Mara Yetu

VIONGOZI WA TAASISI, NA WAHALMASHAURI ZOTE MBILI WATETA NA MKUU WA WILAYA.

2025-03-26T11:13:00.000-07:00

Mkuu wa Wilaya ya Bunda Mh. Aswege Enock Kaminyoge siku ya tarehe 25/3/2025 amefanya kikao kazi na viongozi wa Halmashauri zote mbili pamoja na wa taasisi za serikali zilizopo katika Wilaya ya Bunda.

Mh.Kaminyoge alisema lengo kuu la kikao hiki ni kujitambulisha kwenu nikiwa ndiye Mkuu wa Wilaya hii baada ya mabadiliko yaliyofanywa na Mh. Rais siku chache zilizopita, na pia kuwatambua nyie viongozi wote mliopo mahali hapa, pamoja na kuomba ushirikiano wenu ili tuweze kufanya kazi kwa pamoja na ushirikiano katika kuhakikisha tunawaletea wananchi wa Wilaya hii maendeleo na kuhakikisha wanaishi kwa amani, furaha na usalama.

Katika kikao hicho viongozi kutoka ngazi ya vijiji, kata na mitaa wote walihudhuria, ambapo walimshukuru Mkuu wa Wilaya kwa kuwaalika katika kikao hicho na kumuahidi kumpa ushirikiano wote katika kuhakikisha wanawaletea maendeleo wananchi wa Bunda katika katika sekta zote za elimu, Afya, maji, nishati na miundombinu iliyobora na mizuri katika kuhakikisha wanaleta na kukuza maendeleo ya wanaBunda.

Mh. Kaminyoge aliweza kusikiliza kero na changamoto ambazo viongozi hao wamekuwa wakizipitia katika utendaji wao wa kazi, ambapo kupitia wakuu wa idara na vitengo waliweza kuzitatua na kuwafafanulia kulingana na Sheria kanuni na taratibu za kazi.

Mkuu wa Wilaya aliwaomba viongozi hao kuhakikisha wanashirikiana kwa pamoja na kuhakikisha Kila mtu anatimiza majukumu yake ya KAZI kwa kufuata kanuni, taratibu na Sheria za kazi, na pale wanapohitaji kuonana nae milango ya ofisi yake IPO wazi na Kila mtu anaruhusiwa kuja kuongea nae pale anapohitaji ufafanuzi au ushirikishwaji wake kama Mkuu wa Wilaya.

Aidha, Mh. Kaminyoge aliwaagiza Wakurugenzi wa Halmashauri, wakuu wa idara na vitengo kuhakikisha wanaandaa miradi ambayo itatembelewa na mwenge wa uhuru, 2025 wakishirikiana na taasisi katika kuhakikisha maandalizi ya mapokezi ya mwenge yanaanza mapema kwa kubainisha miradi yote na njia

KUTOKA BUNDA: WENYEVITI WA VIJIJI NA MTAA MARUFUKU KUMILIKI MUHURI.

2025-03-26T00:00:00.000-07:00

Katika kikao cha mkutano wa Halmashauri kuu ya Chama cha mapinduzi (CCM), Wilaya ya Bunda kilichofanyika siku ya tarehe 20/3/2025 katika ukumbi wa Malaika, Mkuu wa Wilaya ya Bunda Mh. Aswege Enock Kaminyoge alisoma waraka wenye muongozo unaokataza wenyeviti wa vijiji na mitaa kumiliki muhuri.

Lengo la kusoma waraka huo ni baada ya wenyeviti wa vijiji na mitaa kuomba kumiliki muhuri hiyo kama kitendea kazi chao, kitu ambacho Mkuu wa Wilaya ilibidi kusoma waraka huo ambao umeelezea na kutolea ufafanuzi kwanini hawapaswi kuwa nao na vifaa ambavyo wanatakiwa kuwa navyo kama sehemu ya vitendea kazi.

Mh.Kaminyoge alisema wajibu wa mwenyekiti wa MTAA na Kijiji ni kusimamia, kuhamasisha, kufuatilia, kuongoza, kuwasilisha, kushirikisha, kusuluhisha, kuhifadhi na kudumisha amani katika MTAA au kijiji anachoongoza.

Muongozo wa Katibu Mkuu Ofisi ya Rais Tawala za mikoa na serikali mitaa wenye kumb. Na. CCB.126/215/01 wa tarehe 30/11/2016 unaelezea matumizi ya mihuri kwa wenyeviti wa mitaa na vijiji kwamba wanatakiwa kuacha mara Moja kutumia mihuri katika majukumu ya kiutendaji na badala yake uwekaji au ugongaji wa mihuri ufanywe na maafisa watendaji wa eneo husika.

Pale ambapo MTAA au kijiji hakuna Mtendaji wa MTAA au kijiji, mwenyekiti wa MTAA au kijiji amtambulishe Mwananchi mwenye kuhitaji huduma ya kugongewa muhuri kwa Mtendaji wa kata ili aweze kugongewa muhuri wa kata.

Hivyo basi, kwa mujibu wa taratibu za kazi za mwenyekiti wa MTAA na Kijiji aliyechaguliwa na wananchi anatakiwa kuwa au kumiliki vifaa vifuatavyo ambavyo ni bendera yenye nembo ya Halmashauri, rejista ya wakazi wa MTAA au kijiji na daftari la mihtasari ya vikao vya MTAA au kijiji.

Mh. Kaminyoge aliwaagiza Wakurugenzi watendaji wa Halmashauri kuhakikisha wanasimamia utekelezaji wa maelekezo haya ili kuweza kuepusha migogoro isiyokuwa ya lazima katika mitaa na vijiji.

" Watendaji wa mitaa na vijiji watakaobainika kutumia mihuri vibaya na kuendeleza migogoro hususani ya ardhi watachukuliwa hatua Kali za kisheria." Alisema Mkuu wa Wilaya.

ASANTENI NA KWAHERINI HALMASHAURI YA WILAYA YA BUNDA

2024-08-03T11:30:00.000-07:00

Kiongozi wa Mbio za Mwenge wa uhuru, 2024 ndugu Godfrey Eliakimu Mnzava siku ya tarehe 3/8/2024 aliwashukuru Halmashauri ya Wilaya ya Bunda kwa mapokezi mazuri waliyoyapata.

Ndugu Mnzava alikiri kupokea taarifa kutoka kwa Mkuu wa Wilaya ya Bunda Mh Dkt Vicent Anney kuhusiana na mkesha wa Mbio za Mwenge, na shughuli zote zilizofanyika wakati wa mkesha.

Pia, alishauri wananchi wa Halmashauri ya Wilaya ya Bunda kuhakikisha wanapima afya zao mara kwa mara na kuwa na mazoea ya kufanya mazoezi kwa ajili ya kulinda afya zao.

TUNZA MAZINGIRA NA SHIRIKI UCHAGUZI WA SERIKALI ZA MITAA KWA TAIFA ENDELEVU.

MAPOKEZI YA MWENGE WA UHURU KATIKA HALMASHAURI YA WILAYA YA BUNDA

2024-08-02T12:30:00.001-07:00

Mkuu wa Wilaya ya Bunda Mh Dkt Vicent Anney siku ya tarehe 2/8/2024 akipokea Mwenge wa uhuru katika viwanja vya shule ya msingi Nyamuswa B, kutoka kwa Mkuu wa Wilaya ya Butiama, Mh. Moses Kaigele.

Mh Dkt Anney amesema Mwenge wa uhuru utakimbizwa km 109 na utatembelea, kukagua na kuzindua miradi nane ya maendeleo iliyopo katika Halmashauri ya Wilaya ya Bunda, yenye thamani ya Tshs bilioni 2,312,165,470.

MWENGE WA UHURU, 2024 WAZINDUA MIRADI YA MAENDELEO KATIKA HALAMASHAURI YA WILAYA YA BUNDA

2024-08-02T12:30:00.000-07:00

Mwenge wa uhuru, 2024 umezindua miradi minne ya maendeleo katika Halmashauri ya Wilaya ya Bunda, siku ya tarehe 2/8/2024.

Kiongozi wa Mbio za Mwenge wa uhuru Ndugu Godfrey Eliakimu Mnzava amezindua mradi wa huduma za jamii, ambayo ni nyumba ya kulala wageni yenye thamani ya Tshs million 230 iliyopo Nyamuswa.

Pia, alizindua nyumba ya watumishi (3in1), iliyopo Kata ya Hunyari katika kituo cha Afya Hunyari na shule ya Sekondari ya Mariwanda, na mradi wa maji Sanzante.

Ndugu Mnzava alisisitiza wananchi wa Halmashauri ya Wilaya ya Bunda kuhakikisha wanashiriki Uchaguzi wa Serikali za Mitaa kwa kuhakikisha wanaenda kupiga kura ili waweze kuchangua viongozi Bora, na aliwasisistiza kuhakikisha wanatunza mazingira kwa kuhakikisha kila kaya inapanda Miti mitano.

Mbio za Mwenge wa uhuru katika Halmashauri ya Wilaya ya Bunda, imetembelea, kukagua na kuzindua miradi ya maendeleo.

MOTISHA YATOLEWA KWA WAKUU WA SHULE ZA SEKONDARI, KATIKA HALMASHAURI YA WILAYA YA BUNDA

2024-07-23T12:53:00.000-07:00

Mkuu wa Wilaya ya Bunda Mh Dkt Vicent Anney ametoa ngao za motisha kwa Wakuu wa shule za Sekondari zilizopo katika Halmashauri ya Wilaya ya Bunda, ikiwa ni utekelezaji wa agizo la Mh. Mkuu wa Mkoa wa Mara, Kanali Evans Alfred Mtambi

Mhe. Mtambi alizitaka shule ambazo zimefanya vizuri kwenye matokeo ya kidato cha Nne mwaka 2023 kuhakikisha wanapewa ngao yenye kuwaongezea motisha zaidi ili waweze kuongeza juhudi katika ufundishaji wa watoto shuleni, na kwa zile shule ambazo hazikufanya vizuri pia, wakuu wa shule wapewe vinyago ambavyo wataviweka katika ofisi zao ili kuongeza motisha ya ufundishaji katika shule.

Kupitia hafla hiyo iliyofanyika tarehe 15 July 2024 ukumbi wa halmashauri ya mji wa Bunda, Mkuu wa Wilaya ya Bunda aliikabidhi shule ya sekondari Ikizu ngao ya ushindi na kutoa kinyago kwa sekondari Hunyari kwa kuburuza mkia kwa shule za halmashauri ya wilaya.

Akikabidhi tuzo hizo, Mhe. Anney alimshukuru Mh Mkuu wa mkoa wa Mara kwa kuwa na upendo kwa Walimu na kupendekeza wazo hilo litakalosaidia kuinua kiwango cha ufaulu

"Hii ilikuwa ni ajenda yangu ya kwanza tangu nilipofika katika Wilaya hii ya Bunda, Elimu ni fursa, Elimu ni chombo cha ukombozi na Elimu inamfanya mtu kuishi na kwenda eneo lolote Duniani, leo hii tupo hapa kwa ajili ya kutoa motisha chanya kwa shule zilizofanya vizuri kwa kutoa ngao ya pongezi na shule zilizofanya vibaya pia tutawapa kinyago ili kuongeza motisha zaidi katika ufundishaji wa watoto shuleni." Alisema

Kwa upande wake Mkurugenzi Mtendaji wa Halmashauri ya Wilaya ya Bunda, Ndugu George S Mbilinyi alisema Halmashauri ya Wilaya ya Bunda inajumla ya shule za Sekondari 26, mbili zikiwa ni za binafsi na 24 za serikali.

