NAHAHA Blog Zone

Online News Typo 20120122

noreply@blogger.com (NAHAHA Alex Lau) — Sun, 22 Jan 2012 15:48:00 +0000

警方係咪低估咗黃大仙嘅法力呀？下限得兩個人？唔會啩？

新年快樂

noreply@blogger.com (NAHAHA Alex Lau) — Sun, 01 Jan 2012 03:01:00 +0000

（新年的早上，一家人還賴在床上）
媽咪：蓁蓁，宜家咩年呀？噚晚教你瞓醒覺就係咩年呀？
蓁蓁：係 20001 年
爸Ｂ：嘩，你瞓咗咁耐呀？

媽咪：係 2012 年呀！
蓁蓁：2012 年！
媽咪：係呀！新年快樂！你同爸Ｂ講新年快樂啦！
蓁蓁：（轉身）新田快樂！
爸Ｂ：嘩，我都想有塊田咁好喎！

祝大家新年快樂！心想事成！健健康康！

高登奇遇記

noreply@blogger.com (NAHAHA Alex Lau) — Sat, 31 Dec 2011 14:00:00 +0000

因為蓁蓁早上將我用了好幾年的無線滑鼠接收器弄壞了，於是下午去了高登商場走了一趟，參觀腦場冬日電腦節兼買新的滑鼠。消費了五百多元，臨走時發現有抽獎，便拿着收據到攤位去換抽獎券。適逢攤位值班人員換班，由兩名男子換成了兩名少女，奇遇也是由此而起……

少女甲：（拿起我的收據）係咪用現金㗎？
ＮＨＨ：（呆了一呆）係呀！（其實都真係用現金嘅，只係我唔知原來只有用現金嘅交易先合資格抽獎）
少女甲：（在收據上蓋了印章，轉頭對少女乙說）俾十張佢。
少女乙：嘩，咁多㗎？（其實我都咁諗緊）
少女甲：每一百蚊兩張嘛，佢過五百蚊咪十張囉。

少女乙真的數了十張抽獎券給我，我接過後就在旁邊填好，將抽獎聯投進收集箱中。回到家中，看了一下冬日電腦節的宣傳單張，卻發現抽獎券換領方法為：「活動期間以現金付款方法購物滿港幣$100或以上即可獲得抽獎券乙張，多買多抽。每張單一發票最多可獲10張抽獎券。」少女甲該不會把「乙」字看成「２」字吧？

（20120101 按：今早到香港電腦業協會網頁查閱抽獎詳情時，赫然發覺以下訊息……原來是美麗的誤會。但，除了比最初三天的顧客多一點兒中獎機會外，哪有雙倍機會呀？浪費人家時間填抽獎券，不是很好啊！）

