Myanmar Astronomy

အိပ်မက်စေတန်

noreply@blogger.com (mtssnrty) — Wed, 08 Dec 2010 18:37:00 +0000

ဒီ blog အတွက် စာမရေးဖြစ်တာတောင် တော်တော်ကြာသွားပြီ။ အန်တီဆောင်းကိုလဲ post တစ်ခုလောက်တော့ မကြာခင်ရေးပေးပါမယ်လို့ ကတိကလဲ ပေးထားတော့ ဘယ်လို အကြောင်းအရာမျိုးကိုရေးရရင် ကောင်းမလဲဆိုပြီးစဉ်းစားနေတာနဲ့တင် အချိန်က ကုန်ရော။ ဒီလိုနဲဘဲ အန်တီဆောင်းကို Saturn ဂြိုလ် ကိုပို့လိုက်မယ်လို့ ဆုံးဖြတ် လိုက်တယ်။ ဒီလိုဘာလို့ ဆုံးဖြတ်ရတာလဲ ဆိုတာ နည်းနည်းလောက်တော့ ရှင်းပြချင်ပါ တယ်။ ပထမအချက်က အန်တီဆောင်း ကမ္ဘာ မှာရှိနေရင် ပူညံပူညံနဲ့ နောက်ထပ် post တွေ ထပ်ရေးခိုင်း နေမှာစိုးလို့။(နောက်တာပါ)။ ဒုတိယအချက်ကတော့ ဒီ blog မှာ ကျွန်တော်အရင်ကရေးဖူးတဲ့ Asteroid တစ်ခုရဲ့ လမ်းကြောင်းကို ပြောင်းယူခြင်း ဆိုတဲ့ ခေါင်းစဉ် နဲ့ အခုရေးမယ့်အကြောင်းအရာနဲ့ theoretically ချိတ်ဆက်လို့ ရနေတာရယ် ကြောင့်ပါ။ ကျွန်တော်အဲဒီ post ကိုရေးတုန်းကတော့ တကယ်တမ်း asteroid တစ်ခုရဲ့ လမ်းကြောင်း ကို ပြောင်း လို့ရလောက်မယ့် trajectory design ကို ကိုယ်တိုင် မတွက်နိုင် သေးပါဘူး။ အခုတော့ အဲလို trajectory design မျိုး လိုအပ်ရင် တွက်နိုင်မယ့် algorithms တွေ programs တွေ ရေးသင့်သလောက် ရေးပြီးပြီဆို တော့ စမ်းကြည့်ချင် တာနဲ့ဘဲ အန်တီဆောင်းကို Saturn ကို ပို့ ဖို့ ဆုံးဖြတ်လိုက်တော့တယ်။ အဓိက ကတော့ စာဖတ်ပရိတ်သတ်အတွက် ထူးခြားတဲ့ Interplanetary trajectory design တွေနဲ့ မိတ် ဆက်ပေးချင်လို့ပါ။ ဒီနေရာမှာ European Space Agency က ၁၉၉၇ ခုနှစ်မှာ စ လွတ်ပြီး ၂၀၀၄ ခုနှစ်မှာ Saturn ဂြိုလ်ကို ရောက်တဲ့ Cassini Spacecraft ရဲ့ trajectory ကို ပြောပြ ချင်ပါတယ်။ Saturn ဂြိုလ်ကိုရောက်ဖို့ဆိုရင် ကမ္ဘာကနေ တိုက်ရိုက်ပစ်နိုင်ဖို့ လုံလောက် တဲ့ Velocity Impulse ကို ပေးနိုင်ဖို့ဆိုရင် ထည့်ရမယ့် လောင်စာနဲ့တင် ဘာပစ္စည်း မှ စေတန်ကို ရောက်မှာမဟုတ်ပါဘူး။ ဒီနေရာမှာ ESA က အသုံးပြုခဲ့တဲ့ Trajectory က တော့ အောက်ပါအတိုင်းပါ။ Idaea ကတော့ ကမ္ဘာကနေ စေတန်ဂြိုလ်ကို တိုက်ရိုက်ပစ် မယ့်အစား လိုအပ်တဲ့ Velocity ကို Venus ဂြိုလ်ရဲ့ ဆွဲအားကို လွဲအား အဖြစ် အသုံးပြုပြီး ပြန်ထွက်လာမယ့် Spacecraft ရဲ့ လမ်းကြောင်းကို ကမ္ဘာရဲ့ဆွဲအား ဂျူပီတာ တို့ရဲ့ ဆွဲအားတွေနဲ့ ထိမ်းပြီး စေတန်ဂြိုလ်ကို အရောက် သွားဖို့ပါဘဲ။ အဲလိုသာ သွားနိုင်မယ်ဆို ရင် အသုံးပြုရမယ့် Energy က Venus ကိုသွားလို့ရမယ့် Energyသာသာဘဲကုန်ပါလိမ့်မယ်။

ဒီ Trajectory ရဲ့ အဓိက အားနည်းချက်ကတော့ ဒီလို Trajectory မျိုး realize လုပ်ဖို့ နှစ်တွေအများကြီးထပ်ထပ် ပြီး စောင့်ရမှာမို့လို့ပါ။ အဓိကကတော့ ဗီးနပ်စ်၊ကမ္ဘာ၊ ဂျူပီတာ နဲ့ စေတန်တို့ရဲ့ အနေအထားပါဘဲ။ ဒီနေရာမှာ အရေးအကြီးဆုံးကတော့ ဂျူပီတာ နဲ့ စေတန်တို့ရဲ့ အနေအထားက ပုံမှာပြထားတဲ့အတိုင်း အလိုက်သင့်ရှိဖို့ပါဘဲ။ ဒီလိုမျိုး နောက်တစ်ကြိမ်ဖြစ်ဖို့ဆို၇င် ဂျူပီတာက နေကို တစ်ပတ်ပတ်ပြီး နောက်တစ်ကြိမ် စေတန် ကို လိုက်မီခါနီး အချိန်ပါ။ ဗီးနပ်စ်နဲ့ ကမ္ဘာ ရဲ့ အနေအထားကတော့ လိုအပ်သလို ကစားလို့ လွယ်ပါတယ်။ ဘာလို့လဲဆိုတော့ ဗီးနပ်စ်နဲ့ ကမ္ဘာ တို့ဟာ ဂျူပီတာတို့ စေတန်တို့ နေကို ပတ်နေတဲ့ velocity နဲ့ ပိုပြီးမြန်တဲ့ velocity တွေနဲ့ ပတ်နေလို့ပါဘဲ။
ဒီနေရာမှာ အဲဒီ trajectory ရဲ့ အသေးစိတ်အချက်အလက်တွေကို ရဖို့ကတော့ ခက်ခဲပါလိမ့်မယ်။ထို့အတူဘဲ ရလာတဲ့ trajectory အတိုင်း သွားနိုင်မယ့် Spacecrft ကို
တည်ဆောက်ဖို့လဲမလွယ်ပါဘူး။ trajectory design လုပ်ရာမှာတော့ အောက်ပါ theories
တွေကို ပိုင်ပိုင်နိုင်နိုင် ပေါင်းစပ်အသုံးပြုနိုင်မှအဆင်ပြေမှာပါ။ အဒါတွေကတော့
1. Solving Lambert’s problem
2. Gravity assist trajectory design
3. Deep space maneuvers
4. Lowden’s Primer theory and their application တို့ပဲဖြစ်ပါတယ်။
ပုံမှန်အားဖြင့်တော့ အဲဒီ trajectory ကို အောက်ပါအတိုင်း အပိုင်းလိုက် ခွဲခြားလို့ရပါတယ်။
1. Earth-Venus
2. Venus-Venus
3. Venus-Earth
4. Earth-Jupiter
5. Jupiter-Saturn တို့ပဲဖြစ်ပါတယ်။
အဲဒီတစ်ပိုင်းစီကို ရှင်းဖို့ sub program တွေရေးရာမှာ အထက်မှာဖော်ပြထားတဲ့ theories တွေကို ပေါင်းစပ်အသုံးပြုရမှာဖြစ်ပါတယ်။ ပထမတော့ ဒီလမ်းကြောင်းတစ်လျှောက် ပါဝင် မယ့် အချိန်အလိုက် တည်နေရာ၊ အလျှင်တွေကို သိနိုင်မယ့် planetary နဲ့ပတ်သက်တဲ့ background programs တွေ ရှိရမယ်။ ပြီးရင် အထက်မှာဖော်ပြထားတဲ့ theories တွေ ကိုသုံးမယ့် subprograms တွေရှိရမယ်။ ပြီးရင် trajectory အပိုင်းတစ်ခုစီအတွက် subprograms တွေရှိရမယ်။ ပြီးရင်တော့ Earth-Saturn သွားဖို့အတွက် အထက်ပါ subprograms တွေကိုသုံးပြီး global optimization problem တစ်ခုကို formulate လုပ်ပြီး ရှင်းရမှာပေါ့။ ဒီနေရာမှာ အောက်ဖော်ပြပါ objective function ကို minimize လုပ်ရမှာပေါ့။

ဒီ function ကတော့ vector X အပေါ်မူတည်တဲ့ velocities impulses စုစုပေါင်းပါဘဲ။ vector X ကတော့အောက်ပါအတိုင်း ပါ။

အဒီ vector X မှာပါဝင်တဲ့ အချက်တွေကတော့ ဘယ်နေ့ ဘယ်ရက် ဘယ်အချိန်မှာ ကမ္ဘာ ကနေ velocity ဘယ်လောက်နဲ့ စထွက်ရမယ်၊ ပြီးရင် လမ်းကြောင်းမှာ ဘယ်အချိန် ဘယ်နေရာမှာ DSM ဘယ်လောက်ကို ဗီးနပ်စ်မရောက်ခင် ပေးမယ်၊ဗီးနပ်စ်ကို အချိန် ဘယ်လောက်ကြာကြာ ပျံသန်းမယ်၊ ဗီးနပ်စ်နားက ဘယ်လောက်အကွာအဝေးကနေ ဘယ်လောက်အလျှင်နဲ့ ဖြတ် ပျံမယ် စသည်ဖြင့် အပိုင်းတစ်ခုချင်းစီအလိုက်အဒီအချက် တွေအကုန်အပြင် နောက်ဆုံး စေတန်ရောက်ရင် ဘယ်လောက် Velocity နဲ့ break လုပ်ရ မယ်ဆိုတဲ့အချက်တွေပါ။ အခုစေတန်သွားမယ့် trajectory မှာဆိုရင် အဲလိုအချက်မျိုး (26) ချက်အပေါ် မူတည်နေပါတယ်။ maths စကားနဲ့ ပြောရမယ်ဆိုရင်တော့ decision vector ရဲ့ length က အရမ်းရှည်နေတော့ objective function ကို minimize လုပ်ရမှာ မလွယ်ဘူးပေါ့။ local minimum ပေါင်း အများကြီးရှိနိုင်ပြီး အဲဒီအထဲကမှ global minimum ရှာရမှာကတော့ mathematical super challenge တစ်ခုပါဘဲ။ ယနေ့ခေတ် မှာတော့ global optimization နဲ့ ပတ်သက်တဲ့ methods တွေကတော့ အများကြီးပေါ့။ ဥပမာအားဖြင့်ဆိုရရင်တော့
1. Genetic algorithms
2. Differential evolution algorithms
3. Particle swarm optimization စသည်ဖြင့်ပေါ့လေ။ ခက်တာက အဲဒီ method
တွေက ကျွန်တော်တို့ formulate လုပ်ထားတဲ့ objective function ရဲ့ global minimum point ကို ရှာတွေ့မယ်ဆိုတဲ့ warranty မရှိတာဘဲ။ ကျွန်တော်တို့ ရှင်းရမယ့် ပုစ္ဆာကလဲ သူ့ maths စာအုပ်တွေထဲမှာ ရှင်းပြထားတဲ့ example မျိုးမှမဟုတ်တာ။ ရှည်လျားထွေပြား တဲ့ equations ပေါင်းမြောက်များစွာကို အပတ်ပေါင်းများစွာပတ်ထားတဲ့ subprograms ပေါင်း များစွာကို ပေါင်းစပ်ပြီးရေးထားတဲ့ function ကို minimize လုပ်ရတာဆိုတော့လဲ ဘယ်လွယ်ပါ့မလဲ။ theory အရ အဖြစ်နိုင်ဆုံး Initial guess ကိုပေးနိုင်ရင်တော့ အဖြေ
ကောင်းလေးတွေရနိုင်တာပေါ့။
ဒီနေရာမှာ ကျွန်တော်ပြောချင်တာက အဲဒီ ခက်ခဲပါတယ်ဆိုတဲ့ Interplanetary trajectory optimization problem တစ်ခုကို ကျွန်တော်လဲ တည်ကြည့်ပြီး ရှင်းလို့ရလာ တဲ့ results ကောင်းလေးတွေအကြောင်းပါ။ အဲဒါကတော့ Saturn ကို ESA က သွားတဲ့လမ်းကြောင်းလိုမျိုး ဘယ်တော့ ဘယ် လို ထပ်သွားရင် ရမယ်ဆိုတာပါဘဲ။ *****(အန်တီဆောင်းရေ အခုကျွန်တော် အောက်မှာ ရေးပြမယ့် အချိန်ကန့်သတ် ချက်တွေ လမ်းကြောင်းတွေအတိုင်း စေတန်ဂြိုလ်ကို သွားရမယ်။ အထုပ်ပြင်ထား။ ပြီးရင်တော့ တိုက်တန် လ ပေါ်က titanium ပျော်ရည်တွေ ယူပြီး ကမ္ဘာ ကိုပြန်လာ လို့ရမယ့် လမ်းကြောင်းကို ဆက်တွက်ပြီးရင် ပြန်လာခေါ်မယ်။)*****
စေတန်ကိုသွားရမယ့် အချိန်ဇယားကတော့အောက်ပါအတိုင်းပါ။ ၂၀၁၈ ခုနှစ်၊ စက် တင်ဘာလ၊ (၂) ရက်နေ့မှာ ကမ္ဘာ ကနေစထွက်ပါမယ်။ နောက်ထပ် ရက်ပေါင်း (၁၄၃.၈) ရက် မှာတော့ ဗီးနပ်စ်နားက ဖြတ်ပျံပါမယ်။ နောက်ထပ်ရက်ပေါင်း (၃၉၇.၂) ရက်မှာ ဗီးနပ်စ်နားက နောက်တစ်ကြိမ်ဖြတ်ပျံပါမယ်။ အဲဒီဗီးနပ်စ်နားက ဖြတ်ပျံလာမယ့် ယာဉ်ဟာ ရက်ပေါင်း (၆၀.၄) အကြာမှာ ကမ္ဘာ နားကဖြတ်ပျံပြီး နောက်ထပ်ရက်ပေါင်း (၄၃၅.၄) ရက်မှာ ဂျူပီတာဂြိုလ်နားကို ဖြတ်ပျံပြီး နောက်ထပ်ရက်ပေါင်း (၁၃၈၈.၄) ရက်မှာတော့ စေတန်ဂြိုလ် ကို ရောက်မှာပါ။ အစအဆုံးဆိုရင်တော့ ရက်ပေါင်း (၂၄၂၅.၂) ရက်ကြာမှာ
ပါ။
ကမ္ဘာနဲ့ တခြားဂြိုလ်တွေရှိရမယ့် နေရာတွေက အောက်ဖော်ပြပါ အတိုင်းပါ။

ဒီနေရာမှာ Rpl1AU ဆိုတာကတော့ ကမ္ဘာကနေ စထွက်တဲ့ အချိန် ကမ္ဘာရှိရမယ့် နေရာပါ။ heliocentric ecliptic coordinate system မှာရေးထားတာပါ။ unit ကတော့ Astronomical unit ဖြစ်ပါတယ်။ 1 AU ကို ၁၄၉၅၉၈၀၀ ကီလိုမီတာရှိပါတယ်။ Rpl2AU က ဗီးနပ်စ်နားကို ပထမအကြိမ် ဖြတ်တဲ့အခါ ဗီးနပ်စ် ရှိရမယ့်နေရာပါ။ Rpl3AU က ဗီးနပ်စ်နားကို ဒုတိယအကြိမ် ဖြတ်တဲ့အခါ ဗီးနပ်စ် ရှိရမယ့်နေရာပါ။ Rpl4AU က ဗီးနပ်စ် ကနေအပြန် ကမ္ဘာနားက ဖြတ်တဲ့အခါ ကမ္ဘာ ရှိရမယ့်နေရာပါ။ Rpl5AU ကတော့ ဂျူပီတာ နားက ဖြတ်တဲ့အခါ ဂျူပီတာ ရှိရမယ့်နေရာဖြစ်ပြီးတော့ Rpl6AU ကတော့ ကျွန်တော်တို့ စေတန်ကို ရောက်တဲ့ အချိန်မှာ စေတန်ရှိရမယ့်နေရာပါ။
အဲဒီလို ဂြိုလ်တွေနားက ဖြတ်ပျံတဲ့အခါ ဂြိုလ်နဲ့ အနီးဆုံးကပ်ရမယ့် အကွာအဝေး တွေကတော့ အောက်ပါအတိုင်းပါ။
*1000 ကီလိုမီတာ
ဗီးနပ်စ်(၁) 9.40426
ဗီးနပ်စ်(၂) 6.251800
ကမ္ဘာ 8.249881
ဂျူပီတာ 52678.53764129530
အောက်ဖော်ပြပါဇယားကတော့ ဂြိုလ်တစ်ခုနဲ့ တစ်ခုကြား velocity impulse (Deep Space Maneuver) ပေးရမယ့် နေရာ၊ အချိန် နဲ့ ပမာဏ ပါ။

ကမ္ဘာ့ဆွဲအားထဲကနေ လွတ်သွားဖို့ ပထမဦးဆုံး 4.064920 km/sec velocity impulse ပေးရမှာဖြစ်ပြီးတော့ နောက်ဆုံး စေတန်ဂြိုလ်ရဲ့ ပတ်လမ်းထဲကို ရောက်ဖို့ 0.5329656 km/sec velocity impulse ပေးရမှာဖြစ်ပါတယ်။ တခြား trajectory နဲ့ ပတ်သက်တဲ့ အချက်အလက်တွေတော့ စာဖတ်သူတို့ အာရုံနောက်ကုန်မှာစိုးလို့ ထပ်ပြီး မရေးပြတော့ပါဘူး။
နောက်ဆုံးအနေနဲ့ ဒီ trajectory ရဲ့ အားသာချက်ကိုပြောချင်ပါတယ်။ အဲဒါကတော့ ဒီ mission တစ်ခုလုံးစာအတွက်ကို total velocity impulse 5.68047932 km/sec ပဲ ပေးရမှာ ဖြစ်ပါတယ်။ အဲဒီပမာဏဟာ ကျွန်တော်တို့ ကမ္ဘာမှာ လက်ရှိအသုံးပြုနေတဲ့ rocket တွေနဲ့ အထောက်အပံ့ပေးလို့ ရနိုင်မှာဖြစ်ပါတယ်။ အဲတော့ လက်ရှိကမ္ဘာမှာ ရှိတဲ့ rocket တွေရဲ့ performance အရ စေတန်ဂြိုလ်ကို တိုက်ရိုက်သွားဖို့ မလွယ်သေးတဲ့ အချိန်မှာ ဒီလမ်းကြောင်း (trajectory) သာလျင် စေတန်ဂြိုလ်ကို သွားဖို့ အကောင်းဆုံးပါ လို့ပြောချင်ပါတယ်။ အဲဒါကြောင့်မို့လို့လဲ ESA က ဒီလမ်းကြောင်းမျိုးကို တွက်ပြီး လက် တွေ့စမ်းသပ်ကြည့်ပြီးပါပြီ။ စေတန်ဂြိုလ်ကို နောက် တစ်ကြိမ် ထပ်သွား လို့ရနိုင်မယ့် ကျွန်တော် တွက်ချက်ရှာဖွေ ဒီဇိုင်းလုပ်ထားတဲ့ လမ်းကြောင်းကတော့ အောက်ပါအတိုင်း ပါလို့ပြောရင်း ဒီ post ကို နိဂုံးချုပ်လိုက်ပါတယ်။

ဆက်လက်ကြိုးစားပါဦးမည်။
MTSSNRTY

၂၀၁၂ခုနှစ်မှာ ကမ္ဘာပျက်ခြင်း ပြဿနာ၏ နောက်ဆုံးအဖြေ

noreply@blogger.com (SLIP) — Mon, 11 Oct 2010 21:25:00 +0000

မြန်မာနိုင်ငံ အပါအ၀င် ကမ္ဘာတလွှားက အင်တာနက် သုံးစွဲသူတွေဆီကို Forward Mailအနေနဲ့ ပျံနှံ့ရောက်ရှိနေခဲ့တဲ့ မေးခွန်းကတော “၂၀၁၂ခုနှစ်မှာ ကမ္ဘာပျက်မှာလား”ဆိုတဲ့ မေးခွန်းပါ။ နီဘီရူယှဉ်တွဲမှုဖြစ်ရပ် (Nibiru Collision)လို့ ခေါ်ကြတဲ့ အဲဒီကိစ္စဟာ တကယ်ဖြစ်လာမှာ မဟုတ်ပါဘူးလို့ NASA (အမေရိကန် အမျိုးသား အာကာသ အေဂျင်စီ)က ပညာရှင် တစ်ဦးက ပြောသွားခဲ့ပါတယ်။ နီဘီရူကိစ္စဟာ ကြီးမားလှတဲ့ ဂြိုဟ်အပိုင်းအစကြီးတစ်ခု ကမ္ဘာမြေကို (၂၁)ရာစု အစောပိုင်းမှာ တိုက်ရိုက်ထိမှန်မယ် (ဒါမှမဟုတ်) ကမ္ဘာနားက ကပ်ပြီးဖြတ်သွားမယ်ဆိုတဲ့ အယူအဆကို အခြေခံပြီး လူပြောများလာတာပါ။ ဒီအကြောင်းကို (၁၉၉၅)ခုနှစ်က zetatalk၀က်ဘ်ဆိုက် တည်ထောင်သူ အမျိုးသမီး နန်စီလေဒါက စပြီးတော့ ဖော်ထုတ်ခဲ့တာပဲ ဖြစ်ပါတယ်။ နန်စီဟာ သူ့ကိုယ်သူ စိတ်ဝိဥာဉ် ပေါင်းကူးနိုင်စွမ်းရှိတယ်လို့ ကြေညာထားပြီး Zeta Reticuli ကြယ်စင်ကြီးက တခြားသက်ရှိတွေနဲ့ စိတ်ချင်းစကားပြောနိုင်တယ်လို့ ဖော်ထုတ်ပြောကြားခဲ့ပါတယ်။ သူဟာ ပထမဆုံး မေလ(၂၀၀၃)ခုနှစ်မှာ ကမ္ဘာရှိတဲ့ နေစကြာဝဠာ တစ်ခုလုံး ပျက်သုဉ်းတော့မယ်လို့ သူ့ကိုမိတ်ဆွေဂြိုဟ်သားတွေက အသိပေးတယ်လို့ ပြောခဲ့ပါတယ်။ နောက်ပြီးတော့ တကယ်တမ်း ကမ္ဘာပျက်မှာ (၂၀၁၀)ခုနှစ်ဝန်းကျင်လို့ ပြောင်းပြီးပြောပြန်ပါတယ်။ ဘာကြောင့်လဲဆိုတော့ ၀င်ရိုးစွန်းနေရာ ရွေ့သွားတာကြောင့်မို့လို့ပါဆိုပြီး နန်စီက ပြောခဲ့သလို အဲဒီနောက်မှာတော့ လူသားမျိုးပြုတ်မယ့် ဖြစ်ရပ်ဆိုးကြီး ကြုံတွေ့မယ့် ကမ္ဘာပျက်သောနေ့ (Doomsday)ကို ကြုံရတော့မယ်လို့ ခြိမ်းခြောက်ခဲ့ပါတယ်။

ဒီအတွေးအခေါ်အရ ကမ္ဘာနဲ့ရွယ်တူလောက်ရှိတဲ့ ဂြိုဟ်ပဲ့ကြီးတစ်ခုဟာ (၂၀၁၂)ခုနှစ်လောက်မှာ လူသားတွေနေတဲ့ ကမ္ဘာကို ဦးတည်ရောက်ရှိလာမှာပါတဲ့။ တိုက်ရိုက်တိုက်မိခဲ့ရင် ကမ္ဘာတစ်ခုလုံး ပျက်စီးသွားမှာဖြစ်သလို ကပ်ပြီးဖြတ်သွားရင်တောင် အရှိန်ပြင်းလွန်းတာကြောင့် လူသားမျိုးနွယ် ပြုတ်ပြုတ်ပြုန်းလုနီးပါး ဖြစ်သွားမယ်လို့ ဆိုပါတယ်။ နန်စီရဲ့ လက်တွေ့မကျတဲ့ အယူအဆဟာ အစွန်းရောက် ဘာသာရေး အဖွဲ့တွေရဲ့ ၀ါဒဖြန့်မှုနဲ့အတူ ကြီးထွားလာပြီး “(၂၀၁၂)မှာ ကမ္ဘာပျက်မှာလား”ဆိုတဲ့ မေးခွန်းကို လူပြောများလာခဲ့တာ ဖြစ်ပါတယ်။ ကမ္ဘာပျက်မယ့်နေ့လို့ ခန့်မှန်းထားတဲ့ အဲဒီဖြစ်ရပ်ကြီးကို Code Nameအနေနဲ့ ပေးထားတဲ့ နီဘီရူဆိုတာ ရှေးဟောင်း ဘေဘီလုံ လူမျိုးစုတွေရဲ့ နက္ခဗေဒ ပညာရပ်ထဲက ဆိုးရွားကြမ်းကြုတ်တဲ့ အချိန်ကာလတစ်ခုရဲ့နာမည်ကို မှည့်ခေါ်ထားတာပါ။ နောက်ပြီးတော့ “ကောင်းကင်ဘုံရဲ့အလွန်”လို့လည်း အဓိပ္ပါယ် သတ်မှတ်နိုင်ပါတယ်။ ကမ္ဘာပျက်မယ့်နေ့ဆိုတဲ့ အခြေအမြစ်မရှိ ခန့်မှန်းအတွေးအခေါ်တွေအရ Xဂြိုဟ် (ဒါမှမဟုတ်) နီဘီရူလို့ နာမည်ပေးထားတဲ့ စကြာဝဠာ ဂြိုဟ်ပဲ့ကြီးတစ်လုံးဟာ ကမ္ဘာကို (၂၀၁၂)ခုနှစ်မှာ တိုက်ရိုက်ဝင်တိုက်တော့မှာလို့ ယုံကြည်နိုင်ပါတယ်။

NASAရဲ့ ပညာရှင် တစ်ဦးဖြစ်တဲ့ ဒေးဗစ်မော်ရစ်ဆန်ကတော့ ဒီကိစ္စကို ရယ်စရာ အိပ်ယာဝင် ပုံပြင်ကောင်းတစ်ခုလို့ ယူဆထားတာပါ။ “နီဘီရူဆိုတာ ကျွန်တော်တို့ရဲ့ လက်တွေ့လေ့လာမှုထဲမှာ လုံးဝမရှိတဲ့အရာဆိုတာ ခင်ဗျားတို့ သိဖို့တော့ လိုမှာပါ”လို့ မော်ရစ်ဆန်က Washington Post သတင်းစာကြီးနဲ့ အင်တာဗျူးမှာ ပြောသွားပါတယ်။ (၂၀၁၂)ခုနှစ်မှာ ကမ္ဘာနဲ့ Xဂြိုဟ်ဝင်တိုက်လို့ ကမ္ဘာကြီး ပျက်တော့မယ်ဆိုတာဟာ လူ့သမိုင်းခေတ်သစ်တစ်ခုကို စတော့မယ်လို့ စိတ်ကူးယဉ်ဇာတ်ကားကောင်းကောင်း ရိုက်ချင်နေတဲ့ ဟောလီးဝုဒ် ကုမ္ပဏီတွေအတွက် အခွင့်အရေးကောင်းတစ်ခုထက် ဘာမှမပိုဘူးလို့ မော်ရစ်ဆန်က ဆိုပါတယ်။ ရှေးဟောင်းဆူမားရီးယန်း မျိုးနွယ်စုတွေရဲ့ မှတ်တမ်းထဲမှာ Zenchriaဆိုတဲ့ ခေတ်တစ်ခုတုန်းက နီဘီရူဆိုတဲ့ ကြယ်ကြီးကို မြင်လိုက်ရတဲ့အကြောင်း မှတ်တမ်းကလွဲပြီး သမိုင်းတလျှောက် ဘယ်သူမှ နီဘီရူဆိုတဲ့ စကြာဝဠာထဲက ဂြိုဟ်ပဲ့ကြီးအကြောင်း ပြောခဲ့၊ ရေးခဲ့တာ မရှိပါဘူး။ တကယ်တော့ဒါဟာ လူ့သမိုင်းကို အခြေခံ ခုတုံးလုပ်ပြီး လုပ်ကြံထားတဲ့ ဇာတ်လမ်းသာဖြစ်ပါတယ်လို့ မော်ရစ်ဆန်က ပြောပြခဲ့ပါတယ်။ ဘာကြောင့်လည်းဆိုတော့ မာယာလူမျိုးစုတွေရဲ့ ကာလရှည်ကြာ ပြက္ခဒိန်ကလည်း (၂၀၁၂)ခုနှစ် ကျရောက်တဲ့အချိန်မှာ ကမ္ဘာပျက်မယ်လို့ ဇာတ်လမ်းကောင်းကောင်းလေးတစ်ခု ဖန်တီးထားခဲ့တာကလည်း ရှိနေတာမို့ပါ။

