Mehfil-e-Durood Wa Salam

Taweez Miyan Biwi Me Mohabbat Ke Liye گھریلو ناچاکی لڑائی جھگڑے

noreply@blogger.com (WafaSoft) — Thu, 4 Jun 2020 00:35:00 -0700

گھریلو ناچاکی لڑائی جھگڑے میاں بیوی میں بلاوجہ تلخ کلامی اور بے اتفاقی کے توڑ پر روحانی عملیات و وظائف کا مجرب ترین نقش حاضر خدمت ہے
گھر میں بے سکونی لڑائی جھگڑے اور بدامنی کو ختم کرنے کے لیے
اس نقش کا بلیک اینڈ وائٹ پرنٹ سات عدد نکلوا لیں
اور مسلسل ایک ہفتہ تک روزانہ ایک نقش کسی میٹھی چیز مثلاً شربت وغیرہ میں ڈال کر پندرہ منٹ تک نقش کو شربت میں رہنے دیں پھر نقش نکال کر کسی اونچی جگہ پر پھینک دیں تاکہ کسی کا پاؤں نہ آئے
اور وہ شربت وغیرہ اپنے مطلوبہ شخص کو پلا دیں

مسلسل سات روز کے استمال سے ان شاء اللہ بے مثال محبت پیدا ہوجائے گی
نیز یہ عمل صرف گھریلو استمال کے لیے ہے کسی دوسرے استمال میں ہرگز استمال میں نہیں لایا جاسکتا..............

Taweez Miyan Biwi Me Mohabbat Ke Liye

Bekhawabi Ke 5 Ilaj بے خوابی کے 5 علاج

noreply@blogger.com (WafaSoft) — Sat, 11 Apr 2020 21:15:00 -0700

بے خوابی کے 5 علاج

(1)”نیند“ نہ آتی ہو تو سونے سے قبل: اِنَّ اللّٰهَ وَ مَلٰٓىٕكَتَهٗ یُصَلُّوْنَ عَلَى النَّبِیِّؕ-یٰۤاَیُّهَا الَّذِیْنَ اٰمَنُوْا صَلُّوْا عَلَیْهِ وَ سَلِّمُوْا تَسْلِیْمًا(۵۶)(پ 22، الاحزاب: 56) پڑھ کر دُرُود شریف پڑھ لیجئے اِنْ شَاءَ اللہ عَزَّوَجَلَّ ”نیند“ آجائےگی۔

(2)”نیند“ نہ آتی ہو تو پارہ 30 سُوْرَۃُ النَّبَا کی آیت نمبر9: وَّ جَعَلْنَا نَوْمَكُمْ سُبَاتًاۙ(۹)بار بار پڑھے اِنْ شَاءَ اللہ عَزَّوَجَلَّ جلدی ”نیند“ آجائے گی۔

(3)جس کو ”نیند“ نہ آتی ہو وہ یا تو کچی پیاز چبا کر کھا لے یا اُبلی ہوئی پیاز گرم دودھ میں ڈال کر استعمال کر ے اِنْ شَاءَ اللہ عَزَّوَجَلَّ خوب ”نیند“ آئے گی۔(گھریلو علاج، ص 28)

(4)جس کو دَرد وغیرہ کے سبب ”نیند“ نہ آتی ہو تو اُس کے پاس لَا اِلٰہَ اِلَّا اللہُ کثرت سے پڑھنے سے اُس کو اِنْ شَاءَ اللہ عَزَّوَجَلَّ ”نیند“ آجائے گی نیز اللہ ربُّ العِزّت عَزَّ وَجَلَّ کی رَحمت سے مریض جلد صحّت یاب بھی ہو جائے گا۔(مریض کو پڑھنے کی آواز نہ جائے اِس کی احتیاط کیجئے)

(5)اگر ”نیند“ نہ آتی ہو تو لَا اِلٰہَ اِلَّا اللہُ 11 بار پڑھ کر اپنے اُوپر دم کر دیجئے، اِنْ شَاءَ اللہ عَزَّوَجَلَّ ”نیند“ آ جائے گی۔ (بیمار عابد، ص 26)

Aham Wazaif Aur KaarAamd Baaten

noreply@blogger.com (WafaSoft) — Sat, 11 Apr 2020 01:14:00 -0700

گم شدہ چیز، رشتہ میں رکاوٹ اور بچوں کا اغوا

رُوحانی علاج (یعنی اَوراد ووَظائف اور تعویذات ) کا ثبوت مختلف احادیثِ کریمہ میں موجود ہے ، مثلاًمسند احمد میں ہے:حضرت سیدنا عمرو بن شعیب رَضِیَ اللہُ تَعَالٰی عَنْہُ اپنے والدمحترم سے روایت کرتے ہیں کہ رسول اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم ہمیں ایسے کلمات سکھایا کرتے تھے جنہیں ہم گھبراہٹ و پریشانی میں سوتے وقت پڑھتے تھے (وہ کلمات یہ ہیں ): بِسْمِ اللہِ اَعُوذُ بِكَلِمَاتِ اللہ التَّامَّۃِ مِنْ غَضَبِهٖ وَعِقَابِهٖ وَشَرِّ عِبَادِهٖ وَمِنْ هَمَزَاتِ الشَّيَاطِينِ وَاَنْ يَحْضُرُوْنِ(ترجمہ : اللہ کے نام سے شروع کر کے میں اللہ کے کامل کلمسات کے ذریعے اس کی ناراضی ، اس کی سزا ، اس کے بندوں کے شر اور شیاطین کے وسوسوں نیزشیاطین کے قریب آنے سے پناہ طلب کرتا ہوں ۔)

چنانچہ حضرت سیدنا عبد اللہ بن عمرو بن عاص رَضِیَ اللہُ تَعَالٰی عَنْہُ اپنے بچوں کو یہ دعا سکھایا کرتے تھے کہ وہ اسے سوتے وقت پڑھا کریں ، جو بچے زیادہ چھوٹے ہونے کی وجہ سے یہ کلمات یاد نہیں کرسکتے تھے تو وہ یہ کلمات لکھ کر اُن کے گلے میں لٹکادیا کرتے تھے ۔ (المسند للامام احمد بن حنبل ، مسند عبد اللہ بن عمرو بن العاص ، ۲/۶۰۰، حدیث : ۶۷۰۸)

گمشدہ چیز ملنے کے لیے وظیفہ:

(1)کوئی چیز اگر اِدھر اُدھر رہ گئی ہو تو اِنَّا لِلّٰہِ وَاِنَّآ اِلَیْہِ رٰجِعُوْن پڑھ کر تلاش کی جائے اِنْ شاءَ اللہ عَزَّوَجَلَّ مل جائے گی ورنہ غیب سے کوئی عمدہ چیز عطا ہو گی۔

(2)سورۂ والضحی سات بار پڑھے اِنْ شَاءَ اللہ عَزَّوَجَلَّ گُما ہوا آدَمی یا چیز مل جائے گی۔(پردے کے بارے میں سوال جواب،ص127)

شادی کی رکاوٹ کے 2 روحانی علاج:

(1)جن لڑکیوں کی شادی نہ ہوتی ہو یا منگنی ہو کر ٹوٹ جاتی ہو وہ نمازِ فجر کے بعد”یَا ذَالْجَلَالِ وَالْاِکْرَام“ 312 بار پڑھ کر اپنے لئے نیک رشتہ ملنے کی دعا کریں، اِنْ شَاءَ اللہ عَزَّوَجَلَّ جلدشادی ہو اورشوہر بھی نیک ملے۔

(2) یَاحَیُّ یَا قَیُّوْمُ 143بار لکھ کرتعویذ بنا کر کنوارا اپنے بازو میں باندھے یا گلے میں پہن لے اِنْ شَاءَ اللہ عَزَّوَجَلَّ اُس کی جلد شادی ہو جائے گی اور گھر بھی اچھا چلے گا۔(مینڈک سوار بچھو، ص24)

بچوں کو اغوا سے بچانے کا وظیفہ:

اوّل وآخر ایک ایک بار درود شریف پڑھ کر تین تین بار پڑھئے: بِسْمِ اللہِ عَلٰی دِیْنِیْ بِسْمِ اللہِ عَلٰی نَفْسِیْ وَوُلْدِیْ وَاَھْلِیْ وَمَالِیْترجمہ:اللہ تعالٰی کے نام کی برکت سے میرے دین ،جان، اولاداور اہل ومال کی حفاظت ہو۔ (شجرہ عطاریہ، ص15)یَا قَادِرُقادر جو(چھوٹا ہو یا بڑا)وضو کے دوران ہر عضو کو دھوتے وقت پڑھنے کا معمول بنالے ، اِنْ شَاءَ اللہ عَزَّوَجَلَّ دشمن اس کو اغوا نہیں کرسکے گا۔(رُوحانی علاج،ص9)اسی طرح اپنے قریبی تعویذاتِ عطاریہ کے بستے سے امیرِ اہلسنت دَامَتْ

بَرَکَاتُہُمُ الْعَالِیَہکا بچوں کے اغوا سےحفاظت کا خصوصی تعویذبھی لیا جاسکتاہے ۔

اِیصَال ثواب کا طریقہ Isaal-e-Sawab Ka Tareeqa Ma Fazail Wa Masail

noreply@blogger.com (WafaSoft) — Mon, 6 Apr 2020 23:00:00 -0700

اِیصَال ثواب کا طریقہ

ایصالِ ثواب ( یعنی ثواب پہنچانا) کیلئے دل میں نیّت کرلینا کافی ہے،

مَثَلاًآپ نے کسی کو ایک روپیہ خیرات دیا یا ایک بار دُرُود شریف پڑھا یا کسی کو ایک سنَّت بتائی یا نیکی کی دعوت دی یا سنّتوں بھرا بیان کیا۔ الغرض کوئی بھی نیکی کی آپ دل ہی دل میں اس طرح نیّت کرلیں مَثَلاً، ابھی میں نے جو سنّت بتائی اس کا ثواب سرکار صَلَّی اللہ تَعَالٰی عَلَیْہِ وَاٰلِہٖ وَسَلَّمَ کو پہنچے‘‘۔ ان شاء اللّٰہ عَزَّ وَجَلَّ ثواب پہنچ جائے گا۔ مزید جن جن کی نیت کریں گے ان کو بھی پہنچے گا۔ دل میں نیت ہونے کے ساتھ ساتھ زبان سے کہہ لینا سنت صحابہ رَضِیَ اللہ تَعَالٰی عَنْہُم ہے جیسا کہ ابھی حدیثِ سعد رَضِیَ اللہ تَعَالٰی عَنْہُ میں گزرا کہ انہوں نے کنواں کھدواکر فرمایا۔ ’’ یہ امِّ سعد کیلئے ہے‘‘ ۔

ایصالِ ثواب کا مُرَوَّجہ طریقہ

آج کل مسلمانوں میں خُصُوصاً کھانے پر جو فاتحہ کا طریقہ رائج ہے وہ بھی بہت اچھا ہے جن کھانوں کا ایصالِ ثواب کرنا ہے وہ سارے یا سب میں سے تھوڑا تھوڑاکھانا نیز ایک گلاس میں پانی بھر کر سب کچھ سامنے رکھ لیں ۔

اب اَعُوْذُ بِاللّٰہِ مِنَ الشَّیْطٰنِ الرَّجِیْمِ ط

پڑھ کر ایک بار بِسْمِ اللّٰهِ الرَّحْمٰنِ الرَّحِیْمِ

قُلْ یٰۤاَیُّهَا الْكٰفِرُوْنَۙ(۱) لَاۤ اَعْبُدُ مَا تَعْبُدُوْنَۙ(۲) وَ لَاۤ اَنْتُمْ عٰبِدُوْنَ مَاۤ اَعْبُدُۚ(۳) وَ لَاۤ اَنَا عَابِدٌ مَّا عَبَدْتُّمْۙ(۴) وَ لَاۤ اَنْتُمْ عٰبِدُوْنَ مَاۤ اَعْبُدُؕ(۵) لَكُمْ دِیْنُكُمْ وَ لِیَ دِیْنِ۠(۶)

تین بار

بِسْمِ اللّٰهِ الرَّحْمٰنِ الرَّحِیْمِ

قُلْ هُوَ اللّٰهُ اَحَدٌۚ(۱) اَللّٰهُ الصَّمَدُۚ(۲) لَمْ یَلِدْ ﳔ وَ لَمْ یُوْلَدْۙ(۳) وَ لَمْ یَكُنْ لَّهٗ كُفُوًا اَحَدٌ۠(۴)

ایک بار

بِسْمِ اللّٰهِ الرَّحْمٰنِ الرَّحِیْمِ

قُلْ اَعُوْذُ بِرَبِّ الْفَلَقِۙ(۱) مِنْ شَرِّ مَا خَلَقَۙ(۲) وَ مِنْ شَرِّ غَاسِقٍ اِذَا وَقَبَۙ(۳) وَ مِنْ شَرِّ النَّفّٰثٰتِ فِی الْعُقَدِۙ(۴) وَ مِنْ شَرِّ حَاسِدٍ اِذَا حَسَدَ۠(۵)

ایک بار

بِسْمِ اللّٰهِ الرَّحْمٰنِ الرَّحِیْمِ

قُلْ اَعُوْذُ بِرَبِّ النَّاسِۙ(۱) مَلِكِ النَّاسِۙ(۲) اِلٰهِ النَّاسِۙ(۳) مِنْ شَرِّ الْوَسْوَاسِ ﳔ الْخَنَّاسِﭪ(۴) الَّذِیْ یُوَسْوِسُ فِیْ صُدُوْرِ النَّاسِۙ(۵) مِنَ الْجِنَّةِ وَ النَّاسِ۠(۶)

ایک بار

بِسْمِ اللّٰهِ الرَّحْمٰنِ الرَّحِیْمِ

اَلْحَمْدُ لِلّٰهِ رَبِّ الْعٰلَمِیْنَۙ(۱) الرَّحْمٰنِ الرَّحِیْمِۙ(۲) مٰلِكِ یَوْمِ الدِّیْنِؕ(۳) اِیَّاكَ نَعْبُدُ وَ اِیَّاكَ نَسْتَعِیْنُؕ(۴) اِهْدِنَا الصِّرَاطَ الْمُسْتَقِیْمَۙ(۵) صِرَاطَ الَّذِیْنَ اَنْعَمْتَ عَلَیْهِمْ ﴰ غَیْرِ الْمَغْضُوْبِ عَلَیْهِمْ وَ لَا الضَّآلِّیْنَ۠(۷)

ایک بار

بِسْمِ اللّٰهِ الرَّحْمٰنِ الرَّحِیْمِ

الٓمّٓۚ(۱) ذٰلِكَ الْكِتٰبُ لَا رَیْبَ ﶈ فِیْهِ ۚۛ-هُدًى لِّلْمُتَّقِیْنَۙ(۲) الَّذِیْنَ یُؤْمِنُوْنَ بِالْغَیْبِ وَ یُقِیْمُوْنَ الصَّلٰوةَ وَ مِمَّا رَزَقْنٰهُمْ یُنْفِقُوْنَۙ(۳) وَ الَّذِیْنَ یُؤْمِنُوْنَ بِمَاۤ اُنْزِلَ اِلَیْكَ وَ مَاۤ اُنْزِلَ مِنْ قَبْلِكَۚ-وَ بِالْاٰخِرَةِ هُمْ یُوْقِنُوْنَؕ(۴) اُولٰٓىٕكَ عَلٰى هُدًى مِّنْ رَّبِّهِمْۗ-وَ اُولٰٓىٕكَ هُمُ الْمُفْلِحُوْنَ(۵)

پڑھنے کے بعد یہ پانچ آیات پڑھیے :

(1) وَ اِلٰهُكُمْ اِلٰهٌ وَّاحِدٌۚ-لَاۤ اِلٰهَ اِلَّا هُوَ الرَّحْمٰنُ الرَّحِیْمُ۠(۱۶۳)(پ۱ البقرۃ : ۱۶۳)

(2) اِنَّ رَحْمَتَ اللّٰهِ قَرِیْبٌ مِّنَ الْمُحْسِنِیْنَ(۵۶) (پ۸ الاعراف : ۵۶)

(3) وَ مَاۤ اَرْسَلْنٰكَ اِلَّا رَحْمَةً لِّلْعٰلَمِیْنَ(۱۰۷) (پ۱۷ الانبیآء : ۱۰۷)

(4) مَا كَانَ مُحَمَّدٌ اَبَاۤ اَحَدٍ مِّنْ رِّجَالِكُمْ وَ لٰكِنْ رَّسُوْلَ اللّٰهِ وَ خَاتَمَ النَّبِیّٖنَؕ-وَ كَانَ اللّٰهُ بِكُلِّ شَیْءٍ عَلِیْمًا۠(۴۰)

(پ۲۲ الاحزاب ۴۰)

(5) اِنَّ اللّٰهَ وَ مَلٰٓىٕكَتَهٗ یُصَلُّوْنَ عَلَى النَّبِیِّؕ-یٰۤاَیُّهَا الَّذِیْنَ اٰمَنُوْا صَلُّوْا عَلَیْهِ وَ سَلِّمُوْا تَسْلِیْمًا(۵۶) (پ۲۲ الاحزاب : ۵۶)

اب دُرُود شریف پڑھئے :

اب ہاتھ اٹھاکر فاتحہ پڑھانے والابُلند آواز سے ’’ الفاتِحہ‘‘ کہے۔ سب لوگ آہستہ سے سورۃُ الفاتِحَہپڑھیں ۔ اب فاتحہ پڑھانے والا اس طرح اعلان کرے، ’’میٹھے میٹھے اسلامی بھائیو ! آپ نے جو کچھ پڑھا ہے اُس کا ثواب مجھے دیدیجئے‘‘۔ تمام حاضرین کہہ دیں : ’’ آپکو دیا۔‘‘اب فاتحہ پڑھانے والا ایصالِ ثواب کردے۔ ایصالِ ثواب کے الفاظ لکھنے سے قبل امام اہلسنت اعلیٰ حضرت مولانا شاہ احمد رضا خان علیہ رحمۃ اللہ ِالرحمن فاتحہ سے قبل جو سورتیں وغیرہ پڑھتے تھے وہ تحریر کرتا ہوں ۔