工聯會２０１２春季課程精選

noreply@blogger.com (NAHAHA Alex Lau) — Thu, 29 Dec 2011 15:10:00 +0000

香港工會聯合會（工聯會）業餘進修中心２０１２年春季課程已經接受報名一段時間，就讓我如去年般為大家精選一些課程，有興趣的就參加一下，消耗善用工聯會的資源吧！

課程名稱	簡介
賽車安全駕駛知識入門	咦，估唔到有呢樣嘢學喎！仲話有賽車展示，我想問有無Ｆ１睇㗎？同埋上堂有無得出街實習㗎？
創業第一桶金	上咗堂之後走去創業係咪一定賺到一桶金㗎？阿爺大水喉會唔會照住㗎？
職場速戰辦公室法、術、勢	就咁睇我會覺得係教點喺辦公室施法、出術同埋做勢囉……
與狼共舞：辣手及刁僑扭擰員工溝通技巧	呢個係咪辦公室禽獸系列？點解辣手同刁僑扭擰嘅員工係狼呢？我仲想知死蛇爛鱔、烏喱馬詫、卅唎攏寵、跳離扎壁、奄尖腥悶、唔嗲唔吊、阿芝阿佐嘅員工又會係咩動物呢？
與獅同眠：怎樣與強橫領袖及上司相處
破冰與瀜冰：與陌生人交談的七個小錦囊	咦，仲有破冰三步曲喎……會唔會有外傳呀，同人誌之類？另，「瀜」字唔係動詞，「浺瀜」一詞係形容水深廣濶嘅。咁哩頭破冰嗰頭又話尐冰又深又廣，即係想點呀？
破冰前傳：你只能說一次
破冰之後：令人更喜歡你二十個秘方
2012年第一季投資部署策略－勝券在幄	原來搭個帳幕就有勝券，等我都喺屋企搭返個然後喺入面部署下出年嘅投資策略先……
超感觀知覺 (ESP) 訓練研習班	課程介紹話超感觀知覺 (Extra Sensory Perception) 來自右腦，透過導師嘅指引，學員可以開發接收呢種能力。咁咪唔駛基因改造都可能可以有超能力囉？
軍事600擊	嚟啦，開戰啦，打仗啦……咦，課程介紹話學員會獲配子彈，但係無話會俾槍喎……咁，即係掟子彈咋？
微博／Twitter 粉絲追星技巧	都話工聯會真係乜都有得學，微博追星都有。會唔會教埋點寫先唔會被河蟹先？

Online News Typo 20111229

noreply@blogger.com (NAHAHA Alex Lau) — Thu, 29 Dec 2011 07:24:00 +0000

邊度乾淨衛生咪去邊度囉！都啱嘅！如果有得拎住用咁咪唔驚踩狗屎同埋去錯尐唔乾淨嘅食肆囉？國家航天局有尐咁偉大嘅發明應該開放俾民用啦！

Online News Typo 20111220

noreply@blogger.com (NAHAHA Alex Lau) — Tue, 20 Dec 2011 16:08:00 +0000

其實驗到輻射，咪照直講囉。呃我哋話係禽流感，叫我哋點信要封閉萬九年啫？

Online News Typo 20111130

noreply@blogger.com (NAHAHA Alex Lau) — Wed, 30 Nov 2011 16:15:00 +0000

嘩！咁即係有十三億人死咗／唔見咗，定係有十三億人之前分錯類先？咁我仲計唔計係華人㗎？唔計的話咁有無得揀我係咩人呢？
（NAHEHE按：呢個統計相當有可疑！）
（按：原文並無此錯誤。抄新聞也要抄得好一點吧？）

Online News Typo 20111127

noreply@blogger.com (NAHAHA Alex Lau) — Sun, 27 Nov 2011 23:03:00 +0000

咦？真係有好多疑似候選人喎！咁係咪仲有梁英文呢？又抑或係梁冠英呢？

（晚上去看原文，發覺標題修正了，內文卻還是一樣。還真是低級錯誤……）

火警演習

noreply@blogger.com (NAHAHA Alex Lau) — Sat, 19 Nov 2011 14:40:00 +0000

　　話說敝公司較早前搬了家，由舊址的廿九樓搬到新址的八十五樓。當時大家都覺得搬高了，景觀也挺好的，算不錯吧？
　　剛過去那週的某天，新址的大樓舉行了火警演習。公司的同事一早就發了電郵提醒，我和同事們看了一下，覺得搬到那麼高的樓層似乎還真的有點壞處，要是有甚麼意外，逃生時還真有點麻煩，甚至有危害性命之虞。讓我們看看這次火警演習的安排吧：

