Mero Nepal News

यदी दोषी ठहरिए उनिहरुलाई साधारण सदस्य बाट पनि हटाइदिन्छु : रञ्जित कर्ण[अडियो सहित]

2014-03-13T05:21:00.000-07:00

प्रहरीले फागुन १९ गते नेविसंघका पूर्व सहमहामन्त्री सचित शर्मा, शंकरदेव क्याम्पसका स्ववियु सभापति शुभराम बस्नेत, नेविसंघका नेता राकेश विक्रम शाही, लिलाबहादुर खड्का र जोन खड्कालाई स्वयम्भूबाट हतियारसहित पक्राउ गरेको थियो |’ र यही प्रकरण मा नेविसंघका अध्यक्ष रञ्जित कर्णले केहि दिन अघि मात्र, आफूलाई कानुनको पहरेदार ठान्ने रमेश खरेल आफू नै गैरकानूनी बाटोमा हिँडेका छन्, उनलाई तत्काल कानुनको कठघरामा ल्याई कारवाही गर्नुपर्छ ’भनि अविब्यक्ति दिनुभएको थियो र केहि दिन पछि मात्र नेविसंघका अध्यक्ष र सभासद् समेत रहनु भएका रञ्जित कर्ण संग मैले पुनः कुराकानी गर्दा हामि सक्दो रुपमा प्रहरीलाई सघाउछौ र रमेश खरेल ज्यू एकदम इमान्दार मान्छे हुनुहुन्छ भन्नु भयो , म त एकैछिन त बडो अचम्म मा परे,,,,र उहा ले यो पनि भन्नु भएको छ कि नेविसंघका नेताहरु यदी दोषी ठहरिए उनिहरुलाई नेविसंघको साधारण सदस्य बाट पनि हटाइदिने घोषणा गर्नुभएको छ .........
मेरो एफ.एम.९३.५ मेगाहर्ज को प्रस्तुति कार्यक्रम १० मिनेट र कार्यक्रम कलेजका कुरा संग नेविसंघका अध्यक्ष र सभासद् समेत रहनु भएका रञ्जित कर्ण संग गरेको थप कुराकानी ...........

)

प्रधानमन्त्रीमा सुशील कोइराला निर्वाचित

2014-02-10T02:12:00.001-08:00

नेपाली कांग्रेसका सभापति सुशील कोइराला प्रधानमन्त्रीमा निर्वाचित भएका छन | व्यवस्थापिका संसदमा हाल कायम रहेको ५७१ सभासद मध्ये ४०५ मत प्राप्त गरेर कांग्रेस सभापति सुशील कोइराला प्रधानमन्त्रीमा निर्वाचित भएका हुन् ।
पिता बोधप्रसाद र माता कुमुदनी कोईरलाका ९ जना सन्तानमध्येका साईला छोरा हुन् शुसील कोईरला । जन्मकुण्डली हराएकोले उनको वास्तविक जन्ममिति कहिले हो त्यसको जानकारी कसैलाई छैन,तर विद्यालयमा भर्ना हुनेबेला उनको अन्दाजमा जन्ममिती वि।सं १९९४ माघ २१ गते बिहीबार राखिएको थियो । विराटनगरमा जन्मिएका कोईरालाको बाल्यकालको केही समय त्यही बित्यो ।त्यसपश्चात कञ्चनपूर हुदै नेपालगञ्ज पुगेर उनले प्रारम्भिक शिक्षा पूरा गरे । उनले हाईस्कुल पढ्न थाल्दा देशमा राणाविरोधी क्रान्ति अन्तिम चरणमा पुगिरहेको थियो । सानैदेखि विपी कोईरालाको परिवारसंग निकटता भएकोलेपनि उनमा विपीको ठूलो प्रभाव परेको थियो । त्यसैले सानैदेखि उनी राणविरोधी आनदोलनका पर्चा पम्प्लेटहरु बाड्दै हिड्थे ।
२००७ सालको क्रान्तिपछि अध्ययनका लागि उनी बनारस पुगे । उनले बि।ए। पास गर्ने तयारी गर्दैगर्दा नेपालमा राजा महेन्द्रले कु गरेर प्रजातन्त्रको चीरहरण गरे । नेपालमा विपी कोईराला लगायतका नेताहरु पक्राउ परेपछि शुसीलले भारतमा नै पञ्चायतविरोधी क्रियाकलापहरु सञ्चालन गरिरहे । पञ्चायतकालमा विमान अपरण गरेको आरोपमा उनले लामो समय भारतमा जेलसजाय भोगेका थिए । २०३६ सालको जनमतसंग्रह हुनुभन्दा १५ दिनअघि मात्रै उनी स्व।गिरिजाप्रसाद कोइएरालासंग नेपाल फर्किएका थिए ।२०४२ सालको सत्याग्रहमा पनि पटकपटक जेलनेल भोगेका शुसील कोईराला त्यसअघि नै २०३५ सालमा नेपाली काँग्रेसको केन्द्रिय सदस्य भईसकेका थिए । विपी कोईरालको निधनपश्चात पार्टीको कामका सिलसिलामा विदेश भ्रमण जानुपर्दा उनले आफ्नो जग्गासमेत बेचेर खर्चको जोहो गरेका थिए ।२०४८ सालको आम निवार्चनमा बाके क्षेत्र नम्बर २ बाट निर्वाचित भएपनि उनी कहिल्यैमन्त्री भएनन् । परराष्ट्रमन्त्री बन्नका लागि पार्टीका शीर्ष नेताहरु गणेशमानसिंह,कृष्णप्रसाद भट्टराई र गिरिजाप्रसाद कोईरालाको आग्रहलाई उनले अस्वीकार गर्दै पार्टीको कामका लागि आजीवन क्रियाशील हुने प्रण गरेका थिए । २०५१ को झापा महाधिवेशनपश्चात काँग्रेसको विदेश विभाग प्रमुख भए । त्यसपश्चात २ पटक महामन्त्री बनेका कोईराला उपसभापति, कार्यबाहक सभापति हुदै हाल काँग्रेसको निर्वापचित सभापति समेत बनेका छन् ।नेपाली काँग्रेसभित्र निष्ठाको राजनिती गर्ने र त्यागी नेताका रुपमा उनले आफूलाई सधै प्रस्तुत गर्दै आईरहेका छन् । हालसम्म कुनैपनि लाभको पदधारण नगरेका कोईराला सभापतिमा बिजयी हुनको लागि पनि उनको निष्ठावान् र त्यागी छविले नै सहयोग गरेका उनलाई बुझ्नेहरुको भनाई छ । शुसील कोईरालाले संगठनभित्र धेरै विवादहरुको सामनासमेत गरेका छन् । कोठे राजनिती गर्ने,गुटमा विश्वास गर्ने र भातृसंगठनहरुमाथि अनावश्यक हस्तक्षेप गर्नेगरेको आरोप उनलाई पार्टीभित्रबाटै लागिरहेको छ ।१२ औं महाधिवेशनबाट पार्टी सभापतिमा निर्वाचित भएका सुशील कोइराला २०७० सालको संविधानसभा निर्वाचनमा बाँके र चितवनबाट निर्वाचित भएका हुन् । प्रधानमन्त्री उम्मेदवारका लागि एकल मनोनयन परेपछि उनले सवै दललाई मिलाएर सरकार गठन गर्ने बताएका थिए । पत्रकारहरुसँग कुरा गर्दै उनले एमाले, एमाओवादी सहित साना दललाई समेत सहभागि गराएर सरकार गठन गर्ने स्पष्ट पारेका थिए ।

