O Galego no CEIP Coirón

DE FEIRA!

2026-06-19T23:09:00.000+02:00

Así despedimos o curso no noso cole! 🌞🎉

Antes do recreo, o centro converteuse nunha auténtica feira chea de diversión: xogos, inchables, burbullas, retos e moitas actividades nas que o alumnado foi conseguindo premios e agasallos grazas ao seu esforzo e participación. 🎈🏆

E para rematar esta xornada tan especial... chegou a esperada festa da espuma! 🤍🎶 Un final perfecto para celebrar todo o vivido ao longo deste curso.

Queremos agradecer especialmente á ANPA a súa colaboración e implicación na organización desta xornada, así como a súa achega para que o alumnado puidese desfrutar dun día tan especial. Moitas grazas polo voso apoio e compromiso co noso cole! 👏😊

Agora toca descansar, gozar da familia, dos amig@s e de todas as aventuras que trae o verán. ☀️🌊🍦

Bo verán a toda a comunidade educativa! Vémonos en setembro con máis ilusión e ganas de aprender!! 💙

PÁXINAS CON SABOR A VERÁN

2026-06-19T16:00:00.000+02:00

☀️📚 O verán é un bo momento para descubrir novas historias, viaxar a través das páxinas e atopar libros que nos acompañen durante as vacacións. 🌊🏖️

Visita o blog da nosa biblioteca, onde atoparás información detallada sobre estas e outras recomendacións lectoras para gozar durante as vacacións 📖✨:

👉 https://bibliotecacoiron.blogspot.com/2026/06/recomendacions-lectoras-veran.html

📖 E ti, que libro vas levar na maleta este verán? 🧳📚🌞

EMBAIXADORES/AS DA BIBLIOTECA!

2026-06-18T22:48:00.000+02:00

Hoxe fixemos entrega dos diplomas ao alumnado de 6º que participou como axudante voluntario da biblioteca durante este curso.

Queremos agradecerlles a súa implicación, responsabilidade e entusiasmo, colaborando na organización dos fondos, na atención aos compañeir@s e na dinamización deste espazo tan importante para o noso centro.

Grazas polo voso compromiso e por contribuír a facer da biblioteca un lugar máis acolledor, activo e cheo de vida. Parabéns polo excelente traballo realizado! 👏📖✨

UN FINAL QUE SABE A COMEZO!

2026-06-18T22:21:00.000+02:00

Día de emocións e despedidas no noso centro! ✨🎓

Esta semana celebramos as graduacións do alumnado de 6º de Infantil e 6º de Primaria, dous momentos moi especiais que marcan o final dunha etapa e o comezo de novos retos.

Os máis pequenos despídense da Educación Infantil para iniciar unha nova aventura en Primaria, cheos de ilusión, curiosidade e ganas de aprender.

O alumnado de 6º de Primaria pecha unha etapa inesquecible no colexio e emprende o seu camiño cara á Educación Secundaria, levando consigo amizades, aprendizaxes e moitos recordos.

Parabéns a todas e todos os graduados polo esforzo e o traballo realizado, e grazas ás familias e ao profesorado por acompañalos neste camiño.

💙 Desexámosvos moita sorte nesta nova etapa. O mellor está por vir!

RATINOVAS PRESS Nº9

2026-06-17T00:38:00.000+02:00

📢📰 Xa está aquí o número 9 de RATINOVAS PRESS! 📰📢

Con moita ilusión presentamos a nova edición do noso xornal escolar, un espazo onde o alumnado se converte en xornalista para informar, investigar e compartir todo o que acontece na nosa comunidade educativa.

Nesta edición nº 9 atoparedes reportaxes, entrevistas, actividades do centro, curiosidades, opinións e moitas sorpresas preparadas con esforzo e entusiasmo polos nosos pequenos e pequenas reporteiras.

👏 Parabéns a todo o equipo de redacción polo gran traballo realizado!

Ratinovas Press Nº9

📖 Non quedes sen descubrir todo o que trae este novo número!!!

