नेपाल मदर डट कम (www.NepalMother.com) - नेपाल बाहिर नेपालीहरुको सामुहिक आवाज

सामाजिक सञ्जालहरूलाई असामाजिक सञ्जाल नबनाऊँ

2025-01-17T13:18:00.000-05:00

लोग्ने स्वास्नीको झगडा भयो - सामाजिक सन्जाल र मिडियामा !

सासु बुहारीको झगडा भयो - सामाजिक सन्जाल र मिडियामा !

बाउ छोराको झगडा भयो - सामाजिक सन्जाल र मिडियामा !

दाई भाई लडे, झगडा भयो - सामाजिक सन्जाल र मिडियामा !

दिदी बहिनीको झगडा भयो - सामाजिक सन्जाल र मिडियामा !

कसैको सम्बन्ध बिग्रिन थाल्यो, झगडा भयो - सामाजिक सन्जाल र मिडियामा !

डिभोर्स हुन थाल्यो भनेर पनि - सामाजिक सन्जाल र मिडियामा !

डिभोर्स भयो भनेर पनि - सामाजिक सन्जाल र मिडियामा !

हाम्रो समाज र हामी कता जाँदै छौं यो हाम्रो ऐना हो हामीलाई हेर्ने ।

पत्रकारिताको पनि धर्म हुन्छ, के प्रकाशन गर्ने, के नगर्ने सीमा हुन्छ, अर्काको घर भँडाउने, जुधाउने, निजी जीवन बर्बादपार्ने काम नगरौँ । अहिले अनलाइन देखी सामाजिक सँजालहरुमा जे भैरहेको छ यो गलत छ । मान्छेको निजी जीबनमा प्रबेश गर्ने, लडाउने, भिडाउने खेलले भ्युज त बटुलिएला तर त्यसले समाजलाई उल्टो बाटो हिंड्न सिकाउँछ है, सबैले ख्याल गरौं, मनन गरौं ।

अहिले अनलाइन देखी सामाजिक सञ्जालहरूमा जे भइरहेको छ यो गलत छ । मान्छेको निजी जीवनमा प्रवेश गर्ने, लडाउने, भिडाउने खेलले भ्युज त बटुलिएला तर त्यसले समाजलाई उल्टो बाटो हिँड्न सिकाउँछ है, सबैले ख्याल गरौँ, मनन गरौँ । मेरो यो स्ट्याटस आजको एउटा घटनाको मात्र नभएर केही वर्ष यता, केही समय यता हुँदै आएका दर्जनौँ घटना र यस्ता गलत प्रवृत्ति प्रति इङ्गित छ । सामाजिक सञ्जालहरूलाई असामाजिक सञ्जाल नबनाऊँ विनम्र अनुरोध सबै सबैमा । - रामप्रसाद खनाल

संसद बैठक बोलाउन सरकारलाई आह्वान, नबोलाइए विशेष अधिवेशन बोलाउने चेतावनी

2025-01-17T09:28:00.001-05:00

गौतमबुद्ध अन्तर्राष्ट्रिय विमानस्थल (भैरहवा)मा भिजिबिलिटी समस्याका कारण उडान रोकेका अन्तर्राष्ट्रिय विमान कम्पनीहरूले फेरि उडान सुरु

2025-01-16T19:43:00.004-05:00

भैरहवा / गौतमबुद्ध अन्तर्राष्ट्रिय विमानस्थल (भैरहवा)मा भिजिबिलिटी समस्याका कारण उडान रोकेका अन्तर्राष्ट्रिय विमान कम्पनीहरूले फेरि उडान सुरु गरेका छन् । भैरहवामा यसअघि कात्तिकमा उडान सुरु गरेका कम्पनीले भिजिबिलिटी कम भएको कारण देखाउँदै उडान रोकेका थिए । फ्लाई दुबईले १३ जनवरी (पुस २९) बाट उडान सुरु गरेको छ । फ्लाई दुबईले डिसेम्बर १५ देखि उडान रोकेको थियो । फ्लाई दुबईले पुस २९ देखि दैनिक एक उडान सुरु गरेको नेपाल नागरिक उड्ड्यन प्राधिकरण (क्यान)का सूचना अधिकारी ज्ञानेन्द्र भूलले जानकारी दिए ।

उनका अनुसार, फ्लाई दुबईले १३ तारिकबाट दैनिक एक फ्लाइट गरिरहेको छ । ३१ जनवरीबाट जजिराले पनि सुरु गर्दै छ । फेब्रुवरी १ देखि थाई एयर एसियाले हप्ताको तीनवटा फ्लाइट गर्ने तयारी छ । सरकारले त्रिभुवन अन्तर्राष्ट्रिय विमानस्थल स्तरोन्नति गर्न १० घन्टा बन्द गरी विमान कम्पनीलाई भैरहवा विमानस्थलमा उडान गर्न क्यानले सर्कुलर गरेको थियो । कात्तिक २३ गतेदेखि विमानस्थल बेलुका १० देखि बिहान ८ बजेसम्म बन्द गरेर स्तरोन्नतिका काम भइरहेको छ । त्रिविबाट ३० प्रतिशत उडान कटौती भएपछि जजिरा, थाई एयर एसिया, कतार एयरवेज, फ्लाई दुबई र नेपाल एयरलाइन्सले भैरहवा विमानस्थलबाट उडान सुरु गरेका थिए । कतार एयरवेजले १५ दिन उडानपछि भैरहवामा निरन्तरता दिएन । अन्य कम्पनीले उडान गरे पनि पुसको सुरुवातसँगै भिजिबिलिटीको कारण देखाउँदै रोकेका थिए ।

थाई एयर एसियाले पूर्ण रूपमा उडान नरोकेको गौतमबुद्ध अन्तर्राष्ट्रिय विमानस्थलका महाप्रबन्धक प्रतापबाबु तिवारीले जानकारी दिए । “थाई एयर एसियाले पूर्ण रूपमा उडान रोकेको थिएन । फ्रिक्वेन्सी केही कम गरेको थियो । २/३ हप्तामा एउटा गर्दै आइरहेको थियो । कतारले फ्लाइट नै झिकेको हो । जजिरा र फ्लाई दुबईले रोकेका थिए, फ्लाई दुबई त सुरु भयो, जजिरा तयारीमा छ,” उनले भने । कतार एयरवेजले भैरहवाबाट पुनः उडान गर्ने विषयमा कुनै प्रतिक्रिया नदिएको सूचना अधिकारी भूल बताउँछन् । संस्कृति पर्यटन तथा नागरिक उड्ड्यन मन्त्रालयले मंसिरसम्म तयार पारेको तथ्यांकअनुसार स्तरोन्नतिको काम ३४ प्रतिशत सकिएको छ । ट्याक्सी वे, पार्किङ एप्रोन र ह्यांगर निर्माणका काम समग्रमा मंसिरसम्म ३४.३३ प्रतिशत काम सकिएको छ ।

मन्त्रालयका अनुसार, पार्किङ एप्रोनको ४८ प्रतिशत निर्माण सकिएको छ । यस्तै, ट्याक्सी वेको निर्माण ३२ प्रतिशत सकिएको छ । ह्यांगर एप्रोनको निर्माण २३ प्रतिशत सकिएको छ । त्रिभुवन अन्तर्राष्ट्रिय विमानस्थलको स्तरोन्नतिसँगै हुने उडान कटौतीका लागि भन्दै संस्कृति पर्यटन तथा नागरिक उड्डयान मन्त्रालयले गौतम बुद्ध र पोखरा विमानस्थल सञ्चालनका लागि प्याकेज समेत ल्याएको थियो ।

हवाई टिकटमा भ्याट छुट वा फिर्ता, इन्धनमा सहुलियत, भिसा सेन्टर स्थापना, हवाई सेवा शुल्कमा लाग्ने तीन हजार यात्रु सेवा शुल्क छुट, पार्किङ, ल्यान्डिङ, नेभिगेसन शुल्क छुट दिने, एक हजार पर्यटन शुल्क पूर्ण छुट, ग्राउन्ड ह्यान्डलिङमा ७५ प्रतिशत छुटलगायत कार्ययोजना ल्याएको थियो । साउन २८ गते बसेको मन्त्रिपरिषद् बैठकले नागरिक उड्डयन क्षेत्रको समग्र सुधारसम्बन्धी कार्ययोजना तथा गौतमबुद्ध र पोखरा अन्तर्राष्ट्रिय विमानस्थल सञ्चालनसम्बन्धी कार्ययोजनासमेत स्वीकृत गरेको थियो । भैरहवातर्फ केही उडान कम्पनी गए पनि पोखरातर्फ विमानस्थलतर्फ भने हालसम्म कुनै पनि अन्तराष्ट्रिय कम्पनीले नियमित उडान गरेका छैनन् ।

