പരിസ്ഥിതി ദുര്ബല പ്രദേശമായ മൂന്നാറിലും പരിസര പ്രദേശങ്ങളിലും നടക്കുന്ന ഓഫ് റോഡിംഗ് വന് രീതിയിലുള്ള പാരിസ്ഥിതിക പ്രശ്നങ്ങള് ഉണ്ടാക്കുന്നു . നാല്ചക്ര വാഹനങ്ങളും മോട്ടോര് ബൈക്കുകളും കാട്ടിനുള്ളിലെ പുല് മേടുകളില് കൂടെയും , അരുവികളിലൂടെയും ഓടിക്കുന്ന അഡ്വന്ച്ചരാസ് സ്പോര്ട്സ് ആണ് ഓഫ് റോഡിംഗ് എന്നറിയപ്പെടുന്നത് . പണ്ട് ഒന്നോ രണ്ടോ വ്യക്തികള് മാത്രം നടത്തിയിരുന്ന ഓഫ് റോഡിംഗ് ഒരു മത്സര ഇനമായി നടത്താന് തുടങ്ങിയത് അ ടുത്തിടെയാണ് .മുംബൈ ബാംഗ്ലൂര് ചെന്നൈ കൊല്ക്കത്ത തുടങ്ങിയ വന് നഗരങ്ങളിലെ ഓഫ് റോഡിംഗ് ക്ലബുകളുടെ ആഭിമുഖ്യത്തില് നടക്കുന്ന ഇത്തരം ആഭാസങ്ങള് പരിസ്ഥിതിക്ക് ഏല്പ്പിക്കുന്ന ആഘാതങ്ങള് വളരെ വലുതാണ്.

മൂന്നാറില് റവന്യൂ ലാന്ഡില് അതിക്രമിച്ചു കടന്നാണ് ഇത്തരം പരിപാടികള് നടത്തുന്നത് . റവന്യൂ ലാന്ഡ് ന്റെ കസ്ടോഡിയന് വില്ലേജ് ഓഫീസര് ആണ് .എന്നാല് റവന്യൂ അധികൃതരുടെ അനുവാദം കൂടാതെയാണ് ഇവിടെ ഓഫ് റോഡിംഗ് നടക്കുന്നത് . ഇതിനെതിരെ പ്രതികരിക്കുന്ന പ്രകൃതി സ്നേഹികള്ക്ക് നേരെ പലപ്പോഴും ഭീഷണി ഉണ്ടാവാറുണ്ട് .

കാടിനുള്ളിലേക്ക് അനധികൃതമായി കൊണ്ട് പോകുന്ന ജീപ്പ്

സമുദ്ര നിരപ്പില് നിന്നും 2700 അടി ഉയരമുള്ള രാജമല വന്യ ജീവി സംരക്ഷണ കേന്ദ്രത്തില്( ഇരവികുളം നാഷണല് പാര്ക്ക് ) നീലഗിരി ടാര് പോലുള്ള വംശ നാശ ഭീഷണി നേരിട്ടുകൊണ്ടിരിക്കുന്ന നിരവധി വന്യ ജീവികളുണ്ട് . കൂടാതെ പന്ത്രണ്ടു വര്ഷത്തില് ഒരിക്കല് മാത്രം പൂക്കുന്ന നീലക്കുരിഞ്ഞിയുടെയും , അപൂര്വങ്ങളായ വരയാട് , തവളകള് ,പാമ്പ് ,ഷഡ് പദങ്ങള് എന്നിവയുടെയും വിഹാര കേന്ദ്രമാണ് ഇവിടം. ഓഫ് റോഡിംഗ് പോലുള്ള പ്രകൃതി വിരുദ്ധ വിനോദങ്ങള് തുടര്ന്നാല് ഇത്തരം ജീവികള്ക്കൊക്കെ വംശനാശം സംഭവിക്കും എന്നാ കാര്യത്തില് സംശയമില്ല . നിരവധി നീര്ചോലകളും അരുവികളും മൂന്നാറില് നിന്നും ഇതിനോടകം അപ്രത്യക്ഷമായിരിക്കുന്നു. പുല്മേടുകലാണ് നീരുരവകലുളുടെ പ്രഭവ സ്ഥാനം.

പുല് മേടുകള് നശിക്കുന്നതോടെ ജല സ്രോതസ്സുകളും ഇല്ലാതാവുന്നു . അരുവികളില് വാഹനമിറക്കി കിലോ മീറ്റരുകളോളം ഓടിക്കുമ്പോള് പല ജല ജീവികള്ക്കും ജല സസ്യങ്ങള്ക്കും ഉണ്ടായേക്കാവുന്ന ഭീഷണി ഇക്കൂട്ടര് കണ്ടില്ലെന്നു നടിക്കുകയാണ് . നീര്ചോലകളിലും അരുവികളിലും മാത്രമല്ല , വെള്ളം കുറയുമ്പോള് ഡാമുകളിലും , തടയണകളിലും ഇക്കൂട്ടര് ഓഫ് റോഡിംഗ് നടത്താറുണ്ട് . ഒരു ലിറ്റര് പെട്രോള് കൊണ്ട് ഒരു ലക്ഷം ലിറ്റര് വെള്ളം വരെ അശുദ്ധമായെക്കാം എന്നാണ് പറയപ്പെടുന്നത്.

ഓഫ് റോഡിംഗ് നടത്താന് ഉപയോഗിക്കുന്ന വാഹനങ്ങള്

ശബ്ദ മലിനീകരണവും ,പുക പടലങ്ങള് മൂലമുണ്ടാകുന്ന അന്തരീക്ഷ മലിനീകരണവും കാരണം പ്രകൃതിയുടെ നിലവിലുള്ള സന്തുലനാവസ്ഥയ്ക്ക് കോട്ടം തട്ടിക്കൊണ്ടിരിക്കുകയാണ് . സര്ക്കാര് ബഫ്ഫര് സോണുകളായി പ്രഖ്യാപിച്ചു പരിപാലിച്ചു പോരുന്ന പലയിടങ്ങളും ഇത്തരം വിനോദങ്ങള് അരങ്ങേറുന്നുണ്ട് . ചുള്ളിയോടിക്കാന് വരുന്ന ആദിവാസികള്ക്കെതിരെ പോലും കേസ് ചാര്ജ് ചെയ്യുന്ന വനം വകുപ്പ് എന്നാല് ഇവര്ക്കെതിരെ നടപടിയെടുക്കാന് പറ്റാത്ത അവസ്ഥയിലാണ് .വകുപ്പിലെ തന്നെ ഉന്നതരുടെ ഒത്താശയും നാട്ടിലെ ചില പ്രമാണിമാരുടെ ഭീഷണിയും മൂലം സാധാരണ ഉദ്യോഗസ്ഥര്ക്ക് ഇത്തരം കാര്യങ്ങളില് നേരിട്ട ഇടപെടാന് കഴിയാറില്ല.

