ॲपलने नवीन MacBook Pro सादर केले असून यामध्ये पहिल्यांदाच मॅकसाठी टचस्क्रीनचा समावेश करण्यात आला आहे. PROLED XDR डिस्प्ले, M5 Pro आणि M5 Max चिप्स, Dynamic Island आणि २४ तासांपर्यंत बॅटरी लाइफ ही या नव्या लॅपटॉपची प्रमुख वैशिष्ट्ये आहेत. भारतात या मॅकबुक प्रोची किंमत ३,४९,००० रुपये पासून सुरू आहे.

ॲपल ने २८ ऑक्टोबर २०२६ रोजी आपल्या मॅकबुक प्रो मालिकेतील नवीन मॉडेल्स सादर केली आहेत. बिझनेस युजर्स, व्हिडिओ एडिटर्स, सॉफ्टवेअर डेव्हलपर्स, 3D आर्टिस्ट आणि AI क्षेत्रात काम करणाऱ्यांना लक्षात घेऊन हे लॅपटॉप तयार करण्यात आले आहेत. नवीन मॅकबुक प्रो मध्ये डिस्प्लेपासून ते प्रोसेसर आणि वापरण्याच्या पद्धतीपर्यंत अनेक महत्त्वाचे बदल करण्यात आले आहेत.

MacBook Pro मध्ये पहिल्यांदाच टचस्क्रीन

नवीन मॅकबुक प्रोचे सर्वात मोठे वैशिष्ट्य म्हणजे त्याचा टचस्क्रीन डिस्प्ले. ॲपल ने पहिल्यांदाच मॅकबुक प्रोमध्ये थेट स्क्रीनवर स्पर्श करून काम करण्याची सुविधा दिली आहे. वापरकर्त्यांना स्क्रीनवर स्क्रोल करणे, फोटो झूम करणे, 3D मॉडेल फिरवणे शक्य होईल. क्रिएटिव्ह क्षेत्रात काम करणाऱ्यांसाठी ही सुविधा विशेष उपयोगी ठरू शकते.

याशिवाय ॲपलने त्यांच्या पूर्वीच्या लॅपटॉप्समध्ये मागच्या बाजूला Glow करणारा लोगो आता या नव्या मॅकबुक प्रोमध्ये परत आणला आहे!

PROLED XDR डिस्प्लेची प्रमुख वैशिष्ट्ये

ॲपल ने या डिस्प्लेसाठी PROLED XDR हे नाव वापरले आहे. यामध्ये Tandem OLED तंत्रज्ञानाचा वापर करण्यात आला असून उत्तम कॉन्ट्रास्ट, अधिक ब्राइटनेस आणि अचूक रंग दाखवण्यावर भर देण्यात आला आहे. नवीन मॅकबुक प्रो दोन स्क्रीन आकारांमध्ये उपलब्ध असेल. १४ इंच मॉडेलमध्ये १४.२ इंचाचा डिस्प्ले तर १६ इंच मॉडेलमध्ये १६.३ इंचाचा डिस्प्ले मिळतो.

डिस्प्लेची प्रमुख वैशिष्ट्ये पुढीलप्रमाणे आहेत.

• 2,000 nits ब्राइटनेस: HDR आणि SDR कंटेंटसाठी 2,000 nits पर्यंत पीक ब्राइटनेस.
• 10,000,000:1 कॉन्ट्रास्ट रेशो: गडद भागांमध्ये अधिक खोल काळा रंग आणि उजळ भागांमध्ये स्पष्ट तपशील.
• 120Hz रिफ्रेश रेट: स्क्रीनवरील हालचाली अधिक स्मूथ दिसण्यासाठी व्हेरिएबल रिफ्रेश रेट.
• P3 आणि Adobe RGB कलर सपोर्ट: फोटो एडिटिंग, व्हिडिओ प्रॉडक्शन आणि रंगांच्या अचूकतेला महत्त्व देणाऱ्या कामांसाठी विस्तृत कलर गॅमट.
• विशेषतः फोटो एडिटिंग, कलर ग्रेडिंग आणि HDR व्हिडिओ तयार करणाऱ्या व्यावसायिकांसाठी हा डिस्प्ले महत्त्वाचा अपग्रेड ठरू शकतो.