မာယာတွေ ယုံကြည်ထားတာအရ Batun 13ဆိုတဲ့ အချိန်ယန္တယားစက်ဝိုင်း ကုန်ဆုံးသွားပြီးတဲ့အချိန်ဖြစ်တဲ့ (၂၀၁၂)ခုနှစ်လောက် ကာလမှာ Batun 14ဆိုတဲ့ အချိန်စက်ဝိုင်း နောက်တစ်ခု စပါလိမ့်မယ်။ အဲဒီအချိန်မှာ ကမ္ဘာတစ်ခါပျက်မယ်လို့ ဆိုထားတာကိုး။ ဒါပေမယ့် သိပ္ပံပညာရှင်တွေကတော့ (၂၀၁၂)ခုနှစ်မှာ ကမ္ဘာကြီးကို ဘယ်အာကာသ တိုက်ခိုက်မှုမှ ရောက်လာမှာ မဟုတ်ဘူးလို့ အာမခံထားပါတယ်။ ကမ္ဘာပျက်မယ့်နေ့ကို အတိအကျ မသိနိုင်ပေမယ့် (၂၀၁၂)ခုနှစ်ထိတော့ ကမ္ဘာဟာ အကောင်းအတိုင်း ရှိနေမှာပါ။ တကယ်တော့ အရင်ကလည်း ခုလိုမျိုး ကမ္ဘာပျက်မယ်ဆိုတဲ့ စိတ်ကူးယဉ် ကောလဟာလတွေ ရှိခဲ့တဲ့ ဥပမာတွေ အများကြီးပါ။ ထင်ထင်ရှားရှား တစ်ခုအနေနဲ့ အက်ပေါ့ဟစ် (Apophis)ဆိုတဲ့ ဂြိုဟ်သိမ်ဂြိုဟ်မွှားကြီး တစ်ခုဟာ ကမ္ဘာနားက (၂၀၂၉)၊ (၂၀၃၆)နဲ့ (၂၀၆၈)ခုနှစ်တွေမှာ (၃)ခါဖြတ်သွားပြီး အဲဒီအချိန်ကျရင် လူတွေသောက်သောက်လဲ သေကြမယ်လို့ သတင်းကြီးခဲ့ပါသေးတယ်။ ဒါပေမယ့် တိုင်းတာမှုတွေအရ အဲဒီဂြိုဟ်သိမ်ကြီး ကမ္ဘာနားက ဖြတ်သွားချိန်မှာ အနည်းဆုံး မိုင်(၁၈၀၀၀)လောက် ဝေးနေမှာဖြစ်ပြီး ဒါဟာလုံးဝလုံခြုံ စိတ်ချရတဲ့ အကွာအဝေးပါလို့ ပညာရှင်တွေက အတိအလင် ခိုင်ခိုင်မာမာ ပြောကြားထားပါတယ်။ ဘာပဲဖြစ်ဖြစ် (၂၀၂၉)ခုနှစ်နား နီးလာရင် “အက်ပေါ့ဟစ်ကြီး ကမ္ဘာကို ၀င်တိုက်ရင် ဘယ်လိုလုပ်မလဲ”ဆိုတာ တွေ့ရကြုံရ၊ ဗျာများရအုံးမယ့် မေးခွန်းပါ။ “အဲဒီအခါကျတော့လည်း ကျွန်တော်တို့က ပြည်နယ်တစ်ခုစာလောက်တော့ ပြာကျသွားမှာပေါ့လို့ ဖြေလိုက်ကြတာပေါ့”လို့ မော်ရစ်ဆန်က ရယ်ရယ်မောမော ပြောသွားခဲ့ပါတယ်။

Dooms Day

Source: planet, Wikipedia, tgdaily

၂၀၁၂ ပြဿနာ

noreply@blogger.com (ကိုပခန်း) — Fri, 08 Oct 2010 03:08:00 +0000

၂၀၁၂ နှင့်ပတ်သတ်၍ ဆရာနျူမာန် ရေးသားပြုစုထားသည်ကို အောက်ပါလင့်တွင် ဖတ်ရှုနိုင်ပါကြောင်း အကြံပေးပါရစေခင်ဗျာ။

http://celestial.technohalo.com/search/label/2012

အထက်ပါလင့်မှာ စာရေးသူ ဆရာနျူမာန်၏ အောက်ပါစာအုပ်မှ အကြောင်းအရာများကို ဆရာ့ခွင့်ပြုချက်ဖြင့် စာစီထားခြင်းဖြစ်ပါတယ်။

တစိပို့ချင်း ခွဲဖတ်မယ်ဆိုရင်တော့ အောက်ပါလင့်များအတိုင်း ဖတ်ရှုနိုင်ပါတယ်။

2012?

၂၀၁၂ ပြဿနာ အပိုင်း(၁)

၂၀၁၂ ပြဿနာ အပိုင်း(၂)

၂၀၁၂ ပြဿနာ အပိုင်း (၃)

၂၀၁၂ ပြဿနာ အပိုင်း (၄)

၂၀၁၂ ပြဿနာ အပိုင်း (၅)

၂၀၁၂ ပြဿနာ အပိုင်း (၆)

၂၀၁၂ ပြဿနာ အပိုင်း (၇)

၂၀၁၂ ပြဿနာ အပိုင်း (၈)

၂၀၁၂ ပြဿနာ အပိုင်း (၉)

ကိုယ်စိတ်နှစ်ဖြာ ကျမ်းမာချမ်းသာကြပါစေခင်ဗျ။

ကိုပခန်း

၂၀၁၂ မှာ တကယ်ပဲ ကမ္ဘာပျက်မှာလား ( 2012 Dec 21 is really our Doomsday?)

noreply@blogger.com (ခွန်း) — Mon, 02 Nov 2009 22:35:00 +0000

ဒီပို့စ်ကို တင်သင့် မတင်သင့် တော်တော်စဉ်းစားပြီးမှ တင်လိုက်တာပါ။ အခြား အကြောင်း အရာတွေက ကိစ္စမရှိပေမယ့် ဒီအကြောင်းအရာက သေချာ မစဉ်းစားရင် စိတ် အနှောက်အယှက် ဖြစ်စေလို့ပါ။ ဒီပို့စ်ကို ဖတ်တဲ့ သူတိုင်း မြတ်စွာဘုရား ဟောကြားခဲ့တဲ့ ကာလာမသုတ် ကို နှလုံးသွင်းပါလို့ ပြောပါရစေ။
အခု ကျနော်ရေးမယ့် အကြောင်းအရာက ကြည့်မိတဲ့ သူတွေအကြားမှာ လှုပ်လှုပ်ရှားရှား ဖြစ်သွားစေတဲ့ စကြာဝဠာ နဲ့ ပါတ်သတ်တဲ့ YouTube video တွေအကြောင်းပါ။ အဓိက အကြောင်းအရာက ၂၀၁၂ ခုနှစ် ဒီဇင်ဘာ ၂၁ မှာ ကမ္ဘာပျက်မယ် ဆိုတဲ့ ကိစ္စပါ။ အဲဒီ ဗွီဒီယို တွေကို Doomsday, Nibiru, Planet X, 2012 December 21 ဆိုတဲ့ keyword တွေနဲ့ အလွယ်တကူ ရှာ တွေ့နိုင်ပါတယ်။ သူတို့တွေ ပြောကြတဲ့ ဦးတည်ချက်က တစ်ခုတည်းပါ။ ၂၀၁၂ မှာ ကမ္ဘာ ပျက်မယ် ဆိုတဲ့ အကြောင်းအရာပါ။ ဘာကြောင့် ပျက်မှာလဲ။ ဘယ်လိုပျက်မှာလဲ။ သူတို့ ရေးတဲ့ အတိုင်း ကျနော် ပြန်ရေးပါ့မယ်။ အောက်မှာ ရေးထားတဲ့ အကြောင်းအရာဟာ ကျနော့် စာသား မဟုတ်ပါ။ သူတို့ ရေးထားတာကို တိုက်ရိုက်ဘာသာ ပြန်ပေးတာ ဖြစ်ပါတယ်။ (ပေရှည် နေတာတွေကို ဖျက် ထုတ်ခဲ့ပါတယ်)

ကမ္ဘာပေါ်က အချို့ သော အကြောင်းအရာတွေဟာ ရှင်းပြ နိုင်တဲ့ အကြောင်းအရာတွေ မဟုတ်ကြ ပါဘူး။ ဥပမာ - Stonehenge နဲ့ Easter Island တို့လိုပေါ့။ သေချာ ရှင်းမပြနိုင်တဲ့ အရာတွေ အဖြစ် ယနေ့ထိ ရှိနေဆဲပါ။ သူတို့ကို ဘယ်သူ တည်ဆောက်ခဲ့တယ်၊ ဒါမှမဟုတ် ဘယ်လို ဖြစ်လာခဲ့တယ် ဆိုတာ ဘယ်သူမှ ရာနှုန်းပြည့် မပြောနိုင်ပါဘူး။ (ပုံမှာ Stonehenge နဲ့ Easter Island ပေါ်က အရုပ်တွေကို ပြထားပါတယ်။ Easter Island က သြစတေးလျ နဲ့ ချီလီ အကြားက ပစိဖိတ် ရေပြင်ကျယ် ကြီး အလယ် လောက်မှာ ရှိတာ၊ ဘယ်တုန်းက များ ရှေးဟောင်း လူတွေ ရောက်ပြီး ဒါတွေ လုပ်သွားလဲ.. ကျနော်လည်း အံ့သြော မိပါတယ်)။ ကျနော် အခုရှင်းပြမယ့် အကြောင်း အရာကလည်း သေချာ ရှင်းမပြ နိုင်တဲ့ အကြောင်းအရာ တစ်ခုပါ။ ကမ္ဘာ ကြီးပျက်မယ့် နေ့စွဲကို ပြောတာပါ။ အဲဒီ နေ့စွဲက ၂၀၁၂ ဒီဇင်ဘာ ၂၁ ရက်နေ့ ဖြစ်ပါတယ်။ အဲဒီနေ့လို့ ပြောလိုက်တဲ့ အတွက် ကျနော့်လိုပဲ ခင်ဗျားလည်း အံ့အားသင့် သွားနိုင်ပါတယ်။ ဒါပေမယ့် NASA နဲ့ Governments တွေကတော့ အံ့အား သင့်မယ် မဟုတ်ပါဘူး။ ဘာလို့လဲ ဆိုတော့ သူတို့ဟာ ၁၉၈၃ ခုနှစ်ကတည်းက ဒီအကြောင်းကို သိနေကြ နှင့်ပြီးသား ဖြစ်နေလို့ပါ။ ဘာကို သိနေကြ တာပါလဲ။ အခုဘယ်သူတွေက ကျနော်တို့ ကမ္ဘာနဲ့ ပါတ်သတ်ပြီး သတိပေးခဲ့သလဲ ဆိုတာ ကြည့်ကြ ရအောင်ပါ။
Nostradamus ကပြောပါတယ်၊ စကြာဝဠာအတွင်းက ကြီးမားလှတဲ့ အရာဝတ္ထုတစ်ခုဟာ ကျနော်တို့ ကမ္ဘာဆီကို ဦးတည်ပြီး လာနေပါတယ်။ သူ့ရဲ့ နေပါတ်လမ်းဟာ နှစ်ပေါင်း ၃၆၀၀ မှာ တစ်ပါတ် ပြည့်ပြီး ၂၀၁၂ ခုနှစ်မှာ ကျနော်တို့ ဆီကို ရောက်ပါမယ်၊ ဒါပေမယ့် ကမ္ဘာကို ဝင်တိုက်မိမှာတော့ မဟုတ်ပါဘူး။ Albert Einstein က pole shift နဲ့ ပါတ်သတ်ပြီး သတိပေး ခဲ့ပါတယ်။ pole shifting အချိန်မှာ လူသားတွေ အပြင်းအထန် ခံစားရမယ် ဆိုတာပါ။ မာယန် ပရောဖက် တွေရဲ့ The Tzolkin ဆိုတဲ့ ပြက္ခဒိန်မှာ ၂၀၁၂ ခုနှစ်ဟာ အဆုံးသတ် အမှတ် ဖြစ်နေပါတယ်။ စက်ဝန်းကြီး တစ်ခုရဲ့ အဆုံးမှတ် ဖြစ်ပါတယ်။ အဲဒီ စက်ဝန်းကြီးက အစမှတ် (day 0.0.0.0.0) 11th August 3114 BC မှာ စတင်ပြီး အဆုံးမှတ် (day 13.0.0.0.0) 21st December 2012 AD မှာ ဆုံးပါတယ်။ နှစ်ပေါင်း ၃၆၀၀ ပြည့်တိုင်း စက်ဝန်းကြီး တစ်ပါတ်လည် ပါတယ်။ holy bible ကလည်း 2012 ခုနှစ်ကို သတိပေးထားပါတယ်။ အခြားအခြား သော အရာတွေအားလုံးမှာလည်း 2012 December 21 ကို ရည်ညွှန်းထားတာတွေ တွေ့ရပါတယ်။ မေးခွန်းတစ်ခု ရှိပါတယ်။ ၂၀၁၂ မှာ သေချာပေါက် ဖြစ်မှာမှန်း သိရက်နဲ့ ဘာကြောင့် နာဆာက လူတွေကို အသိမပေးတာလဲ။ သူတို့ဟာ ကမ္ဘာပေါ်က လူသားတွေ အားလုံး သိသွားကြရင် လူတွေ အားလုံး အသက်ရှင် ကျန်ရစ်ရေး ကြိုးပမ်းကြတဲ့ အခါ သူတို့ အတွက် အခွင့် အလမ်း နည်းသွားမှာ စိုးလို့ ဖြစ်ပါတယ်။ အခု ဖော်ပြမဲ့ အကြောင်းအရာက NASA ဟာ ၁၉၈၃ ခုနှစ်က ဘယ်တွေ့ရှိချက်ကို လျှို့ဝှက်ခဲ့တာလဲ ဆိုတာပါ။ 1982 ခုနှစ်မှာ NASA ဟာ extra solar planet တစ်ခုကို စပြီး သတိထား မိခဲ့ပါတယ်။ 1983 ခုနှစ်မှာ NASA ဟာ IRAS (Infrared Astronomical Satellite) ကို လွှတ်တင်ခဲ့ပြီးတော့ အဲဒီ satellite က ဂျူပီတာဂြိုဟ်လောက် ကြီးမားတဲ့ object တစ်ခုကို တွေ့ရှိခဲ့ပါတယ်။ အဲဒီ Object ကို Planet X (Nibiru) လို့ နာမည်ပေးခဲ့ပါတယ်။ ၂၀၁၂ ခုနှစ်မှာ planet Nibiru ဟာ ကမ္ဘာနဲ့ နေရဲ့ အကြားကို ဝင်ရောက် ဖြတ်သန်း ပါမယ်။ သူ ဖြတ်သန်းမယ့် အနေ အထား ကတော့ ပုံမှာ ပြထားတဲ့ အတိုင်းပါပဲ။ အဲဒီ အချက်ကြောင့် Atlantis မြို့ ကြီး နစ်မြုပ်ခဲ့သလို Noah ရဲ့ လှေကြီး တစ်ခုပဲ ရေပေါ်မှာ ရှိခဲ့တုန်းကလို အခြေ အနေမျိုး ၂၀၁၂ နောင်းပိုင်းမှာ ပြန်ဖြစ်လာပါမယ်။ ကျနော် တို့မှာ ရှောင်လွှဲစရာ နည်းလမ်း မရှိပါဘူး။ နေစရာ ကမ္ဘာ တစ်ခုပဲ ရှိတဲ့ အတွက် မလွဲ မသွေ ရင်ဆိုင် ရပါ လိမ့်မယ်။ Stonehenge နဲ့ Easter Island အကြောင်း ကျနော်တို့ ဘာလို့ မသိ တာလဲ။ ဖြစ်နိုင်တာက အရင်က လူတွေ တည်ဆောက် ခဲ့တာဖြစ်ပြီး Nibiru ကြောင့် သူတို့အားလုံး သေဆုံး သွားတဲ့ အခါ အသစ် ဖြစ်လာတဲ့ ကျနော်တို့က မသိတာ ဖြစ်နိုင်ပါတယ်။ Nibiru ဟာ ၂၀၀၉ ခုနှစ် မေလ ၁၅ ရက်နေ့မှာ အနီရောင် အရာဝတ္ထု အဖြစ် သာမာန် မျက်လုံးနဲ့ မြင်နိုင်ပါလိမ့်မယ်။ သူဟာ အပေါ်ကို တက်လာနေတာ ဖြစ်တဲ့ အတွက် ကမ္ဘာ့ တောင်ဘက် အဖျားပိုင်းတွေမှာသာ မြင်နိုင်မှာပါ။ ၂၀၁၁ ခုနှစ် မေလလောက်မှာတော့ သူဟာ ကမ္ဘာပေါ်က လူတွေ အားလုံးမြင်နိုင်လောက်တဲ့ အရွယ်အစား ဖြစ်လာပါလိမ့်မယ်။ ဒုတိယမြောက် နေတစ်လုံး အဖြစ် လရဲ့ အရွယ်အစား လောက် ရှိတဲ့ သူ့ကို မြင်ရပါလိမ့်မယ်။ ကြီးမားလှတဲ့ ဆွဲငင်အားကြောင့် ကမ္ဘာပေါ်မှာ ငလျှင် အကြီးအကျယ် လှုပ်ပြီး ရေကြီးမှုတွေ နေရာ အနှံ့ ဖြစ်ပါမယ်။ ဒါပေမယ့် အဆိုးဆုံး အခြေအနေက ၂၀၁၃ ဖေဖော်ဝါရီ ၁၄ ရက် ဖြစ်ပြီးတော့ အဲဒီ နေ့မှာ ကမ္ဘာဟာ Nibiru နဲ့ နေရဲ့ အကြားကို ရောက်ပါမယ်။ ဆန့်ကျင် ဆွဲငင်အားတွေကြောင့် ကမ္ဘာမှာ pole shifting အကြီး အကျယ် ဖြစ်ပြီး အဲဒီဖြစ်ရပ်က ကမ္ဘာကို အသစ် ပြန်လည် ဖွဲ့စည်း စေမှာပါ။ Nibiru ဟာ ကမ္ဘာလည်ပါတ်မှုနဲ့ ဆန့်ကျင်ဘက် လားရာကို လည် နေတာ ဖြစ်တဲ့ အတွက် မျက်နှာပြင် ဆွဲငင်အား က ကမ္ဘာကြီးကို ၃ရက်တိတိ လည်ပါတ်မှု ရပ်သွားစေပါမယ်။ အင်မတန်ကြီးမားတဲ့ ငလျှင်ကြီးတွေ လှုပ်မယ်၊ မြေပြန့်တွေ အစိတ်စိတ် အပိုင်းပိုင်း ကွဲထွက် ပြီး ကျောက်ရည်ပူတွေ တိုးထွက်မယ်၊ မီးတောင်တွေ နေရာအနှံ့ ပေါက်ကွဲမယ်၊ ကမ္ဘာ့လူဦးရေ သန်း ရာပေါင်း အနည်းငယ်သာ အသက်ရှင် ကျန်ပါမယ်။ အဲဒီနောက် ကမ္ဘာကြီးဟာ ဖြေးဖြေးချင်း အသစ် ပြန်လည် ဖွဲ့စည်းပါလိမ့်မယ်။ 2014 July 1 ရက်နေ့က စပြီး Nibiru ဟာ ကျနော် ကမ္ဘာ ပေါ်မှာ ဘာသက်ရောက်မှုမှ မရှိတော့ပဲ ကျနော်တို့နဲ့ ဝေးရာ စကြာဝဠာဆီကို ပြန်လည် ထွက်ခွါသွားပါလိမ့်မယ်။

အပေါ်မှာ ရေးပြခဲ့တာတွေကတော့ YouTube video တွေထဲက တစ်ခုကို ဘာသာပြန်ထားတာ ဖြစ်ပါတယ်။ အရာအားလုံးသည် သင်္ခါရ ဆိုပေမဲ့ ၂၀၁၂ ဆိုတာ တော့ တော်တော် ကြီးများ စောလွန်း နေမလားလို့။ အခုစာလာ ဖတ်တဲ့ မိတ်ဆွေတွေ ရော.. ဒီကိစ္စကို ယုံလား။ paranormal.about.com မှာ အဲဒီ အကြောင်း pool လုပ်ထားတဲ့ result ကို အပေါ်ကပုံမှာ တွေ့နိုင် ပါတယ်။ ယုံကြည်တယ်၊ ဘာကြောင့်၊ မယုံ ကြည်ဘူး၊ ဘာကြောင့် ဆိုတာလေး comment ရေးပေး စေချင်ပါတယ်ဗျာ။ ကျနော့် အမြင်ကိုလည်း ပို့စ် တစ်ခုတင်ပြီး ရှင်းပေးပါ့မယ်။ ကျေးဇူး တင်ပါတယ်ဗျာ။

10/24/2008 2:35PM

စာဖတ်သူများ အားလုံးသို့ ဖြေရှင်းချက် (၂၀၁၂ ပြဿနာ၏ နောက်ဆက်တွဲ)

noreply@blogger.com (ခွန်း) — Sun, 01 Nov 2009 14:54:00 +0000

မင်္ဂလာပါခင်ဗျာ….
မနေ့က တစ်ရက်တည်းမှာ ဒီဘလောဂ့် လေးကို အလည်လာကြသူတွေ စံချိန်တင်အောင် များပြား ခဲ့ပါတယ်။ အဲလို အများကြီး လာဖတ်ကြတာကို ကျနော် အများကြီး ကျေးဇူးတင်ပါတယ်ဗျာ။ comment တွေနဲ့ cbox မှာ ရေးသွားကြတာတွေ အရ အကြောင်း အရာတစ်ခုတည်းကိုပဲ ဦးတည်ပြီး ဖတ်သွားကြတာကို တွေ့ရပါတယ်။ အဲဒီ ကိစ္စနဲ့ ပါတ်သတ်ပြီး ရေးသားသွားကြတာတွေ အများကြီးကို ကျနော် ပြန်လည် ရှင်းပြဖို့ လိုအပ်ပေမယ့် တစ်ဦးချင်း မရှင်းပြ နိုင်လို့ ဒီပို့စ်လေး တင်လိုက်တာပါ။ ၂၀၁၂ ကိစ္စနဲ့ ပါတ်သတ်ပြီး Youtube video ကို ဘာသာ ပြန်ပေးထားတာကိုသာ ဖတ်မိ ကြပြီးတော့ ကျနော်ပြန် ရှင်းပြထားတဲ့ ပို့စ်ကိုတော့ ဖတ်မိကြဟန် မတူဘူးလို့ ကို အလှတရား သတိပေး တဲ့ အတွက် ဒီပို့စ် တင်ကို တင်မှ ရတော့မယ်လို့ ဆုံးဖြတ်လိုက်တာပါ။ သတိပေးတဲ့ ကို အလှတရားကို အများကြီး ကျေးဇူးတင်ပါတယ်ဗျာ။ စာဖတ်သူတွေ ဝင်ဆွေးနွေး ကြတဲ့ အကြောင်း အရာတွေကို အများ သုံးသပ်နိုင်အောင် ပြန်လည် တင်ပြလိုက်ပါတယ်။ သူတို့ ဆွေးနွေးချက် တွေနဲ့ အတူ ကျနော် ပြန်လည် ရှင်းပြတဲ့ အချက်တွေကိုပါ ဖတ်ပြီးတော့ ဝေဖန် အကြံပြု ပေးစေလို ပါတယ်ခင်ဗျာ။

တင်နွယ်မောင် said...
ဟုတ်ပါတယ် ကျွန်တော်ကတော့ မယုံနိုင်ပါဘူး ဘာလို့လဲဆိုတော့ မနက်ဖြန်ဆိုတာတောင် မယုံနိုင်စရာ အကြောင်း၇ှိနေလို့ပါ.. ကမ္ဘာပျက် မယ့်အကြောင်း စုံလင်စွာ သိရှိလိုပါက မြတ်စွာဘုရားရှင် ကိုယ်တော် တိုင် ဟောကြား ထားသော စက္က၀တ္တိသုတ် မှာရှင်းလင်း စွာ မှတ်သား နားယူ နိုင်ပါတယ် ခင်ဗျာ ကိုယ့် အတွေးနဲ့ ကိုယ့်ဆိုရင်တော့ အချိန်ကုန်တာ လွဲလို့ အကျိုး ရလာမည့် မဟုတ် ဟု ဆိုချင် ပါတယ် ခင်ဗျာ
November 10, 2008 12:48 PM
min said...
မင်းတို့ ဗုဒ္ဓ က တော်တော် စွမ်းတဲ့ ပုံပဲနော် ဒါပေမယ့် သူများတွေ ဘုရားလို ပြန်ရှင်သန် မြောက်တဲ့နေ့ တွေဘာတွေ ရှိပုံ မပေါ်ဘူး မင်းတို့ အရိမေတ္တယ ကရော ဘယ်တော့ လာမှာလဲ အဆက်အသွယ် ရှိရင် ပြောလိုက်အုံး အမှီ လာပါတော့လို့ ဒါမှမဟုတ်လဲ မြန်မြန် တရားကျင့် ခိုင်းလိုက်ကွာ ငါကြည့်ရတာ အခုခေတ် လူတွေ ဘုန်းကြီးတွေ တရားကျင့် ပုံမျိုးဆို ရင်တော့ ဘယ်တော့မှ ဖြစ်လာမှာ မဟုတ်ဘူး
November 11, 2008 9:42 PM
11 Nov 08, 01:21
မြင့်မြတ်: ကမ္ဘာမပျက်ခင် နှစ်တစ်သိန်းတမ်းအလိုမှာ စ၍ ကောလဟာလမျိုး ၅-ပါး ပေါ်ပေါက်ပါတယ်။ အဲဒါတွေကတော့- ခုဒ္ဒကပါဌအဋ္ဌကထာ။ ၁၀၁။ သုတ္တနိပါတ်။ ဋ္ဌ။ ဒု-အုပ်။ ၃-တို့၌ ပါရှိသည်မှာ တစ်စုံတစ်ခုသောသတင်းစကား၏ ရှေ့ပြေးနိမိတ် နောက်ခါ
11 Nov 08, 01:22
မြင့်မြတ်: (၁) ဗုဒ္ဓ ကောလာဟလ- ဘုရားမပွင့်မီ နှစ်ပေါင်းတစ်ထောင်က ကျော်ကြားသောပဲ့တင်သံ၊ (၂) ကပ္ပ ကောလာဟလ- ကမ္ဘာမပျက်မီ နှစ်ပေါင်းတစ်သိန်းက ကျော်ကြားသောပဲ့တင်သံ၊ (၃) စက္က၀တ္တိကောလာဟလ- စကြာမင်းမပေါ်မီ နှစ်ပေါင်းတစ်ရာက ကျေ
11 Nov 08, 01:22
မြင့်မြတ်: လောကကြီးတလွဲတချော်ဖြစ်အောင် ပြောသေားစကားမျိုး မဖြစ်သင့်ပါ။ ဗုဒ္ဓဘာသာဝင်တစ်ဦးအနေဖြင့် မြတ်ဗုဒ္ဓဟောကြားသော ဒေသနာတော်တို့မှာ တစ်ပါး အခြားသော ကောလဟာလများသည် ယုံနိုင်ဖွယ်ရာမရှိပါ။ အခြားဘာသာဝင်ဖြစ်ပါက မပြေ
12 Nov 08, 09:13
ဟေး:ဟေးကောင်သိပ်ပြီးတော့မကဲနေနဲ့..လောကမှာမဖြစ်နိုင်တာမရှိဘူးကွ..မဖြစ်သေးတာပဲရှိတယ်..မင်းကိုမင်းလူတတ်လုပ်ပြီးမစည်းရုံးနေနဲ့
12 Nov 08, 09:17
ငါ: ငါ ပြောမယ် မင်းတခြားဘာသာတွေကို တည့်တည့်ပဲဖြစ်ဖြစ် ကွေ့ကာဝိုက်ကာပဲ ဖြစ်ဖြစ် ဘာမှစော်ကားစရာမလိုဘူး

