Muhammad Fiaz Thabal

سرکاری ملازمین کی تنخواہوں اور پنشن میں اضافے کا امکان

2020-06-14T12:28:00.000+05:00

سرکاری ملازمین کی تنخواہوں اور پنشنز میں اضافے کا امکان، حالات بہتر ہونے پر منی بجٹ میں تنخواہیں اور پنشنز بڑھائی جاسکتی ہیں، آئی ایم ایف نے بھی حمایت کردی ہے۔ تفصیلات کے مطابق سالانہ وفاقی بجٹ میں تنخواہوں اور پنشنز میں اضافہ نہ ہونے پر پریشان سرکاری ملازمین کیلئے اچھی خبر آئی ہے کہ وزارتِ خزانہ نے سرکاری ملازمین

کی تنخواہوں اور پنشنز میں آضافے کا عندیہ دے دیا ہے۔

نجی ٹی وی چینل نے اپنی رپورٹ میں بتایا ہے کہ وزارتِ خزانہ نے تنخواہیں اور پنشن میں آضافے کے حوالے سے بتایا ہے کہ حالات بہتر ہونے پر اضافہ کیا جائے گا۔ وزارتِ خزانہ کا کہنا ہے کہ معاشی حالات بہتر ہونے کی صورت میں تنخواہیں اور پنشن بڑھائی جاسکتی ہے جبکہ آئی ایم ایف نے بھی اسکی حمایت کی ہے۔

آئی ایم ایف کا کہنا ہے کہ حالات بہتر ہو جائیں تو حکومت درآمدات میں پانچ فیصد سرچارج لگا کر پیسے اکٹھے کر سکتی ہے جس سے سرکاری ملازمین کی تنخواہوں اور پنشن میں اضافہ کیا جاسکتا ہے یہ اضافہ منی بجٹ میں کیا جائے گا۔

خیال رہے کہ وفاقی حکومت نے بھی تنخواہوں اور پینشن میں اضافہ نہ کرنے کا فیصلہ کیا ہے، تاہم حکومت نے تنخواہوں اور پنشن میں کسی قسم کی کٹوتی بھی نہ کرنے کا اعلان کیا تھا۔ حکومت کی جانب سے اضافہ نہ کیے جانے کے اعلان پر سرکاری ملازمین نے غم و غصے کا اظہار کیا تھا کہ ایسا کر کے سرکاری ملازمین کے ساتھ ظلم کیا جارہا ہے۔ اپویشن نے بھی حکومتی فیصلے کی مخالفت کی تھی اور اپوزیشن لیڈر شہبازشریف نے کہا تھا کہ ایم ایف کے دباؤ پر تنخواہوں اور پنشن میں اضافہ نہ کرنا ظلم ہے۔ تاہم ذرائع کا کہنا تھا کہ حکومت نے آئی ایم ایف کے کہنے پر تنخواہیں اور پنشن نہیں بڑھائی تھیں البتہ اب اضافے کا عندیہ دیدیا گیا ہے۔

بیرون ملک پھنسے پاکستانیوں کی واپسی کیلئے نیا فلائٹ شیڈول جاری

2020-06-03T19:45:00.002+05:00

بیرون ملک پھنسے پاکستانیوں کی واپسی کیلئے نیا فلائٹ شیڈول جاری، 10 جون تک ملکی اور غیر ملکی 79 پروازیں چلائی جائیں گی، نئے شیڈول کے تحت 79 ملکی اور غیر ملکی پروازوں کے ذریعے 20 ہزار سے زائد پاکستانیوں کو وطن واپس لایا جائے گا۔ تفصیلات کے مطابق حکومت کی جانب سے بیرون ممالک پھنسے پاکستانیوں کو واپس لانے کیلئے نیا فلائٹ شیڈول جاری کیا گیا ہے۔

بین الاقوامی فلائٹ آپریشن کے ایس او پیز میں تبدیلی کے بعد پروازوں کا شیڈول تبدیل کیا گیا ہے۔ بتایا گیا ہے کہ آئندہ ہفتے ملکی اور غیر ملکی پروازوں کے ذریعے 20 ہزار سے زائد پاکستانیوں کو وطن واپس لایا جائے گا۔ آئندہ ہفتے قومی ایئر لائن کے ذریعے ساڑھے 13 ہزار جبکہ غیر ملکی ایئر لائنز سے ساڑھے 6 ہزار سے

زائد پاکستانیوں کی وطن واپسی ہو گی۔

10 جون تک ملکی اور غیر ملکی کل 79 پروازوں چلائی جائیں گی۔ مزید بتایا گیا ہے کہ قومی ائیرلائن 52 پروازوں کے ذریعے ساڑھے 13 ہزار پاکستانیوں کی وطن واپس لائے گی۔ جبکہ غیر ملکی ایئرلائنز کی 27 پروازچلائی جائیں گی۔ غیر ملکی ایئرلائنز سعودی عرب سے 13 اور متحدہ عرب امارات سے 34 پروازیں چلائیں گی۔ سعودی عرب سے ساڑھے 4 ہزار، متحدہ عرب امارات سے 8 ہزار اور قطر سے 3 ہزار سے زائد پاکستانی وطن واپس آئیں گے۔

اس کے علاوہ چین اور برطانیہ سے 2، 2 پروازیں، امریکا، کینیڈا، فرانس، ملائیشیا، عراق، بحرین، سپین، مسقط، تھائی لینڈ اور عمان سے ایک ایک پرواز پاکستانیوں کے لے کر وطن واپس آئے گی۔ یہاں یہ بھی وضاحت کی گئی ہے کہ پاکستانیوں کی واپسی کیلئے 3 خصوصی پروازیں بھی آپریٹ ہونگی جن کے ذریعے مجموعی طور پر 4 ہزار پاکستانیوں کی واپسی ہوگی۔ یاد رہے کہ وزیراعظم عمران خان نے 2 روز قبل حکم دیا تھا کہ بیرون ممالک پھنسے پاکستانیوں کو جلد سے جلد وطن واپس لانے کے انتظامات کیے جائیں۔

عالمی ادارہ صحت نے کورونا وائرس کے کمزور پڑنے کے دعوے مسترد کر دیے

2020-06-02T07:33:00.001+05:00

عالمی ادارہ صحت نے کورونا وائرس کے کمزور پڑنے کے دعوے مسترد کر دیے۔ اطالوی ڈاکٹروں نے دعویٰ کیا تھا کہ کورونا وائرس اب پہلے جیسا جان لیوا نہیں رہا، کورونا کی دوسری لہر کا انتباہ اٹلی میں غیرضروری خوف پھیلانے کا باعث بن رہا ہے۔ تفصیلات کے مطابق عالمی ادارہ صحت نے کورونا وائرس کی شدت میں کمی اور وائرس کے کمزور پڑ جانے سے متعلق تمام تر دعووں کو مسترد کر دیا ہے۔
Add caption

خبر رساں ادارے کے مطابق عالمی ادارہ صحت کے ماہرین کا کہنا ہے کہ اس بات کے کوئی شواہد موجود نہیں ہیں کہ کورونا وائرس اب جان لیوا نہیں رہا۔ برطانوی نشریاتی ادارے کے مطابق عالمی ادارہ صحت کی وبائی امراض کی ماہر ماریا وین کیرکوف کا کہنا ہے کہ وائرس کے منتقل ہونے کی اہلیت کے اعتبار سے اس میں کوئی تبدیلی نہیں آئی۔ان کا کہنا ہے کہ شدت کے لحاظ سے بھی اس میں کسی قسم کی کوئی تبدیلی رونما نہیں ہوئی ہے۔
واضح رہے کہ کہ اٹلی سے تعلق رکھنے والے ڈاکٹروں نے دعویٰ کیا تھا کہ کورونا وائرس اب اتنا جان لیوا نہیں رہا جتنا عالمی وبا کے آغاز پر تھا۔ غیر ملکی میڈیا رپورٹس کے مطابق میلان کے سین ریفائل اسپتال کے سربراہ ڈاکٹر البرٹو زینگریلو نے ٹی وی انٹرویو کے دوران کہا کہ حقیقت تو یہ ہے کہ طبی لحاظ سے یہ وائرس اب اٹلی میں موجود نہیں۔
انہوں نے اطالوی حکومت پر لاک ڈاؤن کی پابندیاں اٹھانے کے عمل کو جاری رکھنے پر زور دیتے ہوئے کہا کہ وائرس کی دوسری لہر کا انتباہ اٹلی میں غیرضروری خوف پھیلانے کا باعث بن رہا ہے۔ خیال رہے کہ میلان اٹلی کے خطے لمبارڈی میں واقع ہے جو اس وبائی مرض سے بہت بری طرح متاثر ہوا تھا۔ شمال مغربی اٹلی کے شہر جینوا کے سان مارٹینو اسپتال کے وبائی امراض کے مرکز کے سربراہ میٹیو باسیٹی نے بھی ڈاکٹر البرٹو کی بات سے اتفاق کرتے ہوئے کہا کہ کورونا وائرس اب اتنا جان لیوا نہیں رہا جتنا پہلے تھا۔
ان کا کہنا تھا کہ اس وائرس کی جو طاقت 2 ماہ پہلے تھی وہ آج بہت کم رہ گئی ہے، یہ واضح ہے کہ آج کووڈ 19 کی بیماری پہلے سے مختلف ہے۔ دوسری جانب سے اٹلی کی وزیر صحت ساندرا زمپا کا بھی کہنا ہے کہ ان ڈاکٹروں کے دعوے کے حوالے سے شواہد ناکافی ہیں۔ انہوں نے زور دیا کہ شہری سماجی دوری کی ہدایات پر عمل جاری رکھیں۔ ان کا کہنا تھا کہ اس خیال کی حمایت کے لیے سائنسی شواہد اب تک سامنے نہیں آئے، وائرس اب غائب ہو چکا ہے۔ انہوں نے کہا کہ ہم اطالوی شہریوں پر زور دیتے ہیں کہ وہ مکمل احتیاط کا مظاہر کرتے ہوئے جسمانی طور پر لوگوں سے دوری کو یقینی بنائیں، زیادہ افراد کے اجتماع سے گریز کریں، اپنے ہاتھوں کو اکثر دھوئیں اور ماسک پہنیں۔x

کراچی طیارہ حادثے میں شہید ہونے والی ایئر ہوسٹس انم خان کے گھر میں سوگ

2020-05-23T08:06:00.000+05:00

بیٹا تم نے روزہ کیوں رکھا ہے، جس پر انم خان نے جواب دیا کہ پاپا میں شام کو پونے چھ بجے تک واپس آ جاؤں گی، اور سوا چھ بجے تک گھر پہنچ جاؤں گی، ان شاء اللہ افطاری ساتھ ہی کریں گے

کراچی طیارہ حادثے میں شہید ہونے والی ایئر ہوسٹس انم خان کے گھر میں سوگ۔ بیٹا تم نے روزہ کیوں رکھا ہے، جس پر انم خان نے جواب دیا کہ پاپا میں شام کو پونے چھ بجے تک واپس آ جاؤں گی، اور سوا چھ بجے تک گھر پہنچ جاؤں گی، ان شاء اللہ افطاری ساتھ ہی کریں گے۔ تفصیلات کے مطابق کراچی میں حادثے کا شکار ہونے والی پی آئی اے کے طیارے کی ایئر ہوسٹس انم خان کے اہل خانہ غم سے نڈھال ہیں۔

میڈیا رپورٹس کے مطابق طیارہ حادثے میں شہید ہونے والی ایئر ہوسٹس انم خان کے اہل خانہ اپنی جواں سالہ بیٹی کی ناگہانی موت کا یقین نہیں کر پا رہے، ان کا کہنا ہے کہ انہیں ابھی بھی انم کے فون کا انتظار ہے۔ نجی ٹی وی کے رپورٹر سے گفتگو کرتے ہوئے انم خان کے والد کا کہنا تھا کہ ان کی بیٹی نے صبح اٹھ کر سحری کی اور اس کا موڈ بے حد خوشگوار تھا۔

انم خان کے والد نے بتایا کہ ان کی بیٹی سحری کرنے کے بعد دوبارہ سوگئی اور پھر میں نے اسے 9 بجے کے قریب اٹھایا، تو وہ بہت اچھے موڈ میں اٹھی، اٹھتے ہی بولی کہ پاپا وقت ہو گیا ہے میرا، میں ذرا پتا کر لوں کہ میری گاڑی آ رہی ہے کہ نہیں۔ انم کے والد نے بتایا کہ اس کے بعد انم کہتی ہے کہ پاپا میری گاڑی آ رہی ہے میں بس تیار ہونے لگی ہوں۔ والد نے پوچھا کہ بیٹا تم نے روزہ کیوں رکھا ہے، جس پر انم خان نے جواب دیا کہ پاپا میں شام کو پونے چھ بجے تک واپس آ جاؤں گی، اور سوا چھ بجے تک گھر پہنچ جاؤں گی، ان شاء اللہ افطاری ساتھ ہی کریں گے۔

شہید انم کے والد نے بتایا کہ آج پہلا اتفاق ہوا کہ میں اور میری اہلیہ دونوں اپنی بیٹی کو گاڑی میں بٹھانے گئے۔ شہید ایئر ہوسٹس کے والد کے مطابق ان کی 3 بیٹیاں اور ایک بیٹا ہے جن میں سے انم خان سب سے بڑی بیٹی تھی، اور سب سے زیادہ خیال رکھنے والی تھی۔ انم خان کے چھوٹے بھائی نے بہن کی موت کے غم میں روتے ہوئے کہا کہ مجھے بس میری بہن کی کال کا انتظار ہے، وہ جب بھی آتی تھی مجھے کہتی تھی آ جائیں بھائی میں آ گئی ہوں۔

واضح رہے کراچی ایئرپورٹ کے قریب جمعہ کی دوپہر سوا دو بجے کے قریب پی آئی اے کی فلائٹ پی کے 8303 گر کر تباہ ہوگئی۔ ایئربس میں 107 افراد سوار تھے جن میں 99 مسافر اور عملے کے 8 افراد شامل ہیں۔ ایئربس 320 ایک بج کر 10 منٹ پر لاہور ایئرپورٹ سے کراچی کے لیے روانہ ہوئی تھی۔ پی آئی اے کی پرواز لاہور سے کراچی پہنچی تھی کہ لینڈنگ سے قبل طیارہ گر کر تباہ ہو گیا ہے۔

ابتدائی طور پر یہ پتا چل سکا تھا کہ طیارہ کراچی ایئرپورٹ پر لینڈنگ کے لیے بالکل تیار تھا۔ پائلٹ نے لینڈنگ کا سگنل بھی دے دیا تھا۔ لیکن طیارے کا لینڈنگ سے ایک منٹ قبل کنٹرول روم سے رابطہ منقطع ہو گیا جس کے بعد طیارہ ماڈل کالونی کی آبادی میں گر کر تباہ ہوگیا۔ طیارہ گرنے کی ابتدائی وجوہات کے حوالے سے بتایا گیا تھا کہ لینڈںگ کے دوران طیارے کے پہیے نہیں کھل رہے تھے جس پر پائلٹ طیارے کو لینڈنگ کی ناکام کوشش کے بعد دوبارہ فضاء میں لے گیا اور چکر لگانے کے بعد دوبارہ لینڈنگ کے لیے واپس آیا، تاہم اس موقع پر طیارے کے دونوں انجن فیل ہو گئے اور طیارہ ایئرپورٹ کے قریب ہی آبادی میں گر کر تباہ ہو گیا۔

طیارہ حادثے سے متعلق تازہ اطلاعات کے مطابق ذرائع کا کہنا ہے کہ حادثے کا شکار طیارہ پندرہ ناٹیکل مائل اپروچ پوائنٹ پرتھا جس پر ایئر ٹریفک کنٹرول ٹاورنے طیارے کے کپتان کو خبرادر کیا کہ آپ کی بلندی زیادہ ہے، اس کو کم کریں۔ ذرائع کے مطابق عام طور پر پانچ ہزار ناٹیکل مائل پر لینڈنگ اپروچ ہونی چاہیے لیکن حادثے کا شکار ہونے والا طیارہ مطلوبہ لمٹ سے زیادہ اونچائی پر تھا جس پرکنٹرول ٹاور کپتان کو بار بار ہدایات جاری کرتا رہا کہ آپ ضرورت سے زیادہ بلندی پر ہیں، بلندی کو کم کر لیں۔

ذرائع کا کہنا ہے کہ حادثے کا شکار طیارہ دس ہزار فٹ بلندی پر تھا، ٹریفک کنٹرول کی جانب سے کپتان کو بلندی میں کمی کرنی کی بار بار ہدایات جاری ہوتی رہیں، جس پر طیارے کے کپتان نے کنٹرول ٹاور کو کہا کہ میں اپنی اسپیڈ مینج کر لوں گا.

