muanteakc

INNGAIHTLAWMNA

2026-05-31T00:05:19.434-07:00

By H Lalrinenga

Mi hausa tak pakhat hian midang titi a ngaithla a,Ṭawngṭai thiltihtheih zia an sawi nak nak mai a.Nakinah chuan 'In tan chuan ṭawngṭaina chu a pawimawh ani maithei,ka tan chuan a pawimawhna reng reng ka hre lo.Ka thawh chhuah liau liau in ka mamawh zawng zawng ka nei a, Pathian hnena dil tur ka nei ve lo reng reng ani" tiin a ṭawng chhuak ve ta hial a.Mi pakhat chuan "Ka pu thil pakhat tlakchham i nei a,chu chu Pathian hnena i dil ve ngei a ṭul in ka hria " a lo ti a.Mi hausa chuan tham lo tih hriat tak hmel pu chungin " Eng nge ka dil tur chu" a ti a.Ani chuan " Inngaihtlawmna i tlachhama ,chu chu i dil a ṭhat ka ring "tiin alo chhang a...

Mahni indah sang ,chapo em em, fel,fing, thiam leh thei bera inngai te pawhin ,thiam loh ,theih loh ,hriat loh leh tluk loh an neih ṭeuhna khawvelah hian , Inngaitlawm taka nun hmang tute hi a champion zawk an ni leh nge nge ṭhin.Inngaihtlawmna hi kan khawsak hona ti nuamtu , mi dang hnehna atana hmanraw ṭangkai tak leh min chawi sang tu ani fo.

_Inngaihlu apiang an tlawm ang a inngaitlawm chu chawimawiin an awm ang_ (Luka 14:11)

_Inngaihtlawmna leh Lalpa ṭih man chu sum te ,chawimawina te ,nunna te a ni_ (Thufingte 22:4)

Easter Sunday 2026 Special

2026-04-04T20:13:56.474-07:00

By H Lalrinenga.

Tin Puithiam lalber chuan a silhfente a pawt thlera ' Pathian a sawichhe ta ;thu hretu dang engah nge kan ngaih tawh ang?Ngaiteh u Pathian Pathian a sawichhiat zia chu tunah in hre tawh e.Engtin nge in ngaih ?" a ti a.An ni chuan "Thi tlak ani,"tiin an chhanga (Mathaia 26:65-66)

Isua Krista khawvela a lo kal lai khan ,Juda mite khan Pathian fapa ani tih kha rin harsa an ti.Pathian /lal ni a , a insawina kha thi tura thiam loh a channa ber pawh a ni.

Isua kha a hunlai amite khan a nu an hria a,a pa pawh an hria a, a unaute pawh an hria a, an chhungkaw eizawnna pawh an hria.Thingtlang khuaa Mistiri fapa pakhat ve mai Pathiana han pawm ngawt mai te kha a hunlaia mite tan pawh khan a harsa ve ngawt ang.Keini ho pawh hi awm ve ni ta ngat ila, a pawm theilo pawl,"Kraws ah khengbet rawh' tia au ring pawl te pawh kan ni ve hial ang.Mihring Pangngai ve mai Pathian a han pawm ngawt kha chu thil harsa ve tak ani ang.

Mahse, Isua kha Kraws a khenbeh a nih hnu khan Pathian a nihzia a lo lang ta a.Khua a thim a, lir a nghing a,Lungpui te alo khi chat a,mi thianghlim kal hmasa te pawh an lo tho leh hial .. .Mihring a thih chiah khan Pathian a nihna alo lang chhuak ta.

Keini ho pawh hian kan mihrinna hi khengbet ve ta ila, ringtu kan nihna hi alo lang chhuak anga , sawi sawi kherlo mah ila, mi dangten kan nunah hian ringtu nun an hmu ve mai ang a!

Khenbeh ve loh kan neih leh zeuh ṭhin avang hian "A inkhawm ve ziah a.... ,Rawngbawltu chu a ni ve tak naa... tiin mi hian min lo sawi ṭhin a ni mai ang em?

" Famkim lo mihring kan ni a, tling lo chung chung a.." tih vel angrenga, mahni insawi thiam leh mai mai lo hian, keimahni a khenbeh tur diktak awm hi kan hriatchian a, kan khenbeh hmasak phawt te hi a pawimawh hmasa zawk ani mai ang em?

Easter Sunday chibai vek ule

Ang Em by H Lalrinenga

2026-04-03T02:03:40.198-07:00

Chang thlan :Marka 14 : 53 - 72

Juda hotu lian ten thiam loh chantir ngei tuma Isua an man ṭum khan amah lo zuitu a zirtir te khan man ve an hlau ani maithei, an bibo zo deuh vek mai , Petera erawh kha chuan puithiam lalber hnena an hruaina kal kawngah khan *Hla tak aṭangin* Isua kha a zui ve zel a Puithiam lalber in hual chhung kawt lai thlengin a zui zela,..Isua zuitu leh Isua ṭhian nih ringawt pawh hlauhawm a nihna hmunah khan Petera khan Isua zuitu nilo ang taka lanchhuah han tum ve ngial mahse, Puithiam lal kawta meilum ai tute khan Isua zuitu ani tih kha an lo hre chat mai sia, "Ka ni love" a tih lawm lawm chung pawh in , Vawithum lai an zawt nawn a, Vawithum lai Isua zuitu a nih loh thu kha a sawi ta nghe nghe anih kha.

Petera nge nge alo ropui ngawt mai ,keini ho hian kan va tluklo si em !

Petera kha chuan a Lalpa Isua Krista kha kawng ralṭi leh hlauhawm takah khan hla tak aṭangin ala zui ve hram hram a, Isua zuitu nilo anga lan chhuah han tum ve mahse, Isua zuitu anihna kha mite hriat khawpin a hmelah ala lang chhuak tho tho a, a thup thiam tlat lo..

Keini ho pawh hian "Kristian ,Isua zuitu ka ni " chu kan ti ve ṭheuh mai.Mahse, Isua hi kan zui ve tak tak em ? Isua hi *hla tak aṭang* pawh hian kan zui ve lem loa, kan zui lo hrim hrim ani zawk mai ang em? Ringtu Kristian ṭha tak nia kan lo inhriat ve lai hian kan khawsakna hmun hrang hrangah leh Isua duhdan aia thildang a lal zawkna hmun, Isua thiamloh chantir ngei angaihna hmunah te hian kan hmelah hian Isua zuitu kan ni tih hi alang chhuak ve kher ang em? Biak in pawn lam ami te hian kan hmelah Isua zuitu hmel an hmu ṭhin ang em?

Good Friday Chawhnu lam ,Chibai vek ule

2026 Good Friday Special

Mahni Inrintawk

2026-01-06T19:35:00.000-08:00

Classroom chhungah chuan naupang pakhat hian a zirlaipui mipa naupang hnungah "mi mawl ka ni" tih ziahna paper chu a hriat lohin a bel sak a, midang zawng zawng bulah chuan hrilh miah lo turin a ti hlawm bawk a.

Naupang dang ho chuan chu mipa naupang chu a rukin an nuih tet tet hlawm a.

Chutih lai chuan an Maths zirtirtu chu a rawn lut a, blackboard ah chuan chhiarkawp chawh tur, zawhna har tak a han ziak a, chawk chhuak tura a tih chuan "mi mawl" a an chhuah chauh chu a chhanna hre awmchhun ani.

Blackboard lam panin a kal a, a han chawkchhuak dik thlap mai. A țhutna a a let leh hnu chuan an zirtirtu chuan a puala kut beng tur leh a hnunga an lehkha tar chu la thla turin a hrilh a.

Tichuan heti hian a ti ta a " midang zawng hi ka hrem hma cheuin thil pahnih kan hrilh teh ang che u. Pakhatna ah chuan in damchhung hian in nih lohna anga hmuh in ni fo ang. He naupang hian a hnunga in lehkha bel hi hria se chuan ka zawhna chhang tur hian a rawn dingchhuak ngam kher lo mai thei. Chuvangin.. Midangten an hmuh dan leh an ngaihdan che u hi in nihna a ni lo tih hre tlat ang che u"

"Pahnihna... In zingah hian țhian dik tak leh țhianțha a nei lo. Nei ni se a hnunga lehkha tar hi hrilh hria in a lak thlak sak ngei ang. A awmzia chu. Țhian satliah tam tak neih aiin, țhian rinawm, țhian dik tak, harsatna leh manganna kan tawh hun, dinhmun khirh tak kan tawh hun pawh a kan tana awm tlat tur pakhat neih a țha zawk. Chutiang mi in neilo anih chuan mahni a mal tlat dan zir a țha zawk" a ti ta a.

Midangte min hmuh dan tur ngaihtuah reng reng in kan buai a, lan mawi kan tum a, țhenkhat in mahni nihna hloh țhak khawpin lâr kan khel a.. Mi min hmuh dan tur a buai lovin kan nihna hrechiang ila, mahni inrintawkna tluka hma min sawn pui theitu thil hi a awm lo.

Țhian pawh. Dinhmun a țhat lai chuan tam tak kan nei thei. Harsatna ruam kan paltlang pui theih tur erawh i hre hrang thiam ang u.

