی جاسکتی ہے۔ جو آباد تو ہوگا اسی دنیا کے مختلف ممالک میں، لیکن وہاں کے قوانین اور وہاں کی سیاسی سرحدیں اس کے لیے کوئی معنی نہیں رکھتی ہوں گی۔ اس بات کی ضرورت ہے کہ سوشل میڈیا کے ذریعہ سرکاروں کے ایسے اقدام کی مخالفت کی جائے جو انسانوں کے بنیادی حقوق کی خلاف ورزی کرتے ہوں۔ جیسے امریکہ اور دوسرے ممالک سوشل میڈیا کی جاسوسی میں لگے ہوئے ہیں، دوسری طرف سوشل میڈیا کے غلط استعمال جیسے جسم فروشی یا غلط چیزوں کا پروپیگنڈہ ہے، اس پر بھی کنٹرول کی ضرورت ہے۔

(ڈاکٹر جاوید ظفر، نئی دہلی)

تعلیم کے میدان میں رہنمائی وقت کی اہم ضرورت

2017-07-04T23:46:00.003-07:00

تعلیم کے میدان میں رہنمائی وقت کی اہم ضرورت

اتحادفاؤنڈیشن،یکہتہ کے زیراہتمام کیرئرگائڈنس پروگرام میں علماء ودانشوران کااظہارخیال

بچے مستقبل کے گوہرنایاب ہوتے ہیں،انہی میں کل کوئی قوم کارہنمابنے گا،اس لئے ان کی تعلیم وتربیت اورتعلیمی رہنمائی وقت کی اہم ضرورت ہے،ان خیالات کااظہار جناب نیازاحمدسابق اے ڈی ایم نے اتحادفاؤنڈیشن کے زیراہتمام منعقدہونے والے کیرئرگائڈنس پروگرام میں ہائی اسکول اور کالج کے طلبہ کے سامنے کیا،انہوں نے کہاکہ آج پوری دنیامیں اس بات پرگفتگوہورہی ہے کہ ہمارارہنماکیساہو؟طلبہ کوکبھی یہ نہیں سوچناچاہیے کہ ان کاتعلق کسی گاؤں یاکسی غیرمعروف علاقے سے ہے،چھوٹے سے چھوٹے گاؤں دیہات سے بھی ایسے لوگ آتے ہیں جودنیاپرحکومت کرتے ہیں،جناب رضوان احمدعارف باللہ (حال مقیم سعودی عرب)نے طلبہ کو تعلیم کے نئے مواقع سے روشناس کرایا،انہوں نے کہاکہ ہرطالب علم کواپناہدف متعین کرلینا چاہیے کہ انہیں آگے کیا بننا ہے، اورپھراسی کے مطابق آگے کی تعلیم کانظام بناناچاہیے،انہوں نے کہاکہ تعلیم کے مرحلہ میں یادداشت کی بڑی اہمیت ہوتی ہے ، اورتجربہ یہ ہے کہ اگر نگاہ کی حفاظت کی جائے تویاداشت زیادہ قوی ہوتی ہے،کیونکہ نگاہ کاتعلق براہ راست دماغ سے ہوتاہے ،اوردماغ ہی میں ساری باتیں محفوظ ہوتی ہیں،انہوں نے کہاکہ تعلیم کے لئے اوقات کومتعین کرلیناچاہیے،اورمسلم بچوں کے لئے بہترہے کہ نمازکے اوقات سے اپنی تعلیم کومربوط رکھیں، خصوصا فجر سے سے پہلے اورفجرکے بعدپڑھنااورمطالعہ کرنازیادہ مفیدہوتاہے،انہوں نے ٹائم مینجمنٹ پرخاص طورپرزوردیا،مولانانوشادعالم ندوی استاذجامعہ المومنات لکھنونے طلبہ سے خطاب کرتے ہوئے کہاکہ ہمت وحوصلہ دوایسے ہتھیارہیں جن سے تعلیم سے میدان میں ہرطرح کے مسائل کامقابلہ کیاجاسکتا ہے،انہوں نے کہ مقاصدہمیشہ بلندہونے چاہیے،اورہمیشہ مقاصدکو اپنے پیش نظررکھناچاہیے،غربت کبھی اونچی اڑان میں حائل نہیں ہوتی،تاریخ میں ایسی مثالیں موجودہیں کہ لوگوں نے غربت میں تعلیم حاصل کرکے نمایاں مقام حاصل کیاہے،مولانامنورسلطان ندوی استاذدارلعلوم ندوۃ العلماء لکھنؤنے پروگرام کے مقاصدپرروشنی ڈالتے ہوئے کہاکہ تعلیم کے میدان میں رہنمائی کی بڑی اہمیت ہے،خودسے یاتقلیدی ذہن سے آگے کاراستہ متعین کرنے کے بجائے ماہرین سے اس معاملہ میں رجوع کرناچاہیے،آج تعلیم کاافق اتناوسیع ہوچکاہے کہ ہم سوچ بھی نہیں سکتے،اسی طرح روزگارکے مواقع میں بھی بے پناہ اضافہ ہواہے،ہماری کمی یہ ہے یہ کہ ہم ایک محدوددائرہ کے باہرنہیں سوچتے،انہوں نے بتایاکہ اتحادفاؤنڈیشن کی طرف سے اس کے پروگرام ہرسال منعقدکرنے کی کوشش کی جائے گی، انہوں نے کہاکہ فاؤنڈیشن کی طرف آن لائن گائڈنس کاانتظام ہے،طلبہ کوکسی طرح کی رہنمائی کی ضرورت ہوتوفاؤنڈیشن سے رجوع کرسکتے ہیں، جناب رزیق احمدعلیگ مکھیایکہتہ نے طلبہ کویقین دلایاکہ تعلیم کے سلسلہ میں انہیں کسی طرح کی پریشانی ہوتووہ اس کودورکریں کریں گے ، انہوں نے صاف اعلان کیاکہ روپیے کی کمی کی وجہ سے کسی کاداخلہ نہیں رکے گا،اسلامک اے ای اسکول یکہتہ کے ہیڈماسٹرجناب کملیش نے کہاکہ طلبہ کوکبھی یہ نہیں سوچناچاہیے کہ وہ فلاں کام نہیں کرسکتے،انہوں نے کہاکہ ہرموضوع میں مستقبل ہے،کوئی بھی موضوع چھوٹانہیں ہوتا،آپ کو جس موضوع سے لگاؤہواسی کواپنے مستقبل کے لئے چنیں توزیادہ کامیاب ہوں گے،مولاناقاری مطیع الرحمن قاسمی پرنسل مدرسہ رحمانیہ یکہتہ نے فاؤنڈیشن کے اقدام کوسراہتے ہوئے اس طرح کے پروگرام ہرسال منعقدکرنے پرزوردیا،پروگرام کی صدارت انہوں نے ہی کی،جبکہ نظامت کے فرائض محمدخطیب اخترندوی نے انجام دئے،واضح رہے کہ اس موقع پرمیٹرک کے امتحان میں امتیازی نمبرات لانے والے تین طلبہ وطالبات کوفاؤنڈیشن کی طرف سے ایوارڈآف اکسیلینس سے نوازاگیا،اس پروگرام میں ہائی اسکول اورکالج کے طلبہ کے علاوہ تعلیم سے جڑے بہت سے افرادشریک ہوئے،جن میں جناب شبیراحمدزخمی،عارف نثارندوی،رضوان احمداشاعتی،محمدعارف ندوی،خاص طورپرقابل ذکرہیں۔

کیاہم صرف رمضانی مسلمان ہیں؟

2017-06-17T23:27:00.002-07:00

کیاہم صرف رمضانی مسلمان ہیں؟

منورسلطان ندوی

رمضان المبارک کی آمدسے خوشی جذبہ ایمانی کی علامت ہے،چنانچہ شعبان سے ہی رمضان کے استقبال کی تیاری شروع ہوجاتی ہے،جب رمضان کامہینہ شروع ہوتاہے تومسلم معاشرہ کی پوری کیفیت بدل جاتی ہے،گویاماحول میں ایک انقلاب برپا ہوجاتاہے،نمازوں کا اہتمام،قرآن کی تلاوت،اذکاراوردعائوں کی کثرت،صدقہ و خیرات،زبان کی حفاظت کی فکر، راست بازی،معاملات کی صفائی،الغرض مسلمانوں میں دینداری صاف طور پر نظرآتی ہے،لیکن عیدکی نمازپڑھ کرجب رمضان کوالوداع کہتے ہیںتواس کےبعد پھر وہی پرانی روش شروع ہوجاتی ہے،اورزندگی کی گاڑی اسی نہج پررواں دواں ہوجاتی ہے جس نہج پرایک ماہ قبل چل رہی تھی۔

اس طرح صاف محسوس ہوتاہے کہ مسلمان صرف رمضان میں ہی خودکودینی احکام کا پابندسمجھتے ہیں،اورباقی گیارہ مہینوں میں وہ بالکل آزادہیں،گویامسلمان رمضان میں تومسلمان رہنا پسندکرتے ہیں اورباقی دن مسلمان کے علاوہ کچھ بھی رہیںاس سے انہیںکوئی فرق نہیں پڑتا، حالانکہ سب جانتے ہیں کہ شریعت کامطالبہ اس کے برعکس ہے ، شریعت صرف رمضان کے لئے نہیں ہے،یہ توپوری زندگی کادستورالعمل ہے،یہ ایسادستورحیات ہے جس کے ایک ایک جزوپر ایمان رکھنااوراس پرعمل کرنالازم ہے، ہرکلمہ گوکے لئے لازم ہے کہ وہ اپنی زندگی کے تمام اعمال شریعت کے مطابق انجام دے، تبھی وہ مسلمان ہے،اوررمضان اسی بات کی تربیت کے لئے ہے، اس ماہ مبارک میں مسلمانوں کوتربیت دی جاتی ہے کہ انہیں زندگی کس طرح گزارنی ہے، اور ٹریننگ کامطلب یہ ہے کہ آئندہ ہمیں اسی کے مطابق کام کرناہے،اگرآئندہ کی زندگی ٹریننگ کے خلاف گزرتی ہے تواس کامطلب صاف ہے کہ ہم نے صحیح طریقہ پررمضان میں تربیت نہیں لی ، رمضان کی ہماری عبادتیں اورریاضتیں محض رسمی تھیں،دکھاوے کےلئے تھیں،یہ چیزیں ہمارے دل میں نہیں اتریں،ہمارادل اب بھی پراناپاپی ہی رہا۔

یہ کتنی بڑی محرومی کی بات ہوگی کہ سب سے زیادہ فضیلت اورسب سے زیادہ برکت والامہینہ گزرجائے اورہماری زندگی میں کوئی تبدیلی نہ آئے،ایمان کی بادبہاری چلے اور ہم اس سے کچھ بھی فائدہ نہیں اٹھاسکیں،رمضان کے دن اوررات بلکہ ہرپل رحمتوں اوربرکتوں کی برسات ہو،مینہ برسے اورہماری شقاوت میں کمی نہ آئے،ہرروزشب میں خداکامنادی مغفرت کی ندالگاتارہے اورہماری اندرجنبش تک نہ ہو۔

رمضان کامقصودنفس کاتزکیہ ہے،مادیت کی غلامی سے انسان کوآزاد کرنا ہے، اوریہ مقصداسی وقت حاصل ہوگاجب ہماراروزہ رسمی روزہ نہ ہوبلکہ حقیقی روزہ ہو،جب روزے کے تقاضے پورے ہوں گے تب ہی اس کے اثرات بھی مرتب ہوں گے۔

آج مسلمان جن حالات سے گزررہے ہیں،ان کے اسباب پرغورکریں توصاف نظرآئے گاکہ اس کی وجہ صرف اورصرف ایک ہے اوروہ ہے مسلمانوں کاحقیقی مسلمان نہ ہونا، اسلام کوپوری زندگی میں شامل نہ کرنا،ایمان کے تقاضوں پرعمل نہ کرنا، اگر ہماری زندگی اسلامی تعلیمات کے مطابق ہوجائے،توپھرمسائل ومشکلات کی زنجیریں خود بخود کٹ جائیں گی، اور دنیاوآخرت دونوں جگہ ہم کامیابی سے ہمکنارہوں گے،یہ خدا کا وعدہ ہے اور خداکبھی جھوٹ نہیں بولتا۔

ذراغورکیجئے رمضان میں مسلمانوں کی جودینی حالت ہے،جس طرح دین سے تعلق اوردینی تعلیمات پرعمل مسلمانوں کی زندگی میں نظرآرہاہے،مسلم معاشروں میں راست بازی، معاملات کی صفائی،نیکی کے جذبات موجزن ہیں،اگریہ کیفت پورے سال رہے، توکیادنیامیں کوئی تبدیلی نہیں آئے گی،یقیناًبہت بڑی تبدیلی آئے گی، اوراس تبدیلی کے اثرات اتنے ذبردست ہوں گے ہم سوچ بھی نہیں سکتے ہیں۔

ابھی رمضان المبارک کے ایام باقی ہیں،قبولیت کی گھڑیاں باقی ہیں،اس لئے اپنی دعائوںمیں اس دعاکوبھی شامل کیجئے کہ بارالٰہا!جس طرح آپ نے رمضان المبارک میں ہمیںعبادت کی توفیق دی ہے،اسی طرح پورے سال ہمیں عبادت کی توفیق عطافرما،جس طرح اس ماہ مبارک میں ہم نے زندگی کے اکثرکام شریعت کے مطابق کرنے کی کوشش کی ہے اسی طرح پورے سال اورپوری زندگی ہمیں شریعت پرعمل کرنے کی توفیق عطافرما!

اوراس دعاکے ساتھ عز م کیجئے ،سجدہ میں سررکھ خدائے ذول الجلال سے وعدہ کیجئے کہ انشا اللہ ہم پوری زندگی شریعت کے مطابق گزاریں گے،اوردین کے تقاضوں کواپنی تمام دنیاوی مصلحتوں پرترجیح دیں گے۔

یہ عزم کیجئے کہ

جس طرح رمضان میں نمازوں کی پابندی کی ہے،پورے سال اورپوری زندگی نمازوں کااہتمام کریں گے!

جس طرح رمضان المبارک میں رشتہ داروں کاخیال رکھاہے،غریبوں کی غمگساری کی ہے،اسی طرح پورے سال کریں گے!!

جس طرح رمضان میں زکوۃ کی فکرکی ہے،اسی طرح پورےسال اورپوری زندگی اپنے مال سے متعلق اللہ کے حقوق اوربندوں کے حقوق کو ادا کرنے کی فکر کریں گے!!

جس طرح اس رمضان میں دعائیں مانگی ہیں،اللہ سے لولگائے ہیں،اسی طرح آئندہ بھی کریں گے،اوراس تعلق کو ہمیشہ باقی رکھیں گے!!

جس طرح رمضان میں تلاوت کااہتمام کیا،اسی طرح پورے سال اورپوری زندگی قرآن سے تعلق رکھیں گے!!

جس طرح اس رمضان میں زبان کی حفاظت کی ہے،سچ بولا ہے،اور جھوٹ سے پرہیزکیاہے،اسی طرح پورے سال اورپوری زندگی سچ بولیں گے اور جھوٹ سے دور رہیں گے،معاملات میں ایمانداری ہماراشعارہوگااورسچائی ہماری پہچان!!

جس طرح رمضان میں دن کے اوقات میں شدت کی پیاس اورشدت کی بھوک محسوس ہونے کے باوجودپانی اورکھانادیکھ یہ خیال آتارہاکہ خدادیکھ رہاہے اسی طرح پورے سال اورپوری زندگی ہرحرام وناجائزکودیکھ کریادکریں گے کہ میراخدامجھے دیکھ رہاہے!!

اگرہم نے سچے دل سے یہ دعامانگی اورخداسےجووعدہ کیاہے اس کوپوراکرنے کی سنجیدگی کے ساتھ کوشش کی توخداعزوجل سے امیدکہ ہماری زندگی میں ضرور تبدیلی آئے گی ، اورپھریہ انفرادی تبدیلی کسی بڑی اجتماعی تبدیلی کاسبب بنے گی۔

جنت میں نبی کریم کی رفاقت کاحقدار

2017-03-14T21:13:00.001-07:00

یتیم بچوں کے ساتھ حسن سلوک کی فضیلت اوراس بارے میں رسول اللہ اورصحابہ کااسوہ

منورسلطان ندوی

رفیق علمی دارالافتاء

دارالعلوم ندوۃ العلماء لکھنؤ

اسلام میں یتیم بچوں پربڑی توجہ دی گئی ہے،ان سے متعلق آیات اوراحادیث کثرت سے موجودہیںجن سے واضح ہوتاہے کہ ان کی اہمیت اورحیثیت بہت زیادہ ہے،اسلام یتیم بچوں کے ساتھ ان تمام بچوں پرجوکسی وجہ سے اپنے ماںباپ کوکھوچکے ہیں،خاص توجہ دیتاہے اورانہیں ایسے حقوق عطاکرتاہے جوان کے لئے اچھی زندگی اورسماجی ومعاشرتی استحکام کاضامن ہوں،صحابہ کرام اوراس کے بعدکی تاریخ میں یتیم بچوں سے متعلق شرعی احکام پرعمل کی بے شمارتابندہ مثالیں ملتی ہیں،ان حضرات نے اجر و ثواب پانے اورجنت میں رسول اللہ ﷺ کی رفاقت حاصل کرنے کی خاطریتیم بچوں کے ساتھ اپنے بچوں کی طرح بلکہ اس سے بڑھ کرحسن سلوک کامعاملہ کیا،اوراللہ اوررسول اللہ کے احکام کی بجاآوری کی۔

خودرسول اللہ ﷺ بھی یتیمی کے مرحلہ سے گزرے ہیں،والدمحترم عبداللہ کو دیکھنے سے محروم رہے ہی،چھ سال کی عمرمیں والدہ ماجدہ کی ممتاسے بھی محروم ہوگئے، اس لئے آپ ﷺ سے زیادہ یتیم بچوں کے دکھ دردکوسمجھنے والااوران پرشفقت کاہاتھ رکھن والا کون ہوسکتاہے،آپ کی پرورش یتیم کی حیثیت سے ہوئی،اللہ تعالی نے دیگراحسانات کے ساتھ اس داغ یتیمی کوبھی احسان قراردیااوراس کاشکراداکرنے کاحکم دیا:

ترجمہ:کیااللہ نے آپ کویتیم نہیں پایا،پھرآپ کوٹھکانادے دیا،اورآپ کو سرگرداںپایا سوراستہ بتادیااورآپ کونادارپایاسومالداربنادیا،توآپ بھی یتیم پرسختی نہ کیجئے، اور سائل کومت جھڑکیے اوراوراپنے پروردگارکی نعمتوں کاتذکرہ کرتے رہاکیجئے۔(سورہ ضحی:۶)

اس نعمت کاشکریہ ہے کہ کسی یتیم پرظلم نہ کریں،ان کے دل کونہ توڑیں،بلکہ ان کے سرپرشفقت کاہاتھ پھیریں،ان کے ٹوٹے دلوں کوجوڑنے کی کوشش کریں، باپ یاماں کی جدائیگی کے غم کوان کے ساتھ حسن سلوک کے ذریعہ دورکریں،کیونکہ آپ پوری انسانیت کے یتیم بچوںکے سب سے بڑے باپ ہیں،ان کے غمخوراوران پرشفقت کرنے والے ہیں۔

رسول اللہ ﷺ نے یتیم بچوں کے ساتھ جس شفقت ومحبت کامعاملہ فرمایاوہ تاریخ انسانی میں ہمیشہ آب زرسے لکھاجائے گا،اس بارے میں آپ کے عملی نمونے کثرت سے احادیث کے ذخیرہ میں موجودہیں،آپ کے اس وصف کاغیرمسلم مستشرقوں نے بھی اعتراف کیاہے۔

مستشرق جیمس مشنر(James Michnr)لکھتے ہیں:

’’محمدیتیم پیداہوئے اس لئے ان کے دل میں غریبوں،محتاجوں،بیوائوں اوریتیموں کے لئے بڑی محبت تھی‘‘۔(الرسول فی الدراسات الاستشراقیۃ المنصفۃ، مصنف محمدشریف شیبانی،ص:۱۲۰)

فلیپ ہٹی(Phlippe Hitti)لکھتے ہیں:

’’گرچہ محمدزندگی کے ایک مرحلہ میں یتیم بھی رہے ہیں،لیکن ان کادل ہمیشہ زندگی سے محروم لوگوں کی غمخواری کے لئے کشادہ رہا‘‘۔(الاسلام منہج حیاۃ، ص: ۵۴ )

سیدنی فیشر(Sydney Fisher)نے اس حقیقت کااعتراف اس طرح کیا:’’جس ماحول میں محمد(ﷺ)کی پیدائش ہوئی وہاں بیوہ،یتیم اورہرطرح کے کمزورں کے ساتھ گرے پڑے سامان کاساسلوک ہوتاتھا،ایسے ماحول میں جب محمد(ﷺ)آئے توگرچہ انہیں وہ چیزحاصل نہیں تھی جن پرسربرآوردہ افرادفخرکرتے تھے،اس کے باوجودوہ اللہ کی طرف دعوت اورنجات کاراستہ لے کرآئے،اورانہوں نے پورے عرب میں اخلاق اورادب کاپیمانہ بدل دیا‘‘۔(الشرق الاوسط فی العصرالاسلامی)

