nadeem dil se

Ye janaza hai ek ashiq ka jo ab nahi raha. haal e dil

2009-04-18T00:30:00.000-07:00

Yun paraya kar diya unhone mujhe dekho,
Jaise ab main unke dil ka hissa nahi raha,
Chahta raha jis shakhs ko umra bhar,
Wo keh ke chal diya, " ab vasta nahi raha".

Hazar khwab dekh diye the jiski khaatir,
Kho baitha tha apna hawaas bhi mein,
Wo jisko sochta tha subho-sham, har pal,
Wo yun gaya jaise, gaya waqt nahi raha.

Hai kahan mumkin use yun bhool jaana,
Hai kahan aasan na yaad karna use,
Wo hai meri saanso mein shamil,
Jiske dil mein ab ye nadeem na raha.

Kal jab subha utho, to zara jhank lena khidki se,
Sun lena aawazein jo kabhi tumhe baichain kar jayengi,
Ho sake to poochh bhi lena baahar gurne walon se,
Jawab yahi milege poochhne par tumhe,
"ye janaza hai ek ashiq ka jo ab nahi raha."

Ghar kal raat ko tumane ujada hai। haal e dil

2009-03-24T23:43:00.000-07:00

Phir koi zindagi ka matalab poochh raha hai dost,
Phir koi lagta hai aaj pareshan ho ke aaya hai।

Zara sambhal kar chal raha hai aaj vo is jagah,
Jo teri dahaliz pe barason aaya hai।

Yoonhi tamannaon ka khamiyaza bhugat raha hai dil,
Jo is tarah aaj zara khaaamosh aur murajhaya hai।

Kyoon pareshan ho rahe ho dekh dard unaka janab,
Jinaka ghar kal raat ko tumane ujada hai।

Na jaane kin gunahon ka mujhase hisaab kar gaya। haal e dil

2009-02-17T01:42:00.000-08:00

Kal wo Phir koi adhoori baat kar gaya,
Wo jaa raha tha, par jaate jaate meri kaali raat kar gaya।

Yoonhi karwat badalte phir guzari meri raat aise,
Na jaane kin gunahon ka mujhase hisaab kar gaya।

Ab aaj phir dubara intezar ho raha hai usaka,
Wo apane intazar ko meri zindagi ke sath kar gaya।

Wo jo kabhi zindagi thaa meri,
Aaj meri zindagi barabad kar gaya।

Kaash zindagi bhi qaayadon pe chala karati ! haal e dil!

2009-01-29T06:26:00.000-08:00

Kaash zindagi bhi qaayadon pe chala karati,
Shuroo men likhi baat aakhir tak chala karati।
Kaash hota sabako pata anjam, qaayadon ke todane ka kya hoga,
Kaash in qaayadon ke tootane pe, sazaa bhi mila karati।

Na karata phir koi koshish, todane ki dil kisika,
Aur na phir kahin kisike, rone ki aawaz aaya karati।
Kash zindagi bhi qaayadon pe chala karati,
Shuroo men likhi baat aakhir tak chala karati।

Yoon kabhi na rota koi bachcha, bhookh se uthakar,
Na koi bachchi bhookh se rote hue, so jaaya karati।
Kaash zindagi bhi qaayadon pe chala karati,
Shuroo men likhi baat aakhir tak chala karati।

Par ye kaash bhi ajeeb dard rakhata hai,
Jo na ho sake vahi baat dabakar rakhata hai,
Baad mein aata hai dilane, galati ka ye ehasas humako,
Kaash isako is baat ki, sazaa bhi mila karati।
Kaash zindagi bhi qaayadon pe chala karati,
Shuroo men likhi baat aakhir tak chala karati।

Phir khud hi dabi chahat ko, jatane lage hain yun!!!!! haal e dil!

2009-01-20T00:07:00.000-08:00

Yun jagne lagi hai tamanna, fir se na jaane kyun?

Aane laga hai yaad koi, mujhko na jaane kyun?

Jaane kya baat hui ke, phir muskane laga hoon main,

Hanste hanste aankh men aansoo, aane lage hain kyun?

Hai yun to har taraf mehfil, ka sa mahaul,

Phir bhari mahfil mein hum, itrane lage hain kyun?

Hone laga hai phir ye dil, beqarar sa,

Hum is beqarari ka maza, uthane lage hain kyun?