ഒരു ലിറ്റര് ഡീസല് കൊണ്ട് ഒരു ലക്ഷം ലിറ്റര് ശുദ്ധജലം മലിനമാകും

വയനാട് പോലുള്ള കേരളത്തിലെ പല ഹൈ റേഞ്ച് മേഖലകളിലും അധികൃതരുടെ അനുവാദത്തോടെയും അല്ലാതെയും ഓഫ് റോഡിംഗ് നടക്കാറുണ്ട് . എന്നാല് രാഷ്ട്രീയ പ്രവര്ത്തകരോ പ്രകൃതി സംരക്ഷണത്തെപ്പറ്റി പ്രസംഗിച്ചു നടക്കുന്നവരോ ഇതിനെതിരെ കാര്യമായി പ്രധിഷേധിച്ചിട്ടില്ല.ഒറ്റപ്പെട്ട കോണുകളില് നിന്നുയരുന്ന ശബ്ദം മുഖ്യധാര മാധ്യമങ്ങളില് ചര്ച്ച ചെയ്യപ്പെടാറുമില്ല .നമുക്കിനി ബാക്കിയുള്ളത് മൂന്നാറിലെയും വയനാട്ടിലെയും കുറച്ചു പുല്മേടുകളും വനങ്ങളും മാത്രമാണ് . ഇവയില് ഉണ്ടാക്കുന്ന ഓരോ ക്ഷതവും നമ്മുടെ തന്നെ ശവപ്പെട്ടിയില് തറയ്ക്കുന്ന ആണികളായിരിക്കും എന്നോര്ക്കണം

Related posts:

1. മൂന്നാറിന്റെ മാറിലൂടെ ജീപ്പോടിച്ചു കളിക്കുന്നവര്‍ ; ‘ഓഫ്‌ റോഡിംഗ്’ വന്‍ പാരിസ്ഥിതിക പ്രശ്നങ്ങള്‍ക്ക് കാരണമാവുന്നു – റോഷന്‍ വി കെ പരിസ്ഥിതി ദുര്‍ബല പ്രദേശമായ മൂന്നാറിലും പരിസര പ്രദേശങ്ങളിലും ക്ലബ്‌ മഹീന്ദ്ര പോലുള്ള കമ്പനികളും,...
2. ഗതാഗത മന്ത്രി അറിയുന്നുണ്ടോ ഈ കേരള മോഡല്‍ ? മാതൃകയാക്കാന്‍ കെ എസ്‌ ആര്‍ ടി സി – സുജിത് ഭക്തന്‍ 2007 മാര്‍ച്ച് മാസം മൂന്നാം തീയതിയാണ്‌ കെ.എസ്.ആര്‍.ടി.സി തിരുവല്ലയില്‍ നിന്നും ആദ്യമായി ഒരു...
3. കേന്ദ്ര പരിസ്ഥിതി മന്ത്രി രാജിവയ്‌ക്കണം: വി.എം.സുധീരന്‍ കേന്ദ്ര പരിസ്ഥിതി മന്ത്രി ജയറാം രമേശ്‌ രാജിവയ്‌ക്കണമെന്ന്‌ കോണ്‍ഗ്രസ്‌ നേതാവ്‌ വി.എം.സുധീരന്‍. എന്‍ഡോസള്‍ഫാന്‍...

തീവണ്ടിയോളം എനിക്ക് ഇഷ്ടപ്പെട്ട ഒരു വാഹനം വേറെ ഇല്ല. മുന്‍പ് മിക്ക സഞ്ചാരങ്ങളും അഛനൊപ്പം ആയിരുന്നു. ഒരു മഴയില്‍ ഒരു കുടപിടിച്ച് ഒരുമിച്ചു ഒന്നായി നടക്കുന്ന രണ്ടുപേര്‍പോലെ ആയിരുന്നു ആ യാത്രകള്‍ എല്ലാം. ഇപ്പോള്‍ അഛനു പകരം തീവണ്ടിമാത്രം. ഞങ്ങള…്‍ ഒരുമിച്ച് സഞ്ചരിക്കുന്നു. തീവണ്ടി കാണിച്ചു തരുന്ന കാഴ്ച്ചകള്‍ അപാരമാണ്. പക്ഷെ കാണാന്‍ ഉള്ള കരുത്തും ഉള്‍ക്കൊള്ളാന്‍ മിഴിവും ഉണ്ടാവണം. ജനലിലൂടെ നമുക്ക് നമ്മളെ തന്നെ കാണാം എന്നതാണു തീവണ്ടിയുടെ പ്രത്യേകത. അടച്ചു പൂട്ടിയുള്ള മുറിയെക്കാള്‍ നല്ലത് തുറന്നു വെച്ച മുറികള്‍ തന്നെയാണ്. പുറത്ത്‌ തിമര്‍ത്ത്‌ പിറകൊട്ടോടുന്ന കാറ്റും ഭൂമിയും തരുന്ന കൌതുകം പറഞ്ഞറിയിക്കാന്‍ കഴിയില്ല. തീവണ്ടിക്കൊപ്പം താഴ്ന്നും ഉയര്‍ന്നും ഓടുന്ന കറന്റ് കമ്പികളും ടെലഫോണ്‍ കമ്പികളും നോക്കി ഇരിക്കുക എന്റെ വിനോദമാണ്. അവ ഒരു നൃത്ത ലഹരിയില്‍ ആണെന്നു തോന്നും അപ്പോള്‍ . തീവണ്ടി എനിക്ക് എത്രയോ ചങ്ങാതിമാരെ തന്നിട്ടുണ്ട്. കാണാറേ ഇല്ലാത്ത എത്രയോ പേരെ വീണ്ടും കണ്ടുമുട്ടാന്‍ സഹായിച്ചിട്ടുണ്ട്. അപൂര്‍വ്വം ടിക്കറ്റ്‌ പരിശോധകര്‍ ടിക്കറ്റ്‌ വായിക്കുന്നതിനിടെ, ഇപ്പോള്‍ എന്തേ… കഥകള്‍ കാണുന്നില്ലെന്ന്, എന്നോട് ചോദിച്ചിട്ടുണ്ട്.

മുന്‍പ്‌ തീവണ്ടി മുറികള്‍ ഒരു വീട് പോലെ ആയിരുന്നു. കയറേണ്ട താമസം അത് വീടായി. എവിടേക്കാ.. എങ്ങോട്ടേക്കാ.. ഇതാ ഇവിടിരുന്നോളൂ… വല്ലതും കഴിക്കണ്ടേ …

പിന്നെ പൊതി തുറക്കലായി. മറ്റു വീടുകളിലെ പാചക രുചി അറിയുകയായി ….

മയക്കു മരുന്നു പുരട്ടിയ ബിസ്ക്കറ്റ് വന്നതോടെ ആ സന്തോഷം വേരറ്റു. ഇപ്പോള്‍ നമ്മള്‍ തന്നെ നമ്മളില്‍ നിന്നും നല്ല ഭക്ഷണം വാങ്ങി കഴിക്കാതായി.. തീവണ്ടി നമ്മളെ ഭയപ്പെടുത്തുകയായി….

തീവണ്ടിയില്‍ മരണവും ജനനവും ഞാന്‍ കണ്ടിട്ടുണ്ട്. മരണം ഒരിക്കല്‍ കാസര്‍ഗോഡ്‌ പോകുമ്പോള്‍ ആയിരുന്നു. ജനനം ആദ്യമായി ബോംബെക്ക് പോകുമ്പോഴും. ഒരിക്കല്‍ ഞാന്‍ ഇരുന്നത് കൈ വിലങ്ങു വെച്ച് രണ്ടു പോലിസുകാര്‍ക്ക്‌ ഇടയില്‍ ഇരിക്കുന്ന ഒരാള്‍ക്ക് മുന്‍പില്‍ ആയിരുന്നു. ഞങ്ങള്‍ പരിചയപ്പെട്ടു. പറമ്പിന്റെ അതിരിലെ ഒരു മരത്തെ ചൊല്ലിയുള്ള കശപിശയില്‍ ഒരാളെ ഇടിച്ചു ചമ്മന്തി ആക്കിയതിനാണു ആ വിലങ്ങ് . ആ മരം അവിടെ ഇപ്പോള്‍ ഉണ്ടോ എന്ന് ഞാന്‍ ചോദിച്ചു. അയാളുടെ ഉത്തരം ഒരു ഗീതാ വചനം പോലെ തോന്നിച്ചു…
“ഇല്ല. കാറ്റില്‍ വീണു… ”

ഒരിക്കല്‍ ഇരിപ്പിടത്തിന്റെ വിള്ളലില്‍ കൈ കുടുങ്ങിപ്പോയ ഒരു കുഞ്ഞിനെ തടവിയും ഉമ്മ വെച്ചും സേലം വരെ ഞാന്‍ എത്തിച്ചിരുന്നു. അവിടെ വെച്ച് റെയില്‍വേക്കാര്‍ വന്ന്‍ ആ കുഞ്ഞിക്കൈ ഭദ്രമായി പുറത്തെടുത്തു. ആ കുഞ്ഞിപ്പോള്‍ റെയില്‍വേയില്‍ തന്നെ വല്ല ജോലിയും ചെയ്യുന്നുണ്ടാവും.