لویس سیدیو(Lewis Sdjdiu)کہتے ہیں:

’’محمدہمیشہ یتیموں کے تعلق سے فکرمندرہے‘‘(تاریخ العرب العام،ص:۱۱۰)

اسلامی شریعت میں بچوں سے متعلق جوہدایات ہیں ان میں یتیم بچے بھی شامل ہیں،اوربہت سے احکام اورہدایات صرف یتیم بچوں کے لئے خاص ہیں،ان دونوں شکلوں میںیتیم بچوں سے متعلق ہدایا ت اورتوجیہات پرایک نظرڈالتے ہیں تاکہ اس بارے میں اسلامی ہدایات اوررسول اللہ ﷺ کاعملی اسوہ سامنے آئے اورمعلوم ہوسکے کہ اس سلسلہ میں اسلامی شریعت کس طرح ممتازاورنمایاں ہے۔

یتیموں کے ساتھ حسن سلوک

یتیموں کے ساتھ اچھے حسن سلوک یعنی اچھے برتائوکاحکم دیاگیاہے،حسن سلوک کالفظ بڑی معنویت رکھتاہے،اس میں یتیم بچوں پرشفقت،ان کے ساتھ نرمی اوررحمدلی،ان کی نگہ داشت،تعلیم وتربیت،اوران کے لئے مناسب زندگی کی فراہمی ساری چیزیں شامل ہیں،اللہ تعالی کاارشادہے:

ترجمہ:اوروہ وقت یادکروجب ہم نے بنی اسرائیل سے پکاعہدلیاتھاکہ تم اللہ کے سواکسی کی عبادت نہیں کروگے،اوروالدین کے ساتھ اچھاسلوک کروگے اوررشتہ داروں سے بھی اوریتیموں اورمسکینوں سے بھی ۔(سورہ بقرہ:۸۳)

دوسری جگہ ارشادہے:

توآپ یتیم پرسختی مت کیجئے۔(سورہ ضحی:۹)

مشہورمفسرابن کثیراس آیت کی تفسیرمیں لکھتے ہیں:

ترجمہ:یتیم کومت جھڑکیں یعنی انہیں ذلیل نہ کریں،بلکہ ان کے ساتھ حسن سلوک کریں ،نرمی سے پیش آئیں،قتادہ کہتے ہیں یتیم کے ساتھ مہربان باپ کی طرح رہیں۔(تفسیرابن کثیر،ج۴،ص:۶۳۶)

یتیم بچوں کے ساتھ بدسلوکی اور غیرشریفانہ معاملہ کرنادین کوجھٹلانے والوں یعنی کافروں کی علامت قراردیاگیاہے،دورجاہلیت میں یہ بات عام تھی، اسی پس منظرمیں یہ آیت نازل ہوئی :

ترجمہ:بھلاتونے اس شخص کوبھی دیکھاہے جوروزجزاکوجھٹلاتاہے ،وہی توہے جویتیموں کودھکے دیتاہے۔(سورہ ماعون:۱)

قرآن کریم میں یتیموں سے متعلق ۲۳آیات واردہیں،جن سے اس معاملہ کی اہمیت کااندازہ لگایاجاسکتاہے۔

یتیم بچوں کی کفالت

یتیم بچوں کے ساتھ سب سے اہم مسئلہ کفالت یعنی ان کی پرورش وپرداخت کاہوتاہے،رسول اللہ ﷺ نے یتیم بچوں کی کفالت کاانتظام کرنے اوراسے مسلم معاشرہ کاحصہ بنانے کاحکم فرمایااوراس کی بڑی ترغیب دی ،آپ ﷺ نے یتیموں کی کفالت کرنے والوں کوجنت میں اپنارفیق فرمایاہے،آپ ﷺنے ارشادفرمایا:

ترجمہ:میں اوریتیم کی کفالت کرنے والادونوںجنت میں اس طرح ہوں گے،آپ نے شہادت کی انگلی اوربیچ کی انگلیوں کوملاکراشارہ کیا،اوردونوں انگلیوں کے درمیان بہت کم فاصلہ رکھا۔(صحیح البخاری،حدیث نمبر:۶۰۰۵)

اس حدیث کی تشریح کرتے ہوئے علامہ ابن بطالؒ لکھتے ہیں:

جوبھی مومن اس حدیث کوسنے اس پرلازم ہے کہ اس حکم پرعمل کرنے کی کوشش کرے،تاکہ وہ جنت میں حضرت محمدﷺ اورتمام انبیاء اوررسولوں کارفیق بنے،آخرت میںاللہ کے نزدیک انبیاء کی رفاقت سے زیادہ مرتبہ کوئی نہیں ہے۔(شرح صحیح بخاری ازابن بطال،ج۹،ص:۲۱۷)

جس گھرمیں کسی یتیم کی پرورش ہورہی ہو،اس کے ساتھ اچھابرتائوکیاجاتاہو، وہ گھرسب سے بہترہے،اس کے برخلاف جس گھرمیں کسی یتیم کے ساتھ براسلوک ہو، وہ گھرسب سے بدترہے،آپ ﷺنے فرمایا:

ترجمہ:مسلمانوں میں سب سے بہترگھروہ ہے جہاں یتیم کے ساتھ اچھابرتائو ہو اور مسلمانوں میں سب سے بدترمکان وہ ہے جہاں کسی یتیم کے ساتھ براسلوک ہو۔(سنن ابن ماجہ،حدیث نمبر:۳۸۱۰)

حدیث میں مذکور برتائومیں زبانی اورعملی دونوں طریقے شامل ہیں،یعنی زبان میں بھی نرمی ہواورعمل سے بھی نرمی اورمحبت کااظہارہو،اسی طرح برے سلوک میں بھی زبان سے زیادتی بھی شامل ہے اورعملی سختی اورزیادتی بھی۔

اوربہترگھرکامطلب یہ ہے کہ ایساگھراللہ کی رحمتوں اوراس کی شفقتوں سے مالامال ہوگا،کیونکہ یتیم کی کفالت دراصل اللہ تعالی کی نیابت ہے،اس کی کفالت، اوراس کی ذمہ داریوں کی فراہمی کے سلسلہ میں۔(فیض القدیر،ج۳،ص:۳۴۵)

یتیم بچوں کی کفالت کرنے والے تہجدگزاروں کی طرح ہیں،ایسے لوگوں کی فضیلت بیان کرتے ہوئے آپ ﷺ نے فرمایا:

ترجمہ:جس نے تین یتیموں کی پرورش کی،وہ اس شخص کی طرح ہے جورات میں اللہ کی عبادت کرے،دن میں روزہ رکھے اورمہینوں اللہ کی راہ میں جہادکرے ، یتیموں کی پرورش کرنے والااورمیں جنت میں دوبھائیوں کی طرح ہوں گے جیساکہ دوانگلیاں،اورآپ ﷺ نے شہادت کی انگلی اوربیچ کی انگلیوں کی جانب اشارہ فرمایا۔(سنن ابن ماجہ،کتاب الادب،باب حق الیتیم،حدیث نمبر:۳۸۱۱)

اس روایت میں یتیموں کی پرورش کرنے کی تین فضیلت بیان کی گئی ہے،اول وہ تہجدگزارلوگوں کی طرح ہے،دوسرے وہ روزہ رکھنے والوں کی طرح ہے اورتیسرے وہ جنت میں اللہ کے رسول حضرت محمدﷺ کے بھائی کی طرح ہوگا،یعنی یتیموں کی پرورش پرتہجداورروزہ کاثواب ملے گااوررسول اللہ ﷺ کی رفاقت حاصل ہوگی،ان تینوں درجات سے بڑھ کراورکیادرجہ ہوسکتاہے۔

رسول اللہ ﷺ کویتیم اورعورت کے حقوق کی بڑی فکر تھی،آپ ﷺ نے ان دونوں کے حقوق کی بڑی تاکیدفرمائی،ابوہریرہ روایت کرتے ہیں کہ آپ نے فرمایا:

ترجمہ:میں لوگوں کودوکمزوروں یعنی یتیم اورعورت کے بارے میں اللہ سے ڈراتاہوں۔(سنن ابن ماجہ،کتاب الادب،باب حق الیتیم،حدیث نمبر:۳۸۰۹)

یہ حدیث یتیم بچوں کے بارے میں رسول اللہ ﷺ کی فکرمندی ان کے حقو ق کی اہمیت اوران کے ساتھ اچھابرتائوکرنے نیزان کے ساتھ برے سلوک کے انجام کی طرف اشارہ کرتی ہے،اس حدیث سے یہ بھی اشارہ ملتاہے کہ عام مسلمانوں کوبھی اس بارے میں فکرمندہوناچاہیے کہ ان کے درمیان یتیم بچوں کے ساتھ کیاسلوک ہورہاہے،ہرمعاشرہ میں موجودیتیم بچوں کی پرورش کی ذمہ داری جہاں اس کے قریبی رشتہ دارپرہے وہیں سماج کے سربرآوردہ طبقہ کی بھی ذمہ داری ہے کہ وہ ان کی خبرگیری کیاکریں،ان پرنظررکھیں،اوران پرکسی طرح کی زیادی نہ ہونے دیں۔

یتیم بچوں کے مال کی حفاظت

یتیم بچوں سے متعلق جس بات کی بڑی تاکیدآئی ہے وہ ہے ان کے مال کی حفاظت،اوراس میں خردبردنہ کرنا،ظاہرہے جس بچہ کے باپ یاماں باپ دونوں نہ ہوں ان کے پاس اگرمال اورجائیدادہے توان کی حفاظت کامسئلہ بہت اہم ہوجاتاہے،لوگوں کی نیت اس بارے میں جلدخراب ہونے لگتی ہے،اس لئے انسان کے اس مزاج کودیکھتے ہوئے یتیم بچوں کے مال کے بارے میں شریعت میں بڑی سخت ہدایات ہیں۔

یتیم کامال اس کے قریبی رشتہ داروں کے پاس بطورامانت ہوتاہے،جب یتیم بڑاہوجائے اوراس کے اندرشعورآجائے نیزوہ اپنے مال کی حفاظت پرقادر ہوجائے توان قریبی رشتہ داروں کوحکم ہے کہ وہ یتیم کامال ان کے حوالہ کردیں،اس درمیان یتیم کے مال کویتیم کی ضروریات پرخرچ کرسکتے ہیں،اس بارے میں تفصیلی حکم موجودہے،اللہ تعالی فرماتے ہیں:

ترجمہ:اوریتیموں کی جانچ کرتے رہے ،یہاں تک کہ جب وہ نکاح کے لائق عمرکوپہونچ جائیں تواگرتم محسوس کروکہ ان میں سمجھ داری آچکی ہے توان کے مال ان ہی کے حوالہ کردو،اوریہ مال فضول خرچی کرکے اوریہ سوچ کرجلدی جلدی نہ کھابیٹھوکہ وہ کہیں بڑے نہ ہوجائیں،اور(یتیموں کے سرپرستوں میں ) جوخودمالدارہووہ تواپنے آپ کو(یتیم کامال کھانے سے)بالکل روکے رکھے،ہاں اگروہ خودمحتاج ہوتومعروف طریق کارکوملحوظ رکھتے ہوئے کھالے، اورپھر جب تم ان کے مال ان کے حوالہ کرنے لگوتوان پرگواہ بھی کرلیاکرواوراللہ حساب لینے کے لئے کافی ہے۔(سورہ نساء:۶)

قرآن کریم میں یتیموں کامال کھانے کو آگ سے پیٹ بھرناقراردیاگیاہے،اور ایسے لوگوں کاٹھکانہ جہنم بتایاگیاہے،اللہ تعالی فرماتے ہیں:

بے شک جولوگ یتیموں کامال ناحق کھالیتے ہیں وہ بس اپنے پیٹ میں آگ ہی بھرتے ہیںاورجلدوہ دہکتی آگ میں جھونکے جائیں گے۔(سورہ نساء:۱۰)

قرآن کریم میں اس بات کی باربارتاکیدکی گئی،یہ حکم سورہ انعام (آیت :۱۵۲) اور سورہ اسراء(آیت:۳۴)میں بھی موجودہے۔

رسول اللہ ﷺ نے یتیموں کے مال کھانے کوموبقات یعنی انتہائی مہلک چیزوںمیں شمارکیاہے،آپ ﷺ نے فرمایا:

ابوہریرہ رضی اللہ عنہ سے مروی ہے کہ رسول اللہ ﷺ نے فرمایا:سات مہلک چیزوں سے بچوں،صحابہ نے دریافت کیا،ایسی سات چیزیں کیاہیں؟آپ نے فرمایا:اللہ کے ساتھ کسی کوشریک کرنا،سحر،ناحق کسی کوقتل کرنا،یتیم کامال کھانا،پیش قدمی کے وقت پیٹھ پھیرنااورپاکدامن بھولی عورتوں پرتہمت لگانا۔(صحیح بخاری،کتاب الوصایا،باب قول اللہ انمایاکلون اموال الیتامی،حدیث نمبر:۲۷۶۶)

رسول اللہ ﷺ کے نزدیک یتیم کے مال کامسئلہ اتنااہم تھاکہ آپ نے ضعیف صحابہ کویتیم کی ذمہ داری لینے سے منع فرمایا(صحیح مسلم،کتاب الامارہ،باب کراہیۃ الامارۃ بغیرضرورۃ،حدیث نمبر:۴۸۲۴)

یتیموں کے مال میں سرمایہ کاری کاحکم

یتیم کے پاس جوبھی مال ہو،وہ استعمال کرنے سے کم ہوگااوردھیرے دھیرے ختم ہوجائے گا،اسی وجہ سے رسول اللہ ﷺ نے یتیم بچوں کے سرپرستوں کوحکم دیاکہ وہ ایسے بچوں کے مال کوتجارت میں لگائیں،تاکہ منافع کے ذریعہ اصل مال میں اضافہ ہوتارہے،ورنہ خرچ کرنے سے اور سال بہ سال زکوۃ دینے سے وہ مال کم ہوگایاختم ہوجائے گا،رسول اللہ ﷺ نے خطبہ دیتے ہوئے فرمایا:

سن لو،جوبھی کسی یتیم کی پرورش کررہاہے اوراس یتیم کے پاس مال ہے تواسے چاہیے کہ مال کوتجارت میں لگائے،اورایسے ہی نہ چھوڑے ،تاکہ زکوۃ میں اداہوکرختم ہوجائے۔(سنن الترمذی،کتاب الزکوۃ،باب ماجاء فی زکوۃ مال الیتیم،حدیث نمبر:۶۴۲)

اس حدیث سے معلوم ہوتاہے کہ یتیم کے سرپرستوں کی ذمہ داری ہے کہ یتیم کے مال کوتجارت میں لگائیں،اس سے سرمایہ کاری کریں،تاکہ مال میں اضافہ ہوتا رہے ۔

یتیم بچوں پرشفقت :سنگ دلی کاعلاج

یتیموں کے ساتھ حسن سلوک کے فوائدمیں ایک یہ ہے کہ اس سے دل کی سختی دورہوتی ہے،رسول اللہ ﷺ نے یہ نسخہ بتایا،ابوہریرہ رضی اللہ عنہ بیان کرتے ہیں کہ ایک صحابی نے رسول اللہ ﷺ سے دل کی سختی کی شکایت کی توآپ نے فرمایا:

امسح راس الیتیم وأطعم المسکین(مسندامام احمدبن حنبل،ج۱۹،ص:۲۸۶)

یتیم کے سرپرہاتھ پھیرواورمسکینوں کوکھاناکھلائو۔

اس حدیث میں مذکورسرپرہاتھ پھیرنے سے واقعی ہاتھ پھیرنااوران کی دلجوئی کرنا،ان کاخیال رکھنادونوں شامل ہیں۔

سرپرہاتھ پھیرنے کی فضیلت

یتیم کے سرپرشفقت سے ہاتھ پھیرنابھی باعث ثواب ہے،احادیث میں یتیم کے سرپرہاتھ پھیرنے کی فضیلت آئی ہے،حضرت ابوامامہ سے مروی ہے کہ رسول اللہ ﷺ نے فرمایا:

جس نے محض اللہ کی رضاکے لئے کسی یتیم کے سرپرہاتھ پھیراتوان کیلئے ہربال کے بدلے جس پرہاتھ مس ہواہونیکیاں ہیں،اورجس نے کسی یتیم لڑکایایتیم لڑکی جوان کی پرورش میں ہو،کے ساتھ اچھابرتائوکیا،تومیں اوروہ دونوں جنت میں اس طرح ہوں گے،آپ نے شہادت کی انگلی اوربیچ کی انگلی کوپھیلا کر دکھایا ۔(مسندامام احمدبن حنبل،ج۴۸،ص:۲۵۹)

یتیموں کی کفالت کے فوائد

شریعت میں یتیموں کی پرورش ،اوران کے ساتھ حسن سلوک کی جوفضیلتیں اوپرمذکورہوئیں اورجس طرح یتیم کے سرپرست کے لئے اجروثواب اورجنت رسول اللہ ﷺ کی قربت کاوعدہ ہے ایک مومن کے لئے ان سے زیادہ اہم بات اورکیاہوسکتی ہے،لیکن اللہ کے احکام کی طرح اس حکم میں بھی اخروی سرفرازیوں کے ساتھ دنیاوی سرخروئی بھی ہے،جویتیم بچوں کے ساتھ مذکورہ ہدایات پرعمل کرے گاوہ جنت میں اجروثواب کامستحق ہوگاہی اس دنیامیں بھی اس کے لئے کامیابی وکامرانی ہے۔

یہ عمل اتنااہم ہے کہ مذکورہ شخص کے ساتھ معاشرہ اورسماج پربھی اس کی بڑے اچھے اثرات مرتب ہوں گے،عالم عرب کے عالم دین جناب عبداللہ بن ناصرسدحان نے یتیم بچوں کی کفالت کے فوائدکوجمع کرنے کی کوشش کی ہے،یہ فوائداس طرح ہیں:

۱۔کوئی مسلمان کسی یتیم کی پرورش کرے تووہ جنت میں رسول اللہ ﷺ کی رفاقت کامستحق ہوگا،اس سے بڑااعزازاورقابل فخربات ایک مسلمان کے لئے اور کیا ہوسکتی ہے۔

۲۔یتیم کی پرورش ،اس پرخرچ کرنااوراس کی تعلیم وتربیت کاعمل دراصل اس شخص کی نیک دلی،فطرت کی سلامتی اورشفقت ومحبت سے لبریزدل ہونے کوبتاتا ہے ۔

۳۔یتیم کی پرورش،اس کے سرپرہاتھ پھیرنے اوراس کی دلجوئی کرنے سے دل کی سختی دورہوتی ہے اوردل نرم ہوتاہے۔

۴۔یتیم کی پرورش کرنے والاآخرت کے علاوہ دنیاوی زندی میں خیروبرکت اورکامیابی وکامرانی سے شادکام ہوگا،کیونکہ اللہ تعالی کاارشادہے :ہل جزاء الاحسان الاالاحسان‘،لہٰذاجب بندہ اللہ کے حکم کے مطابق کسی کے ساتھ اچھاسلوک کرے تواس کے بدلے اللہ تعالی اس سے زیادہ بہترسلوک فرمائیں گے دنیااورآخرت دونوں جگہ۔

۵۔یتیم کی پرورش دراصل ایک ایسے معاشرہ کی تشکیل وتعمیرمیں حصہ لیناہے جوحسد،کینہ سے خالی ہواورجہاں محبت اورایک دوسرے کے تئیں خیرخواہی کے جذبات ہوں۔

۶۔یتیم کااکرام،اس کی ضروریات کی فراہمی اوراس کی تعلیم وتربیت کانظم کرنادراصل ایک ایسے فردکااکرام کرناہے جورسول کی صفت یتیمی میں شریک ہے،اوریہ بات رسول اللہ ﷺ سے محبت کی علامت ہے۔

۷۔یتیم کی کفالت سے مسلمان کا مال پاک وصاف ہوتاہے۔

۸۔یتیم کی پرورش ان اخلاق حمیدہ میںسے ہے جواسلام کومطلوب ہے اورجس کے اندریہ صفات پائی جائیں ان کی تعریف کی گئی ہے۔

۹۔یتیم کی پرورش کرنے والے کوبڑی برکت حاصل ہوتی ہے اوراس سے رزق میں کشادگی آتی ہے۔

۱۰۔رسول اللہ ﷺ کے فرمان کے مطابق جس گھرمیں یتیم کی پرورش ہوتی ہے وہ سب سے بہترگھرہوتاہے۔

۱۱۔یتیم کی پرورش کرنااس شخص کی آئندہ نسل کی حفاظت کاذریعہ ہے اورآئندہ اس کی نسل کے یتیم بچوں کی کفالت کاضامن۔کیونکہ جب اس نے کسی یتیم بچے کی کفالت کی توآئندہ اس کی نسل میںکوئی یتیم ہوگاتواس کی کفالت کانظم ہوگا،یہی اللہ تعالی کانظام ہے۔(کفالۃ الیتیم :دعوۃ الی مرافقۃ النبی ﷺ فی الجنۃ)