Socha na tha aayega, phir se ye daur, zindagi men,

Ab aa hi gaya to itna, ghabarane lage hain kyun?

Lagata hai phir se Nadeem miyan, chahane lage hain kisi ko,

ya phir khud hi dabi chahat ko, jatane lage hain yun!!!!!

ab irakiyon ko afasos hoga kriket n khelane ka!

2008-12-18T00:15:00.000-08:00

pichhale dinon subah uthate hi jab ek joote ko uchhalate hue dekha to aisa laga mano kisi bharatiy kriket khiladi ne stumps pe nishana sadha ho aur jab stump ko hilate hue dekha tab pata chala vo stump nahi tha balki duniya ke sabase taqatavar mulk ke rashtrapati the vo bhi bush. jab tak main kuchh aur soch pata itane men ek aur joota dikhaee de gaya is bar bhi nishana sahi nahi. tabhi mujhe laga ke aaj irakee logon ko afasos huaa hoga ke kyoon unaka desh kriket nahi khelata agar us patrakar ne kriket khela hota to ho sakata hai usaka nishana n chookata . main to kahata hoon ke aaeesisi aur bisisiaaee ko kriket ko badhava agar dena hai to irak jakar vahan ke patrakaron aur bachchon ko kriket sikhaye taki vo hilate hue aur ek stump pe bhi nishana laga sake jaise hamare khiladi daudate hue viket ukhad dete hain bal mar kar. aur agar nishana agali bar lag gaya to samajh jana chahie ke abhi to ye joota jo nishana chook gaya 50 karod ka bik raha hai zara socho nishana lagane ke bad to arabon ka hotaaur salah amerikee rashtrapati ko ke is aarthik mandi ke daur men logon ko karodon kamane ka mauka den. bhala jahan kam dhande chaupat hai vah kam se kam joota udyog ko to tarakkee ka mauka milana hi chahie.

aao zara khud se bat karen doston! haal ai dil!

2008-12-08T06:36:00.001-08:00

aao zara khud se bat karen doston,
apane guzare vaqat ko yad karen doston।

ke paya to hai bahut, hamane zindagi men,
jinakee vajah se paya, unhen yad karen doston।

guzarata vaqat bhi ye hamen, pichhe chhod jayega,
ham jinako chhod aaye hain, unakee baat karen doston।

zamana yoon bhi to, hamara nahi tha kabhi,
ham jinke the zara, unse mulaqaat karen doston।

khvahishen hamari hain, zara masoom si abhi tak,
apnon kee bhi khvahishon ka, khyaal karen doston।

Ye zindagi adab ko aadab nahi deti. haal ai dil !

2008-12-03T09:08:00.000-08:00

Kuchh sochata hoon, to zahan sath nahi deta,
kuchh likhata hoon, to kalam sath nahi deti,

Chalata hoon kabhi uthakar, apane ghar kee taraf jab bhi,
Qadam to chalata hai, par rah sath nahi deti.

Karane laga hoon shikayat, khud se main aaj fir,
Har sazaa jo di hai khud ko, vo rahat nahi deti.

Hai hairan vo bhi, mujhako dekhakar,
Jinase meri barason tak, bat nahi hoti.

Achchhi thi ya jaisi bhi thi, thi meri zindagi,
Fir intazar mein khada hoon, par aavaz nahi deti.

Hota hai kabhi mujhako bhi gam, door jane ka,
Kya ho gaya, ke karib valon se bhi ab bat nahi hoti.

Manzar tabahi ka, mera dekha to tha sabane,
Kyoon fir bhi usake kaleje ko rahat nahi hoti?

Aadab zindagi ke sikhe to bahut,
Par ye zindagi, adab ko aadab nahi deti।

kya zindagi yahi hai? ek saval! ek sawaal!

2008-11-30T23:44:00.000-08:00

aaj somavar hai aur main fir se apane clients se apponitments le raha hoon। aur sath hi sath apane aofis ko riport bhi kar raha hoon. munbai dahla, hamane kuchh khamoshi apanaee, usape nazar banaee, kuchh dukhi hue aur dekhate rahe. aur aaj se fir se sabhi kee zindagi usi purane dharre par chal padi hai. ham sabhi zindagi kee taraf chal pade hain. aur ek saval mere man men uth khada huaa hai.

kya zindagi yahi hai?

ये मुहब्बत की बैचैनी है! हाल ए दिल!