အပေါ်မှာ ဖော်ပြထားတဲ့ အကြောင်းအရာတွေ ရေးသွားကြတဲ့ စာဖတ်သူတွေကို ကျနော် ရှင်းပြလိုပါတယ်။ ပထမဆုံး အချက်အနေနဲ့ ကျနော်ဟာ သိပ္ပံပညာကို ဘာသာတရားနဲ့ ဘယ်တော့မှ ရောယှက်မယ် မဟုတ်ဘူး ဆိုတာပါ။ ဘာဖြစ်လို့လည်း ဆိုတော့ သိပ္ပံပညာ ဟာ အပေါ်ရံပါ။ ဘာသာတရား က အနှစ်သာရပါ။ သိပ္ပံပညာ ဖြင့် လူသားတွေအကျိုးရှိ သည်များကို ဖန်တီးနိုင်၊ အကျိုးယုတ်စေသည် များကို ကာကွယ် နိုင်တာတွေ ရှိသော်လည်း တကယ့်ချမ်းသာ အစစ်ကိုတော့ မပေးနိုင်ပါဘူး။ ဘာသာတရားတွေရဲ့ ဟောကြားချက်များကို သိပ္ပံ ပေတံ နဲ့ လိုက်လံ တိုင်းတာနေခြင်းဟာ မှန်ကန်တဲ့ လုပ်ရပ် မဟုတ်ပါဘူး။ ဘာကြောင့်လဲ ဆိုတော့ သိပ္ပံ ပညာနဲ့ ရှင်းပြလို့ မရနိုင်တဲ့ ကိစ္စတွေ အများကြီး ရှိနေလို့ပါ။ အဲဒီလိုပဲ သိပ္ပံတွေ့ရှိချက်များကို ဘာသာတရားနဲ့ ညီမညီ ချိန်ညှိနေခြင်းဟာလည်း မမှန်နိုင် လို့ မြင်ပါတယ်။ ကျနော် ဘယ်ဘာသာ တရားကိုမှ ပုတ်ခတ်လိုသော ဆန္ဒ မရှိပါ။ အချို့သော သူတွေဟာ လူအများရဲ့ မသိနားမလည်မှုကို အသုံးချပြီး ကိုယ်ယုံကြည်သော အရာကို အများ လက်ခံလာစေဖို့ ဖိအား ပေးတတ်ကြပါတယ်။ အဲဒီလို လုပ်လာတဲ့ အခါ မူလ ရှိရင်းစွဲ ဘာသာတရားရဲ့ အနှစ်သာရ တွေ ပျောက်ဆုံးကုန်ပါတယ်။ အဲဒီလို လူမျိုးတွေကို စိတ်ထဲက မနှစ်မြို့ကြောင်း ဝန်ခံ ပါတယ်။ ၂၀၁၂ ခုနှစ် ကိစ္စမှာ ကျနော်ဟာ အကြောင်း အရာကို တင်ပြခြင်းသာ ဖြစ်ပါတယ်။ မည်သည့် ဘာသာတရား ကိုမှ မှားသည် မှန်သည် မဝေဖန်ခဲ့ပါ။ သိပ္ပံဆိုင်ရာ အကြောင်း အရာ တစ်ရပ်ကို ပြောချင်ရင် သိပ္ပံ နည်းကျ ပြောမှ လက်ခံ နိုင်ပါမယ်။ သိပ္ပံ မဟုတ်သော ယုံကြည်ချက်များကို လက် မခံနိုင်ပါ။ အဲလို လက်မခံခြင်းဟာ သိပ္ပံ နှင့် ဘာသာတရားကို သီးခြား ထားလိုတဲ့ ကျနော့် စိတ်ကြောင့်သာ ဖြစ်ပြီးတော့ ဘယ်ဘာသာ ကိုမှ စော်ကား ခြင်းမဟုတ်ကြောင်း အလေးအနက် ပြောပါရစေ။ လာဖတ်တဲ့ အတွက်ရော ထင်မြင်ချက်လေးတွေ ရေးပေးသွားတဲ့ အတွက် ရော အများကြီး ကျေးဇူးတင်ပါတယ်ဗျာ။

Hot said...
ဟားဟား မကြောက်ဘူးဗျို့  ယုံလည်း မယုံကြည်ဘူး ဖြစ်လာခဲ့၇င်လည်း အေးဆေးပါ ကိုယ်တယောက် ထဲမှ မဟုတ်တာ သေစမ်းပါစေ အကုန်လုံး သေလို့ ကတော့ ကျွန်တော် ပြောချင်တာ ကတော့ လာမယ့် ဘေးကို တွေးကြောက်နေမယ့်အစား လုပ်စရာရှိတာသာ ပုံမှန်လုပ် နေထိုင်စားသောက်စမ်းပါ ခင်ဗျားတို့ ပြောသလို ကမ္ဘာတောင် ပျက်မယ် ဆိုမှတော့ ဘာမှ စုဆောင်း ထားစရာ လည်းမရှိဘူး ကာကွယ် စရာလည်း မလိုဘူး လွှတ်ရာ လွှတ်ကြောင်းလည်း စဉ်းစား တွေးပူမနေနဲ့ သေစမ်း ပါစေဗျာ အင်း စောစော သေတော့လည်း နောက်ဘ၀ တခုမြန်မြန် ရောက်တာဘဲ ကျွန်တော် ကတော့ လုံးဝ မကြောက် သလို လုံးဝ အယုံအကြည်လည်းမရှိပါ
November 11, 2008 11:01 AM
10 Nov 08, 22:50
ဖိုးအောင်: ဟာ အဲ ဒီ အချိန် မိန်းမတောင် မရသေး ဘူး ... စာအုပ်လေး ၀ယ် ဖတ် ပီးနည်းလမ်း ရှာထားဦးမ
11 Nov 08, 01:25
ရင်ခွင်ရိုင်း: ဘုရား တရားလေး လုပ်ထားကြဗျို့..
11 Nov 08, 01:58
ကောင်းကောင်း: ဟာာ အဲလိုကြီးဆိုရင်တော့ မိန်းမအခုယူ တော့မယ်ဗျာ..ဟီးးးးးးးးးးးး
11 Nov 08, 02:43
ဟားဟား: ဗေဒင်က ပြောတယ် နက်ဖြန်တောင်မင်းသေနိုင်တယ်တဲ့
11 Nov 08, 02:44
ဟားဟား: ကဲဘယ်သူစကားကို ယုံရမှာလ
11 Nov 08, 02:44
ဟားဟား: ဟားဟားတို့ ကတော့ဟားတိုက်ပြီးတော့ကို ရည်လိုက
11 Nov 08, 02:45
ဟားဟား: အုံးမယ်ဗျို့
11 Nov 08, 02:45
ဟားဟား: ဟားဟား

အပေါ်က စာတွေ ရေးထားကြသူများကိုလည်း ကျနော် ရှင်းပြချင်ပါတယ်။ ၂၀၁၂ ကိစ္စကို တင်တာဟာ အဲဒီလို တကယ် ဖြစ်လာမယ်လို့ ပြောနေခြင်း မဟုတ်ပါ။ ပို့စ် မှာလဲ သေချာ ရှင်းပြထားပါတယ်။ နိုင်ငံတကာမှာ astronomy နဲ့ ပါတ်သတ်ပြီး hot ဖြစ်တဲ့ အကြောင်းအရာတစ်ခုကို astronomy blog တစ်ခု အနေနဲ့ ဖော်ပြ သင့်တယ်၊ မြန်မာတွေ သိအောင် ရေးပြ ပေးသင့်တယ်လို့ ခံယူလို့ ရေးပြခဲ့တာ ဖြစ်ပါတယ်။ သူတို့တွေ ဒီလို ပြောလို့ ဒီလို ဖြစ်လာလိမ့် မယ်လို့ ပြောလို့ မရပါဘူး။ ကျနော်တို့ဟာ သူတို့လို အချက်အလက် တွေနဲ့ မပြောနိုင် ပေမယ့် ကျနော်တို့ဟာ စဉ်းစား တွေးခေါ်တတ်ကြပါတယ်။ အဲဒီ ကိစ္စနဲ့ ပါတ်သတ်ပြီး စိတ်ဝင်စား သူတွေ အတွက် ပို့စ် တစ်ခုကို ထပ်ပြီး တင်ပေးခဲ့ ပါတယ်။ အဲဒီပို့စ်မှာ ကျနော် လက်လှမ်းမှီသလောက် အကြောင်း အရာ အချက် အလက် တွေ တင်ပြခဲ့ပါတယ်။ ဖြစ်နိုင်ချေ မဖြစ်နိုင်ချေတွေကို ကျနော် ဥာဏ်မှီသလောက် သုံးသပ် ပြခဲ့ပါတယ်။ မဖတ်ရသေးဘူး ဆိုရင် အောက်က ပို့စ်မှာ ဝင်ဖတ်ပေးပါ ခင်ဗျာ။ ပြီးရင် အဲကိစ္စနဲ့ ပါတ်သတ်တဲ့ အမြင်ကိုလည်း ရေးပေးစေချင်ပါတယ်။
http://myanmarastronomy.blogspot.com/2008/10/blog-post.html

11 Nov 08, 11:53
ဇော်ကြီး: ဘာတွေလျှောက်ပြောနေတာလဲ ဦးနှောက်တောင်ကောင်းသေးလားမသိဘူး .. သူ ကို သူ များ အိုင်းစတိုင်း မှတ်နေလားမသိဘူး ..ဟဟဟဟဟ

အပေါ်ကစာကို ရေးသွားတဲ့ ကိုဇော်ကြီး ဆိုသူကို ကျနော် တစ်ခု တောင်းဆိုပါရစေ။ ကျနော့် ရေးသားချက် တွေနဲ့ ပါတ်သတ်ပြီး မနှစ်သက် ကြောင်း သိရပါတယ်။ အဲလို မနှစ်သက် သူတွေ ရှိနေကြောင်း သိရတဲ့ အတွက် အများကြီး ကျေးဇူးတင်ပါတယ် ခင်ဗျာ။ ကျနော် ရေးသားချက်တွေနဲ့ ပါတ်သတ်ပြီး ဘာတွေ မနှစ်သက် ဘူးလဲ၊ ဘာတွေ ပြုပြင်သင့်လဲ.. အပြုသဘော ဆောင်တဲ့ ဝေဖန်မှုမျိုး ပေးပါလို့ တောင်းဆိုပါရစေ။

စာလာဖတ်သူများ အားလုံးကိုရော ကျနော့်ဘလော့ဂ်လင့် လေးကို အများထံ ဝေငှ ပေးကြသူများကို ရော အထူးပဲ ကျေးဇူးတင်ရှိပါတယ်ခင်ဗျာ။ ယခု ကျနော် ရေးလိုက်တဲ့ ပို့စ်ဟာ တစ်စုံတစ်ယောက်ကို ထိခိုက် စေမယ် ဆိုရင် ရှင်းပြလိုတဲ့ စေတနာ အမှား ကြောင့်သာ ဖြစ်ကြောင်း ကြိုတင်တောင်းပန် ပါရစေ။

အားလုံးပဲ.. ချမ်းမြေ့ပါစေခင်ဗျာ။
11/12/08 6:54 AM

Life on Mars? Alien skull?

noreply@blogger.com (ဆောင်း) — Tue, 09 Jun 2009 08:33:00 +0000

Rock or skull?

အင်္ဂါဂြိုလ်ပေါ် မှာ သက်ရှိသတ္တ၀ါ တွေ ရှိနိုင် မယ်ဆိုတဲ့ မျှော်လင့်ချက် အထောက်အကူ ပြောရမှာပါ။ စက်ရုပ်က ရိုက်ပို့ လိုက်တဲ့ မြေမျက်နှာပြင် ပေါ်မှာ အရိုးခေါင်း ပုံစံ အရာ တွေ့ ရလို့ ပါဘဲ။ ကျောက်တုံးလား ဦးခေါင်းခွံလား မခွဲခြားတတ်ပါဘူး။ အဲဒီ အရာက မေးစေ့ချွန်ချွန် ပုံစံ နဲ့ မျက်လုံး ၂ခုဟာ ၅ စင်တီမီတာ ကွာပါတယ်။ သေးငယ်တဲ့ ပါးစပ်ပေါက်လေး ပါရှိပါတယ်။

ဂြိုလ်သားဟာ ခေါင်းပြတ်နေတာလား ဒါမှမဟုတ် ခေါင်းဖော်ရုံ မြေမြုပ်ခံရတာလား မသိနိုင်ပါဘူး။ အမျိုးအမည် မသိတဲ့ ပုဂံပြားပျံတွေ အမြားအပြား အင်္ဂလန်မှာ ဆက်တိုက် တွေ့ နေရသလို အင်္ဂလန်နဲ့ အမေရိကန်နိုင်ငံရဲ့ လယ်ကွင်း တွေမှာ သာမာန်လူတွေ မလုပ်နိုင်တဲ့ အရုပ်ပုံ တွေ ဆက်တိုက် နီးပါး တွေ့ နေရတဲ့အတွက် ကမ္ဘာပေါ်မှာ ဂြိုလ်သားတွေ ရောက်ရှိနေမယ်လို့ သံသယ ဖြစ်နေကြ ပါတယ်။

ဒါ့ကြောင့် သိပံ္ပပညာ ရှင်တွေဟာ DNA ကို စတင် စစ်တမ်းကောက်နေပါတယ်။ ဂြိုလ်သားတွေ လူယောင်ဆောင် နေမယ် ဆိုရင် DNA မရှိနိုင်ဘူးလို့ ယူဆနေပါတယ်။ ကမ္ဘာပေါ်မှာ ဂြိုလ်သားတွေ ရှိမရှိ ရှာဖွေဖို့  အဆိုတင်သွင်း နေကြပါတယ်။

မှတ်ချက်။ ။ ကိုလောရှည် ပြောပြချက်ကို ကျေးဇူးတင်ပါတယ်။ စက်ရုပ်က ရိုက်ပို့ တဲ့ ဓါတ်ပုံဖြစ်လို့  ကျောက်တုံး လား အရိုးခေါင်းလား မခွဲခြားနိုင်သေးပါဘူး။

UFO spotters were abuzz with excitement last night - after this picture of Mars appeared to show an ALIEN SKULL.

The snap by the Red Planet's Spirit Rover probe revealed the head-shaped object in a desert.

One UFO fan on a Nasa internet forum said yesterday: "This is no boulder.

"Just like the Roswell aliens, the skull has a pointed chin with binocular eyes 5cm apart. It has a pointed small mouth so this creature most likely is a carnivore."

Another joked: "Is this alien decapitated or is he buried up to his neck?"

အတွေး ယာဉ်ကလေး နှင့် အတူ - ဇတ်သိမ်းပိုင်း

noreply@blogger.com (ဆောင်း) — Mon, 13 Apr 2009 11:59:00 +0000

သင်္ကြန် အမှတ်တရ....

ကျွန်မရဲ့ ခပ်ငယ်ငယ်ထဲက အိမ်မက် ပန်းတိုင်ကို စိတ်ကူးယဉ် ခဲ့တဲ့ အကြောင်းအရာလေးတခုပါ။ အခုတော့ အိမ်မက်ကို အကောင်ထည် မဖေါ်နိုင် မျှော်လင့်ဖို့  မဖြစ်နိုင်တော့တဲ့ အခြေအနေ ရောက်လာခဲ့ ရပါတယ်။ ဒီအချိန်မှာ ထွေးလေးလို့ ခေါ်တဲ့ ဘလော့ကာ ညီမလေးက မမရေ.. စိတ်ကူးယဉ်ပေးပါ လို့ တက်လာတဲ့ အတွက် ဒီပို့ စ်လေး နဲ့  စိတ်ကူးယဉ် လိုက်ရပါတယ်။ ဒါကြောင့် IMAGINARYဆိုတဲ့ အတွေးယာဉ် SPACESHIP ကလေးနဲ့  အတူ အဖွဲ့ သားများနှင့် တကွ စာဖတ်သူတွေပါ အာကာသ မှာ ခြေဆန့် ပြီး ခရီးထွက်ကြရအောင်လား...

အပိုင်း ၁
အပိုင်း ၂
အပိုင်း ၃
အပိုင်း ၄
အပိုင်း ၅
အပိုင်း ၆
အပိုင်း ၇
အပိုင်း ၈
အပိုင်း ၉
အပိုင်း ၁၀
အပိုင်း ၁၁
အပိုင်း ၁၂
အပိုင်း ၁၃
အပိုင်း ၁၄
အပိုင်း ၁၅
အပိုင်း ၁၆
အပိုင်း ၁၇
ဇတ်သိမ်း ပိုင်း

ကျေးဇူးတင်လျက်

ဆောင်း
saundoo@gmail.com

အတွေး ယာဉ်ကလေးနှင့် အတူ... ၃

noreply@blogger.com (ဆောင်း) — Sun, 22 Feb 2009 13:12:00 +0000

With IMAGINARY Spaceship - Part 3

Thank you for visiting to my blog and enjoy exploring with my IMAGINARY spaceship.

တနင်္လာနေ့ ရုံးတက်ပြီးလို့ နံနက် ၁၀နာရီလောက်မှာ ကျွန်မ အတွက် စာတစ်စောင်ရောက်လာတယ် ဆိုတာနဲ့ ရုံးခန်းသွား ယူဖတ်ကြည့် လိုက်တော့ ကျွန်မ တကိုယ်လုံး လေထဲမြှောက်တက်သွားသလို ခံစားလိုက်ရပါတယ်။ ပျော်လိုက်သည့် ဖြစ်ခြင်း ပထမအဆင့် အာကာသ သုတေသနစပါယ်ရှယ်လစ် အဖြစ် ရွေးထားကြောင်းပါ။ ရွေးထားတဲ့ လူနည်းစုတွေ လူတွေ့ စစ်ဆေးဖို့ နဲ့ ယာယီသင်တန်းတက်ဖို့ အကြောင်းတွေပါ။

ကျွန်မ ရဲ့ အိမ်မက်လေး တကယ်လက်တွေ့ ဖြစ်တော့မှာ ပေ့ါနော်.....

ကျွန်မ လည်း အဲဒီနေ့မှာ အဖြူရောင် လက်ရှည် ၀တ်သွားမိတာ မှတ်မှတ်ရရပါ။ အဲဒီမှာ လူအယောက် ၄၀ လောက် ရွေးထား ပါတယ်။ နေရာ ၄နေရာ အတွက် လူ ၁၀ယောက်မှာ အရန်၂ဦးစီ ရွေးမယ်လို့ ယူဆမိ ပါတယ်။ သင်တန်းကို စုစုပေါင်း ၁၂ယောက်သာ တက်ခွင့်ရမယ် ထင်ပါရဲ့ ။ အဲဒီထဲမှာ ထူးထူးခြားခြား ထွေးလေး လို့ ခေါ်တဲ့ အမျိုးသမီး တစ်ဦးက တော့ အရပ်အတော်ရှည်ပြီး အာကာသယာဉ်မှုး အဖြစ် လျှောက်ထားကြောင်း သိရလို့ အံ့သြချီးကျူးမိ ပါတယ်။

ကျွန်မနဲ့ ထွေးလေးတို့လည်း စကာတင် အရွေးခံချင်လို့ အပြင်မှာ ကျူရှင်အရင်တက်ဖို့ စဉ်းစားလိုက်ပါတယ်။ ကျူရှင်သင်တန်း တွေ ကို နယ်တကာ လှည့် ရှာဖွေရပါတယ်။ ဟော .. ကိုးနတ်ရှင်ရဲ့ ကျေးဇူးကြောင့် အာကာသ ပညာရှင် လေ့ကျင့်ပေးရေး ကျူရှင် ဆိုတဲ့ ကြော်ငြာလေး တစ်ခုကို တွေ့ရပါတယ်။

မြန်မာ နာဆာ အာကာသ မှာရှိတဲ့ အောင်ဆန်း သင်တန်းကျောင်းကို ကျွန်မတို့ နှစ်ဦး သွားခဲ့ပါတယ်။ ပမာဏအဖြစ် သီးသန့် အာကာသပညာရှင်သင်တန်း ၁ရက် individual Astronaut Training Experience (ATX) ဒေါ်လာ $250/person ၊ မိသားစု အဖွဲ့သားများနဲ့ အပေးအယူမျှဖို့ လိုအပ်တဲ့ သင်တန်း၂ရက် Family ATX နဲ့ ကမ္ဘာ ပေါ်က အာကာသ စခန်းနဲ့ ဆက်သွယ်မဲ့ အတတ်ပညာ ရက်ကန့်သတ်မရှိ custom Corporate ATX အတွက် အိပ်ခန်းပါ ငှားရတဲ့အတွက် တည$625/person ပါ။ နောက်ဆုံး စာရင်းပေးဖို့ ဆုံးဖြတ် လိုက်ပါ တယ်။

ရုံးကိုလည်း ပမာဏ အရွေးခံရတဲ့ နေ့က စပြီး သင်တန်းတက် လေ့ကျင့်ဖို့ လစာမဲ့ ခွင့် လျှောက်ထား လိုက် ပါတယ်။ အာကာသပညာရှင် ကျူရှင်က ကြံ့ခိုင်မှု့ အတွက် သင်တန်းဖြစ်လို့ အားကစား ၀တ်စုံသာ ရွေးပြီး ယူသွား ရပါတယ်။

နောက်တပတ် နေ့လည်လောက်မှာ သင်တန်း သွားရောက်ပြီး တည်းရမဲ့ ဟိုတယ်မှာ check in အ၀င်စာရင်း ရေးကြပါတယ်။ ဟိုတယ်နေရာမှာ တဆင့် ဘတ်စကားစီးပြီး စစ်ဆေးဂိတ် တွေ အဆင့်ဆင့် ဖြတ်ကျော်လို့ ကျူရှင်သင်တန်း ရောက်ခဲ့ရပါတယ်။

အာကာသထဲမှာ ပတ်ချာလည် လွှင့်မျှောနေမှာ ဖြစ်တဲ့ အတွက် အဲဒီဒဏ်ခံနိုင်ရည် ရှိဖို့ လေ့ကျင့်ရပါတယ်။ ကမ္ဘာ့ ဆွဲငင်အားမရှိတော့တဲ့ အတွက် ကျွန်မတို့ တတွေ ခြေထောက်ပေါ်ရပ်တည်နိုင်တော့မှာ မဟုတ်ပါဘူး။ ဆွဲငင်အား မရှိတဲ့ ပုံစံမျိုးမှာအနေကျဖို့ လေ့ကျင့်ရပါတယ်။ အာကာသ၀တ်စုံများကို ၀တ်ပြီး ၀တ်စုံမှာ ပါဝင်တဲ့ အထူး ခလုပ်တွေ အကြောင်း သင်ကြားရပါတယ်။

(Ref: http://www.ehow.com/how_2179688_train-like-astronaut-day.html)

ပမာဏ အရွေးခံရတဲ့လူ အားလုံးဟာ တူညီတဲ့ ရည်ရွယ်ချက်တွေရှိနေလို့ သင်တန်းတစ်ခုလုံး အရွေးခံရတဲ့ လူတွေ အပြင် ပြင်ပ စိတ်ဝင်စားတဲ့ သူတွေလည်း ပါဝင်တာတွေ့ရပါတယ်။

ဟိုတယ် အခန်း ထဲရောက်တာနဲ့ တပြိုင်နက် ကျွန်မလည်း ၀မ်းသာမှု့ စိတ်မောမှု့ ပင်ပန်းမှု့ တွေကြောင့် အိပ်ယာ ထက် မှာ ခေတ္တခဏ လှဲချ အနားယူလိုက်ပါတယ်။..

သင်တန်းရောက်မှ အရွေးခံရတဲ့သူတွေအပြင် တခြားပရိုဂျက်တွေ အတွက်ပါ ရွေးချယ်ထားတဲ့သူတွေ ပါဝင်မှန်း သိရပါတယ်။ တချို့ ကျွန်မ သိတဲ့လူတွေကတော့ သူဌေးကြီးများ ဖြစ်ကြတဲ့ တချို့ ဘလော့ကာ မ...၊ ကို...၊ ဦး...၊ တို့က တော့ အာကာသကို ငွေပေးပြီး အလည်အပတ် သွားရောက်ဖို့ လာရောက် ကျူရှင် ယူနေကြောင်း သိရပါတယ်။ ချမ်းသာတဲ့သူများတော့ နော်.. ဘာမဆို... ဖြစ်နိုင်တာဘဲ....

