Mellom kvardagen

Omarbeiding

2011-03-30T20:19:00.002+02:00

Opprydding og omstrukturering skal utførast,
og til slutt vert dette sida for alle mine "Gjer det sjølv"-prosjekt!

Kunstpause

2011-03-14T14:39:00.000+01:00

Det er ikkje det at gnisten er borte, eller at interessa har dabba av.. Det er berre heilt enkelt ikkje tid mellom kvardagen til å prioritere på så mykje handarbeid og denslags, og dermed vert det ikkje mykje å meddele her inne heller. Men det kjem. Eg har planar. Eg veit berre ikkje når tida mellom kvardagen kjem att ;)

Lysfest

2010-12-05T20:10:00.000+01:00

Advents- og juletida er ei høgtid for levande lys.
Her i huset tennes "tusen julelys" kvar dag, og spesielt i helgene,
og det er så koseleg! :)

Så i går kom eg på å tenne ei "heimelaga" (les: sjølvlaga) lykt, inspirert av ein student som gjekk Kunst og Handverk året før meg. Trur ikkje eg har vist lyskuba mi fram her inne før, så derfor gjer eg det no ettersom vi som sagt er inne i årets store tid for levande lys ;)

Legg merke til lysspelet på veggen i bakgrunnen :)

Ein artig idé som eg altså har lånt inspirasjon til ;)

Søknad om å utvide døgnet

2010-11-27T22:15:00.002+01:00

INNVILGA!!! ...det kjendes i alle fall slik ut her i veka... Har fått gjort så mykje! :)

Settekasseprosjektet; Check!

Adventskalender; Check!

Lampe som har venta på å bli "ny" lenge; Check!

Før................................... og etter! :)

Kor er tida mellom kvardagen?

2010-11-16T23:47:00.000+01:00

...eg ventar på den... men no om dagane ser den ikkje ut til å eksistere i det heile...
Praksis, eksamenslesing, juleforberedelsar, rutiner og så vidare fyller kvardagen frå ende til anna, og då vert det liksom ikkje pusterom mellom kvardagane... I alle fall ikkje pusterom store nok til å gjere anna enn å berre vere og å puste :) Det er i grunn godt nok, men dersom eg skal få gjort noko med dette vesle møbelet som eg fann på Fretex til skarve 30,- kroner, så trengst det meir enn eit pittekyrande lite pusterom...

Eg ser føre meg kvitmaling og mogeleg nokre lett mønstrete, kvite papir som bakgrunn, men eg veit ikkje.. Satsar på at det kjem til meg etterkvart som arbeidet skrider framover, når berre det der opphaldet mellom kvardagane kjem ;)

Med sine 24 rom, eigner forøvrig denne vesle settekassa seg som adventskalender?.. Men det vert nok ikkje før til neste år at eg får brukt ho til det ;)

Lyser opp mørke vinterkveldar

2010-11-12T22:53:00.000+01:00

Eg har altså pynta lys, og det var veldig kjekt. Det er ein aktivitet som eg anbefalar på det sterkaste om ein treng noko å finne på til ein hobbykveld med venninner ;)

Bilda er henta frå sider på nett som deler vintagebilder, og så er dei skrive ut på vanleg kopipapir på heime-printaren vår. Bildet er festa til lyset ved å legge bildet mot lyset med bildesida ut, legge over matpapir og så varme opp stearinet med ein varmepistol (det går óg an å bruke strykejern og stryke forsiktig over lyset med svak varme). I alle fall smelta stearinet og trakk gjennom papiret, slik at når stearinet kjølna og stivna att, så var bildet eitt med lyset. Deretter pynta eg lysa med band, brads og roser alt etter som..

OBS: Advarsel! Bildet kan ta fyr etter kvart som lyset brenn ned og bildet vert ståande att. Riv derfor av bildekanten som eventuelt stikk opp etter kvar brenning, eller undervegs i brenninga av lyset.