M5 Pro आणि M5 Max चिप्समुळे अधिक परफॉर्मन्स

नवीन मॅकबुक प्रोमध्ये ॲपल च्या M5 Pro आणि M5 Max या चिप्स देण्यात आल्या आहेत. जास्त प्रोसेसिंग पॉवर आणि ग्राफिक्स परफॉर्मन्सची गरज असणाऱ्या वापरकर्त्यांसाठी या चिप्स तयार करण्यात आल्या आहेत. M5 Pro चिपसह कोड कंपाइल करणे, मोठे सॉफ्टवेअर प्रोजेक्ट्स हाताळणे आणि एकाच वेळी अनेक व्हिडिओ स्ट्रीम एडिट करणे यांसारखी कामे करता येतील. M5 Max चिप अधिक प्रगत ग्राफिक्स आणि कॉम्प्युटिंग क्षमतेची गरज असणाऱ्या 3D आर्टिस्ट, AI डेव्हलपर्स आणि फिल्म कम्पोझर्ससाठी उपयुक्त ठरेल.

कॉन्फिगरेशननुसार नवीन MacBook Pro मध्ये 128GB पर्यंत Unified Memory आणि 16TB पर्यंत स्टोरेज निवडण्याचा पर्याय उपलब्ध आहे. ॲपल ने AI संबंधित कामगिरीवरही भर दिला आहे. GPU मधील Neural Accelerators आणि Neural Engine च्या मदतीने डिव्हाइसवरच AI मॉडेल्स चालवणे आणि विविध AI टास्क हाताळणे शक्य होईल. यामुळे काही कामांसाठी क्लाउड सर्व्हरवर अवलंबून राहण्याची गरज कमी होऊ शकते.

MacBook मध्येही Dynamic Island

iPhone मध्ये लोकप्रिय असलेले Dynamic Island आता मॅकबुक प्रोमध्येही आणण्यात आले आहे. Mac वरील Dynamic Island मधून Spotlight सर्च, Live Activities आणि Siri AI यांसारख्या सुविधांपर्यंत पोहोचता येईल. यामधून रिअल-टाइम अपडेट्स पाहणे, संगीत नियंत्रित करणे, AirDrop स्वीकारणे आणि Siri AI शी संवाद साधणे यांसारखी कामे करता येतील. ॲपलच्या macOS 27 या ऑपरेटिंग सिस्टीमसह नवीन मॅकबुक प्रोमध्ये ॲपल Intelligence आणि Siri AI ची वैशिष्ट्ये उपलब्ध होतील.

नवीन मॉडेल्सची जाडी आणि वजनही कमी करण्यात आले आहे. १४ इंच मॉडेलचे वजन सुमारे १.३८ किलो तर १६ इंच मॉडेलचे वजन सुमारे १.८२ किलो आहे.

लॅपटॉपमध्ये सहा स्पीकर्सची सुधारित साउंड सिस्टीम देण्यात आली आहे. व्हिडिओ कॉलसाठी 12MP Center Stage कॅमेरा आणि स्टुडिओ-गुणवत्तेचे मायक्रोफोनही देण्यात आले आहेत. कनेक्टिव्हिटीसाठी Thunderbolt 5, HDMI, MagSafe 3, SDXC कार्ड स्लॉट, Wi-Fi 7 आणि Bluetooth 6 यांचा समावेश आहे. M5 Pro मॉडेलमध्ये तीन डिस्प्ले तर M5 Max मॉडेलमध्ये चार डिस्प्ले जोडता येतात.

भारतातील MacBook Pro ची किंमत

• १४ इंच MacBook Pro, M5 Pro ₹3,49,900
• १६ इंच MacBook Pro, M5 Pro ₹4,09,900
• १४ इंच MacBook Pro, M5 Max ₹5,49,900
• १६ इंच MacBook Pro, M5 Max ₹5,89,900

ॲपलच्या घोषणेनुसार, नवीन मॅकबुक प्रोसाठी प्री-ऑर्डर २८ ऑक्टोबरपासून सुरू झाली आहे. ग्राहकांना आणि अधिकृत विक्रेत्यांकडे हे लॅपटॉप ९ नोव्हेंबर २०२६ पासून उपलब्ध होण्यास सुरुवात होईल.

