O ho ho ગુજરાતી

કોણ જાણે હતી કેવી વર્ષો જૂની,

2015-11-09T22:39:00.000-08:00

કોણ જાણે હતી કેવી વર્ષો જૂની,
જિંદગીમાં અસર એક તનહાઇની,
કોઇએ જ્યાં અમસ્તું પૂછ્યું – કેમ છો ?
એને આખી કહાની સુણાવી દીધી.

તો એ ઇશારો કરે એ નક્કી છેં...

2015-11-09T22:38:00.000-08:00

કુદરત કામ કરે છે એ નક્કી છે...
ભલે દેખાય નહી ,પણ એ છે ક્યાંક
એ નક્કી છે....
જતા હોઈયે ક્યારેક કોઈ કામ કરવા
તો હ્રદય રોકે છે એ નક્કી છે....
ન હોય જો આપણી માટે બરોબર કંઇક
તો એ ઇશારો કરે એ નક્કી છેં...
સમજતા આપણને નથી આવડતું
એ વાત અલગ છેં...
પણ એ સમજાવે છેં એ પણ નક્કી છેં....

કિસ્મતને રડી શક્તિનો ઉપહાસ ન કર

2015-11-09T22:34:00.000-08:00

કિસ્મતને રડી શક્તિનો ઉપહાસ ન કર,
નિર્જીવ તમન્નાઓમાં ઉલ્લાસ ન કર;
બેસી ન રહે - હોય જો તકદીર બૂરી,
કર પ્રયત્ન, બૂરી ચીજનો વિશ્વાસ ન કર.

તમે વાતો કરો તો થોડું સારું લાગે,

2015-11-09T22:31:00.001-08:00

તમે વાતો કરો તો થોડું સારું લાગે,
આ દૂરનું આકાશ મને મારું લાગે.
વૃક્ષો ને પંખી બે વાતો કરે છે
ત્યારે ખીલે છે લીલેરો રંગ;
ભમરાના ગુંજનથી જાગી ઊઠે છે
ફૂલોની સૂતી સુગંધ.
તમે મૂંગા તો ઝરણું પણ ખારું લાગે … તમે વાતો કરો
રોમાંચે રોમાંચે દીવા બળે
અને આયખું તો તુલસીનો ક્યારો;
તારી તે વાણીમાં વ્હેતો હું મૂકું છું
કાંઠે બાંધેલો જનમારો.
એક અમથું આ ફૂલ પણ ન્યારું લાગે … તમે વાતો કરો

આલિયાની ફિલ્મ 'હાઈવે' યુરોપમાં છવાય ગઈ

2014-02-22T10:44:00.001-08:00

ફિલ્મકાર ઈમ્તિયાઝ અલીની નવી ફિલ્મ 'હાઈવે' યૂરોપમાં છવાય ગઈ છે. ગયા અઠવાડિયે બર્લિન ફિલ્મ મહોત્સવમાં આનુ પ્રીમિયર થયો હતો. ત્યારબાદ ફિલ્મની ચર્ચા લંડનમાં જોરો પર છે. ફિલ્મની સ્ટોરી એક કરોડપતિ ઘરના દમ ઘૂંટતા વાતાવરણમાં જીવી રહેલી એક એવી જવાન યુવતીની છે જેનુ એક ગેંગ અપહરણ કરી લે છે. એવુ કહેવાય છે કે ફિલ્મને આંતરરાષ્ટ્રીય દર્શકોનુ પણ ધ્યાન આકર્ષિત કરવામાં સફળતા મળશે. ફિલ્મની સ્ટોરી ભારતના છ રાજ્યોમાંથી પસાર થાય છે.

