ഊണും ഉറക്കവും ഉപേക്ഷിച്ചു ഐ പി എല്‍ മാമാങ്കം കാണാന്‍ ഇരിക്കുക്കുന്ന ക്രിക്കറ്റ്‌ ആരാധകരെ നിരാശയിലാക്കി മലയാളി താരം ശ്രീശാന്തിന്റെ ഒത്തു കളി . രാജസ്ഥാന്‍ റോയല്‍സ്‌ കളിക്കാരനായ ശ്രീശാന്തും മറ്റു രണ്ടു കളിക്കാരും ഒത്തു കളിച്ചതിനെ തുടര്‍ന്ന് ഡല്‍ഹി പോലീസ് ആരെസ്റ്റ്‌ ചെയ്തു . അംഗിത് ചവാന്‍, അജിത് ചന്ദാല്‌യ എന്നിവരാണ് അറസ്റ്റിലായ മറ്റു താരങ്ങള്‍. ഇന്നു രാവിലെയായിരുന്നു അറസ്റ്റ്. മൂന്ന് ഇടനിലക്കാരെയും അറസ്റ്റു ചെയ്തിട്ടുണ്ട്. കഴിഞ്ഞ ദിവസം രണ്ട് ഇടനിലക്കാരെ അറസ്റ്റു ചെയ്തിരുന്നു. ഇവരെ ചോദ്യം ചെയ്തതില്‍ നിന്നാണ് താരങ്ങളിലേക്ക് അറസ്റ്റു നീണ്ടത്. നൂറോളം മൊബൈല്‍ നമ്പറുകള്‍ കേന്ദ്രകരിച്ചും പോലീസ് അന്വേഷണം നടത്തിയിരുന്നു.

ഗോപു മോന്‍ എന്ന ഓമന പേരില്‍ അറിയപ്പെടുന്ന ശ്രീശാന്ത്‌ ഇതിനു മുന്‍പും പല വിവാദങ്ങളിലും പെട്ടിട്ടുണ്ട് . എന്നാല്‍ ഒത്തു കളി പോലുള്ള മ്ലേച്ഛമായ ഒരു കാര്യത്തില്‍ അറസ്റ്റില്‍ ആവുന്നത് ആദ്യമായാണ്‌ . ഒരു കളിക്കാരന്‍ എന്ന നിലയ്ക്ക അദ്ദേഹം ചെയ്യുന്ന ഏറ്റവും വലിയ അനീതിയായിരിക്കും ഇത് .

Related posts:

1. മുന്‍ മന്ത്രി എ രാജ അറസ്റ്റില്‍ ന്യൂഡല്‍ഹി: 2 ജി സ്‌പെക്ട്രം അഴിമതിക്കേസില്‍ മുന്‍ ടെലികോം മന്ത്രി എ രാജയെ...
2. പാര്‍സല്‍ ബോംബ്: പി.ജി വിദ്യാര്‍ഥിനി അറസ്റ്റില്‍ അമേരിക്കയില്‍ പാര്‍സല്‍ ബോംബ് ആക്രമണം നടത്താനുള്ള പദ്ധതിക്കുപിന്നില്‍ പ്രവര്‍ത്തിച്ചവരെ പിടികൂടാന്‍ ലോകവ്യാപക അന്വേഷണം...
3. മല്ലിക സാരാഭായ് അറസ്റ്റില്‍ പ്രമുഖ സാമൂഹ്യ പ്രവര്‍ത്തകയും നര്‍ത്തകിയുമായ മല്ലിക സാരാഭായിയേയും മുകുള്‍ സിന്‍‌ഹയേയും ഗുജറാത്ത് പോലീസ്...

എന്‍ഡോസള്‍ഫാന്‍ വിക്ടിംസ് സപ്പോര്‍ട്ട് എയിഡ്‌ ഗ്രൂപ്‌ ( എന്‍വിസാഗ് ) നടത്തുന്ന സഹജീവനം ബദല്‍ ശ്രദ്ധേയമാവുന്നു . എന്ടോസള്‍ഫാന്‍ ഇരകള്‍ക്ക്‌ 22 ലക്ഷം രൂപ ചെക്ക് വഴി ധന സഹായം ചെയ്ത ഒന്നാം ഘട്ടത്തിന് ശേഷം എനിവിസാഗ് രണ്ടാം ഘട്ടത്തിലേക്ക് പ്രവേശിക്കുകയാണ് . എന്‍ഡോ സള്‍ഫാന്‍ ദുരിത മേഖലയിലെ പ്രകൃതി പുനര്‍ നിര്‍മാണവും സഹജീവികളെ സ്വയം പര്യാപതമാക്കാനുള്ള ശ്രമങ്ങളുമാണ് രണ്ടാം ഘട്ടം പ്രധാനമായും ലക്ഷ്യമാക്കുന്നത് .എം ടി വാസുദേവന്‍ നായര്‍ , ഡോ യു ആര്‍ അനന്ത മൂര്തി , ബി ആര്‍ പി ഭാസ്കര്‍ ടി ജെ എസ ജോര്‍ജ് തുടങ്ങിയവരാണ് എനവിസാഗ് രക്ഷാധികാരികള്‍ .

സഹജീവനം ‘ഇരയില്‍ ‘ നിന്നും ‘സഹജീവി’യിലേക്കുള്ള പ്രയാണമാണ് .ഇര എന്ന അവസ്ഥയില്‍ നിന്നും മനുഷ്യനും പ്രകൃതിക്കും വിമോചനം .സഹജീവി എന്നാ വാക്കാണ് എനവിസാഗിനു പഥ്യം

കശുവണ്ടി എന്ന ഏക വിളയുടെ കടന്നുകയറ്റവും കീടനാശിനി വിഷബാധയും ആഘാതമെല്പ്പിച്ച ഒരു ഭൂവിടതിന്റെ ശരീരവും മനസും പൂര്‍ണമായി നവീകരിക്കപ്പെടേണ്ട തുണ്ട് പ്രകൃതിയെ അതിന്റെ സ്വഭാവ ശുദ്ധിയിലേക്ക്‌ തിരിച്ചു കൊണ്ട് വരാന്‍ നമുക്ക്‌ സാധിക്കണം .നഷ്ടപ്പെട്ടതൊക്കെ തിരിച്ചു കൊണ്ട് വരിക എന്നത് എളുപ്പമല്ല . അതേസമയം അതസാധ്യവുമല്ല . എനവിസാഗ് പ്രവര്‍ത്തകര്‍ പറയുന്നു .പരമ്പതാഗത ബഹു വിളകൃഷികള്‍ , ചെങ്കല്‍ കുന്നുകളിലെ ശുദ്ധ ജല സ്രോതസ്സുകള്‍ , ജന്തു സസ്യ വൈവിദ്യം ഇവയൊക്കെ തിരിച്ചു വരുമ്പോള്‍ വിഷലിപ്തമായ മണ്ണിനു ശാപ മോക്ഷം ലഭിക്കും . മണ്ണും മനുഷ്യനും സസ്യ ജന്തു ജാലവും പരസ്പരം പൊരുത്തപ്പെട്ടു പുലരുന്ന സഹജീവനതിന്റെ അന്തരീക്ഷം സൃഷ്ടിക്കാനുള്ള ശ്രമമാണ് ഇവിടെ നടക്കുന്നത് .സഹജീവനതിനായുള്ള ഒരു ബദല്‍ മാര്‍ഗം അവതരിപ്പിക്കുകയാണ് എന്‍വി സാഗ് .

സാന്ത്വന കൂട്ടം ,ജൈവ കര്‍ഷക കൂട്ടം , ക്ഷീര കര്‍ഷക കൂട്ടം ,തൊഴില്‍ കൂട്ടം ,തുടങ്ങി നിരവധി മാര്‍ഗങ്ങളാണ് ഇതിനായി അവലംബിച്ചിരിക്കുന്നത് .മനുഷ്യരുടെ മാനസികവും ശാരീരികവുമായ ആരോഗ്യത്തെ തിരിച്ചു പിടിക്കാനുള്ള ശ്രമങ്ങളാണ് ആദ്യത്തേത് . അതിനായി കൌണ്‍സിലിംങ്ങോടു കൂടിയ പാലിയേറ്റിവ് കെയര്‍ സംവിധാനം രൂപീകരിച്ചു കഴിഞ്ഞു .സ്വാന്ത്വന കൂട്ടം എന്ന പേരില്‍ ഇത് പഞ്ചായത്തില്‍ രെജിസ്റെര്‍ ചെയ്തിട്ടുണ്ട് .

കാറഡുക്കയിലെ ഒരു പരമ്പതാഗത കര്‍ഷകനായ ജനാബ് ഇ കെ ഹസ്സൈനാര്‍ ഹാജി മൂന്നു വര്‍ഷത്തേക്ക് ജല ലഭ്യതയും , കൃഷിയുപയുക്തവുമായ നാല് ഏക്കര്‍ സ്ഥലം എന്വിസാജിനു സൌജന്യാമായി നല്‍കിയിട്ടുണ്ട് . ഇവിടെ ഓരോ കുടുംബവും ഓരോതരം പച്ചക്കറികള്‍ കൃഷി ചെയ്യും . അതിനായി വളം ക്ഷീര കര്‍ഷകരോട് വില കൊടുത്തു വാങ്ങും . 20  കുടുംബങ്ങളെ ഇതില്‍ പങ്കാളിയാക്കാന്‍ കഴിയും .