വളരെ നേരം മുന്നോട്ടോടി, തീവണ്ടികള്‍ പണ്ട് മറു വണ്ടിക്ക് വഴിമാറി കൊടുക്കാന്‍ പിറകോട്ടും ഓടുമായിരുന്നു. വളരെ കൌതുകമായിരുന്നു. എനിക്കാ കാഴ്ച്ച. ഇപ്പോള്‍ ഞാന്‍ കയറുന്ന തീവണ്ടികള്‍ പിറകൊട്ടോടാറില്ല. എന്നാല്‍ എന്റെ മനസ്സ്‌ ഓടാറുണ്ട് ….

……………………….

അവര്‍ ഏത് സ്റ്റേഷനില്‍ എത്തിയപ്പോള്‍ ആയിരിക്കും ആ മടിശ്ശീല തുറന്നിട്ടുണ്ടാവുക . എന്റെ മടിശ്ശീല തുറക്കാനും ഇനി എത്ര സ്റ്റേഷന്‍ കാണും …

Related posts:

1. ആകാശത്തേക്കൊരു ജാലകം – രഘുനാഥ് പാലേരി വരാന്തയിലേക്ക് തുറക്കുന്ന അഴിജനലിന്നപ്പുറം നിസ്സഹായനായ ഡോക്ടര്ക്ക് മുന്നില് വിതുമ്പി തൊഴുതു നില്ക്കുന്ന അദ്ദേഹത്തിന്റെ...
2. ഡെഡിക്കേഷന്‍ – പ്യാരി സിംഗ് വേറെ ഒന്നും ചെയ്യാന്‍ തോന്നാത്ത നേരത്ത് ടി .വി. യില്‍ മ്യൂസിക്‌ ചാനലുകളില്‍...
3. കാവ്യാ മാധവന് താന്‍ നഗ്ന പൂജ ചെയ്തിട്ടില്ല : വിവാദ സ്വാമി ഹിമവല്‍ ഭദ്രാനന്ദ മനസ് തുറക്കുന്നു സിനിമയില്‍ അല്ലാതെ ഒരിക്കലും നേരില്‍ കാണുകപോലും ചെയ്യാത്ത കാവ്യാ മാധവന്റെ ദാമ്പത്യ ജീവിതം...

പതിനാലാമത് ജോണ്‍ അബ്രഹാം അവാര്‍ഡുകള്‍ വിതരണം ചെയ്തു .ആദിമധ്യാന്തം ആണ് ഈ വര്‍ഷത്തെ ജോണ്‍ എബ്രഹാം അവാര്‍ഡിന് അര്‍ഹമായ സിനിമ . പ്രകാശ്‌ ബാരെ നിര്‍മിച്ച “ഇവന്‍ മേഘരൂപന് “സ്പെഷല്‍ ജ്യൂറി അവാര്‍ഡ് ലഭിച്ചു .പാലക്കാട് വച്ച് നടന്ന ചടങ്ങില്‍ പ്രശസ്ത ഡോകുമെന്ററി ഡയറക്ടര്‍ ആനന്ദ് പാട് വര്‍ദ്ധന്‍ ആണ് പുരസ്കാരങ്ങള്‍ വിതരണം ചെയ്തത് . മികച്ച സംവിധായകന്‍ ” ഇവന്‍ മേഘരൂപന്‍ ” സംവിധാനം ചെയ്ത പി ബാലചന്ദ്രന്‍ ആണ് .

ജനകീയ സിനിമയുടെ വക്താവായിരുന്ന ജോണ്‍ അബ്രാഹാമിന്റെ പേരിലുള്ള അവാര്‍ഡ് പ്രചോദനം പകരുന്നുവെന്നും ,എന്നാല്‍ അതെ സമയം അവാര്‍ഡ് ലഭിച്ചതില്‍ അമിതമായി സന്തോഷിക്കുന്നില്ലെന്നും ” ഇവന്‍ മേഘരൂപന് ” വേണ്ടി അവാര്‍ഡ് ഏറ്റുവാങ്ങിയ നടനും നിര്‍മാതാവുമായ പ്രകാശ് ബാരെ പറഞ്ഞു

Related posts:

1. വിഷക്കള്ളിനു കോണ്‍ഗ്രസ്‌ ബന്ധം:കള്ള്‌ വിതരണം ചെയ്‌തത്‌ കോണ്‍ഗ്രസ്‌ എംഎല്‍എയുടെ സഹോദരന്‍മാര് മലപ്പുറം വിഷക്കള്ള്‌ ദുരന്തത്തിന്‌ ഇടയാക്കിയ കള്ള്‌ വിതരണം ചെയ്‌തത്‌ കോണ്‍ഗ്രസ്‌ എംഎല്‍എയുടെ സഹോദരന്‍മാര്‍....
2. ‘പാട്ടിന്റെ പാലാഴി’ ബംഗ്ലൂരില്‍ റിലീസ് ചെയ്തു പ്രശസ്‌ത സംവിധായകന്‍ രാജീവ് അഞ്ചല്‍ സംവിധാനം ചെയ്ത ‘പാട്ടിന്റെ പാലാഴി’ ബംഗ്ലൂരില്‍ റിലീസ്...
3. കുട്ടിസ്രാങ്ക്‌ മികച്ച ചിത്രം,അമിതാഭ്‌ ബച്ചന്‍ മികച്ച നടന്‍ ബംഗാളി നടി അനന്യ മികച്ച നടി 2009 ലെ ദേശീയ ചലച്ചിത്ര പുരസ്‌കാരങ്ങളില്‍ മലയാള സിനിമയുടെ വന്‍തിരിച്ചുവരവ്‌. ഷാജി എന്‍....

തെരുവ് ബാല്യങ്ങളുടെ ഉന്നമനത്തിനായി സെന്റര് ഫോര്‍ ആക്ഷന്‍ റിസര്‍ച് ആന്‍ഡ്‌ ടെക്നോളജി ഫോര്‍ മാന്‍ , അനിമല്‍ ആന്‍ഡ്‌ നേച്ചര്‍ ( CARTMAN ) സൊസൈറ്റി നടത്തുന്ന പ്രൊജക്റ്റ്‌ ഉദ്ധാന്‍ പരിപാടിയില്‍ മോര്‍ണിംഗ് ബെല്‍ ന്യൂസ്‌ പങ്കാളികളാവും . ഐ ഐ എം ബി ( IIMB ) യുടെ ഫൌണ്ടര്‍ ഡയരക്ടറും പദ്മഭൂഷന്‍ ജേതാവുമായ പ്രൊഫ്‌ എന്‍ എസ രാമസ്വാമിയുടെ നേതൃത്വത്തില്‍ ഉള്ളതാണ് CARTMAN സൊസൈറ്റി .