Cheese - Aik Sehat Bakhash Giza

2020-05-21T08:25:00.002+05:00

تقریباً 8ہزار سال سے دنیا بھر میں دودھ کے ذریعے مختلف قسم کا پنیر تیار کیا جا رہا ہے ۔ایک اندازے کے مطابق ،مائع شکل میں دودھ کی خریداری میں کمی جبکہ دودھ سے بننے والی مصنوعات مثلاً پنیر کی خرید وفروخت میں اضافہ قابل غور ہے ۔یہ اضافہ گزشتہ 40برسوں کے دوران ،دودھ کی کھپت میں 50فیصد اضافے کی وجہ بنا۔

واضح رہے کہ زیادہ تر ڈیری مصنوعات مثلاً دہی ،پنیر وغیرہ گائے کے دودھ سے ہی تیار کی جاتی ہیں ۔پنیر تیار کرنے کے لئے دودھ میں سے سارا پانی نکال لیا جاتا ہے ۔دودھ سے پنیر کی تیاری کا عمل پروٹین کی وافر مقدار فراہم کرنے کے ساتھ ساتھ اس کو صحت کے لئے نہایت مفید بنانے کا باعث بھی بنتاہے۔

پنیرکی فائدہ مند اقسام

2012ء میں ہونے والے سروے نتائج کے مطابق ،برطانیہ میں ایک فرد سال بھر کے دوران اوسطاً 34پونڈ پنیر استعمال کرتا ہے ۔

تاہم اس کے باوجود اکثر لوگ پنیر کو صحت کے لئے مضر قرار دیتے ہیں کیونکہ اس کی ایک وجہ بڑھتا کولیسٹرول ہے ۔اگر چہ یہ بات کسی حد تک درست ہے کہ پنیر کی تمام تر اقسام صحت کے لئے مفید نہیں ہوتیں لیکن ایسا پنیر کی ہر قسم کے ساتھ نہیں ۔ترقی یافتہ ممالک نے پنیر کی مختلف اقسام تیار کرلی ہیں ،جن میں سے کچھ خاص قسمیں مثلاً سوئس ، فیٹا ، پارٹ اسکم ، موزریلا اور کوٹیج چیز گھر بھر کی صحت کے لئے فائدہ مند قرار دی جاتی ہیں۔

آسٹرو پروسس سے حفاظت

والدین بچپن ہی سے بچوں کو دودھ پینے کی ہدایت کرتے ہیں کیونکہ دودھ میں موجود کیلشیم اور وٹامن ڈی مضبوط اور صحت مند ہڈیوں کے حوالے سے اہم کردار ادا کرتا ہے ۔انسانی ہڈیوں کی مسلسل نشوونما کا عمل 30سال کی عمر تک جاری رہتا ہے ،جس کے بعد ہڈیوں کی نشوونما رُک جاتی ہے ۔رکاوٹ کا یہ عمل انسان میں آسٹروپروسس کے خطرات میں اضافہ کر دیتا ہے ۔

آسٹروپروسس کو عام طور پر ہڈیوں کا بھربھرا پن یا ہڈیوں کو کھوکھلا کر دینے والا مرض بھی کہتے ہیں ،اس مرض میں مبتلا انسان کی ہڈیوں کی لچک کم ہو جاتی ہے اور وہ بھر بھرے پن کا شکار ہو کر نرم پڑ جاتی ہیں ،حتیٰ کہ اتنی نرم کہ ان کے ٹوٹ جانے کے امکانات بھی کئی گنا بڑھ جاتے ہیں ۔اس بیماری سے بچنے کے لئے ایک خاص عمر کے بعد متوازن غذا کا استعمال ضروری ہے ،جس کے لئے انسان کی خوراک میں پروٹین ،کیلشیم اور وٹامن ڈی کی کافی مقدار کا شامل ہونا ضروری ہے ۔

عالمی ادارہ صحت ( ورلڈ ہیلتھ آرگنائزیشن) کے مطابق ،انسان کی دن بھر کے دوران لی گئی خوراک میں موجود 400سے 500ملی گرام کیلشیم آسٹروپروسس کے خطرات میں 50فیصد کمی لاتا ہے ۔ڈیری مصنوعات خاص طور پر ،پنیر وٹامن ڈی اور منرلز کی کثیرمقدار فراہم کر تا ہے ۔

جگر کے کینسر سے حفاظت

دنیا بھر میں جگر کے کینسر میں مبتلا مریضوں کی تعداد میں بڑھتا اضافہ قابل تشویش ہے ۔

ماہرین کے مطابق ، پنیر کا استعمال جگر کو توانا رکھتے ہوئے اسے کینسر جیسے موذی مرض سے محفوظ رکھتا ہے ۔ پنیر کی قسمیں خواہ وہ چیڈر ہو ،یا پرمیسن ،جگر کے کینسر سے محفوظ رکھنے میں اہم کردار ادا کرتی ہیں ۔جگر کے کینسر سے محفوظ رکھنے کی وجہ پنیر میں موجود مرکب ”اسپر میڈائن“ ہے،جو جگر کے متاثرہ خلیات کو بڑھنے سے روکتا ہے ۔اس کے علاوہ یہ جگر فائبروسس، ہیپٹو سیلولرکار سینوما (ایچ سی سی) کو بھی روکتا ہے جو جگر کے کینسر کی سب سے عام وجہ ہے ۔

پروٹین کا بہترین ذریعہ

جسم میں ہونے والی ٹوٹ پھوٹ ،مرمت ،اعضا کی بناوٹ ،نشوونما اور بیماریوں کے خلاف قوت مدافعت فراہم کرنے کے لئے پروٹین کا کردار بے حد اہم ہے ۔پروٹین کی کمی مسلز کی کمزوری ،درد یا حجم میں کمی ،جگر پر چربی، جلد اور ناخنوں کے مسائل ،بالوں کے ٹوٹ جانے یا گنج پن جیسے مسائل کا خطرہ بڑھا دیتی ہے ۔

اسی لئے کہا جاتا ہے کہ انسان کی روز مرہ خوراک میں پروٹین کی مناسب مقدار کا شامل ہونا ضروری ہے ۔پروٹین کی مقدار سے متعلق ماہرین مردوں کے لئے روزانہ 56گرام ،خواتین کے لئے 40گرام جبکہ بچوں کے لئے 19سے 34گرام (ان کی عمر پر اس کا انحصار ہے) پروٹین کی مقدار مختص کرتے ہیں ۔پنیر کی زیادہ تر اقسام ،پروٹین کا اہم ذریعہ تسلیم کی جاتی ہیں ۔کم چکنائی پر مشتمل پنیر کو پروٹین کا بہترین ذریعہ جبکہ پنیر کی ایک اور قسم Parmesanچیز کو دیگر اقسام کے مقابلے میں سب سے بہترین قرار دیا جاتا ہے کیونکہ پرمیسن چیز کے ایک اونس میں 10گرام پروٹین پایا جاتا ہے ۔

اس کے برعکس پنیر کی دیگر اقسام موزریلا ،چیڈر ،کوٹیج اور ریکوٹا میں پروٹین کی مقدار کم اور فیٹ کی مقدار زیادہ پائی جاتی ہے۔

وٹامن B12کی وافر مقدار

وٹامن بی 12(جسے عام طور پر کوبالامن بھی کہا جاتا ہے )جسم کے لئے ضروری غذائیت میں سے ایک ہے ۔یہ وٹامن خون کے سرخ خلیات کی تشکیل ،جسم کے تمام حصوں میں آکسیجن کی فراہمی، ڈی این اے کوبنانے، دماغ اور اعصابی نظام کی کارکردگی ،چربی اور پروٹین سے توانائی حاصل کرنے میں کلیدی کردار ادا کرتا ہے ۔

اس ضروری جزو کو پروٹین کے برعکس جسم میں کچھ عرصے تک ذخیرہ بھی کیا جا سکتاہے ۔ وٹامن بی 12دودھ یا پھر سپلیمنٹ سے حاصل کیا جاتا ہے جبکہ پنیر کی کئی قسموں میں بھی وٹامن B12قدرتی طور پر موجود ہوتا ہے ۔مثال کے طور پر پنیر کی قسم ”سوئس“ کی ایک اونس مقدار میں 0.95مائیکرو گرام(جو کہ آپ کی روز مرہ خوراک کا 39فیصد بنتا ہے) جبکہ پنیر کی دیگر اقسام مثلاً چیڈر اور موزریلا کی ایک اونس مقدار میں 10فیصد وٹامن B12پایا جاتاہے۔

پنجاب حکومت نے کاروباری طبقات کو ریلیف دینے کا فیصلہ کرلیا

2020-05-18T08:30:00.002+05:00

پنجاب حکومت نے کاروباری طبقات کو ریلیف دینے کا فیصلہ کرلیا ہے، پنجاب بھر میں کل پیر سے جمعرات تک بازاروں اور مارکیٹوں میں خریداری کے اوقات کار بڑھانے کا امکان ہے، اوقات کار شام 5 سے بڑھا کر رات 10بجے کر دیے جائیں گے۔ ذرائع کا کہنا ہے کہ پنجاب حکومت نے عیدالفطر کے موقع پرکاروباری طبقات کو ریلیف دینے پر

غور شروع کر دیا ہے۔

جس سے تاجربرادری اور کاروباری طبقات کاروباری سرگرمیوں کے نقصان کو کچھ پورا کرسکیں گے۔ اس حوالے سے تاجروں اور حکومت کے درمیان مشاورتی عمل مکمل ہوگیا ہے۔ امکان ظاہر کیا جا رہا ہے کہ کل پیر سے جمعرات تک بازاروں اور مارکیٹوں میں خریداری کے اوقات کار بڑھا دیے جائیں۔ خریداری کے اوقات کار شام 5 سے بڑھا کر رات 10بجے کر دیے جائیں گے۔

دوسری جانب پنجاب حکومت نے مزید درجنوں صنعتیں اور کاروبار کھولنے کی اجازت دے دی ہے۔

لاک ڈاؤن میں نرمی کے بعد کل پیر سے 26 سے زائد صنعتیں اور ان سے منسلک کاروبار کھولے جاسکیں گے۔ محکمہ صنعت وتجارت نے لاک ڈاؤن سے استثنیٰ کا نیا نوٹیفکیشن جاری کردیا ہے۔ اس حوالے سے متعلقہ انڈسٹریز کے لئے ایس اوپیز بھی جاری کردیئے گئے ہیں۔ دفاعی پیداوار سے منسلک صنعتوں، پیکنگ فسیلٹی، فلورملز اور

فوڈ انڈسٹری کو کاروبار کرنے کی مکمل استثنیٰ حاصل ہوگی۔

اسی طرح پولٹری، فیڈ ملز، لائیواسٹاک، فوڈ پروسیسنگ سے منسلک تمام صنعتیں کھولنے کی اجازت ہوگی۔ اسی طرح حفاظتی لباس، ماسک، گلوز تیار کرنے، اسٹوریج، پرنٹنگ، پیکنگ ،دودھ اور دودھ سے بننے والی اشیاء، سینی ٹائرز، صابن، ٹشو پیپرز، آئل اینڈ گیس پروڈکشن کمپنیوں، پاک عرب ریفائنری کمپنی، کھاد بنانے والے فیکٹریوں کو پرڈوکشن، ٹرانسپورٹیشن، اسٹوریج ،ٹریکٹر، تھریشر، ہارویسٹر بنانے والی کمپنیوں بیج، کھاد، زرعی ادویات، جانوروں کے چارے کی دکانوں کو کام کرنے کی اجازت دے دی گئی ہے۔

ایل پی جی آئوٹ لٹس، سوڈا ایش انڈسٹری کو بھی اجازت مل گئی۔ موبائل فون بنانے والے کمپنیوں، اینٹوں کے بھٹے، ریت بجری، سیمنٹ، چھتیں تیار کرنے والے کارخانے بھی آج سے کھل جائیں گے اورسائیکل، موٹر سائیکل، کار کے انڈسٹری کو بھی کھول دیا گیا ہے۔ حکومت کی جانب سے ٹرانسپورٹ کھولنے کی بھی اجازت دی گئی ہے لیکن ٹرانسپورٹرز نے کل سے گاڑیاں چلانے سے انکار کردیا ہے۔ انہوں نے ہمارے مطالبات پورے ہونے تک گاڑیاں نہیں چلائیں گے۔

انٹرنیٹ پر ہوم ورک کی منڈی: پاکستانی نوجوان جو غیر ملکی طلبہ کو پاس کرواتے ہیں

2020-05-17T08:56:00.002+05:00

آپ نے سنا ہی ہو گا کہ انٹرنیٹ پر سب دستیاب ہوتا ہے، چاہے مصنوعات ہوں یا خدمات۔ ایسی ہی ایک سروس سینکڑوں پاکستانی نوجوان بیرون ممالک میں زیرِ تعلیم طلبہ کو دے رہے ہیں جس میں وہ اُن کا ہوم ورک کرتے ہیں اور اچھے گریڈز حاصل کرنے میں ان کی مدد کرتے ہیں۔

پوری دنیا میں اعلیٰ تعلیم حاصل کرنے والے نوجوان روزگار کی تلاش اور اپنی ذاتی زندگی کی مصروفیات کی وجہ سے پڑھائی کو ضروری وقت نہیں دے پاتے۔ ایسے میں پاکستان سمیت کئی ممالک میں موجود کچھ افراد نے اُن کے کورس ورک کی تکمیل کو اپنا پیشہ بنا لیا ہے۔

لیکن اسے ادبی بے ایمانی قرار دیا جاتا ہے کیونکہ یہ نہ صرف دھوکہ دہی ہے بلکہ اس کی بدولت تعلیم حاصل کرنے کا مقصد ادُھورا رہ جاتا ہے۔

ویب سائٹس اور سوشل میڈیا کا سہارا

27 سالہ ایمن حیدر 2015 سے اپ ورک اور پیپل پر آور جیسی ویب سائٹس کے ذریعے اکیڈمِک رائٹنگ کر رہی ہیں۔ وہ بزنس مینجمنٹ، انگریزی ادب اور میڈیکل سے متعلق موضوعات پر لکھ کر طلبہ کو اچھے نمبر دلوا چکی ہیں۔

انھیں ان کے ایک کزن نے یہ کام سکھایا اور پھر وہ خود سے اس پیشے میں طلبہ کا ہوم ورک کرنے کے لیے آرڈر وصول کرنے لگیں۔

وہ کہتی ہیں کہ ’میرے کلائنٹس میں زیادہ تر مشرق وسطیٰ کے طلبہ ہیں جس میں انڈین اور پاکستانی لوگ ہوتے ہیں۔ لوگ بیرون ملک سٹوڈنٹ ویزے پر جاتے ہیں اور وہاں نوکری کرتے ہیں تاکہ اپنے خاندان کو پیسے بھیج سکیں۔ عام طور پر ایسے افراد کے پاس لمبی اسائنمنٹ (ہوم ورک) کرنے کا وقت نہیں ہوتا۔‘

’یہ کام محض ایک ہوم ورک تک محدود نہیں رہتا بلکہ اس عمل کو جاری رکھا جاتا ہ‘

اسی طرح 25 سالہ مریم سعید بھی یہی کام کرتی ہیں۔ وہ کہتی ہیں کہ ’سوشل میڈیا پر باقاعدہ ایسے گروپس بنے ہوئے ہیں جنھیں جوائن کیا جا سکتا ہے۔ لوگ خود پوسٹ کرتے ہیں کہ اگر آپ یہ کام کر سکتے ہیں، تو وہاں سے بھی ہم کام لیتے ہیں۔‘

مریم کی یہ بات کافی حد تک سچ ہے۔ اپ ورک، پیپل پر آور اور فائور جیسی ویب سائٹس کے علاوہ فیس بک پر پاکستانی کونٹینٹ رائٹرز کے ایسے گروپس موجود ہیں جن کے ممبرز ہزاروں کی تعداد میں ہیں۔

تصویر کے کاپی رائٹ

انڈیا، بنگلہ دیش اور کینیا کی طرح بعض پاکستانیوں نے اسے ایک کاروبار بنا لیا ہے۔ مثال کے طور پر اسائنمینٹ ہیلپ نامی ایک ویب سائٹ پر آپ کو انھیں صرف اتنا بتانا ہوتا ہے کہ آپ کس سطح پر زیرِ تعلیم ہیں، مضمون کا عنوان کیا ہے، آپ کو اپنا ہوم ورک کتنے وقت میں جمع کرانا ہے اور یہ کتنے صفحات پر مشتمل ہونا چاہیے۔

مریم کہتی ہیں کہ ’اس کام کے بھی سیزن (موسم) ہوتے ہیں۔ وہاں سکول (یا یونیورسٹی) ستمبر یا اکتوبر میں کھلنے کے بعد کام ملنا شروع ہو جاتا ہے۔‘

ایمن اور مریم اس بات پر اتفاق کرتی ہیں کہ زیادہ تر پراجیکٹس انڈین، ہسپانوی، پاکستانی اور بنگلہ دیشی طلبہ کی طرف سے دیے جاتے ہیں جو اعلیٰ تعلیم حاصل کرنے کے لیے امریکہ، برطانیہ، کینیڈا یا کسی اور بیرون ملک میں موجود ہوتے ہیں۔

ایمن کہتی ہیں کہ ’اگر وہ چاہیں تو انگریزی میں وہاں کے مقامی لوگوں کا کام بھی کر سکتی ہیں۔‘

انھوں نے بتایا کہ فی الحال مارکیٹ میں ہوم ورک لکھنے کے ایک صفحے کے عوض نو ڈالر (تقریباً 1400 روپے) دیے جاتے ہیں اور یہ کام 10 صفحوں کا بھی ہو سکتا ہے۔ یعنی یہ طلبہ ایک ہوم ورک سے 20 سے 50 ڈالر تک یا اس سے زیادہ بھی کما سکتے ہیں۔

لیکن ہر صفحے پر 300 لفظ درج کرنے ہوتے ہیں تو یہ ایک مشکل کام بھی ہو سکتا ہے۔

فری لانس رائٹرز خود کو آزاد محسوس کرتے ہیں اور اپنی مرضی سے اپنے کام کے اوقات کا تعین کرتے ہیں۔ ایمن اور مریم بیرون ملک موجود طلبہ کے ہوم ورک کر کے 80 سے 85 ہزار ماہانہ کما لیتی ہیں۔

مریم کہتی ہیں کہ ہر ہوم ورک کے ساتھ اس کی ہدایات دی جاتی ہیں اور ہر اسائنمنٹ کی ہدایات مختلف ہوتی ہیں، جیسے دو لائنز کے درمیان کتنا فاصلہ ہونا چاہیے، فونٹ ٹائپ اور سائز کیا ہو، رائٹنگ سٹائل، رنگ، تصاویر اور ریفرنسز شامل کرنے ہیں۔ جبکہ یہ بات دہرائی جاتی ہے کہ اس میں کہیں سے نقل کیا ہوا کام نہ ہو جس سے ایک طالب علم ادبی سرقے کا مرتکب ہوسکتا ہے۔

لیکن تعلیمی زاویے سے دیکھا جائے تو اس میں کوئی دو رائے نہیں کہ پیسے کمانے کا یہ طریقہ دھوکہ دہی کے زمرے میں آتا ہے۔

اس سوال پر ایمن کا کہنا تھا کہ ابتدائی طور پر انھوں نے اپنے کزن سے یہی بات کی تھی کہ سکول، کالج اور یونیورسٹی ہر جگہ یہ کام غیر قانونی ہے۔ ’لیکن ایک مرتبہ جب آپ یہ کام شروع کر دیں تو آپ کو پیسے ملنا شروع ہو جاتے ہیں اور ایک فرد کی انفرادی ترقی بھی ہوتی ہے۔‘

’میرے پاس ایک ہنر ہے تو اس کا استعمال کیوں نہ کیا جائے۔ اور ہم اس کام سے بہت سے لوگوں کی مدد بھی کرتے ہیں۔‘

ایمن اور مریم اب اس کام کی عادی ہو چکی ہیں اور اسے کرنے میں کوئی عار محسوس نہیں کرتیں۔ یہاں یہ قابل ذکر ہے کہ کونٹینٹ رائٹرز ہوم ورک کے مضامین لکھنے کے علاوہ ویب سائٹس پر آرٹیکل، بُک ریویو وغیرہ جیسے بہت سے دوسرے کام بھی کرتے ہیں جنھیں بُرا نہیں سمجھا جاتا۔

حکومت نے ملک میں مارکیٹوں کو دوبارہ بند کرنے پر غور شروع کردیا

2020-05-14T08:57:00.005+05:00

حکومت نے ملک میں مارکیٹوں کو دوبارہ بند کرنے پر غور شروع کردیا، وزیرصنعت پنجاب میاں اسلم اقبال نے کہا ہے کہ لاک ڈاؤن کی پابندیوں اور ایس او پیز کی خلاف ورزی کرنے پر مارکیٹوں کو دوبارہ بند کرنے پر غور کیا جا رہا ہے۔ تفصیلات کے مطابق وزیرصنعت پنجاب میاں اسلم اقبال نے بانو بازار، انار کلی بازار،نیلا گنبد کی ملحقہ