- H Lalrinenga

Dream Journal

2022-06-27T04:11:00.002-07:00

Zawhte leh Sihal

2020-08-01T23:37:00.001-07:00

By H Rinenga

Dt 2ndAug,2020 (Sunday) Special

Zawhte pakhat leh Sihal pakhat hi ramhnuaiah an inkawm a.Sihal chuan intithei takin Hmelma laka inhumhim dan chi zahnih chuang a hriat thu a sawi lang lang a,Zawhte chu chung tlak deuh takin hmelma laka inhumhim dan a thiam zat a zawt ve ta hial a.Zawhte chuan hmelma laka in hum him dan chi khat chiah a hriat thu in a lo chhang a...Chutih lai tak chuan Uisathiam an lokal ta thut mai a.Zawhte chu hmelma laka inhumhim dan a hriat chhun hmang ṭangkai in rang takin thingkungah a lawn ta nghal a.Sihal erawh chu hmelma laka in humhim dan a hriat zing ami chu a eng ber nge a hman ang tia a in ngaihtuah chhungin Uisathiam rual chuan an lo hnaihchilh a,an pawt darh ta vek a...

Thiamna , finna ,felna ,hriatna te hi kan hman chhuah siloh chuan awmzia teh vak a nei lem lo.Awmzia a awm tawh loh hnu a,Tapchhak kil aṭanga "Chuti kha ti chuan tih zawk tur a niah" tia thu fing pui pui lo sawi leh hnuhnawh te hi a ṭangkai na a tamlo em em. Kan thiam leh hriat chhun a remchan ang ang hman chhuah mai zel hi ,mi dang tan leh keimahni tan pawh hian alo ṭangkai zawk daih alo ni.

Pathian thu pawh hi hriat hnem ,hriat ril te a ṭha em em ang.Mahse, kan nunpui chuan siloh chuan awmzia anei tamlo khawp ang.Hre rilin ,hre thuk em em lemlo mah ila,Kan hriat chhun ang ang a taka nunpuia zawm zel mai hi Sual tlanchhiat san na tur atana thil pawimawh ber a ni zawk maithei.

*Lalpa chu ring la thil ṭha ti rawh* ..

SAKAWRPU LEH SAKAWR

2019-08-25T05:48:00.001-07:00

By H.Lalrinenga
**

_Sakawr enkawltu uikawm em em mai hi a awm a.Sakawr chaw tur atana a puten an pekte chu a pute hriat loh hlanin khuaah a hralh ru ṭhin a.Mahse, taima em em mai hian sakawr chu a khuih hauh hauh ṭhin_ .
_Tuk khat chu Sakawr chuan amah enkawltupa hnenah chuan "Min duat tak tak inih chuan min khuih hluau hluau reng lo hian ,eitur tam tak min pe ta zawk che " a lo ti a..._

A chunga kan tarlan tak Esopa thawnthu a Sakawr enkawltu ang deuh khi ,keini ho pawh hi kan ni tlat in ka hre ṭhin.

Khawtlang ṭha tak, nuam tak , felfai tak neih chu kan duh ṭheuh mai.Keimahni ngei pawh hi miin mi ṭha tak leh fel tak,piangthar tha em em,khawtlang hmangaih tak,khawtlang ṭhatna leh hmasawnna tur duh mi, rinawm leh dik anga lan hram kan duh vek mai.
Mahse, a chhungril a ṭanga buaipui hmasa lo a, pawn lam lan dan ringawt kan buaipui zawk tlat ṭhin avang hian kan khawtlang a mawi thei lo fo a, keimahni ngei pawh hi kan lang mawi lo fo .

Pawn lam chauha lan mawi tuma, pawn lang a ṭha anga lan tum, A phen lama engmah ni leh siloh na.Ni lohna anga ṭha ve ang taka lanchhuah ve ṭalh tumna , kan nih lohna zawk kan nihna emaw tih tlatna, Ṭha leh dik ni a inhriat ve tlatna ,He lemchang nun tenawm tak hian kan khawtlang leh keimahni,kan kristian nun thleng hian min ti mualpho in min ti chhe fo..
Ṭawngkam leh pawn lang ringawt a, a langsar leh mi bulah chiah ṭha ve hurha, khawtlang hmangaih ve awm taka lan ve ṭalh tum mai mai lo ..
Khawi hmunah pawh ,eng hmunah pawh Khawtlang ṭhatna ngaihtuaha ,khawtlang ṭhatna tur atana eng pawh hma chhawn hreh lo,Sum tlemte hmanga dikna leh rinawmna hralh ve mai mai phal lo,Biak in piah lam ,mi tumah in an hmuh leh hriatloh lai pawha Krista tana nung ngam leh Isua hnungzui tlat mai te hi kan mamawh pawl tak niin ka hre thin.

Ang em ?

2019-07-28T01:44:00.001-07:00

By H.Lalrinenga**

Keimahni mimal ngaihdan leh duhdana awm ve lemlo te hi ,MAWL leh SUAL tak anga ngaih mai a awlsam ṭhin khawp mai.

Kan khawtlang hruaitu leh kohhran lama kan hruaitute pawh hian kan duh ang leh ṭha kan tih ang diak diak hian ro an rel reng bik lo a.Kan duhdan leh ṭha kan tih ang diak diak pawh hian an nung lemlo bawk. Mahse ,keimahini mimal thlirna tlang aṭanga ṭha kan tih ang leh kan duhdan anga an kal loh vaih chuan kan sawisel peih viau ṭhin.

*Dik a kan in hriat avang ringawt khan mi dang hi an diklo tihna pawh a ni chuang lo a.Ṭha a kan in hriat avang ringawt khan mi dang kha an sual ta bik em em tihna pawh ani chuang lem lo.Kan thlirna tlang a in an loh vang te,kan ngaihdan a in an loh vang te,ṭha leh dik kan tih zawng a in an loh ṭhin vang mai mai ani*

_*Kan ngaihdan leh ṭha kan tih zawng te hi a in anglo ve hlawm ropui mai si a.Mi dang awmdan sawisel chiam ringawt lo deuh hian,an ṭhatna lai hmuh sak thiam a, in ti chak tawn zawnga khawsak ho thiam te hi uar thar ta deuh zawk ila, in sawiselna tur ringawt zawn luih luih mai ai hian kan khawtlang hian kan hlawkpui zawk mai ang em ?*_

Hringnun piah ramah .part III

2019-07-17T02:10:00.001-07:00

By H.Lalrinenga

U Bawia in aṭang chuan nui thawm alo ri chhuak hum hum a..Tun hma aṭanga tun thlenga ,a kip akawia kalo vahvaih pui ve ṭhin , ka ṭhiante ho RTPA,LRPA ,Zirtluanga,Hmangaihenga,Romala, Ṭhuamvala, NKA te leh RB Singer ṭhenkhat te nui thawm ngei alo ni a,.Chuti taka nui nasa ta mai chu ,ka han en ve ta hial a.Ka chanchin ho lai leh nuihzat thlak lai hlir chu an lo in sawi chhawka an lo nui thler duai duai mai hi alo ni a.A titi karlak ah chuan thutak deuh te hian "Naktuk chu thlanmual kawngah kan zawn ve dawn ami le " te an han ti leh zawk a,ṭhianho aiawh a thusawi tur in siam ve te chu an han rel leh thut a, mahse thutlukna mumal nei lo in thudangah an pakai leh ta daih a.. Rei tawk tak an titi hnu chuan "Ka ru i chhuk thla ve ila" an ti ve ta a, chhuak tura an din suau tawh hnu chuan "E taka,Naktuk zing chu anupui fanau te chaw ei pui ve ila " tiin agenda alo lut leh thut a, chhuak pahin "Ei pui ila a ni mai alawm ,Ar zawng nghal ang u " tiin an pass fel nghal der a..Thil danga thu mum nei hlei thei silo khan, eikhawm lam chu an rel thlu sam leh viau lawi a.. Khawnge Kan ho whatsapp group ve *Khuarei(Khap kaw bel)* tia a hming kan vuah ve tak mai ah hian engtin nge min sawi ve reng tiin ,kan en leh zuai zuai a,..Ka boral tak thut thu chu an lo post ve ngei a, Hmun hran ami te pawhin "Ava mak teh thut ve, a pawi hle mai tih velin , an comment tlangpuia a tawpah Lo chhoh ve ngei pawh a tha hle mai Mahse.... tiin an lo chhoh dawn loh thu an sawi deuh vek bawka,An thutak chho ve viau dawn emaw tih laiin *ṭah huaina* tur lampang kha engtin nge kan ngaihtuah ang , tih vel Rui nawi lutuk lo in ,a ṭap huai tawk vel chiah khan a khat tawkin ti zeuh zeuh ula ' tih vel in an chhunzawm nghal thuai a,Nui lem a in tlar thla ṭan bua karah chuan MHIP lehYMA an strick lutuka tah huaina lam a awm thei silo a, a va buaithlak ve tih te pawh a awm, Min ui thu chu an sawi reilo ngei mai.Chutiang karah chuan Pu Hmangaihhlima chuan keima puala poetry phuah tawite chu thupui pawh vuah em em lo in ,a lo zep ve leh bawk a..

