Mero Mind

बक्षस्थलबारे जानकारीहरू

2013-08-07T05:32:00.000-07:00

भनिन्छ महिलाको वक्षस्थल पुरुषका लागि आकर्षणको केन्द्र हो । यसले महिलाको सुन्दरतामा समेत भारी वृद्धि गरेको हुन्छ । त्यहीँ कारण वक्षस्थललाई सकेसम्म बढि कामूक, कसिला तथा ठूला बनाउन महिलाहरुले विभिन्न प्रयास गर्छन् र पछिल्ला दिनमा यसका लागि विकशित देशमा स्तन प्रत्यारोपण लगायतका पद्धति समेत निकै चल्तीमा छन् । हामीले यहाँ वक्षस्थल सम्बन्धि केही रोचक तथ्य प्रस्तुत गरेका छौँ, जसका बारेमा स्वयं आम वक्षस्थल धनीहरु बेखबर हुन सक्छन् :

विश्वमा सबैभन्दा ठूला स्तन भएकी महिला ब्राजिलकी शेला हर्षे हुन् । उनले सन् २००९ मा स्तनको सर्जरी गराएर केही ग्यालेन सिलिकनको झोल स्तनभित्र खाँदेपछि उनको वक्षस्थल निकै विशाल बनेको छ । उनको वक्षस्थलको आकार ३८केकेके छ । तर विश्वमा सबैभन्दा ठूला प्राकृतिक वक्षस्थल भएकी महिलाको नाम भने नोर्मास्टिट्ज हुन् ।

अमेरिकामा गो टपलेस डट ओराजी नामको महिलावादी एन जि ओ छ । यसले केही कुराको विरोध प्रदर्शनका लागि स्तन प्रदर्शनलाई मुख्य अस्त्र बनाउँछ । यो एन जि ओ का महिलाहरुले टपलेस भएर विरोध प्रदर्शनमा सहभागी हुन्छन् ।

रोचक कुरा के छ भने महिलाका दुइवटा स्तन समान आकारका हुँदैनन् । बायाँ स्तनको आकार दायाँ स्तन भन्दा केही ठूलो हुन्छ । तर आकारको अन्तरलाई स्वयं महिलाले पनि पत्ता लगाउन कठिन हुन्छ ।

यसमा लाज मान्नुपर्ने कुनै कारण छैन की पुरुषको पहिलो नजर महिलाहरुको वक्षस्थलमै पर्छ । महिलाहरुले आफुप्रति तन्नेरीहरुको आँखा कति पार्न सक्छन् भन्ने कुरा उनीहरुको वक्षस्थलको सुन्दरतामा भर पर्छ । अझ रोचक कुरा त के भने एक दिनमा कम्तिमा एक मिनेट महिलाको वक्षस्थलमा आँखा लगाउने पुरुषको आयुमा समेत वृद्धि हुन्छ । यसको कारण पुरुषको मनोविज्ञानमा आउने सकारात्मकता हो ।

ब्रा बनाउने कम्पनी थ्रम्पको एक सर्भेक्षणका अनुसार बेलायती महिलाहरुको वक्षस्थल अन्य युरोपेली महिलाको भन्दा ठूलो छ । युरोपेली महिलामध्ये ठूला वक्षस्थल हुनेमा डेनमार्कका महिला दोश्रो, हल्याण्डका तेश्रो स्थानमा छन् । युरोपमा सबैभन्दा सानो आकारका वक्षस्थल भएका महिला इटालीका छन् ।

स्तनको औषत वजन आधा किलो हुन्छ । दुइवटा स्तनको तौल महिलाको सरीरको कुल तौलको एक प्रतिशत जति हुन्छ ।

स्तनमा बोसोको मात्रा अत्यधिक हुन्छ । उमेर बढेसँगै स्तनमा बोसोको अनुपात पनि बढ्छ । पाको उमेरका महिलाको स्तनमा दुध ग्रन्थी सुक्ने भएकाले त्यसको ठाउँ पनि बोसोले लिएको हुन्छ ।

कसैलाई भने परिवारलाई मारिदिने भन्दै बलात्कार

2013-08-07T05:14:00.000-07:00

विवाहअघि भएको बलात्कारबाट गर्भ बोकेकी बाराकी एक युवतीको बिचल्ली भएको छ । विवाह गरेको केही महिनामा नै गर्भ बोकेको थाहा भएपछि बारा पटेर्वा–२ की ती युवती घरबाट निकालिएकी थिएन् । घरबाट निकालिएपछि माइत बस्दै आएकी उनले यही साउन ७ गते छोरीलाई जन्म दिएकी छिन् । विवाहअघि शम्भु साहका छोरा अजयबाट २०६९ साल कात्तिकदेखि आफू पटकपटक बलात्कृत हुदै आएको उनी बताउँछिन् ।

विसं. २०६९ माघ १८ गते बसवरियाका एक युवकसँग विवाह बन्धनमा बाँधिएकी उनले आफूलाई घरमा एक्लै भएको मौका छोपी अजयले बलात्कार गरेको बताइन् । कसैलाई भनिस् भने तेरो सबै परिवारलाई मारिदिन्छु भन्दै धम्की दिएर पटक–पटक बलात्कार गर्ने गरेको उनले सुनाइन् । धम्कीकै कारण आफूले बलात्कारबारे कसैलाई भन्न नसकेको उनी बताउँछिन् ।

उनी अहिले न्याय खोज्दै प्रहरीमा पुगेकी छिन् । लामो समय घटनालाई लुकाउँदै आएकी उनले घरबाट निष्कासित हुनुपरेपछि आफ्नो बच्चालाई न्याय र अधिकार दिलाउन प्रहरीमा पुगेको बताइन् । उनले साउन १० गते इलाका प्रहरी कार्यालय सिम्रौनगढ र जिल्ला प्रहरी कार्यालय बारामा बलात्कार गर्ने अजयविरुद्ध किटानी जाहेरी दिएकी छिन् ।

जिल्ला प्रहरी कार्यालयका प्रहरी निरीक्षक उत्तमप्रकाश बरालले अजयका विरुद्ध उनले यौनशोषण गरेको किटानी जाहेरी दिएको पुष्टि गर्नुभएको छ । जाहेरीका आधारमा अजयलाई नियन्त्रणमा लिएर छानबिन गर्न इलाका प्रहरी कार्यालय सिम्रौनगढलाई पत्राचार गरिएको बरालले जानकारी दिनुभयो ।

पीडकविरुद्ध प्रहरीमा जाहेरी परेपछि घटनालाई गाउँमै मिलाएर अपराधी उम्काउन षडयन्त्र सुरु भएको छ । घटनालाई गाउँमा नै मिलाउनुपर्छ भन्दै स्थानीय केही अगुवा र अजयका काका हरेन्द्र क्रियाशील भएका छन् । घटनालाई ढाकछोप गर्नका लागि गाउँमा पञ्चायत गरी केही रकम लिएर मिलापत्र गर्न दबाब आएको ती युवतीका बाबुको गुनासो छ । घटनालाई गाउँमै मिलाउन दबाब दिँदै आएका स्थानीय मधुसूधन कलवारलाई प्रहरीले नियन्त्रणमा लिएको छ ।

इलाका प्रहरी कार्यालयका प्रहरी निरीक्षक किशोरकुमार उपाध्यायले सोधपुछका लागि मधुसूधनलाई नियन्त्रणमा लिएको जानकारी दिनुभयो । इलाका प्रहरी कार्यालयका प्रहरी निरीक्षक किशोरकुमार उपाध्यायले यौनशोषण गर्ने युवकको खोजतलास भइरहेको बताउनुभयो । ने

बोइफ्रेड भन्या जस्तो भेटेकी छैन : गायिका एबम संचारकर्मी योजना पुरी

2013-08-05T04:36:00.000-07:00

मोरङ्गको राजघाटमा जन्मीएकी गायिका तथा संचारकर्मी योजना पुरी दुइओटा परीचय बोकेर हिड्न पाएकोमा मख्ख छिन । बिबिएस तेस्रो बर्षको रिजल्टको प्रतिक्षा गरी रहेकी योजना म्यानेजम्यानकी बिधार्थी भए पनि अब मास कम्युनिकेशमा मास्टर गर्ने सोचमा छिन । घरपरिवारले नर्सिङ्ग क्षेत्रमा लाग्न धेरै दवाव दिए पनि भित्रि इच्छा नभएकाले नर्सिका कुनै इन्ट्रास पास गरिनन् , जानेका प्रश्नको पनि उत्तर नलेखी बसेको बताउ छिन् । प्लस टु पढ्न थालेपछि टिउ सन फीभन्दे घरमा पौसा मागेर म्युजिक सिक्न थालीन । सानैबाट बुवा बिदेमा घरमा धेरै जनाभाइबहिनी परिवारको पहिलो सन्तान भएकाले भाइबहिनीको नेतृत्ब पनिआफै गर्नु पर्ने भएकाले मम्मीबाबालाई कन्भेन्स गराउने क्षमता राम्रो भएकाले परिबारलाइ पनि सहमतीमा ल्याइन २ बर्षको संगित सिकाइ पछि । बिभिन्न प्रतियोगितामा भाग लिदाको सफलताले गित रेक्ड गराउने रहर लागेर पहिलो दमकमा रेकड् गरिन र गित मन परेकाले दमकमौ म्युजिक भिडियो तयार भएको थियो त्यसमाकुनै रकम तिर्नु परेन तर गित रेकड् गर्दा भने मम्मीले बनाइदिएको सुनको औठी बेच्नु पर्दा अझै पनि नरमाइलो लाग्ने बताउछिन् । योजनापुरी बच्चाबेला चंचले स्वाभाबकी भए पनि टीनएज सुरु भएदेखीनिकै लजालु र गम्भीर स्वाभाकी बनिन र अहिले पनि त्यस्तै रहेकोे बताउछिन् । सानै बाट गितगाउने इच्छा भएकाले पुरा गर्ने अठोट पनि मन भित्र सजाएकाले आज पुरा भएको बताउछिन् । टीन एजमा एक जनायुबक संग प्रेम भएको तर त्यसलाई प्रेम भन्दा पनि त्योे बेला जोसगँ बाल्यो उहि मनपथ्यो रे तर बुबाले पहिलो सन्तान जस्तो भयो भाइबहिनीले त्यहि सिक्छन भन्नेकाले त्यस्तो डेटिङ्ग जाने प्रेम गरिन भन्छीन् । बोइफ्रेड छैन भन्दा, प्रेमपस्ताव राखेर हैरानै पार्छन छ भन्दा? भन्या जस्तो भेटेकी छैन हुनत आफ्नो काममा जति बेलौ ब्यस्त हुने भएकाले केहि बर्ष पछि एकै पटक बिहे गर्ने सोचमा छिन् । घरकी पहिलो सन्तान भएकाले बिहेको थुप्रौ कुरा आउएता पनि घरपरिवारलाई सम्झाने गरकी छिन तर कहिले सझाउनगारो हुने बताउछिन् । संगित क्षेत्रमा लागेको ६ बर्ष बितीसकेको छ भने रेडियोमा ३ बर्ष बिताइसकेकी छिन । ५ बर्ष अगाडी तारा लिम्बु संग मिलेर न्यु वे एल्बमल्याइन सो एल्बमबाट घरै हाम्रो..................बोलको राम्रो गितले राम्रो पब्लिसिटी पाए पनि लगानी भने नउठेको बताउछिन् । अहिले आएर मनै त हो बोलको गितले राम्रो पहिचान दिइरहेको छ र एल्बमको तयारीमा छिन निकै ब्यस्त भइरहदा कहिले काहि घरपरिवारबाट समेत गुनासो आउने बताउछिन् । चाडै एल्बम बजारमा आउने एल्बममा सन्तोश खनाल , सन्तोश दुमी,शिबराज गौतम ,दिपक दशनामी, हरी लम्साल , अजुन पोख्ररेल ,केदार धिताल , जन्म राई र राम सिटौलाको रहेने छ पचास प्रतिसतकाम सकिएको बताउ छिन् । निकैनै मिठो आवाजकीधनि योजना सबै खाले गितगाउन सक्नु पर्छ गायिका भए पछि भन्छीन् ।कलेसन एल्बममा र फिल्ममा प िनगित गाउन अनि स्टेज कायक्रमा पनि ब्यस्त छिन गायिका एबम संचारकर्मी योजना पुरी ।

