Mga Luto ni Dennis at Iba pa......

CHICKEN BROCCOLI with BLACK BEAN SAUCE

2012-01-27T01:00:00.000-08:00

Lumabas sa pag-aaral na ang gulay na brocolli ang isa sa mga pinaka-masustansyang gulay. Yun lang medyo may kamahalan ang klas ng gulay na ito. Kaya kami sa bahay ay bihira lang din maka-kain nito.

Pero nitong mga nakaraang araw, medyo nagtaka ako kasi ang mura-mura lang nito ngayon. P60 lang ang per kilo kumpara noon na umaabot pa ng P160 to P200 ang kilo.

Kaya naman sinamantala ko na at bumili ako kahit 1 kilo lang. Sa aking pagka-dismaya, halos puro dahon lang ito at tangkay. Kakaunti lang ang pinaka-bulaklak. Madaya kasi. Tinatakpan nung dahon yung pinaka-bulaklak kaya di mo na pansin na konti lang ito.

Kaya ayun, mapapansin nyo siguro sa picture na parang wala halos brocolli na makikita. But anyways, masarap ang chicken dish ko na ito na may brocolli. Nilagyan ko pa ng black beans sauce. Panalo ang lasa nito.

CHICKEN BROCOLLI with BLACK BEAN SAUCE

Mga Sangkap:
1 kilo Chicken Thigh Fillet cut into bite size pieces
1 kilo Brocolli cut also into bite size pieces
1 pc. Carrot sliced
2 tbsp. Unsalted Black Bean Sauce
1/2 cup Oyster Sauce
1 tsp. Cornstarch
5 cloves minced Garlic
1 medium size Onion sliced
1 thumb size Ginger sliced
2 tbsp. Cooking oil
1 tbsp. Brown Sugar
1 tsp. Sesame Oil
salt and pepper to taste

Paraan ng pagluluto:
1. Timplahan ng asin at paminta ang chicken fillet. Hayaan ng ilang sandali.
2. Sa isang non-stick na kawali i-prito sa kaunting mantika ang manok hanggang sa pumula ng kaunti.
3. Ilagay sa gilid ang manok at igisa ang luya, subuyas at bawang. Halu-haluin.
4. Ilagay na ang carrots, black bean sauce at brown sugar. Hayaan ng ilang sandali
5. Ilagay na ang oyster sauce at mga kalhating tasang tubig. Haluin ng bahagya.
6. Ilagay ang brocolli at takpan hanggang sa maluto ng bahagya ang brocolli.
7. Huling ilagay ang tinunaw na cornstarch para lumapot ang sauce.
8. Tikman ang sauce at i-adjust ang lasa.
9. Ilagay ang sesame oil at saka hanguin.

Ihain habang mainit pa.

Enjoy!!!

This is my entry for:

BAGUIO CITY - After 14 Years: Day 2 & 3

2012-01-26T01:00:00.001-08:00

DAY 2 - January 22, 2012 - Sunday

Ito ang second day ng aming short na bakasyon sa tinaguriang summer capital ng Pilipinas ang Baguio City. Masasabing kong ito ang pinaka-highlights ng aming bakasyon. Bakit naman hindi? Buong araw na pamamasyal ang ang ginawa. Hehehehe

Maaga pa lang ay gumising na kami para mag-handa sa araw na yun. 6:00am pa lang ay gising na kaming lahat. Nag-breakfast muna kami sa hotel bago kami pumunta sa sa baguio cathedral para mag-simba.

Konti lang ang choices para sa complimentary breakfast sa hotel. May choice lang na tocino, daing na bangus, corned beef at chorizo. May kasama itong fried rice ar scrambled o sunny side up na itlog. Yun lang siguro ang mapupula ko sa hotel na tinuluyan namin. Bukod sa konti lang ang choices, kokonti din lang ang serving ng mga food nila.

Eksaktong bago mag 8:00 ng umaga ay tumuloy na kami sa Baguio Cathedral para mag-simba. Ayos naman ang dating namin at may naupuan pa kami pagdating namin.

Napakaganda pa rin ng cathedral na ito. Kahit napakarami ang nagsisimba both locals at mga visitors, napaka-holy pa din ng pakiramdam nung nagsisimula na ang misa.

Hindi ko nga napigilan ang maluha dahil napi-feel ko talaga ang pagka-holy ng lugar na yun. Magaling ang choir na kumanta at maayos ang buong misa. Nagkabulungan lang kami ng aking asawang si Jolly ng awitin na ang Ama Namin. Hindi kasi namin maintindihan. Ilocano ata yung ginamit na lenguahe. hehehehe

Pagkatapos naming mag-simba ay tumuloy naman kami sa Philippine Military Academy o PMA. Medyo may kalayuan ito sa city. First time ko lang makapunta dito kahit pang-fouth time ko na sa Baguio.

Swerte naman na na-tyempuhan namin na may parade drill ang mga estudyante ng PMA. Nanood muna kami sandali at saka umikot-ikot sa paligid ng kampo.

Buti na lang at mabait ang driver ng taxi na nasakyan namin. Hinintay na niya kami mula sa PMA at pagkatapos ay inihatid naman niya kami sa Camp John Hay. Sa may upper part na niya kami inihatid. Sa may Bell House.

Unang stop namin doon ay sa Tree Top Adventure. Hindi na kami sumakay sa rides dito dahil may kamahalan ang bayad. Tumuloy na nga lang kami sa Bell House na katabi lang ng lugar na ito.

Nagulat lang ako kasi may entrance fee na ang pag-pasok sa Bell house. Parang hinati-hati na ang buong Camp John Hay. Kasi pansin ko may mga bakod na ang mga ito.

Napaka-ganda pa rin ng Bell House. Nag-ikot-ikot kami sa mismong bahay at tumuloy naman kami sa bell amphitheatre.

Nakakapagod pero sulit naman talaga ang pamamasyal namin dito.

Komo 12:00 noon na noon, naisipan naming sa SM Baguio na lang ulit kami kumain. May kamahalan kasi kung sa loob kami ng kampo mag-lunch. Buti na lang at may nakuha agad kaming taxi at nagpahatid kami sa SM Baguio.

Sa Teriyaki Boy kami nag-lunch. Hindi ko na ma-post ang picture kasi dun sa isang camera ko ito nakuhanan. Bento, noodles, california maki, karaage at iba pa ang aming kinain for lunch.

Hindi na rin kami nagtagal at tumuloy na kami naman sa The Mansion House. Hindi kami agad nakapasok. May VIP ata sa loog ng mansion at pimila pa kami para lang makapag-pa-picture.

Maganda at maayos pa rin ang The Mansion. May yellow ribbon pa ito na halaman. Hehehehe

Kalapit lang ng The Mansion ang Wright park. Ayaw pumayag ng mga bata lalo na ang bunso kong anak na si Anton na hindi sumakay ng kabayo. Ayun kahit 30 minutes lang for P250 ay pinagbigyan na namin.

Next stop ay sa Baguio Botanical Garden. Long walk ito from Wright park. As expected nasa harap ng entrance ang mga igorot na sasama sa iyo for picture taking. Ofcourse may bayad ha. kahit hindi mo sinasabi ay sasama pa rin sila.

Hindi na maganda ang Botanical garden na ito. Pero mainam naman at inaayos na nila. maraming ginagawa sila ngayon dito and I hope sa next visit namin ay ayos na ito.

Next stop namin ay sa Mimes View Park. Nagulat talaga ako dito dahil napakaraming tao. As in wala ka nang malakaran sa dami ng tao at sa dami ng nagtitinda. Anong sinabi ng Divisoria sa dami ng tao dito. Hehehehe. Nakakatakot nga kasi konting dulas mo lang ay baka sa bangin ka na pulutin.

Ayun may nagpapa-rent ng igorot costume at nag-rent na din kami para magpa-picture. Ang cute di ba? hehehe. Ang cute ng bunso kong si Anton di ba? hehehe

Bago kami bumalik ng hotel, dumaan muna kami sa Good Shepperd convent para bumuli sa famous na peanut brittle at ube jam. Nagtagal kami dito dahil kailangan pa naming pumila ng mahaba para lang makabili. 2 bottles lang ng ube jam per person ang allowed. The rest of the product pwede kahit ilan. Bumili na rin ako ng pasalubong para sa aking mga ka-officemate.

