Mizo Ubuntu Helpline

Ubuntu 20.04 LTS

2020-04-22T10:53:00.001+05:30

Naktûk maiah Ubuntu 20.04 LTS release a lo ni leh dawn ta a. A hming atan Focal Fossa tih a ni. Features thar tam lutuk lo mah se, chei ran belh tlem tlem an rawn neih belh leh ang a, performance lamah pawh a hma aia ṭha zâwk tura ngaih a ni.

Tun ṭuma release tur hi LTS niin, LTS lampum chu Long Term Support tihna a ni. Ubuntu hi chi hnihin an release ṭhin a - thla 6 dana version thar an siam leh thla 18 dana an siam hi a ni. Technology ṭhang chho zel leh security update zel ngai avang tein Ubuntu OS hi update pêk reng a ni a. A hlawm liana pêk hi chi hnih an nei a ni.

Release pangngai zâwk hi chu mimal PC atana hman chi a ni a. LTS zâwk erawh hi chu office lian deuh leh technology/security thar ber ber hman ngaih lohna hmunah emaw, hman ṭul tih lohna hmunah emaw atana siam a ni ber.

Linux OS ho zingah chuan Ubuntu OS hi hman nuam ber nia chhal a ni. Hman ṭhan chuan Windows OS ai pawhin a nuam zâwk ti an awm bawk.

Ubuntu OS hi a thlawna hman theih software zinga mi a ni a, piracy (rûk-rûk) a awm ve thei lo a ni.

Ubuntu 32-bit titawp

2017-10-01T17:19:00.001+05:30

Ubuntu chuan 32-bit ISO image chu a titawp ta rih e. Tunlai computer kan hman hi hi 64-bit deuh vek a ni tawh vangin 32-bit hian awmzia a nei tam lutuk tawh lo a ni.

Hetih lai hian Ubuntu 17.10 'Artful Aardvark' beta 2 chu download theih a ni ta bawk e.

Ubuntu hi Linux OS zingah chuan hman tlanglawn ber leh hman nuam ber a ni.

China company Meizu chuan Ubuntu phone a zuarchhuak ta

2015-06-27T13:06:00.001+05:30

China mobile company lar chho mek Meizu chuan Ubuntu OS hmang phone MX4 Ubuntu Edition a rawn siamchhuak ta. Meizu hian Android OS an hmang phone an siamchhuak thin a, Meizu phone ho hi feature thar ber bera thuam a ni țhin a ni. Tunah hian he Ubuntu Edition hi Europe-ah chiah an la zuarchhuak rih a ni.

A feature tlangpui han en i la:

Display: 5.3 inches

Internal Storage: 16GB

Processor: MTK6592 SoC ARM Cortex 2.2Ghz x 4 + ARM Cortex 2.2Ghz x 4

Camera: Rear: 20.7 MP 4X Digital Zoom with 360 degree panorama; Front: SONY IMX208, 2MP

Battery: 3100mAh

Network: LTE, WCDMA, GSM

Connectivity: Wifi 802.11 ac/n/b/b/a; Bluetooth 4.0; BLE

Sensors: Ambient, Gravity, Hall Effect, Infrared proximity, Gyroscope, Touch, Digital compass.

Positioning: A-GPS, Inertial navigation, QZSS, GNSS, SBAS

A feature en chuan a hardware chu a tha viau mai a. A pan hle a, 8.9mm-a chhah a ni a. Front camera hi hei ai hian lian deuh se la chu țhalai lam hi a hip na lehzual ang a. Rear camera a pui hle mai. A bak feature dang ho pawh hi a țha ber ber leh a changkang ber berte vek an ni.

A hardware lam chu duhtawk i la. A OS hi Ubuntu a nih miau avangin apps leh games te pawh mit leh kut titlai tawk chu a awm turah ngai i la. Office software lamte pawh harsatna awm lo turah a ngaih theih ang.

Mizoram/India a lo thlen hunah chuan Ubuntu i nel viau chuan lo hmang ve ngei ang che.

Ubuntu One service titawp dawn

2014-04-05T23:15:00.000+05:30

Ubuntu OS hmangte tana online-a file dahthatna awlsam tak mai, Ubuntu One service chu Ubuntu OS siamtu Canonical company chuan an tihtawp dawn thu an puang.

Ubuntu One hi online-a file dah thatna leh music stream theihna service tha tak mai a ni a. A thlawnin 5GB thleng file store theih niin, music dahna bika siam hi thla khata $3.99-in 20GB a lei theih a ni. Ubuntu operating system (OS) chhungah bilh tel (integrate) niin Ubuntu hmangte tan chuan file management a tinuam em em thin a ni.