اعلٰحضرت رَضِیَ اللہ تَعَالٰی عَنْہُ کا فاتحہ کا طریقہ

ایک بار

بِسْمِ اللّٰهِ الرَّحْمٰنِ الرَّحِیْمِ

ایک بار

اَللّٰهُ لَاۤ اِلٰهَ اِلَّا هُوَۚ-اَلْحَیُّ الْقَیُّوْمُ ﳛ لَا تَاْخُذُهٗ سِنَةٌ وَّ لَا نَوْمٌؕ-لَهٗ مَا فِی السَّمٰوٰتِ وَ مَا فِی الْاَرْضِؕ-مَنْ ذَا لَّذِیْ یَشْفَعُ عِنْدَهٗۤ اِلَّا بِاِذْنِهٖؕ-یَعْلَمُ مَا بَیْنَ اَیْدِیْهِمْ وَ مَا خَلْفَهُمْۚ-وَ لَا یُحِیْطُوْنَ بِشَیْءٍ مِّنْ عِلْمِهٖۤ اِلَّا بِمَا شَآءَۚ-وَسِعَ كُرْسِیُّهُ السَّمٰوٰتِ وَ الْاَرْضَۚ-وَ لَا یَـُٔوْدُهٗ حِفْظُهُمَاۚ-وَ هُوَ الْعَلِیُّ الْعَظِیْمُ(۲۵۵)

تین بار

بِسْمِ اللّٰهِ الرَّحْمٰنِ الرَّحِیْمِ

اِیصال ثواب کیلئے دعا کا طریقہ

یااللّٰہ عَزَّ وَجَلَّ جو کچھ پڑھا گیا (اگر کھانا وغیرہ ہے تو اس طرح سے بھی کہیں ) اور جو کچھ کھانا وغیرہ پیش کیا گیا ہے بلکہ آج تک جو کچھ ٹوٹا پھوٹا عمل ہو سکا ہے اس کا ثواب ہمارے ناقص عمل کے لائق نہیں بلکہ اپنے کرم کے شایان شان مرحمت فرما۔ اور اسے ہماری جانب سے اپنے پیارے محبوب ، دانائے غُیُوب صَلَّی اللہ تَعَالٰی عَلَیْہِ وَاٰلِہٖ وَسَلَّمَ کی بارگاہ میں نَذْر پہنچا۔ سرکار مدینہ صَلَّی اللہ تَعَالٰی عَلَیْہِ وَاٰلِہٖ وَسَلَّمَ کے تَوَسُّط سے تمام انبیائے کرام علیہم

السلام تمام صَحابۂ کرام علیہم الرضوان تمام اولیائے عِظام رحمہم اللّٰہ کی جناب میں نَذْر پہنچا۔ سرکار مدینہ صَلَّی اللہ تَعَالٰی عَلَیْہِ وَاٰلِہٖ وَسَلَّمَ کے تَوَسُّط سے سَیِّدُ نا آدم صفیُّ اللّٰہ علیہ السلام سے لیکر اب تک جتنے انسان و جِنّات مسلمان ہوئے یا قیامت تک ہوں گے سب کو پہنچااس دَوران جن جن بزرگوں کو خُصُوصاً ایصالِ ثواب کرنا ہے ان کا نام بھی لیتے جائیں ۔ اپنے ماں باپ اور دیگر رشتے داروں اور اپنے پیر و مرشِد کو ایصالِ ثواب کریں ۔( فوت شدگان میں سے جن جن کا نام لیتے ہیں ان کو خوشی حاصل ہوتی ہے۔)

اب حسبِ معمول دعا ختم کردیں ۔ (اگر تھوڑا تھوڑا کھانا اور پانی نکالا تھا تو وہ دوسرے کھانوں اور پانی میں ڈال دیں )۔

خبردار !

جب بھی آپ کے یہاں نیاز یا کسی قسم کی تقریب ہو، جماعت کا وَقْت ہوتے ہی کوئی مانِع شرعی نہ ہوتو انفرادی کوشش کے ذَریعے تمام مہمانوں سمیت نمازِ باجماعت کیلئے مسجد کا رخ کریں ۔ بلکہ ایسے اوقات میں دعوت ہی نہ رکھیں کہ بیچ میں نماز آئے اور سستی کے باعث معاذ اللّٰہ عَزَّ وَجَلَّ جماعت فوت ہوجائے ۔ دوپہر کے کھانے کے لیے بعد نماز ظہر اورشام کے کھانے کیلئے بعد نماز عشاء مہمانوں کو بُلانے میں غالباً باجماعت نَمازوں کیلئے آسانی ہے ۔ میزبان ، باورچی ، کھانا تقسیم کرنے والے وغیرہ سبھی کو چاہیے کہ

وقت ہوجائے تو سارا کام چھوڑ کر باجماعت نماز کا اہتمام کریں ۔ بزرگوں کی ’’نیاز‘‘کی مصروفیت میں اللّٰہ عَزَّ وَجَلَّ کی ’’نمازِ باجماعت ‘‘میں کوتاہی بہت بڑی غلطی ہے ۔

مَزار پر حاضِری کا طریقہ

بزرگوں کے پاس قدموں کی طرف سے حاضر ہونا چاہئے، پیچھے سے آنے کی صورت میں انہیں مُڑ کر دیکھنے کی زحمت ہوتی ہے۔ لہٰذا مزارِاولیاء پر بھی پائِنتی (قدموں ) کی طرف سے حاضر ہو کر قبلہ کو پیٹھ اور صاحبِ مزار کے چہرے کی طرف رُخ کر کے کم از کم چار ہاتھ (دو گز) دُور کھڑاہواور اس طرح سلام عرض کرے ،

السَّلامُ عَلَیکَ یا ولیَّ اللّٰہِ وَرَحْمۃُ اللّٰہِ وَ برَکَاتُہٗ

ایک بار سورۃُ الفاتحہ اور11بار سورۃُ الْاِخْلاص(اول آخر ایک بار دُرُود شریف ) پڑھ کر ہاتھ اٹھا کر اوپر دیئے ہوئے طریقے کے مطابق (صاحبِ مزار کا نام لیکر بھی) ایصالِ ثواب کرے اور دعاء مانگے، ’’ اَحْسَنُ الوِِعاء‘‘ میں ہے ، ولی کے قُرب میں دعاء قبول ہوتی ہے،

الہٰی واسطہ کل اولیا ء کا مِرا ہر ایک پورا مُدَّعا ہو

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

اِیصَال ثواب کا طریقہ Isaal-e-Sawab Ka Tareeqa Ma Fazail Wa Masail

Isaal-e-Sawab Ke 18 madani Phool ایصالِ ثواب کے 18مدنی پھول

noreply@blogger.com (WafaSoft) — Mon, 6 Apr 2020 22:57:00 -0700

’’دین خیر خواہی کا نام ہے‘‘کے اٹھارہ حُرُوف کی نسبت سے ایصالِ ثواب کے 18مدنی پھول

مدینہ1 فرض، واجب ، سنت ، نفل، نماز، روزہ، زکوٰۃ، حج ، بیان، درس، مَدَنی قافلے میں سفر، مَدَنی انعامات، نیکی کی دعوت، دینی کتاب کا مطالعہ، مَدَنی کاموں کیلئے انفرادی کوشِش وغیرہ ہر نیک کام کا ایصالِ ثواب کرسکتے ہیں ۔

مدینہ2 میِّت کا تیجا، دسواں ، چالیسواں اور برسی کرنا اچّھا ہے کہ یہ ایصال ثواب کے ہی ذرائِع ہیں ۔ شریعت میں تیجے وغیرہ کے عَدَمِ جواز(یعنی ناجائزہونے) کی دلیل نہ ہونا خود دلیلِ جواز ہے اور میِّت کیلئے زندوں کا دعا کرناقرآنِ کریم سے ثابِت ہے جو کہ ایصالِ ثواب کی اَصْل ہے ۔ چُنانچِہ

وَ الَّذِیْنَ جَآءُوْ مِنْۢ بَعْدِهِمْ یَقُوْلُوْنَ رَبَّنَا اغْفِرْ لَنَا وَ لِاِخْوَانِنَا الَّذِیْنَ سَبَقُوْنَا بِالْاِیْمَانِ (پ۲۸ حشر : ۱۰)

ترجمۂ کنزالایمان : اور وہ جوان کے بعد آئے عرض کرتے ہیں ، اے ہمارے رب( عَزَّ وَجَلَّ ) ہمیں بخش دے اور ہمارے بھائیوں کو جو ہم سے پہلے ایمان لائے۔

مدینہ3 تیجے وغیرہ کا کھانا صِرْف اسی صورت میں میِّت کے چھوڑے ہوئے مال سے کرسکتے ہیں جبکہ سارے وُرَثا بالِغ ہوں اور سب کے سب اجازت بھی دیں اگر ایک بھی وارِث نابالِغ ہے توسخت حرام ہے۔ ہاں بالِغ اپنے حصہ سے کرسکتا ہے۔

(مُلَخَّص از بہار شریعت ج۱ حصہ۴ ص۸۲۲)

مدینہ4 میِّت کے گھر والے اگر تیجے کا کھانا پکائیں تو(مالدار نہ کھائیں ) صِرْف فُقَراء کوکھلائیں ۔ (اَیضاًص۸۵۳)

مدینہ5 ایک دن کے بچے کو بھی ایصالِ ثواب کرسکتے ہیں ، اُس کاتیجا ، وغیرہ بھی کرنے میں حرج نہیں ۔

مدینہ6 جو زندہ ہیں ان کو بھی بلکہ جو مسلمان ابھی پیدا نہیں ہوئے ان کو بھی پیشگی (ایڈوانس میں ) ایصالِ ثواب کیا جاسکتا ہے۔

مدینہ7 مسلمان جِنَّات کو بھی ایصالِ ثواب کرسکتے ہیں ۔

مدینہ8 گیارھویں شریف، رَجَبی شریف (یعنی ۲۲ رجب المرجّب کو سَیِّدُنا امام جعفرِ صادِق رضی اللہ تعالی عنہ کے کونڈے کرنا) وغیرہ جائز ہے۔ کونڈے ہی میں کھیر کھِلانا ضَروری نہیں دوسرے برتن میں بھی کھلا سکتے ہیں ۔ اس کو گھر سے باہَر بھی لے جاسکتے ہیں ۔

مدینہ9 بزرگوں کی فاتحہ کے کھانے کو تعظیماً’’ نذر و نیاز ‘‘کہتے ہیں اور یہ نیازتَبَرُّک ہے اسے امیر و غریب سب کھا سکتے ہیں ۔

مدینہ10 ایصالِ ثواب کے کھانے میں مہمان کی شرکت شرط نہیں گھر کے افراد اگر خود ہی کھالیں جب بھی کوئی حرج نہیں ۔

مدینہ11 روزانہ جتنی باربھی کھاناحسبِ حال اچّھی اچّھی نیّتوں کے ساتھ کھائیں ، اُس میں اگر کسی نہ کسی بُزُرْگ کے ایصالِ ثواب کی نیّت کرلیں توخوب ہے۔ مَثَلاً ناشتے

میں نیّت کیجئے : آج کے ناشتے کا ثواب سرکارِ مدینہ صَلَّی اللہ تَعَالٰی عَلَیْہِ وَاٰلِہٖ وَسَلَّمَ اور آپ کے ذَرِیْعے تمام انبیا ئے کرام عَلَیْہِ السَّلَام

کو پہنچے۔دوپَہَر کو نیّت کیجئے : ابھی جو کھانا کھائیں گے(یا کھایا) اُس کا ثواب سرکارِ غوثِ اعظم اور تمام اولیائے کِرام رَحِمَہُمُ اللہ السَّلَام

کو پہنچے، رات کو نیّت کیجئے : ابھی جو کھائیں گے اُس کا ثواب امامِ اہلسنّت امام احمد رضا خان عَلَیْہِ رَحْمَۃُ الرَّحْمٰن اورہر مسلمان مردوعورت کو پہنچے یا ہر بار سبھی کو ایصالِ ثواب کیا جائے اور یہی اَنْسَب (یعنی زیادہ مناسب) ہے۔یاد رہے! ایصالِ ثواب صِرف اُسی صورت میں ہو سکے گا جبکہ وہ کھانا کسی اچّھی نیّت سے کھایا جائے مَثَلاً عبادت پر قوّت حاصِل کرنے کی نیّت سے کھایا تو یہ کھانا کھانا کارِ ثواب ہوا اور اُس کا ایصالِ ثواب ہوسکتا ہے ۔ اگر ایک بھی اچّھی نیّت نہ ہو تو کھانا کھانا مُباح کہ اِس پر نہ ثواب نہ گناہ ، تو جب ثواب ہی نہ ملا تو ایصالِ ثواب کیسا!البتّہ دوسروں کو بہ نیّتِ ثواب کھلایا ہو تو اُس کِھلانے کا ثواب ایصال ہو سکتا ہے۔

مدینہ12اچّھی اچّھی نیتوں کے ساتھ کھائے جانے والے کھانے سے پہلے ایصالِ ثواب کریں یا کھانے کے بعد ، دونوں طرح دُرُست ہے۔

مدینہ13 ہوسکے تو ہر روز( نَفْع پر نہیں بلکہ) اپنی بِکری کا ایک فیصد اور ملازِمت کرنے والے تنخواہ کا ماہانہ کم ازکم تین فیصدسرکارِ غوثِ پاک رَضِیَ اللہ تَعَالٰی عَنْہُ کی نیاز کیلئے نکال لیا کریں ۔اِس رقم سے دینی کتابیں تقسیم کریں یا کسی بھی نیک کام میں خرچ کریں اِنْ شَآءَ اللّٰہ عَزَّ وَجَلَّ اِس کی برکتیں خود ہی دیکھیں گے۔

مدینہ14 مسجد یا مدرسہ کا قیام صدقۂ جاریہ اور ایصالِ ثواب کا بہترین ذریعہ ہے۔

مدینہ15 داستانِ عجیب، شہزادے کا سر ، دس بیبیوں کی کہانی اور جنابِ سیِّدہ کی کہانی وغیرہ سب من گھڑت قِصّے ہیں ، انہیں ہرگز نہ پڑھا کریں ۔ اسی طرح ایک پمفلٹ بنام ’’وصیت نامہ‘‘ لوگ تقسیم کرتے ہیں جس میں کسی ’’شیخ احمد‘‘ کا خواب دَرْج ہے یہ بھی جعلی ہے اس کے نیچے مخصوص تعداد میں چھپواکر بانٹنے کی فضیلت اور نہ تقسیم کرنے کے نقصانات وغیرہ لکھے ہیں ان کا بھی اعتبارنہ کریں ۔

مدینہ16 جتنوں کو بھی ایصال ثواب کریں اللّٰہ عَزَّ وَجَلَّ کی رَحْمت سے امید ہے کہ سب کو پورا ملیگا ۔ یہ نہیں کہ ثواب تقسیم ہوکر ٹکرے ٹکرے ملے۔ (رَدُّالْمُحْتارج۳ص۱۸۰دار المعرفۃ، بہارشریعت ج۱حصہ ۴ ص ۸۵۰ملخصاً )

مدینہ17 ایصالِ ثواب کرنے والے کے ثواب میں کوئی کمی واقع نہیں ہوتی بلکہ یہ امید ہے کہ اس نے جتنوں کو ایصالِ ثواب کیا ان سب کے مجموعہ کے برابر اس کو ثواب ملے۔ مثلاً کوئی نیک کام کیا جس پر اس کو دس نیکیاں ملیں اب اس نے دس مُردوں کو ایصالِ ثواب کیا تو ہر ایک کودس دس نیکیاں پہنچیں گی جبکہ ایصالِ ثواب کرنے والے کو ایک سو دس اور اگر ایک ہزار کو ایصالِ ثواب کیا تو اس کو دس ہزار دس وَ عَلیٰ ھٰذَا الْقِیاس۔ (بہارشریعت ج۱حصہ۴ص۸۵۰)

مدینہ18 ایصالِ ثواب صِرْف مسلمان کو کرسکتے ہیں ۔ کافر یا مُر تَد کو ایصالِ ثواب کرنا یا اس کو مرحوم کہنا کُفر ہے۔

Isaal-e-Sawab Ke 18 madani Phool ایصالِ ثواب کے 18مدنی پھول

اُمِ سَعد رضی اللّٰہ تَعَالٰی عنہاکیلئے کُنواں Umm-e-Saad Ke Liye Kunwan

noreply@blogger.com (WafaSoft) — Mon, 6 Apr 2020 22:55:00 -0700

اُمِ سَعد رضی اللّٰہ تَعَالٰی عنہاکیلئے کُنواں

حضرت سَیِّدُنا سعد بن عُبادہ رَضِیَ اللہ تَعَالٰی عَنْہُ نے عرض کی، یارسولَ اللّٰہ عَزَّ وَجَلَّ و صَلَّی اللہ تَعَالٰی عَلَیْہِ وَاٰلِہٖ وَسَلَّمَ ! میری ماں انتقال کرگئی ہیں (میں اُن کی طرف سے صَدَقہ کرنا چاہتا ہوں ) کون سا صَدَقہ افضل رہے گا؟سرکار صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے فرمایا، ’’پانی ‘‘ چُنانچِہ انہوں نے ایک کُنواں کھدوایا اور کہا، ’’یہ اُمِ سَعد رَضِیَ اللہ تَعَالٰی عَنْہُمَا کیلئے ہے ۔‘‘

(سُنَنُ اَ بِی دَاوٗد ج۲ص۱۸۰حدیث۱۶۸۱دارالفکر بیروت)

میٹھے میٹھے اسلامی بھائیو!سَیِّدُ نا سعد رَضِیَ اللہ تَعَالٰی عَنْہُ کا کہنا ہے کہ یہ کُنوا ں اُمِّ سعد رضی اللّٰہ تَعَالٰی عنہماکیلئے ہے۔اس کے معنٰی یہ ہیں کہ یہ کنواں سعد رَضِیَ اللہ تَعَالٰی عَنْہُ کی ماں کے ایصالِ ثواب کیلئے ہے۔ اس سے یہ بھی معلوم ہوا کہ مسلمانوں کا گائے یا بکرے وغیرہ کو بزرگوں کی طرف منسوب کرنا مثلاً یہ کہنا کہ ’’یہ سَیِّدُنا غوثِ پاک رَضِیَ اللہ تَعَالٰی عَنْہُ کا بکرا ہے‘‘۔ اس میں کوئی حرج نہیں کہ اس سے مُراد بھی یہی ہے کہ یہ بکرا غوثِ پاک رَضِیَ اللہ تَعَالٰی عَنْہُ کے ایصال ثواب کیلئے ہے۔ اور قربانی کے جانور کو بھی تو لوگ ایک دوسرے ہی کی طرف منسوب کرتے ہیں ۔ مثلاً کوئی اپنی قربانی کی گائے لئے چلا آرہا ہو اور اگر آپ اُس سے پوچھیں ، کہ کس کی گائے ہے ؟تو اُس نے یہی جواب دینا ہے، ’’میری گائے ہے ‘‘ جب یہ کہنے والے پر اعتراض نہیں تو’’غوثِ پاک کا بکرا‘‘کہنے والے پر بھی کوئی اعتراض نہیں ہو سکتا۔حقیقت میں ہر شے کا مالک اللّٰہ عَزَّ وَجَلَّ ہی ہے اور قربانی کی گائے ہو یا غوثِ پاک کا بکرا، ہر ذبیحہ کے ذبح کے وقت اللّٰہ عَزَّ وَجَلَّ کا نام لیا جاتا ہے۔ اللّٰہ عَزَّ وَجَلَّ وسوسوں سے نجات بخشے۔

اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

اُمِ سَعد رضی اللّٰہ تَعَالٰی عنہاکیلئے کُنواں Umm-e-Saad Ke Liye Kunwan

Isaal-e-Sawab Ke Imaan Afrooz Waqiyaaat

noreply@blogger.com (WafaSoft) — Mon, 6 Apr 2020 22:54:00 -0700

نورانی لباس

ایک بُزُرگ نے اپنے مرحوم بھائی کو خواب میں دیکھ کر پوچھا کیازندہ لوگوں کی دُعا تم لوگوں کو پہنچتی ہے؟ تو انہوں نے جواب دیا، ’’ ہاں اللّٰہ عَزَّ وَجَلَّ کی قسم وہ نورانی لباس کی صورت میں آتی ہے اسے ہم پہن لیتے ہیں ‘‘۔ (شَرحُ الصُّدُوْرص۳۰۵)

جلوہ یار سے ہو قبر آباد وَحْشتِ قبر سے بچا یارب !

