Namastesansarfilmykhabar

मनिषा कोईरालाको डिभोर्स; दुई बर्षे बैबाहिक जीवनमा पूर्णविराम !

2012-07-31T10:54:00.001-07:00

अभिनेत्री मनिषा कोईरालाले आफ्नो दुई बर्षे बैबाहिक जीवनलाई पूर्णविराम लगाएको भारतिय अनलाईनहरूले जनाएका छन् । भारतिय अनलाईन टाईम्स अफ इन्डिय, बलिउड हङ्गामा लगायतका अनलाईनले बैबाहिक जीवनमा टकराव आएपछि मनिषाले डिभोर्सको बाटो रोजेको बताएको छ । दुई बर्ष अघि आफू भन्दा ६ बर्ष कम उमेरका नेपाली व्यवसायी सम्राट दाहालसँग नेपालमा नै धुमधामसँग बिहे गरेकी अभिनेत्री मनिषाले बेला-बेला आफ्नो बैबाहिक जीवनको तिक्ततालाई फेसबुक, ट्विटर लगायतका सामाजिक सञ्जालमा पोख्दै आएका थिईन् । अहिले मनिषाले डिभोर्सको कुरा सार्वजनिक गरिसकेकी छैनन् तर उनको निकट साथीले बैबाहिक जीवन अब सकिएको खबर दिएको...

अनलाईनमा उल्लेख छ । यस्तै अनलाईनका अनुसार डिभोर्सको प्रक्रिया अहिले कानुनी रूपमा अगाडी बढेको छ । मनिषाले डिभोर्स गर्नुलाई भने नौलो रूपले हेरिएको छैन । बिबाह भए लगत्तै धेरैले डिभोर्स हुनसक्ने अंकलन काटेका थिए ।

नेपाली फिल्म फेरि भेटौंला र धर्मामा अभिनय गरेकी मनिषाले नेपालमा रहेर नेपाली फिल्म बनाउने बताउँदै आएकी छिन् भने बिभिन्न सामाजिक कार्यमा संलग्न हुँदै आएका छिन् ।

मनिषाले बलिउडमा सौदागर फिल्मबाट अभिनय यात्रा शुरू गरेकी हुन् ।

आउँदो शुक्रबारदेखि मुलुकभर मालतीले भट्टी पसल खोल्ने

2012-07-11T09:55:00.001-07:00

आउँदो शुक्रबारदेखि मुलुकभर मालतीले भट्टी पसल खोल्ने भएकी छन् । मालती पनि अरु कोही नभएर रेखा थापा हुनेछिन् । उनको प्रमुख भूमिका रहेको फिल्म 'मालतीको भट्टी' असार २९ देखि उपत्यका सहित मुलुकका झन्डै ५५ स्टेसनमा लाग्ने भएको हो । पारिवारिक सम्बन्धमा खटपट भएपछि भट्टीवाल्नीको सम्पर्कमा पुग्ने एक युवकको भूमिकामा जीवन लुइँटेल छन् । उनकी पत्नीको रूपमा नन्दिता लुइँटेलले अभिनय गरेकी छन् । गणेशदेव पाण्डे निर्देशित फिल्ममा अयुब केसी, सुनील थापा, उत्तम केसी, लक्ष्मी गिरी, सीपी पौडेल, आरपी भट्टराई लगायतको पनि अभिनय छ । कथा पाण्डेले नै लेखेका हुन्।फिल्मको...

रिलिजबारे जानकारी दिन मगलबार आयोजित कार्यक्रममा जीवन र नन्दिता उपस्थित रहे पनि रेखा भने खुट्टामा लागेको चोटका कारण आउन नसकेको निर्माता प्रदीपकुमार उदयले जानकारी दिए । केहीअघि पोखरामा एउटा फिल्मको सुटिङका क्रममा रेखा लडेकी थिइन् । कार्यक्रममा उपस्थित युनिट सदस्यहरूले आ-आफ्नो ठाउँबाट उत्कृष्ट काम गरेकाले फिल्म राम्रो बनेको दाबी गरेका थिए ।

कालीप्रसाद बाँस्कोटाको संगीत रहेको फिल्ममा रेनेसा राईले कोरियोग्राफी सम्हालेकी छन् । रोशन श्रेष्ठको द्वन्द्व निर्देशन तथा सञ्जय लामाको छायांकन छ ।

नायीका जेसिका खड्काले आफ्नो निवासमा आत्महत्या गरिन

2012-06-12T01:09:00.001-07:00

हिरोइन जेसिका खड्काले आत्महत्या गरेकी छिन् । बसन्तपुरमा रहेको आफ्नो निवासमा उनी पासो लगाएको अवस्थामा भेटिएकी हुन । ईटहरीकी उनी नवल खड्काको फिल्म आवाज मार्फत फिल्मी दुनियामा प्रवेश गरेकी हुन । उनले आवाज पछि जंगल क्वीन, अचानक, मेरो माया तिमिलाई, जंगल लभ, लक्की सेभेन र भर्खरै छायाकंन सकिएको गहिराई भन्ने फिल्ममा खेलेकी थिईन् । उनको ओर्जिनल नाम ज्योति हो । जो प्रकाश ओझ भिडियो काण्डमा मुछिएकी एक पात्र हुन । यस्तै घटना स्थलमा पुगेका फिल्मीखबरका प्रधानसम्पादक सुमन गैरेले राति साढे १२ बजेको समय सम्म जेसिकाको फोन कल रेकर्ड देखिएको घटना स्थलमा...

रहेका प्रहरीको भनाई उदृत गर्दै जानकारी गराएका छन् । दोस्रो तल्लामा डेरा गरी बस्ने २३ बर्षे जेसिकाले सलले पासो लगाएकी हुन ।

जेसिकाको साथमा उनको प्रेमी र भाई रहेका छन् । भाई सानो भएको कारण प्रहरीले केही घण्टा लाश बुझेको थिएन तर 'अचानक' भन्ने फिल्मका प्रोड्यूसर सरोज शर्मा घटना स्थलमा आएपछी प्रहरीले बिहान १० बजे पोष्ट मार्टमका लागि लाश बुझेको छ । पोष्टमार्टम टिचिङ हस्पिटल महारागंजमा गरिने छ । जेसिकाको बुवा दिउँसो २ बजे काठमाण्डू आउदैछन त्यस पश्चात दाहसस्कारको कार्यक्रम गरिने बताईएको छ ।

बालदीप राई प्रहरीको नियन्त्रणमा

प्रोडक्सन कन्ट्रोलर बालदीप राईसंग जेसिकाको अन्तिम कल रेकर्ड देखिएकाले प्रहरीले अनुसन्धानका लागि बालदीपलाई नियन्त्रणमा लिएको छ । अन्तिम कल रेकर्ड बालदीप संग भएको देखिएकाले आवश्यक अनुसन्धानका लागि प्रहरीले नियन्त्रणमा लिएको हो । स्रोत: फ्लिमी खबर

निर्माता छविराज ओझाले नायिका रेखा थापालाई छोडे

2012-05-16T02:45:00.001-07:00

निर्माता छविराज ओझाले नायिका रेखा थापालाई छोडेका छन् । पारपाचुकेको हल्ला चलिरहेका बेला निर्माता छविराज ओझाले आफ्नी पत्नीको नाममा रहेका रेखा फिल्मस् नामको व्यानर र पत्नी रेखा थापालाई नै छाडेर नयाँ चलचित्र बनाउने भएका छन् ।निर्माता ओझाले रेखा फिल्म र रेखालाई छोड्न कै लागि छविराज प्रोडक्सन नामको फिल्म निर्माण कम्पनी दर्ता गरेका छन् । छविराज ओझाले छिट्टै बनाउन लागेको चलचित्रमा रेखा थापालाई समावेश नगर्ने भएका हुन् । चलचित्रका नामको न्वारन भैं नसके पनि निर्देशकमा सविर श्रेष्ठलाई ओझाले चयन गरेका छन् । तर यो चलचित्रमा पत्नी रेखालाई नराखेपछि छविले अर्की रेखालाई भने समावेश...

गरेका छन् । छविको चलचित्रमा समावेश भएकी उनी हुन संगीतकार रेखा पौडेल । चलचित्रमा उनको संगीत रहने निर्माता ओझाले बताए । उनले भने निर्देशक र संगीतकारको टुङ्गो लाग्यो तर कलाकारको भने लागेको छैन । तर रेखा फिल्मबाट चलचित्र नबनाउने भएपछि ओझाले आफ्नै नामबाट नयाँ कम्पनी दर्ता गरेका हुन् ।

स्रोतका अनुसार रेखालाई छविले यो चलचित्रमा राख्दैनन् । एउटै घरको माथिल्लो र तल्लो तलामा बाँडिएर बसेका यो जोडीबीच छोडपत्र हुन लागेको चर्चा चलेको पनि लामो समय भइसकेको छ र रेखा र छविको सम्पत्तीमा विवाद भएपछि उनीहरुको डिभोर्स प्रक्रिया लम्बिएको स्रोतको भनाइ छ ।

नायिका युना उप्रेतीले अमेरिकामा कोर्ट म्यारिजबाट दोस्रो बिहे

2012-05-02T00:20:00.000-07:00

नेपाली चलचित्रकी नायीका युना उप्रेती सांस्क्रितिक कार्यक्रममा सहभागी हुने बहानामा केहि महिना अगाडी अमेरिका गएकी थिइन् ।युना अमेरिका प्रस्थान गरे लगत्तै उनको बिहे हुने हल्ला चलिसकेको थियो। अमेरिका पुगेर उतै बस्दै आएकी नायिका युना उप्रेतीले गत आइतबार बिहे पनि गरेकी छिन्। युनाले नायिका जल शाहकी जेठानीको भाइ विकास अधिकारी संग बिहे गरेकी हुन्। यी दुईबीच नेपाल र अमेरिकबाट अनलाइन मार्फत गफगाफ भए पनि भेटघाट भने उतै मात्र भएको हो। अमेरिका पुगेपछि अनलाइनमा गफगाफ गरेको साथी खोज्दै युनाले विकासलाई भेटेकी थिइन्। भेटघाट गहिरो हुँदै एकअर्काको विचार र भावना मिलेपछि...