भैरहवाबाट अन्तर्राष्ट्रिय उडान भर्न क्यानबाट कुनै समस्या नरहेको गौतमबुद्ध महाप्रबन्धक तिवारी बताउँछन् । “हाम्रोबाट कुनै पनि विमान उडान र अवतरण गर्नुमा केही समस्या छैन,” उनले भने, “श्रम भिसा सेन्टरलगायत केही सुविधा स्थापना भए उडान दीर्घकालीन हुन्छ ।” भैरहवाबाट यात्रु नै नपाएपछि कतारले १५ दिन मात्रै उडान गरेको थियो । भिजिबिलिटी र हुस्सुले समस्या गरेपछि समाधान गर्न रिक्वायर्ड नेभिगेसन पर्फर्मेन्स अथोराइज्ड रिक्वायरमेन्ट (आरएनपीएआर) प्रणाली सञ्चालनमा ल्याउन लागेको छ । भैरहवामा जनवरी २३ (माघ १०) देखि आरएनपीएआर प्रविधि लागु गर्ने तयारीमा छ ।

आरएनपीएआर जडानपछि ९ सय भिजिबिलिटी हुँदा पनि उडान/अवतरण गर्न मिल्ने महाप्रबन्धक तिवारी बताउँछन् । हाल १८०० मिटर भिजिबिलिटीमा उडान/अवतरण हुने गरेको छ । आरएनपीएआर प्रविधि जडान भएपछि विमान कम्पनीका पाइलटहरूलाई तालिम, कम्पनीहरूको अनुमतिलगायत विषय बाँकी रहँदा दुई महिना लाग्ने तिवारी बताउँछन् ।

“विमान कम्पनीहरूले चासो देखाउनुपर्‍यो, पहिला त । यसको परीक्षण पनि गर्नुपर्ने हुन्छ । प्रकाशित भएपछि उडान कम्पनीहरूले पनि टेस्ट गर्ने भए । यसकारण केही समय लाग्छ,” उनले भने ।

गौतम बुद्ध विमानस्थलमा अहिले भीओआरडीएमई प्रणाली अनुसार उडान/अवतरण भइरहेको छ । यसमा न्यूनतम भिजिबिलिटी १८०० मिटरसम्म आवश्यक पर्छ ।

माघ १० देखि आरएनपीएआर प्रणाली लागु गरेर भए पनि भैरहवा विमानस्थल दीर्घकालीन सञ्चालन गर्ने क्यानको तयारी छ । पोखरा र भैरहवा विमानस्थल हाल घाटामा सञ्चालन भइरहेका छन् ।

गौतमबुद्ध विमानस्थल निर्माण गर्न ३५ अर्ब ६६ करोड र पोखरा विमानस्थल निर्माण गर्न २५ अर्ब ३४ करोड खर्च भएको छ । पोखरा अन्तर्राष्ट्रिय विमानस्थलका निम्ति ऋण अनुदानमा परिणत गर्न आग्रह गर्न अर्थ मन्त्रालयले चिनियाँ पक्षलाई पत्र समेत लेखेको छ । तर, चिनियाँ पक्षले जवाफ दिएको छैन ।

पोखरा विमानस्थलका लागि सरकारले चीनको एक्जिम बैंकबाट करिब हालको विनिमय दर अनुसार करिब २५ अर्ब ८८ करोड रुपैयाँ (एक अर्ब ३३ करोड ८७ लाख ४० हजार चिनियाँ युआन) ऋण लिने सम्झौता गरेको थियो । बाह्रखरीमा कमल धिताल लेख्छन - पछिल्लोपटक परराष्ट्रमन्त्री आरजु राणासँग चिनियाँ पक्षले पोखरा विमानस्थल सञ्चालनमा सहयोग गर्ने प्रतिबद्धता व्यक्त गरेको थियो ।

खानकै छ प्रतिस्पर्धा !

2025-01-16T09:28:00.006-05:00

कोही बोलेरै खाए
कोही नबोलेरै खाए
कोही धेरै बोलेर खाए
कोही बोल्न नजानेरै खाए
देश र जनताले के पाए ??
खानकै छ प्रतिस्पर्धा,
उहिले देखी अहिले सम्म
पुराना देखी नयाँ सम्म
अझ जाने हुन कहाँ सम्म !
एक पछि अर्को नाटक
प्रदर्शन भएकै छ बिच शहरमा
विडम्बनाको कुरा,
कोही बुझेर पनि
कोही नबुझेर पनि,
लागेकै छन पछि पछि,
जेठा माइला साइँला कान्छाका पछि
उनीहरू देखी यिनीहरू सम्म, छैनन कोही चोखा
घिचेको देख्दा देख्दै, बुझ्दा बुझ्दै,
दासताको डोरीमा बाँधिन मान्दैन यो मन
माफ गर कान्छा, पछि लाग्न सकिन,
जे जे भन्ने हो भन, वा विरोधीमा गन !
- रामप्रसाद खनाल, जनवरी १६, २०२५

'नो हर्ज प्लिज' अभियान : उपत्यका ट्राफिक प्रहरी कार्यालयले काठमाडौं उपत्यकाभित्र हर्न बजाउन नपाइने नियमलाई प्रभावकारी बनाउने

2025-01-16T07:46:00.001-05:00

उपत्यका ट्राफिक प्रहरी कार्यालयले काठमाडौं उपत्यकाभित्र हर्न बजाउन नपाइने नियमलाई प्रभावकारी बनाउने बताएको छ । काठमाडौंमा ट्राफिक प्रहरी कार्यालय र यातायात व्यवसायी राष्ट्रिय महासंघ तथा मजदुर ट्रेड युनियनबीच भएको छलफलमा उपत्यका ट्राफिक प्रहरी कार्यालयका प्रमुख प्रहरी वरिष्ठ उपरीक्षक विनोद घिमिरेले 'नो हर्ज प्लिज' अभियानलाई पूर्ण रूपमा लागु गर्ने बताएका हुन् । उपत्यका ट्राफिक प्रहरी कार्यालय २०७३ सालमा नो हर्ज प्लिज अभियान सुरु गरे पनि प्रभावकारी रूपमा कार्यान्वयन हुन सकेको छैन । ट्राफिक प्रहरी प्रमुख घिमिरेले जनताचेतनामूलक कार्यक्रम गर्दै हर्न बजाउन नपाइने नियमलाई कार्यान्वयन गर्ने बताए । उनले सार्वजनिक यातायातलाई व्यवस्थित गर्न र सेवाग्राहीलाई सहज सेवा दिन यातायात व्यवसायीले पनि प्रभावकारी भूमिका खेल्नुपर्ने धारणा राखे ।

त्यस्तै, यातायात व्यवसायी राष्ट्रिय महासंघका वरिष्ठ उपाध्यक्ष सरोज सिटौलाले मुलुकमा सबै क्षेत्रमा सुधार देखिए पनि राज्यले यातायात क्षेत्रको सुधारमा ध्यान दिन नसकेको बताए । भक्तपुरदेखि काठमाडौंसम्म द्रूत बसको सेवा सुरु गरे पनि पूर्वाधारलाई ध्यान दिन नसक्दा द्रूत बस सञ्चालनमा समस्या भएको उनले बताए । उनले यातायात क्षेत्रलाई सुधार गर्नका लागि छुट्टै लेनको व्यवस्था गर्नुपर्नेमा जोड दिए ।

गैर आवासीय नागरिकता प्रदान गरेर भिसा उपलब्ध गराउने विषय अनुचित हुने : महामन्त्री शर्मा

2025-01-16T07:35:00.003-05:00

कांग्रेस महामन्त्री विश्वप्रकाश शर्माले गैर आवासीय नेपालीका सम्बन्धमा अध्यादेशमा उल्लेखित विषयमा आफ्नो असहमति रहेको बताउँदै सच्याउन माग गरेका छन् । सरकारको सिफारिस अनुसार राष्ट्रपति रामचन्द्र पौडेलले जारी गरेको अध्यादेशमा गैरआवासीय नेपालीलाई दश वर्षसम्म निःशुल्क भिसा उपलब्ध गराउने व्यवस्था छ । अध्यादेशमा ‘नेपालमा बसोबास गर्ने गैरआवासीय नेपाली नागरिकता प्राप्त व्यक्ति वा परिचयपत्र प्राप्त नेपाली मुलको विदेशी नागरिक वा निजको परिवारलाई दश वर्षसम्मको गैरआवासीय भिसा निःशुल्क उपलब्ध गराइने’ उल्लेख गरिएको छ । गैर आवासीय नागरिकता प्रदान गरेर भिसा उपलब्ध गराउने विषय अनुचित हुने महामन्त्री शर्माले बताएका छन् । बिहीबार सभापति शेरबहादुर देउवा निवास बुढानीलकण्ठमा बसेको पार्टीका मन्त्रीसहितको बैठकमा शर्माले यसबारे प्रश्न उठाएका हुन् । बैठकमा सहभागी एक नेताका अनुसार, नागरिकता प्रदान गर्ने संविधानको व्यवस्था अनुसार गैर आवासीय नेपालीले नागरिकता प्राप्त गर्ने हुँदा भिसा किन ? भन्दै उनले प्रश्न गरेका थिए ।

