Nepalmandal Issues

#Nepal's national #flag deformed

2011-02-18T10:13:00.000-08:00

Sandhya Times, Feb 18

The official website of ACC Women's T20 Championship 2011 ongoing in Kuwait has posted deformed national flag of Nepal. The website www.cricketkuwait.org shows Nepal's flag as rectangular in shape and completely omits blue color of the flag. Nepal's national flag is the world's only national flag that is non-quadrilateral in shape. The flag is a simplified combination of two single pennons (triangles), crimson-red colored with blue border and emblems of the sun and the crescent moon depicted in the triangles.

नेपाःया प्यकुं लाःगु ध्वाँय्

POSTED ON FRI FEB 18, 2011 9:56 PM NST

येँ(सन्ध्या टाइम्स)/कुवेतय् न्ह्यानाच्वंगु मिसा क्रिकेटया वुमेन्स एसीसी टी-ट्वान्टी च्याम्पियनशीप २०११ आधिकारीक वेबसाइटय् नेपाःया राष्ट्रिय ध्वाँय् प्यकुं लाःगु तयातःगु दु। क्रिकेट कुवेत डट ओरजी (cricketkuwait.org) इ थुकथंया नेपाःया ध्वाँय् तयातःगु खः ।

उगु वेबसाइट चायेकेवं कासाय् सहभागि देय्या धलखय् मलेशियाया क्वसं नेपाः दुसा उकी क्लिक यायेवं नेपाःमि टीमया नां तयातःगु च्वसं नेपाःया प्यकुं लाःगु ध्वाँय् तयातःगु खः। जबकि उकिया जवय् टीम/अफिसियलया धलः दुथाय् धाःसा नेपाःया पुलांगु हे ध्वाँय् तयातःगु दु ।

http://www.nepalmandal.com/content/12777.html

International Mother Language Day to be observed in Nepal

2011-02-14T07:55:00.000-08:00

13 Feb. 2011, Sandhya Times Nepal bhasa daily

Bangladesh's embassy in Kathmandu and Lija: Nepal bhasa (Newar language) Kabita Daboo (Lija Nepal bhasa Poem forum) will organize various literary and musical programs of different languages to observe International Mother Language Day on Feb 21 in the embassy. The program will see participation from poets and singers of Nepal bhasa and other languages. Bangladeshi ambassador Dr. Nemchandra Bhoumik will chair the program that have been organized annually since 2001 by the organizations.

See the original news article below

मातृभाषा दिवस

POSTED ON SUN FEB 13, 2011 9:34 PM NST

Share5

येँ (सन्ध्या टाइम्स)/सन् २००० निसें दँय्दसं न्ह्याका वयाच्वंगु अन्तर्राष्ट्रिय मातृभाषा दिवस थुगुसी नं येँया बंगलादेश दूतावास व लिजः नेपालभाषा कविता दबूया ग्वसालय् जुइत्यंगु दु। थ्वहे फागुन ९ गते बंगलादेश दूतावासय् थीथी भाषाया साहित्यिक व संगीत ज्याझ्वः नापं ज्यापौ न्ह्यब्वयाः उगु दिवस हनेत्यंगु खः। नेपालभाषाया कवि नापं गायकपिंसं नं ब्वति काइगु उगु ज्याझ्वः बंगलादेशया राजदूत डा. नेमचन्द्र भोमिकया अध्यक्षताय् जुइ। मातृभाषा दिवस नेपालय् न्हापांखुसी बंगलादेश दूतावास व लिजःया हे ग्वसालय् सन् २००१ स जूगु खः ।

http://www.nepalmandal.com/content/12709.html

आइएलओ १६९ सम्बन्धी नेपाः सरकारया प्रतिवेदनबारे गोष्ठी

2011-02-08T00:54:00.000-08:00

Posted on Mon Feb 7, 2011 11:43 pm NST

राष्ट्रिय मानवअधिकार आयोगया ग्वसालय् आदिवासी अधिकार सम्बन्धी अन्तराष्ट्रिय घोषणापत्र आइएलओ १६९ सम्बन्धी नेपाः सरकारया न्हापांगु प्रतिवेदनयात कयाः छगू बिचाः गोष्ठी जुल ।

नेवाः देय् दबूया नायः नरेश ताम्रकारं नं ब्वति कयादीगु उगु गोष्ठी आयोगया दुजः राम नगिना सिंहया सभापतित्वय् जूगु खः । ज्याझ्वलय् डा मुक्ता सिंह लामां प्रतिवेदनय् दुगु सवल पक्ष व दुथ्याके माःगु पक्षया बारे कार्यपत्र न्ह्यब्वयादीगु खः ।

अथेहे ज्याझ्वलय् न्ववानादिसें देय् दबूया नायः ताम्रकारं सन् २००९ हे छ्वयेमाःगु प्रतिवेदन निदँ लिपा नं मछ्वःगु धासें आपत्ति प्वंकादिल । आइएलओ १६९ कार्यान्वयन यायेगु कार्ययोजना मन्त्रिपरिषदं दच्छि न्ह्यः निसें पारित मयासें थाकातःगु खँयात कयाः नं नायः ताम्राकारं कुंखिनादिल ।

वय्कलं आइएलओ १६९या प्रावधान कथं संविधान दयेकेगु इलय् आदिवासीत नाप सहलह यायेमाःगु जूसां संविधानसभां आः तक अज्याःगु सहलह यायेगु व सुझाव मुंकेगु संयन्त्र मदयेकूगु बारे नं आयोगया ध्यानाकर्षण याकादीगु खः ।

http://www.nepalmandal.com/content/12623.html

स्वदँ क्यन नेपालमण्डल डट कम

2011-02-08T00:53:00.000-08:00

Posted on Mon Feb 7, 2011 11:26 pm NST

Share41

थौं श्रीपंचमि । नेपालमण्डल डम कम थौं निदँ फुनाः स्वदँ क्यंगु दु ।

निदँतकया दुने नेपाः दुने व नेपाः पिनेया आपालं ब्वनामिपिंसं थुकियात माया, मतिना यानाः बियादीगु सल्लाह, सुझाव व प्रतिकृयां झीत अझ धिसिलाक्क न्ह्याः वनेत ह:पाः ब्यूगु दु । छिकपिनिगु हे सुझाव कथं थुगु पोर्टलयात अझ सशक्त रुपं भाषिक आन्दोलनया ख्यलय् व निष्पक्ष समाचार, अडियो, भिडियो ब्लग नापं देय् दुने व देसंपिनेया गतिविधि दुथ्याकेत झी न्ह्याःवनेगु जुइ ।

निदँ दुने छिकपिंसं क्यनादीगु मतिना व सद्धभाव प्रति नेपालमण्डल पुचःपाखें कृतज्ञता प्वंकूसें वइगु दँय् नं छिकपिनिगु माया व मतिना नापं मचा:मगा: कुला: छ्याताया अपेक्षा यासें छिकपिं सकसितं आपालं आपाः सुभाय् देछासें थःगु पलाः अझ धिसिलाक्क न्ह्याका वनेगु प्रतिवद्धता प्वंकाच्वना ।

http://www.nepalmandal.com/content/12622.html

नेवाः जागरण मञ्चया भिंतुना

Posted on Mon Feb 7, 2011 11:18 pm NST

नेपालमण्डल डट कम निदँ फुना स्वदँ क्यंगु लसताय् नेवाः जागरण मञ्चं भिंतुना देछाःगु दु ।

नेवाः जागरण मञ्चया कजि सुजीव बज्राचार्यं बियादीगु भिंतुनाय् थुगु वेबसाइटं सफलतापूर्वक निदँ पूवंकूगु सकल नेवाःतय्गु निंतिं लसताया खँ जूगु खँ न्ह्यथनादीगु दु ।

भिंतुना सन्देशय् हलिमय् न्यंकया थीथी थासय् च्वनाच्वंपिं नेवाःतय्त नं छथाय् हे च्वना थें छगू हे भावनाय् माःहना तयेगु ज्या यानाच्वंगु नेपालमण्डल डटकमया ज्या अतिकं च्वछायेबहःगु माध्यम जूगु खँ न्ह्यथंगु दु ।

नेवाः भाषा, साहित्य, कला, संस्कृति व नेवाः आन्दोलनयात तिबः बीगु ज्या यानाच्वंगु थुगु वेब साइटं निरन्तर प्रगति यासें अझ आपाः तिबः बियाः न्ह्यचिलीगु आशा नं जागरण मञ्चं प्वंकूगु दु

http://www.nepalmandal.com/content/12621.html

वर्ल्ड नेवाः अर्गनाइजेशनपाखें भिंतुना

Posted on Mon Feb 7, 2011 11:14 pm NST

Share4

हलिंन्यंक च्वनाच्वंपिं नेवाःत जाना नीस्वंगु वर्ल्ड नेवाः अर्गनाइजेशन निस्वना पुचःपाखें नेपालमण्डल डटकमयात भिंतुना प्राप्त जूगु दु ।

अर्गनाइजेशन नीस्वना पुचःया नायः दयारत्न शाक्यं छ्वयादीगु भिंतुना सन्देशय् आधुनिकताया लुखाखरुइ पिहांवःगु नेपालमण्डल डटकमं निदँया दुने हे हलिमय्न्यंकया नेवाःतय्त मांदेय्या बुखँ थःगु हे भासं ब्वंका सुनां नं मयाःनिगु ज्या यानाः शंखधर सिरपाः तकं त्याकूगु ज्वःममलागु व धिसि लाःगु पलाः जूगु धासें भिंतुना बियादीगु दु ।

नेपाल संवत् ११३१ निसें ११४०या दशकयात नेवाः दशक कथं हनेगु तातुंगु वर्ल्ड नेवाः अर्गनाइजेसनया सकल दुजःपिंपाखें नेपालमण्डल स्वदँ क्यंगु लसताय् भिंतुना देछाःगु दु

http://www.nepalmandal.com/content/12620.html

मंकाः खल यलपाखें नेपालमण्डलयात भिंतुना

Posted on Mon Feb 7, 2011 11:10 pm NST

नेपालभाषा मंकाः खल यलपाखें नेपालमण्डल डट कम निदँ फुनाः स्वदँय् क्यंगु लसताय् भिंतुना देछाःगु दु ।

मंकाः खलया न्हूम्ह नायः किरण शाक्यं बियादीगु भिंतुनाय् संचारया न्हूगु व अत्याधुनिक माध्यमपाखें नेपालभाषाया माध्यमं नेवाः जातिया थीथी बुखँ हलिंन्यंक च्वपिं नेवाःतय् दथुइ थ्यंकेत नेवालमण्डल ताः लाःगु खँय् लसता प्वंकादीगु दु ।

नेपालभाषाया ल्याय्म्ह पत्रकारतय् कार्य कुशलता व मिहिनतया हुनिं चीहाकःगु इलय् नेपालमण्डलं थःगु तातुना कथंया ज्या सुथांलाक्क न्ह्याकूगु खँ भिंतुना पतिइ न्ह्यथनातःगु दु ।

नेवाःतय्गु समग्र विकास व नेवाः राज्य प्राप्तिया निंतिं न्ह्याकीगु हरेक पलाखय् मंकाः खलः नेपालमण्डल डटकम नाप न्ह्यवलें नापं दइगु प्रतिबद्धता नं मंकाः खलपाखें प्वंकूगु दु ।

http://www.nepalmandal.com/content/12619.html

नेवाः देय् दबू पाखें भिंतुना

POSTED ON TUE FEB 8, 2011 7:13 PM NST

नेपालमण्डल डटकम निदँ फुनाः स्वदँ क्यंगु लसताय् नेवाःतय् राष्ट्रिय संगठन नेवाः देय् दबू पाखें लसता प्वंकूगु दु ।