यो जोडी बिहेको निर्णमा पुगेका थिय। विकास तीन वर्षअगाडि पढाइको सिलसिलामा अमेरिका पुगेका थिए भने युना सांस्कृतिक कार्यक्रममा सहभागी हुन केही महिनाअगाडि मात्र त्यहा पुगेकी थिइन्। विकास अमेरीकामा पीएचडी गर्दै छन्। उनी टेक्सासमा जीव विज्ञानको अध्ययन गरिरहेका छन्। विकास र युनाले आ आफ्ना अभिभावकको अनुमति र सहमति पछि अमेरिकी समयअनुसार गत आइतबार टेक्सासमा कोर्ट म्यारिज गरेका हुन्। एकआपसमा औंठी र माला साटासाट गर्दै यो जोडी वैवाहिक बन्धनमा बाधिएको थियो।

बिहेपछि उनीहरू टेक्सासमा संगै बस्न थालेका छन्। विकासको काठमाडौंमा पर्यटनसम्बन्धी कलेज छ। सो कलेज उनका पिताले चलाइरहेका छन्। यो बिहे भएपछि नायिका जल शाह, संचिता, युना, नायक निखिल उप्रेती र हास्य अभिनेता निर्मल शर्मा नातेदार भएका छन्। नायिका जलकी सासू तथा संचिता र निर्मलकी आमा दिदीबहीनी हुन्। यस हिसाबले उनीहरू चलचित्र क्षेत्रमा भए पनि नातेदार बन्न पुगेका छन्। नायिका जलले पनि अमेमिका गएरै बिहे गरेकी थिइन्।

चलचित्र "तुलसी" नेपालमा ज्योतिषको सल्लाह अनुसार चल्ने

2012-04-21T02:15:00.000-07:00

नायिका क्रृचा घिमिरेको निर्माण तथा उनकै पति शंकर घिमिरेले निर्देशन गरेको चलचित्र तुलसी नेपालमा ज्योतिषको सल्लाह अनुसार नै चल्ने भएको छ । यो सिनेमा चलाउने विषयमा शंकर अहिले ज्योतिषसँग सल्लाह पनि गरिरहेका छन् । उनले वनाएका अघिल्ला तिन चलचित्रले व्यापारीक रुपमा खासै सफलता प्राप्त गर्न नसकेकाले पनि शंकरका लागि तुलसी महत्वकाँक्षी चलचित्रको रुपमा रहेको छ । उनले भने, सम्भवत साउन महिनातिर यो सिनेमाका लागि समय मिल्छ होला ।यसैवीच, नेपालमा चल्नु अघि यो सिनेमा विश्वका विभिन्न २० देशमा चल्ने लगभग पक्का भइसकेको जानकारी प्राप्त भएको छ । निर्देशक घिमिरेले...

दिएको जानकारी अनुसार यो सिनेमाको प्रदर्शन आरम्भ जुन महिनावाट आरम्भ हुनेछ । युरोपका विभिन्न १० देशगरी यो सिनेमा विश्वभरका २० देशमा चल्ने छ । यो चलचित्रको पि्रमियर वासिङटन डि.सीमा हुनेछ ।

यसका साथमा अमेरिकाका विभिन्न २५ देखि ३० शहरमा यो सिनेमा चल्ने भएको छ । यता, यो वाहेक यो चलचित्र अष्टे्रलिया, दोहा, हङकङ, जापाना, कोरिया, क्यानडा लगायतका देशमा पनि प्रदर्शन हुने निर्माण पक्षले वताएको छ । चलचित्र तुलसीमा नायिका क्रृचा घिमिरे शिर्ष भुमिकामा रहेकी छिन् ।

उनका साथमा चलचित्रमा विमलेश अधिकारीले पनि अभिनय गरेका छन् । चलचित्र तुलसी नारी प्रधान सिनेमा हो । विश्वका विभिन्न देशमा चलेर चलचित्र तुलसीले ओभरसिस विजनेश राम्रो गर्ने आशा देखिएको छ ।

निर्देशक राजु गिरी र नायिका शशी खड्का बिचमा सेक्स सिनमा बिवाद

2012-03-24T22:47:00.000-07:00

नेपाल चलचित्रका निर्माता, निर्देशक र नायिका बिच हुने विवाद प्राय चलचित्रमा भएको सिन कै विषयमा हुन्छ । किस सिन होस् या बेड सिन आखिर सेक्सकै मामिलामा लफडा हुने गर्दछ । चलचित्रलाई चर्चामा ल्याउन गरिएको होस् या त्यो साँचिकै असन्टुष्टीको कारणले भएको हो तर विवादले पुरै चलचित्र उधोगलाई तताउने गरेको छ ।यहि क्रममा यति बेला निर्देशक राजु गिरी र नायिका शशी खड्का बिचमा ठुलै विवाद भएको छ । रिलिजको तयारीमा रहेको चलचित्र चन्द्रावतीमा समावेस गरिएको एउटा सिनका कारण निर्देशक गिरी र नायिका खड्का बिच पानी बाराबारको स्थिती आएको हो । राजकुमारीको भुमीकामा रहेकी शशी र सेनापतिको

भुमीकामा रहेका आयुष रिजाल बिच जङगलको बाटो हुँदै कतै जाने क्रममा बाटोमा राजकुमारीमा सेक्स डिजायर बढे पछि उनिहरुले सम्बन्ध राख्छन् । उक्त सिनलाई चलचित्रमा समाबेस गरिएको भन्दै शशीले आपत्ती जनाएकी छिन् ।

उक्त सिनका कारणले आफ्नो जिवनमा नराम्रो असर पार्ने भन्दै शशीले हटाउन आग्रह गर्दा निर्देशक गिरीले सिन हटाउन नमाने पछि उनिहरु विच विवाद भएको हो । शशीले त्यो सिन चलचित्रबाट नहटाईए जस्तो सुकै एक्सन लिन सक्ने चेतावनी दिएकी छिन् । पोखराको विग एफएममा टेलिफोनमा अन्तरबार्ता दिैदै शशीले भनिन्, 'सम्पादनको बेला मेरो ईच्छा अनुसार त्यो सिन राख्ने भन्ने सहमतिमा मैले त्यो दृष्य दिएकी थिएँ अहिले मलाई मैले त्यो सिन नराख्न आग्रह गर्दा उहाँले मान्नु भएको छैन । यदि त्यो सिन हटाईएन भने मैले उहाँलाई जस्तो पनि एक्सन लिन सक्छु ।' उनले राजु गिरीले आफुलाई झुक्काएको आरोप पनि लगाएकी छिन् ।

निर्देशक गिरीले भने स्कृप्टमै उक्त दृश्य भएको र एग्रीमेन्ट गर्ने बेलामा नै शशीलाई यस्तो दृष्य छ भनेर जानकारी दिएको र सिनेमा खेल्न शशीले सहमति जनाए पछि ६० हजारमा एग्रीमेन्ट गरी छायाङकन गरेकाले उक्त सिन कुनै हालतमा नहटाउने बताए । गिरी भन्छन्, 'यस्तो सिन छ भनेर मैले एग्रीमेन्ट गर्न भन्दा पहिला नै जानकारी दिएको थिएँ र उहाँले हुन्छ गर्छु भने पछि मैले ६० हजारमा उहाँलाई लिएकाले त्यै अनुसार सुटिङ पनि गराएको हुँ । तर अहिले आएर उहाँले त्यो सिन हटाउन भन्दै मेरो विरुद्ध मुद्धा हाल्नु भएको छ । बरु म मर्छु तर मैले कुनै पनि हालतमा त्यो सिन हटाउँदिन ।'स्रोत: फिल्मी खबर

चलचित्र 'चपली हाईट' हेर्न बिशेष गरी महिला दर्शक बढि

2012-03-17T22:22:00.001-07:00

नेपाली चलचित्र हेर्ने दर्शकले नयाँ स्वाद खोजेको लूट देखि चपली हाईट सम्म रिलिज भएका सिनेमाले प्रस्ट्याएको छ । खासगरी भन्नु पर्दा छाडा शब्दको प्रयोग र नाङ्गिएका सिनले दर्शकलाई हलसम्म तान्ने 'लूट' र 'चपली हाईट' ले देखाए । जसरी लूटले एक किसिमको आश जगाएको थियो त्यो भन्दा बढि चपली हाईटले देखाएको छ ।शुक्रबारबाट प्रदर्शनमा आएको चलचित्र 'चपली हाईट' हेर्न बिशेष गरी युवावर्गको भिड देखियो । लूट हेर्न महिला दर्शक शुरूमा कम देखिएको थियो तर चपली हाईट हेर्न भने महिला दर्शक बढि देखिएको छ । चलचित्रमा प्रयोग गरिएका डाईलग र सिन हेरेर जति पुरूष दर्शक हाँस्थे त्यो भन्दा बढि महिला दर्शक हाँसेको पाईयो...

