My Personal web Dairy!

नयाँ वर्ष २०६७ को हार्दिक मंगलमय शुभकामना!!!

2010-04-13T06:59:00.001+03:00

संसारको बिभिन्न भु-भागमा छरपष्टित देशवासी तथा स्वदेशमा रहनु भएका सम्पूर्ण नेपालीहरुको नयाँ साल २०६७ को पावन अवसरमा मौनता ब्लागको तर्फबाट सु-स्वास्थ्य, दिर्धायु एवं उत्तरोत्तर प्रगतिको हार्दिक मंगलमय शुभकामना व्यक्त गर्दछु ।

एकै छिन तिमी नहुँदा..........अडियो गीत संगै!!!

2010-03-24T03:59:00.019+03:00

स्वर: राजु दाहाल
संगीत: संजय बुढाथोकी
रचना: भूपाल राना "आभाष"
******************************************
एकै छिन तिमी नहुँदा वेहोशी झैं हुन्छु म
तिमी नै टाढा भयौ भने मरेतुल्य हुन्छु म !!

***************************

तिमीले आँखा बन्द गर्दा सारा संसार शुन्य लाग्छ

तिमीले आँखा खोली दिदा फुलै फूलको वर्षा हुन्छ

सधैं सधैं यी नजरले तिमीलाई नै हेर्न पाऊ

एकै छिन तिमी नहुँदा...........

********************************
मेरो जीवन भन्नु अब केवल तिमी मात्र नै हौ

मेरो हरेक सोचाईंमा हरपल तिमी तिमी नै छौ

जहाँ जाऊ जता जाऊ तिमी संगै हुन पाऊ

एकै छिन तिमी नहुँदा.......

आँसु रैछ जिन्दगी===>अडियो गीत सहित !

2010-03-21T11:10:00.005+03:00

स्वर: जगदीश समाल
संगीत: पविधन खालिंग
रचना: भूपाल राना"आभाष"

आँसु रैछ जिन्दगी यो सधैं रुनु प-यो
सारा आकाश मेरो लागि मै माथि नै झ-यो !!

मुटुभित्र सधैं दुख्ने घाऊ रैछ माया
आफ्नै साथ किन छैन आज मेरै छायाँ
मौनता यो आँखाभरी सधैं रात प-यो
सारा आकाश मेरो लागि मै माथि नै झ-यो !!

वैमानीले छल ग-यो मेरै भाग्य माथि
एकान्त नै अब मेरो सधैं भयो साथी
नयाँ जीवन बाँचु भने मनको माया म-यो
सारा आकाश मेरो लागि मै माथि नै झ-यो !!

आँसु रैछ जिन्दगी यो सधैं रुनु प-यो

सारा आकाश मेरो लागि मै माथि नै झ-यो !!

प्रतिक्रिया दिन नभुल्नु होला है !!!

!!! हार्दिक श्रद्धाञ्जली !!! शिखर पुरुष गिरिजाप्रसाद कोइरालालाई !!!

2010-03-21T03:25:00.002+03:00

I am grieved to hear the news of the sad demise of our beloved "National Hero" Former Prime Minister late Girija Prasad Koirala.On this sad occasion I personally through www.maunata.blogspot.com expand deep Condolences.

We pray that the Almighty have mercy on him and makes his Soul rest in peace. We sincerely extend our sorrows to his bereaved family.

-Bhupal Rana "Aavash"

Munata Blog

तिम्ले छाडी म रुंदा.......!

2010-03-18T02:26:00.002+03:00

तिम्ले छाडी म रुंदा आकाशको जून रोयो
आंधी आयो हुरी चल्यो मन यो के भयो !!

क्षितिजको घाम जस्तै तिमी कहाँ गयौ
हृदय मेरो घायल बनाई मुटु जलायौ
सधैं गीत गाउने कोईली आज कहाँ गयो
आंधी आयो हुरी चल्यो मन यो के भयो !!