သင်တန်းကာလ တစ်ပတ်လောက် ကြာတော့ အိမ်ကဌာနမှုးကြီး KMSL ကို လွမ်းလို့ ဆိုပြီး ဒေါက်တာခင်ဦးမေ ဆိုတဲ့ အမျိုးသမီးတစ်ဦး နုတ်ထွက်သွားပါတယ်။ ကျန်တဲ့သူတွေက တော့ ပြိုင်ဖက်တစ်ယောက် လျော့တဲ့ သဘော မထားဘဲ ၀မ်းသာအားရ နုတ်ဆက်ပွဲလေး လုပ်ပေးကြပါတယ်။

အဲဒီအခါမှာ ကိုရန်းဂေါင်(ကိုရောင်ဂန်း) က သူ ဓါတ်ဆင် ဓါတ်ရိုက် လုပ်လိုက်လို့ ပြိုင်ဖက် လျော့သွားတယ် ဆိုတဲ့ သတင်း တိုးတိုးတိတ်တိတ် ထွက်လာ ပါတယ်။ နောက်နစ်ရက် အကြာမှာ ဗိုလ်ပေါက် ဆိုတဲ့ ဗိုလ်ချုပ်မမ တစ်ယောက် တောင်ထိပ်က ပြင်ဦးလွင် ကို ပန်းခူးထွက်ချင်တယ် ဆိုပြီး နုတ်ထွက်ပြန်ပါရော....။ ကျွန်မ အပါအ၀င် ကျန်သူများ စတင် စိတ်ပူ လာကြပါတယ်။

အဲဒီမှာ ဗိုလ်မင်းသိန်းဦး.. အင်း ဗိုလ်သိန်းလို့ခေါ်ကြပါစို့ သူက ဓါတ်ဆင်တာတွေကို ဓါတ် ယမ်း နဲ့ အငွေ့ ဖြစ်အောင် လုပ်မယ်တကဲကဲ ဖြစ်နေလို့ အမျိုးသမီး အဖွဲ့ဝင်များ အတော်ထိပ်လန့် နေကြ ပါတယ်။

အဲဒီမှာ ကယ်တင်ရှင် မအိမ်လွမ်းသူ လည်း ဓါတ်စာနဲ့ ပြန်တွန်းလှန်နိုင်တယ်ဆိုလို့ ဓါတ်စာ အဖြစ် (အတွင်းကျကျ) မြေကြီး နက်နက် ထဲက အာလူးရှာကြရပါတယ်။ ကိုငရဲက မြေနက်တွင်း ရေနက်တွင်း ရေဒါ အထူးသုတေသနမှုး ဖြစ်တဲ့အတွက် သူ့ရဲ့ ရေဒါ ထောက်လှမ်းမှု့နဲ့ အာလူးပင်ကို ရှာကြပါတယ်။ မနန်းညီ က အတွင်းအား ပါပါ ပန်းချီငို လက်နဲ့ အာလူးပင်ကို ဆွဲလိုက်တာ အာလူးထွက်မလာဘဲ ပင်စည်က ပြတ်သွားလို့ မသိဂီနွယ် က ရေဒါ signal နဲ့ အမြစ်များမှ trace ဆန်းစစ်ပြီး အာလူးတူး ပေးပါတယ်။

အဲဒီတော့မှ ဓါတ်စာ အာလူးအစိမ်းသုပ် ကို မစုဘူးအိမ် ကတာဝန်ယူသုပ်ပေး လို့ အဖွဲ့သား အားလုံး စိတ်အေးရ ပါတော့တယ်။ ဓါတ်ဆင်ထားတာ အတွင်းရော အပြင်ပါ ကျော်နိုင်အောင် တွင်းပိုးပါ ကြော်စားရမယ် ဆိုလို့ ကိုတွင်းပိုးရဲ့ ကျစ်ကျစ်ပါအောင် ၀ှက်ထားတဲ့ နံမည်ကြော် တွင်းပိုးလေးတွေ ကို တစ်ဦးလျှင် အနည်းဆုံးတစ်ကောင် ဝေစုရအောင် မျှဝေ စားရပါ သေးတယ်။ အဲဒီနေ့ညက ကိုတွင်းပိုး မျက်နာကြီးနီပြီး မျက်ခွံတွေ မို့ယောင်နေတာ သတိထားမိပါတယ်။ ငိုထား တယ် လို့ မထင်ပါဘူး အာကာသထဲ ပတ်ချာလည် တဲ့ဒဏ် ခံနိုင်အောင် ကင်းမြီးကောက်ထောင် လေ့ကျင့်တာ များသွား လို့ ဖြစ်မှာပါ။

ဘယ်လိုဘဲ ဖြစ်ဖြစ် အာလူးအစိမ်းသုပ်နဲ့ တွင်းပိုးအရသာကို ဘယ်တော့မှ မမေ့နိုင် ဖြစ်ခဲ့ရတာ ပေါ့နော်။

လုပ်ငန်းကို အာရုံစိုက်ဖို့ အတွက် သံယောဇဉ်တွေ ပြတ်အောင် ပြင်ပနဲ့ ဆက်သွယ်ရေးကို ဖြတ်ထား တဲ့ အနေနဲ့ သင်တန်း ဟိုတယ်မှာ တယ်လီဖုံးတွေ မတပ်ထားပါဘူး။ အဲဒီအချိန်မှာ မသီတာ တစ်ယောက် က အလွန် ပျော်ရွှင်နေပါတယ်။ သားသားတို့ကို ကိုဧရာနဲ့ ထားခဲ့တဲ့ အတွက် စိတ်အေးလက်အေးဖြစ်နေပါတယ်။ ဖုံးပါ မသုံးရတော့ ကိုဧရာ တော့ အတော်ဝမ်းသာနေမှာ လို့ ကျွန်မတို့ကို မသီတာက ပြောပြ နေပါ သေး တယ်။

မသိဂီနွယ်၊ ကိုရှင်ရဲထွတ်နဲ့ ကိုသမိန်ဗရမ်းကတော့ သူတို့ စိုက်ပျိုးရေးနဲ့ မွေးမြူရေး သုတေသနအကြောင်း ဆွေးနွေး နေကြပါတယ်။ လောလောလတ်လတ် စားထားတဲ့ အာလူးရဲ့ Dimension ထုထည်၊ အခွံရဲ့ အထူ ပါဝင်တဲ့ အစာနဲ့ အာလူး အလေးချိန်တွေကို ဖော်မြူလာဖွင့် တွက်ချက် နေကြပါတယ်။

ကိုကိုမောင်က တော့ ငယ်ငယ်ရွယ်ရွယ်ဆိုတော့ ညဘက်ရောက်တာနဲ့ ဘုရား ရှစ်ခိုး နေလိုက်တာ တခေါခေါ နဲ့ပါဘဲ။

ကိုပြည့်ဖြိုးရယ်၊ ကိုအောင်သာငယ်ရယ်၊ ကိုဂင်ကြီးရယ်ကတော့ ဆက်သွယ်ရေး သုတေသန အထူး စပါယ်ရှယ်လစ်တွေ မိုလို့ သူတို့ ခိုးဝှက် ယူလာတဲ့ လက်ကိုင်ဖုံးလေး တွေနဲ့ မတ်စေ့ခ်ျပို့ ပြီး ဆက်သွယ်ရေး မပြတ်အောင် စမ်းသပ် လေ့လာနေပါတယ်။ Message Signal က ကမ္ဘာ့ပြင်ပက စင်္ကြာဝဌာ ထဲကို ပို့လွှတ် စမ်းသပ် ဆက်သွယ်နေတာ လို့ ပြောပါတယ်။ စမ်းသပ်အောင်မြင်တဲ့ သုတေသနဘဲ ထင်ပါရဲ့ ပြန်ဝင် လာတဲ့ Message Signal တွေ ကြည့်ပြီး တခါတလေ သက်ပြင်းကြီးချလိုက် တခါတလေ ပြုံးပြုံးကြီး ဖြစ်လိုက် နဲ့။

ကျွန်မနဲ့ နင်းလေးကတော့ environmental research ပတ်ဝန်းကျင် အထွေထွေ သုတေသန မှတ်တမ်းတင်ဖို့ အတွက် အဓိက ဖြစ်လို့ သင်တန်းသူသင်တန်းသား အားလုံးရဲ့ လှုပ်ရှားမှု့ကို မျက်ခြေမပြတ် ကြည့်နေရတာ ပေ့ါ။

အဲဒီမှာ ကိုငရဲနဲ့ ကိုခွန်းက တစခန်းထတော့တာပါဘဲ။ သူတို့ရဲ့ ထိပ်တန်းလျို့ဝှက် သုတေသန စာတမ်းတွေ ပျောက်တယ် ဆိုပြီး ကျွန်မတို့ကို အရစ် လုပ်နေပါ သေးတယ်။ ထိပ်တန်းလျို့ဝှက် သုတေသန စာတမ်းက တော့ ရေမွှေးပါတဲ့ ပန်းရောင် စာအိတ်လို့ ပြောပါတယ်။ အားနာတာနဲ့ ကျွန်မလည်း သုံးနေတဲ့ ရှယ်နယ်၅ ရေမွှေး ကို ပေးတာ အဲဒီအနံ့ကို နံတယ် ဆိုလို့ ကျွန်မ ၀ယ်ရကျိုး မနပ် ဖြစ်ရပါသေးတယ်။ ၀ယ်ထားတာ ၁၀နစ် လောက် ပဲ ရှိအုန်းမဲ့ဟာကို............ ဟင်း ........ တကထဲ.... ။

အဇ္ဈတ္တပြခန်း က ကွန်ထရိုး တာဝန်ခံမှုး ကတော့ ကျွန်မတို့ ဟိုတယ်အဆောင် အတွက် ခလုတ်နှိပ်တိုင်း အကူညီပေးမဲ့ဌာန ကို အကြောင်းကြားမဲ့ Bell ဘဲလ် တလုံးလာထားပေးပါတယ်။ အဲဒီခလုပ် နေရာမှာ တန်းစီ နေကြတာ ကတော့ ဒေါက်တာခွန်းနဲ့ ကိုငရဲပါဘဲ။ ထိပ်တန်းလျို့ဝှက်ချက်စာတမ်းကို ခေါင်းအုံးအောက် မှာ ထားမအိပ်ရရင် သူတို့ရဲ့ ဇီဝဦးနှောက်တွေ ဆက်သွယ်ရေး အလုပ်မလုပ်ဘူး လို့ ကွန်ပလိမ်း တက်နေကြ ပါတယ်။

ကွန်ပလိမ်းတက်နေတာကို ၀င်ဖြေရှင်းပေးတာက တော့ ကိုလောရှည်ပါ သူက ဇတ်ရုံမှုး ဆိုတဲ့ Theater တာဝန်ခံပါ။ သူ့ ဖြေရှင်းချက်လေး က တယ်လွယ်တာဘဲ ဒေါက်တာခွန်းနဲ့ ကိုငရဲကို အထူးစီမံ ပြုလုပ်ထားတဲ့ ဆေးရည် တစ်ပုလင်းစီ ပေးလိုက်တယ။် အဲဒီပုလင်းထဲမှာ ထိပ်တန်းလျှိူ့ဝှက် ဖော်မြူလာနဲ့ ဖော်စပ်ထားတဲ့ ဦးနောက် မှတ်ဥာဏ် ကောင်းစေတဲ့ ဆေးရည် ထဲ့ထားတယ် လို့ ဆိုပါတယ်။ အဲဒီညက သူတို့ အခန်းဘက်ကို အမျိုးသား အဖွဲ့ဝင် တွေ သွားရောက် လေ့လာတာ ၀င်လိုက်ထွက်လိုက်နဲ့ တညလုံးလိုလိုပါဘဲ၊ နောက်တနေ့ ရောက်တော့ ကိုကိုမောင် ဆိုတဲ့ အဖွဲ့သား တစ်ယောက် ခေါင်းကိုက်ပြီး မထနိုင် လို့ ဆေးရုံတင် လိုက်ရ ပါတယ်။ ခေါင်းမှာ ပတ်တီး အပြည့် နဲ့ တကိုယ်လုံးကို ဇောက်ထိုးမိုးမျှော် ထားပြီး ဆေးကုသလိုက်ရ ပါသတဲ့။

အချပ်ပို ။ ။ လူနာနံဘေးမှာ ချောချောလှလှ နပ်စ်မလေး ၂ယောက်က အာကာသ ပညာရှင် အလောင်းအလျာ လူနာ ကိုကိုမောင် ရဲ့ အနားမှာ ရောဂါ အမြန်ပျောက်ရေး အတွက် ပြုစု ဖို့ အပြေးလေး လာနေကြတုန်း .....

ဒေါက်.... ဒေါက်........ ဒေါက်..

အဖွဲ့ဝင် နံပါတ် ၁၀ တံခါးဖွင့်ပါ။ ညနေစာ လာပို့ပါတယ်။

ကျွန်မလည်း တံခါးခေါက်သံကြောင့် အိပ်ယာမှ လန့်နိုးသွားရပါတယ်။

.......
......
.........

သြော် ......... နွေခေါင်ခေါင် နေပူပူမှာ ထမင်းလုံး တစ္ဆေခြောက်သလို အိမ်မက် မက်နေပါပကောလား.... ညစာ မစားခင် မျက်နာ အပြေး သစ်လိုက် အုန်း မှ......

မှတ်ချက်။ ။ ဒီပို့စ်ထဲက အိမ်မက် ကတော့ နာမည်စာရင်း လာပေးသွားတဲ့ ဘလော့ကာ ကိုကိုမမများအတွက် အမှတ်တရ ပါ။ နောက်ပိုင်းမှာလည်း အဲဒီ ဇတ်လိုက်များကို ထည့်သွင်းရေးသားသွား ပါမည်။ နာမည် အသစ်များ လက်မခံနိုင်တော့တာ ခွင့်လွှတ်ပါ။ လူများသွားလျှင် တရုတ်သိုင်းဝတ္တုလို ဇတ်ကောင် နာမည်များ မမှတ်မိတော့မှာ စိုးလို့ပါ။

နာမည်စာရင်းလာပေးသွားသူများ နုတ်ဆက်သူ နုတ်မဆက်သူများ အားလုံးကို ကျေးဇူးတင်လျက်

ဆောင်း

About "With IMAGINARY Spaceship"

noreply@blogger.com (ဆောင်း) — Tue, 20 Jan 2009 12:01:00 +0000

ကျွန်မရဲ့ အတွေးယာဉ်လေးနဲ့ အတူ ဆိုတဲ့ အခန်းဆက်ပို့စ် လေးဟာ နည်းပညာ တွေကို စိတ်ဝင်စားစရာ ဇတ်လမ်းတွေနဲ့ နည်းပညာ ကျွမ်းကျင်သူတွေရော မကျွမ်းကျင်သူတွေပါ နားလည်လွယ်အောင် ကျွန်မ ဖြစ်ချင်ခဲ့တာတွေနဲ့ ရောစပ် ရေးသား ထားခြင်းဖြစ်ပါတယ်။

နည်းပညာရပ်တွေဟာ စိတ်ကူးယဉ်သိပံဇတ်လမ်းပညာအတု မဟုတ်ပါဘူး။ ကျွန်မ ရေးထားတဲ့ တချို့ အချက်တွေဟာ ဇတ်လမ်းအရ နိုင်ငံနဲ့ နေရာ အစစ်အမှန်ကို ညွှန်ရေးလို့ မရတဲ့ အတွက် မြန်မာနိုင်ငံအဖြစ် အစားထိုးရေးသားခြင်း သာ ဖြစ်ပါတယ်။ သို့သော် မူရင်း စာများကို စာမှီးအဖြစ် ညွှန်ထားသဖြင့် ကိုယ်တိုင် ဖတ်ယူနိုင်ပါတယ်။

စာဖတ်သူများ အနေဖြင့် ကျွန်မပို့စ်မှာ ပါသော နည်းပညာ တချို့ကို ကန့်ကွက်လို ဆွေးနွေးလို အကြံပေးလို အသေးစိတ်သိလို ပါက saundoo@gmail.com ဆီသို့ စာရေး မေးမြန်းငြင်းခုံနိုင်ပါတယ်။

ကျေးဇူးတင်စွာဖြင့်

ဆောင်း
www.saundoo.blogspot.com
www.myanmarastronomy.blogspot.com

အတွေးယာဉ်လေးနဲ့ အတူ 2

noreply@blogger.com (ဆောင်း) — Sat, 10 Jan 2009 04:19:00 +0000

www.saundoo.blogspot.com

With IMAGINARY Spaceship - အပိုင်း၂

အာကာသထဲထွက်ဖို့ အတွက် ကြိုတင် ပြင်ဆင်ဖို့ အများကြီး ထဲ့သွင်းစဉ်းစားရပါတယ်။ ပြောရရင် အစစ အရာရာ မသိတာ တွေကို စမ်းသပ် ရှာဖွေလေ့လာ စရာ အများကြီးပါဘဲ။

အာကာသ ပညာရှင်အဖြစ် ရွေးချယ်ခံရပြီဆိုရင် အာကာသထဲမှာ တွေ့ကြုံရမဲ့ အခြေအနေတွေ အခက်အခဲ တွေ ဖြစ်ပေါ်နိုင်မှု့တွေကို ကြိုတင် မှန်းဆပြီး လေ့ကျင့်ရပါတယ်။ အာကာသထဲသွားတယ် ဆိုတာ ကမ္ဘာ့အပြင်ဘက် ထွက်တာလေး တစ်ခုထဲ မဟုတ်ပါဘူး။

- နိုင်ငံတစ်ခုလုံး နိုင်ငံပေါင်းစုံအားလုံး ပါဝင်နေတဲ့ တကမ္ဘာတခုလုံးရဲ့ အဖြစ်အပျက်တွေကို မှတ်တမ်းတင်လို့ ရနေပါတယ်။ ကမ္ဘာအပြင်ဘက်မှာ ရှိနေတဲ့ မသိနိုင်သေးတဲ့ စင်္ကြာဝဌာ နှင့် ဂြိုလ်များ ကြယ်တာရာများ ကြယ်တံခွန်များ လများ အစရှိတာတွေ ကိုလည်း ထောက်လှမ်းလေ့လာ နိုင်ပါတယ်။ ကျွန်မတို့ ကမ္ဘာအပြင် အခြားသော နေရာတွေမှာ သက်ရှိသတ္တ၀ါ ရှိနိုင် မရှိနိုင် လေ့လာဖို့ ကြိုးစားနိုင်ပါတယ်။ တခြားဂြိုလ်တွေရဲ့ သက်ရောက်မှု့ကြောင့် ကမ္ဘာမှာ ပြောင်းလဲမှု့တွေ အကြောင်း လေ့လာနိုင်ပါတယ်။

- သို့အပြင် ကမ္ဘာပေါ်မှာ သာမာန် လက်တွေ့စမ်းသပ်ချက်တွေ သမရိုးကျ လုပ်ဆောင်ချက်တွေ တနည်းအားဖြင့် သက်ရှိသက်မဲ့ အရာတွေရဲ့ ကမ္ဘာပေါ်မှာ ပုံမှန် ဖြစ်ပျက် နေမှု့ဟာ အာကာသ ထဲ ရောက်သွား တဲ့အခါ ဘယ်လိုပြောင်းလဲနိုင်တယ် ဘယ်လိုကောင်းကျိုး ဆိုးကျိုးရရှိနိုင်မလဲ ဆိုတာ စမ်းသပ်နေဆဲပါ။ ဆေးဘက်ဆိုင်ရာ သုတေသနတွေ အာကာသထဲမှာ စမ်းသပ်ရင် ဘယ်လို ကမ္ဘာပေါ်မှာ အသုံးဝင်နိုင်မလဲ ဆိုတာ ရှာဖွေနိုင်ပါတယ်။

- ပုံမှန် သဘာဝ ဇီဝဓါတ်တွေ ကမ္ဘာအပြင်ထွက်ပြီး ကမ္ဘာထဲ ပြန်ဝင်လာရင် ဘယ်လို ပြောင်းလဲမှု့ရှိသလဲ ဆိုတာ စမ်းသပ်နေပါတယ်။ ပြောင်းလဲမှု့ရဲ့ အကျိုးအမြတ် တချို့တွေ ကို ယ္ခု လက်ရှိ ခံစားနေကြပါတယ်။

- ဖြစ်နိုင်ရင် ကမ္ဘာကြီး ပျက်ခဲ့သော် ဘယ်နေရာကို ထွက်ပြေးနိုင်မလဲ တခြား ဘယ်ဂြိုလ်မှာ ပြောင်းရွှေ့နေနိုင်မလဲ ဆိုတဲ့ အချက် တွေပါ လေ့လာနိုင်ပါသေးတယ်။

- တကယ်လို့များ စစ်ကျူးကျော်ခံရရင် ကြိုသိနိုင်ဖို့ လျှို့ဝှက်စုံစမ်းမှု့တွေကို အာကာသယာဉ်တွေ စက်တလိုက်တွေက တဆင့်ဓါတ်ပုံရိုက်လေ့လာနိုင်ပါတယ်။

-ဘယ်နေရာမှာဘယ်လို သယံဇာတတွေ ရာသီဥတုအခြေအနေ အစရှိသမျှကို ကမ္ဘာ့အပြင်ဘက်ကနေ ထောက်လှမ်းလို့ရနေတဲ့ အတွက် အာကာသယာဉ်ဟာ အလွန်မှ အရေးကြီးတဲ့ လျှို့ဝှက်ချက် တွေ ဖော်ထုတ်ရာ နေရာ ဖြစ်နေပါတယ်။

- လူသားတွေ နေ့စဉ်နဲ့အမျှ အသုံးပြုနေတဲ့ ဆက်သွယ်ရေးတွေကို ပိုမိုလွယ်ကူ မြန်ဆန်အောင် လေ့လာစမ်းသပ်ချက်တွေ လုပ်ဆောင်နိုင်ပါတယ်။

ဒါ့ကြောင့် ကမ္ဘာ့အပြင်ဘက်ထွက်ပြီး လေ့လာရမဲ့ အာကာသပညာရှင်တွေဟာ ကိုယ့်ဆိုင်ရာနယ်မှာ ကျွမ်းကျင်တတ်မြောက်ရပါလိမ့်မယ်။

ကိုယ့်တတ်ကျွမ်းတဲ့ အကြောင်းအရာ အပြင် ဘက်စုံနီးပါး သိတတ်ထားရဖို့လိုအပ်ပါတယ်။ လူများများ မတင်လွှတ်နိုင်တဲ့အတွက် လူတစ်ဦးတည်းက လိုအပ်တဲ့ လူ၁၀ယောက် ရဲ့ အတတ်ပညာ အသိပညာလောက် ကို ယေဘူယျနီးပါး တတ်ထားပါမှ ကြိုတင် ကာကွယ်မှု့ တွေ လုပ်ဆောင်နိုင်ပါမယ်။

ဖြတ်ထိုးဥာဏ်သုံးနိုင်တဲ့သူ စိတ်ရှည်တဲ့သူ မှတ်ဥာဏ်ကောင်းတဲ့သူ စိတ်ဓါတ် ရေးရာ ကြံခိုင်တဲ့သူ ဖြစ်မှသာ လူနည်းနည်းနဲ့ ကြဲကြဲဝိုင်းရတဲ့ အာကာသ ခရီးမှာ အရွေးခံရပါမယ်။

သို့အတူ ပညာရှင်တွေဟာ အသက်ဘေးနဲ့လဲ စက္ကန့်ပိုင်းအကွာမှာ နေနေရသူတွေဖြစ်ပါတယ်။ အခုထိ တရားဝင် ထုတ်ပြန်ကြေငြာတဲ့ ဆုံးရှုံးမှု့တွေနဲ့ ဖုံးကွယ်ထားတဲ့ ဆုံးရှုံးမှု့တွေဟာ ဘယ်လိုမှ အစားထိုးလို့ မရတဲ့ ဆုံးရှုံးမှု့တွေဖြစ်ပါတယ်။

ဒါဟာ နည်းပညာပိုင်းဘဲ ရှိပါသေးတယ်။ ကျဉ်းကြပ် လှတဲ့ အာကာသယာဉ်ထဲက အဖွဲ့သားတွေနဲ့ အပေး ယူမျှဖို့ လိုပါတယ်။ ကမ္ဘာ့ အပြင်ဘက်မှာ တွေ့ကြုံရမဲ့ အခြေအနေတွေ အခက်အခဲတွေကို ခံနိုင်ရည် ရှိဖို့ အတွက် ကျန်းမာရေး အတော် ကြံ့ခိုင်တဲ့ သူဖြစ်ဖို့လိုပါသေးတယ်။

ရက်အတန်ကြာတဲ့ အထိ ကမ္ဘာ့ ဆွဲအား မရှိပေမဲ့ ဂြိုလ်တွေရဲ့ ဆွဲငင်အား အနည်းငယ် ရှိပြီး လွှင့်မျှော နေရတဲ့ လေဟာနယ်ထဲက ပတ်ချာလည်နေမှု့တွေ မတူညီတဲ့ ပြောင်းလဲမှု့တွေကို စိတ်ဓါတ်ခိုင်ခိုင်နဲ့ ခံနိုင်ရည် ရှိနိုင်မဲ့ သူလည်း ဖြစ်ရပါအုန်းမယ်။ သယ်ဆောင်နိုင်မဲ့ ပါလာတဲ့ အစားအသောက်ကိုလည်း တာရှည် ခံအောင် တနေ့တာ သတ်မှတ်တဲ့ အစားအသောက်ကိုလည်း တင်းတိမ်နိုင်အောင် လေ့ကျင့်ရပါတယ်။ တဲ့တဲ့ပြောရရင် အစားအသောက်မှာ ချေးမများရပါဘူး။ သယ်ဆောင်နိုင်တဲ့ ရေပမာဏဟာ ကန့်သတ်ချက် ရှိတဲ့ အတွက် တချို့ရေတွေဟာ ပြန်လည် အသုံးချရ ပါတယ်။ မရွံ့ရှာဘဲ သိပံနည်းကျ သန့်စင်ထားတဲ့ သန့်ရှင်းတဲ့ ရေ လို့ သတ်မှတ်နိုင်ရပါမယ်။ အရာရာကို အမြင်အားဖြင့် ခန္တီသဘောနဲ့ လက်ခံ စားသောက်နေထိုင် နိုင်ရပါမယ်။

ဒီလို ထိန်းချုပ်မှု့တွေ များလွန်းလှတဲ့ အတွက်ကြောင့် အာကာသသိပံပညာရှင် ဖြစ်ဖို့ စိတ်ရှည်တဲ့ သူကိုသာ ရွေးရပါတယ်။

ဒါတင်လားဆိုတော့ မဟုတ်သေးပါဘူး။

ကမ္ဘာ့ အပြင်ဘက်မှာ အပူအအေး မမျှတပါဘူး။ သံလိုက်စက်ကွင်း လျှပ်စစ်စက်ကွင်း နဲ့ မသိနိုင်တဲ့ မမြင်နိုင်တဲ့ စက်ကွင်းတွေ ဘေးအန္တရယ်တွေဟာ ထိပ်တိုက် ကြုံတွေ့ရမှာ ၁၀၀% ဖြစ်ပါတယ်။ ဒါ့ကြောင့် အာကာသသိပံပညာရှင်တွေဟာ ကမ္ဘာပေါ်ပြန်ရောက်လာရင် အဲဒီ အန္တရယ်တွေရဲ့ အကျိုးဆက်ကို ခံစားရမှာပါ။ ပြောရရင် မြန်မြန်သေဖို့ ကြိုတင် လက်မှတ် ယူထားသလိုပါဘဲ။

သို့သော်...

ကျွန်မတို့ အတွက်ကတော့ ကိုယ့်ရဲ့ ယုံကြည်မှု့ အတွက် သံဓိဌာန်ချထားတဲ့ အတိုင်း ဖြစ်လိုရာ ဖြစ်စေတော့ အသက်ပါစွန့်မယ် ဆိုပြီး ရဲရဲဝံ့ဝံ့ နောက်မဆုတ်တမ်း စိတ်ဓါတ်ခိုင်ခိုင်နဲ့ ရှေ့ ဆက်လျှောက်မဲ့ သူတွေပါဘဲရှင်....

နောက်ပိုင်းပို့စ်တွေမှာ အထက်က တင်ပြထားတဲ့ သုတေသနလုပ်ငန်းတွေရဲ့ အဖြေရခဲ့သော အဖြေမရသေးသော ရလာဒ်တွေကို အနည်းငယ်စီ တင်ပြသွားပါမယ်

Thank you for visiting to my blog and enjoy exploring with my IMAGINARY spaceship.

To be Continue.....

With IMAGINARY Spaceship - အတွေး ယာဉ်လေးနဲ့ အတူ

noreply@blogger.com (ဆောင်း) — Mon, 05 Jan 2009 16:13:00 +0000

မှတ်ချက်။ ။ ယခုရေးတဲ့ ပို့စ်ကတော့ ညီမလေး ထွေး က မမရယ် စိတ်ကူးယဉ်ပေးပါ ဆို လို့ ရေးတဲ့စာပါ။ ကျွန်မ အမှန်တကယ် စိတ်ကူးယဉ် ခဲ့မိပါတယ်။ နောက်ဆုံးမှာ မဖြစ်နိုင်တော့တာ ကြောင့် စိတ်ကူးကို စိတ်ကူးထဲမှာ ဘဲ ထားခဲ့ရ တဲ့အတွက် ကျွန်မ အတွက် မှတ်တမ်း မဟုတ်ရင်တောင် မှတ်မှတ်ရရ ဖြစ်ပါရစေလို့.. ....

www.saundoo.blogspot.com

မြန်မာ အာကာသ သိပံ ဌာန.............

ဒေါက်တာခွန်း .. ဘာတွေ တွေးနေတာလဲ. မျက်မှောင်ကြုပ်လိုက် ပြုံးလိုက် တည်လိုက်နဲ့..။

ဟုတ်တယ် မဆောင်းရေ... ကျွန်တော် စစ်တမ်းတွေ အားလုံးကို အောင်မြင်အောင် ကြိုးစားနေတယ်။ ကျွန်တော့် အနစ်နစ်အလလက ရည်မှန်းတာကို ပြည့်ချင်တယ်ဗျာ။

ဒေါက်တာခွန်းရေ.. ဒါကတော့လေ... အားလုံးကတော့ အကောင်းဆုံးကို ရည်မှန်းတာဘဲ။ ရသည် ဖြစ်စေ မရသည် ဖြစ်စေ ကြိုးစားရမှာ က ကျွန်မတို့ တာဝန်မဟုတ်လား။

ဟုတ်ပါတယ် မဆောင်းရေ...
.
.
သြော် ဘာလိုလိုနဲ့ ကျွန်မတို့ တွေ ပွဲဝင်တင့် ဖို့ သင်တန်းတက်နေရတာ ၃နစ်ကျော်လာပါပကော..

