Atxukale.com

Mutriku ZeroZabor taldearen aurkezpen ekitaldia

tolon — Mon, 14 May 2012 06:59:58 +0000

Egilea: Mutrikuko ZeroZabor taldea

Gonbidatzen zaitugu, gure Taldearen Aurkezpen Ekitaldira. Bertan Taldearen Helburuak eta nondik norakoen berri emango ditugu.

NOIZ: Maiatzaren 18an, ostirala, 18:30ean
NON: Luardo Etxean

Han elkar ikusteko asmotan gure agurrik beroena.

Taldekideak

{lang: 'es'}

Mutrikutik Bastidara, Araba Euskaraz

admintxo — Sat, 28 Apr 2012 15:36:26 +0000

Ekainaren 17an ospatuko den Araba Euskaraz jaialdian Mutrikuko kresal ikutua nabarituko da: Nahixan taldeak jarri dio musika Orlando Arreitunandiak idatzitako letrari, beraz aurtengo Araba Euskaraz-eko kantaren egileak mutrikuarrak dira.

{lang: 'es'}

Liburu eguna Mutrikun

atxukale — Sat, 14 Apr 2012 11:59:16 +0000

Testu eta Poesia laburren irakurketa

Non: Luardo Etxean
Noiz: Apirilaren 28an, zapatua, arratsaldeko 7etan

Denok zaudete gonbidatuta entzutera , eta nahi baduzue, irakurtzera.

Animo !!

Deitu: 628 573 287 edo 615 493 527

{lang: 'es'}

Hondakinek badute irtenbidea

admintxo — Fri, 06 Apr 2012 19:32:56 +0000

Gipuzkoako Zero Zabor Elkarteko kideek hitzaldia emango dute datorren martitzenean, apirilak 10, Zabiel Kultur Etxean, 19:00etan. Mintzagaia: Hondakinek badute irtenbidea.

Sare sozialetan Mutrikuko zinegotzi batek idatzitakoa jartzen dugu ondoren. Atez ateko zabor bilketa laister Mutrikura helduko denez, aukera interesgarria gai honi buruz informazio gehiago lortzeko.

Gipuzkoan arazo larri bat dugu zaborrarekin. Urtean 400.000 tona hondakin sortzen ditugu eta etxeko hondakinen %75 nahasita, zabor bihurtuta, jasotzen ditugu. Zabortegi kutsakorrak gainezka egiten ari zaizkigu eta batzuek arazoari proposatzen dioten sasi-irtenbideak, errausketak, ez digu itxaropenerako tarterik uzten.

Munduan zehar begiratzen badugu, gauzak aldatzen ari direla ikus dezakegu. Hondakinak natura ustiatuz eskuratutako materialez osatuta daude. Material hoiek nahastu, zabor bihurtu eta suntsitu beharrean, direna bezala ikusten hasteko garaia da, baliabide bezala. Hondakin atalak nahasten ez baditugu, berreskuratu, berriz ere ekonomian txertatu eta produktu berriak egiteko balio dute. Hondakinen prebentzio eta birziklaian neurri eraginkor eta errealak ezartzen dituen ereduari Zero Zabor eredua deritzo.

Gipuzkoak ere badu hondakinentzako irtenbidea. Zero Zabor programa bat osatu eta Zero Zabor eredua ezartzea eskatzen duen mugimendua geroz eta zabalagoa, eta geroz eta indartsuagoa da. Guzti honen berri izan, zalantzak argitu eta proposamenak eztabaidatzeko aukera izango duzu ZABIEL KULTUR ETXEAN, APIRILAREN 10ean ARRATSALDEKO 7etan Gipuzkoa Zero Zaborreko kideek emango duten hitzaldian.

{lang: 'es'}

Ziriako Andonegi Andonegi: 100 urte

atxukale — Thu, 08 Mar 2012 20:10:15 +0000

Egilea: Miren Amaia Andonegi

Ziriako Andonegiren 100. urteburuan orduko andre-gizonei omenaldia egingo zaie.