माग पूरा नभए सामुहिक राजीनामा दिने चिकित्सकहरुको धम्कि ;'इमर्जेन्सी बाहेक सबै सेवा ठप्प '

2014-01-21T01:27:00.001-08:00

नेपाल चिकित्सक संघले सर्वोच्च अदालतको फैसलाको सम्मान गर्दै ईमर्जेन्सी सेवा सूचारु राख्ने जनाउँदै सरकारबाट बल प्रयोग भए सामूहिक राजिनामा गर्ने चेतावनी दिएको छ ।मंगलबार नेपाल चिकित्सक संघका महासचिव डा. मुक्तिराम श्रेष्ठद्वारा जारी विज्ञप्तिमा भनिएको छ, ‘सम्मानित सर्वोच्च अदालतले दिएको आदेशलाई उच्च सम्मान गर्दै अत्यावश्यक स्वास्थ्य सेवाहरु ईमरजेन्सी सेवाबाट प्रदान गर्न गराउन नेपाल चिकित्सक संघ सम्बन्धित सबैमा हार्दिक आहृवान गर्दछ ।’सर्वोच्च अदालतले हिजो संघ अध्यक्ष अन्जनी झासहित १५ जनाको नाममा अन्तरिम आदेश जारी गर्दै आदेश प्राप्त भएको १ घण्टा भित्र स्वास्थ्य सेवा सूचारु गर्न निर्देशन दिएको हो । संघले अनशनरत डा. गोविन्द केसीको समर्थनमा देशभर स्वास्थ्य सेवा ठप्प पार्ने निर्णय गरेको थियो ।‘आमरण अनसनमा बसेका प्रा. गोविन्द के.सी.को जीवन रक्षार्थ गरिएका सम्पूर्ण प्रयासहरुबाट स्वास्थ्य सेवामा पर्न जाने असुविधाप्रति संघ गहिरो दुःख व्यक्त गर्दछ,’ श्रेष्ठको वक्तव्यमा भनिएको छ, ‘उक्त कदमबाट सिर्जना हुने कुनै पनि अपि्रय कार्यको जिम्मेवारी नेपाल सरकार नै हुने नेपाल चिकित्सक संघको ठहर छ ।

डा. केसीका समर्थक ४०चिकित्सक पक्राउ

2014-01-19T23:30:00.001-08:00

त्रिवि अस्पतालमा आमरण अनशन बसिरहेका डा. गोविन्द केसीको समर्थनमा शान्तिपूर्ण प्रदर्शनमा सहभागी ४० जनालाई चिकित्सकलाई प्रहरी पक्राउ गरेको छ ।माइतीघर मण्डलामा जम्मा भएर र्‍यालीसहित सिंहदरबार तर्फ जाँदै गरेका चिकित्सकको समूह
लाई प्रहरीले हस्क्षेप गरी गिरफ्तार गरेको हो ।

माइतीघर मण्डलामा जम्मा भएर र्‍यालीसहित सिंहदरबार तर्फ जाँदै गरेका चिकित्सकको समूहलाई प्रहरीले हस्क्षेप गरी गिरफ्तार गरेको हो । - See more at: http://www.onlinekhabar.com/2014/01/157743/#sthash.EqV8aFJx.dpuf