। चलचित्र सेक्स साईकोलोजीमा बनेकाले पनि युवाहरूको भिड देखिएको हो । यहि भिड भोलीका दिनमा पनि बढ्दै जाने हो भने नेपाली चलचित्रले नयाँ धारमा ठूलै फड्को मार्ने देखिन्छ ।

आक्रमक ओपनिङ गरेको चपली हाईटले शनिबार शुक्रबारको दुई गुणा बढि कलेक्सन गर्‍यो । देशभरका करिब तीन दर्जन सिनेमा घरमा रिलिज भएको सो चलचित्रको कलेक्सन देखेर अहिले सारा उधोग हर्षित भएको छ । केहि महिना अगाडी सिनेमा घर हाउस फुल भएको देख्न मुस्किल परेको थियो तर आज भने देशभरका सिनेमा घर हाउसफूल रहे । राजधानीमा भन्दा राजधानी बाहिर दर्शकहरूको चाप बढि रहेको बितरक तथा हल सञ्चालकहरू बताउँछन् । लूट र चपली हाईटको कलेक्सन हेर्दा अबको नेपाली चलचित्रले लिने मोड डर लाग्दो हुने समिक्षकहरूको अनुमान छ ।हिन्दी सिनेमाले मात खुवाएको नेपाली सिनेमा बजारलाई अहिले नेपाली सिनेमाले नै मात खुवाएका छन् । हिन्दी र अंग्रेजी सिनेमाले राजधानीमा मुख्य मल्टिप्लेक्स हल दर्शकहरूले खचाखच हुन्थे तर अहिले बिदेशी सिनेमालाई नेपाली सिनेमाले रिप्लेस गरेर मल्टिप्लेक्स हलहरूका सबै शोहरू हाउसफूल भएका छन् । राजधानीमा सञ्चालित बिग सिनेमाले चपली हाईटलाई ९ शो दिएको छ भने क्यूएफएक्सले ११ शो दिएको छ जुन चलचित्रकर्मीका लागि पनि गौरवको कुरा हो । स्रोत: फिल्मी खबर

चलचित्र आई एम सरीले पूर्वका सिनेमा भवनहरुमा आक्रमक सफलता

2012-02-15T23:05:00.001-08:00

माघ २७ बाट देशभरका हल मार्फत प्रदर्शनमा आएको चलचित्र आई एम सरीले पूर्वका सिनेमा भवनहरुमा आफ्नो आक्रमक कलेक्सनलाई निरन्तरता दिएको छ । पुर्वका ३ हल मार्फत रिलिज भएको चलचित्र सोमबारबाट बिर्तामोडको कृष्ण टाकिज र बिराटनगरको हिमालयन टाकिजबाट पनि प्रदर्शनमा आएको छ।कमै मात्र नेपाली सिनेमा प्रदर्शन हुने बिराटनगरमा आई एम सरीको डिमाण्ड बढेपछि हिन्दि चलचित्र उतारेर सो चलचित्र प्रदर्शनमा आएको हो । शुक्रबार र शनिबार राम्रो कलेक्सन गरेको चलचित्रको पिकअप र कलेक्सनको अनुपात हरेक दिन बढिरहेको रिपोर्टहरु प्राप्त भएको छ । बिशेषत चलचित्र हेरि सकेका दर्शकको...

माउथ पब्लिसिटी सकारात्मक रहेकोले पनि चलचित्र सफलताका साथ प्रदर्शन भैरहेको छ । मंगलबार भ्यालेन्टाईन डे परेकोले नि चलचित्रको ब्यापारमा केहि सहयोग अवश्य परेको छ । लभस्टोरी श्रेणीको चलचित्र हेर्नलाई मंगलबार बिदाको दिन नभए पनि सबै वर्गका दर्शकको भिड हलमा लागेको थियो । प्रेमीप्रेमिकाको जोडी मात्र नभएर अन्य युवायुवती, पाका दर्शक, बालबालिकाको उतिकै भिड पूर्वका हलहरुमा देख्न सकिन्थ्यो ।

बिर्तामोडको कृष्ण टाकिजमा चलचित्र प्रदर्शन भएको पहिलो सोमै ३२ हजार माथि ग्रस कलेक्सन गरेको चलचित्रले मंगलबार सोहि हलमा १ लाख माथि ग्रस गरेको जानकारी चलचित्रका पुर्वान्चल वितरक चैतन्य बरालले गराए । चलचित्र प्रदर्शनमा आएको पाँचौ दिनमा समेत दमकको दमक चित्र मन्दिर र धरानको गणेश टाकिजको अधिकांश सोहरु हाउसफुलक साथ प्रदर्शन भैरहेका छन् । हरेक दिन यी हलहरुमा चलचित्रको कलेक्सन ५० हजार माथि रहेको हल संचालकले जानकारी गराएका । बिराटनगरमा पनि चलचित्र हेर्न दर्शकको उल्लेख्य उपस्थिति रहेको थियो ।

यसअघि रिलिज भएको चलचित्र लूटको सफलतालाई आई एम सरीले निरन्तरता दिने अपेक्षा समेत यहाका हल संचालक एवं वितरकले गरेका छन् । सुनसान प्राय भएको आफ्नो हललाई आई एम सरी हेर्न आइरहेका दर्शकले बेग्लै रौनकता प्रदान गरेको गणेश टाकिजका म्यनाजेर भोलामान श्रेष्ठले बताए । राम्रो कथामा उत्कृष्ट चलचित्र निर्माण गरे नेपाली चलचित्रको व्यापार उकालो लाग्ने अधिकांस हल संचालकको ठम्याई रहेको छ । आई एम सरीले राम्रो चलचित्रमा हुनु पर्ने सम्पूर्ण गुण बोकेकोले चलचित्र सफल भएको उनीहरु बताउछन् ।

चलचित्र हेरेर निस्केका दर्शकले समेत चलचित्र राम्रो बनेको प्रतिक्रिया दिएका छन् । चलचित्र रिलिज भएकै दिन धरानको गणेश टाकिजमा चलचित्र हेरेको बताउदै इटहरीका बिष्णु राई भ्यालेन्टाईन डेमा फेरी चलचित्र हेर्न प्रेमिकासंग आएको बताउछन् । बिशेषत चलचित्रमा प्रयोग गरेका "किस्ता किस्तामा" भन्ने संबाद, कफी खाएको दृश्य, नायक आर्यन सिग्देलले केकीलाई हिमालसंग तुलना गर्दै सुन्दरताको प्रसंसा गरेको संबाद यतिबेला चलचित्र हेरेका हरेक दर्शकको मुखमा झुन्डिएको छ । स्रोत: फिल्मी खबर

'विजयपथ' एकसाथ नेपाल र भारतबाट प्रदर्शनमा आउने

2012-01-27T02:38:00.000-08:00

बलिउडमा 'अग्निपथ' रिलिज भएकै दिन नेपालमा पनि 'विजयपथ' ले प्रदर्शन थाल्ने भएको छ । हृतिक रोशन अभिनित 'अग्निपथ' ले नेपालमा पनि एकसाथ रिलिज गर्दा पछिल्लो समय मुम्बईमा संघर्षरत नायक निखिल उप्रेतीको 'विजयपथ' ले पनि भारतका लगभग ४० स्टेसनसहित नेपालभरबाट प्रदर्शन थाल्ने बताएको छ । फिल्मका निर्माता तथा निर्देशक वसन्त निरौलाले सकभर एकसाथ नभए पनि केही दिनको फरकमा सिक्किम, दार्जिलिङ र भुटानका सीमावर्ती सहरमा पनि 'विजयपथ' लगाउनका लागि सेन्सर पास गरिसकिएको दाबी गरे । उनले फिल्म एक्सन प्रधान भएको बताउँदै राम्रो व्यापार गर्नेमा आशावादी बन्दै...

भने, 'हुन त हाम्रो फिल्मले त्यसै समय एकसाथ प्रदर्शनमा आउने अन्य नेपाली फिल्मसँग पनि प्रतिस्पर्धा गर्नुपर्नेछ ।' पत्रकारिताको विषयवस्तुमा बनेको फिल्मको नाम पनि एक प्रतिष्ठित पत्रिकाकै नामबाट राखिएको बताइएको छ । फिल्ममा निखिलसहित सुशील क्षेत्री, सञ्चिता लुइँटेल, पवित्रा आचार्य, दीपक त्रिपाठी, मिथिला शर्मा, गणेश उप्रेती, सरोज केसीको अभिनय रहेको छ ।

वसन्त सापकोटा र सन्तोष प्रगाढको संगीत रहेको फिल्ममा अष्ट महर्जनको द्वन्द्व, कमल राई र गोविन्द राईको नृत्य निर्देशन र शिव ढकालको छायांकन रहेको छ । गीतहरू अन्जु पन्त, राजेशपायल राई, माण्डवी त्रिपाठी, सन्तोष राई र शरु पराजुलीले गाएका छन् ।

चलचित्र "मिस यू" को ग्लोबल मार्केटमा डिमाण्ड बढ्दै

2012-01-24T20:45:00.000-08:00

नेपालमा फागुन ५ (फेब्रुअरी १७ तारिख) का दिन रिलिज हुन लागेको चलचित्र "मिस यू" को ग्लोबल मार्केटमा डिमाण्ड बढ्दै गईरहेको निर्देशक सुरेश दर्पण पोखरेलले बताए । कतारको दोहा स्थित दोहा सिनेमा हलमा फेब्रुअरी १० तारिखका दिन पहिलो स्क्रिनिङ गर्न लागिएको सो चलचित्र अष्ट्रेलियामा फेब्रुअरी १४ तारिखका दिन स्क्रिनिङ गरिने पोखरेलले जानकारी गराए । यस्तै डेनमार्कमा पनि फेब्रुअरी महिनामा नै रिलिज गर्न लागिएको बताउँदै पोखरेलले युरोपका करिब एक दर्जन देशमा चलचित्र रिलिज हुने बताए । अन्य देशमा पनि रिलिजका लागि कुरा भईरहेको उनको भनाई थियो । चलचित्रको पोस्टर देखि प्रोमो र गीत सार्वजनिक...