പ്രശസ്ത ഹിന്ദി സംഗീത സംവിധായകന്‍ അഗ്നേല്‍ റോമന്‍ ഒരുക്കുന്ന സംഗീത ആല്‍ബം വിതരണം ചെയ്യുന്നത് ” sa re ga ma ” യാണ് . ആല്‍ബം വിറ്റു കിട്ടുന്ന പണം സ്വരൂപിച്ചു ആണ്‍കുട്ടികള്‍ക്കും പെണ്‍കുട്ടികള്‍ക്കും വെവ്വേറെ ” ഹാപ്പി ചില്ട്രന്‍ ഹോംസ് ” സ്ഥാപിക്കും . കൂടാതെ ഇവിടുത്തെ അന്തേവാസികള്‍ക്ക് നല്ല വിദ്യാഭ്യാസവും , തൊഴില്‍ പരശീലനവും ലഭിക്കുന്നതിനുള്ള നടപടികളും പ്രൊജക്റ്റ്‌ ഉധാന്റെ ഭാഗമായി ചെയ്യുന്നുണ്ട് . ഭക്ഷണത്തിനുള്ള ചെലവും ഇതില്‍ നിന്നും കണ്ടെത്താന്‍ കഴിയും എന്നാണു സംഘാടകരുടെ പ്രതീക്ഷ . ഇതിനായി സ്പോന്‍സര്‍ ചെയ്യാന്‍ താല്പര്യമുള്ളവര്‍ താഴെ കാണുന്ന ലിങ്ക് വിസിറ്റ് ചെയ്യുക

No related posts.

പ്രതിരോധമന്ത്രി എ.കെ. ആന്‍റണിയുടെ പുത്രന്‍ അജിത്‌ ആന്റണി നായകനാകുന്ന ചിത്രത്തിന്റെ ഷൂട്ടിംഗ്‌ വര്‍ക്കുകള്‍ ഏപ്രില്‍ മാസത്തില്‍ ആരംഭിക്കും. `ഒബ്‌റോയ്‌’ എന്ന ചിത്രവുമായി അജിത്‌ ആന്റണി വെള്ളിത്തിരയില്‍ ഭാഗ്യപരീക്ഷണത്തിനിറങ്ങുന്നു. ഒരേസമയം മലയാളത്തിലും തമിഴിലും ഇറക്കുന്ന ചിത്രത്തിന്റെ മലയാളംപതിപ്പ്‌ തിരക്കഥ പൂര്‍ത്തിയായിക്കഴിഞ്ഞു. തമിഴ്‌തിരക്കഥാരചനയ്‌ക്കായുള്ള ഒരു ഏഴുത്തുകാരനെ തരപ്പെടുത്തിക്കൊണ്ടിരിക്കുകയാണ്‌. ഇതിനാലാണ്‌ ചിത്രത്തിന്റെ വര്‍ക്കുകള്‍ നീണ്ടുപോകുന്നതെന്ന്‌ സംവിധായകന്‍ അജി ജോണ്‍ പറയുന്നു. `ചിത്രത്തിന്റെ ഷൂട്ടിംഗ്‌ വര്‍ക്കുകള്‍ ആഗസ്‌റ്റ്‌ ആദ്യവാരം ആരംഭിക്കും. ചിലകാര്യങ്ങള്‍ കൂടി ശരിയാകേണ്ടതുണ്ട്‌. മലയാളം, തമിഴ്‌ പതിപ്പുകള്‍ ഒരേ സമയം ഷൂട്ട്‌ ചെയ്യാനാണ്‌ ആലോചിക്കുന്നത്‌. അതുകൊണ്ടാണ്‌ കുറച്ച്‌ താമസം നേരിടുന്നതും’- സംവിധായകന്‍ ജോണ്‍ പറയുന്നു.
ന്യൂഡല്‍ഹിയിലെ സെന്റ്‌ സ്‌റ്റീഫന്‍സ്‌ കോളജില്‍നിന്നും ഇംഗ്ലീഷ്‌ സാഹിത്യത്തില്‍ ബിരുദംനേടിയവനാണ്‌ ആന്റണിയുടെ ഇളയപുത്രനായ അജിത്‌ ആന്റണി. ചിത്രത്തിന്‌ കഥയൊരുക്കിയതും ഈ ഇരുപത്തിരണ്ടുകാരന്‍ തന്നെയാണ്‌. മലയാളം പതിപ്പിന്‌ നടനും കഥകാരനുമായ അനൂപ്‌ മേനോനാണ്‌ സംഭാഷണങ്ങള്‍ ഒരുക്കുന്നത്‌. മാരിക്കാര്‍ ഫിലിംസ്‌ ചിത്രം വിതരണം ചെയ്യും. ചിത്രത്തിന്റെ ഫോട്ടോസെഷനെല്ലാം ഗോവയില്‍ പൂര്‍ത്തിയാക്കിയിട്ടുണ്ട്‌. ബിസിനസില്‍ ഏറെ വെല്ലുവിളി നേരിടുന്ന രണ്ട്‌ നോര്‍ത്ത്‌ ഇന്ത്യന്‍ ഫാമിലിയുടെ കഥയാണ്‌ ചിത്രം പറയുന്നത്‌.

Related posts:

1. പ്രതിരോധിക്കാതെ ആന്റണി : എ.കെ ആന്റണിയുടെ മകന്‍ സിനിമയില്‍ നായകനാകുന്നു കേന്ദ്ര പ്രതിരോധമന്ത്രി എ.കെ ആന്റണിയുടെ മകന്‍ സിനിമയില്‍ നായകനാകുന്നു. ഒബ്‌റോയി എന്ന ബഹുഭാഷാ...
2. ‘ചൈന ടൌണ്‍’ ഷൂട്ടിംഗ് ഡിസംബര്‍ ആദ്യ വാരം ആരംഭിക്കും മോഹന്‍ലാലിനെ നായകനാക്കി റാഫി മെക്കാര്‍ട്ടിന്‍ സംവിധാനം ചെയ്യുന്ന ‘ചൈന ടൌണ്‍’ എന്ന ചിത്രത്തിന്റെ...
3. ഡയാന രാജകുമാരിയെക്കുറിച്ചു സിനിമ വരുന്നു ലോകത്ത് ഏറ്റവും കൂടുതല്‍ ക്യാമറ പകര്‍ത്തിയ മുഖം ആരുടെ എന്നാ ചോദ്യത്തിന് ഒരുത്തരമേ...

ജയപ്രകാശ് കുളൂര്‍

പ്രേക്ഷകനുമായി നേരിട്ട് സംവേദിക്കുന്ന പ്രമേയങ്ങള്‍ അവതരിപ്പിക്കുമ്പോഴാണ് ഏതു കലാ സൃഷ്ടിയും അതിന്റെ സത്ത നിലനിര്‍ത്തുന്നത് . സംവേദന ക്ഷമതയുള്ള പ്രമേയങ്ങള്‍ കണ്ടെത്തി അതിനു രൂപവും ജീവനും നല്‍കി അവതരിപ്പിക്കുക എന്നത് , അതുകൊണ്ട് തന്നെ സംവിധായകന് വലിയ വെല്ലുവിളിയുമാണ് . ഇവിടെയാണ്‌ ജയപ്രകാശ് കുളൂര്‍ എന്ന നാടകകൃത്ത്‌ വ്യത്യസ്തനാവുന്നത് . കെ ടി മുഹമ്മദും ,തിക്കോടിയനും , നെല്ലിക്കോട് ഭാസ്കരനും ,ഇബ്രാഹിം വെങ്ങരയും തുടങ്ങി നിരവധി നാടക കൃത്തുകള്‍ക്ക് ജന്മവും പ്രോത്സാഹനവും നല്‍കിയ കോഴിക്കോടിന്റെ വളകൂറുള്ള മണ്ണില്‍ തന്നെയായിരുന്നു കൂളൂറും തന്റെ നാടക ജീവിതം തുടങ്ങിയത് . സെന്റ്‌ ജോസഫ്‌ സ്കൂളില്‍ പഠിക്കുന്ന കാലം മുതല്‍ തന്നെ നാടകം ഒരു ലഹരിയായി അനുഭവിച്ചു തുടങ്ങിയിരുന്നു .