കശുവണ്ടിയുടെയും കീടനാശിനിയുടെയും വരവോടെ നിലച്ചു പോയതാണ് കാരടുക്കയിലെ കന്നുകാലി വളര്‍ത്തല്‍ . പശു വളര്‍ത്തലിനും ആട് വളര്‍ത്തലിനും ആവശ്യമായ പ്രകൃതി ദത്തമായ പുല്ലു ഇവിടെ ലഭ്യമാണ് . എന്‍ഡോ സള്‍ഫാന്‍ തളി ഈ പുല്ലുകളെ വിഷമയമാക്കിയപ്പോള്‍ , മേഞ്ഞു നടന്ന പശുകള്‍ പെട്ടെന്ന് ചത്ത്‌ വീഴാന്‍ തുടങ്ങിയപ്പോള്‍ നിലച്ചു പോയതാണ് ഇവിടുത്തെ കാളി വളര്‍ത്തല്‍ പാരമ്പര്യം .എന്‍ഡോ സള്‍ഫാന്‍ ദുരിതം അനുഭവിക്കുന്ന കാര്‍ഷിക കുടുംബങ്ങളെ സ്വയം പര്യാപ്തമാക്കാന്‍ എന്‍വി സാജ് ഇവിടെ പശു വളര്‍ത്തല്‍ പദ്ധതിക്ക് തുടക്കമിടുന്നു .ഒരു വര്ഷം കൊണ്ട് നൂറു പശുക്കളെ വിതരണം ചെയ്യാനു ആണ് ശ്രമിക്കുന്നത് .ഇതിന്റെ ഭാഗമായി ഓരോ കര്‍ഷകരും പങ്കാളിയായി ക്ഷീര കര്‍ഷക കൂട്ടം രെജിസ്റെര്‍ ചെയ്യും .

തേനീച്ച വളര്‍ത്തല്‍ , ഔഷടോധ്യാനം , കാട് തിരിച്ചു പിടിക്കല്‍, തൊഴില്‍ ലഭ്യത ഉറപ്പാക്കാന്‍ തൊഴില്‍ കൂട്ടം തുടങ്ങി നിരവധി പ്രായോഗിക പദ്ധതികള്‍ ആണ് എന്‍വി സാജ് ഇവിടെ വിഭാവനം ചെയ്തിരിക്കുന്നത് . നാമ മാത്രമായ തുക പെന്‍ഷന്‍ എന്ന പേരില്‍ നല്‍കി ഭരണകൂടം കയ്യൊഴിഞ്ഞ ഈ സാധുകള്‍ക്ക് ഈ പദ്ധതികള്‍ ഏറെ ആശ്വാസമാകും .

ഈ പദ്ധതിയെ പറ്റി കൂടുതല്‍ അറിയുവാനും , പങ്കാളിയാവാനും  താല്പര്യമുള്ളവര്‍ ബന്ധപ്പെടുക :

envisag2011@gmail.com 09048576383 , 09447323555

Related posts:

1. എന്‍ഡോസള്‍ഫാന്‍ വിരുദ്ധ കൂട്ടായ്മ ഏലൂര്‍ എച് ഐ എല്‍ കമ്പനിയിലേക്ക് ജനകീയ മാര്‍ച് സംഘടിപ്പിക്കുന്നു മനുഷ്യ രാശിക്ക് തന്നെ വിപത്തായി മാറിയ എന്‍ഡോസള്‍ഫാന്‍ കീടനാശിനിയുടെ നിര്‍മാണവും വിതരണവും നിര്ത്തിവെക്കണം...
2. എന്‍ഡോസള്‍ഫാന്‍ : മന്ത്രി കെ വി തോമസ്‌ ഒറ്റപ്പെടുന്നു , കെ പി സി സി പ്രമേയം കൊണ്ടുവരും മാരക വിഷം കലര്‍ന്ന കീടനാശിനിയായ എന്‍ഡോ സള്‍ഫാന്‍ കേരളത്തില്‍ എവിടെയും ദോഷം ചെയ്തിട്ടില്ലെന്ന...
3. എന്‍ഡോസള്‍ഫാന്‍ രാഷ്‌ട്രീയ വിഷയമാക്കരുത്‌: ജയറാം രമേശ്‌ എന്‍ഡോസള്‍ഫാന്‍ പ്രശ്‌നം രാഷ്‌ട്രീയമാക്കരുതെന്ന്‌  കേന്ദ്ര വനംപരിസ്‌ഥിതി മന്ത്രി ജയറാം രമേശ്‌. കാസര്‍ഗോഡ്‌ സംഭവിച്ചത്‌...

എന്നാല്‍ മുഖ്യമന്ത്രി ആരായാലും ഉപ മുഖ്യമന്ത്രി ആയി ഡി കെ ശിവകുമാര്‍ വന്നേക്കും എന്നാണു അറിയുന്നത് . സംഘടന രാഷ്ട്രീയത്തില്‍ അവസാന വാക്കായ ഡി കെ ശിവകുമാര്‍ മുന്‍പ്‌ ബംഗാരപ്പ , കൃഷ്ണ മന്ത്രി സഭകളില്‍ അംഗ മായിരുന്നു . എന്‍ സു യു വിലൂടെ വന്നു പടിപടിയായി വളര്‍ന്ന അദ്ദേഹം നിലവില്‍ കെ പി സിസ് സിസ് വൈസ് പ്രസിഡന്റ്‌ ആണ് . ഇടക്കാലത്ത്‌ ആക്ടിംഗ് പ്രസിഡന്റ്‌ ആയും പ്രവര്‍ത്തിച്ചിട്ടുണ്ട് . ഡി കെ ശിവകുമാറിനെ പോലെ തലയെടുപ്പുള്ള ഒരു നേതാവിനെ സാദാ മന്ത്രി സ്ഥാനം കൊണ്ട് തൃപ്തിപ്പെടുത്താന്‍ കോണ്‍ഗ്രസിനു ആവില്ല .അത് കൊണ്ടുതന്നെ മുഖ്യമന്ത്രി ആരായാലും ഉപമുഖ്യമന്ത്രി സ്ഥാനവും  ആഭ്യന്തരവും അദ്ധേഹത്തിനു നല്‍കി സമവായം ഉണ്ടാക്കാന്‍ ആയിരിക്കും ഡല്‍ഹി നേതൃത്വം ശ്രമിക്കുക .മുഖ്യമന്ത്രി സ്ഥാനം താണ ജാതിയില്‍ പെട്ട ഒരാള്‍ക്ക്‌ നല്‍കി ഒരു മാറ്റത്തിന് വഴി വെക്കുക എന്നതാണ് കോണ്‍ഗ്രസ്‌ ഉദേശിക്കുന്നത് എങ്കില്‍ , പ്രബലമായ വോക്കലിങ്ക സമുദായത്തെ തൃപ്തിപ്പെടുത്താന്‍ ഡി കെ ശിവകുമാറിന് അര്‍ഹമായ സ്ഥാനം നല്‍കിയെ തീരു എന്ന് നേതൃത്വത്തിന് നന്നായി അറിയാം .

Related posts:

1. കര്‍ണാടക കോണ്‍ഗ്രസ്‌ തൂത്തു വാരി : മല്ലികാര്‍ജുന്‍ ഘാര്‍ഗെ മുഖ്യമന്ത്രി ആയേക്കും ? – റോഷന്‍ വി കെ രാജ്യം ഉറ്റു നോക്കിയ കര്‍ണാടക നിയമ സഭ തെരഞ്ഞെടുപ്പില്‍ കോണ്‍ഗ്രസ്‌ വ്യക്തമായ ആധിപത്യം...
2. രമേശ്‌ ചെന്നിത്തല കെ പി സി സി പ്രസിഡന്റ്‌ സ്ഥാനം രാജി വച്ചേക്കും ? തെരഞ്ഞെടുപ്പില്‍ കോണ്‍ഗ്രസിന്‌ കേവല ഭൂരിപക്ഷം ലഭിച്ചെങ്കിലും , അനുകൂല സാഹചര്യങ്ങള്‍ പൂര്‍ണമായും ഉപയോഗപ്പെടുത്താന്‍...
3. കടന്നപ്പള്ളി രാമചന്ദ്രന്‍ രാജിവെക്കണം: യൂത്ത്‌ കോണ്‍ഗ്രസ്‌ (എസ്‌) പുല്ലുമേട്‌ ദുരന്തത്തിന്റെ പശ്ചാത്തലത്തില്‍ മന്ത്രി കടന്നപ്പള്ളി രാമചന്ദ്രന്‍ രാജിവെക്കണമെന്ന്‌ യൂത്ത്‌ കോണ്‍ഗ്രസ്‌ (എസ്‌)...