Drageløperen

2010-10-13T22:55:00.000+02:00

Ja... det vil seie, dragemakaren også forøvrig...
I alle fall, her har vi vore i sving heile familien.

Det er veldig kjekt å fly med dragar, men jammen er det noko med laginga også som er veldig kjekt. Kanskje ligg ein del av gleda ved laginga i spenninga og forventningane i høve til den føreståande flyginga, men allikevel... Verdt å prøve - i alle fall om ein har små (eller store) born som likar å drive med kreativ og skapande hobby saman med mamma eller pappa ;) Altså - ein fiiin familieaktivitet frå A til Å!

Dragane kan gjerast mykje finare enn det eg har teke meg tid til - eg er for utolmodig på å få teste flygedyktigheita. Men når eg berre er meir dreven på å lage dragar med god oppfdrift, lett som berre det, då skal nok det reint estetiske ved dragane skjerpe seg litt også :)

Klikk HER for å sjå oppskrift og mal for å lage din eigen drage :D

Happy kiting!!!

Tikk takk seier tida..

2010-10-07T20:19:00.000+02:00

..og eg merkar det knapt... at tida går.. Den går så fort og plutseleg er tida forbi!
Tida er for to dagar sidan forbi for trekning av giveawayen min, og først no kom eg på at den ikkje var trekt..

Dette er altså den annonserte giveaway'en min... Ei heimesydd plastsmekke i rosa med kvite polkadots. Spekka har også ei oppsamlarlomme, og kanten er av bomull. Festet til smekka er ein trykknapp... Ei prinsesse verdig? ...gjerne ikkje noko for ein liten, tøff gut i alle fall ;P

Uansett... vinnaren er trukket og den heldige vart nummer......................................................

*
*
*
*
*
*
*
*
*
*
*
*
*
*
*
*
*
*
*
*
*
*

Nummer 2 på kommentarlista!!!

Altså Iselin :)

Vil forøvrig minne om pay-it-forward-gåvene som eg gjer vekk til dei første som kommenterer i den opprinnelege tråden.. ;) På bildet under ser du kva du kan vinne, og den opprinnelege tråden, den finn du HER :)

Fast luftstav

2010-09-21T20:48:00.001+02:00

Fastmaske, luftmaske, enkel- og dobbel stav. Nei, ikkje veit eg. Oppskrifter er ikkje mi greie. Eg berre heklar. Trur eg. Resultat blir det i alle fall, sjølv om det truleg ikkje er etter boka. Eller, det er heilt sikkert ikkje etter boka - eg har jo dikta det sjølv. Undervegs.

Syltetøy-glaset gjer seg meir på frukostbordet, når det er påkledt og ikkje nakent ;)

Eg las om ei, for ei tid tilbake sidan, som hadde hekla trekk til syltetøyglas for å bruke dei som vase, og så fekk eg lyst å prøve eg også. Men ikkje fann eg att staden der eg fyrst las det, og uansett hadde eg nok ikkje fått noko ut av å lese ei eventuell oppskrift, så eg gjekk i gong og hekla ut frå eige skjønn. Eg byrja med botnen, som eg hekla som eit sneglehus til det var vidt nok til å dekke botnen på dette glaset, og så hekla eg meg oppover til det dekte heile glaset. Eg avslutta med å hekle "duttar" på toppen, trur det er med såkalte luftmasker som eg festa med fastmasker, men eg er neimmen ikkje sikker.

Er uansett godt nøgd med resultatet, og tenkjer eg skal hekle nokre til når eg berre får kjøpt meir :) Synest glasa gjer seg finare på frukostbordet med klede på, enn utan. Og så er det mykje meir lettvindt å kle på syltetøyglasa, enn å helle over i skåler og så tilbake i glaset igjen når bordsettinga er overstått...

Eit påkledt, tomt syltetøyglas var forresten ikkje så verst lys frå som telyslykt heller..

