Nellikuppam kumaraswamy blog.

2015-01-20T15:27:00.000+05:30

ஊழல் குற்றவாளி என்று ஒரு நீதி மன்றத்தினால் நிரூபிக்கப்பட்டு தண்டனை அளிக்கப் பட்டிருக்கிற செல்வி ஜெயலலிதாவை, பி.ஜே.பி தலைவரும், நிதி அமைச்சருமான திரு. அருண் ஜெட்லி சென்று பார்த்திருப்பது, பல சந்தேகங்களை மக்கள் மனதில் எழுப்பி இருக்கிறது.
இவர் இப்படிதான், தன மீதுள்ள வருமான வரி வழக்கை தள்ளு படி செய்து அபராதம் மட்டும் கட்டி, பதினாறு ஆண்டுகளாக நடந்து வந்த வழக்கிலிருந்து தப்பித்தாரா, என்பது யாவரும் யோசிக்க வேண்டிய ஒன்று.
ஒரு அரசு பதவியிலிருக்கும் ஒருவர் கிரிமினல் குற்றவாளியை சந்திப்பதும் பேரம் பேசுவதும் நல்ல ஜனநாயக மரபுகளுக்கு சரிதானா என்று கலைஞர், மருத்துவர் ராமதாஸ், திரு, EVKS . சம்பத் முதலியோர் கண்டனம் தெரிவித்து உள்ளனர். பிரதமர் சொல்லித்தான் இந்த சந்திப்பு நிகழ்ந்ததா?
நாமெல்லாம் பெரிதும் மதிக்கக் கூடிய திரு, மோதி அவர்கள் ஊழலுக்கு துணை போகின்ற சாதாரண அரசியல் வாதியா? என்ற கேள்விகள் மக்கள் மனதில் ஓடுகின்றன. பதில் சொல்வாரா பிரதமர்.?

2015-01-09T17:07:00.001+05:30

"பச்சை மனிதன்" திரைப் படம் எடுக்கப் போகிறோம்"
அப்போது 2009 அல்லது 2010 ஆண்டுகளில் என்று நினைவு. நான் பாண்டிச்சேரியில் வசித்து வந்தேன். என் வீட்டு ரேஷன் கார்டை மாற்றும் பொருட்டு, அருகில் உள்ள அரசு வட்ட வழங்கல் அதிகாரி அலுவலகத்துக்கு செல்ல நேரிட்டது. என் பணிகளை முடித்துக் கொண்டு வெளியே வந்து கொண்டிருந்தேன்.
அப்பொழுது, ஐந்தாறு இளைங்கர்கள் தங்கள் உடல் முழுவதும் பச்சை வண்ணத்தை பூசிக் கொண்டு, கையில் சில அறிவிப்புகளுடன் என்னை வழி மறித்தார்கள். விவரத்தை கேட்ட பொழுது, " தாங்கள் குறிப்பிட்ட இயக்கத்தை சார்ந்தவர்கள் என்றும் காவிரி டெல்டா மாவட்டங்கள் பாலை வனமாக ஆகி வருவது பற்றிய "பச்சை மனிதன்" என்ற ஒரு திரைப் படம் எடுப்பதற்கு போதிய நிதி ஆதாரங்களை திரட்டுவதாக சொல்லி என் கையில் சில பச்சை வண்ண டிகெட்டுகளை திணித்தார்கள். " இரண்டு மூன்று டிக்கெட்டுகள் வாங்கி எங்கள் நோக்கம் நிறைவேற உதவுங்கள் சார், ஒரு டிக்கெட் பத்து ரூபாய்தான் " என்றார்கள். நானும் நல்ல நோக்கம் தானே என்று இரண்டு டிக்கெட்டுகள் வாங்கி கொண்டேன்.
ஆனால் வருடங்கள் 5 ஓடிவிட்டன. அந்த பெயரிலோ அல்லது அந்த நோக்கத்திலோ ஒரு திரை படமோ, குறும்படமோ இது வரை வரவில்லை.
ஒரு வேளை அவர்கள் உண்மையிலேயே அப்படிப் பட்ட முயற்சிகள் எடுத்து இருக்கலாம். இப்படி சில லக்ஷங்களை வசூல் செய்து இருக்கலாம், அது தோல்வியில் முடித்து இருக்கலாம். ஆனால் அது சம்பத்தப் பட்ட அறிவிப்போ எதையும் நான் நாளேடுகளில் பார்க்க வில்லை.

இந்த நேரத்தில் எனக்கு ஒன்று மட்டும் நினைவுக்கு வருகிறது. ஒரு சமயம் அப்போது முதல்வராக இருந்த செல்வி ஜெயலலிதா அவர்கள் சட்டமன்றத்தில் கம்முனிஸ்டுகளை விமர்சித்து பேசும் பொழுது, "கர்ணன் கவச குண்டலத்துடன் பிறந்த மாதிரி கம்முநிச்டுகள் உண்டியலோடு பிறந்தவர்கள்" என்று கிண்டல் செய்து பேசினார்.

ஆனால் இது போன்ற விஷயங்களில் எனக்கு பெரிய நஷ்டம் ஏற்பபட வில்லை என்றாலும், அந்த படம் இன்னும் வருமா என்று காத்து இருந்து வெறுத்து விட்டேன். இது எனக்கு ஒரு உறுத்தலை ஏற்படுத்தியது மாத்திரம் உண்மை.

2015-01-09T17:05:00.001+05:30

2015-01-09T17:04:00.002+05:30

தற்காலிக சந்தோசம்

சற்று ஆறுதல் அளிக்கும் செய்தி : இலங்கை அதிபர் தேர்தலில் ராஜ பக்ஷே தோல்வி அடைந்தது உலக தமிழர்களுக்கு ஒரு ஆறுதலான செய்தி என்பதில் சந்தேகம் ஏதும் இல்லை. எனக்கும் இரட்டிப்பு மகிழ்ச்சிதான்.

ஆனால் அடுத்து வருபவர் எப்படி இருக்கப் போகிறார் ?
தமிழர்க்கு விடிவு காலம் ஏதும் பிறக்குமா?
தமிழர்க்கு விடிவு காலம் ஏதும் பிறக்குமா?
தமிழர் பகுதிகளில் சிங்களர் குடியிருப்பை தடுப்பாரா? தமிழர் பகுதியில் தமிழர்களுக்கு சுய அதிகாரம் வழங்கப் படுமா?
தமிழர் பகுதியில் தமிழர்களுக்கு சுய அதிகாரம் வழங்கப் படுமா?
தமிழர் பகுதிகளிலிருந்து இலங்கை ராணுவம் அப்புறப் படுத்தப் படுமா?
தமிழ் பெண்டிர் இனியாவது நிம்மதியாக வாழ முடியுமா?
தமிழர்களுக்கு வாழ்வாதாரம் தரக்கூடிய திட்டங்கள் ஏதும் தீட்டுவாரா?
ஆகிய இத்தனைக் கேள்விகளுக்கும் உலகத் தமிழர்கள் விடையை எதிர் பார்த்து காத்து இருக்கிறார்கள்.
தமிழர்களுக்கு இனியாவது நியாயம் கிடைக்க வேண்டும். கொடுங்கோலன் ராஜபக்சேவை ஐநா மனித உரிமைக் கமிஷன் முன்பு நிறுத்துவது சாத்தியப்படுமா? உதவுவாரா புதிய அதிபர்?

இரா.குமாரசுவாமி சென்னை ஆவடி

2014-12-19T15:34:00.003+05:30

பிள்ளைகளுக்கு அதிக செல்லம் கொடுப்பது தவறா ?

பிள்ளைகளிடத்தில் அன்பு செலுத்துதல் வேறு, சலுகைகளை தாராள மாக்குதல் என்பது வேறு. நான் பிள்ளைகளிடத்தில் அன்பு காட்டுவதற்கு எதிரானாவன் அல்ல.
அதே நேரத்தில் அந்த பிள்ளைகள் நாளை சமுதாயத்தில் எந்த ஒரு நிலைமைகளையும் சமாளித்து எதிர்த்து நிற்க கூடிய திறனைப் பெற்றிருக்க வேண்டும். நிறைய வீடுகளில் நான் பார்த்து இருக்கிறேன். வயது வளர வளர அந்தந்த வயதுக்கு தகுந்தாற்போல் சின்ன சின்ன பொறுப்புகளை அவர்களிடத்தில் வழங்க வேண்டும். உதாரணமாக அவர்களுக்கு சிறிய அளவிலான ஹௌஸ் கீபிங்க் சம்பத்தப்பட்ட வேலைகளை தர வேண்டும்.
உதாரணமாக

1.அவர்களுடைய விளையாட்டு பொருட்களை விளையாடி முடித்த பிறகு அவர்கள் கையாலேயே எடுத்து அவைகளுக்கான இடத்தில் வைக்க செய்தல்.