ബിനോയ്‌ വിശ്വം , കെ.ആര്‍ . മീര , സിവിക് ചന്ദ്രന്‍, സി.ജയകുമാര്‍ , വി.എം.സുധീരന്‍ റോബിന്‍ , വിജയരഘവന്‍ ചേരിയ , ഖദീജ മുംതാസ് , ഡോ മുഹമ്മദ്‌ ആഷില്‍ , ഇ.കുഞ്ഞികൃഷ്ണന്‍, സൈമണ്‍ വി. കുരിയന്‍ തുടങ്ങിയവരുടെ അനുഭവങ്ങള്‍ , എം.ടി.വാസുദേവന്‍ നായര്‍ , വി.എസ.അച്ചുതാനന്ദന്‍, എം.എന്‍ .വിജയന്‍, ആനന്ദ് , ടി.ജെ.എസ് .ജോര്‍ജ് , ഡോ എം.എ റഹ്മാന്‍, ഡോ ജയകൃഷ്ണന്‍, ഇ.പദ്മാവതി, എസ് .ഉഷ തുടങ്ങിയവരുടെ വീക്ഷണങ്ങള്‍ കെ.എ .ഗഫൂര്‍ , ജ്യോതിചന്ദ്രന്‍ , എം.ബി.സുകുമാരന്‍ , രാജേന്ദ്രന്‍ പുല്ലൂര്‍ , ബിജു കാഞ്ഞങ്ങാട് , ശചീന്ദ്രന്‍ കാരടുക്ക , വിനോദ് അമ്പലത്തറ , മോഹനചന്ദ്രന്‍ പനയാല്‍, കെ.ഷെറീഫ് എന്നിവരുടെ പെയിന്റിങ്ങുകള്‍ , കെ.ജി.ശങ്കരപ്പിള്ളയുടെ കവിത, ഗോപീകൃഷ്ണന്റെ കാര്‍ട്ടൂണ്‍ , രാജ് മോഹന്‍ നീലേശ്വരത്തിന്റെ നാടകം മധുരാജ്‌ , നിഖില്‍രാജ് , രാമനാഥ പൈ , ദിനേശ് ഇൻസൈറ്റ് , ഓസ്റ്റിന്‍ ചെറുപുഴ , ഷാഫി തെരുവത്ത് , അച്ചു കാസർകോട് മുതലായവരുടെ ഫോട്ടോകള്‍ , പ്രൊഫസര്‍ മോഹന്‍ രാജിന്റെ വിശകലനം , എൻഡോസള്‍ഫാന്‍ വിരുദ്ധ സമരത്തിന്റെ രണ്ടു ദശകക്കാലത്തെ വിവിധ രേഖകള്‍ മെഡിക്കല്‍ റിപ്പോര്‍ട്ടുകള്‍, ഗവേഷണ പ്രബന്ധങ്ങള്‍ , സര്‍ക്കാര്‍ ഉത്തരവുകള്‍, സുപ്രീം കോടതി വിധികള്‍ , ഈ രംഗത്ത് പ്രവര്ത്തിക്കുന്ന വിവിധ സംഘടനകളെയും വ്യക്തികളെയും പറ്റിയുള്ള വിവരങ്ങള്‍ , സമരങ്ങളും പ്രക്ഷോഭങ്ങളും , എന്‍ഡോസള്‍ഫാന്‍ വിരുദ്ധ സമരത്തിലെ നാഴികക്കല്ലുകള്‍ ,എന്നിവ കൂടാതെ എന്‍ഡോസള്‍ഫാന്‍ വിരുദ്ധ സമരത്തിന്റെ വഴികാട്ടികളായ ജോണ്‍ .സി.ജേക്കബ് , ശിവപ്രസാദ്‌ മാസ്റ്റര്‍ , കെ.ടി.മോഹന്‍ദാസ്‌ , ശ്രീ പദ്രെ , ഡോ .വൈ . എസ് മോഹന്‍കുമാര്‍ , ഡോ ശ്രീപദി കജംപാഡി, കെ.എസ് അബ്ദുള്ള, ബി.സി.കുമാരന്‍ , സുരേന്ദ്രന്‍ നീലീശ്വരം തുടങ്ങിയവരെപ്പറ്റിയുള്ള കുറിപ്പുകള്‍ മുതലായവ ഉള്‍പ്പെടുന്ന ഒപ്പുമരം എന്ന പുസ്തകത്തില്‍ 17 അധ്യായങ്ങളിലായി 60 എഴുത്തുകാരുടെ 150 ല്‍ പരം രചനകള്‍ ഉള്‍ക്കൊള്ളുന്നതാണ്. എന്‍ഡോസള്‍ഫാന്‍ വിക്ടിംസ് സപ്പോര്‍ട്ട് എയിഡ് ഗ്രൂപ്പ് (എന്‍വിസാജ് ) കഴിഞ്ഞ രണ്ടു വര്‍ഷമായി നടത്തിവരുന്ന എന്‍ഡോസള്‍ഫാന്‍ വിരുദ്ധ പ്രവര്‍ത്തനങ്ങളെപ്പറ്റിയും ഒപ്പുമരത്തില്‍ പ്രതിപാദിച്ചിരിക്കുന്നു.

Related posts:

1. എന്‍ഡോസള്‍ഫാന്‍ രാഷ്‌ട്രീയ വിഷയമാക്കരുത്‌: ജയറാം രമേശ്‌ എന്‍ഡോസള്‍ഫാന്‍ പ്രശ്‌നം രാഷ്‌ട്രീയമാക്കരുതെന്ന്‌  കേന്ദ്ര വനംപരിസ്‌ഥിതി മന്ത്രി ജയറാം രമേശ്‌. കാസര്‍ഗോഡ്‌ സംഭവിച്ചത്‌...
2. എന്‍ഡോസള്‍ഫാന്‍ വിരുദ്ധ കൂട്ടായ്മ ഏലൂര്‍ എച് ഐ എല്‍ കമ്പനിയിലേക്ക് ജനകീയ മാര്‍ച് സംഘടിപ്പിക്കുന്നു മനുഷ്യ രാശിക്ക് തന്നെ വിപത്തായി മാറിയ എന്‍ഡോസള്‍ഫാന്‍ കീടനാശിനിയുടെ നിര്‍മാണവും വിതരണവും നിര്ത്തിവെക്കണം...
3. എന്‍ഡോസള്‍ഫാന്‍ നിരോധിക്കണമെന്നാണ്‌ വ്യക്തിപരമായ അഭിപ്രായം: കെ.വി തോമസ്‌ എന്‍ഡോസള്‍ഫാന്‍ നിരോധിക്കണമെന്നാണ്‌  തന്റെ വ്യക്തിപരമായ അഭിപ്രായമെന്ന്‌ കേന്ദ്ര കൃഷി സഹമന്ത്രി കെ.വി തോമസ്‌....

തിരിച്ചു പിടിച്ച ഭരണം നില നിര്‍ത്തുന്നതും ജനങ്ങളെ കയ്യിലെടുക്കുന്ന തരത്തിലുള്ള ഭരണ പരിഷ്കാരങ്ങള്‍ കൊണ്ടുവരിക എന്നതും , ആകെ അരോപണങ്ങളില്‍ മുങ്ങി കുളിച്ചിരിക്കുന്ന
യു പി എ സര്‍ക്കാരിനെ സംബന്തിച്ചിടത്തോളം പരമ പ്രധാനമാണ് . ഒപ്പം രാഹുല്‍ ഗാന്ധി കോണ്‍ഗ്രസ്‌ നേതൃ നിരയിലേക്ക് വന്നതിനു ശേഷം നടന്ന തെരഞ്ഞെടുപ്പിലുണ്ടായ വിജയം ആ രീതിയിലും വിലയിരുത്തപ്പെടും . അടുത്ത വര്ഷം നടക്കുന്ന ലോകസഭ തെരഞ്ഞെടുപ്പില്‍ ഇത് നിര്‍ണായക ചലനങ്ങള്‍ സൃഷ്ടിക്കും . അതുകൊണ്ട് തന്നെ തര്‍ക്കങ്ങള്‍ ഒഴിവാക്കി ഹൈ കമാന്‍ഡ്‌ പ്രതിനിധി ആയ ഒരാളെ മുഖ്യമന്ത്രിയാക്കാന്‍ ആയിരിക്കും കോണ്‍ഗ്രസ്‌ കേന്ദ്ര നേതൃത്വത്തിന്റെ താല്പര്യം . അങ്ങിനെയെങ്കില്‍ ഇപ്പോള്‍ കേന്ദ്ര മന്ത്രിമാരായ വീരപ്പ മോയിലിയോ , മല്ലികാര്‍ജുന്‍ ഖാര്‍ഗയോ മുഖ്യമന്ത്രിആകും . ഇതില്‍ കൂടുതല്‍ സാധ്യത മല്ലികാര്‍ജുന്‍ ഖാര്‍ഗെയ്ക്കാന് . ക്ലീന്‍ ഇമാജും പിന്നോക്ക സമുദായാംഗം എന്നതും ഇദ്ദേഹത്തെ തുണയ്ക്കും എന്നാണു കരുതുന്നത് . വിജയികളായ മലയാളികളില്‍ കെ ജെ ജോര്‍ജ് മന്ത്രി സ്ഥാനത്തേക്ക്‌ പരിഗനിക്കപെട്ടെക്കും . എന്‍ എ ഹാരിസിനും രാഷ്ട്രീയ നിരീക്ഷകര്‍ സാധ്യത കല്‍പ്പിക്കുന്നുണ്ട്

Related posts:

1. കര്‍ണാടകയില്‍ കോണ്‍ഗ്രസ്‌ തരംഗം – റോഷന്‍ വി കെ മെയ്‌ അഞ്ചിന് കര്‍ണാടകയില്‍ തെരഞ്ഞെടുപ്പ്‌ നടക്കാനിരിക്കെ കോണ്‍ഗ്രസ്‌ ആത്മവിശ്വാസത്തില്‍ . ഒരിക്കല്‍ കൈവിട്ടു...
2. യു ഡി എഫ് ഏറെ വിയര്‍പ്പൊഴുക്കേണ്ടി വരും : കോണ്‍ഗ്രസ്‌ ലിസ്റ്റില്‍ ചാവേറുകള്‍ നിരവധി , രാഹുല്‍ “ഫാക്ടര്‍” കാണാനില്ല – റോഷന്‍ വി കെ ആസന്നമായ നിയമസഭ തെരഞ്ഞെടുപ്പില്‍ കോണ്‍ഗ്രസ്‌ സ്ഥാനാര്തികളുടെ ലിസ്റ്റ് പ്രഖ്യാപിച്ചെങ്കിലും വിജയ സാധ്യതയുള്ളവര്‍ കുറവാണ്...
3. കടന്നപ്പള്ളി രാമചന്ദ്രന്‍ രാജിവെക്കണം: യൂത്ത്‌ കോണ്‍ഗ്രസ്‌ (എസ്‌) പുല്ലുമേട്‌ ദുരന്തത്തിന്റെ പശ്ചാത്തലത്തില്‍ മന്ത്രി കടന്നപ്പള്ളി രാമചന്ദ്രന്‍ രാജിവെക്കണമെന്ന്‌ യൂത്ത്‌ കോണ്‍ഗ്രസ്‌ (എസ്‌)...