Og som nemndt tidlegare, så kan det brukast som vase også :)

Eg brukte forresten bommulsgarnet LERKE frå Dalegarn, med farge nr 0020, og så hekla eg med nål i storleik 3,5. Båndet med prikkemønster, som jeg har snurpet i toppen med, er forresten fra Papirloftet ;)

Pay it forward stengt

2010-09-17T21:19:00.003+02:00

*stengt*

Som eg skreiv om for eit par dagar sidan vart eg med på noko som er kalla "Pay it forward". Det fungerer likt som ein BlogCandy, berre utan trekning. Det vil sei, i staden for tilfeldig trekning, er det slik at dei tre første som kommenterer PayItForward-posten, er vinnarane av premien. Dette er det fine eg fekk av Bettand:

Men no har det seg jo slik at eg alt har ein BlogCandy på gang, med frist 5. oktober. Derfor lagar eg min eigen regel på denne "PayItForward", for å gjere det enklare for meg sjølv; Dei tre fyrste som kommenterer denne posten frå det sekundet vi går over til 5. oktober, er vinnarane. Dersom du er én av de tre første som kommenterer, så er dette ditt :) ..og så er det din tur å gi en gave til tre stykke som i sin tur skal "pay it forward" :) En hyggelig gest og ikke minst hyggelig å selv få en gave i posten ;)

Ikkje i morgon, men ein dag etter det, og uansett ikkje i dag.

2010-09-15T22:41:00.000+02:00

Eg var så heldig at eg fekk høve til å vere med på noko som heiter pay it forward, via sida til Bettand. Og dermed fekk eg ein fiiin pakke med scrappesaker i posten frå ho. Men dagane her er hektiske for tida med vel mykje på tapetet, så eg har ikkje rukket å blogge om det enda... Og heller ikkje i kveld vert det eigentleg tid til å gjere det skikkeleg... :(

Eg ville berre sei at SNART kjem det eit innlegg her på bloggen, der dei tre første som kommenterer får ei gåve med hobbysaker i posten frå meg ;)

Følg med, følg med :)

Giveaway

2010-09-05T22:13:00.003+02:00

Giveaway, blogcandy, gi-bort... og eg trur eg har sett mange, mange fleire ordvariantar og formuleringar på ein blogg-gest med eitt og samme formål. Kjært born har mange navn ;)

(Eg nyttar random.org til å trekke)

Ettersom eg ikkje lengre har små nok ungar sjølv (til å bruke smekke), så tenkte eg at nokon andre som kan ha glede av den kan få den nye, heimesydde plastsmekka i staden ;)

Det einaste du treng å gjere for å vere med i trekninga, er å skrive eit innlegg i bloggen din eller ein bildelink i sidebaren på bloggen din. Har du ikkje blogg, kan du berre skrive ein kommentar til dette innlegget, saman med mobilnummer eller e-post som eg kan kontakte deg på om du vert trekt ut ;)

Innlegget skal innehalde minst ein link tilbake til anten denne, eller ein av mine andre bloggar (Heime hos Oss, Leikekroken eller Lesekroken), og eg vil sjølvsagt at du fortel om candy'en og legg ved eit bilde av den ;)

Trekning om nøyaktig ein månad frå i dag, på mi kjære Farmor sin bursdag, 5. oktober :) Lykke til!

PS: Hugs å skrive ein kommentar under dette innlegget, og link til bloggen din/innlegget ditt så eg kan sjå det du har skrive ;)

Enda meir Redesign

2010-08-24T21:00:00.000+02:00

Ein voksduk eller rest av ein sådan er ikkje nødvendigvis mat for bossbøtta..

Til dømes, om resten måler minimum 20x25cm, kan den lagast om til ei barnesmekke med oppsamlar:

Eg teikna mønster sjølv med utgongspunkt i ei smekke frå IKEA som eg hadde liggande... I tillegg har eg nytta skråband for å gjere kantane finare og meir behagelege mot huda, sytråd av polyester til å feste skråbandet med, og ein trykknapp for å kunne feste smekka på bornet.

Merk; sy på skråbandet til fronten av lomma først, så syr du lomma fast på hovuddelen, før du festar skråband rundt heile smekka og set i trykknapp til slutt.