TORNEO DE PINFUVOTE

2026-06-16T20:31:00.000+02:00

Hoxe o alumnado de 6º de Primaria participou nun divertido torneo de pinfubote, demostrando deportividade, compañeirismo e moitas ganas de pasalo ben 🏃‍♀️🏃‍♂️.

Ademais de participar nos encontros, colaboraron na organización e no bo desenvolvemento da actividade, asumindo responsabilidades e axudando a que todo saíse estupendamente 👏.

Unha xornada chea de deporte, convivencia, cooperación e diversión, na que aprenderon e gozaron xuntos a través do xogo 🤝.

Parabéns a todos e todas pola vosa participación e actitude exemplar!💙

PORTADAS QUE FALAN POR SI SOAS

2026-06-16T00:19:00.000+02:00

📖 Xa temos portadas escollidas!

Estamos encantad@s de anunciar que estas son as portadas seleccionadas para a revista.

Grazas a todas as persoas que participaron coas súas propostas e compartiron a súa creatividade e talento.

✨ Parabéns ás persoas autoras das portadas escollidas.

Portada - Jimena 6ºA

Contraportada - Bruno 6ºA

Contraportada - Alba 4ºB

👏 Grazas tamén a quen enviou os seus traballos e formou parte deste proceso.

Moi pronto poderedes ver o resultado final na nosa revista!! 👀

TRES DÍAS DE AVENTURA PARA LEMBRAR!

2026-06-15T20:28:00.000+02:00

O alumnado de 6º de Primaria despediu a súa etapa no cole cunha viaxe inesquecible a DiverLanhoso en Portugal ✨.

Durante tres días compartiron emocións, risas e desafíos nun entorno natural espectacular, poñendo a proba a súa valentía en actividades de aventura e fortalecendo os lazos de amizade que construíron ao longo destes anos.

Entre pontes, xogos, retos e moitas anécdotas, cada momento converteuse nun recordo especial para gardar na mochila da súa etapa escolar.

Agora toca mirar cara a novos horizontes, pero esta experiencia quedará para sempre como o mellor broche final á súa aventura en Primaria.

Parabéns, promoción de 6º! O mellor da aventura está aínda por chegar! 🌟🎓🚀

MANS Á MASA E FROITA Á MESA

2026-06-15T18:53:00.000+02:00

Os nenos e nenas do 1º Ciclo gozaron dunhas xornadas moi especiais participando en obradoiros de elaboración de galletas e preparación de froita 🍪🍎.

A través destas actividades, aprenderon hábitos de alimentación saudable, desenvolveron a súa creatividade e puxeron en práctica habilidades de autonomía e traballo en equipo.

Foi unha experiencia moi divertida e saborosa na que o alumnado participou con entusiasmo, descubrindo novas texturas, aromas e sabores.

Parabéns a todos e todas polo seu gran traballo!👏

O INGLÉS E O GALEGO DANSE A MAN SOBRE O ESCENARIO

2026-06-14T18:48:00.000+02:00

Tivemos o privilexio de recibir a compañía Moving On Theatre e tamén de desfrutar de Damián Alonso, acompañado da música de Moisés Lorenzo ✨.

Porque o teatro non entende de idiomas, entende de emocións, historias compartidas e experiencias que unen. Unha actividade na que o inglés e o galego conviven con naturalidade para demostrar que aprender linguas tamén é crear, sentir e comunicar.

Grazas por facernos vivir unha xornada chea de arte, música e aprendizaxe 🎶🎭.

O GALEGO SAE A RÚA!

2026-06-14T18:30:00.000+02:00

📣 O alumnado do 3º ciclo percorreu as rúas e os establecementos de Dena para colocar as pegatinas de “AQUÍ TAMÉN SE FALA GALEGO!”.

