Notisia Semanal Ministériu Saúde RDTL

2020-05-13T22:45:00.000-07:00

Ministériu Saúde (MS) liuhosi ekipa vizilansia epidemolojia hamutuk ho tékniku laboratoriu sira hosi Laboratoriu Nasionál (LABNAS) akompaña hosi Organizasaun Mundial Saúde iha Timor-Leste (OMS-TL) serbisu hamutuk ho Servisu Saúde Munisipiu (SSM) Ainaro nomós Hospital de Referencia (HR) Maubisse.

Teknika Laboratoria hasai amostra ba populasaun sira

Hala’o restreiu vizilansia sentinela ba populasaun (pasiente) hirak-ne’ebé moras ho istória infesaun respiratoria (IRA), pneumonia, isin-manas no me’ar. Iha Munisipiu Ainaro inklui mós HR Maubisse. Hodi identifika surtu Covid-19 ninian.

Tekniku laboratoria hasai amostra pasiente sira-nian

Entretantu métudu teste ne’ebé ekipa sira uza hodi halo vizilansia sentinela mak “SWAB TEST” (Hasai inus-been ho kabeen-tasak hosi garganta) no amostra hirak-ne’ebé koleta lori liu ba LABNAS hodi halo teste identifikasaun no komfirma hikas ba laboratoriu referensia Australia nu’udar rejultadu ikus nian.

Amostra ne’ebé ekipa sira hasai iha SSM hamutuk 21 no HR Maubisse 50.

2019-05-14T18:27:00.001-07:00

03 Maiu 2019: Vise Ministru Saúde ba Dezenvolvimentu Estratéziku Saúde no Ministru Saúde Interinu (VMDESMSE) Sr. Bonifácio Maucoli dos Reis, Lic,SP hamutuk ho Diretora USAID Ms.Diana Putman, ensera atividade Misaun Pacific Partnership-19 (PP) no mós hala’o Inagurasaun ba fatin maternidade Sentru Saúde (SS) Vera Cruz, Dili.

Iha entervista VMDESMSE hatete “misaun PP sira hala’o rehabilitasaun tratamentu gratuita ba ema hothotu ba fasilidade saúde no mós hala’o renovasaun ba SS Ermera, Suai, no Intituto Nasional Saúde (INS).

Ita presiza atu hasa’e kapasitasaun ba ita-nia an liuliu ba rekursu Umanu ho funsionariu saúde sira hodi nune’e bele halo promosaun no edukasaun ba ita-nia komunidade atu nune’e muda sira-nia hahalok hodi moris saudavel.’’

Marka Prezensa iha enseramentu ne’e mak Diretora Servisu Saúde Munisipiu Dili Sra. Agostina Segurado, Administrador Munisipiu Dili Sr. Zeca Smith, Diretores Nasionais, Profisionál Saúde no seluseluktan.

MS-LILY-Assunção

Inspesaun Jeral Saúde (IJS) halaó fiskalizasaun urgente ba iha Farmacia privadu iha Capital Dili

2017-04-02T20:16:00.002-07:00

Ekipa IJS halao hela Inspeksaun

Dili Sabado fim de semana 1/4/2017, equipa IJS hamutuk ho tekniku farmacia Ministériu Saúde nebe lidera husi Inspetor Saude “Natalino de Araujo” halaó inspesaun ba farmacia no klinika privadu SIRA mak hanesan KURA HAO lokalidade iha Mandarin, KLINIKA BAILING no XUE LAI SHU iha Fatuhada Dili.

Inspetor Saude “Natalino de Araujo hatete; objetivu husi fiskalizasaun ne’e bazeia ba dekretu lei no.12/2004 data 26 fulan Maio maka atu hare aimoruk nebe liu prazo ho rejistu importasaun aimoruk nebe kompanhia sira hatama mai iha Timor-Leste i presija justifikasaun produtu aimoruk nebe importa husi pais sira nebe kompanhia sira kompra, nomos dokumentu legal hanesan licencas, regististo medicamentos iha Ministeriu Saude, documentus importasaun mak hanesan clearance, quick release ho dokumentu seluk husi Ministériu Saúde molok atu hasai sasan husi Aerpoto ou porto.

Realidade hatudu katak Iha farmacia KURA HAO equipa ne’e identifika iregularidades mak hanesan dokumentus importasaun seidauk iha nomos aimoruk nebe ezisti iha farmacia seidauk registu iha Ministeriu Saúde, tuir regulamentu aimoruk sira nebe importa tenki ba registu iha Dirasaun nacional Farmacia Ministeriu Saude no kada item ida selu ho osan USD $ 100 dolares americanu. Nune mos aimuruk nebe liu prazu iha item 10 nebe sei faan ba konsumidores sira i aimoruk sira maioria sei hakerek ho lian chinesa maibe tuir lei nebe mak iha katak aimoruk hot-hotu tenki hakerek ho lian oficial (tetum ou portuguse) tranzitoriamente bele uza ho lian ingles ho Indonesia.

Iha fatin hanesan nain ba kompanhia KURA HAO Li Siom Nheu rekunehese katak aimoruk sira ne’e mai deit husi nasaun china, i nia sei kompleta dokumentus nebe preciza husi ministeriu saude nomos prontu atu simu notifikasaun ka sansaun ruma husi ministeriu kompotente.

Aleinde KURA HAO identifika mos iregularidade iha Klinika Bailing mak hanesan aimoruk nebe prazu liu ona nomos aimoruk nebe registo iha Ministeriu saude iha item lima deit maibe realidade klinika nee faan aimoruk ho kuantidade liu 50 unidades. Iha klinika ne’e equipa prende kedas aimoruk nebe bandu ona husi ministeriu saude desde tinan 2004 mak hanesan CTM injeksaun hamutuk 106 ampolas.

Klinika XUE LAI SHU licensa operasional husi ministeriu saude seidauk iha, maibe atividade hala’o tia ona tanba ne’e Natalino de Araujo haruka taka provizoriamente atividade ne’e hodi hein proceseu dokumentus legal husi ministeriu saude hafoin bele halao fali atividade refere.

Ba iregulqaridades hirak ne’e ministeriu saude sei fo notifikasaun ka sansaun ou koimas no ikus liu sei taka totalmete atividade ba farmacia ka klinika sira nebe kontra regulanmentu tuir dekretu lei nebe mak entabelese iha nasaun RDTL.

Inspetor Jeral ne’e mos informa liutan katak ba farmacia no klinika privadas ka inpmortador sira atu kompleta dokumentus atu nune labele prezudika atividaes, nomos husu ba pasiente sira nebe mak ba konsulta ka sosa aimoruk tenke hare mos prazu validade aimoruk nian.

Kampanha Fahe Aimoruk Masal Iha Timor-Leste

2017-03-17T04:21:00.001-07:00

Job Vacancies for Technical specialist for establishment of the national institute public health in Ministry of Health RDTL

2017-02-15T17:42:00.000-08:00

VAGAS SERVISU MINISTERIU SAUDE 2017

2017-02-15T17:37:00.000-08:00

VAGA SERVISU FOUN IHA MINISTERIU SAUDE

2017-02-15T17:17:00.000-08:00

“ National One Health Workshop”.

2017-02-14T00:03:00.002-08:00

Husi Carinton Salazar G Freitas

Abertura Sorumutu National One Health Workshop Iha Otel Timor 14-02-17 Foto Carinton

Saudesemanal, Ministeriu saude servisu hamutuk ho ministeriu Agrikultura, Floresta e Pescas hetan apoiu tekniku husi Organizasaun Mundial Saude iha timor-leste hala’o sorumutu durante loron tolu iha Ótel Timor 14-16 fevereiru konaba “ National One Health Workshop”.

Sorumutu ida ne’e hetan partisipasaun masimu husi Diretor Geral Prestasaun servisu ministeriu saude em Exercicio Narcisio Fernandes, Reprejentante Organizasaun Mundial Saude iha Timor-Leste Rajes Pandev, Diretor Geral Pequaria MoAF Antonino do Carmo, Diretores Nasionais husi Ministeriu saude, Ministeriu Agrikultura Floresta e Peskas, Diretores Municipais, ONG nasional, no ONG internasional sira balun.