" Tunampongeza Mhe. Mkuu wa Wilaya kwa kuweza kutimiza agizo la Mkuu wa Mkoa wa Mara la kuwataka tuwapatie motisha hizi wakuu wa shule za sekondari kwa waliofanya vizuri na waliofanya vibaya katika matokeo ya kidato cha Nne 2023". Alisema Mbilinyi

Naye Kaimu Afisa Elimu Sekondari Bi. Nambua Semlugu amesema "tunatakiwa tusimamie vizuri suala la lishe na utoro shuleni, hii itapunguza idadi ya wanafunzi shuleni kufeli na itaongeza umakini zaidi darasani.

" Binafsi tukio hili linatarajia kuleta matokeo mazuri katika shule zetu, kwa niaba ya Walimu tunaahidi kuwajibika kwa kuhakikisha tunaongeza juhudi zaidi, ombi langu ni kwamba, vinyago vinavyoletwa katika shule zilizofanya vibaya, visiwe vya Wakuu wa shule pekee ama shule pekee bali, viwe vya jamii nzima." Alisema Majura.

RC MTAMBI, WANAHABARI NA WADAU WA MAENDELEO WALIVYOBEBA MDAHALO WA MARA BORA KWA UWEKEZAJI NA KUISHI

2024-07-06T13:13:00.000-07:00

Mkuu wa Mkoa wa Mara, Kanali Evans Alfred Mtambi (katikati) akizungumza katika Mdahalo wa Mara Bora kwa Uwekezaji na Kuishi, mjini Musoma. Wanaomsikiliza kwa makini ni Mwenyekiti wa MRPC, Mugini Jacob (wa pili kushoto), Katibu wa MRPC, Pendo Mwakyembe (kushoto), Katibu wa CCM Mkoa wa Mara, Mjanakheri Ibrahim (kulia) na Kaimu Katibu Tawala wa Mkoa huo sehemu ya Viwanda na Biashara, Gambaless Timotheo (wa pili kulia).

------------------------------------------------------

Na Christopher Gamaina, Musoma

----------------------------------------------

Mkuu wa Mkoa (RC) wa Mara, Kanali Evans Alfred Mtambi, waandishi wa habari na wadau mbalimbali wa maendeleo wamejadili fursa za uwekezaji zilizopo mkoani humo na kutaka msukumo wa kuzitangaza uongezwe ili zifahamike kwa watu wengi ndani na nje ya Tanzania.

Hatua hiyo ilifikiwa katika Mdahalo wa Mara Bora kwa Uwekezaji na Kuishi, ulioandaliwa na Klabu ya Waandishi wa Habari Mkoa wa Mara (MRPC), na kufanyika kwenye Hoteli ya MK mjini Musoma jana

Fursa za uwekezaji zilizopo mkoani Mara zilizotajwa na kujadiliwa katika mdahalo huo uliofana kwa aina yake, ni pamoja na ufugaji, uvuvi, uchimbaji madini, utalii na kilimo cha mazao ya biashara na chakula.

Sehemu ya waandishi wa habari walioshiriki mdahalo huo.

--------------------------------------------------

Katika hotuba yake, mgeni rasmi RC Mtambi alisema mkoa wa Mara una utajiri wa maliasili na rasilimali nyingi, lakini hazijatangazwa ipasavyo ili kuwashawishi watu wengi kujitokeza kuwekeza kwenye biashara zinazohusiana nazo.

Maliasili na rasilimali hizo ni pamoja na Hifadhi ya Taifa Serengeti, Ziwa Victoria, madini aina ya dhahabu, mifugo na ardhi kubwa inayofaa kwa kilimo cha mazao ya chakula na biashara - kama vile mahindi, ndizi, kahawa, pamba, alizeti na viazi vitamu.

“Lakini pia, tuna miradi mikubwa iliyojengwa na inayoendelea kutekelezwa na serikali; tuna Uwanja wa Ndege Musoma, Hospitali ya Rufaa Kwangwa, Chuo Kikuu cha Mwalimu Nyerere kule Butiama, na barabara zinaendelea kuboreshwa katika mkoa mzima.

“Neema hii tuliyo nayo katika mkoa wa Mara haijatangazwa vizuri. Ninawaomba waandishi wa habari mtumie kalamu zenu kutangaza fursa hizi kwa maendeleo ya mkoa wetu na Taifa kwa ujumla,” alisema RC Mtambi.

Kiongozi huyo wa mkoa alitumia nafasi hiyo pia kuipongeza MRPC kwa kuandaa mdahalo huo na kuanzisha mpango wa tuzo za kila mwaka kwa waandishi wa habari wa mkoani Mara watakaokuwa wanafanya vizuri.

Waandishi wa habari wakifuatilia mada katika mdahalo huo.

-----------------------------------------------

Awali, Mwenyekiti wa MRPC, Mugini Jacob alimshukuru RC Mtambi kwa kukubali kuwa mgeni rasmi, pamoja na wadau wa maendeleo walioitikia wito wa kushiriki mdahalo huo.

Tuzo kwa waandishi

Kuhusu tuzo kwa waandishi wa habari - zitakazojulikana kwa jina la Mara Quality Journalism Awards, Jacob alisema zitaanza kutolewa Desemba mwaka huu na kwamba washindi watazawadiwa vyeti na fedha taslimu.

“Tuzo hizi zitakuwa sehemu ya juhudi za kuhamasisha uandishi bora (promoting quality journalism), ambao pia unachangia kuufanya mkoa wa Mara kuwa sehemu bora kwa uwekezaji na kuishi.

Alitaja makundi ya habari zitakazohusika katika tuzo hizo kuwa ni kilimo, ufugaji, madini, utalii, ujenzi na miundombinu, uhifadhi wa wanyamapori, maji, uvuvi endelevelu (sustainable fishing) na makundi maalum ya jamii.

“Tunaamini uandishi bora, yaani quality journalism katika maeneo hayo utasaidia kuunga mkono juhudi za Serikali ya Awamu ya Sita inayoongoza na Rais Dkt Samia Suluhu Hassan katika kuharakisha maendeleo ya mkoa wa Mara na Taifa letu la Tanzania kwa ujumla,” alisema Jacob.

Katika hatua nyingine, Mwenyekiti huyo wa MRPC (kushoto) alimkabidhi RC Mtambi zawadi ya kumkaribisha mkoani Mara, yenye picha yake na fursa za uwekezaji zinazopatikana mkoani humo, iliyoandaliwa na klabu hiyo.

Mbali na waandishi wa habari, baadhi ya wadau wa maendeleo wa mkoani Mara walioshiriki katika mdahalo huo ni kutoka Mgodi wa Barrick North Mara, Grumeti Reserves/ Grumeti Fund, HAIPPA PLC, Nyihita Sunflower, CCM, TANROADS, TCCIA, WAMACU, Kampuni ya Swala na Benki ya Azania, miongoni mwa wengine.

Mkuu wa Mkoa wa Mara, Kanali Evans Alfred Mtambi, viongozi wa MRPC na wadau mbalimbali wa maendeleo (wa nne kulia mbele) akiwa katika picha ya pamoja mara baada ya kuhitimisha mdahalo huo. (Picha zote na Mara Online News)

WANAMABADILIKO WASAIDIA KUPUNGUZA UKATILI WA KIJINSIA WILAYANI TARIME

2018-04-01T22:13:00.000-07:00

"Shemeji zangu walikuwa sita walinipiga sana kwa kweli kwa sababu ya kutaka kumiliki Mali za Mume wangu ambaye ni Marehemu" , ni mmoja ya wanawake wa Tarime akisimlia kwa masikitiko kutokana na ukatili alioupata baada ya kufiwa na mumewe, ambapo ndugu wa mume alilazimisha kumrithi yeye na mali za mumewe. Mila kama hizi zinazomkandamiza mwanamke zinapaswa kusitishwa

"Tumekubali kabisa watoto wetu wa kike wasiendelee kukeketwa ,lakini bado jamii zetu hazituelewi tunaendelea kuwaelimisha ili nao wabadilike."- Mzee wa Kimila (Aliyesimama). Bado kuna kazi kubwa ya kumaliza swala la ukeketaji lakini kupitia elimu mbalimbali na mafunzo yanayotelewa kuhusu maswala ya ukeketaji juu ya hasara na madhara yake inaendelea kupunguza idadi ya wanaokeketwa.

"Kwa Tarime mwanamke kupigwa na kuvuliwa nguo hadhalani ilikuwa ni kitendo cha kawaida tu" - Sara Boniface (aliyesimama) , alielezea kwa kina kuhusu ukatili wa kupigwa ambapo aliongeza kwamba kwa sasa ukatili huo umepungua kutokana na elimu wanayoipata wanajamii juu ya ukatili wa kijinsia.

Mmoja wa wazee wa Kimira kutoka Tarime(aliyesimama) akieleza juu ya ukeketaji na kudai kuwa mwanamke aliyekeketwa anakuwa na thamani kubwa kama ilivyo kwa mwanamke mweupe kwa wasukuma, hii ni moja ya sababu zinazosababisha ukeketaji uendelee. Ikiwa elimu itaendelea kutolewa ukeketaji huu utapungua kwa kiasi kikubwa.

"Ukatili wa ukeketaji ulikuwa unafanyika hadharani kweupe, wazazi walikuwa wanalazimisha mabinti zao kukeketwa ili wapate mahali nyingi zaidi, ambapo fedha hizo ziwasaidie katika kupata kipato zaidi" - Nyakerandi Mariba. Swala hili limepungua sana kutokana na juhudi za wanamabadiliko kuendelea kutoa elimu juu ya ukatili wa kijinsia.

"Maswala ya ukatili wa kijinsia yanaleta madhara makubwa katika jamii zetu,hasa kwa mabinti na akina mama"-Lucy Matemba Afisa maendeleo ya jamii Tarime

Meneja wa kampeni ya Tunaweza Bi. Eunice Mayengela akiendelea kutoa Muongozo wa majadiliano

Wanamabadiliko wakiendelea kufuatilia mjadala

"Kila wiki tunapokea kesi zaidi ya kumi (10) zanazoripotiwa Tarime zikihusu kipigo,ubakaji, ulawiti na wanawake kutishiwa kuuwa,kupigwa sana kisha kubakwa kwa lazima ama kulawitiwa"- Dawati la Jinsia . Licha ya kesi hizo kuwa nyingi lakini elimu inayoendelea kutolewa na kampeni ya tunaweza imesaidia sana kupunguza ukatili wa kijinsia.

Wazee wa Kimila kutoka Tarime wakiteta jambo wakati wa mjadala

Wanamabadiliko wakiwa katika picha ya pamoja.

