My Sleepless Nights

Adhoora Ishq

2025-12-07T15:16:10.232+05:30

bade saleeke se hum apne zakhm chupate hain,

wo puchte hain haal to hum bas muskuraate hain,

tujhse koi gila nahi, na koi shikayat hai ab,

bas kabhi-kabhi tute hue khwaab bohot sataate hain,

suna hai wo khush hain apni nayi duniya mein,

hum aaj bhi purani yaadon se dil behlate hain,

maloom tha humein ki ye raaste alag honge,

fir bhi hum bewajah tere kadmon ke nishaan dhundhte jaate hain,

zaroori nahi ki har ishq manzil tak pahunche,

kuch rishte adhoore reh kar hi amar ho jaate hain,

humne toh wafa ki thi, shayad kismat mein judai thi,

isliye ab hum khamoshi se tera zikr bhulate hain...

Hum teri or kheechen chalen aaate hain

2023-06-15T07:02:00.002+05:30

ye lab tere bheege hue se kya qahar dhaate hain,

hum bas tujhe dekh k hi bemaut mar jaate hain,

chaahte hain khud ko sambhaale hum, roke khud ko,

par har baar hum is dil k haathon majboor o jaate hain,

kehte hain khud ko ye pyaar nahi kuch pal ka saath hai,

par har baar jaane kyun teri or khinche chale aate hain,

chhoone ko hum tere honthon ki narmi apne hothon se,

har har baar tujhse duur jaate jaate thahar jaate hain,

hum ye nahi kehte ki mohabbat buri cheez hoti hai,

par hum apne dil k fir se tut jaane se ghabraate hain,

yakeen hain tujhpe humein, teri mohabbat pe bhi,

aur hum dheere dheere tere aur kareeb aa jaate hain...

Khwaab

2023-06-15T07:01:00.001+05:30

bahut khoobsurat se ban jaate hain ye khwaab,

tanhaayi me saath nibhaaate hain ye khwaab,

lagta hi nahi ki hum tumse kabhi miley hi nahi,

bin mile hi mila dete hain tumse hume ye khwaab,

har shaam intezaar rehta hai humein bhi raat ka,

yakeen hain ki koi sajaane aayega hamaare khwaab,

tanha bistar pe pade karte hain intezaar neend ka,

haqeeqat se pyaare lagte hain aajkal ye khwaab,

kuch to khaas hai in nasheeli raaton me o jaana,

ki tumhaare saath ka ehsaas dilaate hain ye khwaab,

hum chaahte hain ki so jaaayen umra bhar k liye,

agar tum yunhi sajaate raho har pal hamaare khwaab,

haan ye khwaab nahi tumhaara saath hai meri jana,

haan ye khwaab nahi tumhaara pyaar hai meri jana,

khwaab to ek bahaana hai tumhaare saath ka,

tumhara pyaar hi to meri zindagi hai meri jaana....

2018-01-11T03:39:00.002+05:30

Hoke Mera na kabhi tu mera ho paya,
Na hokar bhi tera, main kisi aur ka na ho paya.

लम्हे

2017-08-28T01:02:00.000+05:30

तुम थे तो जिंदिगी थी,
अब तो बस कुछ सांसें चलती है,
कुछ लम्हे बिताने को.

Hunar

2016-02-18T19:19:00.001+05:30

Koi Mujhe bhi sikha de ye pyar karne ka hunar,
Ke har baar ye dil toote mera, mujhe accha nahi lagta.

Mohabbat

2014-08-18T23:57:00.000+05:30

Mohabat kar kisise,
Ye dilo ke armaan badal deti hai,
Ho jaye saccha pyar jise,
Ye vo, insaan badal deti hai.

Kyu Tha

2014-08-13T00:49:00.001+05:30

Har shaqs mujhse anjaana kyu tha,

Vo kisi aur ka dewaana kyu tha,

Pyar main bhi karta tha use beshumaar,

Par usne mujhe thukrana kyu tha?

Vo beeta pal itna suhana kyu tha?

Har roz usne mujhe hasana kyu tha?