خلاصہ یہ کہ یتیم کی پرورش اوراس کی کفالت دنیاوآخرت دونوںجگہ بڑے اجروثواب اورخیروبرکت کاذریعہ ہے،قرآن وحدیث میں اس بات کی بڑی تاکیدآئی ہے ،ایسے تمام بچے جو والدین کی شفقت ومحبت سے محرو م ہوں ،خواہ وہ یتیم ہوں یاان کے والدین کسی ناگہانی مصائب کے شکارہوگئے ہوں یاکھوگئے ہوں،ان تمام بچوں کی ذمہ داری قریبی رشتہ داروں اورمتعلق سماج کی ہے،کہ ان کی مناسب خبری گیری کریں، ان کی بہترتربیت کانظم کریں،ان کی ان کوتعلیم دلائیں تاکہ وہ سماج کابہترحصہ بن سکیں، اگر ایسانہ کیاجائے اورشریعت کے اس حکم پرعمل میں کوتاہی ہوتواس کے اندراحساس کمتری پیداہوگی اوروہ سماج اورمعاشرہ کاناکارہ حصہ بنیں گے۔

(بصیرت فیچرس)

تحفظ شریعت سے زیادہ تفہیم شریعت کی ضرورت

2017-01-22T22:35:00.003-08:00

تحفظ شریعت سے زیادہ تفہیم شریعت کی ضرورت

مفتي محمد ظهورندوي -حيات و خدمات

2016-12-11T00:59:00.001-08:00

مفتي محمد ظهورندوي -حيات و خدمات

MonthlyMarwahIssueNov2016Pdf

2016-12-11T00:48:00.002-08:00

MonthlyMarwahIssueNov2016Pdf MonthlyMarwahIssueNov2016Pdf

روبرو از امين الدين شجاع الدين

2016-11-15T23:57:00.000-08:00

interevews by ameenuddin shujauddin

اسلام كا نظام طلاق

2016-11-13T21:27:00.001-08:00

اسلام كا نظام طلاق

اسلام کانظام طلاق

2016-11-13T21:27:00.000-08:00

اسلام کانظام طلاق

منورسلطان ندوی

(رفیق علمی دارالافتاء،دارالعلوم ندوۃ العلماء،لکھنؤ)

مذہب اسلام کی سب سے بڑی خوبی اوراس کاسب سے بڑاامتیازیہ ہے کہ اس کی تعلیمات انسانی ذہن کاتیارکردہ نہیں ،اورنہ ہی یہ زمانہ کے تجربات کانتیجہ ہیں بلکہ یہ تعلیمات ہیں اس ذات برحق کی جس نے یہ کائنات بنائی،جس نے انسانوں کوپیداکیااوراس کے لئے تمامترسہولتیں پیداکیں، انسان کوپیداکرنے والاانسان کے مزاج اورمذاق اس کی ضرورتوں سے زیادہ واقف ہے،جس نے دنیاکانظام بنایااسی ذات برحق نے دنیامیں انسان کے رہنے کا طریقہ بھی بتایا،انہی کے بتائے ہوئے طریقہائے زندگی کے آخری ایڈیشن کانام ’شریعت محمدی ‘ہے،رسول اللہ ﷺ کے ذریعہ بعثت کی تکمیل ہوگئی،اوریہ شریعت ہمیشہ ہمیش کے لئے انسانی رہنمائی کے لئے باقی رہے گی،انسان کی کامیابی وکامرانی شریعت کے اتباع میں مضمرہے۔

اسلامی شریعت کااصل مصدروسرچشمہ قرآن وحدیث ہے،اورپھران دونوں مصادرکی روشنی میں اجماع اورقیاس کاوجودہوتاہے،انسانی زندگی کے تمام مسائل انہی چاروں مصادرسے ماخوذہیں،زندگی کے مختلف ابواب سے متعلق جواحکامات دئے گئے ہیں ان میں بعض منصوص ہیں،آیات بھی اورآحادیث بھی،ان منصوص مسائل میں انسانی عقل وفکرکاکوئی دخل نہیں ہے،مثلانمازکے اوقات،نمازکی رکعات،زکوۃ کی مقداروغیرہ،اوربہت سے مسائل ایسے ہیں جن سے متعلق قرآن وحدیث میں نص توموجودہے،مگروہ صریح نہیں ہے ،ایسے مسائل میں صحابہ کرام،خلفاء راشدین،کبارتابعین اور پھر ائمہ مجتہدین نصوص اوراجتہادکے اصول وضوابط کی روشنی میں اجتہادکرکے مسائل مستنبط کرتے ہیں،زندگی کے تمام ابواب مثلا عبادات،معاملات،عائلی مسائل،مالی مسائل،جنایات وغیرہ کے احکام انہی دوطرح کے مسائل پرمشتمل ہیں۔

اسلامی شریعت میں عائلی مسائل مثلانکاح وطلاق ،عدت،نفقہ،حضانت ،اورمیراث و وصیت وغیرہ کا پورانظام موجودہے،ان میں سے ہرباب سے متعلق کلی اورجزئی تمام مسائل متعین ہیں،اورسارے احکامات خدائی احکامات ہیں،اس لئے یہ انسانی مصالح اوران کی ضروریات کے مکمل مطابق ہیں،یہی سب سے بہترنظام حیات ہے، اس سے بہترتوکیااس کے مقابلہ میں انسانی فکرکاتخلیق کردہ کوئی نظام یاازم ہوبھی نہیں سکتاہے۔

شریعت میں جہاں نکاح کاپورانظام بتایاگیاوہیں میاں بیوی کے درمیان نزاع اوراختلافات کودورکرنے کاطریقہ بھی بتایاگیاہے،نکاح کے ذریعہ دواجنبی ایک رشتہ میں بندھ جاتے ہیں اورایک ہوجاتے ہیں،پھردونوں کے مابین اکثراچھی ہم آہنگی ہوجاتی ہے ،اوردونوں خوشی خوشی ایک ساتھ رہتے ہیں،اورکبھی ایسابھی ہوتاہے کہ مزاج کے فرق،اوردیگراسباب کی بناء پرہم آہنگی نہیں ہوپاتی،جس کے نتیجہ میں دونوں کے مابین ایک خلیج حائل ہونے لگتی ہے،کبھی ایک دوسرے کو سمجھانے،خاندان کے بڑوں کے سمجھانے یاایک دوسرے کے تئیں نرم پڑنے کی صورت میں یہ اختلافات ختم ہوجاتے ہیں اورکبھی یہ اختلافات مزیدبڑھ جاتے ہیں،یہاں تک دونوں کی زندگی اجیرن بن جاتی ہے،دوافرادکی لڑائی میں پوراخاندان متاثرہونے لگتاہے،ان ناخوش گوار صورتوں اورپیچیدہ عائلی مسائل کے حل کاطریقہ بھی قرآن نے بیان کیاہے۔

میاں بیوی کے درمیان باہمی نزاع کودورکرنے کاقرآنی طریقہ

زوجین کے درمیان درآنے والے اختلافات اورشقاق کودورکرنے کاجوطریقہ قرآن میں بتایاگیاہے ان کواپناناچاہیے،اوران مراحل کوپوراکرنے کے بعدہی طلاق کافیصلہ کرناچاہیے،آپسی معاملات کوسلجھانے کاطریقہ درج ذیل ہے:

۱۔بیوی کے ساتھ حسن سلوک:قرآن میں بیوی کے ساتھ حسن سلوک کا حکم باربار آیاہے:

عاشروہن بالمعروف(سورہ نساء:۱۹)

ترجمہ:اوربہنوں کے ساتھ خوش اسلوبی سے گزربسرکیاکرو۔

شوہربیوی کے ساتھ حسن سلوک کرے تو بہت سے مسائل یاتوپیداہی نہیں ہوتے یاپیداہونے کے بعدحل ہوجاتے ہیں،عورتیں شوہریاسسرال کی بعض ناگوارباتوں کوشوہرکے حسن سلوک کی وجہ گوارکرلیتی ہیں۔

۲۔میاں بیوی ایک دوسرے سے متعلق تکلیف کوبرداشت کریں:قرآن میں صبرکرنے اورباہم نزاع کی صورت میں برداشت کرنے اورانگیزکرنے کاحکم ہے اوربتایاگیاہے کہ ہوسکتاہے کہ اگرتمہیں کوئی ایک چیزبری لگی تودوسری چیزاچھی لگے گی:

عاشروہن بالمعرو ف فان کرہتموہن فعسی ان تکرہوا شیئاویجعل اللہ فیہ خیراکثیرا(سورہ نساء:۱۹)

ترجمہ:بیویوں کے درمیان خوش اسلوبی سے گزربسرکیاکرو،اگروہ تمہیں ناپسندہوں توعجب کیاکہ تم ایک شئی کوناپسندکرواوراللہ تعالی اس کے اندرکوئی بڑی بھلائی رکھ دے۔

صحیح مسلم کی روایت ہے:لایفرک مومن مومنۃ ان کرہ منہاخلقارضی منہااخری(صحیح مسلم)

۳۔میاں بیوی ایک دوسرے کوسمجھائیں،اس طرح بہت سے مسائل حل ہوسکتے ہیں۔

۴۔بسترالگ کرکے اعراض کرنا:اگرافہام وتفہیم سے باہمی اختلافات دورنہ ہوں توحکم ہے کہ مرداپنابسترالگ کرلیں، اس طرح اعراض کرنے کی صورت میں سمجھداربیوی مسائل پرغورکرنے پرمجبورہوگی،اورشوہرکی شکایات کودورکرنے کی کوشش کرے گی۔

۵۔معمولی تادیب:اس کے بعدبھی کام نہ چلے اوربیوی کی نادانی اورجہل بڑھتاجائے تومعمولی اندازسے مارنے کابھی حکم ہے،احادیث میں مارنے کاطریقہ بھی بتایاگیاہے۔

ان اقدام کے بعداگرمصالحت ہوجاتی ہے تومردوں کوحکم ہے کہ اب کوئی الزام عورت کونہ دیں بلکہ خوشی خوشی ساتھ رہیں،ارشادہے:

واللاتی تخافون نشوزہن فعظوہن واہجروہن فی المضاجع واضربوہن فان اطعنکم فلاتبغواعلیہن سبیلاان اللہ کان علیاکبیرا(سورہ نساء:۳۴)

ترجمہ:اورجوعورتیں ایسی ہوں کہ تم ان کی سرکشی کوعلم رکھتے ہوتوانہیں نصیحت کرواورانہیں خواب گاہوں میں تنہاچھوڑدو،اورانہیں مارو،پھراگروہ تمہیاری اطاعت کرنے لگیں توان کے خلاف بہانے نہ ڈھونڈو،بے شک اللہ بڑاہی رفعت والابڑاہی عظمت والاہے۔

۶۔دونوں خاندان کے کچھ افرادجمع ہوں اورمسئلہ کوحل کرنے کی کوشش کریں:ان مراحل کے بعدبھی اگرمسائل حل نہ ہوں توآگے حکم ہے کہ دونوں طرف کے ذی ہوش اورمعاملہ فہم افرادجمع ہوں اورمیاں بیوی کی باتیں سن کرجومناسب سمجھیں فیصلہ کریں،اللہ تعالی فرماتے ہیں اگردونوں حکم مصالحت کرنا چاہیں گے توضروراللہ تعالی انہیں مصالحت کی توفیق عطافرمائے گا:

وان خفتم شقاق بینہمافابعثواحکمامن اہلہ وحکمامن اہلہاان یریدااصلاحایوفق اللہ بینہماان اللہ کان علیماخبیرا(سورہ نساء:۳۵)

ترجمہ:اوراگرتمہیں دونوں کے درمیان کشمکش کاعلم ہوتوتم ایک حکَم مردکے خاندان سے اورایک حکم عورت کے خاندان سے مقررکرو،اگردونوں کی نیت اصلاح حال کی ہوتواللہ دونوں کے درمیان موافقت پیداکردے گا،بے شک اللہ بڑاہی علم رکھنے والااورہرطرح سے باخبرہے۔

ان مراحل سے گزرنے کے بعدبھی اگرآپسی ناچاقی باقی رہے تواب شوہرکوایک طلاق رجعی دینے کااختیارہوگا۔

یہاں یہ واضح رہے کہ میان بیوی کی آپسی ناچاقی کودورکرنے کی جومذکورہ ہدایات قرآن نے دی ہیں یہ اختیاری ہیں،لزومی نہیں،یعنی اگرکوئی ان مراحل کے بغیرطلاق دے دیتاہے توطلاق واقع ہوجائے گی،البتہ مذکورہ ہدایات پرعمل نہ کرنے کاگنہ گارہوگا۔

طلاق کی حیثیت

طلاق کی مشروعیت ضرورتاہوئی ہے،ورنہ اللہ تعالی کے نزدیک یہ بہت ہی ناپسندیدہ عمل ہے،رسول اللہ ﷺ فرماتے ہیں:

ابغض الحلال الی اللہ تعالی الطلاق۔(سنن ابی داؤد،کتاب الطلاق،باب فی کراہیۃ الطلاق،حدیث نمبر:۲۱۸۰)

اللہ تعالی کوحلال چیزوں میں سب سے زیادہ ناپسندطلاق ہے۔

جائزچیزوں میں سب سے ناپسندیدہ اوراللہ تعالی کوغصہ دلاوالی چیزطلاق ہے،آپ ﷺ نے فرمایا:مااحل اللہ شیئاابغض الیہ من الطلاق۔(سنن ابی داؤ،کتاب الطلاق،باب فی کراہیۃ الطلاق،حدیث نمبر:۲۱۷۹،المستدرک علی الصحیحین،کتاب الطلاق،ج۲،ص:۲۱۴،حدیث نمبر:۲۷۹۴)

ایک روایت میں طلاق کے بارے میں بڑاسخت لفظ آیاہے،روایت کے الفاظ اس طرح ہیں:

تزوجواولاتطلقوافان الطلاق یہتزلہ عرش الرحمن۔(الفوائدالمجموعہ لاحادیث الموضوعۃ،ج۱،ص:۱۳۹)

نکاح کرو،طلاق نہ دیاکرو،کیونکہ طلاق سے اللہ رب العزت کاعرش ہل جاتاہے۔

اس روایت کومحدثین نے ضعیف کہاہے۔(حوالہ سابق)

طلاق کی تعریف

نکاح کے ذریعہ میاں بیوی کے درمیان جورشتہ وجودمیں آتاہے اس کوختم کرنے کانام طلاق ہے،رفع قیدالنکاح حالااومآلا بلفظ مخصوص(الفتاوی الہندیۃ،ج۱،ص:۳۴۸)

طلاق کی مشروعیت کی دلیل

قرآن کی متعددآیات سے طلاق کامشروع ہونامعلوم ہوتاہے،مثلا:

الطلاق مرتان فامساک اوتسریح باحسان،(سورہ بقرہ:۲۲۹)

ترجمہ:طلاق تودوہی بارہے،اس کے بعدیاتورکھ لیناہے قاعدہ کے مطابق یاخوش اسلوبی کے ساتھ چھوڑدیناہے۔

یاایہاالنبی اذاطلقتم النساء فطلقوہن لعدتہن(سورہ طلاق :۱)

ترجمہ:اے نبی! جب ت اپنی عورتوں کودینے لگوجن کے خلوت ہوچکی ہے توان کوعدت سے پہلے طلاق دو۔

احادیث میں اس موضوع پرکثرت سے روایتیں موجودہیں،مثلاحضرت عبداللہ بن عمر نے اپنی زوجہ کوطلاق دیاتوحضرت عمرنے رسول اللہ ﷺ سے اس بارے میں دریافت کیا،آپ ﷺ نے فرمایا:مرہ فلیراجعہاثم یطلقہااذاطہرت۔۔۔(صحیح البخاری،کتاب الطلاق،باب قولہ یاایہاالنبی اذاطلقتم النساء،حدیث نمبر:۵۲۵۱)

تمام مسلمان طلاق کے مشروع ہونے کے قائل ہیں،علامہ ابن قدامہ نے طلاق کے جائزہونے پرمسلمانوں کااجماع نقل کیا (المغنی، ج۷، ص:۹۶)

انسانی عقل کاتقاضہ بھی یہی ہے کہ طلاق ہو،کیونکہ شوہروبیوی کے درمیان جب ہم آہنگی نہ ہو،اورنکاح کے رشتہ کوباقی رکھناممکن نہ ہو،ایسی صورت میں نکاح کی بنیادپر بیوی کوروکے رکھناجس کے ساتھ رہناممکن نہ ہو،نکاح کے مقصدکوختم کرناہے،اوران مصالح کوضائع کرناہے جن کے تکمیل کی خاطرنکاح کی مشروعیت ہوئی ہے۔

طلاق کی حکمت

اللہ تعالی نے اہم مقاصدکی تکمیل کے لئے نکاح کومشروع فرمایاہے،اوریہ حقیقت ہے کہ نکاح سے جومقاصدمطلوب ہیں وہ اسی صورت میں پورے ہوسکتے ہیں جب شوہروبیوی کے درمیان اچھے تعلقات ہوں،حسن معاشرت ہو، باہم محبت ومودت ہو،ایک دوسرے کے لئے ہمدردی ہو،شریعت میں حسن معاشرت کی بڑی تاکیدکی ہے،متعددآیات میں اس کاحکم آیاہے،اوران تمام چیزوں سے بچنے کی تاکیدفرمائی گئی ہے جن کی بنیادپریہ رشتہ کمزورہوتاہے یاٹوٹتاہے،لیکن ان سب کے باوجوداگرمیان بیوی میں نباہ کی صورت نہیں ہو،دونوں کاساتھ رہنامشکل ہوجائے، شوہراپنی بیوی کی اصلاح سے عاجزہویابیوی اپنے شوہرکوسمجھانے سے قاصرہوجائے،ایسی صورت میں شریعت نے میاں بیوی کوتاریکی میں بھٹکنے کے لئے نہیں چھوڑاہے بلکہ ان کی رہنمائی کی ہے،اوردونوں کے مسائل کاحل پیش کیاہے،اسی حل کانام طلاق ہے،گویاطلاق کی مشروعیت میاں بیوی کے درمیان اس منافرت کوختم کرنے کے لئے ہے،جس کادوسراکوئی حل نہیں ہے۔

ایسانہیں ہے کہ اسلام میں طلاق کوئی پسندیدہ بات ہو،بلکہ یہ انتہائی ناپسندیدہ عمل ہے،لیکن اس کے باوجوداس کی مشروعیت رشتہ ازدواج کے لئے بطورعلاج کے ہے،میاں بیوی کے درمیان پیش آنے والے ناقابل حل مسائل کاخاتمہ اسی کے ذریعہ ممکن ہے،اگرطلاق نہ ہوتومیاں بیوی کے درمیان کی منافرت سے نہ صرف دونوں کی زندگی جہنم بنے گی بلکہ پوراخاندان اس آگ میں جلے گا۔

طلاق ایک معتدل حل ہے،اس طورپراگرکسی وجہ سے شوہرکوبیوی پسندنہیں ہے یااس کے ساتھ نباہ مشکل ہے،ایسی صور ت میں اگرطلاق کاراستہ نہ ہوتوپھرمردایسی عورت پرظلم کے پہاڑتوڑے گا،اوراسے اپنے راستے سے ہٹانے کے لئے شرعی حدودسے آگے بڑھ جائے گا،اس لئے نکاح کے رشتہ کوختم کرنے کے لئے کوئی راستہ ضروری ہے،اوراسی راستہ کانام طلاق ہے۔

طلاق کاحکم

طلاق دینے کی مختلف صورتیں ہیں،ہرصورت میں طلاق دیناگناہ نہیں ہے،بلکہ بعض صورتوں میں طلاق دیناہی واجب ہوجاتاہے،فقہاء نے حکم کے اعتبارسے طلاق کی پانچ قسمیں کی ہیں:واجب،مستحب،مباح،حرام،مکروہ،فقہ کی اکثرکتابوں میں اس کاذکر ہے:

۱۔واجب:جب بیوی کے حقوق کی ادائیگی ممکن نہ ہو،مثلاشوہرنامردہو،بیوی فاحشہ ہو،اسی طرح جب دونوں حکم مصالحت کی کوشش میں طلاق کوہی بہترحل قراردیں،ان صورتوں میں طلاق دیناواجب ہوجاتاہے۔

۲۔مستحب:جب بیوی احکام خدواندی کی تعمیل میں کوتاہی کرے،مثلا نمازچھوڑتی ہو،یاعورت کی زبان یاعمل سے مردکوتکلیف پہونچتی ہو،یاآپسی نزاع کی وجہ سے عورت طلاق کامطالبہ کرے،ان صورتوں میں طلاق دینامستحب ہے۔

۳۔مباح:جب طلاق دینے کی ضرورت ہومثلاعورت بداخلاق ہو،شوہرکے ساتھ اچھابرتاؤنہ کرتی ہو،شوہرسے محبت نہیں کرتی ہو،ان صورتوں میں طلاق دینا مباح ہے۔