नेवाः देय् दबूया नायः नरेश ताम्राकारं छगू भिंतुनाः सन्देश छ्वयाः नेपालमण्डलयात भिंतुना बियादीगु दु । भिंतुना पौलय् 'आःया समाचार आः हे' धइगु क्वातुगु मूवंगु भावनां अभिप्रेरित नेपालमण्डल डटं वंगु निदँ न्ह्यः निसें ज्वः मदुगु भूमिका म्हितेत ताःलाःगु खँ न्ह्यथनातःगु दु ।

नेवाः तजिलमि व नेपालभाषाया प्रचार प्रसार यायेगु, हलिमय्न्यंकया थीथी बुखँ हलिमय् कुंकुलामय् तकं थ्यंकाः सुशुचित यायेत नेपालमण्डल डटकम ताःलागु धासें देय् दबूलिं लसता प्वंकूगु दु ।

अथेहे भिंतुना सन्देशय् देय् दबूलिं नेपालमण्डल डटकलं सकल नेवाःतय्त नेवाः राजनीतिक आन्दोलनया चेताना थना नेवाः स्वायत्त राज्य प्राप्तिया आन्दोलनयात अझ सशक्त रुपं न्ह्याका वनेत बः जुयाबी धइगु भलसा काःगु दु ।

नापं हलिमय् नेवाः तजिलजि, भाषा, लिपि व थीथी बुखँया प्रचार प्रसार व सम्प्रेशन यायेगु ज्याय् सदां पला न्ह्याका च्वनेमाः धइगु भिंतुना नं ब्यूगु दु ।

http://www.nepalmandal.com/content/12627.html

अर्थपिथना प्रकाशनपाखें भिंतुना

POSTED ON TUE FEB 8, 2011 8:52 PM NST

अर्थपिथना प्रकाशन प्रा. लि.पाखें नं नेपालमण्डल डटकम निदँ फुनाः स्वदँय् क्यंगु लसताय् भिंतुना देछाःगु दु ।

प्रकाशनपाखें पिहांवयाच्वंगु नेपालभाषाया ल्वकंह्वाःगु न्हिपौ सन्ध्या टाइम्सया सम्पादक सुरेश मानन्धरं छ्वयादीगु भिंतुना सन्देशय् थौंया संचार युगया थ्व इलय् इन्टरनेटया माध्यमं विश्वन्यंकया नेवाःतय्त छगू हे लसय् हयाः नेवाः एकता क्वातुकेगु ज्या यानाच्वंगु नेपालमण्डल डटकमया भूमिका च्वछ्येबहः जूगु धयादीगु दु ।

भिंतुना सन्देशय् नेवाः एकताय क्वातुकेत नेपालमण्डल डटकमं म्हिताच्वंगु भूमिका अझ धिसिलाक न्ह्याना च्वनेफेमाः धकाः मनतुना तःगु दु ।

http://www.nepalmandal.com/content/12643.html

सदनय् नेवाः भाय्

2011-02-08T00:44:00.001-08:00

सदनय् नेवाः भाय्

Posted on Sun Feb 6, 2011 9:48 pm NST

Share7

येँ (सन्ध्या टाइम्स)/प्रधानमन्त्री ल्ययेगु न्हि कुन्हु सदनय् नेपाः राष्ट्रिय पार्टीया बुद्ध साय्मिं मुक्कं नेवाः भासं संवोधन यानादिल। टेलिभिजनं पत्यक्ष प्रशारण जुयाच्वंगु उगु बैठकय् वय्कलं मुक्कं नेवाः भासं संवोधन यानादीगुलिं स्वनिगलं पिने च्वंपिं नेवाःतय्सं नं वय्कःयात सुभाय् बियाहःगु दु ।

http://www.nepalmandal.com/content/12602.html

राज्य पुनर्संरचना मदुगु संविधान

2011-02-08T00:43:00.000-08:00

राज्य पुनर्संरचना मदुगु संविधान

Posted on Sun Feb 6, 2011 9:44 pm NST

उत्तमराज शिलाकार

देय्या मू कानून खः संविधान। नेपालय् न्हूगु संघीय लोकतान्त्रिक संविधान च्वयेगु ज्या जुयाच्वंगु दु। न्हूगु संविधानय् दुथ्याकेमाःगु आपालं खँया मस्यौदा च्वयेगु ज्या जुइधुंकूगु दु। मस्यौदाय् माःगु सहलह ब्याकाः उकियात संवैधानिक समितिं सदनय् पेस यानाः पास जुल कि संवैधानिक मान्यता दइ। संवैधानिक मस्यौदाया बुँदाया खँय् आपालं सहलह ब्याकाः निर्णय याये ल्यं दनि। अज्याःगु बुँदात मध्येय् राज्य व्यवस्था, राज्य प्रमुख, शासकीय प्रमुख, राज्य पुनर्संरचना आदि लानाच्वंगु दु। उकी मध्ये राज्य व्यवस्था व शासकीय प्रमुख बारे दलतय् दथुइ सहलह ब्याकाच्वंगु दु। राज्य पुनर्संरचना छगू थातिं लानाच्वंगु दु। न्हूगु संविधान आः वइगु जेष्ठ १४ गते पिकायेमाःगु तर राज्य पुनर्संरचना थेंज्याःगु गम्भीर विषयय् सहलह ब्याकेत ई मगाः धइगु त्वहचिनाः थ्व छगू विषययात त्वःताः जूसां न्हूगु संविधान १४ गते पित बीगु तयारी जुयाच्वंगु खँ सीदुगु दु गुकियात नेपाःया जनजातितय्सं अवश्य नं विरोध याइ। संघीय गणतन्त्रया मू खँ संघीयता खः। उकिं उकी संघीय राज्यत दये हे माःगु जुल। न्हूगु संविधानय् मूलभूत खँ हे त्वःफिकाः च्वइगु संविधान पूर्ण संविधान जुइ मखु। उकिं आः वइगु संविधान यदि धाथेंया हे संघीय लोकतान्त्रिक गणतान्त्रिक संविधान दयेकेगु खःसा उकी राज्य पुनर्संरचना त्वःफिके हे मजिउ।
संघीय गणतन्त्रया मू मर्म धइगु संघीयता खः। संघीयताय् दुने दइगु संघ (प्रान्त) खः। थुकी दुने च्वनाः जनजातितय्सं थःथःगु क्षेत्र दुने थःपिंसं हे विकासया ज्याझ्वःत न्ह्याकी। संघीयताया विशेषता धइगु सकल जातजातिं निर्धारित क्षेत्र दुने च्वनाः थःपिंत माःगु नयेगु, त्वनेगु, पुनेगु व च्वनेगु क्षेत्र (कर्मभूमि) नापं ज्या (लजगाः)या व्यवस्था नं संघ दुने हे दयेकेगु खः नापं थःपिनि क्षेत्र दुने स्थानीय राज्य व्यवस्थाय् तकं स्थानीय जनजातियात समानुपातिक रुपं ल्हाः तये खनीगु व्यवस्था जुइगु खः। मेकथं धायेगु खःसा थःपिनि जन्मभूमिइ हे कर्मभूमि नं दयेके दइगु खः। थःपिनि क्षेत्र दुने थःपिनिगु हे संस्कृतियात ल्वः कथंया अलग राज्य व्यवस्था नं दइगु खः। च्वय्या फुक्कं खँत दयेकेत थःपिनि अलग हे निश्चित कार्यक्षेत्र निर्धारित जुइमाः। थथे संघीय व्यवस्था कथं दइगु भू-क्षेत्र निर्धारण हे मयासे संविधान दयेकेगु खःसा व नां मात्रया संघीय गणतन्त्र जुइ ।

जनताया म्यान्डेट कयाः न्हूगु संविधान दयेकेत वःपिं ६०१ म्ह सभासदपिनिगु मू ज्या धइगु जन आकांक्षा कथंया संविधान दयेकेगु खः। थगुने हे पिब्वयेमाःगु संविधान इलय् पित बी मफुत। थःपिंसं हे तंगु दछिया ई नं आः न्याला जक ल्यं दनि। संविधान दयकेत बिउगु अमुल्य ईयात मात्र दलगत स्वार्थय् प्यपुनाः प्रधानमन्त्री जुइगु तर्खरय् सितिं छ्वयाच्वंगु दु। आः दनिगु ईयात सदुपयोगु यायेगु खःसा अझ नं ई दनि। न्यालाया ई धइगु नं म्हो मजू। थःपिनि इच्छाशक्ति संविधानयात पूर्णता बीगु ज्याय् केन्द्रित याना वनेगु खःसा अझ नं छुं स्यंगु मदुनि। अथे नं थौंया अवस्थाय् राज्य पुनर्संरचनायात १४ गू राज्यय् ब्वथलाः नमूनाया रुपय् क्षेत्रीय डिजाइन दये हे धुंकूगु दु। उकी मगाःमचाः व मछिंगुयात भिंकाः जक न्ह्यब्वःसां गायेधुंकूगु दु। थुकियात बांलाक व्यवस्थित यायेत क्षेत्र निर्धारित यानाः पास याये धुनेवं उकी दुने दयेमाःगु राज्य व्यवस्थाय् नेपाःया भू-बनोट, धर्म, संस्कृति व जातित्वयात ल्वःकथंया व्यवस्था जक बुलुहुँ याना वंसां जिउ। थःथःगु क्षेत्र दुने थःथःपिंसं हे विकास याना वनेछिनी कथंया व्यवस्था जुइबलय् सरकारयात केन्द्रय् बोझ नं म्हो जुइ। सकलें जातजातित विकासया ज्याय न्ह्यात धाःसा देश याकनं विकास जुइ ।