राजा होइन राष्ट्रपति मान्ने प्रस्ताव गरेको हो ज्ञानेन्द्रलाई:

2013-07-26T05:50:00.001-07:00

एकीकृत नेकपा माओवादीका नेता डाक्टर बाबुराम भट्टराईले पूर्व राजा ज्ञानेन्द्रलाई राष्ट्रपति बनाउने प्रस्ताव राखेको स्वीकार गर्नुभएको छ ।

राप्रपा नेपालका अध्यक्ष कमल थापाले सांस्कृतिक राजा राख्ने प्रस्ताव भट्टराईले गरेको बताएपछि भट्टराईले त्यसको खण्डन गर्दै ज्ञानेन्द्रलाई राष्ट्रपति बनाउने प्रस्ताव गरेको बताउनुभएको हो ।

थापासँग युद्धकालमै भेट भएको र लामो कुरा भएको स्वीकार्दै भट्टराईले अर्ध सत्य कुरा गरेर भ्रम छर्न खोजेको आरोप लगाउनुभएको छ । राप्रपा नेपालका अध्यक्ष थापाले भने जस्तै नेपालगञ्जका तत्कालीन नगर प्रमुख धवल शमशेर राणासँगको घरमा भेटवार्ता भएको भने भट्टराईले स्वीकार गर्नुभएको छ ।

‘कमल थापा मेरा कलेजका सहपाठी र राम्रै चिनजानका मान्छे भएकाले औपचारिक वार्ता भन्दा पहिले नै उनी मार्फत ज्ञानेन्द्र समक्ष हाम्रो प्रस्ताव फेरि एकचोटी पठाउनु उपयुक्त ठान्यौ ।’

आफ्नो फेसबुकमा भट्टराईले भन्नुभएको छ ‘धवलशमशेर राणाको घरमा कमल थापा र मेरो लामो कुराकानी भएको हो । त्यहाँ मैले पार्टीको घोषित नीति अनुसार ज्ञानेन्द्र नेपाली सिंहानुक बन्न तयार भएमा उनलाई गणतन्त्र नेपालको पहिलो राष्ट्रपति बनाउन सकिने प्रस्वाव गरें ।’

तर कुराकानीमा थापाले संवैधानिक राजतन्त्र मानिदिन आग्रह गरेकोले कुरा नमिलेको भट्टराईले उल्लेख गर्नुभएको छ । आफूहरु सांस्कृतिक राजा वा बेबी किङको पक्षमा नरहेको भट्टराईले उल्लेख गर्नुभएको छ ।

फिल्म ‘महसुस’ ले फिल्मको प्रचारप्रसारका लागि ट्राफिक सचेतना

2013-07-26T05:27:00.000-07:00

आगामी साउन ३२ गतेबाट अल नेपाल रिलिज हुन लागेको फिल्म ‘महसुस’ ले फिल्मको प्रचारप्रसारका लागि नौलो काम गरेको छ । फिल्मले ट्राफिक नियमसम्बन्धी विभिन्न स्टिकरलाई राजधानीको गोंगबुस्थित नयाँ बसपार्क पुगेर सवारीसाधनमा टाँस्दै सिनेमा खेलेपछि त्यसको प्रचारका लागि नयाँ शैली अपनाएको हो ।

प्रचार अभियानमा फिल्मका नायक आर्यन सिग्देल र नायिकाद्वय केकी अधिकारी तथा बेनिशा हमालसहित निर्देशक नवल नेपाल तथा निर्माता कल्याण घिमिरे पनि उपस्थित थिए । ‘तीब्र गति जीवनको Ôति’, ‘सवारी साधन बिस्तारै हा“कौँ’ लेखिएका स्टिकरहरू कलाकारले गाडीभित्र प्रवेश गरेरै टा“सेका थिए । नेपाल यातायात मजदुर संघको सहयोगमा आयोजना भएको यो कार्यक्रमले जनतामा सचेतना जगाउन मद्दत पुग्ने निर्माता घिमिरेले बताए । ‘सामाजिक सचेतनामा सेलीब्रेटीको भूमिका पनि महŒवपूर्ण हुन्छ, ’उनले भने, ‘यसै कुरालाई मध्यनजर गर्दै हामीले पनि ट्राफिक नियमसम्बन्धी सन्देशलाई अगाडि बढाएका हौँ ।’ फिल्मका निर्देशक नेपालले सामाजिक कार्यले फिल्मप्रति दर्शकको आकर्षण बढ्ने दाबी गरे ।

सामुहिक नग्न-स्नान गरेर विश्व किर्तिमान

2013-07-22T21:07:00.001-07:00

स्पेनको विरा सहरस्थित एक सामुद्रिक तटमा आइतबार बिहान ७२९ जना मानिसहरुले एकसाथ नांगै स्नान गरी विश्व किर्तिमान कायम गरेका छन् ।

दक्षिण पश्चिमी विरा सहरको उक्त सामुद्रिक तटमा आइतबार यति धेरै महिला तथा पुरुषहरु सर्वांग नग्न बनेर सामुहिक स्नान गरेका हुन् । यसअघि न्युजिल्याण्डमा ५०६ जनाले एकैचोटी नांगै नुहाएर किर्तिमान कायम गरेका थिए । स्पेनी तटको सामुहिक निर्वस्त्र स्नानले त्यो रेकर्ड भंग गरेको हो ।

विश्वको सबैभन्दा ठूलो निर्वस्त्रीकरण भन्ने नाराका साथ भएको उक्त सामुहिक नग्न स्नान समारोहलाई विरा सिटी हलले प्रायोजन गर्नुका साथै स्पेनिस नेचेरिज्म फेडेरेसनले सहयोग गरेको थियो ।

सामुहिक नग्न स्नानका लागि एल प्लायाजो तटमा आइतबार बिहानै देखि निर्वस्त्र मानिसहरुको भेला सुरु भएको थियो । दिउसो सम्म भेला भएका मानिसहरुले मध्यान्ह एकसाथ पानीमा डुबुल्की मारे ।

सामुहिक नग्न स्नानमा सहभागी हुनेलाई तटीय क्षेत्रमा प्रवेशका क्रममा दर्ता गरिएको थियो र त्यसपछि ५०(५० जनाको समूहमा बाँडिएको थियो ।

विरा सहरले आफ्नो तटीय क्षेत्रमा निर्वस्त्र स्नानको किर्तिमान कायम गरेसँगै यो सहरले यसलाई आफ्नो पर्यटन प्रवर्धनको माध्यम बनाएको छ ।

माइक्रोम्याक्सले ल्यायो ‘क्यानभास ४’

2013-07-16T19:46:00.000-07:00

नेपाली स्मार्टफोन बजारमा माइक्रोम्याक्सले ‘क्यानभास ४’ भित्राएको छ । भारतीय ब्राण्ड माइक्रोम्याक्सको नयाँ स्मार्टफोन मध्यमवर्गीय उपभोक्तालाई लक्षित गरेर नेपाल भित्राइएको हो । ‘क्यानभास ४’ को मूल्य नेपाली बजारमा ३२ हजार रुपैयाँ पर्ने छ ।

माइक्रोम्याक्स स्मार्टफोन नेपाली बजारमा पशुपती ट्रेड लिंकले विक्री वितरण गर्दै आएको छ । स्मार्टफोनको ब्याक साइडमा १३ मेगापिक्सेल क्यामेरा रहेको छ भने फ्रन्ट साइडमा ५ मेगा पिक्सेल क्यामेरा रहेको छ । स्मार्टफोनमा रहेको क्यामेरा प्रोफेसनल रुपमा प्रयोग गर्न सकिने कम्पनीले दाबी गरेको छ । क्यामेरामा पानोरामा फोटो खिच्ने सुविधा रहेको छ । स्मार्टफोनमा ५ इञ्च ठूलो उच्च क्षमताको एलसीडी टच स्त्रिmन रहेको छ ।

स्मार्टफोनमा एन्ड्रोइडको ओएस ४.२.१ जेली बिन अपरेटिङ सिष्टम प्रयोग गरिएको छ । यसमा १.२ गिगाहर्ज क्वार्ड कोर प्रोसेसर, २००० एमएएच क्षमताको ब्याटि्र, थि्रजी, ब्लुटुथ, वाईफाई, युएबी, एक जीबी र्‍याम, आन्तरिक मेमोरी क्षमता १० जीबी, आवश्यकता अनुसार ३२ जीबीसम्म मेमोरी विस्तार गर्न सकिने, दुई सीम प्रयोग गर्न सकिने, रेडियो लगाएतका सुविधाहरु रहेका छन् ।

गर्भ तुहाउने पतिलाई ६ महिना कैद

2013-07-16T06:18:00.000-07:00

कुटपिट गरेर पत्नीको गर्भ तुहाउने, ढाड भाँच्ने र गाला टोकेर घाउ बनाइदिने पति साबिरलाई बाँके जिल्ला अदालतले ६ महिना कैद, २५ हजार जरिवाना र ७५ हजार क्षतिपूर्ति फैसला सुनाएको छ ।

घरेलु हिंसा घटनामा अदालतले पहिलोपटक यस्तो फैसला गरेको हो । न्यायाधीश शेखरप्रसाद पौडेलको सोमबारको इजलासले पत्नी तरुनमबानो हल्वाईलाई गर्भ तुहाउने गरी कुटेर शारीरिक तथा मानसिक यातना दिने नेपालगन्ज ८ का साबिरअली हल्वाईलाई अदालतले उक्त सजाय सुनाएको हो ।

पीडकलाई कैदसहित जरिवाना र क्षतिपूर्ति तिराउने गरी भएको फैसला बाँकेमा पहिलो भएको अदालतका फौजदारी मुद्दा फाँटका अधिकृत इन्द्र कार्कीले बताए । ०६९ पुस ८ गते राति साबिरले पन्युले कुटेर भित्ता ठोक्काउँदा तरुनमको टाउको फुटेको थियो । उपचारका क्रममा उनको टाउकोमा ५ वटा टाँका लगाएको छ ।

त्यसअघि पतिले कुटपिट गर्दा पेटमा चोट लागेर गर्भ तुहिएको पीडितले बताइन् । उनको ढाड पनि भाँचिएको छ । कुटाइपछि साबिरले भाग्ने डरले घरमै थुनेर यातना दिने गरेको तरुनमले बताएकी छन् ।

'यसले (साबिर) गालामा टोकेर घाउ बनाइदिन्थ्यो । रातभरि कुटेर राख्थ्यो । कुटाइले मेरो शरीर कमजोर भएको छ,' उनले भनिन् । पतिको चरम यातना सहन नसकेपछि उनी नेपालगन्ज ६ पुल्टेक्रास्थित माइती आएकी छन् । हाल उनी दुई छोरासहित माइतीमै बस्छिन् । गर्भ तुहाउने र ढाड भाँचिने गरी पतिले दिएको यातनाविरुद्ध तरुनमले ०६९ पुस ११ गते जिल्ला प्रहरी, बाँकेमा उजुरी दिएको कानुनी सहयोग गर्दै आएकी अधिवक्ता पुनम श्रेष्ठले बताइन् ।