काठमाडौं । एकसातादेखि आमरण अनसनमा रहेका डा. गोविन्द केसीको समर्थनमा माइतीघर मण्डलामा शान्तिपूर्ण प्रदर्शनमा रहेका चिकित्सकमाथि प्रहरीले
हस्तक्षेप गरेको छ ।
माइतीघर मण्डलामा जम्मा भएर र्‍यालीसहित सिंहदरबार तर्फ जाँदै गरेका चिकित्सकको समूहलाई प्रहरीले हस्क्षेप गरी गिरफ्तार गरेको हो ।

- See more at: http://www.onlinekhabar.com/2014/01/157743/#sthash.EqV8aFJx.dpuf

माइतीघर मण्डलामा जम्मा भएर र्‍यालीसहित सिंहदरबार तर्फ जाँदै गरेका चिकित्सकको समूहलाई प्रहरीले हस्क्षेप गरी गिरफ्तार गरेको हो - See more at: http://www.onlinekhabar.com/2014/01/157743/#sthash.EqV8aFJx.dpuf

हिमपात र वर्षाले जनजीवन प्रभावित

2014-01-18T21:06:00.000-08:00

काठमाडौं उपत्यकासहित देशभरी मौसम बदली भई पानीसँगै हिमपात भएपछि जनजीवन प्रभावित भएको छ । काठमाडौं र पूर्वि नेपालमो मसिनो पानी परे पनि पश्चिम नेपालमा ठूलो वर्षा भएको छ । पहाडी क्षेत्रमा भिषण हिमपात हुँदा जनजीवन ठप्प भएको छ । हिमपात नरोकिंदा यातायात समेत अवरुद्ध भएको छ । मुस्ताङमा २४ बर्षयताकै बाक्लो हिउँ परेको छ । पश्चिमी र अरेबियन सागरबाट आएको वायुको प्रभावले बदली भएको मौसममा आजेखि केही सुधार आउने मौसमविदले बताएका छन् । बाक्लो हुस्सुका कारण आज अन्तर्राष्ट्रिय विमानस्थलबाट हुने कुनै पनि उडान हुन सकेका छैनन्

चिकित्सकको आन्दोलनका कारण अस्पतालहरुको सेवा ठप्प

2014-01-18T21:02:00.001-08:00

चिकित्सहरुको आन्दोलनका कारण देशभरीका स्वास्थ्य संस्था ठप्प भएपछि बिरामीहरु मर्कामा परेका छन् । आमरण अनसनमा बस्नु भएका डा गोविन्द केसीको मागमा समर्थन जनाउँदै चिकित्सकहरुले आज बिहान ६ बजेदेखि आकस्मिक बाहेकका सबै सेवा बन्द गराएका छन् । सरकारले आमरण अनशनमा बसेका प्राध्यापक डा. केसीले राखेका माग बेवास्ता गरेको भन्दै नेपाल चिकित्सक संघले आजदेखि देशभरको स्वास्थ्य सेवा ठप्प पार्ने घोषणा गरेको हो । हिजो साँझको निर्णयअनुसार आज दिउँसो १ बजेसम्म माग पुरा नभए अनिश्चितकालिन आन्दोलन हुने भएको छ । बैठकपछि जारी विज्ञप्तिमा सरकारलाई २४ घन्टे अल्टिमेटम दिए पनि सुनुवाइ नगरेकाले बाध्य भएर कठोर कदम चाल्नुुपरेको जनाइएको छ । अस्पतालमा भर्ना भएका सयौ विरामी उपचार नपाएपछि अस्पताल छोड्न बाध्य भएका छन् । बिरामीहरुले आन्दोलन फिर्ता लिन माग गरिरहेका छन् । यसैबीच ३१ जना चिकित्सकले संघले गरेको निर्णयमा असहमति जनाएका छन् । उनीहरूले छुट्टै विज्ञप्ति जारी गर्दै जनताको स्वास्थ्य सेवा पाउने र प्राणरक्षा गर्ने अधिकारमाथि खेलवाड गर्ने निर्र्णयप्रति असहमति जनाएका हुन् ।

पृथ्वीनारायण शाहको २९२ औं जन्मजयन्ती

2014-01-10T20:04:00.002-08:00

नेपाल एकीकरणका सूत्रधार पृथ्वीनारायण शाहको २९२ औं जन्मजयन्ती विभिन्न कार्यक्रम गरी आज मनाइदैछ । विसं १७९९ साल पुस २७ गते गोर्खामा जन्मिएका उनी आफ्नो शासनकालमा भुरे–टाकुरे राज्यहरुमा विभिाजित नेपालको भुगोललाई एक बनाएका थिए । यही योगदानलाई कदर गर्दै पुस २७ लाई राष्ट्रिय एकता दिवसका रुपमा मनाइने गरिएकामा २०६२/२०६३ सालको आन्दोलनपछिको सरकारले विदा कटौति गरि सरकारीस्तरमा मनाउन छाडेको थियो ।