എന്നാല്‍ മറ്റു നാടക സംവിധായകരില്‍ നിന്നും കൂളൂറിനെ വ്യത്യസ്തനാക്കുന്ന ചില കാര്യങ്ങള്‍ ഉണ്ട് .പരിഹാസത്തിന്റെ സൂചിമുന എറിഞ്ഞു കാമ്പില്ലാത്ത പുതുതലമുറയെയും അധികാര സ്ഥാനങ്ങളെയും അത് പലപ്പോഴും അസ്വസ്തമാക്കിയിട്ടുമുണ്ട് . കേരളത്തിലെ അമച്വര്‍ നാടകവേദിക്ക് തനതായ ശൈലി പകര്‍ന്നു കൊടുക്കാന്‍ അദ്ദേഹത്തിന് സാധിച്ചിട്ടുണ്ട് .നാടക രചനയിലും അവതരണത്തിലും മിതത്വം പുലര്‍ത്തുന്ന അദ്ധേഹത്തിന്റെ ” കുളൂരിയന്‍ ” ശൈലി വരും തലമുറയ്ക്ക് നല്ലൊരു ചൂണ്ടുപലകയായിരിക്കും .

റിഹേര്‍സല്‍ ക്യാമ്പില്‍ നിന്നും ഒരു ദൃശ്യം

ആരെയെങ്കിലും കല്ലെറിഞ്ഞു വീഴ്ത്തുക എന്നത് കലാകാരന്റെ ജോലിയല്ല .
ചരിത്രാതീത കാലം മുതല്‍ക്കേയുള്ള വേട്ടയാടപ്പെടലിനെതിരെയുള്ള ചെറുത്തു
നില്പുകളായിരുന്നു പില്‍ക്കാലത്ത് ശ്രദ്ധ നേടിയ പല സൃഷ്ടികളും .
സത്യത്തിനു മുന്‍പില്‍ നട്ടെല്ലു വളക്കാതെ ധീരമാവാന്‍ കലാകാരനല്ലാതെ
വേറെ ആര്‍ക്കാണ് കഴിയുക എന്ന ചോദ്യം അവശേഷിപ്പിച്ചു കൊണ്ടാണ്
ഇവയൊക്കെ നിലനില്‍ക്കുന്നത് .രാജാവ് നഗ്നനാണ് എന്ന് വിളിച്ചു പറഞ്ഞതിന്
കല്‍ തുറങ്കില്‍ അടക്കപ്പെട്ട ഒരു കുട്ടിയെ നാടക കൃത്ത്
മോചിപ്പിക്കുന്നത് പോലെയായിരുന്നു ബ്ലൂ ഓഷിയന്‍ തിയേടര്‍ അവതരിപ്പിച്ച
ഫോര്‍ പ്ലേ എന്ന നാടകം . കൂര്‍ത്ത മുനയുള്ള ചോദ്യങ്ങളുമായി പല
കഥാപാത്രങ്ങളും ഭൂതകാലത്തിന്റെ തിരശീലയില്‍ നിന്നും വര്‍ത്തമാനത്തിന്റെ
അരങ്ങിലേക്ക് കയറിവന്നപ്പോള്‍ പ്രക്ഷക മനസ് അസ്വസ്തമായത് സ്വാഭാവികം .
കാലങ്ങളായി പ്രതികരിക്കാന്‍ മറന്നു പോയ തങ്ങളെ പൊതിഞ്ഞു
സൂക്ഷിച്ചിട്ടുള്ള സകല വിധ ജാടകളുടെയും സ്തരം ഉരിഞ്ഞു പോവുമ്പോള്‍
ഉണ്ടാവുന്ന അസ്വസ്ഥതയായി ഇതിനെ കാണാം .

ബാംഗ്ലൂര്‍ അലിയന്‍സ് ഫ്രാന്സിയില്‍ ഇന്നലെ അരങ്ങേറിയ നാല് ചെറുനാടകങ്ങളും ഈ ഗണത്തില്‍ പെടുത്താവുന്നവയായിരുന്നു .വി കെ പ്രകാശ് , ആന്‍ അഗസ്റിന്‍ , പദ്മ പ്രിയ ,പ്രകാശ്‌ ബാരെ , മനോജ്‌ എന്നിവര്‍ അഭിനയിക്കുകയായിരുന്നില്ല , മറിച്ചു അരങ്ങില്‍ ജീവിക്കുകയായിരുന്നു .വിദേശികള്‍ ഉള്‍പ്പെടെയുള്ള നിറഞ്ഞ സദസ്സ് പലപ്പോഴും കരഘോഷം മുഴക്കിയാണ് മത്സരിച്ചുള്ള ഇവരുടെ അഭിനയത്തെ പ്രോത്സാഹിപ്പിച്ചിരുന്നത് .

പ്രശസ്ത റഷ്യന്‍ സാഹിത്യകാരന്‍ ആന്ടോന്‍ പാവ്ലോവിച് ചെക്കോവ് ന്റെയും ജയപ്രകാശ് കുളൂരിന്റെയും രചനകളാണ് നാടകമാക്കിയത് .ഭാഷയുടെ അതിര്‍വരമ്പുകള്‍ കലയുടെ സംവേദനത്തിന് തടസമാവില്ല എന്ന് ഉച്ചത്തില്‍ വിളിച്ചു പറയുന്നതായിരുന്നു ” ബ്രിഡ്ജ് ” എന്ന നാടകം . ഇതില്‍ അഭിനയിച്ച പദ്മ പ്രിയയും , മനോജും ഏറെ പ്രേക്ഷക പ്രശംസ നേടി . തികച്ചും അവ്യക്തമായ ശബ്ദ ശകലങ്ങള്‍ മാത്രമുപയോഗിച്ചു കഥാപാത്രങ്ങള്‍ നടത്തിയ സംഭാഷണം പിഞ്ചു കുഞ്ഞിനു പോലും മനസിലാക്കാന്‍ പറ്റുന്നു എന്നതാണ് ഇതിനെ ഏറെ സവിശേഷമാക്കുന്നത് . കൂടാതെ രംഗ സജ്ജീകരണവും നവീനമായ ശൈലിയില്‍ ആയിരുന്നു .

റോഷന്‍ വി കെ

ചെക്കൊവ്യന്‍ സ്റ്റൈലും , ജയപ്രകാശ് കൂളൂറിന്റെ സംവിധാന മികവും ഓരോ നാടകവും ഒന്നിനൊന്നു മികച്ചതും വ്യത്യസ്തവുമാക്കി . അടുത്തിടെ പുറത്തിറങ്ങിയ ബ്യൂടിഫുള്‍ എന്ന മലയാള ചിത്രത്തിന്റെ സംവിധായകനായ വി കെ പ്രകാശും , നടനും നിര്‍മാതാവുമായ പ്രകാശ് ബാരെയും തങ്ങളുടെ വേഷങ്ങള്‍ മിഴിവുറ്റതാക്കി. നാടകത്തിനു പശ്ചാത്തല സംഗീതമൊരുക്കിയ സുനില്‍ കുമാറിന്റെ സംഗീതവും വേദിയിലെ പ്രകടനവും ഏറെ ചര്‍ച്ചചെയ്യപ്പെട്ടു .