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

نورانی طباق

’’ جب کوئی شخص میت کو ایصال ثواب کرتا ہے تو جبرئیل علیہ السلام اسے نورانی طباق میں رکھ کر قبر کے کنارے کھڑے ہوجاتے ہیں اور کہتے ہیں ، ’’ اے قبر والے ! یہ ہدیہ (تحفہ) تیرے گھر والوں نے بھیجا ہے قبول کر۔‘‘ یہ سن کر وہ خوش ہوتا ہے اور اس کے پڑوسی اپنی محرومی پر غمگین ہوتے ہیں ۔ (اَیضاًص۳۰۸)

قبر میں آہ! گھپ اندھیرا ہے فضل سے کردے چاند نا یارب !

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

مُردوں کی تعداد کے برابر اَجْر

جو قبرستان میں گیارہ بار سورۂ اِخلاص پڑھ کر مُردوں کو اس کا ایصالِ ثواب کرے تو مُردوں کی تعداد کے برابر ایصالِ ثواب کرنے والے کواس کا اَجْر ملیگا۔(کَشفُ الْخِفَاء ج۲ص۲۵۲حدیث ۲۶۲۹ )

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

اہلِ قُبوُر سِفارش کریں گے

شفیعِ مجرمان صَلَّی اللہ تَعَالٰی عَلَیْہِ وَاٰلِہٖ وَسَلَّمَ کا فرمان شفاعت نشان ہے، جو قبرستان سے گزرا اور اس نے سورۃُ الفاتحہ، سورۃُ الاخلاص اور سورۃُ التَّکاثُر پڑھی ۔ پھر یہ دعا مانگی، ’’یااللّٰہ عَزَّ وَجَلَّ ! میں نے جو کچھ قرآن پڑھا اس کا ثواب مومن مرد و عورت دونوں کو پہنچا تو وہ قبر والے قیامت کے روز اس (ایصالِ ثواب کرنے

والے) کے سفارشی ہونگے۔ (شَرحُ الصُّدُوْرص۳۱۱)

ہر بھلے کی بھلائی کا صدقہ اس برے کو بھی کر بھلا یارب!

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

سورۂ اخلاص کا ثواب

حضرت سیِّدُنا حمَّاد مکّی رَحْمَۃُ اللہ تَعَالٰی عَلَیْہِ فرماتے ہیں ، میں ایک رات مکہ مکرمہ کے قبرِستان میں سوگیا ۔ کیا دیکھتا ہوں کہ قبر والے حلقہ در حلقہ کھڑے ہیں میں نے ان سے استِفسار کیا ، کیا قیامت قائم ہوگئی ؟ اُنہوں نے کہا، نہیں بات دراصل یہ ہے کہ ایک مسلمان بھائی نے سورۃُ الاخلاص پڑھ کر ہم کو ایصالِ ثواب کیا تو وہ ثواب ہم ایک سال سے تقسیم کررہے ہیں ۔ (شَرحُ الصُّدُوْر ص۳۱۲)

سَبَقَتْ رَحْمَتِیْ عَلٰی غَضَبِیْ تونے جب سے سنادیا یارب ! عَزَّ وَجَلَّ

آسرا ہم گنہگاروں کا اور مضبوط ہوگیا یارب! عَزَّ وَجَلَّ

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

Isaal-e-Sawab Ke Imaan Afrooz Waqiyaaat

ایصالِ ثواب کے 3ایمان افروز فضائل دعاؤں کی برکت Isaala-e-Sawab Ke 3 Imaan Afroz Fazail

noreply@blogger.com (WafaSoft) — Mon, 6 Apr 2020 22:51:00 -0700

’’کَرَم‘‘ کے تین حُرُوف کی نسبت سے ایصالِ ثواب کے 3ایمان افروز فضائل

دعاؤں کی برکت

مدینے کے تاجدار صَلَّی اللہ تَعَالٰی عَلَیْہِ وَاٰلِہٖ وَسَلَّمَ کا فرمانِ مغفِرت نشان ہے، میری اُمّت گناہ سمیت قبر میں داخِل ہوگی اور جب نکلے گی تو بے گناہ ہوگی کیونکہ وہ مؤمنین کی دعاؤں سے بخش دی جاتی ہے ۔ ( اَلْمُعْجَمُ الْاَ وْسَط ج۱ص۵۰۹حدیث۱۸۷۹)

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

ایصالِ ثواب کا انتظار !

سرکارِ نامدار صَلَّی اللہ تَعَالٰی عَلَیْہِ وَاٰلِہٖ وَسَلَّمَ کا ارشادِ مشکبار ہے، مُردہ کا حال قبر میں ڈوبتے ہوئے انسان کی مانند ہے کہ وہ شدت سے انتظار کرتا ہے کہ باپ یا ماں یا بھائی یاکسی دوست کی دعا اس کو پہنچے اور جب کسی کی دعا اسے پہنچتی ہے تو اس کے نزدیک وہ دنیا ومَافِیْھا (یعنی دنیا اور اس میں جو کچھ ہے) سے بہتر ہوتی ہے۔ اللّٰہ عَزَّ وَجَلَّ قبر والوں کو ان کے زندہ مُتعلِّقین کی طرف سے ہدیّہ کیا ہوا ثواب پہاڑوں کی مانند عطا فرماتا ہے، زندوں کا ہدیّہ (یعنی تحفہ) مُردوں کیلئے ’’دعائے مغفرت کرنا ہے‘‘۔

( شُعَبُ الاِْیْمَان ج۶ص۲۰۳حدیث۷۹۰۵)

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

دوسروں کیلئے دعائے مغفِرت کرنے کی فضیلت

’’ جو کوئی تمام مومن مردوں اور عورتوں کیلئے دعائے مغفِرت کرتا ہے، اللّٰہ عَزَّ وَجَلَّ اُس کیلئے ہر مومن مرد و عورت کے عِوَض ایک نیکی لکھ دیتا ہے۔‘‘ ( مَجْمَعُ الزَّوَائِد ج۱۰ص۳۵۲حدیث۱۷۵۹۸)

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

اربوں نیکیاں کمانے کا آسان نسخہ

میٹھے میٹھے اسلامی بھائیو! جھوم جائیے ! اربوں ، کھربوں نیکیاں کمانے کا آسان نسخہ ہاتھ آگیا! ظاہر ہے اس وقت روئے زمین پر کروڑوں مسلمان موجود

ہیں اور کروڑوں بلکہ اربوں دنیا سے چل بسے ہیں ۔ اگر ہم ساری اُمت کی مغفرت کیلئے دعا کریں گے تو اِنْ شَآءَ اللہ عَزَّ وَجَلَّ ہمیں اَربوں ، کھربوں نیکیوں کا خزانہ مل جائے گا۔ میں اپنے لیے اور تمام مؤمنین و مؤمنات کیلئے دعاتحریر کردیتا ہوں ۔ (اوّل آخر درود شریف پڑھ لیں ) اِنْ شَآءَ اللّٰہ عَزَّ وَجَلَّ ڈھیروں نیکیاں ہاتھ آئیں گی۔

اَللّٰھُمَّ اغْفِرْ لِیْ وَلِکُلِّ مُؤْمِنٍ وَّمُؤْمِنَۃٍ۔یعنی اے اللہ میری اور ہر مومن ومومنہ کی مغفرت فرما۔ اٰمین بجاہ النبی الامین صَلَّی اللہ تَعَالٰی عَلَیْہِ وَاٰلِہٖ وَسَلَّمَ

آپ بھی اوپر دی ہوئی دعا کو عربی یا اردو یا دونو ں زبانوں میں ابھی اور ہو سکے تو روزانہ پانچوں نمازوں کے بعد بھی پڑھنے کی عادت بنالیجئے۔

بے سبب بخش دے نہ پوچھ عمل نام غفار ہے تِرا یارب!

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

ایصالِ ثواب کے 3ایمان افروز فضائل دعاؤں کی برکت Isaala-e-Sawab Ke 3 Imaan Afroz Fazail

Faizan-e-Isaal-e-Sawab فیضانِ ایصالِ ثواب

noreply@blogger.com (WafaSoft) — Mon, 6 Apr 2020 22:49:00 -0700

فیضانِ ایصالِ ثواب

نفاق و نار سے نَجات

حضرتِ سَیِّدُنا امام سخاوِی رَحْمَۃُ اللہ تَعَالٰی عَلَیْہِ نَقل فرماتے ہیں : سرکارِ دو عالَم صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے ارشاد فرمایا : ’’جس نے مجھ پر ایک باردُرُودِپاک بھیجا اللّٰہ عَزَّ وَجَلَّ اُس پر دس رَحمتیں نازِل فرماتا ہے اور جو مجھ پر دس بار دُرُودِ پاک بھیجے اللّٰہ عَزَّ وَجَلَّ اُس پر سو رَحمتیں نازِل فرماتا ہے اور جو مجھ پر سو بار دُرُودِ پاک بھیجے اللّٰہ عَزَّ وَجَلَّ اُس کی دونوں آنکھوں کے درمیان لکھ دیتا ہے کہ یہ بندہ نِفاق اور دوزخ کی آگ سے بَری ہے اور قِیامَت کے دن اُس کوشہیدوں کیساتھ رکھے گا۔ ‘‘

(اَلْقَوْلُ الْبَدِیع ص ۲۳۳ مؤسسۃ الریان بیروت )

ہے سب دعاؤں سے بڑھ کر دعا دُرُود و سلام

کہ دَفع کرتا ہے ہر اِک بلا دُرُود و سلام

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

میٹھے میٹھے اسلامی بھائیو!جن کے والدین یا ان میں سے کوئی ایک فوت ہوگیا ہو تو ان کو چاہئے کہ ان کی طرف سے غفلت نہ کرے، ان کی قبروں پر بھی حاضری دیتا رہے اور ایصالِ ثواب بھی کرتا رہے۔ اِس ضِمْن میں سلطان مدینہ صَلَّی اللہ تَعَالٰی عَلَیْہِ

وَاٰلِہٖ وَسَلَّمَ کے 5فرامینِ رحمت نشان مُلاحَظہ فرمائیں ؛

(1)مقبول حج کا ثواب

جوبہ نیت ثواب اپنے والدین دونوں یا ایک کی قبر کی زیارت کرے، حج مقبول کے برابر ثواب پائے اور جو بکثرت ان کی قبر کی زیارت کرتا ہو، فرشتے اس کی قَبْر کی (یعنی جب یہ فوت ہوگا) زِیارت کو آئیں ۔ (کَنْزُ الْعُمَّال ج۱۶ص۲۰۰ حدیث۴۵۵۳۶)

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

(2) دس حج کا ثواب

جو اپنی ماں یا باپ کی طرف سے حج کرے ان کی (یعنی ماں یا باپ کی) طرف سے حج ادا ہوجائے اسے (یعنی حج کرنے والے کو) مزید دس حج کا ثواب ملے۔ (دارِقُطنی ج۲ ص۳۲۹ حدیث۲۵۸۷ )

سُبحٰن اللّٰہ عَزَّ وَجَلَّ ! جب کبھی نفلی حج کی سعادت حاصل ہوتو فوت شدہ ماں یا باپ کی نیت کرلیں تاکہ ان کو بھی حج کا ثواب ملے ، آپ کا بھی حج ہوجائے بلکہ مزید دس حج کا ثواب ہاتھ آئے۔ اگر ماں یا والدمیں سے کوئی اس حال میں فوت ہوگیا کہ ان پر حج فرض ہو چکنے کے باوجود وہ نہ کرپائے تھے تو اب اولاد کو حج بدل کا شرف حاصل کرنا چاہئے۔حج بدل کے تفصیلی احکام کے لئے ’’رفیقُ الْحَرَمَین‘‘(مطبوعہ مکتبۃ المدینہ ) کا مطالعہ فرمائیں ۔

(3)والدین کی طرف سے خیرات

’’ جب تم میں سے کوئی کچھ نَفْل خیرات کرے تو چاہئے کہ اسے اپنے ماں باپ کی طرف سے کرے کہ اس کا ثواب انہیں ملیگا اور اس کے (یعنی خیرات کرنے والے کے) ثواب میں کوئی کمی بھی نہیں آئے گی۔‘‘ (شُعَبُ الْاِیْمَان ج۶ ص۲۰۵ حدیث۷۹۱۱)

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

(4) روزی میں بے بَرَکتی کی وجہ

’’ بندہ جب ماں باپ کیلئے دعا ترک کردیتا ہے اس کا رِزْق قَطْع ہوجاتا ہے۔(کَنْزُ الْعُمَّال ج۱۶ ص۲۰۱ حدیث۴۵۵۴۸)

(5)جُمُعہ کو زیارتِ قبر کی فضیلت

جو شخص جمعہ کے روز اپنے والدین یاان میں سے کسی ایک کی قبر کی زیارت کرے اور اس کے پاس سورہ یٰسین پڑھے بخش دیا جائے۔(ابْن عدّی فِی الْکَامِل ج۶ ص۲۶۰)

لاج رکھ لے گنہگاروں کی نام رحمن ہے تِرا یارب!

میٹھے میٹھے اسلامی بھائیو! اللّٰہ عَزَّ وَجَلَّ کی رحمت بہت بڑی ہے جو مسلمان دنیا سے رخصت ہوجاتے ہیں ان کیلئے بھی اس نے اپنے فضل و کرم کے دروازے کھلے ہی رکھے ہیں ۔ اللّٰہ عَزَّ وَجَلَّ کی رحمت بے پایاں سے متعلِّق ایک روایت پڑھئے اور جھومئے !

کفن پھٹ گئے

اللّٰہ عَزَّ وَجَلَّ کے نبی حضرت سیِّدُ نا اَرمیاء علٰی نبیناوعلیہ الصلٰوۃ والسلام کچھ ایسی قبروں کے پاس سے گزرے جن میں عذاب ہورہا تھا ۔ ایک سال بعد جب پھر وہیں سے گزر ہوا تو عذاب ختْم ہوچکا تھا۔ انہوں نے بارگاہِ خداوندی عَزَّ وَجَلَّ میں عرض کی ، یا اللّٰہ عَزَّ وَجَلَّ ! کیا وجہ ہے کہ پہلے ان کو عذاب ہورہا تھا اب ختْم ہوگیا؟ آواز آئی، ’’اے ارمیاء ! ان کے کفن پھٹ گئے، بال بکھر گئے اور قبریں مِٹ گئیں تو میں نے ان پر رحم کیا اور ایسے لوگوں پر میں رحم کیا ہی کرتا ہوں ۔‘‘ (شَرحُ الصُّدُوْرص۳۱۳)

اللّٰہ کی رحمت سے تو جنت ہی ملے گی اے کاش ! محلے میں جگہ ان کے ملی ہو

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

Faizan-e-Isaal-e-Sawab فیضانِ ایصالِ ثواب

Kuch Zaruri Aur Aham Bemariyoun Ka Ilaj

noreply@blogger.com (WafaSoft) — Mon, 6 Apr 2020 22:47:00 -0700

بے وقت نیند چڑھنے کاعلاج

ایک گلاس پانی(نیم گرم ہو تو زیادہ بہتر)میں ایک چمچ شہدملا کر نہار منہ ( یعنی کچھ کھانے سے قبل) اور روزہ ہو تو افطار کے وقت بلا ناغہ مستقل استعمال کیجئے موٹاپا اور بَہُت سی بیماریوں بالخصوص پیٹ کے اَمراض سے اِنْ شَآءَ اللہ عَزَّ وَجَلَّ حفاظت ہوگی، بہتر یہ ہے کہ اس میں ایک ورنہ آدھا لیموں بھی نچوڑ لیا کریں توان شاء اللّٰہ عَزَّ وَجَلَّ فوائد زائد ہو جائیں گے۔ اگر مُطَالَعَہ(مُطا۔لَ۔عَہْ) کرتے کرتے یا اِجتماع وغیرہ میں بیٹھے بیٹھے بے وقت نیند چڑھتی ہوگی تواِنْ شَآءَ اللہ عَزَّ وَجَلَّ اس سے بھی نجات ملے گی۔

Kuch Zaruri Aur Aham Bemariyoun Ka Ilaj

موٹاپے کاسب سے بہترین علاج

سب سے بہترین علاج اللّٰہ عَزَّ وَجَلَّ کے حبیب، حبیب لبیب، طبیبوں کے طبیب صَلَّی اللہ تَعَالٰی عَلَیْہِ وَاٰلِہٖ وَسَلَّمَ کاتجویز فرمودہ ہے : ’’بھوک کے تین حصّے کر لئے جائیں ایک حصہ غذا ایک حصہ پانی اور ایک حصہ ہوا۔‘‘ اگر کھانے میں یہ طریقہ اپنالیاجائے تو اِنْ شَآءَ اللہ عَزَّ وَجَلَّ نہ کبھی بدن موٹا ہو گا نہ کبھی گیس ، بادی، پیٹ میں گڑ بڑ، قبض وغیرہ کا عارضہ ۔

کھانسی کاعلاج

روزانہ کشمش کے 40 دانے( اگر موافق آتے ہوں تو دُگنے کرنے میں بھی حرج

نہیں )اور تین عد دبادام لیکر اس پر11 بار دُرُود شریف پڑھ کر دم کر کے کھالیجئے اِس کے اوپر دو گھنٹے تک پانی نہ پئیں ۔ اِنْ شَآءَ اللہ عَزَّ وَجَلَّ کھانسی میں بَہُت فائدہ ہوگا۔ بلغم نکلے گا اورمزید نہیں بنے گا ۔ (ضرورتًاکشمش کی تعداد بڑھا دیجئے) بَہُت چھوٹے بچوں کیلئے حسب ضرورت مقدار کچھ کم کر دیجئے۔ تا حصول شفا علاج جاری رکھئے۔