कक्षा ११ को परीक्षाफल प्रकाशित, ४० प्रतिशत पास

2014-01-10T17:16:00.000-08:00

उच्च माध्यमिक शिक्षा परिषदले आज कक्षा ११ को परीक्षाफल सार्वजनिक गरेको छ । गएको जेठमा भएको परीक्षामा ४ लाख ३५ हजारभन्दा बढी परीक्षार्थी सहभागी भएकोमा जम्मा ४० प्रतिशत अर्थात १ लाख ९९ हजार ९ सय ८७ विद्यार्थी उत्तीर्ण भएका छन् । नियमिततर्फ १ लाख ४९ हजार ७९ जना र आंशिकतर्फबाट ५० हजार ९ सय ८ विद्यार्थी उत्तीर्ण भएका हुन् । झण्डै ६० हजार विद्यार्थी एउटा विषयमा फेल भएका छन् । एक विषयमा फेल हुने विद्यार्थी फागुन २५ गते मौका परीक्षा दिन पाउने उच्च माध्यमिक शिक्षा परिषद्ले जनाएको छ ।

११को रिजल्ट भोली सार्बजनिक हुने

2014-01-09T07:52:00.000-08:00

उच्च माध्यमिक शिक्षा परिषदले गत जेठ महिनामा सञ्चालन गरेको कक्षा ११ को परीक्षाको नजिता शुक्रबार सार्वजनिक गर्ने भएको छ। परीक्षामा ४ लाख ३५ हजार १८ जना विद्यार्थी सहभागी थिए। जसमध्ये नियमिततर्फ दुई लाख ६५ हजार ४ सय ५७ र आंशिकतर्फ एक लाख ६९ हजार ४ सय ५७ विद्यार्थी सहभागी थिए।परीक्षा सञ्चालन भएको लामो समय बितिसक्दा पनि नतिजा सार्वजनिक नभएको भन्दै विद्यार्थी तथा अभिभावकले गुनासो गर्दै आएका थिए।

हत्या गरेको अभियोगमा पक्राउ

2014-01-07T08:52:00.000-08:00

मातातिर्थ–६ बस्ने ६० बर्षीय सानुकाजी तामाङलाई हत्या गरेको अभियोगमा निजको कान्छी श्रीमती पूर्ण लक्ष्मी तामाङ र मातातिर्थ–९ लोङकोट बस्ने २२ बर्षीय बिशाल तामाङलाई महानगरीय प्रहरी अपराध महाशाखाका प्रहरीले पक्राउ गरी आज पत्रकार सम्मेलन मार्फत सार्वजनिक गरेको छ । पुस २२ गते ०२ः०० बजे मातातिर्थ–६ ढाक्सीङ जंगलको बाटो नजिक सानुकाजी ता

माङलाई खुर्पा तथा लठ्ठीले शरीरको माथिल्लो भागमा प्रहार गरी हत्या गरी लासलाई तरुल खनेको खाल्टोमा स्याउलाले छोपी राखेको अवस्थामा लास फेला परेको थियो । पुस २१ गते मृतक सानुकाजी र निजको श्रीमतीको बीचमा आचरणको बिषयलाई लिएर विवाद भए पश्चात पूर्णलक्ष्मी तामाङ रिसाई घरबाट बाहिर गएकी र मृतकले खोजतलास गर्ने क्रममा घरबाट अंदाजी २ सय मिटर तलतिर जंगलको बाटोमा बिशाल तामाङसंगै पूर्णलक्ष्मी तामाङ फेला परेकोमा सोही ठाँउमा उनीहरु तीन जनाबीच बादविवाद सुरु भई बिशाल तामाङले घाटी थिची लडाई दाउराको चिरपट तथा खुर्पाले टाउको तथा गालामा प्रहार गरी निजको हत्या गरेको अनुसन्धानबाट खुल्न आएको छ । फरार रहेकोमा उनीहरुलाई पुस २२ गते ०२ः०० बजे महानगरीय प्रहरी बृत्त थानकोटको सहयोगमा महानगरीय प्रहरी अपराध महाशाखाको बिशेष टोलीले पक्राउ गरेको थियो । यस सम्बन्धमा प्रहरीले अन्य थप अनुसन्धान गरिरहेको छ

प्रशिक्षक प्रशिक्षण तालिम समापन

2014-01-07T08:45:00.000-08:00

राष्ट्रिय प्रहरी प्रशिक्षण प्रतिष्ठान महाराजगंजमा संचालित १३ औं समूहको प्रशिक्षक प्रशिक्षण तालिम समापन भएको छ ।प्रतिष्ठानका निमित्त कार्यकारी निर्देशक प्रहरी नायव महानिरीक्षक नारायण प्रसाद बास्ताकोटीले आज आयोजित एक समारोहबीच प्रशिक्षार्थीहरुलाई प्रमाणपत्र बितरण गर्नुभयो । उक्त अवसरमा उहाँले तालिमको महत्वलाई ध्यान दिई तालिममा सिकेका ज्ञान,सिपलाई आफ्नो कार्यक्षेत्रमा अक्षरस पालना गर्न निर्देशन दिनुभयो ।कार्यक्रममा तालिम संयोजक प्रहरी नायव उपरीक्षक संदीप भण्डारीले तालिम सम्बन्धी प्रतिवेदन प्रस्तुत गर्नुभएको थियो । १६ दिन कार्य अवधि रहेको उक्त तालिममा प्रहरी नायव निरीक्षक १३ र प्रहरी सहायक निरीक्षक १० जना गरी कुल २३ जना प्रशिक्षार्थीहरुको सहभागिता रहेको थियो