　　還真不知道，原來該大樓的逃生集合點是設在西九龍海濱長廊的！由大樓走到上圖所示位置，大概都要十至十五分鐘吧？
　　就假設大家要走十五分鐘到集合點，然後演習需時卌五分鐘吧！那就剩下大約卅分鐘時間從八十五樓走到地面了。換言之，大家有大概 21.176 秒的時間走下一層的樓梯。嗯，要知該大樓每層的「樓底」都挺高的，廿秒走一層的樓梯都應該是算挺快挺費力的。（當然可能中間有很多層數是不存在的，實際上可能有近廿五秒的時間給大家走下一層的。）
　　本人在公司舊址還真的老實地參加過一次火警演習，從廿九樓走到地面，結果還真有點腳軟的感覺。還好這陣子都在客戶那邊上班，不用參加這次新址的演習。否則到了集合點，恐怕真的連站立也沒力氣。
　　可大家要留意，敝公司的樓層還不是該大樓最高的。再高層數的人，又是這樣逃生的嗎？還是該向天台走？（不過走上天台也很累的啊！）其實，會否有跳傘這個選項呢？（平常在該大樓工作的人就要接受訓練，然後演習時就真的在專人陪同下跳一次……嗯，好像很刺激啊！）
　　當然，是希望不會有甚麼意外事故發生了。還有，真的要逃生時，大家都要冷靜跟從指示走。而火警演習呢，有機會還是參加一下吧，以防萬一嘛。

Online News Typo 20111113

noreply@blogger.com (NAHAHA Alex Lau) — Sun, 13 Nov 2011 14:07:00 +0000

嗱，大家唔想餓親就快啲儲定啲殼啦！儲咩殼？唔知喎！財爺無指示喎！斷估唔係貝殼蜆殼啩？會唔會係唉瘋殼呀？（其實係咪個「機」字寫錯咗做「饑」字呢？）或者有錢啲嘅，儲定啲空殼公司等上市集資囉……

不孝廣告

noreply@blogger.com (NAHAHA Alex Lau) — Sun, 16 Oct 2011 04:23:00 +0000

明顯係歧視啦！仲要特別劃底線重點提示，真係不孝……

Online News Typo 20111012

noreply@blogger.com (NAHAHA Alex Lau) — Wed, 12 Oct 2011 15:51:00 +0000

以下幾句，邊句啱呢？

克羅地亞嘅教練可能係黎明。
克羅地亞係小組第一名，亦係第二名。
附加賽都係克羅地亞對克羅地亞。

Online News Typo 20110930

noreply@blogger.com (NAHAHA Alex Lau) — Wed, 05 Oct 2011 06:14:00 +0000

好感動啊！終於輪到強國超越光速啦！天宮一號不愧是中國航天史上一個重要的里程碑！而且比之前美國軍方研製的無人駕駛飛機還要快多三倍，真的是「超英趕美」啊！

（截圖比較長，還請見諒。另，畢竟是一篇科普文章，有興趣的可到此閱讀全文。）

實係

noreply@blogger.com (NAHAHA Alex Lau) — Tue, 06 Sep 2011 15:33:00 +0000

搞新屋咁耐算係第一件勞氣事：事緣訂咗張床，訂貨當日約咗十號星期六送貨。第二日打電話嚟話送貨嗰邊十號要整車送唔到，咁惟有改八號星期四啦。到今日有個阿姐打黎搵我老婆，態度超差咁「命令」我哋星期四1500-1800等佢哋送貨。我老婆問可唔可以早啲，佢話我哋得就得唔得就冇，要改就要等到廿號喎！我老婆話閒日嚟喎，點可能丟低份工去等人送床嚟？個阿姐就叫我哋自己諗辦法，仲要喺電話度催三催四，離哂譜！呢啲咩服務態度呀，我哋就咗你哋你哋都可以幫幫忙照顧下客戶啩？後來我老婆打去門市，叫佢幫我哋搞返掂佢，如果唔係，一係退錢一係消委會見囉！我心諗，夠膽就唔好送張床嚟，然後直接法庭見！咁大間公司咁嘅服務？唔係啩？