"लोकतान्त्रिक संघीय गणतन्त्र" या संविधान दयेकेगु ज्याय न्ह्यानाच्वंपिं सभासदपिं संविधान च्वयेगु खँय् ध्यान बीगु सिबें थःथःगु पार्टीया हितया ज्याखँय् जक अप्वः ध्यान बियाच्वंगु खने दत। वर्तमान संविधानया मू मर्मयात त्वःताः मेमेगु खँय् व थःपिंत ज्याछिंगु खँय् जक ज्या न्ह्याकाच्वंसा इलय् संविधान पिकाये फइ मखु। इलय् संविधान पिहां मवल धाःसा देश मेमेगु हे दुर्घटनाय् लाः वनेफु। वर्तमान संविधानया मू विशेषता धइगु हे संघीयता खः। थुकिं हे नेपाःयात न्हापा स्वयां बिस्कंगु संवैधानिक ख्वाःपाः चित्रित याना बी। अथे मयायेगु खःसा थ्व संविधान न्हूगु थलय् पुलांगु अय्लाः थें जुया बी गुकिं निमुखा जनजातियात छुं नं न्हूगु सवाः बी फइ मखु। न्हापाया संविधान बहुदलीय प्रजातान्त्रिक खःसां राज्य व्यवस्थाय् दयाच्वंगु केन्द्रीयकरणं यानाः राजस्व फुक्कं केन्द्रय् वनीगु, केन्द्रं हे माःकथं इना बीगु जुयाः पहुँच मदुगु थासय् बजेट मवनाः विकासया ज्या जुइ फयाच्वंगु मदु। थ्व हे खँयात ध्यानय् तया जनतां संघीय गणतन्त्रया चाहना याःगु खः। आः नं संघीयताया मर्मयात न्हुयाः न्ह्यायेगु खःसा थुकिं नेपाःया ख्वाःपाः हिले फइ मखु। संघीयता बिनाया गणतान्त्रिक संविधान न्हापाया बहुदलीय संविधान थें हे जक जुइ। उकिं यदि नेपाःयात न्हूगु कथंया संविधान बीगु खःसा थुगु संविधानय् राज्य पुनर्संरचनायात तःधंगु महत्व बीमाः। मखुसा थुकिं हाकनं मेगु जनजातिया आन्दोलन न्ह्याकेत तिबः बी। गुकि यानाः देश हाकनं अशान्तिया लँपुइ न्ह्याः वनी ।

http://www.nepalmandal.com/content/12596.html

परिषद् न्हापांखुसी बाखं गोष्ठि

2011-02-08T00:40:00.000-08:00

परिषद् न्हापांखुसी बाखं गोष्ठि

Posted on Sun Feb 6, 2011 9:47 pm NST

येँ (सन्ध्या टाइम्स)/नेपालभाषा परिषद्या ग्वसालय् थौं न्हापांखुसी बाखं ज्यासः सहलह मुँज्या जुल। परिषद्या थःगु हे छेँ न्यत तुंछेँगल्लिइ जूगु मुँज्या परिषद्या नायः फणिन्द्ररत्न वज्राचार्यया सभापतित्वय् जूगु खः ।

परिषद्या दुजः नविन चित्रकारं बाखं विधा गथे जुइमाः धइगु खँयात कयाः प्रशिक्षण बियादीगु खः। उगु मुँज्याय् मिसापिं बाखं च्वमिपिंत विशेष महत्व बियाः स्तरीय बाखं च्वमिंपिं उत्पादन यायेमाःगु खँय् सहभागितय्सं बिचाः प्वंकादीगु खः।
मुँज्याय् नेपालभाषाया न्हूपिं व पुलांपिं बाखं च्वमिपिं यानाः स्वीम्हं स्वयां अप्वः च्वमिपिनिगु सहभागिता दुगु खः ।

http://www.nepalmandal.com/content/12600.html

परिषद्या छेँय् बाखं मुँज्या

Posted on Sun Feb 6, 2011 9:45 pm NST

नेपालभाषाया ज्वः मदुम्ह साहित्यकार चित्तधर 'ह्दयं' नेपालभाषा साहित्य विकासया लागिं फ्यानादीगु छेँ। अर्थात नेपालभाषा परिषद्या ज्याकू। वंगु छुं न्हि न्ह्यः तिनि उगु छेँया जीर्णोद्धार क्वचाःगु खः। न्यत तुंछेँगल्लिइ अवस्थित उगु छेँय् जीर्णोद्धार क्वचायेवं वंगु शुक्रवाः न्हापांगु साहित्यिक ज्याझ्वः जुल - बाखं ज्यासः, सहलह मुँज्या ।

ताः ई लिपा नेपालभाषा परिषद्या थःगु हे ग्वसालय् उगु मुँज्या जूगु खः। स्वीम्हं मयाक बाखं च्वमिपनिगु सहभागिता दुगु उगु ज्याझ्वः परिषद्या नायः फणीन्द्ररत्न बज्राचार्यया सभापतित्वय् न्ह्याःगु खः। मिसा बाखं च्वमिपिंत विशेष विशेष महत्व बियाः स्तरिय बाखं च्वमि उत्पादन यायेगु हे उगु ज्याझ्वःया मू आज्जु खः ।

परिषद्या दुजः नविन चित्रकारं बाखं विधा गथे जुइमाः धइगु विषयय् बःचाहाकःगु प्रशिक्षण नं बियादीगु खः। उगु प्रशिक्षणय् वय्कलं बाखंया मूखँ गथे जुइमाः, बाखंया न्हूधाः गुकथं जुइमाः, मात्राया प्रवेश, बाखंया स्वरुप, संवाद, द्वन्द्वया प्रयोग नापं बाखं दुने नं 'फाइभ डब्लू'या फर्मूला प्रयोग जू धइगु जानकारी बियादीगु खः ।

प्रशिक्षण लिपा बाखं विधायात कयाः अन्तर्क्रियात्मक सहलह नं जूगु खः। उगु सहलह ज्याझ्वलय् बाखं च्वमिपिं तुयु पुं, समान्त, मदनसेन बज्राचार्य, हरिकृष्ण डंगोल, अगिब बनेपाली, शरद कसाः, मीना बज्राचार्य लगायतपिसं थःथःगु नुगःखँ व जिज्ञासा प्वंकादीगु खः ।

सहलह ज्याझ्वलय् बांलाःगु बाखं च्वयेगु खःसा च्वमितय्सं कर्पिनि बाखंया अध्ययन यक्व यायेमाःगु, मेमेगु भाय्या सफू च्वमिपिनिगु बांबांलाःगु बाखं सफूत ब्वनेमाःगु, बाखनय् आधुनिकता हयेमाःगु, ईयात कःघानाः बाखंचु ज्वनेमाःगु, बाखंयात अझ प्रभावकारी यायेत सैद्धान्तिक पक्षयात अप्वः बः बीमाःगु आदि खँय् चर्चा जूगु खः ।

ज्याझ्वलय् थुज्वःगु सहलह ज्याझ्वः निरन्तर रुपं न्ह्याकाः बाखं विधा नापं निबन्ध (च्वखँ), कविता लगायतया साहित्यिक बिधायात नं कःघाना वनेगु खँ ग्वसाः खलकं धाःगु दु। नापं इलय् ब्यलय् खस नेपाली भाषाया बाखं च्वमि व अंग्रेजी भाषाया च्वमिपिंनाप नं थज्याःगु हे सहलह ब्याका वनेगु खँ नं अन धाःगु दु। थुकिं यानाः निगू भाय्या बाखं साहित्य बारे तुलनात्मक अध्ययन यायेत अःपुइगु खँ अन वःगु खः ।

ज्याझ्वलय् च्वमि सौरभ शाक्यं लसकुस यानादीगु खः ।

http://www.nepalmandal.com/content/12597.html

काभ्रेय् देय् दबूया संगठन विस्तार

2011-02-05T08:28:00.001-08:00

POSTED ON SAT FEB 5, 2011 5:52 AM NST

नेवाः देय् दबूलिं थःगु संगठन विस्तार यायेगु झ्वलय् काभ्रेय् संगठन विस्तार याःगु दु । नेवाः देय् दबूया नायः नरेश ताम्राकारया उपस्थिति शुक्रवाः (सिल्लाथ्व पारु कुन्हु) काभ्रे जिल्ला संगठन निस्वंगु खः ।

शुक्रवाः काभ्रेय् जूगु छगू ज्याझ्वःया दथुइ विश्वनाथ ताम्राकारया नायःसुइ झिंन्याम्ह दुजः दुगु कार्यसमिति नं निस्वंगु दु । उगु कार्यसमितिलय् सिद्दि बहादुर कर्माचार्य छ्याञ्जे, बुधारत्न मानन्धर ल्यू छ्याञ्जे व तिकाराम भ्वाछि भ्वय् दांभरि कथं च्वनादीगु दु ।

http://www.nepalmandal.com/content/12587.html

Stone spouts at the mercy of ruthless urbanisation plans

2011-02-05T08:27:00.000-08:00

Added At: 2011-02-05 11:27 PM

Last Updated At: 2011-02-05 11:27 PM

HIMALAYAN NEWS SERVICE

KATHMANDU: Stone spouts are fast disappearing from the Valley due to absence of conservation efforts and rapid urbanisation.

According to a study, there were 165 stone spouts in Kathmandu, 61 in Lalitpur, 87 in Bhaktapur, 65 in Madhyapur Thimi and 11 in Kirtipur municipalities. Among them, 33 spouts in Kathmandu, seven in Lalitpur, three in Madhyapur Thimi and one each in Bhaktapur and Kirtipur have already disappeared.

Of the total stone spouts, 34 in Kathmandu, 18 in Bhaktapur, nine in Madhyapur, and seven in Lalitpur are under threat while 35 in Bhaktapur, 6 in Madhyapur Thimi and two in Kathmandu have been brought under the city supply line.

“Only 96 spouts in Kathmandu, 47 each in Lalitpur and Madhyapur, 33 in Bhaktapur and 10 in Kirtipur municipalities are working with natural water sources,” said Indra Man Singh Suwal, coordinator of the nine-member action panel on water spouts. “However, the water flow in these spouts is decreasing every year with depletion of ground water due to urbanisation,” he said.

Suwal, who is also chief of the Building and Heritage Division at Kathmandu Metropolitan City, said most of them are older than 100 years and many were made during Lichchhavi and Malla periods, which date back to ancient Nepal.

The government issued a 12-point declaration on stone spouts conservation in June 2007 and a nine-member committee was formed in September 2010. The government has recognised them as historical monuments.

“However, nothing has been done by way of conservation,” said Chunna Bajracharya, professor at the Department of Culture, Tribhuvan University. “There is no clarity on the status of stone spouts, which have either been captured by individuals or encroached by constructions. The municipalities are destroying the heritage in the name of conservation. Women should be involved in conservation policy implementation as they are the real users of stone spouts,” she added.

The declaration includes identifying the sources of stone spouts, formulation of conservation policies, details and mapping of spouts, declaring them national heritage, management of water sources, allocation of budget, carrying out research, making laws to check the use of ground water and formulating sound policies.

Municipal authorities revealed that the stone spouts were encroached and damaged, causing pollution of natural water. Ordinary people blame the government for not doing enough to preserve depleting ground water and approving building sites without studying historical monuments. Though the Historical Monuments Conservation Act was formed two decades ago, there is no law on the conservation of stone spouts.

“Due to lack of law, the declaration was not implemented,” said Saubhagya Pradhananga, archaeological officer at the Department of Archaeology.

“Slowly, we are moving ahead in this case,” said Pradhananga, who is a member of the action committee. He said sincere implementation of the declaration was necessary.

http://thehimalayantimes.com/fullNews.php?headline=Stone+spouts+at+the+mercy+of+ruthless+urbanisation+plans&NewsID=275257

मंकाः संघर्ष समितिया ताःचा सुइके?

2011-02-04T05:35:00.000-08:00

मंकाः संघर्ष समितिया ताःचा सुइके?