‘गैर आवासीय नेपालीले नागरिकताका लागि संविधानले व्यवस्था गरेको एउटा प्रकार अनुसारको नागरिकता लिने हुन् । नागरिकता प्राप्त गर्नेलाई किन भिसा दिनुपर्ने ?’, शर्माले बैठकमा बोलेको भनाइ उद्धृत गर्दै ती नेताले भने, ‘गैर आवासीय नागरिकता प्राप्त गरेको व्यक्तिलाई त्रिभुवन अन्तर्राष्ट्रिय विमानस्थलबाट ‘तिमीलाई निःशुल्क भिसा छ’ भन्न मिल्दैन ।’ गैर आवासीय नेपालीका सन्दर्भमा गरिएको थप व्यवस्थामा ‘गैरआवासीय नेपाली नागरिकता प्राप्त व्यक्तिलाई एक पटकमा दुई वर्ष अवधिको बहुप्रवेश सुविधा सहितको आवासीय भिसा निशुल्क उपलब्ध गराइने’ प्रावधान राखिएको छ । गैर आवासीय नेपालीलाई संविधानको भाग २ को धारा १४ ले नागरिकता प्रदान गर्ने व्यवस्था गरेको छ । सरकारले कानुन सुधारका क्रममा राखेको उक्त व्यवस्थालाई गैर आवासीय नेपाली संघमा आवद्धहरूले समेत असन्तुष्टि व्यक्त गरेका छन् । गैर आवासीय नेपाली संघका उपाध्यक्ष हेमराज शर्माले गैरआवासीय नेपाली नागरिकता प्राप्त गरेपछि पनि पुनः भिसा लिनुपर्ने व्यवस्था संविधानको मर्म र एनआरएनएको अपेक्षासँग मेल नखाने सामाजिक सञ्जालमा लेखेका छन् । अनलाइन खबरका अनुसार गैर आवासीय नेपालीलाई सन्दर्भमा अध्यादेशमा राखिएको व्यवस्था संशोधन हुने बिहीबारको कांग्रेस बैठकमा सहभागी नेताहरू बताउँछन् ।

गोरु, भैँसी जुधाएर मनोरञ्जन लिने मेरो देश, मेरो समाज...

2025-01-16T07:23:00.003-05:00

गोरु, भैँसी जुधाएर मनोरञ्जन लिने मेरो देश, समाज आजकल टिकटक, फेसबुक, युट्युब लगायतका सञ्जालमा मान्छे मान्छे जुधाएर त्यहीँ बहस गर्छ, दोषी करार गर्छ, बिटुलाउँछ, चोख्याउँछ, क्लिन चिट दिन्छ, आफूलाई जे मन लाग्यो त्यही परिभाषा बनाउँछ, आफै फैसला लेख्छ र सञ्जालमै आदेश सुनाउँछ । अदालत र अदालतका न्यायाधीश छायामा पार्छ, अदालतको आदेश हेर्न पढ्न उसलाई फुर्सद पनि हुन्न ।

असामाजिक बन्दै गइरहेका सञ्जालहरू रङ्याउँछ, तथ्यहरू बङ्ग्याउँछ, भिडतन्त्रमा विश्वास गर्छ ।

पहिला माओवादी र YCL का नाममा यस्तो अराजकता सुरु भयो, ती बिलाए, त्यस लगत्तै अरिङ्गाल आतङ्क शुरु भयो, अहिले अरिङ्गगालहरु आफै रक्षात्मक अवस्थामा पुगे । अहिले कसको नाममा सुरु भएको छ देखिरहनुभएको छ । संयमित होऊ, संयमित गराऊ है नत्र पछि आत्मघाती गोल बन्ला, चेतना भया ! "रुल अफ ल" मा विश्वास गरौँ, "हुल अफ ल" मा होइन । न्यायालयले आफ्नो पक्षमा फैसला गरे मान्ने, नगरे नमान्ने जुन रोग छ, यो मानसिक रोग बाट मुक्त होउ, न्यायालयलाई फैसला गर्न देउ । सत्य तितो हुन्छ !

६० लाख धरौटी बुझाएर छुटे पछि रविले भने "न्यायलयलाई विशेष धन्यवाद दिन चाहन्छु, यो देशमा न्याय मरेको छैन"

2025-01-15T10:12:00.003-05:00

उनलाई धरौटीमा छाड्दा अदालतले लामिछाने कसुरदार नभएको भन्न सक्ने अवस्था नदेखिएको बताएको छ !

रवि लामिछानेले देशमा न्याय नमरेको प्रतिक्रिया दिएका छन् । जिल्ला अदालत काठमाडौंमा ६० लाख रुपैयाँ धरौटी बुझाएर रिहा भएपछि लामिछानेले अदातलप्रति सम्मान व्यक्त गरे । रिहा भएलगत्तै लामिछानेले भने, ‘सबै जनालाई धेरै धेरै धन्यवाद । न्याय प्रक्रियालाई सघाउन आएको भनेको थिएँ । अदालतप्रति एकदमै सम्मान व्यक्त गर्न चाहन्छु । न्यायप्रेमी जनतालाई धन्यवाद दिन चाहन्छु । न्यायलयलाई विशेष धन्यवाद दिन चाहन्छु । यो देशमा न्याय मरेको छैन ।’

यता आजै दिएको अदालतको आदेशमा भनिएको छ - "....प्रस्तुत वारदातमा कसुरदार होइनन् भन्न सक्ने अवस्था नदेखिएकाले प्रस्तुत मुद्दाको प्रकृतिसमेतलाई मध्यनजर राखी मुद्दाको कारबाहीको सिलसिलामा प्रमाण परीक्षण गर्दै जाँदा ठहरेबमोजिम हुने गरी मुद्दा पुर्पक्षको प्रयोजनका लागि हाललाई मुलुकी फौजदारी कार्यविधि संहिता, २०७४ को दफा ६८ र ७२ समेतका आधारमा यी प्रतिवादी रवि लामिछानेबाट रु. ६०,००,०००/- (साठ्ठी लाख रुपैयाँ नगद धरौट वा सो बराबरको जेथा जमानत दिए लिई तारिखमा राख्नू । साथै फरार रहेका प्रतिवादीहरूको हकमा यसै अदालतबाट पक्राउ पूर्जी जारी गरी पक्राउ भई आएपछि वयानका लागि पेश गर्नू," आदेशमा भनिएको छ । यसअघि, कास्की जिल्ला अदालतले २५ पुसमा लामिछानेलाई ६५ लाख रुपैयाँ धरौटीमा छाड्न आदेश दिएको थियो ।

यसै बिच वरिष्ठ अधिवक्ता दिनेश त्रिपाठीमाथिको आक्रमणको विरोध गर्दै काठमाडौं जिल्ला अदालत बार एशोसिएशनले विज्ञप्ति जारी गरेको छ । राष्ट्रिय स्वतन्त्र पार्टी (रास्वपा) सभापति रवि लामिछानेविरुद्ध सहकारी ठगीसहितको मुद्दामा वरिष्ठ अधिवक्ता त्रिपाठीले सहकारीपीडितका तर्फबाट बहस गरेका थिए । बहस सकेर बाहिरिँदै गर्दा त्रिपाठीमाथि आक्रमण भएको थियो । जिल्ला अदालत बारले कानुन व्यवसायीले पेसागत धर्म निर्वाह गर्दा हुने आक्रमणले स्वतन्त्र र निर्भक र सक्षम न्यायपालिकालाई खण्डित गर्ने उल्लेख गरेको छ ।

“कानुन व्यवसायीको आचारसंहिताको पालना गरी पक्षको तर्फबाट बहस पैरवी एवं वकालत गर्नु पेसागत धर्म एवं मर्यादा हो । कानुन व्यवसायीले पक्षको तर्फबाट मुद्दामा प्रतिनिधित्व गर्ने मात्र हो, मुद्दाको पक्ष विपक्ष हुदैनन्,” जिल्ला अदालत बारका अध्यक्ष आरसी बिमलद्वारा जारी विज्ञप्तिमा भनिएको छ, “मिति २०८१।१०।०२ गते काठमाडौं जिल्ला अदालतमा चलिरहेको ‘संगठित रूपमा ठगी गरेको’ मुद्दामा थुनछेक बहस गरी अदालतबाट निस्कने क्रममा जाहेरवालाहरूको तर्फबाट बहस पैरवी गरेको विषयलाई लिएर अदालतको गेटमा उपस्थित भएका केही उच्छृंखल व्यक्तिहरूले वरिष्ठ अधिवक्ता दिनेश त्रिपाठीज्यूलाई हातपात, लछारपछार एवं कुटपिट गर्ने जस्ता अमानवीय व्यवहार एवं कार्य भएको घटनाप्रति यस बार एशोसिएशनको गम्भीर ध्यानाकर्षण भएको छ ।”