Picha na Fredy Njeje

ALIYEMNAJISI MTOTO WAKE HADI KIFO, APEWA SHTAKA LA MAUAJI

2018-03-27T00:06:00.001-07:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Mtoto Mase Denis kutoka Kabwana wilayani Rorya mkoani Mara aliyedaiwa kunajisiwa na baba yake wa kufikia Machi 3, mwaka huu alifariki dunia wakati akiwa njiani kwenda kutibiwa katika Hospitali ya Rufani Bugando jijini Mwanza juzi.

Kamanda wa Mkoa wa Kipolisi wa Tarime-Rorya, Henry Mwaibambe aliwaambia waandishi wa habari kuwa awali mtuhumiwa Denis Ondigo alishitakiwa kwa kunajisi lakini kutokana na kifo hicho amebadilishiwa kuwa shtaka la mauaji.

Mtuhumiwa anadaiwa kutenda kosa hilo majira ya saa 6 mchana wa Machi 3 akiwa nyumbani kwake Kabwana baada ya mama wa mtoto kuwa amekwenda dukani kununua mahitaji ya nyumbani.

Kamanda huyo alisema Ondigo (26) mkazi wa Kabwana alifikishwa Mahakama ya Wilaya Tarime mkoani Mara kwa mara ya kwanza Machi 13.

FASTJET YAWEZESHA MADAKTARI KUSAFIRI KUTOA HUDUMA YA AFYA YA KINYWA NA MENO BURE KWA WANANCHI WILAYANI TARIME

2018-03-19T05:27:00.000-07:00

Baadhi ya Madaktari watoa huduma ya meno na kimywa pamoja na watumishi wa Fastjet wakiwa wamewasili jijini Mwanza wakitokea Dar es salaam.

Madaktari kutoka chama cha madaktari wa kinywa na meno Tanzania wakiwa wilayani tarime mkoa wa mara kuendelea kutoa elimu ya kinywa na meno ikiwa ni sehemu ya maadhimisho ya wiki ya afya ya kinywa na meno Duniani, ambapo walikuwa wanatoa huduma za uchunguzi,matibabu na elimu kwa wakazi wa wilaya hiyo ikiwa ni pamoja na kuwafikia wanafunzi na watoto yatima.

Msemaji wa Fastjet Tanzania Bi. Lucy Mbogoro akiwapatia wanafunzi dawa za mswaki pamoja na miswaki kwa ajili ya kuendelea kuweka meno yao safi pamoja na vinywa vyao.

Mmoja wa madakrtari wa meno na kinywa akiendelea kutoa elimu kwa wanafunzi.

Mh. Mariam Mkono, Diwani wa Viti Maalum akizungumza na madaktari wa kinywa na meno kijijini Nyamwaga.

Debora Magasi, Muuguzi Mkuu wa hospitali ya Halmashauri ya Wilaya akizungumza na madaktari wa kinywa na meno kijijini Nyamwaga

Mganga Mkuu wa Kinywa na Meno wa Mkoawa Mara, Dkt Nila Jackson, alisema kati ya Machi 13 hadi 16 mwaka huu madaktari hao walifikia jumla ya wananchi 710 katika kijiji cha Nyamwaga wakiwemo wanafunzi 510 kutoka shule za msingi saba kijijini humo.

Raiswa Chama cha Madaktari wa Kinywa na Meno Tanzania Dkt. Ambege Jack Mwakatobe, alitoa wito kwa madaktari wa mikoa kuendelea kutoa elimu kwa wananchi angalau mara mbili kwa mwezi ili kuwaongezea ufahamu na uelewa wananchi juu yausafi wa kinywa.

***********

SHIRIKA la Ndege la Fastjet limewezesha Madaktari wa kinywa na meno kusafiri kwenda kutoa huduma ya afya ya kinywa na meno bure kwa wananchi wa wilaya ni Tarime mkoani Mara.

Madaktari kutokachama cha madaktari wa kinywa na meno Tanzania wameanza ziara ya kujitolea katika wilaya ya Tarime mkoani mara ikiwa ni sehemu ya maadhimisho ya wiki ya afya ya kinywa na meno duniani ambapo watatoa huduma zauchunguzi, matibabu na elimu kwa wakazi wa wilaya hiyo ikiwa ni pamoja na kuwafikia wanafunzi na watoto yatima.

Akizungumza hivi karibuni wilayani Tarime, Daktari wa Meno wa Wilaya ya Ngara mkoani Kagera, Dk. David Mapunda, alisema ziara hiyo itawapatia fursa madaktari hao kufanya uchunguzi wa kinywa pamoja na kutoa huduma za matibabu pamoja na elimu kwa wakazi wa wilaya hiyo.

Alisema miongoni mwa magonjwa yanayosumbua katika kinywa ni pamoja nakuoza kwa meno na ugonjwa wa fizi ambayo yanasababishwa na uchafu unaotokana na kutokupiga mswaki, kukosea kupiga mswaki au kutumia mswakiusio faa.

Alisema ili wananchi waepukane na magonjwa hayo ya meno wanapaswa kupiga mswaki angalau mara mbili kwa siku na kujenga utaratibu wa kuangalia afya ya kinywa na meno mara kwa mara.

Kwa upande wake Mganga Mkuu wa Kinywa na Meno wa Mkoawa Mara, Dkt Nila Jackson, alisema kati ya Machi13 hadi 16 mwaka huu madaktari hao walifikia jumla ya wananchi 710 katika kijiji cha Nyamwaga wakiwemo wanafunzi 510 kutoka shule zamsingi saba kijijini humo.

"Kati ya tarehe hizo Madaktari hao walitoa uchunguzi, matibabu na elimu ya afya ya kinywa na meno na kati ya tarehe 17 hadi 20 watakuwa katika wilaya ya Tarime na Rorya kuendelea na zoezi hilo," aliongeza Dk.Jackson

Naye Raiswa Chama cha Madaktari wa Kinywa na Meno Tanzania (Tanzania Dental Association), Dkt. Ambege Jack Mwakatobe, alitaja kauli mbiu ya mwaka huu ya siku ya kinywa na meno Duniani inayosema “Sema ah, fikiri akinywa, fikiria afya” ambayo inalenga kuwahamasisha wananchi kuzingatia afya ya kinywa na meno ilikujikinga na magonjwa yanayohusiana na ugonjwa wa meno ikiwemo magonjwa yakisukari na mengine.

Aidha alitoa wito kwa madaktari wa mikoa kuendelea kutoa elimu kwa wananchi angalau mara mbili kwa mwezi ili kuwaongezea ufahamu na uelewa wananchi juu ya usafi wa kinywa.

Akizungumza kutoka kijiji cha Nyamwaga, Msemaji wafastjet nchini, Lucy Mbogoro, alisema shirika la fastjet linafuraha kuwa sehemu ya shughuli hii inayofanywa na madaktari hawa wazalendo.

"Shirika la fastjet limewawezesha madaktari hawa kusafirikutoka Dar es salaam hadi Mwanza na kurudi ikiwa ni sehemu yampango wake wakurudisha shukrani kwajamii," alisema.

PROF. MBARAWA ATOA MIEZI 9 KWA MKANDARASI NYAZA ROADS WORKS

2018-02-16T02:16:00.001-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Waziri wa Ujenzi, Uchukuzi na Mawasiliano Profesa Makame Mbarawa, akizungumza na wakazi wa kijiji cha Kisorya, wilaya ya Bunda alipokutana nao baada ya kukagua ujenzi wa barabara ya Bulamba-Kisorya yenye urefu wa KM 51 inayojengwa kwa kiwango cha lami, wilayani humo, mkoani Mara.

Mkuu wa Mkoa wa Mara, Adam Malima, akisisitiza jambo kwa Waziri wa Ujenzi, Uchukuzi na Mawasiliano Profesa Makame Mbarawa, katika ziara ya ukaguzi wa ujenzi wa barabara ya Bulamba-Kisorya yenye urefu wa KM 51 inayojengwa kwa kiwango cha lami, wilayani Bunda, mkoani Mara.

Naibu Waziri wa Nchi Ofisi ya Makamu wa Rais Muungano na Mazingira, Kangi Lugola, ambaye pia ni Mbunge wa jimbo la Mwibara, akiteta jambo na Waziri wa Ujenzi, Uchukuzi na Mawasiliano Profesa Makame Mbarawa, wakati wa ukaguzi wa barabara ya Bulamba-Kisorya yenye urefu wa KM 51 inayojengwa kwa kiwango cha lami, wilayani Bunda, mkoani Mara.

Muonekano wa sehemu ya barabara ya Bulamba-Kisorya yenye urefu wa KM 51 inayojengwa kwa kiwango cha lami, wilayani Bunda, mkoani Mara.

Muonekano wa sehemu ya barabara ya Makutano-Sanzate yenye urefu wa KM 50 inayojengwa kwa kiwango cha lami ambapo ujenzi wake umefikia asilimia 54. Barabara hiyo inajengwa na wakandarasi wazawa M/S Mbutu JV.

…………………

Waziri wa Ujenzi, Uchukuzi na Mawasiliano Profesa Makame Mbarawa amemtaka mkandarasi Nyanza Road Works kukamilisha ujenzi wa barabara ya Bulamba-Kisorya yenye urefu wa KM 51 kwa kiwango cha lami ifikapo mwezi Novemba mwaka huu.

Prof. Mbarawa ametoa kauli hiyo wakati akikagua ujenzi wa barabara hiyo na kuzungumza na wananchi wa kijiji cha Kisorya na kusema kuwa usanifu wa barabara na madaraja katika barabara hiyo umewasilishwa sasa ni jukumu la mkandarasi kuendelea na ujenzi kwa kasi na kwa viwango vya ubora.

“Serikali ina nia njema kwa wananchi wa wilaya ya Bunda na mkoa wa Mara sasa tunaijenga barabara hii na mwishon mwa mwaka mtaanza kunufaika nayo”, amesema Waziri Prof. Mbarawa.

Ameongeza kuwa kukamilika kwa barabara hiyo utarahisisha mawasiliano na kupunguza gharama za shughuli za usafirishaji wa samaki, mazao na abiria, uboreshaji makazi na kukuza uchumi kwa maeneo yaliyo kando ya barabara.

Kuhusu suala la fidia, Prof. Mbarawa amefafanua kuwa Serikali italipa fidia kwa mwananchi ambaye barabara imemfuata kama anavyostahili.

“Serikali haina nia ya kumuonea mtu yeyote bali inachofanya inalipa kulingana na sheria inavyoelekeza”, amesisitiza Waziri Prof. Mbarawa.

Katika hatua nyingine Waziri Prof. Mbarawa amekagua ujenzi wa barabara ya Makutano-Sanzale KM 50 na kumwagiza mkandarasi wa M/S Mbutu JV Contractor (T) kuhakikisha wanakamilisha mradi huo kabla ya mwezi Julai mwaka huu.

“Mradi huu ni wa muda mrefu sana na wananchi wameusubiri kwa muda kama hamtamaliza mradi huu mpaka mwezi juni, hii itakuwa kazi yenu ya mwisho, maana ninategemea nyinyi kama wazawa mngekuwa wa mfano” amesisitiza Prof. Mbarawa.