۴۔حرام:طلاق دینے کے بعدعورت کے گناہ میں ملوث ہونے کایقین ہو،یاوہ دوسرانکاح نہ کرسکتی ہو،اسی طرح شریعت میں بتائے ہوئے طریقہ کے خلاف طریقہ سے طلاق دینا،مثلاناپاکی کے ایام میں طلاق دینا،ایک ساتھ تین طلاق دینا،ان صورتوں میں طلاق دیناحرام ہے،طلاق توواقع ہوجائے گی،البتہ شوہرگنہ گارہوگا۔

۵۔مکروہ:بلاضرورت طلاق دیناجس سے عورت کونقصان پہونچنے کااندیشہ ہو۔(الموسوعۃ الفقہیۃ،ج۹،ص:۲۹)

طلاق اصلامباح ہے یامکروہ؟

فقہاء کے مابین اس بارے میں اختلاف رائے پایاجاتاہے کہ طلاق دینااصلامباح ہے یامکروہ،فقہاء احناف میں امام سرخسی اورعلامہ حصکفی کی رائے یہ ہے کہ یہ مباح ہے،جبکہ علامہ کاسانی ،علامہ ابن ہمام اورفتاوی ہندیہ میں مذکوررائے یہ ہے کہ طلاق دینااصلامکروہ ہے،ضرورتاجائزہے۔(الفتاوی الہندیہ،ج۱،ص:۳۴۸)

طلاق دینے کاطریقہ

شریعت نے جب طلاق کومشروع کیاہے تواس کاطریقہ بھی متعین کیاہے تاکہ طلاق عورت کے لئے باعث رحمت ہو،باعث زحمت نہیں،اس لئے شریعت کے بتائے ہوئے طریقہ کے مطابق طلاق کوطلاق سنت اوراس کے برعکس طلاق کوطلاق بدعت کہاجاتاہے،اس اعتبارسے طلاق کی درج ذیل تین قسمیں ہیں:

طلاق احسن:طلاق دینے کاسب سے بہترطریقہ یہ ہے کہ شوہراپنی بیوی کوایک طلاق رجعی دے،ایسی پاکی کی حالت میں جس میں اس سے تعلق قائم نہ کیاہو۔

طلاق حسن:ہرمہینہ میں پاکی کی حالت میں ایک طلاق رجعی دے،اسی طرح تین مہینوں تک کرے ۔

اس طرح سنت کے مطابق طلاق دینے کے تین شرائط ہیں:

۱۔معقول ضرورت کی بنیادپرطلاق دے۔

۲۔ایسی پاکی کی مدت میں طلاق دے جب تعلق قائم نہ کیاہو۔

۳۔الگ الگ طلاق دے،ایک ساتھ طلاق نہ دے۔(الفقہ الاسلامی وادلتہ،ص:۶۹۲۰)

طلاق بدعت:ان دوطریقوں کے علاوہ طلاق کی تمام شکلوں کو طلاق بدعت کہتے ہیں،مثلا ناپاکی(حیض یانفاس)کی مدت میں طلاق دینا،پاکی کی حالت میں طلاق دیناجب بیوی سے تعلق قائم کرچکاہو،ایک ساتھ دویاتین طلاق دینا ، ایک ہی پاکی کی مدت دویاتین طلاق دینا،ان صورتوں میں طلاق توواقع ہوجاتی ہے،البتہ طلاق دینے والاگنہ گارہوتاہے۔

حضرت عمرکے صاحب زادے عبداللہ بن عمرنے اپنی اہلیہ کوناپاکی کی حالت میں طلاق دی تھی یہ خبر سن کررسول اللہ ﷺ بہت غصہ ہوئے(صحیح البخاری)کیونکہ ناپاکی کے زمانہ میں طلاق دینے کی وجہ سے عورت کی عدت لمبی ہوجاتی ہے۔

محمودبن لبیدبیان کرتے ہیں کہ رسول اللہ ﷺ کواطلاع ملی کہ کسی شخص نے اپنی بیوی کوتین طلاقیں دی تھیں توآپ ﷺ غصہ سے کھڑے ہوگئے اورفرمایا’’ایلعب بکتاب اللہ عزوجل وانابین اظہرکم‘‘(کیاکتاب اللہ کے کھلواڑکیاجائے گاحالانکہ میں تمہارے درمیان موجودہوں)آپ کے غصہ کودیکھ کرایک صحابی نے عرض کیااے اللہ کے رسول کیامیں اس کی گردن نہ اڑادوں۔ (سنن النسائی،کتا ب الطلاق،باب الثلاث المجموعۃ ومافیہ من التغلیظ،حدیث نمبر:۳۴۱۴)

تین طلاق

تین طلاق اگرتین ایسے پاکی کے ایام میں دیا جب تعلق قائم نہ کیاہو،تویہ طلاق حسن ہے،جمہورائمہ کے نزدیک اس سے تین طلاق واقع ہوتی ہے۔

تین طلاق کی ایک شکل یہ ہے کہ کوئی ایک ہی ساتھ تین طلاق دے یاایک ہی طہرمیں تین طلاق دے،ایسی صورت کے بارے میں فقہاء کے درمیان اختلاف ہے:

۱۔اکثرصحابہ،خلفاء راشدین اورائمہ اربعہ کے نزدیک اس سے تین واقع ہوتی ہے۔

۲۔علامہ ابن تیمیہؒ ،ان کے شاگرعلامہ ابن قیمؒ ،اسحق بن راہویہؒ اورشیعوں کے فرقہ زیدیہ کے نزدیک ایک طلاق واقع ہوگی۔

۳۔شیعوں کے فرقہ امامیہ کے نزدیک ایسی صور ت میں کوئی طلاق واقع نہیں ہوگی۔(الفقہ الاسلامی وادلتہ،ص:۶۹۲۸)

طلاق کے طریقہ سے صاف واضح ہوتاہے کہ اسلام میں الگ الگ پاکی کی مد ت میں طلاق دینے کاحکم ہے ،نیزیہ بھی شرط ہے کہ جس پاکی کی مدت میں تعلق نہ قائم کیاہو،تاکہ مردمیں رجوع کرنے کی چاہت باقی رہے،اور ہرمرحلہ میں سوچنے اورغوروفکرکرنے کاموقع ملے،اسی طرح عورت کے لئے بھی اپنی اصلاح کرنے کی مہلت ہو،اگرعورت کی اصلاح ہوجاتی ہے توپھرمزیدطلاق کی ضرورت باقی نہیں رہے گی،اورایک طلاق کے بعدبھی اصلاح نہ ہوتو دوسرے مہینہ دوسری طلاق دینے کی گنجائش ہوگی۔

عدت کانفقہ

طلاق کے بعدعدت گزارناواجب ہے،حمل نہ ہونے کی صورت میں عدت تین ماہ اورحمل کی صورت میں بچہ کی پیدائش تک عدت ہے،اس پوری مدت کانفقہ شوہرپرواجب ہے،ارشادہے:وان کن اولات حمل فانفقواعلیہن حتی یضعن حملہن (سورہ طلاق:۶)

ترجمہ:اگروہ مطلقہ عورتیں حمل والیاں ہوں توحمل پیداہونے تک ان کاخرچ دو۔

عدت کے بعدعورت کانفقہ

عدت کے بعدجب عورت نکاح سے آزادہوجائے توسب سے بہتریہ ہے کہ وہ کسی مردسے نکاح کرلے،شریعت میں دوسری شادی کی بڑی تاکیدآئی ہے،ہمارے معاشرہ میں اس کارواج بہت کم ہے،اگرایسی عورت کی دوسری شادی ہوجائے تواس کی پوری ذمہ داری دوسرے شوہرپرعائد ہوگی۔

دوسری شادی نہ ہونے کی صورت میں لڑکی کے والدین ،اولاد،بھائی،چچااوراس طرح دوسرے رشتہ داروں پراس کانفقہ واجب ہے،اوریہ شرعالازم ہے،اگرکسی عورت کے یہ نسبی رشتہ دارنہ ہوں تواصلاتواصلایہ حکوت وقت کی ذمہ داری ہے کہ ایسی عورتوں کی کفالت سرکاری خزانہ سے کی جائے،لیکن ہندوستان میں فی الحال بظاہریہ مشکل ہے اس لئے مسلم سماج کی ذمہ داری ہے کہ ایسی عورتوں کی کفالت کاانتظام کرے۔