حفاظت حمل کے 2روحا نی علاج

(1) لَآ اِلٰہَ اِلَّاا للّٰہُ 11 بارکسی رکابی( یا کاغذ) پر لکھ کر دھو کر عورت کو پلا دیجئے اِنْ شَآءَ اللّٰہ عَزَّ وَجَلَّ حَمْل کی حفاظت ہو گی۔ جس عورت کو دُودھ نہ آتا ہو یا کم آتا ہو اِنْ شَآءَ اللّٰہ عَزَّ وَجَلَّ اُس کیلئے بھی یہ عمل مُفید ہے۔ چاہیں تو ایک ہی دن پلائیں یا کئی روز تک روزانہ ہی لکھ کر پِلائیں ہر طرح سے اختیار ہے۔

(2) یا حَیُّ یا قَیُّومُ 111بار کسی کاغذ پر لکھ کر حامِلہ کے پیٹ پر باندھ دیجئے اور وِلادت کے وَقت تک باندھے رہئے۔( ضَرورتاً کچھ دیر کیلئے کھولنے میں حَرَج نہیں ) اِنْ شَآءَ اللّٰہ عَزَّ وَجَلَّ حَمْل بھی محفوظ رہے گا اور بچّہ بھی صحّت مند پیدا ہو گا۔

عِرْقُ النِّسَاء کے2روحانی علاج

میٹھے میٹھے اسلامی بھائیو! عِرقُ النّساء کی پہچان یہ ہے کہ اِس میں چَڈّھے( یعنی ران کے جوڑ) سے لیکر پاؤں کے ٹخنے تک شدید درد ہوتا ہے یہ مرض برسوں تک پیچھا نہیں چھوڑتا۔

(1)درد کے مقام پر ہاتھ رکھ کر اوّل آخِر دُرُود شریف ، سورَۃُ الفاتِحہ ایک بار اور سات ۷ مرتبہ یہ دُعا پڑھ کر دم کر دیجئے : اَللّٰھُمَّ اذْھِبْ عَنِّیْ سُوئَ مَا اَجِدُُ (اے اللّٰہ عَزَّ وَجَلَّ مجھ سے مَرض دُور فرما دے) اگر دوسرا دم کرے تو عَنِّیْ کی جگہ عَنْہُ (یعنی اس سے)کہے ۔ ( مدّت : تا حُصولِ شِفاء)(2) یامُحْیِیْسات بارپڑھ کرگیس ہو یاپیٹھ یاپیٹ میں تکلیف یا عِرقُ النِّساء یا کسی بھی جگہ درد ہو یا کسی عُضوکے ضائِع ہو جانے کا خوف ہو ، اپنے اوپردم کردیجئے اِنْ شَآءَ اللّٰہ عَزَّ وَجَلَّ فائِدہ ہوگا۔ (مدّتِ علاج : تا حُصولِ شفاء)

منہ کی بد بو کا علاج

اگر کسی چیز کے کھانے کے سبب مُنہ میں بدبُو آتی ہوتو ہرا دھنیہ چبا کر کھایئے نیز گُلاب کے تازہ یا سُوکھے ہوئے پھولوں سے دانت مانجھئے اِنْ شَآءَ اللّٰہ عَزَّ وَجَلَّ فائدہ ہو گا۔ ہاں اگر پیٹ کی خرابی کی وجہ سے بدبُوآتی ہو تو’’ کم خوری‘‘ کی سعادت حاصل کر کے بھوک کی بَرَکتیں لوٹنے سے اِنْ شَآءَ اللّٰہ عَزَّ وَجَلَّ ٹانگوں اور بدن کے مختلف حصّوں کے درد ، قبض ، سینے کی جلن ، مُنہ کے چھالے ، باربار ہونے والے نزلے کھانسی اور گلے کے درد ، مَسُوڑھوں میں خون آنا وغیرہ بَہُت سارے اَمراض کے ساتھ ساتھ مُنہ کی بدبو سے بھی جان چھوٹ جائے گی ۔ بھوک باقی رہے اس طرح سے کم کھانے میں 80فیصد اَمراض سے بچت ہوسکتی ہے۔( تفصیلی

معلومات کیلئے فیضانِ سنّت کے باب ’’ پیٹ کا قفلِ مدینہ‘‘ کا مطالَعَہ فرمایئے)اگر نَفس کی حِرص کا علاج ہو جائے توکئی جسمانی اور روحانی امراض خود ہی دم توڑجائیں ۔

رضاؔ نفس دشمن ہے دم میں نہ آنا

کہاں تم نے دیکھے ہیں چَند رانے والے

منہ کی بد بوکامد نی علاج

اَللّٰھُمَّ صَلِّ وَسَلِّمْ عَلَی النَّبِیِّ الطَّاہِرِ

مُندَرَجَۂ بالا دُرُود شریف موقع بہ موقع ایک ہی سانس میں گیارہ مرتبہ پڑھ لیجئے اِنْ شَآءَ اللّٰہ عَزَّ وَجَلَّ مُنہ کی بدبُو زائِل ہو جائیگی۔ایک ہی سانس میں پڑھنے کا بِہتر طریقہ یہ ہے کہ مُنہ بند کر کے آہِستہ آہِستہ ناک سے سانس لینا شُروع کیجئے اورمُمکِنہ حد تک ہوا پھیپھڑوں میں بھر لیجئے ۔اب دُرُود شریف پڑھنا شُرو ع کیجئے۔ چند بار اس طرح مَشق کریں گے تو سانس ٹوٹنے سے قَبل اِنْ شَآءَ اللّٰہ عَزَّ وَجَلَّ مکمّل گیارہ بار دُرُود شریف پڑھنے کی ترکیب بن جائے گی ۔ مذکورہ طریقے پر ناک سے گہرا سانس لیکر ممکن حد تک روک رکھنے کے بعد مُنہ سے خارِج کرنا صِحّت کیلئے انتہائی مفید ہے۔دن بھر میں جب جب موقع ملے بِالخصُوص کُھلی فَضاء میں روزانہ چند بار تو ایسا کر ہی لینا چاہئے۔

منہ کی بد بومعلوم کرنے کا طریقہ

اگر مُنہ میں کوئی تَغَیُّرِ رائِحَہ( یعنی بد بُو) ہو تو جتنی بار مسواک اور کلّیوں سے اس ( بد بُو)کا اِزالہ( یعنی دُور کرناممکن) ہو(اُتنی بار کلیاں وغیرہ کرنا) لازِم ہے ، اِس کے لیے کوئی حد مقرّر نہیں ۔ بد بُو دارکَثِیف (گاڑھا)بے احتیاطی کا حُقَّہ پینے والوں کو اس کا خیال (رکھنا)سخت ضَروری ہے اور اُن سے زیادہ سگریٹ والے کوکہ اس کی بدبُو مُرکَّبتمباکو سے سخت تر اور زیادہ دیر پا ہے اور ان سب سے زائد اَشَدضَرورت تمباکو کھانے والوں کو ہے جن کے منہ میں اُس کا جِرم( یعنی دھوئیں کے بجا ئے خود تَمباکو ہی) دبا رہتا ہے اور منہ اپنی بد بُو سے بسا دیتا ہے۔ یہ سب لوگ وہاں تک مِسواک اورکُلّیاں کریں کہ مُنہ بالکل صاف ہو جائے اور بُو کا اصلاً نشان نہ رہے اور اس کا امتحان یوں ہے کہ ہاتھ اپنے مُنہ کے قریب لے جا کر منہ کھول کر زور سے تین بار حَلْق سے پوری سانس ہاتھ پر لیں اور معاً (فوراً) سونگھیں ۔بِغیر اس کے اندر کی بد بُو خود کم محسوس ہوتی ہے اور جب مُنہ میں بدبُو ہو تو مسجِد میں جانا حرام ، نَماز میں داخِل ہونا مَنع ۔ وَ اللہ الہادی۔ ( فتاوٰی رضویہ تخریج شدہ ج اول ص ۶۲۳)

منہ کی صفائی کا طریقہ

جومِسواک او ر کھانے کے بعد خِلال کی سنّت ادا نہیں کرتے اور دانتوں کی صفائی کرنے میں سُست ہوتے ہیں اکثر اُن کے مُنہ بد بُو دار ہوتے ہیں ۔

صِرف رَسمی طور پر مسواک اور خِلال کا تنکا دانتوں سے مَس کر دینا کافی نہیں ہوتا۔ مسوڑھے زخمی نہ ہو ں اِس احتیاط کے ساتھ ممکنہ صورت میں غذا کا ایک ایک ذرّہ دانتوں سے نکالنا ہو گا ورنہ دانتوں کے درمِیان غِذائی جزاء پڑے پڑے سڑتے اور سخت سڑانڈ کا باعِث بنتے رہیں گے ۔ دانتوں کی صفائی کا ایک طریقہ یہ بھی ہے کہ کوئی چیز کھانے اور چائے وغیرہ پینے کے بعد اور اِس کے علاوہ بھی جب جب موقع ملے مَثَلاً بیٹھے بیٹھے کوئی کام کر رہے ہیں اُس وَقت پانی کا گُھونٹ منہ میں بھر لیں اور جُنبِشَیں دیتے رہیں یعنی ہِلاتے رہیں ، اِس طرح مُنہ کا کچرا اور میل کچیل صاف ہوتا رہے گا ۔ سادہ پانی بھی چل جائے گا اور اگر نمک والا نیم گرم پانی ہو تو یہ اِنْ شَآءَ اللّٰہ عَزَّ وَجَلَّ بہترین ’’ ماؤتھ واش‘‘ ثابِت ہو گا۔

Qabz Ke Tibbi Ilaaj

noreply@blogger.com (WafaSoft) — Mon, 6 Apr 2020 22:44:00 -0700

قبض کے طِبّی علاج

بدہضمی کے کئی علاج ہیں مِنْجملہ یہ کہ (1)قبض ہوتو دو ایک وقت کا فاقہ کرلے اِنْ شَآءَ اللّٰہ عَزَّ وَجَلَّ پیٹ کا بوجھ کم ہوجائیگا اور مِعدے کو آرام بھی ملیگا (2) مناسب مقدار میں پپیتا کھالے(3)اِسپغول کا چِھلکا ایک یا تین چمچ پانی سے پھانک لے اگر اِس سے کام نہ چلے توحسبِ ضَرورت اس کی مِقدار بڑھا لے ۔ اگر اکثر قبض رَہتی ہو تو ہفتے میں دو ایک بار اِسی طرح کرے (4 ) پِسی ہوئی ہَڑچائے کا آدھا چمچ سوتے وقت پانی سے لیجئے ہوسکے تو کم ازکم چار ماہ تک روزانہ استِعمال کیجئے اِنْ شَآءَ اللّٰہ عَزَّ وَجَلَّ قبض کے ساتھ ساتھ بہت ساری بیماریوں بلکہ حافِظہ کیلئے بھی مفید پائیں گے۔

قبض کے چار علاج

’’قوت القلوب‘‘جلد2، صفحہ 365، پرنقل ہے کہ 6 گھنٹے سے قبل اگر کھانا نکل جائے تب بھی مِعدہ بیمار اور اگر 24 گھنٹے سے زیادہ وقت تک خارج نہ ہو تب بھی سمجھ لیجئے کہ معدہ بیمار ہے۔جوڑوں کا دردپیٹ کی ہوا روکنے کا نتیجہ ہے ۔ جس طرح نہر کا چلتا پانی اگر روک دیا جائے تو نہرکے کناروں کو نقصان ہوتا اور کنارے ٹوٹ کر پانی بہنے لگتا ہے۔ اِسی طرح پیشاب روکنے سے جسم کو نقصا ن ہوتاہے۔(قُوتُ الْقُلُوْب ج۲ ص۳۶۵)

اپنا ہاضمہ درست رکھئے ، ورنہ موٹاپے کا علاج مشکل ہے ، سبزیوں اور پھلوں کا استعمال کیجئے۔ اگرقبض رہتی ہو تو(1) چار، پانچ عدد بیج سمیت پکّے اَمرود یا(2) مناسب مقدار میں پپیتا کھا لیجئیاِنْ شَآءَ اللہ عَزَّ وَجَلَّ پیٹ صاف ہو جائیگا۔ (3)ہر چوتھے دن تین چارچمچ اسپغول کی بھوسی یا ایک چمچ کوئی سا بھی ہاضم چورن پانی کے ساتھ نگل لیجئے۔ اِنْ شَآءَ اللہ عَزَّ وَجَلَّ پیٹکی صفائی ہوتی رہے گی۔ روز روز اگر اسپغول یا ہاضم چورن استعمال کیا جائے تو اکثر بے اثر ہو جاتا ہے نیز(4) اگر آپ کا ڈاکٹر اجازت دے تو ہر دو یا تین ماہ بعد پانچ دن تک صبح و شام ایک ایک ٹِکیاگرامیکس400 ملی گرام (Metronidazole) GRAMEX400mg استعمال کیجئے۔ اسے قبض، بدہضمی وغیرہ اَمراض اورپیٹ کی اصلاح کیلئے ان شاء اللّٰہ عَزَّ وَجَلَّ

بہترین دواپائینگے۔ مگر جب بھی یہ ٹکیالینا شروع کریں تو مسلسل پانچ دن پورے کرنا ضروری ہے۔ خالی پیٹ میں بھی لے سکتے ہیں ۔

Qabz Ke Tibbi Ilaaj

BadHazmi Ke 2 Madani Ilaaj

noreply@blogger.com (WafaSoft) — Mon, 6 Apr 2020 22:43:00 -0700

بد ہَضمی کے دو مَدَنی علاج

(1) جس شخص کو بد ہضمی کی شکایت ہو اور وہ اِ س آیتِ کریمہ کو پڑھ کر اپنے ہاتھ پر دم کرکے اُسے اپنے پیٹ پر پھیرے اور کھانے وغیرہ پر دم کرکے کھانا کھایا کرے اِنْ شَآءَ اللّٰہ عَزَّ وَجَلَّ بد ہضمی کی شکایت دُور ہوجائے گی ۔اللّٰہ تبارَکَ وَ تَعالٰی پارہ ۲۹ سورۃُ المرسلٰت کی۴۳اور۴۴ ویں آیتِ مُبارَکہ میں ارشاد فرماتا ہے : ۔ٰ

كُلُوْا وَ اشْرَبُوْا هَنِیْٓــٴًـۢا بِمَا كُنْتُمْ تَعْمَلُوْنَ(۴۳) اِنَّا كَذٰلِكَ نَجْزِی الْمُحْسِنِیْنَ(۴۴)

ترجَمۂ کنزُالایمان : ۔ کھا ؤ او ر پیؤ رَچتا ہوا اپنے اَعما ل کا صِلہ بے شک نیکوں کو ہم ایسا ہی بدلہ دیتے ہیں ۔

(2)امام کمالُ الدِّین دَمَیرِی رَضِیَ اللہ تَعَالٰی عَنْہُ بعض عُلَمائے کِرام سے نقْل فرماتے ہیں ، جس

نے کھانا زِیادہ کھا لیا اور بدہضمی کا خوف ہو وہ اپنے پیٹ پر ہاتھ پھیرتا ہوا تین مرتبہ یہ کہے :

اَللَّیْلَۃُ لَیْلَۃُ عِیْدِی یَاکَرِشِیْ وَرَضِیَ اللّٰہُ عَنْ سَیّدِی اَبِیْ عَبْدِ اللّٰہِ الْقَرَشِی۔

تر جمہ : اے میرے مِعدے آجکی رات میری عید کی رات ہے اور اللّٰہ ( عَزَّ وَجَلَّ )راضی ہو ہمارے سردار حضرتِ ابو عبد اللہ قرشی سے۔

اور اگر دِن کا وَقْت ہو تواَللَّیْلَۃُ لَیْلَۃُ عِیْدِیکی جگہ اَلْیَوْمُ یَوْمُ عِیْدِی کہے ۔ (حَیَاۃُ الْحَیوَانِ الْکُبْریٰ ج۱ ص۴۶۰ )

BadHazmi Ke 2 Madani Ilaaj

Dard-e-Sar Ke 7 Madani Iaaj

noreply@blogger.com (WafaSoft) — Mon, 6 Apr 2020 22:42:00 -0700

’’مکّہ شریف‘‘ کے سات حُرُوف کی نِسبت سے دردِ سرکے 7 مدنی علاج

(1) (ترجَمَۂ کنزالایمان : نہ انہیں دردِسر ہو نہ ہوش میں فَرق آئے۔ پ ۲۷ الواقِعہ ۱۹) یہ آیتِ کریمہ تین بار (اوّل آخِرایک بار دُرُود شریف) پڑھ کر دردِ سر والے پر دم کر دیجئے ۔ اِنْ شَآءَ اللّٰہ عَزَّ وَجَلَّ فائِدہ ہو جائیگا۔

(2) سورۃُ النّاس سات بار ( اوّل آخِرایک بار دُرُود شریف) پڑھ کر سر پر دم

کیجئے ، اور پوچھئے، اگرابھی دَرْد باقی ہو تو دوسری بار بھی اِسی طرح دم کیجئے ۔ اگر اب بھی دَرْد ہو تو تیسری بار بھی اِسی طرح دم کیجئے۔پورے سر کا دَرْد ہو یا آدھے سرکا کیسا ہی شدید دَرْد ہو تین بار میں اِنْ شَآءَ اللّٰہ عَزَّ وَجَلَّ جاتا رہے گا۔

(3)پورے سر کا دَرْد ہویا شَقِیقہ(یعنی آدھے سر کا دَرد)بعد نمازِ عَصْرْ سورۃُالتَّکاثُرایک بار ( اوّل آخِرایک بار دُرُود شریف)پڑھ کر دم کیجئے اِنْ شَآءَ اللّٰہ عَزَّ وَجَلَّ دَرْد میں اِفاقہ ہوگا۔

(4)زَبان پر ایک چٹکی نمک رکھ کر ۱۲ مِنَٹ کے بعد ایک گلاس پانی پی لیں سر میں کیسا ہی دَرْد ہو اِنْ شَآءَ اللّٰہ عَزَّ وَجَلَّ اِفاقہ ہو جائیگا۔(ہائی بلڈ پریشر کے مریض یہ علاج نہ کریں کہ ان کیلئے نمک کا استِعمال نقصان دِہ ہو تا ہے)

(5)ایک کپ پانی میں ایک چَمَّچ ہَلدی ڈال کر جوش دیکر پینے یا بھاپ لینے سے اِنْ شَآءَ اللّٰہ عَزَّ وَجَلَّ سر کا دَرْد دُور ہو جائیگا۔

( سالَن وغیرہ میں ہَلدی ضَرور استِعمال کیجئے، روزانہ چٹکی بھر(یعنی تقریبا ایک گرام) ہَلدی کھانے والا اِنْ شَآءَ اللّٰہ عَزَّ وَجَلَّ کینسر سے محفوظ رہے گا)