Rajes pandav iha ninia diskursu hateten “ iha tinan tolu nulu liuba moras foun sira mosu 75 % mosu husi animal, entaun ita nia meu ambiente importante loos. Ita nia meu ambiente bele hetan kontaminasaun, bele hetan polusaun, bele mos hetan moras foun nebe bele mosu”.

Rajes hatutan“atu hetan meu ambiente ne’ebé saudavel ita presija servisu hamutuk, ita presija kolaborasaun ne’ebé forte tamba animal durante ne’e ajuda ita maibe bele mos lori perigu ba ita”.

Hafoin abertura Diretor Geral Prestasaun Servisu Em Exercicio Narcisio Fernandes ba Jornalista akresenta katak “ Iha tinan tolu liuba ita nia nasaun mos amesadu husi moras sira hanesan ebola nomos moras sel-seluktan, agora dadaun mundu iha mudansa tiha ona, agora akotese katak moras barak mak hetan transmisaun husi animal ba ema”.

Tamba ne’e mak ministeriu saude servisu hamutuk ho ministeriu agrikultura halao sorumutu durante loron tolu nia laran ho objetivu atu diresaun rua ne’e bele hare hamutuk moras ne’ebé interligadu ho animal nian. Ministeriu saude hamutuk ministeriu agrikultura no peskas mos servisu hamutuk atu halo planu ne’ebé apropriadu hodi responde ba moras ne’ebé sei mosu wainhira hetan transmisaun husi animal.

Sorin seluk Antonino do Carmo Diretor Geral Pekuaria Ministeriu Agrikultura, Floresta e Peskas Realsa katak “ ita hotu hatene katak kuaze 75 pursentu moras iha mundu mai husi zoonotiku signifika hadaet husi animal ba ema. Hatan pergunta konaba durante ne’e hetan ona moras balun ne’ebé detekta husi animal sira ne’ebé importa mai husi rai le’ur “ Felismente ita seidauk detekta moras ne’ebé mai husi animal ne’ebé tama mai iha rai laran”.

Hein katak sorumutu ida ne’ebé estabelese ne’e bele realiza ho susesu no bele hetan planu ne’ebé apropriadu hodi responde ba neseidades ema ho animal nian iha fututuru MS-101

Vice Ministra Saude “Husu Ba Populasaun Tomak Labele Hein Grave Mak Hakbesik Aan Ba Fasilidade Saude”.

2017-02-12T23:05:00.001-08:00

Husi. Carinton Salazar G Freitas

Vice Ministra Saude hatoo diskursu iha Liaruka

Viqueque 10 fevereiru 2017. Geografikamente distansia suku liaruka liga ba postu administrative ossu mais aumenus kilometru sia, suku liaruka rasik iha aledeia haat; Bahaneo, Liaruka, Kaiwa no Liakuda. Suku liaruka hanesan suku nebe ijoladu no dook tebes husi capital municipiu viqueque se kompara ho suku sira seluk. Kondisaun dalan nebe ladiak, linha komunikasaun nebe la dun favoravel, difikulta tebes pesoal saude sira halao sira nia knar wainhira iha tratamentu urjente balun.

Vice ministra saude Ana Isabel halao vizita trabalhu durante loron ida iha Suku Liaruka, Postu administrativu Ossu, Municipiu Viqueque hodi hare besik liu kondisaun saude nomos servisu pesoal saude sira iha fatin nebe refere.

Hafoin vizita postu saude liaruka vice ministra saude kontinua halao inkontru ho autoridades lokais, pesoal saude, nomos komunidade sira hodi rona diretamente ejijensias, difikulidades sira nebe komunidade iha parte neba infrenta.

Vice ministra saude iha inkontru hateten “buat nebe relasionadu ho aspeitu saude bele rejolve diretamente maibe buat balun nebe relasiona ho servisus ministeriu sira seluk promete sei hatoo ba parte nebe kompetentes”.

Xefe aldeia kaiwa iha inkontru hateten, aldeia kaiwa hanesan aldeia nebe dook liu husi suku liaruka nunee mos nia baliza ho postu administrativu Vemasse. Estrada nebe liga aldeia kaiwa ninia kondisaun aat tebes tamba nee dalabarak tenki kona husi venilale hafoin ba halo asistensia iha fatin nebe fere.

Husu ba ministeriu saude atu kontinua tau matan no halao mobile klinika mais-aumenus semana rua dala ida iha fatin nebe refere.

Sorin seluk xefe aldeia liaruka husu ba ministeriu saude atu halo hikas uma ba parteiras ka medikus sira atu nunee sira bele utiliza hodi hela hodi fo atendimentu.

xefe aldeia bahaneo mos haktuir distansia entre bahaneo ho suku liaruka dook oituan nunee mos ninia komunidade barak husu atu hari klinika ida iha neba. Hodi fo asistensia ba komunidade sira iha parte neba.

Hatan ba kestaun hirak nee vice ministra iha ninia intervensaun haktuir katak “ husu ba komunidade sira iha nebe deit atu bele utiliza fasilidades saude sira nee ho diak ho kuida ida-idak ninian saude, wainhira sinte problema ba nia aan labele hein wainhira todan ona ka grave mak foin hakbesik aan fasilidades saude sira”.Vice ministra mos haktuir katak professional saude sira prontu atu fo asistensia saude ba komunidade sira wainhira labele rejolve, “ Ita iha ambulansia multifunsaun prontu halo transferensia ba fasilidade saude adekuadu hanesan; centru saude ho intenamentu, ospital regional, no ospital nasional.

Dadauk nee servisu tomak intrega ona ba municipiu sira mak jere rasik. Problema iha postu administrativu ka suku ka nivel local servisu municipiu sira mak rejolve. Agora dadaun mos iha tan rekrutamentu ba mediku foun sira tamba nee promete sei haruka tan mendiku balun mai iha liaruka maibe depende ba suku hakarak ka lae ida nee iha suku nia liman.

Ministeriu saude kontinua esforsu no mobiliza ninia profesionais sira halao servisu nomos atende ba nesesidades povu nian.

espera katak komunidade liaruka bele hetan lalais asesu ba dalan nebe aat tebes, linha eletrisidade, linha komunikasaun nebe la dun favoravel hodi nunee bele dezinvolve diak liutan iha loron ikus ekipa trabalhu MS-101

Governu Japaun Iha Komitmentu Boot Apoiu Ekipamentus Medikus Ba Ministeriu Saude

2017-02-02T18:13:00.002-08:00

Vice Ministra da Saude foto Hamutuk ho Embassador Japaun ba Timor-Leste

Inkontru Vice Ministra saude hamutuk ho Embassador Japaun ba Timor-Leste

Vice Ministra Saude hala'o enkontru ho Embasador Japaun ba Timor-Leste hodi diskute konaba prosesu doasaun ekipamentu medikus nune'e bele melhora diak liu tan prestasaun servisu tersearia iha Ospital Nasional Guido Valadares. 03/02/17, palasio das sinzas Kaikoli.

Iha enkontru ne'e parte rua ministeriu saude liu husi vice ministra saude Ana Isabel nomos governu japaun liu ninia embasador Yamamoto hala'o konkordansia atu asina nota entendementu ida molok ekipamentus medikus hirak too iha Timor-Leste.

Vise Ministra saude Ana Isabel iha inkontru nee hodi Ministerio da Saude nia naran hato'o agradecementu wain ba Governu Japaun liu husi ninia Embaixada iha Timor-Leste. Tamba kontinua ajuda povu timor-leste

Foto Konjuta Vise Minstra saude ho Embassador Japaun ba Timor-Leste

Emabasador Japaun ba Timor-Leste Yamamoto iha ninia intervensaun hateten governu Japaun kontinua iha komitementu boot atu ajuda povu Timor-Leste liu-liu iha area saude. nunee mos apresia tebes ba inkontru nebe hala'o durante oras hirak nia laran.
Marka presensa iha inkontru mak ne'e Diretor Geral Servisu Korporativu, Diretora Geral Prestasaun Servisu, Diretor Nasional Hospitalar, Diretor Nasional Administrasaun e Logistika no Diretor Executivu HNGV.

