Olan ve Biten

Dalımca danışma!

Sun, 22 Feb 09 23:08:00 +0000

Çoxdandır bəzi problemlərə görə bu bloguma girmirdim. Bugün daxil oldum və qonaq dəftərində kiminsə (özünü anonim göstərdi) mənə söyüş yazdığını gördüm. Bir iki nəfər şübhələndiyim olsa da dəqiq sübut edə biləməyəcəm kimliyini. Sadəcə ona demək istədiyim bircə şey odur ki, əgər mənlə qəsdi-qərəzliyin varsa, gəl üzümə de. Özünü kişi adlandırıb arxamca danışanlara nifrət edirəm. Əgər sən həqiqətən də özünü kişi hesab edirsənsə çıx üzə de ki, mənəm. Bu sözünə görə məhz cəmiyyət içində özünü axrıncı varianta qoyduğun üçün sən cəzanı alacaqsan. Sadəcə çıx üzə. Yoxsa... Söz verirəm sənə... Cəzan böyük olacaq!Əziz istifadəcilər. Sizlərdən çox xahiş. Şərhlə buna öz münasibətinizi bildirin və bəlkə o insancığazın mənliyi işə düşə, ortalığa çıxa. Çıxmasa da nə qədər böyük səhv etdiyini anlıya. Öncədən təşəkkürlər.

Düzgün yaz!

Sun, 22 Feb 09 22:41:00 +0000

Salam, hörmətli Olan və Bitən istifədəçiləri. Bugün Ramin qardaşımızın bloguna baxınca ordakı “Düzgün yaz” aksiyası marağıma səbəb oldu və qərara gəldim ki, bu aksiyaya dəstək kimi bloglarımı və bu Qaralamanı da əlavə edim. Çox təəssüf edirəm ki, bu aksiyaya gec qoşuldum, yəni fevralın 21-i Ana dili günündə qoşulsaydım daha yaxşı olardı. Amma məncə hələ də gec deyil. Və məncə bu aksiya özünü tanıtdıracaq. Əhsən sənə Ramin! Və bu aksiyaya haqqında məlumat kimi Ramin qardaşımızın yazdığı məqaləni yerləşdirirəm. Sadəcə gec qatıldığım üçün fevralın 21-i tarixini ayın 24-ə uzatmaq istərdim. Məncə bugünlərdə daxil olacaq daimi istifadəçilərimiz bu haqqda məlumatlanar və qaydalara əməl etmiş olar. Bu o demək deyil ki, bu yazını bugün oxudun və ayın axırına kimi qayda-qanunlara riayət etmiyəsən. Əgər şərh yazmaq istəyiriksə, Azərbaycan əlifbasından istifadə edək və ən azından özümüzü buna öyrəşdirmiş olarıq. Beləcə internet aləmində Azərbaycan daha da zirvələr qalxmış olar.

Qaralamanın “Gələcəyə Məktub” layihəsi

Sat, 07 Feb 09 12:52:00 +0000

Bugündən artıq qaralamada yeni bir layihə işıq üzü görəcək. Bir çox əcnəbilər belə layihələri irəli sürüb və hamı həvəslə belə layihələrə “baş vurub”. Bizdə istədik ki, Aznetdə bu layihəni biz gerçəkləşdirək. Bəlkə də çoxları bu layihəni dəlilik adlandıracaq, bəlkə də çoxları bu layihəyə güləcək… Amma sizi əmin edirəm ki, qaralamaya məhz bu layihəyə görə daxil olan da olacaq. Bəlkə də Aznetdə səs-küy qaldıracaq bu layihə… Beləliklə, Zaman Kapsulu və yaxud Gələcəyə Məktub layihəsi. Gələcək insanlara nə kimi sözlərin var? Artıq zaman maşınına ehtiyac yoxdur. Sən onları tapmasan da onlar sənin yazdıqlarını mütləq tapacaq, oxuyacaq və sən tarixdə qalacaqsan. İstəyirsənmi bunu? İstərdinmi sənin gələcək insanlara ünvanladığın məktub bir neçə əsir sonra (bəlkə də daha çox) tapılsın və oxunsun? Bu layihədə bu istəyini gerçəkləşdirə bilərsən.

İndigo uşaqlar. Kimdir onlar?

Tue, 03 Feb 09 16:29:00 +0000

İndiyə qədər elm hesab edirdi ki, Homo Sapiens təkamülün ən yüksək dərəcəsidir. Amma alimlər indi daha çox ehtimal edir ki, bizim öz növümüz də inkişaf mərhələsindədir. Söhbət indigo uşaqlardan gedir. “İndigo uşaqlar” haqqında ilk dəfə amerikan ekstrahiss və sinestetiki Nensi Enn Tepp 1982-ci ildə çıxardığı “İşıq vasitəsilə həyatı necə qaydaya salmaq olar” kitabında qeyd etmişdir. Ekstrahiss insanların auralarını yoxlaması zamanı bu qeyri-adi uşaqların aurasının başqalarından fərqli rəngdə - tünd göy rəngdə olduğunu bildirmiş və belə auralı insanları indigo insanlar adlandırmışdır.

