Manthrikam - Film Songs Lyrics Gallery

മോഹന്‍ലാല്‍ ഫേസ്ബുക്കിനെയും ഞെട്ടിക്കുന്നു

noreply@blogger.com (Unknown) — Fri, 3 Aug 2012 17:40:00 +0530

വെള്ളിത്തിരയില്‍ മാത്രമല്ല, സോഷ്യല്‍നെറ്റ്‌വര്‍ക്കുകളിലും മോഹന്‍ലാല്‍ തരംഗം ആഞ്ഞുവീശുന്നു. ഫേസ്ബുക്കില്‍ ഏറ്റവുമധികം പ്രചാരമുള്ള മലയാളിയായി മോഹന്‍ലാല്‍ മാറിക്കഴിഞ്ഞു. വെള്ളിത്തിരയിലെ മറ്റു സൂപ്പറുകളെയും യുവതാരങ്ങളെയും ബഹുദൂരം പിന്നിലാക്കിയാണ് ലാലിന്റെ കുതിപ്പ്.രണ്ട് മാസം മുമ്പ് നിലവില്‍ വന്ന ലാലിന്റെ ഒഫീഷ്യല്‍ ഫേസ്ബുക്ക് പേജ് നേടുന്ന മുന്നേറ്റം ഫേസ്ബുക്ക് അധികൃതരെപ്പോലും അമ്പരിപ്പിയ്ക്കുകയാണെന്ന് പേജിന്റെ അണിയറയില്‍ പ്രവര്‍ത്തിയ്ക്കുന്നവര്‍ പറയുന്നു.

ജൂണ്‍ 3ന് ആരംഭിച്ച ഫേസ്ബുക്ക് പേജ് ലൈക്ക് ചെയ്തവരുടെ എണ്ണം 3.20 ലക്ഷമാണ്. മറ്റൊരു മലയാളിയ്ക്കും നേടാനാവാത്ത നേട്ടമാണിത്. ഫേസ്ബുക്കിലൂടെ സൗജന്യമായി വൈദ്യോപദേശം നല്‍കുന്ന ഡോക്ടര്‍ ആഷ്‌ലി മുളമൂട്ടിലാണ് ഫേസ്ബുക്കില് ലാലിന് പിന്നില്‍ നില്‍ക്കുന്ന മലയാളി. ഇദ്ദേഹത്തിന്റെ പേജ് 2.5 ലക്ഷത്തോളം പേരാണുള്ളത്.
അണ്‍ഒഫീഷ്യല്‍ പേജുകള്‍ നീക്കം ചെയ്യുകയും ഒഫീഷ്യല്‍ പേജിനോട് കൂട്ടിച്ചേര്‍ത്തുമാണ് ഫേസ്ബുക്കില്‍ മോഹന്‍ലാല്‍ ഈ കുതിപ്പ് നടത്തിയതെന്ന് ഓണ്‍ലൈനില്‍ ലാലിന് ആവശ്യമായ സഹായങ്ങള്‍ നല്‍കുന്ന സഞ്ജീവ് സോമന്‍ പറയുന്നു. പേജ് നിലവില്‍ വന്ന ദിവസം മാത്രം ഏതാണ്ട് 20000 ലൈക്കുകള്‍ ലഭിച്ചുവെന്നും ഇദ്ദേഹം സാക്ഷ്യപ്പെടുത്തുന്നു.
ലാലിന്റെ പേജിന് ലഭിയ്ക്കുന്ന പ്രചാരം കണ്ട് അദ്ഭുതം കൂറിയ ഫേസ്ബുക്ക് അധികൃതര്‍ തങ്ങളെ നേരിട്ട് ബന്ധപ്പെട്ടിരുന്നുവെന്നും സഞ്ജീവ് വെളിപ്പെടുത്തി. മോഹന്‍ലാല്‍ നേരിട്ടാണ് പേജ് കൈകാര്യം ചെയ്യുന്നതെന്ന് വ്യക്തമായതോടെ ഫേക്ക് അക്കൗണ്ടുകള്‍ നീക്കം ചെയ്യാനും അതിലുണ്ടായിരുന്നവരെയെല്ലാം ഓഫീഷ്യല്‍ പേജിലേക്ക് കൊണ്ടുവരാനും അവര്‍ സഹായിച്ചുവത്രേ.ഫേ്‌സ്ബുക്കില്‍ തനിയ്ക്ക് ലഭിയ്ക്കുന്ന വരവേല്‍പ്പില്‍ അതീവസന്തുഷ്ടനാണ് മോഹന്‍ലാല്‍. ദുബയില്‍ നിന്നുള്ള പ്രവാസി മലയാളികളാണ് ഏറ്റവും കൂടുതല്‍ പേര്‍ ഈ പേജ് സബ്‌സ്‌ക്രൈബ് ചെയ്തിരിയ്ക്കുന്നതെന്ന് കണക്കുകള്‍ തെളിയിക്കുന്നു.പെരുമഴ പോലെ യുവതാരങ്ങള്‍ മലയാള സിനിമയില്‍ മുളച്ചുപൊന്തുന്നുണ്ടെങ്കിലും ഇവരെക്കാളേറെ ഫേസ്ബുക്കില്‍ മലയാളി യുവത്വത്തിന് താത്പര്യം ലാലിനോട് തന്നെയാണ്. 18നും 24നും ഇടയ്ക്കുള്ളവരാണ് ലാലിന്റെ പേജ് ഏറ്റവും കൂടുതല്‍ ലൈക്ക് ചെയ്തതെന്ന് തന്നെയാണ് ഇതിനുള്ള ഏറ്റവും വലിയ തെളിവ്. മോഹന്‍ലാലിന് ഏറെക്കാലം മുമ്പെ ഫേസ്ബുക്കിലെത്തിയ മമ്മൂട്ടിയുടെ ഒഫീഷ്യല്‍ പേജ് ലൈക്ക് ചെയ്തവരുടെ എണ്ണം 2.21 ലക്ഷമാണ്. അതേസയം മമ്മൂട്ടിയുടെ പേരില്‍ അഞ്ച് അക്കൗണ്ടുകളാണ് ഫേസ്ബുക്കിലുള്ളത്.
Report : Malayalam.OneIndia.in

'ആറു മുതല്‍ അറുപത് വരെ': ലാല്‍ നായകനായി ജോണി ആന്റണി ചിത്രം

noreply@blogger.com (Unknown) — Fri, 3 Aug 2012 17:35:00 +0530

ദിലീപിനും മമ്മൂട്ടിക്കും പിന്നാലെ ഇതാദ്യമായി മോഹന്‍ലാല്‍ ജോണി ആന്റണി ചിത്രത്തില്‍ നായകനാകുന്നു. ജോണി ആന്റണിയുടെ ആദ്യകാല ചിത്രങ്ങള്‍ക്ക് തിരക്കഥയൊരുക്കിയ ഉദയ്കൃഷ്ണ-സിബി.കെ തോമസ് ടീമാണ് ആറ് മുതല്‍ അറുപത് വരെ എന്ന പുതിയ ചിത്രത്തിനും രചനനിര്‍വഹിച്ചിരിക്കുന്നത്. പതിവ് പോലെ കോമഡിക്ക് പ്രാധാന്യമുള്ള സിനിമ തന്നെയായിരിക്കും ആറ് മുതല്‍ അറുപത് വരെയുമെന്നാണ് റിപ്പോര്‍ട്ട്.

മേജര്‍ രവി ചിത്രമായ കര്‍മ്മയോദ്ധയ്ക്ക് ശേഷം സപ്തംബര്‍ രണ്ടാം വാരത്തോടെ ആറ് മുതല്‍ അറുപത് വരെയുടെ ഷൂട്ടിങ് ആരംഭിക്കും. ജിതിന്‍ ആര്‍ട്‌സിന്റെ ബാനറില്‍ ജോയ് തോമസ് ശക്തികുളങ്ങരയാണ് സിനിമ നിര്‍മ്മിക്കുന്നത്. റാഫി മെക്കാര്‍ട്ടിന്‍ ഒരുക്കിയ മോഹന്‍ലാല്‍ ചിത്രം ഹലോ നിര്‍മ്മിച്ചുകൊണ്ടാണ് ജിതിന്‍ ആര്‍ട്‌സ് മലയാള സിനിമയില്‍ നിര്‍മ്മാണരംഗത്തെത്തിയത്. ജോണി ആന്റണി ഒരുക്കിയ താപ്പാന ചിത്രീകരണം പൂര്‍ത്തിയായി പോസ്റ്റ് പ്രൊഡക്ഷന്‍ ജോലികളിലാണ്. ഓണം റംസാന്‍ റിലീസായി താപ്പാന തിയേറ്ററുകളിലെത്തും.

'പ്രാഞ്ചിയേട്ടന്‍' മോഷണമല്ലെന്ന് രഞ്ജിത്ത്

noreply@blogger.com (Unknown) — Fri, 3 Aug 2012 17:34:00 +0530

കൊച്ചി: പ്രാഞ്ചിയേട്ടന്‍ ആന്റ് ദി സെയ്ന്റ് ഒരു വിദേശ സിനിമയുടെയും അനുകരണമല്ലെന്ന് സംവിധായകന്‍ രഞ്ജിത്ത്. 1952 ല്‍ പുറത്തിറങ്ങിയ ഫ്രഞ്ച് ഇറ്റാലിയന്‍ സിനിമയായ 'ലെ പെറ്റിറ്റ് മോണ്‍ഡെ ഡി ഡോണ്‍ കാമിലോ'യുടെ കോപ്പിയാണ് പ്രാഞ്ചിയേട്ടനെന്ന് തെളിയിക്കാനായാല്‍ പരസ്യമായി മാപ്പ് പറയാന്‍ തയ്യാറാണ്. കള്ളനാണയങ്ങള്‍ ഉണ്ടെന്ന് കരുതി അത്തരം പ്രവൃത്തികള്‍ ചെയ്യാത്തവര്‍ക്കെതിരെ ആരോപണങ്ങള്‍ ഉന്നയിക്കുന്നതും താറടിക്കുന്നതും ശരിയല്ലെന്നും രഞ്ജിത്ത് പറഞ്ഞു.

പ്രാഞ്ചിയേട്ടനെ ഒരു മണ്ണില്‍ നിന്നും പറിച്ചെടുക്കേണ്ട കാര്യമില്ല. അത് ഈ മണ്ണില്‍ തന്നെ മുളച്ച കഥാപാത്രമാണ്. താന്‍ എഴുതി സംവിധാനം ചെയ്ത ചിത്രങ്ങളില്‍ ഏറെ പ്രിയപ്പെട്ട പ്രാഞ്ചിയേട്ടന്‍ മോഷണമാണെന്ന നിലയില്‍ ഒരു പത്രത്തില്‍ വന്ന വാര്‍ത്ത ഏറെ വേദനിപ്പിക്കുന്നതാണ്.

വ്യക്തമായ തെളിവുണ്ടെങ്കില്‍ വാര്‍ത്ത നല്‍കിയ പത്രം ഫ്രഞ്ച് ഇറ്റാലിയന്‍ സിനിമ പരസ്യമായി പ്രദര്‍ശിപ്പിക്കാന്‍ തയ്യാറാകണം. ഇത് പൂര്‍ണ്ണമായും കേരളത്തിന്റെ രാഷ്ട്രീയ സാമൂഹ്യ പശ്ചാത്തലത്തില്‍നിന്നുകൊണ്ട് ഉണ്ടാക്കിയ ചിത്രമാണെന്ന് ഉറപ്പിച്ച് പറയാനാകും. മറ്റൊരു സിനിമയുമായും പ്രാഞ്ചിയേട്ടന് പുലബന്ധം പോലുമില്ല. രഞ്ജിത്ത് പറഞ്ഞു.

വിനുവിന്റെ 'ഫെയ്‌സ് ടു ഫെയ്‌സി'ല്‍ മമ്മൂട്ടി

noreply@blogger.com (Unknown) — Fri, 3 Aug 2012 17:31:00 +0530

മാറ്റത്തിന്റെ പാതയിലാണ് മലയാള സിനിമ. മമ്മൂട്ടിയുമൊരുമിച്ച് ജനപ്രിയ കുടുംബചിത്രങ്ങളില്‍ ഒരുതരംഗംതന്നെ സൃഷ്ടിച്ച 'പല്ലാവൂര്‍ ദേവനാരായണനും' 'വേഷ'ത്തിനും 'ബസ്‌കണ്ടക്ടര്‍'ക്കും ശേഷം നാലാംവട്ടം ഒന്നിക്കുമ്പോള്‍ വി.എം. വിനുവും വഴിമാറി നടക്കുകയാണ്. ഇത്തവണ ജീവിതവും മരണവും മുഖാമുഖം കണ്ടുമുട്ടുന്ന നഗരജീവിതത്തിന്റെ ഭീതിദമായ വഴികള്‍ അനാവരണംചെയ്യുന്ന ഒരു ത്രില്ലറിന്റെ വഴിയിലാണ് വിനു.

ഉദ്വേഗജനകമായ ഒരു അന്വേഷണക്കഥയാണ് 'ഫെയ്‌സ് ടു ഫെയ്‌സി'ലൂടെ ഒരുക്കുന്നത്. മനോജിന്റെ രചനയ്ക്ക് ദൃശ്യാവിഷ്‌കാരം നിര്‍വഹിക്കുന്നത് അജയന്‍ വിന്‍സന്റാണ്. നിശ്ശബ്ദമാക്കപ്പെടുന്ന മരണത്തിന്റെ കാണാപ്പുറങ്ങള്‍ തേടിയുള്ള അന്വേഷകനായാണ് മമ്മൂട്ടിയുടെ ബാലചന്ദ്രന്‍ എന്ന കഥാപാത്രമെത്തുന്നത്. നഗരത്തിന്റെ ആസക്തികള്‍ക്കും ആഘോഷങ്ങള്‍ക്കുമിടയില്‍ ആരുമറിയാതെ പോകുന്ന മരണങ്ങള്‍ വിസ്മൃതിയിലേക്ക് കുഴിച്ചുമൂടപ്പെടുകയാണ്. ഏതുനിമിഷവും ഒരാള്‍ ആക്രമിക്കപ്പെടാവുന്ന നഗരത്തിലാണ് നമ്മളില്‍ പലരും ജീവിച്ചുകൊണ്ടിരിക്കുന്നത്. ക്രൂരമായ ഈ യാഥാര്‍ഥ്യങ്ങള്‍ നേരിടുന്ന കരുത്തുള്ള ഒരു കഥാപാത്രമായാണ് മമ്മൂട്ടിയുടെ ബാലചന്ദ്രന്‍ എന്ന അന്വേഷകനെ അവതരിപ്പിക്കുന്നതെന്ന് സംവിധായകന്‍ വി.എം. വിനു പറഞ്ഞു.

കോഴിക്കോടന്‍ പശ്ചാത്തലത്തിലുള്ള തന്റെ സിനിമകളുടെ പൊതുധാരയില്‍നിന്ന് തീര്‍ത്തും വ്യത്യസ്തമായി ഇത്തവണ വിനു ഗോവ, എറണാകുളം, മൂന്നാര്‍ എന്നിവിടങ്ങളിലാണ് സിനിമ ചിത്രീകരിക്കുന്നത്. ആഗസ്ത് മൂന്നിന് എറണാകുളത്ത് തുടങ്ങുന്ന ചിത്രം ഗുഡ്‌ലൈന്‍ പ്രൊഡക്ഷന്‍സിനുവേണ്ടി നാസര്‍ നിര്‍മിച്ച് തിയേറ്ററുകളിലെത്തിക്കും.

മമ്മൂട്ടിക്കുപുറമെ മലയാളസിനിമയിലെ പ്രമുഖ താരനിരയുണ്ടെങ്കിലും നാല് പുതുമുഖങ്ങളെ അവതരിപ്പിക്കുന്നു എന്നതാണ് 'ഫെയ്‌സ് ടു ഫെയ്‌സി'ന്റെ മറ്റൊരു പ്രത്യേകത. റോമയും ഒരു പുതുമുഖവുമായിരിക്കും നായികമാര്‍.

സിദ്ദിഖ്, കുഞ്ചന്‍, വിജയരാഘവന്‍, പ്രതാപ്‌പോത്തന്‍, വിനീത്കുമാര്‍, കലാഭവന്‍ മണി, നിഷാന്ത് സാഗര്‍ എന്നിവരാണ് പ്രധാന താരനിര. റഫീഖ് അഹമ്മദിന്റെയും അനില്‍ പനച്ചൂരാന്റെയും ഗാനങ്ങള്‍ക്ക് അല്‍ഫോണ്‍സ് സംഗീതം പകരുന്നു. ഷീബയാണ് വസ്ത്രാലങ്കാരം. അരോമ മോഹന്‍ പ്രൊഡക്ഷന്‍ എക്‌സിക്യൂട്ടീവും.