बारले पक्षको तर्फबाट बहस पैरवी गरेको विषयमा कानुन व्यवसायीमाथि आक्रमण गर्ने कार्यबाट स्वतन्त्र सक्षम र निर्भिक न्यायपालिकामाथि आक्रमण भएको ठम्याइ गरेको उल्लेख छ । “कानुन व्यवसायीमाथि आक्रमण गर्ने कार्य अदालतमा पक्षको स्वतन्त्र प्रतिनिधित्वको सिद्धान्त विपरीतको कार्य हो,” विज्ञप्तिमा भनिएको छ, “अदालतमा पक्षको प्रतिनिधित्व गरी बहस पैरवी गरेको विषयमा कानुन व्यवसायी वरिष्ठ अधिवक्ता दिनेश त्रिपाठीज्यूलाई आक्रमण गर्ने जस्ता अवाञ्छित गतिविधि गर्ने व्यक्तिहरूलाई अविलम्व पक्राउ गरी प्रचलित कानुनबमोजिम कारबाही गर्न सम्बन्धित निकाय समक्ष जोडदार माग गर्दछौँ ।”

उता पोखराको सूर्यदर्शन सहकारीपीडितहरूले जिल्ला अदालत कास्कीको फैसलाविरुद्ध न्यायपरिषद्‌मा उजुरी दिने जनाएका छन् । सूर्यदर्शन बचतपीडित संघर्ष समितिले बुधबार एक प्रेस विज्ञप्ति जारी गर्दै जिल्ला अदालत कास्कीले गत पुस २५ गते गरेको आदेशविरुद्ध परिषद्‌मा उजुरी दिने जनाएको हो ।

यो सहकारी प्रकरणमा जोडिएका सात प्रतिवादीमाथि जिल्ला न्यायाधीश नीतिज राईले सबैलाई धरौटीमा छाड्ने आदेश दिएका थिए । जबकी पुस ७ गते जिल्ला सरकारी वकिलको कार्यालयले अदालतमा दायर गरेको अभियोगपत्रमा रास्वपा सभापति रवि लामिछाने, पूर्वडीआइजी छविलाल जोशीसहित अन्य प्रतिवादीविरुद्ध संगठित अपराध, सहकारी ठगी र सम्पत्ति शुद्धीकरण मुद्दामा १० वर्षभन्दा बढी कैद सजाय र बिगो भराउन माग गरेको थियो ।

तीनवर्षभन्दा कम सजाय हुने मुद्दामा प्रतिवादीलाई धरौटीमा रिहा गर्ने गरिएता पनि न्यायाधीश राईले लामिछानेलाई ‘कसुरदार रहेनछन् भन्ने मनासिब आधार नदेखिएता पनि ...।’ भन्ने कारणसहित लामिछानेलाई ६५ लाख रुपैयाँ धरौटीमा रिहा गर्न आदेश दिएका थिए ।

कास्की प्रहरीको हिरासतमा सूर्यदर्शन सहकारी ठगी प्रकरणमा रहेका सातैजना प्रतिवादीलाई अदालतले फरकफरक धरौटीमा रिहा गर्न आदेश दिएको थियो ।

उक्त आदेशलाई सहकारीपीडितहरूले त्रुटिपूर्ण रहेको र यसले पीडितको न्यायमा आघात पुग्ने खतरा बढेको बताएका छन् । पीडितहरू न्यायका लागि एकताबद्ध भएर लडिरहँदा सरकार, प्रशासन, जिम्मेवार निकाय र विभिन्न राजनीतिक दलहरूले पीडितहरूको हकहित सुरक्षित गर्ने र न्याय दिलाउनुको सट्टा मुद्दालाई झनै जटिल बनाउँदै लगेको र प्रत्येक क्षेत्रमा प्रतिकूल प्रभाव पार्ने काम गरिरहेको आरोप उनीहरूले लगाएका छन् ।

“जिल्ला अदालत कास्कीले सम्बन्धित आरोपितहरूलाई मुद्दा पुर्पक्षको लागि धरौटीमा रिहा गर्ने गरी गरेको आदेश र प्रक्रिया त्रुटिपूर्ण रहेको हाम्रो ठहर छ, यस आदेशले हामी सहकारीपीडितको न्यायमा आघात पुग्ने खतरा बढेको छ,” विज्ञप्तिमा भनिएको छ, “सरकार, शासन र शक्तिकेन्द्रलाई नै प्रभावमा पार्न सक्ने आरोपितहरू थुनामुक्त हुने कुराले हामी सहकारी पीडितले न्याय पाउने कुरामा संशय बढेको छ, यो विषय कुनै व्यक्तिगत आग्रह–पूर्वाग्रह, कुनै राजनीतिक प्रभाव नाफा घाटा वा कुनै प्रतिशोधको होइन, यो हामी सहकारी पीडितको न्यायको हो ।”

सहकारीपीडितहरूलाई सामाजिक सञ्जालमा चरित्रहत्या गर्ने, आफ्नो बचत नपाएर दुख, कष्ट, मृत्युवरण र पारिवारिक समस्याबाट गुज्रिरहेको अवस्थामा अदालतबाट आएको आदेश पीडितप्रति पूर्वाग्रह रहेको उनीहरूले बताएका छन् ।

उनीहरूले उक्त मुद्दाको पुनरावोलकनका लागि उच्च अदालतमा निवेदन दिन उच्च सरकारी वकिलको कार्यालयसमक्ष आग्रह गरेका छन् । “अदालतले गरेको आदेश उपर यथाशीघ्र थप कानुनी उपचारको लागि पुनरावेदनको प्रक्रिया अगाडि बढाउन जोडदार माग गर्दछौँ । समग्र सहकारीपीडितको न्यायसँग जोडिएको यस विषयमा ढिला सुस्ती भएर विषयलाई विषयान्तर गर्न खोजिएमा सम्पूर्ण सहकारीपीडित एक भई थप आन्दोलनमा उत्रने कुरा जानकारी गराउन चाहन्छौँ,” विज्ञप्तिमा भनिएको छ ।

उनीहरुले सहकारीपीडितको पक्षमा बोल्नेहरू र बहस गर्ने अधिवक्ताहरूमाथि कुटपिट गर्ने र सामाजिक सञ्जालमा गालीबेइज्जती गर्ने विषयमा आपत्ति प्रकट गरेका छन् । बुधबार नै काठमाडौं जिल्ला अदालतमा वरिष्ठ अधिवक्ता दिनेश त्रिपाठीमाथि आक्रमण भएको थियो ।

मुद्दाको अभियोजन र त्यसपछि अदालती प्रक्रियाका गतिविधि चित्त बुझ्दो नभएका कारण न्यायपरिषद्‌मा जाने उनीहरूले बताएका हुन् । विज्ञप्तिमा भनिएको छ, “यस मुद्दामा हुने न्याय निरूपण समग्र सहकारी समस्या र सहकारी पीडित न्यायको लागि दृष्टान्त बन्ने हुनाले यसमा सरकार थप गम्भीर भएर सम्पूर्ण न्यायिक प्रक्रिया अपनाउने पर्ने आवश्यकता छ । हामीले यस मुद्दाको अभियोजन र त्यस सम्बन्धमा भएका अदालती प्रक्रियामा र गतिविधि चित्त बुझ्दो नभएकाले यसप्रति न्यायपरिषद्को ध्यानाकर्षण गराउँदै सम्पूर्ण प्रक्रिया पुर्‍याएर न्याय परिषद्‌मा उजुरी दिने समेत जानकारी गराउँदछौँ ।”

लामिछानेलाई धरौटीमा छाड्ने आदेशविरुद्ध यसअगाडि नै २८ पुसमा सवुत–प्रमाण र तथ्य हुँदा हुँदै धरौटी लिएर तारेखमा छाडिएको दाबीसहित सिन्धुलीका युवराज सफलले न्यायाधीश राईविरुद्ध न्याय परिषद्‌मा उजुरी दर्ता गराइसकेका छन् ।

संगठित अपराध र सम्पति शुद्धीकरणको मुद्दामा पुर्पक्षका लागि थुनामा पठाई मुद्दा अगाडि बढाउन पर्नेमा न्यायाधीशले राईले आरोपित सातैजनालाई विगो दाबीभन्दा न्यून धरौटी तोकी छाड्ने निर्णय गरेको प्रश्न उजुरीमा उठाएका छन ।

