O MUGI MUGI

Beste bitakora baten komentarioa

noreply@blogger.com (Cristina) — Sun, 01 May 2011 12:41:00 +0000

http://garapenpsikomotorea.blogspot.com/ helbidea duen bitakora aukeratu dut psikomotrizitate munduari buruzko haibat informazioa eskeintzen duelako. Honetaz gain, soinurekin erlazioa duten ariketei garrantzia ematen die. Erlaxazioa lantzeko abesti desberdinak eskaintzen dizkigu, eta nik nire blog-ean erlaxazioa lantzeko ariketa bat proposatzen dudanez,sarrera hau nire arreta deitu du:

Agurtzeko errituala

noreply@blogger.com (Cristina) — Sun, 01 May 2011 12:30:00 +0000

Banaketa adierazten du. Hau da, umeak saio honetatik ateratzen direnean beste ekintza, espazio eta pertsonekin harremanduko da. Saio amaieraren aldi honetan saioan gertatutako guztia komentatzea komenigarria da. Honez gain, irakaslearen arabera, ipuin bat kontatu daiteke, dantza egin... Azken finean biltzeko, adierazteko eta agurtzeko momentua da.

Iturria:1.mailan egindako lan batetik aterata

Adierazkortasun plastikoa, ahozkoa eta idatzizkoa

noreply@blogger.com (Cristina) — Sat, 30 Apr 2011 13:43:00 +0000

Ekintza sensoriomotoreetan eta sinbolikoetan bizi izandako emozioen arteko distantzia bat hartzeko mementua suposatzen du. Material plastikoen bidez haurra bizi izandako esperientziak adierazten ditu. Bizi izandako kontzeptuak barneratzeko, oroimena lantzeko, ordezkapena eta kontzeptualizazioa jorratzeko guztiz baliagarria gertatzen da.Komenigarria da haur bakoitza bere marrazkiak eta idatzizkoak gordetzeko karpeta bat izatea.
Iturria: 1.mailan egindako lan batetik aterata.

Issuu erabiliz Lekeitioko ikastola batean egindako marrazkien argitalpen bat aurkitu dut. Fase plastikoan honelako marrazkiak egin ditzaketelako aukeratu dut:

Open publication - Free publishing - More urte

Ipuinaren narrazioa

noreply@blogger.com (Cristina) — Sat, 30 Apr 2011 13:15:00 +0000

Umeak geldiarazteko fasea da. Ipuinaren bidez bizi izandako aurreko esperientziak kontuan hartzen dira eta irudikapenaren mementuaren sarrera errazten du. Aldi berean, ipuina deszentrazioa sustatzen du eta bizi izandako emozioak irudi mentalelak bihurtzen laguntzen du. Kontatzen den ipuina bi parametroen inguruan eraikiko da. Alde batetik, beldurraren parametroa aurkitzen dugu eta bestetik, heroiaren agerpenaren parametroa. Hauen inguruan eraikiko da istorioa eta irakasleok hizkuntzaren bidez segurtasuna eta lasaitasuna transmititu behar dugu haien pentsamendua aberasten lagunduz.
Fase honetan nabaria izaten da haurren adierazpen motrizean dauden desberdintasunak. Ume batzuek ipuina entzuten dute hasieratik amaierara; beste batzuek deszentrazio prosezuan daude; batzuek ez dute entzuten...

Ipuin baten adibidea honako hau izan daiteke:

Zazpi Antxumeak

View more presentations from guest57a3b857

Iturria: 1.mailan egindako lan batetik aterata

Adierazkortasun-motrizaren fasea

noreply@blogger.com (Cristina) — Fri, 22 Apr 2011 10:52:00 +0000

Mugimendutik pentsamendura jo behar dute. Pixkanaka ibilbide horretatik pasatzen dute. Ekintza edo esparru sensoriomotorrak eta sinbolikoak bereizten dira fase honetan:

- Esparru sensoriomotorea: 0-3 urte artean ekintza sensoriomotoreak garrantzi handia daukate. Ekintza hauen bidez bere gorputza arakatzen dute. Adibibidez: saltoak, erorketak...lantzen dituzten ariketak egiten dira haien bidez plazerra lortzeko asmoz.
- Esparru sinbolikoa: Narrazio sinbolikoari jarraipena eman. Erabiltzen duten materiala zentsu batekin erabili behar dute.