उजुरीपछि प्रहरीले पति-पत्नीबीच मेलमिलाप गराउन दुईपल्ट छलफल गराए पनि मिल्न नसकेपछि मुद्दा दायर गरेको उनले बताइन् । 'पतिको यातना चरम थियो । त्यसैले उनले प्रहरीमा नमिलेर अदालत आउने साहस गरेकी हुन्,' अधिवक्ता श्रेष्ठले भनिन्, 'अदालतबाट सकारात्मक फैसला आएको छ । छिट्टै कार्यान्वयन होस् ।'

तरुनम र साबिरबीच ०५५ मा विवाह भएको थियो । त्यसको एक/दुई वर्ष राम्रै गरी राखे पनि पछि पतिले दैनिक यातना दिने गरेको पीडितले बताइन् । घटनापछि साबिर फरार रहेको प्रहरीले जनाए ।

घरेलु हिंसाका घटनालाई समाजमा मिलाउने परम्पराका कारण नियन्त्रण हुन सकेको छैन । तरुनमको घटनामा पनि दुईपल्ट मिलापत्र गर्ने प्रयास गरिएकै हो । कानुनले पीडित व्यक्तिको सुरक्षा र सेवा केन्द्रको व्यवस्था गर्न भने पनि व्यवहारमा कार्यान्वयन नहुँदा हिंसाका घटनालाई पीडितले बाहिर ल्याउन मान्दैनन् । यही कारण हिंसाका उजुरी निकै कम दर्ता हुने गरेका छन् ।

अमेरिकामा नेपाली सुन्दरी छनोट

2013-07-16T06:10:00.002-07:00

आगामी अगस्ट १७ मा न्युयोर्कमा हुने मिस नेपाल युएसएको तेस्रो संस्करणमा भाग लिनका लागि अमेरिकाभरका नेपाली युवतीहरुले आफ्नो नाम दर्ता गराइरहेका छन् ।

मिस नेपाल युएसएमा भाग लिनका लागि नाम दर्ता गराउने डेडलाइन जुलाई १५ तारिख सोमबार सकिँदैछ । त्यसपछि नाम दर्ता गराएका युवतीहरुबाट अन्तिम प्रतिस्पर्धाका लागि २० जना युवतीहरुको छनौट गरिने आयोजकले जानकारी दिएका छन् ।

अमेरिकामा नेपालीहरुको संख्या बढ्दै जाने क्रममा अमेरिकामा रहेका नेपालीमूलका युवतीहरुका लागि प्लाटर्फमको रुपमा ३ वर्षअघि सुरु भएको मिस नेपाल युएसप्रति अमेरिकामा रहेका नेपाली युवतीहरुको आकर्षण बढ्दै गएकाले अडिशनका लागि पनि उत्साहजनक सहभागिता रहेको आयोजकले जारी गरेको विज्ञप्तीमा उल्लेख छ ।

'नारी सौन्दर्य साथै नारी प्रतिभाको लागि छुटै प्लेटर्फमको रुपमा मिस नेपाल युएस रहँदै आएको छ,' विज्ञप्तीमा भनिएको छ, 'यसमा १८ देखि २६ वर्षसम्मका युवतीहरुले भाग लिन पाउँछन् ।'

प्रतियोगितामा यसपटक पनि अमेरिकाका बिभिन्न राज्यहरुबाट प्रतिस्पर्धाका लागि युवतीहरुले आफूलाई दर्ता गराउने क्रम निरन्तर जारी छ भने सोमबार दर्ताको क्रम सकिने छ । तीन बर्षको अनुभव सहित यसपटक भने मिस नेपाल युएसए थप नयाा आकर्षणका साथ गर्न लागिएको छ ।

प्रतिस्पर्धीहरुलाई पूर्व मिस नेपाल माल्भिका सुब्बा र अमेरिकन चर्चित मोडल मेटीज मार्टिनिजले तालिम दिने भएकाले पनि भाग लिने युवतीहरुले निकै उत्साहित छन् । नेपालमा चर्चाको शिखरमा बस्न सफल डिजाइनर विश्व गौतमको पहिरन लगाएर प्रतिस्पर्धीहरु क्याट वाक गर्नेछन् ।

''सोम बारी ब्रत कथा ''

2013-07-16T04:22:00.001-07:00

एकजना असाध्यै धनवान व्यापारी थियो, उसको घरमा धन आदिको कुनै किसिमको कमी हुंदैनथ्यो। तर ऊ संततिसुखको अभावको पीडा भोग्दै थियो। यही नै साहूको चिन्ताको विषय थियो। ऊ पुत्रको कामना गर्दै प्रति सोमवारका दिन शिवजीको व्रत र पूजन गर्ने गर्दथ्यो र सायंकालमा शिव मन्दिरमा गएर शिवजीको श्री विग्रहअगाडि दियो बाल्ने गर्थ्यो। उसको यस भक्तिभावलाई विचार गरेर एकपटक श्री पार्वतीमाताले शिवजीसँग भन्नुभयो - हे स्वामी ! यो वैश्य हजुरको अनन्य भक्त हो अनि सदैव हजुरको व्रत र पूजन असाध्यै श्रद्घापूर्वक गर्दछ। यसको मनोकामना त पूर्ण गर्नुपर्दछ। पार्वतीका कुरा सुनेर शिवजीले भन्नुभयो – हे पार्वती। यो संसार कर्मक्षेत्र हो। जसरी किसान खेतमा जस्तो बीउ छर्दछ त्यस्तै फल प्राप्त गर्दछ। त्यसरी नै यस संसारमा प्राणीले जस्तो कर्म गरेको हुन्छ त्यस्तै फल भोग्न पाउंछ। पार्वतीले अत्यन्त आग्रहपूर्वक भन्नुभयो – महाराज ! जब ऊ हजुरको अनन्य भक्त छ र यसलाई कुनै किसिमको दुःख छ भने त्यस कष्टलाई अवश्य निवारण गर्नु पर्छ किनकि हजुर सदैव आफ्ना भक्तप्रति दयालु हुने गर्नुहुन्छ र तिनका समस्त दुःखकष्ट निवारण गर्नुहुन्छ। यदि हजुरले भक्तलाई राहत प्रदान गर्नु भएन भने मनुष्यले हजुरको सेवा तथा व्रत किन पो लिनु र ? पार्वतीको यस्तो आग्रह सुनेर भगवान भोलेनाथ पुनः भन्न थाल्नुभयो – हे पार्वती ! यसको कुनै संतति छैनन त्यसैले यो चिन्ताग्रस्त भई दुःखी जीवन व्यतीत गर्दछ। यसको भाग्यमा सन्तान छैनन तथापि म तिम्रो आग्रहका कारण यसलाई पुत्रप्राप्तिको वरदान प्रदान गर्दछु। तर उक्त पुत्र बाह्रवर्षसम्म मात्र जीवित रहने छ।यसबाहेक यस भक्तका लागि म अरु केही पनि गर्न सक्दिन। यी सबै कुरा वैश्यले समेत सुनिरहेको थियो, यसबाट उसलाई न प्रसन्नता नै भयो न केही दुःख नै। ऊ पहिले जसरी नै शिवजीको व्रत र पूजन गर्दै रह्यो। केही समय व्यतीत भएपछि साहूकी स्त्री गर्भवती भई र दस महिनापछि उसको गर्भबाट एउटा अति सुन्दर पुत्रको जन्म भयो। साहूका घरमा ठूलो उत्सव मनाइयो तर साहूले नवजात शिशुको बाह्र]वर्षको मात्र आयु छ भन्ने थाहा पाएर धेरै प्रसन्नता व्यक्त गरेन र न कसैलाई यस रहस्यको भेद नै बतायो। जब त्यो बालक ११ वर्षको भयो, बालककी आमा त्यसको व्रतबन्ध, विवाह आदि संस्कार संपन्न गर्ने कुरा गर्न थालिन तर साहू यस कुरामा सहमत भएन। बरु उसले पुत्रलाई अध्ययन गर्न काशी पठाउने निधो गर्‍यो। व्यापारीले आफ्नो सालो अर्थात् बालकको मामालाई प्रशस्त धन उपलब्ध गराई बाटोमा जुन स्थानमा पुगे पनि यज्ञ गर्दै र ब्राहमण-भोजन गराउँदै बालकलाई काशी लिएर जान आदेश गर्‍यो। ती दुबै मामा-भाञ्जा यज्ञ संपन्न गर्दै र ब्राहमण-भोजन गराउँदै जाँदै थिए। बाटोमा तिनले एउटा सहर भेटे। त्यस सहरमा राजाकी छोरीको विवाह हुँदै थियो र अन्य देशको राजाको छोरो जो विवाह गर्न जन्ती लिएर आएको थियो त्यो विचरा कानो थियो। दुलाहाका पितालाई कतै कन्यापक्षले दुलाहालाई देखेर विवाहमा अवरोध सिर्जना गर्ने त होइनन भन्ने चिन्ता थियो। बाटोमा बेउलाको बावुले अति सुन्दर साहूपुत्रलाई देखेर मनैमन विचार गर्‍यो, स्वागतद्वारमा यासि बच्चोलाई बेउलो बनाएर राख्नु पर्ला ! यस्तो सोचेर वरका पिताले त्यस केटो र उसका मामासँग कुरा गर्दा ती पनि यस कुरामा सहमत भए। अनि त्यस वैश्यपुत्रलाई बेउलाका पहिरन लगाएर घोडामा चढ़ाएर स्वागतद्वारमा लिएर गए र सबै कार्य प्रसन्नतापूर्वक पूर्ण भयो। त्यसपछि वरका पिता पुनः विचार गर्न थाल्यो, यदि विवाहका अन्यान्य कार्य पनि यसै केटाको सहयोग लिई गर्दा के बेफाइदा होला र ? बेउलाको पिताले वैश्यपुत्र र उसका मामासँग भन्यो – यदि तपाईंले यज्ञमण्डपमा बेउलाको सट्टामा यिनै बालकको सहयोगमा यज्ञ, गोडधुवा, कन्यादान आदि विवाहका शेषकृत्य सम्पन्न गराउनु भए ठूलो कृपा हुनेथियो। म यसको प्रत्युपकारमा हजुरलाई प्रशस्त धन प्रदान गर्नेछु। ती दुबै मामाभान्जाले राजाको प्रस्ताव स्वीकार गरे र विवाहको शेष कार्य पनि साह्रै राम्ररी सम्पन्न भयो। तर विदा हुने बेलामा त्यस व्यापारीपुत्रले राजुकुमारीको खास्टोको छेउमा लेख्यो - तेरो विवाह त छलपूर्वक म वैश्यपुत्रसँग भएको छ र जुन राजकुमारसित तँलाई विदाई गरी पठाउने छन त्यो केटो त कानो छ। म अध्ययन गर्ने उद्देश्यले काशी पढ़न जाँदैछु। केटो गएपछि राजकुमारीले आफ्नो खास्टोमा लेखेको देखि र उसले राजकुमारसंगै जान अस्वीकार गरी। बेउलीले भनी - यो राजकुमार मेरो पति होइन, मेरो विवाह यससङ्ग भएको होइन। मेरा पति त अध्ययन गर्न काशी गएकाछन। राजकुमारीका माता-पिताले यथार्थ कुरो पत्ता लगाए र आफ्नी छोरीको विदाइ गरेनन अनि जन्ती बेउलीबिना नै फिर्ता गयो। उता सेठको छोरो र उसको मामा काशी पुगे। त्यहाँ पनि तिनले यज्ञ गर्ने सिलसिला जारी राखे साथै केटोले अध्ययन प्रारम्भ गर्‍यो। जब केटाको आयु बाह्र वर्षको भयो त्यस दिन पनि यज्ञको योजना हुँदैथियो कि केटो अचानक बिरामी भयो र उसले मामासँग भन्यो – मामा आज मेरो स्वास्थ्य ठीक छैन। मामाले भित्र गई आराम गर्न भने। केटो भित्र पसेर सुत्यो र केही समयपछि उसका प्राणपखेरु उडे। मृत भान्जो देखेर मामालाई असाध्यै पीडा भयो अनि सोच्न थाल्यो यदि मैले शोकका कारण रुनकराउन थालें भने यज्ञको संपादनमा विघ्न आउने छ, अतः उसले शीघ्रताका साथ यज्ञ सम्पन्न गरी ब्राहमण विदा गरेपछि रुनकराउन र छट्पटाउन थाल्यो। संयोगवश त्यसै समयमा शिव-पार्वती पनि त्यही बाटो पारी कतै जाँदै हुनुहुन्थ्यो। माता पार्वतीका साथमा भगवानले ठूलोठूलो स्वरमा रोएको आवाज सुन्नुभयो अनि पार्वतीमातले भगवानलाई भन्नुभयो – हे ख्वामित् ! कुनै दुखिया रोइरहेको छ यसको कष्ट निवारण गर्नुहवस्। शिव-पार्वती नजीकै गएर हेर्दा मृत अवस्थामा पुगेको त्यही वैश्यपुत्रलाई देख्नुभयो। माता पार्वतीले पुनः भन्नुभयो – स्वामी ! यो त त्यसै सेठको छोरो हो, जो हजुरको वरदानस्वरूप जन्मिएको थियो। शिवजीले आज्ञा गर्नुभयो – पार्वती ! यसको आयु यत्ति नै थियो जुन यसले भोग गरिसक्यो। अनि पुनः पार्वतीले भन्नुभयो – हे मालिक ! यस बच्चालाई अझ आयु प्रदान गर्नुहवस नत्र यसका माता-पिता तड़पी-तड़पी मृत्युपरवश हुनेछन। पार्वतीले बारम्बार आग्रह गर्दा शिवजीले त्यसलाई जीवन प्रदान गर्नुभयो र शिवजीको कृपाले केटो जीवित हुन पुग्यो।शिवजी-पार्वती आफ्नो धाम कैलाश जानुभयो। त्यसपछि त्यो केटो र मामा पहिले जसरी नै यज्ञ गर्दै र ब्राहमण-भोजन गराउँदै आफ्नो घरतिर लागे। बाटोमा त्यही सहर आयो जहाँ केटाको विवाह भएको थियो। त्यहां आएर तिनले यज्ञ आरंभ गरे, राजाले त्यस वैश्यपुत्रलाई चिन्यो र महलमा लगेर ती दुबैको स्वागतसम्मान गर्‍यो। साथै धेरै दास-दासीसहित विधिपूर्वक छोरीज्वाइँलाई विदा गर्‍यो। आफ्नो सहरका नजीकमा पुगेपछि मामा घरमा खबर गर्न बेउलाबेउलीभन्दा पहिले नै घरतर्फ गयो। उता बाह्रवर्ष बितेपछि त्यस केटाका माता-पिता घरको छानामा बसेर यदि हाम्रो पुत्र सकुशल फर्कियो भने राजी-खुशीसाथ छानाबाट तल झर्ने नत्र छतबाट फाल हालेर प्राण त्याग्ने भनी प्रतिज्ञाबद्ध भई छोराको बाटो कुरेर बसेका थिए । त्यत्तिकैमा त्यहां आई पुगेको केटाको मामाले व्यापारीदम्पतिको पुत्र पुत्रवधुका साथमा प्रशस्त धनसंपत्तिसमेत समाचार भन्यो। सेठदम्पति आनन्दपूर्वक तल झरे र छोराबुहारीको विधिवत स्वागत गरे। त्यसपछि उनीहरू बडो प्रसन्नताका साथमा जीवन यापन गर्न थाले।जसले सोमवारको व्रत विधिपूर्वक लिने गर्दछ, त्यसका सम्पूर्ण मनोकांक्षा पूर्ण हुनेछन अथवा सोमबारका दिन यस कथालाई पढ़नाले वा सुन्नाले मात्र पनि उसका समस्त मनोकामना पूर्ण हुन्छन्।