Fulan Rua Ikus Dengue Haksoit Ba Numeru 107 kazus. Pedro Canisio “ Hamos Ambiente Trava Dezinvolvimentu Susuk Dengue”.

2017-02-01T22:31:00.003-08:00

Pedro Canisio Amaral iha komferensia imprensa palacio das sinzas, Caicoli, Dili

31-01-17, Ministeriu saude seminal. Iha fulan rua ikus moras dengue aumenta makas iha timor-leste, ministeriu saude halao ona nia knar hodi redus no halo prevensaun ba moras ida ne’e. Ministeriu saude liu-liu partes relevantes kria ona ekipa ida hodi nune’e bele hamutuk kombate moras nebe refere.

Total kazu nebe rejistadu husi municipiu dili 88 kazus, muncipiu bobonaro iha kazu 9, muncipiu ermera 8, no muncipiu manufahi iha kazu 2. Total kazu hamutuk 107.

Ministeriu saude liu husi diretor nasional saude publika Pedro Canisio Amaral alerta ba komunidades tomak iha teritoriu laran atu “ kuidadu aan, hamos ambiete, halao limpeja ba uma sor-sorin no hakoi lixu sira, hanesan lata mamuk, no hamos vazu aifunan sira, atu labele fo espasu ba susuk dengue bele tolun no dezinvolve aan, hodi nune’e fo moras fali ba ita”.

Area identifikadu sira hanesan area risku ba dengue ekipa ministeriu saude kontinua halao fogging hodi bele hamate susuk sira ne’e. Husu ba komunidade atu hakbesik aan mos ba fasilidades saude sira nebe besik atu bele hatene oinsa sintomas husi moras dengue oinsa halo prevensaun wainhira mosu kazu sira ne’e.

Ministeriu saude mos alerta ba autoridades lokais sira, hanesan administradores municipius, xefe sukus, no konsellu sukus sira atu kopera hamutuk organiza komunidade hala’o limpeja ba ambiente hodi nune’e bele hadok moras dengue.MS-101

Abertura Konkorentes Vaga Nutrisaun Iha INS

2017-01-31T20:44:00.001-08:00

Diretor Nasional Rekursus Humanus Ministeriu Saude Maximiano Neno iha abertura ba konkorentes vaga nutrisaun iha INS Institutu Nasional Saude Comoro.

Ohin 01 Fevereiru 2017 Ministerio da Saude liu husi Diresaun Nasional Rekursu Humanu halo exame ba kandidatu responsabel programa Nutrisaun iha INS hodi koloka ba teritorio Timor laran tomak.

ho Total Vaga ne'ebe loke hamutuk 52. Objektivu husi rekrutamentu ofisial programa Nutrisaun atu oinsa bele hala'o jestaun ne'ebe komprehensivu hodi kontribui ba redusaun moras malnutrisaun nune'e ema hotu sei hetan kualidade moris ne'ebe a'as hodi partisipa ativu iha desemvolvimentu Nasional ho nia motto dehan "Saude forte Nasaun forte"

Uniaun Europeia apoia programa nutrisaun Ministériu Saúde nian

2017-01-26T23:37:00.004-08:00

Vise-Ministra Saúde, Dra. Ana Isabel Soares asina ona akordu kooperasaun ida kona-ba programa nutrisaun integradu, ho Embaixadór Uniaun Europeia nian, Alexandre Leitão. Serimónia ne’e hala’o iha salaun Ministériu Saúde, Kaikoli Dili, iha loron 20 fulan- janeiru tinan 2017.

Vise-Ministra Saúde ne’e, hateten katak, ida ne’e hanesan apoiu orsamentu ba daruak nian ona hosi Embaixada Uniaun Europeia ba Ministériu Saúde. Orsamentu ne’e entrega ona liuhusi parseiru UNICEF (sigla iha lia-inglés Fundu Nasoins Unidas nian ba Labarik sira) no Programa Alimentár Mundiál. Programa sira ne’ebé define ona husi Ministériu ka hamutuk ho parseiru Nasoins Unidas nian sira ne’ebé fó apoiu ba Governu Timor-Leste iha aspetu tékniku sira hanesan Saúde Públika, ho osan ne’ebé sira simu ona hosi Uniaun Europeia destinadu atu hodi dezenvolve programa hirak ne’e.

Dra. Ana Isabel Soares, hateten ona katak Embaixada Uniaun Europeia nian entrega ona ba UNICEF hamutuk euro miliaun 1.32 no ba WFP (World Food Programme) euro millaun 720.000.

Osan sira ne’e uza hodi tulun Governu atu hamenus nutrisaun ne’ebé ladi’ak ba labarik sira ho tinan lima mai kraik, ba inan isin-rua no inan sira ne’ebé sei fó susu oan sira iha territóriu hotu Timor-Leste nian.

Vise Ministru ne’e fó hanoin ona katak labarik sira maka futuru nasaun nian, no ida ne’e presiza fó atensaun ba prioridade sira iha área moris nasionál nian ida-idak, tanba Timor-Leste iha prosesu dezenvolvimentu ida ne’ebé área sira hotu iha sira-nia prioridade, hanesan akontese daudaun ho Ministériu Saúde.

Vise-Ministra mós informa ona katak husi estudu estatístika ne’ebé hala’o ona iha ita-nia rain kona-ba nutrisaun ladi’ak hatudu katak ita persiza duni hadi’a situasaun ida ne’e, atu nune’e labarik sira bele moris ho saudavel no fó rendimentu ne’ebé di’ak iha futuru hodi hala’o sira nia estudu ba dezenvolvimentu Timor-Leste nian.MS-002

Ratifikasaun Kontribuisaun Adissional ba Programa Nutrisaun Integradu iha Timor-Leste

2017-01-26T23:36:00.001-08:00

Dili, 20/01/2017. Vice Ministra Saude (Ana Isabel Soares) ho Ambssador Uniaun Europeia (Alexandre Leitão) assina estensaun no tempu realizasaun programa nutrisaun integradu nebe apoiu orsamentu husi Uniaun Europeia iha Timor-Leste. Assinatura kontribuisaun neé halaó iha salaun Ministeriu Saude Palacio das Cinzas Caicoli Dili.

Husi komisaun uniaun europeia formalmente liu husi serimonia ida neé atu entrega orsamentu porvolta de 2.2 milloes nebe maka 1.32 milloes entrega ba unicef mos 720 mill ba WFP atu ajuda Ministerio da Saude atu reduz numeru mal nutrisaun ba labarik menus tinan lima ba kraik mos ba inan isin rua ho inan sira nebe fo susu ba sira nia oan iha Timor-Leste. Vice Ministra informa

Ita hotu hatene katak estudus lubuk ida nebe halaó iha ita nia rain kona ba mal nutrisaun ou status lolos nutrisaun iha Timor-Leste lao oin sa. Husi estudu sira neé hatudu katak ita precisa dunia atu hadia mal nutrisaun iha Timor-Leste, tanba ita hatene katak labarik kiikoan sira nebe mak kondisaun nutrisaun ladun diak sira mos ladun partisipa diak iha estudus ka akompanha aprendizazem iha sira nia eskola, nomos sira labele kompete ho kolega sira nebe ho nutrisaun diak, nuneé mos ho inan isin rua ou inan sira nebe fo susu sira mos tenki prepara sira nia an ho diak prepara sira nia bebe desde sei iha kanotak oto sira tur ahi para labarik sira mos sai saudavel para atu bele halaó sira nia estudu ho diak ba dezenvolvimentu Timor nian.

Tanba ita hotu hatene katak labarik sira nee maka nasaun nia futuru, infelizmenete ita nia orcamentu geral do estado laos dehan katak latoó maibe ita tenki hare mos ba iha prioridade area idak-idak nebe nebe mos preciza orcamento atu halaoó. Tanba Timor-Leste agora dadauk iha hela prosesu dezenvolvimentu nebe area hot-hotu hatete katak nia sai prioridade nuneémos Ministeriu Saude.