مولانا خالدسيف الله رحماني -مختصر حالات اور خدمات

2016-10-20T01:06:00.001-07:00

مولانا خالدسيف الله رحماني -مختصر حالات اور خدمات

مولانانذرالحفيظ ندوي ازهري

2016-10-20T00:59:00.001-07:00

مولانانذرالحفيظ ندوي ازهري

بوڑھوں اورمعذوروں کااحترام اوراسوۂ نبوی ﷺ

2016-03-05T23:56:00.002-08:00

بوڑھوں اورمعذوروں کااحترام اوراسوۂ نبوی ﷺ
منورسلطان ندوی
(رفیق علمی:دارالافتاء،دارالعلوم ندوۃ العلماء،لکھنؤ)
اسلام کی نظرمیں ہرانسان بحیثیت انسان برابرہے،اورہرایک کویکساں حقوق حاصل ہیں،اسلامی نظام میں نہ رنگ ونسل کاامتیازہے اورنہ مذہب اوروطن کی بنیادپرتفریق،رسول اللہ ﷺ نے حجۃ الوداع کے موقع پرصاف اعلان فرمادیا:
یاایہاالناس ألا ان ربکم واحد وان أباکم واحد ألا لا فضل لعربی علی عجمی ولا لعجمی علی عربی ولا لاحمرعلی أسود ولا لاسودعلی أحمر الا بالتقوی۔(مسنداحمدبن حنبل،ج۵،ص:۴۱۱،شعیب ارناؤط نے اس کی سندکوصحیح قراردیاہے)
اس لئے اسلامی تعلیمات میں سماج کے ہرطبقہ کویکساں حقوق حاصل ہوں گے اوران پریکساں فرائض وذمہ داریاں بھی عائدہوں گی،سماج کاایک طبقہ جس میں عورت،بچے،معذور،غرباء ومساکین،یتیم اوربوڑھے وغیرہ شامل ہیں،ہمیشہ مظلوم رہاہے،اورہمیشہ ان پرزیادتیاں ہوئی ہیں،اسلام وہ واحدمذہب ہے جس نے سماج کے تمام طبقات کے ساتھ انصاف کیا،اسلامی تعلیمات میں سماج کے ان کمزورافرادکوخاص اہمیت دی گئی،اورانہیں ذلت و بے توجہی کی پستی سے نکال کرایسا بلندمقام عطاکیاگیاکہ جس کاتصوربھی مشکل تھا،رسول اللہ ﷺ کے ارشادات اورآپ ﷺکے سلوک سے اس کی اہمیت کااندازہ بخوبی لگاجاسکتاہے،خاص طورپررسول اللہ ﷺ کے دوارشادات ایسے ہیں کہ جن کی وجہ سے کمزورافرادقابل فخراوردوسروں کے لئے قابل رشک بن گئے:
اول یہ کہ آپ ﷺ کی نظرمیں ان کی حیثیت یہ ہے کہ یہ کمزورافرادسماج کے دیگرتمام افرادکے محسن ہیں،اللہ کی رحمتیں انہی افرادکی وجہ سے نازل ہوتی ہیں، انہی کی بدولت اللہ کی نعمتوں سے سب لوگ فیضیاب ہوتے ہیں،اور رزق پاتے ہیں،اورانہی کی وجہ سے خداکی مددآتی ہے،آپ نے ارشادفرمایا:
ابغونی الضعفاء فانماتنصرون وترزقون بضعفائکم۔(سنن ابی داؤد،کتاب الجہاد،باب فی الانتصاربرذل الخیر،حدیث نمبر:۲۶۹۶)
مجھے کمزورلوگوں میں تلاش کرو،ان کمزوروں کی وجہ سے ہی تمہاری مددکی جاتی ہے اورتمہیں رزق دیا جاتاہے۔
اوردوسری بات یہ ہے کہ رسول اللہ ﷺ نے اپنے لئے اسی طبقہ کاانتخاب فرمایا،آپ ﷺکواسی زمرہ میں رہناپسندتھا،زندگی میں بھی اورمرنے کے بعدبھی، آپ نے دعافرمائی:
اللہم احینی مسکیناوامتنی مسکیناواحشرنی فی زمرۃ المساکین یوم القیامۃ۔(سنن الترمذی،کتاب الزہد،باب ماجاء ان فقراء المہاجرین یدخلون الجنۃ قبل اغنیاء ہم،حدیث نمبر:۲۵۲۶)
اے اللہ!مجھے مسکین کی حالت میں زندہ رکھ،مسکین کی حالت میں موت دے اورقیامت کے دن مساکین کی جماعت میں دوبارہ جمع فرما۔
اسلامی تعلیمات میں ان کمزورافرادمیں سے ہرایک سے متعلق مستقل ابواب ہیں،جہاں ان کے حقوق وفرائض کی تفصیلات موجودہیں،رسول اللہ ﷺ کی حیات مبارکہ میں بھی ان فرادکے حوالہ سے بہترین نمونے موجودہیں،سیرت کے یہ واقعات ایک طرف اس بات کی پختہ دلیل ہیں کہ اسلامی تعلیمات متمدن دنیاکے قوانین کی طرح نظریاتی نہیں ہیں بلکہ عملی ہیں،رسول اللہ ﷺ اورصحابہ نے ان تعلیمات کوعملی شکل میں دنیاکے سامنے پیش کردیاہے، جوتاریخ میں محفوظ ہیں،وہیں دوسری طرف یہ واقعات مسلمانوں کوآئینہ دکھاتے ہیں ،اوران نمونوں کی روشنی میں اپنے کرداروعمل کامحاسبہ کرنے کامطالبہ کرتے ہیں۔
اسلام میں سن رسیدہ اورمعذورافرادکوجوحقوق حاصل ہوتے ہیں ان سب کوایک لفظ میں سمیٹاجائے تووہ لفظ ’احترام ‘ہوگا،احترام جہاں انسانی برتاؤاورسلوک وتعامل کی علامت ہے وہیں مذکورہ افرادکے تئیں احساسات وجذبات کاغمازبھی،اوران کے حقوق کے احساس کامظہربھی،اس طرح احترام کے مفہوم کامعنوی دائرہ بہت وسیع ہے،رسول اللہ ﷺ کی حیات مبارکہ میں کمزورافراداورخصوصامذکورافرادکے تئیں حسن سلوک کی متعددشکلیں نظرآتی ہیں، ذیل کی سطروں میں سن رسیدہ اورمعذورافرادکے حوالہ سے رسول اللہ ﷺ کی حیات مبارکہ کے چندنمونے پیش کئے جاتے ہیں تاکہ ان افرادکے تئیں اسلامی حقوق اوررسول اللہ ﷺ کے برتاؤکاایک نقشہ سامنے آئے۔
سن رسیدہ افرادکااحترام اوران کے ساتھ نرمی کامعاملہ کرنا
سن رسیدہ افرادقابل احترام ہیں اوران کے ساتھ نرمی کامعاملہ کرناچاہیے،یہی تعلیم آپ ﷺ نے امت کودی،آپ نے خاص طورپرنوجوانوں کواس حسن سلوک پرآمادہ کیا،آپ نے ارشادفرمایا:
مااکرم شاب شیخا لسنہ الاقیض اللہ لہ من یکرمہ عند سنہ(سنن الترمذی،باب ماجاء فی اجلال الکبیر،حدیث نمبر:۱۹۴۵)
جونوجوان کسی بوڑھے کاکبرسنی کی وجہ سے اکرام کرتاہے اللہ تعالی اس کے لئے کسی ایسے آدمی کومتعین فرمائیں گے جواس نوجوان کااس کے بڑھاپے میں اکرام کرے گا۔
اس روایت میں رسول اللہ ﷺ نے نوجوانوں کومتوجہ فرمایاہے،اس روایت میں اس عمل کے بدلے طول عمرکی بشارت ہے اوراس بات کی صراحت بھی کہ جب وہ بڑھاپے کوپہونچیں گے توانہیں ایسے افرادملیں گے جوان کااکرام کریں گے،یہاں یہ بات بھی واضح ہے کہ روایت میں شیخ کالفظ مطلق آیاہے ، لہذااس سے مرادتمام سن رسیدہ افرادہیں خواہ ان کاتعلق کسی بھی ملک سے ہو، وہ گورے ہوں یاکالے اورخواہ وہ کسی بھی مذہب کے ہوں۔
سن رسیدہ افرادکے احترام کی اتنی اہمیت ہے کہ ان کے احترام کواللہ کے احترام سے تعبیرکیاگیاہے،حضرت ابوموسی اشعری سے مروی ہے کہ رسول اللہ ﷺ نے ارشادفرمایا:
ان من اجلال اللہ اکرام ذی الشیبۃ المسلم وحامل القرآن غیر الغالی فیہ والجافی عنہ واکرام ذی السلطان المسقط۔(سنن ابی داؤد، باب فی تنزیل الناس منازلہم،حدیث نمبر:۴۲۰۳)
اس روایت میں مخلوق کی تکریم وتعظیم کوخالق کی تعظیم قراردیاگیاہے،اوراس تکریم کاسبب کبرسنی بتایاگیاہے،لہذاہرآدمی کے لئے ضروری ہے کہ جہاں یہ سبب نظرآئے اس کااحترام کرے۔
یہاں یہ بات بھی قابل توجہ ہے کہ بوڑھے شخص کوحامل قرآن،اورعادل بادشاہ کے ساتھ ذکرکیاگیاہے،گویابوڑھے کااحترام حامل قرآن اورمنصف بادشاہ کے احترام کی طرح ہے۔
ان ارشادات کے بعد رسول اللہ ﷺ کی عملی زندگی پرایک نظرڈالیں تویہاں ایسی متعددمثالیں ملتی ہیں جوبوڑھوں کے احترام اوران کے ساتھ حسن سلوک کابہترین نمونہ ہیں،چندواقعات درج کئے جاتے ہیں:
عتبہ کی باتوں کاانگیزکرنااوران کے ساتھ نرم رویہ اختیارکرنا
عتبہ مشرکین مکہ کے روساء میں سے تھے،اورسن رسیدہ تھے،وہ آپ کے پاس تشریف لائے اوربڑی تفصیل سے باتیں کیں،آپ ﷺ نے ادباًخاموشی اختیارکرلی،جب عتبہ نے یہ اخلاق دیکھاتواصل موضوع پرآئے اوراپنامدعارکھا،اورمسلسل اس بارے میں گفتگوکرتے رہے،ان کی باتوں میں تعریض اور تشنیع بھی تھی،اورہتک عزت بھی،لیکن آ پ ﷺ بوڑھاپے کے احترام میں ساری باتیں صبروسکون کے ساتھ سنتے رہے،اورجب عتبہ اپنی طولانی بیان سے فارغ ہوئے توآپ نے پورے ادب کے ساتھ فرمایا:افرغت یااباالولید،قال نعم،قال اسمع منی،قال افعل،فقراعلیہ النبی سورۃ فصلت۔ (السیرۃ النبویہ ج۱،ص:۵۰۴)
حضرت ابوبکرصدیق کے والدابوقحافہ کی توقیروتعظیم
فتح مکہ کے دن جب رسول اللہ ﷺ مسجدحرام میں تشریف لائے توحضرت ابوبکرصدیق اپنے والدمعظم کولے کرآپ ﷺ کی خدمت میں حاضرہوئے، تاکہ آپ ﷺ سے تعارف کرائیں ،ہوسکتاہے وہ اسلام قبول کرلیں،رسول اللہ ﷺ نے جب ان کوآتے دیکھاتوفرمایا:اپنے بوڑھے والدکو گھرمیں ہی رہنے دیتے ،میں خودان سے ملنے آتا،پھرآپ نے ابوقحافہ کواپنے سامنے بٹھایااوران کااکرام کیا،اس کے بعدان کے سینہ پرہاتھ پھیرااورفرمایا:اسلام قبول کرلیجئے، انہوں نے اسلام قبول کرلیا،ابوقحافہ کے سرکے بال بہت زیادہ سفیدہوچکے تھے،چنانچہ آپ نے کمال تلطف کے ساتھ فرمایا:ان کے بال ثغامہ کی طرح سفیدہوگئے ہیں،اس کی سفیدی کوبدل دو۔(السیرۃ النبویۃ،ج۳،ص:۳۵۸)
رسول اللہ ﷺ کی حیثیت فاتح کی تھی اورحضرت ابوقحافہ بوڑھے تھے،اورتقریبابیس سال تاخیرسے اسلام قبول کررہے تھے،اس کے باوجودرسول اللہ ﷺ نے ان کااتنااحترام کیا،اور ان سے ان کے گھرجاکرملنے کی خواہش کااظہارکیا،آپ ﷺ کے نزدیک بوڑھوں کی یہی قدرومنزلت تھی۔
ایک بوڑھے مسلمان کی قیدسے رہائی کے لئے آپ کی کوشش
جنگ بدرمیں عمروبن ابوسفیان بن حرب قیدکئے گئے،وہ رسول اللہ ﷺ کے پاس قیدمیں تھے،چنانچہ ابوسفیان سے کہاگیاکہ اپنے بیٹے عمروکافدیہ ادا کرو اور انہیں قیدسے آزادکرالو،انہوں نے کہاخون اورمال دونوں میرے ہی ذمہ لازم ہوگا،ان لوگوں نے حنظلہ کوبھی قتل کردیاہے اوراب ہم عمروکافدیہ بھی دیں، وہ لوگ جب بہتر سمجھیں گے خودہی آزادکردیں گے،اسی موقع پرجب کہ وہ مدینہ میں رسول اللہ ﷺ کے پاس قیدتھے،ایک بوڑھے مسلمان جن کانام سعدبن نعمان تھا،عمرہ کی نیت سے مکہ کے لئے روانہ ہوئے،حالانکہ غزوہ بدرکے بعدحالات بہت کشیدہ تھے،انہیں اندازہ نہیں تھاکہ مکہ والے انہیں گرفتار کرلیں گے،اس وقت صورت حال یہ تھی کہ مکہ آنے والاکوئی مسلمان قریش کی ایذارسانی سے محفوظ نہیں تھا،چنانچہ جب سعدبن نعمان مکہ پہونچے تو ابوسفیان بن حرب ان پر ٹوٹ پڑے اورانہیں عمروکے بدلے گرفتارکرلیا،عمروبن عوف کے لڑکے رسول اللہ ﷺ سے ملنے مدینہ روانہ ہوئے،انہوں نے اس واقعہ کی اطلاع دی اوریہ مطالبہ رکھاکہ سعدبن نعمان کے بدلے عمروکوآزادکردیں،تب ہی وہ سعدبن نعمان کوآزادکریں گے،چنانچہ رسول اللہ ﷺ نے ایسا ہی کیا اور فوراً عمرو کو آزاد کردیا، یہ لوگ عمروکولے کرابوسفیان کے پاس پہونچے ،چنانچہ انہوں نے بوڑھے مسلمان کوآزادکردیا۔(سبل الہدی والرشاد، ج۴، ص:۷۰ )
سن رسیدہ افرادکے لئے راستہ اورمجلس میں وسعت
سن رسیدہ افرادکے احترام اوراورتوقیرکے بارے میں رسول اللہ ﷺ کاایک اسوہ یہ بھی ہے کہ راستہ اورمجلس میں ان کے لئے وسعت پیداکی جائے گی، حضرت انس بن مالک بیان کرتے ہیں کہ ایک بوڑھاشخص رسول اللہ ﷺ سے ملنے آیا،لوگوں نے ان کوراستہ نہیں دیا،یہ دیکھ کرآپ ﷺ نے فرمایا:
لیس منامن لم یرحم صغیرناویوقرکبیرنا۔(سنن الترمذی،کتاب البروالصلۃ،باب ماجاء فی رحمۃ الصبیان،حدیث نمبر:۲۰۴۳)
ان کے جذبات واحساسات کااحترام
رسول اللہ ﷺ نے امت کومعذورافرادکے اکرام واحترام کی جوتعلیم دی ہے اس میں ان کے احساسات وجذبات کااحترام بھی داخل ہے،یعنی ان کے جذبات کوٹھیس نہ پہونچایاجائے،آپ ﷺ کی زندگی میں اس کابھی نمونہ ملتاہے،صحیح مسلم کی روایت ہے کہ ایک مرتبہ ابوسفیان کاگزرسلمان،صہیب،بلال کے پاس سے ہوا،انہوں نے کہا:خداکی قسم !اللہ کی تلواریں ابھی دشمن خداکی گردنوں میں پیوست نہیں ہوئی ہیں،راوی کہتے ہیں یہ سن کرحضرت ابوبکرصدیق نے ان سے کہاکہ تم لوگ ایسی باتیں قریش کے سردارکے بارے میں کہتے ہو،پھروہ رسول اللہ ﷺ کی خدمت میں حاضرہوئے اوریہ واقعہ نقل کیا،آپ ﷺ نے فرمایا:اے ابوبکرتم نے ان لوگوں کوناراض کردیا،چنانچہ حضرت ابوبکران کے پاس پہونچے اورکہااے میرے بھائیوں کیامیں نے تم کوناراض کردیا، انہوں نے جواب دیانہیں میرے بھائی،اللہ تمہاری مغفرت فرمائے۔ (صحیح مسلم،کتاب فضائل الصحابہ،باب من فضائل سلمان وصہیب وبلال،حدیث نمبر:۶۵۶۸)
معذوروں کااکرام
اسلام کانظریہ یہ ہے کہ معذورافرادکی حیثیت محض اس لئے کم نہیں ہوجاتی کہ وہ معذورہیں،بلکہ ان کی صلاحیت کااحترام کیاجائے گا،ان کی خوبیوں کی قدرکی جائے گی،اوروہ اپنی صلاحیت کے لحاظ سے سماج میں مقام پائیں گے۔
حضرت عبداللہ ابن مکتوم ایک جلیل القدرصحابی ہیں،وہ بصارت سے محروم تھے،رسول اللہ ﷺ نے انہیں موذن بنایا،امامت کامنصب عطاکیااورسب سے بڑھ کر اپنی نیابت کامنصب عطافرمایا،حضرت انس بن مالک بیان کرتے ہیں کہ رسول اللہ ﷺ نے عبداللہ بن مکتوم کومدینہ میں دومرتبہ اپنانائب مقررفرمایا،وہ لوگوں کی امامت کرتے تھے،حالانکہ وہ نابیناتھے۔(مسنداحمدبن حنبل ج۳،ص:۱۹۲،شعیب الارناؤط نے اس کی سندکوحسن کہاہے)
حضرت عائشہ بیان کرتی ہیں کہ حضرت عبداللہ بن ام مکتوم رسول اللہ ﷺ کے موذن تھے،حالانکہ وہ نابیناتھے۔(سنن ابی داؤد،کتاب الصلاۃ،باب الاذان للاعمی،حدیث نمبر:۵۳۵)
اسی طرح عتبان بن مالک صحابی رسول ہیں ،وہ بھی بصارت سے محروم تھے،اوراپنی قوم کی امامت کرتے تھے۔(صحیح البخاری،کتاب الصلاۃ،باب الرخصۃ فی المطروالعلۃ ان یصلی فی رحلہ،حدیث نمبر:۶۳۶)
صحابی رسول عمروبن جموح کے پاؤں میں لنگ تھا،آپ ﷺ ان کایہ کہہ کر اکرام فرماتے:’سیدکم الابیض الجعدعمروبن الجموح‘(معرفۃ الصحابۃ لابی نعیم،ج۱۴،ص:۱۵۵)جنگ احدمیں ان کی شہادت ہوئی،رسول اللہ جب ان کے پاس سے گزرے توفرمایا:میں دیکھ رہاہوں کہ تم اپنے صحیح پیرکے ساتھ جنت میں چل رہے ہو۔(مسنداحمدبن حنبل، ج۵، ص:۲۹۹ )
رسول اللہ ﷺ کی تربیت کانتیجہ تھاکہ مدنی معاشرہ میں معذوروں کوقدرکی نگاہ سے دیکھاجاتاتھا،لوگ ان پراعتمادکرتے تھے،اورانہیں امانت داراورقابل بھروسہ تصورکرتے تھے۔
زہری سعیدبن المسیب کے حوالہ سے نقل کرتے ہیں کہ مسلمان جب جنگوں میں جاتے تومعذوروں کوگھروں میں چھوڑجاتے تھے،اوراپنے گھروں کی چابیاں ان کے حوالہ کرجاتے ،اوران سے کہہ جاتے کہ تم جوکچھ کھاناچاہوہمارے گھروں سے کھاسکتے ہو،ہم نے تمہارے لئے مباح کردیاہے۔ (التفسیرالکبیر، رازی، ج۲۴،ص:۳۱،السنن الکبری،بیہقی،کتاب الصداق،باب نسخ الضیق فی الاکل من مال،حدیث نمبر:۱۴۹۹۵)
عزت واکرام کے مواقع پرسن رسیدہ افرادکوترجیح دینا
سن رسیدہ افرادکے احترام کاتقاضہ یہ ہے کہ انہیں عزت واکرام کے مواقع پردوسروں سے آگے رکھاجائے،انہیں آگے رکھنے کاحکم خود اللہ عزوجل کی جانب سے ہے،آپ ﷺ فرماتے ہیں کہ جبرئیل نے مجھے حکم دیاکہ میں بڑوں کوآگے رکھوں:
امرنی جبرئیل ان اقدم الاکابر۔(کتاب الفوائد(الغیلانیات)باب آداب النبی ﷺ واخلاقہ وماکان یستحب من الطعام،ج۱،ص:۶۸۷)
عزت وتکریم کے مواقع پربھی سن رسیدہ افرادکوترجیح دینے کاعام حکم ہے،آپ ﷺ نے حکم دیاکہ پانی پلانے میں پہلے سن رسیدہ کودیاجائے،آپ نے فرمایا: ابدؤابالکبراء اوقال بالاکابر۔(مسندابویعلی ج۲،ص:۶۳۸)
اسی طرح امامت کے لئے سن رسیدہ فردکوترجیح دینے کاحکم ہے،حضرت مالک بن حویرث بیان کرتے ہیں کہ رسول اللہ ﷺ نے ارشادفرمایا:
فاذاحضرت الصلاۃ فلیوذن لکم احدکم ولیومکم اکبرکم۔(صحیح البخاری،کتاب الاذان،باب اذا استووافی القراء ۃ فلیومہم اکبرہم،حدیث نمبر: ۵۹۵)
حضرت عبداللہ بن عمربیان کرتے ہیں کہ میں نے دیکھا کہ آپ ﷺ مسواک کررہے ہیں،پاس میں آپ کے دوصحابہ موجودتھے، آپ نے ان دونوں میں سے جوبڑے تھے ان کومسواک عنایت فرمایا اور فرمایا کہ حضرت جبرئیل نے مجھے حکم دیاہے کہ میں بڑے کودوں۔(السنن الکبری للبیقہی،کتاب الطہارۃ،باب دفع السواک الی الاکبر،حدیث نمبر:۱۷۵)
حضرت سہل بن سعدبیان کرتے ہیں کہ رسول اللہ ﷺ کوپانی پیش کیاگیا،آپ کے دائیں جانب ایک بچہ تھااوربائیں جانب بوڑھے افرادتھے،آپ نے بچہ سے کہاکہ تم مجھے اجازت دوتومیں بائیں جانب بیٹھے بوڑھوں کوپانی دوں،بچہ نے کہااے اللہ کے رسول میں اپنے حصہ میں کسی کوترجیح نہیں دے سکتا، چنانچہ آپ ﷺ نے انہی کے ہاتھ پرپانی رکھ دیا۔(صحیح البخاری،کتاب الاشربہ،باب ہل یستاذن الرجل من عن یمینہ فی الشراب لیعطی الاکبر،حدیث نمبر:۵۶۲۰)
معذورافرادکے ساتھ ہمدردی
حضرت انس بیان کرتے ہیں کہ ایک خاتون جن کے دماغ میں خلل تھا،انہوں نے رسول اللہ ﷺ سے عرض کیاکہ مجھے آپ سے کچھ کام ہے،آپ نے فرمایا اے فلاں کی والدہ! بتاؤکس طرف چلوں تاکہ میں تمہاری ضرورت پوری کرسکوں،آپ اس کے ساتھ بعض راستوں میں گئے یہاں تک کہ ان کی ضرورت پوری ہوگئی۔(صحیح مسلم،کتاب الفضائل،باب قرب النبی ﷺ من الناس وتبرکہم بہ ،حدیث نمبر:۶۱۸۹)
یہ روایت آپ کے حلم،تواضع اورمعذوروں کی ضرورت پوری ہونے تک برداشت کرنے کی ایک مثال ہے،اس روایت کی شرح میں امام نووی لکھتے ہیں:
فی ہذہ الاحادیث بیان بروزہ ﷺ للناس وقربہ منہم لیصل اہل الحقوق حقوقہم ۔۔۔وفیہاصبرہ علی المشقۃ فی نفسہ لمصلحۃ المسلمین واجابتہامن سال حاجۃ۔شرح نووی ج۱۵،ص:۸۲)