ഓണത്തിന് വിദ്യാസാഗറിന്റെ ഗാനോപഹാരം

noreply@blogger.com (Unknown) — Fri, 3 Aug 2012 17:28:00 +0530

കോഴിക്കോട്: ഒന്നരപ്പതിറ്റാണ്ടായി മലയാളിമനസ്സില്‍ മെലഡിയുടെ മധുരമാണ് വിദ്യാസാഗര്‍. ഗൃഹാതുരതയുടെ നാട്ടുവഴിയിലൂടെ നടന്ന് മലയാളിയുടെ മനസ്സില്‍ കൂടുകൂട്ടിയവയാണ് വെണ്ണിലാക്കിണ്ണം മുതല്‍ നിലാമലര് വരെയുള്ള വിദ്യയുടെ ഈണങ്ങളത്രയും. തന്നെയും തന്റെ പാട്ടുകളെയും നിറഞ്ഞമനസ്സോടെ നെഞ്ചേറ്റിയ മലയാളത്തിന് എന്നും മൂളിനടക്കാന്‍ മധുരമേറിയൊരു ഓണസമ്മാനം വെച്ചുനീട്ടുകയാണ് വിദ്യാസാഗര്‍ ഇപ്പോള്‍.

തിരതിര തിര തിരമേലൊരു കാവടിത്തോണി,

തുഴതുഴ തുഴയൂന്നി പാഞ്ഞടുക്കുമ്പോള്‍....

'ആരോ കമഴ്ത്തിവെച്ചോരോട്ടുരുളി പോലേ'യ്ക്ക് ശേഷം മലയാളിക്ക് മൂളാന്‍ മധുരമായൊരു ഓണപ്പാട്ട്. ഓര്‍ഡിനറിയുടെ നിര്‍മാതാവും ഗാനരചയിതാവുമായ രാജീവ് നായരുടേതാണ് രചന. ഓര്‍ഡിനറിയുടെ സംവിധായകന്‍ സുഗീതാണ് ഇതിന്റെ ദൃശ്യങ്ങള്‍ സാക്ഷാത്കരിക്കുന്നത്. തികച്ചും സൗജന്യമായാണ് വിദ്യാസാഗര്‍ ഈ ഗാനം സമര്‍പ്പിക്കുന്നത്. അടുത്തമാസം തുടക്കത്തില്‍ ഓഡിയോ പുറത്തിറങ്ങും. ഓണത്തോടടുപ്പിച്ച് വീഡിയോ ആല്‍ബവും. ഗിരീഷ് പുത്തഞ്ചേരിക്കൊപ്പം ചെയ്ത തിരുവോണക്കൈനീട്ടം കഴിഞ്ഞ് 14 വര്‍ഷത്തിനുശേഷമാണ് വിദ്യാസാഗര്‍ മലയാളത്തില്‍ ആല്‍ബം ചെയ്യുന്നത്.

എന്നും തന്നെ സ്‌നേഹിക്കുകയും പാട്ടുകളെ നെഞ്ചേറ്റുകയും ചെയ്ത മലയാളത്തിന് എന്നും ഓര്‍മിക്കാവുന്ന ഉപഹാരം തിരിച്ചുനല്‍കണമെന്ന ആഗ്രഹത്തിന്റെ സൃഷ്ടിയാണ് ഈ ഗാനമെന്ന് വിദ്യാസാഗര്‍ പറയുന്നു. 1998-ല്‍ തിരുവോണക്കൈനീട്ടം ഇറങ്ങിയശേഷം ആല്‍ബങ്ങള്‍ ചെയ്യാനായി നിരവധി ഓഫറുകള്‍ വന്നിരുന്നെങ്കിലും തിരക്കുകാരണം നടന്നില്ല. അപ്പോഴെല്ലാം ഉണ്ടായിരുന്ന ആഗ്രഹമായിരുന്നു ഇത്. യാതൊരു ലാഭവും പ്രതീക്ഷിക്കാതെ മലയാളത്തിനുവേണ്ടി ഒരു ആല്‍ബം തയ്യാറാക്കുക. പത്തു പാട്ടുകളുടെ ഒരു ആല്‍ബമായിരുന്നു ആദ്യം മനസ്സില്‍. ഇതിനുവേണ്ടി റഫീക്ക് അഹമ്മദ്, രാജീവ്‌നായര്‍ എന്നിവര്‍ പാട്ടുകള്‍ എഴുതിത്തന്നു. എന്നാല്‍, മുമ്പെന്നത്തേക്കാളും തിരക്കായിരുന്നു വിദ്യയ്ക്ക് ഈ വര്‍ഷവും. അങ്ങനെയാണ് ഇക്കുറി ഒരൊറ്റ പാട്ട് മാത്രം ചെയ്തിറക്കുന്നതിനെ ക്കുറിച്ച് ചിന്തിച്ചത്. മനസ്സും മുഴുവന്‍സമയവും അങ്ങനെ അതിനുവേണ്ടിമാത്രം മാറ്റിവെക്കുകയും ചെയ്തു-വിദ്യാസാഗര്‍ പറഞ്ഞു.

കമ്പോസിങ് പൂര്‍ത്തിയായിക്കഴിഞ്ഞു. വീഡിയോയുടെ ഷൂട്ടിങ് മാത്രമാണ് ശേഷിക്കുന്നത്. എല്ലാത്തരം സംഗീതപ്രേമികളെയും ആകര്‍ഷിക്കുന്ന തരത്തില്‍ ഒരു വേള്‍ഡ് ഫ്യൂഷനായാണ് പാട്ട് ഒരുക്കിയിരിക്കുന്നത്. ഒരൊറ്റ രാഗത്തിലാണ് പാട്ടെങ്കിലും അതില്‍ ഉപയോഗിച്ചിരിക്കുന്ന താളങ്ങള്‍ പാട്ടിന് ലോകസംഗീതത്തിന്റെ ഛായ നല്‍കും. ഓണത്തിന്റെ ഓര്‍മയും പെരുമയും മലയാളത്തിനപ്പുറവും പാട്ടാകുമെന്നു സാരം-വിദ്യാസാഗര്‍ പറഞ്ഞു.

സിനിമാപ്പാട്ടല്ലാത്തതിനാല്‍ എല്ലാവിധ സ്വാതന്ത്ര്യവും എടുത്ത് സ്വന്തം ഇഷ്ടപ്രകാരം, സമയമെടുത്ത് പാട്ട് ചെയ്യാന്‍ കഴിഞ്ഞതിന്റെ ചാരിതാര്‍ഥ്യമുണ്ട് -വിദ്യാസാഗര്‍ പറയുന്നു. കേരളത്തില്‍ തന്റെ ആരാധകരുടെ മുന്നില്‍വെച്ച് ഓഡിയോ പ്രകാശനം നടത്താനാണ് ലക്ഷ്യമിടുന്നത്.

മലയാള സിനിമയിലെ വഴിത്തിരിവായ സിനിമയായ ട്രാഫിക്ക് സംവിധായകനൊപ്പം മോഹന്‍ലാല്‍

noreply@blogger.com (Unknown) — Sun, 3 Jun 2012 22:22:00 +0530

ധീരമായ ചുവടുവെപ്പുകള്‍ക്ക് മലയാളസിനിമയ്ക്ക് ധൈര്യം പകര്‍ന്നു നല്‍കിയ ചിത്രമായിരുന്നു ട്രാഫിക്. മോളിവുഡ് അന്നുവരെ കണ്ടിട്ടാത്ത ശൈലിയിലുള്ള കഥയും അവതരണവും കഥാപാത്രങ്ങളുമെല്ലാം നിറഞ്ഞുനിന്ന ട്രാഫിക് മോളിവുഡില്‍ പുതിയൊരു തുടക്കത്തിന് തന്നെ നാന്ദി കുറിച്ചുവെന്ന് പറയാം. മലയാള സിനിമയിലെ വഴിത്തിരിവായ സിനിമയായി ട്രാഫിക്ക് മാറിയെങ്കിലും ഇതിന് ശേഷം രാജേഷ് പിള്ളയുടെ പേരില്‍ ഒരു സിനിമയും തിയറ്ററുകളിലെത്തിയിട്ടില്ല. ട്രാഫിക്കിന്റെ തമിഴ്-ഹിന്ദി റീമേക്കുകളുടെ പിന്നാലെയായിരുന്നു സംവിധായകന്‍ ഇത്രയും കാലം. എന്നാല്‍ ഇതെല്ലാ അനന്തമായി നീണ്ടുപോയതോടെ രാജേഷിന് മലയാളത്തില്‍ നീണ്ട ഗ്യാപ്പ് തന്നെ വന്നു. ഇപ്പോഴിതാ മലയാളത്തില്‍ ശക്തമായൊരു തിരിച്ചുവരവിനൊരുങ്ങുകയാണ് രാജേഷ്. മലയാളത്തിന്റെ പ്രിയതാരം മോഹന്‍ലാലിനെ നായകനാക്കി സിനിമയെടുക്കാനൊരുങ്ങുകയാണ് സംവിധായകന്‍. 2012ലെ ബ്രില്യന്റ് സിനിമകളൊന്നായി വിശേഷിപ്പിയ്ക്കപ്പെട്ട ഈ അടുത്ത കാലത്തിന്റെ തിരക്കഥാകൃത്ത് മുരളി ഗോപിയാണ് ഈ ചിത്രത്തിന്റെ രചന നിര്‍വഹിയ്ക്കുന്നത്. ഇനിയും പേരിടാത്ത ചിത്രം മോഹന്‍ലാല്‍ ആരാധകര്‍ക്ക് ഒരു വിരുന്നായിരിക്കുമെന്ന് ഒരു മോഹന്‍ലാല്‍ ആരാധകന്‍ കൂടിയായ രാജേഷ് പിള്ള പറയുന്നു.
ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രത്തിന്റെ നിര്‍മാതാവ്. എന്നാല്‍ ലാല്‍ ചിത്രം ഈ വര്‍ഷം ഉണ്ടാകില്ലെന്നാണ് സൂചന. രാജേഷിന്റെയും മോഹന്‍ലാലിന്റെയും തിരക്കുകളാണ് ഈ പ്രൊജക്ട് നീട്ടിവെയ്ക്കാന്‍ കാരണം. ട്രാഫിക്കിന്റെ തമിഴ് റീമേക്ക് സംവിധാനം ചെയ്യുന്നത് രാജേഷ് നേരത്തെ തന്നെ ഉപേക്ഷിച്ചിരുന്നു. എന്നാല്‍ ഹിന്ദി റീമേക്ക് ഒരുക്കുന്നത് രാജേഷ് തന്നെയാണ്. ഇതിന് ശേഷം മോഹന്‍ലാല്‍ പ്രൊജക്ടിന്റെ ജോലികള്‍ ആരംഭിയ്ക്കാനാണ് സംവിധായകന്റെ തീരുമാനം. ജോഷി സംവിധാനം ചെയ്യുന്ന റണ്‍ ബേബി റണ്ണിന്റെ ഷൂട്ടിങിലാണ് മോഹന്‍ലാല്‍.

Thanks : Reported by OneIndiaMalayalam

സ്‌പിരിറ്റ് ജൂണ്‍ മധ്യത്തില്‍ പ്രദര്‍ശനത്തിനെത്തും.

noreply@blogger.com (Unknown) — Sun, 3 Jun 2012 22:13:00 +0530

ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മിച്ച് രഞ്ജിത്ത് രചനയും സംവിധാനവും നിര്‍വഹിക്കുന്ന 'സ്പിരിറ്റ്' എന്ന ചിത്രത്തിന്റെ നിര്‍മാണപ്രവര്‍ത്തനങ്ങള്‍ പൂര്‍ത്തിയായി വരുന്നു. ജൂണ്‍ മധ്യത്തില്‍ പ്രദര്‍ശനത്തിനെത്തും. മോഹന്‍ലാല്‍ കേന്ദ്ര കഥാപാത്രത്തെ അവതരിപ്പിക്കുന്ന ഈ ചിത്രത്തില്‍ കനിഹയാണ് നായിക. മധു, തിലകന്‍, സുരാജ് വെഞ്ഞാറമൂട്, സിദ്ധാര്‍ഥ് ഭരതന്‍, ഗണേഷ് കുമാര്‍, ടിനി ടോം, ടി.പി. മാധവന്‍, ശങ്കര്‍ രാമകൃഷ്ണന്‍, പൂജപ്പുര രാധാകൃഷ്ണന്‍, ലെന, കല്പന, മാസ്റ്റര്‍ പ്രജ്വല്‍ എന്നിവരും വേഷമിടുന്നു. റഫീഖ് അഹമ്മദിന്റെ വരികള്‍ക്ക് ഷഹബാസ് അമന്‍ ഈണം പകരുന്നു. വേണു ഛായാഗ്രഹണം നിര്‍വഹിക്കുന്നു

രഞ്ജിത്തും മോഹന്‍ലാലും ഒരുമിക്കുന്ന സ്പിരിറ്റിന്റെ പ്രചാരണത്തിന് മമ്മുക്ക

noreply@blogger.com (Unknown) — Sun, 3 Jun 2012 22:12:00 +0530

മലയാളത്തില്‍ അത്ര പരിചിതമല്ലാത്ത ഒന്ന് സംഭവിച്ചേക്കാമെന്ന് റിപ്പോര്‍ട്ട്. ഒരു മോഹന്‍ലാല്‍ ചിത്രത്തിന്റെ പ്രചാരണത്തിന് മമ്മൂട്ടി രംഗത്തിറങ്ങുമോ? ഈ രണ്ട് പേരും ഒരു ചിത്രത്തില്‍ ഒന്നിച്ച് അണിനിരക്കുന്നത് തന്നെ വലിയ വാര്‍ത്തയാകുന്ന മലയാള സിനിമയിലാണ് ഇങ്ങനെയൊരു ആലോചന നടക്കുന്നത്.

അഞ്ച് വര്‍ഷത്തെ ഇടവേളയ്ക്ക് ശേഷം രഞ്ജിത്തും മോഹന്‍ലാലും ഒരുമിക്കുന്ന സ്പിരിറ്റിന്റെ പ്രചാരണാര്‍ഥം മമ്മൂട്ടിയെ അണിനിരത്താനാണ് അണിയറക്കാര്‍ ആലോചിക്കുന്നത്. മനുഷ്യനില്‍ ആല്‍ക്കഹോളിന്റെ ഉപയോഗം സൃഷ്ടിക്കുന്ന മാറ്റങ്ങളാണ്് ചിത്രത്തിന്റെ പ്രമേയം. മലയാളിയുടെ മദ്യാസക്തി വര്‍ധിച്ചുവരുന്ന കാലഘട്ടത്തില്‍ കാലികപ്രസക്തമായ ഈ വിഷയം സിനിമയ്ക്ക് പശ്ചാത്തലമാക്കുകയാണ് പ്രാഞ്ചിയേട്ടനും ഇന്ത്യന്‍ റുപ്പിക്കും ശേഷം രഞ്ജിത്. സ്പിരിറ്റ് ജൂണ്‍ രണ്ടാം വാരമാകും പ്രദര്‍ശനത്തിനെത്തുക. നേരത്തെ ജൂണ്‍ ഏഴിന് റിലീസ് ചെയ്യാന്‍ നിശ്ചയിച്ചിരുന്നെങ്കിലും 10 ദിവസം കൂട്ടി നീട്ടുകയായിരുന്നു. ചിത്രത്തിന്റെ പ്രചാരണപരിപാടികള്‍ക്കായിട്ടാണ് റിലീസ് നീട്ടിയിരിക്കുന്നത്. ഇതില്‍ പ്രധാനമായും സ്പിരിറ്റിന്റെ പ്രചാരണാര്‍ഥം തയാറാക്കുന്ന പ്രമോ വീഡിയോയില്‍ മമ്മൂട്ടിയെ അഭിനയിപ്പിക്കാനാണ് അണിയറക്കാര്‍ നീക്കംനടത്തുന്നത്. യൂറോപ്പില്‍ കുടുംബത്തോടൊപ്പം അവധിക്കാലം ചിലവഴിക്കുന്ന മമ്മൂട്ടി ജൂണ്‍ അഞ്ചിന് മാത്രമേ തിരിച്ചെത്തൂ. വിദേശത്ത് നിന്ന് മമ്മൂട്ടി എത്തിയ ശേഷം താരവുമായി സംസാരിച്ചശേഷമേ ഇക്കാര്യത്തില്‍ അന്തിമമായി എന്തെങ്കിലും പറയാനാകൂവെന്ന് സംവിധായകനോട് അടുപ്പമുള്ള വൃത്തങ്ങള്‍ പറഞ്ഞു. ചര്‍ച്ച ഫലവത്തായാല്‍ മലയാളത്തില്‍ ആദ്യ സംഭവമാകുമിത്. വോയ്‌സ് ഓവറിന്റെ കാര്യത്തില്‍ മലയാളത്തില്‍ ഇത് നേരത്ത നടന്നിട്ടുണ്ട്. മമ്മൂട്ടി അഭിനയിച്ച പഴശ്ശിരാജയുടെ കഥാവിവരണം മോഹന്‍ലാലാണ് നടത്തിയത്. അതുപോലെ അമല്‍നീരദിന്റെ പൃഥ്വിരാജ് ചിത്രം അന്‍വറിന് മമ്മൂട്ടിയുടെ ശബ്ദമായിരുന്നു അവതരണം നടത്തിയത്.