2.பேப்பர் போன்ற குப்பைகளை ஹாலில் இருந்து குப்பை தொட்டியில் போட செய்தல்.,
3.தங்கள் புத்தகங்களை தாங்களே ஞாபகமாக ஸ்கூல் பேக்கில் எடுத்து வைக்க கற்றுக் கொடுத்தல்.
4.பிறவியிலேயே சில குழந்தைகளுக்கு தன்னுடையது, தான் என்ற எண்ணங்கள் மேலோங்கி இருப்பது இயற்கையான ஒன்று.
ஷேரிங் போன்ற விஷயங்களை அவர்களுக்கு நாம் அழுத்தி சொல்லி புரிய வைக்க வேண்டும்.
5.தின் பண்டங்கள், விளையாட்டு சாமான்கள் போன்றவற்றை தன குடும்பத்தை சார்ந்த அல்லது பக்கத்து வீட்டு குழந்தைகளோடு பகிர்ந்து விளையாட செய்வது போன்ற விஷயங்களை இப்போதிலிருந்தே அவர்களுக்கு கற்று தருவது, பிற்காலத்தில் அவர்கள் சமூகத்தில் தாக்குப் பிடித்து வளர உதவும்.
ஆனால் இது ஒரு கஷ்டமான முயற்சி என்பதை நான் மறுக்க மாட்டேன். நிறைய வீடுகளில் பெற்றோர்களுக்கிடையே சண்டை வந்து பிரிந்து கூட போயிருக்கின்றனர். இரண்டு சகோதரர்கள் கூட அவர்கள் குடும்பத்தினர்களுடன் சேர்ந்து வாழ முடியாத நிலை இன்றைக்கு இருந்து வருகிறது.
முன்பெல்லாம் அதாவது முப்பது நாற்பது ஆண்டுகளுக்கு முன்பு, வீட்டில் நிறைய குழந்தைகள் இருக்கும். ஒருவருக்கே மூன்று நான்கு பிள்ளைகள் என்று இருக்கும். இரண்டு மூன்று சகோதரர்களுக்கு ஆளுக்கு இரண்டு என்று வைத்துக் கொண்டால் கூட ஆறு அல்லது ஏழு குழந்தைகள் என்று வீடு முழுக்க கலகலவென்று இருக்கும். இதில் சகோதரிகள் வீட்டுக்கு வரும்போது அவர்கள் குழந்தைகளும் சேர்ந்து கொண்டால் ஜாலியோ ஜாலிதான்.

அங்கு ஆளுக்கொரு பந்து அல்லது ஆளுக்கொரு கிரிகட் மட்டையோ இருக்காது, அந்த மாதிரி சந்தர்ப்பங்களில் குழந்தைகள் சேர்ந்து ஒருவருக்கொருவர் விட்டுக் கொடுத்து விளையாடுவதை நீங்கள் பார்த்திருக்கலாம். ஷேரிங் என்ற விஷயம் தானாக நடக்கும். இந்த மாதிரி குடும்பங்களில் வளரும் குழந்தைகள் பெரும்பாலும் சமூகத்தில் நல்ல பிள்ளைகளாக வளருவார்கள்.
அதே நேரத்தில் ஒரு குழந்தை இருக்கும் வீட்டில் வளரும் குழந்தைகள் நன்றாக வளர மாட்டார்கள் என்று நான் சொல்லவில்லை. ஆனால், இவர்கள் நல்ல குழந்தைகளாக வளர நிறைய முயற்சிகள் எடுத்தாக வேண்டும். கணவன் மனைவி இரண்டு பேரும் வேலைக்கு செல்லும் வீட்டில் உள்ள குழந்தைகள் விஷயத்தில் இது இன்னும் கொஞ்சம் கடினம்தான். கண்காணிப்பு செலுத்த சிறப்பு கவனம் தேவைப் படும்.

தற்போதைய காலங்களில் அநேகமாக எல்லோர் வீட்டிலும் டிவியும் கம்பியுடர் மற்றும் இன்டர்நெட் ஆகிய சாதனங்களும் ipod போன்ற சாதனங்களும் சர்வ சாதாரணமாக கிடைக்கின்றன. இவைகளை குழந்தைகளின் கைக்கு போகுமுன் அவர்கள் என்னென்ன விஷயங்களை இந்த வயதில் பார்க்கலாம், எவை எவைகளை பார்க்க கூடாது என்று திட்டமிட்டு அதை அவர்களிட மிருந்து விலக்கி வைத்திடல் நல்லது.

சொல்லவேண்டியது நிறைய இருக்கிறது, தொடர்ந்து படியுங்கள், அடுத்த வாரம் மீண்டும் சந்திப்போம்....நெல்லிக்குப்பம் இராமு.குமாரசுவாமி.

2014-12-14T16:22:00.001+05:30

சைக்கிளில் பயணம் செய்கிறவர்கள் டாட்டா பிர்லாவா?

1950 -60 களில் என்று நினைக்கிறேன். எனக்கு 15 வயது இருக்கும், ஒரு முறை நானும் சில நண்பர்களும் எங்கள் ஊரான நெல்லிகுப்பதிலிருந்து 7 மைல் தொலைவில் உள்ள கடலுருக்கு எம்.ஜி.ஆர் படம் ரிலீஸ் பார்பதற்காக வீட்டுக்கு தெரியாமல் இரண்டு மூன்று சைக்களில் டபுள்ஸ் சென்று கொண்டிருந்தோம். மதியம் ஒரு மணி இருக்கும்.

மாமாக்களிடம் மாட்டிகொண்டோம்

வழியில் ஒரு போலீஸ் ஏட்டுவும் ஒரு போலீஸ் காரரும் நடந்து வந்து கொண்டிருந்தனர். அவர்களைப் பார்த்ததும் தொலைவிலேயே மரியாதைக்காக இறங்கி எங்கள் வண்டிகளை தள்ளிக் கொண்டு நடந்தோம் அவர்களை பார்த்தபடியே. காரணம் எங்களுக்கு தெரிந்து இருந்தது. அப்போதுள்ள சட்டப் படி சைக்கிளில் டபுள்ஸ் போவது குற்றம். லைட் இல்லாவிட்டால் குற்றம். அப்போதல்லாம் டைனமோ அவ்வளவாக பாபுலர் ஆகவில்லை. மணெண்ணை விளக்குதான். விளக்கு இல்லாவிடில் அவ்வளவுதான். உண்டு இல்லைன்னு செய்து விடுவார்கள்.
விளக்கு காற்றில் அணைந்து விட்டது என்று சொன்னால் விளக்கின் மீது கை வைத்துப் பார்ப்பார்கள். கதகதப்பு இல்லையென்று கண்டு பிடித்தால்,
அபராதம்தான். ஆனால் அது அரசுக்கு போகாது. அவர்கள் பாக்கிட்டுக்கு சென்றுவிடும்.
கடலூருக்கு மூன்று மைல் இருக்கும்போது. அந்த போலிஸ் காரர்கள் நிற்பது கண்டு பயந்த நாங்கள் சற்று தயங்கி நின்றோம், நாங்கள் பம்முவதைப் பார்த்த போலீஸ்காரர்களுக்கு எங்கள் நிலைமை புரிந்துவிட்டது.
"டேய் இங்க வாங்கடா, சைக்கிளை இந்த ஓரமா நிறுத்துங்க" என்றார்கள்.
ஏண்டா டபுள்ஸ் போனீங்க? எல்லாம் ஸ்டேஷனுக்கு வாங்க" சைக்கிளை விட்டுவிட்டு உங்க அப்பாவை வரசொல்லுங்கள், அவர்கள் வந்து பைன் கட்டிட்டு சைக்கிளை எடுத்துட்டு போகட்டும்." என்றார் ஏட்டு. நாங்கள் பரிதாபமாக முஞ்சை வைத்துகொண்டு கெஞ்சுகிற பாணியில் எங்கள் கருணை மனுவை போட்டோம். ஏட்டு, கான்ஸ்டபில் முகத்தை பார்த்தார்.
"எல்லாம் எங்கடா போறீங்க? வூட்டுக்கு தெரியாமல் சினிமாவுக்கு கிளம்பிடிங்களா? "யோவ் கான்ஸ்டபில், எல்லார் சைகிள்ளேயும் காத்த பிடுங்கி விடுய்யா" அப்பத்தான் இந்த பசங்களுக்கு புத்தி வரும்" என்றார்.
சார், சார், சினிமா ஆரம்பிச்சிடுவாங்க சார். வேணாம் சார். விட்டுருங்க சார்," இது எங்கள் கெஞ்சல்.