基地搬遷通告

noreply@blogger.com (NAHAHA Alex Lau) — Sun, 04 Sep 2011 03:37:00 +0000

【NHH 九月四日香港電】香港基地消息：根據目前新基地裝修及傢俱電器購置進度，有關當局決定於本月十日起進行基地搬遷作業，並預計於同月十一日完成。
　　是次基地搬遷乃為了給基地人員提供更良好的環境及使用空間，以及應付可能出現的基地人員數目增加。
　　根據目前初步擬定之計劃，由九月九日晚上起，香港基地將會開始啟動搬遷收拾預備程序；九月十日中午起，現有基地對外通訊網絡（包括固網語音及數據通訊）將會暫停；九月十一日上午，小皇子將會被移送至拿嘻嘻基地托管，直至基地搬遷完成；九月十一日下午，正式啟動搬遷程序，預計同日晚上完成；九月十一日晚上，新基地正式運作。
　　目前各基地人員已經進行前期收拾工作，部份非常用物資亦已開始移送至新基地安放。
　　正式搬遷期間，基地人員將只通過無線系統接收跟搬遷作業相關的通訊及緊急通訊，其他通訊將會延後處理。如因此對任何人士做成不便，謹此致歉。

蓁蓁想聽歌

noreply@blogger.com (NAHAHA Alex Lau) — Sat, 27 Aug 2011 05:42:00 +0000

（午飯時間，蓁蓁淘氣中不願吃）
蓁蓁：（找借口）我想聽歌！
NHH：好啦，咁我唱俾你聽啦！（亂來）歌～歌～歌～～～（回復正常）聽到未呀？
蓁蓁：（呆了幾秒）未！未！

通情達理

noreply@blogger.com (NAHAHA Alex Lau) — Sun, 21 Aug 2011 00:00:00 +0000

（因為趕著赴蓁蓁太婆的生日宴，我們舉家跳上了一輛市區的士。在車上……）
老婆：（緊張地）哎吔，唔記得同蓁蓁換片添！嘩……好多個鐘添啦！
蓁蓁：（正為首次坐上紅色的士而心情興奮）唔緊要啦……

Online News Typo 20110812

noreply@blogger.com (NAHAHA Alex Lau) — Fri, 12 Aug 2011 15:16:00 +0000

好囉好囉，兩個月鬆啲應該就去到比鄰星啦！咦，點解由倫敦去悉尼要49分鐘？哦，由小行星8837 (London) 返地球嘅悉尼要49分鐘都合理嘅，太陽系之內咁近要限速嘛，如果唔係好易追尾㗎……

給吾兒──兩週歲紀念

noreply@blogger.com (NAHAHA Alex Lau) — Mon, 08 Aug 2011 17:22:00 +0000

　　這麼快，你就兩歲了。如你媽咪所說，真的快得有點捨不得。這一年，你的自我意識開始發展起來（雖然你說話時還是你我不分），而和你的互動越多，也開始掌握了一點你的脾性。

　　最明顯的是你喜歡車，而且到了一個不能自拔的地步。在家的差不多每一分鐘，你都玩具車不離手；無論吃飯洗澡換尿片，你都要車車陪伴左右；甚至乎要和車分甘同味，你吃一口飯，玩具車也要先吃一口。但你可知道，真車是不吃飯喝奶的啊。

　　你讓我知道搭訕是可以遺傳的。不論是爸媽跟人家的對話，還是路人甲乙丙的話語，你總能找到幾個字詞跟著說。當然爸媽也很高興你有點語言天份，現在已經懂得唸幾首唐詩，還基本學會了用英語、粵語、潮州話、客家話和印尼語由一數到十。（當然，我還是希望你會很快學懂唸乘數表……）

　　你好像是不怕累的。拖著你手走在街上，走多遠都沒有聽見你投訴說累了。無論你有多睏，只要是在做你覺得有興趣的事，你都會死撐著不去睡。可是，你要知道，爸媽不像你那樣有無窮精力啊。

　　你其實挺膽小的，每次聽見陌生的聲音，不論是海浪聲、人家裝修的電鑽聲、甚或雨水打中冷氣機的聲音，你都可能會抓著爸媽不放。不過習慣了的話，你又可能會說那些聲音很有趣。好奇怪的想法！