Reported by Mathrubhumi

മോഹന്‍ലാലിനും ശങ്കര്‍മഹാദേവനും സംസ്‌കൃതഭാരതി പുരസ്‌കാരം

noreply@blogger.com (Unknown) — Sat, 19 May 2012 23:45:00 +0530

കോഴിക്കോട്: സംസ്‌കൃതഭാഷാപ്രചാരണത്തിനുള്ള സന്നദ്ധസംഘടനയായ സംസ്‌കൃതഭാരതിയുടെ 'കലാകോവിദ' പുരസ്‌കാരം നടന്‍ മോഹന്‍ലാലിനും 'സഹൃദയതിലകം' ബഹുമതി ഗായകന്‍ ശങ്കര്‍ മഹാദേവനും നല്‍കും.സംസ്‌കൃതഭാഷ പ്രചരിപ്പിക്കുന്നതിന് നടത്തിവരുന്ന സേവനങ്ങള്‍ പരിഗണിച്ചാണ് മോഹന്‍ലാലിനെ പുരസ്‌കാരത്തിന് തിരഞ്ഞെടുത്തത്. സംവിധായകന്‍ ജി.വി. അയ്യര്‍, കാവാലം നാരായണപ്പണിക്കര്‍ എന്നിവര്‍ക്കാണ് ഈ പുരസ്‌കാരം ഇതിന് മുമ്പ് നല്‍കിയിട്ടുള്ളത്.സംഗീതത്തിലൂടെ സംസ്‌കൃതഭാഷയ്ക്കു നല്‍കിയ സംഭാവനകളാണ് ശങ്കര്‍ മഹാദേവനെ 'സഹൃദയതിലകം' പുരസ്‌കാരത്തിന് അര്‍ഹനാക്കിയത്. ഇതിനുമുമ്പ് കൃഷ്ണശര്‍മ, പട്ടയില്‍ പ്രഭാകരന്‍, യൂസഫലി കേച്ചേരി എന്നിവര്‍ക്കാണ് സഹൃദയതിലകം പുരസ്‌കാരം നല്‍കിയിട്ടുള്ളത്.

നവമാധ്യമരംഗത്തെ മത്സരങ്ങളും വെല്ലുവിളികളും അഭ്രപാളികളിലെത്തിക്കുകയാണ് 'റണ്‍ ബേബി റണ്‍ '.

noreply@blogger.com (Unknown) — Sat, 19 May 2012 23:41:00 +0530

നവമാധ്യമരംഗത്തെ മത്സരങ്ങളും വെല്ലുവിളികളും അഭ്രപാളികളിലെത്തിക്കുകയാണ് 'റണ്‍ ബേബി റണ്‍'. മാസ്റ്റര്‍ ഡയറക്ടര്‍ ജോഷി മോഹന്‍ലാലിനെ നായകനാക്കി ഒരുക്കുന്ന ചിത്രം ഹ്യൂമറിന്റെ നിറവില്‍ ഒരു ത്രില്ലര്‍ എന്ന ലേബലിലാണ് അണിഞ്ഞൊരുങ്ങുന്നത്. സച്ചി-സേതു ടീമിലെ സച്ചി ആദ്യമായി സ്വതന്ത്ര തിരക്കഥാകൃത്താകുന്ന റണ്‍ ബേബി റണില്‍ അമലാപോളാണ് നായിക. ബിജുമേനോന്‍, സായ്കുമാര്‍, വിജയരാഘവന്‍, ഷമ്മി തിലകന്‍,സിദ്ധിക്ക്, മജീദ് തുടങ്ങിയവരാണ് മറ്റു താരങ്ങള്‍.ഗ്യാലക്‌സി ഫിലിംസിന്റെ ബാനറില്‍ മിലന്‍ ജലീല്‍ നിര്‍മിക്കുന്ന ചിത്രത്തിന്റെ ഷൂട്ടിങ് കൊച്ചിയില്‍ പുരോഗമിക്കുന്നു.പതിവു ജോഷിച്ചിത്രങ്ങളില്‍ നിന്ന് ഏറെ അകലം പ്രാപിക്കുന്ന ഈ സിനിമയിലെ അണിയറപ്രവര്‍ത്തകരില്‍ വലിയൊരു ഭാഗവും ജോഷിച്ചിത്രത്തില്‍ ആദ്യമായി സഹകരിക്കുന്നവരാണ്.

സ്‌കൂപ്പുകള്‍ക്കും ഇന്‍വെസ്റ്റിഗേഷന്‍ സ്റ്റോറിക്കും വേണ്ടി സദാ അന്വേഷിച്ചു നടക്കുന്ന മാധ്യമ പ്രവര്‍ത്തകര്‍, ഒരു ചാനലില്‍ നിന്ന് നല്ലൊരു ഓഫര്‍ ലഭിക്കുമ്പോള്‍ അതു വരെ പ്രവര്‍ത്തിച്ചിരുന്ന ചാനല്‍ വിട്ടെത്തുന്നു.ചിലര്‍ സ്വന്തമായി ചാനല്‍ തുടങ്ങുന്നു. അത്തരം നിരവധി കാഴ്ചകള്‍ വരുന്ന മാധ്യമലോകമാണ് റണ്‍ ബേബി റണിലുളളത്. 'ക്രിസ്ത്യന്‍ ബ്രദേഴ്‌സി'നു ശേഷം ജോഷിയും മോഹന്‍ലാലും ഒന്നിക്കുന്ന ചിത്രം കൂടിയാണിത്. അസാധാരണ സ്വഭാവത്തിനുടമയാണ് ക്യാമറാമാന്‍ വേണു.പൂന ഫിലിം ഇന്‍സ്റ്റിറ്റിയൂട്ടില്‍ നിന്ന് ഗോള്‍ഡ് മെഡലോടെ കോഴ്‌സ് പൂര്‍ത്തിയാക്കിയ അദ്ദേഹത്തിന്റെ തട്ടകം ഡല്‍ഹിയാണ്.
ഒരു മാധ്യമ സ്ഥാപനത്തിലും ജീവിതം തളച്ചിടാന്‍ അദ്ദേഹം ആഗ്രഹിച്ചില്ല. അതിനാല്‍ ഫ്രീ ലാന്‍സ് സ്ട്രിങ്ങര്‍ ക്യാമറാമാനായി പ്രവര്‍ത്തിക്കുന്നു. അദ്ദേഹത്തിന്റെ ക്യാമറക്കണ്ണുകള്‍ കണ്ടെത്തുന്ന വിഷ്വലുകള്‍ വന്‍ വില കൊടുത്താണ് ചാനല്‍ മാധ്യമലോകം വാങ്ങുന്നത്. പലപ്പോഴും ഒരു ചാനല്‍ പ്രവര്‍ത്തകന്‍ ഒരു വര്‍ഷം കൊണ്ടു സമ്പാദിക്കുന്ന തുക ഒറ്റ അസൈന്‍മെന്റിലൂടെ വേണു നേടും. ഒരു അസൈന്‍മെന്റിന് താനുമായി എപ്പോഴും അഭിപ്രായവ്യത്യാസമുളള ജേര്‍ണലിസ്റ്റിനൊപ്പം വേണുവിന് പോകേണ്ടി വരുന്നു. ആ യാത്രയ്ക്കിടെ സംഭവിക്കുന്ന ചില കാര്യങ്ങളാണ് റണ്‍ ബേബി റണിന്റെ കഥാഗതിയില്‍ വഴിത്തിരിവുണ്ടാക്കുന്നത്. വേണുവായി മോഹന്‍ലാല്‍ വേഷമിടുന്നു. ചാനല്‍ ജേണലിസ്റ്റ് രേണുകയായി അമലാപോളാണ് സ്‌ക്രീനിലെത്തുന്നത്.

റണ്‍ ബേബി റണ്‍ എന്ന സിനിമയുടെ എലമെന്റ് എങ്ങനെയാണ് കിട്ടുന്നത്?

ഈ ചിത്രത്തിന്റെ എലമെന്റ് കിട്ടുന്നത് ഒരു ഫിലിം ഫെസ്റ്റിവെലില്‍ കണ്ട ഇറാനിയന്‍ ഫിലിമിന്റെ സബ്‌ടൈറ്റില്‍ നിന്നാണ്. ആ സിനിമയുടെ മെറ്റീരിയലുമായി ഒരു ബന്ധവുമില്ലാത്ത ഡയലോഗിലെ ഒരു വാക്കാണ് ഈ സിനിമയിലേക്ക് ചിന്തിക്കാന്‍ പ്രേരണ നല്കിയത്. പ്രധാന കഥാപാത്രങ്ങളെ പെട്ടെന്ന് അതോടെ കിട്ടുകയായിരുന്നു. അവരുടെ ക്യാരക്ടെൈറസേഷന്‍ ,പ്രത്യേകതകള്‍ അതെല്ലാം പെട്ടെന്ന് പ്രോഗ്രസായി. വീണു കിട്ടുകയായിരുന്നുവെന്ന് പറയാം.

സച്ചി-സേതു ടീമില്‍ നിന്ന് സച്ചി സ്വതന്ത്രനായി ആദ്യമായി തിരക്കഥയെഴുതുമ്പോള്‍ ?

ഞങ്ങള്‍ (സച്ചി-സേതു) റോബിന്‍ഹുഡ് ജോഷി സാറിനൊപ്പം ചെയ്യുമ്പോള്‍ തന്നെ റൈറ്റേഴ്‌സിന് ഇത്രയും കംഫര്‍ട്ടായ ഒരു സീനിയര്‍ ഡയറക്ടര്‍ വേറെ ഇല്ലെന്ന് തോന്നിയിട്ടുണ്ട്. ഒരു പാട് സൂപ്പര്‍ ഹിറ്റ് സിനിമകള്‍ ചെയ്ത ആളായിട്ടും നമ്മള്‍ പറയുന്ന കാര്യങ്ങള്‍ ഉള്‍ക്കൊളളാന്‍ അദ്ദേഹം സന്മനസ് കാണിച്ചിരുന്നു.ഒരു പുതിയ ചിന്തയുളള കഥ ഒരു മുതിര്‍ന്ന സംവിധായകരോട് പറയുമ്പോള്‍ അവര്‍ അത് എങ്ങനെ സ്വീകരിക്കും എന്ന ആശങ്ക ഞങ്ങളെപ്പോലുളള പുതിയ ആള്‍ക്കാര്‍ക്കുണ്ടാവും.എന്നാല്‍ എത്ര പോസ്റ്റ് മോഡേണ്‍ രീതിയിലുളള കഥകള്‍ പറഞ്ഞാലും അത് നന്നായി കണ്‍സീവ് ചെയ്യുന്ന സംവിധായകനാണ് ജോഷിസാര്‍. നമ്മുടെ പല മുതിര്‍ന്ന സംവിധായകരും അത് കണ്‍സീവ് ചെയ്യുന്നതിനു പകരം തെറ്റായി കണ്‍സീവ് ചെയ്യുകയും നമ്മളിലെ ആത്മ വിശ്വാസം കെടുത്തുകയും ചെയ്യാറാണ് പതിവ് . ജോഷി സാറില്‍ നിന്ന് നമ്മള്‍ ചിന്തിക്കുന്നതിനേക്കാള്‍ പുതിയ ആശയങ്ങളാണ് ഞങ്ങള്‍ക്ക് റോബിന്‍ഹുഡ് ചെയ്യുമ്പോള്‍ കിട്ടിയിരുന്നത്. അതു പോലെ ഇപ്പോള്‍ ഞാന്‍ ഒറ്റയ്ക്ക് ഒരു കഥയെഴുതുമ്പോഴും പുതിയആശയങ്ങള്‍ സാറില്‍ നിന്ന് കിട്ടുന്നു. ഞാന്‍ വളരെ കംഫര്‍ട്ടാണ്.

ഛായാഗ്രാഹകന്‍ ആര്‍.ഡി.രാജശേഖര്‍ ഈ ചിത്രത്തില്‍ എത്തുമ്പോള്‍?

ആര്‍ .ഡി.രാജശേഖര്‍ ജോഷിസാറിന്റെ വലിയ ഫാനാണ് . ജോഷി സാറിന്റെ ന്യൂ ഡല്‍ഹി മുതല്‍ എല്ലാ സിനിമകളും കാണുന്ന ഛായാഗ്രാഹകനാണ്. ജോഷി സാറിനൊപ്പം എപ്പോഴെങ്കിലും വര്‍ക്ക് ചെയ്യണമെന്ന് ആഗ്രഹിച്ചിരിക്കുമ്പോഴാണ് അദ്ദേഹത്തെ വിളിക്കുന്നത്. അതു പോലെ രാജശേഖറിന് ഏറ്റവും ഇഷ്ടമുളള നടനാണ് മോഹന്‍ലാല്‍. അദ്ദേഹത്തിന്റെ ചിത്രത്തില്‍ വര്‍ക്കു ചെയ്യാനും രാജശേഖര്‍ ആഗ്രഹിച്ചിരുന്നു. ഇത് രണ്ടും കൂടി അപ്രതീക്ഷിതമായി വന്നതിന്റെ ത്രില്ലിലാണ് ആ കലാകാരന്‍. ജോഷിസാറിന്റെ മകന്‍ അഭിലാഷാണ് രാജശേഖറുടെ പേര് സജസ്റ്റ് ചെയ്തത്.ഒരു പുതിയ കാഴ്ച ഈ ചിത്രത്തിന് ആവശ്യമാണ് .കഥ പറയുന്ന ദൃശ്യങ്ങള്‍ അതിനാല്‍ ഈ ചിത്രത്തില്‍ പ്രതീക്ഷിക്കാം. തന്റെ എല്ലാ പടങ്ങളും കാണുന്ന ആളാണ് രാജശേഖറെന്നത് ജോഷി സാറിന് അറിയില്ലായിരുന്നു.ഒരു തെലുങ്ക് പടത്തിന്റെ ഷെഡ്യൂള്‍ വരെ മാറ്റിയാണ് രാജശേഖരന്‍ ഈ ചിത്രത്തില്‍ വര്‍ക്കു ചെയ്യാന്‍ വന്നത്.

റണ്‍ ബേബി റണ്‍ ഒരുക്കുന്നവര്‍ .

ബാനര്‍-ഗ്യാലക്‌സി ഫിലിംസ്, നിര്‍മാണം -മിലന്‍ ജലീല്‍, സംവിധാനം- ജോഷി, കഥ-തിരക്കഥ-സംഭാഷണം-സച്ചി, ഛായാഗ്രഹണം-ആര്‍.ഡി.രാജശേഖര്‍, എഡിറ്റര്‍-ശ്യാം, കലാസംവിധാനം-ജോസഫ് നെല്ലിക്കല്‍ ,സാബു പ്രവ്ദ, സംഗീതം-രതീഷ് വേഗ, ഗാനരചന-റഫീഖ് അഹമ്മദ്, വസ്ത്രാലങ്കാരം -പളനി, ചമയം- പ്രദീപ് രംഗന്‍, പ്രൊഡക്ഷന്‍ കണ്‍ട്രോളര്‍-സെവന്‍ ആര്‍ട്‌സ് മോഹന്‍, പ്രൊ.എക്‌സിക്യുട്ടീവ്‌സ്-ജയന്‍,നന്ദു പൊതുവാള്‍,പ്രണവ്, വീഡിയോ മേക്കിങ്-അമീര്‍ താനൂര്‍.