POSTED ON FRI FEB 4, 2011 5:26 PM NST

राजेन मानन्धर

संघर्ष धइगु योजना दयेकाः साइत स्वयाः शुरु याइ मखु। थ्व ला आवश्यकतां मनूतय्त घ्वातुघ्वानाः याकी, सुयात छु यायेमाः वं अन व याइ। सुनां गुलि फु उलि उपलब्धि हासिल याइ, संघर्षयात न्ह्याकेफुम्ह नेताया जन्म नं अनं हे जुइ। तर नेवाःतय्गु सवालय् धाःसा थ्व संर्घष व आन्दोलनया सामान्य नियम लागु जुइ मखु। आःतक जूगु, जुल धयातःगु दक्व धयाथें आन्दोलन लमियात भम्चा स्वकाः बाजं थाकाः ब्याहा याये थें हे जक जुयाच्वंगु दु। अथे जुयाः अन माजु जुइम्हेसिया ग्वःतोलाया सिखः क्वखायेगु खँ तःक्वः जुइ, मिजंयात यःम्ह खः लाकि मखु धइगु खँ जुइ मखु। आः इलय् ब्यलय् नेवाः बुखँपती वइगु नेवाः स्वायत्त राज्य दइबलय्यात धकाः दयेकातःगु संघर्ष समिति छगू अज्याःगु हे तामझामया ज्याझ्वः खः ।

धयाच्वनेम्वाः नेवाः राज्य थःगु स्वाभिमान दुपिं हरेक नेवाःतय्गु म्हगस खः, थःगु अस्तित्वया चिल्लाय् खः। अले थ्व हयेगु (बिलकि ल्हाः फया कायेगु)जिम्मा थःत नेवाः राज्यया निंतिं पाये धकाः वःगु खलःपुचःया सामुहिक रुपकथं नेवाः स्वायत्त राज्य मंकाः संघर्ष समितिं काःगु जुल। अन दुपिं गुलिं गुलिं खलः पुचः ला नेवाः राज्यप्रति कटिबद्ध हे खनेदु। अथेसां लसिंया काय् नं लोकेश्वर जुइफु धइगु बाखंपाखें प्रभावित जुयाः हे जुइ, झीसं गुलिगुलिसिगु आगं सीक सीकं नं स्वीकार याना। मेगु विकल्प दयेके मफुगु नं नियमित आकस्मिकता जक जुइफु झीगु।
अन्तरिम संविधानय् संघीयता च्वयेवं दंगु थ्व समिति गर्भाधानया इलंनिसें न्ह्यसःचिंया पुखुली लाल कयाच्वंगु दु। ब्यंकेगु ईनिसें नेवाःतय्सं थ्वयात म्हसीका कायेमफुगुलिं आः थ्वं सुलिसे इहिपा याइगु खः धकाः मनूतय्सं स्वयाच्वंगु दु। थ्व इलय् आः साधारण नेवाःतय्गु न्ह्यपुइ छगू न्यने मजिउग न्ह्यसः दना वयाच्वंगु दु - धाथें थ्व संघर्ष समितिया ताःचा सुयाके जुइ? अथवा थुकियात ताःचां प्याखं हुलीम्ह कतांमरियात थें लिउने सुनां दम तयाच्वन जुइ?

अबुया नं उलि हे काय्या नं उलि हे अंश दइगु थुकिया संरचना हे अजब। हानं दक्व हे अध्यक्ष जुइमास्ति वइगु अले दक्वसित लय्तायेकेत पालंपाः अध्यक्षया सिरपेचं पुइगु इच्छा पुवंका बीगु थुकिया विधान नं चिन्तामणी झोला स्वया म्हो तिलस्मी मजू। पिने नापलाःसा भ्यराभ्यर जुइगु राजनीतिक प्रवृत्तियापिं नं थन छगू हे लाइनय् आज्ञाकारी मस्त थें च्वनेफूगु नं थुकिया मेगु अजूचायापुगु प्रकृति खः। थःथःगु पार्टीया संघीय व्यवस्था व अझ जातीय अग्राधिकारया औपचारिक अवधारणा स्वयाः आगरां देगरां पाःसां थन धाःसा क्रान्तिकारी स्वयाः नं क्रान्तिकारी जुयाः थुगु "ट्याबु" विषयय् तिंतिं न्हुयाः हालाच्वंगु दइ, थःगु पार्टीया हे ध्वाँय् ज्वनाः। अथेसां थ्व संघर्ष समितिइ च्वंपिंत थःगु पार्टी लाइन स्वयां ब्यागलं खँ तल धकाः थौं तक सुयातं कारवाही याःगु वा स्पष्टीकरण तक नं फ्वंगु खने मदुनि ।

माउपार्टीया नेतां हाकु लंसुरुवाः फिनाः बसन्तपुरय् नेवाः राज्य घोषणा याःगु गुलिचां मदुनिबलय् मचापार्टीया सक्रिय सहभागिता सहित दशरथ रंगशालाय् भव्य घोषणा जुल नेवाः राज्यया। अन याये धकाः धयाः नं मयाःगु ज्या दक्वयात ल्वःमं ख्यःमं धकाः धया हे छ्वत धाःसां नं उगु घोषणा धुंकाः यायेमाःगु ज्या मयासे च्वंगुयात धाःसा उलि सहज कथं काये फइ मखु। मचा बुइके सःसा मचायात माःगु संस्कार व पौष्टिक आहारया व्यवस्था याना बीमाः धकाः अबु जुइसःपिंत सुनां स्यना च्वनेम्वाः। उकिं राज्य दयेके धुंकाः नं थुकिं गुगुं कथंया प्रशासनिक इकाइया अस्तित्व खंके मफुत, थन प्रशासन चले याइपिं मनूतय्गु किपालु मलुत, सुरक्षा बीपिनिगु सासः मलुत, थनया आर्थिक, सामाजिक, शैक्षिक, भाषिक नीति आदि धकाः पित बिउगु भ्वं मस्त भ्वय् म्हितूथाय् तकं उल्लेख मजुल। आखिर थ्व नं माओवादीं बसन्तपुरय् याःगु घोषणा स्वयां एक छटाक नं झ्यातु मजुल। याइगु हे खःसा अपाय्जिगु ज्या यायेधुंकाः कम से कम थुकिं थःगु राज्य थपाय्धनेमाः धकाः तक धाइगु जुइ, मधाः, बरु नेवाः सभासद्त नं जानाः दयेकातःगु सिन्हःपता पाय्धंगु नेवाः राज्ययात माकःमतिना यानाः घय्घय् पुनाच्वन। अले थुकिं अःपुक म्हिगः तिनि वःपिं ६५ प्रतिशत आप्रवासी खय्, सँय् व मर्स्यातय्त थः नालाः उमित नेवाः राज्यया नागरिकता तकं बीत तयार जुल, उमिगु अधिकार रक्षाया निंतिं थः प्रतिवद्ध धकाः छाति चकंकाः भाषण नं मुइकल। थ्व खँ अःपुक पचे जुइ मखु छम्ह सच्चा नेवाःयात ।

देशय् छकःयां छकः संविधान च्वयाच्वन, वहे संविधानं दया माया याःसा जक नेवाः राज्य दइगु थुइकाः नं थ्व समितिं उकियात दवाबया नामय् छम्ह सभासद्यात थःगु ल्हाःचिंया प्वः लःल्हायेगु बाहेक व खःथें न्यंक बानेश्वरय् हुल क्यनेगु बाहेक मेगु तात्विक रुपं दबाव बी मफुत थुकियात नं अल्छिपह जक धायेगु पाय्छि जुइ मखु। अनंलि थ्व समितिं मेमेगु राज्यया सिमांकन, शासन पद्धति, निर्वाचन पद्धति, नागरिक परिचयपत्र अले थःगु राज्यया लः, मत, खुसि, पहाड, देगः अले न्हाय्च्वकाय् च्वनाच्वंपिं सुकुम्बासी आदिया विषयय् नवाये मफुगुयात नं ल्वःमंगु जक धाये फइ मखु। पिनें वःपिंसं थन क्यनीगु उभौली, ल्होसर, छठया नाटक व आः वयाः पशुपतिइ किरात तयेगु लास थुने दयेमाःगु आन्दोलनयात अथें लाटां केरा स्वः थें स्वया जक च्वंगु मखु थ्व समितिं ।

समग्र रुपं धायेबलय् थ्व समिति पिनें स्वयेबलय् गुलि हिसिचा दु, माया वनापुसेच्वं अले निरिह खनेदु, दुनेया खँ उलि सरल मदु। उकिं हे थ्वं याइगु दक्व धया थें ज्याझ्वलय् ल्वःमंगु, द्वंगु खँत दयाच्वनी। नेवाः एकता दिवसया झाँकीइ तक वःबलय् गुलि नं ल्वःमन, द्वन, व ला नियोजित रुपं हे जूगु खः ।

आः खुनु थुइकेमाल, ध्वंचित पाः तयां खाचा ल्यनाच्वनी मखु। अन निकथंया राजनीतिक शक्ति हाबी दु - छखलः पिनें पिनें जातीय राज्यया वकालत यानाः नं केन्द्रीयस्तरय् थ्वपाखे पलाः मछीगु जक मखु, थःगु थ्व ज्याया निंतिं दयेकातःगु कचापुचः तकयात नं डिफंक याना तःगु पार्टी। मेखलः धइगु ततःसलं हे संघीय व्यवस्था व जातीय राज्य मजिउ धकाः हालाच्वनीगु पार्टीत। थुमिगुपाखें छु आश याये फइ? उकिं आः नेवाःतय्गु राज्य गुलि नेवाःराज्य जुइ धइगु वहे कतांमरिचित लिउनें दम तइम्हेस्यां जक सिउ, छि जि ला फगत स्वकुमि जक ।

http://www.nepalmandal.com/content/12570.html

राजेन्द्र श्रेष्ठ व दिलीप महर्जन मन्त्री जुइगु सम्भावना

2011-02-04T05:20:00.000-08:00

राजेन्द्र श्रेष्ठ व दिलीप महर्जन मन्त्री जुइगु सम्भावना

POSTED ON FRI FEB 4, 2011 5:33 PM NST

येँ (सन्ध्या टाइम्स)/एमालेया अध्यक्ष झलनाथ खनाल प्रधानमन्त्रीइ त्यायेवं नेवाः आन्दोलनया निम्ह न्ह्यलुवात नं मन्त्री जुइगु सम्भावना अप्वया वःगु खँ सूत्रं धाःगु दु ।

नेवाः आन्दोलनया न्ह्यलुवा नापं एमालेया केन्द्रीय दुजः राजेन्द्र श्रेष्ठ व एकीकृत माओवादीया सभासद् नापं नेवाः आन्दोलनया न्ह्यलुवा दिलीप महर्जन न्हूगु मन्त्रिमण्डलय् दुथ्याइगु सम्भावना अप्वया वःगु खँ दलया नेतातय्सं धयादीगु दु ।

श्रेष्ठ एमाले दुने झलनाथ पक्षधर कथं स्पष्ट रुपं न्ह्यःने वयाच्वंम्ह नेता खःसा महर्जनं माओवादी अध्यक्ष प्रचण्डयात येँ १० नम्बरया थःगु हे क्षेत्रं चुनावय् त्याकादीगु खः ।

वय्कःपिं निम्हेसितं नेवाः प्रतिनिधिया कथं मन्त्रिमण्डलय् दुथ्याकीगु सम्भावना दुगु खँ नेतातय्सं धाःगु दु। तत्कालिन अवस्थाय् नेकपा (माले) पाखें मन्त्री तकं जुयादीधंकूम्ह श्रेष्ठ नेवाः स्वायत्त राज्य मंकाः संघर्ष समितिया सल्लाहकार खःसा महर्जन एकीकृत नेवाः राष्ट्रिय मुक्ति मोर्चाया केन्द्रीय न्वकु नापं माओवादी पार्टीया केन्द्रीय सल्लाहकार नं खः ।

http://www.nepalmandal.com/content/12582.html

शान्ति निर्माणया ख्यलय् जुयाच्वंपिं मय्जुपिनि गोलमेच सहलह

2011-02-03T09:12:00.000-08:00

POSTED ON THU FEB 3, 2011 9:39 PM NST

वंगु पोहेलागा चर्हे कुन्हु थनया मल्ल होटलय् Joan B. Croc Institute for Peace & Justice, San Diego University, America , Women Peace & Democracy Nepal ग्वसालय् जूगु शान्ति निर्माणया ख्यलय् जुयाच्वंपिं मय्जुपिनि छगू गोलमेच सहलह जुल ।