ફિલ્મની અભિનેત્રી આલિયા ભટ્ટે શુક્રવારે બર્લિનથી પરત ફર્યા બાદ લંડનમાં સંવાદદાતાઓને જણાવ્યુ, 'આવુ પહેલીવાર છે જ્યારે અમે દર્શકોની સાથે આખી ફિલ્મ જોઈ. આ જોવુ પણ રસપ્રદ રહ્યુ કે દરેક દ્રશ્ય સાથે જ તે હાજર રહ્યા. અભિનેત્રીએ જણાવ્યુ કે વીરા ત્રિપાઠીની ભૂમિકા ખૂબ જ જટિલ હતી. તેણે કહ્યુ કે આ ફિલ્મ દ્વારા મે શીખ્યુ કે કેવી રીતે બનાવટી અને દેખાવાથી દૂર રહીને ખુદને પ્રદર્શિત કરી શકાય છે. જો હુ મૂર્ખ છુ તો મને મૂર્ખ જ રહેવા દો. આ ફિલ્મએ મને એવુ કહેવાનો આત્મવિશ્વાસ આપ્યો છે કે 'ભાડમાં જાય લોકો, આ મારુ સ્થાન છે' ફિલ્મ હાઈવેમાં રાજસ્થાન, પંજાબ અને કાશ્મીર જેવા રાજ્યોની વાસ્તવિકતા બતાવાઈ છે.

ફિલ્મના સહનિર્માતા અને લેખક નિર્દેશક અલીએ કહ્યુ, ફિલ્મની સ્ટોરી મારી મગજમાં હતી પણ મે પટકથીને ઓપન રાખી જેથી જે પણ આપણાથી છૂટી જાય અમે તેને યાત્રા દરમિયાન લઈ શકીએ. અમે બર્લિનમાં દર્શકો સાથે ફિલ્મને શરૂઆતથી અંત સુધી જોઈ. 'હાઈવે' માં રણદીપ હુંડા પણ છે.

માતા ઘરનું માંગલ્ય હોય છે,તો પિતા ઘર નું અસ્તિત્વ હોયછે

2012-01-20T01:01:00.000-08:00

માતા ઘરનું માંગલ્ય હોય છે,તો પિતા ઘર નું અસ્તિત્વ હોયછે.
પણ ઘરના આ અસ્તિત્વને આપણે ક્યારેય સમજવાનો પ્રયત્ન કર્યો છે ખરો?
પિતાનું મહત્વ હોવા છતાં પણ તેના વિષે વધુ લખવામાં નથી આવતું કે નથી બોલવા માં આવતું.કોઈપણ વ્યાખ્યાનકાર માતા વિષે બોલ્યા કરે છે,સંત મહાત્માઓ પણ માતાના મહત્વ વિશેજ વધારે કહે છે,લેખકો-કવિઓ એ પણ માતાના ખુબ વખાણ કર્યાં છે.
સારી વસ્તુ ને માતાની જ ઉપમા આપવામાં આવેછે પણ ક્યાય પિતા વિષે બોલાતું નથી.કેટલાક લોકોએ પિતાની કલ્પના ને કલમની ભાષામાં મૂકી છે પણ તે ઉગ્ર, વ્યસની અને મારઝૂડ કરનારા જ હોયછે.આવા પિતાઓ સમાજમાં એકાદ-બે ટકા હશેજ પણ સારા પિતાઓ વિષે શું લખાયું છે?

