林忌：明報又抽香港人水

明報擺明車馬係一份賣港報，依家睇得好清楚，香港依家最大問題係水管系統漏水同百三萬戶仲用緊淡水沖廁。檢測水管滲漏同埋立即幫百三萬戶換成海水沖廁或資助更小型慳水水箱似乎係眼前急務多一啲。

不過，更大鑊係，中國嶺南地區竟然會旱災，呢個絕對凶兆。

中國嶺南一帶大旱，除咗影響香港嘅糧食供應穩定性外，最大鑊係呢帶本來多人住，呢帶都旱災就唔物價升到亂嚟就怪，工業生產亦會大受打擊，咁樣你想中國唔亂係好有難度，而呢個禮拜冷鋒南來，可能係嶺南乾到死，但上海一帶隨時係多水到水災，呢啲反常到咁嘅天氣，真係自求多福吧。

UK Government FCO: British Minister gives UK Government’s views on constitutional reform in Hong Kong (05/11/2009)

在貿發局倫敦宴會上，有英國官員發言無乜好奇怪，但這次由外交禮節上，派的代表Bill Rammell MP（韋明浩）好唔妥，因為Bill Rammell MP國防部武裝部隊國務大臣（Minister of State for the Armed Forces at the Ministry of Defence (MoD)），由一位負責國防事務官員，喺香港貿發局宴會上，要求香港政府搞好政制，非常古怪。

雖然Bill Rammell MP以前做過FCO，但做過還做過，你見過第二個國家國防官員對你的政制說三道四未？某程度，證明現時香港局勢，是在英國全球戰略考慮在內，所以派個國防官員同大家講嘢。

成篇演詞仲怪，英國好少要求歐盟干涉一個前英國殖民地事務，可以由得英聯邦去拆都會英聯邦去拆。當然香港退出英聯邦，令英國無法利用英聯邦力量去處理香港問題，但不斷將歐盟掛在嘴邊實在不是英國慣常性格。

我相信，英國人對香港問題的謀算，比很多人都老謀深算，立心把EU拉落水係唔駛講（呢個係英國至今仍然唔對BNO歐盟公民權出任何聲的原因，理應一早要講清楚），而且英國有預計香港有可能出現的局面。或者咁講，如果香港或中國出咗大鑊嘢，BNO身份的模糊地帶將是英國政府的皇牌，這張牌是要看準才正式打出來，這己是政治問題。如果無BNO的龐大人口基礎，有條件干涉香港果個將係加拿大同佢盟友美國，而唔到英國出聲。但單憑英國之力，係無力處理香港問題的膠力，所以拉EU落水，啱啱好。

香港班議員仲傻更更咁話，如果東江水唔夠嘅話，就不斷暫時停住先，雖然戰略上係正確，因為香港蔬菜靠廣東省，如果廣東旱災搞到蔬菜失收，大家食貴菜都係得個膠字，但中國政府會不惜犧牲廣東利益嚟向香港供水，唔係對香港人特別好，而係當香港人發現無東江水香港都唔會死果陣，香港仲有乜理由要係中國嘅一部分？呢樣嘢，你同我定都得。

但任何人幾打腫面充胖子都好，無水就係無水，人工降雨都係效果有限，因為冬天由西伯利亞吹嚟嘅風都係乾到離晒譜，最終中國都可能被迫截斷東江水供應，呢件事好可能喺明年春天就會發生，咁香港可以點做？

有幾件事，香港應該要做好：

1. 依家就要鼓勵節水，保持香港水塘供水能力。

2. 依家要考慮一啲小型海水化淡方案，最好係以太陽能推動嘅化淡方案

3. 優先為一啲仍然用緊淡水沖廁嘅地方，緊急進行工程改用鹹水系統，但呢個難度唔會細

喺水呢個問題上，香港人應該多謝港英政府一項策略性決定，就係改用海水沖廁，雖然令香港廁所維修費用比人高，但依家睇起嚟，呢個決定相當有戰略視野。

你見到呢份文件，係食環署嘅官正常遇到易拉架（特別大耳窿易拉架）之類阻街，會留低嘅《檢取物件通知書》，話俾你聽邊度拎番件嘢，以及有可能遇上嘅法律後果，例如罰款。

由呢份文件嚟睇，更加肯定食環署班友公然唔俾番架單車細路，甚至整爛單車係違法，似乎朱凱迪應該考慮係報警，告食環署班大帝刑事毀壞，官府帶頭犯法係罪加一等。

朱凱迪：橫蠻城管

根據朱凱迪嘅描述內容，呢班食環署嘅茂利，唔單只橫蠻，而且係帶頭犯法：

「人群中包括兩名開貨車的食環署外判公司職員、另一些手持大鐵剪剪鎖的食環署外判公司職員、幾個政府白領管理人員、一名警察，還有十數個穿著白色校服的中學生。其中一名又瘦又高的初中生兩眼可憐地緊盯著單車堆外圍一架寶藍色的單車，那是他剛剛用來上學的單車。他知道那個大鐵鏟準備先把幾十部單車夾成廢鐵再放上貨車裏，於是鼓起勇氣以微小的聲音說：「部單車係我㗎，可唔可以拎番？」開貨車的外判公司職員冷冷回道：「唔可以！你唔好走埋去。」他的同事迅速地把控制桿推拉了幾下，一夾，簇新的寶藍色單車成了廢鐵扔進貨車。」