या मॅकबुकसोबत ॲपलने M6 प्रोसेसर असलेला २४ इंची iMac (किंमत १४७९००), OLED डिस्प्ले असलेला iPad mini (किंमत ८२९००) सुद्धा सादर केले आहेत.

The post ॲपलचा नवीन मॅकबुक प्रो सादर : प्रथमच टचस्क्रीन डिस्प्लेसह! appeared first on MarathiTech - मराठीटेक.

Tesla ने १५ ऑक्टोबर २०२६ रोजी आपल्या बहुप्रतीक्षित Next-Generation Roadster चे खास प्रात्यक्षिक सादर केले. या कार्यक्रमात कारचा वेग, हवेत झेप घेण्याची क्षमता आणि SpaceX च्या तंत्रज्ञानावर आधारित विशेष Propulsion System यांची झलक पाहायला मिळाली. ही कोलांटी उडी म्हणजे backflip मारू शकते आणि काही सेकंदांसाठी उडूसुद्धा शकते!

Tesla Roadster 2026: जवळपास नऊ वर्षांच्या प्रतीक्षेनंतर नवी झलक
Tesla च्या दुसऱ्या पिढीतील Roadster ची घोषणा नोव्हेंबर २०१७ मध्ये करण्यात आली होती. ही कार २०२० मध्ये बाजारात येण्याची अपेक्षा होती. मात्र अनेक वेळा उत्पादनाची तारीख पुढे ढकलण्यात आली. अखेर १५ ऑक्टोबर २०२६ रोजी अमेरिकेतील टेक्सास येथे आयोजित कार्यक्रमात कंपनीने नव्या Roadster चे प्रात्यक्षिक दाखवले.

या कार्यक्रमामुळे इलेक्ट्रिक कारच्या कामगिरीबाबत पुन्हा एकदा चर्चा सुरू झाली आहे. विशेष म्हणजे ही कार केवळ वेगवान इलेक्ट्रिक स्पोर्ट्स कार नसून भविष्यातील वाहन तंत्रज्ञान दाखवण्यासाठी तयार केलेला प्रयोगही आहे.

या कार्यक्रमातील सर्वात मोठे आकर्षण म्हणजे Roadster ने केलेले हवेत झेपावण्याचे प्रात्यक्षिक. SpaceX कंपनीच्या सहकार्याने या कारमध्ये विशेष Thruster System विकसित करण्यात आले आहे.
प्रात्यक्षिकात कारने विशेष Ramp वर उलट्या दिशेने धाव घेतली आणि त्यानंतर हवेत फिरून पुन्हा खाली काही सेकंद हवेत उडत खाली उतरली. कारच्या खाली बसवलेल्या Fan-based Suction System मुळे ती विशिष्ट पृष्ठभागाला चिकटून राहू शकते. तर High-pressure Air चा वापर करणारे Thrusters कारला हवेत दिशा बदलण्यासाठी आणि नियंत्रित हालचाली करण्यासाठी मदत करतात.

मात्र, याचा अर्थ Roadster ही सामान्य वापरासाठी तयार झालेली Flying Car आहे असा नाही. हे प्रात्यक्षिक नियंत्रित परिस्थितीत करण्यात आले असून अशा तंत्रज्ञानाचा सार्वजनिक रस्त्यांवर वापर करण्यासाठी आवश्यक परवानग्या आणि सुरक्षिततेचे नियम अद्याप स्पष्ट नाहीत.

0 ते 60 mph वेग फक्त 0.81 सेकंदांत?
Roadster च्या प्रात्यक्षिकातील आणखी एक चर्चेचा विषय म्हणजे तिचा वेग. इलॉन मस्क यांनी ही कार 0 ते 60 mph म्हणजे सुमारे ९७ किमी/तास वेग १ सेकंदापेक्षा कमी वेळेत गाठू शकते, असा दावा केला. या कारचा टॉप स्पीड 230 mph पेक्षा जास्त असेल.