માતા પાસે આંસુનો દરિયો હોય છે પણ પિતા પાસે સંયમની દીવાલ હોય છે.
માતા રડીને છૂટી થઇ જાય છે પણ સાંત્વન આપવાનું કામ તો પિતાએજ કરવું પડે છે અને રડવા કરતા સાંત્વન આપવામાં વધુ મહેનત કરવી પડે છે કારણકે દીવા કરતા દીવી વધારે ગરમ હોયછેને!પણ શ્રેય તો હમેશા દીવાનેજ મળે છે.
રોજ આપણને સગવડ કરી આપનારી માતા યાદ રહે છે પણ જીવનની આજીવિકાની વ્યવસ્થા કરનારા પિતાને આપણે કેટલી સહજતા થી ભૂલી જઈએ છીએ?
બધાની સામે મોકળા મને માતા રડી શકે છે પણ રાત્રે તકીયામાં મોઢું છુપાવીને ડુસકા ભરે છે તે પિતા હોયછે.માતા રડે છે પણ પિતાનેતો રડી પણ શકાતું નથી
પિતાના ઠેકઠેકાણે સંધાયેલાજોડાજોઈએતો તેમનો પ્રેમ નજરે ચડે.
તેમનું ફાટેલું ગંજી જોઈએતો સમજાયકે”આપણાંનસીબના કાણા તેના ગંજીમાં પડ્યા છે”.
દીકરાદીકરી નેનવા જીન્સ લઇઆપશે પણ પોતે તો જુનો લેંઘોજ વાપરશે.
સંતાનો ૧૦૦/૨૦૦ રૂપિયા પાર્લર કે સલુન માં જઈને બીલ કરશે પણ તેમનાજ ઘરના પિતા દાઢીનો સાબુ ખલાશ થઇ ગયો હશે તો ન્હાવાના સાબુથી દાઢી કરી લેશે.
પિતા માંદા પડે ત્યારે તરતજ દવાખાને જતા નથી.તે માંદગીથી ડરતા નથી પણ જો ડોક્ટર એકાદ મહિનો આરામ કરવાનું કહી દેશે તો શું કરવું તેનો ડર લાગેછે.કારણકે દીકરીના લગ્ન અને દીકરાનું શિક્ષણ બાકી હોયછે.
કોઈપણ પરીક્ષા નું પરિણામ આવે ત્યારે માતાજ સહુથી નજીકની લાગે કારણકે બાજુમાં લેછે,વખાણ કરે છે,આશિષ આપેછે,પણ ગુપચુપ જઈને પેંડા પડીકા લાવનારા પિતા કોઈના ધ્યાનમાં રહેતા નથી.
બાળક આવવાનું હોય તેવી સુવાવડી સ્ત્રીનું ખુબ મહત્વ હોય છે પણ હોસ્પીટલની લોબી માં અસ્વસ્થ થઈને આમથીતેમ આંટા મારનારા એ આવનારા બાળકના પિતાની કોઈ નોંધ લેતું નથી.
દાઝી ગયા,ઠેશ લાગી કે માર વાગ્યો કે તરતજ “ઓં માં” આ શબ્દો મોઢા માંથી બ્હાર પડેછે પણ રસ્તો ઓળંગતા એકાદ ટ્રક નજીક આવીને જોરથી બ્રેક મારેતો “બાપ રે” આજ શબ્દ બ્હાર પડે છે.
નાના સંકટો માટે ચાલે પણ મોટી સમસ્યાઓ ના વાદ્ળો ઘેરાય ત્યારે પિતાજ યાદ આવે.કઈ ગળે ઉતરે છે ખરું?
યુવાન દીકરો ઘરે મોડો આવે ત્યારે પિતાજ તેની રાહ જોઇને મધરાત સુધી ઉજાગરો કરતા હોયછે.
દીકરા ની નોકરી માટે સાહેબ સામે લાચાર થનારા પિતા,દીકરીને પરણાવવા માટે ઠેક ઠેકાણે મુરતિયા જોવા ઉંબરા ઘસતા પિતા,ઘરના લોકો માટે પોતાની વ્યથા અને જરૂરતને કોરાણે મૂકી દેતા પિતા કેટલા ગ્રેટ હોય છે ખરુંને?

જો આપ આપના પિતાને પ્રેમ કર્તા હો તો આ post ને "Share" કરો...

ગર્વ અનુભવવા જેવી વાત.

2012-01-19T23:33:00.000-08:00

અમેરિકાની સેટન હોલ યુનિવર્સિટીએ પોતાના અભ્યાસક્રમમાં
ભારતના પવિત્ર ગ્રંથ ભગવદ ગીતાનો સમાવેશ કર્યો છે . યુનિવર્સિટીએ તેના દરેક છાત્ર માટે ગીતાનો અભ્યાસ ફરજિયાત બનાવ્યો છે..!! ♥♥♥
આ યુનિવર્સિટીનું માનવું છે કે છાત્રોને સમાજની નજીક લઈ જવા માટે ગીતાનું પઠન જરૂરી છે અને તેના જેવો શ્રેષ્ઠ માર્ગ બીજો કોઈ નથી . આ માહિતી યુનિવર્સિટીના સ્ટીલમેન બિઝનેસ સ્કૂલના પ્રોફેસર એ . ડી . અમરે આપી હતી હતી..!!! ♥♥♥

વર્ષ 1985 માં ન્યૂજર્સીમાં શરૂ થયેલી આ યુનિવર્સિટી એક સ્વાયત્ત કેથોલિક યુનિવર્સિટી છે . તેમ છતાં ત્યાં અભ્યાસ કરતા કુલ 10,800 છાત્રોમાંથી મોટાભાગના બિનખ્રિસ્તી છે.. ♥♥