Canonical chuan an tihtawp chhan chu tunlaiah online storage (cloud storage) service hrang hrang a tam tawh a. Storage space lian tak tak neiin company lian tak tak an inel nasa hle a. Hetianga nasa taka inelna karah hian Canonical chuan Ubuntu One enkawlna leh tihchangtlun zelna tur sum a nei daih tawh lo niin a sawi. A sum neihsa te hi an indin chhan ber, operating system tha leh changtlung siamna kawnga inburbun zawk an duh bawk si niin an sawi.

Ubuntu One-ah hian tunah hian a sign up theih tawh lo a. A service hi June 1, 2014 thlengin la hman theih a ni ang a. Hetih chhung hian Ubuntu One-a file kan dahte lakthlak a, hmun danga dah turin min ngen a. Ama'rawhchu, June 1 thleng hi a service chu la hman theih dawn mah se, grace period thl hnih chhung a la awm leh dawn a ni.

Ubuntu One service leina atana sum peklawk zawng zawngte pawh April 2, 2014 atanga chhiarin a la bang zawngte hi customer-te hnena peklet leh vek tura ruahman a ni.

Canonical chuan ruahmanna dang a siam leh pakhat chu he software ziahna code hi open source atan pekchhuah an tum a. He software lo ngainatu leh lo hmang tangkaitu te'n hetiang service hi an siam ve theihna tur atana ruahman a ni.

DTP software - Scribus

2013-08-01T10:44:00.000+05:30

Scribus hi desktop publishing software a ni a. Magazine, newspaper, brochure, pamphlet, calendar leh thil dang neuh neuh design leh siamna'na hman a ni.

Scribus hmang hian PDF file pawh awlsam taka siam theih a ni a. PDF forms, button, password leh pdf tangkai lehzuala hmang duhte tan he software hi a tha hle a ni.

Tun tumah hi chuan a a hman dan zawng zawngte kan sawi vek seng lo ang a, a screenshot hi i lo en phawt mai teh ang u.

Document setup hi a harsa vak lo a, word processor dangte nen pawh a inzul hle a, han danglam bik em em a awm lo.

Text leh image format vel dan pawh hi thil harsa em em a awm lo niin a lang bawk. Nakinah remchangah tutorial te kan zirho zel ang a, thil harsa lutuk leh DTP software dangte nena danglam lutuk bik a awm lo ang.

Ubuntu chungchang tlem te

2013-07-31T11:21:00.000+05:30

Ubuntu hi Computer Nunna (OS) a tan a thlawna kan hmuh theih tlemte zing a mi a ni. Microsoft Windows hi a free a ni lo a, Man a lei ngai a ni.. Man nei man lova Kan hman ve hmiah hmiah hian Mi sumdawnna thil ru pawh kan ni thei tih hriat a pawimawh khawp awm e.
Microsoft Windows a Program Pawimawh zual excel, word, te hi calc leh writer, tiin a awm ve vek a ni

Workspace thlalak

2013-07-28T15:01:00.004+05:30

Ubuntu 13 leh 12 landan

2013-07-20T15:34:00.001+05:30

Ubuntu 12

Ubuntu 13

Ubuntu free Operating system

2013-07-20T15:02:00.000+05:30

Ubuntu hi kan hmel hriat lo viau in a lang. Computer/laptop/tablet/mobile phone khawl hman theiha siamtu, Operating System (OS) chi khat a ni a. OS lar deuh deuhte chu Windows, Symbian, Android, iOS te an ni hlawm. Linux OS chi hrang hrang zinga hriat hlawh ber pawl niin, hman nuam ber pawl a ni bawk.

Linux OS te hi Windows OS te aiin hman a harsa tih a ni thin. Application dah luh hi a harsa deuh thin a. Vawi khat zu klik zeuha amaha kal par par ang hi a nih loh thin vang kha a ni. Ubuntu OS-ah chuan Software Center awmin, application install dawnin vawi khat klik a tawk mai a, chu chuan Linux OS-a application install har kan tih thin kha a rawn tibo ta a ni.

Hardware chi hrang hrang hman theih turin driver database pawh a nei tha hle. Printer pawh duh ang ang a hman theih a ni.

Internet hmanna atan erawh chuan duhthusama tha a ni thung, a chhan chu virus a awm ve theih loh vang a ni.

Remchangah kan la ziah chhunzawm zel dawn nia.