喺呢段單，食環署人員己經有兩大法律疑點：

1. 邊條法例授權食環署外判公司執法，執法都可以外判豈不是天下大亂

2. 邊條法例授權政府可以沒收單車，唔經任何法律程序，原來香港法律授權公職人員搶掠架，就算有咁嘅法例，都可能違反《基本法》

3. 邊條法例授權可以未經法院程序，毀壞他人私人財產，你可以發書面通知要求車主繳納罰款後拎番架車，但未有法律授權毀壞車輛就係刑毀，食環署職員同差人全部都係串謀刑毀。

今年四月政府話搞條橫貫新界東西嘅單車徑，當時Rachel仲對呢個消息感到好高興，依家見到咁執法，真係阿水個心都涼咗一大截。我都想學Boris Johnson咁坐住架單車四圍走，但遇正呢班食環署犯法當食生菜嘅茂利，你敢？

除咗高登果幾位知名賭徒，最出名賭完又走數嘅友仔，當推係中國共產黨莫屬。

唔好講遠到好似我啲祖宗咁，被共產黨走數走到落嚟香港，單係講政制呢筆，老共最初又話二零零七同零八年有普選，大家都應該記得蔡素玉嘅走數紀錄：

依家仲衰，泛民問曾蔭權會唔會2012年減功能組別議席比例，同廢咗膠到無朋友嘅分組投票，反應都係負面，但老共又唔真係承諾2017或2020廢晒呢堆膠嘢佢，咁係唔係又有人想呃人兼走數，咁都得豈不是佢地好著數？

所以被人呃，不如由得依家個膠政制保持住，邊個特首上台拉邊個落台，睇共產黨長命定我地呢啲年青人長命。如果泛民年青嘅，見人地俾位你上就中計，咁呀，呢啲民主叛徒不要也罷。

現在香港本來都唔多太平，但依家有兩件事，令世事睇落更唔太平，大家小心好，2010大事勿用我唔係講笑。

「
珠 海 全 市 進 入 供 水 一 級 緊 急 狀 態 　 冀 澳 門 一 同 制 水
2009-11-07 HKT 12:27
受 到 珠 江 流 域 持 續 乾 旱 影 響 ， 珠 海 市 宣 布 全 市 進 入 供 水 一 級 緊 急 狀 態 ， 並 啟 動 鹹 潮 供 水 應 急 方 案 ， 實 行 定 時 限 量 供 水 。
當 局 說 ， 珠 江 流 域 持 續 枯 乾 ， 西 江 上 游 來 水 減 少 ， 珠 海 市 各 主 要 取 水 口 的 鹹 潮 出 現 時 間 比 歷 史 紀 錄 提 前 40 多 天 。 直 至 本 月 5 日 ， 香 洲 區 的 儲 水 量 是 1230 萬 立 方 米 ， 是 1998 年 以 來 新 低 ， 只 能 維 持 珠 海 香 洲 區 及 澳 門 正 常 供 水 15 天 。

當 局 實 施 一 級 緊 急 狀 態 後 ， 各 方 面 用 水 由 指 揮 部 統 一 分 配 ， 停 止 綠 化 、 市 政 、 環 境 衞 生 、 景 觀 用 水 供 應 ， 對 用 水 多 的 大 企 業 壓 縮 兩 成 用 水 量 ， 以 實 現 全 市 節 水 兩 成 的 目 標 ， 並 向 澳 門 通 報 情 況 ， 希 望 澳 門 亦 採 取 制 水 措 施 ， 共 渡 難 關 。
」

連澳門都要制水，正常供水剩番十五天都認真得人驚，如果係咁，小弟估緊香港幾時要宣布制水，香港自主用水係一個勢所必行嘅問題，唔係小弟係咁吹吓水咁簡單。

香港人要有心理準備，東江水嘅供應唔係好似上世紀六十年代咁真係咁穩陣，果陣中國對用水要求好低，賣東江水係無本生利，依家唔係。

「聯 合 銀 行 香 港 分 行 客 戶 存 款 將 轉 移 至 華 美 銀 行
2009-11-07 HKT 11:35
美 國 再 有 9 間 銀 行 倒 閉 ， 是 金 融 海 嘯 以 來 最 多 銀 行 倒 閉 的 一 日 ， 令 今 年 結 業 的 銀 行 數 目 增 至 115 間 。
早 前 倒 閉 的 美 國 聯 合 銀 行 ， 已 由 聯 邦 存 款 保 險 機 構 接 管 ， 全 球 業 務 就 由 華 美 銀 行 收 購 。 根 據 協 議 ， 聯 合 銀 行 香 港 分 行 的 資 產 及 負 債 ， 會 轉 移 至 華 美 銀 行 。 華 美 會 撥 出 充 足 財 政 資 源 以 全 數 應 付 聯 合 銀 行 香 港 分 行 的 所 有 債 項 ， 包 括 客 戶 存 款 。」