Iturria: 1.mailan egindako lan batetik aterata

Sarrerako errituala

noreply@blogger.com (Cristina) — Fri, 22 Apr 2011 10:50:00 +0000

Errekonozimendu unea da. Une honetan saioan bete behar diren arauak aipatzen dira. Arau orokor batzuk bereizten dira (ezin da minik egin ezta hartu) eta gainerako arauak eta jolaserako proposamenak haurrek jartzen dituzte. Sistema honen bidez umeen esku hartzea sustatzen da.

Arauak ezartzeaz gain, aurreko saioan egindako ariketak aipatzen eta gogoratzen dira eta saio berri horretan egingo dutena adierazten zaie (Egun horretako txokoak azaldu, materiala komentatu, egin litezkeen jarduerei buri¡uzko iradozkizunak egin...). Honen bidez, umeen irudimena eta pentsamendura jarraipena ematen zaie.

Azkenik umeak lasai aurkitu behar dira. Psikomotrizistaren jarrera oso garrantzitsu da. Autoritatea nor daukan adierazi behar zaie, ahots tonu eta begirada lasaien bidez.

Irakasle batzuek gomendatzen dute une horretan arnasketa-ariketak, erritmikoak eta abestiak lantzea; beste batzuek, berriz, agur soila egiten dute.

Iturria: 1.mailan egindako lan batetik aterata

Denboralizazioa

noreply@blogger.com (Cristina) — Fri, 22 Apr 2011 10:38:00 +0000

Haurraren heldutasun globalerako heziketa-ibilbidea proposatzen da, eta haurrak gustukoen duen moduan inbesti dezake: sakoneko ziurtasun espazioa, plazer sentso-motorea, jolas sinbolikoa eta distantziamendu edo errepresentazioa.

Ibilbide honek ez du helburu haurrari espazio, denbora, etab.en aurre kontzeptuak erakustea. Haurra emozionalki espazioa eta objektuak ongi bizitzeko egoeran jartzen da; horiek bere heldutasun gaitasunera egokituz, eboluzionatzen jarraitzeko aukera ematen diote. Psikomotrizitate-praktikak ez du dinamika orokorraren koordinazioa helburu, baizik eta plazerraren dinamikaren bidetik lortutako heldutasuna.
Lateralitatea ez da helburu, baina ibilbidearen amaieran lateralitatea jasotzen da.
Aucouturier-en ustetan, hauxe da bide bakarra, haurrak espazio eta denboraren errealitatea akatsik gabe eta psikomotrizitate-irakaslearen laguntzarekin har eta barnera dezan.
Ibilbidea honako fasetan banatzen da:

Sarrerako errituala
Adierazkortasun motrizaren fasea
Ipuinaren narrazioa
Adierazkortasun plastikoa
Agurtzeko errituala

Iturria: 1.mailan egindako lan batetik aterata

Psikomotrizitate materiala

noreply@blogger.com (Cristina) — Fri, 22 Apr 2011 10:15:00 +0000

Materialak jokatzen duten papera oso garrantzitsua da umeen ekintzak errazten eta osatzen baitituzte. Objetuak parametro hauen arabera sailka ditzakegu:

Finkoa	Mugikorra
Eskuerraza	Eskuraezina
Gogorra	Biguna
Egonkorra	Aldagarria
Handia	Ertaina	Txikia

Sailkapen hau erabiltzen ditugun eta klasean beti egoten diren materialei dagokio. Baina material hauez gain, ikuskorrak eta erabilgarriak direnak (koltxonetak, blokeak, espalderak...) eta psikomotrizistari eskatu behar zaizkionak (sokak, makilak, oihalak...) bereizten dira.

Material hauen ezaugarri orokor bat dute. Psikomotrizitatean erabiltzen diren materialak ez dute funtzio bakar eta konkretua, bakoitzaren esanahia haren ezaugarri fisikoen eta umearen ekintzekin lortzen da. Adibidez: kuxin bat kotxe bat izan daiteke, zaldi bat, horma bat...

Iturria: 1.mailan egindako lan batetik aterata

Psikomotrizitate saioa

noreply@blogger.com (Cristina) — Fri, 22 Apr 2011 09:58:00 +0000

Nik egindako power point-a aurkezten dizuet sarrera honen bidez.
Power point honetan, Erandioko Altxaga ikastolan ikusitako psikomotrizitate saio baten deskribapena egiten da. Hau baliagarria izan daiteke praktikan ze motatako saioak egiten diren ikusteko eta nola ohizko psikomotrizitatea eta "aucouturier-en psikomotrizitatea" nahasten diren oraindik bi hauen arteko desberdintasuna argi ez daukagulako.