स्वाईन फ्लूका कारण योजना आयोगका सह सचिव भवकृष्ण भट्टराईको निधन

2014-01-07T08:37:00.001-08:00

स्वाईन फ्लूका कारण योजना आयोगका सह सचिव भवकृष्ण भट्टराईको निधन भएको छ । स्वाईन फ्लूका कारण ज्यान गुमाउने भट्टराई नै पहिलो व्यक्ति भएको इपिडिमियोलोजी तथा रोग नियन्त्रण महाशाखाले जानकारी दिएको छ । अमेरिका भ्रमणमा जानु भएका सह सचिव भट्टराई भ्रमणकै क्रममा बिरामी पर्नु भएको थियो । अमेरिकाबाट नेपाल फर्किने बित्तिकै काठमाण्डुको नर्भिक अस्पतालमा भर्ना गरिएको थियो । तीन पटक ल्याव परिक्षण गर्दा भट्टराईलाई स्वाईन फ्लू भएको प्रमाणित भएको नर्भिक अस्पतालका प्रवक्ता आरपी मैनालीले बताउनु भयो ।

"डाक्टर साथीको"अनुसन्धानमा मेचीनगर र दमक डेंगीको उच्च जोखिममा

2014-01-03T07:51:00.001-08:00

झापाको मेचीनगर र दमक नगरपालिका डेंगीको उच्च जोखिममा रहेको देखिएको छ । बाल जागरण मन्च मेचीनगरको सहकार्यमा मेची बस व्यबसायी संघ मेचीनगर र नाईट चेस क्लब काँकरभिट्टाको सहयोग तथा नेपाल मेडिकल भोलियन्टर्स सोसाईटी "डाक्टर साथीको" संयोजन मा शुक्रबार मेचीनगरमा भएको अन्र्तरक्रियामा, बिज्ञहरुले प्रस्तुत गरेको तथ्याङ्कले जिल्लाका यी दुईवटा नगरपालिका उच्च जोखिममा रहेको देखाएको हो ।डेंगीरोग अनुसन्धानकर्ता डाक्टर सूर्य पराजुलीले प्रस्तुत गर्नुभएको तथ्याङ्कमा ईपिडेमीयोलोजी तथा रोग नियन्त्रण महाशाखाका अनुसार सन २०१३ मा ७ सय भन्दा बढि डेंगी संक्रमित प्रमाणित भई सकेको उल्लेख छ । जसमध्ये झापा जिल्लामामात्र १ सय ९४ जना फेला परेका थिए । कुल संक्रमित मध्ये मेचीनगर नगरपालिकामा ८३ र दमक नगरपालिकामा ५८ जना रहेको डाक्टर पराजुलीले बताउनु भयो । डेंगी शिक्षा अभियान २०१३—२०१४ को तथ्याङ्क अनुसार नेपालमा पहिलो पटक सन २००४ मा एकजना जापानी स्वयमसेविकामा सक्रमण देखिएको डेंगीले दुईबर्षपछि नेपालमा महामारीको रुप लिएको थियो ।सन २००६ मा १ सय ४० जना संक्रमित भएको अनुमान गरिएकोमा ३२ जनामा डेंगी पुष्टि भएको तथ्याङ्कमा उल्लेख छ । प्रस्तुत तथ्याङ्कमा त्यो बर्ष ४ हजार ५३७ जनामा डेंगी संक्रमण भएको अनुमान गरिएकोमा ९ सय १७ जनामा डेंगी संक्रमित भए
को पुष्टि भएको र पाँचजनाको डेंगीकै कारण मृत्यू भएको उल्लेख छ । सन २००७ मा २७, २००८ मा १० , २००९ मा ३० जनामा संक्रमण भएको बताईएको छ । सन २०११ मा करिब १ हजार १ सय ९२ जनालाई डेंगी संक्रमण भएको अनुमान गरिएकोमा २ सय २४ जनामा डेंगी संक्रमित प्रमाणित भएको र सन २०१२ मा डेंगी संक्रमण नेपालका बिभिन्न ठाउँमा फाटफुटट् देखिर्दै जादा ७२ जनामा फेला परेको अनुसन्धानले देखाएको डेंगी रोग अनुसन्धानकर्ता डाक्टर पराजुलीले बताउनु भयो।

नेपाली सेनामा “लैङ्गिक आचरणसम्बन्धी निर्देशिका लागु

2014-01-03T07:08:00.000-08:00

नेपाली सेनाले उच्चस्तरको अनुशासन तथा आचरण कायम राख्न तथा सुरक्षित, मर्यादित र समान वातावरण सृजना गर्ने उद्देश्यले “लैङ्गिक आचरणसम्बन्धी निर्देशिका २०७०” र “महिला सैनिक निर्देशिका २०७०” लागु गरेको छ । यस लैङ्गिक आचरणसम्बन्धी निर्देशिकाले आ–आप्mनो कार्यस्थलमा महिला मैत्री वातावरण सृजना गरी महिलाविरुद्ध हुन सक्ने कुनै पनि कार्यलाई सुन्य सहनशिलता नीतिको प्रभावकारी कार्यान्वयन गर्न मद्दत पुग्ने नेपाली सेनाले विश्वास लिएको छ । निर्देशिकामा विभिन्न लैङ्गिक हिंसाको परिभाषा, उजुरी तथा सजायसम्बन्धी व्यवस्थाहरु समावेश गरिएको सैनिक जनसम्पर्क निर्देशनालयको विज्ञप्तिमा उल्लेख छ । यसैगरी महिला सैनिक निर्देशिकाले नेपाली सेनामा सेवारत महिलाहरुलाई तोकिएको समुहमा नियुक्ति भई काम गर्न, उक्त समुहको सेवा सुविधा प्राप्त गर्न, सो समुहको माथिल्लो तहसम्म क्षमता तथा योग्यताको आधारमा बे–रोकटोक बृति बिकासको सुनिश्चितता प्रदान गर्ने जनाएको छ ।