(6)دیسی گھی میں تلی ہوئی ، گَرْما گرم تازہ جلیبیاں طُلوعِ آفتا ب سے قبل کھانے سے اِنْ شَآءَ اللّٰہ عَزَّ وَجَلَّ درد ِسر میں آرام آ جائے گا۔

(7) کبھی اِتِّفاقیہ دردِ سَر ہو جائے تو کھانا کھانے کے بعد ڈسپرین

(DISPIRIN) کی دو ٹِکیہ پانی میں گھول کر پی لیجئے اِنْ شَآءَ اللّٰہ عَزَّ وَجَلَّ ٹھیک ہو جائے گا۔(ہر طرح کے دَرْد کی ٹکیہ کھانا کھانے کے بعد ہی استِعمال کی جائے کہ خالی پیٹ نقصان دہ ہے)

مَدَنی مشورہ : اگر دواؤں سے دردِ سر ٹھیک نہ ہوتا ہو تو آنکھیں ٹیسٹ کروا لیجئے اگر نظر کمزور ہو تو عینک پہننے سے اِنْ شَآءَ اللّٰہ عَزَّ وَجَلَّ دردِ سر ٹھیک ہو جائے گا۔ پھر بھی ٹھیک نہ ہو تو دِماغ کے خُصوصی ڈاکٹر (NEUROLOGIST) سے رُجوع کرنا ضَروری ہے۔ اس میں کوتاہی بعض اوقات سخت نقصان دہِ ثابِت ہوتی ہے۔

Dard-e-Sar Ke 7 Madani Iaaj

Aadhe Sar Ke Dard Ke 6 Ilaaj

noreply@blogger.com (WafaSoft) — Mon, 6 Apr 2020 22:40:00 -0700

’’اجمیری‘‘ کے چھ حُرُوف کی نسبت سے آدھے سر کے درد کے 6 علاج

(1)اگر کسی کو آدھے سر کا دَرْد ہو تو ایک بار سورۃُ الْاِخلاص (اوّل آخِر ایک بار دُرُود شریف) پڑھ کر دم کیجئے، حسبِ ضَرورت تین بار، سات بار یا گیارہ بار اِسی طرح دم کیجئے۔ گیارہ کا عد د پورا ہونے سے قَبل ہی اِنْ شَآءَ اللّٰہ عَزَّ وَجَلَّ آدھے سر کا دَرْد ٹھیک ہو جائیگا۔

(2) جب دَرْد ہو رہا ہواُس وقت سُونٹھ( یعنی سوکھی ہوئی ادرک جو کہ پَنْساری یعنی دیسی دواء والوں سے مل سکتی ہے) کو تھوڑے سے پانی میں گِھس کر سُونٹھ کا گِھسا ہوا حصّہ

پیشانی پر ملنے سے اِنْ شَآءَ اللّٰہ عَزَّ وَجَلَّ آدھے سر کا دَرْد جاتا رہے گا۔ خشک دَھنیا کے تھوڑے دانے اور تھوڑی سی کِشمِشمٹکے کے ٹھنڈ ے یا سادہ پانی میں چندگھنٹے بھگو کر پینے سے اِنْ شَآءَ اللّٰہ عَزَّ وَجَلَّ فائدہ ہو گا۔

(3) گَرْم دودھ میں دیسی گھی ملا کر پینے سے بھی فائدہ ہو تا ہے۔

(4) ناریل کا پانی پینے سے آدھا سیسی( یعنی آدھے سر کادَرْد)اور پورے سر کے دَرْد میں کمی آتی ہے۔

(5)نیم گرم پانی کے بڑے برتن میں نمک ڈال کر دونوں پاؤں ۱۲ مِنَٹ کیلئے اُس میں ڈالے رہیں اِنْ شَآءَ اللّٰہ عَزَّ وَجَلَّ فائِدہ ہو جائیگا۔( ضَرورتاً وَقْت میں کمی بَیشی کر لیجئے)

Aadhe Sar Ke Dard Ke 6 Ilaaj

Bukhaar Ke 5 Madani Ilaaj

noreply@blogger.com (WafaSoft) — Mon, 6 Apr 2020 22:39:00 -0700

’’مدینہ‘‘کے پانچ حُرُوف کی نسبت سے بُخا ر کے 5 مَدَنی علاج

لَا یَرَوْنَ فِیْهَا شَمْسًا وَّ لَا زَمْهَرِیْرًاۚ(۱۳) (پ ۲۹، اَلدَّھْر : ۱۳)

ترجَمَۂ کنزالایمان : نہ اس میں دھوپ دیکھیں گے نہ ٹھٹھر ( یعنی سخت سردی )

(1) یہ آیت کریمہ سات بار( اوّل آخِرایک بار دُرُود شریف) پڑھ کر دم کیجئے اِنْ شَآءَ اللّٰہ عَزَّ وَجَلَّ بخارکی شدّت میں نُمایاں کمی محسوس ہو گی اور مریض سُکون محسوس کریگا۔

(2)حضرت سیِّدُنا اما م جعفر صادِق رَضِیَ اللہ تَعَالٰی عَنْہُ فرماتے ہیں ، سورۃُالفاتحہ 40 بار ( اوّل آخِرایک بار دُرُود شریف) پڑھ کر پانی پر دم کر کے بخار والے کے چہرے پر چھینٹے ماریئے اِنْ شَآءَ اللّٰہ عَزَّ وَجَلَّ بُخار چلا جائے گا۔

(3)سرکار نامدار، مدینے کے تاجدار صَلَّی اللہ تَعَالٰی عَلَیْہِ وَاٰلِہٖ وَسَلَّمَ کو بخار تھا توحضرتِ سیِّدُنا جبرئیلِ امین علیہ الصلوٰۃ والسلام نے یہ دعاء پڑھ کر دم کیا تھا :

بِسْمِ اللّٰہِ اَرْقِیْکَ مِنْ کُلِّ شَیْ ئٍ یُّؤْذِ یْکَ مِنْ شَرِّ کُلِّ نَفْسٍ اَوْ عَیْنِ حَاسِدٍط اَللّٰہُ یَشْفِیْکَ بِسْمِ اللّٰہ اَرْقِیْکَ۔(ترجمہ : اللّٰہ عَزَّ وَجَلَّ کے نام سے آپ پر دم کرتا ہوں ہر اُس بیماری کیلئے جو آپکو ایذا دیتی ہے اور دوسروں کے شر اور حسد کرنے والوں کی

Bukhaar Ke 5 Madani Ilaaj

بُری نظر سے ۔ اللّٰہ عَزَّ وَجَلَّ آپ کو شفا عطا فرمائے۔میں آپ پر اللّٰہ کے نام سے دم کرتا ہوں ۔‘‘) (صَحِیح مُسلِم ص۲۰۲ ۱ رقم الحدیث ۲۱۸۶)

(4)بخار کے مریض کوبِلا ترجمہ صِرْف عَرَبی میں دعا ( اول آخِرایک بار دُرُود شریف) پڑھ کر دم کر دیجئے۔

بخار والا بکثرت بِسْمِ اللّٰہِ الْکَبِیْرِ پڑھتا رہے ۔

(5)حدیثِ پاک میں ہے ، جب تم میں سے کسی کو بخار آجائے تو اُس پر تین دن تک صبح کے وَقت ٹھنڈے پانی کے چھینٹے مارے جائیں ۔ (اَلْمُسْتَدْرَک لِلحاکِم ج ۵ ص ۲۸۲ رقم حدیث ۷۵۱۵)

Doodh Peete Bachcoun Ke Liye 16 Madani Phool

noreply@blogger.com (WafaSoft) — Mon, 6 Apr 2020 22:38:00 -0700

’’شہیدکربلا علی اصغر‘‘کے سولہ حُرُوف کی نسبت سے دودھ پیتے بچّوں کیلئے16 مَدَنی پھول

میٹھے میٹھے اسلامی بھائیو! بچّوں کو امراض سے بچانے کیلئے شروع میں کی جانے والی احتیاطی تدابیر کافی سُود مند ہو سکتی ہیں اس ضمن میں 16 مَدَنی پھول مُلاحَظہ فرمایئے : (1) بچّہ یا بچّی کے پیدا ہونے کے فوراً بعد یابَرُّ سات بار (اول آخِر ایک بار دُرُود شریف ) پڑھ کر اگر بچّے کو دم کر دیا جائے تو اِنْ شَآءَ اللّٰہ عَزَّ وَجَلَّ بالِغ ہونے تک آفتوں سے حفاظت میں رہے گا(2)پیدائش کے بعد بچّے کو پہلے نمک مِلے ہوئے نیم گرم پانی سے نَہلائیے پھرسادہ پانی سے غُسل دیجئے تو اِنْ شَآءَ اللّٰہ عَزَّ وَجَلَّ بچّہ پھوڑے پھنسی کی بیماریوں سے محفوظ رہے گا(3) نمک مِلے ہوئے پانی سے بچّوں کو کچھ دنوں تک نَہلاتے رہئے کہ یہ بچّوں کی تندُرُستی کیلئے بے حدمُفید ہے۔ اور نیز (4) نَہلانے کے بعدبدن پر سرسوں کے تیل کی مالِش بچّوں کی صحّت کے لیے اِکسیر ہے(5) بچّوں کو دودھ پلانے سے پہلے روزانہ دوتین مرتبہ ایک اُنگلی شہد چٹا دیناکافی فائدہ مندہے(6) خواہ جُھولے میں جُھلائیں یا بچھونے پر سُلائیں

یا گود میں کِھلائیں ہر حال میں بچّوں کا سر اُونچا رکھئے سر نیچا اور پاؤں اُونچے نہ ہونے دیجئے کہ نقصان دِہ ہے(7) وِلادت کے بعد بَہُت تیز روشنی والی جگہ میں رکھنے سے بچّے کی نگاہ کمزور ہو جاتی ہے(8) جب بچّے کے مَسُوڑھے سخت ہو جائیں اور دانت نکلتے معلوم ہوں تو مَسُوڑھوں پر مرغ کی چربی ملا کریں اور (9) روزانہ ایک دو مرتبہ مَسُوڑھوں پر شہدمَلاکریں اور بچّے کے سر اور گردن پر تیل کی مالِش کرنا مُفید ہے (10) جب دودھ چُھڑانے کا وَقت آئے اور بچّہ کھانے لگے تو خبردار ! خبردار!اس کو کوئی سخت چیز نہ چبانے دیجئے، بَہُت ہی نرم اور جلد ہضم ہونے والی غذائیں کھلائیے(11) گائے یا بکری کا دودھ بھی پلاتے رہئے (12) حسبِ حیثیت بچّوں کو اس عمر میں اچّھی خوراک دیجئے کہ اِس عمر میں جو کچھ طاقت بدن میں آ جائے گی وہ اگر بچّہ زندہ رہا تو اِنْ شَآءَ اللّٰہ عَزَّ وَجَلَّ تمام عمر کام آئے گی (13) بچّوں کو بار بار غذا نہیں دینی چاہئے۔ جب تک ایک غذا ہضم نہ ہو جائے دوسری غذا ہرگز مت دیجئے(14) ٹافیاں ، مٹھائی اور کھٹائی کی عادت سے بچانا بَہُت بَہُت بَہُت ضَروری ہے کہ یہ چیزیں بچّوں کی صحّت کے لیے بَہُت ہی نقصان دِہ ہیں (15) بچّوں کو سوکھے میوے اور تازہ پھل کھلانا بَہُت ہی اچھا ہے(16) ختنہ جتنی چھوٹی عمر میں ہو جائے بہتر ہے تکلیف بھی کم ہوتی اور زخم بھی جلدی بھر جاتا ہے۔

Doodh Peete Bachcoun Ke Liye 16 Madani Phool

Zaman-e-Hamal Ki Ahtiyat Aur Tadbeeren

noreply@blogger.com (WafaSoft) — Mon, 6 Apr 2020 22:36:00 -0700

’’اللّٰہ کی رحمت ‘‘کے دس حُرُوف کی نسبت سے زمانۂ حَمْل کی 10اِحتیاطیں ا ور تدبیریں

Zaman-e-Hamal Ki Ahtiyat Aur Tadbeeren

(1)حَمْل کے زمانے میں عورت کو اس کا خیال رکھنا بَہُت ضَروری ہے کہ ایسی ثقیل(یعنی وزنی) غذائیں نہ کھائے جس سے قبض پیدا ہو جائے اور اگر ذرا بھی پیٹ میں گِرانی(بوجھ) معلوم ہو تو ایک دو وقت روٹی چاول نہ کھائے بلکہ صرف شوربا میں

گھی ڈال کر پی لے یا دو تین تولہ مُنَقّٰی یا ایک ہڑ کا مُرَبَّہ کھالے۔

(2)حاملہ عورت اس بات کا خیا ل رکھے کہ چلنے میں پاؤں زور سے زمین پر نہ پڑے اور نہ دوڑ کر چلے، اسی طرح اونچی جگہ سے نیچے کو ایک دم جھٹکے کے ساتھ نہ اُترے، اسی طرح سیڑھی پر دوڑ کر نہ چڑھے بلکہ آہستہ آہستہ چڑھے غرض اس بات کا خیال رکھے کہ پیٹ نہ زیادہ ہلے اور نہ پیٹ کو جھٹکا لگنے دے نہ بھاری بوجھ اُٹھائے نہ کوئی سخت محنت کا کام کرے نہ غم اور غصہ کرے نہ دست لانے والی دوائیں کھائے نہ زیادہ خوشبو سونگھے۔

(3)حامِلہ عورت کو چلنے پھرنے کی عادت رکھنی چاہئے کیونکہ ہر وقت بیٹھے اور لیٹے رہنے سے بادی اور سستی بڑھتی ہے، معدہ خراب ہو جاتا ہے اور قبض کی شکایت پیدا ہو جاتی ہے۔

(4)حامِلہ عورت کو شوہر کے پاس نہیں سونا چاہئے خصوصاً چوتھے مہینے سے پہلے اور ساتویں مہینے کے بعد بَہُت زیادہ احتیاط کی ضَرورت ہے۔

(5) اگر حاملہ عورت کو قے آنے لگے تو پودینہ کی چٹنی یا کاغذی لیموں استعمال کریں ۔

(6)اگر حَمْل کی حالت میں خون آنے لگے تو ’’قُرص کہربا‘‘ کھائیں اور فوراً لیڈی ڈاکٹر سے علاج کرائیں ۔

(7) اگر حَمْل گر جانے کی عادت ہوتو اس عورت کو چار مہینے تک پھر ساتویں مہینے کے بعد بَہُت زیادہ احتیاط رکھنے کی ضرورت ہے، گرم غذاؤں سے بالکل پرہیز رکھے اور بہترہے کہ لنگوٹ باندھے رہے اور بالکل کوئی بوجھ نہ اٹھائے اور نہ محنت کا کوئی کام کرے اور اگر حمل گرنے کے کچھ آثار ظاہر ہوں مثلاً پانی جاری ہو جائے یا خون گرنے لگے تو فوراً ہی لیڈی ڈاکٹرسے رجوع کرناچاہئے۔

(8) اگر خدانخواستہ حاملہ کو مٹی(ملتانی مِٹّی عورتیں شوق سے کھاتی ہیں اور یہ نقصان دہ ہے) کھانے کی عادت ہو تو اس عادت کو چھڑانا ضروری ہے اور اگر مٹی کی بَہُت ہی حرص ہو تو نِشاستہ کی ٹِکیاں یا طباشیر(ایک سفید رنگ کی دوائی جو بانس کی گانٹھوں سے نکلتی ہے) کھایا کرے اس سے مٹّی کی عادت چھوٹ جاتی ہے۔

(9) اگر حاملہ کی بھوک بند ہو جائے تومِٹھائی اور مُرَغّن(یعنی تیل گھی والی) غذائیں چھڑا دیجئے اور سادہ غذائیں کھلایئے اور اگر پیٹ میں درد اور ریاح(گیس) معلوم ہو تو ’’نمک سلیمانی‘‘ یا ’’جوارِش کمونی‘‘ کھلایئے بَہَرحال تیز دواؤں کے استعمال اور انجکشن وغیرہ سے بچنا بہتر ہے ایسی حالت میں علاج سے بہتر پرہیز اور احتیاط ہے۔

(10)بعض حاملہ عورتوں کے پَیروں پر ورم آجاتا ہے یہ کوئی خطرناک چیز نہیں ہے ولادت کے بعد خود بخود یہ ورم جاتا رہتا ہے۔ (جنّتی زیور، ص۵۶۸)

(11)حامِلہ کو جب نَواں مہینہ شروع ہو جائے تو بَہُت زیادہ احتیاط کرنے کرانے

کی ضرورت ہے اس وقت میں حاملہ کو طاقت پہنچانے کی ضرورت ہے لہٰذا مندرجہ ذیل تدبیروں کا خاص طور پر خیال رکھنا چاہئے۔ روزانہ گیارہ عدد بادام حسب ضرورت مِصری میں پیس کر چٹائیے اور دو عدد ناریل اور شکر دونوں کو ہاون دستہ میں کوٹ کر سفوف(پاؤڈر) بنا لیجئے اور دو تولہ روزانہ کھلایئے‘ گائے کا دودھ‘ جس َقدَر ہَضْم ہو سکے پلایئے‘ مکّھن وغیرہ بھی کھلائیں ان سب دواؤں کی وجہ سے بچّہ آسانی سے پیدا ہوتا ہے۔

(12)جب ولادت کا وقت آجائے اور دردِ زِہ شروع ہو جائے تو بائیں ہاتھ میں مِقناطیس(MAGNET) لینے سے اور بائیں ران میں مونگے کی جڑ (سرخ رنگ کی باریک باریک شاخوں کی مانند ایک پتھر جو سمندر سے نکالا جاتا ہے ، پنساری کی دکان سے شاخِ مرجان کے نام سے ملتا ہے) باندھنے سے بچہ پیدا ہونے میں آسانی ہوتی ہے۔

(13)پیدائش کے وقت کسی ہوشیار دائی یا لیڈی ڈاکٹر کو ضَرور بُلا لینا چاہئے اناڑی دائیوں کی غَلَط تدبیروں سے اکثر زَچّہ و بچّہ کو نقصان پَہُنچ جاتا ہے۔

(14)پیدائش کے بعد زَچّہ کے بدن میں تیل کی مالِش بَہُت مفید ہے جیسا کہ پرانا طریقہ ہے کہ وِلادت کے بعد چند دنوں تک مالش کرائی جاتی ہے یہ بَہُت ہی مفید ہے۔

(15)جس عورت کے دودھ بَہُت کم ہوتا ہو اگر وہ دودھ آسانی کے ساتھ ہضم کر سکتی ہو تو اس کو روزانہ دودھ پینا چاہئے اور مرغ وغیرہ کا مرغن شوربا اور گاجر کا حلوا وغیرہ