Psikomotrizitate saioa

View more presentations from cgonzalez025

Tutoriala

noreply@blogger.com (Cristina) — Thu, 21 Apr 2011 21:19:00 +0000

Hurrengo bideoan Amagoia (klasekidea) eta biok egindako tutorial txiki bat ikus dezakezue. Honetan, blog-aren logotopio (irudia eta testua elkartu) nola egin daitekeen azaltzen dugu:

Espero dugu zuen gustokoa izatea!

Bernard Aucouturier

noreply@blogger.com (Cristina) — Tue, 22 Mar 2011 08:49:00 +0000

Praktika psikomotrizitatearen aita da Bernard Aucouturier. Txikitatik giro pedagogiko irekian hezia izan zen. Aita irakaslea zuen eta antzerkia asko gustatzen zitzaiona. Freineten laguna zen, eta haren pedagogia jarraitzen zuen. Ama, berriz, ezkerreko militantea zen, gai sozialekin oso konprometitua zegoena eta politikan murgildua zebilena. Giro horretan, gurasoek inoiz ez zuten behartu eskolara joatea, eta nahi zuenean joaten zen.
Iturria: http://www.hikhasi.com/artikulua/883

Bere metodoa honela laburbildu daiteke:

Zer da psikomotrizitatea?

noreply@blogger.com (Cristina) — Tue, 22 Mar 2011 08:20:00 +0000

Mugimenduaren eta psikismoaren arteko erlazioa azaltzen duen terminoa. Haurraren kasuan, termino horrek agerian jartzen du haurraren garapen psikologikoan mugimenduak duen garrantzia. Hau da, psikomotrizitateak gorputzaren mugimenduaren bidezko haurraren garapenean jartzen du arreta. Haurraren garapen psikologikoa gorputzaren mugimenduaren bitartez ematen da. Gorputzaren bitartez, baina kanpoko munduarekin harremanetan.
Iturria: http://www.hikhasi.com/artikulua/883

Psikomotrizitatea, diziplina aplikatu denetik, honako printzipio hauetan oinarrituta dago:

• Gorputza eduki psikologikoaren edukitzailetzat
jotzea.
• Mugimendua, adierazpide eta komunikabidetzat
ez ezik, gizakia eta bere ingurunearen arteko bitartekari
aktibo gisa hartzea.
• Gizakia osotasunezko izakitzat hartzea; bertan,
bere nortasunaren eraikuntza-prozesuan hainbat
aldaerak jokatzen dute elkarrekin.
• Gizaki bakoitzak berariazkoa duen eboluzio-garapena.

Iturria: http://www.sarea.huhezi.edu/descargas/aldizkariak/pdf/jakingarriak59.pdf

Bitakora baten komentarioa

noreply@blogger.com (Cristina) — Tue, 15 Mar 2011 08:46:00 +0000

Mugimenduarekin eta psikomotrizitateraekin zerikusia daukaten blog-ak bilatuz, honako hau aurkitu dut.
Nahiko interesgarria dela iruditu zait psikomotrizitatearen munduari buruzko hainbat informazio ematen duelako, ikuspegi desberdineei buruz, ariketa praktikoeie buruz...Nire ustez blog-a oso landuta dago eta haurren mugimenduari buruzko hainbat zailtasun eta arazoei aurre egiteko informazio ugari eskeintzen digu.

Erlaxazio ariketa

noreply@blogger.com (Cristina) — Wed, 09 Mar 2011 18:46:00 +0000

Umeak beti daude mugimenduan baina noizbehinka erlaxazio ariketaren bat egitea oso komenigarria da batez ere, ariketa fisikoa egin ondoren (psikomotrizitate saio baten ostean adibidez).
Horregatik erlaxaxio ariketa bat proposatuko dut:

Leku lasaia bilatuko dugu eta ariketarekin hasteko abesti lasaigarri bat jarriko dugu. Abesti hau bitan entzungo dugu. Lehenengo entzuketan, ikasleei orpoen gainean eserita belauniko jartzeko eta gorputza zuzen edukitzeko eskatuko diegu. Abestia aurrera doan ahala, besoak goitik behera eta behetik gora mugituko dituzte poliki-poliki, burua eskuinera eta ezkerrera mugituko dute eta azkenik, gorputza alde batera eta bestera. Mugimendu bakoitzak hamar segundu iraunduko du eta hauek errepikatuko dira abestia amaitu arte.