तिमी आउंछ्यौ भनि कतै तिम्रै बाटो पर्खि रहें
कुर्दा कुर्दै जिन्दगीमा सधैं म एक्लो भएँ
मैले हेर्ने संसार आज फेरि शुन्य छायो
आंधी आयो हुरी चल्यो मन यो के भयो !!

तिम्ले छाडी म रुंदा आकाशको जून रोयो
आंधी आयो हुरी चल्यो मन यो के भयो !!

जिन्दगीको बाटोभरी....!

2010-03-05T02:29:00.008+03:00

ए........हजुर

जिन्दगीको बाटो भरी धेरै धेरै हिंडे

दु:ख पीड़ा सधैं हजुर ढाकरमै बोंके

कोरस....

{आधा निंद्रा आधा पेट यस्तै जुरायो

नियतिले हाम्लाई हजुर! ढाक्रे बनायो}...२

जिरीदेखि नाम्चेसम्म बोकें धेरै भारी...२

(यै बाटोमा धेरै भेटें)२ मान्छे थरीथरी

(मेरो मात्र हैन रै'छ)२ सबको एउटै कथा

घरिघरि दु:ख्दो रै'छ सबको एउटै व्यथा

लाम्जुराको उकालीमा सतायो नि हिउँले...२

(हुरीबतास घामपानी)२ थाम्यो यही जिउले

(मन भरी पीरव्यथा)२ सहारा छ तोक्मा

बरै! भन्ने को'नै छ र!दु:खीयाको शोकमा

ए........हजुर

जिन्दगीको बाटो भरी धेरै धेरै हिंडे

दु:ख पीड़ा सधैं हजुर ढाकरमै बोंके

कोरस....

{आधा निंद्रा आधा पेट यस्तै जुरायो

नियतिले हाम्लाई हजुर! ढाक्रे बनायो}...२

तपाईंलाई कस्तो लाग्यो यो गीत कृपया तपाईंको अमूल्य सल्लाह तथा सुझाबको प्रतीक्षामा हुनेछु. स्मरण रहोस यो गीत संगीतकार तथा संगीत संयोजक श्री पविधन खालिङ ज्यू बाट संगीत सृजना भई सकेको छ, Recording अवस्थामा रहेको सहर्ष जानकारी गराउन चाहन्छु! यो गीत कस्ले गाए राम्रो हुन्थ्यो जस्तो लाग्छ यहाँलाई?

पुतली झैँ मलाईं......!

2010-03-01T02:26:00.004+03:00

यो वाल गीत हो भन्ने कुरा त गीत पढी सक्नु भो भने थाहा पाई हाल्नु भयो होला.......बाँकी

पुतली झैँ मलाईं पनि उडुँ उडुँ लाग्यो
रंगीचंगी फूलजस्तै फुलुँ फुलुँ लाग्यो !

सेती नदी कताबाट बग्दै आयो होला
बगेर लौन! भन्देउ कहाँ पुग्छ होला
सेती नदी जस्तै मलाईं बगुँ बगुँ लाग्यो
रंगीचंगी फूलजस्तै फुलुँ फुलुँ लाग्यो
पुतली झैँ मलाईं पनि उडुँ उडुँ लाग्यो !!

झिलिमिली ताराहरु एउटै मात्र जून
आकाशमा पुगेर पाए हुन्थ्यो छुन
जुनतारा जस्तै मलाईं बनुँ बनुँ लाग्यो
रंगीचंगी फूलजस्तै फुलुँ फुलुँ लाग्यो
पुतली झैँ मलाईं पनि उडुँ उडुँ लाग्यो !!

पुतली झैँ मलाईं पनि उडुँ उडुँ लाग्यो
रंगीचंगी फूलजस्तै फुलुँ फुलुँ लाग्यो !!