လွန်ခဲ့တဲ့ ၃နစ်ခွဲကာလ အတိတ်အစဉ် ကို ပြန်လည် သတိရ သွားမိပါတယ်။ ကျွန်မ အလုပ်လုပ်တဲ့ ဌာနက ဆရာ တစ်ဦးက သတင်းကောင်းလေး တခု သယ်ဆောင်လာခဲ့ပါတယ်။ နံရံကပ်သင်ပုန်းမှာ ကပ်ထားတဲ့ သတင်းလေး တစ်ခုပါ။ အာကာသသိပံပညာရှင်များ ခေါ်ယူနေကြောင်း သတင်းကောင်း ပါ။

လျှောက်လွှာထဲမှာ ပါတာက တော့

အာကာသ သိပံပညာရှင်ဖြစ်ဖို့ အတွက်....
- ပညာရေး
အဆင့်မြင့်မြင့် ဂရိတ်နဲ့အောင်ရပါမယ်။ အနည်းဆုံး ဘွဲ့ တစ်ခုရရှိထားရပါမယ်။ အင်ဂျင်နီယာဘွဲ့၊ ဇီဝသိပံဘွဲ့၊ ရူပသိပံဘွဲ့ ၊ ဆေးပညာ နဲ့ သင်္ချာဘွဲ့ ရထားတဲ့သူတွေသာ လျှောက်ခွင့်ရှိပါမယ်။ ဘွဲ့လွန် မဟာ၊ဒေါက်တာ ဘွဲ့ ရထားသူများ ပိုအခွင့်အရေးရှိပါတယ်။ သို့သော်.. အောက်ပါ ဘွဲ့များကိုတော့ ဆက်နွယ်မှု့ရှိပေမဲ့ လျှောက်ခွင့်မရှိ ဖယ်ထုတ် ထားပါတယ်။

*- Degrees in Technology (Engineering Technology, Aviation Technology, Medical Technology, etc.)
*- Degrees in Psychology (except for Clinical Psychology, Physiological Psychology, or Experimental Psychology which are qualifying).
*- Degrees in Nursing.
*- Degrees in Exercise Physiology or similar fields
*- Degrees in Social Sciences (Geography, Anthropology, Archaeology, etc.).
*- Degrees in Aviation, Aviation Management, or similar fields.

- မြန်မာနာဆာမှ ရူပသိပံ အာကာသ သင်တန်း သို့မဟုတ် စစ်ဘက်ဆိုင်ရာ သို့မဟုတ် နိုင်ငံတကာ ရူပလေယာဉ် သင်တန်း အောင်မြင်သူဖြစ်ရပါမယ်။
-အသက် ၂၇-၃၇နစ် အတွင်း
- ကျန်းမာရေး ကောင်းမွန်သူဖြစ်ရပါမယ်။
- မှတ်ဥာဏ်ကောင်းသူ၊ အလုပ်ကို အာရုံစိုက်လုပ်နိုင်သူ ဖြစ်ရပါမယ်။ ( ဘာ့ကြောင့်လဲ ဆိုတော့ အာကာသထဲမှာ အရာအားလုံးဟာ လေထဲလွှင့်မျှောနေသလို ပတ်ချာလည်နေနိုင်တဲ့အတွက် ခေါင်းမူးပြီး ဘာမှ အာရုံ မစိုက်နိုင် အလုပ်မလုပ်နိုင်ဖြစ်မှာ စိုးလို့ပါဘဲ။ အတော် အကြမ်းခံနိုင်ရည်ရှိသူ ဖြစ်ရပါမယ်။)
- ရန်လိုသူ၊ စိတ်ဒေါသကြီးသူ၊ စိတ်အားငယ်သူ လုံးဝ လက်မခံပါဘူး။ (အာကာသထဲသွားနေတုန်း မိသားစုကို လွမ်းတာကို ရှေ့တန်းမတင်စေရ။ အာကာသယဉ် ကျဉ်းကျဉ်းလေးထဲမှာ လွင့်မျှောနေတဲ့ အဖွဲ့သားတွေနဲ့ ရန်မဖြစ်စေရ။ )
- အုပ်စုအဖွဲ့ နဲ့ အပေးအယူမျှ ကူညီ လုပ်ကိုင်တတ်သူ ဖြစ်ရပါမယ်။
- သိပံပညာနှင့်ပတ်သက်၍ မိမိ လုပ်ကိုင်နေသော ပညာနယ်ပယ်ကို အသေးစိတ် တတ်ကျွမ်းသူ၊ ကွက်ကျော်မြင်သူ၊ မှန်းဆ လုပ်ကိုင်တတ်သူ ဖြစ်ရပါမယ်။

အာကာသ သိပံပညာရှင်မှာ ၄နေရာ လျှောက်ထားနိုင်ပါတယ်

Commander/pilot အုပ်ချုပ်ရေးမှုး ၊ အာကာသယဉ်မှုး
Mission specialist ဆက်သွယ်ရေးပညာရှင်
Payload specialist အာကာသယာဉ်ပညာရှင် တို့ဖြစ်ပါတယ်။

အုပ်ချုပ်ရေးမှုး အဖြစ်ကတော့ ယာဉ်နဲ့ပတ်သက်တဲ့ အကြောင်းအရာ၊ အဖွဲ့သား နဲ့ ဆက်သွယ်ရေး အားလုံးကို တာဝန်ကြီးစွာ ယူထားရသူပေ့ါ။ လေယာဉ်မှုး ကတော့ ဆက်တလိုက်ဂြိုလ်တု တပ်ဆင်ဆက်သွယ်မှု့ နဲ့ အာကာသယာဉ် တစ်ခုလုံး လုံခြုံရေး စက်ပစည်းများ မချို့ယွင်းရေး က အစ တာဝန်ယူရပါတယ်။

ဆက်သွယ်ရေး ပညာရှင်ကတော့ အုပ်ချုပ်ရေးမှုး၊ လေယာဉ်မှုးနဲ့ အတူ ယာဉ်စက်ပစည်း ထိမ်းသိမ်းရေး၊ အာကာသတွင်း လမ်းလျှောက်ပြီးလေ့လာရေး သုတေသနလုပ်ဆောင်ရေးတို့ ဖြစ်ပါတယ်။

အာကာသယာဉ် ပညာရှင်ကတော့ ဆက်သွယ်ရေးပညာရှင်အတွက် အာကာသယာဉ်အတွင်းမှ ပံ့ပိုးပေးရသူ ဖြစ်ပါတယ်။ အဲဒီနေရာမှာ နိုင်ငံခြားသားတွေကိုလက်ခံနိုင်ပါတယ်။ သူက သိပ်အရေး မပါလှပါဘူး။

အာကာသယာဉ်မှုးလိုအပ်ချက်
- ဂျက်လေယာဉ် ကို အနည်းဆုံး ၁၀၀၀ နာရီ မောင်းခဲ့ဖူးရပါမယ်။ ခရီးသယ်တင် လေယာဉ်ကိုလည်း မောင်းဖူးရပါမယ်။
- မျက်လုံး အမြင်ကောင်းသူဖြစ်ရပါမယ်။ ၂၀-၇၀ အကွာအဝေးမြင်ကွင်း ကို တိကျ ပြတ်သားစွာ မြင်သူဖြစ် ရပါမယ်။ သို့မဟုတ် မျက်လုံးတစ်ဖက်စီ ၂၀-၂၀ မြင်ကွင်းကို မြင်နိုင်သူဖြစ်ရပါမယ်။
- သွေးဖိအားနုန်း ထိုင်သည့်အချိန်တွင် တိုင်းသော ပမာဏ၁၄၀-၉၀ ရှိရပါမယ်။
- အရပ်အမောင်း ၆၄ -၇၆ လက်မ အတွင်းရှိရပါမယ်။

ဆက်သွယ်ရေး ပညာရှင် အတွက်လိုအပ်ချက်
- လုပ်ငန်းအတွေ့အကြုံ ရိုးရိုးဘွဲ့ဖြစ်လျှင် ၃နစ်။မဟာဘွဲ့ဖြစ်လျှင် - ၁နစ်။ ဒေါက်တာဘွဲ့ ဖြစ်ပါက - ၃နစ်။
- မျက်လုံး အမြင်ကောင်းသူဖြစ်ရပါမယ်။ ၂၀-၂၀၀ အကွာအဝေးမြင်ကွင်း ကို တိကျ ပြတ်သားစွာ မြင်သူဖြစ် ရပါမယ်။ သို့မဟုတ် မျက်လုံးတစ်ဖက်စီ ၂၀-၂၀ မြင်ကွင်းကို မြင်နိုင်သူဖြစ်ရပါမယ်။
- သွေးဖိအားနုန်း ထိုင်သည့်အချိန်တွင် တိုင်းသော ပမာဏ၁၄၀-၉၀ ရှိရပါမယ်။
- အရပ်အမောင်း ၅၈.၅ -၇၆ လက်မ အတွင်းရှိရပါမယ်။

အုပ်ချုပ်ရေးမှုးနဲ့ အာကာသယာဉ် ပညာရှင်အတွက်က အာကာသယာဉ်မှုး လိုအပ်ချက် အတိုင်း ဖြစ်ပေမဲ့ အရပ်အမောင်းကို သတ်မှတ်ထားခြင်းမရှိပါ။

လျှောက်လွှာ ပိတ်ရက်ရောက်တဲ့ အထိ လျှောက်လွှာပေါင်း သောင်းနဲ့ချီ တဲ့ အထဲမှာ ကျွန်မ ရဲ့ လျှောက်လွှာလေး က အပါအ၀င်ပေ့ါရှင်။ ကျွန်မမှာ ရက်ပေါင်းများစွာ မျှော်လင့်ကြီး ကြီးစွာနဲ့ စောင့်စား ခဲ့ရ ပါတယ်ရှင်။

ရွေးချယ်သူတွေအနေနဲ့ က အတော် စိစစ်ရွေးချယ်ရတဲ့ အတွက် အချိန်ပေးရပါတယ်။ တစ်ရက်ကို လျှောက်လွှာ ၂၀စောင် ဖတ်တယ်ဘဲထား အစောင်ပေါင်း ၉၉၉၉၉ လောက်ရှိတဲ့ လျှောက်လွှာတွေ ဖတ်ဖို့ လနဲ့ချီ ကြာတာ မဆန်းပါဘူးရှင်..

To be continue.....

http://www.pbs.org/spacestation/station/training.htm
http://www.esa.int/esaHS/ESASSE0VMOC_astronauts_0.html
http://nasajobs.nasa.gov/astronauts/content/broch00.htmp
http://people.howstuffworks.com/question534.htm

The difficult road to Mars

noreply@blogger.com (mtssnrty) — Fri, 19 Dec 2008 18:33:00 +0000

The Difficult Road to Mars
ဒီတပတ်တော့ စာဖတ်သူများကို စိတ်ဝင်စားစရာကောင်းတဲ့ Space Exploration နဲ့ပတ်သက်တဲ့ history book လေးတစ်ခုမျှဝေပေးလိုက်ပါတယ်။ NASA History Division က ၁၉၉၉ခုနှစ်မှာ ထုတ်ဝေခဲ့ တာပါ။ Soviet Union ခေတ်တုန်းက Mars Exploration နဲ့ ပတ်သက်ပြီး ကြိုးစားခဲ့ပုံအကြောင်းကို V.G.Perminov က ပြည့်ပြည့်စုံစုံ ရေးသားထားပါတယ်။
ဒီစာအုပ်ကို မျှဝေပေးဘို့ စိတ်ကူးရတာက ဟိုအရင်အပတ်က ESA ကနေ Mars500 mission နဲ့ပတ် သက်ပြီးရွေးချယ်ခံရတဲ့သူ ၅ဦး ထုတ်ဖော်ကြေငြာတဲ့သတင်း ဖတ်ပြီးစိတ်ကူးရတာပါ။ Mars500 mission က ၂၀၀၉ ခုနှစ် နှစ်ကုန်ပိုင်းမှာ ရက် ၅၀၀ ကြာခရီး Mars ကိုလူလွှတ်ဖို့ပါဘဲ။ အဲဒီခရီးကိုသွားချင်သူများ လျောက် လွှာခေါ်တဲ့ နေရာမှာ ဥရောပနိုင်ငံအသီးသီးမှ စိတ်ပါဝင်စားသူ ၅၆၀၀ လျှောက်ခဲ့ရာမှာ လွန်ခဲ့တဲ့အပတ်ကမှ ရွေးချယ်ခံရသူ ၅ ဦးကိုထုတ်ဖော်ကြေငြာခဲ့ပါတယ်။ပြင်သစ်၃ဦး၊ ဆွိဒင်၁ဦး နဲ့ ဂျာမန် ၁ ဦး ရွေးချယ် ခံရပါတယ်။အဲဒီထဲကမှ ၂ ဦးက Russian ၄ဦးနဲ့ အတူ ၂၀၀၉ မတ်လမှာ Moscow Institute of Biomedical Problem မှာရှိတဲ့ သီးခြားအခန်းထဲမှာ ၁၀၅ ရက်ကြာ အပိတ်ခံပြီး လေ့ကျင့်ကြတော့မှာဖြစ်ပါတယ်။ ဒီခရီးစဉ်ကို ESA ကနေ တာဝန်ယူပြီးတော့ Russian Space Agency က technology support လုပ်မှာဖြစ်ပါတယ်။
ကျွန်တော် ဆိုလိုချင်တာက ၁၉၉၉ ခုနှစ်လောက်တုန်းက The difficult road to Mars လို့ ရေးခဲ့တဲ့ အကြောင်းအရာတစ်ခုဟာ ၂၀၀၉ ခုနှစ်မှာ တကယ်ဖြစ်လာတော့မှာပါ။ အောင်အောင်မြင်မြင်နဲ့ ပြီးဆုံးပါစေလို့လဲဆုတောင်းပါတယ်။ အဲတော့ စိတ်ပါဝင်စားရင် ဒီစာအုပ်လေးကို ဖတ်ကြည့်ကြပါ။ Mars Exploration နဲ့ ပတ်သက်တဲ့ history အပြင် Mars နဲ့ပတ်တဲ့ အချက်အလက်တွေ space technology development တွေကိုပါ လေ့လာသိရှိနိုင်မှာ ဖြစ်ပါတယ်။
mtssnrty

The difficult road to Mars

noreply@blogger.com (mtssnrty) — Fri, 19 Dec 2008 18:31:00 +0000

Difficult Road to Mars

Publish at Scribd or explore others:

Asteroid ဧ။် ပတ်လမ်း ပြောင်းယူခြင်း

noreply@blogger.com (mtssnrty) — Wed, 03 Dec 2008 17:02:00 +0000

Act Pre Mad Gtoc1 Mai

Publish at Scribd or explore others:

Asteroid ဧ။် ပတ်လမ်း ပြောင်းယူခြင်း

noreply@blogger.com (mtssnrty) — Wed, 03 Dec 2008 16:15:00 +0000

အခုတပတ်တော့ စာဖတ်သူများကို ၂၀၀၅ ခုနှစ်က European Space Agency က ကြီးမှူးကျင်းပခဲ့တဲ့ 1st Global Trajectory Optimization Competition က Problem အကြောင်း ပြောပြချင်ပါတယ်။ အရင်အ ပတ်ရေးခဲ့တဲ့ Planetary Defense နဲ့လဲ ဆက်စပ်လို့ရအောင်လို့ပါ။ Problem ကို Advanced Concept Team ကနေ ထုတ်ပြီးတော့ တစ်ကမ္ဘာလုံးက ပညာရှင်အုပ်စုတွေ ဝိုင်းပြီးတွက်ကြတဲ့ပြိုင်ပွဲပါ။ Problem description ကတော့ အောက်ပါအတိုင်းဖြစ်ပါတယ်။
Problem Description:
The main objective of the optimization is to maximize the change in the semi-major axis of the Asteroid 2001 TW229 subsequent to the impact of an electric propelled spacecraft.

1-The target
Consider the asteroid 2001 TW229 and its osculating orbital elements in the J2000.0
heliocentric ecliptic reference frame:
Asteroid 2001TW229
a (semi-major axis, AU): 2.5897261
e (eccentricity): 0.2734625
i (inclination, deg.): 6.40734
(argument of pericenter,deg.):264.78691
Ω (Right Ascension of the Ascending Node, deg.):128.34711
M (mean anomaly at epoch53600 MJD, deg.):320.47955

2-The spacecraft
Consider a nuclear electric propelled spacecraft with a wet mass of 1500 kg (dry mass can be
considered to be zero) and equipped with a thruster with the following capabilities: specific
impulse Isp=2500 sec., maximum thrust level T=0.04 N.

3-The mission
The spacecraft has to be transferred from Earth to the asteroid 2001 TW229 with a launch in
[3653-10958] MJD2000 (Modified Julian Date 2000), corresponding to years 2010 to 2030. The
maximum time of flight is 30 years. At arrival the quantity J=m_f*‖U ̂_(rel )*υ ̂_ast ‖ has to be
maximized, where f m is the final mass of the spacecraft, Urel is the velocity of the spacecraft
relative to the asteroid at arrival and ��ast is the heliocentric velocity of the asteroid. The launcher
available for the mission is able to provide a 2.5 km/sec escape velocity to the spacecraft with no
constraint on the escape asymptote direction. Consider also a constraint on the minimum allowed
heliocentric distance of 0.2 AU.

Probem ကတော့ Asteroid 2001 TW229 ရဲ့ ပတ်လမ်းကို နှစ် ၃၀ အတွင်း ကျွန်တော်တို့ လွှတ်တင် ထားတဲ့ Spacecraft ရဲ့ ဝင်တိုက်တဲ့ အရှိန်နဲ့ ပြောင်းလဲပစ်ဖို့ပါဘဲ။ ဒီနေရာမှာ အဲဒီ Asteroid ရဲ့ Orbital Elemtents တွေ ပေးထားတယ်။ အသုံးပြုလို့ရမယ့် Spacecraft ရဲ့ datas တွေပေးထား တယ်။ ပြီးတော့ mission design ပြုလုပ်ရာမှာ သုံးရမယ့် ကန့်သတ်ချက်တွေ ပေးထားပါတယ်။
ဒီပြိုင်ပွဲကို ကမ္ဘာအရပ်ရပ်ရှိ Space Agencies များ တက္ကသိုလ်များမှ ပညာရှင် ၁၇ သင်း ဝင်ရောက်ယှဉ်ပြိုင်ကြပါတယ်။ JPL NASA က အသင်းက ပထမ၊ Spain က ၂ သင်းက ဒုတိယ နဲ့ တတိယ၊ ကျွန်တော့ဆရာရဲ့ အသင်းက စတုတ္ထ ရရှိပါတယ်။ ဒီနေရာမှာ စာဖတ်သူများထဲမှ စိတ်ပါဝင် စားသူများအတွက် အဒီတုန်းက လုပ်ခဲ့တဲ့ ကျွန်တော့်ဆရာရဲ့ Presentation ကို မျှဝေပေးလိုက်ပါ တယ်။ အမတန်မှ ရှုပ်ထွေးတဲ့ Trajectory Design ဖြစ်ပါတယ်။ ပထမဆုံး ကမ္ဘာ ကို ပတ်မယ်။ ပြီရင် Venus အနား ကို သွားမယ်။ Venus ကနေ ကမ္ဘာအနားကို ပြန်လာမယ်။ ပြီးရင် Venus အနားကို ပြန် သွားမယ်။ Venus ကနေ ကမ္ဘာအနားကို ပြန်လာမယ်။ ပြီးရင် နောက်တစ်ကြိမ် ကမ္ဘာကို ထပ်ပတ် မယ်။ နောက်ဆုံး Asteroid 2001 TW229 ကို အရှိန်ပြင်းပြင်းနဲ့ ဝင်ဆောက်ပြီး အဲဒီ Asteroid ရဲ့ လမ်း ကြောင်းကို ပြောင်းပစ်မယ်ပေါ့။ အဲဒီ Trajectory design မှာ အသုံးပြုတဲ့ တချို့ methods တွေရဲ့ algorithms တော့ ကျွန်တော့မှာ ရှိနေပါပြီ။ ဒါပေမယ့် ကိုယ့် Thesis နဲ့ ကိုယ်ဆိုတော့ အဲလောက်ရှုပ် ထွေးတဲ့ Problem မျိုး Formulate လုပ်ပြီး Solve မလုပ်ဖူးသေးပါဘူး။ ဒီနေရာမှာ Earth and Venus ကို အကြိမ်ကြိမ်ပတ်တယ်ဆိုတာက သူတို့ရဲ့ ဆွဲအားတွေကို လွဲအားအဖြစ် ပြောင်းလဲအသုံးချတာပါ။
မလွယ်တော့ မလွယ်ဘူးပေါ့နော။ အမတန်မှ စိတ်ဝင်စားစရာကောင်းတဲ့ Problem တစ်ခုဖြစ်ပါတယ်။
လေ့လာကြည့်ပါ။ စိတ်ဝင်စားလို့ further study အတွက်ဆိုရင်တော့ အောက်ပါ Internet webpage ဆီကို သွားလည်ကြည့်ပေါ့။
http://www.esa.int/gsp/ACT/mad/pp/GTOC1/gtoc1.htm
Questions တွေရှိလာလို့ မေးစရာရှိလာမယ်ဆိုရင်လဲ ဆက်သွယ်နိုင်ကြ ပါတယ်။ အတတ်နိုင်ဆုံး သိသလောက်တော့ ကြိုးစားဖြေကြည့်တာပေါ့။
ကမ္ဘာအရပ်ရပ်မှ ပညာရှင်များ ဝိုင်းဝန်း တွက်ချက်ထားတဲ့ အန္တရာယ်ဖြစ်နိုင်မယ့် asteroids, comtes တွေရဲ့ ပတ်လမ်းတွေကို ပြောင်းပစ်နိုင်မယ့် trajectory design တွေ Facilities တွေ ရှိပါတယ် ဆိုတဲ့အကြောင်း သတင်းကောင်းပါးလိုက်ပါတယ်။
နောက်ဆုံးအနေနဲ့ ကမ္ဘာကြီးကို Asteroids, Comets တို့ ဝင်တိုက်လို့ မီးလောင်မှာတို့ ရေကြီး မှာတို့ တွေးပြီးပူပင်နေသူတွေအားလုံး ကြောင့်ကြခပ်သိမ်း ဝေးကြပါစေ လို့ ဆုမွန်ကောင်းတောင်းရင်း အဆုံးသတ်လိုက်ပါတယ်။

mtssnrty

Planetary Defense

noreply@blogger.com (mtssnrty) — Sat, 29 Nov 2008 12:41:00 +0000

Planetary Defense

အခုတပတ်တော့ ဘာရေးရမယ် စဉ်းစားရင်း အရင်တပတ်ပွဲဆူတုန်းက မသိလိုက်လို့ ဝင်မ ပါလိုက်ရတဲ့ အကြောင်းအရာကို ပြန်ဆွလိုက်တယ်ပဲဆိုပါတော့၊၊ တကယ်တော့ ဒီ blog လေးဟာ Myanmar Astonomy လုိ့ နာမည်ပေးထားပေမယ့် စ လုပ်တဲ့သူဟာ သက်ဆိုင်ရာ နယ်ပယ်က Specialist မ ဟုတ်ပါဘူး။ မိမိရဲ့ ဝါသနာအရ မအားလပ်တဲ့ကြားက အားလုံးအတွက် လုပ်ပေးတဲ့ ‘ခွန်း’ ကိုတော့ အတိုင်းအတာတခုထိတော့ အသိအမှတ်ပြုပါတယ်။ ကောင်းတဲ့ ဘက် ကတော့ တစ်ခုတော့ တွေးမိတယ်။ ‘ ကမ္ဘာပျက်မယ့်နေ့နဲ့ ပတ်သက်တဲ့ ကျွန်တော့် အမြင်’ လိုမျိုးတင်လိုက်တဲ့အတွက် လူသိပိုများသွားတာကတော့ အမြတ်တစ်ခုပေါ့။ ဒီနေ့တော့ အဲဒီ ပွဲဆူတုန်းက ဝင်ပါလိုက်ခဲ့ကြတဲ့ စာ ဖတ် သူအားလုံးကို ကျွန်တော့်ရဲ့ Suggestions လေးပေးလိုက်ပါတယ်။ ဆရာ ဝင်လုပ်တယ်လို့တော့ ထင် မ နေကြနဲ့အုံးနော်။ 1st year, 2nd year လောက်တုန်းက ကျွန်တော်တို့ရဲ့ မြန်မာစာ ဆရာကြီး တစ်ယောက် ပြောဖူးတဲ့စကားကိုတော့ အမှတ်ရမိတယ်။ အဲဒါကတော့ စကား ဝိုင်းတစ်ခုထဲကို မသေ ချာဘဲ ‘ခြင်းလူပျက်’ ဝင်မလုပ်မိဘို့ပါဘဲ။ ပိသာလေးနဲ့ မဟုတ်ဘဲ အချိန်တစ်ရာ အလေးနဲ့ ဘေးကို ပစ်ခံရဖို့က ဒီခေတ်ထဲမှာ အတော်နီးစပ်တယ် ဆိုတာဘဲ။ အဲ ကျွန်တော်ကတော့ ‘ခြင်းလူပျက်’ တော့ မဟုတ်ပါဘူး။ ဒါပေမယ့်လဲ အားလုံးကို ပြောချင်တာလေးတွေကိုတော့ ဒီနေရာကနေ ပြောလိုက်ပါတယ်။

ပထမဆုံးအချက်ကတော့ Religiousness တော်တော်များများဟာ Astrology ကို မူတည် နေပါတယ်။ အဲဒီ Astrology ဆိုတာကလဲ Astronomy ကို မူတည်နေပါတယ်။ အဲတော့ အခြေခံ အ ကျဆုံး Astronomy အကြောင်းကိုတောင် သေသေချာချာ အရာအားလုံး သက်သေ မပြသေးနိုင်တဲ့ အချိန်မှာ အထက်က အကြောင်းအရာ နှစ်ခုနဲ့ မရောထွေးချင်တာကတော့ အမှန်ပါ။ ပထမဆုံးအနေနဲ့ ဆိုလိုသည်ကို မှန်ကန်သော နားလည်မှူ မျိုးရအောင်လို့ အရင်ကြိုးစားစေချင်ပါတယ်။ မှန်ကန်စွာ နားလည် ပြီးဆိုမှ ဒုတိယအနေနဲ့ ငြင်းချင်တယ် သို့တည်းမဟုတ် အကြံပေးချင်တယ် ဆိုရင်လဲ မှန်ကန်ကောင်းမွန် တဲ့ References တွေပေးပြီး ဆွေးနွေးငြင်းခုံ အကြံပြုမှူများ ပြုလုပ်စေချင်ပါတယ်။

