Mutrikuko blog komunitatea

Kopiatzea ez da lapurtzea

Mon, 11 Jan 2010 17:19:44 +0100

Ba hori, kopiatzea ez da lapurtzea.

Bideo honetan ezin hobeto azaltzen dute:

Kopiatzea ez da lapurtzea

Mon, 11 Jan 2010 17:19:44 +0100

Ba hori, kopiatzea ez da lapurtzea. Hau ezin hobeto azaltzen dute bideo honetan. Ingelesez dago baina oso ondo ulertzen da

txokolatezko turroia

Thu, 31 Dec 2009 11:31:30 +0100

Txokolate zalea zera ? ni bai !!

Lagun batek ondoren azaltzen dizuedan errezeta hau pasa zidan. Oso erraza da eta kategoriazko turroia ateratzen da:

Osagaiak:

450 g. txokolate, postreak egiteko txokolate berezi hori. Nik beltza jarri diot, txokolate gustua asko gustatzen zaidalako.
Nocilla, Nutella edo antzekoa, beste 150 g.
Puztutako arroza (zerealak) beste 70g. Nik Choco Krispies erabili det

"Baño Maria" erara txokolatea urtu ondoren, nocilla-kin nahastu. Gero zerealak bota eta dena ondo nahastu. Ondoren tuper batera bota eta hoztu dela ikusten dezunean, sartu hozkailuan.

Erraza, ezta ? kontuz, goxua dago baiña honek kaloria pilo bat ditxu eta !! :-)

Software librearen alde

Wed, 23 Dec 2009 00:55:49 +0100

Aspaldi egin ziguten elkarrizketa eta badirudi publikatu dutela

Jakintza Ikastolako lagunekin ateratzen gera, hori ohorea.

Aspaldiko EHUko irakaslea ere agertzen da, urteak denontzako pasatzen dira ;-)

CDak eta liburuxka salgai

Wed, 16 Dec 2009 23:41:06 +0100

Zapatu honetan Mutrikun Santo Tomas azoka izango dugu. Hori da Mutrikuko Kantak proiektuko CD bikoitza eta kantu liburuxka saltzeko aukeratu dugun eguna.

Aurrez esan dugun moduan, edizio mugatua da. Guztiz 1.000 ale atera ditugu, eta hauetatik 100 aletik gora proiektuan kantuan ibili direnei oparituko dizkiegu. Beraz, salmentarako 900 ale inguru geratuko dira.

Gure asmoa kopia denak zapatuan saltzea da, beraz azkar ibili diskoa eta liburuxka erosi nahi badituzu.

Prezioak

44 kantuz osatutako CD bikoitza: 6€
118 orrialde dituen kantu liburuxka: 2€

Santo Tomas azokako eskaintza berezia

Zapatuan bakarrik pack bat egin eta CD bikoitza+liburuxka 7€gatik erosi ahal izango da.

Eskaintza hau azoka egunerako bakarrik izango da.

Albiste hau egunkarietan:

Mutrikuko Kantak Proiektuko aurkezpena

Mon, 07 Dec 2009 20:22:31 +0100

Orain dela urte ta erdi hasi ginen proiektu honekin, eta denbora honetan proiektuko kideok lan asko egin dugu.

Kantuak jaso, grabazioak egiteko herriko hainbat taldeekin harremanetan jarri, grabazioak egin, eta gero sortutako material guztia landu eta egokitu herriaren eskura lagatzeko.

Produktu politxak sortu dira: 43 kantaz osatutako CD bikoitza eta 118 orrialde dituen kantu liburuxka.

CDen ekoizpena TX disko etxearekin egin da, beraz CD-en kalitatea profesionala dela esan genezake. Guztira 1.000 kopia egin dira, herritar guztiek beraien kopia izateko aukera izan dezaten.

CDak eta liburuxka oraindik ez dira salgai jarri. Horretarako Santo Tomas eguneko ferixa aukeratu dugu, Mutrikun abenduaren 19an ospatzen dena.

Proiektu honetarako Gipuzkoako Foru Aldundiko diru laguntza izan badugu ere, laguntza honek aurrekontuaren erdira bakarrik heltzen da, eta beste erdia CDak saltzen lortuko duten diruarekin beteko dugu. Esan beharra dago ere, proiektu honetan parte hartu dugun guztiok doan egin dugula lana.

Ekoiztu diren kopia guztiak saltzen direnean ez ditugu gehiago egingo, beraz adi ibili CD eta liburuxka gabe geratu nahi ez badezu.

Gure seme-alabak Benedoko barnetegian ingelesa hobetzen

Thu, 03 Dec 2009 19:10:23 +0100

Goizeko Izarra ikastolako 6. mailako gaztetxoak (umeak esaten badet moskeatuko dira) aste honetan ingeleseko barnetegian daude.

Bideo-kronikak igo dituzte beraien blogetara, eta hemen daude guztiok ikusteko moduan:

Ez dira makalak ezta ?

Euskararen berreskuratzea

Wed, 11 Nov 2009 09:34:31 +0100

Hausnarketarako bost minutuko bideoa, euskararen berreskuratzea azaltzeko Garabidek egin duen DVDaren laburpena.

Gariren twitter bidez aurkitutakoa:

Euskararen berreskuratzea from Garabide on Vimeo.

ef4ktur: Fakturazio elektronikorako software librea

Thu, 05 Nov 2009 15:27:34 +0100

Zer da ef4ktur ?

Euren webian esaten dutena jartzen det jarrian, eta beltzez jartzen det nere ustez azpimarratzekoa dena:

ef4ktur euskal foru-aldundien ekimena da, fakturak egiten dituztenei faktura elektronikoko soluzio erraza eta praktikoa doan eskaintzera bideratutakoa, enpresei beren artean eta euskal administrazioekin erraz lan egitea ahalbidetzeko xedearekin.

ef4ktur softwareak kudeaketako autonomia handia emango die eragiketa telematikoetan, segurtasun-bermerik handienarekin eta, horrezaz gain, bezeroaren premia funtzionaletara egokitzeko aukerarekin.

Ef4ktur bateragarri da Windows, Linux eta Mac sistemekin, zure lanerako ingurunea edozein izanik ere ef4ktur ekimenaren onuradun izan ahal izateko.

Ef4ktur software libreko aplikazioa da, Europar Batasuneko V.1.1 lizentzia publikoa duena (EUPL).

Softwarea librea eta doakoa da. Tresna nola dabilen ikasi nahi badezu, doako aurkezpen bat antolatu dute azaroaren 12rako.

Hamaika ikusteko jaioak

Tue, 27 Oct 2009 13:12:58 +0100

Ez dakat hitzik hau komentatzeko.

Hemendik ...

Zela atera leike hau ?