ഇത്തരം വിവേകശൂന്യമായ ചോദ്യങ്ങള്‍ ചോദിക്കുന്ന , രാഷ്ട്രീയ വിദ്യാഭ്യാസം കിട്ടിയിട്ടില്ലാത്ത ജനങ്ങളോടൊടും സി.പി.ഐ.എമ്മിന് യാതൊന്നും പറയാനില്ല.

ടി.പി.ചന്ദ്രശേഖരന്‍ മരിച്ചിട്ട് ഒരു വര്ഷം തികയുന്നു  ദൈനംദിന സംഭവങ്ങളെ ചൂടോടെ വിശകലനം ചെയ്തുപോരുന്ന പ്രബുദ്ധനായ മലയാളിക്ക് വ്യക്തമായ ഒരു രാഷ്ട്രീയ തീരുമാനം കൈക്കൊള്ളാന്‍ ഈ സമയം  മതിയായ ഒരു കാലയളവ് തന്നെയാണ്. ചന്ദ്രശേഖരന്റെ കൊലപാതകത്തിനു ശേഷം സി.പി.ഐ.എം. പലവട്ടം അഭിപ്രായങ്ങള്‍ മാറ്റിമാറ്റിപ്പറഞ്ഞു എന്ന് പരാതിപ്പെടുന്ന ആള്‍ക്കൂട്ട സിന്‍ഡിക്കേറ്റിനോട്, അങ്ങനെ കാര്യങ്ങളെ ഒരുവശത്തുനിന്നു മാത്രം നോക്കിക്കാണരുത് എന്ന കമ്മ്യൂണിസ്റ് മാര്‍ക്സിസ്റ് പാര്‍ട്ടിയുടെ പ്രതിഷേധമറിയിച്ചുകൊണ്ട് നമുക്കീ ചര്‍ച്ച തുടങ്ങാം.

നിങ്ങളെന്താണ് ഈ പാര്‍ട്ടിയെക്കുറിച്ച് വിചാരിച്ചത്. അഭിപ്രായങ്ങള്‍ മാറ്റിമാറ്റിപ്പറഞ്ഞു എന്ന പല്ലവി പലകുറി ആവര്‍ത്തിക്കുമ്പോള്‍ ഒരുകാലവും മാറ്റിപ്പറയാത്ത ഒന്ന് സി.പി.ഐ.എം പറഞ്ഞിട്ടുണ്ട് എന്ന് കൂടി പഠിക്കേണ്ടതല്ലെ. അതല്ലെ സത്യസന്ധമായ മാധ്യമ പ്രവര്‍ത്തനം. ഇനി നിങ്ങളുടെ ശ്രദ്ധയില്‍ അങ്ങനെയൊന്ന് വന്നിട്ടില്ലായെങ്കില്‍ വ്യക്തമായിത്തന്നെ പറയാം.

- ഈ കൊലപാതകത്തില്‍ സി.പി.ഐ.എമ്മിന് പങ്കില്ല .

2012 മെയ് മാസം 4-ാം തിയ്യതി ചന്ദ്രശേഖരന്‍ കൊല്ലപ്പെട്ട രാത്രിമുതല്‍ ഈ നമ്മളീ വിഷയം സംസാരിച്ചുകൊണ്ടിരിക്കുന്ന സമയം വരെ എന്തെല്ലാം മാറ്റങ്ങള്‍ ലോകത്ത് സംഭവിച്ചാലും മാറാതെ നിലനില്‍ക്കുന്ന ഒന്നുണ്ടെങ്കില്‍ അതീ അഭിപ്രായമാണ്.

കൊന്നത് സി.പി.എം ആണ്. അഥവാ കൊന്നവരില്‍ സി.പി.എമ്മുകാരുണ്ടെങ്കില്‍ അവര്‍ സി.പി.എമ്മുകാരല്ല. ഇനി അവരാരെങ്കിലും ഞങ്ങള്‍ സി.പി.എമ്മുകാരാണെന്ന് പറഞ്ഞാല്‍ നിങ്ങള്‍ അത് വിശ്വസിക്കരുത്. അത് ഈ പാര്‍ട്ടിയെ തകര്‍ക്കാന്‍ മൂലധന ശക്തികള്‍ ചെയ്യുന്നതാണ്.

ആരാണ് സര്‍ ഈ മൂലധനശക്തികള്‍ ? അവര്‍ക്ക് നമ്മളേക്കാള്‍ ആസ്തിയുണ്ടോ? അവരെയാണോ സര്‍ പണ്ട് ബംഗാളില്‍ കാറുണ്ടാക്കാന്‍ വന്നപ്പോള്‍ നമ്മള്‍ വെടിവെച്ച് തുരത്തിയത്. നിത്യഭ്യാസികളായ അവര്‍ തന്ത്രപൂര്‍വ്വം ഒഴിഞ്ഞുമാറിയപ്പൊഴാണോ ആ വെടിയുണ്ട നമ്മുടെ പ്രജകളുടെ നെറ്റിയില്‍ കൊണ്ടത് ?

ഇത്തരം വിവേകശൂന്യമായ ചോദ്യങ്ങള്‍ ചോദിക്കുന്ന , രാഷ്ട്രീയ വിദ്യാഭ്യാസം കിട്ടിയിട്ടില്ലാത്ത ജനങ്ങളോടൊടും സി.പി.ഐ.എമ്മിന് യാതൊന്നും പറയാനില്ല. സി.പി.ഐ.എമ്മിന് പറയാനുള്ളത് കൃത്യമായ ഇടവേളകളില്‍ പാര്‍ട്ടി പറഞ്ഞിട്ടുണ്ട്. ചന്ദ്രശേഖരന്‍ കൊപ്പെട്ടതിന്റെ പിറ്റേന്ന് തന്നെ ഈ കൊലപാതകത്തിന് എന്‍.ഡി.എഫിനെ പോലെയുള്ള വര്‍ഗ്ഗീയ ശക്തികളുടെ ഇടപെടല്‍ നടന്നിരിക്കുമോ എന്ന പേടി സി.പി.ഐ.എമ്മിന്റെ പാര്‍ട്ടി സെക്രട്ടറി പിണറായി വിജയന്‍ പങ്കുവെച്ചിട്ടുണ്ട്. വര്‍ഗ്ഗീയ ശക്തികളോട് തുറന്ന യുദ്ധം പ്രഖ്യാപിച്ച ജീവതമാണദ്ദേഹത്തിന്റേത്. നടന്നു പോവുന്ന വഴിയിലെവിടെയെങ്കിലും വര്‍ഗ്ഗീയ ശക്തികളെ കണ്ടാല്‍ നേരിടാന്‍ അരയില്‍ തോക്കു സൂക്ഷിക്കുന്ന മഹാനാണദ്ദേഹം. അരയില്‍ സൂക്ഷിക്കുന്നതിനേക്കാള്‍ നല്ലത് ഒരു സ്യൂട്കേസ് വാങ്ങുന്നതായിരിക്കുമെന്ന പി.ശശിയുടേയും ഗോപി കോട്ടമുറക്കലിന്റെയും ഉപദേശത്തിന് കീഴ്പെട്ട് വാങ്ങിയ പെട്ടിയുമായാണ് അദ്ദേഹത്തിന്റെ യാത്ര. വര്‍ഗ്ഗീയ ശക്തികളെ വര്‍ഗ്ഗീയ ശക്തികളെക്കൊണ്ട് തന്നെ നേരിടുക എന്ന തന്ത്രം കണ്ടു പിടിച്ചാണ് മദനി എന്ന ചാവേറിനെ അദ്ദേഹം കൂടെക്കൂട്ടിയത്. നിങ്ങള്‍ക്കീ പാര്‍ട്ടിയെക്കുറിച്ച് ഒരു ചുക്കുമറിയില്ലെന്ന് ഇപ്പോള്‍ മനസ്സിലായില്ലെ ? പണ്ടോരു വര്‍ഗ്ഗീയവാദി കണ്ണൂരില്‍ വെച്ച് പാര്‍ട്ടി നേതാവിന്റെ കാറ് തടഞ്ഞപ്പോള്‍ , വര്‍ഗ്ഗീയ ശക്തികള്‍ ഇടതുപക്ഷ മൂവ്മെന്റിന് തടസ്സമുണ്ടാക്കുന്നത് തിരിച്ചറിഞ്ഞ് അവനെ ഉന്മൂലനം ചെയ്യാനുത്തരവിട്ട പാര്‍ട്ടിയാണിത്. സാമൂഹ്യ സുരക്ഷിതത്വമാണ് സി.പി.ഐ.എമ്മിന് പ്രധാനം. പണ്ട് സി.പി.ഐ.എമ്മിന്റെ എം.എല്‍ .എ.ആയിരുന്ന സഖാവ് ശെല്‍വരാജ് അക്കാലത്ത് മാഹിയിലെ ബാറില്‍ വന്ന് കള്ള്കുടിച്ച് തല്ലുണ്ടാക്കിയ കഥ ഇ.പി.ജയരാജന്‍ ഏറ്റുപറഞ്ഞില്ലെ. അതാണ് സ്വയം വിമര്‍ശനം. അയാള്‍ക്കുമുണ്ട് ചന്ദ്രശേഖരന്റെ കൊലപാതകവുമായി ബന്ധം. അന്വേഷിക്കേണ്ട ജയരാജന്‍ പറഞ്ഞപോലെ ശെല്‍വരാജ് എന്ന പഴയ സി.പി.ഐ.എം നേതാവിന് അക്കാലം മുതല്‍ക്കേ മാഹിയുമായുള്ള ബന്ധം.