　　你有點固執，想到一個主意，就非要跟著做不成。人家不依你的，你就會吵鬧著投訴。這個爸媽可一定要幫你改，因為這個世界不是繞著任何一個人轉的。

　　還有很多很多，譬如你有點五音不全，會模仿人講電話但只重覆一兩句，等電梯時總會催著問：「到啦？到啦？」想寫都寫不完。可這些都記在爸媽的心中腦中，成了對你的美好回憶。

　　未來一年，你又會有何變化呢？很熱切的期待著，但又希望你不要長大得太快。

　　祝願你以後都快樂無憂，健康幸福。

運財福星

noreply@blogger.com (NAHAHA Alex Lau) — Sun, 17 Jul 2011 02:52:00 +0000

原來司徒師傅個銜頭係「運財福星」！哨牙聰做乜唔一早搵佢？唔怪得會輸官司啦！
仲有我想問，「每次限用一張」呢句，係只適用於呢張優惠券丫，定係都適用於嗰張招財靈符嘅呢？（我知唔可以貪心，但係可能有人財運超弱，想用多一張靈符幫幫手呢……？）

死神的聖物

noreply@blogger.com (NAHAHA Alex Lau) — Sun, 10 Jul 2011 03:11:00 +0000

看到《哈利波特―死神的聖物２》這個片名，引起了以下對話：

NAHAHA：死神的聖物都係得兩集嘅啫？
NAHEHE：係呀！
NAHAHA：點解唔叫上集同下集？
NAHEHE：唔知喎，宜家變似續集。
NAHAHA：聽落好似《陰陽路》咁，仲有好多集先做完…
NAHEHE：個名太好啦… 死神大把聖物，拍到一百集都得…
NAHAHA：合理… 死神的聖物３之七種武器之Ａ…
NAHEHE：死神的聖物３之七種武器：重陽特別篇Ａ的外傳Ｉ
NAHAHA：好似唔係好順… 七種武器Ａ出咗先嘛，外傳就係重陽特別篇，仲要係Ｉ... 所以應該係死神的聖物３之七種武器Ａ：摺櫈―外傳：重陽特別篇Ｉ…
NAHEHE：成張海報除咗摺櫈（希望仲有位放）就係個片名…戲飛又印唔哂…之後睇番都唔知睇咗邊套…
NAHAHA：英文係叫 Deathly Hallows... According to wiki, "The Hallows are three sacred objects..." 咁少㗎，我哋想像力豐富得多！
NAHEHE：中國人真係識做生意！

Online News Typo 20110708

noreply@blogger.com (NAHAHA Alex Lau) — Sat, 09 Jul 2011 11:07:00 +0000

解讀一：美國有見其他主辦國都只係每次辦一年嘅奧運會，決定要打破傳統，一辦就辦足二十年。但係國會未決定係申辦連續二十屆，定係申辦一屆但賽期長達二十年。
　　解讀二：美國到宜家都唔肯放棄申辦公元20年嘅奧運會，儘管已經過咗差唔多二千年......

Online News Typo 20110531

noreply@blogger.com (NAHAHA Alex Lau) — Tue, 31 May 2011 15:57:00 +0000

弊！低水咁多，咩人咁睇唔開？聽日恆指凍過水？點算？

餵蓁蓁食飯

noreply@blogger.com (NAHAHA Alex Lau) — Sun, 29 May 2011 13:20:00 +0000

（晚飯時間，爸Ｂ餵蓁蓁一口飯，蓁蓁拒絕開口）
蓁：媽咪餵！媽咪餵！
倩琦：爸Ｂ餵啦！
NHH：媽咪話我餵喎。
（蓁張開口吃了一口飯）
NHH：（向倩琦）原來咁講佢就肯食㗎嗱喎，咁神奇嘅。（向蓁蓁）神唔神奇呀？
蓁：神奇！

反恐演習

noreply@blogger.com (NAHAHA Alex Lau) — Sat, 07 May 2011 12:18:00 +0000

看電視新聞報導新疆反恐演習的代號為「天山二號」......

倩琦：點解唔叫做「決戰紫禁之巔」或者「決戰光明頂」？
NHH：咁駛唔駛叫埋劉德華嚟？