Odin sin friluftsblogg

Dykking i Bulandet i slutten av juni

2023-08-08T09:55:00.001+02:00

Litt sein oppdatering av bloggen, men her kjem nokre bilete frå dei to dykketurene eg hadde i Bulandet (vest for Gjørøyna) i slutten av juni:

Dykking på Staveneset

2023-05-13T16:41:00.001+02:00

I dag fekk eg sjekke ut det marine livet utanfor Staveneset i Askvoll kommune. Eg hadde håpa på at sola hadde brote seg gjennom havskodda, men den gong ei.. Det vert jo finare bilete med sol, også under vassoverflata.

Mykje fisk å sjå. Mest småsei, men litt maneter og anna fisk også.

Vakkert i tareskogen..

Ferdig med økta. Fin temperatur eigentleg. Litt kaldt på fingrane og føter, elles greitt.

Er ikkje kvar dag det går an å dykke her. Som oftast er det litt for mykje rørsle i sjøen. Men i dag var det stilt og fint.

Dykking i Bulandet 2

2022-06-22T20:54:00.003+02:00

I dag frå indre område ved Gjørøyna:

Dykking i Bulandet

2022-06-20T20:02:00.000+02:00

I dag vart området ved Gjørøyna i Bulandet utforska. Her var det litt ymse å sjå, sjølv om det var mest småfisk denne gongen.

Alltid spennande å undersøke Bulandet! Også under vatn ;-)

Julepadling

2021-12-26T16:06:00.000+01:00

I dag vart det ein liten padletur.

Det vart den vanlege turen rundt Flatøyna, gjennom Sauesundet og tilbake sør for Prestøyna.

Klart i vatnet på denne tida av året.

Ute ved Flatøyna

Oterspor

Dette vart jo ganske bra..

På veg gjennom Sauesundet

Fint og stille, på alle måtar..

Kanskje dette var årets siste tur?

Lodde stemninga i sentrum!

2021-12-11T16:26:00.003+01:00

Grunnen til den rare tittelen, er at i dag ville eg prøve å ha på eit ekstra lodd på beltet. Eg har tidlegare synst at eg må bale litt for mykje for å kome meg ned.

Så i dag hadde eg på eit tokilos i tillegg. Totalt 10 kg, i tillegg til ankellodda på 2*0,5 kg.

I dag dykka eg i Askvoll sentrum. I området frå Øyra til Askmuren.

Sidan det nesten ikkje har kome noko nedbør her dei siste vekene, var det ganske klart vatn.

Rett før sola forsvinn..

Ein ting som var veldig positivt, var at her var det lite søppel.

Sjølv om dette er nesten midt i sentrum, er det ganske så reint og fint, også under vatn.

Bravo Askvoll! :-)

Askmuren under vatn..

Her er heldigvis ikkje komt noko havnespy heller. Så får vi håpe det vert slik framover, også..

Her har børstemakken vore.

Hjerteskjel

Fin dykketur, men litt kaldt i ansiktet. det fungerte fint med eit ekstra lodd.

Kanskje eg til og med kan prøve med eitt til?

Novemberdykking i Bulandet

2021-11-23T19:04:00.000+01:00

I helga vart det ein tur til Bulandet, og eit høve til å dykke litt.

Laurdagen vart dette området sjekka ut. Her var det mykje tang og tare, men litt uklart vatn og mykje "drag" i sjøen. Alt vatnet som skulle inn her i denne vika, måtte jo ut att..

Søndagen vart området utanfor "Bualemmen" utforska. Her var vatnet klarare og det var ein del meir dyreliv.

Her: Sjøanemone

Mykje yngel..

Piggkorstroll

Strandkrabbe

Konglomeratstein med albogeskjel.

Sjømonster..

Sjøpølse aka sekkedyr(?)

Deilig å dykke litt igjen. Fin temperatur var det også!

Dykking i Follevåg

2021-10-17T16:59:00.000+02:00

I dag prøvde eg ut ein ny stad å dykke, Breidevika ute ved Follevåg.

Her kom det ned ein bekk som gjorde at sikta vart dårleg, men utover mot Kobbeneset vart det klarare.

Staveneset over fjorden

Der bekken kom ut var det steinbotn og ganske dødt.. Og dårleg sikt.

Meir tang og tare og difor også meir liv, lengre utover mot fjorden.

Fiskane hadde begynt å pynte med juletre. Syns det var VEL tidleg..

Denne var ikkje større enn ein fingernegl. Ein slags type manet?

Godt å dykke igjen. Neste gong vil eg prøve meg ute på andre sida, på Staveneset.

Atløy rundt!

2021-07-15T17:28:00.001+02:00

Laurdag 3. juni fekk eg meg ein skikkeleg langtur i kajakk rundt Atløy. Turen tok 6 timar og var omlag 30 km lang.