From here, nagpahatid na kami sa hotel. Dapat sana sa Family KTV ng hotel na lang kami magdi-dinner pero close pala ito ng Sunday.

Kaya walang choice kundi sa SM Baguio na lang ulit kami kumain. Ang daming tao pa rin nung time na yun. SA KFC na lang kami kumain. Yung bucket meal na lang ang aking in-order at dinagdagan ko na lang ng green salad.

Dahil sa bakod, maaga kaming lahat nakatulog. Baon sa aming panaginip ang magagandang tanawin na aming nasaksihan.

DAY 3 - January 23, 2012 - Monday

Ang last day ng aming bakasyon. Wala nang pamamasyal na nagyari sa araw na ito. Although may mga lugar pa rin kami na hindi napuntahan, inilaan na lang namin ang araw na ito sa pamimili ng mga pasalubong.

Bumalik sa Good Shepperd ang asawa kong si Jolly at ako naman ay pumunta sa Baguio market. Ang sarap mamili dito lalo na ang mga gulay. Sariwang-sariwa talaga at ang mura pa. Kaya naman bumuli din ako kahit papaano. Brocolli, cauliflower, lemon, lettuce, snow peas, baby potatoes at walis ang ilan sa aking mga nabili. Tama na yun, wala na akong pera. hehehehe.

Nag-order na lang kami ng McDonald para sa aming lunch that day. At eksaktong 12:00 ay nag-checkout na kami sa hotel.

Nagkaroon ng kaunting problema ng sumakay na kami ng bus. May kapareho kasi yung seat number ng ticket na nabili ko.

Nang i-check ko ito sa ticket office nila, nagkamali na 12:40am ang nailagay sa ticket sa halip na 12:40pm. Buti na lang at may hindi dumating na pasahero sa oras ng biyahe na yun. Kung hindi sa malamang na mas late na kami makakabalik na Manila.

7 hours pa rin ang naging biyahe namin pabalik. May dalawang stopover sa Pangasinan at Tarlac City.

8:30pm na kami nakarating sa aming bahay sa Cubao. Pagod pero baon pa rin ang ngiti ng magandang karanasan sa aming short na bakasyon.

I hope hindi naman abutin ng antoher 14 years bago makabalik ulit kami ng Baguio. I hope soon...very soon.

Till next.... :)

ENSELADANG LABANOS

2012-01-25T01:00:00.002-08:00

Nakakain na ba kayo ng enseladang labanos? Matagal na ding hindi ako nakakakain nito. Noong araw gumagawa nito ang aking Inang Lina lalo na kapg pritong isda ang aming ulam. Masarap ito. Lalo na itong ginawa ko na ipinars ko sa pritong galunggong.

Madali lang itong gawin. Walang luto na gagawin. Paghahaluin lang ang mga sangkap at mayroon ka nang enseladang labanos.

Try nyo din. Masarap talaga.

ENSELADANG LABANOS

Mga Sangkap:
1 large Radish o Labanos (hiwain ng pahaba na parang match sticks)
1 cup Vinegar
Onion leaves
salt, pepper and sugar to taste

Paraan ng paggawa:
1. Hiwain ang labanos na parang match sticks.
2. Sa isang bowl, paghaluin ang suka, asin, paminta at asukal. Haluin. Tikman at i-adjust ang lasa. Ang tamang lasa nito ay yung naghahalo ang alat, tamis at asim ng mga sangkap.
3. Ibuhos ang pinaghalong sangkap sa hiniwang labanos.
4. Ibudbod sa ibabaw ang iniwang onion leaves.
5. I-chill sa fridge bago ihain.

Ihain ito kasama ang bagong pritong isda.

Enjoy!!!!

BAGUIO CITY - After 14 Years: Day 1

2012-01-24T01:00:00.001-08:00

Day 1 - January 21, 2012

After 14 years, nagkaroon kami ng pagkakataon ng asawa kong si Jolly kasama ang aking tatlong anak na sina Jake, James at Anton na makapunta ng Baguio para makapamasyal ng konti.

14 years kasi after ng kasal namin way back January 31, 1998 ay dito kasi sa Baguio nag-spend ng aming honeymoon. Sabi ko ko nga sa panganay kong anak na si Jake, the last time na napunta siya dito ay nung nasa tiyan pa siya ng Mommy niya. hehehehe

2am pa lang ng January 21 ay gising na kami at naghahanda sa aming maagang pag-biyahe papuntang Baguio. 4am kasi ang schedule ng pag-alis ng bus sa Victory Liner na terminal sa Cubao. Kahit maaga kaming nagising, exited pa rin ang lahat para sa short na bakasyon na ito.

2 ang stop bago kami nakarating ng Baguio. Unang stop ay sa Tarlac City. may 15 minutes na stopover para sa mga gustong mag-cr at kumain. Ito na din ang naging chance namin para mag-picture-an ng konti. Hehehehe. 2nd stop ay sa Rosario, Pangasinan. Ito ata yung place bago umakyat na ng Marcos Highway.

Around 10:30am na kami nakarating ng Baguio. Nagkaroon lang ng delay dahil sa traffic na ang dahilan ay ang mga ginagawang daan.

Pansisin nyo ang picture sa itaas. Bundok na puno ng mga bahay. Hindi pa ganito the last time na naputa kami dito.

Pagdating namin sa terminal ng Victory Liner sa Baguio, kumuha muna kami ng ticket pabalik ng Manila. Pagkatapos nun ay sumakay na kami ng taxi at nagpahatid sa hotel na aming tutuluyan sa loob ng 3 araw. Chalet Hotel Baguio pala ang pangalan ng hotel. Hindi pa kami nakapag-check-in komo 2pm pa daw ang check-in time. So iniwan na muna namin ang gamit namin at tumuloy muna kami ng SM Baguio para mag-tanghalian.

Sa Yellow Cab napili ng mga anak ko na mag-lunch. Sa gutom namin, ayun hindi ko na nakuhang kunan ng picture ang aming kinain. New York's Finest pala ang pizza na in-order namin at sinamahan na lang namin ng Fleet Starters. Yung picture kinopya ko na lang sa website ng yellow cab. hehehehe

New York's Finest Pizza

Fleet Starters

Pagkatapos naming kumain ay bumalik na kami sa hotel at nakapag-check-in na kami. To follow ko na lang yung pict. Nasa isa pang camera kasi eh. hehehehe

Nagpahinga lang kami sandali at tumuloy na kami sa aming pamamasyal.

First Stop namin ang Lourdes Grotto. Sa baba pa lang nang mataas na hagdanan papunta sa grotto ay may nakapaski na na strimmer na under renovation ang image ng Mahal na Birhen. Inaayos kasi ito para sa 100 years ng grotto sa 2013. Pero ayun may inilagay naman sila na mas maliit na image ni Mama Mary.

Syempre pagbaba namin, picture-picture pa rin. hehehehe

Sa taas ng hagdan ay talaga namang sumakit ang aking binti at mga paa. hehehe. kaya naisipan namin na magpahinga muna ng konti.

Second stop namin ay sa Burnham park (4:30pm). Sobrang dami ng tao kaya nahirapan din kami na maka-kuha agad ng bangka na aming sasakyan. Thank you sa bankero namin at kinunan niya kami ng picture. hehehe

Sa tulong na din ng bangkero ay itinuro niya sa amin kung saan masarap na maghapunan. Ito ay yung mga ihaw-ihaw sa carenderia sa malapit lang sa Burnham park. Komo mag-7pm na nun, naisipan namin na dun na mag-dinner bago umuwi ng hotel.

Inihaw na liempo, inihaw na tilapia, at Bulalo ang aming in-order. Total bill I think kulang-kulang P700. Not bad. Masarap naman ang food.