Ita nia parseiriu sira hanesan uniaun europeia hakarak fo nia suporta mai saude laos primeira ves maibe ho sermonia ida neé ba dalarua ninian suporta nebe sira fo mai saude. Orsamentu neé la fo direitamente ba saude maibe liu husi unicef ho wfp nebe ita hotu hatene katak sira mos servisu ho ita hahu kedas iha tinan 2004, maibe la signifika katak unicef ou wfp halaó programa tuir sira nia hakarak ou tuir sira nia planu maibe parseiru rua neé servisu hamutuk ho saude ninia aspetu no tekniku sira li-liu iha saude publika atu dezenvolve planu konjunta ida atu implementa osan nebe mak ohin loron parseriu rua neé simu husi uniaun europeia. Unicef wfp ho ministeriu saude atu klanu ho assunto ida nee. Esplika Vice Ministra

Ministériu Saúde renova akordu kooperasaun ho Governu xinés

2017-01-26T23:34:00.000-08:00

Vise-Ministra Saúde, Ana Isabel Soares, renova ona akordu kooperasaun ne’ebé iha relasaun ho serbisu Brigada Médika Xineza, ho reprezentante Embaixadór Xina nian ba Timor-Leste, Fu Yuancong. Akordu ne’e asina ona iha loron 23 fulan-janeiru tinan 2017, iha Ministériu Saúde, iha Kaikoli, Dili.

Vise-Ministra fó hanoin katak akordu ne’e hala’o kedas iha tempu Governu Konstitusionál II nian no, kada tinan rua, halo renovasaun ho ajuste ne’ebé nesesáriu. Embaixada Xina ajuda tebes Timor-Leste, liuhusi akordu ne’e, tanba sempre halo renovasaun ba ekipa médika ne’ebé fó apoiu iha Óspital Nasionál Guido Valadares (ONGV), aleinde ida ne’e haruka mós medikamentu no ekipamentu médiku sira.

Ana Isabel Soares informa ona katak ita iha ona profisionál balu halo ne’ebé hela estudu espesialidade nian iha Xina, durante fulan balu. Brigada Médika Xineza foun ne’e kompostu husi ema na’in 12, feto 6 no mane 6. Sira sei ba serbisu iha área oinoin, liuliu área Anestezia, Kardiolojia no Urolojia. Aleinde pesoál médiku, sira lori mós tradutór ida no te’in-na’in (koziñeiru) ida. Kooperasaun xineza fó ona apoiu iha konstrusaun ba dormitóriu ida ho andár rua, iha Bidau, atu nune’e pesoál Brigada nian hela besik óspital no bele halo atendimentu di’ak liu ida ba komunidade.

Vise-Ministra aproveita biban ne’e atu rekoñese katak presiza haluan Óspital Nasionál Guido Valadares, atu bele fó fatin di’ak liu ba pasiente sira no permite atendimentu dia’k liu ida husi pesoál Saúde nian.

Vise-Ministra husu ba família sira, karik bele, akompañamentu pasiente internadu sira atu limita ba ema na’in ida ba moras-na’in ida, atu la inkomoda pasiente sira seluk nia deskansa, nune’e sira sei bele rekupera ho lais.

Partisipa mós iha eventu ne’e Diretora-Jerál Prestasaun Servisu nian, Odete Viegas, no Diretór Ezekutivu ONGV, José António Gusmão.MS-002

Inagurasaun Laboratoriu Nasional Timor-Leste

2017-01-26T19:54:00.002-08:00

Dili, 29/4/206, Vice Ministra da Saúde, Ambassador Korea du Sul inagura uma laboratóriu de referensia nasiionál tuberkuloze hafoin lansamento primeira pedra iha fulan Abril tinan 2015 liu ba.

Tuberkuloze moras nebe bele hadae’et, moras ida ne’e mai husi kutun microbateríum tuberkolozé nebe kiik liu, ho sintomas me’ar bebeik liu semana tolu. Tuberkuloze fasil atu da’et ba ema seluk liu hosi me’ar ka fanin, husi ida ne’e moras tuberkuloze afeta ba pulmaun. Bakteria (mycobacterium tuberculosis) sira ne’e fasil atu hada’et husi pasiente nebe pozitivu moras tuberkuloze. Atu detekta moras ida ne’e Ministériu Saúde preciza estabelese fatin nebe apropriadu no akipamentus medikus hanesan microscopio no seluk tan nune’e fasil atu professionais sira bele detekta, no pasiente sira nebe akuza ona moras ida ne’e preciza tebes halo tratamentu ho intensivu.

Timor-Leste hanesan numeru moras TBC ás tebes iha rejiaun sudeste ajiatiku kompara ho nasaun sira seluk. Nasaun Timor-Leste hanesan prevalensia iha tuberkuloze 820 pur 100 mil abitantes, ne signika katak bo’ot teb-tebes. I dadus nebe registu ikus katak kazu foun trimestre primeiru iha tinan 2016 atinji 439, ida ne’e maka Ministériu Saúde nia esforsu hodi hetan dadus hirak ne’e, ba sira nebe mak seidauk detekta bele dehan katak sei ás liu ida ne’e.

Iha oportunidade inagurasaun ba uma laboratoriu nasional tuberkuloze ne’e Vice Ministra Saúde, Ana Isabel hatete Ministériu Saúde servisu hamutuk ho parseirus dezenvolvimentu sira hot-hotu, nebe hakarak fo ajuda ba ita liu-liu hanesan korea du Sul liu husi Koica. Sira la’os deit fo ajuda ba atu hari laboratóriu ida ne’e, i la’os uma ho moderno ne’e deit maibe kompleta mos ho ekipamentus sira balun hanaran DSL3, i mos ekipamentus standar internasional sira seluk. Koica nia tulun ba Ministériu Saúde la’os deit ba laboratoriu de referensia nacional tuberkolozé, maibe sira mos apoiu ita iha fasilidade saúde sira seluk hanesan iha munispiu Ainaru i mos ikus ne’e sira iha ona komitmentu bo’ot ida no aprova ona, katak liu husi Koica sei fo tan ajuda ba ita purvolta de 7milhoens atu hodi kapasita rekursus humanus iha area masgistrad administration.

Vice Ministra Saúde ba sestu guvernu konstitusional ne’e mos hatutan katak Ministériu Saúde mos la hein deit ajudas maibe Ministériu Saúde iha nia polítika, iha komitmentu oinsa atu bele hamenus ka reduz numeru tuberkuloze nebe maka ás tebes. Dalan nebe ke ita liu ita hakarak ita nia komunidade hot-hotu assesivel ba iha prestasaun servisu saude, tanba sempre iha lamentasoens husi komunidade katak to’o agora komunidade balu sei dauk hare professionáis saúde nia oin ou seidauk hasoru professional saude ida.

Tanba ne’e iha sestu guvernu konstitusional muda oituan sistema, lori professionais saúde ou lori saúde ba besik iha komunidade, nune’e ita fo atensaun liutan ba programa ida ita bolu dehan katak kuidadus saúde primariu, liu husi kuidadu saúde primariu ita vizita tama uma sai uma, pelumanus tina ida familia ida hasoru netik ita nia professional saúde. Iha neba mos ita nia professionais saúde sira bele detekta katak familia ida ne’e iha moras tuberkuloze ka lae, iha moras malaria ka lae, tanba vizita domisiliariu ka tama uma sai uma ne’e azuda para atu deskobre moras sira ne’e hotu inklui mos moras tuberkuloze. La’os ida ne’e deit maka Ministériu Saúde halo, Ministériu Saúde aleinde detekta tenki halo mos diagnostiku ida nebe ke ho boa kualidade. Tenik Ana Isabel.

Iha enceramentu diskursu Vice Minista lori povo Timor-Leste nia naran hakarak agradece ba povo koreanu liu husi Ambassador Korea du Sul, Diretur Koica no sidadaun koreanu sira nebe make estadiada iha Timor-Leste katak ho suporta nebe mak sira hatudu fiar katak bele ona reduz numeru tuberkuloze iha Timor-Leste espera katak koperasaun ida ne’e bele lao diak liu tan.