Kwa upande wake Mkuu wa Mkoa wa Mara, Adam Malima amesema kwa sasa mkoa umeamua kupata taarifa ya maendeleo ya ujenzi wa miradi ya barabara kila baada ya miezi mitatu ili kuhakikisha miradi inakamilika kwa wakati.

Naye Meneja wa Wakala wa Barabara (TANROADS), Mkoa wa Mara, Mhandisi Mlima Ngaile amesema Wakala utasimamia mradi wa ujenzi wa barabara hizo na kuhakikisha mradi unazingatia viwango kulingana na mkataba.

Waziri Prof. Mbarawa yuko mkoani Mara kwa ziara ya siku mbili akiwa na lengo la kukagua utekelezaji wa miradi mbalimbali ya sekta ya Ujenzi,Uchukuzi na Mawasiliano.

Kamishna wa TRA amsimamisha kazi Meneja wa Mara

2018-02-05T01:31:00.002-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Kamishna Mkuu wa Mamlaka ya Mapato Tanzania (TRA), Charles Kichere amemsimamisha kazi Meneja wa TRA Mkoa wa Mara Nicodemus Mwakilembe kwa kushindwa kusimamia vizuri mashine za Kielektroniki za Kutolea Risiti (EFDs).

Uamuzi huo umetokana na ziara ya kushtukiza ya kukagua matumizi ya EFD aliyoifanya Kamshina Mkuu wa Tra kwenye baadhi ya maduka ya biashara Wilayani Bunda Mkoa wa Mara.

Akizungumza mara baada ya ziara yake, Kamishna Mkuu Kichere alisema kuna wafanyabishara wengi mkoani Mara ambao walishalipa fedha kwa ajili ya kupata mashine za EFD lakini mpaka sasa hawajapatiwa mashine hizo.

"Katika ziara yangu nimegundua kwamba, wapo wafanyabiashara ambao wameshalipia mashine tangu mwaka 2013, 2014 na 2015 lakini mpaka sasa bado hawajapatiwa mashine za EFD na wamekuwa wakitumia mwanya huo kama kinga ya kutochukuliwa adhabu na TRA wakati Meneja wa Mkoa yupo na hachukui hatua zozote. Huu ni uzembe uliopitiliza na kamwe siwezi kuuvumilia," amesema Kichere.

Kichere amewaagiza mameneja wote wa TRA nchi nzima pamoja na majukumu mengine, kuhakikisha wanasimamia kikamilifu matumizi ya mashine za EFD katika mikoa yao na amesema hatasita kumuwajibisha meneja yeyote atakayeshindwa kutekeleza majukumu yake ipasavyo.

Kamishna Mkuu wa Mamlaka ya Mapato Tanzania yuko mkoani Mara kwa ziara ya siku tano ambapo amepata nafasi ya kutembelea Vituo vya Forodha mipakani na ofisi mbalimbali za mamlaka hiyo pamoja na baadhi ya wafanyabiashara akikagua matumizi ya mashine za EFD.

KAMISHNA MKUU WA TRA AMSIMAMISHA KAZI MENEJA WA TRA MKOA WA MARA

2018-02-05T01:25:00.003-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Kamishna Mkuu wa Mamlaka ya Mapato Tanzania (TRA), Bw. Charles Kichere (aliyekaa mbele) akiongea na kutoa maagizo kwa Meneja wa TRA Wilaya ya Bunda Mkoani Mara pamoja na wafanyakazi wengine wa Mamlaka hiyo kuhusu ukusanyaji wa mapato ya Serikali mara alipotembelea ofisi ya TRA Wilayani hapo ili kujionea namna ukusanyaji mapato unavyofanyika mapema 3 Februari, 2018.

Kamishna Mkuu wa Mamlaka ya Mapato Tanzania (TRA), Bw. Charles Kichere (kulia) akimsisitizia jambo Mfanyabiashara wa duka la nguo Wilayani Bunda Mkoani Mara kuhusu suala la umuhimu wa kutumia mashine ya Kielektroniki ya Kutolea Risiti (EFD) mara alipofanya ukaguzi wa mashine hizo katika baadhi ya maduka Wilayani hapo 3 Februari, 2018.

Kamishna Mkuu wa Mamlaka ya Mapato Tanzania (TRA), Bw. Charles Kichere (kulia) akikagua taarifa ya mauzo ya siku ya Mashine ya Kielektroniki ya Kutolea Risiti (EFD) toka kwa Wafanyabiashara wa duka la vifaa vya nyumbani Wilayani Bunda Mkoani Mara mara alipofanya ukaguzi wa mashine hizo katika baadhi ya maduka Wilayani hapo 3 Februari, 2018.

Kamishna Mkuu wa Mamlaka ya Mapato Tanzania (TRA), Bw. Charles Kichere (katikati) akiwa katika picha ya pamoja na uongozi wa TRA Wilaya ya Bunda Mkoani Mara pamoja na wafanyakazi wengine wa Mamlaka hiyo mara alipotembelea ofisi ya TRA Wilayani hapo ili kujionea namna ukusanyaji mapato unavyofanyika mapema 3 Februari, 2018.(PICHA ZOTE NA BENEDICT LIWENGA-TRA).

Na: Veronica Kazimoto-Bunda,

Kamishna Mkuu wa Mamlaka ya Mapato Tanzania (TRA), Bw. Charles Kichere amemsimamisha kazi Meneja wa TRA Mkoa wa Mara Ndg. Nicodemus Mwakilembe kutokana na uzembe wa kutosimamia vizuri matumizi ya Mashine za Kielektroniki za Kutolea Risiti (EFDs) kwa wafanyabiashara wa mkoani kwake.

Uamuzi huo umetokana na ziara ya kushtukiza ya kukagua matumizi ya EFD aliyoifanya Kamshina Mkuu wa TRA kwenye baadhi ya maduka ya biashara Wilayani Bunda Mkoa wa Mara. Akizungumza mara baada ya ziara yake, Kamishna Mkuu Kichere alisema Meneja huyo ameonyesha uzembe wa hali ya juu kwani kuna wafanyabishara wengi mkoani kwake ambao walishalipa fedha kwa ajili ya kupata mashine za EFD lakini mpaka sasa hawajapatiwa mashine hizo.

"Katika ziara yangu nimegundua kwamba, wapo wafanyabiashara ambao walikwisha kulipia mashine tangu mwaka 2013, 2014 na 2015 lakini mpaka sasa bado hawajapatiwa mashine za EFD na wamekuwa wakitumia mwanya huo kama kinga ya kutochukuliwa adhabu na TRA wakati Meneja wa Mkoa yupo na hachukui hatua zozote. Huu ni uzembe uliopitiliza na kamwe siwezi kuuvumilia," alisema Kichere.

Kutokana na uzembe huo, Kamishna Mkuu Kichere amewaagiza Mameneja wote wa TRA nchi nzima pamoja na majukumu mengine, kuhakikisha wanasimamia kikamilifu matumizi ya mashine za EFD katika mikoa yao na amesema hatasita kumuwajibisha Meneja yeyote atakayeshindwa kutekeleza majukumu yake ipasavyo.

Ziara hiyo ya kushtukiza imewawezesha wafanyabiashara waliokuwa wamelipia mashine za EFD miaka ya nyuma, kupata mashine hizo na kufundishwa jinsi ya kuzitumia ambapo wengine wamejitokeza kununua mashine hizo kwa ajili ya biashara zao. Kamishna Mkuu aliongeza kuwa, mashine za EFD zina umuhimu sio tu kwa Serikali kupata mapato bali kwa wafanyabiashara husika kwani huwawezesha kutunza kumbukumbu, kujua mwenendo halisi wa biashara zao na hatimaye kulipa kodi stahiki.

Sambamba na hayo, Kichere amewataka wananchi wasiishie tu kudai risiti bali wakishachukua risiti hizo wazikague ili kuthibitisha uhalali wake na usahihi wa kiasi cha pesa walicholipa. Kamishna Mkuu wa Mamlaka ya Mapato Tanzania yuko mkoani Mara kwa ziara ya siku 5 ambapo amepata nafasi ya kutembelea Vituo vya Forodha mipakani na ofisi mbalimbali za mamlaka hiyo pamoja na baadhi ya wafanyabiashara akikagua matumizi ya mashine za EFD.

SHIRIKA LA AGPAHI YAKABIDHI KOMPYUTA 46 KWA AJILI YA VITUO VYA TIBA NA MATUNZO KWA WATU WANAOISHI NA VVU MKOA WA MARA

2018-01-23T22:17:00.003-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Shirika la Ariel Glaser Pediatric AIDS Healthcare Initiative (AGPAHI) limekabidhi kompyuta 46 zenye thamani ya shilingi milioni 70.2 zitakazotumika katika vituo vya tiba na matunzo (CTC) kwa watu wanaoishi na Virusi vya Ukimwi (VVU) kwenye halmashauri za wilaya mkoani Mara.

Shirika hilo limekabidhi kompyuta hizo siku ya Jumatatu, Januari 22, 2018 kwa Kaimu Katibu Tawala Mkoa wa Mara, Raphael Nyanda katika ukumbi wa mikutano wa Mwembeni uliopo katika Manispaa ya Musoma.

Akizungumza wakati wa kukabidhi kompyuta hizo, Mkurugenzi Mtendaji wa shirika la AGPAHI, Dk. Sekela Mwakyusa alisema kompyuta hizo zitatumika kuhifadhi takwimu za wateja katika vituo vya tiba na matunzo kwa watu wanaoishi na VVU na kusaidia upatikanaji wa taarifa kwa haraka na kwa usahihi zaidi.

“Leo tunayo furaha kukabidhi kompyuta 19 ambayo ni nyongeza ya kompyuta 27 ambazo zimeshapelekwa kwenye vituo vya afya hivyo hadi sasa tutakuwa tumekabidhi jumla ya kompyuta 46 tulizokabidhi kwa kipindi cha mwaka mmoja tangu tuanze kutekeleza miradi ya Ukimwi katika mkoa wa Mara”, alieleza Dk. Sekela.

“Mbali na kukabidhi kompyuta pia tumefanikisha ajira kwa makarani takwimu "Data Clerks" 84 kwa halmashauri zote na tunawezesha upatikanaji wa mtandao wa intaneti kwa kutoa modem ili kurahisisha uingizaji wa takwimu katika mfumo wa kielektroniki na kutoa taarifa kwa wakati stahiki”,aliongeza Dk. Sekela.

Katika hatua nyingine alisema shirika hilo linatekeleza miradi ya Ukimwi katika vituo 112 vya kutolea huduma za afya mkoani Mara, kati ya vituo hivyo 67 ni vituo vya kutolea tiba na matunzo na 46 ni vya kutolea huduma ya kupunguza maambukizi ya VVU kutoka kwa mama kwenda kwa mtoto (PMTCT).