Bumalik kami sa hotel at around 8pm. Nagkape muna kami sa lobby ng hotel at ang mga bata naman ay nauna nang pumunta sa room. Yung coffeshop pala ay Dulcenea. Overflowing ang coffee dito anytime of the day. Kaya sinulit na din namin. hehehe.

Natapos ang day 1 namin na masaya at busog. Kaya naman maaga din kami nakatulog in preparation na din sa buong araw ng Linggo. hehehe

Next....Day 2. Mass at Baguio Cathedral, PMA, Camp John Hay, at marami pang iba.

Abangan....

FRIED PORK/PECHAY DUMPLINGS

2012-01-23T01:00:00.000-08:00

Last Christmas, nagluto ako ng siu mai para sa aming Noche Buena. Bumili ako nun ng dalawang pack na wonton wrapper dahil marami kami na kakain at gustong-gusto ito ng mga bagets.

Nung umuwi ang mag-iina ko ng December 23 (di ba nasa ospital kami ng pangany kong si Jake?) naiwan nila ang wonton wrapper na nabili ko. Buti na lang at may nabili naman ako sa palengke ng San Jose at natuloy pa din ang aking siu mai.

Nakita ko nitong isang araw ang wonton wrapper na naiwan. kaya naisipan ko naman na magluto ng fried dumplings para naman hindi masayang ang wrapper na ito.

May twist akong ginawa sa fried dumplings na ito. Nilahukan ko ito ng ginayat na pechay (yung natira ko para sa sinaing na tawilis). May nabasa kasi ako na pechay baguio ang nilalagay so bakit hindi naman pechay tagalog?

Masarap naman ang kinalabasan. At kahit nga ang kapitbahay kong si Ate Joy na kakabalik lang mula Ilo-ilo ay nagustuhan ito.

FRIED PORK/PECHAY DUMPLINGS

Mga Sangkap:
1/2 kilo Pork Giniling
1 tangkap na Pechay Tagalog (yung green part lang. gayatin ng maliliit)
2 pcs. Eggs beaten
1 large White Onion finely chopped
1/2 cup Flour or Cornstarch
2 tbsp. Sesame oil
1 tbsp. Soy Sauce
2 tbsp. Oyster Sauce
Wonton Wrapper (round shape)
Salt and pepper to taste
cooking oil for frying

Paraan ng pagluluto:
1. Sa isang bowl paghaluin ang lahat ng mga sangkap maliban lamang sa wonton wrapper at cooking oil. Maaaring mag-steam o mag-prito ng kaunting pinaghalong sangkap para malaman kung tama na ang timpla.
2. Maglagay ng tama lamang na dami ng palaman sa wonton wrapper. Basain ng tubig ang gilid ng wonton wrapper. I-fold at i-press ng tinidor ang side para madikit.
3. I-prito ang mga ito sa kumukulong mantika hanggang sa mag-golden brown ang kulay.
4. Hanguin sa isang lalagyan na may paper towel.

Ihain na may kasamang sweet chili sauce habang mainit pa at crispy.

Enjoy!!!!

ROAST BABY BACK RIBS with HONEY-BARBEQUE GLAZE

2012-01-20T01:00:00.000-08:00

Isa sa mga paboritong ulam ng mga anak ko ang barbeque na baby back ribs. Kaya naman sa mga espesyal na pagkakataon ay nagluluto ako nito.

Kagaya nitong nakaraang araw, may nakita kasi akong magandang baby back ribs sa supermarket, ito agad honey-barbeque sauce ang naisip ko na ilagay dito. Yun kasi ang gusto din ng mga bata, yung manamis-namis ang lasa.

Ito din pala ang ibinaon ng mga kids ko sa pagpasok nila sa school. Nakakatuwa nga kasi nung dumating na sila from school, napuri nila yung ulam nila. Nag-share din ang pangalawa kong anak na si James sa classmate niya at nagustuhan din daw.

Nakakatuwa naman pag ganito ang feedback na mare-received mo di ba? Di bale nang medyo napamahal ang ulam basta nasisiyahan naman ang mga mahal mo sa buhay. Hehehehe

ROASTED BABY BACK RIBS with HONEY-BARBEQUE GLAZE

Mga Sangkap:
1.5+ Baby back ribs (pwedeng i-cut ng mga 2 inches ang haba)
1 can Sprite or Seven up
2 head Minced Garlic
1 tsp. Ground Black pepper
1 cup Barbeque Sauce
1/2 cup Barbecue Sauce (for glazing)
1 pc. Star Anise
1/2 cup Brown Sugar
1/2 cup Pute Honey Bee
Salt to taste

Paraan ng pagluluto:
1. Sa isang kaserola pagsama-samahin ang baby back ribs, sprite or seven-up soda, minced garlic, salt, pepper, barbeque sauce at star anise.
2. Pakuluan ito hanggang sa lumambot ang karne ng ribs.
3. Kung malapit nang lumambot ang karne ay saka lang ilagay ang brown sugar.
4. Hanguin ang pinalambot na ribs at lutuin naman sa turbo broiler o oven sa init na 300 degrees.
5. Paghaluin ang 1/2 cup na Honey at Barbeque sauce.
6. Ipahid ito sa niluluto pang ribs hanggang sa pumula ang mga sides nito.
7. Muli pahiran ng sauce ang paligid ng ribs at saka ihain.

Ihain habang mainit pa.

Enjoy!!!!

This is my entry for:

SINAING NA TAWILIS NA BINALOT SA PECHAY

2012-01-19T01:00:00.000-08:00

May nabili akong 1/2 kilo na tawilis sa SM Supermatket sa Makati. Paboritong isda ito ng asawa kong si Jolly. Kaya naman basta may nakikita akong isdang ganito sa palengke o supermarket bumibili ako para sa kanya.

Dapat sana ipi-prito ko lang ito pero nung tanungin ko siya kung ano ang gusto niyang luto, gusto daw niya ay sinaing. Nagda-dalawang isip man, yun nga ang ginawa kong luto dito. Ang nasa isip ko kasi, papano ko isasaing yun ay wala naman kaming dahon ng saging na ginagamit na pambalot sa isda bago isaing.

Naisip ko na lang bakit hindi dahon ng pechay ang gamitin ko. At yun nga, isinaing ko ang tawilis gamit ang dahot ng pechay. Masarap naman ang kinalabasan bas na rin sa comment ng bunso kong anak na si Anton. Gustong-gusto niya yung sabaw.

SINAING NA TAWILIS NA BINALOT SA PECHAY

Mga Sangkap:
1/2 kilo medium size Tawilis
10 pcs. Dahon ng Pechay
1 tbsp. Tuyong bunga ng Kamyas
1 thumb size Ginger sliced
1 Onion sliced
5 cloves Minced Garlic
1/2 tsp. Dinikdik na paminta
1/2 tsp. Maggie Magic Sarap
1/2 cup Vinegar
Salt to taste

Paraang ng pagluluto:
1. Balutin ang ilang piraso ng tawilis na isda sa dahon ng pechay. Talian
2. Sa isang kaserola, ilagay ang binalot na tawilis at ilagay ang lahat ng natitira pang sangkap.
3. Pakuluan ito ng mga 15 minuto.
4. Tikman ang sabaw at i-adjust ang lasa.

Ihain habang mainit pa.

Enjoy!!!

BISTEK with BUTTON MUSHROOM

2012-01-18T01:00:00.000-08:00

Isa na namang classic favorite with a twist ang handog ko sa inyong lahat. Ito ay ang paborito kong beef steak o bistek tagalog sa marami.

Pangkaraniwang luto natin ng bistek ay yung nilalagyan lang natin ito ng toyo at katas ng calamansi. Maninipis ang hiwa ng karne ng baka at mas naging katakam-takam kung lalagyan natin ito ng maraming onion rings sa ibabaw.

This time pa-cubes ang hiwa na ginawa ko sa karne at dinagdagan ko ng button mushroom at konting worcestershire sauce na mas lalong nagpasarap sa paborito na nating bistek tagalog.