पोखराको जमिन भासीनु नागिनको दोष, नागले कन्या केटा र केटि नखाई नछाड्ने [भिडियो सहित]

2013-12-07T09:04:00.001-08:00

अमार्कको एशिया प्रशान्त क्षेत्रीय उपाध्यक्षमा मीनबहादुर शाही निर्वाचित

2013-12-05T05:57:00.001-08:00

सामुदायिक रेडियोहरुको विश्व संस्था (अमार्क) को एसिया प्रशान्त क्षेत्रीय उपाध्यक्षमा सामुदायिक रेडियो प्रसारक संघ नेपाल अकोरावका निवर्तमान अध्यक्ष मीनबहादुर शाही निर्वाचित हुनुभएको छ । कोरियाको राजधानी सोलमा सम्पन्न अमार्कको तेस्रो साधारणसभाले शाहीलाई उपाध्यक्षमा चयन गरेको हो । अमार्कका एसिया प्रसान्त क्षेत्रको अध्यक्षमा फिलिपिन्सका माइका लग्मन, उपाध्यक्षमा नेपालका मीनबहादुर शाही, कोषाध्यक्षमा जापानका जुनिची हेविनो, दक्षिणपुर्वी एशिया उपक्षेत्रीय उपाध्यक्षमा इन्डोनेसियाका इमाम प्राकोसो, पुर्वी एशिया उपक्षेत्रीय उपाध्यक्षमा कोरियाका आङ् वियोन् चेङ्, दक्षिण एसिया उपक्षेत्रीय उपाध्यक्षमा भारतका रामनाथ भाट र प्रशान्त क्षेत्रका लागि सीर्ले तागी निर्वाचित हुनुभएको हो ।मङ्सिर १६ गतेदेखि तीन दिनसम्म कोरियाको राजधानी सोलको सीटी हलमा भएको सम्मेलनमा भागलिन सामुदायिक रेडियो प्रसारक संघ (अकोराव) नेपालका अध्यक्ष मोहन चापागाईको नेतृत्वमा २२ सदस्यीय प्रतिनिधि मण्डल कोरिया गएको थियो । सम्मेलनमा नेपालमा सामुदायिक रेडियोहरुको उपलब्धीको विषयमा सामुदायिक रेडियो प्रसारक संघले विशेष कार्यशालाको आयोजना गरेको थियो ।

कम्प्युटर लाइ चिसो लागेको भन्दै तिलगंगा को टोकन सिस्टम बन्द ,बिरामीलाई सास्ती [भिडियो सहित]

2013-12-05T01:04:00.000-08:00

तलगंगा आखा प्रतिष्ठान को नया दर्ता साखाको कम्प्युटर बिग्रिएर टोकन सिस्टम नचलेपछि आज बिहान करिव २ घण्टा सम्म आखा जाच गर्न गएका बिरामीले सास्ती खेप्नु परेको छ । बिहान ८ बजे देखि नया नाम दर्ता कार्य सुरु गरिनु पर्नेमा १० बजे सम्म पनि सुरु नहुदा करिव २०० जना नया बिरामीहरुलाई समस्या परेको हो,टोकन सिस्टमनै नचले पछि १० बजे देखि मुखले नै टोकन नम्बर बोलाउदै दर्ता सुरु गरिएको थियो।बिरामीले के भएको हो भनि सोध्दा त्यहा बसेका सहयोगीहरुले कम्प्युटरलाई चिसो लागेको भन्दै जबाफ दिएका थिए। पुरानो दर्ता कार्य भने सुचारु नै थियो तर ८ बजे देखि सुरु भनिएता पनि १५(२० मिनेट ढिला गरि सुरु गरिएको थियो।खास के भएर त्यस्तो समस्या आएको हो भनि बुझ्न जादा त्यहा बसेका सेक्युरेटी अफिसर आर बि रानाले सबै खुलाउन चाहेनन् उनले भने ुकम्प्युटर मा सानो समस्या आएको हो एकैछिन मा हुन्छु। तर बिहानको दर्ता समय अवधि भरिनै टोकन सिस्टम मा समस्या देखिएको थियो। जाच गराउन गएका केहि बिरामीले भने जहिले पनि एक एक निहु बनाएर अस्पतालले लापरबाही गर्ने गरेको गुनासो पनि गरे।

ब्रा लगाएको केटी केटो बनेपछि [भिडियो]

2013-12-03T08:56:00.001-08:00

सेक्सी शिल्पाले भित्रि बस्त्र देखाएपछि

2013-12-03T05:57:00.000-08:00

मंगलबार आयोजना भएको एक कार्यक्रममा मोडल तथा नव नायिका शिल्पा पोख्रेल वार्डरोप मालफक्शनको शिकार भएकी छन् । काठमाण्डौमा बढ्दै गरेको जाडोमा पनि शिल्पा वन पिस पहिरनमा आकर्षक देखिएकी थिइन् । तर बस्ने समयमा आफ्नो पहिरन नसम्हालेपछि उनले भित्रि बस्त्र देखाइहालिन । सार्वजनिक कार्यक्रममा छोटो पहिरनमा पुग्ने अधिकांश नायिकाहरुले क्यामेराबाट बच्नको लागि निक्कै सजकता अपनाएका हुन्छन् ।कतिपय चर्चाकै लागि यस्तो कुरामा सजगता देखाउदैनन् भने कतिपय भने थाहा नपाई वार्डरोप मालफक्शनको शिकार बन्न पुगेका हुन्छन् ।