_*E* ng dang ,leng dang kan dawn thei lo_
_*Ng* aihban tlangpui liam ni silo in_
_*A* lawi ta maw thlafam vangkhua an_

_*A* mak kan ti , a pawi kan ti_
_*P* iallei thuahriat hnuaiah_
_*Aw* m har piallei thlan thim mahriak te a_
_*I* nghak tur chu_

_*K* im te'n ,hlim te'n_
_*A* ngur nun reng ngai bil lo a_
_*N* au ang kan nuih lai ni te kha_
_*T* hinlai ah nghilh ni awm hian ka ring lo ve_

_*I* hring nun par a chuai, i liam ta si_

Khawhmun nghak ka ṭhiante ho ar puah mek te chuan chuan a hla tlar bul arem dan vel te a thu hrim hrim te hi pui an tia,"A phuah thiam ve phian hi" tinin an en ho nak nak a,an ṭhianpa chu an chhuang ru ve em em ṭheuh mai.Mahse,tumahin ,a tha hle mai tiin an comment ta chuang lo a ,Kutzungpui pir pek pahin I lo chhoh ve dawn chuan lo ngaihtuah teh aw tih velin an comment vel mai mai thunga..LRPA chuan ngawi rengin YMA Group lamah ama phuah ang hmakin a forward zui ta hmiah bawk a. YMA group amite zingah chuan LRPA phuah anih ring an a,ring chiah lo te pawh an awm bawka..Thingpui lumna lamah pawh "LRPA khan YMA group ah khan ava rawn phuah ṭha ve "tih te",A phuah ani lo ang a " tih te "A u pawh Tualcheng hla ṭha deuh phuah tu kha aniah ,an chhung hi hla phuah thiam chhung tak te pawh an lo nih hi a" tih te chu an sawi nak nak a..

Kan in chhunga luh ve pawh tum chuang lova,tlaivar tur anih avanga Zu ruih tur ngar ngar lo zawnga,lo buai ve char char ho,, keimah avang liau liaua ruih lo tum ve ho te chuan min ngai ropui riau te hian ka hre thar a,Ka chhungte tap hnapa an awm laia Hnahlana Zu la tura kal ta daih te ho phei chu Ka thlahrang han chhaih tir deuh chiam te chak ru viau a, mahse, ka hran khum duh ta lemlo a.

Ti chuan hun chu a kal ve zel a, Hunserh alo hnai dawn ta,.Min Vuitu tu tur kohhran Upa chuan ka chanchin ṭhalai han sawi tur hi a vang a ti a.Chhungte ngaihṭhatna zan tura min han thlah liam ve na tur keima chanchin ,tha lai sawi chhuah tur an dap vel a, mahse a buai ani.. *Inkhawm ngai lo mahse* ....tiin ṭha deuh khan min chhuah ta se,Upa in inkhawm ngailo Vanram kai tur a han chhuah chiam kha, " _miten inkhawm lo pawh an kai ve tho te chuan_ " tiin a hnu ah rawn vaw let ve ta ṭalh mai se ,tih vel te kha a rilru ah alutlo bik siloa, a buai ru hle mai.
YMA aiawha thusawi tura an nawr thluk tak Pu Ngura pawh a buai ve tho mai bawk.Ka chanchin a sawi huna hnuk han tih ulh na lai tur hun kha an ngaihtuah ṭhina a vang a ti. Committee laia a thusawi laia kalo nuih vur vur laia min ngei ruk em ek lai te, PWD EE thusawi lai tuisik in tur a pek ṭuma ka lo nuih vur vur lai te,YMA President anih laia, ama awmlai renga mikhual lokal "K.Thanngura YMA president ka nia " tia kalo chibai khalh ve ngawt lai te,Ama lan lohna pawh awm renga ,Lungsaphu a bawhlai thlalak kher kher link pakhat (zo eng emaw ni ka hre chiang ta lo)a ka thawn avanga lo darh ta si avanga,min ngei ruk em em lai te kha a rilrua lang hmasa ani mai si..
Kan chhungkaw aiawha thusawi tute pawh in ka chanchin ṭhalai sawi chhuah tur an han dap ve ngial naa ,an hmu zolo a chha chu ani e.Zamloapa chuan "Vawiinah hian " tiin No deuh hlai, fan deuh raih siin bul han ṭan mahse, sawi chhunzawm tur dang a haihchham tlat.Lawmthu te asawi kual chho ta vel mai mai a nih kha..
Chutiang vel ka thlir reng lai chuan" Mi aia ṭha leh fel nih chu a harsa a,,mahse pangngai tak atlangtla tawka nun lo hman ve mai hi Keimahni tan a va lo ṭha em!Kan thih hnuah pawh kan chhungte leh mi dang te tan alo la pawimawh lehzel mai sia,.Han dam leh ngat ila chu aw...Ka thih leh hunah Chuan chanchin ṭha ve deuh lai sawi tur pakhat tal chu ka nei ve tawh khawp ang " tih te ka rilruah alo luta..Min vui tura an in buatsaih mup mup lai chuan "a pa, a pa" tiin ka fanu te zawk chuan min lo ko vak vaka,Ka harh hlawl a, ka nau awm, ka fanu muhil chu alo harh tawha, amah awm tu chu a bulah chuan kalo muhil ve daih mai hi alo nia,.
A vai mai khian ka mumang mai mai a lo ni tih ka hre ta nghal bawka,tak tak ani roh maiang tih te ka hlau hnunawh viau.. *Vanram kai tur chiang bal chu ni tho mah ni ila,hmanhmawh ang reng taka Van ram lama han kal vut mai ai chuan, leia reithei tak chunga la dam ve ṭek ṭek hi ka la thlahlel ve em em si a.*

HRINGNUN PIAH RAMAH -II

2019-07-17T02:08:00.001-07:00

By H.Lalrinenga

YMA group ah chuan "Tun mai khan kan branch hruaitu Pu ...Chu a boral ta " ti ringawta , Tlangval bengvar pakhat post chu a lo langa, "RIP A va zialo ve ,dar eng zat ah nge ,a sawi chian theih em aw " tih vel "Ava mak teh thut ve ,sawi chiang thei kan awm em aw" tih vela comment alo awm nghal a,Pu Parvulzuala chuan "Dar 3:00 pm khan ,Lungphuchawl ani ber e " tih ringawtin tawi fel takin an sawifiah zui a.. chumi hnuah chuan an han RIP thla ṭan ta a, RIP ti ringawta comment na chu min ui zia an sawi na nge , eng nge ka hre thiam lutuk lo a..Pu Ramenga advise avanga Tv Mapuia post pawh chu a lo lang ve ta a, YMA flag lem tam em em a in zawm phei dul a, a hnuaiah hawrawp puiin Zualko ti in ziak ṭana, chiang angreng takin ka chungchang chu a ziaka, a hnuaiah chuan _Zan inah Tlaivar pui tur ani_ tih a in ziak phei bawka,..Nichin lama Pu Ramenga Advise na kha a tih puitlin hman loh avangin Kum chuti zat chu kan branch O.B ani a ti leh tawp bawk a.. Comment na lamah chuan *Lumen* tih zawk tur tih te ,"Tlaivarpui tih hi kan ṭawng tlang lawn kan hman lar zawk ania hman a sual lo ,A DIK " tih vel chuan an inhnial zui thla chiam ta chiam hlawm a, chu thu chuan ka boral thu chu a chhilh hneh ta ngei mai..Heng zawng zawngah hian Pu Zirliana phei chuan RIP tih tak ngial pawh a sawi lo a, engmah a sawi ve lo a,..An nu bulah "Thi tur vek kan nia ,a kal hmasa deuh ani mai a, ho em mai " a ti vel mai mai a

Khawtlang mipui chu kan thlir kual vel a, kei ve mai mai chu an theng a thawngah ka kal lo hle mai.Ka chanchin an han ngaihtuah chhuah chhun te lah chu , "A tlangval lai khan a rui nawi ve thei khawpa " tih vel 'Naubana a thawh ve lai khan Mi thil tih diklo lai mi hriat vak loh tur te kha sawi chiam a ching " tih vel "Mi thutak lai taka, ho ve angreng tak, ni ve thei tho sia, thu lo sawi a ching " tih vel "tunah pawh hian ala in ru ve zauh zauh ṭhin in ka hria " tih vel te ,"UPC ah khan a in baptist ve maw kha " tih vel ,"Sande sikula a hming a ziah lohna hi a rei tawh ngawt mai " "A inkhawm khat pawl tak niin ka hria " tih vel te kha a ni mai mai a...Han ui teh vak nachhan tur kha ka awmlo ve em bawk lah taka..YMA lama kalo thawhpui ve te lah chuan ka ruang han kil ve chu sawiloh Zu changa duty tlaivar tum in an inbuatsaih ta daih a, "Ar keng ila" tih vel te chu an rel thur thur maia,..Mi ui lo ber tura ka lo rin Ka U Ruata chuan mi hre chang lo leka thu dang ringawt an sawina karah chuan "A zialo ngawt tak tak mai ," a lo ti leh ṭhina, chu pawh chu tumah pawh chuan an chhang mumal peih lemlo ,a chhang peih awm chhun chhun Mapuia lah chuan "Ne ' alo ti ringawt a..Ka U Ruata nge nge kava tluk lo ve ,te ka ti rilru a..

Ka ṭhiante nupui Pi Thantluangi leh Pi Lalliankungi te chuan kan naute chu an pawm a, kan in aṭang chuan an chhuak ta nal nal a,.."Ti hian nau hi lo buaipui ila ,mi kara peih lo chung chunga ,zai zai ai chuan a nuam zawk daih ang" " Kan pa te an tlaivar ve ngei angai dawn sia, in inah riak tlang ila " tih vel te ," an pasawm hual aṭo an rin tawh thu te, Pi Ruatfeli pawhin nimin piaha Pasawm vawikhat ei a pawh thute chu kal pahin an sawi phei mawlh mawlha, min ui hmel lemloh hle. An ni ni ta zawk se ka ṭah nasat dawn tehlul nen hianin.