भएपछि डिमाण्ड बढेको चलचित्रका निर्देशक सुरेश दर्पण पोखरेल बताउँछन् । उनी भन्छन्, 'जब हामीले चलचित्रका पब्लिसिटी म्याट्रियल रिलिज गर्दै गयौं त्यसपछि डिमान्ड पनि बढ्दै गएको हो ।' यसरी डिमाण्ड बढ्दै गएपछि चलचित्रका निर्माता समेत रहेका नायक दिलिप रायमाझी निकै दंगिएका छन् ।

बिदेशमा चलचित्र रिलिज हुने थाहा पाए पछि दर्शकहरू निकै एक्साईटेड भएको 'मिस यू' चलचित्रका युरोप निर्माता तथा बितरक देबु श्रेष्ठ बताउँछन् । यता कतारमा पहिलो पटक 'मिस यू' रिलिज हुन लागेको थाहा पाएपछि कतारका नेपाली दर्शकहरूले सामाजिक सञ्जालमा 'मिस यू' को प्रतिक्षामा रहेको र हेर्न निकै आतुर रहेको उल्लेख गरेका छन् । अहिले 'मिस यू' को बारेमा फेसबुकका वालहरू भरिन शुरू गरेका छन् भने चलचित्रका गीतहरू यु ट्यूबमा हजारौंको संख्यामा डाउनलोड भईसकेका छन् ।

नम्रता श्रेष्ठ, दिलिप रायमाझी र बरूण राणाको मुख्य अभिनय रहेको चलचित्र 'मिस यू' मा किचमान चित्रकार र बाबु बोगटीको संगीत रहेको छ । मलेशियमा छायाँकन गरिएको सो चलचित्रलाई धिरज जंग शाह र राजुबिक्रम थापाले खिचेका हुन् । चलचित्रका लेखक सुरज सुब्बा 'नाल्बो' हुन् ।

संभावना वोकेका नायिका खासै कोही पनि देखिएको छैन

2012-01-18T05:23:00.000-08:00

नेपाली सिनेक्षेत्रमा नवनायिकाको आगमन निरन्तर भएपनि सम्भावना बोकेका नायिकाको भने अभाव देखिएको छ । चलनचल्तिका नायिकामा रेखा थापा र झरना थापाकै बर्चस्व भएपनि यि दुईको भन्दा अन्य विकल्पमा कोही पनि नायिका आउन सकेको देखिन्न । निरन्तर रुपमा बनेका सिनेमामा रेखा र झरना बाहेक अन्य नायिकाको उपस्थिति खासै संभावनायुक्त देखिएको छैन । अर्कोतिर नायिकाहरु अरुणिमा लम्साल, सञ्चिता लुईंटेल आमा भएर आराम गरिरहनु, नायिका ऋचा घिमिरे पनि आमा बन्ने तरखरमा रहेपछि नायिकाहरुको अभाव समेत देखिन थालेको छ, सिने क्षेत्रमा । फरक धारमा सिनेमा खेल्ने भनिएका निशा...

अधिकारी, नम्रता श्रेष्ठ, ऋचा शर्माले पनि खासै केही कमाल मच्चाउन सकेका छैनन्, नेपाली चलचित्रको वजारमा ।यि बाहेक मुलधारका सिनेमा नै पच्छाईरहेका नायिकाहरुको उपस्थिति अभाव भर्न बाहेक अन्य केहीका लागि पनि देखिदैन ।

नायिका सुमिना घिमिरे, ऋचा सिंह ठकुरी, सौजन्य सुब्बा, सोनिया के.सी., जिया के.सी., युना उप्रेती सबै चल्नु भन्दा पनि चलचित्रमा अनुहार देखाउनमा मात्र सीमित रहेका छन् । यसले पनि नेपाली सिने क्षेत्रमा थापाद्वयकै एकलौटी बर्चस्व देखिएको छ । यि दुईलाई छोडेर अन्य कोही नायिका लिनुपर्दा निर्माताको दिमागमा खासै कुनै नाम फुर्न सकिरहेको छैन । यसले पनि सिनेमा क्षेत्रमा नवनायिका तथा केही नायिकाहरुको उपस्थिती खासै उल्लेखनीय छैन । अधिकांश नायिकाहरु स्तरीय सिनेमामा अभिनय गर्न भन्दा पनि जस्ता सिनेमामा पनि अभिनय गरेर आफ्नो उपस्थिति रहेको देखाउन मात्र खोजिरहेका छन् ।

यसले गर्दा पनि निर्माता तथा निर्देशक नायिकाको नाम लिएर सिनेमा चल्ने कुरामा ढुक्क हुने अवस्थामा छैनन् । धेरै सिनेमा खेलेर राम्रो कलाकार भईन्छ भन्ने सोचले गर्दा पनि नायिकाहरुलाई अग्रस्थानमा ल्याउन सकेको छैन । यसकारण पनि नेपाली सिनेमा क्षेत्रमा नायिकाको अभाव देखिएको छ भने संभावना वोकेका नायिका खासै कोही पनि देखिएको छैन । यसवारेमा, चल्न नसकेका र यो क्षेत्रमा आउने सोच बोकेका नायिकाहरुले बेलैमा सोच्नुपर्छ । --- साभार : अनलाइन खबर

आगामी पुस २९ गते दुई नयाँ चलचित्र एकै साथ प्रदर्शन हुने

2011-12-18T01:41:00.000-08:00

आगामी पुस २९ गते दुई नयाँ चलचित्र एकै साथ प्रदर्शन हुने भएका छन्। देशव्यापी प्रदर्शन हुने यी दुई चलचित्र हुन् 'सडक' र 'लुट'। प्रदीप श्रेष्ठद्वारा निर्देशित 'सडक' मा रेखा थापा, आयुष रिजाल, अयुब केसी, सुमिना घिमिरे, सुनिलदत्त पाण्डे, हेमन्त बुढाथोकी आदि कलाकारले मुख्य भूमिका निर्वाह गरेका छन्। हरि बराल प्रस्तुतकर्ता रहेको यो चलचित्र विन्देश्वरी सिने आर्टको ब्यानरमा निर्माण गरिएको हो। चलचित्रमा चेतन सापकोटाको संगीत निर्देश्ान छ। यसैगरी सोही दिन प्रदर्शन हुने अर्को चलचित्र 'लुट' का निर्देश्ाक निश्चल बस्नेत हुन्। नगेन्द्र महर्जन तथा माधव वाग्लेद्वारा निर्मित यो चलचित्रमा कर्मा, सौगात मल्ल, दयाहाङ राई...

ऋचा शर्मा, सिर्जना सुब्बा, सुशीलराज पाण्डे, प्रतिकराज पाण्डे आदि कलाकारले मुख्य भूमिका निर्वाह गरेका छन्। रोशन थापाद्वारा संगीतबद्ध यो चलचित्र पि्रन्सेस मुभिज तथा ब्ल्याक हर्स पिक्चर्सको ब्यानरमा निर्माण गरिएको हो। चलचित्रमा योगेन्द्र श्रेष्ठको द्वन्द्व तथा गम्भीर विष्टको नृत्य निर्देशान् छ।

अर्को साता द गेम

चलचित्र सम्पादकबाट निर्देशक बनेकी रक्षा सिंह राणाद्वारा निर्देशित पहिलो चलचित्र 'द गेम' को देशव्यापी प्रदर्शन आगामी शुक्रबार -पुस ८ गते) देखि प्रारम्भ हुने भएको छ। चलचित्र सम्पादनमा करिब १२ वर्ष बिताएकी रक्षाले 'द गेम' मा सुमन सिंह, निरुता सिंह, झरना थापा तथा आफ्नै श्रीमान् बालनरसिंह राणालाई मुख्य भूमिकामा प्रस्तुत गरेकी छिन्। मानिसले स्वार्थका लागि कतिसम्म गेम खेल्न सक्छ भन्ने कथालाई मुख्य विषय बनाइएको यो चलचित्रमा राजुविक्रम थापाको छायांकन छ भने आलोकश्री यसका संगीतकार हुन्।

नेपाली चलचित्रका दुई नायिकाले एकसाथ सन्यास लिने घोषणा

2011-11-17T01:46:00.001-08:00

चलचित्र क्षेत्रमा आएको लामो समयम्म काम गरेपछि र लोकपि्रयताका हासील गरेपछि कलाकारहरु सन्यास लिने गर्दछन् । तर, पछिल्ला दुई दिनमा दुई नायिकाले एकसाथ सन्यास लिने घोषणा गरेपछि यसले धेरै प्रश्न उब्जाएको छ । नायिका सुमिना घिमीरेले आफ्नो पछिल्लो चलचित्र रङमा अभिनय गरेसगै चलचित्र नखेल्ने भन्दै सन्यास लिने घोषणा गरीन् । चलचित्र क्षेत्रमा हुने विभीन्न विकृती र विसंगीतले गर्दा पारिवारीक दवाव आएपछि सुमिनाले सन्यास लिएको वुझिएको छ ।केही दिन अघि मात्र एक साप्ताहीक पत्रीकामा सुमिना र एक निर्देशकको विषयमा समाचार आएको थियो । यसले, सुमिनालाई तनावमा समेत पारेको वुझिएको छ सुमिनाको...