उगु ज्याझ्वलय् नेवाः देय् दबूया मू छ्याञ्जे मय्जु रजनी महर्जनं ब्वति कयादीगु खः । अमेरिका, श्रीलंका, फिलिपिन्सया शान्ति निर्माणया ज्याखँय् ताः इलंनिसें ज्या यानाच्वंपिं मय्जुपिंसं थःथःपिनि देशय् जुयाच्वंगु शान्ति निर्माण प्रक्रियाया अनुभव कनादीगु खः । उगु इलय् नेपाःया शान्ति निर्माण ज्याखँय् थीथी संघसंस्था पाखें झायादीपिं मय्जुपिंसं नेपालय् द्वन्द्व जुयाच्वंगु इलय् व द्वन्द्व लिपा शान्ति प्रक्रियाया विषयसं कनादीगु खःसा देय् दबूया मूछ्याञ्जे महर्जनं नेवाः देय् दबुलिं नेपाःया शान्ति प्रक्रियाय् सक्रिय भूमिका म्हिताच्वंगु खँ कनादीगु खः ।

शान्ति प्रक्रियाया दक्कले तःधंगु ज्या संविधान च्वयेगु ज्या यात नागरिकतय्त जानकारी बिइगु व जनताया राय, सुझाव मुंकाः हयेगु तथा नेवाः स्वायत्त राज्य मंकाः संर्घष समितिं स्वायत्त राज्यया निंतिं यानाच्वंगु आन्दोलनय् सक्रिय भूमिका म्हिताच्वंगु खँयात नं मू मछ्याञ्जे महर्जनं न्ह्यब्वयादीगु खः ।

अथे हे म्हिगः पोहेलागा आमै कुन्हु UNDP या छगू ज्याझ्वलय् नेपालया निंतिं श्रीलंकाया अन्तराष्ट्रिय परियोजना व्यवस्थापक रोहन सिंहसयात नेपाःया शान्ति प्रक्रिया व संविधान निर्माणया खँय् नेवाः देय् दबूलिं यानावयाच्वंगु ज्या व स्वायत्त राज्यया निंतिं झिगू घटक जानाः मंकाः कथं न्ह्याका वयाच्वंगु आन्दोलन व नेवाः देय् दबूया भूमिकाया बारे मू छ्याञ्जे मय्जुं कनादीगु खः ।

नापं ज्याझ्वलय् नेवाः देय् दबू लगायत मेमेगु आदिवासी जनजाति जाना आदिवासी अधिकार प्रत्याभूत याकेगु निंतिं गुकथंया कार्यनीति दयेके माली धैगु विषयसं सहलह जूगु खँ वय्कलं कनादीगु खः । नेवाः स्वायत्त राज्य दुने प्रान्तीय राज्यया भाषा, समावेशीकरणया सवाल, उपस्वायत्त क्षेत्रया प्रावधान व संरक्षित क्षेत्रया प्रावधान गुकथं जुयाच्वंगु दु धकाः न्यंगु न्ह्यसःलय् वय्कलं नेवाः स्वायात्त स्वायत्त राज्यया घोषणा पत्रय् दुग व राजनीतिक सम्मेलनं पारित याःगु घोषणा पत्रया आधारय् लिसः बियादीगु खः ।

http://www.nepalmandal.com/content/12565.html

क्यासिनो पिने यंकेत उजं

2011-02-02T11:09:00.001-08:00

क्यासिनो पिने यंकेत उजं

POSTED ON WED FEB 2, 2011 8:28 PM NST

येँ (सन्ध्या टाइम्स)/व्यवस्थापिका संसदया सार्वजनिक लेखा समितिं राजधानीइ चायेकातःगु क्यासिनोत फुक्कं राजधानीं पिने छगू निश्चित थासय् यंकेगु प्रक्रिया न्ह्याकेत पर्यटन मन्त्रालययात निर्देशन बिउगु दु। थौं सुथय् च्वंगु समितिया बैठकं उगु निर्देशन बिउगु खः। समितिं छुं ऐन हे मदयेक क्यासिनोत संचालन जुयाच्वंगुलिं तुरुन्त ऐन दयेकेत व तत्कालया निंतिं १५ न्हुया दुने क्यासिनो संचालन सम्बन्धी कार्यविधि तयार यायेत नं निर्देशन बिउगु दु। थौंकन्हय् येँय् च्यागू व पोखराय् निगू क्यासिनो दु। पर्यटन मन्त्रालयपाखें बिउगु मिनी क्यासिनोया इजाजत गैर कानुनी ठहर यासें संचालनय् दुगु उज्वःगु क्यासिनो तत्काल बन्द यायेत तकं समितिं निर्देशन बिउगु दु ।

http://www.nepalmandal.com/content/12540.html

जनजाति व मधेशीयात मि च्याके बीगु कुतः?

2011-02-02T11:07:00.000-08:00

जनजाति व मधेशीयात मि च्याके बीगु कुतः?

POSTED ON MON JAN 31, 2011 7:46 PM NST

ई मगाःगु धइगु त्वहःचिनाः आः संविधानसभां राज्य पुनर्संरचना सम्बन्धी दकलय् प्रमुख मुद्दायात हे त्वःताः न्हूगु संविधान जारी यायेगु तयारी यानाच्वंगु बारे चर्चा जूगु दु। यदि तःधंगु दलतय्सं अज्याःगु संविधान जारी यायेत्यंगु खःसा थ्व ति गलत ज्या मेगु जुइ मखु। थुकिं राज्य पुनर्संरचना पक्षधर सकलें जनजाति, मधेशी समुदाययात आक्रोशित यानाः देशय् मेगु विद्रोहया मि च्याका बीगु तःधंगु खतरा दु। संविधान जारी याः कुन्हु हे उकियात सार्वजनिक रुपं च्याकेगु ज्या तकं जुइफु गुकिं यानाः हथाय्चायाः संविधान जारी याःगुया छुं हे अर्थ दइ मखु।
वर्तमान संविधानया मू मर्म धइगु राज्य पुनर्संरचना खः। यदि थुकी मुलुकया न्हूगु ख्वाःपाः चित्रित मयायेगु खःसा थ्व पुलांगु संविधान स्वयां छुं नं अर्थय् फरक जुइ मखु। राज्य पुनर्संरचना मयासे संविधान जारी यायेगुया अर्थ माओवादीं झिदँ तक याःगु जनयुद्ध व उकी प्राण आहुति याःपिं झिंस्वद्वः मनूतय् बलिदानयात बागमतिइ चुइके थें खः। लिसें १९ न्हु तक याःगु जनआन्दोलनया नं थ्व छगू तःधंगु अपमान जुइ। राजनीतिक पार्टीतय्सं थज्याःगु ज्या कदापी याये मजिउ। राज्य पुनर्संरचनाया सवाल दकलय् विवादया विषय जूगु कारणं यदि आः थुकियात त्वःता छ्वत धाःसा लिपा थ्व समस्या ज्यंकेगु सिबें नं थुकिं यानाः मेमेगु समस्या सिर्जना जुइगु खँयात वाःचायेकेमाः। ई मगाः धइगु सामान्य त्वहःचिनाः थ्व मुद्दा त्वःते मजिउ। मेमेगु बुँदाया थ्व क्वचाये धुंकूगु खःसा आः संविधानसभाया म्याद मेगु स्वला थपे यानाः केवल थ्वहे जक मुद्दाय् केन्द्रित जुल धाःसा थ्व विवाद नं याउँक ज्यंके फइगु खनेदु ।

http://www.nepalmandal.com/content/12491.html

नां संकलनया विरोध

2011-02-02T11:01:00.000-08:00

नां संकलनया विरोध

POSTED ON WED FEB 2, 2011 8:28 PM NST

येँ (सन्ध्या टाइम्स)/निर्वाचन आयोगं न्ह्याकाच्वंगु मतदाता नामावली संकलनया ज्या दिकेत संघीय लोकतान्त्रिक राष्ट्रिय मञ्च सम्बद्ध संघीय लिम्बुवान राज्य परिषदं इनाप याःगु दु। संघीय व्यवस्था घोषणा जुइधुंकूगु अवस्थाय् संघीयतायात वेवास्ता यासें लिम्बुवान क्षेत्रय् जुयाच्वंगु नामावली संकलन तुरुन्त दिकेत इनाप यासें लिम्बुवान राज्य परिषदं थःगु लागाय् निर्वाचन आयुक्तया पुत्ला च्याकेगु व थनिंनिसें न्हिंन्हिं हेअरुण-सप्तकोशी पूर्वया गुंगू जिल्लाय् बाघौ चक्का जाम यायेगु ज्याझ्वः दयेकूगु दु ।

http://www.nepalmandal.com/content/12538.html

कन्हसंनिसें किपू महोत्सव, उदयपुरय् नं नेवाः महोत्सव जुइगु

2011-02-02T10:52:00.000-08:00

GYAN

POSTED ON TUE FEB 1, 2011 9:43 AM NST

Share9

नेवाः भाय् कला व तजिलजि विश्व न्ह्यःने न्ह्यब्वयेगु तातुना कन्हसंनिसें किपू महोत्वस जुइगु दु । ऐतिहासिक व साँस्कृतिक महत्वं जाःगु किपुलिइ जुइत्यंगु न्हापाखुशीया थुगु महोत्सव न्यान्हुतक न्ह्याइगु खः ।

कन्हय् किपूया लाय्कुलिइ थीथी आःखाःया गुरुपिंसं मंकाः उलेज्या याइगु व पाहाँकथं पर्यटन बोर्डया नायः प्रचण्डमान सिंह, पर्यटन दँ २०११ या कजि योगेन्द्र शाक्यलिसें हान व टानया प्रतिनिधिपिंत नं ब्वनातयागु ग्वसाःखलःया नायः राजमान महर्जनं नेपालमण्डल डटकमयात जानकारी बियादिल ।

थीथी त्वालय् बिस्कं बिस्कं हे नेवाः तजिलजि स्वयेदइगु लिसें नेवाः नसाः ज्वलं, व्यापारिक स्टल व न्ह्याइपुकेया निंतिं थीथी साँस्कृतिक ज्याझ्वः नं दइगु ग्वसाः खलकं जानकारी बियादिल ।