श्री पलान्चोक भगवती माई

2013-07-12T20:08:00.005-07:00

लेखक : पलान्चोक भगवती माई
काठमाडौंबाट करिब ५६ किलोमिटर पूर्व काभ्रे जिल्लाको महाभारत पर्वत शृंखलामा पर्ने डाँडाको टुप्पामा प्रसिद्ध पलाञ्चोक भगवतीको मन्दिर छ। उत्तर दक्षिण फैलिएको यो डाँडाको टुप्पाबाट पूर्वमा इन्द्रावती र सुनकोसी नदीको बहाव क्षेत्रका साथै अनगिन्ती डाँडाकाँडा देख्न सकिन्छ। दक्षिणतर्फ पाँचखालको हरिया फाँट र धुलिखेलको डाँडाका अतिरिक्त महाभारत पर्वत शृंखलामा पर्ने अनगिन्ती डाँडाकाँडाहरु देख्न सकिन्छ।
पलाञ्चोक भगवतीको मन्दिरको मूल ढोका पश्चिमतर्फ फर्केको छ। प्यागोडा शैलीमा निर्माण गरिएको यो मन्दिरमा रहेको भगवतीको प्रस्तर मूर्ति अहिले नै बोलिहाल्छ कि जस्तो देखिन्छ।

तीनवटा समीको वृक्षमुनि प्रतिष्ठित भगवतीको मूर्तिलाई तीन तले पेगोडा शैलीको छानायुक्त मन्दिरभित्र सजाएर अरु आकर्षक बनाइएको छ। मन्दिर वरिपरिको चोकलाई चित्ताकर्षक अष्टमातृकाको ससाना मूर्तिले सजाइएको छ। मल्ल राजाहरूले चढाएको भनी नेपाल भाषाको लिपीमा लेखिएका कथनयुक्त घन्टाहरूले त्यहाँ मल्लकालदेखि नै देवी पुज्ने गरिएको थियो भन्ने स्पष्ट हुन्छ।
यो नेपालकै सबैभन्दा राम्रो प्रस्तर मूर्ति मानिन्छ। चुपीघाट भक्तपुरको धाता भगवती, काठमाडौंको शोभा भगवती, भक्तपुर दरबार स्क्वायरको भैरव र महिषमर्दिनी भगवतीको मूर्ति र पलाञ्चोक भगवतीको मूर्ति एकै कलाकारका उत्कृष्ट मूर्ति मानिन्छ।
यी मूर्तिको कुँदाइसँग जोडिएको एउटा आख्यान यस्तो छ– यस मूर्तिका शिल्पी देवीका भक्त एवं तान्त्रिक दीक्षाले सुसंस्कृत थिए। यिनले कुँदेको भगवतीको मूर्ति पूरा हुनेबित्तिकै सो मूर्तिमा स्वतः शक्तिसञ्चार भयो। यो बु‰ने तान्त्रिकहरूले चुपीघाटको कुमारी पीठमा देवीको मूर्ति स्थापना गरे। मूर्ति साह्रै राम्रो मात्र थिएन, यसमा प्राणप्रतिष्ठासमेत आफैैं भई गएकाले देवीको पूजाअर्चना सिद्धिदायक रहेको प्रचार भयो। पीठ पूजाहरूमा यी देवीलाई सबैले जोड्न थाले। आजसम्म पनि भक्तपुरको तलेजुको पूजामा यी देवीलाई धाता भगवती भनेर पुज्ने गरिन्छ।
अति राम्रो मूर्ति कुँदेकै कारणले फेरि त्यस्ता मूर्ति कुँद्न नसकोस् भनेर ती कलाकारको हातका औंला काटिएको आख्यान प्रचलित छ। देवीका आराधक ती कलाकारले आफ्ना अंग गुमाएर पनि अझ राम्रो प्रस्तर मूर्ति कोर्न नछाडेको र काटिएका अंगको पीडासँगै काठमाडौंको शोभा भगवतीको र नक्सालको भगवतीको मूर्ति तथा भक्तपुर दरबार स्क्वायरस्थित भैरव र महिषमर्दिनी भगवतीको मूर्ति कोरेको मानिन्छ।

यस श्री पलान्चोक भगवती माई को बारेमा थप जानकारी को लागि याँहा क्लिक गर्नुहोस्

मेलम्चीमा पानी प्रशोधनको ठेकेदार छनोट

2013-07-10T04:45:00.000-07:00

मेलम्ची नदीको दैनिक करिब साढे आठ करोड लिटर पानी प्रशोधन गर्ने गरी सुन्दरीजलमा निर्माण गर्न लागिएको पानी प्रशोधन केन्द्र निर्माण गर्न अस्टि्रयाली कम्पनी छनोट भएको छ । सहरी विकास मन्त्रालयका अनुसार ग्लोबल टेन्टर मार्फत छनोट गरिएको कम्पनीमा अस्टि्रयाको भा टेक वाबाग लिमिटेड रहेको छ । सोही कम्पनीमा प्रतिभा इन्डस्टि्रज लिमिटेड भारतको साझेदारी रहेको छ ।

छनोटमा परेका ती कम्पनी र मेलम्ची खानेपानी विकास समितिबीच निर्माण कार्यसम्बन्धी आज यहाँ आयोजित कार्यक्रममा द्विपक्षीय सम्झौता सम्पन्न भएको छ । सम्झौता अनुरुप सो कम्पनीले २७ महिनाको अवधिमा पानी प्रशोधन केन्द्र निर्माण गरिसक्नुपर्नेछ ।

सो कम्पनीले केन्द्र निर्माणका निम्ति करिब चार अर्ब २० करोड बोलकबोल गरेको थियो । समितिका कार्यकारी निर्देशक कृष्णप्रसाद आचार्य र कम्पनीका तर्फबाट एस नटराजले सम्झौतामा हस्ताक्षर गर्नुभएको थियो । सो कार्यक्रममा सहरी विकासमन्त्री छविराज पन्तले नेपाल सरकारले उच्च प्राथमिकता दिएको मेलम्ची खानेपानी आयोजना सम्पन्न गर्न सरकारका तर्फबाट सबै काम समयमै सम्पन्न गर्दै आएको जानकारी गराउनुभयो । उहाँले आयोजनालाई सहयोग गर्न स्थानीय समुदायलाई आग्रह पनि गर्नुभयो ।

मुख्यसचिव लीलामणि पौडेलले राजधानीवासीको अपेक्षाअनुरुप आयोजनाले आफ्ना काम समयमै सम्पन्न गर्न ध्यान दिने विश्वास व्यक्त गर्नुभयो । सहरी विकास मन्त्रालयका सचिव किशोर थापाले आयोजनाको अर्काे महत्वपूर्ण पक्षको रुपमा रहेको मेलम्चीको सुरुङ खन्ने कार्यसम्बन्धी सम्झौता पनि आगामी हप्ता हुने जानकारी दिनुभयो ।

आगामी २०७३ वैशाख १ गतेसम्ममा उपत्यकावासीलाई मेलम्चीको पानी उपलब्ध गराउने सहरी विकास मन्त्रालयले लक्ष्य लिएको छ । एसियाली विकास बैंक, जापान सरकारलगायत विभिन्न दातृ समुदायको आर्थिक सहयोग प्राप्त हुँदै आएको सो आयोजना आगामी तीन वर्षभित्र सम्पन्न गर्न सहरी विकास मन्त्रालयले नयाँ समयसीमा निर्धारण गरेको छ । यद्यपि सन् २००१ देखि नेपाल सरकारको उच्च प्राथमिकतामा रहेको मेलम्ची खानेपानी आयोजनालाई सन् २००७ भित्रै सम्पन्न गर्ने लक्ष्य राखिएको थियो । रासस