مارکیٹوں کا دورہ کیا۔

اپنے بیان میں وزیر صنعت پنجاب میاں اسلم اقبال نے کہا کہ مارکیٹوں کا جائزہ لینے کیلئے نکلا ہوں، مارکیٹیں کھولنے کے حق میں تھا لیکن موجودہ صورتحال نے انتہائی پریشان کیا ہے۔ میاں اسلم اقبال نے یہ بھی کہا کہ چھوٹے

دکانداروں کی اکثریت نے ایس اوپیز کا خیال نہیں رکھا، اگر صورتحال یہی رہی تو ایک دوروزمیں سخت ترین فیصلے کرنے پڑیں گے۔

وزیر صنعت پنجاب میاں اسلم اقبال نے مزید کہا کہ ایس اوپیز کی خلاف ورزی پر آج رات جامع رپورٹ بنائیں گے۔

ملک میں مارکیٹیں دوبارہ بند کرنے پر بھی غور کیا سکتا ہے۔ خیال رہے کہ ملک میں گزشتہ 24گھنٹوں میں 2225 نئے کیسز سامنے آگئے ہیں جبکہ مزید 31 افراد کورونا کا شکار ہو کر جاں بحق ہو گئے ہیں۔ مجموعی طور پر پاکستان میں کورونا سے متاثرہ افراد کی تعداد 34 ہزار336 ہو گئی جبکہ 737 افراد جاں بحق ہو گئے ہیں۔ متاثرہ افراد کی تعداد ہر گزرتے دن کے ساتھ بڑھتی جا رہی ہے جس کے بعد صورتحال مزید خراب ہونے کے خطرات

موجود ہیں۔

پنجاب میں کورونا وائرس کےسب سے زیادہ13ہزار225مریض ہیں، سندھ میں کورونا وائرس سے متاثرہ افراد کی تعداد 12ہزار610ہے، خیبرپختونخواہ میں مریضوں کی تعداد 5ہزار21ہے،بلوچستان میں کورونا وائرس سےمتاثرہ افرادکی تعداد2ہزار158ہے، جبکہ گلگت بلتستان میں475،آزاد کشمیر میں88افراد وائرس سے متاثرہیں، تا ہم دوسری جانب ملک بھر میں کورونا سے صحت یاب ہونے والے مریضوں کی تعداد 8 ہزار 812 ہو گئی ہے۔

Ramadan, Pani Ka Durust Istemal Aur Pursukoon Roza

2020-05-12T14:02:00.000+05:00

رمضان:پانی کا درست استعمال اور پرسکون روز

رمضان میں بھوکے پیاسے رہنے کی وجہ سے جسم میں پانی یا نمکیات کی کمی ہو سکتی ہے۔پانی یا مشروبات کا سمجھداری سے استعمال ایک تو جسم میں پانی کی کمی بھی نہیں ہونے دیتا دوسرے پیاس بھی کم محسوس ہوتی ہے۔رمضان المبارک میں پانی کا درست استعمال کیا ہے نیز کیسے ہم جسم میں پانی کی کمی سے بچ سکتے ہیں اس ضمن میں مندرجہ ذیل ہدایات یاد رکھیں۔ درجہ بہ درجہ ہدایات:1- سب سے پہلے صبح اٹھتے ہی ایک دو گلاس پانی جو ٹھنڈا نہ ہو نارمل ہو پی لینا چاہیئے--پانی میں اسپغول کا چھلکا یا تخم ملنگا ڈال کر بھی لے سکتے ہیں خصوصا اگر قبض کا عارضہ ہو تو-- پھر نوافل یا اذکار کی ادائیگی کے بعد سحری کھانے سے پہلے بھی پانی پی لیں ایک دو گلاس کھانے سے پہلے لازمی پی لیں۔

2- سحری میں دودھ یا دھی کا استعمال کر لیا جائے تو اسکے استعمال سے پیاس کم لگے گی۔

3-سحری میں تیز مرچ مصالحے زیادہ آئل یا زیادہ نمک کا استعمال مت کریں ان سے پیاس زیادہ لگتی ہے۔ 4-سحری میں کیفین والے مشروبات چائے کافی کا زیادہ استعمال نہ کریں ان سے زیادہ پیشاب آکر جسم میں پانی کی کمی ہو جاتی ہے اور پیاس بھڑک اٹھتی ہے۔ 5-سحری میں بہت زیادہ پانی مثلا 5 سے 6 گلاس پانی پی کر سمجھ لینا کہ اب بہت لمبے عرصہ پیاس نہ لگے گی درست نہیں کیونکہ زیادہ پانی کے استعمال سے چند گھنٹوں میں زیادہ پیشاب آکر سارا پانی جسم سے نکل جائے گا--زیادہ پانی پینے سے بہتر ہے ایسی غذائیں کھائیں جس میں پانی کی مقدار زیادہ ہو اس عمل سے آپ کے جسم میں پانی زیادہ دیر تک ٹھہرا رہے گا(مضمون کے آخر پر ان غذاؤں کی تفصیل درج ہے 6-سحری کے آخر پر سگرٹ نوشی بھی نہ کریں اس سے ہوا کی نالی خشک ہوجاتی ہے اور پیاس بڑھ سکتی ہے۔

7-دوران روزہ ایسا کام نہ کریں کہ جس سے پسینہ آجائے۔پسینہ آنے سے جسم میں پانی کی کمی ہو جاتی ہے اور پیاس زیادہ لگتی ہے۔ 8-دوران روزہ دھوپ میں رہنے سے پرہیز کریں اور ٹھنڈے ماحول میں رہیں۔ 9-روزہ کے دوران ٹھنڈے پانی کا غسل گرمیوں میں تو ضرور لیں نیز ایسے کپڑے نہ پہنیں جو گرمی زیادہ جذب کرتے ہیں مثلا کالے رنگ کے کپڑے یا موٹے اور تنگ کپڑے بھی نہ پہنیں-کھلے یا ہوادار کپڑے پہنیں تاکہ جسم میں گرمی پیدا نہ ہو اور ہوا لگتی رہے۔

10- افطاری کے شروع میں ہی کئی گلاس پانی یا مشروب نہ پیئیں-افطاری میں اچھے مشروبات میں لیموں کی سکنجبین یا تربوز املی آلوبخارے کا شربت یا تازہ گھر میں بنے فروٹ جوسز جنہیں چینی کی بجائے کھجور ڈالکر میٹھا کیا گیا ہو یا شکر سے میٹھا کیا گیا ہو یہ مفید رہتے ہیں۔ 11- سخت ٹھنڈا پانی نہ پیئیں یہ نظام ہضم میں خلل ڈالے گا-اور افطاری میں بہت زیادہ پانی نہ پیئیں اپھارہ ہوگا۔

12- کولا اور سوڈا ڈرنکس کا استعمال صحت کے لیے نقصان دہ ہے- 13- رمضان میں نمک سفید چینی اور آئل کا استعمال کم مقدار میں کریں۔ 14- رمضان میں پانی کی کمی اور قبض ہو سکتی ہے--قبض ہونے سے بچنے کا طریقہ ہے کہ افطاری کے بعد ہر گھنٹہ بعد پانی لیتے رہیں نیز اسپغول کا چھلکا یا تخم بالنگو کا استعمال بھی کبھی کبھی کرتے رہیں تاکہ فائبر ملتا رہے اور قبض نہ ہو۔

15- پانی کی مقدار جن میں زیادہ ہو وہ غذائیں لیں۔ سلاد میں کھیرا میں سب سے زیادہ پانی ہوتا ہے اسکے علاوہ سلادپتہ مولی گاجر ٹماٹر چقندر بھی بہت پانی کی مقدار لیے ہوئے ہیں۔پھلوں میں تربوز خربوزہ گرما کینو مالٹا مسمی گریپ فروٹ اورسبزیوں میں پھول گوبھی اور پالک پانی کی کمی کو خوب پورا کرنے والی غذائیں ہیں۔دودھ اور دھی میں بھی پانی کی کافی مقدار ہوتی ہے۔

Minister of Foreign Affairs Pakistan Shah Mehmood Qureshi Giving Brief in National Assembly

2020-05-11T16:55:00.000+05:00

وزیر خارجہ مخدوم شاہ محمود قریشی کا قومی اسمبلی کے اجلاس سے خطاب

میں کچھ حقائق کووڈ 19 کے حوالے سے ایوان میں پیش کرنا چاہوں گا

یہ ایک غیر معمولی، عالمی وبائی صورتحال ہے

دوسری جنگ عظیم کے بعد بنی نوع انسان کو پیش آنے والا یہ دوسرا بڑا چیلنج ہے جس کا سامنا 209 سے زائد ممالک کر رہے ہیں

پارلیمنٹ کی اہمیت سے کوئی انکار نہیں کر سکتا ہم نے حکومتی بنچز اور اپوزیشن کی آراء کو پیش نظر رکھتے ہوئے اس اجلاس کے انعقاد کا فیصلہ کیا 

مختلف ممالک اس کی ویکسینیشن کے حوالے سے کام کر رہے ہیں لیکن ابھی تک اس وائرس کا کوئی علاج سامنے نہیں آ سکا اس ویکسین کے منظر عام پر آنے میں اٹھارہ ماہ یا دو سال کا عرصہ بھی لگ سکتا ہے 

دنیا بھر میں اس وقت 4 ملین سے زائد لوگ اس وبا سے متاثر ہو چکے ہیں

10مئ تک سامنے آنے والے اعدادوشمار کے مطابق دو لاکھ اسی ہزار سات سو افراد اس وبا کی وجہ سے لقمہ اجل 

بن چکے ہیں

 وہ ممالک جو ترقی یافتہ ہیں اور زیادہ بہتر ہیلتھ سسٹم کے حامل ہیں ان کے حالات آپ کے سامنے ہیں

امریکہ جیسے مستحکم ملک میں کرونا وبا سے ہونیوالی اموات کی تعداد 80ہزار سے زائد ہے - برطانیہ میں 31 ہزار سے زائد،اٹلی میں 30 ہزار اور فرانس میں 26000 سے زائد اموات ہو چکی ہیں 

اگر اس کا تجربہ پاکستان سے کریں تو  پاکستان ميں ابتک 661 لوگ کرونا وائرس کی وجہ سے زندگی کی بازی ہارے، 

ہمارے ہاں کنفرم کیسز کی تعداد 29000 سے زائد ہے جبکہ 8023 لوگ اب تک صحت یاب بھی ہو چکے ہیں

 جب 26 فروری کو کرونا کا پہلا مثبت کیس کراچی میں سامنے آیا اس وقت ہماری ٹسٹنگ استعداد 100 ٹیسٹ یومیہ کرنے کی تھی لیکن  آج اللہ کے فضل و کرم سے 20،000 ٹیسٹ یومیہ ہو چکی ہے

وبا شروع ہونے کے وقت ہمارے پاس پورے ملک میں محض 8 ایسی لیبارٹریاں موجود تھیں جہاں کرونا ٹیسٹ کی سہولت موجود تھی لیکن آج ملک بھر میں 70 لیبارٹریز  کرونا ٹیسٹنگ کر رہی ہیں یہ بتدریج اضافہ آپ کے 

سامنے ہے

10 مئ تک میسر اعدادوشمار کے مطابق اب تک 283،517 کرونا ٹیسٹ کیے جا چکے ہیں

مجھے اعتراف ہے کہ یہ استعداد ناکافی ہے لیکن ہم انشاءاللہ بتدریج اس میں اضافہ کریں گے

لیکن مجھے یہ بتاتے ہوئے خوشی محسوس ہو رہی ہے جنوبی ایشیا میں پاکستان کی ٹسٹنگ استعداد سب سے زیادہ ہے 

مجھے اب کچھ حقائق آپ کے گوش گزار کرنا ہیں 

اٹھارہویں ترمیم کے حوالے سے صحت صوبائی سبجیکٹ بن چکا ہے

اس آئینی ترمیم کے بعد 

پاکستان پیپلز پارٹی گزشتہ 12 سالوں سے سندھ میں برسر اقتدار ہے پاکستان مسلم لیگ نون تقریباً 10 سال تک پنجاب میں حکومت کرتی رہی ہے

تقابلی جائزے کی رو سے ہمارے ہاں، جہاں کرونا انفیکشن کے مریضوں کی تعداد میں اضافہ ہو رہا ہے وہاں شرح اموات میں کمی دیکھنے میں آ رہی ہے دنیا میں کرونا وبا سے اموات کی شرح 6.8 فیصد جبکہ ہمارے ہاں 2.17 فیصد ہے

اگرچہ پاکستان نے ابھی نکتہ عروج کو چھونا ہے لیکن ابھی تک صورت حال کافی بہتر ہے 

ہم نے اس وبا کا مقابلہ کرنے کیلئے کچھ بنیادی فیصلے کیے کچھ اصول مرتب کیے

ہم نے دو فورم تشکیل دیے-وزیر اعظم کی سربراہی میں نیشنل کوآرڈینیشن کمیٹی  اور اسد عمر کی زیر صدارت این سی او سی کا قیام عمل میں لایا گیا تاکہ تمام فیصلے باہمی مشاورت کے ساتھ کیے جا رہے ہیں

وزیر اعظم عمران خان نے 14 مارچ کو نیشنل سیکورٹی کمیٹی کا اجلاس طلب کیا جس میں تمام صوبوں کے وزرائے اعلیٰ، آزاد کشمیر کے وزیر اعظم اور جملہ اسٹیک ہولڈرز شریک ہوئے

اس اجلاس میں کی گئی مشاورت کے نتیجے میں 

نیشنل کوآرڈینیشن کمیٹی تشکیل دی گئی جس کے اب تک 11 اجلاس ہو چکے ہیں اس میں بھی تمام اسٹیک ہولڈرز کی مشاورت سے فیصلے کیے جاتے ہیں

27 مارچ کو این سی او سی کا قیام عمل میں لایا گیا جس کا اجلاس روزانہ 9 سے گیارہ بجے تک ہوتا ہے اس میں بھی تمام فیڈریٹنگ یونٹس کو نمایندگی دی گئی تمام صوبائی چیف سیکریٹریز اس اجلاس میں شریک ہوتے ہیں

این سی او سی کا مقصد تمام صوبوں سے کرونا کی تازہ ترین صورت حال جانچنا، تمام اسٹیک ہولڈرز کے ساتھ باہمی مشاورت کے بعد ایک مشترکہ اور متفقہ لائحہ عمل، ایک نیشنل اسٹریٹجی ترتیب دینا ہے 

ہم جانتے ہیں کہ اٹھارہویں ترمیم کے بعد بہت سے اختیارات صوبوں کو تفویض ہو چکے ہیں ہم صوبائی خود مختاری کی تعظیم کرتے ہیں انہیں لچک ملنی چاہیے 

این. سی سی اور این سی او سی کے اجلاس ہوتے ہیں بہت سے نکات پر اتفاق ہو جاتا لیکن زمینی اور ہوائی راستوں کی بندشوں کے حوالے سے اختلاف رائے سامنے آیا-ہم نے اس کا احترام کیا

جب میں بعض رہنماؤں کی آراء یا بیان سنتا ہوں تو مجھے تکلیف ہوتی ہے 

 وفاق کی جانب سے سندھ کے ساتھ نارواسلوک کا الزام درست نہیں

 کرونا وائرس کسی  حدود و قیود کو نہیں مانتا - یہ نہیں ہو سکتا کہ ہم. خیبر پختون خواہ اور پنجاب کو محفوظ بنائیں اور باقی صوبوں کو چھوڑ دیں یہ ممکن نہیں ہے 

ہندوستان نے اپنے ہی ملک میں بسنے والے مسلمانوں کو کرونا وائرس کے پھیلاؤ کا موجب قرار دے کر ان کے ساتھ ناروا سلوک برتا جا رہا ہے کرونا جہاد کو روکنے کی باتیں ہو رہی ہیں عالمی برادری کو ہندوستان کے رویے کا فوری نوٹس لینا چاہیے پاکستان اس کی شدید مذمت کرتا ہے

قم سے تفتان تک 5000 لوگوں کو اچانک بھیج دیا جاتا ہے میری ایران کے وزیر خارجہ سے بات ہوئی اور میں نے انہیں درخواست کی کہ ہمیں انتظامات کا وقت دیں لیکن معاشی قدغنوں کی وجہ سے وہ ایسا  نہیں کر سکے

میں بلوچستان حکومت کو مبارکباد پیش کرتا ہوں جو انہوں نے بہترین کاوشیں بروئے کار لائیں

 تفتان بارڈر سے وطن واپس آنے والے 1250 زایرین کو ملتان میں قائم کوارنٹائین سینٹرز میں رکھا گیا ان کا ہر طرح سے خیال رکھا اور بعد ازاں ان کے نتائج منفی آنے  پر انہیں گھر بھجوا دیا  گیا

وفاقی حکومت نے معاشی مضمرات سے نمٹنے کیلئے احساس پروگرام شروع کیا 

10 مئی تک کے اعداد و شمار کے مطابق صرف سندھ میں وفاقی حکومت کے احساس پروگرام کے تحت 26 ارب روپے تقسیم کیے گئے جس سے 23 لاکھ خاندان مستفید ہوئے

وفاقی حکومت کی جانب سے 1.2 ٹریلین روپے کے معاشی بحالی پیکج کا اعلان کیا سندھ سمیت پورے ملک کو فائدہ ہوگا

کہا گیا کہ کرونا حفاظتی سامان صوبوں کو ان کے تناسب سے نہیں ملا

کرونا حفاظتی لباس جن کی کل تعداد 5لاکھ بتالیس ہزار تھی ان میں سے 209143 پنجاب جبکہ 154534 سندھ کو دیے گئے جو آبادی کی شرح سے کہیں زیادہ بنتے ہیں

این ڈی ایم اے فیس ماسکس کی کل تعداد 44،69030 تھی جس میں سے پنجاب کو 9،79،106 جبکہ سندھ کو 8،26،163 ماسک دیے گئے

این 95 ماسکس کی کل تعداد 1،99،555 تھی جس میں سے 60،784 پنجاب اور 30،142 سندھ کو بھجوانے گیے

کرونا کی وجہ سے بے روزگار ہونیوالوں کیلئے وفاقی حکومت نے 75 ارب کے معاشی پیکج کا اعلان کیا ہے جو پورے ملک کیلئے ہو گاجس سے 40 سے 60 لاکھ اشخاص پورے ملک مستفید ہوں گے 

بجلی کے بلوں کی مد میں دی جانے والی رعائیت سے 40 ہزار صنعتوں کو فایدہ ہو گا

وفاقی حکومت نے یوٹیلیٹی اسٹور کیلئے 50 ارب روپے مختص کئے ہیں - سندھ میں موجود تمام یوٹیلیٹی اسٹورز بھی اس سے مستفید ہوں گے

نیشنل فنانس کمیشن ایوارڈ میں صوبوں کو اضافی فنڈز مل رہے ہیں

ہماری سوچ علاقائی نہیں قومی ہے

میں نے جوانی کے کئ سال پاکستان پیپلز پارٹی میں گزارے جو ہمیشہ وفاق کی بات کرتی تھی آج اس پارٹی میں صوبائی تعصب کی بو آتی ہے

