Now you can find all my writings at single blog. http://dsiatntcords.wordpress.com

For easy listing of specifically hindi poems

Click-> http://distantcords.wordpress.com/hindi-poems/

Thanks for visiting!

Kabhi kabhi khaab mein aksar
Mere tumhare gumshuda ye akshar

Aise hi khayal mein, taabir samjhte us khaab ke
Kabhi shabnami, kabhi madham si chandani
Bhikarte falak ke rukh pe jaise ho damini
Dheema-Dheema khala se jo ruthe aksar
Mere tumhare gumshuda ye akshar

Muthi mein band kuch saal se, chand lafz ek darkhast ke
Kabhi banti jaroorat, kabhi ek shrarat
Baadlo mein chipta suraj jaise kare bagawat
Tanha-Tanha in haatho mein ban jaaye yeh dua aksar
Mere tumhare gumshuda ye akshar

Dhalti ek shaam se, shama ke anjaam pe
Kabhi khote ham, kabhi kuch paate tum
Darwaaje pe deep ka lau jaise nisha ke shor mein hota gum
Rafta-Rafta timtimate us lau mein gum hota aksar
Mere tumhare gumshuda ye akshar

Mausam ke chilman se, phisalte kuch nam saase hai
Rukhsar se sarkate aakhon se tik kar
Roshni kare gujarish jaise andhere se simat kar
Pal -Pal karte ye gunah aksar
Mere tumhare gumshuda ye akshar

Ek akshar tere naam ka, Ek akshar mere naam ka
Sehra mein chunte marasim ki nishaniya
Kabhi rukti kabhi chalti kahaniya
Akela-Akela sa lage par saath rahe aksar
Mere tumhare gumshuda ye akshar

glossary
gumshuda-lost
taabir-realization of dream
falak-sky
rukh- face
damini-lightening
bagawat-rebel
lau- burning wick
chilman- veil
Rukhsar- cheeks
Sehra- desert
Marasim- relations

teri kesho mein ghane raat ke saaye the
teri surkh hotho pe jo hamne paaye the
har us nishaani pe rakha jab hamne pyaar bepanah

tum nahi…na hai woh ruh.. na wo sama
bas khaomshi hai..kuch dhaage hai jinhe aaj bhi mein bun raha..
rote hai ab bhi us gali ke kinaaro mein..
jab choda tha tume mere haath ko
kabhi laute nahi tum ..bas mein yu hi har pal ..har lafz har lamha..har saas dekhta raha..

—————————————————————————–

bas yuhi likha..

aah!! ye pyaar..khwaabo ki taabir kya kahiye

dhadkne gulaam naseeb do ghadi thehrna bhi na dije

hotho pe jaa tiki hai ab..kapkapati adhro ke niche
jhaak ke dekhti hai aksar..kabhi rukne na dije…

na-paak hai na farmaan hai..tarzumaan ye nazme-e-khaas hai
inke aabro ko apne lafzo mein chupaane na dije..
bas kehti hai mauje is naseem mein basi kahi
ab ruki to behne na dije…

taabir: meaning

adhro: lips

trazumaan: interpreter

nazme-e-khas: special song,poem

naseem : wind

surkh si khushi hai..nadaan si zaroorat
dheere dheere saaso ko bhi ho chuki ek muddat
aasmano ke pare..kahi khil sa raha ek..foool
kaise kahe hai kya..kah do to tum ho na kaho to nazaakkat

thodi si karne ka dil karta hai ek shrarat..
badmash ye ..na farmaan sab.. ungliyo par likhte hai ek nasihat

kadmo pe kadm rakh ke chalna..
thodi dabti..kuch ruthati..
har arzoo ki..ek choti si chahat

chahat..ke dhaage ka sira..
baandhe apne haathon me.rakha hai
teri nazdeekiyo ki amanat

Kai baar jab bhi …saahil ke ret mein likhta hu kai baton ko..kisi lakdi ke tukde se…ya fir ungli ke ghere se…

Har baar ek mauj..samundar ki aati hai…aur apne saath le jaati hai un shabdo ko khud mein samet kar…fir kisi aur saahil par gilli ret mein doobein reh jaate hai..wahi shabd…mere shabd…avyakt

Bheegi Bheegi si rundhi hasi

Khafa ya anjaan si

Haath ki lakiron ke raaste

Dhundhti hai  kuch gumshuda lafz….

Kahi door,ek noor se

Khwabo ki parchai mein

Kuch gumnaam nabz

Ruki ruki thami thami

Boondon mein guzra tha ek kal

Chalka jo meri soti alko mein

Falak ke timtimate palkon se

Waqt ki ghadi mein ruka lamhe ka aks..

Aab-e-aaine me chamakte nazar ke taasir hai

Khushboo in nazmo ki aur bhatke kuch alfaaz mein

Mil jaayenge wo shaks…

Thaame reshmi kadiya

in baton ki har waqt

Ha aksar rehte shab mein gum se

Kabhi kabhi yuhi

Hotho ke panaho mein.