આ યુનિવર્સિટીના છાત્રોમાં ભારતીયોની સંખ્યા વધારે છે . આ અંગે માહિતી આપતાં પ્રોફેસર અમરે જણાવ્યું હતું કે , યુનિવર્સિટીના કોર કોર્સ હેઠળ દરેક છાત્રો માટે કેટલોક અભ્યાસક્રમ ફરજીયાત હોય છે . જેનો અભ્યાસ દરેક છાત્રે કરવાનો રહે છે..!! ♥♥♥

તેમણે ઉમેર્યું હતું કે , ગીતાનું જ્ઞાન એ સર્વોત્તમ સાધન છે . તેના મહત્વને ઓળખીને જ યુનિવર્સિટીએ તેનો અભ્યાસ ફરજિયાત બનાવ્યો છે...!!

via ગુજરાતી ફન અને હાશિય ગાંડિયો લાલ..!!
અહી થી સેર બટન નો ઉપયોગ કરીને સેર કરો તો પણ ભલે અથવા કોપી પેસ્ટ કરો તો પણ ભલે પણ બધા આ પોસ્ટ બધા લોકો સુધી પહોચાડજો જરુર..આ એક ગર્વ અનુભવવા જેવી વાત છે...!!(Click Share) જો મિત્રો તમને અહી રજુ કરે