न्यायपरिषद् ऐन २०७३ को दफा १७ मा उजुरीसँग सम्बद्ध मुद्धाको अध्ययनसम्बन्धी व्यवस्था छ । यसको उपदफा १ मा भनिएको छ, “कुनै मुद्दाको सम्बन्धमा कुनै न्यायधीशविरुद्ध न्यायपरिषद्‌मा उजुरी परेमा न्यायपरिषद्ले त्यस्तो मुद्दाको अध्ययन गर्न कुनै सदस्यलाई तोक्न सक्नेछ ।” बाह्रखरीका अनुसार यसपछि अदालतबाट फाइल मगाउने र उजुरीसँग सम्बद्ध मुद्धाको अध्ययन गरी न्यायपरिषद्ले तोकेको अवधिभित्र आफ्नो रायसहितको प्रतिवेदन परिषद्‌मा पेस गर्नुपर्ने कानुनी व्यवस्था छ ।

सर्वोच्च अदालतले कैलाली–२ बाट निर्वाचित नागरिक उन्मुक्ती पार्टीका सांसद अरुण चौधरीको योग्यता विवादसम्बन्धी रिट खारेज गरिदिएसँगै उनको पद जोगियो

2025-01-15T09:08:00.002-05:00

माघे संक्रान्ति मेलाको अवसरमा चारधाममध्येको एक नेपालकै प्रसिद्ध रुरुधाममा कालीगण्डकी नदी किनारमा भक्तजनको घुइचो

2025-01-14T13:16:00.002-05:00

माघे संक्रान्ति मेलाको अवसरमा चारधाममध्येको एक नेपालकै प्रसिद्ध रुरुधाममा कालीगण्डकी नदी किनारमा भक्तजनको बिहानैदेखि घुइचो लागेको छ । कालीगण्डकी नदी स्थान गरी भगवान ऋषिकेशको दर्शन गर्न बिहानैदेखि भक्तजनको भीड लागेको हो । मेला भर्नका लागि नेपालका विभिन्न जिल्लासंगै छिमेकी मुलुक भारतबाट पनि भक्तजनको बाक्लो उपस्थिती रहेको छ । आजका दिन कालीगण्डकी स्नान गरेमा पृती मोक्ष्य, मानोकाक्षा पूरा हुने धार्मिक विश्वाश रहेको भक्तजनहरुले बताएका छन् । जेठी, माइली र कान्छी गरी तीन दिनसम्म कालीगण्डकी स्नान गरी ऋष्किेशको दर्शन गर्नका लागि भक्तजन रुरु क्षेत्रमा पुग्ने गरेका छन् । पाल्पा, गुल्मी र स्याङ्जा जिल्लाको संगमस्थल रिडीमा संक्रान्तिको

अवसरमा रुरु फ्रेण्डस क्लब रिडीले मेलासमेत आयोजना गरेको छ । रिडीको गुल्मीतर्फको भागमा रुरु फ्रेण्ड्स क्लब र एफसी क्लब रिडी बजारको संयुक्त आयोजनामा साँस्कृतिक कार्यक्रमसहित, बालउद्यान, कृषिमेला प्रदर्शनी हस्तकलाका सामानको प्रदर्शनीसहित मेलाको भव्य तयारी गरिएको रुरु फ्रेण्ड्स क्लबले जनाएको छ ।

हिन्दू धर्मावलम्बीहरूको पवित्र तीर्थस्थल देवघाटधाममा माघे सङ्क्रान्ति स्नान गर्न आउने तीर्थालुको घुइँचो, निःशुल्क डुङ्गाको व्यवस्था

2025-01-14T10:31:00.002-05:00

हिन्दू धर्मावलम्बीहरूको पवित्र तीर्थस्थल देवघाटधाममा माघे सङ्क्रान्ति स्नान गर्न आउने तीर्थालुको घुइँचो लागेको छ । तीर्थालुको सुविधाका लागि गैँडाकोटबाट निःशुल्क डुङ्गाको व्यवस्था गरिएको छ । नवलपरासी (बर्दघाट-सुस्तापूर्व), तनहुँ र चितवनमा पर्ने कालीगण्डकी र त्रिशूली नदीको सङ्गमस्थल देवघाटको बेनीमा स्नान गर्न जान जिल्लाको गैँडाकोट-३ नम्बर वडा कार्यालयले निःशुल्क डुङ्गाको व्यवस्था गरेको हो ।

गैँडाकोट नगरपालिकाका प्रवक्ता एवं वडा नं ३ का वडाध्यक्ष शिवकान्त तिवारीले कालीगण्डकी नदीको केलादीघाटबाट बेनीमा जानका लागि निःशुल्क र्याफ्टिङ डुङ्गाको व्यवस्था गरिएको बताउनुभयो । “नवलपुरतर्फबाट सहज र छिटो रूपमा दुईपाङ्ग्रे तथा चारपाङ्ग्रे सवारीसाधनमा देवघाटधाम स्नान गर्न जान सकिन्छ”, उहाँले भन्नुभयो, “जसका लागि गैँडाकोटको पुलचोक हुँदै शिलान्यास चोक, ब्रिटिस क्याम्प भएर तथा कालीगण्डकी चोकबाट कालीगण्डकी करिडोरको बाटो भएर जान सकिन्छ ।”

कालीगण्डकी चोकबाट करिडोरको बाटो हुँदै चारपाङ्ग्रे सवारीसाधनबाट कालीगण्डकीको पक्की पुलबाट देवघाटधाममा नै पुग्न सकिने भन्दै अध्यक्ष तिवारीले शिलान्यासचोक हुँदै ब्रिटिस क्याम्प भएर दुईपाङ्ग्रे सवारीसाधनमा देवघाटको केलादीघाटमा पुग्न सकिने बताउनुभयो ।

चितवनतर्फबाट देवघाट जान घुमाउरो र असहज यात्रा हुने हुँदा नवलपुरतर्फबाट सहज रूपमा यात्रा गर्न अनुरोध गरिएको छ । गैँडाकोटको ब्रिटिस क्याम्प हुँदै देवघाट बेनीको वारिपट्टि केलादीघाट पुगिने र त्यहाँबाट पारि जान निःशुल्क डुङ्गा उपलब्ध गराइएको छ । नेपाल टेलिभिजनका अनुसार कालीगण्डकीमा स्नान गरेर फर्किने तीर्थालुका लागि केलादीघाटमा सुरक्षित स्नानघाट निर्माण गरिएको र बेनी सङ्गममा स्नान गर्ने भक्तजनका लागि केलादीघाटबाट निःशुल्क डुङ्गामा जाने व्यवस्था गरिएको छ ।

अमेरिकाको क्यालिफोर्नियामा लागेको आगोको ताजा अवस्था, बुधवारसम्म चल्ने हावाहुरीले अझ के के हुने हो !

2025-01-14T10:05:00.002-05:00

रविले सहकारीबाट ऋण लिदा गरेको भनिएको हस्ताक्षरको फोरेन्सिक रिपोर्टमा के छ ? कस्ले ढाँटेको हो ?

2025-01-14T10:04:00.001-05:00

हवाइजहाज, हेलिकोप्टर देखी सयौं दमकल, हजारौंँ अग्नि नियन्त्रकहरूले पनि निभाउन सकेनन अमेरिकाको आगो !

2025-01-12T10:17:00.005-05:00

अरु समाचार र बिचार हेर्न तलको लिँक क्लिक गर्नुहोस ।

NepalMother.com

GO TO HOME PAGE

एकातिर भयानक आगो, अर्को तिर हिउँ, अमेरिकामा ठुलो क्षति ! १३ भन्दा बढीको ज्यान गयो, कैयौं घाइते, अर्बौं डलरको क्षति

2025-01-11T22:17:00.003-05:00

अरु समाचार र बिचार हेर्न तलको लिँक क्लिक गर्नुहोस ।

NepalMother.com

GO TO HOME PAGE

नब निर्वाचित अमेरिकी राष्ट्रपति डोनाल्ड ट्रम्पलाई पदभार सम्हाल्नु १० दिन अगाडि न्युयोर्कको एउटा अदालतका न्यायाधीश जुवान मर्शानले सुनाए सजाय तर जेल जान नपर्ने, अपराधीको ट्याग लाग्यो !

2025-01-10T16:44:00.003-05:00

Judge delivers sentencing remarks in Donald Trump hush money case – audio Trump sentenced to unconditional discharge in "hush money" trial

अरु समाचार र बिचार हेर्न तलको लिँक क्लिक गर्नुहोस ।

NepalMother.com

GO TO HOME PAGE

California Fires Update : More than 10 People died, Crews continue to battle several fires burning across the region.

2025-01-10T15:48:00.007-05:00

• Four major wildfires are raging across Los Angeles County. At least 10 people have died, with officials warning the true toll won’t be clear until it’s safe for investigators to go into neighborhoods. More than 153,000 people are under evacuation orders, the county sheriff said Friday. After countywide evacuation warnings were accidentally sent to millions, officials apologized, emphasized work is underway to resolve the issue and urged people not to disable their alerts.