عمدہ غذائیں ہیں اور پانچ ماشہ کلونجی اور پانچ ماشہ تودَری (ایک قسم کا بیج جو پنسار کی دُکان سے مل جاتا ہے) سرخ دودھ میں پیس کر پلائیں ۔ (جنّتی زیور ص۵۷۰)

سانپ ، بچھو ، کنکھجورا اور چیونٹیوں سے نَجات کے طریقے Sanp Bichcho Khankhajura Aur Chiyontiyon Se Najat Ke Tareeqe

noreply@blogger.com (WafaSoft) — Thu, 26 Mar 2020 21:43:00 -0700

سانپ ، بچھو ، کنکھجورا اور چیونٹیوں سے نَجات کے طریقے

سانپ : ایک پاؤ نوشادر کو پانچ سیر پانی میں گھول کر گھر کے تمام بلوں سوراخوں اور کونوں میں چھڑک دیں اگر گھر میں سانپ ہوگا تو بھاگ جائے گااور کبھی کبھی یہ پانی چھڑکتے رہیں تو اس مکان میں سانپ نہیں آئے گا۔اِنْ شَآءَ اللہ عَزَّ وَجَلَّ

دوسری ترکیب یہ ہے کہ گھر کے بلوں اور دوسرے سب سوراخوں میں رائی ڈال دیں اِنْ شَآءَ اللہ عَزَّ وَجَلَّ سانپ فورًا مر جائے گا اوراگراپنے آس پاس رائی ڈال کر سوئیں تو اِنْ شَآءَ اللہ عَزَّ وَجَلَّ سانپ قریب نہیں آسکتا۔

بچھو : مُولی کا عَرَق اگر بچھو کے اوپر ڈال دیا جائے تو اِنْ شَاء اللّٰہ عَزَّ وَجَلَّ بچھو مرجائے گا اور اگر بچھو کے سوراخ میں مولی کے چند ٹکڑے ڈال دیئے جائیں تو بچھو سوراخ سے باہر نہیں نکل سکے گا بلکہ سوراخ کے اندر ہی اِنْ شَاء اللّٰہ عَزَّ وَجَلَّ ہلاک ہو جائے گا۔

دوسری ترکیب یہ ہے کہ چِرچِٹّا گھاس کی جَڑاگر بِچھونے پر رکھ دی جائے تو بچھّو بستر پر نہیں چڑھ سکے گا۔اگر بچھو ڈنک مار دے تو بہروزہ کا تیل لگائیں یا چِرچِٹّاکی جڑ گھِسکر لگائیں اِنْ شَآءَ اللہ عَزَّ وَجَلَّ زہر اتر جائے گا۔

کنکھجورا : اگر کسی کے بدن میں چمٹ جائے یا کان میں گھس جائے تو شکر اس کے اوپر ڈالیں فوراً ہی اس کے پاؤں کھال میں سے باہر نکل جائیں گے اور اگر

پیاز کا عرق کنکھجورا کے اوپر ڈال دیں تو وہ جگہ بھی چھوڑ دے گا اور پھر فوراً ہی مر جائے گا اور اگر اس کے پاؤں چبھنے سے زخم ہو گیا ہے تو پیاز توے پر بھُلبھُلا کر اس کے زخم پر باندھنا اِکسیر ہے۔

پِسّو( ایک پَر دار زہر یلا کیڑا جس کے کاٹنے سے کھجلی ہوتی ہے) : اندرائن کے پھل یااِس کی جڑ پانی میں بھگو کر تمام گھر میں پانی چھڑک دیجئے اِنْ شَاء اللّٰہ عَزَّ وَجَلَّ اس مکان سے پِسُّو بھاگ جائیں گے۔

چیونٹیاں : ہینگ(ایک درخت کا بدبودار گوند جوپنساری سے مل سکتا ہے) سے بھاگ جاتی ہیں ۔

کپڑوں اور کتابوں کا کیڑا : اَفْسَنْطِین(نامی دوا) یا پودینہ یا لیموں کے چھلکے یا نیم کے پتے یا کافور کپڑوں اور کتابوں میں رکھ دیں تو اِنْ شَآءَ اللہ عَزَّ وَجَلَّ کپڑے اور کتابیں کیڑوں کے کھانے سے محفوظ رہیں گی۔ (جنّتی زیور، ص۵۶۷)

سانپ ، بچھو ، کنکھجورا اور چیونٹیوں سے نَجات کے طریقے Sanp Bichcho Khankhajura Aur Chiyontiyon Se Najat Ke Tareeqe

۱۶ گھریلو علاج اور کار آمد مدنی پھول 16 Gharelu Ilaj Aur Kaar Aaamd Mandi Phool

noreply@blogger.com (WafaSoft) — Thu, 26 Mar 2020 21:41:00 -0700

’’مُحتاط آدمی سدا سُکِّھی‘‘کے سولہ حروف کی نسبت سے ۱۶ گھریلو علاج اور کار آمد مدنی پھول

(1)پلنگ کی پائنتی کی جانب اجوائن(ایک دیسی دوا) کی پوٹلیاں باندھنے سے اِنْ شَاء اللّٰہ عَزَّ وَجَلَّ اس پلنگ کے کھٹمل بھاگ جائیں گے۔

(2)اگر مچھر دانی مُیَسَّر نہ ہو اور گرمیوں کے موسِم میں مچھّر زیادہ تنگ کریں تو بستر پر جابجا تُلسی (نامی پودے)کے پتے پھیلادیجئے اِنْ شَاء اللّٰہ عَزَّ وَجَلَّ مچھر بھاگ جائیں گے۔

(3)لکڑی میں کیل ٹھوکتے ہوئے لکڑی کے پھٹنے کا خطرہ ہو تو اس کیل کو پہلے صابون میں ٹھوکنے کے بعد لکڑی میں ٹھوکنا چاہیے اِنْ شَاء اللّٰہ عَزَّ وَجَلَّ اس طرح لکڑی نہیں پھٹے گی۔

(4)کاغذی لیموں (پتلے چھلکے والا لیموں )کا رس اگر دن میں چند بار پی لیں تو اِنْ شَآءَ اللہ عَزَّ وَجَلَّ ملیریا کا حملہ نہیں ہوگا۔

(5)لُو سے بچنے کے لیے تیز دھوپ میں سفر کرتے وقت جیب میں ایک پیاز رکھ لینا چاہیئے۔

(6) ہَیضہ (نامی خطرناک بیماری)کے حملہ سے بچنے کے لیے سِرکہ، لیموں اور پیاز کا بکثرت استعمال کرنا چاہیئے۔

(7)سبزیوں کو جلد گلانے اور آٹے میں خمیر جلد آنے کے لیے خربوزہ کے چھلکوں کو خوب سکھائیں اور اس کو باریک پیس کر سفوف(یعنی پاؤڈر) تیار کرلیں پھر اسی سفوف کو سبزیوں میں جلد گلانے کے لیے ڈالیں اور آٹے میں خمیر جلد آنے کے لیے تھوڑا سفوف آٹے میں ڈال دیا کریں ۔

(8)روغن زیتون (OLIVE OIL)دانتوں پر ملنے سے مَسُوڑھے اور ہلتے ہوئے دانت مضبوط ہو جاتے ہیں ۔

(9)ہچکی آرہی ہو تو لونگ کھا لینے سے بند ہو جاتی ہے۔

(10)سر میں جوئیں پڑ جائیں تو ستِ پودینہ(یعنی پودینہ کا عرق) صابون کے پانی میں حل کر کے سر میں ڈالیں اور سر کو خوب دھوئیں دو تین مرتبہ ایسا کر لینے سے اِنْ شَآءَ اللہ عَزَّ وَجَلَّ سب جوئیں مر جائیں گی۔

(11)لیموں کی پھانک(ٹکڑا) چہرہ پر کچھ دنوں ملنے اور پھر صابون سے دھولینے سے چہرہ کے کیل مَہَاسے دُور ہو جاتے ہیں ۔

(12)پیدل چلنے کی وجہ سے اگر پاؤں میں تھکن زیادہ معلوم ہو تو نمک ملے ہوئے گرم پانی میں کچھ دیر پاؤں رکھ دینے سے تھکاوٹ دور ہو جاتی ہے۔

(13)لیموں کو اگر بھوبل (یعنی گرم ریت)میں گرم کر کے یاگرما گرم پتیلے کے اندر چاولوں کے اوپر کچھ دیر رکھنے کے بعد نچوڑیں تو اِنْ شَاء اللّٰہ عَزَّ وَجَلَّ عرق آسانی کے ساتھ زیادہ نکلے گا۔

(14)آگ سے جل جائیں تو بدن کے جلے ہوئے مقام پر فوراً روشنائی لگائیں یا چونا کا پانی ڈالیں یا برودھ(برگد کے درخت ) کا تیل لگائیں یا شکر سفید پانی میں گھول کر لگائیں ۔

(15)سانپ یا کوئی زہریلا جانور کاٹ لے تو کاٹنے کی جگہ سے ذرا اوپر فوراً کسی مضبوط دھاگے سے کس کر باندھ دیجئے اور مریض کو سونے مت دیجئے ۔یہ فوری ترکیب کر کے پھر ڈاکٹر سے رجوع کیجئے۔

(16)اگر کوئی سنکھیا (نامی خطرناک زہر)یا افیون یا دَھتُورا (ایک پودا جس کا بیج نشہ آور ہوتا ہے )کھا لے تو فوراً سویا(ایک خوشبو دارساگ کانام )کا بیج دوتولہ آدھ سیر پانی میں پکا کر اس میں پاؤ بھر گھی ایک تولہ نمک ملا کر نیم گرم پلائیں اور قے کرائیں جب خوب قے ہوجائے تو دودھ پلائیں اور اگر دودھ سے بھی قے ہوجائے تو بہت اچھا ہے اور مریض کو سونے نہ دیں اِنْ شَآءَ اللہ عَزَّ وَجَلَّ مریض صحت یاب ہوجائے گا۔(جنّتی زیور ص۵۶۵)

۱۶ گھریلو علاج اور کار آمد مدنی پھول 16 Gharelu Ilaj Aur Kaar Aaamd Mandi Phool

۴۹انتہائی کار آمدمَدَنی پھول 49 Intihayi Kaam Me Aane Wali Bateen

noreply@blogger.com (WafaSoft) — Thu, 26 Mar 2020 21:38:00 -0700

۴۹انتہائی کار آمدمَدَنی پھول

(1)رات کو دروازہ بند کرتے وقت گھر کے اندر اچھی طرح دیکھ بھال کرلیجئے کہ کوئی اجنبی یا کتا، بلی اندر تو نہیں رہ گیا یہ عادت ڈال لینے سے ان شاء اللّٰہ عَزَّ وَجَلَّ گھر میں کوئی نقصان نہیں ہوگا۔

(2)گھراورگھرکے تمام سامانوں کو صاف ستھرارکھئے اورہرچیزکواس کی جگہ پر رکھئے۔

(3)سب گھروالے آپس میں طے کر لیں کہ فُلاں چیز فُلاں جگہ پررہے گی پھر سب گھر والے اس کے پابند ہو جائیں کہ جب اس چیز کو وہاں سے اُٹھائیں تو استعمال کر کے پھر اسی جگہ رکھ دیں تاکہ ہر آدمی کو بغیر پوچھے اور بلا ڈھونڈھے وہ مل جایا کرے اور ضَرورت کے وقت تلاش کرنے کی حاجت نہ پڑے۔

(4)گھر کے تمام برتنوں کو دھو، مانجھ کر کسی الماری یا طاق پر الٹا کر کے رکھ دیجئے اور پھر دوبارہ اس برتن کو استعمال کرنا ہو تو پھر اس برتن کو بغیر دھوئے استعمال مت کیجئے۔

(5)کوئی جُوٹھا برتن یا غذا یا دوا لگا ہوا برتن ہرگز ہرگز نہ رکھ دیا کریں ، جُوٹھے یا غذاؤں اور دواؤں سے آلودہ برتنوں میں جراثیم پیدا ہوتے ہیں اور طرح طرح کی بیماریوں کے پیدا ہونے کا خطرہ رہتا ہے۔

(6)اندھیرے میں بلا دیکھے ہر گز ہرگز پانی نہ پئیں نہ کھانا کھائیں ۔

(7)گھر یا آنگن کے راستہ میں چار پائی یا کرسی یا کوئی برتن یا کوئی سامان مت ڈال

دیا کریں ایسا کرنے سے بعض دفعہ روز کی عادت کے مطابق بے کھٹکے چلے آنے والے کو ٹھوکر ضرور لگتی ہے اور بعض مرتبہ تو سخت چوٹیں بھی لگ جاتی ہیں ۔

(8)صُراحی کے منہ یا لوٹے کی ٹونٹی سے منہ لگا کر ہر گز کبھی پانی نہ پئیں کیونکہ اولاً تو یہ خلافِ تہذیب ہے دوسرا یہ خطرہ ہے کہ ُصراحی یا ٹُونٹی میں کوئی کیڑا مکوڑا چھپا ہو اور وہ پانی کے ساتھ پیٹ میں چلا جائے۔

(9)ہفتہ یا دس دنوں میں ایک دن گھر کی مکمَّل صفائی کے لیے مقرر کرلیجئے اس دن پورے مکان کی صفائی کر لیجئے۔

(10)دن رات بیٹھے رہنا یا پلنگ پر سوئے یا لیٹے رہنا تندرستی کے لیے بے حد نقصان دہ ہے۔اسلامی بھائیوں کو صاف اورکھلی ہوا میں کچھ چل پھر لینا اور اسلامی بہنوں کو کچھ محنت کا کام ہاتھ سے کر لینا تندرستی کے لیے بہت ضَروری ہے۔

(11)جس جگہ چند آدمی بیٹھے ہوں اس جگہ بیٹھ کر نہ تُھوکیں نہ کھنکھار نکالیں نہ ناک صاف کریں کہ خلافِ تہذیب بھی ہے اور دوسروں کے لیے گھِن پیدا کرنے والی چیز ہے۔

(12)دامن یا آنچل یا آستین سے ناک صاف نہ کریں نہ ہاتھ منہ ان چیزوں سے پونچھیں کیونکہ یہ گندگی ہے اور تہذیب کے خلاف بھی۔

(13)جوتی اور کپڑا یا بستر استعمال سے پہلے جھاڑ لیا کریں ممکن ہے کوئی مُوذِی

جانور بیٹھا ہو جو بے خبری میں آپ کو ڈس لے۔

(14)چھوٹے بچوں کو کھلاتے بہلاتے کبھی ہرگز ہرگز اُچھال اُچھال کر نہ کھِلائیں خدا نخواستہ ہاتھ سے چھوٹ گیا تو بچے کی جان خطرہ میں پڑ جائے گی۔

(15)بیچ دروازہ میں نہ بیٹھا کریں سب آنے جانے والوں کو تکلیف ہوگی اور خود آپ بھی تکلیف اٹھائیں گے۔

(16)اگر پوشیدہ جگہوں میں کسی کے پھوڑا پھُنسی یا دَردو وَرم ہو تو اُس سے یہ مت پوچھئے کہ کہاں ہے؟ اس سے خواہ مخواہ اُس کو شرمندگی ہوگی۔

(17)بیت الخلاء یا غسل خانہ سے کمر بند یا تہبند یا ساڑھی باندھتے ہوئے باہر نہ نکلیں بلکہ اندر ہی سے باندھ کر باہر نکلیں ۔

(18)جب آپ سے کوئی شخص کوئی بات پوچھے تو پہلے اس کا جواب دیجئے اس کے بعد ہی دوسرا کام کیجئے۔

(19)جو بات کسی سے کہیں یا کسی کا جواب دیں تو صاف صاف بولیں اور اتنی آواز سے بولیں کہ سامنے والا اچھی طرح سن اور سمجھ لے۔

(20)اگر کسی کے بارے میں کوئی پوشیدہ بات کسی سے کہنی ہو اور وہ شخص اس مجلس میں موجود ہوتوآنکھ یا ہاتھ سے بار بار اس کی طرف اشارہ مت کیجئے کہ ناحق اس شخص کو طرح طرح کے شُبُہات ہوں گے۔

(21)کسی کو کوئی چیز دینی ہو تو اپنے ہاتھ سے اس کے ہاتھ میں دیجئے یا برتن میں رکھ کر اس کے سامنے پیش کیجئے، دور سے پھینک کر کوئی چیز کسی کو مت دیجئے کہ شاید اس کے ہاتھ میں نہ پہنچ سکے اور زمین پر گر کر ٹوٹ پھوٹ جائے یا خراب ہو جائے۔

(22)اگر کسی کو پنکھا کریں تو اس کا خیال رکھیں کہ اس کے سر یا چہرہ یا بدن کے کسی حصہ میں پنکھا لگنے نہ پائے اور پنکھے کو اتنے زور سے بھی نہ جھلا کریں کہ خودآپ یا دوسرے پریشان ہوجائیں ۔

(23)میلے کپڑے جو دھوبی کے یہاں جانے والے ہوں ان کو گھر میں اِدھر اُدھر پڑے یا بکھرے ہوئے زمین پر نہ رہنے دیں بلکہ مکان کے کسی کونے میں لکڑی کا ایک معمولی بکس رکھ لیجئے اور سب میلے کپڑوں کو اُسی میں جمع کرتے رہئے۔

(24)اپنے اُونی کپڑوں کو کبھی کبھی دھوپ میں سکھا لیا کریں اور کتابوں کو بھی تاکہ کیڑے مکوڑے کپڑوں اور کتابوں کو کاٹ کر خراب نہ کر سکیں ۔

(25)جہاں کوئی آدمی بیٹھا ہو وہاں گَردو غبار والی چیزوں کو نہ جھاڑیں ۔

(26)کسی دُکھ یا پریشانی یا غم اور بیماری وغیرہ کی خبروں کو ہرگز اس وقت تک نہیں کہنا چاہیے جب تک کہ اس کی خوب اچھّی طرح تحقیق نہ ہو جائے۔

(27)کھانے پینے کی کوئی چیز کھُلی مت رکھئے ہمیشہ ڈھانک کر رکھا کیجئے اور مکھیوں کے بیٹھنے سے بچایئے۔

(28)دوڑ کر ، منہ اوپر اُٹھا کر نہیں چلنا چاہیئے اس میں ٹھوکر لگنے ، کسی سے ٹکراجانے وغیرہ کے بہت سے خطرات ہیں ۔

(29)چلنے میں پاؤں پورا اٹھایا کریں اور پورا پاؤں زمین پر رکھا کریں پنجوں یا ایڑی کے بل چلنا یا پاؤں گھسیٹتے ہوئے چلنا یہ تہذیب کے خلاف ہے۔