હમણાં થોડા કલાકો પહેલાની વાત છે

2012-01-06T07:27:00.000-08:00

હમણાં થોડા કલાકો પહેલાની વાત છે, હું ટીવી જોઈ રહ્યો હતો જેમાં એડ બ્રેક પડ્યો અને એક એડવર્ટાઈઝ આવી.
જેમાં એક નાના બાળકના મમ્મી , પપ્પા અને એ નાનું બાળક ડાઈનીંગ ટેબલ ઉપર બ્રેકફાસ્ટ લઇ રહ્યા હોય છે, બાળકે હજુ શરૂ નથી કર્યું હોતું કારણકે એની ડીશ નથી આવી સાથે સાથે એ ડ્રોઈંગ કરવામાં વ્યસ્ત હોય છે.
થોડી જ વારમાં એમનો રસોઈયો એ બાળકને ડીશ આપતા પ્રેમથી કહે છે "ચલો ખાના ખા લો"
અને પેલું બાળક "હમમમ" કહીને એના જ કામમાં મશગુલ રહે છે. પેલા ભાઈ ડીશ મુકીને નીકળતા જ હોય છે ત્યારે જ એ બાળક પપ્પા એ છોકરાને કહે છે:"રાહુલ, થેંક યુ બોલો!"
બાળક હજુ પણ એ જ કામમાં માથું રાખીને પૂછે છે "કિસકો?"
એના પપ્પા કહે છે "સુનીલ ભૈયા કો"(રસોઈયો)
બાળક પૂછે છે "કયું?"
પપ્પા કહે છે "બ્રેકફાસ્ટ કે લીએ"
બાળક એકદમ નિર્દોષ ભાવથી બોલ્યો: "વો તો રોઝ લાતે હૈ "
પપ્પા "તો આપ ઉનકો થેંક યુ ભી રોઝ બોલેંગે."
પેલું બાળક એની મમ્મી સામે જુએ છે પણ મમ્મીનો જરા પણ પ્રતિભાવ ના મળતા એ પપ્પા સામે જુએ છે
સુનીલભાઈ કહે છે કે "રેહને દીજીએ સા'બ"
છતાં બાળકના પપ્પા જરા પણ ડગતા નથી અને ફાઈનલી બાળક ભોળા મનથી એ પેલા રસોઈયા સુનીલભાઈ ને "થેંક યુ" કહે છે, અને સુનીલભાઈ એક અલગ સ્માઈલ સાથે ત્યાંથી રસોડામાં ચાલ્યા જાય છે. :)
આ એડ આપણામાંથી ઘણા લોકોએ જોઈ હશે અને કેટલાય ને ગમી હશે કેટલાય લોકોએ માત્ર એડ જોઈને નિહાળીને ચેનલ બદલી દીધી હશે.
પણ આ જ એડને માનવની નજરે.જોઈએ તો એ જ એડને એક નવા સંદેશથી આપણે જોઈ શકીશું.
અહી માનવ એમ નથી કહી રહ્યો કે આપણે આપણા બાળકને આ ગુણ શીખવાડવા જોઈએ. કારણકે એ ગુણ ત્યારે જ આવે જયારે એ જ ગુણ આપણામાં હોય.
હવે થોડી રોજ-બરોજની ઘટનાઓ ઉપર નજર કરીએ.
આપણામાંથી ઘણા લોકો સીટી બસમાં સફર કરતા હશે , રીક્ષામાં એક જગ્યાએથી બીજી જગ્યાએ જતા હશે. પણ ૯૯.૯૯ % લોકો બસમાં કંડકટર પાસેથી ટીકીટ લઈને કે પછી રીક્ષાવાળાને પૈસા ચૂકવીને એક કામ કરવાનું ભૂલી જાય છે, અને એ કામ છે:: એમને "થેન્ક્યુ" કહેવાનું!
અહી ઘણા લોકોના મનમાં એક સવાલ ઉભો થતો હશે કે ભાઈ એમને થેંક યુ કહેવાનો શું મતલબ છે? એ લોકો તો એમનું કામ કરી રહ્યા છે તો એમાં આપણે કેમ એમને થેંક યુ કહીએ?
હવે એક કામ કરો એ કંડકટર કે રીક્ષાવાળા ભાઈ કે કામવાળા ભાઈ કે પછી શાકભાજી વેચવાવાળા ભાઈની જગ્યાએ પોતાને ઈમેજીન કરી જુઓ.
તમે રીક્ષા ચલાવતા હો કે બસમાં લોકોને ટીકીટ આપતા હો ત્યારે જો તમને કોઈ "થેંક યુ" કહે તો શું તમને નહિ ગમે?
તો ખરેખરમાં જયારે આપણે ખુદ એમને "થેંક યુ" કહીએ તો એમના ફેસ ઉપર એક સ્માઈલ આવશે એ તો સૌથી પહેલી વાત છે અને બીજી વાત એ કે કોઈ આપણને સર્વિસ આપતું હોય કે આપણી સવલતોમાં સરળતા કરતુ હોય એને થેંક યુ કહેવું એ એક સારી રીતભાત , એટીકેટમાં આવે છે જે આપણામાંથી મોટાભાગના લોકો જાણતા હોવા છતાં અજાણ રહીને એ અનુસરતા નથી.
આપનો માનવ એક જ વાત માને છે કે "થેન્ક્યુ ન કહેવાથી કોઈ ફરક નહિ પડે પણ થેંક યુ કહેશો તો ઘણો ફરક પડી જશે"
એ ફરક ત્યારે જ આપ નોંધશો જયારે આપ એનો અમલ કરશો.
એક વખત એનો અમલ કરી જુઓ, કોઈને થેંક યુ કહી જુઓ. પછી તમારી અંદર જે મેજિક થાય એ જોવું રહ્યું.

ફક્ત ૧૭ દિવસ !

2012-01-06T07:25:00.000-08:00

જોઈએ છે.....ફક્ત ૧૭ દિવસ માટે...

પતંગ લૂટી શકે તેવા બાહોશ, ચપળ, લડાયક અને મજબૂત લૂટારા !

બીજાના ચાલુ પતંગની દોરી ખેંચીને તોડી નાખવાની ક્ષમતા ધરાવનારને પ્રથમ તક !

પગાર તરીકે - રોજ ૫ મમરા ના લાડુ, ૨ તલની ચિક્કી, ૧ શેરડીનો સાંઠો અને ૨૦ બોર !

જલ્દી કરો! વહેલા તે પહેલા !

સાચો કહું !

2012-01-06T07:19:00.000-08:00

શબ્દથી જો સાંકળો ખખડાવ તો સાચો કહું,
ને કલમથી બારણાં ખોલાવ તો સાચો કહું.

પાંપણો પર અંધકારે સ્વપ્ન તો લઈ સૌ ફરે;
ક્યાંક ઊંડે જ્યોત તું પ્રકટાવ તો સાચો કહું.
...
સર્વ ત્યાગીને હિમાલય પર જવાનું છે સરળ;
રોજનાં મેદાનમાં જો આવ તો સાચો કહું.