ടി.എസ്. പ്രതീഷ്‌
കടപ്പാട് : മാതൃഭൂമി

മലയാളത്തിലെ വെള്ളിനക്ഷ്ത്രത്തിനു കണ്ണീരോടെ വിട

noreply@blogger.com (Unknown) — Tue, 15 May 2012 00:34:00 +0530

നേപ്പാളിലെ ജോംസോമില്‍ ചെറുവിമാനം തകര്‍ന്ന് മരിച്ച 13 ഇന്ത്യക്കാരില്‍ ബാലതാരവും പരസ്യമോഡലുമായ തരുണി സച്ച്‌ദേവും(13) അമ്മ ഗീത സച്ച്‌ദേവും ഉള്‍പ്പെട്ടതായി വിവരം. . നേപ്പാളില്‍ ക്ഷേത്രദര്‍ശനത്തിന് പോയതായിരുന്നു ഇരുവരും. 50 ഓളം പരസ്യങ്ങളില്‍ പ്രത്യക്ഷപ്പെട്ടിട്ടുള്ള തരുണി മലയാളത്തില്‍ വിനയന്‍ സംവിധാനം ചെയ്ത വെള്ളിനക്ഷത്രം, സത്യം എന്നീ ചിത്രങ്ങളില്‍ അഭിനയിച്ചിട്ടുണ്ട്. ഹിന്ദിയില്‍ അമിതാഭ് ബച്ചന്റെ പാ അടക്കം നിരവധി ചിത്രങ്ങളില്‍ വേഷമിട്ടിട്ടുള്ള തരുണി മുംബൈ സ്വദേശിയാണ്. അപകടത്തില്‍ 15 പേരാണ് മരിച്ചത്. ആറുപേര്‍ അത്ഭുതകരമായി രക്ഷപ്പെട്ടു.
നേപ്പാളിലെ പൊഖ്‌റയില്‍ നിന്നും മുസ്താങിലെ ജോംസോങ്ങ് വിനോദസഞ്ചാരമേഖലയിലേക്ക് പോവുകയായിരുന്ന അഗ്നിഎയറിന്റെ ഡോണിയര്‍ വിമാനമാണ് അപകടത്തില്‍പെട്ടത്. അറുപത് കിലോമീറ്റര്‍ മാത്രം ദൈര്‍ഘ്യമുള്ള യാത്രക്കിടയിലായിരുന്നു അപകടം. രാവിലെ 9.30ന് പറന്നുയര്‍ന്ന വിമാനം പതിനഞ്ച് മിനുട്ടുകള്‍ക്കുശേഷം ഇറങ്ങാന്‍ തയ്യാറെടുക്കുന്നതിനിടെ മലയിടുക്കില്‍ വിമാനം തകര്‍ന്നുവീഴുകയായിരുന്നു.

ഹൌസ് ഫുള്‍ ആയി ‘ഗ്രാന്‍ഡ് മാസ്റ്റര്‍ ’ മുന്നോട്ട്

noreply@blogger.com (Unknown) — Sat, 12 May 2012 22:24:00 +0530

മോഹന്‍ലാല്‍ ചിത്രമായ ‘ഗ്രാന്റ് മാസ്റ്റര്‍ ’ തിയേറ്ററുകളിലെത്തി. കുറ്റാന്വേഷണകഥകളുടെ സ്വഭാവത്തില്‍ കുറ്റമറ്റ ത്രില്ലര്‍ ഒരുക്കാന്‍ ഗ്രാന്റ് മാസ്റ്ററിലൂടെ തിരക്കഥാകൃത്തും സംവിധായകനുമായ ബി ഉണ്ണികൃഷ്ണന് സാധിച്ചെന്ന് ആദ്യദിനപ്രതികരണങ്ങള്‍ വ്യക്തമാക്കുന്നു.ആഖ്യാനവേഗത്തില്‍ നിന്നകലാതെ കഥാന്ത്യം വരെ പ്രേക്ഷകനെ കൂടെ നിര്‍ത്താന്‍ ഗ്രാന്‍ഡ് മാസ്റ്ററിന് സാധിച്ചു. കവര്‍ സ്റ്റോറി മുതല്‍ ത്രില്ലര്‍ വരെ പ്രചോദിത തിരരൂപങ്ങള്‍ കണ്ട് തിരക്കെഴുത്തില്‍ സിനിമയൊരുക്കിയ സംവിധായകന് കയ്യൊപ്പിടാവുന്ന ചിത്രമാകുന്നുണ്ട് ഗ്രാന്‍ഡ് മാസ്റ്റര്‍. ക്രൈം ത്രില്ലറുകളുടെ സാമ്പ്രദായിക കഥാഗതിയും ട്വിസ്‌ററുകളും പിന്തുടരാതെ പിഴവുകളില്ലാത്ത പുതിയ കഥപറച്ചിലിന്റെ സസ്‌പെന്‍സ് സമ്മാനിക്കുന്നുണ്ട്.പ്രായത്തെ ഉള്‍ക്കൊള്ളുന്ന കഥാപാത്രത്തെ സ്വീകരിച്ച് മാനറിസങ്ങളിലെ ആകര്‍ഷണത്തിനൊപ്പം ഐജി ചന്ദ്രശേഖറായി മോഹന്‍ലാല്‍ എത്തുമ്പോള്‍ ആരാധകര്‍ക്ക് മാത്രമല്ല നല്ല സിനിമയുടെ ആസ്വാദകര്‍ക്കും കലര്‍പ്പില്ലാത്ത കാഴ്ചയാകുന്നു ചിത്രം.കെട്ടിയാടലുകളില്‍ കാഴ്ച മറഞ്ഞ ആസ്വാദകര്‍ക്ക് തൃപ്തിയേകുന്ന ചിത്രം അവധിക്കാല മത്സരത്തില്‍ പിന്നിലാകില്ലെന്ന് ഉറപ്പാണ്.

മലയാള സിനിമാലോകം വളരെ പ്രതീക്ഷയോടെ കാത്തിരുന്ന ഗ്രാന്‍ഡ്‌ മാസ്റ്റര്‍ ഒടുവില്‍ തീയറ്ററുകളിലെത്തിയിരിക്കുന്നു. ചിത്രത്തിലൂടെ ഇന്ത്യയിലെ ഏറ്റവും വലിയ ചലച്ചിത്ര നിര്‍മ്മാണ കമ്പനികളിലൊന്നായ യുടിവി മോഷന്‍ പിക്ചേഴ്സ് മലയാള സിനിമാ ലോകത്തേയ്ക്ക് വന്നിരിക്കുകയാണ്.ബി ഉണ്ണികൃഷ്ണന്‍ തിരക്കഥയും സംവിധാനം നിര്‍വഹിച്ചിരിക്കുന്ന ഈ മോഹന്‍ലാല്‍ ചിത്രം പറയുന്നത് ഒരു പോലീസ്‌ സ്റ്റോറിയാണ്.പോലീസ്‌ കഥകള്‍ പറയുന്ന സിനിമകളില്‍ സാധാരണ കണ്ടു വരാറുള്ള നെടുങ്കന്‍ ഡയലോഗുകളും വിശ്വസനീയമല്ലാത്ത ആക്ഷന്‍ രംഗങ്ങളുമായി കളം നിറയുന്ന സിനിമാ സങ്കല്‍പ്പങ്ങളെ പൊളിച്ചെഴുതുകയാണ് ഗ്രാന്‍ഡ്‌ മാസ്റ്ററിലെ ഐ ജി ചന്ദ്രശേഖര്‍ എന്ന കഥാപാത്രത്തിലൂടെ മോഹന്‍ലാല്‍.മാറി വരുന്ന സിനിമാ സങ്കല്‍പ്പങ്ങള്‍ക്ക് അനുസരിച്ച് സ്വാഭാവികമായ അഭിനയ ശേഷിയുടെ പിന്‍ബലത്തോടെ തന്നിലെ നടനെ പരിവര്‍ത്തനങ്ങള്‍ക്ക് വിധേയമാക്കുകയാണ് മോഹന്‍ലാലെന്നു നിസ്സംശയം പറയാം.ഓരോ നിമിഷവും പ്രേക്ഷകരെ മുള്‍മുനയില്‍ നിര്‍ത്തുന്ന ഒരു ത്രില്ലറാണ് ഗ്രാന്‍ഡ്‌ മാസ്റ്റര്‍.അനാവശ്യമായ ഗാനരംഗങ്ങളോ സംഘട്ടന രംഗങ്ങളോ ചിത്രത്തിലില്ല.ശത്രുവിന്‍റെ നീക്കങ്ങള്‍ മുന്‍കൂട്ടിയറിയുന്ന ഐ ജി ചന്ദ്ര ശേഖറിനെ ചുറ്റിപറ്റി എ,ബി,സി,ഡി മാതൃകയിലുണ്ടാകുന്ന കൊലപാതകമാണ് ചിത്രത്തിന്‍റെ ഇതിവൃത്തം.കൊലയാളി ചന്ദ്രശേഖറിനെ വെല്ലുവിളിക്കുന്നതോടെ ചിത്രത്തിനു നിഗൂഡതയുടെ ആവരണം കൈവരുന്നു.പതിഞ്ഞ താളത്തില്‍ തുടങ്ങി ഇന്റര്‍വല്‍ ആകുമ്പോഴേക്കും ചിത്രം ഒരു യദാര്‍ത്ഥ ത്രില്ലെര്‍ എന്തായിരിക്കണമെന്ന് കാണിച്ചു തരുന്നു.പ്രേക്ഷകരുടെ ഹൃദയമിടിപ്പ് കൂട്ടുന്ന ക്ലൈമാക്സ് ചിത്രത്തിന്‍റെ ഹൈലൈറ്റാണ്.

അടിത്തറയുള്ള ഒരു തിരക്കഥയും സംവിധാന മികവും ചിത്രത്തെ വ്യത്യസ്തമാക്കി അതോടൊപ്പം വളരെ നാളുകള്‍ക്കു ശേഷം മോഹന്‍ലാല്‍ എന്ന നടന്‍റെ അവിസ്മരണീയ അഭിനയ ശേഷി പ്രകടമായ സിനിമ കൂടിയാണ് ഗ്രാന്‍ഡ്‌ മാസ്റ്റര്‍.സൂപ്പര്‍ സ്റ്റാര്‍ പരിവേഷങ്ങളില്ലാതെ വളരെ അനായാസമായി മോഹന്‍ലാല്‍ ചിത്രത്തെ മുന്നോട്ടു കൊണ്ട് പോകുന്നു.സാധാരണ കണ്ടു മടുത്ത പോലീസ്‌ വേഷങ്ങളില്‍ നിറഞ്ഞു നില്‍ക്കുന്ന അലറി വിളികളില്ലാതെ സര്‍ഗാത്മകമായ രീതിയില്‍ മോഹന്‍ലാല്‍ പറയുന്ന നര്‍മ്മം നിറഞ്ഞു നില്‍ക്കുന്ന ഡയലോഗുകള്‍ തീയറ്ററില്‍ കൈയടി ഉയര്‍ത്തുന്നത് വ്യത്യസ്ത അനുഭവമായി.കുറച്ചു രംഗങ്ങളില്‍ മാത്രമേ ഉള്ളുവെങ്കിലും പ്രിയാമണിയുടെ കഥാപാത്രവും പ്രേക്ഷക മനസിലിടം നേടി.നരേന്‍,ജഗതി ശ്രീകുമാര്‍,അനൂപ്‌ മേനോന്‍ ,റോമ എന്നിവരെ കൂടാതെ ബാബുആന്‍റണിയുടെ ശക്തമായ തിരിച്ചു വരവിനും ഗ്രാന്‍ഡ്‌ മാസ്റ്റര്‍ വേദിയാകുന്നു.മികച്ച വിഷ്വലുകള്‍,കൃത്യതയുള്ള എഡിറ്റിംഗ്,നിലവാരം പുലര്‍ത്തുന്ന ബാക്ക്ഗ്രൌണ്ട് സ്കോര്‍ തുടങ്ങിയവയും ചിത്രത്തിന്‍റെ പ്രത്യേകതകളാണ്.

സൂപ്പര്‍ഹിറ്റ് സിനിമകളുടെ പഴയ കാഴ്ചയായി ഓര്‍ഡിനറി എക്‌സ്ട്രാ ഓര്‍ഡിനറിയായി കുതിക്കുന്നു കുഞ്ചോകോ ബോബന്റെ കിരീടത്തില്‍ 2012 ല്‍ ഒരു പൊന്‍ തൂവല്‍

noreply@blogger.com (Unknown) — Wed, 11 Apr 2012 00:02:00 +0530

മാര്‍ച്ചിലെ പരീക്ഷാച്ചൂടിനിടെയെത്തിയ ഓര്‍ഡിനറി എക്‌സ്ട്രാ ഓര്‍ഡിനറിയായി മാറിയപ്പോള്‍ മൂക്കത്ത് വിരല്‍വച്ചത് മോളിവുഡിലെ തമ്പുരാക്കാന്മാരാണ്. കമല്‍ ശിഷ്യനായ സുഗീതിന്റെ ആദ്യ ചിത്രമായ ഓര്‍ഡിനറി വിഷുവിന് മുമ്പുള്ള ഗ്യാപ്പില്‍ ഓടിത്തീരുമെന്നാണ് പലരും കരുതിയിരുന്നത്. എന്നാല്‍ പ്രേക്ഷകര്‍ ഏറ്റെടുത്തതോടെ ഓര്‍ഡിനറി വിഷുവിനും എക്‌സ്പ്രസിന്റെ കുതിപ്പോടെ തിയറ്ററുകളിലുണ്ടാവുമെന്ന് ഉറപ്പായിക്കഴിഞ്ഞു.സ്ത്രീകളും കുട്ടികളും തിയറ്റിലേക്ക് ഒഴുകിയെത്തുന്ന സൂപ്പര്‍ഹിറ്റ് സിനിമകളുടെ പഴയ കാഴ്ചയാണ് ഓര്‍ഡിനറി കാണിച്ചുതരുന്നത്. കുഞ്ചാക്കോ ബോബന്‍, ബിജുമേനോന്‍, ആസിഫ് അലി, ശ്രിത, ആന്‍ അഗസ്റ്റിന്‍ എന്നിവരാണു പ്രധാന വേഷങ്ങളില്‍. സംവിധായകന്റെ കഥയ്ക്ക് നവാഗതരായ നിഷാദ് കെ. കോയയും മനുപ്രസാദും ചേര്‍ന്നാണ് തിരക്കഥയും സംഭാഷണവും രചിച്ചിരിക്കുന്നത്. ഗവിയുടെ പ്രകൃതിഭംഗി ഒപ്പിയെടുത്ത ഫൈസല്‍ അലിയുടെ ക്യാമറയ്ക്കും ഈ സിനി മയുടെ വിജയത്തില്‍ നിര്‍ണായക പങ്കാണുള്ളത്.

മോഹക്കാഴ്ചകളുമായെത്തിയ ദിലീപിന്റെ മായാമോഹിനിയെക്കുറിച്ച് സമ്മിശ്ര പ്രതികരണങ്ങളാണ് വന്നതെങ്കിലും ചിത്രം വമ്പന്‍ ഇനീഷ്യല്‍ പുള്ളാണ് സിനിമ നേടുന്നത്.
ഒരിടവേളയ്ക്കു ശേഷം ജോസ് തോമസ് സംവിധാനം ചെയ്യുന്ന സിനിമയാണിത്. മലയാളത്തിലെ വിലപിടിച്ച തിരക്കഥാകൃത്തുക്കളായ സിബി കെ. തോമസും ഉദയകൃഷ്ണനും ചേര്‍ന്ന് എഴുതുന്ന സിനിമയാണിത്. ദിലീപിന്റെ പെണ്‍ വേഷം തന്നെയാണ് പ്രേക്ഷകരെ തിയറ്ററുകളിലെത്തിയ്ക്കുന്നത്.