BISTEK (Beef Steak) with BUTTON MUSHROOM

Mga Sangkap:
1 kilo Beef Brisket cut into bite size cubes
8 pcs. Calamansi
1 tbsp. Worcestershire Sauce
1 small can Button Mushroom
1/2 cup Soy Sauce
1 tbsp. Brown Sugar
5 cloves minced Garlic
1 pc. Onion sliced
1 pcs. Onion cut into rings
2 tbsp. Canola oil
1 tsp. Cornstarch
Salt and pepper to taste

Paraan ng pagluluto:
1. Timplahan ng asin at paminta ang karne ng baka. Hayaan ng ilang sandali.
2. Sa isang non-stick na kawali i-prito sandali ang karne ng baka hanggang sa mawala lang ang pagka-pink nito. Set aside
3. Sa isang heavy bottom na kaserola igisa ang bawang at sibuyas sa kaunting mantika.
4. Ilagay na ang karne ng baka na bahagyang pinirito at timplahan ng toyo at worcestershire sauce.
5. Lagyan din ng mga 2 tasang tubig at takpan. Hayaang maluto hanggang sa lumambot ang karne. Maaring lagyan pa ng tubig kung kinakailangan.
6. Kung malambot na ang karne, lagay na ang button mushroom kasama ang sabaw nito. Takpan muli at hayaan ng mga 2 minuto.
7. Huling ilagay ang katas ng calamansi at brown sugar
8. Tikman ang sauce at i-adjust ang lasa.
9. Ilagay ang tinunaw na cornstarch para lumapot ang sauce.
10. Hanguin sa isang lalagyan at ilagay sa ibabaw ang hinwang onion rings.

Ihain habang mainit pa.

Enjoy!!!

SUNDAY MASS with FR. FERNANDO SUAREZ @ ABS-CBN

2012-01-17T01:00:00.001-08:00

Last Sunday January 15, 2012, naimbitahan kaming pamilya ng boss ng aking asawa na si Doc Baby Perez na um-attend ng Sunday Mass sa ABS-CBN. Birthday kasi niya sa January 20 at bilang pasasalamat ay nag-sponsor nga siya ng isang misa.

Maaga pa lang as in 3:00am pa lang ay gising na kami para maghanda pagpunta sa ABS-CBN nga. 4:30 kasi ay dadaanan kami ng ka-officemate ng aking asawa na si Ate Lau para sabay na pumunta sa studio.

Kahit aantok-atok pa ang mga kids, behave na behave at exited pa rin sila sa experience na ito. Tanong nga ng bunso kong anak na si Anton kung mapapanood ba daw sila ng lola nila sa Batangas. Hehehehe

si Fr. Fernando Suarez ang nag-celebrate ng mass at talaga namang na-inspire kami sa kanyang homilya. Nagkaroon din ng healing session pagkatapos ng misa.

After ng mass, isinama din kami sa isang simpleng agahan sa UCC Cafe sa may Tomas Morato.

Filipino breakfast ang in-order ko. May kasama itong longanisa, tocino, tapa, scrambled egg at sinangag. May kasama din itong pipino na may kamatis at lettuce sa tabi.

Ginisang tinapa naman na may itlog na maalat ang in-order ng aking asawang si Jolly. Tinapa flakes ito na ginisa. May kasama din itong fried egg at sinangag.

Umuwi kami ng umagang yun na busog ang kaluluwa at katawang lupa. Kaya naman bago mag-uwian at picture-picture pa rin kasama ang nag-sponsor na si Doc Baby (in white in the center) at ang kanyang asawa na si Doc Sison. Nasa larawan din (from left) si Kuya Reggie at si Ate Lau.

I hope na maulit ang experience naming ito. Nakakatuwa nga kasi yung mga friends pa namin sa abroad ang nakakita sa amin sa tv kesa ang mga nandito sa Pinas. Hehehehe.

Till next....

DAING NA BANGUS ALA POBRE

2012-01-16T01:00:00.000-08:00

Basic na pagkaing Pilipino ang kanin at isda. Mapa-almusal, tanghalian man o hapunan, isda at kanin ang pangkaraniwan nating kinakain. Pangkaraniwang luto ng isda sa atin ang pinirito o kaya naman ay yung may sabaw.

Komo madalas nating nakakain ang mga ganitong luto at klase ng pagkain, nagiging boring na ito sa atin. Kaya nga palaging kong sinasabi ang paglalagay ng twist o i-improve ang luto nito para mas maging maaya-aya sa mata ng kakain.

Katulad ng entry kong ito for today. Simpleng daing na bangus pero dahil sa extra na toasted garlic at patak ng liquid seasoning naging masarap at espesyal ang hamak at pangkaraniwang daing na bangus.

DAING NA BANGUS ala POBRE

Mga Sangkap:
2 pcs. Boneless Daing na Bangus
2 heads Minced Garlic
3 tbsp. Liquid Seasoning
1/2 tsp. Maggie Magic Sarap
Salt and pepper to taste
Cooking oil for frying

Paraan ng pagluluto:
1. Timplahan ng asin, paminta at maggie magic sarap ang dinaing na bangus. Hayaan muna ng mga ilang minuto.
2. I-prito ang bawang hanggang sa pumula at matusta. Hanguin sa isang lalagyan.
3. Sa parehong kawali, i-prito ang daing na bangus hanggang sa pumula at maluto. Hanguin sa isang bandehado o lalagyan.
4. Taktakan ang nilutong daing na bangus ng liquid seasoning.
5. Budburan sa ibabaw ng nilutong toasted garlic.

Ihain habang mainit pa.

Enjoy!!!!

HAPPY 3rd ANNIVERSARY TO ALL!!!!

2012-01-13T01:00:00.000-08:00

HAPPY 3RD ANNIVERSARY sa inyong Lahat!!!!

Isa na namang taon ang lumipas para dito sa ating munting tambayan. Ang "Mga Luto ni Dennis at Iba pa"

Yes, tatlong taon na pala ang blog kong ito. Parang kailan lang ng umpisahan ko ito at ngayon ay pumapasok na tayo sa pang-apat na taon.

Marami ding pagsubok ang pinagdaanan ng food blog kong ito. Una ay ang pagkasira ng digicam na ginagamit ko at ang pangalawa naman ay ang mga nangongopya ng content ng walang paalam sa akin. At marami pang iba.

Kung tutuusin, hindi pa naman din ganun kalaki o kalayo ang narating ng blog kong ito. As compare sa mga sikat na food blog katulad ng kay Marketman ng Market Manila, o kaya naman ay kay Connie Veneracion ng Pinoycooks, malayong-malayo pa talaga ang tatakbuhin ko.

Pero alam ko, sa tulong nyong lahat na patuloy na sumusubaybay sa akin, alam ko na mararating ko din yun.

Nagpapasalamat ako sa aking mga naging kaibigan sa blogging community, kay J ng http://notjustafoodblog.blogspot.com, kay Gio ng www.thehungrygiant.wordpress.com, kay Willia ng www.foodtripfriday.net at sa marami ko pang naging kaibigan sa blog na ito. Maraming..maraming salamat sa inyo.

Dalangin ko na sana ay magtagal pa at marami pang matulungan ang food blog kong ito dito sa Pilipinas at sa iba pang parte ng mundo.

Mabuhay tayong lahat!!!!!

This is my entry for:

GINISANG AMPALAYA with DRIED SHRIMP

2012-01-12T01:00:00.000-08:00

Dapat sana simpleng ginisang ampalaya na may itlog lang ang gagawin kong luto sa amplayang ito. Pero nung makita ko ang dried shrimp nang minsang mapadaan ako sa palengke na malapit sa amin, naisipan kong ilahok ito sa akin ngang ginisang amplaya.

Hindi ko alam kung hibe pa rin ba ang tawag dito sa dried shrimp na ito. Yung hibe kasi na alam ko ay yung wala nang balat at ulit na tuyo din.