Unha iniciativa chea de compromiso coa nosa lingua, que visibiliza e pon en valor o uso do galego no día a día da nosa contorna. 💙

Parabéns ao alumnado polo seu traballo e implicación! 👏

APRENDENDO AO RITMO DAS ONDAS

2026-06-13T16:30:00.000+02:00

O alumnado de 5º de Primaria gozou dunha magnífica xornada na Praia de Montalvo, combinando aprendizaxe, convivencia e diversión nun entorno natural privilexiado. 🏖️

Ao longo da mañá realizaron diferentes actividades ao aire libre, fomentando o respecto polo medio ambiente, o traballo en equipo e os hábitos de vida saudables 🌞🌊.

Unha experiencia enriquecedora que quedará, sen dúbida, no recordo de todos e todas. 💙

LECTURA E FAMILIAS!

2026-06-13T16:00:00.000+02:00

Durante as tardes, a biblioteca acolleu ao longo de varias sesións distintas actividades do programa Lectura e Familias, converténdose nun espazo de encontro da comunidade educativa onde compartir lectura, creatividade e aprendizaxes. 💙

📖 Infantil e 1º Ciclo – Contacontos

O alumnado máis pequeno gozou de historias cheas de maxia e imaxinación, fomentando o gusto pola lectura desde idades temperás nun ambiente lúdico e participativo. 🌈

✍️ 2º Ciclo – Lettering

Traballaron a creatividade e a expresión artística a través do deseño de letras, descubrindo novas formas de xogar coas palabras e mellorar a súa motricidade fina. 🎨📖

https://www.instagram.com/p/DYWoLUojPKJ/?utm_source=ig_web_copy_link&igsh=MzRlODBiNWFlZA==

🎙️ 3º Ciclo – Dobraxe

Experimentaron co mundo da interpretación poñendo voz a personaxes e escenas, desenvolvendo a expresión oral, a entoación e a confianza comunicativa. 🎧🎬

https://www.instagram.com/p/DZKHoQXDKtI/?utm_source=ig_web_copy_link&igsh=MzRlODBiNWFlZA==

Un programa que une lectura, familias e comunidade, facendo da biblioteca un espazo vivo de aprendizaxe compartida. 💫

A FORZA DO VENTO E DAS PEDALADAS

2026-06-12T15:00:00.000+02:00

🌍Con motivo do Día Mundial do Medio Ambiente (5 de xuño), o alumnado sorprendeunos cunha maqueta tan orixinal como inspiradora sobre as enerxías renovables.

A través da súa creatividade, esforzo e traballo en equipo, deron forma a unha proposta que nos invita a reflexionar sobre a importancia de apostar por fontes de enerxía limpas e sostibles para coidar o noso planeta. 💡♻️

Parabéns polo magnífico traballo realizado e por demostrar que as pequenas ideas de hoxe poden converterse nas grandes solucións do mañá. 🌱✨

E para pechar este gran día, puxémonos sobre rodas! 🚴‍♀️🚴‍♂️ Os nenos e nenas desfrutaron dun divertido circuíto de educación viaria en bicicleta, combinando aprendizaxe, habilidade e moita diversión.¡

DA AULA Á CABINA!

2026-06-12T00:06:26.214+02:00

O alumnado de 6º de Primaria viviu unha experiencia única participando nun obradoiro de DJ, onde puideron achegarse ao mundo da música electrónica dun xeito práctico e moi divertido.

Aprenderon a mesturar sons, coñecer o equipamento básico dun/a DJ e experimentar coa creatividade musical, converténdose por un día en auténticos/as mestres/as da cabina. 🎶

Grazas a esta actividade, descubriron novas formas de expresión artística e traballo en equipo, desfrutando mentres aprendían.

Unha xornada chea de ritmo, aprendizaxe e moita enerxía positiva! 👏

PDI 1º CICLO

2026-06-11T23:42:43.215+02:00

🎨 A arte converteuse na protagonista das aprendizaxes do alumnado de 1.º Ciclo a través dun Proxecto Documental Integrado (PDI) centrado na pintura e na expresión artística.