‘റണ്‍ ബേബി റണ്‍'- ഹിറ്റ്മേക്കര്‍ ജോഷി മോഹന്‍ലാല്‍ ചിത്രവുമായി വീണ്ടും സജീവമാകുന്നു.

noreply@blogger.com (Unknown) — Tue, 10 Apr 2012 23:53:00 +0530

ഹിറ്റ്മേക്കര്‍ ജോഷി വീണ്ടും സജീവമാകുന്നു. മോഹന്‍ലാല്‍ ചിത്രവുമായാണ് ജോഷിയുടെ വരവ്. ഈ മാസം 20ന് ചിത്രീകരണം ആരംഭിക്കുന്ന സിനിമയുടെ തിരക്കഥ സച്ചി - സേതു ടീമിലെ സച്ചിയാണ്. ചിത്രത്തിന് പേര് - ‘റണ്‍ ബേബി റണ്‍’.മോഹന്‍ലാലിന് തെന്നിന്ത്യയിലെ പ്രശസ്ത നായിക അമല പോള്‍ ജോഡിയായി എത്തുന്നു എന്നതാണ് ഈ സിനിമയുടെ പ്രധാന പ്രത്യേകത. കോമഡിയും ആക്ഷനും കുടുംബ പശ്ചാത്തലവുമെല്ലാമുള്ള ഒരു ത്രില്ലറാണ് റണ്‍ ബേബി റണ്‍.മോഹന്‍ലാല്‍ ഈ ചിത്രത്തില്‍ ഒരു ടി വി ചാനല്‍ ക്യാമറാമാനായാണ് അഭിനയിക്കുന്നത്. അമല പോള്‍ ആ ചാനലിലെ സീനിയര്‍ എഡിറ്ററാകുന്നു. ഇവര്‍ തമ്മിലുള്ള രസകരമായ ബന്ധവും ഒരു പ്രത്യേക ദൌത്യത്തിലേക്ക് ഇവര്‍ ഒരുമിച്ചെത്തുന്നതുമാണ് സിനിമയുടെ ഹൈലൈറ്റ്.

സെവന്‍സിന് ശേഷം ജോഷി ഒരുക്കുന്ന ചിത്രമാണിത്. സൂപ്പര്‍ ആക്ഷന്‍ രംഗങ്ങളായിരിക്കും ചിത്രത്തിലുണ്ടാവുക എന്ന് അണിയറ പ്രവര്‍ത്തകര്‍ പറയുന്നു.തമിഴകത്ത് നമ്പര്‍ വണ്‍ നായികയായി മാറിയ അമല പോള്‍ മലയാളത്തില്‍ ആദ്യമായി അഭിനയിക്കുന്ന കൊമേഴ്സ്യല്‍ ചിത്രമാണ് റണ്‍ ബേബി റണ്‍. മുമ്പ് നീലത്താമരയില്‍ ഒരു ചെറിയ വേഷത്തില്‍ അമല എത്തിയിരുന്നു. ഇതു നമ്മുടെ കഥ എന്ന ചിത്രത്തില്‍ അഭിനയിച്ചെങ്കിലും ശ്രദ്ധിക്കപ്പെട്ടില്ല. ഡോ. ബിജു സംവിധാനം ചെയ്യുന്ന ‘ആകാശത്തിന്‍റെ നിറ’ത്തിലും നായിക അമലയാണ്.

ഷാജി -മോഹന്‍ലാല്‍ ടീമിന്റെ 'കടല്‍ '

noreply@blogger.com (Unknown) — Wed, 4 Apr 2012 22:47:00 +0530

ചെറുകഥകളുടെ തമ്പുരാനായ ടി.പത്മനാഭന്റെ പ്രശസ്‌ത കഥയായ 'കടല്‍ ' വെള്ളിത്തിരയില്‍ ആവിഷ്‌ക്കരിക്കാനുള്ള ഒരുക്കങ്ങള്‍ ധൃതഗതിയില്‍ പുരോഗമിച്ചു വരുന്നതായി സംവിധായകന്‍ ഷാജി എന്‍. കരുണ്‍. മോഹന്‍ലാലാണ്‌ കടലിലെ കേന്ദ്ര കഥാപാത്രത്തെ അവതരിപ്പിക്കുന്നത്‌. മറ്റ്‌ കഥാപാത്രങ്ങളെ ഇതുവരെ തീരുമാനിച്ചിട്ടില്ല. ടി. പത്മനാഭന്റെ കടലിലെ കഥാപാത്രങ്ങള്‍ക്കൊന്നും പേരില്ല. ഒരമ്മയും അച്‌ഛനും മകളുമാണ്‌ കടലിലെ കേന്ദ്ര കഥാപാത്രങ്ങള്‍. ഈ മൂന്നു പേരെക്കൂടാതെ ബനാറസില്‍ വച്ച്‌ അമ്മയെ സംഗീതം പഠിപ്പിച്ച ഒരു സംഗീ താദ്ധ്യാപകനും അവരുടെ ഡയറിക്കുറിപ്പുകളിലൂടെ കഥയില്‍ സാന്നിദ്ധ്യമായുണ്ട്‌. ടി.പത്മനാഭന്റെ കടലിലെ പ്രധാന കഥാപാത്രമായ സ്‌ത്രീ, തന്റെ ഭര്‍ത്താവിനോട്‌ സ്‌നേഹവും വിശ്വസ്‌തതയുമുള്ള ഒപ്പം സ്വന്തം വ്യക്‌തിത്വം കാത്തുസൂക്ഷിക്കുന്നവളുമാണ്‌. വിവാഹിതയാകുന്നതിനുമുന്‍പ്‌ ബനാറസിലെ സംഗീത വിദ്യര്‍ത്ഥിനിയായിരുന്ന കാലത്ത്‌ അവള്‍ തന്റെ സംഗീതാദ്ധ്യാപകനെ മനസില്‍ ആരാധിച്ചിരുന്നു. ഒരിക്കല്‍ അവളുടെ ഡയറിക്കുറിപ്പുകള്‍ കട്ടെടുത്തു വായിച്ച ഭര്‍ത്താവ്‌ തന്റെ ഭാര്യയും അവളുടെ സംഗീതാദ്ധ്യാപകനും തമ്മിലുള്ളത്‌ അവിശുദ്ധ ബന്ധമാണെന്ന്‌ സംശയിക്കുന്നു. ഭര്‍ത്താവ്‌ ഒരു കള്ളനെപ്പോലെ തന്റെ ഡയറിക്കുറിപ്പുകള്‍ കട്ടെടുത്തു വായിച്ചതില്‍ ഭാര്യയ്‌ക്ക് വിഷമവും ദേഷ്യവും തോന്നുന്നു. ''ചോദിച്ചിരുന്നെങ്കില്‍ ഞാന്‍ തരുമായിരുന്നല്ലോ'' എന്നവള്‍ ഭര്‍ത്താവിനോട്‌ പറയുന്നുണ്ട്‌. പിന്നീടവരുടെ മരണശേഷം മകള്‍ അമ്മയുടെ ഡയറിക്കുറിപ്പുകള്‍ വായിക്കുകയാണ്‌. (അച്‌ഛന്‍ തന്നെയാണത്‌ മകള്‍ക്ക്‌ കൈമാറുന്നത്‌. ആ വേളയില്‍ ''നിന്റെ അമ്മയെ വേണ്ട വിധം മനസ്സിലാക്കുന്ന കാര്യത്തില്‍ ഞാന്‍ പരാജയപ്പെട്ടുപോയെ''ന്ന്‌ മകളോട്‌ കുറ്റ സമ്മതം നടത്തുന്നുമുണ്ട്‌ ആ അച്‌ഛന്‍.) പിന്നീട്‌ തനിച്ച്‌ പ്രസ്‌തുത ഡയറിക്കുറിപ്പുകളിലൂടെ കടന്നു പോകുമ്പോള്‍ അവള്‍ തിരിച്ചറിയുന്നു തന്റെ അച്‌ഛനും അമ്മയും തമ്മിലുള്ള ബന്ധത്തില്‍ അപസ്വരങ്ങള്‍ ഉണ്ടായിരുന്നു എന്ന്‌. സംഗീതത്തെ അതിരറ്റു സ്‌നേഹിച്ചിരുന്ന , സംഗീതാദ്ധ്യാപകനെ ആരാധിച്ചിരുന്ന , തന്റെ അച്‌ഛന്റെ വിശ്വസ്‌തയായ ഭാര്യയായിരുന്ന , കടലിനെ എന്നും സ്വപ്‌നം കണ്ടിരുന്ന, കടലിന്റെ സംഗീതത്തെയും അതിന്റെ വന്യസൗന്ദര്യത്തെയും സ്‌നേഹിച്ചിരുന്ന, എന്നെങ്കിലുമൊരിക്കല്‍ കടല്‍ കാണണമെന്ന്‌ ആഗ്രഹിച്ചിരുന്ന എന്നാല്‍ ജീവിതത്തിലൊരിക്കലും അതിന്‌ ഭാഗ്യം ലഭിക്കാത്ത അമ്മയുടെ മനസ്സിന്റെ കടലാഴങ്ങള്‍ മകള്‍ ഈ ഡയറിക്കുറിപ്പിലെ വരികള്‍ക്കിടയിലൂടെ വായിച്ചെടുക്കുന്നു. ഒപ്പം ഇതിനെല്ലാമിടയില്‍ നഷ്‌ടപ്പെട്ടു പോയ തന്റെ കുട്ടിക്കാലത്തെക്കുറിച്ച്‌ അവള്‍ ഓര്‍ക്കുന്നു. ടി.പത്മനാഭന്‍ കടലില്‍ പരാമര്‍ശിക്കുന്ന ഓരോ കഥാപാത്രത്തിനും മികച്ച പ്രാധാന്യം കൊടുത്താണ്‌ കടലിന്റെ തിരക്കഥ പൂര്‍ത്തീകരിക്കുകയെന്ന്‌ സംവിധായകന്‍ പറയുന്നു. 'കടലി'ന്റെ തിരക്കഥ പൂര്‍ത്തിയായാലുടന്‍ ഈ വര്‍ഷമവസാനത്തോടെ ഷൂട്ടിംഗ്‌ ആരംഭിക്കാനാണ്‌ പദ്ധതിയെന്നും ഷാജി പറഞ്ഞു. ഇതിനു മുന്‍പ്‌ മോഹന്‍ലാലും ഷാജി എന്‍. കരുണും ഒന്നിച്ച ചിത്രം 'വാനപ്രസ്‌ഥ'മായിരുന്നു. 2000 ത്തിലെ മികച്ച ചിത്രത്തിനുള്ള ദേശീയ പുരസ്‌കാരം വാനപ്രസ്‌ഥം നേടി. കൂടാതെ മോഹന്‍ലാല്‍ വാനപ്രസ്‌ഥത്തിലെ അഭിനയത്തിന്‌ മികച്ച നടനുള്ള ദേശീയ അവാര്‍ഡും നേടി. ഷാജിക്ക്‌ മികച്ച സംവിധായകനുള്ള സംസ്‌ഥാന പുരസ്‌കാരവും കിട്ടി. വാനപ്രസ്‌ഥത്തിലെ കഥകളി നടന്‌ ജീവന്‍ പകരാന്‍ മോഹന്‍ലാല്‍ കഥകളി അഭ്യസിക്കുകയുമുണ്ടായി.

അനന്തഭദ്രം രണ്ടാം ഭാഗം വരുകയാണ് - 'ഭദ്രാസനം'

noreply@blogger.com (Unknown) — Wed, 4 Apr 2012 22:11:00 +0530

മന്ത്രവാദവും നിഗൂഢതകളും നിറഞ്ഞ 'അനന്തഭദ്രം' എന്ന ചിത്രം മലയാളികള്‍ മറന്നിട്ടുണ്ടാവില്ല. ദിഗംബരനും കുഞ്ഞൂട്ടനും ശിവപുരവും എല്ലാം മായാതെ നില്‍ക്കുന്ന ചിത്രങ്ങളാണ്. ഛായഗ്രഹണമികവിനൊപ്പം സന്തോഷ് ശിവന്‍ എന്ന സംവിധായകന്റ കൈയൊപ്പ് കൂടി പതിഞ്ഞ ചിത്രം സാങ്കേതിക തികവുകൊണ്ടും ശ്രദ്ധിക്കപ്പെട്ടിരുന്നു. ദിഗംബരന്റെ മാന്ത്രികവിദ്യയുടെ ഇതുവരെ പറയാത്ത കഥകളുമായി അനന്തഭദ്രം രണ്ടാം ഭാഗം വരുകയാണ്. ആദ്യ ഭാഗത്തിന് തിരക്കഥ എഴുതിയ സുനില്‍ പരമേശ്വരന്‍ തന്നെ 'ഭദ്രാസനം' എന്ന് പേരിട്ടിരിക്കുന്ന തുടര്‍ഭാഗത്തിനും രചന നിര്‍വഹിച്ചിരിക്കുന്നത്. സംവിധായകന്റെ സ്ഥാനത്ത് സന്തോഷ് ശിവന് പകരം പുതിയൊരാള്‍ അരങ്ങേറ്റം കുറിക്കുന്നു. പരസ്യചിത്രങ്ങളിലൂടെ മികവ് തെളിയിച്ച ജബ്ബാര്‍ കല്ലറയ്ക്കലാണ് ഭദ്രാസനം സംവിധാനം ചെയ്യുന്നത്.
ദിഗംബരനിലൂടെയാണ് ഭദ്രാസനത്തിന്റെ കഥ നീങ്ങുന്നത്. കലാഭവന്‍ മണി ശക്തമായ കഥാപാത്രമായി രണ്ടാം ഭാഗത്തിലും അണിനിരക്കും. പൃഥിരാജും കാവ്യമാധവനും ചിത്രത്തിലുണ്ടാവില്ലെന്നാണ് സൂചന. നായികയായി പരിഗണിക്കുന്നത് കന്നട നടി ഹരിപ്രിയയാണ്. ജയറാം ചിത്രം തിരുവമ്പാടി തമ്പാനില്‍ ഹരിപ്രിയനായികയായി മലയാളത്തില്‍ അഭിനയിച്ചിരുന്നു. തെന്നിന്ത്യന്‍ സിനിമയിലെ പ്രഗത്ഭരായ ആന്റണി എഡിറ്ററുടെ റോളിലും ഛായാഗ്രഹകനായി രവി വര്‍മ്മനും അണിയറയിലുണ്ടാകും. ചിത്രത്തില്‍ നായക സ്ഥാനത്ത് ആരായിരിക്കും എന്നത് സസ്‌പെന്‍സായി തുടരുകയാണ്.

മോഹന്‍ലാല്‍ മദ്യത്തിന് അടിമ !!! ഏപ്രില്‍ ഫൂള്‍ സൃഷ്ടിക്കുന്ന പൊല്ലാപ്പുകള്‍

noreply@blogger.com (Unknown) — Wed, 4 Apr 2012 22:07:00 +0530

ഏപ്രില്‍ ഫൂള്‍ സൃഷ്ടിക്കുന്ന പൊല്ലാപ്പുകള്‍ വര്‍ഷം തോറും ഏറിവരുകയാണ്. വിഡ്ഡിയാക്കാന്‍ നടത്തുന്ന പരീക്ഷണങ്ങളില്‍ ഈ വര്‍ഷവും പതിവു പലരും പെട്ടു. ദ്രോഗ്ബ മോഹന്‍ ബഗാനില്‍ ചേരുന്നതായ റിപ്പോര്‍ട്ടായിരുന്നു ഈ വര്‍ഷത്തെ ഹിറ്റുകളിലൊന്ന്. വിഡ്ഡിദിനമെന്ന ഓര്‍മ്മ മനസ്സിലെത്താത്തവരെല്ലാം അത്ഭതവാര്‍ത്ത വിശ്വസിച്ചു. ഇത് വെറും പുകയാണെന്ന സത്യാവസ്ഥ അറിയാന്‍ പലരും ഏറെ വൈകി. കേരളത്തിലും ഫോര്‍വേഡ് മാഗസിന്റെ പുതിയ പതിപ്പും ഇതുപോലെ ഏറെ പൊല്ലാപ്പുണ്ടാക്കി. ഏപ്രില്‍ ഒന്നിനിറങ്ങിയ പതിപ്പില്‍ മോഹന്‍ലാല്‍ മദ്യത്തിന് അടിമയാണെന്നും അഭിനയം നിര്‍ത്താന്‍ പോകുന്നുവെന്നുമായിരുന്നു മാസികയുടെ പ്രധാന തലക്കെട്ട്. പോരെ പൊല്ലാപ്പിന്. മാസിക വായിച്ചവരും കേട്ടറിഞ്ഞവരും ഫാന്‍സുകാരും എല്ലാം ഞെട്ടി. എന്നാല്‍ വൈകാതെ തന്നെ ഏപ്രില്‍ ഫൂളാക്കിയതാണെന്ന് വിശദീകരണം വന്നു.
രഞ്ജിത് സംവിധാനം ചെയ്യുന്ന മോഹന്‍ലാല്‍ ചിത്രമായ സ്പിരിറ്റ് സിനിമയുടെ പ്രചാരണം കൂടി ലക്ഷ്യമിട്ടാണ് ഫോര്‍വേഡ് മാസികയും സിനിമയുടെ അണിയറപ്രവര്‍ത്തകരും ലാലും എല്ലാം അറിഞ്ഞ് ഒറ്റ ദിവസത്തേക്ക് ഈ ബോംബ് പൊട്ടിച്ചത്. ലാല്‍ മദ്യത്തിന് അടിമയാണെന്നും ബാംഗ്ലൂരില്‍ ചികിത്സയിലാണെന്നൊക്കെ വായിച്ചാല്‍ ആരാധകര്‍ വെറുതെയിരിക്കുമോ.ഏപ്രില്‍ രണ്ടാം തീയതി തന്നെ യഥാര്‍ഥ ഏപ്രില്‍ ലക്കം വിപണിയിലെത്തി. എന്നാലും ഫാന്‍സിന്റെ വക കോലാഹലങ്ങള്‍ക്ക് ഇതുവരെയും അടങ്ങിയിട്ടില്ല. അക്ഷരാര്‍ഥത്തില്‍ നാടിന് ഭീഷണിയാകുന്ന വ്യാജമദ്യത്തിനെതിരെയുള്ള പോരാട്ടമാണ് സ്പിരിറ്റിന്റെ പ്രമേയം. അതാണ് മാസികയുടെ ശരിക്കുള്ള ഏപ്രില്‍ ലക്കത്തില്‍ വിശദീകരിക്കുന്നതും.

