mysmallthoughts

仍是老地方...

2018-12-09T00:22:00.000+08:00

今天(寫時星期六)陪朋友去睇樓，樓盤是重建項目，坐落於S 成長那街道，自年前收地以後，S 的回憶隨着景物被拆除被逐點逐點兒地磨滅。

除了S 以外，這裡還滿載身邊不少人的回憶...

S 和Mr. F 認識於成長後，在偶然機會發現大家兒時住在同一條街，Mr. F 的親人、同學也在這區作息生活。

而小時住在對面海的表妹D 現在的另一半，也是S 小時候的同樓街坊，後來還發現是S 幼稚園同學...

所以這裡盛戴著S 和身邊不少人的集體回憶。

早兩星期某長輩辭世，其生前花了大半生經營的店鋪，就是今天看的樓盤地皮的其中一點，樓盤在長輩剛離世便開賣，上天是想正式告訴我們，上個時代終究終結了麼？

雖然被拆除的都並非什麼值得保留的古物，但親眼見証滄海桑田，回憶被消滅，始終另有一番滋味在心頭...

．

N 年前今日：愛一個人。走得比他早

．

食餐飯都要影相？

2017-12-22T23:17:00.000+08:00

是日冬至，同平時一齊食飯的“飯腳”一齊食午飯過節兼 farewell S’last working day of the year，席間 S 提議影相留念。。。

其實我地差唔多日日都一齊食飯，有乜好影？

事緣 fb 大神提醒 S，兩年前今日，美女好友們特地到 S 上班的地區吃冬至飯做節，當中包括其時已經到了外地定居丶當時回港過節的花花。

可惜吃過那次冬至飯後，花花回到外地癌症復發，去年好友再聚，花花未能回港，到了今年，再聚頭的願望已經成為明日黃花，只能他朝相聚在天堂！

所以，今天 S 和飯腳午飯期間，忽發奇想提議影相留念，還要 upload 上 fb 做個紀錄。。。

祝大家冬至快樂，老土一句，愛要及時。。。

Merry Christmas！

．

去年早幾日：預感

．

買得太易丶著得太遲。。。

2017-10-18T23:46:00.000+08:00

愛要及時，人人皆知。。。

S 最近領悟到，其實著衫都要及時。

姻緣際會，又係時候大執屋，發現唔少買咗幾年但著都未著過、甚至牌都未剪嘅‘新衫’。。。

廚神母親知道，問 S：乜你啲衫唔係最少都著過一次嘅咩。。。

Errr 。。。想就係咁想，但實情係。。。

返工長期坐，又少運動，腰間日積月累不少肥美嫩肉，有啲衫到想著時都著唔到了！

為咗提醒自己，改咗首詞自娛吓，唔好亂買，如果買咗的話就著要及時

原曲：愛得太遲

OK，跟住古巨基同周慧敏一齊唱。。。

買得太易、著得太遲

有些衫褲通通早已變歷史

…………

能著便著，唯有及時

有些衫褲已於咫尺卻在擺

……………

人人在減磅

想起他朝都興奮

但一次（也）未著

會著嘅至好收買。。。

．

不許人間到白頭

2017-09-11T21:02:00.002+08:00

上星期六去了一個追思會。。。

李濤，1969 – 2017

Miss You…

悲情柬埔寨

2017-04-29T02:34:00.001+08:00

上星期去了吳哥窟走一趟，回來後。。。

S：其實去睇吓啲古蹟同環境，都可以嘅，不過都幾心 'up'。。

媽：我早兩日見過你 Uncle T，我問佢有冇諗過返去柬埔寨睇吓，佢話冇！

S：佢地係咪成家都冇人喺柬埔寨架喇？

媽：冇晒喇，走晒出嚟。

S：咁我係 Uncle T 都唔會想去，傷心地！我地睇過啲資料，金邊 50 年時有 30 幾萬人，到 7 幾年時得返 3 萬幾，我諗返，50 年咪即係 Uncle T 重喺柬埔寨囉，得幾歲，佢地就係呢啲年代走。。。

媽：係呀，Uncle T 重喺果度時金邊幾咁繁榮。。。

S：佢地在金邊嗎？我記得細個成日聽你地提，好似話 Uncle T 啲朋友，阿 H 哥哥、重有個 CH，都係金邊華僑。。。

媽：Uncle T 一家應該唔係金邊，而係第二大城市 xxx (其實媽有提城市的名字，但 S 寫這個時忘記了），你細過見過果個 H 哥哥，一家 11 口，大部分死晒！

S：吓！😰😰😰。。。邊度都好啦，咁 Uncle T 個老豆都幾叻喎，成家走晒，如果好似 F 舅父，留咗一個在越南，都好慘！

媽：佢地都唔係一次過走晒架，你 Uncle T 64 年至返大陸，識咗我地，當時佢成家仍在柬埔寨。。。

S：Uncle T 好似老豆咁自己想返大陸㗎？

媽：係呀，所以係佢自己一個。。。

S：咁佢地一家幾時去澳門？我記得初中去佢地鋪頭時，好似已經落地生根咁。。。

媽：應該係 7 幾年，你 Uncle T 個 2 細佬好野，覺得唔對路，提議佢老豆賣晒啲野走，其實佢地嚟過香港的，但因為 xxx (省吓幾佰字）冇留低。。。

S：咁後期？我以為一早去添，我記得 Uncle T 有個細佬喺美國，唯一嘅細妹喺法國。。。

媽：佢 6 弟被送過去集中營。。。

S：佢 6 弟係咪後來移民澳洲但話好悶又返返嚟果個？

媽：咁應該係 5 弟，果時佢地成家已去咗澳門，佢媽返去柬埔寨搵，攪咗一大餐，終於搵到，唔知點搵咗美國領事館，最後係以佢 5 弟嘅名義，投資咗好多野，佢 5 弟直接去咗美國。。。

S：唔怪得啦，咁佢細妹呢？

媽：佢細妹個老公（當時未結婚）全家死晒，走咗出嚟，去咗法國，你 Uncle T 個妹跟埋去，所以得佢喺法國。。。

S：全家死晒😰😰😰。。。

媽：係呀，你 Uncle Sam 都係，即係 Uncle T 個堂細佬。。。

S：Uncle Sam? 即係細個時同我地住過，後來去咗法國果個？

媽：係呀！

S：唔怪得佢啲性格咁古縮啦⋯⋯ 後來我 9x 年第 1 次去巴黎時，打電話比佢，佢好似唔知我係邊個，我以為佢唔想見我地，冇再搵佢，如果我知，一定搵佢，代老豆去探佢。。。

可是，世事沒有如果，事隔多年，我們一家兩年前再訪巴黎時，已經沒想過要找 Uncle Sam，希望他一家安好。

和母親這一席話後，一直放不下，其實這些口術歷史，S 從小時已經 by bit & pieces 聽過不少，從沒整理過，今次想寫下來，但回來後翌日立刻上班，忙了整個星期，星期五晚長周末前，夜欄人靜，把他記下來。

看似很長的文章，其實只是歷史中一個微小得不能再小的部分，但已經涉及十多二十條人命。

感恩活在沒有戰爭的時空和地方。

．

去年早幾日：北京遇上西雅圖。不二情書

．

想您

2017-04-01T00:15:00.002+08:00

原來時間確實是回憶的最大殺手，所有記憶，無論有多深刻，總會被時間在無聲無息之中帶走。

要不是那年有件大事名叫“沙士”，S 已經無法想起，原來那年是 2003 ，如此就 14 年了！

更驚人的是，今天最想聽的，原來已經是三十年前的老歌，或許連 Leslie 自己那時候也沒可能想像得到，三十年後的此時此刻，迷離的結局竟然是，有人用這歌來懷念他自己。。。