Masarap na ilahok ang ganitong dried shrimp sa mga ginisang gulay. Malasa kasi ito at punong-puno ng flavor. Kaya naman, kahit mapait sa panlasa ang aking amplaya, na-carry na din ang kabuuuang lasa dahil sa druied shrimp. hehehe

GINISANG AMPALAYA with DRIED SHRIMP

Mga Sangkap:
2 pcs. Amplaya sliced
1/2 cup Dried Shrimp
2 pcs. Tomato sliced
1 large Onion slices
5 cloves minced Garlic
2 pcs. Egg beaten
1/2 tsp. Maggie Magic Sarap
Salt and pepper to taste

Paraan ng pagluluto:
1. Sa isang kawali o kaserola, igisa ang bawang, sibuyas at kamatis sa kaunting mantika. Halu-haluin.
2. Sunod na ilagay ang dried shrimp at lagyan ng mga 1/2 tasang tubig. Hayaang kumulo nang mga 2 minuto.
3. Ilagay na ang ampalaya at timplahan ng asin, paminta at maggie magic sarap. Halu-haluin. Hayaang maluto ang amplaya pero huwag i-overcooked.
4. Huling ilagay ang binating itlog. Hayaang mabuo ng konti hago haluin.
5. Tikman ang sabaw at i-adjust ang lasa.

Ihain habang mainit pa.

Enjoy!!!

PORK and SODA CASSEROLE

2012-01-11T01:00:00.000-08:00

Another classic with a twist. Kung titingnan mo sa pict parang pork afritada o menudo lang siya. At kung tutuusin, yun nga ang dish na ito. Pero, may nabasa kasi ako na chicken dish na ginamitan ng softdrinks o soda drink sa pagluluto. Ang pagkakaiba lang nitong version ko ay in-adopt ko yung luto ng afritada. Nilahukan ko ito ng red bell pepper, patatas at carrots. Sa original recipe wala.

HIndi na bago sa atin ang pagluluto na nilalagyan ng soda drink o softdrinks. Gumagamit tayo nito hindi lamang pampalasa kundi nakakatulong din ito para madaling lumambot ang karne na ating pinalalambot. Hindi sa pork barbeque nilalagyan din natin ng sprite or seven-up? Meron na rin akong nagawa na roast pork na nilagyan ko naman ng coke.

Mas masarap kainin ito on the second day na. Mas na-absorb kasi nung meat yung lasa ng sprite soda.

PORK and SODA CASSEROLE

Mga Sangkap:
1 kilo Pork Kasim or Pigue cut into cubes
12 oz. Seven-up or Sprite Soda
2 cups Tomato Sauce
2 tbsp. Worcestershire Sauce
2 pcs. Potatoes cut into cubes
1 large Red Bell Pepper cut into cubes
1 medium size Carrot cut into cubes
5 cloves minced Garlic
1 large Onion sliced
1/2 tsp. Dried Basil
Salt and pepper to taste

Paraan ng pagluluto:
1. Sa isang kaserola, igisa ang bawang at sibuyas sa kaunting mantika.
2. Ilagay na agad ang pork cubes at timplahan ng asin, paminta at dried basil. Hayaang masangkutsa sandali.
3. Ilagay ang worcestershire sauce at sprite na softdrinks. Takpan at hayaang lumambot ang karne.
4. Kung malapit nang lumambnpt ang karne, ilagay na ang patatas, carrots at red bell pepper.
5. Ilagay na din ang tomato sauce. Takpan at hayaang maluto ang patatas.
6. Tikman ang sauce at i-adjust ang lasa.

Ihain habang mainit pa.

Enjoy!!!!

CHEESY PIMIENTO CHICKEN FILLET

2012-01-10T01:00:00.000-08:00

Kagaya ng nabanggit ko na sa nakaraan kong post, mainam na gawan natin ng mga twist ang mga classic na lutuin na atin nang nakagisnan. Yun ay para hindi maging boring ang ating mga inuuulam. Kung baga, lumang ulam pero makabago ang lasa. Ofcourse dapat mas masarap siya.

Kagaya nitong entry ko for today. Kung titingnan mo parang chicken afritada lang siya. Pero komo nilagyan ko itong ng quick melt cheese at canned bell pepper o pimiento naging mas masarap at katakam-takam ang ating chicken dish.

CHEESY PIMIENTO CHICKEN FILLET

Mga Sangkap:
1 kilo Chicken thigh fillet cut into bite size pieces
1 small can Pimiento cut into cubes
2 pcs. Potato cut into cubes
1 medium size Carrot cut into cubes
1/2 bar Quick melt Cheese
2 cups Tomato Sauce
1 tbsp. Sweet Pickel Relish
1/2 cup Butter
5 cloves minced Garlic
1 large Onion sliced
1/2 tsp. Dried Basil
Leeks to garnish
Salt and Pepper to taste

Paraan ng pagluluto:
1. Sa isang kaserola, igisa ang bawang at sibuyas sa butter.
2. Sunod na ilagay ang manok at timplahan ng asin at paminta. Takpan at hayaan ng mga ilang minuto.
3. Ilagay na ang patatas, carrots, red bell pepper o pimiento, sweet pickle relish , dried basil at tomato sauce. Takpan muli at hayaang maluto ang mga gulay.
4. Ilagay ang ginadgad na quick melt cheese.
5. Tikman ang sauce at i-adjust ang lasa.
6. Hanguin sa isang lalagyan at lagyan sa ibabaw ng hiniwang leeks.

Ihain abang mainit pa.

Enjoy!!!!

PORK SPARE RIBS in LIVER SPREAD SAUCE

2012-01-09T01:00:00.000-08:00

Alam ko ang iniisip nyo sa dish na ito ay ang kaldereta. Oo naman. Yun ang inspirasyon ko nung niluluto ko ang dish na ito. Pero ito siguro ang spare ribs kaldereta in the simpliest form. Bakit naman? Kaunti lang kasi ang mga sangkap pero hindi kakaunti ang flavor at lasa.

Kaldereta talaga ang balak kong luto sa spare ribs na ito. Pero kulang ang mga sangkap ko sa fridge komo nga mga pang-noche buena at media noche ang mga pinamili ko nung bago mag-pasko.

Basta ang nakita ko na lang ay ang lata ng liver spread at ang natirang pork liver na ginamit ko sa lomi nung isang araw.

Nakakatuwa naman dahil masarap at malasa pa rin ang kinalabasan ng dish na ito. Kahit sauce pa lang nito ay pwede nang i-ulam. Basta ihalo mo lang ang sauce sa mainit na kanin. Hehehehe.

PORK SPARE RIBS in LIVER SPREAD SAUCE

Mga Sangkap:
1.5 kilo Pork Spare Ribs (cut into cubes in-between bones)
250 grams Pork Liver cut into cubes
1 small can Reno Liver Spread
3 tbsp. Worcestershire sauce
2 tbsp. Sweet Pickle Relish
1/2 cup Tomato Sauce
1 tsp. Maggie Magic Sarap (optional)
5 cloves minced Garlic
1 large Red Onion sliced
1/2 cup Butter or margarine
Salt and pepper to taste

Paraan ng pagluluto:
1. Sa isang kaserola, igisa ang bawang at sibuyas sa butter or margarine.
2. Ilagay na ang spare ribs at timplahan ng asin at paminta.
3. Lagyan na din ng tubig at tapkan hanggang sa lumambot ang karne. Maaaring lagyan pa ng tubig kung kinakailangan.
4. Kung malapit nang lumambot ang karne, ilagay na ang sweet pickle relish, worcestershire sauce, tomato sauce at liver spread. Hayaang kumulo pa ng mga 5 minuto.
5. Huling ilagay ang atay ng baboy at takpan muli hanggang sa maluto ang atay.
6. Ilagay ang maggie magic sarap. Tikman at i-adjust ang lasa.

Ihain habang mainit pa.

Enjoy!!!!

LOMING BATANGAS

2012-01-06T01:00:00.001-08:00

Tuwing nauuwi ako sa bayan ng aking asawang si Jolly sa San Jose, Batangas, hindi maaring hindi ako dumaan sa kanilang palengke para kumain ng lomi. Oo. Ito ang pambansang meryenda ng mga Batangueno. hehehe

Simple lang naman ang lomi nila kumpara sa lomi na alam ko. Yung sa kanila kasi, wala naman masyadong sahog pero malasa at masarap. Kumpara sa alam ko na lomi na maraming lahok na laman at gulay.