எங்களைக் காப்பாற்றிய லாரி

ஒரு சைக்கிளில் இருந்து காத்து பிடுங்கி வால்வ் டியுப்பை எடுத்து பாக்கெட்டில் போட்டுக் கொண்டார், அந்த போலீஸ்காரர். அவர் இன்னொரு சைக்கிளை நோக்கி வரும்போது, அந்த பக்கமாக ஒரு லாரி வந்து கொண்டிருந்தது. என்ன நினைத்தாரோ ஏட்டு, "போங்கடா இது மாதிரி இன்னொரு வாட்டி செய்தீங்கன்னா சைக்கில் திரும்ப கிடைக்காது, என்று சொல்லிக்கொண்டே பெரிய வருமானத்தை நோக்கி தங்கள் கவனத்தை செலுத்த ஆரம்பித்தார்கள்.
அப்புறம் விட்டால் போதுமென்று, வால்டீயுப் பிடுங்கப்பட்ட அந்த ஒரு சைக்கிளை மாத்திரம் தள்ளிக்கொண்டு, அருகாமையில் உள்ள சைக்கில் கடையை நோக்கி வேகமாக விரைந்தோம். ஒரு வழியாக கடலூரை அடைந்து " உழைப்பாளி" படத்தில் ரஜனியும் கவுண்டமணியும் டிக்கெட் வாங்குகிற மாதிரி நாங்களும் கடுமையாக உழைத்து நாங்கள் விரும்பிய MGR படத்தை திருட்டு தனமாக பார்த்துவிட்டு வீடு திரும்பினோம்.
டாட்டா பிர்லாவா சைக்கிளில் செல்கிறார்கள், பாவப்பட்ட ஏழைகள்தான் வேறு வழியில்லாமல் சைக்கிளை உபயோகிக்கிறார்கள், என்று மனிதாபிமானத்துடன் யோசித்து, பின்பு கலைஞர் ஆட்சிக்கு வந்த வுடன் முதல் காரியமாக சைக்கிளில் இரண்டு பேர் சவாரி செய்வதற்கு அனுமதித்து சட்டத்தை திருத்த செய்தார்.

மாத்தி யோசி!

இந்த சம்பவம் ஏன் இப்பொழுது எங்கள் நினைவுக்கு வந்தது என்றால் அதற்கு காரணம் இருக்கிறது.

தற்கொலைக்கு முயல்பவர்களுக்கு தண்டனை கொடுக்கும் சட்டம்தான் அது. இது தற்கொலைக்கு முயல்பவர்களுக்கு இரட்டை தண்டனை கொடுக்கிறமாதிரி. ஏற்கனவே அவர் அல்லது அவள், ஒரு வழியாக மரணத்திலிருந்து தப்பி வந்தது போதாதென்று, சிறை தண்டனையும் அனுபவிக்க செய்வது, கொடுமையிலும் கொடுமை, என்று சட்ட வல்லுனர்களும் சமூகவியலாளர்களும் அரசுக்கு பரிந்துரைக்க அந்த கொடுமையான தண்டனை சட்டம் தற்போது மோடி அரசால் நீக்கப் பாட்டிருக்கிறது என்பது உண்மையிலேயே வரவேற்க வேண்டிய ஒன்றுதான். அவர்களுக்கு தேவை அவர்கள் தங்கள் மன அழுத்தத்திலிருந்து விடுபட ஒரு கவுன்சலிங்க்தான்.

இது போன்று ஒன்றுக்கும் பிரயோஜனை இல்லாத, நீக்க படவேண்டிய சட்டங்கள் இன்னும் ஏராளமாக உள்ளன. அவைகளையும் நமது சமூகவியலாளர்களும் சட்ட வல்லுனர்களும் அரசுக்கு பரிந்துரைப்பது தேவையான ஒரு காரியம்...... செய்வார்களா?

2014-12-07T05:31:00.000+05:30

இரண்டு நாளைக்கு முன்பு, புதிதாக ஆரம்பிக்கப் பட்டிருக்கும் தமா.க வை சார்ந்த திரு பீட்டர் அல்போன்ஸ் அவர்கள் தினத்தந்திக்கு அளித்த பேட்டி ஒன்றில்,

மூப்பனார் காங்கிரஸ்சுக்கு என்னத் தியாகம் செய்து விட்டார்? என்று கேள்வி கேட்டிருக்கும் காங்கிரஸ் தலைவர் EVK சம்பத் அவர்கள் கேட்ட கேள்விக்கு பதில் சொல்லும் விதமாக, "மூப்பனார் குடும்பம் தலை முறை தலைமுறையாக காங்கிரசுக்கு தோடு புரிந்த குடும்பம், "இன்னும் சொல்லப் போனால் மூப்பனாறது குடும்பம் சோழ அரசருக்கே கடன் கொடுத்தக் குடும்பம்" என்று பீட்டர் அல்போன்ஸ் குறிப்பிட்டார்.

இவ்வளவு தூரம் வந்து விட்டதனால் எனக்கும் சில சந்தேகங்கள் எழுகின்றன.

திரு. மூப்பனார் குடும்பத்துக்கு ஏறத்தாழ 3000 ஏக்கருக்கு மேல் சொத்துக்கள் குவிந்தது எப்படி? ஒரு அரசருக்கே கடன் கொடுத்த சந்தர்ப்பம் எது? உழைத்து உழைத்து அவர் குடும்பம் இந்த சொத்துக் களை வாங்கி குவித்தார்களா? அல்லது எதாவது குறு நில மன்னர்களாக அவருடைய மூதாதையர்கள் இருந்து வந்தார்களா? அப்படியென்றால் இவர்களிடம் கடன் வாங்கிய சோழன் யார்? இத்தனை கேள்விக்கும் பதில் தஞ்சை சார்ந்த ஆராச்சி யாளர்கள் தான் விளக்கமளிக்க வேண்டும். யாராவது முன் வருவார்களா?

தலைப்பைச் சேருங்கள்

2014-11-14T21:53:00.002+05:30

"தமிழும் திருக்குறளும் இல்லையென்றால் இந்தியா ஒரு நிறைவற்ற தேசமாகவே இருந்திருக்கும்."

இப்படி சொல்லி நம்மை சமீபத்தில் அசத்தியவர் வேறு யாரும் அல்ல. தருண் விஜய் என்கிற 53 வயது மனிதர். உத்தர காண்ட் மாநிலம் டேராடூனில் பிறந்து வளர்ந்த, முழுக்க முழுக்க இந்தியை தாய் மொழியாக கொண்ட இந்த மனிதருக்கு அப்படி என்ன திடீர் அக்கறை? நமக்கு இயல்பாக ஏற்படுகின்ற எல்லா சந்தேகங்களையும் மூட்டைக் கட்டி ஒரு ஓரமாக வைத்து விட்டு தருண் விஜய்யை பற்றி தெரிந்துகொள்ள முற்படுகிறோம்.

குஜராத் நீதி மன்றங்களில் குஜராத்திலும் மும்பை நீதி மன்றங்களில் மராத்திய மொழியிலும் வழக்காடப் படும் மொழியாகவும் தீர்ப்பு வழங்கப் படும் மொழிகளாகவும் உள்ளபோது, ஏன் தமிழ்நாட்டில் மட்டும் ஆங்கிலத்தில் மேற்கொள்ளப் படுகின்றன என்பது இவரது ஆதங்கம். நியாயம்தானே?

காரணம் தமிழன் ஒரு இளிச்ச வாயன். ஆண்டவனை கும்பிடுவதற்கு கூட தமிழில் கும்பிட முடியாத ஒரு பாவப் பட்ட ஜன்மம்." வடிவேலு சொல்வதைப் போல "இவன் ரொம்ப நல்லவன்டா, எவ்வளவு அடித்தாலும் தாங்குவாண்டா" அப்படி என்கின்ற நம்மை பற்றி ஒரு எண்ணம் ஒரு குறிப்பிட்ட அதிகார மையங்களில் உள்ளவர்களுக்கு எப்போதுமே உண்டு. இல்லாவிட்டால் நமது பக்கத்துக்கு மாநிலத்திலோ அல்லது பக்கத்துக்கு தேசத்திலோ அவனுக்கு என்ன நடந்தாலும் அதைக் கேட்பதற்கு நாதியுண்டா ?

அதை விடுங்கள். யார் இந்த தருண் விஜய் என்று உங்களுக்குள் ஒரு கேள்வி பிறக்கும். இவர் டேராடூனில் பிறந்து வளர்ந்து ஐதராபாத்தில் BA படிப்பை முடித்துக் கொண்டு, RSS இயக்கத்தில் தன்னை இணைத்துக் கொண்டு தன் அரசியல் வாழ்க்கையை துவக்கியவர். ஆர் எஸ் எஸ் பத்திரிகையான

" பஞ்சஜன்ய" வுக்கு எடிடர் ஆக பணியாற்றியவர். ஒரு சிறந்த எழுத்தாளர், சிந்தனையாளர்.

இப்படி தமிழ் மொழியை தலைமீது தூக்கி வைத்து கொண்டாடுபவர்களைப் பார்த்து நமகெல்லாம் பெருமை பிடிபட வில்லை. வடக்கிலிருந்து இப்படி ஒரு குரலா? ஆச்சர்யத்துடன் புருவங்களை உயர்த்தி அவரை பார்க்கிறோம். இந்த அதிசயத்தை பார்த்து வியந்து தமிழார்வம் மிக்கவர்கள் ஒன்று கூடி நான்கு நாட்களுக்கு முன்பு கவிஞர் வைரமுத்து தலைமையில்,வெற்றி தமிழர் பேரவை சார்பாக, சென்னையில் ஒரு விழா எடுத்து கௌரவித்து இருக்கிறார்கள். தமிழின் சிறப்பைப் பற்றி ஒரு தமிழர் அல்லாதவர் உயர்த்தி பேசுவதும், அதை கோர்ட்களில் வழக்காடும் மொழியாக கொண்டு வரவேண்டும் என குரல் கொடுக்கும் தருண் அவர்களுக்கு

ஒரு விழா எடுத்து பாராட்டுவதும் தேவைதானே .