آج وقت آ گیا ہے کہ ہمیں بحیثیت پاکستانی سوچنا ہے صوبائی کارڈز سے اجتناب کرنا ہے

آج کہا جا رہا ہے کہ حکومت لاک ڈاؤن میں نرمی کیوں کر رہی ہے؟

یہ بحث پوری دنیا میں چل رہی ہے

آج عالمی ماہرین کہہ رہے ہیں کہ عالمی معیشت 3 فیصد تک سکڑ رہی ہے اس سے اربوں ڈالرز کا نقصان ہو گا

ہمیں دو چیلنجز کا سامنا ہے ہمیں لوگوں کو کرونا وائرس سے بھی بچانا ہے اور افلاس سے بھی پاکستانیوں کو بچانا ہے

میں کچھ حقائق پیش کرنا چاہتا ہوں

پاکستان کا انفیکشن کا کرو دنیا سے مختلف ہے یورپ اور امریکہ سے مختلف ہے

کوئی نہیں جانتا کہ ہمارے ہاں کرونا وائرس کی شرح انتہا کب ہو گی ہم. صرف اندازہ لگا سکتے ہیں

مراد علی شاہ صاحب نے اچھا کام کیا لیکن ان کی کوششوں کے باوجود نتائج اس طرح موثر برآمد نہیں ہوئے

کرونا کی وجہ سے پاکستان ميں 18.6ملین لوگ جاب لیس ہونے کا خطرہ ہے

اگر ہم. لاک ڈاؤن کو سہل نہ کرتے تو 21 سے 71 ملین لوگوں کے شرح غربت سے نیچے جانے کا خطرہ تھا

ہمیں میسر ڈیٹے کو سامنے رکھنا ہے کوئ ملک تنہا اس وبا سے نہیں لڑ سکتا

ہندوستان کے رویے کی وجہ سے انسانیت کی خاطر ہم نے سارک کانفرنس میں شرکت کی

Pakistan Railway Lahore Jobs 2020

2020-05-11T12:49:00.001+05:00

New Jobs announced today in Pakistan Railways Lahore in current Month of May 2020. They are looking the suitable candidates for the positions of Stenographer, Naib Qasid, Driver, Foreman, Head Clerk and Senior Computer Operator. They invite the applicants for submission application form. There are new jobs opportunities in Pakistan Railways for young graduates on merit base policy. The details of currents seats are following in Pakistan Railways Lahore:

Stenographer
Naib Qasid
Driver
Foreman
Head Clerk
Senior Computer Operator
Method of Submission Application Form;
Just Write application on simple page, Mentioned applied post name, your name, Father name.
Attach latest CV with updates all attested copies of documents & Passport Pics.
Date of birth, experience, technical details, current & permanent address etc.
Send application form on given postal address in advertisement.
Last date for submit application form is 24 May 2020.
Visit Below mention link:
https://jobsforpakistan.com/jobs/pakistan-railway-lahore-jobs-2020/?fbclid=IwAR1gmxOfJTEsw-ZtjtYeQO_DzqGCux55HylQHOAkPkuMysOBAsMTHbRJRYM

بھارت نے سی پیک میں رکاوٹ ڈالی تو چین سقم پر چڑھائی کردے گا

2020-05-11T07:54:00.002+05:00

چین نے سقم پر چڑھائی کی تو بھارت کی7 ریاستیں علیحدہ ہوجائیں گی، بھارت پاکستان کو توڑنے یا سی پیک میں رکاوٹ ڈالنے کی بجائے اپنی خیر منائے۔

چین نے سقم پر چڑھائی تو بھارت کی7 ریاستیں علیحدہ ہوجائیں گی، بھارت سی پیک میں رکاوٹیں ڈالنے کی بجائے اپنی خیرمنائے، سی پیک میں رکاوٹ ڈالی گئی تو چین سقم پر چڑھائی کرے گا، امریکا بھی چین کو نہیں روک سکے گا۔ انہوں نے نجی ٹی وی کے اپنے پروگرام میں تبصرہ کرتے ہوئے کہا کہ سقم بھارت کی وہ ریاست ہے جو1975ء میں قائم ہوئی، اس سے پہلے یہ بھارتی ریاست نہیں تھی۔

چین کہتا ہے کہ سقم ان کا حصہ ہے، تبت، تائیوان، نیپال بھی چین کے پاس ہے، چین نیپال کو بھی اپنا حصہ مانتا ہے۔ اب سقم میں چین اور بھارت کے درمیان لڑائی جارہی ہے، یہ ایک چھوٹی سی پٹی ہے۔ اس پٹی کے ساتھ بھارت کی وہ ریاستیں ہیں جہاں علیحدگی کی تحریکیں چل رہی ہیں۔

سقم میں چین اور بھارت کی لڑائی میں پاکستان اور امریکا کا کوئی ہاتھ نہیں ہے، یہ ان دونوں ممالک کا آپس کا معاملہ ہے۔

سقم ایسا علاقہ ہے جو بھارت کے دو حصوں کو آپس میں ملاتا ہے۔ اگر چین نے سقم پر قبضہ کرلیا تو وہ ریاستیں جہاں علیحدگی کی تحریکیں چل رہی ہیں، وہ بھی بھارت سے الگ ہوجائیں گی۔ انہوں نے کہا کہ بھارت کو سمجھ لینا چاہیے وہ پاکستان کو توڑنے کی بات کرتا ہے۔ لیکن بھارت تو پہلے ہی ٹوٹا ہوا ہے۔ انہوں نے کہا کہ اگر بھارت نے سی پیک میں رکاوٹ ڈالنے کی کوشش کی تو چین سقم پر چڑھائی کر دے گا۔

جس سے بھارت کی7 ریاستیں بھی علیحدہ ہوجائیں گی۔ اسی طرح ڈاکٹر شاہد مسعود نے اپنے پروگرام میں کورونا وباء سے متعلق بتایا کہ جتنی وبائیں پھیلی ہیں، یہ طاعون، اسپین فلو، ایبولاوغیرہ ان وباؤں سے دنیا میں اموات ہوتی رہی ہیں، لیکن ساتھ ساتھ زندگی بھی چلتی رہی۔کروڑ کروڑ آدمی مرتے گئے، لیکن چیزیں بھی چلتی رہیں۔ لیکن جب بھی کوئی ایسی وباء آتی ہے تو لوگوں کو پھر اسپینش فلو یاد آتا ہے اور درمیان جنگ عظیم بھی آجاتی ہے جس سے لوگ وباء کو بھول جاتے ہیں۔ وباء ویکسین سے ختم ہوتی ہے یا پھر معاشرہ اپنے بچاؤ کے طریقے نکالتا ہے۔ اسپینش فلو بھی کئی سال رہا سب سے زیادہ اموات ہندوستان میں ہوئی تھیں۔

Benefits of Eating Pear

2020-05-10T11:50:00.001+05:00

آج کل ہڈیوں کے امراض عام ہو چکے ہیں۔ ہڈیوں کو صحت مند رکھنے اور بھر بھرے پن کے مرض (OSTEOPOROSIS) سے محفوظ رکھنے کے لئے ماہرین کی تجویز کردہ کیلشیم کی مقدار لینا ضروری ہے۔ ناشپاتی کیلشیم کو جسم میں آسانی سے جذب ہونے میں بہت مدد دیتی ہے۔ ایک مشہور کہاوت ہے کہ ایک سیب روزانہ کھائیں اور ڈاکٹر سے دور رہیں ،اب ایک نئی تحقیق کے مطابق روزانہ ناشپاتی کا کھانا بھی کئی امراض سے محفوظ رکھ سکتا ہے۔

اللہ تعالیٰ نے کئی اقسام کے مفید پھل پیدا کیے ہیں اور ہر پھل میں بے شمار طبی فوائد رکھ دیے ہیں ،اس لئے روز مرہ کی غذاؤں میں استطاعت کے مطابق پھل بھی ضرور شامل کرنے چاہییں۔

دوسرے پھلوں کی طرح ناشپاتی بھی ایک مفید ولذیذ پھل ہے ۔اس کی کئی قسمیں ہیں ۔میٹھی ناشپاتی کو سیب سے اچھا سمجھا جاتا ہے ،اس لئے کہ یہ نزلے کو ختم کرتی ہے ۔

پیاس بجھاتی ہے ۔

اس میں نشاستے کی مقدار زیادہ پائی جاتی ہے ۔یہ معدے کو طاقت بخشتی اور صفرے کی زیادتی کو ختم کرتی ہے۔ ناشپاتی قے کو روکتی ہے ۔اس کو نچوڑ کر اس کے رس کو پکا کر جما لیا جاتا ہے ،یہ دستوں کو روکتاہے۔ ناشپاتی میں سوڈیئم ، پوٹا شیئم ، شکر ، فاسفورس ، لحمیہ(پروٹین) اور حیاتین ج (وٹامن سی)ہوتی ہے۔ نرم گودے والی ناشپاتی کو”بگوگوشہ“ کہتے ہیں ،اسے بچے پسند کرتے ہیں اس کی وجہ یہ ہے کہ یہ عام ناشپاتی سے زیادہ نرم ہوتی ہے اور آسانی سے چبائی جاسکتی ہے ۔

ناشپاتی کو چھلکے سمیت کھانا چاہیے ۔اس لئے کہ اس کے چھلکے میں بھی کئی صحت بخش اجزاء پائے جاتے ہیں۔

ماہرین طب کے مطابق ناشپاتی خود دیر سے ہضم ہوتی ہے ۔یہ بھوک بڑھاتی ہے ۔ناشپاتی کے رس میں شکر مل کر پینے سے صفراوی سر کے درد کے لئے مفیدہے ۔ناشپاتی سے تیار کردہ زعفرانی مربا خونی بواسیر میں مفید بتایا جاتا ہے ۔ناشپاتی کے رس میں کالی مرچ اور نمک چھڑک کر پینے سے بد ہضمی دور ہوتی ہے اور کھانے سے بے رغبتی جاتی رہتی ہے۔

مغربی ممالک میں ناشپاتی جلد کو تروتازہ اور صحت مند رکھنے والا مفید ٹانک سمجھا جاتاہے ۔جن خواتین کی جلد خشک اور روکھی پھیکی ہو، انہیں ناشپاتی کھانا چاہیے ۔ناشپاتی ہضم کے نظام کی کارکردگی کو بہتر کرتی ہے ۔یہ ہائی بلڈ پریشر کے علاوہ مٹاپے کو بھی کم کرتی ہے ۔ناشپاتی کی شکل دل سے ملتی جلتی ہے ،اس لئے اسے دل کو تقویت پہنچانے میں بھی مفید قرار دیا گیا ہے ۔

تمام پھلوں کی طرح اس میں بھی گلو کوس کی وافر مقدار پائی جاتی ہے ،جس کی وجہ سے یہ جسم کو توانائی فراہم کرتی اور تھکن کے احساس کو ختم کرتی ہے۔ ناشپاتی کے پاؤڈر سے دست آنا بند ہوجاتے ہیں ۔سفوف کو زخم پر چھڑکنے سے زخم جلد مندمل ہوجاتے ہیں ۔ناشپاتی کے درخت کی لکڑی کی راکھ کھانے سے زخم جلد ٹھیک ہو جاتے ہیں۔

کولیسٹرول میں کمی

ناشپاتی میں ریشہ زیادہ مقدار میں ہوتا ہے ،جو جسم کو نقصان پہنچانے والے کولیسٹرول میں کمی لا کر امراض قلب سے تحفظ دیتاہے ۔

ریشے سے بھر پور اس پھل کو کھانے سے فالج کا خطرہ بھی کم ہو جاتاہے ۔

سرطان سے تحفظ

ناشپاتی میں موجود ریشہ ایسے نمکیات کی روک تھام کرتا ہے ،جو آنتوں کے سرطان کا خطرہ بڑھاتے ہیں ۔تحقیق کے مطابق جو خواتین روزانہ ایک ناشپاتی کھاتی ہیں ،ان میں سینے کے سرطان کا خطرہ کم ہو جاتاہے۔

مٹاپے سے نجات

جو افراد روزانہ ناشپاتی کھاتے ہیں ،ان میں موٹا ہونے کا امکان 35فیصد کم ہو جاتاہے۔

ناشپاتی ریشے اور وٹامن سی کے حصول کا بہترین ذریعہ ہے ،جو جسمانی وزن کم کرنے میں مدد کرتے ہیں۔

بھوک بھگائے اور شوگر سے بچائے

سیب اور ناشپاتی میں ریشے دار (فائبر) اجزاء پائے جاتے ہیں ۔یہ اجزاء خون میں شکر کی مقدار کو معمول پر رکھنے میں معاون ہوتے ہیں ۔ناشپاتی کھانے سے ٹائپ ٹو ذیابیطس مرض کا خطرہ بھی کم ہو سکتاہے۔

فائٹو نیوٹریئنٹس اور ناشپاتی

ناشپاتی میں فائٹو نیوٹریئنٹس (Phytonutrients) کی بہتات ہوتی ہے جن میں بہت سے مفید فلے وینوئڈز (Flavonoid) شامل ہیں ۔یہ پورے جسمانی مدافعتی نظام کو مضبوط کرتے ہیں اور کئی اقسام کے کینسر سے محفوظ رکھتے ہیں۔اس کے علاوہ جسم میں فری ریڈیکلز کی افزائش کو روک سکتے ہیں۔

ناشپاتی وزن گھٹائے

ایک درمیانے درجے کی ناشپاتی میں صرف 100کیلوریز پائی جاتی ہیں ۔

اس میں موجود فائبر کافی دیر تک بھوک کو دبائے رکھتی ہے ۔ناشپاتی میں بعض ایسے اجزاء پائے جاتے ہیں جو وزن کو بڑھنے نہیں دیتے اور کم کیلوریز چکنائی جمع نہیں ہونے دیتی ۔ایک تجربہ ہی کرکے دیکھ لیجئے کہ دوپہر کے کھانے میں ناشپاتی استعمال کیجئے تو اول آپ کم کھائیں گے اور دوم دوسری مرتبہ بھوک بھی دیر سے لگے گی۔

ناشپاتی کے فوائد

مسوڑھوں سے خون آنے کو روکتی ہے۔

دانتوں کو گرم وٹھنڈا لگنے سے محفوظ رکھتی ہے ۔معدے کو درست رکھتی اور منہ کی بوکو دور کرتی ہے ۔پرانے قبض کا خاتمہ کرتی ہے ۔سانس کے مریضوں کو فائدہ دیتی ہے ۔ناشپاتی کا رس بواسیر میں پینا مفید ہے ۔ناشپاتی جگر کی سوزش کو دور کرتی ہے ۔کولیسٹرول کی سطح کو کم کرتی ہے ۔ناشپاتی باقاعدگی سے کھائی جائے تو جلد صاف ہو جاتی ہے ۔اسے کھانے سے بال مضبوط ہو جاتے ہیں ۔

بخار میں ناشپاتی کھانا مفید ہے ۔سرطان کے خلاف جسم میں قوت مدافعت پیدا کرتی ہے ۔ناشپاتی کا پھول مفرح قلب ہے۔ بزرگ کہتے ہیں کہ ہر موسم کا پھل اور سبزی ضرور کھائیں کیونکہ اس سے ہر قسم کی توانائی اور بیماریوں سے تحفظ ملتاہے۔ اپنی غذائیت کی وجہ سے مغرب میں ناشپاتی کو توانائی کا پاور ہاؤس کہا جاتا ہے اس کی وجہ یہ ہے کہ ذائقے کے ساتھ ساتھ ان میں کئی طرح کے ضروری غذائی اجزاء بھی شامل ہیں۔

Healthy Life Style is the Need of Time

2020-05-08T14:18:00.002+05:00

ترقی یافتہ معاشروں میں صحت اور تعلیم کے شعبوں کو بہت اہمیت دی جاتی ہے ۔ایسے معاشروں میں صحت مند لوگوں کا تناسب بیمار لوگوں سے زیادہ ہوتا ہے اور اِن مُمالک کے ہسپتال اور ڈسپینسریاں ویران ،جبکہ پارکوں اور سیر گاہوں میں رش دکھائی دیتاہے۔اِیسی جگہوں پر ایک طرف تو بہترین طبی سہولیات فراہم کی جاتی ہیں وہیں دوسری طرف لوگوں میں صحت کے متعلق آگاہی اور صحت مند طرزِزندگی (Healthy Lifestyle)کو پروموٹ کیا جاتا ہے ، جبکہ ترقی پذیراور غیر ترقی یافتہ مُلکوں میں زیادہ تر صحت کی سہولیات کے فقدان کو زیرِ بحث لایا جاتاہے اور لوگوں میں صحت کے متعلق شعور اُجاگر نہیں کیاجاتا۔

لوگوں میں صحت مند طرزِزندگی کی آگاہی کے بغیر صحت کی سہولیات کی فراہمی کی مثال ایسے ہی ہے جیساکہ ایک بالٹی میں پانی بھرا جارہا ہوجبکہ اُس بالٹی میں کوئی سوراخ موجود ہوجس سے پانی بہہ بھی رہا ہو۔

ایسے میں صحت کے مسائل پر قابو پانے کے لئے جو بھی وسائل بروئے کار لائے جائیں گے وہ ضائع ہونے کا اندیشہ ہے ۔

اس لیے صحت مند معاشروں کے پروان چڑھنے میں ، میں پہلی ذمہ داری اُس معاشرے میں بسنے والے لوگوں پرعائد ہوتی ہے ۔

اُس معاشرے میں بسنے والے لوگ، اُنکی تہذیب وتمدن، اُن کا طرزِزندگی اور اُنکی روایات ،اُس معاشرے کی سمت کا تعین کر تی ہیں، مثلاً صحت مند معاشروں میں بیماری پر قابو پانے سے پہلے لوگوں میں اس بیماری سے متعلق آگاہی ، حفاظتی تدابیر اور جلد تشخیص پر بات کی جاتی ہے ۔لوگوں کو اُس بیماری سے بچاؤ کے طریقے بتائے جاتے ہیں ۔مثال کے طور پر سنگاپور کا ہیلتھ سسٹم دنیا کے بہترین سسٹم میں سے اِیک ہے لیکن پھر بھی سنگاپور کے میٹرو ٹرینوں، بسوں اور بس سٹاپ پر ذیابیطس اور بلڈپریشر کنٹرول سے متعلق آگاہی پوسٹرز دکھائی دیتے ہیں۔

صحت مند لائف سٹائل میں دوسرا اہم کردار کھانے سے متعلق ہے جس میں کھانے کی مناسب مقدار اور معیار ہے ۔ چائنہ سمیت مشرقی ایشیائی مُلکوں (ملائیشیا، سنگاپور، جاپان، کوریا ) اور دیگر یورپی مُمالک میں لنچ کی ٹائمنگ دوپہر 12:00-01:30کے درمیان ہوتی ہے جبکہ ڈنر کی ٹائمنگ شام (06:00-07:30)کے درمیان ہوتی ہے ۔