Isa pa, sa loming Batangas, individual o per order ang ginagawa nilang luto dito. Kung baga, pag may order lang dun pa lang nila niluluto ito. Sa tingin ko, timplado na ang sabaw at ready na ang iba pang mga sangkap kaya madali din nila itong nape-prepare.

Noon ko pa gustong gumawa at magluto nitong loming Batangas na ito. Hindi lang ako nagkakaroon ng pagkakataon na makabili ng noodles na ginagamit nila dito. Pero nitong nakaraang uwi ko ng San Jose, talagang sinadya ko na makabili nito para magawa ko na ang sarili kong version ng Lomi Batangas. At eto na nga yun. I hope magustuhan nyo din kagaya ko.

LOMING BATANGAS

Mga Sangkap:
1/2 kilo Egg Noodles or Miki
300 grams Pork Liver sliced
Chicharong Baboy
1 head Minced Garlic
1 liter Pork stock
2 pcs. Egg beaten
2 pcs. Hard boiled Egg
1/2 cup Cornstarch
1 tsp. Maggie Magic Sarap
3 tbsp. Canola oil
5 cloves minced Garlic
1 medium size Onion sliced
Salt and pepper to taste

Paraan ng pagluluto:
1. Sa isang kawali i-prito ang bawang sa mantika hanggang sa maging crisp at mag-golden brown ang kulay. Hanguin sa isang lalagyan.
2. Sa parehong kawali, i-prito ang atay ng baboy hanggang sa maluto. Huwag kalimutan na timplahan ng konting asin. Hanguin sa isang lalagyan.
3. Sa isang kaserola, igisa ang bawang at sibuyas sa kaunting mantika.
4. Ilagay ang sabaw ng pinagpakuluan ng baboy o pork stock at hayaang kumulo.
5. Ilagay na ang egg noodles o miki.
6. Timplahan ng asin, paminta at maggie magic sarap.
7. Kung luto na ang miki, ilagay na ang binating itlog at halu-haluin.
8. Sunod na ring ilagay ang tinunaw na cornstarch para lumapot ang sabaw.
9. To assemble: Maglagay ng tamang dami ng lomi sa isang bowl at lagyan ng nilutong atay ng baboy, chicharon at hiniwang itlog na nilaga.

Ihain na may kasamang toyo, calamansi at sili.

Enjoy!!!!

This is my entry for:

MAC and CHEESE ala DENNIS

2012-01-05T01:00:00.001-08:00

Ito ang pasta dish na inihanda ko nitong nakaraan naming Noche Buena sa bahay ng aking biyenan sa San Jose Batangas. Baked Mac talaga ang gusto kong gawin kaso wala naman kaming oven. Sinubukan ko namang painitan ang ibabaw gamit ng turbo broiler kaso wala ding nangyari. Kaya hinayaan ko na lang na ganyan.

Masarap at overload talaga sa sahog ang mac and cheese ko na ito. Bakit naman hindi, assorted sausages ang inilagay ko bukod pa sa 1/2 kilo ng bacon. Masarap talaga. Try nyo din.

MAC and CHEESE ala DENNIS

Mga Sangkap:
1 kilo Elbow Macaroni (cooked according to package direction)
6 pcs. Assorted Sausages (Hungarian, Bratwurts, Shublig, Italian, Kielbasa, etc.) cut into small pieces
400 grams Bacon cut also into small pieces
1 big can Del Monte Four Cheese pasta Sauce
2 tetra brick All Purpose Cream
2 cups grated Quick melt Cheese
2 pcs. large Red Onion chopped
1 big can Alaska Evap (red label)
1 head minced Garlic
1/2 cup All Purpose Flour
Salt and Pepper to taste
1 tsp. Sugar
1 tsp. Dried Oregano or Basil
3 tbsp. Olive Oil or 1/2 cup Butter

Paraan ng pagluluto:
1. Lutuin ang elbow macaroni according to package direction. Huwag i-overcooked.
2. I-prito ang bacon sa olive oil or butter hanggang sa pumula o maging crisp. Hanguin muna sa isang lalagyan.
3. I-prito na din ang assorted na sausages.
4. Sa parehong kawali,igisa ang bawang at sibuyas. Halu-haluin
5. Ilagay na ang Four Cheese pasta sauce at timplahan ng asin, paminta, asukal at dried oregano o basil. Hayaang kumulo ang sauce.
6. Tikman ang sauce at i-adjust ang lasa.
7. Ihalo ang nilutong pasta. Haluing mabuti hanggang ma-coat ng sauce ang lahat ng pasta. Isalin sa isang baking dish.
8. Sa isang sauce pan, tunawin ang butter at isunod na agad ang harina. halu-haluin.
9. Ilagay na din ang alaska evap at all purpose cream. patuloy na haluin.
10. Ilagay ang 1 cup na grated cheese at timplahan ng asin at paminta. Maaaring lagyan pa ng gatas o tubig hanggang makuha ang lapot na nais para sa white sauce.
11. Tikman ang sauce at i-asjut ang lasa.
12. Ibuhos ang white sauce ginawa ibabaw ng niluting macaroni pasta.
13. Ilagay ang natitira pang grated cheese sa ibabaw.
14. Maaring i-bake ito sa init na 300 degrees hangangsa pumula ang ibabaw.

Ihain habang mainit pa.

Enjoy!!!!

SHRIMP in PANDAN and OYSTER SAUCE

2012-01-04T01:00:00.001-08:00

Una na ang paghingi ko ng pasensya sa inyo dahil hindi ko nakunan ng magandang picture ang entry kong ito for today. Medyo busy talaga ako nung bisperas ng bagong taon kaya naman sa pagmamadali ay nawala na sa isip ko na ipo-post ko pala ito dito sa aking blog.

Hindi ko naman talaga plano na i-post itong dish na ito. Pero dahil sa nadagdag na sangkap na lalong nagpa-sarap sa luto kong ito, hindi ko napigilang i-share din ito sa inyo. Pandan ang tinutukoy ko. Nakakagulat pero nakadagdag talaga siya ng flavor sa buong dish.

Isa pa, dapat lang siguro na i-post ko ang shrimp dish na ito. Bakit naman hindi? Eh P700 ang kilo nito. Yes mga readers. Sobrang mahal ang pagkabili namin sa 1 kilo sa sugpo na ito. Kung hindi lang espesyal ang okasyon, hinding-hindi ko bibilhin ito. Hehehehe.

SHRIMP in PANDAN and OYSTER SAUCE

Mga Sangkap:
1 kilo large size Shrimp (about 15 pcs.)
1/2 cup Oyster Sauce
2 pcs. Pandan Leaves sliced
1 thumb size Ginger julien
1 large Onion sliced
5 cloves minced Garlic
1 tbsp. Brown Sugar
1 tbsp. Cornstarch
2 tbsp. Butter
Salt and Pepper to taste

Paraan ng pagluluto:
1. Hiwain ang likod na parte ng hipon at alisin yung kulay black na parang sinulid na bituka niya. Hugasang mabuti.
2. Sa isang kawali, igisa ang luya, bawang at sibuyas sa butter.
3. Ilagay na agad ang hipon at mga 1/2 tasang tubig.
4. Timplahan na din ng asin at paminta. Takpan at hayaan ng mga 2 minuto.
5. Ilagay na ang oyster sauce, pandan leaves at brown sugar. halu-haluin
6. Ilagay na ang tinunaw na cornstarch para lumapot ang sauce.
7. Tikman ang sauce at i-adjust ang lasa.

Ihain habang mainit pa.

Enjoy!!!!

BABY POTATOES with BACON, CHEESE and CREAM - version 2

2012-01-03T01:00:00.001-08:00

This is the second time na nagluto ako nitong baby potatoes na ito na may bacon at cheese. Noche Buena din ng 2010 una akong nagluto nito at nito ngang noche buena ng 2011 ay naulit muli sa kahilingan na din ng aking asawang si Jolly.