Məni məndən savayı kim anlayacaq

Mon, 02 Feb 09 16:26:00 +0000

Vagif Sultanlının bugün birinci dəfə bloguna girdim. Adı fərqli gəldi mənə. Və düşündüm bu adın dalınca..."Məni məndən savayı kim anlayacaq"?-Səni səndən savayı inandığın, tanrı qəbul etdiyin içindəki allahın anlayacaq. Lap pis əməllər etsən də, o, səni anlayacaq. Çünki, o, özünün məhv olmasını istəmiyəcək. Çünki sən varkən, o, da var. Sən olmayınca, onun varlığını kim sübut edər? İçində böyütdüyün ikinci "mən"in də odur. İnsan onu böyüdür, o, isə insanı qocaldır. Görk edir, necə də yazığ, gücsüz, kimsəsiz olduğunu göstərir sənə. Necə də ondan asılı olduğu, necə də güvəndiyini ona. Güvənc isə insanın ən böyük günahı sayılır. İnsan güvəndiyi zaman özünə qəbir qazır. Taaa ki, ölənə kimi... Və sonunda özünü öz əlləri ilə qazdığı qəbirdə basdırır. Beləcə, o, ən böyük xəyanətkar olur... Və sən onu cəmi ölənə kimi sevirsən. Bu həmişə belədir. Belə də olacaq. İnsan öz egosunu öluncə azadlığa buraxar. Varkən yox. Bu da bir qısqanclıqdır.

Yeni blogum (Bir gəncin manifesti)

Fri, 16 Jan 09 16:17:00 +0000

Dünən özümə təzə bir blog açdım. Özümçün internet gündəlik tutmaq istədim. Həm də ki, ordakılar məncə adi bir insanın real heyatında başına gələnlərdən, etiraflardan ibarət olacaq. Çoxlarının yaratdığı ideal insan obrazı sadece ideal olaraq qalır və həmin obraz çox süni görsənir. Amma manifestdəki obraz tam real, necədir elə üzə çıxacaq. Real heyatda necədirsə, həmin blogda da elə olacaq. E-gündəlikdə çevriliş edib özünü həmin manifestin esas qəhrəmanı kimi göstərmək (yaxşı və ya pis. fərq etməz), məncə hər adam buna cürət etmir. Edənlər də özlərini anonim saxlayır. Bir sözlə bir gəncin manifesti...

Blog minimal Azəriblog üçün

Thu, 15 Jan 09 19:00:00 +0000

Bu tema çox sadə tema olub, açıalcaq sahifəni cəmi 10-15 kb-a endirir. Yəni ən zəif sürətli internet istifadəçisi belə dizaynda sayta rahatlıqla girə bilər. Bir sözlə sadəliyi sevənlər üçün... Bu temaya daha ətraflı baxmaq üçün manifest bloguma daxil ola bilərsiniz...

Enerji. İlkin başlanğıc. Foton. Dalğalar.

Sun, 11 Jan 09 22:20:00 +0000

İşıq sürəti kainatda ən böyük sürət deyil. Kainatın yaşı heç də 13,7 milyard yox, daha çoxdur. Antimaddə maddədən daha çoxdur. Eslində real olan bircə şey varsa, o da dalğalardır. Organizmdə ən çox enerjinin cəmləşdiyi yer onun genləridir. Təsadüflərin zərurətə çevirən dalğalardır...

Azəriblog istifadəçilərinə Revolution music teması

Fri, 02 Jan 09 12:50:00 +0000

Bu tema şəkildən də gördüyünüz kimi mənim blogumun temasıdır. Bu temanı 2 versiyada verirəm.Birinci versiya HTML-dan başı çıxanlar üçündür. Yəni bu versiyada səhifələrin altında bölmələr və subbölmələr yerləşdirə bilərsiniz. Həmçinin yeniliklər bölməsində blogunuzun vacib xəbərlərini və s. yerləşdirmək imkanınız da var. İkinci versiya isə sadə versiyadır. Bu versiya bütün azəriblog istifadəçiləri üçün nəzərdə tutulub. Burada yuxarıda yerləşən bölmələr, subbölmələr və yeniliklər sütünü yoxdur. Buyurun, yükləyin. Yəqin ki, bu temadan razı qalacaqsıznız.

Sürrealist yazılar...

Sat, 13 Dec 08 23:46:00 +0000

Yenə yorğunamSoyuq otaqdaSınığınıb fikirləriməYenə dalğınamxəyalpərəst uşaqlar kimi...Bu da nəticə...