Oftast held det truleg å tørke av smekka med ein klut etter bruk, men innimellom treng den gjerne også ein grundigare vask.. Men ikkje vask den i maskin, det tåler stort sett ikkje voksdukar, så ein vask for hand må nok halde ;)

Redesign

2010-08-24T15:36:00.001+02:00

Veldig trendy begrep, kanskje ikkje fullt så trendy utfall her hos meg denne gangen,
men Nyttig kan eg skryte på "produkta" mine å vere om ikkje anna :)

To småvesker frå H&M som no vart solgt til spottpris etter sommaren er blitt til ei toalettmappe med maaange lommer :) Vi bruker den til alle hårstrikk, klemmer, hårklyper, fliseklemmer, bøyler og anna hårpynt. Og fordi der er så mange lommer kunne eg sortere alt, fargerike strikk for seg, nøytrale for seg, hårbøyle i eiga, stor lomme, klemmer for seg, klyper for seg osv. Kjempepraktisk!! :D

Alt eg brukte var dei nemnde veskene, nål og tråd, saks, trykknappar og utstyr til å feste trykknappane, og så ein stor, røff karabinkrok (i samme farge som glidelåsane og knappane) til å kunne henge opp toalettmappa etter.

Klypte av veskesnorene, ettersom eg ikkje hadde bruk for dei..

Sydde saman veskene "rygg mot rygg", men lot det vere opning øverst, slik at rommet mellom dei to veskene også skulle kunne brukast..

Satte i trykknappar for til dels å kunne lukke att rommet mellom dei ihopsydde veskene..

På den eine sida festa eg ein karabinkrok i "stålhankane" der veskestroppane hang fast,

og på den andre sida brukar eg "stålhankane" til å feste nåler meint som hårpynt (blomane til venstre i biletet til dømes..)

Billig og bra toalettmappe, som gjer det enkelt å holde styr på og finne fram i hårpynt eller anna :)

Naturen som atelier

2010-08-01T22:46:00.000+02:00

Ja, ettersom eg ikkje enda har hus har eg foreløbig heller ikkje hobbyrom. Då gjeld det å vere kreativ som det så fint heiter, eventuelt å vite å utnytte dei ressursane ein har til rådigheit.

No har det ikkje vore så mange finveirsdagar her på vestlandet at dei er vanskelege å telle på to ei hand, men desto viktigare er det viktig å nytte dei dagane med tørt veir som er. Difor fekk eg pappa til å snekre eit provisorisk staffeli til meg (som eg endte med å ikkje bruke allikevel XP) og så gjekk ned i hagen for å male. Der kunne eg tillate meg å grise ~~litt~~ utan å tenkje så alt for mykje på underlaget. Hadde dette skjedd ofte måtte eg gjerne revurdert korvidt det er nødvendig å tenkje på graset og jorda under, men for ein skarve gong så synest eg det var greitt :) ..og underlaget blei farga, men graset var ikkje lilla, oransj og svart så lenge, for utpå kvelden kom regnet igjen og vaska alt vekk ;)

Det var kjempekjekt å få leike litt med maling og lerret etter gammalt (det nærma seg at eg fekk abstinensar no når ferien kom etter eitt heilt år med berre kunst og handtverk :S), og resultatet vart ikkje verre enn at mamma ville ha bileta.

Ho får eitt av dei, men ettersom veggane i leiligheita er rimeleg nakne, så trur eg jammen at eg vil eige det eine sjølv også..