Bigarren entzuketan lurrean buruz gora etzanda jartzeko esango diegu. Lurrean etzanda daudela arnasketa ariketa egingo ditugu eta hauekin batera, lehenengo hankak, gero besoak eta azkenik burua alde batera eta bestera mugituko dute.

Ariketa hau egiteko erabiliko nukeen musika, musika klasikoa izango litzateke. Musika mota honek haurren erlaxaxioa eta garapen kognitiboa sustatzen du:

Iturria: Nik asmatutako ariketa

Loczy: Hezitzailearen garrantzia

noreply@blogger.com (Cristina) — Wed, 09 Mar 2011 17:32:00 +0000

Pickler Loczy metodoan zaintzak oso garrantzitsuak dira eta honekin batera, hezitzaileak betetzen duen papera.
Loczyko lan metodo proposamena ez da zorrotza, baina bai oso zehatza. Dena aztertzen da, eta egunero jasotzen da, idatziz, haurrari gertatutako guztia. Zerbaitek indarra badu Loczyn hori haurrarekiko errespetua da. Egunerokotasunean umearen erritmoa zeharo errespetatzen da eta hasieratik adierazten zaio gertatuko dena.
Egiteko modu horri koreografia deitzen diote Loczyn. Umeari iristen zaion guztia zeharo erritualizatuta dagoelako. Haurrak uneoro daki zer datorkion, hasieratik horrela irakatsi zaiolako. Bere bizitzako sekuentzia bakoitzak bestea dakar ondoren.

Txikitatik hezitzaileak bere gorputzean zer gertatzen den ulertzen laguntzen dio haurrari Loczyn. Baina ez hori, soilik. Prozesu horretan biak elkarrekin daudela ere ulertarazten dio. Egunerokatasunean errespetatzen da haur bakoitzaren erritmoa.
Iturria: http://www.hikhasi.com/artikulua/1833

Hau guztiarekin zerikusia daukan artikulu interesgarri hau zuekin konpartitzea nahiko aproposa dela uste dut, hezitzaileak metodo honetan duen paperari buruzko ikuspegi zabalagoa ematen digulako:

Open publication - Free publishing

Pickler Loczy metodoa

noreply@blogger.com (Cristina) — Mon, 28 Feb 2011 16:51:00 +0000

Pikler Loczy metodoak hiru zutabe nagusi ditu, eta bakoitzak heziketa globalaren balioa du.

1.- Umearen ziurtasun fisiko-afektiboa bermatzea heldu erreferentzial egonkor batekin, eta bakarkako harremanean oinarritua. Adin horretan behar fisiologikoak ez direlako psikikoetatik bereizten.
2.- Umeari mugimendu autonomo librean garatzeko behar dituen baldintzak eskaintzea. Bere garatzeko gaitasunetan konfiantza izatea, bere ekimenak errespetatuz eta ulertuz, mugimenduak eta jarrerak bereganatzeko prozesuan helduak esku-hartzerik izan gabe.

3.- Umeari bere beharrak asetuta izan ondoren, ekintza autonomoan sortutako berezko jarduera librean aritzeko denbora eskaintzea. Horretarako beharrezkoak izango diren objektu eta jostailu ezberdinak bere eskura jarriz.
Lockziko altxorra mugimendu libre autonomoa da. Mugimendu autonomo librean hazten den haurrak bere gorputzaren eta gaitasunen ezagutza osoa lortzen du, bere mugak ondo ezagutuz eta bere buruarengan konfiantza edukiaz.
Iturria: http://www.hikhasi.com/artikulua/1833

Sarrera

noreply@blogger.com (Cristina) — Tue, 22 Feb 2011 16:05:00 +0000

Kaixo!!

Blogg honen bidez, Haur Hezkuntzan mugimendua daukan garrantziaz hausnarketa batzuk egingo ditut. Horretarako, linkak, argazkiak, bideoak eta hainbat artikulu publikatzeko asmoa daukat. Honetaz gain, hainbat ikuspuntu eta teoria desberdinak aurkeztuko dizkizuet psikomotrizitatea gero eta garrantzia handiagoa daukalako hezkuntzaren munduan.

Espero dut zuen gustokoa izatea!