यो वाल गीत हो भन्ने कुरा त गीत पढी सक्नु भो भने थाहा पाई हाल्नु भयो होला, यो गीतको बारेमा अलिकति प्रासंगिक कुरा कोट्याउन मन लाग्यो, हुन त मैले यो गीत भन्दा अगाडि कुनै पनि वाल गीत लेखेको थिइन, संयोगवस नै भन्नु पर्छ यो गीतको जन्म हुँदा जति खेर मेरो भेट पोखरामा खेम लामासंग भएको थियो, स्यानो भेटघाटको चिनजानले हामीबीच ठुलै नाता गाँसीएछ किनकि खेम जी सङ्गीतको गुरु र म साहित्यको विध्यार्थी त्यसैले यो सङ्गम अति नै सौभाग्यपूर्ण भन्नु पर्छ किनकि साहित्य र सङ्गीत एक सिक्काको दुई पाटा भन्छन क्यार! र उहाँकी छोरी ऋतु लामा जो उमेरले सानै भए पनि साह्रै मीठो गीत गाउदो रैछ र जसले पोखरामा धेरै राम्रो नाम पनि कमाई सकेकी रैछ जसले शायद नेपालको इतिहासमा नै पैलो पटक हुनु पर्छ नौ वर्षको उमेरमा नै "ऋतु लामा एकल साँझ" सफलता पुर्वक गरेकी थिइन जसको reporting "आहा सङ्गीत" नामक पत्रिकामा मैले गरेको थिएँ. र खेम लामा जी को Request मा यो गीत मैले ऋतुको लागि भनेर लेखेको थिएँ, दुर्भाग्य भन्नु पर्छ त्यहिँ साल म पनि बिदेसिएँ झन्डै ६ साल पछि यो गीतको याद आयो र आज यहाँ यसरी बाँड्ने मौका पाएँ तर अपसोच, यतिका लामो समय सम्म पनि खेम लामा अनि ऋतु संग भेट भएको छैन...यस पाली भने समय मिलाएर भेट गर्ने विचारमा छु... !

Happy Holi.............!!!

2010-02-28T05:54:00.002+03:00

Wishing you a very Happy and Colorful Holi…..!!!

पत्रमित्रले....!

2010-02-25T19:58:00.000+03:00

मनको कुरा चिठीमै लेख्नेले
मुटु-मुटु साटौं है भन्नेले
पत्रमित्रले,
एकोहोरो बनायो तिम्रै यादले!!!

सम्झनाले छाति तिम्रो पोल्छ कि पोल्दैन
मलाईं जस्तै तिम्लाई पनि हुन्छ-हुँदैन
मनचरी उडेर गयो नि,
कहाँ खोजुँ कहाँ भेटुँ भयो नि
पत्रमित्रले,
एकोहोरो बनायो तिम्रै यादले!!!

जति टाढा उति मिठो लाग्दो रै'छ माया
सधैं-सधैं तिमी मेरो दिलको दायाँवायाँ
ढुङ्गा बिना माटोको के भर
तिमी नै हौ मेरो त पुग्ने संसार
पत्रमित्रले,
एकोहोरो बनायो तिम्रै यादले!!!

(यो गीत बिशेष पत्रमित्रसंग सम्बन्धित भएकोले, मेरा साथीभाईहरुको अनुरोधमा सङ्गीतबद्ध गर्ने सोचाइमा छु, कृपया तपाईं केहि सुझाब भए प्रतिकिया दिनुहोला)

मस्की मस्की.........!

2010-02-25T14:00:00.005+03:00

मस्की मस्की छेउ छेउमा आउनेलाई
कर्के नज़र हेरेर जानेलाई
कसोगरी मोहनी लगाउने......सररररररर
पातलीलाई कसोरी फकाउने
नक्कलीलाई कसोरी लैजाने !!

गाउँघरमा हल्ला यो चलेछ
लुकी-छिपी मलाईं नै हेर्छेरे
कापी किताब छेवैमा राखेर
हत्केलामा नाम मेरै लेख्छे रे
मनको कुरा मनैमा साँच्नेलाई
चिठी लेखी सिरानमा राख्नेलाई
कसोगरी मोहनी लगाउने.......सररररररर
पातलीलाई कसोरी फकाउने
नक्कलीलाई कसोरी लैजाने!!