【想妳。張國榮】

．

去年今日：今年最想聽。。。有心人

．

讀書唔成去外國？

2017-03-20T00:10:00.002+08:00

朋友：真係好，你明白我個女唔係讀書唔成至去外國，啲親戚初初知道阿女出去讀書，個個都問，喺香港讀唔上咩？阿女成績唔錯， xx 科走前全級排第三。。。

S：啲人無知，理唔到咁多，最緊要係自己知自己事 :-P

然後我倆一起大笑。。。

其實，會不會出外升學，在每個家庭有不同的考慮，S 一家從 M 年紀還小時，已經有此打算，最大原因是想 M 嘗試一下獨自一個人生活，學會解決生活上會遇到不同的問題，是以打從他初中，便要學習煮簡單的食物，做家務等，雖然並非天天做，但少至不會埋怨為何要做這種事情。。。不為什麼，人生在世，這些是生活其中一部份。

M 初時不太接受，因為社會上有不少聲音都說“讀書不成才去外國”！

沒錯，在留學生的圈子中，確實是有人因為不適應香港的教育制度而離開，因為外面的世界很大，不但教育制度和香港不一樣，而且有許多不同的學科丶甚至有如香港從前的“職業先修”學校，讓不喜歡主流 academic 科目的學生有所選擇，例如髮型設計丶廚師，又或是 fine arts 等；而更重要的是，某些制度彈性比較大，中學年代沒選好想讀什麼的話，一樣可以先進大學而後決定主修什麼科目，又或是轉學系或主科比香港容易佰倍。

記得第一次在 M 的學校聽關於留學外國的講座，老師提醒，家長千萬別對子女說“喺香港入唔到大學就去（外國）啦”，因為有了這一句，結果往往是真係入唔到。M 的成績並非超級，但也算得上中上而且算是“讀書人”，所以，S 一向給 M 的訊息是，去外國也要入中上的大學（例如去英國的話，至少要是 Russell Group)，絕不是去 “hea”。

經過一輪資料搜集丶選校丶報考有關的考試丶撰寫 personal statement 等過程之後， M 明白要入讀優良的大學，除了成績要有一定水準之外，準備的過程就如做了一個 mini project，因為我們沒有假手於 agent，而是找每樣資料和預備功夫也是親力親為，完成之後，M 的 reflection 是，就算最終沒有去，過程已經學懂了不少平日課堂沒有教的，包括經典的 Murphy’s Law (what can go wrong, will go wrong)，而更甚的是，沒想過會出問題的環節，原來也可以出問題。。。是以重要的事情千萬別待至最後一分鐘才做。

如今 conditional offers 都已經有結果，下一輪是在 5 月初選出兩家最想入讀的大學，其餘的要放棄，以確保不會出現少數學生“霸”着大部份學位的情形，而在研究保留那兩間 conditional offer 的時候，又發現 DSE 確實是個奇怪的制度，有機會的話寫下來分享一下。

．

去年早幾日：“知天命”的陳慧嫻

．

預感

2016-12-10T23:56:00.001+08:00

上星期一，we chat 裡。。。

S：我早兩日發夢見到你，應該係我去探你，唔知係邊度，但你在揸車，重有我地以前識的阿 F，哈哈。。。好攪笑。。。

A：下星期有時間嗎？我明日回港 :-P，太巧了。。。

S：當然有啦。。。哈哈哈。。。回到後通知我啦。。。

然後。。。

上星期六，我們又聚頭，大概兩年沒見，M 已經變成了昂藏 6 呎的大男孩，而 R＆J 的家庭亦再加了一個成員，從兩個孩子變成三個！

S 寫這個之時，A 又離開了，我們說笑，想見多些的話 S 再發夢的話就可以了。。。

其實，這已並非第一次 S 發的夢有如第六感，對上一次是一年多前，S 夢見男朋友 P 說家人受了傷，那天 P 就聯絡 Mr. F 告知家裡有人患了癌病，我們不肯定到底是 S 太掛念 P 一家（P 和太太和 S 都識於微時），還是 S 的夢境是某種預感。。。

要是 S 真的有第六感的話，希望多發一些和家人朋友去旅行丶吃喝玩樂的夢啦！ ^_^

．

北海道。8 月花田

2016-09-24T01:09:00.000+08:00

上一章：8 月尾北海道。日程表

拖了幾個星期，還沒有把這個整理好，星期五晚上，趁着明天不用上班，終於“的起心肝”。。。

上回寫過，8 月尾已經過了薰衣草和太陽花最茂盛的花期，但還有其他不同的花種，包括 S 喜愛的 scarlet sage，還是值得記下來，是次總共到了三個花田。

富良野 Farm Tomita 富田農田

如果是自駕去的話，最好以英文名 Farm Tomita 搜尋電話號碼或 map code 去輸入 GSP 尋找正確位置，因為我們分別以 Farm Tomita 和富田農場搜尋，得出兩個不同的地方，以中文名搜尋，找出來的是一大片農場而非花田，由於那片農場正位於我們往 Farm Tomita 的路線上，結果花了一些時間去確認到底是否在正確的路線或方向，還好的是，雖然並非花田，一片綠油油的農田也是尚好的風景，是個不錯的 joy ride。廢話少說，看圖才有意思。。。

美瑛的阿斗夢之丘

這個花田應該是主打薰衣草，8 月尾其他的花種不算太有氣勢，如果時間不夠可以不去。然而，雖然花田不夠壯觀，但在良好的天氣襯托下，無需甚麼精湛技術也可拍攝到不錯人像相，所以沒有多少只是花海的相片分享。。。

美瑛四季彩之丘

這是三個花田中最有規模的一個，亦明顯地，最懂得做生意，因為 S 和朋友比較在不同時間丶但差不多角度拍攝的照片，發現每塊花田都種了在不同時間盛開的花兒互相間色，即是在賞花季節（4 月至 9 月），花田的色彩會不斷變化，縱然是同一地方，甚至同一角度，在不同的日子，看着同一塊花田，攝入眼簾的景色和感受卻可以完全不一樣，利害！

．

去年兩日前：為咗個 view finder。Olympus EM10 Mark II

．

BB 班行 BB 山（3）。西貢海下灣

2016-09-18T00:41:00.001+08:00

上一章：BB 班行 BB 山(2)。大棠遇見蛇

北海道的賞花篇還未寫，又先寫這個，因為不知從何時開始，疏懶了許多，趁今天記憶還新鮮，就坐言起行。。。

9 月 17 日，星期六，中秋節後的兩天，理論上已經是秋天，但天氣還很嚴熱，從早上大約二十七丶八度至中午的三十三度！雖然如此，趁着中秋節長周末，還是想出外走走，於是 join 了 Mr. SC 組織的大灘海下行山團，到西貢走走。

交通方面，如果駕車的話，是可以把車停在北潭涌才轉乘巴士，但我們選擇了在西貢轉巴士，反正都是搭 94 號路線，我們一行 12 人，在北潭涌才上車的話也許沒有座位的。此路線有些人是選擇從海下灣出發，向西貢走，但我們在 94 號巴士的中途站“大灘”下車，沿着大灘郊遊徑往海下灣走去，到海下村乘搭 7 號綠色小巴回西貢（註：此路線每半小時一班，排在我們後面的人，知道上不了我們的那一班，不少乘的士離開）。