(30)کپڑا پہنے پہنے نہیں سینا چاہیئے۔

(31)ہر کسی پر اندھا بھروسہ مت کر لیا کریں جب تک کسی کو ہر طرح سے بار بار آزما نہ لیں اس کا اعتبار مت کر لیا کریں خاص کر اکثر شہروں میں بہت سی عورتیں کوئی حجّن صاحِبہ بنی ہوئی کعبہ کا غلاف لئے ہوئے، کوئی تعویذ گنڈے جھاڑ پھونک کرتی ہوئی گھروں میں گُھستی پھرتی ہیں اور عورَتوں کے مجمع میں بیٹھ کر اللّٰہ عَزَّ وَجَلَّ و رسول صَلَّی اللہ تَعَالٰی عَلَیْہِ وَاٰلِہٖ وَسَلَّمَ کی باتیں کرتی ہیں ، خبردار! خبردار!ان عورَتوں کو ہرگز ہرگز گھروں میں آنے ہی مت دیجئے دروازے ہی سے واپس کر دیجئے ۔ایسی عورَتوں نے بَہُت سے گھروں کا صفایا کر ڈالا ہے ان عورَتوں میں بعض چوروں اور ڈاکوؤں کی مُخْبِر بھی ہوا کرتی ہیں جو گھر کے اندر گھُس کر سارا ماحول دیکھ لیتی ہیں پھر چوروں اورڈاکوؤں کو ان کے گھروں کا حال بتا دیتی ہیں ۔

(32)جہاں تک ہو سکے کوئی سَودا سامان اُدھار مت منگایا کریں اور اگر مجبوری سے منگانا ہی پڑ جائے تو دام پوچھ کر تاریخ کے ساتھ لکھ لیجئے اور جب روپیہ آپ کے

پاس آجائے تو فوراً ادا کر دیجئے زبانی یاد پر بھروسا مت کیجئے۔

(33)جہاں تک ہو سکے خرچ چلانے میں بہت زیادہ کفایت سے کام لیجئے اور روپیہ پیسہ بہت ہی انتظام سے اٹھایئے بلکہ جتنا خرچ کے لیے آپ کو ملے اُس میں سے کچھ نہ کچھ بچا لیا کیجئے۔

(34)جو عورتیں بہت سے گھروں میں آیا جایا کرتی ہیں جیسے دھوبن، کام والیاں وغیرہ ان کے سامنے ہرگز ہرگز اپنے گھر کے اختِلاف اور جھگڑوں کو مت بیان کریں کیونکہ اکثر ایسی عورتیں گھروں کی باتیں دس گھروں میں کہتی پھرتی ہیں ۔

(35)کوئی شخص تمہارے دروازہ پر آکرآپ کے گھر کے کسی فرد کا دوست یا رشتہ دار ہونا ظاہر کرے تو ہرگز اُس کو اپنے مکان کے اندر مت بلایئے نہ اُس کا کوئی سامان اپنے گھر میں رکھیئے نہ اپنا کوئی قیمتی سامان اس کے سپرد کیجئے۔

(36)محبت میں اپنے بچوں کو بلا بھوک کے کھانا مت کھِلایئے نہ اصرار کر کے زیادہ کھلاؤ کہ ان دونوں صُورتوں میں بچیّ بیمار ہوجاتے ہیں جس کی تکلیف آپ کو اور بچّوں دونوں کو بھُگتنی پڑسکتی ہے۔

(37)بچّوں کے سردی گرمی کے کپڑوں کا خاص طور پر دھیان لازمی ہے بچے سردی گرمی لگنے سے بیمار ہو جایا کرتے ہیں ۔

(38)بچوں کو ماں باپ بلکہ دادا کا نام بھی (بلکہ گھر کا ایڈریس بھی) یاد کرا دیجئے اور کبھی

کبھی پوچھا کیجئے تاکہ یاد رہے، اس میں یہ فائدہ ہے کہ اگر خدانخواستہ بچّہ کھو جائے اور کوئی اس سے پوچھے کہ تیرے باپ کا کیا نام ہے؟ تیرے ماں باپ کون ہیں ؟(تمہارا گھر کہاں ہے) تو اگر بچہ کو نام و پتہ وغیرہ یاد ہوں گے تو بتادے گا پھر کوئی نہ کوئی اس کو آپ کے پاس پہنچا دے گا یاآپ کو بلا کر بچہ آپ کے سپرد کر دے گا اور اگر بچے کو ماں باپ کا نام (وپتہ )یاد نہ رہا تو بچہ یہی کہے گا کہ میں ابا یا اماں کا بچہ ہوں کچھ خبر نہیں کہ کون ابا؟ کون اماں ؟

(39)اسلامی بہنیں چھوٹے بچّوں کو اکیلا چھوڑ کر گھر سے باہَر نہ چلی جایا کریں کہ ایسا بھی ہوا ہے کہ ایک عورت بچے کے آگے کھانا رکھ کر باہر چلی گئی ۔بہت سے کوؤں نے بچے کے آگے کا کھانا چھین کر کھا لیا اور چونچ مارمار کر بچے کی آنکھ بھی پھوڑ ڈالی ۔ اسی طرح ایک بچے کو بلی نے اکیلا پاکر اس قدر نوچ ڈالا کہ بچہ مرگیا ۔

(40)کسی کو ٹھہرانے یا کھانا کھلانے پر بہت زیادہ اصرار مت کیجئے بعض مرتبہ اس میں مہمان کو الجھن یا تکلیف ہو جاتی ہے پھر سوچئے کہ بھلا ایسی محبت سے کیا فائدہ جس کا انجام نفرت اور بدنامی ہو۔

(41)وزن یا خطرہ والی کوئی چیز کسی آدمی کے اوپر سے اٹھا کر مت دیا کریں خدانخواستہ وہ چیز ہاتھ سے چھوٹ کر آدمی کے اوپر گر پڑی تو اس کا انجام کتنا خطرناک ہوگا؟

(42)کسی بچہ یاشاگردکو سزادینی ہوتومٹی، لکڑی یالات گھونساسے مت ماریں خدا نخواستہ اگر کسی نازُک جگہ چوٹ لگ جائے تو کتنی بڑی مصیبت سر پر آ پڑے گی!

(43)اگر آپ کسی کے گھر مہمان بن کرجائیں اور کھانا کھا چکے ہوں توحسبِ حال جاتے ہی گھر والوں سے کہہ دیں کہ ہم کھانا کھا کر آئے ہیں کیونکہ گھر والے لحاظ کی وجہ سے بغیر پوچھے اور چُپکے چُپکے کھانا تیّار کرلیں گے اور جب کھانا سامنے آگیا تو آپ نے کہہ دیا کہ ہم تو کھانا کھا کر آئے ہیں سوچئے کہ اس وقت گھر والوں کو کتنا افسوس ہوگا؟

(44)مکان میں اگر رقم یا زیور وغیرہ دفْن کر رکھا ہے تو اپنے گھروالوں میں سے جس پر بھروساہو اس کو بتا دیجئے ورنہ شاید تمہارا اچانک انتقال ہو جائے تو وہ زیور یا رقم ہمیشہ زمین ہی میں رہ جائے گی۔(اسی طرح دیگر خُفیہ اَموال واَمانات ودستاویزات کے بارے میں کسی کو اِعتماد میں لے لینا مفید ہے)

(45)مکان میں جلتا چَراغ یا آگ چھوڑ کر باہَر مت چلے جایئے چَراغ اور آگ کو مکان سے نکلتے وقت بجھا دینا چاہئے۔

(46)اتنا زیادہ مت کھایئے کہ چورن کی جگہ بھی پیٹ میں باقی نہ رہ جائے۔

(47)جہاں تک ممکن ہو رات کو مکان میں تنہا مت رہیں خدا جانے رات میں کیا اِتِّفاق پڑ جائے؟ لاچاری اور مجبوری کی تو اور بات ہے مگر جب تک ہو سکے مکان میں

رات کو اکیلے نہیں سونا چاہیئے۔

(48)اپنے ہنر پر ناز مت کیجئے۔

(49) بُرے وقت کا کوئی ساتھی نہیں ہوتا اس لیے صرف خدا پر بھروسا رکھئے۔(جنتی زیور ص۵۵۸ ملخصًّا)

۴۹انتہائی کار آمدمَدَنی پھول 49 Intihayi Kaam Me Aane Wali Bateen

30غلطیوں کی نشاندہی Galtiyan aksar Jo Ham Karte Hain

noreply@blogger.com (WafaSoft) — Thu, 26 Mar 2020 21:35:00 -0700

’’شریعت و سنت کی پابندی کرنے میں نجات ہے ‘‘کے تیس حروف کی نسبت سے 30غلطیوں کی نشاندہی

(1)اس خیال میں ہمیشہ مگن رہنا کہ جوانی اور تندرستی ہمیشہ رہے گی۔

(2)مصیبتوں میں بے صبر بن کر چیخ وپکار کرنا۔

(3)اپنی عقل کو سب سے بڑھ کر سمجھنا۔

(4)دشمن کو حقیر(کمزور) سمجھنا ۔

(5)بیماری کو معمولی سمجھ کر شروع میں علاج نہ کرنا۔

(6) اپنی رائے پر عمل کرنا اور دوسروں کے مشوروں کو ٹھکرا دینا۔

(7)کسی بدکار کو باربار آزماکر بھی اس کی چاپلوسی میں آجانا۔

(8)بیکاری میں خوش رہنا اور روزی کی تلاش نہ کرنا۔

(9)اپنا راز کسی دوسرے کو بتا کر اسے پوشیدہ رکھنے کی تاکید کرنا۔

(10)آمدنی سے زیادہ خرچ کرنا ۔

(11)لوگوں کی تکلیف میں شریک نہ ہونا اور ان سے امداد کی امید رکھنا ۔

(12)ایک دو ہی ملاقات میں کسی شخص کی نسبت کوئی اچھی یا بری رائے قائم کرلینا۔

(13)والدین کی خدمت نہ کرنا اور اولاد سے خدمت کی امید رکھنا ۔

(14)کسی کام کو اس خیال سے ادھورا چھوڑ دینا کہ پھر کسی وقت مکمل کرلیا جائے گا

(15)ہرشخص سے بدی کرنا اور لوگوں سے اپنے لیے نیکی کی توقع رکھنا۔

(16)گمراہوں کی صحبت میں اٹھنا بیٹھنا ۔

(17)کوئی عمل صالح کی تلقین کرے تو اس پر دھیان نہ دینا ۔

(18)خود حرام و حلال کا خیال نہ کرنا اور دوسروں کو بھی اس راہ پر لگانا ۔

(19)جھوٹی قسم کھا کر جھوٹ بول کر دھوکا دے کر اپنی تجارت کو فروغ دینا ۔

(20)علم دین اور دینداری کو عزت نہ سمجھنا ۔

(21)خود کو دوسروں سے بہتر سمجھنا ۔

(22)فقیروں اور سائلوں کو اپنے دروازہ سے دھکا دے کر بھگا دینا ۔

(23)ضرورت سے زیادہ بات چیت کرنا ۔

(24)اپنے پڑوسیوں سے بگاڑ رکھنا ۔

(25)بادشاہوں اور امیروں کی دوستی پر اعتبار کرنا۔

(26)خواہ مخواہ کسی کے گھریلو معاملات میں دخل دینا۔

(27)بغیر سوچے سمجھے بات کرنا ۔

(28)تین دن سے زیادہ کسی کا مہمان بننا ۔

(29)اپنے گھر کا بھید دوسروں پر ظاہر کرنا ۔

(30)ہر شخص کے سامنے اپنے دکھ درد بیان کرنا۔(جنتی زیور، ص۵۵۷)

30غلطیوں کی نشاندہی 30 Galtiyan aksar Jo Ham Karte Hain

مختلف مدنی پھول Mukhtalif Aham Aur Zaruri Madani Phool

noreply@blogger.com (WafaSoft) — Thu, 26 Mar 2020 21:34:00 -0700

مختلف مدنی پھول

دُرُودشریف کی فضیلت

حضرتِ سیِّدُنا ابو ہریرہ رَضِیَ اللہ تَعَالٰی عَنْہُ سے مروی ہے کہ نبی مُکَرَّم، نُورِ مُجسَّم، رسولِ اَکرم، شہنشاہ ِبنی آدم صَلَّی اللہ تَعَالٰی عَلَیْہِ وَاٰلِہٖ وَسَلَّمَ کا فرمانِ مُشکبارہے : ’’مَنْ صَلَّی عَلَیَّ وَاحِدَۃً صَلَّی اللّٰہُ عَلَیْہِ عَشْرَصَلٰوتٍ وَحُطَّتْ عَنْہُ عَشْرُ خَطِیَّاتٍ وَرُفِعَتْ لَہٗ عَشْرُ دَرَجَاتٍ یعنی جس نے مجھ پر ایک بار دُرُود پاک پڑھا، اللّٰہ تَعَالٰی اُس پر دس رحمتیں بھیجتا ہے اور اس کے دس گناہ معاف کئے جائیں گے اور اس کے دس دَرَجے بلند کئے جائیں گے ۔‘‘ (مِشْکَاۃُ الْمَصَابِیح ج۱ص۱۸۹حدیث۹۲۲)

صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد

’’مُجددِ اعظم مولیٰنا امام احمد رضا ‘‘کے پچیس حُرُوف کی نسبت سے کھجور کے 25 مدنی پھو ل

(1) طبیبوں کے طبیب ، اللّٰہکے حبیب ، حبیب لبیب عَزَّ وَجَلَّ و صَلَّی اللہ تَعَالٰی عَلَیْہِ وَاٰلِہٖ وَسَلَّمَ کا فرمان صحت نشان ہے : ’’عالِیہ‘‘ ( یعنی مدینۂ منوّرہ میں مسجد قُباء شریف کی جانب ایک جگہ کا نام ) کی عَجْوَہ (مدینۂ منورہ کی سب سے عظیم کھجور کا نام ) میں ہر

بیماری سے شفاء ہے ۔علامہ بدرالدین عینی حنفی رَحْمَۃُ اللہ تَعَالٰی عَلَیْہِ کی روایت کے مطابق ’’سات روزتک روزانہ سات عددعجوہ کھجورکھاناجذام(یعنی کوڑھ )کوروکتا ہے۔‘‘(عُمْدَۃُ الْقَاری ج۱۴ص۴۴۶)

(2)میٹھے میٹھے آقا مکی مدنی مصطفی صَلَّی اللہ تَعَالٰی عَلَیْہِ وَاٰلِہٖ وَسَلَّمَ کا فرمان جنت نشان ہے : عجوہ کھجور جنت سے ہے، اس میں زہر سے شفاء ہے ۔(سُنَنُ التِّرْمِذِیّ ج۴ ص۱۷حدیث۲۰۷۳)

بخاری شریف کی روایت کے مطابق جس نے نہارمنہ عجوہ کھجور کے سات دانے کھالئے اس دن اسے جادو اورزہر بھی نقصان نہ دے سکیں گے ۔ (صَحِیحُ البُخارِیّ ج۳، ص۵۴۰حدیث۵۴۴۵)

کیا حدیث میں بتایا ہوا علاج ہر ایک کر سکتا ہے؟

احادیثِ مبارَکہ میں بیان کردہ علاج بھی اپنی مرضی سے نہیں کرنے چاہئیں ۔ بے شک سرکارِ مدینہ صَلَّی اللہ تَعَالٰی عَلَیْہِ وَاٰلِہٖ وَسَلَّمَ کے فرامِینِ والا شان حق، حق اور حق ہی ہیں ۔ مگر جو علاج نبیوں کے سرتاج ، صاحِبِ معراج صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے تجویز فرمائے ہیں ہو سکتا ہے وہ خاص خاص مَوقَعوں موسِموں کی مُناسِبتوں اور مخصوص لوگوں کے مزاجوں اور طبیعتوں کے مُوافِق ہوں جیسا کہ حضر ت ِ مفتی احمد یار خان علیہ رحمۃ الحنّان اِس حدیثِ پاک فِی الحَبَّۃِالسَّوداءِشِفاءٌ مِّن کُلِّ دائٍ اِلَّاالسّامَ۔یعنی کالا دانہ( کلونجی) میں موت کے سِوا ہر بیماری سے شِفاہے‘‘ کے تحت فرماتے ہیں : ہر مرض(میں

شِفا) سے مُراد ہر بلغمی اور رطوبت کے اَمراض میں (شفا ہے)، کیونکہ کلونجی گرم اور خشک ہوتی ہے لہٰذا مَرطُوب(یعنی تَری والی) اور سردی کی بیماریوں میں مُفید ہو گی ۔آگے چل کر مزید فرماتے ہیں : یہاں مُراد عرب کی عام بیماریاں ہیں (مِرقات) یعنی کلونجی عرب کی عام بیماریوں میں مفید ہے۔ خیال رہے کہ احادیثِ شریفہ کی دوائیں کسی حاذِق طبیب(یعنی ماہرِ طبیب ) کی رائے سے استِعمال کرنی چاہئیں (اہلِ عرب کو تجویز کردہ دوائیں ) صِرف (اپنی) رائے سے استِعمال نہ کریں کہ ہمارے (طَبعی )مزاج اہلِ عرب کے(طَبعی ) مزاج سے جُداگانہ ہیں ۔ ( مراٰۃ ج ۶ ص ۲۱۶، ۲۱۷، ضیاء القراٰن پبلی کیشنزمرکز الاولیاء لاہور)ساتھوں ساتھ یہ بھی خاص تاکید ہے کہ اِس کتاب میں دیا ہوا کوئی بھی نُسخہ اپنے طبیب سے مشورہ کئے بِغیر استِعمال نہ کیاجائے اگر چِہ یہ نُسخہ اُسی بیماری کیلئے ہو جس سے آپ دو چار ہوں ۔ اِس کی بنیادی وجہ یہ ہے کہ لوگوں کی طَبعی(طَب۔عی) کیفیات جُدا جُدا ہوتی ہیں ، ایک ہی دوا کسی کیلئے آبِ حیات کا کام دکھاتی ہے تو کسی کیلئے موت کا پیام لاتی ہے۔ لہٰذا آپ کی جسمانی کیفیات سے واقِف آپ کا مخصوص طبیب ہی بہتر طے کر سکتا ہے کہ آپ کو کون سانُسخہ مُوافِق ہو سکتا ہے اور کون سا نہیں ۔کیوں کہ کتاب میں علاج کے طریقے بیان کرنا اور ہے جبکہ کسی خاص مریض کاعلاج کرنا اور۔

(3)سیدنا ابوہر یرہ رَضِیَ اللہ تَعَالٰی عَنْہُ سے روایت ہے ، کَھجورکھانے سے قُولنج(یعنی بڑی

انتڑی کا درد) نہیں ہوتا ۔ (کَنْزُ الْعُمَّال ج۱۰، ص۱۲حدیث۲۸۱۹۱)