அவர் சொன்னது இன்னொன்று எனக்கு பிடித்து இருந்தது. " மொழிகளை எல்லாம் நாம் நமது எல்லைகளாக கருதக் கூடாது , அவைகளை நம் மக்களை இணைக்கின்ற பாலமாக கருத வேண்டும்" யோசித்து பார்த்தால் இதில் உண்மை இருக்கிற மாதிரி தோன்றுகிறது அல்லவா? பின்பு ஏன் மொழியின் பேரால் ஒருவரை ஒருவர் அடித்துக் கொள்கிறோம்? யோசியுங்கள்.

1976-ல் தருண் விஜய், ஒரு முழு நேர எழுத்தாள ராக உருவாவதற்கு முன் 'ப்ளிட்ஸ் ' ஆசிரியர் கரஞ்சியாவுடன் சில காலம் எழுது பணி செய்திருக்கிறார். அதற்கு பின்தான் "பஞ்சஜன்யா" இதழுடன் தன்னை இணைத்துக் கொண்டார். இந்த "பாஞ்சஜன்யா இதழுக்கு முந்தைய ஆசிரியர் திரு. அடல் பீஹாரி வாஜ்பாயி என்பது மற்றொரு சிறப்பாகும்.

அது மட்டுமல்ல, வட இந்திய மாநிலங்களில் 500 மையங்களில் தமிழை கற்றுத் தருவதற்கு தாம் ஏற்பாடு செய்யப் போவதாகவும் இவர் உறுதியளித்து இருக்கிறார்.

அதுமட்டுமல்ல தருண் விஜய் ஒரு சிறந்த புகைப் படக் கலைங்கரும்கூட. இவர் இமாலய மலைகளை பல சிறந்த கோணங்களில் தன் கேமராவில் பதிவு செய்து ஒரு கண்காட்சியும் நடத்தியிருக்கிறார்.

சமீபத்தில் தருண் விஜய் ராஜ்ய சபைக்கு உறுப்பினராக நியமிக்கப் பட்டிருக்கிறார். அவருடைய பணி மேலும் சிறக்க நாம் வாழ்த்துவோம்.

2014-10-25T22:05:00.002+05:30

தினமும் 2000 லிட்டர் திருட்டு

என்பது லாரிகளுக்கும் ஒரே சொந்தக் காரர் வைத்யநாதன்

கிராமங்களிலிருந்து பால் பதப் படுத்தம்படும் மையங்களுக்கு, 80 லாரிகளில் பாலை கொண்டு வரும் போது,லாரி ஒன்றுக்கு, தலா 2000 லிட்டர் பாலை திருடி, அதற்கு பதில் தண்ணீரை நிரப்பி நாள் ஒன்றுக்கு 1 லட்சத்து 60,000 லிட்டர் பாலை, அதன் மதிப்பு நாள் ஒன்றுக்கு, லிட்டர் 20 ரூ என்று கணக்கிட்டாலும் தினமும் 32 லட்ச ரூபாயை கொள்ளை அடித்த லாரி முதலாளி, வைத்யநாதன் என்பவர் உடன், 16 பேர்களை மட்டும் கைது செய்து, பாவ்லா காட்டி வருகிறது காவல் துறை. இதற்கு உடந்தையாக இருந்த ஒவொரு லாரியின் ஓட்டுனர் மற்றும் கிளீனர்கள் என்று 160 பேர்கள் இந்நேரம் கைது செய்யப் பட்டிருக்க வேண்டுமே. ஏன் இதுவரை கைது செய்ய வில்லை? யாருக்கெல்லாம் இதன் பங்கு போனது? இந்த வழக்கு உடனடியாக சிபிஐ க்கு மாற்றப்பட்டு விசாரிக்கப் பட்டால், மேலும் பலர் சிக்குவர்.
இந்த லட்சணத்தில் இரக்கமின்றி பால் விலையை லிட்டர் ஒன்றுக்கு, 10 ருபாய் உயர்த்தி பிரச்சினையிலிருந்து திசை திருப்ப பார்கிறது பன்னீர் அரசு!

2014-08-30T11:21:00.001+05:30

EIGHT OUT OF 10 BILLIONERS ARE FROM UNITED STATES

Current rankings

In additional to their yearly list, Forbes maintains a top 10 list that is updated daily based on market fluctuations. As of July 29, 2014, the world's 10 wealthiest individuals were as follows:^[5]

No.	Name	Net worth (USD)	Age	Citizenship	Source(s) of wealth
70001000000000000001	Slim, CarlosCarlos Slim	$82.2 billion	74	Mexico	Telmex, Grupo Carso
70002000000000000002	Gates, BillBill Gates	$80.6 billion	58	United States	Microsoft
70003000000000000003	Buffett, WarrenWarren Buffett	$64.2 billion	83	United States	Berkshire Hathaway
70004000000000000004	Ortega, AmancioAmancio Ortega	$60.7 billion	78	Spain	Inditex Group
70005000000000000005	Ellison, LarryLarry Ellison	$49.3 billion	69	United States	Oracle Corporation
70006000000000000006	Koch, CharlesCharles Koch	$40.2 billion	78	United States	Koch Industries
70007000000000000007	Koch, DavidDavid Koch	$40.2 billion	74	United States	Koch Industries
70008000000000000008	Bettencourt, LilianeLiliane Bettencourt & family	$37 billion	91	France	L'Oreal
70009000000000000009	Walton, ChristyChristy Walton & family	$37 billion	59	United States	Wal-Mart
700110000000000000010	Walton, JimJim Walton	$34.4 billion	66	United States	Wal-Mart

2014-07-27T07:11:00.000+05:30

எத்தனை இந்திரன்கள் மாறினாலும் இந்திராணி மட்டும் மாற மாட்டங்களாம். அப்படிதான் இருக்கிறது நம்ம ஆட்சியாளர்கள் கதை.
காங்கிரஸ் ஆட்சியில் விலைவாசி விண்ணை முட்டுகிறது.
காங்கிரஸ் ஆட்சியில் ஊழல் மலிந்து விட்டது.
காங்கிரஸ் ஆட்சியில் பெண்களுக்கு பாது காப்பு இல்லை.
காங்கிரஸ் ஆட்சியில் காய்கறிகளின் விலை சாதாரண மக்கள் வாங்கி சாபிடும்படியாக இல்லை.
காங்கிரஸ் ஆட்சியில் தமிழக மீனவருக்கு பாதுகாப்பில்லை.
ஆனால் நாங்கள் ஆட்சிக்கு வந்தால் நிலைமையை தலைகீழ் மாற்றிக் காட்டுவோம்.என்று பொய்யான வாக்குறுதிகளை அள்ளி வீசி காஷ்மீர் முதல் கன்னியாகுமரி வரை அனைத்து இந்தியர்களின் வாக்குகளையும் அள்ளி அரியணையில் அமர்ந்த மோடி அவர்களே!
மேற்கண்ட எதாவது ஒன்றில் நிலைமையை மாற்ற நீங்கள் எடுத்த முயற்சிகள் என்னென்ன?
ஆட்சிக்கு வந்து 45 நாட்களில் 3 தடவை பெட்ரோல் டீசல் விலைகளை ஏற்றிநீர்களே, இதனால் மாற்ற பொருகளின் விலைகள் தாறுமாறாக உயரும் என்பது தங்களுக்கு தெரியாதா?
நாள் தவறாமல் நடந்தேறும் தமிழக மீனவர்கள் கைது, அவர்களுடைய படகுகள் பறிமுதல், ஆகியவைகளை நிறுத்த ஒரு துரும்பையாவது கிள்ளி போட்டீர்களா?

உங்கள் ஆட்சியில் ஒன்று நன்றாகவே நடக்கிறது. அதுதான் மத துவேஷம். தான் கேட்டபடி அந்த உணவு விடுதியில் உணவு கிடைக்கவில்லை என்பதற்காக, அங்கு பணியாற்றிக் கொண்டிருந்த முஸ்லிம் ஊழியர், அவர் ரம்ஜான் நோன்பு அனுஷ்டிக்கிறார் என்று தெரிந்தும், அவர் வாயில் கட்டாயமாக ஒரு சப்பாத்தியை திணித்து அவர் விரதத்தை கலைத்து தன் மத வெறியை காட்டிக் கொள்கிறார் ஒரு சிவ சேனா பாராளுமன்ற உறுப்பினர்.