onlinekhabar.com लिइएको तस्बिरहरु यस्तो छ

भ्रष्टाचार गर्ने मुलुकमध्ये नेपाल १ सय १७ औं स्थानमा

2013-12-03T04:56:00.001-08:00

ट्रान्सपरेन्सी इन्टरनेशनल नेपालको प्रतिवेदनले नेपालमा भ्रष्टाचार गएको वर्षभन्दा केही कम भएको देखिएको छ । विश्वका १ सय ७७ देशको आज एकै पटक सार्वजनिक गरिएको प्रतिवेदनमा ३१ अङ्क पाउँदै नेपाल १ सय १७ औं स्थानमा रहेको प्रतिवेदनले जनाएको छ । आज राजधानीमा एक कार्यक्रम गरी ट्रान्सपरेन्सी इन्टरनेशनल नेपालका अध्यक्ष विष्णुबहादुर क्षेत्रीले गएको वर्षभन्दा अङ्क केही बढी पाउनु सकारात्मक भए पनि भ्रष्टाचारको अवस्था उस्तै रहेको बताउनुभयो । नेपालले गएको वर्ष २७ अंक पाएकोमा यस वर्ष ३१ अंक पाएको हो । भ्रष्टाचार सूचकांकको औसत ५० अंक रहेकाले त्यो भन्दा कम अंक पाउने मुलुकमा भ्रष्टाचार व्याप्त रहेको मानिने ट्रान्सपरेन्सीको भनाइ छ । नेपालमा सार्वजनिक क्षेत्र, जवाफदेहिताको कमी भ्रष्टाचारीमाथि कारबाही हुन नसक्ने गरेको पनि प्रतिवेदनले उल्लेख गरेको छ । यसवर्षको सूचीमा डेनमार्क र न्यूजिल्याण्ड कुल एकसय अंक मध्ये ९१ अंक पाउँदै सबैभन्दा कम भ्रष्टाचार हुने मुलुक बन्न सफल भएका छन् भने अफगानिस्ता, उत्तर कोरिया र सोमालिया ८ अंक प्राप्त गरी बढी भ्रष्टाचार हुने मुलुकको सूचीमा समावेश भएका छन् । यसैगरी दक्षिण एसियाली मुलुकहरु मध्ये भुटानको ६३ अंक पाएको छ भने श्रीलंका, ३७, भारत ३६, पाकिस्तान २८ र बंगलादेशले २७ अंक पाएको छ । माल्दिभ्स भने सूचीमा समावेश नभएको जनाइएको छ । सूचकांकमा १०० अंकले कम भ्रष्टाचार भएको जनाउँछ भने ० ले धेरै भएको जनाउने पनि ट्रान्सपरेन्सीको विज्ञप्तिमा उल्लेख छ ।भ्रष्टाचार गर्ने मुलुकमध्ये नेपाल १ सय १७ औं स्थानमा

समानुपातिकतर्फबाट दलहरुले पाएको सिट सङ्ख्या सार्वजनिक, २५ गतेभित्र नाम सिफारिस गर्न आयोगको आग्रह

2013-12-03T04:42:00.001-08:00

मङ्सिर ४ गते भएको संविधानसभा चुनावको समानुताकितर्फबाट राजनीतिक दलहरुले पाएको सिट सङ्ख्या निर्वाचन आयोगले सार्वजनिक गरेको छ । आयोगले आज चुनावमा भाग लिएका दलहरूलाई निर्वाचन आयोगमा बोलाएर प्राप्त मत र सीट सङ्ख्याका बारेमा जानकारी गराउदै एक साताभित्र नाम सिफारिस गर्न आग्रह गरेको हो । समानुपातिक तर्फबाट सिट पाएका ३० दलमध्ये २१ दलका प्रतिनिधि आयोगमा पुगेनि एकीकृत नेकपा माओवादीसहित नौ दल अनुपस्थित थिए । दलहरुसँगको छलफलपछि निर्वाचन आयोगले पत्रकार सम्मेलन गरि आज अनुपस्थित भएका दलहरू पनि एकदुई दिनमै आयोगसँग सम्पर्क गरि नाम बुझाउने विश्वास व्यक्त गरेको छ । तोकीएको समयभित्र दलहरुले नामावली नबुझाए त्यसपछिको प्रवाधान के छ ? भन्ने संचारकर्मीहरूको प्रश्नमा प्रमुख निर्वाचन आयुक्त निलकण्ठ उप्रेतीले कुनै संवैधानिक र कानुनी व्यवस्था नभएकोले दलहरुलाई पर्खिनुको विकल्प नभएको बताउनुभयो । साथै उहाँले यसपालीको चुनावमा ४ अर्ब ८४ करोड रुपैया खर्च भएको जानकारी दिनुभयो । चुनावमा प्रत्यक्ष तर्फ ७८ दशमलव ३४ र समानुपातिक तर्फ ७९ दशमलव ८४ प्रतिशत मतदाताले मतदान गरेको र त्यसमध्ये प्रत्यक्ष तर्फबाट ८ दशमलव ९ प्रतिशत र समानुपातिक तर्फबाट ३ दशमलव २ प्रतिशत मत बदर भएको आयोगले जानकारी दिएको छ ।