Zan alo ni ta a, VCP C.RMSA Champhai kal haw pawh in kan in lam alo thleng phei ve ta ..In chhungah chuan ngawi rengin inkuangkuahin a ṭhu a, a khat tawkin ka ruang kiltute chu a melh leh zauh ṭhin. Rei vaklo inchhunga a ṭhut hnu chuan mi dang ṭhutna kiana pawn lama inthiar fihlimin Silpaulin hnuaiah chuan ava ṭhu a , a ṭhutpui te bulah chuan "Ṭhiana tak chu aw , ava ti ho ve mawle ,Ka awm loh hlana hetianga alo awm ringawt mai le "tiin ṭawng bul an ṭana, Ka ṭhiana nge nge a titi pawh a dang zar mai a!Ka lo tih mek lai chuan ,a bula lo , ṭhu te chuan ,Niza inhlawh tih vel, Rankhuahkhirh tih vel, Ram ṭheh tihvel te an sawipui ta daih a, keimah pawh chu min theihhnghilh zui titih nghal a ....

HRINGNUN PIAH RAM AH - I

2019-07-17T02:07:00.001-07:00

By H.Lalrinenga

Eng tizia teh lek emaw ni, hmanhmawh em em hian kan kan in lamah chuan an lo tlan khawm zung zung mai a.Kan inchhungah chuan "Heti laia bur chhia hi khawnge ka dah dawn tih te, an Vawk chaw bel hi khawnge ka dah dawn" tih vel te chu a ri nuaih nuaih a...kan thawmhnaw /bungrua mi hmuh atana chhuanawm loh ve tak tak lo pawm chhuak dawr dawr te, banga kan Calendar intar mai mai a inziak langlo zawnga lo tar danglam te, Kan pindan bang lo ṭhiat rawp rawp te chu an in saikalh nuaih nuaih mai.. Kan nu in nizan lama uluk taka a suk , a ro hman loh hlaua kan rapchunga a rep ro, ka hnathawh thawmhnaw chuam te chu dim lo takin an pawt thla a, pawnchhia emaw tiin kan bangrel bal hruk nan chuan an hmang nawk nawk mai a.. Chuti taka tlai khaw thim dawn hnaih ah lehnghal kan khaw mipui buai ta luai luai mai chu kei chuan an sir aṭangin ka lo thlir reng a, "Engtizia nge ni " tia ka zawh te lah chuan ,mi chhan chu sawi loh ka biak chu an hre lo hrim hrim hi a ang viau mai a ,an bulah ka ding ve reng ani tih pawh chu an hre lo hrim hrim niin ka hria. Ka chhungte lah chuan mi dang an buai em em lai chuan kan khum chu an kil bial luih luih a,a ṭhen an ṭapa, a ṭap lo pawh chu an ṭhu tum bur mai a,ka fate ve lah chu mak tih hmel em em mai hian a chhia a chhia in ngaihsak tu pawh nei lo in an hawi lawl maia,kan ngaihsak dawn ngiala,Mak tak maiin Ka pawmin ka kai thei miah loa,ka biak vena lah an hre thei bawk silo... A heti ringawt chu a diklo ,pawnah tal biak theih an awm ang " tiin pawnah ka chhuak ta ringawt a...Pawna lo ding khawm ho zingah chuan ka va ding ve leh a, an ni ho pawh chu ka thusawi hre lo ang hmak in an awm lehpeka, .Ka thinrim beidawng chuan Vengthlang kawr khawk rum rum khawpa ringin "Eng ti zia nge ni, hetia in buai luai luaia" kan ti nghek a, chu pawh chu tuman engahmah an ngai chuang lo...Chutih lai tak chuan YMA Information mike aṭang chuan *Ka thih thu* chu an lo puang ta dum dum mai ,ka han in ngaihtuah let vang vang hnu chuan ,Zing chaw ka eikham kan ṭhuthlengseia meizial zu chunga mut zal lai vel te kha vawiina ka hun hman dan ka hriat tawp chu ani maia, a bak chu tun hi a ni leh mai.Zing chaw eikham hlim leh tun inkarah hian eng emaw tak chu ka tawk ve ani phawt mai..
Kan inchhung lam pawh an chingfel thawkhat ta aniang, kan inchhungah chuan YMA ṭhutthleng chu an rem lut ta zung zung a..Nichin lawka tihfel zawh hman loh hlau a hmanhmawh deuha che vut vut si kha ,pawnah an lo chhuak zung zunga,Inchhunga thuthleng an remah pawh chuan ṭhu tur an awm ta mang lo a.Pawnah chuan an awm vel ta mai mai a..Kan kawtah chuan "Khaw maw i kuhva chu" tih te "Khaw maw i lighter ka lo hmang lawk " tih vel te chu a ri nawk nawk a .Kan nu in min ngaia a ṭah ve nasat tehlul nen ,pawna lama mite chu Min ngai lo em em hian an titi a ,an nui hem hem reng mai a..Tum lawk leh inbuatsaih lawkna pawh nei lemlo a khawvel ka chhuahsan ve thut dan te chu an hriat dan ang angin an sawi hlawm a,thu hrechiang lo hlir titi khawm zingah chuan an ni ho ka liam san tak daih dan chu sawi dan hrang hrang lah chu a tam khawp.Chutih laitak chuan Pu K.Thanngura chu kan inchhung aṭangin alo chhuaka, mi tam zawk hriat theih tur chuan ring leng lawngin khawvel hnutiang chhawn tura ka kal tak dan te chu a sawi fiah ta a "Zing chaw eikham hnu lawk aṭanga ,ka chauh tak thut dan te, damdawiin panpui ngam loh khawpa ka hniam avangin ,ka kan hret hun nghaka min ngaihchan hret laia chawhnu lama vanram kawng zawh tura ka kal tak thut dan te chu a sawi zung zunga, A tawp khar nan anatna hi hriat a ni silo a, *Lungphu chawl* ti mai ila a ṭha mai ang a " a ti zuia, Pawn lama mite chuan ni e "Lungphu chawl tih kha a dik ber ,mihring te chu kan thih tawh chuan kan lungphu a chawl vek alawm " tih velin an lo chhunzawm a, za teh chiam lo in ring deuhin an nui lui vak hlawm a..

"Khawnge ka thih ve tak rau rau si ah chuan Vanram ka thlen hma in mi che vel hi thlir hmasa phawt mai teh ang " tiin keimah ka thih tak avanga mi che vel te chu ka thlir kual vel ta mai mai a..

Thingpui lumna tur siam mek te, kan kawta silpaulin zar dan tur vel mai mai sawia ring deuh deuha inhnial luai luai te chu ka thlir thuak hnuah ,A chhuk a chho a, ka lo vahvaih pui ve ho YMA lama ka thawhpui teho chu ka thlir kual hmasa ta ber a, U Ruata leh Mapuia chu Generator zawn chungin hrui leh bulb pawm hnawk ṭun chungin bawng bawr takin an lo kal phei a ,ngawirenga an lo phei hmawk hmawk lai chuan U Ruata chuan "A zialo ngawt tak tak mai , kum laklawha hruaitu han in ruat thar leh te kan ngai dawn ta chu ani mai a, tu nge maw kan han ruat reng reng ang le,buaithlak deuh ania aw " a'n ti a, Mapuia chuan "Nia " ti ringawtin alo chhang a ,Generator chu kan kawmchhak te inhnuaiah an dah fel vel lai tak chuan Pu Ngura chuan "Ruata lo kal lawk mai teh u " tiin alo au a ,U Ruata chuan generator hung ṭha pah chuan " eng nge ni leh ta chu aw." a ti sap a, "Ti teh Mapui, kan pute bulah chuan i kal phawt mai teh ang " a ti zui a.Pu Ngura dinna bul an zu thlen chuan Pu Ngura chuan " ka pu Kim, khawnge Ṭhuamvala kha " tiin Silpaulin zarna hrui suih mek Pu Hrangliankima chu an au leh a, Pu Kima chuan "E , awle " tih pahin , Thingpui lumna tur siamna bula phone hmang mek Ṭhuamvala chu "Ṭhuamval lokal rawh le " tiin an au chhawng ve leh a, Ṭhuamvala chuan aw tih nan angreng a lu a bu nghat a..
YMA O.B te chu mipui sirah chuan an dingkhawm ta lat lat a ,YMA O.B nilai te kalo nih ve khanglan avangin thil tih vel dan an rel ani. Thil kal tawh te an han chhui let thuak thuak a, YMA O.B hlui te chu kan lo thlahliam zeuh zeuh tawha, YMA OB nilai erawh kan la thlahliam lo ani maithei, kan lo kal tawh dan han sawi mai tur an hre lo aniang ,Adviser te nen zanriah eikhama khun khan zawka ngaihtuah turin thu an ti tlu ta rih a..