.ഭോഗപരതയില്‍ മാത്രം കേന്ദ്രീകരിക്കപ്പെട്ടിട്ടുള്ള ഒരു മധ്യ വര്‍ഗം മുംബെങ്ങുമില്ലാത്ത വിധത്തില്‍ വളരുകയും ,നല്ല കലാ സൃഷ്ടികളും അതിനു വേണ്ടിയുള്ള കൂട്ടായ്മകളും വിരളമായി മാറുകയും ചെയ്യുന്ന സമീപകാല ചരിത്രത്തില്‍ , ആശയ പാപ്പരത്തം പലരും നേരിടുന്ന ഒരു പ്രതിസന്ധിയാണ് . ഇതിനുള്ള നല്ലൊരു മറുപടി കൂടെയാണ് ബ്ലൂ ഓഷ്യന്‍ തിയെടരിന്റെ ഈ പുതിയ സംരംഭം .

Related posts:

1. ജയപ്രകാശ് കൂളൂരിന്റെ പുതിയ നാടകം : പ്രകാശ്‌ ബാരെ , വി കെ പ്രകാശ് , പദ്മ പ്രിയ , ആന്‍ അഗസ്റിന്‍ എന്നിവര്‍ അഭിനയിക്കുന്ന നാടകം ബംഗളൂരില്‍ പ്രദര്‍ശിപ്പിക്കും പ്രമുഖ നാടക സംവിധായകന്‍ ജയപ്രകാശ് കൂളൂര്‍ സംവിധാനം ചെയ്ത നാല് ലഘു നാടകങ്ങള്‍...
2. ” നേര്ച്ച കോഴി ” – പ്രബോധിനി വായനശാല – മോര്‍ണിംഗ് ബെല്‍ ന്യൂസ്‌ വാര്‍ഷിക ആഘോഷങ്ങളുടെ ഭാഗമായി അരങ്ങേറിയ നാടകം ( Video) പ്രബോധിനി വായനശാല – മോര്‍ണിംഗ് ബെല്‍ ന്യൂസ്‌ വാര്‍ഷിക ആഘോഷങ്ങളുടെ ഭാഗമായി അരങ്ങേറിയ...
3. നാടകകൃത്ത്‌ പി.എം. ആന്റണി അന്തരിച്ചു പ്രശസ്‌ത നാടകകൃത്ത്‌ പി.എം. ആന്റണി (64) അന്തരിച്ചു. ഹൃദയാഘാതത്തെ തുടര്‍ന്ന്‌ ആലപ്പുഴ ജനറല്‍...

ദര്‍ഷന്‍, പ്രതീക്ഷിത

ഹിറ്റായ `നീലത്താമര’ റീമേക്കിനെത്തുടര്‍ന്ന്‌ ഭരതന്റെ `രതിനിര്‍വേദം’ മുപ്പത്തിമൂന്ന്‌ വര്‍ഷങ്ങള്‍ക്കുശേഷമെത്തി സൗന്ദര്യ ആസ്വാദകരായ പ്രേക്ഷകരെ നേടിയതിനെ പിന്തുടര്‍ന്ന്‌ നിരവധി ചിത്രങ്ങള്‍ അണിയറയില്‍ പുരോഗിക്കുകയാണ്‌. `നിദ്ര’, `ഇണ’, `അവളുടെ രാവുകള്‍’ തുടങ്ങിയവ റീമേക്ക്‌ ലിസ്‌റ്റിലുള്ള ചിത്രങ്ങളാണ്‌. അതോടൊപ്പം മുന്‍കാല ഹിറ്റായ `രാസലീല’യും വരുന്നു. സലില്‍ ചൗധരി – വയലാര്‍ – യേശുദാസ്‌ കൂട്ടുകെട്ടില്‍ പിറന്ന മികച്ച ഗാനങ്ങളോടെയെത്തിയ ചിത്രമാണ്‌ `രാസലീല’.ഇതിലെ ഹിറ്റ്‌ഗാനങ്ങളായ `ആയില്യം പാടത്തെ`മനയ്‌ക്കലെ തത്തേ…’, `നിശാസുരഭികള്‍…’ തുടങ്ങിയ ഗാനങ്ങള്‍ ഏറെ ആസ്വാദിക്കപ്പെട്ടതും പെടുന്നതുമാണ്‌. മൂന്ന്‌ പ്രശസ്‌തരായ വ്യക്‌തികളുടെ കൂട്ടുചേരലോടെ ഹിറ്റുകള്‍ പിറന്ന ചിത്രം തിരിച്ചുവരുമ്പോള്‍ പുതിയൊരു കൂട്ടുകെട്ടിന്‌ അത്‌ കാരണമാവുകയാണ്‌. സലില്‍ ചൗധരിയുടെ പുത്രന്‍ സഞ്‌ജയ്‌ ചൗധരി, വയലാറിന്റെ പുത്രന്‍ വയലാര്‍ ശരത്‌, യേശുദാസിന്റെ പുത്രന്‍ വിജയ്‌ യേശുദാസ്‌ എന്നിവര്‍ റീമേക്കുമായി സഹകരിക്കുന്നു. ദര്‍ഷന്‍, പ്രതീക്ഷിത എന്നിവര്‍ പ്രധാന താരങ്ങളെ അവതരിപ്പിക്കുന്ന റീമേക്ക്‌ ചിത്രം മജീദാണ്‌ സംവിധാനം ചെയ്യുന്നത്‌. 1975 ല്‍ ഇറങ്ങിയ ഒറിജിനല്‍ `രാസലീല’യില്‍ കമല്‍ ഹാസല്‍, ജയസുധ, കനക തുടങ്ങിയവരാണ്‌ പ്രധാന താരങ്ങളായിരുന്നത്‌. സംവിധാനം എന്‍. ശങ്കരന്‍ നായരും.

Related posts:

1. ശാലിനി വീണ്ടും സിനിമ രംഗത്തേക്ക് തിരിച്ചു വരുന്നു നിര്‍മാതാവിന്റെ വേഷത്തില്‍ ബാലതാരമായും നായികയായും ഏവരുടെയും മനസ്സ് കീഴടിക്കിയ ശാലിനി വീണ്ടും സിനിമ രംഗത്തേക്ക് തിരിച്ചു...
2. ഭരതന്‍റെ ‘നിദ്ര’യും റീമേക്ക് ചെയ്യുന്ന പഴയകാല ചിത്രങ്ങള്‍ റീമേക്ക് ചെയ്യുന്ന പ്രവണത കൂടി വരുന്ന മലയാള സിനിമയുടെ കൂട്ടത്തിലേക്ക്...
3. അഭിനയ പ്രതിഭ മഞ്ജു വാര്യര്‍ മടങ്ങി വരുന്നു ; മമ്മൂട്ടിയുടെ നായികയാവും കഴിവ് തെളിയിച്ച അഭിനയ പ്രതിഭ മഞ്ജു വാര്യര്‍ വീണ്ടും മലയാള സിനിമയുടെ പൂമുഖതിലെക്ക്...