बोल्न पनि के सारो लजाकी
बोल्न खोज्दा नजरै झुंकाउनी
उस्को कुरा मा बुझौँ कसोरी
मोहीं माग्ने ढुङ्ग्रो चै लुकाउनी
सपनीमा सुटुक्कै आउनेलाई
निद चोरी खुसुक्कै लानेलाई
कसोगरी मोहनी लगाउने....सररररररर
पातलीलाई कसोरी फकाउने
नक्कलीलाई कसोरी लैजाने!!

गायक: राजु दाहाल
सङ्गीत: संजय बुढाथोकी
रचना: भूपाल राना "आभाष"

गाँवै शून्य भो.......!

2010-02-23T17:38:00.004+03:00

रानीवनमा बाँसुरी बज्दैन

न्याउँली चरी गीत पनि गाउँदैन

गाँवै शून्य भो,

बुढापाका भन्दै छ(ए हजुर) के के हुने हो!

चरन गा'को गाईवस्तु गोठमा फर्किएन

विपत्तिको पै'रो गाउँमा कै'ले रोकिएन

वनपाखा विरानो भएछ

जोडी ढुकुर बास् अन्तै सरेछ

गाँवै शून्य भो,

बुढापाका भन्दै छ(ए हजुर) के के हुने हो!!

यसपाली त आँगनी छेउ सयपत्री फुलेन

दशैं आयो तिहार आयो खुशी आएन

ढल्नै लाग्यो डाँडैको चौतारी

नभेटिने रै'छ कतै हितको दौंतरी

गाँवै शून्य भो,

बुढापाका भन्दै छ(ए हजुर) के के हुने हो!!

रानीवनमा बाँसुरी बज्दैन

न्याउँली चरी गीत पनि गाउँदैन

गाँवै शून्य भो,

बुढापाका भन्दै छ(ए हजुर) के के हुने हो!!

एक्लै पा-यौ तिमीले

2010-02-21T02:00:00.005+03:00

एक्लै पा-यौ तिमीले भन कहाँ जाऊ
मुटुभरी राखी दियौ बिछोडको घाऊ !

हँसाउन हँसाई हाल्यौ तिम्ले जोरीपारी
मरुभूमि बनाई गयौ मनको खेतबारी
कहाँ छ र अब मेरो बाँच्ने संसार
क्षणभरमै भत्काई दियौ पीरतीको घर !!

छैन कतै सारङ्गी र बाँसुरीको धून
सम्झनाले सधैं-सधैं रोइ रह-यो मन
आजभोलि म त भा'छु दुँनियाकै हाँसो
तिम्रो माया भयो मलाई घाँटी रेट्ने पासो !!

एक्लै पा-यौ तिमीले भन कहाँ जाऊ
मुटुभरी राखी दियौ बिछोडको घाऊ !!

(टिप्पणी: यो रचना कुवैतबाट प्रकाशन हुने पहिलो त्रैमासिक पत्रिका "मरुभूमिको कोशेली" लाई प्रेषित गरेको छु र दोश्रो अंकको लागि प्रकाशनको तयारीमा रहेको जानकारी गराउन चाहन्छु.)

लैजान्छु तिमीलाई सोलुखुम्बुमा

2010-02-15T17:04:00.006+03:00

छुर्पी खानु चौंरी है गोठको
बोली मिठो त्यो लाली ओठको
मानी ढुङ्गामा,
लैजान्छु तिमीलाई सोलुखुम्बुमा!!

सिरीमा सिरी बतासै चल्यो सल्लेरी वनैमा
पहिलो भेट पहिलो माया बस्यो है मनैमा
पिलेनबाट लुक्लामा झरौंला
नाम्चे बजार संगसंगै घुमौला
मानी ढुङ्गामा,
लैजान्छु तिमीलाई सोलुखुम्बुमा!!

दुई दिने होइन पिरती मेरो हजारौ जुनीलाई
गुम्बाको कसम जीवनभरी साथदिन्छु तिमीलाई
हिउँको घर हिमाली काखैमा
तिमी मेरो यो मनको आँखैमा
मानी ढुङ्गामा,
लैजान्छु तिमीलाई सोलुखुम्बुमा!!