തിരക്കഥാകൃത്ത് ടി ദാമോദരന്‍ വിടവാങ്ങി

noreply@blogger.com (Unknown) — Wed, 28 Mar 2012 22:49:00 +0530

പ്രശസ്ത തിരക്കഥാകൃത്ത് ടി ദാമോദരന്‍(77) അന്തരിച്ചു. ബുധനാഴ്ച രാവിലെ അഴകൊടിക്ഷേത്രത്തിന് സമീപമുള്ള മകളുടെ വസതിയില്‍ വെച്ചായിരുന്നു അന്ത്യം. മലയാള സിനിമയിലെ ഒട്ടേറെ സൂപ്പര്‍ ഹിറ്റ് സിനിമകള്‍ക്ക് തൂലിക ചലിപ്പിച്ച ടി ദാമോദരന്‍ ഏതാനും സിനിമകളില്‍ അഭിനയിച്ചിട്ടുണ്ട്. മലബാറിലെ ഏറ്റവും പ്രശസ്തനായ കമന്റേറ്റര്‍മാരില്‍ ഒരാള്‍ എന്ന നിലയിലും റഫറി എന്ന നിലയിലും കോഴിക്കോട്ടെ ഫുട്‌ബോള്‍ ലോകത്തും അദ്ദേഹം പ്രശസ്തനാണ്. വ്യാഴാഴ്ച രാവിലെ എട്ട് മണിക്ക് കോഴിക്കോട് ടൗണ്‍ ഹാളില്‍ മൃതദേഹം പൊതുദര്‍ശനത്തിന് വെക്കും. തുടര്‍ന്ന് മാവൂര്‍ റോഡ് ശ്മശാനത്തില്‍ മൃതദേഹം സംസ്‌കരിക്കും.
ഓളവും തീരവും എന്ന സിനിമയില്‍ മുഖം കാണിച്ചുകൊണ്ടാണ് സിനിമാലോകത്ത് ദാമോദരന്‍ മാഷ് ആദ്യമെത്തുന്നത്. 1935 ല്‍ ജനിച്ച ടി ദാമോദരന്‍ 'ലവ് മാരേജ്' എന്ന ചിത്രത്തിന് രചന നിര്‍വഹിച്ചുകൊണ്ടാണ് തിരക്കഥാലോകത്തേക്ക് കടന്നുവരുന്നത്. ഐ.വി ശശി ചിത്രങ്ങള്‍ക്ക് തിരക്കഥയൊരുക്കിയാണ് അദ്ദേഹം സിനിമാലോകത്ത് വെന്നിക്കൊടി പാറിച്ചത്. ഐ.വി ശശി-ടി ദാമോദരന്‍ കോമ്പിനേഷന്‍ മലയാളസിനിമ ചരിത്രത്തിലെ ഒരു കാലഘട്ടമായിരുന്നു. 25 ഓളം ചിത്രങ്ങളാണ് ഈ കൂട്ടുകെട്ടില്‍ പിറന്നത്. ചരിത്രവും സാമൂഹികപശ്ചാത്തലുമായിരുന്നു ദാമോദരന്‍ മാഷിന്റെ ചിത്രങ്ങളുടെ ഭൂമിക.
അങ്ങാടി. മീന്‍, കരിമ്പന, ഈ നാട്, നാണയം, വാര്‍ത്ത, ആവനാഴി, അടിമകള്‍ ഉടമകള്‍, അബ്കാരി, ഇന്‍സ്‌പെക്ടര്‍ ബല്‍റാം അങ്ങനെ ഹിറ്റുകളുടെ പരമ്പര തന്നെ ഈ കൂട്ടുകെട്ടില്‍ പിറന്നു. സമൂഹത്തിലെ എല്ലാം തിന്മകളേയും രൂക്ഷമായി വിമര്‍ശിക്കുന്ന ഒട്ടേറെ കഥാപാത്രങ്ങള്‍ക്ക് അദ്ദേഹം ജന്മം നല്‍കി. വി.എം വിനു സംവിധാനം ചെയ്ത യേസ് യുവര്‍ ഓണറായിരുന്നു തിരക്കഥ എഴുതിയ അവസാന ചിത്രം.
കിളിച്ചുണ്ടന്‍ മാമ്പഴം, പാലേരി മാണിക്യം ഒരു പാതിരാക്കൊലപാതകത്തിന്റെ കഥ എന്നീ ചിത്രങ്ങളില്‍ അഭിനയിച്ചു. ബേപ്പൂര്‍ സ്‌കൂളില്‍ കായിക അധ്യാപികനായിരുന്ന ടി ദാമോദരന്‍ തിക്കൊടിയന്‍, കുതിരവട്ടം പപ്പു, ഹരിഹരന്‍, കുഞ്ഞാണ്ടി എന്നിവരുമായുള്ള നാടകരംഗത്തെ സൗഹൃദത്തില്‍ നിന്നാണ് സിനിമയുടെ വഴിയിലേക്ക് എത്തിയത്. മണിരത്‌നം മലയാളത്തില്‍ സിനിമയെടുക്കാനെത്തിയപ്പോള്‍ അദ്ദേഹം തിരക്കഥയ്ക്കായി സമീപിച്ചത് ദാമോദരന്‍ മാഷെയായിരുന്നു. അങ്ങനെയാണ് ടി ദാമോദരന്റെ തിരക്കഥയില്‍ മണിരത്‌നം ചിത്രമായ 'ഉണരൂ' 1984 ലില്‍ പിറക്കുന്നത്. പ്രിയദര്‍ശന്‍ ഒരുക്കിയ ബിഗ്ബജറ്റ് ചിത്രമായ കാലാപാനിയ്ക്കും പ്രിയനുമായി ചേര്‍ന്ന് അദ്ദേഹം തിരക്കഥ എഴുതി. ബല്‍റാം ഢ/ െതാരാദാസ് എന്ന ചിത്രത്തിന് എസ്.എന്‍.സ്വാമിക്കൊപ്പമാണ് അദ്ദേഹം തിരക്കഥയൊരുക്കിയത്.

2006 ല്‍ പുറത്തിറങ്ങിയ ഈ ചിത്രവും ഐ.വി ശശിയാണ് സംവിധാനം ചെയ്തത്. 1979 ല്‍ ഏഴാം കടലിനക്കരയില്‍ തുടങ്ങി ബല്‍റാം ഢ/ െതാരാദാസ് വരെ 27 വര്‍ഷം നീണ്ടുനിന്ന കൂട്ടുകെട്ടില്‍ മലയാള സിനിമയ്ക്ക് ലഭിച്ചത് എണ്ണമറ്റ നിരവധി ഹിറ്റുകള്‍. ടി ദാമോദരന്‍-ഐ.വി.ശശി ടീമിന്റെ ചിത്രങ്ങള്‍ തിയേറ്ററുകളെ ഇളക്കിമറിച്ച കാലഘട്ടമായി 80 കള്‍. . ഭരതനൊടൊപ്പം കാറ്റത്തെ കളിക്കൂട്, ഇത്തിരിപ്പൂവേ ചുവന്ന പൂവേ എന്നീ ചിത്രങ്ങളിലും അദ്ദേഹം പങ്കാളിയായി. 'കാറ്റത്തെ കിളിക്കൂട്' ദാമോദരന്‍ മാഷിന്റെ പതിവ് രചനാ പശ്ചാത്തലത്തില്‍ നിന്ന് വേറിട്ടുനിന്ന ചിത്രമായിരുന്നു. ആക്ഷന്‍ ചിത്രങ്ങളുടെ തിരക്കഥാകൃത്തിനപ്പുറം മനുഷ്യബന്ധങ്ങളുടെയും സ്‌നേഹത്തിന്റെയും പുതിയ ഭാഷ്യം അദ്ദേഹം കാറ്റത്തെ കിളിക്കൂടിലൂടെ ചമച്ചു.
ടി ദാമോദരന്‍-ഐ.വി ശശി ടീമിന്റെ ചിത്രങ്ങള്‍ മമ്മൂട്ടിയുടെ അഭിനയജീവിതത്തിലെ സുവര്‍ണകാലഘട്ടവും കൂടിയാണ്. മമ്മൂട്ടിയുടെ ആദ്യകാലത്തെ ബോക്‌സ് ഓഫീസ് വിജയങ്ങളില്‍ ഏറിയ പങ്കും ഈ കൂട്ടുകെട്ടില്‍ നിന്ന് പുറത്തിറങ്ങിയ സിനിമകളായിരുന്നു. കരുത്തുറ്റ ഒട്ടേറെ കഥാപാത്രങ്ങള്‍ മമ്മൂട്ടിയ്ക്കായി ആ തൂലികയില്‍ നിന്ന് പിറന്നു.ജഗതി ഇരട്ടവേഷത്തില്‍ അഭിനയിച്ച 'കാട്ടിലെ തടി തേവരുടെ ആന' എന്നൊരു മുഴുനീള കോമഡി ചിത്രത്തിനും അദ്ദേഹം തിരക്കഥ എഴുതിയിട്ടുണ്ട്. ശ്രീനിവാസന്‍ പേടിത്തൊണ്ടനായ പോലീസ് വേഷം ചെയ്ത ആനവാല്‍ മോതിരം, മോഹന്‍ലാലിന്റെ പ്രണവം ആര്‍ട്‌സ് നിര്‍മ്മിച്ച് മമ്മൂട്ടി നായകനായ കോമഡി ചിത്രം മേഘം എന്നിവയും അദ്ദേഹത്തിന്റെ സംഭാവനകളാണ്.
പരേതയായ പുഷ്പയാണ് ഭാര്യ. മക്കള്‍: ദീദി (തിരക്കഥാകൃത്ത്), സിന (കോഴിക്കോട് വിദ്യാകേന്ദ്ര), അഡ്വ. രശ്മി (ഹൈക്കോടതി). മരുമക്കള്‍: പി. പ്രേംചന്ദ് (അസി.എഡിറ്റര്‍ ചിത്രഭൂമി ), അഡ്വ. രാജീവ് ലക്ഷ്മണ്‍ (കോഴിക്കോട്), മോഹന്‍ (ബ്ലൂ മൗണ്ട് ടീ ആന്‍ഡ് കമോഡിറ്റി ടീ ടേസ്റ്റര്‍)...

തിരക്കഥകള്‍ ::::-----

1975 - ലൗവ് മാരേജ്
1979 - ഏഴാം കടലിനക്കരെ
1980 - അങ്ങാടി
1980 - മീന്‍
1980 - കരിമ്പന
1980 - കാന്തവലയം
1981 - അഹിംസ
1981 - തടാകം
1981 - തുഷാരം
1982 - ജോണ്‍ ജാഫര്‍ ജനാര്‍ദ്ദനന്‍
1982 - ഈ നാട്
1982 - ഇന്നല്ലെങ്കില്‍ നാളെ
1983 - നാണയം
1983 - ഇനിയെങ്കിലും
1983 - അമേരിക്ക അമേരിക്ക
1983 - കാറ്റത്തെ കിളിക്കൂട്
1984 - ഉണരൂ
1984 - ഇത്തിരി പൂവേ ചുവന്ന പൂവേ
1985 - അങ്ങാടിക്കപ്പുറത്ത്
1986 - വാര്‍ത്ത
1986 - ആവനാഴി
1986 - അടിവേരുകള്‍
1987 - അടിമകള്‍ ഉടമകള്‍
1987 - വ്രതം
1987 - ഇത്രയും കാലം
1987 - നാല്‍ക്കവല
1988 - അബ്കാരി
1988 - 1921
1988 - ആര്യന്‍
1988 - അര്‍ഹത
1990 - ആനവാല്‍ മോതിരം
1991 - ഇന്‍സ്‌പെക്ടര്‍ ബല്‍റാം
1991 - അഭിമന്യു
1992 - അദൈ്വതം
1993 - ജാക്‌പോട്ട്
1993 - ജനം
1994 - ദി സിറ്റി
1995 - കാട്ടിലെ തടി തേവരുടെ ആന
1996 - കാലാപാനി
1996 - മഹാത്മ
1999 - മേഘം
2000 - ശ്രദ്ധ
2006 - ബല്‍റാം V/s താരാദാസ്
2006 - യെസ് യുവര്‍ ഓണര്‍

നടന്‍ ജോസ് പ്രകാശ് അന്തരിച്ചു

noreply@blogger.com (Unknown) — Sat, 24 Mar 2012 14:43:00 +0530

അരനൂറ്റാണ്ടുകാലം ചലച്ചിത്ര രംഗത്ത് സജീവമായി നിന്ന ജോസ് പ്രകാശ് (87) അന്തരിച്ചു. ശനിയാഴ്ച ഉച്ചക്ക് കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. വാര്‍ധക്യസഹജമായ അസുഖത്തെ തുടര്‍ന്ന് ദീര്‍ഘകാലമായി ചികിത്സയിലായിരുന്നു. വെള്ളിയാഴ്ചയാണ് അദ്ദേഹത്തിന് ചലച്ചിത്രമേഖലയിലെ സമഗ്ര സംഭാവനക്കുള്ള കെ.സി. ഡാനിയേല്‍ പുരസ്കാരം സര്‍ക്കാര്‍ പ്രഖ്യാപിച്ചത്. എന്നാല്‍ അത് ഏറ്റുവാങ്ങാന്‍ നില്‍ക്കാതെ അദ്ദേഹം വിടപറഞ്ഞു.മലയാള സിനിമയിലെ വില്ലന്‍ സങ്കല്‍പത്തിന് സ്വന്തം രൂപം സമ്മാനിച്ച ജോസ് പ്രകാശ് മികച്ച ഗായകന്‍ കൂടിയായിരുന്നു. അറുപതോളം സിനിമകള്‍ക്ക് പിന്നണി ഗായകാനയി പ്രവര്‍ത്തിച്ചിട്ടുണ്ട്. 300ലധികം സിനിമകളിലും അഭിനയിച്ച ജോസ്പ്രകാശ് സൈനികനായാണ് ഔദ്യാഗിക ജീവിതം ആരംഭിച്ചത്. സ്വാതന്ത്ര്യത്തിന് ശേഷം ബ്രിട്ടീഷ് റെജിമെന്‍റ് പിരിച്ചുവിട്ടപ്പോള്‍ എട്ടുവര്‍ഷത്തെ സൈനികസേവനം അവസാനിപ്പിച്ച് നാട്ടിലെത്തി.
പരേതനായ നടന്‍ തിക്കുറിശ്ശി സുകുമാരന്‍ നായരാണ് ജോസ് പ്രകാശിനെ സിനിമയിലേക്ക് ക്ഷണിച്ചത്. തിക്കുറിശ്ശിയുടെ ആദ്യ സംവിധാന സംരഭമായ ശരിയോ തെറ്റോ എന്ന സിനിമയില്‍ നാല് ഗാനങ്ങള്‍ പാടി അഭിനയിച്ചാണ് ജോസ് പ്രകാശ് ചലച്ചിത്ര രംഗത്തേക്ക് കാലെടുത്തുവെക്കുന്നത്. ജോസഫ് എന്ന പേര് ഇഷ്ടപ്പെടാതിരുന്ന തിക്കുറിശ്ശിയാണ് ജോസ്പ്രകാശ് എന്ന പേര് നല്‍കിയത്.1968ല്‍ ലൗ ഇന്‍ കേരള എന്ന സിനിമയില്‍ വില്ലനായി അരങ്ങേറ്റം കുറിച്ചു. പിന്നീട് വില്ലന്‍ വേഷങ്ങളുടെ പരമ്പര തന്നെയായിരുന്നു.