महत्त्वाचे मुद्दे

• कंपनीने 0 ते 60 mph वेग 1 सेकंदापेक्षा कमी वेळेत गाठण्याचा दावा केला.
• SpaceX च्या सहकार्याने विकसित केलेल्या १० छोटे एअर थ्रस्टर्स बसवण्यात आले आहेत, ज्यामुळे गाडीला अभूतपूर्व पकड (Grip) आणि वेग मिळतो.
• यामधील २ हाय प्रेशर एयर टॅंक ही कार स्वतः रीचार्ज करेल. बाहेरून प्रॉपेलंट भरण्याची गरज नाही असं सांगितलं आहे!
• Roadster चे Performance, Thrust आणि Rocket असे तीन प्रकार असतील.
• Rocket प्रकार सार्वजनिक रस्त्यांवर वापरण्यास मान्यता नसल्याचे सांगण्यात आले.
• उत्पादन 2028 मध्ये सुरू करण्याचे लक्ष्य आहे.

सोशल मीडियावर या कारमधील अनपेक्षित गोष्टींनी आश्चर्यचकित झाल्याच्या प्रतिक्रिया अनेकांनी शेयर केल्या आहेत तर काही जणांनी याला स्टंट संबोधून या कारच्या प्रत्यक्ष वापर क्षमतेवर प्रश्नचिन्ह उपस्थित केलं आहे.

The post टेस्लाची Roadster कार चक्क कोलांटी उडी मारून काही सेकंद उडू शकते! appeared first on MarathiTech - मराठीटेक.

ॲपलने ९ सप्टेंबर २०२६ रोजी आपल्या कार्यक्रमात त्यांचा पहिला घडी घालता येणारा Apple Duo फोन सादर केला आहे सोबतच iPhone 18 Pro आणि iPhone 18 Pro Max व ॲपल Watch Series 12, ॲपल Watch Ultra 4 आणि AirPods 5 सादर केले. यावेळी ॲपलने कॅमेरा, बॅटरी, Health Tracking आणि ॲपल Intelligence यावर विशेष भर दिला आहे.

iPhone Duo: Appleचा पहिला Foldable iPhone

यावेळी ॲपलने iPhone Duo नावाने आपला बहुप्रतीक्षित Foldable iPhone सादर केला आहे. Fold झाल्यावर हा फोन नेहमीच्या आयफोनसारखा कॉम्पॅक्ट राहतो तर उघडल्यानंतर मोठ्या स्क्रीनचा अनुभव मिळतो. ॲपलने याच्या डिझाइनमध्ये पातळपणा आणि टिकाऊपणावर विशेष लक्ष दिले असून मोठ्या डिस्प्लेचा फायदा मल्टीटास्किंग, व्हिडिओ पाहणे आणि गेमिंगसाठी होऊ शकतो.

iPhone Duo मध्ये iOS आणि Apple Intelligence चा Foldable स्क्रीनसाठी खास पद्धतीने वापर करण्यात आला आहे. त्यामुळे ॲपलच्या नेहमीच्या आयफोन अनुभवासोबत मोठ्या स्क्रीनची सुविधा एकाच डिव्हाइसमध्ये मिळते. सॅमसंगच्या फोल्ड सिरीजला ॲपलचं हे उत्तर आहे. बऱ्याच गोष्टींमध्ये ॲपलने त्यांच्या शैलीत स्वतःच्या ओएस आणि इतर गोष्टी फोल्ड फोनच्या दृष्टीने जोडल्या आहेत.

डिस्प्ले: 7.8-इंच Foldable OLED मुख्य डिस्प्ले, कव्हर डिस्प्ले: 5.5-इंच बाहेरील OLED डिस्प्ले, प्रोसेसर: Apple A20 Pro, मुख्य कॅमेरा: 48MP Dual-Camera Setup, फ्रंट कॅमेरा: 24MP, RAM: 12GB, स्टोरेज: 256GB, 512GB आणि 1TB, बॅटरी: 5,500mAh, वॉटर/डस्ट रेसिस्टन्स: IPX8, वजन: सुमारे 240 ग्रॅम ॲपलने या फोनमध्ये फ्रंट कॅमेरा प्रथमच डिस्प्लेखाली ठेवला आहे.