Para mas lalo pa itong mapasarap ay nilagyan ko ng cream ang recipe at dinagdagan ko na din ng bawang. Masarap ang kinalabasan ng side dish na ito. Creamy, malasa at talagang babalik-balikan mo. Yummy talaga.

BABY POTATOES with BACON, CHEESE and CREAM

Mga Sangkap:
1 kilo Baby Potatoes (hatiin yung iba na medyo malaki)
1 jar medium size Cheese Wiz (pimiento flavor)
1 tetra brick All Purpose Cream
1 head minced Garlic
1/2 cup Butter
500 grams Bacon (cut into 1/2 inch size)
Salt and Ground Black Pepper to taste

Paraan ng pagluluto:
1. Hugasang mabuti ang mga baby potatoes. Maaaring i-brush para mawala ang mga dumi o putik na naka-kapit. Hiwain sa gitna ang mga medyo may kalakihan na patatas.
2. Pakuluan ito sa isang kaserola na may tubig at kaunting asin hanggang sa maluto. Huwag i-overcooked ang patatas. I-drain at ilagay muna sa isang lalagyan.
3. Sa isang non-stick na kawali, igisa ang bawang sa butter hanggang sa pumula ng bahagya.
4. Sunod na i-prito ang bacon hanggang sa maging crisp ng bahagya. Hanguin sa isang lalagyan.
5. Ilagay na agad ang all purpose cream at cheese wiz sa pinag-prituhan ng bacon. Halu-haluin
6. Timplahan ng asin at paminta ayon sa inyong panlasa.
7. Ilagay na ang nilagang patatas sa ginawang sauce. Haluing mabuti hanggang sa ma-coat ng sauce ang lahat ng patatas.
8. Hanguin sa isang bowl o lalagyan at ilagay sa ibabaw ang nilutong bacon.

Ihain habang mainit pa.

Enjoy!!!!

BAGONG TAON 2012 - Sa amin sa Bocaue

2012-01-02T01:00:00.000-08:00

Masaganang Bagong Taon sa lahat!!!!

Mula nang ako ay magkapamilya sa bahay ng aking asawang si Jolly sa Batangas kami nagpa-Pasko at sa amin naman sa Bocaue, Bulacan kami nagba-Bagong Taon. Hati di ba? Hehehe.

Bago maghiwalay ang taon, tinatapos namin ito sa pamamagitan ng pag-sisimba at kasiyahan kasama ang mga mahal sa buhay.

Kahit nung mga maliliit pa kami, nakagawian na namin itong party na ito bago mag-hiwalay ang taon. Ginagawa namin ito para hindi antukin habang hinihintay ang pagpatak ng 12 na hudyat sa pagpapalit ng taon.

Every year, ako ang nagho-host sa party na ito. At para sa taong ito naging mas masaya ang party na aming ginawa.

Sa pagtutulong-tulong ng aking mga pamangkin at pinsan sila ang nag-organize sa mga t-shirt na susuotin at sa mga pagkain na ihahanda. Ako naman ang in-charge sa mga games.

May naimbitahan din na mga mananayaw (fire dancers) para mag-perform sa aming party. Pansinin nyo nawalang mga nakaupo dahil baka matamaan sila ng apoy. hehehehe

Syempre, mawawala ba ang mga palaro. Enjoy na enjoy lalo na ang mga bata sa bawat games na aming ginawa.

Pagkatapos ng mga palaro at sayawan, syempre picture-picure naman. Pansinin nyo pala ang naka-tatak sa aming mga t-shirt. Hugis palaka ito na may nakasulat ng lahat ng pangalan na miyembro ng aming pamilya. Yung palaka pala ay sumisimbulo sa bansag sa aming lola na si Lola Neneng palaka. Hehehehe. Di ba uso sa mga probinsya ang ganun. Hehehehe.

Ang tradisyunal na picture taking ng buong angkan ni Simo at Nene.

At sakto namang natapos ang picturan at sumapit ang hinihintay na pag-patak ng bagong taon. Bago nagkainan ay nanood muna kami ng napakagandang mga fireworks.

At sama-sama ang lahat na nag-salo sa inihandang mga pagkain. Una na rito (sa itaas) ang fish fillet with cheesy-garlic white sauce.

Roasted Chicken o Turbo Chicken

Fried Rice syempre

Linguine pasta carbonara. Ako ang nagluto nito per request na rin ng marami.

Crispy Pata

Pinoy Spaghetti na paborito ng mga bata.

Ang ang napakaraming desserts: Malagkit na kakanin, sweet beans, suman, fruit salad, buko pandan, chocolate fondue, fresh melon at tatlong klase ng cake roll.

Matapos ang masaganang kainan, syempre ang inuman at kantahan sa videoke.

Kinabukasan naman ay sama-sama kami ng aking pamilya na pinagsaluhan ang pagkain naman na aming inihanda.

May crispy pata pa rin, chicken lolipop, sugpo na may oyster sauce at pandan, valenciana, malagkit na kakanin, halayang ube, leche plan at minatamis na beans at garbansos.

Naging masaya at mabiyaya ang naging paghihiwalay ng 2011 at 2012 sa aming pamilya. Dalangin ko sa Poon na sana ay ganun din ang mangyari sa amin sa buong taon na ito. Ang pagmamahalan at pagbibigayan nawa ay mangyari sa lahat ng araw at oras. AMEN

HAPPY NEW YEAR TO ALL!!!!!

HAPPY NEW YEAR TO ALL!!!!!

2011-12-31T01:00:00.000-08:00

Isang Masaganang Bagong Taon ang aming bati kasama ang buo kong pamilya sa inyong lahat na patuloy na sumusubabay sa food blog kong ito.

Dalangin ko ang pagpapala ng Diyos sa ating lahat....nawa ay maging mapayapa, mabunga at puno ng pag-asa ang taong darating.

HAPPY NEW YEAR TO ALL!!!!!

NOCHE BUENA 2011 - SAN JOSE, BATANGAS

2011-12-30T01:00:00.000-08:00

Hindi naging ganun kasaya ang nakaraan naming pasko. Hiwa-hiwalay kasi kami ng aking pamilya. Na-confine kasi ang panganay kong anak na si Jake dahil sa dengue. December 21 siya na admit. At sa kaarawan naman ng pasko ay nakalabas din siya. Kaya kung mapapansin ninyo, wala ang mag-ina ko sa noche buena namin.

Dapat sana kaming mag-ama ang magpapasko sa hospital. Pero naisip ng asawa kong si Jolly sino ang magluluto ng mga pinamili namin. Sa bahay pa naman ng biyenan ko magno-noche buena ang iba pa niyang kapatid at pamangkin. Kaya ayun, ako ang umuwi nga ng Batangas at siya naman ang nag-bantay sa hospital.

Maaga pa lang ay nagluto na ako ng mga pagkain na ihahanda namin sa noche buena. Para na rin kako hindi ako magahol komo maaga din ang misa para sa pasko.

At sakto naman na natapos ko ang lahat at nag-handa naman kaming mag-aama na sumimba.

Marami din ang nag-simba. Halos magkakamag-anak ang laman ng chapel. Maganda ang sermon ng pari.

11:45 o 15 minuto bago mag alas dose ay bigla namang nawalan ng kuryente. Kaya ayun, niyaya ko na sila na kumain. KUmain kami na kandila lang ang aming ilaw.

Eto ang aking mga inihanda: Sa taas, Baby back barbeque spareribs. Okay naman ang lasa. Yun lang may kakapalan ang taba.

No bake macaroni naman ang nasa itaas. No bake komo wala naman kaming oven. Masarap ang pasta dish na ito. Assorted sausages at bacon ang sahog na aking inilagay. Four cheese sauce naman ng del monte ang sauce na inilagay ko.

Syempre, mawawala ba ang hamon sa hapag. Yummy!!!

Kahit kakapa-kapa ako sa dilim, talagang kinunan ko pa rin ng picture ang hapag bago nagsuguran ang mga bisita. Hehehehehe.