Frå Øyra mot sentrum.

Granesundet er ein lang og kjedeleg transportetappe. Og veldig ofte vind frå nord..

Her har eg begynt på nordsida utanfor Høyvik, og padlar rett vest. (Som kompasset viser..)

Fyret på Raudøyna.

Her er det veldig fint og mykje fugle- og dyreliv.

Pause ved Tevika.

Bebuarane ved Avløyp.

Tviberg.

Herland.

Rundar austover igjen mot Sauesund.

Nok å lage bål av. Heldigvis mest organisk avfall, etter at Atløy skule hadde ryddedag her i vår.

Konglomerat- stein.

Nede ved foten av Brurastakken, den geologiske kjendisen i området..

Brurastakken.

Vilnes, med kyrkja frå 1674.

Ein video som viser padleteknikken med reserveåra mi (stormåra). Den er så kort at ein må skifte grep på kvart tak. Litt meir energikrevjande, men veldig effektivt. Filma frå froskeperspektiv.....

Innover mot Askvoll sentrum igjen. Over fjorden vart det "plaskiplask", som vanleg. Sommar i Askvoll= nordavind.

Elles ein flott tur! Og godt å kunne padle så lange turar, sjølv om eg kjende det godt i kroppen på søndagen....

Maritim ferie i paradis, del 2

2021-06-27T12:25:00.002+02:00

Torsdag og fredagen denne veka fekk eg meg to dykketurar i litt meir "hav- miljø". Eg fann eit sund som låg opent mot havet mot nordvest, men likevel ganske skjerma.

Det å dykke åleine på slike stader skal ein jo vere litt forsiktig med, men eg tok INGEN sjanser, og det vart for det meste snorkling. Berre nokre få dykk, og då ikkje så djupt.

Torsdagen var det gråver og litt dårleg lysforhold. Det var mykje betre om fredagen.

Ikkje lett å få ein brennmanet til å bli heilt klar.. Eg tok sikkert 300 bilete denne dagen, men berre omlag 5 % vart klare. Det kan godt hende det hadde vore betre med eit anna kamera, andre kamerainnstillingar og meir lys? (lykt). Men det er vanskelege forhold når ALT er i rørsle og lysforholda er så varierande. Difor kan det forekome nokre uklare bilete her..

Raudnebb?

Blå brennmanet. Eg såg fleire slike..

Mykje smålyr som symde i stim.

Brennmanet (oppned)

Det var lett å forstå kvifor desse held seg saman i stimar. Dei var under stadige angrep frå større fisk frå djupet.

Ein av angriparane frå djupet..

Ein veldig fin stad som eg heilt sikkert kjem til å utforske meir seinare. Bulandet leverar... også under vassoverflata.

Maritim ferie i paradis, del 1

2021-06-27T11:26:00.003+02:00

Denne veka hadde vi fine dagar på Bulandet. Eg reiste ut åleine på måndagen og fekk ein padletur heilt for meg sjølv. Det trengde eg etter ein travel vår på skulen. Godt å få la tankene fare.. puste med magen... berre vere...

Påskeøya?

Kaffepause på holme..

Det er så vakkert her ute!

Dei to minste kom ut tysdagen. Då vart det bading i sunda og dei var med å studerte det maritime livet utanfor hytta, der vi budde.

Blåstål

Hopping frå brygga

Mykje fiskeyngel her

Torsdag ettermiddag var vi ute og padla. Olivia først.

Så var det Eivor sin tur.

Dei neste dagane var eg litt meir egoistisk og tok ein eigen dykketur på utsida. Det kjem i neste post..

Nordavind frå alle kantar!

2021-04-11T18:55:00.001+02:00

Fekk meg ein tur utpå i dag. Veldig fint å padle igjen i strålande sol, men kald nordavind som gjorde at det var ein litt frisk oppleving.

Ute ved Flatøyna

Framleis lov å gå i land her, men berre fram til 15. april.

Eit monster?

Hadde med godstolen i dag!

Ferja på veg ut til Værlandet

På veg innatt i plaskesjø..

Dagens miljøinnsats.

Testtur med Hilleberg Akto!

2021-04-04T15:03:00.002+02:00

Eg har investert i nytt telt, eit " Hilleberg Akto"- telt. Solotelt med pittelite fortelt. Eg måtte prøve det, så då vart det ein nærtur i området.

Reiste opp mot Åsen rundt kl 19.

Kusymre

Gløtt av sol

Ikkje mykje plass, men akkurat nok til ein person. Teltet er tenkt brukt til MC- turar og kajakkturar, der plass/ vekt er av betydning.

Litt kjekt med litt god plass midt på inni teltet, til stasj. Og eit lite fortelt til sko og sekk.

Innover mot Askvoll

Innover Dalsfjorden.

Gjeld å ha det rette fokuset..