आयफोन ड्युओची भारतीय किंमत : ₹2,99,000 (256GB) पासून सुरू

iPhone 18 Pro आणि iPhone 18 Pro Max सादर

ॲपल ने यंदाच्या Pro lineup मध्ये iPhone 18 Pro आणि iPhone 18 Pro Max सादर केले आहेत. दोन्ही फोनमध्ये नवीन A20 Pro chip देण्यात आली असून कॅमेरा, performance आणि बॅटरी लाईफमध्ये मोठे बदल करण्यात आले आहेत.

iPhone 18 Pro आणि Pro Max मध्ये 48MP Fusion Main camera देण्यात आला आहे. यावेळी मुख्य कॅमेऱ्यात Variable Aperture तंत्रज्ञान आले आहे. त्यामुळे फोटो काढताना aperture वर अधिक नियंत्रण मिळते आणि वेगवेगळ्या प्रकाश परिस्थितीत कॅमेरा अधिक flexible होतो.

कॅमेरा ॲपमध्ये नवीन Pro Controls देण्यात आले आहेत. यामुळे प्रोफेशनल युजर्सना फोटो आणि व्हिडिओ शूट करताना अधिक manual control मिळतो.

iPhone 18 Pro चे प्रमुख फीचर्स

• A20 Pro chip
• 48MP Fusion Main camera
• Variable Aperture camera system
• नवीन Pro Controls
• अधिक चांगली battery life
• अधिक प्रभावी cooling system
• छोटा आणि अधिक उपयोगी Dynamic Island
• iOS 27 आणि ॲपल Intelligence
• नवीन black, silver, glacier आणि burgundy रंग

iPhone 18 Pro Max मध्ये ॲपलने बॅटरी लाईफमध्ये विशेष सुधारणा केली आहे. कंपनीच्या मते, हा आयफोनच्या इतिहासातील बॅटरी लाईफमधील सर्वात मोठी सुधारणा आहे.

iPhone 18 Pro ची किंमत आणि उपलब्धता

iPhone 18 Pro ची सुरुवातीची किंमत ₹1,64,900 तर iPhone 18 Pro Max ची किंमत ₹1,79,900 आहे. मागील Pro मॉडेलच्या तुलनेत दोन्ही फोनच्या किंमतीत वाढ झाली आहे.

Pre-orders १२ सप्टेंबरपासून सुरू होतील आणि विक्री १८ सप्टेंबरपासून सुरू होईल. भारताचाही पहिल्या टप्प्यातील उपलब्ध देशांमध्ये समावेश आहे.

ॲपल Watch Series 12 मध्ये Health Tracking वर भर

ॲपलने ॲपल Watch Series 12 देखील सादर केले आहे. या मॉडेलमध्ये नवीन Health Sensing System आणि S11 chip देण्यात आली आहे. यामध्ये heart rate आणि Heart Rate Variability म्हणजेच HRV अधिक वारंवार मोजली जाते. या डेटाच्या आधारे नवीन Readiness Score देण्यात येतो. हा score 0 ते 10 दरम्यान असतो आणि त्या दिवसासाठी शरीराची तयारी किती आहे याचा अंदाज देतो. ॲपल Watch Series 12 मध्ये ॲपल Intelligence आधारित काही नवीन फीचर्स देखील येत आहेत. यामध्ये Sound Recognition, Live Rewind आणि Siri Recap यांचा समावेश आहे.

ॲपल Watch Series 12 चे महत्त्वाचे फीचर्स

• नवीन Health Sensing System
• S11 chip
• अधिक अचूक heart rate sensing
• अधिक वारंवार HRV measurements
• नवीन Readiness Score
• Sleep आणि fitness tracking
• ॲपल Intelligence आधारित features
• Siri AI
• 42mm आणि 46mm sizes
• Ceramic, aluminum आणि titanium options

Series 12 मध्ये नवीन Ceramic Shield 2 देखील देण्यात आले आहे. ॲपलच्या मते, हे मागील Ion-X glass पेक्षा ६० टक्के अधिक मजबूत आहे.याची किंमत भारतात ₹56,900 पासून सुरू होईल.

ॲपल Watch Ultra 4: अधिक battery आणि fitness features

ॲपल Watch Ultra 4 हे विशेषतः sports आणि adventure usersसाठी तयार करण्यात आले आहे. यामध्येही S11 chip आणि नवीन Health Sensing System देण्यात आले आहे. Ultra 4 मध्ये नवीन Readiness Score, अधिक वारंवार हार्ट रेट आणि HRV tracking तसेच सुधारित GPS देण्यात आले आहे. Outdoor workout tracking साठीही बॅटरी लाईफ वाढवण्यात आली आहे. सामान्य वापरामध्ये ॲपल Watch Ultra 4 ची battery life ५० तासांपर्यंत आहे.