તું મદારી જેમ ના છેતર ઘડીભર આંખને;
મૂળમાં જઈ જીવને ભરમાવ તો સાચો કહું.

આ બધા મોઘમ ઈશારા ને વિનવણી વ્યર્થ છે;
તું સમયને રોકડું પરખાવ તો સાચો કહું.

જ્યારે કોઇ છોકરો કોઇ છોકરી ને પ્રપોઝ કરે ત્યારે સામે છોકરી ના શું જવાબો હોઇ શકે

2011-11-29T09:43:00.000-08:00

જ્યારે કોઇ છોકરો કોઇ છોકરી ને પ્રપોઝ કરે ત્યારે સામે છોકરી ના શું જવાબો હોઇ શકે..

એમાના કેટલાક જવાબો અહિ છે.

1) ના [ ચોખ્ખા શબ્દોમાં ]

2) મે ક્યારેય નહ્તુ વિચાર્યું કે તમે મારા વિશે આવું વિચરો છો.

3) હું તો તમને કાયમ એક સારા મિત્ર તરીકેજ જોતી હતી અને તમે ? ….

4) સોરી હું તો પહેલાથી જ એંગેજ છું.

5) હું આવી બધી વાતોમાં નથી માનતી. તારૂ ભણવામાં ધ્યાન લગાવ.

6) હજું હું તમને બરાબર જાણતી નથી.

7) પણ તમે તો મને બેન કહીને બોલાવતા હતા ને ?

હું આ સંબન્ધ માટે હજુ પુરી રીતે તૈયાર નથી.

9) હું મારી બહેંપણી ને પુછી ને જવાબ આપીશ.. (એમા બહેનપણી ને પુછવાની શું જરૂર છે એ ખબર નથી પડતી )

10 ) આટલી વાત કહેવામાં આટલો બધો ટાઇમ લાગ્યો.

11) આ વાત બન્ને ના દિલમાં છે પછી શું કહેવાનું ?

12) સોરી ( બસ આટલુ કહી ને કશીજ વાત નહી કરે )

13) તારૂ મોઢું જોયું છે અરીસામાં કોઇ દીવસ ? ( જાણે પોતે રોજ અરીસાની સામેજ બેસી રહેતી હોય )

14) હું તો તમને મારા ભાઇ માનતી હતી.

15) અરરે .. પહેલા કીધુ હોત તો… હવે તો ઘણું મોડુ થઇ ગયું. મેં તમારા મીત્ર ને હા પાડી દિધી.

16) તમે પહેલા મળ્યા હોત તો હું વિચારતી..

17) તારી આવી હિમ્મત કેવી રીતે થઇ મારા વિશે આવું વિચારવાની ? (કદાચ આના પછી એક લાફો પણ પડી જાય )

18) મારે વિચારવાનો સમય જોઇએ છે.

છોકરો : કેટલો ?

છોકરી : ખબર નથી.

19) પણ હું તો તમારા નાના ભાઇ ને પ્રેમ કરૂ છું.

20) કશું પણ બોલ્યા વગર હસ્યા કરશે ( જાણે એની સામે કોઇ જોકર ઉભો હોય )

21) તુ મારા માટે શું કરી શકે ?

22) મને પ્રપોઝ કરવામાં કયો નમ્બર છે ?

23) તમારા વિશે આવું વિચાર્યુંજ નથી.

24) મારા ભાઇ સાથે વાત કરી લો એ તમને સમજાવશે.

25) (ગુસ્સામાં) કેમ મારી બહેનપણીએ ના પાડી ?

26) જે કહેવું હોય એ જલ્દી કહો. મારી પાસે ટાઇમ નથી.

27) કદાચ હું એંગેજ છું ( પોતાનું શુ છે એજ એને ખબર નથી હોતી )

28) મેં તમારા વિશે આવું કોઇ દિવસ નથી વિચાર્યું. આપણે એક સારા મિત્ર તરીકે ના રહી શકીએ ?