2008-11-22T09:22:00.000-08:00

Guzarish muhabbat ki, kii nahi jati,

Soch samajhkar ye ulfat, kii nahi jaati

Ye dil ki baat hai, dil se kehte hain,

Zabaan se ye bayaan, kii nahi jaati.

Kabhi uthkar ke, baithte hain,

Kabhi baithkar, phir uthte hain,

Ye muhabbat ki, baichaini hai,

Iske liye dawa koi, li nahi jaati.

Yun jab yaad aati hai, phir neend nahi aati,

Karte hain shiqayat, khuda se sab,

Ke "E khudaya raat to aati hai,

Par ye kambakht neend nahi aati".

Sitamagar ka sitam bhi na, poochhiye e huzur,

Aise naadaan dost ka, na poochhiye e huzur,

Ke jo tadpa to deta hai,

Magar dil ko behlaane ki adaa, use nahi aati.

ye jo dil se jang hai, vo ladani nahi aati! haal ai dil!

2008-11-22T02:44:00.000-08:00

khabar rakhate to the ham zamane bhar kee e dost,
ab aalam ye hai ke, khud ki hi khabar li nahi jati।

vo kahate hain ke, khavab sajaya karo nigahon mein,
in nigahon ka kya karen, jinme, unake siva koi, tasvir nahi aati।

sitam karana suna tha, ek ada hai husn ki,
saval ye hai, kya iske siva, koi ada use nahi aati?

khayal aaya jo kabhi unka, to hath dil pe rakh liya,
is dil se ab unki yaad bhi, sahi nahi jati।

dushmanon se dushmani nibhana, to khoob sikha hai hamane bhi,
magar ye jo dil se jung hai, vo ladni nahi aati।

badi nazuk hai ye manzil muhabbat ka safar hai.

2008-11-20T08:51:00.000-08:00

kuchh samajh nahi aa raha tha ke kya likhoon, to jagjeet singh ji kee gaee ek gazal kaano mein goonjane lagi.to socha kyoon na aaj dil ke haalaat jagjeet singh ji kee aavaz men aapako suna doon.

Hoti hai jalan, parvane ki shahadat pe mujhe! haal e dil!

2008-11-18T23:42:00.000-08:00

Dekhakar parvane ka, deewanapan, kuchh shama bhi, itaraayi to hogi,
Halki hi sahi, usaki aag men, gulabi si muskurahat, aayi to hogi।

Socha to hoga, usne bhi, paravane ke jal jaane par,
Usaki aankh bhi, parvane ke anjam par, bhar aayi to hogi।

Kya hai zindagi bhi, parvane ki, shama ki nazron mein,
Ye baat, kisi shayar ne, kalam se, uthaayi to hogi।

Hai anjam kyoon, muhabbat ka, chahat mein jal jaana yaron,
Is sawal pe, kisi diwaane ne, adaalat lagayi to hogi।

Hoti hai jalan, parvane ki shahadat pe mujhe,na jaane kyun?
Is parvane ne, logon ke dilon mein jagah, banayi to hogi।

mujhe khatavar likhiye! hal ai dil!

2008-11-18T03:55:00.000-08:00

kisi ko gul e aasaman likhiye,
kisiko gul e bahar likhiye,
par jise talab ho muhabbat ki,
use doston, gunahagaar likhiye।

guzaar dete hain, sabhi zindagi yoon to apani,
kabhi hansate hue, kabhi rote hue,
par jo ishq ki khatir, aansoo bahaye,
usaki zindagi ko bhi, ashq e yaar likhiye।

muhabbat to karta hai, bhanvara bhi,gulon se yoon to,
jal jaata hai, paravana bhi, shama ki chahat men kahin,
hoon main bhi gunahagar, is khata ka yaron,
sochate kya hain? mujhe bhi khatavar likhiye।

main apane bachapan ko fir se dhoondhata hoon. hal ai dil!