根據資料，此路線難度為 2 級，但對於實在很 BB 班的 S 來說，要在一些天然“石級”間跨上跨下，並不容易，於是人家估計大概 3 小時 7 公里的路程，因為 S 拖慢而走了差不多 4 小時，途中有幾次大隊要停下來等 S，真的不太好意思耶！

但沿途風景優美，天公造美之下，感受下一香港難得一見的萬里無雲之晴空，在水清沙幼的沙灘吃補給品，確實是件賞心樂事。。。

同場加映。。。

西貢點滴，很久沒有在海邊買過新鮮海鮮，勾起不少童年回憶！西貢仍然有牛，離開時遇上工作人員預備明早的龍舟賽事，替同事們預先拍下獎杯 ^_^。。。

自戀系列，有人無意中拍到這個有如輕功水上飄的畫面，有趣 ^_^

後記，做個記錄，暫時行過但沒有寫過的路線還有：Dragon’s Back ， Cape D’aguilar （兩處都唔識寫中文 :-P)，大帽山（車行多過人行），重有冇呢。。。已經記不清！

．

去年早幾日：凍到抽筋。Back from freezer to over！

去年遲幾日：為咗個 view finder。OlympusEM10 Mark II

．

8 月尾北海道。日程表

2016-09-03T17:42:00.001+08:00

到北海道旅行，賞花的朋友大部份在六丶七月之時去，但一向沒有甚麼長遠計劃的 S，七月時才匆匆決定今個暑假最終都是決定想出行，而且因為要遷就 M 某項要事，只能 8 月底才成行，其時薰衣草和太陽花最茂盛的花期已過，然而花開花落，沒有這兩樣，自然有其他，例如和薰衣草很相似但有多種顏色的 scarlet sage，深紫和粉紅乃 S 的更愛，所以最終拍板還是往北海道。。。

哈哈，好運的是，S 選的日子，正值 3 個颱風離開了日本之後，七日之中只有一天下雨，到 S 離開那天，颱風和雨又回到北海道，所以，許多事，人算不如天算，隨緣就最好。

參考過不同的朋友的玩法和網上資料，發現北海道的遊法可以大不同，有人看風景賞花行山丶有人玩激流丶騎馬；交通方面，有人扶老擄幼唯有跟團，有人乘 JR，有人自駕，日程表人人大不同，所以 S 要把日程表寫下，以便以後參考。。。

Day 1 Chitose 千歲機場 =》Sapporo 札幌，抵步時已是 3 時多，在機場辦好租車手續後，Lunch @chitose Rera outlet，然後才駕車往札幌。Hotel Gracery just opposite to 札幌 JR 駅

Day 2 札幌 -》富良野，Tomita Farm，然後在附近另一比較小規模的花田乘吊車，從高角度府瞰富良野的景色，再在附吃了蜜瓜配雪榚 => 酒店 => 富良野夜市掃街當晚餐。Hotel 是 New Furano Prince Hotel，有個小型溫泉，不值一晒。

Day 3 富良野 -》層雲峽，下雨，由於地勢高加上下雨，在山腳時 20 多度，上到上後只得 14 度。由於天氣關係，原定的輕量行山（黑岳）和吊車一日遊都沒有玩，只在銀河流星雙瀑布拍照，而且因為之前打風，往大函的道路被封了。之後＝》旭川，晚餐天金本店，亮點海膽 sabusabu，蟹 nabe （註：店員認真地說 nabe 鍋不是 sabusabu)。Hotel 是 Arts Hotel，比較舊，但好處是近購物食肆。

Day 4 旭川 -》美瑛花田，阿斗夢之丘，四季彩之丘，後者在 8 月時的花海依然非常吸引，有機會要另寫一篇賞花篇。 =》登別（註：此程 3 小時車程，我們安排行程時早知這個，但如果不喜歡駕太長途的朋友，未必適合如此安排），登別地獄際巡遊（原來這個是每年 8 月尾舉行的）。晚餐在酒店自助餐，吃了很多很多的蟹腳，之後在酒店溫泉浴。Hotel 是第一龍本館（Dai-ichi Takimotokan)，這個比較舊，但好處是陡步不夠 5 分鐘就到登別第一名勝地獄谷，而且是溫泉酒店，溫泉規模和款式都很多。

Day 5 登別酒店 -》步行到地獄谷 -》Mitsui outlet park => 札幌，晚飯後從酒店步行到狸小路行街，這裡有強國人最愛的。。。藥房！和不少地道小店。

Day 6 札幌 -》余市 Nikka Wiskey 蒸留所 =》積丹岬吃海膽丼 @ 中村屋＝》積丹岬島武意海岸 =》神威岬 =》小樽運河，由於到達時大概 5 時多，能夠拍到小樽河畔日與夜的景色 =》札幌

Day 7 札幌 =》Mitsui outlet park (lunch) =》千歲空港 =》香港

後記。。。

每次去旅行時都在想，好好玩，要把行程和所見所聞寫下來，和別人分享也好丶替自己記下美好回憶也好丶又或是做個記錄作為日後重遊時參考也好，總之就是想寫下來。可是，每次沒有付諸行動，最“勤力”那次可算是在 Syndey 那次，途中寫了一篇，其實那次可算是寫了兩篇，因為其中一篇“騎呢”篇是想記下關於在 gold coast 租車的鎖事，但卻寫了再上一次在倫敦租車的事情，所謂的“記錄”足足遲來了大半年，甚或是從來沒有實現過。今次往北海道，因為全程都是自駕，反正要搵路，於是在路上就把行程簡略寫下來，做個記錄。

下一節：北海道。8 月花田

．

去年兩日後：相約在倫敦

．

買短褲都要第六感？

2016-07-02T01:12:00.000+08:00

早兩星期行經樓下商場時，某連鎖店鋪好大個牌寫了 “Sale，$X99”。。。

S 同身邊個人講：我都想買短褲，如果＄99 我就買

Mr. F：Ok you wish！

Anyway，入去睇吓。。。

噢，係＄299 兩條，重要係 sorry 女裝冇減價，只有男裝，因為果日係。。。父。親。節！

於是，繼續行，經過一間賣水上同滑雪服裝嘅連鎖店（Yes，又係連鎖店，S 樓下基本上都係 chain stores，冇乜創意同驚喜的），身邊果個人話要入去睇，此牌子一向都不是 S’ cup of tea，因為唔玩水又唔滑雪，雖然今時今日都係賣 fashion，從來冇人買呢啲牌子只會去玩水或滑雪，認真便輸了，但冇興趣就冇興趣，不過反正無聊，入去睇睇。

Well，不看白不看，有兩條完好無缺嘅短褲，有個黃色牌寫住＄99，再睇睇其他，冇減價喎，於是問清楚店員，黃色牌的價錢啱唔啱的？店員答道，係啱嘅，因為斷碼，每色只剩下一條。

於是試上身。。。 good fit，要晒兩條，好豪耶！

其實，S 真心覺得原價＄5xx 係 overpriced，重同店員講，原價的話 S 唔會買！店員當然心諗呢個 C9 (師奶)真騎呢，買就買丶唔買就唔買啦，咁多野講。。。