اِن ممالک کے لوگ اگر رات کو ڈنر سے لیٹ ہو جائیں تو وہ بغیر کھانا کھائے سو جاتے ہیں ۔میڈیکل سائنس نے بھی اِس چیز کا انکشاف کیا ہے کہ رات کو دیر سے کھانا کھانا اورکھانے کے فوراًبعد سونا بہت سی بیماریوں کا سبب بنتا ہے ۔شام کو جلد کھانا کھانے کی وجہ سے رات کو سونے کے وقت تک کھانا ہضم ہو جاتا ہے اور نیند کا تسلسل بھی برقرار رہتا ہے۔اِسی طرح ترقی یافتہ مُمالک کے لوگ صبح جلد ناشتہ کرتے اور ناشتہ میں فائبر (دلیہ،کیلا)لینے کو ترجیح دیتے ہیں۔

درحقیقت ہمیں زندہ رہنے کیلئے زیادہ کھانے یاپیٹ بھر کرکھانے کی ضرورت نہیں ہوتی ، ہمارا زیادہ کھانا موٹاپے اور دیگر بیماریوں کا سبب بنتا ہے۔اِسی طرح کھانے کا معیار صحت مند زندگی کا ضامن ہوتا ہے۔ کورین ،جاپانی اور دیگر مشرقی ایشیائی مُلکوں کے لوگوں کی دُبلاپتلا اور چست ہونے کی وجہ اُنکی کم تیل اور اُبلی ہوئی اشیا ء کا اِستعمال ہے،جیسا کہ اِن ممالک میں زیادہ تر چاول(Rice eating nations)کھائے جاتے ہیں اور یہاں کا Staple Foodبھی چاول ہیں۔

چاول کے ساتھ ساتھ اِن مُمالک میں مچھلی اور اُبلی ہوئی سبزیاں کھائی جاتی ہیں۔جبکہ اِسکے برعکس ہمارے زیادہ تر کھانے مرچ مصالحہ دار(Spicy)اور تیل والے (Oily)ہوتے ہیں۔ہم لوگ گوشت (Red Meat) زیادہ استعمال کرنے والے مُمالک میں شامل ہیں۔ ہماری خوراک میں سبزیوں ،دالوں اور میوہ جات کا اِستعمال بھی کم ہوتا جارہا ہے۔پوری دنیا میں چائے سے مرادقہوہ (بغیر دودھ) تصور کیاجاتا ہے ،جبکہ ہمارے والی چائے کیلئے Milk Teaکہہ کر طلب کرنا پڑتا ہے اور دودھ والی چائے کونسبتاًluxuryاورغیر صحت مند مشروب تصور کیاجاتاہے۔

اِسی طرح صحت مند لائف سٹائل کے حامل مُمالک میں ورزش اوردیگر Physical activitiesعام دکھائی دیتی ہیں ۔لوگ صبح،شام اور رات کے وقت پارکس ،جم خانوں، دریا کناروں اور جاگنگ ٹریکس پر ورزش کرتے دکھائی دیتے ہیں۔ایسی جگہوں پر hikingاور cyclingکو باقاعدہ پروموٹ کیا جاتا ہے ۔ ایمسٹرڈیم (Amsterdam)کوWorld's Cycling Capitalکہا جاتا ہے جہاں سائیکلوں کی تعداد لوگوں کی مجموعی تعداد سے زیادہ ہے۔

نیدرلینڈ کے بعد ڈنمارک اور جرمنی میں سب سے زیادہ سائیکلوں کا اِستعمال کیا جاتا ہے جو کہ ایک صحت مند طرزِزندگی کو ظاہر کرتاہے۔

صحت مند لائف سٹائل کے اکثر لوگ Yogaاور meditationکرتے دکھائی دیتے ہیں۔Yogaکا لفظی مطلب ہوتاہے ترتیب دینا،یعنی اپنے دماغ کو ترتیب دینا(harness the mind)۔یوگاکے پاپولر مُلکوں میں انڈیا، سپین، انڈونیشیا اور تھائی لینڈ ملتے ہیں جہاں بہت سی یوگا destinationsاور یوگا ٹرینرز ہیں۔

آجکل یوگا اور meditationایک مُکمل تھر اپی کی شکل اختیارکر چُکی ہیں۔

آخر میں ،میں عرض کرنا چاہتا ہوں کہ میری اِس تحریر کا مقصد لوگوں میں صحت مند لائف سٹائل سے متعلق آگاہی اور اپنی عادات واطوار کا جائزہ لینا ہے کہ قارئین کس طرح صحت کے اُصولوں پر عمل پیرا ہو کرصحت مند زندگی اختیار کر سکتے ہیں۔کیونکہ ایک بیمار شخص صرف اپنے لیے بیمار نہیں ہوتا،اُس بیمار شخص پر بہت سا سرمایہ اور بہت سے صحت مند لوگوں کی محنت اور توجہ درکا ر ہوتی ہے۔میری خداتعالیٰ سے دُعا ہے کہ خداتعالیٰ آپ سب کو صحت مند رکھے، آمین۔شکریہ

ذیا بیطس کے مریضوں کے لئے مفید میوے

2020-05-08T08:30:00.003+05:00

ذیابیطس دنیا میں تیزی سے عام ہوتا ہوا ایسا مرض ہے جسے خاموش قاتل بھی کہا جاتاہے اور ورلڈ ہیلتھ آرگینائزیشن کے ایک جائزے کے مطابق2030میں دنیا میں بیماریوں کے باعث ہونے والی ہلاکتوں میں ذیابیطس ساتویں نمبرپر ہوگی۔ذیابیطس میں مبتلا افراد کی تعدادہر گزرتے سال کے ساتھ خطرناک انداز میں بڑھتی جارہی ہے۔ذیابیطس کا مرض خون میں گلوکوز کی سطح کو متاثر کرتاہے، ذیابیطس کی مختلف اقسام ٹائپ ون،ٹائپ ٹو اور ٹائپ تھری ذیابیطس کہلاتی ہیں۔

اس مرض سے محفوظ رہنے کیلئے ہر شخص کو اپنی خوراک کا خیال رکھنا چاہیے۔بڑھتا وزن بھی اس خطر ناک مرض میں مبتلا کر سکتاہے۔عام طور پر اس مرض میں مبتلا افراد کو میٹھا کھانے کے ساتھ ساتھ میوہ جات کھانے

سے بھی منع کیا جاتاہے۔

کیا میوہ جات کھانا ذیابیطس کی بیماری میں مبتلا افراد کے لیے خطرناک ے․؟

متعدد ڈاکٹرز کے مطابق اس مرض میں مبتلا افراد کو میوے جات کھانے سے پرہیز کرنا چاہیے،کیونکہ یہ سوکھے ہوئے پھل ہوتے ہیں اور کیونکہ ان میں تازہ پھل کے مقابلے میں پانی کی مقدار کم ہوتی ہے ۔

تو اس وجہ سے میوے جات میں موجود غذائیت اور منرلز کی مقدار میں بھی تازہ پھل سے زیادہ فرق آجاتا ہے۔ایک نئی تحقیق سے معلوم ہوا ہے کہ غیر صحت مندانہ خوراک کے مقابلے میں سخت چھلکوں والے گری دار میوے انسانی صحت کے لئے مفید ہیں۔ان کا استعمال زیادہ کولیسٹرول اور ذیابیطس کے مریضوں کیلئے بھی فائدہ مند ہے،خشک میوہ جات سے مراد صرف سخت چھلکوں والے گری دار میوے ہیں جنہیں انگریزی میںNutsکہتے ہیں۔

ان میں وہ فروٹس یا پھل شامل نہیں ہیں،جن کو خشک کرکے استعمال کیا جاتاہے،بتایا جاتاہے کہ نٹس یا بادام ،اخروٹ ،پستہ وغیرہ انسانی صحت کیلئے مفید ہیں۔

ماہرین غذائیت کا کہنا ہے کہ گری دار میوے صحت کے لئے مفید خیال کیے جاتے ہیں ۔ٹورنٹو یونیورسٹی کی محققین کی ٹیم کی ایک ریسرچ ذیابیطس بین الاقوامی شہرت کے جریدے ڈائیابیٹکس کیئر میں شائع کی گئی ہے،یہ ریسرچ ٹورنٹویونیورسٹی کے شعبہ نیوٹریشنل سائنسز نے کی تھی،اس میں کلینیکل نیوٹریشن اور رسک فیکٹر کے ماہرین بھی شامل تھے۔

سیرل کینڈل بھی ٹورنٹویونیورسٹی کے شعبہ نیوٹریشنل سائنسز کے ریسرچ ایسوسی ایٹ ہیں۔ذیابیطس ایک ایسا مرض ہے،جس کے مرض اسی پریشانی میں مبتلارہتے ہیں کہ کون سی غذائیں کھائیں اور کون سی نہیں۔ان مریضوں کا ڈائٹ چارٹ ہو یا ایکسرسائز روٹین ،احتیاط لازمی ہے۔

میوہ جات کا استعمال مفید یا مضر

ذیابیطس کے مریضوں کیلئے میوہ جات کے استعمال پر طبی ماہرین کی رائے مختلف نظر آتی ہے۔

طبی ماہرین کے ایک گروپ کا کہنا ہے کہ ذیابیطس کے مریضوں کو ڈرائی فروٹ کے استعمال سے پرہیز کرنا چاہیے، کیونکہ یہ سوکھے ہوئے پھل ہوتے ہیں۔ان میں تازہ پھل کے حساب سے پانی کی مقدار کم ہوتی ہے۔ اس کی وجہ سے میوہ جات میں موجود غذائیت اور منرلز کی مقدار میں تازہ پھل کے مقابلے میں زیادہ فرق آجاتاہے۔

دوسرا گروپ ان طبی ماہرین کا ہے،جو سخت چھلکوں والے گری دار میووں کو انسانی صحت کیلئے مفید قرار دیتے ہیں۔

کینیڈا کی ٹورنٹویونیورسٹی کے ریسرچرز کی ایک تحقیق کے مطابق خشک میوہ جات سے مراد صرف سخت چھلکوں والے گری دار میوے ہیں،جنہیں انگریزی میںNutsکہتے ہیں۔ان میں وہ پھل شامل نہیں ہیں،جن کو خشک کرکے استعمال کیا جاتاہے۔تحقیق کاروں کا کہنا ہے کہ سخت چھلکوں والے گری دار میووں کے باقاعدہ استعمال سے خون میں شکر کی مقدار اور کولیسٹرول کو کنٹرول کرنا ممکن ہے۔

بادام

بادام ایک غذائیت سے بھر پور غذا ہے جو وٹامن،پروٹین اور منرلز سے بھرپور ہوتی ہے۔طبی ماہرین بادام کو ایک ایسا میوہ کہتے ہیں،جسے ذیابیطس کے مریض استعمال کر سکتے ہیں۔امریکن یونیورسٹی کے تحقیق کاروں کے مطابق بادام کا استعمال ذیابیطس کنٹرول کرنے اور کولیسٹرول کی سطح بر قرار رکھنے میں مفید ہے۔تحقیق کاروں کے مطابق روزانہ چھ بادام شوگر کی سطح کم کرنے میں مفید ہوتے ہیں۔

ایک تحقیق میں یہ بھی کہا گیا ہے کہ کھانے کے بعد بادام استعمال کرنے سے جسم میں گلوکوز اور انسولین کی سطح قابو میں رہتی ہے۔

اخروٹ

طبی ماہرین اخروٹ کو میگنیشیم،فائبر ،اومیگا تھری فیٹی ایسڈ اور لائنولینک ایسڈ سے بھر پور غذا تسلیم کرتے ہیں۔ان کا کہنا ہے کہ اخروٹ میں وٹامن ای،فولک ایسڈ،زنک اور پروٹین وغیرہ بھی شامل ہیں،جو بھوک کم کرنے کے ساتھ کم کیلیوریز کے ساتھ جسمانی توانائی بھی بڑھاتے ہیں جبکہ فائبر اور پروٹین بھوک کی خواہش ختم کرنے اور بلڈ شوگر لیول کنٹرول کرنے میں مدد فراہم کرتے ہیں ۔

ماہرین کے مطابق وہ افراد جو اخروٹ کا استعمال باقاعدگی سے کرتے ہیں ان میں انسولین کا لیول متوازن رہتاہے ۔

پستہ

طبی ماہرین ذیابیطس کے مریضوں کیلئے پستے کے استعمال کو بھی مفید تصور کرتے ہیں۔ان کے مطابق پستہ انسولین اور گلوکوز کی کارکردگی کو بہتر بناتاہے۔اسپین کے طبی ماہرین ایک تحقیق کے بعد اس نتیجے پر پہنچے ہیں کہ پستے کو روزانہ کی خوراک میں شامل کرنا ذیابیطس سمیت کئی امراض میں مفید ہے۔

کاجو

کاجو میں دیگر غذاؤں کے مقابلے میں کم چربی پائی جاتی ہے۔اس کے علاوہ کاجو ایسے قدرتی اجزاء سے مالا مال ہوتے ہیں،جو خون میں موجود انسولین کو عضلات کے خلیوں میں جذب کرنے کی بھر پور صلاحیت رکھتے ہیں جبکہ کاجو میں پائے جانے والے ”ایکٹوکمپاؤنڈز“ذیابیطس کو بڑھنے سے روکنے اور اس میں موجود پوٹاشیم جسم میں موجود شکر کی سطح کو برقرار رکھنے میں مدد فراہم کرتاہے۔

مونگ پھلی

برٹش جرنل آف نیوٹریشن میں شائع شدہ ایک تحقیق کے مطابق ذیابیطس ٹائپ ٹوکے مرض میں مبتلا خواتین اگر ناشتے میں پی نٹ بٹر کا استعمال شروع کر دیں تو آٹھ سے بارہ گھنٹوں میں گلوکوز کی سطح متوازن اور بھوک کی خواہش پر قابو پانے میں مدد ملتی ہے۔ناشتے میں اسے کھانے کا معمول بنانا ذیابیطس کے مریضوں کیلئے مفید ہو سکتاہے۔

وزیراعظم کا9مئی سے لاک ڈاؤن کھولنے کا اعلان

2020-05-07T16:49:00.003+05:00

وزیراعظم نے قوم سے خطاب کرتے ہوئے کہا کہ فروری کوملک میں کوروناکا پہلا کیس سامنے آیا اور یہ وائرس بہت تیزی سے پھیلتا ہے۔

انہوں نے بتایا کہ پاکستان سمیت دنیابھر میں لاک ڈاوَن کیا گیا اور یورپ میں وائرس سےہزاروں اموات ہوئیں ہیں۔

عمران خان نے کہا کہ لاک ڈاؤن سے چھوٹا طبقہ زیادہ متاثر ہوتا ہے لیکن اللہ کا کرم ہے کہ پاکستان پر زیادہ پریشر نہیں پڑا۔ سوچتے رہے کہ کون سا وقت ہے جب ہم چیزیں کھولنا شروع کریں۔لاک ڈاؤن سے متعلق فیصلہ سب صوبوں کے ساتھ ملکر کیا ہے۔

وزیراعظم نے کہا کہ صوبوں کے ساتھ ملکر فیصلہ کیا کہ لوگوں کے لئے آسانیاں پیدا کرنی ہیں۔ ان کا کہنا تھا کہ لاک ڈاؤن کی وجہ سے ٹیکس اہداف 36فیصد نیچے آگئے ہیں۔

وائرس کتناوقت لے کوئی نہیں جانتا لہذا بڑے عرصے تک لاک ڈاوَن ممکن نہیں، حکومت کس وقت تک متاثرین کو مدد فراہم کرتی رہے گی۔

عمران خان نے بتایا کہ احتیاط سے ہی وائرس کے اثرات پر قابو پایاجاسکتا ہے۔ عوام کی انفرادی ذمہ داری ہے وہ خود احتیاط کریں۔ مشکل وقت سے نکلنا ہے تو ذمہ دار شہری بننا ہو گا۔

وزیراعظم نے کہا کہ ہر شعبے کے لیے ایس او پیز بنائیں گے تاہم پبلک ٹرانسپورٹ کھولنے کے فیصلے پر اتفاق نہیں ہوا لیکن میں سمجھتا ہوں پبلک ٹرانسپورٹ سے عام آدمی کو فائدہ ہوگا۔ کوئی بھی فیصلہ صوبوں کے بغیرنہیں ہوگا لیکن اس پر پبلک ٹرانسپورٹ سےمتعلق ایس او پیز بنائیں گے۔

وفاقی وزیراسد عمر نے بتایا کہ دکانیں سحری سے شام 5بجے تک کھلی رہیں گی تاہم رات کو دکانیں بند رکھنے کا فیصلہ کیا گیا ہے۔ تمام چھوٹے کاروبار اور دکانیں ہفتے میں 2دن بند کیے جائیں گے۔

انہوں نے بتایا کہ وزیراعظم یا حکومتی فیصلوں کا مقصد صرف عوام کوآسانی فراہم کرنا ہے۔ وفاق اور صوبوں کے دست و گریبان ہونے کی باتیں بے بنیاد ہیں آج تک جتنے بھی فیصلے ہوئے صوبوں کی مشاور ت سے ہوئے ہیں۔

وزیراعظم چاہتے تو آئینی اختیار کا استعمال کرکے فیصلے مسلط بھی کرسکتے تھے لیکن ان کا فیصلہ تھا کہ کوئی بھی اقدام صوبوں سے مشاورت کے بغیر نہ کیاجائے۔

Pakistan Engineering Council (PEC) Jobs 2020

2020-05-07T12:48:00.003+05:00

Pakistan Engineering Council (PEC) Jobs 2020

The Pakistan Engineering Council (PEC) Jobs 2020 for Site Engineers, Junior Executive, Project Director, Quantity Surveyor, Accounts Associate, Officers & Others Latest published in The Dawn Newspaper on 26th Apr 2020 & Last Date to Apply is 13th May 2020.