Dk. Sekela alibainisha kuwa katika kipindi cha mwezi Oktoba 2016 hadi Septemba 2017, jumla ya watu 182,712 mkoani humo walipata huduma ya upimaji wa VVU, kati yao wanaume walikuwa 51,868 (28%), watoto 31,423 (17%). Kati ya watu 182,712 waliopima, 7,325 (4%) waligundulika kuwa na maambuzi ya VVU na 6,022 (82%) walianzishiwa dawa za kupunguza makali ya VVU.

Aliongeza kuwa katika kipindi hicho pia akina mama wajawazito 49,937 walipima VVU , kati yao 981 sawa na 2% waligundulika kuwa na maambukizi ya VVU na 755 sawa na 77% walianzishiwa dawa za kupunguza makali ya VVU.

Akipokea kompyuta hizo, Kaimu Katibu Tawala Mkoa wa Mara, Raphael Nyanda alilishukuru shirika la AGPAHI kwa kutoa msaada huo na kuzitaka halmashauri za wilaya kuzitunza ili zidumu.

“Tunawashukuru sana AGPAHI na Watu wa Marekani kwa kuendelea kutushika mkono katika sekta afya, mwaka huu mmetuongeza shilingi bilioni 7.2 kwenye bajeti ya mkoa kwa ajili ya masuala ya Ukimwi, kwa kweli mmekuwa wadau wakubwa wa afya, naomba tuendelee kushirikiana kuwahudumia wananchi”, alieleza Nyanda.

“Serikali ya mkoa itasimamia vizuri fedha hizi,wakurugenzi tumieni fedha za wafadhili kwa malengo yaliyokusudiwa, msihamishe fedha, pia tuache tabia ya kufanya kazi kwa mazoea na watendaji hakikisheni mnatoa takwimu sahihi", alisema Nyanda.

Mbali na kukabidhi kompyuta, Shirika la AGPAHI pia linaendesha mafunzo ya siku mbili kuhusu taratibu na kanuni za matumizi ya fedha za wafadhili ambao ni Watu wa Marekani kupitia Centres for Disease Control (CDC) yaliyohudhuriwa na wakurugenzi na viongozi wa timu za afya za mikoa na wilaya.

Wakurugenzi wa halmashauri za wilaya wanaojengewa uwezo ni kutoka Mji wa Bunda,Tarime Mji, Manispaa ya Musoma, Bunda Vijijini, Butiama, Musoma Vijijini, Rorya,Tarime na Serengeti na timu za afya za mkoa na wilaya kuhusu namna ya kutumia fedha za mfadhili sawa sawa na matakwa na makubaliano kati ya AGPAHI na serikali ya Marekani.

Mwaka huu shirika limetoa shilingi bilioni 7.2 kwa ajili ya kutekeleza miradi ya Ukimwi mkoani Mara ikiwa ni mara sita zaidi ya fedha iliyotolewa na shirika hilo mwaka 2016/2017 ambayo ilikuwa shilingi bilioni 1.1.

Shirika la AGPAHI linatekeleza miradi ya Ukimwi katika mikoa sita nchini ambayo ni Shinyanga, Simiyu, Geita,Mwanza, Tanga na Mara likishirikiana na serikali ya Tanzania kwa ufadhili wa serikali ya Watu wa Marekani kupitia CDC katika kutekeleza mradi wa “Boresha” ambao unatoa huduma za kinga, tiba na matunzo kwa watu wanaoishi na VVU na Ukimwi.

Mgeni rasmi, Kaimu Katibu Tawala Mkoa wa Mara, Raphael Nyanda akizungumza wakati wa zoezi la makabidhiano ya kompyuta na kufungua mafunzo ya taratibu na kanuni za matumizi ya fedha za wafadhili katika ukumbi wa mikutano wa Mwembeni manispaa ya Musoma.

Kaimu Katibu Tawala Mkoa wa Mara, Raphael Nyanda akilishukuru shirika la AGPAHI kwa kuipatia serikali ya mkoa wa Mara shilingi bilioni 7.2 kwa ajili ya miradi ya Ukimwi.

Mkurugenzi Mtendaji wa shirika la AGPAHI, Dk. Sekela Mwakyusa akizungumza wakati wa kukabidhi kompyuta 46. Kushoto ni Meneja wa Shirika la AGPAHI Kanda ya Ziwa, Dk. Nkingwa Mabelele. Kulia ni Kaimu Katibu Tawala Mkoa wa Mara, Raphael Nyanda.

Dk. Sekela alisema kompyuta hizo zitatumika kuhifadhi takwimu za wateja wa CTC katika vituo vya afya na kusaidia upatikanaji wa taarifa kwa haraka na kwa usahihi zaidi.

Dk. Sekela akizungumza wakati wa kukabidhi kompyuta hizo.

Mganga Mkuu wa mkoa wa Mara, Dk. Francis Mwanisi akilishukuru shirika la AGPAHI kwa msaada wa kompyuta 46.

Maboksi yenye kompyuta zilizotolewa na shirika la AGPAHI kabla ya kukabidhiwa kwa wakurugenzi wa halmashauri za wilaya mkoani Mara.

Katikati ni Dk. Sekela akionyesha moja kati ya kompyuta 46 zilizotolewa na shirika la AGPAHI.

Dk. Sekela akielezea zaidi kuhusu kompyuta hizo.

Dk. Sekela na Kaimu Katibu Tawala, Raphael Nyanda wakikabidhi kompyuta kwa Mkurugenzi Mtendaji wa halmashauri ya Rorya Charles Kitamuru Chacha (aliyevaa nguo nyeusi kushoto) aliyeambatana na timu ya afya ya halmashauri hiyo.

Makabidhiano kwa viongozi wa halmashauri ya wilaya ya Butiama yakiendelea.

Viongozi wa halmashauri ya Manispaa ya Musoma wakiongozwa na Mkurugenzi wa Manispaa hiyo, Fidelica Myovela (aliyeshika boksi la kompyuta) wakipokea kompyuta.

Zoezi la makabidhiano ya kompyuta likiendelea.

Viongozi wa timu za afya za mikoa na wilaya wakiwa ukumbini.

Mratibu wa AGPAHI mkoa wa Mara, Alio Hussein akielezea lengo la mafunzo ya taratibu na kanuni za matumizi ya fedha za wafadhili ambao ni Watu wa Marekani kupitia Centres for Disease Control (CDC).

Alio Hussein alisema shirika hilo linatekeleza miradi ya Ukimwi kwenye halmashauri 9 za wilaya mkoani Mara.

Afisa Ruzuku Mwandamizi wa shirika la AGPAHI, Leticia Gilba akitoa mada kuhusu vigezo na masharti ya mkataba wa utekelezaji wa Mradi wa Boresha mkoani Mara unaofadhiliwa na Watu wa Marekani kupitia CDC.

Leticia Gilba akiendelea kutoa mada ukumbini.

Leticia Gilba akielezea kuhusu sheria na taratibu za matumizi ya fedha za wafadhili.

Mkurugenzi wa halmashauri ya Rorya, Charles Kitamuru Chacha akichangia mada wakati wa mafunzo hayo.

Mratibu wa Ukimwi wa halmashauri ya wilaya ya Musoma, Mwanaidi Francis akichangia hoja wakati wa majadiliano ukumbini.

Kaimu Mganga Mfawidhi hospitali teule ya wilaya ya Rorya, Dk. Baraka Malegesi akichangia hoja wakati wa mafunzo hayo.

Picha ya pamoja - wafanyakazi wa AGPAHI, wakurugenzi wa halmashauri za wilaya na timu za afya za mkoa na wilaya.

Picha ya pamoja.

CREDIT:MALUNDE BLOG

WAZIRI MKUU KASSIM MAJALIWA AMTEMBELEA MAMA MARIA NYERERE NA KUTOA HESHIMA KWENYE KABURI LA BABA WA TAIFA.

2018-01-21T23:11:00.004-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Waziri Mkuu, Kassim Majaliwa na mkewe Mary wakizungumza na Mama Maria Nyerere wakati walipomtembelea nyumbani kwake Mwitongo, Butiama Januari 20, 2018.

Waziri Mkuu, Kassim Majaliwa na mkewe Mary wakiongozana na Mama Maria Nyerere kuingia kwenye uwanja wa Mwenge katika mkutano wa hadhara uliohutubiwa na Waziri Mkuu katika kijiji cha Butiama Januari 20, 2018.

Waziri Mkuu, Kassim Majaliwa akisalimiana na Mama Maria Nyerere wakati alipomtembelea nyumbani kwake Mwitongo, Butiama Januari 20, 2018. Kulia ni mkewe Mary .

Mke wa Waziri Mkuu, Mama Mary Majaliwa akiwasha mshumaa kwenye kaburi la Baba wa Taifa Mwalimu Julius Nyerere eneo la Mwitongo, Butiama, Januari 2018. Wapili kushoto ni Mkuu wa Mkoa wa Mara, Adam Malima na kushoto ni mkewe Naima .

Waziri Mkuu, Kassim Majaliwa na mkewe Mary wakiweka shada la maua kwenye kaburi la Baba wa Taifa, Mwalimu Julius Nyerere eneo la Mwitongo, Butiama Januari 20, 2018.

Waziri Mkuu, Kassim Majaliwa , Mkewe Mary na Mama Maria Nyerere wakiwapungia wananchi katika mkutano wa hadhara uliohutubiwa na Waziri Mkuu, Kassim Majaliwa katika uwanja wa Mwenge kijijini Butiama Januari 20, 2018

Waziri Mkuu, Kassim Majaliwa akihutubia mkutano wa hadhara kwenye uwanja wa Mwenge katika kijiji cha Butiama Januari 20, 2017

Wananchi wa Butiama wakimshangilia Waziri Mkuu, Kassim Majaliwa wakati alipohutubia mkutano wa hadhara kwenye uwanja wa Mwenge katika kijijini hapo Januari 2018

Mke wa Waziri Mkuu, Mama Mary Majaliwa akiwasalimia wananchi wa kijiji cha Butiama katika mkutano wa hadhara uliohutubiwa na Waziri Mkuu, Kassim Majaliwa kwenye uwanja wa Mwengekijijini hapo Januari 20, 2018.

Mama Maria Nyerere akiwasalimia wananchi wa Butiama katika mkutano wa hadhara uliohutubiwa na Waziri Mkuu, Kassim Majaliwa kwenye uwanja wa Mwenge kijijini hapo Januari 20, 2018.Picha na Ofisi ya Waziri Mkuu.

TUTAKAMILISHA UJENZI WA HOSPITALI YA RUFAA YA MUSOMA -MAJALIWA

2018-01-15T22:46:00.000-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

WAZIRI MKUU Kassim Majaliwa amesema Serikali itahakikisha inakamilisha ujenzi wa hospitali ya Rufaa ya mkoa wa Mara iliyoanza kujengwa mwaka 1980.

Atoa kauli hiyo leo (Jumatatu, Januari 15, 2018) wakati alipokagua ujenzi wa hospitali hiyo baada ya kuwasili mkoani Mara kwa ajili ya ziara yake ya kikazi.Waziri Mkuu amesema Serikali itakamilisha ujenzi wa jengo hilo kwa awamu, ambapo wataanza na eneo la mapokezi na vyumba vya madaktari.