ဒုတိယအချက်ကတော့ Science ကို Games တွေ စိတ်ကူးယဉ် ပုံပြင် ဇာတ်လမ်း တွေနဲ့ မရောထွေးစေဖို့ပါဘဲ။ တချို့သော စိတ်ကူးယဉ် ဇာတ်လမ်းတွေက တင်ပြပုံ အရမ်းကောင်းနေတဲ့ အတွက် ထင်ရောင်ထင်မှားဖြစ်ပြီး အမှတ်မှားတတ်ပါတယ်။ တခါတလေကျရင်တော့ အဲလိုစိတ်ကူးယဉ်မှူ တွေကဘဲ Advanced ဖြစ်တဲ့ missions တွေ ဖြစ်လာတတ်ပါတယ်။ ဒါပေမယ့် စာဖတ်သူအနေနဲ့ လက်ရှိအခြေအ နေနဲ့ နှိုင်းယှဉ်ပြီး ချိန်ထိုးတွက်ဆ ယုံကြည်မှတ်ယူရပါမယ်။ ဒီနေရာမှာ ကြုံကြိုက်လို့ ဥပမာလေးတစ်ခု လောက်ပေးချင်ပါတယ်။ အဲဒါကတော့ ၂၀၀၅ ခုနှစ်လောက်တုန်းက မြန်မာပြည်မှာ ထုတ်တဲ့၈ျာနယ်တစ်ခု ရဲ့ အမေးအဖြေ တစ်ခုကို ပြောချင်ပါတယ်။ မေးခွန်းကတော့ လေယာဉ်တွေက ပြေးလမ်းကနေ စတင် ပျံတက်ပေမယ့် ဒုံးပျံတွေကျတော့ ထောင်တက်တာကို ၇ှင်းပြစေချင်ပါတယ် ဆိုတဲ့မေးခွန်းပါ။ ဖြေထားတဲ့ အချက်တွေကို ဖတ်ကြည့်၇င်တော့ Basic Theory တွေနဲ့ အတော်ကို နီးစပ်တာကို တွေ့၇ပါမယ်။ အဆုံး မှာ References ပေးထားတာကို ဖတ်ကြည့်ရင်တော့ ဟာသတစ်ခုလို ဖြစ်သွားပါလိမ့်မယ်။ ဘာလို့လဲ ဆိုတော့ သူပေးထားတဲ့ Reference က ၁၉၆၀ လောက်က စိတ်ကူး ယဉ် စာအုပ် တစ်အုပ်ဖြစ်နေလို့ပါဘဲ။ဒီနေရာမှာ အားလုံးကို အကြံပေးချင်တာက သိချင် တတ်ချင် စိတ်ပါ ဝင်စားတဲ့ လူငယ်လေးတွေက မေး လာပြီဆိုရင် ပြန်လည်ဖြေကြားတဲ့ အခါမှာ မှန်ကန်တဲ့ References တွေကို ညွှန်ပြပေးဖို့ပါဘဲ။ အဒါမှ သူတို့အနေနဲ့ further study ကို မှန်မှန်ကန်ကန်ဆက်လက် လုပ် ဆောင်နိုင်မှာ ဖြစ်ပါတယ်။

တတိယအချက်ကတော့ ‘ ကမ္ဘာ ပျက်မယ့်နေ့နဲ့ ပတ်သက်တဲ့ ကျွန်တော့် အမြင်’ topic နဲ့ ပတ်သက်ပြီးတော့ ပြောချင်ပါတယ်။ ကျွန်တော်ကတော့ ခေါင်းစဉ်တပ်မှားတယ်လို့ဘဲမြင်ပါတယ်။ အချို့ သူတွေကျတော့လဲ အထဲမှာ ဘာရေးထားတယ်ဆိုတာ သေချာမဖတ်တော့ဘဲ ခေါင်းစဉ်ကိုကြည့်ပြီး ပြော ချင်တာတွေ လျှောက်ပြောတော့တာပါဘဲ။ ဒုတိယအချက်အနေနဲ့ ဝါသနာရှင်တစ်ယောက်အနေနဲ့ ဖတ်မိ တဲ့စာအုပ် မှားသွားတာမျိုးတွေ အမြဲဖြစ်တတ်ပါတယ်ဆိုတာ သတိထားရပါလိမ့်မယ်။ ဘာလို့လဲဆိုတော့ သက်ဆိုင်ရာ scientific advisor မျိုးရဲ့ လမ်းညွှန်မှုမျိုးမှမရတာ။ ခေါင်းစဉ်တပ် မှားတယ်ဆိုတာနဲ့ ဥပမာ လေး တစ်ခုပေးချင်ပါတယ်။ လွန်ခဲ့တဲ့လက ကျွန်တော် အစိုးရစရိတ်နဲ့ အခြားမြို့ကြီးတစ်ခုကို presentation လုပ်ဖို့ သွားတယ်။ အားလုံးပြီးတော့ နောက်တစ်ရက်ထပ်နေတယ်။ အဲဒီအတွက်လဲ ပိုက်ဆံတင်တောင်း တာခွင့်ပြုတယ်။ အမှန်တကယ်ကတော့ အဲဒီမြို့ထဲ လျှောက်လည်တာပါဘဲ။ ခေါင်းစဉ်တပ်တော့ ‘ _____ မြို့ပြ ယဉ်ကျေးမှု ဓလေ့ ထုံးတမ်း အစဉ်အလာနှင့် ဖွံ့ဖြိုး တိုးတက်မှုများအား လေ့လာခြင်း’ ဆိုပြီးတပ်ပါတယ်။ ဒီနေရာမှာ ကျွန်တော်ဆိုလိုတာက ခေါင်းစဉ်တစ်ခု ရွေးချယ်ပြီးတပ်တော့မယ်ဆိုရင် စည်းကမ်းတွေ၊ ဥပဒေတွေ၊ လူ့ယဉ်ကျေးမှုတွေ၊ ယုံကြည်ကိုးကွယ်မှုတွေ၊ စတာတွေနဲ့ မဆန့်ကျင်ဖို့ အရေးကြီးပါတယ်။ ကိုရေးချင်တဲ့ အကြောင်းအရာတစ်ခုဟာ အထက်ပါအချက်တွေနဲ့ ဆန့်ကျင်နေမယ်ဆို ရင်တောင် မဆန့်ကျင်မယ့် ခေါင်းစဉ်မျိုးရွေးချယ်ပြီး အထဲမှာမှ ကိုလိုရာကို အရောက်အောင် ရေးယူရမှာ ပါ။

ကျွန်တော့်အနေနဲ့ အဲဒီတုန်းက ဆွေးနွေးပြောဆိုခဲ့ကြတဲ့ စာဖတ်သူအားလုံးကို ကျွန်တော်တပ်တဲ့ ခေါင်းစဉ်အောက်မှာ ဝိုင်းဝန်းဆွေးနွေးပေးကြဖို့ Invite လုပ်ပါတယ်။ ကျွန်တော်တပ်မယ့်ခေါင်းစဉ်က planetary defense ဆိုတာပါဘဲ။ ခွန်းကို ဝိုင်းပြီး မှန်ကန်စွာ (ငြင်းကြမယ်) ဝေဖန်ကြမယ်ဆိုရင် ဒီဝေါ ဟာရ ကိုတော့ သိရမယ်ပေါ့။ Astronomy လောကမှာတော့ ဒီဝေါဟာရဟာ ခေတ်စားလာခဲ့တာလဲ ကြာ ခဲ့ပါပြီ။ ဆိုလိုတာက ကမ္ဘာ ကြီးကို Asteroids, comets and large meteoroids တို့ ဝင်တိုက်မယ့် ရန်ကနေ ဘယ်လိုကာကွယ်မလဲဆိုတာက စ တာပါ။ ဒီစာကြောင်းလေးကို ဖတ်ကြည့်ပါ။ ‘ If a large asteroid or comet impacts the Earth, such an impact event might bring about the end of civilization.’ ဗမာလိုတော့ မပြန် တော့ပါဘူးနော်။ စဉ်းစားကြတာပါ။ ဘေးဆိုးကြီးတစ်ခု မကျရောက်ခင် မှာ ဘယ်လို ကာကွယ်ရမယ်ဆိုတာကို ကြိုတင် စဉ်းစားလို့ ရအောင်လို့ပါ။ ကမ္ဘာ့မြေ၊ ရေပြင် တွေပေါ် ကို အာကာသထဲက အစိုင်အခဲ တွေကျရောက်ခဲ့တဲ့ အထောက်အထားတွေကလဲ ရှိခဲ့တာကိုး။ ဒါနဲ့ပတ် သက်ပြီးတော့ပဲ ဒီနေ့ Astronomy လောကမှာ Planetary defense ဆိုတဲ့ ဝေါဟာရက နေရာတစ်ခု ရလာတာပေါ့။ Planetary defense နဲ့ ပတ်သက်ပြီးတော့ တစ်ကမ်ဘာလုံးရဲ့ သဘောထားက အတူတူ ပါဘဲ။ ဒီနေရာမှာ ဥပမာအနေနဲ့ အမေရိကန်ပြည်ထောင်စုရဲ့ ဥပဒေကို နမူနာ အဖြစ် ပြလိုက်ပါတယ်။

“

The U.S. Congress has declared that the general welfare and security

of the United States require that the unique competence of NASA be

directed to detecting, tracking, cataloguing, and characterizing

near-Earth asteroids and comets in order to provide warning and

mitigation of the potential hazard of such near-Earth objects to the

Earth.

The NASA Administrator shall plan, develop, and implement a Near-Earth

Object Survey program to detect, track, catalogue, and characterize

the physical characteristics of near- Earth objects equal to or

greater than 140 meters in diameter in order to assess the threat of

such near-Earth objects to the Earth. It shall be the goal of the

Survey program to achieve 90% completion of its near-Earth object

catalogue (based on statistically predicted populations of near-Earth

objects) within 15 years after the date of enactment of this Act.

The NASA Administrator shall transmit to Congress not later than 1

year after the date of enactment of this Act an initial report that

provides the following:

(A) An analysis of possible alternatives that NASA may employ to carry

out the Survey program, including ground-based and space-based

alternatives with technical descriptions.

(B) A recommended option and proposed budget to carry out the Survey

program pursuant to the recommended option.

(C) Analysis of possible alternatives that NASA could employ to divert

an object on a likely collision course with Earth.

”

၂၀၀၄ ခုနှစ်မှာ Planetary Defense Conference: Protecting Earth from Asteroids ဆိုပြီး AIAA က စပွန်ဆာ လုပ်ပြီး ကျင်းပခဲ့ပါတယ်။ ပွဲဆူတုန်းက ဝင်ပါခဲ့ကြတဲ့ သူတွေအားလုံး အဲဒီတုန်းက ဘာတွေဆွေးနွေးခဲ့ကြတယ် ဘာတွေကြေငြာသွားတယ်ဆိုတာတော့ သိထားသင့်ကြတယ်လို့ အကြံပေး လိုက်ပါတယ်။ အချိန်ရရင် ဝါသနာလဲ ပါမယ်ဆိုရင်တော့ http://www.planetarydefense.info ကိုဝင်ကြည့်ကြပါ။ အနည်းဆုံးတော့ white paper လောက်တော့ ဖတ်ကြပါ။ အထဲက papers တွေ presentations တွေ မကြည့်နိုင်ရင်တောင်မှ။ အဲလိုပဲ ၂၀၀၇ ခုနှစ်မှာ George Washington University မှာ Planetary Defense Conference လုပ်ခဲ့ပါသေးတယ်။ အဲဒီ Conference အပြီး ထုတ်တဲ့ကြေငြာ ချက် ကိုလဲ အောက်ပါ Internet web page မှာ ရနိုင်ပါတယ်။

http:// www.aero.org/conferences/planetarydefense/

အဲလိုပဲ ၂၀၀၉ ခုနှစ်မှာ IAA က ကြီးမှူးပြီး တော့ Spain က Granada မြို့မှာ 1st IAA Planetary Defense : Protecting Earth from Asteroids ဆိုတာကို ကျင်းပအုံးမှာပါ။ စာဖတ်သူတို့ အနေနဲ့ မှန်ကန်တဲ့ ပြောဆိုမှုတွေ၊ ဆွေးနွေးမှုတွေ၊ ငြင်းခုန်မှုတွေကို ( ကျွန်တော်ပေးတဲ့ links တွေ ဖတ်ပြီးသွား မယ်ဆိုရင်) ပြုလုပ်လာနိုင်မယ်လို့လဲ ယုံကြည်ပါတယ်။ ကျွန်တော့်အနေနဲ့ ဒီ Myanmar Astronomy blog လေးထဲမှာ ဆွေးနွေးရင်းမှတဆင့် တနေ့ကျရင် အဒီ International Conference လိုမျိုး အထိ တက်ရောက်ဆွေးနွေးနိုင်သည်အထိ ထက်မြက်ပေါက်ရောက်တဲ့ ပညာရှင်တစ်ဦးထက်မနည်း ထွက်ပေါ် လာပါစေလို့ ဆုမွန်ကောင်း တောင်းရင်း အဆုံးသတ်လိုက်ပါတယ်။ ။

mtssnrty

My Presentation

noreply@blogger.com (mtssnrty) — Sun, 23 Nov 2008 11:23:00 +0000

Presentation for Shanghai

Publish at Scribd or explore others:

ခေတ်သစ် ဂြိုဟ်တုလွှတ်တင်မှုဆိုင်ရာ လမ်းကြောင်း တွက်ချက်ခြင်း

noreply@blogger.com (mtssnrty) — Sun, 23 Nov 2008 11:23:00 +0000

နောက်တစ်ခုအနေနဲ့က အရင်ပို့စ်မှာ ပြောခဲ့တဲ့ အလုပ်ရှုပ်နေတယ် ဆိုတာနဲ့ ဆက်စပ်တဲ့ The 3rd CSA - IAA conference on Advanced Space Systems and Applications, Shanghai မှာ စာရေးသူ ပြုလုပ်ခဲ့တဲ့ Presentation ကို မျှဝေပေးလိုက်ပါတယ်။ ခေါင်းစဉ်ကတော့ ‘Trajectory design for geostationary satellite insertion with the use of chemical upper stage and electric propulsion’ ပါ။ စိတ်ပါဝင်စားသူများနဲ့ လေ့လာလိုသူများ အသုံးတည့်စေဖို့ မျှဝေပေးလိုက်ပါတယ်။ ရည်ရွယ်ချက်ကတော့ geostationary satellite တစ်လုံးကို ကုန်ကျစရိတ် ပိုမို သက်သာစွာနဲ့ ပစ်လွှတ်နိုင်ရန်အတွက် chemical rocket နဲ့ electric propulsion ကို ပေါင်းစပ် အသုံးပြုထားတဲ့ trajectory ကို design လုပ်ပြုလုပ်ရန် ဖြစ်ပါတယ်။ Satellites တွေ ပစ်လွှတ် ရာမှာ chemical rocket တွေ အသုံးပြုပြီး အောင်အောင်မြင်မြင် ပစ်လွှတ် နိုင်ခဲ့တာကတော့ ကြာပါပြီ။ Electric Propulsion ကိုတော့ Advanced ဖြစ်တဲ့ mission တွေမှာ စတင်အသုံးပြု လာကြပါတယ်။ ESA, NASA တို့ကတော့ စမ်းသပ် ပစ်လွှတ်ထားတဲ mission တွေ ရှိပါတယ်။ Electric Propulsion က Chemical Rockets တွေလို Thrust force များများ မရနိုင်တဲ့ အတွက် transfer time က ကြာပြီး ကမ္ဘာကို အပါတ်ပေါင်းများစွာ ပါတ်ပြီးမှ mission ပြီးမြောက်မှာ ဖြစ်တဲ့ အတွက် အဲဒီ trajectory ကို design လုပ်ရာမှာ ခက်ခဲမှာတော့ အမှန်ပါပဲ။ တစ်ကမ္ဘာလုံးမှာ Electric Propulsion mission design ကို numerical results တွေနဲ့ ချပြနိုင်တဲ့ specialists က ရာဂဏန်း မရှိသေးဘူးလို့တော့ ပြောကြတာပါပဲ။ စာရေးသူ အနေနဲ့ CSA-IAA conference မှာ I’m Min Thein, Ph.D student of Moscow Aviation Institute, from Myanmar လို့ အစချီပြီး Presentation လုပ်တော့ အားလုံးရဲ့ reaction က amazing ဆိုတာပါပဲ။ Italy က Professor တစ်ယောက်က မြန်မာနိုင်ငံသား တစ်ယောက်က ဒီလိုမျိုး trajectory design ကို ချပြ ဆွေးနွေး နိုင်တာကို amazing ဖြစ်ရပါတယ် ဆိုပြီး နှုတ်ကကို ထုတ်ဖော် ပြောဆိုသွားပါတယ်။ စာဖတ်သူတွေ အနေနဲ့ Presentation ကို ဖတ်ပြီး နားလည်ဖို့ ခက်ခဲမယ် ဆိုတာတော့ သိပါတယ်။ ဒီနေရာမှာ ခွန်းကိုတော့ ပြောထားဘူးပါတယ်။ Astronomy နဲ့ ပါတ်သတ်တဲ့ အခြေခံ သီအိုရီတွေ orbital mechanics နဲ့ ပါတ်သတ်တဲ့ အခြေခံတွေ၊ planetary mission design တွေ အကြောင်း ရေးချင်တယ် လို့ပါ။ planetary mission ဆိုလို့ စာရေးသူ အရူးထပြီး Mars mission နဲပ ပါတ်သတ်တဲ့ calculation တွေ algorithm တွေ အများကြီး လုပ်ဖူးပါတယ်။ ရယ်တော့ ရယ်ရတယ်။ မြန်မာပြည်က လူတစ်ယောက်က Mars ကို ကိုလိုနီ လုပ်နိုင်မယ့် trajectory design တွေကို လိုက်ပြီး တွက်နေတာ ဆိုတော့။ ဒါနဲ့ပဲ ပိုပြီးတော့ actual ဆန်တဲ့ direction တစ်ခုကို ရွေးပြီးတော့ လုပ်လာခဲ့တာ အခုလို presentation မျိုးကို ကမ္ဘာ့ ပညာရှင်တွေ အရှေ့မှာ ချပြ ဆွေးနွေး နိုင်ခဲ့ပါပြီ။ ဒီစာတမ်းမှာ Modified equinoctial orbital elements ကို သုံးထားပါတယ်။ equations တွေ မနှစ်သက်တဲ့ သူအတွက်တော့ မလွယ်ပါဘူး။ Optimal control theory နဲ့ ပါတ်သတ်ပြီး Pontryajin’s maximum principle ကို သုံးထားပြီးတော့ Boundary Value Problem ကိုတော့ Analytical Approach နဲ့ 3 unknowns and 3 equations ပုံစံရအောင် တွက်ယူထားပါတယ်။ Algorithm ရဲ့ structure နဲ့ ရရှိတဲ့ Numerical results တွေကိုလဲ ချပြထားပါတယ်။ စိတ်ပါဝင်စားလို့ further discussion အတွက် ဆိုရင် minnntheino@gmail.com ကို ဆက်သွယ်နိုင်ကြပါတယ်။
ဝါသနာရှင်များ အားလုံးကို ဖိတ်ခေါ်ပါတယ်။ Myanmar Society of Astronomy ဖြစ်လာဖို့ အတွက် စတင် လိုက်ကြရအောင်။
mtssnrty
28.11.08

Presentation အတွက် Download link

noreply@blogger.com (mtssnrty) — Sun, 23 Nov 2008 11:22:00 +0000

အရင်ရက်က တင်ခဲ့တဲ့ ပို့စ်မှာ Dr. Takashi Mariyama ရဲ့ presentation ကို တင်မပေးခဲ့ မိပါဘူး။ အဲဒီ presentation ကို Embed လုပ်ပြီး ဒီမှာ တစ်ခါထဲ ပြဖို့ ကျိုးစားပေမယ့် အဆင်မပြေတဲ့ အတွက် Download link ကိုပဲ တင်ပေးလိုက်ပါတယ်။ စိတ်ဝင်စားသူများ Download လုပ်ပြီး လေ့လာနိုင်ပါတယ်ခင်ဗျာ။ အသေအချာ ပြင်ဆင်ပြီး ရင်တော့ ဒီမှာ တခါတည်း ပြနိုင်မယ် ထင်ပါတယ်။ အောက်က လင့်တွေမှာ Download ချနိုင်ပါတယ်။

ifile.it (power point) 2.3 MB

docs.google.com (pdf) 9.2 MB

ကျေးဇူးတင်ပါတယ်ခင်ဗျာ။

mtssntry

National Disasters Reduction and Relief ( Satellites applications points of view )

noreply@blogger.com (mtssnrty) — Sun, 23 Nov 2008 11:17:00 +0000

အားလုံးပဲ မင်္ဂလာပါ။ Contributors Lists ထဲမှာ ထိပ်ဆုံးက ပါနေပေမယ့် ဘာမှ မရေးဖြစ်တာကို အားတော့ နာမိပါတယ်။ ခွန်းက invite လုပ်ပြီး ပို့စ် တင်ပေးဖို့ ပြောပြီးကတည်းက အလုပ်ကလည်း ရှုပ်နေလို့ ဘာမှ မရေးဖြစ်တာပါ။ Engineer4myanmar.com မှာတော့ posts နှစ်ခု တင်ဖြစ်ပါတယ်။ ပထမတစ်ခုက One method for boundary value solving နဲ့ ကျွန်တော့်ရဲ့ ရာသက်ပန် ဆိုတဲ့ ပို့စ် တွေပါ။ ခွန်းကိုတော့ ဘာအကြောင်းတွေ ရေးချင်တယ် ဆိုတာတော့ ပြောထားဘူးတယ်။ အခုတော့ သူ့ဆီမှာလည်း ဒီရေ အကြောင်းတွေ ရေးနေတာ ဆိုတော့ အဲဒါတွေနဲ့လည်း နည်းနည်း ဆက်စပ်လို့ ရ အောင် စာဖတ်သူများကိုလည်း မျှဝေချင်တာလေး တစ်ခုကို တင်ပေးလိုက်ပါတယ်။ အဲဒါကတော့ Chinese Society of Aeronautics နဲ့ International Academy of Astronautics တို့ ပူးပေါင်းကျင်းပတဲ့ The 3rd CSA – IAA conference on Advanced Space Systems and Applications မှာ စာတမ်းဖတ်ခဲ့စဉ်က ရခဲ့တဲ့ Japan Aerospace Exploration Agency (JAXA) က Dr. Takashi Mariyama ရဲ့ presentation ကို မျှဝေပေးချင်လို့ပါ။ အဲဒီ Conference ရဲ့ Round table section မှာ National Disasters Reduction and Relief ဆိုတဲ့ တော့ပစ် ကို Satellites applications points of view ကနေ ဆွေးနွေးကြတာပါ။ တရုတ်က professors တွေဟာ တရုပ်ပြည်မှာ မြေ ငလျှင်ကြီး လှုပ်ခဲ့စဉ်တုန်းက ကြုံတွေ့ခဲ့ရတဲ့ အတွေ့အကြုံတွေကို အသေအချာ ရှင်းပြသွားကြပါတယ်။ ဆိုလိုရင်းကတော့ Satellites တွေသုံးပြီးတော့

၁ ။ National disaster မျိုး ဖြစ်လာမယ့် အခြေအနေမျိုးကို ကြိုတင် warning ပေးရန်။ (ဒီနေရာမှာ Cyclone တို့ Tsunami တို့လိုမျိုးကိုတော့ metrological satellites တွေကနေ warning ပေးနိုင်မယ်။ အနာဂတ် plan တွေ systems တွေ အကြောင်း ချပြ ဆွေးနွေးသွားကြပါတယ်။
၂။ National disaster မျိုးဖြစ်လာပြီဆိုရင် satellites တွေသုံးပြီး damage Area, damage conditions တွေကို တွက်ချက်ရန်။ (ဒီနေရာမှာ damage area၊ damage conditions တွေပေါ်မူတည်ပြီး လိုအပ်ရင် လိုအပ်သလို 3 dimensional ပုံဖော်ခြင်း၊ high resolution images များ ရယူခြင်းတွေကို ဆွေးနွေးခဲ့ကြပါတယ်။
၃။ Satellites တွေရဲ့ အကူအညီနဲ့ National disaster နဲ့ ပါတ်သတ်တဲ့ information တွေကို Government body နဲ့ other NGO တွေကို report လုပ်ခြင်းတွေကို ချပြ ဆွေးနွေး သွားကြပါတယ်။

ဒီနေရာမှာ Government body နဲ့ other NGO တွေ အနေနဲ့ disaster နဲ့ ပါတ်သတ်တဲ့ information ကို အတိအကျ အသေးစိပ် သိရှိနိုင်မှာ ဖြစ်တဲ့ အတွက် မှန်ကန်တဲ့ decisions တွေ ချမှတ်နိုင်မှာ ဖြစ်ပါတယ်။ Disaster ဖြစ်လာပြီ ဆိုရင်တော့ အောက်ပါ အစီအစဉ် တွေက မလွဲမသွေ ချမှတ်ရမှာ ဖြစ်ပါတယ်။

(၁) ကယ်ဆယ်ခြင်း
(၂) ပြောင်းရွှေ့နေရာချထားခြင်း
(၃) ကူညီထောက်ပံ့ရေး လုပ်ငန်းများ လုပ်ဆောင်ခြင်း
(၄) ဒေသပြန်လည်ဖွံ့ဖြိုးရေး လုပ်ငန်းများ လုပ်ဆောင်ခြင်း

အဲလိုမျိုး Emergency အခြေအနေမျိုးမှာ ကောင်းမွန်မှန်ကန် မြန်ဆန်တဲ့ decisions တွေ ချမှတ်လုပ်ဆောင်ဖို့က ခက်ခဲမှာတော့ အမှန်ပါပဲ။ အဲလို decisions တွေ ချဖို့ အတွက် လိုအပ်တဲ့ information ကို satellites တွေရဲ့ အကူအညီနဲ့ ရယူပြီး တရုပ်ငလျှင်တို့၊ New Olean ရေကြီးတာတွေမှာ ဖြေရှင်းခဲ့တာတွေကို conference မှာ ဆွေးနွေးခဲ့ကြပါတယ်။ ဒီနေရာမှာ ဂျပန်က ပရော်ဖက်ဆာက သူ့ရဲ့ presentation မှာ Nagis ဖြတ်သန်းအပြီး ဧရာဝတီ ဒေသ ရဲ့ အခြေအနေကို ဆွေးနွေးသွားလို့ conference အပြီးမှာ အဲဒီ ပရော်ဖက်ဆာဆီ ချဉ်းကပ်ပြီး သူ့ရဲ့ presentation ကို တောင်းယူခဲ့တာကို စာဖတ်သူများကို မျှဝေပေးလိုက်တာပါ။ ဖတ်ကြည့်ပါ။ The disaster risk management cycle လိုမျိုးက သိထားမယ်ဆိုရင် အကျိုးများနိုင်ပါတယ်။
နောက်ဆုံး အနေနဲ့ ကျွန်တော်တို့ နိုင်ငံ အနေနဲ့ လက်ရှိအခြေအနေမှာ satellites တွေ အသုံးမပြုနိုင် သေးပေမယ့် နောက်နောင် အချိန်တွေမှာ Disaster တွေနဲ့ ပါတ်သတ်ပြီး warning ပေးနိုင်ဖို့ ၊ ဖြစ်လာခဲ့လို့ ရှိရင်လည်း ကယ်ဆယ်ခြင်း၊ ပြောင်းရွှေ့နေရာချထားခြင်း၊ လိုအပ်သော အထောက်အပံ့ပစ္စည်းများကို ပို့ဆောင်ခြင်း ၊ ပြန်လည်ဖွံ့ဖြိုးရေး လုပ်ငန်းများ လုပ်ဆောင်ခြင်း အစီအစဉ်တွေကို လုပ်ဆောင်နိုင်ဖို့ အတွက် လိုအပ်တဲ့ information တွေကို အချိန်တို အတွင်း ရနိုင်မယ့် ကိုယ်ပိုင် satellites များ ရှိလာနိုင်ရေး အတွက် ဝိုင်းဝန်း ကြိုးပမ်းကြ စေလိုကြောင်းပါ။

mtssntry
21.11.2008

diurnal and semi-diurnal tide (amplified discussion for Ko Ah Hlatayarr)

noreply@blogger.com (ငရဲ) — Thu, 20 Nov 2008 20:40:00 +0000

diurnal နဲ့ semi-diurnal tide တွေဘယ်လိုကြောင့် ကွဲလွဲဖြစ်ပေါ်ရတယ် ဆိုတာကို ဒီပို့စ်မှာ ရှင်းပြလိုခြင်း ပဲဖြစ် ပါတယ်။ ကျွန်တော် ဒီရေဘယ်လိုဖြစ်ပေါ်လဲ (၂) ကပုံကိုပဲ ပြန်သုံးပြီးရှင်းလင်းထားပါတယ်။ (ဒီထက်ပိုမိုရှင်းလင်းအောင် ဆွေးနွေးပေးနိုင်တဲ့ ပုံရှာမ တွေ့ပါ)။