但冇法子，可能因為年紀開始大，對物質嘅慾望同價值觀唔同咗，完全唔會“追款”，亦唔會有乜一定想要或要買嘅所謂心頭好，心境已經進入只要整齊清潔，配合場合，就可以了的階段。

買完果兩條短褲之後，Mr. F 問 S 係咪好開心。。。

S：係呀，我覺得自己啲第六感好利害，想要乜，就有乜！

快樂，原來真係幾簡單。

^_^

祝大家長周末愉快！

．

BB 班行 BB 山（2）。大棠遇見蛇

2016-06-20T01:30:00.000+08:00

上一章：BB 班行 BB 山。元荃古道

自從行過元荃古道見識過香港景色另一種美之後，趁住未完全進入炎夏，再去行咗幾條入門路線，好好玩，陸續會分享。但今日先寫昨日的旅程。。。

2016年6月18日，大欖涌水塘

6月18日，星期六，起點，大棠大欖郊野公園，沿大棠山道行至大欖涌水塘尖折返，回程時經伯公坳，再經之前同一段大棠山道回到起點。

由於大家都在午飯前要返到元朗各自有事要辦，大約 8 點半到大棠，一如之前兩次，都係車泊最接近大棠山道的停車場，由於今次並非追葉季節（註：有興讀追葉請讀文末的相關網誌），而且天氣已經開始熱，並唔多人，但呢個正合 S 心水！

大棠山道即係追紅葉嘅必經之路，條路鋪得好好，可能因為秋冬人流極多，沿途都見到中電嘅工程，鋪電路，唔通未來會起路燈？ God knows！

正如行山高手 Mr. KC 所講，完全冇難度，於是有時間預習一下紅葉課，睇定邊啲係“目標”，到時候如果再來，有個概念，雖然未到季節，疏疏落落有幾塊樹葉已經開始變色，可能年紀大，身體麻麻，要比其他葉早走一程。。。

到達水塘尖，有一片小草地，好舒服，係尚佳嘅歇息地方，但冇影相，因為我地遇上 2丶30 個單車人仕一齊休息，點影都有人，所以索性唔影片草地，但一邊休息，一邊欣賞優美嘅湖光山色（此文章第一幅相），有點難以相信置身於香港！

由於時間關係，我地在此原路折返，行到咁上下，跟着伯公坳路牌指示，會匯合返大棠山道返回原來的起點。今次的路線應該係麥理浩徑第 9 丶10 段其中一小節，話說可以和上次行的元荃古道連接，路牌做得幾清晰，並唔難搵。往伯公坳途經嘅雖然係山路，但都幾易行，不過，千祈唔可以因為容易就掉以輕心，因為，我地就係喺呢段山路遇見蛇。。。好彩行頭的 Mr. C 警覺性高，聽到啲樹葉聲停低腳步，結果條蛇喺同我地距離只有 3丶4 嘅山跛擦身而過，嚇死人！如果萬一踩咗條蛇度，不得了，因為據 S 嘅目測，條蛇大概 5 至 6 呎長，唔識咩種，但最驚有毒，S 見到時，真係好驚，所以當然唔得閒影相啦！免得手忙腳亂出意外，跌電話事小，萬一跌落山就大件事！

雖然 Mr. KC 形容為有點悶的路程，但就啱晒 S 呢種超級 BB 班！

相關網誌：

駕車追縱大棠紅葉

大棠紅葉 2013

．

去年今日：飲一罐 7 up 嘔返 97 大元！

．

BB 班行 BB 山。元荃古道

2016-06-17T00:54:00.000+08:00

行山係好多香港人喜愛嘅活動，不過，對於住過新界大西北十幾年嘅 S 嚟講，係新鮮嘅活動。

話說出來做事初期，有啲同事不時會組織去行山，但佢地去嘅都係有返咁上下難度嘅路線，體力係有限公司又冇經驗嘅 S，唔想成為大家嘅負累，冇參加過。

直至而家老咗，覺得真係要多做有益身心嘅活動去保持身體健康，遇上亦算係行山初班嘅男朋友 Mr. C，唔介意遷就 S 呢種超級 BB 班，於是今年 4 月，春末初夏，趁天氣未熱，終於踏出第一步，去行元荃古道。。。

點知，去到簡直有被賣豬仔嘅感覺，因為果條又長丶又斜丶又多梯級嘅樓梯，真係見到都有啲驚呀！不過，一場嚟到，冇理由未出發先返屋企㗎，都行吓啦，最多慢慢行，行幾耐就幾耐啦。。。

2016 年 4 月9 日，元荃古道

未上完條樓梯，Mr. F 主動 offer 幫 S 揹埋 S 嘅背嚢，其實個背囊唔算重，因為冇帶啲無謂野，所以 S 覺得可以自己揹，並冇“求救”，但兩位男仕或者覺得，如果以 S 當時嘅速度，可能要行到天黑掛。有人揹背囊，可以更優悠地欣賞沿途風景，所以話，一如之前寫過“要嫁就嫁會替妳背相機的男人！”

千辛萬苦上完條樓梯，之後再上咗唔少斜路，霧氣漸濃，沿途經過石龍拱，身處四野完全冇樓又被春末霧氣濃罩嘅山頂，有如入咗無人嘅仙景，好震撼，S 從來冇想像過香港原來可以咁靚！完全明白，點解大家反對改變郊野公園用途！而且覺得，行覺幾辛苦，都係值得嘅。

在落山方向時，我地向一伯伯問路，原來伯伯係識途老馬，話如往深井想行山路可跟佢，於是唔識死嘅我地，跟住伯伯行，沿途同佢傾偈，始知伯伯係行山發燒友，話比老婆知出街買啲野，但原來一個人行咗嚟呢度！老當益壯嘅佢，行到咁上下，話往深井只得一條路，唔會盪失的，等唔到我地，佢自己走先！其實 S 覺得伯伯咁樣一個人行，有啲危險耶，不過果晚至之後幾日都冇關於行山人仕意外嘅新聞， no news is good news 啦！

沿住條山路，經過一條小溪澗（但唔洗行落條澗的），又經過一個叫清快塘嘅荷花塘，其時未係荷花盛開嘅季節，但是一歇息好地方，再向下往深井時，天色好返啲，終於見到青馬大橋，結果以網上介紹預計嗁時間落到深井，Ok lah。。。

雖然呢一丶兩年都有做吓 walk / jog，wall sit / 拉筋呢類“運動”，但始終唔行慣，攰咗幾日！

但想到有如天堂嘅景色，S 同自己講。。。 I’ll be back！

下一節：BB 班行 BB 山（2）。大棠遇見蛇

．

去年今日：為何要寫 blog？

．

何止愛我一分鐘！？

2016-05-24T23:48:00.000+08:00

去年今日：每天愛我一分鐘（按此閱讀），一年後。。。

超額完成！

早兩天做 wall-sit，第一段竟然能夠輕鬆地達到三分半鐘，小休之後，再做了兩個分別一分半鐘的小節，總共六分半鐘，比起去年定下的目標“最少能持續一分鐘”進步得多！

而且，經過一年來的努力和改善，雙腿已經能至 90 度的標準姿勢，座圍和大腿的肌肉，明顯健康了不少，這就是努力堅持的效果。

然而，這方面雖然做好了，但沒有堅持每天都做少量運動或拉筋，而 plank 亦少做了，這個對於雙腿以外的肌肉，有很多好處，但比起 wall-sit 辛苦，S 某程度難取易，先做好 wall-sit。Okay，來年新目標，要把 plank 也做好，而且要堅持至少隔天要做一些運動或拉筋申展一吓。