निष्ठुरीको भर पर्दा.....!

2010-02-15T16:54:00.012+03:00

निष्ठुरीको भर पर्दा आधा उमेर बित्यो
आफुसंग के नै थ्यो र! भाको पनि रित्यो !

साथीसंगी शिखर पुगे आफु भने झरियो
कस्तो दिनमा बैमानीको जालमा परियो
संगै बाँच्ने कसम तोडी पापीनीले छाड्यो
आफुसंग के नै थ्यो र! भाको पनि रित्यो!!

हुदाँ मात्र आफन्त रे! नहुदाँ एक्लो संसार
भित्री मनको पींडा बुझ्ने को नै हुन्छ र
कैल्यै निको नहुने मनको रोगी भइयो
आफुसंग के नै थ्यो र! भाको पनि रित्यो!!

निष्ठुरीको भर पर्दा आधा उमेर बित्यो
आफुसंग के नै थ्यो र! भाको पनि रित्यो !

जून विनाको उदाश...!

2010-02-15T16:42:00.009+03:00

जून विनाको उदाश रात जस्तै भएँ
तिम्ले छाडें देखि म त फेरि उस्तै भएँ !

एक्लै जानु थियो त साथ किन दियौ
ढलेको यो लाशलाई सहारा किन दियौ
मूलबाटोमा हराएको गोरेटो झैं भएँ
तिम्ले छाडें देखि म त फेरि उस्तै भएँ !!

उसैगरी भत्कें म जे गरे नि हुन्छ
मैले हेर्ने संसारबाट अन्तै सरे हुन्छ
हजारौंले कुल्चेको धूँलो जस्तै भएँ
तिम्ले छाडें देखि म त फेरि उस्तै भएँ !!

जून विनाको उदाश रात जस्तै भएँ
तिम्ले छाडें देखि म त फेरि उस्तै भएँ !

तिमी उड्यौ हावासंगै....!

2010-02-15T16:00:00.006+03:00

तिमी उड्यौ हावासंगै आकाश भेट्नलाई
रम्यौ ताराहरुसंगै, अंगाल्यौ होला जूनलाई!

आए होला तिम्लाई भेट्न, स्वर्ग चरीहरु
लजाए होला तिम्लाई देख्दा, स्वर्ग परीहरु
तिमी उड्यौ बादलसंगै खुशी साट्नलाई
रम्यौ ताराहरुसंगै, अंगाल्यौ होला जूनलाई!!

बसी राख्नु सधैं तिमी जूनताराहरु संगै
हेरी रहन्छु धर्तिबाट, म तिमीलाई सधैं
तिमी गयौ बहारसंगै वसन्त छुनलाई
रम्यौ ताराहरुसंगै, अंगाल्यौ होला जूनलाई!!

तिमी उड्यौ हावासंगै आकाश भेट्नलाई
रम्यौ ताराहरुसंगै, अंगाल्यौ होला जूनलाई!

केहि भन्दा रिसाउने...!

2010-02-15T15:41:00.007+03:00

केहि भन्दा रिसाउने तिम्रो त्यो बानीले
भिजे म त निथ्रुक्कै तिम्रो रुपको पानीले !

किन मलाई जिस्कायौ तिम्ले जानीजानी
मुटु मेरो किन फेरि लाग्यौ उतै तानी
दिलको कुरा भनुँ भने नसुन्ने बानीले
भिजे म त निथ्रुक्कै तिम्रो रुपको पानीले !!

जता गए पनि किन याद तिम्रै आउँछ
आँखाभरी रुप तिम्रै किन अल्झीदिन्छ
माया खोली देखाऊ भने नहेर्ने बानीले
भिजे म त निथ्रुक्कै तिम्रो रुपको पानीले !!

केहि भन्दा रिसाउने तिम्रो त्यो बानीले
भिजे म त निथ्रुक्कै तिम्रो रुपको पानीले !

न्याउँली रोयो विरहमा....!