PEC Vacancies / Positions:-

=== BPS-19 ===
Project Director
=== BPS-17 ===
Site Engineer Civil
Site Engineer Electrical
Site Engineer HVAC
=== BPS-16 ===
Quantity Surveyor
Admin & Logistics Officer
Compliance and Contract Management Officer
Accounts Associate
=== BPS-14 ===
Junior Executives
=== BPS-03 ===
Naib Qasid / Office Boy

Last Date to Apply: May 13, 2020

Click on the Following link:

https://vulearning.com/JobsDetail/pakistan-engineering-council-pec-jobs-2020-for-site-engineers-junior-executive-project-director-quantity-surveyor-accounts-associate-officers-others-latest-91800.aspx

'آپ کیخلاف کوئی ثبوت نہیں ملا ہے'' وزیراعظم عمران خان نے جہانگیر ترین کو فون کر کے بتا دیا

2020-05-07T09:13:00.001+05:00

سینئیر صحافی عارف حمید بھٹی نے دعویٰ کیا ہے کہ وزیراعظم عمران خان نے جہانگیر ترین کو فون کر کے بتا دیا ہے کہ ''آپ کیخلاف کوئی ثبوت نہیں ملا ہے''۔ سینئیر صحافی نے بتایا ہے کہ جہانگیر ترین کو کلین چٹ دیدی جائے گی، ابھی تک کی تفتیش کے مطابق انکے خلاف کوئی ثبوت نہیں ملا۔ عارف حمید بھٹی کا کہنا تھا کہ تحقیقاتی کمشین کے سربراہ سے پوچھ لیں کہ کیا کوئی ثبوت ملا۔

انہوں نے کہا کہ ایک خاص مقصد حاصل کرنے کیلئے یہ سب کیا جارہا ہے اگر وہ مقصد حاصل ہوگیا تو سیاست کا

رخ کوئی اور ہوگا لیکن اگر مقصد حاصل نہ ہوسکا تو سیاست کا اونت کسی اور کروٹ بیٹھے گا۔

وسری جانب زلفی بخاری نے چینی اور آٹا بحران پر ایف آئی اے کی رپورٹ کے بعد پیدا ہونے والی سیاسی صورتحال پر گفتگو کرتے ہوئے کہا ہے کہ جس طرح کی باتیں لوگ کر رہے ہیں ایسی کوئی بات نہیں ہے، وزیر اعظم عمران خان اور جہانگیر ترین میں بہت پرانا اور مضبوط تعلق ہے اور میرے نزدیک اس بات میں کوئی حقیقت نہیں کہ وہ اپنی علیحدہ پارٹی بنانے کی کوشش کر رہے ہیں، انہوں نے پہلے بھی پی ٹی آئی کی خدمت کی ہے اور یقین ہے کہ آئندہ بھی کریں گے۔

انہوں نے کہا کہ وزیراعظم عمران خان اور جہانگیر ترین کے درمیان کوئی اختلافات نہیں ہیں، اور دونوں کے درمیان ایک قریبی تعلق ہے اور ابھی تو ابتدائی انکوائری رپورٹ آئی ہے جب تک مکمل کیس کھل کر سامنے نہیں آئے گا وزیر اعظم جہانگیر ترین کے متعلق کوئی غلط فہمی قائم نہیں کریں گے۔انہوں نے وفاقی کابینہ میں اختلافات کی خبروں کی بھی تردید کی اور کہا کہ میڈیا غلط انداز میں خبروں کو پیش کرتا ہے دو لوگوں کے بارے میں کہا جاتا ہے کہ ان کے آپس میں اختلافات ہیں اور وہ دونوں ہی اکٹھے بیٹھ کر ان خبروں کو دیکھ رہے ہوتے ہیں تو میرے خیال میں میڈیا کو پہلے سے زیادہ ذمہ داری کا مظاہرہ کرنا چاہیے۔

Khyber Pakhtunkhwa Information Technology Board (KPITB) Jobs 2020

2020-05-07T08:36:00.002+05:00

The Khyber Pakhtunkhwa Information Technology Board (KPITB) Jobs 2020 for Coordinators, Accountants, Assistants, Developers & Others Latest published in The Aaj Newspaper on 06th May 2020 & Last Date to Apply is 18th May 2020.

Read Aaj Newspaper Dated 06th May, 2020

KPK Govt Vacancies / Positions:-

01 Project Manager BPS-19
02 Facility Manager BPS-18
01 Training Coordinator BPS-17
03 Female Project Coordinator for Gender Inclusive Durshal BPS-17
01 Marketing Coordinator BPS-17
01 Web Administrator BPS-17
01 Accountant BPS-16
02 IT Support Assistant BPS-16
01 Legal & Contacts Officer BPS-17
01 Project Coordinator (One Window Facilitation Platform) BPS-17
01 Mobile Application Developer BPS-18
01 Web Developer BPS-18
01 Seed Fund Coordinator BPS-17
01 Facilities Management Officer BPS-17
01 Coordination Assistant BPS-16
01 Assistant System Engineer BPS-16
01 Assistant Accountant BPS-16

Last Date to Apply: May 18, 2020

کھیرا!ٹھنڈک وغذائیت کا حامل

2020-05-06T16:24:00.001+05:00

ٹھنڈے مشروبات وغذاؤں کے استعمال کا آغاز ہو چکا ہے ایسے میں کھیرے کا نام سن کر ہی ایک ٹھنڈک بھرا احساس ہوتا ہے یوں تو کھیرے کا استعمال سلاد میں بنیادی حیثیت رکھتا ہے لیکن موسم گرما میں کھیرے کے استعمال میں اضافہ ہوجاتاہے۔گرم موسم میں یہ نہ صرف بطور سلاد کھا یا جاتاہے بلکہ اسے علیحدہ سالم بھی بہ شوق ورغبت بچے‘بوڑھے اور نوجوان شوق سے کھاتے ہیں۔

کھیرا ایک ٹھنڈی سبزی ہے،چلچلاتے موسم کی گرماہٹ میں جسم کو ٹھنڈک اور تروتازگی بخش کرنئی توانائی پیدا کرتی ہے۔کھیرا صرف ٹھنڈک ہی فراہم نہیں کرتا بلکہ اس میں غذائی اجزاء بھی بڑی مقدار میں پائے جاتے ہیں جو جسمانی کارکردگی فعال بنانے کے لیے ناگزیر عناصر کی حیثیت رکھتے ہیں۔

کھیرا بطور کچی کھانے والی سبزی ہے اس کا پودا بیل دار ہوتا ہے یہ کدو‘خربوزے وغیرہ کے خاندان سے تعلق رکھتا ہے ۔

گوکہ کھیرے کی کئی اقسام ہیں لیکن ہلکے اور گہرے سبز رنگت کے حامل کھیرے کا استعمال عام ہے۔کھیرے کی کاشت کی تاریخ نہایت قدیم ہے اس کے آبائی وطن کے بارے میں ماہرین کا خیال ہے کہ اس کا آبائی وطن شمالی بر صغیر ہے جبکہ قدیم رومیوں نے پہلی صدی عیسوی میں کھیرا کاشت کیا۔کولمبس نے مغربی دنیا میں کھیرے کو متعارف کروایا اور ہیٹی میں 1494میں اسے پہلی بار کاشت کیا گیا۔

جہاں سے کھیرا بتدریج اکثر مغربی ممالک میں کاشت کیا جانے لگا اور اب دنیا کے بیشتر ممالک میں کھیرا بکثرت کا شت کیا جاتا ہے۔پاکستان‘چین‘بھارت‘برطانیہ‘وسطی اور جنوبی امریکہ وغیرہ کا شمارکھیرا پیدا کرنے والے اہم ممالک میں ہوتاہے۔

غذائی افادیت واہمیت

کھیرا دیگر سبزیوں کی طرح بے شمار غذائی افادیت کا حامل ہوتاہے۔

اس میں وٹامنز اور معدنیات کا وسیع خزانہ پایا جاتاہے۔2عدد کھیرے بطور غذا کھانے سے جہاں اشتہاپوری ہوتی ہے وہیں جسم کو ضروری غذائیت بھی میسر آجاتی ہے۔عموماً کھیرے کو چھیل کر کھاتے ہیں لیکن ماہرین تغذیہ کھیرے کو چھلکے سمیت کھانے پر زور دیتے ہیں ان کے مطابق کھیرے کے غذائی اجزاء کی اہم مقدار چھلکے میں ہی موجود ہوتی ہے جو چھلکا اتارنے سے ضائع ہو جاتی ہے۔

کھیرا اگر چہ زیادہ تر کچا ہی پسند کیا جاتا ہے لیکن اسے پھلوں ‘سلاد‘سبزیوں واناج وغیرہ کے ساتھ ملا کر کھانے سے اس کی غذائیت میں اضافہ ہوتا ہے۔کھیرے کی غذائی افادیت پر ماہرین کی کئی تحقیقات وتجربات کے مطابق کھیرے میں 14کیلوریز‘0.4گرام پروٹین‘0.1گرام کیلشیم‘0.03گرام فاسفورس‘1.5گرام فولاد‘00وٹامن A‘0.03ملی گرام وٹامنB‘0.02ملی گرام وٹامن B2اور 7 ملی گرام وٹامن Cموجود ہوتے ہیں ۔

نیز کھیرے میں اہم معدنی اجزاء جیسے سلفر‘سلیکون‘کلورین‘سوڈیم ‘پوٹاشیم ‘فلورین اور میگنیشیم بھی پائے

جاتے ہیں۔

شفا بخش خصوصیات کی حامل سبزی

قدرت کی جانب سے انسان کے لیے عطا کردہ ہر نعمت میں غذائیت کے ساتھ ساتھ بیماریوں سے بچاؤ اور شفاء بھی رکھی گئی ہے۔ان بیش بہا نعمتوں پھل‘سبزیوں ‘اناج اور جڑی بوٹیوں وغیرہ میں انسان کو لاحق ہونے والی ہر بیماری کا علاج موجود ہے۔

ان کے روز مرہ کے استعمال سے ڈاکٹروں کی مہنگی ادویہ وعلاج سے محفوظ رہا جا سکتا ہے۔کھیرا بھی شفاء بخش خصوصیات کی حامل سبزی ہے یہ مجموعی طور پر نظام انہضام درست رکھ کر کئی بیماریوں کو بننے سے روکتی ہے۔

بلند فشار خون میں موثر

ماہرین کے مطابق ہائی بلڈ پریشر یا بلند فشار خون کے مریض اپنی خوراک میں کھیرا شامل کرکے خون کے دباؤ کو نارمل سطح پر لا سکتے ہیں ۔

کیونکہ کھیرے میں معدنی اجزاء خون کی تیزابیت دور کرکے اس کی گردش بہتر بناتے ہیں ۔

قبض کے خلاف کارگر

کھیرازودہضم غذا ہے ۔یہ انتڑیوں کو ایسے مادوں کی فراہمی ممکن بناتا ہے جو غذا کو معدے میں ہضم کر کے قبض رفع کرتے ہیں۔قبض کی شکایت میں یومیہ2کھیرے کھانے سے چند دن افاقہ ہوتاہے۔

معدے کی تیزابیت اور السر کا علاج

کھیرا کچا کھانے کے علاوہ اس کا جوس بھی صحت کے لیے نہایت مفید ہے۔

ایک گلاس باقاعدگی سے کھیرے کارس پینے سے معدے کی تیزابیت ختم ہو جاتی ہے اور اگر بڑی آنت کے السر کی شکایت ہوتو یہ مرض بھی کھیرے کا جوس پینے سے دور ہو جاتی ہے۔کھیرے کا جوس بنانا ذرا بھی مشکل نہیں ہے۔کھیرا بلینڈر میں ڈال کر آپ با آسانی اس کا رس تیار کر سکتی ہیں ۔گرمیوں میں کھیرے کا جوس پینے سے نا صرف غذا ہضم ہو تی ہے بلکہ جسمانی ٹھنڈک بھی ملتی ہے اس لیے بچوں کو اس کا رس ضرور پلائیں۔

ہیضہ کی حالت میں کار آمد

ہیضے کے مرض میں کھیرے کا رس انتہائی شفائی اثرات مرتب کرتا ہے۔کھیرے کا جوس ایک گلاس ناریل کے پانی میں شامل کر کے ہر گھنٹے بعد پینے سے ہیضہ کی حالت میں پیاس کی شدت میں کمی آتی ہے۔پانی کی کمی ہونے کی صورت میں کھیرے کا رس جسم کی رطوبتوں اور نمکیات کے توازن کو بر قرار رکھتاہے۔

یورک ایسڈ میں توازن

جسم میں یورک ایسڈ کی زیادتی گٹھیا اور جوڑوں کے درد سمیت دیگر امراض کا موجب بنتی ہے ۔

کھیرے کے جوس کو گاجر‘چقندر یا اجوائن کے پتوں کے جوس میں ملا کر پینے سے یورک ایسڈ مناسب سطح پر رہتا ہے ۔ایک ماہ تک متواتر کھیرے کا جوس پینے سے یورک ایسڈ کی فاضل مقدار میں واضح کمی رونما ہو جاتی ہے۔

موٹاپے کے خلاف ہتھیار

اکثر خواتین اپنا بڑھا ہوا وزن کم کرنے کے لیے کئی جتن کرتی ہیں۔خاص ڈائٹ پلان اور ایکسر سائز اپنا کر وزن میں کمی کی کوشش کی جاتی ہے۔

کھیر ا ایسا سستا اور با آسانی دستیاب نسخہ ہے جس کی مدد سے زائد وزن میں حیرت انگیز کمی لانا ممکن ہے۔صبح ناشتے میں کھیرے کی قاشیں ٹماٹر کے ساتھ‘دوپہر میں بھی کھیرے کی قاشیں ٹماٹر یا مولی اور گاجر کے ساتھ خوب اچھی طرح چبا کہ کھائیں اور رات کے کھانے میں بھی اس پر عمل کریں۔چند ہفتے میں آپ خود اپنے وزن میں فرق محسوس کریں گی۔

جلد کے لیے قدرتی ٹانک

جلد کی شادابی ودلکشی کے لیے خواتین کھیرے کا استعمال کئی دہائیوں سے کرتی آرہی ہیں۔

کھیرے کا رس چہرے اور ہاتھوں پر لگانے سے رنگت نکھرتی ہے اور چہرے سے کیل مہا سے ختم ہو جاتے ہیں ۔جلد کے ساتھ بالوں کے لیے بھی کھیرے کارس بہترین ہے۔کھیرے کا جوس پینے سے بالوں کی اچھی نشوونما ہوتی ہے اور بال گھنے اور مضبوط ہو جاتے ہیں اس کے علاوہ آنکھوں کے اطراف حلقوں پر کھیرے کے ٹکڑے رکھنے سے حلقوں میں کمی آتی ہے۔

دبئی ائیرپورٹ کو دوبارہ سے فعال کرنے کی تیاریاں شروع کر دی گئیں

2020-05-06T15:43:00.000+05:00

دبئی ائیرپورٹ کو دوبارہ سے فعال کرنے کی تیاریاں شروع کر دی گئیں، عرب بزنس کلب کے صدر حمدان المرشدی کے مطابق دنیا کے مصروف ترین ائیرپورٹ کو کمرشل فلائٹ آپریشن کے دوبارہ آغاز کیلئے تیار کیا جا رہا ہے، لوگوں کیلئے فاصلے پر نشستیں لگا دی گئیں، خصوصی ہدایات والی اسکرینز اور بورڈز بھی نصب کر دیے گئے۔

تفصیلات کے مطابق عرب بزنس کلب کے صدر حمدان المرشدی کی جانب سے سماجی رابطوں کی ویب سائٹ پر ایک پوسٹ کی گئی ہے جس میں بتایا گیا ہے کہ دبئی ائیرپورٹ کو دوبارہ سے فعال کرنے کی تیاریاں کی جا رہی ہیں:

انہوں نے اپنی پوسٹ پر کئی تصاویر جاری ہیں، جن میں دبئی ائیرپورٹ پر کرونا وائرس کے باعث احتیاطی تدابیر پر عمل کروانے کیلئے کیے گئے مختلف اقدامات دکھائے گئے۔

پوسٹ پر ایک صارف کی جانب سے کیے جانے والے سوال کے جواب میں حمدان المرشدی کا کہنا تھا کہ امکان ہے کہ دبئی ائیرپورٹ سے بین الاقوامی پروازوں کا جلد دوبارہ آغاز ہو جائے گا۔ تاہم اس حوالے سے دبئی ائیرپورٹ حکام یا حکومت کی جانب سے تاحال کوئی واضح اعلان نہیں کیا گیا۔ یہاں یہ واضح رہے کہ کرونا وائرس کے باعث جہاں دنیا کے دیگر تمام ممالک نے فلائٹ آپریشن بند کر دیا تھا، وہیں اماراتی حکومت نے بھی مارچ کے ماہ میں ملک بھر کے تمام ائیرپورٹس پر کمرشل فلائٹ آپریشن بند کر دیا تھا۔

بعد ازاں امارات سے خصوصی پروازوں کا سلسلہ شروع کیا گیا جو تاحال جاری ہے، تاہم کمرشل فلائٹ آپریشن تاحال بحال نہ ہو سکا۔ کچھ روز قبل اماراتی حکام نے جاری بیان میں کہا تھا کہ کوشش ہے کہ سیاحتی شعبہ کو جولائی کے ماہ تک بحال کر دیا جائے، تاہم اس حوالے سے دنیا کے دیگر ممالک کے فیصلوں کے بھی منتظر ہیں۔ امارات میں سیاحت کے شعبہ اور کمرشل فلائٹ آپریشن کی بحالی کا دار و مدار دیگر ممالک کی جانب سے کمرشل فلائٹ آپریشن بحال کیے جانے پر ہے۔

Ehsaas Labour Program, Prime Minister web portal for unemployment

2020-05-06T06:07:00.000+05:00

The whole nation is living poorly due to this COVID-19. Many individuals have lost their jobs. Just like other countries, the Prime Minister of Pakistan also helping poor people by giving ration and cash to low-income families. On 2nd May 2020, Prime Minister Imran Khan started the second phase named “Ehsaas Labour Program” and has launched the web portal. The primary purpose of this labor NADRA portal is to help unemployed persons of Pakistan. Those persons will receive cash from the PM Covid-19 relief fund.

The Prime Minister has clearly announced that the fund will be distributed among the deserving person. Under the Ehsaas Emergency cash program, the worthy person will receive a cash grant of Rs. 12000/-. Further added, the government has delivered 83 billion among 6.8 million families in the last three weeks.

How to Apply for Ehsaas Labour Program

Pakistan Zindaabad

To apply online, follow the below-mentioned steps.

A candidate who is eligible for this can apply by visiting https://ehsaaslabour.nadra.gov.pk/ehsaas/ website
Click on Ehsaas Labour Button
The applicant must enter their correct 13-digit CNIC number
Enter the current mobile number by selecting your mobile network code.

The person who did not know how to apply online could get help from students or youngsters. However, they also obtain information from the Tiger force relief fund. So Stay Home, Stay Safe and Stay Blessed.