ஆனால் இதையெல்லாம் எதிர்பார்த்தோம் நாங்கள், அதுதான் நடக்கிறது.
மோடியின் நடவடிக்கைகள் எல்லாவற்றிலும் அவருடைய அனுபவமின்மை தெரிகிறது. ஆட்சிக்கு வருவதற்கு முன் அவர் நிறைய பேசி வந்தார். தற்போது அவரை சுற்றி உள்ளவர்கள்தான் வாய்கிழிய பேசிக் கொண்டிருக்கிறார்கள். காரியங்களில் எந்த முன்னேற்றமும் தெரிய வில்லை.

நம் இந்தியாவை அந்த ஆண்டவன்தான் காப்பாற்ற வேண்டும்.....தொடரும்.

2014-07-23T09:20:00.001+05:30

மாம்பழ பிரியர்களுக்கு ஒரு மகிழ்ச்சியான செய்தி:

தற்பொழுது, மகாராஷ்டிரா வை சேர்ந்த விவசாய விஞ்ஞானிகள், கொட்டையே இல்லாத மாம்பழத்தை உருவாக்கியுள்ளனர். மாம்பழ விளைச்சலில் மகாராஷ்டிரா,பீகார், தமிழகம், ஆந்திரா ஆகிய மாநிலங்கள் முன்னிலையில் இருந்து வருகின்றன.

தற்பொழுது, மகாராஷ்டிரா இந்த கண்டுபிடிப்பை நிகழ்த்தியிருக்கிறது. ஒரு மாம்பழத்தின் எடை சுமார் 200 கிராம் வரை இருக்குமாம். இதனால் மாம்பழ ஏற்றுமதி வாய்ப்பு அதிகரிக்கும் என விவசாயிகள் நம்புகிறார்கள்.

ஆனால் என் கவலையெல்லாம் ஒண்ணுதான்.மாம்பழத்தை சாப்பிட்டுவிட்டு அதன் கொட்டைப் பகுதியை ஒரு கால் மணிநேரம், உறிஞ்சி சாப்பிடும் சுவையை இழந்து விடுவோமே.

2014-06-09T05:20:00.000+05:30

கடந்த வாரம் தான் மோடி அவர்கள் தான் மந்திரி சபைக்கும் எம்பிகளுக்கும் அறிவுரை சொல்லியிருந்தார். தாங்களே தங்களை, பி.ஜே,பி.யின் செய்திதொடர்பாளர் என்று நினைத்து தங்களுக்கு சம்மந்த மில்லாதவைகளைப் அறிக்கை கொடுக்க வேண்டாம், முதலில் தங்கள் தொகுதியைப் பற்றி நன்கு புரிந்து கொண்டு அங்குள்ள குறைகளைக் களைய பாடு படுமாறு கேட்டுக் கொண்டார்.
அடுத்த நாளே கர்நாடகத்தை சேர்ந்த திரு.அனந்த குமார் பத்திரிகையாளர்களை சந்தித்து, காவிரி மேலாண்மைக் குழுவை அமைப்பது தங்கள் அஜண்டாவில் இல்லை என்று கூறி இருக்கிறார். உச்ச நீதி மன்றத்தின் தீர்ப்பை மதிக்காமல் பேச இவருக்கு யார் அதிகாரம் கொடுத்தது. இது மந்திரி சபை கூடி எடுத்த முடிவா? இது இவருக்கு தொடர்புடைய இலாக்காவா? இவர் பார்க்க வேண்டியது ரசாயனமும் உரங்கள் உற்பத்தி பற்றி. இவருக்கு ஏன் இந்த வேண்டாத வேலை? இப்படித்தான் காங்கிரசும் கெட்டது, இவர்களும் கெடப் போகிறார்கள். தலைக்கு தலை நாட்டாண்மை இருந்தால், ஒரு அரசு உருப்பட்ட மாதிரிதான்.

2014-06-02T15:20:00.001+05:30

உங்களில் பலருக்கு இந்த அனுபவம் கிடைத்திருக்கலாம். எனக்கு இருதயத்தில் பை பாஸ் சர்ஜரி செய்து இப்போது மருத்துவர்கள் மற்றும் மருந்துகள் உதவியோடு வாழ்ந்து வருகிறேன்.
சமீபத்தில் நான் வழக்கமாக செக் அப் செய்து கொள்ளும் மருத்துவ மனைக்கு சென்றேன். ECG மற்றும் சில பரிசோதனை செய்து கொண்டு வருமாறு சொன்னார்கள். எல்லாவற்றையும் எடுத்துக் கொண்டு சிறப்பு மருத்துவரின் ஆலோசனைக்காக காத்திருந்தேன்.
என்னுடைய முறை வந்ததும் உள்ளே சென்று மருத்துவரிடம் எல்லாவற்றையும் சமர்பித்தேன். ECG -ஐ பார்த்து விட்டு சென்ற முறை எடுத்த ECG -ஐ கொண்டு வந்திருகிறீர்களா என்றார். நானும் பழைய ECG -ஐ காட்டினேன். அதை திறந்து பார்த்த அவர், அதில் ஒன்றும் தெரிய வில்லையே, எல்லாம் வெளுத்து போய் இருக்கிறதே என்றார். 6 மாதத்துக்கு முன்பு எடுக்கப்பட்ட ECG ஆனால் அதில் பார்பதற்கு ஒன்றும் இல்லை. அதற்கு அவர் ECG எடுத்த வுடன் நீங்கள் ஒரு ஜெராக்ஸ் எடுத்து வைத்து இருக்க வேண்டும் என்றார்.
எவ்வளவோ கண்டு பிடித்த நம் மருத்துவ உலகம் ECG மைக்கு நிலையாக தங்க ஒரு வழி கண்டு பிடிக்க வில்லையே என்ற ஏக்கம் தான் என்னுள் எழுந்தது. சம்பந்தப் பட்டவர்கள் இதை தீர்பதற்கு ஒரு வழி கண்டு பிடிப்பார்களா? அல்லது ஜெராக்ஸ் கடையை தேடி ஓட வேண்டுமா?

2014-05-30T09:17:00.001+05:30

ஆரம்பிச்சிடாங்கையா ஆரம்பிச்சிடாங்க ..!!!.....

மத சார்பற்ற கட்சிகளெல்லாம் பயந்த மாதிரியே ஆரம்பிச்சிடாங்க .....

கிடக்கிறது கிடக்கட்டும் கிழவனை தூக்கி மடியில வைங்கன்றமாதிரிஅவங்க அவங்க இஷ்டத்துக்கு பேச ஆரம்பிசிடாங்கயா.... யாரோ ஜிதேந்தர் சிங்காம், முன்னாலே நம்ம நாராயணசுவாமி பார்த்த இலாக்காவை கையில் வச்சிருக்கிறவர். பதவி ஏற்ற மறுநாளே ஆர்டிகல் 370 பற்றி பேச ஆரம்பிச்சிருக்காரு, அப்படி என்ன அவசரம் இவருக்கு? தேர்தல் அறிக்கையில் உள்ள பாய்ண்டாக இருந்தாலும் ஒரு டைமிங் சென்ஸ் இவருக்கு இல்லையே. மந்திரிசபை முதல் கூட்டமே இன்னும் நடக்கலே. எதுக்கு எப்போ பிரியாரிட்டி கொடுக்கணும் என்று கூடவா இவருக்கு தெரியவில்லை.

இதுதான் சாக்குன்னு காஷ்மீர் முதல்வர் பதிலுக்கு ஆர்டிகல் 370-ஐ கையில் எடுத்தால் காஷ்மீர் என்கிற மாநிலம் இந்திய வரைபடத்திலிருந்து எடுக்கப் படும் என்று அறிக்கை.

இது தவிர நமது சிவப்பு துண்டு தோழர்கள் வேறு தங்கள் பங்கிற்கு அறிக்கை. இதெல்லாம் தேவையா? நல்ல வேலை இந்த விவகாரங்கள் எல்லாம் பிரதமர் காதுக்கு போய், சம்பந்தப்பட்ட அமைச்சர்களுக்கெல்லாம் ஒரு அவசர சுற்றறிக்கையை அனுப்பி, யார் யார் பத்திரிகைகளுக்கு பேட்டி கொடுக்க அதிகாரம் உண்டு என்று தலையில் குட்டி தற்போதைக்கு உட்கார வைத்திருக்கிறார்.

புதிய அரசு, நாட்டுடைய வளர்ச்சி, நல்வாழ்வு, வேலையில்லா திண்டாட்டத்தை ஒழிப்பது, விலை வாசியை குறைப்பது, பண வீக்கத்தை குறைக்க நடவடிக்கை எடுப்பது, அண்டை நாடுகளோடு நல்லுறவைப் பேணுவது, தீவிரவாத ஒழிப்பு போன்ற காரியங்களில் மட்டுமே இப்போதைக்கு கவனம் செலுத்துவது, ஆள்பவருக்கும், மக்களுக்கும் நல்லது. செய்வார்களா?