अथेहे नेपाल सरकारं घोषणायानातःगु पर्यटन दँ २०११ या लसताय् उदयपुर जिल्लाया गाइघाटय् नं 'नेवाः महोत्वस'या लागि तयारी जुयाच्वंगु दु । झीगु नेवाः पुचः, गाइघाट, उदयपुरया ग्वसालय् थ्वहे वइगु नेपाल संवत् ११३१ चिल्लाथ्व पारुनिसें तृतिया (२०६७ फागुण २१-२४ गते) तक स्थानिय श्री त्रियुगा उच्च मा.वि.या ख्यलय् यायेगु कथं ज्या न्ह्याकाच्वंगु व उकिया लागिं येँय् नं नेवाः तजिलजिया झाँकी, नेवाः नसाःया स्टल व साँस्कृतिक ज्याझ्वः न्ह्यब्वयेया लागि आवश्यक सरसल्लाह यायेत उखे झायादीम्ह गणेशराम लाछिजुं नेपालमण्डल डटकमयात जानकारी बियादिल ।

http://www.nepalmandal.com/content/12506.html

दसु जुयाः न्ह्यानाच्वंगु मां पुचः

2011-02-02T10:50:00.000-08:00

दसु जुयाः न्ह्यानाच्वंगु मां पुचः

POSTED ON MON JAN 31, 2011 7:45 PM NST

शीला साय्मि

२०५२ सालय् येँया गोफः त्वालय् च्वंगु स्थानीय युथ कर्नर क्लबया ग्वसालय् छगू प्रौढ कक्षा न्ह्यात। उकी ३० म्ह प्रौढतय्सं गुला तक अनौपचारिक कक्षा काःगु खः। उगु कक्षाया निंतिं क्लबया दुजः गुहेश्वरी श्रेष्ठं 'शहरी गरीबहरुको लागि समाज' धइगु संस्थापाखें सफू, शिक्षकपिंत भत्ता लगायत मेमेगु ग्वाहालि नं बियादीगु खः। थ्व बाहेक क्लबं इलय्ब्यलय् सैलुन, सिलाई-बुनाई, कम्पोष्ट साः दयेकेगु, म्हुकंचा पीगु थेंज्याःगु सीपमुलक तालिम नं बीगु यानाच्वंगु दु ।

स्वीदँनिसें न्हय्दँ दुपिं गृहणी मिस्तय्त नं उगु कक्षां तसकं आकर्षित याःगु जुयाच्वन। तसकं न्ह्यइपुगु लकसय् कक्षा जुयाच्वंगु कारणं कक्षा लिपा नं सहभागीत बाया वने मं मदु। उकिं त्वाःया तःकेहेँपिं सदां नापं च्वने फइ कथं छगू पुचः स्वन। उगु पुचलं थःके दुगु भचा भचा ध्यबा लगानी यानाः थःत मालीबलय् त्यासा कायेगु कथं छगू सहकारीया रुपय् ३०,००० दां मुंकल। लिपा संस्थायात छगू नां नं बीमाःगु जुयाः सहलह यानाः "मां पुचः" धकाः २०५२ साल जेष्ठ २ गते नीस्वन ।

प्रौढ कक्षा लगायत थीथी तालिम काःपिं थ्व ५० म्ह मिसापिं दुजःतय्सं थःके मुनाच्वंगु ध्यबा छ्यलाः उकिं आम्दानी दयेकेगु बिचाः यात। थथे जूसा छेँय् सुम्क च्वने नं माली मखु। मिजंतय्के नं ल्हाः फये माली मखु। उकिया लागिं थःगु छेँ नं त्वःते म्वाःगु व सकस्यां याये नं सःगु छगू हे जक ज्या "नसा त्वँसा ज्वरे यायेगु" वय्कःपिंसं न्ह्याकादिल ।

२०५५ सालय् कृष्णदेवी महर्जन, मोहनदेवी डंगोल, ज्ञानी बज्राचार्य लगायत च्याम्ह मांपिंसं तुच्चा ज्वरे यानाः क्लबया मिटिङ्ग जुइबलय् व थःपिनिगु हे मां पुचःया मिटिङ्ग जुइबल नकेगु चीधंगु ज्या न्ह्याकल। लिपा थुकिया गुहेश्वरी श्रेष्ठं हःपाः बियादिल। वय्कलं थम्हं म्हसिउगु अफिस, क्लब, गैसस ज्याकू आदि थासय् स्वापू तयाः अन नं तुच्चाया निंतिं अर्डर कायेका बिल। विस्तारं त्वालय् व मेमेपिंसं नं अर्डर बीगु याना हल। क्वथा छकुती जक ज्वरे यानाः थाय्थासय् यंकेबलय् सुनानं खनी ला धइगु मछाःपहः धाःसा वय्कःपिंके दुगु जुयाच्वन। ज्या बढे जूलिसे आम्दानी नं दयावल। मेमेपिं पासापिं नं समावेश जुजुं वल। प्रचार यक्व जुयावंसेंलि न्हापा सेवां जक यानाच्वंगु थ्व ज्यां लिपा व्यावसायिक रुप हे कया यंकल।
अनंलि थुकियात व्यवस्थित रुपं हे व्यवसायकीकरण याये कथं २०६४ सालय् घरेलु उद्योगय् "मां पुचः गोफल क्याटरिङ्ग सेवा" धकाः संस्था हे दर्ता यात। आः थुगु संस्थां निता ज्या यानाच्वंगु, छता आर्थिक कालबिलया ज्या, मेता क्याटरिङ्ग सेवा। न्हापांगुली ५० म्ह दुजः दुसा लिपांगुली ४० म्ह दुजःत सक्रिय जुयाच्वंगु दु। क्याटरिङ्ग सेवापाखें ६० दँ दुपिं मांपिं तकं तक दुथ्यानाच्वंगु दु ।

आः थ्व पुचलं अर्डर कथं अफिस अफिसय् तुच्चा उपलब्ध याकेगुनिसें नखत्या, पिकनिक, इहिपा, कय्तापुजा, जंक्व, बाःर्‍हाः, पूजा, जन्मन्हि आदिया भ्वय् ज्वरे यानाः नकेगु तकया ज्या यानाच्वंगु दु। पिकनिक वनीपिनि लागिं स्वनिगःया सुन्दरीजल, त्रिभुवनपार्क, सूर्यविनायक, पकनाय्ज्वः, दक्षिणकाली थेंज्याःगु थासय् वनाः तकं थ्व पुचलं नसा ज्वरे याना बिउ। पुचलय् ज्वरे याइपिं जक मखु, लैकाः च्वनीपिं व चिप सिलीपिं तकं मिसापिं हे जुयाच्वंगु खनीबलय् भ्वय् वइपिं नापं अजूचाः। अले गुलिं भ्वय् वःपिंसं अजूचायाः थःपिनि छेँय् भ्वय् न्यायेकेत नं वय्कःपिंत हे सःतेगु धकाः अन हे जानकारी कायेगु ज्या नं याइगु। ज्या याइपिं मिस्त जक जुइगुलिं हुल हुज्जत मजुइगु, अय्लाः त्वनाः दुःख मबीगु, लैकाः चीगु झंझट मदइगु आदि कारणं मां पुचःयात सःतल कि भ्वय्थुवाः नं ढुक्क जुइगु। चिचीधंगु भ्वय् नापं न्यासः खुसः मनू दइगु भ्वय् तकं वय्कःपिंसं याउँक नकेगु यानाच्वंगु दु ।

पुचलय् सुं हे नायः नकिं धइगु मदु। सकलें मांया दर्जाय् समान दु। ज्या वनेबलय् नं सकसितं चक्रीय प्रणाली कथं पालंपाः छ्वयेगु याइ। सुयां लिमलाःसा जक मेपिं वनेगु नियम दु। ज्या सिधल धायेव सकसितं बराबर ध्यबा जुइक ध्यबा इना बी। उकिं ल्वापु नं यायेम्वाः। न्हापा मछाः धकाः ज्या मयाःपिं नं थौंकन्हय् फुर्तिसाथ जिगु पाः गबलय् वइ धकाः न्यं वइपिं जुइधुंकल ।

थौंकन्हय् मां पुचलं क्याटरिङ्गया ख्यलय् छगू धेंधेंबल्लाः हे याइगु संस्था कथं थाय् काये धुंकूगु दु। स्वापूया निंतिं १०-५ चालीगु ज्याकू हे चायेकातःगु दु। भ्वय् ज्वरे यायेत अलग हे छेँ कयातःगु दु। अथे हे सम्पर्कय् च्वनीम्ह, लेखा, सहयोगी आदि नापं यानाः सुइम्हेसित तलब हे नकाः तयातःगु दु ।

न्हापा भचाभचा जक थलबल तयाः ज्या न्ह्याकूपिं मां पुचःयाके थौंकन्हय् भाडाकुडा जक हे २ लाख बराबरया दयेधुंकूलसा लागत कारोवार लखौं तका थ्यनेधुंकल।
मांपुचःया थज्याःगु ज्याय् सरिक जुयाः छेँय् मिजंतय्के ल्हाः फये म्वाःगु, म्वाःमदुगु खँ ल्हाना जुइगु फुर्सद मदया वंगु, मस्तय् निंतिं निगः प्यंगः मुंक फुगु, पासापिंनापं च्वने दयाः न्ह्यइपुसे च्वनीगु, थःगु नं अफिस दु धकाः न्हाय् धस्वाके दुगु व आर्थिक स्तर नं बांलाना वःगु खँ उकिया दुज गंगा महर्जनं कनादिल। वय्कलं धयादी, 'वास्तवय् यात धाःसा मिस्तय्सं जक छु याये मफु धइगु खँया छगू दसु हे मां पुचः धाःसां जिउ ।'

आः मां पुचःपाखें थः दथुं हे कचामचा बुइकेगु झ्वलय् न्हू पुचः सिलाई-बुनाई ज्या, नःलि मिसा पुचः धकाः लजगा पुचः नं स्वने धुंकूगु दु। लिसें त्वाः, चुक यचुपिचु यायेगु, हिति, मत तयेगु व मेमेगु विकास निर्माणया ज्याय् ग्वाहालि यायेत छगू सामाजिक कोष नं नीस्वंगु दु। उलि जक मखु पिनें वइपिं मिस्त च्वनेगु निंतिं छगू छात्रावास भवन समेत कयातःगु दु गुकी न्हिछिया झितका दां पूसा गाः। मां पुचः स्थानीय यूथ कर्नर क्लबया संरक्षणय् दु ।

http://www.nepalmandal.com/content/12489.html

जातिभेदया विरुद्धय् जुइत्यंगु प्रव्रज्या संवर

2011-02-02T10:45:00.000-08:00

जातिभेदया विरुद्धय् जुइत्यंगु प्रव्रज्या संवर

POSTED ON SUN JAN 30, 2011 10:52 PM NST

माणिकरत्न शाक्य 'मणीश'

शाक्यमुनि बुद्धपाखें प्रतिपादित बुद्धधर्म मानववादी धर्म खः। अथे जूगुलिं हे थ्व धर्म संसारन्यंकं न्यनावनाच्वंगु दु। संसारया न्ह्याग्गु देशय् वंसां नं थ्व धर्मया मूल सिद्धान्त व दर्शन धाःसा छगू हे खः। गथेकि प्यंगू आर्यसत्य, आर्यअष्टाङ्गिक मार्ग प्रतीत्यसमुत्पाद, अनित्य, दुःख व अनात्म आदि। तर थुकियात थुइकेगु, नालेगु व छ्यलेगु पह धाःसा देश अनुसार भचा भचा पाना वनाच्वंगु खनेदु।
बुद्धं कनाबिज्याःगु दर्शन व धर्मया आधारभूत सिद्धान्त संसारभनं न्यंकेगु ज्या संघमार्फत जुयावयाच्वंग दु। यदि संघया मार्फत धर्मया प्रचारप्रसार जुयामवःगु जूसा थौं झीसं बुद्धधर्म धइगु छु खः धकाः शायद मसीधुंकल जुइ। उकिं बुद्धधर्मय् संघयात नं छगू रत्नकथं भाःपियाः त्रिरत्नय् दुने दुथ्याका तःगु दु। थुज्वःगु त्रिरत्न मध्यय् छगू जुयाच्वंगु संघय् दुथ्याकेगु छगू विधि अथवा प्रक्रियाया नां खः - प्रवज्या संवर बीगु ।