Vice Ministra Saude Inagura Fasilidades Saude Husi Komisaun Teknika Interminsterial Sanulu iha Munisipiu Ermera

2017-01-26T19:52:00.002-08:00

Carinton Salazar G Freitas

18/8/2016 Vice Ministra da Saude, Ana Isabel Soares officialmente inagura posto saude Asulau sare posto administrative Hatolia Munisipiu Ermera, inagurasaun neé halaó iha Sucu Asulau Sare, hodi reprezenta mos postu saude hitu mak hanesan Lauala, Fatubessi, Goulolo, Likisala, Leimea Kraik, no Reiraga. centro saude rua mak hanesan Railaco no Ermera Vila, no rezidencia medico ida. nebe remata ona nia construsaun iha Munisipiu Ermera. Obra construn no rehabilitasaun fasilidades saude hirak neé jere rasik husi grupu komunidade sira.

Vice Ministra Saude haktuir mezmu difikuldades barak maka grupu komunidade sira hasoru maibe hau orgulho kontrusaun neé finaliza ho diak no ikus mai hetan inagura no bele utiliza ona fasilidades hirak neé. Konstrusaun neé hanaran KTI (Komisaun Teknika Interminesterial) nebe partilha ba Ministeriu hat mak responsabliza hanesan, Ministeriu Planeamentu Investimentu Estrategiku, Ministeriu Saude, Ministeriu Educasaun, Ministeriu Administrasaun Estatal, Ministeriu Obras Public Transporte e Comunicasaun. Vice hatete.

Entertantu hatan ba preukupasaun nebe hatoó husi comunidade sira iha Asulau Sare kona ba falta be mos, energia eletrika no Estrada, Ana Isabel esplika, hau sei enkaminha ita boot sira nia problema neé ba ministeriu kompotente nebe responsabiliza assuntu sira neé, los duni se fasilidade saude sira ita monta ona entaun preciza duni be mos para atu professionais saude sira presta sira knar ho diak nuneé mos eletricidade. Hau hakarak atu fo informasaun katak hahu Setembru tinan ida neé poder nebe mak iha nacional durante neé kaer kompetensia sira neé sei delega ba munisipius, portantu assuntu hirak nebe mak direita ba komunidade sei entrega ba munisipiu inklui mos preukupasaun sira nebe mak ohin komunidade sira lamenta, neé problema munisipius nian laos husi nacional nian ona. Ana Isabel reforsa. MS-002

East Region of Timor-Leste Joint Health Review Meeting

2017-01-26T19:51:00.002-08:00

Vice Ministra Saúde Ana Isabel Louva no Kogratula Delgadus Saude Municipiu Baucau, Lautem,Viqueqe no Manatuto

Ana Isabel “ East Region of Timor-Leste Joint Health Review Meeting”.

Husi. Carinton Salazar G Freitas

Ministeriu saúde liu husi vice ministra saude Ana Isabel hala’o abertura ba “ East Region of Timor-Leste Joint Health Review Meeting”. rejiaun leste Baucau, Lautem, Viqueque no manatuto. Marka prejensa iha sorumutu nee mak Administrador municipiu baucau, diretora geral prestasaun servisu ministerius saude, country diretor MSI ( marie stopes international), Delegadus municipiu haat, Profesionais saude, husi Centru saude hotu husi municipiu haat, nomos postu saude sira iha regiaun leste.

Ana Isabel iha ninia diskursu hateten “ ida nee hanensa pasu ne’ebé importante tebes ba municipiu haat tamba bele halibur hamutuk no ida nee akontese primeiru iha timor leste. Husu mos atu akontese ba rejiaun sira seluk sai hanesan ijemplu ida no rejiaun sira seluk ba nati tuir pasu ida ne’e”.

“ hau nia kondisaun la dun diak, doutor sira la permite hau halo viajen dok maibe hau tenki mai tamba ida primeira ves akontese no presija tebes tulun husi nasional”. Iha fulan setembru agora mos iha ona deskontrasaun sei delega kompetensia ba munisipiu ida-idak no administrador mak sei sai hanesan gestor ba partes hot-hotu, iha muncipiu ne’e rasik”.

“ Sorumutu ida nee importante tebes. tamba husi sorumutu ida nee bele buka solusaun sira ba problema saude sira ne’ebé akontese iha rejaun. sorumutu ida ne’e mos, laos halo review deit maibe oinsa halo planu ida ne’ebé diak ba futuru. hareba ba distansia, georafikamente kuaze liga malu nune’e oinsa trasa planu ida ne’ebé diak atu bele lori asistensia diak liu ba komunidade sira. Tenik ana Isabel”.

Entretantu inkontru ida ne’ebé hala’o durante loron rua komesa husi 10 agostu to’o 11 de agostu ne’e hetan apoiu balun husi MSI nomos governu. MS-101

The Timor-Leste Olympics team sensitised about Zika Virus ahead of the games

2017-01-26T19:49:00.002-08:00

A delegation of 13 people from Timor-Leaste readies to travel to Rio de Janerio, Brazil to represent and participate in the Olympic and Paralympic Games Rio 2016 (5 August to 18 September 2016). It is well known that the Brazil has been affected by the Zika virus outbreak. However, WHO is providing public health advice to the Government of Brazil and the Rio 2016 Organizing Committee, on ways to further mitigate the risk of athletes and visitors contracting Zika virus during the Games. Being mindful of this WHO Country Office for Timor-Leste and the Ministry of Health (MoH) made conducted a sensitisation briefing on Zika and especially, how the Timorese Olympic contingent can protect themselves from Zika virus infection. The orientation was a collaborative effort of the MoH, WHO and National Olympic Commission that was represented by Mateus da Costa.

The delegation found the information very useful and felt reassured about travelling to Rio to represent their country. “I knew about the virus and its spread but I did not proactively seek more information. Today’s orientation on Zika has equipped me better to guard myself against Zika virus,” said Anche Cabral, who will be representing Timor-Leste in mountain cycling category.

Ekipa Olimpiku Timor-Leste hetan sensibilizasaun konaba Virus Zika molok partisipa iha jogu

Delegasaun husi Timor ona nain 13 prontu atu aranka ba Rio de Janeiro, Brazil hodi representa no participa iha Jogu Olimpiku no Paralimpiku Rio 2016 (5 de Agusto to’o 18 de Setembru de 2016). Brazil hanesan país ida ne’ebe afeitadu husi surto virus Zika. Mesmu nune’e, OMS fo informasaun saude publiku ba Governu Brazil no Komisaun Organizadora Rio 2016, konaba dalan oinsa hamenus risku husi atletismo sira no visitante sira atu labele hetan virus Zika durante Jogus. OMS iha Timor Leste hamutuk ho Ministerio da Saude (MdS) halao ona sensibilizasaun konaba Zika no liu-liu oinsa ekipa olimpiku Timor oan sira bele proteje sira nia an rasik husi infeksaun moras Zika. Orientasaun ne’e hetan kolaborasaun husi MdS, OMS no Komisaun Olimpiku Nasional ne’ebe representa husi Sr. Mateus da Costa.

Delegadu sira hare katak informasaun ne’e importante tebes no sai asegura liu tan konaba viajen ba Rio hodi representa sira nia nasaun rasik. “Hau hatene konaba virus ne’e no oinsa nia bele daet maibe hau la sai ativu hodi buka informasaun liu tan. Orientasaun ohin loron inan konaba Zika halao hau sai preparadu liu tan atu seguru hau nia an hasoru virus Zika. “hatatn Anche Cabral, atleta siklista montanha husi Timor-Leste.

Press Release Progresu Program MDA Ronde 1 faze 1 no faze 2 iha Munisipiu iha Timor-Leste

2017-01-26T19:47:00.001-08:00

Timor-Leste (TL) hanesan nasaun ida ne’ebe mos sai membru ba nasoens Organizasaun Mundial Saúde (OMS) iha rejiaun Azia Sudestiku. Iha rejiaun ida ne’e TL sei enfrenta hela problema saúde liu-liu moras kontajiozas barak hanesan TBC, Malaria, HIV/SIDA no mos moras tropikal abandonadu ka Neglected Tropical Diseases (NTDs) hanesan limfatik filariasis (LF), infesaun lumbriga ka Soil Transmitted Helminthes (STH) no Framboezia (Yaws).