Utover Vilnesfjorden.

God morgon!

Det var litt kaldt i starten av natta, men med vinterpose og vind som stilna, kom det seg utover natta. Litt greitt å teste det i vind også..

Pakka og klar til returen..

Pluss med teltet:

Veldig enkelt å setje opp, og ta ned att. Med litt øving bør det gå på eit par minutt
Gjennomtenkte og gode løysingar, smarte strammarar og EI stang!
Gode høve til å lufte i begge ender av teltet
Halve innerdøra kan enkelt gjerast om til myggnetting.
Langt nok! Eg er 185 cm, og hadde god plass i det då eg låg!

Minus med teltet:

Litt for lavt for meg inni. Eg kunne sitje, men då var hovudet borti innerduken.
Litt lite fortelt etter mi smak..
Prisen 😬

Meir info om teltet: https://hilleberg.com/eng/tent/red-label-tents/akto/

Dykking på Olsetneset

2021-04-01T18:23:00.002+02:00

Første dykketur i år gjekk til Olsetneset. Kortreist, men fint område å dykke i.

Ikkje så mykje liv, men fine fargar og former..

Det var begynt å bli grumsete, og verre blir det no framover på våren.

Området eg dykka i:

Merka godt at det var den kaldaste tida å dykke på i dag. Fraus skikkeleg på fingrane..

Bulandet

2021-02-27T15:52:00.000+01:00

Eg fekk meg ein liten padletur i fint vårlys, ute i Bulandet.

Stille og roleg på sjøen. Men det braut på dei "vanlege" stadane.

Sørover frå Middagsholmen

Finn oteren..

Nord ved Gjørøyna..

Fin tur for kropp og sjel..

Godt nyttår!

2021-01-01T18:17:00.001+01:00

I 2021 skal eg prøve å bli flinkare å kome meg ut på sjøen.. Og då startar eg i alle fall bra, med tur på årets første dag!

Nydeleg dag! Mykje sol, sjølv no midt på vinteren.

Ved Flatøyna

Mykje oter ute ved Flatøyna. Men ingen blinkskot, dessverre. Her: Oterhovud

Oterhale

Mot Lammetu

Innover att, mot Askvoll

Endeleg dykking igjen!

2020-11-14T16:42:00.006+01:00

Idag vart det dykking i nærområdet, nærmare bestemt Olset. Det vart eigentleg ein testtur for kameraet og setedekket som eg har kjøpt frå Frivannsliv. Konklusjon om begge finn du nedst i bloggen.

Klar til å setje meg i bilen. Greitt å kle seg om heime..

Her er trekket som eg brukte i dag. Fordelen er openbar. Ein kan setje seg rett inn i bilen med drakta på, og køyre rett heim til varm dusj etter dykkinga..

Dykkeområdet i dag.

Rur og albogeskjel.

Sjønellik

Litt fiskeyngel.

Konklusjon om Olympus Tough til dykkebruk: Den tek veldig mange gode bilete, sjølv om eg også måtte slette ein del uklare. Den stod på autoblitz og undervannsinnstilling, og då ville den stort sett bruke blitz på alt. Prøvde også å slå av blitz, men då vart resultatet stort sett mislukka. Det var litt uklart i dag, og lite lys. Handleddsstroppen manglar stramming, så kjem til å flytte over den eg hadde på Canon- kameraet. Små knappar! Altfor tuklete og finne rette knappar med hanskar på. Kunne vore større og meir definerte knappar. Elles godt fornøgd med kameraet.

Konklusjon om setetekket: Genialt! Tenkte at siden den ikkje hadde lomme nede, kom det til å skli rundt på setet. Men på grunn av den gummierte undersida var det heilt stabilt. Og det samla opp vatn frå drakta! Setet var heilt tørt etterpå. Lett å ta på og av. Lett å skylje og henge opp. Ingen stader vatnet kan samle seg. Terskelen for å dykke om vinteren, har med eitt blitt mykje lågare! Hurra!

Tur til Raudøyna (eller solnedgangsbonanza)

2020-09-01T20:26:00.004+02:00

Måndag 31. august fekk eg meg ein padletur nord for Atløyna,, til Raudøyna. Og denne kvelden var det lett å forstå namnet.. Det var også den første turen eg fekk, med dette kameraet:

Fyret i Granesundet

Fyret på Raudøyna

Så gjekk det slag i slag med spektakulære stemningar, etter kvart som sola gjekk ned i horisonten..

Og då månen også ville vere med, så vart det ein tur med alle klisjear... men gode opplevingar ;-)

Introkurs 4. juli

2020-07-04T20:01:00.000+02:00

I dag hadde eg eit introkurs i padling for 7 deltakarar.

Fine padleforhold (for nybegynnarar) heile dagen :-)

Spent gjeng før vi skulle utpå, men stille seg opp, det kunne dei.