छात्राहरुले ब्रा नलगाई परीक्षा दिनुपर्ने

2013-07-10T04:42:00.000-07:00

परीक्षामा विद्यार्थीहरुलाई चिट चोर्नबाट रोक्न विभिन्न उपाय अपनाइन्छ । सबै सरीरको तलासी लिने तथा विद्यार्थीले चिट लुकाउन सक्ने स्थानमा विशेष निगरानी गर्ने समेत चलन छ हामीकहाँ । तर चोर्ने बानी परेका विद्यार्थीहरुले चिट लुकाउने तथा चोर्ने नयाँ नयाँ तरिका अपनाउन थालेर हैरान पार्ने गर्छन् । अझ आधुनिक प्रविधिको प्रयोगले विद्यार्थीलाई परीक्षामा चिट चोर्न सजिलो पारिदिएको छ । यस्तो भएपछि परीक्षामा विद्यार्थीलाई हलभित्र मोबाइल, क्यामरा जस्ता उपकरण लैजान निषेध गर्ने मात्र होइन खासगरी छात्राहरुलाई भित्री वस्त्र लगाउन समेत बन्देज लगाउनुपर्ने अवस्था आएको छ ।

समाचार अनुसार चीनमा विश्वविद्यालयका छात्राहरु परीक्षाको दिन परीक्षा हलभित्र ब्रा नलगाइकन जानुपर्नेछ । ब्रा भित्र मोबाइल तथा चिट समेत लुकाएर लैजाने क्रम बढेपछि एक विश्वविद्यालयले महिला परीक्षार्थीलाई ब्रा नलगाइकन परीक्षा दिन आउनुपर्ने नियम बनाएको हो । यस अन्तरगत अब छात्रा परीक्षार्थीहरुले माथिल्लो वस्त्र भित्र ब्रा लगाउन पाउने छैनन् ।

गाओंकाओं भनिने उक्त कठीन परीक्षाका दौरान विद्यार्थीहरुले चिट चोर्न नपाउन् र परीक्षा निष्पक्ष होस् भनेर विश्वविद्यालयले यस्तो नियम बनाएको हो । महिला परीक्षार्थीहरुले परीक्षामा सोध्न सकिने सम्भावित प्रश्न र उत्तर रेकर्ड गराएर आफ्ना ब्रा भित्र राखेर सुन्ने डिभाइस लैजाने र परीक्षा हलमा उक्त डिभाइस प्ले गरेर सुन्दै उत्तर लेख्दै गरेर चोरी गर्ने घटना बढेपछि यस्तो उपाय अपनाइएको बताइएको छ ।

अब परीक्षार्थी छात्राहरुले परीक्षा हलभित्र छिर्नुभन्दा अगाडि ब्रा लगाए नलगाएको मात्र होइन कुनै डिभाइस तल्लो अन्तरवस्त्रमा लुकाए नलुकाएको जाँच्न समेत मेटल डिटेक्टरबाट आफ्नो सरीर तलासी गराउनुपर्नेछ ।

हुनत चीनका सबै प्रान्तका विश्वविद्यालयमा यो नियम लगाइएको होइन । उत्तरपूर्वी जिनलिङ प्रान्तको एक विश्वविद्यालयले युवतीहरुलाई ब्रा लगाएर परीक्षा दिन नपाउने यस्तो नियम बनाएको हो । यो कठोर नियमप्रति विद्यार्थीहरुले आपत्ति समेत जनाएका छन् । एजेन्सी

एकै दिन १५ पटक लोडसेडिङ

2013-07-08T21:47:00.000-07:00

विद्युत् प्राधिकरणले प्रसारणमा अनियमितता गर्दा यहाँ आइतबारमात्रै १५ पटक लोडसेडिङ भएको छ । दिनभर विद्युत् आउने/जाने गर्दा शनिबार पनि उपभोक्ता हैरान थिए । समूह १ अन्तर्गत नारायणगढ क्षेत्रमा साँझ १५ पटक लाइन काटिएको थियो ।

प्राधिकरणले भरतपुर, गैंडाकोट, चनौली, पर्सा क्षेत्रमा समेत १० पटकभन्दा बढी लाइन काटेको हो । नारायणगढ जानकीचोकमा रूखको हाँगा अल्झेर निकाल्दा प्रसारण अवरुद्ध भएको जवाफ प्राधिकरणले दिएको छ ।

केही दिनदेखि अनियमित रूपमा बिजुली जाने/आउने गर्दा यहाँका उपभोक्ता हैरान परेका छन् । उद्योग, कलकारखाना, कम्प्युटर व्यवसायी, सञ्चार क्षेत्र सातादेखि सबैभन्दा बढी मर्कामा परेका छन् । चट्याङ पर्दा मात्र बन्द गर्ने बिजुली झरी सुरु हुनेबित्तिकै काटिन्छ ।

आइतबार कति पटकसम्म लोडसेडिङ भयो भन्ने विषयमा 'नो लाइट' का कर्मचारी अनभिज्ञ थिए । '१५/२० पटक गयो होला हजुर, हिसाब राखेका छैनौं,' एक कर्मचारीले बताए । ग्राहकले बिजुली कतिबेला आउँछ भनेर २४ घन्टा सोधेर हैरान पारेको दुखेसो पोखे ।

प्राधिकरणको प्राविधिक शाखाको गैरजिम्मेवारीपनले अनियमित विद्युत् काटिएको ग्राहकले गुनासो गरे । बजारमा तारको भद्रगोल अवस्था, पहुँचका आधारमा लाइन वितरण, परिपक्व ढंगले तार टाग्ने काम नगर्दा विद्युत् अवरुद्ध हुँदै आएको छ ।

'विद्युत् जाने/आउने सूचना नपाउँदा ग्राहकलाई ठूलो मर्का परेको छ, नागरिक न्यायिक उपभोक्ता मञ्चका जिल्ला अध्यक्ष प्रकाश पन्तले भने, 'वर्षा लाग्नेवित्तिकै सधंैभरि प्राधिकरणले यस्तै हैरानी दिँदै आएको छ ।' यसले उद्योग, कलकारखानाको उत्पादनलाई चौपट पार्ने उनले बताए ।

समस्या अझै केही व्यहोर्नुपर्ने प्राधिकरण कर्मचारी बताउँछन् । ११ हजार केभी प्रसारण लाइनको तारमुनि परेको लाइन बिस्तारले समस्या बनाएको गुनासो गरे । 'तार व्यवस्थापन मिलाउन नसक्दा लोडसेडिङ अनियमित भएको हो,' प्रधिकरण भरतपुर शाखा प्रमुख उमेशकुमार झाले भने, 'ग्रामीण क्षेत्रमा बिस्तार गरिएको लाइन मर्मत समस्या बल्झिएको हो ।'

आँखा सुक्खा हुन नदिन ‘बीस–बीस–बीस’ सूत्र

2013-07-08T21:41:00.001-07:00

तपाई धेरै समय कम्युटर वा अन्य कुनै चम्किलो प्रकाश भएको यन्त्र अगाडि बसेर एकोहोरो काम गर्नुहुन्छ ? हो भने तपाईको आँखा सुक्खा हुने जोखिम धेरै हुन्छ । यसैले तपाई आँखा सुक्खा हुन नदिन ‘बीस–बीस–बीस’ सूत्र अपनाउनुहोस् ।

धेरै बेर बसेर काम गर्नुपर्दा आँखाले कम्प्युटरको स्क्रिन वा चम्किलो यन्त्र अगाडि हेर्नुपर्ने हुन्छ । धेरै लामो समय हेर्दा आँखाको परेला पनि धेरैबेर खोल्नुपर्ने हुन्छ । यसैले आँखाको आफ्नो नियमित गतिमा अवरोध हुन्छ र आँखा रसाउन पाउँदैन । जसले गर्दा आँखा सुक्खा हुँदै जान्छ ।

विराटनगर गोल्छा आँखा अस्पतालका आँखा विशेषज्ञ डा ज्योति लामिछानेका अनुसार आँखामा आँशुको मात्रा कम भएर लाग्ने यो रोगलाई ‘कम्प्युटर सिन्ड्रोम’ भनिन्छ । समयमै ध्यान दिएन भने यो रोग बढ्दै जान्छ र अन्त्यमा मानिस दृष्टिविहीन हुने जोखिम धेरै हुन्छ । सबैभन्दा राम्रो उपाय भनेको आँखा सुक्खा भएको महसुस भयो भने नेत्र चिकित्सकको सल्लाहमा उपचार गर्नुपर्छ ।

तर पनि यो रोग लाग्न नदिन आफैँले पनि केही सावधानी अपनाउन सकिन्छ । जस्तो सबैभन्दा पहिले आफैँले आफ्नो कम्प्युटर आफ्नो आँखाले तल हेर्नेगरी सेट गर्नुपर्छ । कम्प्युटरको मनिटर आँखाको दृष्टिविन्दुभन्दा उचाइमा भए आँखाको परेला बढी उघारेर हेर्नुपर्ने भएकाले आँखाको पर्दामा आँसु झर्ने क्रम घट्न सक्छ । धेरैबेर आँखा तन्काएर एकोहोरो हेर्दा आँखाको परेला झिम्कने क्रम कम हुन्छ र आँखामा आँसु रसाउने काम पनि घट्दै जान्छ ।

जति आँखाको रेटिना (पर्दा) मा आँसु फैलने क्रम कम हुन्छ उति नै आँखा सुक्खा हुन पुग्छ । आँखा सुक्खा भएमा आँखा चिलाउने र टाढा हेर्दा टटाउने हुन्छ ।

‘कम्प्युटर सिन्ड्रोम’ रोग लाग्न नदिन हरेक २० मिनेट कम्प्युटरमा काम गरिसकेपछि २० मिटर टाढा हेरेर २० पटक आँखा झिम्क्याउनु पर्दछ । यसो गर्दा आँखाको परेलाले व्यायाम गर्ने अवसर पाउँछ । आँखाको परेला झिम्किएन भने आँखामा आँसु उत्पादन हुने क्रम घट्छ । यसैले यति कुरा विचार गरियो भने आँखालाई तत्काल सुक्खा हुनबाट जोगाउन सकिन्छ ।

आँखा विशेषज्ञहरुका अनुसार आँखाले घामको प्रकाशमा सोझै हेर्दा, कृत्रिम यन्त्रको अधिक प्रयोग, वायु प्रदूषण, धूमपान, मद्यपान, लामो समयको अव्यवस्थित अध्ययन, आँखामा कमसल लेन्सको प्रयोग र औषधिको जथाभावी प्रयोग आदि विभिन्न कारणहरुले गर्दा आँखा सुक्खा हुने गर्दछ ।

आजकल प्रविधिको प्रयोग बढ्दो छ । प्रायः कार्यालयमा काम गर्दा हामी धेरैले आधुनिक यन्त्रहरुको प्रयोग गर्छौं जसमा धेरैले प्रयोग गर्ने यन्त्र कम्प्युटर नै हो । यसैले तत्कालीन जोखिमबाट जोगिन ‘बीस–बीस–बीस’ सूत्र उपयोगी हुन सक्छ ।