ان روایات میں آپ ﷺ کالوگوں کے لئے نکلنے اوران سے قریب ہونے کاذکرہے تاکہ حق والے اپنے حقوق حاصل کرسکیں۔۔۔اوران میں مسلمانوں کی مصلحت کی خاطرمشقت کوبرداشت کرنااورضرورت مندوں کی ضرورت کوپوراکرنابھی ثابت ہے۔
مذکورہ روایت صاف طورپرحاکم پرمعذورں کی نگہ داشت کی ذمہ داری واجب ہونے ان ضرورتوں کی تکمیل کاانتظام کرنے پردلالت کرتی ہے،یہ نگہ داشت صحت اورسماجی ،معاشی اورنفسیاتی ہراعتبارسے ہوگی۔
سن رسیدہ افرادکی طرح معذورافرادکی نگہ داشت اوردیکھ بھال متعلقہ سماج اورحکومت کی ذمہ داری ہے،اسلامی تاریخ میں اس کی نظیریں ملتی ہیں، حضرت عمربن عبدالعزیزنے باضابطہ معذورافرادکی مردم شماری کرائی ،اورپھرمعذورافرادکی خدمت کے لئے خادم متعین فرمائے۔(سیرت عمربن عبدالعزیز، ابن جوزی،ص:۱۳۰)
اوراسی نقش قدم پرچلتے ہوئے اموی خلیفہ ولیدبن عبدالملک نے خاص معذوروں کے لئے اسپتال قائم کئے،جہاں اطباء اورخدام متعین تھے،جنہیں تنخواہیں ملتی تھی،اوران معذوروں کے لئے بھی وظائف متعین تھے۔(البدایہ والنہایہ ،ابن کثیر،ج۹،ص:۱۸۶)
معذوروں کی دیکھ بھال کی کچھ شکلیں اس طرح ہیں:
معذوروں کے لئے شریفانہ زندگی کی فراہمی
ان کے لئے علاج اورمطلوبہ طبی تحقیقات کاانتظام
ان کی حیثیت اورصلاحیت کے مطابق ان کی شادی اوران کی تعلیم کاانتظام
ان کے لئے ایسے افرادکی تقرری جوان کی دیکھ بھال کرسکیں اوران کی خدمت کرسکیں(رعایۃ الرسول للضعفاء،ص:۱۸)
معذورافراد کی ضروریات پہلے پوری کی جائیں
جہاں اسلام نے یہ نظام بنایاکہ معذوروں کی پوری نگہ داشت کومتعین کیااوران کی ضروریات کی تکمیل کیسے ہوگی اس کومتعین کیاوہیں یہ بھی طے کیاکہ اس طبقہ کے سارے کام ترجیحی طورپرہوں گے،اوران کی ضروریات تندرستوں کے مقابلہ میں پہلے پوری کی جائیں گی،اس بارے میں مشہورصحابی رسول حضرت عبداللہ بن ام مکتوم کاواقعہ مشہورہے،کہ وہ شریعت کی کوئی بات پوچھنے کے لئے رسول اللہ ﷺ کی خدمت میں حاضرہوئے،اس وقت روساء اورقوم کے بااثر افرادوہاں بیٹھے تھے،اوررسول اللہ ﷺ انہیں اسلام کی جانب راغب کررہے تھے،جس کی وجہ سے عبداللہ بن مکتوم کی جانب سے بے توجہی رہی،گرچہ انہوں نے بصارت سے محرومی کی وجہ سے اس کیفیت کونہیں دیکھا،لیکن اللہ تعالی کویہ بات پسندنہیں آئی ،چنانچہ آیت’ عبس وتولی ان جاء ہ الاعمی‘ نازل ہوئی اوررسول اللہ ﷺ کی سرزنش کی گئی،اس کے بعدجب بھی یہ صحابی تشریف لاتے توآپ خوشی خوشی ان سے ملتے ،ان کے لئے چادربچھاتے اور فرماتے :مرحبابمن عاتبنی فیہ ربی۔(التفسیرالکبیرج۳۱،ص:۵۰)
گفتگومیں بڑوں کاخیال
سن رسیدہ افرادکے احترام کاایک مظہریہ بھی ہے کہ جب مجلس میں بڑے موجودہوں توانہیں گفتگوکاموقع دیاجائے،اس تعلیم سے یہ بات ثابت ہوتی ہے کہ گفتگوشروع کرنے اورڈائیلاگ کاآغازکرنے کاحق بھی سن رسیدہ کوہے،رافع بن خدیج اورسہل بن ابی حتمہ بیان کرتے ہیں کہ حضرت عبداللہ بن سہل اورمحیصہ بن مسعودخیبرآئے،کھجورکے بارے میں ان دونوں کااختلاف ہوگیا،اورعبداللہ بن سہل کاقتل ہوگیا،چنانچہ عبدالرحمن بن سہل اورمسعودکے دو لڑکے حویصیہ اورمحیصہ رسول اللہ کی خدمت میں حاضرہوئے اوراپنے بھائی کے بارے میں گفتگوکی،عبدالرحمن جوچھوٹے تھے انہوں نے گفتگوشروع کی، آپ نے ان سے فرمایا:کبرالکبر۔(صحیح البخاری،کتاب الادب باب اکرام الکبیر،حدیث نمبر:۵۶۷۷)
رسول اللہ ﷺ نے صحابہ کی تربیت اس طرح فرمائی تھی کہ صحابہ کرام اپنے بڑوں کی موجودگی میں کوئی بات کرنے سے احتیاط کرتے تھے،حضرت عبداللہ بن عمربیان کرتے ہیں کہ رسول اللہ ﷺ نے ایک مرتبہ صحابہ سے دریافت کیاکہ مسلمان کی مثال کس درخت سی دی گئی ہے،میرے دل میں خیال آیاکہ وہ کھجورکادرخت ہے،لیکن مجھے بتائے ہوئے اچھانہیں لگاکیونکہ اس مجلس میں حضرت ابوبکراورحضرت عمرجیسے افرادبیٹھے تھے۔(صحیح بخاری،کتاب الجنائز، باب این یقوم الامام من المیت للصلاۃ،حدیث نمبر:۲۲۸۱)
باجماعت نمازمیں بوڑھوں کی رعایت
رسول اللہ ﷺ حاجت مندوں اورسن رسیدہ افرادکااتناخیال فرماتے کہ نمازجیسی اہم ترین عبادت کوان کی دشواری کی وجہ سے مختصرفرمادیتے،حضرت انسؓ بیان کرتے ہیں کہ جب رسول اللہ ﷺ نمازمیں بچوں کے رونے کی آوازسنتے توچھوٹی سورتیں پڑھتے اورنمازکومختصرفرمادیتے۔(صحیح مسلم،کتاب الصلاۃ،باب امرالائمۃ بتخفیف الصلاۃ فی تمام،حدیث نمبر:۴۷۰)
آپ ﷺ سن رسیدہ اورحاجت مندوں کی موجودگی میں طویل جماعت پسندنہیں فرماتے بلکہ اس بارے میں سخت اندازمیں ناراضگی کا اظہار فرمایا، ابومسعودبیان کرتے ہیں کہ ایک صحابی رسول اللہ کی خدمت میں حاضرہوئے اور عرض کیاکہ اے اللہ کے رسول !میں صبح کی نمازمیں اس لئے حاضرنہیں پاتاکہ فلاں شخص لمبی نمازپڑھاتے ہیں،راوی کہتے ہیں کہ میں نے کبھی کسی گفتگومیں اس دن سے زیادہ غصہ نہیں دیکھا،آپ نے فرمایا:
ان منکم منفرین فایکم ماصلی بالناس فلیتجوزفان فیہم الضعیف والسقیم وذاالحاجۃ۔(صحیح البخاری،کتاب الاذان،باب تخفیف الامام فی القیام واتمام الرکوع والسجود،حدیث نمبر:۷۰۲)
بوڑھے والدین کے ساتھ حسن سلوک کاخصوصی حکم
بوڑھے اورسن رسیدہ افرادماں باپ بھی ہوسکتے ہیں اورقریبی رشتہ داربھی اورمعاشرہ کے دوسرے افرادبھی،یوں توہرطرح کے بوڑھوں کی دیکھ بھال کاحکم ہے،لیکن بوڑھے ماں باپ کے بارے میں خصوصی ہدایات ہیں،والدین کے ساتھ حسن سلوک کے بارے میں روایتیں کثرت سے ہیں،یہاں صرف چندروایات پراکتفاکرتے ہیں،حضرت ابوہریرہ نقل کرتے ہیں کہ ایک صحابی رسول اللہ کی خدمت میں حاضرہوئے اورعرض کیااے اللہ کے رسول!میرے حسن سلوک کازیادہ مستحق کون ہے؟آپ نے فرمایاتمہاری ماں،انہوں نے دریافت کیااس کے بعدکون؟آپ فرمایاتمہاری ماں،انہوں نے تیسری بارسوال کیا اس کے بعدکون؟آپ نے فرمایاتمہاری ماں،اورچوتھی باراسی سوال کے جواب میں آپ نے فرمایاتمہارے باپ۔(صحیح البخاری،کتاب الادب،باب من احق الناس بحسن الصحبۃ،حدیث نمبر:۵۶۲۶)
حضرت عبداللہ بن عمروبیان کرتے ہیں کہ ایک صحابی رسول اللہ کے پاس حاضرہوئے اورعرض کیا:میں جہادمیں جاناچاہتاہوں ،آپ نے پوچھا کیا تمہارے والدین زندہ ہیں،انہوں نے جواب دیا،ہاں،آپ نے فرمایا:ففیہمافجاہد۔(صحیح البخاری،کتاب الادب،باب لایجاہدالاباذن الابوین، حدیث نمبر: ۵۶۲۷)
پچپن سے ہی بڑوں کے اکرام کی تعلیم
رسول اللہ ﷺ نے امت کویہ اخلاق سکھایاکہ بچے بڑوں کوسلام کریں گے،تاکہ ان کے ذہنوں میں بڑوں کی عزت کانقش بیٹھے،دوسری جانب بوڑھوں کو معاشرہ میں اپنی عزت اورلوگوں کے دلوں میں ان کے لئے محبت کااحساس ہو،حضرت ابوہریرہؓ بیان کرتے ہیں کہ آپ ﷺنے ارشادفرمایا:
یسلم الصغیرعلی الکبیر والمارعلی القاعد والقلیل علی الکثیر۔(صحیح البخاری،باب تسلیم القلیل علی الکثیر،حدیث نمبر:۵۷۶۳)
معذوروں کے ساتھ عفوودرگزرکامعاملہ
رسول اللہ ﷺ کی رحمت جاہل معذوروں کومعاف کرنے کی شکل میں بھی ظاہر ہوتی ہے،آپ ایسے لوگوں کی گستاخیوں کومعاف فرمادیتے تھے،اس طبقہ کے سفہاء کے ساتھ نرمی سے پیش آتے تھے،شوال ۳ہجری مطابق اپریل ۶۲۴ء کوجب رسول اللہ ﷺ اپنے لشکرکے ساتھ احدکے لئے عازم سفرتھے،اورایک منافق نابیناشخص کے باغ سے گزرنے کاارادہ فرمایاتووہ آپ کو نعوذباللہ سب وشتم کرنے لگااورہتک عزت کے درپے ہوا،یہاں تک کہ اس نے اپنے ہاتھ میں ایک مٹھی مٹی لی اورکہنے لگاکہ اگرمیں آپ پریہ مٹی دال سکتاتوڈال دیتا،یہ دیکھ کرصحابہ لپکے تاکہ اس گستاخی پراس کی گردن اڑادیں،لیکن رسول اللہ ﷺ نے اس کوانگیزفرمایااورپھرارشادفرمایا:دعوہ فہذالاعمی اعمی القلب اعمی البصر۔(السیرۃ النبویۃ لابن ہشام،ج۳،ص:۵۷)
رسول اللہ ﷺ نے اس منافق کی معذوری کی وجہ سے اس کی حرکت سے صرف نظرکیا،ورنہ صحابہ توجنگ کے لئے پابہ رکاب تھے ہی،اورحالات بھی کشیدہ تھے، اس کے باوجودہ رسول اللہ ﷺ نے معذوری کالحاظ کرتے ہوئے مسلمانوں کوکسی اقدام سے منع فرمایا۔
معذوروں کی عیادت اوران سے ملاقات
ایک مسلمان کے دوسرے مسلمان پرجوحقوق عائدہوتے ہیں ان میں ایک مریضوں کی عیادت بھی ہے،آپ ﷺ نے خاص طورپرمریضوں کی عیادت کاحکم دیاہے،فرمایا:
عودوامرضاکم اتبعواالجنائزتذکرکم الآخرۃ(السنن الکبری ،بیہقی،کتاب الجنائز،باب الامربعیادۃ المریض،حدیث نمبر:۶۸۱۷) مریضوں کی عیادت کرناخودآپ ﷺ کے معمولات میں شامل ہے،سہل بن حنیف اپنے والدکے حوالہ سے بیان کرتے ہیں کہ انہوں نے بیان کیاکہ رسول اللہ ﷺ کامعمول تھاکہ:
کان رسول اللہ ﷺ یاتی ضعفاء المسلمین ویزورہم ویعودمرضاہم ویشہدجنائزہم۔(المستدرک علی الصحیحین،کتاب التفسیر،تفسیرسورہ ق،حدیث نمبر: ۳۷۳۵)
آپ کمزورمسلمانوں کے پاس تشریف لے جاتے،ان سے ملتے،ان کے مریضوں کی عیادت کرتے،اوران کے جنازہ میں شریک ہوتے۔
مریضوں کی عیادت کامقصدان کی غم خواری کرنااوران کادل بہلاناہوتاہے تاکہ ان کی پریشانیوں کابوجھ ہلکاہو،ظاہرہے اس ہمدردی اورغمواری کے زیادہ مستحق معذورافرادہوتے ہیں،۔
معذوروں کی دلجوئی
رسول اللہ ﷺ ایسے افرادسے ملنے جایاکرتے تھے، ان کے دل کوخوش کرنے کی کوشش کرتے،ان میں اعتماداورحوصلہ پیداکرتے،اوراس طرح انہیں خوشی دیتے،اوران کی خوشی کے لئے ان کی خواہشوں کونہ صرف قبول فرماتے بلکہ ان کے لئے پریشانیاں بھی انگیزفرماتے،حضرت عتبان بن مالک بدری صحابی ہیں،آنکھ سے معذور ہیں،انہوں نے اپنی اس خواہش کااظہارکیاکہ رسول اللہ ﷺ ان کے گھرتشریف لائیں اورکسی جگہ نمازپڑھ دیں تاکہ وہ اس جگہ کو نمازکے لئے متعین کرلیں،آپ ﷺ نے ان کی خوشی کے لئے اس با ت کوقبول فرمالیا،صحیح بخاری کی روایت ہے کہ عتبان بن مالک رسول اللہ ﷺ کی خدمت میں حاضرہوئے اورعرض کیا:اے اللہ کے رسول!کبھی تاریکی ہوتی ہے،کبھی بارش ہوتی ہے،میں بصارت سے محروم ہوں،آپ میرے گھرکے کسی حصہ میں نماز پڑھ دیجئے تاکہ میں اس جگہ کواپنے لئے نمازگاہ بنالوں،آپ نے فرمایا:سافعل انشاء اللہ ،پھردوسرے دن آپ ﷺ حضرت ابوبکرصدیق کے ساتھ ان کے گھرتشریف لائے اورپوچھاکہ کس جگہ نمازپڑھاناچاہتے ہیں ،پھراس جگہ آپ نے نمازپڑھی۔ (صحیح البخاری،کتاب الصلاۃ،باب الرخصۃ فی المطر والعلۃ ان یصلی فی رحلہ،حدیث نمبر:۶۳۶)
معذوروں کے لئے دعاکرنا
رسول اللہ ﷺ کاایک معمول یہ بھی تھاکہ آپ معذوروں اورپریشان حالوں کے لئے دعافرماتے تھے،تاکہ انہیں سکون ملے اورپریشانیاں جھیلنے کاحوصلہ پیداہو، ایک نابیناصحابی حاضرخدمت ہوئے اورعرض کیااے اللہ کے رسول ہمارے لئے دعافرمادیجئے کہ اللہ تعالی ہمیں صحت سے نوازے،آپ ﷺ نے ان سے فرمایا:اگرتم چاہوتواس دعاکوموخرکردیں یہ تمہارے لئے بہترہے،اوراگرچاہوتودعاکردیں،انہوں نے جواب دیامیرے لئے دعاکیجئے، چنانچہ رسول اللہ ﷺ نے انہیں دعاسکھائی،اوردعاکاطریقہ بھی سکھایا۔(سنن الترمذی،کتاب الدعوات،باب اللہم انی اسئلک ،حدیث نمبر:۳۹۲۷)
حضرت عائشہ فرماتی ہیں کہ جب آپ کسی مریض کی عیادت فرماتے یاکوئی مریض آپ کے پاس لایاجاتاتوآپ یہ دعاء پڑھتے تھے:
اذہب الباس رب الناس اشف وانت الشافی لاشفاء الاشفائک شفاء لایغادرسقما۔(صحیح البخاری،کتاب المرضی باب دعاء العائدللمریض،حدیث نمبر:۵۶۵۷)
معذوروں اورسن رسیدہ افرادسے تمسخرکی ممانعت
اکثرمعاشروں میں معذوراورسن رسیدہ افرادتفریح کاذریعہ ہوتے ہیں،ان کامذاق اڑایاجاتاہے،ان سے دل لگی کی جاتی ہے،اورانہیں پریشان کرکے خوشی محسو س کی جاتی ہے،جس کی وجہ سے معذورافرادبیک وقت دوطرح کے عذاب سے دوچارہوتے ہیں،ایک لوگوں سے دوری ومہجوری اوردوسرے تمسخرواستہزاء ، اسلام اس طرزعمل کوسخت ناپسندکرتاہے،کیونکہ یہ احترام کے خلاف ہے،اسلام عام انسان کے ساتھ بھی تمسخرواستہزء کوحرام قراردیتاہے ،چہ جائیکہ معذورافراد کے ساتھ،اس لئے ایسے افرادکے ساتھ استہزاء وتمسخر بدرجہ اولی حرام اورسخت گناہ کی بات ہے:
یاایہاالذین آمنوالایسخرقوم من قوم عسی ان یکونواخیرامنہم۔(سورہ حجرات :۱۱)
اسلام کاشعارتویہ ہے :لاتظہرالشماتۃ لاخیک فیرحمہ اللہ ویبتلیک۔(سنن الترمذی،کتاب صفۃ القیامۃ،باب النہی عن اظہارالشماتۃ،حدیث نمبر:۲۶۹۴)
رسول اللہ ﷺ نے سن رسیدہ افرادکے ساتھ استہزاء سے منع فرمایاہے:حضرت ابوامامہ رسول اللہ ﷺ سے نقل کرتے ہیں کہ رسول اللہ ﷺ نے سن رسیدہ افرادکے بارے میں ارشادفرمایا:
ثلاث لایستخف بہم الامنافق:ذوالشیبۃ فی الاسلام وذوالعلم وامام مقسط۔(طبرانی)
تین طرح کے افرادایسے ہیں کہ کوئی منافق ہی ان کے ساتھ استہزاء کرسکتاہے،اول سن رسیدہ مسلمان،دوسرے اہل علم اورتیسرے عادل بادشاہ۔
استہزاء میں بدتمیزی،ناشائستہ القاب سے نوازنا،تفریح کرنااورہرایسی بات جن سے ان کوتکلیف پہونچتی ہوشامل ہے۔
اسی طرح رسول اللہ ﷺ نے اندھوں کوگمراہ کرنے ،ان کوتکلیف پہونچانے سے سختی کے ساتھ منع فرمایاہے،آپ ﷺ نے ارشادفرمایا:
ملعون من کمہ اعمی عن الطریق۔(مسنداحمدبن حنبل ج۱،ص:۲۱۷)
اسی طرح آپ نے فرمایا:لعن اللہ من کمہ اعمی عن السبیل۔ (مسنداحمدبن حنبل ج۱،ص:۳۱۷)
زہیربن حرب بیان کرتے ہیں کہ ایک مرتبہ قریش کے کچھ نوجوان حضرت عائشہ کے پاس آئے،اس وقت آپ منی میں تھیں،وہ سب ہنس رہے تھے ، حضرت عائشہؓ نے دریافت کیاتم لوگ کس وجہ سے ہنس رہے ہو،انہوں نے جواب دیا،ایک آدمی خیمہ کی رسی پرگرپڑا،جس کی وجہ سے ہوسکتاہے کہ اس کی گردن ٹوٹ گئی ہویااس کی آنکھ ضائع ہوگئی ہو،حضرت عائشہ نے فرمایاہنسومت،میں نے رسول اللہ ﷺ سے فرماتے ہوئے سناہے کہ:
مامن مسلم یشاک شوکۃ فمافوقہاالاکتبت لہ بہادرجۃ ومحیت عنہ بھاخطیءۃ۔(صحیح مسلم،کتاب البروالصلۃ،باب ثواب المومن فیمایصیبہ من مرض اوحزن اونحو ذلک،حدیث نمبر:۶۷۲۶)
جولوگ خلقی عیوب کوتمسخرکاذریعہ بناتے ہیں،اوراس کی وجہ سے اس کی تنقیص کرتے ہیں، ان کے لئے سخت وعیدیں ہیں،معذورافرادوالدکے درجہ میں ہوں گے یابھائی کے درجہ میں یالڑکے کے درجہ میں،اللہ تعالی نے انہیں آزمائش میں ڈالاہے،وہ خاموش واعظ ہیں،اللہ کی قدرت کے مجسم گواہ ہیں،نہ کہ تفریح اوردل لگی کاذریعہ۔ (رعایۃ الرسول للضعفاء،ص:۲۳)
سن رسیدہ اورمعذورافرادکے لئے شرعی مسائل میں تخفیف
اسلامی تعلیمات میں سن رسیدہ اورمعذورافرادکوجواہمیت حاصل ہے ان کاایک مظہریہ بھی ہے کہ بہت سے شرعی مسائل میں ان کے لئے تخفیف رکھی گئی ہے ، مثلا:
سن رسیدہ اورمعذورافرادکھڑے ہوکرنمازپڑھنے پرقادر نہ ہوں توبیٹھ کرنمازپڑھ سکتے ہیں،اوربیٹھ کربھی پڑھنے پرقادرنہ ہوں تولیٹ کرپڑھ سکتے ہیں۔
اگرایسے افرادروزہ رکھنے پرقادر نہ ہوں تو ان کے لئے افطارکرنے کی اجازت ہے۔
سن رسیدہ اورمعذورسفرحج پرقادرنہ ہوں توان کی جانب سے دوسرے افرادکوحج کرنے کی اجازت ہے۔
معذورافرادجہادسے مستثنی ہیں، حضرت زیدبن ثابت بیان کرتے ہیں کہ رسول اللہ ﷺ مجھے یہ آیت لکھوارہے تھے ’لایستوی القاعدون من المومنین والمجاہدون فی سبیل اللہ ‘ اسی وقت حضرت عبداللہ بن مکتوم تشریف لائے،انہوں کے کہااے اللہ کے رسول !اگرمیں جہادکرنے پرقادرہوتاتوضرورجہادمیں شریک ہوتا،حالانکہ وہ نابیناتھے،چنانچہ اللہ تعالی نے رسول اللہ ﷺ پروحی نازل فرمائی،اور’غیراولی الضرر‘نازل ہوئی۔(صحیح البخاری،کتاب الجہاد،باب قول اللہ ’لایستوی القاعدون من المومنین غیراولی الضرر،حدیث نمبر:۲۸۳۲)
اسی طرح اللہ تعالی کاارشادہے:
لیس علی الاعمی حرج ولاعلی الاعرج حرج ولاعلی المریض حرج ومن یطع اللہ ورسولہ یدخلہ جنات تجری من تحتہاالانہارومن یتول یعذبہ عذاباالیما۔(سورہ فتح:۱۷)
خلاص�ۂبحث:
سن رسیدہ اورمعذور افرادکے ساتھ رسول اللہ ﷺ کے اسوہ سے درج ذیل نتائج سامنے آتے ہیں:
۱۔سن رسیدہ اورمعذورافراد کاہرطرح احترام کیاجائے اورسماج میں انہیں بہترمقام دیاجائے۔
۲۔ان کے جذبات واحساسات کوبھی ٹھیس پہونچانے سے گریزکیاجائے ۔
۳۔رسیدہ اورمعذوافرادکی دیکھ بھال کی جائے ،صحت کے اعتبارسے،اورنفسیاتی ،عقلی،معاشرتی ہراعتبار سے۔
۴۔ان کے مسائل کو ترجیحی بنیادپرحل کیاجائے اوران کی ضروریات کوپورا کیا جائے۔
۵۔ان کی جہالت ونادانی کوانگیزکیاجائے۔
۶۔سن رسیدہ اورمعذوروں کی عیادت کرنا،اوران سے ملنا،ان کے لئے دعائیں کرنا۔
۷۔ان کے ساتھ تمسخرواستہزاء کابرتاؤنہ کرنا۔
۸۔ان کی گوشہ نشینی کوختم کرنااورانہیں معاشرہ کاحصہ بنانا۔
۹۔شرعی احکام میں ان کی معذوری کی رعایت کرنا