• Whole neighborhoods have been devastated. At least 10,000 properties have been destroyed, the Los Angeles County assessor said. One of the wildfires, the coastal Palisades Fire, could be the costliest in US history, according to a climate expert. Officials on Friday said firefighters have made some progress and that the blaze is 8% contained.

• Firefighting teams are expecting more wind and dry conditions to continue to complicate efforts into next week. If winds are too strong, firefighting aircraft won’t be able to take off. Here’s why California is uniquely susceptible to the worst effects of the human-caused climate crisis.

Where things stand as firefighters work to get Los Angeles blazes under control

From CNN's Elise Hammond

Firefighters made progress on several fires raging in Los Angeles overnight — but they are now bracing for more winds Friday afternoon.

About 153,000 people are still under evacuation orders, according to officials.

It has been a busy start to the year for fire crews. Cal Fire said it has battled at least 90 fires in the first 10 days of 2025.

Here’s where things stand with the largest fires in LA County:

Palisades Fire: Burning more than 20,000 acres so far, the Palisades Fire is 8% contained, according to Cal Fire. It has destroyed more than 5,300 structures, the third-most in state history.

Eaton Fire: The Eaton Fire has destroyed 4,000-plus structures, the fourth-most in state history. At 3% contained, it has burned more than 13,600 acres so far, according to fire officials. Several agencies are assisting, and resources from Canada were also expected to arrive today, Los Angeles County Fire Chief Anthony Marrone said.

Kenneth Fire: This fire, burning across the West Hills in Los Angeles County and in neighboring Ventura County, is 35% contained, officials said. It has burned about 1,000 acres so far, according to Cal Fire. California Gov. Gavin Newsom said in the early hours of Friday that 900 additional firefighters were deployed to battle the blaze.

Here’s what else to know:

Devastation: The overwhelming majority of homes and businesses in Pacific Palisades have been destroyed by the Palisades Fire, satellite imagery from Airbus shows. Los Angeles Mayor Karen Bass says President Joe Biden and the Federal Emergency Management Agency have pledged to reimburse disaster relief expenses. At least 10,000 properties have been damaged — and hundreds more will likely be identified in the coming days, according to Los Angeles County Assessor Jeff Prang.

Response: More than 600 California National Guardsmen are assisting in the fire response in California, the Pentagon said. National Guard personnel were already deployed to the area around the Eaton Fire Thursday night. A curfew continues for the Palisades and Eaton fire areas in all mandatory evacuation zones from 6 p.m. to 6 a.m. local time, Los Angeles County Sheriff Robert Luna said.

Emergency alert system: Los Angeles County is working to fix a problem that led to residents receiving evacuation warnings in error yesterday, Office of Emergency Management Director Kevin McGowan said. He said the alerts are sent though a wireless system and urged people not to disable the emergency messages.

Aerial firefighting: One of the two Los Angeles County “Super Scooper” aircraft is being repaired after it hit a small drone, Marrone said, adding that it should be flying again by Monday. At the federal level, eight C-130 aircraft equipped with modular aerial firefighting systems are being activated, Deputy Pentagon press secretary Sabrina Singh said.

The forecast: Winds are expected to remain gusty into Friday afternoon in the fire zone. The National Weather Service in Los Angeles said offshore winds will continue into next week, peaking Sunday, then again Tuesday or Wednesday. Strong winds have been causing the fires to spread rapidly and have complicated firefighting efforts, especially those in the sky.

*****

अरु समाचार र बिचार हेर्न तलको लिँक क्लिक गर्नुहोस ।

NepalMother.com

GO TO HOME PAGE

गैरआवासीय नेपाली नागरिकता प्राप्त व्यक्तिले १० वर्षसम्म नेपाल बस्दा भिसा निःशुल्क, कम्पनी खोल्न पाउने, विदेशी लगानीका रूपमा अनुमति लिनुनपर्ने

2025-01-10T15:39:00.002-05:00

गैरआवासीय नेपाली नागरिकता प्राप्त व्यक्तिले १० वर्षसम्म नेपाल बस्दा भिसा निःशुल्क । सरकारले अध्यादेशमार्फत कानुन संशोधन गर्दै यस्तो व्यवस्था गरेको हो । शुक्रबार साँझ प्रधानमन्त्री निवास बालुवाटारमा बसेको मन्त्रिपरिषद् बैठकले अध्यादेशमार्फत १० वर्षसम्म भिसा निःशुल्क व्यवस्था गरेको हो । त्यस्तै, गैरआवासीय नेपाली नागरिकता प्राप्त व्यक्तिले नेपालमा कम्पनी खोल्न पाउने भएको छ । विदेशी लगानीका रूपमा अनुमति लिनुनपर्ने पनि व्यवस्था गरिएको छ । तर यसरी चार महिनासम्म संसद् नबोलाएर सरकारले जस्केलाबाट अध्यादेश ल्याउनु भन्दा सँसद बोलाएरै, सँसद बाटै पास गरेर ल्याएको भए अझ राम्रो हुन्थ्यो भन्ने आवाज पनि उठेको छ । यसको पुरा विवरण आउन बाँकी छ । बाँकी कुरा हामी अपडेट गराउने छौं हाम्रा पाठकहरुलाई ।

सरकारले केही ऐन संशोधन गर्ने अध्यादेश ल्याएको छ । शुक्रबार साँझ प्रधानमन्त्री निवास बालुवाटारमा बसेको मन्त्रिपरिषद् बैठकले अध्यादेश ल्याउने निर्णय गरेको हो । सार्वजनिक सेवा प्रवाहमा सहजताका लागि अध्यादेश ल्याइएको एक मन्त्रीले जानकारी दिए । भूमिसम्बन्धी, एनआएनएसम्बन्धी अध्यादेश ल्याइएको छ । सरकारले अध्यादेशमार्फत कानुन संशोधन गर्दै गैरआवासीय नेपाली नागरिकता प्राप्त व्यक्तिले १० वर्षसम्म नेपाल बस्दा भिसा निःशुल्क गरिने भएको छ । त्यस्तै, गैरआवासीय नेपाली नागरिकता प्राप्त व्यक्तिले नेपालमा कम्पनी खोल्न पाउने व्यवस्था गरिउको छ । विदेशी लगानीका रूपमा अनुमति लिनुनपर्ने पनि निर्णयमा उल्लेख छ ।

सरकारको कार्यसम्पादन सरलीकरण गर्दै सात दिनभित्र निर्णय गर्नुपर्ने व्यवस्था गरिएको छ । अध्यादेशमार्फत संशोधन हुने कानुनमा सरकारका कामको सम्पादन सरलीकरण सात दिनभित्र नभए कारबाही हुने व्यवस्था गरिएको हो । त्यस्तै, सेवा प्रवाहमा नागरिक एप प्रयोगमा ल्याउनेगरी अध्यादेशमार्फत कानुन संशोधन हुने भएको हो । श्रमिकहरुको अनिवार्य अवकाश उमेरहद ५८ बाट ६० वर्ष बनाइएको छ भने कसुरजन्य सम्पत्ति र कसुरमा संलग्न साधन जफत गर्ने व्यवस्था गरिएको छ ।फैसला कार्यान्वयनको तहमा केही सरकारवादी मुद्दामा मिलापत्र गरी पीडितलाई रकम भराउने मौका दिने र पीडित सँग मिलापत्र गरेमा दण्ड जरिवाना माफी हुने व्यवस्था पनि गरिएको छ । पुनरावेदन गर्दा विगो, जरिवाना पूरै धरौटी राख्न नसके थुनामा बस्नुपर्ने व्यवस्था परिवर्तन गरी सुरु धरौटीको १५ प्रतिशत मात्र धरौटी राखे पुग्ने व्यवस्था गरिएको छ । नेपाली आईटी कम्पनीले विदेशमा लगानी गर्न र विदेशी बजारसँग प्रतिस्पर्धा गरी नेपालमा आम्दानी भित्र्याउन पाउने व्यवस्था पनि गरिएको छ । विदेशमा शाखा कार्यालय खोल्न पाउने भएको छ ।

सामाजिक सुरक्षा भत्ताका लागि क्रमशः राष्ट्रिय परिचय पत्र अनिवार्य गर्दै जाने भएको छ । वृत्तिभरण कोषमा शिक्षकहरूलाई समावेश गर्ने तथा योगमाया आयुर्वेदिक विश्वविद्यालय सञ्चालन कानुनमा संशोधन गरिएको पनि जनाइएको छ । तीन करोडसम्मको राजश्व विवाद राजश्व चुहावट अनुसन्धान विभागले नै निर्णय गर्न सक्ने, राजश्व चुहावट मुद्दामा विगो भराउन फैसला पर्खिनु नपर्ने, जरिवाना र विगो तिरेमा मिलापत्र गर्न सकिने व्यवस्था गरिएको छ । सरकारी ठेक्कापट्टामा उत्पन्न विवाद मध्यस्थताबाट गर्दा भएको ढिलाइ अन्त्य गर्न द्रुत मध्यस्थता गर्ने व्यवस्था राखिएको पनि जनाइएको छ । कम्पनीका कर्मचारीले प्राप्त गरेको कर्मचारी शेयर बिक्रीसम्बन्धी स्पष्ट व्यवस्था राखिएका छन् । कम्पनी दर्ता सहज तरिकाले गर्न सक्ने, तर बन्द गर्दा हुने झन्झट अन्त्य गरिएको छ र कारोबार नभई बन्द हुन चाहने कम्पनी खारेजी गर्दा तिर्नु पर्ने जरिवानामा छुट दिने व्यवस्था पनि गरिएको छ । बाह्रखरीका अनुसार विशेष आर्थिक क्षेत्रभित्र हाल उत्पादनमुलक उद्योगले मात्र सञ्चालन अनुमति पाएकोमा अब सेवामुलक उद्योग पनि स्थापना हुन सक्ने भएका छन् ।