Amesema Serikali imedhamiria kuboresha huduma za afya nchini, hivyo amewaomba wananchi waendelee kuiamini na kushirikiana nayo.Waziri Mkuu amesema tayari Serikali imetoa sh. bilioni 1.4 ili ujenzi uendelee. Ujenzi huo ulianza mwaka 1980, ulisimama mwaka 1987 kuanza tena 2010.

Waziri Mkuu, Kassim Majaliwa akisalimiana na Mwenyekiti wa Umoja wa Wanawake Tanzania (UWT), Gaudencia Kabaka baada ya kuwasili kwenye uwanja wa ndege wa Musoma kuanza ziara mkoani humo Januari 15, 2017. Kulia ni Mkuu wa Mkoa wa Mara, Adam Malima, (Picha na Ofisi ya Waziri Mkuu)

Waziri Mkuu, Kassim Majaliwa akikagua majengo ya Shule ya Secondari ya Ufundi Musoma akiwa katika ziara ya mkoa wa Mara Januari 15, 2017.Serikali imetoa shillingi bilioni 1.28 kwa ajilli ya ukarabati huo. Kushoto kwake ni Mkuu wa Mkoa wa Mara, Adam Malima na kulia kwake ni Mwenyekiti wa CCM wa Mkoa wa Mara, Samweli Kiboyi. Kushoto ni Mkuu wa Shule hiyo, Mutta Venance.

Waziri Mkuu, Kassim Majaliwa akitoka ndani ya bweni la Shaban Robert wakati alipokagua ukarabati wa Shule ya Sekondari ya Ufundi Musoma akiwa katika ziara ya mkoa wa Mara Januari 15, 2017. Serikali imetoa zaidi ya shilling bilion 1.28 ili kugharimia ukarabati hou.

Waziri Mkuu, Kassim Majliwa akikagua ujenzi wa hospitali ya Rufaa ya Mkoa wa Mara ya Mwalimu Nyerere iliyopo Kwangwa mjini Musoma akiwa katika ziara ya mkoa huo Januari 15, 2017. Kulia wake ni Mkuu wa Mkoa wa Mara, Adam Malima.

KUSOMA ZAIDI BOFYA HAPA

NAIBU WAZIRI MASAUNI, KAMISHNA JENERALI WAKAGUA MPAKA WA TANZANIA KENYA ULIOPO WILAYANI TARIME

2017-11-22T08:24:00.000-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Naibu Waziri Wizara ya Mambo ya Ndani ya Nchi, Mhandisi Hamad Masauni, Kamishna Jenerali wa Uhamiaji, Dk, Anna Makakala, Mkuu wa Mkoa wa Mara, Adam Malima (katikati) wakiangalia jiwe la mpaka unaotenganisha nchi ya Tanzania na Kenya uliopo katika kijiji cha Nyamhunda, wilayani Tarime ambapo upande wa pili ni Kaunti ya Migori nchini Kenya. Naibu Waziri yupo katika ziara ya kikazi ikiwa na lengo la kukagua mipaka na kudhibiti uingiaji wa wahamiaji haramu kupitia vipenyo katika mipaka hiyo.Picha na Wizara ya Mambo ya Ndani ya Nchi

Naibu Waziri Wizara ya Mambo ya Ndani ya Nchi, Mhandisi Hamad Masauni, akizungumza wakati wa ziara ya kutembelea alama ya Mpaka unaotenganisha nchi za Tanzania na Kenya uliopo katika kijiji cha Nyamhunda wilayani Tarime.Wengine ni Kamishna Jenerali wa Uhamiaji, Dk, Anna Makakala, Mkuu wa Mkoa wa Mara, Adam Malima (katikati) na Mkuu wa Wilaya ya Tarime Glorius Luoga. Naibu Waziri yupo katika ziara ya kikazi ikiwa na lengo la kukagua mipaka na kudhibiti uingiaji wa wahamiaji haramu kupitia vipenyo katika mipaka hiyo.

Mkuu wa Wilaya ya Tarime, Glorius Luoga, akitoa maelezo kwa Naibu Waziri Wizara ya Mambo ya Ndani ya Nchi, Mhandisi Hamad Masauni, Kamishna Jenerali wa Uhamiaji, Dk, Anna Makakala, Mkuu wa Mkoa wa Mara, Adam Malima(katikati), walipotembelea jiwe la mpaka unaotenganisha nchi za Tanzania na Kenya uliopo katika kijiji cha Nyamhunda wilayani Tarime. Naibu Waziri yupo katika ziara ya kikazi ikiwa na lengo la kukagua mipaka na kudhibiti uingiaji wa wahamiaji haramu kupitia vipenyo katika mipaka hiyo.

Kamishna Jenerali wa Uhamiaji, Dk, Anna Makakala(watatu kulia),akizungmza na Naibu Waziri Wizara ya Mambo ya Ndani ya Nchi, Mhandisi Hamad Masauni, wakati wakielekea kukagua mpaka wa Tanzania na Kenya uliopo katika kijiji cha Nyamhunda,Wilayani Tarime.Kulia ni Mkuu wa Mkoa wa Mara, Adam Malima. Naibu Waziri yupo katika ziara ya kikazi ikiwa na lengo la kukagua mipaka na kudhibiti uingiaji wa wahamiaji haramu kupitia vipenyo katika mipaka hiyo.

IMEANDALIWA NA KITENGO CHA MAWASILIANO SERIKALINI-WIZARA YA MAMBO YA NDANI YA NCHI

TUME YA KUREKEBISHA SHERIA YATEMBELEA MAKAZI YA WAZEE YA NYABANGE NA KITUO CHA KULELEA WATOTO CHA JIPE MOYO MKOANI MARA

2017-11-17T01:17:00.005-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Katibu Msaidizi Tume ya Kurekebisha Sheria Bi. Agnes Mgeyekwa akiongea na Wazee katika Makazi ya wazee wasiojiweza ya Nyabange yaliyopo Butiama mkoani Mara wakati wa Tume ilipotembelea makazi hayo ikiwa ni sehemu ya Utafiti wa Mfumo wa Kisheria wa Huduma za Ustawi wa Jamii Tanzania.

Sehemu ya wazee katika Makazi ya Wazee wasiojiweza ya Nyabange yaliyopo Butiama mkoani Mara wakimsikiliza katibu Msaidzi Tume ya Kurekebisha Sheria Bi. Agnes Mgeyekwa.

Katibu Msaidizi Tume ya Kurekebisha Sheria Bi. Agnes Mgeyekwa akimkabidhi zawadi ya Sabuni Mkuu wa Makazi ya Wazee wasiojiweza ya Nyabange iliyopo Butiama mkoani Mara Bw. Edward Mbaga wakati Tume ikifanya Utafiti mkoani humo. Kushoto ni Mhadhiri Msaidizi Chuo cha Ustawi wa Jamii Bw. Paulo Mwangosi

WAUAWA KATIKA VURUGU ZA KUIBIANA BANGI HUKO TARIME

2017-11-06T01:06:00.000-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

MAPAMBANO ya kutumia silaha za jadi yakiwemo mapanga kati ya wakazi wa Kijiji cha Wegita na Nkerege wakituhumiana kuibiana bangi mashambani, yamesababisha vifo vya watu wawili na wengine wawili kujeruhiwa.

Waliouawa ni Magoro Isaro(35) na Kisyeri Isaro(20) wa kijiji cha Wegita . Ugomvi kati ya familia ya Mwita Mgaya Kinusu wa kijiji cha Wegita na familia ya Makanga Kihugi wa Kijiji cha Nkerege baada ya kutuhumiana kuibiana bangi katika mashamba ya familia ya Makanga, ulithibitishwa na kamanda wa Polisi Tarime/Rorya.

Kamanda wa Polisi Tarime Rorya, Henry Mwaibambe amethibitisha kutokea kwa mauaji hayo na kudai familia ya Makanga ilidai kuibiwa bangi shambani ekari tatu iliyovunwa usiku na watu wasiojulikana na kuanzisha vurugu kubwa iliyosababisha vifo.

Aidha ugomvi ulianza, baada ya familia ya Makanga kuhusisha familia ya Mwita na kuanza kuwashambulia watu waliokuwa wakitoka kijiji cha Wegita kwa mapanga, mishale na mikuki na kusababisha vifo vya wakazi wa wawili wa kijiji jirani cha Wegita.

“Katika vurugu hizo mbali na kuuawa watu hao wawili Magoro na Kisyeri, katika familia ya Makanga watu wake wawili pia nao walijeruhiwa ambao ni Matinde Makange(44) na Nyakirugi Mirumbe ambao kwa sasa wamelazwa katika kituo cha afya Wegita wakiwa chini ya ulinzi wa Polisi huku tukiendelea kuwasaka wote waliohusika katika mauaji hayo,” alisema.

Kamanda Mwaibambe alitoa mwito kwa wakazi wa vijiji hivyo kuacha kujichukulia sheria mkononi na kwamba inaendesha kufanya msako wa watu wanaolima mashamba, kuuza na kuvuta banki na kwamba msako huo utakuwa endelevu katika vijiji vya Wegita, Nyarwana, Nkerege na Kemange vinavyosifika kwa kilimo hicho haramu.

Mwaka huu tayari zaidi ya ekari 50 zimeteketezwa na kamati ya ulinzi na usalama katika vijiji hivyo ambapo Kamanda Mwaibambe aliwaonya wakulima hao kuwa hatua za kisheria na msako wa kuwabaini wakulima hao unaendelea na kuwataka wananchi kuacha kujihusisha na kilimo hicho haramu na dala yake walime mazo ya chakula.

IMEANDIKWA NA SAMSON CHACHA- HABARILEO TARIME

WANAFUNZI 2 WAFA WAKIANDAA CHAKULA

2017-11-04T00:51:00.000-07:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Imeandikwa na Ahmed Makongo, Bunda

WANAFUNZI wawili wa shule ya msingi Sarawe iliyoko tarafa ya Chamriho halmashauri ya wilaya ya Bunda mkoani Mara, wamekufa na wengine sita kujeruhiwa baada ya kuangukiwa ukuta wa chumba cha darasa wakati wakipembua mahindi kwa ajili ya chakula chao.

Tukio hilo lilitokea juzi majira saa kumi jioni wakati wa saa ya mapumziko katika eneo la shule hiyo. Wanafunzi waliokufa katika tukio hilo ni pamoja na Anastazia Wazilana (8) aliyekufa papo hapo na Amosi Stima Igala (8) aliyekufa wakati akikimbizwa katika hospitali ya rufaa ya Bugando jijini Mwanza kwa ajili ya matibabu zaidi, ambapo wote walikuwa wanasoma darasa la pili shuleni hapo.

Mganga mkuu wa halmashauri ya wilaya ya Bunda ,Dk Nuru Yunge amethibitisha vifo hivyo na kwamba majeruhi walipelekwa kituo cha afya Ikizu na wengine wamehamishiwa katika hospitali ya DDH Bunda.“Pale kituo cha afya Ikizu tulipokea majeruhi saba, na wengine wawili tukawahamishia katika hospitali ya DDH Bunda, kutokana na hali zao kuwa mbaya, lakini kwa taarifa niliyopata majeruhi mmoja amekufa wakati akipelekwa katika hospitali ya rufaa ya Bugando,” alisema.