بڑھتی عمر کے اثرات ․․․چند راز

2020-05-05T08:24:00.001+05:00

ماہرین حسن طویل ہی نہیں بھر پور،صحت مندو توانا اور طویل عرصے تک جواں رہنے کی تدبیر کیا کرتے ہیں ۔سب سے پہلے آپ اپنے آپ سے سوال کریں۔

کیا آپ واقعی طویل اور بھر پور عمر چاہتے ہیں؟

کیا صرف اینٹی ایجنگ ادویہ ہی استعمال کرنا ضروری ہیں؟

پہلے سوال میں سو فیصد لوگ اس پر متفق نظر آتے ہیں کہ انہیں عمر کی لمبی اننگز کھیلنی ہے ۔

بہت عرصے تک زندہ اور صحت مند رہیں تاکہ اپنے اور اپنے متعلقین کے خواب اور امیدیں پوری کر سکیں۔

دوسرے سوال کے جواب میں کئی آراء ہو سکتی ہیں ۔کچھ لوگ خوراک ،آرام اور ورزش ہی کو اس کا حل سمجھتے ہیں اورکچھ لوگ بڑھتی عمر کے اثرات کو دور کرنے کے لئے ادویات کا سہارا لینا ضروری گردانتے ہیں

آپ نے کئی بزرگ افراد کو چاق وچوبند ،متناسب حد تک وزن اور مٹاپے سے دور دیکھا ہو گاوہ خوش لباس اور میک اوور کا خیال رکھ رہے ہوں تو اور بھی دلکش نظر آتے ہیں۔

میڈیکل سائنس آپ کی مددگار ہے

سب سے پہلے تو بیماریوں سے لڑنا سیکھئے۔ہر بیماری کا علاج موجود ہے ۔حتی الامکان حد تک صحت کو برقرار رکھنے کی تدابیر اختیار کیجئے۔ اپنا بلڈ پریشر، کولیسٹرول،ذیابیطس اگر ہویا کوئی اور عارضہ ہو۔ آپ اپنا معائنہ کراتے رہیں ۔کوئی بھی غیر معمولی کیفیت محسوس ہوتو فیملی ڈاکٹر سے زیر بحث لا کر اس کا تدارک کرلیں ،اس طرح آپ کے کچھ پیسے ضرور خرچ ہوں گے مثلاً جب آپ ہر سال یا چھ ماہ میں کوئی ٹیسٹ کرواتے ہیں تو سرمایہ ضرور خرچ ہو گا مگر آپ اپنا خیال رکھ سکیں گے۔
قبل از وقت بڑھاپے کی 3اہم وجوہ ہے۔

اگر کسی کے Hormone Levelتوازن نہ رہے۔

اگر آزاد اصلیئے Free Radicalsاپنے فطری عمل سے تصادمی کیفیت میں ہوں ۔

آنتوں کی سوزش جو جسم کے مدافعتی نظام کو متاثر کرتی ہو۔

فری ریڈیکلز کا کردار

یہ جسم میں اسی وقت مثبت کردار ادا کرتے ہیں جب کسی وائرس یا بیکٹیریا کی تشکیل ہو یہ جسم میں قدرتاً جسم میں موجود ہوتے ہیں لیکن اگر وہ مادوں کے خلاف عمل کریں تو ہائی بلڈ پریشر ،اسٹروک،ذیابیطس ،موتیا ،آرتھرائٹس،سن برن ،الزائمر،ڈیسمینشیاء ،پارکنسن ،میلا زما،تولیدی صحت میں خرابی اور کمزوری کا سبب بنتے ہیں۔
احتیاطی تدابیر

ان آزاد اصلیوں یعنی Free Radicalکو غذاؤں کے مناسب انتخاب سے متوازن حالت میں لایا جا سکتاہے ۔ذیل میں ایسے پھلوں اور سبزیوں سے متعلق معلومات دی جارہی ہے جو مانع تکسیدی ہیں اور بڑھتی عمر کے خاطر خواہ حد تک اثرات کو فطرت سے ہم آہنگ کر سکتے ہیں۔

آووکاڈو

ناشپاتی سے مشا بہت رکھتا پھل قوت مدافعت کے لئے بہترین ہے جن میں اسٹرابیریز،بلیو بیریز اور دیگر شامل ہیں یہ غذائیت سے بھر پور اور بہترین مانع تکسیدی ہوتی ہیں ۔

ان میں وٹامن EاورCکے علاوہ میگنیزکی وسیع تر مقدار ہوتی ہے۔

جامنی رنگ کے پھل اور سبزیاں

اس زندگی کی خاصیت میںAnthocyaninایک قدرتی پگمنٹ ہے جو وٹامن Cکے ساتھ مل کر ہمیں کینسر اور الزائمر(نسیان )کے مرض کے ساتھ ساتھ ذہنی اور قلبی عارضوں سے محفوظ رکھتاہے ۔ان سبزیوں میں بینگن اور بلیو بیریز کے علاوہ آلو بخارا بے حد مفید غذائیں ہیں ۔

ان میں وٹامن A،B2،Cاور Kموجود ہیں۔

گوبھی

پاکستان میں گوبھی اور پھول گوبھی رغبت سے کھائی جاتی ہیں جبکہ بیرون ملک اس سبزی کی ایک قسم سرخی ما ئل جامنی بھی دستیاب ہوتی ہے۔ یہ جس شکل اور رنگ کی ملے ضرور کھانی چاہئے کیونکہ اس میں وٹامن A،C،Eاور کیلشیئم پائے جاتے ہیں۔

چقندر

اس سبزی میں ایک کلر پگمنٹBetacyaninبے حد طاقتور اینٹی آکسیڈنٹ موجود ہے ۔

اس کے علاوہ وٹامنA،B6،Cفولک ایسڈ اور فائبر موجود ہیں جو ڈینمشیا سے محفوظ رکھنے کی صلاحیت رکھتے ہیں۔

شکر قند

یہ جلد کے لئے سپر فوڈ ہے اس کے علاوہ اس میں پوٹا شیئم ،وٹامن C، کیلشیئم اور فولک ایسڈ بھی موجود ہے ۔گاجر کی طرح اس میں بھی بیٹا کیروٹین موجود ہے۔

بیک کئے ہوئے آلو

اگر آپ وزن کی زیادتی کا شکار ہیں تو آلو کھا سکتے ہیں ورنہ اس کا کدوکش کر کے ماسک اور کلینزنگ جیسے مقاصد پورے کر سکتے ہیں ۔

یہ ہر انداز سے کولاجن اور ایلاسٹن کو توانائی بہم پہنچانے والی سبزی ہے۔

سرخ مرچیں

ایک لمبی سرخ مرچ میں Luteinکی10ملی گرام تک مقدار موجود ہوتی ہیں ،یہ قوی تر آکسیڈنٹ ہے جو آنکھوں اور جلد کو دھوپ کی مضر شعاعوں سے محفوظ رکھتاہے۔

کیلا

اس پھل میں فائبر ،پوٹاشیئم،وٹامن B6کے ساتھ ساتھ اینٹی آکسیڈنٹس بھی موجود ہیں ۔

سبز چائے

اس چائے میں سیاہ کی طرح Catechinsکے ساتھ پولی فینولز اور اینٹی آکسیڈنٹس کی مقدار جہاں توانائی بہم پہنچاتی ہے وہیں حرارے جلانے اور وزن متوازن رکھنے میں بھی معاونت کرتی ہے ۔اس چائے کی ایک اہم خاصیت یہ ہے کہ یہ دماغ میں Dopamineکی سطح میں اضافہ کرتی ہے اس طرح ہمارے ارتکاز توجہ میں بہتری آتی ہے ۔موسم کوئی بھی ہو اگر دودھ والی چائے کی کچھ مقدار کم کرکے روزانہ ایک کپ سبز چائے پی لی جائے تو تندرستی اور حسن دونوں بر قرار رہتے ہیں۔
ڈارک چاکلیٹ

اس چاکلیٹ میں دو مفید اجزاءTyramineاورPhenylethylamineموجود ہیں جو توانائی بڑھاتے ہیں ۔آپ اگر ورزش کرنے سے پہلے ایک درمیانے سائز کی ڈارک چاکلیٹ کھالیتے ہیں تو فعال رہ کر ورزش کا دورانیہ مکمل کر لیتے ہیں ۔اس دوران توانائی بحال رہتی ہے۔

زیتون کا آئل

سلاد کھانے کی عادت ڈالنے اور اس سلاد پر اولیو آئل کی ڈریسنگ بھی کیجئے۔

یہ تیل بواسیر،جلدی امراض ،سوزش،پھوڑے پھنسیوں ،منہ کے چھالوں ،پتے کی پتھری ،دمہ ،نزلہ زکام اور عرق النساء جیسے امراض سے چھٹکارے کے لئے بھی مفید ہے۔اولیو آئل Virgineہوتو زیادہ بہترہے ۔یہ کوکنگ کے لئے مفید نہیں البتہ یہ درج بالا بیماریوں میں نہایت اکسیر ہے اور اسے ایک چائے کے چمچے کے برابر پینے سے فائدہ ہوتاہے۔

سٹرس فروٹس یا لیمونی پھل

سنترے،مالٹے،چکوترے اور KiwiوٹامنCسے بھر پور پھل ہیں اسی طرح سبزیوں میں بروکولی مفید ترین سبزی ہے یہ سپر فوڈز ہیں اور متعدد جسمانی عارضوں کی مدافعت کرتے ہیں۔

وٹامن Cاستعمال نہ کرنے والے عارضہ قلب میں بھی مبتلا ہو سکتے ہیں ۔یہ خیال رہے کہ فری ریڈیکلز کے نقصانات سے بچنے کے لئے تازہ سبزیوں اور پھلوں کا استعمال نا گزیر ہے ۔اگر غذائی احتیاط کے بعد بھی جلدی امراض لاحق ہوں تو ڈاکٹر سے مشورہ کرنا ضروری ہے

میتھی سے صحت اور دلکشی پائیے

2020-05-04T08:02:00.001+05:00

ذیا بیطس کے علاج میں میتھی کو مفید بتایا جاتاہے۔بتایا جاتاہے کہ شوگر کے مرض میں میتھی دانہ کا استعمال

جسم میں شوگر کی سطح کو متوازن رکھنے اور انسولین کی مزاحمت کو کم کرتاہے۔ماہرین صحت کا کہنا ہے کہ چندروز تک میتھی کے بیج پیس کر روزانہ تقریباً بیس گرام کھانے سے خون میں شوگر کی مقدار کم ہوجاتی ہے۔ماہر معالج کے مشورے پر شوگر کے تناسب سے میتھی کے بیج کا استعمال 100گرام روزانہ تک بھی کیا جا سکتا ہے ۔

میتھی کے بیج دال کی طرح یا کسی سبزی میں ملا کر پکا کے بھی استعمال ہو سکتے ہیں ۔شوگر کے مریضوں کو میتھی کے بیج استعمال کروانے کا طریقہ یہ ہے کہ میتھی کے بیجوں کو پیس لیں اور صبح دوپہر شام بیس بیس گرام سادہ پانی سے استعمال کریں۔شوگر زیادہ ہوتو تیس تیس گرام اور اگر کم ہوتو دس دس گرام بھی صبح دو پہر شام

استعمال کیے جا سکتے ہیں ۔

ماہرین کا یہ بھی کہنا ہے کہ اس کے استعمال کے کوئی مضر اثرات نہیں ہیں۔

ہارمونز کی بے ترتیبی

ایک چائے کا چمچ میتھی دانہ ایک کپ پانی میں شامل کرکے پینا ہارمونز کی بے ترتیبی میں مفید بتایا گیا ہے۔

اسٹریس اور پریشانی کا علاج

اگر مسلسل ذہنی دباؤ ہوتو اس کے لیے میتھی دانہ،لیموں کا رس،شہد ،تلسی کے چند پتے اور ایک دار چینی کا ٹکڑا ایک کپ پانی میں اُبال کر ٹھنڈا کرکے پی لیا جائے۔

ماہواری کے درد میں کمی

ایک چٹکی میتھی دانہ ایک گلاس نیم گرم پانی کے ساتھ پینا ماہواری کے درد میں مفیدہے۔ایام مخصوصہ سے دو یا تین دن پہلے بھی اگر اس نسخہ پر عمل کیا جائے تو periodsکی وجہ سے ہونے والی دوسری پریشانیوں سے بھی محفوظ رہا جا سکتاہے۔

بلیک ہیڈز کے خاتمے کے لیے

تین کھانے کے چمچ میتھی دانہ دو کپ پانی میں اتنا اُبالیں کہ پانی آدھ رہ جائے۔

اب میتھی دانہ کا پیسٹ بنالیں اور اس پیسٹ کو بلیک ہیڈز اور کھلے مساموں پر لگائیں۔اسے خشک ہونے دیں پھرچہرے پر اسکرب کرکے اُتار لیں۔پہلی مرتبہ کے استعمال سے واضح فرق محسوس ہوگااور چند روز کے استعمال سے بلیک ہیڈز ختم ہو جائیں گے۔میتھی دانہ کے پانی کو بالوں کی جڑوں میں پوری رات لگا رہنے دیں۔صبح نیم گرم پانی سے دھولیں۔اس سے بالوں کی جڑیں مضبوط ہوتی ہیں اور بال گھنے ہوتے ہیں۔

نزلہ وزکام کے لیے

نزلہ زکام،سینے کی تکلیف اور بلغم بننے میں اس کا استعمال مفید ہے۔صبح وشام دو چائے کے چمچ ایک کپ پانی میں جوش دے کر شہد سے میٹھا کرکے پی لیں۔

مسلسل استعمال سے پرانا نزلہ بھی ختم ہو جاتاہے۔میتھی کی خوشبو ہی اشتہا انگیز ہوتی ہے۔جن کھانوں میں میتھی استعمال ہوتی ہے وہ ناصرف خوش ذائقہ بلکہ صحت بخش بھی ہوتے ہیں․․․․میتھی صحت کے ساتھ حسن کی بھی ضامن ہے۔ہمارے ہاں میتھی کا ساگ شوق سے کھایا جاتاہے۔قصور کی میتھی دیگر علاقوں کی میتھی کے مقابلے میں زیادہ خوشبو دار ہوتی ہے۔

ماہرین کے مطابق میتھی میں قدرت نے لحمیات اور ایمونیاتی ترشوں کا تناسب اس خوبصورتی سے قائم کیا ہے کہ اپنی ہیئت کے لحاظ سے یہ دودھ کے قریب ترین ہے اس میں فاسفورس کے علاوہ فولاد کی ایک ایسی نامیاتی قسم پائی جاتی ہے جو پیٹ خراب کیے بغیر فوراً ہی جذب ہو کر جسم سے خون کی کمی دور کرتی ہے ۔

اس میں مختلف قسم کے الکلائیڈ ہوتے ہیں۔ان میں سے ایک کئی فوائد کا حامل Trigonellineبھی ہے۔امریکی محقق کے مطابق”اپنے اجزاء اور ہیت ترکیب کے لحاظ سے میتھی مچھلی کے تیل کا مکمل نعم البدل ہے“۔ایک اورمحقق کا کہنا ہے۔”بعض اوقات اس کے اثرات مچھلی کے جگر کے تیل سے بھی بہتر ہوتے ہیں“۔

میتھی کے بیج شوگر اور دل کے امراض میں مفید ہیں۔

میتھی کے بیجوں میں لعاب دار اجزاء آنتوں کی جلن،گیس ،پرانی پیچش اور معدے کے السر کے لیے مفیدہیں۔امراض نسواں میں میتھی دانے کی چائے مفید ہے۔میتھی دانے میں تیزی سے حل ہونے والا Volatile Oilتیل ہوتا ہے جو جسم کے لیے مفید ہے،یہ جسم کے خلیوں میں جذب ہو کر امراض کے خلاف قوت مدافعت پیدا کرتاہے۔جوڑوں اور جلدی امراض میں مبتلا افراد کھانوں میں میتھی دانے کا سفوف استعمال کرکے کئی فوائد حاصل کر سکتے ہیں۔

میتھی کا جو شاندہ :حلق کی سوزش ،ورم،دکھن کے لیے میتھی کا جو شاندہ مفید ہے ،اسے پینے سے سانس کی گھٹن کم ہوتی ہے۔یہ کھانسی کی شدت میں مفید ہے۔میتھی کے جو شاندے سے سردھونے سے سر کی خشکی کم ہوتی ہے۔

قبض

میتھی پیٹ کے کیڑے مارتی ہے،ہاضمہ درست کرتی ہے اور بلغمی مزاج رکھنے والوں کے لیے مفید ہے۔قبض کی صورت میں میتھی کے بیج کا سفوف گُڑ میں ملا کر صبح اور شام پانچ گرام کی مقدار میں کھایا جائے تو آنتوں کی کار کردگی بہتر ہوتی ہے اور قبض بھی دور ہو جاتا ہے جبکہ جگر کو بھی تقویت ملتی ہے۔

چہرے پر کیل مہاسے

چہرے پر کیل اور مہاسوں کو دور کرنے کے لیے چار کپ پانی میں چار کھانے کے چمچ میتھی دانہ شامل کرکے رات بھر کے لیے رکھ دیں۔صبح اس پانی کو چھان کر پندرہ منٹ تک اُبالنے کے بعد ٹھنڈا کرلیں،یہ پانی روزانہ دن میں دو مرتبہ چہرے کی جلد پر لگانے سے کیل مہاسے دور ہو جاتے ہیں۔

زیبائش حسن

میتھی افزائش حسن میں بھی مفید بتائی جاتی ہے ۔

چہرے کے داغ دھبے دور کرنے کے لیے میتھی کے لعاب داربیج پیس کرچہرے پر اس کا مساج کریں۔ میتھی کے بیجوں کو پانی میں پیس کر ہفتے میں دو مرتبہ سردھونے سے سر کے بال کالے ہوجاتے ہیں اور گرنے بند ہوجاتے ہیں۔200گرام میتھی کی پتیاں پیس کر ان کا لیپ ہفتے میں ایک مرتبہ سر پر ایک گھنٹہ لگانے سے خشکی بھی دور ہو جاتی ہے۔یہ فنگس میں بھی مفیدہے ۔میتھی کی تازہ پتیوں کا لیپ روزانہ چہرے پر لگا کر کچھ دیر بعد چہرہ گرم پانی سے دوھنے سے چہرے کی جھائیوں اور خشکی سے محفوظ رہا جا سکتاہے۔

فوائد

میتھی کے استعمال سے آنکھوں کی پیلاہٹ دور ہو تی ہے۔

میتھی کے استعمال سے منہ کا کڑوا ذائقہ درست ہوجاتاہے۔

میتھی کھانے سے رال بہنے جیسے مسئلے سے نجات ملتی ہے۔

میتھی کھانے سے کھٹی ڈکاریں نہیں آتیں۔

میتھی کھانے سے بد ہضمی سے نجات ملتی ہے۔

میتھی خون کی کمی کودور کرتی ہے۔

میتھی کھانے سے جلد خاص طور پر چہرہ پر رونق ہو جاتاہے۔

میتھی کا استعمال جسم کے دردوں سے آرام پہنچاتاہے۔

میتھی بلغم اور گلے کی خراش میں فائدہ مند ہے۔

میتھی کے استعمال سے پیشاب کھل کر آتاہے۔

بند حیض میں اس کا جو شاندہ مفید ہوتاہے۔

میتھی میں ایسے کیمیائی اجزاء موجود ہیں جو تحریک پیدا کرتے ہیں۔لہٰذا سست وکاہل حضرات کے لئے یہ بہت مفید ہے۔