仍是這一句。。。

這些看似沒什麼大不了的“目標”，能夠踏出一小步，對愛自己，又踏邁進了一大步 ^_^

比個 Like 自己，Hurray！

P.S. 照片是去年的，因為當愛（自己）成為習慣，姿勢也改良了，沒有再每一次也拍下做紀錄！

．

去年早幾日：那些年，我們一起乘雙層巴士
．

S 和男朋友有個約會(24)。The Day I Walked out from that Door

2016-05-04T20:00:00.000+08:00

剛過去的復活節假期，S 申請了年假，放了一個悠長假期，先與家人去了一個長達 11 日的旅程，回港後依然有差不多一個星期假期才上班，馬不停蹄和朋友聚會，兩個都是從英國回來的中學同學，其中男朋友 A 是 S 高中年代的“相機男”，在沒有電子用具的年代，A 用菲林為我們拍下不少美好回憶，在中學畢業離港之後，一段長時間，很少回來，因為經濟環境負擔不來，但近年因為 A 雙親年事已高，近幾年回來的次數頻密了。

A 在一兩年前離開住的二十多年的城市，到另一城市工作，太太留在 hometown 居住，而 A 每星期 commute 往返 hometown 和工作地方，加上近年不時到不同地方旅行，A 那天說，有時候醒來的時候，不知道自己身處那兒，要“定一定神”，待回神過來，才肯定自己身處何方；又談到有一次回來香港，甚至不知道“家”在幾多樓，當時街上再沒有電話亭，要問途人借電話打回家問。。。

一直在香港居住的老同學大惑不解，感到沒可能，如果在路上遇上這種人，不會借電話給對方。S 卻甚有同感，雖然如果只得 S 一人，礙於安全問題，不一定會借出電話，但如果 A 問的是 Mr. F，他一定會借，原因說來話長，於是 S 開始說故事。。。

話說某一天， Mr. F 因為工作關係經過他兒時居住的大廈，回來對 S 說。。。

I really couldn't remember when was the last time I walked out from that door。。。

事緣 Mr. F 雖然從出生開始便住在那兒，80 年代尾丶90 年代頭，正值香港人的大移民潮，Mr. F 的父親不想離開，一家沒有移民，但幾兄弟姊妹有好幾年散落在不同的國家繼續學業，就在這期間，父母來了個“大搬家”，當大家完成學業回到香港以後，“家”已經被搬到一個與他們童年時的記憶完全沒有關係的新興屋苑。雖然有不少物品仍然留着，但被扔掉的更多！而舊居，雖然初時捨不得，Mr. F 母親甚至想過留給兒子丶新抱住，但最後也是賣掉了。

而 S 呢？差不多。只不過，S 家的“大搬家”在 S 回港後才做，S 的物品由自己執拾，但那時候掉了不少後來回頭時才發現是珍貴非常的回憶，包括姊妹們在那幾年寫給 S 的書信。之後我們搬了很多次家，沒有數錯的話，最少搬了八次，而 Mr. F 的父母（即現 S 的老爺奶奶），自那次大搬家之後，亦轉換過單位。是以 Mr. F 沒有“老家”丶而 S 也沒有“娘家”，因為 S 每次搬家都和父母一起搬丶一直和父母同住。

除了在外唸書那幾年，出來工作後，有一段長時間，S 出差蠻多的，主要是到幾個城市例如東京丶星加玻丶倫敦，偶然也會到 Stamford （NY附近）和 Zurich （好像只有一次但沒有留下遊玩）；雖然 S 並非旅遊狂熱（比起不少愛旅行的香港人，S 出門不算多耶），但細數下來，也出過不少門，所以也不止一次試過，睡醒之時不知道自己身處何方。。。

其實，同樣的感覺，男朋友 K 在今年農曆年回港探望他父母時，我們也提起過，K 也是中學畢業之後離開香港，之後便在那兒定居，K 回來香港，住在父母的家，那是 K丶Mr. F 和 S 各自在那兒留下不少經典回憶的街道，因為我們都在同一區長大，但 K 的父母也是在子女離家後搬了，雖然是在同一屋苑的另一座大廈，但對 K 而言，“家”和從前並不一樣了！

是以我們深深明白 A 那種不知身在何方的迷離感覺，因為 A 的“家”也一樣，父母雖然仍然住在同一區，但大廈已被拆卸重建，A 父母已經不再住在從前的樓層，那個陌生的地址，縱使以紙筆丶又或是電子記示簿寫記了下來，對 A 而言，已並非從前那個“家”了。

事隔這麼久，才把這個寫下來，皆因開始寫這個之時，是 Mr. A 的生晨。

不知 A 還記得與否？我們還有些共同回憶在山頂上丶大埔火車博物館丶還有演藝學院。。。無論如何。。。

Happy Birthday！

上一章：S 和男朋友有個約會(23)。夏季不再來

北京遇上西雅圖。不二情書

2016-04-23T18:14:00.001+08:00

昨晚去了看「北京遇上西雅圖。不二情書」的試映場。故事以 “84 Charing Cross Road”一書作為藍本，引發一個現代筆友情緣的故事。

攝於佰老匯電影中心 22 Apr 2016

看完第一個感受。。。懷念寫情書的日子。。。

S 這一代，年輕時沒有任何電子媒體，談情說愛不能天天見面的話，除了“煲電話粥”，就只能以寫信傳情達意。每次寫信，不但要動手，也要動心。。。

這種“心動”是個浪漫無比的過程，因為全心全意，一字一字地寫下來，每寫一個字，也反映當時的心情，下次縱使再寫同一個字，筆跡也不可能完全相乎，不似現在的 email丶instant message 可以一邊做其他事情丶一邊打 message，而且字體全都是工整的乎號，沒有靈魂。

書信往還之間，總需要一些時間，那種漫長的等代，是讓心緒沉澱一下的好時機，而讀情書的過程，S 覺得時談戀愛中最浪漫的過程，實體書信，反覆重讀也會勾起不同心情，是現在對著着電腦或電話讀電字訊息無可取替的，而“等”更是一種藝術，讓人明白耐性和堅持的義意。這些都是沒有經過這種浪漫的年輕一代，無法感受到的。

然而，電影最能觸動 S 的，並非兩個主角的那條愛情線，而是爺爺嫲嫲相處七十年，雖然是以舊式社會的名門正娶，卻欠缺了現代社會認同的一紙婚書，其實時間早已証明了一切，在 Las Vegas 小教堂內爺爺對嫲嫲的誠諾，並非什麼驚天動地丶死裡逃生那種震撼性情節，而是生活上一丁一點但卻令人最窩心的照顧，那才是從愛情轉化到生活最難做到的。

另外爺爺因為不懂英語和西班牙語而無法和孫兒溝通，還有不捨得賣屋是因為怕賣了屋丶住進了老人院的話，“家”就距離兒孫愈來愈遠了，實在令人心酸。嫲嫲說，古語有云“父母在，不遠行”，但現今反過來變成“孩子在，不遠行”，這個才是賺得 S 最多淚水的一幕。