Når dei var tørka vart dei meir matte enn eg ynskja dei skulle vere, men sånn er det i grunn ofte.. At det eg lagar ikkje blir heilt som eg hadde tenkt. Men det er vel litt av sjarmen med amatørarbeid XD Det er nokre dagar sidan no, at eg lagde desse bilda, og medan eg har skrevet dette innlegget til bloggen har det vist kome ei ny trong eller lyst til å male litt igjen. Dessverre er veiret av den sorten som ikkje tillet kunstneriske utfoldelsar på plenen.. Så no ventar eg på betre tider.. Altså, betre maletider for sånn utanom lysta til å male så er tidene max fine, sjølv utan maling! :)

Prosjekt kontinuerlig skiftande

2010-07-04T00:43:00.000+02:00

Eg har fortalt tidlegare at eg skal lage meg hengekøye i filleryestil, meeen slik vert det altså ikkje.. Etter å ha revet opp 25 meter stoff i 10-12cm tjukke strimlar, begynt og komt godt i gang med å hekle, oppdaga eg raskt og kunne med hjelp av fleire andre konstatere at dette ville verte i tyngste laget! Så no er prosjektet halvert og hengekøya vert i staden ein hengestol.. Noko a la stolen på biletet under, som er henta fra http://www.landstil.com/. Berre at min er hekla, som sagt, og at eg har spleisa meg tauringar til feste i sidene på stolen, og ikkje ei rekkje tau som på denne du ser under..

Vanskeleg å forklare, de må nesten berre sjå når den er ferdig. Trur forresten ikkje at det tek så lang tid i effektiv hekletid før den er ferdig for sjølve heklinga går fort, eg må berre få høve til å sette meg ned og faktisk gjere den ferdig :)

Håpar berre opphenget mitt fungerar, for det veit eg jo heller ikkje.. Har ikkje oppskrift eller noko anna å fylgje, så eg må jo berre prøve meg fram og sjå! Blir det bra så skal eg heller skrive ned oppskrifta, så kanskje fleire kan prøve seg på liknande ;) Stay tuned!!!

PS: Når det gjeld veiret her omkring så treng eg ikkje stresse med å få utemøbelet mitt ferdig, så håpar sola kjem og skyene forsvinn i det prosjektet er avslutta og opphengt så eg får prøvd stolen når den er klar for bruk..

Ynskjer deg og dine nokre strålande dagar framover, med eller utan hengekøye eller hengestol ;)

Kjekt med stempel!

2010-06-25T23:49:00.000+02:00

LillMi, ein bekjend via forum, feirar at ho er ferdig utdanna faglærar i Kunst & Handverk, og som K&H-glad lærarstudent er eg verkeleg veldig einig i at slikt absolutt er noko å feire!

Hennar feiring er at ho gjev deg sjansen til åvinne to skjønne magnoliastempler, til bruk i papirhobby som eksempelvis kortlaging. Tenk så mykje kjekkare det er å få eit heimelaga kort framfor eit kjøpt!? ;) Om ikkje anna kan du bruke slike og andre stempel til å dekorere gåvepapir med. Dette gjeld altså for deg som vel å pakke jule- og bursdagsgåver inn i meir miljøvenleg gråpapir framfor det foliebelagte julepapiret som ein elles gjerne nyttar som gåvepapir...

Om du allikevel ikkje skulle vere interessert i stempla eller noko anna som har med papirhobby å gjere, anbefalar eg allikevel å ta turen innom LillMi's blogg. Der finn du nemmeleg link til interiørbloggen hennar, kor det også er mykje fint å sjå på og lese om ;)

PS: Jobbar med ei eksamensoppgåve for tida, og dermed er helie hengekøye-prosjektet lagt på hylla til oppgåva er ferdig... Eg har rett og slett måtta ta meg selv i tøylane, og nekte meg sjølv å gjøre alt det andre eg langt heller vil bruke tida på, framfor å arbeide med eksamensoppgåve no medan andre studentar har ferie og studiefri... Eg kjem sterkare tilbake om litt!

Kunstnar under construction

2010-06-20T20:07:00.005+02:00

(Min personlege favoritt so far - dette vil eg ha når eg får veggplass!

Dramatisk men allikevel roleg og harmonisk...)