29) તે મારામાં એવું તો શું જોયું કે તે મને પ્રપોઝ કર્યું ? ( પછી એ જે વસ્તુ તમે જોઇ હશે એ પણ ગણાવશે અને જે નહી જોઇ હોય એ પણ બોલાવશે )

30) ના. તમે બધા છોકરાઓ એક સરખાજ હોવ છો. (ખબર નહી આ જવાબ આપી ને છોકરી શું કહેવા માંગતી હોય છે ? )

31) તને તો પ્રપોઝ કરતા પણ નથી આવડતું. પહેલી વખત કરે છે ? કંઇ વાંધો નહી હું તને શીખવાડીશ.

કાજળભર્યા નયનનાં કામણ મને ગમે છે

2011-11-29T09:39:00.000-08:00

કાજળભર્યા નયનનાં કામણ મને ગમે છે.
કારણ નહિ જ આપું કારણ મને ગમે છે.
લજ્જા થકી નમેલી પાંપણ મને ગમે છે.
ભાવે છે ભાર મનને ભારણ મને ગમે છે.
જીવન અને મરણની હર ક્ષણ મને ગમે છે.
એ ઝેર હોય અથવા મારણ મને ગમે છે.
ખોટી તો ખોટી હૈયાધારણ મને ગમે છે.
જળ હોય ઝાંઝવાનાં તો પણ મને ગમે છે.
હસવું સદાય હસવું દુ:ખમાં અચૂક હસવું,
દીવાનગીતણું આ ડહાપણ મને ગમે છે.
આવી ગયાં છો આંસુ લૂછો નહિ ભલા થઈ,
આ બારે માસ લીલાં તોરણ મને ગમે છે.
લાવે છે યાદ ફૂલો છાબો ભરી ભરીને,
છે ખૂબ મહોબતીલી માલણ મને ગમે છે.
દિલ શું હવે હું પાછી દુનિયા પણ નહિ દઉં,
એ પણ મને ગમે છે આ પણ મને ગમે છે.
હું એટલે તો એને વેંઢારતો રહું છું.
સોગંદ જિંદગીનાં વળગણ મને ગમે છે.
ભેટ્યો છું મોતને પણ કૈં વાર જિંદગીમાં,
આ ખોળિયાની જેમ જ ખાંપણ મને ગમે છે.
ઘાયલ મને મુબારક આ ઊર્મિકાવ્ય મારાં,
મેં રોઈને ભર્યા છે એ રણ મને ગમે છે.

ગુજરાતી ભાષા માં ગુજરાતની પ્રથમ સાઈટ ગુજરાતી સાહિત્ય

2011-11-24T09:26:00.000-08:00

ગુજરાતી ભાષા માં ગુજરાતની પ્રથમ સાઈટ ગુજરાતી સાહિત્ય ફૂની કાર્ટૂન મેગેઝીન નુશ્કા મજાક મસ્તી થી ભરપુર
ગુજરાતી સાહિત્ય કોમેડી થી ભરપુર ફૂનીહોટ બ્લોગસ્પોટ ડોટ કોમ . ઓ હો હો ...વાતાં જોક્સ નિબંધ મેસેગ હિન્દી ભાષા ગ્રામેર ગુજરાતી લોક વાર્તા લોક ગીત ભજન આથી વિસેસ ગુજરાતી ભાષા માં સાહિત્ય વાચવા મળ છે .

ગુજરાતી ભાષા માં ગુજરાતની પ્રથમ સાઈટ

2011-11-24T08:37:00.001-08:00

ગુજરાતી ભાષા માં ગુજરાતની પ્રથમ સાઈટ ગુજરાતી સાહિત્ય ફૂની કાર્ટૂન મેગેઝીન નુશ્કા મજાક મસ્તી થી ભરપુર
ગુજરાતી સાહિત્ય કોમેડી થી ભરપુર ફૂનીહોટ બ્લોગસ્પોટ ડોટ કોમ . ઓ હો હો ...

tope k uper tope_Mount Mercy Mustangs_top super top

2011-09-10T08:07:00.000-07:00

Dhoni or Obama

2011-08-14T00:28:00.000-07:00

Soniya Hack

2011-08-14T00:25:00.000-07:00

Perchaging free today

2011-07-28T05:36:00.000-07:00

Why Percentage ?

2011-07-28T05:19:00.000-07:00

Your Dream Demand....

2011-07-27T08:56:00.000-07:00

Pari sky on bowl...

2011-07-27T08:55:00.000-07:00