也許因為，S 一家也有類似的情意結，先父走後，母親搬了和 S 一起住，從實際角度出發，我們都覺得，倒不如把舊居賣掉算了吧，反正搬回去住的可能性並不大，然而，那兒始終是父親最後居住的地方，我們都想保留着，讓他想家的時候，知道回家的路。。。正如戲內嫲嫲最後選擇把爺爺的骨灰，帶回家鄉撒於那兒的河裡去！

年紀大了，對愛情這回事的感受淡了，走過這幾十年的路，完全明白，親情和家人，才是一個人擁有最大的財富。也許心態不同了，在看畢試影之後做的調查裡，S 在“最喜歡的角式色”一項，選了秦沛飾演的爺爺，不知是否因為爺爺的做型和風格，甚有先父的影子。

下次到倫敦，一定要往 84 Charing Cross “朝聖”，原來今年這間書店（還是這本書）100 周年的紀念，上址現在應是書店咖啡店。翻查資料，原來 1987 年 Anthony Hopkins 就演出過以這個故事改篇的電影，有機會也找來看看！

去年早幾日：五個小孩的校長

今年最想聽。。。有心人

2016-04-01T17:43:00.001+08:00

【有心人】張國榮

去年今日：十二年。。。Gone but Not Forgotten

Rent a Car & Uber in London

2016-03-31T10:48:00.001+08:00

舊年暑假去倫敦玩，租咗車用，朋友問倫敦租車煩唔煩，答案係。。。煩！咁，既然倫敦交通算方便，租車又麻煩，點解要租呢？

因為 S 會去"市郊"如 Windsor、Oxford 加 Bicester outlet、Cambridge、原本計劃去埋 Stongehenge (但話說而家啲石被圍住晒，行唔到埋去的，而且要比 20 幾磅一個人至睇到，結果冇去)，於是既然租咗車，去唔算太遠嘅 Greenwich 都揸車去。

但呢篇，主旨其實係想寫，在倫敦租車有幾煩，同有咩要留意，雖然未來嘅情形或 rules 未必一樣，但做個 reference，好過冇。。。

首先，大部份租車公司都可以喺機場攞車同還車，但我地因為唔係到步第一日就用車，於是揀咗在酒店附近的大火車站 Waterloo 攞車同還車。基本上，除咗機場，倫敦有好多地方可以攞車交車，尤其是啲"大站"，即係可以搭火車去其他城市嘅火車站。冇揀到喺機場攞車，壞處係往返機場要另外比錢搭車，但好處係可以喺搭車途中認吓啲路先，因為倫敦啲交通好繁忙，街道亦好混亂，我地對上一次在倫敦揸車，已經係十幾年前，先坐車望吓還境，比較安全。

題外話，倫敦嘅的士超貴，正常嚟講冇人會由機場搭的士去市區的，原本諗住先搭 Heathrow express 出市區，只需 15 分鐘到 Paddington，再喺果度轉的士去酒店，但 Heathrow Express 都廿幾磅一個人，我地一行 4 人，已經 80 幾磅了，都唔平。如果搭地鐵(好似係 Piccadilly line 但唔肯定，想知的話請自行查証)，要成個鐘出市區，再轉其他地鐵線或的士，又耐又煩。近一年時常往返倫敦嘅朋友話 Uber service 好，價錢又合理，結果我地 call Uber, 4 人加行李租架 SUV，point to point service 直達酒店，成惠 67 磅；後來屋企人返香港先，3 個人又少埋 S 件行李，租普通房車，只需 42 磅，明智選擇！

Ok，講返去租車，第二樣要留意，倫敦嘅市區(S 呢篇講嘅"市區"，refer 緊大概係倫敦地鐵 zone 1 嘅範圍，因為 technically "central London" 只係倫敦裡面最中心果 1 square mile 嘅商業區，範圍極之細)，冇乜停車場，連酒店都唔一定有得泊車，就算有車位，最少都收 30 至 40 磅一日，但去玩時大部分時間出咗車，都未必想比幾十磅而大部分時間係唔泊的，而我地住在 Southward station 3 minutes walk 嘅酒店，完全冇車位的，所以唔洗諗。咁點泊車呢？答案係。。。

泊。街。邊！

初頭住喺倫敦嘅朋友咁提議，S 都有保留，於是佢教我地用一個 local apps 搵停車場，search 到幾個所謂停車場，都冇夜泊的，最記得其中一個喺火車橋底，好似睇戲果啲露宿者住嘅核突地方，我地泊完車行出嚟時，真係有啲驚，因夜掹掹四圍靜英英，好恐怖吓，莫講話人，連鬼都見唔到一隻，重要搵唔到點比錢，因為出入都冇閘的。。。終於，有個鬼佬泊低架車，雖然有啲驚，都要問佢。。。答案係，冇夜泊 service 架，因為夜晚冇人做野，又冇機器收錢，佢應該係有 monthly park (可能喺附近做野掛)，咁又問埋佢附近有冇其他場，答案又係。。。泊街邊啦，因為。。。

倫敦街邊（基本上全英國都係）啲車位，夜晚 8 點 (好似有啲 6 點後)唔駛入錢架喇，既然咁難搵停車場，唯有泊街邊啦，跟住，另一難題又來了！

因為太長篇。。。待續。。。

．

去年早幾日： Boyhood x 愛一個人。認真便輸了

．

Sydney Fish Market & Hunter Valley。1998 vs 2016

2016-03-22T20:39:00.001+08:00

S 對上一次丶也是之前唯一一次到澳洲，已經是 18 年前的事，那時候，朋友 C 移民定居 Sydney，一個人住，S 買了機票，在朋友家借宿，省卻不少旅費，事隔多年，有些地方依然記得，有些卻已經印象模糊，但到達之後，記憶又被喚回來。。。

昨天往 Fist Market，到達才想起，當時也到此一遊，依稀記得，我們沒有逗留，但想了很久才想起，“到此一遊”的原因，當年 Fish Market 是一個名乎其實的活魚和海鮮市場，那時候沒有強國人，連香港或亞洲人的旅行團也似乎不多，沒有堂食，更沒有餐廳或 food court 之類的設備，S 和朋友早上架車往魚市場買了想吃的，便立即打道回府，自己下廚，管他廚藝如何，新鮮活海鮮加自己下廚，一定好吃嘛！

今天到了 Hunter Valley，是 Sydney 附近的釀酒區，和魚市場一樣，事隔 18 年，完全改頭換面。還記得那一年，沒有中國人辦的旅行團，S 參加的是當地人辦的品酒 day-trip，沒多少人參加，全團就只有 S丶 Mr. F丶和一個不知道來自那個國家的外國人，三個人就成了“一團”，往 Hunter Valley 出發，開車的是地道澳洲人，沒有太多的說話，全程只在播放 80 年代最好聽的 pop rock，一字記之曰“正”！到訪的酒莊都非常“原始”，和魚市場一樣，沒有餐廳，更沒有紀念品賣。

是次舊地重遊，地方依舊，但設備和人流都大不同，但值得留意的是，不但普通話人多丶廣東話（香港)人一樣多，雖然擠擁了一些，但 S 比較喜歡有堂食的魚市場，皆因朋友已經回流香港多年，S 和其他遊客一樣沒有“落腳處”自己煮海鮮，如果只能在那邊看而沒吃的份兒，好掃興耶！

．

去年今日：失落的新寧大廈

．

“知天命”的陳慧嫻

2016-03-13T15:03:00.001+08:00

上星期天去了看陳慧嫻 Priscilla-ism 演唱會，這是 S 第一次看陳慧嫻的演唱會，S 並非她的 fans，想看的原因兩年前寫過（按此閱讀），但兩年前結果沒有看，今次相約了表妹 D，終於第一次現場看了陳慧嫻的演出，S 直覺覺得，今次比兩年前好看。