Gumawa din pala ako ng Siu Mai para sa starter. Yun lang naiwan yung wonton wrapper sa bahay kaya konti lang yung nagawa ko nito. 1 pack lang kasi yung nabili ko sa palengke. Yummy ang siu mai na ito with home made chili-garlic sauce.

Fruity-Almond Graham Cake naman ang ginawa kong dessert.

Inilagay ko din sa hapag ang nabili kong tamalis. Di ba dapat may malagkit na food para stick together ang family? hehehehe

Ito ang paborito ko sa lahat ng dish na niluto ko. Baby Potatoes with Creamy Cheese and Bacon. Muntik nang hindi mai-serve ang dish na ito. Bakit naman? Iinit ko kasi dapat ito sa microwave para medyo mainit pag-serve. Nung nailagay ko na sa loob ang lalagyan at press ko na ang button to start sabay namatay naman ang kuryente. Kaya ayun, na-late ang serving ng dish na ito. Pero sa lahat nga ng dish niluto ko, ito ang puring-puri nila.

Sabi ko nga, malungkot ang naging pasko namin. Hiwa-hiwalay kami. Pero salamat na din at gumaling na ang aking anak na si Jake. I hope and pray na sana sa susunod pa na mga pasko ay hindi na mangyari ang ganito sa aming pamilya.

HAPPY NEW YEAR to All!!!!

This is my entry for:

CHICKEN PORK ADOBO with a TWIST

2011-12-29T01:00:00.000-08:00

Hindi siguro natin kayang bilangin ang dami ng version ng ating paboritong adobo. Depende kung saang lugar, may sarili silang version at pamamaraan ng pagluluto nito. Maging sa sangkap ay nagkakaiba din. May mga nadadagdag at may nababawas din. Basta hindi nawawala ang bawang, suka at paminta.

Marami na din akong adobo recipe na nasa archive. This time nilagyan ko ng twist ang aking chicken pork adobo na ito. Dahil sa twist na ginawa ko, naging mas masarap at malasa ang aking adobo.

CHICKEN PORK ADOBO with a TWIST

Mg Sangkap:
3/4 kilo Pork kasim cut into cubes (mas mainam kung mag kaunting taba para hindi maging dry ang ating adobo)
3/4 kilo Chicken cut into serving pieces
1 head Garlic
1 tsp. Whole Pepper Corn
2 pcs. Dried laurel leaves
1 cup Vinegar
1 cup Soy sauce
1 tbsp. Brown Sugar

Paraan ng pagluluto:
1. I-blender ang lahat ng mga sangkap maliban sa manok at baboy ng mga ilang sigundo lang.
2. Ilagay sa isang plastic bag o zip block ang manok, baboy at ang ginawang marinade mix. Hayaan sa fridge ng overnight o higit pa.
3. Paghiwalayin ang baboy at manok na minarinade.
4. Unang lutuin ang baboy sa isang kaserola kasama ang marinade mix. Maaring lagyan ng kaunting tubig kung kinakailangan habang niluluto.
5. Kung malambot na ang baboy ay saka ilagay ang manok. Takpan muli hanggang sa maluto ang manok. Again, maaring lagyan pa ng tubig kung kinakailangan.
6. Sa isang non-stick na kawali, isalin ang nilutong manok at baboy at i-prito ito hanggang sa pumula ng kaunti ang mga side.
7. Ilagay na din ang adobo sauce na pinagpakuluan at hayaan pa ng ilang minuto.

Ihain habang mainit pa.

Enjoy!!!!

PESTO MARINATED ROASTED CHICKEN

2011-12-28T01:00:00.000-08:00

Kakatapos lang ng pasko at alam ko marami sa atin ang bagong taon naman ang ating pinaghahandaan. Syempre gusto natin masagana at maraming pagkain ang ating hapag sa media noche para mabiyaya ang unang araw pa lang ng taon.

Bukod sa mga bilog-bilog na prutas na atin inihahanda, very particular din tayo sa mga pagkain. Kung baga may mga kahulugan. Katulad na lang ng mga pagkain na gawa sa malagkit. para daw stick together ang buong pamilya. Pancit o mga noodles naman daw para pampahaba ng buhay. Marami din ang hindi naghahanda ng manok sa media noche komo daw isang kahig isang tuka lang ito.

Para sa akin, wala sa mga pampaswerteng ito ang ating hinaharap. Nasa sa atin iyun. Kung marami nga tayong pampaswerte at hindi naman tayo gumagawa at naghihintay lang tayo ng biyaya, papaano papasok sa atin ang grasya ng Diyos.

Kaya narito ang another version ko ng roasted chicken na pwede nyong ihanda sa media noche. This time minarinade ko ito sa pesto sauce ng mga 2 araw para lumasang mabuti sa laman ng manok. Masarap ito. Tamang-tama sa media noche.

PESTO MARINATED ROASTED CHICKEN

Mga Sangkap:
1 whole Chicken cut into half
50 grams Fresh Basil Leaves
1/2 cup Olive Oil
5 cloves Garlic
1 tsp. whole pepper corn
2 tbsp. Cashiew nuts
Salt and pepper to taste

Paraan ng pagluluto:
1. Kiskisan ng pinaghalong asin at paminta ang buong paligid ng manok. Itabi muna.
2. I-blender ang basil leaves, olive oil, garlic, cashiew nuts at pamintang buo para makagawa ng pesto. Kung may available na na pesto pwede na itong gamitin.
3. Sa isang plastic bag o zip block, ilagay ang manok at pesto na ginawa. Isara ang plastic bag at halu-haluin ang manok at pesto sa loob.
4. Ilagay sa fridge at hayaan ng 1 araw o higit pa.
5. Lutuin ito sa oven o turbo broiler sa init na 300 degrees sa loob ng 45 na minuto o hanggang a pumula at maluto.

Ihain habang mainit pa.

Enjoy!!!

MEGAWORLD 2011 CHRISTMAS PARTY @ Resort World Manila

2011-12-27T01:00:00.001-08:00

Last December 20, 2011, our company Megaworld Corporation celebrated our annual Christmas Party with the theme "Yuletide and Symphonies". It was held at the Newport theatre of the Performing Arts at the Resort World Manila in Pasay City.

Maaga pa lang ay naka-pila na kami ng aking mga kaopisina for registration sa lobby ng theatre. Lahat ay mga naka-ayos in semi-formal attire ar ready na to party.

Inumpisahan ang programa ng isang panalangin at sinundan ng ilang piling sayaw mula sa beneficiaries ng Megaworld foundation. Syempre, naroon din ang aming Chairman na nagbigay ng kanyang mensahe. Naganyaya din siya ng 1 minutong katahimikan para sa mga nasanlanta ng bagyong Sendong. Nagbigay din siya ng 5 million para sa mga biktima.

Syempre, sinamantala din namin ang pagkakataon para magpa-picture sa aming chairman. Hehehehehe.

May mga cultural performances din na ipinalabas kabilang dito ang benificiaries ng company. Sumayaw sila ng tinikling at iba pa.

May mga piling empleyado din na naghandog ng makabagong sayaw.

Special guest sa programa ang mangangantang si Juriz na naghandog ng maraming naka-inlove na awitin.

Naroon din si Jed Madela na naghandog ng masisigla at todo birit na mga awitin at hindi napigilan ng audience na sumabay sa kanya.

Hindi syempre mawawala ang pagkain komo party ito. hehehe. Cocktail anf pagkain inihanda kaya naman medyo nabitin kami sa food. Hehehehe

Okay naman ang mga pagkain. Hindi ko lang natandaan ang mga pangalan. Ang Genting Club pala ang naghanda ng aming pagkain. Masarap naman siya.

Nandoon syempre ang boss ng aming division na si Ms. Lourdes Clemente. Kahit bawal ang mag-picture sa loob ng venue, nakuha pa rin namin na makasingit para sa picure sa kanya. hehehehe.

Nauna akong umuwi sa aking mga kasamahan. May sakit kasi noon ang aking panganay na anak na si Jake.

Overall, masaya naman ang party-concert na ito na inihanda ng aming HR division para sa lahat ng empleyado. Good Job!!!!