केही महिना अघि पनि विवाह भैसकेका समाचार आएका थिए । यि समाचारले आफुलाई दुखित वनाएको भन्दै सुमिनाले परिवारसगको सल्लाहले सन्यास लिने घोषणा गरेकी थिईन् । चलचित्र दुलहीवाट नेपाली सिनेमा क्षेत्रमा देखिएकी सुमिनाले सिनेमा प्रदर्शन हुनु भन्दा अघि नै आधादर्जन सिनेमा खेलीसकेकी थिईन् । सुमिनाले सन्यास लिएको भोलीपल्टै अर्की नायिका अनुष्का ढकालले पनि सन्यासको घोषणा गरेकी छिन् । चलचित्र मजवुरवाट नेपाली सिनेमा क्षेत्रमा आएकी अनुष्काले सन्त्रास र प्लानमा अभिनय गरेकी थिईन् ।

वुधवार काठमाण्डौको एक स्टुडियोमा प्लानको डविङ सकीएपछि अनुष्काले अव आफुले कुनै पनि चलचित्र र म्युजिक भिडियो नखेल्ने घोषणा गरेकी छिन् । सन्यास लिनुको कारण खोल्दै अनुष्काले भनिन्, चलचित्रमा भविष्य देखिन मैले । अभिनय गर्यो पारीश्रमीक पाईदैन, सिनेमामा काम गर्दा धेरै कुरामा संझौता गनुपर्छ । चलचित्रमा निशुल्क काम गरीदिनुपर्ने जस्ता कारणले मलाई यो क्षेत्रवाट नै टाढा जान मन लागेको हो, उनले निराशा मुद्रामा प्रतिक्रिया दिईन् । उनी अव आफ्नो पढाईलाई नै अगाडि वढाएर व्यवसाय गर्ने सोचमा छिन् ।

अनुष्काले केही महिना अघि मात्र काठमाण्डौको जोरपाटीमा व्यृटि पार्लर खोलेकी थिईन् । अव व्युटि पार्लर र पढाईमा सक्रिय हुन्छु, अनुष्काले वताईन् । अनुष्का हाल स्नातक पहिलो वर्षमा व्यवस्थापन संकायमा अध्ययनरत छिन् । यसरी, निरन्तर नायिकाहरुले सन्यास लिनुलाई अर्थपुर्ण तरीकावाट हेर्न सकिन्छ । किनकी, नायिकाहरुको विषयमा आउने विभीन्न किसीमका समाचारले पनि नेपाली सिनेमा क्षेत्रमा युवतीहरुको आकर्षण वढ्न सकेको छैन । यसमा पनि उदाउदै गरेका यि दुई नायिकाको सन्यासले राम्रो सन्देश पक्कै पनि दिदैन । स्रोत: अनलाइन खबर

चलचित्र 'पर्खि राख है' को होर्डिङ बोर्डबाट अन्य कलाकार असन्तुष्ट

2011-11-13T00:15:00.003-08:00

मंसिर १६ गतेबाट देशभरका हलमा चल्न लागेको चलचित्र 'पर्खि राख है' को प्रचारप्रसारलाई निकै तिब्र पारिएको छ । हरेक टेलिभिजन देखि पत्रपत्रिका, अनलाईन तथा एफएमहरूमा सो चलचित्रका बारेमा जानकारी गराई राखिएको छ । त्यति मात्र हैन शहरमा चोकचोकमा चलचित्रको होर्डिङ बोर्ड समेत राखिएको छ ।चलचित्रको प्रचारप्रसारका लागि गतिलो माध्यमको रूपमा होर्डिङ बोर्डलाई लिने गरिन्छ । सायद यहि भएर पनि होला निर्माता नायक दिल श्रेष्ठले देशभरका मुख्य मुख्य शहरका चोक-चोकमा आफ्नो चलचित्र 'पर्खि राख है' को होर्डिङ बोर्ड राखेका छन् । उनले होर्डिङ बोर्ड त राखे तर आफ्नै अनुहार मात्र देखाएर...

यसरी चलचित्रका निर्माता समेत रहेका नवनायक श्रेष्ठले आफ्नो एकल तस्विर रहेको होर्डिङ बोर्ड राख्दा अन्य कलाकार असन्तुष्ट देखिएका छन् ।

बाबुराम ढकालले निर्देशन गरेको सो चलचित्रमा सञ्चिता लुईटेल, मेलिना मानन्धर र मुकेश ढकालले पनि मुख्य भुमिका निर्वाह गरेका छन् तर उनीहरूको न फोटो छ न नाम नै । यसरी चलेका अनुहार बिना नै चलचित्रको होर्डिङ बोर्ड राख्दा कमेन्ट आउनु स्वाभाविक नै हो । हुनत नायक श्रेष्ठ आफू नै निर्माता भएका कारणले आफू बढि चर्चामा आउन अन्य कलाकारलाई ओझेल पार्न खोजेको हुन सक्छ । तर उनले बुझ्नु पर्ने कुरा यो छ कि चलचित्रको व्यवसायमा चलेका अनुहारको पनि ठूलै हात रहन्छ ।

चलचित्रमा दिदी र दाजुभाईबीचको प्रेमलाई मुख्य विषय बनाइएको छ । बाबुराम ढकाल र अच्युत अधिकारीको लेखन रहेको सो चलचित्रमा सुरेश अधिकारीको संगीत, हिमाल केसीको द्वन्द, वसन्त श्रेष्ठ, कविराज, शिव शर्माको नृत्य निर्देशन छ । चलचित्रको छायांकन बज्राचार्यले गरेका हुन् । स्रोत: फिल्मी खबर

शाहरूख खानको 'रा वन'नचलेपछी' म छु नि तिम्रो'

2011-10-31T01:24:00.000-07:00

भारतीय स्टार शाहरूख खानको मेघा प्रोजेक्टको फिल्म 'रा वन' हेर्न दमक चलचित्र मन्दिरमा दर्शक नगएपछी सो फिल्म उतार्दै रोज राणाको चलचित्र 'म छु नि तिम्रो' लगाईएको छ ।दमकको पाथिभरा चलचित्र मन्दिरमा प्रदर्शनरत 'म छु नि तिम्रो' हेर्ने दर्शकको अत्याधिक घुइचो बढेपछी पाथिभरा चलचित्र मन्दिरका सञ्चालक चैतन्य बरालले संगै रहेको दमक चलचित्र मन्दिरबाट 'रा वन' उतार्दै 'म छु नि तिम्रो' लगाएका हुन् । 'रा वन' लक्ष्मी पूजाको दिन देखि प्रदर्शनमा आएको थियो तर 'म छु नि तिम्रो' हेर्ने दर्शक अत्याधिक आएपछी आफूले बाध्य भएर रावन उतार्नु परेको बरालले जानकारी दिए ।दर्शकको फ्लो बढेपछी उनले दमक चलचित्र मन्दिरलाई ...

भाडामा लिएर 'म छु नि तिम्रो' रिलिज गरेका हुन् । यस्तै बरालले पछिल्लो ६ महिनाको अन्तरालमा तगडा सिनेमाको रूपमा 'म छु नि तिम्रो' रिलिज भएकाले पनि दर्शकको क्रेज यसरी बढेको बताएका छन् । यस्तै उनले तीन दिनको ब्यापार पनि उत्साहजनक रहेको प्रतिक्रिया दिएका छन् । उनले भने 'यसरी फिल्म हेर्ने दर्शक नआएको धेरै भएको थियो त्यसैले दैनिक एक लाखको भन्दा माथिको ब्यापार भएको छ जुन तारिफ योग्य छ ।' आयुष रिजाल, रोज राणा तथा सौजन्य सुब्बा अभिनित उक्त चलचित्र एक्सन प्रधान चलचित्र भएकाले पनि दर्शकको क्रेज बढेको प्रदर्शक बराल बताउछन् ।

यस्तै उता निर्माता समेत रहेका रोजले आफ्नो फिल्मले उत्साहजनक ब्यापार गरेको दावी गरेका छन् । 'अरुको सिनेमाको रिपोर्ट कसरी दिईयो मलाई थाहा छैन तर मेरो रिपोर्ट सत्य हो ।' रोजले फिल्मको विजनेस रिपोर्ट टिपाउदै भने । रोजको फिल्म संगै प्रदीप उदको फिल्म 'हाम्रो माया जुनी जुनीलाई' रिलिज भएको छ । जसको ब्यापार पनि उत्साहजन भएको खबरहरू प्राप्त भएका छन् ।

रोजका अनुसार शुक्रबारको रिपोर्ट छाडी आईतबार सम्ममा पोखराको विन्ध्यवासीनीबाट ३ लाख, नारयणघाटमा १ लाख १३ हजार, बुटवलबाट ७६ हजार, बाग्लुङबाट ४५ हजार, नेपालगञ्जबाट ६२ हजार, तुलसीपुरबाट ५७ हजार, पथरीबाट १ लाख १७ हजार र लालबन्दीबाट ९५ हजार कलेक्सन गरेको जानकारी दिएका छन् । 'म छु नि तिम्रो' हाल राजधानी बाहिरका १७ वटा सिनेमा घरहरूमा मात्र प्रदर्शननरत छ । स्रोत: फिल्मी खबर