میتھی دانہ بالوں کو مزید صحت مند اور لمبا کر سکتا ہے۔تھوڑا سا میتھی دانہ ناریل کے تیل میں شامل کرکے بوتل میں ڈال کر ڈھکن مضبوطی سے بند کردیں۔اس بوتل کو تین ہفتوں کے لیے ایسے مقام پر رکھ دیں،جو ٹھنڈا ہو ،لیکن وہاں سورج کی روشنی نہ پہنچ سکے۔اس کے بعد یہ تیل سر کی چوٹی میں لگائیں۔اس تیل کے استعمال سے بال خوبصورت اور صحت مند ہو جاتے ہیں۔

ہارت اٹیک سے بچاؤ

صحت بخش غذا کے ساتھ میتھی دانے کا استعمال ہارٹ اٹیک کا خطرہ کافی حد تک کم کرتاہے۔میتھی کا استعمال خون کی رگوں میں نرمی بحال کرتا ہے اور ان کی قدرتی لچک واپس لاتاہے۔

کینسر سے بچاؤ

میتھی دانہ کا تیل کینسر کے مریضوں کے لیے مفید ہے۔یہ تیل ایسے اجزاء پر مشتمل ہوتا ہے ،جو کینسر کے خلیوں کے خلاف مزاحمت کرتے ہیں۔

اسی وجہ سے کینسر کے مریضوں کے لیے یہ تیل مفید بتایا جاتاہے۔

کولیسٹرول کی سطح

میتھی دانہ جسم میں موجودبڑے کولیسٹرول کی سطح کو کم کرنے کے لیے مفید ہے۔

جگر کی حفاظت

جگر ہمارے جسم میں پائے جانے والے زہریلے مادوں کی صفائی کاکام کرتا ہے۔ بہت زیادہ غیر صحت بخش غذاؤں کے استعمال کی وجہ سے جگر کے فعل پر دباؤ آتا ہے،جس کی وجہ سے اسے شدید مسائل کا سامنا کرنا پڑسکتا ہے۔

میتھی دانہ جگر کو زہریلے مادوں کی صفائی کے حوالے سے مدد فراہم کرتاہے۔

وزن میں کمی

تحقیق سے یہ بات سامنے آئی ہے کہ روزانہ میتھی دانہ کے استعمال سے جسم میں موجود چربی کو کم کیا جا سکتاہے۔میتھی دانہ دو سے چھ ہفتے تک روزانہ تین مرتبہ تقریباً300ملی گرام کھانے سے وزن میں کمی ہوسکتی ہے۔یہ بھوک کو کم کرتاہے۔

نزلہ،زکام ،چھینکیں،ڈسٹ الرجی

میتھی میں قدرتی طور پر اینٹی الرجی خصوصیات پائی جاتی ہیں لہٰذا یہ نزلہ زکام ،کثرت سے چھینکیں آنا اورڈسٹ الرجی میں مبتلالوگوں کے لئے مفید ہے۔

ایک چمچ میتھی دانہ لے کر آدھا گلاس پانی میں ابال کر ،چھان کر اس میں شکریا شہد ملا کر صبح نہار منہ یا پھر رات کو سونے سے پہلے چند روز تک استعمال کرنا ڈسٹ الرجی میں مفید بتایا جاتاہے۔

ترکش سیریل ارطغرل غازی، اسلامی تاریخ کا آئینہ دار

2020-05-01T08:52:00.003+05:00

کسے پتا تھا کہ 2014 میں بننے والا ترکش سیریل ''ڈیرلس ارطغرل'' یا ''ارطغرل غازی'' اتنا مشہور ہوگا کہ اسے دنیا کا سب سے زیادہ دیکھنے والا سیریل قرار دیا جائے گا، دنیا کے پینسٹھ ممالک میں اسے دکھایا جائے گا اور مختلف زبانوں میں اس کے ترجمے کئے جائیں گے۔

بلاشبہ یہ ایک سنگِ میل ہے جو شاذ و ناظر ہی کوئی حاصل کر پاتا ہے۔خلافت عثمانیہ کی تاریخ پر مبنی یہ سیریل اس وقت پوری دنیا میں مشہور ہو چکا ہے۔اقوام عالم بالخصوص مسلمانان عالم اسے پوری شد و مد سے دیکھ رہی ہے۔مشرق وسطیٰ سے لے کر جنوبی ایشیا اور یورپ سے لے کر افریقہ تک ارطغرل غازی کا نام زبان زد عام ہوچکا ہے۔وہ نام جو تاریخ کے پردوں میں دب چکا تھا، آج ہر کسی کی زبان پر ہے۔

مسلمان تو مسلمان بلکہ غیر مسلم بھی اب اس نام سے آشنا ہو چکے ہیں۔

ارطغرل غازی خلافتِ عثمانیہ کے بانی اور عثمان غازی کے والد تھے جنہوں نے سلجوقی سلطنت کے زوال کے بعد ''قائی ترکوں'' (اوغوز ترکوں کا سب سے طاقتور قبیلہ) کو متحد کیا اور منگولوں کی چیرہ دستیوں سے باقی ترک قبائل کا دفاع کیا۔ارطغرل غازی اسی قائی قبیلے کے سردار سلیمان شاہ کے بیٹے تھے، جو خود ایک لائق اور با ہمت سردار تھے۔

ارطغرل غازی نے چار ہزار مربع میل پر مشتمل اپنی ''نیم سلطنت'' پیچھے چھوڑی۔یہ سلطنت صرف قائی قبیلے پر مشتمل تھی۔تاہم بعد میں ان کے بیٹے عثمان غازی نے باقی اوغوز ترک قبائل کو متحد کرکے اسے سولہ ہزار مربع میل تک پہنچایا۔یوں سلطنتِ عثمانیہ کی بنیاد پڑی جو آنے والے وقتوں میں تین بر اعظموں پر پھیل کر ایک عظیم الشان سلطنت کے طور پر دنیا کی سپر پاور بن گئی اور 600 سال تک ملت اسلامیہ کا دفاع کرتی رہی۔

ارطغرل غازی سیریل میں سلطنتِ عثمانیہ کی یہی ابتدائی داستان دکھائی گئی ہے جو پوری دنیا میں مقبول ہوچکا ہے کیونکہ یہ اپنی نوعیت کی پہلی ایسی کوشش ہے جس میں کسی مسلمان سلطنت کا اس طرح ذکر کیا گیا ہو۔اس سیریل کی مقبولیت کا اندازہ اس بات سے لگا لیجئے کہ امریکہ کے مشہور اخبار واشنگٹن پوسٹ نے اس پر تبصرہ کرتے ہوئے لکھا کہ'' ارطغرل غازی دیکھ کر پتہ چلتا ہے کہ اردوغان کے عزائم کیا ہیں''۔

اس سیریل کے حق میں جہاں بے شمار کالم لکھے گئے اور بہت سے علماء نے مثبت اشارے دئے وہیں اسے دیکھنے پر ممانعت کے فتوے بھی دئے گئے۔ان میں قابل ذکر برصغیر کے مشہور دارالعلوم دیوبند (ہندوستان) اور دار الافتاء کراچی (پاکستان) قابلِ ذکر ہیں۔ان دونوں اداروں نے اس سیریل کو حرام قرار دیا ہے اور اسے دیکھنے سے اجتناب کرنے کو کہا ہے۔ان دو اداروں سے جاری کئے گئے فتویٰ میں یہ اعتراز کیا گیا ہے کہ ایک تو اس سیریل میں نا محرم لڑکیاں ہیں، دوسرا یہ کہ وڈیو گرافی اور موسیقی بھی اسلام میں حرام ہے۔

لہذا اس سیریل کو دیکھنے کی شرعاً اجازت نہیں ہے۔جبکہ دارالعلوم دیوبند کے ہی ایک عالم اور مفتی بلکہ مشہور کالم نگار اور مصنف مفتی ابو لبابہ شاہ منصور (پاکستان) اس سیریل کے حق میں بول پڑے کہ اسے دیکھ سکتے ہیں کیونکہ اس میں اسلامی تاریخ دکھائی گئی ہے جو کہ اس اس دور پر فتن میں ایک احسن کام ہے۔

اب ذرا آگے چلئے اور سوشل میڈیا پر بھی نظر ڈالتے چلیں کیونکہ موجودہ دور میں مسائل پر سب سے زیادہ بحث سوشل میڈیا بالخصوص فیس بک اور ٹوئٹر پر ہوتی ہے کیونکہ یہاں پر ہر کوئی شخص اپنی رائے کا آزادانہ طور پر اظہار کرسکتا ہے۔

ایک صارف نے فیسبک پر لکھا تھا '' جب سے میں نے ارطغرل سیریل دیکھنا شروع کیا ہے، تب سے میں پانچوں وقت نماز پڑھ رہا ہوں جبکہ اس سے پہلے میں کبھی نماز نہیں پڑھتا تھا''۔ ایک اور صارف نے لکھا کہ'' ارطغرل غازی سیریل نے مسلمانوں کو مایوسی سے نکالا ہے''۔اسی طرح کے اور بھی ہزاروں صارفین ایسے ہیں جو اس سیریل کے حق میں بول اور لکھ رہے ہیں۔اس سیریل کے نہ صرف معاشرتی فوائد ہیں بلکہ یہ سیریل سیاسی طور بھی مفید ثابت ہو رہا ہے۔

جہاں ایک طرف یہ سیریل مغرب کی طرف سے کی گئی تہذیبی یلغار جو کہ اس دور میں میڈیا کے ذریعے سب سے زیادہ اثر انداز ہو رہی ہے، روکنے میں معاون ثابت ہو رہا ہے۔ وہیں سیاسی طور پر اس کے یہ فائدے ہو رہے ہیں کہ عالم اسلام خلافت کی برکتوں سے آشنا ہو رہا ہے جو کہ ایک عظیم نعمت ہے۔اسی طرح ترکی میں عثمانی رسم الخط جو کہ دراصل عربی رسم الخط ہے، کی واپسی ہو رہی ہے۔

جی ہاں اس سیریل میں جو خطوط لکھے گئے ہیں وہ اصل ترکی زبان اور عربی رسم الخط میں لکھے گئے ہیں جو خلافتِ عثمانیہ کے دور میں ہوتا تھا۔مگر 1923 میں خلافت کے خاتمے کے ساتھ ہی اس رسم الخط کو ختم کر کے انگریزی کا رسم الخط رائج کیا گیا۔

واضح رہے ترکی زبان اردو، عربی،فارسی،اور کشمیری زبان کی طرح دائیں جانب سے لکھی جاتی ہے۔مگر 1923 سے اسے الٹا کر کے انگریزی زبان کی طرح بائیں جانب سے لکھنا شروع کیا گیا اور انگریزی الفاظ استعمال کئے جانے لگے۔

1923 میں جب خلافت عثمانیہ ختم کی گئی تو مصطفیٰ کمال پاشا نے عربی رسم الخط، عربی میں اذان دینے اور قرآن پڑھنے پر پابندی عائد کردی تھی، اس وجہ سے عربوں اور ترکوں کے درمیاں نفرت کی خلیج پیدا ہوگئی تھی، اس سیریل کی وجہ سے وہ دوریاں بھی ختم ہو رہی ہیں۔اگرچہ متحدہ عرب امارات، سعودی عرب اور مصر میں اس سیریل کو دیکھنے پر پابندیاں عائد کی گئی ہیں تاہم لاکھوں عرب نوجوان سوشل میڈیا پر فیسبک کے ذریعے اسے دیکھ رہیں جس سے عرب اور عجم میں محبت کی فضا بحال ہونے میں مدد ملے گی انشاء اللہ۔

اس سیریل کی ایک خصوصیت یہ بھی ہے کہ امت مسلمہ اپنے شاندار اور تابناک ماضی سے بہرہ ور ہو رہی ہے جس سے امت پر چھائی یاسیت اور احساس کمتری کے بادل چھٹ جائیں گے۔موجودہ دور چونکہ ذرائع ابلاغ کا دور ہے اور ان تمام ذرائع ابلاغ پر یہودیوں کا قبضہ ہے جو ہر وقت اس تاک میں بیٹھے رہتے ہیں کہ کس طرح امت مسلمہ کا قلع قمع کیا جائے۔ذرائع ابلاغ کی وجہ سے یہودی اور مغربی قومیں امت مسلمہ کے اذہان پر سوار ہوچکی ہیں۔

نا امیدی کے اس گھٹا ٹوپ اندھیرے میں جہاں یہ اثر اس سیریل کی مدد سے کسی حد تک زائل ہوا ہے وہیں ذرائع ابلاغ کے میدان میں امت مسلمہ نے کامیابی کا پہلا جھنڈا گاڑا ہے کہ '' ہم کسی سے کم نہیں''۔سیاسی طور پر مغرب کا مقابلہ کرنا کسی حد تک تو آسان ہے مگر میڈیا وار میں یہ نہایت ہی مشکل اور پیچیدہ کام ہے۔ایسے میں ''ارطغرل غازی'' جیسے مزید سیریل بنانے کے ضرورت ہے تاکہ اول الذکر تو مسلمان قوم خود اپنے شاندار ماضی سے آشنا ہو جائے دوم یہ کہ دیگر اقوام بھی اسلامی تاریخ سے آشنا ہوسکیں۔

اب جہاں تک اس سیریل پر لگائے گئے فتویٰ کی بات ہے تو یہ اس امت کے ایک یا دو طبقوں کی رائے ہے جب کہ امت مسلمہ میں ایسے کروڑوں لوگ ہیں جو اپنا الگ الگ نقطہء نظر رکھتے ہیں۔بقول سید سلمان حسینی ندوی، دارالعلوم دیوبند اور دار الافتاء کراچی کا نقطئہ نظر پوری مسلمان قوم کا نقطئہ نظر نہیں ہو سکتا اور نا ہی دارالعلوم ندوہ کی رائے پوری امت کی رائے ہو سکتی ہے۔

اسی طرح کسی اور تنظیم کا نقطئہ نظر پوری مسلمان ملت کا نقطئہ نظر نہیں ہو سکتا بلکہ جب پورا عالم اسلام جو افریقہ کے ریگزاروں سے لے کر یورپ،ایشیا،آسٹریلیا سمیت دیگر بر اعظموں پر پھیلا ہے کسی مسئلے پر متفق ہو تو اسے پوری امت کا نقطئہ نظر تسلیم کیا جائے گا وگر نہ کسی خاص طبقے کی رائے پوری امت کی رائے نہیں ہو سکتی۔اس دور میں جب امت مسلمہ بحرانی مسائل سے دو چار ہے بہت سے ایسے کم مسلمان ہیں جو اسلامی تاریخ سے واقف ہوں۔

بلکہ افسوس کے ساتھ کہنا پڑتا ہے کہ بہت سے لوگ ایسے ہیں جنہیں کلمہ تک یاد نہیں ہے جو کہ مسلمان ہونے کی پہلی شرط ہے۔لہذا اس دور میں اگر آگے بڑھنا ہے تو دشمن کی چالیں انہی کے ذریعے ان پر ہی الٹنا ہونگی۔سیاسی یلغار کا سیاسی طور، تہذیبی یلغار کا تہذیبی طور، معاشی یلغار کا معاشی طور اور میڈیائی یلغار کا میڈیا کے میدان میں مقابلہ کرنا ہوگا۔

ترکی کے صدر رجب طیب اردوغان جنہوں نے ارطغرل غازی سیریل اپنی سرپرستی میں بنوایا کہتے ہیں کہ'' دنیا چاہتی ہے کہ ہم (مسلمان) اپنی تاریخ پر شرمندگی محسوس کریں، مگر ہمیں اپنی تاریخ پر فخر ہونا چاہئے کہ ہماری تاریخ تابناک اور شاندار ہے''۔ترک صدر بجا فرما رہے ہیں کہ ہمیں اپنی تاریخ پر فخر ہونا چاہئے مگر المیہ یہ ہے کہ مسلمان قوم کو یہ پتہ ہی نہیں ہے کہ ان کی تاریخ ہے کیا، کوئی تاریخ ہے بھی یا نہیں ۔

فخر تو تبھی کریں گے جب اپنی تاریخ پر نظر ہو۔ میں نے خود ارطغرل غازی سیریل دو سال قبل دیکھا، یقین مانیں مجھے بے انتہا خوشی ہوئی کہ کم از کم کوئی تو ہے جو ہماری شاندار تاریخ کو دنیا کے سامنے پیش کر رہا ہے۔ترکی سے پھیلنے والا یہ سیریل خواص و عوام میں مقبول ہو چکا ہے۔ابھی تک جن نوجوانوں کے ذہنوں پر ہالی وڈ اور بالی وُڈ کا سرطان چڑھا تھا، اب اسلامی تاریخ کی جانب لوٹ رہے ہیں، جو لڑکے سلمان خان اور شاہ رخ خان کے دلدادہ تھے اب محمد بن قاسم اور طارق بن زیاد کو اپنا آئیڈیل مان رہے ہیں۔

جو لڑکیاں سٹار پلس کے بیہودہ سیریل دیکھ دیکھ کر شاہ رخ خان اور سلمان خان جیسے شوہر کا تصور کر رہی تھیں، اب صوم و صلوٰة کے پابند اور اعلٰی اخلاق کے حامل نوجوان سے شادی کرکے اپنی دنیا اور آخرت سنوارنے کی فکر کر رہی ہیں۔

ابھی چند دن پہلے کی بات ہے کہ ایک غیر ملکی جوڑا ارطغرل غازی سیریل دیکھ کر اتنا متاثر ہوا کہ انہوں نے اس سیریل میں عبد الرحمٰن کا کردار ادا کرنے والے اداکار کے ہاتھوں اسلام قبول کر لیا۔

گویا اب یہ سیریل دعوت اسلامی کا ذریعہ بھی بن چکا ہے۔جب کہ یہ بھی ایک تلخ حقیقت ہے کہ جس میدان میں امت مسلمہ سب سے زیادہ پٹی وہ میڈیا کا میدان ہے کیونکہ امت کے پاس کوئی میڈیا کا اعلیٰ انتظام تو کبھی تھا ہی نہیں۔مگر اب ایسا لگ رہا ہے کہ سوئی ہوئی امت کروٹیں لے رہی ہے، بیداری کی طرف بڑھ رہی ہے، مستقبل کی منصوبہ بندی کا ارادہ کر رہی ہے۔

جو کہ خوش آئیندہ بات ہے۔لہذا ضرورت ہے کہ فہم و فراست سے کام لیا جائے۔ منفی رویوں کے ساتھ ساتھ مثبت چیزوں کا دھیان بھی رکھا جائے۔اگر کسی چیز میں منفی پہلو ہے مگر مثبت پہلو بھی ہے،اور اگر یہ مثبت پہلو منفی پہلو سے کہیں زیادہ ہو اور فایدہ مند بھی، تو وہ چیز اچھی ہے اور فایدہ مند بھی۔ارطغرل غازی سیریل بھی اسی زمرے میں آتا ہے، اس کا منفی پہلو صرف ایک ہے مگر مثبت پہلو بہت زیادہ ہیں۔لہاذا آپ ارطغرل غازی سیریل دیکھ سکتے ہیں۔اس میں کوئی قباحت نہیں۔فایدے ہی فایدے ہیں۔