Pta tha use ki toot jaunga main,

Fir bhi jaate jaate use rulana kyu tha?

Meri chahat ka aaisa paimaana kyu tha?

Chota sa aashiya mera, toot jaana kyu tha?

Tanhai ka aalam aaisa hai mera, na pucho tum,

Ek mera mujhse se hi ruth jaana kyu tha?

Har shaqs mujhse anjaana kyu tha?

Main tha

2014-08-03T02:09:00.000+05:30

Jab tere paas koi tha nahi, tab tere paas main tha,

Aaj mere paas koi bhi nahi, tu bhi nahi, mian bhi nahi.

Bachpan

2014-08-02T23:42:00.001+05:30

Aaj fir mujhe sone do,

Mere bachpan ki yaado main, mujhe khone do,

Na thi kisi cheez ka darr, na thi koi fikar,

Mujhe vo zindigi ek baar fir jeene do,

Aaj fir mujhe sone do,

Har shakqs tha pyara mujhe, har pal khushiyo se bhara tha,

Na chinta thi koi kabhi, na koi kbhi besahara tha,

Aaj mujhe mere bachpan ke sapne main fir khone do,

Aaj fir mujhe sone do,

Dosto ke saath vo hasi ke pal guzaarna,

Kisi ke baat pe, yu ruth jaana,

Ek choti si baat se, fir jigri dost ban jaana,

Aur kisi bhi baat ko dil se na lagana,

fir mujhe mere bachpan se chup chaap milne do,

Aaj fir mujhe sone do,

Mere bachpan ki yaado man. fir mujhe khone do.

Rehne do

2014-08-02T00:09:00.001+05:30

Main uska gunhegaar hu, mujhe ab gunhegar hi rehne do,

Mera dil bekaraar hai, ise ab bekaraar hi rehne do,

Bewafai meri kismat ne ki mere saath, iska dosh use kyu du,

Meri raaho main ab intezaar hai, ise ab intezaar hi rehne do.

Main uska gunhegaar hu, mujhe gunhegaar hi rehne do.

Mera dil ab viraan hai, ise ab viraan hi rehne do,

mujh pe ik ilzaam hai, ise ab ilzaam hi rehne do,

Rula ke tujhe sukoon se main bhi na reh sakta hu kabhi,

Meri zindigi ek sawaal hai, ise ab sawaal hi rehne do.

Main uska gunhegaar hu, mujhe gunhegaar hi rehne do.

Ek bewafa ban gya hu main, ise ab bewafai hi rehne do,

Juda ho gya apne pyar se, ise ab judai hi rehne do,

Aj bhi tanhai hai iss zindigi main tere bina,

Iss tanhai to ab bas tanhai hi rehne do,

Main uska gunhegaar hu, mujhe gunhegaar hi rehne do.

Rula baithe

2014-07-31T22:07:00.001+05:30

Dukhi nahi hu niraash hu apne aap se,
Ke jise saari zindigi hasaane ka vada kiya tha,
Aj jaane anjaane, use hi rula baitha main.

Keemat

2014-07-31T21:44:00.001+05:30

Kuch bacha nahi zindigi main ab karne ko,

Tere saath the to teri keemat nahi jaani,

Tere jaane pe, ehsaas hua ki har keemat manzoor hai, tujhe paane ko.

Kya hai

2014-07-31T20:00:00.001+05:30

Tujhe kho ke ye jaana, ke khona kya hai,

Tere bina jeena bhi, jeena kya hai,

Kasoor tera nahi meri kismat hi bewafa nikli,

Tujh bin mera hasna, agar hasna ye hai, to fir rona kya hai.

Kaisi uski udaan thi

2014-07-28T18:38:00.001+05:30

Chod chala vo parinda mere aashiyan ko,

jis parindey se meri ek pehchaan thi,

reh gya main fir se akela,

ye jaane kaisi uski udaan thi.

Reh guzar tha vo mera,

meri ek vo jaan thi,

kar gya mujhe be-sahara

ye jaane kaisi uski udaan thi,

Na socha usne ek baar bhi mere vajood ko,

Udd chala vo leke khud ke naseeb ko,

na samjha maine ke, uske dil main bhi armaan thi,

ye jaane kaisi uski udaan thi.