प्रवज्याया शाब्दिक अर्थ सन्यासी जुइगु खः। तर बुद्ध धर्मय् थुकिया अर्थ संघय् दुतिनेगु खः। संघय् दुतिनेगु परम्परा शाक्यमुनिया जीवनकालनिसें हे प्रारम्भ जुइधुंकूगु खनेदु। बुद्धकालय् बुद्ध थम्हं हे मेपिंत प्रवज्या बिउगु खनेदुसा लिपा वयाः विशिष्ट भिक्षुपिंत आचार्य व उपाध्याय यानाः प्रवज्या बीकूगु खनेदु। बुद्धकालय् न्हापां प्रवज्या ग्रहण याःपिं बुद्ध व धर्मया जक शरणय् वंगु जुलसा लिपायापिं बुद्ध, धर्म व संघ अथवा त्रिरत्नया शरणय् वनाः संघय् प्रवेश जूगु जुल ।

नेपाःगालय् बुद्ध धर्म प्रवेश जुइधुंकाः थन निर्माण जूगु बौद्ध विहारया संघय् प्रवेश जुइगु ज्या न्हापांनिसें जुया वयाच्वंगु दु। थनया बौद्ध विहारय् जुयाच्वंगु प्रवज्या संवरया इतिहासयात दुवाला स्वत धाःसा यक्व न्ह्यः हे विभिन्न व्यक्तिपिं प्रवज्या ग्रहण यानाः भिक्षु जुयावंगु दु। जुजु शिवदेव थम्हं हे विहार दयेकाः थः भिक्षु जुयावंगु लिसें जुजु रुद्रदेव, भाष्करदेव नं प्रवज्या संवर ग्रहण यानाः भिक्षु जुल धकाः च्वयातःगु दु ।

थौंकन्हय् थुगु संघय् दुथ्याकेगु क्रियायात नेवाः बौद्ध समाजय् छगू संस्कार कर्म कथं न्ह्याका वयाच्वंगु दु। थुकियात जीवनय् याइगु झिगू कर्म मध्यय् छगू चूडाकरण कर्म अन्तर्गत लाकातःगु दु। थुकियात स्थानीय भाषां 'बरे छुइगु' धाइ। थ्व शब्द 'वन्द्यजु लुइगु' शब्दं हिलावःगु खः। वन्द्यजु लुइगु धाःगुया अर्थ वन्दना याये योग्यम्ह जुइकेगु धाःगु खः। प्रवज्या संवर ग्रहण याइबलय् प्रवजित जुइम्हेसिनं "जि आजीवन त्रिशरण वने" नापं "जिं आजीवन झिगू शील (देश शिक्षापद) पालन याये" धकाः प्रतिज्ञा यायेमाः। थथे प्रतिज्ञा यानाः शील ग्रहण यानाः धर्मानुकूल जीवन हनीम्ह जुयाः वयात वन्दना याये योग्यम्ह धाःगु खः। तर यथार्थ अर्थ मथूगुलिं 'बरे छुइगु' धकाः गिजे यानाः धाइपिं नं दु ।

प्रवज्या संवर बीगु अथवा बरे छुइगु/वन्द्यजु लुइगु चलन नेवाः बौद्ध समाजय् दुने थौंकन्हय् बज्राचार्य, शाक्य व बुद्धाचार्य परिवार दुने जक दु। इमि थः परिवारया कुल पुत्रपिंत जक प्रवज्या संवर बियाः, प्यन्हु तक भिक्षु यानाः, क्वाःपाःद्यःयाथाय् दुतयंकाः बौद्ध संघय् दुथ्याकेगु याना वयाच्वन। थुकथं स्वनिगःया बहाबहिली प्रवज्या संवर बियाः बहाबहिली दुत यंकाः संघया सदस्य धकाः सामाजिक मान्यता बिया वयाच्वन। तर वज्राचार्य, शाक्य व बुद्धाचार्यया कायपिंसं तथाकथित मेगु जातया मिसा ब्याहा याना हयाः दुपिं काय मचापिंत धाःसा चीभाःद्यःया न्ह्यःने जक प्रवज्या संवर बिया तलसा गुलिसित प्रवज्या संवर तक नं बिया मतः। चीभालय् जक प्रवज्या संवर बियातःपिंत थः अबुया संघय् दुथ्याकातःगु खने मदु। गुकिंयानाः बौद्ध कूलय् जन्म जुयाः नं गुलिं मनूत समाज तथा संघं मान्यता मबीक च्वनेमाःगु दुसा गुलिं मनूत बौद्ध कूलय् जन्म जुयाः नं अबौद्ध जुइका च्वनेमाःगु दु। थथे जुइका च्वनेमाःगुया मुख्य कारण स्वनिगः दुने च्वंगु नेवाः बौद्ध समाजय् ल्यनाच्वंगु थजात क्वजात, थ्याःम्ह, मथ्याम्ह धइगु भेदभाव खः। थ्व हे जातिभेदया कारणं यानाः नेवाः बौद्ध समाजय् जुइगु प्रवज्या संवर ज्याझ्वलय् नं चायेक मचायेकं लिच्वः लानाच्वंगु दु ।

धात्थें धायेगु खःसा भगवान बुद्धया धर्म जातिभेद, वर्णभेद, थीत्यः, थीमत्यःया विरोधी खः तर बुद्ध जन्म जूगु देशय् हे थौं जातिभेद, वर्णभेदं क्वातुक्क हा कयाच्वंगु दु। उकिं थौंयागु वर्तमान परिस्थितिइ बुद्धधर्मया मूल शिक्षायात थुइकाः जातिभेद वर्णभेदयात लिकया छ्वयेमाःगु दु। नेपाःया बौद्ध समाजय् दयाच्वंगु थ्व भेदभावयात तंकाः अन्तरजातीयपाखें दुपिं मस्तय्त नं प्रवज्या सम्बर बीमाःगु दु नापं बौद्ध संघय् दुथ्याकाः समाजं मान्यता बीमाःगु दु। यदि थौंयागु इलय् थथे याये मफुत धाःसा थुकिया बांमलाःगु लिच्वः झीगु बौद्ध समाजयात हे जुइ। थुपिं यावत खँयात वाःचायेकाः नेपाल परम्परागत बौद्ध धर्म संघपाखे अन्तरजातीय ब्याहा यानाः इपिंपाखें दुपिं मस्तय्त विधिवत रुपं विशेष व्यक्तिपिनिगु उपस्थितिइ प्रवज्या संवर बीत्यंगु दु। थुगु संघपाखें थ्वहे वइगु माघ २० गते यायेत्यंगु अन्तरजातीय प्रवज्या संवर प्रदान ज्यझ्वःपाखें अवश्य नं नेपाःया बौद्ध समाजय् दयाच्वंगु विकृतियात सुधार हयेफै धइगु भलसा कयाच्वना ।

(च्वमि नेपाल परम्परागत बौद्धधर्म संघया महासचिव खः)

http://www.nepalmandal.com/content/12465.html

मिस पानवतीया शुभमुहुर्त

2011-02-02T10:41:00.000-08:00

मिस पानवतीया शुभमुहुर्त

POSTED ON MON JAN 31, 2011 7:46 PM NST

भाजु अरुण दास श्रेष्ठया नेपालभाषाया न्हूगु संकिपा 'मिस पानवती' या म्हीग छगू ज्याझ्वःया दथुइ शुभ मुहुर्त जुल। सुजाता फिल्मस् प्रोडक्सनया ग्वसालय् परोपकारया यति पार्टी प्यालेसय् जूगु उगु ज्याझ्वलय् सन् २०१० या मिसा नेपाल सदीक्षा श्रेष्ठ मू पाहांकथं उपस्थित जुयादीगु खः।
भाजु सुरेन्द्र तुलाधरया च्वसा व निर्देशनय् निर्माण जुइत्यंगु संकिपा 'मिस पानवती' या मू भूमिकाय् मय्जु सनम श्रेष्ठ (नकिं) व भाजु सुरेश महर्जन (नायः) म्हितेत्यंगु खः ।

संकिपाया बाखंयात मोडर्न छेँया स्वकुमितय्सं यः मतायेकाच्वंगु कारणं बाखंचुइ न्हूगु सवाः बियाः न्ह्यब्वयागु खँ निर्देशक भाजुं कनादिल। निगू ब्वय् न्ह्याःगु उगु ज्याझ्वलय् नकतिनि हे पिदंगु आर.बि.सिंहया संकिपा 'जिगु मिखाया न्ह्यःने' या कलाकार, निर्देशक, गायक, संगीतकार व आर्थिक ग्वाहालि याःपिं सकसितं सुभाय्-पौ लःल्हायेगु ज्या जूगु खः। ज्याझ्वलय् वरिष्ठ फोटोग्राफर राजभाई सुवाल व आर.बि.सिंहपिंसं नेवाः संकिपाया विषयय् चर्चा यानादीगु खः ।

उगु ज्याझ्वःया दथुं वइगु फागुन ८ गते न्हापांखुसि अष्ट नारायण हलय् थुगु संकिपा प्रदर्शन जुइगु जानकारीलिसें चैत्र २५ गते गोपीकृष्ण, वैशाख ६ गते पोखरा लगायत थासय् प्रदर्शन जुइगु खँ ग्वसाः खलकं जानकारी बिउगु खः। नेवाः जागरण मञ्चया नायः सुजीव बज्राचार्यया सभापतित्वय् न्ह्याःगु उगु ज्याझ्वलय् सुरेश स्थापितं लसकुस यानादीगु खः। ज्याझ्वलय् न्वचु तयेगु झ्वलय् मू पाहां मय्जु श्रेष्ठं नेवाः भाय् मसःगुलिं थःतः मछिंगु खँ धासें लिपा जुइगु ज्याझ्वलय् थःगु उपस्थिति जूसा नेवाः भासं हे नवायेगु बचं बियादिल। वय्कः मय्जुं थौंकन्हय् थम्हं नेवाः भाय् सयेकाच्वनागु दु धइगु जानकारी नं बियादीगु खः ।

उगु ज्याझ्वःया लिपांगु ब्वय् 'जिगु मिखाया न्ह्यःने' संकिपाया छुं न्ह्यइपुगु लु नं प्रदर्शन याःगु खः ।

http://www.nepalmandal.com/content/12490.html

बाल श्रम बारे सैंजुयात विद्यावारिधी

2011-02-02T10:40:00.000-08:00

बाल श्रम बारे सैंजुयात विद्यावारिधी

POSTED ON MON JAN 31, 2011 7:49 PM NST

येँ (सन्ध्या टाइम्स)/नेपाःया बाल श्रम सम्बन्धी ख्यलय् ताः ई न्ह्यवंनिसें सक्रिय लिसें नेपालभाषा आन्दोलनया छम्ह न्ह्यलुवा भाजु विजय सैंजुयात विद्यावारिधी उपाधि प्राप्त जूगु दु। वय्कलं च्वयादीगु 'नेपाल बाल श्रम' विषयक शोध-ग्रन्थया लागिं वय्कःयात उगु उपाधि प्राप्त जूगु दु। नेपालय् त्रिभुवन विश्वविद्यालयपाखें थ्व विषयय् उपाधि कयादीम्ह वय्कः न्हापांम्ह नेपाःमि खः। भाजु सैंजु थौंकन्हय् कन्सर्न नेपाल नांगु संस्थाया निर्देशक जुया च्वनादीगु दु ।

http://www.nepalmandal.com/content/12495.html

'नेवाःसः'या २५ ल्याः

2011-02-02T10:39:00.001-08:00

'नेवाःसः'या २५ ल्याः

POSTED ON SUN JAN 30, 2011 10:59 PM NST

येँ (सन्ध्या टाइम्स)/नेपाल टेलिभिजनं प्रशारण याना वयाच्वंगु नेपालभाषाया ज्याझ्वः 'नेवाः सः' या थौं रजत अंक (२५ ल्याः) प्रशारण जुइत्यंगु दु। थःपिंत थन तक वयेत ग्वाहालि यानादीपिं सकसितं उकिया निर्माता निर्देशक रत्नकाजी लूनिभां सुभाय् बियादीगु दु ।

http://www.nepalmandal.com/content/12478.html

छन्हुं हे येँय् १२ थासय् सम्मेलन

2011-02-02T10:38:00.000-08:00

छन्हुं हे येँय् १२ थासय् सम्मेलन

POSTED ON SUN JAN 30, 2011 10:58 PM NST

येँ (सन्ध्या टाइम्स)/एकीकृत नेवाः राष्ट्रिय मुक्ति मोर्चा येँ जिल्ला सम्मेलन तयारीया झ्वलय् म्हिगः छन्हुं हे येँया झिंनिगू थासय् सम्मेलन क्वचायेकूगु दु ।