Pu Ramenga ram kal haw pawh chuan inthlak pawh inthlak hman lo in kan in lamah chuan alo phei a, Ka chhungte ka ruang kila lo tap ngawih ngawih te bulah chuan ngawi rengin reilo te a ding a, ka ruang chu a en thuak a, pawnah a chhuak leh ta nghal mai a .Ka ṭhian sabeng te ani ve sia, a ṭap chiah lo anih pawhin a hnuk a ti ulh ve deuh dawn emaw te ka lo ti rilru ve a, mahse, a ṭap loa, a hnuk pawh a ulh chhete lo hian a lang si.Pawna YMA thuthlenga Mapuia lo ṭhu ngawi reng bulah chuan a ṭhu a, thil awm dan vel an zawt thli thlai a, Mapuia lah chuan "Ka hre chiang bik lo ,Pu Ngura te kha chuan chuti khati chuan an tia " tih vel in Pu Ngura sawi a hriat hmang chuan lo chhang liam ve mai a...Chutih lai tak chuan Pu Ramenga nupui chu pawnah alo chhuaka "Ruati kha , a nau kha lo laksak ve la ,kan in velah te lo va awm pui rawh u " tiin an coach zuiai a, Mapuia hnenah bawk chuan "YMA group lamah te khan in post tawh maw ,theih phei chu nise , YMA hruaitu a a nih ṭan kum leh post hrang hrang a chelh kum te kha tarlan ve mai mai a chi lo maw, tin, Committee member a nih ṭan te Section hruaitu anih lai te kha tarlan ve mai a ṭha ve viau ang" tiin Mapuia chu thurawn an pe zuia, Mapuia "Ngaw rawh Zualko hi kan post phawt anga , Nakinah kan va en dawn nia, Library velah a awm mai ang chu maw.." tih pahin a phone chu a hmet nghal a, "Kum engzat nge khah " an ti thuta, Pu Ramenga chuan "Ngaw rawh Sawmriat pahnih a piang kha chu ani ngei mai a, Kuahnih ah kum sawm." ..tiin an chhut chho a, "Thum sarih " tiin a nemnghet zui a..An ni pahnih ringawt lo thlir ve reng chu a ho ka ti ta em em a, whatsapp lam ka hawi san ta daih a

Cheraw Performed by BMZP at SSGI (2013)

2015-09-15T02:40:00.001-07:00

Tunlai

2015-05-15T00:12:00.001-07:00

Ka thian tunlai hun ah hian i tunlai em? Enge tunlai hi? Thalai tam takin upa lam leh kan nu leh pa te an tunlai loh avangin kan duhthusam tam tak an pha ta lo. Tunlai nun an phak ta lo. Tunlaina chu enge nita?
Thalai te hian he thu hi kan ngaihtuah thui lo hle. Nangmah kha inngaihtuah vang vang la. I lo upat hun ah i tunlai reng peih angem? Tichuan kum lama upa te leh kan u te hi kan hriat tamtak an hriat loh avangin mi mawl leh hretlem an ni ta em mi?
Tunlaina kan tehna tamtak chu a lo dik famkim talo a ni tih hi hriat tur. Thalai tamtakin mobile phone changkang tak tak an kengin an khawih thiam ta vek mai. Computer leh technology ah kan lo sang ta. Kan thil hriat te alo zau in english te pawh kan lo hre ta teuh mai. Kan changkang tawh teh e tiru. Khawpui ah kalin kan hmuh ngailoh kan lo hmu ta. Kan mumang a kan hmuh phak loh in changkang tak tak te hmuin ei leh in pawh kan ei in kan in changkang ta hle mai. Kha i experiance tam tak vang khan mi zawng zawng aiin i lo sang talua a nilo. I nu leh pa in kha thil i tawn kha tawng thei tur a i dinhmun ansiam sak che a ni. I sen tet laiin an enkawl chho che a. Ilo seilian a, i nu leh pa chu mawl ah i chhuah mai tur em mi? Ni lul lo e, kan hun kal lai theuh kan inchhut ngun tur a ni. Nangpawh tun dinhmun ah khatiang khan i awm thei a. I aia upa i dinhmun ang luah phalo kha an hun lai chuan i chan ang kha chang ve se i pha teuh lo mai. Amaherawh chu he thu avanghian indah hniam leh mahni tlinglo a in ngaih tur a nilo a. Mahni in ngaihhlut reng chungin tunlai takin nun zawk tur a ni.
Tunlaina hian kan hringnun min ei lo se tunlaina hi nangmah hian i siam a nih angin i duh ang angin awm tir zawk angche. Tunlaina kal pel lo la. Tunlaina hi hmang sual hek suh. Inti tunlai lo la. Tunlai thangthar ni zawk angche. Upa te zah la, Siamtu hre reng la, rinawm angche.

THIAN THA

2013-11-19T22:41:00.003-08:00

Thian hi kaneivenualmai. Kamizia hi adangngeni a, thian hi ka char maingailo. Thianneizungzung mi kanilobawk. Mahsekavanneiemem a, kathiante hi mi feltaktak an nizelmai. Khuanumalsawmna a nichekangchu. Sap kantihmai English te, American tepawhhiannaupanlaiatanga an thiante hi an lo ngaipawimawh vet ho mai. Hmanlaimizotepawh khan thianhlutna an lo hrehlemai. Thianchhanthihkha an lo ngam a, tun ah hiankan la ngamrengangem? Khatihhunlaikhachuanmizohnamhranghrangtekha indo leh in that buaihbuaihreng an ni a. Leido an neihlohpawh khan ramsahlauhawm chi hranghrangkhaala tam a. An khawsakkhaalaharsa a timaiang.Tunangnenhian a in angtaktaktheilotihchu a chiangrengmai. Engkim ah thiantekha an pawimawh a ni. Tharumthawhnatur tam tak a awmvangkha a ni a. Mahsekanhmuhhmaihchuthathawhlehinpuihnakawng ah chuanthianthanihchu a harsalemlokhawpmai. In hmangaihtawn hi harsakan tie m em a ni. Kannunphung ah thianthaber (Best Friend) tepawh hi keimahnikan in hmangaihangbawkhiankanhmangaihveem? Chumikha mi tum a mi tihdankha, tihsakilaalawmlehtaktakchuangloang.Hengtekanngaihtuahhiankanthian a nikan la titheiangem? Keimahniai a dinhmun sang thin min kawm that peihvaklohangakanhriatlai a kandinhmunalointhlak a, anipawh an dinhmunchutiang a nihlaipawhin min tihdanrengrengkhatekantimai dawn emni. Nilo. Kanthianchukan en dan a ngairengtur a ni. Kathiankhaengdinhmun ah pawhawmsekathian a nitlat. Puihawm ah chuankapuimaitur a ni. Purhngai ah chuankapurmaitur a ni. Kathianhnen ah khan kazakemaw, kainthlahrunkher a ngailo. Mahsemihring in awmlehmawikanhriatlohchuanmihringkannitawhlotihna a nihchu. Ramsaangmaimai a khawsakkanchingtur a nichuanglo. Kathian khan min puihna thin ah khan a puihrengkaphuttur a niheklo. Kapuih thin na ah khan amah a ainenkawlvetheihnaturinkaninzirtirtawntur a ni. Thiantelohiankhawsak a harsa a. Mihringnunhona ah thian hi Pathian in intawiawmtawnturatan min ruatsak a ni.

Thatlai Hun

2013-11-19T22:40:00.002-08:00

Kan vanglai tak mai hian kan rilru te kan taksa te a chak tha an ti a. Kan naupan lai ai chuan kan taksa alo danglam nasa ta. Ngaihzawng kan nei a, kan rilru paw alo inthlak nasa ta hle mai. Heti hian ka ngaihzawng neih dank a han puang daih teh ang. Pawl riat (class-viii) ka zirlai hian kan pawl ami te chuan ngaihzawng an hre tawh tlat mai. Mahse hmel a vanduai tan kha chuan kan hre ve thiam lo. Ansawi chet loh phei chuan kan hrethiam pha ve ngailo. Mahse kan kum alo tlem lutuk tawhlo a. La naupangte mah ni ila Siamtu siam zia ah chuan kan kum khan hmeichhiat mipat hre rual kan lo nive reng mai. Ngaih veng veng te, hmeltha tih zawng te kan lo nei ve reng mai. Mahse thian te tihdan leh awmdan khan kawngro a su nasa hle mai. Aizawl ah thingtlang mithing ngaihtuahna pawh ramlam a thang vang vang thin ram pachal em em silo kha thian neih ka harsat nasa mai, kum khat leh a chanve Chanmari ah kan awm a, kan thenawm ah leh kan veng ah thian ka nei lo. Ka chhungte nen kan awm del del ringawt mai. Chutiang vang chuan a ni chek ang chu duh ma hila kan la hriathiam loh vang leh kan leital khan a hril tlat mai a ni. Pawl kua (class-ix) chu Khawzawl ah ka kal a, thingtlang favor a awm ta, nunphung a lo danglam a, leital pawh a inthlak rang hle mai. Kum khat ka awm chuan thian ka char nual mai. Ngaihzawng erawh ka la ngaihtuah lemlo. Chhungte khan minla vawng tha a. Mahse pawl sawm (class-x) ka zo a, Aizawl ah bawk ka kir leh a. Kum tea lo tam ta deuh a, khua ka ngam ve tan ta. Mahse hmel a van nei lemlo chuan Aizawl khawapui ah ngaihzawng kan van duh ngei mai. Mi hawih hai lo chi nih phei chuan hmeichhia kan lo hiplo khawp mai. Pawl sawmpahnih ka zo chiah chu college kan kal a. Hmel kha a lo nita lemlo. College ah chuan lerh alo awl ta. College rap pha kha chu minlo ngaisang der ve a. mahni khaw lam ah kan luck ve tan ta. Ka mizia zawng zawng kha min hriatpui lemloh vang in ka luck a ni. Ka hmel khan a phu hlawl talo mai. Mahse chumi ti vul tur chuan pass that a ngai. Exam ka bei tha peih talo a. Phai lam ah engineer ka zir san ta a. Phai awm chu thingtlang ah chuan thil tam tak thiam a hre tur ah min ngai a. Ka nihna a ni tawp silo a. Ka nihna a min ngaihsak na khan hmeichhia min hip tir a, hmel a vannei vaklo pawh bawm tu ka nei ve tan ta der mai. Mahse mihring hian phaktawk kan neih te a in ang vek lemlo. Mite chuan khawkhat a hmeltha leh neinung an phu maithei, kei erawh chuan ka phu lemlo. Ka phutawk kha an sang emaw an hniam emaw, min duhtu ka nei ve hrim hrim kha ka tan chuan a dangdai a ni.