(4) طبیبوں کے طبیب ، اللّٰہ کے حبیب ، حبیب لبیب عَزَّ وَجَلَّ و صَلَّی اللہ تَعَالٰی عَلَیْہِ وَاٰلِہٖ وَسَلَّمَ کا فرمان شفاء نشان ہے : نہارمنہ کھجور کھاؤ اس سے پیٹ کے کیڑے مر جاتے ہیں ۔(اَلْجَامِعُ الصَّغِیْرص۳۹۸حدیث۶۳۹۴)

(5)حضرت سیدناربیع بن خثیم رَضِیَ اللہ تَعَالٰی عَنْہُ فرماتے ہیں : میرے نزدیک حاملہ کے لئے کھجور سے اور مریض کیلئے شہد سے بہتر کسی چیز میں شفاء نہیں ۔ ( اَلدُّرُالْمَنْثُوْر، ج۵، ص۵۰۵)

(6)سید ی محمد احمد ذھبی رَحْمَۃُ اللہ تَعَالٰی عَلَیْہِ فرماتے ہیں : حاملہ کو کھجوریں کھلانے سے اِنْ شَآءَ اللہ عَزَّ وَجَلَّ لڑکا پیداہو گا جو کہ خوبصورت بُردبار اورنرم مزاج ہو گا ۔

(7)جو فاقہ کی وجہ سے کمزور ہو گیا ہو اس کیلئے کھجوربہت مفید ہے کیونکہ یہ غذائیت سے بھرپور ہے اسکے کھانے سے جلد توانائی بحال ہو جاتی ہے؛لہٰذا کھجورسے افطار کرنے میں یہ حکمت بھی ہے ۔

(8) روزے میں فورًا برف کا ٹھنڈا پانی پی لینے سے گیس ، تبخیر معدہ اور جگر کے ورم کا سخت خطرہ ہے ، کھجور کھا کر ٹھنڈاپانی پینے سے نقصان کا خطرہ ٹل جاتاہے ، مگر سخت ٹھنڈاپانی پیناہر وقت نقصان دہ ہے ۔

(9)کھجوراورکھیرا یا ککڑی ، نیزکھجور اور تربوز ایک ساتھ کھانا سنت ہے ۔ اس میں بھی

حکمتوں کے مدنی پھول ہیں ۔ الحمد للّٰہ عَزَّ وَجَلَّ ہمارے عمل کیلئے تو اس کا سنت ہونا ہی کافی ہے۔اطبّاء کا کہنا ہے کہ اس سے جنسی و جسمانی کمزوری اور دبلاپن دور ہوتا ہے۔ حدیث پاک میں ہے سرکارِ مدینہ صَلَّی اللہ تَعَالٰی عَلَیْہِ وَاٰلِہٖ وَسَلَّمَ کا فرمانِ صحت بنیاد ہے : کہ مکھن کو کھجور کیساتھ ملا کر کھاؤ اور پرانی کیساتھ نئی کھجوریں ملا کر کھاؤ کیونکہ شیطان کسی کو ایسا کرتادیکھتا ہے تو افسوس کرتا ہے اور کہتا ہے کہ پرانی کیساتھ نئی کھجور کھا کر آدمی تنومند (یعنی مضبوط جسم والا ) ہو گیا ۔ (سُنَنُ ابن ماجہ ج۴ ص ۳۹حدیث۳۳۳۰)

(10)کھجور کھانے سے پر انی قبض دور ہوتی ہے ۔

(11) دمہ ، دل، گردہ ، مثانہ ، پتا اور آنتوں کے امراض میں کھجور مفید ہے ۔ یہ بلغم خارج کرتی ، منہ کی خشکی کو دور کر تی، قوت باہ بڑھاتی اور پیشاب آور ہے ۔

(12) دل کی بیماری اور کالا موتیا کیلئے کھجور کوگٹھلی سمیت کوٹ کر کھانا مفید ہے۔

(13)کھجورکو بھگو کراس کا پانی پی لینے سے جگر کی بیماریا ں دور ہوتی ہیں ۔ دست کی بیماری میں بھی یہ پانی مفید ہے ۔(رات کو بھگو کرصبح نہار منہ اس کا پانی پئیں مگر بھگونے کے لئے فریزر میں نہ رکھیں ۔)

(14)کھجورکو دودھ میں ابال کرکھانابہترین مقوی(یعنی طاقت دینے والی)غذا ہے۔ یہ غذا بیماری کے بعد کی کمزوری دور کرنے کیلئے بے حد مفید ہے۔

(15)کھجورکھانے سے زخم جلدی بھرتا ہے ۔

(16) یرقان(یعنی پیلیا ) کیلئے کھجور بہترین دواء ہے ۔

(17)تازہ پکی ہوئی کھجوریں صفراء (یعنی ’’ پت ‘‘ جس میں قے کے ذریعے کڑوا پانی نکلتا ہے ) اور تیزابیت کوختم کرتی ہیں ۔

(18)کھجورکی گٹھلیوں کو آگ میں جلا کر اس کا منجن بنا لیجئے ۔ یہ دانتوں کو چمکدار اور منہ کی بدبو کو دور کرتا ہے ۔

(19)کھجورکی جلی ہوئی گٹھلیوں کی راکھ لگانے سے زخم کا خون بند ہوتا اور زخم بھر جاتا ہے ۔

(20)کھجورکی گٹھلیوں کوآگ میں ڈال کردھونی لینابواسیرکے مسو ں کوخشک کرتا ہے۔

(21)کھجورکے درخت کی جڑوں یا پتوں کی راکھ سے منجن کرنا دانتوں کے درد کیلئے مفید ہے۔ جڑوں یا پتوں کو پانی میں ابال کر اس سے کلیاں کرنا بھی دانتوں کے درد میں فائدہ مند ہے ۔

(22)جس کو کھجور کھانے سے کسی قسم کا نقصان) (side effectہوتا ہو تو انار کا رس یا خشخاش یا کالی مرچ کے ساتھ استعمال کرے اِنْ شَآءَ اللہ عَزَّ وَجَلَّ فائدہ ہو گا ۔

(23) ادھ پکی اور پرانی کھجوریں بیک وقت کھانا نقصان دہ ہے ۔اسی طرح کھجور کے ساتھ انگور یا کشمش یا منقہ ملا کر کھانا ، کھجو ر اور انجیربیک وقت کھانا ، بیماری سے اٹھتے ہی کمزوری میں زیادہ کھجوریں کھانااور آنکھوں کی بیماری میں کھجوریں کھانا مضر یعنی

نقصان دہ ہے ۔

(24)ایک وقت میں 5تولہ(یعنی تقریباً 60 گرام )سے زیادہ کھجوریں نہ کھائیں ۔ پرانی کھجورکھاتے وقت کھول کر اندرسے دیکھ لیجئے کیوں کہ اس میں بعض اوقات سرسریاں ( یعنی چھوٹے چھوٹے لال کیڑے )ہوتی ہیں ؛ لہٰذا صاف کرکے کھائیے۔جس کھجور میں کیڑے ہونے کا گمان ہو اس کوصاف کئے بغیر کھانا مکروہ ہے۔(عون المعبود ج۱۰ ص۲۴۶)بیچنے والے چمکانے کیلئے اکثر سرسوں کا تیل لگا دیتے ہیں ۔ لہٰذ ا بہتر یہ ہے کہ کھجوروں کو چند منٹ کیلئے پانی میں بھگو دیں ۔ تاکہ مکھیوں کی بیٹ اورمیل کچیل چھو ٹ جائے ۔ پھر دھوکراستعما ل فرمائیں ۔ درخت کی پکی ہوئی کھجوریں زیادہ مفید ہوتی ہیں ۔

(25) مدینۂ منورہ زَادَھَا اللّٰہُ شَرْفًاوَّتَعْظِیْمًا کی کھجوروں کی گٹھلیاں مت پھینکئے ۔ کسی ادب کی جگہ ڈالدیجئے یادریا برد فر ما دیجئے ، بلکہ ہو سکے تو سروتے سے باریک ٹکڑیاں کر کے ڈبیہ میں ڈالکر جیب میں رکھ لیجئے اورچھالیہ کی جگہ استعمال کر کے اسکی برکتیں لوٹئے۔ کوئی چیزخواہ دنیا کے کسی بھی خطے کی ہو جب مدینۂ منورہ زَادَھَا اللّٰہُ شَرْفًاوَّتَعْظِیْمًا کی فضاؤں میں داخل ہوئی تو مدینے کی ہوگئی لہٰذا عشاق اس کا ادب کرتے ہیں ۔ (فیضان سنت باب فیضان رمضان ج۱ص۱۰۱۸)

مختلف مدنی پھول Mukhtalif Aham Aur Zaruri Madani Phool

ذُوالْحِجّۃ الحرام کے فضائل ونوافل و دیگر Zulhajja Ke Fazail Wa Nawafil Wa Digar

noreply@blogger.com (WafaSoft) — Thu, 26 Mar 2020 21:32:00 -0700

ذُوالْحِجّۃ الحرام

ابتدائی دس دن کی فضیلت

بعض احادیثِ مُبارَکہ کے مطابِق ذُوالْحجَّۃِالْحرامکا پہلا عَشَرہ (یعنی اِبتِدائی دس دن) رَمَضانُ الْمُبارَک کے بعد سب دِنوں سے افضل ہے۔

’’اللّٰہ ‘‘کے چار حُرُوف کی نسبت سے عَشَرَۂ ذُوالْحجَّۃِ الْحرام کے مُتَعَلِّق 4 رِوایات

نیکیاں کرنے کے پسندیدہ ترین اَیّام

سرکارِ نامدار، مدینے کے تاجدار ، محبوبِ ربِّ غفّار عَزَّ وَجَلَّ و صَلَّی اللہ تَعَالٰی عَلَیْہِ

وَاٰلِہٖ وَسَلَّمَ کا فرمانِ نور بار ہے : ’’ان دس دنوں سے زیادہ کسی دن کا نیک عمل اللّٰہ! عَزَّ وَجَلَّ کو محبوب نہیں ۔‘‘ صَحَا بۂ کِرام علیہم الرضوان نے عرض کی، ’’یا رسول اللّٰہ! عَزَّ وَجَلَّ و صَلَّی اللہ تَعَالٰی عَلَیْہِ وَاٰلِہٖ وَسَلَّمَ ا ورنہ راہِ خُدا عَزَّ وَجَلَّ میں جِہاد ؟ ‘‘فرمایا ، ’’اور نہ راہِ خُدا عَزَّ وَجَلَّ میں جِہاد ، مگر وہ کہ اپنے جا ن ومال لیکر نِکلے پھر ان میں سے کچھ واپَس نہ لائے ۔(یعنی صِرف وہ مُجاہِد افضل ہوگاجو جان ومال قربان کرنے میں کامیاب ہوگیا)(صَحِیحُ البُخارِیّ ج۱ص۳۳۳حدیث۹۶۹)

شبِ قَدرکے برابر فضیلت

حدیث ِپا ک میں ہے ، اللّٰہ عَزَّ وَجَلَّ کو عَشَرَۂ ذُوالْحجَّہسے زیادہ کسی دن میں اپنی عِبادت کیا جانا پسندیدہ نہیں اِس کے ہردن کا روزہ ایک سال کے روزوں اور ہرشب کاقِیام شبِ قَدْر کے برابر ہے۔‘‘ (سُنَنُ التِّرْمِذِیّ ج۲ص۱۹۲حدیث۷۵۸)

عَرَفہ کا روزہ

حضرتِ سَیِّدُنا ابو قَتادہ رَضِیَ اللہ تَعَالٰی عَنْہُ سے رِوایَت ہے ، سُلطانِ مدینہ، قرارِ قَلْب وسینہ ، فیض گنجینہ ، صاحِبِ مُعَطَّر پسینہ، باعِثِ نُزُولِ سکینہ صَلَّی اللہ تَعَالٰی عَلَیْہِ وَاٰلِہٖ وَسَلَّمَ کا فرمانِ باقرینہ ہے : ’’مجھے اللّٰہ! عَزَّ وَجَلَّ پر گُمان ہے کہ عَرَ فہ( یعنی ۹ ذُوالحِجَّۃِ الْحرام ) کا روزہ ایک سال قَبْل اور ایک سال بعدکے گُناہ مِٹادیتا ہے۔‘‘ ( صَحِیح مُسلِم ص۵۹۰حدیث۱۹۶)

ایک روزہ ہزار روزوں کے برابر

اُمُّ الْمُؤمِنِین حضرتِ سَیِّدَتُنا عائِشہ صِدّیقہ رَضِیَ اللہ تَعَالٰی عَنْہَا سے رِوایَت ہے، نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَر صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے ارشاد فرمایا : عَرَفہ ( یعنی ۹ ذوالحِجَّۃِ الحرام ) کا روزہ ہزار روزوں کے برابر ہے۔(شُعَبُ الْاِیْمَان ج۳ ص۳۵۷حدیث۳۷۶۴) مگر حج کرنے والے پر جو عَرَفات میں ہے اُسے عَرَفہ ( یعنی ۹ ذوالحِجَّۃِ الحرام)کے دِن روزہ مکروہ ہے کہ حضرتِ سَیِّدُنا ابنِ خُزَیْمہ رَضِیَ اللہ تَعَالٰی عَنْہُ حضرتِ سَیِّدُنا ابوہُریرہ رَضِیَ اللہ تَعَالٰی عَنْہُ سے راوی کہ حُضُورپُر نُور، شافِع یومُ النُّشُور صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے عَرَ فہ کے دِن ( یعنی ۹ ذوالحِجَّۃِ الحرامکے روزحاجی کو ) عَرفات میں روزہ ر کھنے سے مَنْع فرمایا۔(صَحِیْحُ ابْنُ خُزَیْمَۃ ج۳ص۲۹۲حدیث۲۱۰۱)

صَلُّو ا عَلَی الْحَبِیب !
صلَّی اللّٰہُ تعالٰی علٰی محمَّد

ذُوالْحِجّۃ الحرام کے فضائل ونوافل و دیگر Zulhajja Ke Fazail Wa Nawafil Wa Digar

شَوَّالُ الْمُکَرَّم کے فضیلت ونوافل ومستحبات Shawwal Ki Azmat Aur Nawafil Wa Mustahabbat

noreply@blogger.com (WafaSoft) — Thu, 26 Mar 2020 21:29:00 -0700

شَوَّالُ الْمُکَرَّم

’’عید ‘‘کے تین حُرُوف کی نسبت سے شَش عید کے روزوں کے تین فضائل

نومَولُوْد کی طرح گُناہوں سے پاک

حضرتِ سَیِّدُنا عبد اللہ بن عُمررَضِیَ اللہ تَعَالٰی عَنْہُمَا سے روایَت ہے ، نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَر صَلَّی اللہ تَعَالٰی عَلَیْہِ وَاٰلِہٖ وَسَلَّمَ فرماتے ہیں : ’’جس نے رَمَضان کے روزے رکھے پھر چھ دن شَوّال میں رکھے تو گناہوں سے ایسے نکل گیا جیسے آج ہی ماں کے پیٹ سے پیدا ہوا ہے۔‘‘ (مَجْمَعُ الزَّوَائِد ج۳ ص۴۲۵حدیث۵۱۰۲)

گویا عُمْر بھر کا روزہ رکھا

حضرتِ سَیِّدُنا ابو ایّوب رَضِیَ اللہ تَعَالٰی عَنْہُ سے روایت ہے ، سرکارِ نامدار مدینے

کے تاجدار صَلَّی اللہ تَعَالٰی عَلَیْہِ وَاٰلِہٖ وَسَلَّمَ کا فرمانِ مُشکبار ہے : ’’جس نے رَمَضان کے روزے رکھے پھران کے بعدچھ شَوّال میں رکھے۔ توایسا ہے جیسے دَہر کا (یعنی عمر بھرکیلئے )روزہ رکھا ۔‘‘ ( صَحِیح مُسلِم ص۵۹۲حدیث۱۱۶۴)

سال بھر روزے رکّھے

حضرتِ سَیِّدُناثَوبان رَضِیَ اللہ تَعَالٰی عَنْہُمَا سے راویَت ہے، رسولُ اللّٰہ عَزَّ وَجَلَّ وَ صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے فرمایا : ’’جس نے عیدُالْفِطر کے بعد(شَوّال میں ) چھ روزے رکھ لئے تو اُس نے پورے سال کے روزے رکھے کہ جو ایک نیکی لائے گا اُسے دس ملیں گی۔ (سُنَن ابن ماجہ ج۲ص۳۳۳حدیث۱۷۱۵)

شَوَّالُ الْمُکَرَّم کے فضیلت ونوافل ومستحبات Shawwal Ki Azmat Aur Nawafil Wa Mustahabbat

Kharch Me Kushadgi Karo خرچ میں کُشَادَگی کرو

noreply@blogger.com (WafaSoft) — Thu, 26 Mar 2020 21:26:00 -0700

خرچ میں کُشَادَگی کرو

حضرتِ سَیِّدُناضَمُرہ رَضِیَ اللہ تَعَالٰی عَنْہُ سے مَروی ہے کہ نبیوں کے سلطان ، سرورِ ذیشان ، رَحمتِ عالمیان ، سردارِ دو جہان، محبوبِ رحمن عَزَّ وَجَلَّ و صَلَّی اللہ تَعَالٰی عَلَیْہِ وَاٰلِہٖ وَسَلَّمَ کا فرمانِ برکت نشان ہے : ’’ماہِ رَمَضان میں گھر والوں کے خرچ میں کُشادَگی کرو کیونکہ ماہِ رَمَضان میں خرچ کرنا اللّٰہ تَعَالٰی کی راہ میں خرچ کرنے کی طرح ہے۔‘‘ (اَلْجَامِعُ الصَّغِیْرص۱۶۲حدیث۲۷۱۶)

میٹھے میٹھے اسلامی بھائیو! ماہِ رَمَضان کے فضائل سے کُتُبِ اَحادیث مالا

مال ہیں ۔ رَمَضانُ الْمُبَارَکمیں اِس قَدَ ربَرَکتیں اوررَحمتیں ہیں کہ ہمارے پیارے پیارے آقا، مکّے مدینے والے مصطَفٰے صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے یہاں تک ارشاد فرمایا، ’’اگر بندوں کو معلوم ہوتا کہ رَمَضان کیا ہے تو میری اُمّت تمنَّا کرتی کہ کاش!پورا سال رَمَضان ہی ہو۔ ‘‘ (صَحِیْحُ ابْنُ خُزَیْمَۃ ج۳ص۱۹۰حدیث۱۸۸۶)

مدینہ : تفصیلی معلومات کے لیے فیضانِ سنت کے باب فیضانِ رَمَضَان کا مطالعہ کیجیے ۔

Kharch Me Kushadgi Karo خرچ میں کُشَادَگی کرو