Meir eller mindre tilfeldig, via felles bekjende, kom eg over mange fantastiske foto tatt av ein fersk, men allikevel imponerande dyktig fotograf. Tarjei Langeland er Florøværing, som meg sjølv, men bur for tida i Cape Town (Sør Afrika). Det er berre eitt år sidan han kjøpte sitt første kamera, noko eg absolutt ikkje gjekk ut i frå då eg først såg bilda. Men det må berre bety at han enten har eit stort, medfødt talent, eller at han er grådig bratt læringskurve. I alle fall er eg sikker på at vi kjem til å sjå meir til han og bilda hans!

(Stram komposisjon med mykje rette linjer i forgrunnen,

i kontrast til naturbakgrunnen med organisk fjellandskap og sjø

med meir duse konturar. Love it!)

Utsnitta og komposisjonane han viser er spennande, men samtidig balanserte og harmoniske. Fargane er ikkje mindre ei fryd for auget. Personleg falt eg mest av alt for landskapsbilda hans - scenene er rett og slett eventyrlege!!! Og det beste av alt, eg har fått tillatelse til å dele dei med deg, her på bloggen :) Gler meg til huset heime er ferdig, med god veggplass, då håper eg å få kjøpt eitt eller fleire av desse bilda til å henge på veggen, i lag med anna kunst ;) ..og mens eg ventar på palasset med god veggplass, så nyter eg kunst på nett.

(Igjen mykje rette linjer i møte med organiske former/formasjonar.

Eg får lyst dit som bildet er tatt!!!)

Gler meg til å sjå fleire flotte bilder frå denne fotografen!!!

OBS! I tråd med åndsverkslova §1 eig Tarjei Langeland opphavsretten/copyright til dei publiserte bilda. Kopiering og/eller publisering av desse bilda utan løyve frå innehavar av opphavsrett er med andre ord ulovleg. So you know :)

Noko å gjere med borna

2010-06-20T12:51:00.000+02:00

Det er kjekt å kunne gjere skapande hobby-arbeid i lag med ungane også av og til.

Treng du tips til kva du kan lage? Les kva du treng og framgongsmåte som er enkel og grei HER.

Ha ei fortsatt fin helg!

Gåvekort!

2010-06-20T00:11:00.000+02:00

Etter ein fantastisk dag saman med min kjære (les om det HER), kom eg heim til eit hyggeleg brev i postkassa. Der låg nemmeleg eit gåvekort frå Panduro! Rettare sagt er gåvekortet fra MariposaMilla etter at eg vann hennar blogcandy ;) For ei herleg avslutning på ein ellers også herleg dag! Tusen takk MariposaMilla, for ein kjempekjekk premie :)

GiveAway hos Stinius!

2010-06-17T00:50:00.001+02:00

Såg akkurat no at ei av mine "bekjente" fra forum-verda har ein lekker GiveAway i bloggen sin,
og då ~~måtte~~ (vart ikkje tvunget) ville eg sjølvsagt hive meg med!

Dette er berre noko av det du kan vinne om du også joiner (trekning 1. august). Om du ikkje er interessert i scrappesaker, er det allikevel verdt ein kikk i bloggen hennar, ho lagar mykje fint.

Kanskje du er interessert i sying? Ho driv med det også nemmeleg ;) Forøvrig har ho ein salgsblogg også med diverse stæsj, om du skulle vere på jakt etter ting og tang til scrappings :)

Mitt nyaste prosjekt

2010-06-16T22:13:00.003+02:00

Dette er omtrent så langt som eg er komt på mitt nye prosjekt - eg har fått handla inn alle ingrediensane!

Eller, eg har så vidt begynt heilt i det små også, med å spleise tau til å verte tjukke, sterke ringar av tau. 4 stykker skal eg ha, og i skrivande stund har eg ei lita pause for å kvile fingertuppane nesten halvvegs på den tredje tau-ringen. Det er like før eg får blemmer på fingrane trur eg - det er ikkje berre enkelt å spleise tau for sarte fingertuppar... Men skal det bli noko av kvileplassane til meg og min kjære, som vi skal ligge og slappe av oppi medan vi gyngar lett under plommetrea, så er det berre å bite det i seg tenkjer eg!