अरु समाचार र बिचार हेर्न तलको लिँक क्लिक गर्नुहोस ।

NepalMother.com

GO TO HOME PAGE

पाँच राष्ट्रपति एकसाथ उपस्थित भए र राष्ट्रिय शोक दिवस मनाए

2025-01-09T15:55:00.006-05:00

अमेरिकामा आज राष्ट्रपती जो बाइडेन, नब निर्वाचित राष्ट्रपती डोनाल्ड ट्रम्प, पूर्व राष्ट्रपतीहरु बिल क्लिन्टन, जर्ज बुर्स र बाराक ओबामा एक साथ उपस्थित भएर स्वर्गीय पूर्व राष्ट्रपति जिम्मी कार्टर प्रति सम्मान ब्यक्त गरे । अमेरिकामा पूर्व राष्ट्रपती हरुलाई पनि सम्बोधन गर्दा राष्ट्रपती भनेर सम्बोधन गर्ने प्रचलन छ तसर्थ आज पाँच राष्ट्रपती एकसाथ उपस्थित भएको र राष्ट्रिय शोक दिवस मनाएको यो घटना अमेरिका मात्र नभएर संसारका लागि महत्वपूर्ण भएको छ । सरकारी बिदा सहित शोक मनाउन र श्रदान्जली दिन आयोजित बिशेष कार्यक्रममा इशाइ धर्म र अमेरिकी सँस्कार अनुसार स्वर्गीय पूर्व राष्ट्रपति जिम्मी कार्टर प्रति सम्मान ब्यक्त गरिएको थियो जहाँ अमेरिकाका उपरास्ट्रपति देखी सभामुख, सिनेटर, कंग्रेसमेन, गभर्नर लगायतका उच्च पदस्थ नेता तथा ब्यक्तीहरु उपस्थित थिए ।

श्रध्दाजली सभालाई सम्बोधन गर्दै कार्यकाल समाप्त हुनै लागेका राष्ट्रपती जो बाइडेन र कार्टरका आफन्तहरु, इशाइ धर्मका धर्म गुरुहरुले स्वर्गीय पूर्व राष्ट्रपति जिम्मी कार्टरको गहिरो स्मरण गरे । यसै गरी संसार भर रहेका अमेरिकी राजदुताबासहरुमा पनि आयोजित शोक सभा तथा श्रध्दाजली सभा आयोजना गरी स्वर्गीय पूर्व राष्ट्रपति जिम्मी कार्टर प्रति सम्मान ब्यक्त गरियो ।

अरु समाचार र बिचार हेर्न तलको लिँक क्लिक गर्नुहोस ।

NepalMother.com

GO TO HOME PAGE

अमेरिकाको क्यालिफोर्नियामा केहीदिन देखी भैरहेको आगजनिले जन धनको ठुलो क्षति, एक लाख तिस हजार भन्दा बढी मानिस घर छाड्न वाध्य

2025-01-09T15:51:00.002-05:00

अमेरिकाको क्यालिफोर्नियामा केहीदिन देखी भैरहेको आगजनिले जन धनको ठुलो क्षति गराएको छ । लस एन्जेलस, इटन, पालिसडेस, जेम्सवुड, मार्क हामील मेन्डिमोरमा आगलागीले उग्ररुप लिँदा त्यहाँका एक लाख तिस हजार भन्दा बढी मानिस घर छाड्न वाध्य भएका छन । आगो अझै नियन्त्रनमा आएको छैन र कैयौ ठाउँं हरुमा बासस्थान खाली गराउने क्रम जारी छ । त्यहा अहिले ४ लख ५० हजार मानिस बिजुली र पानी लगायतका सेवा बाट बन्चित भएका छन । क्षतिको विवरण आउन अझ बाँकी छ ।

अमेरिकाको भर्जिनियामा फेरी दुई जना नेपालीको ज्यान गयो

2025-01-09T15:47:00.009-05:00

अमेरिकाको भर्जिनियामा फेरी दुई जना नेपालीको ज्यान गएको छ । कार चलाऊने क्रममा दुई नेपाली हिउँमा लर्किँदा उनीहरु सवार कार स्यान्टिली को एउटा विनगेट वैन्धाम होटल नजिकै पार्किङ लटबाट पोखरीमा डुब्न पुगेको थियो । मृत्‍यु हुनेमा ५० बर्षका कर्ण खड्का र २० बर्षका निश्चल भट्ट रहेको समाजसेवी युवा तथा NRNA भर्जिनिया च्याप्टरका अध्यक्ष बिशाल कार्कीले नेपाल मदरलाई बताए । प्रहरीले घटनाको अनुसन्धान गरिरहेको बताएको छ । नेपाल हुने आफन्तजनहरुलाई खबर भैसकेको छ भने क्यानाडामा रहेका खड्काका आफन्तजन आउने क्रममा छन । पार्किङ् लटमा ब्रेक लगाउन खोज्दा एक्सिलेटर दबेर यस्तो दुर्घटना भयो कि भन्ने अनुमान गरिएको छ तर पुस्टि भएको छैन । अमेरिकामा नेपालीहरुको सँख्या बढे सङसंगै बिभिन्न घटनाहरु पनि बढेका छन र यो घटनाले नेपाली समुदायलाई आज फेरी एक पटक स्तब्ध बनाएको छ । स्मरन रहोस केही समय अगाडि यसै ठाउँँमा भएको अर्को कार दुर्घटनामा दुई नेपालीको ज्यान गएको थियो ।

Dear Community Members,

It's time for us to join together to support the families in this difficult time. May the Departed Soul Rest in Peace!

Support Nishchal and Karna's Farewell organized by NRNA VA

https://www.gofundme.com/f/support-nishchal-and-karnas-final-farewell?attribution_id=sl:3d677496-a9cc-4521-9628-61b4441fcbdd&utm_campaign=pd_ss_icons&utm_medium=customer&utm_source=copy_link

त्यो यही कार हो जुन पोखरीमा डुब्दा आज २ जनाको ज्यान गएको थियो, निकाल्ने क्रममा लिएको तस्विर ।

अरु समाचार र बिचार हेर्न तलको लिँक क्लिक गर्नुहोस ।

NepalMother.com

GO TO HOME PAGE

पूर्वराजा ज्ञानेन्द्र शाहले ३०३औं पृथ्वी जयन्ती तथा राष्ट्रिय एकता दिवसको अवसरमा १२ मिनेट लामो भिडियो सन्देश दिंदै भने - सुनको कमण्डलु बोकेर भिख नमागौं !

2025-01-09T13:50:00.006-05:00

सम्बाद सचिवालयबाट प्राप्त भिडियो सन्देश जस्ताको तस्तै !

अरु समाचार र बिचार हेर्न तलको लिँक क्लिक गर्नुहोस ।

NepalMother.com

GO TO HOME PAGE

कास्कीको सूर्यदर्शन सहकारी ठगी प्रकरणमा पक्राउ परेकाहरूलाई कास्की जिल्ला अदालतले धरौटीमा रिहा गर्न दिएको आदेश यस्तो छ ! अदालतको आदेशको पूर्णपाठ

2025-01-09T09:21:00.007-05:00

रवि लामिछानेलाई ६५ लाख, छविलाल जोशीलाई ८८ लाख, लिला पछाईंलाई ३७ लाख, रामबहादुर खनाललाई १५ लाख, आरती गुरुङ र मीना गुरुङ पाँच–पाँच लाख र कृष्ण गुरुङलाई एक लाख धरौटीमा रिहा गर्न आदेश

अरु समाचार र बिचार हेर्न तलको लिँक क्लिक गर्नुहोस ।

NepalMother.com

GO TO HOME PAGE

रवि लामिछानेलाई ६५ लाख, छविलाल जोशीलाई ८८ लाख, लिला पछाईंलाई ३७ लाख, रामबहादुर खनाललाई १५ लाख, आरती गुरुङ र मीना गुरुङ पाँच–पाँच लाख र कृष्ण गुरुङलाई एक लाख धरौटीमा रिहा गर्न आदेश