2010-ല്‍ ടി.പി.ചന്ദ്രശേഖരനെ കൊല്ലാന്‍ ഗൂഢാലോചന നടക്കുമ്പോള്‍ അങ്ങ് നെയ്യാറ്റിന്‍കരയിലെ സി.പി.ഐ.എം.നേതാവ് ശെല്‍വരാജിന് പോലും അത് മനസ്സിലാക്കാന്‍ കഴിയുന്ന കമ്മ്യൂണിസ്റ് ഘടക ബാധ്യതകളും കേഡര്‍ സംവിധാനവും സി.പി.ഐ.എം. സൂക്ഷിക്കുന്നുണ്ട് ഇ.പി.ജയരാജന്‍ പറഞ്ഞത് സത്യമാണ്. ജയരാജന്‍ സത്യമേ പറയൂ. ചന്ദ്രശേഖരനെ കൊല്ലാനുള്ള ആലോചന കണ്ണൂരില്‍ ധൃതിപിടിച്ച് നടക്കുമ്പോള്‍ പഴയ എല്‍ .ഡി.എഫ്. സഹയാത്രികന്‍ പി.സി.ജോര്‍ജ്ജ് വരെ തലശ്ശേരിയിലെത്തിയിരുന്നുവെന്ന് പറഞ്ഞത് പി.ജയരാജനാണ്. അതേതു ഘടകബാധ്യതവെച്ചാണെന്ന് എത്രയാലോചിച്ചിട്ടും പിടികിട്ടുന്നില്ല. പക്ഷേ അന്വേഷിക്കണം. അത് മാത്രമല്ല , ഐസ് മുട്ടായി വില്‍ക്കുന്ന ഒരു വ്യവസായ ഭീമനുമുണ്ട് ചന്ദ്രശേഖരന്‍ കൊല്ലപ്പെട്ടതിന് പിന്നില്‍ . തത്വത്തില്‍ അമേരിക്കയുള്‍പ്പെടെയുള്ള സാമ്രാജ്യത്വ രാഷ്ട്രങ്ങള്‍ക്ക് വെല്ലുവിളിയാണ് ഇന്ത്യയിലെ സി.പി.ഐ.എം. ഇന്ത്യ എന്ന ഇട്ടാവട്ടത്തെ വിടൂ, അമേരിക്കയോടാണ് സി.പി.ഐ.എമ്മിന്റെ കളി. അത് കൊണ്ട് തന്നെ സി.പി.എമ്മിനെ തകര്‍ക്കാന്‍ കിട്ടുന്ന ഒരവസരവും അമേരിക്ക പാഴാക്കാറില്ല. കൂടംകുളത്തെ ആണവ നിലയം പൊളിക്കാന്‍ ശ്രമിക്കുന്നതാരാ, അമേരിക്കയാ. ഈ ഷാജഹാനെപ്പോലുള്ള വിഷവിത്തുകള്‍ ജീവിക്കുന്ന ഏഷ്യാനെറ്റ് ആരുടേതാ, അമേരിക്കയുടേതാ. യൂ-ട്യൂബിലും ഗൂഗിള്‍മാപ്പിലുമൊക്കെ ഗവേഷണം നടത്തിയാല്‍ എളുപ്പം കണ്ടെത്താവുന്നതേയുള്ളൂ ചന്ദ്രശേഖരനെ.

ആഗോളഭീകരവാദത്തെക്കുറിച്ച് എന്റെ മലയാളീ നിങ്ങള്‍ക്കെന്തറിയാം.അങ്ങനെ സി.ഐ.എയും എന്‍.ഡി.എഫും പി.സി.ജോര്‍ജ്ജും ശെല്‍വരാജും യു.ഡി.എഫും ഒക്കെ ഉന്മൂലനവിദ്യാഭ്യാസം കൊടുത്ത ചില ഓഞ്ചിയത്തുകാരെ പരിചയപ്പെട്ട് നമുക്കീ ചര്‍ച്ചയങ്ങ് നിര്‍ത്തിയേക്കാം.

1. സി.എച്ച്.അശോകന്‍

കമ്മ്യൂണിസ്റുകാരെ സോഷ്യലിസ്റുകള്‍ വേട്ടയാടിയ കാലത്ത് അതിനു നേതൃത്വം കൊടുത്ത ചൂട്ടപ്രത്ത് ആ-ിയുടെ മകന്‍. മടപ്പള്ളി ഹൈസ്കൂളില്‍ പഠിക്കുമ്പോള്‍ മുതല്‍ സോഷ്യലിസ്റ്റ് സംഘടനാപ്രവര്‍ത്തനം തുടങ്ങിയ അശോകന്‍, മടപ്പള്ളി ഗവണ്‍മെന്റ് കോളേജില്‍ വെച്ച് എസ്.എഫ്.ഐക്കെതിരെ മത്സരിക്കാന്‍ ധീരതകാട്ടിയ കമ്മ്യൂണിസ്റ് വിരോധം ആഴത്തില്‍ സൂക്ഷിച്ച് വളര്‍ന്ന യുവാവായിരുന്നു. സെയില്‍സ് ടാക്സ് വകുപ്പില്‍ ജോലി കിട്ടിയപ്പോള്‍ മറ്റ് പലരേയുംപോലെ തൊഴില്‍ സുരക്ഷിതത്വത്തിന് എന്‍.ജി.ഒ.യൂണിയനില്‍ അംഗമായി. ഘട്ടം ഘട്ടമായി വളര്‍ന്ന് എന്‍.ജി.ഒ.യൂണിയന്‍ സംസ്ഥാന ജന.സെക്രട്ടറിയായി. വിരമിച്ചതിനു ശേഷം മോട്ടോര്‍ തൊഴിലാളി യൂണിയന്റെ വടകര താലൂക്ക് പ്രസിഡണ്ടായി നാടുപറ്റിയ അശോകന്‍, സി.പി.എം.സംസ്ഥാന നേതൃത്വത്തിന് തീര്‍ത്തും അഭിമതനായ മാടമ്പിയായിരുന്നു. ബ്യൂറോക്രാറ്റുകള്‍ക്ക് ഭരണം നടത്താന്‍ കഴിയുന്ന ആധുനിക ജനാധിപത്യ ലോകത്ത് അശോകന്‍ പിണറായി വിജയന്റെ വിശ്വസ്തനായ ഇടനിലക്കാരനായി എളുപ്പം മാറി. ചന്ദ്രശേഖരനെ ഇല്ലായ്മ ചെയ്യാനുള്ള ദൌത്യം സ്വയം ഏറ്റെടുക്കാനുള്ള ചങ്കുറപ്പ് മാത്രം തിരിച്ചറിഞ്ഞാണ് ഓഞ്ചിയം ഏരിയാ സെക്രട്ടറിയായി സി.പി.എം അശോകനെ ഇറക്കുമതി ചെയ്തത്. താന്‍ മുമ്പെന്നോ പിരിഞ്ഞുപോന്ന എന്‍.ജി.ഒ യൂണിയന്റെ സംസ്ഥാന സമ്മേളനത്തില്‍ പങ്കെടുക്കാന്‍ ഒരു രാത്രികൊണ്ട് തീരുമാനമെടുത്ത് ട്രെയന്‍ റിസര്‍വ്വ് ചെയ്യാന്‍പോലും നേരം കിട്ടാതെ അശോകന്‍ കൊല്ലത്തേക്കു വണ്ടികയറിയപ്പോയതിനു ശേഷം വള്ളിക്കാട്ടെ റോഡരികില്‍ കിടന്ന് ചന്ദ്രശേഖരന്‍ പിടഞ്ഞുമരിച്ചത് ചന്ദ്രശേഖരന്റെ നല്ലവനായ അയല്‍ക്കാരന്‍ അറിയാതെയാണെന്ന് സി.പി.എം.വ്യക്തമാക്കിയിട്ടുണ്ട് . അഥവാ അറിഞ്ഞിട്ടുണ്ടെങ്കില്‍ അശോകന്‍ സി.പി.എം.അല്ല. സി.പി.ഐ.എമ്മിന്റെ ഓഞ്ചിയം ഏരിയാ സെക്രട്ടറിയും എന്‍.ജി.ഒ യൂണിയന്റെ മുന്‍ സംസ്ഥാന ജന.സെക്രട്ടറിയുമായ, നിങ്ങള്‍ വലതുപക്ഷ മാധ്യമങ്ങള്‍ പ്രചരിപ്പിക്കുന്ന സി.എച്ച്.അശോകനെ കാണാനല്ല എളമരം കരീമിന്റെ ടീം ജയില്‍ സന്ദര്‍ശിച്ചത്. ജയില്‍ സുരക്ഷിതത്വത്തെക്കുറിച്ച് പഠിക്കാനാണ്. അതിന്റെ തെളിവ് പാര്‍ട്ടി മിനുട്സിലുണ്ട്. അത് നിങ്ങളെ കാണിച്ചു തരില്ല. പക്ഷേ ഞങ്ങള്‍ ദിവസവും അത് കാണുന്നുണ്ട്.