Tanha vo bhi ho ga mere bina, janta ye bhi hu,

chahata vo bhi na tha, jaanta ye bhi hu,

Jaanta hu main ki uski bhi ek pehchaan thi,

ye jaane kaisi uski udaan thi.

Likhta hu

2014-07-26T01:18:00.001+05:30

Main Shabd nahi likhta,

Mann ke jazbaat likhta hu,

Koi kavita na samjahna ise,

Main sirf Tuute dil-o ke halaat likhta hu.

Darta nahi main

2014-07-26T01:06:00.001+05:30

Darta nahi main marne se,

Darta hu tujhse bichadne se,

maut to aani hai ek baar,

Dar lagta hai tujhse bichad ke, roz marr marr ke jeene se.

Layak

2014-07-26T01:03:00.001+05:30

Tera layak nahi main, ye sahi kehti hai tu,

Ye baat agar jhooth hoti, to aj mujhse tu duur na hoti.

Zamane

2014-07-26T00:51:00.001+05:30

Koi hota mera bhi iss zamane main agar,

To yu meri raate, tanha aansuon main na guzarti.

Muskurahat

2014-07-23T21:30:00.001+05:30

Kisi ki muskurahat se uski khushi ka andaaza na laga aye dost,

Ke Aksar, unki muskurahat gamo ko chupane ka ek zaria maatr hua karti hai.

Kareeb

2014-07-22T23:44:00.001+05:30

Kareeb mere the aj vo bahut,
Par har labzz maano hoton pe taher se gaye,
ankhein sirf use hi dekhti reh gai,
aur jazbaat mere ek baar fir sawar gaye.

Nahi Main

2014-07-20T03:20:00.000+05:30

Hawa ka kahi koi jhoka to nahi main,

yaado ki ek saugaat to nahi main,

kisi ke liye pyar kabhi to,

kisi ke liye ek jazbaat to nahi main,

koi mujhe aashiq kehta hai, koi mujhe deewaana,

Koi mujhe paheli kehta, koi mujhe afsaana.

kisi ke dil ka kahi koi dhoka to nahi main,

hawa ka kahi koi jhoka to nahi main.

Kisi Ke liye kahi pagal to nahi main.

Ek dil ke liye kahi ghayal to nahi main,

Hasne ki wjaha kabhi nahi,

Aasun ka tere kaaraan to nahi main,

Aashaon ki bhujhti hui ek lau nahi par,

Ujda hua kisi ka, kahi koi aashiyana to nahi main,

chaha bahut pyar karna kisi ko,

Par uske layak, shayad nahi main.

Shaqs

2014-07-15T02:21:00.001+05:30

Har shaqs dhoondhta hai, mujh main kisi na kisi ko,

Iss kashma-kash main vo, mera hi vajood bhool baithe.

Mere Bagair

2014-07-13T00:32:00.001+05:30

Khush hai kahi tu mere bagair, ye jaanta hu mai,

Par mera haal bhi vahi hai, koi keh nahi sakta.

Mujhe Sone Do

2014-06-14T02:02:00.000+05:30

Ek Aakhri baar mujhe sone do,
Uski yaado ki godd main ek baar aur khone do,
Jee nahi sake uske saath to kya hua,
Marne ke baad ek baar uska hone do.
Ek aakhri baar mujhe sone do.

Maine dekhe bahut the uske saath sapne,
Ki khushiya hongi bahut, daaman me apne,
Ek umeed main hi jaiye jaa rahe the,
Na ho tujhse juda, bas yehi dua kiye ja rahe the,
tere kabil kabhi the na hum, ye jaan gaye,
Aur ek baar mujhe jee bhar ke rone do,
Ek Aakhri baar mujhe sone do,

Aankhe rehti hai namm meri,
Dil main ek tufaan rehta hai,
jaane koi apna ab mujhse hi, yu anjaan kyu rehta hai,
ho jaati ye duriya kamm to jaan leti tum bhi ye,
tere bin ye dil ka aashiya, ab kitna viraan rehta hai