Ofisa tarafa ya Chamriho Boniphace Maiga, aliwataja wanafunzi waliojeruhiwa kuwa ni pamoja na Happynes Mussa (13) wa darasa la tano, Wambura Nyamrosha (12) wa darasa la nne, Sara Wazilana (14) wa darasa la sita, Emmanuel Mkiriti (8) wa darasa la pili, Mugaya Galinde (8) wa darasa la pili na Pili Juma Matwiga (7) wa darasa la kwanza.

Maiga alisema kuwa chanzo cha ajali hiyo ni ukuta wa darasa hilo kuwa na ufa wa siku nyingi, ambapo uliporomoka na kuwaangukia wakati wakianda mahindi kwa ajili ya chakula cha wanafunzi shuleni hapo, kinachotolewa na shirika la PCI. “Wakati wa mapumziko wanafunzi hao walikuwa nje ya darasa hilo wakipembua mahindi ya PCI na ghafla ukuta huo ulidondoka na ulikuwa na ufa mkubwa siku nyingi. Mwanafunzi mmoja alifia hapo hapo na mwengine amekufa wakati akikimbizwa Bugano baada ya kuwapatia rufaa,” alisema.

Baadhi ya mashuhuda akiwemo katibu wa huduma za jamii katika serikali ya kijiji cha Sarawe, Richard Karangi, walilielezea tukio hilo kuwa ni la kusikitisha, ambapo muuguzi mmoja katika hospitali ya DDH Bunda, alizungumzia hali ya majeruhi mmoja aliyempokea kwamba inaendelea vizuri.

Kamanda wa polisi mkoani Mara, Jafari Mohamed hakupatikana kuzungumzia tukio hilo, lakini polisi wilayani hapa wamethibitisha kuwepo kwa tukio hilo. Wakati huo huo, baadhi ya wananchi waliozungumza na waandishi wa habari walisema kuwa ipo haja ya wakaguzi wa shule kukagua majengo ambayo hayana ubora na kuagiza yasitumiwe na wanafunzi ili kuepusha majanga kama hayo ambayo siyo ya lazima yasitoke tena.

CHANZO HABARI LEO

HUU NDIO WASIFU WA MKUU WA MKOA WA MARA MH. DKT CHARLES MLINGWA

2017-10-05T03:16:00.000-07:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Mhe.Dkt Charles Mlingwa
Mkuu wa Mkoa wa Mara

Surname: Mlingwa
Other name: Charles Ogesa
Date of Birth: 6th March, 1959
Nationality: Tanzanian
Sex : Male
Languages: Fluent in speaking and writing Kiswahili and English
Residence: Mkendo Street, Musoma
Mobile number:

EDUCATION STATUS

1967 – 1974 Buhangija High School , Shinyanga
1975 -1978 Kahonza Secondary School ( O level), Bukoba
19779 -1981 Tosamaganga Secondary School (A level ), Iringa
1981-1982 National Service
1984-1987 BSc Degree, University of Dar es salaam, Tanzania
1989-1991 MSc Degree, University of Dar es salaam, Tanzania
PHD in Science, University of Olden Burg , Germany

CAREER DEVELOPMENT

1982 – 1984 Game Assistant II Department of Wildlife, Ministry of Natural Resource and Tourism.
1987 -2000 Senior Lecturer University of Dar es salaam
2000 -2005 Director General Tanzania Wildlife Research Institute Arusha and Technical Member representing Eastern Africa and African on matters of Bird Conservation
2005 -2010 Member of Parliament for Shinyanga Urban and from 2006-2008 was the Deputy Minister for Livestock Development
2008 -2010 Board Chairman of Tanzania Marine Parks and Reserves.
2009 – 2011 Board Member Tanzania Wildlife Research Institute
2010-2011 Freelance Consultant in Wildlife
2012 2016 District Commissioner of Siha District, Kilimanjaro Region
2016 –To date Regional Commissioner, Mara.

PUBLICATIONS.

Author of over 45 scientific publications including various books on Wildlife issues.

Chanzo Tovuti ya Mkoa wa Mara

MWANDISHI AANIKA SIRI MAUAJI YA ALBINO KWENYE KITABU, AHOAJIANA NA WAGANGA, WACHAWI NA MATAPELI

2017-09-19T04:49:00.002-07:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Jalada la kitabu cha ‘MIFUPA YA ALBINO’.

Mwandishi Daniel Mbega, akiwa ameshikilia Karunguyeye waliokaushwa nyumbani kwa mganga wa jadi.

MWANDISHI wa habari mwandamizi nchini, Daniel Mbega, amekamilisha kuandika kitabu kinachofichua siri zilizo nyuma ya pazia kuhusiana na mauaji ya vikongwe na albino nchini Tanzania na barani Afrika kwa ujumla.

Mwandishi huyo, ambaye alifanya utafiti kwa kipindi cha miezi nane mfululizo katika mikoa 10 ya Kanda ya Maziwa Makuu, amesema kitabu hiyo alichokipa jina la ‘MIFUPA YA ALBINO’ kinatarajiwa kuwaingia kiwandani wakati wowote na kwa sasa anatafuta msaada wa fedha za kuchapia.

“Nimekamilisha, lakini nimekwama kidogo kuhusu fedha za uchapaji na kama kuna taasisi yoyote au mtu anayeweza kunisaidia nitashukuru sana,” amesema mwanahabari huyo.

“Yeyote mwenye nia njema na jamii ya Watanzania na anaguswa kusaidia uchapaji wa kitabu hiki, ninaomba awasiliane nami kwa namba hii 0656-331974, kwani naamini kitabu hiki kitakuwa msaada pia wa kiroho baada ya kujua mambo yanayofanywa hata na baadhi ya viongozi wa dini wanaotumia ushirikina,” aliongeza.

Bw. Mbega amesema kwamba, katika utafiti wake huo alifanikiwa kukutana na waganga wa jadi, wachawi na matapeli katika mikoa ya Shinyanga, Geita, Simiyu, Mwanza, Kagera, Mara, Kigoma, Tabora, Katavi na Rukwa, ambako alikaa kwa miezi miwili akifanya uchunguzi.

Aidha, amesema kwamba, katika uchunguzi wake huo alishiriki pia kikamilifu katika misako mbalimbali ya wahalifu walioshiriki kwenye matukio hayo na kushuhudia namna vyombo vya ulinzi na usalama vinavyotenda kazi.

Kunusurika kifo kwa ajali ama kuzingirwa na baadhi ya wananchi ni moja ya hatari alizokumbana nazo wakati wa uchunguzi wake, huku akisafiri umbali wa zaidi ya kilometa 40,000 katika kipindi hicho.

“Wakati mwingine nilikosa usingizi hata kwa siku tano mfululizo, nililazimika kusafiri mchana na usiku katika mazingira mengi hatarishi nikikusanya habari,” alisema.

Akaongeza: “Haikuwa kazi rahisi kuweza kufanya mahojiano na waganga wa jadi, achilia mbali wachawi ambao baadhi yao waliamua kujiweka wazi na kueleza mambo yanayotendeka katika ulimwengu wa giza na jinsi yanavyohusiana na mauaji ya wenye ualbino.”

Alisema katika uchunguzi huo alikumbana na mambo mengi ya ajabu ikiwa ni pamoja na kushika matunguli, pembe zinazofoka damu, damu na maiti, mifupa inayodhaniwa kuwa ya binadamu na mambo mengine kadha wa kadha.

Aidha, alisema kwamba, alizungumza pia na wanamichezo, baadhi ya viongozi wa dini ambao nao wanatumia nguvu za giza ambapo waganga walieleza jinsi nao wanavyoshiriki katika matukio hayo ya mauaji ya wenye ualbino.

“Ni mtandao mpana sana, siyo Tanzania tu, bali hata katika nchi jirani za Kenya, Malawi, Burundi, Msumbiji, Afrika Kusini na Swaziland… naamini kkitabu hiki kitaiamsha jamii na kubadilisha mitazamo ya watu mara watakapojifunza yale niliyoyakusanya kutoka kwa vinywa vya wahusika wenyewe,” amesema na kusisitiza kwamba amepanga kitabu hicho kiwwe mtaani mwishoni mwa mwezi Septemba ikiwa atapata msaada wa kufanikisha uchapaji.

Mganga wa jadi akimpigia ramli mwandishi wa kitabu hiki (hayuko pichani) baada ya kutoa Shs. 2,000 akitaka amwangalizie kwanini 'mkewe' (askari mmoja wa kike aliyekwenda naye wakiwa kikazi) alikuwa hazai. Mganga alisema mwanamke huyo alikuwa 'amelogwa' na mwanamke aliyetaka kuolewa na mwandishi halafu yeye akamkataa, ambapo kiuhalisia hakuwepo mwanamke wa aina hiyo na hata huyo aliyekwenda naye walikutana kikazi na hawakuwa wakifahamiana kabisa.

Mtoto Baraka Cosmas akiwa amelazwa kwenye Hospitali ya Rufaa ya Mbeya baada ya kukatwa kitanga cha mkono Machi 7, 2015.

Mwandishi Daniel Mbega (mwenye fulana nyekundu na kofia ya sweta) akiwa sambamba na wanausalama katika nyumba ambamo Baraka Cosmas alikatwa kitanga cha mkono Machi 7, 2015.

Mtuhumiwa Sajenti Kalinga Malonji akiwa chini ya ulinzi baada ya kukishusha kiganja cha Baraka Cosmas kwenye mti nyumbani kwake kijijini Hanseketwa, Mbozi siku ya Jumapili, Aprili 26, 2015. Sajenti tayari amehukumiwa miaka nane jela na wenzake wamehukumiwa vifungo vya hadi miaka 20 jela.

Mwandishi Daniel Mbega, akiwa kwa mganga huko Kachwamba, wilayani Chato wakati akifanya uchunguzi wa mauaji ya albino.

KISABABISHI KANSA KISICHO CHA LADHA, HARUFU, RANGI

2017-08-10T05:33:00.004-07:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

JIFUNZE, uelimike. Je, katika maisha yako umekutana na msamiati wa kisayansi unaoitwa sumu kuvu? Wataalamu wanainisho lake.