Ao longo deste proxecto coñecemos a vida e a obra de diferentes artistas, analizamos obras de arte, exploramos cores e técnicas pictóricas e desenvolvemos a nosa creatividade a través de creacións propias 🖼️.

🔎 Traballamos en tres contextos de aprendizaxe:

📖 Lingüístico, investigando e compartindo información;

➕ Matemático, observando formas, simetrías e composicións;

🔬 Científico, experimentando con materiais e técnicas artísticas.

Un proxecto que nos permitiu aprender, crear e descubrir a arte como unha forma de expresar ideas, emocións e experiencias. 🎨❤️

AVENTURA MARIÑEIRA EN CAMBADOS!

2026-06-07T13:51:10.109+02:00

O alumnado de Infantil gozou dunha xornada moi especial en Cambados, descubrindo de primeira man o fascinante mundo do marisqueo. Equipados con botas e moitas ganas de aprender, coñeceron como traballan as mariscadoras e mariscadores, exploraron a praia e aprenderon a importancia de coidar o noso litoral. 🦀

Foi unha experiencia chea de aprendizaxes, diversión e contacto coa natureza, na que puideron observar, experimentar e descubrir unha das actividades máis representativas da nosa costa. 🌊

Grazas a todas as persoas que fixeron posible esta saída tan enriquecedora! 💙

OS SEGREDOS DA ILLA DE CORTEGADA

2026-06-07T13:17:30.400+02:00

O alumnado do 2º Ciclo (3º e 4º de Primaria) viviu unha experiencia inesquecible na saída educativa á Illa de Cortegada.

Durante a xornada, o alumnado realizou o traslado en embarcación ata a illa, onde participou nunha actividade de carácter didáctico e ambiental centrada no coñecemento da contorna natural. 🐦🌱

A través de percorridos guiados e dinámicas adaptadas á súa idade, descubriron:

✨ Os ecosistemas mariños e terrestres da illa.

✨ A riqueza da biodiversidade da Ría de Arousa.

✨ A importancia da conservación dos espazos naturais.

✨ O valor do patrimonio natural de Galicia.

Un día de aprendizaxe ao aire libre que combinou natureza, convivencia e descubrimento, favorecendo a educación ambiental dun xeito práctico e motivador. 🌍💚

APRENDENDO VALORES, CONSTRUÍNDO FUTURO

2026-06-01T22:42:04.061+02:00

O alumnado de 6º de Primaria compartiu os traballos realizados na materia de Valores, nos que reflexionou sobre temas tan importantes como a amizade, a prevención do acoso escolar, o uso responsable das TIC ou o coidado do medio ambiente. 💻🌱

A través da súa creatividade e das súas investigacións, demostraron que os valores non só se aprenden, senón que tamén se practican cada día. Unha mostra do seu compromiso por construír unha convivencia máis respectuosa, segura e sostible ✨.

Aprendemos contidos, pero tamén aprendemos a convivir e a construír un mundo mellor. 🌍🤝💚

PROPOSTAS MUSICAIS XUÑO

2026-06-01T00:29:45.032+02:00

📢 E aquí chega a última megafonía deste curso, a de xuño! Cheira a praia, a sol e a verán! 🌊🌞

👉 Preme ou escanea o QR para acceder á nosa listaxe en Spotify 🎵

As cancións son propostas polo noso alumnado, xa que no Coirón queremos que todos os nenos e nenas se sintan escoitados e protagonistas da vida do centro. 👪

Iso si, o profesorado realizará as adaptacións necesarias para garantir o seu valor educativo: axustando letras, seleccionando fragmentos axeitados, e aproveitando especialmente a súa melodía e o seu ritmo.

A música é unha ferramenta moi poderosa que une toda a comunidade educativa e que favorece a aprendizaxe dun xeito lúdico e motivador.🎵🎶

BOSQUE E IDENTIDADE

2026-06-01T00:10:18.274+02:00

Entre a néboa e a choiva medran os nosos bosques atlánticos: carballos, castiñeiros, bidueiros... que dan vida a un ecosistema único 🌿 .