डलर किन्न ९८ रुपैयाँ

2013-07-08T21:38:00.000-07:00

सबै रेकर्ड तोडेर अमेरिकी डलरको मूल्यले ९८ रुपैयाँ छोएको छ । वाणिज्य बैंकले आइतबार १ डलरको कारोबार औसत ९७ रुपैयाँ ६९ पैसामा गरेका छन् । नेपालमा खासै चर्चा नभए पनि डलरको बढ्दो मूल्यले भारतमा हल्लीखल्ली भएको छ ।

डलरको मूल्य भारतमा ६१ रुपैयाँ २१ पैसा पुगेपछि बजारलाई सान्त्वना दिन सरकारले प्रधानमन्त्री मनमोहन सिंहले यस विषयमा छलफल गर्ने विज्ञप्ति जारी गरेका छन् । सँगै रिजर्भ बैंक अफ इन्डियाले डलरका सबैभन्दा बढी खपतकर्ता तेल आयात गर्ने कम्पनीसँग छलफल अघि बढाएको छ । अमेरिकी डलरको मूल्य भारतीय ६३ रुपैयाँसम्म पुग्ने प्रक्षेपण सार्वजनिक भएका छन् । त्यस्तो भए नेपालमा १ डलर खरिद गर्न १ सय रुपैयाँभन्दा बढी बुझाउनुपर्ने छ ।

भारतसँग रहेको स्थिर विनिमय दरका कारण डलरको मूल्य दुवै मुलुकमा सँगसँगै तलमाथि हुने गर्छ । भारतीय रिजर्भ बैंकले आइतबार बजारमा केही डलर बिक्री गरेपछि मूल्यले ६२ रुपैयाँ छुन पाएन । यसरी भारतमा गरिने हस्तक्षेपको असर नेपालको डलर मूल्यमा पनि पर्छ । नेपालले भने मूल्यलाई नियन्त्रण गर्न कुनै कदम चाल्न सक्दैन । 'स्थिर विनिमय दर र भारतीय रुपैयाँको अवमूल्यनका कारण नेपालमा पनि डलर महँगो भएको हो,' राष्ट्र बैंकका प्रवक्ता भाष्करणमी ज्ञवालीले भने, 'हामीले पछिल्लो अवस्था नजिकबाट हेरिरहेका छौं ।'

भारतले मूल्यलाई बढ्न नदिन डलर बिक्री गर्ने गरे पनि नेपालमा यस्तो काम सम्भव हुँदैन । डलरको सीमित उपलब्धता र भारतसँग रहेको खुला सिमानाका कारण राष्ट्र बैंकले बजारमा हस्तक्षेप गर्न सक्दैन । 'हामीले डलर बिक्री गरेर थेग्न सक्दैनौं,' राष्ट्र बैंकका एक पूर्वअधिकारीले भने, 'खुला सिमानाका कारण तस्करी भएर भारत जाने भएकाले यो असम्भव हुन्छ ।'

अमेरिकी अर्थतन्त्रमा आएको सुधारसँगै डलरको मूल्य बढ्ने क्रम सुरु भएको हो । भारतमा लगानी गर्ने विदेशी कम्पनीले आफ्नो रकम झिकेर अमेरिका लैजाने थालेपछि भारतमा डलरले नयाँ नयाँ रेकर्ड बनाइरहेको छ । यसबाहेक मूल्य बढ्ने क्रमसँगै बजारमा डलरको माग पनि चुलिएको छ । जसलाई कम गर्न विभिन्न कदम सरकारले चालिसके पनि असर देखिएको छैन ।

डलरको मूल्य बढ्दा निकासी गर्ने उद्योगको फाइदा बढ्ने गर्छ । नेपालबाट पनि तेस्रो मुलुकमा वस्तु निर्यात गर्नेलाई डलरको मूल्यबाट दोहोरो फाइदा भएको छ । सरकारले यस्ता निर्यातकर्तालाई २ देखि ४ प्रतिशत निर्यात अनुदान दिँदै आएको छ । अन्तर्राष्ट्रिय बजारमा पस्मिना, गार्मेन्ट, गलैंचा, चियाकफी जस्ता उद्योगको प्रतिस्पर्धात्मक क्षमता पनि डलरका कारण बढेको छ । विदेशी लगानीकर्ताका लागि भने डलर बढ्नु फाइदाजनक हो । यस्तो समय विदेशी पुँजी भित्रिने सम्भावना बढी हुन्छ ।

आयात गर्नेलाई भने बढेको डलरले तनाव बढाएको छ । वस्तु आयात गर्नेले डलरका कारण बढेको लागत ग्राहकलाई थोपर्ने हुँदा मूल्यवृद्धि चुलिने देखिएको

छ । 'आगामी आर्थिक वर्षको सुरुवातबाटै डलरका कारण मूल्य वृद्धिमा चाप देखिने छ,' एक अर्थविद्ले भने, 'पछिल्लो दुई महिनादेखि बढ्दै गएको डलरले बजारमा असर देखिन थालेको छ ।' आयात हुने वस्तुसँगै कच्चा पदार्थको मूल्य पनि चुलिएर महँगीमा थप चाप पर्छ । भारतबाट आउने वस्तुको मूल्य पनि बिस्तारै बढ्दै जाने छ । डलरको मूल्यले आयल निगमको घाटा महिनैपिच्छे चुलिँदै गएको छ । योसँगै सरकारले विदेशी मुद्रामा लिएको ऋण पनि बढ्न थालेको छ ।

कुनै पनि मुलुकको मुद्रा अवमूल्यन हुनुमा सबैभन्दा धेरै आन्तरिक कारणले असर गरेको हुन्छ । नेपालमा भने भारतीय प्रभाव परेको हो । मुद्रा अवमूल्यन हुनमा निर्यातबाट कमाएको भन्दा बढी आयातमा खर्च हुनु, रोजगारी र प्रतिव्यक्ति आय घट्नु र अन्तर्राष्ट्रिय बजारमा स्थानीय मुद्राको माग घट्नु कारक हुन्छन् ।

स्वंयसेविकालाई मोबाइल

2013-07-08T21:31:00.001-07:00

महिला स्वास्थ्य स्वयम्सेविकाको कामलाई थप प्रभावकारी बनाउन मद्दत पुर्याउने उद्देश्यले दुनी गाविसका सबै महिला स्वास्थ्य स्वयम्सेविकालाई मोबाइल टेलिफोन प्रदान गरिएको छ ।

गाविसलाई खोपमुक्त घोषणा गर्न राम्रो भूमिका खेलेको भन्दै आफ्नै स्रोतमा गाविसका नौ वटै वडाका स्वास्थ्य स्वयम्सेविकालाई मोबाइल सेट, सिमकार्ड तथा रु तीन हजारका दरले पुरस्कारसमेत प्रदान गरेको छ ।

पूर्ण खोप गाविस घोषणा कार्यक्रममा मोबाइल सेट, सिमकार्ड र नगद रकम हस्तान्तण गरिएको हो । खोप लगाउने, गर्भवती जाँच गराउने लगायत विषयमा गाउँका महिलालाई खबर गर्न सजिलो होस् भन्ने उद्देश्यले मोबाइल सेट प्रदान गरिएको गाविस सचिव खगेन्द्र खड्काले जानकारी दिए । रासस

यसरी बिताउने छन् खुर्सिदले काठमाडौ‍मा नौ घन्टा

2013-07-08T21:23:00.001-07:00

भारतीय विदेशमन्त्री सलमान खुर्सिद मंगलबार बिहान नौ बजे काठमाडौं आइपुग्दैछन् । नौ सदस्यीय प्रमण्डलको नेतृत्व गरेर आउन लागेका खुर्सिदले साढे नौ बजे सिंहदरबारस्थित मन्त्रालय भवनमै नेपाली समकक्षी माधव घिमिरेसँग द्विपक्षीय वार्ता गर्नेछन् । लगत्तै अन्तरिम मन्त्रिपरिषद्का अध्यक्ष खिलराज रेग्मी र राष्ट्रपति रामवरण यादवसँग शिष्टाचार भेट गर्ने छन् । अचानक भ्रमण समय छोटिएकाले खुर्सिदले राजनीतिक दलका शीर्ष नेताहरूसँग चाहिँ कसिकसाउपूर्वक भेट्नुपर्ने भएको छ । शीर्ष नेताहरूसँग भेटघाटका लागि द्वारिकाज होटलमा दिउँसो साढे दुई बजेदेखि साढे दुई घन्टाकै लागि समय 'बुक' गरिएको छ । बेलुकी पौने छ बजे उनी फिर्ने छन् । उनलाई भेट्नकै लागि भनेर पत्नीको उपचारका लागि भनेर सिंगापुर गएका एमाओवादी अध्यक्ष पुष्पकमल दाहाल त्यहाँको बसाइँ छोट्याएर मंगलबार मध्याह्न स्वदेश फिर्दैछन् ।

खुर्सिदको एक दिने भ्रमण आज

2013-07-08T21:18:00.002-07:00

देवेन्द्र भट्टराई

सुरुमा दुई दिने भ्रमण भनिएकोमा 'कार्यव्यस्तताको कारण' देखाउँदै एक दिनमै भेटघाटको तालिका टुंग्याउने गरी भारतीय विदेशमन्त्री सलमान खुर्सिद मंगलबार बिहान काठमाडौं उत्रँदैछन् ।

भारतीय विदेश मन्त्रालयमा प्रभावशाली मानिने सहसचिव एवं प्रवक्ता साइद अकबरुद्दिन, नेपाल-भुटान मामला हेर्ने सहसचिव अखिलेश मिश्रसहितको टोली लिएर मन्त्री खुर्सिद विशेष विमानबाट मंगलबार बिहान ९ बजे काठमाडौं विमानस्थल उत्रनेछन् । साउथ ब्लक स्रोतका अनुसार विदेश सचिव रन्जन मथाईसमेत यो भ्रमण टोलीमा सहभागी हुने भनिए पनि उनी हाल म्यानमार भ्रमणबाट नफिरेकाले भ्रमणमा सामेल छैनन् । मंसिरमा हुन लागेको संविधानसभा निर्वाचनमा राजनीतिक दलको 'समर्थन, सद्‌भाव र सहभागिता' आवश्यक रहेको दिल्ली सन्देश लिएर विदेशमन्त्री खुर्सिद काठमाडौं जान लागेको विदेश मन्त्रालयका एक उच्च अधिकारीले भने । अत्यन्तै छोटो तयारीका बीच हुन लागेको भ्रमणमा कुनै सम्झौतामा हस्ताक्षर नहुने तथा विशुद्ध सद्‌भाव भ्रमणका रूपमा यसलाई लिइदिन सोमबार अपराह्नमात्रै विदेश मन्त्रालयका पदाधिकारीहरूलाई अवगत गराइएको थियो । विदेशमन्त्रीको हरेक भ्रमणलाई मन्त्रालयले आफ्नो वेबसाइटमा उल्लेख गर्ने गरेको भए पनि नेपालमा हुन लागेको भ्रमणबारे सोमबार रातिसम्म औपचारिक रूपमा कुनै सूचना सार्वजनिक गरिएको छैन । दिल्लीस्थित नेपाली दूतावास पनि खुर्सिदको भ्रमण तालिकाबारे अनविज्ञ छ । दूतावासमा कार्यवाहक राजदूत रहेका सहसचिव खगनाथ अधिकारी विदेशमन्त्री खुर्सिदको स्वागतका लागि भनेर काठमाडौंमा छन् ।

मंसिर ४ मा संविधानसभाको निर्वाचन हुने टुंगो भइसकेको र यसमा भारतले दिने साथ, सहयोगको प्रतिबद्धता जाहेर गर्न पनि विदेशमन्त्रीको भ्रमण हुन लागेको जनाइएको