Iha tinan 2012, MS halao peskiza nasional ida kona-ba prevalensia nasional moras LF no STH ho koperasaun Universidade Sydney (The University of Sydney) no suporta finanseiru no tekniku husi OMS. Rezultadu peskiza ne’e deskobre katak Sero-prevalensia nasional ba moras LF iha TL iha 17,5% no STH ba labarik idade eskola iha 29.0%. Dadus ida ne’e hatudu katak TL nasaun ida ne’ebe endemiku ba moras LF, tamba tuir padraun OMS katak prevalensia LF tenke < 1% husi total populasaun rai refere no ba kontekstu Timor-Leste Munisipiu ida –idak tenke atinji prevalensia LF < 1% ida ne’e.

Programa Mass Drug Administration (MDA) ka distribuisaun aimoruk masal ba ema hotu ida ne’e atu responde ba moras LF no infesaun lumbriga (STH) ne’ebe mak endemiku iha Timor-Leste. Ho ida ne’e, Governo RDTL iha komitmentu atu halao programa ida ne’e husi tinan 2015-2020.

Objetivu hala’o programa MDA atu hamenus taxa lumbriga oan (microfilaraemia rate) ba LF husi 10,6 % to’o menus husi 1% ba populasaun iha Timor-Leste iha tinan 2020, prevene no kontrola disabilidade kauza husi LF liu husi jestaun morbilidade ±80% ba hirak ne’ebe identifika ho disabilidade tamba LF iha 2020, kontrola infesaun ne’ebe kauza husi lumbriga ka STH husi 29% to’o 5 % ba labarik sira ho idade husi fulan 6 to’o tinan 16 liu husi tratamentu lumbriga dala rua ba kada tinan iha 2020, Elimina Framboezia, i kazu zero liu husi identifikasaun kazu ativu no tratamentu ba kazu hotu-hotu ne’ebe identifika, sira nia kontaktus no populasaun ne’ebe iha risku (e.z. ema hotu hotu iha suco laran bainhira kazu ruma deteta) iha 2017 no atinji eradikasaun iha 2020.

Paulino Pinto nudar consultan ba programa MDA ne’e informa katak atividades planeadu ba programa MDA kompleta ona mak hanesan advokasia lider lokal iha nivel munisipiu sobre programa MDA, kona halao vijilansia baze de dadus, treinamentu facilitadores programa MDA iha munisipi, treinamentu voluntariu komunidade iha nivel posto administrativu, registrasaun komunidade no alunus escola husi voluntariu komunidade, fahe aimoruk massal husi voluntariu komunidade, ikus liu monitorizasaun ba reasaun adversa aimoruk husi voluntariu komunidade.

Paulino realsa programa MDA durante tinan 2015 no Kuarter 2 tinan 2016 halao ona iha Munisipiu 10 hanesan Liquisa, Ermera, Manatutu, Aileu, Ainaro, Manufahi, Baucau, Viqueque, Lautem, no Dili. Munisipiu tolu hanesan Liquisa, Ermera no Manatutu kompleta Ronde 1 iha fulan outobru no Novembru 2015. Tamba iha reasaun adversa ne’ebe mosu maka’as iha Munisipiu Bobonaro iha tempu ne’eba iha fulan Outobru 2015, programa MDA mos hapara temporariamente husi Ministra Saúde.

Conltan ba programa MDA haktuir planu Ministériu Saúde liu husi Departementu Doencas Contajiozas sei halao fila fali programa MDA iha Covalima, Bobonaro no Oecusee iha semana segundu fulan Maiu iha 2016. Orsamentu alokadu ona ba Munisipiu hirak ne’e. Ba Rejiaun ZEEMS-Oé-Cusse (Ambéno), no Munisipiu Bobonaro komesa ona advokasia ba lider lokal sira no treinamentu ba pesoal saude sira atu sai fasilitadores ba prgorama MDA nian ba tinan 2015-2020. Hafoin treinadu ba MDA, fasilitadores sira ne’e sei treinadu fila fali atu implementa programa MDA hodi fahe aimoruk DEC, Albendazole no Pyrantel Pamoate ba populasaun ne’ebe mak elijivel atu hemu. Tamba, ba sira ne’e mak hanesan inan isin rua, inan fo-susu no moras todan hanesan kankru, moras fuan, moras rins sei exkluidu (la fo aimoruk) ne’ebe mak mensiona iha leten.

Voluntariu sira ne’ebe treinadu ona no sei treinu sei ba halao rejistu uma kain, fahe aimoruk – DEC, Albendazole no Pyrante Pamoate, no mos sei identifika populasaun hirak ne’ebe mak suspeitu moras TBC, Malaria no Ain-potis hodi bele hetan verafikasaun no konfirmasaun husi fasilitadores MDA nivel Munisipiu sira. Tamba, programa MDA ne’e Programa integradu ho program sira seluk ne’ebe mak halao program hirak ne’ebe mensiona-TBC, Malaria no seluk tan. Husi programa fahe aimoruk masal ida ne’e, voluntariu komunidade sira mos treinadu atu bele suspeitu moras Frambuezia no sei koileta informasaun kona-ba moras refere hodi bele fo informasaun ba pesoal saude hanesan tekniku laboratoriu nivel Munisipiu sira atu bele hasai ran hodi bele halo testu ba moras refere. Tamba, Ministério Saúde mos iha objetivu atu elimina moras ida ne’e iha tinan 2020. Paulino reforsa.MS-001

Vice Ministra Saude Lansa programa HAKBI’IT nebe financia husi USAID

2017-01-26T19:44:00.005-08:00

USAID nia programa HAKBI’IT mak programa asistensia tekniku ba Ministério da Saúde, ne’ebé simu fundus husi Ajensia Estadus Unidus ba Dezenvolvimentu Internasional ne’ebé implementa husi JSI Research and Training Institute.

Projetu ne’e atu ajuda hari’i kapasidade servisu saúde ne’ebé forte liu-tan, ho rezultadu atu hasa’e kualidade no utilizasaun servisu ba programa saúde inan, bebe foin moris, labarik no adolesente nian no programa espasu oan. Projetu ne’e sei foka nia asistensia tekniku iha nivel nasional ho kolaborasaun ho Ministério da Saúde no Instituto Nasional de Saúde, no mos iha Covalima, ho kolaborasaun servisus Saúde Municipio, Ospital Referal, fasilidade saúde Kuidadus Saúde Primaria no lider komunidade sira.

Lancamento programa ne’e iha loron 7/6/2016, iha salaun Administrasaun Municipiu Covalima, Vice Ministra da Saude, Dra. Ana Isabel hatete dala ida tan Ministeriu Saude hetan apoiu husi Estadus Unidus de America atu hatete atak ida ne’e laos primeiru vez apoiu ida nebe mak USAID fo ba ita maibe ida ne’e apoiu ba dala ha’at, programa sira ne’e hotu nia objetiu atu fo kapasidade ba ita nia professionais saude sira nebe mak halao serbisu iha baze, liu-liu kona ba jestaun.

Vice Ministra realsa katak ita bele iha politica oi-oin husi nacional maibe ita ninia kapasidade atu implementa iha okos la dun forte, mos sai dezafiu bot ida, tanba ida ne’e Ministeriu Saude hili dalan atu servisu hamutuk nafatin ho Estadus Unidos da America liu husi programa JSI atu hakbi’it nafatin ita ninia professionais saude sira li-liu iha area jestaun. Progara nee mai ho intensaun atu kapasita ita ninia professionais saude sira tanba ne’e mak hau husu ba hau nia professionais saude sira iha Municipiu Covalima tanto husi delegacia saude mos husi ospital referencia to’o iha posto saude atu fo apoio, koperasaun, kolaborasaun no kontribuisaun diak ba JSI ho ninia ekipa tomak atu bele simu skils ka badaen ou kunhesimentu sira nian nebe mak atu transfere ba ita.