नेवाः मोर्चा येँ जिल्लाया नायः उमेश स्थापितं धयादी कथं म्हिगः येँ जिल्लाया सांगठनिक क्षेत्र प्यंगू अले येँ महानगरया न्हय्गू जिल्ला व छगू गाविसय् उकथं सम्मेलन यानाः न्हूगु नेतृत्व ल्ययेगु ज्या जूगु खः ।

म्हिगः सांगठनिक क्षेत्र २, १७, १९ व २०, येँ महागरपालिकाया वडा नं. ११, २५, १३, २, २० ३२ व २६ अथे हे धापासी गाविसय् सम्मेलन यानाः न्हूगु नेतृत्व ल्ययेगु ज्या जूगु खः ।

उकथं हे थौं सांगठनिक क्षेत्र १८, १३ व १५ नापं येँ महानगरपालिकाया वडा नं. २८ य् सम्मेलन जुइ। 'राष्ट्रिय स्वाधिनता, शान्ति व जनसंविधान सुनिश्चितता यायेनु, नेवाः राज्य पलिस्था यायेत न्याक्वःगु जिल्ला सम्मेलन ताःलाकेनु' धइगु मू नारा थ्वयेकाः वइगु २८ व २९ गते मोर्चाया येँ जिल्लाया न्याक्वःगु सम्मेलन यायेत्यंगु दु ।

http://www.nepalmandal.com/content/12476.html

प्रेस दबूया कविता गोष्ठी

2011-02-02T10:36:00.000-08:00

प्रेस दबूया कविता गोष्ठी

POSTED ON SUN JAN 30, 2011 10:59 PM NST

यल (सन्ध्या टाइम्स)/नेवाः प्रेस दबूया ग्वसालय् देशया सहिदपिनि लुमंतिइ म्हिगः छगू कवि गोष्ठी यात। नेवाः राज्यया मूल आधार�संचार क्षेत्रय् झीगु अधिकार धइगु मू नारा ज्वनाः न्ह्यानाच्वंगु नेवाः प्रेस दबूया नायः नरेन्द्र राजभण्डारीया सभापतित्वय् उगु ज्याझ्वः जूगु खः ।

ज्याझ्वलय् माधव मोहन, बद्रि वेदना, सागर ज्यापु, तुयु पुं, पुष्परत्न ताम्राकार, कृष्ण प्रजापति, रश्मी नापित लगायत मुक्कं झिंच्याम्ह कविपिंसं ब्वति कयादीगु खः। ज्याझ्वलय् प्रा. डा. सुन्दरकृष्ण जोशी मू पाहां कथं झाःगु खःसा नेवाः प्रेस दबूया सल्लाहकार मोतिलाल शिल्पकारं थःगु नुगःखँ तयादीगु खः। छ्यांज्ये विनोद रंजितं लसकुस यानादीगु खः ।

http://www.nepalmandal.com/content/12479.html

लण्डनय् विश्व नेवाः मुना

2011-02-02T10:35:00.000-08:00

लण्डनय् विश्व नेवाः मुना

POSTED ON MON JAN 31, 2011 7:51 PM NST

Share4

येँ (सन्ध्या टाइम्स)/विश्व नेवाः संगठन (डब्लुएनओ) या ग्वसालय् न्हापांगु अन्तर्राष्ट्रिय नेवाः सम्मेलन बेलायतया लण्डनय् याइगु जूगु दु ।

विश्वया थीथी देशय् मुनाच्वंपिं नेवाःतय्त छथाय् तयाः नेवाः भाषा, नेवाः जाति व नेवाः राज्यया प्रवर्द्धन यायेगु ताः तयाः छुं ई न्ह्यः तिनि विश्व नेवाः संगठन (वर्ल्ड नेवाः अर्गनाइजेशन) गठन याःगु खः ।

लण्डनय् नेवाः सलन जुइगु झ्वलय् संस्थापाखें 'सकलें नेवाःत लण्डनय् मुने नु' धइगु नारा बियाः प्रचार अभियान न्ह्याकीगु जूगु दु ।

http://www.nepalmandal.com/content/12499.html

बुद्ध जन्मभूमि बारे न्हूगु तथ्य लुल

2011-02-02T10:34:00.000-08:00

बुद्ध जन्मभूमि बारे न्हूगु तथ्य लुल

POSTED ON MON JAN 31, 2011 7:53 PM NST

Share51

येँ (सन्ध्या टाइम्स)/बुद्ध भारतय् जन्म जूगु खः धकाः क्यनेगु नितिं भारतं उत्तर प्रदेशस्थित अलिगढवा लागाय् नक्कली लुम्बिनीया निर्माण यानाच्वंगु ज्या असफल जूगु दु ।

बेलायती विश्वविद्यालयपाखें याःगु अनुसन्धानय् कपिलवस्तुया तिलौराकोटय् बुद्धकालीन शहर हे पत्ता लगे जुइवं बुद्धयात थःपिनिगु देशय् जन्म जूम्ह खः धकाः भारतं यानाच्वंगु कुतः असफल जूगु खः। द्वलंद्वःदँ पुलांगु पुरातात्विक महत्वया संरचना पत्ता लगे यायेगु अत्याधुनिक प्रविधि प्रयोग यानाः जहाजपाखें याःगु एक्स-रेपाखें तिलौराकोटया जमिन तःले शहर दुगु खँ पत्ता लगे जूगु खः। बेलायती विश्वविद्यालया डरहामया विशेषज्ञं हवाईजहाजपाखें याःगु अनुसन्धानं तिलौराकोटया भूगर्भय् दरबार, ४ लेनया सतक, लँया निखे छेँया शहर, उद्यानतकं व्यवस्थित यानातःगु पुष्टि जूगु दु। लच्छि न्ह्यः जक याःगु अनुसन्धानपाखें थ्व खँ पत्ता लगे जूगु खः ।

उखे भारतं बुद्ध भारतय् जन्म जूगु खः धकाः दावी यासें उकियात पुष्टी यायेगु नापं विश्व समुदाययात भ्रमय् लाकेगु कुतः यानाः नक्कली लुम्बिनी व तिलौराकोट दयेकेगु ज्या यानाच्वंगु दु। बुद्धया जन्मस्थल बारे भ्रम ब्वलंकेगु नितिं भारतया उत्तर प्रदेशया अलिगढीवाय् धमाधम निर्माणया ज्या यानाच्वंगु दु। उगु ज्या सन् २०१२ या दुने क्वचायेकेगु लक्ष्य तयातःगु दु। नेपाःया कपिलबस्तुनाप स्वाःगु अलिमढवाय् अथे नक्कली कपिलवस्तु दयेकेगु ज्या जुयाच्वंगु खः। अन द्वलंद्वः मजदुरतय्सं न्हियान्हिथं ज्या यानाच्वंगु दु। उगु लागायात भारतं कपिलबस्तु धकाः तकं नां तयेधुंकूगु दु। भारतं नेपाःया कपिलवस्तुइ लुया वःगु गुलिखे सामान नापं खुयाः अन तयेयंकूगु खँ चर्चाय् वयेगु याः। तर आः लिपांगु अनुसन्धानपाखें भारतया उगु कुतः असफल जुइगु निश्चित जूगु दु ।

http://www.nepalmandal.com/content/12501.html

कपिलवस्तु बारे न्हू लुयावःगु तथ्य

POSTED ON TUE FEB 1, 2011 6:55 PM NST

नेपाःया कपिलवस्तुइ सिद्धार्थ गौतम बुद्धया दरवार दु धइगु विषयय् आधिकारिक तथ्यत पिहां वःगु दु। आः नकतिनि छगू बेलायती अनुसन्धान पुचलं थ्व खँ पत्ता लगे याःगु जानकारी नं वःगु दु। अत्याधुनिक व वैज्ञानिक प्रविधिपाखें याःगु अनुसन्धानपाखें थ्व न्हूगु खँ पत्ता लगे जूगु खः। खतुं कपिलवस्तु हे गौतम बुद्धया गृहनगर खः धइगु खँ इतिहासं न्हापा नं पुष्टि यायेधुंकूगु खँ खः। उकी सुनां नं विवाद याःगु मदु। अथे खःसां झी हे जःलाखःला देय् भारतं धाःसा बुद्ध जन्म जूगु थाय् व च्वनीगु थाय् भारतय् लाः धकाः न्हापांनिसें दावी याना वयाच्वंगु खःसा उकियात पुष्टि यायेगु लागिं थःगु देशय् नक्कली कपिलवस्तु लागिं थःगु देशय् नक्कली कपिलवस्तु नगर हे दयेकेगु ज्या समेत याना वयाच्वंगु खः। भारतं थःगु लागाय् दयेकाच्वंगु नकली कपिलवस्तुइ गुलिखे ज्वलंत अज्याःगु नं तये हयेधुंकूगु दु गुगु नेपाःया धाथेंया कपिलवस्तुं खुया यंकातःगु खः। नेपाःया कपिलवस्तुइ उत्खनन् याःबलय् लुयावःगु आपालं ज्वलंत आः तनेधुंकूगु खँ पिहां वयाच्वंगु दु। थ्व ज्वलं गुलिखे नेपाःपाखें बांलाक सुरक्षित याना मतःगु कारणं खुयाः उखे यंकूगु खःसा गुलिखे अनया हे भ्रष्ट कर्मचारीतय्सं ध्यबा नयाः बिया छ्वःगु धइगु खँ नं पिहां वयाच्वंगु दु। नेपाःया धाथेंया कपिलवस्तुया हे ज्वलंत खुयाः थःथाय् मुंकूगु कारणं यानाः भारतं सकली कपिलवस्तु थःगु देशय् लाः धकाः दावी याःगु खः।
न्ह्यागुसां आः लुया वःगु न्हूगु तथ्यं न्हापा हे प्रमाणित जुयाच्वने धुंकूगु सत्ययात हानं छक्वः पुष्टि यायेगु ज्या याःगु दु। थुकिं विश्वयात छगू हे बांलाःगु हे सन्देश वनीगु आशा यायेछिं ।

http://www.nepalmandal.com/content/12511.html