مولانا نذرالحفیظ ندوی ازہری ۔ کتاب زندگی کے چندورق

2016-01-27T23:06:00.004-08:00

مولانا نذرالحفیظ ندوی ازہری
کتاب زندگی کے چندورق
منورسلطان ندوی
استاذمحترم مولانانذرالحفیظ ندوی ازہری ۔ادام اللہ ظلہ۔ کاتعلق شمالی بہارکے ایک مردم خیزقصبہ ململ سے ہے ،جوعلم وتہذیب کے اعتبارسے پورے صوبہ میں شہرت رکھتا ہے،یہاں ہردورمیں بلندپایہ شخصیات پیداہوئی ہیں،اس سرزمین کے تعارف کے لئے اتناہی کافی ہے کہ مولاناابوالکلام آزادکے رفیق اورالہلال کے سب ایڈیٹرمولانانورالہدی نورکاتعلق بھی اسی قصبہ سے ہے، مولانانورالہدی نوراورمولانانذرالحفیظ ندوی ازہری جیسی شخصیات پر نہ صرف اس قصبہ کو بلکہ پورے صوبہ کوبجاطورپرفخرونازہے،ایسی ہی شخصیات کی وجہ سے بہاراورخصوصاململ کوغیرمعمولی وقارواعتبارحاصل ہے۔
خاندانی پس منظر
۱۹۳۹ء ؁ میں مولانانے ایسے خاندان میں آنکھیں کھولیں جودینی تعلیم میں ممتازرہاہے ،والدمحترم حضرت مولاناقاری عبدالحفیظ ۔رحمۃ اللہ علیہ ۔ایک مؤقرعالم دین اوربزرگ شخصیت تھے،انہوں نے مدرسہ عزیزیہ بہارشریف کے علاوہ جونپوراورالہ آبادکے علمی مراکزمیں تعلیم حاصل کی،فراغت کے بعد عمرکا بڑاحصہ پرتاپ گڑھ میں گزارا ،جہاں ایک دینی مدرسہ کافیۃ العلوم میں ۱۹۳۱ء ؁ سے ۱۹۸۵ء ؁ تک تدریس اورانتظام وانصرام کے فرائض انجام دیتے رہے،یہاں نامورشخصیت اورمشہوربزرگ عارف باللہ حضرت مولانامحمداحمدپرتاب گڑھی رحمۃ اللہ علیہ سے آپ کے خاص مراسم تھے،احسان وسلوک کی راہیں انہی کے ذریعہ آپ نے طے کیں،اورپھراس میدان میں اتناآگے بڑھے کہ اجازت وخلافت سے سرفرازہوئے،حضرت مولانامحمداحمدپرتاپ گڑھی مولاناعبدالحفیظ صاحبؒ کی دعوت پر تین باران کے آبائی وطن ململ بھی تشریف لے گئے،آپ پرتاپ گڑھ کے مذکورہ مدرسہ میں خدمات انجام دینے کے ساتھ حضرت والاکے ساتھ بھی رہتے ،ان کے اصلاحی دوروں میں ساتھ ہوتے،آپ نے حضرت کے ساتھ اعظم گڑھ،جونپور،احمدآبادودیگرعلاقوں کادورہ کیا۔
آپ کاتعلق ملک کے نامورعالم دین اورامارت شرعیہ بہارکے بانی حضرت مولاناابوالمحاسن سجادرحمۃ اللہ سے بھی تھا،امارت شرعیہ کے قیام سے متعلق جواجلاس منعقدہوااس میں آپ شریک ہوئے،اورمولاناابوالمحاسن سجادؒ کی خواہش پربہارکے مختلف علاقوں کادورہ بھی کیا،اسی طرح مولانامنت اللہ رحمانی رحمۃ اللہ سے بھی خاص تعلق تھا،ان کے ساتھ متعددبارململ تشریف لائے۔
شاعری میں آپ کوبڑادرک تھا،حافظ تخلص تھا،آپ کے اشعارکوآپ کے قابل فخرفرزند حضرت مولانانذرالحفیظ ندوی دامت برکاتہم نے مرتب کیاہے ،یہ مجموعہ کلام ’حافظ‘کے نام سے اشاعت کے مرحلہ میں ہے،مولاناعبدالحفیظ حافظؔ کاانتقال ۱۹۹۲ء ؁ میں ہوا ۔(مولاناعبدالحفیظ حافظ ؔ کے بارے میں تفصیلی معلومات آپ کے مجموعہ کلام ’کلام حافظ ‘میں درج ہے)
دادیہالی خاندان کے ساتھ مولاناکانانیہالی خاندان بھی دینداری میں میں معروف رہاہے،آپ کے نانامحترم کانام ملاسراج الدین ؒ ہے ،جو جہاناآباد کے علاقہ میں عرصہ تک تدریسی خدمت انجام دیتے رہے،آپ حضرت مولانامحمدعلی مونگیری ؒ سے بیعت تھے۔
تعلیم وتربیت
مولانانذالحفیظ ندوی دامت برکاتہم کی پیدائش توململ میں ہوئی لیکن پرورش وپرداخت پرتاپ گڑھ میں ہوئی،پچپن کازمانہ یہیں گزرا،یہیں والد محترم کے پاس حفظ قرآن کی سعادت حاصل کی،اس کے بعددینی تعلیم کے لئے دارالعلوم ندوۃ العلماء کارخ کیا،یہاں عربی اول میں آپ کاداخلہ ہوا، ۱۹۶۲ء ؁ میں عالمیت اور۱۹۶۴ء ؁ میں فضیلت کی سندلی،یہاں کے اساتذہ میں مفکراسلام حضرت مولاناسیدابوالحسن علی ندویؒ ،شیخ التفسیرمولانامحمداویس نگرامی ندویؒ ، مولاناابوالعرفان خاں ندویؒ ،مولاناایوب اعظمی ؒ ،مولانااسحق سندیلوی ؒ ،مولاناعبدالحفیظ بلیاویؒ ، مولاناسیدمحمدرابع حسنی ندوی دامت برکاتہم، اور مفتی محمدظہورندوی مدظلہ جیسے اساطین علم وفن شامل ہیں،حضرت مولاناسیدابوالحسن علی ندوی ؒ سے آپ کو بخاری شریف کے چندابواب پڑھنے کابھی شرف حاصل ہے۔
تعلیم کی تکمیل کے بعدمادرعلمی میں خدمت انجام دینے کا موقع ملا،اوریہیں سے بحیثیت استاذآپ نے زندگی کادوسراسفرشروع کیا،اس درمیان ۱۹۷۵ء میں آپ کواعلی تعلیم کے لئے مصرجانے کاموقع ملا،چنانچہ آپ مصرتشریف لے گئے ،وہاں کلیۃ التربیۃ ،عین شمس یونیورسیٹی قاہرہ سے بی ایڈاور۱۹۸۲ء میں جامعہ ازہرسے عربی ادب وتنقیدمیں ایم اے کی ڈگری حاصل کی،ایم اے کے لئے آپ نے ’’الزمخشری کاتباًوشاعراً‘‘کے موضوع پراپناتحقیقی مقالہ (تھیسیس) لکھا،اس کے بعدپی ایچ ڈی میں داخلہ لیا،لیکن مشرف کے بیرون ملک چلے جانے کی وجہ سے اس کی تکمیل نہ ہوسکی،اورآپ کومجبوراًقاہرہ ریڈیو میں ملازمت اختیارکرنی پڑی،اس کے بعد۱۹۸۲ء ؁ملک واپس آئے اورمادرعلمی میں سابقہ مشغولیت شروع کی۔
تدریسی خدمات
دارالعلوم ندوۃ العلماء میں آپ کی تدریس کازمانہ ۱۹۶۴ء ؁ تا۱۹۷۵ء ؁ اورپھر۱۹۸۲ء ؁سے تاحال پرمحیط ہے،اس طویل مدت میں بلامبالغہ ہزاروں تشنگان علوم نے آپ سے سیرابی حاصل کی،مولاناسیدسلمان حسینی ندوی،مولاناسجادنعمانی ندوی جیسے متعدداصحاب علم۔جن کی قابلیت ولیاقت کاشہرہ پوری دنیامیں مسلم ہے ۔وہ آپ سے تلمذکاشرف رکھتے ہیں،آپ کے شاگردوں کی بڑی تعداددین وعلم کی خدمت میں مصروف ہے ،فی الوقت آپ دارالعلوم کے شعبہ عربی کلیۃ اللغۃ العربیہ وآدابہاکے عمیدیعنی ڈین آف فیکلٹی ہیں،معلمین کی تربیت میں آپ کوکمال حاصل ہے،تدریب المعلمین کے موضوع پر محاضرات کے لئے آپ پورے ملک میں مدعوکئے جاتے ہیں۔
علمی خدمات
جامعہ ازہرمصرمیں ایم اے کے لئے آپ نے جوتحقیقی مقالہ تحریرکیاتھاوہ مصرسے ہی’’ الزمخشری کاتباًوشاعراً‘‘کے عنوان سے شائع ہوچکاہے، عربی میں آپ کی دوسری کتاب’’ ابوالحسن علی الحسنی ندوی کاتباًومفکراً‘‘ہے جولکھنؤسے شائع ہوئی ہے،آپ کی مقبول زمانہ کتاب ’مغربی میڈیااوراس کے اثرات ‘ ہے جواپنے موضوع پرمنفردکتاب اورعلمی دستاویزہے،کتاب کی مقبولیت کااندازہ صرف اس سے لگایاجاسکتاہے کہ اب تک اس کاترجمہ عربی،انگریزی ، ملیالم،بنگلہ وغیرہ مختلف زبانوں میں ہوچکاہے، ہندوستان سے اردوکے پانچ اورپاکستان سے دوایڈیشن شائع ہوچکے ہیں،عربی میں یہ’’الاعلام الغربی وتاثیرہ فی المجتمع‘‘ کے نام سے ابوظہی سے اورانگریزی میں Western Media and its impect on societyکے نام سے لکھنؤسے شائع ہوئی ہے،بنگلہ کے دوایڈیشن شائع ہوئے ہیں،ترجمان القرآن،روزنامہ جنگ پاکستان اورہندوستان کے متعدد اخبارات ورسائل میں اس کتاب کی بڑی تحسین کی گئی اور بلندالفاظ میں اس کاتعارف کرایاگیا،ہم یہاں صرف دوتبصرے نقل کرنے پراکتفاء کرتے ہیں:
’’اس کتاب میں مغربی میڈیاسے متعلق چونکادینے والے انکشافات ہیں ،بلاشبہ یہ محض ایک کتاب نہیں بلکہ ایک تاریخی وعلمی دستاویزہے‘‘
کتاب مصنف کی باخبری،زمانہ شناسی،صحت معلومات ووسعت مطالعہ ،بلندپایہ علمی وتحقیقی ذوق اورتحلیل وتجزیہ کی بھرپورصلاحیت کے ساتھ اعتدال فکرونظرکی آئینہ دارہے‘‘(ماخوذازکتاب بیک ٹائٹل)
آپ نے حضرت مولاناسیدابوالحسن علی ندوی ؒ کے بعض مضامین کاترجمہ بھی کیاہے،نیزحضرت مولانارحمۃ اللہ کی خواہش پرآپ کی متعددکتابوں پرمقدمہ یاتعارف لکھنے کاشرف بھی حاصل رہاہے،اسی طرح حضرت مولاناؒ کے جانشیں حضرت مولاناسیدمحمدرابع حسنی ندوی دامت برکاتہم اورحضرت مولاناسیدمحمدواضح رشیدحسنی ندوی کی بعض کتابوں پربھی آپ کی تحریریں بطورمقدمہ یابطور تعارف شامل ہیں، یہ باتیں ان بزرگوں کے مکمل اعتمادکی علامت اوران کے افکاروخیالات کی صحیح ترجمانی کی سندہیں۔
کتابوں کے علاوہ آپ کابڑاعلمی سرمایہ مقالات کی شکل میں ہے،عربی واردومیں ادبی مقالات اورعالم اسلام سے متعلق مضامین قدرکی نگاہوں سے پڑھے جاتے ہیں۔
صحافتی سرگرمیاں
صحافت آپ کی دلچسپی کاخاص موضوع ہے،مصرکے زمانہ قیام میں ریڈیومصرسے وابستگی سے اس صلاحیت میں مزیدجلاء پیداہوئی،عالمی حالات اورخصوصاعالم اسلام سے متعلق امورپرآپ کی بڑی گہری نظرہے،ان موضوع پرآپ کے تجزئے اورآپ کی رائے بڑی اہمیت کی حامل ہوتی ہے،آپ ندوۃ العلماء کے اردوترجمان پندرہ روزہ تعمیرحیات کے مدیرمسؤل رہ چکے ہیں،اس کے علاوہ ندائے ملت ،الرائداورکاروان ادب کے ادارتی رکن رہے ہیں۔
رابطہ ادب اسلامی
اسلامی ادب کے فروغ کے لئے مفکراسلام حضرت مولاناسیدابوالحسن علی حسنی ندوی ؒ نے عالمی سطح پررابطہ ادب اسلامی داغ بیل ڈالی تھی، برصغیر ہندوپاک کادفترندوۃ العلماء میں قائم ہے ،جس کے زیراہتمام ادبی سیمینارمنعقدہوتے ہیں اورکاروان ادب کے نام سے ادبی رسالہ شائع ہوتاہے، آپ ان سرگرمیوں میں نہ صرف شریک رہتے ہیں بلکہ اس کے خاص کارکنان میں ہیں،اوراس کی فکری ترجمانی کے ساتھ انتظامی امورمیں بھی ذمہ داروں کی معاونت کرتے ہیں۔
دوعظیم شخصیات سے تعلق خاص
مولانامحترم کی شخصیت کی تشکیل میں دواہم شخصیات کاکردارنمایاں نظرآتاہے،اول مشہوربزرگ مولانامحمداحمدپرتاب گڑھی ؒ جوزمانہ طفولیت سے ہی آپ کے لئے باپ کی طرح شفیق تھے، آپ نے گویاان کی آغوش میں تربیت پائی،مولاناآپ کوعزیزوں کی طرح چاہتے تھے، اورآپ کوبھی مولاناسے پے پناہ انس تھا،ربط وتعلق اورشفقت ومحبت کے واضح اثرات آپ کی زندگی میں محسوس کئے جاسکتے ہیں،خلوص وللہیت،تعلق مع اللہ ،اذکاروتلاوت کی کثرت اورورع وتقوی کی صفت اسی تعلق کانتیجہ ہے،دوسری شخصیت جن سے آپ کووالہانہ تعلق بلکہ عشق سا تھاوہ مفکراسلام حضرت مولاناسیدابوالحسن علی ندوی کی ذات گرامی ہے،جوآپ کے استاذبھی تھے اورمربی بھی،حضرت سے آپ کاتعلق بڑاقریبی رہاہے،آپ کونہ صرف مولاناکے قریب رہنے اورسفروحضر میں رفیق بننے کاشرف حاصل تھابلکہ حضرت کے خطوط کاجواب دینے اورحضرت کی علمی وتصنیفی کاموں میں معاونت کاشرف بھی آپ کوحاصل رہاہے،حضرت مولاناؒ بھی آپ کوبہت عزیزرکھتے تھے،اور بے تکلفی اورمحبت سے آپ کو’’ نذر‘‘کہتے تھے،اورکبھی چنددن ملاقات نہ ہوتواپنے خاص اندازفرماتے ’’نذر نظرنہیں آتے ہو‘‘،عشاء بعدحضرت کی مجلس منعقدہوتی تھی،ان مجالس کی گفتگوکے آپ امین ہیں،کاش آپ ان مجالس کومرتب فرمادیتے تواہل علم ونظرکے لئے بڑاچشم کشاسرمایہ ہوتا،حضرت کے اعتمادوتعلق کایہ حال تھاکہ متعددمواقع پرحضرت نے آپ کواپنی نمائندگی وترجمانی کے لئے منتخب کیا،یہ بات مولاناکے لئے اعزازبھی ہے اورفخربھی۔
بیرونی اسفار
تعلیم کے سلسلہ میں مصرکے قیام کے علاوہ آپ نے بیرونی ممالک کے متعددعلمی اسفا رکئے ہیں،حضرت مولاناؒ کی رفاقت میں بھی کئی بیرونی اسفارہوئے ،آپ نے متعددانٹرنیشنل سیمیناروں میں شرکت کی اورمقالہ پیش کیا،آپ نے دوبارمصرکے رابطۃ الجامعات الاسلامیۃ میں حضرت مولاناؒ کی نمائندگی کی،اسی طرح ملیشیامیں منعقدہونے والے رابطۃ الادب الاسلامی العالمیۃ کے تین سیمیناراورترکی کے مجلس الامناء کے سیمنارمیں شرکت کی،اس علاوہ قطر،سعودی عرب اور ترکی وغیرہ ممالک کامعددبارسفرکیا،یہ اسفارعلمی اوردینی مقاصدکے تحت ہوئے ہیں۔
ایوارڈواعزاز
مصرکے زمانہ قیام میں ایک عالمی مسابقہ القرآن کاانعقادہواتھا،آپ نے اس مسابقہ میں شرکت کی اوراول انعام کے مستحق قرارپائے،یہ انعام حج بیت اللہ کی شکل میں تھا،آپ اس عظیم نعمت سے سرفرازہوئے،اس انعام کوآپ اپنی زندگی کا سب سے قیمتی سرمایہ تصورکرتے ہیں ۔
۲۰۰۲ء ؁ میں حکومت ہندنے عربی زبان کی مہارت کے اعتراف میں صدارتی ایوارڈسے سرفرازکیاجواس وقت کے صدرجمہوریہ اے پی جے عبدالکلام صاحب ؒ کے ہاتھوں ملا،اس موقع پرآپ نے صدرمحترم سے ملتے ہوئے ندوہ کاتعارف کرایااورانہیں ندوہ آنے کی دعوت بھی دی۔
نومبر۲۰۰۵ء ؁ میں آپ کی خدمات کے اعتراف میں آپ کے وطن کے اہل دانش اوروہاں کے نوجوان فضلاء کی جانب سے مجاہدآزادی محمدشفیع بیرسٹرکے نام سے موسوم ’شفیع بیرسٹرایوارڈ‘سے نوازاگیا۔
امتیازی صفات
اللہ تعالی نے آپ کوبڑی خوبیوں سے نوازاہے،گفتگومیں دعوتی اندازجہاں آپ کاامتیازہے وہیں تحریرمیں تجزیاتی اسلوب آپ کی پہچان ہے، اخلاص وتوکل ، تواضع،بزرگانہ شفقت،وقار ،شرافت نفس،اور سنجیدگی ومتانت کے ساتھ بے مثال ظرافت آپ کے خصوصی اوصاف ہیں، یہ اوصاف طبقہ علماء کے لئے لائق اتباع ہیں۔
بطور’’مشتے نمونہ از خروارے‘‘یہ آپ کی زندگی اور آپ کی متنوع خدمات کی چندجھلکیاں ہیں،بلاشبہ آپ کی زندگی بے شمارخوبیوں کاگنجینہ ہے، آپ نمونہ سلف ہیں،علماء کے لئے مثال اورآئیڈیل ہیں،آپ اپنی خوبیوں اورخدمات کی وجہ سے تاریخ میں یادرکھے جائیں گے۔
مولاناکے مضامین ومقالات کومرتب کرنے کی ضرورت
مولاناکے مضامین بڑی تعدادمیں تعمیرحیات اوردیگررسائل کی فائلوں میں دبے ہوئے ہیں،ان مضامین کوجمع کیاجائے توعالم اسلام کے اہم فکری حوادث ومسائل کی تاریخ مرتب کرنے میں بڑی مددملے گی،یہ تاریخ نصف صدی سے زائدعرصہ پرمحیط ہے،ان مضامین کو سامنے رکھ کرمولاناکے افکارکاتجزیہ کیاجاسکتاہے،ان تحریروں کووجودمیں آئے ایک عرصہ گزرچکااورمولانانے مضمون لکھتے وقت جن امکانات کی جانب اشارے کئے تھے یاجن حقائق کی نشاندہی کی تھی، ان کے مضمرات بھی پوری طرح دنیاکے سامنے آچکے ہیں،اس لئے اب ان تحریروں کاآسانی سے تجزیہ کیاجاسکتاہے،اورانہیں تاریخ کے ترازومیں بآسانی پرکھاجاسکتاہے،ندوی فضلاء کی یہ بھی ایک ذمہ داری ہے ، مولاناکے شاگردوں میں کوئی اس جانب توجہ دے توایک بڑاکام ہوجائے گا،اسی طرح ادب وسیرت سے متعلق مولاناکے جومقالات ہیں ،انہیں بھی جمع کیاجاناچاہیے تاکہ یہ اہم علمی وادبی سرمایہ بھی قابل استفادہ بن جائے۔

کلیم احمدعاجزؔ :فکروفن پرایک نظر

2015-12-12T23:41:00.000-08:00

کلیم احمدعاجزؔ :فکروفن پرایک نظر
ڈاکٹرزاہدحسین ندوی
(مولاناحبیب الرحمن خاں شیروانی لائبریری ،معہددارالعلوم ندوۃ العلماء،لکھنؤ)