മുപ്പതില് അധികം വര്ഷങ്ങള്ക്ക് മുന്പ്.. ……
കോഴിക്കോട് അശോക ആശുപത്രി.
കാലില് ഒരു ചെറിയ ശസ്ത്രക്രിയയുടെ അത്ഭുതവുമായി അമ്മ ആദ്യമായി ആശുപത്രിയില് കിടക്കുന്നു. അരികില് അമ്മയില് നിന്നും ധൈര്യം സ്വീകരിച്ച് അഛനും ഞങ്ങള് മക്കളും തനിച്ച്. തൊട്ടടുത്ത മുറിയില് അര്ബുദം വന്ന് അവശനായ ഒരാള് . അദ്ദേഹത്തിന്റെ കഠിനമായ ശ്വാസഗതിയുടെ മുഴക്കം കേള്ക്കേ അമ്മ നാമം ജപിക്കും.
ഏതു സമയത്തും അദ്ദേഹത്തിന്റെ വേദനയെക്കുറിച്ചാണ് അമ്മയുടെ ചിന്ത. സ്വന്തം ഡോക്ടര് വന്നാലും അദ്ദേഹത്തിന്റെ കാര്യം ആദ്യം തിരക്കും. ആശുപത്രി എന്നാല് ഒരുപാട് പേര് അസുഖം വന്നു കിടക്കുന്ന വീടാണെന്ന് അമ്മ പറയും. കാലിലെ വേദന കുറവുണ്ടെങ്കില് , ആ മുറിയില് സന്ദര്ശകര് ഇല്ലെങ്കില് അമ്മ എന്നെയും കൂട്ടി അദ്ദേഹത്തെ കാണാന് ചെല്ലും. അറിയാത്ത ആ മനുഷ്യന്റെ കയ്യില് ആരോടും സമ്മതം ചോദിക്കാതെ സ്വല്പ്പനേരം പതിയെ തടവും. വിങ്ങുന്ന ഭാര്യയെ ഒന്നും പറയാതെ തെല്ലിട ചേര്ത്തു പിടിക്കും. അപ്പോഴും അമ്മ നാമം ജപിക്കുന്നുണ്ടാവും.

പിന്നീട് വന്ന ഏതോ ഒരു പകല് . അദ്ദേഹത്തിന് അസുഖം കലശലായ സമയം. ശ്വസിക്കാന് ആശ്വാസം നല്കാനായി മെഡിക്കല് അസിസ്റ്റന്റ് കട്ടിലിന്നരികില് തന്നെ നിന്ന്, ട്യൂബിന്നറ്റത്ത്
സിറിഞ്ച് വെച്ച് വയറ്റിലെ fluid കുറേശ്ശെ കുറേശ്ശയായി വലിച്ചെടുക്കുന്നു. ഏതു നിമിഷവും അദ്ദേഹം യാത്രയാവാം. അപ്പോള് , അമ്മയുടെ ആഗ്രഹ പ്രകാരം അവിടേക്ക് സാവകാശം ചെന്ന ഞാന്
വരാന്തയിലേക്ക് തുറക്കുന്ന അഴിജനലിന്നപ്പുറം നിസ്സഹായനായ ഡോക്ടര്ക്ക് മുന്നില് വിതുമ്പി തൊഴുതു നില്ക്കുന്ന അദ്ദേഹത്തിന്റെ പത്നിയെ കണ്ടു. ഇനിയും അധിക നേരം ഇല്ലെന്നറിഞ്ഞിട്ടുപോലും, അതിരില്ലാത്ത പ്രതീക്ഷയോടെ അവര് ഡോക്ടറോട് ചോദിക്കുന്നത് ഞാന് കേട്ടു.. “സ്നേഹിച്ച് കൊതി തീര്ന്നിട്ടില്ല ഡോക്ടര്.. എങ്ങിനെയെങ്കിലും അദ്ദേഹത്തെ എനിക്കൊന്നു രക്ഷിച്ചു തരുമോ….”

അന്നു രാത്രി ആ സ്നേഹം അവരില് തന്നെ സമര്പ്പിച്ച് അശേഷം പരിഭവമില്ലാതെ അദ്ദഹം ആകാശ വലയങ്ങളിലൊന്നിലെ പ്രകാശമായി മാറി.

ഇത്രയും കാലത്തെ ശ്വാസമിടിപ്പുകള് വഴികാണിച്ച ഈ ജീവിത സമയത്തിനുള്ളില് , ‘സ്നേഹിച്ച് കൊതി തീരാത്ത..’ മനസ്സ് തുറന്ന സന്ദര്ഭം എനിക്ക് പ്രിയപ്പെട്ട ഒരാളിലൂടെ കാലം എന്നിലേക്കും തുറന്നു തന്നിട്ടുണ്ടെങ്കിലും, ഞാന് തന്നെ അതേ ആളിലേക്ക് ആ അവസ്ഥ പ്രവഹിപ്പിച്ചിട്ടുണ്ടെങ്കിലും, മറ്റൊരാള് എനിക്കു മുന്നില് വേറൊരാളെക്കുറിച്ച് അത് തുറക്കുന്നത് അന്നാദ്യം… അതിനു ശേഷം ഇതുവരെ അത്രയും സത്യസന്ധമായി ഒരു രംഗം എന്റെ മുന്നില് ഒരു സൂര്യവെളിച്ചവും കാണിച്ചു തന്നിട്ടില്ല. ആ രംഗം അമ്മയോട് പറഞ്ഞതും അമ്മ പറഞ്ഞു…. “അങ്ങിനെ കേള്ക്കുന്നതിലും വലിയൊരു മഹാഭാഗ്യം വേറെയില്ല. എന്നാലും അപ്പോഴും ആര്ക്കും മനസ്സിലാവില്ല.. എന്താണ് സ്നേഹമെന്ന്.. അതാണ് അതിന്റെ ലഹരി.. ”

രഘുനാഥ് പലേരി

മുപ്പതില് അധികം വര്ഷങ്ങള്ക്ക് ശേഷം.
ഇടപ്പള്ളിയിലെ നിരത്ത് മുറിച്ചു കടന്ന് ഇന്നലെ ഒരു ചെറു നിരത്തിലേക്ക് ഇറങ്ങവേ , അവിടെ വൃദ്ധയായ ഒരു അമ്മയും മകനും
എന്നെയും നോക്കി നിശ്ശബ്ദം മുന്നില് നില്ക്കുന്നു. മകന് അമ്മയുടെ കയ്യില് പിടിച്ചിരിക്കുന്നു. അവരെ ഞാന് കടന്നു മാറവേ ആ അമ്മയുടെ നോട്ടം ഒരു കളിയരങ്ങിലെ തിരശ്ശീലയായി എന്റെ നെഞ്ചില് തെല്ലിട ആടി നിന്നു. ഞാന് അവര്ക്കരികിലേക്ക് ചെന്നു. തെല്ലിട സംശയവും, ഇത്തിരി അതിശയവും, ഒത്തിരിയൊത്തിരി ആനന്ദവും തെളിഞ്ഞതും ആ അമ്മ എന്നോട് പുഞ്ചിരിച്ചു പറഞ്ഞു….
…. നല്ല പരിചയം തോന്നുന്നു…!

ഒരു തലോടല് ….
ഒരു ഇമ ചിമ്മി തുറക്കുന്ന സമയംപോലും വേണ്ടി വന്നില്ല ആ അമ്മക്കെന്റെ അമ്മയെ തിരിഞ്ഞു നോക്കാന്.. ..