Kuch shabd….AVYAKT

—————————————————————————–

Nabz: veins

Aab-e-aaina: brightness of mirror

Taasir :expression

Nazm: song

Panah: shelter

Shab: raat

Falak: sky

Alfaaz: words

Ek lahzah¹ , Aur thame nazaare ^{1. Glance}

Ek sifarish, aur kai ishaare

Chahato ki kashti saahil kinaare

Uthati hai mauje², ret ke sahare ^{2.Lehar, Waves}

Chumti dhadkano ko naseem³ ki saanse ^{3.Hawa, breeze}

Thodi pyaasi koshish, kabhi boondein to kabhi zaare^{4. 4. behna ,flowing}

Is aur se us aur, tarzumaan⁵ yeh dil ^{5.Anuvadak,Interpreter}

Lafz nahi hai par nazme hai aahe

Kabhi mili thi rahe,kehte sunte yeh chaurahe

Ek ki thi manzil yahi,ek par huye faasle

Ruki rahi thi duyaaein,chali to bas lamho ke hawaayein

Aks bhi vahi tha, Dhale to bas shaam ke saaye

Nazdeek hai ab kuch nishaani, muhaajim⁶ raat ki kahani ^{6. Refugee}

Paudiyon⁷ par rakhein hai manzar⁸, Zami par tike falak⁹ ke sahaare. ^{7.Stairs 8.Scene 9.Sky}

Aate hai nazar falak² ke taarein karte tabassum³ ka intezaar, 2.Aasman (sky) 3.hassi (smile)

Yah intezaar jo hai bezubaan,

Khala⁴ ki khamoshiyon se hoti hai bayaan, 4. antariksha(space)

Jaise Madham hoti Sham Ki sarhado se,

Poochti ho roshni nisha ke nishaan

Aadatan⁵ shafak⁶ par hoti hai khayanat⁷ 5.habit 6.lal kshitij(red horizon)7.beimaani(cheating)

Sare-e-shaam⁸ taarik⁹ parwaaz¹⁰ liye kare ek shararat 8.shaam hote hi (as the dawn breaks)

9.andhera(dark) 10. udaan(flight)

Barf se pighalte baadlo ka hota hai shor,

Is shor Ki khwahishein hai kuch aur,

In khwahishon ka maahru¹¹ hai adhura 11.Chand(moon)

Falak par kaamil¹² ka nasha hai kuch aur, 12. poora chand(full moon)

Kahi ku-ba-ku¹³ kisi gosho¹⁴ mein ru-ba-ru honge 13 gali-gali (street) 14.kono(corner)

Yah hotho ke kinaare,

Intezaar ke anjaam par tab so jaayenge yah taare,

Ab fir kabhi aaftaab¹⁵ ke lamas¹⁶ mein jagenge yah saare, 15.suraj(sun) 16. sparsh(touch)

Meri khwabo ke taabir¹⁷ dariche ke is paar 17. matlab (meaning)

Karte hai yah isharein,

Dil mantazir¹⁸ thoda rukta hai fir chal padta hai, 18. jo intezzar kare(the one who waits)

Dhunde sehra¹⁹ mein,kahi yahi kahi naye sahare….. 19.registaan,viraana (desert,empty place)

नज़रो को ढूढती पैरो के निशान
जब सेह्रा मे साहील का हुआ था गुमान
कही तो साहील होगा इस सागर के पार
शायद इसलिए है इन यादो को…
और थोड़ा…थोड़ा और इंतज़ार…

कैद तस्वीर-ए-आइने मे गुम से होते अक्स
अधखुली आँखे नींद को समेटकर याद करते वो शख्स
ठहरे झील मे बढ़ते दायरो मे बूंदे
उन बूंदो की लकीरो मे दम तोड़ते मेरी रूह की आहे
कुछ मिट्टी मे तो कुछ खुशबू मे
तो कुछ हवाओ मे तंज करती राहे
तो कही फिकरे कसते तन्हा आकाश की निगाहे

मेहताब की ख्वाहिश मे निशा का सबब ढूढते हम कही
बस एक सन्नाटे की खोज मे है इस शोर मे हम यही
गुमनाम आरज़ू का सदमा अंजाम पर चल पढता है फिर वही
पर हर अल्फाज़ रूख पे नकाब लिए समझाते है
अब वह कुछ नही…

मेरी आवारगी के नशे मे ज़खम बनते नासूर
शायद कसूर नही है मेरा किस्मत का
यह तो बस दिल के है बदलते तासूर

शमा कि साँसो मे सूखते होठ अहिस्ता-अहिस्ता
बिखरे रेत पैरो से जूड़ते अहिस्ता-अहिस्ता
सेहरा मे गुम होते आशियाँन आहिस्ता-आहिस्ता
देर से सही हमे अश्को से इश्क होता आहिस्ता-आहिस्ता….