2. കെ.കെ.കൃഷ്ണന്‍

പണ്ടോക്കെ കൃഷ്ണന്‍ എപ്പോഴും ടി.പി.യൊടൊപ്പം ഉണ്ടായിരുന്നുവെന്ന് ഓഞ്ചിയത്തുകാരോര്‍ക്കുന്നുണ്ട് . പീന്നീട് ചന്ദ്രശേഖരന്‍ വളര്‍ന്നു പന്തലിക്കുന്നത് അസ്വസ്ഥതയോടെ നോക്കിക്കാണാന്‍ തുടങ്ങിയതുമുതലാണ് കൃഷ്ണന് ചന്ദ്രശേഖരന്‍ ശത്രുവായത്. ചന്ദ്രശേഖരന്‍ വളണ്ടിയര്‍ ക്യാപ്റ്റനാവും വരെ കെ.കെ.കൃഷ്ണനായിരുന്നു സി.പി.എമ്മിന്റെ ഏരിയാ വളണ്ടിയര്‍ ക്യാപ്റ്റന്‍

വ്യക്തിജീവിതത്തില്‍ കൃഷ്ണന്‍ പ്രയാസങ്ങള്‍ നേരിട്ടപ്പോഴൊക്കെയും ചന്ദ്രശേഖരന്റെ തുണ കൃഷ്ണനുണ്ടായിരുന്നു. എന്നിട്ടും കൃഷ്ണന്‍ ചന്ദ്രശേഖരനെക്കൊല്ലാനുള്ള ഗൂഢാലോചനയ്ക്ക് പല പാതിരാവുകളിലും തലശ്ശേരി ഏരിയാ കമ്മിറ്റി അംഗം പി.പി.രാമകൃഷ്ണന്റെ വീട്ടിലിരുന്നു. അതും സി.പി.എം. നിഷേധിച്ചിട്ടുണ്ട്. തെളിയുന്ന പക്ഷം കെ.കെ.കൃഷ്ണന്‍ സി.പി.എം.അല്ല. അയാള്‍ ഓഞ്ചിയം ഏരിയാ കമ്മിറ്റി അംഗമാണെന്നും വടകര ബ്ളോക്ക് പഞ്ചായത്ത് പ്രസിഡണ്ടായിരുന്നു എന്നൊക്കെയുള്ള വാദങ്ങള്‍ നിരത്തി പിന്തിരിപ്പന്‍ ശക്തികള്‍ കമ്മ്യൂണിസ്റ് വേട്ടക്കിറങ്ങിയാല്‍ പ്രതിരോധിച്ചുകൊള്ളണം. അതാണ് അണികളുടെ ജോലി.

3. കെ.സി.രാമചന്ദ്രന്‍

സ്വദേശം കുന്നുമ്മക്കര. ഓഞ്ചിയത്തെ ആദ്യകാല കമ്മ്യൂണിസ്റ് സംഘാടനകനായിരുന്ന കെ.സി.കേളപ്പന്റെ മകന്‍. സി.പി.എമ്മിന്റെ കോഴിക്കോട് ജില്ലാ കമ്മിറ്റിയംഗമായ ആര്‍ . ഗോപാലന്റെ ബന്ധു. സി.പി.എം. ടിക്കറ്റില്‍ ബ്ളോക്ക് പഞ്ചായത്തിലേക്ക് മത്സരിച്ച് ജയിച്ചു കയറിയതിനു മുമ്പ് ഒന്ന് രണ്ട് വര്‍ഷം രാമചന്ദ്രന്‍ ഒഞ്ചിയത്ത് സി.പി.എം വിരോധം പ്രചരിപ്പിച്ച് നടന്നയാളായിരുന്നു. പിന്നീട് മനംമാറ്റം വന്ന് സി.പി.എം.ആയ രാമചന്ദ്രന് ബ്ളോക്ക് പഞ്ചായത്ത് പ്രസിഡണ്ടായിരുന്ന ഇ.എം.ദയാനന്ദനും വൈസ് പ്രസിഡണ്ടായിരുന്ന കെ.കെ.കൃഷ്ണനും ബ്ളോക്ക് പഞ്ചായത്തില്‍ സഹവാസത്തിനു കിട്ടിയ കാലംമുതല്‍ക്കേ ചന്ദ്രശേഖരനോടുള്ള ശത്രുതയും തുടങ്ങിയിരുന്നു. ഒഞ്ചിയത്തെ റവല്യൂഷണറി നേതാവായ ടി.പി.ബാലനെ വീട്ടില്‍ കയറി വെട്ടിയ കേസില്‍ അറസ്റിലായ രാമചന്ദ്രന്‍ ജാമ്യത്തിലിറങ്ങിയശേഷം ടി.പി.യെ കൊല്ലാനുള്ള ശ്രമം ഊര്‍ജ്ജിതമാക്കി. ഇതൊന്നും സി.പി.എമ്മുകാര്‍ വിശ്വസിക്കരുത്. രാമചന്ദ്രനും പാര്‍ട്ടിക്കാരനല്ല. പിന്നെ കുന്നുമ്മക്കര ലോക്കല്‍ കമ്മിറ്റിയില്‍ രാമചന്ദ്രനില്ലെ എന്നാണ് ചോദ്യമെങ്കില്‍ ലോക്കല്‍ കമ്മിറ്റിയേ അല്ല സി.പി.എം.എന്ന് വരെ മറുപടിപറയാം.

4. പടയംകണ്ടി രവീന്ദ്രന്‍

ഏറാമലക്കാര്‍ ഓര്‍മ്മയില്‍ സൂക്ഷിക്കുന്ന കമ്മ്യൂണിസ്റ് പോരാളി പടയംകണ്ടി ചാത്തുവിന്റെ മകന്‍. ചാത്തുവിന്റെ രണ്ട് മക്കളില്‍ ഒരാളായ രാജന്‍ ആദ്യകാലം മുതല്‍ക്കേ സി.പി.എം. പ്രവര്‍ത്തനകനായിരുന്നു. തുടക്കത്തില്‍ ആര്‍ .എസ്.എസ്. പ്രവര്‍ത്തകനെന്ന നിലയില്‍ നാട്ടിലറിയപ്പെട്ട രവീന്ദ്രന്‍ എണ്‍പതുകള്‍ക്കൊടുവില്‍ ഓര്‍ക്കാട്ടേരി, ഏറാമല ഭാഗങ്ങളില്‍ ആര്‍.എസ്.എസ്.ശോഷിച്ചു പോയതിന് ശേഷമാണ് സി.പി.ഐ.എമ്മില്‍ ആയത്. പിന്നീട്
ചന്ദ്രശേഖരന്റെ സയയാത്രികന്‍. പെണ്ണ് കാണാന്‍ വരേയും കൂടെ പോയത് ചന്ദ്രശേഖരനാണ്. ഓര്‍ക്കാട്ടേരിയിലെ പാവം പൂക്കട നടത്തിപ്പുകാരനാണെന്ന് പിണറായി വിജയന്‍ വിശേഷിപ്പിച്ച രവീന്ദ്രന്‍ ഓര്‍ക്കാട്ടേരിയിലെ കനറാ ബാങ്ക് പ്രവര്‍ത്തിക്കുന്ന ബഹുനിലകെട്ടിടം, മെയിന്‍ റോഡില്‍ നില്‍ക്കുന്ന 8 പീടികമുറികള്‍, എന്നിവയുടെയെല്ലാം ഉടമകൂടിയായ പാവം പൂക്കാരനാണെന്ന് ഒഞ്ചിയത്തുകാര്‍ക്കറിയാം. സി.പി.എം.സ്ഥാപനമായ വെള്ളികുളങ്ങര പാല്‍ സൊസൈറ്റി മില്‍ക്കോവിന്റെ പാലുല്‍പാദന വിതരണ കേന്ദ്രത്തിന്റെ ഉടമയും ഈ പാവം പൂക്കച്ചവടക്കാരന്‍ തന്നെ. ഈ പൂക്കച്ചവടക്കാരന്‍ രവീന്ദ്രനാണ് ഗൃഹപ്രവേശനത്തിന്റെ ക്ഷണക്കത്ത് കൊടുത്ത് കൊലയാളി സംഘത്തിന് ചന്ദ്രശേഖരനെ കാട്ടിക്കൊടുത്തത്. ഈ പാവം പൂക്കാരനെ മുന്നില്‍ കണ്ടാവണം ചന്ദ്രശേഖരന്റെ തല പൂവുപോലെ തെറിക്കുമെന്ന് കെ.കെ.കൃഷ്ണന്‍ പ്രവചിച്ചത്.

ഇനിയുമുണ്ട് എണ്ണിപ്പറയാവുന്നവര്‍ ഒഞ്ചിയം ഏരിയാ സെക്രട്ടറിയുടെ ചാര്‍ജ്ജ് നിലവില്‍ വഹിക്കുന്ന ഇ.എം.ദയാനന്ദന്റെ സഹോദരന്‍ ഇ.എം.ഷാജി, ദയാനന്ദന്റെ സുഹൃത്തും മുന്‍കാല സി.പി.എം.പ്രവര്‍ത്തകനുമായിരുന്ന എന്‍.എം.ബാലകൃഷ്ണന്റെ മകന്‍ പാറയുള്ളതില്‍ സനൂപ്. ചെറുപ്പക്കാരിലാണ് സമൂഹത്തിന്റെ ഭാവി എന്ന് സി.പി.എം.തെളിയിക്കാന്‍ തുടങ്ങിയിട്ട് നാളേറെയായി. സി.പി.എമ്മോ എന്ന് ചോദിക്കാം. സി.പി.എമ്മിന്റെ തട്ടോളിക്കര ബ്രാഞ്ച്ഗമായ സനൂപും, കല്ലാമല-ക-പ്പംകുണ്ട് ബ്രാഞ്ച് സെക്രട്ടറിയായ ഇ.എം.ഷാജിയും സി.പി.എമ്മല്‍ അഥവാ ആണെങ്കിലും അല്ല എന്ന് നിങ്ങള്‍ നിങ്ങളെത്തന്നെ വിശ്വസിപ്പിക്കണം. അതാണ് പാര്‍ട്ടി അച്ചടക്കം.

ഇങ്ങനെ അച്ചടക്കത്തിന്റെ പേരില്‍ കൊന്നത് സി.പി.എം. അല്ല എന്ന് വിശ്വസിക്കുന്നവര്‍ അന്നം കഴിച്ചവരായിരിക്കില്ല എന്ന വി.എസിന്റെ പരാമര്‍ശം നമ്മള്‍ ചര്‍ച്ച ചെയ്യേ-. അതിന് സി.പി.എമ്മിന് സ്വന്തമായി ഒരു കേന്ദ്രകമ്മിറ്റിയും സംസ്ഥാന കമ്മിറ്റിയുമുണ്ട്. അന്നം കഴിച്ചവരും കഴിക്കാത്തവരും ആരൊക്കെ എന്ന ചര്‍ച്ച കഴിഞ്ഞ കുറേ വര്‍ഷങ്ങളായി വിശദമായി അവര്‍ നടത്തുന്നുണ്ട് .