നിറയുന്ന കണ്ണുകള് എന്തുചെയ്യണമെന്നറിയാതെ, അവരെ സ്വല്പ്പം മാറ്റി നിര്ത്തിയ കാറില് കയറാന് സഹായിക്കേ.. ആ മകനോട് ഞാന് ആഹ്ലാദത്തോടെ പറഞ്ഞു…
“അഛനെ സ്നേഹിച്ച് കൊതി തീരാത്ത അമ്മയാണ്…. ”

നക്ഷത്ര ജാലകംപോല് തുറന്ന ആ മിഴികളില് തിളങ്ങിയത് കരച്ചിലോ പുഞ്ചിരിയോ എന്ന് പറയുക വയ്യ.. വിറയ്ക്കുന്ന വിരലുകള് എന്റെ കയ്യില് മുറുക്കി ആ അമ്മ അറിയാതെ പറഞ്ഞു പോയി …
“ഹോ.. ന്റെ കുട്ടീ.. ”

ഞാന് ഇതെഴുതുമ്പോള് ആ മകനും അമ്മയെ കൊതി തീരാതെ സ്നേഹിക്കുകയാവാം .. അവര് സ്നേഹിക്കട്ടെ

Related posts:

1. സൂര്യ തേജസ്‌ മാഞ്ഞു – ‘അമ്മ’യുടെ ബാംഗ്ലൂരിലെ മെഗാഷോ ഉപേക്ഷിച്ചു. മലയാള സിനിമാ അഭിനേതാക്കളുടെ സംഘടനയായ അമ്മയുടെ `സൂര്യതേജസോടെ അമ്മ’ എന്ന പരിപാടിയുടെ ബാംഗ്ലൂരിലെ...
2. ഡെഡിക്കേഷന്‍ – പ്യാരി സിംഗ് വേറെ ഒന്നും ചെയ്യാന്‍ തോന്നാത്ത നേരത്ത് ടി .വി. യില്‍ മ്യൂസിക്‌ ചാനലുകളില്‍...
3. എസ് എ ടി ആശുപത്രിയില്‍ ചോര കുഞ്ഞിനെ 5000 രൂപയ്ക്ക് വിറ്റു. എസ് എ ടി ആശുപത്രിയില്‍ ചോര കുഞ്ഞിനെ 5000 രൂപയ്ക്ക് വിറ്റു. എന്നാല്‍...

മുന്‍ മന്ത്രി ടി.എം ജേക്കബിന്‍െറ നിര്യാണത്തെ തുടര്‍ന്ന് ഒഴിവ് വന്ന പിറവം നിയോജക മണ്ഡലത്തില്‍ മാര്‍ച്ച് 18ന് ഉപതെരഞ്ഞെടുപ്പ് നടക്കും. ഇതോടെ പെരുമാറ്റ ചട്ടം നിലവില്‍ വന്നു. ഫെബ്രുവരി 22ന് വിജ്ഞാപനം പുറപ്പെടുവിക്കും. അന്നു മുതല്‍ 29 വരെ നാമനിര്‍ദേശ പത്രിക നല്‍കാം.സൂക്ഷമ പരിശോധന മാര്‍ച്ച് ഒന്നിന് പൂര്‍ത്തിയാക്കും. നാമനിര്‍ദേശ പത്രിക പിന്‍വലിക്കാനുള്ള അവസാന തിയതി മാര്‍ച്ച് മൂന്നിനാണ്. മാര്‍ച്ച് 21നാണ് വോട്ടെണ്ണല്‍.

ഇടതുപക്ഷ സ്ഥാനാര്‍ഥിയായി എം.ജെ ജേക്കബും യു.ഡി.എഫ് സ്ഥാനാര്‍ഥിയായി ടി.എം ജേക്കബിന്‍െറ മകനായ അഡ്വ. അനൂപ് ജേക്കബുമാണ് മത്സരിക്കുന്നത്.

Related posts:

1. മണിക്കൂറുകള്‍ മാത്രം ബാക്കി പത്രികാസമര്‍പ്പണം ഇന്ന് അവസാനിക്കും തിരുവനന്തപുരം: തദ്ദേശ തെരഞ്ഞെടുപ്പിലെ നാമനിര്‍ദേശ പത്രികാസമര്‍പ്പണം ഇന്ന് അവസാനിക്കും. ഇതുവരെ 77905 സ്ഥാനാര്‍ഥികളാണ്...
2. ലിബിയയില്‍ അന്തിമ പോരാട്ടം രൂക്ഷമാവുന്നു ലിബിയയില്‍ അന്തിമ പോരാട്ടം തീവ്രമായി തുടരുന്നു. ഗദ്ദാഫിയുടെ തലയ്ക്ക് വിമത സേന വിലയിട്ട...
3. തദ്ദേശ തെരഞ്ഞെടുപ്പ് വിജ്ഞാപനം ഇന്ന് മുന്നണികള്‍ അവസാന ഒരുക്കത്തില്‍ തിരുവനന്തപുരം: തദ്ദേശ സ്ഥാപനങ്ങളിലേക്കുള്ള പൊതുതെരഞ്ഞെടുപ്പിന്റെ വിജ്ഞാപനം തെരഞ്ഞെടുപ്പ് കമീഷന്‍ തിങ്കളാഴ്ച പുറപ്പെടുവിക്കും. തിങ്കളാഴ്ച...

പ്രമുഖ നാടക സംവിധായകന്‍ ജയപ്രകാശ് കൂളൂര്‍ സംവിധാനം ചെയ്ത നാല് ലഘു നാടകങ്ങള്‍ ഫോര്‍ പ്ലേ എന്ന പേരില്‍ ബംഗാളൂരില്‍ പ്രദര്‍ശിപ്പിക്കും . ഇട്സ് ഒകെ , പായസം , ബ്രിഡ്ജ് , ദി ബിയര്‍ എന്നീ നാടകങ്ങള്‍ ആണ് പതിനെട്ടാം തീയതി നടക്കുന്ന പ്രദര്‍ശനത്തില്‍ ഉള്‍പെടുത്തിയിട്ടുള്ളത്. ബ്ലൂ ഓഷ്യന്‍ തിയേടര്‍ ആണ് ഫോര്‍ പ്ലേ നിര്‍മിച്ചിരിക്കുന്നത് .

തനത് നാടക അവതരണ ശൈലിയില്‍ നിന്നും മാറി , നാടക അവതരണത്തിനു പുതിയൊരു തലം നല്‍കിയിരിക്കുകയാണ് ജയപ്രകാശ് കൂളൂര്‍ . പ്രമുഖ നടനും നിര്‍മാതാവുമായ പ്രകാശ്‌ ബാരെ , ചലച്ചിത്ര സംവിധായകന്‍ വി കെ പ്രകാശ് , പദ്മ പ്രിയ , ആന്‍ അഗസ്റിന്‍ എന്നിവരാണ് പ്രധാന വേഷങ്ങള്‍ കൈകാര്യം ചെയ്യുന്നത് . കൂടുതല്‍ വിവരങ്ങള്‍ക്ക് :

webpage Url : http://blueoceantheatre.com/

Ticket: http://www.indianstage.in/EventDetails.do?eventId=2521 , http://in.bookmyshow.com/plays/4-Play/ET00009003

facebook Page: http://www.facebook.com/pages/BlueOcean-Theatre/208827649214779

Facebook event : http://www.facebook.com/events/158279607622041/

Related posts:

1. പ്രകാശ് ബാരെയുടെ പുതിയ ചിത്രം “ഇവന്‍ മേഘരൂപന്‍” ചിത്രീകരണം നവംബര്‍ ആദ്യവാരം മലയാള കവിതയുടെ കളിയച്ഛന്‍  പി കുഞ്ഞിരാമന്‍ നായരുടെ ജീവിതം സിനിമയാകുന്നു. ഇവന്‍ മേഘരൂപന്‍...
2. പ്രകാശ് ബാരെയുടെ ജാനകി SURGE ഫിലിം ഫെസ്റ്റിവെല്ലിലേക്ക് സിലിക്കോണ്‍ മീഡിയ യുടെ ബാന്നറില്‍ എം ജി ശശി സംവിധാനം ചെയ്ത ജാനകി...
3. മോര്‍ണിംഗ് ബെല്‍ ന്യൂസില്‍ പുതിയ പംക്തി “ബുധദര്‍ശനം” മോര്‍ണിംഗ് ബെല്‍ ന്യൂസില്‍ പുതിയൊരു പംക്തി തുടങ്ങുകയാണ് , “ബുധദര്‍ശനം”.  എല്ലാ ബുധനാഴ്ചയും...