2014-04-14T10:13:00.000+05:30

என்னுடைய தமிழ் புத்தாண்டு நினைவூட்டல்
" தீதும் நன்றும் பிறர் தர வாரா"
"உன்னுடைய வெற்றிக்கும் தோல்விக்கும் பிறரைப் பொறுப்பாக்காதே"
என்பது தான் இன்றைய என் செய்தி. இந்த ஆண்டு முழுவதும் உன் செயல்கள் அத்தனையும், வெற்றியாக்கிக் கொள்ள என் வாழ்த்துக்கள்.

2014-04-12T11:27:00.001+05:30

"கொடும, கொடுமைன்னு பக்கத்தூருக்கு போனானாம்., அங்க ரெண்டு கொடும ஜிங்கு ஜிங்குன்னு ஆடுச்சாம்". அந்த மாதிரி கதையா, ஊட்டி மாதிரி இல்லாட்டாலும் ஒரு ஏற்காடு மாதிரியாவது இருக்குமுன்னு பெங்களுரு வந்தா, இங்கோ சுட்டெரிக்கும் வெயில், இரவிலும் வெயிலின் தாக்கம் தொடர நொந்து விட்டோம்.
இந்த லக்ஷனதிலே பவர் கட் வேறு. பகல் இரவு பார்க்காமல் எல்லா நேரங்களிலும் பவர் கட்டோ கட்டு. தமிழ்நாட்டிலாவது பரவாயில்லை தலை நகரங்களில் மட்டும், சொல்லிவிட்டு செய்கிறார்கள். இங்கு அதெல்லாம் கிடையாது. இன்னொரு பக்கம் தண்ணீருக்கு ஜனங்க ஆலாய்ப் பறக்கிறார்கள். தண்ணீர் சப்ளை செய்பவர்கள் நல்லாவே கல்லா கட்டுகிறார்கள்.
இதெல்லாம் மறந்து விட்டு இங்குள்ள முதன் மந்திரி நம்ம ஊரான கோயம்பத்தூருக்கு மெனக்கிட்டு வந்து இங்குள்ள தொழில் முனைவோரை எல்லாம் ஆசைக்காட்டி, எங்கவூருக்கு வந்து தொழில் தொடங்குங்கன்னு,கூப்பிடுவது வேடிக்கையாக இருக்கிறது. நினைப்புதான் பொழைப்பை கெடுக்குது.

2014-01-20T22:10:00.001+05:30

காங்கிரசின் கலாசாரம் இது தான்!

போலிச அவங்க கையில வச்சுக்குவாங்களாம், ஆனா சட்டம் ஒழுங்க மாத்திரம் கேஜ்ரிவால் காப்பாத்தி ஆகணுமாம். இது என்னடா கூத்தா இருக்கே.
ஜன நாயகப்படி தேர்ந்து எடுக்கப் பட்ட ஒருவர், தனக்கு கீழ்ப் படியாத அதிகாரிகளை ஒண்ணுமே செய்ய முடியாத பட்சத்திலே, கேஜ்ரிவால் போராடுவதில் என்ன தப்பு? தலைமுறையா தலைமுறையாய் ஆட்சியில் இருந்து ருசி கண்ட காங்கிரெஸ், தற்போது அடுத்தவங்க ஆளும்போது சகிச்சிக்க முடியாமல் இப்படி செய்வது ஒன்றும் ஆச்சரியப் படும் விஷயமா எனக்கு தோன்றலே. அவர்களுடைய கலாசாரம் அப்படி.

2014-01-05T09:33:00.002+05:30

சூரிய சக்தி மூலம் மிகப் பெரிய மின்சார உற்பத்தி ஆலை , இங்கல்ல அமெரிக்காவில் ....படியுங்கள்.

அமெரிக்கா வின் கலிபோர்னியா மாகாணத்தில், உலகின் மிகப் பெரிய சூரிய ஒளி மூலம் மின்சாரத்தை உற்பத்தி செய்ய நிறுவப் பட்டிருக்கிறது. இந்த ஆலையின் மொத்த பரப்பளவு 3500 ஏக்கர் . உற்பத்தி செய்யப்படும் மின்சாரத்தின் அளவு 392 மெகா வாட் ஆகும்.

ஆனால், உற்பத்தி செய்யப் படும் முறையில் தான் ஒரு வித்தியாசம் . வழக்கமான போடோ வோல்டாயிக் பேனல்கள் மூலம் நேரடியாக எடுக்காமல் வேறு வகையில் மின் உற்பத்தி செய்யப் படுகிறது.

அதாவது, நீரை ஒளி பிரதி பலிப் பான் கள் மூலம் சூடாக்கி, நீராவியாக்கி பிறகு அந்த நீராவியை கொண்டு டர்பைனை சுழளச் செய்து பின்பு அதன் மூலம் மின்சாரம் தயாரிக்க படுகிறது என்பது தான் இதன் சிறப்பு.

இதில் என்ன இடிக்கிறது என்று சொன்னால் இது நிறுவப் பட்டிருக்கும் இடம் ஒரு பாலைவனம். நீராவி தயாரிக்க தண்ணீருக்கு எங்கு செல்வார்கள் என்பது எனக்குள் எழுந்திருக்கும் கேள்விக் குறி. ஆனால் ஏகப்பட்ட இயற்கை வளங்களையும், வெறும் 9 கோடி ஜனத் தொகையை கொண்ட அமெரிக்காவில் எதுவும் சாத்தியமே. தண்ணீருக்கு ஆலாய் பறக்கும் தமிழகத்திலேயே 280 கிலோமீட்டர் தூரத்திலுள்ள வீரானதிலிருந்தும், 390 கிலோமீட்டர் தூரத்தில் உள்ள காவிரியிலிருந்தும் சென்னைக்கு நீரை கொண்டுவர திட்டமிடுவதை போல, அமெரிக்காவுக்கு வசதி தான் இல்லையா?

இதனால் பயனடையப் போகும் வீடுகளின் எண்ணிக்கை மொத்தம் 2 லட்சம். இதன் பங்குதாரர்கள் யார் யார் தெரியுமா? மென்பொருள் உற்பத்தியாளர் கூகிள், NRG என ர் ஜி கம்பெனி , பிரைட் சோர்சஸ் என ர் ஜி, பெக்டெல் ஆகிய நிறுவனங்கள் ஒன்று சேர்ந்து இந்த மாபெரும் சாதனையை புரிந்திருக்கின்றன.

இதில் நீராவியாக்கப் படும் சக்தியை ஒருமுக படுத்தி கொ ண்டு சென்று டர்பனில் செலுத்தி மின்சாரத்தை உற்பத்தி செய்வதற்காகவே இதன் மத்தி யில் 459 அடி உயர கோபுரம் ஒன்று உருவாக்கப் பட்டிருக்கிறது.

ஆனால் இந்த திட்டத்தையும் குறை கூறுவோர் இருக்கத்தான் செய்கிறார்கள்.
சுற்று சுழல் ஆர்வலர்கள் இங்கிருந்த "பாலைவன ஆமைகள்" எல்லாம் இதனால் இடம் பெயர்ந்துவிட்டதாக தங்கள் கவலையை தெரிவித்து இருக்கின்றனர்.

எது எப்படியோ எல்லாவற்றையும் புறம் தள்ளிவிட்டு கிடைக்கப் போகிற மின்சார வசதிகளை அனுபவிக்கத் தயாராகி விட்டார்கள் கலிபோர்னிய மக்கள். அவர்களுக்கு ஒரு நாளுக்கு பத்து மணி நேரம் வரை மின்சாரமே இல்லாமல் வாழ்ந்து கொண்டு இருக்கும் தமிழக மக்களின் பெரு மூச்சுடன் கூடிய வாழ்த்துக்கள் ........இரா.குமாரசாமி, சென்னை ஆவடி.

அடுத்து நம்ம ஊரில் இதைப் போல் என்ன நடக்கிறது என்று பிறகு பார்போம்.

2013-12-19T08:43:00.002+05:30

தேவயாணியும் அமெரிக்காவின் சிலுமிஷமும். கடைசி வரை படியுங்கள்.
நான்கு ஐந்து நாட்களுக்கு முன்பு அமெரிக்காவில் நடந்த நிகழ்ச்சியிது.

தன் குழந்தையை பள்ளிகூடத்தில் விடுவதற்காக வந்த அமெரிக்காவில் இந்திய துணை தூதராக பணிபுரிகின்ற திருமதி தேவயாணி கோபர்கடே என்பவர் அமெரிக்க காவல் துறையினரால் கைது செய்யப் பட்டு கை விலங்கு இடப் பட்டு விசாரணைக்காக அழைத்து செல்லபட்டிருக்கிறார். இது இந்திய அளவிலும் உலக அளவிலும் அதிக அதிர்ச்சி அலைகளை ஏற்படுத்தியிருக்கிறது.

அமெரிக்காவிற்கு இது போன்ற செய்கைகள் ஒன்றும் புதிதல்ல. ஏற்கனவே நம்முடைய பாதுகாப்பு அமைச்சர் ஜார்ஜ் பெர்னாண்டஸ், நடிகர் கமலஹாசன், சல்மான்கான் போன்ற இன்னும் பலர் அவமதிக்கப் பட்டு இருக்கிறார்கள். அவமானப் படுத்துவதும், பிறகு மன்னிப்பு கேட்பதும் அமெரிக்காவின் வாடிக்கைதான்.