വാല്‍ക്കഷണം:

ചന്ദ്രശേഖരന്റെ തല കൊയ്യുമെന്ന ഒഞ്ചിയം ലോക്കല്‍ സെക്രട്ടറിയുടെ പ്രസംഗം ന്യായീകരിച്ച് പ്രതിഷേധയോഗം കൂടുന്നത് ഉമ്മവെക്കുമെന്ന് പറയാനല്ല എന്ന് പി.ജയരാജന്‍ പറഞ്ഞ ചാനല്‍ വാര്‍ത്തയിലാണ് വാരം അവസാനിച്ചത്. ഉമ്മവെക്കുന്നവരുടേയും തലകൊയ്യുന്നവരുടേയും സുഖവിവരമന്വേഷിക്കുന്ന കച്ചേരി ചന്ദ്രശേഖരന്‍ വധമന്വേഷിക്കാന്‍ സ്വതന്ത്രമായി ഒരന്വേഷണത്തിനുത്തരവിട്ടിട്ടുണ്ട് . തെളിവു വരട്ടെ. ശേഷം പാര്‍ട്ടി കോടതി കൂടി വിചാരണ ചെയ്യും.അത്തരമൊരു വിചരണ കഴിഞ്ഞാണ് ഈയിടെ ഒരാളെ കൊന്നുകളഞ്ഞത്. ഇനിയും എന്തെല്ലാം കാണാനിരിക്കുന്നു. ‍ ഉമ്മവെച്ചും തലകൊയ്തും വളരുന്ന ഫാസിസ്റ് സംഘത്തിന് വായനാശീലമില്ലാതത്തുകൊണ്ട് അടിയന്‍ രക്ഷപ്പെട്ടു .

Related posts:

1. റെവല്യൂഷനുകള്‍ ഉണ്ടാകുന്നത് – ലിജീഷ് കുമാര്‍ ലെനിനും ചെഗുവേരയും, ഫിഡല്‍ കാസ്ട്രോയും സി.പി.എം. ആയിരുന്നോ എന്ന് ഒഞ്ചിയത്തുകാര്‍ ചോദിച്ചു. അവര്‍...
2. ഇങ്ങനെയൊക്കെയാണ് മടപ്പള്ളി – ലിജീഷ് കുമാര്‍ സമതലങ്ങള്‍ പോലെയല്ല കുന്ന്. കയറ്റവും ഏതുയരത്തിനും ഒരിറക്കവും അത് സൂക്ഷിക്കുന്നുണ്ടാവണം. അതുകൊണ്ടാവണം ഇറങ്ങിപ്പോയവരൊക്കെയും...
3. ഫസല്‍ ,ശുക്കൂര്‍ , ചന്ദ്രശേഖരന്‍ വധം..സീ പീ എം ..പ്രതിരോധത്തിലേക്ക് .. ഫസല്‍ ,ശുക്കൂര്‍ , ചന്ദ്രശേഖരന്‍ വധം..സീ പീ എം ..പ്രതിരോധത്തിലേക്ക് .. പാര്‍ട്ടി...

വേള്‍ഡ് ഡാന്‍സ് ഡേ ആയ മെയ്‌ നാലിന് ബാംഗ്ലൂര്‍ ഭാരതീയ വിദ്യാഭവന്‍ കിന്ച്ച ഓഡിറ്റോറിയത്തില്‍ മായ ഡാന്‍സ് എന്‍സെമ്പിള്‍ ന്റെ നേതൃത്വത്തില്‍ ഡാന്‍സ് അവതരിപ്പിക്കും . നഗരത്തിലെ പ്രശസ്ത നര്‍ത്തകരായ രൂപേഷ്‌ കെ സി ,ദിശ മദന്‍,സ്നേഹ ഭരദ്വാജ്,ശേഖര്‍ രാജേന്ദ്രന്‍ ഇന്നിവരാണ് പരിപാടികള്‍ അവതരിപ്പിക്കുന്നത് . കൂടുതല്‍ വിവരങ്ങള്‍ക്കും ടിക്കെട്ടിനും ബന്ധപ്പെടുക : 9844115778

Related posts:

1. പ്രശസ്ത അമേരിക്കന്‍ ഡാന്‍സ് ട്രൂപ് ആയ അനികെയ്ന്‍ ബംഗലൂരില്‍ പ്രശസ്ത അമേരിക്കന്‍ ഡാന്‍സ് ട്രൂപ് ആയ അനികെയ്ന്‍ ബംഗലൂരില്‍...
2. പ്രമുഖ അമേരിക്കന്‍ ഡാന്‍സ് ട്രൂപ് ആയ “അനികൈ” യുടെ ഡാന്‍സ് പ്രോഗ്രാം നാളെ ഇന്ദിര നഗര്‍ ഇ സി എ യില്‍ ...
3. വൈകീട്ടെന്താ പരിപാടി ? ബംഗളൂരിലെ ന്യൂ ഇയര്‍ പരിപാടികള്‍ The countdown has begun to welcome New Year 2013. New...

കര്‍ണാടക നിയമ സഭ തെരഞ്ഞെടുപ്പില്‍ കോണ്‍ഗ്രസിനെ വന്‍ ഭൂരിപക്ഷത്തില്‍ ജയിപ്പിക്കണമെന്നു കെ സുധാകരന്‍ . അഴിമതിയും സ്വജന പക്ഷപാതവും വര്‍ഗീയതും നിറഞ്ഞ ദുഷിച്ച ഭരണമാണ് ഇന്ന് കര്‍ണാടകയില്‍ നടക്കുന്നത് . ഇതിനു ഒരു മറുപടി നല്‍കാന്‍ കോണ്‍ഗ്രസിനെ കഴിയു , കഴിഞ്ഞ അറുപതു വര്‍ഷമായി ഇന്ത്യ എന്നാ സങ്കല്പത്തെ യോജിപ്പിച്ചു നിര്‍ത്തുന്ന ശക്തിയാണ് കോണ്‍ഗ്രസ്‌ . ഇന്ദിര നഗര്‍ ഇ സി എ ക്ലബ്ബില്‍ ക്ഷണിക്കപ്പെട്ട സദസ്സിനു മുന്‍പില്‍ സംസാരിക്കുകയായിരുന്നു അദ്ദേഹം .അമ്പത് ശതമാനം മാത്രമാണ് പലപ്പോഴും മെട്രോ നഗരങ്ങളിലെ വോട്ടിംഗ് ശതമാനം ഇത് ഇന്ത്യയെ പോലുള്ള ഒരു ജനാധിപത്യ രാഷ്ട്രത്തിനു ഭൂഷണമല്ല അദ്ദേഹം ചൂണ്ടികാട്ടി. ഗ്രാമങ്ങളെ അപേക്ഷിച്ചു നഗരങ്ങളില്‍ ആണ് ഈ പ്രവണത കൂടുതല്‍ കണ്ടു വരുന്നത് .ഇത്തരം അരാഷ്ട്രീയ വാദത്തിന്റെ ഫലമായാണ് രാജ്യത് വര്‍ഗീയതയും തീവ്രവാദവും ഉടലെടുക്കുന്നത് എന്നും അദ്ദേഹം അഭിപ്രായപ്പെട്ടു  .

കോട്ടയം എം പി ആന്റോ ആന്റണി ,കോണ്‍ഗ്രസിന്റെ സി വി രാമന്‍ നഗര്‍ , കെ ആര്‍ പുറം സ്ഥാനര്തികള്‍ എന്നിവര്‍ പങ്കെടുത്ത യോഗത്തില്‍ എം കെ സോമന്‍ അധ്യക്ഷനായിരുന്നു . പ്രമുഖ നേതാക്കളായ സഞ്ജയ്‌ അലെക്സ് , സത്യന്‍ പുത്തൂര്‍ എന്നിവരും സന്നിഹിതരായിരുന്നു .

Related posts:

1. സുധാ’കരണം’ മറിച്ചില്‍ : ആരോപണം ജുഡീഷ്യറിക്കെതിരെ ഉള്ളതെല്ലെന്നു കെ സുധാകരന്‍ ജുഡീഷ്യല്‍ ഓഫീസര്‍ക്കെതിരായ ആരോപണം ജുഡീഷ്യറിക്കെതിരെ ഉള്ളതല്ലെന്ന്‌ കെ. സുധാകരന്‍ എംപി കണ്ണൂരില്‍ നടത്തിയ...
2. കോണ്‍ഗ്രസില്‍ ലയിക്കുന്നതിനെക്കുറിച്ച് കേരള കോണ്‍ഗ്രസ്-ബി ആലോചിച്ചിട്ടില്ല: ആര്‍.ബാലകൃഷ്ണപിള്ള കോണ്‍ഗ്രസില്‍ ലയിക്കുന്നതിനെക്കുറിച്ച് കേരള കോണ്‍ഗ്രസ്-ബി ആലോചിച്ചിട്ടില്ലെന്ന് ചെയര്‍മാന്‍ ആര്‍.ബാലകൃഷ്ണപിള്ള. എന്നാല്‍ ഭാവിയില്‍ എന്ത്...
3. നാലപ്പാടി വധത്തെ ന്യായീകരിച്ച് കെ സുധാകരന്‍ എം പി നാല്‍പ്പാടി വാസു വധത്തെ ന്യായീകരിച്ച്‌ കെ.സുധാകരന്‍ എം.പി.നാലപ്പാടി വാസു തന്നെ ആക്രമിക്കാന്‍ വന്നതിനാലാണ്...