تاریخ عالم میں انسانوں کے ہاتھوں پیداکردہ انسانی مصائب وآلام ،ظلم وسفاکیت اورقہرسامانی کی بھی ایک طویل داستان رہی ہے،انگریزوں کے پنجۂ استبدادسے ہندوستان کی آزادی سے کچھ قبل ہی ہندوؤں اورمسلمانوں کے درمیان منافرت ومخاصمت اورعصبیت وعداوت کاایسامنظرنامہ تیارکیا گیا جو برصغیرہندوپاک میں ایک سرخ آندھی کاپیش خیمہ ثابت ہوا،بغض وعناداورنفرت وعداوت کایہ ایساسموم وصرصرتھاجس نے آن کی آن میں بے شمار سرسبزوشاداب گلستانوں کوخاکسترکرکے رکھ دیا،انہی اجڑے گلستانوں کی یادگارایک ’’شاخ نہال غم ‘‘بادسموم کے آتشیں جھونکوں کی زدمیں آنے سے بچ گئی، کیونکہ اسے کہانی سناناتھی اپنے چمنستان محبت کے تاراج کئے جانے کی ،اسے رودادبیان کرناتھی آتش وخون کی گرم بازاری ،اورانسانی شقاوت وسنگ دلی کی سیاہ کاری کی،اسے داستان رقم کرناتھی انسانی ظرف وضمیرکے بدلتے رنگ وروپ اوراس کی ظلمت وتباہ کاری کی، اسے پیغام دیناتھانوع انسانی کواس کے مقام ومرتبے کی معرفت وشناخت کا،اسے احساس جگاناتھامحبت وانسانیت کی لازوال قدروں کی تب وتاب اورروح پروربہاروں کا،وہ’’شاخ نہال غم‘‘ معروف وممتازشاعرکلیم احمدعاجزؔ کی ذات وشخصیت ہے۔
کلیم عاجزؔ کی پوری شاعری عزم واستقلال ،بلندنظری وعلوہمتی،حمیت وخودداری ،اخوت ومحبت ،غم خواری وغم گساری ،جذبہ تعمیروبہبودانسانیت اور عظمت کرداروعمل کے اعلی ترین پیغاما ت کی تابناک مرقع ہے ۔
شاعر کاضبط وتحمل ،اس کی عالی ظرفی وبلندنگاہی اوراخلاص ومروت نے اس کی زندگی کے المیہ اورغم واندوہ کے امنڈتے ہوئے جذبات کوانسانی فلاح وبہبود، اس کی خیرطلبی وخیراندیشی اورانسانیت سازی وانسان نوازی میں تبدیل کردیاہے،اس کادل دردمندحالات ووقت کے پیچ وخم کودرست کرنے اورزمانہ کے گیسوئے برہم کوآراستہ کرنے میں پورے عزم کے ساتھ مصروف عمل نظرآتاہے۔
شاعرکواپنامتاع غم اس لئے عزیزترہے کہ یہی وہ قوت ،وہ توانائی اوروہ تحریک ہے جونہ صرف انسانیت کی چارہ سازی اورمسیحائی کرسکتی ہے بلکہ زندگیوں میں عہدآفریں انقلاب پیداکرسکتی ہے،دوغزلوں کے کچھ اشعارملاحظہ ہوں:
غم دل ہی غم دوراں غم جانانہ بنتا ہے
یہی غم شعر بنتا ہے یہی افسانہ بنتا ہے
اسی سے گرمیِ دار و رسن ہے انقلابوں میں
بہاروں میں یہی زلف وقد جانانہ بنتا ہے
سروں کے خُم صراحی گردنوں کی جام زخموں کے
مہیا جب یہ ہولیتے ہیں تب میخانہ بنتاہے
بگڑتاکیاہے پروانے کا جل کر خاک ہونے میں
کہ پھرپروانے ہی کی خاک سے پروانہ بنتاہے
نگاہ کم سے میری چاک دامانی کومت دیکھو
ہزاروں ہوشیاروں میں کوئی دیوانہ بنتاہے
بڑا سرمایہ ہے سب کچھ لٹادینامحبت میں
فقیرانہ لباس آتے ہی دل شاہانہ بنتاہے
میرے ہی دونوں ہاتھ آتے ہیں کام ان کے سنورنے میں
دکھاتاہے کوئی آئینہ کوئی شانہ بنتاہے
۔۔۔۔۔۔۔۔۔
جب تک ہم اہل درد پکارے نہ جائیں گے
گیسو تیرے کسی سے سنوارے نہ جائیں گے
بازی وفاکی ہارکے پیارے نہ جائیں گے
کیادن ترے ستم کے گزارے نہ جائیں گے
ٹھہرے ہوئے ہیں پلکوں پہ آنسو اسی لئے
بے روشنی کئے یہ ستارے نہ جائیں گے
دریائے غم میں پانی اگرچہ ڈباؤہے
ہم ڈوبنے کے ڈر سے کنارے نہ جائیں گے
یہ شہسوار وقت ہیں اتنا نشے میں چور
گرجائیں گے اگریہ اتارے نہ جائیں گے
پوچھے نہیں ہے آج جنہیں کوئی دیکھنا
کل یہ کہاں کہاں سے پکارے نہ جائیں گے
کرتے رہو کلیمؔ اشاروں میں گفتگو
جب تک غزل رہے گی اشارے نہ جائیں گے
شاعرکی فراخ دلی ،کشادہ قلبی اورمحبت ومروت کادائرہ صرف دوستوں اورعام انسانوں تک محدودنہیں،بلکہ اپنے دشمنوں ،جفاکاروں اورزخم پہونچانے والوں کی بہی خواہی کاجذبہ بھی اس کے دل میں موجزن ہے اوراپنے فیضان محبت ومروت سے انہیں بھی محروم نہیں رکھناچاہتا،اوران کی زندگی کوبھی روشن وآراستہ دیکھناچاہتاہے،اشعارملاحظہ ہوں:
نہ اہل بت کدہ چاہیں نہ ارباب حرم چاہیں
زمانے میں جسے کوئی نہ چاہے اس کو ہم چاہیں
ہم ایسے سیرچشم اوروں سے کیاچشم کرم چاہیں
خدا توفیق دے توبس تجھ ہی کو اے صنم چاہیں
ستم کرلیں جہاں تک تیرے ارباب ستم چاہیں
جوتوچاہے ہے ہم سے اے زمانہ کیسے ہم چاہیں
جنوں جب چاہتاہے راہ پیدا کر ہی لیتاہے
وہ ڈالیں گیسوؤں میں اپنے جتناپیچ وخم چاہیں
بہت دیکھاہے دل اہل کرم کا ہم فقیروں نے
فقیروں کابھی دل دیکھیں اگر اہل کرم چاہیں
ابھی توجس طرح وہ چاہتے ہیں دن گزرتے ہیں
وہ دن آئے کہ دن ہم یوں گزاریں جیسے ہم چاہیں
۔۔۔
گو ستم نے تیرے ہرایک طرح مجھے ناامیدبنادیا
یہ میری وفاکاکمال ہے کہ نباہ کرکے دکھادیا
کوئی بزم ہوکوئی انجمن یہ شعاراپناقدیم ہے
جہان روشنی کی کمی ملی وہیں اک چراغ جلادیا
تجھے اب بھی میرے خلوص کانہ یقین آئے توکیاکروں
ترے گیسوؤں کوسنوارکے تجھے آئینہ بھی دکھادیا
خودی وخودداری،خوداعتمادی وخودانحصاری انسانیت کی آبرواوراس کاناموس ہے ،یہ سلامت ہے تواس کاخوش آئندمستقبل سلامت ہے،کلیم عاجزکے یہاں یوں تویہ پیغام عام ہے ،بالخصوص نوجوان نسلوں کے پس منظرمیں،پیاربھرے اسلوب میں یہ اشعارملاحظہ ہوں:
غرض کسی سے نہ اے دوستوں کبھو رکھیو
بس اپنے ہاتھ یہاں اپنی آبرو رکھیو
زمانہ سنگ سہی آئینہ کی خو رکھیو
جودل میں رکھیو وہی سب کے روبرو رکھیو
نہ کیجیو کہیں توہین اپنے چلوکی
کسی سے مت ہوس ساغر و سبو رکھیو
چراغ گھر میں میسر نہیں رہے نہ سہی
جلائے دل میں مگر شمع آرزو رکھیو
زبان درد بہت کم سمجھنے والے ہیں
یہاں نہ ہرکس وناکس سے گفتگو رکھیو
اڑانہ دیجیو سب غم کی رنگ رلیوں میں
بچاکے دل کے پیالے میں کچھ لہو رکھیو
یہی بچائے گی شمشیر وقت سے عاجزؔ
ہماری بات قریب رگ گلو رکھیو
۔۔۔
گلوں سے راہ رکھیو،رسم رکھیو،رابطہ رکھیو
مگران بے وفاؤں سے نہ امیدوفا رکھیو
کچھ انداز خرد رکھیوجنوں کی کچھ ادا رکھیو
نظر ہوشیار رکھیو دل کو دیوانہ بنا رکھیو
اسے لوٹیں گے سب لیکن اسے کوئی نہ لوٹے گا
نہ رکھیوجیب میں کچھ دل میں لیکن حوصلہ رکھیو
نہ جانے کون کتنی پیاس میں کس وقت آجائے
ہمیشہ اپنے میخانے کادروازہ کھلارکھیو
یہ ماناہم نے کہ نازک بہت ہے دل کاآئینہ
مگراس آئینہ کوٹوٹنے سے مت بچارکھیو
اندھیرے اورہوں گے روشنی لوگ اورمانگیں گے
چراغ فکر وفن جتنے جلا سکیو جلا رکھیو
کلیم عاجزکے یہاں ایسی معیاری اورولولہ انگیزغزلوں کی کمی نہیں ہے جن میں شعری جمال وجلال کے ساتھ ندرت فکروخیال کاایک سیل رواں نظرآتاہے،بطورمثال دوغزلوں کے کچھ اشعارملاحظہ ہوں:
نظر کوآئینہ دل کو ترا شانہ بنادیں گے
تجھے ہم کیاسے کیااے زلف جانانہ بنادیں گے
ہمیں اچھاہے بن جائیں سراپاسرگذشت اپنی
نہیں تولوگ جوچاہیں گے افسانہ بنادیں گے
امیدایسی نہ تھی محفل کے ارباب بصیرت سے
گناہ شمع کوبھی جرم پروانہ بنادیں گے
ہمیں توفکردل سازی کی ہے دل ہے تودنیاہے
صنم پہلے بنادیں پھر صنم خانہ بنادیں گے
نہ اتناچھیڑکراے وقت دیوانہ بناہم کو
ہوئے دیوانے ہم توسب کودیوانہ بنادیں گے
نہ جانے کتنے دل بن جائیں گے ایک دل کے ٹکرے سے
وہ توڑیں آئینہ ہم آئینہ خانہ بنادیں گے
۔۔۔
تمہاری طرح زلفوں میں شکن ڈالے نہیں ہیں ہم
کہیں گے بات سیدھی پیچ وخم والے نہیں ہیں ہم
گلوں کی طرح ہم نے عمرکانٹوں میں گزاری ہے
ہیں اہل نازلیکن نازکے پالے نہیں ہیں ہم
ہماری وضع پر شمشیروالوں کو بھی حیرت ہے
بھرے ہیں زخم سے لیکن سپرڈالے نہیں ہیں ہم
ہمیں سے عشق کا معیار اونچاہے زمانے میں
حسیں وہ کیاہے جس کے چاہنے والے نہیں ہیں ہم
اسی محفل ہی پرکیا منحصرہے کوئی محفل ہو
چراغوں میں کہاں اپنا لہو ڈھالے نہیں ہیں ہم
تمہیں شعلہ بیاں شعلہ دہن ہو ایسامت سمجھو
زباں کھولیں توکم آتش کے پرَکالے نہیں ہیں ہم
خم میخانہ ہیں ہم ظرف والوں ہی سے ملتے ہیں
ہراک کے ہاتھ میں آجائیں وہ پیالے نہیں ہیں ہم
یہ شیخ وبرہمن ہم سے بگڑکرکیابنالیں گے
خداوالے ہیں ہم دیروحرم والے نہیں ہیں ہم
کلیم عاجزکی پوری شاعری اپنے عہدکی تاریخی دستاویزکی حیثیت رکھتی ہے ،اپنے زمانہ کے حالات وکوائف اوروقت کی رفتاروکردارکومجسم اورمتحرک تصویروں کی شکل میں پیش کرنے میں کلیم عاجزکوجوملکہ اورمہارت حاصل ہے وہ کہیں اورنظرنہیں آتی،اوران کایہ کمال فن آپ بیتی کوجگ بیتی اورجگ بیتی کوآپ بیتی بنادیتاہے،مخصوص زبان واسلوب میں کچھ غزلوں کے اشعارملاحظہ ہوں:
اس ناز اس انداز سے تم ہائے چلوہو
روز ایک غزل ہم سے کہلوائے چلوہو
رکھناہے کہیں پاؤں تورکھو ہو کہیں پاؤں
چلنا ذرا آیا ہے تو اترائے چلوہو
دیوانۂ گل قیدیِ زنجیر ہیں اورتم
کیاٹھاٹ سے گلشن کی ہوا کھائے چلو ہو
مئے میں کوئی خامی ہے نہ ساغرمیں کوئی کھوٹ
پینا نہیں آئے ہے توچھلکائے چلو ہو
ہم کچھ نہیں کہتے ہیں کوئی کچھ نہیں کہتا
تم کیاہوتمہیں سب سے کہلوائے چلو ہو
وہ شوخ ستمگر تو ستم ڈھائے چلے ہے
تم ہوکہ کلیمؔ اپنی غزل گائے چلو
۔۔۔۔۔۔
میرے ہی لہوپرگذر اوقات کرو ہو
مجھ ہی سے امیروں کی طرح بات کرو ہو
دن ایک ستم ایک ستم رات کرو ہو
وہ دوست ہو دشمن کوبھی تم مات کرو ہو
ہم خاک نشیں تم سخن آرائے سربام
پاس آکے ملو دورسے کیا بات کرو ہو
ہم کو جوملاہے وہ تمہیں سے توملاہے
ہم اوربھلادیں تمہیں کیا بات کرو ہو
یوں توکبھی منہ پھیرکے دیکھوبھی نہیں ہو
جب وقت پڑے ہے تو مدارات کرو ہو
دامن پہ کوئی چھینٹ نہ خنجرپہ کوئی داغ
تم قتل کرو ہو کہ کرامات کرو ہو
بکنے بھی دوعاجزکو جو بولے ہے بکے ہے
دیوانہ ہے دیوانے سے کیابات کرو ہو
حالات ووقت کی ستم سازیوں کی بھرپورعکاسی طنزوتغزل کے رنگ وآہنگ میں ملاحظہ فرمائیں:
جداجب تک تری زلفوں سے پیچ وخم نہیں ہوں گے
ستم دنیامیں بڑھتے ہی رہیں گے کم نہیں ہوں گے
دلاسے ان کے جب دردآشنائے غم نہیں ہوں گے
نمک ہی ہوں گے دل کے زخم پرمرہم نہیں ہوں گے
بتان فتنہ گراس سرزمین پرکم نہیں ہوں گے
تمہارے جیسے لیکن فتنہ عالم نہیں ہوں گے
اگربڑھتا رہا یونہی یہ سودائے ستمگاری
تمہیں رسواسربازارہوگے ہم نہیں ہوں گے
جناب شیخ پرافسوس ہے ہم نے توسمجھا تھا
حرم کے رہنے والے ایسے نامحرم نہیں ہوں گے
ادھر آؤتمہاری زلف ہم آراستہ کردیں
جوگیسو ہم سنواریں گے کبھی برہم نہیں ہوں گے
اگرچہ عشق میں مرنے کاخطرہ ہی زیادہ ہے
مگرمرنے کے ڈرسے مرنے والے کم نہیں ہوں گے
سادگی وپرکاری،سہل ممتنع ،سحرکاری ومضمون آفرینی،کلیم عاجزکی شاعری کاخاص وصف ہے،سادہ وسلیس الفاظ میں معانی ومفہوم کا سمندرکوزہ میں میں ڈھل ڈھل کرسامنے آتاچلاجاتاہے،اشعارملاحظہ ہوں:
گذرکرنا یہاں آساں نہیں ہے
یہ دنیاکوچ�ۂجاناں نہیں ہے
محبت پرجسے ایماں نہیں ہے
فرشتہ ہوتوہوانساں نہیں ہے
یہی دیتاہے جینے کاسلیقہ
دل ناداں دل ناداں نہیں ہے
دلُ پردرد وچشمِ نم سلامت
یہ ساماں ہے توکم ساماں نہیں ہے
کہیں گے اورمکررہم کہیں گے
وفاتجھ میں نہیں ہے، ہاں نہیں ہے
ہراک مشکل کاحل دیوانگی ہے
مگردیوانگی آسان نہیں ہے
چمن میں گل ہی کم ہیں رنج یہ ہے
ملال تنگی داماں نہیں ہے
کلیم آخرنکالاجائے ہے کیوں
یہ اہل خانہ ہے مہمان نہیں ہے
۔۔۔۔۔۔
منہ فقیروں سے نہ پھیرا چاہئے
یہ توپوچھا چاہیے کیاچاہئے
چاہ کا معیار اونچا چاہئے
جونہ چاہیں ان کو چاہا چاہئے
کون چاہے ہے کسی کوبے غرض
چاہنے والوں سے بھاگاچاہئے
چاہتے ہیں تیرے ہی دامن کی خیر
ہم ہیں دیوانے ہمیں کیاچاہئے
بے رخی بھی ناز بھی انداز بھی
چاہیے لیکن نہ اتنا چاہئے
کون اسے چاہے جسے چاہونہ تم
تم جسے چاہو اسے کیا چاہئے
ہم جو کہناچاہتے ہیں کیاکہیں
آپ کہہ لیجئے جوکہناچاہئے
بات چاہے بے سلیقہ ہو کلیم
بات کہنے کاسلیقہ چاہیے
ماضی قریب کی تاریخی سچائیاں کس طنزیہ خوبی ،گھلاوٹ اورپیاربھرے اسلوب میں بیان کی جارہی ہیں ملاحظہ فرمائیں:
تم گل تھے ہم نکھار ابھی کل کی بات ہے
ہم سے تھی سب بہار ابھی کل کی بات ہے
بیگانہ سمجھو غیر کہو اجنبی کہو
اپنوں میں تھاشمار ابھی کل کی بات ہے
آج اپنے پاس سے ہمیں رکھتے ہو دور دور
ہم بِن نہ تھاقرار ابھی کل کی بات ہے
اترا رہے ہوآج پہن کرنئی قبا
دامن تھاتارتار ابھی کل کی بات ہے
آج اس قدر غرور،یہ انداز،یہ مزاج
پھرتے تھے میرخوار ابھی کل کی بات ہے
انجان بن کے پوچھتے ہوہے یہ کب کی بات
کل کی ہے بات یار ابھی کل کی بات ہے
سلاست وسادگی،اسلوب بیان کی دل کشی وسحرانگیزی اوررواں دواں الفاظ کے سیل سبک سیرکاایک منظربھی دیکھتے چلیں:
کلیم آئے بھی اپنا ہنر دکھابھی گئے
الاپ بھی گئے ،روبھی گئے، رلا بھی گئے
غزل بھی پڑھ گئے محفل کوسنسنابھی گئے
اک آگ لائے بھی،لے بھی گئے، لگابھی گئے
دل اپنا کھوکے مزا دل لگی کاپابھی گئے
بگاڑ بھی گئے کچھ بات کچھ بنابھی گئے
وہ چوٹ کھائی جگر پر کہ تلملابھی گئے
مگر تھے وضع کے پابند مسکرا بھی گئے
سناگئے کسی پردہ نشیں کا افسانہ
وہ شوخ پردہ نشیں کون ہے بتابھی گئے
وفا شعاروں کو کیا پوچھو ہو زمانہ ہوا
وہ چھوڑ بھی گئے بستی کو گھرجلا بھی گئے
زمانہ دنگ ہے عاجزؔ کہ اس زمانے میں
جوکہہ رہے تھے وہی کرکے ہم دکھابھی گئے
میرؔ کے عہدکی زبان ،غمناک لب ولہجہ اورپرسوزاسلوب کے پردہ میں بھی کلیم عاجزکے افکاروخیالات داخلی جذبات واحساسات کے حصارتک محدودنہیں رہتے بلکہ حالات وواقعات کوشعرکے قالب میں اس طرح ڈھالتے ہیں کہ غم دل اورغم دوراں کاامتیازباقی نہیں رہتااورشاعرکی آوازہردل کی آوازبن جاتی ہے،دوغزلوں کے کچھ اشعارملاحظہ ہوں :
بلاتے کیوں ہو عاجزؔ کو بلانا کیا مزا دے ہے
غزل کم بخت کچھ ایسی پڑھے ہے دل ہلادے ہے
محبت کیا بلاہے چین لینا ہی بھلادے ہے
ذرابھی آنکھ جھپکے ہے توبے تابی جگادے ہے
ترے ہاتھوں کی سرخی خودثبوت اس بات کادے ہے
کہ جوکہہ دے ہے دیوانہ وہ کرکے بھی دکھادے ہے
غضب کی فتنہ سازی آئے ہے اس فتنہ ساماں کو
شرارت خودکرے ہے اورہمیں تہمت لگادے ہے
میری بربادیوں کا ڈال کر الزام دنیاپر
وہ ظالم اپنے منھ پرہاتھ رکھ کرمسکرادے ہے
اب انسانوں کی بستی کایہ عالم ہے کہ مت پوچھو
لگے ہے آگ اک گھرمیں توہمسایہ ہوا دے ہے
کلیجہ تھام کرسنتے ہیں لیکن سن ہی لیتے ہیں
میرے یاروں کومیرے غم کی تلخی بھی مزادے ہے
۔۔۔
زخم دل کا وہ نظارہ ہے کہ جی جانے ہے
اتنا احسان تمہارا ہے کہ جی جانے ہے
دیکھنا پھرکہیں زلفیں نہ پریشان ہوجائیں
اتنا مشکل سے سنوراہے کہ جی جانے ہے
مہرباں حال پہ ہیں آپ ہمارے جب سے
تب سے وہ حال ہماراہے کہ جی جانے ہے
یہ حسیں دور جسے موسم گل کہتے ہیں
ایسا رو رو کے گزارا ہے کہ جی جانے ہے
یوں توجی جان کادشمن ہے وہ ظالم پھربھی
ایساجی جان سے پیاراہے کہ جی جانے ہے
کبھی گزرے ہیں چمن سے توگلوں نے عاجزؔ
اس محبت سے پکاراہے کہ جی جانے ہے
شاعرکی قادرالکلامی اورزبان پرگرفت کایہ عالم ہے کہ پہلے مصرعہ میں استعمال ہونے والے لفظوں کے الٹ پھیرسے دوسرامصرعہ یوں مرتب ہوتاہے کہ چونکادینے والی معنویت اورنیامفہوم ومضمون سامنے آجاتاہے ،یہ ایک خاص صنعت ہے جوکلیم عاجزکی شاعری میں نظرآتی ہے،بطورمثال چنداشعارملاحظہ ہوں:
بہت دیکھاہے دل اہل کرم کا ہم فقیروں نے
فقیروں کابھی دل دیکھیں اگر اہل کرم چاہیں
ابھی توجس طرح وہ چاہتے ہیں دن گزرتے ہیں
وہ دن آئے کہ دن ہم یوں گزاریں جیسے ہم چاہیں
۔۔۔
کون اسے چاہے جسے چاہو نہ تم
تم جسے چاہو اسے کیا چاہیے
بات چاہے بے سلیقہ ہو کلیم
بات کہنے کا سلیقہ چاہیے
۔۔۔
انہیں اپنے بھی لگتے ہیں پرائے
پرایا بھی ہمیں اپنالگے ہے
بغیر اس بے وفاسے جی لگائے
جو سچ پوچھو تو جی کس کالگے ہے
یوں توجی جان کادشمن ہے وہ ظالم پھربھی
ایساجی جان سے پیاراہے کہ جی جانے ہے
ہم کچھ نہیں کہتے ہیں کوئی کچھ نہیں کہتا
تم کیاہوتمہیں سب سے کہلوائے چلو ہو
کلیم عاجزکی شخصیت کی ترجمانی کرنے والے چنداشعارملاحظہ ہوں:
جوابِ ظلم دیتی جارہی ہے اپنی مظلومی
اُدھر تلوار رنگیں ہے اِدھررنگیں کفن ہم ہیں
۔۔۔۔۔۔
دل پرُدرد وچشمِ نم سلامت
یہ ساماں ہے توکم ساماں نہیں ہے
۔۔۔۔۔۔
چلائے جاؤ تم شمشیر ہم بھی
دکھائیں گے تمہیں جوہر غزل کے
۔۔۔
وہ جفاشعاروستم ادا ،تو سخن طراز وغزل سرا
وہ تمام کانٹے اگائیں گے توتمام پھول کھلائے جا
۔۔۔
انہیں بازوپہ اپنے نازہے ہم کو قلم پرہے
وہ شمشیرآئے لے کرہم غزل لے کرچلے آئے
۔۔۔
حقیقتوں کاجلال دیں گے صداقتوں کاجمال دیں گے
تجھے بھی ہم اے غم زمانہ غزل کے سانچے میں ڈھال دیں گے
۔۔۔
توجفامیں مست ہے روزوشب میں کفن بدوش غزل بلب
تیرے رعب حسن سے چپ ہیں سب میں بھی چپ رہوں تومزاہے کیا
۔۔۔
نکل آئے گا کوئی کوہکن بھی
کلیجہ اس کا پتھر ہے تو کیا ہے
زیرنظرمضمون میں کلیم عاجزؔ کے پہلے مجموعۂ کلام اورکچھ دوسرے مجموعۂ کلام سے استفادہ کیاگیاہے،بقیہ مجموعوں سے استفادہ نہیں کیاگیاہے،دنیائے شاعری کے اس کوہکن نے کتنی سنگلاخ وادیوں سے جوئے شیرکے دھارے بہائے ہیں دیکھناباقی ہے۔
*****
ولادت:۱۹۲۶ء ؁ قصبہ تیلہاڑا،ضلع پٹنہ،بہار،وفات:۵ا/فروری ۲۰۱۵ء ؁