ॲपल Watch Ultra 4 चे प्रमुख फीचर्स

• S11 chip
• नवीन Health Sensing System
• अधिक अचूक heart rate sensing
• 0 ते 10 Readiness Score
• सुधारित on-device GPS
• 50 तासांपर्यंत सामान्य battery life
• Low Power Mode मध्ये 84 तासांपर्यंत battery
• 45 तासांपर्यंत outdoor workout tracking
• Natural आणि Black Titanium finishes
• ॲपल Intelligence आणि Siri AI features

ॲपल Watch Ultra 4 ची सुरुवातीची किंमत ₹1,09,900 आहे. भारतासह अनेक देशांमध्ये pre-orders सुरू झाले असून विक्री १८ सप्टेंबरपासून सुरू होणार आहे.

AirPods 5 मध्ये ANC आणि Live Translation

ॲपल ने AirPods 5 देखील लाँच केले आहेत. विशेष म्हणजे open-ear design कायम ठेवत यावेळी Active Noise Cancellation म्हणजेच ANC देण्यात आले आहे. AirPods 5 मध्ये नवीन multiport acoustic architecture आणि पुढील पिढीचे Adaptive EQ देण्यात आले आहे.

ॲपलच्या मते, AirPods 4 च्या ANC मॉडेलच्या तुलनेत नवीन AirPods 5 बाहेरील आवाज 50 टक्क्यांपर्यंत अधिक कमी करू शकतात. AirPods 5 मध्ये Siri AI आणि Live Translation देखील महत्त्वाचे features आहेत. वापरकर्ते head gestures च्या मदतीने Siriला प्रतिसाद देऊ शकतात. Live Translation च्या मदतीने वेगवेगळ्या भाषांमध्ये संभाषण समजून घेणे सोपे होऊ शकते.

AirPods 5 चे महत्त्वाचे फीचर्स

• Open-ear design
• Active Noise Cancellation
• Adaptive Audio
• Transparency Mode
• Conversation Awareness
• Siri AI
• Live Translation
• सुधारित sound quality
• अधिक चांगले dust, sweat आणि water resistance

AirPods 5 ची सुरुवातीची किंमत ₹14,900 आहे. Wireless Charging Case असलेल्या मॉडेलची किंमत ₹17,900 आहे. दोन्ही मॉडेल्सची विक्री १८ सप्टेंबरपासून सुरू होणार आहे.

ॲपलच्या नव्या उत्पादनांमध्ये AI वर विशेष भर

या वर्षी ॲपलच्या जवळपास प्रत्येक मोठ्या उत्पादनात ॲपल Intelligenceचा वापर वाढवण्यात आला आहे. iPhone 18 Pro मध्ये Siri AI आणि personal context आधारित फीचर्स आहेत. ॲपल Watch Series 12 आणि Ultra 4 मध्ये Audio Intelligence features देण्यात आले आहेत. AirPods 5 मध्येही Siri AI आणि Live Translation चा वापर करता येतो.

यामुळे ॲपलचा भर फक्त हार्डवेअर अपग्रेडवर नसून iPhone, Watch आणि AirPods यांना एकमेकांशी अधिक चांगल्या प्रकारे जोडण्यावरही आहे.

ड्युओच्या बाबतीत आणखी एक विशेष सांगायचं म्हणजे काही वर्षांपूर्वी मायक्रोसॉफ्टनेही दोन डिस्प्ले असलेला घडी घालता येणारा फोन आणला होता आणि त्याचं नाव Surface Duo असं होतं!

ॲपलने अपेक्षेप्रमाणे त्यांच्या जुन्या आयफोन्सच्याही किंमती वाढवल्या असून नवीन किंमती खालील प्रमाणे :

iPhone 17
256GB – ₹99,900 (आधीची किंमत ₹82,900)
512GB – ₹1,24,900 (आधीची किंमत ₹1,02,900)

iPhone 16
128GB – ₹89,900 (आधीची किंमत ₹79,900)

iPhone 17e
256GB – ₹79,900 (आधीची किंमत ₹64,900)
512GB – ₹1,04,900 (आधीची किंमत 84,900)

iPhone Air
256GB – ₹1,49,900 (आधीची किंमत ₹119900)
512GB – ₹1.74,900 (आधीची किंमत ₹1,39,900)
1TB – ₹2,24,900 ( आधीची किंमत ₹1,59,900)

The post iPhone Duo : ॲपलचा पहिला Foldable आयफोन 18 Pro सोबत सादर! appeared first on MarathiTech - मराठीटेक.