演唱會其中一段，以陳慧嫻自己在愛情路上的遭遇把歌曲串起，看來她之所以演譯得那麼投入和精彩，和自身的某些經歷不無關係，孰是孰非，只有她自己才知道。但她在說故事過程中，引述了那個與前世今生有關的“浮屍故事”（按此閱讀），似乎這個小故事給了她一些啟發，令她放開了一些什麼似的。

其實，有如她所言，活到了半佰，聲線仍然保持得那麼好丶開演唱會又有那麼多朋友做嘉賓和有那麼多人看丶人還那麼漂亮丶而且有家人愛錫，實在很幸福。

“知天命”階段的陳慧嫻，遠比 S 那一年在親友婚宴上看到的她有朝氣和好看，而且歌唱得很好聽，讚！

其實人生無完美，一邊得的多一些，另一邊自然會少一些，而且愛情路沒有絕對，也許換了一個想法丶另一種心情，下一站，那個對的 Mr. Right 就在燈火欄柵處。

【夜機】2016 Priscilla-ism live...

．

去年早幾日：愛一個人。愛情與投資

．

Stay Healthy until …

2016-02-21T16:16:00.001+08:00

男朋友 K 回港過農曆新年，短短嘅幾星期，我地見咗 4 次面，冇乜特嘅活動或地方想去，只想見吓面，make sure 大家未死得，所以其中兩次諗唔到去邊，都係嚟 S 屋企，輕輕鬆鬆"吹吓水"、飲吓野，而咁啱兩次都係 S 生日的前夕(新曆和舊曆)。。。

S 新曆生日之前果晚，K 因為先同年老的父母共進晚餐後才來，到達時已經十一點幾，當時 S 為了小事一椿，正在“發脾四”，K 嚟到，正好緩和一吓。

删除之前一佰幾十字。。。

S：你個 friend 正“西人” 呀。。。(K 其實係 Mr. F 的老死，S 認識男朋友 K，全因 Mr. F，當年 K 同 S 都在美國，重在同一個州，in-state 電話平過長途電話好多好多，有一段長日子，S 同 K 講電話重多過同 Mr. F，所以 K 同 S 無所不談)

K：咩“西人”？

S：即係“衰人”囉。。。

K：哈哈哈！Life is short, take it easy。。。

歡樂時光過得特別快，好似乜都冇做過，K 返到屋企已經凌晨 3 點幾，在 group chat 內報完平安，say goodnight 之後留咗呢句。。。

Enjoy each other as much as u can! 有今生未必有來世！

S 生日果日起床之後見到以上，又答咗 K 一輪無謂野。K 下晝到咗機場等入閘，再 chat 我地 say goodbye。。。

S：Stay healthy until we see each other again!

K：Soon … Very soon!

大家之所以咁 sentimental，因為 K 幾年前“死過翻生”，成功跨過鬼門關，但差啲半身不遂，而家可以正正常常生活，活着嘅每一日，都係有賺，所以盡量唔會為小事而煩惱，只會珍惜當下嘅一切。

呢幾年，無論係親人丶朋友或同事，S 經歷咗唔少突如其來嘅“死別”，有啲重年輕就走，好難接受，所以每一次“生離”，都有啲驚，唔知會唔會係 last goodbye，希望大家身體健康。。。

說時遲那時快，S 都未寫完呢篇，K 已經從地球另一邊，傳來孖囡多謝 S 嘅利是的拜年訊息！

好意頭說話唔怕多，但願大家都 Stay Healthy until We Meet Again!

哈哈，剛想貼呢篇，又到男朋友 V 嚟探 S，好熱鬧呀 ^_^

．

去年新年 blog：寫在新年後

．

珍惜拜年時

2016-02-12T17:44:00.001+08:00

農曆新年，節目年年差不多，但年年又不同，差不多嘅係行程，唔同嘅係人物組合，年紀越大越明白，有啲人，一去會不返，每一次見面，都可能係最後一面，所以，S 極少在農曆新年期間出門，除了拜年，也可“留守”恭候一眾會回港過年的親戚好友。

今年又點過呢？哈哈，有如以上所講，同往年差唔多。。。

年初一。。。

因為同廚神媽咪住，冇乜地方要去，只係晚上返另一邊食晚飯，早上起身後就“榚來張口”，除咗蘿蔔榚之外，S 最鍾意食姑媽年年從印尼訂返嚟嘅“黃金榚”，之後換條靚裙，影吓全家福，跟住玩吓唔少得嘅新年玩意，一係“魚蝦蟹”丶一係“開枱”。。。係呀，S 屋企計埋 S 的廚神母親，都只得 4 個人，都會玩呢啲“嘈”吓間屋，等有啲生氣，今年揀咗開枱，反正平日唔會化晒裝丶換晒衫喺屋企影相丶打牌，新年就係最好時機做呢啲“騎呢”野！

打到咁上下，雖然 4 圈未打完，但係時候返男家，老人家早食飯，到食飯時候至返去，佢地都覺得晏嘅，所以 5 點零鐘就返到去，未到開飯時間，有乜好做？當然又係要“嘈嘈”佢啦，雖然 Mr. F 唔係獨生，但呢幾年都只得我地一家在港過年，陪吓老人家，雖然 S 其實冇耐性打麻雀，更唔 like 打一番起糊兼“陪銃”（即家家要比錢丶“全銃”的相反），但一年至打一次，老人家開心，是但啦！打完 4 圈丶食完飯，返到屋又同廚神母親繼續，完成原本打緊果 4 圈，完美結束年初一。

車尾箱“常滿”，裝滿帶去
姑姐屋企嘅野食丶拜年手信，
相機腳架等“架生”。。。:-P

年初二，行程緊密嘅一日。。。

先父果邊親戚團拜，先父走前都在 S 家團拜兼開年，但自 S 一家搬離舊居之後，現居唔夠地方 house 成三十人，幾年前移師 5 姑姐家舉行，今年好齊人，舊年離開咗香港去拜會其他長輩嘅表弟 K 同表姨生女 L 兩家，今年都返晒嚟；表弟 L 未婚妻舊年唔喺香港，今年又有嚟，重有好消息，拍拖經年，下年終於派行是，恭喜恭喜！重有舊年開始至加入團拜嘅姪仔 H 同佢太太；今年更特別嘅係自高中之後，好似冇一齊團拜過嘅表哥 SL，唔止人到，重帶埋個好 pro 嘅相機嚟影吓靚表姐同靚表妹；不過另一個表哥 Sing 因為太太要當值（返工），只能單身出席，雖然係咁，今年都有成 32 人，希望大家身體健康，年年再見！

由於 5 姑姐家在 S 舊居同一屋苑，所以 S 一家會順道去埋另外兩個舊街坊（Mr. & Mrs. T 同埋 K伯伯）丶重有住同一區嘅好友 R ＆ J 家拜年。。。