Entertantu Ambassadora Estadus Unidos da America Karen Stanton hatete Governu Estadus Unidus sai ona parseiru ida ne’ebé orgullu ba Governu Timor-Leste dezde independénsia, no komesa ona fornese asisténsia hodi hatun mortalidade ba labarik ki’ik-oan sira liu tinan sanulu-resin-hat liu ba. Ami orgullu tebes atu kontinua parseria ba tempu naruk ho Ministériu da Saúde.

Programa HAKBI’IT nu’udar kolaborasaun úniku entre Ministériu da Saúde, Institutu Nasionál Saúde, USAID no JSI. Ekipa ida ne’e serbisu hamutuk ona iha Timor-Leste liu husi dékada ida hodi hadi’a saúde familia, inklui saúde inan, bebé foin moris, labarik ki’ik sira no joven sira. Ministériu da Saúde hala’o ona progresu ne’ebé di’ak tebes atu hadi’a rezultadu saúde no atu alkansa Meta Dezenvolvimentu Miléniu numero Ha’at.

Governu Estadus Unidus ho orgullu tebes apoia ona ba esforsu no serbisu hodi hadi’a liu tan kuidadu saúde ba povu Timor, hamutuk ita hotu hakarak halo Timor saudavel liu tan. Ita nia saúde afeta buat hotu mak ita halo iha ita nia serbisu, ita nia família, ita nia kondisaun finansa no importante liu mak ema hotu-hotu hetan inisiu di’ak iha nia vida. Governu Estadus Unidus nia esforsu ba saúde mak foka liu ba oinsá hapara mortalidade ba labarik no inan sira husi moras no problema ne’ebé bele prevene. Karen hatete.

Hafoin lansamentu programa HAKBI’IT remata, ministeriu saude hamutuk ho agensia USAID ne’e hala’o kedas ho workshop supervizaun no planeamentu hamutuk ho lider lokal sira no profissionais saude saude sira iha municipiu refere.

Iha fatin hanesan Administrador Municipiu Covalima, Jose Pina Cardoso hola parte mos iha workshop nee hatete atu rezolve problema sira husi saude nian laos ema sira nebe mak serbisu iha saude deit, maibe povo tomak iha covalima ida ne’e tenke fo kontribuisaun, tenke apoiu, involve hodi suporta ba programa sira nebe mak sira sei hala’o iha ita nia rai ida ne’e. Liu-liu ba sira nebe ma ukun, tanto ukun iha Aldeia, Suco, Posto nomos iha Munipiu nian. Jose Cardoso mos agradece ba Ministeriu Saude tanba sei servisu hamutuk ho Ambassadora Estadus Unidos nian liu husi sira nia tulun Ajencia ida husi USAID bele mai to’o iha ne’e para atu bele fortifica ita nia servisu saude iha municiupiu covalima. MdS

CERIMONIA ENTREGA INSTRUMENTUS BAZIKUS HUSI ORGANIZASAUN MUNDIAL SAÚDE BA MINISTÉRIU SAÚDE

2017-01-26T19:41:00.003-08:00

Ho tulun husi Organizasaun Mundial Saude iha Timor-Leste ohin 27 de Abril 2016 ita realiza tan cerimonia termo de entrega instrumentus bazikus hodi apoio programa saude na familia. Programa saude na familia hanesan parte ida husi pakote komprensivu kuidadu saude primaria nebe lansa iha fulan Abril tinan 2015 liu ba husi SE. Primeiru Ministro RDTL. Programa ida nee sai prioridade ida nebe Ministeriu da Saude tenki atinji nia metas antes loron 28 Novmbru 2016. Familia hot-hotu iha kompostu husi Aldeia 2.225 tenki hetan ona vizita husi pessoal saude sira. Nune’e iha loron 22 Jullu 2015 hahu halo pilotu iha Municipio Dili, no halo expansaun ba Municípiu sira seluk iha loron 6 Outubru 2015, prossesu implementasaun komesa halao husi Outubru 2015 iha Municípiu 12 inklui Rejiaun Autonomia Oecusse. Mekanismu implementasaun programa refere mak hanesan uza formatu annual no sistema dijital, iha prossesu implementasaun programa ne’e presiza tebes apoiu instrumentus médikus no instrumentus non medis, nune Ministeriu Saúde hato’o pedido no hetan resposta pozitivu husi Organizasaun Mundial Saúde iha Timor-Leste nebe durante ne’e servisu hamutuk ho Ministériu Saúde.

Hare ba programa ne’e hanesan prioridade ba Ministériu Saúde, iha loron 8 fulan Jullu 205, Ministeriu Saúde organiza enkontru ida hamutuk ho parseiro sira hot-hotu hodi husu apoiu ba implementasaun programa, iha enkontru refere OMS fo nia komitmentu hakarak fo apoiu financeiru no material ba implementasaun programa.

Iha diskursu Ministra da Saude, Dra. Maria do Céu hatete, rezultadu dadus Saúde na Familia husi fulan Jullu 2015 loron 24 Abril 2016 provizoriamente foti deit husi sistema manual. Total uma kain iha Timor-Leste tuir sensus nacional 2015 hamutuk 206,483. Uma kain nebe hetan vizita ona hamutuk 39.043. atinjimentu seluk hanesan treinamentu sistema digital ba ekipa integradu nivel Municípius no Posto Administrativu, distribuisaun Laptop no modem 68 unidades ba 68 sentru saude komunitáriu iha Timor laran komlpetu hotu ona.

Dra. Maria do Ceu realsa tan katak atividade saude na familia ho diak, ohin ita hetan tan suporta ekipamentus báziku husi Organizasaun Mundial Saude no husu Diretor Geral Prestasaun de Saude atu koordena mekanizmu distribuisaun ekipamentus hirak ne’e to’o baze hodi bele apressa implementasaun programa saude na famili ho susessu.

Entertantu Reprezentatnte Organizasaun Mundial Saúde, Dr. Rajesh Pandav hatete, OMS espera katak Ministeriu Saude sei halo esforsu tomak atu distribui ekipamentu hirak ne’e ba fasilidade saude hotu iha Timor-Leste. Tuir mai ami hein katak sei iha mekanizmu diak atu bele kontrola no kuidadu sasan hirak ne’e, karik presiza tenki fo mos treinamentu ba pessoal saude oinsa atu uza ekipamentus hodiak inklui oinsa halo manutensaun regular ba sasán hirak ne.e tenik Rajesh Pandav.

Reprezentante OMS ne mos mensiona liu tan katak instrumentus báziku nebe sei entrega mak hanesan; dellivery bed unidades 12, laryngoscope unidades 71, steam sterillizer unidades 71, resucitation bag 71, colorimeter unidades 71, stretcher unidades 71, trolley unidades 55, clock unidades 190, thermometer unidades 734, spygmomanometer unidades 367, stethoscope unidades 367, torch unidades 367, infant scale unidades 367, auriscope unidades 367, adult scale unidade 367, insenerator for medical waste unidade 1.MS-001

Ministeriu Saude mobiliza door-to door hodi fahe aimoruk LUMBRIGA no AINPOTIS iha capital Dili,

2017-01-26T19:39:00.001-08:00

Moras infesaun kroniku ne afeta husi lumbriga filaria no daet husi susuk hanesan Culex, Mansonia, Anopheles no Aedes Aegyipte. moras ne’e mosu iha ain, liman no orgaun vital hodi bubu no sai bo’ot. Moras kuhesidu ho Ain-potis ne’e bele afeta ba ema hotu entre labarik ki’ik oan ka ema bo’ot feto ka mane i moras refere bele aleza permanente iha ema nia isin lolon.

Sintoma ainpotis mak hanesan isin malirin dala ida ou rua ka liu husi ida ne’e durante loron tolu to’o loron lima liu-liu servisu todan. Isin malirin ne’e bele lakon mezmu seidauk hetan tratamentu medicina. Sente mosu urat hanesan tali ho kór mean no moras iha kelen ou kalilin no dolar tun ba ain tutun ka liman tutun, Ikus mai mosu bubu bo’ot iha ain ka lima hafoin lakon fila fali. Ular oan ne’e afeta husi tipu tolu mak hanesan wuchereria bancrofti, brugia malayi no brugia timori i mos ular oan ka lumbriga ne’e bele aguenta nia buras iha isin durante tinan 4-6 hodi espalla ba iha rán.