छ । निर्वाचनका लागि सवारी साधनसहितको सहयोगमा भारतले प्रतिबद्धता जनाइसकेको छ । विशेषतः चिनियाँ स्टेट काउन्सिलर याङ जेइचीले असार ११/१२ मा गरेको नेपाल भ्रमणपछि भारत सरकारले आफ्ना उच्च अधिकारीको नेपाल भ्रमण गराउने 'हतार' देखाएको काठमाडौंबाट परराष्ट्र मन्त्रालयका एक अधिकारीले बताए । 'भारतीय विदेशमन्त्री खुर्सिदको भ्रमण तालिका एक सातामै तय भएको हो, यो भ्रमण केही घन्टाका लागि भए पनि यो निकै अर्थपूर्ण छ,' ती अधिकारीले भने । परराष्ट्रमन्त्री माधवप्रसाद घिमिरेले तीन महिनाअघि दिएको औपचारिक निम्तोमा नेपाल जाने 'विशेष अवसर' नजुटिरहेकोमा चिनियाँ स्टेट काउन्सिलरको भ्रमणलगत्तै तालिका तय भएको हो ।

विदेश मन्त्रालयका एक वरिष्ठ अधिकारीले द्वैपक्षीय सम्बन्धका विविध पक्षसहित नेपालको आसन्न संविधानसभा निर्वाचनमा भारतले निर्वाह गर्न सक्ने साथ र सहयोगकाबारे छलफल हुने बताएका छन् । खुर्सिदले नेपाल-भारत सहयोगका द्वैपक्षीय कार्यक्रमको अनुगमनका साथै निर्वाचनका लागि विशेष सहयोगको समेत प्रतिबद्धता जनाउने अधिकारीले बताए ।

'यो सद्‌भाव भ्रमण हो, नेपालको शान्ति, स्थिरता र लोकतान्त्रिक पद्धतिको प्रवेशविन्दुको अवसरसमेत हो,' विदेश मन्त्रालयमा नेपाल मामला हेर्ने एक अधिकारीले भने, 'यसबेला नजिकको साथीका रूपमा भारतको साथ र सहयोग महत्त्वपूर्ण हुनेछ ।'

यसअघि तत्कालीन विदेश मामलामन्त्री एसएम कृष्णाले २०११ को जनबरी र अपि्रलमा नेपाल भ्रमण गरेका थिए । विदेशमन्त्री भएको १० महिनामा खुर्सिदको यो पहिलो नेपाल भ्रमण हो ।

कार्यक्रम नथपी बजेट ल्याइने

2013-07-08T21:15:00.001-07:00

राष्ट्रपति रामवरण यादवसँगको छलफलपछि अर्थ मन्त्रालयले कुनै पनि नयाँ कार्यक्रम नराखी वाषिर्क बजेट ल्याउने भएको छ । अन्योल बढ्दै गएपछि सोमबार बिहान र बेलुकीको छलफलपछि मन्त्रालय टुंगोमा पुगेको हो ।

'राजनीतिक कार्यक्रम नराखी विवादरहित बजेट बनाउन राष्ट्रपतिले सुझाव दिनुभएको छ,' राष्ट्रपति कार्यालय स्रोतले भन्यो । नयाँ कार्यक्रम राख्दा दलहरूबाटै विवाद

आउने भएपछि संविधानको धारा ९६ 'क' बमोजिम एक तिहाइ खर्चको व्यवस्था गर्नुपर्नेसम्मको दबाब अर्थमन्त्री शंकर कोइरालामाथि थियो । अब भने वर्षभरिकै राजस्व र व्ययको अनुमानसहितको बजेट अर्थमन्त्रीले स्वीकृतिका लागि राष्ट्रपतिसमक्ष पेस गर्न पाउने बाटो खुलेको छ । पछिल्लो पटक संविधान संशोधन गरी मन्त्रिपरिषद्ले आवश्यकताअनुसार राजस्व र व्ययको अनुमान तयार गरी अन्तरिम संविधानको धारा ८८ बमोजिम स्वीकृतका लागि राष्ट्रपतिसमक्ष पेस गर्ने व्यवस्था गरिएको छ ।

राजनीतिक सहमतिका लागि अब मन्त्रालयले राजस्वको दरमा कुनै पनि प्रकारको हेरफेर गर्ने छैन । खर्च भने गत वर्षदेखि नै चलिआएका पुराना कार्यक्रममा गरिनेछ । आगामी आर्थिक वर्षमा राजस्व संकलन दर हेरफेर नहुँदा पनि १५ देखि २० प्रतिशत बढ्ने अर्थको अनुमान छ । चुनावी वर्ष भएकाले करिब १८ अर्ब रुपैयाँ निर्वाचनका लागि विनियोजन गरिनेछ । कुल खर्च भने ५ खर्ब ६ अर्ब रुपैयाभन्दा बढाउन पाइने छैन । यो योजना आयोगले अर्थलाई दिएको अधिकतम सीमा हो । नयाँ कार्यक्रम राख्न नपाइने भएपछि राष्ट्रिय गौरबका चलिरहेका आयोजना र अन्य जनतासँग प्रत्यक्ष सरोकार राख्ने क्षेत्रमा खर्च बढाउन पाइने छ ।

कर्मचारीको तलबबारे भने राष्ट्रपतिसँग कुनै छलफल भएन । मन्त्रिपरिषद् स्रोतका अनुसार मुख्यसचिव लीलामणि पौडेलले तलबबारे छलफल गरिरहेकाले यसबारे टुंगो लागिसकेको छैन ।

सोमबार बिहान अर्थसचिव शान्तराज सुवेदी, मन्त्रालयका सल्लाहकार चिरञ्जीवी नेपाल, बजेट महाशाखाका सहसचिव लोकदर्शन रेग्मीले राष्ट्रपतिसमक्ष बजेट तयारीबारे जानकारी गराएका थिए । साँझ अर्थमन्त्री कोइरालासमेत सहभागी भएर परामर्श गरेपछि टुंगोमा पुगिएको हो ।

पछिल्लो समय मन्त्रालयले नयाँ कार्यक्रम राखेर बजेट तयारी थालेपछि विवाद बढेर राष्ट्रपतिबाट रोकिने सम्भावना बढेको थियो । त्यसबारे स्पस्ट हुन नसक्दा बजेट निर्माणको काम गतिअनुसार हुन सकेको थिएन । राष्ट्रपतिबाट पाएको निर्देशनपछि अर्थले ३१ गते बजेट सार्वजनिक गर्ने सम्भावना छ । 'ठोस काम भइसकेको छैन,' स्रोतले भन्यो, 'अब तयारीका लागि करिब एक साता लाग्छ ।'

राष्ट्रपतिले सरकारको मुख्य काम मंसिरमा चुनाव गराउने भएकाले बजेटलाई आकर्षक बनाउनेतर्फ नलाग्न सुझाएका थिए । 'यो सरकार मंसिरमा चुनाव गर्न गठन भएको हो, त्यसैले विवाद नहोस् भन्ने आशय राष्ट्रपतिको थियो,' स्रोतले बतायो । कुनै पनि दललाई फाइदा हुने वा त्यसको गन्ध आउने कार्यक्रम बजेटमा नसमेट्न राष्ट्रपतिले सल्लाह दिएका थिए । 'नयाँ कार्यक्रम राखेर बजेट ल्याउँदा एमाले, एमाओवादी र मधेसवादी दलबाट विरोध हुन सक्ने अवस्था देखियो,' स्रोतले भन्यो, 'त्यसैले मन्त्रीज्यूले पनि जोखिम नउठाउने देखिएको छ ।'

विवाद निम्त्याएर बजेट रोक्नुभन्दा त्यस्ता विषय नै नसमेट्ने निर्णयमा मन्त्री पुगेका हुन् । दुई वर्षपछि आउन लागेको वाषिर्क बजेटले नयाँ कार्यक्रम नथपे पनि अर्थतन्त्रमा सकारात्मक संन्देश जाने अर्थ स्रोत बताउँछ । चालू वर्ष ३ किस्तामा बजेट आएको थियो । ६ वर्षयताकै न्यून आर्थिक वृद्धि हासिल हुनुमा पूरा आकारको वाषिर्क बजेट नआउनु पनि हो । यस वर्ष ३ दशमलव ५ प्रतिशत मात्रै आर्थिक वृद्धि हुने अनुमान छ ।

राष्ट्रपतिलाई ऊर्जा, कृषि, पूर्वाधार, निजी क्षेत्रलगायतलाई प्राथमिकतामा राखेर बजेट बनाउने तयारी गरिएको जानकारी अर्थका अधिकारीले दिएका थिए । करिब २ घन्टा लामो छलफलका क्रममा अर्थ मन्त्रालयका तर्फबाट विस्तृत तयारीबारे प्रस्तुति दिइएको थियो ।

बैद्यकै नेतृत्वमा माओवादी वार्ता टोली

2013-07-08T21:07:00.001-07:00

सरकारसँग वार्ताको लागि भन्दै नेकपा-माओवादीले वार्ता टोली गठन गरेको छ । अध्यक्ष मोहन बैद्यको संयोजकत्वमा गठित टोली ५ सदस्यीय छ ।

टोलीमा पार्टी उपाध्यक्ष सीपी गजुरेल, महासचिव रामबहादुर थापा, सचिव देव गुरुङ र नेत्रबिक्रम चन्द छन् ।

सरकार संचालनको संयन्त्रमा रहेका चार राजनीतिक दल गोलमेच सम्मेलन गर्ने, समानुपातिकको अनुपात बढाउन सकिनेलगायतका मागमा सकरात्मक भएपछि माओवादीले बार्ताको लागि टोली बनाएको हो ।

यसअघि माओवादीले वाधाअड्काउ फुकाउको खारेजी, सरकारको खारेजी र तोकिएको चनावको मिति रद्द गर्नुपर्ने माग गर्दै बार्तामा बस्न मानेको थिएन । सुरुमा उपेन्द्र यादव र संघीय समाजवादी पार्टीको पनि समर्थन रहेपनि पछि बैद्यलाई उनीहरुले छाडेका थिए ।

पत्रकार सम्मेलनमा बोल्दै पार्टी अध्यक्ष तथा वार्ता टोली संयोजक बैद्यले आफ्नो पार्टीले लचकता अपनाउँदै सरकार र चार दलीय संयन्त्रसँग वार्ता टोली गठन गरेको बताए । उनले यो सरकारले मंसिर ४ गतेको लागि घोषणा गरेको निर्वाचन कुनै हालतमा पनि हुन नदिने दाबी गरे ।

'हामी लचकता अपनाएर वार्ता टोली गठन गरेका छौं', बैद्यले भने,'तर, यो सरकारले मंसिर ४ गतेको लागि तोकेको चुनाव कुनै हालतमा हुन दिन्नौं ।' उनले वार्ता निशर्त हुनुपर्ने बताए ।

उनले खिलराज रेग्मी नेतृत्वमा सरकार गठनका लागि राष्ट्रपतिले जारी गरेको बाधा अड्काउ फुकाउ अध्यादेश खारेज हुनुपर्ने अडान नछाड्ने बताए ।

'हामीले लचकता अपनाउँदा पनि चुनाव गर्न खोजिए संघर्षको आगो बाल्छौं', बैद्यले भने ।

नेकपा-माओवादीलाई वार्ताको लागि आव्हान गर्दै चार दलीय संयन्त्रले हदैसम्मको लचकता अपनाउने निर्णय गरिरहेको छ । संयन्त्रको शनिबारको बैठकले उच्चस्तरीय राजनीति समितिको पुर्नगठन, सर्वदलीय सम्मेलन, समानुपातिक अनुपात बृद्धि, मन्त्रिपरिषद् बिस्तारजस्ता मागमा सहमति जनाउने निर्णय गरेको छ ।

तर, नेकपा-माओवादीले रेग्मी सरकार बिघटन हुनुपर्ने माग राख्दै आएको छ । तत्कालीन प्रधानन्यायाधीश रेग्मीको नेतृत्वमा सरकार गठनका लागि जारी गरिएको अध्यादेशप्रति पनि उसको आपत्ती छ ।

किन चुनाव चाहन्छन् पूर्वराजा ?