2010-02-15T15:30:00.008+03:00

न्याउँली रोयो विरहमा विवस आँसु झारी
अनन्तमा उड्यो कठै! रानीवनलाई छाडी!

मन कति दु:ख्यो होला विछोडिनु पर्दा
याद कति आयो होला साथीसंगी भुल्दा
यस्तै पीर बोकी बरै! गयो विरानीमा
सम्झनाको हुरी चल्यो आँसु सिरानीमा !!

विवशताको घाम्पानीले पोल्यो होला छाती
वेदनाको बज्रपात खस्यो उसैमाथि
कस्तो कर्म रैछ कठै! खुशी चुँडि गयो
भाग्य लेख्ने दैव पनि पापी भै'दियो !!

न्याउँली रोयो विरहमा विवस आँसु झारी
अनन्तमा उड्यो कठै! रानीवनलाई छाडी!!

To make your day Beautiful___Happy Valentine Day

2010-02-14T01:16:00.018+03:00

Happy Valentine Day

2010-02-13T16:56:00.003+03:00

म

2010-02-12T22:06:00.005+03:00

भू-ल्न खोज्दै छू साथी आजभोलि आफैलाई !
पा-गल भएछ यो भनेर नसोची दिनु है !!
ल-ट्टीएको छु साथी पीड़ाको जहर पिएर !
रा-धा विनाको कृष्ण भएछ यो नभनी दिनु है !!
ना-घेको छु साथी विरहको सागरलाई पनि !
आ-धी बिचमै यो डुबेछ भनी नठानी दिनु है !!
भा-चिएको छ साथी माया गर्ने यी मुटुहरु !
सं-गीत विना गीत गाएछ यसले नभनी दिनु है !!

म मरेको शुन्यौ

2010-02-11T19:22:00.002+03:00

म मरेको शुन्यौ भने रोए जस्तो गर्नु
मेरो लाश देख्यौ भने छोए जस्तो गर्नु !

अति सस्तो मेरो मृत्यु तिम्रै चाहना हो
चितामाथि ढली रैछु तिम्रै कामना हो
दुनीयाँको सामु तिमी दु:खे जस्तो गर्नु
मेरो लाश देख्यौ भने छोए जस्तो गर्नु !!

अमूल्य तिम्रो आँशु मेरो लागि नझार्नु
मलाई सम्झी देउरालीमा पाती नचढाउनु
सेतो साडीं सेतो चोलो लाए जस्तो गर्नु
मेरो लाश देख्यौ भने छोए जस्तो गर्नु !!

गजल

2010-02-11T05:31:00.008+03:00

ओइलीएको फूल झैं, हाँगा बाट झरी सके !
जिन्दगीको डेराबाट, अन्तै सरी सके!!

धेरै थिए आभाषका, इच्छा आकांक्षाहरु !
पुरा हुन नपाई, ख़ुशीसबै मरी सके !!

नआए नि हुन्छ तिमी, मलाई अब भेट्न !
सधैको लागि मैले, वैतरणी तरी सके !!

बिन्ती छ अब, नरोक मलाई "अनु" !
मृत्यु पत्रमा मैले, हस्ताक्षर गरी सके !!

ओइलीएको फूल झैं, हाँगा बाट झरी सके !
जिन्दगीको डेराबाट, अन्तै सरी सके !!

तिमी नहुनुको पीड़ा

2010-02-11T04:51:00.008+03:00

एक्लिएर म रुंदा,
तिम्रो याद आयो!
मेरो मनको वस्तीहरुमा,
विरहको तुंवालो छायो!!

भावनाको कुशुमवनमा,
खोजीरहे तिमीलाई !
तर भूल रहेछ मेरो,
अँगाली सकेछौ अर्कैलाई!!

नसोध अब मलाई,
मुटुभित्रको गहिरो घाऊ !
सक्छौ भने तयार छ,
आभाषको यो देहलाई जलाऊ !!

जिस्काउछ्न साथीसंगीहरु,
मेरो यो बेहाल देखेर !
बाँचेको छू अलिकति,
तिमी नहुनुको पीड़ा बोकेर!!