Rockstar Games ची ही Grand Theft Auto VI बहुप्रतीक्षित आणि बहुचर्चित गेम १९ नोव्हेंबर 2026 रोजी रिलीज होणार आहे. ही गेम PlayStation 5 आणि Xbox Series X|S या प्लॅटफॉर्मवर उपलब्ध होईल. PC आवृत्तीबाबत Rockstar ने अद्याप रिलीज तारीख जाहीर केलेली नाही.

GTA V रिलीज होऊन जवळपास १३ वर्षे झाल्यानंतर GTA VI येत आहे. त्यामुळे चाहत्यांच्या अपेक्षा प्रचंड आहेत. मात्र Extended Look पाहिल्यानंतर Rockstar त्या अपेक्षा पूर्ण करण्यासाठी मोठ्या प्रमाणावर काम करत असल्याचे नक्कीच दिसते.

Grand Theft Auto VI: An Extended Look Video Link : https://www.youtube.com/watch?v=tJbzMqJGH4k

The post GTA VI चा Extended Look २६ मिनिटांचा गेमप्ले व्हिडिओ आता उपलब्ध! appeared first on MarathiTech - मराठीटेक.

सॅमसंगने Galaxy Unpacked 2026 इव्हेंटमध्ये आपल्या नवीन फोल्डेबल स्मार्टफोन, स्मार्टवॉच आणि AI आधारित स्मार्ट चष्म्यांची घोषणा केली आहे. Galaxy Z Fold8 Ultra, Galaxy Z Fold8, Galaxy Z Flip8, Galaxy Watch Ultra2, Galaxy Watch9 आणि Samsung Intelligent Eyewear यामुळे कंपनीने AI आणि Galaxy Ecosystem वर अधिक भर दिला आहे.

२२ जुलै रोजी लंडनमध्ये झालेल्या Galaxy Unpacked 2026 इव्हेंटमध्ये Samsung ने एकाच वेळी अनेक नवीन प्रीमियम डिव्हाइस सादर केले. यामध्ये तीन नवीन फोल्डेबल स्मार्टफोन, दोन स्मार्टवॉच आणि AI आधारित स्मार्ट Eyewear चा समावेश आहे. कंपनीच्या मते, या नव्या उत्पादनांमध्ये Galaxy AI, अधिक मजबूत डिझाइन आणि एकमेकांशी सहज जोडले जाणारे Ecosystem यावर विशेष लक्ष देण्यात आले आहे.

Galaxy Z Fold8 Ultra : Galaxy Z Fold8 Ultra हा Samsung चा आतापर्यंतचा सर्वात प्रीमियम फोल्डेबल स्मार्टफोन आहे. यामध्ये Ultra मालिकेतील कॅमेरा अनुभव, मोठा डिस्प्ले आणि AI आधारित मल्टीटास्किंग फीचर्स देण्यात आले आहेत.

• Ultra दर्जाचा फोल्डेबल डिझाइन
• 200MP मुख्य कॅमेरा 50MP+10MP आणि 10MP+10MP सेल्फी कॅमेरा
• Snapdragon 8 Elite Gen 5 प्रोसेसर
• Galaxy AI आधारित Productivity फीचर्स
• सॅमसंगचा सर्वात slim फोल्ड फोन
• 5000mAh बॅटरी

Galaxy Z Fold8 : हे Fold मालिकेतील नवीन मॉडेल असून यामध्ये कंटेंट पाहण्यासाठी अधिक सोयीस्कर फॉर्म फॅक्टर देण्यात आला आहे. कंपनीने याचे डिझाइन अधिक कॉम्पॅक्ट केले असून मोठ्या स्क्रीनवर मल्टीटास्किंगचा अनुभव सुधारला आहे. काही महिन्यात येणारया ॲपलच्या फोल्ड फोनचं लिक झालेलं डिझाईन समोर ठेऊन यामध्ये नेहमीचा आकार वापरण्या ऐवजी वेगळा फॉर्म फॅक्टर दिला आहे अशी चर्चा आहे.