KA RAM ZORAM

2013-11-19T22:39:00.002-08:00

Ka ram Zoram hi ka la fang tlem hle mai. Han vei em em leh siamthat ngai kei mimawl hian ka hre lem lo. Mahse duh duh sawi theihna ram India ram ah kan awm a. kan sawi ve miah miah mai ni angchu. Miram a hank al chang leh mi khawpui hank al chang hi chuan hetiang lai a an thilsiam chu Mizoram ah theih ve angem le? Tih kalo ngaihtuah ve thin. Mahse kan han haw a, Aizawl khawpui kan han fang a, a ngaihna hi ka hre leh talo thin mai zawk a ni. New Delhi a ka kal vel sawn an infrastructure hrang hrang te kan kal pel a. Mizoram ah engtiang in nge tiang ang a hmantlak hi kan siam ve theih ang aw, tih ka ngaihtuah thin. Heng motor kawngpui te, leihlawn te leh mihring kalna te, bazar leh mihring lunna lai a an tih dan te en hian a theih ve thin ang tih hi ka ring a. Tichuan Haryana thingtlang ka pan phei leh a. An thlai chin leh an lo neih dan zawng zawng kan va hmuhpui lemlo a. Mahse an lo leh thlai chin te chu kawng sir tawn tawn tluanin alo awmphei leh zur a. Tihian ngaihtuahna ka han seng leh a. Ei leh in hi thil pawimawh tak mai alo ni. Ei leh bar ah ram a intodelh loh chuan changkan ngaihna alo awm reng reng lo mai a. Zoram ah hian eng thlai nge tha ang? Engtiang a sawisak chi nge ni ang? Tih te rilru ah lo lut leh zut zut mai a. Kan awmna tak kan thleng a, khawchhung ah kan han leng vel a. Mi nawlpui kan han biak hian zirna ah anlo hniam lemlo. Naupang te te a kan ngaih te kha B.Tech chu mi kha mi kum ah ka zir chhuak tawh anlo ti fir fer a. Dawr nghak mai mai a kan ngaih te pawh zirna lam ah anlo hniam lemlo. Zoram ah chuan zirna chu kan ngai pawimawh ve viau mai. Mahse zir sang tak hi kan tam lo em em mai tih ka han ngaihtuah leh a, changkang kan lo inti vet e hi al ova la hniam em aw ka ti thin.

Biru

2013-11-19T22:38:00.002-08:00

Mihring hi kan nun land an leh mite min hmuh dan zawng zawng hi kan lo nilo. Kan hmel lan dan te pawh hian kan duhzawng te kan rilru te hril viau thin in lang mahse a ni vek kher lemlo. Hmeichhe fel hmel tak te pawh an lerh ru viau duh a. Lerh deuh te pawh an fel viau duh lawi a. Nula fel ta kanga lang tepawh an lo lerh ru viau duh thei a. Chutiang zelin hmel fel tak, rilru neih hmel tak tepawh an sual viau duh bawk a. Mi kan hriat ngailoh in a kan inhmuh hmasak ber a kan hmel atanga a kan mizia tur an sawi leh kan nihna diktak hi a in mil lo fo em aw! Khawtlang a mipui nawlpui kan chung a kan mizia tur an ngaihdan leh kan chhungril nun tak hi a inmil angem? Mi tamtak chu an nun hi dawt mai a ni tih an inhre reng a, mahse an tihphung leh tih than kha an ti leh mai thin. Zirlai in a zirlai tui manglo in a tih than leh a chhungte nawr na vang te in a zir ve vak theih. Thahnem ngaihna nei miahlohin thil tam tam a tih ve theih bawk. Chutiang chuan kan mi ngaihsan te leh t.v vel a kan hmuh than te tihdan leh awmdan lakchhawn tamtak kan nei thei bawk. Chutiang tak a kan nihphung alo danglam theih chuan kan pianken kan nihphung diktak chu khawi ah nge a awm tak. A biru a ni. Kan nihna diktak hian nung ila, kan zak ang nge kan chhuang ang nge kan sual phah ang. A then chuan an duhzawngte an duhloh zawng te hi an sawi ve mai mai thin a. An sawi tawh chuan an duh leh emaw an duh leh loh hun ah an duh lui a, an duhlo lui leh mai mai thin. Mi thenkhat intih changkan duh vang te in heng mizo thil thenkhat te an nghualsuat a. An haw lui thin. An duhloh tak tak vang nilo in an tih than a lo nilo a. An ngaisang lo a, an duhlo lui mai thin. Mahse an duhna tak chuan a thliar em em lemlo. Chutak mai chu nun BIRU ka han tih chu a ni. Heng an nun tak an thuhruk hian an nun tam tak a titha in a ti changkang thin a, thilsual tih na kawng ah an invawn phah thin. Mi thenkhat erawh chu an nun a bawlhlawh zawngin an hman phah thin bawk. Mihring hi inang ta vek ila chu a buaithlak dawn a, chuvangin kan duhdan te kan ngaihdan te a dang thliah thliah hlawm a ni. I nun BIRU kha engtiang tak a tha nge? Eng tiak tak a tawp nge? Mi zawng zawng hma a phawrh I ngam em?

ARSA SIAM

2013-04-01T07:19:00.001-07:00

Arsa siam hi tihdan hrang hrang alo awm a, mizo te hian siam dank an lo hre tamlo hle mai. Heng vai kan tih te hian siam dan chi hrang hrang anlo hria a, a tui dan adang zel thei hial a ni. A arsa nihna pawh chi hrang hrangin an chhuah thei hial a ni.

Kan awmna hmun Hostel ah hian sa lam reng reng siam phal nilo a. Ei pawh phal a nilo, ken luh hrim hrim kha phal a nilo. An sakhaw dan ah sa ei a phal lo a ni. Mahse a rukin kan ei fo a, vai ho pawh hian arsa anlo heh ve khawp mai a a rukin kan ei ho for eng a ni.

Zan khat chu kan thian pakhat vai Jammu lam atanga lo kal hian arsa siam dan chikhat min hrilh chiam mai a. Punjabi arsa siam dan a ni awm mange. Chung te chu keimah a kala siam chin loh avangin ka thiam ta tak take m tih erawh ka hre chuang lo le. Ka la hriat theih ang angin ka han tar lang ange.

A hmasa in thil tul leh mamawh te:

1. Arsa - 2kg

2. Purunsen - ½ kg

3. Purunvar - 1pava vel

4. Sawhthing – 1pava vel bawk

5. Tomato – 1 kg

6. Tel – ½ ltre

7. Butter – 2 pcs

8. Tarmaric powder – 3 to 4 tea spoon full

9. Garam masala – 3 to 4 tea spoon full

10. Aieng – 3 to 4 tea spoon full

11. Chiken masala – 3 to 4 tea spoon full

A tih dan kimchangin ka rawn tarlang leh ange.

1. Purunsen chan sa kha tel tamlo te in han kang la. Chuan a uai thengin kang ang che. Chawk uluk tur a ni bawk a.

2. Purunsen chu a lo uai tawh a. Amaha tui pai kha alo kang anga, tui tlem te I thlak hlek ang. A ut lohna tur lek in.

3. Tarmaric powder kha phul tawh tur a ni. Chuan fian hnih emaw fian thum emaw a tawk tur kha chu ka la siam loh vangin ka hre mai tawhlo.

4. Chumi zawhveleh chuan Tomato chan sa thleng a I dah kha I thlak leh ang. Tomato chu a sawm dap thlengin I chaw kanga, uluk takin a mawng kang lo turin I vil dawn nia.

5. Tomato alo uai anga, a hmin hun ah Butter pahnih emaw kha I tel dawn nia, a chunga tomato khi a kan loh nan tui tlem pawlh a tha ang.

6. Tomato a hmin a, butter I thlak hun ah chuan butter a tui zawh ah I chaw kanga, masala I pawlh tawh ang. Garam masala kha pawlh tawh tur ani. Chuan Garam masala lo pawh meat masala emaw, muton masala pawh a telh thei tho bawk e.

7. Chumi hnu ah chuan uluk takin chawh a, arsa kha thlak tawh mai tur a ni e. Arsa kha kha uluk tak a chawh tur a ni a, a hmin hun nghah mai tawh tur a ni. Amaherawh chu a khat tawk a chawh reng erawh atha ang.

8. A hmin dawn ah Chiken masala kha thlak leh tur a ni a. chu mi zawh ah pardi chansawm kha thlak sek tur a ni bawk.

9. A hmin hun ah tui tak a chaw nen ei mai tawh tur a ni e.

(Arsa thlak hma lawk khan purunvar leh sawhthing densawm kha thlak tur a ni e.)

KA LAWM EM EM E.