Du tok'an? Eg held på med to hengekøyer, ja :) Eller, no held eg på med opphenget til hengekøyene.. Når dei er ferdige har eg 40 meter nyleg innkjøpt stoff frå IKEA (dei hadde tilbod på 5,- meteren!!!), som skal rivast i passe breie strimlar og vidare heklast saman til ei (forhåpentlegvis) banan-forma hengekøye! Det blir nærast å betrakte som ei slapp form for fillerye, berre hekla og forma annleis.. Eg har inga oppskrift og veit eigentleg ikkje korleis eg skal gjere dette, men eg håpar og trur at det kjem av seg sjølv når eg begynner på arbeidet. Eg er generelt ikkje så glad i oppskrifter allikevel.. ;oP

Men om nokon har gode tips eller erfaringar å dele, så tek eg takknemleg i mot! :)

Ein fasinerande kunstnar - Salvador Dalí

2010-06-14T00:40:00.000+02:00

Salvador Dalí er ein av mine absolutte favorittar innan bildekunst.
Spesielt likar eg dei surrealistiske bileta hans, for der kan ein oppdage noko nytt for kvar gong ein ser på bildet omtrent. Eller, kanskje har ein sett det ein "oppdagar" ein gong tidlegare, men ein har gjerne ikkje tenkt skikkeleg over det ein då såg. Eg sluttar ikkje å la meg fasinere av hans surrealistiske periode, og av bilda hans frå denne perioden trur eg dette må vere mi topp 5 liste:

Dream Caused by the Flight of a Bee around a Pomegranate (eg har sett originalen!!! :oD)
Persistance of Memory det kjende bildet med dei "smelta" klokkene..
The Hallusinogenic Toreador ("oppdagar" stadig noko nytt!)
Galatea of the Spheres eit kvinneansikt satt saman av svevande "kuler"
The Elephants som viser noko som minner om hybridar mellom elefant og giraff

Kva synest du om Salvador Dalí sine bilder? (Du kan søke etter desse og mange fleire kunstbilder på Allposters)

I stadig endring

2010-06-13T00:22:00.000+02:00

Vel, det ser ut til at eg aldri blir nøgd med denne bloggen...
Atter ein gong forsøker eg å gjere det heile betre ved å endre på fasaden,
berre at denne gongen har eg visst endra adressa også.

Eg har eigentleg alltid skrive nynorsk, i alle fall heilt til eg byrja på høgare utdanning med mykje gruppearbeid saman med bokmåls-medstudentar. Deretter bar det nedenfor og hjem med nynorsken.
No har eg tenkt å gjere revansj, og i det høvet har eg fått meg ei nynorsk adresse og eit nynorsk namn.
Endringa heng og saman med at eg og min betre halvdel held på å bygge opp ein liten felles blogg også, og då syntest eg at namnet på den og på denne burde stå litt i stil til kvarandre på eitt vis :o)

Håper eg ikkje skremmer vekk bokmåls-følgjarar med dette - sjå på det som eit av få høve til å trene leseferdigheita i nynorsk ;oP Er det noko du lurer på så er det sjølvsagt berre å spørre!

Forøvrig har eg eit par tekstilprosjekt gåande, av større og mindre art, som eg tenkjer å dele med dykk om litt :o) ...når eg berre er ferdig med studieåret sitt siste skriveprosjekt ;o)

Sånn ellers

2010-06-07T22:42:00.000+02:00

Nå har det vært stillstand her inne alt for lenge! :oS
Det heller bunner i en kaotisk studenttilværelse med veldig mye kreativt studiearbeid og eksamener på tapetet... Har ikke scrappet, sydd eller strikket på lang lang tid, men har fått gjort mye annet.
Skal snarest legge ut bilder av mine prosjekter fra dette studieåret, så dere kan få se.
Gleder meg til å dele det med dere og samtidig mimre om et nylig svunnet og fantastisk studieår!
Stay tuned ;oD