2013-07-08T21:00:00.002-07:00

सिमरामा रहेका पूर्वराजा ज्ञानेन्द्र शाहले महाकाली नदीका बाढीपीडितको सहयोगका लागि २५ लाख रुपियाँ दिने घोषणा गरे।

५ असारमा जनकपुरमा आफ्नो सम्मानमा आयोजित अभिनन्दन कार्यक्रममा उनले घुमाउरो पारामा आफूले विगतमा गल्ती गरेको भन्दै सांकेतिक आत्मालोचना गरे। र, निषेधको राजनीति नगर्न आग्रह गरे।

यी तिनै ज्ञानेन्द्र हुन्, जसले राजा हुँदा व्यक्तिगत तवरमा यसरी कहिल्यै कसैलाई आर्थिक सहायता गरेनन्। न त १८ असोज ०५९ र १९ माघ ०६१ का अप्रजातान्त्रिक कदमहरूप्रति नै उनलाई कहिल्यै पश्चात्ताप भयो। '१९ माघ'पछि आफूले सुरु गरेको निषेधको राजनीतिलाई पनि उनले कहिल्यै गलत ठानेनन्। बरू, '१९ माघ'को राजनीतिक 'कू'लाई तत्कालीन समयको आवश्यकताका रूपमा व्याख्या गर्दै आएका थिए।

तर प्रश्न छ, त्यस्ता पूर्वराजाबाट २५ लाख रुपियाँ आफ्नो ढुकुटीबाट सहयोग स्वरूप दिने र विगतका राजनीतिक कदमप्रति सांकेतिक रूपमा आत्मालोचना कसरी सम्भव भयो ? प्राप्त सूचना र विश्लेषणहरूका आधारमा उत्तर पनि प्रस्ट छ, संविधानसभाको चुनावलाई उपयोग गर्ने र त्यही बलमा शक्तिशाली हुने र अन्ततः पुनःस्थापित हुने लक्ष्यका साथ उनले आफ्नो बोली र शैली बदलेका हुन्। जनताको मन जितेर मात्रै राजतन्त्र समर्थकहरूलाई निर्वाचनमा बलियो बनाउन सकिने उनको आकलन छ।

१९४ चुनाव चिह्नमा लाटोकोसेरो,कुकुरदेखि बोका र ढालसम्म चुनाव चिह्न

2013-07-08T04:47:00.000-07:00

सरकारले तोकेको समयमा भए पनि नभए पनि अब चुनाव ढिलोचाँडो हुने नै छ। निर्वाचन आयोगको तयारी चलिरहेको छ। एक जुगमा दुई पटक आउने संविधान सभाको चुनावमा यसपालि अलि अर्कै किसिमको अप्ठेरो परेको छ। पहिलो निर्वाचनमा ७५ दल दर्ता भएका थिए तर जम्मा ५४ दलले मात्रै निर्वाचनमा सहभागी भए। यस पटक संविधान सभा सदस्य बन्न पाए पाइने सुविधा देखेर दङ्ग परेर होला १३९ दल दर्ता भएका छन्। वैद्य माओवादीले त दर्ता पनि गरेको छैन। १३९ दल नै निर्वाचनमा सहभागी नभए पनि संख्या पक्कै बढ्नेछ। त्यहाँमाथि स्वतन्त्र उम्मेदवारहरु। मतपत्र मात्रै २० इञ्च लामो हुनसक्ने प्रमुख निर्वाचन आयुक्त निलकण्ठ उप्रेतिले बताइसकेका छन्। के-के मात्र चुनाव चिह्न दिने! निर्वाचन आयोगले स्वीकृत गरेको १९४ चुनाव चिह्नमा कुकुर, लाटोकोसेरोदेखि बँदेल, बोका र ढाल तरबारसम्म परेका छन्।

यसो कल्पना गर्नुस् त, कुकुर चुनाव चिह्न भएको पार्टी वा उम्मेदवारलाई कति अप्ठेरो पर्ला ! त्यसै त मान्छेहरु कुकुर नेता भनेर गाली गरिरहन्छन्। कुकुर चिह्नमा छाप हाल्नुस्, कुकुर जस्तै नेतालाई जिताउनुस् भन्ने ? कि सबैलाई हेर्‍यौँ पटकपटक कुकुरलाई हेरौँ एक पटक भन्ने ?

लाटोकोसेरो, बोका, बँदेल जस्ता चुनाव चिह्न पाउनेलाई पनि त्यस्तै गाह्रो हुने होला। अझ ढाल-तरबार चुनाव चिह्न पाउनेको प्रचार कस्तो हुने होला!

मोबाइल, प्रेसर कुकरदेखि नेपालमा नपाइने उँटसम्म पनि चुनाव चिह्न छन्। धन्न कालोपाटी मात्रै चुनाव चिह्न रहेछ सेतोपाटी वा रातोपाटी छैन। हेल्मेट, हेलिकप्टरमात्र हैन मान्छे, लट्ठी लिएको मान्छे, दौडिरहेको मान्छे, भरिया आदि कन्फ्युज पार्न सक्ने चुनाव चिह्न पनि छन्। हेरौँ निर्वाचन आयोगले स्वीकृत गरेका सबै चुनाव चिह्नहरु-

by my sansar

सामूहिक बलात्कार चार वर्षमा १५ घटना

2013-07-08T04:12:00.001-07:00

तुलसीपुर प्रहरीलाई शनिबार मध्यरातमा एक किशोरीको फोन आयो, 'बसपार्कमा चार जनाले मलाई बलात्कार गरे, बचाउन आउनुपर्‍यो ।' अघिल्लो दिनमात्रै १५ वर्षीया किशोरीमाथि भएको सामूहिक बलात्कारको अनुसन्धानमा व्यस्त प्रहरी उस्तै घटनाको जानकारी पाएपछि तत्काल बसपार्क पुग्यो । चार युवालाई किशोरीसहित फेला पारेपछि पक्राउ गर्‍यो ।

शुक्रबार अपराह्न मात्रै १५ वर्षीया एक किशोरीमाथि फूलबारी ६ ढकनाको जंगलमा सामूहिक बलात्कार भएको घटना सार्वजनिक भएको थियो । ३२ घन्टापछि शनिबार राति १७ वर्षीया अर्की किशोरी तुलसीपुर ५ नयाँ बसपार्कमा बलात्कृत भइन् । घटनास्थलमा फेला परेका खलंगा ५ प्युठानका वीरबहादुर खत्री, थारमारे ६ सल्यानका युवराज डाँगी, फालाबाङ ५ सल्यानका अर्जुन योगी र रागेचौर ६ सल्यानका चन्द्र डाँगीलाई नियन्त्रणमा लिएर प्रहरीले अनुसन्धान गरिरहेको छ । उनीहरू सबै यातायात व्यवसायमा संलग्न रहेको इलाका प्रहरी कार्यालय तुलसीपुरका प्रमुख डीएसपी तुलबहादुर कार्कीले बताए ।

पक्राउ पर्नेहरू सबै १९ देखि २२ वर्षका रहेको कार्कीले जनाए । सुरुमा एक जनासँग सहमतिमा यौन सम्पर्क गरेको र पछि तीन जनासँग सम्पर्क हुँदा पनि प्रतिकार नगरेको देखिएको उनले बताए । 'चौथो युवा पनि थपिएपछि मात्र बलात्कार भनेर फोन आयो,' उनले भने, 'आपसी अविश्वासको अभावमा यस्ता घटना भइरहेका छन् ।'

बलात्कृत किशोरी पनि प्रहरीको निगरानीमा छिन् । उनको स्वास्थ्य अवस्था सामान्य रहेको प्रहरीले बतायो । घटनाबारे अनुसन्धान भइरहेको र थप तथ्य पत्ता नलागेको डीएसपी कार्कीले बताए । फूलबारी ६ ढकनाको जंगलमा शुक्रबार १५ वषर्ीया किशोरीले 'सामूहिक बलात्कार' भएको बताएकी थिइन् । मुख छोपेका चार युवाले लछारपछार पारेको र त्यसपछि बेहोस भएकाले केही थाहा नपाएको ती किशोरीले बताइन् । किशोरी निर्वस्त्र अवस्थामा फेला परे पनि बलात्कार हो/होइन या प्रयास मात्र हो भन्नेबारे मेडिकल चेकजाँचको रिपोर्ट नआउँदासम्म केही भन्न नसकिने डीएसपी कार्कीले

जनाए । ती किशोरी निकै हतोत्साहित अवस्थामा रहेको र उनको राप्ती अञ्चल अस्पताल तुलसिपुरमा उपचार भइरहेको प्रहरीले बतायो ।

चार वर्षमा १५ घटना

दाङ गढवाकी २५ बर्षीया युवतीको २०६६ चैतमा बिजौरीमा सात जनाद्वारा सामूहिक बलात्कार भई २०६७ जेठ ३० मा उपचारका क्रममा मृत्यु ।

रुकुमकी १८ बर्षीया एक युवतीलाई तुलसीपुरको बसपार्कस्थित न्यु राप्ती गेस्ट हाउसमा बास बसेको समयमा १० जना युवाद्वारा २०६७ असार १५ मा अपहरणपछि सामूहिक बलात्कार ।

२०६७ साउन १७ मा घोराही नगरपालिका ४ चौघेरामा ११ बर्षीया बालिकालाई बलात्कार ।

तिजमा माइती जाने क्रममा सौडियारकी एक महिलामाथि २०६७ भदौ ५ मा बिजौरीमा सामूहिक बलात्कार ।

तुलसीपुरका एक बुबाले १५ बर्षीया छोरीमाथि नियमित यौन शोषण गर्दै आएको रहस्य २०६७ मंसिर १० गते खुलेको ।

२०६७ पुस १२ गते पुरन्धारामा ४६ बर्षीया महिलालाई दुई प्रहरीद्वारा सामूहिक बलात्कार ।

२०६७ माघ र फागुनमा हापुरमा दुई महिलामाथि सामूहिक बलात्कार ।

२०६७ फागुनमा तुलसीपुर बसपार्कमा एक युवतीमाथि सामूहिक बलात्कार ।

२०६७ चैत ११ गते अपराह्न ४ बजे घोराही ६ मा एक युवतीमाथि सामूहिक बलात्कार ।

२०६७ चैत २९ गते तुलसीपुरमा एक युवतीमाथि सामूहिक बलात्कार ।

घोराही काठेकोलमा कम्लरी बलात्कृत ।

२०६८ असार ९ गते टरिगाउँकी १० बर्षीया बालिका घरैमा बलात्कृत ।

२०६८ असार १८ गते तुलसीपुरमा एक बालिकालाई गाडीका चालक र सहचालकद्वारा बलात्कार ।

२०७० असार २१ गते फूलबारी ६ ढकनाको जंगलमा १५ बर्षीया किशोरीमाथि चार जनाद्वारा सामूहिक बलात्कार ।

२०७० असार २२ गते राति तुलसीपुर बसपार्कस्थित एक ग्यारेजमा १७ बर्षीया किशोरीमाथि चार जनाद्वारा सामूहिक बलात्कार

Beautiful and Sexy Nepali Model Indu Sunu

2013-07-07T03:58:00.002-07:00

Sexy Nepali Model Indu Sunu photo shoot