Dadus nebe rezistu iha Ministeriu Saude katak Timor-Leste ho nia populasaun 29.0% maka afeta lumbriga no 12,7% akuza moras Aipotis. Tanba ne’e Ministeriu Saude iha komitmentu tomak atu prevene moras refere nune’e iha loron 2/5/2016 ministeriu saude liu husi dirasaun nacional saude publika ho suporta parseiru deznvolvimentu sira tama sai uma hodi realiza distribuisaun aimoruk massal ba ema hotu iha uma kain idak-idak iha Munisipiu Dili kompostu husi 31 Sucus no 241 Aldeias inklui eskola primaria sira.

Diretor Nacional Saude Publika, Pedro Canizio haktuir, distribuisaun amoruk massal ne’e ba municipiu sira husi parte Leste remata ona i ohin hahu kontinua iha Municipiu Dili no sei to’o iha Municipiu sira seluk parte Norte nian inklui Zona Economia Especia Oecussel, hare ba kazu hanesan ne’e preciza iha atensaun seriu ida para oinsa minimiza moras refe atu labele da’et ba ema seluk.

Iha fatin hanesan Pedro esplika liu tan katak hare fila fali ba moras lumbiga ne’e tanba labarik kiik oan sira dala barak liu halimar ho foer i rai rahun depois atu han sira la konsege fase liman adverse sira afeta ona lumbriga, Tenik Pedro.MS

MS, PDHJ no IGE Lansa Relatoriu Formasaun Konjunta ba Kargu Diretores no Renovasaun Assinatura Acordu Servisu Hamutuk

2017-01-26T19:38:00.001-08:00

Ministério da Saúde, Provedoria dos Direitus Humanus e Justisa no Inpecçao Geral do Estado iha loron Quarta feira 30 Marsu 2016, iha Palacio das Cinzas Ministerio da Saude halo mini seminariu publikasaun relatoriu formasaun konjunta ba Servisus Saude Municipio sira kona-ba boa governasaun ba dirijente sira no hahu iha fulan Maiu 2015 final iha Dezembro 2015.

Iha tempo hanesan servisus entre instituisaun tolu ne’e mos assina fila fali acordu servisu hamutuk (ASH) hodi extende ba tinan 2016 nian hodi kompleta fo formasaun ba dirijente sira iha Servicos Centrais Ministério da Saude inklui mos servicos personalizados no kargo xefia sira hotu. Tanba primeiru faze nian remata ona e agora atu kontinua ba segundu faze ba nivel sentral, personalizadu no mos dirijente ospitais referensia sira.

Ministra da Saúde, dra. Maria do Céu Pina, iha diskursu ne’e hatete, formasaun ne’e hetan partisipasaun maximu husi dirijente sira, tamba formasaun refere importante tebes ba sira para bele pratika iha sira nia servisu. Nia dehan, formasaun conjunta (PDHJ, MS no IGE) fo formasaun kona ba boa governasaun. Ne’e duni Ministério da Saúde mos lori materia oinsa bele halo atendementu publiku ho di’ak, nune’e bele la’o tuir sistema no regulamentu ne’ebe Ministério da Saúde iha.

Alende ne’e, Provedor Direitus Humanus no Justisa, Silveiro Pinto hatete, koperasaun ida ne’e atu halo formasaun ba dirjente no kargu xefia ho intensaun atu promove boa governasaun iha Ministerio da Saúde. Ne’e duni sira ne’ebe tuir ona formasaun hodi hala’o knar ho dia’k. Tamba sira nudar servidor estadu ho efisensia efikasia ba komunidade, tamba ita sira ne’ebe mak servisu instutuisaun estadu nudar servidor, ita atu servi, ita nia liu rai sira mak povu, ita hotu-hotu sai atan, entaun atu hala’o knar ne’e ho didi’ak dever PDHJ nee’be iha area boa governasaun ninian tenki buka kopera ho instutuisaun sira atu nune’e par abele halo formasaun di’ak ba servidor estadu, estadu iha Ministério hotu-hotu,’’tenik Silveiro. Silveiro informa, hakarak halo atendemento di’ak ba komunidade hodi nune’e sir abele goza direitus umanus liu-liu ba saúde. “Ha’u agradese ba fasilitador sira husi instituisaun tolu hanesan PDHJ, MS no IGE, tamba fo tempo hodi hala’ao formasaun ba ita nia kolega sira iha Município.

Entretantu, Inspetor Geral Estadu (IJE), Francisco de Carvalho hatete, formasaun nee’be hala’o ba dirjente no kargu Xefia para atu kompleita malu, tamba bainhira mosu problema iha instituisaun laran defisil atu ajuda malu. Tamba liu husi formasaun bele fo hanoin hodi hadia failhansu nee’be iha. “ Ita halo

ENSUL Entrega Obra Ospital Referal Baucau

2017-01-26T19:34:00.004-08:00

Ensul entrega Konkluzaun Obra Ospital Regional Baucau ba Estadu liu husi Ministru Obras publikas no telekomunikasaun, Ministériu Planeamentu Estrategiku no Ministériu Saúde hanesan Nain

Carinton Salazar G Freitas

Ministru obras publikas no telekomunikasaun Gastao Sousa reprejenta ministru planeamentu no investimentu estratejiku Xanana Gusmao simu konklusaun obra ospital rejional Baucau intrega direta ba Ministériu Saúde liu husi vice ministra Saúde Ana Isabel.

Obra ospital regional baucau ne’ebé refere konstroe iha meadus 2007 no finaliza iha 2016. konsege han tenpu lubuk ida nomos konsege gasta orsamentu lubuk.Hahu husi terseiru governu konstitusional, to’o kuaze ninin ba sextu governu kontitusional mak foin remata.

Administrador muncipiu baucau iha ninia intervensaun wainhira entrega konkluzaun obra ospital regional baucau hateten” hanesan administrador municipiu baucau hau hakarak rekomenda ba governu katak rai ne’ebé hodi utiliza ba hari ospital regional ida ne’e oferese husi populasaun suku lima, Bahu, Tirilolo, Buibau, Wailili, Garuwai tamba ne’e husu atu submete mos populasaun sira sira husi suku ne’ebé mensionadu hodi servisu mos iha ne’e liu-liu ba hanesan cleaner,seguranca, nomos sel-seluktan.

hodi nune’e sira bele sinte responsabilidade no bele sinte saida mak benefisiu husi buat ne’ebé sira oferese ona ba estadu.

Sorin seluk Ministru Obras Publikas hateten “ Ospital regional ida ne’e hari atu bele atende populasaun municipiu haat iha parte leste nian; hanesan baucau, vikeke, Lospalos nomos Manatuto. Nune’e husu ba Ministériu Saúde hanesan nain ba ospital ne’ebé refere komesa aban 05/05/16 bele ona muda mai iha fatin ne’e hodi bele servisu hanesan bain-bain.

Gastao Souza mos agradese hatoo ninia agradesimentu ba kompanhia Ensul engenaria ne’ebé konsege remata kontrusaun ne’e mesmu hasoru dezafiu lubuk ida.

Iha fatin hanesan Vice Ministra Saúde, Ana Isabel nudar nain ba mega projetu hatete mezmu ke progesu konstrusaun ne’e la’o neneik maibe hau apresia no dezeju teb-tebes ba komunidade Baucau oan sira atu bele utiliza ospital ida ne’e, maibe ohin empreza Ensul mai entrega deit xavi ba obra ne’e hein katak tempo badak ita sei halo serimonia inagurasaun depois ita bele utiliza ona ospital ida ne’e. Hau nia agradeses wa’in ba komunidade iha sucu 5 mak hanesan Sucu Bahu, Tirilolo, Buibau, Uailili no Gariuai ne’ebé mak oferece sira nia rai hodi har’i ospital regional ida ne’e. tenik Isabel. MS