Mr. & Mrs. T 同 S 一家好有緣，唔止喺舊居係街坊，佢地囝囝同新抱，就住在 S 現居同一屋苑另一座，雖然 S 搬走咗，都成日撞到囝同新抱，同佢地一家一直有聯絡，好多野搵佢地幫忙，母親同 Mrs. T 更是“飲茶腳”。另外係 K伯伯，當年 S 一家搬到果度，就住 K 伯伯隔離，佢睇住 M 出世丶先父去世丶到 M 而家十幾歲成個大人，S 亦睇住佢老去，雖然九十幾歲嘅 K 伯伯精神唔錯，但 K 伯有呢幾年變化就好大，唔係好行得，今年重患埋腦退化症，S 一家去到拜年，K 伯有明顯唔認得我地，只係點吓頭，到聽到 K 伯伯同我地傾偈時提起啲孫仔丶孫女至有少少反應，希望今年 K 伯伯同伯有都身體健康！

初二最後一站，係 R＆J 屋企，曾經 R＆J 家差唔多係 S 嘅另一個家，S 有佢地屋苑住戶証（而家都有），管理員認得 S 唔止因為 S 成日去，而係去親都係半夜，果啲時間冇乜人出入，所以當年 S 雖然唔係業主，但管理員們叫得出我地。近年因為 R＆J 忙於湊仔（女），S 少咗去佢地屋企 hea，但每年初二，“指定動作”係 S 一家去佢地度拜年丶食榚（J 親自整嘅榚），同埋影全家福，因為 J 每逢佳節都好有心機佈置屋企，今年成為 3 子（女）之母亦唔例外，而更重要嘅係，勇敢地生埋第 3 個，依然 keep 靚靚兼入得廚房，梗係要影低佢啦！

Well，原來 S 真係幾長氣，寫咗咁長至記錄咗兩日， Okay，寫住咁多先。

雖然寫這個之時已經係年初五，祝大家猴年順順利利，萬事勝意！

．

臨老學整榚。蘿蔔榚

2016-01-31T23:18:00.000+08:00

S 細個時，社會資源冇而家咁充裕，過時過節，母親都會親自做榚點等過節食品，由於來自基層家庭，大部份朋友都係屋企有個廚神母親主理一家膳食，可惜到咗 S 呢一代，承傳到廚神功力嘅朋友，絕無僅有。因為我地大部份都係“無飯主婦”，過節想食咪買囉，但食得工廠式嘅 mass production 多，始終覺得自家製至最好味。

於是，S 今日師承母親，學做蘿蔔榚，在 group chat 同朋友講起，原來去年移居外地嘅 W 都係今日第一次自己做年榚，下一步係蘿蔔榚；而 R 亦係今年打算自己做蘿蔔榚，聊天途中，發現有一個共通點，上一代都係靠經驗，各種材料的份量都係憑“感覺”，但我地三個人在 group chat 交流一輪之後，發現大致上差不多，為了可以流傳而且以後可以做 reference，又上載到呢度做個記錄。。。

整一底中型(榚盤直徑大概 8吋半至 9 吋)的材料：

蘿蔔三斤(話說整兩底用五斤)

臘腸兩條(傳統用臘肉)

蝦米 1/3 碗

乾瑤柱 8 至 10 粒(depends on 大細)

粘米粉半斤(以下圖中那包 600 克，用了一半)

做法：

1) 浸瑤柱，蝦米：浸前把瑤柱和蝦米洗乾淨，因為淨返的水會有用。

2) 刨蘿蔔：S prefer 全部刨幼絲，但有朋友鍾意粗幼各半，因為口感不同。

3) 瑤柱：將瑤柱撕開，基本上以手擦就會分開，無須逐粒撕開。

4) 臘腸和蝦米：切粒，大細因應自己喜歡的口感而異。

5) 烚蘿蔔：把蘿蔔烚熟，因為會出水唔駛點加水，為保留材料原味，可原來用來浸瑤柱和蝦米的水，慢慢加入至浸過晒啲蘿蔔而且不會覺得乾身，用中火煮直至蘿蔔熟透和不太硬。

6) 炒熟材料：由於臘腸（或臘肉）需時最長，先放入臘腸，炒至差不多，加入蝦米，最後加入瑤柱，炒至香噴噴，就差不多了。(由於臘腸會出油，開始時只需少量生油就可以了) 

7) 混合材料和調味：將炒熟嘅才料放入已煮熟嘅蘿蔔，攪拌，加入調味料，鹽（一定要）、糖（一定要）、雞粉（非必要）、胡椒粉（非必要）各少許，份量因應口味調節。

8) 加入粘米粉：慢慢把粘米粉分段（S 分三次）加入已混合的材料，攪勻，確保粘米粉被攪溶，唔會一“舊舊”。（這個步驟 S 用整西式蛋榚的棒棒）

9) 收水部驟：把以上已攪勻的材料用中火煮至漿狀，即收晒水唔會稀，放入蒸盤之前還有以下 step 10。。。

10) 先在榚盤塗上一層薄薄的油，之後才將收好水的材料放入榚盤，如有做西式蛋榚的工具，可用來整平個面。

11) Okay，終於可以蒸喇，水滾後開始計，以中火蒸 45 分鐘，即成（此文的第一幅相就是剛熄火時的“出爐”照）。（註：這次是用廚神母親都未用來蒸過榚的電爐蒸，“中火”等於不同電爐的幾多度，請自行研究自己個爐）

登。登。。登。。。登。。。S 第一次自家製的蘿蔔榚，好好味耶！S 整好蘿蔔榚之後出咗街，由於時間關係，廚神母親再自家製了椰汁年榚一底。。。

花絮，預備材料，原本想落埋苳菇，但由於口味 preference，最後冇落到。。。

．

My fitness bike。Best buy for this Winter

2016-01-31T01:32:00.004+08:00

雖然 S 間中會於周末往步行或跑步，但周日下班後沒有什麼時間做運動，當然如果夠勤力的話，早上上班前或午飯時間可以到 gym 做，但 S 並沒有那種堅持，早上寧願睡多一點點，午飯時間只想 take a break，縱使有時工作要趕工，也會到外面走一走吃一個 quick lunch，不會只留在室內。

因此，早前想過買一部家用跑步機，可以因應自己的時間安排，適逢表妹 D 有一部二手的要找“宿主”，S 往視察過實物之後，改變主意。雖然那跑步機保養得不錯，但體積並非如 S 想像中那般“小型”，縱使放得下，會佔據客廳太多位置，之後上網搜集資料之外，又到體育用品公司看看其他選擇，始明白 S 認為大型，但那已經是跑步機中比較小型丶設計作家用的了，因為跑步帶太短的話，女仕或許也可以，一般身型的男仕也要“就住嚟跑”，不會跑得標準，沒有意思。

經過一輪“研究”，結果決定以健身單車代替跑步機，雖然最小型的那種可以摺合，比較慳地方，但試過之發現不夠穩陣，於是選了不能摺合那些之中最小型的那一部，這個比跑步機佔用的位置少的多，是個不錯的選擇。

目標是星期一至五，隔天踩 20 到 30 分鐘，周末天氣好的話，如常往室外 walk / jog 順道吸收日光精華。So far 用了兩星期，暫時算得上“達標"，而且適逢上星期經歷五十九年最冷一天，又下着雨，沒有勇氣往室外跑，有了這個，保持了無間斷地保持運動，所以，這個健身單車，榮登這個冬季最精明的選擇耶！

今天雖然回暖了不少，但由於早上至中午不有同的事要辦，難以安排往外走走，只能騰出一些時間在家踏單車，結果， Odometer 突破 100 km （是 S 和 M一起 “contribute” 的）。。。又放到這兒做個記錄！

^_^

．