हाम्रो माया जुनी जुनीलाई' को कथा 'मेरो राजेश दाई'सँग मेल

2011-10-23T02:17:00.000-07:00

केही दिन देखि एउटा हल्लाले सिने उद्योग निकै ततातिरहेको छ । जुन हल्ला क्याफे देखि फिल्म स्टूडियो अनि हरेक फिल्मी जमघटमा गफ गर्ने निहू पनि बनेको छ । तर चलेका ती हल्लामा कुनै सत्यता नरहेको सम्बन्धीत पक्षले जानकारी गराएका छन् ।कुरा हो प्रदिप उदयको चलचित्र 'हाम्रो माया जुनी जुनीलाई' को बारेमा फैलाईएको हल्ला । हल्ला अनुसार आउदो भाईटीकाको दिनदेखि रिलिज हुने सो चलचित्र भर्खरै रिलिज भएको चलचित्र 'मेरो राजेश दाई' को कथासंग मेल खान्छ रे ! जुन कुरामा एक रत्ति सत्यता नरहेको निर्माता उदयले दावी गरेका छन् ।चलचित्र 'मेरो राजेश दाई' दाजुभाईको कथामा आधिरित चलचित्र भएकाले...

'हाम्रो माया जुनी जुनीलाई' मा पनि त्यस्तै कथा समेटिएको भन्दै केही ब्यक्तिले आफ्नो फिल्मको प्रोमोशनमा धक्का पुर्‍याउने चाल चलेको प्रदिप बताउछन् । जुन चालबाट आफूलाई कुनै फरक नपर्ने उनको भनाई छ ।

'मेरो निर्देशकले 'मेरो राजेश दाई' भन्ने फिल्म हेरेका छन् त्यसैले त्यो फिल्ममा दाजुभाईको प्रशंग थियो भन्दैमा मेरो सिनेमाको कथा त्यो सिनेमासंग मेल खान्छ भन्नु हास्यास्पद हो', उनी फेरी भन्छन्, 'मेरो चलचित्रमा पनि दाजु भाईको कथा छ तर फिल्म नै नहेरी त्यस चलचित्रसंग मिल्यो भन्नु सरासर आफ्नो फिल्मलाई असर गर्न फैलाएको कदम हुन सक्छ ।'

संसारमा एउटै विषयमा सयौ फिल्म बनेका हुन्छन् तर घटना भने भिन्नै हुन्छन् र प्रस्तुती पनि भिन्नै' प्रदिपले भने, 'यदि यो कुरालाई कसैले गलत भन्छ भने फिल्म रिलिज भएपछी यस्तो हल्ला फैलाउने ब्यक्ति आफै गलत सावित हुनेछ ।' तर त्यो हल्ला फैलाउने ब्यक्ति को हो भन्ने कुरा उनले खुलाउन चाहेनन् । 'हाम्रो माया जुनी जुनीलाई' मा मुकेश ढकाल र श्रीकृष्ण श्रेष्ठ दाजुभाईको भूमिकामा रहेको बताईएको छ, स्रोत: फिल्मीखबर

चलचित्र 'अन्दाज' लाई दशैं कै अवसरमा रिलिज गर्ने

2011-09-07T09:36:00.000-07:00

हरेक पटक चाडबाडको समय मिलाएर चलचित्र रिलिज गर्ने निर्माता मध्येका एक हुन् छबिराज ओझा । गत बर्ष आफ्नै होम प्रोडक्सनको चलचित्र 'कस्ले चोर्‍यो मेरो मन' दशैंको अवसर पारेर छबिले रिलिज गरेका थिए । यस पटक पनि आफ्नै निर्माणमा बनेको चलचित्र 'अन्दाज' लाई दशैं कै अवसरमा रिलिज गर्दैछन् ।छबिराज ओझाको साथमा अशोक शर्मा र उज्ज्वल घिमिरेले संयुक्त रूपमा निर्माण गरेको चलचित्र 'अन्दाज' फूलपातीको दिन अर्थात असोज १६ गतेबाट मोफसलका हलहरूमा लाग्दैछ । काठमाण्डौमा भने टिकाको भोली पल्ट अर्थात असोज २० गते रिलिज हुँदैछ । रिलिजको समय नजिकिंदै गर्दा चलचित्रको प्रचार प्रसारलाई निकै तिब्रपारिएको...

छ । अहिले डिसियन सर्भर जडित हलहरूको साथमा अधिकांश इलेक्ट्रोनिक मिडियामा सो चलचित्रको गीत तथा प्रोमो घन्किरहेको छ । फिल्मीखबर डटकममा पनि यस चलचित्रको गीत र प्रोमो प्रस्तुत गरिएको छ ।

त्रिकोणात्मक प्रेमकथामा आधारित सो चलचित्रलाई डिसिएनले रिलिज गर्दैछ । रेखा थापा, जीवन लुईटेल र सबिन श्रेष्ठको मुख्य भुमिका रहेको चलचित्र 'अन्दाज' लाई उज्ज्वल घिमिरेले निर्देशन गरेका हुन् । काठमाण्डौ, पोखरा, जोमसोम, सिन्धुली, लुम्बिनी, चितवन लगायतका स्थानमा छायाँकन गरिएको चलचित्र 'अन्दाज' बाट सबिन श्रेष्ठले नायकको रूपमा डेब्यू गरेका हुन् ।

चलचित्रमा बसन्त सापकोटाको संगीत, कविराज गहतराज र शंकर बिसीको नृत्य, बिष्णु कल्पितको छायाँकन तथा राजेन्द्र खड्गीको द्वन्द रहने छ । चलचित्रको कथा सुबास सिंह बस्न्यातले लेखेका हुन् । स्रोत: फिल्मी खबर

मनीषा कोइराला फेरी अर्को फेसबुक स्टाटस फन्डामा फसिन

2011-08-31T00:08:00.000-07:00

मनिषा कोइराला, पहिले यो नाम सुन्दरतासँग जोडिन्थ्यो । त्यो बेला कायम रह्यो जबसम्म उनले एक जना व्यापारीसँग विहे गरिन् । त्यसपछि यो नाम विवादास्पद परिवारको एक महिला भनेर चिनिन थाल्यो । परिवार विग्रेका धेरै नेपाली महिला त छन् तर यो चर्चाको अवसर सबैलाई जुर्दैन, मनिषा सुन्दरी हिरोइन भएको हुनाले अझै पनि उनको चर्चा गर्न छोडिदैन ।पारिवारिक खटपटले कहिले घर छोड्ने त कहिले आत्महत्याको प्रयास गरेको भनेर हाम्रै सोलिडारिटी खबरले समाचार प्रकाशित गर्दै आएको छ । फेरि उनको अहिले चर्चा छ । नेपाली बजारमा होइन, भारतीय पत्रपत्रिकामा ।अभिनेत्री कोइरालाको वैवाहिक जीवन पुनः एकपटक चर्चामा...

छ । ब्यावसायी सम्राट दाहालसँग पछिल्लो वर्ष विहे गरेकी मनीषाको हनिमुन लगत्तै वैवाहिक संकटका खबरहरु आउन थालेका थिए । मामला त यहाँसम्म पुगेको थियो कि सम्बन्धविच्छेद गर्न भन्दै रिसाएर घर छाड्दै मनीषा मुम्बइ पुगेकी थिइन् । तर, मामिला सुल्झिएजस्तो देखियो र सम्राटले माफी मागेपछि उनी घर फर्किइन् ।

तर, खबरहरुलाई विश्वास गर्ने हो भने मनीषाको वैवाहिक जीवन ठीकसँग चलिरहेको छैन । यसअघि पनि

फेसबुकमा आफू विवाहप्रति वाक्क भैसकेको कुरा फेसबुकमा लेखेर गसिपमा मुछिएकी मनीषा फेरी अर्को यस्तै फेसबुक स्टाटस फन्डामा फसेकी छिन् । उनले लेखेकी छिन् -’मेरो पति मेरै दुश्मन बनेका छन् । कुनै महिलाका लागि यो भन्दा दुःखदायी खबर के हुनसक्छ ?’ भारतीय अनलाइन म्यागजिन दैनिक भास्करले पनि मनीषाको पछिल्लो फेसबुक स्टाटसलाई लिएर समाचार लेखेको छ ।

पहिलेजस्तै पछिल्लो पोस्टलाई पनि मनीषाले हटाइदिएकी छिन् । ‘सबै कुरा रिसमा लेखेकी थिएँ तर अहिले सबैकुरा ठीकठाक छ’ मनीषाले स्टाटस लेखेकी छिन् । दैनिक भास्करले यो न्यूज लेखेपछि मनीषाको वैवाहिक जीवनबारे फेरि भारतीय मिडियाहरुले उनलाई पछ्याउन थालेका छन् । मनीषा यतिबेला नेपालस्थित घरमा छिन् र नियमित ओशो तपोवनमा जान्छिन् ।

ऋचा घिमिरे आफ्नो चलचित्र ब्रेक फेलको प्रचारमा ब्यस्त

2011-08-27T02:29:00.000-07:00

चारैतिर तीजको रमझम सुरु भएपछि नायिकाहरु पनि तीज मनाउन ब्यस्त छन् । तर नायिका ऋचा घिमिरेलाई भने तीजको रौनकले छोएको छैन । प्रायः जसो नायिकाहरु तीजको अवसरमा आयोजना गरिएका बिभिन्न दर खाने कार्यक्रममा उपस्थित भएर नाचगान गरिरहेका छन् तर ऋचा भने आफ्नो पछिल्लो चलचित्र ब्रेक फेलको काममै व्यस्त छिन् ।यहि भाद्र १६ गते रिलिज हुन लागेको चलचित्र ब्रेक फेल रिलिजको अन्तिम तयारी गरिरहेको ऋचाले यस बर्षको तीज भने खल्लो हुने बताईन् । यस बर्षको तीजमा नाचगान गर्न नपाए पनि उनलाई खासै गुनासो छैन । किनकी उनी आफ्नै मेघाप्रोजेक्टको चलचित्र ब्रेक फेलकै काममा रमाईरहेकी...