இது இந்திய இறையாண்மைக்கு விடப்பட்ட சவால் என்று பல்வேறு குரல்கள் எழுவதோடல்லாமல் பலரையும் புருவத்தை உயர்த்த வைத்திருக்கிறது. இன்னொரு நாட்டு தூதர்கள் எப்படி நடத்தப் பட வேண்டும், என்ன என்ன சலுகைகளை அனுபவிக்கலாம் என்று ஏற்கனவே அணைத்து நாடுகளாலும் ஏற்றுக் கொள்ளப்பட்ட விதிகள் இருக்கின்றன. இதையெல்லாம் காலில் போட்டு மிதிக்கின்ற திமிர் அமெரிக்காவுக்கு எப்போதும் உண்டு. தேவயாணி மீது இருந்த குற்றச்சாட்டு என்ன? இவர் தன் வேலைக் காரியை அங்கு அழைத்து செல்ல போலியான ஆதாரங்களை தந்ததாகவும்,அந்த வேலைக் காரிக்கு அமெரிக்க தொழிலாளர் சட்டப் படி சம்பளம் கொடுக்கவில்லை என்று அந்த இந்திய வேலைக்காரியே கொடுத்த ஒரு புகாரின் பேரில்தான் இவரைக் கைது செய்ததாக போலீஸ் தரப்பு சொல்கிறது.

உடனே நடந்தது என்ன தெரியுமா? இங்குள்ள அமெரிக்க தூதரகத்தின் பாதுகாப்பு நடவடிக்கைகள் திரும்ப பெறப்பட்டன. ஒவொரு மாநிலத்தில் உள்ள துணை அமெரிக்க தூதரகத்தின் முன்னாலும் கண்டன ஆர்பாட்டங்கள் என அமல் துமல் பட்டுக் கொண்டிருக்கிறது. இதெல்லாம் சரியானதுதான். வரவேற்கப் பட வேண்டியதுதான்.

ஆனால், எனக்குள் இன்னமும் ஒரு சந்தேகம், அரித்துக் கொண்டிருக்கிறது. நானும் பல நாட்களாக கவனித்துக் கொண்டிருக்கிறேன். ஒரு வட இந்தியர் ஆஸ்திரேலியாவிலோ அல்லது அமெரிக்காவிலோ இது போன்று பாதிக்கப் பட்டால் அடுத்த நொடி அது இந்திய பாராளு மன்றத்தில் உடனே எதிரொலிக்கிறது. ஆனால் இலங்கை கடற்ப படையினரிடம், அன்றாடம் செத்து மடியும் தமிழக மீனவர்களின் குரல்கள் மாத்திரம் பிரதமருக்கும் இந்த பாராளுமன்ற உறுப்பினர்களுக்கும் கேட்பதில்லையே.
இதைதான் "ரத்தம் தண்ணீரைவிட திக்கானது " என்று சொல்கிறார்களோ?

இதுபோன்ற விஷயங்களில் கைது தேவையா அதுவும் ஒரு தூதரை கைது செய்யும்போது பின் பற்ற வேண்டிய விதிகள் எனென்ன என்று கருத்தில் கொள்ளாமல் செய்ததுதான் தவறு என்று பலவிதமான ஆர்பாட்டங்கள், நமது பாராளுமன்றத்தில் எதிர்ப்புக் குரல்கள்.

2013-12-16T11:59:00.003+05:30

பாராளுமன்ற தேர்தலில் யாருடன் கூட்டணி?

தி.மு.க பொதுக் குழுவில் கூட்டணி பற்றி எடுக்கப் பட்ட முடிவுகளை 99 சதவித கட்சியினர் வரவேற்பார்களே யன்றி யாரும் குறை சொல்லப் போவதில்லை. காரணம், கடந்த 2009 க்கு முன்பாகவும் அதற்கு பிறகும் இலங்கை விஷயத்தில் காங்கிரஸ் நடந்து கொண்ட முறை பற்றி எந்த தமிழனுக்கும் உடன் பாடில்லை. அவர்களுக்கு ஆயுதங்கள் கொடுத்து உதவியும் பயிற்சி கொடுத்தும் இலக்ஷக் கணக்கான தமிழர்களை கொன்று குவிக்க உறுதுணையாக இருந்த காங்கிரஸ் கட்சிக்கு இது நாள் வரை பல்லக்கு சுமந்ததே போதும் என தி.மு.க தொண்டர்கள் நினைக்கத் தொடங்கி ஆண்டுகள் பலவாயிற்று.

அதே மாதிரி நமது மீனவர்களை பற்றி கிஞ்சித்தும் அக்கறை கொள்ளாமல் தினமும் இலங்கை கடற்படையினரிடம் கைது, சித்திரவதை படகுகள் பறிமுதல் மீன்கள் பறிமுதல் சிறை வாசம், துப்பாக்கி சூடு முதலிய அநியாயங்கள் நடந்தேறியதை கை கட்டி வேடிக்கை பார்த்த மத்தியில் ஆளும் கட்சியாயிருந்த காங்கிரஸ் உறவு நமக்கு தேவையில்லை. அதனால் வரும் லாபமும் நமக்கு தேவையில்லை என்பதில் தி.மு.க தொண்டர்களும் ஆதரவாளர்களும் மிகவும் உறுதியாக இருக்கிறார்கள்.

அதே போல் இலங்கை விஷயத்தில் காங்கிரஸ் கொள்கைகளையே சற்றும் வேறுபாடில்லாமல் பின் பற்றும் பாரதிய ஜனதா கட்சியும் நமக்கு தேவையில்லை என முடிவு எடுத்திருப்பது மிகவும் அறிவு பூர்வமான செயல்.

மைனாரிட்டி முஸ்லிம்கள் விஷயத்தில் அந்த கட்சியினருடைய நிலைப் பட்டை நாடே அறியும். ஊழல் விஷயத்தில் காங்கிரசுக்கு எந்த அளவிலும் சற்றும் குறைந்தது அல்ல என்று நிருபித்த பிஜேபி மற்றும் தமிழ் நாட்டிற்கு வளம் ஏற்படுத்த கலைஞர் ஆட்சியின் போது துவக்கப் பட்ட சேது கால்வாய் திட்டத்தையும் மதத்தின் பெயரால் முட்டுக் கட்டை போட்டு நிறுத்தி வைத்திருக்கும் பிஜேபி கட்சியுடனும் நமக்கு ஓட்டோ உறவோ வேண்டாம் என்று அறிவித்த கலைஞரின் இந்த தீர்மானத்தை மானமுள்ள எந்த தமிழனும் வரவேற்பான் என்பதில் துளி அளவும் எனக்கு சந்தேகமில்லை.

2013-12-13T05:53:00.003+05:30

சரோஜா அக்கா ....சில நினைவுகள்.

போன சனிக்கிழமை நான் என் கடைசி அக்காவை இழந்தேன். மொத்தம் எனக்கு அஞ்சு அக்கா, அதிலே இரண்டு அக்காவை எனக்கு ரொம்ப பிடிக்கும். அதுலே ஒரு அக்காதான் இவங்க. எனக்கு பள்ளி பருவங்களில், இவர்கள்தான் மிகவும் உதவிகள் செய்து வந்தார்கள். அப்பல்லாம் நான் சரியாக பல் விளக்க மாட்டேனாம், அதுக்கு இவங்கதான் மாடத்திலிருக்கும் சாம்பலை எடுத்து பின்னால் நின்றுகொண்டு என் பல்லை துலக்கி விடுவார்கள். அப்பெல்லாம் பிரஷாவது பசையாவது?

அப்போதெல்லாம் பெண்கள் வீட்டு விலக்கானால் தெரு வாசல் அருகே இருக்கும் கூடத்தில் அமர வைத்து விடுவார்கள். அவர்கள் யாரையும் தீண்டக் கூடாது. அந்த நேரத்தில் பள்ளிகூடத்தில் இருந்தும் திரும்பும் நான், வேண்டும் என்றே அவர்களை தொட்டு விட்டு உள்ளே ஓடுவேன். என் அக்கா என்னை துரத்திப் பிடித்து, என் சட்டைகளை முழுவதுமாக உருவிக்கொண்டு அம்மணமாக உள்ளே அனுப்புவார்கள். பிறகு நேரடியாக கிணத்தடி சென்று தலையில் தண்ணீர் உற்றிக் கொண்டுதான் மீண்டும் உள்ளே சென்று வேறு சட்டை அணிந்து கொண்டு உள்ளே செல்ல வேண்டும். இப்போது காலாவதி ஆகிவிட்ட இந்த வழக்கம், இன்னும் எந்த பிராமணர் வீட்டிலயாவது இருக்குமா என்பது தெரிய வில்லை. கிராமங்களில் ஒரு வேளை இருக்கக் கூடும். ஆனால் இதை தேவையற்றது என்று கருத முடியாது. பெண்களுக்கு அந்த நாட்களில் பூரண ஒய்வு கொடுப்பதற்காகவே, இந்த வழக்கத்தை மேற்கொள்ள செய்தார்கள். தனிக் குடித்தனம் சென்ற பிறகு பூவாவிற்கு என்ன செய்வதுன்னு குளித்துவிட்டு அன்றய காரியங்களை பார்த்து தானே தொலைக்க வேண்டியிருக்கு. ஆனா நகரங்களிலே இருக்கவே இருக்கு பார்சல் டிபன். ஓரளவுக்கு சமாளிக்கலாம்.