KA ZINKAWNG

2013-03-31T08:02:00.002-07:00

Kan awmna Hostel reh tak atangin Mizoram lam haw tur a kan inseam ve nak nak hlawm a, haw kan phur hlawm ngang mai. Thla khat dawn la awm atangin kan han inseam tan a. Kan bungrua neih an gang kan pack tha a. Kar khat el awl la awm chuan kan inseam tak tak tan a. Kan hawn tur leh hawn loh tur, kan hnutchhiah tur te kan thliar tan a. Kan hawn vek seng loh vang leh kum leh a kan hman tur te a nih hlawm avang in. A pack na kan lei a, tichuan lehkhabu leh thawmhnaw thenkhat chu kan dahtha a, Mahse exam kan la nei ve bawk a. Kan zir the peih tawhlo khawp mai. Practical choh a ni tawh bawk nen. Zir ngaihna kan hre lo ve bawk a ni a nge. A tawp ber kan exam chuan kan zawh veleh kan inseam sawk sawk a. Delhi lam pan tur chuan kan insaim tat up mai le. Kan kalsan tur kan bungrua chu room khat ah dahkhawm in kan kalh hnan ve mai a. tala tereuh te hian kan kalh ve ran a. rilru nuam angreng tak chuan mahni in lam pan chuan kan in ak chhuak ta luah hlawm mai. Ka phone charger ka theihngilh nghal pang mai a. Ka va tlan let leh vang vang a, chuan khua a lum tha khawp mai. Thaln a tla zawih zawih a ni. Delhi chu kan pan a, Zan ah kan thleng a. Zoram lam pan tur kan ni a, kan rilru a zangkhai hlawm hle mai. Mahse kan thian dang te la bazaar tur an awm nen. Ni thum vel chu kan la cham a. Keini chu train ah kan kal a. Kei, Gokul, Suraj, Raj, Bikram leh Manipur nula hriat ngailoh an chhung ten a amah a an hawtir ngamloh kha min hruai tir ve bawk a. Kha nu kha katan phurrit alo ni dawn ta reng mai. Ti chuan leh Assam ah buaina namenlo a lo chhuak a. Kalkawng ah kan tang ta lawm. Ni hnih vel lai kan tang a. Pawisa a hek duh ngang mai le. Assam kan thleng a. Gwahati ah zanlai ah kan thleng a. Thlenna hotel awm tawhlo a, train station ah kan riak ta mai a. Kan chau hlawm hle mai. A tuk zingkar ah Aizawl lam pan motor kan zawng a, Mahse a lo full tawh hlawm a. Tlai lam ah kan chhuak ve choh a. Ruah ala sur zui. A lum a, a hnawng em em bawk a. Kalkawng ah Gokul-a akhua a sik hluah mai a, Suraj-a pawh a damsam lo hle mai bawk. Tichuan Aizawl kan pan ta a, Zan dar 10 vel ah Shillong kan thleng a. Thil kan ei a. Gokul-a pawh thil ei lui turin ka ti a, A khuasik nasat loh na tur leh damdawi eina tan. Tichuan a tuk zing dar 10:30 vel ah Kolasib kan thleng a, ka chhuk a. Keichu a tuk a Aizawl pan turin ka awm ta a ni.

Delhi khawpui India ram a khawpui ber leh mihring tawt berna hmun ah kan hank al vel reng reng pawhin mi hi kan in nek nul nul a ni a. A reh lemlo khawp mai. Vai hlir an ni a, Gwahati ah kan thleng leh a, mi pawh anlo tam ve nasa mai. Mahse Delhi nen a khaikhin chi chu ni hauh lo. Mi anal tam nalh nalh viau mai. A reh lem lo a. Bazar vel ah pawh kal velna hmun dang dang ah mihring an la tam angreng. Chuan Aizawl kan thleng leh a, Mi kan lo tam ta lutuk lo. Mahse hmun a chep vang erawh chuan kan tawt hmel phian lawi a. Heng thil hi bazaar leh mipui punkhawmna hmun zel a ni ka han sawi te hi. Aizawl atangin Khawzawl panin ka han chho leh vang vang a, Mipui kanlo khat tan ta. Thawm pawh a reh tan ta raih mai. Khawzawl tangin Tualcheng panin ka zin leh a. A reh ta raih mai le, Mipui han pungkhawm te chu thawm lian tak tak han neih tham kan lo awm talo. Motor ri a ring em em a, a chhan chu a ri chhun a ni duh viau thin. Thawm tam tak bengchheng a kan ruat loh kha Tualcheng ah chuan alo bengchhengin alo ring em em alo ni.

A awmzia tak ah chuan population azir hian thil tam tak a lo inthlak a, mipui kan tlem na na na chuan thil tamtak tul lemlo khawpui zawk a mi te tih thin alo tam mai hi a ni reng mai. Mizo te hi kan la tlem a, kan la thahnem lo hle mai. Chuvangin nlungrual a, Mizo te hi inthlah pung deuh deuh ila, Thalai thi leh hunlo tak a boral te hi pumpelh dan I zawng zawk the ang u.

CHAPCHAR KUT SPECIAL

2013-03-02T04:20:00.002-08:00

Chapchar Kut 2013 chu kan lo thleng leh tar eng mai. Vawin ni 1 march 2013 hian Mizoram hmun hrang hrang ah chuan he kut hi an hman ngei ka beisei a. Aizawl ah chuan an lo tih thin angin tun kum pawh hian Sipai lammual ah an hmang leh niin kalo hre bawk a. A nuam kan tih thin lai te leh zai thiam zai lai te mitthla ah alo lang uaih uaih a ni. Mahse kei mi chaklo tak chuan hnam lam leh kut thil a an tih thin eng vak ka thiamlo in kha tih hunlai kha chuan la inti tlangval vaklo kan ni bawk a. Hman vak kha kan la thiamlo bawk nen. Mahse thalai hlim leh lawm tak a an lam dial dial kha chu hmuhnawm dangdai khawp mai. Kumin zet zawng awmna in a lo zir talo bawk nen. Engmah ka tan awmzia alo awm talo a ni. Mi in an hman nawm ang tak tak kha hmang veloin kumtin Chapchar Kut chu kalo hmang zo ve thin a ni tih ka hrechhuak bawk a. Mi tamtak hnam lam intihsiak a kal te tan khan hlawkna nasa tak an lo tel ve reng mai. Mahse mi mawl leh mi chaklo tak tak te chuan a zirna leh hun awl nei ta huau anga in ngai tlat te pawhin an nun tih chhiatna hun ah anlo hmang ve mek bawk reng a. Mahni hnam lam thiam hi a hlu ani. Thang thar leh zel te pawh in zirtir zel ila. Thiam zel tum ang u. Keipawh la zir tur ka ngah mai. Chapchar Kut Chibawi vek ule.

KA COMPUTER KA SIAMTIR

2013-02-26T21:08:00.001-08:00

Ka computer hi a keypad a chianglo a. A chhan pawh ka roomate nen chaw kan ei a. Room ah chaw la in sa kan ei a. Kan ti ti a. Kan thil sawi ah kan rilru kan pe bawk a, kan sawi tui ngang mai. Chutia kan sawi tui tak em vang chuan pawnlam a ruahsur thawm reng reng kan hre lo. Ka computer chu woofer nen a thlunzawmin hla kan ngaithla bawk a. Chuvang pawh a niang, pawn lam a ruahsur thawm kan hriat miahloh ni. Chutia ruah sur chu kan tukverh kan lo khar hlek lo mai a, a lo theh thei chu niin. Ka thianpa khumleh ka computer chung a huh ta vek a, a rang thei angberin ka phelh darh vek a. mahse on lair eng a nih vang chuan a nih dan tur alo ni kim vek tawh. A khawl chug a chhe hran lo a. Keypad a chhe ta a ni. Delhi ka kal hmasak ber ah ka siamtir ta a. Warranty la awm nih vangin a hma a kalo buain thin Physical memory damp tih warning minpek chhen chu ka check tir bawk a. Bluetooth driver pawh a hmuhtheihloh ka siamtir bawk ang ka ti a. Ka han siamtir nak chuan a hard disk a lo chhe vek a. Thlak a ngai ta. Ka backup silo a. Ka va kal vang vang a, a pawimawh ka tihzual chu ka han la ziung zung a. Mahse a zo thei tak tak lo. Ka thlalak hlui te, video te. Keimah chohin a ka neih a tam mai. Kan thianhoin a chaw kan eikhawm lai te kha. Ka la hman nual mai. Ka duh ang thlap chuan an siamtha ngei mai. Hun rei deuh a duh thung a. Mahse engmah ka nei talo ang a lo ni a. Ka thil dahthat chu ka dah leh hmain ka thlenna te in ah ka han connect a. alo hnawk duh ngang mai. Ka on chung chuan ka thlenna te chuan an hand ah fell deuh dawn a. A tla ta lawmle. Ka externa hard drive ami zawng zawng chu a hmu thei ta hauhlo mai. Engmah lo dahluh hman nisilo. Ka thil zawng zawng ka chant a. ka va han chan ciang take m. Hmuh leh ngaihna awm tawhlo tluk a nita. Phurlo zet chuan pawisa neihloh nen kan Hoste lam ka pan ta hna hna a. Tun ah zawng a bul atangin ka han inseam thar leh ange.