छिन् । अहिले चलचित्रको प्रचारमा ब्यस्त रहेको जनाउदै ऋचाले आफ्ना लागी यो बर्षको तीज ब्रेक फेल मय हुने बताईन् ।

तीजका अवसरमा आयोजना गरिने बिभिन्न दर खाने कार्यक्रमहरुबाट निम्तो पाए पनि उनले ति कार्यक्रमहरुमा सहभागिता जनाउन नसक्ने बताईन् । तीजको दिन भने मज्जाले नाच्ने ऋचाको भनाई छ । तीजको दिनमा भने उनि रातो साडी लगाएर नाच्ने सोचाइमा रहेकी छन् । गरगहनाहरु तयारी अवस्थामा नै रहेको जानकारी दिदै ऋचाले तीजकै लागी भनेर रातो साडी समेत किनीसकेको बताईन् ।

ब्रेक फेल आफ्नो महत्वकाँक्षी चलचित्र भएको जनाउदै ऋचाले त्यहि अनरुपको मेहनत गरेको जनाएकी छन् । उनले चलचित्र ब्रेक फेलमा समाजका हरेक पात्रहरुको जिवन्त चित्रण गरिएको जनाएकी छन् । शंकर घिमिरेले निर्देशन गरेको यो चलचित्र एक करोड भन्दा बढिको लागतमा निर्माण गरिएको ऋचाको दाबी छ । यस चलचित्रमा शिवहरी कार्की, मनोजकुमार घिमिरे तथा प्रदीप सिंहको पनि लगानी रहेको छ । स्रोत: फिल्मी खबर

नाइटो छोपिएको कस्ट्युम लगाएरै सौजन्यले आइटम नाचिन

2011-08-11T03:28:00.000-07:00

नाइटो नदेखाइएका आइटम डान्सलाई खल्लो मान्छन् दर्शक । दर्शकको यही मुडलाई बुझेर होला निर्देशकहरु हिरोइनलाई जसरी पनि यस कुरामा कम्प्रोमाइज गरिछाड्छन् । तर, चलचित्र 'जय होस'को आइटम डान्समा हिरोइन सौजन्य सुब्बाले नाइटो देखाउन नमानेपछि निर्देशक र निर्माताले उल्टै कम्प्रोमाइज गर्नुपर्‍यो । नाइटो छोपिएको कस्ट्युम लगाएरै सौजन्यले आइटम नाचिन् ।हिरोइनले नाइटो देखाउन मिल्दैन भनेपछि सोझा निर्देशक र निर्माताले पत्ताए नै । जिद्दि गराइछाड्ने कुरा पनि भएन । तर, सौजन्यको नखरा केहीदिन पनि टिकेन जतिबेला निर्देशक घनश्याम खतिवडाले नाइटो देखाएर खिचिएका सौजन्यका...

तस्विर र भिडियोहरु देखे । यतिन्जेलसम्म आइटम डान्सको सुट पनि भैसकेको थियो । 'वास्तवमा हामीले सौजन्यको नखरा बुझ्न सकेनौं, उनको नाइटोमा केही समस्या होला भन्ने ठानेका थियौं तर होइन रहेछ' खतिवडाले भने ।

उक्त गीतको डिमान्ड नै नाइटो देखाउनुपर्ने र बढीभन्दा बढी अंग प्रदर्शन गरेर दर्शकलाई उत्तेजक तुल्याउनुपर्ने थियो । यही कुरालाई ध्यानमा राखेर स्वयम निर्देशक खतिवडाले 'घुमायो-घुमायो मलाई/केले घुमायो/हेर न हेर/मेरो तन बौलायो…' बोलको आइटम गीत पनि लेखेका थिए । शम्भुजित बाँस्कोटाले संगीत भरेका छन् । नाइटो नदेखाए फिल्म कमर्सियल बन्दैन भन्दाभन्दै पनि सौजन्यले त्यसो नगरेपछि निकट ठानिएका निर्देशक खतिवडा र सौजन्यको सम्बन्धमा दरार आएको गाइँगुइँ चल्न थालेको छ ।

चलचित्र 'के यो माया हो' को सार्वजनिक प्रदर्शन

2011-08-06T02:40:00.000-07:00

चलचित्र 'के यो माया हो' को सार्वजनिक प्रदर्शन शुक्रबारदेखि प्रारम्भ हुँदैछ। यो चलचित्रलाई युवा निर्देशक सुदर्शन थापाले निर्देशन गरेका हुन्। पोखरा तथा जोमसोमका रमणीय लोकेसनमा छायांकन गरिएको यो चलचित्रमा आर्यन सिग्देल, अरुणिमा लम्साल, सुष्मा कार्की, सौगात मल्ल, नीर शाह, किरण केसी, राजाराम पौडेल, केशव भट्टराई, कमल मैनाली, सविता गुरुङ आदि कलाकारले अभिनय गरेका छन्। सुगम पोखरेलद्वारा संगीतबद्ध चलचित्रका गीतमा सुगमका अतिरिक्त रेश्मा सुनुवार, प्राश्ना शाक्य आदिको पाश्र्व गायन छ। प्रदर्शन अगावै गीत-संगीत लोकप्रिय भैसकेको यो चलचित्रमा पोखरामा बसोबास गर्ने...

दुई जोडी युवा-युवतीको प्रेमजीवनलाई समेटिएको छ। चलचित्रका मुख्य चार पात्र आर्यन, सुष्मा, सौगात तथा अरुणीमाले क्रमशः राम-सीता, श्याम-गीताको भूमिका निर्वाह गरेका छन्।

चलचित्रमा काठमाडौं तथा पोखराजस्ता ठूला सहरमा देखापरेको 'लिभ इन टुगेदर' कल्चरका राम्रा तथा नराम्रा पक्षहरूलाई उजागर गरिएको छ। चलचित्रमा राम, श्याम, गीता र सीता एउटै अफिसमा काम गर्छन्। नीर शाहले उनीहरूको हाकिमको भूमिका निर्वाह गरेका छन्। राम र सीता एक-अर्कालाई मन पराउँछन् तर उनीहरूलाई डेराको समस्या छ। श्याम र गीता पनि एक एक-अर्कालाई माया गर्छन् तर उनीहरूलाई बस्ने घरको समस्या छैन। सीतालाई उनका घरबेटी किरण केसी तथा उनका छोराले एकतर्फी प्रेम गर्ने बताएपछि उनी उक्त घर छाड्न चाहन्छिन्। रामलाई पनि आमा-छोरी घरबेटीले हैरान बनाएका छन्।

गीता र श्यामको सल्लाहपछि राम र सीता लिभ इन रिलेशनसीपमा बस्न सहमत हुन्छन्। अविवाहित राम र सीताको नयाँ सम्बन्धसँगै चलचित्रको कथाले नयाँ मोड लिन्छ। यो चलचित्रले युवा पुस्ताका दर्शकलाई लक्षित गरेको छ।

ब्रेक फेलको ग्रिन कार्पेट प्रिमियर

2011-08-04T03:43:00.000-07:00

चलचित्रको प्रिमियर समारोहमा प्राय: रेड कार्पेट प्रयोग गर्ने गरिन्छ । तर नेपाली चलचित्रको इतिहासमा पहिलो पटक हुनुपर्छ चलचित्र 'ब्रेक फेल' ले ग्रिन कार्पेट प्रिमियर गर्न लागेको । भाद्र १६ गते सार्वजनिक हुन लागेको चलचित्र ब्रेक फेलले रिलिजको पूर्व सन्ध्या अर्थात भाद्र १५ गते जयनेपाल हलमा ग्रिन कार्पेट प्रिमियर समारोहको भाद्र १६ गते सार्वजनिक हुन लागेको चलचित्र ब्रेक फेलले रिलिजको पूर्व सन्ध्या अर्थात भाद्र १५ गते जय नेपाल हलमा ग्रिन कार्पेट प्रिमियर समारोहको आयोजना गर्दैछ । चलचित्रको हरेक पोस्टरमा ग्रिन कलर प्रयोग गरेका निर्देशक शंकर घिमिरेले नयाँ पन दिन चलचित्रको थिम कलरलाई नै लिएर ग्रिन कार्पेट प्रिमियर गर्न...