1968 ലാണ് ജോസ് പ്രകാശ് അഭിനയ ജീവിതം തുടങ്ങിയത്. ലവ് ഇന്‍ കേരള എന്ന ചിത്രത്തിലായിരുന്നു അദ്ദേഹം ആദ്യമായി വില്ലനായി അഭിനയിച്ചത്. ഓളവും തീരവും എന്ന ചിത്രത്തില്‍ കുഞ്ഞാലി എന്ന കഥാപാത്രമായിരുന്നു ആദ്യമായി അഭിനയിച്ച വേഷം. പിന്നീട് ഇതുവരെ നൂറോളം ചിത്രങ്ങളില്‍ അഭിനയിച്ചു. ഏറ്റവും ഒടുവില്‍ അഭിനയിച്ച ചിത്രം ട്രാഫിക് എന്ന ചിത്രമാണ്. ശരിയോ തെറ്റോ,അല്‍ഫോന്‍സ, മനഃസാക്ഷി,അവന്‍ വരുന്നു എന്നീ ചിത്രങ്ങളില്‍ ഗാനമാലപിച്ചിട്ടുണ്ട്. ആയിരം കണ്ണുകള്‍, പത്മരാജന്റെ കൂടെവിടെ, എന്നീ സിനിമകള്‍ നിര്‍മ്മിച്ചു.1953ല്‍ റിലീസായ ശരിയോ തെറ്റോ എന്നാ സിനിമയില്‍ ഗായകന്‍ ആയിട്ടാണ് സിനിമയിലെ തുടക്കം . തിക്കുറിശിയുടെ ആദ്യ സംവിധാന സംരംഭം എന്ന നിലയിലും ഈ സിനിമ ശ്രദ്ധിക്കപ്പെട്ടു. പാട്ടുകാരനായി വന്ന ജോസ് പ്രകാശ് ചെറിയ വേഷത്തില്‍ അഭിനയിക്കുകയും ചെയ്തു. സിനിമയില്‍ പാടുപെട്ടു പാടങ്ങളില്‍ എന്ന തത്വശാസ്ത്ര സ്പര്‍ശമുള്ള ഗാനം ജോസ് പ്രകാശ് പി ലീലയോടൊപ്പമാണ് പാടിയത്. ഈ ശീര്‍ഷക ഗാനം പുതിയ പ്രവണതയുടെ തുടക്കവുമായിരുന്നു. ആദ്യ ശ്രമം മോശമായില്ല. 1960 ആകുമ്പോഴേക്കും 60 ചലച്ചിത്രങ്ങളില്‍ പാടിക്കൊണ്ട് അതിശ്രദ്ധേയനായിത്തീര്‍ന്നു.

'മായാമോഹിനി'യായി ദിലീപ്‌ പ്രേക്ഷകന് മുന്നില്‍ എത്തുകയാണ്

noreply@blogger.com (Unknown) — Sat, 24 Mar 2012 01:45:00 +0530

വ്യത്യസ്ഥകള്‍ എന്നും ഉള്‍ക്കൊള്ളുന്ന മലയാള പ്രേക്ഷകന് മുന്നില്‍ പുതിയൊരു വേഷത്തില്‍ എത്തുകയാണ് ദിലീപ്‌ - 'മായാമോഹിനി'യായി! ചിത്രത്തിന്‍റെ 90 ശതമാനം രംഗങ്ങളിലും ദിലീപ്‌ സ്ത്രീ വേഷത്തിലാണ്. സ്ത്രൈണതയുടെ പകര്‍ന്നാട്ടം തനിക്ക് പുത്തരിയല്ലെന്ന് 'ചാന്തുപൊട്ടി'ലൂടെ ദിലീപ്‌ തെളിയിച്ചിട്ടുണ്ട്.ജോസ് തോമസ്‌ സംവിധാനം നിര്‍വ്വഹിക്കുന്ന ചിത്രത്തിന്‍റെ തിരക്കഥ ഉദയകൃഷ്ണ - സിബി.കെ.തോമസ്‌ ടീമിന്‍റെ കയ്യില്‍ സുരക്ഷിതമാണ്. നിരവധി വിജയ ചിത്രങ്ങള്‍ അണിയിച്ചൊരുക്കിയ സിബി-ഉദയകൃഷ്ണ ടീമിന്‍റെ സ്വപ്ന സിനിമ കൂടിയാണ് ഇത്. ചില പ്രത്യേക കഥാ സാഹചര്യത്തില്‍ ദിലീപിന് 'മയാമോഹിനി' എന്ന പെണ്‍ വേഷം കെട്ടേണ്ടി വരുന്നു. 'മായാമോഹിനി'യുമായി ബിജു മേനോന്‍റെ കഥാപാത്രം പ്രണയത്തിലാകുന്നു !

Snehasagaram - സ്നേഹസാഗരം (1992)

noreply@blogger.com (Unknown) — Sat, 24 Mar 2012 00:55:00 +0530

ചിത്രം : സ്നേഹസാഗരം

വര്‍ഷം : 1992

സംവിധാനം : സത്യന്‍ അന്തിക്കാട്
നിര്‍മ്മാണം : സിയാദ് കോക്കര്‍
കഥ,തിരക്കഥ,സംഭാഷണം : ജെ പള്ളാശ്ശേരി

ഗാനരചയിതാവു്: കൈതപ്രം

സംഗീതം: ജോണ്‍സണ്‍

ആലാപനം: ജി വേണുഗോപാല്‍ , എം ജി ശ്രീകുമാര്‍ ,കെ എസ്‌ ചിത്ര , മിന്‍മിനി

അഭിനേതാക്കള്‍ : മുരളി ,മനോജ് കെ ജയൻ , ഉർവ്വശി ,സുനിത , ശങ്കരാടി ,ഇന്നസെന്റ് , ജനകരാജ് , ബോബി കൊട്ടാരക്കര

1. ഗാനം: അകലത്തകലത്തു .....
2. ഗാനം: പീലിക്കണ്ണെഴുതി ...
3. ഗാനം: തങ്കനിലാപ്പട്ടുടുത്തു ...
4. ഗാനം: തേരോട്ടം ...

( 1 )

ഗാനം: അകലത്തകലത്തു .....
ഗാനരചയിതാവു്: ജോണ്‍സണ്‍
സംഗീതം: ജോണ്‍സണ്‍
ആലാപനം: എം ജി ശ്രീകുമാര്‍ ,കെ എസ്‌ ചിത്ര

അകലത്തകലത്തൊരു മുത്തുവിമാനം നോക്കെത്താദൂരെക്കാണാം
അരികത്തരികത്തൊരു സ്വര്‍ഗ്ഗവിമാനം കൈയ്യെത്താ ദൂരെക്കാണാം
ദൂരത്തൊരു മാമലയില്‍ കാണാമൊരു കൊട്ടാരം
തൂമഞ്ഞില്‍ നീരാടും വെള്ളാരം കൊട്ടാരം
ആകാശപ്പല്ലക്കിന്മേല്‍ എത്തിക്കേറി കൊട്ടാരത്തില്‍ ചെന്നാല്‍പ്പിന്നെ
ആടമ്മാനം ആലോലമാടാം

കൊട്ടാരമുറ്റത്തു കളിച്ചുറങ്ങാനൂഞ്ഞാലക്കാറ്റുണ്ട്
അംബരം തിരിക്കാന്‍ അമ്പിളിമാമന്റെ കുഞ്ഞുങ്ങളുണ്ട്
മൂവന്തി പൂന്തോട്ടത്തിലൊരിത്തിരി മുന്തിരിവിളവുണ്ട്
കോടമഴയുണ്ട്
കട്ടിപ്പൊന്നിന്‍ കുട്ടിക്കിണ്ണം തൊട്ടാലെത്തും ദൂരത്തുണ്ട്
മാനത്തെ തമ്പ്രാന്റെ കൊട്ടാരത്തില്‍ കതിരവനുണ്ടേ

മന്ദാരത്തോണിയില്‍ ഒഴുകിയിറങ്ങാന്‍ തടാകമുണ്ടല്ലോ
ആക്കരെയിക്കരെ ഇരുട്ടുകരയില്‍ ചാമരമുണ്ടല്ലോ
കുളിരഞ്ചും കൊട്ടാരത്തിന്‍ പൂമുറ്റത്തൊരു മണ്‍കൂട്ടില്‍
സ്വര്‍ണ്ണമുയലുണ്ട്
തുമ്പിക്കൈയ്യന്‍ പോക്കിരിയുണ്ട് മുക്കുടിമുണ്ടന്‍ താറാവുണ്ട്
മാനത്തെ തമ്പ്രാട്ടി ചൊല്ലുമ്പം ചീറിപ്പായും കുതിരകളുണ്ടേ

***************************

( 2 )

ഗാനം: പീലിക്കണ്ണെഴുതി ...

ചിത്രം: സ്നേഹസാഗരം [1992]

ഗാനരചയിതാവു്: കൈതപ്രം

സംഗീതം: ജോണ്‍സണ്‍

ആലാപനം: ജി വേണുഗോപാല്‍ ,കെ എസ്‌ ചിത്ര ,കോറസ്‌

നാ... നനനനനനനന......

പീലിക്കണ്ണെഴുതി അഴകില്‍ നിന്നവളെ
ചുംബനമലരുമായ് കനവില്‍ വന്നവളേ
നിന്മൊഴിയോ കുളിരഴകോ
സ്നേഹവസന്തമാര്‍ന്ന നിന്‍ പൂമനമോ
എന്നിലിന്നൊരാര്‍ദ്രഗാനമായ്

തന്തന തന്തന തന്തനനാ....

അരികെവരൂ ഞാന്‍ കാത്തുകാത്തു നില്‍ക്കയല്ലയോ
പൊന്‍വനികള്‍ വിരിയാറായ്
പ്രാണനിലൂര്‍ന്നൊഴുകും ചന്ദ്രികയില്‍
കോമളവനമുരളീ മന്ത്രവുമായ്
കാണാപ്പൂങ്കുയില്‍ പാടുകയായ് മേലെ പൊന്മയിലാടുകയായ്
ഇതു നാമുണരും യാമം

തന്തന തന്തന തന്തനനാ.....

പാടാം ഞാന്‍ നീയേറ്റുപാടി നൃത്തമാടുമോ
മോഹലയം നുരയാറായ്
മാനസമണിവീണാ തന്ത്രികളില്‍
ദേവതരംഗിണികള്‍ ചിന്തുകയായ്
ഏതോ സ്വര്‍ഗ്ഗമൊരുങ്ങുകയായ്
എങ്ങോ മൗനം മായുകയായ്
ഇതുനാമലിയും യാമം

***************************

( 3 )

ഗാനം: തങ്കനിലാപ്പട്ടുടുത്തു ...

ചിത്രം: സ്നേഹസാഗരം [1992]

ഗാനരചയിതാവു്: കൈതപ്രം

സംഗീതം: ജോണ്‍സണ്‍

ആലാപനം: കെ എസ്‌ ചിത്ര

തങ്കനിലാപ്പട്ടുടുത്തു എന്‍ മോഹപ്പൂന്തിങ്കള്‍
ആലവട്ടം വീശിനിന്നു പൊന്‍‌മേഘക്കാവടികള്‍
ആകാശപ്പന്തലിലാകെ ആനന്ദക്കുമ്മിയോടെ
മനമാടിപ്പാടും നേരത്ത് മലയോരത്ത്
(തങ്കനിലാ)

പൂവേ പൂവെന്നു വിളി മുഴങ്ങി
പൂവാംകുഴലിക്കു നാണം തുളുമ്പി
കാണാമറയില്‍ അവളൊരുങ്ങി
അറിയാക്കരയില്‍ അവനൊരുങ്ങി
തേവാരം പാടിവന്നു കാവേരി
ചിറ്റോളം കിലുകിലുങ്ങി പുഴയോരത്ത്
(തങ്കനിലാ)

ഓരോ വാക്കിലും തേന്‍ കിനിഞ്ഞു
ഓരോ നോക്കിലും താരുലഞ്ഞു
അറിയാതെങ്ങോ തുടിമുഴങ്ങി
ശരവണപ്പൊയ്കയിലലയൊതുങ്ങി
നിറദീപം ചാര്‍ത്തിനിന്നു പൊന്‍‌പഴനി
താഴ്വാരം മഞ്ഞണിഞ്ഞു വിണ്മാടത്ത്
(തങ്കനിലാ)

***************************

( 4 )

ഗാനം: തേരോട്ടം ...

ചിത്രം: സ്നേഹസാഗരം [1992]

ഗാനരചയിതാവു്: കൈതപ്രം

സംഗീതം: ജോണ്‍സണ്‍

ആലാപനം: എം ജി ശ്രീകുമാര്‍ ,മിന്‍മിനി ,കോറസ്‌

തേരോട്ടം ശരവണതേരോട്ടം
മുരുകനു തൈപ്പൂയത്തിനു കൈലാസത്തിൽ കരകാട്ടം
കോലാട്ടം ആനന്ദതീയാട്ടം ആണ്ടവനു മൂലോകങ്ങൾ
പോരിൽ നീണ്ട കൊണ്ടാട്ടം
പൊൻ പളനി ആണ്ടനേ വേലാ വേൽമുരുകാ
കോലമയിൽ വാഹനനേ ഹരോ ഹര ഹര
(തേരോട്ടം ശരവണതേരോട്ടം ...)

മലമകൾ നന്ദനനേ ഗജമുഖസോദരനേ (2)
നേരുന്നു തിരുവടിയിൽ പാലഭിഷേകം
മലമകൾ നന്ദനനേ ഗജമുഖസോദരനേ
നേരുന്നു തിരുവടിയിൽ പാലഭിഷേകം
പന്തീരടി പൂജയുമായ് കർപ്പൂരാഴി പൊൻ മലയിൽ (2)
മുത്തുക്കുമരാ നിൻമുഖങ്ങൾ കണ്ടു തൊഴുന്നേ
കാവടിയും ശൂലവുമായ് നാദസ്വര മേളത്തൊടെ കണ്ടു തൊഴുന്നേൻ
(തേരോട്ടം ശരവണതേരോട്ടം ...)

വള്ളിത്തിരുമണമാടും ദേവസേനാപതിയേ (2)
അറുപടൈ വീടെഴുന്ന വേലായുധനേ
വള്ളിത്തിരുമണമാടും ദേവസേനാപതിയേ
അറുപടൈ വീടെഴുന്ന വേലായുധനേ
ശരവണപ്പൊയ്കയിലും ശെന്തിൽ നാദിൻ കോവിലിലും (2)
ജ്ഞാനപ്പഴമേ നിന്നെത്തേടി ഞാൻ വരുന്നു
ഗുരുഗുഹനേ വടിവീരാ തിരുവരമടിയനുമരുളണമേ
(തേരോട്ടം ശരവണതേരോട്ടം ...)

***************************

മോഹന്‍ലാലിനെ കാണാന്‍ യോദ്ധയിലെ ഉണ്ണിക്കുട്ടന്‍ വരുന്നു

noreply@blogger.com (Unknown) — Thu, 22 Mar 2012 22:49:00 +0530

തൈപ്പറമ്പില്‍ അശോകനെ വട്ടംചുറ്റിച്ച ഉണ്ണിക്കുട്ടനെ ആരും മറക്കാന്‍ വഴിയില്ല. മോഹന്‍ലാലിന്റെ ഹിറ്റ് ചിത്രമായ യോദ്ധയിലെ റിംപോച്ചയെ അവതരിപ്പിച്ച സിദ്ധാര്‍ഥ് ലാമയുടെ കാര്യമാണ് പറഞ്ഞുവരുന്നത്. ഒരു മുത്തശ്ശിക്കഥയിലെപ്പോലെ സിദാര്‍ഥിനെ കണ്ടെത്തിയ വാര്‍ത്ത മലയാളികള്‍ ഏറെ കൗതുകത്തോടെയാണ് കേട്ടത്. ഇതിന് പിന്നാലെ സിദാര്‍ഥിന്റെ വിവാഹവിശേഷവും മലയാളികള്‍ അറിഞ്ഞു.ഇപ്പോഴിതാ നീണ്ട 20വര്‍ഷത്തിനും ശേഷം ഉണ്ണിക്കുട്ടന്‍ തൈപ്പറമ്പില്‍ അശോകനെ കാണാനൊരുങ്ങുകയാണ്. ഇപ്പോള്‍ ലെനിന്‍ രാജേന്ദ്രന്‍ സംവിധാനം ചെയ്യുന്ന ഇടവപ്പാതിയില്‍ അഭിനയിക്കാനെത്തിയിരിക്കുകയാണ് സിദാര്‍ഥ്്. കേരളത്തില്‍ വച്ച് ലാലിനെ കാണാനാവുമെന്ന പ്രതീക്ഷയിലാണ് ഈ നേപ്പാളി പയ്യന്‍.. .