2008-11-14T09:07:00.000-08:00

aaj bhi vakt ke is padav pe baithakar zara sochata hoon,
main apane bachapan ko fir se dhoondhata hoon।
vo din bhar doston ke sang baithana,
vo bholi bholi baten karana,
vo nae nae sapane bunana,
vo baith kar chand ko takana der tak,
vo bhagana idhar udhar kahate hue,
ke dekho chand mera pichha kare,
aaj fir us chand ko dekhata hoon,
aur charakha katati amma ko dhoondhata hoon।
main apane bachapan ko fir se dhoondhata hoon।

fir baitha hoon us gali men,
guzara jahan bachapan apana,
kiya karate the intazar ham sab dost yar,
the vo chini baboo ek,
late the jo ham sabake lie chat,
fir ghar ke us chabootare par baithakar,
main bachapan ke us dost ko dhoondhata hoon.
main apane bachapan ko fir se dhoondhata hoon.

jane hain kitani hi yaden,
mushkil hai jinako bhoolana,
umr beshak badh rahi hai,
par nata jinase nahi tootata,
han main usi nate ko dhoondhata hoon,
main apane bachapan ko fir se dhoondhata hoon.

mausam e dard chal raha hai shayad! hal ai dil!

2008-11-13T08:05:00.000-08:00

kuchh vaqat ka gubar hoga, jisane dhokhe uthaye honge,
ham to sehara men bhi nahin the, fir ye ret aaee kahan se॥

guzar rahe the lamhe yoonhi tanaha akele,
usamen ye udasi kee siharan aayi kahan se.

mausam e dard chal raha hai shayad,
har koee milata hai tadapata huaa, guzaro jahan se.

usane n lautake aane ka vada kiya tha mujhase,
gaya tha jab vo mere is dil ke jahan se.

hazar khavab n sajana kabhi bhi yaron,
ek khavab bhi sach hota nahin hai, gar dekha ho dil e khaqasar se.

Kuchh waqt ka gubaar hoga, jisne dhokhe uthaye होंगे.

2008-10-20T00:41:00.000-07:00

Kuchh waqt ka gubaar hoga, jisne dhokhe uthaye honge,
hum to sehra mein bhi nahi the, Phir ye ret aayi kahan se..

guzar rahe the lamhe yunhi tanha akele,
usmein ye udaasi ki sihran ayi kahan se.

mausam e dard chal raha hai shayad,
har koi milta hai tadapta hua, guzro jahan se.

usne na lauke aane ka waada kiya tha mujhse,
gaya tha jab wo mere is dil ke jahan se.

hazaar khwab na sajaane kabhi bhi yaaron,
ek khwab bhi sach hota nahi hai, gar dekha ho dil e khaksaar se.

Manzil na koi raasta hai mera. haal e dil !

2008-09-16T04:21:00.000-07:00

Manzil na koi raasta hai mera,
Ye waqt ka pal hi karwaan hai mera।

na jane kitni door jaa paunga main?
Ye pal hi to Raasta hai mera.

Sitam hain kisike mera dil par,
Main Bataun kaise?
Ke har sitam se lagta hai,
koi vaasta hai mera.

Kisse boloon aur kidhar jaaun,
yahi sochta rehta hoon main,
Na koi saathi hai mera,
na koi sahara hai mera.

Khuda ne zindagi bhi,
ye ajeeb banayi hai yaaron,
Jo jitna hai dil ke qareeb,
usse utna hi door ka naata hai mera.

फिर ये प्यार इशारों से जताते क्यूँ हो?

2008-09-06T01:17:00.000-07:00

bhoolana chahate ho jab mujhako,

fir khavabon men aate kyoon ho?

jab nahi hai muhabbat hamase,

fir ye pyar isharon se jatate kyoon ho?

ham sikh hi lenge jina, tanha tumhare bin ai sanam,

tum is qadr, apani mahafilon pe itarate kyoon ho?

karana tha to, samana dat kar kiya hota,

yoon bevafaee karake, munh ko chhupate kyoon ho?

main nahi janata, kyoon teri baat kiya karata hoon sabase,

par tum un sabase, mujhe poochhane aate kyoon ho?

karake hairan usako, jisane hamen milaya tha kabhi,

tum usakee chaukhat pe, sar ko jhukate kyoon ho?

aur jana hai to, chale kyoon nahi jate,

lautake aane ka bahana, yoon banate kyoon ho?

bhoolana chahate ho jab mujhako,

fir khavabon men aate kyoon ho?

jab nahi hai muhabbat hamase,

fir ye pyar isharon se jatate kyoon ho?

मेरा साया था वो तो!