Mahai ingurua

Errepublika denbora herritarak kontatua: Martxoaren 15ean,osteguna 19:00

Hitzaldia: Iñaki Egaña Historialariak

Aitor eta beste mitoak, gerra aurreko zertzeladak: Martxoren 22an,osteguna 19:00

ZABIEL Kultur Etxean izango dira.

{lang: 'es'}

Akuikulturari buruzko bideoa

atxukale — Mon, 05 Mar 2012 09:40:32 +0000

Mutrikuko Institutuak eskaintzen dituen akuikultura ikasketei buruzko bideoa aurkitu dugu EITBko web gunean, eta hemen jartzen dizuegu.

{lang: 'es'}

kalbaixuetako argazkixak

atxukale — Wed, 21 Sep 2011 15:23:54 +0000

Kalbaixoko kofradiakoek Flickr zerbitzuan kontua zabaldu dute aurten, eta bertan kargatu dituzte azken urteotan kalbaixo jaixetan ateratako argazki asko.

Hemen dauzkazue aurten atera eta publikatu dituztenak:

{lang: 'es'}

Igone Arreitunandiaren Aran izeneko film laburra saritua izan da

atxukale — Wed, 06 Jul 2011 06:29:29 +0000

Mutrikuko hitzan irakurri ahal izan dugunez, Igone Arreitunandia saritua izan da bere Aran izeneko film laburragatik.

Film honetan Igonek Saturrarango maitaleen kondaira du hizpide, nahiz eta entzuten den soinu bakarra olatuen zarata izan. Oso bideo politxa da, hemen duzue ikusteko aukera

{lang: 'es'}

Ioar Urkiri Arreitunandia Mutrikuarra igeriketan Euskadiko onena

atxukale — Tue, 05 Jul 2011 07:08:20 +0000

Joan zen astean izan ziren txapelketak, eta Ioarrek bi urrezko domina eta zilarrezko bat lortu zituen Euskadiko igeriketa txapelketan.

Ioar Urkiri Arreitunandia DV-tik ateratako irudia

Hurrengo erronkoa, Espainiako txapelketan parte hartzea izango da, Valladolid-en uztaila bukaeran burrukatu beharko du berriro ere.

Ez da hau Ioarrek kirolean dominak irabazten dituen lehenengoa, lehen ere lasterketetan sariak irabazitakoa da.

{lang: 'es'}

Aurtengo Mutrikun Kantatzen saioa, barixakuan izango da

atxukale — Fri, 01 Jul 2011 21:56:24 +0000

Egilea: Mutrikuko Kantu Zaharren proiektuaren lagunak

Kantu Zaharren proiektua egin zenetik, urtero antolatu izan da herrian kantu zaharrak kantatzeko ekimena.

Aurten ere egingo da, uztailak 9an izango da. Oraingoan denok batera talde bakar batean kantatuko dugu, hau da egitaraua:

12:30etan Goiko plazan bildu, eta eztarriak berotzeko “Ene Mutriku Maitia” eta “Goizian sartu tabernan eta” kantatuko ditugu. Beste pare bat kanta, jendeak nahi duenaren arabera.
Trikiti doinuaren laguntzarekin, beheko plaza aldera joango gara
13:15etan, Beheko plazan “Xixili” eta “Bris-Bris” kantatuko ditugu. Beste pare bat kanta, jendeak nahi duenaren arabera.
Trikiti doinuaren laguntzarekin, atxukale aldera joango gara
14:00etan, Atxukalen “Afiladores” eta “Hiru areoplano” kantatuko ditugu. Hortik aurrera, jendeak nahi duen arte kantatzen jarraituko dugu.

Etxean kantu zaharren liburuxka duenak, ekar dezala. Nahi duenak hemen eskuragarri du kantutegi osoa eta kantu zaharren proiektuko hainbat grabazio.

{lang: 'es'}