समानुपातिक तर्फको मतगणना सकिनै लाग्यो ,कांग्रेस सबैभन्दा अगाडी

2013-11-27T19:49:00.000-08:00

संविधानसभा चुनावको समानुपातिक तर्फको मतगणना अन्तिम चरणमा पुगेको छ । अहिलेसम्म २२४ क्षेत्रको गणना सकिँदा २२ लाख ९ हजार मतसहित नेपाली कांग्रेसले आफ्नो अग्रता कायमै राख्न सफल भएको छ । यसैगरी २० लाख ५१ हजार मतसहित नेकपा एमाले दोस्रो स्थानमा दौडिरहेको छ भने १३ लाख मतसहित एकीकृत माओवादी तेस्रो स्थानमा रहेको छ । यस्तै ५ लाख ६७ हजार मतका साथ राप्रपा नेपाल चौथो र २ लाख ४२ हजार मत ल्याएर राप्रपा पाचौं स्थानमा छ । मधेशी जनअधिकार फोरम लोकतान्त्रिक छैठौ, फोरम नेपाल सातौ, नेकपा माले आठौं, तराई मधेश लोकतान्त्रिक पार्टी नवौं र संघीय समाजवादी पार्टी नेपाल दशौं स्थानमा रहेका छन् ।

दाङमा पनि कांग्रेस अगाडी

2013-11-21T02:50:00.001-08:00

दाङ क्षेत्र नम्बर १ को ताजा परिणाम
काँग्रेस पार्वता डिसी चौधरी ७१७६
एमाले रेवतीरमण शर्मा ५९१०
एमाओेवादी नारायणी शर्मा ४५८८

दाङ क्षेत्र नम्बर ३ ताजा मतपरिणाम
काँग्रेसका राजु खनाल १४००४
एमालेका लक्ष्मण आचार्य ७२७८
एमाओवादीका निर्मल आचार्य ६६४२

दाङ क्षेत्र नम्बर ४ ताजा मतपरिणाम
काँग्रेसका बुद्धिराम भण्डारी ९९४०
एमालेका शंकर पोखरेल ७६९१
एमाओवादीका राजमी चौधरी ४४३३

दाङ क्षेत्र नम्बर ५ को ताजा मतपरिणाम
काँग्रेसका दिपक गिरी ९२७६
एमालेका उत्तरकुमार वली ६१६५
एमाओवादीका धीरज शेर्पाइली ४४११

धनुषामा पनि ४ वटा क्षेत्रमा कांग्रेस नै अगाडी

2013-11-21T01:50:00.002-08:00

धनुषा १
कांग्रेस दिनेशप्रसाद पर्सैला यादव २८९९
स्वतन्त्र सर्वण यादव ३६५५
एमाओवादी रामचन्द्र झा १३०५
एमाले रत्नेश्वर गोइत १२५०

धनुषा २
कांग्रेस रामकृष्ण यादव ३५६०
एमाओवादी रामचन्द्र मण्डल २३८४
एमाले भोला साह १६९५

धनुषा ३
कांग्रेस विमलेन्द्र निधी २३१७
एमाले जुली महतो २२९४
एमाओवादी हरिदेव मण्डल ६०७

धनुषा ४
सद्भावना सञ्जयकुमार साह ३५८२
कांग्रेस रामसरोज यादव ३३०४
तमलोपा वृशेषचन्द्र लाल ७५३

धनुषा ५
एमाले रघुवीर महासेठ ७५१
कांग्रेस चन्द्रमोहन यादव ५२१
एमाओवादी विजय यादव ३११

धनुषा ६
कांग्रेस प्रेमकिशोर साह १९०९
राप्रपा नेपाल मनोज मल्ल १३५८
एमाले योगनारायण यादव ११३१

धनुषा ७
एमाले शत्रुधन महतो २०५०
कांग्रेस बासुलाल महतो १७९७
एमाओवादी रामकुमार महतो १४४३

चितवनमा पनि कांग्रेस नै अगाडी

2013-11-21T01:38:00.000-08:00

चितवन क्षेत्र नम्बर १ को ताजा मतपरिणाम
कांग्रेस राजेन्द्र बुर्लाकोटी ३२६१
एमाले सुरेन्द्र पाण्डे ३२१८
एमाओवादी भिमबहादुर श्रेष्ठ ६८०

चितवन क्षेत्र नम्बर २ को ताजा परिणाम
कांग्रेस शेषनाथ अधिकारी ३०८८
एमाओवादी बिष्णुझक्त दुलाल १३५४
एमाले कृष्ण खनाल २६६८

चितवन क्षेत्र नम्बर ३ को ताजा परिणाम
एमाले कृष्णभक्त पोख्रेल ३०३९
एमाओवादी नारायण प्रसाद दाहाल २२०६
कांग्रेस भीमबहादुर श्रेष्ठ २२०१

चितवन क्षेत्र नम्बर ४ को ताजा परिणाम
कांग्रेसका सुशील कोइराला ७८०७
एमाले पार्वती रावल ४७७२
एमाओवादी चित्र बहादुर श्रेष्ठ ४५८७

चितवन क्षेत्र नम्बर ५ को ताजा परिणाम
राप्रपा बिक्रम पाण्डे १८२५
एमाओवादी अमिक शेरचन १०२४
कांग्रेस दानबहादुर तामाङ १८३६