Tørrtrening på exit før vi gjekk på vatnet.

Kjekk og sporty gjeng ;-) I slutten at kurset trente vi exit og redningar.

Og alle stod på kurset med glans! " Alle fekk utdelt: License to paddle"

Bulandet!

2020-06-26T16:46:00.001+02:00

Denne veka var vi i Bulandet og ferierte. Vi var veldig heldig med veret. Særleg torsdagen var varm og stille..

Det vart bading..

Og dykking/snorkling..

Ved bryggene til Liv Turid, er det mykje å sjå..

Om kvelden fekk begge jentene ein lengre tur i kajakk.

Olivia først.

Svartbak- par som hadde ungar i nærleiken.

Sjeldan det er så stilt, at det går an å padle så langt ut med ungar..

Så var det Eivor sin tur.

Vi padla endå lengre ut.

Vakker kveld :-)

Fine dagar i Bulandet. Takk til Liv Turid og "Liv og lyst" for flott overnatting og service elles.. Vi kjem att ;-)

Tur på lillejulafta..

2019-12-23T18:19:00.000+01:00

Fin dag. Fint på sjøen..

Fin vintertur

2019-11-10T21:17:00.000+01:00

Fekk meg ein flott tur i kaldt og fint vinterver i dag.

Askvoll

Stille..

Krokodillen på Flatøyna

Denne veit eg ikkje kva heiter.. Kanskje Tom?

Gjennom Sauesundet

Fin farge

Fyret på Prestøyna

Lenge sidan no.. godt å kome seg utpå igjen.

Dykking i Ulsteinvik

2019-09-29T11:51:00.003+02:00

I midten av september var Sygni og eg ute å dykka på Osnessanden i Ulsteinvik.

Ganske klart i vatnet.

Nokon (les:meg) hadde kjøpt ny dykkarmaske, men i stresset med pakkinga gløymt å flytte over snorkelen....

Eg hadde også kjøpt antiduggmidel, som eg brukte på innsida av glaset. Funka ikkje så veldig godt, som ein ser..Zalo er framleis tingen....

Ikkje så veldig mykje å sjå på ei strand eigentleg... Så lenge det ikkje er noko å skjule seg i for fisken, er det heller ikkje fisk å sjå :-)

Men vi fekk trent på å dykke. Det var eigentleg litt for grunt for den store treninga.

Heilt i utkanten på stranda, ved neset utover, var det meir tang, straum og fisk.

Her var det også nokre større djupare nede, som kunne definerast som matfisk.

Her er ein video med litt av livet der. Forvirra filming. Her var det så mykje straum, at det var vanskeleg å ligge i ro.

Fine dagar i Førdefjorden!

2019-08-12T13:37:00.002+02:00

I den heitaste perioden i slutten av juli, hadde Sygni og eg ein fin tur ytst i Førdefjorden.

Her pakking i rundt 30 varmegradar..

På veg ut til øya der vi sette opp teltet..

Den første kvelden, var det berre å organisere teltplassen, og nyte solnedggangen..

Neste dag var det så varmt, at det var berre å kome seg i sjøen...

Mange fine og sterke fargar under overflata..

Utruleg kjekt å fridykke, og fint område å halde på i.

Sjøanemone

Så kom kvelden med båling, prating og nyte kveldens solnedgangsshow..

Ny dag, og meir dykking. Litt anna område. Meir å sjå, og vi vart blitt tryggare. Øving gjer meister..

Denne dagen var vi litt lengre ute, og brukte difor blåse..

Sygni trenar kvalspark :-)

Ei ny og spennande verd under overflata..

Så vart det kveld, og vi padla tilbake til bilen...

Fin kveldshimmel laga ein verdig avslutning på fantastiske dagar i svært godt selskap..

Eit minne for livet..

Sygni sin versjon

Påsketur!

2019-05-05T14:57:00.001+02:00

I påska var eg så heldig å få meg ein padletur! Sygni og eg la ut om ettermiddagen, og turen gjekk rundt Flatøyna, innom gamlehuset på Sauesundsøyna, og gjennom Sauesundet og tilbake.

Her på Flatøyna er det fredningstid no, så vi prøvde å halde oss litt på avstand..

På Sauesundsøyna var det nokon som forelska seg i gammaldagse påskeliljar, og tok med seg nokre av desse. Kva er meir naturleg, enn å padle med påskeliljer i bakluka i påska! :-)

Det vart etterkvart ein veldig fin kveld..

Gjenom Sauesundet..

På vegen heimover stilna det heilt..

Og månen titta opp. (Og månen er i same kategori som store bølgjer. Best å oppleve, alltid skuffa når ein sjekkar bileta etterpå...)

Ein kjekk og fin tur i godt selskap. Takk for turen, Sygni!

HER er Sygni sin vesjon av same turen..