ပုံမှာ ကျွန်တော်တို့ကြည့်မယ်ဆိုရင် လရဲ့ declination က ၂၀ဒီဂရီ ဖြစ်ပြီးတော့ သူ့ရဲ့ co-declination ကတော့ (၉၀-၂၀) ၇၀ဒီဂရီဖြစ်ပါတယ်။ လရဲ့ အမြင့်ဆုံး declination ဟာ၂၈ ဒီဂရီ ၄၇ မိနစ်ခန့်ဖြစ်ပါတယ်။ (လဟာ နေပတ်လမ်း ecliptic ကနေအမြင့်ဆုံးဖြစ်နိုင်တဲ့ declination က ၅ ဒီဂရီ ၁၇.၅ မိနစ် ဖြစ်ပြီး၊ ecliptic ကတော့ကမ္ဘာ့အီကွေတာ ကနေ ၂၃.၅ မိနစ် declination ရှိနေပါတယ်။ အဲဒီတော့ လဟာ အီကွေတာကနေဆိုရင် အမြင့်ဆုံး declination ၂၈ ဒီဂရီ ၄၇ မိနစ် ဖြစ်နိုင်တယ်လို့ဆိုလိုခြင်းပဲဖြစ်ပါတယ်။) အဲဒီ အမြင့်ဆုံး declination ရဲ့ co-declination ကတော့ (၉၀-၂၈.၈ = ၆၁.၂ ဒီဂရီ) ဖြစ်ပါတယ်။ လရဲ့ အမြင့်ဆုံး declination နဲ့ co-declination ကိုဒီမှာ ခနလောက်မှတ် ထားလိုက်ကြရအောင်။ ကျွန်တော်တို့ ပုံကိုပြန်သွား ကြည့်ကြမယ်။

ဖော်ပြပါပုံမှာ HGF ဆိုတဲ့ Line ကိုတွေ့ကြရမှာဖြစ်ပါတယ်။ HGF line ဟာ လရဲ့ co-declination ဖြစ်တဲ့ EDC line ၇၀ ဒီဂရီ ရဲ့အပေါ် လတ်တီကျုအမြင့်ကို ရောက်နေ တာတွေ့ ရမှာဖြစ် ပါတယ်။ HGF line ကိုကြည့်မယ်ဆိုရင်၊ H အမှတ်နေရာ ဒေသဟာ ရေကျ ဖြစ်တဲ့ A A’ line နဲ့ နီးကပ်နေပြီး၊ သူလည်း ရေကျချိန်ဖြစ်နေတာကို တွေ့ရမှာပါ။ ကမ္ဘာဟာလည်နေတဲ့ အတွက် ၆ နာရီကြာတဲ့အချိန်မှာ H အမှတ်နေရာဒေသဟာ NS line ပေါ်ကိုရောက်လာပါတယ်။ ဒါပေမယ့် ရေပြည့် (ရေတက်) ဖြစ်ပြီလားဆိုတော့ မဖြစ်သေး ပါဘူး။ နောက်ထပ် ၆ နာရီကြာထပ်ပြီး လှည့်ပတ်ပြီးတဲ့ အခါမှာတော့ H အမှတ်ရှိ တဲ့နေရာ ဒေသဟာ F အမှတ်ရှိတဲ့ နေရာကိုရောက်လာပါတယ်။ အဲဒီတော့မှာသာ ရေပြည့် (ရေတက်) ဖြစ်ပါတယ်။ အဲဒီတော့ ရေကျ ကနေ ဒီရေအတက်ကိုရောက်ဖို့ ၁၂ နာရီကြာပါ တယ်။ အဲဒီလိုပဲ F အမှတ်ကနေ H အမှတ်ကိုပြန်ရောက်ဖို့လည်း ၁၂ နာရီ ကြာပါတယ်။ အဲဒီတော့ တစ်နေ့ (၂၄ နာရီ) မှာ ရေတက်တစ်ကြိမ်၊ ရေကျ တစ်ကြိမ်သာဖြစ်တာကို တွေ့ ရမှာဖြစ်ပါတယ်။ အဲဒီ tide အမျိုးအစားကို diurnal tide လို့ခေါ်ပါတယ်။

နောက်ထပ်ကျွန်တော်တို့ co-declination အောက်နိမ့်တဲ့ လတ်တီကျုဒေသတွေကိုလေ့ လာကြည့်ရအောင်။ အမြင်သာဆုံး ဥပမာ အဖြစ်ကျွန်တော် အီကွေတာတစ်လျှောက်ကို ပေပါ့မယ်။ အီကွေတာတစ်လျှောက်ကို ပုံမှာကြည့်မယ်ဆိုရင် K ဆိုတဲ့ အ မှတ် မှာ ရေတက် ဖြစ်နေတာကိုတွေ့ရမှာ ဖြစ်ပါတယ်။ နောက် ထပ် ၆ နာရီ ကြာပြီးတဲ့အချိန်မှာ အဲဒီ K အ မှတ်နေရာဒေသဟာ NS line ပေါ်ကိုရောက်လာပါတယ်။ ဒီပုံမှာ တော့ A A line လို့လည်း ဆိုနိုင်ပါတယ်။ အဲဒီတော့ A A’ line ဟာဒီရေ အကျဆုံး ဖြစ်တဲအတွက် အဲဒီအချိန်မှာ ရေ စစ်ချိန် (ရေကျချိန်) ဖြစ်နေပါတယ်။ နောက်ထပ် ၆ နာရီထပ်ကြာပြီးတဲ့ အချိန်မှာ တော့ I အမှတ်ကိုရောက်ပြီး ရေတက်ပြန်ဖြစ်ပြန်ပါတယ်။ ဒါကြောင့် ရေတက်၊ ရေကျ ဟာ ၆နာရီ တစ်ကြိမ်စီဖြစ်နေပြီး တစ်ရက် (၂၄ နာရီ) မှာ နှစ်ကြိမ်စီဖြစ်ပါတယ်။ အဲဒီလို tide ကို semi-diurnal tide လို့ခေါ်ပါတယ်။

ပြီးရင် ကျွန်တော် အပေါ်မှာရှင်းထားခဲ့တဲ့ လရဲ့ အမြင့်ဆုံး declination နဲ့ co-declination ကိုပြန်ကြည့်ရအောင်။ လရဲ့ အမြင့်ဆုံး co-declination ဟာ ၆၁ ဒီဂရီခန့်ဖြစ်တဲ့ အတွက် ကမ္ဘာ့ လတ်တီကျု အမြင့်ပိုင်း ၆၀ ဒီဂရီနဲ့ အထက်နေရာဒေသ တွေမှာ diurnal tide ဖြစ်ပါ တယ်။ အမြင့်ဆုံး co-declination ဖြစ်တဲ့ ၆၀ ဒီဂရီ နဲ့ အီကွေတာကြားဒေသတွေမှာတော့ semi-diurnal tide ကိုကြုံတွေ့ရပါတယ်။ (ချွင်းချက်။ အချို့သော အီကွေတာနဲ့ အနီးဒေသ တွေမှာ လည်းသာမာန်နဲ့ သွေဖယ်ပြီး diurnal tide ကိုတွေ့ရတတ်ပါတယ်။ ဒါကတော့ resonant of water body လို့ခေါ်တဲ့ ရေကိုဝန်းရံထားသော ကုန်းမြေ အနေအထား (coastline shape and sea bed morphology) ပေါ်မူတည်ပြီး သာမန်ကနေသွေဖယ် သွားခြင်းပဲဖြစ်ပါတယ်။ resonant of water body ကတော့ astronomy နဲ့ မဆိုင်တဲ့ အတွက် ကျွန်တော် amplification မလုပ်လိုတော့ပါ။)

ကျွန်တော် diurnal tide နဲ့ semi-diurnal tide ကိုအတတ် နိုင်ဆုံး ရှင်းလင်းအောင်ကြိုးစားပြီးရေး ထားပါတယ်။ ကျွန်တော့် ရေးသားချက်ရှုပ်ထွေးသွားတဲ့ အတွက်နားမလည်တာ များ ရှိရင် အပြန်အလှန်ဆွေးနွေးပေးရန် ဖိတ်ခေါ်ပါတယ်ခင်ဗျာ။
လေးစားလျှက်

နေ၊လ ကမ္ဘာတို့ကြားမှာ ဒီရေဘယ်လိုဖြစ်လာလဲ (၂)

noreply@blogger.com (ငရဲ) — Wed, 19 Nov 2008 07:19:00 +0000

ကျွန်တော် ဒီအကြောင်းအရာရဲ့ ခေါင်းစဉ် (၁) မှာတော့ simple tide theory လို့ခေါ်တဲ့ ဒီရေဘယ်လိုဖြစ်လာရတယ်ဆိုတာကို ဖော်ပြပြီးပါပြီ။ ဒီရေဖြစ်ပေါ်စေတဲ့ အဓိက reason ကတော့ celestial bodies တွေကြားက ဆွဲအားတွေကြောင့်ပဲဖြစ်ပါတယ်။ ဒါကြောင့်အဲဒီ ဆွဲအားတွေကို tide producing force လို့ခေါ်ပါတယ်။ အခုကျွန်တော် (၂) မှာ dynamic tide theory ကိုပါဆက်လက် ဖော်ပြသွားပါ့မယ်။ simple tide theory မှာတော့ astronomical tide လို့ခေါ်တဲ့ နေ၊လ ကမ္ဘာတို့ကြောင့် ဖြစ်သော ဒီရေကို assumption များနဲ့ဖော်ထုတ်ထားပါတယ်။ အဲဒါတွေကတော့
(၁) နေ၊လ ကမ္ဘာတို့ဟာ ပြင်ညီ (plain) တစ်ခုထဲမှာပဲ လှည့်ပတ်နေကြတယ်။
(၂) နေ နဲ့ လမှာ မြင့်ထောင့် declination မရှိဘူး။
(၃) ကမ္ဘာ့ မျက်နှာပြင်ကြီးတစ်ခုလုံးကို ရေတွေနဲ့ ပဲဖုံးလွှမ်းထားတယ်

သို့သော် တကယ့်လက်တွေ့မှာတော့ အဲဒီလို မဟုတ်ပါဘူး။ နေ၊လ ဟာကမ္ဘာကို မြင့်ထောင့် declination တွေနဲ့ လှည့်ပတ်နေကြတာပါ။ ကမ္ဘာကြီးမှာလဲ ရေတွေကြီးပဲ ဖုံးလွှမ်းထားတာမဟုတ်ပါဘူး။ အဲဒီ simple tide theory က assumptions တွေကိုဖယ်လိုက်ပြီး နေ နဲ့ လ ဟာ declination အမျိုးမျိုးနဲ့ ကမ္ဘာကိုလှည့်ပတ်နေတယ်။ ပြီးတော့ ကမ္ဘာကြီးမှာ လည်း ကုန်းမြေတွေက ရေတွေကို ကန့်သတ်ထား တဲ့အတွက် simple tide theory ဟာ လက်တွေ့မကျတော့ပါဘူး။ ဒီတော့ အဲဒီအချက်တွေကို ထည့်သွင်းစဉ်းစားပြီး ဒီရေ ကိုလေ့လာ ခန့်မှန်းတွက်ချက်ကြည့်ရအောင်။ အဲဒါကို Dynamic tide thoery လို့ခေါ်ပါတယ်။ (နေနဲ့ လရဲ့ ကမ္ဘာကိုလှည့်ပတ် နေသော ပတ်လမ်းများ နဲ့ declination များအကြောင်း ကိုကျွန်တော် နေ၊လ ကမ္ဘာတို့ရဲ့ လှည့်ပတ်လှုပ်ရှားမှုများ အကြောင်းဆိုတဲ့ ခေါင်းစဉ်အောက်မှာ ဆွေးနွေး ခဲ့ ပြီးဖြစ် ပါတယ်။

အခုကျွန်တော် နေနဲ့ လကို dynamic tide theory ဖြစ်ဖို့အတွက် မြင့်ထောင့်တွေ ပေးပါ့မယ်။ (၁) မှာတုန်းက ကျွန်တော်ဖော်ပြထားခဲ့ တဲ့ simple tide theory မှာ တစ်နေရာထဲမှာပဲ ဒီရေကမြင့်နေတယ်လို့ထင်စရာရှိပါတယ်။ ခုဒီခေါင်းစဉ်အောက်မှာ dynamic tide theory ကိုဆွေးနွေးတဲ့ အခါမှာတော့ ဒီရေကကမ္ဘာ ပေါ်မှာဘယ်လို ပြောင်းလဲနေတယ်။ အတက်အကျတွေ ဘယ်လိုဖြစ်နေတယ်ဆိုတာကို ဖော်ပြသွား မှာဖြစ်ပါတယ်။ ကျွန်တော်တို့အရင်ဆုံး လရဲ့ declination အပြောင်းအလဲ ကြောင့် ဒီရေဘယ်လိုပြောင်းလဲ တယ်ဆိုတာကို အရင်လေ့လာ ကြည့်ရအောင်။ အောက်မှာ ကျွန်တော် BASIC TIDE THEORY ကိုပုံလေးနဲ့ အကြမ်းဖျင်းဖြော်ပပါထားပါတယ်။

ဒီအပေါ်ကပုံလေးကို လေ့လာကြည့် မယ်ဆိုရင် လတစ်ခုထဲကိုပဲ အရင်ဆုံးစဉ်းစားထားပါတယ်။ လဟာ assumption တစ်ခုဖြစ်တဲ့ ကမ္ဘာနဲ့ပြင်ညီမျက်နှာပြင်တစ်ခုထဲ ကပဲကမ္ဘာကို လှည့်ပတ်နေတယ် လို့ဖန်းဆင်းချက်ပေးထားတဲ့ အတွက် ဒီရေအမြင့် (ရေတက်) ဟာ လလှည့်ပတ်ရာပတ်လမ်း အတိုင်း ဖြစ်တဲ့ equator တစ်လျှောက်မှာပဲဖြစ်နေတာကို တွေ့ရမှာ ဖြစ်ပါတယ်။ ရေကျ (ဒီရေကျခြင်း) ဟာလဲဝင်ရိုးစွန်း ဒေသတွေ မှာပဲ ပုံသေဖြစ်နေတာကို တွေ့ရမှာပါ။ ဒါပေမယ့် တကယ်တမ်းလက်တွေ့မှာတော့ လဟာကမ္ဘာနဲ့ ပြင်ညီ မျက်နှာပြင် (equatorial plain) တစ်လျှောက်မှာပဲလှည့်ပတ် နေတာ မဟုတ်ပါဘူး။ အီကွေတာကနေ မြင့်ထောင့် declination ခံဆောင်ပြီးလှည့်ပတ်နေပါတယ်။ အဲဒီဖြစ်စဉ်ကြောင့် ကမ္ဘာ့မျက် နှာပြင်ပေါ်မှာ ဒီရေ အနိမ့်အမြင့်တွေဘယ်လို ပြောင်းလဲတယ် ဆိုတာကိုအောက်မှာ ကျွန်တော်တို့ ဆက်ကြည့် လိုက်ရအောင်။

အပေါ်မှာဖော်ပြထားတဲ့ ပုံမှာကြည့်ရင် လဟာကမ္ဘာရဲ့ အီကွေတာကနေ ၂၀ ဒီဂရီ မြင့် ထောင့်ခံဆောင်ထားတဲ့ နေရာမှာ ရောက်နေတယ်လို့ ဥပမာပေးထားပါတယ်။ လရဲ့ မြင့် ထောင့် (declination) ဟာ နေပတ်လမ်း(ecliptic) ကနေ ၅ ဒီဂရီ မှ ၅ဒီဂရီ ၁၇.၅ မိနစ်ကြားမှာ အပြောင်းအလဲ ရှိနေပါတယ်။ သူ့ရဲ့ လပတ်လမ်း တစ်လမ်းတိုင်းမှာ နေရာတစ်ခုကို declination တစ်မျိုးနဲ့ ဖြတ်ပါတယ်။ အဲဒီဖြစ်စဉ်ဟာ regression of nodes လို့ခေါ်တဲ့ ဖြစ်စဉ်ကြောင့် ဖြစ်ရတယ်ဆိုတာကို ကျွန်တော် နေ၊လ ကမ္ဘာတို့ရဲ့ လှုပ်ရှားလှည့်ပတ်မှုများ အကြောင်းဆိုတဲ့ ခေါင်းစဉ်အောက် မှာဆွေးနွေးထားခဲ့ပါတယ်။ အဲဒီတော့ လဟာကမ္ဘာ့နေရာဒေသ တစ်ခုကို မြင့်ထောင့်တူနဲ့ ပြန်ရောက်ဖို့ ၁၈.၆၁ နှစ်ကြာပါတယ်။ အဲဒါကတော့ regression of nodes တစ်ပတ်ပြည့် လို့မူလ Node နေရာကိုပြန်ရောက်ခြင်း ပဲဖြစ်ပါတယ်။ လဟာကမ္ဘာကို ပတ်နေတဲ့ orbit တစ်ခုပြည့်ဖို့ အကြမ်းဖျင်းတစ်လ ၂၉ ရက်ကြာပါတယ်။ တစ်နှစ်မှာတော့ သူ့ရဲ့ ပတ်လမ်း ၁၃ ပတ်လှည့်ပတ်ပါတယ်။
အခုဒီဥပမာမှာတော့ လဟာကမ္ဘာ့ အီကွေတာကနေ ၂၀ ဒီဂရီ မြင့်ထောင့်ခံဆောင်ထားတဲ့ နေရာကိုရောက်ရှိနေပါတယ်။ ဒါဆိုရင် ဒီရေ ဖြစ်စဉ်ကို normal tide theory ကနေဘယ် လိုပြောင်းလဲသွား စေလဲ ဆိုတာကိုလေ့လာကြည့်ရအောင်။ ပုံမှာ ၂၀ ဒီဂရီ လတ်တီကျုအ ရပ်မှာရှိတဲ့ ကမ္ဘာ့နေရာတွေမှာ ရေမြင့် (ဒီရေတက်ချိန်) ဖြစ်နေတာကိုတွေ့ ရမှာပါ။ မြောက် လတ်တီကျု ၂၀ ဒီဂရီ နဲ့ တောင်လတ်တီကျု ၂၀ ဒီဂရီအရပ်ဒေသ တွေမှာ (ဒီရေတက်ချိန်) ဖြစ်နေတာကိုတွေ့ ရမှာပါ။ ပုံမှာတော့ Y နဲ့ C အမှတ်ပြထားတဲ့ နေရာတွေဖြစ်ပါတယ်။ နောက်တစ်ခုကတော့ ၂၀ ဒီဂရီ declination ရဲ့ co-declination ဖြစ်တဲ့ A-A’ မျဉ်းတစ် လျှောက်မှာ ဒီရေကျချိန် ဖြစ်နေတာကိုတွေ့ ရမှာဖြစ်ပါတယ်။ နောက်တစ်ခါ ပုံမှာ F – H မျဉ်းတစ်လျှောက်ရှိတဲ့ လတ်တီကျု ဒေသတွေကိုကြည့်မယ်ဆိုရင် F အမှတ်နဲ့ H အမှတ် ဟာလတ်တီကျု တစ်လိုင်းထဲပေါ်မှာ ရှိပြီးဒီရေတက်ချိန် ဖြစ်သော်လည်း ဒီရေ အမြင့်ချင်း မတူတော့တာကို တွေ့ရ မှာဖြစ်ပါတယ်။ ၀င်ရိုးစွန်းနေရာတွေမှာတော့ ဒီရေအပြောင်း အလဲဟာ ရေတက်ချိန်နဲ့ ရေကျချိန် သိပ်ထူးထူးခြားခြား ပြောင်းလဲမှုမရှိတာကို တွေ့နိုင် ပါတယ်။ ၆၀ ဒီဂရီ ထက်အပေါ်ရောက်သောလတ်တီကျု အမြင့်ပိုင်းနေရာတွေမှာ ဒီရေ အတက်အကျဟာ တစ်နေ့(၂၄) နာရီကို အတက် တစ်ကြိမ် (၁၂နာရီ)၊ အကျတစ်ကြိမ် (၁၂နာရီစီ)ပဲ ဖြစ်တာကို တွေ့ရမှာ ဖြစ်ပြီး ဒါကို diurnal tide လို့ခေါ်ပါတယ်။ လတ်တီကျု အနိမ့်ပိုင်း ဒေသတွေနဲ့ equator တစ်လျှောက်မှာတော့ ဒီရေ အတက် အကျဟာ တစ်ရက် (၂၄) နာရီမှာ အတက် ၂ ကြိမ် အကျ ၂ ကြိမ် (၆ နာရီစီ) ဖြစ်ပါတယ်။ ဒါကိုတော့ semi-diurnal tide လို့ခေါ်ဆိုပါ တယ်။
ဒီပုံမှာလေ့လာကြည့်မယ်ဆိုရင် ရေတက် ရေပြည့်ချိန်ချင်း တူသော်လည်း တစ်နေရာနဲ့ တစ်နေရာ ဒီရေ အမြင့်ချင်းမတူ တာကို တွေ့ရမှာဖြစ်ပါတယ်။ ကျွန်တော် နောက်ထပ်အ သေးစိတ် ချဲ့ကားဆွေးနွေးစရာတွေ ရှိသော်လည်း ဘာသာရပ် ပိုင်းဆိုင်ရာကြီး လုံးလုံးလျား လျားဖြစ်သွားပြီး ငြီးငွေ့စရာဖြစ် သွားမှာစိုးတဲ့အတွက် ဒီ diurnal tide၊ semi-diurnal tide၊ range of tide (ဒီရေအမြင့်) တွေကိုဒီလောက်နဲ့ ပဲရပ်ထားလိုက်ပါတယ်။ ဆက်လက်ပြီး မေးမြန်းခြင်း၊ အပြန် အလှန်ဆွေးနွေးချင်း များရှိရန်လည်း ဖိတ်ခေါ်ပါတယ်ခင်ဗျာ။ ကျွန် တော်နောက်ထပ် ပို့စ်မှာတော့ နေ၊ လ တို့ ရဲ့ combination effect နဲ့ phases of Moon (လဆန်း၊ လဆုတ်၊ လပြည့်၊ လကွယ်) စတာတွေကိုဖော်ပြသွားပါ့မယ်။
ကျေးဇူးတင်ပါတယ်။

နေ၊လ၊ကမ္ဘာတို့ ကြားမှာ ဒီရေဘယ်လိုဖြစ်လာလဲ (၁)

noreply@blogger.com (ငရဲ) — Tue, 18 Nov 2008 19:32:00 +0000

နေ၊လ နဲ့ ကမ္ဘာတို့ရဲ့ လှည့်ပတ်လှုပ်ရှား မှုများကို ကျွန်တော် ရှေ့က ပို့စ်မှာဆွေးနွေးပြီး သွားပါပြီ။ အချို့သောအသေး စိတ်အချိန်ကာလသတ်မှတ်ချက်များ၊ အရေးပါမှုနဲသောလှည့် ပတ်မှုများ မှအပကျွန်တော် အသေးစိတ်ဖော်ပြခဲ့ပါတယ်။ အခုဒီ ခေါင်းစဉ် အောက်မှာတော့ ကျွန်တော် နေ၊လ ကမ္ဘာတို့ ရဲ့လှည့်ပတ်လှုပ်ရှားမှု တွေကြောင့်ကမ္ဘာမှာ ဖြစ်ပေါ်လာရတဲ့ အကျိုးဆက် တွေထဲက..... ဒီရေ ဆိုတဲ့ ဖြစ်စဉ်လေးကို တင်ပြသွားပါ့မယ်။

နေ၊လ နဲ့ကမ္ဘာတို့ကြားမှာ ဒီရေဘယ်လိုဖြစ် ပေါ်လာတယ် ဆိုတာကိုလေ့လာမယ်ဆိုရင် ပထမဆုံးကျွန်တော်တို့ ပြန်ကြည့်ရ မှာက အရာဝတ္ထုတွေ ကြားကဆွဲအား (gravitational force) အကြောင်းပဲဖြစ်ပါတယ်။ နေ၊လ နဲ့ ကမ္ဘာတို့ဟာအပြန်အလှန် လှည့်ပတ်နေကြရင်း အချင်းချင်းဆွဲငင်ကြပါတယ်။ ဒီနေရာမှာ နယူတန်နိယာမ သဘောတရားအရ အရာဝတ္ထုနှစ်ခုကြား ကဆွဲငင်အားဟာ အဲဒီအရာဝတ္ထု နှစ်ခုရဲ့ အလယ်ဗဟိုသို့ ဦးတည်ဆွဲငင်ခြင်းဖြစ်ပါတယ်။ (gravitational force) လို့ပြော လိုက် ပြီဆိုရင် centrifugal force လို့ခေါ်တဲ့ တန်ပြန်ဗဟို ခွာအားဆိုတာလည်းရှိလာပါပြီ။ အဲဒီတော့ celestial body တွေဖြစ်တဲ့ နေ၊ လ နဲ့ကမ္ဘာတို့ ကြားမှာအဲဒီ force တွေဘယ်လို သက်ရောက်နေလဲဆိုတာ ကျွန်တော်တို့လေ့လာကြရပါမယ်။ ဒီအားတွေရဲ့သက်ရောက်မှုဟာ နေနဲ့ကမ္ဘာကြား၊ လနဲ့ ကမ္ဘာ ကြားမှာ အပြန်အလှန်သက်ရောက်နေပါတယ်။ ဒါပေမယ့် လဟာကမ္ဘာ နဲ့ အနီးကပ်ဆုံး celestial body ဖြစ်တဲ့အတွက် ကျွန်တော်တို့ဟာ ဆွဲအားတွေနဲ့ပတ်သတ်ရင်နေနဲ့ ကမ္ဘာကြားက ဆွဲအားတွေထက် လနဲ့ ကမ္ဘာကြားကဆွဲအားတွေကိုပိုပြီး ဂရုထားစရာဖြစ်လာပါတယ်။

ဒါကတော့ကမ္ဘာနဲ့ လကြား မှာဖြစ် ပေါ်တဲ့ gravitational force ကိုရှင်းလင်းပြ ထား တဲ့ပုံပဲဖြစ်ပါတယ်။ ပုံမှာဖော်ပြထားသလိုပဲ ကမ္ဘာ့မျက်နှာပြင်မှာရှိနေတဲ့ ရေမျက်နှာ ပြင်ထုဟာ လရဲ့ဆွဲအင်အားကြောင့်လ ရှိရာဘက်သို့ကြွတက် လာပါတယ်။ အဲဒီလားရာလမ်းကြောင်းကတော့ ပုံမှာပြထားသလို လရဲ့အလယ်ဗဟိုနဲ့ ကမ္ဘာရဲ့အလယ်ဗဟိုကို ဦးတည်သက် ရောက်ပါတယ်။ နောက်ထပ်ကျွန်တော် centrifugal force ကိုဆက် ရေးပါမယ်။

ပုံမှာဖော်ပြထားသလိုပဲ လနဲ့ ကမ္ဘာကြားက ဗဟိုခွာအားဟာ လရဲ့မူလဆွဲငင်ရာလမ်းကြောင်းနဲ့ ဆန့်ကျင်ဘက်အရပ်ကို ကန်တွက် ပါတယ်။ ဒြပ်ဝတ္ထုနှစ်ခုရဲ့ဗဟိုကိုဦးတည် ပြီးသက် ရောက်ပါတယ်။ အဲဒီတော့လရဲ့ဆွဲအားကြောင့်ကြွတက်လာတဲ့ ကမ္ဘာ့မျက်နှာပြင်ကရေထုဟာ လ ဘက်သို့ဦးတည်သလို ဆန့်ကျင် ရာတစ်ဘက်သို့လည်း ဦးတည်ပြီး ကန်ထွက်တာ ကိုတွေ့ရမှာဖြစ်ပါ တယ်။ ဒါကြောင့် ဒီဆွဲအား၂ခုရဲ့သက် ရောက်မှုကြောင့်လ နဲ့ကမ္ဘာရဲ့ ဗဟို ၀င်ရိုးကြောင်းတစ် လျှောက်က ကမ္ဘာ့နေရာတွေမှာ ရေမျက်နှာ ပြင်မြင့်တက်လာပြီး ရေတက် (high tide) ဖြစ်ပေါ်လာပါတယ်။