SA HEL KA HAN EI CHU

2013-02-26T21:07:00.001-08:00

Ni 25 thla hnih Febuary, kal Lapa kum 2013 kum khan tlai la ah kan college kalpui Robin-a chu Delhi atangin Hostel ah lo thleng a. Kan ei khat em e ai Bawng sa a rawn hawn hlauh mai. Kan siam nghal chak chak a. A kawchhung pawh a rawn hawn tel nghe nghe a ni. Kei leh ka roomate thin Reruata nen a kawchhung chu kan sia a. A hmin har zek mai. Kei riltam tawh bawk nen. A hmin em tih ka han chhin chu alo la sak nasa mai. Ka ei a, ka thial chawp chawp mai. Pum lam chuan a duhlo nasa mai. Zan ka han mu tur chu a na vang vang mai a. Zan mulo chuan Movies te en in ka tlaivar ta zak a. Mahse natak a ni lo a, mut nuamlo tawk a ni. Sa hi a hel chuan mihring pum hian a lo ngeih lo khawp mai. Hmin tha tak nise a tui a, hriselna atan pawh a tha a ni.

Ka Thian Min ngaidam rawh

2013-02-24T08:01:00.003-08:00

KA THIAN MIN NGAIDAM RAWH

Ka thiannu I rilru ka tihnatna che engpawh awm nih chuan tlang takin min hrilh hram rawh. Engkim ah I rin aiin ka lo mawl maithei. Ka taimakna te, ka finna te, ka tih hram hram peihna te hian mi puitling ah min siam thei a, chung zawng zawng chu ka tlakchham ber a nisi a. Chungtiang nei tha tak te chu mi fing. Mi tha anlo nimai thin. Kei zawng ka chaklo a. Ka theihna a tlem a. Ka lan dan ang ai hian ka chhungril nun hi I hriat tawh ang kha ka ni e. Chuan maw. Min ring tawhlo ang tih ka hlau em em a ni. Ka nun ah hian dawt sawi leh Zep chin neih te. Thu sawi leh thuziah reng reng ka tihmi leh ka thiamna lam tak a ni ngailo. Hla tha tak ka phuah ngailo bawk. Chuvangin I duhlo zawng thleng thleng ka lo tawng thin nih tih ka inhre mai a. Chutiang chu pumpelh kka duh. Ka theilo tih min hriatpui dawn nia. A chhan chu sawi chintur min hrilh lawk loh chuan. Ka mizia hi ka sawi ai mahin miin min hre zawk thin. Nangpawh hian tamtak chu I hriat tawh kha.

Valentine's Day

2013-02-24T08:00:00.001-08:00

Valentinese’s Day chu alo thleng leh ta. Kum dang ang bawkin Febuary ni 14 ah a hre ngaimiahlo leh hmang nasa thei tak te pawh kan hun hman dan ang ang in kan lo hmangliam leh ta reng mai. Hemi ni lo pian chhuahdan leh alo pian chhan hi ka hrelo a. Mahse nula tlangval in ngaizawng lai leh la ingaizawng lo tepawh hun duhawm leh hun tha hman nan an hmang thin tih ka hre tawh thin. He hun hi kan hmangtha tawk em? Kan hmang nasa hle em? Nge kan nun ah awmzia awmlo hrm hrim? Tih mahni theuh a inzawh theih awm e.

January thla pumpui deuhthaw kha kan exam a. Febuary ni 7ah practical exam kan zo a. A tuk pawh nghak zolo in tlai ah kan insiam zung zung a. Delhi lam panin kan kal ta suau hlawm a. Kei tak chu Zan ah ka thleng a ni. Kan thiante in ah minlo thleng a, a nuamin eitur tuihnai tak tak minlo siamsak a. Ka lawm hle a, sawi pawh sawi lemlo chuan ka lawmna chu keimah khan ka lo pai mai mai niin. Ka hawdawn ah ka hre chhuak choh lawm, ka sawi miahlo tih kha. Chuan ni alo kal zel a, Tihtur ka neih nual vangin ka thlenna ka sawn a. Ka thian te in tho ah ka thleng leh a. An fel hle mai. V-Day antih chu alo thleng ta. Karhla thian ten min be lo a. Rualhlui sakhmel mawi kanlo tih ve te kan be heklo. Seeker in Mizo en nileng thak thung a. A nawmloh na leh a nawmna ka hre hrang lo. Nidang nen a danglam lemlo bawk a. Ka hun ngai ka hmang mai a ni. Awmzia chu mi angin ngaihzawng tha tak kan hmu ve zolo tihna nih mai chu.

Facebook Hi - II

2012-10-07T00:57:00.002-07:00

Facebook hi engtiang a lo piang a, lo awm ta nge tih ka sawi dawnlo a, tin a siamchhuak tu a hausak zia pawh sawi a ngai awm lo e. Mahse Mizo te in a kan hman dan hi ka lo thlir dan ka han sawi dawn a ni. Reserch te nei in, zir chianna ka nei lemlo. Mahse a hmang ve thin ka ni a. Ka hriat chin tlem te ah hian vei ve te ka nei a. Hriatzim vang erawh chuan thil tamtak a dik tawklo maithei le. Mahse mahni ah judgment lo insiam mai ni se a lawmawm ngawt ang.

Kan thupui ah lo lut ila. Mizoram a thalai tam tak hian Facebook hi kan lo hmelhriat ta. Thingtlang kilkhawr ber ber ah pawh kan lo hre ve ta. A lawmawm lam ah ngai ila tha awm e. Tichuan facebook hi social network a ni a, media chakber pawl alo nita. Print media hrang hrang heng Lengzem, Vanglaini, e.t.c., leh t.v lam tepawh heng Zonet, L.P.S, Skylink te pawh in facebook hi an hmang tangkai a ni. An tih thin te tih ngawr ngawr kha a dik vek lo. Mi ngaihven ber ah an tuan te ngai a ni.

Facebook ah hian mi kan tam tak em vang hian kan rilru pawh a in ang dawnlo khawp tih kha han hre phawt ila. A then chuan rilru leh tihtakzetin an status te, an chat te leh an photo te an update in an upload thin. A then erawh chuan fiamthu leh uangthuang a ti lah an awm. A then chu an nun engmah tibuailo an awm bawk. Mahse hei hi hriat atha. I thil post leh I thu post kha nangmahin engahmah ah ngailo mahla mite tan engtin nge an lo ngaih dawn tih kha hrereng chungin post a tha khawp ang. Tichuan facebook ah hian khawvel a kim a nilo a. Mahse I fawn hmai lek emaw. I computer hmai te choh kha emaw a nilo. Engtiang takin nge mite a ngawng thin tih hi zir a zir tham fe a tling a ni. Thil pakhat leh chu facebook ah hian rilru kan put hmang pakhat a lo lang chhuak thin. Mi thenkhat chu pangai tak si. Facebook fake id, an siam a, chu chu an mahni nilo hmeichhia chhelo tak tak profile picture ah hmangin anmahni nisilo te. A then chu Mahni hmel tilang ngamlo a. Lerh leh uchuak tak tak a mi be thin an awm tih a hriat a ni.

Heng te hi awm mahse mahni nihna zahpui lemlo a, lerh leh uchuak deuh tak pawh a thu post hreh miahlo an awm bawk. Ka sawitum tak zawk chu mahni veng leh Kohhran a mitha tak si te kha facebook ah chuan an lo khawlo ve viau thei a ni. Khawtlang a tilang ngamlo te pawhin duhang tawk a lo awm te pawh an awm thei a ni. Mahse awmlo tur a thu neihna nei ka nilo a. Ka tih theih a ni hek lo. An lo awm nih chuan an lo awm a ni mai. Mahse hriat a, inven thiam a tha. Facebook ngawr ngawr hi internet a nilo tlat mai. Hei hi chu Internet hmangtu te ho tlawh thin Website pakhat ve mai a ni. Website dang han tamzia hi. Mizoram ah ngawt pawh tamtak a ni. I browser kha History save sela Pastor leh I chhungte awm vek hun ah I tilang ngam angem? A awmzia chu I internet lo luhtawhna zawng zawng kha I chhungte nen a han luh nawn leh atan a tlak emle? Mahni inzawh mai chi a ni. Mi tamtakin finna leh chakkhai lam nan an hmang a ni a. Mizo thalai tam tak hian engtiang takin nge maw kan hman angle? Fawn man tam a ngailo. Internet khawihtheih na a to lem tawhlo. Mizo thalai te khawvel thlir tizau tu leh Chanchintha puandarh nan internet hi I hmang zel ang u.

Ka thahnem ngaihna min hriathiam pui a ka thusawi tum tak min hriat thiam sak turin ka ngen mai a che. Thu thiam tak ka nisilo a. Zawh duh leh he thu chung chang a sawi tur nei chuan mz28kc@gmail.com ah minlo inbox mai dawn nia.

muanteakc

INNGAIHTLAWMNA

Easter Sunday 2026 Special

Ang Em by H Lalrinenga

Mahni Inrintawk

Dream Journal

Zawhte leh Sihal

SAKAWRPU LEH SAKAWR

Ang em ?

*Hringnun piah ramah .part III*

*HRINGNUN PIAH RAMAH -II*

*HRINGNUN PIAH RAM AH - I*

Cheraw Performed by BMZP at SSGI (2013)

Tunlai

THIAN THA

Thatlai Hun

KA RAM ZORAM

Biru

ARSA SIAM

KA ZINKAWNG

CHAPCHAR KUT SPECIAL

KA COMPUTER KA SIAMTIR

SA HEL KA HAN EI CHU

Ka Thian Min ngaidam rawh

Valentine's Day

Facebook Hi - II

Hringnun piah ramah .part III

HRINGNUN PIAH RAMAH -II

HRINGNUN PIAH RAM AH - I