Pero especies invasoras como o Eucalipto azul ou a Acacia dealbata avanzan cada vez máis rápido, desprazando o bosque autóctono.

Coidar das especies propias é protexer a biodiversidade, a auga, a terra… e tamén unha parte da nosa identidade 🌱.

Queremos expresar o noso agradecemento ao Concello de Meaño por facer posible esta actividade e apoiar a educación ambiental!

AXENTES POR UN DÍA: GARDA CIVIL EN ACCIÓN!

2026-05-31T23:27:55.602+02:00

Esta semana tivemos a sorte de recibir a visita da Garda Civil dentro das actividades do Plan Director 👮💚.

Durante a xornada, o alumnado puido coñecer de preto o importante labor que realizan no seu día a día, descubrindo diferentes funcións e ámbitos nos que traballan para garantir a seguridade e o benestar da cidadanía 💫.

Ademais, amosáronnos parte do material e dos recursos que empregan no seu traballo, espertando unha gran curiosidade e interese entre os nenos e nenas.

Nesta xornada tamén compartimos experiencias co CEIP Plurilingüe Nantes e co CEIP Plurilingüe de Castrelo, cos que desfrutamos dunha mañá de aprendizaxe e convivencia.

Queremos agradecer á Garda Civil a súa cercanía e disposición. Sen dúbida, foi unha xornada educativa moi útil e interesante para toda a comunidade escolar! 👪

A NOSA META: A IGUALDADE!

2026-05-31T20:55:22.499+02:00

O alumnado do noso centro participou na entrega de premios do concurso “E ti, que pensas da igualdade?”, organizado pola Deputación de Pontevedra, que tivo lugar na Lanzada.

Estamos moi orgullosos e orgullosas dos recoñecementos acadados polo noso alumnado:

🥈 Gael (4º de Primaria) conseguiu o 2º premio na categoría de 3º e 4º de Primaria, recibindo como agasallo un reloxo intelixente.

🥇 Eloy (6ºA) acadou o 1º premio na categoría de 5º e 6º de Primaria, sendo premiado cunha tablet.

🥉 Enia (5ºA) obtivo o 3º premio da mesma categoría, recibindo un lote didáctico.

👏🎉 Parabéns aos tres polos seus excelentes traballos e pola súa implicación na promoción da igualdade!

Ademais da entrega de premios, desfrutamos dunha fantástica xornada de convivencia cos demais centros participantes, chea de diversión, actividades e moita música 🎶😊.

Sen dúbida, foi unha experiencia moi especial e inesquecible para todos e todas. 💜✨

COMEZA A AVENTURA: DESTINO IES DE MEAÑO

2026-05-28T09:10:38.132+02:00

O alumnado de 6º de Primaria visitou o IES para coñecer de preto o que será a súa nova casa o próximo curso 😊

Durante a xornada percorreron as instalacións, coñeceron parte do profesorado e descubriron como será esta nova etapa chea de aprendizaxes e experiencias. Ademais, tamén se realizou a asignación de alumnado titor 👥, que os acompañará e axudará nos seus primeiros días no instituto.

Unha mañá de nervios, ilusión e moitas ganas de comezar esta nova aventura! 🚀📚

EDUCAR CONTRA O ACOSO

2026-05-25T23:10:49.444+02:00

Na escola tamén se aprende a convivir, e por iso os obradoiros sobre acoso escolar son fundamentais. A través de dinámicas, xogos e reflexións, o alumnado aprende a recoñecer o acoso, empatizar e actuar sen quedar en silencio.

💬 Pequenos xestos como apoiar, acompañar ou avisar poden marcar a diferenza.

💛 Grazas á Asociación Amigos pola charla, pola cercanía e polo compromiso coa educación en valores e coa creación de espazos seguros para todo o alumnado.

🌱 Educar en convivencia é educar en respecto!