• जगातला सर्वात कमी वजनाचा फोल्ड फोन
• 5.5″ 1.5K 120Hz LTPO Display
• 7.6″ 120Hz LTPO 4:3 Display
• Snapdragon 8 Elite Gen 5 प्रोसेसर
• 4800mAh बॅटरी & 45W Wired Charging
• 50MP Main + 50MP UltraWide + 10MP आणि 10MP सेल्फी

Galaxy Z Flip8 : यामध्ये Samsung ने FlexWindow आणखी उपयुक्त बनवला आहे. फोन न उघडताही अनेक AI फीचर्स वापरता येतात. याशिवाय कॅमेरा आणि सॉफ्टवेअरमध्येही सुधारणा करण्यात आल्या आहेत.

• मोठा FlexWindow
• Galaxy AI सपोर्ट
• सुधारित कॅमेरा
• अधिक पातळ आणि हलका Flip डिझाइन
• 4300mAh बॅटरी

Galaxy Watch Ultra2 आणि Galaxy Watch9 : Samsung ने दोन नवीन स्मार्टवॉचही सादर केली आहेत. Galaxy Watch Ultra2 हे साहसी प्रवास, फिटनेस आणि आउटडोअर वापरासाठी तयार करण्यात आले आहे. यामध्ये अधिक ब्राइट डिस्प्ले, मोठी बॅटरी आणि नवीन हेल्थ ट्रॅकिंग फीचर्स देण्यात आले आहेत. Galaxy Watch9 मध्ये रोजच्या वापरासाठी आवश्यक Health Monitoring, Fitness Tracking आणि Galaxy AI आधारित स्मार्ट फीचर्स देण्यात आले आहेत. दोन्ही घड्याळे Samsung Health Ecosystem सोबत अधिक चांगल्या प्रकारे काम करतात.

Samsung Intelligent Eyewear ची झलक : Samsung ने AI आधारित Intelligent Eyewear देखील सादर केले. हे डिव्हाइस Google आणि इतर भागीदार कंपन्यांसोबत विकसित करण्यात आले आहे. या स्मार्ट चष्म्यामध्ये पुढील फीचर्स देण्यात येणार आहेत. सॅमसंगने सध्या या उत्पादनाची फक्त झलक दाखवली असून त्याची अधिक माहिती आणि उपलब्धता पुढील काळात जाहीर केली जाईल.

• Real-time Translation
• AI Assistant
• Hands-free माहिती
• Privacy लक्षात घेऊन तयार केलेली रेकॉर्डिंग प्रणाली

भारतातील उपलब्धता : Samsung ने भारतात Galaxy Z Fold8 Ultra, Galaxy Z Fold8 आणि Galaxy Z Flip8 साठी प्री-बुकिंग सुरू केली आहे. कंपनीने बँक ऑफर्स, Upgrade Bonus आणि No Cost EMI सारख्या ऑफर्सचीही घोषणा केली आहे. भारतीय किंमती खालील प्रमाणे

Samsung Z Fold 8
12GB RAM + 256GB : ₹ 1,79,999
12GB RAM + 512GB : ₹ 1,99,999
16GB RAM + 1TB : ₹ 2,39,999

Samsung Z Fold 8 Ultra
12GB RAM + 256GB : ₹ 1,99,999
12GB RAM + 512GB : ₹ 2,19,999
16GB RAM + 1TB : ₹ 2,59,999

Samsung Z Flip 8
12GB RAM + 256GB : ₹ 1,24,999
12GB RAM + 512GB : ₹ 1,44,999

Galaxy Watch 9
Bluetooth 40mm – ₹ 37,999
Bluetooth 44mm – ₹ 40,999
LTE 40mm – ₹ 41,999
LTE 44mm- ₹ 44,999

Galaxy Watch Ultra2 : ₹ 64,999

The post सॅमसंग Galaxy Z Fold8 Ultra, Fold8, Flip8, Watch Ultra2, Watch9 सादर appeared first on MarathiTech - मराठीटेक.