என் சரோஜா அக்காவை மறப்பதற்கு நீண்ட நாளாகும்.

GAY SEX

2013-12-13T05:50:00.000+05:30

ஒரு ஆணும் ஆணும் செக்ஸ் வச்சிக்குவான்கலாம், ஒரு பெண்ணும் இன்னொரு பெண்ணும் செக்ஸ் வச்சிப்பான்கலாம், என்ன கருமண்டா இது? இதுக்கு ஒரு ஹைகோர்ட் ஓகே சொல்லிடுத்து. அப்பால இந்த தீர்ப்பை எதிர்த்து எவனோ உச்ச நீதிமன்றத்துக்கு போனானாம், அது என்ன தீர்ப்பு சொல்லுசின்னா அப்படி செக்ஸ் வசிக்கினா அது குத்தம் அப்படின்னுச்சி. இந்த சமூகம் எங்க போயிட்டு இருக்கு? இயற்கைக்கு மாறா எவனும் இல்லே எவளுங்களும் தப்பு பண்றதை நான் வெறுக்கிறேன்.

இந்த லக்ஷனதிலே நம்ம சோனியா காந்தி அம்மாவும் அவர் மகன் ராகுல் காந்தியும் இந்த உச்ச நீதி மன்ற தீர்ப்பு குறித்து கவலை தெரிவித்து இருக்காங்களாம்.என்ன கொடுமை சார், இது? கிடக்கிறது கிடக்கட்டும் கிழவனை தூக்கி இடுப்பிலே வையுன்னு சொன்னானாம், இது எப்படி இருக்கு?

ஆனா ஒன்னு....இதுலேயும் ஒரு லாபம் இருக்கு, என்னனுன்னு கேட்கிறிங்களா, வளர்ந்து வரும் ஜனத்தொகையை இது கட்டுபடுத்தலாம். விவஸ்தை கேட்ட சமூகம், விவஸ்தை கெட்ட அரசியல் வாதிகள். என்ன கருமண்டா?

sri.Paal thakkare is dead, but...

2012-11-18T05:39:00.003+05:30

திரு.பால் தாக்கரே அவர்கள் மறைவுக்குப் பிறகு என்ன நடக்கும்?

ஒன்று பட்ட இந்தியா, ஏக இந்தியா என்று சொல்லிக்கொண்டே நம்மை சுரண்டும் அரசியல்வாதிகள் ஒருபுறம் இருந்தாலும்
வேலை வாய்ப்பு அதிகம் உள்ள நகரங்களுக்கு குடிபெயர்வது எல்லா நாடுகளிலும் நாம் சாதாரணமாக காணுகிற இயற்கையான,
தவிர்க்க முடியாத ஒன்றுமாகும். ஆனால் ஒரே நாட்டில் வேலை நிமித்தம் குடிபெயரும் மக்கள், அந்த இடத்தில் தங்கள் உரிமைகளை விட்டுக் கொடுத்து இரண்டாம் தர குடிமக்களாக வாழ்கின்ற கொடுமை இந்தியாவில் மட்டும் தான் நடக்கும்.

இந்திய இறையாண்மையை மதிக்காமல், இந்திய அரசியல் சட்டத்தையும் மதிக்காமல் 'மண்ணின் மைந்தர்கள் ' என்ற கோஷத்தையும் , "மராட்டியம் மராட்டியர்களுக்கே" என்ற கோஷத்தையும் கையில் எடுத்து கொண்டு, மும்பையை தன் கையில் வைத்திருந்து நேற்று மறைந்த திரு.பால் தாக்கரே, தனக்கென ஒரு கட்சியையும் ஆரம்பித்துக் கொண்டதைக் கூட ஓரளவு மன்னிக்கலாம்.
ஆனால் வெறும் வோட்டுகளுக்காக அவருடன் கைகோர்த்து கொண்டு அரசியல் நடத்திய தேசிய கட்சிகளான காங்கிரசையும், பாரதீய ஜனதாக் கட்சிகளையும் என்ன வென்று சொல்வது? இவர்களுக்கும் தாதாக்களுடன் கை கோர்த்து பிழைப்பு நடத்துகிற சில காவல் துறை அதிகாரிகளுக்கும் என்ன வித்தியாசம் இருக்க முடியும்?

திரு .தாக்கரே அவர்களின் மறைவுக்கு பிறகாவது, அங்கு வாழ்கிற தமிழர்களுக்கும் , கேரளத்து இளைங்கர்களுக்கும் , பின் தங்கிய பீகாரிலிருந்து,இண்டர்வியுவுக்கு செல்லும் அப்பாவி பீகாரிகளுக்கும் இனி நிம்மதிகிடைக்குமா, அல்லது அவர்கள் வாரிசுகள் அதே கொள்கைகளை கையில் எடுத்துக் கொண்டு, அதே அடிதடி அரசியல் நடத்த போகிறார்களா என்பது போக போகத்தான் தெரியும்.

PAMARANUM KANINI VAZHI RAYIL TICKETTUM.

2012-11-03T16:48:00.003+05:30

பாமரன் சொந்த ஊரில் பண்டிகையை கொண்டாட வழி பிறக்குமா?

தீபாவளியை முன்னிட்டு வழக்கமாக ஓடுகின்ற தொடர் வண்டிகள் தவிர, பண்டிகைகளை கொண்டாட சொந்த ஊருக்கு செல்லும் ஆயிரக்கணக்கான பொது மக்களின் நலனை கருத்தில் கொண்டு தெற்கு இரெயில்வே இந்த தீபாவளிக்காக 14 சிறப்பு ரயில்களை விடுகிறது. அதன் டிக்கெட் முன் பதிவு செய்யும் நிகழ்ச்சி இன்று காலை துவங்கியது. ஆனால் துவங்கிய அரை மணி நேரத்தில் அனைத்து டிக்கட்டுகளும் ஆன்லைனில் புக் செய்யப்பட்டு தீர்ந்து விட்டன என்பது வேதனையான விஷயம். ஏறத்தாழ 20,000 டிக்கட்டுகள் கணினி மூலம் சிறிது நேரத்தில் விற்று தீர்ந்து இருக்கின்றன என்பது விஞ்ஞான வளர்ச்சியின் சாதனை என்றாலும், அதை கையில் எடுக்காத பாமர மக்கள் டிக்கட்டு கிடைக்காமல் ஏமாந்து போனது வருத்தத்துக்கு உரிய விஷயமே. இதில் பயண முகவர்களின் பங்கு கிட்ட தட்ட 60 சதவிகிதம் இருக்கும். மீதி நாற்பது சதவிகிதத்தினர் படித்த விழிபுணாச்சி உள்ள இளைஞர்களின் பங்கு.மீதி பேர் என்ன பாவம் செய்தார்கள். விடிகாலையில் வந்து துண்டு போட்டு இடம்பிடித்தவர்களால் கூட டிக்கட் பெறமுடிய வில்லை. இதற்கு காரணம் என்னவென்றால் கணினி வழி முன் பதிவு முறைதான். இது வொவொரு பண்டிகையின் போதும் ஏற்படுகின்றது.

இதை மாற்ற வேண்டுமெனில் ஒரே ஒரு வழிதான் இருக்கிறது. வழக்கமான ரயில் தவிர இது போன்ற சிறப்பு ரயில்களுக்கு கணினி மூலம் ஆன்லைனில்,முன் பதிவு கிடையாது என்று அறிவிக்க வேண்டும். முதலில் வந்தவர்களுக்கு முன்னுரிமை என்ற அடிப்படையில் முன்பதிவு மையங்களில் மட்டுமே பதிவு செய்யபடவேண்டும். ஒரு டிக்கட் கூட பயண முகவர் கையில் போகாமல் பார்த்துக்கொள்ளவேண்டும். வரிசையில் காத்துக்கொண்டிருப்பவர்கள் அனைவரும் எதாவது ஒரு புகை ப்படம் அடங்கிய அடையாள அட்டையை கையில் வைத்திருக்க வேண்டும். அப்போதுதான் படிப்பறிவு இல்லாத பாமரர்களும் பண்டிகையின் போது சொந்த ஊருக்கு போய் தங்கள் உறவினர்களுடன் சேர்ந்து பண்டிகையை சந்தோஷமாக கொண்டாடமுடியும். செய்வார்களா ரயில்வே அதிகாரிகள் ?