लागेको बताए । उनले भने, 'रेड कार्पेट त सबैले प्रयोग गर्छन् । चलचित्र पनि केहि फरक भएकोले नयाँ स्वाद चखाउन हामीले ग्रिन कार्पेट प्रयोग गर्ने योजना बनाएका हौं ।

वर्ल्डवाईड मुभि मेकर्सको व्यानरमा निर्माण गरिएको चलचित्र 'ब्रेक फेल' मा राजेश हमाल, ऋचा घिमिरे, निरज बराल, बिमलेश अधिकारी, सुवास थापा, ममता प्रधान, पुष्कर भट्ट, चिरन, मदन महत, शिबहरी कार्की लगायतका कलाकारहरूको अभिनय गरेका छन् । चलचित्रलाई मनोज कुमार घिमिरे, शिबहरी कार्की र प्रदिप सिंहले निर्माण गरेका हुन् । चलचित्रमा द युनिटी व्यान्डको साथमा सत्यस्वरूपको पनि संगीत रहेको छ ।

नायिका ऋचा घिमिरेको प्रस्तुती रहेको ब्रेक फेल मसलेदार कमेडी चलचित्र हो । काठमाण्डौ, चितवनको साथमा सुदूर पश्चिमका रमणिय स्थानमा छायाँकन गरिएको चलचित्र 'ब्रेक फेल' लाई सिचुएशनल कमेडी चलचित्रको संज्ञा दिईएको छ । चलचित्रमा दिनेश न्यौपानेको लेखन, राजु थापाको सिनेमाटोग्राफी, रेनाशा राईको करियोग्राफी, सानु कुमार महर्जनको द्वन्दनिर्देशन तथा बिपिन मल्लको सम्पादन रहेको छ । स्रोत: फिल्मी खबर

मिस यू' को सेक्सी जोडी नम्रता श्रेष्ठ र मोडल बरूण राणा

2011-08-02T03:15:00.000-07:00

गायिका मल्लिका कार्कीले गाएको 'यति धेरै मान्छेहरूको भिडमा एउटा मान्छे छ मेरो मनमा...' बोलको गीतबाट चर्चामा आएको जोडी हो नायिका नम्रता श्रेष्ठ र बरूण राणा । गायिका कार्कीले गीत गाए जस्तै यो जोडी पनि मान्छेहरूको भिडमा एउटा उदाहरण बन्न सक्छ ।नायिका श्रेष्ठ र मोडल राणाको पहिलो भेट चलचित्र 'सानो संसार' को प्रि-प्रोडक्सनका बेला भएको हो । त्यो बेला निर्देशक आलोक नेम्वाङको साथमा आएका राणाले नायिका श्रेष्ठसँग परिचय गर्ने मौका पाए । मोडलिङ क्षेत्रमा आफ्नो छुट्टै पहिचान बनाएकी नम्रतासँगको परिचयसँगै यि दुईको मित्रताको गाँठो कसिन थालेको हो । जब गायिका मल्लिका कार्कीको माथी उल्लेखित गीतमा...

नम्रता र बरूणले अभिनय गरे तब देखि झन् यि दुईको मित्रताले गाढा रूप लियो । त्यसपछि त नम्रता र बरूण उदाहरणिय साथी बन्न थाले ।

यहि गीतमा यो जोडिको केमेस्ट्री मिलेको देखेर नै निर्देशक सुरेशदर्पण पोखरेलले आफ्नो चलचित्र 'मिस यू' मा मोडल बरूण राणालाई ब्रेक दिए भने नायिका श्रेष्ठलाई रि-ईन्ट्री गराए । चलचित्र 'मिस यू' मा यो जोडी प्रेमी प्रेमीकाको रूपमा प्रस्तुत भएका छन् । मिस यू को स्लोगनलाई नै आधार मान्ने हो भने 'They are made for each other' . अझ मिस यू डेब्यू नायक राणा यस चलचित्रमा नम्रतासंगको आफ्नो जोडीलाई 'सेक्सी जोडी' को संज्ञा दिन्छन् । तर रियल लाईफमा भने त्यस्तो नभएर एउटा राम्रो फ्रेन्डसिप भएको राणाको भनाई छ ।

मल्लिका कार्कीको गीतसँगै बिकास राणाको 'लुकेर लाएको माया...' र अञ्जु पन्तको 'को भन्छ पहिलो माया अजम्बरी हुन्छ...' बोलको गीतमा बरूणसँग अनस्क्रिन रोमान्स गरेकी नम्रताले बरूणसँगको मित्रता एउटा उदाहरण बन्ने दाबी गर्छिन् । उनी भन्छिन्, 'बरूणसँग हिड्न, काम गर्न मलाई सहज हुन्छ । उ मेरो प्रिय साथी हो । मैले उसँग लाईफको दु:ख सुख साट्ने गर्छु ।' रियल लाईफको जस्तै मित्रता चलचित्र मिस यूमा पनि देख्न सकिने भन्दै नम्रता थप्छिन्, 'दर्शकहरूले यो चलचित्र हेरेपछि मित्रताको बारेमा बुझ्नु हुन्छ ।'निर्देशक पोखरेलले पनि यो जोडी आफ्नो चलचित्र 'मिस यू' कै लागि बनेको बताउँछन् । दुबैको कामबाट सन्तुष्ट रहेका निर्देशक पोखरेलले नम्रता र बरूणबाट मित्रताको पाठ सिक्न आग्रह पनि गर्छन् । नम्रता र बरूणको रियल लाईफको फ्रेन्डसिप दर्शकले देख्न र महसुस गर्न नसके पनि दिलिप रायमाझीले निर्माण गरेको चलचित्र 'मिस यू' मा भने पक्कै देख्न र महसुस गर्नुहुनेछ । अनि मिस गर्नुहुनेछ आफ्नो जीवनको अमूल्य पललाई । स्रोत:फिल्मी खबर

करिनाले गरिन आफ्नो करियरकै सबैभन्दा बढी रकमको माग

2011-08-02T02:59:00.000-07:00

बलिउड बेबो करिनाले मार्च २०१२ बाट शुटिङ हुने भनिएको माधुर भण्डारकारको नयाँ फिल्म ‘हिरोइन’ खेल्न राजी भएको सुन्नमा आएको छ । यद्यपी यो कहाँसम्म सत्य हो, त्यो भने यकिन भैसकेको छैन । एक स्रोतले जनाएअनुसार करिनाले फिल्मको लागि आफ्नो करियरकै सबैभन्दा बढी रकमको माग गरेकी छिन् । करिनाले उक्त प्रोजेक्टको लागि भारु दश करोड भए मात्र हिरोइन बन्ने सर्त राखेको हल्ला बाहिर आएको छ ।करिनाले प्रस्ताव गरेको रकम अहिलेसम्म अरु बलिउड नायिकाहरुले माग्ने आट गर्न सकेका छैनन् । करिनाको यो हिम्मतलाई भने मान्नै पर्छ । ‘अन्य हिरोइनलाई दिइनेभन्दा धेरै बढी रकम करिनालाई दिन यूटीभी सकारात्मक...

छ,’ करिनानिकट स्रोतले खुलासा गरे । तर दश करोड नै दिने सहमती भने नभएको बुझिएको छ ।माधुर र यूटीभीको लागि ‘हेरोइन’ अहिले गौरबको प्रोजेक्ट बनेको छ । मोटो दामको माग भएपछि सुरुमा करिनालाई लिने निर्णयबाट पछि हटेर माधुरले ऐश्वर्य राय बच्चनलाई लिएका छन् । ऐश्वर्य गर्भवती भएकाले फिल्मको शुटिङ अहिले रोकिएको छ । यसले निर्माण पक्षलगायत ऐश्वर्यलाई पनि चिन्तित बनाएको छ । तर करिनालाई भने आफ्नो रेकर्ड पारिश्रमिक माग्ने सुनौलो अवसर मिलेको छ ।

राखीले गरिन् ७२ लाखको शपिङ

राखी सावन्तले एक पटक फेरि धेरैको निद उडाउने काम गरेकी छिन् । भारतीय टेलिभिजनमार्फत चाडै नै प्रसारण हुन गइरहेको कार्यक्रम ‘गजब देशकी अजब कहानिया’ को तयारीमा जुटकी राखीले पहिरनका लागि मात्र ७२ लाखको अडर गरेपछि च्यानलका अधिकारीहरुलाई पर्नु पिर परेको छ । बिल जब घर आइपुग्यो, च्यानल मालिकलाई ठूलो झडका लाग्यो । राखी र च्यानलबीचमा भने अडर बिलको आधा रकम खर्च गर्ने सहमती भएको खुल्न आएको छ ।राखीको यो साहसलाई त मान्नै पर्छ । च्यानल मालिकले थोरै पैसा खर्च गर्न गरेको आग्रहलाई उनले ठाडै अस्विकार गरेकी थिइन् । कैयौं कलाकारहरु जागिरका लागि नातावाद र कृपावादको बाटोमा लागि रहेका बेलामा राखी भने घुर्की दिइरहेकी छिन् ।

निकै तामझामका साथ प्रचार-प्रसार गरिएको राखीको यो कार्यक्रम नयाँ भने होइन । ‘राखीका इन्साफ’ नामक पुरानै कार्यक्रमको न्वारन गरी नाम मात्र परिवर्तन गरिएको हो । पहिले झै यस कार्यक्रममा पनि राखी आमजनतालाई उनीहरुको समस्या सावधानका लागि प्रयासरत रहेको देख्न पाइनेछ । पहिरनमा मात्र यति धेरै रकम खर्च गरिएको यो कार्यक्रममा राखी कस्तो देखिन्छिन् होला ? यसले धेरैको मनमा राखीको नयाँ रुप हेर्ने इच्छा झन बढाएको छ ।स्रोत: अनलाइन खबर