യോദ്ധ ചിത്രീകരിച്ച 1991ലാണ് താന്‍ അവസാനമായി മോഹന്‍ലാലിനെ കണ്ടതെന്ന് നേപ്പാള്‍ സ്‌പോര്‍ട് കൗണ്‍സിലിലെ ഉദ്യോഗസ്ഥനായ സിദാര്‍ഥ് പറയുന്നു. ഇപ്പോള്‍ ഒരുപാടുകാലമായി. സിനിമയുടെ ചിത്രീകരണത്തിന് ശേഷം അദ്ദേഹവുമായി ബന്ധപ്പെട്ടിരുന്നില്ല. എന്നാല്‍ തന്റെ പിതാവ് ലാലുമായി രണ്ടുവര്‍ഷത്തിലൊരിയ്ക്കലെങ്കിലും കത്തുകളിലൂടെ പരിചയം പുതുക്കിയിരുന്നുവെന്ന് സിദാര്‍ഥ് ഓര്‍ക്കുന്നു. കേരളത്തിലെത്തി മോഹന്‍ലാലിനെ കാണമ്പോള്‍ തന്റെ സുഖാന്വേഷണം അറിയിക്കണമെന്ന് പിതാവ് പറഞ്ഞിരുന്നു. യോദ്ധയ്ക്ക് ശേഷം ചെറിയ തോതിലെങ്കിലും സിദാര്‍ഥ് അഭിനയം തുടര്‍ന്നിരുന്നു. മൂന്ന് ഷോര്‍ട്ട് ഫിലിമുകളില്‍ ഇക്കാലത്ത് താന്‍ അഭിനയിച്ചു. ഇടവപ്പാതിയില്‍ ഇരട്ടവേഷത്തിലാണ് സിദാര്‍ഥ് പ്രത്യക്ഷപ്പെടുന്നത്.

കടപ്പാട് : oneindia.in

സംവൃത വിവാഹിതയായി , നവംബര്‍ 1ന് വീണ്ടും വിവാഹം

noreply@blogger.com (Unknown) — Mon, 19 Mar 2012 22:18:00 +0530

മലയാള സിനിമ രംഗത്ത് തിളങ്ങി നില്‍ക്കുന്ന നടികളില്‍ ഒരാളായ സംവൃത സുനില്‍ വിവാഹിതയായി. ജനുവരി 19ന്‌ കോഴിക്കോട് ആര്യസമാജത്തില്‍ വച്ചാണ്‌ സംവൃതയും അഖിലും തമ്മിലുള്ള വിവാഹം നടന്നത്. കാലിഫോര്‍ണിയയില്‍ ജോലി നോക്കുന്ന അഖില്‍ കോഴിക്കോട് ചേവരാമഠം സ്വദേശിയാണ്‌. അതീവ രഹസ്യമായിരുന്നു വിവാഹ ചടങ്ങുകള്‍. വിവാഹ ശേഷം കോഴിക്കോട് കോര്‍പ്പറേഷനിലെത്തിയ നവദമ്പതികള്‍ വിവാഹ റജിസ്ട്രേഷനും നടന്നു .
ഇപ്പോള്‍ അഭിനയിക്കുന്ന ചിത്രങ്ങള്‍ പൂര്‍ത്തിയായാല്‍ ഭര്‍ത്താവിനോടൊപ്പം വിദേശത്തേക്ക് പോകാനാണ്‌ സംവൃതയുടെ പദ്ധതിയെന്നറിയുന്നു.വിസക്ക് അപേക്ഷിക്കാനായി വിവാഹ സര്‍ട്ടിഫിക്കറ്റിന്‍റെ കോപ്പിയും ഇവര്‍ കോര്‍പ്പറേഷന്‍ ഓഫീസില്‍ നിന്നും വാങ്ങിയിട്ടുണ്ട്‌. ആരാലും ശ്രദ്ധിക്കപ്പെടാതെ ഓഫീസ് സമയം കഴിഞ്ഞ ശേഷമാണ്‌ സംവൃതയും ഭര്‍ത്താവും കോര്‍പ്പറേഷന്‍ ഓഫീസിലെത്തി നടപടിക്രമങ്ങള്‍ പൂര്‍ത്തിയാക്കിയത്‌.
ദിലീപ് നായകനായ ലാല്‍ ജോസിന്‍റെ രസികനിലൂടെ 2004ല്‍ അഭിനയ ജീവിതം ആരംഭിച്ച സംവൃത ഇതിനോടകം അമ്പതിലധികം സിനിമകളില്‍ അഭിനയിച്ചിട്ടുണ്ട്‌. ഡയമണ്ട് നെക്ലസ്, അരികെ, കിംഗ് ആന്‍ഡ് കമ്മീഷണര്‍ തുടങ്ങിയ ചിത്രങ്ങളില്‍ ശ്രദ്ധേയമായേക്കാവുന്ന റോളുകള്‍ ചെയ്യുന്നതിനിടെയായിരുന്നു വിവാഹം. ജനുവരി 19 നു ശേഷം നല്‍കിയ അഭിമുഖങ്ങളിലും വിവാഹം ഉടന്‍ ഉണ്ടാകുമെന്നാണ്‌ സംവൃത പറഞ്ഞിരുന്നത്‌. വിവാഹ കാര്യം രഹസ്യമായി വയ്ക്കാന്‍ കോര്‍പ്പറേഷന്‍ , ആര്യസമാജം അധികൃതരോട് സംവൃതയുടെയും അഖിലിന്‍റെയും വീട്ടുക്കാര്‍ അഭ്യര്‍ഥിച്ചിരുന്നതയാണ്‌ സൂചന.

ആരാധകരെയെല്ലാം ഒറ്റയടിയ്ക്ക് ഞെട്ടിച്ചിരിയ്ക്കുകയാണ് സംവൃത സുനില്‍. ആരോരുമറിയാതെ മിന്നുകെട്ടിയെന്ന് മാത്രമല്ല, രണ്ടുമാസക്കാലം ഈ വിവരം പുറത്തുപോകാതെ സൂക്ഷിയ്ക്കാനും ഈ മിടുക്കിയ്ക്ക് കഴിഞ്ഞു. ജനുവരി 19ന് കോഴിക്കോട്ടെ ആര്യസമാജത്തില്‍ വച്ചാണ് ചേവരമ്പലം സ്വദേശിയായ അഖില്‍ സംവൃതയുടെ കഴുത്തില്‍ വരണമാല്യം ചാര്‍ത്തിയത്. ഭത്താവിനൊപ്പം യുഎസിലേക്ക് പറക്കുന്നതിന്റെ മുന്നൊരുക്കങ്ങള്‍ക്ക് വേണ്ടിയാണ് സംവൃത ഈ രഹസ്യക്കല്യാണം കഴിച്ചതത്രേ. വിവാഹക്കാര്യം സംവൃതയുടെ പിതാവ് കെപി സുനിലും സ്ഥിരീകരിച്ചിട്ടുണ്ട്.
രഹസ്യക്കല്യാണവും കഴിച്ച് ആരോടും പറയാതെ രസികത്തിപ്പെണ്ണ് യുഎസിലേക്ക് മുങ്ങുമെന്നൊന്നും ആരും കരുതേണ്ട. നാടടച്ച് വിളിച്ചൊരു ഒരു ഗംഭീര വിവാഹം തന്നെ സംവൃതയുടെയും അഖിലേഷിന്റെയും വീട്ടുകാര്‍ നടത്തുന്നുണ്ട്. നവംബര്‍ ഒന്നിന് കണ്ണൂരിലെ വാസവ റിസോര്‍ട്ടില്‍ പരമ്പരാഗത രീതിയിലായിരിക്കും വിവാഹമെന്ന് സുനില്‍ പറയുന്നു. ഇതിന് ശേഷം സംവൃത യുഎസിലേക്ക് പോകുമെന്നും അദ്ദേഹം വ്യക്തമാക്കിയിട്ടുണ്ട്.വൈശാഖ് ചിത്രമായ മല്ലുസിങിന്റെ പഞ്ചാാബിലുള്ള ലൊക്കേഷനിലാണ് സംവൃത ഇപ്പോള്‍. ഇതിന് ശേഷം മെയ് അവസാനത്തോടെ പൃഥ്വിരാജിനെ നായകനാക്കി ലാല്‍ജോസ് ഒരുക്കുന്ന ചിത്രത്തിലും സംവൃത അഭിനിയിക്കും. എന്തായാലും മോളിവുഡിലെ ഒരു സുന്ദരിപ്പെണ്ണിന്റെ കല്യാണക്കാര്യം എങ്ങനെ അറിയാതെ പോയെന്ന അന്വേഷണത്തിലാണ് നാട്ടിലെ പാപ്പരാസികള്‍. പ്രശസ്തരുടെ വിവാഹങ്ങളും വിവാഹമോചനക്കഥകളും ആദ്യം മണത്തറിയുന്ന ഇക്കൂട്ടര്‍ തങ്ങള്‍ക്കെവിടെയാണ് പാളിച്ച പറ്റിയെന്ന അന്വേഷണത്തിലാണ്.

ഒരിയ്ക്കല്‍ കൂടി പിച്ചകപ്പൂങ്കാവുകള്‍ക്കുമപ്പുറം..

noreply@blogger.com (Unknown) — Mon, 19 Mar 2012 22:11:00 +0530

മലയാളി ഒരേ മനസ്സോടെ നെഞ്ചിലേറ്റി ഒരുഗാനം 22 വര്‍ഷങ്ങള്‍ക്ക് ശേഷം മടങ്ങി വരുന്നു. പ്രേക്ഷകര്‍ ആഘോഷതിമിര്‍പ്പോടെ സ്വീകരിച്ച സിനിമകളിലൊന്നായ നമ്പര്‍ 20 മദ്രാസ് മെയില്‍ ആ ഹിറ്റ് ഗാനം ഒരിയ്ക്കല്‍ കൂടി വരികയാണ്. പുതിയ രൂപഭാവങ്ങളോടെ... പിച്ചകപ്പൂങ്കാവുകള്‍ക്കുമപ്പുറം പവന്‍ അത്രയും...മലയാളിയുടെ ചുണ്ടിലിന്നും തത്തിക്കളിയ്ക്കുന്ന ഈ ഗാനം എം. ജി ശ്രീകുമാറിന്റെ സംഗീത സംവിധാനത്തിലാണ് വീണ്ടും ജീവന്‍ വെയ്ക്കുന്നത്. എംജി തന്നെയാണ് ഗാനം പാടുന്നതും.

സജി സുരേന്ദ്രന്‍- കൃഷ്ണപൂജപ്പുര ടീം ഒരുക്കുന്ന ഹസ്ബന്‍ഡ്‌സ് ഇന്‍ ഗോവയിലൂടെയാണ്് ഈ അടിപൊളി ഗാനം വീണ്ടും പ്രേക്ഷകരെ തേടിയെത്തുന്നത്. ഇതുള്‍പ്പെടെ മൂന്ന് ഗാനങ്ങളാണ് ചിത്രത്തിലുള്ളത്. മോഹന്‍ലാലും മമ്മൂട്ടിയും സുചിത്രയും ജഗദീഷും മണിയന്‍ പിള്ളയുമൊക്കെ തകര്‍ത്തഭിനയിച്ച ഗാനത്തിന് ഇന്നും പുതുമ നഷ്ടപ്പെട്ടിട്ടില്ല. ഷിബു ചക്രവര്‍ത്തിയുടെ വരികള്‍ക്ക് ഔസേപ്പച്ചനാണ് അന്ന് ഈണം പകര്‍ന്നത്. ജോഷിയുടെ സൂപ്പര്‍ഹിറ്റ് ചിത്രങ്ങളില്‍ ഒന്നു കൂടിയാണ് നമ്പര്‍ 20 മദ്രാസ് മെയില്‍. ഒറിജനല്‍ ഗാനത്തോട് നീതി പുലര്‍ത്തിക്കൊണ്ടാണ് എംജി ശ്രീകുമാര്‍ ഗാനം റീമേക്ക് ചെയ്തിരിയ്ക്കുന്നത്. ശ്രീകുമാറിനൊപ്പം കോറസ് ഗായകരും അന്ന് ഈ ഗാനത്തില്‍ പാടിയിരുന്നു.

രഞ്ജിത് മോഹന്‍ലാല്‍ ടീം വീണ്ടും 'സ്‌പിരിറ്റി'ന് തുടക്കമായി

noreply@blogger.com (Unknown) — Mon, 19 Mar 2012 21:40:00 +0530

രഞ്ജിത് എന്ന സംവിധായകന്റെ കൈപ്പടത്തോട് വീണ്ടും മോഹന്‍ലാല്‍ എന്ന നടന്‍ ചേര്‍ന്നുനില്‍ക്കുന്നു. മലയാളം കാത്തിരുന്ന കൂടിച്ചേരല്‍. ടീംസ്പിരിറ്റിന്റെ പഴയകാലം വീണ്ടെടുത്ത് രണ്ടുപ്രതിഭകള്‍ പുതിയ സിനിമയ്ക്കായി ഒന്നിക്കുകയാണ്.വര്‍ഷങ്ങളുടെ ഇടവേഴയ്ക്കുശേഷം മോഹന്‍ലാല്‍-രഞ്ജിത്ത് ടീം വരുന്നത് 'സ്പിരിറ്റു'മായാണ്. ആല്‍ക്കഹോളിന്റെ അടിയൊഴുക്കുകള്‍ തേടുന്ന സിനിമയ്ക്ക് വ്യാഴാഴ്ച തുടക്കമായി. കാക്കനാട് മേത്തര്‍വില്ലയില്‍ നടന്ന ചടങ്ങില്‍ പൃഥ്വിരാജ് സ്വിച്ച് ഓണ്‍നിര്‍വ്വഹിച്ചു. മാതൃഭൂമി സീനിയര്‍ പബ്ലിക്ക് റിലേഷന്‍സ് മാനേജര്‍ കെ.ആര്‍.പ്രമോദ് ആദ്യ ക്ലാപ്പടിച്ചു. സംവിധായകരായ പത്മകുമാര്‍,ദീപന്‍,ബിപിന്‍പ്രഭാകര്‍,നടന്മാരായ നന്ദു,അനില്‍മുരളി ഹെഡ്ജ് ഇക്വിറ്റീസ് എം.ഡി.അലക്‌സ് കെ ബാബു,ബേബി മറൈന്‍ സി.ഇ.ഒ ജേക്കബ്ബ് കെ.ബാബു തുടങ്ങിയവര്‍ പങ്കെടുത്തു. കമ്പ്യൂട്ടറിനുമുന്നിലിരിക്കുന്ന മോഹന്‍ലാലിന്റെ രംഗമാണ് രഞ്ജിത് ആദ്യം ചിത്രീകരിച്ചത്. രഘുനന്ദന്‍ എന്നാണ് ലാലിന്റെ കഥാപാത്രത്തിന്റെ പേര്. കനിഹയാണ് നായിക. തിരക്കഥാകൃത്തും സംവിധായകനുമായ ശങ്കര്‍ രാമകൃഷ്ണന്‍ മറ്റൊരു പ്രധാനകഥാപാത്രത്തെ അവതരിപ്പിക്കുന്നു. മധു,തിലകന്‍,ലെന,കല്‍പ്പന തുടങ്ങിയവരാണ് മറ്റ് താരങ്ങള്‍. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മിക്കുന്ന 'സ്പിരിറ്റി'ന്റെ പ്രധാനലൊക്കേഷന്‍ കൊച്ചിയാണ്. ഛായാഗ്രാഹണം: വേണു. റഫീക്ക് അഹമ്മദിന്റെ ഗാനങ്ങള്‍ക്ക് ഷഹബാസ് അമന്‍ ഈണം പകരുന്നു. യേശുദാസും വിജയ് യേശുദാസും ഗായത്രിയുമാണ് ഗായകര്‍.