Hiyo inatajwa kuwa aina ya kemikali za sumu zinazozalishwa na aina ya ukungu au fangasi wanaoota kwenye mbegu za nafaka, ikiwamo mahindi, karanga, kunde na mazao jamii ya mizizi.
Inaelezwa kuwa asilimia 6O ya watu ambao wamekula sumu kuvu walau kwa kiwango kidogo, lakini katika muda mrefu inawafanya mwili wao kudumaa, kudhoofika na hata baadhi wanapatwa na kansa ya ini.
Aidha, katika kundi la waliokula chakula au nafaka kilichoathiriwa na sumu hiyo kwa kiwango kikubwa, wanaweza kupoteza maisha muda mfupi baada ya kula.
Hayo yamo katika uchambuzi kitaalamu ulioainishwa na mtaalamu wa masuala ya mimea kutoka taasisi ya Kimataifa ya Kilimo cha Kitropiki (IITA), George Mahuku.
Ni ufafanuzi uliotolewa, wakati akitoa elimu ya namna ya kukabiliana na madhara hayo.
Anasema sumu hiyo, pia inaweza kupatikana katika bidhaa za mifugo kama vile maziwa, mayai na nyama, iwapo mnyama au mfugo husika atakuwa amekula chakula kilichoathiriwa na sumu kuvu.
Mahuku anasema barani Afrika, idadi ya watu wanaougua kansa inaongezeka kwa kasi, kutokana na kwamba wana elimu duni kuhusu namna bora ya kuhifadhi mazao.
Pia, anataja mabadiliko ya tabianchi yanayosababisha mimea kukua kwa shida.
Mahuku anasema, sumu kuvu iko katika hali ya kujificha, kwani haionekani kwa macho, haina harufu, ladha, wala rangi.
Mtaalamu wa serikali
Ofisa Mfawidhi anayehusika na Visumbufu Vamizi, kutoka Wizara ya Kilimo, Ufugaji na Uvuvi, Beatrice Pallangyo, anataja msimamo wa serikali kwamba, imeruhusu matumizi ya teknolojia ya kulinda mazao shambani, dhidi ya sumu kuvu.
Anasema teknolojia hiyo itasaidia kupunguza athari hizo, kwa kuwa mazao yanayolimwa katika maeneo yenye ukame, itasaidia kustahimili hali hiyo na kuwa imara.
Beatrice anasema kuwa, serikali inatarajia kusajili teknolojia mpya ya kukabiliana na ugonjwa wa sumu kuvu, ambao unashambulia mazao hususan mahindi na karanga.
Anasema ukaguzi wa ubora wa chakula unafanywa na Mamlaka ya Chakula na Dawa (TFDA), kuchukua sampuli kidogo kwa ajili ya kukagua kiwango cha sumu kuvu kama kipimo katika mazao ya nafaka hata zilizopo viwandani.
“Kabla ya kusafirisha nje au mazao yanayoingia nchini hukaguliwa, ili kubaini iwapo kuna sumu hiyo,” anasema Pallangyo.
Pia, anasema ili kuhakikisha mazao yanahifadhiwa na kuwa salama, serikali ilianzisha mfumo wa stakabadhi ghalani, ili kuhakikisha mazao yanahifadhiwa kitaalamu.
Beatrice anasema serikali bado inaendelea kuelimisha jamii kuhusu uhifadhi wa mazao na kuendeleza ushirikiano kati yake na wadau, ili kukabiliana na vita vya kuondoa sumu hiyo katika lishe ya jamii.
Watoto hatarini
Beatrice anasema kwamba watoto walio chini ya miaka mitano ambao wameachishwa kunyonya maziwa ya mama zao, wana hatari zaidi ya kuathiriwa na sumu kuvu.
Anasema familia nyingi baada ya kumwachisha mtoto kunyonya, wanawapa watoto wao uji wa lishe ambao ama wananunua dukani au wanaandaa wenyewe na kwenda kusaga kwenye mashine zinazotoa huduma kibiashara.
“Watoto wetu tunawapa uji uliosagwa, uwe ni wa mahindi, au uliochanganywa na ulezi, mtama, karanga ili kupata lishe. Lakini, tusipozingatia ubora wa nafaka hizo na kama zimepatwa na fangasi wasababishao sumu kuvu tunawahatarishia watoto afya,” anasema.
Anaeleza kuwa fangasi wanaosababisha sumu kuvu, hushambulia mazao yakiwa shambani na hata baada ya kuvunwa na kutokana na kutohifadhiwa vizuri na kusababisha unyevunyevu katika zao.
Beatrice anasema malezi ya watoto wenye umri chini ya miaka mitano nchini hufanana na kwamba wazazi wengi baada ya kuwaachisha kunyonya, hutumia uji wa lishe ya nafaka, kutoka dukani au wanatengeneza wenyewe.
"Uhifadhi wa mazao baada ya kuvuna ukiwa si sahihi na sehemu ukiwa na unyevunyevu huweza kusababisha fangasi wa sumu kuvu, ingawaje vipimo vya kitaalamu vinahitajika kuthibitisha," anasema Beatrice.
Anatahadharisha kuwa, jamii haitakiwi kuhofu suala hilo la sumu kuvu, lakini bado kuna umuhimu mkubwa wa kuelimishwa kwamba kuna tatizo kubwa na hasa kwenye mikoa yenye ukame, ikiwamo Dodoma na Singida.
Udhibiti wake
Mahuku anasema kuwa, sumu kuvu inaweza kudhibitiwa kwa kuhakikisha shamba halishambuliwi na magugu pamoja na wadudu waharibifu.
Pia, anasema inashauriwa kitaalamu kwamba mazao yavunwe katika wakati mwafaka, ambao ni kiangazi na kamwe yasianikwe kwenye udongo.
Anataja njia sahihi ni kuanika mazao kwa kutumia turubai au viroba na mazao hayo yachambuliwe, ili kuondoa mbegu zilizooza shambani au kuharibiwa na wadudu.
“Teknolojia na mbegu bora zinazostahimili changamoto za hali ya hewa zitapunguza tatizo hilo. Usindikaji wa mazao na uhifadhi bora, pamoja na elimu kwa wakulima iongezwe,” anasema.
Anabainisha kuwa, ghala la kuhifadhia chakula, ni lazima liwe na hewa mzunguko na dawa zilizoruhusiwa kibaiolojia, zinaweza kutumika na baadhi yake zina nguvu ya kukinzana na sumu kuvu.

FAHAMU HAPA KWA UNDANI HISTORIA YA MKOA WA MARA

2017-08-07T01:18:00.003-07:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

MAHALI MKOA ULIPO: Mkoa wa Mara una eneo la ukubwa wa Kilomita za Mraba zipatazo 30,150. Kati ya eneo hilo Kilomita za mraba 10,942 ni eneo la maji sawa na asilimia 36 na Kilomita za mraba 19,208 sawa na asilimia 64 ni eneo la Nchi kavu. Katika eneo la Nchi kavu, Kilomita za mraba 7,258 ziko katika Hifadhi za wanyamapori, ikiwemo Hifadhi ya Taifa Serengeti, Mapori ya Akiba ya Ikorongo na Grumeti na Hifadhi za Jamii Grumeti na Ikorongo. Ukiondoa eneo hilo Mkoa hubakia na Kilomita za mraba 11,950 kwa ajili ya kilimo, mifugo na makazi. Mkoa unapakana na Nchi ya Kenya kwa upande wa Kaskazini, Mkoa wa Kagera upande wa Magharibi, Mikoa ya Mwanza na Simiyu kwa upande wa Kusini na Mkoa wa Arusha kwa upande wa Mashariki.

Mkoa una jumla ya wakazi 1,743,830 kwa mujibu wa Sensa ya watu na makazi iliyofanyika mwaka 2012. Kwa ongezeko la asilimia 2.5 kwa mwaka. Mkoa unakadiriwa kuwa na watu wapatao 1, 940,778 kwa mwaka 2016 na utakuwa na idadi ya watu 1, 989,134 ifikapo Desemba 31, 2017. Mtawanyiko wa watu ni watu 61 kwa kila kilomita moja ya eneo. Jina la Mkoa wa Mara limetokana na Mto Mkuu wa Mara ambao umeanzia maeneo ya nchi jirani ya Kenya na kutiririsha maji yake kwa kupitia Wilaya za Serengeti, Tarime, Musoma Vijijini hadi Ziwa Victoria. Mkoa upo kwenye latitudes 10 0’ na 20 31’, Kusini mwa Ikweta na katikati ya longitudes 330 10’ na 350 15’, Mashariki mwa Griniwichi

Mkoa wa Mara, ni Mkoa uliotoa mwasisi wa kwanza wa Taifa ambaye ni Hayati Mwl.Julius K.Nyerere. Mwalimu alizaliwa Kijiji cha Mwitongo Wilaya ya Butiama Mkoa wa Mara. Mwasisi huyu wa Taifa aliongoza Tanzania kwa muda wa miaka 23 tangu mwaka 1962 hadi 1985 alipoamua kuachia madaraka kwa hiari yake mwenyewe. Mwalimu alizaliwa mwaka 1922 na alifariki mwaka 1999. Vilevile Mkoa wa Mara una mbuga kubwa ya wanyama duniani inayoitwa Serengeti. Hifadhi ya Taifa ya Serengeti ni moja ya maajabu ya dunia kutokana na Ukubwa wake na wingi wa wanyamapori wanaopatikana hifadhini.

UTAWALA:Mkoa umegawanyika katika wilaya sita (6) za Musoma, Butiama, Bunda, Serengeti, Tarime na Rorya na Halmashauri kumi (9) ambazo ni Bunda (W), Butiama , Musoma (W), Musoma Manispaa, Rorya (W),Bunda Mji, Serengeti (W), Tarime (W), Tarime Mji, Mugumu-Mji mdogo

CHANZO TOVUTI YA MKOA WA MARA

WATUHUMIWA 8 WA MAUAJI WAFARIKI MAHABUSU

2017-08-01T05:27:00.000-07:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

WATU wanane kati ya 17, wanaotuhumiwa kuua kwa kutumia mapanga, wamekufa mahabusu. Mwendesha Mashtaka, Jonas Kaijage, ameiambia Mahakama ya Wilaya ya Musoma inayosikiliza kesi hiyo.

Katika kesi hiyo, ambayo watuhumiwa hao hawakutakiwa kujibu chochote kutokana mahakama kukosa mamlaka ya kuisikiliza, wanadaiwa kuwaua watu 17 wa familia moja mnamo Februari 16, 2010, eneo la Mugaranjabo, nje kidogo ya mji wa Musoma.

Kaijage alidai mbele ya hakimu Richard Maganga, kwamba waliofariki wakiwa mahabusu, walimuua Kawawa Kinguye na wenzake16, ambao wote ni wa familia moja kwa kuwakata kwa mapanga.

Aidha, alidai mahakamani hapo kuwa mtuhumiwa, Sura Bukaba Sura, maarufu Phinias Yona au Epoda (35), aliyetoroka ameunganishwa katika kesi hiyo baada ya kutiwa mbaroni.

Akisomewa mashtaka 17 ya mauaji ya watu hao, Kaijage, alidai mtuhumiwa na wenzake 16, wote wakazi wa wilayani humo, walitenda makosa hayo.

Kaijage alidai kuwa mtuhumiwa huyo alikamatwa Julai 18, mwaka huu, akituhumiwa kwa kesi nyingine ya unyang’anyi wa kutumia silaha katika eneo la Rwamulimi mjini Musoma.

Alidai katika tukio hilo, mtuhumiwa alivamia nyumbani kwa mwananchi mmoja, alivunja nyumba kwa kutumia nondo na kuiba Sh. 500,000.

Alidai polisi walimkamata na ndipo walipomtambua kuwa ni mtuhumiwa wa tukio la mauaji ya watu hao 17 lililotokea mwaka 2010.

Kesi hiyo imeahirishwa hadi Agosti 7, mwaka huu, itakapotajwa tena mahakamani hapo.