ဒီပုံမှာတော့ gravitational force နဲ့ centrifugal force ကိုတချိန်ထဲမှာပဲ ဖြစ်နေတယ်လို့နားလည်ထားရပါမယ်။ နေမှာ လည်းအလား တူဆွဲငင်မှုမျိုးကမ္ဘာကိုသက်ရောက်စေပါတယ်။ ဒါပေမယ့် နေနဲ့ ကမ္ဘာရဲ့ အကွာအဝေးဟာ လနဲ့ ကမ္ဘာရဲ့အကွာအ ဝေးနဲ့ နှိုင်းယှဉ်ရင် ဝေးကွာတဲ့အတွက် နေကြောင့်ဖြစ်တဲ့ ဒီရေ ဖြစ်ပေါ်စေမှုဆွဲငင်အားဟာ လနဲ့ ယှဉ်ရင် ၁၁း၅ ရှိပါတယ်။ လရဲ့ဆွဲငင်အား က ၁၁ ဆဖြစ်ပြီး၊ နေရဲ့ဆွဲငင်အားကတော့ ၅ ဆဖြစ်ပါတယ်။ အကွာအဝေးပေါ်မူတည်ပြီး ဒြပ်ဝတ္ထု နှစ်ခုကြားကဆွဲငင်အားပြောင်းလဲ မှုဟာ F = M/D3 ဆိုတဲ့ formula ကြောင့်ဖြစ်ပါတယ်။ F ကအရာဝတ္ထုများကြားမှရှိသော ဆွဲငင်အား၊ M ကတော့အဲဒီအရာဝတ္ထုရဲ့ ဒြပ်ထု နဲ့ D ကတော့ အဲဒီအရာဝတ္ထု နှစ်ခု ကြားက အကွာအဝေးဖြစ်ပါတယ်။ အကွာအဝေးနဲ့ ဆွဲငင်အား ပြောင်းပြန်အချိုးကျတဲ့အတွက် အကွာအဝေး ပိုဝေးလေ ဆွဲအားနဲလေဖြစ်ပါတယ်။ ဒါဟာ အခြေခံနယူတန်နိယာမပါ။ အဲဒီတော့ ဒီထိ ကျွန်တော်တို့ ဒီရေဟာ ဆွဲအားတွေ ကြောင့်ဘယ်လိုဖြစ်လာ ရတယ် ဆိုတာလေ့လာပြီးသွားပြီ။ ဒါပေမယ့် ကမ္ဘာနဲ့ လဟာတစ်နေရာ ထဲမှာ ရပ်တန့်နေတာမဟုတ် ပါဘူး။ အပြန်အလှန်လှည့်ပတ် နေပါတယ်။ ဒါဆိုရင် ကမ္ဘာကို ပုံသေထားကြည့်ရင် လဟာကမ္ဘာကို နေရာအမျိုးမျိုးကလှည့်ပတ်နေ တယ်ဆိုတာသိ သာလာမှာပေါ့။ ဒါဆိုရင်လရဲ့နေရာပေါ်ကိုမူတည်ပြီး ဒီရေမြင့် တာ၊ ကျတာတွေဘယ်လိုဖြစ်လာလဲလေ့လာရတော့မှာ ပေါ့။ ပြီးတော့ နေကလည်း လလိုပဲ ကမ္ဘာကိုသက်ရောက်စေတော့ လရယ် နေရယ် ပေါင်းပြီး ကမ္ဘာကိုဘယ်လိုသက်ရောက် လဲဆိုတာ ကိုလေ့လာဖို့လိုလာပါပြီ။ ဒီနေရာမှာ လပြည့်တွေ၊ လကွယ်တွေ။ လဆန်း၊ လဆုတ် အဲဒါတွေကဘယ်လိုဖြစ် လာတာပါလဲ။ အဲဒီသက်ဆိုင် ရာရက်တွေမှာ ကမ္ဘာပေါ်မှာ ရှိတဲ့ ဒီရေကရော ဘယ်လိုပြောင်းလဲသက်ရောက်ပါသလဲ။ လူတွေ ပြောပြောနေတဲ့ ရေထရက်၊ ရေသေရက် အဲဒါတွေကရော ဘယ်လိုဖြစ် လာပါသလဲ။ ကျွန်တော်နောက်ပို့စ်မှာ ဆက်လက် ဖော်ပြသွားပါ့မယ်။ (မြန်မာလို လက်ကွက်သိပ်မမြန်တဲ့ အတွက် တော်တော်အချိန်ယူရိုက်ရလို့ ပို့စ်တိုသွားရင်ခွင့်လွှတ်စေ ချင်ပါ တယ်။)
ကျေးဇူးတင်ပါတယ်။

ကြယ်တံခွန်များ (Comets) - ၁

noreply@blogger.com (ခွန်း) — Tue, 18 Nov 2008 01:00:00 +0000

သူတို့ဟာ ကျနော်တို့ နေအဖွဲ့အစည်းရဲ့ ဂျစ်ပစီ တွေပေါ့။ ကျနော် တို့ မြင်သာတဲ့ နေရာကို ရောက်လာကြတယ်၊ ပြီးတော့ ကျနော်တို့ မမြင်နိုင်တဲ့ အဝေးဆုံးကို ပြန်ထွက်သွားကြတယ်။ တခါတရံ မှ လာတတ်ကြတဲ့ ဧည့်သည် တွေ ဆိုပေမယ့် သူတို့လာရင် ဂရုမစိုက်ပဲ မနေနိုင် ကြပါဘူး။ ဘာကြောင့်လဲ ဆိုတော့ သူတို့ဟာ တောက်ပတဲ့ အမြီးတန်း ရှည်ကြီး နဲ့ သိပ်ကို လှပ တဲ့ အရာတွေ ဖြစ်နေလို့ပါပဲ။ ပြီးတော့ တစ်သက်မှာ တစ်ခါလို့ ဆိုရလောက် အောင် သူတို့ တစ်ခုစီဟာ နှစ်တွေ အကြာကြီး နေမှ တစ်ကြိမ် ရောက် လာတတ်ကြလို့ပါ။ ဟုတ်ပါတယ်။ သူတို့ ဟာ comet တွေပါ။ သူတို့ဟာ တောက်ပတဲ့ အမြီးတန်း ရှည်ကြီးနဲ့ ကျနော်တို့ မြင်သာတဲ့ နေရာကနေ မဲမှောင် နက်ရှိုင်းတဲ့ ဟင်းလင်းပြင် ကြီးဆီကို ပြန်လည် ထွက်ခွါ သွားကြတယ်။ ဘယ် နေရာ ကို ပြန်သွား ကြတာပါလဲ ။ သူတို့ရဲ့ ဇာတိ ချက်ကြွေ ကရော ဘယ်နေရာ မှာပါလဲ။ အဲဒီ အကြောင်း တွေကို ပြောဖို့ ဆိုရင် လက်ရှိ နေအဖွဲ့ အစည်းရဲ့ အဝေးဆုံး ဂြိုဟ် အဖြစ် သတ်မှတ် ထားတဲ့ နက်ပကျွန်း ဂြိုဟ် အလွန် အရာဝတ္ထုတွေ အကြောင်း ပြော ဖို့ လိုပါလိမ့်မယ်။ ပလူတို ကို ဘာကြောင့် ဂြိုဟ်သိမ် အဖြစ် အဆင့် လျှော့ချရသလဲ ဆိုတဲ့ ပို့စ် ကို မှတ်မိ ကြမယ် ထင်ပါတယ်။ အဲဒီ ပို့စ် ထဲမှာ ပါဝင်တဲ့ ကွေပါ ခါးပါတ် (Kuiper belt) ဆိုတာ က စရမှာပါ။ နက်ပကျွန်းဂြိုဟ် ရဲ့ အပြင်ဘက် ပိုင်းမှာ ကွေပါခါးပါတ် ရှိနေတာပါ။ ပလူတို လိုပဲ ဂြိုဟ်သိမ်တွေ အများကြီး ရှိသလို ဥက္ကာ ပျံ အစအန တွေလည်း အဲဒီ ခါးပါတ် ထဲမှာ ရှိနေပါတယ်။ အဲဒီ ကွေပါခါးပါတ်ရဲ့ အပြင်ဘက်မှာ တော့ Scattered Disc နဲ့ Oort comet cloud ရှိပါတယ်။ Scattered Disc ကတော့ ကွေပါခါးပါတ်ရဲ့ အပြင်ပိုင်းမှာ ရှိတာ ဖြစ်ပေမယ့် Oort cloud ကတော့ နေကနေ တွက် ရင် အင်မတန် ဝေးကွာတဲ့ အပြင်ပိုင်း အလွှာမှာပါ။ နေကနေ အလင်းနှစ် တစ်နှစ် လောက် ကွာဝေးပါတယ်။ အောက်က ပုံမှာ ကြည့်ပါ။ Oort cloud မှာ အပြင်ပိုင်း စက်လုံးပုံ အလွှာနဲ့ အတွင်းပိုင်းက Hills cloud လို့ ခေါ်တဲ့ စက်ဝိုင်း ပြားပုံ အတွင်းပိုင်း အလွှာတို့ ရှိကြ ပါတယ်။ Oort cloud objects တွေမှာ ပါဝင်တာတွေကတော့ ရေခဲ၊ ရေ၊ အမိုးနီးယား နဲ့ မီသိန်း ဒြပ်တွေ ပါဝင်မယ်လို့ ခန့်မှန်း ကြပါတယ်။ နက္ခတ် ပညာရှင်တွေ ယုံကြည် ကြတာက စကြာဝဠာ ထဲက ပြန့်ကြဲ နေတဲ့ အရာ တွေဟာ နေအဖွဲ့ အစည်း ထဲက ဂျူပီတာ အပါအဝင် အခြား ဂြိုဟ်ကြီး များရဲ့ ဆွဲငင် မှုကြောင့် စုဝေး လာကြ တာပါတဲ့။ မည်သို့ပင် ဖြစ်စေ အင်မတန် ဝေးကွာတဲ့ နေရာ မှာ ရှိတဲ့ အတွက် နေအဖွဲ့ အစည်းရဲ့ အင်မတန် နည်းပါး လှတဲ့ ဆွဲငင် အားသာ သက်ရောက် တာ ဖြစ်တဲ့ အတွက် Oort cloud objects တွေဟာ အခြား ကြယ်များနဲ့ နဂါးငွေ့တန်း ဂလက်ဆီ တစ်ခုလုံးရဲ့ သက်ရောက်မှုကို အလွယ်တကူ ခံရပါတယ်။ အဲဒီ ဆွဲငင်အားတွေရဲ့ သက်ရောက်မှုဟာ အရာဝတ္ထုတွေရဲ့ မူလ လမ်းကြောင်းကို သွေဖယ်စေပြီးတော့ အချို့ကတော့ နေအဖွဲ့ အစည်းရဲ့ အတွင်း ဖက်ကို တွန်းပို့ခြင်း ခံရပါတယ်။ အဲဒီ အရာဝတ္ထု တွေကတော့ comet ဖြစ်လာကြမဲ့ အရာတွေ ပါပဲ။ Comet တွေမှာ အမျိုးအစား နှစ်ခု ခွဲခြား လို့ ရပါတယ်။ သူတို့ရဲ့ orbital periods တွေ ပေါ်မှာ မူတည်ပြီးတော့ Short-period comets နဲ့ Long-period comets ဆိုပြီး ခွဲတာပါ။ Oort cloud ကနေ စတင်တဲ့ comet တွေဟာ Long-period comet အမျိုးအစား ဖြစ်ပြီးတော့ သူတို့ရဲ့ orbital period ဟာ နှစ် ၂၀၀ ကနေ နှစ် သန်းဂဏန်း အထိ ရှိပါတယ်။ ဒါပေမယ့် နှစ် သန်းနဲ့ ချီမှ တစ်ခေါက်ရောက်မယ့် ကြယ်တံခွန်ဟာ နောက်တစ်ကြိမ် နေဆီကို ပြန်လာတော့မယ် မဟုတ်ပဲ အခြားကြယ် တစ်ခုဆီကို ရောက်သွားဖို့ ရှိပါတယ်။ နောက်တစ်မျိုးကတော့ Short-period comets ဖြစ်ပါတယ်။ သူတို့ကတော့ ကွေပါခါးပါတ် နဲ့ Scattered Disc မှာ အစပြုပြီးတော့ ဂြိုဟ်ကြီးတွေရဲ့ ဆွဲငင် အားကြောင့် အတွင်း ဘက်ကို ရောက်လာကြတာ ဖြစ်ပါတယ်။ သူတို့ရဲ့ orbital period ကတော့ နှစ် ၂၀၀ ထက် နည်းပါတယ်။ Long-period comets တွေထဲမှာ လူသိများတာက Hale-Bopp comet ဖြစ်ပြီးတော့ Short-period comet တွေထဲမှာ လူသိများတာကတော့ Halley’s comet ဖြစ်ပါတယ်။ (သူတို့အကြောင်းကို ပြီးမှ သက်သက် ရေးပြပါ့မယ်) ။ comet တွေဟာ ပုံစံတကျ မရှိတတ်ပဲ ကီလိုမီတာ အနည်းငယ်လောက် အကျယ်အဝန်း ရှိတတ် ပါတယ်။ comet တွေမှာ ရေခဲ အတုံးအတစ်တွေ၊ အေးခဲနေတဲ့ ဓါတ်ငွေ့တွေ၊ ရေခဲထဲမှာ မြုပ်နှံထားတဲ့ ကျောက်သား အစအန တွေ ပါဝင်ပါတယ်။ အလယ်ဗဟိုမှာ rocky core ရှိတတ်ပါတယ်။ မသန့်ရှင်းတဲ့ snowball တွေလို့ ပြောနိုင်ပါတယ်။ comet တစ်ခုဟာ နေဆီကို ချဉ်းကပ်လာတဲ့ အခါမှာ သူ့ရဲ့ အေးခဲနေတဲ့ ဓါတ်ငွေ့တွေဟာ အခဲ အငွေ့ပျံခြင်း ဖြစ်ပါတယ်။ အဲဒီအငွေ့တွေက အပြင်ကို ပန်းထွက်ပါတယ်။ အဲဒီ ဖြစ်စဉ်ကနေ ပြီးတော့ သူ့ရဲ့ features တွေ ဖြစ်ပေါ်လာတာပါ။ အဲဒီ features တွေကတော့ ရေငွေ့၊ CO2 နဲ့ အခြား ဓါတ်ငွေ့တွေရဲ့ အလင်းပြန် တိမ်တိုက် ဖြစ်တဲ့ coma ၊ အချင်း ကီလိုမီတာ သန်းချီတဲ့ hydrogen cloud ၊ မီးခိုးငွေ့ သာသာ အမှုန် တွေ ပါဝင်ပြီး ကီလိုမီတာ ဆယ် သန်းလောက် ရှည်တဲ့ dust tail နဲ့ ကီလိုမီတာ သန်းရာ နဲချီ ရှည်လျှားပြီး plasma နဲ့ ဓါတ်ငွေ့တွေကို solar wind သက်ရောက်လို့ ဖြစ်ပေါ်လာတဲ့ Ion tail တို့ ပါဝင်ပါတယ်။ ကြည်တံခွန် တစ်ခုရဲ့ ဖွဲ့စည်းပုံကို ပုံမှာ တွေ့နိုင်ပါတယ်။ Ion tail ဟာ အမြဲတမ်း နေနဲ့ ဆန့်ကျင်ရာ ဘက်ကို ဦးတည်ပြီးတော့ dust tail ကတော့ ကြယ်တံခွန်ဟာ မျဉ်းဖြောင့် အတိုင်း ရွေ့လျှားတာ မဟုတ်တဲ့ အတွက် အနည်းငယ် တိမ်းစောင်း ပါတယ်။ အောက်ကပုံမှာ တွေ့နိုင်ပါတယ်။ comet တွေဟာ သူတို့ရဲ့ ကျောက်သား ပါဝင်မှုက လွဲရင် အဓိက ဖွဲ့စည်းထားတဲ့ အရာဟာ ရေနဲ့ ရေခဲ တွေပဲ ဖြစ်ပါတယ်။ အခြား ပါဝင်တဲ့ အရာ တွေကတော့ မီသိန်း၊ အမိုးနီးယား၊ ကာဗွန်ဒိုင် အောက်ဆိုဒ် နဲ့ ကာဗွန် မိုနော့ဆိုဒ် တွေပဲ ဖြစ်ပါတယ်။ စိတ်ဝင်စား စရာ ကောင်းတဲ့ အခြား ပါဝင်မှု တွေကတော့ အော်ဂဲနစ် ဒြပ်ပေါင်း တွေ ပါပဲ။ methanal ( H2CO) ၊ hydrogen cyanide (HCN) ၊ methyl cyanide ( CH3CN) တို့ ဖြစ်ကြ ပါတယ်။ အဲဒီ အရာတွေဟာ astrochemists တွေကို စိတ်ဝင် စားစေ သလို astrobiologists တွေ အတွက်လည်း အကြီး အကျယ် စိတ်ဝင် စားစေ ပါတယ်။ ကမ္ဘာပေါ်မှာ အသက်ဇီဝ ဟာ ဘယ်ကနေ စပြီး ပေါ်လာတာလည်း ဆိုတာကို စဉ်းစားရင် comet တွေဟာ အရေးကြီး တဲ့ အခန်းမှာ ပါဝင်နေ ပါတယ်။ ကလိုရိုဖီးလ် ပါဝင်လို့ အပင်ရဲ့ အရွက်က စိမ်းပြီးတော့ ဟေမိုကလိုဗင် ပါဝင်လို့ သတ္တဝါတွေရဲ့ သွေးက နီပါတယ်။ ဒီကွဲလွဲချက်လေးက လွဲရင် အပင်နဲ့ သတ္တဝါ ရဲ့ အခြေခံ တည်ဆောက်မှုဟာ အော်ဂဲနစ် ဒြပ်ပေါင်း ဆိုတဲ့ ဟိုက်ဒရို ကာဗွန် တွေ ချည့်ပါပဲ။ အဲဒီလို အရေးကြီး တဲ့ ဒြပ်ပေါင်းတွေ ကြယ်တံခွန် မှာ ပါနေခြင်းဟာ ကြယ်တံခွန် တွေက ကမ္ဘာမြေကြီးကို အသက်ဇီဝ သယ်ဆောင် လာပေးခဲ့တာ ဆိုတဲ့ အဆိုကို အများကြီး အထောက် အကူ ပေးပါတယ်။ လွန်ခဲ့တဲ့ နှစ်သန်းပေါင်း ၃၅၀၀ နဲ့ ၄၅၀၀ အကြားမှာ ကြယ်တံခွန်တွေနဲ့ ဥက္ကာပျံတွေ ကမ္ဘာမြေကြီးကို ဝင်တိုက်ခဲ့ နိုင်ပါတယ်။ အဲဒီကနေ ရေနဲ့ အော်ဂဲနစ် ဒြပ်ပေါင်းတွေ ရောက် ရှိ ခဲ့တာ ဖြစ်နိုင်တယ်လို့ ယူဆရပါတယ်။ (ကမ္ဘာဟာ နေအဖွဲ့ အစည်းရဲ့ အတွင်းပိုင်းမှာ ရှိနေတဲ့ အတွက် လေးလံတဲ့ ပစ္စည်းများနဲ့သာ ဖွဲ့စည်းနိုင်ပြီးတော့ ရေလို ပေါ့ပါးတဲ့ အရာဟာ မူလက ရှိ မနေနိုင် လို့ ယူဆမိပါတယ်)။ Fred Hoyle နဲ့ Chandra Wickramasinghe တို့လို researchers တွေရဲ့ အမြင် အရ ကမ္ဘာကို ကြယ်တံခွန်တွေ ဝင် ရောက် တိုက်မိခြင်းဟာ အသက်ဇီဝကို မျိုးစေ့ ချပေးခဲ့ခြင်း ဖြစ်တယ်လို့ ဆိုပါတယ်။ အခု အချိန်မှာတောင် ကြယ်တံခွန်ရဲ့ အမြီးကို ကမ္ဘာက ဖြတ်သန်းမိတဲ့ အခါ ကမ္ဘာမှာ ကူးစက်ရောဂါ ပိုမို ဖြစ်ပွား ခြင်း ဟာ ကြယ်တံခွန် တွေရဲ့ သက်ရှိများ အပေါ်မှာ သက်ရောက်ခြင်းကို သက်သေပြတာ လို့ ဆိုပါတယ်။ အဲဒီလိုသာ အသက်ဇီဝဟာ ကြယ်တံခွန် တွေက သယ်လာပေးခဲ့တာ ဆိုရင် ကျနော်တို့ အသက်ဇီဝ တွေရဲ့ မူလ အစက ဘယ်မှာပါလဲ။ အဲဒီလို စဉ်းစား လိုက်ရင် ကြယ်တံခွန် တွေရဲ့ အကြောင်းက ပိုပြီး စိတ်ဝင်စားဖို့ ကောင်းလာပါတယ်။ ဆက်ပြီး ဆွေးနွေးပါမယ် ခင်ဗျာ။

တွင်းနက် (Black Hole) - ၄

noreply@blogger.com (ခွန်း) — Tue, 11 Nov 2008 21:34:00 +0000

Quasar

Quasar တွေဟာ စကြာဝဠာထဲမှာ အပူပြင်းဆုံး၊ အတောက်ပဆုံး အရာတွေဖြစ်တယ်လို့ ဆိုပါတယ်..။ ကွေဆာ တွေရဲ့ တောက်ပမှုဟာ နဂါးငွေ့တန်း ဂလက်ဆီတစ်ခုလုံး ထက် အဆပေါင်း ၃၀၀၀၀ ခန့်ပိုပါတယ်..။ သူတို့ဟာ ကျနော်တို့နဲ့ ဝေးလံလွန်းတဲ့ နေရာတွေမှာ ရှိနေကြပြီးတော့ ကျနော်တို့နဲ့ ဝေးရာကို အလွန်လျှင်မြန်တဲ့ နှုန်းထားနဲ့ ရွေ့လျှား နေကြပါတယ်..။ ပညာရှင် တွေရဲ့ ခန့်မှန်းချက် အရ ကွေဆာ တွေဟာ ကျနော် တို့နဲ့ အလင်းနှစ် 12 billion လောက် အကွာမှာ ရှိကြ ပါတယ်တဲ့..။ အဲဒီလောက် အကွာ အဝေးက အလင်း ကို ကျနော်တို့ ဆီကနေ ရနိုင်တာ ဟာ သူတို့ဟာ သိပ်ကို တောက်ပ လွန်းလို့ ဖြစ်ပါတယ်..။ ဘာကြောင့် ဒီလောက် တောက်ပ နေရတာလဲ လို့ အဖြေရှာ တဲ့ အခါ သူတို့ဟာ ဂလက်ဆီ တစ်ခုလုံးစာလောက် ရှိတဲ့ ကြယ်တွေကို ကျနော်တို့ နေ အဖွဲ့ အစည်း ထက် သေးတဲ့ ဧရိယာ အတွင်းမှာ စုဝေး နေလို့ ဖြစ်ပါ တယ်တဲ့။ ဒီလောက်တောင် ဝေးတဲ့ နေရာက အရာဝတ္ထု တစ်ခုကို အဲလောက် အရွယ်အစားပဲ ရှိတယ်လို့ ဘယ်လိုများ ဆုံးဖြတ် လိုက်ကြ တာပါလဲ။ ပညာရှင် တွေက အဲလို ဝေးကွာလှတဲ့ အလင်းလွှတ် ဝတ္ထု တစ်ခု ရဲ့ အရွယ်အစားကို သူတို့ရဲ့ flash duration နဲ့ တိုင်းတာ ပါတယ်တဲ့။ သူတို့ရဲ့ အလင်းတွေ ကျနော် တို့ဆီကို လာတဲ့အခါ တစ်ချိန် တည်းမှာ ထွက်လာတာ ပေမယ့် မတူညီတဲ့ အချိန်တွေနဲ့ ရောက်လာ တာပါ။ ပုံမှာ ပြထား သလို အလင်း ထွက်လာတဲ့ အခါ ရှေ့ မျက်နှာပြင်၊ အလယ် ဗဟို နဲ့ နောက် မျက်နှာပြင် တွေက အလင်းတွေ ကျနော်တို့ ဆီကို ရောက်လာ ဖို့ဟာ တစ်ခုနဲ့ တစ်ခု one week စီလောက် ခြားပြီးမှ ရောက်ပါတယ်။ ကျနော်တို့နဲ အနီးဆုံး မျက်နှာပြင် အလင်းက အတောက်ပ ဆုံးဖြစ်ပြီး ဝေးရင် မှိန်သွားပါတယ်။ တစ်ချိန်ထဲမှာ ထွက်လာတဲ့ အလင်းတွေက နှစ်ပါတ်လောက် ကာလ အတွင်းမှာ ဖြန့်ပြီး ရောက်လာတဲ့ အတွက် အဲဒီ အရာဝတ္ထုရဲ့ flash duration ဟာ နှစ်ပါတ် ဖြစ်ပါတယ်တဲ့။ အလင်းနှစ်ပါတ်စာ သွားတဲ့ အကွာအဝေးဟာ သူ့ရဲ့ အချင်းပါပဲတဲ့။ ၂၀၀၆ ခုနှစ် မေလ ၂၄ ရက်နေ့က Hubble space telescope ကနေ ကွေဆာ ငါးခုတွဲ မြင်ခဲ့ ရပါတယ်။ Hubble telescope ကနေ ရိုက်ကူးခဲ့တဲ့ ပုံကို ဘေးမှာ ပြထား ပါတယ်။ တကယ်တော့ ကွေဆာက တစ်ခုတည်းပါ။ ငါးမွှာ မြင်ရတဲ့ ကိစ္စက ကြားထဲမှာ Gravitational Lens တစ်ခု ခံသွားလို့ ဖြစ်ပါတယ်တဲ့။ ဘယ်လို Lens မျိုးပါလဲ။ အဖြေ ရှာကြတဲ့ အခါ black hole ရှိကြောင်း သက်သေ ပြစရာ ဖြစ်လာ ပါတယ်..။

အောက်မှာ ပြထားတဲ့ ပုံကို ကြည့်မယ် ဆိုရင် ကွေဆာ တစ်ခုတည်းကို ဘာကြောင့် အစုလိုက် မြင်ရတယ် ဆိုတာ ရှင်းသွားမှာပါ။
ပုံ နံပါတ် ၁ မှာ ကွေဆာဆီက အလင်းရောင် ကို ကမ္ဘာက ရတဲ့ပုံပါ..။ အဲဒီကွေဆာနဲ့ ကမ္ဘာနဲ့ ကြားကို ကြီးမားတဲ့ အရာဝတ္ထုတစ်ခု ၀င်လာတဲ့ အချိန်မှာ အလင်းဟာ ကွေ့ယိုင်သွားပါတယ် (ပုံ နံပါတ်၂ ) ။ အလင်းဟာ ဒီအရ၀တ္ထုကို ဖောက်ထွင်းမသွားနိုင်ပေမယ့် normal မဟုတ်တဲ့ magnetic field တွေကြောင့် အဲဒီအရာဝတ္ထုရဲ့ ဘေးကနေ လျှံပြီး ကျနော်တို့ဆီက မြင်ရပါတယ် (ပုံ နံပါတ်၃)။ အရာဝတ္ထုမှာ အတွင်းဘက်ကို ၀ဲလှည့်နေတဲ့ အားလမ်းကြောင်းတွေရှိပါတယ် (ပုံ နံပါတ်၎) ။ အဲဒီအရာဝတ္ထုရဲ့ ကြီးမားလှတဲ့ gravity နဲ့ electromagnetic field တွေကြောင့် အလင်းရောင် ဟာ အဲဒီ ဆွဲငင်အားတွေရဲ့ သက်ရောက်မှုတွေနဲ့ လမ်းကြောင်းတွေခွဲပြီး ကမ္ဘာပေါ်ကို ကျရောက်ပါတယ် (ပုံနံပါတ် ၅)။ ရလာဒ်အနေနဲ့ ကတော့ ကွေဆာတစ်ခုထဲ ကွေဆာ အစုလိုက် အဖြစ်မြင်ခဲ့ရတာပါပဲံ.။ အောက်မှာ ပြထားတာက ကျနော်တို့ ကမ္ဘာကနေ မြင်ရတဲ့ ပုံပါ (ပုံနံပါတ် ၆)။ အဲဒီလို ကြားထဲက ဝင်လာတဲ့ အရာဟာ black hole ဖြစ်ပါတယ်တဲ့ ခင်ဗျာ။

ကျမ်းကိုး

၁။ http://www.daviddarling.info/encylopedia
၂။ http://cass.ucsd.edu
၃။ http://www.cosmiclight.com
၎။ http://www.nasa.gov
၅။ BBC Discovery, Space
၆။ http://www.wikipedia.org
၇။ Encarta Encyclopedia premium 2006