2025-01-09T08:30:00.004-05:00

रास्वपाका समर्थकहरूद्वारा कास्की जिल्ला अदालतबाहिर नाराबाजीसहित खुसियाली

नेपालमा कास्की जिल्ला अदालतले आज रवि लामिछानेसहितलाई धरौटीमा रिहा गर्न आदेश दिएको छ । बिहीबार नीतिज राईको इजलासले लामिछाने ६५ लाख रुपैयाँ धरौटीमा छाड्न आदेश दिएको हो । यस्तै, छविलाल जोशीलाई ८८ लाख, लिला पछाईंलाई ३७ लाख, रामबहादुर खनाललाई १५ लाख, आरती गुरुङ र मीना गुरुङ पाँच–पाँच लाख र कृष्ण गुरुङलाई एक लाख धरौटीमा रिहा गर्न आदेश भएको छ । राष्ट्रिय स्वतन्त्र पार्टी (रास्वपा)का सभापति तथा पूर्वगृहमन्त्री रवि लामिछाने थुनामुक्तको आदेश भए पनि कास्कीमा धरौटी बुझाएलगत्तै प्रहरीले काठमाडौं ल्याउने तयारी गरेको छ । बिहीबार कास्की जिल्ला अदालतका न्यायाधीश नीतिज राईको एकल इजलासले लामिछानेलाई धरौटीमा छाड्न आदेश दिएको थियो ।

कास्कीबाहेक काठमाडौं, चितवन, रूपन्देही र पर्सामा समेत उनीविरुद्ध पक्राउ पुर्जी जारी भएकाले उनलाई प्रहरीले काठमाडौं ल्याउने तयारी गरेको हो । स्वर्णलक्ष्मी सहकारी ठगी प्रकरणको मुद्दा काठमाडौं अदालतमा पुगेको छ । काठमाडौं प्रहरीले कास्कीको प्रक्रिया पूरा हुनासाथ हस्तान्तरण गर्न भन्दै पत्र लेखेकाले कास्कीमा धरौटी बुझाएलगत्तै लामिछानेलाई काठमाडौं ल्याइनेछ । बाह्रखरीका अनुसार वरिष्ठ अधिवक्ता चन्द्रकान्त ज्ञवाली न्यायालयले व्यक्तिलाई लागेको अभियोगको गम्भीरता, त्यसमा प्रमाणको भारका आधारमा आदेश गर्ने बताए । उनका अनुसार, लामिछानेलाई लागेको आरोप गम्भीर भएको, त्यसमा तत्काल प्राप्त प्रमाणले उनलाई दोषी देखाउने आधार प्रदान गरेको र थुन्न प्रमाण नपुगेपछि उनलाई धरौटीमा रिहा हुने आदेश भएको हो । ज्ञवालीले भने, “अभियोग गम्भीर छ, तत्काल प्राप्त प्रमाणले पुष्टि भइसकेको छैन । तर, प्रमाणका आधारहरु देखिएका छन् र भविष्यमा प्रमाण पुष्टि हुने आधार छ भने त्यस्तो अवस्थामा धरौटीमा रिहा गर्ने आदेश हुन्छ ।”

कास्की जिल्ला अदालतका न्यायाधीश नीतिज राईको इजलासले उनलाई धरौटीमा छाड्न आदेश दिन्दै भनेका छन - "प्रतिवादी रवि लामिछानेको हकमा रवि लामिछानले उक्त रकम गोर्खा मिडया नेटवर्क प्रालिको नाममा संचालनमा रहेको ग्लोबल आइएमई बैंकको खाता नम्बर बाट सन् २०२१ १ २२ मा जम्मा गरेको देखिँदा सहकारीको रकम निज प्रतिवादीको खातामा आउने र त्यहाँबाट अन्यत्र जाने कार्यसमेत भएको देखिएको र अन्य प्रतिवादीसँगको अन्तरसम्बन्ध तथा बैंक खाताको ट्रान्जेक्सनको आधारमा प्राप्त प्रमाणबाट निज प्रतिवादी अहिले नै कसुरदार रहेनछन् भन्न सकिने मनासिव आधार नदेखिएता पनि तत्काल माथि उल्लेखित प्रमाणबाट पछि प्रमाण बुझ्दै जाँदा ठहरेबमोजिम हुने नै हुँदा निज प्रतिवादी रवि लामिछानेबाट फौजदारी अपराध कार्यविधि संहिताको ०६८ र ०७२ समेतको आधारमा धरौटीको ६५ लाख लिई वा सो बराबरको जेथा वा बैंक जमामत लिई वा दिन नसकेमा दफा ८० बमोजिम थुनामा राख्नू ।"

त्यसबाहेक गम्भीर अभियोग लगाएर पनि प्रमाणले पुष्टी गर्ने आधार नदेखिएमा वा अभियोग गम्भीर नभएर प्रमाण पनि बलियो नभएको अवस्थामा साधारण तारिखको आदेश हुने उनले बताए । “अभियोग गम्भीर छ । तर, तत्काल प्राप्त प्रमाणले पुष्टिको आधार प्रदान गर्दैन वा अभियोग त्यति धेरै गम्भीर छैन भने साधारण तारेखमा छाड्ने अभ्यास रहन्छ,’’ उनले भने ।

यसै बिच सूर्यदर्शन सहकारी ठगी प्रकरणका सात आरोपीमध्ये ३ जना धरौटी बुझाएर छुटेका छन् । आरोपी सञ्चालक समितिका पूर्वसदस्य कृष्ण गुरुङ, पूर्वउपाध्यक्ष मीना गुरुङ र पूर्वकोषाध्यक्ष आरती गुरुङ धरौटी बुझाएर छुटेका हुन् । जिल्ला अदालत, कास्कीका न्यायाधीश नीतिज राईको इजलासले कृष्णलाई १ लाख, मीना र आरतीलाई ५/५ लाख रुपैयाँ धरौटीमा छाड्न आदेश दिएको थियो ।

यता राष्ट्रिय स्वतन्त्र पार्टी (रास्वपा) का सभापति रवि लामिछानेलाई धरौटीमा छाड्न अदालतले आदेश दिएपछि नेताहरूले खुशी व्यक्त गरेका छन् । अनलाइन खबर सँग कुरा गर्दै पोखरामा रहेका पार्टीका प्रवक्ता मनिष झाले अदालतको आदेशले ‘यो देशमा न्याय प्रणाली अझै जीवित छ भन्ने पुष्टि गरेको’ बताएको अनलाइन खबरालए लेखेको छ । जिल्ला अदालत, कास्कीका न्यायाधीश नीतिज राईको इजलासले बिहीबार लामिछानेलाई ६५ लाख रुपैयाँ धरौटीमा छाड्न आदेश दिएको थियो ।

‘यो आदेशले राज्यपछि लागेपछि कसैको केही लाग्दैन भन्ने भाष्यलाई गलत हो भन्ने स्थापित गर्‍यो’, झाले अनलाइनखबरसँग भने, ‘राज्य, गठबन्धनले जतिसुकै प्रतिशोध गरेपनि न्यायमाथि विश्वास थियो, जुन अझ बढेर गएको छ ।’ उनले अदालतले धरौटीमा छाड्नुलाई स्वागतयोग्य भएको बताए । ‘यसअघि हामीले जति बहस, तर्कवितर्क जे गरेपनि न्यायालयले एउटा आदेश दिएको छ’, उनले थपे, ‘यसले न्यायालय जीवित छ, न्यायालयले न्याय दिँदो रहेछ भन्ने पुष्टि भयो ।’ अदालतको आदेशलाई आफूहरुले ‘न्यायिक निर्णय’ भनेको उनले बताए । ‘यो पूर्णरुपमा न्याय नभएपछि न्याय पाउने प्रक्रियातर्फ अग्रसर भएको संकेत हो’, उनले थपे ।

रास्वपाका कार्यबाहक महामन्त्री कविन्द्र बुर्लाकोटीले पनि ‘सरकारले जबरजस्ती हिरासतमा राखेर गर्नुपर्ने औचित्य नरहेको पुष्टि भएको’ भनेका छन् । अदालतले लामिछानेसँगै पूर्वडीआईजी छविलाल जोशीसहितका आरोपीहरूलाई पनि धरौटीमा छाड्न आदेश दिएको छ । रास्वपाका समर्थकहरू कास्की जिल्ला अदालतबाहिर नाराबाजीसहित खुसियाली मनाइरहेका छन् ।

अरु समाचार र बिचार हेर्न तलको लिँक क्लिक गर्नुहोस ।

NepalMother.com

GO TO HOME PAGE

अमेरिकाका १३ राज्यले हिउँदे आँधी र हिउँबाट पार नपाउँदै उता क्यालिफोर्नियामा आगलागीले ठुलो क्षति

2025-01-08T21:28:00.004-05:00

Officials provide update on Southern California wildfires