小弟想強調一點，美國嘅情況係無點改善過，英國都係，否則唔會英國政府要再注資RBS同萊斯銀行，而德國政府要再注資Hypo，房利美亦都要美國政府再注資，如果迴光反照都夠膽搏，我覺得班友真係膽大生毛。

香港咁多問題要面對，點解決得晒？

「廣東旱情或影響對香港供水 (13:24)
廣東省旱情加劇，導致不少地區蔬菜欠收，在南沙、珠海等地，甚至水源開始變鹹，對香港供水亦可能受影響。
《廣州日報》今天報道，由於旱情惡化，南沙、珠海市的水，已開始變鹹。

當地農民說，今年降雨量較往年少了三分之一，從化13座水庫蓄水容量，較多年平均值下降了22%。」

成日都聽到一個怪論，香港啲水供應好靠中國架，所以香港無咗中國唔得。但依家廣東乾旱到咁，如果今年冬天到明年春天，都仲係雨都無滴，咁東江水都自身難保喎，咁香港可以點？香港未宣布獨立喎。

如果明年真係東江水斷咗，香港都可以海水化淡等方法自已拆掂佢，香港仲有幾多嘢靠中國，值得諗諗。

收到謝志峰的書面回覆時，小弟完全O晒嘴，小弟除咗肯定要作出跟進，而且感到好火滾，撐港台幾時撐撐吓變咗撐中央台架。

1. 乜劉健儀有代表各黨派立場咩，雖然高鐵立場上，我同劉健儀完全相反，但我實forward呢封信問她，究竟她上去係代表各黨派意見，定自由黨意見，港台咁擺佢上檯。

2. 乜梁啟智代表反對立場咩，梁啟智係代表替代方案，但我同林忌，以至獅子山學會中人所持係連錦上路站方案都反對嘅立場，梁啟啟代表到我地？不如咁講，支持六四殺少啲人嘅人，都可以代表埋堅持要求平反六四嘅人，咁得唔得？

香港電台《節目製作人員守則》係咁定義適切的不偏不倚：

「適切的不偏不倚並不是要求在處理每一個公眾關注的題材時採取硬性的絕對中立，也不要求偏離公平開放社會視為基要的自由、民主、人權及法治大原則。倘若為了試圖不開罪任何人，不驚動任何機構，而不盡力去全面和公開地探討有關的論題和事件，則我們是有瀆職守。」

小弟認為，這次未有全面而公開探討高鐵論題和事件，小弟根據這點而論，有權認為香港電台有瀆職守。小弟作為香港電台節目顧問團團員，為咗捍衛公共廣播的大原則，看來難免要再度去信廣播處長，要他老人家親自解釋乜事。

在評蔡子強今天在《明報》篇文前，小弟先講一講古，又講番辛亥革命。

在1901年，八國聯軍之役清政府輸到裙拉褲甩後，慈禧太后同佢班守舊派大臣，諗住延長大清帝國壽命，於是亦抄1898年光緒皇的改革方案搞政治改革，雖然談不上誠心誠意，但當時仍然有一班立憲派人士支持改革，並且擋住咗同盟會果邊嘅壓力。

但局勢由1909年開始惡化，好多立憲派中人促請清政府快啲手成立議會，但清政府採取一個睬你都傻嘅態度，大家好唔耐煩，有啲立憲派中人仲被皇室拉咗去新疆（東土）充軍，果陣時己經有立憲派中人覺得時態勁唔妥，改為同革命派合作，推翻清政府算數，但呢班人仍然係少數，未到成個政府搞到倒台嘅程度。

1911年，搞咗內閣，不過大部分人都係皇室貴族，被當時寸為皇族內閣，果陣好多立憲派覺得清政府搞A貨改革，根本係昆佢地，結果呢班立憲派中人喺四川保路風潮果陣打響第一槍，佢地做埋同盟會果份，甚至激過同盟會，所以10月10日嘅無預警革命得到迅速成功，連湖北調去四川鎮壓保路風潮嘅新軍亦變埋革命軍嘅一員。

呢個故事教訓乜嘢，當連溫和派改革派都覺得好唔耐煩果陣，如果當權嘅唔切實改革結果就係死路一條。蔡子強今日篇文最令我失望係，佢睇唔到依家第四代果種心情，己經係當年晚清立憲派果種心情，連醫生、律師呢啲人都出聲果陣，就係全面革命嘅形勢，只係差條友做導火線引發事變。蔡子強連咁牙煙形勢都唔知，咁唔怪得曾爵士完全不知自已身陷險境。

如果曾爵士又推出A貨政改，就係香港政權走向終結嘅開始。

延伸閱讀：

林忌：四代香港人的回答