മെയ്‌ അഞ്ചിന് കര്‍ണാടകയില്‍ തെരഞ്ഞെടുപ്പ്‌ നടക്കാനിരിക്കെ കോണ്‍ഗ്രസ്‌ ആത്മവിശ്വാസത്തില്‍ . ഒരിക്കല്‍ കൈവിട്ടു പോയ ഭരണം തിരികെ പിടിക്കാന്‍ കഴിയും എന്ന് ഉറച്ചു വിശ്വസിക്കുകയാണ് നേതാക്കളും പ്രവര്‍ത്തകരും .തെക്കേ ഇന്ത്യയില്‍ ആദ്യമായി ബി ജെ പി ഭരണം വന്ന സംസ്ഥാനമാണ് കര്‍ണാടക . യെദിയൂരപ്പ എന്ന നേതാവിന്റെ പിറകില്‍ ആയിരുന്നു ബി ജെ പി നിലകൊണ്ടത്. ഏറെ പണം ഒഴുകിയെങ്കിലും ബി ജെ പി യുടെ ഓപ്പറേഷന്‍ താമര വിജയിക്കുക തന്നെ ചെയ്തു .1985 വെറും രണ്ടു പേര്‍ മാത്രം ഉണ്ടായിരുനിടത്ത് കഴിഞ്ഞ തെരഞ്ഞെടുപ്പില്‍ 110 പേര്‍ ഉണ്ടായി .കേന്ദ്ര നേതൃത്വത്തിന്റെ കണക്ക് കൂട്ടലുകള്‍ പോലും തെറ്റിച്ചു കൊണ്ടായിരുന്നു യെദിയൂരപ്പ ഈ മികച്ച നേട്ടം കൈവരിച്ചത് .

എന്നാല്‍ പലവിധത്തിലുള്ള രാഷ്ട്രീയ ഇടപെടലുകളും , അഴിമതിയും കാരണം യെദിയൂരപ്പ ബി ജി പിക്ക്‌ പുറത്തായി . ഇപ്പോള്‍ സ്വന്തമായി പാര്‍ടി രൂപീകരിചിട്ടുന്ടെകിലും നിര്‍ണായക ശക്തിയാവും എന്ന് പറയാന്‍ പറ്റില്ല . ബി ജി പി യില്‍ ഉണ്ടായ ഈ വിള്ളല്‍ തന്നെയാണ് കോണ്‍ഗ്രസിന് ആത്മവിശ്വാസം നല്‍കുന്നതില്‍ പ്രധാനം . രാഹുല്‍ പ്രഭാവം ശക്തമാല്ലെന്കിലും ഇപ്പോഴും കര്‍ണാടകയിലെ സാധാരണ ജനങ്ങള്‍ക്കിടയില്‍ കോണ്‍ഗ്രസിന് ശക്തമായ വേരോട്ടം ഉണ്ട്. കൂട്ടായ പ്രവര്‍ത്തനത്തിലൂടെ ഇതൊക്കെ വോട്ട് ആക്കിമാറ്റുവാന്‍ നേതാകള്‍ക്ക് പറ്റുമോ എന്നതാണ് സംശയം .

ആഗോള തലത്തില്‍ ശ്രദ്ധ നേടിയിട്ടുള്ള നഗരമാണ് ബാംഗ്ലൂര്‍ .അതുകൊണ്ട് തന്നെ ഇവിടുത്തെ ഭരണം കോര്‍പറേറ്റ് മേഘലയിലും ചര്‍ച്ചാ വിഷയമാവുന്നുന്ദ്‌ . കോണ്‍ഗ്രസ്‌ അധികാരത്തില്‍ തിരിച്ചു വരണം എന്ന് തന്നെയാണ് കമ്പനികളും ആഗ്രഹിക്കുന്നത് . കേന്ദ്രവും സംസ്ഥാനവും ഭരിക്കുന്നത് കോണ്‍ഗ്രസ്‌ ആവുമ്പോള്‍ ഈ മേഘലയില്‍ കൂടുതല്‍ നേട്ടം കൈവരിക്കാന്‍ സാധിക്കും എന്നാണു ഇവരുടെ കണക്ക് കൂട്ടല്‍ .

മലയാളികള്‍ ആയി രണ്ടു പേരാണ് ഇക്കുറി ശ്രദ്ധേയമായ മല്‍സരം കാഴ്ചവെക്കുന്നത് . നഗര സിരാ കേന്ദ്രമായ എം ജി റോഡ്‌ ഉള്‍പ്പെടുന്ന ശാന്തി നഗര്‍ മണ്ഡലത്തില്‍ എന്‍ എ ഹാരിസ് മത്സരിക്കുന്നു . കൂടാതെ മുതിര്‍ന്ന നേതാവായ കെ ജി ജോര്‍ജ് ആണ് മത്സരിക്കുന്ന മറ്റൊരു മലയാളി . ഇക്കുറി ജയിച്ചാല്‍ മന്ത്രി സ്ഥാനം ലഭിക്കാന്‍ സാധ്യതയുള്ള ആളാണ്‌ കെ ജി ജോര്‍ജ് .കര്‍ണാടകയിലെ പ്രമുഖ നേതാവായ സത്യന്‍ പുത്തൂര്‍ തുടങ്ങി നിരവധി പേര്‍ കോണ്‍ഗ്രസിന്റെ ഇലക്ഷന്‍ പ്രവര്‍ത്തനങ്ങള്‍ക്ക് നേതൃത്വം നല്‍കുന്നുണ്ട് .

കോണ്‍ഗ്രസ്‌ മുഖ്യമന്ത്രിയാവാന്‍ സാധ്യത കല്പ്പിക്കുന്നവരില്‍ പ്രമുഖന്‍ സിദ്ധരാമയ്യ ആണ് . എന്നാല്‍ ജനത ദളില്‍ നിന്നും വന്നയാള്‍ എന്ന ന്യൂനതയും അദ്ധേഹത്തിനു ഉണ്ട് . മല്ലികാര്‍ജുന്‍ ഘാര്‍ഗെ ,കെ എച്ച് മുനിയപ്പ ,പരമേശ്വര്‍ എന്നിവരെയും മുഖ്യമന്ത്രി സ്ഥാനത്തേക്ക്‌ പരിഗണിക്കാന്‍ സാധ്യതയുണ്ട് .

Related posts:

1. യു ഡി എഫ് ഏറെ വിയര്‍പ്പൊഴുക്കേണ്ടി വരും : കോണ്‍ഗ്രസ്‌ ലിസ്റ്റില്‍ ചാവേറുകള്‍ നിരവധി , രാഹുല്‍ “ഫാക്ടര്‍” കാണാനില്ല – റോഷന്‍ വി കെ ആസന്നമായ നിയമസഭ തെരഞ്ഞെടുപ്പില്‍ കോണ്‍ഗ്രസ്‌ സ്ഥാനാര്തികളുടെ ലിസ്റ്റ് പ്രഖ്യാപിച്ചെങ്കിലും വിജയ സാധ്യതയുള്ളവര്‍ കുറവാണ്...
2. വിഷക്കള്ളിനു കോണ്‍ഗ്രസ്‌ ബന്ധം:കള്ള്‌ വിതരണം ചെയ്‌തത്‌ കോണ്‍ഗ്രസ്‌ എംഎല്‍എയുടെ സഹോദരന്‍മാര് മലപ്പുറം വിഷക്കള്ള്‌ ദുരന്തത്തിന്‌ ഇടയാക്കിയ കള്ള്‌ വിതരണം ചെയ്‌തത്‌ കോണ്‍ഗ്രസ്‌ എംഎല്‍എയുടെ സഹോദരന്‍മാര്‍....
3. സഹതാപ തരംഗം : അടുത്ത ഞായറാഴ്ച കെ മുരളീധരന്‍ കോണ്‍ഗ്രസില്‍ തിരിച്ചെത്തും ; പദ്മജയ്ക്ക് തൃശ്ശൂരില്‍ ഷുവര്‍ സീറ്റ് ഏറെ കാലമായി കോണ്‍ഗ്രസ്‌ പുന:പ്രവേശനം സ്വപ്നം കണ്ടു കഴിയുന്ന കെ മുരളീധരന് മുന്‍പില്‍ ...

Related posts:

1. ഇന്ത്യയുടെ 41ാമത് രാജ്യാന്തര ചലച്ചിത്രമേളയ്ക്ക് തിങ്കളാഴ്ച തിരിതെളിയും ഇന്ത്യയുടെ 41ാമത് രാജ്യാന്തര ചലച്ചിത്രമേളയ്ക്ക് തിങ്കളാഴ്ച തിരിതെളിയും. വൈകുന്നേരം ഗോവയില്‍ നടക്കുന്ന പ്രൌഢഗംഭീരമായ...
2. പാഞ്ചജന്യം ചലച്ചിത്രമേളയില്‍ ഹ്രസ്വചിത്രങ്ങള്‍ക്കായി മത്സരം ചിറ്റൂര്‍: നാലാമത് പാഞ്ചജന്യം അന്താരാഷ്ട്ര ചലച്ചിത്രമേളയുടെ ഭാഗമായി ഹ്രസ്വചിത്രങ്ങള്‍ക്ക് മത്സരമൊരുക്കുന്നു. 2007 ജനവരി...
3. രാജ്യാന്തര ചലച്ചിത്ര മേള നാളെ തുടങ്ങും ; എം ജി ശശിയുടെ ജാനകി പ്രദര്‍ശിപ്പിക്കും വെള്ളിയാഴ്‌ച ആരംഭിക്കുന്ന പതിനഞ്ചാമത്‌ രാജ്യാന്തര ചലച്ചിത്രമേള വെള്ളിയാഴ്ച  വൈകുന്നേരം ആറിന്‌്‌ നിശാഗന്ധിയില്‍ മുഖ്യമന്ത്രി...