2008-09-04T22:56:00.000-07:00

Mas'ala tha, n koee hal tha, mera yar tha vo to,
Tha jisape guman bhi mujhe, diladar tha vo to।

Rehata tha mere dil ke qarib, dhadkan sa tha koee,
Mere liye mere har saval ka javab tha vo to।

Karta tha dil pe raaj, koee raaz tha shayad,
Mera sanam mere liye har baat tha vo to।

Jaane kya huaa ke chal diya mujhako chhodkar,
Ab hoon saaye bina, mera saaya tha vo to।

और वो मेरी साँसों को बंद करने चले हैं। हाल ऐ दिल!

2008-07-31T00:32:00.000-07:00

अब तो दोस्त भी मुझसे हँसने की गुज़ारिश करने लगे हैं,

कहने लगे है तुम्हे भूल जाऊँ, मेरे लिए ख़ुदा से ये दुआ करने लगे हैं,

क्या बताऊँ मैं उन्हें की तुम मेरी सासों में शामिल हो,

और वो मेरी साँसों को बंद करने चले हैं।

kah dena unhen ke so jayen, didar khavabon men kar lena! hal ai dil!

2008-07-05T23:56:00.000-07:00

kah dena unhen ke so jayen
didar khavabon men kar lena!

ud jae kabhi aanchal jo hava se,
isako n kabhi rokana tum,
jitana bhi ooncha ye ja pae,
isako yoonhi udane dena!
kah dena unhen ke so jayen,

didar khavabon men kar lena!

aae jo kabhi rat yoonki tum,
chhat par leto aur tare gino,
sab ginana magar ek rahane dena,
aur nam use hamara de dena!
kah dena unhen ke so jayen,

didar khavabon men kar lena!

kahate hain ki insan jab guzar jae,
ho jata hai vo tara aasamanon ka,
poochhe jab koee hamare bare men,
us taraf ishara kar dena!
kah dena unhen ke so jayen,

didar khavabon men kar lena!

jab dil kare tumhara naraz hone ko,
aur ji n lage logon ke bich,
bas raton ke andhere men chhat par aana,
aur hamase vo gam sara kah lena!
kah dena unhen ke so jayen,

didar khavabon men kar lena!

तलब न होती मुहब्बत की तो ज़िंदगी मुश्किल होती!

2008-05-26T01:05:00.000-07:00

तलब न होती मुहब्बत की तो ज़िंदगी मुश्किल होती,
किसी को भी दुआ की ज़रूरत न होती।

अगरचे नही होता दिल में किसीके लिए प्यार,
तो इस दुनिया में इबादत की ज़रूरत नहीं होती।

के इनकार कर नही सकते मुहब्बत के दुश्मन कभी भी,
वो भी नही होते अगर इस जहान में मुहब्बत नही होती।

मैं जानता हूँ मेरे मुंह से उसे ये बात पसंद न आएगी,
मगर हर दिल की बात किसीको मालूम नही होती।

तेरे इंतज़ार में इस चोखट पे एक चिराग जलाकर रखा है!

2008-05-26T01:03:00.000-07:00

तेरे इंतज़ार में इस चोखट पे एक चिराग जलाकर रखा है,
तेरी याद को अब तक सीने से लगाकर रखा है।

हम तो अब हँसते भी नही खुलकर किसीके सामने,
इस हंसी को बस एक तेरे वास्ते संभाल रखा है।

गुलाबी होती है जब डाली फूलों के भर जाने से,
हमने तेरा चेहरा उसमें मुस्कुराते देखा है।

तड़प देखी है तेरी यादों में, अंधेरे में उजाला देखा है,
एक तूने ही नही देखा, सारे आलम ने ग़म मेरा देखा है।

मुहब्बत का फ़र्ज़ न निभा पाओगे. ....कुछ आश्यार

2008-05-08T08:36:00.000-07:00

मुहब्बत का फ़र्ज़ न निभा पाओगे,
गर रूठ गया कोई तो न मना पाओगे,
ये मुहब्बत नही है बोझ है काँटों का,
ज्यादा देर तलक ऐ दोस्त इसको न उठा पाओगे।

हो जायेंगे छलनी ये पैर यूँही चलते चलते,
ये गरम पत्थरों का रसता है तुम भी झुलस जाओगे।

यूं तो होता है असर दुआओं में भी सुना हमने भी है,
मगर जब माशूक को ख़ुदा कहोगे तो ख़ुदा को क्या मुँह दिखाओगे।

हज़ारों ग़म हैं इस इश्क में समझा रहा हूँ मैं,
क्या मेरे पाँव के छालों से कुछ सबक न पाओगे।